Showing posts with label korea-news. Show all posts
Showing posts with label korea-news. Show all posts

တောင်ကိုရီးယား ဘတ်စ်ကားဂိတ်တခုတွင် မီးလောင်၊ ၆ ဦး သေဆုံး ဒီဗွီဘီ


တောင်ကိုရီးယားနိုင်ငံ ဆိုးလ်မြို့တော်က ဘတ်စ်ကားဂိတ်တခုမှာ ဒီနေ့ မီးလောင်ကျွမ်းမှု ဖြစ်ပွားခဲ့ပြီး အမျိုးသား ၃ ဦးနဲ့ အမျိုးသမီး ၃ ဦး စုစုပေါင်း ၆ ဦး သေဆုံးခဲ့ပါတယ်။

ဘတ်စ်ကားဂိတ်ရဲ့ မြေအောက်ဆောက် လုပ်ရေးဆိုက်မှာ ဂဟေဆော်ရင်း မနက် ၉ နာရီကျော်မှာ မီးထလောင်ခဲ့တာလို့ အာဏာပိုင်တွေက ယူဆကြပြီး မီးသတ်သမားတွေ ရောက်မလာခင် မိနစ် ၂၀ လောက် မီးလောင်ကျွမ်းခဲ့တယ်လို့ ဆိုးလ်မြို့တော် မီးသတ်တပ်ဖွဲ့မှူးက ပြောပါတယ်။

ထိခိုက်ဒဏ်ရာရရှိသူ  ၃၃ ဦးမှာ ၆ ဦးက သေဆုံးခဲ့ပြီး တဦးကတော့ ဒဏ်ရာ ပြင်းထန်တယ်လို့ ဆိုပါတယ်။

DVB Burmese

အပြည့်အစုံသို့ »

တောင်နှင့်မြောက် ကိုရီးယား ၂ နိုင်ငံ ရေတပ်သင်္ဘောများ ပစ်ခတ်မှုဖြစ်


တောင် နဲ့ မြောက်ကိုရီးယား ရေတပ်သင်္ဘောတွေဟာ နှစ်နိုင်ငံအငြင်းပွားနေတဲ့ ပင်လယ်ရေပြင်မှာ အပြန်အလှန်ပစ်ခတ်ခဲ့ကြတယ်လို့ တောင်ကိုရီးယား ကာကွယ်ရေးဝန်ကြီးဌာနက မနေ့က ပြောဆိုပါတယ်။

နှစ်နိုင်ငံအငြင်းပွားနေတဲ့ ရေပြင်အနား ကင်းလှည့်နေတဲ့ တောင်ကိုရီးယားရေ တပ်သင်္ဘောကို မြောက်ကိုရီးယားရေ တပ်သင်္ဘောက အရင်ပစ်ခတ်ခဲ့တာဖြစ်ပြီး သင်္ဘောကိုထိမှန်ခဲ့ခြင်းတော့ မရှိခဲ့ဘူးလို့ဆိုပါတယ်။

တောင်ကိုရီးယားရေ တပ်ကလည်း ပြန်လည်ပစ်ခတ်ခဲ့ပေမယ့် အပြန်အလှန်ပစ်ခတ်မှုတွေအတွင်း နှစ်ဖက်ထိခိုက်မှုတော့ မရှိခဲ့ဘူးလို့ ဆိုပါတယ်။

ဒီပစ်ခတ်မှုတွေမဖြစ်ခင် အရင်တရက်ကလည်း မြောက်ကိုရီးယားကင်းလှည့်သင်္ဘော ၃ စင်းကို တောင်ကိုရီးယားရေတပ်က ခြိမ်းခြောက်ပစ်ခတ်ခဲ့ပါသေးတယ်။

နှစ်နိုင်ငံရေတပ်တွေဟာ နယ်နိမိတ်အငြင်းပွားမှုတွေနဲ့ ၁၉၉၉၊ ၂၀၀၂ နဲ့ ၂၀၀၉ ခုနှစ်တွေမှာ နှစ်နိုင်ငံ ရေတပ်တိုက်ခိုက်မှုတွေဖြစ်ပွားခဲ့ပြီး ထိခိုက်သေဆုံးမှုတွေရှိခဲ့ပါတယ်။

၂၀၁၀ ခုနှစ်၊ နိုဝင်ဘာလမှာ  တောင်ကိုရီးယားတပ်တွေ တပ်စွဲထားတဲ့ နှစ်နိုင်ငံနယ်စပ်က ရွဝ်ဖုန်းကျွန်းပေါ် မြောက်ကိုရီးယားက အမြောက်တွေနဲ့ ပစ်ခတ်ခဲ့တာကြောင့် တောင်ကိုရီးယားနိုင်ငံသား ၄ ဦးသေဆုံးခဲ့ပါတယ်။

DVB Burmese

အပြည့်အစုံသို့ »

အွန်လိုင်းမှာ ကလေးမွေးလို့ တကယ့်အပြင်က ကလေးသေရ


တောင်ကိုရီးယားမှာ ဖြစ်ပါတယ်။ အွန်လိုင်းဂိမ်းကို အင်မတန် စွဲလမ်းတဲ့ ဇနီးမောင်နှံကြောင့် သူတို့ရဲ့ ၃ လသား အရွယ် ကလေးငယ်လေးဟာ အိမ်မှာ သေဆုံးခဲ့ရ ပါတယ်။

ယင်း လူငယ် ဇနီးမောင်နှံဟာ Prius Online လို့အမည်ရတဲ့ 3-D fantasy ဂိမ်း စွဲလမ်းပြီး အွန်လိုင်းမှာ ကလေးတစ်ယောက် မွေးပါတယ်။ တစ်ခါ ကစားရင် ၁၀ နာရီတောင် ကြာပါတယ်။ အွန်လိုင်းက ကလေးငယ် ကြီးပြင်းအောင် မွေးဖွား စောင့်ရှောင့်ပေးရပြီး စော့ရင်စောင့်နိုင် သလောက် ပါဝါတွေ တိုးမှာ ဖြစ်ပါတယ်။ ဒီလိုနဲ့ တစ်ရက်ကို  အနည်းဆုံး ၁၀ နာရီ အင်တာနက် ဆိုင်သွား သွားဆော့ကြတဲ့ ဇနီးမောင်နှံဟာ ကလေးငယ် ကို ကူသူမရှိ ပုခက်ထဲ ထားခဲ့ ပါတယ်။

၃ လသား အရွယ်ဆိုတာ အချိန်ပြည့် စောင့်ရှောင့်ပေးမယ့်သူ ရှိမှ အသက်ရှင်ဖို့ လွယ်တာပါ။ နောက်တော့ သေဆုံးသွားပါတယ်။ ဒါကြောင့်မို့ ယင်း လူငယ် ဇနီးောမင်နှံ နှစ်ဦးကို တရားစွဲ အရေးယူ ထားပြီး လူသတ်မှု တစ်ခု အဖြစ် အရေးယူ သွားမှာ ဖြစ်ကြောင်း သိရပါတယ်။
.
Ref: CNN

အောင်ခမ်း
International news for Myanmar


အပြည့်အစုံသို့ »

ကိုရီးယား ကမ်းခြေစောင့်တပ် သမ္မတ ဖျက်သိမ်း

နိုင်ငံကို မိန့်ခွန်းပြောစဉ် မျက်ရည်ကျနေတဲ့ သမ္မတ ပတ်ဂွန်ဟေး

တောင်ကိုရီးယား နိုင်ငံမှာ လူပေါင်း ၃၀ဝ ကျော် သေဆုံးသွားခဲ့ရတဲ့ ကူးတို့ သင်္ဘော နှစ်မြုပ်ခဲ့ရမှုမှာ ကမ်းခြေစောင့် တပ်ဖွဲ့က တုံ့ပြန် ဆောင်ရွက်မှု အားနည်းခဲ့တာကြောင့် ကမ်းခြေစောင့်တပ်ကို ဖျက်သိမ်းပစ်ဖို့ သမ္မတ ပတ်ဂွန်ဟေးက ကြေညာလိုက်ပါတယ်။

ရုပ်သံကနေ နိုင်ငံကို မိန့်ခွန်း ပြောကြားရာမှာ ပတ်ဂွန်ဟေးက သင်္ဘော နှစ်မြုပ်စဉ် ကမ်းခြေစောင့် တပ်ရဲ့ ပထမ အဆင့် ဆောင်ရွက်မှုတွေဟာ ဘာမှ ထိရောက်မှု မရှိခဲ့ဘူးလို့ ပြောပါတယ်။

အခုတော့ ကမ်းခြေစောင့်တပ်ရဲ့ ကယ်ဆယ်ရေး လုပ်ငန်း တာဝန်တွေကို နိုင်ငံတော် အရေးပေါ် လုံခြုံရေး အေဂျင်စီကို လွှဲပြောင်းတော့မှာ ဖြစ်တယ်လို့ သူမက ပြောပါတယ်။

စုံစမ်း စစ်ဆေးမှုတွေကိုတော့ ရဲတပ်ဖွဲ့က ဆောင်ရွက်မှာ ဖြစ်ပါတယ်။

သယ်ယူပို့ဆောင်ရေး ကုမ္ပဏီတွေနဲ့ စည်းကမ်း ထိန်းသိမ်းရေး တာဝန်ရှိသူတွေ အကြား ပူပေါင်း လိမ်ညာမှုတွေနဲ့ အဂတိ လိုက်စားမှုတွေကို အမြစ်ပြတ်အောင် ဆောင်ရွက်သွားမယ် လို့လည်း ကတိပေးသွားပါတယ်။

bbc 

အပြည့်အစုံသို့ »

လူ ၃၀၀ ခန့် သေဆုံးခဲ့သည့် သင်္ဘောနစ်မြုပ်မှု တောင်ကိုရီးယားသမ္မတ တောင်းပန်


ကျောင်းသားကျောင်းသူအများစု အပါအ၀င် ခရီးသည် ၃၀၀ ၀န်းကျင် သေဆုံးခဲ့တဲ့ သင်္ဘောနစ်မြုပ်မှုနဲ့ ပတ်သက်လို့ တောင်ကိုရီးယား သမ္မတ ပါ့ခ်ဂွန်ဟိုင်းက ဒီနေ့ တရားဝင်တောင်းပန်လိုက်ပါတယ်။

ကယ်ဆယ်ရေး လုပ်ငန်းတွေကို မဆောင်ရွက်နိုင်တဲ့ ကမ်းခြေစောင့်တပ်ဖွဲ့ကို ဖျက်သိမ်းမယ်လို့လည်း ပြောပါတယ်။

ကယ်ဆယ်ရေး တာဝန်တွေကို အမျိုးသားအရေးပေါ် လုံခြုံရေးအဖွဲ့ကို ဖွဲ့စည်း လွှဲပြောင်းပေးပြီး စုံစမ်းစစ်ဆေးမှုတွေကို ရဲတပ်ဖွဲ့က လုပ်သွားမယ်လို့ တောင်ကိုရီးယား သမ္မတက ရုပ်မြင်သံကြား မိန့်ခွန်းမှာ ပြောပါတယ်။

“နာကျင်ခံစားခဲ့ရတဲ့ လူတွေအားလုံးအတွက် တနိုင်ငံလုံးကို တောင်းပန်ပါတယ်။ သမ္မတ တဦးအနေနဲ့ ပြည်သူတွေရဲ့ လုံခြုံရေးနဲ့ ပြည်သူတွေရဲ့ အသက်ကို ကာကွယ်ပေးရမယ့် တာဝန်ဝတ္တရား ရှိသူတဦးအနေနဲ့ တောင်းပန်ပါတယ်” လို့ ပြောပါတယ်။

ခရီးသည်နဲ့ သင်္ဘောဝန်ထမ်း ၄၇၆ ယောက် လိုက်ပါသွားတဲ့ သင်္ဘောဟာ ဧပြီလက နှစ်မြှုပ်ခဲ့ပြီး ၂၈၆ ဦး သေဆုံးခဲ့ပါတယ်။ ၁၈ ဦး ပျောက်ဆုံးနေဆဲဖြစ်ပါတယ်။

ဒီသင်္ဘောနစ်မြှုပ်မှုဟာ တောင်ကိုရီးယားမှာ နှစ်ပေါင်း ၂၀ အတွင်း အဆိုးရွားဆုံး ဖြစ်ပါတယ်။

ခရီးသည်တွေထဲက ၃၃၉ ယောက်ဟာ လေ့လာရေးခရီးထွက်ဖို့ သွားတဲ့ အထက်တန်း ကျောင်းသားကျောင်းသူတွေနဲ့ ဆရာဆရာမတွေ ဖြစ်ပါတယ်။ ၁၇၂ ယောက်ကိုပဲ ကယ်ထုတ်နိုင်ခဲ့ပါတယ်။

သင်္ဘောနစ်မြှုပ်စဉ် ရိုက်ကူးထားတဲ့ ဗွီဒီယိုမှာ ကပ္ပတိန်နဲ့ သင်္ဘောဝန်ထမ်းတွေဟာ ကလေးတွေကို နေရာမှာ နေပြီး နောက်ထပ် ညွှန်ကြားချက်တွေကို စောင့်ဖို့ ကြေညာနေတဲ့အချိန်မှာ သင်္ဘောကို စွန့်ခွာနေတာကို တွေ့ခဲ့ရပါတယ်။

သင်္ဘောနစ်မြှုပ်မှုအတွင်း သေဆုံးခဲ့သူတွေရဲ့ မိသားစုဝင်တွေကို သမ္မတ ပါ့ခ်က ပုဂ္ဂိုလ်ရေးအရ တောင်းပန်ခဲ့ပေမယ့် သင်္ဘောနစ်မြှုပ်မှုကို ကိုင်တွယ်ပုံနဲ့ပတ်သက်ပြီး ဝေဖန်ခံနေရပါတယ်။

အသက်ရှင်ကျန်နေတဲ့ သင်္ဘောဝန်ထမ်း ၁၅ ယောက်စလုံးကို ရာဇ၀တ်မှုနဲ့ စွပ်စွဲထားပါတယ်။ သူတို့ထဲမှာ သင်္ဘော ကပ္ပတိန်နဲ့ အကြီးတမ်း ၀န်ထမ်း ၃ ဦးလည်း ပါဝင်ပါတယ်။

DVB TV News

အပြည့်အစုံသို့ »

မြောက်ကိုရီးယား အဆောက်အအုံ ပြိုကျမှု လူပေါင်းရာနှင့်ချီ သေဆုံးဖွယ်ရှိ


မြောက်ကိုရီးယား နိုင်ငံတွင် အဆောက်အအုံတစ်ခု ပြိုကျပြီးနောက် လူပေါင်းရာနှင့်ချီ သေဆုံးခဲ့သည်ဟု ယူဆရကြောင်း ခန့်မှန်းသတင်းများ ထွက်ပေါ်လာခဲ့သည်။ ပြုံယမ်းမြို့တော်တွင် တည်ဆောက်နေသည့်ေ

အပြည့်အစုံသို့ »

တိုက်ပြိုကျ လူသေဆုံးမှု မြောက်ကိုရီးယားအစိုးရ တောင်းပန်


မြောက်ကိုရီးယားမြို့တော် ပြုံယမ်းမှာ ဆောက်လက်စတိုက်ခန်းတွေ ပြိုကျပြီး သေဆုံးသူတွေရဲ့ မိသားစုဝင်များ။ (မေ ၁၈၊ ၂၀၁၄)

မြောက်ကိုးရီးယားနိုင်ငံ Pyongyan မြို့တော်မှာ ဆောက်လက်စတိုက်တစ်လုံး ပြိုကျပျက်စီးခဲ့တဲ့အတွက် အာဏာပိုင်တွေက မလုပ်စဖူး လူသိရှင်ကြား တောင်းပန်ခဲ့ပါတယ်။

အဲဒီ တိုက်ပြိုကျမှုမှာ လူတွေ ရာနဲ့ချီသေဆုံးနိုင်ကြောင်း တောင်ကိုရီးယား တာဝန်ရှိသူတွေက မှတ်ချက်ပေးထားပါတယ်။

မြောက်ကိုရီးယားနိုင်ငံသမိုင်းမှာ ဖြစ်တောင့်ဖြစ်ခဲ သတင်းမီဒီယာကနေ ဆောက်လက်စတိုက် ပြိုကျတဲ့သတင်းတပုဒ်ကို ဖော်ပြခဲ့တာလည်း ဖြစ်ပါတယ်။

ပြုံယမ်းမြိုကက မိသားစု ၁၀၀ နီးပါး နေထိုင်တဲ့ ၂၃ ထပ်အမြင့် ဆောက်လက်စတိုက် တစ်လုံးပြိုကျတဲ့ သတင်းကို မြောက်ကိုရီးယားက KCNA သတင်းဌာနက တနင်္ဂနွေနေ့က ဖော်ပြခဲ့ပေမယ့် လူ ဘယ်နှစ်ယောက် သေတယ်ဆိုတဲ့အချက်ကို တိတိကျကျ သတင်းမထုတ်ပြန်ခဲ့ပါဘူး။

ဆောက်လုပ်ရေးလုပ်သူတွေက သေသေချာချာ တာဝန်မယူခဲ့တဲ့အတွက် အခုလို တာဝန်မဲ့လုပ်ရပ်ကို တာဝန်ရှိသူတွေက ကြည့်ကြပ်ကွပ်ကဲမယ်လို့ပဲ သတင်းက ဖော်ပြပါတယ်။

ဆောက်လုပ်ရေးလုပ်ငန်း မပြီးပြတ်သေးခင် တိုက်ခန်းထဲဝင်ရေက်နေထိုင်တာ မြောက်ကိုရီးယားမှာ ပုံမှန် လုပ်နေကျဖြစ်တယ်လို့ အမည်မဖော်တဲ့ တောင်ကိုရီးယား တာဝန်ရှိသူတစ်ယောက်က ပြောပါတယ်။ ဆောက်လက်စတိုက်ထဲ ဝင်နေတဲ့ ရာနဲ့ချီတဲ့ မိသားစုဝင်တွေကတော့ အသက်ဆုံးရှုံးဖွယ်ရာဖြစ်ကြောင်းလည်း သူက ဆိုပါတယ်။

မြောက်ကိုရီးယား အစိုးရတာဝန်ရှိသူတစ်ယောက်ကတော့ ဒီဖြစ်ရပ်ဟာ ယုံနိုင်စရာမရှိတဲ့ မတော်တဆမှုဖြစ်တယ်လို့ဆိုပြီး လူသိရှင်ကြား တောင်းပန်ခဲ့တာဖြစ်ပါတယ်။

voa burmese

အပြည့်အစုံသို့ »

YouTube တွင် ကြည့်ရှုသူ သန်း(၁၀၀၀)ပြည့်ခဲ့သည့် Girls’ Generation



YouTube ဝက်ဘ်ဆိုက်ပေါ်တွင် ကြည့်ရှုသူ အရေအတွက် သန်း(၁၀၀၀)ပြည့် ဗီဒီယိုပိုင်ရှင်များ စာရင်း၌ တောင်ကိုရီးယား Kpop ကြယ်ပွင့် အမျိုးသမီး ဂီတအဖွဲ့ Girls’ Generationလည်း ပါဝင်လာပြီ ဖြစ်သည်။ တောင်ကိုရီးယား ဂီတလောကကို လွှမ်းမိုးထားသည့် Girls’ Generationတို့ အနေဖြင့် ယခုအခါ တစ်ကမ္ဘာလုံး အတိုင်းအတာထိ ပရိသတ်အင်အား တိုးချဲ့ပိုင်ဆိုင်လာနေသည်ကို ယခုမှတ်တမ်းက ညွှန်ပြနေသည်။ YouTubeက ကြည့်ရှုခြင်း ခံရသူ အရေအတွက် သန်း(၁၀၀၀)ပြည့်မြောက်သည့် One Billion Club အဖွဲ့ဝင်အဖြစ် Girls’ Generationလည်း ပါဝင်လာခဲ့ပြီဟု အတည်ပြုပေးခဲ့သည်။ ဂီတလောကတွင် အထင်ကရ ကြယ်ပွင့်များဖြစ်သည့် ရှာကီရာ၊ အမ်မီနမ်၊ ဂျက်စတင်တင်းဘားလိတ်ခ်၊ ရီဟာနာ၊ လေဒီဂါဂါတို့ကဲ့သို့ ပုဂ္ဂိုလ်များနှင့်တန်းတူ ရပ်တည်မှုမျိုးကို Girls’ Generation အနေဖြင့် ပိုင်ဆိုင်လာခြင်းလည်း ဖြစ်သည်။

Pop Dust၏ အဆိုအရ လက်ရှိ Girls’ Generation၏ အောင်မြင်မှုသည် Kpopရပ်ဝန်းမှရော၊ အနောက်နိုင်ငံများမှရော ထင်ရှားကျော်ကြားသည့် အမျိုးသမီး ဂီတအဖွဲ့များဖြစ်သည့် 2NE1၊ AKB48၊ Destiny’s Child၊ Spice Girls၊ Little Mixတို့ထက် အသာစီး ရနေကြောင်း သိရှိရသည်။ အထူးသဖြင့် အဖွဲ့၏ Geeသီချင်းမှာ ပရိသတ်ကြား ရေပန်းစားခဲ့ပြီး ထိုသီချင်း တစ်ပုဒ်တည်းကို ကြည့်ရှုသူ အရေအတွက် သန်း(၁၂၀)ကျော်ထိ ရောက်ရှိခဲ့သည်။ ထို့အပြင် I Got A Boyမှာလည်း လူကြိုက်များခဲ့ပြီး ယင်းသီချင်းသည် လေဒီဂါဂါ၊ ဂျက်စတင်ဘီဘာ၊ မိုင်လီဆိုင်းရပ်စ်တို့၏ သီချင်းဗီဒီယိုများကို ကျော်ဖြတ်ကာ YouTube၏ တစ်နှစ်တာ အကောင်းဆုံး ဗီဒီယိုဆုကို ရရှိခဲ့သည်။

Girls’ Generation အဖွဲ့ဝင်များသည် တစ်ဦးချင်းအလိုက် ဂီတနှင့် ဖက်ရှင်နယ်ပယ်တွင် ခွဲထွက်လှုပ်ရှားမှုများ ရှိသော်လည်း အဖွဲ့ကိုမူ အပြိုကွဲမခံခဲ့ချေ။ လက်ရှိတွင် Girls’ Generation အဖွဲ့ဝင် (၉)ဦးလုံးသည် သူမတို့၏ Mr. Mr သီချင်းသစ်အတွက် Promotion အစီအစဉ်များ အပြီးကတည်းက တစ်ဦးချင်း လှုပ်ရှားမှုများဖြင့် အတန်ငယ် အလုပ်များနေသည်။ ဂျက်ဆီကာသည် ညီမဖြစ်သူ SM the Ballad အဖွဲ့ဝင် ခရစ္စတယ်လ်နှင့်အတူ Cover Girl အမည်ရှိ ကိုယ်ပိုင် TV Showတစ်ခု အစပြုရန် စီစဉ်လျှက် ရှိပြီး ယွန်အာကမူ ဒူဘိုင်းသို့ သွားရောက်ကာ Chanel အမှတ်တံဆိပ်၏ ဖက်ရှင်ရှိုးပွဲသို့ တက်ရောက်ခဲ့သည်။ ဆန်နီကမူ အသံလွှင့် အစီအစဉ်တစ်ခုတွင် DJအဖြစ် ပါဝင်လျှက် ရှိသည်။ Girls’ Generationကို (၂၀၀၇)ခုနှစ်က စတင်ဖွဲ့စည်းခဲ့ပြီး တေယွန်း၊ ဂျက်ဆီကာ၊ ဆန်နီ၊ တစ်ဖ်နီ၊ ဟိုယွန်း၊ ယူရီ၊ ဆူယောင်း၊ ယွန်အာ၊ ဆိုဟွန်းတို့ ပါဝင်ထားကြသည်။

Planet Myanmar Network



အပြည့်အစုံသို့ »

ကွယ်လွန်သူ ဦးဝင်းတင်ကို တောင်ကိုရီယား လူ့အခွင့်အရေးဆု ချီးမြင့်

ဝါရင့်နိုင်ငံရေးသမားကြီးနဲ့ သတင်းစာဆရာကြီး ဟံသာဝတီ ဦးဝင်းတင်။ 

ကွယ်လွန်သွားပြီဖြစ်တဲ့ သတင်းစာဆရာကြီး ဟံသာဝတီ ဦးဝင်းတင် ကို တောင်ကိုရီးယားနိုင်ငံ အခြေစိုက် The Truth Foundation က သူတို့ အဖွဲ့ရဲ့ ၂၀၁၄ခုနှစ်အတွက် လူ့အခွင့်အရေးဆု ချီးမြှင့်လိုက်ပါတယ်။ NLD ပါတီခေါင်းဆောင် တစ်ဦးလည်းဖြစ်တဲ့ ဦးဝင်းတင် ကွယ်လွန်သွားပြီ ဖြစ်ပေမယ့် ဒီဆုကို ဦးဝင်းတင်ရဲ့ကိုယ်စား  ဦးဝင်းတင်ဖေါင်ဒေးရှင်းက တာဝန်ရှိသူတွေ တောင်ကိုရီးယားနိုင်ငံကို သွားရောက်လက်ခံ ရယူမှာ ဖြစ်ပါတယ်။ ဒီအကြောင်း ကိုဉာဏ်ဝင်းအောင်က ပြောပြပါမယ်။
တချိန်က စစ်အာဏာရှင်တွေ အုပ်ချုပ်ခဲ့တဲ့ တောင်ကိုရီးယားနိုင်ငံမှာ ဒီမိုကရေစီနဲ့ လူ့အခွင့်အရေးတွေရဖို့  တိုက်ပွဲဝင်ရင်း အာဏာရှင်တွေရဲ့ အဖမ်းဆီး ထောင်ချ နှိပ်စက်ခံခဲ့ရတဲ့ နိုင်ငံရေးအကျဉ်းသားဟောင်းတွေက ၂၀၀၉ခုနှစ်မှာ The Truth Foundation ကို စတင်တည်ထောင် ထားတာဖြစ်ပါတယ်။

သူတို့အဖွဲ့ရဲ့ရံပုံငွေ အတွက် ဘယ်အစိုးရ ဘယ်စီးပွားရေးလုပ်ငန်းရှင်တွေ ရဲ့ အကူအညီကိုမှ မယူဘဲ အဖွဲ့ဝင်တွေ ကိုယ်ပိုင် ထည့်ဝင် လှူဒါန်းငွေနဲ့သာ လည်ပတ်နေတာ ဖြစ်ပြီး ၂၀၁၁ခုနှစ်က စလို့ နှစ်စဉ်ဆိုသလို  ဒီမိုကရေစီနဲ့ လူ့အခွင့်အရေးအတွက် တိုက်ပွဲဝင်နေ ကြသူတွေကို ရွေးချယ် ဆုချီးမြှင့် လာခဲ့တာဖြစ်ပါတယ်။

၂၀၁၃ ခုနှစ်အထိ The Truth Foundation ရဲ့ဆုတွေကို ကိုရီးယားနိုင်ငံ သားတွေသာ ချီးမြှင့်ခံခဲ့ရပေမယ့် ၂၀၁၄ အရောက်မှာ မြန်မာနိုင်ငံ က နိုင်ငံရေးခေါင်းဆောင် တဦးဖြစ်သူ ဟံသာဝတီဦးဝင်းတင် အရွေးချယ်ခံရတာနဲ့ ပတ်သက်လို့ ၊ ဒီဆုအတွက် NLD လွတ်မြောက်နယ်မြေ ကိုရီးယားဌာနခွဲက အဆိုတင်သွင်းခဲ့ပါတယ်။

တကယ်တော့ ဒီဆုဟာ သက်ရှိထင်ရှားရှိ နေသူတွေကိုသာ ချီးမြှင့်တဲ့ ဆုဖြစ်တာကြောင့် ဦးဝင်းတင်ကွယ်လွန်သွားချိန်မှာ ဒီဆုအတွက် အခြား သူတယောက်ကို ထပ်ပြီးရွေးချယ်ရမယ့် အခြေနေဖြစ်ခဲ့ပေမယ့် NLD လွတ်မြောက်နယ်မြေရဲ့ ထပ်မံအကြံပြုချက်အရ ဦးဝင်းတင်ဖေါင်ဒေးရှင်း ကို ဆုချီးမြှင့်ဖို့ ဆုံးဖြတ်လိုက်ကြောင်း  လွတ်မြောက်နယ်မြေ ကိုရီးယားဌာနခွဲအဖွဲ့ဝင် ကိုရန်နိုင်ထွန်းက VOA ကို ရှင်းပြပါတယ်။

“Foundation ရဲ့  မူအရဆိုလို့ရှိရင် သူတို့က သက်ရှိထင်ရှားရှိသူကိုသာလျှင် ဆုပေးတဲ့အတွက်ကြောင့်မို့လို့ ဆရာကြီး ဦးဝင်းတင်ကို နောက်ဆုံး ဖယ်ထားရမယ့် အခြေအနေမှာ ရောက်ရှိခဲ့ပါတယ်။ အဲဒီအချိန်မှာ ကျနော်တို့ကို လှမ်းပြီးတော့ အကြောင်းကြားပါတယ်။ အဲဒီမှာ ကျနော်တို့ အမျိုးသားဒီမိုကရေစီအဖွဲ့ချုပ် လွတ်မြောက်နယ်မြေ ကိုရီးယား ဌာနခွဲက နေပြီးတော့ ဆရာကြီး ဦးဝင်းတင် ကွယ်လွန်သွားတာ မှန်ပါတယ်။

သို့သော်လည်းဘဲ  ဆရာကြီး ဦးဝင်းတင်ထူထောင်ထားခဲ့တဲ့  ဦးဝင်းတင်ဖောင်ဒေးရှင်း ဆိုတာ မြန်မာနိုင်ငံ အတွင်းမှာ နိုင်ငံရေး အကျဉ်းသားတွေ တကယ့်မိသားစုတွေ  နိုင်ငံရေး အကျဉ်းသားတွေကို လိုအပ်တဲ့ ကျန်းမာရေး လူမှုရေး အဖက်ဖက်ကနေပြီးတော့ ထောက်ပံ့ကူညီမှုတွေကို လုပ်နေတာ အခုအချိန် အထိပါပဲ။

ဆရာကြီး ဦးဝင်းတင် မရှိသော်ငြားလည်းဘဲ  ဦးဝင်းတင်ဖောင်ဒေးရှင်းဆိုတာ ဆက်လက် ရှင်သန်နေဆဲ ရပ်တည်နေဆဲဖြစ်တဲ့အတွက်ကြောင့်မို့လို့ ဒီဆုကို  ဦးဝင်းတင်ဖောင်ဒေးရှင်း ကနေပြီးတော့ လက်ခံရရှိသင့်ပါတယ်ဆိုပြီးတော့ ကျနော်တို့က ထပ်မံပြီးအဆိုတင်သွင်းပေးခဲ့ပါတယ်။ အဲဒီအတွက် နောက်ဆုံးမှာ ဆရာကြီး ဦးဝင်းတင်ကို ပေးအပ်ခြင်းဖြစ်ပါတယ်ခင်ဗျာ။”

The Truth Foundation က ဟံသာဝတီဦးဝင်းတင်ကို လူ့အခွင့်အရေးဆု အတွက် ရွေးချယ်ခဲ့တဲ့အပေါ် ကိုရန်နိုင်ထွန်းရဲ့ အမြင်ကတော့-

“တကယ်တော့ ဆရာကြီး ဦးဝင်းတင်ဟာ ဆိုလို့ရှိရင် မြန်မာနိုင်ငံအတွင်းမှာ မှန်ကန်တဲ့ ယုံကြည်ချက်ကို ထိထိမိမိ လက်ကိုင်ထားပြီးတော့ ဒီမိုကရေစီ နဲ့ လူ့အခွင့်အရေးတွေကို ကြိုးစားခဲ့တဲ့ ခေါင်းဆောင်ကြီးတစ်ဦး ဖြစ်ပါတယ်။ ဆရာကြီး ဦးဝင်းတင်ဟာ ကွယ်လွန်သွားခဲ့သော်ငြားလည်းပဲ ဆရာကြီး ဦးဝင်းတင် ရဲ့ လုပ်ဆောင်မှုတွေကို အသိအမှတ်ပြုတဲ့ အနေနဲ့သော် လည်းကောင်း မြန်မာနိုင်ငံရဲ့ ဒီမိုကရေစီ နဲ့ လူ့အခွင့်အရေးတွေကို ဒီထက်မက တိုးတက် လာအောင် မြေတောင်မြှောက်ပေးတဲ့ အနေနဲ့ လည်းကောင်း ဒီဆုဟာ ဆရာကြီး ဦးဝင်းတင်နဲ့ အလွန်တရာမှ ထိုက်တန်တယ်လို့ ကျနော် ယူဆပါတယ်ခင်ဗျာ”

၂၀၁၄ခုနှစ်မှာ  The Truth Foundation က ချီးမြှင့်တဲ့ လူ့အခွင့်အရေးဆု အတွက် အမေရိကန်ဒေါ်လာ(၇)ထောင် လက်ခံရရှိမှာဖြစ်သလို ဆုတံဆိပ် နဲ့ ဂုဏ်ထူးဆောင် လက်မှတ်လည်း ချီးမြှင့်မှာဖြစ်ပါတယ်။ ဒီဆု အတွက် မြန်မာနိုင်ငံက ဦးဝင်းတင်ဖေါင်ဒေးရှင်းရဲ့ ကိုယ်စား လှယ်တွေ တောင်ကိုရီးယားကို သွားရောက်ပြီး ဇွန်လ(၂၆)မှာ လက်ခံယူမှာဖြစ်ပါတယ်။

၂၀၁၁ခုနှစ်ကနေ ၂၀၁၃ခုနှစ်အတွင်း Truth Foundation ရဲ့ လူ့အခွင့်အရေး ဆုတွေကို ကိုရီးယားနိုင်ငံသားတွေဖြစ်ကြတဲ့ ပါမောက္ခ Mr. Seo Seung ၊ ဒီမိုကရက်ပါတီအမတ်ဟောင်း Mr. Kim Geun-tae နဲ့ လူ့အခွင့်အရေး ရှေ့နေ Mr. Hong Seong Woo တို့ ရရှိခဲ့ကြပါတယ်။

VOA burmese

အပြည့်အစုံသို့ »

နစ်မြုပ်သွားသည့် တောင်ကိုရီးယား ကူးတို့သင်္ဘောမှ ကပ္ပတိန်ကို လူသတ်မှုဖြင့် စတင်စွဲချက်တင်


တောင်ကိုရီးယားနိုင်ငံတွင် နစ်မြုပ်ခဲ့သော ကူးတို့ယာဉ်၏ ရေယာဉ်မှူးကို လူသတ်မှုဖြင့် စတင်၍ စွဲချက်တင်လိုက်ပြီဖြစ်သည်။
သင်္ဘောကပ္ပတိန်အပြင် ရေယာဉ်၏ အခြားသော အဆင့်မြင့်အရာရှိ ၃ ဦးကိုပါ အလားတူစွဲချက်တင်ခဲ့ကြောင်း သိရှိရသည်။ ဧပြီလ ၁၄ ရက်နေ့က Sewol သင်္ဘောနစ်မြုပ်မှုတွင် ကျောင်းသူကျောင်းသားအများစု အပါအဝင် လူပေါင်း ၃၀၀ ကျော် သေဆုံးခဲ့သည့်ဖြစ်ရပ်တွင် သင်္ဘောကပ္ပတိန်နှင့် အရာရှိများ၏ ပေါ့လျော့မှု၊ တာဝန် မကျေမှုများအပေါ် တောင်ကိုရီးယားတစ်နိုင်ငံလုံးက ပြင်းပြင်းထန်ထန် ဒေါသထွက် နေကြသည်။ ကြာသပတေးနေ့တွင်မူ သင်္ဘောကပ္ပတိန် လီဂျွန်ဆက်ခ်အပြင် အင်ဂျင်နီယာချုပ်၊ ပထမအရာရှိနှင့် ဒုတိယအရာရှိတို့အား လူသတ်မှုဖြင့် တရားစွဲ ဆိုခဲ့သည်။

၆၈၂၅ တန်ဆံ့ သင်္ဘောကြီးသည် သတ်မှတ်ပမာဏထက် ပိုလွန်ပြီး အလွန်များပြားသည့် ကုန်စည်များ သယ်ဆောင်ခုတ်မောင်းရင်း နစ်မြုပ်ခဲ့ခြင်းဖြစ်သည်။ စစ်ဆေးမှုများအရ ယခုအရာရှိ ၄ ဦးတို့သည် သင်္ဘောကိုယ်ထည်ထဲတွင် ရာနှင့်ချီ ပိတ်မိကျန်နေသည့် ခရီးသည်များကို ကယ်ဆယ်ရွှေ့ပြောင်းပေးရန် မကြိုးစားဘဲ ကိုယ်လွတ်ရုန်းထွက်ပြေးခဲ့ကြောင်း ပေါ်ပေါက်လာခဲ့သည်။ လူပေါင်း ၄၇၆ ဦး လိုက်ပါခဲ့သော သင်္ဘောပေါ်တွင် ၂၈၁ ဦးသေဆုံးကြောင်း အတည်ပြုနိုင်သော်လည်း ၂၃ ဦး သည် အလောင်းရှာမရဘဲ ပျောက်ဆုံးနေဆဲဖြစ်သည်။ သေဆုံးသူ အများစုသည် ကျောင်း၏အစီအစဉ်နှင့် ခရီးထွက်လာသည့် ဆယ်ကျော်သက် ကျောင်းသူကျောင်း သားလေးများ ဖြစ်ကြသည်။

အကယ်၍ လီနှင့် အခြားအရာရှိ ၃ ဦးတွင် စွဲချက်အတွက် ပြစ်မှုထင်ရှားကြောင်း ဖော်ထုတ်တွေ့ရှိပါက ထောင်ဒဏ်တစ်သက်ထိ ပြစ်ဒဏ်ကျခံရဖွယ်ရှိနေကြောင်း ယွန်ဟပ်သတင်းဌာနက ဖော်ပြခဲ့သည်။ သင်္ဘောကို ကွပ်ကဲသည့် chonghaejin Marine ကုမ္ပဏီ၏ပိုင်ရှင်ဖြစ်သူ ယူဗြောင်အွန်းကိုလည်း သောကြာနေ့တွင် စစ်ဆေး မှုများ ပြုလုပ်မည်ဖြစ်သည်။ ၎င်းသည် တောင်ကိုရီးယားပြည်သူများ၏အမျက်ဒေါသကြောင့် သားသမီး ၄ ဦးနှင့်အတူပုန်းရှောင်နေရသည်။ ယူ၏ သားသမီးအနက် ၂ ဦး
သည် မက္ကစီကိုသို့ တိမ်းရှောင်လွတ်မြောက်သွားကြောင်း သတင်းများလည်း ထွက်ပေါ်နေသည်။

အသက် ၄၄ နှစ်ရှိ အကြီးဆုံးသား ယူဒေဂျန်မှာမူ တရားရုံး ဆင့်ခေါ်စာများကိုနှစ်ကြိမ်တိုင် အကြောင်းမပြန်သည့်နောက် ရဲတပ်ဖွဲ့က ၎င်းကိုဖမ်းဆီးရန် လိုက်လံ ရှာဖွေလျှက်ရှိသည်။ ချိုဆန်အီဘိုလ်သတင်းစာက ယူမိသားစုသည် တောင်ကိုရီးယားကို စွန့်ခွာထွက်ပြေးရန် အစွမ်းကုန်ကြိုးစားနေကြောင်း စွပ်စွဲဖော်ပြခဲ့သည်။ “ကျွန်တော်တို့ဟာ ဆိုးရွားတဲ့ ရာဇဝတ်သားတစ်ယောက်နဲ့ စကားပြောမှာ မဟုတ်ပါဘူး။ ဘာသာရေးခေါင်းဆောင်တစ်ယောက်ရဲ့သား၊ လူတကာ အသိအမှတ်ပြုရတဲ့ အနုပညာသမားတစ်ယောက်၊ စီးပွားရေးလုပ်ငန်းကြီး တော်တော်များများရဲ့ အဓိကရှယ်ယာရှင်အဖြစ်ပဲ သူနဲ့စကားပြောမှာပါ” ဟု အစိုးရရှေ့နေတစ်ဦးက ဆိုသည်။ ဆင့်ခေါ်စာထုတ်ထားခြင်းမှာ မေးမြန်းစုံစမ်းရန် သက်သက်ဖြစ်သော်လည်း ၎င်းက တိမ်းရှောင်သွားခြင်းဟုလည်း အဆိုပါရှေ့နေက ပြောကြားသွားခဲ့သည်။

Planet Myanmar Network

အပြည့်အစုံသို့ »

မြောက်ကိုရီးယား လေယာဉ်ပစ်တပ်ကို ကင်မ်ဂျုံအန်း သွားရောက်စစ်ဆေး


တောင်ကိုရီးယားနှင့် တင်းမာမှုများ ရှိနေစဉ် အတောအတွင်း မြောက်ကိုရီးယား နိုင်ငံ့ခေါင်းဆောင် ကင်မ်ဂျုံအန်း အနေဖြင့် စစ်တပ် မဟာဗျူဟာ တပ်ဖွဲ့များသို့ သွားရောက် စစ်ဆေးခဲ့ကြောင်း သိရှိရသည်။ြေ

အပြည့်အစုံသို့ »

မန်ယူကစားသမားဟောင်း ပတ်ဂျီဆန် ဘောလုံးသမားဘ၀က အနားယူ


မန်ယူနဲ့ တောင်ကုိုရီးယား လက်ရွေးစင် ကစားသမားဟောင်း ပတ်ဂျီဆန်က ဘောလုံး သမားဘ၀ကနေ အနားယူလိုက်ပြီ ဖြစ်ကြောင်း ဒီနေ့ ကြေညာလိုက်ပါတယ်။

အသက် ၃၃ နှစ်အရွယ် ကွင်းလယ်သမားဟာ တန်းဆင်းသွားရတဲ့ ပရီးမီးယားလိဂ်ကလပ် ကျုပီအာကနေ အသင်းဟောင်း ဟော်လန်ကလပ် ပီအက်စ်ဗွီမှာ အငှားနဲ့ သွားရောက် ကစားရင်း ဒူးဒဏ်ရာကြောင့် အနားယူလုိုက်တာ ဖြစ်ပါတယ်။

သူ့ကို မန်ယူနည်းပြဟောင်း ဖာဂူဆန်က ပီအက်စ်ဗွီကနေ ၂၀၀၅ ခုနှစ်မှာ ပေါင် ၄သန်းနဲ့ ခေါ်ယူခဲ့တာပါ။

မန်ယူမှာ ကစားသမားဘ၀မှာ အသင်းနဲ့အတူ ပရီးမီးယားလိဂ် ချန်ပီယံ ၄ ကြိမ်၊ လိဂ်ဖလား ၃ ကြိမ်၊ ဖီဖာကမ္ဘာ့ကလပ် ဖလား ၁ကြိမ်နဲ့ ချန်ပီယံလိဂ်ဖလား ၁ ကြိမ် ရယူနုိုင်ခဲ့ပါတယ်။

ပတ်ဂျီဆန်ဟာ အာရှဘောလုံးသမားတွေထဲကနေ ချန်ပီယံလိဂ် ဗိုလ်လုပွဲကို ပထမဆုံး ကစားခွင့်ရတဲ့သူလည်း ဖြစ်ပါတယ်။ မန်ယူအတွက် ပွဲပေါင်း ၂၀၅ ပွဲကစားပေးထားပြီး ဂိုးပေါင်း ၂၇ ဂိုး သွင်းပေးထားပါတယ်။ တောင်ကိုရီးယား လက်ရွေးစင် ကစားသမားဘ၀ကို ၂၀၀၀ မှာ စတင်ခဲ့ပြီး ပွဲပေါင်း ၁၀၀ မှာ ၁၃ ဂိုး သွင်းထားပါတယ်။

DVB Burmese 

အပြည့်အစုံသို့ »

ကိုရီးယားနိုင်ငံမှ ကမ္ဘာ့ပထမဆုံး ထိတွေ့ပြီး ဝယ်ယူရတဲ့ စူပါမားကက်


ကမ္ဘာ့ပထမဆုံး ထိတွေ့ပြီး ဝယ်ယူရတဲ့ စူပါမားကက်ကို ကိုရီးယားနိုင်ငံမှ တီထွင်လိုက် ပါတယ်။ အခြားသော စူပါမားကက်တွေ လိုမျိုး လှည်ကြီးနဲ့ သယ်နေစရာ မလိုပါဘူး။

ထိတွေ့ပြီး ဝယ်ယူလို့ ရတဲ့ အတွက်ကြောင့် မိမိအလို ရှိသော ပစ္စည်းကို လက်ဖြင့်ထိတွေ့ လိုက်ရုံဖြင့် အလိုအလျောက်ငွေရှင်း ကောင်တာကို ရောက်သွားမှာ ဖြစ်တယ်လို့ ဆိုပါတယ်။

ဒီလိုမျိုး ဒီထွင်လိုက်ခြင်းဟာ အချိန်မရ သူတွေ အတွက် ပိုမိုမြန်ဆန်စွာ ဈေးဝယ် ယူလို့ ရမှာ ဖြစ်ပါတယ်။ ထိုထိတွေ့ပြီး ဝယ်ယူ ရတဲ့ စူပါမားကက်မှ ပစ္စည်းတွေကို Online ကနေ ဝယ်ယူလို့ မရဘူးလို့ သိရပါတယ်။

ထို့ကြောင့် ကိုရီးယားနိုင်ငံမှ ကမ္ဘာ့ ပထမဆုံး ထိတွေ့ပြီး ဝယ်ယူရတဲ့ စူပါမားကက်ကို ဗဟုသု အနေဖြင့် ရေးသားပေး လိုက်ရပါတယ်။

ကျော်လင်းနိုင် (ရိုးရာလေး)

အပြည့်အစုံသို့ »

နစ်မြုပ်သင်္ဘောပေါ်ပါ ပျောက်ဆုံးသူများကို ရှာဖွေသည့် ရေငုပ်သမား သေဆုံး




ပြီးခဲ့တဲ့လက နစ်မြုပ်သွားတဲ့ တောင်ကိုရီးယားသင်္ဘောပေါ်ရှိ ပျောက်ဆုံးနေသူတွေကို ရှာဖွေတဲ့ ရေငုပ်သမားတဦး ဒီနေ့မှာ သတိလစ် မေ့မြောသွားပြီးနောက် သေဆုံးခဲ့ပါတယ်။

south koreiaရေငုပ်ပြီး ၅ မိနစ်အကြာမှာပဲ ရေငုပ်သမားဟာ ရေဒီယို ဆက်သွယ်ရေး ပြတ်တောက် သွားခဲ့ပြီး ရေပေါ်ကို ပြန်ဆယ်ယူလာတဲ့ အချိန်မှာ အသက်ရှူရပ်နေတဲ့အတွက် ဆေးရုံကို ရဟတ်ယာဉ်နဲ့ ပို့ခဲ့ရပြီးနောက် ဆေးရုံ မှာ သေဆုံးသွားတယ်လို့ ဆေးရုံက အတည်ပြုပါတယ်။

ရေငုပ်သမားဟာ ကယ်ဆင်ရေးလုပ်ငန်းတွေကို ဦးဆောင်တဲ့ ကုမ္ပဏီက ၀န်ထမ်း ဖြစ်ပါတယ်။

ဧပြီ ၁၆ ရက်နေ့က နစ်မြုပ်သွားတဲ့ သင်္ဘောပေါ်မှာ ခရီးသည်နဲ့ သင်္ဘောဝန်ထမ်း ၄၇၆ ယောက် လိုက်ပါသွားခဲ့ပြီး ၃၃၉ ယောက်ကတော့ အထက်တန်း ကျောင်းတကျောင်းတည်းက ကျောင်းသားကျောင်းသူတွေနဲ့ ဆရာဆရာမတွေ ဖြစ်ပါတယ်။

ဂျယ်ဂျူးကျွန်းဆီကို အပန်းဖြေခရီးထွက်ရင်းနဲ့ နစ်မြုပ်သွားတာ ဖြစ်ပြီး လူ ၁၇၄ ယောက်ကိုပဲ ကယ်တင်နိုင်ခဲ့ပါတယ်။

မေ ၆ ရက် ဒီနေ့ မနက်ပိုင်းအထိ ၂၆၃ လောင်းကို ပြန်ဆယ်ယူနိုင်ပြီး ၃၉ လောင်းကတော့ ပျောက်ဆုံးနေပါတယ်။ီ
DVB TV News


အပြည့်အစုံသို့ »

ညှို့အားအပြင်းဆုံး ကိုရီးယား ပေါ့အဆိုတော် ၁၀ ယောက်


သက္ကရာဇ် ၂၀၀၀ ပတ်ဝန်းကျင်လောက်ကစပြီး ကိုရီးယားပေါ့လောက စန်းပွင့်လာလိုက်တာ ခု ၂၀၁၃ခုနှစ် အရောက်မှာ ကိုရီးယား ပေါ့အဆိုတော်တွေနဲ့ အဖွဲ့တွေ အများအပြား ပေါ်ထွက်လာခဲ့ပါတယ်။ အဆိုပါရမီ ရှိရုံလောက်နဲ့တင် မလုံလောက်တော့တဲ့ ဒီခေတ်ကြီးထဲမှာ ရုပ်ရည်ရော၊ ခန္ဓာကိုယ်အလှအပပါ လိုအပ်လာတာမို့ ဒီအချက်တွေ ပိုင်ဆိုင်ထားတဲ့ ကိုရီးယားပေါ့အဆိုတော်တွေဟာ အရှေ့တိုင်းယဉ်ကျေးမှု မျက်နှာစာမှာ ထိပ်ဆုံးနေရာကို သိမ်းပိုက်ထားနိုင်ခဲ့ကြပါတယ်။

လက်ရှိအချိန် ကိုရီးယား ပေါ့လောကမှာ ညှို့အားအပြင်းဆုံးလို့ သတ်မှတ်နိုင်တဲ့ အဆိုတော် ၁၀ ယောက်ကို စုစည်းဖော်ပြပေးလိုက်ပါတယ်။ ဒီ ၁၀ ယောက်ကရော ပရိသတ်အကြိုက်နဲ့ ကိုက်ညီရဲ့လားဆိုတာ တိုက်ဆိုင် စစ်ဆေးကြည့်ပါဦး။



၁၀။ Nana (After School)


Nana ဟာ After School အဖွဲ့က ဖြစ်ပြီး အဖွဲ့ရဲ့ လှုပ်ရှားမှုတိုင်းကို ယုံကြည်စွာနဲ့ ကူညီပံ့ပိုးပေးသူ ဖြစ်ပါတယ်။ အဆိုတော်တစ်ယောက် အနေနဲ့သာမက အဖက်ဖက်ကနေ စွဲဆောင်မှုရှိတဲ့ အဆိုတော် တစ်ယောက် ဖြစ်ပါတယ်။



၉။ Park Ji Yeon (T-Ara)


မိန်းမချောတစ်ယောက်လည်းဖြစ်၊ နာမည်ကျော် T-ara အဖွဲ့ဝင်တစ်ယောက်လည်း ဖြစ်တဲ့ Ji Yeon ဟာ အဖွဲ့ဝင်တွေနဲ့အတူ သီချင်းဆိုနေ၊ ကနေရတဲ့အချိန် မဟုတ်ရင် သရုပ်ဆောင်အဖြစ်၊ မော်ဒယ်အဖြစ် ပရိသတ်ကို ဆက်လက်ဖျော်ဖြေနေသူ ဖြစ်ပါတယ်။ တောက်ပပြီး ညှို့အားပြင်းတဲ့ မျက်ဝန်းတွေက ပရိသတ်ကို ရင်ဖိုစေလောက်အောင် စွမ်းဆောင်နိုင်ပါတယ်။



၈။ G.NA


ကနေဒါကပြား အဆိုတော် G.NA ဟာ တေးရေးဆရာလည်း ဖြစ်ပါတယ်။ Cube Entertainment ရဲ့ တောက်ပတဲ့ ကြယ်ပွင့်တစ်ယောက် ဖြစ်ပြီး အကလည်း ထူးချွန်ပါတယ်။ အသက် ၂၆ နှစ်ရှိပြီ ဖြစ်တဲ့ G.NA ဟာ ညှို့အားပြင်း စွဲမက်ဖွက် ခန္ဓာကိုယ်ကိုလည်း ပိုင်ဆိုင်ထားပါသေးတယ်။



၇။ Yuri (Girls’ Generation)


ကိုရီးယားရဲ့ အအောင်မြင်ဆုံး အမျိုးသမီး ပေါ့အဆိုတော် အဖွဲ့ Girls’ Generation ရဲ့ အဖွဲ့ဝင်တစ်ယောက်ဖြစ်တဲ့ Yuri ဟာ ပရိသတ်ကို ညှို့ငင်ဖမ်းစားနိုင်တယ်ဆိုတာ သံသယရှိစရာ မလိုပါဘူး။ လှပတဲ့ ခန္ဓာကိုယ်ကောက်ကြောင်းနဲ့ ချောမောတဲ့ မျက်နှာတို့က သူ့ရဲ့ အလှကို ပီပီပြင်ပြင် ဖော်ကျူးနိုင်ပါတယ်။



၆။ Bae Suzy (miss A)


အသက် ၁၈ နှစ်ပဲ ရှိသေးတဲ့ ကိုရီးယားရဲ့ နံပါတ် ၁ အချစ်တော်လေးဟာ တောက်ပတဲ့ miss A အဖွဲ့ရဲ့ အဖွဲ့ဝင် တစ်ယောက်အဖြစ်သာမကပဲ သရုပ်ဆောင်အဖြစ်လည်း အောင်မြင်ကျော်ကြားတဲ့သူ ဖြစ်ပါတယ်။ Dream High ဇာတ်ကားနဲ့ အောင်မြင်မှုများ ရရှိထားရုံသာမကပဲ လက်ရှိ Gu Family Book နဲ့လည်း အောင်မြင်မှု ရရှိထားတဲ့သူ ဖြစ်ပါတယ်။ ပရိသတ်အချစ်တော် ဖြစ်သလို ညှို့ငင်အားကောင်းပြီး စွဲဆောင်မှုရှိသူလို့ တညီတညွတ်တည်း သတ်မှတ်ခံရသူ ဖြစ်ပါတယ်။



၅။ Tiffany ( Girls’ Generation)


ပန်းရောင်ကို ကြိုက်နှစ်သက်တဲ့ ဒီပေါ့အဆိုတော်လေးဟာ Girls’ Generation ရဲ့ အောင်မြင်မှုတွေနဲ့အတူ စင်ပေါ်ရောက်လာခဲ့တာ ဖြစ်သလို သရုပ်ဆောင်အဖြစ်လည်း အောင်မြင်မှုရဖို့ ကြိုးစားနေဆဲပါ။ ချစ်စဖွယ်ကောင်းသလို တောက်ပတဲ့ ညှို့ငင်နိုင်စွမ်းကိုလည်း ပိုင်ဆိုင်ထားသူပါ။



၎။ Jeon Hyo Sung (Secret)


ဒီပုံကို မြင်လိုက်တာနဲ့ Hyo Sung ရဲ့ စွဲငင်အား ဘယ်လောက်ရှိသလဲဆိုတာ ပြောစရာကို မလိုလောက်တော့ပါဘူး။ အလှတင် ပြည့်စုံတာ မဟုတ်ပဲ အကကောင်းတဲ့သူလည်း ဖြစ်တာမို့ သူရဲ့ ပရိသတ်တွေအတွက်ကတော့ ကျေနပ်စရာချည်းပါပဲ။



၃။ Ga In (Brown Eyed Girls)


Brown Eyed Girls ရဲ့ Ga In ဟာ ပရိသတ်ကို စိတ်လှုပ်ရှားစေလောက်အောင် ညှို့ငင်နိုင်စွမ်းအား ပြင်းတဲ့သူပါ။ အဆို အကသာမက စွဲဆောင်မှုရှိတဲ့ ဟန်ပန်တွေက သူ့ရဲ့ ခန္ဓာကိုယ်အလှကို ဆထက်ထမ်းပိုး ဖြည့်တင်းပေးနေပါတယ်။



၂။ HyunA (4Minute)


အနာဂတ်ရဲ့ ညှို့အားအပြင်းဆုံး မင်းသမီးလို့ တင်စားခေါ်ဝေါ်ခံခဲ့ရဖူးတဲ့ HyunA ဟာ တကယ်ပဲ ညှို့အားပြင်းတဲ့ အဆိုတော် တစ်ယောက် ဖြစ်ပါတယ်။ 4Minute ရဲ့ အဖွဲ့ဝင်တစ်ယောက် အဖြစ်သာမက တစ်ကိုယ်တော် အောင်မြင်မှုလည်း ရရှိနေသူဖြစ်ပြီး လှပတဲ့ ကိုယ်ဟန်နဲ့ စွဲမက်ဖွယ်ကကွက်တွေ တင်ဆက်နိုင်တဲ့သူတစ်ယောက် ဖြစ်ပါတယ်။



၁။ Hyo Rin (Sistar)


Sistar အဖွဲ့ရဲ့ ခေါင်းဆောင်အဆိုတော်လည်းဖြစ်တဲ့ လက်ရှိအသံပါဝါ အကောင်းဆုံး အဆိုတော်အဖြစ် အသိအမှတ်ပြု ခံထားရပါတယ်။ Dream High 2 ဇာတ်ကားနဲ့ သရုပ်ဆောင်ဖက်မှာလည်း ပါရမီရှင်ဖြစ်ကြောင်း ပြသနိုင်ခဲ့သလို မြင်ရသူ ဘဝင်အေးဆေးတဲ့ စွဲမက်ဖွယ် အပြုံးကိုလည်း ပိုင်ဆိုင်ထားသူပါ။ သူ့ရဲ့ ညှို့ငင်အားပြင်းတဲ့ ကိုယ်ခန္ဓာကလည်း သူ့ရဲ့ အလှကို ဖြည့်တင်းပေးနေပါတယ်။

Ref: Top 10 The Best
Hollinaz
Delo Delo 

အပြည့်အစုံသို့ »

တောင်ကိုရီးယား ရေယာဉ်ပျက်မှ ရုပ်အလောင်းများ ရှာဖွေရေး အခက်အခဲများစွာ ကြုံနေရ



ပင်လယ်သမုဒ္ဒရာ ရေပြင်တွင် လူတိုင်းလိုလို မိမိတာဝန်ယူထားသော အခန်းကဏ္ဍအတွက် အလုပ်များနေကြသည်။ ရေငုပ်သမားများက ရေအောက်ထဲ ငုပ်လျှိုးပျောက်ကွယ်သွားချိန်တွင် လူအချို့က ပတ်ဝန်းကျင်တစ်ဝိုက်တွင် ပိုက်ကွန်များ သွယ်တန်းပိတ်ဆို့ရန် အားထုတ်နေကြသည်။ တန်ချိန်(၆၈၀၀) အလေးချိန်ရှိသည့် Sewol ကူးတို့ရေယာဉ် နစ်မြုပ်မှုနောက်ပိုင်း ကယ်ဆယ်ရေးလုပ်ငန်း ဆောင်ရွက်နေသူများ အားလုံး၏  တစ်ခုတည်းသော ရည်ရွယ်ချက်မှာ ရေယာဉ်အတွင်းပိုင်းတွင် ကျန်ရစ်နေသူများကို အသက်ရှင်လျှက်ဖြစ်စေ၊ အလောင်းအနေဖြင့်ဖြစ်စေ အပြင်သို့ ပြန်သယ်ထုတ်လာရေးသာ ဖြစ်သည်။

ရေယာဉ်နစ်မြုပ်မှု ရက်ပေါင်း(၂၀)မျှ ကြာမြင့်လာသည့်နောက် သင်္ဘော၏ ကိုယ်ထည်အတွင်းမှ အသက်ရှင် ကျန်ရစ်သူ တစ်ဦးတစ်လေကို တွေ့ရှိရန် မျှော်လင့်ချက်မှာ အလွန်နည်းပါးသွားပြီ ဖြစ်သည်။ တနင်္လာနေ့ နံနက်ပိုင်းတွင် နောက်ထပ် အလောင်း(၁၁)လောင်းကို ရေငုပ်သမားများက ဆယ်ယူရရှိခဲ့သည်။ ထို့ကြောင့် လူပေါင်း(၄၇၆)ဦး စီးနင်းလိုက်ပါသွားသည့် ရေယာဉ်ကြီး နစ်မြုပ်မှုတွင် အသေအပျောက် စာရင်းသည် (၂၅၉)ဦးထိ မြင့်တက်လာခဲ့သည်။ လက်ရှိအချိန်ထိ ပျောက်ဆုံးနေသူ (၄၃)ဦး ကျန်ရှိနေဆဲဖြစ်ပြီး ရေယာဉ်အတွင်းမှ အလောင်းများကို ဆယ်ထုတ်သည့် လုပ်ငန်းများမှာလည်း အကျပ်အတည်း အများအပြား ကြုံနေရသည်။ ကျောင်းသူကျောင်းသား လူငယ်အများစု ပါဝင်သည့် အဆိုပါ ပျောက်ဆုံးစာရင်းသည် သေစာရင်းအဖြစ် မှတ်ယူနိုင်ခြေ ရှိနေပြီး အလောင်းများ ရေစီးကြောင်းဖြင့် မျောပါသွားမည်ကို ကယ်ဆယ်ရေးအဖွဲ့များက စိုးရိမ်လျှက်ရှိသည်။

တနင်္လာနေ့ နံနက်ပိုင်းတွင် အဆိုပါ ဧရိယာတစ်ဝိုက်၌ ငါးဖမ်းပိုက်များကို အသုံးပြုကာ ပိုက်ကွန်အဝန်းအဝိုင်းတစ်ခုကို အရံအတားအနေဖြင့် တည်ဆောက်လျှက် ရှိကြသည်။ ယင်းဧရိယာသည် တောင်ပိုင်းဂျင်ဒိုကျွန်း တစ်ဝိုက်တွင် ဖြစ်သည်။ ထိုနေရာသည် သမုဒ္ဒရာ ရေစီးကြောင်း အားကောင်းပြင်းထန်ပြီး အလောင်းများကို တိုက်စားဆွဲယူသွားနိုင်သည့် အခြေအနေမျိုး ရှိနေကြောင်းလည်း သိရသည်။ “လောလောဆယ်တော့ ရှာဖွေရေး အဖွဲ့တွေက ပိုက်ကွန်အသစ်တွေ ထပ်ဖြည့်ပြီး ချနေတယ်။ အလောင်းတွေကို ကျွန်တော်တို့ အဆုံးရှုံး မခံနိုင်ပါဘူး”ဟု တောင်ကိုရီးယား ရေကြောင်းသွားလာရေး ဝန်ကြီးဌာန ပြောရေးဆိုခွင့်ရ အရာရှိ ပါ့ခ်ဆွန်ကီက ပြောကြားခဲ့သည်။ တောင်ကိုရီးယား သမ္မတ ပါ့ခ်ဂွမ်ဟီးသည် တနင်္ဂနွေနေ့က ဂျင်ဒိုကျွန်းပေါ်တွင် အလောင်းရှာမတွေ့သေးသူများ၏ မိသားစုများနှင့် တွေ့ဆုံကာ ဖြစ်နိုင်ခြေရှိသမျှ အစွမ်းကုန် ကြိုးစားလုပ်ဆောင်ပေးမည်ဟု ကတိပြုခဲ့သည်။

“ရှာဖွေရေး လုပ်ငန်းမှာ အဟန့်အတားတွေ အများကြီး တွေ့ရတယ်။ အဓိက ပြဿနာက ရေစီးကြောင်းတွေရဲ့ မြန်နှုန်းက အရမ်းအားကောင်းနေတာရယ်၊ နောက်တစ်ချက်က လှိုင်းထန်လွန်းတာရယ်ကြောင့်ပါ”ဟု ကယ်ဆယ်ရေးအဖွဲ့မှ ပညာရှင် တစ်ဦးက ရှင်းပြခဲ့သည်။ တစ်ခါတစ်ရံတွင် မြူများအုပ်ဆိုင်းနေသည့် ရာသီဥတု အခြေအနေမျိုးကလည်း ပြဿနာများစွာ ကြုံစေတတ်ကြောင်း သိရသည်။ မြင်ကွင်းမရှင်းလင်းသော ရေပြင်တွင် ရေငုပ်သမားများသည် သင်္ဘောပျက်ကို တွယ်ဆက်ထားသည့် ကြိုးအတိုင်း လက်ဖြင့်ကိုင်ကာ ငုပ်လျှိုးသွားပြီး ရှာဖွေမှုများ လုပ်ဆောင်ရသည်။ သို့သော်လည်း ကျဉ်းမြောင်းသော လမ်းကြောင်းများထဲ၌ မျောပါနေသော အပျက်အစီးများကြားမှ အလောင်းများကို လိုက်လံရှာဖွေရသည့် ကိစ္စသည် အလွန် ရုန်းကန်ရသည့် အခြေအနေတစ်ရပ် ဖြစ်လာခဲ့သည်။

ပြီးခဲ့သည့် သီတင်းပတ်က ရှာဖွေရေးလုပ်ငန်းများ ဆောင်ရွက်နေသည့် နေရာမှ (၄)ကီလိုမီတာခန့် ကွာဝေးသော နေရာတွင် အလောင်းများကို တွေ့ရှိခဲ့ရသည်။ သင်္ဘောပေါ်မှ အိပ်ရာ အစိတ်အပိုင်း အချို့မှာမူ နစ်မြုပ်သည့် နေရာနှင့် ကီလိုမီတာ (၃၀)မျှ အကွာထိ ရောက်ရှိနေသည်။ ယင်းအခြေအနေကြောင့် ရေစီးကြောင်း၏ သယ်ယူမှုသည် မူလမျှော်လင့်သည်ထက် ပိုမိုအားကောင်းနေကြောင်း ကောက်ချက်ချခဲ့ကြသည်။ အန်ဆန်မြို့၊ အထက်တန်းကျောင်းမှ ကျောင်းသူကျောင်းသားလေး အများအပြား အသက်ဆုံးရှုံးခဲ့ရသည့် ယခုဖြစ်ရပ်သည် တောင်ကိုရီးယား၏ သမိုင်းတွင် အဆိုးရွားဆုံး စာရင်းဝင် ရေကြောင်းမတော်တဆမှု တစ်ခုလည်း ဖြစ်လာသည်။ ပြည်သူအများစုက သင်္ဘောပေါ်တွင် လူပေါင်းရာနှင့်ချီ ပိတ်မိနေဆဲ အခြေအနေ၌ စွန့်ခွာထွက်ပြေးခဲ့သည့် ကပ္ပတိန်နှင့် အမှုထမ်းများအား အလွန်အမင်း ဒေါသထွက် မုန်းတီးလျှက်ရှိသည်။

ထိုအတောအတွင်း သင်္ဘောသည် နစ်မြုပ်သည့် အချိန်တွင်ရော၊ ယခင်ခုတ်မောင်းဖူးသည့် ခရီးစဉ် အတော်များများတွင်ပါ သတ်မှတ်ချက်ထက် များစွာပိုသော ဝန်တင်မောင်းနှင်မှု ရှိခဲ့ကြောင်း စစ်ဆေးတွေ့ရှိမှုများကြောင့် အစိုးရ၏ လုံခြုံရေး ကွပ်ကဲမှုကဏ္ဍတွင် ခြစားမှုများ ရှိနေကြောင်း စွပ်စွဲမှုများလည်း ထွက်ပေါ်လာခဲ့သည်။ လတ်တလောတွင် သင်္ဘောကပ္ပတိန်နှင့် အမှုထမ်း (၁၄)ဦးကို ဖမ်းဆီးထားပြီး ရေယာဉ်ကို စီမံထိန်းချုပ်သည့် ချွန်ဟေဂျင်း ရေကြောင်းကုမ္ပဏီမှ တာဝန်ရှိသူ (၃)ဦးသည်လည်း မတန်တဆ ဝန်ပိုတင်ရန် စေခိုင်းမှုဖြင့် စွဲချက်တင်ခြင်း ခံထားရကြောင်း သိရှိရသည်။

Planet Myanmar Network

အပြည့်အစုံသို့ »

တောင်ကိုရီးယား ကူးတို့သင်္ဘောနစ်မြုပ်မှု သေဆုံးသူ ၂၃၆ ဦးထိရောက်ရှိ




ဆိုးလ်၊ မေ ၄

အထက်တန်းကျောင်းသား အများစု လိုက်ပါသွားသည့် တန်ချိန် ၆၈၂၅ ရှိ တောင်ကိုရီးယား ကူးတို့သင်္ဘော Sewol နစ်မြုပ်မှုတွင် သေဆုံးသွားသူများ၏ ခန္ဓာကိုယ်ရှစ်ခု ထပ်မံရှာဖွေ တွေ့ရှိသဖြင့် သေဆုံးသူဦးရေ ၂၃၆ ဦးထိ ရှိသွားပြီ ဖြစ်ကြောင်း CNA သတင်းတွင် ဖော်ပြထားသည်။

ကူးတို့သင်္ဘော နစ်မြုပ်ပြီး ၁၇ ရက် ကြာပြီးနောက် သေဆုံးသွားပြီဟု အတည်ပြုနိုင်သူ ဦးရေ ၂၃၆ ဦးထိ ရှိသွားပြီး ၆၆ ဦးမှာ ပျောက်ဆုံးနေဆဲ ဖြစ်ကြောင်း တောင်ကိုရီးယား ဘေးအန္တရာယ် တုံ့ပြန်ရေး ဌာနချုပ်က ထုတ်ပြန်သည်။
“သင်္ဘောဦးပိုင်းနားက စတုတ္ထထပ် အတွင်းကို ရေငုပ်သမားတွေက အောင်မြင်စွာ ဝင်ရောက်နိုင်ခဲ့လို့ ခန္ဓာကိုယ်ရှစ်ခုကို ထပ်မံရှာဖွေနိုင်ခဲ့ပါတယ်” ဟု ထုတ်ပြန်ချက်တွင် ဖော်ပြထားသည်။

စနေနေ့ အစောပိုင်းတွင် လှိုင်းနှင့် ရေစီးကြောင်းများ ပြင်းထန်နေပြီး လေပြင်းများ တိုက်ခတ်နေခြင်းကြောင့် ရှာဖွေရေး လုပ်ငန်းများကို ယာယီဆိုင်းငံ့ ခဲ့ရကြောင်း ကမ်းခြေစောင့်တပ်ဖွဲ့ ပြောရေးဆိုခွင့်ရှိသူက ပြောကြားသည်။

ထို့အပြင် ရေငုပ်အဖွဲ့များမှာ စိန်ခေါ်မှု ကြီးမားပြီး အန္တရာယ်များသည့် အခြေအနေ အောက်တွင် လုပ်ကိုင်နေရပြီး ရေအောက်မီတာ ၄၀ အနက်တွင် နစ်မြုပ်နေသော သင်္ဘောအတွင်းသို့ ဝင်ရောက် ရှာဖွေနေရကြောင်း CNA သတင်းတွင် ဖော်ပြထားသည်။

သင်္ဘောနစ်မြုပ် သွားသည့်ကာလ ကြာမြင့်လာပြီး ရေစီးကြောင်းများလည်း ပြင်းထန်နေခြင်းကြောင့် သင်္ဘောမှ အပျက်အစီးများမှာ ကီလိုမီတာ ၃၀ အကွာအဝေးထိ ပျံ့နှံ့လျက်ရှိပြီး ရုပ်အလောင်းများမှာ ပင်လယ်ပြင်အတွင်း ကျယ်ပြန့်စွာ လွင့်မျောနေနိုင်ကြောင်း စိုးရိမ်မှုများ ပေါ်ပေါက်နေသည်။

ပျောက်ဆုံးနေသော ခရီးသည်များ၏ ဆွေမျိုးများက သင်္ဘောကို ရေပေါ်သို့ ပြန်လည် မဆယ်ယူခင် ခန္ဓာကိုယ် အားလုံးကို ရှာဖွေပေးရမည်ဟု တောင်းဆိုထားသည်။

သောကြာနေ့တွင် Sewol သင်္ဘောမှ ရုပ်အလောင်းတစ်ခုကို ရှာဖွေရေးနေရာမှ လေးကီလိုမီတာ အကွာတွင် ငါးဖမ်းသင်္ဘော တစ်စင်းက ဆယ်ယူရရှိခဲ့ပြီး အခြားသော ရုပ်အလောင်းတစ်ခုကို နှစ်ကီလိုမီတာ အကွာတွင် တွေ့ရှိခဲ့သည်။

အထက်တန်း ကျောင်းသား ၃၀၀ ကျော် အပါဝင် ခရီးသည်ပေါင်း ၄၇၆ ဦး လိုက်ပါသွားသည့် Sewol သင်္ဘောသည် အင်ချွန်မှ ဂျေဂျူး အပန်းဖြေကျွန်းသို့ ဦးတည် ထွက်ခွာလာစဉ် ဧပြီ ၁၆ ရက်နေ့တွင် နစ်မြုပ်သွားခြင်း ဖြစ်သည်။

ယင်းအဖြစ်အပျက်သည် တောင်ကိုရီးယားသမိုင်းတွင် ငြိမ်းချမ်းချိန် ကာလအတွင်း ဖြစ်ပွားခဲ့သည့် ဘေးအန္တရာယ်များအနက် အဆိုးရွားဆုံး ဘေးအန္တရာယ် တစ်ခုဖြစ်ပြီး သင်္ဘောနစ်မြုပ်သည့် ဖြစ်ရပ်အပေါ် အစိုးရအဖွဲ့က ညံ့ဖျင်းစွာ ကိုင်တွယ်ခဲ့သဖြင့် ပြည်သူများမှာ စိတ်ဆိုးဒေါသ ထွက်ခဲ့ရသည်။

ထို့အပြင် သက်တမ်း နှစ် ၂၀ ကျော် ရှိပြီဖြစ်သည့် သင်္ဘောတွင် ဟန်ချက်ထိန်းမှုဆိုင်ရာ ပြဿနာများ ရှိနေသည်ဟု သင်္ဘော၏ အမြဲတမ်း ကက်ပတိန် ဖြစ်သူက သင်္ဘောကုမ္ပဏီ Chonghaejin Marine Co ကို သတိပေးခဲ့သော်လည်း ကုမ္ပဏီက လက်ခံခြင်းမရှိဘဲ ငြင်းပယ်ခဲ့ကြောင်း CNA သတင်းတွင် ဖော်ပြထားသည်။

သင်္ဘောနစ်မြုပ်ချိန်တွင် တာဝန် ထမ်းဆောင်ခဲ့သော ကပ္ပတိန်နှင့် သင်္ဘောသား ၁၄ ဦးအား ခရီးသည်များကို ကူညီကယ်ဆယ်ခြင်း မရှိဘဲ သင်္ဘောကို ဦးစွာစွန့်ခွာမှုဖြင့် တောင်ကိုရီးယား ရဲတပ်ဖွဲ့က ထိန်းသိမ်းထားသည်။

The Voice Weekly

အပြည့်အစုံသို့ »

နစ်မြုပ်သွားသော ကူးတို့သင်္ဘောမှ ရုပ်အလောင်းများ ဆယ်ယူမှုဆိုင်းငံ့


ဆိုးလ် မေ ၃

တောင်ကိုရီးယားနိုင်ငံ၏ ကမ်းလွန်ပင်လယ်ပြင်၌ လွန်ခဲ့သည့်လက နစ်မြုပ်သွားသော ကူးတို့ သင်္ဘော အတွင်းမှ ရုပ်အလောင်းများ ဆယ်ယူသူသည့်လ့်လုပုပ်င်ငန်းကို လှိုင်းလေပြင်းထန်မှုကြောင့် ဆိုင်းငံ့ထား လိုက်ရ ကြောင်း ကမ်းရိုးတန်း စောင့်တပ်ဖွဲ့ ပြောရေးဆိုခွင့်ရှိသူတစ်ဦးကမေ ၃ရက် တွင် ပြောကြား သည်။

ကျောင်းသူ၊ ကျောင်းသားအများစုလိုက်ပါလာခဲ့သော ကူးတို့သင်္ဘောနစ်မြုပ်ခဲ့ပြီးနောက် ၁၇ရက်အကြာတွင် ရုပ်အလောင်းများဆယ်ယူသည့်လုပ်ငန်းကို ဆိုင်းငံ့ထားလိုက်ရခြင်းဖြစ်သည်။

ယင်းသင်္ဘောနစ်မြုပ်မှုတွင်၂၂၈ ဦးသေဆုံးပြီး ၇၄ ဦးပျောက်ဆုံးနေကြောင်း အစိုးရတာဝန်ရှိသူများက အတည်ပြုပြောကြားသည်။ ပျောက်ဆုံး နေသူ အများအပြားကိုရှာဖွေတွေ့ရှိရန် လွယ်ကူမည်မဟုတ်ဟုဆိုသည်။

မေ ၂ ရက်ညနှင့် မေ ၃ရက် နံနက်အစောပိုင်းတို့က လှိုင်းလေပြင်းထန်နေ မှုကြောင့်ရှာဖွေရေးအဖွဲ့ဝင် ရေငုပ်သမားများ
ရေငုပ်နိုင်ခြင်း မရှိကြောင်း၊ ရေစီးသန်ခြင်း၊ လေပြင်းတိုက်ခတ်နေခြင်း

တို့ကြောင့် ရေငုပ် သမားများ စောင့်ဆိုင်းနေကြရကြောင်း ကမ်းရိုးတန်းစောင့် တပ်ဖွဲ့ပြောရေးဆိုခွင့်ရှိသူ ကိုမြောင်ဆွတ်က သတင်းထောက် များအား ပြောကြားသည်။

ရှာဖွေရေးလုပ်ငန်းတွင် ရေငုပ်သမား၁၀၀ ကျော်ပါဝင်ပြီး ၎င်းတို့သည် အသက်ဘေး အန္တရာယ်ကြီးမား သောအခြေအနေ တွင် လုပ်ကိုင်ကြရကြောင်း၊ ရေမျက်နှာပြင်အောက်မီတာ ၄၀ အနက် ပင်လယ်ကြမ်းပြင်ပေါ် တွင်ကူးတို့သင်္ဘောမှာ တစောင်းအနေအထားဖြင့်နစ်မြုပ်နေကြောင်း ၎င်းကပြောကြားသည်။

ရိုက်တာ။
MOI Webportal Myanmar

အပြည့်အစုံသို့ »

တောင်ကိုရီးယား သင်္ဘော နစ်မြုပ်ခါနီးအချိန်တွင် ကျောင်းသားတစ်ဦး ရိုက်ကူးထားခဲ့သော ဗွီဒီယို ထွက်ပေါ်လာ


တောင်ကိုရီးယားသင်္ဘော နစ်မြုပ်ခါနီးအချိန်တွင် သင်္ဘောပေါ်ရှိ အခြေအနေကို အသက် ၁၇နှစ် အရွယ် ကျောင်းသားတစ်ဦးဖြစ်သူ Park Su-hyeon က
လက်ကိုင်ဖုန်းဖြင့် ဗွီဒီယို ရိုက်ကူးထားခဲ့သည်။ Park Su-hyeon ၏ ရုပ်အလောင်းနှင့်အတူ ထိုလက်ကိုင်ဖုန်းကို တွေ့ခဲ့ရခြင်းဖြစ်ကား၊ ထိုလက်ကိုင်ဖုန်းဖြင့်
ရိုက်ကူးထားခဲ့သော ဗွီဒီယိုကို သူ၏ ဖခင်ဖြစ်သူက ဖြန့်ခဲ့ခြင်း ဖြစ်သည်။ ဝမ်းနည်းကြေကွဲဖွယ်ရာ ကောင်းလှသော ထိုဗွီဒီယိုမှာ အင်္ဂလိပ်ဘာသာ စာတမ်း
ထိုးဖြင့်လည်း အင်တာနက်တွင် ပျံ့နှံ့လျက်ရှိသည်။

တောင်ကိုရီးယား သင်္ဘော စတင် တိမ်းစောင်းသွားချိန်တွင် သင်္ဘောပေါ်ရှိ ဆယ်ကျော်သက်အရွယ် အထက်တန်း ကျောင်းသားများထဲ၌ တုန်လှုပ်ခြောက်ခြားစွာ
ရယ်မောသူများ ရှိခဲ့သည်။ ထို ကနဦး အခြေအနေတွင်၊ သင်္ဘောမှာ အကြီးအကျယ် ဒုက္ခကြုံနေပြီဟု ထိုကျောင်းသားများ သဘောမပေါက်ခဲ့ကြသေးပေ။

ကျောင်းသားတစ်ဦးက သင်္ဘောတိမ်းစောင်းသွားကြောင်း အော်ပြောခဲ့သည်ကို ဗွီဒီယိုထဲတွင် တွေ့ရသည်။ ထို့နောက်တွင် ခရီးသည်များအနေဖြင့် လက်ရှိ
နေရာများတွင် ငြိမ်ငြိမ်နေကြရန်နှင့် ဘေးကင်းလုံခြုံရေး ညွှန်ကြားချက်များကို လိုက်နာဖို့ ပြင်ဆင်ထားကြရန် သင်္ဘောပေါ်မှ အရာရှိများက ကြေညာခဲ့သည်ကို
ဗွီဒီယိုထဲတွင်တွေ့ရသည်။

ထို့နောက်တွင် ကျောင်းသားတစ်ဦးက “သင်္ဘော တကယ်နစ်တော့မှာလား။ သင်္ဘောက အရမ်းကို လှုပ်ရမ်းနေပြီ” ဟု ပြောဆိုသံကို
ဗွီဒီယိုထဲတွင် ကြားခဲ့ရသည်။

ထို့နောက်တွင် ကျောင်းသားတစ်ဦးက သင်္ဘောတစ်ဘက်သို့ တိမ်းစောင်းလာကြောင်း နှင့် လှုပ်ရှားရွှေ့ပြောင်း၍ မရတော့ကြောင်း
ပြောခဲ့သည်ကို ဗွီဒီယိုထဲတွင် ကြားရသည်။ ထို့နောက်တွင် သင်္ဘောအရာရှိများထံမှ သတိပေးချက် ထပ်မံထွက်ပေါ်လာခဲ့သည်။ အသက်ကယ်အင်္ကျီဝတ်နေသော
ကျောင်းသားတစ်ဦးအား အခြားတစ်ဦးက အပြစ်တင်သံကို ကြားခဲ့ရသလို၊ “ကျွန်တော်တို့ မသေချင်သေးဘူး” ဆိုသော ပြောဆိုသံများလည်း ဗွီဒီယိုထဲတွင် ကြားခဲ့ရသည်။ နောက်ဆုံးအမှတ်တရအဖြစ် ဓာတ်ပုံများ ရိုက်ကူးကြမည်ဟု ပြောဆိုသံကိုလည်း ကြားရသည်။ တိုင်တန်းနစ် သင်္ဘောကဲ့သို့ ဖြစ်လာပြီဟု ပြောသံနှင့် တိုင်တန်းနစ်ဇာတ်ဝင်သီချင်း တစ်ပိုင်းတစ်စကို ညဉ်းညူသံအားလည်း ကြားခဲ့ရသည်။ လူ ၄၇၆ ဦးလိုက်ပါသွားခဲ့သော တောင်ကိုရီးယား
သင်္ဘောသည် ဧပြီလ ၁၆ ရက်က တိမ်းမှောက်နစ်မြုပ်သွားခဲ့ရာ စုစုပေါင်း လူ ၃၀၀ ကျော် သေဆုံး/ပျောက်ဆုံး သွားခဲ့သည်။



မဇ္ဈိမ

အပြည့်အစုံသို့ »

တောင်ကိုရီးယားတွင် မြေအောက်ရထား နှစ်စင်း တိုက်ခိုက်မှု ဖြစ်ပြီး လူပေါင်း ၇၀ ကျော် ဒဏ်ရာ ရရှိ



မေ ၂။

မြေအောက်ရထား နှစ်စင်း တိုက်ခိုက်မှု ဖြစ်ပွားခဲ့ခြင်းကြောင့် တောင်ကိုရီးယားမြို့တော် ဆိုးလ်တွင် လူပေါင်းများစွာ ဒဏ်ရာရရှိခဲ့ကြောင်း
သိရှိရသည်။

လူ ၇၈ ဦး ထိခိုက်ဒဏ်ရာ ရရှိခဲ့ကြောင်း အရေးပေါ် ဝန်ဆောင်မှု ဌာနမှ ကြေငြာခဲ့သော်လည်း အချို့သော မီဒီယာများမှ ဒဏ်ရာ ရရှိသူပေါင်း
၁၇၀ ခန့် ရှိမည် ဖြစ်ကြောင်း သတင်းပို့ခဲ့သည်။

စက်ပိုင်းဆိုင်ရာ ပြဿနာရပ်များကြောင့် ဘူတာရုံနှစ်ခုကြား ရပ်တန့်ထားသော ရထားတစ်စင်းကို အခြား ရထားတစ်စင်းမှ ဝင်ရောက်တိုက်ခိုက်ခဲ့ခြင်း
ဖြစ်ကြောင်း ယွန်ဟပ် သတင်းဌာနမှ သတင်းတင်ဆက်ခဲ့သည်။

ဤပြဿနာ မဖြစ်မှီတွင်လည်း လူပေါင်း ၃၀၀ သေဆုံးခဲ့သည့် ကူးတို့သင်္ဘော နစ်မြုပ်မှုကြောင့် နိုင်ငံမှ ပူဆွေးဝမ်းနည်း ခဲ့ရသည်။

ဆီဝိုး ကူးတို့ သင်္ဘောသည် ဧပြီလ ၁၆ ရက်နေ့၌ အထက်တန်း ကျောင်းသားအများစုနှင့် ဆရာများ ပါဝင်သည့် လူပေါင်း ၄၇၆ ယောက်ကို
တင်ဆောင်လာချိန်တွင် နစ်မြုပ်ခဲ့ခြင်း ဖြစ်သည်။

ကယ်ဆယ်ရေး လုပ်ငန်းများ ကိုင်တွယ်ဆောင်ရွက်မှုအပေါ် ဝေဖန်မှုများနှင့် လူထုမှ ဒေါသထွက်မှုများအပေါ်တွင် တောင်ကိုရီးယား သမ္မတ
ပက်ဂျွန်ဟီးမှ ယခု သီတင်းပတ် အစောပိုင်းက ဝန်ချတောင်းပန်ခဲ့သည်။

Ref: BBC
The Myanma Age

အပြည့်အစုံသို့ »