Showing posts with label business-news. Show all posts
Showing posts with label business-news. Show all posts

ပုဂံသို့ ယခင်နှစ် ပထမ ငါးလထက် ပြည်ပခရီးသွား တစ်သောင်းကျော် ပိုဝင်


ရန်ကုန်၊ မေ ၂၉

မန္တလေးတိုင်း ညောင်ဦးမြို့နယ်ရှိ ပုဂံရှေးဟောင်းယဉ်ကျေးမှု ဒေသသို့ ယခုနှစ် ပထမ ငါးလအတွင်း ပြည်ပခရီးသည် ဝင်ရောက်မှုသည် ယခင်နှစ် ပထမ ငါးလထက် တစ်သောင်းကျော် ပို၍ လာရောက် လည်ပတ်ခဲ့ကြောင်း ဟိုတယ်နှင့် ခရီးသွားညွန်ကြားမှု ဦးစီးဌာန (ပုဂံ ရုံးခွဲ) ထံ စုံစမ်းသိရသည်။

၂၀၁၃ နှစ်၏ ဇန်နဝါရီမှ မေလအထိ ပထမ ငါးလအတွင်း ပြည်ပနိုင်ငံခြားသား ခရီးသွား ၉၅,၅၀၅ ဦး ဝင်ရောက်ခဲ့ရာမှ ၂၀၁၄ ခုနှစ် အလားတူ ကာလအတွင်း ၁၀၈,၈၁၇ ဦး ဝင်ရောက်ခဲ့ခြင်းကြောင့် ဖြစ်ကြောင်း အဆိုပါဌာန တာဝန်ရှိသူတစ်ဦးက ပြောကြားသည်။

၂၀၁၄ ခုနှစ် ဇန်နဝါရီလမှ မေလအထိ အဆိုပါ ဒေသသို့ ဥရောပနိုင်ငံများဘက်မှ ပြင်သစ်နှင့် ဂျာမနီ နိုင်ငံသားများ ဝင်ရောက်ခဲ့ပြီး အာရှနိုင်ငံများမှ တရုတ်နှင့် တောင်ကိုရီးယား နိုင်ငံသားများ အများဆုံး ဝင်ရောက်ခဲ့ကြောင်း အဆိုပါ ဌာန၏ ဧည့်သည် အဝင်စာရင်းအရ သိရသည်။

“အခုနှစ်တော့ နိုင်ငံခြားသား ခရီးသွားတွေ ပုဂံဒေသကို ပိုသွားကြတယ်” ဟု Sun Far ခရီးသွားလုပ်ငန်းမှ တာဝန်ရှိသူတစ်ဦးက ဆိုသည်။

မြန်မာခရီးသွား လုပ်ငန်းသည် မျှော်မှန်းထားသည်ထက် ပိုမို တိုးတက်လာနိုင်ကြောင်း၊ ထိုင်းနိုင်ငံ၏ နိုင်ငံရေး မတည်ငြိမ်မှုများနှင့် ဗီယက်နမ် နိုင်ငံတွင်လည်း အဓိကရုဏ်းများ ဖြစ်ပွားနေသဖြင့် ဥရောပနိုင်ငံ အစိုးရများက ၎င်းတို့ နိုင်ငံသားများကို ထိုနိုင်ငံများသို့ သွားရောက် လည်ပတ်ခြင်း မပြုရန် တားမြစ်ထားမှုကြောင့် မြန်မာနိုင်ငံအတွင်းသို့ ဝင်ရောက်မှု များပြားနိုင်ကြောင်း မြန်မာခရီးသွား လုပ်ငန်းရှင်များအသင်း အလုပ်အမှုဆောင် အဖွဲ့ဝင် ဦးအေးကျော်က မှတ်ချက်ပြု ပြောကြားသည်။

ပုဂံဒေသသို့ ၂၀၁၁ ခုနှစ်တွင် နိုင်ငံခြားခရီးသွား ၁၂၀,၁၉၄ ဦး၊ ၂၀၁၂ ခုနှစ်တွင် ၁၈၇,၇၉၆ ဦး၊ ၂၀၁၃ တွင် ၁၉၆,၃၆၅ ဦး ရှိခဲ့ပြီး၂၀၁၄ ခုနှစ်၏ ဇန်နဝါရီလမှ မေလအထိ ၁၀၈,၈၁၇ ဦး အထိ ရှိခဲ့သည်။

(အောင်သီဟ)
The Voice Weekly

အပြည့်အစုံသို့ »

ငါးနှစ်အတွင်း ရန်ကုန်တွင် ဟိုတယ်အခန်း ၅၀ ရာခိုင်နှုန်း တိုးလာမည်ဟု အမေရိကန်ဈေးကွက် သုတေသန ကုမ္ပဏီ ခန့်မှန်း


ရန်ကုန်၊ မေ ၂၉

ခရီးသွားလုပ်ငန်းနှင့် ဟိုတယ်လုပ်ငန်းများ အရှိန်အဟုန်ဖြင့် ဖွံ့ဖြိုး တိုးတက်လာသည့် အပြင် ယင်းကဏ္ဍတွင် နိုင်ငံခြားရင်းနှီးမြှုပ်နှံမှုများ အဆက်မပြတ် ဝင်ရောက်လာနေမှုကြောင့် လာမည့် ငါးနှစ်အတွင်း ရန်ကုန်မြို့တော်တွင် ဟိုတယ်အခန်း အရေအတွက် ၅၀ ရာခိုင်နှုန်းခန့် ထပ်မံ တိုးတက်လာမည် ဖြစ်ကြောင်း အမေရိကန်ပြည်ထောင်စု အခြေစိုက် နာမည်ကျော် ဈေးကွက် သုတေသနကုမ္ပဏီ Jones Lang LaSalle က ခန့်မှန်းလိုက်သည်။

လက်ရှိအချိန်တွင် ရန်ကုန်မြို့တော်တွင် အခန်းအရေအတွက် ၉၁၀၀ ကျော် ရှိနေပြီး အမေရိကန်၊ ထိုင်း၊ စင်ကာပူ၊ ဗီယက်နမ်၊ ကိုရီးယားစသည့် နိုင်ငံများမှ ဟိုတယ်ကဏ္ဍအတွင်း ပိုမို ဝင်ရောက်လာမှုကြောင့် လာမည့် ငါးနှစ်အတွင်း အခန်းအရေအတွက် ၄၅၀၀ ကျော် ထပ်မံ တိုးတက်လာမည် ဖြစ်ကြောင်း Jones Lang LaSalle က ယခု မေလလယ်ပိုင်းတွင် ထုတ်ပြန်သည့် Yangon Hotel Market Update အစီရင်ခံစာတွင် ဖော်ပြထားသည်။

“၂၀၁၁ နောက်ပိုင်း မြန်မာနိုင်ငံရဲ့ ဟိုတယ် လိုအပ်ချက်က သိသိသာသာ မြင့်မားလာပါတယ်။ ပြီးခဲ့တဲ့ ၁၂ လအတွင်းမှာ နိုင်ငံတကာက ဟိုတယ် အုပ်စုတွေကို ဒီမှာ မြင်နေရပါတယ်။ သူတို့ရဲ့ စီမံကိန်းတွေကို အမြန်ဆုံး အပြီးသတ်ပြီး လုပ်ငန်း စတင်နိုင်ဖို့ပါ” ဟု Jones Lang ဟိုတယ်တွေ လိုအပ်ချက်က ဆက်မြင့်နေဦးမှာပါ။ ၂၀၁၄ ကို ကျော်ပြီး ကြည့်လိုက်ရင် မြန်မာနိုင်ငံရဲ့ ဟိုတယ်ဈေးကွက် အလားအလာက တော်တော်ကို ထင်ထင်ရှားရှား ဖြစ်နေပါတယ်။ နိုင်ငံတကာ ရင်းနှီးမြှုပ်နှံသူတွေအတွက် အခွင့်အလမ်းတွေ ပြည့်နှက်နေပါတယ်” ဟု Andrew Langdon က ဆိုသည်။

ပြည်တွင်းပြည်ပမှ ဟိုတယ် စီမံကိန်းများကြောင့် အလုပ်အကိုင် အခွင့်အလမ်းများ တိုးတက်လာသကဲ့သို့ ပြည်ပခရီးသည် အဝင်များလာသောကြောင့် ခရီးသွားလုပ်ငန်းမှလည်း ဝင်ငွေ ပိုမို တိုးတက်လာကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနမှ တာဝန်ရှိသူတစ်ဦးက ဆိုသည်။

“Tourism Master Plan ကလည်း စနေပြီ ဆိုတော့ ဒီ Plan အရ ၂၀၂၀ မှာ ဝင်ငွေ ဒေါ်လာ ၂၀ ဘီလီယံလောက်နဲ့ ဧည့်သည် အဝင် ခုနစ်သန်းခွဲလောက် ဝင်ဖို့ မှန်းထားတယ်” ဟု ၎င်းကဆိုသည်။

ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနက ထုတ်ပြန်သော စာရင်းများအရ မြန်မာတစ်နိုင်ငံလုံးတွင် ဟိုတယ် ၈၀၀ ကျော်နှင့် အခန်းအရေအတွက် သုံးသောင်းနီးပါး ရှိပြီး ရန်ကုန်မြို့တွင် အခန်းအရေအတွက် ၉၀၀၀ ကျော် ရှိသော်လည်း နိုင်ငံတကာအဆင့် အခန်းအရေအတွက် ၁၅၀၀ ကျော်သာ ရှိကြောင်း သိရှိရသည်။

The Voice Weekly

အပြည့်အစုံသို့ »

မြန်မာပြည်မှာ လုပ်ကိုင်မယ့် နိုင်ငံတကာဘဏ်တွေကို ဗဟိုဘဏ် ရွေးချယ်တော့မယ်


နိုင်ငံခြားဘဏ်တွေကို လိုင်စင်ချပေးဖို့ ဗဟိုဘဏ်ဥက္ကဌဦးဆောင်တဲ့ ကော်မတီတစ်ခု သမ္မတရုံးညွှန်ကြားချက်နဲ့ ဖွဲ့စည်းခဲ့ပါတယ်။ ခန့်မှန်းခြေ နိုင်ငံခြားဘဏ် ၄ဝလောက်ထဲက ၁ဝခုကို ၂ဝ၁၄နှစ်ကုန်မှာ ရွေးချယ်နိုင်ဖို့ လျှောက်လွှာတွေ လက်ခံနေပါပြီ။ မြန်မာပြည်မှာ နိုင်ငံခြားဘဏ်တွေ ဖွင့်နိုင်တော့မှာလား။

ပြည်ထောင်စုလွှတ်တော်အနေနဲ့ ကုမ္ပဏီအက်ဥပဒေ၊ ငွေရေးကြေးရေးဆိုင်ရာ ဥပဒေတွေကို အတည်ပြုပြီးမှ အကောင်အထည်ဖော်ချင်တဲ့ သဘောရှိတယ်လို့ ပထမပုဂ္ဂလိကဘဏ် ဥက္ကဌ ဒေါက်တာစိန်မောင်က ဆိုပါတယ်။

နိုင်ငံတကာဘဏ်တွေ ဖွင့်လှစ်ပြီး ငွေကြေးဝန်ဆောင်မှုတွေပေးလာရင် ပြည်တွင်းဘဏ်တွေ မထိခိုက်အောင်နဲ့ ရင်းနှီးမြှုပ်နှံမှု အဟန့်အတားမဖြစ်အောင် လုပ်ဖို့လိုတယ်လို့ ဆိုပါတယ်။ ပြည်တွင်းဘဏ်တွေက နိုင်ငံတကာဘဏ်တွေကို ယှဉ်ဖို့ဆိုတာ ရေရှည်မှာ ထိခိုက်နိုင်တာကြောင့် ဗဟိုဘဏ်က စည်းမျဉ်းတွေချပေမယ့် လက်တွေ့အကောင်အထည်ဖော်မှရမယ်လို့ ဆိုပါတယ်။

နိုင်ငံခြားဘဏ်တွေဝင်လာမှာ တစ်ချို့ကကြောက်ပေမယ့် မူဝါဒကောင်းရင် နှစ်ဖက်အကျိုးရှိနိုင်တာမို့ သူကတော့ ကြိုဆိုတယ်လို့ ဒေါက်တာလှညွန့်က ပြောပါတယ်။ နိုင်ငံခြားဘဏ်တွေက ပြည်တွင်းဘဏ်လုပ်ငန်း ဝင်ရောက်စွက်ဖက်ခွင့် မရှိဘူးလို့ ဆိုပါတယ်။

ရန်ကုန်မြို့ Park Royal ဟိုတယ်မှာကျင်းပတဲ့ Global Political Risk Summit 2014 ကို IMF၊ ဗဟိုဘဏ်နဲ့ ပုဂ္ဂလိကဘဏ်တွေက မေလ ၂၉ရက်နေ့မှာ တက်ရောက်ခဲ့ပါတယ်။ မြန်မာပြည်ကုန်သွယ်မှုနှုန်းမြင့်ဖို့အတွက် ကုန်သွယ်မှုဆိုင်ရာ ငွေကြေးဝန်ဆောင်မှု တိုးတက်ရမှာမို့ နိုင်ငံတကာဘဏ်တွေဝင်လာရင် အထောက်အကူ ဖြစ်မယ်လို့ ဒေါက်တာမောင်အောင်က ပြောပါတယ်။

ဗဟိုဘဏ်ကတော့ နိုင်ငံခြားဘဏ်တွေကို ခွင့်ပြုလုပ်ကိုင်ရမယ့် ပုံစံနဲ့ စည်းမျဉ်းစည်းကမ်းတွေကို ရှင်းရှင်းလင်းလင်း ချပြထားတာ မရှိသေးပါဘူး

Kamayut Media

အပြည့်အစုံသို့ »

သေနတ်တစ်ချက် မဖောက်ရဘဲ မြန်မာနိုင်ငံနှင့် လုပ်ဖော်ကိုင်ဖက်ဖြစ်လာနိုင်ဟု အိုဘားမားပြော


မြန်မာနိုင်ငံသည် နောက်ကြောင်းပြန်မလှည့်ဘဲ အောင်မြင်ခဲ့လျှင် အမေရိကန်သည် သေနတ်တစ်ချက်မျှ မဖောက်လိုက်ရဘဲ လုပ်ဖော်ကိုင်ဖက်အသစ်ရလိုက်ခြင်းဖြစ်သည်ဟု အမေရိကန်သမ္မတ အိုဘားမားက ကြုံးဝါးလိုက်သည်။

“အမျိုးသား ပြန်လည်စည်းလုံးညီညွတ်ရေး ဖြစ်ထွန်းလာဖို့အတွက်၊ အကူအညီတွေနဲ့ ရင်းနှီးမြှုပ်နှံမှတွေ၊ ချော့ပြီးစည်းရုံးတာတွေနဲ့ တစ်ခါတစ်ရံမှာ လူသိရှင်ကြားဝေဖန်တာမျိုးတွေ ပြုလုပ်ပြီး၊ ကူညီထောက် ပံ့နေ ပါတယ်။ တိုးတက်မှုဟာ နောက်ပြန်ဆုတ်သွားနိုင်ပါတယ်။ ဒါပေမဲ့ မြန်မာနိုင်ငံရဲ့ ပြုပြင်ပြောင်းလဲရေးလုပ် ငန်းစဉ် အောင်မြင်သွားမယ်ဆိုရင် ကျွန်တော်တို့ဟာ သေနတ်တစ်ချက်မှမဖောက်လိုက်ရဘဲ မိတ်ဆွေ နိုင် ငံသစ်တစ်ခု ရလာပါလိမ့်မယ်” ဟု အိုဘားမားက ပြောသည်။

အမေရိကန်နိုင်ငံ၊ နယူးယောက်မြို့ရှိ (West Point Military Academy) တွင် မေ ၂၈ ရက်က စစ်ရေး လေ့ကျင့်ကျောင်းသားများကို မိန့် ခွန်းပြောရာတွင် ပြောခြင်းဖြစ်သည်။

အိုဘားမား၏ မိန့်ခွန်းနှင့် ပတ်သက်၍ “ဒီလိုအချိန်မှာ ဒီလိုစကားမျိုးမပြောသင့်ဘူး။ အင်အားကြီး နိုင်ငံတွေ အားပြိုင်နေချိန်၊ ကျွန်းဆွယ်နိုင်ငံတွေ အားကောင်းနေချိန်မှာ အမေရိကန်က လုပ်ရင်ဖြစ်တယ် ဆိုတာမျိုး ပေါ့” ဟု နိုင်ငံရေး လေ့လာသုံးသပ်သူ ဦးသန်းစိုးနိုင်က ဆိုသည်။

ထို့ပြင် ဦးသန်းစိုးနိုင်က မြန်မာနိုင်ငံသည် “ တရုတ်ရင်ခွင်ထဲဝင်တာလည်း မကောင်းဘူး၊ အမေရိကန် ရင် ခွင်ထဲ ၀င်တာလည်း မကောင်းဘူး” ဟု ဆိုသည်။

“မြန်မာနိုင်ငံသားတွေရဲ့ ရဲစွမ်းသတ္တိနဲ့ အမေရိကန်ခေါင်းဆောင်မှုနဲ့ သံတမန်ရေး စွမ်းဆောင်ကြိုးပမ်း မှု တွေကြောင့် တစ်ချိန်ကပိတ်ဆို့ထားတဲ့ လူ့အဖွဲ့အစည်းက မြန်မာခေါင်းဆောင်တွေဟာ မြောက်ကိုရီး ယား နဲ့ ခွဲခွာပြီး အမေရိကန်အပါအ၀င် မဟာမိတ်တွေနဲ့ထိတွေ့ဆက်ဆံမှု ပြုလာခဲ့ပါတယ်” ဟု အိုဘားမားက ဆိုသည်။

အိုဘားမားက မြန်မာနိုင်ငံကို တင်စားပြောဆိုရာတွင် အမေရိကန်ကို ရန်လုပ်နေသည့် “ပေကပ်ကပ်နဲ့ အာ ဏာရှင်နိုင်ငံတစ်ခု” ဟု ထည့်သွင်းပြောဆိုသည်။အိုဘားမား၏ ပြောဆိုချက်အရ မြန်မာနိုင်ငံ၏ ပြုပြင် ပြောင်းလဲရေး ဖြစ်စဉ် နှင့် အမျိုးသားပြန်လည်ရင်ကြားစေ့ရေးကိုလည်း ထောက်ခံနေသည်ဟု ဆိုသည်။

သေနတ်တစ်ချက်မှ မဖောက်လိုက်ရဘဲ လုပ်ဖောက်ကိုင်ဖက်ဖြစ်သွားနိုင်သည်ဟူသည့် အိုဘားမား၏ ပြော စကားနှင့် ပတ်သက်၍ “ ဒီစကားကတော့ အိုဘားမားက သူ့ကိုယ်သူ တော်တော် Over Confident (ယုံကြည်မှုလွန်ကဲခြင်း) ဖြစ်တာပဲဗျ။ ကျွန်တော်ကတော့ မကြိုက်ဘူး၊ မြန်မာနိုင်ငံ အပြောင်းအလဲမှာ အမေရိကန်ရဲ့ အကူအညီ အပြည့်အ၀မပါပါဘူး” ဟု အမျိုးသား လွှတ်တော်ကိုယ်စားလှယ် ဦးလှဆွေ က ဝေဖန်သည်။

နိုင်ငံရေးလေ့လာသုံးသပ်သူ ဦးဝင်းထွဋ်ဇော်ကမူ ““မြန်မာနိုင်ငံကို ဒီလိုမျိုး ဝေဖန်ဖို့ နည်းနည်းစောသေး တယ်လို့ ထင်တယ်” ဟု ဆိုသည်။

မြန်မာနိုင်ငံ၏ ပြုပြင်ပြောင်းလဲမှုများအပေါ် ချော့မြူကာ ပြောရသည်များရှိသလို တစ်ခါတစ်ရံလည်း လူသိ ရှင်ကြား ထုတ်ဖော်ဝေဖန်ရသည်ဟုဆိုပြီး နောက်ပြန်လှည့်ကောင်းလှည့်သွား နိုင်သည့် နိုင်ငံ တစ်နိုင်ငံ ဖြစ်သည်ဟု အိုဘားမားက ဆိုသည်။

မြတ်ကျော်သူ| သောကြာနေ့၊ မေလ ၃၀ ရက်၊ ၂၀၁၄ခုနှစ်။
Mizzima Burmese

အပြည့်အစုံသို့ »

ရေထွက်ပို့ကုန် ၃၀ ရာခိုင်နှုန်း ကျဆင်းခဲ့


ကုန်ဆုံးခဲ့တဲ့ ၂၀၁၃-၁၄ ဘဏ္ဍာရေးနှစ် မြန်မာနိုင်ငံရဲ့ ရေထွက်ပို့ကုန်က ရတဲ့ဝင်ငွေဟာ ၂၀၁၂-၁၃ ဘဏ္ဍာရေးနှစ်နဲ့ နှိုင်းယှဉ်ရင် တိုးတက်မှု လုံးဝ မရှိရုံမက ၃၀ ရာခိုင်နှုန်းအထိ လျော့ကျခဲ့တယ်လို့ မြန်မာနိုင်ငံ ငါးလုပ်ငန်းအဖွဲ့ချုပ်က မေ ၂၇ ရက်နေ့မှာ ထုတ်ပြန်ပါတယ်။

၂၀၁၃-၁၄ ဘဏ္ဍာရေးနှစ် မြန်မာနိုင်ငံရဲ့ ရေထွက်ပို့ကုန်က ရတဲ့ ၀င်ငွေဟာ အမေရိကန်ဒေါ်လာ သန်း ၃၈၀ နီးပါး ရှိခဲ့ပေမယ့် ၂၀၁၄-၁၅ ဘဏ္ဍာရေးနှစ်မှာတော့ ဒေါ်လာ သန်း ၂၆၀ ကျော်ပဲ ရပြီး အမေရိကန်ဒေါ်လာ ၁၁၆ သန်း လျော့နည်းရခဲ့တာ ဖြစ်ပါတယ်။

အခုလို ဖြစ်ရတာဟာ မွေးမြူရေးငါး အကောင်ရေ ရှားပါးတာ၊ ပြည်ပပို့ကုန် စံချိန်မမီတာတွေကြောင့် ဖြစ်ရတာလို့ အဏ္ဏ၀ါဒေ၀ီ ငါးလုပ်ငန်း တာဝန်ရှိသူ ဒေါ်တိုးနန္ဒာတင်က အင်းစိန် ငါးလုပ်ငန်းအဖွဲ့ချုပ်ရုံးရဲ့ မေလ ၂၇ ရက်နေ့ ဆွေးနွေးပွဲမှာ ပြောတာ ဖြစ်ပါတယ်။

လက်ရှိ ရေထွက်ပို့ကုန် ကျဆင်းနေတဲ့ ပြဿ နာဟာ ငါးနဲ့ ပုစွန်မွးမြူရေးလောကမှာရော၊ ပင်လယ်ပြင် ငါးဖမ်းလောကမှာပါ ဖြစ်ပေါ်နေတာ ဖြစ်ပြီး လာမယ့်နှစ်မှာလည်း ရေထွက်ကုန် ကနေရတဲ့ ၀င်ငွေ တိုးတက်လာဖို့ မမြင်မိသေးဘူးလို့ ငါးလုပ်ငန်းအဖွဲ့ချုပ် တာဝန်ရှိသူတွေက ပြောပါတယ်။

DVB Burmese

အပြည့်အစုံသို့ »

ဖိုက်ဘာဆက်ကြောင်း ချိတ်ပြီးချိန်၌ Wi-Fi စနစ် လျှောက်သည့် ကုမ္ပဏီများ လုပ်ကိုင်ခွင့်ရမည်


မြန်မာတစ်နိုင်ငံလုံး၏ အများပြည်သူနှင့် သက်ဆိုင်သောနေရာများတွင် Wi-Fi အင်တာနက်စနစ်ကို အသုံးပြုနိုင်ရန်အတွက် ဖိုက်ဘာဆက်ကြောင်း ချိတ်ဆက်မှုများကို ပြုလုပ်ပြီးပါက လျှောက်လွှာတင်ထားသည့် ကုမ္ပဏီများကို တရားဝင်လုပ်ကိုင်ခွင့်များ ချထားပေးမည်ဖြစ်ကြောင်း မြန်မာ့ဆက်သွယ်ရေးလုပ်ငန်းမှ သတင်းရရှိသည်။

ယခုလက်ရှိတွင် မန္တလေး-မြစ်ကြီးနား၊ မန္တလေး-မူဆယ်နှင့် တောင်ကြီး-တာချီလိတ်အစရှိသည့် ဖိုက်ဘာဆက်ကြောင်းများကို ချိတ်ဆက်မှုများပြုလုပ်နေပြီဖြစ်ပြီး ရန်ကုန်အပါအဝင် အခြားသောမြို့ကြီးများနှင့် နယ်မြို့များတစ်လျှောက် အင်တာနက် ဆက်သွယ်မှုကွန်ရက်များကို ဆက်လက်ချိတ်ဆက်မှုများ ဆက်လက်ပြုလုပ်သွားမည်ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူတစ်ဦးက ပြောကြားသည်။

တစ်နိုင်ငံလုံးရှိ လူနေထူထပ်သောနေရာများအတွက် အဓိကရည်ရွယ်သည့် ယင်း Wi-Fi စနစ် အင်တာနက်ဝန်ဆောင်မှုကို ပုဂ္ဂလိကကုမ္ပဏီများအနေဖြင့် ယခုဘဏ္ဍာနှစ်အတွင်း လုပ်ကိုင်နိုင်ရန် ဆောင်ရွက်ပေးနေကြောင်း သိရသည်။ အဆိုပါ ဖိုက်ဘာဆက်ကြောင်း ချိတ်ဆက်မှုများ အပြီးသတ်ဆောင်ရွက်ပြီးပါက တစ်နိုင်ငံလုံးအတိုင်းအတာဖြင့် Wi-Fi အင်တာနက်စနစ်ကို ဝန်ဆောင်မှုပေးနိုင်မည့် ကုမ္ပဏီများကို အပြီးသတ်ရွေးချယ်သွားမည်ဖြစ်သည်ဟု အထက်ပါတာဝန်ရှိသူက ဆက်လက်ပြောကြားသည်။

ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနသည် တစ်နိုင်ငံလုံး၌ ကြိုးမဲ့အင်တာနက်စနစ်ဖြစ်သည့် Wi-Fi ဆက်သွယ်မှုကွန်ရက် ဝန်ဆောင်မှုကို ပေးနိုင်မည့် ပုဂ္ဂလိကကုမ္ပဏီများကို ပြီးခဲ့သည့်နှစ်က ဖိတ်ခေါ်ခဲ့ခြင်းဖြစ်ပြီး ယခုအချိန်ထိ လျှောက်ထားသည့် ကုမ္ပဏီအရေအတွက် တစ်ရာခန့်ရှိကြောင်း သိရသည်။

ယခုကဲ့သို့ တစ်နိုင်ငံလုံးရှိ အများပြည်သူနှင့် သက်ဆိုင်သောနေရာများတွင် ကြိုးမဲ့အင်တာနက်စနစ် လွှင့်တင်နိုင်ရန်အတွက် လျှောက်ထားသော ပုဂ္ဂလိကကုမ္ပဏီများအနက်မှ ကုမ္ပဏီနှစ်ဆယ့်ခုနစ်ခုကိုသာ ရွေးမည်ဖြစ်သည်။

ပြည်တွင်းအင်တာနက် ဆက်သွယ်ရေးဝန်ဆောင်မှုများကို မြန်မာ့ဆက်သွယ်ရေးလုပ်ငန်းအပြင် ပုဂ္ဂလိကကုမ္ပဏီများဖြစ်သည့် ရတနာပုံတယ်လီပို့နှင့် Red Link Communications တို့က ပေးနေသည်။ သို့သော် အစိုးရနှင့်ပုဂ္ဂလိကတို့၏ လက်ရှိအင်တာနက် ဝန်ဆောင်မှုအရည်အသွေးများသည် ကောင်းမွန်ခြင်းမရှိသေးဘဲ သုံးစွဲသူများ၏ ဝေဖန်မှုများနှင့် မကြာခဏကြုံတွေ့နေရသည်ဟု စုံစမ်းသိရသည်။


ယုဇနကိုကို
Internet Journal

အပြည့်အစုံသို့ »

နေ့စဉ်ငွေလဲနှုန်းနှင့် ရွှေဈေး ကျရိပ်ဆက်ရှိ


မြန်မာနိုင်ငံတော်ဗဟိုဘဏ်ထုတ်ပြန်ချက်အရ အမေရိကန် ၁ ဒေါ်လာကို မြန်မာကျပ်ငွေ ၉၆၄ ကျပ် ပေါက်ပါတယ်။ စင်ကာပူဒေါ်လာကတော့ ၁ ယူနစ်ကို မြန်မာကျပ်ငွေ ၇၆၇ နဲ့ ၀ယ်ပြီး ၇၇၃ နဲ့ ရောင်းပါတယ်။ ၁ ယူရိုငွေကတာ့ မြန်မာကျပ်ငွေ ၁၃၂၈ နဲ့ ၀ယ်ပြီး ၁၃၁၃နဲ့ ရောင်းပါတယ်။

အကယ်ဒမီရွှေ ၁ ကျပ်သားကို ကျပ်ငွေ (၆ သိန်း ၆ သောင်း ၅ ရာ)နဲ့ ၀ယ်ပြီး ဆိုင်ရောင်းဈေးကတော့ ငါးရာကျပ် ပိုပါတယ်။ မနေ့က ရွှေဈေးထက် ကျပ် ကိုးရာဈေးကျပါတယ်။ ကမ္ဘာ့ရွှေးဈေးကွက်မှာ ၁ အောင်စကို အမေရိကန်ဒေါ်လာ ၁၂၆၄.၅၆ ရှိပါတယ်။
ဒီကနေ့ မြန်မာနိုင်ငံမှာ ရွှေဈေးပေါက်ဈေးက ၆ သိန်း ၅ သောင်း ၅ ထောင့် ၈ ရာ ဈေးပေါက်ပြီး အကျဘက်ကို ဆက်လက်ဦးတည်နေတယ်လို့ မြန်မာနိုင်ငံရွှေလုပ်ငန်းငန်းရှင်များအသင်းက ပြောပါတယ်။

အသင်းရဲ့ အတွင်းရေးမှူး ဦးဝင်းမြင့်က ကမ္ဘာ့ရွှေဈေးကျဆင်းမှုနဲ့အတူ မြန်မာ့ရွှေဈေးလည်း လိုက်ပါ ကျဆင်းနေတယ်လို့ ပြောပါတယ်။
“နိုင်ငံတကာ ရွှေဈေးကွက်ကျွမ်းကျင်သူတွေကတော့ ပြီးခဲ့တဲ့အပတ်ကတည်းက ဈေးအကျမှန်းတာပေါ့လေ။ သူတို့မှန်းတဲ့အတိုင်း ဈေးက ဆက်ကျနေတာပေါ့လေ။ မနေ့တုန်းကဆို ၁၂၉၃-၉၄ လောက်အထိ (၁ အောင်စဈေးနှုန်း) ထိ ဈေးကွက်မှာ တွေ့နေရတာ။ အခုဟာတော့ အနိမ့်ဆုံး စောစောလောက်က ၁၂၆၂ လောက်ထိ ကျတာကို တွေ့တယ်။ အခုတော့ ၁၂၆၅ လောက်ဖြစ်နေပြီ။ စောစောပိုင်းကတော့ ပြည်တွင်းရွှေ့ဈေးက (၅၂၀၀) လောက်ထိ ကျတယ်။ အခုတော့ (၅၈၀၀) ဒါဟာ ယာယီပြန်တက်တဲ့သဘော။ အချုပ်ပြောရရင်တော့ ဈေးက အကျဘက်ပဲ ဦးတည်နေတယ်။”

မနေ့က ၁ ကျပ်သားကို ၆ သိန်း ၆ သောင်းလောက် ပေါက်တာကြောင့် ကျပ် ၁ ထောင်လောက် ဈေးထပ်ကျသွားတာ ဖြစ်ပါတယ်။
နှစ်စဉ်ကျောင်းဖွင့်ရာသီမှာ ကြုံနေကျအတိုင်း ရွှေဆိုင်တွေမှာ လာရောက် ရောင်းချထုခွဲသူတွေ များပြားပြီး ၀ယ်လိုအားနည်းနေတယ်လို့လည်း ဦးဝင်းမြင့်က ဆိုပါတယ်။

မှတ်တမ်းတွေအရ ခရစ်သက္ကရာဇ် ၁၈၀၀ ခုနှစ်မှာ ၁ အောင်စကို အမေရိကန်ဒေါ်လာ ၁၉ တန်ဖိုးရှိတဲ့ရွှေဈေးဟာ ၁၉၃၅ ခုနှစ်မှာ ၃၅ ဒေါ်လာကို ရောက်ရှိခဲ့တယ်လို့ သိရပါတယ်။

ဆယ်စုနှစ်တွေအတွင်း တရိပ်ရိပ်တက်လာတဲ့ ရွှေဈေးဟာ ၁၉၈၀ ခုနှစ်မှာ ဒေါ်လာ ၈၅၀ ထိ ရောက်ရှိခဲ့ပါတယ်။ ဒီနောက်မှာ ပျမ်းမျှခြင်း ဒေါ်လာ ၆၁၅ ဒေါ်လာဈေးသင့်နေပြီး ၂၀၀၀ ခုနှစ် အစောပိုင်းမှာတော့ ၁ အောင်စကို ဒေါ်လာ ၂၇၂ အထိပြန်ကျခဲ့ပါတယ်။

ဒီနောက် ရွှေဈေးတွေ ပြန်တက်လာရာက ၂၀၁၁ ခုနှစ်မှာ ကမ္ဘာ့ရွှေဈေးက ရွှေ ၁ အောင်စ ကို ဒေါ်လာ ၁၈၃၅ ထိ အမြင့်ဆုံး စံချိန်တက်ခဲ့သလို မြန်မာ့ရွှေဈေးကလည်း ၁ ကျပ်သားကို ၇ သိန်းနဲ့ ၅ ထောင်ထိ တက်ခဲ့ပါတယ်။ ဒီနောက် တရိပ်ရိပ်ပြန်ကျတဲ့ရွှေဈေးဟာ မေလဆန်းပိုင်း မှာ ၁ အောင်စကို ဒေါ်လာ ၁၃၀၀ ၀န်းကျင်နဲ့ အရောင်းအ၀ယ်ဖြစ်နေရာက အခု နောက်ဆုံးဈေးနှုန်းမှာ ၁ အောင်စကို ၁၂၆၂ ဒေါ်လာ ၀န်းကျင်တထိ ပြန်ကျနေတာ ဖြစ်ပါတယ်။

ကမ္ဘာ့ရွှေဈေး ဘာကြောင့်ကျဆင်းနေသလဲဆိုတာကို သုံးသပ်သူတွေရဲ့ အဆိုအရ ယူကရိန်းနိုင်ငံရေး မတည်ငြိမ်မှုနဲ့ အမေရိကန်ဒေါ်လာငွေ မာတာတွေနဲ့ ဆက်စပ်သုံးသပ်ပြကြပါတယ်။

ဒါ့အပြင် တရုတ်နိုင်ငံက ရှန်ဟိုင်းကို ကမ္ဘာ့ရွှေဈေးကွက် ဗဟိုဌာနတခုအဖြစ် ဖန်တီးနေတာကိုလည်း ထည့်သွင်းတွက်ချက်ကြပြီး နယူးယောက်နဲ့ လန်ဒန်က ရွှေအရောင်းအ၀ယ်ဈေးကွက်နဲ့ ဈေးနှုန်းမှာ လွှမ်းမိုးချုပ်ကိုင်ထားတဲ့အပေါ် စိန်ခေါ်မှု ဖြစ်လာနိုင်တယ်လို့ ရိုက်တာသတင်းမှာ သုံးသပ်ရေးသားထားပါတယ်။

DVB Burmese

အပြည့်အစုံသို့ »

အကောက်ခွန်စနစ် ၂၀၁၅တွင် ပြောင်းလဲမည်


အကောက်ခွန်ဦးစီးဌာနက ရေကြောင်း၊ လေကြောင်းမှဝင်ရောက်လာသော ကုန်ပစ္စည်းများကို အလိုအလျောက်ကုန်ပစ္စည်း ရှင်းလင်းရေးစနစ်ဖြင့် ၂၀၁၅ ခုနှစ်တွင် ပြောင်းလဲကောက်ခံသွားမည်ဖြစ်ကြောင်း အကောက်ခွန်ဦးစီးဌာန၏ တာဝန်ရှိသူတစ်ဦးက ပြောသည်။

အကောက်ခွန်ဦးစီးဌာနသည် သွင်းကုန်/ ထုတ်ကုန် ရှင်းလင်းရေးလုပ်ငန်းစဉ်များ သွက်လက်မှန်ကန်မြန် ဆန်စေရန်၊ ခေတ် မီဖွံ့ဖြိုးတိုးတက်စေရန်နှင့် အာဆီယံပြတင်း တစ်ပေါက်စနစ် ASEAN Single Window ကိုအထောက်အပံ့ဖြစ်စေရန်အတွက် အလိုအလျောက်ကုန်ပစ္စည်းရှင်းလင်းရေးစနစ် Automated Cargo Clearance System -MACCS နှင့် ခေတ်မီနည်းစနစ်ဖြင့် အခွန်ကောက်ခံမှုစနစ် Myanmar Customs Intelligence System – MCIS တို့ဖြင့် အခွန် ကောက်ခံသွားရန် စီစဉ်နေခြင်း ဖြစ်သည်။

“ ဒီစနစ်တွေကို ဂျပန်နိုင်ငံရဲ့ ဘဏ္ဍာ ရေးအကူအညီနဲ့ အကောင်အထည်ဖော်နေတာပါ။ ၂၀၁၅ မှာ စတင် နိုင်ဖို့ ရည်မှန်းထားပါတယ်” ဟု ၎င်းက ပြောသည်။

အဆိုပါ MACCS စနစ်နှင့်MCIS စနစ်များဆောင်ရွက်ရန် ဂျပန်အစိုးရမှ မြန်မာအစိုးရကိုချေးငွေ Grant Agreement ယန်း ၃,၉၉၀ သန်း (အမေရိကန် ဒေါ်လာ ၃၉ ဒသမ ၁ သန်း) ထောက်ပံ့ခဲ့သည်။

အဆိုပါချေးငွေကို မြန်မာအစိုးရက အာဆီယံပြတင်းတစ်ပေါက်စနစ်အရ အကောက်ခွန်ကဏ္ဍတွင် အလို အလျာက် ကုန် ပစ်္စည်းရှင်းလင်းရေးစနစ်ကို အသုံးပြု၍ ခေတ်မီနည်းစနစ်ဖြင့် အခွန်ကောက်ခံခြင်း နှင့် နိုင်ငံတော်ပြတင်းတစ်ပေါက်စနစ် Nat ional Single Window စီမံချက်အတွက်အသုံးပြုရမည်ဖြစ်သည်။

MACCS စနစ်နှင့် MCIS စနစ်များ အကောင်အထည်ဖော်ရန် ဂျပန်-မြန်မာ ညှိနှိုင်းဆွေးနွေးပွဲ ၁၀ ကြိမ် ခန့်ပြုလုပ်ခဲ့ပြီး ဖြစ်သည်။ အဆိုပါ ဆွေးနွေးပွဲများတွင် MACCS စနစ်တည်ဆောက်မှုပုံစံ၊ ကောက်ခံမည့် အခွန်နှုန်းထား၊ သယ်ယူပို့ဆောင်ရေးဆိုင်ရာအချက်အလက်များဖြည့်သွင်းမှု၊ အချက်အလက်များထားသိုနိုင် ရန် ကွန်ပျူတာဆာဗာ ထားရှိရန် ပြင်ဆင်မှုနှင့် အခြားဝန်ကြီးဌာနများနှင့် ချိတ်ဆက်နိုင်မှု အခြေအနေများ ကို ဆွေးနွေးညှိနှိုင်းခဲ့ခြင်း ဖြစ်သည်။

ဂျပန်နိုင်ငံသည် အခြားအာဆီယံနိုင်ငံ တစ်နိုင်ငံဖြစ်သော ဗီယက်နမ်နိုင်ငံတွင်လည်း အလိုအလျောက် ကုန် ပစ္စည်းရှင်းလင်းရေးစနစ်VNACCS နှင့် ခေတ်မီနည်း စနစ်ဖြင့် အခွန်ကောက်ခံမှုစနစ်VCISစနစ်များလုပ် ကိုင်နိုင်ရန်အတွက် ပံ့ပိုးပေးခဲ့ပြီး မြန်မာနိုင်ငံတွင်လည်း အဆိုပါစနစ် များကျင့်သုံးနိုင်စေရန် အထောက် အကူပေးနေခြင်း ဖြစ်သည်။

Mizzima Burmese

အပြည့်အစုံသို့ »

ပြည်ပကုမ္ပဏီများသို့ ပေးရန်ရှိသည့် ပဲကြွေး ငါးပုံတစ်ပုံ ပေးချေပြီးဟုဆို



ရန်ကုန်၊ မေ ၂၆

ပဲဈေးများ ထိုးကျသည်အထိ ရိုက်ခတ်မှု ပြင်းခဲ့သော မေလ ပထမပတ် အတွင်းက ဖြစ်ပေါ်ခဲ့သည့် ပဲလောက ငွေကြေး အရှုပ်တော်ပုံ ကိစ္စတွင် ပြည်ပကုမ္ပဏီများသို့ ပေးရန်ရှိသည့် အကြွေး၏ ငါးပုံတစ်ပုံကို ပေးဆပ်ပြီး ဖြစ်ကြောင်း မြန်မာနိုင်ငံ ပဲမျိုးစုံနှင့် နှမ်းလုပ်ငန်းရှင်များအသင်း ဒုတိယဥက္ကဋ္ဌ ဦးစိုင်းဘဉာဏ်က ပြောကြားသည်။

ယင်းပဲလောက ငွေကြေး အရှုပ်တော်ပုံအတွင်း အဓိက ပါဝင် ပတ်သက်နေသည့် မိုးသက်ကုမ္ပဏီသည် ပြည်ပကုမ္ပဏီ ၁၅ ခုကို ပဲတီစိမ်းတန်ချိန် ၁၅,၀၀၀ ပေးဆပ်ရန် ရှိပြီး ယခု မေလ ၂၆ ရက်နေ့အထိ ပဲတန်ချိန် ၃,၀၀၀ ခန့်ကို သင်္ဘောတင်ပို့ခဲ့ပြီး ဖြစ်ကြောင်း ၎င်းကဆိုသည်။
“သင်္ဘောရတဲ့အပေါ် မူတည်ပြီး ဆက်လက် တင်ပို့သွားဖို့ ရှိပါတယ်။ အသင်းအနေနဲ့ကတော့ ဒီကုမ္ပဏီကို ဘယ်လို လုပ်မလဲဆိုတာ မစဉ်းစားရသေးဘူး” ဟု ၎င်းကဆိုသည်။

ပြည်ပသို့ ပြန်လည် ပေးဆပ်ရန် ရှိသည့် ပဲများကို သင်္ဘောတင်ပြီးသည် အချိန်ထိ ညှိနှိုင်းဖျန်ဖြေရေး ကော်မတီက တာဝန်ယူ ဖြေရှင်းပေးမည် ဖြစ်ကြောင်း အဆိုပါ ကော်မတီက မေလ ၁၀ ရက်နေ့တွင် သတင်းထုတ်ပြန်ထားသည်။

မိုးသက်ကုမ္ပဏီထံမှ ပဲကြွေးရရန် ရှိသူများကိုမူ မေလ ၁၄ ရက်နေ့မှ စတင်၍ ပြန်လည် ပေးဆပ်လျက် ရှိကြောင်း ညှိနှိုင်းဖျန်ဖြေရေး ကော်မတီထံမှ သိရသည်။

အဆိုပါ ငွေကြေးပြဿနာကို ဖြေရှင်းရန်အတွက် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ မြန်မာနိုင်ငံ ပဲမျိုးစုံနှင့် နှမ်းလုပ်ငန်းရှင်များအသင်း၊ ဘုရင့်နောင် ကုန်စည်ဒိုင်တို့က ညှိနှိုင်း ဖြန်ဖြေရေး ကော်မတီဖွဲ့၍ ဖြေရှင်းပေးခဲ့ခြင်း ဖြစ်သည်။

ပဲလောက ငွေကြေးဂယက် စတင် ဖြစ်ပွားခဲ့သည့် မေလ ၄ ရက်နေ့မှ မေလ ၁၅ ရက်နေ့အထိ ပြည်တွင်း မတ်ပဲဈေးများမှာ တဖြည်းဖြည်း မြင့်တက်လာရာ မတ်ပဲ တစ်တန်လျှင် ကျပ်ခုနစ်သောင်း ဝန်းကျင်ခန့်အထိ မြင့်တက်ခဲ့ပြီး ယခုအခါ အဆိုပါ မတ်ပဲဈေးများမှာ မူလဈေး ဝန်းကျင်သို့ ပြန်လည် ကျဆင်းလာပြီ ဖြစ်ကြောင်း ပဲလောက ကုန်သည် အသိုင်းအဝန်းမှ သိရသည်။

ပဲလောကအတွင်း ငွေကြေးအရှုပ်တော်ပုံ ဂယက်သည် မေလ ပထမပတ် အတွင်းက နောက်ဆုံး ဖြစ်ပွားခဲ့ပြီး ပြီးခဲ့သည့် မတ်လအတွင်း ပြည်ပကုမ္ပဏီ ၁၁ ခုနှစ်နှင့် ဖြစ်ပွားခဲ့သော ငွေကြေး ပြဿနာတွင်မူ အဓိက ပါဝင် ပက်သက်နေသည့် Great Light ကုမ္ပဏီသည် ပြည်ပကုမ္ပဏီများသို့ ပေးဆပ်ရန် ရှိသည့် အမေရိကန်ဒေါ်လာ ၂ ဒသမ ၃ သန်း၏ ၅၅ ရာခိုင်နှုန်းခန့်ကို ပေးချေပြီး ဖြစ်ကြောင်း မြန်မာနိုင်ငံ ပဲမျိုးစုံနှင့် နှမ်းလုပ်ငန်းရှင် အသင်းထံမှ သိရသည်။

The Voice Weekly

အပြည့်အစုံသို့ »

သံလွင်မြစ်ပေါ်တွင် ပထမဆုံးတည်ဆောက်မည့် ရေအားလျှပ်စစ်စီမံကိန်းကို အစိုးရက ပြည်သူအားချမပြဘဲ တရုတ်ကုမ္ပဏီနှင့် အေးရှားဝေါလ်သို့ အပြီးသတ်လုပ်ကိုင်ခွင့်ပြုလိုက်ကြောင်း သိရ

ကရင်ပြည်နယ်အတွင်းရှိ သံလွင်မြစ်တစ်နေရာအား တွေ့ရစဉ်

သံလွင်မြစ်ပေါ်တွင် တည်ဆောက်မည့် အထက်သံလွင် (ကွမ်းလုံ) ရေအားလျှပ်စစ်စီမံကိန်းတည်ဆောက်ရန် တရုတ်ကုမ္ပဏီတစ်ခုဖြစ်သော Hanergy Group Holding Limited နှင့် အေးရှားဝေါလ်ကုမ္ပဏီတို့ကို အပြီးသတ်လုပ်ခွင့်ပြုလိုက်ပြီး မေလတတိယပတ်က သဘောတူစာချုပ်ချုပ်ခဲ့သည်ဟု လျှပ်စစ်စွမ်းအားဝန်ကြီးဌာနမှ သတင်းရရှိသည်။

Hanergy Group Holding Limited၊ အေးရှားဝေါလ်ကုမ္ပဏီနှင့် ရေအားလျှပ်စစ် အကောင်အထည်ဖော်ရေးဦးစီးဌာနတို့မှ Joint Venture Agreement ကို လက်မှတ်ရေးထိုးခဲ့ကြခြင်းဖြစ်ပြီး နှစ် ၃၀ အထိ (ထပ်တိုးခွင့် ၁၀ နှစ်ပါဝင်သည့်အတွက် နှစ်ပေါင်း ၄၀ အထိ) လုပ်ခွင့်ပေးမည့် BOT စနစ်ဖြင့် လုပ်ကိုင်မည်ဖြစ်ကြောင်း၊ ၁၄၀၀ မဂ္ဂါဝပ်ထွက်ရှိမည်ဖြစ်ကြောင်း သိရသည်။

စီမံကိန်းမှ အခမဲ့ဓာတ်အား ၁၀ ရာခိုင်နှုန်း သို့မဟုတ် ၁၅ ရာခိုင်နှုန်းသာ မြန်မာကရမည်ဖြစ်ကြောင်း၊ လျှပ်စစ်စွမ်းအားဝန်ကြီးဌာန တာဝန်ရှိသူတစ်ဦးက ပြောကြားခဲ့သည်။

ထို့အတွက် တရုတ်ကုမ္ပဏီဘက်ကထွက်ရှိမည့် ဓာတ်အားစုစုပေါင်း၏ ၈၅ ရာခိုင်နှုန်းမှ ၉၀ ရာခိုင်နှုန်းအထိ ရယူမည်ဖြစ်သည်။

ရှယ်ယာပိုင်းတွင်လည်း မြန်မာက အခမဲ့ရှယ်ယာ ၁၀ ရာခိုင်နှုန်းမှ ၁၅ ရာခိုင်နှုန်းအထိသာ ပါဝင်ခွင့်ရမည်ဖြစ်ပြီး Hanergy နှင့် အေးရှားဝေါလ်တို့မှ ၈၅ ရာခိုင်နှုန်းမှ ၉၀ ရာခိုင်နှုန်းအထိ ပါဝင်ခွင့်ရမည်ဖြစ်သည်။

အကယ်၍ မြန်မာနိုင်ငံမှ အခမဲ့ဓာတ်အားထက် ပိုမိုရယူလိုပါက အခမဲ့ရထားသော ပမာဏအပါအ၀င် ၅၀ ရာခိုင်နှုန်းအထိကို ကုမ္ပဏီထံမှ ၀ယ်ယူသုံးစွဲရမည်ဖြစ်သည်။ (ဥပမာအခမဲ့ဓာတ်အား ၁၀ ရာခိုင်နှုန်းဆိုပါက ၄၀ ရာခိုင်နှုန်းကို သတ်မှတ်သည့်ဈေးဖြင့် မြန်မာနိုင်ငံက ပြန်ဝယ်သုံးရမည်)

အထက်သံလွင် (ကွမ်းလုံ) ရေအားလျှပ်စစ်စီမံကိန်းမှာ သံလွင်မြစ်ပေါ်တွင်တည်ဆောက်မည့် ပထမဆုံး ရေအားလျှပ်စစ်စီမံကိန်းဖြစ်သော်လည်း အစိုးရအနေဖြင့် စာချုပ်ပါအချက်အလက်များ၊ သဘာဝပတ်ဝန်းကျင်နှင့် ပတ်သက်သည့် အချက်အလက်အသေးစိတ်ကို အများပြည်သူသို့ ချပြခြင်းမပြုမီ ယခုကဲ့သို့ စာချုပ်ချုပ်ဆိုခွင့်ပြုခဲ့ခြင်းလည်းဖြစ်သည်။

အေးရှားဝေါလ်ကုမ္ပဏီသည် တရုတ်ကုမ္ပဏီများဖြင့် ပူးပေါင်းကာ ယခုအထက်သံလွင် (ကွမ်းလုံ) ရေအားလျှပ်စစ်စီမံကိန်းအပါအ၀င် ရေအားလျှပ်စစ်စီမံကိန်းပေါင်း အနည်းဆုံးကိုးခုအထိ ထပ်မံလုပ်ခွင့်ရထားသူဖြစ်သည်။

အေးရှားဝေါလ်ကုမ္ပဏီနှင့် တရုတ်မှ CPI ကုမ္ပဏီတို့ပူးပေါင်း၍ မြစ်ဆုံစီမံကိန်း၊ ချီဖွေ၊ လိုက်ဇာဝူဆောက်၊ ခေါင်လံဖူး၊ ယီနန်၊ ဖီဇော၊ ဂေါလန် ရေအားလျှပ်စစ်မံကိန်းများကို လုပ်ခွင့်ရထားသူဖြစ်သည်။

ယင်းအပြင် အေးရှားဝေါလ်ကုမ္ပဏီသည် Gold Energy ကုမ္ပဏီအမည်ဖြင့်လည်း သောက်ရေခပ် (၂) ရေအားလျှပ်စစ်စီမံကိန်းကို တည်ဆောက်ခွင့်ရခဲ့ပြီး ယခုအခါ နိုင်ငံတော်မှ တစ်ယူနစ် ၇၀ ကျပ်ပေးကာ ၎င်းထံမှ ပြန်လည်ဝယ်ယူနေရပြီဖြစ်သည်။

လက်ရှိ မြန်မာနိုင်ငံတွင် တည်ဆောက်ပြီးစီးသည့် ရေအားလျှပ်စစ်စီမံကိန်းပေါင်း ၂၂ ခုရှိပြီး တည်ဆောက်ဆဲစီမံကိန်းပေါင်း ၁၄ ခုရှိကြောင်းနှင့် တည်ဆောက်ရန်အတွက် လက်မှတ်ရေးထိုးပြီးနှင့် လက်မှတ်ရေးထိုးရန် စီစဉ်နေသည့် စီမံကိန်းပေါင်း ၅၀ အထိရှိကြောင်း ထုတ်ပြန်ထားချက်အရ သိရသည်။

ပုဂ္ဂလိကသို့ တည်ဆောက်ခွင့်ပေးမည့် စီမံကိန်းပေါင်း ၅၀ တွင် ၁၀ ပုံတစ်ပုံဖြစ်သော စီမံကိန်း ၅ ခုသာလျှင် ဥရောပနိုင်ငံအချို့ဖြင့် ပူးပေါင်းလုပ်ကိုင်ရန် စီစဉ်ထားပြီး ကျန်ရှိသော ၄၅ ခုတွင် အားလုံးနီးပါးမှာ တရုတ်ကုမ္ပဏီသီးသန့်၊ တရုတ်နှင့်ပူးပေါင်းမည့် ပြည်တွင်းရှိ အေးရှားဝေါလ်၊ ရွှေတောင်၊ IGE ကုမ္ပဏီများကသာ တည်ဆောက်လုပ်ကိုင်ခွင့် ရရှိထားခြင်းဖြစ်သည်။

အေးရှားဝေါလ်ကုမ္ပဏီမှ ကိုးခု၊ IGE ကုမ္ပဏီနှင့် တရုတ်ကုမ္ပဏီများဖြင့် ပူးပေါင်း၍ စီမံကိန်းရှစ်ခု၊ ရွှေတောင်ကုမ္ပဏီမှ တရုတ်ကုမ္ပဏီဖြင့်ပေါင်း၍ စီမံကိန်း ၁၀ ခု၊ အခြားတရုတ်ကုမ္ပဏီများက ၁၂ ခု စုစုပေါင်း စီမံကိန်း ၃၉ ခုအထိ လုပ်ကိုင်ခွင့်ရယူထားကြခြင်းဖြစ်သည်။

ထို့အတွက် စီမံကိန်းပေါင်း ၄၅ ခု၌ ရွှေတောင်၊ IGE ၊ အေးရှားဝေါလ်နှင့် တရုတ်ကုမ္ပဏီများက ၃၉ ခုအထိ တည်ဆောက်လုပ်ကိုင်ခွင့် ရရှိထားပြီး၊ စီမံကိန်းအားလုံးနီးပါးမှာလည်း နှစ်ပေါင်း ၄၀ အထိ ပိုင်ဆိုင်လုပ်ကိုင်ခွင့်ရမည့်စနစ်ဖြင့် လုပ်ခွင့်ရထားကြခြင်းဖြစ်သည်။

စီမံကိန်းအားလုံးနီးပါးသည်လည်း မြန်မာနိုင်ငံမှ အခမဲ့ဓာတ်အား ၁၀ ရာခိုင်နှုန်းသာရရှိပြီး တရုတ်ကုမ္ပဏီများက ၉၀ ရာခိုင်နှုန်းအထိ ရရှိမည်ဖြစ်သည်။

စီမံကိန်းပေါင်းများစွာကို ခွင့်ပြုပေးနေသော်လည်း မြန်မာနိုင်ငံမှ မည်သို့အကျိုးအမြတ်ရမည်၊ မည်သို့ထိခိုက်မည် စသည်တို့ကို အသေးစိတ်ထုတ်ပြန်ပေးခြင်းမရှိပဲ စာချုပ်ချုပ်ဆိုခွင့်ပြုပေးနေခြင်းမျိုးဖြစ်သည်။

လက်ရှိလုပ်ကိုင်ခွင့်ပြုထားသည့် အနေအထားများအရဆိုပါက မြန်မာနိုင်ငံ၏ အနာဂတ်လျှပ်စစ်ဓာတ်အား ထုတ်လုပ်ဖြန့်ဖြူးသည့်လုပ်ငန်းမှာ တရုတ်ကုမ္ပဏီများနှင့် ရွှေတောင်၊ IGE ၊ အေးရှားဝေါလ်ကုမ္ပဏီများ၏ လက်ဝယ်တွင်သာရှိမည်ဖြစ်သည်။

Eleven Media Group

အပြည့်အစုံသို့ »

ဈေးကွက်ထဲ နောက်ကျပြီးဝင်လာတဲ့ သရက်ကြောင့် ရန်ကုန် ကုန်သည်တွေ အရှုံးပေါ်


ရာသီဥတုအပြောင်းအလဲကြောင့် ဈေးကွက်ထဲကို တစ်လနီးပါးနောက်ကျပြီးမှ ရောက်လာတဲ့ သရက်သီးတွေဟာ မေလထဲမှာ စုပြုံပြီးဝင်လာတာကြောင့် သရက်သီးကုန်သည်တွေနဲ့ ပွဲရုံတွေ အရှုံးပေါ်နေကြပါတယ်။ အရှုံးပေါ်ရတာက ဈေးပြိုင်မှုတွေရှိတာကြောင့်လို့ ဆိုပါတယ်။

တန်ခူးလဆိုရင် ဈေးကွက်ထဲဝင်လာနေကျဖြစ်ပေမယ့် အပူလွန်တာနဲ့ မိုးဦးအဝင်နောက်ကျတာကြောင့် စိန်တစ်လုံးန၊ မချစ်စု စတဲ့ ဈေးကွက်ဝင်သရက်တွေဟာ အချိန်လွန်မှ တစ်ပြိုင်နက်တည်းဝင်လာတာဖြစ်ပြီး သရက်သီး ခိုးသွင်းတာတွေလည်း ရှိတယ်လို့ ပွဲရုံပိုင်ရှင် ဦးဆန်းဦးကဆိုပါတယ်။

မြန်မာပြည်အောက်ပိုင်း၊ မြစ်ဝကျွန်းပေါ်ကတင်မကဘဲ အထက်မြန်မာပြည် နယ်စုံကပါ ဝင်လာတာကြောင့် လမ်းဘေးဈေးရောင်းသူတွေကို အားကိုးနေရပြီး ပစ္စည်းတွေ ပုတ်သိုးမသွားအောင် အမြန်ရောင်းချနေရတာလို့ ဆိုပါတယ်။

ဒီနှစ် သရက်သီးတွေဟာ အဝင်များလာတာကြောင့် လမ်းဘေးဈေးသည်တွေကလည်း ဈေးကိုအပြိုင်အဆိုင် လျှော့ရောင်းနေရတယ်လို့ မြောက်ဥက္ကလာက သရက်သီးရောင်းတဲ့ မစုစုကြည်က ပြောပြပါတယ်။

Kamayut Media

အပြည့်အစုံသို့ »

တရုတ်နှင့် ရုရှား နှစ် ၃၀ သဘာဝဓာတ်ငွေ့အရောင်းအ၀ယ် စာချုပ်ချုပ်ဆို


တရုတ်နိုင်ငံနဲ့ ရုရှားနိုင်ငံတို့ဟာ အမေရိကန်ဒေါ်လာ ၄၀၀ ဘီလီယံဖိုးတန် အနှစ် ၃၀ သဘာဝဓါတ်ငွေ့ အရောင်းအ၀ယ်စာချုပ်ကို မနေ့က ချုပ်ဆိုခဲ့ကြပါတယ်။

အရောင်းအ၀ယ်စာချုပ်ကို ရုရှားအစိုးရပိုင် ဂတ်စပရုန် Gazprom နဲ့ တရုတ်နိုင်ငံပိုင် တရုတ်အမျိုးသား ရေနံကော်ပိုရေးရှင်းတို့က တရုတ်နိုင်ငံ၊ ရှန်ဟိုင်း မြို့မှာ ချုပ်ဆိုခဲ့ကြတာဖြစ်ပြီး နှစ်နိုင်ငံ စွမ်းအင်ဝန်ကြီးတွေက သဘောတူစာချုပ်လက်မှတ်ရေး ထိုးခဲ့ကြပါတယ်။

ခရိုင်းမီးယားအရေးအခင်းဖြစ်ပြီးနောက်ပိုင်း အီးယူဟာ ရုရှားသဘာဝဓာတ်ငွေ့တွေကို အားမကိုးတော့ပဲ တခြားနေရာတွေမှာ ရှာဖွေနေတာကြောင့် ကမ္ဘာ့စွမ်းအင်သုံးစွဲမှု အများဆုံးဖြစ်တဲ့ တရုတ်နိုင်ငံကို ရုရှားနိုင်ငံက လှည့်ပြီးရောင်းချခဲ့တာပါ။

အခုလို သဘာဝဓာတ်ငွေ့အရောင်းအ၀ယ်စာချုပ် ချုပ်ဆိုနိုင်လိုက်တာကြောင့် သမ္မတပူတင် အနေနဲ့ နိုင်ငံရေးအရ အသားစီးရသွားတယ်လို့ ဆိုပါတယ်။

စီးပွားရေးအရ ဘယ်နိုင်ငံက ပိုတွက်ချေကိုက်မလဲဆိုတာကတော့ နှစ်နိုင်ငံ တကယ် တည့်သွားတဲ့ဈေးနဲ့ တခြားသဘောတူညီချက်တွေပေါ်မှာ မူတည်မယ်လို့ စီးပွားရေး သုံးသပ်သူ တွေက ဆိုပါတယ်။

နှစ်နိုင်ငံ အရောင်းအ၀ယ်တည့်သွားတဲ့ဈေးကို ဂတ်စပရုန်က ထုတ်ဖော်ပြောဆိုခြင်း မရှိပါဘူး။ ဒါပေမယ့် ကျွမ်းကျင်သူတွေကတော့ အမေရိကန်ဒေါ်လာ ၃၅၀ ၀န်းကျင်နဲ့ အရောင်းအ၀ယ်ဖြစ်သွားနိုင်တယ်လို့ တွက်ချက်ကြတာကြောင့် တရုတ်နိုင်ငံအနေနဲ့ ရုရှား သဘာဝဓာတ်ငွေ့တွေကို အောက်ဈေးနဲ့ ရရှိခဲ့တာကြောင့် တရုတ်နိုင်ငံက ပိုအမြတ် ထွက်တယ်လို့လည်း သုံးသပ်ကြပါတယ်။ အီးယူကို ရောင်းချနေခဲ့တဲ့ဈေးကတော့ ပျမ်းမျှ အမေရိကန်ဒေါ်လာ ၃၈၀ ရှိပါတယ်။

သဘာဝဓာတ်ငွေ့ကို ၂၀၁၈ ခုနှစ်က စတင်ပြီး ဆိုက်ဘေးရီးယားကနေတဆင့် တရုတ်နိုင်ငံကို တင်ပို့မှာဖြစ်ပါတယ်။

DVB Burmese

အပြည့်အစုံသို့ »

CB ဘဏ်ကို ဦးအိုက်ထွန်း လျှို့ဝှက်ဝယ်ယူဆိုခြင်းမှာ မဟုတ်ကြောင်း တရားဝင်ရှင်း


ရန်ကုန်၊ မေ ၂၀

အများပိုင် ဘဏ်တစ်ခုဖြစ်သည့် သမဝါယမဘဏ် လီမိတက် (CB Bank) ကို ရွှေတောင် လုပ်ငန်းစုပိုင်ရှင် ဦးအိုက်ထွန်းက လျှို့ဝှက် ဝယ်ယူထားသည်ဟု အင်တာနက် စာမျက်နှာအချို့နှင့် အပတ်စဉ်ထုတ် စာစောင်တစ်ခုတွင် ဖော်ပြချက်မှာ မဟုတ်မှန်ကြောင်း သမဝါယမဘဏ်က တရားဝင် ရှင်းလင်းပြောကြားသည်။

အဆိုပါ သတင်းထွက်ပေါ်မှုနှင့် ပတ်သက်၍ မေလ ၂၀ ရက်နေ့က ရန်ကုန်မြို့တော် ကမ်းနားလမ်းရှိ သမဝါယမဘဏ် ရုံးချုပ်တွင် ယင်းဘဏ် ဦးဆောင် ညွှန်ကြားရေးမှူး ဦးဖေမြင့်က သတင်းမီဒီယာများကို ရှင်းလင်းပြောကြားခြင်း ဖြစ်သည်။

“ငွေအလုံးအရင်းနဲ့ လာထုတ်နေတယ် ဆိုတာလည်း မဟုတ်ပါဘူး။ ပုံမှန်အတိုင်း လည်ပတ်နေပါတယ်။ အခုရက်ပိုင်းက လကုန်ပြီးခါစ နေ့တွေလိုတောင် လူအရမ်းကြီး မရှုပ်ပါဘူး” ဟု ၎င်းကဆိုသည်။

သမဝါယမဘဏ်ကို မူလပိုင်ရှင် ဦးခင်မောင်အေးထံမှ ယခင်အာရှဓန ဘဏ်လုပ်ငန်းရှင် ဦးအိုက်ထွန်းက လျှို့ဝှက် ဝယ်ယူထားသည်ဟု သတင်းထွက်ပေါ်ပြီး ငွေအပ်နှံထားသူများက ငွေများ ပြန်လည် ထုတ်ယူနေကြောင်း အပတ်စဉ်ထုတ် စာစောင်တစ်ခုက ဖော်ပြခဲ့ခြင်း ဖြစ်သည်။

The Voice Weekly

အပြည့်အစုံသို့ »

တရုတ်စစ်အရာရှိ ၅ ဦးကို ကုန်သွယ်ရေး လျှို့ဝှက်ချက် ခိုးယူမှုဖြင့် အမေရိကန် စွဲချက်တင်

အိမ်ဖြူတော်ပြောခွင့်ရ ဂျေးကာနေ

အမေရိကန် ကုမ္ပဏီတွေကို အင်တာနက်ကနေတဆင့် ကြားဖြတ်ဖောက်ထွင်းပြီး ကုန်သွယ်ရေး လျှို့ဝှက်ချက်တွေ ခိုးယူမှုနဲ့ တရုတ်စစ်တပ် အရာရှိ ၅ ဦးကို စွဲချက်တင်လိုက်တယ်လို့ အမေရိကန်အစိုးရ အိမ်ဖြူတော်က ပြောပါတယ်။

တရုတ်အစိုးရဟာ အမေရိကန်အပေါ် အင်တာနက် ဖောက်ထွင်းစောင့်ကြည့် မှုတွေ ဆက်လုပ်နေတယ်ဆိုတဲ့ စိုးရိမ်မှုကိုလည်း အိမ်ဖြူတော်ပြောခွင့်ရ ဂျေးကာနေက မနေ့က သတင်းစာရှင်းလင်းပွဲ အတွင်း ပြောဆိုလိုက်ပါတယ်။

အမေရိကန်အစိုးရက တရုတ်အစိုးရနဲ့ အပြုသဘောဆောင်တဲ့ ဆက်ဆံရေး ဆက်ရှိနေမယ်လို့လည်း အလေးအနက်ထား ပြောပါတယ်။

တရုတ်အစိုးရနဲ့အတူ ဆိုင်ဘာလုံခြုံရေး ကိစ္စတွေမှာ ပူးပေါင်းဆောင်ရွက်မှုတွေ၊ ညှိနှိုင်းဆောင်ရွက်မှုတွေအတွက် အခွင့်အလမ်းတွေ အမြဲရှိနေတယ်လို့လည်း ဆိုပါတယ်။

“သမ္မတအိုဘားမားက ဒီအရေးကို စိန်ခေါ်မှုလို့ သတ်မှတ်ကြောင်း ရှင်းရှင်းလင်းလင်း ပြောခဲ့ပြီးပြီ။ အမေရိကန် ဆိုင်ဘာလုံခြုံရေးအတွက်၊ အစိုးရအတွက် စီးပွားရေးအတွက် ခြိမ်းခြောက်မှုတွေ ရှိနေချိန်မှာ တာဝန်ခံမှု ရှိဖို့အတွက် လှုပ်ရှားမှုတွေ လုပ်ဖို့ သူက မျှော်လင့်ခဲ့တယ်။ ဆိုင်ဘာလုံခြုံရေးက ထိပ်တန်းဦးစားပေးဆိုတာ သေချာအောင် အာရုံစိုက် ကတိပြုခဲ့တာ” လို့ ပြောပါတယ်။

အမေရိကန် နျူကလီးယား သတ္တုနဲ့ နေစွမ်းအင်သိုလှောင်ပြား ထုတ်လုပ်တဲ့ ကုမ္ပဏီတွေရဲ့ ကုန်သွယ်ရေး လျှို့ဝှက်ချက်တွေကို ခိုးယူခဲ့တယ်လို့ စွပ်စွဲခဲ့တာပါ။

စွဲချက်တင်မှုအရ တရုတ် အစိုးရပိုင်ကုမ္ပဏီတွေဟာ သတင်းအချက်အလက် နည်းပညာဝန်ဆောင်မှုပေးဖို့ တရုတ်ပြည်သူ့လွတ်မြောက်ရေးတပ် တပ်ခွဲ ယူနစ် ၆၁၃၉ ၈ ကို ငှားရမ်းခဲ့တယ်လို့ ဆိုပါတယ်။ တရုတ်ကုမ္ပဏီတွေရဲ့ နာမည်တွေကိုတော့ မဖော်ပြပါဘူး။

ဒီတပ်ဟာ ဆိုင်ဘာလုံခြုံရေးအဖွဲ့ရဲ့ မနှစ်က ခွဲခြားဖော်ပြမှုအရ  သူလျှိုလုပ်ငန်း အများအပြားကို လည်ပတ်လုပ်ဆောင်တဲ့ ရင်းမြစ်ဖြစ်တယ်လို့ ဆိုပါတယ်။

တရုတ်ကတော့ စွဲချက်တွေကို ချက်ချင်းငြင်းဆိုပြီး အမေရိကန် တရားသူကြီးတွေက စွဲချက်တွေကို အတုလုပ်ပြီး ၂ နိုင်ငံကြား ယုံကြည်မှုကို ပျက်စီးစေတယ်လို့ နိုင်ငံခြားရေး ၀န်ကြီးဌာနက ထုတ်ပြန်တဲ့ ကြေညာချက်ထဲမှာ ပြောပါတယ်။

အမေရိကန် အရာရှိတွေကတော့ ကုမ္ပဏီတွေရဲ့ ထိခိုက်ဆုံးရှုံးမှုကို ခန့်မှန်းဖို့ ငြင်းဆိုပေမယ့် သိသာထင်ရှားတဲ့ ပမာဏလို့ ဆိုပါတယ်။

ခုလို စွဲချက်တင်တာဟာ အမေရိကန်အစိုးရက ဆိုင်ဘာသူလျှိုမှုကို ပူးပေါင်းလုပ်ဆောင်မှုနဲ့ စွပ်စွဲပြီး နိုင်ငံခြားအစိုးရ အရာရှိ ဘယ်သူ ဘယ်ဝါဆိုတာကို တိတိကျကျ တရားစွဲတဲ့ ပထမဆုံး လုပ်ရပ် ဖြစ်ပါတယ်။

DVB Burmese 

အပြည့်အစုံသို့ »

မှောင်ခိုပစ္စည်း ကျပ်ငွေ ၁၂ ဘီလီယံကျော်ဖိုး ဖမ်းဆီးရမိ


စီးပွား- ကူးသန်း ၀န်ကြီးဌာနက ဖွဲ့စည်းထားတဲ့ မှောင်ခိုပစ္စည်းဖမ်းဆီးရေး Mobile Team အဖွဲ့ဟာ ၂ နှစ်အတွင်း အမှုပေါင်း ၂၅၀၀ ကျော်ကနေ ကုန်ပစ္စည်းတန်ဖိုး ကျပ်ငွေ ၁၂ ဘီလီယံကျော်ဖိုး ဖမ်းဆီးရမိခဲ့တယ်လို့ ထုတ်ပြန်ကြေညာပါတယ်။

Mobile Team အဖွဲ့တွေဟာ တရုတ်နယ်စပ် – မူဆယ် နဲ့ မန္တလေးလမ်းကြောင်းမှာ မှောင်ခို ဖမ်းဆီးရမိမှု အများဆုံးဖြစ်ပြီး စုစုပေါင်း အမှု ၁၅၀၀ ကျော်တယ်လို့ ဆိုပါတယ်။

မြ၀တီ-ရန်ကုန်လမ်းမှာတော့ ဒုတိယ အများဆုံးဖြစ်ပြီး အမှုပေါင်း ၈၅၀ ကျော်တယ်လို့ ဖော်ပြထားပါတယ်။

Mobile Team အဖွဲ့တွေအနေနဲ့ ရန်ကုန်က လေဆိပ်၊ ရေဆိပ်၊ ပင်လယ်ကူးသင်္ဘော ၀င်ထွက်တဲ့ နေရာတွေအထိ မှောင်ခို ကုန်ပစ္စည်း လိုက်လံ ဖမ်းဆီးမယ်လို့ ကြေညာထားပေမယ့် ဌာနဆိုင်ရာတွေရဲ့ ပူးပေါင်းဆောင်ရွက်မ မရလို့ ဒီနေ့အချိန်ထိ အကောင်အထည် မဖော်နိုင်သေးပါဘူး။

DVB Burmese

အပြည့်အစုံသို့ »

အင်တာနက်လိုင်း ကျဆင်းမှုကြောင့် ATM စက် သုံးစွဲသူများအခက်တွေ့


ပြည်တွင်းပုဂ္ဂလိကဘဏ်များနှင့် ချိတ်ဆက်သုံးစွဲနေကြသည့် အလိုအလျောက်ငွေထုတ်စက် (ATM) များကို အသုံးပြုရာတွင် အင်တာနက်ဆက်သွယ်မှု လိုင်းကျဆင်းမှုကြောင့် စက်ချို့ယွင်းမှုနှင့် မကြာခဏကြုံတွေ့နေရကြောင်း စုံစမ်းသိရသည်။

ပြည်တွင်းအင်တာနက်လိုင်း ဆက်သွယ်မှုလိုင်းကျဆင်းမှုကြောင့် ATM စက်များ ချို့ယွင်းခြင်းသည် ယခင်က ဖြစ်ပေါ်လေ့ရှိသော်လည်း ယခုရက်ပိုင်းအတွင်း ဆက်တိုက်ဖြစ်ပေါ်နေခြင်းဖြစ်ကြောင်း ရန်ကုန်မြို့နေ သုံးစွဲသူတချို့ထံမှ သိရသည်။

“ရန်ကုန်မြို့ထဲက ATM စက်တစ်ခုမှာ ငွေထုတ်ဖို့ကတ်ထည့်တော့ ကွန်နက်ရှင်ကျနေလို့မရခဲ့ဘူး။ နောက်တစ်ခေါက်ကလည်း ရန်ကုန်မှာပဲ။ ကွန်နက်ရှင်ကျလို့ ထုတ်လို့မရပြန်ဘူး။ ကျွန်မအတွက်တော့ နှစ်ကြိမ်ပဲ ဒီပြဿနာကြုံရပေမယ့် ဖြစ်ကိုမဖြစ်သင့်တဲ့ ချို့ယွင်းမှုပါ။ ကျွန်မလိုပဲ တခြားသူတွေလည်း ဒီပြဿနာကြုံရတယ်လို့ သိရတယ်” ဟု ရန်ကုန်မြို့နေအမျိုးသမီးတစ်ဦးက သူမ၏ အတွေ့အကြုံကို ပြောသည်။

ထို့အပြင် ပုဂ္ဂလိကဘဏ်အချို့မှ ဝန်ဆောင်မှုပေးနေသည့် နိုင်ငံတကာသုံး  ငွေပေးချေရေးကတ်များကို သုံးစွဲရာ၌လည်း အခက်အခဲအချို့နှင့် ကြုံတွေ့နေရကြောင်း သုံးစွဲသူတချို့က ပြောသည်။

“ပြည်ပနိုင်ငံတွေမှာ သုံးလို့ရတဲ့ ငွေပေးချေရေးကတ်တွေ၊ ကတ်တွေနဲ့ပတ်သက်ပြီး သုံးစွဲတဲ့အခါ အဆင်မပြေတာတွေ မဖြစ်အောင် ဘဏ်တွေဘက်ကနေ သေသေချာချာရှင်းပြတာတွေ၊ ပညာပေးတာတွေ လုပ်ပေးဖို့လိုတယ်လို့ မြင်ပါတယ်။ ပြီးတော့ ဒီလိုကတ်တွေကိုသုံးတဲ့အခါ အသုံးပြုတဲ့သူအများစု နားလည်လွယ်မယ့်စနစ်တွေကိုပဲ ထည့်သွင်းသင့်ပါတယ်။ သူများနိုင်ငံရောက်ပြီးမှ ကိုယ့်ဆီက နည်းပညာမကောင်းလို့ မျက်နှာငယ်ရတဲ့အဖြစ် တခြားသူတွေလည်းဖြစ်ကြတာတွေ့နေရတယ်” ဟု မကြာသေးမီရက်ပိုင်းက ထိုင်းနိုင်ငံ၊ ဘန်ကောက်တွင် ပြည်တွင်းပုဂ္ဂလိကဘဏ်တစ်ခုမှ ထုတ်လုပ်သည့် နိုင်ငံတကာသုံး အီလက်ထရွန်နစ် ငွေပေးချေရေးကတ်သုံးစွဲရာတွင် အဆင်မပြေဖြစ်ခဲ့ရသည့် အမျိုးသမီးတစ်ဦးက ဆိုသည်။

ယခုကဲ့သို့  ပြည်တွင်းမှ ATM စက်များ အင်တာနက်မြန်နှုန်းကြောင့် အခက်အခဲကြုံတွေ့နေရသကဲ့သို့  POS (Point of Sale) စက်များသည်လည်း အလားတူပြဿနာမျိုးကြောင့် သုံးစွဲသူများ နည်းပါးနေဆဲဖြစ်သည်ဟု စုံစမ်းသိရသည်။


ယုဇနကိုကို
Internet Journal 

အပြည့်အစုံသို့ »

ဒေါ်လာ သန်း ၁၀၀တန် ကမ္ဘာ့ဘဏ်စီမံကိန်း ပွင့်လင်း မြင်သာမှုနှင့် လာဘ်စားမှုကင်းရန် ပညာရှင်များ အကြံပြု


နီနီမြင့်| အင်္ဂါနေ့၊ မေလ ၂၀ ရက် ၂၀၁၄ ခုနှစ်

အမေရိကန် ဒေါ်လာသန်း (၁၀၀) ချေးငွေဖြင့် ကမ္ဘာ့ဘဏ်က ငွေကြေး ထောက်ပံ့ပြီး ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေး ဦးစီးဌာန(DWIR) က အကောင်အထည်ဖော်ဆောင်ရွက်သော မြန်မာနိုင်ငံ ဧရာဝတီမြစ်ဝှမ်း ဘက်စုံပေါင်းစည်းစီမံခန့်ခွဲမှု အဆိုပြုစီမံကိန်း အကောင်အထည်ဖော်မည်ဆိုပါက ပွင့်လင်းမြင်သာမှုရှိရန်နှင့် လာဘ်စားမှု ကင်းရန်ဆောင်ရွက်သင့်ကြောင်း သဘာဝပတ်ဝန်းကျင်ထိန်းသိမ်းရေးပညာရှင်များက တိုက်တွန်းအကြံပြုသည်။

“မြန်မာနိုင်ငံက နှစ်ပေါင်းများစွာ စစ်အုပ်ချုပ်မှုအောက်မှာရှိခဲ့တယ်။ စီမံကိန်းတွေကို ပြန်ကြည့်မယ်ဆိုရင် ပွင့်လင်းမြင်သာမှုမရှိဘူး။ လာဘ်စားမှုတွေရှိတယ်။ ဒီ စီမံကိန်းအတွက် ထည့်သွင်းစဉ်းစားရမှာက အစိုးရအနေနဲ့ ပွင့်လင်းမြင်သာမှုရှိရပါမယ်။ လာဘ်စားမှုကင်းဖို့လိုပါတယ်” ဟု မြန်မာ အစိမ်းရောင်ကွန်ရက်မှ ဒေါ်ဒေ၀ီသန့်စင် က မေလ ၁၉ ရက်၊ ရန်ကုန်၊ ဆီဒိုးနား ဟိုတယ်တွင်ကျင်းပသော ဧရာဝတီမြစ်ဝှမ်းဘက်စုံ စီမံခန့်ခွဲရေးအတွက် ဆွေးနွေးပွဲ အခမ်းအနားတွင် ပြောသည်။

ဆက်လက်ပြီး ၎င်းက စီမံကိန်းအတွက် သက်ဆိုင်ရာပညာရှင်များနှင့် ဆွေးနွေးရ မည့်အပြင် ဧရာဝတီမြစ် ၀ှမ်းတစ်လျှောက် နေထိုင်သည့် ဒေသခံများ၏ ပူပေါင်းပါဝင်မှုများကိုပါ ထည့်သွင်းစဉ်းစားသင့်ကြောင်း ပြောသည်။

“နောက်ပြီး EIA/SIA (သဘာဝ ပတ်ဝန်းကျင်ထိခိုက်မှု အကဲဖြတ်လေ့လာဆန်းစစ်ခြင်း၊ လူမှုစီးပွားထိခိုက်မှု အကဲဖြတ် လေ့လာဆန်းစစ်ခြင်း)တို့ပြောရင် များသောအားဖြင့်စီမံကိန်းရ ရှိရေးအတွက် လုပ်ဆောင်နေတာများတယ်။ တကယ် ထိထိရောက် ရောက် လေ့လာဆန်းစစ်မှုတွေမရှိဘူး။ လုံလောက်တဲ့ လေ့လာဆန်းစစ်မှုတွေလဲ လိုတယ်” ဟု ဒေါ်ဒေ၀ီသန့်စင်ကပြောသည်။

Spectrum အဖွဲ့မှ ဒါရိုက်တာ မစ္စတာ ဒေးဗစ်အလန်က “ EIA/SIA လို့ပြောရင် ရလာတဲ့စစ် တမ်းတွေကို ပြည်သူကိုတကယ် ချပြရမယ်။ ပွင့်လင်းမြင်သာမှုရှိရပါမယ်။အရေးပါတဲ့ ကိစ္စရပ်ပါ” ဟု ပြောသည်။

ကမ္ဘာ့ဘဏ်မှ ကူညီမည်ဖြစ်သော အဆိုပါစီမံကိန်းကို ပို့ဆောင်ရေးဝန်ကြီး ဌာနလက်အောက် DWIR က အကောင်အထည်ဖော် ဆောင်ရွက်သွားမည်ဖြစ်သည်။ ၎င်းင်းစီမံကိန်းကို ဧရာဝတီမြစ်ဝှမ်း နှင့် နိုင်ငံ၏ ရေအရင်းအမြစ် ဖွံ့ဖြိုးတိုးတက်မှု၊ ဧရာဝတီမြစ်ဝှမ်း ဘက်စုံစီမံခန့်ခွဲ မှုဆောင်ရွက်ရန် လိုအပ်သော အဖွဲ့အစည်း နှင့် လုပ်ဆောင်နိုင်စွမ်းဖွံ့ဖြိုးတိုးတက်မှုရှိစေရန်၊ ရေကြောင်းသွားလာမှု၊ မိုးလေ၀သနှင့် ဇလဗေဒဆိုင်ရာ အသိပေးဂရုပြုစေမှုနှင့် အကြံပြုခြင်းများအား တိုးတက်စေခြင်းဖြင့် နှီးနွယ်ရာ အသက်မွေးဝမ်း ကျောင်းမှုများတွင် ကောင်းကျိုးသက်ရောက်မှုများရှိစေရန် စသည့် ဦးတည်ချက်များဖြင့် ဆောင်ရွက်သွားမည်ဖြစ်သည်။

စီမံကိန်းအတွက် သဘာဝပတ်ဝန်းကျင်နှင့် လူမှုရေးစီမံခန့်ခွဲမှု မူဘောင်အကြမ်းဆွေးနွေးခြင်းများကို ဇူလိုင် ၂၀၁၄ တွင်ပြုလုပ်ပြီး၊ ဆန်းစစ်လေ့လာခြင်းကို သြဂုတ်လတွင် ပြုလုပ်မည်ဖြစ်သည်။ ထို့နောက် ကမ္ဘာ့ဘဏ်ဘုတ်အဖွဲ့က ဒီဇင်ဘာလတွင် အတည်ပြုမည်ဖြစ်သည်။

Mizzima Burmese 

အပြည့်အစုံသို့ »

တစ်ကျပ်ခွဲတိုးဖြင့် ကျပ်သန်းပေါင်း ငါးသောင်း သမ၀ါယမ ထုတ်ချေးပေးမည်


ဇာနည်အောင်၊ လပြည့်ဝန်း| အင်္ဂါနေ့၊ မေလ ၂၀ ရက် ၂၀၁၄ ခုနှစ်

ယခုနှစ် မိုးရာသီလုပ်ငန်းစရိတ် ချေးငွေမှ ကျပ်သန်းပေါင်း ငါးသောင်းကို တစ်ကျပ်ခွဲတိုးဖြင့် စတင်ချေးပေးသွားမည်ဖြစ်ကြောင်း သမ၀ါယမ၀န်ကြီးဦးကျော်ဆန်းက မေလ ၁၉ ရက်က သုဝဏ္ဏမိုးလုံလေလုံ ပြုလုပ်သည့် ကျေးလက်ဒေသဖွံ့ဖြိုးရေးနှင့် လူမှုစီးပွားဘ၀မြှင့်တင်ရေး အခမ်းအနားတွင် ပြောကြားသည်။

ယခင်နှစ်များက အတိုးနှုန်း နှစ်ကျပ်ခွဲ ယူခဲ့သော်လည်း ယခု မိုးရာသီလုပ်ငန်း စရိတ်ချေးငွေမှ စတင်ကာ အတိုးနှုန်း တစ်ကျပ်လျှော့ချလိုက်ခြင်းဖြစ်သည်။

ယင်းသို့လျှော့ချလိုက်ခြင်းသည် မူလ ချေးထားသည့် တရုတ်နိုင်ငံချေးငွေ၏ အတိုးနှုန်းမှာ တစ်နှစ်လျှင် လေးကျပ်ခွဲနှုန်းသာ ရှိသည့်အတွက်ဖြစ်သည်။

ယင်းမှာ ဖွံ့ဖြိုးဆဲနိုင်ငံများတွင် နိုင်ငံခြားချေးငွေများရယူ၍ လုပ်ဆောင်သည့် လုပ်နည်းလုပ်ဟန်တစ်ခုသာ ဖြစ်သည်ဟု စီးပွားရေးပညာရှင် ဦးလှမောင်က ထောက်ပြပြောဆိုသည်။

“ချေးငွေပမာဏ ထိရောက်မှုရှိဖို့လိုတယ်။ နောက်ပြီး ချေးငွေမအောင်မြင်တဲ့၊ ပြန်မဆပ်တဲ့ ကိစ္စတွေကို သမကဘယ်လို ကျော်လွှားမလဲဆိုတာ အရေးကြီးတယ်။ချေးငွေတာဝန်ယူရတဲ့သူတွေရဲ့ အရည်အချင်း လို အပ်တယ်။ ချေးတာ စနစ်ကျဖို့ လိုပါတယ်။ မဟုတ်ရင် ချေးငွေလုပ်ငန်းက အောင်မြင်မှာ မဟုတ်ဘူး”ဟု ၎င်းက ပြောသည်။

ရန်ကုန်တိုင်းအတွင်း မိုးသီးနှံချေးငွေ သိန်း ၂၆,၇၄၈ ကျော်ထုတ်ချေးပြီး အရစ်ကျ ငွေချေစနစ်ဖြင့် သိန်း ၁၀,၈၃၇ ကျော် တန်ဖိုးရှိ လယ်ထွန်စက် ၆၃၁ စီးနှင့် သိန်း ၇,၀၁၂ သိန်းတန်ဖိုးရှိ အပ်ချုပ်စက်၊ ဆိုက္ကား အ ပါအ၀င် လုပ်ငန်းသုံးပစ္စည်းကိရိယာ ၂,၀၄၄ ခုအတွက် ထုတ်ချေးပေးသွား မည်ဖြစ်သည်။

ထို့ပြင် အသေးစားအရင်းအနှီးချေးငွေ မရရှိသေးသည့် ကျန်ပြည်နယ်နှင့် တိုင်းများတွင် မိုးရာသီလုပ်ငန်း စရိတ်အဖြစ် ချေးငွေကျပ် ဘီလီယံ ၅၀ (ကျပ်သန်းပေါင်း ငါး သောင်း)ကို မေလနှင့် ဇွန်လ၌ တစ်ကျပ်ခွဲ အတိုးနှုန်းဖြင့် ထုတ်ချေးပေးသွားမည်ဟု ၀န်ကြီးဦးကျော်ဆန်းက ပြောသည်။

ယခင် ချေးထားတဲ့ချေးငွေများအတွက် ယခင်အတိုးနှုန်း နှစ်ကျပ်ခွဲနှင့် ဆက်လက် ဆောင်ရွက်ရမှာဖြစ် ကြောင်း၊ ၎င်းင်းအတိုး နှုန်းများကိုလည်း လျှော့ချနိုင်ရေး ညှိနှိုင်း ဆောင်ရွက်ပေးသွားမည်ဖြစ်ကြောင်း ၎င်း က ထည့်သွင်းပြောကြားခဲ့သည်။

“ချေးငွေရရှိပြီးသား ပြည်သူအတွက် လည်း ၂၀၁၅ ခုနှစ်မှာ ချေးငွေပမာဏကို တိုးမြှင့်ပေးသွားဖို့ စီစဉ်နေ တယ်။ တိုးမြှင့် တဲ့နေရာမှာ ပြည်သူ့လိုအပ်ချက်အလိုက်စံသတ်မှတ်သွားမှာပါ”ဟု ၎င်းကဆိုသည်။

ကျောက်ပန်းတောင်းမြို့နယ် ဆန်ကုန်း ကျေးရွာ တောင်သူဦးဝင်းအောင်က “တစ်ဧက ကျပ်တစ်သိန်း ထုတ် ချေးပေးပါတယ်။ အများဆုံးချေးပေးတာတော့ ငါးဧက အတွက် ငါးသိန်းအထိပဲ ချေးပေးပါတယ်။ စုဆောင်း ငွေအဖြစ် တစ်သိန်းကို တစ်သောင်းထည့်ရပါတယ်။ ခြောက်လ အတွင်း အကြေအလည်ဆပ်ပေးရ တယ် ” ဟု ပြောသည်။

သမ၀ါယမ၀န်ကြီးဌာနမှ အသေးစား အရင်းအနှီးချေးငွေတွင် စိုက်စရိတ်ချေးငွေကို တစ်ဧကကျပ် တစ်သိန်း နှုန်းဖြင့် အများဆုံး ငါးဧက သာထုတ်ချေးပေးပြီး ငွေချေး ယူသူသည် ငွေချေးတိုင်း ၁၀ ရာခိုင်နှုန်းစုဆောင်း ရပြီး သီးနှံထွက်ရှိမှု ကာလ အလိုက် အရစ်ကျပေးချေရမည်ဖြစ်သည်။

ခိုင်သမ၀ါယမအသင်းဥက္ကဋ္ဌ ဦးသန့်ဇော်က “စိုက်စရိတ်ချေးငွေက ဒေသ အလိုက် သီးနှံပေါ်ချိန်ပေါ် မူတည် ပြီး အရစ်ကျပေးလို့ရတယ်။ ၀ိုင်းကြီးချုပ်စနစ်နဲ့ ချေးပေးထားတယ်။ သမချေးငွေမှာ အခု တစ်ကျပ်ခွဲနှုန်းက ငွေပမာဏများတဲ့ ချေးငွေတွေ ဆိုရင်တော့ အတိုး တစ်ကျပ်ခွဲနှုန်း သတ်မှတ်လို့ရပေမယ့်။အပ်ချုပ်စက်တို့၊ ဆိုက္ကားတို့လို တန်ဖိုးနည်းကိရိယာတွေမှာ ဆိုရင်တော့ အတိုးက နည်းရမယ်။အဲ့ဒီပေါ်မှာ တစ်ကျပ်ခွဲတိုး ကောက်လို့မရဘူး” ဟု ပြောသည်။

တရုတ်ပြည်သူ့သမ္မတနိုင်ငံမှ အမေရိ ကန်ဒေါ်လာသန်း ၇၀၀ ချေးယူခွင့်ရရှိထား သည့်အထဲမှ ပထမအရစ် ဒေါ်လာသန်း ၁၀၀ ကို သမ၀ါယမ၀န်ကြီးဌာနက ချေးငွေ ထုတ်ချေးပေးခြင်းဖြစ်ကြောင်း၊ မြန်မာတစ်နိုင်ငံ လုံး အတိုင်းအတာဖြင့် ချေးပေးရန် အနည်းဆုံးလိုအပ်သည့်ငွေမှာ မြန်မာကျပ်ငွေ ဘီလီယံ ၆၀၀ မှ ၃,၀၀၀ ကျော် အထိဖြစ်သည်ဟု ပြည်ထောင်စုဝန်ကြီး ဦးကျော်ဆန်းက အဆိုပါအခမ်းအနားတွင် ပြောသည်။

Mizzima Burmese

အပြည့်အစုံသို့ »

ဂျက်လေယာဉ်ဆီ ရောင်းသည့်လုပ်ငန်းအတွက် အကျိုးတူ ဖိတ်ခေါ်


စွမ်းအင်ဝန်ကြီးဌာနဟာ ပြည်တွင်း လေဆိပ်တွေမှာ ဂျက်လေယာဉ်ဆီ ဖြန့်ဖြူးရောင်းချရေး လုပ်ငန်းတွေ အကျိုးတူ ပူးပေါင်းဆောင်ရွက်ဖို့ နိုင်ငံခြား ကုမ္ပဏီတွေကို ဖိတ်ခေါ်ထားတယ်လို့ နေပြည်တော် စွမ်းအင်ဝန်ကြီးရုံး တာဝန်ရှိသူတဦး ဒီဗွီဘီကို အတည်ပြုပြောဆိုပါတယ်။

အကျိုးတူ ပူးပေါင်းလုပ်ကိုင်လိုတဲ့ နိုင်ငံခြားကုမ္ပဏီဟာ အနည်းဆုံး ပြည်ပ နိုင်ငံသုံးခု က လေဆိပ်သုံးခုမှာ ဂျက်လေယာဉ်ဆီ ဖြန့်ဖြူးရောင်းချတဲ့ အတွေ့အကြုံရှိဖို့ လိုတယ်လို့ စည်းကမ်းသတ်မှတ်ထားပါတယ်။

လက်ရှိမြန်မာ့ရေနံထွက်ကုန် ပစ္စည်း ဖြန့်ဖြူးရေးအင်တာပရိုက်စ်ဟာ ရန်ကုန် အပြည်ပြည်ဆိုင်ရာ လေဆိပ်၊ မန္တလေး တံတားဦးလေဆိပ်၊ နေပြည်တော်လေဆိပ်တွေကနေ နှစ်စဉ် ဂျက်လေယာဉ်ဆီ လီတာ ၁၂၇ သန်းကျော် ဖြန့်ဖြူးရောင်းချနေပါတယ်။

DVB Burmese 

အပြည့်အစုံသို့ »

မထူးခြားတဲ့ သက်တမ်းတစ်နှစ်တိုး အမေရိကန် စီးပွားရေး ပိတ်ဆို့မှု ...


ခင်မောင်ညို(ဘောဂဗေဒ)

(၁)

အမေရိကန်၊ မြန်မာ ဆက်ဆံရေးဟာ အမေရိကန်သမ္မတ အိုဘားမားနဲ့ ဟီလာရီ ကလင်တန်တို့ရဲ့ ခရီးစဉ်တွေရောက်ရှိ မှတ်တိုင်သစ်တစ်ရပ် စိုက်ထူနိုင်ခဲ့တယ်လို့ ပြောစမှတ် ပြုခဲ့ကြပါတယ်။ ဒီနောက်ပိုင်းမှာ မြန်မာနိုင်ငံမှာ နှစ်ပေါင်းများစွာ လစ်လပ်နေတဲ့ အမေရိကန်သံအမတ်ကြီး နေရာမှာ ဒဲရက်မစ်ခ်ျလ် ရောက်လာပြီး မြန်မာနဲ့အမေရိကန် ဆက်ဆံရေး ပိုကောင်းလာသယောင် တွေ့ရတယ်။ ကြားထဲမှာ အမေရိကန် ကုမ္ပဏီတွေ မြန်မာနိုင်ငံမှာ တာဝန်သိတဲ့ ရင်းနှီးမြှုပ်နှံမှုတွေလုပ်ဖို့ စီးပွားရေးပိတ်ဆို့မှု ဖြေလျှော့မှု တချို့ကို ပြုလုပ်ခဲ့ပါတယ်။ အခုလိုဖြေလျှော့မှုလုပ်တာဟာ အမေရိကန်ပြည်ထောင်စုက မြန်မာနိုင်ငံရဲ့ ပြုပြင်ပြောင်းလဲမှုတွေကို ထောက်ခံအားပေးကာ ပြုပြင်ပြောင်းလဲလိုသူတွေကို မက်လုံးပေးတာ၊ ပြည်သူပြည်သားတွေ ထင်ရှားတဲ့ အကျိုးကျေးဇူးတွေသာ ခံစားစေချင်တာတွေ ဖြစ်တယ်လို့ ဆိုခဲ့ပါတယ်။

အဲဒီလို ဖြေလျှော့မှုလုပ်တဲ့အထဲမှာ တပ်မတော်နဲ့ တပ်မတော်ပိုင် စီးပွားရေးလုပ်ငန်းတွေ ပါဝင်ခြင်း မရှိပါဘူး။ ဒီအပြင် မြန်မာနိုင်ငံနဲ့ စီးပွားရေးလုပ်ငန်းလုပ်မယ့် အမေရိကန် စီးပွားလုပ်ငန်းတွေဟာ ဖြေလျော့မှုကနေ အကျိုးခံစားနိုင်ခြင်း မရှိပါဘူး။

အမေရိကန်၊ မြန်မာနိုင်ငံအပေါ် ပိတ်ဆို့မှုကို ဖြေလျှော့ရာမှာ၊ မြန်မာနိုင်ငံက ကုန်ပစ္စည်းတွေ တင်ပို့ခွင့်ပြုခဲ့တာတွေလည်း ပါဝင်ပါတယ်။ ဒါပေမဲ့ အဲဒီ ၂၀၁၂ ခုနှစ် နိုဝင်ဘာလ ၁၆ ရက်နေ့စွဲနဲ့ အမေရိကန် ဘဏ္ဍာရေးဝန်ကြီးဌာနက ထုတ်ပြန်တဲ့ ကြေညာချက်ထဲမှာ မြန်မာနိုင်ငံက ထွက်တဲ့ ကျောက်စိမ်းတို့ ပတ္တမြားတို့ ပါဝင်ခြင်း မရှိပါဘူး။

(၂)

မြန်မာအစိုးရဟာ ၁၉၉၆ ခုနှစ် စက်တင်ဘာလ ၃၁ ရက် နောက်ပိုင်းမှာ အတိုက်အခံ ဒီမိုကရေစီ လှုပ်ရှားမှုတွေကို အကြီးအကျယ် နှိပ်ကွပ်ခဲ့တဲ့အတွက် ၁၉၉၇ ခုနှစ် မေလ ၂၀ ရက်ကတည်းက နိုင်ငံခြားလုပ်ငန်းတွေ၊ ပို့ကုန်ငွေကြေး ထောက်ပံ့တာတွေ ရပ်ဆိုင်းခဲ့ပါတယ်။ တစ်နည်းအားဖြင့် စီးပွားရေး ပိတ်ဆို့မှုတွေ ပြုလုပ်ခဲ့ပါတယ်။

ဒီအချိန်မှာ မြန်မာနိုင်ငံနဲ့ အလားတူ အခြားနိုင်ငံတွေအပေါ်မှာ စီးပွားရေး ပိတ်ဆို့မှုလုပ်တာမျိုးတွေ မရှိခဲ့တာကို ထောက်ပြပြီး အမေရိကန်ဟာ စီးပွားရေးအရ ထိခိုက်နစ်နာ ဆုံးရှုံးစရာမရှိတဲ့အပြင် အမေရိကန်ရဲ့ ရင်းနှီးမြှုပ်နှံမှု မြန်မာနိုင်ငံမှာ ကြီးကြီးမားမား မရှိတဲ့အတွက်လည်း အခုလို စီးပွားရေးပိတ်ဆို့မှု ပြုလုပ်တာ ဖြစ်တယ်လို့ ဝေဖန်ပြောဆိုခဲ့ကြပါတယ်။ ပြီးတော့ စီးပွားရေးပိတ်ဆို့မှုဟာ ရည်မှန်းတဲ့ အစိုးရရဲ့ အပြုအမူ အပြောင်းအလဲ တစ်စုံတစ်ရာ ဖြစ်ပေါ်စေမှာ မဟုတ်ဘဲ၊ အများပြည်သူ အထူးသဖြင့် သာမန် ပြည်သူပြည်သားတွေ နေထိုင်မှုကို အခက်အခဲဖြစ်စေတယ်လို့ သုံးသပ်ပြပါတယ်။

၂၀၁၁ ခုနှစ်နောက်ပိုင်း မြန်မာနိုင်ငံမှာ အပြောင်းအလဲ တချို့တွေ့မြင်ရတဲ့အခါ ဒါဟာ စီးပွားရေးပိတ်ဆို့မှုကြောင့်လား၊ အာရှဒေသက အိမ်နီးချင်းနိုင်ငံတွေရဲ့ ထိတွေ့ဆက်ဆံမှုကြောင့်လား အငြင်းပွားစရာ ဖြစ်ခဲ့ရပါတယ်။ စီးပွားရေးပိတ်ဆို့မှုဟာ ချမှတ်ရတာ လွယ်ကူသလောက် ရုပ်သိမ်းဖို့ ခက်ခဲတယ် ဆိုတာရယ်၊ ရုပ်သိမ်းရင် နိုင်ငံရေးအရ ထိခိုက်နစ်နာမှု ရှိနိုင်တယ်ဆိုတာတွေကိုလည်း အစကတည်းက နားလည် သဘောပေါက်ထားခဲ့ကြပါတယ်။

(၃)

အမေရိကန်-မြန်မာဆက်ဆံရေး အပါအ၀င် မြန်မာနိုင်ငံရဲ့ ဆက်ဆံရေးအသစ်တွေ ပေါ်ပေါက်လာတဲ့အခါ မူလရှိပြီး တရုတ်နိုင်ငံအာဆီယံနိုင်ငံတွေနဲ့ ဆက်ဆံရေးတွေ လျော့နည်းကျဲပါးသွားတော့ မလားလို့ စိုးရိမ်ပူပန်မှုတွေ ရှိခဲ့ပါတယ်။

ဒါပေမဲ့ ကုန်သွယ်မှုနဲ့ ရင်းနှီးမြှုပ်နှံမှု ကိန်းဂဏန်းတွေကို ကြည့်ရင် အမေရိကန်နဲ့ အနောက်နိုင်ငံတွေဟာ အကူအညီအနေနဲ့ ပေးတာကလွဲလို့ ကြီးမားတဲ့ ရင်းနှီးမြှုပ်နှံမှုနဲ့ ကုန်သွယ်မှုတွေလုပ်ဖို့ ခက်ခဲနေသေးတာကို တွေ့ရပါတယ်။

အမေရိကန်က ထုံးစံအတိုင်း စီးပွားရေးပိတ်ဆို့မှုသတင်းသက်တမ်း တစ်နှစ်တိုးလိုက်တာဟာ သူ့အတွက် စီးပွားရေးအရ မထိခိုက်၊ နိုင်ငံရေးအရ လွယ်ကူတဲ့ လုပ်ငန်းစဉ် ဖြစ်ပါတယ်။ ဒီလို သက်တမ်းတိုးတဲ့အတွက် မြန်မာနိုင်ငံရဲ့ပြုပြင်ပြောင်းလဲမှုတွေကို ဖိအားပေးနိုင်မယ်လို့ တွက်ဆထားတယ်။

ရခိုင်နဲ့ဘာသာရေး ပဋိပက္ခတွေ အပါအ၀င် အရေးပါတဲ့ စိန်ခေါ်မှုတွေ ရှိနေဆဲဖြစ်လို့လို့ အကြောင်းပြပါတယ်။

(၄)

အစိုးရစီးပွားရေး ပိတ်ဆို့မှု သက်တမ်း တစ်နှစ်တိုးတဲ့အတွက် အတိုက်အခံအချို့က ကြိုဆိုထောက်ခံကြတာတွေ့ရသလို မြန်မာအစိုးရ တာဝန်ရှိသူ တစ်ဦးကတော့ နောက်ကြောင်း ပြန်လုပ်ရပ်အဖြစ် အလွတ်သဘော ကန့်ကွက်ခဲ့တာကို တွေ့ရပါတယ်။

စီးပွားရေးအကျိုး သက်ရောက်မှုအရ ပြောရရင် အမေရိကန်ရဲ့ အပြောတွေ ကောင်းပြီး၊ လက်ကမပါတဲ့ လုပ်ရပ်ကို ထပ်မံသက်သေပြလိုက်တာကလွဲလို့ အပေါင်းလက္ခဏာရော၊ အနုတ်လက္ခဏာရော ကြီးမားတဲ့ အကျိုးသက်ရောက်မှု တစ်စုံတစ်ရာ ဖြစ်ပေါ်လာမယ်လို့ မတွက်ဆနိုင်ပါဘူး။ အမေရိကန်ပြောတဲ့ ဘာသာရေး၊ လူမျိုးရေးကိစ္စတွေကလည်း ရေရှည် ဖြေရှင်းရမယ့်ကိစ္စတွေ ဖြစ်လေတော့ စီးပွားရေးပိတ်ဆို့မှု သက်တမ်းတိုးချင်ရင် အကြောင်းပြလို့ ကောင်းတဲ့ ဆင်ခြေတွေနဲ့ ဆက်လက် ရှိနေဦးမှာပါ။

Mizzima Burmese

အပြည့်အစုံသို့ »