အိပ်မက်ထဲက မဇ္ဈိမ နှင့် အိန္ဒိယဒိုင်ယာရီ အပိုင် ( ၃)
ပို့စ်တင်ချိန်
-
6/12/2014 10:07:00 AM
မဟာဗောဓိ စေတီတော်မြတ်ဓာတ်ပုံမှတ်တမ်းတွေ ရုပ်ရှင်တီဗွီ မှတ်တမ်းတွေနဲ့ စာအုပ်တွေထဲမှာပဲဖူးတွေ့ခဲ့ ရဖူးတဲ့ မဟာဗောဓိစေတီတော်မြတ်ကြီးကို ဖူးတွေ့ရတဲ့အခါ စာရေးသူရဲ့စိတ်ထဲမှာ ဝမ်း သာမှုနဲ့ဝမ်းနည်းမှုတွေကို တစ်ပြိုင်နက်တည်း ထပ်တူခံစားလိုက်မိပါတယ်။ ဝမ်းသာမိတာ ကတော့ လောကရဲ့အနှိုင်းမဲ့ဗုဒ္ဓမြတ်စွာဘုရား ရှင်အဖြစ်ကိုရောက်အောင် ကျင့်တော်မူခဲ့တဲ့ ဗောဓိပင်နဲ့ ဝဇီရာသနခေါ် ရွှေပလ္လင်တော်ကို ငါဒီဘဝဖူးရပြီဆိုတဲ့ အသိက မြတ်စွာဘုရား ရှင်နဲ့အနီးဆုံးကိုရောက်ခဲ့ရဖူးခဲ့ရသလိုမျိုး ခံစားရပါတယ်။
ဝမ်းနည်းမိတာကတော့ ဒီ လောက်မြင့်မြတ်လှတဲ့ ဒီကမ္ဘာကြီးရဲ့အမြင့် မြတ်ဆုံးသောနေရာတစ်နေရာဟာ မသမာသူမိစ္ဆာဒိဋ္ဌိ တွေရဲ့ အကြိမ်ကြိမ်ဖျက်ဆီးခံရမှု လောကဓံတွေကြောင့် အကောင်းပကတိရှိမနေတော့ဘဲ တချို့ပြိုလဲ ပျက်စီးနေခဲ့ရတဲ့အကြောင်း တွေ့မိခဲ့တာကြောင့် ပါ။ ဘုရားရှင်ကိုယ်တော်မြတ်ကြီး နောက် ဆုံးအမှာစကားတော်ဖြစ်တဲ့ ဝရဓမ္မသင်္ခါရာ 'ဤသင်္ခါရတရားတို့သည် ပျက်စီးနေသော သဘောရှိကုန်၏။ အပ္ပမာဒေနမမေ့မလျော့ ဘဲ သမ္မာဒေဌကောင်းစွာနေရစ်ခဲ့ကြပေတော့ ဆိုခဲ့တဲ့စကားအတိုင်း အရာအားလုံးဟာ ဖြစ်ပြီးရင်ပျက်တတ်တဲ့သဘောရှိပါလားလို့ စိတ်ထဲမှာသံဝေဂဖြစ်မိပါတယ်။ ဒါတွေကိုကြိုမြင်ခဲ့ လို့ မြတ်ဗုဒ္ဓဟာသံဝေဇနိယလေးဌာနကို ဘုရားဖူးလာ ကြလို့ မှာတော်မူခဲ့တယ်လို့ယုံကြည်မိပါတယ်။
ဗုဒ္ဓရဲ့အဆုံးအမတော်တွေကို သက်ဝင်ယုံ ကြည်ကြတဲ့ ပုဂ္ဂိုလ်တိုင်း ဒီသံဝေဇနိယလေးဌာနသို့ လာရောက်ဖူးမြော်ကာ ကြည်ညိုသဒ္ဓါပွားကြဖို့ မြတ်စွာ ဘုရားရှင်ကိုယ်တော်တိုင် လမ်းညွှန်ပြသဆုံးမခဲ့တာမဟုတ်ပါလား။
မဟာဗောဓိစေတီတော်မြတ်ကြီးဟာ ရွှေ ပလ္လင်ရဲ့အရှေ့ဘက်တည့်တည့်မှာ တည်ရှိပြီး ငှက်မြတ် နားတော်အထိ Óဏ်တော် ပေ ၁ဝဝ ကျော်၊ အရှေ့မှ အနောက်သို့ ၅၇ တောင်၊ တောင်မှမြောက်သို့ အတောင် ၅ဝ ရှိပြီး စတုဂံပုံနှစ်ထပ်တည်ထားတဲ့ ကျောက်စေတီ ဖြစ်ပါတယ်။ ဗုဒ္ဓရှင်တော်မြတ်ပရိနိဗ္ဗာန်ပြုတော်မူပြီး နှစ်ပေါင်းနှစ်ရာကျော်အကြာမှာ ဗုဒ္ဓဘာသာသာသနာ ပြုမင်းမြတ်ဖြစ်တဲ့ အာသောကမင်းတရားကြီးက မဟာ ဗောဓိစေတီတော်ကြီးနဲ့ဆက်စပ်တဲ့ သာသနာအဆောက် အအုံတော်တို့ကို တည်ထားကိုးကွယ်ခဲ့တာလို့ ခိုင်မာတဲ့သမိုင်းမှတ်တမ်းတွေကဖော်ပြနေပါတယ်။ ဗုဒ္ဓဘာ သာဝင်တွေအတွက် ကျေးဇူးတင်ထိုက်တဲ့လူပုဂ္ဂိုလ်ထဲမှာ စာရေးသူမှတ်မှတ်ထင်ထင် ကျေးဇူးအထူးတင်မိ တာကတော့ အာသောကမင်းကြီးနဲ့ ပုဂံပြည့်ရှင်အနော် ရထာမင်းမြတ်တို့ပါပဲ အကယ်၍များ အာသောကမင်း တရားကြီးသာ Óဏ်အမြော်အမြင်မရှိခဲ့ဘဲ ကိုးတိုင်း ကိုးဌာနကို ရဟန်းတော်များသာသနာပြုခရီးမြ<ွကစေ ခဲ့ရင် အနော် ရထာမင်းကြီးသာ ဗုဒ္ဓဘာသာသာသနာ တော်ကိုမစောင့်ရှောက်ပေးနိုင်ခဲ့ရင် စာရေးသူတို့ရဲ့ လက်ရှိ မြန်မာနိုင်ငံဟာ ဗုဒ္ဓဘာသာဝင်အများစု နေထိုင် ရာအရပ်ဖြစ်စရာမရှိဘဲ ပါကစ္စတန်၊ အာဖဂန်နဲ့ အင်ဒို နီးရှား၊ မလေးရှားတို့လို့ ဖြစ်မလားလို့တွေးကာ ပူပန်မိခဲ့ တာပါ။
မဟာဗောဓိစေတီတော်မြတ်ကြီးနဲ့ ဗောဓိ ပင်တော်မြတ်တို့အား ခရစ်နှစ် ခုနစ်ရာစုအစောပိုင်း ကာလအထိ ဗုဒ္ဓဘာသာဝင်တို့ရဲ့ အထွတ်အမြတ်ပူဇော် ရာဌာနဖြစ်ခဲ့ပါသတဲ့။ ခေတ်အဆက်ဆက်ပြုပြင်စောင့် ထိန်းထားခဲ့လို့ ဒီမြေမြတ်မဟာဒေသမှာ နှောင့်ယှက် ဖျက်ဆီးမှုဒဏ်ကကင်းလွတ်ခဲ့ဖူးတယ်လို့ မှတ်တမ်းများ အရသိရှိခဲ့ရပါတယ်။ ခရစ်နှစ်ရှစ်ရာစုအလယ် အေဒီ ၇၅ဝ က အေဒီ ၁၁၆၂အထိ အိန္ဒိယအလယ်ပိုင်းကိုအုပ် ချုပ်ခဲ့တဲ့ ဗုဒ္ဓဘာသာဝင်ပါလမင်းဆက်အထိ ဒီဒေသ တွေဟာ ကောင်းစွာထိန်းသိမ်း စောင့်ရှောက်ခံဖြစ်ခဲ့ တယ်ဆိုတာကို လွမ်းမောဖွယ်မှတ်သားမိခဲ့ပါတယ်။
ဗုဒ္ဓဂယာဒေသအပေါ် မြန်မာလူမျိုးများရဲ့ စိတ်ဝင်စားမှုဟာ ရှေးလွန်ခဲ့သော နှစ်ပေါင်းထောင်ချီက တည်းကစတင်ခဲ့တယ်လို့ဟု စာရေးသူထင်မြင်ယူဆ မိပါတယ်။ ဗုဒ္ဓမြတ်စွာဘုရားအဖြစ်ရောက်တော်မူပြီး နောက် သတ္တမသတ္တဟမှာ သီတင်းသုံးနေစဉ်က မြန်မာ နိုင်ငံဥက္ကလာပမြို့သား ကုန်သည်ညီနောင်တဖုဿနဲ့ ဘလ္လိကတို့နှစ်ဦးဟာ ဘုရားရှင်ကို အဦးဆုံးဖူးမြော်ပြီး ဘုရားရှင်ထံက ဒွေဝါစိကသရဏဂုံအဦးဆုံးတည်ခဲ့တဲ့ မြန်မာနိုင်ငံသားများအဖြစ်မှတ်သားခဲ့ဖူး ပါတယ်။
အေဒီ ၁၁ ရာစုခေတ် မြန်မာ နိုင်ငံရဲ့ ထေရဝါဒသာသနာပြုမင်းကြီးဖြစ်တဲ့ အနော်ရထာမင်းကြီးလက်ထက်ကစပြီး အမြစ် တွယ်ခဲ့ရတဲ့ ပုဂံခေတ်ဘုရားရှင်သာသနာတော် အခြေတည်ခဲ့စဉ်ကတည်းက ဖြစ်ဖွယ်ရှိပါတယ်။ သမိုင်းမှတ်တမ်းများအရတော့ အေဒီ ၁၂ ရာစု ခေတ် အိန္ဒိယနိုင်ငံအစ္စလာမ်ဘာသာဝင်များ လက်ထက်ကျရောက်ခဲ့ပြီးနောက်ပိုင်း မဟာ ဗောဓိဒေသဟာ ဘာသာခြားတို့ရဲ့ဖျက်ဆီးမှု ဒဏ်ကို ကြိမ်ဖန်များစွာခံ ခဲ့ရပါတယ်။ အေဒီ ၁၄ ရာစုမှာတော့ မြန်မာမင်း များက မဟာဗောဓိဒေသ ကို ပြန်လည်ထိန်းသိမ်းစောင့် ရှောက်ခဲ့တယ်လို့ မှတ်တမ်း များကဆိုပါတယ်။
မဟာဗောဓိစေတီ တော်ကြီးနဲ့ မဟာဗောဓိပင်ကြီး ကို မြန်မာသက္ကရာဇ် ၁၁ဝ၇ ခုနှစ်ခန့်က ရခိုင်ဘုရင်မင်း လက်ျာက တစ်ကြိမ်မွမ်းမံတယ် လို့ ဆိုပါတယ်။ မြန်မာသက္ကရာဇ် ၁၂၃၉ ခုနှစ်မှာတော့ သာသနာပြုမင်းကြီးတစ် ပါးဖြစ်တဲ့ မင်းတုန်းမင်း ကြီးဟာ ဝိတို ရိယဘုရင်မကြီးထံဆက်သွယ်ပြီး ထိုခေတ်အခါ ရူပီသန်း ၇ဝ တန်ဖိုးရှိတဲ့ ငွေကြေးပစ္စည်းဥစ္စာများ ကို မဟောဗော ဓိဒေသအတွက်လှူဒါန်းခဲ့ပြီး ဘုရင်မကြီးက မင်းတုန်း မင်းကြီးကိုယ်စား စေတီတော်ကြီးနဲ့ မဟာဗောဓိပင်ကို ပြုပြင်မွမ်းမံပေးခဲ့တယ်လို့ဆိုပါတယ်။ မင်းတုန်းမင်းကြီး ဟာကောင်းမှုအစုစုတို့အတွက် ပါဠိမြန်မာနှစ်ဘာသာ နဲ့အခိုင်အမာ ကျောက်စာတိုင်ကြီးများဖြင့် စိုက်ထူခဲ့ပြီး နောက်ပိုင်း ထိုကျောက်စာတိုင်ကြီးဟာ ကျွဲ၊ နွားများအ တွက် အစားအစာသိုလှောင်ရာဂူကြီးအဖြစ်ရောက်ရှိ ပြန်ပါတယ်။
မြန်မာသက္ကရာဇ် ၁၂၉၅ ခုနှစ်မှာတော့ မြန်မာဗုဒ္ဓဘာသာဝင် ရဟန်းတော်များနဲ့ လူပုဂ္ဂိုလ်ဘုရား ဖူးအဖွဲ့တစ်ဖွဲ့ဟာ ဗုဒ္ဓဂယာကိုရောက်ရှိဖူးမြော်ခဲ့ကြပြီး ပြုပြင်လှူဒါန်းမှုတွေပြုလုပ်ခဲ့ကြောင်း ကျောက်စာမှတ် တမ်းအရသိခဲ့ရပါတယ်။ မြန်မာသက္ကရာဇ် ၁၈၁၁ ခုနှစ် ဝန်းကျင်ကလည်း ဘိုးတော်ဘုရားက ဗုဒ္ဓသတ္တဌာနရှာ ဖွေဖော်ထုတ်ရေးအတွက် သံတမန်အဖွဲ့တစ်ဖွဲ့ကိုစေ လွှတ်ခဲ့ဖူးတယ်လို့ဆိုပါတယ်။ ခရစ်သက္ကရာဇ် ၁၈၃၃ ခုနှစ်မှာလည်း မြန်မာနိုင်ငံမှ မင်းကြီးမဟာစည်သူအဖွဲ့ ဘုရားဖူးလာခဲ့ဖူးကြောင်း သိခဲ့ရပါတယ်။
မဟာဗောဓိစေတီတော်အဆင်းမှာပဲ ဂိုက် ဖြစ်သူက ဗုဒ္ဓဖြစ်တော်စဉ်နဲ့ပတ်သက်ပြီး အကျယ်တဝင့် ရှင်းပြပါတယ်။ ဗုဒ္ဓဝင်နဲ့ပတ်သက်ပြီး အများစုအချက်အ လက်တွေကတော့ စာရေးသူတို့ ဗုဒ္ဓဘာသာဝင်တွေအ များစုက ရင်းနှီးပြီးသားဖြစ်နေတော့ စေတီတော်ကြီး ကိုဖူးမြော်ဖို့ကိုပဲ အားလုံးကစိတ်အား ထက်သန်နေကြ ပါတယ်။ တဖုဿနဲ့ ဘလ္လိကညီနောင်နှစ်ဦးဟာ မြတ်စွာ ဘုရားကို ပျားမုန့်ဆွမ်း ဆက်ကပ်လှူဒါန်းတဲ့နေရာရောက် တော့ စာရေးသူစိတ်ထဲအတိအ ကျဖော်ပြလို့မရတဲ့ ဝမ်း သာဝမ်းနည်းခံစားမှုကို တစ်ပြိုင်နက်တည်းခံစား နေခဲ့မိပါတယ်။ အတ္တစွဲလို့ပြောလို့ရမယ်။ မြတ်စွာဘုရား ရှင်ကိုယ်တော်မြတ်ကြီး ဘုရား အဖြစ်ကိုရောက်တော်မူခိုက် ပထမဆုံးဘုရားလောကမှာ ပွင့်ပြီလို့ လူသားထဲကသိမြင် ဖူးမြော်ခွင့်ရတာ ငါတို့ဆီကပါ လားဆိုတဲ့ အသိရယ်ကြောင့် ဝမ်းသာမိတာပါ။ တကယ်လည်း မြတ်စွာဘုရားရှင် ကိုယ် တော်မြတ်ကြီး ဘုရားဖြစ်ခါစမှာ အဲဒီနေရာတစ်ဝိုက်က ဆိတ်ကျောင်းသားတွေ၊ နွားကျောင်းသားတွေ မြင်တွေ့ ကြပေမယ့် ဘုရားကို ဘုရားမှန်းတရားကို တရားမှန်းသိ မြင်နိုင်တဲ့ အဘိÓဏ်မရှိသူတွေဖြစ်တာကြောင့် ဘုရား ရှင်ကိုယ်တော်တိုင် လောကသတ္တဝါတွေအပေါ် တရား အလင်းရောင်မဖြန့် တော့ဘူး။ တရားမဟောတော့ဘူး ရယ်လို့ အကြံတော်ဖြစ်ခဲ့တယ် လို့မှတ်သားခဲ့ဖူးပါတယ်။ ဝမ်းနည်းမိခဲ့တာကတော့ ဒီလောက်ထူးမြတ်တဲ့နေရာ ဒေသကြီးတစ်ခုဟာ မိစ္ဆာဝါဒီတွေကြောင့် နှစ်ပေါင်း များစွာ အဖျက်ဆီးခံ၊ အမေ့လျော့ခံဖြစ်နေခဲ့ရတယ်ဆိုတဲ့ အတွေးကြောင့်ပါပဲ။
မဟာဗောဓိစေတီတော်မြတ်ကြီးအပြင် ဘက်နံရံတော်ဆီက ယနေ့တိုင်မပျက်စီးဘဲရှိနေခဲ့တဲ့ ရှေးဟောင်းလက်ရာတွေကိုတွေ့မြင်ရတဲ့အခါ ဝမ်းမြောက် ဝမ်းသာဖြစ်ရပြန်ပါတယ်။ စာရေးသူတို့ ဘုရားဖူးအဖွဲ့နဲ့အတူ စေတီတော်မြတ်ကြီးနဲ့ မဟာဗောဓိပင်မြစ်ကို ဖူးမြော်ဖို့ဝင်လာကြသူ အများစုကတော့ စာရေးသူတို့ မြန်မာနိုင်ငံက ဘုရားဖူးအဖွဲ့များ ပဲဖြစ်ပါတယ်။ တရုတ်၊ တိဗက်၊ ထိုင်း၊ ဂျပန်နဲ့ အိန္ဒိယနွယ်ဘုရားဖူး အဖွဲ့တွေကိုလည်း မြင်တွေ့ခဲ့ကြရပါတယ်။
ဆက်ပါဦးမယ်။
=========================================
ဇော်ဝင်းခိုင်
Flower News Journal | Vol-10, No-22
Yangon Media Group
