Showing posts sorted by relevance for query Myanmartandawsint Newspaper. Sort by date Show all posts
Showing posts sorted by relevance for query Myanmartandawsint Newspaper. Sort by date Show all posts

ကျပ်သိန်း ၃၀၀၀ ကျော် အလွဲသုံးစားမှုဖြင့် ဆက်သွယ်ရေး ၀န်ထမ်းများအား နေပြည်တော်မှ စစ်ဆေး


ဆက်သွယ်ရေးနှင့် သတင်း အချက်အလက် နည်းပညာဝန်ကြီး ဌာနမှ နေပြည်တော် အင်ဂျင်နီယာ ချုပ် တာဝန် ထမ်း ဆောင်နေသော ဦးသန်းထွန်း (ယခင်မြန်မာ့ဆက်သွယ်ရေးလုပ်ငန်း၊ ဧရာဝတီတိုင်း လက်ထောက် အထွေထွေ မန်နေဂျာ)၊ AE ဦးသန်းအုန်း၊ AE ဒေါ်ဆွေ မာတို့အား ကျပ်သိန်း(၃၀၀၀)ကျော် အလွဲသုံးစား ပြုလုပ် သည် ဟုဆိုကာ မြန်မာ့ဆက်သွယ်ရေးလုပ်ငန်း၊ ရေ ကြည်မြို့နယ်မှ စက်မှု(၄)ဦးနိုင်ဝင်း ၏ တိုင်ကြားထားမှုကို မေလ(၁)ရက်နေ့တွင် ဧရာဝတီတိုင်း ဆက်သွယ်ရေးရုံး၌ သက်ဆိုင်ရာဝန်ကြီးဌာနမှ လာ ရောက်စစ်ဆေး ခဲ့သည်။

အဆိုပါတိုင်ကြားထားသော တိုင်ကြားစာတွင် ယခုနေပြည် တော်အင်ဂျင်နီယာချုပ်ဖြင့်တာဝန် ယူနေသော ဦးသန်းထွန်းသည် ဧရာဝတီတိုင်းတွင် လက်ထောက် အထွေထွေမန်နေဂျာအဖြစ် တာဝန် ယူစဉ်ကာလ ၂၀၀၈-၂၀၀၉ခုနှစ်၊ ပုသိမ်ခရိုင် အင်ဂျင်နီယာ ဒေါ်ဆွေ မာ၊ မြို့နယ်တွင်း ကေဘယ်လ်လိုင်း ဌာနမှ AE ဦးသန်းအုန်း တို့နှင့် ပေါင်းကာ တယ်လီဖုန်းကျသင့်ငွေများ ပိုမိုတောင်းခံခြင်းများ အပါ အ၀င် ဌာနပိုင်ကေဘယ်လ်ကြိုးများ ရောင်းစားခြင်းစသည်ဖြင့် ကျပ်သိန်းပေါင်း (၃၀၀၀)ကျော်အား အလွဲသုံးစားပြုလုပ်ခဲ့ကြောင်း၊ ဌာန အတွက် မိမိ စိုက်ထုတ် ထားသော ငွေကြေးများအား ပြန်မပေးသည့် အပြင် မိမိအားအလုပ်မှ ထုတ်ပယ်ခဲ့ကြောင်း၊ မဟုတ် မမှန် လီဆယ်တိုင် ကြားခြင်း ဖြစ်ပါက တရားဥပဒေအရ အရေးယူခံပါမည်ဟု ၀န်ခံကတိပြု ထားကာ မိမိ အလုပ်မှ ထုတ်ပယ်ခံရ သဖြင့် ဂုဏ်သိက္ခာညှိုးနွမ်းသိမ်ငယ် နေသောကြောင့် ဖြစ်စဉ်အားပြန် လည်စစ်ဆေး ပြီး မိမိတွင်အပြစ် မရှိပါက တာဝန်ပြန်လည်ထမ်း ဆောင်ခွင့်ပြုပါရန်တို့ ပါဝင်သည်။…

အဆိုပါကိစ္စနှင့် ပတ်သက်၍ ပုသိမ်ခရိုင်အင်ဂျင်နီယာ(ယခု တိုင်း အင်ဂျင်နီယာ) ဒေါ်ဆွေမာအား ဆက်သွယ် မေးမြန်းရာ ““ကျွန်မကို တော့ စနေနေ့က နေပြည်တော်က အဖွဲ့လာစစ်ပါတယ်။ ဆရာဦးသိန်း ထွန်းကိုတော့ စစ်ပြီးပြီလား သေချာ မသိရသေးပါဘူး။ ကျွန်မကတော့ ကိုယ်ဘာမှ မလုပ်ထားဘူးလို့ ပြော လိုက်တယ်။ နောက်ငွေပမာဏက လည်း ကျွန်မတို့အနေနဲ့တွက်ရင် အရမ်းများနေတယ်။ ကေဘယ်လ် ကြိုးကလည်း ရောင်း မယ်ဆိုရင်တောင် ၀ယ်မယ့်လူမရှိဘူး။ ကျွန်မ တို့ဆီမှာပိုနေတာအများကြီး။ သက်သက်သိက္ခာချချင်လို့ တိုင်တာ ပါ။ တိုင်ကြားစာတွေကို ၀န်ကြီးဌာနကို ပြန်လွှဲထားတော့ ဌာနကပဲလာစစ်တာပါ။ တိုင်တဲ့လူကိုတော့ ကျွန်မ ဘက်က ဘာမှပြန်မလုပ်ပါဘူး”” ဟု မြန်မာသံတော်ဆင့်သို့ ပြောသည်။

အလွဲသုံးစားမှုအား တိုင်ကြားသူ ရေကြည်မြို့နယ် မြန်မာ့ဆက်သွယ်ရေးလုပ်ငန်းမှ စက်မှု-၄ (ဟောင်း) ဦးနိုင်ဝင်း အားမေးမြန်းရာ ““အဲဒီနေ့က နေပြည်တော်က အဖွဲ့ ခရီးသွားဟန်လွှဲ ၀င်နားတာ မျိုးပဲ ရှိတယ်၊ ကျွန်တော့်ကိုခေါ် ယူစစ်ဆေးတာမျိုးမရှိဘဲ ပြန်သွား တာ၊ ကျွန်တော်က လာစစ်စေချင် တာပါ။ ဒါမှအကုန် ပေါ်သွားမှာလေ။ သူတို့တွေကတော်တော်လုပ်ခဲ့တာ”” ဟု ပြန်လည်ပြော ဆိုသည်။

အဆိုပါတိုင်ကြားစာကို ဧပြီ လ (၂၂)ရက်နေ့ ရက်စွဲဖြင့် နိုင်ငံတော်သမ္မတကြီး၊ ပြည်သူ့လွှတ်တော်ဥက္ကဋ္ဌ၊ တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီဥက္ကဋ္ဌ၊ ဆက်သွယ်ရေး နှင့်သတင်းအချက် အလက် နည်း ပညာဝန်ကြီးဌာန၊ ပြည်ထောင်စု စာရင်းစစ်ချုပ်၊ လာဘ်ပေးလာဘ် ယူပပျောက်ရေး ကော်မရှင်တို့သို့ တိုင်ကြားခဲ့ခြင်း ဖြစ်သည်။

ရဲရင့်ထွန်း(ပုသိမ်)
Myanmartandawsint Newspaper

အပြည့်အစုံသို့ »

လေယာဉ်ကွင်းအတွက်သိမ်းသောမြေ ကြံ့ခိုင်ရေး(ဗိုလ်ချုပ်)ဦးစိုးနိုင်၏သားပိုင်ဆိုင်မှု စသုံးလုံးမှ စစ်ဆေး


ဧရာဝတီတိုင်း ဒေသကြီးတွင် ပုသိမ်လေယာဉ်ကွင်း တိုးချဲ့တည်ဆောက်ရန်အတွက် အစိုးရမှ သိမ်းဆည်း ခဲ့ သောမြေအချို့မှာ ယခုအခါတွင် ဗိုလ်ချုပ်စိုးနိုင်(ငြိမ်း) ဖျာပုံမြို့နယ် ကိုယ်စားပြု ပြည်သူ့လွှတ်တော် ကိုယ်စား လှယ်၏သား ပိုင်ဆိုင်နေသဖြင့် မူလပိုင်ရှင်က လာဘ်ပေး လာဘ်ယူမှု ကော်မရှင်သို့ တိုင်ကြား ခဲ့ရာ မေလ(၂၈) ရက်နေ့တွင် အထူး စုံစမ်း စစ်ဆေးရေး ဌာနမှ မူလပိုင်ရှင်များအား လာရောက်စစ်ဆေး ခဲ့သည်။

အဆိုပါ တိုင်ကြားစာကို ဧပြီလ (၂၉) ရက်နေ့တွင် ပေးပို့တိုင်ကြား ခဲ့ခြင်းဖြစ်ပြီး ၁၉၉၆ခုနှစ်တွင် ပုသိမ် လေယာဉ်ကွင်း တိုးချဲ့တည်ဆောက်ရန်အတွက် အမှတ်(၁၅)ရပ်ကွက်နေ ဦးထွန်းနိုင်၏ဖခင် ဦးဇာမန်းအမည် ပေါက်ပိုင်ဆိုင်သော ကွင်းအမှတ်- ၁၆၃/ဘီ၊ ထန်းကုန်းကွင်း၊ မြေဧရိ ယာဧက (၀.၂၄)ဧကခန့်အား နိုင်ငံတော် စီမံကိန်းအတွက် မလွှဲ မရှောင်သာ သိမ်းယူသည်ဟုဆိုကာ ထိုအချိန်က ခယကအတွင်းရေးမှူး ဗိုလ်မှူး မောင်ဌေးက သိမ်းယူသွား ခဲ့ပြီးနောက် လေယာဉ်ကွင်းနှင့် လွတ်ကင်းပါက ပြန်ပေးမည်ဟု ဆိုသည်။ …၂၀၀၄ ခုနှစ်တွင် ပုသိမ် လေယာဉ်ကွင်းအား ခြံစည်းရိုးခတ် ကာရံရာတွင် အဆိုပါ သိမ်းဆည်း မြေမှာ မပါဝင်သဖြင့် ပိုင်ရှင်များသို့ ပြန်လည်ပေးအပ်ရန် အကြိမ်ကြိမ် တောင်းဆိုသော်လည်း ပြန်လည် ပေးအပ်ခြင်းမရှိကြောင်း မူလပိုင်ရှင်များက စုံစမ်းရာ ဧရာဝတီတိုင်း တိုင်းမှူးဖြစ်သော ဗိုလ်ချုပ်စိုးနိုင်၏သား ဗိုလ်လောင်း ရဲဘုန်းပြည့် ပိုင် ဆိုင်နေသည်ကို သိရသဖြင့် ဗိုလ်ချုပ် မှူးကြီးသန်းရွှေထံ နှစ်ကြိမ် အသနားခံစာ တင်ပြခဲ့ကြောင်း၊ နောက်ပိုင်း တွင် ဧရိယာ၏ သုံးပုံ တစ်ပုံပေးလျှင် ကျေနပ်ပါသည်ဟု ပြောသည်ကို လက်မခံဘဲ ကြိုးဖုန်း နှင့် ပေ(၄၀ထ၆၀) မြေကွက် (၆)ကွက်ပေးမည်၊ အခြားကိစ္စ မပြောဆိုရန် ပြောဆိုပြီး ရေမြုပ်သော မြေနိမ့်ပိုင်းနေရာမှ ပေ(၂၀ထ၆၀) မြေကွက် ငါးကွက်သာပေးခဲ့ ကြောင်း မိမိတို့၏ နစ်နာမှုများအား ဆက်လက်တောင်းဆိုခဲ့ရာ ဖြေရှင်း ပေးခြင်းမရှိသဖြင့် ယခုကဲ့သို့ လာဘ်ပေးလာဘ်ယူ ပပျောက်ရေး ကော်မရှင်သို့ တိုင်ကြားရာမှ လာ ရောက် စစ်ဆေးခြင်းဖြစ်ကြောင်း ဦးထွန်းနိုင်က ပြောသည်။

““ ၂၈ရက်နေ့မှာ စသုံးလုံးက သုံးပွင့်နဲ့ ဦးအောင်သူဆိုတဲ့လူ လာတယ်။ နောက်နေ့မှာ မြေစာ ရင်းရယ်၊ စသုံး လုံးရယ်လာတယ်။ ကိုထွန်းနိုင်က နိုင်ငံခြားမှာအလုပ် သွားလုပ်နေတော့ ခွင့်ယူပြီးပြန်ရမှာ ဆိုတော့ ကျွန်မတို့ ရှေ့မှာပဲ ဖုန်းခေါ် ပြီး စစ်ချက်ယူသွားတယ်။ ဖြစ်စဉ်ကို ပဲ မေးတာပါ။ နောက်နေ့မှာပြန် လာပြီး အစ်မတို့ကို တယ်လီဖုန်း တစ်လုံးပေးတယ်ဆိုပြီး လာမေး တယ်။ အစ်မတို့က အပြင်ပေါက်ဈေး ၂၄သိန်းနဲ့ ပေးဝယ်ရ တာပါ လို့ ပြန် ပြောလိုက်တယ်”” ဟု ဦးထွန်းနိုင်၏ ဇနီး မမြင့်မြင့်စန်းက ပြန်လည်ပြော ဆိုသည်။

တပ်မတော် အစိုးရလက်ထက်တွင် စီမံကိန်းများကို အကြောင်းပြ၍ ဌာနဆိုင်ရာများ၊ အဖွဲ့အစည်းများ၊ အာဏာရ လုပ်ပိုင်ခွင့်ရှိသူများက မြေနေရာ လွှဲပြောင်းရယူခြင်းအများ အပြားရှိခဲ့ပြီး ယခုအခါတွင် လုပ် ကိုင်ခြင်းမရှိတော့သည့် မြေများကို ပြန်လည်စွန့်လွှတ်ခြင်းများ ရှိနေ ကာ အချို့မှာလည်း တခြားလုပ်ပိုင် ခွင့် လ/ရ(၃၉)ကျပြီး သား မြေများ၊ အခြားလူနာမည် ပေါက်မြေများ ဖြစ်နေသည်ဟု အကြောင်းပြကာ ဆက်လက် ရယူအသုံးပြုခြင်းများ ရှိကြောင်း လယ်သမားအရေး လှုပ်ရှားသူများက ဝေဖန်ပြောဆို လျက်ရှိသည်။

တချို့ သိမ်းဆည်းခံရသော မြေများမှာ စစ်ဘက်ဆိုင်ရာ အကြီး အကဲများ၏ သားသမီးများ၊ ၎င်းတို့ နှင့် ဆက်စပ် သူများ၏နာမည်များ ပေါက်ကာ ပိုင်ဆိုင်နေကြောင်း၊ ပုသိမ်မြို့၊ စက်မှုဇုန်ရပ်ကွက်ရှိ နိုင်ငံတော်ထံမှ ၀ယ်ယူ ထားသော ပေ(၄၀)ထ ပေ(၆၀)မြေကွက် (၆၃)ကွက်ကိုလည်း ၁၉၉၆ ခုနှစ်တွင် နိုင်ငံတော် အေးချမ်း သာယာ ရေးနှင့် ဖွံ့ဖြိုးကောင်စီဥက္ကဋ္ဌ၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးသန်းရွှေ၏သား အမည်ဖြင့် သိမ်းယူထားသည်ကို အကြိမ်ကြိမ် တင်ပြ တောင်းဆိုခဲ့ရာ ၂၀၁၃ ခုနှစ်တွင် မြေနေရာအစားပြန်လည် ရရှိခဲ့ ကြောင်း မြေနေရာပြန်ရရေး လိုက်ပါဆောင်ရွက်ပေး သူ ဦးထွန်း ထွန်းဦး (HRWDN) ကပြောကြား သည်။

ရဲရင့်ထွန်း(ပုသိမ်)
Myanmartandawsint Newspaper


အပြည့်အစုံသို့ »

အမြင်မတော် ဆင်တော်နှင့်ခလောက်


  အလုပ်လက်မဲ့ဘွဲ့ရ ပြဿနာ ဖြေရှင်းလိုသည်မှာ အမှန်ဖြစ်လျှင် အလုပ်ရှိပြီးသား၊ ဗိုလ်ကြီး၊ ဗိုလ်မှူးတွေ ကို နေရာပြောင်း ပြီး၊ ပြည်ထောင်စုရွေးကောက်ပွဲ ကော်မရှင်မှာ ခန့်အပ်ရန်မလိုပါ . . . သည်တော့ Ph.D ဆိုတဲ့ ဘွဲ့ရသော ခြင်္သေ့ များ မြက်မစားကြပါနဲ့ မြက်စားတဲ့ ခြင်္သေ့လည်းရှိမှာပါ အဲဒီခြင်္သေ့ကတော့ . . . .

ဖောင်းပွပစ္စည်း

မြန်မာနိုင်ငံရဲ့ အဆင့်ဆင့်သော အစိုးရ၏၀န်ကြီးများ၊ အစိုးရများ၏ ၂၀၁၄ ခုနှစ်အတွင်း ပြောဆိုခြင်း၊ လုပ် ဆောင်ခြင်းများသည် အံ့သြဖွယ်ရာတွေ တွေ့ရပါသည်။ ၀န်ကြီးအချို့က အစည်းအဝေး ခေါ်ဆဲလိုဆဲ၊ စစ်တပ် ထဲမှာ နေတုန်းက ရတဲ့ဒဏ်ရာ လှန်ပြလိုပြ၊ ပုဆိုးလှန်ပြလိုပြ လုပ်နေကြတာ အတော်အံ့သြဖို့ ကောင်းပါ တယ်။ ယခုလည်း ပါရဂူဘွဲ့ (Ph.D) များ ကိုပါ နေ့စား၊ လပေးနှင့်ခန့်မည့် မူလတန်း ပြဆရာ ခေါ်ပြန်ပါပြီ။ လွန်ခဲ့သော နှစ်ပေါင်း (၇၀)က မူလတန်းပြဆရာတွေကို သတ္တမတန်းအောင်က ခန့်အပ်ခဲ့ပါသည်။ လစာ က ၁၂၆ ကျပ် ၇၅ ပြားပေးပါသည်။ ထို မူလတန်းပြဆရာများက သင်ပေးခဲ့သော တပည့်များမှာ ယခုအခါ အသက်(၇၀)နှင့် (၇၀) ကျော်များဖြစ်နေပါပြီ။ ထို့နောက် မျိုးဆက်ကျောင်းသားများကို H.S.F ခေါ် အထက်တန်းကျောင်းထွက် လက်မှတ်ရ စာမေးပွဲအောင်သူများကို ခန့်ထား၍ သင်ပြစေခဲ့ပါသည်။ ယနေ့ထိ မျိုးဆက်ကျောင်း သားများကို ဘွဲ့တစ်ခုခုရသည့် သူများကို ခန့်ထား၍ သင်စေခဲ့ပါသည်။ လစာကလည်း တစ်သိန်းဝန်းကျင်ပေးပါသည်။ ဤ သည်တို့ကိုကြည့်လျှင် ခန့်ထားသည့်ဆရာ များ၏ ပညာအဆင့်၊ ပေးသောလစာ၏ အနည်းအများတို့ကို တွေ့ရပါသည်။ သာမန်ကြည့်လျှင် နှစ်ရပ်စလုံးမြင့်လာသည်ဟု ပြောနိုင်ပါသည်။ သို့သော် ယခင်က ၁၂၆ ကျပ် ၇၅ ပြားရသော လစာဖြင့် ဆရာ တစ်ဦး၏ မိသားစု ၃/၄ ယောက် စားနိုင် သောက်နိုင်ပါသည်။ ရွှေစ တစ်မတ် သား ခန့် ၀ယ်နိုင်ပါသေးသည်။ … ယခု ရွှေဈေး (၇)သိန်းဝန်းကျင်ဆို၍ မိသားစု ၃/၄ ယောက်စားပြီး ရွှေစတစ်မတ် သားမည်သို့ ၀ယ်နိုင်ပါမည်နည်း။ သည်အခါ လစာ အဆင့်မြင့်လာသည်ဟု ဆိုနိုင်ပါမည်လော။ ပညာရေးတွင် လည်း ကြည့်ပါက ဘွဲ့ရတစ်ဦးသည် မြန်မာစာနှင့် အင်္ဂလိပ်စာ ၀ါကျတစ်ကြောင်း ဟန်ကျပန်ကျမရေး တတ်ကြ ပါ။ သို့သော် မြန်မာစာမှလွဲ၍ အခြားဘာသာများကို အထက်တန်းအဆင့်တွင် အင်္ဂလိပ်စာဖြင့် သင်ကြားနေပါ သည်။ ထိုအခါ ကြက်တူရွေး စကားသင်သလို အင်္ဂလိပ်စာ၏ အဓိပ္ပာယ် မသိပါဘဲ အလွတ်ကျက်၍ မေးခွန်းကို ဖြေကြပါသည်။ မေးခွန်းကိုလည်း ဆရာများက ကြိုပေး၍ထားပါသည်။ သို့မှသာ ဖြေနိုင်မည်။ ဘာသာ ရပ်က များသည်။ အင်္ဂလိပ်စာဖြင့် သင်သည်။ အကျများလျှင်လည်း ဌာနကအရေး ယူခံရမည်။ ထိုအခါ အရည်အချင်း မမီသော ဘွဲ့ရများ၊ ပေါများလာသည်။ ဖောင်းပွလာသည်။ မြန်မာပြည်တွင် ငွေ ကြေးဖောင်းပွသည်။ ဘွဲ့ရ ဖောင်းပွသည်။ ပူးပေါင်းကော်မတီများ၊ ကော်မရှင်များ၊ ပါတီများမှာ ဖောင်းပွ၍ မဆုံးပါ။ ပိန်သွား တာက သယံ ဇာတမျိုးစုံဖြစ်သည်။ တောင်တန်းတွေ ပိန်၍ ချိုင့်ဝင်သွားသည်။ ရေလျှံနေသောမြစ်တွေ ပိန်သွားပြီး ရေစီး ချောင်း သာသာသာရှိတော့သည်။

မတူလျှင်မတုနဲ့

ယခုမူလတန်းပြဆရာခန့်ရန် တိုင်းဒေသကြီးနှင့်ပြည်နယ်အစိုးရများက ပါရဂူ ဘွဲ့ရများကိုပင် ခန့်ထားရန် လျှောက်လွှာ ခေါ်ယူလိုက်ခြင်းသည် စဉ်းစားစရာတွေ၊ မေးခွန်းထုတ်စရာတွေ ပေါ်လာပါသည်။ (၁) ပါရဂူ ဘွဲ့ရများကို နေ့စားလပေးဖြင့် တစ်သိန်းဝန်းကျင်ရမည့်ဝင်ငွေတွင် ခန့် အပ်ရန် ခေါ်ယူလိုက်ခြင်းသည်။ ပညာရေး ကို အထူးသဖြင့် မူလတန်း ပညာရေးကို မြှင့်တင်လို၍လား (သို့မဟုတ်) ပါရဂူဘွဲ့ရ တွေကိုနှိမ် လို၍လား။ ခြင်္သေ့ဆီကို ရွှေခွက် ဖြင့်မထည့်ဘဲ ရွှံ့ခွက်ဖြင့် ထည့်လိုက်တာလား။ (၂) ပါရဂူဘွဲ့အပါအ၀င် ဘွဲ့ရမျိုးစုံ တွေ အလုပ်လက်မဲ့ဖြစ်နေ၍ အလုပ်ဖန်တီး ပေးလိုက်တာလား။ (၃)အလုပ်ခန့်ထားရန် လျှောက်လွှာ ခေါ်သည့် တိုင်း/ပြည်နယ် ဒေသကြီးမှ ၀န်ကြီးများက ဘူးတောင်းနစ်၍ စောင်းခြမ်းပေါ်အဖြစ်ကို လှစ်ပြလိုက် တာလား။ (၄) ဂျပန်နိုင်ငံကို အတုယူပြီး ပါရဂူဘွဲ့ရတွေကို မူလတန်းကို သင်ခိုင်းတာလား။ ဂျပန်နိုင်ငံက ပါရဂူ ဘွဲ့ရသူများ သည် ကလေးသူငယ်တို့၏ စိတ်ခံစားချက် နှင့် စိတ်ပိုင်းဆိုင်ရာ သုတေသနပြုလုပ်ထား သည့် ပါရဂူ ဘွဲ့ရများကို ခန့်ထားခြင်းဟု သိရသည်။ ၎င်းတို့ကို တက္ကသိုလ်ပညာရေး တွင် တာဝန် ထမ်းဆောင် နေသည့် ဆရာ၊ ဆရာများ၏လစာထက်မြင့်မားသည့် ခံစား ခွင့်များ၊ နေအိမ်များ ပေးအပ်ချီးမြှင့်ထား သည်ဟု သိရသည်။ မြန်မာနိုင်ငံက လပေး နေ့စားတစ်သိန်းဝန်းကျင်ဖြင့် လက်ရှိခန့် ထားသည်ကိုသိရသည်။ သည်တော့ ““မတူ လျှင် မတုနဲ့””လို့ ပြောချင်ပါတယ်။ သတိ ပြုရမှာက တိုင်းပြည်ကို စေတနာနဲ့အုပ် ချုပ်ဖို့ပါပဲ။ ကိုယ့်သား သမီးရဲ့တစ်နေ့အသုံး စရိတ်တောင် မရှိတဲ့လစာနဲ့ ကိုယ်ကိုယ်တိုင် ပါရဂူဘွဲ့မရဘဲနဲ့ ကိုယ်ချင်းမစာပါဘဲ မလုပ် မပြောသင့်ပါဘူး။ တိုင်းပြည်ရဲ့ ဂုဏ်သိက္ခာလည်း မကျပါစေနဲ့။ ကိုယ် ကိုယ်တိုင်ကတော့ “အာဏာ”ကို မရမနေ ရအောင်ယူတတ်တဲ့ ပညာသာတတ်ပြီး တိုင်းပြည်အတွက် တိုးတက်အောင်အသုံး ချပညာရပ်တွေ မတတ်ဘဲ သစ်ဆိုလည်း တောလုံးကုန်အောင် ရောင်း၊ ဓာတ်သတ္တုဆိုလည်း တောင်လုံးပျောက်အောင် ရောင်းတတ်တဲ့ ပညာလောက်နဲ့ မစဉ်းစားသင့်ပါ။ အကောင်းဆုံးက ရရှိနေတဲ့ အဆင့်က ထွက်ပြီး အေးအေးပဲ ထိုင်စား နေသင့် ပါပြီ။ ကိုယ်စီမံခန့်ခွဲတဲ့ နေရာရဲ့ တန်ဖိုးကိုလည်းကြည့်သင့်ပါသည်။ နေရာနှင့် တန်အောင်ပြောပါ။ တန်အောင် လုပ်ပါ။ တန်တဲ့အတွေးအခေါ်ကို သုံးပါလို့ အကြံ ပြုပါတယ်။

ခြင်္သေ့ဆိုတာ မြက်မစားဘူး

ခြသေ့င်္တို့မည်သည် မြက်ကိုမစားဘူး။ ဒါပေမဲ့ ကြွက်ကို စားချင်စားမည်။ ကြွက်ကသေးပေမယ့် အသားရှိ သတ္တ၀ါမို့ပဲ။ နွားသည် ကြွက်ကိုမစားဘူး၊ မြက်ကို စားသည်။ သည်လိုပါပဲ။ သူ့သဘာဝနှင့် သူ ရှိကြရမှာပါ။ ယခု ကိစ္စက ခြင်္သေ့ကို မြက်စားခိုင်းသည်နှင့် တူပါသည်။ ယခုကိစ္စမှာ ဆရာဝန်စာရေးဆရာတစ်ဦးက ထောက်ခံ သည့်သဘောရေးထားသည်ကို Hot News မှာဖတ်ရပါတယ်။ သူအလုပ်လက်မဲ့ ဘ၀ ၁၉၉၅ ခုနှစ်က ကုမ္ပဏီ တစ်ခုက ယာဉ်မောင်းခေါ်သည့် အခါ သွားလျှောက်ပါ သည်။ Over Qualification (ခေါ်တဲ့ ခန့် မယ့်အလုပ်နဲ့ အရည်အချင်းလွန်) ဆိုပြီး မခန့်ပါဟုပြောပါသည်။ L.L.M ဘွဲ့ရမိန်းကလေး တစ်ယောက်က ကုမ္ပဏီကြီး တစ်ခု မှာ အောက်တန်းစာရေး လျှောက်ရာ မဟာဥပဒေဘွဲ့ရမို့ ပယ်ဖို့စိတ်ကူးရှိကြောင်း၊ ဒါပေမဲ့ မိန်းကလေးက အလုပ်ရှာနေသည်မှာ ကြာပြီဖြစ်ကြောင်း၊ ၀င်ငွေမရှိကြောင်း၊ အလုပ်ကြီးကြပ်သူ (ဆယ်တန်းမအောင် သေးသူ) ကို ရိုရိုသေသေ ဆက်ဆံပါမည့် အကြောင်း၊ အစမ်းခန့်ကြည့်ဖို့ ပြော၍ ခန့်လိုက်ကြောင်း ဖော်ပြထားပါသည်။ နောက်တော့ လက်ထောက်မန်နေဂျာဖြစ်သွား သည်ဟုဆိုပါသည်။ သည်တော့ မူလတန်း ပြဆရာအလုပ်ကို Ph.D တွေ လုပ်ကြဟုဆိုခြင်းပါ။ ဒါက ပုဂ်္ဂိုလ်ရေး ဆန္ဒနဲ့ဆုံးဖြတ် ချက်ကို ဆိုချင်ကြောင်းလို့ ထင်ပါသည်။ နိုင်ငံတော် အဆင့်က ကြည့်လျှင် နိုင်ငံ တကာအလယ်မှာ နိုင်ငံရဲ့ဂုဏ်သိက္ခာကို ကြည့်ပြီး အလုပ်ခေါ်သည့် ပုဂ်္ဂိုလ်များက ကြည့်သင့်ပါသည်။ ယခု Ph.D ဘွဲ့ရတွေ ကို ပြည်ထောင်စု ရွေးကောက်ပွဲကော်မရှင် မှာ လက်ထောက် ညွှန်ကြားရေးမှူးတို့၊ ညွှန်ကြားရေးမှူးတို့လို နေရာတွေမှာ ခန့်ဖို့ခေါ်ပါက နိုင်ငံ့ဂုဏ် မဆောင်ပေ ဘူးလား။ စစ်သားတွေကို ဘာလို့ ခန့်ရသလဲ။ ဒီလို ခန့်တာဟာ နိုင်ငံရေးအမြင်နဲ့ ခန့်တာ၊ စစ်သားဆိုတာ အထက်အမိန့်ကို နာခံရာမှာ ခြောက်ပေတွင်းထဲ မရောက်မချင်းပါဘဲ။ တက္ကသိုလ်က Ph.D ဘွဲ့ရကျောင်းသား က အမိန့်ပေးရင် ဦးနှောက်နဲ့စဉ်းစားပြီးမှ ဆုံးဖြတ်မှာဖြစ်လို့ ကျားကိုက်ကိုက် ခြင်္သေ့စားစား ဆုံးဖြတ်မည် မဟုတ်ပါ။ အလုပ် လက်မဲ့ဘွဲ့ရပြဿနာ ဖြေရှင်းလိုသည်မှာ အမှန်ဖြစ်လျှင် အလုပ်ရှိပြီးသား၊ ဗိုလ်ကြီး၊ ဗိုလ်မှူး တွေကိုနေရာ ပြောင်းပြီး၊ ပြည်ထောင်စုရွေးကောက်ပွဲ ကော်မရှင်မှာ ခန့်အပ်ရန် မလိုပါ။

သည်တော့ Ph.D ဆိုတဲ့ ဘွဲ့ရသော ခြင်္သေ့များ မြက်မစားကြပါနဲ့။ မြက်စားတဲ့ ခြင်္သေ့လည်းရှိမှာပါ။ အဲဒီခြင်္သေ့ ကတော့ . . . . ။

Myanmartandawsint Newspaper

အပြည့်အစုံသို့ »

အခြေခံဥပဒေဖြင့် အာဏာသိမ်းထားခြင်းလော


  ၂၀၀၈ဖွဲ့စည်းပုံတွင် “တိုင်းပြည်ချောက်ထဲကျဖို့ရန် လက်တစ်လုံးအလို စီမံချက်ကြီး”များဖြင့် အာဏာပြန်လည် သိမ်းယူနိုင်သည်အထိ ဖန်တီးထားသည်ကို တွေ့ရသည် . . .

၅၉ (စ) မပြင်ဆင်ရေးလာပြီ

ဒေါ်အောင်ဆန်းစုကြည် သမ္မတမဖြစ် ရေးအတွက် ကြိုတင်ဖန်တီးရေးဆွဲခဲ့သည် ဟု နိုင်ငံရေးရပ်ဝန်းမှ ဝေဖန် လျက်ရှိသော ၂၀၀၈ ဖွဲ့စည်းပုံပါ ပုဒ်မ ၅၉ (စ) ပြင် ဆင်ရေး၊ မပြင်ဆင်ရေး ဒွိဟပွားနေမှုအပေါ် ရှင်းလင်း ပြတ် သားသော သဘောထားတစ် ရပ်အား ပြည်ခိုင်ဖြိုးပါတီမှ ပြည်သူအများ အမြင်ရှင်းသွားစေရန် လှုပ်ရှားမှု တစ်ခု ကို ၂၀၁၄ မေလ ၃ ရက်နေ့က ပြုလုပ်ခဲ့ သည်။ လေးမျက်နှာမြို့နယ်တွင် မေလ ၂ရက်က NLD ပါတီမှ ဦး ဆောင်၍ ၅၉(စ) အပါအ၀င် ဖွဲ့စည်းပုံပြင်ဆင်ရေး ဆန္ဒထုတ်ဖော်ပွဲ ပြုလုပ်ပြီး နောက်တစ်ရက် မေလ ၃ ရက် တွင် ပြည်ခိုင်ဖြိုးပါတီမှ ဦးဆောင်၍ ၅၉ (စ) မပြင်ဆင်ရေး ဆန္ဒထုတ်ဖော်ပွဲတစ်ရပ် ပြုလုပ်ခဲ့ခြင်း ဖြစ် သည်။ ဤမတိုင်မီ ၅၉ (စ) မပြင်ဆင်ရေး ဟောပြောပွဲ၊ ဆန္ဒထုတ်ဖော်ပွဲများ ပြုလုပ်ခဲ့ဖူးသော် လည်း ပြည်ခိုင်ဖြိုးပါတီ ၏ ခေါင်း စဉ်အောက်တွင်တော့ မဟုတ်ခဲ့ချေ။ မေ လ ၃ ရက် ၅၉ (စ) မပြင်ဆင်ရေးဆန္ဒ ထုတ်ဖော်ပွဲကား ပြည်ခိုင်ဖြိုးပါတီမှ ပထမ ဆုံးအကြိမ် ဦးစီးပြုလုပ်ခြင်း လည်း ဖြစ်သည်။… ဒေါ်အောင်ဆန်းစုကြည်သမ္မတဖြစ် မည်ကို မလိုလားသော ပြည်ခိုင်ဖြိုးပါတီ၏ သဘောထားအား တိုင်းသိပြည်သိကြေ ညာလိုက်ခြင်းလည်း မည်၏။ လက်ရှိ အစိုးရ၏ ဆင်ခြေပေးနေကျ မူအတိုင်း ““အောက်ကလုပ်တာ အပေါ်ကမသိလိုက်ဘူး””ဟုဆိုလျှင် မူကား ပြည်ခိုင်ဖြိုးပါတီ အောက်ခြေပိုင်းသည် ဗဟိုကော်မတီအား မထီမဲ့မြင်၊ လျစ်လျူရှုကာ ကိုယ့်သဘော နှင့် ကိုယ်လုပ်ခွင့် ရှိသည့်သဘော သက်ရောက်နေသည်မှာ ဧကန်ဟုသာဆိုရမည်။ သို့သော် အထက်- အောက် စီးဆင်းပုံ ဖွဲ့စည်းပုံဖြင့် ဖွဲ့စည်းထားသော ပြည်ခိုင် ဖြိုးပါတီ၏ ဖွဲ့စည်းပုံရှုထောင့်မှကြည့်လျှင် နာယကကြီးများ၊ ဗဟိုကော်မတီဝင်များ၏ သဘောထားဟုသာ ယူဆရပါလိမ့်မည်။ ပြည်ခိုင်ဖြိုးကား ၅၉ (စ)အား ပြင်ဆင်ရန် အလိုမရှိဘဲ ဒေါ်အောင်ဆန်းစုကြည်အား သမ္မတဖြစ်ခွင့်မပေးနိုင်ဟု တစ်နိုင်ငံလုံး အား တိုင်းသိပြည်သိ ပထမဆုံး ကြေညာ လိုက်ခြင်းပင်ဖြစ်သည်။ အဘယ်ကြောင့်ဆိုသော် မကြာမီကာလများတွင် ၅၉ (စ) မပြင် ဆင်ရေး အတွက် ပြည်ခိုင်ဖြိုးဘက် တော်သားများက ဆန္ဒထုတ်ဖော်ပွဲများ ထပ်မံပြုလုပ်လာနိုင်ဖွယ်ရှိ၍ ဖြစ်သည်။

တိုက်ဆိုင်စွာပင် ဧပြီ ၂၀ ရက်၌ NLD ပါတီဥက္ကဋ္ဌ ဒေါ်အောင်ဆန်းစုကြည် နှင့် ၈၈မျိုးဆက်ခေါင်းဆောင်များ တွေ့ဆုံ ဆွေးနွေးပြီး လူထုဟောပြောပွဲများ၊ ဆန္ဒထုတ်ဖော်ပွဲများ၊ လက်မှတ်ရေးထိုးလှုပ်ရှား မှုများဖြင့် ဖွဲ့စည်းပုံ ပြင်ဆင်ရေးလှုပ်ရှားမှု များအား အရှိန်မြှင့်တင်ရန်ဆုံးဖြတ်၍ ပထမ ဆုံးအကြိမ်အဖြစ် NLD နှင့် ၈၈ တို့ ပူးပေါင်း ပြီး ကော်မတီတစ်ရပ်ဖွဲ့စည်းခဲ့ကြသည်။

မေလ ၃ ရက် ပြည်ခိုင်ဖြိုး၏ ၅၉ (စ) မပြင်ဆင်ရေးလှုပ်ရှားမှုသည် NLD ၏ ၅၉ (စ) ပြင်ဆင်ရေး လှုပ်ရှားမှု များအား တန်ပြန် အဟန့်သဘောဆောင်နေသည် ဟု နိုင်ငံရေးရပ်ဝန်းက ဝေဖန်သုံးသပ်ခဲ့ကြ သည်။ လွှတ်တော်တွင် အခြေခံဥပဒေ ပြင်ဆင်ရေး ကော်မတီတစ်ရပ်ဖွဲ့စည်း ထားသည်မှာ နှစ်ဝက် ခန့်ရှိ နေပြီဖြစ် သော်လည်း ပြည်ခိုင်ဖြိုးပါတီဝင်အများစုပါဝင်သော ကော်မတီမှ မည်သည့် အချက်များပြင်ဆင် မည်၊ မည်သည့် အချက်များမပြင်ဆင်ဟူ၍ တိတိကျကျထုတ်ပြန်ကြေညာခြင်းမရှိဘဲ ကော်မတီတွင်းဆွေးနွေးမှုများအား လျှို့ ၀ှက်ထားရမည်ဟူ၍ သတင်းမီဒီယာတစ်ခု ၏ဖော်ပြချက်အရ သိရသည်။ အခြေခံ ဥပဒေပြင်ဆင်ရေး ကော်မတီ သည် ပြည်တွင်း၊ ပြည်ပတွင် မျက်နှာပန်းလှရုံသက် သက်ဖွဲ့စည်းထားသောကော်မတီဟု ဆိုရ မလိုပင် လက်ရှိ ကာလအထိ ထိရောက် သော သက်ဝင်လှုပ်ရှားမှုမျိုးကား မမြင် တွေ့ရသေးချေ။ အတိတ်မေ့ သလိုလို၊ ရွှေ ပျောက်သလိုလို လုပ်နေသည်ဟုပင် နိုင်ငံရေးသုတေသီတစ်ဦးက ဆိုခဲ့သည်။

ထိုသို့ဆိုလျှင် အဘယ်ကြောင့် ပြည် သူတွေ ပြင်ချင်သော ဆန်္ဒရှိလျှင် ပြင်ဆင် သင့်ကြောင်း အာဏာရပြည် ခိုင်ဖြိုးပါတီ၏ အကြီးအကဲက ဆိုခဲ့လေသနည်း။ ပြည် ထောင်စုလွှတ်တော်နာယကကြီးကလည်း လွှတ်တော်ထဲ တွင် ဖွဲ့စည်းပုံပြင်ဆင်လိုသူ ကိုယ်စားလှယ်တွေက အများစုဖြစ်ပါသည် ဟု ဆိုခဲ့လေသနည်း။ အများစုဆို သည်မှာ လည်း ပြည်ခိုင်ဖြိုးကိုယ်စားလှယ်များဖြစ် ၍ ပြည်ခိုင်ဖြိုးမှဦးဆောင်၍ ဖွဲ့စည်းပုံမပြင် ရေး ၅၉(စ)အား ဆန်္ဒထုတ်ဖော်ပွဲများလုပ် နေသည်ဆိုလျှင် ပြည်ခိုင်ဖြိုးမှမည်သည့် အချက်များ မပြင်ချင်သည်ကို ခန့်မှန်း၍ပင် ရနိုင်ပါသည်။

၂၀၁၅ ရွေးကောက်ပွဲမတိုင်ခင် ၆လ အလိုတွင် ဖွဲ့စည်းပုံမှ ပြင်ဆင်သင့်သည်များ ပြင်ရမည်ဟု ပြည်ထောင်စု လွှတ်တော် နာယက၏ ပြောကြားထားချက်အရဆိုလျှင် ၅၉(စ)ကိုတော့ ပြင်ဆင်မပေးချင်သည့် သဘောရှိ သည်ဟု ကောက်ချက်ချနိုင် သည်။ ထို့ပြင် မကြာမီကာလက ပြောကြား သွားခဲ့သော သမ္မတ မိန့်ခွန်းနှင့် ကာချုပ် မိန့်ခွန်းတို့ကိုထောက်ရှုလျှင် အခြေခံဥပဒေ ပြင်ဆင်ရေးအတွက် သော့ခလောက်သဖွယ် ဖြစ်သော ပုဒ်မ ၄၃၆ အားလည်း ပြင်ဆင် မပေးနိုင်ဟု ယူဆ၍ရသည်။ ပုဒ်မ ၄၃၆ မပြင်လျှင် (သို့) စတိသဘော စကား ရပ် အနည်းငယ်သာပြောင်းလဲပြင်ဆင်၍ ပုဒ်မ ၄၃၆ အား သော့ခလောက်အဖြစ် ဆက် လက်ထား ရှိမည်ဆို လျှင် ဖွဲ့စည်းပုံ ပြင် ဆင်ရေးမှာ ဟန်ပြသဘောသာ ဖြစ်နေ ပေလိမ့်မည်။

မေလ ၃ရက် လေးမျက်နှာမြို့နယ် ပြည်ခိုင်ဖြိုးပါတီမှ ဦးဆောင်သော ဆန္ဒထုတ်ဖော်ပွဲတွင် အချက်သုံးချက် အား တောင်းဆို ဆန္ဒထုတ်ဖော်ခဲ့သည်။ (၁) ၅၉(စ) မပြင်ဆင်ရေး၊ (၂) အမျိုးဘာသာ သာသနာ စောင့်ရှောက် ရေး၊ (၃) တည်ငြိမ် အေးချမ်းဖွံ့ဖြိုးတိုးတက်ရေး စသည့်အချက် များအား ဆိုင်းဘုတ်များကိုင်ကာ တောင်း ဆိုဆန္ဒထုတ်ဖော်ခဲ့ခြင်းဖြစ်သည်။

အမျိုးဘာသာသာသနာစောင့်ရှောက်ရေး

အာဏာရှင်အစိုးရအဆက်ဆက် သည် သံဃာတော်များ နိုင်ငံရေးကင်းရှင်း ရမည်ဟု အကြိမ်ကြိမ်ဆိုခဲ့သည်။ ထိုသို့ ဆိုလျှင် နိုင်ငံရေးနယ်ပယ်တွင်လည်း ဘာသာရေးအား ခုတုံးလုပ်အမြတ်ထုတ်၍ နိုင်ငံရေးကစားကွက် အသာမယူသင့်ဟု ယူဆမိပါသည်။ ဘာသာတရားကိုင်းရှိုင်း သော ဗုဒ္ဓဘာသာ မြန်မာလူမျိုးအများစု အတွက် ““အမျိုးဘာသာ သာသနာစောင့် ရှောက်ရေး””ဟူသောစကားရပ်သည် သည်း ခြေကြိုက်စကားရပ်ဖြစ်သည်။ ၅၉(စ)ပုဒ်မ သည် နိုင်ငံရေးနယ်ပယ်မှဖြစ်သည်။ ပြည် ခိုင်ဖြိုးပါတီဝင်ပြောဆိုသော ““အမျိုး ဘာသာ သာသနာ စောင့်ရှောက်ရေး””သည် ၅၉(စ) ၏ အခြေခံအုတ်မြစ်ဖြစ်သည်ဆိုသည်မှာ နိုင်ငံရေးနှင့် ဘာသာရေးအား ရော ထွေး တွဲစပ်ဖန်တီးယူခြင်းပင်ဖြစ်သည်ဟု နိုင်ငံရေးလေ့လာသူတစ်ဦးက ဆိုပါသည်။

လက်ရှိမြန်မာနိုင်ငံတွင် ကမ္ဘာသိ ကျယ်ကျယ်ပြန့်ပြန့်ဖြစ်ပွားနေသော ဘာသာရေးဆန်သည့် လူမျိုးရေး ပဋိပက္ခ များ၊ အမျိုးသားရေး အစွန်းရောက် ပြဿနာများတွင် မီဒီယာများ၏အမြင်မှန်ကန်မှု၊ ဘက် နှစ်ဖက်မျှတမှုဖြင့် ဖော်ပြနိုင်စွမ်းရှိမှုသည် ကမ္ဘာ့အလယ်တွင် တိုင်းပြည်၏ ဂုဏ်သိက္ခာ မကျဆင်းစေရေးအတွက် လွန်စွာ အရေးပါ သော အခန်းကဏ္ဍမှ ပါဝင်နေပေသည်။ မီဒီယာကျင့်ဝတ်နှင့်အညီ ဘက်နှစ် ဖက် မျှတအောင် အမုန်းခံရမည်ကို မကြောက်ဘဲ ရဲရဲဝံ့ဝံ့ တင်ပြနိုင်စွမ်းသည် လွန်စွာအရေးကြီးလေသည်။ လက်ရှိကာလ အထိ မငြိမ်းနိုင် သေး သော ပဋိပက္ခများသည် နိုင်ငံရေးပယောဂကြောင့်လား၊ လူထု၏ အသိရေချိန် မရင့်ကျက်မှုကြောင့်လား ဆို သည်ကို ပညာရှင်များ၊ တာဝန်ရှိသူများ ၀ိုင်းဝန်းအဖြေရှာသင့်ပေသည်။

ကွယ်လွန်လေပြီးသော သတင်းစာ ဆရာကြီး ဦးဝင်းတင်ကတော့ နိုင်ငံရေး ပယောဂမဟုတ်ရင်တောင် ပယော ဂတော့ ပယောဂပဲဟု ကောက်ချက်ချခဲ့ဖူးသည်။

၂၀၁၅ ရွေးကောက်ပွဲကြီး နီးကပ် လာသည်နှင့်အမျှ အမုန်းတရား ဖြန့်ဖြူး ရေးအေဂျင်စီများ အလျှိုလျှို ပေါ် ပါက်လာ နိုင်ပြီး နိုင်ငံရေးအာရုံလွှဲခြင်း (Political masturbation) များ ဖြစ်ပေါ်နိုင်သည်ကို ပြည်သူတစ်ရပ်လုံး အထူးဂရုပြုစောင့်ကြည့် ရန် လိုပေလိမ့်မည်။

တည်ငြိမ်အေးချမ်းဖွံ့ဖြိုးတိုးတက်ရေး

န၀တ၊ နအဖလက်ထက်က ဆောင် ပုဒ်နှင့် အသွင်တူ စကားရပ်ပင်ဖြစ်သည်။ ယခင်စစ်အာဏာရှင်ခေတ်တွင် နိုင်ငံရေး လှုပ်ရှားမှုတိုင်းအား အမျိုးသားလုံခြုံရေး ရှုထောင့်တစ်ခုတည်းမှသာ ရှုမြင်၍ နိုင်ငံ ရေးဆိုသည်မှာ နှိမ်နင်းရန်သာဖြစ်ပြီး ထို နှိမ်နင်းမှုအတွက်လည်း တရားမျှတသည် ဟု စစ်အာဏာရှင်များ ခံယူခဲ့ကြသည်။ လက်ရှိ ဒီမိုကရေစီအကူးအပြောင်းကာလ တွင် လူပုဂိ်္ဂုလ်အခြေပြု အာဏာချုပ်ကိုင် ခြင်းမရှိတော့သော်လည်း ၂၀၀၈ အခြေခံ ဥပဒေဖြင့် အာဏာအား ထိန်းချုပ်ထားသော အခင်းအကျင်းအား ဖန်တီးထားခဲ့သည်။

၂၀၀၈ အခြေခံဥပဒေတွင် အာဏာ မပြိုလဲအောင် ခံတပ်အဆင့်ဆင့်ဖြင့် သေ ချာစွာ စနစ်တကျ စီမံထား သည်ကို လည်း တွေ့ရသည်။ ၂၀၀၈ဖွဲ့စည်းပုံတွင် ““တိုင်း ပြည်ချောက်ထဲကျဖို့ရန် လက်တစ်လုံး အလို စီမံချက်ကြီး””များဖြင့် အာဏာပြန် လည်သိမ်းယူနိုင်သည်အထိ ဖန်တီးထား သည်ကို တွေ့ရသည်။

သုံးသပ်ချက်

အချုပ်အားဖြင့်ဆိုသော် ဒီဘူတာပဲ ပြန်ဆိုက်ပါတော့မည်။ အခြေခံဥပဒေ၏ အရေးကြီးပုဒ်မများပြင်ဆင်ရပါမည်။ ပြည် တွင်းငြိမ်းချမ်းရေး၊ လူမှုစီးပွားများတိုးတက် ရေး၊ တရားဥပဒေစိုးမိုးရေး အစ ရှိသဖြင့် ခေတ်နောက် ကျန်ရစ် နေသော တိုင်းပြည် အနာဂတ်အတွက် အရေးပါသောကဏ္ဍများ ပြုပြင်ပြောင်းလဲချောမွေ့ရန်မှာ ၂၀၀၈ အခြေခံဥပဒေအား အကောင်းဆုံး မွမ်းမံ ပြင်ဆင်ရပါလိမ့်မည်။ မဟုတ်သော် အရပ် သားတစ်ပိုင်း အစိုးရသည် လည်း ၂၀၀၈ အခြေခံဥပဒေဖြင့် အာဏာသိမ်းထားခြင်း ဟုသာ ယူဆရပါတော့မည်ဖြစ်ပါကြောင်း။

လင်းထိုက် (Y.I.T)
Myanmartandawsint Newspaper

အပြည့်အစုံသို့ »

ဘင်္ဂလားဒေ့ရ်ှဝန်ကြီးချုပ်နှင့် တွေ့ဆုံစဉ် ကာချုပ်(ရေ) ဖုန်းကိုင်ထားမှု သံတမန်ကျင့်ဝတ်နှင့် မကိုက်ညီဟု ဝေဖန်


ရန်ကုန်၊ မေ ၇

နှစ်နိုင်ငံ လူကုန်ကူးမှု၊ လက်နက်နှင့် မူးယစ်ဆေးဝါး အရေးကိစ္စများနှင့် ပတ်သက်ပြီး ဘင်္ဂလားဒေ့ရှ် ၀န်ကြီးချုပ် ရှိတ်ဟာဆီနာနှင့် မတ်လဆန်းပိုင်းက သွားရောက် တွေ့ဆုံခဲ့သည့် မြန်မာနိုင်ငံမှ ကာကွယ်ရေးဦးစီးချုပ်(ရေ) ဗိုလ်ချုပ်ကြီး ဇေယျကျော်ထင် သူရသက်ဆွေ တို့၏ တွေ့ဆုံမှု မြင်ကွင်း ဓာတ်ပုံအတွင်း ရေတပ်ဦးစီးချုပ်၏ လက်အတွင်း လက်ကိုင်ဖုန်း ကိုင်ဆောင်ထားခြင်းမှာ သံတမန်ဆက်ဆံရေးနှင့် ပတ်သက်ပြီး မပြုလုပ်သင့်သည့် ပုံစံဖြစ်ကြောင်း ဝေဖန်မှုများ ထွက်ပေါ်လျက်ရှိသည်။

အဆိုပါ သတင်းဓာတ်ပုံကို ဘင်္ဂလားဒေ့ရှ် အခြေစိုက် Bangladesh Chronicle အင်တာနက် စာမျက်နှာ၌ မေ ၄ ရက် ရက်စွဲဖြင့် ဖော်ပြထားပြီး တွေ့ဆုံမှုကိုလည်း ယင်းနေ့ နေ့လယ်ပိုင်းက ၀န်ကြီးချုပ် ရှိတ်ဟာဆီနာ၏ ၀န်ကြီးချုပ် အိမ်တော်၌ တွေ့ဆုံခဲ့ခြင်းဖြစ်သည်။

ယင်းသို့ သတင်းနှင့်တွဲဖက်၍ ဖော်ပြထားသည့် သတင်းဓာတ်ပုံ၌ ကာကွယ်ရေး ဦးစီးချုပ်(ရေ) ဗိုလ်ချုပ်ကြီး သူရသက်ဆွေ၏ လက်အတွင်း လက်ကိုင်ဖုန်း ကိုင်ဆောင် ထားသည့်အတွက် သံတမန်ရေးအရ မလုပ်ဆောင်သင့်သည့် လုပ်ရပ်ဖြစ်ကြောင်း ဝေဖန်မှုများ ထွက်ပေါ်ခဲ့ခြင်းလည်း ဖြစ်သည်။

““ကျွန်တော် သိရသလောက်တော့ လူကြီးတွေ တော်တော်များများ ကိုယ်တိုင် ဖုန်းကိုင်တာ မရှိဘူး။ သူ့ရဲ့ ကိုယ်ရေးအရာရှိ လောက်ပဲကိုင်တာ””ဟု ယခင်စင်ပြိုင်အစိုးရအဖွဲ့၏ ကုလသမဂ္ဂ အမြဲကိုယ်စားလှယ် ဒေါက်တာသောင်းထွန်းက မြန်မာသံတော်ဆင့်သို့ ပြောသည်။

သူက ဆက်လက်ပြီး ယင်းဓာတ်ပုံအရ ဖုန်းကိုင်ထားခြင်းသာ ဖြစ်ပြီး ဖုန်းပြောခဲ့သည်ဆိုပါက ““အခုလိုမျိုး အရေးကြီးတဲ့ နိုင်ငံခြား ဧည့်သည်တွေနဲ့ ထိပ်တန်း အစည်းအဝေးမှာတော့ လူကြီးတွေက ဖုန်းပြောလေ့ မရှိပါဘူး၊ တရားဝင် လူကြီးတွေနဲ့ တွေ့တဲ့ အခါကျတော့ လက်ကိုင်ဖုန်း ပြောတာတော့ သံတမန် ကျင့်ဝတ်အရ မညီဘူးပေါ့””ဟု သုံးသပ်သည်။

ငြိမ်းချမ်းရေးစင်တာ တာဝန်ရှိသူတစ်ဦး ဖြစ်သည့် ဦးညိုအုန်းမြင့်ကလည်း ““ကျွန်တော်တော့ တွေ့ဖူးပါတယ်။ အခြေခံကျတဲ့ ဖြစ်နိုင်ခြေ အချက်က ခေါင်းဆောင်တစ်ဦးက တစ်ဦးကို ပြချင်လို့ တယ်လီဖုန်းပေါ်မှာ Reference အနေနဲ့ ဖြစ်နိုင်တယ်။ ခေါင်းဆောင်တွေ တွေ့ဆုံတဲ့အခါမှာ အဓိကကတော့ တစ်ယောက်နဲ့ တစ်ယောက် ရင့်ရင့်သီးသီး မပြောဖို့၊ တစ်နိုင်ငံနဲ့ တစ်နိုင်ငံရဲ့ အားနည်းချက်တွေကို ထောက်မပြဖို့။ ဒါပေမဲ့ ခုနကပြောတဲ့ တယ်လီဖုန်းပေါ်က တစ်ခုခု ထုတ်ပြတယ် ဆိုတာလည်း ဖြစ်နိုင်တာပဲ။

ဓာတ်ပုံတစ်ပုံကို ကြည့်ပြီးတော့ အကြောင်းအရာ တစ်ခုလုံးကို ပြောလို့မရပါဘူး။ ခေါင်းဆောင်နှစ်ဦးရဲ့ ဆွေးနွေးမှုတွေကို တစ်လျှောက်လုံး ဗီဒီယို ရိုက်ထားပြီးတော့ အဲဒီမှာ သူဟာ တယ်လီဖုန်းကိုပဲ တစ်ချိန်လုံး ကြည့်နေတယ် ဆိုရင်တော့ ပြောစရာဖြစ်တာပေါ့။ မြန်မာရေတပ် ဗိုလ်ချုပ်ကနေ တယ်လီဖုန်းထုတ်ပြီးတော့ အကြောင်း အချက်တစ်ခုခု ထုတ်ပြတာလည်း ဖြစ်နိုင်ပါတယ်။

မြန်မာပြည်ရဲ့ကိစ္စကို ပြောတာလည်း ဖြစ်နိုင်တယ်။ နှစ်နိုင်ငံ ဆွေးနွေးနေတဲ့ဟာကို အထောက်အကူ ပြုတာလည်း ဖြစ်နိုင်တယ်။ ဓာတ်ပုံ တစ်ပုံတည်းကျတော့ ဆုံးဖြတ်ဖို့ ခက်မယ်လို့ ထင်တယ်”” ဟု သုံးသပ်သည်။

နှစ်နိုင်ငံတွေ့ဆုံမှုအတွင်း ၀န်ကြီးချုပ် ရှိတ်ဟာဆီနာက ““အခု ဖြစ်နေတဲ့ ရာဇ၀တ်မှုတွေနဲ့ ပတ်သက်ပြီး နိုင်ငံတစ်နိုင်ငံတည်းနဲ့ ရပ်တန့်သွားအောင် လုပ်ဖုိ့ဆိုတာ ဘယ်လိုမှ မဖြစ်နိုင်ပါဘူး။ ဒါကြောင့် နှစ်နိုင်ငံ ပူးပေါင်း လုပ်ဆောင်သွားဖို့ လိုအပ်တယ်””လို့ ပြောဆိုခဲ့ကြောင်း ယင်းသတင်းဖော်ပြမှု၌ ပါရှိသည်။

““အခြေခံကျတဲ့ စိတ်ဝင်စားမှုအပေါ် နှစ်နိုင်ငံ လက်တွဲ လုပ်ကိုင်ကြမယ်ဆိုရင် နှစ်နိုင်ငံ နယ်စပ်ဒေသ တွေအတွက် ပိုမိုကောင်းမွန်တဲ့ အနာဂတ်တွေ ရရှိလာမှာ ဖြစ်တယ်”” ဟု မြန်မာ့ကာကွယ်ရေး ဦးစီးချုပ်(ရေ) ဗိုလ်ချုပ်ကြီး သူရသက်ဆွေဘက်မှ ပြောဆိုခဲ့ကြောင်းလည်း အဆိုပါသတင်း၌ ဖော်ပြထားသည်။

လက်ရှိ ကာချုပ်(ရေ) ဗိုလ်ချုပ်ကြီးသူရသက်ဆွေမှာ စစ်တက္ကသိုလ် အမှတ်စဉ် ၂၂ ဆင်းဖြစ်ပြီး ယခင် ကာချုပ် (ရေ) ဗိုလ်ချုပ်ကြီး ဉာဏ်ထွန်းအား ဒုတိယသမ္မတအဖြစ် ခန့်အပ်ခဲ့သည့်အတွက် ယခင်စစ်ဦးစီးချုပ် (ရေ) အဆင့်မှ ကာကွယ်ရေးဦးစီးချုပ်(ရေ)သို့ တိုးမြှင့် ခန့်အပ်ထားခံရခြင်း ဖြစ်သည်။

MH-0025
Myanmartandawsint Newspaper

အပြည့်အစုံသို့ »

ဖိုးလပြည့်၏ ဆရာဟု နာမည်ထွက်နေသူ လက်ရွေးစင်ဟောင်း ဦးမျိုးလှိုင်ဝင်း တက္ကသိုလ်ချန်ပီယံ ဆုဖလား ယူဆောင်လာမှုအပေါ် ဝေဖန်မှုများရှိ


ရန်ကုန်၊ မေ ၈

ပညာရေးဝန်ကြီးဌာန (အောက်မြန်မာပြည်) တက္ကသိုလ်များ ဘောလုံး ဆပ်ကော်မတီမှ ကြီးမှူး ကျင်းပသည့် တက္ကသိုလ် ချန်ပီယံလိဂ် ဘောလုံး ပြိုင်ပွဲဖွင့်ပွဲ အခမ်းအနား၌ ချန်ပီယံဆုဖလား အား မြန်မာ့လက်ရွေး စင် ဘောလုံး သမားဟောင်း ဦမျိုးလှိုင်ဝင်း က ဘောလုံးကွင်းအတွင်း ယူဆောင် လာမှုအပေါ် မဖြစ်သင့်ကြောင်း ယခင်တက္ကသိုလ် ဘောလုံး သမား ဟောင်းများနှင့် လက်ရှိတက္ကသိုလ် ဘောလုံးသမားများက ဝေဖန်လျက် ရှိသည်။

တက္ကသိုလ် ချန်ပီယံလိဂ် ဘောလုံးပြိုင်ပွဲ ဖွင့်ပွဲအခမ်းအနား ကို မေလ ၃ ရက်နေ့ ညနေ ၃ နာရီက ရန်ကုန်မြို့ သုဝဏ္ဏအား ကစားကွင်း၌ ကျင်းပခဲ့ခြင်းဖြစ်ပြီး လက်ရွေးစင်ကစားသမားဟောင်း ဦးမျိုးလှိုင်ဝင်းက အဆိုပါ ချန်ပီယံလိဂ် ဆုဖလားအား ကွင်းအတွင်း သယ်ဆောင်လာကာ ပြိုင်ပွဲအတွင်း ရေးမှူးဖြစ်သူ ယခင် ဗိုလ်ချုပ်မှူး ကြီးဟောင်း ဦးသန်းရွှေ၏မြေး ဦးနေရွှေသွေးအောင်ထံ သို့ လွှဲပြောင်း ပေးအပ်ခဲ့ခြင်း ဖြစ်သည်။

““မနှစ်ကတော့ ဆုဖလား သယ်ဆောင်တာကို မော်ဒယ်လ် တစ်ယောက်နဲ့ လုပ်တော့ ဝေဖန်သံတွေ ကြားရ တယ်။ ဒီနှစ်တော့ မော်ဒယ်လ်နဲ့ မလုပ်ဘဲနဲ့ မျိုးလှိုင်ဝင်းကို ခိုင်းတယ်ဆိုတာတော့ မဖြစ်သင့်ဘူးပေါ့နော်။ မျိုးလှိုင်ဝင်းက ၇ တန်း၊ ၈ တန်းပဲ အရည်အချင်းရှိတာ မှန်ပါတယ်။ ဒါပေမဲ့ ဘောလုံးမှာတော့ ပါမောက္ခလောက် ရှိတယ်။ သို့သော် တက္ကသိုလ်ဘော လုံးပြိုင်ပွဲမှာဖလားကိုသယ်ဆောင် တဲ့သူ မရှိတော့ဘူးလား။ ထင်ပေါ် ကျော်ကြားတဲ့ မြန်မာ့လက်ရွေးစင် ဘောလုံးသမား ဖြစ်ရမယ်ဆိုရင်လည်း ကျွန်တော်တို့ တက္ကသိုလ် ဘောလုံး သမားထဲမှာ ရှိပါတယ်။ ဥပမာ – သန်းတိုးအောင်၊တင်မြင့် အောင်၊ အောင်ကျော်ကျော်တို့ကို သုံးမယ်ဆိုရင် ပြောစရာ မရှိပါဘူး။ ကိုမျိုးလှိုင်ဝင်းက နေရွှေသွေး အောင်(ဖိုးလပြည့်) ငယ်ငယ်လေး ကတည်းက နည်းပြဆရာ ဖြစ်တဲ့ အတွက် သူကြိုးဆွဲရာက တာက ဒီခေတ်ကြီးထဲမှာ မဖြစ်သင့်ဘူး။ ဒါကိုတော့ အလေးအနက် ရှုတ်ချ တယ်””ဟု ယခင်တက္ကသိုလ်နှင့် ကောလိပ် ပေါင်းစုံဘောလုံး ပြိုင်ပွဲ များတွင် ၀င်ရောက်ကစားခဲ့ဖူးသူ လည်း ဖြစ်၊ တက္ကသိုလ်နှင့် ကောလိပ်ပေါင်းစုံ လက်ရွေးစင် ရွေးချယ်ရေးအဖွဲ့၌ ပါဝင်ခဲ့ဖူးသူ ဦးဇော်မြင့်က မြန်မာသံ တော်ဆင့်သို့ ပြောသည်။

ဦးဇော်မြင့်မှာ လက်ရှိတွင် မြန်မာနေရှယ်နယ်လိဂ် ဘောလုံး ပြိုင်ပွဲဝင် ရန်ကုန်ယူနိုက်တက် ဘောလုံးအသင်း၏ မန်နေဂျာအဖြစ်လည်း လုပ်ကိုင်နေသူဖြစ်သည်။

၂၀၁၃ ခုနှစ် အောက်တို ဘာလ ၅ ရက်နေ့က ပြုလုပ်ခဲ့သည့် တက်္ကသိုလ်များ ချန်ပီယံလိဂ်ဖွင့်ပွဲ ပြုလုပ်စဉ်က လည်း ၂၀၁၃ ခုနှစ် Miss Universe Myanmar အလှမယ်ဘွဲ့ရခဲ့သူ မော်ဒယ်လ်မိုးစက် ၀ိုင်အားကွင်း အတွင်း သို့ ဖလားသယ် ဆောင်ခွင့်ပေးခဲ့သည့်အတွက် ဝေဖန်သံများထွက်ပေါ်ခဲ့သေးသည်။

လက်ရွေးစင်ဟောင်း ဦးမျိုးလှိုင်ဝင်းအား နေရာပေးမည်ဆိုပါက မြန်မာနိုင်ငံအစိုးရက ပြုလုပ်နေသည့် ဘောလုံးပြိုင်ပွဲများ၌သာ အသုံးပြုသင့်ပြီး တက္ကသိုလ်နှင့် ကောလိပ်ပေါင်းစုံ ပြိုင်ပွဲများတွင်မူ ဦးသန်းတိုးအောင်၊ ဦးအောင်ကျော်ကျော်တို့ကို ရွေးချယ်ခြင်းမှာ ပိုမိုသင့်လျော်ကြောင်းလည်း သုံးသပ်မှုများ ရှိသည်။

““တချို့ကလည်း ဒီကိစ္စကို ဝေဖန်ကြတယ်။ ကိုမျိုးလှုိုင်ဝင်းက ၁၀ တန်းတောင် မအောင်သေးတော့ သူ့နေရာ မှာ တခြားတစ် ယောက်ကို အစားထိုးချင်တယ်။ တချို့ကလည်း ဘာမှမပြောဘူး။ သူက အောင်မြင်ခဲ့တဲ့ ဘောလုံးသမား ဖြစ်နေလို့ပါ။ တချို့က လည်းသူ့နေရာမှာ တခြား၁၀တန်း အောင်တဲ့ ဘောလုံးသမား တစ် ယောက်ကို ထည့်စေချင်တယ်”” ဟု ပုသိမ်တက္ကသိုလ် လက်ရွေးစင်အသင်းမှ ဂိုးသမားကိုနိုင်လင်း ထွန်းက မြန်မာသံတော်ဆင့်သို့ ပြောသည်။

ယခုကျင်းပမည့် တက္ကသိုလ်နှင့် ကော်လိပ်ပေါင်းစုံ ပြိုင်ပွဲအား ဦးနေရွှေသွေးအောင်က အဓိကပံပိုး ကူညီထား သူ ဖြစ်ပြီး ယမန်နှစ်က ဥက္ကဋ္ဌ ရာထူးယူခဲ့ပြီး ယခု နှစ်တွင်မူ အတွင်းရေးမှူးအဖြစ် တာဝန်ယူထားသည့် အပေါ်မှာလည်း ဝေဖန်မှုများ ရှိသည်။

““ဦးနေရွှေသွေးအောင် (ဖိုးလပြည့်) က စပွန်ဆာပေးရင်လည်း စပွန်ဆာရာထူးမှာပဲ နေသင့်တယ်။ အခုလို မျိုးအတွင်းရေးမှူးတို့၊ မနှစ်ကဆိုလည်း ဥက္ကဋ္ဌ လုပ်တယ်။ ဒါတွေကိုတော့ကျွန်တော်တို့ ကန့်ကွက်တယ်။ ပြိုင်ပွဲ တွေ လုပ်တာတော့ ကောင်းပါတယ်။ သို့သော်လည်းပဲ ပြိုင်ပွဲရည်ရွယ်ချက်က တခြားစီဖြစ်နေတယ်။သူတို့ အတွင်းရေးမှူးဆိုတာ ကျွန်တော်တို့ မသိရသလို ကျွန်တော်တို့ ရွေးချယ်ရေး အဖွဲ့ကိုသူတို့မသိဘူး ဖြစ်နေ တယ်။ ဘယ်သူက ဥက္ကဋ္ဌ၊ ဘယ်သူက အတွင်းရေးမှူးလဲဆိုတာ သတင်းစာဖတ်မှ သိရတယ်။ သူတို့သဘော မျိုး သူတို့လုပ်နေတာကို ရှုတ်ချတဲ့ သဘောနဲ့ကျွန်တော်တို့ မသွားဘူး။ တက်္ကသိုလ် ဘောလုံးလောကကို ဖွံ့ဖြိုး တိုးတက်အောင် လုပ်ဆောင် နိုင် တဲ့သူတွေ အများကြီး ရှိတယ်။ သူ့အနေနဲ့ ပံ့ပိုးတယ်ဆိုတာ စပွန် ဆာအနေနဲ့ ငွေရေးကြေးရေး ပေးမယ်ဆိုတာကို လက်ခံတယ်။ သို့သော် အတွင်းရေးမှူးရာထူး ဆိုတာတော့ ပွင့်လင်းမြင် သာမှု ရှိရမယ်””ဟု ဦးဇော်မြင့်ကပြောသည်။

ယခင် စစ်အစိုးရ ခေါင်းဆောင်အကြီးအကဲ ဗိုလ်ချုပ်မှူးကြီး (ဟောင်း) ဦးသန်းရွှေ၏မြေး ဦးနေ ရွှေသွေးအောင် မှာ ဘောလုံး ၀ါသနာပါသူတစ်ဦးဖြစ်ပြီး ယခင်ကလည်း အင်္ဂလန်ပရီးမီးယားလိဂ်မှ နာမည်ကြီးအသင်း ဖြစ် သည့် မန်ချက်စတာယူနိုက်တက် အသင်းအား ၀ယ်ယူရန်စီစဉ်ခဲ့ကြောင်းလည်း Embassy of Yangonကြေး နန်းပေါက်ကြားမှုဖြစ်စဉ်၌ သတင်း များ ထွက်ပေါ်ခဲ့ သေးသည်။

အလားတူ ဖိုးလပြည့်၏ဆရာဟု သတင်းထွက်နေသူ လက်ရွေးစင် ကစားသမားဟောင်း ဦးမျိုးလှိုင်ဝင်းမှာ လည်း အစိုးရအသိုင်းအ၀ိုင်းနှင့် နီးစပ်သူ တစ်ဦးဖြစ်ပြီး အကောက်ခွန်ဝန်ထမ်းများအတွင်း လာဘ်စား မှုများ ကြောင့် ၀န်ထမ်း အများအပြား အလုပ်ထုတ်ခံရ သော်လည်း မပါဝင်ခဲ့သည့်အတွက် မေးခွန်းထုတ် ခံနေရသူ တစ်ဦးလည်း ဖြစ်သည်။

တင်ဇာအောင်
Myanmartandawsint Newspaper

အပြည့်အစုံသို့ »

ရွေးကောက်ပွဲ ကာလ မဲဆွယ်ခွင့် NLD မေးမြန်းမှုကို ကော်မရှင် ဥက္ကဋ္ဌ ဦးတင်အေး ပြန်လည် ဖြေရှင်းချက် ရှေ့နောက် မညီဟု NLD ဝေဖန်


 ရန်ကုန်၊ မေ ၅

 ရွေးကောက်ပွဲကာလ မဲဆွယ်ခွင့်နှင့် ပတ်သက်သော သဘောထားများကို NLD ပါတီမှ ရွေးကောက်ပွဲ ကော်မရှင်ဥက္ကဋ္ဌ ဦးတင်အေးအား စာဖြင့်ရေးသား မေးမြန်းရာတွင် အမေးနှင့်အဖြေ ရှေ့နောက်မညီဟု NLD ပါတီ ပြောရေးဆိုခွင့်ရှိသူ ဦးဉာဏ်ဝင်းက မေလ (၅)ရက်နေ့တွင် မြန်မာသံတော်ဆင့်မှ တစ်ဆင့် ဝေဖန် ပြောကြား လိုက်သည်။

NLD ပါတီသည် ရွေးကောက်ပွဲကာလ မဲဆွယ်မှုနှင့် ပတ်သက်သော သဘောထားများကို ဧပြီလ ၂၃ ရက်နေ့တွင် ရွေးကောက်ပွဲ ကော်မရှင် ဥက္ကဋ္ဌထံ စာရေးသား မေးမြန်းခဲ့သည်။ကော်မရှင်မှလည်း ၎င်းတို့၏ သဘောထားများကို မတ်လ ၄ရက်၊ NLD ပါတီထံ ပြန်လည်ပေးပို့ခဲ့သည်။ ရွေးကောက်ပွဲ ကော်မရှင်ဥက္ကဋ္ဌ ဦးတင်အေး ပြောစကားများနှင့် ယခုပြန်လည်ဖြေဆို ပေးပို့သော သဘောထားများ ရှေ့နောက် ညီညွတ်မှု မရှိခြင်းအပေါ် NLD ပါတီမှ ပြန် လည် ဝေ ဖန်ခဲ့ခြင်း ဖြစ်သည်။

“ကျွန်တော်တို့ ပါတီက သူပုသိမ်မြို့ ခရီးစဉ်မှာ ပြောတဲ့စကားရဲ့ သဘောထားကို သိချင်လို့ စာရေးသား မေးခဲ့တယ်။ သူကမေးတာကို မဖြေဘဲ ဆန့်ကျင်ဘက် ဘာပြောလဲဆိုတော့ ရွေးကောက်ပွဲဝင်မယ့် သူရော၊ သူ့ရဲ့ကိုယ်စားလှယ်ရော၊ ပါတီက ကိုယ်စားလှယ်ရော ၀င်ပြီး မဲဆွယ်စည်းရုံးခွင့် ရှိတယ်လို့ ဖြေထားတယ်။ အရင်ဂျာနယ် တွေထဲမှာပါတဲ့ ဟာတွေနဲ့တော့ မတူတော့ဘူးပေါ့ဗျာ။ နောက်တစ်ခုက ပြည်ထောင်စု ရွေးကောက်ပွဲ ဥပဒေပုဒ်မ ၁၀(က၊ ခ၊ ဃ)လားမသိ အဲဒါတွေ ညွှန်းထားတယ်။ အဲဒီ ဥပဒေတွေကို ကြည့် လိုက်တော့ ဥပဒေပုဒ်မ (၁၀)မှာ သူပြောတဲ့ဟာတွေ ပါမလာဘူး။ ဘာတွေမှား ပြောလဲတော့ မသိဘူးဟု”” ဦးဉာဏ်ဝင်းက ပြောသည်။

ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးသည် ဧပြီလ ၇ ရက်နေ့က ပုသိမ်မြို့ ခရီးစဉ်တွင် ၂၀၁၅ အထွေထွေရွေး ကောက်ပွဲအတွက် မဲဆွယ်စည်းရုံးမှုများ ပြုလုပ်သည့်နေရာတွင် မဲဆန္ဒနယ်အတွက် ယှဉ်ပြိုင်သည့် ကိုယ်စားလှယ် လောင်းများကိုသာ မဲဆွယ်စည်းရုံးခွင့် ပြုမည်ဟု ပြောဆိုခဲ့သည့်အတွက် ဝေဖန်မှုများ ပြင်းထန်ခဲ့သည်။

ဦးဉာဏ်ဝင်းက ““အမေးနဲ့အဖြေ လွဲနေတဲ့အပေါ်မှာတော့ ပညာ၊ တာဝန် မသိဘဲနဲ့ မာနတွေ ရှေ့တန်း တင်ထားတော့ အဲဒီလိုတွေ ဖြစ်လာတယ်။ သူပြောတဲ့ ဟာတွေက ဥပဒေရော အာဏာအပ်နှင်း ထားခြင်း မရှိတဲ့ ဟာတွေကို သူက လုပ်ပိုင်ခွင့်ရှိနေတယ် ထင်နေတာ””ဟု ၎င်းက ဆက်လက်ပြောသည်။

NLD ပါတီမှ ရွေးကောက်ပွဲကာလ မဲဆွယ်ခွင့်နှင့် ပတ်သက်သော သဘောထားများကို ပါတီတိုင်း သိရှိနိုင်ရန် ဒုတိယအကြိမ် ရွေးကောက်ပွဲ ကော်မရှင်ထံ စာရေးသား ပေးဖို့ရန် စီစဉ်လျက်ရှိသည်။

ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးသည် ယခင် စစ်တက္ကသိုလ် DSA အပတ်စဉ် ၉ ဆင်းဖြစ်ပြီး ဒုတိယ ဗိုလ်ချုပ်ကြီး(ငြိမ်း) တစ်ဦးဖြစ်သည့် အပြင် ယခင် န၀တကောင်စီဝင် (ယခင် ဦးပိုင် လီမိတက် ဥက္ကဋ္ဌ၊ တံတားဦးမြို့နယ် ပြည်သူ့လွှတ်တော် ကိုယ်စားလှယ်တစ်ဦး)အဖြစ် ထမ်းဆောင် ခဲ့သူလည်း ဖြစ်သည်။

အဆိုပါကိစ္စရပ်များနှင့် ပတ်သက်၍ မြန်မာသံတော်ဆင့်မှ ရွေးကောက်ပွဲကော်မရှင် ညွှန်ကြားရေးမှူး ဦးဝင်းဦးခိုင်ထံ ဖုန်းဖြင့် ဆက်သွယ်ခဲ့သော်လည်း ဆက်သွယ်၍ မရခဲ့ပေ။

ကျော်စိုးဦး

Myanmartandawsint Newspaper

အပြည့်အစုံသို့ »

မေလအတွင်း အပူလှိုင်း ဖြတ်သန်းမှုအစား မုန်တိုင်းငယ်များ ၀င်ရောက်လာနိုင်



မြန်မာနိုင်ငံတွင် မေလအတွင်း အပူလှိုင်း ဖြတ်သန်းမှုအစား မုတ်သုံမ၀င်မီ ဖြစ်ပေါ်လေ့ ရှိသော မုန်တိုင်းငယ်များသာ ဖြစ်နိုင်သည်ဟု နေပြည်တော် မိုးလေ၀သနှင့် ဇလဗေဒ ညွှန်ကြားရေးမှူး ဦးစီးဌာနမှ ဒုတိယ ညွှန်ကြားရေးမှူးချုပ် ဦးကျော်မိုးဦးက မြန်မာသံတော်ဆင့်သို့ ပြောသည်။
မြန်မာနိုင်ငံတွင် မုန်တိုင်းဖြစ်ပေါ်မှုမှာ မုတ်သုံမ၀င်မီနှင့် မုတ်သုံထွက်ပြီး အချိန်များတွင် ဖြစ်ပေါ်လေ့ ရှိပြီး မုတ်သုံမ၀င်မီ မေ၊ ဇွန်လနှင့် မုတ်သုံထွက်ပြီး အောက်တိုဘာ၊ နိုဝင်ဘာနှင့် ဒီဇင်ဘာလများတွင် အများဆုံး ဖြစ်ပေါ်လေ့ရှိသည်ဟု ၎င်းက ထပ်မံပြောကြားခဲ့သည်။

““ဒီမုတ်သုံဝင်တဲ့ကာလမှာ ဘင်္ဂလား ပင်လယ်အော်မှာ အရှေ့ဘက်က တိုက်လာတဲ့ လေပြင်းတွေရယ်၊ အနောက်တောင် မုတ်သုံလေ ၀င်လာတဲ့ အခြေအနေတွေကြောင့် ဘင်္ဂလား ပင်လယ်အော်မှာ လေဖိ အားနည်း ရပ်ဝန်းတွေ ဖြစ်ပေါ်တတ်တယ်။ လေဖိအားနည်း ရပ်ဝန်းဖြစ်လာရင် မုန်တိုင်းဖြစ်ဖို့ အလားအလာက ပိုကောင်းနေပြီ၊ ဒီမေလမှာ မုန်တိုင်းအများ ဆုံး ဖြစ်ခဲ့တဲ့ သာဓကတွေလည်း ရှိခဲ့တယ်””ဟု ပြောသည်။

မေလအတွင်း မုန်တိုင်းဖြစ်ပေါ်မှု အလားအလာနှင့် ပတ်သက်၍ ပယ်လယ် ရေမျက်နှာပြင်၏ အပူချိန်မှာ ၂၆ ဒသမ ၅ စင်တီ ဂရိတ်ထက် ပိုနေသောကြောင့် လေဖိအားနည်းရပ်ဝန်းနှင့် မုန်တိုင်းငယ်ဖြစ်ပေါ်မှု ပိုအားကောင်းလာနိုင်သည်ဟု မိုးလေ၀သနှင့် ဇလဗေဒမှ ထုတ်ပြန်ထားသည်။

ဘင်္ဂလားပင်လယ်အော်တွင် ဖြစ်ပေါ်သည့် လေဖိအားနည်း ရပ်ဝန်းများသည် မေလတွင် ဖြစ်ပေါ်မှု အများဆုံး ဖြစ်ပြီး လေဖိအားနည်းရပ်ဝန်းမှ မုန်တိုင်းငယ် အဆင့်သို့ ရောက်ရှိလာသော မုန်တိုင်းငယ်များ၏ ၃၅ ရာခိုင်နှုန်း သည် မြန်မာနိုင်ငံဘက်သို့ ဦးတည်လာနိုင်ခြေရှိကာ ၇၀ ရာခိုင်နှုန်းသည် အိန္ဒိယနိုင်ငံနှင့် ဘင်္ဂလားဒေ့ရ်ှနိုင်ငံသို့ ၀င်ရောက်နိုင်ပြီး နေ့အပူချိန်များ အနေဖြင့် မုတ်သုန်ကာလသို့ ၀င်ရောက်လာသည့်အတွက် တဖြည်းဖြည်းကျ ဆင်းလာမည် ဖြစ်သည်ဟုလည်း ပြောကြားခဲ့သည်။

Myanmartandawsint Newspaper

အပြည့်အစုံသို့ »

မြန်မာ စစ်ခေါင်းဆောင်များ၏ ကိန်းဂဏန်းများကပြောသော ရပိုင်ခွင့်များ



နိုင်ငံရေး ဆုငွေများအနေဖြင့် တာဝန်ထမ်းဆောင်မှု အလိုက် ဦးသန်းရွှေ (ဗိုလ်ချုပ်မှူးကြီး – ငြိမ်း)မှာ ကျပ် သိန်းပေါင်း ၂၃၀၀၊ ဦးမောင်အေး (ဒုဗိုလ်ချုပ်မှူးကြီး – ငြိမ်း) မှာ ကျပ်သိန်းပေါင်း ၁၈၄၀ . . .

နိုင်ငံ့ဘဏ္ဍာများအား ယခင် စစ်အုပ်ချုပ်ရေး ခေါင်းဆောင်များနှင့် လက်ရှိ ဘောင်းဘီချွတ် အရပ်သား အစိုးရ ခေါင်းဆောင်များက ယခုအချိန်အထိ လက်ဝါးကြီးအုပ် ရယူနေကြဆဲဖြစ်ကြောင်း ၎င်းတို့၏ ရရှိခံစားပိုင်ခွင့်နှင့် ရိက္ခာလစာ ထောက်ပံ့မှု ကိန်းဂဏန်းများက ဖော်ပြလျက် ရှိသည်။

အများပြည်သူ ထောက်ခံမဲ ၉၂ ဒသမ ၄၈ ရာခိုင်နှုန်းဖြင့် အတည်ပြုခဲ့သည် ဟုဆိုသော ၂၀၀၈ အခြေခံ ဥပဒေအရ သမ္မတကို လစာငွေ ခံစားခွင့်အနေဖြင့် ကျပ်သိန်းပေါင်း ၅၀ ပေးထားသည်။ ဒုတိယ သမ္မတ နှစ်ဦးသည် လစာငွေကျပ် သိန်း ၄၀ ရရှိမည် ဖြစ်ပြီး ဖွဲ့စည်းပုံ အခြေခံဥပဒေပုဒ်မ ၆၉ အရ သမ္မတနှင့် ဒုတိယ သမ္မတများသည် ဥပဒေဖြင့် သတ်မှတ်ထားသည့် လစာ၊ စရိတ်နှင့် အဆောင် အယောင်များနှင့် သင့်တင့် လျောက်ပတ်သည့် အိမ်တော် တစ်ဆောင်စီကိုလည်း ရရှိကြမည် ဖြစ်သည်။

ဥပဒေပြုရေးမဏ္ဍိုင် အကြီးအကဲများဖြစ်သည့် လွှတ်တော်ဥက္ကဋ္ဌနှစ်ဦးနှင့် တရားစီရင်ရေးမဏ္ဍိုင် အကြီးအကဲ နိုင်ငံတော် တရားသူကြီးချုပ်တို့မှာ တစ်လလျှင် ၃၅ သိန်း၊ ၀န်ကြီး၊ လွှတ်တော်ဒုဥက္ကဋ္ဌနှစ်ဦး၊ ဖွဲ့စည်းပုံ အခြေခံဥပဒေဆိုင်ရာ ခုံရုံးဥက္ကဋ္ဌနှင့် ရွေးကောက်ပွဲကော်မရှင် ဥက္ကဋ္ဌ၊ ပြည်ထောင်စု ရှေ့နေချုပ်၊ စာရင်းစစ်ချုပ်၊ ရာထူးဝန်အဖွဲ့ ဥက္ကဋ္ဌတို့မှာ တစ်လလျှင် ကျပ်သိန်း ၃၀ စီ လစာငွေအဖြစ် ရရှိမည်ဖြစ်သည်။

ဒုဝန်ကြီးနှင့် အဆင့်တူ ရာထူးများအတွက်မူ တစ်လလျှင် လစာငွေအဖြစ် ကျပ်သိန်း ၂၀ သတ်မှတ်ထားသည်။

သို့သော် ယင်းလစာငွေများမှာ ယခင်စစ်တပ် အစိုးရလက်ထက် ခေါင်းဆောင်များဖြစ်သည့် ဗိုလ်ချုပ်မှူးကြီး သန်းရွှေ(ငြိမ်း)နှင့် ဒုတိယဗိုလ်ချုပ်မှူးကြီး မောင်အေး (ငြိမ်း)တို့ ရရှိသည့် ပင်စင်လစာ ငွေထက် နည်းနေ သေးသည်။

၂၀၁၁ ခုနှစ် မတ်လ ၃၁ ရက်နေ့မှစ၍ ပင်စင်ဦးစီးဌာနမှ စတင်ခံစားခွင့် ပြုခဲ့သည့် ပင်စင်လစာ ငွေများမှာ ဗိုလ်ချုပ်မှူးကြီးသန်းရွှေ (ငြိမ်း) အနေဖြင့် တစ်လလျှင် ကျပ်သိန်း ၁၀၀ နှင့် ဒုတိယ ဗိုလ်ချုပ်မှူးကြီး(ငြိမ်း) အနေဖြင့် ကျပ်သိန်း ၈၀ သတ်မှတ်ထားသည်။

ထို့ပြင် ယခင် စစ်တပ်တွင်း နံပါတ် (၃) ဖြစ်သည့် ယခု ပြည်ထောင်စုလွှတ်တော် နာယက ဗိုလ်ချုပ်ကြီး(ငြိမ်း) သူရဦးရွှေမန်းနှင့် နံပါတ်(၄) ဖြစ်သည့် ယခု နိုင်ငံတော်သမ္မတ ဗိုလ်ချုပ်ကြီး(ငြိမ်း) ဦးသိန်းစိန်တို့မှာ ပင်စင်လစာ အဖြစ် ကျပ်သိန်း ၅၀ စီ သတ်မှတ်ထားသေးသည်။ သို့သော် ယင်းတို့နှစ်ဦး၏ ပင်စင်လစာ ခံစားခွင့်ပြုသည့် ရက်ကိုမူ တိကျစွာ ထုတ်ပြန်ထားခြင်း မရှိပေ။

အလားတူ နိုင်ငံရေး ဆုငွေများ အနေဖြင့်လည်း တာဝန် ထမ်းဆောင်မှုအလိုက် ဦးသန်းရွှေ (ဗိုလ်ချုပ်မှူးကြီး – ငြိမ်း) မှာ ကျပ်သိန်းပေါင်း ၂၃၀၀၊ ဦးမောင်အေး (ဒုဗိုလ်ချုပ်မှူးကြီး – ငြိမ်း) မှာ ကျပ်သိန်းပေါင်း ၁၈၄၀၊ သူရဦး ရွှေမန်း (ဗိုလ်ချုပ်ကြီး – ငြိမ်း) မှာ ကျပ်သိန်းပေါင်း ၆၅၀၊ ဦးသိန်းစိန် (ဗိုလ်ချုပ်ကြီး – ငြိမ်း) မှာ ကျပ်သိန်းပေါင်း ၆၅၀ အထိ ခံစားခွင့်ပြုထားသည်။

ယင်းပမာဏမှာ ၎င်းတို့၏ ပိုင်ဆိုင်မှုများနှင့် နှိုင်းယှဉ်ပါက များသည်ဟု မဆိုနိုင်သော်လည်း လက်ရှိ နိုင်ငံ့အကြီးအကဲ၏ တစ်နှစ်စာ လုပ်ခလစာထက်ပင် ပိုများနေသည် ကို တွေ့ရသည်။

ထို့ပြင် ၂၀၁၂-၁၃ ဘဏ္ဍာရေးနှစ်အတွင်း ဗိုလ်ချုပ်မှူးကြီးဟောင်း ဦးသန်းရွှေအပါအ၀င် အငြိမ်းစားပုဂ္ဂိုလ်ကြီး ၆၉ ဦး၏ အိမ်အကူ၊ ထမင်းချက်၊ ဥယျာဉ်ခြံလုပ်သား အပါအ၀င် ၀န်ထမ်းများအတွက် ထောက်ပံ့ကြေးပေးရန် အတွက် လွှတ်တော်မှ ခွင့်ပြု ပေးလိုက်သေးသည်။

အိမ်အကူဝန်ထမ်း စုစုပေါင်း ၄၀၀ ကျော်အတွက် ကျပ်သိန်းပေါင်း ၁၆၉၀ ကျော်ပေးရန် လွှတ်တော်မှ ခွင့်ပြုလိုက်ခြင်းဖြစ်ပြီး ယင်းဘတ်ဂျက် တောင်းခံမှု ကို ဆောက်လုပ်ရေးဝန်ကြီးဌာန၊ မြို့ရွာနှင့် အိုးအိမ်ဖွံ့ဖြိုးမှု ဦးစီးဌာနမှ တင်သွင်းခဲ့ခြင်းလည်း ဖြစ်သည်။

အိုးအိမ်ဌာနမှ ၂၀၁၂-၁၃ ဖြည့်စွက်ရန်ပုံငွေ တောင်းခံသည့် စာရင်း၌ နိုင်ငံ့တာဝန် ထမ်းဆောင်လျက်ရှိသည့် ပုဂ္ဂိုလ်ကြီးများ၊ အငြိမ်းစား ပုဂ္ဂိုလ်ကြီးများ၏ အိမ်အကူ၊ ထမင်းချက်၊ ဥယျာဉ်လုပ်သားများအတွက် အပို ထောက်ပံ့ကြေး အဖြစ် တစ်ဦးလျှင် ကျပ်သုံးသောင်းကို ဘဏ္ဍာရေးနှင့် အခွန်ဝန်ကြီးဌာနက ခံစားခွင့် ပြုထားပါသဖြင့် ပြည်ထောင်စုအဆင့် ပုဂ္ဂိုလ် ၁၀၄ ဦး၊ နေပြည်တော် ကောင်စီဝင် ၁၁ ဦးနှင့် အငြိမ်းစား ပုဂ္ဂိုလ်ကြီး ၆၉ ဦးတို့၏ အိမ်အကူ၊ ထမင်းချက်၊ ဥယျာဉ်လုပ်သား ၄၁၇ ဦးအတွက် ကျပ်သန်းပေါင်း ၁၆၉ ဒသမ ၅၆ သန်းအား လွှတ်တော်သို့ တောင်းခံခဲ့ခြင်း ဖြစ်သည်။

ယင်းကဲ့သို့ တောင်းခံခဲ့သည့်အတွက် နိုင်ငံရေး နယ်ပယ်အတွင်း ဝေဖန်မှုများ ပြင်းထန်ခဲ့ပြီး အငြိမ်းစား ယူသွားပြီဖြစ်သည့် ဗိုလ်ချုပ်မှူးကြီးဟောင်း သန်းရွှေနှင့် စစ်တပ်အကြီးအကဲများမှာ ယခုအချိန်အထိ နိုင်ငံရေး နယ်ပယ်၌ သြဇာရှိဆဲဖြစ်ကြောင်း သုံးသပ်မှုများ ဖြစ်ပေါ်ခဲ့သည်။

၂၀၀၈ ဖွဲ့စည်းပုံ အခြေခံဥပဒေ ပုဒ်မ ၇၀ အရ နိုင်ငံတော် သမ္မတနှင့် ဒုတိယသမ္မတများသည် စွပ်စွဲပြစ်တင်ခြင်း ခံရ၍ ရာထူးမှ ရပ်စဲခြင်း ခံရသည်မှအပ တာဝန်ပြီးဆုံးသဖြင့် အနားယူပါက ဥပဒေနှင့်အညီ အငြိမ်းစားလစာနှင့် သင့်တင့်လျောက်ပတ်သော ထောက်ပံ့မှုများ ရရှိစေရမည်ဟုသာ ပြဋ္ဌာန်းထားသည်။

လက်ရှိ သမ္မတအပါအ၀င် လွှတ်တော်ဥက္ကဋ္ဌများ၊ ပြည်ထောင်စု ၀န်ကြီးများမှာ ဥပဒေပါ ခံစားခွင့်များအပြင် ယခင့်ယခင် စစ်အုပ်ချုပ်ရေး ကာလက ရယူထားသည့် လုပ်ငန်းများ၊ ပိုင်ဆိုင်ခွင့်များကလည်း ရှိနေကြသေး သည်။

၂၀၀၈ အခြေခံဥပဒေ အခန်း (၃) နိုင်ငံတော်သမ္မတနှင့် ဒုတိယ သမ္မတများ၊ ပုဒ်မ ၆၈ အရ ““နိုင်ငံတော် သမ္မတနှင့် ဒုတိယသမ္မတများသည် မိမိတို့ ဦးစီးသည့် တစ်စီးပွားတည်းဖြစ်သော မိသားစုပိုင်မြေ၊ အိမ်၊ အဆောက်အအုံ၊ စီးပွားရေးလုပ်ငန်း၊ စုငွေနှင့် တခြား အဖိုးတန်ပစ္စည်းများကို တန်ဖိုးနှင့်တကွ စာရင်းပြုစုပြီး ပြည်ထောင်စု လွှတ်တော် အကြီးအမှူးထံ ပေးပို့ရမည်”” ဟု ပြဋ္ဌာန်း ပါရှိထားပြီး ဖြစ်သည်။

သို့သော် အစိုးရအဖွဲ့ဝင်များ၏ ပိုင်ဆိုင်မှု ထုတ်ဖော်ကြေညာရေးနှင့် ပတ်သက်ပြီး ၂၀၁၂ ခုနှစ် သြဂုတ်လ အတွင်းက ပြည်သူ့လွှတ်တော်အတွင်း ပုသိမ်မဲဆန္ဒနယ် ကိုယ်စားလှယ် ဦးဝင်းမြင့်က တင်သွင်းခဲ့ဖူး သော်လည်း ထောက်ခံမဲ ၆၉ မဲ၊ ကြားနေမဲ ၁၅ မဲနှင့် ကန့်ကွက်မဲ ၂၆၉ မဲဖြင့် ရှုံးနိမ့်ခဲ့ရဖူးသည်။ ယင်းအဆိုကို လုပ်ဆောင်ရန် ကိစ္စရပ်များ ကျန်ရှိနေသေးပါသဖြင့် ရွှေ့ဆိုင်းကြောင်းကိုလည်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက ကြေညာခဲ့သည်။

ဥပဒေအရ ““မိမိတို့ ဦးစီးသည့် တစ်စီးပွားတည်း ဖြစ်သော မိသားစုပိုင်မြေ၊ အိမ်၊ အဆောက်အအုံ၊ စီးပွားရေး လုပ်ငန်း၊ စုငွေနှင့် တခြားအဖိုးတန်ပစ္စည်းများ”” ဟု ပါရှိခြင်းမှာလည်း ၎င်းတို့၏ ပိုင်ဆိုင်မှုများကို ဖုံးကွယ်ရန် အတွက် အခွင့်အလမ်းကောင်းတစ်ခု ဖြစ်နေပြီး ၎င်းတို့၏ မိသားစုဝင်များ၊ ဆွေမျိုးများ နာမည်ဖြင့် လုပ်ကိုင် နေကြသည့် လုပ်ငန်းများမှာ ဥပဒေအရ ကင်းလွတ်ခွင့် ရနေပြန်သေးသည်။ ထို့ပြင် နိုင်ငံရပ်ခြား ဘဏ်များ၌ အခြားအမည်များဖြင့် အပ်နှံထားကြသည့် နိုင်ငံခြားငွေ ပြဿနာမှာလည်း ယခုအချိန်အထိ မည်သူမည်ဝါမှန်း မသိနိုင်သေးခြင်းမှာ ပဟေဠိတစ်ခုလို ဖြစ်နေဆဲ ဖြစ်သည်။

ထို့ပြင် ယခင်စစ်အုပ်ချုပ်ရေးမှ အသွင်ပြောင်းကာ လက်ရှိအစိုးရအတွင်း ထိပ်ပိုင်းနေရာ ယူထားကြသူများ အနေဖြင့် ဥပဒေပါ ရပိုင်ခွင့်များဖြစ်သည့် မြင့်မားသည့် လစာ၊ လုပ်ပိုင်ခွင့်များ ရယူထားခြင်းမှာလည်း မမျှတသည့် လုပ်ရပ်တစ်ခု ဖြစ်ကြောင်းလည်း ဝေဖန်မှုများ ရှိသည်။

ထိပ်ပိုင်းအကြီးအကဲများ၏ လုပ်ခလစာ၊ ရပိုင်ခွင့်နှင့် အစိုးရ၀န်ထမ်း လစာများမှာ များစွာ ကွာဟလျက် ရှိသည်။ နိုင်ငံရေးရာထူး မဟုတ်သည့် အစိုးရ ၀န်ထမ်းများထဲတွင် အမြင့်ဆုံးဖြစ်သည့် ညွှန်ကြားရေးမှူးချုပ်တစ်ဦး၏ လစာမှာ ကျပ်နှစ်သိန်း လေးသောင်းသာရှိပြီး လွှတ်တော်အမတ်တစ်ဦး၏ လစာမှာ ကျပ်သုံးသိန်းသာ ရှိသည်။

ယခင်စစ်အစိုးရ အုပ်ချုပ်ရေးမှ အရပ်ဝတ်အဖြစ် ပြောင်းလဲလာပြီး လက်ရှိအစိုးရ ထိပ်ပိုင်းတာဝန် ယူထားသူများ၏ လစာ၊ ခံစားခွင့်၊ လုပ်ပိုင်ခွင့် များနှင့် နှိုင်းယှဉ်ကြည့်ပါက များစွာ ကွာခြားလျက်ရှိသည်။ ယင်းကဲ့သို့ ကွာခြားလျက်ရှိသည့် အနေအထား၌ သမ္မတ ဦးသိန်းစိန်က ၀န်ကြီးဌာန အားလုံးသို့ ပေးပို့သည့် လာဘ်ပေး လာဘ်ယူမှုနှင့် ပတ်သက်၍ ညွှန်ကြားချက်လည်း ထွက်ပေါ်ခဲ့သည်။ ယင်းညွှန်ကြားချက်၌ ၀န်ကြီးဌာနများအနေဖြင့် လက်ဆောင်ပစ္စည်းများ လက်ခံရယူရာ၌ ကျပ်သုံးသိန်း ကျော်လွန်သည့် ပစ္စည်းများ လက်ခံပါက လာဘ်ပေးလာဘ်ယူမှုအဖြစ် သတ်မှတ်မည်ဟူ၍ ဖြစ်သည်။

ယင်းကဲ့သို့ သတ်မှတ်လိုက်ခြင်းမှာ ကျပ်သုံးသိန်းအောက် ပစ္စည်းများအား လာဘ်လာဘအဖြစ် တရားဝင် လက်ခံ ရယူခွင့်ပေးလိုက်သကဲ့သို့ ဖြစ်နေပြီး ယခင် စစ်အစိုးရ လက်ထက်မှ ဆက်လက် ကျန်ရှိနေသေးသည့် အကျင့်ပျက် ခြစားမှု မလျော့ကျသေးသည်ကို မီးထိုးပေးလိုက်ခြင်းပင် ဖြစ်သည်။

လက်ရှိ ဖွဲ့စည်းထားသည့် အခြေခံဥပဒေ၊ လိုအပ်၍ ပြဋ္ဌာန်းထားသည့် ဥပဒေများအရ ယခင် စစ်အစိုးရ လက်ထက် အကြီးအကဲများနှင့် ယင်းအစိုးရမှ လူဝတ်လဲ အစိုးရ ပြောင်းလာသူများမှာ ယခု အချိန်အထိ နိုင်ငံ့ဘဏ္ဍာငွေအတွင်းမှ ပမာဏများပြားသည့် လစာ၊ ပင်စင်ငွေနှင့် ထောက်ပံ့ကြေးများ ရယူနေဆဲဖြစ်သည် မှာမူ ငြင်းမရသည့် အချက်ပင် ဖြစ်သည်။

သန့်ရှင်းသောအစိုးရ၊ ကောင်းမွန်သော အုပ်ချုပ်မှုဖြစ်ရေး၊ ဆင်းရဲမွဲတေမှု ပပျောက်ရေး စသည်ဖြင့် လူဝတ်လဲ အစိုးရက ကြွေးကြော်နေသော် လည်း ပြည်သူ့ အရေးထက် ယခင်စစ်အစိုးရဘက်မှ ကူးပြောင်းလာသူများ အတွက် အခွင့်အလမ်းကောင်းများ၊ ရပိုင်ခွင့်များ ပိုမိုရရှိရေးကိုသာ တစ်နည်းမဟုတ် တစ်နည်းဖြင့် ကြံဆောင် လျက်ရှိသည်ကိုအထက်ပါ အချက်အလက်များက ပြသနေပါကြောင်း တင်ပြရေးသားလိုက်ပါသည်။

အောင်ထွန်းလင်း

Myanmartandawsint Newspaper

အပြည့်အစုံသို့ »

မြန်မာ့မီးရထား အရှုံးပေါ်၍ ပုဂ္ဂလိကသို့ ငှားရမ်း လုပ်ပိုင်ခွင့်ပေးမည်


ရန်ကုန်၊ ဧပြီ ၂၃

မြန်မာ့မီးရထားမှ မီးရထားတွင် အသုံးပြုရသည့် ပစ္စည်းများ ဈေးနှုန်းမြင့် တက် လာသောကြောင့် အရှုံးပေါ်သော အခြေအနေ ရောက်ရှိနေသဖြင့် ရန်ကုန်-မန္တလေး အမြန်ရထားအား ပုဂ္ဂလိကသို့ ငှားရမ်းရန် ဧပြီလ လဆန်းပိုင်းမှ စတင်၍ တင်ဒါခေါ်ယူလျက် ရှိသည်ဟု ဧပြီ ၂၂ ရက်တွင် မြန်မာ့မီးရထား တိုင်းအမှတ်(၂)မှ အထွေထွေ မန်နေဂျာ ဦးဇော်ဖေစိန်က မြန်မာသံတော်ဆင့်သို့ ပြောသည်။

မြန်မာ့မီးရထား အရှုံးပေါ်နေခြင်းမှာ ၀န်ထမ်းများ လစာတိုးပေးရခြင်းအပြင် မီးရထားပစ္စည်း များ ဈေးနှုန်း ကြီးမြင့်ခြင်း၊ ရထားလမ်းတွင် အသုံးပြုရ သည့် ကျောက်၊ သံလမ်း၊ ဇလီဖားတုံး ၏ ဈေးနှုန်းများ တိုးလာခြင်း ကြောင့်ဖြစ်သည်။

““အရှုံးအမြတ်က ဆီဖိုးတောင် မရဘူး။ အရင်က လက်မှတ်က ဆီတစ်ဂါလန်ကို ၁၀၀ ကျပ်နှုန်း တွက် ထားတာလေ။ အခုက ဆီတစ်ဂါလန်မှာ ၃၅၀၀ ဖြစ်သွားတဲ့အခါမှာ ဆီဖိုးတောင် မကွဲဘူးပေါ့။ နိုင်ငံတော်က စိုက်ထုတ်သုံးစွဲပြီး လုပ်ရတာပေါ့။ ရထားခကို မြှင့်တက်လိုက်တဲ့ အခါမှာလည်း မမြတ်ပါဘူး။ ဒါပေမဲ့ မီးရထားက ပြည်သူတွေရဲ့ ၀န်ဆောင်မှုကို ပေးတဲ့ဌာနဆိုတော့ ရုန်းကန်ပြီးတော့ လုပ်ရတာပေါ့နော်””ဟု အထွေထွေမန်နေဂျာ ဦးဇော်ဖေစိန်က မြန်မာသံတော်ဆင့်သို့ ပြောသည်။ မည်မျှအထိ အရှုံးပေါ်နေ သည်ကိုမူ ပြောကြားခဲ့ခြင်း မရှိပေ။

ပုဂ္ဂလိကသို့ ငှားရမ်း အသုံးပြုခွင့်ပေးမည့် ရထားနှစ်စီးမှာ အမှတ် (၅) အဆန်နှင့် အမှတ်(၆) အစုန်ရထားတို့ ဖြစ်ပြီး တင်ဒါအောင်မည် ဆိုပါက သုံးနှစ် လုပ်ကိုင်ခွင့်ရမည် ဖြစ်သည်။ လုပ်ကိုင်လိုသူ အနေဖြင့် နိုင်ငံသား ဖြစ်ရမည်ဟု ကန့်သတ်ထားပြီး တစ်နှစ်လျှင် တစ်ကြိမ် စာချုပ်ချုပ်ဆို လုပ်ကိုင်ရမည်ဖြစ်သည်။ တင်ဒါ လျှောက်ထားသူများ အနေဖြင့် မြန်မာ့မီးရထား လုပ်ငန်းသို့ ကြိုတင်ငွေအဖြစ် ကျပ်သိန်း ၄၀ ကနဦး ပေးသွင်း ရမည်ဖြစ်ပြီး တင်ဒါ မအောင်သူများ အနေဖြင့် ပြန်လည် ထုတ်ယူနိုင်မည် ဖြစ်သည်။ ငှားရမ်း လုပ်ကိုင်နေစဉ် အတွင်း ရထားပြေးဆွဲရန်အတွက် တင်ဒါအောင်သူနှင့် မြန်မာ့မီးရထားတို့မှ သီးခြားစီ တာဝန်ခွဲယူ လုပ်ကိုင် ကြရမည်ဖြစ်သည်။

““လောလောဆယ်တော့ ရန်ကုန်-မန္တလေးကိုပဲ ငှားမှာပေါ့။ လက်မှတ်ခ ဘယ်လောက်ပဲ ပေးရမယ်။ ၀န်ဆောင်မှု ဘယ်လောက်ပဲ ပေးရမယ်။ အဲဒီအပေါ်မှာ အားလုံးပေါင်းပြီးပြီ ဆိုတာနဲ့ သူ့ဟာသူ တွက်မှာပေါ့။ တွက်ပြီးတော့မှ မီးရထားကို ဘယ်လောက် ပေးမယ်ပေါ့ အဲလိုပါ””ဟု ဦးဇော်ဖေစိန်က မြန်မာသံတော်ဆင့်သို့ ပြောသည်။

လက်ရှိ ပြေးဆွဲလျက်ရှိသော ရန်ကုန်-မန္တလေး အမြန်ရထားမှာ အမှတ်(၅)အဆန်၊ အမှတ်(၆)အစုန်၊ အမှတ်(၃) အဆန်၊ အမှတ် (၄)အစုန်၊ အမှတ်(၁၁)အဆန်၊ အမှတ် (၁၂)အစုန် စုစုပေါင်း ၆စီးဖြင့် ပြေးဆွဲပြီး စာပို့ရထားမှာ အမှတ် (၁) အဆန်နှင့် အမှတ်(၂)အစုန်သာရှိသည်။ ယခုလက်ရှိတွင် အမှတ်(၅)အဆန်နှင့် အမှတ် (၆) အစုန်ကို ပထမဦးစွာ ငှားရမ်းပြီး နောက်ပိုင်းတွင် ရန်ကုန်-မြစ်ကြီးနား မီးရထားလုပ်ငန်းကိုလည်း ပုဂ္ဂလိကသို့ ငှားရမ်း လုပ်ကိုင်ခွင့် ပြုသွားမည်ဖြစ်သည်။ လက်ရှိ အမြန်ရထား လက်မှတ်မှာ ရိုးရိုးတန်း ၄၆၅၀ ကျပ်၊ အထက်တန်း ၉၃၀၀ ကျပ်နှင့် အိပ်စင် ၁၂၇၂၀ ကျပ်သာဖြစ်ပြီး ပုဂ္ဂလိက လုပ်ငန်းရှင် ငှားရမ်းစဉ်အတွင်း ဈေးနှုန်းအပြောင်းအလဲများ အနည်းငယ် ဖြစ်ပေါ်လာနိုင်သည်။

အေးမိုးကိုကို
Myanmartandawsint Newspaper

အပြည့်အစုံသို့ »

ကြံ့ခိုင်ရေးပါတီ လွှတ်တော် ကိုယ်စားလှယ် ဗိုလ်ချုပ်ကြီးဟောင်း၏ ရွေးကောက်ပွဲ ကော်မရှင် အာဏာရ ပြည်ခိုင်ဖြိုး ပါတီအတွက် အားတစ်ရပ်ဖြစ်လာ

အာဏာရ ကြံ့ခိုင်ရေးပါတီ၏ ပထမအကြိမ် ပါတီ ညီလာခံတွင် ပါတီ ဒုတိယ ဥက္ကဋ္ဌ(၁) သူရဦးရွှေမန်းကို ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေး လာရောက် နှုတ်ဆက်ခဲ့စဉ်၊ ဓာတ်ပုံ-မြန်မာသံတော်ဆင့်
ရန်ကုန်တိုင်းရွေးကောက်ပွဲ ကော်မရှင်ဥက္ကဋ္ဌ (ဗိုလ်မှူးကြီး-လေ) ဦးကိုကို


ရန်ကုန်၊ ဧပြီ ၂၃

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီမှ ရွေးကောက်ပွဲ ၀င်ခဲ့သော ပြည်သူ့လွှတ်တော် ကိုယ်စား လှယ် (ဒုတိယ ဗိုလ်ချုပ်ကြီး- ငြိမ်း) ဦးတင်အေးနှင့် စစ်ဘက်ဆိုင်ရာ အငြိမ်းစား ပုဂ္ဂိုလ်များ ကို ရွေးကောက် ပွဲ ကော်မရှင် အဖွဲ့ဝင်များ အဖြစ် ခန့်အပ်ထား ခြင်းသည် ပြည်ခိုင်ဖြိုး ပါတီကို အင်အားတစ် ရပ် ဖြစ်စေနိုင်သော လှည့်ကွက် ဖြစ်နိုင်သည်ဟု နိုင်ငံရေး အသိုင်း အ၀ိုင်းက ဝေဖန်လျက်ရှိသည်။

လွှတ်တော်သုံးရပ် မစတင်မီ ၂၀၁၀ ခုနှစ်တွင် ပြည်ထောင်စု ရွေးကောက်ပွဲ ကော်မရှင်နှင့် သက် ဆိုင်ရာ ရွေးကောက်ပွဲ ကော်မရှင်အဖွဲ့များကို တိုင်းနှင့်ပြည်နယ်အလိုက် ဖွဲ့စည်းနိုင်ရန် ယခင် စစ်အစိုးရ အကြီး အကဲ ပုဂ္ဂိုလ်များက ၎င်းတို့၏ နီးစပ်ရာ ပြည်ခိုင်ဖြိုး ပါတီဝင်များနှင့် စစ်ဘက်ဆိုင်ရာ အငြိမ်းစား အရာရှိများကို ခန့်အပ် တာဝန်ပေးခဲ့သည်။ ထိုသို့ တာဝန်ပေးရာတွင် သက်ပြည့်ပင်စင် မဟုတ်သူများလည်း ပါဝင်ပြီး ယခင်စစ်အစိုးရ အကြီးအကဲများက စိတ်ကြိုက် ရွေးချယ်ကာ တာဝန်ပေးခဲ့ခြင်းသည် နိုင်ငံရေး လှည့်ကွက်တစ်ခု ဖြစ်လာနိုင်ကြောင်းကို ““ဒါက ဘာကို ဘယ်လို စီစဉ်ထားလဲဆိုတာ မသိနိုင် ဘူး။ ကော်မရှင် အနေနဲ့က လွတ်လပ်ပြီး တရားမျှတတဲ့ ရွေးကောက်ပွဲကို လုပ်ဆောင်ပေးရမှာပဲ။ ဒါက သူ့တာဝန်ပဲလေ။ အခုက နိုင်ငံရေး ကင်းရှင်းရမယ် ဆိုတော့ အရင်က နိုင်ငံရေးက လှုပ်ရှားသူ၊ ပါဝင်သူ ဖြစ်ခဲ့ပြီး အခုက ကင်းရှင်းနေသူဆိုတော့ ဒါကလှည့်ကွက်လား ဆိုတာ ဘယ်သူမှ အတိအကျ မပြောနိုင်ဘူး”” ဟု ရွေးကောက်ပွဲ လေ့လာစောင့်ကြည့်ရေး အဖွဲ့ဝင် တစ်ဦးက ပြောသည်။…

၂၀၁၅ အထွေထွေ ရွေးကောက်ပွဲအတွက် မဲဆွယ် စည်းရုံးမှုများ ပြုလုပ်သည့်အခါ ကိုယ်စားလှယ် လောင်းများသည် သက်ဆိုင်ရာ မဲဆန္ဒနယ်တွင်သာ မဲဆွယ်စည်းရုံးရမည်ဟု ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေး၏ ဧပြီ ၇ ရက်၊ ပုသိမ်မြို့တွင် ပြောကြားခဲ့မှုသည် ၂၀၁၅ ပြည်လုံးကျွတ် ရွေးကောက်ပွဲတွင် အမျိုးသား ဒီမိုကရေစီအဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်၏ နိုင်ငံရေး မဲဆွယ်ခွင့်ကို ဦးတည်ပိတ်ခြင်း ဖြစ်နိုင်သည်ဟု နိုင်ငံရေး အသိုင်းအ၀ိုင်းက ဝေဖန်ပြောကြားခဲ့သည်။

ယင်းကဲ့သို့ ကန့်သတ်ချက်သည် လာမည့် ၂၀၁၅ ပြည်လုံးကျွတ် ရွေးကောက်ပွဲတွင် အာဏာရ ပြည်ခိုင်ဖြိုး ပါတီကို အင်အားတစ်ရပ် ဖြစ်စေနိုင်ပြီး NLD ပါတီသည် လူထုခေါင်းဆောင် ဒေါ်အောင်ဆန်းစုကြည်၏ အရှိန်အ၀ါအရ ပိုမိုအားကောင်း လာမည်ကို စိုးရိမ်သဖြင့် ယခုကဲ့သို့ ကန့်သတ်ခြင်း ဖြစ်နိုင်သည်ဟု NLD ပါတီဝင်များက ဆိုသည်။

အဆိုပါ ဝေဖန်မှုများနှင့် စပ်လျဉ်း၍ ရန်ကုန်တိုင်းဒေသကြီး ရွေးကောက်ပွဲကော်မရှင် ဥက္ကဋ္ဌ ဦးကိုကိုက ““ဒါက ဥက္ကဋ္ဌကြီး ပြောခဲ့တာ ဟုတ်ပါတယ်။ အဲဒီစကားက ဘယ်လိုလဲဆိုတော့ ရွေးကောက်ပွဲ မစတင်မီ လပိုင်းအလို ကော်မရှင်က ၀င်ရောက်ယှဉ်ပြိုင်မယ့် ကိုယ်စားလှယ်လောင်း အမည်စာရင်းကို အတည်ပြု ထုတ်ပြန်တယ်။ အဲဒီလို ထုတ်ပြန်ပြီး နောက်ပိုင်းကို အဲဒီကိုယ်စားလှယ်တွေက သက်ဆိုင်ရာ မဲဆန္ဒနယ်မှာပဲ စည်းရုံး မဲဆွယ်ခွင့် ရှိတော့မယ်လို့ ပြောတာပါ။ ဒီကြားထဲတော့ ရပါတယ်။ ပြီးတော့ ရွေးကောက်ပွဲ ကော်မရှင်မှာ အသက်မပြည့်ဘဲ ခန့်တာ ရှိ၊မရှိ ဆိုတော့ မသိဘူး။ ဒါပေမဲ့ ဒီလိုမျိုး တာဝန်တွေ ပေးတာတော့ ရှိနိုင်ပါတယ်။ ပြည်ခိုင်ဖြိုးပါတီ အတွက်လို့ ပြောတာက ဒါက တစ်ကိုကြည့်ရင် တစ်လို့မြင်မယ်။ “ဂ” လို့ကြည့်ရင် “ဂ”လို့မြင်မယ်။ ဒီလိုပါပဲ”” ဟုပြောကြားခဲ့သည်။

ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေး၏ မဲဆွယ်စည်းရုံးခွင့် ကန့်သတ်မှုအပေါ် ပြည်ခိုင်ဖြိုး ပါတီဝင်များနှင့် အခြားနိုင်ငံရေး ပါတီဝင်အချို့က ထောက်ခံ ပြောကြားမှုရှိခဲ့သည်။

ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးသည် ယခင် စစ်တက္ကသိုလ် (DSA) အပတ်စဉ် ၉ ဆင်း ဖြစ်ပြီး ဒုတိယ ဗိုလ်ချုပ်ကြီး (ငြိမ်း) တစ်ဦး ဖြစ်သည့်အပြင် န၀တ ကောင်စီဝင် အဖြစ်လည်းကောင်း၊ ဦးပိုင် လီမိတက်ဥက္ကဋ္ဌ အဖြစ်လည်းကောင်း၊ ပြည်ခိုင်ဖြိုးပါတီ၏ တံတားဦးမြို့နယ် ပြည်သူ့လွှတ်တော် ကိုယ်စားလှယ် တစ်ဦးအဖြစ်လည်းကောင်း တာဝန်ထမ်းဆောင်ခဲ့သည်။

ဒုတိယ ဗိုလ်ချုပ်ကြီး တင်အေးသည် ဒေါ်အောင်ဆန်းစုကြည်ကို ကန့်သတ် ပိတ်ပင်ရာ၌ အပြင်းထန်ဆုံး ရွေးကောက်ပွဲ ကော်မရှင်ဥက္ကဋ္ဌ တစ်ဦးဖြစ်ကာ ရွေးကောက်ပွဲ အနိုင်ရခဲ့ပြီးနောက် ဒေါ်အောင်ဆန်းစုကြည်၏ နိုင်ငံခြား ခရီးစဉ် သွားလာရာ၌လည်း မြန်မာ၊ ဘားမား အခေါ်အဝေါ်နှင့် ပတ်သက်၍ လိုက်လံ သတိပေး ကန့်သတ်ခဲ့ပြီး အာဏာရ ကြံ့ခိုင်ရေးပါတီ ဗဟိုကော်မတီ ဥက္ကဋ္ဌ သမ္မတဦးသိန်းစိန်နှင့်လည်း ကျောင်းနေဖက် သူငယ်ချင်းဟုဆိုကာ အများပြည်သူမြင်ကွင်း၌ အတူသွား အတူလာရုံမျှမက ဒေသဖွံ့ဖြိုးရေး လုပ်ငန်းများကိုပင် သမ္မတအား တင်ပြပြောဆို၍ အစိုးရလုပ်ငန်းများ၌ လက်ရည်တစ်ပြင်တည်း ပါဝင်ခဲ့ခြင်းများလည်း ရှိခဲ့သည်။ ပြည်ထောင်စု ရွေးကောက်ပွဲကော်မရှင် ဥက္ကဋ္ဌတစ်ဦးအနေဖြင့် အာဏာရ ကြံ့ခိုင်ရေးပါတီ ဥက္ကဋ္ဌဖြစ်သော နိုင်ငံတော် သမ္မတနှင့်အတူ အစိုးရ ခရီးစဉ်များ လှည့်လည် သွားလာနေခြင်းသည် မသင့်လျော်ကြောင်း မြန်မာသံတော်ဆင့်နှင့် ပြည်တွင်း မီဒီယာအချို့က ဝေဖန်ထောက်ပြ ရေးသားခဲ့ကြသော်လည်း ဦးတင်အေး အနေဖြင့် ဝေဖန်မှုကို လက်ခံကြောင်း ပြောဆိုခဲ့ခြင်း ရှိပြီးနောက် ယခင်အတိုင်းပင် သွားမြဲလာမြဲ ရှိနေခဲ့သည်။

လက်ရှိ ပြည်ခိုင်ဖြိုးပါတီဥက္ကဋ္ဌ တာဝန်ယူထားသော ယခင်ဗိုလ်ချုပ်ကြီး သူရဦးရွှေမန်းက ရွေးကောက်ပွဲ ကော်မရှင်ဥက္ကဋ္ဌ ဦးတင်အေးအနေဖြင့် လာမည့် ရွေးကောက်ပွဲများတွင် ဘက်လိုက်ခြင်း ရှိမရှိကို ““ဒီဟာက ပုဂ္ဂိုလ်ရေးနဲ့ ဆိုင်တယ်။ သို့ရာတွင် သူ့ဘက်က ဥပဒေနဲ့ အမြဲတမ်း သမာသမတ်ဖြစ်အောင် လုပ်မယ်၊ ဒါဟာ သူ့ရဲ့ဘ၀ပဲ၊ သူ့ရဲ့မှတ်ကျောက်ပဲ ဆိုတဲ့ အနေအထား ဖြစ်တဲ့အတွက် ဒီစကားပေါ်မှာ မူတည်မယ်ဆိုရင် သူ့ဘက်က ယုံယုံကြည်ကြည်နဲ့ ရဲရဲကြီး အာမခံထားတယ်လို့ပဲ တွေ့ရှိရမှာ ဖြစ်ပါတယ်””ဟု ဧပြီ ၆ ရက်နေ့ တွင် မြန်မာသံတော်ဆင့်သို့ သုံးသပ် ပြောကြားခဲ့သည်။

မြန်မာနိုင်ငံတွင် ကမ္ဘာသိ ကျင်းပခဲ့သော ၁၉၉၀ ရွေးကောက်ပွဲ ကော်မရှင်ဥက္ကဋ္ဌ ဦးဘဌေးနှင့် ကော်မရှင် အဖွဲ့ဝင်များသည် ထိုစဉ်က အစိုးရ အကြီးအကဲများနှင့် အတူတကွ သွားလာခြင်း မပြုရုံမျှမက ကော်မရှင် လူကြီးများကို အစိုးရက ခရီးဦးကြို၍ ဂါရ၀ပြု အလေးထားခြင်း ခံခဲ့ရသည်။

ရန်ကုန်တိုင်းဒေသကြီး ရွေးကောက်ပွဲကော်မရှင် ဥက္ကဋ္ဌ ဦးကိုကိုသည် တပ်မတော် လေတပ်တွင် ဗိုလ်မှူးကြီး အဖြစ် တာဝန်ထမ်း ဆောင်ခဲ့ပြီး ယခင် KNU ဌာနချုပ် ဖြစ်ခဲ့သည့် မာနယ်ပလောဌာနချုပ်ကို ထိုးစစ်ဆင် တိုက်ခိုက်ရာတွင် ပါဝင်ခဲ့သူ တစ်ဦးဖြစ်သည်။

တပ်မတော်အစိုးရ ကာလအတွင်း ၂၀၁၀ ရွေးကောက်ပွဲတွင် ကြံ့ခိုင်ရေးပါတီ မဲအပြတ်အသတ် အနိုင်ရခဲ့ခြင်းနှင့် ၁၉၉၀ တွင် မဲအနိုင်ရသော်လည်း အာဏာမရသည့် NLD ပါတီတို့၏ နိုင်ငံရေး သမိုင်းကြောင်း ဖြတ်သန်းရာ ဖြစ်စဉ်များအား အများပြည်သူအနေဖြင့် တွေ့ကြုံခံစားခဲ့ကြရ၍ လာမည့် ရွေးကောက်ပွဲများတွင် တပ်မတော် ဗိုလ်ချုပ်ကြီးဟောင်းများ ဦးဆောင်သည့် ရွေးကောက်ပွဲ ကော်မရှင်အပေါ် အများပြည်သူအနေဖြင့် သမာသမတ် ကျမကျ၊ ဘက်လိုက်မှု ရှိမရှိ ဝေဖန် လေ့လာလျက်ရှိသည်။

ဝတ်ရည်နွေးနွေး
Myanmartandawsint Newspaper

အပြည့်အစုံသို့ »

အတာသင်္ကြန်၊ သရုပ်ပျက်ဝတ်စားဆင်ယင်မှု၊ သီးသန့်ခန်းနှင့် ပုဒ်မ ၁၈၈



၂၀၁၃ ခုနှစ် အတာသင်္ကြန် ကာလအတွင်း အချို့သော အမျိုးသမီးငယ်များမှာ မိမိခန္ဓာကိုယ်ပေါ်ရှိ အ၀တ်များကိုပင် ချွတ်၍ ရေကစားခြင်းများ၊ ရှိသင့်ရှိအပ် ၀တ်သင့်ဝတ်အပ်သည့် အတွင်းခံ အ၀တ်စားများပင် ၀တ်ဆင်ထားခြင်းမရှိဘဲ မဏ္ဍပ်များပေါ်၌ ရေကစားခြင်းများ ဖြစ်ပေါ်ခဲ့ . . .
ရန်ကုန်၊ ဧပြီ ၃

မကြာခင် ကျရောက်မည့် မြန်မာအတာသင်္ကြန် ပွဲတော်အတွင်း မြန်မာ့ယဉ်ကျေးမှု အစဉ်အလာကို ထိန်းသိမ်း မြတ်နိုးတတ်သော အများပြည်သူတို့၏ အမြင်အာရုံကို အနှောင့်အယှက် ဖြစ်စေ သည့် မြန်မာ့ယဉ်ကျေးမှုလွန် ၀တ်စားဆင်ယင်မှုများ မဖြစ်စေရေး ရှောင်ကြဉ်ကြရန်အတွက် ယဉ်ကျေးမှု ၀န်ကြီးဌာနမှ ထုတ်ပြန်ထားမှုနှင့် ပတ်သက်ပြီး ဝေဖန်မှုများ ဖြစ်ပေါ်လျက်ရှိသည်။

““မြန်မာ့ရိုးရာ ယဉ်ကျေးမှုနဲ့ ကိုက်ညီမှုမရှိတဲ့ ၀တ်စားဆင်ယင်မှုတွေ မလုပ်ဖို့ အဓိက ထုတ်ပြန်ထားတာပါ။ နှစ်တိုင်းလည်း ထုတ်ပြန်နေခြင်း ဖြစ်ပါတယ်။ သင်္ကြန်ရောက်လို့ရှိရင် သင်္ကြန်မှာ အကုန်လုံး သင်္ကြန်နဲ့ ပတ်သက်တဲ့ နှစ်စဉ် ကြေညာချက်ကို ထုတ်ပြန်ထားတာ ဖြစ်ပါတယ်။ အဲဒါပါပဲ””ဟု ယဉ်ကျေးမှုဝန်ကြီးဌာန ညွှန်ကြားရေးမှူး ဦးမင်းအေးကိုက မြန်မာသံတော်ဆင့်သို့ ပြောသည်။

သို့သော် ယဉ်ကျေးမှုဝန်ကြီးဌာန အနေဖြင့် မြန်မာ့ယဉ်ကျေးမှုလွန် ၀တ်စားဆင်ယင်မှု ဆိုသည်မှာ မည်ကဲ့သို့သော ၀တ်စားဆင်ယင်မှုမျိုးကို ဆိုလိုသနည်းဟု မေးခွန်းထုတ်မှုများ ရှိသလို မြန်မာ့ရိုးရာ ၀တ်စုံဝတ်၍ သင်္ကြန်ရေပက်ခံထွက်ရန် မဖြစ်နိုင်ကြောင်း ဆိုသူများလည်း ရှိသည်။

““ထဘီနဲ့တော့ ဘယ်လည်လို့ရမလဲ။ ယဉ်ကျေးမှုဝန်ကြီးဌာနက ထုတ်ထားတဲ့ သရုပ်ပျက် အ၀တ်အစားဆိုတာ ဘာကိုပြောတာလဲ။ ဘောင်းဘီရှည်နဲ့တော့ လည်မှာပေါ့။ အတိုမ၀တ်ရဘူးဆို မ၀တ်ဘူးပေါ့။ ဒါမှမဟုတ်လည်း အဖမ်းခံသင့်ရင် အဖမ်းခံလိုက်မယ်လေ”” ဟု ရန်ကုန်မြို့ ကမာရွတ်မြို့နယ်၊ လှည်းတန်းတွင် နေထိုင်သူ မသီရိက မြန်မာသံတော်ဆင့်သို့ ပြောသည်။

““ပုံမှန်ပဲ ကောင်းပါတယ်။ ဘောင်းဘီနဲ့ အင်္ကျီကတော့ လူတိုင်း ၀တ်ကြမှာပဲလေ။ အရမ်းကြီး ဟော့ရှော့ ဖြစ်နေတာတော့ မကောင်းဘူး။ ဒါပေမဲ့ ဘယ်လိုပြောမလဲ။ အရမ်းကြီး သရုပ်ပျက်ကတော့ သင်္ကြန်မှ မဟုတ်ပါဘူး။ ဘယ်နေရာမှ မကောင်းပါဘူး။ အရမ်းကြီး သရုပ်ပျက်ရင်လည်း မကောင်းသလို ထဘီကြီးဝတ်ပြီး တော့လည်း သီချင်းတက်ဆိုလို့ မရဘူးပေါ့။ အဲဒါမျိုးလေးတွေတော့ ရှိတာပေါ့””ဟု အမျိုးသမီး အဆိုတော် စန်္ဒီမြင့်လွင်က သင်္ကြန်တွင်း ၀တ်စားဆင်ယင်မှုနှင့် ပတ်သက်၍ သုံးသပ်သည်။

““ကျွန်တော်တို့ကတော့ အရေးယူမယ်လို့ မထုတ်ပြန်ပါဘူး။ အရေးယူမယ်၊ မယူဘူးက သက်ဆိုင်ရာ ဒေသကြီးကပဲ လုပ်လိမ့်မယ်လို့ ထင်ပါတယ်။ ကျွန်တော်တို့က မလုပ်ကြဖို့ ပန်ကြားတာပါ။ ကိုယ့်ယဉ်ကျေးမှုနဲ့ ကိုယ် ဘယ်လို ၀တ်စားဆင်ယင်သင့်တယ် ဆိုတာကို ကိုယ့်ဘာသာကိုယ် ချိန်ပြီးတော့ လုပ်ရမှာ။ ကျွန်တော်တို့က ကိုယ့်ဝတ်စားဆင်ယင်မှုနဲ့ ကိုက်ညီမှုမရှိတဲ့ ဟာလေးတွေ မ၀တ်ကြဖို့ပေါ့။ အဲဒါကို ပြောတာပါ။ အများမြင်လည်း မတင့်တယ်ဘူး။ မြန်မာ့ယဉ်ကျေးမှုနဲ့လည်း မကိုက်ညီဘူး””ဟု ယဉ်ကျေးမှုဝန်ကြီးဌာန ညွှန်ကြားရေးမှူး ဦးမင်းအေးကိုက မြန်မာသံတော်ဆင့်သို့ ပြောသည်။

ပြီးခဲ့သည့်နှစ် သင်္ကြန်ကာလအတွင်း မြန်မာ့ယဉ်ကျေးမှုလွန် ၀တ်စားဆင်ယင်မှုများနှင့် ပတ်သက်ပြီး အင်တာနက် စာမျက်နှာများပေါ်တွင် ဓာတ်ပုံများ၊ ဗီဒီယိုဖိုင်များ တက်လာခဲ့ပြီး မြန်မာ့ယဉ်ကျေးမှုနှင့် မကိုက်ညီမှုများကြောင့် ပြည်သူများအကြား ဝေဖန်ရှုတ်ချမှုများ ပြင်းထန်ခဲ့သည်။

၂၀၁၃ ခုနှစ် အတာသင်္ကြန် ကာလအတွင်း အချို့သော အမျိုးသမီးငယ်များမှာ မိမိခန္ဓာကိုယ်ပေါ်ရှိ အ၀တ်များကိုပင် ချွတ်၍ ရေကစားခြင်းများ၊ ရှိသင့်ရှိအပ် ၀တ်သင့်ဝတ်အပ်သည့် အတွင်းခံ အ၀တ်စားများပင် ၀တ်ဆင်ထားခြင်းမရှိဘဲ မဏ္ဍပ်များပေါ်၌ ရေကစားခြင်းများ ဖြစ်ပေါ်ခဲ့သည်။

အလားတူ အမျိုးသားအချို့မှာလည်း လူမြင်ကွင်းအတွင်း အမျိုးသမီးများနှင့် ပွေ့ဖက်နမ်းရှုံ့ခြင်း၊ မူးယစ် ရမ်းကားခြင်းများ ပြုလုပ်ခဲ့သည့်အတွက် မြန်မာ့ရိုးရာ သင်္ကြန်ပွဲတော်အား အကျည်းတန် စေခဲ့သည်။

““မနှစ်က သင်္ကြန်မှာ ဘယ်လောက်ထိ သရုပ်ပျက်ခဲ့သလဲဆိုတာ အင်တာနက်ပေါ်မှာ သင်္ကြန်လို့ ရိုက်ရှာ လိုက်တာနဲ့ကို တွေ့နိုင်တယ်ဗျာ။ ကျွန်တော်တို့လည်း လူငယ်တွေပါပဲ။ ဒါပေမဲ့ အခု ဖြစ်ပျက်နေပုံတွေက တအားကို သရုပ်ပျက်လွန်းတယ်။ ကျွန်တော်တို့ ကြားထားတာ တစ်ခုဆိုရင် မဏ္ဍပ်တချို့ဆိုရင် သူတို့မဏ္ဍပ် လူစည်အောင်ဆိုပြီး အဲဒီလို ဖြစ်အောင်ကို လုပ်ထားတာတဲ့။ ဒီတော့ ခေတ်နဲ့အညီ ၀တ်စားဆင်ယင်မှုကိုတော့ ကျွန်တော်တို့လည်း လက်ခံပါတယ်။ မောင်နှသားချင်းတောင် မကြည့်ရဲအောင် ၀တ်နေတာတွေ မြင်နေရတော့ ဒါတွေကို တင်းတင်းကျပ်ကျပ် လုပ်စေချင်တယ်””ဟု ရန်ကုန်တိုင်း စမ်းချောင်းမြို့နယ်တွင် နေထိုင်သူ ကိုဘိုဘိုထွန်းက မြန်မာသံတော်ဆင့်သို့ ပြောသည်။

““အားလုံးက သင်္ကြန်ဆိုတော့ မိန်းကလေးတွေက ကာလာစုံတဲ့ မိန်းကလေးတွေချည်းပဲ ရှိမှာလေ။ အခုလိုမျိုး ကန့်သတ်တာတော့ မကောင်းပါဘူး။ အားလုံးက အဆင်ပြေနေတာပဲ။ အရေးယူမယ် ဆိုတာတော့ မကောင်းဘူး”” ဟု မြောက်ဥက္ကလာပ၌ နေထိုင်၍ မော်ဒယ်လ်သင်တန်း တက်ရောက် နေသူ ကိုကောင်းမြတ်က ပြောသည်။

လက်ရှိတွင် ယဉ်ကျေးမှုဝန်ကြီးဌာန အနေဖြင့် သင်္ကြန်ကဏ္ဍပ်များတွင် စောင့်ကြည့်ရေးကင်မရာ (CCTV) များ တပ်ဆင်၍ စောင့်ကြည့်မှုများ ပြုလုပ်သွားရန် အတွက်လည်း ရန်ကုန်တိုင်း ယဉ်ကျေးမှု ၀န်ကြီးဌာနမှ စီစဉ်ထား ပြီး ယဉ်ကျေးမှုလွန် ၀တ်စားဆင်ယင်မှုများကို ထိန်းသိမ်းသွားမည် ဖြစ်ကြောင်းလည်း ပြောဆိုထားသည်။

““မဏ္ဍပ်တိုင်းမှာ သရုပ်မပျက်စေဖို့ စောင့်ကြည်သူတွေကို ထားရှိမယ်။ မနှစ်က သင်္ကြန်မှာ အင်တာနက်တွေ ပေါ်အထိ သရုပ်ပျက် ၀တ်စားဆင်ယင်မှုတွေ ဖော်ပြတာ ခံရလို့ ဒီနှစ်မှာ အခုလို သတိပေးရတာ ဖြစ်ပါတယ်။ မြန်မာအမျိုးသမီးတွေအားလုံး ခေတ်နဲ့အညီ လိုက်လျာညီထွေစွာ ၀တ်တာကို မပြောလိုပါဘူး။ သို့သော် ယဉ်ကျေးမှုနဲ့ ကိုက်ညီမှုမရှိတဲ့ သရုပ်ပျက် ၀တ်ဆင်မှုတွေကိုတော့ တားမြစ်ရမှာ ဖြစ်ပါတယ်။ မဏ္ဍပ်ကြီး တွေမှာ စီစီတီဗွီကင်မရာတွေ ရှိပါတယ်။ အဲဒီကနေတစ်ဆင့်လည်း သရုပ်ပျက် ၀တ်စားသူတွေကို ခေါ်ယူ သတိပေးတာမျိုး၊ လဲလှယ်စေတာမျိုး ပြုလုပ်သွားမှာပါ။ အဲဒီအတွက် ရန်ကုန်တိုင်းဒေသကြီး အစိုးရအဖွဲ့ အနေနဲ့ မြန်မာ့ရိုးရာ ယဉ်ကျေးမှုနှင့် မဆီလျော်သော ၀တ်စားဆင်ယင်မှု ထိန်းသိမ်းရေး ကော်မတီကို ဆပ်ကော်မတီအနေနဲ့ ဖွဲ့စည်းထားပြီးသား ဖြစ်ပါတယ်”” ဟု ရန်ကုန်တိုင်းဒေသကြီး ယဉ်ကျေးမှုဝန်ကြီး ဒေါ်စန်း စန်းနွယ်၏ ပြောစကားကို ကိုးကား၍ နိုင်ငံပိုင် သတင်းစာများ၌ ဖော်ပြထားသည်။

ယင်းသို့ စောင့်ကြည့်နေရုံဖြင့် သရုပ်ပျက် ၀တ်စားဆင်ယင်မှုများအား ထိ်န်းသိမ်းနိုင်မည် မဟုတ်ဘဲ ဥပဒေအရ ထိန်းသိမ်းသွားရန် လိုအပ်ကြောင်းလည်း ဥပဒေပညာရှင်များက သုံးသပ်လျက် ရှိသည်။

““အရေးယူလို့ ရတယ်။ ပြစ်မှုဆိုင်ရာ ဥပဒေမှာ အများကြီး ပြဋ္ဌာန်းချက်တွေ ရှိတယ်။ ဥပဒေပုဒ်မတွေ အများကြီးရှိတယ်။ သင်္ကြန်ယဉ်ကျေးမှုကို ဖျက်ဆီးတာ။ အဲဒီလိုမှ အရေးမယူရင် ကျွန်တော်တို့ သင်္ကြန်က ပြောစရာကြီး ဖြစ်လာမယ်”” ဟု တရားလွှတ်တော်ရှေ့နေ ဦးရောဘတ်စန်းအောင်က မြန်မာသံတော်ဆင့်သို့ မှတ်ချက်ပေးသည်။

ယခုကဲ့သို့ ယဉ်ကျေးမှုလွန် ၀တ်စားဆင်ယင်မှုများအား မပြုလုပ်ကြရန် ယဉ်ကျေးမှုဝန်ကြီးဌာနမှ တားမြစ် နေချိန်မှာပင် တည်ဆောက်ဆဲ သင်္ကြန်မဏ္ဍပ်များ၌ အ၀တ်လဲခန်းမှအပ အခြားသော မလိုအပ်သည့် အခန်းများ ထည့်သွင်း တည်ဆောက်မှုများ မပြုလုပ်ရန်အတွက်လည်း ရန်ကုန်တိုင်း အစိုးရအဖွဲ့က တားမြစ်ထားသည်။

ယင်းတားမြစ်ချက်များအား လိုက်နာခြင်း ရှိ၊ မရှိနှင့် ပတ်သက်၍ ဧပြီလ ၁၁ နှင့် ၁၂ ရက်များတွင် စစ်ဆေး သွားမည်ဖြစ်ကြောင်းလည်း ရန်ကုန်တိုင်း ရဲတပ်ဖွဲ့ရုံးထံမှ သိရသည်။

အစိုးရဘက်မှ တားမြစ်ထားသော်လည်း ရန်ကုန်မြို့ရှိ အချို့သော မဏ္ဍပ်များတွင် အ၀တ်လဲခန်း မဟုတ်သည့် အထူးခန်းများ တည်ဆောက်မှုများ ရှိနေပြီး ယင်းအခန်းသို့ VIP လက်မှတ် ၀ယ်ထားသူများသာ ၀င်ရောက် နားနေခွင့်ပြုကြောင်း သိရသည်။

မဏ္ဍပ် လက်မှတ်များ ရောင်းချရာ၌ ရိုးရိုးတန်းနှင့် VIP တန်း ဟူ၍ ခွဲခြားထားပြီး VIP တန်း လက်မှတ် တစ်စောင်လျှင် သင်္ကြန်ရက်အားလုံး ရေကစားရန် ကျပ် ငါးသိန်းခန့် ဈေးပေါက်နေပြီး မဏ္ဍပ်ပေါ်သို့ အရက်ပုလင်း ယူဆောင်ခွင့်၊ အထူးနားနေခန်းအတွင်း အနားယူခွင့် စသည်တို့ ရရှိမည် ဖြစ်သည်။

““အဲဒါကျတော့ မိန်းကလေးနဲ့ ယောက်ျားလေး အလုံပိတ်ခန်းတွေမှာ မဟုတ်တာတွေ ဖြစ်မှာစိုးလို့ အ၀တ်အစား လဲတာလောက် ဘာညာ ပြဿနာ မရှိပါဘူး။ အလုံပိတ် အခန်းတွေ မဖြစ်အောင် လိုက်ပြီးတော့ ဖျက်ခိုင်းတာ။ ဘယ်မဏ္ဍပ်ရယ်လို့တော့ Target မထားဘူး။ အဘတို့က လိုက်မစစ် သေးဘူးလေ။ စစ်ဆေးမယ့် အဖွဲ့တွေ လာရင်လည်း အဲဒါမျိုးမဖြစ်ပါစေနဲ့။ သတင်းရမယ်ပေါ့။ အဲဒီ အခန်းတွေ ပါတဲ့မဏ္ဍပ်ကို လိုက်ကြည့် ခိုင်းပြီးတော့ အဲဒီလိုဟာတွေ လုပ်ထားရင် ဖြုတ်ပါ။ သွားပြီးတော့ စစ်မယ့်အဖွဲ့ကို ပြောထားပြီးသားပါ””ဟု ရဲမှူးကြီးမြင့်အေးက မြန်မာသံတော်ဆင့်သို့ ပြောသည်။

မည်သို့ပင်ဖြစ်စေ မကြာခင် ကျရောက်တော့မည့် သင်္ကြန်ကာလအတွင်း ရန်ကုန်တိုင်းအတွင်း၌ မဏ္ဍပ်အကြီး အသေးပေါင်း ၁၄၀ ကျော် ခွင့်ပြုထားပြီးဖြစ်ရာ အစိုးရအနေဖြင့် လိုက်လံစစ်ဆေးရာ၌ အခက်အခဲများ ရှိနိုင် ကြောင်း သုံးသပ်မှုများလည်း ရှိသည်။

ယဉ်ကျေးမှု ၀န်ကြီးဌာနနှင့် ရန်ကုန်တိုင်း ရဲတပ်ဖွဲ့မှ တားမြစ်ထားသော စည်းကမ်းများအား ချိုးဖောက်ပါ ဒေသဆိုင်ရာ အာဏာပိုင်၏ လိုအပ်၍ ထုတ်ပြန်ထားသော အမိန့်ကို ဆန့်ကျင်မှု ပြစ်မှုဆိုင်ရာ ဥပဒေပုဒ်မ ၁၈၈ အရ အရေးယူနိုင်ကြောင်းလည်း တရားရုံးချုပ် ဒုတိယညွှန်ကြားရေးမှူး (ငြိမ်း) ဦးသောင်းမြင့်က မြန်မာ သံတော်ဆင့်သို့ သုံးသပ်ပြောကြားသည်။

ပုဒ်မ ၁၈၈ ဆိုသည်မှာ ပြည်သူ့ဝန်ထမ်းက နည်းလမ်းတကျ ထုတ်ပြန်ကြေညာထားသော အမိန့်အား ဖီဆန်ခြင်း ဖြစ်ပြီး ပြစ်ဒဏ်အနေဖြင့် အလုပ်မဲ့ ထောင်ဒဏ် တစ်လဖြစ်စေ၊ ငွေဒဏ် ၂၀၀ ဖြစ်စေ၊ ဒဏ်နှစ်ရပ်စလုံး ဖြစ်စေ ချမှတ် နိုင်သည်။ ထို့ပြင် ယင်းဖီဆန်မှုသည် လူ့အသက်ကိုသော်လည်းကောင်း၊ ကျန်းမာရေးကိုသော်လည်း ကောင်း၊ လုံခြုံရေးကိုသော်လည်းကောင်း ဘေးဖြစ်စေခဲ့ပါက ထောင်ဒဏ် ခြောက်လအထိ ချမှတ်နိုင်ပြီး ငွေဒဏ် ကိုလည်း ၁၀၀၀ ကျပ်အထိ တိုးမြှင့်နိုင်သည်။ သို့မဟုတ်ပါကလည်း ပြစ်ဒဏ်နှစ်ရပ်စလုံးအား ချမှတ် နိုင်ကြောင်း ပြဋ္ဌာန်းထားသည်။

““ဒီလိုမျိုးကြေညာချက် ထုတ်တာကျတော့ ၁၈၈ နဲ့ ဆွဲလို့ မရဘူး။ ဒါက အမိန့်မဟုတ်ဘူးလေ။ သူတို့အားလုံးကို ကန့်သတ်ပြီးတော့ သတိပေးတာပဲ ရှိတယ်။ ထိန်းသိမ်းဖို့ဆိုတာက မိန်းကလေးကလည်း ထိန်းသိမ်းမယ်၊ ယောက်ျားလေးကလည်း ဆင်ခြင်မယ် ဆိုလို့ရှိရင် အဆင်ပြေသွားမှာပဲ။ ညင်သာစွာပဲ ကိုင်တွယ်ကြမှာပဲ။ အရေးယူမှု မရှိဘူး မဟုတ်ဘူး။ လွန်ကဲတာတွေကျတော့ ရာဇ၀တ်မှုနဲ့ ငြိစွန်းရင်တော့ ငြိမှာပဲ။ သာမန်ဖြစ်တဲ့ ဟာတော့ သတိပေး ဆုံးမတဲ့ အဖွဲ့တွေ ရှိတာပဲ။ စည်းကမ်းထိန်းသိမ်းရေး ကော်မတီတွေ ရှိတယ်။ သူတို့တွေက ဆောင်ရွက်သွားမှာ ဖြစ်တယ်။ ရဲတပ်ဖွဲ့ကတော့ ဥပဒေနဲ့ ငြိစွန်းလာရင်တော့ အရေးယူသွားမှာပဲ။ ယဉ်ကျေးမှုဌာနက ခေါ်ယူပြီး သတိပေးတယ် ဆိုတာကတော့ ကောင်းတာပေါ့။ ဒါပေမဲ့ ဥပဒေနဲ့ ငြိရင်တော့ အရေးယူမှာပဲ။ ကိုယ့်ဘက်က ကြည့်မယ်။ သူတို့ဘာသာသူတို့ သာမန်လောက် နမ်းတာ ရှုံ့တာလောက်ကို ရဲက သွားပြီးတော့ ပြဿနာ မရှာပါဘူး။ အဲဒါကို သတိပေးသင့်တဲ့အဖွဲ့က သတိပေးမှာပေါ့”” ဟု ရန်ကုန် အရှေ့ပိုင်းခရိုင် ရဲတပ်ဖွဲ့မှူး ရဲမှူးကြီးမြင့်အေးက မြန်မာသံတော်ဆင့်သို့ ပြောသည်။

Myanmartandawsint Newspaper

အပြည့်အစုံသို့ »

တိုင်းပြည်ရဲ့အနုတ်လက္ခဏာပြ ကြော်ငြာသာဓကတစ်ခု



    ကြော်ငြာရဲ့ ထိပ်ဆုံးမှာ စာလုံးအမည်းကြီးနဲ့ ထင်ထင် ရှားရှားရေးထားတာက ““ပြည်ပအိမ်ဖော် အလုပ်”တဲ့ . . . ““သြော် . . . ကျွန်တော်တို့ တိုင်းပြည်ရဲ့ အနုတ်လက္ခဏာပြ ကြော်ငြာသာဓက တစ်ခုပါလား””လို့

 စာအုပ်ထုတ်ဝေရေး စာပေတိုက်ကြီး တစ်တိုက်က ကျွန်တော်ရေးခဲ့တဲ့ ဆောင်းပါးတချို့ကို စုစုစည်းစည်းနဲ့ စာအုပ်တစ် အုပ်ထုတ်မယ်ဆိုတာနဲ့ ဂျာနယ်တွေကို မိတ္တူကူးဆိုင် ယူသွားပြီး မိတ္တူကူးရပါတယ်။ မိတ္တူကူး ဆိုင်ရှေ့က ခုံတန်းလျား လေးမှာ ထိုင်စောင့်နေရင်း ပတ်ဝန်းကျင် ကို ဟိုငေးသည်ငေးနဲ့ ငေးနေမိပါတယ်။ မိတ္တူကူးတဲ့ဆိုင်ရဲ့ ဆိုင်နံရံတစ်နေရာ လူ မြင်ကွင်းမှာ ထင်းခနဲမြင်သာအောင် ကပ်ထားတဲ့ ကြော်ငြာ စာရွက်ကြီး တစ်ရွက်ကို တွေ့လိုက်ရပါတယ်။ ဘာကြော်ငြာများ ပါလိမ့်ဆိုပြီး စိတ်ဝင်စားလို့ ထပြီးဖတ် ကြည့်လိုက်ပါတယ်။ စိတ်ထဲမှာ မကောင်း စရာကြော်ငြာပါလား။ အသက် ၁၈နှစ်နဲ့ ၂၀ ကြား မိန်းကလေး တွေကို အလုပ်ခေါ်တဲ့ ကြော်ငြာဖြစ်နေပါတယ်။ ကြော်ငြာရဲ့ ထိပ်ဆုံးမှာ စာလုံးအမည်းကြီးနဲ့ ထင်ထင် ရှားရှားရေးထားတာက ““ပြည်ပအိမ်ဖော်အလုပ်””တဲ့။ ဆိုလိုချက်တွေကို၊ သတ်မှတ် ချက်တွေကို ဆက်ဖတ် လိုက်ပါတယ်။ ပြည်ပနိုင်ငံမှာ သွားပြီး အလုပ်လုပ်ရမယ်။ အိမ်ဖော်အလုပ်ကိုပဲ သီးသန့်လုပ်ကိုင်ရမယ်။ တစ်လကို မြန်မာငွေ ၆ သိန်းနဲ့ ညီမျှတဲ့ လစာငွေလည်း ရရှိမယ်တဲ့။ အိမ်ဖော်အလုပ်အတွေ့အကြုံရှိပြီးသား မိန်းကလေးကို ဦးစားပေးမယ်တဲ့။ ဆက်သွယ်ရမယ့် ဖုန်းနံပါတ်နဲ့ လိုအပ်တဲ့ တခြားအ ချက်အလက်တွေ ကိုလည်း ရေးထားပါသေးတယ်။ …လူတွေ့စစ်ဆေးမယ့်ရက်ကို တော့ ဖုန်းအဆက်အသွယ်ရပြီးမှ ပြန် ဆက်သွယ် အကြောင်းကြားမယ်လို့ ဆိုပါ တယ်။ တစ်လကို မြန်မာငွေ ၆ သိန်းနဲ့ ညီမျှတဲ့ လခဆိုတော့လည်း မိန်းကလေး တချို့ လိုချင်ကြမှာပါ။ ကိုယ့်မြန်မာနိုင်ငံ ထဲမှာ ရှိတဲ့ စက်ရုံ၊ အလုပ်ရုံတွေမှာ တစ် နေကုန် ကြိုးစားပြီး အလုပ်လုပ်၊ ပြန်တော့လည်း အလုပ်ရှင်၊ စက်ရုံပိုင်ရှင် တချို့က လုပ်ခလစာငွေကိုလည်း လျှော့ ပေးချင်ကြတယ်။ အချိန်ပိုကြေးလည်း မပေးချင်တဲ့ အလုပ်ရှင်တွေ ရှိနေကြပြန် တယ်။ ပြီးတော့ သက်သာ ချောင်ချိမှုခွင့် ယူရက်ကအစ မလိုက်လျောချင်ကြတဲ့ လုပ်ငန်းရှင်တွေလည်း ရှိတယ်။ ကိုယ့်လူမျိုး၊ ကိုယ့်နိုင်ငံ သား မဟုတ်ဘဲ တခြား အိမ်နီးနားချင်းနိုင်ငံ တချို့က ဒီမှာလာပြီး စက်ရုံကြီးတွေဖွင့်ရင်း ကိုယ့်ပြည်တွင်းက မိန်းကလေး အလုပ်သမားတွေကို ထင်သလို စော်ကားမော်ကား နှိမ့်ချကန့်သတ် ချုပ်ချယ်ပြီး ဒီအလုပ်လေးမှ မလုပ်ရရင် ငတ်တဲ့ကိန်းဆိုက်မှာမို့ တတ်နိုင်သမျှ သည်းခံခေါင်းငုံ့ပြီး လုပ်နေကြရရှာတာကို အခွင့်ကောင်း ယူနေတဲ့ လူတန်းစားကလည်း အလုပ်ရှင်လောကမှာ ဒုနဲ့ဒေးမ ဟုတ်လား။ ပြည်တွင်းအလုပ်အကိုင်တွေ ထဲမှာ အချိန်ပိုဆင်းရလို့ ညမှောင်တော့မှ ထမင်းချိုင့်လေးဆွဲပြီး ကြုံရာဘတ်စ်ကား လိုင်းကားစီးရင်း အိမ်ပြန်ရရှာတဲ့ မိန်းက လေးတချို့လည်း ရှိနေကြပါတယ်။ ကား မှတ်တိုင်မှာ ကားစောင့်ရင်း ကျီးလန့်စာစားနဲ့ ဘယ်သူကများ ငါ့ကို ထိကပါး ရိကပါး လာစော်ကားမလဲဆိုတာ အကြောက် တရားနဲ့ လှုပ်ရှားသွားလာနေကြရရှာတဲ့ မိန်းကလေး တွေလည်း ရှိပါတယ်။ တစ်ခါကဆိုရင် မိန်းကလေးနှစ်ယောက် အလုပ်ကပြန်လာရင်း ကားမှတ် တိုင်မှာ ညဥ့်နက်သွားတယ်။ ရဲပတ္တရောင် လှည့်ကင်းနဲ့တွေ့တော့ အချိန်မတော် မှောင်ရိပ်ခိုမှုဆိုပြီး ပုဒ်မ ၃၀-ဃ နဲ့ အဆွဲခံလိုက်ကြရတယ်။ ရဲအချုပ်မှာ တစ်ည ချုပ်ခံရပြီး နောက်နေ့ တရားရုံးကိုရောက်တယ်။ တရားရုံးတ ချို့ရဲ့ ဝေါဟာရရှိပါသေးတယ်။ ဒီလို ၃၀-ဃ ပုဒ်မနဲ့ ရုံးတင်ခံရတဲ့သူတွေကို ပြောတာ ရှိပါသေးတယ်။ ““အချိန်မ တော် လမ်းလျှောက်မှု”” တဲ့။ ဒီလိုနဲ့ ထောင်တစ်လကျသွားရရှာတဲ့ သာဓကတွေ ရှိခဲ့ပါ တယ်။ နောက်ပြီး မြို့စွန် မြို့ပြင်ရပ်ကွက် တွေကို ညဘက်ပြန်ရသူ မိန်းကလေးတ ချို့ကျတော့ ကြုံကြဆုံကြရရှာတာတွေ ရှိ ဖူးပါသေး တယ်။ ရိုးရိုးလိုင်းကားတွေ ပြေးဆွဲချိန်ကုန်သွားတဲ့အခါမှာ ကြားကားလို့ ခေါ်တဲ့ ဒိုင်နာလိုမျိုး ကားတွေက ကြား ပေါက် ၀င်ပြေးဆွဲပေးတယ်။ ကျွန်တော် မျက်ဝါးထင်ထင်မြင်ဖူး ကြုံဖူးတာတစ်ခု ပြောပြမယ်။ ကားပေါ်ကို မိန်းကလေးသုံး ယောက် ထမင်းချိုင့်လေးတွေနဲ့ ချွေးတစို စိုကပိုကရို တက်လာကြတယ်။ ညဥ့် နက်ကြားကား တချို့ လူကျပ်ပေမယ့် အဲဒီ ညကျွန်တော်လိုက်လာတဲ့ ဒိုင်နာကားက ထိုင်ခုံ ဟိုဘက်ဒီဘက် မျက်နှာချင်းဆိုင် ၂ တန်း ရှိတာ။ တစ်တန်းက လူမပြည့်ပါဘူး။ ဒီကလေးမလေးတွေ ၀င်ထိုင်လို့ ရ ပေမယ့်မထိုင်ဘဲ မတ်တတ်ရပ် နေကြတယ်။ ကျွန်တော်က မနေသာလို့ ““၀င်ထိုင်ကြ လေ””လို့ လှမ်းပြောတော့ မိန်းကလေး တစ်ယောက်က ပြန်ပြောလိုက်တဲ့စကားကို ခုထိ မမေ့နိုင်သေးဘူး။ ““ဒီကားက ထိုင်စီးသမားဆို ကားခပိုယူတယ် ဦးလေးရဲ့၊ ထပြီးစီးရင် တစ်ရာသက်သာတယ်””တဲ့။ သြော် …ဒီလိုကြားကားမျိုးလည်း သူ့အရပ်နဲ့ သူ့ဇာတ် ရှိနေပါလား ဆိုတာ ကျွန်တော် စိတ်မကောင်းစွာနဲ့ သိခဲ့ရတယ်။ သူတို့ခမျာ ကားခကအစ ခြိုးခြံချွေတာ ကြရရှာတာကိုး။ မိုးတိုးမတ်တတ်ရပ်ရင်းနဲ့ပဲ နွမ်းလျအိမ်ပြန် ကြရရှာပါတယ်။ ဘယ်လောက်ပဲ ပင်ပန်းပင်ပန်းပါစေ၊ ပင်ပန်းရ ကျိုး မနပ်တဲ့ လုပ်ငန်းခွင်မျိုးတွေက အသီးသီး အသက ပြန်လာကြရတဲ့ လူတို့လေးတွေရဲ့ အခြေအနေကို ဘယ်လို လူတန်းစားမျိုးတွေက တာဝန်ယူကူညီမှုပေး ကြမှာလဲ။ တချို့မိန်းကလေးတွေ ကျတော့လည်း ကိုယ့်မိရိုးဖလာ ဘိုးစဉ်ဘောင်ဆက် ဓားမဦးချ လုပ်ကိုင်လာခဲ့ကြတဲ့ လုပ်ငန်းမျိုးကို အစိုးရပိုင်းက ဖျက်သိမ်းဖယ်ရှား ပစ်တာ ခံလိုက်ရလို့ လတ်တလောမှာ ဘာလုပ်ကိုင်စားလို့ စားရမယ်မှန်း မသိ ကြသေးတဲ့ မိန်းကလေးတွေလည်း ရှိပါ တယ်။ ယောင်ချာချာနဲ့ စိတ်ထွေတလာ ဝေဒနာကိုယ်စီအရင်းတည်ရင်း ကိုယ့်တစ် ကိုယ်ရေပဲဖြစ်ဖြစ်၊ မိသားစု စားဝတ်နေ ရေးပြဿနာကိုပဲဖြစ်ဖြစ် ဘယ်ပုံဘယ်နည်း ဖြေရှင်းကြရမလဲဆိုတာ ဦးတည်ရာကင်းမဲ့ သွားတဲ့ မိန်းကလေးတွေလည်း ကျွန်တော်တို့ မြန်မာနိုင်ငံထဲမှာပဲ အသင်္ချေအနန္တပါ။ ကိုယ်ဘာဝါသနာပါလဲ၊ ကိုယ်ဘာ လုပ်တတ်လဲ၊ ကိုယ့်ဆန္ဒနဲ့ ကိုယ့်ရည်မှန်းချက်က ဘာလဲဆိုတာတွေက (လုံးဝ)သာမည အဆင့်ကို ကျဆင်း သွားပြီး လတ်တလော စားဝတ်နေရေးကျပ်တည်းမှုကို ကြုံသလို ကျပန်းမြေစမ်းခရမ်းပျိုး သို့တည်းမဟုတ် ဆင်ကန်းတောတိုး သဘောမျိုးပဲ ဖြေရှင်း လိုက်တာ ကောင်းပါတယ်လေဆိုတဲ့ အ တွေးတွေက အဓိကဖြစ်သွား တတ်ပြန်တဲ့ မိန်းကလေးတွေလည်း ရှိနေကြပါတယ်။ အဲဒီလိုဝေေ၀၀ါးဝါးမှာပဲ ငွေများရင်အဆင် ပြေတာပေါ့ ဆိုတဲ့ လမ်းကြောင်းနောက် ကောက်ကောက်ပါအောင် သူတစ်ပါး ဆွဲဆောင်လို့ပဲဖြစ်ဖြစ်၊ ကိုယ်ကိုယ်တိုင်က လိုက်ပါစီးမျောချင်လို့ပဲဖြစ်ဖြစ် အိပ်မက် သစ်တစ်ခုဆီကို ဦးတည်ရွေ့လျားသွားကြ ရှာတဲ့ မိန်းမသားများလည်း ရှိနေကြပါ တယ်။ တချို့ဆို တကယ့်ကို ကျောင်းနေ ပျော်ပြီး စာတော်ရမယ့်အရွယ်ကောင်းက လေးတွေပေါ့။ ထားပါတော့။ ပြည်ပနိုင်ငံ တစ်ခုကို ပျံသန်းနေတဲ့ လေယာဉ်ကြီးတစ် စီးရဲ့ ခရီးစဉ်တစ်ခုတည်းမှာတောင် လိုက် ပါသွားကြတဲ့ ကျွန်တော်တို့ နိုင်ငံက နိုင်ငံသူလေးတွေရဲ့ အခြေအနေချင်းက မမျှမတ လုံးဝမတူညီကြပါဘူး။ တချို့က မိဘ တတ်နိုင်လို့ ပြည်ပမှာ ပညာရှာ ကျောင်းသွားတက်ကြရမယ့် ပျိုရွယ်သူ လေးတွေလေ။ တချို့ ကတော့ သူများနိုင်ငံ မှာ ““ကျွန်သွားခံကြရရှာတော့မယ့်””မျက် စိသငယ်၊ နားသငယ်လေးတွေပေါ့။

““အိမ်ဖော်””အလုပ်ဆိုတာ တစ်နည်း အားဖြင့် စကားရိုင်းရိုင်းနဲ့ဆိုရရင် သူတစ် ပါးအိမ်မှာ သူတစ်ပါးရဲ့ စိတ်အ ထာအာသာ ဆန္ဒပြည့်ဝအောင် သူတစ်ပါးအလိုကျ ကိုယ်က လခစားအနေနဲ့ သွားပြီး သူတစ် ပါးစိတ်နဲ့ ကိုယ့် ခန္ဓာကိုယ်ဆိုသလို ““ကျွန်သွားခံ”” နေကြရရှာတာပဲ မဟုတ်လား။ ဘာပဲဖြစ်ဖြစ် သူတို့လေးတွေရဲ့ ဘ၀လုံခြုံ မှုဆိုတာက ပြည်ပမှာ ကျောင်းသွားတက် တဲ့ မိန်းကလေးတွေလောက်တော့ ဘယ်လိုလုပ်ပြီး စိတ်ချရပါ့မလဲ။ သူတို့အပေါ်မှာ တာဝန်ယူမှုက တော်တော့်ကို စိတ်မချရတဲ့ အဆင့်မှာရှိတယ်လေ။ ကျွန်တော်တော့ စိတ်ထဲမှာ တကယ့်ကိုမကောင်းဘူး။ သားသမီးချင်း၊ မြေးချင်းလည်း ကိုယ်ချင်းစာတယ်။ မိတ္တူဆိုင် မျက်နှာစာနံရံပေါ်က  ““အိမ်ဖော်”” အခေါ် ကြော်ငြာလေးကို ငေး ကြည့်ရင်း ““သြော် …ကျွန်တော်တို့တိုင်း ပြည်ရဲ့အနုတ် လက္ခဏာပြ ကြော်ငြာ သာဓကတစ်ခုပါလား””လို့ တွေးနေမိကြောင်း ပါခင်ဗျား။

ဆောင်းဝင်းလတ်

Myanmartandawsint Newspaper

အပြည့်အစုံသို့ »

မီဒီယာများကိုကြောက်၍ ၀န်ကြီးဦးအောင်မင်း ငြိမ်းချမ်းရေးဆွေးနွေးပွဲ ကိစ္စများအား ဖြေကြားတော့မည်မဟုတ်


ရန်ကုန်၊ ဖေဖော်ဝါရီ ၂၂

မီဒီယာများအား ကြောက်၍ ငြိမ်းချမ်းရေးဆွေးနွေးပွဲ ကိစ္စများအား ဖြေကြားတော့မည် မဟုတ်ကြောင်း နိုင်ငံတော် သမ္မတရုံးဝန်ကြီး ငြိမ်းချမ်းရေးနှင့် ပြန်လည် ဖော်ဆောင်ရေး လုပ်ငန်းကော်မတီဥက္ကဋ္ဌ ပြည်ထောင်စုဝန်ကြီး ဦးအောင်မင်းက ဖေဖော်ဝါရီလ ၂၂ ရက်နေ့တွင် ရန်ကုန်တိုင်းဒေသကြီး လွှတ်တော်ရုံးတွင် မီဒီယာများသို့ ပြောကြားခဲ့သည်။

ရန်ကုန်တိုင်းဒေသကြီး လွှတ်တော်ရုံး၌ ဖေဖော်ဝါရီလ ၂၂ ရက်နေ့က ပြုလုပ်သော နိုင်ငံတော် သမ္မတကြီးနှင့် ပုဂ္ဂလိက စီးပွားရေးလုပ်ငန်း ဆောင်ရွက်သူများ၊ စီးပွားရေး အသင်းအဖွဲ့များမှ ကိုယ်စားလှယ်များ တွေ့ဆုံပွဲသို့ ပြည်ထောင်စုဝန်ကြီး ဦးအောင်မင်း တက်ရောက်ခဲ့ရာ ငြိမ်းချမ်းရေး ဆွေးနွေးပွဲကိစ္စများနှင့် ပတ်သက်၍ မီဒီယာများ၏ ၀ိုင်းဝန်းမေးမြန်းမှုအပေါ် ယခုကဲ့သို့ ပြန်လည် ဖြေကြားခဲ့ခြင်း ဖြစ်သည်။

““ငါလည်း မပြောချင်ဘူး။ မပြောတာ အကောင်းဆုံးပဲ။ တပ်မတော်ပိုင်း လည်း ကျွန်တော်မသိဘူး။ မပြောတာ ပိုကောင်းတယ်။ ဒီ့ထက် ကျွန်တော် ဘာမှ ပြောစရာမရှိဘူး။ ကျွန်တော် မီဒီယာတွေကို ကြောက်သွားတယ်။ လန့်သွားတယ်။ မထိုးဖြစ်တော့ဘူး ပြောတဲ့သူက ရှိတယ်။ ရက်ချိန်းတွေ ပြောင်းတယ်လို့ အပြစ်တင်တဲ့ သူက ရှိတယ်။ ဒါကြောင့်မို့ မပြောတော့ဘူး။ ထိုးတဲ့နေ့ကျမှပဲ ထပ်ပြောမယ်””ဟု ဦးအောင်မင်းက ဆိုသည်။

KNU (ကရင်အမျိုးသား အစည်းအရုံး ထိန်းချုပ်နယ်မြေ) လော်ခီးလာ စခန်းတွင် ၂၀၁၄ ခုနှစ် ဇန်န၀ါရီလ ၂၀ ရက်နေ့မှ ၂၅ ရက်နေ့အထိ ၆ ရက်တိတိ ငြိမ်းချမ်းရေး ဆွေးနွေးပွဲ ကျင်းပခဲ့ပြီး ““တိုင်းရင်း သားစည်းလုံးညီ ညွတ်မှု”” မှတစ်ဆင့် အုပ်ချုပ်သူ အစိုးရအဖွဲ့အစည်းများ အပါအ၀င် လူမျိုးပေါင်းစုံ ပြည်သူလူထု တစ်ရပ်လုံး ပါဝင်သည့် တိုင်းရင်းသား စည်းလုံးညီညွတ်ရေးကို စုပေါင်း တည်ဆောက်ကြပါရန် တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့ (NCCT) က ကြေညာချက် ထုတ်ပြန်ခဲ့ပြီး ယခုအချိန်အထိ ထပ်မံ ဆွေးနွေးနိုင်ခြင်း မရှိဘဲ ရပ်တန့်နေခြင်းအပေါ် ဝေဖန်မှုများလည်း ရှိနေသည်။

““ဒီမိုကရေစီမှာ မီဒီယာကြောက်ဖို့ မလိုပါဘူး။ ကျွန်တော်တို့ မြင်တာ ကတော့ သူတို့အတွင်းမှာပဲ ဖိအားပေး ခံနေရလို့လား ပေါ့ဗျာ။ ကျွန်တော်တို့ကြားတာက တပ်မတော်က လျှော့လွန်းတယ်ပေါ့ဗျာ။ တိုင်းရင်းသားနဲ့ ပတ်သက်လို့ပေါ့။ တကယ်တော့ ဘာမှလျှော့တာ မရှိပါဘူး။ ကျွန်တော်တို့ မြင်တာကတော့ အထိန်းအကွပ်တွေ များလွန်းတယ်””ဟု ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ (UNFC) မှ ဒုတိယ ဥက္ကဋ္ဌ(၂) ဖြစ်သူ ပဒိုဒေးဗစ်သာကပေါက ပြောသည်။

ယခုကဲ့သို့ ငြိမ်းချမ်းရေးဆွေးနွေးပွဲ အခြေအနေ အား မေးမြန်း ရာ၌ ပြည်ထောင်စုဝန်ကြီး ဦးအောင်မင်း ၏ ပြန်လည် ဖြေကြားမှု အပေါ် နိုင်ငံရေး လေ့လာသုံးသပ်သူများကလည်း တာဝန်ယူမှု တာဝန်ခံမှု မရှိသည့် ဖြေကြားချက် ဖြစ်ကြောင်း ဝေဖန်လျက်ရှိသည်။

““ပြည်ထောင်စုဝန်ကြီး တစ်ယောက်အနေနဲ့သာမက ငြိမ်းချမ်းရေး လုပ်ငန်းစဉ်ကို ဦးဆောင်နေတဲ့ သူတစ်ယောက် အနေနဲ့ မီဒီယာများကို ကြောက်တဲ့အတွက် မဖြေချင်ကြောင်း၊ မဖြေတာ အကောင်းဆုံး ဖြစ်ကြောင်း ပြောကြားတာဟာ အတော့်ကို အခြေအမြစ် ကင်းတယ်လို့ မြင်ပါတယ်။ သတင်းမီဒီယာ တွေဆိုတာ အစိုးရ၊ လွှတ်တော်နဲ့ တရားစီရင်ရေး မဏ္ဍိုင်တွေနဲ့ တန်းတူရှိတဲ့ Fourth Pillar ပါ။ ပွင့်လင်း မြင် သာမှု ရှိရမယ်။ တာဝန်ယူရဲမယ်။ တာဝန်ရှိမယ်ဆိုရင် မမြင်ရဲ စရာ အကြောင်းမရှိဘူးလို့ ထင်ပါတယ်။ ပွင့်ပွင့်လင်းလင်း မှန်မှန်ကန်ကန် လုပ်တဲ့သူတွေအတွက် မီဒီယာမှမဟုတ် ဘယ်သူ့ကိုမှ ကြောက်စရာ လိုမယ် မထင်ဘူးလို့ မြင်မိပါတယ်””ဟု မြန်မာ့နိုင်ငံရေး လေ့လာသုံးသပ်သူ ဒေါက်တာရန်မျိုးသိမ်းက သုံးသပ်ခဲ့သည်။

ဝိုင်းမော်

Myanmartandawsint Newspaper

အပြည့်အစုံသို့ »

NLD ပါတီအား ကြံ့ခိုင်ရေးပါတီကိုယ်စားလှယ်က ဒုတိယအကြိမ် စာမျက်နှာပေါ်မှ တိုက်ခိုက်


ရန်ကုန်၊ ဖော်ဖော်ဝါရီ ၂၆

အာဏာရ ကြံ့ခိုင်ရေးပါတီ၏ အမျိုးသားလွှတ်တော် ကိုယ်စားလှယ် ဦးလှဆွေက အမျိုးသား ဒီမိုကရေစီအဖွဲ့ချုပ် (NLD ပါတီ)၌ ဒေါ်အောင်ဆန်းစုကြည် မှလွဲ၍ ကျန်သောသူများမှာ အသုံးမကျသူဖြစ်ကြောင်း Hot News နှင့် တွေ့ဆုံ မေးမြန်းခန်း ဖြေဆိုမှု၌ ထည့်သွင်း ပြောဆို တိုက်ခိုက်ခဲ့သည်။

Hot News ဂျာနယ်အတွဲ (၄)၊ အမှတ် (၁၈၁) ၌ ““NLD မှာ ဒေါ်အောင်ဆန်းစုကြည်က လွဲရင် ကျန်တဲ့ကောင်တွေ တစ်ကောင်မှ သောက်သုံး မကျဘူး””ဟု ပြောဆို တိုက်ခိုက်ခဲ့ခြင်း ဖြစ်ပြီး ယခုကဲ့သို့ NLD ပါတီအား စာမျက်နှာပေါ်မှ တိုက်ခိုက်ခြင်းမှာ ဒုတိယအကြိမ်မြောက် ဖြစ်ပြီး ပထမအကြိမ်အဖြစ် ကြံ့ခိုင်ရေးပါတီ ဗဟိုအတိုင်ပင်ခံ ဦးအောင်သောင်းကလည်း မြန်မာသံတော်ဆင့် ဂျာနယ်မှ တစ်ဆင့် NLD ပါတီအား တိုက်ခိုက် ခဲ့ဖူးသည်။

၂၀၁၅ ရွေးကောက်ပွဲ၌ NLD အနေဖြင့် ကိုယ့်ပုံကိုယ် မပြရဲသူများသာ ထွက်ပေါ်လာမည် ဖြစ်ကြောင်း၊ ကြားဖြတ် ရွေးကောက်ပွဲတွင်လည်း NLD မှ မဲဆွယ်သည့် အခါတွင်လည်း ကိုယ့်ပုံကိုယ် မပြရဲဘဲ ဗိုလ်ချုပ်အောင်ဆန်းပုံနှင့် ဒေါ်အောင်ဆန်းစုကြည်ပုံကိုသာ သုံးခဲ့ကြောင်း၊ မိမိတို့ ကြံ့ခိုင်ရေးပါတီမှ ၀င်ရောက် ယှဉ်ပြိုင်သူ၏ ဓာတ်ပုံဖြင့်သာ မဲဆွယ်စည်းရုံးခဲ့ကြောင်း၊ လာမည့် ရွေးကောက်ပွဲတွင်လည်း ဗိုလ်ချုပ် အောင်ဆန်း ပုံနှင့် ဒေါ်အောင်ဆန်း စုကြည်ပုံသာ ဖော်ပြပြီး မိမိပုံမဖော်ဘဲ ရွေးကောက်ပွဲ ၀င်ပြိုင်မည်ဆိုပါက သတ္တိမရှိလို့ဘဲ”” ဟူ၍ Hot News ဂျာနယ်ပါ တွေ့ဆုံမေးမြန်းခန်း၌ ဦးလှဆွေက ပြောကြားထားသည်။ …

ထို့ပြင် လွှတ်တော်အတွင်း၌လည်း NLD မှ ရွေးကောက်ခံရသည့် ကိုယ်စားလှယ်များမှာ ဘာမှ ပြောရဲသူများ မဟုတ်ကြောင်း၊ လွှတ်တော်အတွင်း နင်လား၊ ငါလား အစိုးရကို အတိုက်အခံ လုပ်သူများမှာ ကြံ့ခိုင်ရေး အမတ်များသာ ဖြစ်ကြောင်း၊ ဒေါ်အောင်ဆန်းစုကြည် အနေဖြင့်လည်း ချင်းတောင်သို့ မသွားရန်နှင့် ကျန်းမာရေး ထိခိုက်မည်စိုး၍ ပြောဆိုခြင်းဖြစ်ကြောင်း၊ ထို့ပြင် NLD အနေဖြင့်လည်း တိုင်းရင်းသား ဒေသများတွင် ၀င်ရောက် ယှဉ်ပြိုင်ခြင်း မလုပ်ဘဲ တိုင်းရင်းသားများကိုသာ  ပေးသင့်ကြောင်းလည်း အဆိုပါ အင်တာဗျူး၌ ပါရှိသည်။

ယခုကဲ့သို့ ကြံ့ခိုင်ရေး ကိုယ်စားလှယ် ဦးလှဆွေက NLD ပါတီအား စာမျက်နှာပေါ်မှ မတိုက်ခိုက်ခင် ကြံ့ခိုင်ရေးပါတီ ဗဟိုအတိုင်ပင်ခံ ဦးအောင်သောင်းကလည်း NLD တွင် ဒေါ်စုကြည်ပဲ ရှိကြောင်း၊ နောက်လိုက် သိပ်မရှိကြောင်း မြန်မာသံတော်ဆင့် ဂျာနယ်အတွဲ(၂)၊ အမှတ်(၄၃)ပါ တွေ့ဆုံမေးမြန်းခန်း၌ ပြောကြား ခဲ့ဖူးသည်။

““ဟိုတုန်းက ကြံ့ခိုင်ရေးရဲ့ အတိုင်ပင်ခံဆိုတဲ့ ပုဂ္ဂိုလ်ကြီးကလည်း ဒီစကားကို ပြောခဲ့ပြီးပြီ။ ဒီချုပ်အမတ်တွေ လွှတ်တော်ထဲမှာ မေးခွန်းမမေးဘူးဆိုတာ ဘာမေးစရာလိုမလဲ။ အကုန်လုံး စည်းဝါးရိုက်ပြီးတော့ လွှတ်တော် ထဲမှာ ဘာမှ ဟုတ်တိပတ်တိ ပြောတာမှ မဟုတ်ဘဲ။ ပြောလို့လည်း မထူးတဲ့ဟာတွေ ရှိနေတယ်။ အဲဒါကြောင့် မေးသင့်မှပဲ မေးတယ်။ ဒီချုပ် လွှတ်တော်အမတ်တွေက မတန်ဘဲနဲ့ မပြောဘူး။ တန်မှပြောတယ်လို့ ယူဆတယ်”” ဟု NLD သဘာပတိ ဦးဝင်းတင်က မြန်မာသံတော်ဆင့်သို့ ပြောသည်။

မြန်မာသံတော်ဆင့်၌ ဖော်ပြခဲ့သည့် အဆိုပါ တွေ့ဆုံမေးမြန်းခန်း၌ပင် ဦးအောင်သောင်းက ““အာဃာတတွေနဲ့ လက်စားချေလိုတဲ့ နိုင်ငံရေးသမား၊ အာဃာတကို ဖော်ဆောင်နေတဲ့ နိုင်ငံရေးသမား၊ မကျေနပ်ချက်ကို အခြေခံပြီး ဖြစ်လာတဲ့ နိုင်ငံရေးသမား၊ အခွင့်အရေးရမလား ဆိုပြီးတော့ ၀င်လာတဲ့ နိုင်ငံရေးသမား ဖြစ်နေတယ်”” ဟူ၍လည်း NLD နှင့် ပတ်သက်၍ ဖြေကြားခဲ့သည်။

Hot News ဂျာနယ်ပါ ဦးလှဆွေ၏ ပြောကြားချက်နှင့် ပတ်သက်၍““မနာလိုဝန်တိုဖြစ်ပြီး အင်တာဗျူးမှာ ဒီလိုဝေဖန် တာကတော့ ပြည်သူတွေကပဲ ဆုံးဖြတ်ကြမှာပါ။ သူက မနာလိုဝန်တို ဖြစ်ပြီး လျှောက်ပြောနေတော့ ဘယ်ဖြစ်မလဲဗျာ။ မြတ်စွာဘုရားတောင် ဒေ၀ဒတ်ရှိသေးတာပဲ။ ကျွန်တော်တို့က သည်းခံရမှာပေါ့။ ဒေါ်အောင် ဆန်းစုကြည်ကို ဖော်ပြချင်ရင် သူ့ရဲ့အဖေ ဗိုလ်ချုပ်အောင်ဆန်းလည်း ပါမှာပေါ့ဗျာ။ အဖေ မပါဘဲနဲ့ ဘယ်ဖြစ် မလဲ။ ဘယ်မျိုးရိုးစဉ်ဆက်ကနေ နိုင်ငံတော်အတွက် ဦးဆောင်လာကြတာကို အစဉ်အလာလေးတွေနဲ့ ဖော်ထုတ်ရမှာပေါ့””ဟု NLD နာယက ဦးတင်ဦးက မြန်မာသံတော်ဆင့်သို့ ပြောသည်။

၂၀၁၅ ရွေးကောက်ပွဲမတိုင်ခင် ပြည်သူအများစု လက်မခံသည့် အခြေခံဥပဒေအား ပြင်ဆင်၍ ရွေးကောက်ပွဲ အား သန့်ရှင်းလွတ်လပ်စွာ ကျင်းပမည် ဆိုပါက လက်ရှိ ကြံ့ခိုင်ရေးပါတီ အမတ်များအနေဖြင့် နေရာရမှာ မဟုတ်ကြောင်း၊ ရွေးကောက်ပွဲကသာလျှင် အဆုံးအဖြတ် ပေးသွားမည် ဖြစ်ကြောင်း NLD သဘာပတိ ဖြစ်သူ ဦးဝင်းတင်က ပြောသည်။

““ဒေါ်အောင်ဆန်းစုကြည်မှ တစ်ပါး ကျန်တဲ့သူတွေ အသုံးမကျဘူးဆိုရင် ဒေါ်အောင်ဆန်စုကြည်ကို ကြံ့ခိုင်ရေးက ဘာလို့ ကန့်ကွက်သေးလဲ။ ဒီချုပ်မှာ ဒေါ်အောင်ဆန်းစုကြည်လို ပုဂ္ဂိုလ်တစ်ယောက် ရှိသေးတယ်။ ကြံ့ခိုင်ရေးမှာ ဘယ်သူရှိသေးလဲ။ ဒေါ်အောင်ဆန်းစုကြည်လို အရည်အချင်းရှိတဲ့ သူတစ်ယောက်နားမှာ ၀န်းရံ နေတဲ့ ဒီချုပ်က လူတွေဟာ ဒေါ်အောင်ဆန်းစုကြည်ရဲ့ ထက်မြက်တဲ့ အရည်အချင်းတွေ ရောင်ပြန်ဟပ်လာပြီး ခေါင်းဆောင် အရည်အချင်းရှိတဲ့သူ၊ တန်ဖိုးရှိတဲ့သူတွေ ဖြစ်တယ်လို့ ပြောလို့ရပါတယ်။ ကြံ့ခိုင်ရေးမှာတော့ အဲဒီလိုလူမျိုး တစ်ယောက်တောင် မရှိတဲ့အတွက် ကြံ့ခိုင်ရေး အသုံးမကျဘူးလို့ ပြောမယ်ဆိုရင်တောင် ဦးလှဆွေအပါအ၀င် အကုန်လုံး ဘယ်သူမှ အသုံးမကျဘူးလို့ ပြောရမှာပဲ”” ဟု ဦးဝင်းတင်က ပြောသည်။

MH-0025

Myanmartandawsint Newspaper

အပြည့်အစုံသို့ »

ပြည်ခိုင်ဖြိုးရုံးချုပ် အရောင်းအ၀ယ်ဖြစ်ပြီးဟု သတင်းထွက်


 ရန်ကုန်၊ ဖေဖော်ဝါရီ ၁၂
ရန်ကုန်တိုင်းဒေသကြီး တက္ကသိုလ်ရိပ်သာ လမ်းသစ်ရှိ အမှတ် ၁၅၅/၁၅၇ (ယခင်) ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ဌာနချုပ်ရုံး ကို ပြည်တွင်း ကျောက်မျက် ရတနာ သူဌေးတစ်ဦးက အခြားမြေကွက် အပါအ၀င် တန်ဖိုးငွေကျပ် သိန်းပေါင်း ၈သိန်းဖြင့် လေလံ အောင်မြင်ခဲ့ကြောင်း၊ ယင်းဌာနချုပ်ဟောင်း ရောင်းချရငွေကို ပြည်ခိုင်ဖြိုးပါတီ မဲဆွယ် စည်းရုံးရေးတွင် ထည့်သွင်း အသုံးပြုသွားမည် ဖြစ်သည်ဟု ပြည်ခိုင်ဖြိုး ပါတီတွင်း သတင်းများ ထွက်ပေါ်လျက် ရှိသည်။

အမျိုးသား စီမံကိန်းနှင့် ဖွံ့ဖြိုး တိုးတက်ရေး ၀န်ကြီးဌာန လက်အောက်ရှိ နိုင်ငံပိုင် ထုခွဲရောင်းချရေး အဖွဲ့မှ ယင်းပြည်ခိုင်ဖြိုးပါတီ ဌာနချုပ် ရုံးဟောင်း အပါအ၀င် အခြားမြေကွက် တချို့ကို လေလံတင် ရောင်းချ ခဲ့ရာ ပြည်တွင်း ကျောက်မျက် ရတနာ သူဌေးတစ်ဦးက တန်ဖိုးငွေကျပ် သိန်းပေါင်း ၈ သိန်းဖြင့် အပြတ်အသတ် လေလံ အောင်မြင်ခဲ့ သည်ဟု ပြည်ခိုင်ဖြိုး ဗဟိုကော်မတီဝင်များနှင့် နီးစပ်သူတချို့က ပြောသည်။ အဆိုပါ ပါတီဌာနချုပ် ရောင်းချရခြင်းနှင့် စပ်လျဉ်း၍ ရန်ကုန်တိုင်း ပါတီဌာနချုပ် ရုံးဟောင်းသို့ မြန်မာသံတော်ဆင့်မှ သွားရောက် မေးမြန်းခဲ့ရာ ““ကျွန်တော် ဒီကိစ္စကို မသိဘူးခင်ဗျ။ မရောင်းပါဘူး။ အခုဒီရုံးက လူတွေကို နေပြည်တော် ဌာနချုပ်ကို ခေတ္တပြောင်းထားတယ်။ နောက်မှ ရန်ကုန်ကို ပြောင်းဖို့ စီစဉ်မှာပေါ့။ ဒါလည်း မသေချာပါဘူး””ဟု ပါတီဌာနချုပ် ဟောင်းရှိ အဆောင်မှူး ဦးအောင်ဆွေက ပြန်လည် ဖြေကြားခဲ့သည်။
ပါတီ ဌာနချုပ်ဟောင်းကို ရောင်းချပြီးနောက် ပါတီရုံးဝန်ထမ်းများမှ အချို့ကို နေပြည်တော် ဌာနချုပ်သို့ ပို့ခဲ့ပြီး အချို့ကို သံလွင်လမ်းရှိ အမျိုးသမီးရေးရာ အဖွဲ့ချုပ်ရုံးတွင် ယာယီ ပြောင်းရွှေ့ထားသည်ဟု သတင်းထွက်ပေါ် လျက်ရှိသော်လည်း ပါတီမှတာဝန်ရှိသူ အကြီးအကဲများက နေပြည်တော် ဌာနချုပ်သို့သာ ခေတ္တပြောင်းရွှေ့ ထားသည်ဟု ပြောသည်။
ယင်းကဲ့သို့ ရုံးချုပ်ဟောင်း ရောင်းချမှုကို နေပြည်တော်ရှိ ဗဟို ကော်မတီဝင် အချို့ကို မေးမြန်းခဲ့ရာ ၎င်းတို့ အနေဖြင့် မသိရှိသည့်အတွက် မေးမြန်းရန် ဖုန်းအဆင့်ဆင့်သာ လွှဲခဲ့ရာ တိကျသည့် အဖြေမရရှိခဲ့ပေ။ ယခင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဌာနချုပ် ရုံးဟောင်း၏ ကာလပေါက်ဈေး တန်ဖိုးကို အိမ်တော်ရာ အိမ်ခြံမြေ အကျိုးဆောင် ကိုယ်စားလှယ်ကို မြန်မာသံတော်ဆင့်မှ ဆက်သွယ် မေးမြန်းခဲ့ရာ ““အဲဒီရုံးကလေလံ အောင်လို့ ပြီးခဲ့တဲ့ ရက်ပိုင်းအတွင်းကပဲ ငွေတောင် အပြီးချေပြီး သွားပြီ။ နိုင်ငံပိုင် ထုခွဲရောင်းချရေးက လေလံဆွဲတော့ ကျွန်တော့် သူငယ်ချင်းလိုခင်တဲ့ အကျိုးတူ လုပ်နေတဲ့ ကျောက်မျက်ရတနာ သူဌေးက ရသွားတာ။ အဲဒီရုံးအပါအ၀င် အခြားမြေတွေပါအပါ ၅ ဧက ကျော်လောက် ရှိမယ်။ ပါတီဌာနချုပ် ရုံးဟောင်း တစ်ခုပဲဆိုရင် ကာလပေါက်ဈေး ကျပ်သိန်းပေါင်း ၂ သိန်းနဲ့ ၂ သိန်းခွဲကြား ရှိတယ်။ အခြားမြေပါ ပါတယ် ဆိုပေမယ့် ကျပ်သိန်းပေါင်း ၈သိန်း ဆိုတာ များတာပေါ့။ ကျောက်မျက်သူဌေး နာမည်တော့ မပြောပါ ရစေနဲ့။ ကျွန်တော်ကသူနဲ့ပဲ အကျိုးဆောင် လုပ်နေတာလေ””ဟု ဖြေကြားခဲ့သည်။
အမျိုးသား စီမံကိန်းနှင့် ဖွံ့ဖြိုးတိုးတက်ရေး ၀န်ကြီးဌာန ပြည်ထောင်စု ရုံးမှ ညွှန်ကြားရေးမှူးချုပ် ဦးမောင်မောင်တင့်သို့ ထိုသို့ လေလံတင် ရောင်းချခြင်းနှင့် စပ်လျဉ်း၍ ဆက်သွယ် မေးမြန်းခဲ့ရာ ““ကျွန်တော်တို့ ၀န်ကြီးဌာန လက်အောက်မှာ မရှိတော့ဘူးဗျ။ စာရင်းတွေ အပ်ပြီးသွားပြီ။ ဒါကတော့ ပုဂ္ဂလိကပိုင် ထုခွဲ ရောင်းချရေး ကော်မရှင် ထဲကို နိုင်ငံပိုင် ထုခွဲရောင်းချရေး ပေါင်းလိုက်တာ ထင်တယ်။ အခု ပုဂ္ဂလိကပိုင် ဥက္ကဋ္ဌက ဒုတိယသမ္မတ(၁)လေ။ အဲဒီကိုစာရင်းတွေ လွှဲထားတယ်””ဟုပြောသည်။
ပြည်ခိုင်ဖြိုး ပါတီဌာနချုပ်ရုံးဟောင်း ရောင်းချခြင်း အပေါ်““ကျွန်တော်တို့၂၀၁၁ မတ်လ မတိုင်ခင် ပုဂ္ဂလိကပိုင် တစ်ခါ၊ နိုင်ငံပိုင်တစ်ခါ လေလံဆွဲတယ်။ အဲဒါ နောက်ဆုံးပဲ။ သတင်းစာထဲထည့် ကြေညာခဲ့ပါတယ်။ နောက်ပိုင်း ကျွန်တော်တို့ မလုပ်ခဲ့ဘူး””ဟုဦး မောင်မောင်တင့်က ထပ်မံပြောသည်။
အမျိုးသားစီမံကိန်းနှင့် ဖွံ့ဖြိုး တိုးတက်ရေး ၀န်ကြီးဌာန လက်အောက်ရှိ နိုင်ငံပိုင် ထုခွဲရောင်းချရေး ကော်မရှင်ကို သမ္မတရုံး၏ ညွှန်ကြားချက်အရ အဖွဲ့ကို ၂၀၁၃ ခုနှစ် နှစ်ကုန်ပိုင်းတွင် ဖျက်သိမ်းပြီး ဖြစ်သည်။
ကြံ့ခိုင်ရေး ရုံးချုပ်ဟောင်းသည် ယခင် တပ်မတော် အစိုးရလက်ထက်က နိုင်ငံတော် အကြီးအကဲ တစ်ဦး ဖြစ်သည့် ဒုတိယဗိုလ်ချုပ်မှူးကြီး မောင်အေးနှင့် အစိုးရအဖွဲ့ဝင်များ လာရောက် ဖွင့်လှစ်ခဲ့ပြီး ယခုအခါ သိန်းပေါင်း ၃ သောင်းဖြင့် အရောင်းအ၀ယ် ဖြစ်သွားကြောင်းလည်း ကြံ့ခိုင်ရေး ဌာနချုပ်မှ ၀န်ထမ်းများအတွင်း သတင်း ဖြစ်ပေါ်လျက် ရှိသည်။
ကြံ့ခိုင်ရေး ရုံးချုပ်ရောင်းချမည် ဆိုသည့်သတင်းနှင့် ပတ်သက်၍ ပါတီ ဗဟိုအတိုင်ပင်ခံ ဦးအောင်သောင်းက““ ဘယ်သူလုပ်သလဲဆို တာတော့ကျွန်တော် မသိဘူးဗျ အဲဒီ ကိစ္စကို။ ဒီနေ့အထိတော့ အစည်း အဝေးကို တင်တာပြုတာလည်း မကြားသေးဘူးဗျ။ အခြားသဘောတူ ဆုံးဖြတ်ချက်လည်း ကျွန်တော်တော့ မတွေ့ဖူး သေးဘူးလေ။ ဒီဟာနဲ့ ပတ်သက်လို့တော့ ကျွန်တော့် သဘောထားက သိပ်ပြီးတော့တော့ ပြောစရာမရှိဘူး။ ခုနပြောသလို ဘီလီယံ၃၀/၄၀ ဆိုရင်တော့ အလွန် နည်းပါတယ်။ အဆောက်အအုံရဲ့ တန်ဖိုးရယ်၊ မြေတန်ဖိုးက အဲဒီ နားက ရန်ကုန် မြို့ရဲ့ အချက်အချာ နေရာပဲလေ။ အဲဒါဆိုရင်တော့ အလွန်နည်းတယ်လို့ ပြောနိုင်ပါတယ်။ ဘယ်လောက်နဲ့ရောင်းလဲ ဆိုတာတော့ ကျွန်တော် အတိအကျ မသိဘူးလေ။ ဆုံးဖြတ်တာလည်း မသိဘူး။ မဆုံးဖြတ် သေးတာလည်း မသိဘူး။ ဘယ်သူက ၀ယ်မှာလဲ ဆိုတာလည်း မသိဘူး။ကျွန်တော့် စိတ်ထဲ ထင်တာကတော့ ဟိုတုန်းက နည်းနည်းပါးပါး ကြားဖူးတာကတော့ ဘီလီယံ ၅၀ကျော် လောက် ရရင် ရောင်းမယ် လို့တော့ ကြားတယ်။ ရောင်းမယ်ဆိုရင်တော့ မဆိုးဘူးလို့တော့ ပြောတာကြားတာပဲ။ အဲဒါမှလည်း ပါတီရန်ပုံငွေလေး ဘာလေး တောင့်တောင့် တင်းတင်းရမှာပေါ့ဗျ။ ပါတီရန်ပုံငွေက လိုသေးတာ ကိုး”” ဟု၂၀၁၃ ဒီဇင်ဘာလအတွင်း မြန်မာသံတော်ဆင့်သို့ ပြောခဲ့သည်။
အဆိုပါ ရုံးချုပ်ရောင်းခဲ့ရလျှင် ပါတီ ၂၀၁၅ ရွေးကောက်ပွဲအောင် နိုင်ရေး အတွက် အသုံးပြုရန် အစီအစဉ် များကိုလည်း““ရွေးကောက်ပွဲ စရိတ်တွေ၊ ဘာစရိတ်တွေ၊ ညာစရိတ်တွေ၊ စည်းရုံးရေး စရိတ်တွေ၊ ထုတ်ပြန်ရမယ့် စရိတ်တွေ၊ သွားရေးလာရေးတွေ စသည်ဖြင့် အများကြီးပါပဲ။ ရွေးကောက်ပွဲ တစ်ခုဝင်ဖို့ ဆိုတာ အများကြီးပါပဲ””ဟု ဦးအောင်သောင်းက ပြောသည်။
မီဒီယာ လွတ်လပ်ခွင့် ရရှိနေသော အာဏာရ ကြံ့ခိုင်ရေးပါတီ၏ သမ္မတ ဦးသိန်းစိန်အစိုးရ လက်ထက်တွင် နေ့စဉ်ထုတ် သတင်းစာကို ငွေကြေး အကုန်အကျများစွာခံ၍ ထုတ်ဝေနိုင်သည်မှာ နိုင်ငံရေးပါတီများအတွင်း ကြံ့ခိုင်ရေးပါတီ တစ်ခုသာ ပြည်ထောင်စု နေ့စဉ် သတင်းစာ ထုတ်ဝေလျက်ရှိပြီး NLD ပါတီဥက္ကဋ္ဌ ဒေါ်အောင်ဆန်းစုကြည် ကိုယ်တိုင် ထုတ်ဝေခွင့် ရရှိထားသည့် ဒီလှိုင်း သတင်းစာမှာ ယနေ့ထိ ထုတ်ဝေနိုင်ခြင်း မရှိသေးပေ။ ၂၀၁၅ ရွေးကောက်ပွဲ အတွက် လတ်တလော ငွေကုန်ကြေးကျ ခံ၍ ခန့်ခန့်ညားညား မဲဆွယ် နိုင်မည်မှာ အာဏာရကြံ့ခိုင်ရေးပါတီ တစ်ခုပင် ရှိနေပြီး ပါတီ၏ ရန်ပုံငွေ အခြေအနေကိုလည်း ပါတီ ၀င်များ သိလိုနေကြောင်း အများပြည်သူ ပါတီဝင်အချို့ကြား ဝေဖန် ပြောဆို လျက်ရှိသည်။
နွေးနွေး
Myanmartandawsint Newspaper

အပြည့်အစုံသို့ »

ဆုကြေးသုံးသိန်း ကြေညာသော်လည်း တစ်သိန်းသာရရှိသည့် မသန်စွမ်းအားကစားမယ်


မြန်မာနိုင်ငံက ပထမအကြိမ် အိမ်ရှင်နိုင်ငံအဖြစ် လက်ခံကျင်းပခဲ့သည့်(၇)ကြိမ်မြောက် ပါရာဂိမ်း ပြိုင်ပွဲမှာ အမျိုးသမီး ထိုင်လျက် ဘောလီဘောပြိုင်ပွဲတွင် မြန်မာ အမျိုးသမီးအသင်းက ဒုတိယ ငွေတံဆိပ် ရရှိသည်ဟု ပြောသော်လည်း ဆုကြေးငွေမှာ သုံးသိန်း မဟုတ်ဘဲ တစ်သိန်းသာ ရရှိခဲ့သည့်အတွက် အားကစား ပြိုင်ပွဲဝင် အနေဖြင့် ဂုဏ်ပြုရမည်လား ဒုတိယဆုရသူအဖြစ် ဂုဏ်ပြုရမည်လားဟု ဂုဏ်ပြုမည့် သူများက မေးမြန်း နေသဖြင့် မည်သို့ ပြောရမည်မှန်းမသိ ဖြစ်နေကြောင်း ပြိုင်ပွဲဝင် အမျိုးသမီး မချမ်းမြေ့သူက မြန်မာသံတော်ဆင့် သို့ ပြောသည်။

၎င်းက ““သမီးနာမည်က မချမ်းမြေ့သူပါ။ ဒီကစားနည်းကို ခုမှပဲ ကစားဖူးတာ။ ၂၀၁၃ (၆)လ ပိုင်း လောက်ကတည်းက လေ့ကျင့်ခဲ့ရတာပါ။ အင်ဒိုနီးရှားအသင်းနဲ့ သမီးတို့အသင်း သုံးရက်ဆက် ကစားရတယ်။ သုံးရက်လုံး သမီးတို့ မြန်မာအသင်းက အင်ဒိုကို ရှုံးတယ်။ ၂၀-၁-၁၄ ရက်နေ့ သုဝဏ္ဏကွင်းမှာ ဆုချီးမြှင့်တော့ ပထမ ငါးသောင်းပဲပေးတယ်။ ပြိုင်ပွဲဝင် အားလုံးက မကျေနပ်ဘူး၊ အားကစားဆိုရင် နောက်စိတ်မ၀င်စား တော့ဘူးလို့ အားလုံးက ပြောမှပဲ နောက်ထပ် ငါးသောင်းထပ်ပြီး၊ တစ်သိန်းဖြစ်သွားတယ်။ ဘာဖြစ်လို့ ၃ သိန်းမရတာလဲလို့ အားလုံးက ၀ိုင်းမေးတော့ ဒုတိယဆုက အစစ်မဟုတ်ဘူးတဲ့ … ဒါကြောင့် တစ်သိန်း ရတာလို့ ပြောတယ်။ အဲဒီတော့ သမီးတို့က ရတဲ့ငွေတံဆိပ်ဆုကို ပြန်အပ်ရမလား မသိဘူး။ ဂုဏ်ပြုမယ့် သူတွေကလည်း ဒုတိယဆုကို ဂုဏ်ပြုရမှာလား။ ဒါမှမဟုတ် ပြိုင်ပွဲဝင် အားကစားသမားအနေနဲ့ ဂုဏ်ပြုရမှာလားလို့ မေးနေတယ်။ သမီးလည်း ဘာပြောရမှန်း မသိဘူး။ သြော် ဆုကြေးငွေ စုစုပေါင်း သုံးသိန်းနီးပါး ရပါတယ်”” ဟုပြောသည်။

အဆိုပါ ကိစ္စနှင့် ပတ်သက်၍ မသန်စွမ်း အားကစားအဖွဲ့ချုပ် အထွေထွေ အတွင်းရေးမှူး ဦးပီတာက ““အားကစား ပြိုင်ပွဲတစ်ခုမှာ အနည်းဆုံး သုံးသင်းရှိရပါတယ်။ ဒါပေမဲ့ အင်ဒိုနဲ့မြန်မာ နှစ်သင်းသာ ရှိတဲ့အတွက် တကယ် ဒုတိယရတာ မဟုတ်ပါဘူး။ ဒါကြောင့် သုံးသိန်း မချီးမြှင့်ဘဲ တစ်သိန်းသာ ချီးမြှင့်တာပါ။ ဒါကလည်း အဖွဲ့ချုပ်က ထုတ်ပြန်ထားတဲ့ ဥပဒေနဲ့အညီ ဆုချီးမြှင့်တာပါ။ သတင်းစာမှာ တရားဝင် ရေးသားထားတယ်ဆို တာကတော့ ကျွန်တော်တို့ကို ဘာမှ မမေးဘဲ ရေးလိုက်တာပါ””ဟုပြောသည်။

အာဆီယံ မသန်စွမ်း အားကစားပြိုင်ပွဲကို ၂၀၀၁ ခုနှစ်တွင်  မလေးရှားနိုင်ငံ၌ ပထမဆုံးအကြိမ် ကျင်းပခဲ့ပြီး (၇)ကြိမ်မြောက် အာဆီယံ မသန်စွမ်း အားကစားပြိုင်ပွဲ မြန်မာနိုင်ငံက အိမ်ရှင်အဖြစ် လက်ခံကျင်းပရာ အင်ဒိုနီးရှားနိုင်ငံက ရွှေတံဆိပ်(၉၉)ခုဖြင့် ပထမ၊ ထိုင်းနိုင်ငံ ရွှေတံဆိပ် ၉၆ ခုဖြင့် ဒုတိယ၊ မလေးရှားနိုင်ငံက ရွှေတံဆိပ် ၅၀ဖြင့် တတိယ၊ ဗီယက်နမ်နိုင်ငံက ရွှေတံဆိပ် ၄၈ ခုဖြင့် စတုတ္ထ၊ မြန်မာနိုင်ငံက ရွှေတံဆိပ် ၃၄ ခုဖြင့် ပဉ္စမရရှိခဲ့သည်။

အောင်မင်း(ဒလ)

Myanmartandawsint Newspaper

အပြည့်အစုံသို့ »

နာရေး ကူညီမှုအသင်း (ရန်ကုန်)သို့ ဆေးလှူဒါန်းသော အမေရိကန် ဆရာဝန်များကို ရန်ကုန်လေဆိပ် တာဝန်ရှိသူများက ခေါ်ယူသတိပေး




ရန်ကုန်၊ ဇန်န၀ါရီ ၂၉

နာရေးကူညီမှု အသင်း(ရန်ကုန်)သို့ ဆေးသေတ္တာ လှူဒါန်းခဲ့သော အမေရိကန် ဆရာဝန်များကို ရန်ကုန်လေဆိပ် တာဝန်ရှိသူများက ခေါ်ယူ သတိပေးခဲ့ဟု နာရေးကူညီမှုအသင်း ဥက္ကဋ္ဌ ဦးကျော်သူက ဇန်န၀ါရီ ၂၈ ရက်နေ့တွင် မြန်မာသံတော်ဆင့်သို့ ပြောသည်။

အမေရိကန် ဆရာဝန်များ အဖွဲ့သည် ဇန်န၀ါရီ ၁၆ ရက်နေ့မှ ၂၀ ရက်နေ့ထိ ဧရာဝတီတိုင်း ဒေသကြီး၊ ပုသိမ်မြို့နယ်ရှိ ပြည်သူများ၏ ကျန်းမာရေး လိုအပ်ချက်များကို စစ်ဆေး ကုသပေးပြီး ပို လျှံသော ဆေးသေတ္တာ ၃ လုံးကို ဇန်န၀ါရီ ၂၀ ရက်နေ့တွင် နာရေး ကူညီမှုအသင်း(ရန်ကုန်)ထံ လှူ ဒါန်းခဲ့ကာ အဆိုပါညတွင် ၎င်းတို့ ၏ နေရပ် နိုင်ငံများသို့ ပြန်လည် ထွက်ခွာစဉ် ယင်းကဲ့သို့ ခေါ်ယူ သတိပေးခဲ့ခြင်း ဖြစ်သည်။

နာရေးကူညီမှုအသင်း (ရန်ကုန်)သို့ ဆေးများ လှူဒါန်းခဲ့သော အမေရိကန် ဆရာဝန်များအဖွဲ့ကို လေဆိပ် တာဝန်ရှိသူများ ဖိအားပေး ပြောကြားခဲ့ပုံကို ဦးကျော်သူက ““ကျွန်တော်တို့ထံ ဆေးလှူသွားတဲ့ သူတွေကို နောက်တစ်ခါ လှူရင် မြန်မာပြည်ဝင်ခွင့် ခက်ခဲသွားမယ်လို့ အဲဒီက တာဝန်ရှိသူတွေက ဖိအားပေးတယ်လို့ ကျွန်တော့်ထံကို ဖုန်းဆက်ပြီး အကြောင်းကြားတော့ စိတ်မကောင်းဘူး။ အစိုးရ အနေနဲ့ကတော့ နိုင်ငံတကာ အလှူရှင်တွေကို ဖိအား မပေးသင့်ဘူး။ ကိုယ်ချင်းစာစိတ် မကင်းမဲ့သင့်ဘူးလေ။ လိုအပ်တဲ့ ဆေးမရှိလို့ ရောဂါ ဖြစ်လာခဲ့ရင် အဲဒီထဲမှာ သူတို့ရဲ့ အမျိုးတွေ ပါလာခဲ့ရင်ကော ဘယ်လို ခံစားရမလဲ။ ကိုယ်ချင်းစာတရား ထားသင့်တယ်””ဟု ပြောသည်။

နာရေးကူညီမှုအသင်း (ရန်ကုန်)ကို ယခင် စစ်အစိုးရ လက်ထက်တွင် ယခုကဲ့သို့ ပြည်တွင်း၊ ပြည်ပ အလှူရှင်များက လာရောက် လှူဒါန်းရာတွင် ကန့်သတ် ပိတ်ပင်မှုများ ရှိခဲ့သည်။ သို့သော် ဦးသိန်းစိန် အစိုးရ လက်ထက်တွင်မူ နာရေး ကူညီမှု အသင်းထံ ဆေးလှူဒါန်းမှုများ ကန့်သတ် ပိတ်ပင်မှုများ မရှိခဲ့သော်လည်း ယခုအချိန် ပထမဆုံး အကြိမ်အဖြစ် ပြန်လည် တားဆီး ခံရခြင်း ဖြစ်သည်။

အမေရိကန် ဆရာဝန်များ အဖွဲ့ကို ရန်ကုန် အပြည်ပြည်ဆိုင်ရာ လေဆိပ် တာဝန်ရှိသူများက ခေါ်ယူ သတိပေးခဲ့မှုကို မြန်မာသံတော်ဆင့်မှ လေဆိပ်(လ၀က) ဦးစီးမှူး ဦးကျော်ကျော်သန်းထံ ဆက်သွယ် မေးမြန်းရာတွင်““ကျွန်တော်တို့ထံမှာက ၀န်ထမ်း ၁၀၀ ကျော်ခန့် ရှိတယ်။ ပြောတယ်၊ မပြောဘူးတော့ သေချာမသိဘူး။ အဓိကတော့ ကျွန်တော်တို့ထံ လာမယ့်သူတွေက နိုင်ငံကူးလက်မှတ်၊ ဗီဇာ၊ အမည်ပျက် စာရင်းထဲမှာ မပါဝင်ဘူးဆိုရင် ဘာမှပြောစရာ မရှိဘူး””ဟု ပြောသည်။

နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူနှင့် ၎င်း၏ အသင်းသူ၊ အသင်းသားများသည် အိုဇုန်းလွှာ ပျက်စီးမှု ကာကွယ်ရန်နှင့် သဘာဝ ပတ်ဝန်းကျင် စိမ်းလမ်း စိုပြည်စေရန် သစ်ပင်များ ရေလောင်းပေးခြင်းအား အစိမ်းရောင် စစ်ဆင်ရေးအဖြစ် မြောက်ဒဂုံတွင် ပြုလုပ်ခဲ့ပြီး မေလ ၁၈ ရက်နေ့ ၂၀၁၃ ခုနှစ်၊ ကျောက်တံတား မြို့နယ်တွင် အလားတူအတိုင်း လုပ်ဆောင်ရာတွင် ရန်ကုန်မြို့တော် စည်ပင်မှ ၎င်းတို့ကို သတိပေးမှုများ ပြုလုပ်ခဲ့ဖူးသည်။

နာရေးကူညီမှုအသင်းမှာ နာရေးကိစ္စရပ်များအပြင် အများပြည်သူ ကျန်းမာရေးအတွက် ၂၀၀၆ ခုနှစ်၊ ဇူလိုင်လမှ စတင်ကာ ““သုခ””ဆေးခန်း တည်ထောင်ပြီး အခမဲ့ ဆေးကုသမှုများ ပြုလုပ် ပေးခဲ့သည်။ ထို့ပြင် သုခ ဆေးခန်းသို့ မလာရောက်နိုင်သည့် ဒေသများမှ လူနာရှင်များ အတွက်လည်း နယ်လှည့် ဆေးဝါးကုသမှုများ ပြုလုပ်ပေးလျက် ရှိသည်။

ကျော်စိုးဦး

Myanmartandawsint Newspaper

အပြည့်အစုံသို့ »

နာမည်ကြီး အဆိုတော် တစ်ဦး၏ မိခင် ကျပ်သိန်းပေါင်း ငါးသောင်းကျော် အလွဲသုံးစားမှုဖြင့် တရားစွဲခံရ လိမ်လည်ခံရသူများတွင် နာမည်ကြီး အဆိုတော်များလည်း ပါဝင်



ရန်ကုန်၊ ဇန်န၀ါရီ ၂၂

ယုံကြည်စွာဖြင့် အကျိုးတူခံစားခွင့် ရရှိရန် အစုငွေ ထည့်ဝင်ထားသော ကျပ်သိန်းပေါင်း ငါးသောင်းကျော်အား ရှယ်ယာရှင်များကို မရှင်းပေးဘဲ တိမ်းရှောင်နေသူ ဒေါ်ဆွေဆွေအုန်းအား ပုဒ်မ ၄၀၆ ဖြင့် ၂၁-၁-၂၀၁၄ တွင် ဒဂုံ ဆိပ်ကမ်းမြို့နယ် အရေးယူထားသည်ဟု ကျပ်(၁၃၁၈)သိန်း ထည့်ဝင်သူ ကိုဖြိုးမင်းသိန်းက မြန်မာ သံတော်ဆင့်သို့ ပြောသည်။

၎င်းက ““ကျွန်တော်တို့က အမှတ်(၅) ရှင်စောပုလမ်း၊ စမ်းချောင်းမှာ နေတာပါ။ ကျွန်တော်တို့ တိုက်ခန်းကို ဒေါ်ဆွေဆွေအုန်းတို့က ငှားနေပါတယ်။ ဒီ ၂၀၁၄ မတ်လကျမှ စာချုပ် ပြည့်ပါမယ်။ တိုက်ခန်း ငှားရမ်းခက တစ်လကို လေးသိန်းပါ။ စာချုပ်မှာ တစ်နှစ်ချုပ်ပေမယ့် လစာကိုတော့ ၆လ တစ်ခါ ရှင်းပါတယ်။ သူက လုပ်ငန်း ကြီး လုပ်ကိုင်တော့ ရှယ်ယာတွေ ထည့်ဝင်ကြတာပေါ့။ Cupid ပရိဘောဂပစ္စည်း ထုတ်တာပေါ့နော်။ ဒဂုံဆိပ်ကမ်း မြို့နယ် စက်မှုဇုန်(၂)၊ ဦးဘိုးလှိုင်လမ်းမှာလည်း သူ့စက်ရုံ ရှိတယ်လို့ သိရတယ်။ ကျွန်တော် တို့နဲ့ ခင်နေတာလည်း အတော်ကြာပါပြီ။ အစုထည့်ဝင်ငွေအတွက် တစ်လကို ကျပ်(၄၄) သိန်း ကျွန်တော်တို့က ရတယ်။ ပထမတော့ အမြတ်ငွေကို မှန်မှန်ပေးတယ်။ နောက်တော့ လုပ်ငန်းရှုံးလို့ဆိုပြီး ငါးသိန်းပေးလိုက်၊ ငါးသိန်းပေးလိုက် တစ်ခါတလေ သိန်း(၅၀)ပေးနဲ့ လစဉ်ရှင်းရမယ့် ငွေကြေးက အမြဲတမ်း ကျန်တယ်။ ခုပြီးသွားတဲ့ ဒီဇင်ဘာဆိုရင် ငွေ(၇)သိန်းပဲ ရသေးတယ်””ဟု ပြောသည်။

၎င်းကဆက်၍ ““ကျွန်တော်တို့နဲ့ မျက်နှာချင်းဆိုင် တိုက်ခန်း အမှတ်(၈) ဆိုရင်လည်း တစ်ခန်း ရောင်းပြီးသားကို နောက်လူထပ်ရောင်းနဲ့ ပြဿနာတွေ ကြားနေရတယ်။ ကျွန်တော် ငှားထားတဲ့ အခန်းကိုလည်း ဘာမှ မဖြစ်ပါစေနဲ့လို့ ဆုတောင်းနေရတယ်။ ကျွန်တော့်ဦးလေးတွေ အဒေါ်တွေဆိုရင် ၀န်ထမ်းလစာ ရတဲ့ငွေကို စုဆောင်းပြီး ထည့်ထားတာ ခုတော့ သူဘယ်လို ရှင်းမလဲ။ ကျွန်တော်တို့ ရမယ့် ငွေကြေးအတွက် ရှိတာကုန် သွားမှာမို့ တရားလည်း မစွဲနိုင်တော့ပါဘူး။ တချို့ဆို လူကို ယုံကြည်မှုနဲ့ စာချုပ်တောင် မချုပ်ဘဲ အလွတ် ပေးကြတာတွေ ရှိတယ်။ ခုလိုအရေးယူ ခံရတယ် ဆိုတော့လည်း စိတ်မကောင်းပါဘူး။ သူ့ကိုတွေ့ရင် မေးချင်တာ တစ်ခုပဲ ရှိတယ်။ ဒီလောက်ငွေတွေ အများကြီး ဘာတွေ သုံးလိုက်တာလဲ ဆိုတာပါပဲ””ဟု ပြောသည်။

အဆိုပါ ဒေါ်ဆွေဆွေအုန်းထံတွင် အစုရှယ်ယာ ထည့်ဝင်ကြသည့် လူတန်းစားများမှာ တရားရုံးချုပ်(ငြိမ်း) တရားသူကြီးများ၊ နာမည်ကြီး အဆိုတော်များ၊ နိုင်ငံခြား ရောက်နေသူများ ပါဝင်ပြီး နာမည်ကြီး အဆိုတော် တစ်ဦးထံ ဖုန်းဖြင့် ဆက်သွယ် မေးမြန်းရာ အစုထည့်ဝင်ခြင်း မဟုတ်ပါဟု ငြင်းဆိုသည်။ ထိုသူမှာ ထွန်းထွန်း (Example) ဖြစ်သည်။

သိန်းပေါင်း (၆၃၀၀) အစု ထည့်ဝင်သူ (အမည်မဖော်လိုသူ) ကလည်း ““ကျွန်မ ဖခင်နဲ့မိခင်က နိုင်ငံခြားမှာ သွားအလုပ်လုပ်ပြီး ပြန်လာတာ၊ ဒေါ်ဆွေဆွေအုန်းကို ယုံကြည်ပြီး ရှယ်ယာ ထည့်ပါတယ်။ တစ်ခါတည်း ဆုံးရော။ သူနဲ့ ရန်ဖြစ်ရတာလည်း အတော်မောနေပြီ၊ အမှုလည်း ဆက်မလုပ် ချင်တော့ပါဘူး။ အရင်ဘ၀က ၀ဋ်ကြွေးလို့ပဲ သဘောထားပါတယ်။ သိပ်လည်း မရင်းနှီးဘဲ ဒီလောက် ငွေကြေးတွေ ထည့်ဝင်ဖြစ်တာ ကိုယ့်ကိုယ်ကိုယ်လည်း အံ့သြလို့ မဆုံးဘူး။ သြော် ငါးထမင်းချဉ်တော့ မကြာခဏ လာပို့တယ် ””ဟု ပြောသည်။

မှတ်ချက်။ (အဆိုပါသူအား ဂုဏ်သိက္ခာအရ အမည် မဖော်ပြသော်လည်း တယ်လီဖုန်းဖြင့် ဆက်သွယ် မေးမြန်း နိုင်သည်။)

ပတ်ဝန်းကျင်တွင် အဆိုတော် စိုင်းစိုင်းခမ်းလှိုင်လည်း သိန်း (၁၀၀၀) ပါဝင်သည်ဟု သတင်းကြားသဖြင့် ဆက်သွယ် မေးမြန်းရာ အ၀င်ဖုန်း ပိတ်ထားသည်ဟု ဖြေကြားသည်။

တရားလို (အမည်မဖော်လိုသူ) ကျွန်းပါကေးတုံးပေါင်း (၃၅၁၀၀)တန်ဖိုးငွေကျပ် သိန်း (၃၀၀) အတွက် အမှုဖွင့် ထားသူကလည်း ရှယ်ယာငွေ ကျပ်သိန်း(၂၀၀၀) ထည့်ထားသည့် အမှုအတွက် မည်သို့မျှ ဒေါ်ဆွေဆွေအုန်းနှင့် မရင်ဆိုင်ရသေးကြောင်း၊ ယင်းသိန်း ၂၀၀၀ သည် ဆွေမျိုးများ၏ ၀ိုင်းဝန်း ထည့်ဝင်ငွေများ ဖြစ်ပြီး ၄င်းက တာဝန်ခံ ထားသဖြင့် စိုက်ရှင်းရမည် ဖြစ်၍ ခေါင်းခဲလျက် ရှိကြောင်း ပြောကြားသည်။

““ပြစ်မှုဆိုင်ရာ ဥပဒေပုဒ်မ ၄၀၆ ဆိုတာက မည်သူမဆို ရာဇ၀တ် မကင်းသော ယုံကြည် အပ်နှံရေး ဖောက်ဖျက်မှုကို ကျူးလွန်ရင် အဲဒီလူကို သုံးနှစ်ထိ ထောင်ဒဏ် ဖြစ်စေ၊ တစ်မျိုးမျိုးကို ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးကို ဖြစ်စေ ချမှတ်ရမယ်တဲ့။ နောက်ပြီး အာမခံ မပေးနိုင်ဘူး။ ကျေအေးခွင့် မရှိဘူး၊ ရဲအရေးပိုင်တဲ့ အမှုဖြစ်တယ်””ဟု တရားရုံးချုပ် လ/ထ ညွှန်ကြားရေးမှူး (ငြိမ်း) တရားလွှတ်တော် ရှေ့နေ ဦးသောင်းမြင့်က ပြောသည်။

အဆိုပါ အစုရှယ်ယာရှင် အချို့ထံ ဒေါ်ဆွေဆွေအုန်းက ငါးထမင်းချဉ် ပေးပို့လေ့ ရှိသည်ဟုလည်း သိရပြီး ၂၂-၁-၂၀၁၄ တွင် အစုရှယ်ယာရှင်များကို ဒေါ်ဆွေဆွေအုန်းက တွေ့ဆုံ ညှိနှိုင်းမည်ဟု အကြောင်းကြား ထားသော် လည်း ၂၁-၁-၂၀၁၄ တွင် ဒဂုံဆိပ်ကမ်းမြို့နယ် တရားရုံး၌ ပုဒ်မ ၄၀၆ ဖြင့် အရေးယူ ခံထားရသဖြင့် မည်သို့ ဆက်လက် ဆောင်ရွက်မည် မသိကြောင်း အခုရှယ်ယာရှင် ကိုဖြိုးမင်းသိန်းက ထပ်လောင်း ပြောကြားသည်။

ဒေါ်ဆွေဆွေအုန်း၏ အကျိုးဆောင် တရားလွှတ်တော် ရှေ့နေ ဦးခင်ဇော်(မရမ်းကုန်း)ထံ ဆက်သွယ် မေးမြန်းရာ ““မိသားစု သော်လည်းကောင်း၊ ဆွေမျိုး များမှသော်လည်းကောင်း အမှုကိစ္စနှင့် ပတ်သက်၍ အမှုသည်၏ ညွှန်ကြားချက်အရ ပြောဆိုမည် ဖြစ်သော်လည်း ညွှန်ကြားချက်နှင့် သွေဖည်သော မည်သည့် လူပုဂ္ဂိုလ် အဖွဲ့အစည်းအား ပြောကြားခွင့် မရှိပါ။ အခြား လိုအပ်တာ မှန်သမျှ လုံးဝ ကူညီမည်”” ဟုပြောသည်။

စိန်မျက်ခုံး

Myanmartandawsint Newspaper

အပြည့်အစုံသို့ »

သာသနာရေးဝန်ကြီးဌာနကို စစ်ဆေးနေခြင်းအား ပြည်ထဲရေးရုံးချုပ်မှ မသိရှိ


ဒုတိယဗိုလ်ချုပ်မှူးကြီး မောင်အေး၏ဇနီး ဒေါ်မြမြစန်း၊ ဒုသမ္မတ(၁)ငြိမ်း သီဟသူရ ဦးတင်အောင်မြင့်ဦး၏ဇနီး ဒေါ်ခင်စောနှင်း၊ ဒုတိယဗိုလ်ချုပ်ကြီးများ ဖြစ်ကြသော ဦးခင်မောင်သန်း၊ ဦးအောင်ထွေး၊ ဦးရဲမြင့်တို့ကို (၂၁၊ ၁၊ ၂၀၁၄)တွင် တွေ့ရစဉ်။

သာသနာရေးဝန်ကြီးဌာနကို စစ်ဆေးနေခြင်းအား ပြည်ထဲရေးရုံးချုပ်မှ မသိရှိ အစိုးရသစ်လက်ထက် ပထမဆုံး အတိုင်ခံရသော ၀န်ကြီးကိုယ်တိုင် တောင်းဆိုမှုဖြင့် သမ္မတရုံးမှ ပြည်ထဲရေးဝန်ကြီးအား တာဝန်ပေး၍ သာသနာရေး ၀န်ကြီးဌာနကို စစ်ဆေးနေခြင်းအား ပြည်ထဲရေးရုံးချုပ်မှ မသိရှိကြောင်း ဖြေကြား

    ““လူမွှေယောက်ျား၊ မင်းစေများ၊ ပြည်သူ့မီးပွား””ဆိုတာ ရှိပါသည်ဘုရား။ ရှေးမင်းများ လက်ထက်က ထိုပြည်သူ့မီးပွားများကို ထိရောက်စွာ အရေးယူခဲ့သည့် သာဓကတွေလည်း အထင်အရှား ရှိပါသည်ဘုရား။ တပည့်တော်သည် သာသနာရေး ၀န်ကြီးဌာနရှိ ၀န်ထမ်းများကို ပြည်သူ့မီးပွားများ မဖြစ်အောင် ကြပ်မတ်၍ ဆွဲတင်ပြုပြင်သွားမည် ဖြစ်ပါသည်ဘုရား။ အမုန်းခံ၍လည်း ဆောင်ရွက် သွားမည် . . .



ရန်ကုန်၊ ဇန်န၀ါရီ ၂၂

သာသနာရေး ၀န်ကြီးဌာနကို ညွှန်မှူး ၀န်ထမ်းတစ်ဦး၏ တိုင်ကြားချက်အရ ဘတ်ဂျက်များနှင့် အခြားသော ကိစ္စများကို သမ္မတရုံး ညွှန်ကြားချက်ဖြင့် ပြည်ထဲရေးဝန်ကြီးက ဦးဆောင် စစ်ဆေးနေခြင်းနှင့် စပ်လျဉ်း၍ ပြည်ထဲရေးဌာန (နေပြည်တော်)သို့ ဆက်သွယ်ခဲ့ရာ ၄င်းတို့အနေဖြင့် မသိရှိကြောင်း၊ ရဲချုပ်ရုံးသို့ ဆက်သွယ်ရန် ဖြေကြားခဲ့သည်။

ထို့နောက် ရဲချုပ်ရုံးသို့ ဆက်သွယ်ခဲ့ရာ ၄င်းတို့အနေဖြင့် ကိုင်တွယ်ခြင်း မဟုတ်သည့်အတွက် ပြည်ထဲရေးဌာနသို့ ပြန်လည်လွှဲပြောင်း ပေးခဲ့သည်။ သို့သော် ပြည်ထဲရေးဌာနက ရဲချုပ်ရုံးသို့သာ ထပ်မံ လွှဲပြောင်း ပေးခဲ့သည်။

သို့သော်လည်း သာသနာရေး ၀န်ကြီးဌာန ပြည်ထောင်စုဝန်ကြီး ဦးဆန်းဆင့်က မိမိတို့ဌာနကို စစ်ဆေး နေခြင်းမှာ ပြည်ထောင်စုဝန်ကြီးကို ပြည်နယ်သာသနာရေး ညွှန်ကြားရေးမှူးက ပြန်လည်၍ တိုင်ကြား ခြင်းကြောင့် ၄င်းတိုင်ကြားစာကို သမ္မတ ဦးသိန်းစိန်ထံ မရောက်မီ မိမိကိုယ်တိုင်ပင် သမ္မတကိုတွေ့ဆုံ၍ ဌာနကို စစ်ဆေးပေးရန် တင်ပြတောင်းဆိုခဲ့ခြင်း ဖြစ်ကြောင်း၊ ဇန်န၀ါရီ ၂၀ ရက်က ရန်ကုန်မြို့တွင်  ကျင်းပခဲ့သည့် နိုင်ငံတော် ဗဟိုသံဃာ့ဝန်ဆောင် ဆရာတော်များ အထူးအစည်းအဝေးတွင် ဆရာတော်ကြီးများကို လျှောက်ထားချက်၌ ထည့်သွင်းတင်ပြ လျှောက်ထားခဲ့သည်။

သာသနာရေး ၀န်ကြီးဌာနကို ဦးဆန်းဆင့် ပြည်ထောင်စုဝန်ကြီးအဖြစ် စတင်တာဝန်ယူစဉ်မှစ၍ သာသနာရေး ဌာနသည် နိုင်ငံတော် သံဃမဟာနာယက (မဟန) အဖွဲ့ ဆရာတော်ကြီးများ လက်အောက်တွင်ရှိကြောင်း၊ ၀န်ကြီးဌာနအနေဖြင့် ဆရာတော်ကြီးများ၏ သြ၀ါဒကိုခံယူ၍ လုပ်ငန်းများ ဆောင်ရွက်မည်ဖြစ်ကြောင်း အတိအလင်း ထုတ်ဖော် ပြောကြားခဲ့သည်။ ယခု သာသနာရေး ၀န်ကြီးဌာနကို အစိုးရ ပြည်ထဲရေး ၀န်ကြီးဌာနမှ ၀င်ရောက် စစ်ဆေးခြင်းနှင့်စပ်လျဉ်း၍ နိုင်ငံတော် သံဃမဟာနာယက ဆရာတော်ကြီးများထံမှ မိန့်ကြားချက် တစ်စုံတစ်ရာမသိရှိရဘဲ ၀န်ကြီး၏ လျှောက်ထားချက်ကို Sky Net ရုပ်သံမှ တိုက်ရိုက် ထုတ်လွှင့် ခဲ့သည်။

သာသနာရေး ပြည်ထောင်စုဝန်ကြီး ဦးဆန်းဆင့်က နိုင်ငံတော် ဗဟိုသံဃာ့ဝန်ဆောင် ဆရာတော်ကြီးများကို လျှောက်ထားရာတွင် “ယနေ့ပြည်ထောင်စု သမ္မတ မြန်မာနိုင်ငံတော်ကြီးကို ဥပဒေပြုရေးမဏ္ဍိုင် (လွှတ်တော်)၊ အုပ်ချုပ်ရေးမဏ္ဍိုင် (အစိုးရ)၊ တရားစီရင်ရေးမဏ္ဍိုင်၊ စာနယ်ဇင်း မီဒီယာမဏ္ဍိုင်၊ ပြည်သူလူထုမဏ္ဍိုင်ဟု မဏ္ဍိုင် ကြီးငါးရပ်ဖြင့် တက်ညီလက်ညီ ချီတက်နေချိန် ဖြစ်ပါသည် ဘုရား။              

ယနေ့မျက်မှောက်ခေတ် ကာလတွင် လူမျိုးရေး၊ ဘာသာရေးကို နိုင်ငံရေးအတွက် အသုံးချမှုများ၊ လူမျိုးရေး၊ ဘာသာရေးကို စီးပွားရေးအတွက် အသုံးချမှုများတို့ကြောင့် လူမျိုးရေး၊ ဘာသာရေးကို အကြောင်းပြု၍ ပဋိပက္ခများ အနှံ့အပြား ဖြစ်ပွားလျက် ရှိပါသည်ဘုရား။ ထိုဖြစ်ပေါ်လာမှုကို အကြောင်းပြု၍ မုန်းတီးခြင်း၊ စိတ်ဝမ်း ကွဲပြားခြင်း သာမက ခိုက်ရန် ဒေါသဖြစ်ပွားကြ၍ အကြမ်းဖက်မီးရှို့၊ သတ်ဖြတ်သည်အထိ ဖြစ်ပေါ် ခဲ့ပါသည်ဘုရား။ ထိုသို့ဖြစ်ပေါ်မှုများကို သံဃာတော် အရှင်သူမြတ်တို့ ကိုယ်တိုင် အသက်နှင့် ခန္ဓာကိုပင် မငဲ့ကွက်ဘဲ ဘာသာမရွေး၊ လူမျိုးမရွေး၊ အစားအစာနှင့် နေရာထိုင်ခင်းများပေး၍ ကယ်မထိန်းသိမ်း စောင့်ရှောက် တော်မူခဲ့ကြသည် ဘုရား။

မှားယွင်းမှုတွေ၊ ချို့ယွင်းမှုတွေ များပြားလာမည်ဆိုလျှင် ထိုချို့ယွင်းချက် အားနည်းချက်များသည် မိမိဘက်က အဆင့်ဆင့် မစိစစ်ဘဲ တစ်ဖက်သတ် ဆုံးဖြတ်လိုက်လို့ မှန်ကန်သူဘက်က နစ်နာသွားသောအခါ သာသနာရေး ၀န်ကြီးဌာနနှင့် သံဃနာယက အဖွဲ့တို့အပေါ် ရိုက်ခတ်လာမည် ဖြစ်ပါသည် ဘုရား။ အဂတိတရား လိုက်စား သည်၊ မမှန်မကန် ဆုံးဖြတ်သည်၊ မရိုးမသား ဆောင်ရွက်သည်၊ မပွင့်မလင်း ဆောင်ရွက်သည် စသည်ဖြင့် အကြည်ညိုကင်းမှုတွေ၊ ဂုဏ်သိက္ခာထိခိုက် ကျဆင်းမှုတွေ ဖြစ်လာနိုင်ပါသည်ဘုရား။ အချို့အမှု ကိစ္စများ၌ အဖွဲ့အစည်းများစွာ ပါဝင် ဆောင်ရွက် လာသည့်အတွက် ဆုံးဖြတ်ချက်များ ပိုမိုမှန်ကန်စွာ ချမှတ်ရန်၊ ပွင့်လင်းမြင်သာမှု ရှိရန် အလွန်ပင် အရေးကြီးလာသည်ကို တွေ့ရှိရပါသည်ဘုရား။

သာဓကအနေဖြင့် တပည့်တော်ဝန်ကြီးအပေါ် သာသနာရေး ဦးစီးဌာနမှ အရာရှိတစ်ဦးက တိုင်ကြားမှုနှင့် စပ်လျဉ်း၍ တပည့်တော် ကိုယ်တိုင် သမ္မတကြီးထံ တင်ပြရာ သမ္မတကြီးက ဌာနတွင်းကိစ္စဖြစ်၍ မိမိဝန်ကြီးဌာနအတွင်းသာ ဖြေရှင်း ဆောင်ရွက်ရန် (၂)ကြိမ်တိုင်တိုင် ညွှန်ကြားသော်လည်း တပည့်တော်သည် လွတ်လွတ်ကင်းကင်း ဖြူစင်သူ တစ်ဦးဖြစ်ပြီး မမျှမတဖြစ်မည်စိုး၍သီးခြားအဖွဲ့များဖြင့် စစ်ဆေးပေးပါရန် တင်ပြမှုအရ ထိုတိုင်ကြားမှု ကိစ္စကို စုံစမ်းစစ်ဆေးလျက်ရှိရာ ထိုဆောင်ရွက်မှုသည် ထင်သာမြင်သာဖြစ်စေရန် ဆောင်ရွက်ခြင်းဖြစ် ပါသည်ဘုရား။ ၎င်းအပြင် အမှန်နှင့်အမှား၊ ဓမ္မနှင့်အဓမ္မကို သိသာ ထင်ရှားစေခြင်း၊ ပြည်သူအကျိုး၊ သာသနာအကျိုး ဆောင်ရွက်နေ ခြင်းဖြစ်တယ်ဆိုတာကို ရဟန်း သံဃာတော်များနှင့် ဘာသာဝင် များ၏ မှတ်ကျောက်အတင်ခံလိုခြင်းကြောင့် ဖြစ်ပါသည်ဘုရား။

ပြည်သူ့ဝန်ထမ်းဆိုသည်မှာ အောက်ခြေကို အလေးထားရပါမည်။ ပြည်သူကို အလေးထားရပါမည်။ အရာရှိတွေ အဆင်ပြေသော်လည်း အောက်ခြေ၀န်ထမ်းများမှာမူ အဆင်မပြေရှာကြပါ။ ၀န်ကြီးဌာန၀န်ထမ်းများ ဆန္ဒဖော် ထုတ်ပွဲ (ဒါဘာ)တွင် တာဝန်ရှိ ၀န်ထမ်းက တာဝန်မရှိသလို ပြောဆိုခြင်း၊ အကျင့်စရိုက်ဟောင်း အတိုင်း မပြုပြင်ခြင်း တို့ကြောင့် တပည့်တော်သည် ၀န်ကြီးဌာနအတွင်း ကောင်းအောင် ပြုပြင်လျက် ရှိပါသည်ဘုရား။ မဃဒေ၀လင်္ကာတွင် ““လူမွှေယောက်ျား၊ မင်းစေများ၊ ပြည်သူ့မီးပွား””ဆိုတာ ရှိပါသည် ဘုရား။ ရှေးမင်းများ လက်ထက်က ထိုပြည်သူ့မီးပွားများကို ထိရောက်စွာ အရေးယူခဲ့သည့် သာဓကတွေလည်း အထင်အရှား ရှိပါသည်ဘုရား။ တပည့်တော်သည် သာသနာရေး ၀န်ကြီးဌာနရှိ ၀န်ထမ်းများကို ပြည်သူ့မီးပွားများ မဖြစ်အောင် ကြပ်မတ်၍ ဆွဲတင်ပြုပြင် သွားမည်ဖြစ် ပါသည်ဘုရား။ အမုန်းခံ၍လည်း ဆောင်ရွက်သွားမည် ဖြစ်ပါသည် ဘုရား။

ထို့ပြင် သံဃာတော်များ အတွင်းတွင်လည်း အဖွဲ့အစည်း အသီးသီး ပေါ်ပေါက်လာပြီး လက်ရှိ သံဃာ့ အဖွဲ့အစည်းများနှင့် အပြိုင်သဖွယ် ဆောင်ရွက်နေမှုများ ဖြစ်ပေါ်နေပြီ ဖြစ်ပါသည် ဘုရား။ အင်တာနက်၊ မီဒီယာများတွင် သံဃာအချင်းချင်း စိတ်ဝမ်းကွဲပြားအောင် သွေးခွဲဆောင်ရွက် နေတာရှိသလို သာသနာရေး ၀န်ကြီးအနေဖြင့်လည်း အခြား ဘာသာဝင်များ၏ ဘာသာရေး အခမ်းအနားများသို့ တက်ရောက်ပြီး ၎င်းတို့ ကိုးကွယ်ရာ ဘုရားသခင်၏ အဆိုအမိန့်များဖြစ်သော မေတ္တာတရားထားဖို့၊ မကောင်းမှုကို မပြုလုပ်ဖို့၊ ကောင်းမှုကို ပြုလုပ်ကြဖို့၊ အမှာစကား ပြောကြားသည်ကိုပင် အင်တာနက်နှင့် မီဒီယာအချို့က သာသနာရေး ၀န်ကြီးနှင့် သံဃာတော်များအကြား စိတ်ဝမ်းကွဲပြား အထင်အမြင်လွဲမှားအောင် လုပ်ဆောင်နေတာကိုလည်း တွေ့မြင်နေရ ပါသည်ဘုရား။

တပည့်တော် ဖြည့်စွက်လျှောက်ထား လိုသည်မှာ ဤဂိုဏ်းပေါင်းစုံ သံဃာ့အစည်းအဝေးကြီးကို နိုင်နိုင်နင်းနင်း ပြည့်ပြည့်စုံစုံ ခမ်းခမ်းနားနား ဆောင်ရွက်နိုင်ပါ့မလားလို့ ဆရာတော်ကြီး အချို့က စိုးရိမ်တယ်ဆိုတာ ကြားသိရ ပါတယ် ဘုရား။

တပည့်တော်နှင့်… ယခု အကြံပေးပုဂ္ဂိုလ်ဖြစ်နေသော ဦးအံ့မောင်သည် ယင်းအခမ်းအနားတွင် သာသနာရေး ဦးစီးဌာန ညွှန်ကြား ရေးမှူးချုပ်အဖြစ် အတူတူတာဝန် ထမ်းဆောင်ခဲ့ဖူးသည့် အတွေ့အကြုံ ရှိပါသည်ဘုရား။ သို့ဖြစ်ပါ၍ သာသနာ သမိုင်းမှတ်တိုင်တစ်ရပ် ထွန်းပေါက်လာသည်အထိ ကြိုးစားဆောင်ရွက် သွားမည် ဖြစ်ပါသည်ဘုရား”” ဟူ၍ ထည့်သွင်း လျှောက်ထားခဲ့သည်။

အစိုးရသစ် လက်ထက်တွင် ဌာနတွင်း ၀န်ထမ်းက ၀န်ကြီးကို ပြန်လည်တိုင်ကြား၍ အတိုင်ခံရသော ၀န်ကြီးကိုယ်တိုင်က မိမိနှင့်ဌာနကို စစ်ဆေးရန် သမ္မတကြီးအား တင်ပြ တောင်းဆိုခြင်း ဖြစ်ရပ်မှာ ပထမဆုံးဖြစ်ပြီး လက်ရှိအစိုးရအဖွဲ့ ၀င်မည်သည့် ၀န်ကြီးကမျှ မိမိတို့ကို အဖွဲ့ဖွဲ့၍ စစ်ဆေးနိုင်ကြောင်း မှတ်ကျောက်တင် တင်ပြတောင်းဆိုနိုင်ခြင်း မရှိသေး၊ သမ္မတရုံး၏ ညွှန်ကြားမှုဖြင့် ပြည်ထဲရေးဝန်ကြီး ဦးဆောင် စစ်ဆေးနေသည့် ရလဒ်မှာလည်း မည်သို့ ဖြစ်လာမည်ကို သာသနာရေးနှင့် နိုင်ငံရေး ဆက်စပ် ပတ်သက်ရာ အသိုင်းအ၀ိုင်းများက စိတ်ဝင်တစား စောင့်ကြည့်လျက်ရှိကြောင်း သိရှိရသည်။


နိုင်ငံတော် ဗဟိုသံဃာ့ဝန်ဆောင် အထူးအစည်းအဝေးသို့ ကြွရောက်သည့် ဆရာတော်ကြီးများအား ဇန်န၀ါရီ ၂၁ ရက်နေ့တွင် ယခင်စစ်အစိုးရ (နယက) အကြီးအကဲဟောင်းများ ဖြစ်ကြသည့် ဒုတိယ ဗိုလ်ချုပ်မှူးကြီး မောင်အေး (ငြိမ်း)+ ဒေါ်မြမြစန်း၊ ဒုတိယဗိုလ်ချုပ်ကြီး တင်ဦး၏ ဇနီးဒေါ်ခင်သန်း နွဲ့၊ ဒုတိယဗိုလ်ချုပ်ကြီး တင်လှ (ငြိမ်း)+ဒေါ်ခင်ဝင်းကြည်၊ ဗိုလ်ချုပ်ကြီး သီဟသူရ တင်အောင်မြင့်ဦး (ငြိမ်း)+ ဒေါ်ခင်စောနှင်း၊ ဗိုလ်ချုပ် ကြီးစိုးဝင်း၏ဇနီး ဒေါ်သန်းသန်းနွဲ့၊ ဒုတိယ ဗိုလ်ချုပ်ကြီးခင်မောင်သန်း (ငြိမ်း)+ ဒေါ်မာလာတင့်၊ ဒုတိယ ဗိုလ်ချုပ်ကြီး မောင်ဘို၏ဇနီး  ဒေါ်ခင်လေးမြင့်၊ ဒုတိယဗိုလ်ချုပ်ကြီး အောင်ထွေး (ငြိမ်း)+ ဒေါ်ခင်နှင်းဝေ၊ ဒုတိယဗိုလ်ချုပ်ကြီး ရဲမြင့် (ငြိမ်း)+ ဒေါက်တာ ဒေါ်တင်လင်းမြင့် နှင့် ဒုတိယ ဗိုလ်ချုပ်ကြီး ကျော်ဝင်း(ငြိမ်း)+ ဒေါ်ခင်စန်းရီ မိသားစုများက လာရောက်၍ သမ္မတ၏ ညွှန်ကြားချက်အရ ပြည်ထဲရေး ၀န်ကြီးဌာနမှ စစ်ဆေး လျက်ရှိသော သာသနာရေး ၀န်ကြီးဌာန ပြည်ထောင်စုဝန်ကြီး ဦးဆန်းဆင့်နှင့်အတူ လုပ်ဖော် ကိုင်ဘက်များ စုပေါင်းကာ နေ့ဆွမ်း ဆက်ကပ် လှူဒါန်းခဲ့ကြသည်။

Myanmartandawsint Newspaper

အပြည့်အစုံသို့ »