Showing posts with label Myanmar-news. Show all posts
Showing posts with label Myanmar-news. Show all posts

မြွေဟောက်ဟင်းမရောင်းဟု ဗီယက်နမ်ဟိုတယ်ငြင်း


ရန်ကုန်မြို့လယ်ကောင် ရှိ ဗီယက်နမ်ဟိုတယ်ဟု လူသိများသော မစ္စတာလီဟို
တယ်တွင် ၅၅ ဒေါ်လာတန် မြွေဟောက်ဟင်းပွဲများ ရောင်းချနေသည်ဆိုခြင်းမှာ
 မဟုတ်မှန်ကြောင်း ဟိုတယ်က ငြင်းဆိုလိုက်သည်။


လမ်းမတော်မြို့နယ်၊ လမ်း မတော်လမ်း၊ တိုက်နံပါတ် (၁၂၉)တွင် ဖွင့်လှစ်ထားသော မစ္စတာလီဟိုတယ် (Mr.Lee)တွင် မြွေဟောက်ဟင်းများ ရောင်းချနေကြောင်း မြွေဟောက်ဟင်းဓာတ်ပုံများ၊ လူမှုကွန်ရက် ဖေ့စ်ဘွတ်ခ်စာမျက်နှာများတွင် ပျံ့နှံ့ခဲ့သည်။


 မစ္စတာလီဟိုတယ်ပိုင်ရှင် ဦးမောင်မောင်က ‘‘သံဈေးက ဝယ်တဲ့ ငါးရှဥ့်ရယ်၊ ငါးရံ့အကြေးခွံနဲ့အုပ်ထားတာပါ။ ဒါကိုမြွေလို့ ပြောကြတာပါ။ ဓာတ်ပုံကမှန်တယ်။ ခုလိုနားလည်မှုလွဲအောင်လုပ်လို့တောင် ဒေါသထွက်တယ်။ အခုအဲဒီမီနူးကိုလည်း ပြန်ဖြုတ်လိုက်ပါပြီ။ ဟိုတယ်မဖွင့်စေချင်လို့ မကျေနပ်တဲ့လူတွေလုပ်တာပါ’’ဟု ၎င်းက ဆိုသည်။

ဟိုတယ်တွင် မြွေဟောက် အရှင်များလှောင်ထားပြီး  မြွေ ဟောက်ဟင်းများရောင်းချနေ သည့် သတင်းများထွက်ပေါ်နေ သဖြင့် အနီးဝန်းကျင်တွင် နေထိုင် သူများက စိုးရိမ်နေပြီး တာဝန်ရှိ သူများကို စစ်ဆေးစေလိုကြောင်း ယင်းဟိုတယ်အနီးသို့ သွား ရောက်မေးမြန်းမှုအရ သိရသည်။

 ‘‘မြွေတွေမွေးထားတာ မဟုတ်ပါဘူး။ ငါးတွေပါ။ စားသုံးသူတွေမှာလို့ လုပ်ပေးရတာပါ။ မြွေပုံစံနဲ့တူတဲ့ ရှည်လမျောငါးမျိုးပါ။ သူတစ်မျိုးတည်းရောင်းတာမဟုတ်ပါဘူး။ တခြားဟင်းတွေလည်းပါပါတယ်။ ထမင်းလည်းပါမှ ၅၅ ဒေါ်လာပါ’’ ဟု ဟိုတယ်၏ တာဝန်ရှိသူ ဦးနေလင်းအောင်က ပြောသည်။

‘‘ကားပေါ်ကနေ သယ်သယ် နေတာတော့တွေ့တယ်။  ဟိုတယ် ထဲမှာ  မြွေဟောက်အရှင်တွေ လှောင်ထားတာလို့လည်း ကြား တယ်။ မတော်တဆမြွေတွေလွတ် ထွက်ပြီး အိမ်နီးနားချင်းတိုက်အိမ် တွေဆီရောက်မှာကိုပဲ ကြောက် နေတာ’’ဟု ယင်းဟိုတယ်အနီးရှိ တိုက်ခန်းတွင် နေထိုင်သူတစ်ဦး က ဆိုသည်။

ယင်းဟိုတယ်တွင် ဗီယက် နမ်လူမျိုးများနှင့် ဥရောပနိုင်ငံ သားများလာရောက်တည်းခိုမှု များပြီး တရုတ်နိုင်ငံသားအနည်း ငယ်သာ တည်းခိုကြောင်း ဦးမောင်မောင်က ပြောသည်။

 ၁၉၉၄ ခုနှစ် တောရိုင်း တိရစ္ဆာန်များ  ထိန်းသိမ်းကာ ကွယ်ရေးဥပဒေတွင်  တောရိုင်း တိရစ္ဆာန်အမျိုးအစားသုံးမျိုးခွဲ၍ ကာကွယ်ပေးထားပြီး လုံးဝကာ ကွယ်ရမည့် ဆင်၊ ကျား၊ ကြံ့စသော တိရစ္ဆာန်များနှင့် အခြား အမျိုးအစားနှစ်ခုတွင် မြွေအမျိုး အစားများလည်း ပါဝင်ကြောင်း၊တောရိုင်းတိရစ္ဆာန်များရောင်း ဝယ်ဖောက်ကားလျှင် အနည်းဆုံး ထောင်ဒဏ်ခုနစ်နှစ်အထက်နှင့် ဒဏ်ငွေ (သို့မဟုတ်) နှစ်မျိုးစလုံး ကျခံရနိုင်သည်။

‘‘တောရိုင်းတိရစ္ဆာန်တွေကို ဟင်းအနေနဲ့ရောင်းလို့မရဘူး။ မြွေဟောက်မှမဟုတ်ဘူး။ ဘယ် မြွေမဆို မိမိသဘောနဲ့ရောင်းဝယ် ဖောက်ကားခွင့်မရှိဘူး’’ဟု မြန်မာ ငှက်နှင့် သဘာဝပတ်ဝန်းကျင် ထိန်းသိမ်းရေးအသင်း ဒုဥက္ကဋ္ဌ ဦးသိန်းအောင်က ရှင်းပြသည်။

သိမ်းကြီးဈေး (C)ရုံတွင် တောတွင်းတိရစ္ဆာန်များဖြစ်သည့် လိပ်၊ ဖွတ်၊ တောကြောင်၊ မြွေမျိုးစုံ စသည့်တောတွင်းတိရစ္ဆာန်အစုံရောင်းချသည့် စားသောက်ဆိုင်အကြီးစားတစ်ခုဖွင့်လှစ်ခဲ့ဖူးပြီး၂၀၀၇ ခုနှစ်နောက်ပိုင်းတွင် ပိတ်သိမ်းခဲ့ရသည်။

မြွေနှင့် မြွေဟောက်များကို တရုတ်နိုင်ငံသို့ တရားမဝင်သယ် ဆောင်မှုများကို မူဆယ်မြို့နယ် ၁၀၅ မိုင် စစ်ဆေးရေးဂိတ်များ တွင် မကြာခဏဖမ်းဆီးရမိလျက် ရှိသည်။

7 Day News Daily

အပြည့်အစုံသို့ »

လူမှုကွန်ရက်ပေါ်ရှိ ပဋိပက္ခဖြစ်စေမည့် အရေးအသားများ တက်လာပါက ဖြုတ်ချမည်ဟု Facebook မှ တာဝန်ရှိသူများ ပြောကြား


လူမှုကွန်ရက်ပေါ်တွင် ပဋိပက္ခဖြစ်စေမည့် အရေးအသားများ တက်လာပါက ဖြုတ်ချမည်ဟု ယမန်နေ့က MICT Park တွင် ကျင်းပသည့် ဆွေးနွေးပွဲတွင် Facebook မှ တာဝန်ရှိသူ များက ပြောကြားခဲ့ခြင်း ဖြစ်သည်။ အရင်တုန်း ကလည်း ထိန်းသိမ်းမှုတွေ လုပ်ခဲ့တယ်။ ထိရောက်မှုမရှိဘူး။ အခုစနစ် တကျနဲ့ သေချာချိတ်ဆက်ပြီး တက်လာမယ့် Report ကို စောင့်ကြည့်သွားမှာပါ ဟု Facebook မှ တာဝန်ရှိသူ တစ်ဦးက ပြောသည်။
လူမှုကွန်ရက် Facebook စာမျက်နှာတချို့တွင် Profile အတုများ၊ Page အတုများဖြင့် သွေးထိုးလှုံ့ဆော်မှုများ၊ ပဋိပက္ခ ဖြစ်စေနိုင်သည့် ရေးသားမှုများ၊ ပြုလုပ်လျက်ရှိ ပြီး ထိုရေးသားမှုများသည် ပျံ့နှံ့အားကောင်းပြီး ပဋိပက္ခများကို ချုပ်ငြိမ်းအောင် ဆောင်ရွက်နေမှုများကို အဟန့်အတား ဖြစ်စေကြောင်း ဘလော့ဂါ ဦးနေဘုန်းလတ် က ပြောသည်။
အရင်က သတင်းအမှောင်ချတဲ့ ခေတ်ကြီးကို ဖြတ်သန်းလာတဲ့အခါ လူတွေက သတင်းအရမ်းငတ်နေတယ်။ သတင်းတွေကို ဆာလောင်ကြ တယ်။ အခုလို အထိုက်အလျောက် ပွင့်လာတဲ့အခါ သတင်းစီးဆင်းမှုတွေ အရမ်းများတယ်။ ဂျာနယ်တွေ သတင်းတွေနဲ့ တင် မလုံလောက်ဘဲနဲ့ ဆိုရှယ် Network တွေကို သတင်းအနေနဲ့ အသုံးပြုလာကြတယ်။ အဲဒီမှာ သတင်းစီးဆင်းမှု အရမ်းမြန်တယ်။ တုံ့ပြန်မှုတွေ ကလည်း အရမ်းမြန်တယ်ဟု ၎င်းက ပြောသည်။
လူမှုကွန်ရက်အား အသုံးပြုခြင်းနှင့် ပတ်သက်၍အစိုးရ၊ လူမှုအဖွဲ့အစည်းများ၊ IT ပညာရှင်များမှဝိုင်းဝန်းကာ ပြည်သူလူထုအား လူမှု ကွန်ရက် အသုံးပြုပုံ ဆိုးကျိုး၊ ကောင်းကျိုးများအား အသိပညာပေးလုပ်ငန်းများ ဆောင်ရွက်သွားရန် လိုအပ်ကြောင်း လူမှုကွန်ရက်အား အသုံးပြုနေသော ပညာရှင် များက ပြောဆိုကြသည်။
အသိပညာပေးလုပ်ငန်းတွေ မလုပ်မီ လူမှုကွန်ရက်သုံးစွဲသူတွေအနေနဲ့ ကိုယ့်အကောင့်ထဲမှာ သွေးထိုးလှုံ့ဆော်တဲ့ Hate Speech တွေ ပြော တဲ့အကောင့်တွေကို ဘလော့ပစ်ပါ။ ပြီးရင် ဒီအကောင့်တွေကတော့ ဒါတွေရေးသားနေတယ်ဆိုပြီးပြန် Share ပါ ဒါဆိုရင် သူကတစ်ဖြည်းဖြည်း ပျောက် ကွယ်သွားပါလိမ့်မယ် ဟု GMIT ၏ စီအီးအို Ko Ravi က အကြံပြုပြောသည်။
လူမှုကွန်ရက်မီဒီယာ၏ သတင်းအရေးအသားကြောင့် ဇူလိုင်လ(၁၇)ရက်နေ့က မန္တလေးမြို့ တွင် ပဋိပက္ခဖြစ်ပွားခဲ့ရာ လူနှစ်ဦး သေဆုံးခဲ့ပြီး၊ ဇူလိုင်လ (၃) ရက်နေ့မှ စတင်ကာ ယခုအချိန်ထိ မန္တလေးခရိုင်အတွင်းရှိ မြို့နယ်များကို ညကိုးနာရီမှ နံနက် ငါးနားရီ အချိန်ထိ ပုဒ်မ(၁၄၄) ညမထွက်ရ အမိန့် ထုတ်ပြန်ထားသည်။

Messenger News Journal

အပြည့်အစုံသို့ »

မန္တလေးမြို့တွင် ဖြစ်ပွားခဲ့သော ပဋိပက္ခများ စတင် ဖြစ်ပေါ်စေသည့် ဖြစ်စဉ် အများပြည်သူတို့ သတင်းအမှန် သိရှိစေရန် သတင်းထုတ်ပြန်



မန္တလေးမြို့ ချမ်းအေးသာစံမြို့နယ် ၂၈ လမ်းနှင့် ၈၂ လမ်းထောင့်ရှိ ဆန်းကဖီး လက်ဖက်ရည်ဆိုင်၌ ၁-၇-၂၀၁၄ ရက်နေ့တွင် ပဋိပက္ခအသွင် လူအုပ်စုစတင် ဖြစ်ပေါ်ခဲ့ပြီး လုံခြုံရေး ပူးပေါင်း အဖွဲ့ဝင်များက ထိန်းသိမ်း ဆောင်ရွက်ခဲ့သည်။ လူအုပ်စုချင်း ပဋိပက္ခများ ဆက်လက် ဖြစ်ပွားခြင်းကြောင့် လူနှစ်ဦးသေဆုံးပြီး ၁၄ ဦး ဒဏ်ရာရရှိကာ အဆောက်အအုံများနှင့် မော်တော်ယာဉ်များ ဖျက်ဆီးခံရပြီး တည်ငြိမ် အေးချမ်းရေး ထိန်းသိမ်းရန် လိုအပ်လာသဖြင့် ၄-၇-၂၀၁၄ ရက်နေ့တွင် မြို့နယ် ခုနစ်မြို့နယ်၌ ပြစ်မှုဆိုင်ရာကျင့်ထုံး ဥပဒေပုဒ်မ ၁၄၄ ထုတ်ပြန်၍ ထိန်းသိမ်းခဲ့သည်။

ထိုသို့ ဖြစ်ပွားရခြင်းသည် နေပြည်တော် ပျဉ်းမနားမြို့တွင် မြန်မာ အမျိုးသမီး တစ်ဦးအား အခြားဘာသာဝင် ညီအစ်ကိုနှစ်ဦးက သားမယားအဖြစ် အဓမ္မ ပြုကျင့်ကြောင်း သတင်းကို ဇွန်လ ၃၀ ရက်နေ့ အင်တာနက်၊ လူမှုကွန်ရက် စာမျက်နှာများ၌ စတင်ဖော်ပြရာမှ လူအုပ်စုဖြင့် ပဋိပက္ခများ စတင်ဖြစ်ပွားခဲ့ခြင်း ဖြစ်သည်။

မှုခင်းဖြစ်ရပ်မှာ ၂၈-၆-၂၀၁၄ ရက်နေ့ ည ၁၀ နာရီတွင် မန္တလေးမြို့ ၂၈ လမ်းနှင့် ၈၂ လမ်းထောင့်ရှိ "ဆန်းကဖီး" လက်ဖက်ရည်ဆိုင်၌ ဆိုင်ဝန်ထမ်း မစိုးစိုး (၂၅ နှစ်) ဗန္ဓုလရပ်ကွက် ဘုတလင်မြို့နယ် နေသူသည် ဆိုင်ပိတ်သိမ်းနေစဉ် ဆိုင်ရှင်ဖြစ်သူ ဆန်းမောင် (၄၄နှစ်) (ဘ) ဦးမောင်မောင် အောင်မြေသာစံမြို့နယ် မေဃဂီရိရပ်ကွက် လေလာဝန်း အကွက်အမှတ် (၁၄၆) နေသူနှင့် ယင်း၏ အစ်ကို နေဝင်း (၄၅နှစ်) (ဘ) ဦးမောင်မောင် အောင်မြေသာစံမြို့နယ် ပုလဲငွေရောင် ရပ်ကွက် အကွက်အမှတ်(၁၄၇) နေသူတို့နှစ်ဦးက အမျိုးအစားနှင့် ယာဉ်အမှတ် မမှတ်မိသည့် အဖြူရောင်ယာဉ်ဖြင့် နေပြည်တော်တွင် လက်ဖက်ရည်ဆိုင် အသစ်ဖွင့်မည် ဖြစ်ကြောင်းနှင့် အလုပ်လုပ်ရမည်ဟု ပြောဆို ခေါ်ဆောင်ပြီး ၂၉-၆-၂၀၁၄ ရက်နေ့ နံနက် ၃ နာရီခန့်တွင် ပျဉ်းမနားမြို့ ယောက်သွားအင်း အုပ်စု ပျဉ်းမနား- တောင်ညို ကားလမ်း တော်ဝင်နန်း စားသောက်ဆိုင် အနီး ကားလမ်းဘေး၌ ကားကိုရပ်၍ ညီအစ်ကိုနှစ်ဦးက ၎င်းအား သားမယားအဖြစ် ပြုကျင့်၍ တိမ်းရှောင် သွားကြောင်း တရားလို မစိုးစိုး၏ တိုင်ကြားချက် အရ ယင်းနေ့ည ၇ နာရီခွဲတွင် ပျဉ်းမနားမြို့မ ရဲစခန်း (ပ)၂၉၃/ ၂၀၁၄ ပြစ်မှုဆိုင်ရာဥပဒေ ပုဒ်မ ၃၇၆ ဖြင့် အမှုဖွင့် အရေးယူခဲ့မှု ဖြစ်သည်။

အဆိုပါအမှုအား မြန်မာနိုင်ငံ ရဲတပ်ဖွဲ့၊ မှုခင်းရဲတပ်ဖွဲ့က စစ်ဆေးခဲ့ရာ တရားလို မစိုးစိုး၏ တိုင်ကြားချက်ပါ ယင်းတို့၏ ကိုယ်ရေးအချက်အလက်များ၊ "ဆန်းကဖီး" တွင် အလုပ်လုပ်ကိုင်ခဲ့ခြင်းနှင့် စပ်လျဉ်းသည့် အခြေအနေများ၊ အတူတကွ အလုပ်လုပ်ခဲ့သည် ဆိုသော တောင်သာ မြို့နယ်မှ အလုပ်သမားများ၊ ယခင်က အလုပ် လုပ်ကိုင်ခဲ့ဖူးကြောင်း ထွက်ဆိုခဲ့သည့် လားရှိုး၊ မူဆယ်နှင့် နမ့်ခမ်းမြို့များသို့ အသေးစိတ် စုံစမ်းစစ်ဆေး ခဲ့သည်။ စစ်ဆေးချက်များ အရ ၎င်း၏ အမည်ရင်းမှာ ဖြူဖြူမင်း(ခ)ကတုံးမ (၃၀နှစ်)ဖြစ်ကြောင်း၊ အဖအမည်မှန်မှာ ဦးအောင်မင်း (ကွယ်လွန်) ဖြစ်ကြောင်း၊ မွေးရပ်ဇာတိမှာ မန္တလေးမြို့ ချမ်းအေးသာစံမြို့နယ် ဖြစ်ကြောင်း၊ "ဆန်းကဖီး"တွင် အလုပ်လုပ်ကိုင်ခဲ့ဖူးခြင်း မရှိကြောင်း၊ မှုခင်းဆိုင်ရာ ဆေးပညာနှင့် ဓာတုဗေဒဆိုင်ရာ စစ်ဆေးချက်များ အရလည်း ယင်းအပေါ် အဓမ္မ ပြုကျင့်ခံထားရသည့် လက္ခဏာနှင့် ပြင်ပ ဒဏ်ရာများလည်း မရှိကြောင်း စစ်ဆေး ပေါ်ပေါက်ခဲ့သည်။ ထို့ကြောင့် ယင်းအား အသေးစိတ် ဆက်လက် စစ်ဆေးခဲ့ရာ ကိုယ်တိုင် ဝန်ခံချက်အရ ရဲထွဋ် (ခ) သူရရဲထွဋ်နှင့် နုနုမြတ်တို့၏ ငွေပေး၍ စေခိုင်းမှုအရ ဆန်းမောင်နှင့် နေဝင်းတို့က ယင်းအပေါ် သားမယားအဖြစ် ပြုကျင့်ကြောင်းဖြင့် ပျဉ်းမနားရဲစခန်းတွင် လီဆယ်အမှုဖွင့်ခဲ့ခြင်း ဖြစ်ကြောင်း ပေါ်ပေါက်သည်။

မှုခင်းဆိုင်ရာ စစ်ဆေးချက်များအရ မစိုးစိုးအမည်ခံ၍ လီဆယ်တိုင်ကြားသူ ဖြူဖြူမင်း(ခ) ကတုံးမသည် ၂၀၀၇ ခုနှစ် ဖေဖော်ဝါရီလအတွင်း အဖ ဦးကျော်ဆန်း၊ အမိ ဒေါ်မာလာတို့၏သား မင်းသူရဇော်(ခ) နိုမိုဟာမက်နှင့် အိမ်ထောင်ကျခဲ့ကြောင်း၊ ၂၀၁၃ ခုနှစ် စက်တင်ဘာလတွင် ခင်ပွန်းဖြစ်သူမှာ မူးယစ်ဆေးဝါးမှုဖြင့် တရားရုံးတွင် ရင်ဆိုင်နေရစဉ် အမှုမှ လွတ်မြောက်ရေး အကူအညီပေးသူ ရဲထွဋ်(ခ) သူရရဲထွဋ်နှင့် နုနုမြတ်တို့အား ရင်းနှီးခဲ့ကြောင်း၊ အမှုအား ၁၀-၄-၂၀၁၄ ရက်နေ့တွင် မန္တလေး ခရိုင်တရားရုံးက တရားခံ မင်းသူရဇော်(ခ) နိုမိုဟာမက်အပေါ် ထောင်ဒဏ် ၁၆ နှစ်နှင့် ပူးတွဲတရားခံ မင်းသူရဇော်(ခ) နိုမိုဟာမက်၏ အဒေါ် ခင်မာလွင်နှင့် နီနီဌေးတို့အပေါ် ထောင်ဒဏ် ၁၂ နှစ်စီ ပြစ်ဒဏ် ချမှတ်ခဲ့ကြောင်း သိရှိရသည်။ ထိုသို့ ပြစ်ဒဏ် ချမှတ်ခံရမှုအပေါ် ခင်မာလွင်၏ ခင်ပွန်း ခင်မောင်ထွေး(ခ) ကိုထွေး၊ ရဲထွဋ်(ခ) သူရရဲထွဋ်နှင့် မင်းသူရဇော်(ခ) နိုမိုဟာမက်၏ မိခင် ဒေါ်မာလာတို့က မကျေနပ်၍ တရားရုံးအတွင်း အော်ဟစ်ဆဲဆို ခြိမ်းခြောက်မှုများ ပြုလုပ်ခဲ့ခြင်းကြောင့် မန္တလေးခရိုင် တရားရုံးမှ စာရေး ဦးတင်မောင်ဝင်းက တရားလိုပြုလုပ် တိုင်ကြားသဖြင့် အမှတ်(၃)ရဲစခန်း (ပ)၁၄၉/ ၂၀၁၄၊ ပြစ်မှုဆိုင်ရာ ဥပဒေပုဒ်မ ၂၉၄/ ၅၀၆/ ၃၅၃ အရ အမှုဖွင့် အရေးယူခံရကာ ချမ်းအေးသာစံ မြို့နယ် တရားရုံးတွင် စစ်ဆေးနေဆဲ ဖြစ်သည်။

ထိုသို့ ပြန်လည် အမှုဖွင့် အရေးယူခံရမှုအပေါ် ခင်မောင်ထွေး(ခ) ကိုထွေး၊ ရဲထွဋ်(ခ) သူရရဲထွဋ်နှင့် ဒေါ်မာလာတို့က မကျေနပ်သဖြင့် မန္တလေးခရိုင် တရားရုံးမှ စာရေး ဦးတင်မောင်ဝင်းက ဟေမာကျော်အား သားမယားအဖြစ် ပြုကျင့်ကြောင်း လီဆယ်တိုင်တန်းရန် စီစဉ်ခဲ့ပြီး၂၁-၅-၂၀၁၄ ရက်နေ့တွင် ရဲထွဋ်(ခ) သူရရဲထွဋ်နှင့် နုနုမြတ်တို့သည် ခင်မောင်ထွေး(ခ) ကိုထွေး၊ ဒေါ်မာလာနှင့် သမီး ဟေမာကျော်တို့အား နေအိမ်သို့ ခေါ်ယူ၍ လီဆယ် တိုင်ကြားမည့် အစီအစဉ်ကို သင်ကြား ပေးခဲ့ကြောင်း၊ ယင်းနေ့ နေ့လယ်ပိုင်းတွင် ခင်မောင်ထွေး(ခ) ကိုထွေး၊ ဒေါ်မာလာနှင့် ၎င်း၏သမီး ဖြူမ(ခ) ဖြူဖြူဇော်၊ ဟေမာကျော်တို့သည် မော်တော်ယာဉ်ဖြင့် ပြင်ဦးလွင်သို့ သွားရောက်ပြီး ဟေမာကျော်အား လီဆယ် တိုင်ကြားမည့်ဖြစ်စဉ်နှင့် သက်ဆိုင်သည့် လက်ဖက်ရည်ဆိုင်၊ တည်းခိုခန်းနှင့် စတိုးဆိုင်တို့အား ပြသခဲ့ကြောင်း၊ ထို့နောက် ဒေါ်မာလာ၊ ဖြူမ(ခ) ဖြူဖြူဇော်နှင့် ဟေမာကျော်တို့သည် ပြင်ဦးလွင်မြို့မ ရဲစခန်းသို့ သွားရောက်ပြီး ရဲထွဋ်(ခ) သူရရဲထွဋ်နှင့် နုနုမြတ်တို့ သင်ကြားပေးသည့် အတိုင်း ပုလဲတည်းခိုခန်းတွင် ဦးတင်မောင်ဝင်းက ၎င်းအား သားမယား အဖြစ် ပြုကျင့်ခဲ့ကြောင်းဖြင့် ဟေမာကျော်က တရားလို ပြုလုပ်၍ လီဆယ် တိုင်ကြားခဲ့ရာ ပြင်ဦးလွင်မြို့မ ရဲစခန်း (ပ)၁၀၇/ ၂၀၁၄၊ ပြစ်မှုဆိုင်ရာ ဥပဒေပုဒ်မ ၃၇၆ ဖြင့် ဦးတင်မောင်ဝင်း အပေါ် အမှုဖွင့် အရေးယူခဲ့သည်။

ထို့ပြင် ရဲထွဋ်(ခ) သူရရဲထွဋ်နှင့် နုနုမြတ်တို့သည် မန္တလေးမြို့ စစ်ကိုင်းလမ်းခွဲနေ ဟာဂျီထွန်းထွန်း ဆိုသူနှင့် ရင်းနှီးမှုရှိပြီး ဟာဂျီ ထွန်းထွန်းနှင့် "ဆန်းကဖီး" ပိုင်ရှင် ဆန်းမောင်၊ "နေကဖီး" ပိုင်ရှင် နေဝင်းတို့မှာလည်း လူမှုရေး ပြဿနာများကြောင့် မှုခင်းများ အပြန်အလှန် ဖြစ်ပွားမှုများ ရှိကြောင်း စစ်ဆေး သိရှိရသည်။ ဟာဂျီထွန်းထွန်းသည် ၎င်း၏ ကြက်ခြံမှ အလုပ်သမား မကေသီခိုင်(ခ) ချယ်ရီသိန်း (၂၇နှစ်) (ဘ) ဦးရဲမြင့်အား ၉-၅- ၂၀၁၄ ရက်နေ့တွင် စစ်ကိုင်းမြို့ တည်းခိုခန်း၌ သားမယားအဖြစ် ပြုကျင့်ကြောင်း တိုင်ကြားခံရသဖြင့် ၁၇-၅-၂၀၁၄ ရက်နေ့တွင် စစ်ကိုင်းမြို့မရဲစခန်း (ပ)/၂၈၁/ ၂၀၁၄၊ ပြစ်မှုဆိုင်ရာ ဥပဒေပုဒ်မ ၃၇၆ အမှုဖြင့် အရေးယူခံရသည်။ ယင်းသို့ အရေးယူခံရမှု အပေါ် ဆန်းမောင်နှင့် နေဝင်းတို့က သွေးထိုး မြှောက်ပင့်ခဲ့သည်ဟု ဟာဂျီထွန်းထွန်းက ယူဆ ယုံကြည်ခဲ့သည်။ ထို့နောက် ဟာဂျီထွန်းထွန်းသည် ဆန်းမောင်နှင့် နေဝင်းတို့အပေါ် ပြစ်ဒဏ်ကြီးစွာ ရရှိနိုင်သည့် အမှုတစ်ခုဖြင့် လီဆယ် တိုင်ကြားနိုင်ရေး အတွက် ရဲထွဋ်(ခ) သူရရဲထွဋ်ထံ အကူအညီ တောင်းခံခဲ့သည်။ ရဲထွဋ်(ခ) သူရရဲထွဋ်နှင့် နုနုမြတ်တို့က ခင်ပွန်းဖြစ်သူ မူးယစ်ဆေးဝါးမှုဖြင့် ထောင်ကျပြီး ငွေကြေး လိုအပ်နေသူ ဖြူဖြူမင်း(ခ) ကတုံးမအား အသုံးချ၍ သားမယား ပြုကျင့်မှုဖြင့် လီဆယ်တိုင်ကြားရန် စီစဉ်ခဲ့သည်။ ဇွန်လအတွင်း၌ ရဲထွဋ်(ခ) သူရရဲထွဋ်နှင့် နုနုမြတ်တို့သည် ဖြူဖြူမင်း(ခ) ကတုံးမအား မန္တလေးမြို့ရှိ ခေါ်ယူနေထိုင်စေကာ သားမယား ပြုကျင့်သည့် လုပ်ကြံဖြစ်စဉ်ကို အသေးစိတ် ဇာတ်လမ်းဆင် သင်ကြားပေးခဲ့ပြီး အောင်မြင်ပါက ဖြူဖြူမင်း(ခ) ကတုံးမအား ငွေကျပ် ၁၀ သိန်း ပေးမည်ဟု သွေးဆောင်စည်းရုံးခဲ့ကြောင်း စစ်ဆေး ပေါ်ပေါက်သည်။

ထို့နောက် ဖြူဖြူမင်း(ခ) ကတုံးမ၊ ရဲထွဋ်(ခ) သူရရဲထွဋ်၊ နုနုမြတ်၊ ဖြူဖြူဇော်(ခ)ဖြူမတို့သည် ဆန်းမောင်နှင့် နေဝင်းတို့အပေါ် သားမယားအဖြစ် ပြုကျင့်မှုဖြင့် လီဆယ်အမှုဖွင့်ရန် ၂၈-၆-၂၀၁၄ ရက်နေ့ညပိုင်းတွင် ပျဉ်းမနားသို့ ရဲထွဋ်(ခ)သူရရဲထွဋ်၏ တိုရိုတာမတ်တူးယာဉ်ဖြင့် အမြန်လမ်းမကြီး အတိုင်း သွားရောက်ခဲ့ကြောင်း၊ ပျဉ်းမနားသို့ ရောက်ရှိပြီး ရွှေတောင် တည်းခိုခန်းတွင် တည်းခိုခဲ့ကြောင်း၊ သားမယားအဖြစ် ပြုကျင့်ခံရသည်ဟု လုပ်ကြံဖော်ပြမည့် နေရာနှင့် ပျဉ်းမနားမြို့၏ အနေအထားကို ရဲထွဋ်(ခ) သူရရဲထွဋ်နှင့် နုနုမြတ်တို့က မော်တော်ယာဉ်ဖြင့် လိုက်လံပြသခဲ့ကြောင်း၊ ၂၉-၆-၂၀၁၄ ရက်နေ့ နေ့လယ်ပိုင်းတွင် ဖြူဖြူမင်း(ခ) ကတုံးမအား ငွေ ၂၅၀၀၀ ပေး၍ ပျဉ်းမနားမြို့ မြင်းရတနာရုပ်တု အနီးတွင် ထားခဲ့ပြီး မန္တလေးသို့ ပြန်သွားခဲ့ကြောင်း သိရသည်။ ဖြူဖြူမင်း(ခ) ကတုံးမသည် ဆိုင်ကယ်ကယ်ရီဖြင့် ပျဉ်းမနား ရဲစခန်းသို့ သွားရောက်ကာ မစိုးစိုး အမည်ခံ၍ နေဝင်းနှင့် ဆန်းမောင်တို့က ၎င်းအား သားမယားအဖြစ် ပြုကျင့်ကြောင်း လီဆယ် တိုင်ကြားခဲ့သည်ကို စစ်ဆေး ပေါ်ပေါက်သည်။

ဖြူဖြူမင်း(ခ) ကတုံးမသည် ရဲထွဋ်(ခ)သူရရဲထွဋ်နှင့် နုနုမြတ်တို့၏ စည်းရုံးသင်ကြားပေးမှုအရ ဆန်းမောင်နှင့် နေ၀င်းတို့က ၎င်းအား သားမယားအဖြစ် ပြုကျင့်ကြောင်း လီဆယ်တိုင်ကြားခဲ့ရခြင်းဖြစ်သည်ကို အမှုစစ်ရဲအရာရှိထံ ဝန်ခံထွက်ဆိုခဲ့သည်။ ထို့နောက် ၉-၇-၂၀၁၄ ရက်နေ့တွင် ပျဉ်းမနားမြို့နယ်တရားရုံး၌ ပြစ်မှုဆိုင်ရာ ကျင့်ထုံးဥပဒေပုဒ်မ ၁၆၄/ ၃၆၄ အရ ထိုသို့ လီဆယ်အမှု တိုင်ကြားခဲ့ရသည့် ဖြစ်စဉ်အပြည့်အစုံကို ဖြူဖြူမင်း(ခ)ကတုံးမက ဖြောင့်ဆိုချက်ပေးခဲ့၍ ပျဉ်းမနားမြို့နယ် တရားရုံးမှ ပြစ်မှုသေးအမှတ် ၁၂၂/ ၂၀၁၄ ဖြင့် လက်ခံခဲ့သည်။

ထို့ပြင် ပျဉ်းမနားနှင့် ပြင်ဦးလွင်တို့တွင် တိုင်ကြားခဲ့သည့် သားမယားအဖြစ် ပြုကျင့်မှုများမှ ဟေမာကျော်၏ ဦးလေး တော်စပ်သူ ခင်မောင်ထွေး(ခ) ကိုထွေး၊ ဆက်စပ်သက်သေ ဇင်မင်းထွန်း(ခ) ဇင်လေးနှင့် ဖိုးခွား(ခ) ပြားကြီး(ခ) တင်မင်းထက်တို့ကလည်း ယင်းအမှုများသည် လီဆယ် တိုင်ကြားခြင်းသာ ဖြစ်ကြောင်း ချမ်းမြသာစည်မြို့နယ် တရားရုံး၌ ပြစ်မှုဆိုင်ရာ ကျင့်ထုံးဥပဒေပုဒ်မ ၁၆၄ အရ ကြိုတင် ထွက်ဆိုချက်များ ပေးခဲ့ကြသည်။

မြန်မာနိုင်ငံရဲတပ်ဖွဲ့၊ မှုခင်းရဲတပ်ဖွဲ့သည် စစ်ဆေးပေါ်ပေါက်ချက်များနှင့် ပြည်ထောင်စုရှေ့နေချုပ်ရုံး၏ ဥပဒေအကြံပြုချက်အရ စိုးစိုး(ခ) ကတုံးမက တိုင်ကြားခဲ့သော ပျဉ်းမနားမြို့မရဲစခန်း(ပ)၂၉၃/ ၂၀၁၄၊ ပြစ်မှုဆိုင်ရာဥပဒေပုဒ်မ ၃၇၆ အမှုကို ၁၇-၇-၂၀၁၄ ရက်နေ့တွင် လီဆယ်မှုဖြင့် ပိတ်သိမ်းပြီး လီဆယ်တိုင်တန်းသူ ဖြူဖြူမင်း(ခ)ကတုံးမ (ဖမ်းမိ)နှင့် ထိုသို့ လီဆယ်တိုင်တန်းရန် ညွှန်ကြားစီစဉ်သူ နုနုမြတ်(ဖမ်းမိ)၊ ရဲထွဋ်(ခ) သူရရဲထွဋ်(တိမ်းရှောင်) တို့အပေါ် ဥပဒေနှင့်အညီ အရေးယူဆောင်ရွက်လျက်ရှိသည်။ အလားတူ ပြင်ဦးလွင် မြို့မရဲစခန်း(ပ) ၁၀၇/ ၂၀၁၄ ပြစ်မှုဆိုင်ရာဥပဒေပုဒ်မ ၃၇၆ အမှုကိုလည်း စစ်ဆေးပေါ်ပေါက်ချက်နှင့် ပြင်ဦးလွင်ခရိုင် ဥပဒေရုံး၏ ဥပဒေ အကြံပြုချက်အရ ၁၈-၇-၂၀၁၄ ရက်နေ့တွင် လီဆယ်မှုဖြင့် ပိတ်သိမ်းခဲ့ပြီး လီဆယ်တိုင်တန်းသူ ဟေမာကျော် (တိမ်းရှောင်)နှင့် ဒေါ်မာလာ(တိမ်းရှောင်)တို့အပေါ် ဥပဒေနှင့်အညီ အရေးယူရန် ဆောင်ရွက်လျက် ရှိသည်။

ထိုသို့ ပျဉ်းမနားမြို့တွင် လီဆယ် တိုင်ကြားခဲ့သောအမှုကို အကြောင်း ပြု၍ မန္တလေးမြို့၌ ၁-၇-၂၀၁၄ ရက်မှ စတင်ဖြစ်ပွားခဲ့သည့် လူအုပ်စုချင်း ပဋိပက္ခ ဖြစ်စဉ်များတွင် ဥပဒေနှင့်အညီ အရေးယူ ဆောင်ရွက်မှုများ ပြုလုပ်ခဲ့ရာ လူသတ်မှု၊ နာကျင်စေမှု၊ မီးရှို့မှု၊ ဘာသာရေး အဆောက်အအုံများ ဖျက်ဆီးမှု၊ ရုန်းရင်းဆန်ခတ်မှု၊ ငြိမ်ဝပ်ပိပြားရေးကို ပျက်ပြားစေရန် သွေးထိုးလှုံ့ဆော်မှု၊ လက်နက်မှုနှင့် ရဲအက်တို့ဖြင့် အမှုပေါင်း ၁၉မှု အရေးယူနိုင်ခဲ့ပြီး တရားခံ ၄၉ ဦး ဖမ်းဆီးရမိကာ တရားခံရှစ်ဦးမှာ ထွက်ပြေး တိမ်းရှောင်လျက် ရှိသည်။

ပြစ်မှုဆိုင်ရာ ကျင့်ထုံးဥပဒေ ပုဒ်မ ၁၄၄ အရ ထုတ်ပြန်ထားသော အမိန့်ကို ချိုးဖောက်သဖြင့် ပညာပေး၍ ခံဝန်ချုပ်ဖြင့် ပြန်လည် စေလွှတ်သူ ၁၅၇ ဦး၊ ပြစ်မှုဆိုင်ရာ ဥပဒေပုဒ်မ ၁၈၈ အရ အရေးယူမှုမှာ ၁၇-၇- ၂၀၁၄ ရက်နေ့အထိ အမှုပေါင်း ၃၄၉ မှု၊ အရေးယူခံရသူပေါင်း ၈၃၄ ဦးဖြစ်သည်။ ကျူးလွန်ခဲ့သော တရားခံများနှင့် ဆက်စပ် ပါဝင်သူများကို ဥပဒေအရ အရေးယူရန် ဆက်လက် စစ်ဆေး ဖော်ထုတ်လျက် ရှိပြီး အများပြည်သူတို့ သတင်းအမှန် သိရှိစေရန် အတွက် ဆက်လက် ထုတ်ပြန်သွားမည် ဖြစ်သည်။

MOI Webportal Myanmar

အပြည့်အစုံသို့ »

အငြိမ်းစားယူပြီးနောက် သစ်သီးဝလံ စိုက်ပျိုးကာ အေးချမ်းစွာနေမည်ဟု သမ္မတဦးသိန်းစိန်ပြော



 နိုင်ငံတော်သမ္မတ ဦး သိန်းစိန်က သမ္မတရာထူးမှ အငြိမ်းစားယူပြီးနောက် သူပိုင်သည့် လယ်တွင် နဂါးမောက်သီးပင်များ စိုက်ပျိုးကာ အေးချမ်းစွာနေထိုင် မည်ဟု လွှတ်တော်အမတ်များနှင့် နိုင်ငံရေးပါတီများမှ ကိုယ်စား လှယ်များအား ပြောကြားလိုက် ကြောင်း သတင်းရရှိသည်။

‘‘သူ့မှာ လယ် ၁၀ ဧကရှိ တယ်။ အသက်ရှည်ချင်ရင် အပင်စိုက်ဆိုတော့ အငြိမ်းစားယူပြီးရင် နှစ်ရှည်ခံသီးပင်စိုက်မယ်။ စိန်တလုံး သရက်သီးကတော့ တလုံးကို ငါးရာကျပ်ပဲရတော့  မကိုက်ဘူး။ နဂါးမောက်သီးပဲ စိုက်မယ်။ နဂါးမောက်သီးက တစ်လုံး ခုနစ်ရာကျပ် ရတယ်လို့ ပြောတယ်’’ဟု သမ္မတကပြောကြောင်း ဇူလိုင် ၁၉ ရက်တွင် အာဇာနည်ခေါင်း ဆောင်များအတွက် ရည်စူးပြုလုပ်သော အလှူ၌  သမ္မတနှင့် တွေ့ဆုံခဲ့သော အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော်အမတ် ဦးမင်းသူက ပြောသည်။

(၆၇)နှစ်မြောက် အာဇာနည် နေ့ အထိမ်းအမှတ် ရည်စူးကုသိုလ်အမျှပေးဝေခြင်း အခမ်းအနားကို နံနက် ၁၀ နာရီတွင် နေပြည်တော်ကောင်စီနယ်မြေ ဇမ္ဗူသီရိ မြို့နယ် နေပြည်တော်ကောင်စီရုံး ဇမ္ဗူသီရိခန်းမဆောင်၌ ကျင်းပခဲ့ ပြီး တက်ရောက်လာသူများနှင့် နိုင်ငံတော်သမ္မတက စကားစမြည်ပြောစဉ် အထက်ပါအတိုင်း ပြော ကြားခဲ့ခြင်းဖြစ်သည်။

‘‘သူပြောတဲ့ပုံစံကို သုံးသပ် ကြည့်ရင် ၂၀၁၅ မှာ အငြိမ်းစား ယူမယ်လို့ သုံးသပ်လို့ရပါတယ်’’ ဟု ဦးမင်းသူက ၎င်း၏အမြင်ကို ပြောသည်။အဆိုပါအခမ်းအနားသို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေး၊ ပြည်ထောင်စုဝန်ကြီးများ၊ လွှတ် တော်ရေးရာကော်မတီဥက္ကဋ္ဌများ၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ)၊ လွှတ်တော်ကိုယ်စား လှယ်များ၊ ပြည်ထောင်စုကြံ့ခိုင် ရေးနှင့် ဖွံ့ဖြိုးရေးပါတီ၊ တိုင်းရင်း သား စည်းလုံးညီညွတ်ရေးပါတီ နှင့် အမျိုးသားဒီမိုကရေစီအဖွဲ့ ချုပ်တို့မှ တာဝန်ရှိသူများ တက် ရောက်ခဲ့ကြသည်။

7day daily

အပြည့်အစုံသို့ »

ပလက်ဖောင်းပန်းချီမောင်နှံရဲ့ အိပ်မက် (ရုပ်/သံ)




ဓာတ်ပုံ- ကျော်ဇင်သန်း
ဗိုလ်ချုပ်လမ်းပေါ်၊ ဂရန်းမီးရထားရှေ့က ပလက်ဖောင်းဘေးမှာ ပန်းချီကားချပ်တွေကို အုတ်နံရံမှာ ချိတ်ဆွဲပြီး ပန်းချီထိုင်ဆွဲနေတဲ့ ကိုယ်ဝန်သည်အမျိုးသမီးတစ်ဦးအကြောင်းကို ဖေ့စ်ဘွတ်ခ်သုံးစွဲသူ ပန်းချီဆရာတစ်ဦးက ဖော်ထုတ်တင်ဆက်ပေးခဲ့ပြီး ဒီဇနီးမောင်နှံနှစ်ဦးအကြောင်း 7Day က စုံစမ်းမေးမြန်းခဲ့ပါတယ်။

ငါးမိနစ်ခွဲစာ ဗီဒီယိုဖိုင်လေးကိုလည်း 7Day က တင်ဆက်ပေးလိုက်ပါတယ်။လင်မယားနှစ်ဦး ပန်းရန်အလုပ်လုပ်ကိုင်ရင်း ၀ါသနာပါတဲ့ပန်းချီပညာရပ်ကို
လေ့လာရာ အခုဆိုရင် လမ်းဘေးပန်းချီဆိုင်လေး ဖွင့်လှစ်ထားတာဖြစ်ပါတယ်။ နာမည်ကျော်ပန်းချီကားချပ်တွေကို ပုံတူကူးဆွဲပြီး တစ်ဝမ်းတစ်ခါးအတွက်ရှာဖွေနေကြရတာဖြစ်ပါတယ်

7day daily

အပြည့်အစုံသို့ »

လီလီပန်းလေးများရဲ့ နောက်ကွယ်မှာ… (ဂဠုန်ဦးစောမိသားစု၏ ဘ၀ဖြတ်သန်းမှု)



ကိုယ်မလုပ်ခဲ့တဲ့ ကိစ္စအတွက် ဒီလိုခံစားရတာကို စိတ်မကောင်းဘူး။ ကလေးတွေက  ဘာမှလုပ်ခဲ့တာမှ မဟုတ်တာ။ သူတို့အဘိုးကလည်း သူ့အပြစ်အတွက်   ဥပဒေအရခံသွားပြီပဲ။   ကျန်တဲ့လူမှာ   ဘာအပြစ်မှမရှိဘူး။ ဒီကလေးတွေကို အေးအေးချမ်းချမ်းနဲ့ နေစေချင်တယ်။ သူတို့ကိုယ်သူတို့လည်း အပြစ်ရှိတဲ့လူတွေရယ်လို့ မသတ်မှတ်သင့်ဘူး



_ဒေါ်အောင်ဆန်းစုကြည်

လီလီပန်းအဖြူရောင်လေးများက ကနုတ်ပန်းကြွ မင်္ဂလာဘိသိက်ငွေဖလားကြီးထဲ၌ လှလှပပ လန်းလန်းဆန်းဆန်း။ လွန်ခဲ့ပြီးသော ဆယ်စုနှစ်သုံးခုကျော်မှကြီးကျယ် ခမ်းနားလှသည့် မင်္ဂလာအခမ်းအနားပွဲတစ်ခု၏ မြင်ကွင်းဖြစ်သည်။

ဘိသိက်ခံမင်္ဂလာမောင်နှံမှ သတို့သမီးမှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများကို လုပ်ကြံမှုတွင်မြန်မာ့သမိုင်း တရားခံတစ်ဦးအဖြစ်ပြည်သူများအကြား ယနေ့တိုင် နာမည်ဆိုးနှင့်ရှိနေခဲ့သော ဂဠုန်ဦးစော၏ မြေးဖြစ်၏။ ဦးစော၊ ဒေါ်သန်းခင်တို့ ၏ သမီးဒေါ်ဘေဘီစောမှမွေးဖွား သော ဒုတိယသမီး ဒေါ်မွန်မွန်ရင်ဖြစ်သည်။

ဒေါ်မွန်မွန်ရင်၏ မင်္ဂလာပွဲ ဘိသိက်ပန်းငွေဖလားတွင် လီလီပန်းကိုသာ  ထိုးရမည်ဆိုသည့် အဘွားဒေါ်သန်းခင်၏ တစ်ချက်လွှတ်ဆန္ဒဖြင့် ထိုလီလီပန်းဖြူဖြူ ဖွေးဖွေးများကို ရန်ကုန်တစ်မြို့လုံးတွင် မရမက ရှာဖွေခဲ့ရသည်ဆို၏။

ထိုပန်းများကိုတစ်မြို့လုံးတွင်  မရမက လိုက်လံရှာဖွေခဲ့ရာ နောက်ဆုံးတွင်မှ တိုက်တိုက်ဆိုင်ဆိုင်ပင် အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ဇနီးဖြစ်သူ ဒေါ်ခင်ကြည်ခြံထဲ၌ စိုက်ပျိုးထားသော လီလီပန်းများရှိကြောင်း သတင်းရသဖြင့် ထိုလီလီပန်းအဖြူရောင်များကို မင်္ဂလာဘိသိက်ပန်းအဖြစ် ထိုးနိုင်ခဲ့ခြင်းဖြစ်သည်။

ထိုအဖြစ်အပျက်မှာ လွန်ခဲ့ သော နှစ်ပေါင်းသုံးဆယ်ကျော် ကဖြစ်ပြီး သမိုင်းဝင် မှတ်တမ်းတွင် မိသားစုနှစ်ခုကြား တစ်ကြိမ်တည်းသော အမှတ်မထင်ဆုံစည်းခဲ့သည့် ဆက်စပ်မှုတစ်ခုဖြစ်ခဲ့လေသည်။

“ပန်းတွေသွားခူးတဲ့နေ့က လာခူးတဲ့လူတွေကို အန်တီဒေါ် ခင်ကြည်က အိမ်ပေါ်ကနေသော့ ပစ်ချပေးရင်း ဘယ်သူ့မင်္ဂလာ ဆောင်လဲလို့ မေးတယ်တဲ့။ ဦး စော၊ ဒေါ်သန်းခင်မြေးမင်္ဂလာ ဆောင်ပါလို့ပြောတော့ သြော် ဒေါ်သန်းခင်က မြေးတွေဘာတွေ နဲ့ဆိုတော့ ကျွန်မထက် သူက တောင်  ပိုကံကောင်းတာပေါ့လို့ ပြောတယ်တဲ့။ အဲဒီစကားလေးနဲ့ ပန်းလေးတွေ က မှတ်မှတ်ရရပါပဲ”ဟု ဒေါ်မွန်မွန် ရင်ကသူ့မင်္ဂလာဆောင်အမှတ်တရ ဘိသိက်ပန်းအဖြစ် ဒေါ်ခင်ကြည်စိုက်ပျိုးထားသော အဖြူရောင်လီလီပန်း လေးများကို မင်္ဂလာငွေဖလားထဲတွင် ထိုးစိုက်နိုင်ခဲ့ပုံကို ဂုဏ်ယူဝင့်ကြွား ပီတိဖြစ်စွာ ပြန်ပြောင်းပြောပြသည်။

ယခုအခါ ဦးစော၏ ဇနီး ဒေါ်သန်းခင်လည်းမရှိတော့၊ ဦးစော၏ သမီးဒေါ်ဘေဘီစောလည်း  ကွယ် လွန်သွားပြီဖြစ်သည်။ အချိန်ကာလဆယ်စုနှစ်တွေလည်း တစ်စုပြီးတစ်စုဖြတ်ကျော်ခဲ့ပြီဖြစ်သကဲ့သို့ ဦးစောမိသားစုဝင်တွေလည်း သမိုင်းမှအရိပ်မည်းတစ်ခု၏ ခြောက်လှန့်မှုအောက်မှ တဖြည်းဖြည်းရုန်းထွက်လာနိုင်ပြီ ဖြစ်သည်။ သမိုင်းတရားခံမိသားစု အဖြစ် အပြစ်ရှိသူများကဲ့သို့ ဖြတ်သန်းလာခဲ့ရသည့်ကာလများမှာအချိန်တွေ ကြာလာသည်နှင့်အမျှ ဒေါ်မွန်မွန်ရင်၏ သား၊သမီးမြေးများလက် ထက် ယခုအခါတွင်မူ တဖြည်းဖြည်း လွတ်မြောက်လာခဲ့ပြီဟု ဒေါ်မွန်မွန် ရင်ကယူဆလေသည်။

“အန်တီ့မေမေနဲ့ အဘွားတုန်းကတော့ တော်တော်လေး ရပ်တည်ရုန်းကန်ခဲ့ကြရတယ်။ အန်တီတို့ကျတော့ ကံကောင်းပါတယ်။ တော်တော်ကို အခြေအနေကောင်းလာပါတယ်။ ဒါပေမဲ့ အန်တီ့သမီးကြီးတုန်းကတော့ နည်းနည်းလေး ဂယက်ရှိခဲ့သေးတယ်။ ဆိုးဆိုးဝါးဝါးကြီးတော့ မဟုတ်ပါဘူး”

“ဦးစောမြစ်တဲ့”၊  “ဦးစောမြစ်တဲ့”ဆိုသည့် တစ်ကျောင်းတည်းနေကျောင်းသူ၊ ကျောင်းသားများထံမှ ကြားရသည့် မလိုလားသော အသံဟန်နှင့် ပြောဆိုမှုကိုကြုံတွေ့ခဲ့ရသည့် သမီးကြီးအတွက်  ဒေါ်မွန်မွန်ရင်စိတ်ပူကာ   နောက်ကျောင်းတစ်ကျောင်းသို့ ပြောင်းထားခဲ့ရသည်။

“ကလေးတွေမှာ ခံစားချက်ရှိ တယ်။ ကလေးချင်းဘာမှ ဆိုးဆိုးဝါးဝါးမရှိပေမယ့် ကျောင်းမှာ သူတို့အဘိုးနာမည်ကိုတပ်ပြောလာတော့ ကြောက်တာပေါ့လေ။ ကလေးစိတ်အနှောင့် အယှက်ဖြစ်မှာစိုးတာနဲ့ ကျောင်းပြောင်းလိုက်ရတာပေါ့”ဟု အဘိုးဖြစ် သူ၏ ဂယက်ရိုက်ခတ်မှုက မြစ်ဖြစ် သူအထိပင်ရှိခဲ့ကြောင်းကို ဒေါ်မွန်မွန်ရင်က ဥပမာပေး၍ ပြောပြသည်။

ဒေါ်မွန်မွန်ရင်မှာ ငယ်စဉ်က ပင် မိခင်နှင့်အဘွားဖြစ်သူသင်ကြား ပေးသည့်အတိုင်း နေထိုင်ခဲ့ရသလို ယခုသူ့သားသမီးမြေးများကိုလည်း ထိုကဲ့သို့ပင် ဆက်လက်သင်ကြားပေး သည့်အတွက် လူမှုပတ်ဝန်းကျင်တွင် ကောင်းမွန်စွာ နေထိုင်နိုင်ခဲ့ကြခြင်း ဖြစ်သည်ဟု ဆိုသည်။

“အန်တီ့ကိုငယ်ငယ်ကတည်း က မေမေကပြောတယ်။ ကိုယ့်မှာအပြစ်ရှိခဲ့တယ်။ အဲဒါကြောင့်သူများ တွေက   အဘိုးနဲ့ပတ်သက်လို့ပြော လာရင် ပြန်ရန်ဖြစ်တာတို့ ပြန်ပြောတာတို့မလုပ်ရဘူးတဲ့ ဦးနှောက်ထဲကို အဲဒီအတိုင်းသွင်းပေးထားတာ။ အဲဒီတော့ ဘာမှ ပြန်မပြောရဲဘူး”ဟု ဒေါ်မွန်မွန်ရင်ကဆိုသည်။

ဒေါ်မွန်မွန်ရင်သည် မိသားစုနှင့်အတူ ဦးစောနေထိုင်ခဲ့ရာ အေဒီလမ်းရှိအိမ်ခြံဝင်းနှင့်တစ်ခြံကျော်၌လက်ရှိနေထိုင်လျက်ရှိသည်။ သူတို့အိမ်ဧည့်ခန်းဆောင်တွင် ၀င်ဝင်ချင်း တွေ့မြင်ရသည်က ဦးစောနှင့် ဇနီးဒေါ်သန်းရင်တို့    ဇနီးမောင်နှံပုံတူ ကျာက်စီပန်းချီကားကြီးဖြစ်၏။ ထိုပန်းချီကားခြေရင်းတွင် စားပွဲတစ်လုံးချကာ  ရေပူရေအေး ဆက်ကပ်ထား သည်ကိုလည်း တွေ့ရသည်။

သမိုင်းတရားခံတစ်ဦးဖြစ်သော် ငြား  မိသားစုဝင်များကမူ  ဦးစော ကြိုးစင်မတက်ခင် ထောင်အတွင်းမှ ရေးသားထားသောစာများကိုဖတ် ရှုသိမ်းဆည်းထားကာ   ထိုစာများ အရအဘိုးဖြစ်သူဦးစောသည် မသေဆုံးမီ အမှန်တရားကို သိမြင်လက်ခံသွားခဲ့သည်ဟု ယုံကြည်လျက်ရှိကြ သည်။ ဦးစောက သူတို့အတွက် သူရဲကောင်း တစ်ယောက်မဖြစ်ခဲ့သော်လည်း   သမိုင်းသင်ခန်းစာများပေး သွားခဲ့သူတစ်ယောက်ဖြစ်သည့်အ ပြင် တိုင်းပြည်ကိုချစ်မြတ်နိုးခဲ့သူတစ် ယောက်အဖြစ်လည်း  လက်ခံထားကြ သည်။

“သူမသေခင်ရေးခဲ့တဲ့   စာကိုကြည့်ရင်သူအမှန်တရားကို သိသွားခဲ့လို့ပေ့ါ။ တကယ်တော့အထင်လွဲမှု တွေကနေ ဖြစ်လာတဲ့ သူ့ပင်ကို စိတ်ပေါ်လာတာပေါ့။     ဒေါသစိတ် ကြောင့် ဖြစ်ခဲ့ရတာလေ။ အဲဒီလိုသာမဟုတ်ခဲ့ရင် တိုင်းပြည်လည်းဒီလို ဘယ်ဖြစ်မလဲ။ သူလည်း တိုင်းပြည်ကိုချစ်တဲ့သူတစ်ယောက်ပဲဆိုတာ အန်တီတို့အိမ်မှာ ကျန်ခဲ့တဲ့ စာရွက်စာတမ်း၊ စာအုပ်တွေကိုကြည့်ရင်သိ နိုင်ပါတယ်”ဟု အဘိုးဖြစ်သူအပေါ် မိသားစုဝင်တစ်ဦးအဖြစ် နားလည် မှုပြည့်ဝစွာဖြင့် ပြောပြသည်။

မည်သို့ပင်အဘိုးဖြစ်သူကို နားလည်မှုရှိသည်ဆိုဦးတော့ အဘိုး၏ တိုင်းပြည်အပေါ် ကျူးလွန်ခဲ့မှုအ တွက်   ယနေ့အချိန်ထိ   ပေးဆပ်ရ လျက်ရှိဆဲဖြစ်သည်ဟုဆိုသည်။

“လူတွေအမြင်မှာ သြော်.. ဒီမိသားစု  သူတို့အပြစ်တော့သူတို့ သိသားပဲဆိုတာမျိုးဖြစ်အောင် နေရ ပါတယ်။ အန်တီ့မေမေနဲ့အဘွားတုန်း ကဆိုရင်  သူတို့တွေက  ရှိတဲ့ပစ္စည်း ထုတ်ရောင်းတာ။ အပြင်လူနဲ့ ကူးလူးရတဲ့စီးပွားရေးတွေဘာတွေလုပ်လို့ အဆင်မပြေဖူးလေ။  အဘိုးထားခဲ့ တဲ့ခြံပတ်ပတ်လည်က မြေတွေရောင်းစားပြီး နေလာခဲ့ကြတာ။ အန်တီ့အမေလက်ထပ်ပြီး နောက်ပိုင်း အဖေက ၀န်ထမ်းဆိုတော့အန်တီတို့လည်း ၀န်ထမ်းမိသားစုဝင်တွေဖြစ်လာ တာပေါ့။ တဖြည်းဖြည်းနဲ့” ဟု ဦးစောမိသားစုဝင်များအဖြစ် ဖြတ်သန်းခဲ့ရ သည့် အတိတ်ပုံရိပ်တို့ကိုပြန်ပြောင်းပြောပြသည်။

ယခုတော့   တဖြည်းဖြည်းနဲ့ လူမှုဝန်းကျင်ကျယ်ပြန့်လာခဲ့သည် မှာ  သားကြီးကပြည်သူတွေနဲ့  ထိ တွေ့ဆက်ဆံရသည့်အနုပညာရှင်တစ်ဦးအဖြစ် ဆယ်နှစ်ကျော်ဖြတ်သန်းခဲ့ပြီ ဖြစ်သည်။ သားကြီးက သရုပ်ဆောင် မင်းခဖြစ်သည်။

သားကြီးသရုပ်ဆောင်လုပ် လိုသည်ဟုပြောသည့်နေ့က ဒေါ်မွန် မွန်ရင်အော်လိုက်သည့်အသံမှာ တစ်အိမ်လုံးပင်   လန့်သွားရသည်ဟုဆိုသည်။

“သရုပ်ဆောင်ပဲ  ၀ါသနာပါတယ်။   သရုပ်ဆောင်ပဲလုပ်မယ်ဆို တော့ အဲဒီနေ့က အန်တီအော်လိုက်တာ အိမ်ကလူတွေတောင်လန့်သွားတယ်။ အမလေး၊ အမလေး ဘယ့်နှယ့်တစ်မိသားစုလုံးလူမသိသူမသိနေလာရပါတယ်ဆိုမှမင်းကျမှ  သရုပ်ဆောင်လုပ်မယ်ဆိုပြီးတော့လေ။ ဘယ်လို စဉ်းစားလို့မှမရတာ။ ဒါပေမဲ့သူတို့ အဖေက   ၀ါသနာပါတာလုပ်ပါစေ ဆိုပြီးကြည့်နေလိုက်တာ အခု ၁၀ နှစ် တောင်ရှိခဲ့ပြီ”ဟုဆိုလေသည်။

မင်းခသရုပ်ဆောင်လုပ်နေ စဉ်မှာလည်း  အချို့ကဦးစောမြစ် အဖြစ်သိကြသူများရှိသလို အများစု ကတော့မသိကြ။ သို့သော်လည်း သူ့အနုပညာလုပ်ငန်းတွင်တော့ အဘိုးကြောင့် တစ်စုံတစ်ရာအရိပ် မထင်ခဲ့ဟု ဒေါ်မွန်မွန်ရင်ကဆိုသည်။

ထိုကဲ့သို့    ဦးစောမိသားစုကို သိရှိဆက်ဆံရင်းနှီးကြသူများဖြင့် တဖြည်းဖြည်း ပြောင်းလဲမှုများရှိလာခြင်းတို့က ဒေါ်မွန်မွန်ရင် လက်ထက်ကပင်စခဲ့သည်ဆိုကလည်း မမှားပေ။ အာဇာနည်နေ့ နီးတိုင်း ပြုလုပ်လေ့ရှိသည့်  ဟောပြောပွဲများ၊ ကျောင်း တွင်းလှုပ်ရှားမှုများလုပ်သည့် ရက်များဆိုလျှင်    ဒေါ်မွန်မွန်ရင်မိဘများက သူမကို ကျောင်းသို့မလွှတ်တော့။ ဖခင်တာဝန်ကျရာ မော်လမြိုင်မြို့ရှိ မော်ဒလိန်းကျောင်းတွင် ၄ တန်းမှ ၇ တန်းအထိတက်ခဲ့စဉ်က အမှတ်တရ တစ်ခုရှိခဲ့ဖူးသည်။

ဦးစော၏မြေးမှန်း   မြို့ကလူ များရော ကျောင်းကပါသိကြသည့် မို့ မိဘများက အာဇာနည်နေ့အကြို နေ့မျိုးတွင်ကျောင်းလွှတ်ရန် စိတ်ပူပန်ခဲ့သည့်အတွက် ကျောင်းမတက်ခဲ့ရ။   ထိုအကြောင်းကို  ကျောင်းမှအကြီးတန်း ကျောင်းသားများကသိ ကြသည့်အခါ  သူ့ထံလာရောက်၍အားပေးနှစ်သိမ့်စကား  ပြောခဲ့ဖူးသည်ကို ဒေါ်မွန်မွန်ရင်မမေ့ခဲ့။ ကျောင်းသားကြီးများ၏ ထိုသို့အားပေးနှစ် သိမ့်မှုများက ဒေါ်မွန်မွန်ရင်ကို အ တော်ပင်အားတက်စေခဲ့သည်။
“ကျောင်းဟောပြောပွဲတွေမှာ ဆို အတန်းကြီးတွေက ပြောတာကိုး။အဲဒီရက်မှာ ကျောင်းမတက်တာ သိတော့ သူတို့ကနောက်နေ့ အတန်းထဲကိုလာပြောတယ်။ ဒါကသမိုင်းကိုပြောတာပေါ့နော်။ နင်တို့နဲ့မဆိုင်ဘူးပေါ့။ ကျောင်းမတက်ဘဲမနေနဲ့။ နောက်ဆိုရင်လာတက်။နားထောင်ပေါ့ဆိုတာနဲ့ နောက်နှစ်တွေကစပြီး အဲလိုပွဲတွေသွားတက်ဖြစ်တယ်”ဟုမိဘများကစိတ်ပူသော်လည်း ကလေးအချင်းချင်းပြဿနာ မရှိခဲ့ဘဲ နား လည်မှုရခဲ့ပုံကို    ဒေါ်မွန်မွန်ရင်က ရှင်းပြသည်။

နောက်ပိုင်းမော်လမြိုင်မှ ရန်ကုန်သို့ ပြန်ပြောင်းလာကာ အထက ၂ စမ်းချောင်း(စိန်ဖလိုး)သို့  ကျောင်းပြောင်းခဲ့သည်။ ၈ တန်းမှ ၁၀ တန်းအထိ တက်ခဲ့ခြင်းဖြစ်ကာ   ကျောင်းပြောင်းစတွင်  သူ့ကိုအတန်းကြီးများက ဦးစောမြေးအဖြစ်  လာရောက်ကြည့်ရှုကြသည်မှအပ အခြားပြဿနာ တစ်စုံတစ်ရာမရှိခဲ့။

“မိန်းကလေးကျောင်းဆိုတော့ အစ်မကြီးတွေပေါ့။ လာကြည့်ကြတယ်။   အုပ်စုလိုက်လာကြည့်ပြီးမှ အားနာသွားပြီး သြော်အသစ်ဆိုလို့ လာကြည့်တာပါ။ ဘာညာနဲ့လျှောချသွားတယ်။ သူငယ်ချင်းတွေက ကိုယ်နဲ့ပေါင်းကြည့်တယ်။ အဆင်ပြေတော့လည်း ခင်မင်ရင်းနှီးသွားတာပါ ပဲ”ဟု ဒေါ်မွန်မွန်ရင်ကပြောသည်။

သေနတ်ဒဏ်ရာတစ်ဆယ့် သုံးချက်ထိမှန်ကျဆုံးခဲ့ရသည့် အမျိုးသားခေါင်းဆောင် ဗိုလ်ချုပ်အောင်ဆန်း ၏ မိသားစုနှင့် ထိုလုပ်ကြံသတ်ဖြတ်မှု၏ ဦးဆောင်တရားခံ ဦးစောမိသားစုကြားတွင်လည်းသည်ဆယ်စုနှစ်များစွာအတွင်းတွေ့ဆုံဆက်ဆံမှု တစ်စုံ တစ်ရာမရှိခဲ့သော်လည်း ထိုသမိုင်းဝင်ဖြစ်ရပ်အတွက် နာကြည်းမုန်းတီးမှု တို့ကို မတွေ့ရသည်က ဒေါ်ခင်ကြည်စိုက်ပျိုးထားသည့်   လီလီပန်းများကို ဦးစောမြေးမင်္ဂလာဆောင်တွင် အသုံးပြုရန်    ငြင်းပယ်ခြင်းမရှိခဲ့သည့်အဖြစ်အပျက်တစ်ခုကသာပြ သနေသည်မဟုတ်။  ဦးစောမိသားစုအတွက်  အမြဲကျေးဇူးတင်နွေးထွေး နေခဲ့ရသည်ဆိုသော ဒေါ်ခင်ကြည်၏ အမှတ်တရစကားတစ်ခွန်းလည်း ရှိပါသေးသည်။

လွတ်လပ်ရေးရပြီး နိုင်ငံတော် လုပ်ကြံမှုနှင့်ပတ်သက်၍    ဒေါ်ခင်ကြည်အား နစ်နာကြေးတောင်းခံနိုင် ရန် တရားစွဲဆိုနိုင်သေးကြောင်း အကြံပြုသူရှိခဲ့သော်လည်း   ထိုအချိန်က ဒေါ်ခင်ကြည်ပြောခဲ့သည့်စကားကို ဒေါ်မွန်မွန်ရင်အဘွားမှ သည် မိသားစုအားလုံးက မမေ့နိုင်ခဲ့ကြ…။

“အန်တီဒေါ်ခင်ကြည်က ဘာပြောခဲ့လဲဆိုတော့ ဒေါ်သန်းခင်က မျက်နှာမရှိဘဲဖြစ်ရတဲ့ မုဆိုးမ။ ကျွန်မက   ဂုဏ်ရှိပြီးကျန်ခဲ့ရတဲ့မုဆိုးမပါ။ ဒါကြောင့်  ဒေါ်သန်းခင်ဆီက ကျွန်မ ဘာမှမယူလိုတော့ပါဘူးတဲ့။ အဘွားကအဲဒီစကားကို အခုထက် ထိမမေ့ပါဘူး”ဟုဆိုလေသည်။

ထိုအမှတ်တရများနှင့်အမှတ်တရ မင်္ဂလာဘိသိက်အဖြူရောင်  လီလီပန်းလေးများကပင်  မိသားစုနှစ်စု ကြားအဃာတတရားမရှိခဲ့ခြင်းကို သက်သေပြနေသည်။

ဒေါ်မွန်မွန်ရင်က    ဗိုလ်ချုပ်အောင်ဆန်း၏သမီး   ဒေါ်အောင်ဆန်းစုကြည်ကိုအပြင်တွင် မတွေ့မ မြင်ဖူးဘဲ အခြေအနေပေးခဲ့၍ တွေ့ခွင့်ရခဲ့ရပါကတွေ့လိုစိတ်ပြင်းပြင်းပြပြဖြစ်မိသော်လည်း တကယ်တမ်းတွေ့ရမည်ဆိုခဲ့လျှင်လည်း တွေ့ဖို့မ၀ံ့ရဲကြောင်းဖွင့်ဟသည်။

“ကိုယ်က  ဒီမှာတောင်ငုံ့နေ ရတဲ့သူလေ။ ဒေါ်စုကတော့ Imageအရမ်းကြီးတယ်။  ကမ္ဘာကတောင် အသိအမှတ်ပြုခံရတဲ့သူဆိုတော့ လေ။ ဘာနဲ့မှ နှိုင်းယှဉ်လို့မရပါဘူး။ မိသားစုသမိုင်းကြောင်းတွေကြောင့် တွေ့ဖူးချင်ပေမယ့်လည်း မတွေ့ရဲပါဘူး။ မေမေတို့တုန်းကဆိုရင်တော့ တစ်မျိုးပေါ့လေ”ဟု ဒေါ်အောင်ဆန်းစုကြည်ကိုလေးစားကြောင်းနှင့် ပြောစရာမရှိအောင်ပင်   ကွာခြားမှု များပါကြောင်း ဒေါ်မွန်မွန်ရင်ကဆို သည်။

ဒေါ်မွန်မွန်ရင်တို့ ဦးစောမျိုး ဆက်မိသားစုဝင်များနှင့်ပတ်သက်ပြီး ဒေါ်အောင်ဆန်းစုကြည်ကမူ အပြစ်မရှိသူမိသားစုဝင်များ အပြစ်ရှိသလို ခံစားနေရခြင်းကို စိတ်မကောင်းဖြစ်မိကြောင်း  ကရုဏာစကားဆိုပါ သည်။

“ကိုယ်မလုပ်ခဲ့တဲ့ ကိစ္စအတွက် ဒီလိုခံစားရတာကို စိတ်မကောင်းဘူး။ ကလေးတွေက    ဘာမှလုပ်ခဲ့တာမှ မဟုတ်တာ။ သူတို့အဘိုးကလည်း သူ့အပြစ်အတွက်   ဥပဒေအရခံသွား ပြီပဲ။   ကျန်တဲ့လူမှာ   ဘာအပြစ်မှမရှိဘူး။ ဒီကလေးတွေကို အေးအေးချမ်းချမ်းနဲ့ နေစေချင်တယ်။ သူတို့ကိုယ်သူတို့လည်း    အပြစ်ရှိတဲ့လူတွေရယ်လို့ မသတ်မှတ်သင့်ဘူး”ဟု ဒေါ်အောင်ဆန်းစုကြည်က   ပြောပါသည်။

မိသားစုဝင်များနှင့်သာမဟုတ်  ဦးစောအပေါ်ကိုပင်မည်သို့မျှ သဘောမထားကြောင်းကို ဒေါ်အောင်ဆန်းစုကြည်က ဆက်လက်၍“ဖေဖေနဲ့ပတ်သက်ပြီးတွေးရင် ဦးစောကြောင့် ဖေဖေဆုံးသွားတယ်လို့ဘယ်တုန်းကမှ မမြင်ဘူး။ ပြီးတော့လည်း နိုင်ငံရေးမှာ ဒီလိုပဲဖြစ်တတ်ပါတယ်”ဟု ဆိုလေသည်။

ဒေါ်မွန်မွန်ရင်ကတော့ သမိုင်းမှတ်တမ်းများမှာ မိသားစုနှစ်ခု ကြား၌ ဖြစ်တည်ကွာခြားချက်များစွာရှိသော်လည်း ထိုကွာခြားမှုကြားတူညီမှုတစ်ခုရှိမည်ဆိုသည်ကို ယခုလိုယုံကြည်မှု ပြည့်ဝစွာဖြင့်ပြောပြသည်။

“တကယ်တော့ တိုင်းပြည်ကို ချစ်ကြတာချင်းတော့ အတူတူပဲနေမှာပါ” ဟူ၍ဖြစ်လေသည်။



(၂၀၁၁ ခုနှစ် စက်တင်ဘာ ၂၁ ရက်ထုတ် 7DayNews Journal အတွဲ (၁၀)၊ အမှတ်(၂၇)တွင်ဖော်ပြခဲ့သော ဆောင်းပါးဖြစ်ပါသည်)

အပြည့်အစုံသို့ »

မန္တလေးမြို့တွင် ဆူပူမှုဖြစ်စေရန် စတင်ခဲ့သော မုဒိမ်းမှုဖြစ်စဉ်မှာ လီဆယ်တိုင်တန်းမှုဖြစ်ကြောင်း အစိုးရ သတင်းထုတ်ပြန်


အခင်းစတင်ဖြစ်ပွားသည့် ဇူလိုင် ၁ ရက်ညက ဆန်း ကဖီးဆိုင်ရှေ့ မြင်ကွင်းကို တွေ့မြင်ရစဉ်
မန္တလေးမြို့တွင် ဆူပူမှုဖြစ်ပေါ်စေရန် စတင်ခဲ့သော မုဒိမ်းမှုဖြစ်စဉ်မှာ လီဆယ်တိုင်တန်းမှုသာဖြစ်ကြောင်း အစိုးရက ဇူလိုင် ၁၉ ရက် ညပိုင်းတွင် နိုင်ငံပိုင်ရုပ်သံမီဒီယာ များမှတစ်ဆင့် ထုတ်လွှင့်ခဲ့သည်။

မှုခင်းဖြစ်စဉ်မှာ ဇွန် ၂၈ ရက်ည ၁ဝ နာရီတွင် မန္တလေးမြို့ ၂၈ လမ်းနှင့် ၈၂ လမ်းထောင့်ရှိ ဆန်းကဖီးလက်ဖက်ရည်ဆိုင်ရှိ ဆိုင်ဝန်ထမ်း မစိုးစိုး ၂၅ နှစ် ဘုတလင်မြို့ နယ်နေသူသည် ဆိုင်ပိတ်သိမ်းနေစဉ် ဆိုင်ရှင်ဖြစ်သူ အသက် ၄ဝ ကျော်အရွယ်ရှိ ဆိုင်ရှင် ဦးဆန်းမောင်နှင့် ဦးနေဝင်းတို့ ညီအစ်ကိုနှစ်ဦးက ယာဉ်အမှတ် မမှတ်မိသည့် အဖြူ ရောင်ယာဉ်နှင့် နေပြည်တော်ရှိ လက်ဖက်ရည် ဆိုင်သစ်တွင် အလုပ်လုပ်ရမည်ဟု ပြောဆိုခေါ်ဆောင်သွားခဲ့ပြီး ဇွန် ၂၉ ရက်နေ့ နံနက် ၃ နာရီခန့်တွင် ပျဉ်းမနား တောင်ညိုကားလမ်းဘေး၌ ကားကိုရပ်၍ ညီအစ်ကိုနှစ်ဦးက သားမယားပြုကျင့်၍ တိမ်းရှောင်သွားကြသည်ဟု ပျဉ်းမနားမြို့မရဲစခန်းတွင် တိုင်ကြားခဲ့သည်။

ယင်းမှုခင်းဖြစ်စဉ်အား မှုခင်းရဲတပ်ဖွဲ့က စစ်ဆေးခဲ့ရာ စစ်ဆေးချက်များအရ ၎င်း၏အမည်အရင်းမှာ ဖြူဖြူမင်း(ခ) ကတုံးမ အသက် ၃ဝ နှစ် ဖြစ်ကြောင်း မွေးရပ်ဇာတိမှာလည်း မန္တလေးမြို့ ချမ်းအေးသာဇံမြို့နယ်တွင် နေထိုင်သူဖြစ်ကြောင်း၊ ဆန်းကဖီးတွင် အလုပ်လုပ်ကိုင်ခဲ့ခြင်း မရှိကြောင်းနှင့် မှုခင်းဆိုင်ရာ ဆေးပညာနှင့် ဓာတုဗေဒဆိုင်ရာ စစ်ဆေးချက်များ အရလည်း အဓမ္မပြုကျင့်ခံထားရသည့် လက္ခဏာနှင့် ပြင်ပဒဏ်ရာများလည်း မရှိကြောင်း၊ စစ်ဆေးပေါ်ပေါက်ခဲ့သည်။ ထို့နောက် ၎င်းအားရဲတပ်ဖွဲ့က ဆက်လက်စစ်ဆေးခဲ့ရာ ဝန်ခံချက်အရ ရဲထွဋ်(ခ) သူရရဲထွဋ်နှင့် နုနုမြတ်ဆိုသူတို့၏ ငွေပေးစေခိုင်းမှုအရ ဦးဆန်းမောင်နှင့် ဦးနေဝင်းတို့က ၎င်းကိုသားမယားအဖြစ် ပြုကျင့်ကြောင်း ပျဉ်းမနားရဲစခန်းတွင် လီဆယ်တိုင်ကြားခဲ့ခြင်း ဖြစ်သည်ဟု သိရသည်။

မစိုးစိုးအမည်ခံ လီဆယ်တိုင်ကြားသူ မဖြူဖြူမင်း(ခ) ကတုံးမသည် ၂ဝဝ၇ ခုနှစ် ဖေဖော်ဝါရီလအတွင်းက မင်းသူရဇော် (ခ) နိုမိုဟာမက်နှင့် အိမ်ထောင်ကျခဲ့ကြောင်း၊ ၂ဝ၁၃ ခုနှစ် စက်တင်ဘာတွင် ခင်ပွန်းမှာ မူးယစ်ဆေးဝါးမှုဖြင့် အမှုရင်ဆိုင်နေရစဉ် အမှုမှ လွတ်မြောက်ရေး ကူညီပေးသူ ရဲထွဋ် (ခ) သူရရဲထွဋ်၊ နုနုမြတ်တို့နှင့် ရင်းနှီးခဲ့ကြောင်း၊ အမှုကို မန္တလေးခရိုင် တရားရုံးက ၂ဝ၁၄ ခုနှစ် ဧပြီတွင် တရားခံမင်းသူရဇော် (ခ) နိုမိုဟာမက်အား ထောင်ဒဏ် ၁၆ နှစ်နှင့် ပူးတွဲတရားခံ မင်းသူရဇော်၏အဒေါ် ဒေါ်ခင်မာလွင်နှင့် ဒေါ်နီနီဌေးတို့အား ထောင်ဒဏ် ၁၂ နှစ် အသီးသီးချမှတ်ခဲ့သည်။

ပြစ်ဒဏ်ချမှတ်ခံရသည့် အပေါ်တွင် ဒေါ်ခင်မာလွင်၏ခင်ပွန်း ခင်မောင်ထွေး(ခ) ကိုထွေး၊ ရဲထွဋ်(ခ) သူရရဲထွဋ်နှင့် မင်းသူရဇော်၏မိခင် ဒေါ်မာလာတို့က မကျေနပ်၍ တရားရုံးအတွင်း အော်ဟစ်ဆဲဆို ခြိမ်းခြောက်မှုများ ပြုလုပ်ခဲ့ခြင်းကြောင့် မန္တလေးခရိုင် တရားရုံးမှ စာရေးဦးတင်မောင်ဝင်းက တရားလိုပြုလုပ်ပြီး အမှတ်(၃) ရဲစခန်း(ပ) ၁၄၉ / ၂ဝ၁၄ ပြစ်မှုဆိုင်ရာ ဥပဒေပုဒ်မ ၂၉၄/၅ဝ၆ -၃၅၃ အရ အမှုဖွင့် အရေးယူခဲ့ပြီး ယင်းအမှုမှာလည်း ချမ်းအေးသာဇံမြို့နယ်တရားရုံးတွင် စစ်ဆေးနေဆဲဖြစ်သည်။

ပြန်လည်အမှုဖွင့်ခံရမှု အပေါ်ကိုလည်း ခင်မောင်ထွေး၊ ရဲထွဋ်နှင့် ဒေါ်မာလာတို့က မကျေနပ်သဖြင့် တရားလိုပြုလုပ်သူ ခရိုင်တရားရုံးစာရေး ဦးတင်မောင်ဝင်းက ဟေမာကျော်ဆိုသည့် အမျိုးသမီးအား သားမယားအဖြစ် ပြုကျင့်ကြောင်း လီဆယ်တိုင်တန်းရန် စီစဉ်ခဲ့ပြီးနောက် ဒေါ်မာလာ၊ ဖြူမ (ခ) ဖြူဖြူဇော်နှင့် ဟေမာကျော်တို့သည် ပြင်ဦးလွင် ရဲစခန်းသို့ သွားရောက်ပြီး ဟေမာကျော်က ရဲထွဋ်နှင့် နုနုမြတ်တို့ သင်ကြားပေးထားသည့်အတိုင်း ပုလဲတည်းခိုခန်းတွင် ခရိုင်တရားရုံးစာရေး ဦးတင်မောင်ဝင်းက သူမအား သားမယား ပြုကျင့်ခဲ့ကြောင်း တရားလိုပြုလုပ်၍ လီဆယ်တိုင်တန်းခဲ့သည်။

ရဲထွဋ်နှင့် နုနုမြတ်တို့မှာ မန္တလေးမြို့ စစ်ကိုင်းလမ်းခွဲနေ ဟာဂျီထွန်းထွန်းဆိုသူနှင့်လည်း ရင်းနှီးမှုရှိပြီး ဟာဂျီထွန်းထွန်းမှာ ဆန်းကဖီးပိုင်ရှင် ဦးဆန်းမောင်၊ ဦးနေဝင်းတို့နှင့် လူမှုရေးပြဿနာများကြောင့် မှုခင်းအပြန်အလှန် ဖြစ်ပွားနေသည်။ ဟာဂျီထွန်းထွန်း သည် ၎င်း၏ကြက်ခြံမှ အလုပ်သမား မကေသီခိုင် (ခ) ချယ်ရီသိန်း (၂၇ နှစ်) အား မေလအတွင်းက သားမယားအဖြစ် ပြုကျင့်ခဲ့သဖြင့် မေ ၁၇ ရက်တွင် စစ်ကိုင်းရဲစခန်းက (ပ)၂၈၁/၂ဝ၁၄ ပြစ်မှုဆိုင်ရာ ဥပဒေပုဒ်မ ၃၇၆ ဖြင့် အရေးယူခံရသည်။ ယင်းသို့ အရေးယူခံရမှုအပေါ် ဦးဆန်းမောင်နှင့် ဦးနေဝင်းတို့က သွေးထိုးမြှောက်ပင့်ခဲ့သည်ဟု ဟာဂျီထွန်းထွန်းက ယူဆ၍ ၎င်းတို့နှစ်ဦး ပြစ်ဒဏ်ကြီးစွာကျခံနိုင်သည့် အမှုတစ်ခုဖြင့် လီဆယ်တိုင်ကြားနိုင်ရန် ရဲထွဋ်(ခ)သူရရဲထွဋ်ထံ အကူအညီ တောင်းခံခဲ့သည်။

ရဲထွဋ်နှင့် နုနုမြတ်တို့ကလည်း ခင်ပွန်းမူးယစ်ဆေးဝါးမှုဖြင့် ထောင်ကျပြီး ငွေလိုနေသူ ဖြူဖြူမင်း(ခ) ကတုံးမအား အသုံးချပြီး သားမယားပြုကျင့်မှုဖြင့် ဦးဆန်းမောင်နှင့် ဦးနေဝင်းတို့အား လီဆယ်တိုင်ကြားရန် စီစဉ်ခဲ့သည်။ ဇွန်လအတွင်းက ၎င်းတို့၏နေအိမ်သို့ ဖြူဖြူမင်းကို ခေါ်ယူနေထိုင်စေကာ သားမယားပြုကျင့်သည့် လုပ်ကြံဖြစ်စဉ်ကို အသေးစိတ် ဇာတ်လမ်းဆင်သင်ပေးပြီး အောင်မြင်ပါက ငွေဆယ်သိန်းပေးမည်ဟု သွေးဆောင်စည်းရုံးခဲ့သည်။

ထို့နောက် ဖြူဖြူမင်း၊ ရဲထွဋ်၊ နုနုမြတ်နှင့် ဖြူဖြူဇော်တို့သည် ဆန်းကဖီးပိုင်ရှင် ဦးဆန်းမောင်နှင့် ဦးနေဝင်းတို့အပေါ် လီဆယ်အမှုဖွင့်ရန် ဇွန် ၂၆ ရက် ညနေပိုင်းတွင် ပျဉ်းမနားသို့ သွားရောက်ခဲ့ပြီး သားမယားအဖြစ် ပြုကျင့်ခံရသည်ဟု လုပ်ကြံဖော်ပြမည့်နေရာ ပျဉ်းမနားမြို့အနေအထားတို့ကို ဖြူဖြူမင်းအား ပြသခဲ့သည်။ ဇွန် ၂၉ ရက် နေ့လယ်ပိုင်းတွင် ဖြူဖြူမင်းအား ငွေ ၂၅ဝဝဝ ပေး၍ ပျဉ်းမနားမြို့ မြင်းရုပ်အနီးတွင် ထားခဲ့ပြီး ဖြူဖြူမင်းသည် ဆိုင်ကယ်ကယ်ရီဖြင့် ပျဉ်းမနားရဲစခန်းကို သွားကာ ဦးနေဝင်းနှင့် ဦးဆန်းမောင်တို့က သူမအား သားမယားအဖြစ် ပြုကျင့်ကြောင်း လီဆယ်တိုင်တန်းခဲ့ခြင်းဖြစ်သည်ဟု အမှုစစ်အရာရှိထံ ထွက်ဆိုခဲ့ခြင်း ဖြစ်သည်။

မှုခင်းရဲတပ်ဖွဲ့သည် စစ်ဆေးချက်များနှင့် ရှေ့နေချုပ်ရုံး၏ ဥပဒေအကြံပြုချက်များအရ ပျဉ်းမနားမြို့တွင် ဖြူဖြူမင်း(ခ) ကတုံးမ လီဆယ်တိုင်တန်းသော အမှုအား ဇူလိုင် ၁၇ တွင် ပိတ်သိမ်းခဲ့ပြီး ပြင်ဦးလွင်ခရိုင်ရုံး၏ ဥပဒေအကြံပြုချက်အရ လီဆယ်တိုင်တန်းသူဟေမာကျော်နှင့် ဒေါ်မာလာတို့အား ဥပဒေနှင့်အညီအရေးယူရန် ဆောင်ရွက်လျက်ရှိနေကြောင်း သိရသည်။ လီဆယ်တိုင်တန်းသူ ဖြူဖြူမင်း(ခ) ကတုံးမ၊ လီဆယ်တိုင်တန်းရန် ညွှန်ကြားသူ နုနုမြတ်တို့အား ဖမ်းမိထားပြီး ရဲထွဋ်(ခ) သူရရဲထွဋ်၊ ဟေမာကျော်နှင့် ဒေါ် မာလာတို့မှာ ထွက်ပြေးတိမ်းရှောင်နေကြောင်း သိရသည်။          

news-eleven

အပြည့်အစုံသို့ »

ဦးတေဇပိုင် ADG ဘဏ်၏ရှယ်ယာ ၆၀ရာခိုင်နှုန်း အား ဦးနေ၀င်း၏မြေး ဦးကျော်နေ၀င်းဝယ်ယူ


ထိပ်တန်းစီးပွားရေးလုပ်ငန်းရှင် ဦးတေဇပိုင် ဆိုင်သော အာရှစိမ်းလမ်းမှုဖွံ့ဖြိုးရေးဘဏ် (AGD) ၏အစုရှယ်ယာ၆၀ရာခိုင်နှုန်းအား ၀ယ်ယူလိုက်ပြီဖြစ်ကြောင်း ဦးကျော်နေ၀င်းက Messenger Media နှင့် သီးသန့်တွေ့ဆုံစဉ်ပြောကြားသွားခဲ့သည်။
အဆိုပါဘဏ်၏၆၀ရာခိုင်နှုန်းကိုလွဲပြောင်းရယူပြီးဖြစ်ပြီး၈၅ရာခိုင်နှုန်းအထိဝယ်ယူရန် ဦးကျော်နေ၀င်း ဦးဆောင်သောအဖွဲ့နှင့် AGD တာဝန်ရှိသူများသဘောတူညီထားပြီးဖြစ်ကြောင်းသိရသည်။
“ဘဏ်အတွက်ငွေတွေဘယ်ကရလဲဆိုတာရှိတယ်ကျွန်တော်တို့ ငွေဖြူပြနိုင်တယ်၊ငွေဖြူမပြနိုင်ရင်
ဗဟိုဘဏ်ကလည်းလက်ခံမှာမဟုတ်ဘူး။ပွင့်ပွင့်လင်းလင်းပြောရရင်မိသားစုကတစ်ချိန်တစ်ခါတုန်းက
နိုင်ငံခေါင်းဆောင်ဖြစ်ခဲ့ တဲ့ အတွက်ဟိုနိုင်ငံမှာရှိတဲ့ ငွေကိုဒီနိုင်ငံယူလာပြီးသုံးတယ်လို့ ပြောကြတယ်
လုံးဝမဟုတ်ဘူး။ဒီနေ့ ကမ္ဘာကဖုံးဖိထားလို့ ရတဲ့ ကမ္ဘာမဟုတ်ပါဘူး ”ဟုဦးကျော်နေ၀င်းက
ပြောသည်။
အာရှစိမ်းလမ်းမှုဖွံ့ဖြိုးရေးဘဏ်သည် ဘဏ်ခွဲပေါင်း လေးဆယ်ကျော်ရှိပြီး ၀န်ထမ်းပေါင်း ၂၃၀၀ ကျော်ဖြင့်လည်ပတ် နေသည်။
ထို့ပြင် ၂၀၁၂-၁၂၀၁၃ ဘဏ္ဍာရေးနှစ်အတွက် AGDဘဏ်တစ်ခုတည်းမှ အခွန်ငွေ သန်းပေါင်း တစ်ထောင့်ရှစ်ရာကျော် ပေးဆောင်ခဲ့ကြောင်း ယင်းဘဏ်၏ထုတ်ပြန်ချက်များအရသိရသည်။ အာရှစိမ်းလန်းမှုဖွံ့ဖြိုးရေးဘဏ်၏ ပိုင်ဆိုင်မှုပမာဏမှာ ကျပ်ဘီလီယံ သုံးရာကျော်ဖြစ်သည်။

The Messenger

အပြည့်အစုံသို့ »

မှတ်မှတ်သားသား ဗိုလ်ချုပ်စကား


ဇူလိုင် ၁၉ ရက်နေ့သည်ကား မြန်မာပြည်သူတစ်ရပ်လုံး၏ မမေ့နိုင်သော၊ မမေ့အပ်သော နေ့တစ်နေ့ဖြစ်ပါသည်။ ဤနေ့သည်ကား မြန်မာပြည်သူတစ်ရပ်လုံး၏ ဝမ်းနည်းကြေကွဲဖွယ်ရာ အာဇာနည် နေ့ဖြစ်ပါသည်။ ဗိုလ်ချုပ်အောင်ဆန်းနှင့်တကွာ အာဇာနည်ခေါင်းဆောင် ကြီးများအား ထိုနေ့ရောက်တိုင်း သတိတရရှိနေဆဲ ဖြစ်ပါသည်။ အမှတ်ရနေဆဲဖြစ်ပါသည်။ အထူးသဖြင့် ဗိုလ်ချုပ်အောင်ဆန်း ပြောကြားခဲ့သော စကားများကို မှတ်မှတ်သားသားရှိနေဆဲ ဖြစ်ပါသည်။
ယနေ့အချိန်အခါသည် ကျွန်ုပ်တို့နိုင်ငံအနေဖြင့် ဒီမိုကရေစီနိုင်ငံတော်သစ်ဆီသို့ ချီတက် အကောင်အထည်ဖော် ဆောင်ရွက်နေချိန် ဖြစ်ပါသည်။

ဒီမိုကရေစီနှင့်ပတ်သက်၍ အမျိုးသားခေါင်းဆောင်ကြီး ဗိုလ်ချုပ်အောင်ဆန်းက ၁၉၄၇ ခုနှစ် မေ ၁၉ ရက် ပဏာမ ညီလာခံတွင် “ဒီမိုကရေစီဆိုတာ ဘယ်လိုအင်္ဂါရပ်မျိုးနဲ့ ညီညွတ်ရ မလဲ။ အဲဒီလို ကျပ်ပြည့်တင်းပြည့် ဒီမိုကရေစီမျိုးကို ကျုပ်တို့ ဘယ်လိုတည်ဆောက်ရမလဲ။ ချက်ချင်းဖြစ်မလား။ ဘယ်လောက် ကြာမလဲ။ ဘယ်နည်းအကောင်းဆုံးလဲဆိုတာတွေကို အခုကျုပ်တို့ တိုင်းပြည် တည်ဆောက်ရမယ့်အခါ အထူးစဉ်းစားရမယ့် အချက်တွေပဲ။ နိုင်ငံရေးဟာ စီးပွားရေးအခြေခံပေါ်မှာ တည်တယ်။ နိုင်ငံရဲ့ဖွဲ့စည်းအုပ်ချုပ်ပုံ အခြေခံဥပဒေတွေကလည်း စီးပွားရေး သဘော တရားတွေနှင့် ကင်းလို့မဖြစ်နိုင်ဘူး” ဟူ၍ မိန့်ကြားခဲ့ပါသည်။

တစ်ဖန် လွတ်လပ်ရေးနှင့်ပတ်သက်ပြီး အကျိုးရှိရှိအသုံးချ တတ်အောင်လည်း ဗိုလ်ချုပ်အောင်ဆန်းက ၁၉၄၇ ခုနှစ် ဧပြီ ၅ရက် အသံလွှင့်မိန့်ခွန်းတွင် “လွတ်လပ်ရေးရအောင် ကျွန်တော်တို့ကြိုးပမ်းနေကြတာဟာ မြန်မာတွေ လွတ်လပ်ပြီဟေ့လို့ ပြောကောင်းရုံလေးအတွက် ကြိုးပမ်းခဲ့ကြတာ မဟုတ်ပါဘူး။ ခပ်တိုတိုပြောရရင် မြန်မာတွေ လူတန်းစေ့စေ့ နေနိုင်အောင်လုပ်ပေးဖို့ လွတ်လပ်ရေး အတွက်ကြိုးပမ်းနေကြတာ၊ အဲဒီတော့ မြန်မာတွေ လွတ်လပ်ပြီးတဲ့နောက် လူတန်းစေ့စေ့နေနိုင်ဖို့ အလုပ်တွေကိုမလုပ်ရဘဲ၊ ကဖျက်ယဖျက်သမားတွေနဲ့ နှောင့်ယှက်မှုတွေကို တုံ့ပြန်နေရတာနဲ့ အချိန်ကုန်နေကြရမယ်ဆိုရင် လွတ်လပ်ရေးရတာဟာ အဓိပ္ပာယ်ရှိမှာမဟုတ်ဘူး” ဟူ၍လည်း ပြောကြားခဲ့လေသည်။

မှန်ပါသည်။ ကျွန်ုပ်တို့နိုင်ငံတွင် ဒီမိုကရေစီနိုင်ငံတော်သစ်ဆီသို့ ချီတက်လျက်ရှိပါသည်။ ထိုအချိန်တွင် ပူးပေါင်းလုပ်ဆောင်နေရမည့်အစား ဝေဖန်မှု၊ တိုက်ခိုက်မှု၊ တစ်ဦးနှင့်တစ်ဦး အပြစ်ပြော အပုပ်ချနေမှုတို့ဖြင့် ဒီမိုကရေစီကို ဖော်ဆောင်နိုင်မည်မဟုတ်ပါ။

ထို့အပြင် “လွတ်လပ်မှုနှင့်စည်းကမ်း” နှင့်ပတ်သက်ပြီး ဗိုလ်ချုပ်အောင်ဆန်း ပြောကြားခဲ့သည်မှာ မှတ်သားစရာပင် ဖြစ်ပါသည်။ “လွတ်လပ်ရေးရဲ့ အဓိပ္ပာယ်က ဘာလဲ၊ လွတ်လပ်ရေးဆိုတာဟာ ကိုယ်တစ်ဦးတစ်ယောက် ကောင်းစားဖို့ဖြစ်စေ၊ တစ်မျိုးသားလုံး ကောင်းစားဖို့ဖြစ်စေ လုပ်တဲ့နေရာမှာ အခြားတစ်ဦး တစ်ယောက်ရဲ့ အကျိုးကို မထိခိုက်ဘဲနဲ့ အခြားလူတွေရဲ့ အကျိုးကို မထိခိုက်ဘဲနဲ့ လွတ်လွတ်လပ်လပ် ကိုယ့်တိုးတက်မှုအတွက် လုပ်နိုင်တာဟာ လွတ်လပ်ရေးပဲ”ဟု ၁၉၄၇ ခုနှစ် ဇူလိုင် ၁၃ ရက် ရန်ကုန်မြို့ မြို့တော်ခန်းမကြီး၌ ကျင်းပသော ပြည်သူ့အစည်းအဝေးကြီးတွင် ပြောကြားခဲ့သည်။ ဆက်လက်၍လည်း “ ဒီတော့ လွတ်လပ်ရေးဆိုတဲ့ အဓိပ္ပာယ်ဟာ စည်းမဲ့ကမ်းမဲ့သဘောမျိုးမဟုတ်ဘူး၊ စည်းနဲ့ကမ်းနဲ့ သဘောမျိုးသာဖြစ်တယ်။ စည်းနဲ့ကမ်းနဲ့ရှိမှသာလျှင် လွတ်လပ်ရေးဆိုတာဖြစ်နိုင်တယ်”ဟူ၍ မိန့်ကြားခဲ့လေသည်။

အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ မိန့်မှာချက်များသည်ကား မှတ်သားစရာများစွာ ရှိပါသည်။ အာဇာနည် ခေါင်းဆောင်ကြီးများ၏ မိန့်မှာချက်များကို လေးစားလိုက်နာခြင်းဖြင့် ဂုဏ်ပြုလေးစားရာ ရောက်ပါသည်။ အလေးပြုရာလည်း ရောက် ပါသည်။ ဤအာဇာနည်နေ့မှသည် ဗိုလ်ချုပ်နှင့်တကွ ကျဆုံးလေပြီးသော အာဇာနည်များအား ဂုဏ်ပြုသောအားဖြင့် ၎င်းတို့ချမှတ်ခဲ့သော မိန့်မှာချက်များကို ပြည်သူတစ်ရပ်လုံးက လေးစားလိုက်နာအပ်ပေကြောင်း။ ။

MOI Webportal Myanmar

အပြည့်အစုံသို့ »

နိုင်ငံတဝှမ်း အာဇာနည်နေ့ကျင်းပဖို့ မြန်မာအစိုးရ ခွင့်ပြု



ဒီကနေ့ ကျရောက်တဲ့  (၆၇)နှစ်မြောက် အာဇာနည်နေ့မှာတော့ တနိုင်ငံလုံး အတိုင်းအတာနဲ့ မီးရထား၊ မီးသတ်ကားတွေနဲ့ သင်္ဘောတွေကနေ ဥသြဆွဲဂုဏ်ပြုဖို့ အစိုးရက မနေ့ညက ညွန်ကြားချက် ထုတ်ပြန်လိုက်တာကိုလည်း ဒီမိုကရေစီရေး လှုပ်ရှားသူတွေက ကြိုဆိုလိုက်ပါတယ်။ ဒီကနေ့ ကျင်းပမယ့် အာဇာနည် ဗိမာန်နိုင်ငံတော် အခမ်းအနားမှာ ဗိုလ်ချုပ်အောင်ဆန်းရဲ့ သမီး ဒေါ်အောင်ဆန်းစုကြည် နဲ့ အခြား အာဇာနည်ခေါင်းဆောင်တွေရဲ့ မိသားစုဝင်တွေ အပြင် ဒုသမ္မတ ဒေါက်တာ စိုင်းမောက်ခမ်းနဲ့ အတူ ပြည်ထောင်စု လွှတ်တော်နာယက သူရဦးရွှေမန်းနဲ့ လွှတ်တော် ထိပ်ပိုင်းခေါင်းဆောင်တချို့ဟာ အာဇာနည်ခေါင်းဆောင်ကြီးတွေကို အလေးပြုဖို့ တက်ရောက်မှာဖြစ်ပါတယ်။ အကြောင်းစုံကိုမအင်ကြင်းနိုင်ကပြောပြမှာပါ။

နှစ်စဉ်ဇူလိုင်လ (၁၉)ရက်နေ့မှာ ကျရောက်တဲ့ အာဇာနည်နေ့အခမ်းအနားကို တနိုင်ငံလုံး အတိုင်းအတာနဲ့ ဥသြဆွဲဂါရ၀ပြုတာ၊ မြို့နယ်အသီးသီးမှာ အခမ်းအနား ကျင်းပခွင့်တွေကို ပိတ်ပင်ထားခဲ့ရာက အစိုးရက ဒီနှစ်မှာ တရားဝင်ပြန်လည် ခွင့်ပြုလိုက်ပါတယ်။ ဒီကနေ့ ရန်ကုန်မြို့ အာဇာနည်ဗိမာန်မှာ ကျင်းပမယ့် နိုင်ငံတော် အခမ်းအနားမှာ ထူးခြားချက်အနေနဲ့ သူရဦးရွှေမန်း ပထမဆုံးအကြိမ် တက်ရောက်မယ့် အကြောင်း ဦးရွှေမန်းရဲ့ ကိုယ်ရေးအရာရှိက အတည်ပြုပြောဆိုခဲ့တဲ့ အကြောင်း 7 Days သတင်းထောက်ချုပ် ကိုအောင်သူရက ပြောပါတယ်။

" လေးနာရီလောက်က ကျနော် သတင်းကြားလို့ ဦးရွှေမန်း ကိုယ်ရေးအရာရှိ ဗိုလ်မှူးအောင်လင်းထွန်းဆီ ဖုန်းဆက်လိုက်ပါတယ်။ ဖုန်းဆက်လိုက်တော့ မနက်ဖြန် ပြည်ထောင်စု လွှတ်တော် နာယကကြီး အာဇာနည်ကုန်းကိုတက်ပြီး အလေးပြုမယ်ဆိုတာ ဟုတ်ပါသလား ဆိုတော့ ဟုတ်တယ်လို့ဖြေပါတယ်။ သူ့အပြင်ကို လွှတ်တော်အမတ် တချို့လည်း ပါလာမယ်။ အမျိုးသားလွှတ်တော်ဥက္ကဋ္ဌ ဦးခင်အောင်မြင့်လည်း တက်မယ်လို့ သူ ပြောပါတယ်။"


 ဒီအာဇာနည်နေ့ အခမ်းအနား စတင်ကျင်းပမယ့် နံနက်(၇)နာရီ (၅၅)မိနစ်ကစပြီး မြန်မာ့ရုပ်မြင် သံကြားနဲ့  မြန်မာ့အသံရေဒီယို တို့ကနေ တိုက်ရိုက်ထုတ်လွင့်ပြသမှာဖြစ်ပါတယ်။ ၈၈မျိုးဆက်ခေါင်းဆောင်တွေ၊ ကျောင်းသား သမဂ္ဂနဲ့ တိုင်းရင်းသား လူငယ်အဖွဲ့တွေဟာလည်း ရန်ကုန်၊ မန္တလေး မြို့အပါအ၀င် နိုင်ငံတ၀ှမ်းမှာ အခမ်းအနားတွေကို ကျင်းပကြမှာပါ။ ရန်ကုန်မြို့မှာ ကျင်းပမယ့် အစီစဉ်နဲ့ ပတ်သက်လို့ ကျောင်းသားသမဂ္ဂများ အဖွဲ့ချုပ်ဖြစ်မြောက်ရေးကော်မတီက ကိုဒီငြိမ်းလင်းကနေ အခုလိုပြောပြပါတယ်။

" မနက်ပိုင်း ကိုးနာရီ လောက်မှာ မြေနီကုန်းမှာ စုကြမယ် စုပြီးတော့ တခြားသော တိုင်းရင်းသားလူငယ်အဖွဲ့တွေနဲ့ အာဇာနည်နေ့ အမှတ်တရ စကားတွေ၊ အာဇာနည်နေ့နဲ့ပတ်သက်တဲ့ အထိမ်းအမှတ်တွေ ပြောကြမယ်။ ဆယ်နာရီနဲ့ သုံးဆယ့်ခုနှစ်မိနစ်မှာ ကျနော်တို့တွေ ဂါရဝပြုကြမယ်။ ပြီးလို့ရှိရင် အာဇာနည်ဗိမာန်ကို ကျနော်တို့ ပြည်သူလူထု တက်ရောက်ဂါရဝပြုခွင့်ရတဲ့အချိန်မှာ ကျနော်တို့ ကျောင်းသားလူငယ်တွေ ပြည်သူလူထုတွေ အကုန်လုံးက သွားရောက် ဂါရဝပြု ကြမယ့် အစီအစဉ်ရှိပါတယ်ခင်ဗျ။"

တဆက်တည်းပဲ တနိုင်ငံလုံးအတိုင်းအတာနဲ့ ဥသြဆွဲဂုဏ်ပြုဖို့ အစိုးရဘက်က ကြေညာချက် ထုတ်ပြန် လိုက်တာကို ကြိုဆိုကြောင်း ကိုဒီငြိမ်းလင်းကပြောပါတယ်။

တိုင်းပြည် လွတ်လပ်ရေးအတွက် အသက်စွန့်သွားတဲ့ အာဇာနည်ခေါင်းဆောင်တွေ ကို အောက်မေ့ဂုဏ်ပြုဖို့ ဘယ်အစိုးရ လက်ထက်မှာပဲဖြစ်ဖြစ် ပြည်သူတွေကို လွတ်လွတ်လပ်လပ်ခွင်ပြုသင့်တယ်လို့  ၈၈မျိုးဆက်ခေါင်းဆောင် ကိုဌေးကြွယ်ကလည်းပြောပါတယ်။

" မြန်မာနိုင်ငံ လွတ်လပ်ရေးတိုက်ပွဲနဲ့အတူ ဒီအာဇာနည်ခေါင်းဆောင်တွေကို ကျနော်တို့ တိုင်းပြည်ကနေ ဂုဏ်ပြုရခြင်းဟာ တမျိုးသားလုံးနဲ့ ဆိုင်တဲ့ကိစ္စပါ။ အုပ်ချုပ်ရေးယန္တရားကိစ္စမဟုတ်ဘူး။ ကျနော်တို့မြန်မာပြည်သူ အားလုံးနဲ့ သက်ဆိုင်တဲ့ ကိစ္စဖြစ်တဲ့အတွက် တက်လာတဲ့အစိုးရတိုင်းဟာ ဒီမြန်မာပြည်သူ ပြည်သား အားလုံး ရဲ့ ကျနော်တို့ အမျိုးသားလွတ်မြောက်ရေးတိုက်ပွဲ ကို ဦးဆောင်ပြီးတော့ ရယူပေးခဲ့တဲ့ ကျနော်တို့ရဲ့ မြန်မာနိုင်ငံ ပြန်လည် ထူထောင်ပေးခဲ့တဲ့ Founding Fathers တွေကိုတော့ ကျနော်တို့ ဂုဏ်ပြုသင့်ပါတယ်။ တကယ်ကို လေးလေးနက်နက်နဲ့ အစိုးရတွေကိုယ်တိုင် ကလည်း အလေးအနက်ထားပြီး လုပ်ဆောင်သင့်တယ်လို့ ကျနော်တို့ မြင်ပါတယ်။"


၈၈မျိုးဆက်ခေါင်းဆောင်တွေအနေနဲ့လည်း အာဇာနည်ဗိမာန်မှာ ဒီကနေ့ နေ့လည် (၂)နာရီမှာ အာဇာနည်ခေါင်းဆောင်တွေကို သွားရောက် အလေးပြုမှာဖြစ်ပါတယ်။
အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ကတော့ ဗိုလ်ချုပ်အောင်ဆန်းရဲ့ သမီးအနေနဲ့ အာဇာနည်ဗိမာန်မှာ ကျင်းပမယ့် နိုင်ငံတော် အခမ်းအနားကို တက်ရောက်ပြီး လွမ်းသူ ပန်းခွေချမှာဖြစ်သလို ရွှေဂုံတိုင် အဖွဲ့ချုပ်ရုံးမှာကျင်းပမယ့် အာဇာနည်နေ့အခမ်းအနားကိုလည်း တက်ရောက်မှာပါ။ ဒါအပြင် တက္ကသိုလ်ရိပ်သာလမ်းနေအိမ်မှာ သံဃာတော်တွေကို ဆွမ်းကပ်ဖို့ရှိပြီး ဘာသာပေါင်းစုံဆုတောင်းပွဲ လည်းကျင်းပဖို့ရှိတယ်လို့သိရပါတယ်။


ဒီကနေ့နံနက်၁၀နာရီ ၃၇ မိနစ်မှာ မြန်မာ့မီးရထား၊မီးသတ်ဦးစီးဌာနတို့ကနေ ဥသြဆွဲတဲ့ အစီစဉ်ကို ဆောင်ရွက်သွားမယ်လို့ သိရပါတယ်။ အလားတူ၊ တိုင်းနဲ့ ပြည်နယ်ဒေသကြီးတွေမှာလည်း သက်ဆိုင်ရာအစိုးရတွေကနေ ဥသြဆွဲဂုဏ်ပြုကြမယ်လို့ဆိုပါတယ်။ ဒါအပြင် စက်ရုံ အလုပ်ရုံတွေနဲ့  မီးသတ်စခန်းတွေမှာ ဥသြဆွဲကြဖို့ နိုင်ငံတော်သမ္မတဘက်က ညွန်ကြားတယ်လို့ သိရပါတယ်။


သမ္မတဦးသိန်းစိန်နဲ့ ကာကွယ်ရေးဦးစီးချုပ်တို့ ကိုယ်တိုင် လည်း နေပြည်တော်ကောင်စီ ဓမ္မာရုံ မှာ ဗိုလ်ချုပ်အောင်ဆန်းနဲ့တကွ အာဇာနည်ခေါင်းဆောင်တွေကို ရည်စူးပြီး နံနက်ပိုင်းမှာ ဆွမ်းကပ်မှာဖြစ်တယ်လို့ သမ္မတရုံးက သတင်းထုတ်ပြန်ကြေညာထားပါတယ်။

VOA

အာဇာနည်နေ့အခမ်းအနား

အပြည့်အစုံသို့ »

MOU အလုပ်သမား၂၆ဦး လုပ်အားခမရ၍ သစ်ရွက်ကိုပြုတ်စားနေရ


 ရွှေရည်ဖြိုးအောင် ကုမ္ပဏီမှ မလေးရှား နယ်စပ်ရှိ ပန်းရံ လုပ်ငန်း ခွင်တစ်ခုသို့ တင်ပို့
ထားသည့် MOU အလုပ်သမား၂၆ဦး စားစရာမရှိ၍ ဘောစကိုင်း ရွက်များကို ပြုတ်၍
 စားနေရကြောင်း အလုပ်သမားများက ပြော သည်။



 မလေးရှား နယ်စပ် စတုန်းမြို့နယ် ပန်းရံဆိုဒ်တစ်ခုမှ MOUအလုပ်သမား ၂၆ဦးတို့အား လုပ်အားခ တစ်လစာ ထုတ်မပေးပဲ ထားသဖြင့် အနီးအနားတွင် ရှိသော ကန်စွန်းရွက်နှင့် သင်္ဘောသီးတို့အား ခူးစား၍ ကုန်နေပြီ ဖြစ်သဖြင့် ယခုအခါ ဘောစကိုင်း ရွက်များကို ပြုတ်စားနေရကြောင်း အလုပ်သမား သန်းဇေါ်ဦးက ပြောသည်။

 “ကျနော်တို့ကို ရွှေရည်ဖြိုးအောင် ကုမ္ပဏီ က ပို့တာပါ။ မလေးရှားကို ကားစီးသွားရင် တစ်နာရီကျော်ဆိုရင် ရောက်တဲ့နေရာမှာ ကျနော်တို့ ဒုက္ခ   ရောက်နေတာပါ။ တစ်နှစ်အတွင်းမှာ ကျနော်တို့ဆီက ၁၉,၁၅၂ ဘတ်ဖြတ် ထားပါပြီ။ ပတ်စပို့ကို ထိုင်းကိုရောက်ကတည်းက မကိုင်ဖူးဘူး။ လုပ်အားခ ရှင်းမပေးတာ တစ်လကျော်လာပြီ။ ကျနော်တို့မှာ စားစရာမရှိလို့ အနီးအနား မှာစားလို့ရတဲ့ အသီးအရွက်တွေ အကုန်ခူးစားနေကြတာ။ မြက်ပဲရှိပြီ။ သောက်ရေ ဆိုတာလည်း ပိုက်လုံးကလာတဲ့ရေတွေ ကိုပဲသောက်နေရတာ” ဟုပြော သည်။
     
 ယနေ့နံနက်ပိုင်းက  မြန်မာအလုပ်သမားသံအရာရှိနှင့် MAT အဖွဲ့ တို့ အလုပ်သမားနှင့်အတူ ဆက်သွယ် စကားပြောကြရာတွင် ရွှေရည်ဖြိုးအောင် ကုမ္ပဏီအား အကြောင်း ကြားထားပြီး ဖြစ်ကြောင်း သံအရာရှိ ကပြောသည်။

 ထိုင်းနိုင်ငံရောက် မြန်မာနိုင်ငံသားများ အဖွဲ့ ဒါရိုက်တာ ဦးကျော်သောင်း က“ MOU နဲ့ တင်သွင်းတဲ့ ကုမ္ပဏီတွေ အတော်များများ စည်းကမ်းပျက် တာေ တွ လူကုန်ကူးသလိုဖြစ်တာ၊ ပြဿ     နာတွေ နေ့တိုင်းကျနော်တို့ ရှင်းမကုန်ဘူး။ သတ်မှတ်တဲ့စည်းကမ်းချက်နဲ့ညီအောင်လုပ်နေတဲ့ ကုမ္ပဏီက အလွန်နည်းပါ တယ်။ လုပ်ချင်တိုင်းလုပ်နေတဲ့ ကုမ္ပဏီကများတယ်။  ဒီကုမ္ပဏီက မြန်မာနိုင်ငံ မှာ အလုပ်သမားတစ်ဦးစီဆီက ကျပ်ငွေ သုံးသိန်းခွဲ ယူထားလိုက်တဲ့ အပြင် ထိုင်း ဘက်မှာလည်း နှစ်သောင်းနီးပါး ဖြတ်တောက်ထားပြီ။ အဆိုးဆုံးက   မြန်မာအစိုးရက အလုပ်သမားတင်သွင်းဖို့ လုံးဝတား မြစ်ထားတဲ့ မလေးရှား နယ်စပ်ကိုပို့ထားတယ်” ဟုပြောသည်။

 ရွှေရည်ဖြိုးအောင် ကုမ္ပဏီက ၂၀၁၃ ခုနှစ် ဇူလိုင်လ ၁၆ ရက်နေ့က မြ၀တီမြို့ ကျောက်လုံးကြီးစခန်းတွင် စာချုပ်ချုပ်ဆို၍ အလုပ်သမား ၄၂ ဦးအား မလေးရှားနယ်စပ်သို့ ပို့ဆောင်ခဲ့ခြင်းဖြစ်ကြောင်း အလုပ်သမားများက ပြော သည်။ အတူတူလာသည့်အခြားအလုပ်သမား  ၁၆ဦးကို မည်သည့်နေရာသို့ ပို့ဆောင်ထားကြောင်း ၎င်းတို့မသိဟုဆိုသည်။

 ထိုင်းနှင့်မြန်မာအစိုးရတို့ ၂၀၀၉ ခုနှစ်က စတင်အကောင်အထည်ဖေါ် ကြသည့် MOU အလုပ် သမားတင်သွင်းသည့် စည်းကမ်းချက်တွင် အလုပ် သမား တစ်ဦးစီထံမှ မြန်မာနိုင်ငံတွင် ကျပ်ငွေတစ်သိန်း နှင့်ထိုင်းနိုင်ငံဘက် တွင် ဘတ်ငွေတစ်သောင်းသာဖြတ်ရမည်ဟု သတ်မှတ်ထားသည်။ ထို့အပြင် မိမိတို့ တင်ပို့ထားသည့် အလုပ်သမားများ မည်သည့်နေရာတွင်ရှိသည်ကို  ပို့ဆောင်သည့် အေဂျင်စီက သိရှိရမည်ဟုလည်း ပါရှိသည်။

 မြန်မာအလုပ်သမားဝန်ကြီးဌာနအနေဖြင့် စည်းကမ်းချက် ကိုဖေါက် ဖျက်သည့်ကုမ္ပဏီများကို အရေးယူ ခြင်းမှာ သပ်သပ်ဖြစ်သင့်ပြီး မှန်မှန်ကန်ကန် လုပ်သည့် အေဂျင်စီများ၏ လုပ်ငန်းဆောင်တာများ ကြန့်ကြာအောင် ၀ါးလုံးရှည်   ဖြင့်ရမ်းရိုက်သလိုမျိုး ဖြစ်နေခြင်းမှာ အလုပ်သမားများ အတွက်နစ်နာ စေကြောင်း အေဂျင်စီအချို့ကပြောသည်။

 မြန်မာနိုင်ငံ၏  လက်ရှိအနေအထားများအရ ပြည်ပသို့  MOU အလုပ်သမားတင်ပို့ခြင်းလုပ်ငန်းသည် အချိန်ကာလ အတန်ကြာသည်အထိ လုပ်ကိုင်နေကြမည့်အနေအထားတွင်ရှိပါသည်။ MOU စည်းမျဉ်း ဥပဒေသ အတော်များများတို့အား ပြန်လည် ပြင်ဆင်ရန် လိုအပ်ကြောင်း ၊ အစိုးရ   အေဂျင်စီနှင့် အလုပ်သမားများ အားလုံးအတွက် အကျိုးရှိပြီး အပြစ်အနာ အဆာကင်းနိုင်မည့် အချက်အလက်များအား MATအဖွဲ့က အလုပ်သမား ညွန်ကြားရေးမှူးချုပ် ဦးမျိုးအောင်နှင့် ဘန်ကောက်မြို့၌ တွေ့ဆုံစဉ် ကတင်ပြခဲ့ ဖူးကြောင်း သိရှိရသည်။

မောင်ပေါ်ထွန်း (အလွတ်သတင်းထောက်)
ရွှေလုပ်သား

အပြည့်အစုံသို့ »

သင်္ချိုင်းမြေကို အုပ်ချုပ်ရေးမှူးက ရောင်း၍ လမ်းဘေးတွင် သဂြုင်္ိဟ်နေရ



မန္တလေးတိုင်း ပုသိမ်ကြီးမြို့နယ် လက်ကောင်းကျေးရွာအသုံးပြုနေသော သင်္ချိုင်းမြေကို မိဘပိုင်မြေ
ဟုဆို၍ ဗိုလ်တက်ကုန်း ကျေးရွာအုပ်ချုပ်ရေးမှူး ဦးလှဌေးက ဧပြီလ ၅ ရက်တွင်
 ရောင်းချလိုက်သောကြောင့် သေဆုံးသူများ သင်္ဂြိုဟ်ရန် အခက်အခဲများဖြစ်ပေါ်လျက်ရှိပြီး လမ်းဘေးတွင် မီးသင်္ဂြိုဟ်နေရသဖြင့် တိုင်းအစိုးရထံ တိုင်ကြားမည်ဟု ဒေသခံက မဇ္ဈိမကို ပြောသည်။

“ဒီမြေရောင်းတာ သိသိချင်းပဲ ကျွန်တော်တို့ ရပ်မိရပ်ဖတွေရယ်၊ ကျေးရွာအထောက်အကူပြုအဖွဲ့တွေရယ် မြို့နယ်အုပ်ချုပ်ရေးမှူးဆီကို အကြိမ်ကြိမ်သွားရောက် ညှိနှိုင်းမှုတွေ လုပ်တယ်။ ဒါပေမဲ့ ဒီနေ့အချိန်ထိ အဆင်မပြေဘူး။ အခုရွာကသေရင် ချစရာမရှိတော့ဘူး။ လမ်းဘေးမှာ မီးရှို့နေရတယ် ဘာမှလုပ်ပေးတာ မရှိဘူးဆိုရင် တိုင်းအစိုးရကို တိုင်ကြားသွားမယ်”ဟု လက်ကောင်းကျေးရွာမှ ဦးလှသောင်က မဇ္ဈိမကို ပြောကြားသည်။

လက်ရှိ သေဆုံးသူများကို လမ်းဘေးတွင် မီးရှို့နေရသည်မှာ ခုနစ်ဦးရှိပြီဟု ဒေသခံများက ဆိုသည်။ သင်္ချိုင်းမြေ ပြန်လည်ရရှိရေးအတွက် အုပ်ချုပ်ရေးမှူးများနှင့် အကြိမ်ကြိမ်သွားရောက်တွေ့ဆုံဆွေးနွေးမှုများလုပ်ရာတွင် မြို့နယ်အုပ်ချုပ်ရေးမှူးက ပုံစံခုနစ်လက်ဝယ်ရှိနေသောကြောင့် ဆောင်ရွက်မပေးနိုင်ကြောင်း ဒေသခံများကို ပြောသည်ဟု ဆိုသည်။



ဘိုတက်ကုန်းကျေးရွာအုပ်ချုပ်ရေးမှူး ဦးလှဌေးက မိမိတို့၏ ဘိုးဘွားပိုင်မြေဖြစ်ပြီး သင်္ချိုင်းမြေမဟုတ်ကြောင်း ၊ ထို့ကြောင့် ဇူလိုင်လတွင် ပုံစံ ၇ လျှောက်ခဲ့ရာ ရရှိခဲ့ကြောင်း၊ ထို့ကြောင့် အဆိုပါမြေကို ခြံခတ်ပြီး ရောင်းချရန် လုပ်နေသော်လည်း သင်္ချိုင်းမြေဖြစ်နေသောကြောင့် ၀ယ်မည့်သူမရှိသေးကြောင်း မဇ္ဈိမကို ပြန်လည် ဖြေကြားထားသည်။

ပုသိမ်ကြီးမြို့နယ် အထွေထွေအုပ်ချုပ်ရေးမှူးရုံးသို့ မဇ္ဈိမက ဆက်သွယ်မေးမြန်းရာတွင် “ရောင်းတယ်၊ မရောင်းဘူးဆိုတာတော့ မသိပါဘူး။ သင်္ချိုင်းမြေဟုတ်မဟုတ်လည်း မသိပါဘူး။ မြေစာရင်းရုံးမှာတော့ အဲဒီမြေနေရာဟာ ဦးချစ်ထွေးအမည်နဲ့ လယ်ယာမြေပုံစံခုနစ်ပေါက်ပါတယ်။ သင်္ချိုင်းမြေကတော့ မပေါက်ဘူး။ သင်္ချိုင်းမြေဆိုရင် ရောင်းလို့ မရဘူး”ဟု မြို့နယ် အုပ်ချုပ်ရေးမှူးက ပြန်လည်ဖြေကြားသည်။

လက်ကောင်းကျေးရွာသည် အိမ်ခြေ ၁၇၆ အိမ်ရှိပြီး လူဦးရေ ၈၀၀ ဦးကျော်နေထိုင်သည်။ ယခုအခါ သင်္ချိုင်းမြေကို ခြံခတ်ထားပြီးဖြစ်သောကြောင့် ဒေသခံများကသင်္ဂြိုဟ်ခွင့် မရှိတော့ကြောင်း ဆိုသည်။

Mizzima News Daily

အပြည့်အစုံသို့ »

ရန်ကုန်တစ်မြို့လုံးရှိ လျှပ်စစ်ဓာတ်ကြိုးများ အသစ်လဲ


ရန်ကုန်၊ လတ်တလောဖြစ်ပွားနေ သော ရန်ကုန်တိုင်းဒေသကြီးအတွင်း မြို့နယ်အချို့တွင် လျှပ်စစ်ဓာတ်ကြိုး များပြတ်ကျနေခြင်းကြောင့် နိုင်ငံတော် ဘတ်ဂျက်ဖြင့် ရန်ကုန်တစ်မြို့လုံးရှိ လျှပ်စစ်ဓာတ်ကြိုးများ လဲလှယ်တပ် ဆင်သွားရန်စီစဉ်နေကြောင်း ရန် ကုန်မြို့တော်လျှပ် စစ်ဓာတ်အားပေးရေးအဖွဲ့မှ ဦးမင်းမင်းက ပြောသည်။

လျှပ်စစ်ဓာတ်ကြိုးများအား ယခု အချိန်တွင် လိုအပ်သည့်မြို့နယ်များ ၌ ဦးစွာတပ်ဆင်သွားမည်ဖြစ်ကာ ဆက်လက်၍ ရန်ကုန်တစ်မြို့လုံးအား လဲလှယ်တပ်ဆင်ပေးသွားမည်ဖြစ် ကြောင်း ၄င်းကဆိုသည်။

လဲလှယ်တပ်ဆင်မည့် လျှပ်စစ် ဓာတ်ကြိုးများမှာ နိုင်ငံတကာ၌ တွင် ကျယ်စွာအသုံးပြုနေသည့် Insulated Wire များဖြစ်ကာ ယခင်ဓာတ်ကြိုး များထက် ပိုမိုစိတ်ချရကြောင်း မြို့ တော်လျှပ်စစ်ဓာတ်အားပေးရေးအဖွဲ့ မှ သိရသည်။

လျှပ်စစ်ဓာတ်ကြိုးပြတ်ကျမှုမှာ ယခင်လ၌ ကမာရွတ်မြို့နယ် လှည်းတန်းဈေး၌ ဦးစွာဖြစ်ပွားခဲ့ပြီး အမျိုး သမီးနှစ်ဦး သေဆုံး၊ နှစ်ဦး ဒဏ်ရာ ရရှိခဲ့ကာ ယင်းဖြစ်ရပ်ဖြစ်ပြီး မကြာခင်မှာ မြောက်ဥက္ကလာပမြို့နယ် (ဌ) ရပ်ကွက်အနီးရှိ ကန်စွန်းခင်း၌လည်း ဓာတ်ကြိုးပြတ်ကျကာ အမျိုးသားတစ် ဦး သေဆုံးမှုဖြစ်ခဲ့ပြီး ကျန်ရှိမြို့နယ် များနှင့် စုစုပေါင်းသေဆုံးသူ ခုနစ် ဦးထက်မနည်း ရှိခဲ့သည်။

ဓာတ်ကြိုးများ ဤသို့ပြတ်ကျရ ခြင်းမှာ ဟောင်းနွမ်းနေကာ အပူဒဏ် အား မခံနိုင်တော့ခြင်းကြောင့်ဖြစ်ပြီး သေဆုံးခဲ့သူ၌ကျန်ရစ်ခဲ့သည့် မိသားစု ဝင်များအား နစ်နာကြေးမဟုတ်ဘဲ လူမှုရေးကိစ္စများအားလုံးကို တာဝန် ယူပေးသွားမည်ဟု သိရသည်။

လျှပ်စစ်ဓာတ်ကြိုးလဲလှယ်တပ် ဆင်ခြင်းအား ယခုလဆန်းပိုင်း၌ စတင် တပ်ဆင်ခြင်းဖြစ်ကာ ဇူလိုင်လတတိယ ပတ်အား နောက်ဆုံးထား လဲလှယ် တပ်ဆင်မည်ဖြစ်ပြီး လိုအပ်ချက်ရှိနေ သည့် မြို့နယ်များအား ဦးစားပေးတပ် ဆင်သွားမည်ဖြစ်ကြောင်း သိရသည်။

''ဓာတ်ကြိုးတွေကို အခုမှစပြင် တာတော့ မှားတာပေါ့။ မိုးရာသီတောင် တစ်ဝက်ကျိုးတော့မယ်။ တကယ်ဆို မိုးမကျခင်လောက်ကတည်းက ပြင် ရင် ကောင်းတာပေါ့''ဟု မြောက်ဥက္က လာပတွင်နေထိုင်သူတစ်ဦးက ပြော သည်။
ယခုအချိန်မှပြင်သည့်အတွက် နောက်လူတွေအတွက် စိတ်ချရပြီး သေဆုံးသွားသည့်သူတွေအတွက် ဝမ်း နည်းရကြောင်း လှည်းတန်းမှပြည်သူ တစ်ဦးကပြောသည်။

''ရန်ကုန်မြို့တွင်း လိုက်လံတပ် ဆင်ပေးနေတဲ့ Insulated Wire တွေ က ဗို့အား ၄ဝဝ ခံနိုင်ရည်ရှိပါတယ်။ အခုလို ပြောင်းလဲတပ်ဆင်ပေးတာ ကိုလဲ နိုင်ငံတော်က အကုန်အကျခံပြီး တပ်ဆင်ပေးတာပါ။ ဒီဓာတ်ကြိုးတွေ က အရင်ဓာတ်ကြိုးတွေနဲ့ ဗို့အားချင်း တော့ တူပါတယ်။ ဒါပေမဲ့ ဓာတ်ကြိုး အပြင်ပိုင်းကို ရော်ဘာတွေနဲ့ဖုံးအုပ် ထားလို့ ပြည်သူတွေအတွက် အန္တ ရာယ်ပိုနည်းပါတယ်''ဟု ရန်ကုန်မြို့ တော် လျှပ်စစ်ဓာတ်အားပေးရေးအဖွဲ့ မှ ဦးမင်းမင်းကပြောသည်။

ယင်းသို့ လဲလှယ်တပ်ဆင်ရာ တွင် ဓာတ်ကြိုးနှင့်မလွတ်သည့် သစ် ပင်သစ်ကိုင်းများအား ခုတ်ထွင်ရှင်း လင်းပေးလျက်ရှိပြီး မြောက်ဥက္ကလာ ပ၊ သင်္ဃန်းကျွန်း၊ ကမာရွတ်၊ မရမ်း ကုန်းနှင့် မင်္ဂလာဒုံမြို့နယ်များအပြင် အခြား လိုအပ်သည့်မြို့နယ်များ၌ လည်း လဲလှယ်တပ်ဆင်ပေးနေလျက် ရှိကြောင်းသိရသည်။

Yangon Media Group

အပြည့်အစုံသို့ »

အမျိုးသားလွှတ်တော်မှာ ဗိုလ်ချုပ်အောင်ဆန်း မိန့်ခွန်း ထုတ်လွှင့်


Photo..The Ladies News Journal
လာမယ့် ဇူလိုင်လ ၁၉ ရက်နေ့မှာ ကျရောက်မယ့် ၆၇ နှစ်မြောက် အာဇာနည်နေ့ အခမ်းအနားကို ဂုဏ်ပြုတဲ့အနေနဲ့ ဗိုလ်ချုပ်အောင်ဆန်းရဲ့ တိုင်းပြုပြည်ပြုလွှတ်တော်နဲ့ ပတ်သက်ပြီး ပြောကြားခဲ့တဲ့ မိန့်ခွန်းကို ဒီနေ့ အမျိုးသားလွှတ်တော် အစည်းအဝေး ခေတ္တရပ်နားချိန်မှာ ထုတ်လွှင့်ခဲ့ပါတယ်။

"ဖဆပလ အဖွဲ့ချုပ်ကို ရန်ကုန်မှာရှိတဲ့ တိုင်းပြုပြည်ပြု လွှတ်တော်အမတ်တွေက ရန်ကုန်မှာရှိတဲ့ နယ်အသီးသီးကို ပြန်ပြီးအစီရင်ခံတဲ့ အစည်းအဝေးပွဲတွေ လုပ်ပါလို့ပြောလိုက်တဲ့အခါမှာ အဲဒီ တိုင်းပြုပြည်ပြု လွှတ်တော်အမတ်တွေက ကိုယ့်နယ်ဆိုင်ရာလူတွေကို ပြန်ပြီးအစီရင်ခံတဲ့အဓိပ္ပာယ် မပါတော့ပဲနဲ့ နိုင်ငံရေးရှင်းတမ်း တရားပွဲတွေ ရပ်ကွက်တွေမှာ လုပ်လာတယ်"

ဒါ့အပြင် ဗိုလ်ချုပ်အောင်ဆန်းရဲ့ ၁၉၄၇ ခုနှစ် ဇူလိုင် ၁၃ရက်နေ့ မြို့တော်ခန်းမရှေ့မှာ ပြောကြားခဲ့တဲ့ မိန့်ခွန်း၊ တပ်မတော်လေတပ်မှာ ပြောကြားတဲ့ မိန့်ခွန်း၊ ၁၉၄၆ ခုနှစ် ဧပြီ ၅ ရက်နေ့မှာ ပြောကြားခဲ့တဲ့ ရွေးကောက်ပွဲမိန့်ခွန်းတွေကို မနက်ဖြန်မှာ ဆက်လက်ထုတ်လွှင့်မှာဖြစ်ပြီး ဗိုလ်ချုပ်အောင်ဆန်း အတ္ထုပတ္တိနဲ့ ဈာပနအခမ်းအနားတွေကို ရုပ်မြင်သံကြားနဲ့ ပြသသွားဖို့ စီစဉ်ထားတယ်လို့လည်း သိရပါတယ်။

အမျိုးသားလွှတ်တော် ဥက္ကဌ ဦးခင်အောင်မြင့်ရဲ့ ညွှန်ကြားချက်နဲ့ ဗိုလ်ချုပ်အောင်ဆန်းရဲ့ မိန့်ခွန်းတွေကို ထုတ်လွှင့်တာဖြစ်တယ်လို့ အမည်မဖော်လိုတဲ့ လွှတ်တော်ရုံး တာဝန်ရှိသူတစ်ဦးက ပြောပါတယ်။

RFA Burmese

အပြည့်အစုံသို့ »

ဗိုလ်ချုပ်အောင်ဆန်းရုပ်ရှင် ပြည်တွင်းဒါရိုက်တာများသာ ရိုက်တော့မည်


ဗိုလ်ချုပ်အောင်ဆန်းရုပ်ရှင်ကို မူလက ပြည်ပဒါရိုက်တာများနှင့် ပူးပေါင်းရိုက်ကူးရန် စီစဉ်ထားသော်လည်း အမြင်ကွဲပြားမှုများရှိနေ၍ ပြည်တွင်းဒါရိုက်တာများကသာ တာဝန်ယူရိုက်ကူးတော့မည်ဟု ဇာတ်ကားဖြစ်မြောက်ရေး အဖွဲ့ဝင် ဒါရိုက်တာ မင်းထင်ကိုကိုကြီးက ဇူလိုင် ၁၆ ရက်တွင် မဇ္ဈိမကို ပြောသည်။

“ဇာတ်ညွှန်းထဲက ဗိုလ်ချုပ်ဇာတ်ကောင်က ပြီးပြည့်စုံ(Perfect) နေတယ်လို့ သူတို့ ထင်ကြတယ်”ဟု မင်းထင်ကိုကိုကြီးက ဆိုသည်။

ဇာတ်ညွှန်းရေးသားပြီးစီးသည့် ၂၀၁၃ ခုနှစ် စက်တင်ဘာတွင် နိုင်ငံတကာဒါရိုက်တာနှင့်ထုတ်လုပ်သူများကို ရှာဖွေခဲ့ရာ အမေရိကန် ဟောလိဝုဒ်မှထုတ်လုပ်သူ၊ ကနေဒါမှ ဒါရိုက်တာ၊ ပြင်သစ်မှ အသံနှင့် အမြင်ဆိုင်ရာကျွမ်းကျင်သူများကို ချိတ်ဆက်နိုင်ခဲ့ပြီး ပူးပေါင်းရိုက်ကူးရန် မူလက စီစဉ်ထားခြင်းဖြစ်သည်။

၁၉၁၅ ခုနှစ်၊ ၁၉၄၀ ခုနှစ်၊ ၁၉၄၅ ခုနှစ် မှ ၁၉၄၇ ခုနှစ် ဗိုလ်ချုပ် တက္ကသိုလ်မရောက်ခင်နှင့် တက္ကသိုလ်ရောက်ပြီး နိုင်ငံရေးလောကထဲသို့ ၀င်ရောက်ခဲ့ပုံများအပြင် ဗိုလ်ချုပ်လုပ်ကြံခံရသည့် နောက်ဆုံးကာလများအထိ အပိုင်းသုံးပိုင်းခွဲကာ သမိုင်းအခြေခံထားသည့် ဇာတ်ညွှန်းကို ချစ်ဦးညို၊ ကြည်စိုးထွန်းနှင့် မြမြင့်မိုရ်တို့က ရေးပေးထားခြင်းဖြစ်သည်။

ဗိုလ်ချုပ်အောင်ဆန်း၏ သမီးဖြစ်သူ ဒေါ်အောင်ဆန်းစုကြည်ကလည်း ဇူလိုင် ၁၂ ရက် ပခုက္ကူတွင် ပြုလုပ်သည့် ဖွဲ့စည်းပုံပါ ပုဒ်မ ၄၃၆ ပြင်ဆင်ရေးဟောပြောပွဲအတွင်း ရုပ်ရှင်ဆိုင်ရာ မေးမြန်းမှုတစ်ခုကို ပြန်လည် ဖြေကြားရာတွင် ပြည်တွင်းဒါရိုက်တာများဖြင့်သာ ရိုက်ကူးတော့မည်ဟု ဆိုထားသည်။

“ကျွန်မတို့ရဲ့ အမြင်ချင်းက မတူဘူး။ကျွန်မတို့ ရုပ်ရှင်အဖွဲ့ ရှင်းပြတာက ဗိုလ်ချုပ်ရုပ်ရှင်ကို သမိုင်းအနေနဲ့ မြင်တယ်။ နိုင်ငံတကာရုပ်ရှင်ပညာရှင်တွေက ရုပ်ရှင်တစ်ခုအနေနဲ့ မြင်တယ်။ နောက်ဆုံးကျတော့ ကျွန်မတို့ ရုပ်ရှင်အဖွဲ့က သတ္တိရှိရှိနဲ့ ကိုယ့်ဘာသာကိုယ် တတ်နိုင်သလောက် အကောင်းဆုံးဖြစ်အောင်ရိုက်မယ်ဆို ပြီး ဆုံးဖြတ်လိုက်တယ်”ဟု ၎င်းက ပြောသည်။

ရုပ်ရှင်ကို ၂၀၁၅ ခုနှစ် ဖေဖော်ဝါရီ ၁၃ ရက်တွင် ကျရောက်မည့် ဗိုလ်ချုပ်အောင်ဆန်း နှစ် (၁၀၀)ပြည့်တွင် ပြသနိုင်ရန် မူလက စီစဉ်ထားသော်လည်း ယခုမူ ၂၀၁၅ ခုနှစ်အတွင်းရောက်မှသာ ရိုက်ကူးမှု စတင်နိုင်တော့မည်ဟု ဖြစ်မြောက်ရေး အဖွဲ့ဝင်များက ပြောသည်။ ဇာတ်ကားဖြစ်မြောက်ရေးအဖွဲ့တွင် ဥက္ကဋ္ဌ အဖြစ် ဒေါ်အောင်ဆန်းစုကြည်ကိုယ်တိုင် တာဝန်ယူထားခြင်းဖြစ်သည်။

ဇာတ်ကားရိုက်ကူးမှုကို ဖြစ်မြောက်ရေးအဖွဲ့ဝင်များဖြင့် အကောင်းဆုံးဆောင်ရွက်နိုင်မည်ဟု ဒါရိုက်တာ မင်းထင်ကိုကိုကြီးက ပြောသည်။ အဖွဲ့တွင် ဦးသူရ(ဇာဂနာ)၊ လူမင်း၊ အရိုင်း၊ ဇော်သက်ထွေး၊ ၀ိုင်း၊ အိအိခိုင်၊ ကြည်ဖြူသျှင်၊ သူရကျော်၊ ဝေဠု ကျော်၊ ဦးမော်လင်းနှင့် ထွန်းအိန္ဒြာဗို စသည်ဖြင့်ပါဝင်ကြသည်။

Credit: Mizzima Burmese

အပြည့်အစုံသို့ »

ကမ္ဘောဇဘဏ်က အပ်ငွေအတိုးနှုန်း တိုးမြှင့်ပေးလိုက်ပြီ


ကမ္ဘောဇဘဏ်က ဘဏ်တွင် Deposit အပ်နှံထား သော အပ်ငွေများအပေါ် ပေးသော အတိုးနှုန်းများကို စက်တင်ဘာ ၁ ရက်မှစကာ တိုးမြှင့်ပေး တော့မည်ဖြစ်ကြောင်း သတင်းရ ရှိသည်။


Deposit အပ်ငွေများအပေါ် တွင် အတိုးနှုန်းတိုးမြှင့်ရာတွင် ငွေ စုဘဏ်အပ်ငွေနှင့် စာရင်းသေ အပ်ငွေနှစ်မျိုးစလုံးပေါ်တွင် တိုး မြှင့်လိုက်ခြင်းဖြစ်သည်။

‘‘အဓိက,က ကိုယ့်ဘဏ်နဲ့ အမြဲလုပ်နေတဲ့ Customer တွေ အဆင်ပြေအောင် တိုးပေးတာ။ အခုက ကုန်ဈေးနှုန်းတွေကလည်း တက်သွားတယ်ဆိုတော့ ပင်စင် စားတွေအားလုံး အဆင်ပြေ အောင် အခုလိုတိုးပေးလိုက်တာ ပါ’’ဟု အဆိုပါဘဏ်မှ မန်နေဂျင်း ဒါရိုက်တာ ဒေါ်ခင်ချောစုက ပြော သည်။

ငွေစုဘဏ်အပ်ငွေအပေါ် လက်ရှိကာလအတိုးနှုန်း ၈ ရာ ခိုင်နှုန်းပေးနေရာမှ ၈ ဒသမ ၂၅ ရာခိုင်နှုန်းအထိ တိုးမြှင့်ပေး သွားမည်ဖြစ်သည့်အတွက် ငွေစု ဘဏ်အပ်ငွေအဖြစ် အပ်နှံထား သူများမှာ ယခင်က ကျပ်တစ် သိန်းအပ်နှံပါက တစ်လလျှင် အတိုးနှုန်း ၈,၀၀၀ ကျပ်ရရှိရာမှ ယခုအခါ ၈,၂၅၀ ကျပ်ရရှိတော့ မည်ဖြစ်သည်။

ထို့အတူ စာရင်းသေအပ်ငွေ အဖြစ် အပ်နှံသူများက တစ်လ အပ်ငွေအပေါ် ယခင် ၈ ရာခိုင် နှုန်းပေးနေရာမှ ၉ ရာခိုင်နှုန်းသို့ မြှင့်လိုက်သည့်အတွက် ကျပ်တစ် သိန်းအပ်နှံထားလျှင် အတိုးယခင် ၈,၀၀၀ ကျပ်ရရှိသူမှာ ယခု ၉,၀၀၀ ကျပ်ရရှိမည်ဖြစ်သည်။

စာရင်းသေအပ်ငွေ သုံးလ အပ်နှံသူမှာ ယခင်က ၈ ဒသမ ၅၀ ရာခိုင်နှုန်းမှ ယခု ၉ ဒသမ ၂၅ ရာခိုင်နှုန်း၊ ခြောက်လအပ်နှံ သူမှာ ၉ ရာခိုင်နှုန်းမှ ၉ ဒသမ ၅၀ ရာခိုင်နှုန်း၊ ကိုးလအပ်နှံသူမှာ ၉ ဒသမ ၅၀ ရာခိုင်နှုန်းရရှိနေရာမှ ၉ ဒသမ ၇၅ ရာခိုင်နှုန်းအထိရရှိ မည်ဖြစ်သည်။

စာရင်းသေအပ်ငွေတွင် လပိုင်းအပ်နှံမှုများအပေါ် အတိုးနှုန်းမြှင့်လိုက်သော်လည်း တစ်နှစ် (၁၂ လ)အပ်နှံမှုအပေါ်တွင် ယခင် ၁၀ ရာခိုင်နှုန်းအတိုင်းသာ ပေး သွားမည်ဖြစ်သည်။

‘‘ဒီလို အတိုးနှုန်းတွေ တိုးပေးလိုက်တာ အပ်တဲ့သူတွေအတွက် ကောင်းသွားတာပေါ့။ ဒါကလည်း ဗဟိုဘဏ်က သတ်မှတ်ပေးတဲ့ ဘောင်အတွင်းမှာပဲ ထပ်တိုးလိုက်တာဆိုတော့ ဒီလိုတိုးလိုက်တာဆို တော့ ဗဟိုဘဏ်အနေနဲ့ကတော့ ဘာမှပြောဖို့မရှိပါဘူး’’ဟု မြန်မာနိုင်ငံတော်ဗဟိုဘဏ်မှ တာဝန် ရှိသူတစ်ဦးက ပြောသည်။

ဗဟိုဘဏ်အနေဖြင့် ပြည် တွင်းဘဏ်များသည် အပ်ငွေများ အပေါ် အနည်းဆုံး ၈ ရာခိုင်နှုန်းမှ အများဆုံး ၁၃ ရာခိုင်နှုန်းအထိ ပေးနိုင်သည်ဟု သတ်မှတ်ထား သည်။

‘‘ဒီလိုအပ်ငွေအပေါ်မှာ အတိုးနှုန်းမြှင့်ပေးလိုက်တော့ အပ် တဲ့သူတွေကလည်း အပ်ချင်သွား တယ်။ အပြင်မှာလှည့်နေတဲ့ငွေ တွေဘဏ်ထဲကိုဝင်သွားပြီး ဘဏ်က လိုတဲ့သူတွေကို ပြန်ချေးလို့ရ တော့ ငွေကြေးလည်ပတ်မှုတွေ လည်း ကောင်းသွားတာပေါ့’’ ဟု စီးပွားရေးလုပ်ငန်းရှင်ဒေါက်တာ စိုးထွန်းက ပြောသည်။

‘‘အခုအတိုးနှုန်းတွေ တိုးပေး လိုက်သလို ချေးငွေအပေါ်မှာယူ တဲ့ အတိုးနှုန်းတွေကိုလည်း လျှော့ချသင့်ပါတယ်’’ဟု စီးပွားရေးလုပ်ငန်းရှင်တစ်ဦးက ၎င်း၏အမြင်ကို ဆိုသည်။

ယခုကဲ့သို့ အပ်ငွေအပေါ် တွင် ကမ္ဘောဇဘဏ်မှစတင်ကာ အတိုးနှုန်းများကို တိုးမြှင့်ပေးလိုက် ပါက အခြားသောဘဏ်များ၏ အတိုးနှုန်းများမှာလည်း တိုးလာနိုင် ဖွယ်ရှိသည်။

7Day Daily

အပြည့်အစုံသို့ »

ဦးတေဇပိုင်ဆိုင်သော ဗိုလ်ချိုလမ်းက သရဲခြောက်သည့်အိမ်ကြီး


ရန်ကုန်၊ သရဲခြောက်သည်ဟု နာမည်ကြီးနေသော ဗိုလ်ချိုလမ်းထောင့်ရှိ ရှေးဟောင်းအဆောက်အအုံအား နိုင်ငံခြားသားခရီးသွားများနှင့် ပြည်တွင်းဧည့်သည်များသွားရောက်ကြည့်ရှုသူများပြားနေကြောင်း သိရသည်။


အဆိုပါအိမ်ကြီးသည် နှစ်ပေါင်းတစ်ရာကျော်ကြာမြင့်နေသော ရှေးဟောင်း အိမ်ကြီးဖြစ်ပြီး တစ်အိမ်လုံးကျွန်းသစ်များဖြင့် ဆောက်လုပ်ထားသည်။

”ဒီအိမ်ကြီးကို စိတ်ဝင်စားတဲ့သူတွေ လာကြည့်ကြတယ်။ နိုင်ငံခြား ခရီးသွားတွေရော ပြည်တွင်းကလူတွေပါ တစ်လလေးငါးရှစ်ယောက် လောက် ဝင်ကြည့်ကြတယ်။ အခုက တရားဝင်ကြည့်ခွင့်ပေးထား တာမဟုတ်သေးပါဘူး။ တရားဝင်ခွင့် ပြုမယ်ဆိုရင်တော့ နေ့တိုင်းဝင်နိုင်တယ်။ အိမ်ကြီးကကျွန်း သစ်တွေနဲ့ ဆောက်ထားတယ်။ နှစ်ပေါင်းတစ်ရာ ကျော်ရှိပါပြီ”ဟု ရှေးဟောင်းအိမ်အား စောင့်ရှောက်ပေးသော ဝန်ထမ်းဦး ထွန်းဝင်းက ပြောသည်။

အိမ်ကြီးကိုစိတ်ဝင်စားသူများ သည်အိမ်ကြီးအပြင်မှ ဓာတ်ပုံရိုက် ခြင်း၊ အိမ်ခြံတံခါး အပြင်ဘက်မှအထဲ သို့ကြည့်ရှုလေ့လာခြင်းများပြုလုပ် ကြသည်။

”အိမ်ကြီးက စိတ်ဝင်စားဖို့ ကောင်းတယ်။ အိမ်ထဲလဲ ဝင်ကြည့် ချင်တယ်။ သရဲခြောက်မလားလို့လဲ ကြောက်မိတယ်။ အပြင်ကနေတော့ ခဏခဏဓာတ်ပုံရိုက်ဖူးတယ်”ဟု ရှေး ဟောင်းအဆောက်အအုံများကို စိတ်ဝင်စားသူတစ်ဦးကပြောသည်။

အိမ်ကြီးအားလာရောက်လေ့ လာသူနိုင်ငံခြားသူတစ်ဦး၏ခရီး သွားလမ်းညွှန်တစ်ဦးကလည်း ”သူ က အိမ်ကြီးကိုစိတ်ဝင်စားတယ်ဆိုပြီး ဒီကိုအတင်းလာတာ။ ကိုယ့်ဘာသာ ကိုယ်ဆိုရင်ဝင်ရဲမှာမဟုတ်ဘူး။ သူက တော်တော်လေးသတ္တိရှိတယ်။ သူက စာရေးဆရာမတစ်ဦးပါ”ဟု ပြောသည်။

ရှေးဟောင်းအိမ်ကြီးမှာ ညောင် ပင်များကပ်ပေါက်နေပြီး မှောင်မည်း နေသောကြောင့် သရဲခြောက်သည် ဟုအများက ထင်မြင်နေကြခြင်းဖြစ် ကြောင်း သိရသည်။

”ကျွန်တော်တို့က ညဘက်ဆို မီး သိပ်မထွန်းတော့မှောင်နေပြီး ကြောက် စရာကောင်းနေတာပါ။ မီးတစ်ပွင့်ပဲ ထွန်းထားတယ်။ သရဲကတော့ သိပ်မခြောက်ပါဘူး။ ခြောက်လဲ မကြောက်ပါ ဘူး။ တစ်ခါတလေကိုယ့် နားမှာရိုးတိုး ရိတ်တိတ်လေး ဖျတ်ခနဲ ဖြတ်သွားတာ မျိုးလောက်ပဲကြုံဖူး တယ်”ဟု အိမ်ကြီး တွင် နေထိုင်သူ တစ်ဦးက ပြောသည်။

ယင်းအိမ်ကြီးအားယခင်က သစ်တောဝန်ထောက် ဦးမောင်မောင် မှပိုင်ဆိုင်ခဲ့ပြီး ယခုအခါမြန်မာ့စီးပွားရေး လုပ်ငန်းရှင်တစ်ဦးဖြစ်သည့် ဦး တေဇပိုင်ဆိုင်သော အိမ်ကြီး ဖြစ်ကြောင်း ဦးထွန်းဝင်းက ပြောသည်။

Yangon Media Group

အပြည့်အစုံသို့ »

သင်္ကန်းကျွန်းမှတိုက် ၁၂၆ လုံးအား စည်ပင်မှ တရားဝင်ချိတ်ပိတ်



ရန်ကုန်မြို့တော် စည်ပင်သာယာရေး ကော်မတီ၏ ခွင့်ပြုချက် မရပဲ ဆောက်လုပ်နေသော သင်္ဃန်းကျွန်းမြို့နယ်၊ င/ကရပ်ကွက်တွင်မှ တိုက်(၁၂၆)လုံးအား ရန်ကုန်မြို့တော် စည်ပင်သာယာရေး ကော်မတီမှ တရားဝင် ချိတ်ပိတ်လိုက်ကြောင်း သိရသည်။

စည်ပင်သာယာရေး ကော်မတီ အနေဖြင့် ဤကဲ့သို့ နေအိမ်များအား ချိတ်ပိတ်ခဲ့ခြင်းမှာ ခွင့်ပြုချက် မရဘဲ ဆောက်လုပ်နေခြင်း အပေါ် တားမြစ်ကြောင်း ဆန္ဒဖော် ထုတ်ပြသခဲ့ခြင်းကြောင့် ဖြစ်သည် ဟုလည်း သိရသည်။

“ဆန္ဒပြနေတဲ့ နောက်ပိုင်းမှာ စည်ပင်က ဆိုင်းဘုတ်အနီနဲ့ လာကပ်တော့တာပဲ။ ဆန္ဒပြတဲ့သူတွေ ကလည်း တစ်ဦးမှ အိမ်ရှင် မပါဘူး။ အချို့ဆို ဒီရပ်ကွက်ကလည်း မဟုတ်ဘူး။ သက်သက် ဒီမြေရှင်တွေ ဒုက္ခရောက်အောင် လုပ်တာ” ဟု အဆိုပါ အပိတ်ခံရသည့် အိမ်ရှင်များက ဆိုသည်။

ရန်ကုန် မြို့တော် စည်ပင်သာယာရေး ကော်မတီအနေမှ ချိတ်ပိတ်လိုက်သည့် အဆိုပါ အိမ်ယာများ အတွက် လုပ်ငန်းရပ်ဆိုင်း ထားရပြီး တစ်နှစ်အတွင်း လုပ်ငန်းခွင် ပြန်လည် မလုပ်ဆောင်နိုင်ပါက အိမ်ရှင်များ အနေဖြင့် နေထိုင်ရန် အခက်အခဲများ ပေါ်ပေါက်လာနိုင်သည်ဟုလည်း အိမ်ပိုင်ရှင် တစ်ဦးက ဆိုသည်။

“အိမ်ရှင်တွေက ကန်ထရိုက်တွေဆီကနေ ရတဲ့ငွေနဲ့ စပေါ်လစာပေးပြီး တစ်နှစ်ငှားနေတာ။ ကန်ထရိုက်တွေက ဆောက်ခွင့်မရလို့ မလုပ်ဘဲနေရင် နောက်နှစ်မှာ ငှားနေဖို့ အခက်အခဲ ဖြစ်သွားပြီ။ တစ်နှစ်အတွင်း ပြီးပါမယ်ဆိုပြီး ကတိနဲ့ ဆောက်လုပ်နေကြတယ်”ဟု အိမ်ရှင်တစ်ဦး ဖြစ်သူ အငြိမ်းစား ၀န်ထမ်း ဦးရန်အောင်က ဆိုသည်။

အဆိုပါ ဆောက်လုပ်ဆဲအိမ် ၁၂၆လုံးအား ရန်ကုန်မြို့တော် စည်ပင်မှ ဆောက်လုပ်ခွင့် မပြုဘဲ ဆောက်လုပ်နေသည့် အတွက် တရားရင်ဆိုင်နေချိန်တွင် ပြည်သူများ၏ အသက်အန္တရာယ် ကာကွယ်ပေးရေး အဖွဲ့မှ ခွင့်ပြုချက် မရဘဲ ဆောက်လုပ်နေသည့် လုပ်ငန်းများအား ရပ်ဆိုင်းပေးရန် ဆန္ဒပြ တောင်းဆိုခဲ့ခြင်း ဖြစ်ကြောင်းလည်း သိရသည်။

“ကျွန်တော့်အိမ်က လုံးဝနေလို့ မရတဲ့အတွက် ကန်ထရိုက်ကို အကူအညီတောင်းပြီး ဆောက်ခဲ့တာ။ နိုင်ငံတော်ကိုလည်း အခွန်အခဆောင်ပြီး ဆောက်တယ်။ အခုတော့ တရားစွဲတာလည်း ခံလိုက်တယ်။ အခု သူတို့အသက်အိုးအိမ် ကာကွယ်ရေးအဖွဲ့ကြောင့် ကျွန်တော်တို့မှာ အိမ်ဘေးဒုက္ခသည်များ ဖြစ်နေပြီ”ဟု အဆိုပါ ဆောက်လုပ်ဆဲ အိမ် ၁၂၆လုံးထဲမှ အိမ်ပိုင်ရှင် တစ်ဦးက ပြောဆိုခဲ့သည်။

Tomorrow

အပြည့်အစုံသို့ »

ဖေ့စ်ဘွတ်ခ်ကို စတင်ကိုင်တွယ်ခြင်း



ဦးဝီရသူနှင့်ပတ်သက်၍ ဆန့်ကျင်ထားသည့် ဖေ့စ်ဘွတ်ခ်ပေ့ခ်ျတစ်ခုကို ကြည့်ရှုနေသူတစ်ဦး (ဓာတ်ပုံ − ကျော်ဇင်သန်း)
ဇွန်လဆန်းပိုင်းက မန္တလေးမြို့မှာ လူမျိုးရေး၊ ဘာသာရေး ပဋိပက္ခများ ဖြစ်ပွားခဲ့ချိန်မှာ မြန်မာနိုင်ငံ၏ လူသုံးအများဆုံး လူမှုကွန်ရက်စာမျက်နှာဖြစ်သော Facebook အား ညပိုင်းအသုံးပြုခြင်းကို မြန်မာနိုင်ငံရဲတပ်ဖွဲ့မှ နှစ်ရက်ခန့် ပိတ်ထားခဲ့သည်။

လူဦးရေ ၁ ဒသမ ၇ သန်းကျော် Facebook သုံးစွဲနေသည့် မြန်မာနိုင်ငံတွင် ဘာသာရေးနှင့် အမုန်းစကားလှုံ့ဆော်မှုများကို Facebook ပေါ်မှတစ်ဆင့် ရေးသားဖော်ပြမှုများ ပြုလုပ်ခဲ့ခြင်းကြောင့် ပဋိပက္ခဖြစ်စဉ်များ ကြီးထွားစေသည့်အတွက် ထိန်းသိမ်းနိုင်ရန် ခေတ္တပိတ်ထားခြင်းဖြစ်သည်ဟု မြန်မာနိုင်ငံရဲတပ်ဖွဲ့ကဆိုသည်။

အဆိုပါဖြစ်စဉ် ဖြစ်ပွားပြီးနောက် ရက်ပိုင်းအကြာတွင် လူမျိုးရေး၊ ဘာသာရေး သွေးထိုးလှုံ့ဆော်သည့် ရေးသားခြင်းများကို Facebook ကုမ္ပဏီ၏ အကူအညီဖြင့် နိုင်ငံတော်အစိုးရက ၂၄ နာရီ စိစစ်ကန့်သတ်မှုများ ပြုလုပ်သွားမည်ဖြစ်သည်။ လက်ရှိမြန်မာနိုင်ငံတွင် ဖေ့စ်ဘွတ်ခ်သုံးစွဲသူသည် အင်တာနက်သုံးစွဲသူအားလုံးပေါင်း၏ ထက်ဝက်ကျော်ဖြစ်သည်။

မန္တလေးပဋိပက္ခအတွင်း လူမှုကွန်ရက်ပေါ်တွင် ဖြစ်ပေါ်နေသည့် သွေးထိုးလှုံ့ဆော်မှုများ၊ ကောလာဟလများနှင့်ပတ်သက်ပြီး မြန်မာအစိုးရသည် Facebook မှ တာဝန်ရှိသူများနှင့် တွေ့ဆုံဆွေးနွေးခဲ့ပြီး စင်ကာပူအခြေစိုက် အာရှ-ပစိဖိတ် တာဝန်ခံ တာဝန်ရှိသူသုံးဦးကို မြန်မာနိုင်ငံနှင့်ပတ်သက်၍ စိစစ်အကဲဖြတ်ရန် Facebook မှ တာဝန်ပေးထားသည်။

‘‘Social Media နဲ့ပတ်သက်လို့ အမုန်းတရားပြန့်ပွားနေတဲ့ စကားတွေကို အရပ်ဘက်အဖွဲ့တွေနဲ့ပေါင်းပြီး လွယ်လွယ်ကူကူ မယုံအောင် ပညာပေးဖို့ Facebook၊ Google တို့လို နိုင်ငံတကာအဖွဲ့အစည်းတွေနဲ့ နည်းပညာအရ စိစစ်ဖို့ လိုအပ်ရင် ဥပဒေအရ ဘယ်လိုအရေးယူမလဲဆိုတာကို စဉ်းစားနေတယ်’’ဟု နိုင်ငံတော်သမ္မတ ပြောရေးဆိုခွင့်ရှိသူ ဦးရဲထွဋ်ကပြောသည်။

အမုန်းစကားများ တားမြစ်စေလိုပြီး တရားဥပဒေစိုးမိုးမှုရှိစေရန် ထိုကဲ့သို့ ပိတ်ပင်ခြင်းမျိုး ဆောင်ရွက်မှုမှာ ကောင်းမွန်သော်လည်း နိုင်ငံရေးအသုံးချ အလွဲသုံးစားလုပ်ပြီး သာမန်သုံးစွဲသူများ၏ အခွင့်အရေးကို ပိတ်ပင်မည်ဆိုပါက နိုင်ငံအတွက်မကောင်းနိုင်ကြောင်း မန္တလေးတိုင်းဒေသကြီး ကွန်ပျူတာလုပ်ငန်းရှင်အသင်းနာယက ဦးရဲမြတ်သူကဆိုသည်။

‘‘နိုင်ငံတော်အနေနဲ့ အခုလိုလုပ်တာကို ကန့်ကွက်စရာမရှိပါဘူး။ စည်းကမ်းဘောင်တွေထဲကနေ ပြည်သူတွေရဲ့လွတ်လပ်ခွင့်ကို မထိခိုက်အောင်လုပ်ဖို့ လိုအပ်ပါတယ်။ ဒါကို တလွဲအသုံးမချအောင် လုပ်ဖို့လိုအပ်ပါတယ်’’ဟု ဦးရဲမြတ်သူက ပြောသည်။

အိမ်နီးချင်းနိုင်ငံဖြစ်သည့် ထိုင်းနိုင်ငံတွင် စစ်တပ်က အာဏာသိမ်းရာတွင် မလိုလားအပ်သော ဆူပူလှုံ့ဆော်မှုများကို Facebook မှတစ်ဆင့် ပြုလုပ်နေသည်ဟုဆိုကာ အသုံးပြုမှုအား ယာယီပိတ်ခဲ့သည်။ အိမ်နီးချင်း တရုတ်နိုင်ငံတွင်မူ Facebook အသုံးပြုမူကို တားမြစ်ထားသည်။

ဘာသာရေးလှုံ့ဆော်မှုတွေကို အကောင့်အတုများဖြင့် ပြုလုပ်သည်ဆိုပါက စုံစမ်း၍ အရေးယူရန်မှာ ခက်ခဲနိုင်သော်လည်း အချို့မှာ အကောင့်တွင် နာမည်အရင်းတပ်၍ ဘာသာရေးလှုံ့ဆော်မှုများကို သိသာစွာ ပြုလုပ်နေခြင်းကို နိုင်ငံတော်အစိုးရက အရေးယူ၊ သတိပေးခြင်း တစ်စုံတစ်ရာမရှိဘဲ Facebook ကို ခေတ္တပိတ်ခြင်း၊ စိစစ်ကန့်သတ်ရန် စီစဉ်နေခြင်းမှာလည်း စဉ်းစားစရာဖြစ်နေသည်ဟု အိုင်တီပညာရှင်များနှင့် ဘလော့ဂါအချို့က သုံးသပ်ပြောသည်။

အွန်လိုင်းပေါ်တွင် သတင်းအမှားများ၊ တစ်ပါးသူ ထိခိုက်နစ်နာစေမည့် အကြောင်းအရာများ ရေးသားသူကို ၎င်းတို့အသုံးပြုသည့် ဖုန်း၊ ကွန်ပျူတာ၊ အင်တာနက်ကဖေးတို့မှတစ်ဆင့် ခြေရာခံ၍ ဖမ်းဆီးနိုင်ရန် တတ်သိနားလည်သော ဟက်ကာတပ်ဖွဲ့ဝင်များကို လေ့ကျင့်ထားပြီးဖြစ်ကြောင်းလည်း မြန်မာနိုင်ငံရဲတပ်ဖွဲ့မှ ရဲမှူးချုပ်စိုးမြိုင်ကဆိုသည်။

‘‘လှုံ့ဆော်မှုတွေကို အရေးယူမယ်လို့ နိုင်ငံတော်သမ္မတကြီးကလည်း ပြောထားတယ်။ အွန်လိုင်းပေါ်မှာ လူမျိုးရေး၊ ဘာသာရေး လှုံ့ဆော်မှုတွေကို ပိုက်ဆံပေးပြီး ခိုင်းထားသလားတောင် မှတ်ရအောင် တစိုက်မတ်မတ် လုပ်နေတဲ့ လူတွေရှိတယ်။ အခုအချိန်အထိ အရေးယူတဲ့အသံ ဘာမှမကြားရသေးဘူး’’ဟု ဘလော့ဂါ ကိုနေဘုန်းလတ်ကပြောသည်။

ပြီးခဲ့သည့် မန္တလေးပဋိပက္ခ စတင်ခဲ့ရာ အမေရိကန်အခြေစိုက် သစ်ထူးလွင်ဝက်ဘ်ဆိုက်နှင့် ပတ်သက်၍ တစ်စုံတစ်ရာ အရေးယူပြောဆိုခြင်း မရှိသလို လူမှုကွန်ရက်စာမျက်နှာတွင်လည်း ပါတီဥက္ကဋ္ဌတစ်ဦးက ဘာသာရေးနှင့် ပတ်သက်၍ စော်ကားပုတ်ခတ်ရေးသားနေမှုများကို လွှတ်ပေးထားခဲ့သည်။

နိုင်ငံတော်အစိုးရအနေဖြင့် Facebook၊ Google တို့မှ ပညာရှင်များ ပြည်တွင်းအိုင်တီကျွမ်းကျင်သူများ၊ Facebook အသုံးပြုသူများ၊ လူငယ်များနှင့်တွေ့ဆုံ၍  ဇူလိုင်လတတိယအပတ်တွင် ရန်ကုန်မြို့ MICT Park ၌ တွေ့ဆုံဆွေးနွေးမှုများပြုလုပ်ရန် စီစဉ်ထားသည်။

‘‘အခုအချိန်အထိ Plan ကောင်းကောင်းနဲ့ ကြိုတင်ပြင်ဆင်ထားတာမျိုးကို မတွေ့ရသေးဘူး။ တားဆီးမှုတွေကို ဘယ်လိုလုပ်သွားမယ်၊ ဒီအတွက် ဘတ်ဂျက် ဘယ်လောက်သုံးသွားမယ်ဆိုတာကို ပြည်သူတွေသိအောင် တရားဝင်ထုတ်ပြန်သင့်တယ်’’ဟု ဦးရဲမြတ်သူက ပြောသည်။

နိုင်ငံတကာတွင် ဆိုက်ဘာဥပဒေများကို ပြည့်စုံစွာ ပြဋ္ဌာန်းထားသောကြောင့် ယခုကဲ့သို့ ဖြစ်စဉ်မျိုးကို အရေးယူဆောင်ရွက်ရန် လွယ်ကူသော်လည်း မြန်မာနိုင်ငံ၌ တရားဥပဒေကဏ္ဍသည် နည်းပညာနှင့် အလှမ်းကွာနေပြီး ဆိုက်ဘာဥပဒေမရှိသေးသည့်အတွက် ကြိုတင်ပြင်ဆင်ထားခြင်းမရှိပါက အရေးယူဆောင်ရွက်နိုင်ရန် အခက်အခဲရှိနိုင်ကြောင်း ပညာရှင်များက သုံးသပ်သည်။

‘‘ဆိုက်ဘာဥပဒေရေးဆွဲဖို့အတွက်ဆိုရင်လည်း ၂ နှစ်လောက် စောင့်ရဦးမယ်။ လတ်တလော အဆင်ပြေဖို့ဆိုရင် ဆက်သွယ်ရေးစီမံခန့်ခွဲမှုဆိုင်ရာ စည်းမျဉ်းစည်းကမ်းတွေ ထုတ်ပြီးတော့ အဲဒီစည်းကမ်းတွေနဲ့မညီတဲ့စာတွေကို ဖြုတ်ပေးပါဆိုပြီး Facebook တို့၊ Google တို့မှာ အကြောင်းကြားထားရင်ရတယ်’’ဟု ဦးမင်းတေဇညွန့်တင်ကဆိုသည်။

မြန်မာနိုင်ငံတွင် နည်းပညာနှင့်ပတ်သက်၍ အရေးယူနိုင်သောဥပဒေမှာ ၂၀၀၄ ခုနှစ်တွင် ပြဋ္ဌာန်းခဲ့သည့် အီလက်ထရွန်နစ်ဆက်သွယ်ဆောင်ရွက်ရေး ဥပဒေတစ်ခုသာရှိပြီး အဆိုပါဥပဒေမှာလည်း ပြည်သူကို အကာအကွယ်ပေးရန်အတွက် ရေးဆွဲထားခြင်းမဟုတ်ဘဲ အခြားရည်ရွယ်ချက်ဖြင့် ရေးဆွဲထားသည့် အနှစ်မပြည့်ဝသော ဥပဒေတစ်ခုသာဖြစ်ကြောင်း ဥပဒေပညာရှင် ဦးမင်းတေဇညွန့်တင်က ပြောသည်။

၂၀၀၇ ခုနှစ် ရွှေဝါရောင်တော်လှန်ရေးကာလတွင် အဆိုပါဥပဒေကို အသုံးပြုပြီး လူရွှင်တော်ဇာဂနာ အပါအ၀င် ၈၈ မျိုးဆက် ကျောင်းသားခေါင်းဆောင်များနှင့် အတိုက်အခံလှုပ်ရှားသူများကို အီးမေးလ်တစ်စောင် ထောင် ၁၅ နှစ်၊ အီးမေးလ်လေးစောင်တွေ့သူကို ထောင်အနှစ် ၆၀ အထိ ချခဲ့ဖူးပြီး လက်ရှိတွင် ဥပဒေပါပြစ်ဒဏ်များကို လျှော့ချလိုက်သော်လည်း လုပ်ငန်းဆောင်ရွက်ရာတွင် အခက်အခဲရှိနေကြောင်း ဥပဒေပညာရှင်အချို့က သုံးသပ်သည်။

အွန်လိုင်းပေါ်တွင် အမုန်းစကားပြော၍ လှုံ့ဆော်နေသူများကို ထိရောက်စွာ အရေးယူနိုင်ရန် ဆက်လက်လုပ်ဆောင်နေမည်ဆိုပါက တရားဥပဒေအရ ထိရောက်စွာ အရေးယူမည်ဖြစ်ကြောင်း ကြေညာချက်ထုတ်ပြန်ပြီး မလိုက်နာပါက အရေးယူခြင်း၊ သတိပေးခြင်းမျိုး ဆောင်ရွက်သင့်ကြောင်း ရန်ကုန်တိုင်းဒေသကြီး ကွန်ပျူတာလုပ်ငန်းရှင်အသင်းဥက္ကဋ္ဌ ဦးမင်းဦးက အကြံပြုသည်။

‘‘Facebook နဲ့ပေါင်းပြီး စိစစ်မယ်ဆိုရင်လည်း ပေါ်လစီအရ ဘောင်ထဲကနေပဲ တိုင်ပင်ပြီးလုပ်သင့်တယ်။ ဘာမှတိတိကျကျ မထုတ်ပြန်ဘဲနဲ့ ခပ်တည်တည်နဲ့ စိစစ်မယ်ဆိုတာမျိုးတွေကို ပြောနေမယ်ဆိုရင်လည်း ပြည်သူတွေက ယုံကြည်မှုပျက်သွားနိုင်တယ်’’ဟု ဦးရဲမြတ်သူကပြောသည်။

အွန်လိုင်းပေါ်တွင် အမုန်းစကားများလှုံ့ဆော်ခြင်းကို Facebook နှင့်ပူးပေါင်း၍ စိစစ်ခြင်းအား နိုင်ငံတော်အစိုးရအနေဖြင့် ဆောင်ရွက်မည်ဆိုပါက ဘက်လိုက်ခြင်းမျိုး ဖြစ်လာနိုင်ပြီး လွတ်လပ်စွာပြောဆိုခွင့်ကို ထိခိုက်လာနိုင်သောကြောင့် လွတ်လပ်သောပညာရှင်အဖွဲ့အစည်းများနှင့် ပူးပေါင်း၍ စောင့်ကြည့်သင့်ကြောင်း ပညာရှင်များက အကြံပြုသည်။

နိုင်ငံတော်အစိုးရအနေဖြင့် ဆိုက်ဘာလုံခြုံရေးအတွက် ဆောင်ရွက်သည့်အခါတွင် တိုင်းပြည်လုံခြုံငြိမ်းချမ်းရေးတစ်ခုတည်းအတွက်ကိုသာမက လွတ်လပ်စွာပြောဆိုခွင့်ကိုလည်း ပြန်ကြည့်သင့်ပြီး ကိစ္စတစ်ခုတည်းကိုသာ ဦးစားပေးလိုက်လျှင် အခြားတစ်ခုတွင် သွားရောက်ထိခိုက်နိုင်သည်။

မြန်မာနိုင်ငံတွင် ဖြစ်ပွားခဲ့သည့် လူမျိုးရေး၊ ဘာသာရေး ပဋိပက္ခများတွင် နည်းပညာဖြင့် အွန်လိုင်းမှတစ်ဆင့် အမုန်းစကားများ ရေးသားကာ လှုံ့ဆော်မှုများ၏ နောက်ကွယ်တွင် နိုင်ငံရေးနှင့် ဆက်နွှယ်မှုများရှိနိုင်ကြောင်း ဘလော့ဂါ ကိုနေဘုန်းလတ်က သုံးသပ်ပြောဆိုသည်။

‘‘မြန်မာနိုင်ငံမှာ ဘာသာရေးကို နိုင်ငံရေးအတွက် အသုံးချခဲ့တာဟာ အခုမှမဟုတ်ဘူး အရင်အစိုးရတွေရဲ့ လက်ထက်မှာကတည်းက ရှိနေတယ်။ အခုဖြစ်စဉ်မှာလည်း နိုင်ငံရေးအရ လက်နက်တစ်ခုအနေနဲ့ လှုံ့ဆော်မှုလုပ်ခဲ့တာလည်း ဖြစ်နိုင်တယ်’’ဟု ကိုနေဘုန်းလတ်က ဆိုသည်။

ဖေ့စ်ဘွတ်ခ်သုံးစွဲသူအရေအတွက်- ၁.၇ သန်းကျော်
သုံးစွဲသူအမျိုးသား− တစ်သန်းကျော်
သုံးစွဲသူအမျိုးသမီး− ၆၈၀,၀၀၀

7day daily

အပြည့်အစုံသို့ »

သန္တိသုခသံဃာငါးပါး မဟနကို တရားပြန်စွဲခြင်း ဗဟန်းတရားရုံးကပယ်ချ



အင်္ဂလန်ဆရာတော် (ဓာတ်ပုံ- ကျော်ဇင်သန်း)
ရန်ကုန်- မဟာသန္တိသုခကျောင်းတိုက်ကိစ္စတွင် အမှုရင်ဆိုင်နေရသော သံဃာတော်ငါးပါးက မဟာသံဃနာယကအဖွဲ့ကို ပြန်လည်တရားစွဲဆိုရန် ဗဟန်းမြို့နယ် တရားရုံးသို့ လာရောက်အမှုဖွင့်တိုင်ကြားခဲ့ရာ မြို့နယ်တရားရုံးက လက်မခံဘဲ ပယ်ချလိုက်ကြောင်း သတင်းရရှိသည်။ ယနေ့ နေ့လယ် ၁ နာရီခွဲအချိန်တွင် အမှုရင်ဆိုင်နေရသော အင်္ဂလန်ဆရာတော် အပါအဝင် သံဃာတော်ငါးပါးသည် မဟနက ၎င်းတို့အား မတရားတားဆီးကန့်ကွက်မှုနှင့် မတရားဖမ်းဆီးဖိနှိပ်မှုတို့အတွက် ဗဟန်းမြို့နယ်တရားရုံး၌ အမှုဖွင့်ရာ မြို့နယ်တရားရုံးက ပယ်ချလိုက်ခြင်းဖြစ်သည်။

လာရောက် တရားစွဲဆိုသော အမှုသည် တာမွေမြို့နယ်တရားရုံးတွင် ရင်ဆိုင်နေရသော အမှုနှင့် စပ်လျဉ်းသောကြောင့် ပယ်ချလိုက်ခြင်းဖြစ်ကြောင်း အင်္ဂလန်ဆရာတော် ဦးဥတ္တရက မိန့်ကြားသည်။

7day daily

အပြည့်အစုံသို့ »