Showing posts with label IT-news. Show all posts
Showing posts with label IT-news. Show all posts

အလင်းရောင်ကို အနည်းငယ် အာရုံခံနိုင်သေးသော မျက်မမြင်များ မျက်မြင်အလား သွားလာနိုင်မည့် မျက်မှန် မကြာခင်လာမည်


မြတ်ဆုကို

အမြင်အာရုံ လုံးဝ ကွယ်ပျောက်ခြင်း မဟုတ်သည့်တိုင် အလင်းရောင်ကို အနည်းငယ်ခန့်သာ အာရုံခံ နိုင်တော့သဖြင့် မျက်မမြင် အဖြစ်သတ်မှတ် ခံထားရသူများ မျက်မြင် တစ်ယောက် အလား သွားလာနိုင်အောင် ကူညီပေးမည့် မျက်မှန်မျိုး လာမည့် နှစ်လောက်တွင် ဈေးကွက်တင် ရောင်းချဖြစ်ဖွယ် ရှိကြောင်း သိရသည်။

မျက်မှန် ဈေးသည်လည်း စမတ်ဖုန်းတစ်လုံး စာလောက်သာ ရှိမည် ဖြစ်သည်။ ၀တ်ဆင်သူသည် မိမိရှေ့ လူလှုပ်ရှားမှုများ၊ မျက်နှာ အမူအရာများကို မြင်နိုင်မည် ဖြစ်ကြောင်း သိရသည်။ အမြင်အာရုံ ဆိုးဝါးစွာ ချို့ယွင်းခြင်းကြောင့် အိမ်မှာသာ နေရသူများ လမ်းလျှောက်ထွက်နိုင်၊ ဈေးဝယ်ထွက်နိုင်၊ ကော်ဖီဆိုင်ထိုင်နိုင်အောင်ပါ ယခုမျက်မှန်က ကူညီနိုင်မည် ဖြစ်ကြောင်း သိရသည်။

မျက်မှန်တွင် ကင်မရာပါသည်။ ကင်မရာက ရိုက်ကူးပေးသည်ကို အဓိပ္ပာယ် ဖော်ပေးရန် ဆော့ဖ်ဝဲ နှင့် ပရိုဆက်ဆာ ကို အိတ်ကပ်ထဲ ထည့်ထား နိုင်လောက်မည့် ဖုန်းတစ်လုံးစာ အရွယ် ဘူးငယ်ဖြင့် ထည့်ထားမည် ဖြစ်သည်။ မျက်မှန် ဖန်သား နေရာတွင်ကား သမားရိုးကျ မျက်မှန် အသားမျိုး မဟုတ်ဘဲ အမြင်အာရုံ ချို့ယွင်းနေသူများ မြင်နိုင်စေမည့် အီလက်ထရောနစ် ရုပ်ထွက် ဖန်သားပြင် ထည့်သွင်း ထားသည်။

ကင်မရာက ရိုက်ကူးပေးပို့ သည်များထဲမှ အရေးအကြီးဆုံးဟု ဆော့ဖ်ဝဲက ဆုံးဖြတ်သည့် အရာများကို ပိုထင်ရှားစွာ မြင်ရအောင် ကွန်ပျူတာစနစ်က ဖန်တီးပေးပြီး မျက်မှန် ဖန်သားပြင်တွင် ပြသပေးမည် ဖြစ်သည်။ နီးသောအရာများ ကို ပိုအရောင် တောက်ပစွာ ပြသပေးမည် ဖြစ်ပြီး အမြင်အာရုံ ချို့ယွင်းသူ၏ အလင်းအာရုံ ခံနိုင်စွမ်းအလိုက် ချိန်ညှိ အသုံးပြုနိုင်မည် ဖြစ်ကြောင်း သိရသည်။ အမြင်အာရုံလုံးဝ ပျက်သုဉ်းပြီးမျက်စိက အလင်းကို အာရုံမခံနိုင်တော့ သူများအတွက် အသုံးပြုနိုင်မည် မဟုတ်သော်လည်း အလင်းရောင်ကို အနည်းငယ်လောက် အာရုံခံနိုင်သေးသော သူများ အတွက်ကား အဆင်ပြေစေမည် ဖြစ်သည်။

မျက်မှန်သည် နားကျပ်လည်း ပါဝင်ဦးမည် ဖြစ်သည်။ မျက်မှန်တွင်ပါသော ကင်မရာက ရိုက်ယူလိုက်သည့် ပုံများကို ကွန်ပျူတာ ဆော့ဖ်ဝဲက အဓိပ္ပာယ် ဖော်ကာ မည်သည့်အရာ ဖြစ်ကြောင်းကိုပါ အသံဖြင့် ပြောပြပေးဦးမည် ဖြစ်သည်။ ဥပမာ ကားဂိတ်တွင် ရပ်နေလျှင် လာနေသည့် ကားသည် မည်သည့် နံပါတ် ဖြစ်ကြောင်းကို ကင်မရာက ရိုက်ထားသောပုံကို ကွန်ပျူတာက ဘာသာ ပြန်ကာ အသံဖြင့် ပြောပြပေးမည် ဖြစ်သည်။ ဆိုင်တစ်ဆိုင်ရှေ့ ရောက်လျှင်လည်း ဆိုင်နာမည်ကို အသံထွက် ရွတ်ပြမည် ဖြစ်သည်။ အနားတွင် လူတစ်ယောက် လိုက်ပါလာသည့် အလား အကူအညီရအောင် မျက်မှန်ကို ဖန်တီးထားကြောင်း သိရသည်။

မျက်မှန်ကို အောက်စဖို့ဒ် တက္ကသိုလ်မှ သုတေသန အဖွဲ့က တီထွင်ခြင်းဖြစ်သည်။ ဗြိတိန်နိုင်ငံ ကျန်းမာရေး သုတေသနသိပ္ပံ (NIHR) က ရန်ပုံငွေ စိုက်ထုတ်ပေးထားပြီး ဗြိတိန်နိုင်ငံ မျက်မမြင်များအသင်း (RNIB) နှင့် ပူးပေါင်း စမ်းသပ်နေခြင်း ဖြစ်သည်။

Source: Daily Mail

The Messenger

အပြည့်အစုံသို့ »

Android ကို ပိုမိုလုံခြုံအောင် ပြုလုပ်ထားနိုင်မည့် အချက် (၁၀) ချက်


မိုဘိုင်းထုတ်ကုန်များ အသုံးပြုရာတွင် ကိုယ်ရေးကိုယ်တာ အချက်အလက်များ ပေါက်ကြားမှု မဖြစ်စေရန်အတွက် ကြိုတင်ကာကွယ်မှု ပြုလုပ်ထားနိုင်သည့် နည်းလမ်းများနှင့် အလေ့အထများကို သိရှိထားရန် လိုအပ်သည်။ ထို့ကြောင့် Android အသုံးပြုသူများ အတွက် ၎င်းတို့၏ ထုတ်ကုန်များကို ပိုမိုလုံခြုံမှုရှိစွာဖြင့် အသုံးပြုနိုင်မည့် အချက် (၁၀) ချက်ကို ဖော်ပြလိုက်ပါသည်။



(၁) Lock screen ကို PIN/pattern/password ဖြင့် သတ်မှတ်ထားပါ။



Android သုံးစွဲသူများ အနေနှင့် လုပ်ငန်းသုံး စမတ်ဖုန်း သို့မဟုတ် tablet ကွန်ပျူတာတစ်ခုကို PIN/pattern/password တစ်ခုခုဖြင့် lock ပြုလုပ်ထားခြင်း မရှိပါက အချက်အလက်များ ပေါက်ကြားမှု ဖြစ်ပေါ်နိုင်သည်။ Pattern တစ်ခုဖြင့် unlock ပြုလုပ်သည့်အခါတွင် အသုံးပြုပြီးသည့်နောက် screen ကို အဝတ်စဖြင့် သုတ်သင့်သည်။ သို့မဟုတ်ပါက screen ပေါ်တွင် pattern ဆွဲစဉ်က ကျန်ခဲ့သည့် လက်ဗွေရာကြောင့် ဖုန်းကို unlock ပြုလုပ်သွားနိုင်သည်။



(၂) လုံခြုံမှုမရှိသည့် ကွန်ရက်များနှင့် မချိတ်ဆက်ပါနှင့်။



စမတ်ဖုန်းနှင့် စီးပွားရေးလုပ်ငန်း လုပ်ကိုင်သူများ အနေဖြင့် လုံခြုံမှုမရှိသည့် ကွန်ရက်များနှင့် မချိတ်ဆက်သင့်ပေ။ ကော်ဖီဆိုင်၊ စားသောက်ဆိုင်စသည်တို့ဖြင့် ကွန်ရက်ချိတ်ဆက်၍ အသုံးပြုနိုင်သော်လည်း wireless ကွန်ရက်တွင် password မရှိပါက အရေးကြီးသည့် ကုမ္ပဏီအချက်အလက်များကို ပေးပို့ခြင်းအား ရှောင်ကြဉ်သင့်သည်။



(၃) ဖုန်းတွင် storage encryption ကို သတ်မှတ်ထားပါ။



ဖုန်းပေါ်တွင် အချက်အလက်များကို encrypt ပြုလုပ်ထားသင့်သည်။ ၎င်းသည် ဖုန်းကို အသုံးပြုသည့်အခါ encryption password တစ်ခု လိုအပ်သည်။ ၎င်းသည် lock screen password ထက် ပိုမိုလုံခြုံမှုရှိပြီး crack လုပ်ရာတွင်လည်း အလွန်ခက်ခဲသည်။



(၄) App installation အတွက် unknown source ကို enable မလုပ်သင့်ပါ။



Google Play Store က မဟုတ်သော third-party application များကို install လုပ်သည့်အခါ အရေးကြီး အချက်အလက်များ ခိုးယူခံရနိုင်သည်။ ထို့ကြောင့် third-party app များကို ၁၀၀ ရာခိုင်နှုန်း မယုံကြည်သင့်ပေ။



(၅) Anti-malware app တစ်ခုကို အသုံးပြုပါ။



Google က Play Store မှာ app တွေကို စစ်ဆေးပြီး malware ရန်ကနေ အကောင်းဆုံး ကာကွယ်ပေးပေမယ့်လည်း Malwarebytes လိုမျိုး anti-malware app တစ်ခုကို ပုံမှန် အသုံးပြုသင့်သည်။ ထို့အပြင် app တစ်ခုကို ထည့်သွင်းပြီးတိုင်း anti-malware app ဖြင့် အမြဲ scan လုပ်သင့်သည်။



(၆) Secure Update Scanner ကို အသုံးပြုပါ။



Secure Update Scanner ကို ထည့်သွင်း အသုံးပြုခြင်းကလည်း တစ်မူထူးခြားသည့် လုံခြုံရေးအန္တရာယ်ကို ကာကွယ်နိုင်သည်။ Developer များသည် အစပိုင်းတွင် အန္တရာယ်ကင်းသည့် app များကို ဖန်တီးပေးပြီး update ပြုလုပ်ခိုင်းသည့်အခါတွင် malware များကို ထည့်သွင်းနိုင်သည်။ ထို့ကြောင့် Secure Update Scanner ကို အသုံးပြုပြီး ပုံမှန် စစ်ဆေးခြင်းက app update နှင့် operating system update များတွင် malware ပါဝင်သည့် အန္တရာယ်နှင့် ကင်းဝေးစေမည် ဖြစ်သည်။



(၇) App အတွက် permissions စာရင်းကို သေချာဖတ်ပါ။



App တွေကို install ပြုလုပ်သည့်အခါ permissions စာရင်းကို မဖတ်ဘဲ install မလုပ်သင့်ပါ။ အကယ်၍ ဂိမ်း သို့မဟုတ် note-taking app တစ်ခုကို ထည့်သွင်းသည့်အခါ permissions စာရင်းတွင် ဆက်သွယ်မှု၊ ဖုန်းနံပါတ်နှင့် ကွန်ရက်အချက်အလက်များကို အသုံးပြုရန် ခွင့်ပြုချက်များ လိုအပ်ကြောင်း ဖော်ပြထားသည်။ ခွင့်ပြုချက်ပေးခဲ့ပါက malware များကို ထည့်သွင်းနိုင်သည်။



(၈) SIM ကတ်ကို lock လုပ်ပါ။



ဖုန်းမှ အချက်အလက်များကို encrypt လုပ်သလို SIM ကတ်ကိုလည်း lock လုပ်ထားသင့်သည်။ SIM ကတ်ကို lock ထားသည့်အခါ ဖုန်းကို restart လုပ်တိုင်း PIN နံပါတ် တောင်းမည်ဖြစ်သည်။ ထို့ကြောင့် ဖုန်းမှ အချက်အလက်များ ဆုံးရှုံးမည်ကို စိုးရိမ်ပါက SIM ကတ်တွင် PIN နံပါတ်ဖြင့် lock ပြုလုပ်ထားရန် လိုအပ်သည်။



(၉) မလိုအပ်သည့်အချိန်တွင် Bluetooth နှင့် hotspot ဝန်ဆောင်မှုများကို ပိတ်ထားပါ။



Bluetooth နှင့် hotspot ဝန်ဆောင်မှုများကို ဖွင့်ထားသည့်အခါ အခြား ထုတ်ကုန်များက သင့်၏ ဖုန်းကို မြင်တွေ့နိုင်သည်။ ၎င်းသည် လုံခြုံရေးချိုးဖောက်မှုအတွက် လမ်းဖွင့်ပေးသလို ဖြစ်နိုင်သည်။ ထို့ကြောင့် မလိုအပ်သည့် အချိန်တွင် အဆိုပါ ဝန်ဆောင်မှုများကို ဖွင့်လျက် မထားသင့်ပေ။ ၎င်းသည် လုံခြုံရေး အန္တရာယ် ရှိနိုင်သလို ဘက်ထရီလည်း ကုန်ဆုံးလွယ်စေသည်။



(၁၀) Location setting ကို လိုအပ်မှ ဖွင့်ပါ။



အသုံးပြုရန် မလိုအပ်သည့်အခါ location setting ကို ပိတ်ထားသင့်သည်။ ၎င်းသည် Android ထုတ်ကုန်၏ လုံခြုံမှုနှင့် တိုက်ရိုက် မသက်ဆိုင်သော်လည်း ဖုန်း၏ လုံခြုံမှုစနစ်ကို ထိန်းချုပ်နိုင်သောကြောင့် အချက်အလက် ပေါက်ကြားမှု ဖြစ်ပေါ်နိုင်သည်။ လိုအပ်ချိန်မှသာ location setting ကို ဖွင့်ပြီး အသုံးပြုခြင်းသည် ဘက်ထရီ အလျင်အမြန် ကုန်ဆုံးခြင်းကို လျော့နည်းသက်သာစေသည်။ ထို့အပြင် မလိုလားအပ်သည့် အချက်အလက် သုံးစွဲမှုကိုလည်း လျော့နည်းစေသည်။



Ref: TechRepublic
Internet Journal

အပြည့်အစုံသို့ »

ကြည့်ပြီးလျှင် အလိုလျောက် ပျက်သွားမည့်ပုံများ၊ ဗီဒီယိုများ ပေးပို့နိုင်မည့် Slingshot ၀န်ဆောင်မှု ဖေ့စ်ဘွတ် စတင်


သန်းထိုက်စိုး

ဓာတ်ပုံများ၊ ဗီဒီယိုများကို တစ်ဖက်လူထံ ပေးပို့လိုက်ပြီး ထိုသူကြည့်ပြီး သွားသည်နှင့် အချိန် အတိုင်းအတာ တစ်ခုအတွင်း ထိုဓာတ်ပုံများ၊ ဗွီဒီယိုများ အလိုလျောက် ပျက်သွားစေမည့် Slingshot ၀န်ဆောင်မှုကို ဖေ့စ်ဘွတ်ခ်က စတင်လိုက်ပြီ ဖြစ်ကြောင်း သိရသည်။

လက်ရှိတွင် အလားတူ ၀န်ဆောင်မှုဖြင့် နာမည်ကျော် နေသော Snapchat ကို ယှဉ်ပြိုင်ရန် ဖေ့စ်ဘွတ်ခ်က Slingshot ကို ဖန်တီးလိုက်ခြင်း ဖြစ်ကြောင်း သုံးသပ်မှုများရှိသည်။ သို့သော် Slingshot က တစ်ခုထူးခြားသည်မှာ တစ်ဖက်လူ ပေးပို့လိုက်သော ပုံများ၊ စာများ၊ ဓာတ်ပုံများကို ဒီအတိုင်း ကြည့်လို့မရဘဲ မိမိဘက်ကလည်း အလားတူ ပေးပို့ပြီးမှသာ ကြည့်ခွင့်ရမည်ဖြစ်သည်။

Slingshot တွင် မိမိ ဖေ့စ်ဘွတ်ခ် အကောင့်သုံး၍ မှတ်ပုံတင်နိုင်သလို ဖုန်းနံပါတ်ဖြင့်လည်း မှတ်ပုံတင်နိုင်သည်။ မှတ်ပုံတင်ပြီး၍ Slingshot ကို ၀င်လိုက်သည် နှင့် ဖုန်းကင်မရာ ပွင့်လာမည် ဖြစ်ပြီး ဓာတ်ပုံ၊ ဗွီဒီယို ကြိုက်ရာ ရိုက်နိုင်သည်။ ပုံ သို့မဟုတ် ဗွီဒီယိုကို ဖော်ညွှန်းရန် စာလုံးရေ ၁၄၀ ထိ ရေးနိုင်သည်။ ထို့နောက် Slingshot သုံးသူတစ်ဦး သို့မဟုတ် အများထံ ပေးပို့နိုင်သည်။ တစ်ဖက်လူသည် အလားတူ ပြန်ပေးပို့မှသာ ၎င်းထံ ပို့ထားသည်များကို ကြည့်ရှုခွင့်ရအောင် Slingshot က ဖန်တီးထား သည်။ Snapchat အပလီကေးရှင်းသည်လည်း အလားတူပင် အလိုလျောက် ပျက်သွားသည့် ၀န်ဆောင်မှုမျိုး ပါရှိပြီး လူငယ်ဆယ်ကျော် သက်များကြား ရေပန်းစားသည်။ ဖေ့စ်ဘွတ်ခ်သည် Snapchat ကို ဒေါ်လာသန်း သုံးထောင်ဖြင့် ၀ယ်ရန် ကမ်းလှမ်း ခဲ့သေးသော်လည်း အထမမြောက်သဖြင့် ယခုကဲ့သို့ ကိုယ်ပိုင် Slingshot ကို ဖန်တီးလိုက်ခြင်း ဖြစ်သည်။

လောလောဆယ်၌ အမေရိကန် နိုင်ငံတွင်သာ အသုံးပြု နိုင်ဦးမည်ဖြစ်သည်။ အိုင်ဖုန်း၊ အန်းဒရွိုက်ဖုန်း နှစ်မျိုးလုံးနဲ့ သုံးနိုင်သည်။

Source: Daily Mail
The Messenger

အပြည့်အစုံသို့ »

မြန်မာမှ စင်္ကာပူ၊ မလေးကို ဆက်သွယ်သည့် ကေဘယ်လ်လိုင်း ပြတ်တောက်နေမှု ပြင်ဆင်ပြီးစီး


မောင်မန်း

ရန်ကုန်၊ မဇ္ဈိမ။ ။ အရှေ့တောင်အာရှ ၊ အရှေ့အလယ်ပိုင်းနှင့် ဥရောပ အနောက်ပိုင်းသို့ သွယ်တန်းထားသည့် ဆက်ကြောင်း Sea-Me-We 3 ရေအောက် ကေဘယ်လ်သည် စင်္ကာပူနှင့် မလေးရှားနိုင်ငံအကြား ရေပိုင်နက်တွင် ဇွန်လ ၂၀ ရက်မှ စတင်ပြတ်တောက်နေပြီး ဇွန် ၂၄ ရက်တွင် ပြန်လည်ပြင်ဆင်ပြီးဖြစ်သည်ဟု
ပြည်ပဆက်သွယ်ရေး ဌာန (အဝေးဆက်) က အင်ဂျင်နီယာချုပ် ဦးစိုင်းစောလင်းထွန်းက မဇ္ဈိမကိုပြောသည်။

ဦးစိုင်းစောလင်းထွန်းက “ ဇွန်လ ၂၀ ရက်က စတင်ပြတ်တောက်နေပြီး ဒီနေ့ ၂၄ ရက်မှာ ပြန်လည်ပြင်ဆင်ပြီးပြီလို့ မက်ဆေ့ခ်ျဝင်လာပါတယ်” ဟု ဆိုသည်။

ယင်းသို့ ပြတ်တောက်မှုကို ဇွန်လ ၂၅ ရက်တွင် ပြန်လည်ပြင်ဆင်ပြီးစီးမည်ဟု ခန့်မှန်းထားသော်လည်း ခန့်မှန်းထားသည့် ကာလ ထက်စောပြီး ပြန်လည် ပြင်ဆင် နိုင်ခဲ့ခြင်းဖြစ်သည်။ ပြတ်တောက်နေသည့် ကာလအတွင်း စင်္ကာပူနှင့် မလေးရှားနိုင်ငံများသို့ မြန်မာနိုင်ငံမှ ဆက်သွယ်မှု ပြတ်တောက်မည်ဟု မြန်မာ့ဆက်သွယ်ရေး လုပ်ငန်းက ကြေညာထားသည်။

လက်ရှိ အချိန်တွင် မြန်မာနိုင်ငံနှင့် စင်္ကာပူ၊ မလေးရှားနိုင်ငံတို့အကြား ပြတ်တောက်နေသည့် ဆက်သွယ်မှုလိုင်းများ ပုံမှန်အတိုင်း ပြန်လည်ကောင်းမွန်နေပြီဟုလည်း ဦးစိုင်းစောလင်းထွန်းက ဆိုသည်။

မြန်မာနိုင်ငံအပါအ၀င် အရှေ့တောင်အာရှနိုင်ငံများမှ ဥရောပ အနောက်ဘက်ပိုင်းသို့ ထပ်မံသွယ်တန်း နေသည့် Sea-Me-We 5 ကေဘယ်လ်သွယ်တန်းမှုကို ၂၀၁၆ နှစ်ကုန်ပိုင်းတွင် အပြီးသတ်ဆောင်ရွက်ရန် ခန့်မှန်းထားပြီး အဆိုပါသွယ်တန်းမှုပြီးစီးပါက ယခုကဲ့သို့ပြတ်တောက်ချိန်တွင် အရံလိုင်းအဖြစ်အသုံးပြုနိုင်မည် ဖြစ်သည်။

Mizzima Burmese

အပြည့်အစုံသို့ »

ကမ္ဘာ့မြန်နှုန်းအမြင့်ဆုံး စူပါကွန်ပျူတာအဖြစ် တရုတ်နိုင်ငံမှ Tianhe-2 ရပ်တည်နေ


ကမ္ဘာပေါ်တွင် တွက်ချက်မှု စွမ်းရည် အမြင့်မားဆုံး စူပါကွန်ပျူတာများအနက် တရုတ်နိုင်ငံမှ Tianhe-2သည် ထိပ်ဆုံးနေရာမှ ဦးဆောင်ရပ်တည်နေကြောင်း သိရှိရသည်။

ကမ္ဘာ့မြန်နှုန်းအမြင့်ဆုံး စူပါကွန်ပျူတာ (၅၀၀)အနက် (၂၀)ရာခိုင်နှုန်းသည် တရုတ်နိုင်ငံမှဖြစ်ပြီး စူပါကွန်ပျူတာ နည်းပညာ နယ်ပယ်တွင် တရုတ်၏ ခြေလှမ်းကျဲကျဲ ဝင်ရောက်လာမှုကို ထင်ဟပ်စေသည်။ သို့သော်လည်း ကမ္ဘာ့မြန်နှုန်း အမြင့်ဆုံး စူပါကွန်ပျူတာများ စာရင်းကို အမေရိကန်က အဓိက လွှမ်းမိုးထားဆဲဖြစ်ပြီး အဆိုပါ (၅၀၀)စာရင်းတွင် အမေရိကန်မှ စူပါကွန်ပျူတာ (၂၃၃)လုံးထိ ပါဝင်နေသည်။

အဆင့်မြှင့် မွမ်းမံမှုများ ဆက်တိုက်ပြုလုပ်နေသည့်နောက် Tianhe-2သည် တစ်နှစ်တာအတွင်း အမြန်ဆုံး စူပါကွန်ပျူတာများ စာရင်းတွင် ဒုတိယအကြိမ်မြောက်အဖြစ် ထိပ်ဆုံးမှ ရပ်တည်ခဲ့ခြင်း ဖြစ်သည်။ Tianhe-2 ကွန်ပျူတာ၏ တွက်ချက်မှု စွမ်းရည်သည် 33.86 petaflop/s (quadrillions of calculations per second)ထိ ရှိနေကြောင်းလည်း သိရသည်။

Tianhe-2ကို တရုတ်အစိုးရက ပိုင်ဆိုင်ပြီး အမျိုးသား ကာကွယ်ရေး နည်းပညာ တက္ကသိုလ်တွင် သုတေသနနှင့် ပညာရေးဆိုင်ရာ ရည်ရွယ်ချက်များဖြင့် တပ်ဆင်ထားရှိသည်။ လွန်ခဲ့သည့် (၅)နှစ်က IBM၏ Roadrunner စူပါကွန်ပျူတာက တွက်ချက်မှုစွမ်းရည် 1 petaflop/sထိ ရောက်ရှိခဲ့ပြီးနောက်ပိုင်း စူပါကွန်ပျူတာများ၏ မြန်နှုန်းသည် အလွန်လျင်မြန်စွာ တိုးတက်လာခဲ့ခြင်း ဖြစ်သည်။ Roadrunnerသည် စွမ်းအင်သုံးစွဲမှု များပြားလွန်းသဖြင့် (၂၀၁၃)ခုနှစ်တွင် ရပ်နားသွားခဲ့ပြီ ဖြစ်သည်။

ကမ္ဘာ့ထိပ်တန်း စွမ်းဆောင်ရည် အမြင့်ဆုံး စူပါကွန်ပျူတာ (၅၀၀)တို့၏ စုစုပေါင်း တွက်ချက်နိုင်သည့် စွမ်းရည်မှာ 274 petaflop/sထိ ရှိနိုင်မည် ဖြစ်သည်။ ယင်းစာရင်းတွင် တရုတ်နိုင်ငံမှ စူပါကွန်ပျူတာ (၇၆)လုံး၊ ဗြိတိန်မှ အလုံး(၃၀)၊ ပြင်သစ်မှ (၂၇)လုံးနှင့် ဂျာမနီမှ (၂၃)လုံးတို့လည်း ပါဝင်ကြောင်း သိရှိရသည်။

7daydaily

အပြည့်အစုံသို့ »

Apple ရဲ့ ဈေးချိုတယ် ဆိုထားတဲ့ iMac


လွန်ခဲ့တဲ့ ရက်အနည်းငယ်အတွင်းက Apple ဟာ သူရဲ့ iMac အသစ်ကို ထုတ်လုပ်ခဲ့ပါတယ်။ အရင် မော်ဒယ်လ်ထက် ဈေးလျော့ထားတယ်လို့ သိရပြီး
၂၁.၅ လက်မအတွက် ယူရို ၈၉၉($1,099) ဖြစ်ကာ အဆိုပါ ဈေးနှုန်းမှာ အရင် ထက် ယူရို ၂၅၀ ခန့်သက်သာခဲ့တာ ဖြစ်ပါတယ်။

ထုံးစံအတိုင်း တစ်ခုခု အသစ်တင်တော့မယ်ဆိုရင် ဆိုဒ်ကို အနည်းငယ်ခဏပိတ်ထားတတ်တဲ့ Appleဟာ တစ်မနက်ခင်းမှာ အချိန်အနည်းငယ်လောက် ပိတ်သွားပြီး ပြန်တက်လာတဲ့အခါမှာတော့ ဈေးလျော့ထားတဲ့ iMac ဟာ ကျတော်တို့ကို အဆင့်သင့် စောင့်ကြိုနေခဲ့ပါတယ်။

အသစ်ထွက်ရှိလာတဲ့ Apple ရဲ့ iMac ဟာ အခြားအရင်ထွက်ရှိခဲ့တဲ့ မော်ဒယ်တွေထက်လည်း ဈေးလျော့ထားပြီး ၁၃လက်မရှိတဲ့ MacBook Air နဲ့ဈေးတူလျက်ရှိတာကို တွေ့ရပါတယ်။

သူရဲ့ အရင်မော်ဒယ်တွေကို ယှဉ်နိင်အောင် ဈေးလျော့ထားပေမဲ့လို့ Spec ပိုင်းမှာ သိပ်အထင်ကြီးစရာမရှိခဲ့ပါဘူး။ 1.4GHz dual-core Intel Core i5 processorနဲ့ အတူ Intel HD 5000 graphics ပါဝင်ကာ 500 GB့  Hard drive တွေကို ရရှိမှာ ဖြစ်ပါတယ်။ အဓိက အကြောင်းကတော့ ယူရို ၁၅၀လောက်သက်သာရတဲ့ အကြောင်းက Processor Quad-core နေရာတွင် Dual core ကိုသုံးထားကာ သိုလှောင်မူ၊ ရုပ်ထွက်နဲ့စတာတွေမှာ လျော့နည်းကာ သုံးပေးထားလို့ ဖြစ်ပါတယ်။ သို့ပေမဲ့ Hard drive အတွက်ကတော့ 1TB ကို ယူရို ၄၀ လောက်သုံးကာ တိုးမြင့်နိင်မှာ ဖြစ်ပါတယ်။

Aung Heine .
Smart Pro Journal

အပြည့်အစုံသို့ »

Huawei ဖုန်းအတုအစစ် ဘယ်လိုခွဲမလဲ



ပြည်တွင်းဈေးကွက်၌ လက်ရှိ Huawei ကုမ္ပဏီက ရောင်းချပေးနေသည့် Honor 3Cမှာ အတုများထွက်ပေါ်နေ ခြင်းကြောင့် ၀ယ်ယူလိုသူများအတွက် အစစ်နှင့်အတုခွဲခြားချက်များကို တင်ပြလိုက်ပါသည်။

အစစ်နှင့်အတုကို အပြင်ပုံပန်းသဏ္ဌာန်နှင့် အသုံးပြုမှု အပေါ်မူတည်၍ ခွဲခြားနိုင်ပြီး Honor 3C အစစ်တွင် အလေးချိန် 140G ရှိပြီး ဖုန်းဆင်းမ်ကတ်ထည့်သွင်းသည့်နေရာနှင့် Micro SD ကတ်ထည့်သွင်းသည့်နေရာမှာ တစ်တန်းတည်းရှိသည်။

တရုတ်မှ တရားမ၀င်တင်သွင်းရောင်းချနေသည့် Honor 3C အတုတွင် အလေးချိန် 220G ရှိရာအစစ်နှင့် နှိုင်းယှဉ်ပါက သုံးပုံတစ်ပုံပိုမို လေးလံခြင်းရှိပြီး ကတ်ထည့်သွင်းသည့်နေရာနှင့် Micro SD ကတ်ထည့်သွင်းသည့်နေရာမှာ တစ်တန်းတည်းမရှိဘဲ တစ်စောင်းအနေအထားရှိခြင်း၊ အစစ်နှင့် နှိုင်းယှဉ်ပါက ကင်မရာအရွယ်အစားအနည်းငယ် သေးငယ်မှုရှိခြင်းဖြင့် နှိုင်းယှဉ်နိုင်ကြောင်း သိရသည်။

အစစ်နှင့်အတုကို နှိုင်းယှဉ်ခွဲခြားရန်မလိုဘဲ သုံးစွဲမှုအပေါ် မူတည်၍လည်း သိရှိနိုင်ပြီး Honor 3C အစစ်တွင် Free Phone Storage မှာ 5GB ခန့်ရှိပြီး အတုတွင် 2GB သာရှိကြောင်း၊အစစ်တွင် ထည့်သွင်းနိုင်သည့် Sim Card Slot နေရာများတွင် 3G နှင့် 2G ကွန်ရက်များကို ကွဲပြားစွာဖော်ပြနိုင်သော်လည်း အတုတွင် 3G ကွန်ရက်တစ်ခုတည်းကိုသာဖော်ပြခြင်းဖြစ်ကြောင်းHuawei ပြည်တွင်းရုံးချုပ်က ထုတ်ပြန်သည်။

အခြားသော Huawei မှထွက်ရှိပြီး ရောင်းချနေသည့် P6 နှင့် P7 ဖုန်းများလည်း အတုများထွက်ပေါ်နေကြောင်း သိရှိထားသော်လည်း လိုက်လံစစ်ဆေးနေဆဲဖြစ်ရာ အဆိုပါ ဟန်းဆက်များအတွက်ခွဲခြားနိုင်မည့်အချက်များ ထပ်မံထုတ်ပြန်ပေးသွားမည်ဖြစ်ကြောင်း သိရသည်။

7Day Daily


အပြည့်အစုံသို့ »

iPhone ၏ kill switch သည် လုယက်မှုနှင့် ခိုးမှုများကို သိသိသာသာ လျော့နည်းစေနိုင်ကြောင်း သတင်းများအရ သိရ


လွန်ခဲ့သည့် စက်တင်ဘာလက iPhone တွင် ထည့်သွင်းခဲ့သည့် Apple ၏ ရာဇ၀တ်မှု အချက် အလက်များကို ဖော်ပြသည့် kill switch သည် လုယက်မှုနှင့် ခိုးမှုများကို သိသိသာသာ လျော့နည်းစေနိုင် ကြောင်း အာဏာပိုင်များက ပြောကြားလိုက်သည်။ လွန်ခဲ့သည့် တစ်နှစ်က စတင်အကောင်အထည်ဖော် ဆောင်ရွက်ခဲ့သည့် “Secure Our Smartphones” နှင့် ပတ်သက်သည့် အစီရင်ခံစာတွင် Google နှင့် Microsoft တို့မှလည်း ၎င်းတို့ smartphone များ၏ နောက် Version များတွင် အဆိုပါ kill switch ကို ထည့်သွင်းသွားမည် ဖြစ်ကြောင်း ဖော်ပြထားသည်။ အမေရိကန်နိုင်ငံရှိ (၉၇%) သော စမတ်ဖုန်းများတွင် Android ၊ iOS နှင့် Window Phone စနစ် (၃) မျိုးကို အသုံးပြုလျက်ရှိသည်။ ယမန်နေ့က ထုတ်ပြန်ခဲ့သော ကိန်းဂဏာန်များအရ kill switch ၏ အံ့မခန်းအကျိုးသက်ရောက်မှုများကို ဖော်ပြထားပြီး၊ Google နှင့် Microsoft အနေဖြင့် သုံးစွဲသူများ၏ လုံခြုံရေးအတွက် အကြီးမားဆုံးခြေလှမ်းများကို လုပ်ဆောင်လျက်ရှိ ကြောင်း ဖော်ပြထားသည်။ နယူးယောက်မြို့တွင် Apple ထုတ်ကုန်များ၏ လုယက်မှုသည် ၁၉% အထိ ကျဆင်းသွားပြီး ခိုးမှုသည် ၂၀၁၄ ခုနှစ် ပထမငါးလမှာပင် ၂၉% အထိ ကျဆင်းသွားကြောင်း သတင်းများအရ သိရသည်။ ဆန်ဖရန်စစ္စကိုတွင် iPhone လုယက်မှုသည် ၃၈% အထိ ကျဆင်းသွားပြီး Samsung လုယက်မှုသည် ၁၂% အထိ တိုးတက်လာကြောင်းနှင့် လန်ဒန်တွင် Apple ခိုးယူမှုသည် ၂၄% အထိ ကျဆင်းသွားပြီး၊ Samsung သည် ၃% တိုးတက်လာကြောင်းလည်း သိရသည်။ နည်းပညာပိုင်းဆိုင်ရာ အဖြေရှာခြင်းသည် ခိုးမှုကို အကာအကွယ်ပေးနိုင်ကြောင်း အဆိုပါ kill switch အကောင်အထည်ဖော် ဆောင်မှုတွင် ပါဝင်သော ဆန်ဖရန်စစ္စကိုခရိုင် ရှေ့နေ George Gascon က ပြောကြားသွားသည်။
(Associated Press writer Terry Collins in San Francisco contributed to report)


MOI Webportal Myanmar

အပြည့်အစုံသို့ »

Gmail, Facebook နှင့် အခြား ဝက်ဘ်ဝန်ဆောင်မှုများကို အဝေးထိန်းစနစ်ဖြင့် Log Out ပြုလုပ်ခြင်း


Gmail နှင့် Facebook တို့ကို ကိုယ်ပိုင် ကွန်ပျူတာတွင် မဟုတ်ဘဲ အင်တာနက်ကဖေးလိုမျိုး နေရာများတွင် log in ပြုလုပ်ပြီး အသုံးပြုကြသူများ အနေဖြင့် account များကို log out ပြုလုပ်ရန် မေ့လျော့သွားသည့်အခါ အခြားသူများက account များကို ထိန်းချုပ်တိုက်ခိုက်မှုများ ပြုလုပ်နိုင်သည်။ ထို့ကြောင့် Google, Facebook နှင့် Twitter တို့ကို log out ပြုလုပ်ရန် မေ့လျော့သွားသည့်အခါ အဝေးထိန်းစနစ်ဖြင့် log out ပြုလုပ်နိုင်သည့် နည်းလမ်းကို ဖော်ပြလိုက်ပါသည်။



အဝေးထိန်းစနစ်ဖြင့် Gmail ကို log out ပြုလုပ်ခြင်း

- Gmail ကနေ log out ပြုလုပ်ရန် အတွက် Gmail ကို log in လုပ်ပါ။ စာမျက်နှာ အောက်ဆုံးသို့သွားပြီး “Last account activity” အောက်က “details” link ကို နှိပ်ပါ။

- Window တစ်ခုပေါ်လာတဲ့အခါ “Sign out all other sessions” ခလုတ်ကိုနှိပ်ပါ။


အဝေးထိန်းစနစ်ဖြင့် Facebook ကို log out ပြုလုပ်ခြင်း


- Facebook account တွင် log in လုပ်ပါ။ ပြီးလျှင် menu bar ညာဘက်ထိပ်နားက Down arrow ကိုနှိပ်ပြီး Settings ကို ရွေးပါ။


- “Security” settings ကိုသွားပြီး “Where you’re logged in” section ကို နှိပ်ပါ။

- Log in ပြုလုပ်ခဲ့ဖူးသည့် ကွန်ပျူတာ၊ တည်နေရာနှင့် အချိန်တို့ကို တွေ့ရမည်။ “End Activity” link ကိုနှိပ်ပြီး log in အားလုံးကို log out ပြုလုပ်နိုင်သည်။




အခြား ဝက်ဘ်ဝန်ဆောင်မှုများ

Dropbox


- Dropbox account ကို desktop browser တွင် log in လုပ်ပါ။ - နာမည်၏ အောက်ဘက်ရှိ “Settings” link ကိုနှိပ်ပါ။ - “Security” tab ကို နှိပ်ပါ။ - စာမျက်နှာ အောက်ဘက်သို့သွားပြီး “Sessions” တွင် log in လုပ်ထားသည့် session များကို ရှာပါ။ - အခြား browser တွင် log in လုပ်ထားသည့် Dropbox account ကို log out ပြုလုပ်လိုလျှင် entry ဘေးနားရှိ ကြက်ခြေခတ်ကို နှိပ်ပါ။ Twitter and LinkedIn

Google, Facebook နှင့် မတူညီသည့်အချက်က LinkedIn နှင့် Twitter တွင် အခြား ကွန်ပျူတာများ၌ log in ပြုလုပ်ထားသည့် session များကို အလိုအလျောက် log out လုပ်နိုင်သည့် option မပါဝင်ပေ။ သို့သော်လည်း LinkedIn/Twitter password ကို မည်သည့် browser တွင်မဆို ပြောင်းလဲလိုက်သည့်အခါ active session အားလုံး ပိတ်သွားမည် ဖြစ်သည်။



Ref: MakeTechEasier

Internet Journal

အပြည့်အစုံသို့ »

ဖေ့စ်ဘုတ် Errorဖြစ်ကာ အသုံးပြုမှု ခေတ္တပြတ်တောက်



မဇ္ဈိမသတင်းဌာန

ရန်ကုန်၊ မဇ္ဈိမ။ ။ ဖေ့စ်ဘုတ်အသုံးပြုနေသူများ အနေဖြင့် ဇွန်လ ၁၉ရက် နေ့လည် ၂နာရီ ၃၀ခန့်မှ ၂နာရီ ၅၇မိနစ်အထိ နာရီဝက်နီးပါး ဖေ့စ်ဘုတ် Error တက်ကာ အသုံးပြု၍ မရ ဖြစ်ခဲ့သည်။

ယင်းကဲ့သို့ မြန်မာနိုင်ငံတွင်သာ မကဘဲ ပြည်ပနိုင်ငံများတွင်လည်း တပြိုင်နက် ဖြစ်ပွားခြင်းဖြစ်ပြီး ဖေ့စ်ဘုတ်တည်ထောင်သူအနေဖြင့် ဆော့ဖ်ဝဲများ ပြုပြင်သည့် အခါတွင်လည်း ခေတ္တ ပျက်တောက်မှု ဖြစ်နိုင်သည်ဟု အိုင်တီ ကျွမ်းကျင်သူ အချို့က ဆိုသည်။

ဖေ့စ်ဘုတ်အသုံးပြုမှု ပြတ်တောက်သွားချိန်တွင် သုံးစွဲသူများအားလုံး လှုပ်လှုပ်ရှားရှားဖြစ်သွားခဲ့ပြီး Twitterသုံးသူတို့၏ စာမျက်နှာတွင် ဖေ့စ်ဘုတ်ပြတ်တောက်သည့် သတင်းက
ပျံ့နှံ့ခဲ့သည်။

ကမ္ဘာပေါ်တွင် ဖေ့စ်ဘုတ်အသုံးပြုသူမှာ ၂၀၁၃ခုနှစ်အထိ ၁ဒသမ ၁ဘီလီယံရှိသည်။

Mizzima Burmese

အပြည့်အစုံသို့ »

iPhone 5s ကို တစ်ပတ်ဌားခွင့်ရမည့် အစီအစဉ်



နေရာက အမေရိကမှပါ။ T-Mobile လို့ခေါ်တဲ့ ဥရောပတိုက် အတွင်းရှိ ဆယ်လူလာ အခြေခံကာ တယ်လီကွန်မြူနစ် ကေရှင်တွေ ဆောင်ရွက်ပေးနေတဲ့ ကုမ္ပဏီ တစ်ခုကပါ။ ထို ကုမ္ပဏီဟာ သင့်ကို ဖောက်သည် ဖြစ်စေချင်ကာ မားကတ်တင်း ဆင်တဲ့ သဘောမျိုး ဖောက်သည်ရှာတဲ့ သဘောမျိုးပါပဲ။ သူတို့ရဲ့ နက်ဝပ်ကို စမ်းသပ်မူတွေ ပြုလုပ်စေလို့ကာ iPhone 5S ကို တစ်ပတ်ဌားတဲ့ သဘောပါ။ ဒီအတိုင်း နက်ဝပ်ကို မျက်ကန်း ပုံစံမျိုးဖြစ် သုံးစွဲချင်မှ ရှောင်ရှားစေလို့တဲ့ အနေအထားကို ပြသခဲ့ပါတယ်။ အဓိကကတော့ ဟန်းဆက်ကိုဆိုတာထက် ဖုန်းလိုင်းကို သုံးစေလို့တာ ဖြစ်ပါတယ်။

မ၀ယ်ခင် စမ်းသုံးစေကာ Apple ရဲ့ နောက်ဆုံးထုတ် ဟန်းဆက်ကို တစ်ပတ်တိတိ သုံးပြီး ပြန်ပေးရပါမယ်။ ဒီအတွက် သူတို့ T-mobile ၇ဲ့ ၀က်ဒ်ဆိုက်မှာ sign up လုပ်ပြီး ဒေါ်လာ ၇၀၀ အနည်းဆုံးရှိတဲ့ သင့်ရဲ့ ခရစ်ဒစ်ကဒ်ကို သူတို့က အပေါင် သဘောမျိုးနဲ့ထားရမှာပါ။ ဒီအတိုင်းတော့ မရပါဘူး။ US အတွင်းမှာ ကြိုက်သလောက် ဖုန်းပြောနိင်၊ မတ်ဆေ့ပို့နိင် ၊ စတာတွေကို လုပ်နိင်ပါတယ်။ ၂ရက်လောက်ကြာတဲ့အခါမှာတော့ သင့်ကို သူတို့က စမ်းသပ်မူက ဘယ်လိုလဲ ဘာလဲလို့မေးမှာ ဖြစ်ပါတယ်။ ရေစို၊ Screen ကွဲ ဒေါ်လာ ၁၀၀ ပါ။ ပျောက်သွားရင်တော့ ခရစ်ဒစ်ကဒ်ထဲမှာ ရှိတဲ့ ဒေါ်လာ ၇၀၀ လုံး" ပလုံ" ပါမယ်။ ဒီလို ၀န်ဆောင်မူမျိုးက ပထမဦးဆုံးတော့ မဟုတ်ပါဘူး။ သူမတိုင်ခင် Verizon တို့လည်း လုပ်ခဲ့ဖူးပါတယ်။

အောင်ဟိန်း (ရိုးရာလေး)

အပြည့်အစုံသို့ »

အိပ်ချင်ယောင်ဆောင်နေသော မြန်မာ့ဆက်သွယ်ရေးနှင့် ပြည်သူများ မျှော်လင့်နေသည့် အင်တာနက်မြန်နှုန်းမြင့် ကယ်တင်ရှင်


သော်ဇင်ထက်


ဝဋ်ဆိုတာ ကွန်နက်ရှင်လိုပဲ အမြဲ တမ်း လည်လေ့ရှိတယ်'။

'တစ်မိ နစ်ကို နှစ်ကျပ်၊ လေးကျပ်အကုန် အကျခံပြီး အဝိုင်းလေးလည်နေတာကြည့် နေရမယ့်အစား မိုးကုတ်ဝိပဿနာစက်ဝိုင်း ကိုကြည့်ရင် ပိုက်ဆံလဲ အကုန်သက်သာ မယ့်အပြင် ပါရမီပါရင် တရားထူးရနိုင်ပါ သေးတယ်'။

လိပ်ကမှ သူ့ထက်မြန်ဦးမယ်။

''လိပ်နဲ့အပြေးပြိုင် ဘယ်သူနိုင်''

...အစ ရှိသော စာသားများကို လူမှုကွန်ရက်စာ မျက်နှာများတွင် ပလူပျံထွက်အောင် တွေ့ နေရသည်။

ထိုစာသားများက မြန်မာ့ဆက် သွယ်ရေး၏အင်တာနက်လိုင်းကို ရည်ညွှန်း ရေးသားနေကြသည့် စာသားများပင် ဖြစ် ပါသည်။

မြန်မာနိုင်ငံတွင် အင်တာနက် အသုံးပြုသူဦးရေမှာ သုံးသိန်းကျော်သာရှိနေ ရာ လက်ရှိလူဦးရေနှုန်းနှင့်စာလျှင် အလွန် နည်းပါးသည့်ပမာဏဟုယူဆ၍ ရနိုင်သော် လည်း မိုဘိုင်းဖုန်းများဖြင့် အင်တာနက်အသုံး ပြုမှုမှာ တစထက်တစများလာသည်ကို တွေ့ ရသည်။ ယခင်အချိန်က မိုဘိုင်းဖုန်းအင် တာနက် မတွင်ကျယ်လာမီက Cyber Cafe များကိုသာ အားကိုးခဲ့ကြရသည်။ ယခုအချိန် တွင် အင်တာနက်သုံးစွဲသူအချို့မှာ မိုဘိုင်း ဖုန်းဖြင့်အင်တာနက်ကို အသုံးပြုနေကြသူ များလည်းဖြစ်သည်။ တကယ်တော့ မြန်မာ နိုင်ငံဖွံ့ဖြိုးတိုးတက်မှု၊ စီးပွားရေးကဏ္ဍတိုး မြင့်မှုတို့တွင် မိုဘိုင်းဆက်သွယ်ရေး က အရေး ကြီးသော အခန်းတစ်ရပ်မှပါဝင်နေရာ နောက် ကျချန်ထားလို့မရ သည့်ကဏ္ဍဖြစ်သည်။

ယခုအခါ မြန်မာနိုင်ငံတွင် မို ဘိုင်းဖုန်းကို ပြည်သူရှစ်သန်းကျော်သုံးစွဲ နိုင်နေပြီဖြစ်ပြီး ယင်းဖုန်းများဖြင့် အင်တာ နက်အသုံးပြုမှုက တစထက်တစ တက်ရိပ် ပြလာသည်။ မိုဘိုင်းဖုန်းများဖြင့် အင်တာ နက် ဆက်သွယ်အသုံးပြုသူဦးရေ နည်းပါး နေသော်လည်း အင်တာနက်ကွန်နက်ရှင် နှေးကွေးမှု၊ မကြာခဏပြတ်တောက်မှုများ ဖြစ်ပေါ်ခြင်းက သုံးစွဲသူပြည်သူများ၏ စိတ် ညစ်ညူးမှုကို အမြဲတမ်းဖြစ်ပေါ်စေခဲ့သည်။
ထိုသို့ မြန်မာ့ဆက်သွယ်ရေးလုပ် ငန်း၏ အင်တာနက် အသုံးပြုသူအားလုံး အလိုချင်ဆုံးသော ဆန္ဒမှာတော့ အဝိုင်းလေး လည်နေခြင်းကို အချိန်ကြာမြင့်စွာ ထိုင် မကြည့်လိုတော့ခြင်းပင်ဖြစ်သည်။

မြန်မာနိုင်ငံတွင် ADSL အင်တာ နက်လိုင်းသုံးစွဲသူထက် မိုဘိုင်းဖုန်းဖြင့်အင် တာနက်သုံးစွဲသူဦးရေ ပိုမိုများပြားသည်။ ၂ဝ၁၄ ခုနှစ်တွင် မိုဘိုင်းဖုန်းသုံးစွဲသူရှစ်သန်း ခန့်ရှိလာပြီး လေးသန်းကျော်မှာ မိုဘိုင်းဖုန်း ဖြင့် အင်တာနက်သုံးစွဲကြသူများ ဖြစ်လာ သည်။ ယင်းအရေအတွက်ကြောင့် မိုဘိုင်း အင်တာနက်ဝန်ဆောင်မှုသည် မိုဘိုင်းဖုန်း သုံးစွဲသူများအတွက် အရေးကြီးဆုံးနေရာ တစ်ခုကို ရောက်ရှိလာခဲ့သည်။

မြန်မာ့ဆက်သွယ်ရေးမှ ဆက် သွယ်ရေးလုပ်ငန်းလုပ်ကိုင်ခွင့်ကို ပုဂ္ဂလိက လုပ်ငန်းရှင်များသို့ လိုင်စင်များချပေးလိုက် သည့်နောက်ပိုင်း ပြည်သူများအနေဖြင့် အ ရည်အသွေးကောင်းမွန်သော အင်တာနက် ဝန်ဆောင်မှုများကို ပို၍မျှော်လင့်လာခဲ့ကြ သည်။

၂ဝ၁၄ ခုနှစ်တတိယသုံးလပတ် တွင် ပုဂ္ဂလိကဆက်သွယ်ရေးလုပ်ငန်းသုံးခု မှ မြန်မာနိုင်ငံ၏ မိုဘိုင်းဝန်ဆောင်မှုကို စတင်တော့မည်ဖြစ်သည်။ တယ်လီနော၊ အူ ရီဒူးနှင့် ရတနာပုံတယ်လီပို့စ်အများပိုင်ကုမ္ပ ဏီတို့ဖြစ်သည်။ ယင်းမတိုင်ခင်က မြန်မာ နိုင်ငံဆက်သွယ်ရေးမှာ အရှေ့တောင်အာရှ တွင် မိုဘိုင်းသုံးစွဲသူပမာဏ၌ အောက်ဆုံး တွင်ရှိနေခြင်းဖြစ်ရာ တယ်လီနော၊ အူရီဒူး တို့ကြောင့် အရှေ့တောင်အာရှတွင် နေရာ တစ်နေရာကို တိုးမြှင့်ရောက်ရှိလာရန် မျှော် လင့်ရသည်။

ထို့အပြင် ယင်းပုဂ္ဂလိကကုမ္ပဏီ များ ဝင်ရောက်မှုကြောင့် မြန်မာနိုင်ငံတွင် GDP တိုးမြင့်မှု၊ အလုပ်အကိုင်အခွင့်အလမ်း များတိုးမြင့်မှုတို့ ရရှိလာနိုင်သည်။ ယင်းကုမ္ပ ဏီများကြောင့်ပင်လျှင် မြန်မာနိုင်ငံသားလူ ဦးရေ တိုးမြှင့်စွာ မိုဘိုင်းဖုန်းကိုအသုံးပြုလာ နိုင်မည်ဖြစ်သည်။ ထို့အပြင် အကျိုးဆက်အ နေဖြင့် လူမှုကွန်ရက်အသုံးပြုမှု၊ ကောင်း မွန်သည့် ကွန်နက်ရှင်အသုံးပြုမှုတို့ကို ခံစား လာရနိုင်သည်။ ပိုပြီးဆွဲဆောင်မှုရှိသည်က ထိုကုမ္ပဏီများက ဝန်ဆောင်မှုပေးမည့် အင် တာနက်ကွန်ရက်ဖြစ်သည်။ မြန်မာနိုင်ငံသား တွေ မည်မျှစိတ်ကျေနပ်မှုရရှိစေမည့် မက် လုံးများဖြင့် ဆွဲဆောင်နေကြသည်။

ယင်းကုမ္ပဏီများနှင့် ယှဉ်ပြိုင်ဖို့ မြန်မာ့ဆက်သွယ်ရေး၏ လက်ရှိဝန်ဆောင် မှုများမှာ ကျေနပ်အားရစရာမရှိ။ ဆီးဂိမ်း မတိုင်မီတွင် မြန်မာ့ဆက်သွယ်ရေး၏ အင် တာနက်အမြန်နှုန်း Bandwidth 20Gbps အထိ တိုးမြှင့်ဆောင်ရွက် နေသော်လည်း အင်တာနက်သုံးစွဲသူများမှာ စိတ်ပျက်စရာ ဖြစ်ခဲ့ရသည်။ ယခု ၂ဝ၁၄ နှစ်ကုန်ပိုင်းတွင် အင်တာနက်မြန်နှုန်းကို Bandwidth 100 Gbps အထိ တိုးမြှင့်ရန် လုပ်ဆောင်နေ ကြောင်း ပြည်ပဆက်သွယ်ရေးဌာနဦးစိုင်း စောလင်းထွန်းက ပြောသည်။

ယင်းက ''အခုကနိုင်ငံတကာနဲ့ ပူးပေါင်းနေတယ်။ စင်ကာပူနဲ့ ပင်လယ်ရေ အောက်အင်တာနက်လိုင်းကို တိုးချဲ့နေပြီး နှစ်ကုန်မှာ Bandwidth 100 Gbps အထိ ရည်ရွယ်ထားပါတယ်။ နောက် ဇူလိုင်၊ သြ ဂုတ်လလောက်ဆိုရင် Bandwidth 50 Gbps အထိ တိုးမြှင့်ဖို့ ရည်ရွယ်ထားပါ တယ်''ဟု ဆိုသည်။

မြန်မာ့ဆက်သွယ်ရေးမှတစ်ဆင့် အင်တာနက်လိုင်းများရယူကာ ISP များ ကတစ်ဆင့် ပြန်လည်ထုတ်လွှင့်နေမှုအပေါ် သုံးစွဲသူများမှာ ဝယ်ယူ အသုံးပြုနေသော် လည်း အင်တာနက်နှေးကွေးခြင်း ပြဿနာ နှင့် ရင်ဆိုင်နေရဆဲဖြစ်ပြီး မြန်မာ့ဆက်သွယ် ရေးအနေဖြင့် ယင်းအပေါ် ဘယ်လိုဖြေရှင်း မလဲဆိုသည်ကလည်း စိတ်ဝင်စားဖွယ်ရာ ဖြစ်သည်။ ယင်းသို့ မြန်မာဆက်သွယ်ရေး ၏ အင်တာနက်လိုင်း နှေးကွေးနေမှုကြောင့် သုံးစွဲသူ User များ သုံးစွဲမှုပြည့်ဝမှုမရှိခြင်း ကို အဖြေရှာဖြေရှင်းလျက်ရှိကြောင်း မြန်မာ့ ဆက်သွယ်ရေးလုပ်ငန်း ပြည်ပဆက်သွယ် ရေးဌာန ဦးစိုင်းစောလင်းထွန်းက ပြော ကြားသည်။

ယင်းက ''ပြည်သူတွေ အင်တာ နက်သုံးစွဲမှု မပြည့်ဝဘူးဖြစ်တယ်။ တိုးတက် မှုရှိအောင်တော့ ကြိုးစားနေတယ်။ မိုဘိုင်း ဖုန်းနဲ့သုံးတဲ့သူရှိသလို ADSL လိုင်းလဲသုံး ကြတဲ့အခါ လိုင်းကျပ်တာတွေ များလာ တယ်။ ဒီတော့ သုံးစွဲမှုမပြည့် ဘူး။ အဲဒီ လိုင်းကျပ်နေတာတွေကို ရှာတယ်။ ပြုပြင် ထိန်းသိမ်းနေတယ်။ ဘယ်နေရာတွေ ဖြစ် တယ်ဆိုတာကို ဖော်ထုတ်နေပါတယ်။ စက် မှုပိုင်း ဆိုင်ရာတွေ မှာ စီမံကိန်းချပြီးတော့ ဒေသတွေထပ်တိုးချဲ့တာတွေ လုပ်နေ တယ်။ အခုလက်ရှိမှာ မိုဘိုင်းကို ပိုဦးစားပေးပြီး တော့ လုပ်နေပါတယ်။ အော်ပရေတာတွေ ရဲ့ ယှဉ်ပြိုင်မှုကြောင့် မြန်မာ့ဆက်သွယ်ရေး ဘက်ကလဲ နက်ဝေါ့ကောင်းမွန်အောင်၊ ဒေ တာတွေ ကောင်းမွန်အောင် အခြားနိုင်ငံတွေ ရဲ့ အကူအညီကိုရယူပြီး ဆောင်ရွက်နေပါ တယ်''ဟုပြောသည်။

မြန်မာ့ဆက်သွယ်ရေးမှ ADSL လိုင်းဝယ်ယူသူများ၊ ပုဂ္ဂလိက Internet Service Provider များထံမှ အင်တာနက် လိုင်း ဝယ်ယူသုံးစွဲနေသူများမှာလည်း ဝယ် ယူထားသည့် အင်တာနက်လိုင်းကျဆင်းမှု ပြဿနာကို နေ့စဉ်နှင့်အမျှ ရင်ဆိုင်နေရ သည်။ Internet Service Provider များ အနေဖြင့်လည်း သုံးစွဲသူနှင့် ညြေိတငိအ့ မမျှတနေသည့်အပေါ် မြန်မာ့ဆက်သွယ်ရေး လုပ်ငန်းသို့ တင်ပြထားခြင်းရှိသော်လည်း အကောင်အထည်ပေါ်မည့် လက္ခဏာမှာ မရေရာဆဲ ဖြစ်သည်။။

အင်တာနက်လိုင်း ဝယ်ယူသုံးစွဲ သူ ၁ဝဝဝဝ ဝန်းကျင်ရရှိထားသည့် Redlink မှ အရောင်းအထွေထွေ လက်ထောက်မန်နေ ဂျာ ဦးမျိုးမြင့်ညွှန့်က ''လိုင်းကျပ်တဲ့ပြဿနာ ကတော့ ကျွန်တော်တို့ဆီမှာလဲဖြစ်နေတာ ပါပဲ။ အသုံးပြုတဲ့ User နဲ့ လက်ရှိရှိထားတဲ့ Bandwidth မမျှတတဲ့အခြေအနေနဲ့ ရင် ဆိုင်နေရတယ်။ ဆက်သွယ်ရေးဒုဝန်ကြီး ပြောသလို ကျွန်တော်တို့နိုင်ငံမှာ သုံးစွဲသူ အရေအတွက်ကို အင်တာနက် Bandwidth က အမီမလိုက် နိုင်ဘူးဖြစ်နေ တယ်။ အခု လက်ရှိ ကြုံနေတဲ့အပေါ် ကျွန်တော်တို့ဆီ မှာရှိတဲ့ Network တွေကို တိုးချဲ့နေသလို MPT ကပေးထားတဲ့ Bandwidth ပမာဏ တွေကိုလဲ တိုးချဲ့ဖို့ သူတို့ကိုတောင်းဆိုထား တယ်''ဟု ပြောသည်။

အင်တာနက်ဝန်ဆောင်မှုပေးနေ သည့် ရတနာပုံတယ်လီပို့စ်မှ အင်တာနက် လိုင်းများ နှေးကွေးနေမှုဖြေရှင်းနိုင်ရန် မြန် မာ့ဆက်သွယ်ရေးသို့ Bandwidth တိုးမြှင့်ရန် တောင်းဆိုထားပြီး ယင်းမှာ လက်ရှိ၌ ရ တနာပုံတယ်လီပို့မှ ရယူသုံးစွဲနေသည့် အသုံးပြုသူများ ကြုံတွေ့နေရသောအခက် အခဲကို ဖြေရှင်းရန် ကြိုးပမ်းမှုတစ်ခုဖြစ် သည်ဟု သိရသည်။

ယင်းနှင့်ပတ်သက်၍ ရတနာပုံ တယ်လီပို့စ်မှ ဘုတ်အဖွဲ့ဝင်တစ်ဦးဖြစ်သူ ဦးရှိန်းသူအောင်က ''ပြီးခဲ့တဲ့နှစ်ကတည်း က မြန်မာ့ဆက်သွယ်ရေးဆီကို Bandwidth ပမာဏတိုးတောင်းထားတယ်။ အခု ကျွန်တော်တို့ ဆီကနေ ရယူသုံးစွဲသူက မြင့်တက်လာတော့ ရှိတဲ့ Bandwidth နဲ့မမျှတဘူးပေါ့။ ဒါကြောင့် 5GB အပ်ချက်ရှိနေတာကို ကျွန်တော်တို့ဘက်က ငွေကြေး အကုန်အကျခံပြီး ဆောင်ရွက်ဖို့ မြန်မာ့ဆက်သွယ် ရေးကို တောင်းဆိုထားတာဖြစ်တယ်။ သူတို့ဘက် ကတော့ အခုထိ နိုင်ငံတကာနဲ့ ပေါင်းစပ်အဖြေရှာဖို့ လုပ်နေတုန်းပဲလို့ ပြန်တုံ့ပြန်ထားတာပဲ ရှိပါသေး တယ်''ဟုပြောသည်။
မြန်မာ့ဆက်သွယ်ရေးဘက်က ယင်းကဲ့ သို့ ပြင်ဆင်လျက်ရှိသော်လည်း ဆက်သွယ်ရေးအော် ပရေတာလိုင်စင်ရ ပုဂ္ဂလိကကုမ္ပဏီနှစ်ခုဖြစ်သည့် တယ်လီနောနှင့် အူရီဒူး ကုမ္ပဏီနှစ်ခုက ဈေးကွက် ယှဉ်ပြိုင်မှုအဖြစ် ပြည်သူများကို ယင်းတို့ ကတိက ဝတ်များကို ချပြထားသည်။

တယ်လီနောအနေဖြင့် မိုဘိုင်းအင်တာ နက်ကွန်နက်ရှင်ကို အကောင်းဆုံးပြင်ဆင်ထားပြီး 3G Network အနေဖြင့် ဒေတာသုံးစွဲသူ နည်းပါး သည့်အချိန်တွင် အင်တာနက်မြန်နှုန်း 4 MB မှ 6 MB အထိ ရရှိနိုင်မည်ဖြစ်ပြီး ဒေတာသုံးစွဲသူများပြား ပြီး လိုင်းကျပ်နေသည့်အချိန်တွင် 700kb မှ 1 MB အထိ သုံးစွဲနိုင်မည်ဖြစ်ကြောင်း တယ်လီနော၏စီအီးအိုဖြစ်သူ Petter Furbergu က အတည်ပြုပြော ပါသည်။

တယ်လီနော၏ အင်တာနက်မြန်နှုန်းဝန် ဆောင်မှုနှင့် မဲဆွယ်မှုက သက်ရောက်မှုရှိ သည်။ ပြည်သူများက မြန်မာ့ဆက်သွယ်ရေးအင်တာနက် ၏ အင်တာနက်ကွန်ရက်အပေါ် စိတ်ကုန်နေတာ ကြာပြီဖြစ်သည့်အချိန်တွင် ယခုလိုဝန်ဆောင်မှုပေး မည့်သူကို ကြိုဆိုကြသည်။ အချို့ကလည်း တယ်လီ နောဝန်ဆောင်မှုက တကယ်တမ်းရနိုင်မည်လားဆို သည်ကို သံသယရှိသည်။ မေးခွန်းတွေထုတ်ကြသည်။ ပုဂ္ဂလိကကုမ္ပဏီတွေအနေဖြင့် ယင်းတို့ကုမ္ပဏီထုတ် ကုန် တွင်ကျယ်စေရန် Marketing Strategy လုပ် သည်ဟု ရှုမြင်ကြသည်။

တယ်လီနောနည်းတူ အူရီးဒူးကလည်း 3G Network ကွန်ရက်မြန်မာနိုင်ငံ တွင် အကောင်း ဆုံးဖြစ်စေရမည်ဟု အာမခံထားပြီး မိုဘိုင်းဆင်းမ် ကတ်တွေကို ကျေးလက်ဒေသအထိ သုံးစွဲနိုင်ရန်စီ စဉ်ဆောင်ရွက်သွားမည်ဟု အူရီဒူးမြန်မာ ၏ အလုပ် အမှုဆောင်အရာရှိချူပ် Ross Cormack ကပြော ပါသည်။

ယင်းကုမ္ပဏီများပေးသည့် ကတိကဝတ် အတိုင်းတည်ဖို့ရာ မြန်မာနိုင်ငံအနှံ့ ချိတ်ဆက်ရန် Network Equipment Supplier များလိုအပ်သည်။ တယ်လီနောရောင်းချမည့် ဆင်းမ်ကတ်များမှာလည်း ရန်ကုန်၊ မန္တလေးနှင့် နေပြည်တော်တွင်သာ သုံးစွဲလို့ ရဦးမည်ဖြစ်ရာ တာဝါတိုင်လိုအပ်ချက် မီးမောင်းထိုးပြ နေသလိုဖြစ်သည်။ ယင်းသို့ သုံးမြို့သာအသုံးပြုနိုင် မည်ဟု ကြေညာထားသော်လည်း မြန်မာ့ဆက်သွယ် ရေးကပေးနေသည့် ဝဋ်ဒုက္ခကိုခံနေရသည့် ပြည် သူများမှာ ဝန်ဆောင်မှု အကောင်းဆုံးပေးနိုင်မည် ကြော်ငြာနေသော 'နော' ပဲဖြစ်ဖြစ် 'ဒူး'ပဲဖြစ်ဖြစ် သုံး မည်ဟု ဆိုနေကြသည်။ သို့ဆိုလျှင် နှစ်ပေါင်းများစွာ တစ်ဦးတည်း ခြယ်လှယ်လာခဲ့ပြီး ယခုအခါ အိပ်ချင် ယောင်ဆောင်နေသည့် မြန်မာ့ဆက်သွယ်ရေးအနေ ဖြင့် ပြည်သူတွေအတွက် ဘာလုပ်ပေးမလဲဟုသာ မေးလိုက်ချင်ပါသည်။

Flower News Journal အတွဲ(၁၀) အမှတ်(၂၃)
==========================================

Yangon Media Group | #YangonTimesJournal | #FlowerNewsJournal
www.yangonmedia.com

အပြည့်အစုံသို့ »

Android ထုတ်ကုန်တစ်ခု၏ Boot Animation ကို ပြောင်းလဲခြင်း

Android ထုတ်ကုန်တစ်ခုဟာ ဈေးကွက်ထဲမှာရှိတဲ့ အခြားထုတ်ကုန်တွေထက် စိတ်ကြိုက်ပြင်ဆင် အသုံးပြုနိုင်တဲ့ အားသာချက်ရှိပါတယ်။ Android ထုတ်ကုန်တစ်ခုကို root မလုပ်ထားရင်တောင်မှ Google Play က အသုံးတည့်စေတဲ့ app တွေနဲ့ ပြင်ဆင် အသုံးပြုနိုင်ပါတယ်။ အခုဖော်ပြပေးမယ့် နည်းလမ်းကတော့ Android ထုတ်ကုန်တစ်ခုရဲ့ boot animation ကို ပြောင်းလဲတဲ့နည်းလမ်း ဖြစ်ပါတယ်။


Boot Animation ဆိုတာဘာလဲ


Boot Animation ဆိုတာကတော့ Android ထုတ်ကုန်တစ်ခုကို ပါဝါဖွင့်လိုက်တာနဲ့ တွေ့မြင်ရတဲ့ လှုပ်ရှားနေတဲ့ လိုဂို သို့မဟုတ် ဓာတ်ပုံတစ်ခု ဖြစ်ပါတယ်။ ပုံမှန်အားဖြင့် ဖုန်းကို ဖွင့်ဖွင့်ချင်းမှာ ဟန်းဆက်ထုတ်လုပ်သူရဲ့ လိုဂိုကို တွေ့မြင်ရမှာ ဖြစ်ပါတယ်။

တကယ်လို့ root-access ရှိတယ်ဆိုရင် ဖုန်းရဲ့ boot animation ကို ပြောင်းလဲနိုင်ပါတယ်။ Boot animation ကို ပြောင်းလဲတဲ့ အတွက်ကြောင့် ဖုန်းဖွင့်ဖွင့်ချင်း ပေါ်လာတဲ့ လိုဂို သို့မဟုတ် ဓာတ်ပုံနေရာမှာ ကိုယ့်စိတ်ကြိုက်ပုံကို အစားထိုး ထည့်သွင်းနိုင်ပါတယ်။ ပြုလုပ်ပုံက အောက်ပါအတိုင်း ဖြစ်ပါတယ်။

(၁) Google Play store ကနေ Boot Animations app ကို download လုပ်ပါ။ Google Play store ကနေ download လုပ်လို့မရရင် 1Mobile Market ကနေ download လုပ်နိုင်ပါတယ်။

(၂) Download လုပ်ပြီးရင် app ကို ဖွင့်ပါ။



(၃) App ကို ဖွင့်ပြီးရင် boot animation တွေကို ရယူဖို့အတွက် “Server” section ကိုနှိပ်ပါ။ ပြီးရင် စာရင်းထဲက နှစ်သက်ရာ boot animation ကိုနှိပ်ပါ။

(၄) ရွေးချယ်ဖို့အတွက် option တွေ ပါတဲ့ pop up menu တစ်ခုပေါ်လာရင် “Install” ကို နှိပ်ပါ။


(၅) မိနစ်အနည်းငယ် စောင့်ဆိုင်းပြီးရင် အဆိုပါ boot animation ကို အလိုအလျောက် download လုပ်ပြီး install လုပ်ပေးပါလိမ့်မယ်။

(၆) Install လုပ်ပြီးရင် Android ထုတ်ကုန်ကို restart လုပ်လိုက်ပါ။ ပြောင်းလဲမှုကို မြင်တွေ့ရပါမယ်။


 Ref: MakeTechEasier
Internet Journal

အပြည့်အစုံသို့ »

မတ်ခ်ဇူကာဘတ်အမည်ဖြင့် Facebook Page ခိုးသူများအား သတိထားရန် - (ဖတ်ရှု မျှဝေ ပေးရန်)




ဒီမနက်လေးတင် ရိုးရာလေး Facebook Page ရဲ့ Message Box ထဲမှာ အောက်ပါ စာလေးကို တွေ့လိုက်ပါတယ်။

ပေးပို့သူရဲ့ Facebook အကောင့် အမည်က Mark Zurkerberg ဖြစ်ပါတယ်။ အကောင့် Link ကတော့ https://www.facebook.com/beqiri.tkushiဖစ်ပါတယ်။ သူရေးထားတဲ့ စာကလည်း ရုတ်တရက် ကြည့်လိုက်ရင် ယုံချင်စရာ ပါပဲ။

Dear Facebook User,

We have reviewed the suspendion of your pages, After reviewing your page activity, it was determined that you were in violation of our Terms of Service. We have provided a warning to you via email, but you have not responded to our notification. Therefore, your account might be permanently suspended. If you think this is a mistake, please verify your account on the link below. This would indicate that your Page does not have a violation on our Terms of Service. We will immediately review your account activity, and we will notify you again via email. Verify your account at the link: ---------------------------------------------
https://apps.facebook.com/your-pages-secure/ ---------------------------------------------
Facebook Team will not be responsible if your account disabled, because we have been providing information to you.
Thank you, Facebook Team

အဲ့လို စာတွေ ဖတ်ပြီးရင် Link ထဲ မဝင်လိုက်ပါနဲ့။ Link ထဲ ဝင်နိုင် ပါတယ်။ မိမိ အကောင့်ရဲ့ အမည်တွေ၊ Information တွေ၊ သွာ မရိုက်ထည့် မိ ပါစေနဲ့။ သူက Password တွေလည်း တောင်းပါတယ်။ အကယ်၍ အားလုံး ရိုက်ထည့် မိပြီးရင် မိမိရဲ့ Personal Account ကော၊ Facebook Page တွေကိုရော ဝါးမြိုသွားမှာ ဖြစ်ပါတယ်။

အမှန်တကယ် Facebook က ပေးပို့တာ မဟုတ်ပဲ ဟက်ကာများက ရည်ရွယ်ချက် ရှိရှိ ပေးပို့ တိုက်ခိုက်ခြင်း ဖြစ်ပါတယ်။ အားလုံး သတိထားဖို့ အတွက် ဒီ သတင်းကို share ပေးရန် လိုအပ် ပါတယ်။

အောင်ခမ်း (ရိုးရာလေး)

အပြည့်အစုံသို့ »

Facebook တွင် လူများနှင့် app invite များကို block ပြုလုပ်ခြင်း


Facebook သည် မိတ်ဆွေဟောင်းများကို ရှာဖွေခြင်း၊ မိတ်ဆွေသစ်များနှင့် တွေ့ဆုံခြင်း စသည့် လူမှုရေးကိစ္စရပ်များ အတွက် အသင့်တော်ဆုံး ဝက်ဘ်ဆိုက်တစ်ခု ဖြစ်သည်။ သို့သော်လည်း ၎င်းတွင် အားနည်းချက်များရှိသည်။

Facebook သုံးစွဲသူများသည် အကြောင်းအရာ အသေးအဖွဲ ကိစ္စရပ်များကိုပင် status update တင်သူများနှင့် တွေ့ကြုံနိုင်သလို မပြီးဆုံးနိုင်သည့် app နှင့် event invite များကဲ့သို့သော စိတ်ပျက်ဖွယ်ရာများနှင့်လည်း ကြုံတွေ့ရနိုင်သည်။

ထို့ကြောင့် Facebook တွင် လူများနှင့် app invite များကို တားဆီးပေးနိုင်မည့် နည်းလမ်းအား ဖော်ပြပေးလိုက်ပါသည်။

လူများကို block ပြုလုပ်ခြင်း


Facebook စာမျက်နှာ၏ အပေါ် ညာဘက်ရှိ သော့ခလောက်ပုံစံ ခလုတ်ကိုနှိပ်ပါ။ ပေါ်လာသည့် Privacy Shortcuts menu တွင် မိမိ၏ post ကို မြင်တွေ့စေလိုသူများအား အလျင်အမြန် ပြောင်းလဲနိုင်သလို post များတွင် comment ပေးသူများကိုလည်း ပြောင်းလဲနိုင်သည်။ ထို့အပြင် မိမိကို စိတ်အနှောင့်အယှက် ဖြစ်စေသည့် လူများကိုလည်း အလျင်အမြန် block နိုင်သည်။

“How do I stop someone from bothering me” option ကိုနှိပ်ပြီး စိတ်အနှောင့်အယှက် ဖြစ်စေသူ၏ အမည် သို့မဟုတ် email လိပ်စာကို ထည့်သွင်းပြီး block လုပ်နိုင်သည်။ ထိုသို့ပြုလုပ်ခြင်းအတွက် Facebook က သုံးစွဲသူများကို အကြောင်းကြားမည် မဟုတ်ပါဘူး။ Block ပြုလုပ်ခံရသူ အနေဖြင့် block ပြုလုပ်သူ၏ profile ကို မမြင်ရတော့သလို message ပြုလုပ်ခြင်း၊ comment ပေးခြင်း စသည်တို့ကိုလည်း ပြုလုပ်နိုင်မည် မဟုတ်ပေ။ ထို့အပြင် သူငယ်ချင်း ဖြစ်နေသည့်သူများကိုလည်း အရင်ဆုံး unfriend ပြုလုပ်ပေးသည်။



app များနှင့် invite များကို block ပြုလုပ်ခြင်း


တစ်စုံတစ်ယောက်ကို block မလုပ်ချင်သလို မိမိတင်လိုက်သည့် post များကိုလည်း မမြင်စေချင်ဘူးဆိုရင်တော့ Settings menu ထဲက Blocking section တွင် ပြုလုပ်နိုင်သည်။ Blocking section > Restricted list တွင် တစ်ဦးတစ်ယောက်စီ၏ အမည်များကို ထည့်သွင်းနိုင်ပြီး ၎င်းစာရင်းတွင် ထည့်သွင်းခံထားရသူများသည် post များကို public ဖြင့် ဝေမျှမှသာ ဝေမျှသူ၏ အချက်အလက်များကို မြင်တွေ့နိုင်မည် ဖြစ်သည်။

လူနာမည်နှင့် restrict မလုပ်ဘဲ သက်ဆိုင်ရာ app တွေကို block လုပ်မယ်ဆိုရင်တော့ Blocking section > Block apps တွင် invite များကြောင့် စိတ်အနှောင့်အယှက် ဖြစ်စေသည့် app အမည်ကို ထည့်သွင်းခြင်းဖြင့် ပြုလုပ်နိုင်သည်။ ထိုသို့ပြုလုပ်ခြင်းကြောင့် စိတ်အနှောင့်အယှက် ဖြစ်စေမည့် invite များ ထပ်မံ ရောက်ရှိလာတော့မည် မဟုတ်ပေ။


Ref: CNET
Internet Journal

အပြည့်အစုံသို့ »

အော်ရီဒူးမြန်မာ၏ IdeaBox အစီအစဉ်တွင် ပါဝင်သူများ Microsoft လိုင်စင်ဆော့ဖ်ဝဲများ အခမဲ့သုံးခွင့်ရမည်


အော်ရီဒူးမြန်မာမှ ဆောင်ရွက်ထားသော IdeaBox အစီအစဉ်တွင်ပါဝင်သူများ Microsoft လိုင်စင်ဆော့ဖ်ဝဲများ အခမဲ့သုံးခွင့်ရမည် ဖြစ်ကြောင်း IdeaBox မှတာဝန်ရှိသူတစ်ဦးကပြောသည်။ Microsoft ၏ DreamSpark နှင့် BizSpark အစီအစဉ်များကို IdeaBox အစီအစဉ်တွင်ပါဝင်သူများ အားလုံးအသုံးပြုခွင့်ရမည်ဖြစ်သည်။

“Microsoft အနေနဲ့ Developer အကောင့်တွေကိုတစ်နှစ်အခမဲ့ ပေးသုံးမှာဖြစ်ပါတယ်၊ နောက်ပြီးတော့ Developerနဲ့ ဒီဇိုင်နာတွေအတွက် နည်းပညာဆိုင်ရာ သင်တန်းတွေကိုလည်း Microsoft က IdeaBox နဲ့ပူးတွဲစီစဉ်ထားပါတယ်”ဟု ယင်းတာဝန်ရှိသူကပြောကြားသည်။

IdeaBox အဖွဲ့အစည်းဖွံ့ဖြိုး တိုးတက်ရေးအတွက် ကူညီထောက်ပံ့မှုအများစုကို Microsoft ကဆောင်ရွက်ခြင်းဖြစ်သည် ဟုဆိုသည်။ လက်ရှိသဘောတူ လက်မှတ်ရေးထိုးပြီးဖြစ်၍ Microsoft လိုင်စင်ဆော့ဖ်ဝဲများ အခမဲ့ပေးသုံးခြင်းအစီအစဉ်ကို ယခုလအတွင်းစတင် သွားမည်ဖြစ်ကြောင်း၊ အလုပ်ရုံဆွေးနွေးပွဲ တစ်ရပ်ကိုလည်း Microsoft က IdeaBox တို့ပူးတွဲဆောင်ရွက်သွားရန် စီစဉ်နေကြောင်းသိရသည်။

Internet Journal

အပြည့်အစုံသို့ »

နာမည်ကျော် ၀က်ဘ်ဆိုက်ကြီး များ၏ လူမသိသေးသော နောက်ကြောင်းလေးများ


ebay
ဖေ့စ်ဘွတ်ခ် ဘာကြောင့် အပြာရောင် သုံးလဲ။ e Bay မှာ ရောင်းချင်တာ ရောင်းနိုင်လား။ နာမည်ကျော် ၀က်ဘ်ဆိုက်ကြီး များ၏ လျှို့ဝှက်ချက် လေးများကို ဤနေရာတွင် ဖတ်ရှုနိုင်သည်။

ဖေ့စ်ဘွတ်ခ် ဘာကြောင့် ပြာရတယ်

ယခုနှစ် ဖေဖော်ဝါရီတွင် ဖေ့စ်ဘွတ်ခ် (၁၀)နှစ် ပြည့်သည်။ ဆယ်နှစ်တာ အတွင်း ဖေ့စ်ဘွတ်ခ်သည် ၀န်ဆောင်မှုနှင့် သွင်ပြင်ပိုင်းကို အပြောင်း အလဲ အကြိမ်ကြိမ် လုပ်ခဲ့သည်။ အချို့သော ပြောင်းလဲမှု များကို ဖေ့စ်ဘွတ်ခ် သုံးသူ သန်းထောင်ချီ မကြိုက်နိုင်ခဲ့သည် များလည်း ရှိသည်။ ဖေ့စ်ဘွတ်ခ်၏ မူလ ၀က်ဘ်ဆိုက် စာမျက်နှာလိပ်စာ thefacebook.com ဆိုတာကိုပါ အပြောင်းအလဲ လုပ်ခဲ့သည်။ ဖေ့စ်ဘွတ်ခ် အပြောင်းအလဲ မည်မျှလုပ်လုပ်၊ ဆယ်နှစ်တာ တစ်လျှောက် မပြောင်းလဲခဲ့တာ တစ်ခုတော့ရှိသည်။ အခြားမဟုတ် အရောင် ဖွဲ့စည်းပုံ ဖြစ်၏။ ဖေ့စ်ဘွတ်ခ် စတင် ထွက်ပေါ်လာချိန်မှသည် ယနေ့ထိတိုင် ဖေ့စ်ဘွတ်ခ် စာမျက်နှာသည် အဖြူနှင့် အပြာကိုသာ သုံးကာ ဖွဲ့စည်းထားခြင်း ဖြစ်သည်။

ဘာကြောင့် ထိုသို့ ဖြစ်ရသနည်း

ဖေ့စ်ဘွတ်ခ်ကို ပထမဆုံး သုံးစွဲသူလည်းဖြစ်၊ ထူထောင်သူလည်း ဖြစ်သော မာ့ခ်ဇက်ကာဘက် ကြောင့် ဖြစ်သည်။ ဇက်ကာဘက်သည် အနီ နှင့် အစိမ်းကို ကောင်းစွာ မမြင်နိုင်သော အမြင်အာရုံ ချို့ယွင်းဝေဒနာရှိ သောကြောင့် ဖေ့စ်ဘွတ်ခ် ဒီဇိုင်းကို စတင်ရေးဆွဲစဉ် ကတည်းက အဖြူနှင့် အပြာ ကိုသာ အဓိကထားရေးဆွဲဖြစ်ခဲ့ခြင်း ဖြစ်သည်။
e Bay ကို စထူထောင်တုန်းက

လူတစ်ယောက် အတွက် အမှိုက်သည် နောက်တစ်ယောက် အတွက် ရတနာ ဖြစ်နေတတ်သည် ဟူသော ဆိုရိုးရှိသည်။ ထိုဆိုရိုး လက်တွေ့ မှန်ကြောင်းကို ယနေ့ နာမည်ကျော် နေသော အွန်လိုင်း အရောင်းအ၀ယ် ၀က်ဘ်ဆိုက် e Bay ကို ထူထောင်သူက သက်သေခံနေသည်။ ထိုဆိုရိုး စကားကြောင့်ပင် e Bay ဟူ၍ ပေါ်ပေါက်လာခြင်း ဆိုလျှင်လည်း မမှား။ e Bay ကို ပီယာအိုမီဒါက စတင်ထူထောင်သည်။ စတင်စဉ်က e Bay ဟူ၍ မဟုတ်သေးဘဲ ခပ်ရိုးရိုးပင် AuctionWeb ဟူ၍ နာမည် ပေးထားသည်။ ကိုယ်လေလံပစ်ချင်တာများ ထိုဝက်ဘ်ဆိုက်မှာ တင်ပြီး လေလံပစ်နိုင်သည် ဟူသော သဘော ဖြစ်သည်။ အိုမီဒါသည် ထို ၀က်ဘ်ဆိုက်ကို ထူထောင်လိုက် သော်လည်း သူ့မှာစပြီး လေလံပစ်လောက်စရာ ဘာပစ္စည်းမှ မရှိ။ နောက်ဆုံး ကြံရာမရသည့် အဆုံး သူ့မှာ ရှိသည့် လေဆာပွိုင်တာ (အနီရောင် လေဆာ မီးထွက်သည့် ကိရိယာငယ်) အစုတ်လေးကို ၀က်ဘ်ဆိုက်မှာ တင်ပြီး လေလံပစ်သည်။ ၀က်ဘ်ဆိုက် စတင် လည်ပတ်နိုင်အောင်သာ လုပ်လိုက်ရသော်လည်း လေဆာပွိုင်တာ အစုတ်ကို လေလံဆွဲမည့်သူ မရှိနိုင်ဟု အိုမီဒါ စိတ်ပျက်အားလျှော့ထားသည်။ သို့သော် တစ်ယောက်က (၁၄ ဒသမ ၈၃) ဒေါ်လာထိ ပေးကာ လေလံဆွဲ ၀ယ်ယူသွားသည်။

အိုမီဒါမှာ အံ့သြလွန်း သဖြင့် လေလံဆွဲ ၀ယ်ယူသူထံ အီးမေးပို့ပြီး လေဆာပွိုင်တာသည် သုံးလို့မရ စုတ်နေပြီဖြစ်ကြောင်း သေချာရှင်းပြ သည်။ သို့သော် လေလံဆွဲ ၀ယ်ယူသူကလည်း သူသည် လေဆာပွိုင်တာ အစုတ်များ စုဆောင်းရခြင်းကို အလွန်အမင်း ၀ါသနာကြီးသူ ဖြစ်ကြောင်း အကြောင်းပြန်ခဲ့သည်။ ထိုသို့ဖြင့် e Bay ၏ ပထမဆုံး အရောင်းအ၀ယ်ကြီး ဖြစ်မြောက်ခဲ့ကာ ယနေ့ ကမ္ဘာတစ်ဝန်း လူသိများနေသော e Bay ၀က်ဘ် ဆိုက်ကြီး ဖြစ်လာခဲ့သည်။ e Bay ၏ ပထမဆုံး ရောင်းကုန် အဖြစ် လေဆာပွိုင်တာ အစုတ်လေးက မှတ်တမ်းဝင်ခဲ့သည်။

ခုံဟောင်းလေး၊ ခေါင်းလောင်းစုတ်လေး တွေနဲ့ စခဲ့ရတဲ့ Amazon

အွန်လိုင်း လက်လီ အရောင်းဆိုင် လုပ်ငန်းကြီး Amazon သည် စတင် ထူထောင်စဉ်က လုပ်ထုံး လုပ်နည်းလေး အချို့ကိုသာ ယနေ့ထိ ဆက်လက် ကျင့်သုံးနေမည် ဆိုပါက လုပ်သားအားလုံးနားပူ ခေါင်းကိုက်ကြဖို့ ရှိသည်။

ဘာကြောင့်လဲ။ Amazon ကို စတင်ထူထောင်သူမှာ ဂျက်ဖ်ဘီးဇော့ ဖြစ်သည်။ Amazon စတင် ထူထောင်စဉ်က ဘီးဇော့သည် စားပွဲအသစ် တစ်လုံးပင် မ၀ယ်နိုင်သဖြင့် အခန်းတံခါးချပ် အဟောင်းအမြင်းများကို ၀ယ်ယူကာ စားပွဲခုံဖြစ်အောင် ကိုယ်တိုင် လက်သမား လုပ်ခဲ့ရသည်။ ထိုစားပွဲမျိုး မှာ ဘီးဇော့ထိုင်ပြီး အလုပ်လုပ်ခဲ့သည်။ Amazon အစဦး ၀န်ထမ်းများ အတွက်လည်း ထိုစားပွဲများ ကသာ ကြိုဆိုခဲ့သည်။ ကားဂိုဒေါင် ဟောင်းကို ရုံးခန်း လုပ်ထားရသည်ဖြစ်ရာ ဆောင်းတွင်း ချမ်းတုန်ချိန်များတွင် စနစ်တကျ တပ်ဆင်ထားသော အခန်းတွင်း အနွေးပေးစနစ်မျိုး မသုံးနိုင်ဘဲ လျှပ်စစ် ဓာတ်အားသုံး အပူပေးစက်ကြီး တစ်လုံးကိုသာ အခန်းထဲမှာ ချထားရသည်။ အွန်လိုင်းကနေ တစ်ယောက်ယောက် စာအုပ်တစ်အုပ်မှာ ယူလိုက်တိုင်း ရုံးခန်း ထဲက ကွန်ပျူတာနဲ့ ချိတ်ထားသော ခေါင်းလောင်းက “ကလင် ကလင်၊ ကလောင် ကလောင်” တစ်ခါမြည်သည်။ ထိုခေါင်းလောင်းကို ရက် အနည်းငယ်အတွင်းမှာပင် ဖြုတ်ပစ်ခဲ့ရသည်။ အကြောင်းမှာ နောက်ပိုင်းတွင် ပစ္စည်းမှာယူသူ များပြားလာပြီး ခေါင်းလောင်းသည် တစ်ချိန်လုံး မြည်နေကာ ၀န်ထမ်းများ နားမခံသာ ခေါင်းကိုက်ကြရ သောကြောင့် ဖြစ်သည်။

ငလျင်လှိုင်းထက်မြန်တဲ့ တွစ်တာ

၂၀၁၁ ခုနှစ်၊ သြဂုတ်လ (၂၃) ရက်နေ့တွင် အမေရိကန်နိုင်ငံ အရှေ့ဘက်ကမ်းခြေမှာ ငလျင်လှုပ်သည်။ ငလျင်လာမည် ဆိုတာ ကြိုသိတာ လီမာမျောက်ရယ်၊ တွစ်တာသမား ရယ်သာ ရှိသည်။ အကြောင်းမည်သို့ နည်း။

ငလျင် ဗဟိုချက်သည် ဗာဂျီးနီးယားပြည်နယ် မြောက်ပိုင်းအရပ် ဖြစ်သည်။ ထိုအရပ်ရှိ တိရိစ္ဆာန်ရုံ National Zoo ၏ တာဝန်ရှိသူများ အဆို အရ ရုံထဲရှိ လီမာမျောက်များသည် ငလျင် မလှုပ်မီ (၁၅) မိနစ် အကြိုကတည်းက ဂနာမငြိမ် ဖြစ်ကာ အချက်ပေးနေကြကြောင်း သိရသည်။

လူတွေထဲ မှာလည်း ငလျင်လာမည်ကို ကြိုသိသော လီမာနဲ့တူသော လူများ ရှိခဲ့သည်။ အခြားမဟုတ် တွစ်တာသုံးသူ အချို့ ဖြစ်၏။ ငလျင် လှိုင်း စတင်ခံစားရ ကတည်းက ဗဟိုချက်မှာ ရှိသော ၀ါရှင်တန်ဒီစီနှင့် ဗာဂျီးနီးယား ပြည်နယ်မှ တွစ်တာ သုံးသူများက တွစ်တာမှာ ချက်ချင်း တင်လိုက် ကြသည်။ တွစ်တာလှိုင်း က ငလျင်လှိုင်းထက် ပိုမြန်သည်။ အမေရိကန် အရှေ့စွန်းပိုင်းရှိ ဘော်စတန်မြို့သားများသည် ငလျင်လှိုင်းမခံစား ရမီ (၁၅) စက္ကန့်မှ စက္ကန့် (၃၀) လောက်ကတည်းက ဗာဂျီးနီးယား၌ ငလျင်လှုပ်ကြောင်း တွစ်တာမှာ တွေ့ကြရသည်ဟု ဆိုသည်။

ကိုယ့်တုတ်နဲ့ကိုယ် အရိုက်ခံရသည့်နှယ် ရှိသော Match.com တည်ထောင်သူ

အွန်လိုင်းမှ တစ်ဆင့် ကြင်ဖော်ကြင်ဖက် ရှာနိုင်သည့် Match.com ၀က်ဘ်ဆိုက် ကို ၁၉၉၃ ခုနှစ် တွင် ဂါရီခရီးမန်း ဆိုသူက စတင် ထူထောင်ခဲ့သည်။ Match.com ကျေးဇူးကြောင့် ကမ္ဘာတစ်ဝန်း အွန်လိုင်းတွင် တွေ့ဆုံကြကာ အပြင်မှာပါ လူချင်းတွေ့ကြ၊ သဘောထားတိုက်ဆိုင်သူများ သမီးရည်းစား ဖြစ်သွား၊ လက်ထပ်ဖြစ်သွားတာ သိန်းသန်းချီရှိခဲ့ပြီ။ အောင်သွယ်တော်ကြီး ခရီးမန်း ကိုယ်တိုင်ကား ကံမကောင်းရှာ။ ခရီးမန်းနဲ့ သူချစ်သူ မိန်းကလေး ပြတ်သွားချိန်တွင်ကား သူ့ချစ်သူ မိန်းကလေးသည် ခရီးမန်း ထူထောင်ထားသော Match.com မှ တစ်ဆင့် တွေ့ဆုံရသူ တစ်ယောက်နဲ့ အိမ်ထောင်ပြုသွားလေသည်။

လျှပ်စစ်ဓာတ်အားပေး ကုမ္ပဏီကြီး ဂူဂဲ

ဂူဂဲဆိုလျှင် အင်တာနက် ရှာဖွေရေး ၀န်ဆောင်မှု လုပ်ငန်းကြီး အဖြစ်သာ လူသိများကြသည်။ ဂူဂဲသည် လျှပ်စစ်ဓာတ်အားပေး ကုမ္ပဏီကြီး အဖြစ်လည်း ရပ်တည်နေသည်ကို သိရှိသူ နည်းလှသည်။ ဂူဂဲ၏ အင်တာနက် ရှာဖွေရေး ၀န်ဆောင်မှုလုပ်ငန်းများ နှင့် အခြား ဆက်စပ်လုပ်ငန်းများ ဆောင်ရွက်ရန် လျှပ်စစ်ဓာတ်အားများစွာ လိုအပ်သည်။ ဂူဂဲသည် သမားရိုးကျ လျှပ်စစ် ဓာတ်အားချည်း သာမက၊ အစိမ်းရောင် စွမ်းအင်များ ဖြစ်သော နေစွမ်းအင်၊ လေစွမ်းအင် စသည့် စွမ်းအင်လုပ်ငန်းများ တွင်လည်း ရင်းနှီးမြှုပ်နှံထားကာ လျှပ်စစ်ဓာတ်အား ထုတ်ယူရေးများ ဆောင်ရွက်လျက် ရှိသည်။ ဂူဂဲ လုပ်ငန်းများ အတွက် လိုအပ်သော လျှပ်စစ်စွမ်းအင်ကို ပြင်ပကိုချည်း အားကိုးနေရုံဖြင့် မလုံလောက်တော့ သဖြင့် ဂူဂဲသည် ကိုယ်တိုင် ထုတ်လုပ်ရန် ပါ ကြိုးပမ်းလျက် ရှိသည်။ သို့ဖြစ်သောကြောင့်ပင် ဂူဂဲသည် လျှပ်စစ်ဓာတ်အား ထုတ်လုပ်ခွင့် တရားဝင် လိုင်စင်ရယူကာ ဓာတ်အားထုတ်လုပ်ရန်ပါ ကြိုးပမ်း နေသည်။ ထို့အပြင် လျှပ်စစ်ဓာတ်အား ပွဲစား အနေဖြင့်လည်း ဆောင်ရွက်လျက် ရှိပြီး ဓာတ်အားဝယ်ခြင်း၊ တစ်ဆင့် ပြန်ရောင်းပေးခြင်းများကိုပါ လုပ်ပိုင်ခွင့် လိုင်စင် ရယူထားသည်။ ထိုနည်းလမ်းဖြင့် ဂူဂဲ လုပ်ငန်းများ အတွက် အလွန်အမင်း လိုအပ်သော လျှပ်စစ်ဓာတ်အားကို လောက်ငအောင် ကြိုးပမ်းလျက် ရှိသည်။ ၂၀၀၉ ခုနှစ် ကစပြီး ဂူဂဲစွမ်းအင် ကုမ္ပဏီ Google Energy ကို တည်ထောင်ထားသည်။

Ref: Little secrets about big websites by Den Lewis (rdasia.com)

messenger


အပြည့်အစုံသို့ »

ဖိနပ်လည်းစီးမယ် ဖုန်းလည်းအားသွင်းမယ်..



အခုဆိုရင် အိုင်တီခေတ်ကြီးကိုရောက်ရှိနေတာမို့လို့ ကျွန်တော်တို့ ပတ်ဝန်းကျင်မှာ မြင်တွေ့နေရတဲ့ အရာတွေအားလုံးက အိုင်တီနဲ့ပတ်သက်တဲ့အရာတွေပါပဲ။  ဒီလို ဆိုတာကလည်း အိုင်တီပစ္စည်းတွေကလည်း တကယ့်ကိုအသုံးဝင်နေတာကိုး။ ကျွမ်း ကျင်တဲ့ပညာရှင်တွေကလည်း ထွင်မှထွင်သကိုး၊ ကြံကြံဖန်ဖန်ကိုပါပဲ။ အခုဒီမှာလည်း ဆယ့်ငါးနှစ်သား ကျောင်းသားကလေးထွင်လိုက်တဲ့ အရာလေးကတော့ တကယ့်ကို စိတ်လှုပ်ရှားစရာပါပဲ။

အသက် ၁၅ နှစ်လူငယ် ပါရမီရှင်လေးဖြစ်တဲ့ ကတ်စီမီရို က အခုလို မိုဘိုင်းဖုန်းအသုံးပြု တာတွေ ခေတ်စားလာတာကို အကျိုးပြုနိုင်ဖို့ တီထွင်လိုက်တဲ့အရာကတော့ မိုဘိုင်းဖုန်း အားသွင်းနိုင်တဲ့ ဖိနပ်တစ်ရံပါပဲ။ ဖိနပ်လည်းစီး လမ်းလျှောက်ရင်း၊ ဖုန်းဘက်ထရီအား လည်းသွင်းရင်းပေါ့။ “Solepower”လို့လည်းခေါ်ကြပါတယ်။

ဒီဖိနပ်ကို အသုံးပြုမယ့်သူက သာမန်အတိုင်း ဖိနပ်စီးလိုက်ရုံပါပဲ။ လမ်းလျှောက်မယ်၊ ခုန်မယ်၊ ပြေးလွှားမယ် စသဖြင့်အားလုံးလုပ်နိုင်ပါတယ်။ အဲ့လို လုပ် ဆောင်နေတဲ့အချိန်မှာ ဖိနပ်ပေါ်ကျလာမယ့် ဖိအားက အောက်ကခံထားတဲ့ ဒစ်အပြား ကိုပေါ်ကို ကျလာကာ စွမ်းအင်ကို ထုတ်ပေးပါတယ်။ ထွက်လာတဲ့ စွမ်းအင် ဘက်ထရီ ကို ဖုန်းအားမှာသော်လည်းကောင်း အခြား ယူအက်စ်ဘီ အားသွင်းတဲ့ ပစ္စည်းတွေမှာ သော်လည်းကောင်း အသုံးပြုလို့ရနိုင်ပါတယ်။

သူရဲ့ လစ်သီရမ်အိုင်းယွန်းဘက်ထရီထဲ ကို အားသွင်းမယ်ဆိုရင်တော့ ပြေးမယ်ဆိုရင် ရှစ်နာရီ၊ ဘတ်စကတ်ဘော ကစားမယ် ဆိုရင်တော့ နှစ်နာရီကြာ အားသွင်းနိုင်ပြီး အားပြည့်ဖို့အချိန်ကို လေးကီလိုမီတာ(နှစ် မိုင်ခွဲ ) လမ်းလျှောက်လိုက်ရုံနဲ့တင် လုံလောက်မှာဖြစ်ပါတယ်။ ဒီပစ္စည်းလေးကို လာမည့် ဇွန်လ ၂၆ ရက်နေ့မှာကျင်းပမယ့် ဂူးဂဲ လ်ရဲ့ ၂၀၁၄ ခုနှစ်အိုင်တီနည်းပညာပြပွဲမှာ မိတ်ဆက်ပြသသွားမှာလည်းဖြစ် ပါတယ်။

photutaw


အပြည့်အစုံသို့ »

ကမ္ဘာ့ဖလားရုပ်ပြောင်စတစ်ကာ Viber မှ အခမဲ့ရယူနိုင်


ကမ္ဘာ့ဖလားဘောလုံးပွဲ အထိမ်းအမှတ်အနေဖြင့် ပါဝင်ယှဉ်ပြိုင်သော ဘောလုံးအသင်းများ၏စတစ်ကာရုပ်ပြောင်လေးများကို အခမဲ့ရယူနိုင်ရန် ဖန်တီးပေးလိုက်ပြီဖြစ်ကြောင်း Viber က သတင်းထုတ်ပြန်သည်။

‘‘ကမ္ဘာ့ဖလားဘောလုံးပွဲစဉ်တွေနဲ့အတူဖြစ်ပေါ်လာတဲ့စိတ် လှုပ်ရှားမှုတွေ၊ ပျော်ရွှင်မှုတွေကို ကမ္ဘာ့နိုင်ငံအသီးသီးမှာရှိကြတဲ့ မိတ်ဆွေသူငယ်ချင်းအချင်းချင်း လွတ်လပ်စွာအပျော်တွေကိုဖြန့်ဝေခံစားနိုင်ဖို့ Viber က အကောင်းဆုံးနည်းလမ်းတွေနဲ့ ပံ့ပိုးတဲ့ သဘောပါပဲ’’ဟုViber ၏ ထုတ်ကုန်ကိုယ်စားပြုအကြီးအကဲ Michael Shmilov ကပြောသည်။

Viber က ကမ္ဘာ့ဖလားပြိုင်ပွဲတွင်ပါဝင်ယှဉ်ပြိုင်သောနိုင်ငံ၃၂ နိုင်ငံ၏ဘာသာစကားနှင့် ယင်းတို့၏အလံများဖြင့်ပြုလုပ်ထားသည့်ရုပ်ပြောင်စတစ်ကာများကို ပြုလုပ်ပေးလိုက်ခြင်းဖြစ်ပြီး အဆိုပါစတစ်ကာများအနက် အချို့ကိုအခမဲ့ရယူနိုင်ပြီး အချို့ကိုငွေကြေးဖြင့်ဝယ်ယူနိုင်မည်ဖြစ်သည်။

Viber သည် မိုဘိုင်းဖုန်းများကိုအသုံးပြု၍ အင်တာနက်ကွန်နက်ရှင်(သို့မဟုတ်)ဝိုင်ဖိုင်ရှိရုံဖြင့် စာတိုများပေးပို့ခြင်း၊ဖုန်းခေါ်ဆို ခြင်း၊ အသံ Message များပေးပို့ခြင်း၊ ရုပ်ပြောင်စတစ်ကာများ၊ ဓာတ်ပုံဗီဒီယိုများ အပြန်အလှန် ပေးပို့နိုင်ခြင်းနှင့် တည်နေရာများ မျှဝေခြင်းတို့ကိုအခမဲ့ပြုလုပ်နိုင်ခြင်းကြောင့်နိုင်ငံတကာတွင်သာမက မြန်မာနိုင်ငံတွင်ပါ လူအများစုအသုံးပြုလျက်ရှိသော ဆော့ဖ်ဝဲတစ်ခုဖြစ်သည်။

ယခုအချိန်တွင် နိုင်ငံပေါင်း ၁၉၃ နိုင်ငံမှ Viber ဆော့ဖ်ဝဲကို အသုံးပြုသူဦးရေမှာ သန်း ၃၀၀ ကျော်ရှိနေပြီဖြစ်သည်။

7day daily

အပြည့်အစုံသို့ »

Apple နှင့်ယှဉ်ပြိုင်မည့် ကျန်းမာရေးခြေရာခံစနစ်ကို Google မိတ်ဆက်ဖွယ်ရှိ



iOS 8 အတွက် Health app ကို Apple က မိတ်ဆက်ပေးခဲ့ပြီး ရက်သတ္တပတ် အနည်းငယ်အကြာတွင် Google က အလားတူ ကျန်းမာရေးခြေရာခံစနစ်ကို Google I/O ကွန်ဖရင့်စ်၌ မိတ်ဆက်ရန် စီစဉ်နေကြောင်း Forbes မှ ဖော်ပြခဲ့သည်။ အဆိုပါ ကျန်းမာရေးခြေရာခံစနစ်ကို Google Fit ဟု အမည်ပေးထားပြီး ၎င်းသည် ကျန်းမာရေးခြေရာခံထုတ်ကုန်များနှင့် app များမှ အချက်အလက်များကို စုပေါင်းကာ သုံးစွဲသူ၏ ထုတ်ကုန်ပေါ်တွင် ဖော်ပြပေးမည် ဖြစ်သည်။



Google Fit သည် open API ဟုခေါ်သည့် အချက်အလက်များကို app များမှ ဝေမျှနိုင်မည့် ညွှန်ကြားချက်များမှတစ်ဆင့် အချက်အလက်များကို ရယူစုဆောင်းပေးမည် ဖြစ်သည်။ ထို့အပြင် Google Fit သည် ဝတ်ဆင်နိုင်သည့် ထုတ်ကုန်တစ်ခုမှ ခြေလှမ်းများနှင့် နှလုံးခုန်နှုန်းကဲ့သို့သော အချက်အလက်များကို ၎င်း၏ ဂေဟစနစ် အစိတ်အပိုင်းတစ်ခု ဖြစ်လာမည့် Google ၏ cloud အခြေခံ ဝန်ဆောင်များဖြင့် ချိတ်ဆက် အသုံးပြုနိုင်စေမည်။



သို့ရာတွင် Google Fit ကို Android တွင် default အနေဖြင့် ပေါင်းစပ်ထည့်သွင်းရန်နှင့် သီးခြား app အနေဖြင့် ဖြန့်ချိရန် စီစဉ်ထားခြင်း ရှိ၊ မရှိကို အသေအချာ မသိရသေးကြောင်း Forbes က ပြောကြားခဲ့သည်။



ယခုနှစ် အစောပိုင်းက Google သည် Android Wear စီမံကိန်းကို စမတ်နာရီများကဲ့သို့ ဝတ်ဆင်နိုင်သော ထုတ်ကုန်များတွင် ကျန်းမာရေး စောင့်ရှောက်မှုအတွက် ရည်ရွယ်ကာ အသုံးပြုမည်ဟု ကြေညာခဲ့သည်။ ထို့ကြောင့် Google Fit သည် အမျိုးမျိုးသော Android Wear ထုတ်ကုန်များမှ အချက်အလက်များကို ရယူစုဆောင်းသည့် ဗဟိုစနစ်တစ်ခု ဖြစ်လာဖွယ်ရှိကြောင်း Forbes က သုံးသပ်ဖော်ပြခဲ့သည်။



မကြာသေးမီက ကျင်းပပြုလုပ်ခဲ့သည့် Worldwide Developers Conference (WWDC) တွင် Apple က မိတ်ဆက်ပေးခဲ့သည့် Health feature သည် developer များအနေဖြင့် app များနှင့် အမျိုးမျိုးသော ထုတ်ကုန်များပေါ်တွင် ထည့်သွင်းတည်ဆောက်နိုင်စေမည့် feature ဖြစ်သည်။ ထို့အပြင် ၎င်း feature ကို Apple ၏ iWatch တွင်လည်း အဓိက feature အနေဖြင့် အသုံးပြုသွားဖွယ်ရှိသည်။



ကောလာဟလ သတင်းများကလည်း ယခုနှစ်ကုန်ပိုင်းတွင် iOS 8 ကို အများပြည်သူထံ ဖြန့်ချိသည့်အခါ၌ ကျန်းမာရေးစောင့်ရှောက်မှုကို အထောက်အကူပြုစေမည့် biometric senseor များပါဝင်သော iWatch ကို မိတ်ဆက်ပေးဖွယ်ရှိကြောင်း ဖော်ပြခဲ့ကြသည်။



Ref: MacRumors
Internet Journal

အပြည့်အစုံသို့ »