Miss တစ်ယောက်အတွက် ရှိသင့်တဲ့အရည်အချင်းတွေထဲမှာ အရေးအကြီးဆုံးက စိတ်ဓာတ်လို့ ဆိုသွားတဲ့ ခါးနံပါတ် ၆ ပိုင်ရှင် ဇွန်သံစဉ်

ပို့စ်တင်ချိန် - 6/16/2014 03:10:00 PM



စန္ဒီ

လာမယ့် ဇူလိုင်၂၆ရက်နေ့မှာ ကျင်းပတော့မယ့် Miss Myanmar Universe ဖိုင်နယ်ပွဲမှာ ဆုရရှိဖို့ အကောင်းဆုံးကြိုးစားနေသူတစ်ယောက်ဖြစ်တဲ့ ဇွန်သံစဉ်ကို miss myanmar universe ပွဲနဲ့ ပတ်သက်ပြီး မေးဖြစ်ခဲ့တဲ့အခါ သူမက“ညီမ ဒီmiss myanmar universe ပြိုင်ပွဲကို ဝင်ပြိုင်ရတဲ့ ရည်ရွယ်ချက်ကတော့ ညီမနိုင်ငံကိုယ်စားပြုနိုင်တဲ့ မြန်မာအမျိုးသမီးတစ်ယောက်အရမ်းဖြစ်ချင်ပါတယ်။ အဲဒါကြောင့် ဝင်ရောက်ယှဉ်ပြိုင်ခြင်းဖြစ်ပါတယ်။ ညီမဘက်ကအများကြီး ကြိုးစားထားပါတယ်။ မျှော်လည်းမျှော်လင့်ထားပါတယ်။ ညီမဘက်ကလည်း အဲဒီ့အပေါ်မှာ အကောင်းဆုံးဖြစ်ဖို့အတွက် ကြိုးစားနေပါတယ်။ ညီမ miss myanmar international ဝင်ပြိုင်တုန်းကတော့ ဘာသာစကားနဲ့ ပတ်သက်ပြီး လေ့လာဖြစ်ခဲ့ပါတယ်။ miss myanmar international ပြိုင်ပွဲပြီးတော့ ကြားထဲမှာ နားလိုက်သေးတယ်။ အခုဒီmiss myanmar universe ပွဲကိုဝင်ပြိုင်ဖြစ်တာဆိုတော့ ဘာသာစကားကို ထပ်ပြီး လေ့လာဖြစ်ပါတယ်။ အခုဒီပြိုင်ပွဲမှာက swimsuit ဝတ်ပြီးပြိုင်ရမှာဆိုတော့ ညီမရဲ့ body ပိုင်းကိုသေချာလေး ထိန်းထားပါတယ်”တဲ့။

Image and video hosting by TinyPic

Miss တစ်ယောက်မှာ ရှိသင့်ရှိထိုက်တဲ့ အရည်အချင်းတွေကိုလည်း သူမက “ညီမအတွက်ကတော့ အရေးကြီးဆုံးက စိတ်ဓာတ်ပါ။ စိတ်ဓာတ်ပြီးမှ ကျန်တာကတော့ သူ့ရဲ့အလှတရားတွေပါ။ အရေးကြီးဆုံးက စိတ်ထားဖြူစင်ဖို့လို့ ထင်ပါတယ်။ ညီမရဲ့ရှေ့က senior miss တွေကိုလည်း ညီမအရမ်းအားကျပါတယ်။ သူတို့လိုဖြစ်ချင်ပါတယ်။ miss universe myanmar ပြိုင်ပွဲကိုလည်း ကြည့်ခဲ့ပါတယ်။ ဒီပြိုင်ပွဲမှာ ညီမရဲ့talent ပိုင်းနဲ့ ပတ်သက်ပြီး ညီမက အမျိုးသားယဉ်ကျေးမှုနဲ့ အနုပညာ တက္ကသိုလ်မှာ တက်နေတဲ့သူဆိုတော့ မြန်မာအကကို ကောင်းကောင်းကတတ်ပါတယ်။ ညီမရဲ့ talent ကိုမြန်မာအကနဲ့ ဖျေုာ်ဖြေသွားဖို့ရှိပါတယ်။ ညီမက miss myanmar international တော့ပြိုင်ခဲ့ဖူးပါတယ်။ အဲဒီ့မှာ 1st runner up ဆုကို ရရှိခဲ့ပါတယ်။ ပြီးတော့ ကိုရီးယားနိုင်ငံမှာလည်း သွားရောက် ယှဉ်ပြိုင်ခဲ့ဖူးပါတယ်။ ပြည်ပအတွေ့အကြုံနဲ့ပတ်သက်ပြီးတော့ ညီမကိုရီးယားမှာပြိုင်ဖူးတာပဲရှိပါတယ်။ အဲဒီ့ကိုရီးယားပြိုင်ပွဲမှာ national cosume မြန်မာ့ရိုးရာ ဝတ်စုံဆုကို ရရှိခဲ့ပါတယ်။ တကယ်လို့ ဆုရခဲ့မယ်ဆိုရင် ညီမကတော့အကောင်းဆုံးကြိုးစားသွားမယ်။ ဒီမြန်မာနိုင်ငံအတွက် လိုအပ်တာတွေကို ဖြည့်ဆည်းသွားမယ်။ ပြီးတော့ ပရဟိတအလုပ်တွေ လုပ်ဖြစ်သွားမယ်။ နိုင်ငံကိုယ်စားပြုတဲ့ miss ကောင်းတစ်ယောက်အနေနဲ့ပဲ ဆက်လက်ရပ်တည်သွားမှာပါ”လို့ သူမက ဖွင့်ဟခဲ့ပါတယ်။

Trend Myanmar