Showing posts with label beauty. Show all posts
Showing posts with label beauty. Show all posts

တစ်လ တစ်ကြိမ် မျက်နှာကို ဆေးကြောသင့်ပါတယ်



မျက်နှာ အသားအရေဟာ လူတစ်ယောက် အတွက် အရေးကြီးဆုံး ဖြစ်ပါတယ်။ ဒါ့ကြောင့် မည်သူမဆို မျက်နှာကို အလေးထား သင့်ပါတယ်။ ဆေးကြော တာက မိမိဘာသာ အိမ်မှာ မျက်နှာသစ်တာကို ဆိုလိုတာ မဟုတ်ပါဘူး။ မျက်နှာ အကြော များကို နှိပ်နယ်ပေးခြင်း မျက်ရိုးများကို နှိပ်နှယ်ပေးခြင်း မျက်နှာ ပေါင်တင်ခြင်း စသည်တို့ကို ပြုလုပ်ပေးခြင်း ဖြစ်ပါတယ်။ မိမိ အဆင်ပြေမယ့် ဆိုင် (သို့) အိမ်မှာဖြစ်ဖြစ် လုပ်ပေးနိုင် ပါတယ်။

ခဏခဏ မျက်နှာကို ဆေးကြောဖို့ မသင့်ပါဘူး။ မျက်နှာ အသား
အရေဟာ ပါးလွှာတဲ့ အတွက် ခဏခဏ ဆေးကြောပါက အသားအရေကို ပျက်စီးနိုင် ပါတယ်။ ဒါကြောင့် တစ်လ တစ်ကြိမ်လောက် ဆေးကြော ပေးခြင်းဖြင့် လုံလောက် ပါတယ်။

ဒီလို ဆေးကြော သန့်စင်ပေး လိုက်သည့် အတွက်ကြောင့် စိတ်ပေါ့ပါး လွတ်လပ်စေရုံသာမကဘဲ မိမိကိုယ်ကိုယ် ရုံကြည်မူပါ ရရှိစေနိုင်မှာ ဖြစ်ပါတယ်။ မျက်နှာနှင့် မျက်ရိုး တစ်ဝိုက်ကို နှိပ်နှယ် ပေးလိုက်ခြင်း ကလည်း ခန္ဓာကိုယ် အတွင်းပိုင်း အကြောတွေနဲ့ ဆက်စပ်နေလို့ သင့်ကျန်းမာရေးကို ထောက်အကူ ပြုစေမှာဖြစ် ပါတယ်။

လှပချင်သူပဲ ဖြစ်ဖြစ် ကျန်းမာရေး လိုက်စားသူပဲ ဖြစ်ဖြစ် လုပ်ပေး သင့်ပါတယ်။

လှပပျော်ရွှင်သော ဘဝကို ပိုင်ဆိုင်နိုင် ကြပါစေလို့ ဆုတောင်းပေးလိုက် ရပါတယ်။

Ref - healthandbeauty
www.yoyarlay.com
ကျော်လင်းနိုင် (ရိုးရာလေး)

အပြည့်အစုံသို့ »

ပျိုမေများ တင် အချိုးကျကျ ငွါးငွါးစွင့်စွင့် လှစေဖို့ လေ့ကျင့်ခန်း


အမျိုးသားတွေဟာ ပိန်ပိန်ဝဝ ခါး တင် အချိုး ၈၀ အောက် ရှိတဲ့ မိန်းကလေးတွေကို ပိုပြီး စိတ်ဝင်စား ကြပါသတဲ့။ တင်ပါးဆုံရိုးကွင်း (pelvis) ကား တဲ့ အမျိုးသမီးတွေက သူတို့ ကလေးလေးတွေကို ရှောရှောရှူရှူ အခက်အခဲ မရှိ မီးဖွား ပေးနိုင်လို့ သင်မထားပေမယ့် အမျိုးသားတွေ ရဲ့ဦးနောက်မှာ ဒီလိုအချိုးဆို ဒီလိုကြိုက် တဲ့ အသိရှိနေတာဖြစ်ပါတယ်။။


တင်ကို ငွါးငွါးစွင့်စွင့်လေးဖြစ် စေဖို့လုပ်နိုင်တဲ့ လေ့ကျင့်ခန်းလေးတွေရှိပါတယ်။ လေ့ကျင့်ခန်းလုပ်တာက pelvis အရိုးကွင်းကျယ်လာစေမှာ မဟုတ်ပေမယ့် အဲဒီ အပေါ်ကို ကြွက်သား ထပ်အုပ်ပေး တဲ့ သဘောပါ။ ကြည့်ကြရအောင်လားရှင်။

Side Lunge
A)ခြေထောက်ကို တင်ပါးနဲ့ တစ်တန်းထဲမှာထားပါ။ အလေး တစ်ခုစီကို လက်တစ်ဘက် စီ မှာ ကိုင်ပြီး ကိုယ်ကိုမတ်မတ်နေပါ။
B) ညာဘက်ခြေကို ဘေးသို့ ဆန့်နိုင်သမျှ ဆန့်ထုတ်ပြီး ဘယ်ဒူးကို ကွေးချပါ။ အလေးနှစ်နှစ်ခု ဟာ ဘယ်ခြေရဲ့ တဖက်တချက်မှာ ရှိပါစေ။ :: လုပ်နေစဉ် အတွင်းမှာ တင်ပါးသားကို အနောက်သို့ ပစ်ထားဖို့လိုပါမယ်။
C) မူလ အနေအထားတိုင်း ပြန်သွားပြီး တစ်ဖက် သို့ပြောင်းပါ။
:: ဘယ်၊ညာ တစ်ဘက်စီကို ၁၀ ကြိမ် မှ ၁၂ကြိမ်ထိ လုပ်ပေးပေးရပါမယ်။

Side Step Ups
A) လှေကားဖြစ်ဖြစ်၊ ခွေးခြေဖြစ်ဖြစ် မြင့်တဲ့နေရာ တစ်ခုပေါ်ကို ဘယ်ခြေထောက်ကို တင်ထားပြီး ကိုင်ထားတဲ့ အလေးကို ဘယ် ပခုံးနဲ့ကပ်ထားပါ။
B) ဘယ်ခြေကိုအားပြုရင်း ညာခြေကို အရှေ့ သို့လှမ်းကန်ပါ။ ဟန်ချက် မပျက်အောင် ညာလက် ကို ပုံမှာပြထားတဲ့အတိုင်း ဘေးသို့ ဆန့်တန်းထားရပါမယ်။
:: ၁၀ကြိမ်ပြည့်အောင်လုပ်ပြီး နောက်တစ်ဖက် ဘက်ပြောင်းပါ။

Hip Abductor
A) မတ်တပ်ရပ် အနေအထားမှာဘယ်ခြေကို ညာခြေအရှေ့မှာ ထားပါ။ :: ခါးမကိုင်းမိစေဖို့ ဂရုပြုပါ။
B) ဘယ်ဘက်ခြေထောက်ကို မူလနေရာမှ ဘေးတိုက် အဝေးသို့ လွှဲပါ။ လွှဲနေစဉ်မှာ ဒူးမကွေးစေဖို့ သတိပြုရပါမယ်။
လေ့ကျင့်ခန်း တစ်ခေါက်လုပ်တိုင်း ၁၂ကြိမ်လွှဲပေးရပါမယ်။

အချိန်တိုအတွင်းမှာ သိသိသာသာလေး ဖြစ်စေချင်ရင် တော့ အထက်မှာ ဖော်ပြထားတဲ့ လေ့ကျင့်ခန်းလေးတွေကို တစ်နေ့ကို သုံးကြိမ်ပြုလုပ်ပေးနိုင်ပါတယ်။
ဒီဆောင်းပါးလေးကို ဒီမျှနဲ့ ကျေနပ်နှစ်သက်နိုင်မယ်လို့မျှော်လင့်ပါတယ်ရှင်။ နောက်နောင်အလျင်းသင့်ရင် ပျိုမေတို့အတွက် ကောင်းနိုးရာရာလေးတွေကို ကြိုးစားဖော်ပြပေးသွားဦး မှာပါ။ စာဖတ်သူပျိုမေတွေ အားလုံး ကျန်းမာပျော်ရွှင်ဖွယ် နေ့ရက်လေးတွေကို ပိုင်ဆိုင်နိုင်ကြပါစေရှင်။

New Myanmar News

အပြည့်အစုံသို့ »

မှတ်သားဖွယ် အလှအပရေးရာ အဖြေရှာ



အလှပြင်တဲ့အခါ မကြာခဏတွေ့ ကြုံရလေ့ရှိတဲ့ ပြဿနာလေးတွေကိုရိုးရှင်း လွယ် ကူတဲ့နည်းလေးတွေနဲ့ အောက်ပါအတိုင်း အဖြေ ညှိလိုက်ကြရအောင်။

(၁) ပွထောင်နေတဲ့ ဆံပင်တွေအတွက် အုန်းဆီ-ခေါင်းလိမ်းဆီ က သပ်သပ် ရပ်ရပ်ဖြစ်စေသော်လဲဘဲ၊ ဆီ(လုံးဝ)မကြိုက်သူများ အတွက် baby hair
oil(ခေါ်)ကလေးခေါင်းလိမ်းဆီ လေးတွေလိမ်းပေးပါ(သို့ မဟုတ်)ဆံပင်ကို အပေါ်ကနေ hairspray ဖြန်းပေး ပါ။

(၂) နှုတ်ခမ်းဆိုးဆေးအနီရဲရဲတွေကို တခါတလေမှသုံးသူများက၊လက်မငြိမ်ဘဲဆိုးမိ တာကြောင့် အခန့် မသင့်ရင် ဆေးတွေဘေး သို့ ပြန့် သွားတတ်ပါတယ်။ အဲဒီ လိုမဖြစ်စေဖို့  ဦးစွာအနီရောင်နဲ့ အနီးစပ်ဆုံးတူတဲ့ နှုတ်ခမ်းဆိုးဆေး ခဲတံလိုင် နာဖြင့် နှုတ်ခမ်းကို အနားသတ်လိုင်းဖော်ရပါမယ်။ ပြီးမှ အနီရဲရဲနှုတ် ခမ်းနီကို ဆိုးပေးပါ။

(၃) ဆောင်းတွင်းမှာ အသားပပ်လို့ ခြေသလုံးတွေ ပက်ကျားအက်နေခြင်းအတွက်၊
ထွေထွေထူးထူးစဉ်းစားမနေပါနဲ့ ။ အုန်းဆီ ၃-စက်လောက်ကို လက်ထဲလောင်းချ၍
လက်ဖ၀ါး ၂-ဘက်ကိုပွတ်ကာ၊ ခြေသလုံးသားထဲစိမ့်ဝင်သွားအောင် ပွတ်သပ် လိမ်းပေးပါ။

(၄) အကြောင်းတခုခုကြောင့် လက်သည်းတွေပဲ့ထွက်တဲ့အခါ လက်သည်းညှပ် အလွယ်တကူမရှိဘူးဆိုပါစို့ ။ ဥပမာ ပဲ့နေသော လက်ညှိုးရဲ့ လက်သည်းကို လက်မရဲ့ လက်သည်းဖြင့် လက်သည်းချင်းပွတ်ကုတ်ပေးပါ(သို့ မဟုတ်) မိမိဝတ် ဆင်ထားတဲ့ ပိတ်စ ကြမ်းကြမ်းအ၀တ်ထည်ဖြင့် အဲဒီလက်သည်းကိုပွတ် တိုက်ပေးပါ။ (လက်သည်းညှပ်သေးသေးလေးတွေ၊ ဆံညှပ် နဲ့ တွယ်ဂျိပ် လေးတွေ vကို ခရီးသွား ဟန်လွှဲ အရေးပေါ်သုံးနိုင်အောင် ပိုက်ဆံအိတ်ထဲမှာ အမြဲဆောင်ထားသင့်ပါတယ်)

(၅) မျက်တောင်မွှေးကို အလှပြင်တဲ့ Mascara တွေကို
နည်းနည်းသာသုံးသင့်ပါတယ်။ Mascara အမျိုးအစားတွေက တခုနဲ့ တခု
မတူညီတာကြောင့် မိမိသုံးနေကျ အမျိုးအစားမဟုတ်တဲ့ ပစ္စည်းအသစ်ကိုဝယ်တဲ့အခါ
အရောင်းကောင်တာမှာ စမ်းသပ်၍သော် လည်းကောင်း၊ အရောင်းစာရေးကို
ပစ္စည်းအသုံးပြုနည်းမေးမြန်း၍သော်လည်းကောင်း လေ့လာပြီးမှဝယ်ပါ။ အကယ်၍
Mascara သုံးတာများသွားတဲ့အခါ မျက်တောင်မွှေးကိုသုံးတဲ့  ဘရက်ရ်ှလေးဖြင့်
အသာအယာဖြီးလိမ်း သုတ်သင်ပါ။

(၆) အမျိုးသားများ မုတ်ဆိတ်မွှေးရိတ်တဲ့အခါ(သို
့မဟုတ်)အမျိုးသမီးတွေဂျိုင်းမွှေး နဲ့ ခြေသလုံးမွှေးရိတ်တဲ့အခါ အမွှေးရဲ
့လား ရာလမ်းကြောင်းအတိုင်း သင်တုန်းဓားကို အလိုက်သင့်ရိတ်ပေးရပါမယ်။
အကယ်၍ အမွှေးရဲ့ လားရာလမ်းကြောင်းနဲ့ ဆန့် ကျင် ရိတ်တဲ့အခါ
အရေပြားနာကျင်တတ်ပြီး မွှေးညှင်းပေါက်တွေပိတ်သွားတတ်ပါတယ်။
နာကျင်မှုသက်သာအောင်နဲ့  မွှေးညှင်းပေါက် တွေမပိတ်ရအောင် ရေဆွတ်၍ရိတ်ပေးပါ။

(၇) မျက်ခုံးမွှေးသွယ်သွယ်တန်းတန်းလေး ဖြစ်အောင် ဓား(သို
့မဟုတ်)ဇာဂနာဖြင့် အနားသပ်ညှိတဲ့အခါ တခါတရံ လက်လွန်ပြီး
မျက်ခုံးမွှေးတွေပါသွားတတ်ပါတယ်။ အဲဒီအခါ မိမိမျက်ခုံးမွှေးအရောင်နဲ
့အနီးစပ်ဆုံးဆင်တူတဲ့ မျက်ခုံးမွှေးဆွဲခဲတံကိုသုံး၍ လို အပ်တဲ့နေရာမှာ
မျက်ခုံးမွှေးဖြည့်ဆွဲပေးလိုက်ပါ။

(၈) အချို့  အမျိုးသမီးများက မိတ်ကပ်လိမ်းပြီးနောက် မိတ်ကပ်ညှိတဲ့
ဘရက်ရှ်(အမွှေးလေးတွေ)ကိုသုံးတတ်ကြပါတယ်။ အဲဒီ ဘရက်ရ်ှတွေက ကြာလာတဲ့အခါ၊ အမွှေးလေးတွေလုံးခဲ၍ကျွတ်သွားတတ်ပါတယ်။ ဘရက်ရ်ှသုံး လို့ ကောင်းစေဖို့ အတွက် ကလေးရေချိုးဆပ်ပြာ ပျော့စားဖြင့် ဆေးကြောသန့် စင်၍၊ ဘရက်ရ်ှတံရဲ့ အမွှေးကိုအောက်သို့ ထား၍ တွဲလောင်းချိပ်ကာ (လုံးဝ) ခြောက် သွားတဲ့အထိ နေပူလှန်းပေးပါ။

(၉) အိုင်းလိုင်နာအရည်တွေ လေသလပ်ပြီး ပုလင်းဗူးလေးထဲမှာ ခြောက်ကပ်နေ တယ်ဆိုပါစို့ ။ ရေ ၁-စက် (သို့ မဟုတ်) ၂-စက် ထဲ့၍ ပုလင်းလေးကို နာနာလှုပ်ခါပြီး သုံးကြည့်ပါ။

ပျိုမေတို့သိစေဖို့ မှ ပြန်လည်မျှဝေပါသည်။

(တင်ထက်ထက်ဇော်……မျှဝေသည်)
(ကိုးကား…Women’s Tips)
*promise.pauk*

အပြည့်အစုံသို့ »

ဒေါက်မြင့်ဖိနပ်တွေ မစီးပဲ အရပ်မြင့်သယောင်ဖြစ်ချင်သူတွေအတွက် သိထားရမယ့် ဖက်ရှင်တွေ


အရပ် ၅ပေ ၄လက်မအောက်ရောက်တဲ့သူတွေကို အရပ်ပုသူတွေလို့ ပြောလေ့ရှိကြပါတယ်။ အဲ့ဒီမှာမှ ၅ပေ အတိသာ ရှိတဲ့သူတွေ၊ ၅ပေ ၁လက်မလောက်ပဲရှိတဲ့သူတွေ ဆိုရင်တော့ ကိုယ့်ကိုရှိရင်းစွဲအရပ်ထက် ပိုမြင့်သယောင် ဖြစ်စေဖို့ အ၀တ်အစားပိုင်းကို ဂရုစိုက်ဝတ်ဆင်ကြရတော့မှာပေါ့။ ဒီတော့ ဖက်ရှင်နဲ့ပတ်သက်ပြီး သူတို့တွေ သိထားသင့်တဲ့အချက်တွေကို အမေးအဖြေပုံစံ ရေးသားဖော်ပြပေးလိုက်ပါတယ်။

၁။ကျွန်မအရပ်က ငါးပေ ၂လက်မပါ။ ခုနောက်ပိုင်း ကောင်မလေးတွေ ပြန်ဝတ်လာတဲ့ တစ်ဆက်တည်း jumpsuit လိုဟာမျိုးတွေ ၀တ်ချင်ပေမယ့် အဲ့ဒါမျိုးတွေ ၀တ်ရင် အားလုံးအမြင်မှာ ဟာသဖြစ်နေမှာ စိုးလို့ ဘယ်လို ၀တ်ရမလဲဆိုတာ အကြံဥာဏ်ပေးပါဦး။

ဟာသမဖြစ်အောင် ကိုယ်ဝတ်မယ့် jumpsuit က ကိုယ်နဲ့ကွက်တိဖြစ်တာကို ရွေးပါ။ နည်းနည်းပွတာမျိုးတွေ အောက်ကားနေတဲ့ jumpsuit မျိုးတွေ မ၀တ်မိပါစေနဲ့။ ဖြစ်နိုင်ရင် စက်ချုပ်ဆိုင်မှာအပ်ပြီး ၀တ်ပါ။ တိုတာက ကိစ္စမရှိပါဘူး။ ခြေထောက်ပေါ်လေ ပိုကောင်းလေပါပဲ။ မတိုမရှည်တွေကသာ ကိုယ့်အရပ်ကို ပိုပုသယောင် ဖြစ်သွားစေတာပါ။



၂။ဒေါက်မြင့်တွေ မစီးပဲ အရပ်ရှည်သယောင်ယောင်ဖြစ်အောင် ဘယ်လိုလုပ်ရမလဲ။

ဒါဆိုရင် ဖိနပ်အပါးလေးတွေကိုမှ ခြေဖမိုးမှာ ကြိုးခပ်များများပါတဲ့ ဒီဇိုင်းမျိုး ရှာစီးပါ။ ကာလာကိုတော့ အနုလေးတွေပဲ ရွေးစီးသင့်ပါတယ်။ အဓိကကတော့ ခြေထောက်တွေ ပိုရှည်သယောင်ဖြစ်စေမယ့် ဖိနပ်မျိုးကို ရှာရမှာပါ။

http://thewindow.barneys.com/wp-content/uploads/2011/06/shoesnew-jpg.png

၃။စကတ်ဝတ်တဲ့အခါ ဒူးကျော်ကျော်လောက်ရှိတဲ့ midi စကတ်တွေကို ၀တ်ရင်ရော ဘယ်လိုမျိုးဆို အဆင်ပြေလိမ့်မလဲ။

Midi စကတ်တွေက ဒူးကျော်ကျော်ဖြစ်နေတဲ့အတွက် ခြေထောက်ပေါ်ဖို့ကလည်း သိပ်မလွယ်တော့ဘူး။ ဒီတော့ ခါးကောက်ကြောင်းကို ပြန်အသားပေးရပါလိမ့်မယ်။ Midi စကတ်တွေကို ခါးအတို အင်္ကျံလေးတွေနဲ့ တွဲဝတ်ပါ။

၎။ဘောင်းဘီရှည်၊ အင်္ကျံလက်ရှည်တွေကရော အရပ်ပုတဲ့သူတွေအတွက် သင့်တော်ပါ့မလား။

ဖြစ်နိုင်မယ်ဆိုရင်တော့ သိပ်ပွလွန်းတဲ့ အင်္ကျံ၊ ခပ်ပွပွဘောင်းဘီမျိုးတွေ ရှောင်ဝတ်ပါ။ အင်္ကျံလက်ဆိုရင်လည်း အရှည်ဆိုတာထက် ပြန်ခေါက်ပြီး ၀တ်သင့်ရင် ၀တ်ရမှာပေါ့။ ဘောင်းဘီကိုတော့ fit size တွေပဲ ရှာဝတ်ပါ။ အတိုဆိုရင်လည်း စကောစက ကွာတာတွေ မ၀တ်ပါနဲ့။ လုံးအ၀အတို မဟုတ်ရင် အရှည်က အကောင်းဆုံးပါပဲ။ စကတ်ဆိုရင်လည်း ဒူးအထက်တွေက ပိုလိုက်ဖက်ပါတယ်။ လက်ပြတ်တွေ၊ လက်တိုတွေကတော့ အရပ်ပုသူတွေ ရွေးချယ်သင့်တဲ့ အရာတွေပေါ့။





Ref:cosmopolitan.com
Trend Myanmar

အပြည့်အစုံသို့ »

အုန်းဆီ၏ အလှအပလျှို့ဝှက်ချက်များ



ကျွန်တော်တို့ အလွယ်တကူရရှိနိုင်သည့် အုန်းဆီတွင် သဘာဝ၏လက်ဆောင်ဖြစ်သော ခန္ဓာကိုယ်လှပစေသည့်ပစ္စည်းများပါဝင်သည်။

မိတ်ကပ်အောက်ခံလိမ်းဆေး (Foundation) အဖြစ်သုံးပါ

မိတ်ကပ်မလိမ်းမီ အုန်းဆီအနည်းငယ်ကို မျက်နှာပေါ်တွင် လိမ်းလိုက်ပါ။ အုန်းဆီများ စိမ့်ဝင်သွားသည်အထိ စောင့်ပြီးမှ မိတ်ကပ် လိမ်းပါက ပိုမိုချောမွေ့ပြီး မိတ်ကပ်လည်း ကြာကြာခံမည် ဖြစ်သည်။
ဆံကေသာအတွက် လိုအပ်သည်များအားလုံး ပြည့်စုံစေနိုင်

ဆံကေသာကို အုန်းဆီပုံမှန်လိမ်းပေးခြင်းဖြင့် နူးညံ့ချောမွေ့စေရုံသာမက ဆံပင်ပျက်စီးခြင်းကို ပြုပြင်ပေးနိုင်သော ညစ်ညမ်းသည့် ပတ်ဝန်းကျင်မှ ကာကွယ်ပေးသည်။ ဆံပင်ပိုသန်စေပြီး ပိုမိုတောက်ပ ကျန်းမာသော ဆံကေသာပိုင်ရှင်ဖြစ်လာနိုင်သည်။ ဆံပင်နှစ်ခွဖြစ်ခြင်းကို ပြုပြင်ပေးပြီး ဆံပင်စည်းထားခြင်းကြောင့် လိမ်ကောက်နေခြင်းကို လျှော့ချပေးနိုင်သည်။

ခန္ဓာကိုယ်အသားအရေပေါ်တွင် လိမ်းပေးနိုင်

အုန်းဆီသည် သဘာဝအလျောက် အစိုဓာတ်ကို ထိန်းပေးနိုင်သဖြင့် ခန္ဓာကိုယ်အသားအရေပေါ်တွင် လိမ်းပေးပါက ရေဓာတ်ခန်းခြောက်ခြင်းမှ ကာကွယ်နိုင်ပြီး ပတ်ဝန်းကျင်ညစ်ညမ်းခြင်းနှင့် ရာသီဥတုအပြောင်းအလဲဒဏ်တို့မှ ကာကွယ်နိုင်သည်။ အသားအရေကို သန့်ရှင်းစေရုံသာမက အဆိပ်ကိုလည်း ပြယ်စေနိုင်သည်။ အသားအရေ၏ ကိုယ်ခန္ဓာစနစ်ကိုမြှင့်တင်ပေးနိုင်သည်။ ရေချိုးပြီးနောက် အုန်းဆီလိမ်းပေးသင့်သည်။

အုန်းဆီကို အာစွတ်ရုံပလုတ်ကျင်းခြင်းဖြင့်

ကျန်းမာရေးအတွက် အကျိုးရှိ

အုန်းဆီဖြင့် တစ်နေ့လျှင် မိနစ် ၂၀ ကြာ အာဆွတ်ရုံပလုတ်ကျင်းပေးခြင်းဖြင့် ခန္ဓာကိုယ်အဆိပ်ပြယ်စေရန် ကူညီနိုင်ပြီး ခေါင်းကိုက်ခြင်းကို ကုစားနိုင်ကာ အက်စစ်ဖြစ်ပေါ်မှုကို ရှောင်ရှားနိုင်သည်။ သွားများကို ဖြူဖွေးစေနိုင်သည်။

မုတ်ဆိတ်ရိတ်ခရင်မ်အဖြစ် အသုံးပြုနိုင်

အုန်းဆီကို မုတ်ဆိတ်ရိတ်ခရင်မ်အဖြစ် အသုံးပြုခြင်းဖြင့် အမွေးအမှင်များကို လွယ်လွယ်ကူကူရိတ်နိုင်မည့်အပြင် အသားအရေခြောက် သွေ့ကျန်နေခြင်းမရှိဘဲ ပြတ်ရှခြင်းကိုလည်း လျှော့ချနိုင်မည်ဖြစ်သည်။

ခန္ဓာကိုယ် ကြေးချွတ်ဆေးအဖြစ် အသုံးပြုနိုင်

လက်ဖက်ရည်ခွက်ထဲ အုန်းဆီထက်ဝက်ထည့်ကာ သကြားထည့်၍ ခန္ဓာကိုယ်ကို ပွတ်တိုက်ဆေးကြောပေးပါက အသားအရေစိုပြည်ဝင်းပလာနိုင်သည်။

မိတ်ကပ်ဖျက်ဆေးအဖြစ်လည်း အသုံးပြုနိုင်

အုန်းဆီကို ဂွမ်းအနည်းငယ်နှင့် မျက်နှာပေါ် သုတ်လိမ်းပေးပါက သင်၏ မိတ်ကပ်များကို ပျက်သွားစေနိုင်ပြီး အသားအရေခြောက်သွေ့ခြင်း ကင်းကာ အရေပြားအောက်ရှိ ဘက်တီးရီးယားများကိုလည်း ရှင်းလင်းသွားစေနိုင်သည်။

ခြေလက်အသားပပ်ခြင်းကို ကာကွယ်နိုင်

တစ်နေ့လျှင် နှစ်ကြိမ်အုန်းဆီကို လက်ဖ၀ါး၊ ခြေဖ၀ါးတွင် လိမ်းပေးခြင်းဖြင့် အသားပပ်ခြင်းကို ကာကွယ်နိုင်ပြီး နူးညံ့စေမည်ဖြစ်သည်။ ယင်းသို့ လိမ်းပေးခြင်းဖြင့် သင့်လက်ဖ၀ါးနူးညံ့လာသည်ကို ရက်အနည်းငယ်အတွင်း တွေ့မြင်နိုင်သည်။

အုန်းဆီတွင် ဓာတ်တိုးဆန့်ကျင်ပစ္စည်းနှင့် ဗီတာမင်အီးကြွယ်ဝစွာ ပါဝင်သဖြင့် ယင်းအား မျက်နှာတွင် လိမ်းပေးခြင်းဖြင့် မျက်စိအောက်အရေးအကြောင်းများနှင့် အမည်းစက်များ လျော့ပါးသွားစေနိုင်သည်။ -Internet

7Day Daily

အပြည့်အစုံသို့ »

ဘယ်လို မျက်နှာခြယ်သမှုမျိုးတွေက သင့်ကို ရှိရင်းစွဲထက် ပိုအရွယ်ရင့်သွားစေလိမ့်မလဲ (အပိုင်း-၂)


တစ်ခါတစ်လေ မျက်နှာကို မိတ်ကပ်လိမ်း၊ ပြင်ဆင်ခြယ်သပြီးလို့ ကိုယ့်ဘာသာကိုယ် မှန်မှာကြည့်လိုက်တဲ့အခါ ကိုယ့်ရှိရင်းစွဲအသက်ထက်ကို ရင့်သွားသလို ခံစားရဖူးမှာပါ။ ဒါ့ကြောင့် ပင်ကိုယ်ထက် ပိုမိုရင့်သွားတဲ့ အပြင်အဆင်မျိုးတွေကို သိထားနိုင်မယ်ဆိုရင် နုပျိုလန်းဆန်းပြီး ချစ်စရာကောင်းတဲ့ သွင်ပြင်လေး ရနိုင်ပြီပေါ့။ ဘယ်လို အလှပြင်ဆင်ခြယ်သနည်းတွေက သင့်ကို အသက်ကြီးတဲ့ပုံပေါက်နေစေသလဲဆိုတာ အပိုင်း(၁)မှာလည်း အချက်တစ်ချို့ကို ဖော်ပြခဲ့ပြီးပြီမို့ အပိုင်း(၂)မှာ ဘယ်လိုအချက်တွေ ပါဝင်နေဦးမလဲဆိုတာ ကြည့်ကြရအောင်။

၆။ မျက်ခုံးမွှေးရိတ်ထားတာ အလွန်သေးသွယ်ခြင်း

မျက်ခုံးမွှေး ခပ်ပါးပါးနဲ့ သေးသွယ်ပြီး ရိတ်ထားတယ်ဆိုရင်တော့ သင်ပိုပြီး အသက်ကြီးတဲ့ ပုံပေါက်နိုင်ပါတယ်။ ပြီးတော့ မျက်လုံးနဲ့ မျက်ခုံးမွှေးကြားကိုလည်း အရောင်ချယ်ပေးရတဲ့နေရာမှာ ပိုပြီးသတိထားရပါလိမ့်မယ်။

၇။ မျက်ခုံးမွှေးကို အရောင်ထူထူချယ်ထားခြင်း

ဆံပင်ရောင်အတိုင်း မျက်ခုံးမွှေးကို အရောင်ခပ်ထူထူဆွဲထားခြင်းက သင့်အရွယ်နဲ့ မလိုက်အောင် ပိုပြီး အိုသွားစေနိုင်ပါတယ်။ မျက်ခွံအားချယ်ထားတဲ့အရောင်ထက် ပိုပြီး ခပ်ဖျောဖျော့အရောင် လိမ်းထားသင့် ပါတယ်။

၈။ Eyelinerအနက်ရောင်အသုံးပြုခြင်းကို ရှောင်ပါ

Eyeliner အရောင်ရွေးတဲ့အချိန်မှာ အညှိရောင်ဖျော့ဖျော့လေးကို အနက်ရောင်အစား ရွေးချယ်သင့်ပါတယ်။ သင့်အသားအရေနဲ့ အနက်ရောင် Mascara ကြားမှာ ပိုပြီးသဘာဝဆန်ဆန်ဖြစ်နိုင်အောင် ကူညီပေးပါလိမ့်မယ်။

၉။ အောက်မျက်တောင်မွှေးကို Mascara လိမ်းပေးခြင်း

မျက်လုံးအနီးတဝှက် မဲမှောင်စေပြီး မျက်နှာရင့်သွားစေနိုင်ပါတယ်။ အပေါ်မျက်တောင်မွှေးကိုပဲ အနက်ရောင် လိမ်းထားပေးတယ်ဆိုရင်တော့ သင့်ရဲ့ မျက်ကြည်လွှာအဖြူရောင်ကို ပိုပြီးထင်ရှားစေပြီးတော့ ပိုပြီး လန်းဆန်းတဲ့ပုံစံ ဖြစ်သွားစေနိုင်ပါတယ်။

၁၀။ ပါးနီ

ပါးနီကို မျက်နှာအလယ်မှာ ခပ်ထူထူလိမ်းထားတယ်ဆိုရင် သင့်မျက်နှာအပြင်အဆင် ရင့်သွားစေနိုင်ပါတယ်။ နှခေါင်းနားမှာ ကပ်ပြီး မလိမ်းသင့်ပါဘူး။ ပါးရိုးကနေ အပေါ်ဘက်ကို ဆွဲပြီး လိမ်းသင့်ပါတယ်။

အပေါ်မှာ ဖော်ပြထားတဲ့အချက်တွေကို သတိထားပြီး အလှပြင်မယ်ဆို နုပျိုလန်းဆန်းတဲ့အလှအပကို ပိုင်ဆိုင်နိုင်မှာ ဖြစ်ပါတယ်။

Ref:en.amerikanki.com
Trend Myanmar

အပြည့်အစုံသို့ »

ရေနွေးထဲ သံပရာရည် ထည့်သောက်ခြင်းဖြင့် ရရှိနိုင်မည့် ကျန်းမာရေး အကျိုးကျေးဇူးများ



ရေနွေးထဲကို သံပရာသီးတစ်လုံး ညှစ်ထည့်ပြီး သောက်သုံးခြင်းသည် ကျန်းမာရေးအကျိုးကျေးဇူးများ ရှိကြောင်း သိရှိထားကြပြီဖြစ်သည်။ ကျန်းမာရေးအကျိုးကျေးဇူးရှိစေသော အကြောင်းရင်းများကို ဖော်ပြပေးလိုက်ပါသည်။

အစာချေဖျက်မှုကို ကူညီပေးသည်
နံနက်စောစော အစာမစားမီ သံပရာသီးညှစ်ထည့်ထားသည့် ရေနွေးတစ်ခွက်သောက်သုံးခြင်းက အစာအိမ်အူလမ်းကြောင်းကို နှိုးဆွပေးသည်။ အစာချေဖျက်မှုအားကောင်းလာပြီး ရင်ပူရင်ဆာဖြစ်ခြင်း လျှော့ချပေးကာ အစာအိမ်ရှင်းလင်းရေး လုပ်ငန်းစဉ်ကို ကူညီပေးသည်။

အဆိပ်ပြေစေနိုင်သည်
သံပရာသီးတွင် အင်ဇိုင်းများ လုပ်ဆောင်ချက်ပိုကောင်းလာအောင် ကူညီနိုင်သည့် စီးထရစ်အက်စစ်ပါဝင်သည်။ စီးထရစ်အက်စစ်က အသည်းကိုလည်း နှိုးဆွပေးပြီး အဆိပ်ဖြေရာတွင် ကူညီပေးနိုင်သည်။

ခန္ဓာကိုယ်ရေဓာတ်ကို ထိန်းပေးနိုင်သည်
သံပရာသီးညှစ်ထည့်ထားသောရေကအန္တရာယ်ဖြစ်စေသော ကိုယ်ခန္ဓာထဲမှ အက်စစ်ဓာတ်ကို လျှော့ချပေးနိုင်သည်။ သံပရာရည်တွင် စီးထရစ်အက်စစ်ပါဝင်သော်လည်း ယင်းတွင်ပါဝင်သည့် သတ္တု ဓာတ်နှင့် အာဟာရဓာတ်များမှာ အယ်လ်ကာလီသဘာဝရှိသည်။ စီးထရစ်အက်စစ်မှာ မပြင်းသော အက်စစ်ဖြစ်သောကြောင့် ချွေးထွက်ခြင်းကဲ့သို့  ရှင်းထုတ်လိုက်သော လုပ်ငန်းစဉ်များကြောင့် ခန္ဓာကိုယ်မှ အလွယ်တကူဖယ်ရှားပစ်
နိုင်သည်။ သံပရာရည်သည် ခန္ဓာကိုယ်ထဲရှိ အခြားပြင်းထန်သော အက်စစ်ဓာတ်များကို ပျက်ပြယ်သွားစေသည့် ကယ်လ်ဆီယမ်ကာဗွန်နိတ်ဖွဲ့စည်းပုံကို အားကောင်းစေသည်။ ပရိုတင်းဓာတ်များစွာ ပါဝင်သည့် အသားများနှင့် ချိစ်များစားလေ့ရှိသူအတွက် အထူးကောင်းမွန်သည်။ သွေးထဲရေပါဝင်မှုကို ထိန်းညှိပေးနိုင်ပြီး ဆီးလမ်းကြောင်းဆိုင်ရာ ရောဂါကူးစက်မှုများကိုလည်း ဖြေရှင်းပေးနိုင်သည်။

ကိုယ်ခံအားစနစ်ကို အားကောင်းစေနိုင်သည်
စီးထရစ်အက်စစ်ပါဝင်သော အစားအစာများ အားလုံးတွင် ဗီတာမင်စီပါဝင်သည်။ ဗီတာမင်စီမှာ အအေးမိခြင်းကို ကာကွယ်နိုင်ပြီး ကိုယ်ခံအားစနစ်အတွက် ကောင်းမွန်သည်။ သံပရာသီးတွင် ပိုတက်စီယမ်ပါဝင်သောကြောင့်  ဦးနှောက်ကိုနှိုးဆွပေးနိုင်ပြီး အာရုံကြောလုပ်ဆောင်မှု အားကောင်းစေကာ သွေးကို ထိန်းချုပ်ပေးနိုင်သည်။

အသားအရေကြည်လင်လန်းဆန်းစေနိုင်သည်
ဗီတာမင်စီသည် အရေပြားထဲရှိ ပရိုတင်းဓာတ်ထုတ်လုပ်မှုကို  ကူညီပေးသောကြောင့် နုပျိုသော အသားအရေအတွက် အထူးကောင်းသည်။ ဓာတ်တိုးဆန့်ကျင်ပစ္စည်းများက ညိုညစ်ညစ်  အသားအရေကို တစ်ခါပြန်တောက်ပလာစေပြီး ကျန်းမာလာစေသည်။ သံပရာသီးညှစ်ထည့်ထားသည့် ရေနွေးက သွေးကြောများထဲရှိ အဆိပ်များကို ဖယ်ရှားပေးနိုင်သည်။ အမည်းစက်များပေါ် လိမ်းပေးပါကလည်း အရောင်ဖျော့သွားစေနိုင်သည်။

7day daily

အပြည့်အစုံသို့ »

အရွယ်နဲ့ မလိုက်အောင် အိုသွားစေနိုင်တဲ့ အစားအစာ(၃)မျိုး



ဘယ်သူမဆို ကိုယ့်အသက်အရွယ်ထက် ပိုပြီးတော့ နုချင်ကြတာ မဆန်းပါဘူး။ အပြင်ပိုင်း အပြင်အဆင်နဲ့ သင့်အရွယ်ကို စိတ်ချလက်ချ ဖုံးကွယ်ထားလို့ မရနိုင်ပါဘူး။ သင့်အစားအသောက်ကို သင့်တင့်အောင် စားသုံးခြင်းကနေ ယုံကြည်စိတ်ချမှုကို ရယူနိုင်ပါတယ်။ လူ့ခန္ဓာကိုယ်ကို နုပျိုအောင် ပြုလုပ်ပေးတာကတော့ ဆဲလ်တွေပါပဲ။ ဒါဆို ဆဲလ်တွေကို ဘယ်သူက သတ်နေလဲ။ အဖြေကတော့ သွေးမှာပါတဲ့ သကြားဓါတ် လွန်ကဲမှုကြောင့် ဖြစ်တာပါ။ အဲဒါကြောင့် သကြားဓါတ်များအောင် လုပ်ဆောင်ပေးတဲ့ အစားအသောက်တွေကို လျော့စားလိုက်မယ်ဆိုရင် အိုမင်းခြင်းကနေ ကာကွယ်ပေး ရုံတင်မက… ကျန်းမာရေးအတွက်လည်း တစ်ဖက်တစ်လမ်းမှ အကူအညီပေးမှာဖြစ်ပါတယ်။

ခုဖော်ပြပေးထားတဲ့ အစားအသောက်တွေဟာ သွေးအတွင်း သကြားဓါတ်လွန်ကဲစွာ ဖြစ်ပေါ်စေတဲ့ အစားအသောက်တွေမို့လို့ လျော့ပြီး စားသုံးဖို့ အကြံပေးလိုက်ပါတယ်။

၁။ ဂျုံ

၂။ သကြား

၃။ ပဲပိစပ် နှင့် ဟင်းသီးဟင်းရွက် အဆီများ

ကဲ အရွယ်တင်နုပျိုချင်တဲ့ ပျိုမေတွေ အထက်မှာဖော်ပြထားတဲ့ အစားအသောက်တွေကို လျှော့စားရင်း နုပျိုမှုကို ခံစားကြည့်လိုက်ပါလို့။

Trend Myanmar

အပြည့်အစုံသို့ »

ကျား ဖြစ်ဖြစ် မ ဖြစ်ဖြစ် အသက်ဘယ်လောက်ကြီးကြီး နုပျိုစေမဲ့ နည်းလမ်း ၃ သွယ်


အသားအရေ နုပျိုတင်း ရင်းစေဖို့အ တွက် မျိုးဗီဇကလည်း အရေးပါတဲ့ အချက်ဖြစ် ပါတယ်။ အရေးပါတဲ့ နောက် တစ်ချက်ကတော့ ဘဝနေထိုင် စားသောက် မှုပုံစံပဲ ဖြစ်ပါတယ်။

လျို့ဝှက်ချက် (၁)

အရေးကြောင်း ကင်းဝေးဖို့ လျှို့ဝှက် ချက်တစ်ခုက နေရောင်ခြည်ဒဏ်ကို တိုက်ရိုက်မထိတွေ့အောင် ရှောင်ရှားဖို့ ပဲ ဖြစ်ပါတယ်။ အပြင်ထွက်တဲ့အခါမှာ နေရောင်ကာခရင်မ်ကို အမြဲလိမ်းပေးဖို့ လိုပါတယ်။ တိမ်ထူတဲ့နေ့ရက်တွေမှာ တောင် အန္တရာယ်ရှိတဲ့ ခရမ်းလွန်ရောင် ခြည်ဟာ အရေပြားထဲကို ထိုးဖောက်ဝင် ရောက်နိုင်ပြီး အရေပြားကို ထိခိုက်စေ နိုင်တာကြောင့် အရေးကြောင်းပါးပါးထင် တာနဲ့ ပါးရေတွန့်တာတွေကို ဖြစ်စေနိုင် ပါတယ်။ နေရောင်ကာခရင်မ်ကို လိမ်းတဲ့ အခါမှာ မျက်နှာကိုသာမက လည်ပင်းကို ပါ လိမ်းပေးဖို့ လိုပါတယ်။

လျို့ဝှက်ချက်(၂)

အရွယ်တင်နုပျိုဖို့အတွက် ဒုတိယ လျှို့ဝှက်ချက်ကတော့ စီးကရက်နဲ့ အ ရက်ကို ရှောင်ဖို့ပဲ ဖြစ်ပါတယ်။ နေရောင် ခြည်ဒဏ်ခံရတာက အသားအရေအ တွက် အဓိက ရန်သူဖြစ်ပြီး ဆေးလိပ် သောက်တာက အရေးကြောင်းဖြစ်စေ တဲ့ ဒုတိယအကြောင်းရင်းပါ။ ဆေးလိပ် သောက်တာ နှစ်ပေါင်းများစွာ ကြာလာ ရင် နှုတ်ခမ်းတစ်ဝိုက်မှာ အရေးကြောင်း ထင်နိုင်ခြေ များပါတယ်။ အကြောင်းက တော့ စီးကရက်မီးခိုးဟာ ခန္ဓာကိုယ်ရဲ့ အရေပြားအသစ်ပြန်ဖြစ်တဲ့ သဘာဝဖြစ် စဉ်ကို အနှောင့်အယှက်ဖြစ်စေလို့ပါ။ ဆဲလ်ဟောင်းတွေ ပျက်ပြီး ဆဲလ်သစ် တွေအစားထိုးတဲ့ ဖြစ်စဉ်လျော့နည်းတာ ကြောင့် အရေပြားထိခိုက်ပျက်စီးရတာ ဖြစ်ပါတယ်။ အယ်လ်ကိုဟောကလည်း အရေ ပြားရဲ့ အစိုဓာတ်တွေကို ယုတ်လျော့သွား စေပြီး ရေဓာတ်ခန်းခြောက်ကာ နုပျိုတဲ့ တောက်ပမှုကို ဖျက်ဆီးပစ်နိုင်ပါတယ်။ အစိုဓာတ်ဟာ အရေပြားဆဲလ်တွေကို တင်းရင်းစေပြီး ကျန်းမာလှပစေပါတယ်။ တစ်နေ့မှာ ဝိုင်တစ်ဖန်ခွက် သောက်တာ က အသားအရေကို မထိခိုက်စေပေမယ့် ပုံမှန်အလွန်အမင်း သောက်နေရင် ထိ ခိုက်နိုင်ပါတယ်။ ဆေးလိပ်သောက်မှ၊ အရက်သောက် မှ အပန်းပြေတယ်လို့ ခံစားရရင် လေ့ ကျင့်ခန်းလုပ်တာကို အစားထိုး ဆောင် ရွက်ကြည့်လိုက်ပါ။ သင့်အသားအရေ က ပိုမိုကြည့်ကောင်းလာတာကို တွေ့ရ ပါလိမ့်မယ်။ အကြောင်းကတော့ လေ့ ကျင့်ခန်းလုပ်တာကြောင့် သွေးလှည့်ပတ် မှုကို ကောင်းစေပြီး အသားအရေကို ကြည့်ကောင်းစေပါတယ်။

လျို့ဝှက်ချက် (၃)

အသားအရေ နုပျိုတင်းရင်းစေဖို့ တတိယလျှို့ဝှက်ချက်က သင့်ပန်းကန် ပြားပါ။ သင်စားတဲ့အစာထဲမှာ အင်တီ အောက်ဆီးဒင့် များများပါတဲ့ အစာတွေ ပါဝင်နေရင် အသားအရေက ပိုမိုလှပ ကြည့်ကောင်းနေပါလိမ့်မယ်။ အဖြူ ရောင်သကြားတွေကို လျှော့စားပြီး လတ်ဆတ်တဲ့ သစ်သီးတွေ၊ အစိမ်းရောင် နဲ့ အနီရောင် ဟင်းသီးဟင်းရွက်တွေကို များများစားပေးပါ။ လက်ဖက်စိမ်းလက် ဖက်ရည် ဒါမှမဟုတ် ရေကို များများ သောက်ပါ။ ဒီလို စားသောက်တာက အ ရေပြားကို အိုမင်းစေတဲ့ ဖရီးရယ်ဒီကယ် တွေကို တွန်းလှန်ပေးနိုင်တာကြောင့် အ သားအရေမှာ အရေးကြောင်းကင်းပြီး နု ပျိုတင်းရင်းလှပစေပါတယ်။

Good Health

အပြည့်အစုံသို့ »

ကန်စွန်းရွက်ဖြင့် အသားအရေ လှပအောင် ထိန်းသိမ်းနည်း




ကန်စွန်းရွက် သည် ကျန်းမာရေး အတွက် အထောက်အကူ ဖြစ်စေရုံ သာမက အသားအရေ ကို လှပ သန့်ရှင်း စေလိုသည့် ပျိုမေတို့ အတွက် အကောင်းဆုံး အဖော်မွန် ဖြစ်ပါသည်။

ဝက်ခြံ ၊ တင်းတိပ် ၊ အမည်းစက် များနှင့် မျက်နှာ အသားအရေ အရောင်မညီ ဖြစ်ခြင်းများ အတွက် စိတ်မပျက် ပါနှင့်။ ကန်စွန်းရွက်ကို ကြိတ်ပြီး ယင်း အရည် တစ်မျိုးတည်း လိမ်းပေးခြင်းဖြင့် သက်သာ လာစေနိုင်သည်။ ကန်စွန်းရွက် သတ္တုရည် စားပွဲတင်ဇွန်း ၄ ဇွန်းကို ပျားရည် တစ်ဇွန်းနှင့် သမအောင် မွှေကာ ခန္ဓာကိုယ်ကို နေ့ည ပုံမှန် လိမ်းပေးခြင်းဖြင့် လည်း အသားအရေ ကို ၀င်းလက် စိုပြေလာ စေနိုင်သည်။

ဆံပင် မသန်၍ စိတ်ညစ်နေ သူများ အတွက် ကန်စွန်းရွက် အရည်ကို ညှစ်ပြီး ဦးရေပြားထဲ စိမ့်ဝင်အောင် နှိပ်နယ် ပေးခြင်းဖြင့် ဆံကေသာကို အရှည်မြန် စေမှာ ဖြစ်သည့်အပြင် ဗောက် များကိုလည်း ကင်းစင် စေပါသည်။ မီးဟပ်ခြင်း နှင့် မီးလောင် ဒဏ်ရာများ အတွက် ကန်စွန်းရွက် အရည်ကို သကြား နှင့် ရောစပ်ကာ လိမ်းပေးခြင်း ဖြင့် အပူလောင်ခြင်း ကို သက်သာစေကာ အမာရွတ် မကျန် ပျောက်ကင်း စေနိုင်သည်။

ယနေ့ ကမ္ဘာတွင် ကျန်းမာရေး အမြင်ရှိသူ တိုင်းသည် သစ်သီးဝလံ နှင့် ဟင်းသီးဟင်းရွက် များက ကျန်းမာရေး အထောက် အကူပြု အာဟာရ အစားအစာ များအဖြစ် အရေးပါပုံ ကို သိမြင် လက်ခံ လာကြပြီ ဖြစ်သည်။ ယင်းကြောင့် မိမိတို့ ပတ်ဝန်းကျင် တွင် ငွေကုန် သက်သာကာ အလွယ်တကူ ရရှိနိုင်ပြီး ကျန်းမာရေး ကို အထောက်အကူ ဖြစ်စေမည့် ကန်စွန်းရွက်ကို စားသုံး ပေးကြပါရန် တိုက်တွန်း ရေးသား လိုက်ရပါသည်။

ဖိုးသန့်
PyiChitThar

အပြည့်အစုံသို့ »

မျက်နှာကို သံပုရာသီးခြမ်းဖြင့် ပွတ်ပါ


မျက်နှာ အသားအရေဟာ နေလောင်ဓာတ်ကြောင့် ညစ်ညမ်းနေတာဖြစ်ဖြစ် အဆီပြန် ဝက်ခြံတွေ ထွက်နေပြီး အနာအဆာ တွေနဲ့ ဖြစ်နေသူများ အတွက် အကောင်း ဆုံးနဲ့ အဓိရောက်ဆုံး နည်းလေးပင် ဖြစ်ပါတယ်။

သုံပုရာသီး တစ်လုံးကို တစ်ခြမ်းခြမ်းပြီး မျက်နှာကို ပွတ်ပေးလိုက်ပါ။ ထို့နောက် အချိန်ခဏ အကြာမှာ ရေများခြင့် မျက်နှာကို ပြောင်စင်အောင် ဆေးကြောပေးပါ။ သံပုရာ သီးမှာ ပါတဲ့ အက်စစ် ဓာတ်ဟာ မျက်နှာပေါ်မှ မကောင်းတဲ့ အရာတွေကို ဖယ်ရှား ရှင်းလင်းပေးလို့ သိသိ သာသာ ဖြူဝင်သွားစေမှာပါ။

သံပုရာသီးဖြင့် ပွတ်ပြီးပါက အချိန်ကြာမြင့်စွာ မထားသင့်ပါဘူး။ သံပုရာသီးမှာ ပါဝင်တဲ့ အက်စစ် ဓာတ်ဟာ ပြင်းသဖြင့် မျက်နှာအသား အရေကို ထိခိုက်သွားမည့် အတွက်ကြောင့်ပင် ဖြစ်ပါတယ်။

ဒါကြောင့် မျက်နှာ အသားအရေ အတွက် အကောင်းဆုံးနဲ့ အဓိရောက် ဆုံးဖြစ်တဲ့ သုံပုရာသီး ကုထုံးကို မိတ်ဆက်ပေး လိုက်ရပါတယ်။

Ref-healthnews
ကျော်လင်းနိုင် (ရိုးရာလေး)


အပြည့်အစုံသို့ »

Skin Care Tips ဆယ်ကျော်သက် မျက်နှာ



၁၅-၁၆ နှစ်အရွယ် သမီးလေး တယောက်ရှိတယ်။ နာမည်တွေဘာတွေ ထားပါ။ ပေါ်ပြူလာ Skin lotion နာမည်ကြီးလို့ ဝယ်လိမ်းတယ်။ ချွေးထွက်ပေါက်တွေ ပိတ်ကုန်ပြီး ဝက်ခြံတွေ ဗုံးပေါလအော ထွက်လာပါလေရော။ ဒီလိုမျိုး မဖြစ်ရလေအောင် နည်းနာတွေရှိပါတယ်။ အင်္ဂလိပ်စာလုံးလေးတွေ နည်းနည်းထည့်ရေးပါရစေ။

အရွယ်က ဆယ်ကျော်သက် မျက်နှာက အရေပြား၊ အမျိုးအစား သိပါသလား။ လေးမျိုး လေးစားမှတ်ထားပါ။ (၁) ခပ်ခြောက်ခြောက်၊ (၂) အဆီပြန်၊ (၃) ပုံမှန် နဲ့ (၄) အဲဒါတွေ ရောထွေးနေတာ။

၁။ Normal Skin Care ပုံမှန်အရေပြား
ညီညာ ချောမွေ့နေတယ်။ ပျော့ညက်တယ်။ အစက်အပျောက် ကင်းစင်တယ်။ ဘာမှ ကွာကျနေတာလဲ မရှိဘူး။ မွေးညင်းပေါက်လေးတွေကလဲ မြင်ယုံသာ မြင်ရတယ်၊ ကျယ်မနေကြဘူး။ ခြောက်လဲမနေ အစိုလဲမပြန်တာကို ပုံမှန်လို့ခေါ်တယ်။ နည်းနည်းပါးပါးတော့ ပြောစရာလေးတွေ ရှိချင်ရှိမှာပေါ့။ ဒါဆိုရင် တနေ့မှာ မျက်နှာ ၂-၃ ခါသစ်ပေးပါ။ ဆပ်ပြာရိုးရိုး၊ ဆပ်ပြာရည် မပြင်းတာကိုသာ သုံးပါ။ မွှေးလွန်းတာ ကောင်းလွန်းတယ်ဆိုတာ မသင့်ပါ။ ချွေးနဲ့ အညစ်အကြေး သန့်သွားဘို့သာ လိုတယ်။ အပိုမလိုပါ။

၂။ Dry Skin Care အရေပြား သွေ့ခြောက်နေသူ
ပြောင်လက်မနေဘူး။ ခပ်ကြမ်းကြမ်း၊ ယားချင်ချင်၊ အဖတ်သေးသေးလေးတွေ ကွာနေမယ်။ မွေးညင်းပေါက်တွေကိုလဲ မြင်နေရတယ်။ အရေပြား အပေါ်ယံ (ဆဲလ်) တွေက ပုံမှန်မဟုတ်ဘဲ ကွာထွက်နေလို့ဖြစ်တယ်။ ပုံမှန်ဆိုရင် ကိုယ့်သဘာဝအဆီကနေ ဒီလိုမဖြစ်အောင် လုပ်ပေးနေပါတယ်။ ဒီလိုဖြစ်နေချိန်မှာ တနေ့ကို မျက်နှာ ၁-၂ ခါသစ်ပေးပါ။ ဆပ်ပြာရိုးရိုး၊ ဆပ်ပြာရည် မပြင်းတာကိုသာ သုံးပါ။ မျက်နှာသစ်ပြီးရင် အမွှေးအကြိုင်တွေ မပါ၊ အရက်ပြန် မပါတဲ့ Moisturizer လိမ်းပါ။ ရေနွေးနဲ့ ရေချိုးတာ များများ မလုပ်ပါနဲ့။ High temperatures အပူချိန်များတာ၊ Low humidity စိုထိုင်းမှု နည်းတာတွေကနေ ရှောင်ရှားပါ။ ဆပ်ပြာသုံးတာ၊ ဆေးကြောပွတ်တိုက်တာ မများပါစေနဲ့။ ဆောင်းရာသီမှာ ပိုဖြစ်တတ်တယ်။ ဒါဆိုရင် ရေခပ်နွေးနွေးမှာ မိနစ် ၂ဝ ကြာချိုးပါ။ ဆပ်ပြာ လျှော့သုံးပါ။ ခြောက်သွေ့အောင်လုပ်တာမျိုး မသုံးပါနဲ့။ ရေချိုးခန်းက ထွက်လာပြီးရင် ရေကို တဘက်သုံးပြီး ခြောက်စေပါ။ Mineral oil လိမ်းပေးပါ။ မွှေးတာတွေ မပါစေနဲ့။ အရက်ပြန်မပါတာ ရွေးသုံးပါ။

၃။ Oily Skin Care မျက်နှာအဆီပြန်နေသူ
ဝက်ခြံထွက်တတ်သူ ဖြစ်မယ်။ အပေါက်လေးတွေ ကျယ်နေတာ ရှိမယ်။ အလင်းရောင်မှာ ပြောင်နေပြီး ရောင်ပြန်ဟပ် နေမယ်။ Blackheads ခေါင်းနက်-ဝက်ခြံ၊ Pimples ဝက်ခြံပုန်းတွေ ရှိနေမယ်။ ဟော်မုန်းသတ္တိကြောင့် ဖြစ်နေတာပါ။ စိတ်ဖိအားများနေသလား လျှော့ပေးပါ။ လှချင်ရင် စာမေးပွဲ၊ လူမှုရေး တွေးမနေနဲ့။ တနေ့မှာ မျက်နှာ သုံးခါသစ်ပါ။ ဆပ်ပြာရိုးရိုးသာသုံးပါ။ ကျောင်းမှာ လုပ်ရတာဆိုရင် Cleansing pad သုံးနိုင်တယ်။ ဝက်ခြံပုန်းကို ညှစ်ဘို့ မလုပ်နဲ့။ အလှသုံးပစ္စည်းတွေဟာ Non-comedogenic ခေါ်တာဖြစ်ရမယ်။ အပေါက်လေးတွေကို မပိတ်စေတာမျိုး။ ဆံပင်ကလဲ အဆီမများအောင် ခေါင်းလျှော်ပေးပါ။

၎။ Normal/Combination Skin Care ပုံမှန် နဲ့ အဆီပြန် ရောနေသူ
နဖူး-နှာခေါင်း နဲ့ မေးတွေမှာ အဆီပြန်ပြီး ကျန်တာကခြောက်နေတာမျိုး။ T-Zone ခေါ်တယ်။ အပေါက်လေးတွေကျယ်၊ ခေါင်းနက်တွေ ရှိနေမယ်။ ပါးပြင်ကြမ်းနေမယ်။ ရာသီဥတုလဲ လိုက်ပြီး အနည်း-အများ မတူတတ်ဘူး။ တနေ့မှာ ၂-၃ ခါ မျက်နှာသစ်ပါ။ ရိုးရိုးဆပ်ပြာ၊ ရိုးရိုးရေသာသုံးပါ။ ခြောက်တဲ့နေရာကို Moisturizer သုံးပါ။ အဆီပြန်တဲ့နေရာချန်ထားပါ။

Best Practices နည်းလမ်း လေးသွယ်
ဆယ်ကျော်သက် မျက်နှာလေးတွေ လှပပြီး ကျန်းမာနေအောင် ရိုးရိုးနဲ့ ကောင်းတဲ့ နည်း (၄) မျိုး သုံးနိုင်ကြတယ်။

(၁) Cleanse သန့်ရှင်းရေး
အညစ်အကြေး၊ အဆီ နဲ့ သေသွားလို့ ကွာကျနေတဲ့ (ဆဲလ်) တွေကို ဖယ်ရှား သန့်ရှင်းပေးဘို့ လိုတယ်။ မျက်နှာသစ်တာက အဲဒါတွေအပြင် ပိုနေတဲ့ အဆီကိုရှင်းပေတာမို့ ဝက်ခြံထွက်မှာကိုပါ တားဆီးရာကျတယ်။ အခုလို မျက်နှာအရေပြားမျိုး ရှိသူတွေ Salicylic acid ပါတဲ့ Cleanser မျိုးသုံးသင့်တယ်။ Acne washes လို့လဲခေါ်တယ်။ ဥပမာ Neutrogena products မျိုး။ Glycolic acid ပါတာသုံးရင် (ဆဲလ်) တွေ သေလို့ကွာကျတာတွေကို ဖယ်ရှားပေးတယ်။ Retinoid creams (Retin-A and Renova) ကို မကြိုက်သူတွေလဲ သုံးနိုင်တယ်။ သုံးမဲ့ပစ္စည်းထဲမှာ ဘာတွေပါသလဲ ဖတ်ပါ။ Waterproof mascara လိုမျိုး Eye makeup ဖယ်ဘို့ရာ မွှေးတာမပါတဲ့ အမျိုးအစားသာ သုံးပါ။

(၂) Hydrate/Moisturize မျက်နှာစိုဆေး
ခြောက်နေတာအတွက် ရေဘဲလိုမယ်။ စိုစွပ်ချင်ရင် ဆီ နဲ့ ရေ လိုတယ်။ များသောအားဖြင့် မနက်တခါ၊ ညနေ တခါ။ (ခရင်မ်) တွေ ဆီတွေသုံးတာ ဘယ်တော့မှ များမသွားစေနဲ့။ ခြောက်နေတဲ့အရေပြားအတွက်သုံးမဲ့ Moisturizer ဟာ Oil-free ဆီမပါစေရဘူး။

(၃) Treat ကုသနည်း
မိန်းကလေးငယ် အတော်များများ ဝက်ခြံလိုဟာအတွက် အပိုလုပ်ပေးဘို့ လိုတတ်တယ်။ အပေါက်ငယ်တွေ ပိတ်နေရင် လုပ်ပေးရမယ်။ အဆီထွက်များရင်၊ အညစ်အကြေးနဲ့ ပိတ်နေရင် ဗက်တီးရီးယားတွေ ပျက်စီးနေတာတွေ အထဲမှာ အောင်းနေမယ်။ တခါတလေ ကိုယ်သုံးတဲ့ အလှသုံးပစ္စည်းတွေကြောင့်လဲ ဝက်ခြံကိုပိုဖြစ်စေတတ်တာ သတိထားပါ။ ဆံပင်ဆိုးဆေး၊ ဆံပင်လိမ်းဆီတွေကနေလဲ ဖြစ်စေနိုင်တယ်။ ဆပ်ပြာနဲ့ ဆပ်ပြာရည်တွေက အဆီကိုဖယ်ပေးတာ မှန်ပေမဲ့ အဆီထုတ်ပေးနေတဲ့ ဖြစ်စဉ်ကိုတော့ သက်သာပြောင်းလဲ မသွားစေနိုင်ဘူး။ အရေပြားကို ခဏခဏကုပ်တာ ဆိုးစေမယ်။
Benzoyl peroxide ပါတဲ့ဆေးကနေ နဖူး၊ နှာခေါင်းနဲ့ မေးဖျားနေရာတွေက တော်တော်တန်တန် ဝက်ခြံကို ညနေအချိန် တနေ့တခါ လိမ်းတာ ကောင်းတယ်။ Pimples ဝက်ခြံပုန်းတော့ မရဘူး။ ဆေးအသုံးများတာ မကောင်းပါ။ ဆေးလိမ်းများပြီး အနေရခက်သလိုဖြစ်ရင် မျက်နှာသစ်လိုက်ပါ။ နောက်နေ့ကျမှ Benzoyl peroxide ပြန်လိမ်းပါ။ ဒီဆေးက တလနေမှ အစွမ်းပြတာ သိသာတယ်။

(၄) Protect အကာအကွယ်
မျက်နှာကို ရေးခဲ့သလို သန့်စင်ပြီးတဲ့နောက် အကာအကွယ်လုပ်ပေးရမယ်။ ဘေးပတ်ဝန်းကျင်မှာ မသင့်တာ၊ မတည့်တာတွေ ရှိနေတယ်။ Moisturizer နဲ့ Foundation တွေဟာ Sunscreen SPF 15 အနည်းဆုံးရှိသင့်တယ်။ နေကောင်းကောင်း ထွက်နေချိန်တွေ နေရောင်နဲ့ ထိတွေ့တာကို ရှောင်နိုင်သမျှ ရှောင်ပါ။ Moisturize ကို ဘာလို့ သုံးရသလဲ။ ရေဟာ လူ့အသက်ဖြစ်တယ်။ အရေပြားရဲ့အသက်လဲဖြစ်တယ်။ အစိုဓါတ်က အောက်နေ အထက်ကို လာရတာဖြစ်တယ်။ ရေဓါတ်နည်းရင် အရေပြားခြောက်သွေ့နေမယ်။ Moisturize သုံးရတယ်။

ကိုယ့်အရေပြား အမျိုးအစားက ဘာဖြစ်နေနေ စိတ်တိုင်းမကျတာ ဖြစ်လာရင် ဆရာဝန်ပြပါ။ ဖြစ်နိုင်ရင် အရေပြား အထူးကု ပြပါ။ ရေးခဲ့တာတွေက တကမ္ဘာလုံးက စာဖတ်သူတွေအတွက် ခြုံရေးတာပါ။ မြန်မာပြည်သူတွေ အတွက်တော့ သဘာဝ သနပ်ခါးစစ်စစ် ထက်ကောင်းတာ မရှိပါ။ သခွါးသီးလို အသီးအနှံတွေသုံးတာကလဲ တံဆိပ် လှလှလေးတွေနဲ့ ဈေးကြီးကြီး ပေးရတာတွေထက် စိတ်ချရပါတယ်။

Credit : Dr. တင့်ဆွေ

အပြည့်အစုံသို့ »

(၃)ရက်နဲ့ တစ်ပတ်အတွင်း ၀က်ခြံ၊ အမာရွတ် ပျောက်နိုင်တဲ့နည်း


ဆယ်ကျော်သက်ရွယ်ကစလို့ ၊ သွေးဆုံး ပြီး နောက် ၃ – နှစ်ခန် တိုင်အောင် ဟော်မုန်းတွေ ပြောင်းလဲမှု ကြောင့် အမျိုးသား၊ အမျိုးသမီး ၁၀ ဦးမှာ ပျမ်းမျှ အား ဖြင့် ၉.၉၉ ဦး ခန့်  အနည်း နဲ့ အများ ဆိုသလို ၀က်ခြံ မပေါက်ဖူး တဲ့ သူရယ် လို့ မရှိ ကြပါဘူး။ ကျန် ၀.၀၁ ဦး က တော့ ရှားပါးလွန်းတဲ့ အသားအရေ ကံထူးရှင် တွေလို့ ဆိုနိုင်ပါတယ်။ အသင့်အတင့် ၀က်ခြံ ပေါက်ပြီး နောက် ၃ – ရက် နဲ့ ၁ – ပတ် အတွင်းမှာ အမာရွတ်တွေ သူ့ အလိုလို ပျောက်သွား တတ်ပါတယ်။ ဒါပေမယ့် အချို့ အသား အရေ ပိုင်ရှင်တွေ မှာ တော့ ရုပ် အလှ ပျက် လောက်အောင် ၀က်ခြံအမာရွတ်တွေ စွဲကျန် နေရစ် ခဲ့ရှာတုန်းပါဘဲ။

အောက်ပါ ရိုးရှင်း လွယ်ကူတဲ့ အိမ်တွင်း ကုထုံးနည်းလမ်း ( ၅ ) သွယ်ထဲက တစ်ခုခု နဲ့  အဆင်ပြေသွားပြီ ဆိုရင် တော့ သင့်မျက်နှာ ပေါ် ၀က်ခြံ အမာရွတ် တွေကို ….. တာ့တာ လို့သာ ဆို လိုက် ပါ တော့ နော်။

( ၁ ) နံ့ သာဖြူမှုန့် နဲ့  နှင်းဆီ ရည်

နံ့ သာဖြူ မှုန့် နဲ့ နှင်းဆီရေ ကို ပျစ်ပျစ် ဖျော်စပ် ပြီး၊ အမာရွတ် ပေါ်တိုက် ရိုက် လိမ်းပေး ပါ။ အချိန် ၁ နာရီ ကျော် ထားပါ ( သို့ မဟုတ် ) တညလုံး လိမ်း အိပ်နိုင် ပါတယ်။ ပြီးရင် ရေအေး ဖြင့် မျ က်နှာ သစ် လိုက်ပါ။ အသား အရေအေးမြတဲ့ ခံစားမှု ကို ချက်ချင်း သိရမှာပါ။ အမာရွတ် တွေ သိ သိ သာသာ လျော့ပါး သက်သာ လာစေ ပါတယ်။

( Rosewater လို့ ခေါ်တဲ့ နှင်းဆီရေ ကို အလှကုန် ပစ္စည်း ဆိုင် တွေ မှာ ၀ယ်ယူ ရရှိ နိုင်ပါတယ် )

( ၂ ) သံလွင်ဆီ

သံလွင်ဆီ နဲ့ အမာရွတ် ကို နေ့ စဉ်လိမ်းပေး ကြည့်ပါနော်။ အစိုဓာတ် ထိန်းပေးနိုင်တဲ့ အစွမ်းသတ္တိပါရှိတဲ့ သံလွင်ဆီ အစွမ်း ကြောင့် အသား အရေ နူးညံ့ ချောမွတ်ကာ အမာရွတ် တွေ လ ည်း ပြေပျောက် သွား နိုင်ပြီပေါ့ရှင်။

( ၃ ) သခွားသီး

အသား အရေ ထိန်း အလှကုန် ပစ္စည်း တွေကို ဘာ့ကြောင့် သခွားသီး နဲ့ ဖော်စပ် ထုတ်လုပ် ထား ရ ပါသလဲ၊ အဖြေ ကတော့ ရှင်းရှင်း လေးပါ။ သခွား ရည်က အသားရေ ကို နူးညံ့ ချောမွေ့ေ အးမြ စေပြီး၊ ၀က်ခြံ အမာရွတ် တွေကို လည်း ပျောက်ကင်း သက်သာ စေလို့  ပါ ဘဲ။

( ၄ ) ရှားစောင်း လက်ပက်

ရှေးယခင် က စလို့  ရှားစောင်း လက်ပက် ပင်ရဲ့ ဂျယ်လီတွေ ကို အသား အရေ အတွက် အိမ် တွင်း သမားတော် အဖြစ် သုံးစွဲ လာခဲ့ ကြ ပါတယ်။ သူက မျက်နှာ အသား အရေ ကို ကျန်းမာ သိပ် သည်း ကြံ့ခိုင် စေပြီး တင်းတိပ်၊ ၀က်ခြံ နဲ့ ဝက်ခြံ ကြောင့် စွဲကျန်ရစ် တဲ့ အမာ ရွတ် တွေ ကို သက် သာ ပျောက်ကင်း စေတယ် နော်။

( ၅ ) ရေ

တစ်နေ့ ကို သောက် ရေဖန်ခွက် ၈ – ခွက် စာထက်မနဲ သောက် ဖြစ်အောင် သောက် ကြနော်။ေ ရသောက် ခြင်းက ခန္ဒာကိုယ် အရေ ပြား ရှိ အဆိပ် အတောက် များ ကို ဖယ်ရှား သန့် စင် စေပြီး၊ အရေပြား ဆဲလ် အသစ်များကို မွေးဖွား ပေးကာ၊ ၀က်ခြံ ကြောင့် ဖြစ်တဲ့ ဆဲလ်အသေတွေ ၊ အမာရွတ်တွေကို ဖယ်ရှား သန့် စင် စေပေးတယ် လေ။



Daily Health

အပြည့်အစုံသို့ »

အလှအပရေးရာအတွက် ဒါလေးတွေ သိထားပြီးပြီလား (အပိုင်း-၁)


ကိုယ့်အသားအရေ၊ ဆံပင်နဲ့ လက်သည်းတွေအတွက် တစ်လတစ်ခါ၊ ဒါမှမဟုတ် တစ်လနှစ်ခါလောက် ပိုက်ဆံအကုန်အကျခံပြီး beauty saloon တွေ သွားစရာမလိုတော့ပါဘူး။ ကိုယ့်အိမ်မှာပဲ အလှအပရေးရာ တစ်ချို့အတွက် ကိုယ်တိုင်စမ်းသပ်ကြည့်နိုင်မယ့် နည်းလမ်းကောင်းလေးတွေ ပြောပြပေးချင်ပါတယ်။

၁။ အဖျားနှစ်ခွဖြစ်တာတွေ၊ ဆံသားခြောက်သွေ့တာတွေ ကာကွယ်နိုင်အောင် ခေါင်းမလျှော်ခင် အုန်းဆီကို သေသေချာချာ လိမ်ေးပးပါ။ ဒါဟာ ဆံပင်ပေါင်းတင်တယ်ဆိုရင်လည်း မမှားပါဘူး။ ဆံပင်သားကျန်းမာစေပါတယ်။



၂။ဆံပင်လိပ်တဲ့ အပူချောင်းနဲ့ ထိမိလို့ အသားလောင်သွားတယ်၊ ပူပြီးနာသွားတယ်ဆိုရင် ချက်ချင်းပဲ ဒိန်ချိန်နည်းနည်းသုတ်လိမ်းပြီး ၁၀မိနစ်လောက် နေလိုက်ပါ။ သက်သာသွားပါလိမ့်မယ်။

၃။ပန်းသီးနဲ့ ပြုလုပ်ထားတဲ့ ရှာလကာရည်ကို တိုနာအဖြစ်သုံးလို့ရပါတယ်။ ချွေးပေါက်ကျဉ်းစေဖို့ မျက်နှာရဲ့ T zone ကို သုတ်လိမ်းပေးရမှာပါ။

၎။အသားအရေ ချောမွေ့ကြည်လင်စေဖို့ သံလွင်ဆီနဲ့ မျက်နှာသစ်ပေးနိုင်ပါတယ်။

၅။မျက်လုံးအောက်မှာ မို့နေတာတွေ၊ ဖောင်းနေတာတွေ မဖြစ်စေဖို့ ကဖင်းဓာတ်ပါတဲ့ လက်ဖက်ရည်ထုပ် အေးအေးလေးတွေနဲ့ ၅မိနစ်၊ ၆မိနစ်လောက် ကပ်ထားလိုက်ပါ။
၆။မျက်လုံးလိုင်နာ cat-eye ဆွဲဖို့ဆိုရင်တော့ တိပ်လေးကို ညှပ်၊ ကပ်ပြီး ခုလိုဆွဲလို့ရတယ်နော်။

၇။ကော်ဖီတွေ၊ ၀ါတွေကြောင့် ၀ါထိန်နေတဲ့သွားတွေ ဖြူဖွေးစေအောင်ဆိုရင်တော့ သွားတိုက်တံမှာ မုန့်ဖုတ်ဆိုဒါနည်းနည်းဖြူးပြီး သွားတိုက်လိုက်ပါ။ ဒါဆိုအိုကေသွားပါလိမ့်မယ်။



Ref:cosmopolitan.com
trend myanmar

အပြည့်အစုံသို့ »

တစ်ကိုယ်ရေကျန်းမာသန့်ရှင်းရေးဆိုင်ရာ အကြံပြုချက်များ



အောက်ပါ တစ်ကိုယ်ရည်ကျန်းမာသန့်ရှင်းရေးဆိုင်ရာ အကြံပြုချက်များက ပျိုမေတို့ကို သန့်ရှင်းသပ်ရပ်မှုနဲ့ ပျော်ရွှင်မှုများကိုပါ ပေးစွမ်းနိုင်မှာပါ။ တစ်ကိုယ်ရည်ကျန်းမာသန့်ရှင်းရေးဆိုင်ရာ အခြေခံအချက်များကို နေ့စဉ်ကျင့်သုံးခြင်းဖြင့် မိမိကိုယ်တိုင်အနေဖြင့်ရော၊ လူမှုဆက်ဆံရေးဝန်းကျင် အသိုင်းအဝန်းမှာပါ အကောင်းဆုံးရလဒ်များကို ရရှိနိုင်ပါလိမ့်မယ်။



(၁) နေ့စဉ်ပုံမှန်ရေချိုးပါ။
ပင်ပန်းနွမ်းနယ်နေသည့် အချိန်ပဲဖြစ်ဖြစ်၊ ညစ်ပတ်ပေကျံနေသည့် အခါပဲဖြစ်ဖြစ် ပုံမှန်ရေချိုးပေးဖို့ လိုအပ်ပါတယ်။ နံနက်တိုင်းနဲ့ အားကစားပြုလုပ်ပြီးသည့်အခါများမှာ ရေချိုးပေးရပါမယ်။ မိမိကိုယ်မှ အနံ့အသက်များကို ကိုယ်ကိုယ်တိုင်မရနိုင်ပေမယ့်လည်း အခြားသူများက ရရှိနိုင်သောကြောင့်ပါ။

(၂) အမွှေးအကြိုင်များကို အကန့်အသတ်ဖြင့်သာသုံးပါ။
အကယ်၍ အမွှေးနံ့ပါသောဆပ်ပြာ သို့မဟုတ် ခေါင်းလျှော်ရည်များကို သုံးစွဲလျှင် ချက်ချင်း အမွှေးနံ့များကို အလွယ်တကူ ရရှိနိုင်ပါတယ်။ မိမိနှင့်လိုက်ဖက်တဲ့မွှေးရနံ့တစ်ခု ဒါမှမဟုတ် နှစ်ခုကိုသာရွေးချယ် သုံးစွဲသင့်ပါတယ်။ လူအများစုက အမွှေးအကြိုင်နှင့်ပတ်သက်၍ ခံစားသိရှိလွယ်ကူကြပြီး ပြင်းသောမွှေးရနံ့များက တခြားသူများအား မနှစ်မြို့စေဘဲ စွဲဆောင်မှုလည်းမရှိပါဘူး။

(၃) သန့်ရှင်းသောအဝတ်အစားများကိုသာ ရွေးချယ်ဝတ်ဆင်ပါ။
အကြိမ်အနည်းငယ် ထပ်ခါထပ်ခါ ဝတ်ထားသော အဝတ်အစားများကို သေချာလျှော်ဖွတ်ပါ။ တစ်နေကုန် ချွေးပြန်ထားပြီး ချွေးနံ့များထွက်နေသော အဝတ်အစားတို့ကို တစ်ကြိမ်သာ ဝတ်၍လျှော်ဖွတ်ပါ။ အခြောက်ခံစက်ဖြင့် အခြောက်ခံထားသော သို့မဟုတ် မီးပူတိုက်ထားသော အဝတ်အစားများကို ချက်ချင်းချိတ်ဖြင့် ချိတ်၍ထားပါ။



(၄) တစ်နေ့သုံးကြိမ်သွားတိုက်ပါ။
သွားနဲ့ခံတွင်း ကျန်းမာရေးနဲ့ ခံတွင်းရနံ့မွှေးပျံ့စေခြင်းတို့အတွက် သင်၏သွားများကို တစ်နေ့သုံးကြိမ် တိုက်ပေးပါ။ သွားသန့်ရှင်းရေး ပြုလုပ်သည့်ကြိုးဖြင့် နေ့စဉ်သန့်ရှင်းရေးပြုလုပ်ပြီး သင့်လျှာကိုလည်း သန့်ရှင်းရေးပြုလုပ်ပါက အနံ့ဆိုးများနှင့် ဘက်တီးရီးယားပိုးများပေါက်ပွားခြင်းမှ ကာကွယ်ပေးနိုင်ပါသည်။ ခံတွင်းရနံ့မွှေးပျံ့စေဖို့အတွက် ငုံဆေးကိုလည်း ဆောင်ထားပါ။ မကြာသေးမီက ကော်ဖီသောက်ထားခဲ့လျှင် သို့မဟုတ် နှစ်မြို့ဖွယ်မကောင်းသော ကြက်သွန်နီ၊ ကြက်သွန်ဖြူ၊ အနံ့ပြင်းသော ဒိန်ခဲ သို့မဟုတ် ဟင်းခတ်အမွှေးအကြိုင်များ ခတ်ထားသော အစားအစာများစားသုံးထားပါက လူအများနှင့်စကားမပြောခင် သွားတိုက်ခြင်း သို့မဟုတ် ငုံဆေးပြားကိုအသုံးပြုပါ။

(၅) လက်သည်းခြေသည်းများကို သန့်သန့်ရှင်းရှင်းသပ်သပ်ရပ်ရပ်ထားပါ။
နေ့စဉ် လက်သည်းအောက်ဖက်မှ အညစ်အကြေးများကိုဖယ်ရှား၍ လက်ကို သေသေချာချာဆေးပါ။ လက်သည်းများကို ညီညီညာညာထားရှိပြီး လက်သည်းအပိုင်းအစများကိုလည်း စနစ်တကျလွှင့်ပစ်ပါ။

(၆) မညီညာသော အမွှေးအမှင်များကို နုတ်ပါ သို့မဟုတ် ညှပ်ပါ။
နှာခေါင်းထဲ၊ နားထဲ၊ မျက်ခုံး၊ မေးစေ့နှင့် နှုတ်ခမ်းအပေါ်ဘက် ကဲ့သို့နေရာများတွင် မရှိသင့်သည့် အမွှေးအမှင်တို့ကို အမျိုးသားရော အမျိုးသမီးတွေပါ သတိထားဖို့လိုအပ်ပါသည်။ အမျိုးသားများ အသက်အရွယ်ရလာသောအခါ နား၊ နှာခေါင်းထဲရှိ မညီညာသော၊ ကောက်ကွေ့သော အမွှေးများနှင့် မျက်ခုံးမွှေးများကို ညှပ်ခြင်း သို့မဟုတ် နုတ်ခြင်းတို့ပြုလုပ်ရန် လိုအပ်သကဲ့သို့ အမျိုးသမီးများလည်း ဖယောင်းဖြင့်နှုတ်ခမ်းအထက်ပိုင်းရှိ မလိုအပ်သောအမွှေးများကို နုတ်ပယ်ပြီး အကယ်၍အမွှေးအမှင်များသည် ရှည်လာပြီး၊ မြင်မကောင်း၍ အရုပ်ဆိုးပြီးမညီမညာဖြစ်လာပါက နုတ်ခြင်း သို့မဟုတ် ညှပ်ခြင်းတို့ပြုလုပ်ပါ။



(၇) ဝက်ခြံများထွက်ခြင်းမှ ကာကွယ်ပါ။
သင့်တွင် ဝက်ခြံများရှိလျှင် ဝက်ခြံကိုကြိုတင်ကာကွယ် ကုသပေးနိုင်လောက်သော ဝက်ခြံများ ပျောက်ကင်းသည့် မျက်နှာသစ်ဆေးများ သုံးသင့်ပါသည်။

(၈) ခြေထောက်မှ အနံ့အသက်များထွက်ခြင်းမှ ကြိုတင်ကာကွယ်ပါ။
ရှူးဖိနပ်အတွင်းသို့ ကလေးပေါင်ဒါမှုန့်ထည့်ခြင်း၊ ဖိနပ်ကိုပေါင်ဒါမှုန့်ဖြင့် တိုက်ခြင်း သို့မဟုတ် ထိုင်နေစဉ်ကာလများတွင် ဖိနပ်ကို ခေတ္တချွတ်၍ လေဝင်လေထွက်ကောင်းအောင် ပြုလုပ်ပေးခြင်းဖြင့် အနံ့အသက်ဆိုးများကို ကာကွယ်နိုင်ပါသည်။ အထူးသဖြင့် အားကစားလှုပ်ရှားမှုများ ပြုလုပ်ပြီးချိန်တွင် ခြေအိတ်များကို မကြာခဏလဲလှယ်ပါ။

(၉) အဆီပြန်သောအသားအရေကို ခြောက်သွေ့အောင် ပြုလုပ်ပါ။
အဆီစုပ်စက္ကူများပါသော အထုပ်တစ်ထုပ်ကိုဝယ်ယူပြီး တစ်နေကုန်ထွက်သော အဆီများကို ၎င်းစက္ကူများကို အသုံးပြု၍ စုပ်ယူပါ။

Shwe beauty
Myanma Spectrum


အပြည့်အစုံသို့ »

ဆားဝက်ခြံများကို သဘာဝပစ္စည်းလေးတွေနဲ့ ရှင်းမယ်


ဆားဝက်ခြံဟာ ၀က်ခြံအမျိုးအစားတစ်မျိုးဖြစ်တယ်.နဖူး၊နှာခေါင်းနဲ့ မေးစေ့ တစ်ဝိုက်မှာ အများဆုံးတွေ့ရတတ်တယ်. မျက်နှာမှာရှိတဲ့ အဆီထုတ်တဲ့ gland တွေက အဆီတွေကို ပုံမှန်ထက်ပိုထုတ်တဲ့အခါ အရေပြားအောက်မှာ သွားပြီးစုကြတယ်.အဲဒီအဆီစုလေးတွေက ပြင်ပကလေနဲ့ထိတွေ့တဲ့အခါ မဲသွားကြတယ်.(ဒါကြောင့် ဆားဝက်ခြံဆိုမညှစ်နဲ့လို့ပြောကြတယ်)

ကဲ.အဲဒီလိုဆားဝက်ခြံလေးတွေကို ရှင်းပစ်လိုက်ရအောင်

- သစ်ခြပိုးခေါက်အမှုန့်တစ်ဇွန်းနှင့် ရှောက်ရည်တစ်ဇွန်းကို သမအောင်မွှေပါ။
မျက်နှာပေါ်တွင် ၁၅-၂၀မိနစ်ခန့်ထားပြီး ရေဖြင့်ဆေးပါ။ တစ်နေ့ကို ၂-၃ကြိမ်ပြုလုပ်ပေးပါ။

- ရှောက်ရည်တစ်ဇွန်း နှင့် မြေပဲဆီတစ်ဇွန်းကို သမအောင်မွှေပါ။
ဆားဝက်ခြံနေရာတွင် ၁၅-၂၀မိနစ်ခန့်ထားပြီး ရေဖြင့်ဆေးပါ။

- လတ်ဆက်သောနံနံပင်အား လက်တစ်ဆုပ်ဆာယူပြီး အရည်ထွက်တဲ့ထိခြေပေးပါ။ နနွင်းအနည်းငယ်ရောပြီးသမအောင်မွှေပါ။ ပြီးလျှင်မျက်နှာအားသေချာစွာဆေးကြောပါ။ သက်သာသည်ထိ ညအိပ်ရာမ၀င်ခင်တိုင်းပြုလုပ်ပေးပါ။

(ဆားဝက်ခြံများထွက်တတ်သော အမျိုးသမီးများသည် oil (အဆီ)များကိုအခြေခံပြီးထုတ်ထားသော အလှကုန်များရှောက်ကြဉ်ရမည်။)

အလှအပရေးရာမှဘာသာပြန်သည်။

ပျိုမေတို့သိစေဖို့ မှ ပြန်လည်မျှဝေပါသည်။

Credit to အလှအပရေးရာ

အပြည့်အစုံသို့ »

တင်ပါးနှင့် ပေါင်တံကြီးသူတို့ ရွေးချယ်သင့်သော ဖက်ရှင်




တင်ပါးနေရာနဲ့ ပေါင်တံကြီးသူတွေဟာ ခန္ဓာကိုယ်လှသူတွေုလို့ အပြောများကြပါတယ်။ ခန္ဓာကိုယ် ပြည့်ဖြိုးသူတွေ ဖြစ်တတ်ကြပြီး အရပ်ပါရှည်တယ် ဆိုရင်တော့ သင်က ကံကောင်းတဲ့ ကိုယ်လုံးအလှ ပိုင်ရှင်ပါပဲ။ တင်ပါးနဲ့ ပေါင်တံကြီးသူတွေ အတွက် ရွေးချယ်သင့်တဲ့ ဖက်ရှင်တွေကို လေ့လာကြည့်ရအောင်နော်။

ခါးစည်းထားသော အ၀တ်အစား

ဘယ်အ၀တ်အစားကိုပဲ ၀ယ်ဝယ် သင့်ခါးနေရာမှာ စည်းထားတဲ့ ပုံစံမျိုးနဲ့ အ၀တ်အစားတွေက သင့်ခန္ဒာကိုယ်ကို ပိုမိုလှပစေဖို့ အထောက်အပံ့ပေးနိုင်ပါတယ်။

ခါးပတ်ဖြင့် တွဲဝတ်ပါ

ခါးနေရာမှာ စည်းမထားဘူးဆိုရင် ခါးပတ်လှလှတွေနဲ့ တွဲဖက်ဝတ်ဆင်ရတဲ့ ၀တ်စုံမျိုးတွေကို ရွေးချယ်ဝတ်ဆင်ပါ။ ခါးပတ်လှလှတွေက သင့်တင်ပါးနဲ့ ပေါင်တံတွေကို သတိမထားမိတော့ဘဲ သဲနာရီပုံစံ ခန္ဓာကိုယ်မျိုးကို ပိုင်ဆိုင်နိုင်စေမှာ ဖြစ်ပါတယ်။

အေ ပုံစံဝတ်စုံမျိုးကို ရွေးပါ

အောက်ပိုင်းကို ကျပ်သွားစေတဲ့ ၀တ်စုံမျိုးထက် အေ ပုံစံလို အပေါ်ပိုင်းကျပ်ပြီး အောက်ပိုင်းကို ကားသွားစေတဲ့ အ၀တ်အစား ဒီဇိုင်းမျိုးကို ရွေးချယ်ပေးပါ။

ကွက်တိ အ၀တ်အစားတွေကို မရွေးပါနှင့်

အရောင် တစ်မျိုးတည်း အပေါ်အောက် ၀မ်းဆက် အကျပ်တွေကို မရွေးပါနှင့်။ သေတ္တာလို ခန္ဓာကိုယ်လို့ ထင်ရစေပါတယ်။ အရောင်တွေ စပ်ထားတာမျိုး၊ ခါးနေရာကို ပေါ်လွင်စေတာမျိုးကိုသာ ရွေးချယ်ပါ။ အောက်ပိုင်းကျပ်နေတဲ့ အ၀တ်အစားတွေက သင့်တင်ပါးနဲ့ ပေါင်တံတွေကို ပိုကြီးတယ်လို့ ထင်ရစေပါတယ်။

စကပ်ကျပ်ကျပ်တွေကို ၀တ်ပါ

စကပ်ဆိုရင်တော့ အောက်ကားနေတဲ့ စကပ်မျိုးထက် အောက်ပိုင်းကို ကျပ်နေတဲ့ စကပ်မျိုးက သင့်ခန္ဓာကိုယ်နဲ့ ပိုလိုက်ဖက်ပါတယ်။ စကပ်ကို ချပ်အပေါ်ပိုင်းအထိ တိုးဝတ်ပြီး ဒူးအပေါ်နားမှာ ကျပ်နေတဲ့ စကပ်အတိုမျိုးတွေကို ရွေးချယ်ပါ။

သဲသဲ

World Myanmar News

photo>> superfineusa.com

အပြည့်အစုံသို့ »

တင်းတိပ်ရောဂါနှင့် တိုင်းရင်းဆေး


မြန်မာ့ တိုင်းရင်းဆေး ပညာတွင် အရေပြား၌ ဖြစ်တက်သော တင်းတိပ် ရောဂါ အကြောင်းကို တွေ့ရှိနိုင် ပါသည်။ တင်းတိပ် ရောဂါနှင့် ပတ်သက်၍ မြန်မာ့ တိုင်းရင်း ဆေးဝါးများနှင့် ကိုယ်တိုင် ကုသလိုသူများ၊ တိုင်းရင်း ဆေးဝါး အကြောင်းနှင့် စပ်လျဉ်း၍ သိရှိလို ကြသည့် စာဖတ် ပရိသတ်များ ဆေးဝါး အဖြစ် သုံးစွဲနိုင်မယ့် အိမ်သုံးဆေး နည်းများကို တင်ပြလိုက် ပါသည်။ တင်းတိတ် ရောဂါ ဆေးနည်းများမှာ -

သိန္ဓာဆား (Rock Salt) – Native Sodium Chloride (NaCL)
——————————————————-
သိန္ဓောဆားသည် သဘာဝ မြေထွက် ပစ္စည်း ဖြစ်ပါသည်။ မာကျောသော အစိုင်အခဲများ ဖြစ်သည်။ တူးဖော် တွေ့ရှိသည့် နေရာဒေသကို အစွဲပြု၍ အရောင်အားဖြင့် အနီ၊ အညို၊ လိမ္မော်၊ ပန်းရောင်၊ အဖြူ ဟူ၍ ရှိပါသည်။ အကြည်၊ အနောက်ဟူ၍ သဏ္ဍာန် ကွဲပြား တက်ပါသည်။

ပါဝင်သည့် ဒြပ်စင်များ
———————-
ယနေ့ တိုင်းရင်း ဆေးဝါးများ ဖော်စပ် ရာတွင် အသုံး တွင်ကျယ် နေသည့် သိန္ဓောဆားတွင် ဆိုဒီယမ် ကလိုရိုဒ်သည် အဓိက ဓါတ်ပေါင်း အနေနှင့် ပါဝင်ပါသည်။ ဆိုဒီယမ် ကလိုရိုဒ် ၉၆ ရာခိုင်နှုန်းခန့်မှ ၉၉ ရာခိုင်နှုန်းခန့်၊ ကယ်လ်စီယမ် ကလိုရိုဒ် ၀.၀၁ ရာခိုင်နှုန်းခန့်မှ ၉၉ ရာခိုင်နှုန်းခန့်၊ ကယ်လစီယမ် ဆာလဖိတ် ၁.၂ ရာခိုင်နှုန်းမှ ၁.၆ ရာခိုင်နှုန်း၊ ပိုတက် ဆီယမ် ကလိုရိုဒ်နှင့် မဂ္ဂနီဆီယမ် ကလိုရိုဒ်တို့ အနည်းငယ် ပါရှိ ကြောင်းကို တွေ့ရှိရပါသည်။

တိုင်းရင်း ဆေးဝါးများ ဖော်စပ်ရာတွင် သိန္ဓောဆားကို ထည့်သွင်း အသုံးပြုလေ့ ရှိပေသည်။ စားဆေးများ ထုတ်လုပ် ရာတွင် သိန္ဓောဆားကို တိုင်းရင်း ဆေးပညာ ဦးစီးဌာန၊ သုတေ သနဌာနမှ သတ်မှတ် ထားသော နှုန်းထားထက် ပိုမိုသုံးခြင်း၊ နာတာရှည် ရောဂါ ကုသ ဆေးဝါး များ၌ ထည့်သွင်း ဖော်စပ်သည့် ဆေးဝါးများကို ရေရှည် စားသောက်ခြင်းသည် တန်ဆေး လွန်ဘေး ဆိုသည့် ဆောင်ပုဒ်အရ ဘေးထွက် ဆိုးကျိုးများနှင့် ရင်ဆိုင် နိုင်ဖွယ်ရှိကြောင်းကို တိုင်းရင်းဆေး ကိုယ်တိုင် ဖော်စပ် စားသုံး သူများ၊ သတိထားသုံးစွဲသင့်ကြောင်း ဤဆောင်းပါးတွင် အသိပေး တင်ပြလိုက်ရ ပေသည်။

သိန္ဓောဆား တင်းတိပ် ရောဂါကု လိမ်းဆေး
—————————————-
သနပ်ခါးသည် သဘာဝ အတိုင်း လှပမှုကို ပေးဆောင်နိုင်သည်။ မြန်မာ့ဒေ သ ပေါက်ပင်လည်း ဖြစ်ပါသည်။ အချို့အမျိုးသမီး အမျိုးသားများသည် ကျန်းမာ၍ လှပစေရန် သနပ်ခါးကို နေ့စဉ်လိမ်းကြပါသည်။ တင်းတိပ်များ ရှိသော သူများ အတွက် သိန္ဓောဆားကို ဆေးဝါးအဖြစ် အသုံးပြုနိုင်ပါသည်။ သနပ်ခါး သွေးပြီး အရည်တွင် သိန္ဓောဆား စပါးစေ့တစ်စေ့ခန့် ရောစပ်ပြီး တင်းတိပ်ရှိသော နေရာကို တစ်နေ့တစ်ကြိမ်ခန့် နေ့စဉ် လိမ်းပေးနိုင်ပါသည်။ ဇွဲရှိရှိလိမ်းပေးရန် လိုအပ်ပါသည်။ ဤဆေးနည်းမှာ တိုင်းရင်းဆေးဝါး ထုတ်လုပ်လိုသူများ အတွက် နည်းကောင်းဖြစ်ပါသည်။ တင်းတိပ်ဝေဒနာရှင်များ အတွက်လည်း လွယ်ကူသော ဆေးနည်း တစ်နည်း ဖြစ်ကြောင်းကို ဖော်ထုတ်တင်ပြ လိုက်ရခြင်း ဖြစ်ပါသည်။

ပင်လယ်ရေမြှပ်ကုထုံး
———————
ပရဆေးဆိုင်များတွင် ဝယ်ယူရရှိနိုင်သည့် ဆေးပစ္စည်း ဖြစ်ပါသည်။ တင်းတိပ်ရောဂါအတွက် ကုသနိုင်သော ဆေးကောင်း တစ်လက် ဖြစ်ပါသည်။ ပြည်တွင်းထွက် ကုန်ကြမ်းလည်း ဖြစ်ပါသည်။ သနပ်ခါးသွေးရည်နှင့် တွဲဖက်အသုံးပြုနိုင်ပါသည်။ သနပ်ခါးသွေးရာတွင် ပင်လယ်ရေမြှပ်ကို အနည်းငယ် ထည့်၍ သွေးပါ။ ရရှိသော အရည်ကို တင်းတိပ်ရှိသော နေရာတစ်ဝိုက်ကို တစ်နေ့သုံးကြိမ် လိမ်းပေးပါ။ မကြာမီ ရက်ပိုင်းအတွင်း တင်းတိပ်များ လျော့ပါးပြီး လုံးဝ ပျောက်ကင်းသွားနိုင်သည်အထိ ဆေးစွမ်းထက်မြက် စေပါသည်။

ကျောက်ချဉ် (ALUM)
———————-
ကျောက်ချဉ်၏ ဓါတုဗေဒအမည်မှာ လေးမျိုးလေးစား ရှိကြောင်းကို ဆေးကျမ်းများ၌ ဖော်ညွှန်းကြပါသည်။ ကျောက်ချဉ်လေးမျိုးစလုံးသည် ဖန်၍ အနည်းငယ်ချဉ်သော အရသာ ရှိကြပါသည်။ တိုင်းရင်းဆေးဝါးများ ဖော်စပ်ရာတွင် တွဲဖက်ဆေးပစ္စည်းအဖြစ် အနည်းငယ်မျှသာ အသုံးပြုလေ့ ရှိကြပါသည်။ နေ့စဉ်လိမ်းနေကျ မြန်မာ့သနပ်ခါးရည်တွင် ကျောက်ချဉ်ကို မုန့်ညှင်းစေ့ တစ်စေ့ခန့် ထည့်သွေးပြီး မျက်နှာတွင် လိမ်းပေးနိုင်ပါသည်။ နံနက်တစ်ကြိမ်၊ ညတစ်ကြိမ် တစ်နေ့ ၂ ကြိမ်လိမ်းပေးနိုင်ပါသည်။ ဆေးမလိမ်းမီ မျက်နှာကို သန့်စင်ဆေးကြောပေးရန် လိုအပ်ပါသည်။ ဤဆေးနည်းသည် တင်းတိပ်ဖြစ်ခြင်း၊ မျက်နှာတွင် အစပ်အပြောက်များရှိခြင်း၊ မျက်နှာအရေပြား ကြမ်းတမ်းမှု ရှိသူများအတွက် သုံးစွဲနိုင်သော မျက်နှာလိမ်းဆေး ဖြစ်ပါသည်။

နနွင်း (CURCUMA LONGALINN)
———————————–
နနွင်းမှာ မီးဖိုဆောင် အသုံးဝင်ပစ္စည်းဖြစ်သည်။ နနွင်းသည် ကျန်းမာရေး ပြဿနာ များစွာကို ဖြေရှင်း ရာတွင်အားကိုးလောက်သည့် အပင်အဖြစ် နိုင်ငံခြား သုတေသနစာတမ်းများစွာမှ ထောက်ပြလျက် ရှိပါသည်။ အရေပြားရောဂါများအတွက် အလွန်အသုံးဝင်သော ထူးခြားသည့် ဆေးပင်အဖြစ် ဆေးပညာရှင်များမှ အသိအမှတ်ပြု လက်တွေ့သုံးစွဲလျက်ရှိသော ဆေးပင်လည်း ဖြစ်ပါသည်။ နနွင်းသည် တင်းတိပ်ရောဂါ ကုသရာတွင် အဖိုးတန် ဆေးတစ်လက် ဖြစ်ပါသည်။ သန့်စင်လတ်ဆတ်သည့် နနွင်းတစ်တက်ကို နွားနို့ အနည်းငယ်နှင့် သွေးပါ။ ရရှိသော ဆေးရည်ကို တင်းတိပ်ရှိသော နေရာတစ်ဝိုက်ကို လိမ်းပေးနိုင်ပါသည်။ တစ်နေ့သုံးကြိမ် လိမ်းပေးပါ။ ဤကုထုံးမှာ အိမ်တွင်းကုထုံးဖြစ်ပြီး လူတိုင်းလွယ်ကူစွာနှင့် တင်းတိပ်ကို ဖယ်ရှား နိုင်ပါလိမ့်မည်။

ကွမ်းပင် (PIPER BETLELINN)
——————————-
စိုက်ပျိုးပင်အဖြစ် တွေ့ရှိရပြီး အချိန်မရွေး၊ ဒေသမရွေး လွယ်ကူစွာ အသုံးပြုနိုင်သော အပင်ဖြစ်ပါသည်။ ကွမ်းရွက်သည် တင်းတိပ်ရောဂါ ကုသရာတွင် အစွမ်းထက်မြက်စေပါသည်။ ကွမ်းရွက်ပေါင်းရည်ကို အသုံးပြုရသည်။ သုံးစွဲရန် ပြုလုပ်နည်းမှာ ကွမ်းရွက်ကို ပါးပါးလှီး ဖြတ်တောက်၍ ရေအနည်းငယ်နှင့် ပြုတ်ပါ။ ပြုတ်၍ ရသော အရည်အေးလျှင် ပျားရည်တစ်ဝက်ကို ရောစပ်၍ ပုလင်းနှင့်ထည့်ထားပါ။ ဆေးရည်ကို လိမ်းလိုသော အချိန်တွင် ပုလင်းကို လှုပ်ပြီး မနက်တစ်ကြိမ်၊ ညနေတစ်ကြိမ် လိမ်းပေးနိုင်ပါသည်။ ဆေးလိမ်း မည့်မျက်နှာကို သန့်စင်အောင် ဆေးကြောပေးရန် လိုပါသည်။ ဆေးလိမ်းတိုင်း မျက်နှာသစ်ပေးရန် လိုအပ်ပါသည်။

ကွမ်းရွက်တွင် ပါဝင်သော အပင်ထွက် ဓါတုဒြပ်စင်များ (PHYOTO CHEMICAL)
————————————–
ကွမ်းရွက်တွင် အောက်ဖော်ပြပါ အပင်ထွက် ဓါတုဒြပ်စင်များ ပါကြောင်းကို သုတေသန တွေ့ရှိထားချက် ဖြစ်ပါသည်။
OIL -EUGENOL, METHYL
EUGENOL TERPINEOL,
LEAVE/ CHAVICOL,
CHAVIBETOL,
CHAVIBETOLACETATE,
ALLYPYROCATECOHOL, တို့ ပါဝင်ကြောင်း သိရှိရသည်။

တင်းတိပ်လိမ်းဆေး
———————–
ဆေးပုလင်း အမြစ်မှုန့်တစ်ဆ၊ ဒုတ္တာအမှုန့်တစ်ဆ၊ ဘုမ္မရာဇာ အမြစ်မှုန့် တစ်ဆ၊ ဇာတိပ္ဖိုလ်သီး အမှုန့် တစ်ဆ၊ နံ့သာဖြူအမှုန့် တစ်ဆ၊ အုန်းမှုတ်ခွံအခြောက်မှုန့် တစ်ဆ၊ ဤဆေးဖက်ဝင် အားလုံးကို သမအောင် ရောစပ်၍ ပုလင်းတစ်ပုလင်းနှင့် ထည့်ထားပါ။ အသုံးပြုအညွှန်းမှာ သနပ်ခါးသွေး၍ ရရှိသော အရည်တွင် ဆေးမှုန့်စပါးစေ့ခန့်ထည့်ပြီး ရောစပ်ပြီး အရည်ကို တင်းတိပ်ရှိသော အရေပြားတွင် လိမ်းပေးပါ။ နံနက်တစ်ကြိမ်၊ ညနေတစ်ကြိမ် လိမ်းပေးပါ။

တင်းတိပ်လိမ်းဆေးအဆီ
—————————
ကျောက်ချဉ်မှုန့်တစ်ဆ၊ ဒုတ္တာမှုန့်တစ်ဆ၊ ကြက်သွန်ဖြူ အစိမ်းတစ်ဆ၊ (ထုထောင်းထားပါ)၊ ဆီမီးတောက်ဥ အမှုန့်တစ်ဆ၊ ငရုတ်ကောင်းမှုန့်တစ်ဆ အားလုံးကို သမအောင် ရောစပ်ပြီး နှမ်းနက်ဆီ ၁၀ ဆနှင့် မီးဖြင့်ချက်ပါ။ အအေးခံပါ။ ဆီကိုစစ်ပြီး ပုလင်းနှင့် ထည့်ထားပါ။ တင်းတိပ်ရှိသော နေရာတွင် ဆေးဆီ အနည်းငယ်ကို ညအိပ်ယာဝင်ချိန်တွင် လိမ်းပေးပါ။

တင်းတိပ်လိမ်းဆေး
———————
မရိုးဆေးတစ်ဆ၊ နနွင်းမှုန့်တစ်ဆ ရောစပ်၍ ဆေးတောင့်ပြုလုပ်ပြီး အခြောက်ခံထားပါ။ တင်းတိပ်ရှိ သောနေရာတစ်ဝိုက်ကို ရေအနည်းငယ်နှင့် သွေးပြီး ညအိပ်ယာ ဝင်ချိန်တွင် လိမ်းပေးပါ။

နံနံစေ့ (CORIANDRUM SATIVUML)
—————————————
နေပူဒဏ်များ၊ လေပူဒဏ်နှင့် ထိတွေ့မှုများလာလျှင် ဓါတ်မတည့်မှုကြောင့် အချို့လူတွေမှာ တင်းတိပ်ကို ဖြစ်စေပါတယ်။ ဒါ့အပြင် အမည်းစက်တွေကိုလည်း ဖြစ်စေပါတယ်။ တင်းတိပ်တွေ၊ အမဲစက်တွေကြောင့် စိတ်ပျက်ပြီး လှချင်ပချင်သူတွေ အတွက် သဘာဝဆေးနှင့် လှပနိုင်မည့် နည်းလမ်းတွေကို တင်ပြထားပါသည်။ သဘာဝအပင်ထွက် ပစ္စည်းလေးတွေနဲ့ အလှပြုပြင်ရတာ အန္တရာယ်များနှင့်လည်း ကင်းဝေးစေပြီး ဘေးထွက်ဆိုးကျိုး များလည်း လျော့နည်းစေပါသည်။

အိန္ဒိယနိုင်ငံ၊ တရုတ်နိုင်ငံ၊ မလေးရှားနိုင်ငံများတွင် ဟင်းခတ်အမွှေးအကြိုင်များအဖြစ် အသုံးပြုကြတဲ့ နံနံစေ့ Coriandrum Sativum L. အပင်၏ ကမ္ဘာ့ကုန်သွယ်မှုအမည်မှာ Coriander ဖြစ်ပါတယ်။ ကမ္ဘာတစ်လွှားမှာ ရောင်းကုန် (ထွက်ကုန်)အဖြစ် ပေါ်လွင်နေပါပြီ။ အဲဒီနံနံစေ့ဟာ ဘက်တီးရီးယား (Bacteria) ပိုးများကိုပင် သေစေနိုင်ကြောင်း ဆေးသုတေသနမှ တွေ့ရှိထားပြီး ဖြစ်ပါသည်။ နံနံမှ ထုတ်ယူရရှိသည့် အဆီများကို ဆိုလျှင် နိုင်ငံတကာ တိုင်းရင်းဆေးဝါးများ၊ သိပ္ပံဆေးဝါးအချို့တွင် ထည့်သွင်း အသုံးပြုနေပြီ ဖြစ်ပါသည်။ နံနံစေ့မှာ သဘာဝ အမွှေးဆီ Coriander Essential Oil, Fixed Protein တို့ကြွယ်ဝစွာ ပါဝင်ကြပါသည်။

နံနံစေ့ကို ပြုတ်ဆေးရည် ပြုလုပ်ပြီး ညအိပ်ယာဝင်တိုင်း မျက်နှာကို လိမ်းပေးပါ။ ဤသို့နေ့စဉ် ဆောင်ရွတ်ပေးခြင်းဖြင့် မကြာမီရက်များအတွင်း တင်းတိပ်၊ ဝက်ခြံမည်းများ၊ မှဲ့ခြောက်များ၊ ဆားဝက်ခြံများကို သိသိသာသာ လျော့ပါးလာစေပြီး အလှပိုင်ရှင်လေးတစ်ဦး ဖြစ်လာစေနိုင်ပါတယ်။

ဒန္တသုခပင် SCOPARLA DULCIS LINN
—————————————–
ဒန္တသုခပင်ကို အာယုဒ္ဒ ဗ္ဗေဒ အခြေခံသော သက္ကတ ဘာသာအားဖြင့် ဝနဓနိယဟု ခေါ်ဆိုပါသည်။ တောနံနံပင်ဟု အဓိပ္ပါယ်ဖော်ဆောင်၍ ရပါသည်။ အခြေခံ အကြောင်းအရင်းမှာ ရင့်၍ ပွင့်ဖတ်ကလေးများ ကြွေကျသွားသောအခါ နံနံစေ့ သဏ္ဍာန် အသီးကလေးများ ကျန်ရစ်ခဲ့တက်သည်ကို အစွဲပြု၍ ခေါ်ခြင်း ဖြစ်ပါသည်။ မြန်မာ့တိုင်းရင်းဆေး ပညာရှင်များကမူ မြက်ချိုပင်၊ မန်းလေးပင်၊ မဆလာပင်၊ ဒန္တသုခပင် ဟု အရပ်ဒေသအလိုက် အမျိုးမျိုးဝေါဟာရပြု၍ ခေါ်ဆိုကြပေသည်။ တင်းတိပ်ရောဂါအတွက် ဆေးကောင်း တစ်လက်အဖြစ် ရွေးချယ်သုံးစွဲနိုင်ပါသည်။ အသုံးပြုနည်းမှာ သွေးပြီးသနပ်ခါးရည်တွင် လတ်ဆတ်သော ဒန္တသုခ ရွက်စိမ်းကို ကြိတ်ခြေ၍ သတ္တုရည်ကို ထုတ်ယူပါ။ ရရှိသော အရည်အနည်းငယ်နှင့် သနပ်ခါးရည် ရောစပ်၍ အိပ်ယာဝင်တိုင်း လူး၍ အိပ်ပါ။နန်းလုံးကြိုင် အသီးတစ်ဆ၊ ဂုံမင်းသီးတစ်ဆတို့ကို ကျွမ်းအောင်မီးဖုတ်၍ အမှုန့်ပြုပါ။ နှမ်းဆီစစ်စစ် နှင့် ရောစပ်၍ ပုလင်း၌ ထည့်ထားပါ။ အသုံးပြုလိုသောအခါ ပုလင်းကိုလှုပ်ပြီး ဆီအနည်းငယ်မျှကို တင်းတိပ်ရှိသော နေရာကိုလူးပေးပါ။

ပျိုမေတို့သိစေဖို့ မှ ပြန်လည်မျှဝေပါသည်။
__________________________________________
Ref : ကျော်တင့်ဆွေ ၊ ရောဂါကုသနည်း တိုင်းရင်းဆေးဝါးများ

အပြည့်အစုံသို့ »

ရက်အနည်းငယ် အတွင်းမှာ မျက်နှာကို ဖြူဖွေးအောင် လုပ်နိုင်တဲ့ နည်းလမ်းကောင်း




တကယ်လွယ်ပြီးတော့ တကယ်လည်း ကောင်းပါတယ်။ အသုံးပြုပြီး
ချိန်မှာ မျက်နှာတွင် သိသိသာသာ ဖြူဝင်းသွားစေမှာ ဖြစ်ပါတယ်။
ငွေကြေး အကုန်အကျ သက်သာပြီး အသုံးပြုရ တာလည်း လွယ်ကူပါတယ်။

အသုံးပြုပုံကတော့

(၁) သန့်စင်သော ခွက်တစ်ခုကို ယူလိုက်ပါ။

(၂) ထိုခွက်ထဲသို့ ပျားရည် လက်ဖက်စားဇွန်း ၂ ဇွန်းထည့်လိုက်ပါ။

(၃) သကြားလက်ဖက်စားဇွန်း တစ်ဇွန်းကိုလည်း ထည့်လိုက်ပါ။

(၃) သံပုရာရည် အနည်းငယ် ညစ်ထည့်ပြီး မွှေလိုက်ပါ။ သာကူကြို ပုံစံမျိုးဖြစ်သွား တာကို တွေ့ရပါလိမ့်မယ်။

ထို့နောက် လက်ပေါ်ကို အရင်ဦးဆုံး သုတ်လိမ်းကာ စမ်းသပ်နိုင် ပါတယ်။ တကယ် အသားဖြူပြီး ထိရောက်တယ် ဆိုမှာသာ သင်၏ မျက်နှာပေါ်သို့ လိမ်းလိုက်ပါ။ ရက်အနည်းငယ် လိမ်းရုံမျှဖြင့် မျက်နှာပေါ်မှာ ရှိတဲ့ ဝက်ခြံ အဖုများ အမာရွက်များနှင့် တစ်ခြား အရာများကို သိသာထင်ရှားစွာ ပျောက်ကွယ်သွား ပါလိမ့်မယ်နော်။

ကျော်လင်းနိုင် (ရိုးရာလေး)


အပြည့်အစုံသို့ »

အရေးပေါ် (၇)ရက်အတွင်း ၀ိတ်ချနည်း



''အကျီင်္လှလှလေး ၀တ်ဖို့ Emergency ၇ရက်အတွင်း ၀ိတ်ချနည်း''
သူငယ်ချင်း မင်္ဂလာဆောင်သွားစရာ ရှိလို့၊ ညစာစားပွဲ သွားရမှာမို့ အရေးပေါ် ၁ပတ်အတွင်း ၀ိတ်ချချင်ရင် အလုပ်ဖြစ်တဲ့ နည်းလေး တစ်ခုကို မျှဝေပေးချင်ပါတယ်။ ဂေါ်ဖီထုပ်ဟင်းချို ချက်နည်းလေးပါ။ ဒီနည်းက ရေရှည် ၀ိတ်ချချင်သူအတွက်တော့ အလုပ်မဖြစ်ပေမယ့် ၁ပတ်အတွင်း အကျီင်္လှလှလေး ၀တ်ဖို့အတွက်တော့ သင့်လျော်တဲ့နည်းပါ။

ကျန်းမာရေးနဲ့လည်း ညီညွှတ်တဲ့ အသီးအရွက်များဖြစ်တဲ့ ဂေါ်ဖီ၊ မုန်လာဥနီ၊ ခရမ်းချဉ်သီး၊ မှို စသည့်တို့ဖြင့် ပြုတ်ထားသော ဟင်းချိုကို ထမင်းနဲ့ ဟင်း နေရာမှာ အစားထိုး စားသုံးရမှာဖြစ်ပါတယ်။ ဟင်းချိုချည်းပဲ နေ့တိုင်းစားလို့ ဘယ်လို ဗိုက်ပြည့်မှာလဲလို့ ပြောစရာရှိပါတယ်။ ဂေါ်ဖီထုပ်ဟင်းချိုအပြင် သူ့နေ့အလိုက် သစ်သီး၊ ဟင်းသီးဟင်းရွက်၊ အမဲသား၊ အာလူး စသည်ဖြင့် တနေ့နဲ့ တနေ့ သူရဲ့ plan အတိုင်း အလှည့်ကျ စားသွားရင် ၁ပတ်အတွင်း အကျီင်္လှလှလေးတွေ ၀တ်နိုင်ပါလိမ့်မယ်။

ပထမနေ့ -

ဂေါ်ဖီထုပ်ပြုတ်ဟင်းချို နှင့် ငပျောသီးမှ လွှဲ၍ မိမိကြိုက်နှစ်သက်သော သစ်သီးများကို စားနိုင်သည်။ အရည်အတွက် မချိုသော လဘက်ရည်၊ cranberry juice နှင့် ရေကို သောက်သုံးနိုင်ပါသည်။

ဒုတိယရက် -

ဂေါ်ဖီထုပ်ပြုတ်ဟင်းချို နှင့် မိမိကြိုက်နှစ်သက်ရာ ဟင်းသီးဟင်းရွက်များကို စားသုံးနိုင်သည်။ ပဲနှင့် ပြောင်းဖူးကိုတော့ မစားသုံးပါနှင့်။ ညစာအတွက် ဆုကြေးအနေနဲ့ အာလူးကင်ကို ထောပတ်နဲ့ တွဲဖက် သုံးဆောင်နိုင်ပါတယ်။ ဒါပေမယ့် ဒုတိယနေ့အတွက် သစ်သီးများ မစားပါနှင့်။

တတိယရက် -

ပထမရက် နဲ့ ဒုတိယရက်ကို ပေါင်းပြီ ဂေါ်ဖီထုပ်ဟင်းချို၊ သစ်သီး၊ ဟင်းသီးဟင်းရွက် အားလုံးကို သုံးဆောင်လို့ရပါတယ်။ ဒါပေမယ့် အာလူးကင်တော့ မပါပါဘူး။

စတုတ္တရက် -

ဂေါ်ဖီထုပ်ဟင်းချို နှင့် ငပျောသီး (စားနိုင်သလောက် အများဆုံး ၈လုံး) လောက်စားနိုင်ပြီ အဆီမပါသော နွားနို့(အများဆုံး ၂ခွက်) သောက်နိုင်ပါတယ်။

ပဉ္စမရက် -

အမဲသား ၂၂အောင်စ၊ ခရမ်းချဉ် (အများဆုံး ၆လုံး) ကို စားသုံးနိုင်ပါတယ်။ အမဲသား မစားသူများအတွက် အရေခွံမပါသော ကြက်သား(သို့)ငါးကို ပြုတ်၍ဖြစ်စေ၊ ကင်၍ဖြစ်စေ စားသုံးနိုင်သည်။ ခန္ဒာကိုယ်ထဲမှ uric acid ကို ဖယ်ရှားရန် တစ်နေ့လုံး ရေကို ၆ခွက်မှ ၈ခွက်ထိ သောက်ပေးပါ။ သို့ပေမယ့် ဂေါ်ဖီထုပ်ဟင်းချိုကို အနည်းဆုံး ၁ကြိမ်တော့ စားဖို့ မမေ့ပါနှင့်။

ဆဌ္ဖမနေ့ -

တနေကုန် အမဲသားနှင့် ကြိုက်နှစ်သက်ရာ အရွက်တွေကို သုံးဆောင်နိုင်ပါသည်။ အမဲသားကို ၂၊ ၃တုံးထိပင် သုံးဆောင်နိုင်ပါသေးသည်။ သို့သော် အာလူးကင်တော့ မစားပါနှင့်။ ဂေါ်ဖီထုပ်ဟင်းချိုကတော့ အနည်းဆုံး ၁ကြိမ်သောက် စားပေးပါ။

သတ္တမနေ့ -

ထမင်းအညှိ၊ မချိုတဲ့ သစ်သီး နှင့် ဟင်းသီးဟင်းရွက် စားလို့ရပါတယ်။ ဂေါ်ဖီထုပ်ဟင်းချိုကိုတော့ အနည်းဆုံး ၁ကြိမ်တော့ သောက်ပေးပါအုန်း။

မှတ်ချက် ။ ။ ဒီဝိတ်ချနည်းက ရက်တို ရရက်အတွက်သာ ဖြစ်ပါသည်။ ၇ရက်ပြည့်သွားလျှင် ၂ပတ်ပုံမှန် စားနေကျအတိုင်း ပြန်စားပြီမှ ဒီဝိတ်ချနည်းအတိုင်း ပြန်စားရမှာပါ။ ရေရှည်စားဖို့ သင့်လျော်တဲ့နည်းမဟုတ်ပါ။

ဂေါ်ဖီထုပ် ဟင်းချိုချက်နည်း

ပါဝင်ပစ္စည်းများ

• ဂေါ်ဖီထုပ် - ၁စိတ် ( တကိုက်စာ အရွယ်ပိုင်းပေးပါ)
• မုန်လာဥနီ - ၂ဥ (ပါးပါးလှီးပါ)
• ငရုတ်ပွစိမ်း - ၂ခု (အစေ့ထုတ် အတုံးသေးများ တုံးပေးပါ)
• မှို - ၁၀ကျပ်သား (ထပ်ခြမ်းခြမ်းပေးပါ)
• ခရမ်းချဉ်သီး - ၂လုံး ( ၈စိမ်စိပ်ပေးပါ)
• ကြက်သွန်မြိတ် - ၁စည်း ( ပါးပါးလှီးပါ)
• ဟင်းခတ်အမှုန့် - စားပွဲတင်ဇွန်း ၁ဇွန်း
• ငရုတ်ကောင်းမှုန့် - အနည်းငယ်
• တုံယမ်းအခဲ - ၁ခဲ (optional)
• ဆား (လုံးဝ မထည့်ရပါ)

ချက်ပြုတ်နည်း

၁။ အိုးတစ်ခုထဲ ရေ(ရခွက်) ထည့်ပေးပြီ ဆူအောင်တည်ထားပေးပါ။
၂။ ဆူလာလျှင် ပါဝင်ပစ္စည်းများဖြစ်သော (ဂေါ်ဖီထုပ်၊ ငရုတ်ပွစိမ်း၊ မုန်လာဥနီ)တို့ကို ထည့်ပေးပါ။
၃။ ပြီမှ အနူလွယ်သော (မှို၊ ခရမ်းချဉ်သီး) တို့ကို ထည့်ပေးပြီ အရသာအတွက် ဟင်းခတ်မှုန့် နှင့် တုံယမ်းအခဲတို့ကို ထည့်ပေးပါ။
၎။ ဟင်းရွက်များ နူပြီဆိုလျှင် ကြက်သွန်မြိတ်၊ ငရုတ်ကောင်းမှုန့်တို့ကို ဖြူးပေးပါ။

မှတ်ချက် ။ ။ ဂေါ်ဖီထုပ်ဟင်းချိုကို များများစားပေးလျှင် ပိုဝိတ်ကျသည်။

ဘာသာပြန် : Wutyee Food House
Reference: Cabbage Soup Diet
by Wutyee Food House

အပြည့်အစုံသို့ »