Showing posts sorted by relevance for query unicef. Sort by date Show all posts
Showing posts sorted by relevance for query unicef. Sort by date Show all posts

Unicef က ရိုဟင်ဂျာဟု သုံးနှုန်းပြောဆိုခြင်းအား ပြန်လည်တောင်းပန်


ကုလသမဂ္ဂကလေးများရန်ပုံငွေအဖွဲ့Unicef က အခမ်းအနားတစ်ခုတွင်
ရိုဟင်ဂျာဟု သုံးနှုန်းပြောဆိုခဲ့ခြင်းအားဇွန် ၅ ရက်တွင် ဌာနေကိုယ်စားလှယ်
 ကိုယ်တိုင် ပြန်လည်တောင်းပန်လိုက်ကြောင်း သိရသည်။


Unicef အဖွဲ့အနေဖြင့် ဇွန်လမှစတင်ကာ ရခိုင်ပြည်နယ်အတွင်းရှိ ကလေးငယ်များတွက် ကျန်းမာရေးစောင့်ရှောက်မှုအပါအဝင်၊ ပညာရေးနှင့်အခြားသောကဏ္ဍတချို့အတွက် အမေရိကန်ဒေါ်လာ ၁၂ သန်းအား အသုံးပြုသွားမည်ဖြစ်ကြောင်းနှင့် အသုံးပြုမည့်အပိုင်းတို့အား ရှင်းလင်းပွဲတစ်ရပ်ကို ဇွန် ၄ ရက်တွင် အထွေထွေအုပ်ချုပ်ရေးဌာန ရုံးခန်းမဖြစ်သည့် မင်းသူရိယခန်းမ၌ ကျင်းပပြုလုပ်ခဲ့ရာ ယင်းအခန်းအနားတွင် ရခိုင်ပြည်နယ်တာဝန်ခံ နိုင်ငံခြားအမျိုးသမီးက ပါဝါပွိုင့်ဖြင့် ရှင်းလင်းတင်ပြရာတွင် ရိုဟင်ဂျာဟု ထည့်သွင်းရေးသား ပြောဆိုခဲ့သည့်အတွက် ဒေသခံများက ကန့်ကွက်မှုများနှင့် ပြန်လည်မေးမြန်းမှုများကို ပြုလုပ်ခဲ့သည်ဟုလည်း သိရသည်။ ထို့အပြင် ယင်းကိစ္စနှင့် ပတ်သက်၍ facebook စာမျက်နှာများတွင်လည်း ရေးသားဖော်ပြလာခဲ့ကြကြောင်းလည်း သိရသည်။

ထို့ကြောင့် ပြည်နယ် ECC အဖွဲ့က Unicef အဖွဲ့အားခေါ်ယူကာ ယင်းသို့သုံးနှုန်းခဲ့ခြင်းနှင့် ပတ်သက်၍ ပြောဆိုဆွေးနွေးခဲ့ကြရာ ထိုဆွေးနွေးပွဲတွင် Unicef ဌာနယ် ကိုယ်စားလှယ်ကိုယ်တိုင် ပြန်လည်တောင်းပန်ခဲ့ခြင်း ဖြစ်ကြောင်း သိရသည်။

“အစည်းဝေးမှာ ရိုဟင်ဂျာဆိုတာကို သုံးနှုန်းခဲ့တာကို သိရတဲ့အတွက် ကျွန်တော်တို့ ECC အဖွဲ့က Unicef အဖွဲ့ကိုခေါ်ယူ တွေ့ဆုံခဲ့တယ်။ နိုင်ငံတော်က တရားဝင်အသုံးအနှုန်းမဟုတ်တာကို သုံးခြင်းဟာ သံတမန်ကျင့်ဝတ်ကို ချိုးတာဖြစ်တယ်။ ခင်ဗျားတို့ ကြိုက်ကြိုက် မကြိုက်ကြိုက် မြန်မာကို မြန်မာလို့ပဲ သုံးရတယ်။ ဒါကြောင့် အစိုးရရဲ့ တရားဝင်အသုံးအနှုန်းကိုသုံးပါ။ နိုင်ငံတော်အစိုးရက မရှိပါဘူးလို့ ပြောထားတဲ့ အသုံးအနှုန်းဖြစ်တဲ့ ရိုဟင်ဂျာလို့ သုံးနှုန်းတာဟာ သံတမန်ကျင့်ဝတ်ကို ချိုးဖောက်တဲ့အပြင် နိုင်ငံတော်ရဲ့ အချုပ်အခြာအာဏာကို စော်ကားရာရောက်တယ်။ ဒီလိုမျိုးသာ ဆက်သုံးနေမယ်ဆိုရင် ၂၆-၂၇ နေ့တွေကလို ပြဿနာမျိုးထပ်ဖြစ်လာနိုင်တယ်။ ရခိုင်ပြည်နယ်ထဲမှာ ဖြစ်ခဲ့တဲ့ပဋိ ပက္ခတွေရဲ့ အဓိကအချက်တွေထဲမှာ ရိုဟင်ဂျာဆိုတဲ့ အသုံးအနှုန်းလည်း ပါတယ်။ ဒါကြောင့်
ဒီလိုမျိုးသုံးစွဲတာကို မှားကြောင်းတောင်းပန်ဖို့နဲ့ နောင်ဆက်လက်မသုံးစွဲဖို့ တိုက်တွန်းတယ်လို့ ပြောခဲ့တယ်။ ဒီတော့ Unicef ကလည်း ပါဝါပွိုင့်မှာ မှားယွင်းစွာသုံးစွဲမိတာကို တောင်းပန်ပါတယ်။ နောက်လည်း မသုံးတော့ပါဘူးလို့ တောင်းပန်စကားဆိုတယ်”ဟု ECC အဖွဲ့ဝင်တစ်ဦးဖြစ်သူ ဦးသန်းထွန်း က ပြောပါသည်။

Unicef အဖွဲ့နှင့်တွေ့ဆုံရာတွင်  INGO, NGO Watch Team မှ အဖွဲ့ဝင်များကိုလည်း ဖိတ်ကြားခဲ့ကြောင်း သိရသည်။ ယင်းအဖွဲ့သည် မေလအတွင်းက ဖွဲ့စည်းထားသော အဖွဲ့တစ်ခုဖြစ်ပြီး မြို့နယ်တိုင်းမှ လူမှုကွန်ရက်များပါဝင်ကြောင်း သိရသည်။

ECC အဖွဲ့နှင့် Unicef အဖွဲ့တို့ တွေ့ဆုံပြောဆိုခြင်းသို့ တက်ရောက်ခဲ့သူ INGO,  NGO Watch Team မှ အဖွဲ့ဝင်တစ်ဦးဖြစ်သူ ကိုသူရိန်ထွန်းကလည်း “Unicef ကတော့ အဲဒီလိုမျိုး သုံးနှုန်းမိတာဟာ ကျွန်တော်တို့ သတိမထားမိလိုက်လို့ပါလို့ ပြောတယ်။ အဲဒီတစ်ခုတည်းမှာပဲ မှားပြီးပါသွားတာလို့ ပြောတယ်။ ကံကောင်းလို့ တိုက်ဆိုင်သွားတာလို့ ပြောတယ်။ ကျွန်တော်ကတော့ ပြောတယ်။

ဒီလိုအဖွဲ့အစည်းကြီးတစ်ခုက မစစ်ဆေးစရာအကြောင်း မရှိဘူး။ သိလျက်နဲ့လုပ်တာလို့ မြင်တယ်လို့ပြောတယ်။ အဲဒီအမှားကို ဝန်ခံဖို့လိုတယ်လို့ ပြောလိုက်တယ်။ အဲဒီမှာပဲ တက်ရောက်လာသူတွေရှေ့မှာပဲ ဒီလိုမျိုးသုံးနှုန်းမိတာ မှားပါတယ်လို့ ဝန်ခံတယ်။ နောက်နောင်လည်း ဒီလိုမျိုး မမှားအောင်လုပ်သွားမယ်လို့ Unicef အဖွဲ့ရဲ့မြန်မာနိုင်ငံဆိုင်ရာ ဌာနေကိုယ်စားလှယ် Mr. Bertrand Bainval က ဝန်ခံသွားတယ်”ဟုလည်း ပြောကြားခဲ့သည်။


Eleven Media Group

အပြည့်အစုံသို့ »

ရခိုင်ပြည်နယ်ရှိ ကလေးသူငယ် ဖွံ့ဖြိုးရေးအတွက် အမေရိကန်ဒေါ်လာ ၁၂ သန်း UNICEF သုံးမည်


ရန်ကုန်၊ ဧပြီ ၃၀

ပဋိပက္ခများကြောင့် ဖွံ့ဖြိုးမှု နှောင့်နှေးနေသော ရခိုင်ပြည်နယ်အတွက် ၂၀၁၄ ခုနှစ်မှ ၂၀၁၅ ခုနှစ်အတွင်း ပညာရေး၊ ကျန်းမာရေးနှင့် ကလေးသူငယ် အခွင့်အရေးအတွက် အမေရိကန်ဒေါ်လာ ၁၂ သန်း သုံးစွဲမည် ဖြစ်ကြောင်း UNICEF Myanmar မှ ရခိုင်ပြည်နယ် ရုံးဌာနမှူး Ms.Yosi Echeverry Burchkhardt က ပြောကြားသည်။

အဆိုပါ အသုံးစရိတ်များကို ကလေးသူငယ်များ၏ အခြေခံပညာ သင်ကြားရေး၊ ကာကွယ်ဆေးနှင့် ဆေးပစ္စည်းများ ထောက်ပံ့ခြင်း၊ ကလေးလုပ်သားနှင့် ကလေးငယ်များကို လိင်ပိုင်းဆိုင်ရာ ခေါင်းပုံဖြတ်မှုများမှ ကာကွယ်ရေး လုပ်ငန်းများ ဆောင်ရွက်သွားရန် ရည်ရွယ်ကြောင်း ဧပြီလ ၃၀ ရက်နေ့ UNICEF ၏ ရခိုင်ပြည်နယ်လှုပ်ရှားမှု သတင်းစာ ရှင်းလင်းပွဲတွင် ၎င်းက ပြောဆိုသည်။

ယင်းစီမံကိန်းများကို ရခိုင်ပြည်နယ် အစိုးရနှင့် ပူးပေါင်းကာ လူမျိုး၊ ဘာသာ မခွဲခြားဘဲ လိုအပ်နေသော ကလေးသူငယ်တိုင်းအတွက် စီစဉ်ပေးမည် ဖြစ်ကြောင်း၊ သို့သော် မကြာသေးမီက ဖြစ်ပျက်ခဲ့သော နိုင်ငံတကာ အဖွဲ့အစည်းများနှင့် ရခိုင်ပြည်သူများအကြား ပဋိပက္ခများသည် UNICEF ၏ ရှေ့ဆက် လုပ်ငန်းစဉ်များအတွက် စိန်ခေါ်မှုများ ရှိကြောင်း UNICEF Myanmar ၏ ဌာနကိုယ်စားလှယ် Mr.Bertrand Bainvel က ပြောကြားသည်။
“ဒီရခိုင်ပြည်နယ်မှာ ဖြစ်တဲ့ အကြမ်းဖက်မှုတွေကြောင့် UNICEF ရှေ့ဆက်လုပ်ငန်းတွေမှာ ခက်ခဲမှုတွေ ရှိနေတယ်” ဟု ၎င်းက ပြောဆိုသည်။

လက်ရှိအချိန်တွင် ရခိုင်ပြည်နယ်ရှိ ကလေးသူငယ်များသည် အခြား ပြည်နယ်နှင့် တိုင်းဒေသကြီးက ကလေးများထက် အာဟာရ လိုအပ်ချက် ပိုမြင့်မားပြီး အိုင်အိုဒင်း ချို့တဲ့မှုနှင့် ဝမ်းပျက်ဝမ်းလျှော ဖြစ်ပွားနှုန်းများ မြင့်မားကြောင်း UNICEF Myanmar ၏ သုတေသန စာတမ်းများအရ သိရသည်။

ယင်းအပြင် ပညာရေးနှင့် ပတ်သက်၍လည်း ရခိုင်ပြည်နယ်သည် ကျောက်တက်နှုန်း အနိမ့်ဆုံး ပြည်နယ်တစ်ခု ဖြစ်ပြီး မိန်းကလေးများသည် အခြေခံပညာ သင်ကြားမှုနှုန်း ပိုနိမ့်ကျကြောင်း UNICEF Myanmar မှ Ms.Mona Korsgard က ပြောကြားသည်။ ရခိုင်ပြည်နယ်တွင် ကလေးသူငယ် ၁ ဒသမ နှစ်သန်းနီးပါး ရှိကြောင်း ကုလသမဂ္ဂ ထုတ်ပြန်ချက်များအရ သိရသည်။

The Voice Weekly 

အပြည့်အစုံသို့ »

ရခိုင်ပြည်နယ်မှာ မခွဲခြားဘဲ ကူညီဖို့ ယူနီဆက် ကတိပြု



ကုလသမဂ္ဂကလေးများ ရန်ပုံငွေအဖွဲ့ UNICEF အဖွဲ့ရဲ့ ရခိုင်ပြည်နယ်အတွင်း အကူအညီပေးရေးလုပ်ငန်းတွေ ဟာ လူမျိုးရေး၊ ဘာသာရေး ကွဲပြားချက်တွေအပေါ်မှာ အခြေခံမှာမဟုတ်ဘဲ လုပ်ငန်းလိုအပ်ချက်အပေါ်မှာသာ အခြေခံပြီး အကူအညီပေးသွားမှ ဖြစ်တယ်လို့ UNICEF အဖွဲ့က ဒီကနေ့ ပြောလိုက်ပါတယ်။

ရန်ကုန်မြို့ Micasa ဟိုတယ်မှာ ဒီကနေ့ ညနေပိုင်းက ကျင်းပခဲ့တဲ့ ကုလသမဂ္ဂကလေးများ ရန်ပုံငွေအဖွဲ့ UNICEF ရဲ့ ရခိုင်ပြည်နယ်အတွင်းလုပ်ဆောင်နေတဲ့ အစီအစဉ်တွေနဲ့ပတ်သက်တဲ့ သတင်းစာရှင်းလင်းပွဲ မှာ မြန်မာနိုင်ငံဆိုင်ရာ UNICEF ဋ္ဌာနေကိုယ်စားလှယ် Mr.Bertrand Bainvel ပြောခဲ့တာပါ။

“ယူနီဆက်ဟာ ကုလသမဂ္ဂအဖွဲ့ကြီးရဲ့ လက်အောက်ခံအဖွဲ့အစည်း ဖြစ်တဲ့အတွက် ကုလသမဂ္ဂအဖွဲ့ရဲ့ ဘက်မလိုက်ခြင်း၊ မျှတခြင်းစတဲ့ မူဝါဒတွေအပေါ်မှာပဲ အခြေခံပြီး အလုပ်လုပ်ဆောင်နေ တာဖြစ်ပါတယ်။ အကူအညီပေးရေးလုပ်ငန်းတွေ လုပ်ဆောင်တဲ့နေရာမှာ လူမျိုးရေး ဘာသာရေးအပေါ်မှာ အခြေခံမှာမဟုတ်ဘဲ လုပ်ငန်းလိုအပ်ချက်အပေါ်မှာသာ အခြေခံပြီး အကူအညီပေးသွားမှာ ဖြစ်ပါတယ်၊ လိုအပ်ချက်ဟာ ကွဲပြားချက်တွေရှိနေပါတယ်၊ အထူးသဖြင့် ဒုက္ခသည်စခန်းတွေမှာ နေထိုင်နေရတဲ့ ကလေးတွေ ဟာ ခက်ခက်ခဲခဲနဲ့ ရှင်သန်နေရတာပါ။ သူတို့အတွက်တော့ အကူအညီတွေ ပိုလိုအပ်နေပါတယ်” လို့ မြန်မာနိုင်ငံဆိုင်ရာ UNICEF ဋ္ဌာနေကိုယ်စားလှယ် Mr.Bertrand Bainvel က ပြောပါတယ်။

UNICEF အဖွဲ့အနေနဲ့ ၂၀၁၄-၂၀၁၅ ခုနှစ်အတွင်း ရခိုင်ပြည်နယ်အတွင်းမှာရှိတဲ့ ကလေးသူငယ်တွေရဲ့ ရှင်သန်ဖွံ့ဖြိုးရေး၊ ပညာရေးနဲ့ ကာကွယ်စောင့်ရှောက်ရေးတို့အတွက် အမေရိကန်ဒေါ်လာ  ၁၂ သန်း သုံးစွဲသွားမှာဖြစ်တယ်လို့လည်း UNICEF အဖွဲ့က ဒီကနေ့ ပြောပါတယ်။ UNICEF အဖွဲ့ဟာ ရခိုင်ပြည်နယ် ပူးပေါင်းဆောင်ရွက်ရေးအဖွဲ့နဲ့လည်း ညို့နှိုင်းလုပ်ဆောင်တာတွေရှိနေသလို ရခိုင်ပြည်နယ်အတွင်းမှာ ပဋိပက္ခတွေဖြစ်ပွားပြီးနောက်ပိုင်း အကူအညီပေးရေးလုပ်ငန်းတွေ လုပ်ဆောင်ရတာ ပိုပြီးခက်ခဲလာတယ်လို့ လည်း ပြောပါတယ်။ ယူနီဆက်အဖွဲ့ဟာ ရခိုင်ပြည်နယ်အတွင်း ကလေးငယ်တွေရဲ့ကျန်းမာရေးနဲ့ အာဟာရရှိဖို့၊ ရေနဲ့ပတ်ဝန်းကျင်သန့်ရှင်းဖို့၊ HIV ပိုးကူးစက်ခံထားရတဲ့ ကလေးငယ်တွေဆေးဝါးရရှိဖို့နဲ့ ကလေးသူငယ်ကာကွယ်စောင့်ရှောက်ရေး လုပ်ငန်းတွေကို လုပ်ဆောင်နေတာလည်းဖြစ်ပါတယ်။

ဒီအတောအတွင်း ရခိုင်ပြည်နယ်အတွင်း ကုလသမဂ္ဂနဲ့ INGO နိုင်ငံတကာကူညီပေးရေးအဖွဲ့တွေ ပုံမှန်အတိုင်း လုပ်ငန်းပြန်လည်လုပ်ဆောင်နိုင်ရေးနဲ့ ပတ်သက်လို့ ပြည်ထောင်စုအစိုးရအဖွဲ့ နယ်စပ်ရေးရာ ဒုတိယဝန်ကြီး ဗိုလ်ချုပ်မောင်မောင်အုန်းနဲ့ ပြည်ထဲရေး ဒုတိယဝန်ကြီး ဗိုလ်မှုးချုပ် ကျော်ကျော်ထွန်းတို့ စစ်တွေမြို့မှာ INGO အဖွဲ့တွေ၊ ဒေသခံတွေနဲ့ မနေ့က သီးသန့်တွေ့ဆုံဆွေးနွေးခဲ့ပါတယ်။ ဒါနဲ့ပတ်သက်ပြီး

ဗိုလ်ချုပ်မောင်မောင်အုန်းကို RFA အဖွဲ့သူ ဒေါ်ခင်ခင်အိ ဆက်သွယ်မေးမြန်းထားတာ နားဆင်နိုင်ပါတယ်။

RFA Burmese

အပြည့်အစုံသို့ »

ကိုလံဘီယာအသင်းကို လှောင်ပြောင်ခဲ့သည့် UNICEF နှလုံးလှသံတမန် နုတ်ထွက်ခဲ့ရ


ကိုလံဘီယာအသင်းကို လှောင်ပြောင်သည့်ဓာတ်ပုံတစ်ပုံကို ကိုယ်ပိုင် Twitter စာမျက်နှာပေါ်တွင်တင်ခဲ့သည့် UNICEF နှလုံးလှသံတမန်တစ်ဦးဖြစ်သူ ဟော်လန်သရုပ်ဆောင်မင်းသမီး ဗန်ဒမ်သည် ဝေဖန်မှုများနှင့်ကြုံတွေ့ခဲ့ရပြီးနောက် သံတမန်အဖြစ်မှနုတ်ထွက်သွားခဲ့ကြောင်းသိရသည်။

ဗန်ဒမ် ဖော်ပြခဲ့သည့်ပုံတွင် ကွင်းလယ်ဒိုင်တစ်ဦးမှ ရေမြှုပ်မှုတ်ဆေးဖြင့် ကွင်းအတွင်းစည်းတားနေပြီး ကိုလံဘီယာတိုက်စစ်မှူး ဖယ်လ်ကာအိုနှင့် ကွင်းလယ်လူဂျိမ်းစ်ရိုဒရီဂွက်ဇ်တို့က ရေမြှုပ်များကို ပိုက်ကိုယ်စီဖြင့် ကိုကင်းရှူရှိုက်သည့်ပုံစံဖြင့် ကုန်းရုန်းရှူရှိုက်နေကြခြင်းဖြစ်သည်။

ယင်းအတွက် ကိုလံဘီယာအသင်းက ဗန်ဒမ်ကို UNICEF နှလုံးလှသံတမန်အဖြစ်မှ ထုတ်ပယ်ရန်တောင်းဆိုခဲ့ပြီးမကြာမီပင် ဗန်ဒမ်ကိုယ်တိုင်နုတ်ထွက်ခဲ့ခြင်ဖြစ်သည်။
ဗန်ဒမ်၏ ကိုယ်ပိုင် Twitter စာမျက်နှာတွင်လည်း ကိုလံဘီယာအသင်းကို အလေးအနက် တောင်းပန်ကြောင်းနှင့် တောင်းပန်မှုကိုလက်ခံရန်လည်း မျှော်လင့်မိကြောင်း ရေးသားခဲ့သည်။

(UNICEF နှလုံးလှ သံတမန်အဖြစ်မှ နုတ်ထွက်ခဲ့ရသည့် ဗန်ဒမ် (photo : wikipedia ))

Eleven Media Group

အပြည့်အစုံသို့ »

စစ်ဗိုလ်ချုပ်တွေ ဆက်ပြီး ကြွယ်ဝချမ်းသာလာကြဦးမယ်




စည်သူအောင်မြင့်

ခုတစ်ပတ်အတွင်း ပြည်တွင်း စီးပွားရေး အသိုင်းအ၀ိုင်းမှာရော၊ ကုလသမဂ္ဂနဲ့ နိုင်ငံတကာ အင်န်ဂျီအို အသိုင်းအ၀ိုင်းတွေ အကြားမှာပါ ဂယက်ရိုက်သွားတဲ့ သတင်းတစ်ခုကတော့ ရန်ကုန်၊ ဗဟန်းရွှေတောင်ကြားထဲက ဗိုလ်ချုပ်ဟောင်း တစ်ယောက် ပိုင်တဲ့ခြံနဲ့ အဆောက်အအုံတွေကို ကမ္ဘာ့ကုလသမဂ္ဂ ကလေးများရန်ပုံငွေအဖွဲ့UNICEF က ရုံးခန်းအဖြစ် အသုံးပြုဖို့ တစ်လ ဒေါ်လာ ၈၇,၀၀၀၊ တစ်နှစ်ဒေါ်လာ တစ်သန်းကျော်နဲ့ ငှားရမ်းအသုံးပြုနေတယ်ဆိုတဲ့ သတင်းပါ။ ဧရာဝတီသတင်းဌာနက စပြီးဖော်ထုတ်လိုက်တဲ့ အဲဒီသတင်းနဲ့ ဆက်စပ်ပြီး ပြည်သူတွေ စိတ်ဝင်စားကြတာက ရန်ကုန်မှာ အိမ်ခြံမြေ ဈေးနှုန်းတွေ ဒီ လောက်တောင်တက်နေပြီလား၊ ဒါမှမဟုတ် UNICEF က ငှားထားတဲ့နှုန်းကပဲ သဘာဝမကျစွာ များနေသလား၊ ဗိုလ်ချုပ်ဟောင်းတွေ ဒီလောက်တန်ဖိုးရှိတဲ့ အိမ်တွေ၊ ခြံတွေ ဘယ်လောက်များ ပိုင်နေကြသလဲ၊ ဘယ်လိုနည်းနဲ့ ရလာကြသလဲ၊ မြန်မာပြည်မှာ အိမ်ခြံမြေဈေးနှုန်းတွေ ကျရောကျဦးမှာလားစတဲ့ ကိစ္စတွေ ဖြစ်ပါတယ်။ ဒီကနေ့ အဲဒီအကြောင်းတွေ ဆွေးနွေးတင်ပြသွားပါ့မယ်။

အခု UNICEF က ငှားရမ်းထားတဲ့ခြံဟာ အမေရိကန်အစိုးရက နာမည်ပျက် စာရင်းသွင်းမထားတဲ့ အမျိုးသမီးတစ်ယောက်ပိုင်တယ်လို့ UNICEF ဘက်က ထုတ်ဖော်ပြောဆိုပေမယ့် ရန်ကုန်က ၀ါရင့်အကျိုးဆောင်တွေ အားလုံးကတော့ အဲဒီခြံဟာ အရင် နိုင်ငံတော်အေးချမ်းသာယာရေးနဲ့ ဖွံ့ဖြိုးရေးကောင်စီ နအဖခေတ် လယ်ယာဆည်မြောင်းဝန်ကြီး ဗိုလ်မှူးချုပ်ဟောင်း ညွန့်တင် ပိုင်ဆိုင်တယ်လို့ သိထားကြတာပါ။ သူတို့ရဲ့ပြောပြချက်အရ ဗိုလ်ချုပ်ညွန့်တင်ဟာ ဒီခြံတစ်ခုတည်း ပိုင်ဆိုင်ထားတာ မဟုတ်ဘူး၊ အခြားတန်ဖိုးကြီး အိမ်ခြံမြေတွေ ပိုင်ဆိုင်ထားသေးတယ်လို့ ဆိုပါတယ်။ တကယ်ဆိုတော့ ဗိုလ်ချုပ်ညွန့်တင်ဟာ ၂၀၀၃ ခုနှစ်ကတည်းက ရာထူးကနေ အရာကျသွားခဲ့ရသူပါ။ ဒီဘက်ခေတ်အထိ တန်ခိုးထွားခဲ့၊ တန်ခိုးထွားဆဲ စစ်ဗိုလ်ချုပ်တောင် မဟုတ်သေးပါဘူး။ အဲလိုဆို အခြားစစ်ဗိုလ်ချုပ်တွေ၊ စစ်ဗိုလ်ချုပ်ဟောင်းတွေကရော ပိုင်ဆိုင်မှု ဘယ်လောက်ရှိနေမလဲ မေးစရာ ရှိပါတယ်။ အလွန်များတယ်လို့ပဲ တစ်ခွန်းတည်း ဖြေရမှာပါ။

အဲဒီဗိုလ်ချုပ်တွေဟာ ရောင်းရင် ကျပ်ငွေ သိန်းပေါင်းသောင်းချီတန်တဲ့ အိမ်ခြံ မြေတွေ၊ ငှားရင် ခုလိုပဲ တစ်နှစ် ဒေါ်လာ သန်းဂဏန်းလောက်ရနိုင်တဲ့ အိမ်ခြံမြေတွေ၊ စက်မှုဇုန်က မြေကွက်တွေတင်မက တိုက်ခန်းအမျိုးမျိုး၊ တိုင်းနဲ့ ပြည်နယ်အနှံ့က မြေကွက်ပေါင်း မြောက်မြားစွာလည်း ပိုင်ဆိုင်ကြပါတယ်။ ဥပမာအားဖြင့် ရန်ကုန်မြို့မှာ အလွန်တန်ဖိုးကြီးတဲ့ သုဝဏ္ဏ ဗိုလ်ချုပ်ရွာ၊ ရွှေတောင်ကြား ရွှေဝတ်မှုံအိမ်ရာ၊ ကမ္ဘာအေးဗီလာစတဲ့ နေရာတွေကတော့ ထင်ရှားပါတယ်။ ဗိုလ်ချုပ်တွေ တရားဝင်ရထားတဲ့ အိမ်ရာတွေပါ။

၁၉၈၈ စစ်တပ်က အာဏာသိမ်းစဉ်တုန်းကတော့ စစ်ဗိုလ်ချုပ်တွေရဲ့ ပိုင်ဆိုင်မှုဟာ ဘာမှသိပ်ရှိတာ မဟုတ်ပါဘူး။ အကြမ်းဖျင်းအားဖြင့် စစ်ဗိုလ်ချုပ်တွေဟာ အဲဒီအိမ်ခြံမြေတွေကို နည်းလမ်းသုံးသွယ်နဲ့ ပိုင်ဆိုင်လာတယ်လို့ ပြောနိုင်ပါတယ်။ ပထမ တစ်နည်းကတော့ အိမ်ခြံမြေ၊ တိုက်ခန်းတွေကို ကိုယ့်ဘာသာကိုယ် မတရားနည်းနဲ့ အရယူတာပါ။ မြို့သစ်ဖော်တယ်၊ ယူတယ်၊ စက်မှုဇုန်ဖော်တယ်၊ ဝေစုယူတယ်၊ ကွန်ဒိုဆောက်တယ်၊ ဝေစုယူတယ်၊ ဈေးဆောက်တယ်၊ ဝေစုယူတယ်၊ ၀န်ကြီးဌာနပိုင်တွေကို ဈေးပေါပေါနဲ့ ကိုယ့်ဘာသာကိုယ်ဝယ်ယူတယ် စတဲ့နည်းနဲ့ မြေကွက်တွေ၊ တိုက်ခန်းတွေ၊ ဆိုင်ခန်းတွေ အများကြီးရကြပါတယ်။ မြေကွက်ရပြီးတော့လည်း လွယ်ပါတယ်။ ကိုယ်နဲ့လုပ်စားကိုင်စားနေတဲ့ စီးပွားရေးသမားတစ်ယောက်ယောက်ကို အိမ်ဆောက်ခိုင်းလိုက်ရုံပါပဲ။ အဲလိုနည်းနဲ့ ပိုင်ဆိုင်မှု ပေါင်းများစွာ ရလာကြတာ ဖြစ်ပါတယ်။

နောက်တစ်နည်းကတော့ ရှေးဘုရင် ခေတ်ကလို မောင်လှယ်နှမလှယ်နည်းနဲ့ မြေကွက်တွေ၊ အဆောက်အအုံတွေရကြတာပါ။ တစ်နေရာမှာ စစ်တိုင်းမှူးလုပ်တဲ့ သူဟာ မြို့သစ်ဖော်ရင် သူ့ဘာသာသူ ယူရုံမက အခြားတိုင်းမှူးတွေကိုလည်း ဝေစုလှမ်းပေးပါတယ်။ စစ်ရုံးချုပ်က ဗိုလ်ချုပ်တွေကိုလည်း ပေးပါတယ်။ နောက်ဆုံး နိုင်ငံခြားရောက်နေတဲ့ စစ်သံမှူးလုပ်သူတွေကိုတောင် ခွဲဝေပေးပါတယ်။ ဒီလိုပဲ အခြားတိုင်းမှူးတွေ၊ ၀န်ကြီးဌာန တာဝန်ရှိသူတွေကလည်း သူ့ကို ပြန်ပေးကြလို့ စစ်ဗိုလ်ချုပ် တစ်ဦးချင်းစီဟာ မြန်မာနိုင်ငံအနှံ့အပြားက မြို့တွေမှာ မြေကွက်ပိုင်၊ အိမ်ခြံပိုင်တွေ ဖြစ်နေကြတာပါ။ တချို့စစ်ဗိုလ်ချုပ်တွေဆို သူတို့ပိုင်ဆိုင်မှုအားလုံးကိုတောင် မမှတ်မိဘူးလို့ ဆိုပါတယ်။

နောက်ဆုံးတစ်နည်းကတော့ အဂတိလိုက်စားမှုလုပ်လို့ ရလာတဲ့၊ လာဘ်စားလို့ရလာတဲ့ တရားမ၀င်ငွေတွေနဲ့ ၀ယ်ယူရင်းနှီးမြှုပ်နှံထားတာပါ။ ကိုယ်ပိုင်ငွေရော၊ အာဏာကိုပါ ပေါင်းလိုက်တဲ့အခါ စစ်ဗိုလ်ချုပ်တွေဟာ ရန်ကုန် ရွှေတောင်ကြားလို တကယ့်မြေဈေးခေါင်ခိုက်နေတဲ့ နေရာမျိုးက မြေကွက်တွေကို ပိုင်ဆိုင်နိုင်တဲ့သူတွေ ဖြစ်သွားခဲ့ကြပါတယ်။ ဒါကြောင့်လည်း ဒီနေ့မြေကွက်ကိစ္စ၊ အိမ်ခြံမြေကိစ္စ ပြောရင် “အဘပိုင်” ဆိုတာ လက်ညှိုထိုးမလွတ်တာပါ။ လက်ရှိ မြန်မာနိုင်ငံရဲ့ အကြီးဆုံး မြေပိုင်ရှင်ကြီးတွေဆိုတာ စစ်ဗိုလ်ချုပ်ဟောင်းတွေပါ။ တကယ့် တန်ဖိုးကြီး မြေကွက်တွေအများစု သူတို့မိသားစု ဆွေမျိုးသားချင်းတွေ လက်ထဲမှာပါ။

မြန်မာနိုင်ငံမှာ ဈေးကွက်စီးပွားရေး တကယ်လုပ်တော့မယ်၊ ရင်းနှီးမြှုပ်နှံမှုကို တကယ် ခွင့်ပြုတော့မယ်၊ တံခါးကိုတကယ် ဖွင့်တော့မယ်ဆိုတဲ့အခါ အိမ်ခြံမြေဈေးတွေက တရိပ်ရိပ်တက်၊ ပြဿနာကြီး တစ်ခုလို ဖြစ်နေတယ်ဆိုတာ အစိုးရအဖွဲ့ရော၊ နိုင်ငံတကာကလည်း သိကြပါတယ်။ ဒီအတွက် မြန်မာနိုင်ငံ စီးပွားရေး ဖွံ့ဖြိုးတိုးတက်ဖို့၊ ရင်းနှီးမြှုပ်နှံမှုတွေ လွယ်လွယ်ကူကူ ချောချောမွေ့မွေ့ ၀င်ရောက်လာနိုင်ဖို့ မြေဈေးတွေ ကျဆင်းအောင် လုပ်ရမယ်ဆိုပြီး အကြံတွေပေးကြပါတယ်။ လုပ်ဖို့ကလည်း လွယ်ပါတယ်၊ နိုင်ငံတကာ ကုမ္ပဏီတစ်ခုကိုခေါ် ရန်ကုန်အနီးနားပတ်ဝန်းကျင်မှာ စီးပွားရေးလုပ်ငန်းတွေ အသုံးပြုနိုင်တဲ့ မြေကွက်သစ်တွေ အမြောက်အမြားဖော် ထုတ်ရုံပါပဲ။ ထွက်လာတဲ့မြေကွက်ကို အစိုးရနဲ့ အဲဒီရင်းနှီးမြှုပ်နှံမှုလုပ်တဲ့ ကုမ္ပဏီ ခွဲဝေယူရုံပါပဲ။

ဒါပေမဲ့ သမ္မတဦးသိန်းစိန်အစိုးရအဖွဲ့ဟာ မြေဈေးတွေ ကျဆင်းစေမယ့် အဲလို စီမံကိန်းမျိုးတွေကို လက်ဖျားနဲ့တောင် သွားမတို့ရဲပါဘူး။ အကြောင်းရင်းကတော့ ဒီမြေဈေးတွေ ခေါင်ခိုက်နေတဲ့အပေါ်မှာ စစ်ဗိုလ်ချုပ်တွေနဲ့ ဆွေမျိုးသားချင်းအားလုံးနီးပါးရဲ့ ကိုယ်ကျိုးစီးပွားနဲ့ တိုက်ရိုက်ဆက်စပ်နေလို့ပါပဲ။ ဒါကြောင့် သိပ်မကြာခင် မြင်နိုင်တဲ့ အနာဂတ်ကာလအထိ မြန်မာနိုင်ငံမှာ အိမ်ခြံမြေဈေးနှုန်းတွေ ကျဆင်းဖို့ မရှိသေးပါကြောင်း၊ စစ်ဗိုလ်ချုပ်အသိုင်းအ၀ိုင်း မိသားစုဝင်တွေဟာလည်း ဗိုလ်ချုပ်ညွန့်တင် မိသားစုဝင်တွေလို မြန်မာနိုင်ငံရဲ့ စီးပွားရေးအပြောင်းအလဲ ဖော်ဆောင်နေမှုကနေ အကျိုးအမြတ် အလွန့်အလွန် ရရှိ ခံစားနေကြရဦးမယ်၊ ပိုပိုပြီးကြွယ်ဝချမ်းသာ လာကြဦးမယ် ဖြစ်ပါကြောင်း သုံးသပ်တင်ပြလိုက်ရပါတယ်။

Mizzima Burmese

အပြည့်အစုံသို့ »

ကလေးစစ်သား ပပျောက်ရေး UNICEF က တိုင်းရင်းသား လက်နက်ကိုင်အဖွဲ့များနှင့် ဆွေးနွေးမည်

ကလေးစစ်သား မစုဆောင်းရန် လှုံ့ဆော်သည့် ကြော်ငြာဆိုင်းဘုတ်တစ်ခု (ဓာတ်ပုံ – Steve Tickner / ဧရာဝတီ)

သီဟတိုး| December 6, 2013 |

၂၀၁၅ ခုနှစ်အတွင်း မြန်မာနိုင်ငံတွင် ကလေးစစ်သား လုံးဝ ပပျောက်အောင် ဆောင်ရွက်ရာတွင် မြန်မာ့ တပ်မတော်သာမက တိုင်းရင်းသား လက်နက်ကိုင် တပ်ဖွဲ့များနှင့်ပါ ပူးပေါင်းဆောင်ရွက်ရန် တိုင်းရင်းသား လက်နက်ကိုင်တပ်ဖွဲ့ ၇ ဖွဲ့နှင့် ဆွေးနွေးဆောင်ရွက်သွားမည်ဖြစ်ကြောင်း ကုလသမဂ္ဂက ထုတ်ပြန်လိုက်သော အစီရင်ခံစာအရ သိရသည်။

တိုင်းရင်းသား လက်နက်ကိုင်တပ်ဖွဲ့ ၁၇ ဖွဲ့ ရှိသည့်အနက် ကုလသမဂ္ဂက လေ့လာပြုစုထားသည့် မြန်မာနိုင်ငံ၏ ၂၀၁၃ ခုနှစ် နောက်ဆုံး အစီရင်ခံစာတွင် ပါဝင်သော တပ်ဖွဲ့ ၇ ဖွဲ့နှင့်သာ ကလေးစစ်သား ပပျောက်ရေးကို ဆွေးနွေးညှိနှိုင်း ဆောင်ရွက်သွားမည်ဟု ကုလသမဂ္ဂ လုံခြုံရေးကောင်စီ ကလေးသူငယ်များနှင့် လက်နက်ကိုင် ပဋိပက္ခဆိုင်ရာ လုပ်ငန်း အကောင်အထည်ဖော်ရေး အဖွဲ့ ဥက္ကဌ၊ လူဇင်ဘတ် နိုင်ငံဆိုင်ရာ အမြဲတမ်း ကိုယ်စားလှယ် သံအမတ်ကြီး Ms. Sylvie Lucas က ဆိုသည်။

“၂၀၁၃ခုနှစ် ကုလသမဂ္ဂ အတွင်းရေးမှူး ရေးသားထားတဲ့ အစီရင်ခံစာအရ ကလေးစစ်သား လုံးဝပပျောက်ရေး စီမံကိန်းမှာ မြန်မာ့တပ်မတော်သာမက လက်နက်ကိုင် အဖွဲ့အစည်း ၇ ဖွဲ့နဲ့လည်း ဆွေးနွေးသွားဖို့ရှိတယ်” ဟု Ms. Sylvie Lucas က ပြောသည်။

ဒီဇင်ဘာ ၄ ရက်နေ့က ရန်ကုန်မြို့၊ အင်းလျားမြိုင်လမ်း ကုလသမဂ္ဂ ကလေးများ ရန်ပုံငွေအဖွဲ့ (UNICEF) ရုံးတွင် ပြုလုပ်ခဲ့သော လက်နက်ကိုင် ပဋိပက္ခများကြားက ကလေးသူငယ်များဆိုင်ရာ သတင်းစာ ရှင်းလင်းပွဲတွင် မီဒီယာများအား ၄င်းက အထက်ပါအတိုင်း ပြောကြားခဲ့ခြင်း ဖြစ်သည်။

မြန်မာနိုင်ငံတွင် ကလေးစစ်သား ပပျောက်ရေး စီမံကိန်းအား အစိုးရ၊ တပ်မတော်နှင့် UNICEF တို့ ပူးပေါင်း ဆောင်ရွက်လျက်ရှိပြီး အဆိုပါ အစီရင်ခံစာသည် ယခုနှစ်တွင် နောက်ဆုံးရေးသားထားသော အစီရင်ခံစာ ဖြစ်သည်။

ကုလသမဂ္ဂ လုံခြုံရေးကောင်စီ ကလေးသူငယ်များနှင့် လက်နက်ကိုင် ပဋိပက္ခဆိုင်ရာ လုပ်ငန်းအဖွဲ့သည် ၂၀၁၂ခုနှစ်အတွင်းက အစိုးရနှင့် စာချုပ်ချုပ်ဆိုထားသည်။ မြန်မာနိုင်ငံတွင် ကလေးစစ်သား ပပျောက်ရေး စီမံကိန်း မည်မျှ တိုးတက်မှုရှိသည်ကို သိရှိနိုင်ရန်အတွက် ယင်းအဖွဲ့က ယခုနှစ်အတွင်း အစိုးရ၊မြန်မာ့ တပ်မတော် အာဏာပိုင်များ၊ လွှတ်တော်အမတ်များ၊ လူမှုအဖွဲ့အစည်းများနှင့် တွေ့ဆုံသည့် ခရီးစဉ်ကို ၄ ရက်ကြာ လာရောက် လည်ပတ်ခဲ့သည်။

အဆိုပါ ခရီးစဉ်အတွင်း မြန်မာ့တပ်မတော်၏ ကလေးစစ်သား စုဆောင်းမှုများနှင့် နယ်ခြားစောင့်တပ်များတွင် ကလေးစစ်သား စုဆောင်းမှုများ မဖြစ်အောင် မည်ကဲ့သို့ တားဆီးရမည်ကိုပါ သိရှိခဲ့ရပြီး ယင်းတို့ဘက်မှ ကူညီပံ့ပိုးမည်ဟု ကမ်းလှမ်းမှုအပေါ် ကြိုဆိုကြောင်း Ms. Sylvie Lucas က ဆိုသည်။

လာမည့် ၂၀၁၅ ခုနှစ် နောက်ပိုင်းတွင် အစိုးရနှင့် နောက်ဆက်တွဲ သဘောတူညီမှု စာချုပ်ထပ်မံချုပ်ဆိုနိုင်ရန် မျှော်လင့်ကြောင်း ၄င်းက ဆက်ပြောသည်။

“ကျမတို့အဖွဲ့အနေနဲ့ ကလေးစစ်သား ပပျောက်ရေးအတွက် မြန်မာတပ်မတော်က ကလေးစစ်သား ၁၇၆ ဦးကို စစ်တပ်က ထွက်ခွာခွင့်ပေးပြီး အစိုးရက သဘောတူညီ လက်မှတ် ရေးထိုးထားတဲ့အတွက် ကလေးစစ်သား လျော့ပါးရေး စီမံကိန်းကို အလေးထား ပူးပေါင်းဆောင်ရွက်လို့ ကျေနပ်မိပါတယ်” ဟု Ms. Sylvie Lucas က ဆိုသည်။

ကုလသမဂ္ဂက စာရင်းတင်ထားသည့် ဆွေးနွေးမည့် တိုင်းရင်းသား လက်နက်ကိုင်တပ်ဖွဲ့ ၇ ဖွဲ့မှာ ညီညွတ်သော ဗုဒ္ဓဘာသာ ကရင်တပ်မတော် (DKBA)၊ ကချင်လွတ်လပ်ရေး တပ်မတော် (KIA)၊ ကရင်အမျိုးသား လွတ်မြောက်ရေး တပ်မတော် (KNLA)၊ ကရင်အမျိုးသား လွတ်မြောက်ရေး တပ်မတော် ငြိမ်းချမ်းရေးကောင်စီ၊ ကရင်နီ တပ်မတော် (KA)၊ ရှမ်းပြည်တပ်မတော် တောင်ပိုင်း (SSA-S)၊ “၀” ပြည် သွေးစည်းညီညွတ်ရေး တပ်မတော် (UWSA) တို့ ဖြစ်သည်။

“နောက်ဆက်တွဲ စာချုပ်အရ လက်နက်ကိုင် ပဋိပက္ခတွေမှာ ကလေးတွေ မပါဝင်ဖို့ စစ်တပ်တွေထဲမှာ ကလေးတွေကို လုံးဝ အသုံးချခံအနေနဲ့ မရှိဖို့ လိုအပ်ပါတယ်။ ILO ရဲ့ ပြောဆိုချက်တွေအပေါ် အစိုးရဘက်က ကတိပြုထားတဲ့အတိုင်း ၂၀၁၅ မှာ အဓမ္မ လုပ်အားပေးခိုင်းစေမှုတွေ မရှိအောင် ဆောင်ရွက်မယ့်အတွက် ကျေနပ်အားရမိပါတယ်” ဟု Ms. Sylvie Lucas က ပြောသည်။

မြန်မာနိုင်ငံအတွင်း ကလေးစစ်သား အသုံးချခံရမှု အမှန်တကယ် ပပျောက်ရေးအတွက် လက်တွေ့လုပ်ငန်းစဉ် ဖော်ဆောင်ရေး သဘောတူညီမှု (Action Plan) ကို ကုလသမဂ္ဂနှင့် မြန်မာအစိုးရတို့က ၂၀၁၂ ခုနှစ် ဇွန်လအတွင်းက လက်မှတ်ရေးထိုးခဲ့ကြခြင်း ဖြစ်သည်။

ဧရာဝတီ Myanmar News

အပြည့်အစုံသို့ »

ပုတဲ့ကလေးတွေရဲ့ ဦးနှောက်ဆဲလ်လေးတွေဟာ သာမန်ကလေးတွေနဲ့ မတူဘူး


UNICEF မှ အာဟာရပညာရှင် ဒေါက်တာကျော်ဝင်းစိန်နှင့်တွေ့ဆုံခြင်း
မြန်မာနိုင်ငံမှာ အရပ်ပုနေတဲ့ ကလေး ဘယ်လောက်ရှိပါသလဲ။
မြန်မာနိုင်ငံမှာ ကလေး ၂ ဒသမ ၅ သန်းက အရပ်ပုနေတယ်။ အဲဒါက အစိုးရနဲ့ UNICEF &JU Multiple Indicator Cluster Survey 2010  အရ ပုတဲ့နှုန်းနဲ့ မြန် မာနိုင်ငံရဲ့လူဦးရေ ၅၉ သန်းအပေါ်မူတည်ပြီး တွက်ထားတာပေါ့။ ကလေး ၂ သန်းကျော်ဟာ ပုနေတယ်။ အဲဒါဟာ အရေးကြီးတယ်။ အဲဒီတော့ တကယ့်လူဦးရေမ ဟုတ်ေ သး တော့ အတိုးအလျော့တော့ ရှိနိုင်တာ ပေါ့။ တကယ့်လူဦးရေစာရင်းကမ ကောက်တာကြာပြီဆိုတော့ နောက်ပိုင်း စာရင်းကောက်ပြီးသွားရင်တော့ တိကျတဲ့ စာရင်း ထွက်လာမှာပေါ့။
မြန်မာမှာက ဘာကြောင့်အရပ် ပုတဲ့သူ များသွားတာလဲ။
မြန်မာနိုင်ငံထက် များတဲ့နိုင်ငံတွေ ရှိတယ်။ တစ်ကမ္ဘာလုံးမှာပုနေတဲ့ ကလေးတွေ ၈ဝရာခိုင်နှုန်းဟာ၂၄နိုင်ငံ မှာပဲရှိတယ်။ အဲဒီထဲကမှ ဆယ်နိုင်ငံက အာရှမှာရှိတယ်။ အဲဒီဆယ်နိုင်ငံမှာ မြန်မာပါတယ်။ နီပေါပါတယ်။ ဗီယက်နမ်ပါတယ်။ အရှေ့တီမောလည်းပါတယ်။
အရပ်ပုတာရဲ့ အကျိုးဆက်က ဘာတွေ ဖြစ်လာနိုင်ပါသလဲ။
ဒါအရေးကြီးတယ်။ တချို့တွေက တွေးတာက အရပ်ပုတာက အရပ်ပု တာပဲပေါ့။ မဟုတ်ဘူး အရပ်ပုတာ ဆိုးတယ်။ အရပ်ပုတာက ကျန်းမာရေး တစ်ခုတည်း တင်မဟုတ်ဘူး။ အရပ်ပု တာက နံပါတ်တစ် ကျန်းမာရေးထိ တယ်။ တစ်နှစ် တစ်နှစ်မှာငါးနှစ်အောက် ကလေးတွေသေတယ်။ အဲလို သေတာ ရဲ့ ၁၅ ရာခိုင်နှုန်း ဟာ အရပ်ပုတာ ကြောင့် ဖြစ်တယ်။ နောက်တစ်ခုက ကျန်းမာရေး တစ်ခုတည်းပဲမဟုတ်ဘူး။ ပညာရေးမှာလည်း သွားထိသေးတယ်။ ပုတဲ့ကလေးေ တွရဲ့ဦးနှော က်ဆဲလ်ေ လး တွေဟာ သာမန်ကလေးတွေနဲ့ မတူဘူး။ ဦးနှောက်ဆဲလ်လေးတွေက ပုံစံမမှန် ဘူး။ ပုံမှန်မဟုတ်ဘူး။ သာမန်ကလေး တွေရဲ့ ဦးနှောက်ဆဲလ်ေ လးတွေဟာ အခက်အ လက်တွေ အများကြီးဖြာထွက် နေတယ်။ ဒါပေမဲ့ အရပ်ပုတဲ့ ကလေး တွေရဲ့ ဦးနှောက်ဆဲလ်လေးတွေဟာ မဖြာဘူး။ အခက်အလက် မများဘူးပေါ့။ အဲဒါနဲ့တင် တော်ေ တ်ာကွာသွားပြီ။ နောက်ပြီး ကျောင်းတက်တဲ့အခါမှာ လည်း School Performance က ကျသွားပြီ။ အဲဒါနဲ့ ပတ်သက်ပြီးတော့ တွက်ထားပြီးသား။ ဘယ်လိုတွက်ထား လဲဆိုရင် ပုတဲ့နှုန်းက ၁ဝ ရာခိုင်နှုန်း တက်သွားမယ်ဆိုရင် မူလတန်းကို ပြီး အောင် တက်တဲ့နှုန်းက ၈ ရာခိုင်နှုန်း ကျသွားမယ်။ မြန်မာနိုင်ငံမှာ ကြည့် မယ်ဆိုရင် ၅၄ ရာခိုင်နှု န်းဟာ မူလတန်း ကိုပြီးဆုံးသွားတယ်ဆိုရင် တကယ်လို့ သာ ပုတဲ့နှုန်းကို ဆယ်ရာခိုင်နှုန်း ချ လိုက်မယ်ဆိုရင် မူလတန်းပြီးတဲ့နှုန်း ဟာ ၇၅ ရာခိုင်နှုန်းအထိ ပြီးသွားမယ်။
အခုတွက်ထားတာ ၅၄ ရာခိုင်နှုန်းမှာ ၇၅ ရာခိုင်နှုန်းတက်သွားမယ်။ ဒါ Data တွက်ထားတာ။ နောက်ပြီး ကျန်းမာရေး နဲ့ ပညာရေး တင်မဟုတ်ဘူး။ စီးပွားရေး မှာလည်း အရေးကြီးတယ်။ ပုတဲ့ကလေး တွေပဲ များမယ်ဆိုရင် ကုန်ထုတ်လုပ်မှုဟာ လည်းကျသွားတယ်။ လုံးဝကျသွား တယ်။ ပုတဲ့နှုန်းကို ချပေးနိုင်မယ်ဆိုရင် GDP ဟာလည်း သုံးရာခိုင်နှုန်း တက်သွားမယ်။ အဲဒီတစ်ခုတည်းလားဆို တော့လည်း မဟုတ်ဘူး။ အားကစားမှာ လည်း သွားအရေးကြီးတယ်။ အဲဒီ တော့ ဘောလုံးကစားတာပဲဖြစ်ဖြစ်၊ အ လေးမတာပဲဖြစ်ဖြစ် ဘောလီဘောပဲ ဖြစ်ဖြစ်။ ဘောလီဘောဆို ပြောမနေနဲ့ တော့ အရပ်ပုရင်ဘယ်လိုမှ လုပ်လို့မရ ဘူး။ အဲဒီတစ်ခုတင်မဟုတ်ဘူး။ ကျန်တဲ့ အားကစားတွေမှာလည်း အရေးကြီး တယ်။ ခုန ပုတဲ့ကလေးတွေနှုန်းများ လာရင် ရွှေတံဆိပ်ရဖို့ မသေချာတော့ ဘူး။ စိတ်ချ။ အဲဒီတော့ အားကစားတွေ မှာ ဆုတံဆိပ်မရတာ အာဟာရမပြည့်ဝ လို့ဆိုတော့ နင်းကန်ကျွေးကြတယ်။ အဲဒါ ပိုဆိုးသွားတယ်။
ဘယ်အချိန်မှာ စလုပ် ရမှာလဲဆိုတော့ ကိုယ်ဝန်ဆောင် က တည်းက စလုပ်ရမှာ။ အာဟာရက ကိုယ်ဝန်ဆောင်ကတည်းက ပြည့်ဝ အောင်ပေးရမှာ။ ပြီးတဲ့အခါကျရင် သုံး နှစ်အောက် ကလေးတွေကို အပြည့် အဝပေးရမယ်။ ဒါဆိုရင် ဒီကလေးဟာ ကြီးလာတဲ့အခါ ကျရင် ဒီကလေးဟာ အားကစားနဲ့ ပတ်သက်ရင်ထပ် Train  ပေးလိုက်ရင် ဒီကလေးဟာ ရွှေတံဆိပ် ဆုရကိုရမှာ ကျိန်းသေတယ်။ မြန်မာ နိုင်ငံမှာ ပုတဲ့ ကလေးဟာ ဒီလောက် ၃ ပုံ ၁ ပုံများနေတယ်။ ဒီလောက်ဆိုရင် နောင်တစ်ချိန်မှာ ဆုတံဆိပ်ရဖို့ မသေချာတော့ဘူး။အဲဒါဟာ ခုနကပြောတဲ့ အာဟာရ နဲ့အများကြီးဆိုင်တယ်။ အရပ်ပုတာနဲ့ လည်းဆိုင်တယ်။ တခြားအချက်တစ် ချက်နှစ်ချက်လည်း ပါတာပေါ့နော်။ ဒါပေမဲ့ သူတို့က အရေးကြီးဆုံးအချက် တွေ ဖြစ်နေတယ်။ ဒါကြောင့်မို့ အရေး ကြီးတယ်။ ကျန်းမာရေးရော၊ ပညာရေး ရော၊ ကုန်ထုတ်လုပ်မှုရော၊ အားက စား မှာရော အကုန်လုံးအရေးကြီးတယ်။ အဲဒါ သူ့ effect တွေက အရမ်းအရေး ကြီးတယ်။ အဲဒါသာတင်ပေးလိုက် မယ်ဆိုရင် မြန်မာက တက်သွားမှာ။ စဉ်းစားကြည့် မယ်ဆိုရင် အာဟာရချို့ တဲ့တာ ပုတာဟာ အဲဒီကလေးနဲ့တင်ဆိုင် တာ မဟုတ်ဘူး။
အဲဒီမိသားစုနဲ့တင် ဆိုင်တာ မဟုတ်ဘူး။ ကိုယ့်နိုင်ငံနဲ့ပါ ဆိုင်တာ။ ဒါ နိုင်ငံတော်ရဲ့အရေးကြီးတဲ့ ဦးစားပေးရမယ့် လုပ်ငန်းတစ်ခုပဲ။ ဥပမာ ထားပါတော့ နိုင်ငံတော်က လုပ် နေတာ ဆင်းရဲမွဲတေမှုပပျောက်ရေး လုပ်တာဟာ ဒီအရပ်ပုတာကို ဖြုတ်နိုင် ဖို့က အရမ်းအရေးကြီးတယ်။ အခု အစိုးရက ၂ဝ၁၄-၁၅ မှာငါးနှစ်အောက် ကလေး သေ မယ့်နှုန်းကို ချမယ်ဆိုတာ ဒီ Nutrition  မပါရင် ချလို့မရဘူး။ Nutrition Intervention က အရမ်း အရေးကြီးတယ်။ ကမ္ဘာမှာ ငါးနှစ် အောက်ကလေးေ တွ သေတယ်။ အများ ကြီးသေတယ်။
ဒါတွေကို ဘယ်လို ကာကွယ်နိုင် မလဲ။
ဒီကလေးတွေကို အသက်ကယ်နိုင်မယ့် Intervention တွေရှိတယ်။ အဲဒီထဲကမှ အကောင်းဆုံးက မွေးစမှ အသက် ၆ လအထိ မိခင်နို့တစ်မျိုးတည်း တိုက်တာဟာ ငါးနှစ်အောက် ကလေး သေနှုန်းကို ၁၃ ရာခိုင်နှုန်း ချပေးနိုင် တယ်။ ဘာပစ္စည်းမှ ပေးစရာမလိုဘူး ။မိခင်နို့တိုက်တာပဲ။ အရည်အေ သွး ပြည့်ဝတဲ့ ဖြည့်စွက် စာတွေ ကျွေး မယ် ဆိုရင် ငါးနှစ်အောက် ကလေးသေနှုန်း ကို ၉ ရာခိုင်နှုန်း ချပေးနိုင်တယ်။ မြန်မာနိုင်ငံမှာ မိခင်နို့တစ်မျိုး တည်းတိုက်တဲ့နှုန်းဟာ အရင်ကဆိုရင် ၁၄ ဒသမ ၇ ရာခိုင်နှုန်းပဲရှိတာ။ အခု ဆိုရင် တက်လာတယ်လေ။ စီမံကိန်းတွေ ချပြီး လုပ်နေတာပဲ။ တစ်နိုင်ငံလုံး ပြန့်အောင် အခု Infant and Young Child Feeding (IYCF) အသက်သုံးနှစ်အောက် ကလေးတွေကို အစားအစာ ကျွေးမွေးရမယ့် ဗျူဟာကို  ကျန်းမာရေးဝန်ကြီးဌာနက အကောင်အထည်ဖော်တယ်။ ဆရာတို့ UNICEF က နည်းပ ညာပိုင်း၊ ငွေရေး ကြေးရေးပိုင်းကို ပံ့ပိုးတယ်။ အဲဒီမှာ မိခင်နို့ချိုတိုက်ကျွေး ရေးလည်း ပါတယ်။ ခုနကပြောသလို ကွာလတီ ပြည့်တဲ့ ဖြည့်စွက်စာတွေ ကျွေးမယ်။ Intervention  တွေ အများ ကြီးပါတယ်။ ၂ဝ၁၁-၁၂ ကနေ ၂ဝ၁၅-၁၆ အထိ ၅ နှစ်စာစီမံကိန်းချပြီးလုပ် နေပြီ။ အခု ၂ဝ၁၃ ဆိုတော့ လုပ်နေ ရင်းတန်းလန်းပေါ့။ အဲဒီလို လုပ် မယ်ဆို တစ်ချိန်မှာ အရပ်ပုတာကျကျလာမှာ။ အဲဒီတော့ အဲဒီရဲ့ ၅ နှစ်စာ စီမံကိန်းရဲ့ အထဲမှာ ဘာတွေပါလဲဆိုတော့ ခုနက ပြောတဲ့ လူတွေကို အသိပ ညာပေး တာ တွေ၊ မိခင်နို့ဘာကြောင့် တိုက်တာလဲ။ ဖြည့်စွက်စာကျွေးတာသည် ဘာကြောင့် ကျွေးရသလဲဘာတွေပါရမလဲ စသဖြင့် သင်တန်းတွေပေးမယ်။
စာရွက်စာတမ်း TV, DVD တွေထုတ်တာတစ်ခုပေါ့၊ နောက်တော့ ဆေးရုံတွေမှာ မိခင်နို့ချို တိုက်ကျွေးရေးတွေမှာ သင်တန်းပြန် ပေးတယ်။ နောက်ပြီး ဆေးကျောင်းတွေ မှာ သင်ရိုးညွှန်းတမ်းတွေမှာထည့်တယ်။ ဆရာဝန်တော်တော်များများတွေက ဆရာဝန်ဖြစ်လာတဲ့အချိန်မှာ အတော်များများက ဘာမှ မသိကြဘူး။ အခု ဆေးကျောင်းေ တွမှာ ထည့်တယ်။ ပြီးရင် သားဖွားသင်တန်းကျောင်းတွေ၊ အဲဒီမှာ အကုန်ထည့်မယ်။ နောက်တစ် ချက်က ဥပဒေထုတ်မယ်။ ဥပမာနို့မှုန့်။ မွေးစကနေ ၆ လအထိ မိခင်နို့ တစ် မျိုးတည်း တိုက်ရမယ်ဆိုတော့ နို့မှုန် တွေကြော်ငြာရင် ဘယ်လိုကြော်ငြာရ မလဲဆိုတဲ့ ဥပဒေ အခုရေးဆွဲတုန်းပဲ။ အဲဒါအတည်ဖြစ်ရင် လိုက်နာရတော့ မယ်။ ဥပမာမိ ခင်နို့တစ်မျိုးတည်းတိုက် မယ်ဆိုရင် သူ့အတွက်အရေးကြီးတဲ့ Supporting လိုတာပေါ့။ အထောက် အကူလိုတယ်။ ဘာအထောက်အကူတွေလိုလဲဆိုတော့ ခုန ကပြောတဲ့မီးဖွားခွင့်တွေပေါ့။ ၆ လဖြစ်ဖို့ပေါ့။ ငါးနှစ်စာ Plan မှာပါ တယ်။ မိခင်နို့ တိုက်မတိုက် Counselling လုပ်တာ၊ နှစ်သိမ့် ဆွေး နွေး အကြံပေးတာတွေ လုပ်မယ်။
ကလေးတစ်ယောက် အရပ်ပုရတာ ဘာကြောင့်လဲ။ ဘယ်လို အချက်တွေကြောင့် ပုနေရတာပါသလဲ။
အသက် ၃ နှစ်အောက် ကလေး တစ်ယောက်ကို ကြည့်မယ်ဆိုရင် ဒီ ကလေးက ကြီးလာရင် အရပ်ရှည်လား မရှည်ဘူးလားဆိုတာကို တစ်ခါတည်း ခန့်မှန်းနိုင်တယ်။ သုံးနှစ်ကျော်သွားရင် လုပ်လို့မရတော့ဘူး။ ကလေးတွေ အရပ်တက်လာတာ အချိန် ၃ချိန်ရှိတယ်။ ပထမတစ်ချိန်က ကိုယ်ဝန်ဆောင် ပထမ ၃ လက အရမ်းအရေးကြီး တယ်။ ကိုယ်ဝန်ဆောင် ပထမသုံးလက ဘာဖြစ်လို့ အရေးကြီးလဲဆိုတော့ ကိုယ်ဝန်ဆောင်ပထမသုံးလမှာ ကလေး က အရပ်အရမ်းထွက်လာတာ။ အဲဒီ ပထမသုံး လမှာကလေးဖြစ်လာတဲ့ ဆဲလ် လေးတွေ ပွားလာတာ။ ကိုယ်ဝန်ဆောင် ကာလကို သုံးပိုင်းပိုင်းရင် ပထမအပိုင်း က ဆဲလ်လေးတွေ ပွားလာတယ်။ ဒုတိယပိုင်းမှာ ဆဲလ်လေးတွေ ပွား လည်း ပွားလာတယ်။ ပွားထားပြီးသား ဆဲလ်လေးတွေက တဖြည်းဖြည်းကြီးလာ တယ်။ နောက်ဆုံး တတိယသုံးပိုင်းကျ တော့ ဆဲလ်လေးတွေက မပွားတော့ ဘူး။ ကြီးပဲကြီးတော့တယ်။ အဲဒီတော့ စဉ်း စားကြည့်လိုက်ရင် ဆဲလ်တွေပွားလာတဲ့ အချိန် ပထမသုံးလက အရမ်းအရေးကြီး တယ်။ ဥပမာဆဲလ်တွေ ကလိုသေ လာက် မပွားဘူးဆိုရင် ကြိုက်သလောက်ကြီး လေ လိုချင်တဲ့အရွယ် အစားမရတော့ ဘူး။ ဆဲလ်အရေအတွက် ပြည့်အောင် ပွားရမယ်။ ကိုယ်ဝန်ဆောင် ပထမ သုံး လမှာရှိတဲ့ အာဟာရက အရမ်းအရေး ကြီးတယ်။
ကိုယ်ဝန်ပထမသုံးလမှာ ဆဲလ် လေးတွေပွားဖို့အတွက် ဘာလိုအပ်သလဲ ဆိုရင် ဗိုက်တာမင်နဲ့ သတ္တုဓာတ်ပြည့် ပြည့်ဝဝရဖို့လိုအပ်ပါတယ်။ ဗိုက်တာ မင်နဲ့ သတ္တု ဓာတ်ပြည့်ပြည့် ဝဝရရင် ဆဲလ်လေးတွေ ပွားလာပါတယ်။ ကိုယ် ဝန်ဆောင် ဒုတိယသုံးလမှာတော့ ဗိုက် တာမင်သတ္တုဓာတ်အပြင် ကစီဓာတ်၊ အသားဓာတ်တို့၊ အဆီ ဓာတ်တို့လိုတယ်။ တတိယ သုံးလကျတော့ ဗိုက်တာမင်နဲ့ သတ္တုဓာတ်တို့ သိပ်မလိုတော့ဘူး။ ဆဲလ်ကကြီးလာဖို့ကျတော့ အာဟာရက ကြီးထွားစေတဲ့ ကစီဓာတ်တို့၊ အသား ဓာတ်တွေ လိုတယ်။အဲဒီတော့ ပထမသုံးလက အရမ်း အရေးကြီးတယ်။ အဲဒီတော့ မြန်မာနိုင်ငံ မှာ ဘယ်အချိန်မှာ ကိုယ်ဝန်အပ်ကြ လဲ။ ပထမသုံးလဆို မသိကြ ဘူး။ အဲဒီ တော့ ပထမသုံးလက လွတ်ကိုလွတ်သွား တာ။ အဲဒီတော့ ပထမသုံးလမိအောင် ဘယ်လိုလုပ်ရမလဲ။ ပထမသုံးလမိ အောင်ဆိုရင် ဟိုးကိုယ်ဝန် မဆောင် ခင် ကတည်းက လုပ်ရတော့မယ်။ရှင်းရှင်းပြောရရင် အိမ်ထောင်ပြု ပြီးတာနဲ့ တစ်ချိန်ချိန်သူသည် ကလေး ယူတော့မှာပဲ။ ခုနက ပြောတဲ့ ဗိုက်တာ မင်နဲ့ သတ္တုဓာ တ်တွေ ပြည့်ဝအောင် စားရတော့မယ်။
ဆေးဝါးတွေသုံးဆောင် ရတော့မယ်။ အဲဒါက တစ်ပိုင်းပေါ့။ နောက်ပြီးတော့ မြန်မာနိုင်ငံမှာ အပျို အရွယ်ကျောင်းသူ မိန်းကလေးတွေကို စစ်တမ်းကောက်တဲ့နေရာမှာ ၂၆ ရာ နှုန်းက သွေးအားနည်းနေတယ်။ အဲဒီ အရွယ်ဟာ သွေးအားနည်းရမယ့်အရွယ် မဟုတ်ဘူး။ အဲဒီအရွယ်တွေမှာ သွေး အားနည်းရင် ကိုယ်ဝန်ဆောင်ရင် ပိုဆိုး သွားပြီ။ ဘယ်ကတည်းက အာဟာရ ပြည့်ဝရမလဲဆိုရင် ဟိုးအပျိုပေါက် အရွယ်ကတည်းက ပြည့်ဝရမယ်။ ကိုယ် ဝန် မဆောင်ခင်လည်း ပြည့်ဝရမယ်။ အဲဒီတော့မှ ပထမသုံး လမီမှာ။ ချက် ချင်း သိတာ လူနည်းစုပါပဲ။ အဲဒီလူတွေ အတွက်တော့ ဘာပြဿနာမှမရှိဘူး။
အဲဒီမှာ လွတ်သွားပြီဆိုရင်ကလေး က နည်းနည်းသေးသွားပြီ။ အဲဒီအချိန် လွတ်သွားပြီဆိုရင် နောက်တစ်ချိန် မီ နိုင်တဲ့ တစ်ချိန်ရှိသေးတယ်။ အဲဒါက အသက် ၃ နှစ်ေ အာက်အချိန်မှာပေါ့။ အသက် ၃ နှစ်အောက်ကလေးကို အ စာကျွေးတာလည်း အရမ်းအရေးကြီး တယ်။ မြန်မာမှာတင် မကဘူး တစ် ကမ္ဘာလုံးမှာ ကလေးတွေကို အစာ ကျွေးတဲ့ နေရာမှာ ကလေးတွေအစာစား တာပဲ။ ကြိုက်သလောက်စား၊ ကြိုက် တာစား သိပ်အရေးမကြီးဘူး။ သုံးနှစ် အောက် ကလေးတွေ အစာကျွေးတာ ဟာ တော်တော်အရေးကြီးတယ်ဆိုတာ ကို သူတို့ မသိကြဘူး။ အဲဒီတော့ သုံးနှစ်ကျော်သွားရင် အဲဒီကလေးကို ကြိုက်သလောက်ကျွေး မတက်တော့ ဘူး။ တချို့က တတိ ယအချိန်ကျွေးတာ ပေါ့နော်။ လူပျိုပေါက်၊ အပျိုပေါက် အချိန် ဒါပေမဲ့ လူပျိုပေါက်အပျိုပေါက် အချိန်ကျတော့ သိပ်မတက်တော့ဘူး နည်းနည်းလေးပဲ တက် တယ်။ကိုယ် ဝန်ဆောင်အာဟာရနဲ့ သုံး နှစ်အောက်ကလေး အစာကျွေးတာ အဓိကပဲ။ အဲဒီနှစ်ချက်မိလိုက်ရင် ပြီးပြီ ပဲ။ အဲဒီမှာ ပထမသုံးလမှာမိဖို့က အ ရမ်းခက် တယ်လေ။ အဲဒီတော့သုံးနှစ် အောက်ကလေးမိဖို့က အရမ်းအရေးကြီး တယ်လေ။ နံပါတ်တစ်အချက်က မိခင် နို့ တစ်မျိုးတည်းကို မွေးစကနေ ၆ လအထိ တိုက်တာ၊ ရေတောင်မတိုက် ရဘူး။ မွေးစကနေ ၆ လ ကလေးတွေ ကိုရေမတိုက်တဲ့အခါကျတော့ မိခင် တွေက ကလေးတွေရေဆာမှာပဲ ထင် ကြတယ်။ တကယ်တော့ မဟုတ်ဘူး။ မိခင်နို့မှာ ရေက ၈၇ ရာခိုင်နှုန်းပါတယ်။ ကျန်တဲ့ ၁ဝ ရာခိုင်နှုန်းကျော်ကပဲ အာဟာရတွေ သတ္တုဓာတ်တွေ၊ ကိုယ်ခံ စွမ်းအားတွေပါတယ်။ အဲဒါက ကလေး တွေအတွက် လုံလောက်ကို လုံလောက် တယ်။ ဘာမှ မလိုအပ်ဘူး။
နံပါတ် ၂ အချက်က ၆ လပြည့် တာနဲ့ ဖြည့်စွက်စာတွေကျွေးရမယ်။ကလေးနှစ်နှစ်အထိ ကျွေးရမယ်။ ကျွေး တဲ့အခါမှာလည်းမိခင်နို့ကို ကလေး နှစ်နှစ်အထိ ဆက်တိုက်ရ မယ်။ အဲဒီ တော့ မြန်မာနိုင်ငံမှာ ဖြည့်စွက်စာကျွေး တာ မြန်မာနိုင်ငံက ဖြည့်စွက်စာတွေက ကွာလတီမကောင်းဘူး။ ကွာလတီ မ ပြည့်ဝဘူး။ ဖြည့်စွက်စာက အသ က် ခြောက်လကနေ စတင်ကျွေးရမှာ။ အ ကြိမ်အရေအတွက်လည်း မှန်ကန်ရ မယ်။ အသက်ရှစ်လ၊ တစ်နှစ်၊ နှစ်နှစ် အထိ ဘယ်နှကြိမ်ကျွေးရ မယ်ဆိုတာ မျိုး ပေါ့ ။နံပါတ်သုံးအချက်ကတော့ ကလေး တွေကို အစုံကျွေးရမယ်။ ကလေးတွေကို ကျွေးတာ အစာအုပ်စုကို ခွဲထားတာ ၇ ခုရှိတယ်။ အဲဒီ ၇ ခုလုံး ကျွေးရမယ်။ သံဓာတ်ပြည့် ဝတဲ့ အစားအသောက် တွေ ကျွေးရမယ်။ သံဓာတ်အစားအစာ မကျွေးနိုင်ရင် အားဆေးကျွေးရမယ်။ မြန်မာနိုင်ငံမှာက ကလေးတွေကိုဘာ ကျွေးလဲဆိုတော့ ထမင်းနဲ့ ဆီလေးနဲ့ ငါးလေးနဲ့ ကျွေးတယ်။ အဲဒီမှာ ဗိုက်တာ မင်နဲ့ သတ္တုဓာတ်တွေလုံးဝမပါဘူး။ ဗိုက်တာမင်ကအေဒီအီးကေ အများကြီး ပါပဲ။ သတ္တုဓာတ်တွေမှာ အိုင်အိုဒင်း၊ သံ ဓာတ်ပါမယ်၊ ဇင့်ပါမယ် အဲဒါတွေက ခန္ဓာကိုယ်အတွက် အများကြီးလိုတယ်။ ဝမ်းလျှောရင်တိုက်တဲ့ ဓာတ်ဆားရည် တွေကိုကြည့်ရင် ဗိုက်တာမင်နဲ့ သတ္တု ဓာတ်တွေ အများကြီးပါတယ်။ အဲဒါ တွေက အသက်ကယ်တာလေ။ အဲဒါ တွေ ကလေးတွေမှာ နည်းနေပြီဆိုရင် မထွားတော့ဘူး။ကလေးတွေကို အရပ်ပုစေတဲ့ အကြောင်းရင်း နံပါတ်တစ်ကတော့ ခုနက ကိုယ်ဝန်ဆောင်တွေအာဟာရ မပြည့် ဝတာ။ နံပါတ်နှစ်က သုံးနှစ်အောက် ကလေးတွေနဲ့ ပတ်သက်လို့အစာကျွေး တာမှာ လိုအပ်ချက်တွေ ရှိ တာပေါ့။ မြန် မာနိုင်ငံမှာက မွေးစကနေ ၆ လ အထိ မိခင်နို့တစ်မျိုးတည်းတိုက်တဲ့နှုန်းက လည်း အရမ်းနည်းတယ်လေ။ အဓိက က အဲဒီအကြောင်း အရင်း နှစ် ချက် ကြော င့်ပေါ့။ သုံးနှစ်အောက် ကလေး တွေကို အစာကျွေးတာမမှန်တာ အဲဒါ ကြောင့် ပုတာ။
အရပ်ပုတဲ့ကလေးတွေ များလာ မယ်ဆိုရင် ဘာတွေ အကျိုးဆက်ရှိမလဲ။
ခုနက ပြောသလို ၄ ချက်၊ (၁) ငါးနှစ်အောက် ကလေးသေနှုန်းလည်း များလာမယ်။ (၂) မူလတန်းကျောင်းပြီး မြောက်မှု စာတတ်မြောက်မှု နည်းသွား မှာပဲ။ (၃) နောက် အားကစားမှာလည်း ယှဉ်လို့မရဘူး။ (၄)ကုန်ထုတ်လုပ်မှုလည်း ကျသွားမှာပဲ။ ဒီဟာတွေက အကုန် နိုင်ငံအတွက်တော့ အရေးကြီးတယ်။
မြန်မာနိုင်ငံအနေနဲ့ အရပ်ပုတာ ကျသွားအောင် ဘယ်လိုလုပ်သင့်ပါသလဲ။
မြန်မာနိုင်ငံအတွက်က အာဟာရ လုပ်ငန်းတွေကို အရှိန်အဟုန်မြှင့်ရတာ။ ဆရာတို့ အစည်းအဝေး အကြီးကြီးတစ် ခုလုပ်ရမယ်။ ဒီအရပ်ပုတဲ့လူတွေကို လျှော့ချဖို့။ ခုနကပြောတဲ့ ၅ နှစ်စာ စီမံ ကိန်းမှာလည်း မိခင်နို့တစ်မျိုးတည်း တိုက်တဲ့နှုန်းတွေ တက်လာအောင်လုပ် မယ်။ ဖြည့်စွက်စာကျွေးတဲ့ ကွာလတီ တွေ ပြည့်ပြည့် ဝဝတစ်နိုင်ငံ လုံး ပြန့် အောင်လုပ်မယ်။ ဒါတွေအားလုံးက ငါး နှစ်အောက်ကလေး အရပ်ပုတာကို လျော့စေတာတွေချည်းပဲ။ နောက်တစ် ခုထပ်ထည့်ရမှာက ကိုယ်ဝန်ေ ဆာင် တွေရဲ့အာဟာရ။ ဆရာတို့အခုက Iron ဖောလစ်အက်ဆစ်တွေ ပေးတယ်။ မလုံလောက်သေးဘူး။ အများကြီးလိုအပ် သေးတယ်။ ပထမသုံးလ လွတ်သွားတယ်။ အဲဒီတော့ ဘယ်ကတည်းက လုပ်ရမလဲဆိုတော့ ကျောင်းနေအရွယ်ကတည်းက သင်ရတော့မယ်လေ။ Education လေ။ ကျောင်းစာတွေမှာ ကတည်းက ပါရတော့မယ်။ အပျိုဖော်ဝင်အရွယ်တွေ ပညာပေးလုပ်ငန်းတွေ လုပ်ရတော့မယ်။ နောက်ပြီး မီဒီယာကလည်း အရေးကြီးတာပဲ။ နောက်ပြီး မီဒီယာကအခုဆို ဂျာနယ်တစ်ခုတည်း မဟုတ်တော့ဘူး။ ရေဒီယိုတွေ၊ FM  တွေ၊ TV တွေကနေ တစ်ဆင့်ထည့်လို့ ရတာပဲ။
အိမ်နီးချင်းနိုင်ငံတွေမှာရော ဘယ် လိုတွေ လုပ်နေကြပါသလဲ။
အိမ်နီးချင်းနိုင်ငံတွေမှာဆိုရင် လည်း ကြီးကြီးကျယ်ကျယ် Plan တွေ ဆွဲပြီးလုပ်ကြတာပဲ။ နီပေါမှာဆိုရင်လည်း အဲဒီလိုပဲ။ နီပေါမှာဆိုရင် ဆရာတို့ထက် စောတယ်။ သူတို့မှာလည်းကျလာ တယ်။ ကိုယ်ဝန်ဆောင် အာဟာရရယ်၊ IYCF ရယ် ဒါက အဓိကလုပ်တာပေါ့။နောက်တစ်ပိုင်းလုပ်တာက ဘာလဲဆို တော့ အစားအသော က်ဖူလုံ ဖို့နဲ့ ရော ဂါ ကာကွယ်ဖို့ကလည်း သူတို့လည်း အား ဖြည့်ကူညီပေးရမယ်လေ။ အရေးပေါ် အစားအသောက်မပြည့်ဝရင် ရောဂါ ဖြစ်ရင် တစ်ချိန်လုံးရေရှည်စွဲ ကုပေး ရ မှာမျိုးပေါ့။ ဗီယက်နမ်မှာလည်း အကြီး အကျယ်လုပ်တယ်။ ထိုင်းမှာလည်း လုပ် တယ်။ ကြာပြီသူတို့လုပ်တာ။
အရပ်ပုတာက အခုမှဖြစ်တာလား။ အရင်ကတည်းက ရှိခဲ့တာလား။
ပုတာကျတော့ ချက်ချင်းမဟုတ် ဘူး။ သူက Generation အလိုက် ပုတာ။ ပိန်တာကျတော့ ရောဂါမဖြစ်အောင် ကာကွယ်ဆေးတွေထိုးပေး လိုက်။ အာဟာရပြည့်ဝေ အာင်စားလိုက်  ရင်မပိန်တော့ဘူးလေ။ ဝလာမှာပဲ။ အရပ်မြင့်ဖို့က သုံးနှစ်ကျော်ရင် လုပ်လို့ မရတော့ဘူး။ အခုလက်ရှိ ရှိနေတဲ့ ၃၅ ရာခိုင်နှုန်းကလည်း ရှည်အောင်လုပ်လို့ မရတော့ဘူး။ နောက်ထပ်တိုးလာမယ့် မျိုးဆက်သစ်တွေအတွက် လုပ်ရမယ်။ အဲဒါကလည်း ချက်ချင်းမသိသာဘူး။ အခုလုပ်မှ နောက်ဆယ်နှစ်လောက်မှ သိသာမှာ။ ဒီကလေးတွေက နောက် ဆယ်နှစ်လောက်မှ ကြီးလာမှာလေ။ အဲဒီတော့မှ ပညာရေးရော၊ ကုန်ထုတ် လုပ်မှုရော၊ အားကစားရော တက်လာ မှာလေ။ ဆယ်စုနှစ်ချီပြီး လုပ်မှအရပ်ပု တာအတွက် effect  ဖြစ်စေမှာ။
အရပ်ပု၊ မပု ဘယ်လို စံချိန်စံညွှန်း တွေနဲ့ တိုင်းတာပါသလဲ။
ပထမဆုံးကလေးတွေကို သတ် မှတ်တဲ့ အရပ်စံချိန်မီမမီဆိုတာကို သတ်မှတ်တဲ့ WHO Standard  ကို သုံးတယ်။ အခုက ဆရာတို့မှာ ငါးနှစ် အောက်ကလေးတွေကို တိုင်းတာတာ ၃ မျိုးရှိတယ်။ တစ်မျိုးက Under Weight ဆိုတာ ကလေးတွေကို ဝိတ် ချိန်တာပေါ့။ သွားဖွား ဆရာမတွေက ဝိတ်ချိန်ရင် Under Weight ဆိုတာ သိတယ်။ Under Weight ဆိုတာ ရှိ သင့်တဲ့အသက်အရွယ်မှာ ကိုယ်အလေး ချိန်မပြည့်ဘူး။ Under Weight လို့ ပြောရင် ဆရာတို့က ၂မျိုးဖြစ်နိုင်တယ်။ တစ်ခုက လတ်တလောအာဟာရ ချို့တဲ့ တာ။ နောက်တစ်ခုက ရေရှည် အာဟာ ရ ချို့တဲ့တာ။ လတ်တလော အာဟာရ ချို့တဲ့တာက ပိန်သွားတာ။ ရေရှည် အာဟာရ ချို့တဲ့တာက ပုသွားတာ။ အဲဒီနှစ်မျိုးရှိတယ်။ အဲဒီနှစ်မျိုးကို ဘာနဲ့ ပြန်တိုင်းလဲဆိုတော့ အရပ်နဲ့ ပြန်တိုင်း တယ်။ ပြန်တိုင်းတဲ့အခါ ရှိသင့်တဲ့ အသက်အရွယ်မှာ ရှိသင့်တဲ့အရပ် မရှိဘူးဆိုရင် အဲဒါဟာ ပုသွားပြီ။  အောက်မှာဖော်ပြထားတဲ့ ဇယား အတိုင်းမရှိရင် အရပ်ပုတယ်လို့  ပြော လို့ရတယ်။
မလုပ်ဘဲ ဒီတိုင်းဆက်ရှိနေမယ်ဆိုရင် ဘယ်လိုဖြစ်လာမလဲ။
ခုနက ပြောသလို အဓိကမြန်မာ နိုင်ငံမှာ မူလတန်းပညာသင်တဲ့နှုန်းတွေ ကျသွားပြီဆိုရင် သွားပြီလေ။ မူလတန်း မှာ မပြီးရင်တော့သွားပြီပေါ့။ ကလေး သေတာလည်း များလာမယ်လေ။ နောက်တတိယတစ်ခုက ကုန်ထုတ်လုပ် မှုလည်း ကျလာမယ်လေ။ အားကစား မှာလည်း မအောင်မြင်တော့ဘူးလေ။ အဲဒီတော့ နိုင်ငံအတွက် သွားပြီပေါ့။ များလာလေ ပိုဆိုးပြီလေ။



မြ တ် စု ငြိ မ်းေ တွ့ ဆုံေ မး မြ န်း သ ည်
popularmyanmar

အပြည့်အစုံသို့ »

ကလေးမေမေ တွေကို ကယ်ပေးကြပါရှင်


အရွယ်မတိုင်မီ ကိုယ်ဝန်ဆောင်ခြင်းနှင့် ပတ်သက်ပြီး အသက် ၂၀ အောက် အရွယ်ဟု အမျိုးသမီးများကို သတ်မှတ်ပါသည်။ အသက် ၁၂ နှစ် သို့မဟုတ် ၁၃ နှစ်အရွယ် မိန်းကလေးများသည် ဖွံ့ဖြိုးစအရွယ် ရာသီ စလာချိန် ဖြစ်သဖြင့် ကျန်းမာရန် အရှိန်ယူနေရချိန်လည်း ဖြစ်သည်။ ထိုသို့သော အရွယ်များတွင် အကြောင်းအမျိုးမျိုးကြောင့် ကလေး အမေများ ဖြစ်ခဲ့ရသည့် အမျိုးသမီးငယ်များ ကမ္ဘာတွင် မြောက်မြားစွာ ဖြစ်ပေါ်လျက် ရှိသည်။

ကမ္ဘာတစ်လွှား အရွယ်မတိုင်မီ ကိုယ်ဝန်ဆောင်နေရသည့် နှုန်းသည် အာဖရိကတိုက် တောင်ပိုင်းနိုင်ငံ များအတွင်း အမြင့်မားဆုံးဖြစ်ပြီး လူ ၁၀၀၀ တွင် ၁၄၃ ဦးခန့် အမေကလေးများ ဘဝ ရောက်နေကြရ ကြောင်း၊ တောင်ကိုရီးယားနိုင်ငံတွင် လူ ၁၀၀၀ လျှင် ၂ ဒသမ ၉ ဦးနှုန်းဖြစ်ကြောင်း UNICEF အစီရင်ခံစာတွင် ဖော်ပြထားသည်။ အမေရိကန်ပြည်ထောင်စုတွင် အသက် ၁၅ နှစ်မှ ၁၉ နှစ်အတွင်း မရည်ရွယ်ဘဲ ကိုယ်ဝန်ရှိသွားသည့် ဦးရေမှာ အရွယ်မရောက်မီ အမျိုးသမီးလေးများ၏ ၈၂ ရာခိုင်နှုန်း ဖြစ်သည်ဟု Mayo Clinic အစီရင်ခံစာတွင် ဖော်ပြထားသည်။

ကုလသမဂ္ဂကလည်း ၂၀၁၃ ခုနှစ် ဇူလိုင်လ ကမ္ဘာ့ လူဦးရေများနေ့တွင် အရွယ်မတိုင်မီ ကိုယ်ဝန်ဆောင် နေရသူများအတွက် အစိုးရတိုင်းတွင် တာဝန်ရှိသည်ဟု ထောက်ပြထားသည်။ ကုလသမဂ္ဂ လူဦးရေ ရန်ပုံငွေအဖွဲ့ (UNFPA) ကလည်း နှစ်စဉ် အသက် ၁၈ နှစ် မပြည့်မီ ကလေး မွေးနေရသော အမျိုးသမီးလေးပေါင်း ၁၆ သန်း ခန့် ရှိသည်ဟု ထုတ်ပြန်ထားသည်။ ထို့ပြင် မိန်းကလေး ၃ ဒသမ ၂ သန်းခန့်သည် တရားမဝင် တိတ်တိတ်ပုန်း ကလေး ဖျက်ချရသည့် ကိစ္စများကို လုပ်ဆောင်နေကြရသည် ဟူ၍လည်း ယင်းအဖွဲ့က ဖော်ပြထားသည်။

ဖွံဖြိုးဆဲ နိုင်ငံများတွင် အမျိုးသမီး ၉၀ ရာခိုင်နှုန်းခန့်သည် အရွယ်မတိုင်မီ ထိမ်းမြား လက်ထပ်မှုများ ပြုလုပ်နေကြသည်။ သူတို့အတွက် အရွယ်မရောက်ဘဲ အိမ်ထောင်ပြုရခြင်း၊ ကလေးမွေးရခြင်း များသည် သိပ်မထူးဆန်းသည့် အစဉ်အလာကဲ့သို့ သဘောထားနေမှုများလည်း ရှိနေသည်။ ထိုနိုင်ငံ များတွင် ငယ်ရွယ်စွာ ကိုယ်ဝန်ဆောင်နေရမှုများသည် လူမှုရေး ပြဿနာများနှင့် များစွာ ဆက်စပ် နေသည်။ အထူးသဖြင့် ပညာမတတ်မှု၊ ဆင်းရဲမှုနှုန်း မြင့်မားခြင်း၊ ငယ်ရွယ်စွာ အိမ်ထောင်ကျပြီး ဝင်ငွေနည်းသည့် အနေအထားများနှင့် ရပ်တည်နေရခြင်းများကလည်း နှုန်းကို ပိုမြင့်စေသည့် အချက်များ ဖြစ်သည်။

အမေရိကန်ပြည်ထောင်စု နယူးယောက်မှ အဖြစ်အပျက်လေး တစ်ခုကို ပြောပြချင်ပါသည်။
သူမအမည်က မီးမီး ဖြစ်သည်။ ယခု အသက် ၁၅ နှစ်တွင် ကိုယ်ဝန်ရှိသွားပြီး သမီးလေး တစ်ယောက် မွေးဖွားခဲ့ရသည်။ တစ်နေ့ မီးမီး ရထားစီးရန် မြေအောက်ဘူတာသို့ ဆင်းလာစဉ် နံရံတွင် ပိုစတာတစ်ခု ကပ်ထားသည်ကို တွေ့လိုက်ရသည်။ ပုံတွင် ကိုယ်ဝန်သည် ကလေး တစ်ယောက်သည် ငိုလျက် “ငါနင့်ကြောင့် ကျောင်း မတက်ရတော့ဘူး” ဟူ၍ ပြောနေသည့် စကားကို ဦးစားပေး ဖော်ပြထားသည်။ မီးမီးက ထိုပိုစတာကို ကြည့်ပြီး ထိတ်လန့်သွားခဲ့သည်။ အဖြစ်အပျက်တို့က သူ့ကို ခြောက်လှန့် နေသည့်ပမာ ဖြစ်သွားခဲ့သည်။

မီးမီးတွင် ကိုယ်ဝန်ရှိနေသည်ဟု သိလိုက်ချိန်တွင် ကောလိပ်တက်ရန်လည်း ပြင်ဆင်နေချိန် ဖြစ်သည်။ သို့သော် သူ့တွင် ကိုယ်ဝန်ရှိနေကြောင်း သိလိုက်သည့် ကျောင်းအုပ်ကြီးက ကောလိပ်ဝင်ခွင့် လျှောက်လွှာကို လက်ခံရန် ငြင်းပယ်ခဲ့သည်။ ထို့ပြင် “ ဒီပုံနဲ့ ဘွဲ့ရမှာလည်း မဟုတ်ပါဘူး။ လုပ်မနေ ပါနဲ့” ဟု ပြောလိုက်သည့် စကားက ပိုပြီး ခံပြင်းစရာ ကောင်းလှသည်။

သို့သော် မီးမီးသည် ဇွဲမလျှော့။ မနက် မိုးမလင်းမီ အိပ်ယာက ထရသည်။ ယောက်ျားကို အလုပ်သွား ရန် ချက်ပြုတ် ပြင်ဆင်ပေးရသည်။ ပြီးလျှင် သမီးကို နေ့ကလေးထိန်းထံ ပို့သည်။ ၇ နာရီ ၅၀ တွင် ကျောင်းရောက်ရန် အပြေးသွားရသည်။ ဆဲလ်ဖုန်း ရောင်းသည့် စတိုးဆိုင်တွင် တစ်ပတ် ၃၅ နာရီ အလုပ် ဝင်လုပ်ရသည်။ အလုပ်နှင့် ကျောင်းကို အသက်ပင် မရှူနိုင် ပြေးလွှားရင်း ပိုက်ဆံလည်းရှာ၊ ပညာလည်း ရှာခဲ့ရသည်။ အလုပ်ပြီးလျှင် ကလေးကို ဝင်ခေါ်၊ အိမ်ပြန်၊ ချက်ပြုတ် စားသောက်နှင့် ဘဝကို ရုန်းကန်ခဲ့ရမှုများကို ပြန်ပြီး အမှတ်ရနေမိသည်။ သူရုန်းကန် လှုပ်ရှားနိုင်လွန်းသဖြင့် ကလေးရော သူ့ဘဝပါ အသက်ရှင် ရပ်တည်နိုင်ခဲ့သည်။ ကိုယ်ဝန်သည် ဘဝနှင့် အိမ်ထောင်သည် ဘဝတို့တွင် သူတို့ကို ကူညီ စောင့်ရှောက်ပေးမည့်သူ မရှိ။ မိဘများကလည်း ပစ်ပယ်ထားသည်။ သို့ဖြင့် သမီးလေးကို ငဲ့ကွက်ပြီး ရုန်းကန်ခဲ့ရသည်။

အမေရိကန် မြို့ကြီးများတွင် အရွယ်မတိုင်မီ ကလေးမွေးဖွားနှုန်း ကျဆင်းလာသည် ဆိုသော်လည်း ကျေးလက် ဒေသများတွင် မြို့ပြထက် ၃၃ ရာခိုင်နှုန်း မြင့်မားလာသည်။ ပြည်နယ် အစိုးရများ၏ အစီရင်ခံစာအရ ကျေးလက်နေ မိန်းကလေးများသည် အသက်အရွယ်ကြီးသူများနှင့် အတွဲများပြီး ကိုယ်ဝန် ရှိလာသည်က များကြောင်း ဖော်ထုတ်ထားသည်။

ဇူလိုင်လ ၁၁ ရက်နေ့ ကုလသမဂ္ဂ၌ ကျင်းပခဲ့သည့် ကမ္ဘာ့ လူဦးရေနေ့တွင် အရွယ်မရောက်မီ ကိုယ်ဝန် ဆောင်ခြင်းနှင့် ပတ်သက်ပြီး အလေးထား တင်ပြကြသည်။ ကုလသမဂ္ဂ အတွင်းရေးမှူးချုပ် ဘန်ကီမွန်းက အရွယ်မရောက်မီ ကိုယ်ဝန်ဆောင်ခြင်းနှင့် ကလေး မွေးဖွားခြင်းဖြင့် မသန်စွမ်းသူများ မွေးဖွားလာနိုင်သလို အထူးသဖြင့် လိင်ပိုင်းဆိုင်ရာ ရောဂါများ ဖြစ်ပွားပြီး သေဆုံးမှုများ ဖြစ်နိုင်သဖြင့် တန်ဖိုးရှိလှသည့် အမျိုးသမီးတို့ ဘဝပေါင်းများစွာ ဆုံးရှုံးနေရကြောင်း ထောက်ပြထားသည်။ ထို့ပြင် သူက အရွယ်မရောက်သေးသည့် မိန်းကလေးများသည် တိတ်တိတ်ပုန်း ကိုယ်ဝန်ဖျက်ချ နေကြခြင်းကြောင့် နာမကျန်းမှုများ၊ ထိုခိုက်ဒဏ်ရာ ရမှုများနှင့် သေဆုံးမှုများ ရှိနေကြောင်း ဖွင့်ပြောလာသည်။

“ဒီပြဿနာတွေကို ရင်ဆိုင်ဖို့ဆိုတာ မိန်းကလေးတွေကို ကျောင်းလွှတ်ရမယ်။ ပညာ ကောင်းကောင်း သင်ခိုင်းရမယ်။ သူတို့ ပညာတတ်မှ အိမ်ထောင်စောစော မပြုဖို့ စဉ်းစားနိုင်မယ်။ ကိုယ့်ခန္ဓာကိုယ်က အသင့် မဖြစ်သေးမီ ကိုယ်ဝန် မဆောင်သင့်ဘူးဆိုတာ ပညာရှိမှ ဆင်ခြင်နိုင်မယ်။ ကလေး တစ်ယောက် ယူနိုင်ဖို့ ကိုယ်တိုင်က အရွယ်ရောက်ရမယ်၊ ကျန်းမာရမယ်၊ ဝင်ငွေကောင်းကောင်း ရှိရမယ်ဆိုတာ ပညာတတ်မှ ဆင်ခြင်နိုင်မယ်” ဆိုသည့် အတွင်းရေးမှူးချုပ်၏ ထောက်ပြသော စကား များသည် မိဘများနှင့် ဆရာ ဆရာမများ စဉ်းစား ဆင်ခြင်စရာ ဖြစ်သည်။

၂၀၀၁ ခုနှစ် UNICEF စစ်တမ်း တစ်ခုတွင် ဖွံ့ဖြိုး တိုးတက်သည့် နိုင်ငံကြီး ၁၂ နိုင်ငံအနက် နိုင်ငံ ၁၀ နိုင်ငံတွင် အရွယ်မရောက်မီ လိင်ဆက်ဆံသည့် အတွေ့အကြုံ ရှိသူများမှာ သုံးပုံ နှစ်ပုံခန့်ဖြစ်ကြောင်း သိရသည်။ ဒိန်းမတ်၊ ဖင်လန်၊ ဂျာမနီ၊ နော်ဝေး၊ ဗြိတိန်နှင့် အမေရိကန်ပြည်ထောင်စုတို့တွင် အသက် ၁၅ နှစ်အရွယ် ၂၅ ရာခိုင်နှုန်းနှင့် အသက် ၁၇ အရွယ် ၅၀ ရာခိုင်နှုန်းတို့သည့် လိင် အတွေ့အကြုံများ ရှိနေကြကြောင်း ယင်း စစ်တမ်းက ဆိုသည်။

Save the Children အဖွဲ့၏ အဆိုအရ ကမ္ဘာတစ်ဝန်းတွင် အသက် ၂၀ အောက် မိန်းကလေးများ ကလေး မွေးဖွားမှုနှုန်းမှာ ၁၃ သန်းခန့် ဖြစ်နေပြီး၊ ဖွံ့ဖြိုးဆဲ နိုင်ငံများတွင် မိန်းကလေး ၉၀ ရာခိုင်နှုန်း ကျော်သည် အရွယ်မတိုင်မီ လင်ယူသားမွေး အလုပ်များ လုပ်နေကြရသည်ဟုဆိုသည်။ အသက် ၁၅ နှစ်မှ ၁၉ နှစ်အတွင်း သားဖွားခြင်းကြောင့် သေဆုံးနှုန်းများမှာလည်း ဖွံ့ဖြိုးဆဲ နိုင်ငံများတွင် ပိုပြီး ဖြစ်ပွားသည်။ အာဖရိက၊ နိုင်ဂျာတွင် လက်ထပ် ထိန်းမြားသည့် အမျိုးသမီး ၈၇ ရာခိုင်နှုန်းခန့်တွင် ၅၃ ရာခိုင်နှုန်းသည် အသက် ၁၈ နှစ်မတိုင်မီ ကလေး မွေးဖွားရသည့်သူများ ဖြစ်နေသည်။

အရွယ် မတိုင်မီ အိမ်ထောင်ကျခြင်း၊ သားဖွားရခြင်းကြောင့် မိန်းကလေးများတွင် လူမှုစီးပွား ပြဿနာ၊ ကျန်းမာရေးဆိုင်ရာ ပြဿနာနှင့် စိတ်ပိုင်းဆိုင်ရာ ပြဿနာများစွာ တက်နိုင်ပါသည်။ အထူးသဖြင့် အိမ်ထောင်တစ်ခု ထူထောင်ပြီး ရပ်တည်နိုင်ရန် ခက်ခဲခြင်းကြောင့် ဒုက္ခ ရောက်ကြရခြင်း ဖြစ်သည်။

ကျေးလက်တွင် ထူထောင်ထားသည့် အနောက်ဘန်ဂေါ ဆေးရုံ၌ အရွယ်မရောက်မီ ကလေး မွေးဖွား သည့် မိန်းကလေးများကို စစ်ဆေး မှတ်တမ်းတင်ထားရာတွင် အသက် ၁၅ နှစ်မှ ၁၉ နှစ်အတွင်း ကလေး မွေးဖွားသူများသည် သွေးအားနည်းခြင်း ရောဂါ၊ ကိုယ်ဝန်ပျက်ကျခြင်းနှင့် မွေးဖွားလာသည့် ကလေးများမှာလည်း အလေးချိန် ပုံမှန်မဟုတ်ဘဲ မွေးဖွားခြင်းများဖြစ်ကြောင်း လေ့လာ တွေ့ရှိရသည်။

အမေ ကလေးများ ဖြစ်နေသဖြင့် မသိနားမလည်မှုများခြင်း၊ ကိုယ်ဝန်နှင့် ရင်သွေးကို ပြုစုစောင့်ရှောက် နိုင်ရန် အသိဉာဏ် နည်းခြင်းတို့ကြောင့်လည်း မိခင်ရော ကလေးပါ ပျက်စီးမှုနှုန်း ပိုများသည်။ Guttmacher တက္ကသိုလ်၏ အစီရင်ခံစာတွင် အမေကလေး ဖြစ်ကြရသူ သုံးပုံ နှစ်ပုံခန့်သည် မိခင်ဘဝကို လုံးဝ နားမလည်သည့်အတွက် ကျန်းမာရေး ချို့တဲ့ပြီး ဆေးရုံသို့ အရောက်များသည်ဟု ဆိုထားသည်။ ဥပမာ - အသက် ၂၀ မှ ၂၉ နှစ် အတွင်း မွေးဖွားနှုန်းထက် ၁၅ နှစ်မှ ၁၉ နှစ်အတွင်း မွေးဖွားသူများက ပိုပြီး ဆုံးရှုံးမှုများကြောင်း ယင်း တက္ကသိုလ်က ဆိုသည်။

မိန်းကလေးငယ်များ အရွယ်မတိုင်မီ ကိုယ်ဝန်ဆောင်ရခြင်းသည် အလိုတူသောကြောင့် ဖြစ်နိုင်သလို၊ အလိုမတူသောကြောင့်လည်း ဖြစ်နိုင်သည်။ တောင်အာဖရိက နိုင်ငံများတွင် အရွယ်မတိုင်မီ ကိုယ်ဝန်ဆောင်ရသည့် မိန်းကလေး ၁၁ မှ ၂၀ ရာခိုင်နှုန်းခန့်သည် အလိုမတူဘဲ အဓမ္မ အကျင့်ခံရခြင်း ကြောင့်ဖြစ်သည်။ သို့ဖြစ်ရာ အရွယ်မတိုင်မီ မိန်းကလေး ၆၀ ရာခိုင်နှုန်းသည် အဓမ္မ အကျင့်ခံနေရ သည့်သဘော ဖြစ်ကြောင်း Guttmacher အစီရင်ခံစာတွင် ဖော်ပြထားသည်။

အရွယ်မတိုင်မီ ကိုယ်ဝန်ရှိခြင်းကို တားဆီးနိုင်သည့်နည်းမှာ ကျောင်းများတွင် လိင်ပညာပေး အစီအစဉ်များကို ထည့်သွင်း သင်ကြားပေးသင့်ကြောင်း အကြံပြုကြသည်။ လိင်ပညာရေးသည် အရေးကြီးသည် မှန်သော်လည်း ထိုသို့ သွားပြောပြလိုက်မှ ထိန်းမနိုင် သိမ်းမရ စမ်းသပ်ကုန်ကြလျှင် အခက်တွေ့မည်ဟု ကန့်ကွက် ဝေဖန်မှုများကလည်း ရှိနေသည်။ အထူးသဖြင့် လိင်ကိစ္စကို ရှက်စရာ ဟု သဘောထားနေသည့် လူ့ဘောင် လောကများတွင် လိင်ပညာရေး အကောင်အထည်ဖော်ရန်မှာ အလွန် မလွယ်ကူသည့်ကိစ္စ ဖြစ်သည်။

နယ်သာလန်နိုင်ငံသည် အခြားနိုင်ငံများထက် လိင်ပညာပေး လုပ်ငန်းများကို အလုပ်ဆုံး နိုင်ငံဟု ဆိုနိုင်သည်။ သူတို့ သင်ရိုး ညွှန်းတမ်းများတွင် အမျိုးသမီးတို့၏ ဘဝတန်ဖိုး၊ ထားသင့်သည့် စိတ်ထား၊ အချင်းချင်း ဆက်သွယ်နေထိုင်သင့်သည့် ပုံစံ၊ ပေါင်းသင်း ဆက်ဆံရေး၊ အမျိုးသမီးဆိုင်ရာ ဇီဝ သဘောတရား စသည့် အကြောင်းအရာများကို ထည့်သွင်း ဖော်ပြထားပြီး စနစ်တကျ သင်ကြားကြ သည်။ မီဒီယာကလည်း ကျန်းမာရေးနှင့် ပတ်သက်ပြီး ကလေးများ နားလည် သဘောပေါက်စေမည့် အစီအစဉ်များ ထည့်သွင်းပေးကာ ပွင့်ပွင့်လင်းလင်း ဆွေးနွေးပေးသည်။ သူတို့က ကလေးများကို အဆုံးအဖြတ်ပေး၊ အမိန့်ပေးသည့် သဘောမျိုး မဟုတ်ဘဲ၊ ကလေးများ ကိုယ်တိုင် ဆုံးဖြတ်နိုင်စေမည့် အစီအစဉ်များစွာကို တင်ဆက်ပေးလေ့ ရှိသည်။

အမေရိကန်ပြည်ထောင်စုတွင် လိင်ပညာရေး အစီအစဉ်နှင့် ပတ်သက်ပြီး ခေတ်အဆက်ဆက် ဆွေးနွေး ငြင်းခုန်နေကြဆဲ ဖြစ်သည်။ ကျောင်းများတွင် ‘အပျော်အပါး ရှောင်ရှားရေး’ နှင့် ‘အပျိုရည် ထိန်းသိမ်းရေး’ ပညာပေး အစီအစဉ်များသည် အလွန် ရေပန်းစားသည့် ခေါင်းစဉ်များ ဖြစ်နေသည်။

အမေရိကန် ယေးလ်နှင့် ကိုလမ်ဘီယာ တက္ကသိုလ်များ၌ သုတေသန ပြုကြည့်ရာတွင် အရွယ်မတိုင်မီ လိင်ဆက်ဆံမှုများသည် အပျော်အပါး မက်ခြင်း၊ ပါတီပွဲများ တက်ခြင်းနှင့် ဆက်စပ်နေကြောင်း တွေ့ရသည်။ အချို့ ကျောင်းများတွင် အပျော်အပါး နောက်ဆက်တွဲ ဖြည့်စွက် သင်ကြားခြင်း အစီအစဉ်များကို သင်ကြားကြ သည်။ ထိုအစီအစဉ်တွင် သန္ဓေတားခြင်းနှင့် ပတ်သက်ပြီး အကြံပေးမှု များကို ထည့်သွင်း သင်ကြားပေးသည်။ အမေရိကန် ကာလီဖိုးနီးယား တက္ကသိုလ်မှ သုတေသနအဖွဲ့ တစ်ဖွဲ့ကမူ “အနာဂတ်ကို ယုံကြည်မှု ရှိစေရန် သွတ်သွင်း သင်ကြားပေးခြင်း” က ပိုပြီး ထိရောက် စေသည်ဟု ဆိုသည်။

၂၀၁၀ ပြည့်နှစ် စက်တင်ဘာ ၃၀ ရက်နေ့မှ စတင်ပြီး အမေရိကန် ကျန်းမာရေးနှင့် ဝန်ဆောင်မှုပေးရေး အဖွဲ့က ဒေါ်လာ ၁၅၅ သန်း အကုန်အကျခံပြီး လူငယ်များ အရွယ်မတိုင်မီ ကိုယ်ဝန်ဆောင်မှု တားဆီး ရေး၊ ပညာပေး အစီအစဉ်များကို ဆောင်ရွက်ခဲ့သည်။ ထိုငွေများကို နိုင်ငံတော်၊ NGO အဖွဲ့များ၊ ဒေသဆိုင်ရာ ကျောင်းများ၊ တက္ကသိုလ်နှင့် အခြား လူမှုရေး အဖွဲ့အစည်းများသို့ ခွဲဝေပေးပြီး စီမံချက်ဖြင့် လုပ်ဆောင်ခဲ့သည်။ ထိုလုပ်ဆောင်ချက်များသည် အောင်မြင်သည်ဟု ဆိုရမည်။

အရွယ်မတိုင်မီ ကိုယ်ဝန်ဆောင်ခြင်းနှင့် ပတ်သက်ပြီး http://www.dosomething.org/ တွင် ဖော်ပြထားသည့် အချက်များကို နှိုင်းယှဉ် ကြည့်နိုင်ရန် ဖော်ပြပါသည်။

၁။ အမေရိကန် မိန်းကလေး ၁၀ ဦးတွင် သုံးဦးသည် အသက် ၂၀ မတိုင်မီ ကိုယ်ဝန်ဆောင်နေကြရ သည်။ နှစ်စဉ် အမေကလေး ဖြစ်သွားပြီး ကိုယ်ဝန်ဆောင်နေရသူပေါင်း ၇၅၀,၀၀၀ ဦးခန့် ရှိသည်။
၂။ ကိုယ်ဝန်ဆောင်နေရခြင်းကြောင့် ပညာ တစ်ပိုင်းတစ်စဖြင့် ကျောင်းထွက်သွားရမှုများ ဖြစ်ခဲ့ရ သည်။ ကိုယ်ဝန်ဆောင်သွားရသည့် ကလေး မိခင် ထက်ဝက်ခန့်သည် ကျောင်းပညာရေးနှင့် ကင်းဝေး သွားကြသည်။
၃။ အရွယ်မတိုင်မီ ကိုယ်ဝန်ဆောင်ကာ ကလေး မွေးဖွားခဲ့ရသည့် မိခင်များထဲမှ ၂ ရာခိုင်နှုန်းခန့်သာ အသက် ၃၀ ခန့်တွင် ဘွဲ့တစ်ခုခုကို ရယူနိုင်စွမ်း ရှိသည်။
၎။ အရွယ်မတိုင်မီ ကိုယ်ဝန်ဆောင်ပြီး ကလေး မွေးခဲ့ရသည့် မိခင် လေးပုံ တစ်ပုံသည် နောက်ထပ် ကလေး တစ်ယောက်ကို ပထမ ကလေး မွေးပြီး ၂၄ လအတွင်း ထပ်ယူကြသည်။
၅။ အနောက် ဖွံ့ဖြိုးသည့် နိုင်ငံများအတွင်း အရွယ်မတိုင်မီ ကိုယ်ဝန်ဆောင်သည့် မိန်းကလေးနှုန်း သည် အမေရိကန်တွင် အမြင့်မားဆုံး ဖြစ်သည်။
၆။ ၁၉၉၀ မှ ၂၀၀၈ ခုနှစ်အတွင်း ကလေး ကိုယ်ဝန်ဆောင်မှု နှုန်းသည် ၄၂ ရာခိုင်နှုန်းအထိ ကျဆင်း သွားခဲ့သည်။ မိန်းကလေး ၁၀၀၀ လျှင် ယခင် ၁၁၇ ဦးမှ ၆၈ ဦးသို့ ကျဆင်းသွားခြင်း ဖြစ်သည်။
၇။ အရွယ်မရောက်မီ လွန်ကျူးမိပြီး ကိုယ်ဝန်ရှိစေသူ ယောက်ျားလေးဘက်မှ ၁၀ ဦးတွင် ၈ ဦးသည် ထိုမိန်းကလေးကို လက်မထပ်ကြပေ။
၈။ လိင်မှုကိစ္စ ကျူးလွန်စဉ် အတားအဆီးများကို မပြုလုပ်ခြင်းကြောင့် တစ်နှစ်အတွင်း ကိုယ်ဝန် ရလာသူပေါင်း ၉၀ ရာခိုင်နှုန်းခန့် ရှိသည်။
၉။ လွန်ကျူးမိသူ ကလေး ၅၀ ရာခိုင်နှုန်းခန့်သည် ကိုယ်ဝန်ဆောင်ခြင်း၊ ကလေး မွေးဖွားလာခြင်း ကြောင့် ဖြစ်ပေါ်လာမည့် အကျိုးဆက်များကို နားမလည်ကြပေ။
၁၀။ ၁၉၄၀ နှစ်လွန် ကာလများထက် ၂၀၁၀ နောက်ပိုင်းတွင် ငယ်ငယ်ရွယ်ရွယ်ဖြင့် ကလေးယူမှုနှုန်း နည်းပါလာသည်။

ကလေးဘဝတွင် အမေ ဖြစ်သွားခဲ့ရသည့် မိန်းကလေးများ ဘဝသည် အလွန် သနားဖွယ်ရာဖြစ်သည်။ သိခြင်းကြောင့်ဖြစ်စေ မသိခြင်းကြောင့်ဖြစ်စေ ရရှိ ခံစားကြရသည့် ဘဝနှင့် အနာဂတ်ကို မမျှအောင် ခံစားပြီး ဒုက္ခရောက်ကြရသည်။ သို့ဖြစ်ရာ မီးကို မလောင်မီ တားမည်လော၊ လောင်ပြီးမှ ဒုက္ခကို မျှဝေ ခံစားမည်လော၊ ကိုယ့်အရေး မဟုတ်လျှင် လျစ်လျူရှုလိုက်မည်လော ဆိုခြင်းကို ကလေးများအတွက် အလေးထား စဉ်းစားသင့်ပြီ ဖြစ်သည်။

(UNICEFနှင့် NUFPA အစီရင်ခံစာများ၊ Wikipedia နှင့် အင်တာနက် Website များမှ အချက်အလက် များကို ရယူပါသည်။)
The Voice Weekly Myanmar

အပြည့်အစုံသို့ »

ရွှေမြန်မာတွေတဲ့လား


ကမ္ဘာပေါ်တွင် စားသောက်ရန် အကောင်းဆုံးနိုင်ငံမှာ နယ်သာလန်ဖြစ်ပြီး အဆိုးဆုံးနိုင်ငံမှာ ချဒ်ဖြစ်ကြောင်း ၁၂၅ နိုင်ငံ၏ အစားအသောက်စားသောက်ပုံ လေ့လာကာ Oxfom မှ စစ်တမ်း ထုတ်ခဲ့သည်။

အကောင်းဆုံးဖြစ်ရခြင်းမှာ အစားအသောက်ဈေး သက်သာခြင်း၊ ဆီးချိုဖြစ်ပွားနှုန်း နည်းပါးခြင်းနှင့် အခြားသော ဥရောပနိုင်ငံများထက် အာဟာရ ပြည့်ဝခြင်းတို့ကြောင့်ဖြစ်ကြောင်း ချဒ်နိုင်ငံသည်အာဟာရနည်းပါးသည့် အစားအစာများသာရှိခြင်း၊ ဈေးကြီးခြင်းနှင့် သန့်ရှင်းမှုမရှိခြင်းတို့ကြောင့်ဖြစ်သည်တဲ့။

နောက်ထပ် သတင်းတစ် ပုဒ်ဖတ်ရပြန်တာက မြန်မာနိုင်ငံ သည် အရှေ့တောင်အာရှတွင် အာဟာရချို့တဲ့မှုနှုန်း အမြင့်ဆုံး ခံစားရသည့် တတိယမြောက် နိုင်ငံဟု UNICEF က ပြောထားသည်။ စားနပ်ရိက္ခာမလုံလောက်ခြင်း၊ တစ်ကိုယ်ရေသန့်ရှင်းမှု အလေ့အထနည်းခြင်း၊ ရေကောင်းရေသန့်နှင့် အခြေခံကျန်းမာရေးစောင့်ရှောက်မှုအကန့် အသတ်ဖြင့်သာရရှိခြင်း၊ အစားအစာကျွေးသည့် ပုံစံမမှန်ခြင်းစသည့်အချက်များ ထောက်ပြထားသည်။

ဆန်ရေစပါးပေါများကြွယ်ဝ တဲ့၊ စိုက်ပျိုးရေးနိုင်ငံဖြစ်တဲ့ မြန်မာ နိုင်ငံဟာ အာဟာရချို့တဲ့မှုနှုန်း အမြင့်ဆုံးပါတဲ့။ စိတ်မကောင်း စရာပါပဲ။ ‘အမျိုးသမီးတွေနဲ့ က လေးငယ်တွေမှာ ဗီတာမင်နဲ့ သတ္တုဓာတ်ချို့တဲ့နေတာကို သိပ် ပြီးသတိမထားမိကြဘူး။ ဒီချို့တဲ့ မှုဟာ ဖုံးကွယ်နေတဲ့ ဆာလောင် ခြင်းလို့ပြောလို့ရပြီး အာဟာရချို့ တဲ့မှုကို ပိုမိုဆိုးရွားစေပါတယ်’လို့ FAO ဌာနေကိုယ်စားလှယ် ဘူသီလန်က ဆိုထားပါတယ်။ တော် သေးတာပေါ့။ စားသောက်ရန် အဆိုးဆုံးနိုင်ငံက ကျွန်မတို့နိုင်ငံ မဖြစ်ဘဲ ချဒ်နိုင်ငံဖြစ်နေလို့။

ကမ္ဘာ့ကျန်းမာရေးအဖွဲ့ကြီး က ထုတ်ပြန်တဲ့ အစီရင်ခံစာအရ မြန်မာနိုင်ငံဟာ ကမ္ဘာပေါ်မှာ ကင်ဆာအဖြစ်ဆုံး ၁၀ နိုင်ငံထဲမှာ ပါဝင်နေပါသတဲ့။ အခုခေတ်မှာ ခေတ်စားနေတဲ့ရောဂါက ကင်ဆာပါ။ ဖြစ်လိုက်ကြတဲ့ကင်ဆာရောဂါအမျိုးမျိုးက လူကြီး၊ လူငယ်တွေကို သေမင်းဆီပို့ပစ်ခဲ့တာ။ ကင်ဆာနဲ့ သွေးတိုး၊ နှလုံး၊ ဆီးချို၊လေဖြတ်ကြတာဟာ လူတွေရဲ့စားသောက်ကြတဲ့ အစားအသောက်တွေကြောင့် စားသောက်ပုံမမှန်ကြတာကြောင့်ဆိုတာ ဘယ်လိုမှငြင်းမရနိုင်ပါ။

ကျွန်မတို့ငယ်ငယ်က ကင်ဆာဆိုတာ မကြားဖူးပါ။ တီဘီ ရောဂါဟာ အဆိုးရွားဆုံးရောဂါ။ တီဘီရောဂါသည်ဆိုရင် ဆိုးဆိုး ရွားရွားရောဂါသမားပဲ။ အဆုတ်ရောဂါကုဆေးရုံတက်ပြီး နှစ်ရှည်လများဆေးကုသခံယူကြရတယ်။ နှလုံး၊ သွေးတိုး၊ ဆီးချိုဝေဒနာရှင်များလည်း ယခုလောက်မပေါများကြပါ။

ကျွန်မရဲ့ မိဘတွေက ပဲခူးသူ၊ ပဲခူးသားတွေပါ။ ပဲခူးမြို့က ပုစွန်ခြောက်၊ ငါးပိ၊ ငါးခြောက်၊ ငံပြာရည်ကောင်းကောင်းထွက်ပါတယ်။ အိမ်တိုင်းအိမ်တိုင်းရဲ့ မီးဖိုချောင်မှာ ပုစွန်ခြောက်မှုန့် ပုလင်းလေးတွေရှိကြပါတယ်။ အချိုမှုန့်ကို မသုံးတတ်ကြသေးပါဘူး။ ပုစွန်ခြောက်မှုန့်ကိုပဲ ဟင်းခတ်မှုန့်အဖြစ် သုံးကြပါတယ်။ ချဉ်ရည်ဟင်း၊ ဟင်းချိုချက်ရင် ပုစွန်ခြောက်မှုန့်လေးနဲ့ ချက်ကြပါတယ်။ အသုပ်သုပ်ရင်လည်း ပုစွန်ခြောက်မှုန့်လေးနဲ့၊ ငါးပိရည် ဖျော်ရာမှာလည်း ပုစွန်ခြောက်မှုန့်လေးဖြူးလိုက်တာပါပဲ။

နောက်ပိုင်း TV တွေပေါ် လာတော့ TV မှာ အာဂျီနိုမိုတို အချိုမှုန့်ကြော်ငြာရာကနေ အစပြုပြီး တဖြည်းဖြည်းနဲ့ အချိုမှုန့်ကို နတ်သုဒ္ဓါတစ်ပါးလို ခုံခုံမင်မင်စားသုံးလာခဲ့ကြတာ ယနေ့ထိတိုင်ပါပဲ။ မြို့ပြမှာ အချိုမှုန့်ကို ရေလဲသုံးကြသလို။ ကျေးလက်မှာလည်း အချိုမှုန့်မသုံးတတ်ရင်ဘဲ ခေတ်မမီတော့သလို၊ ဘာလိုလိုဆိုတော့ ရွာကအလှူပွဲတွေမှာလည်း အချိုမှုန့်ကမပါရင်မဖြစ်။ မြို့သွားမယ့်သူကို မမှာမဖြစ်မှာကြတာက အချိုမှုန့်ပေါင်ထုပ်ပဲ။ မော်လမြိုင် ရထားလမ်းဟာ အချိုမှုန့်မှောင်ခိုခေတ်တစ်ခေတ် ဖြစ်လိုက်ကြသေးတယ်။ အခုထိတော့ တစ်နိုင်ငံလုံးရဲ့ မီးဖိုချောင်မှာ အချိုမှုန့်ပုလင်းက နေရာယူလို့ကောင်းနေတုန်းပါပဲ။ အချိုမှုန့် မပါရင် ဟင်းမချက်တတ်တော့တဲ့ အိမ်ရှင်မတွေ၊ အချိုမှုန့်မပါတဲ့ဟင်းကို အရသာမတွေ့တော့တဲ့သူတွေ တစ်နိုင်ငံလုံးမှာ ဒုနဲ့ဒေး ဖြစ်နေကြဆဲပါ။

တချို့ကျတော့လည်း ဘေးဖြစ်မယ်ဆိုတာ သိသိကြီးနဲ့ ဈေးကြီးတဲ့ ပုစွန်ခြောက်မှုန့်အစား ဈေးနည်းတဲ့ အချိုမှုန့်ကို အစားထိုးစားသုံးနေခဲ့ကြတာမို့ အချိုမှုန့်ရဲ့ဘေးထွက်ဆိုးကျိုးတွေကို ဘယ်သူတွေ ဘာပဲပြောပြော၊ ဘာပဲဆိုဆို၊ အချိုမှုန့်က လက်ရှိဘဝနဲ့ အံဝင်ခွင်ကျဖြစ်နေလေတော့ မြန်မာပြည်မှာ အချိုမှုန့်က ပန်းပန်လျက်ပါပဲ။

ကျွန်မတို့ဆီမှာ အချိုမှုန့်နဲ့ ကင်းလွတ်တဲ့နေရာဆိုတာ ရှားမှရှားပါ။ ကျွန်မတို့မြန်မာတွေ မနက်ခင်းစာအဖြစ် ပက်ပက်စက်စက်စားကြတဲ့ မုန့်ဟင်းခါးက ငါးများများနဲ့ချက်တဲ့ဆိုင်က ရှားပါတယ်။ များသောအားဖြင့် ငါးက နည်းနည်း၊ အချိုမှုန့်ကများများ၊ ဟင်းရည်မှာ ငါးအနံ့ကလေးသာရပြီး ပါးစပ်ထဲမှာတော့ အချိုမှုန့် အရသာက စွဲကျန်နေတော့တာပါ။ ကြာဆံသုပ်၊ ခေါက်ဆွဲသုပ်၊ လက်သုပ်စုံဆိုတာတွေကလည်း ပဲမှုန့်နဲ့ အချိုမှုန့်များများ၊ ငရုတ် သီးအချဉ်ရည်တွေနဲ့ သုပ်ထားတာ အာဟာရဘယ်မှာရှိမှာလဲ။ အာဟာရမရှိတဲ့အပြင် ငရုတ်သီးရဲ့ ဆိုးဆေးကြောင့် ကင်ဆာဖြစ် ဦးမှာ။ အချိန်မအား၊ အလုပ်မအားကြတော့ စားမှု၊ သောက်မှု ကိစ္စကလည်း နိစ္စဓူဝကိစ္စဆိုတော့ ကြေးများမနေအားဘဲ ပြီးလွယ်စီးလွယ် ဝယ်စားကြရတာပါပဲ။

မြန်မာပြည်သူလူထုအများစုက ဆင်းရဲကြတော့ မနက်စာကို နွားနို့လည်း ဝယ်မသောက်နိုင်၊ လက်ဖက်ရည်တစ်ခွက်နှစ်ရာ၊ အီကြာကွေးတစ်ချောင်းတစ်ရာ၊ ရေကျဲကျဲ မုန့်ဟင်းခါးတစ်ပွဲနှစ်ရာ၊ အသုပ်တစ်ပွဲနှစ်ရာနဲ့ မနက်ခင်း အဆာပြေဝယ်စားကြရတဲ့ဘဝတွေ။ တချို့မုန့်ဟင်းခါးတစ်ပွဲဝယ် အိမ်ကထမင်းကြမ်းနဲ့ရော ပြီး နှစ်ယောက်စားရတဲ့ဘဝတွေ လည်း အများကြီးပါ။ အာဟာရ ပြည့်ဖို့ဆိုတာထက်၊ ဗီတာမင်နဲ့ သတ္တုဓာတ်ဆိုတာတွေထက် မနက်နဲ့ည ထမင်းနပ်မှန်ဖို့ပဲ ခေါင်းထဲထည့်စဉ်းစားနေကြရတာဆိုတော့ UNICEF ပြောတာက အရေးမကြီး၊ ဆီဖိုး၊ ဆန်ဖိုးနဲ့ မီတာခပေးဖို့တွေက ပိုပြီးအရေးကြီးနေကြတာလေ။

ခန္ဓာကိုယ်အတွက် အသား ဓာတ်လိုတယ်ဆိုတာ သိကြပေ မယ့် အနီရောင်အသားက ရှားပါး ကုန်ဖြစ်နေပြီ။ ကြက်သားက လည်း သင်္ကြန်ပြီးကတည်းက ဈေးပြန်မကျသေးဘူး။ ငါးခူက ရှစ်ရာ၊ ငါးကြင်းက ခြောက်ရာ၊ သားစို၊ ငါးစိုရှားတော့ ငါးခြောက်တွေလည်း ဈေးတက်ပြီပေါ့။ ရခိုင်ပြည်မှာ ပေါချက်ပက်စက်တယ်ဆိုတဲ့ ငါးနီတူခြောက်တောင် အရင်က သုံးရာ၊ လေးရာဈေးပဲရှိတာ။ အခုသမ္မတကြီး ဦးသိန်းစိန်လက်ထက်ကျမှ ရှစ်ရာ၊ တစ်ထောင်ဈေးဖြစ်နေပြီ။ ရန်ကုန်သူတွေ ဝယ်စားဖို့ လက်တွန့်ကြရပြီ။ သားဈေး၊ ငါးဈေး၊ ကြက်၊ ဝက်ဈေးတက်တော့ ဆင်းရဲသားလက်လုပ်လက်စားတွေ စားဖို့ အာဟာရက ဘာဖြစ်နိုင်မလဲ။ ကြက်ဥ၊ ဘဲဥက တစ်လုံး တစ်ရာ့နှစ်ဆယ်၊ တစ်ရာ့သုံးဆယ်။ မိသားစုများတဲ့အိမ်တွေမှာ တစ်ယောက်တစ်လုံးနှုန်းနဲ့ မစားနိုင်ကြတော့ဘူး။ မိသားစုကိုးယောက်၊ ၁၀ ယောက်ရှိတဲ့ အိမ်တွေမှာ ဘဲဥတစ်ယောက်တစ် ခြမ်းစီနဲ့ ငါးပိ၊ တို့စရာနဲ့ စားနေကြ တာ ကျွန်မ ခဏခဏတွေ့ဖူး တယ်။ ဆင်းရဲသားအများစုတွေ စားနေကြတဲ့ ဟင်းပွဲကတော့ ရိုးရိုးလေးပါ။ ထိုင်ဝမ်ကန်စွန်းရွက်ပွပွက တစ်စည်းနှစ်ရာ၊ မြန်မာရေကန်စွန်းကျစ်ကျစ်က တစ်စည်းတစ်ရာ အခြေအနေအရ ထိုင်ဝမ်ပဲဖြစ်ဖြစ်၊ မြန်မာပဲဖြစ်ဖြစ်၊ စားအုန်းဆီနဲ့ အချိုမှုန့်များများ၊ ကော်မှုန့်လေးဖြူးထားတဲ့ ကန်စွန်းပလိန်းကြော်တစ်ခွက်၊ ငါးပိတို့စရာလေးနဲ့ဆို ဟင်းလျာမြည်သွားပြီ။ တကယ်တော့ ကန်စွန်းပလိန်းနဲ့ငါးပိတို့စရာက ဘယ်လိုမှမလိုက်ဖက် မအပ်စပ်လှတာပါ။ မလိုက်ဖက်လှတာကိုပဲ လိုက်ဖက်ချင်ယောင်ဆောင် လိုက်ဖက်သလို တွဲဖက်ပြီး ကျွန်မတို့မြန်မာတွေ စားလာခဲ့ကြတာ နှစ်ပေါင်းများစွာပါ။ မြန်မာထုရဲ့ ဆင်းရဲခြင်းခံနိုင်ရည်စွမ်းပကားကတော့ဒီတစ်ချက်နဲ့တင် အံ့မခန်းပါပဲ။ အစိမ်းရောင်ရှိသော အသီးအရွက်တွေက ဗီတာမင်ကိုရစေတယ်ဆိုတဲ့အသိနဲ့ အားမွေးခဲ့ကြရတာပေါ့။ အချိုမှုန့်၊ စားအုန်းဆီ၊ ကန်စွန်းရွက် စားပြီး လူလုပ်နေကြသူတွေပေါ့။

ဝန်ထမ်းတွေ လစာတိုးပြီး ကုန်ဈေးနှုန်းတွေ မကျသေး သရွေ့တော့  အခြေခံလက်လုပ် လက်စားဘဝတွေနဲ့ လစာတိုးတဲ့ ဝန်ထမ်းတွေလည်း ဆင်းရဲနေကြဦးမှာပဲ။ တိုင်းပြည်လည်း ဆင်းရဲ နေဦးမှာပါပဲ။ သမ္မတကြီးက ပြည် သူတွေဆင်းရဲခြင်း ပပျောက်စေ ချင်ရင်တော့ အရင်ဦးဆုံး ကုန်ဈေး နှုန်းတွေကျနိုင်အောင် ကြိုးစားရ မှာပါ။ ခေတ်အဆက်ဆက်မှာ တရိပ်ရိပ်နဲ့ မသိမသာကျလာအောင်လုပ်နိုင်စွမ်းရမှာ။ ဒါမှ ပြည်သူတွေလည်း အာဟာရပြည့်ပြည့်ဝဝစားသုံးရပြီး သမ္မတကြီးလည်း ဂင်းနစ်စံချိန်ဝင်ချင်ဝင်သွားမှာ။ဝန်ထမ်းတွေကို လစာတိုးအောင်လုပ်နိုင်ခဲ့သေးရင် ကုန်ဈေးနှုန်းတွေကျဆင်းအောင်လည်း လုပ်နိုင်စွမ်းရမှာပေါ့။

ခုတော့ ကမ္ဘာက လက်ညှိုး ထိုးကုန်ကြပြီ။ ကျွန်းသစ်၊ ရေနံ၊ သဘာဝဓာတ်ငွေ့တွေအလျှံပယ် ထွက်တဲ့နိုင်ငံ။ အဖိုးတန်ကျောက် မျက်ရတနာတွေဆိုတာ မြေကြီးထဲကနေ ထွက်ထွက်နေကြတာ ဆိုတဲ့နိုင်ငံက နိုင်ငံသူ၊ နိုင်ငံသား တွေကတော့ အာဟာရချို့တဲ့ နေကြတာ စံချိန်မြင့်ပါပဲတဲ့လေ။ တော်သေးတာပေါ့။ အာဟာရချို့ တဲ့တဲ့အဆင့်မှာပဲရှိနေသေးလို့။ ငတ်မွတ်ခေါင်းပါးတဲ့အဆင့်ကို ရောက်ရင်ဖြင့် ရွှေမြန်မာတို့ အတွက် ရှက်စရာကောင်းပါဘိ။

7day daily

အပြည့်အစုံသို့ »

မိခင်နို့ကို အေးခဲပြီး တိုက်သည့်နည်း


မွေးကင်းစမှ အသက် ၆ လအထိ မိခင်နို့ရည်တစ်မျိုးတည်းသာ တိုက်ကျွေးရမည်ဟု ကျန်းမာရေးပညာရှင်များက လမ်းညွှန်ထားသော်လည်း မည်သို့တိုက်ကျွေးရမည်ကို အသေးစိတ်မသိရှိသောကြောင့် မိခင်နို့တိုက်ကျွေးရေးတွင် အားနည်းချက်များရှိနေသည်။

မွေးပြီးတစ်နာရီအတွင်း မိခင်နို့တိုက်ကျွေးရမည်။ ရေနှင့်ဖြည့်စွက်စာများကို ကလေးအသက် ၆ လအထိ မတိုက်ကျွေးရ။ နို့ဘူးနှင့် ချိုလိမ်များ အသုံးမပြုရ၊ ကလေးငယ်ဆာသည့်အခါတိုင်း မိခင်နို့ကိုသာတိုက်ကျွေးရမည်ဟု ကမ္ဘာ့ကျန်းမာရေးအဖွဲ့ကြီးနှင့် UNICEF တို့က မိခင်နို့တစ်မျိုးတည်း တိုက်ကျွေးရေးဆိုင်ရာ စည်းမျဉ်းများကို ချမှတ်ပေးထား၏။

‘‘အသက် ၆ လအထိ မိခင်နို့တစ်မျိုးတည်း တိုက်ရမယ်လို့ကြားဖူးတယ်။ ဒါပေမဲ့ ရုံးအလုပ်နဲ့က အဆင်မပြေလို့ ရုံးသွားတဲ့အချိန်မှာ နို့မှုန့်ပဲတိုက်တယ်’’ဟု အသက် ၅ လအရွယ် ကလေး၏မိခင်ဖြစ်သူ ကုမ္ပဏီဝန်ထမ်း မရတနာက ပြောသည်။

မိမိ၏ရင်သွေးငယ်အား မိခင်နို့ကိုသာ တိုက်ကျွေးလိုသော်လည်း ရုံးသွားချိန်တွင် မည်သို့ဆောင်ရွက်ရမည်ကို မသိရှိသောကြောင့် နို့မှုန့်ကို သုံးစွဲရခြင်းဖြစ်သည်ဟု မရတနာကဆိုသည်။

‘‘အလုပ်လုပ်နေတဲ့မိခင်တွေမှာ မိခင်နို့တစ်မျိုးတည်း တိုက်ကျွေးရေးမှာ အဆင်မပြေမှုတွေရှိတယ်ဆိုတာ သိပါတယ်။ အလုပ်လုပ်နေတဲ့အချိန်မှာ ကိုယ့်ကလေးအတွက် အဆင်ပြေအောင် မိခင်နို့ကို သိမ်းဆည်းလို့ရတဲ့နည်းတွေရှိတယ်’’ဟု ရန်ကုန်ကလေးဆေးရုံကြီးမှ ကလေးအထူးကုဆရာဝန်တစ်ဦးကပြောသည်။

သာမန်အခန်းအပူချိန်ဖြစ်သော ၇၃-၇၇ ဒီဂရီဖာရင်ဟိုက်တွင် အချိန်လေးနာရီ ရေခဲထည့်ထားသောရေခဲပုံးဖြင့် သိမ်းဆည်းပါက ၂၄နာရီ၊ အပူချိန် ၃၉ဒီဂရီဖာရင်ဟိုက်နှင့် အောက်ရှိသော ရေခဲသေတ္တာတွင် ၂ရက်မှ ၈ရက်အထိ၊ အပူချိန်သုညဒီဂရီဖာရင်ဟိုက်ရှိသော ရေခဲသေတ္တာတွင် ၃ လမှ ၄လနှင့် သုညဒီဂရီဖာရင် ဟိုက်အောက်ရှိသော ရေခဲသေတ္တာတွင် ၆လမှ ၁၂လအထိ မိခင်နို့ကို ထိန်းသိမ်းထားနိုင်သည်ဟု ကလေးသူငယ်ကျန်းမာရေးဆိုင်ရာ သုတေသနပြုမှုများတွင် ဖော်ပြထားသည်။

ဆက်သွယ်ရေးကုမ္ပဏီတစ်ခုတွင် အလုပ်လုပ်နေသည့် အသက်လေးလခွဲအရွယ် ကလေး၏မိခင်ဖြစ်သူ မစန္ဒာက ‘‘ကုမ္ပဏီကိုလာရင် ရေခဲပုံးလေးယူလာတယ်။ နို့တွေသက်ရင် ညှစ်ပြီး အဖုံးပါတဲ့ခွက်ထဲထည့်ပြီး ရေခဲသေတ္တာထဲမှာ သွားထားတယ်။ ပြန်ရင် ရေခဲပုံးထဲထည့်ပြီး ပြန်သယ်သွားတယ်။ ကိုယ်က ၀န်ထမ်းဆိုတော့ ကိုယ့်ကလေးကို မိခင်နို့တိုက်ရေးနဲ့ပတ်သက်ပြီး ကလေးအထူးကုက ညွှန်တဲ့အတိုင်းလုပ်တာပါ’’ဟု ပြောသည်။

သို့သော် ထိုကဲ့သို့ အအေးခံသိမ်းဆည်းထားသော မိခင်နို့ရည်အတွက် လိုက်နာရမည့်အချက်လည်း ရှိနေပါသည်။ စတင်သိမ်းဆည်းသည့်အချိန်ကို အညွှန်းကပ်၍ မှတ်သားထားခြင်း၊ ရေခဲသေတ္တာထဲတွင် သိမ်းဆည်းသည့် မိခင်နို့ရည်ထည့်ထားသောဘူးကို အဖုံးလုံအောင် ပိတ်ထားခြင်း၊ မိခင်နို့ရည်ဘူးတစ်ခုလျှင် သိမ်းဆည်းရမည့် ပမာဏမှာ ၂အောင်စမှ ၄ အောင်စအထိသာ ရှိရမည်ဟု သတ်မှတ်ထားသည့်အပြင် မိမိ၏ရင်သွေးအား တိုက်ကျွေးရာတွင် သိမ်းထားချိန်အကြာဆုံးဘူးကို ပထမဆုံးအသုံးပြုရမည်ဖြစ်ပြီး အနည်းငယ်ပူနွေးသောရေဖြင့် အအေးခံထားသောဘူးကို အပြင်ဘက်မှလောင်း၍ သာမန်အခန်းအပူချိန်ထိရောက်အောင် ပြုလုပ်ရမည်ဟု မိခင်နို့သိမ်းဆည်းရေးဆိုင်ရာ စည်းမျဉ်းစည်းကမ်းများတွင် ဖော်ပြထားသည်။

‘‘မိခင်နို့ကိုညှစ်ပြီး အိမ်မှာထားခဲ့ခိုင်းတာ။ ဒါမှမဟုတ် အလုပ်ထဲကနေ အိမ်ကိုယူခိုင်းတာတွေရှိပါတယ်။ အရေးကြီးတာက သန့်ရှင်းမှုနဲ့ မိခင်နို့ကို မီးဖိုပေါ်တင်ပြီးအပူမပေးမိဖို့ပဲ’’ဟု အထွေထွေရောဂါကုဆရာဝန် ဒေါက်တာစည်သူက သတိပေးသည်။

မိခင်နို့တိုက်ကျွေးခြင်းမခံရသော ကလေးငယ်သည် မိခင်နို့တိုက်ကျွေးသည့် ကလေးငယ်နှင့် နှိုင်းယှဉ်လျှင် အဆုတ်ရောင်ဖျားနာရောဂါ(pneumonia) ဖြစ်ပွားနိုင်ခြေ ၁၅ရာခိုင်နှုန်းနှင့် ၀မ်းပျက်ဝမ်းလျှောဖြစ်ရန် ၁၁ရာခိုင်နှုန်း ပိုများနေသည်။ မိခင်နို့ရည်သည် ကလေးများအတွက် မည်သည့်ဖြည့်စွက်စာမျှ ထပ်မံမလိုသော ပြီးပြည့်စုံသည့် အာဟာရရည်ဖြစ်သည်ဟု WHO က သတ်မှတ်ပေးထားသည်။

သို့သော် နာတာရှည်တီဘီရောဂါခံစားနေရသူများ၊ HIV/AIDS ဝေဒနာရှင်များ၊ မိခင်နို့တစ်ဝိုက်တွင် ကူးစက်ရောဂါဖြစ်နေသူများ၊ အာဟာရချို့တဲ့သူများ၊ အသည်းရောင်အသားဝါရှိသူများနှင့် မူးယစ်ဆေးဝါး အလွန်အကျွံသုံးစွဲထားသည့် မိခင်များတွင် အဆိုပါ မိခင်နို့တစ်မျိုးတည်း တိုက်ကျွေးရေးအတွက် ခြွင်းချက်ဖြစ်သည်ဟု ဆိုသည်။

‘‘ဆရာဝန်က အသက် ၆လအထိ မိခင်နို့တစ်မျိုးတည်းတိုက်လို့ မှာထားတယ်။ ဒါပေမဲ့ တစ်လခွဲလောက်ကတည်းက ကျွန်မကလေးကို ထမင်းရယ်၊ မုန်လာဥနီရယ်၊ ပဲနီလေးရယ်ရောနယ်ပြီး ကျွေးတယ်။ ပြီးတော့ အလုပ်ကလည်း မအားတော့ နို့မှုန့်နဲ့ နို့ဘူးပဲ အဓိကအားကိုးရတယ်’’ဟု အသက် (၃၀)ကျော်အရွယ် မိခင်တစ်ဦးကပြောသည်။

မိခင်၏နို့ရည်သည် ကလေးငယ်အတွက် ရောဂါကာကွယ်ပေးနိုင်သော အရာတစ်ခုတည်းသာမဟုတ်ဘဲ မိခင်နှင့် ကလေးငယ်ကြား ဆက်ဆံရေးပိုမိုနွေးထွေးစေခြင်း၊ ကုန်ကျစရိတ်သက်သာခြင်း စသည့်ကောင်းကျိုးများကို ပေးစွမ်းနိုင်သည်ဟု ဆိုသော်လည်း မြန်မာနိုင်ငံတွင် မွေးကင်းစမှ အသက်  ၆လအရွယ် ကလေးငယ်တစ်ရာတွင် ၂၄ဦးသာ မိခင်နို့တစ်မျိုးတည်း အပြည့်အ၀တိုက်ကျွေးမှုကို ရရှိနေသည်ဟု UNICEF မြန်မာက သတိပေးမှု ပြုလုပ်ထားသည်။

7day

အပြည့်အစုံသို့ »

ဆီးရီးယားစစ်ကြောင့် ကလေးငယ် ၅သန်းလောက် စစ်ဒဏ်ခံစားနေရ


ကုလသမဂ္ဂရဲ့ ကလေးသူငယ်များ ရံပုံငွေအသင်း UNICEF ရဲ့ထုတ်ပြန်ချက်အရ ဆီးရီးယားနိုင်ငံ ပြည်တွင်းစစ်ကြောင့် ကလေးငယ် ၅ သန်းလောက်ဟာ စစ်ရဲ့ဒဏ်ကို ခံစားနေရတယ်လို့ ပြောလိုက်ပါတယ်။ UNICEF ရဲ့ အစီရင်ခံစာအရ ကလေးငယ် အယောက် တစ်သန်းအထိ စစ်ရဲ့ ဆိုးကျိုးမှုဒဏ်ကို လည်စီးခံနေရပြီး ဒါဟာ အရင်နှစ်က ထုတ်ပြန်တဲ့ အစီရင်ခံစာထက် နှစ်ဆ များလာတာ ဖြစ်ပါတယ်။ ဆီးရီးယားနိုင်ငံက ကလေးငယ် ငါးသိန်းလောက်ဟာ အကူအညီလိုအပ်နေတယ်လို့ ဆိုပါတယ်။ အဲဒါ့အပြင် စစ်ကြောင့် စာသင်ကျောင်းတွေ ပိတ်ထားတဲ့အတွက် ကလေးငယ် အယောက် သုံးသန်းလောက်ဟာလည်း ပညာရေးမှာ ထိခိုက်နစ်နာနေရပြီး သုံးသန်းလောက်ကတော့ ပြည်တွင်းမှာပဲ လုံခြုံရာကို ရွှေ့ပြောင်းနေထိုင်နေရပါတယ်။ နောက် ကလေးငယ် တစ်သန်းကတော့ ဆီးရီးယားနိုင်ငံကို စွန့်ခွာပြီး အိမ်နီးချင်းနိုင်ငံတွေဖြစ်တဲ့ အီရတ်၊ ဂျော်ဒန်နဲ့ တူရကီနိုင်ငံတွေမှာ ဒုက္ခသည်အဖြစ် ခိုလှုံနေကြတယ်လို့ ဆိုပါတယ်။ ဆီးရီးယားနိုင်ငံ ပြည်တွင်းစစ်ဟာ လေးနှစ်ထဲ ဝင်လာတာနဲ့အမျှ ကလေးငယ်တွေ ထိခိုက်နစ်နာမှု အများကြီးဖြစ်နေရပြီး ဆီးရီးယားနိုင်ငံဟာ ကလေးငယ်တွေအတွက် အန္တရာယ်အများဆုံး နိုင်ငံဖြစ်တယ်လို့လည်း ပြောလိုက်ပါတယ်။

ABC Radio Australia - မြန်မာပိုင်း

အပြည့်အစုံသို့ »

မြန်မာနိုင်ငံတွင် တစ်နိုင်ငံလုံးရှိ မူလတန်းကျောင်းဆရာ၊ဆရာမများ အားလုံး၏ လစာတစ်နှစ်စာသည် သဘာဝဓါတ်ငွေ့၏ ရှစ်ရက်ကျော်ကျော် ဝင်ငွေသာရှိ ဟုဆို


တစ်နိုင်ငံလုံးရှိ မူလတန်းကျောင်း ဆရာ/ဆရာမများ၏ တစ်နှစ်စာလုံးသော လစာသည် မြန်မာနိုင်ငံမှ တင်ပို့ ရောင်းချသော သဘာဝဓာတ်ငွေ့၏  ရှစ်ရက်ကျော် ဝင်ငွေခန့်သာ ရှိနေသေးကြောင်း အောက်တိုဘာ ၃၁ ရက် မနက်ပိုင်းက နေပြည်တော်  UNICEF မှ ကြီးမှူးကျင်းပသော Social Budgeting and  Social Investment For Children အလုပ်ရုံ ဆွေးနွေးပွဲတွင် အသုံးပြုခဲ့သည့် မြန်မာကလေးငယ်များ အတွက် လက်တွေ့ကျပြီး လက်လှမ်းမီသော လက်ငင်း ဖြေရှင်းချက်များ အစီရင်ခံစာ အဓိက တွေ့ရှိချက်များတွင် ဖော်ပြထားချက်အရ သိရသည်။

UNICEF မှ Chief of Social  Policy M & E ဖြစ်သူ Ms.Cristina  Roccella ဆိုသူ ဖတ်ကြားသွားသော အဆိုပါ အစီရင်ခံစာ အရ ယခုအခါ တစ်နိုင်ငံလုံးတွင် မူလတန်း သင် ဆရာ/ဆရာမ သုံးသောင်းခြောက်ထောင်မျှသာ ရှိသေးပြီး ကျောင်း ၆၀ ရာခိုင်နှုန်းတွင် ဆရာ ၊ဆရာမ မလုံလောက်ဘဲ ဆရာ၊ ဆရာမ သုံး ယောက်မှ အတန်း (၅) တန်းမျှ၍  သင်ကြားနေရခြင်းတို့  ရှိနေကြောင်း သိရသည်။

၂၀၁၂ ခုနှစ်အတွင်း အဆိုပါ ဆရာ၊ ဆရာမများ နှစ်အလိုက် စု စုပေါင်း ကုန်ကျမှု လစာမှာ ၄၄.၇ ဘီလီယံမျှ ရှိကြောင်းနှင့် အဆိုပါ စုစုပေါင်း တစ်နှစ်စာလစာမှာ မြန် မာပြည်က ထွက်ရှိသော သဘာဝ ဓာတ်ငွေ့ (၈) ရက်၊ (၈) နာရီ၊ (၃၁) မိနစ်စာနှင့် ညီမျှကြောင်း Ms. Cristina Roccella က ဆိုသည်။ ထို့အပြင် ၂၀၁၁-၂၀၁၂ နိုင်ငံ့ ၀င်ငွေ၏ ၃၈ ရာခိုင်နှုန်းကို သဘာဝဓာတ်ငွေ့ တင်ပို့ရောင်းချခြင်းမှ ရရှိသည်ဟုလည်း သိရသည်။

ကမ္ဘာ့ဘဏ်၏ အဆိုအရ စီးပွားဖွံ့ဖြိုးသော တိုင်းပြည်များသည် ငွေကြေး အရင်းအမြစ် ထက်စာလျှင် လူ့အရင်းအမြစ်ပေါ် ရင်းနှီးခြင်းကို ဦးစွာ လုပ်ဆောင်ကြသည်။ အထူးသဖြင့် ရင်းနှီးမြှုပ်နှံမှုကို ကျန်းမာရေး၊ ပညာရေး၊ လူမှုဝန်ထမ်း ကဏ္ဍများတွင် ပမာဏများစွာ သုံးစွဲခြင်းကို အရေးပေးဆောင်ရွက် လုပ်ဆောင်ကြ သည်ဟု ဆိုထားကြောင်း ယင်းက ဖြည့်စွက် ပြောကြားခဲ့သည်။

အာဆီယံ ဒေသ အတွင်းရှိ နိုင်ငံများတွင် နိုင်ငံတော် အစိုးရ အသုံးစရိတ်၏ ရာခိုင်နှုန်း အဖြစ် အစိုးရ ပညာရေး အသုံးစရိတ် အများဆုံးနိုင်ငံမှာ ထိုင်းနိုင်ငံဖြစ်ပြီး နိုင်ငံ၏ GDP ရဲ့ ရာခိုင်နှုန်း အဖြစ် နိုင်ငံတော် အစိုး ရ ပညာရေး အသုံး စရိတ် အမြင့်မားဆုံးမှာ (၂၀၀၈) ခုနှစ်တွင် ဗီယက်နမ်က အများဆုံး ဖြစ်ကြောင်းနှင့် ၂၀၁၁-၂၀၁၂ ဘဏ္ဍာနှစ် အတွက် မြန်မာနိုင်ငံတွင် ပညာရေး ဘတ်ဂျက် ခွဲဝေသတ်မှတ်မှုနှုန်းမှာ မြန်မာ ကျပ်ငွေ ၃၁၀ ဘီလီယံ ရှိခဲ့သော်လည်း ၂၀၁၂-၂၀၁၃ ဘဏ္ဍာနှစ်တွင် မြန်မာကျပ်ငွေ ၆၃၉ ဘီလီယံသို့ တိုး မြင့်လာကြောင်းကို အဆိုပါ အခမ်းအနားတွင် ပြောဆိုခဲ့သည်။
ကျော်ဇေယျ
Internet Journal

အပြည့်အစုံသို့ »

ကလေးတွေကို အချိန်ပေးပါ


မိတ်ဆွေ သင်ဟာမိဘ တစ်ယောက် ဖြစ်တယ်ဆိုပါက သင့်ရဲ့သားသမီးကို လုံလောက်တဲ့အချိန်ပေးပါရဲ့လား။ သူတို့ပြောတဲ့ စကားကို အချိန်ပေးနားထောင် ပေးရဲ့လား။
သားသမီးတွေကို စိတ်လိုလက်ရ ပုံပြင်တွေဘယ်နှ ခါပြောဖူးပါသလဲ။ သားငယ်သမီး ငယ်တွေရဲ့ လေ့ကျင့်ခန်းစာအုပ် တွေကို စိတ်လိုလက်ရဖတ်ကြည့် ဖူးပါသလား။ အဲဒီမေးခွန်းတွေကို မိတ်ဆွေအပါအဝင် မိဘအချို့က ခေါင်းယမ်းကြပါလိမ့်မည်။ ငွေရှာ နေရလို့၊ ဗာဟီရတွေများနေလို့၊ မအားလို့၊ အလုပ်ရှုပ်နေလို့ စတဲ့ ဆင်ခြေပေါင်းများစွာ သင်အပါ အဝင် မိဘအချို့မှာရှိကောင်းရှိ နေပါလိမ့်မည်။ သေချာသည်က တော့ သားသမီးတွေကို မိဘလက် သစ်အချို့က လုံလောက်သော အချိန်မပေးကြခြင်းပင်။ အချိန် မရတာဟုဆိုလျှင် မိမိကိုယ်မိမိ အချိန်စီမံခန့်ခွဲမှု ညံ့ဖျင်းသူဖြစ် ကြောင်း ထုတ်ဖော်ပြသရာရောက်ပါသည်။ကျွန်ုပ်တို့၏ မိဘများလည်း တစ်ရက်အချိန် ၂၄ နာရီသာနေ ကြသူများဖြစ်သည်။ ကျွန်ုပ်တို့ သည်လည်း မိဘများနည်းတူ တစ်ရက်အချိန် ၂၄ နာရီရကြသူ များဖြစ်သည်။ ကျွန်ုပ်တို့၏ မိဘ များက ကျွန်ုပ်တို့အပေါ် အချိန် ပေးနိုင်ခဲ့သည်။ ကျွန်ုပ်တို့၏ သား သမီးများအပေါ် ကျွန်ုပ်တို့ကဘာ ကြောင့် အချိန်မပေးနိုင်ကြရ သနည်း။
ယနေ့ကာလမှာ အထွေထွေ ကုန်ကျစရိတ်များ ကြီးမြင့်လာ သည်မှာ အမှန်ပင်ဖြစ်ပါသည်။ ထို့အတူ ဝင်ငွေလည်း ယခင်က ထက်စာလျှင် အထိုက်အလျောက် တိုးပွားမှုများရှိလာသည်။ သား သားမီးမီးများနှင့်အတူ ဘုရား၊ ကျောင်းကန်၊ ဇရပ်များသို့ တစ် လတစ်ခေါက်မှန်မှန်ရောက်ပါ၏ လော၊ အဆင့်မီပြတိုက်များမရှိ စေကာမူ နီးစပ်ရာပြတိုက်များ၊ ကစားကွင်းများ၊ ပန်းခြံများကို လည်း လိုက်ပို့ဖူးဖို့လိုသည်။ ကိုရီး ယားရောဂါစွဲကပ်နေသော မိဘ အချို့လည်းရှိသည်။ ကိုရီးယား ဇာတ်လမ်းတွဲလာချိန်မှာ သား သမီးများ စကားစမြည်ပြောဖို့မဆို ထားနှင့် အနားသီခွင့်ပင်မပေးကြ ပေ။ အိမ်ရှိလူကုန်အလုပ်လုပ်ကြ ရသည့်ခေတ်ဟုဆိုသော်လည်း (စိတ်ဝင်စားလျှင်) သားသမီးများ အတွက် အချိန်ကိုအကျိုးရှိစွာ အသုံးချနိုင်သည်။

ရှောပင်းထွက်ရန်ဝါသနာပါ သော ခေတ်သစ်မေမေများ ရှော ပင်းအချိန်ထဲမှာ အချိန်ခိုးယူနိုင် သည်။ ဗြူတီပါလာက ခေါင်း လျှော်သည့်စင်ပေါ်မှာ ဆန့်ဆန့် ကြီးအိပ်မည့်အစား အိမ်မှာခေါင်း လျှော်လျှင် ငွေကုန်ကြေးကျသက် သာ၍ အချိန်ပိုထွက်လာသဖြင့် သားသမီးကို ယခင်ကထက်အချိန် ပေးနိုင်မည်။ သို့မဟုတ်ပါက အလှပြင်ဆိုင်မှာ တစ်လသုံးလေး ကြိမ်လျှော်ရာမှ တစ်လတစ်ခါသို့ ပြောင်းလဲလျှော်နိုင်သည်။ လက် သည်း၊ ခြေသည်းပေါ်မှာ အရုပ် လှလှလေးရေးဖို့ ခြေသည်း၊လက် သည်း အလှပြင်ဆိုင် (nail art salon)တွေမှာ အနည်းဆုံးအချိန် တစ်နာရီလောက်ပေးဖို့ လိုအပ်ပါ သည်။ အိမ်မှာနေရင်း ခြေသည်း၊ လက်သည်းတွေကို ကြေးညှော် ကင်းစင်အောင် လှီးဖြတ်နိုင်ပါ သည်။

အလားတူ ခေတ်သစ်ဖေ ဖေများလည်း မအားလပ်အောင် စီးပွားရှာ၍ အလုပ်ရှုပ်စေကာမူ သားသမီးများအပေါ် အချိန်ပေးဖို့ လိုပါသည်။ ဘီယာဆိုင်တွေမှာ သူငယ်ချင်းတွေနှင့် ဟေးလားဝါး လားအချိန်ပေးနိုင်လျှင် သားသမီး များကိုပုံပြောဖို့ အချိန်ပေးနိုင်ရ မည်။ ကေတီဗီနှင့် မာဆတ်များ တွင် (မအားလပ်သည့်ကြားက) အချိန်ပေးနိုင်ပါလျှင် ကိုယ့်ရင် သွေးအပေါ်တွင် ဘာကြောင့် အချိန်မပေးနိုင်ရမည်နည်း။ ခေတ်ဖေဖေအချို့ ပရီးမီးယားလိဂ်ဘောလုံးပွဲကြည့်ဖို့ တစ်နာရီကျော်ကြာအောင် အချိန်ပေးနိုင်ကြသည် မဟုတ်ပါလား။ မည်မျှ အလုပ်များစေကာမူ သန်းခေါင်သန်းလွဲ ကစားသည့် ချန်ပီယံလိဂ်ပွဲများကို အိမ်ထောင်ဦးစီးဆိုသူများ အလွတ်မပေးကြပါ။ သင်တို့၏ သားသမီးများကမိဘများကိုပြောသည့်အကြောင်းအရာများကို (စိတ်ဝင်စားစရာမကောင်းသည့်တိုင်) အချိန် ၁၅ မိနစ်မျှ ပေးပြီး နားထောင်ဖို့လိုအပ်ပါသည်။

သားသမီးများကို အချိန် မပေးခြင်းသည် အမှန်တကယ် အလုပ်ရှုပ်သောကြောင့်မဟုတ် တန်ရာ။ အချိန်မပေးချင်သော ကြောင့် အလုပ်ရှုပ်သည်ဟု အကြောင်းပြချက်သက်သက်သာ ဖြစ်သည်။ တာဝန်ယူမှု၊ တာဝန် ခံမှုနည်းလာသည်ဟု ယူဆစရာ ဖြစ်သည်။ သားသမီးများပွားစည်း လာသည့်တိုင် မိဘလောင်းရိပ်ခို ကာ အပါးခိုကောင်းဆဲ၊ လောင်း ရိပ်ခိုကောင်းဆဲဖြစ်သည်။ ယနေ့ ကာလမှာ ကိုယ့်ဒူးကိုယ်ချွန် မိဘ များအစား အမေ့ဒူးကိုယ်ချွန် ခေတ်သစ်မိဘများအထူးအထွက် တိုးလာသည်။

အချို့ခေတ်သစ်မိဘများက ပါးရည်နပ်ရည်အလွန်ရှိ၏။ အဘိုး အဘွားများကို ညာတာပါတေး လုပ်ပြီး မြေးထိန်းခိုင်းကြပြန် သည်။စကားပီအောင်မပြောနိုင် သေးသည့် အခါလည်သားသမီး ကို အဘွားအိမ်လိုက်ပို့ခိုင်းသည် ဆိုကာ အဘွားဖြစ်သူကို မြေး ထိန်းခိုင်းကြသေးသည်။ မိဘအိမ် အဖီချနေထိုင်သည်က အိမ်ငှား စရိတ်ထက်သက်သာသည်ဟုဆို သော ခေတ်သစ်သားလိမ္မာ၊ သမီး လိမ္မာများလည်း မရေတွက်နိုင် အောင်ပင်။

ဖုန်းမျက်နှာပြင်ကို အမြဲပွတ် နေမှ နေသာထိုင်သာရှိသော ပွတ် သဘင်ဆင်နွှဲကြကုန်သော မိဘ အချို့လည်းရှိသည်။ ဈေးသွားငါး ဝယ်ကိစ္စလည်း လူမှုကွန်ရက်ပေါ် တင်၊ အလှူမင်္ဂလာဆောင်သွား လည်း ဖေ့စ်ဘွတ်ခ်ပေါ်တင်၊ အစားအသောက်စားခါနီးမှာလည်းဓာတ်ပုံရိုက်ပြီးတင်သည့် ဆရာတင်များ၊ မယ်တင်များ လည်းရှိကြသည်။ လူမှုကွန်ရက်သုံးနေသည့်အချိန်များတွင် သားမေ့၊ မယားမေ့၊ ထမင်းမေ့၊ ဟင်းမေ့ အားလုံးမေ့ပျောက်နိုင်စွမ်းရှိ သူများဖြစ်သည်။ သားသမီးအပေါ် မပေးဖြစ်သည့်အချိန်များကို လူမှု ကွန်ရက် အင်တာနက်စာမျက်နှာ များပေါ်တွင် ဗုံးပေါလအောသုံး ကြ၏။ ဖေ့စ်ဘွတ်ခ်သည်ကား ထင်ယောင်ဝိုးတဝါးကမ္ဘာ (Virtual world) မျှသာဖြစ်သည်။ တကယ့် အစစ်အမှန်ဘဝ (Real life)မဟုတ်ချေ။ သို့သော် ဖေ့စ်ဘွတ်ခ် ကြီးကို အချိန်ပေး၏။ နှစ်သိမ့်မှုကို ရှာကြကုန်၏။ ကြည်နူးပျော်ရွှင်မှု ကို ဖန်တီးယူကြ၏။ ပြင်ပလက် တွေ့ကမ္ဘာမှာ အဆင်မပြေသမျှ ပေါက်ကွဲကြသူတွေလည်း ဒုနှင့် ဒေးရှိကြကုန်၏။

သားသမီးကို အချိန်မပေးနိုင် မှုကြောင့် နောက်ဆက်တွဲဆိုးကျိုး များစွာဖြစ်လာနိုင်သည်။ ကလေး စိတ်ပညာ (Child Psycology) စာအုပ်များတွင် မိဘနှင့် သားသမီးနီးကပ်သည့် ဆက်ဆံရေးရှိရန် တိုက်တွန်းထားသည်။ ကမ္ဘာ့ ကုလသမဂ္ဂကလေးများရန်ပုံငွေ အဖွဲ့ (Unicef)၏ ထုတ်ပြန်ချက် တွင် မိဘနှင့် ကင်းကွာနေရသည့် သားသမီးများတွင် သေကြောင်း ကြံစည်မှုများ၊ ဉာဏ်ရည်နိမ့်ကျမှု များအပြင် စိတ်ပိုင်းဆိုင်ရာ၊ ရုပ် ပိုင်းဆိုင်ရာ ဖွံ့ဖြိုးမှုများနိမ့်ကျနိုင် သည်ဟု ဆိုထားသည်။

သားသမီးများကို စနစ်တကျ မစောင့်ရှောက်ခြင်းက အနာဂတ် မိသားစုဘဝကို မျှော်လင့်ချက်မဲ့ စေပါသည်။ ရင်သွေးငယ်များ၏ လူမှုဘဝဖွံ့ဖြိုးတိုးတက်မှုကို များ စွာထိခိုက်စေသည်။ စိတ်မလုံခြုံ စွာကြီးပြင်းလာစေမှုက ကာယကံ ရှင်ကလေးကိုသာမက ပတ်ဝန်း ကျင်ကိုပါ အကျိုးမဲ့စေပါသည်။ ထို့ထက်ပို၍ စဉ်းစားလျှင် မိသား စုအပေါ်သာမက နိုင်ငံအပေါ်ထိ ပါ ဝန်ထုပ်ဝန်ပိုးဖြစ်စေနိုင်သည်။ သားသမီးများကို စနစ်တကျပြုစု ပျိုးထောင်ခြင်းသည် လူ့အဖွဲ့ အစည်းဖွံ့ဖြိုးတိုးတက်ရေးအတွက် တစ်တပ်တစ်အား ပူးပေါင်းဆောင်ရွက်ခြင်းဟုဆိုနိုင်ပါသည်။

ကျန်းမာရေး ဝန်ကြီးဌာန အငြိမ်းစားညွှန်ကြားရေးမှူးချုပ် ဆရာဝန်ကြီး၏ မှတ်ချက်စကား က စိတ်ဝင်စားစရာကောင်းပါ သည်။ မိဘနှင့် သားသမီးတစ်လ ဘယ်နှခါအချိန်ပေးရမလဲ။ တစ် ပတ်ဘယ်နှရက် အချိန်ပေးဖို့လို သလဲဆိုသော မေးခွန်းကို ဆရာ ဝန်ကြီးက ယခုလို တုံ့ပြန်ပါသည်။

‘‘နေ့တိုင်းနေ့တိုင်း အချိန် ပေးရမယ်။ ဖွံ့ဖြိုးပြီးနိုင်ငံမှာနေ သည်ဖြစ်စေ၊ ဖွံ့ဖြိုးဆဲနိုင်ငံမှာနေ သည်ဖြစ်စေ နေ့တိုင်းနေ့တိုင်း အချိန်ပေးဖို့လိုပါတယ်’’

7day


အပြည့်အစုံသို့ »

ကမ္ဘာတစ်လွှားမှ IQ အရည်အသွေး မြင့်မားလှသည့် လူသိထင်ရှားပုဂ္ဂိုလ် (၁၀)ဦး



ကမ္ဘာပေါ်တွင် သက်ဆိုင်ရာ နယ်ပယ်ကဏ္ဍအလိုက် ထင်ရှားကျော်ကြားသူများ၊ အောင်မြင်နေသူများ၊ လူသိထင်ရှား Celebrity အများစုသည် မိမိတို့၏ လုပ်ငန်းတာဝန်များ၊ ဖန်တီးမှုများအပေါ် ထဲထဲဝင်ဝင်၊ နှစ်နှစ်ကာကာ စိတ်ဝင်တစား မြှုပ်နှံခဲ့ကြသူများ ဖြစ်ကြသည်။

ထို့အပြင် အနုပညာ၊ စီးပွားရေး၊ နည်းပညာ နယ်ပယ်အသီးသီးတွင် ဘွဲ့အမြောက်အမြား ရရှိထားသူများ၊ ဘာသာစကား အမျိုးမျိုးကို ကျင်လည်စွာ တတ်မြောက် ပြောဆိုနိုင်သူများ၊ ဇာတ်ညွှန်းတစ်ခုမျှကို ခေတ္တမျှ ဖတ်ရှုရုံဖြင့် စွဲမြဲစွာမှတ်မိနေတတ်သူများ အစရှိသဖြင့် ဉာဏ်ရည်နှင့် ပတ်သက်သော ထူးခြားသည့် စွမ်းရည်ကောင်းများ ပိုင်ဆိုင်ထားသည့် နာမည်ကျော်များလည်း ရှိနေသည်။ ယင်းသို့သော Celebrity များ၏ ဉာဏ်ရည်ထက်မြက်မှု အတိုင်းအတာ (IQ)ကိန်းဂဏန်းများသည် ပါရမီရှင်အဆင့်မျှထိ မြင့်မားနေလေ့ရှိသည်။
ပျမ်းမျှအားဖြင့် သာမန်လူတစ်ဦး၏ IQ ပမာဏကို (၁၀၀)ဝန်းကျင်ဟု သတ်မှတ်လေ့ရှိပြီး ယင်းထက်မြင့်မားလေ ဉာဏ်ရည်ဉာဏ်သွေး ထက်မြက်မှုအပိုင်းတွင် ပိုမိုပြည့်ဝထူးချွန်လေဖြစ်သည်။ (၁၄၀)အထက်ကိုမူ ပါရမီရှင်ဟု သတ်မှတ်လေ့ရှိသည်။

နယ်ပယ်အသီးသီးမှ ထင်ရှားကျော်ကြားသည့် လုပ်ငန်းရှင်နှင့် အနုပညာရှင် အချို့တို့တွင်လည်း IQ အဆင့်သတ်မှတ်ချက် မြင့်မြင့်များ ပိုင်ဆိုင်ထားကြရာ ယင်းတို့အနက် (၁၀)ဦးကို ကောက်နုတ်ဖော်ပြအပ်ပါသည်။

၁၀။ နစ်ကိုးလ်ကစ်ဒ်မန်း

ကစ်ဒ်မန်း၏ ဉာဏ်ရည်ထက်မြက်မှုသည် မိဘများထံမှ အမွေဆက်ခံ ရရှိခဲ့သည်ဟု ဆိုနိုင်မည် ဖြစ်သည်။ ဟောလိဝုဒ်ကြယ်ပွင့် ရုပ်ရှင်မင်းသမီး၏ မိဘနှစ်ပါးသည် သုတေသန ပရောဂျက်တစ်ခုအတွက် အမေရိကန်သို့ ပြောင်းရွှေ့လာသည့် သုတေသီများ ဖြစ်ကြပြီး ကစ်ဒ်မန်းကို ဟာဝိုင်ယီရှိ ဟိုနိုလူလူတွင် မွေးဖွားခဲ့သည်။
ကစ်ဒ်မန်း၏ ဖခင်သည် ဇီဝဓာတုသိပ္ပံပညာရှင် တစ်ဦးဖြစ်ပြီး ကစ်ဒ်မန်းကမူ ဖခင်၏လမ်းစဉ်ကို မလိုက်ဘဲ အနုပညာနယ်ပယ်တွင် အောင်မြင်မှုများ ရှာဖွေရယူနိုင်ခဲ့သည်။ လက်ရှိတွင် မင်းသားကိတ်သ်အာဘန်နှင့် လက်ထပ်ထားသည့် ဟောလိဝုဒ်ကြယ်ပွင့်သည် ကလေးဘဝငယ်ရွယ်စဉ်ကတည်းက အနုပညာလောကသို့ စတင်ခြေချ ဝင်ရောက်လာသူလည်း ဖြစ်သည်။

သူမ၏ IQ အဆင့်မှာ (၁၃၂)အထိရှိပြီး ဗစ်တိုရီးယား အနုပညာကောလိပ်နှင့် ဩစတြေးလျလူငယ်များ ပြဇာတ်ရုံတို့တွင် ပညာသင်ယူ ဆည်းပူးခဲ့ဖူးသည်။
ကစ်ဒ်မန်းသည် အကောင်းဆုံး မင်းသမီးဆုအတွက် အော်စကာဆုရရှိခဲ့ဖူးပြီး ဖြစ်သလို UNICEF ၏ နှလုံးလှသံတမန်တစ်ဦးအနေဖြင့် ပရဟိတလုပ်ငန်းများတွင်လည်း ကူညီဆောင်ရွက်လျက်သည်။ ကစ်ဒ်မန်းသည် အမျိုးသမီးများ အကြမ်းဖက်ခံရမှု အခြေအနေများကို ကမ္ဘာက ပိုမိုအာရုံစိုက်လာအောင် တက်တက်ကြွကြွ နှိုးဆော်စည်းရုံးနေသူ တစ်ဦးလည်း ဖြစ်သည်။

၉။ ကီဗင်စပေဆီ


IQ အဆင့် (၁၃၇)အထိ ရှိနေသည့် စပေဆီ အနေဖြင့် ငယ်စဉ်ကျောင်းသားဘဝကတည်းက ပညာရည်ထူးချွန်ပြီး ကျောင်းအတွက် ကိုယ်စားပြုရသည့် အဆင့်မျိုး သတ်မှတ်ခံခဲ့ရခြင်းမှာ မဆန်းကြယ်လှချေ။

ဟောလိဝုဒ်၌ တော်လှန်ဆန်းသစ်သော အမြင်ရှိသည့် သရုပ်ဆောင်တစ်ဦး ဖြစ်ခဲ့သလို ဘရော့ဒ်ဝေး ပြဇာတ်နယ်ပယ်တွင်လည်း အောင်မြင်မှုများ ရရှိခဲ့သည်။
ဟောလိဝုဒ်တွင် ဆယ်စုနှစ်တစ်ခုကျော်ကြာ စွဲစွဲမြဲမြဲ ဖြတ်သန်းခဲ့ပြီးနောက် လန်ဒန်အခြေစိုက် Old Vic ပြဇာတ်ကုမ္ပဏီ၌ အနုပညာဖန်တီးမှုဆိုင်ရာ ဒါရိုက်တာအဖြစ် စာချုပ်ခဲ့သည်။

စပေဆီသည် ၎င်း၏ ဉာဏ်ရည်မြင့်မားမှုကို သရုပ်ဆောင်၊ ဒါရိုက်တာ၊ ပရိုဂျူဆာနှင့် စာရေးဆရာနယ်ပယ်များ၌ ရပ်တည်ရင်း လက်တွေ့ပြသခဲ့သူဖြစ်သည်။

၈။ နာတာလီပို့တ်မန်း


ဟားဗတ်တက္ကသိုလ်မှ ဘွဲ့ရခဲ့သူတစ်ဦးကို ရုပ်ရှင်ရိုက်ကွင်းများတွင် အခြေချရပ်တည်ပြီး ထူးထူးခြားခြား အောင်မြင်နေသည့် အခြေအနေမျိုး များများစားစား မျှော်လင့်နိုင်မည် မဟုတ်ချေ။

ပို့တ်မန်းသည် ယင်းကဲ့သို့ ရှားပါးစာရင်းဝင် မင်းသမီးတစ်လက်ဖြစ်ပြီး (၂၀၀၃)ခုနှစ်က ဟားဗတ်မှ စိတ်ပညာအထူးပြုဘွဲ့ကို ရရှိထားခဲ့သည်။ ထို့အပြင် Black Swan ဇာတ်ကားတွင် အကောင်းဆုံး ဦးဆောင်သရုပ်ဆောင်ရင်း အော်စကာဆု၊ ရွှေကမ္ဘာလုံးဆုများကို သိမ်းကျုံးရရှိထားခဲ့သည်။

ဆရာဝန်တစ်ဦးနှင့် အနုပညာရှင်တစ်ဦးတို့ ပေါင်းဖက်ရာမှ မွေးဖွားလာသည့် အစ္စရေးသူ၏ IQ အဆင့်သတ်မှတ်ချက်သည် (၁၄၀)အထိ ရှိနေသည်။

ပို့တ်မန်းသည် ဟီးဘရူးနှင့် အင်္ဂလိပ်စကားများကို ကျွမ်းကျွမ်းကျင်ကျင် ပြောဆိုနိုင်ပြီး စပိန်၊ ဂျပန်၊ ဂျာမန်နှင့် ပြင်သစ် ဘာသာစကားများကိုပါ လက်ပွန်းတတီး လေ့လာသင်ယူထားသူ ဖြစ်သည်။

“ကျွန်မက ရုပ်ရှင်စတားတစ်ယောက် ဆိုတာထက် ပိုပြီးတော့ စမတ်ကျချင်ပါတယ်”ဟု ပြောဆိုဖူးသည့် ပို့တ်မန်းအနေဖြင့် ပညာရေးတွင်လည်း အမှန်တကယ် ထူးချွန်သူတစ်ဦးဆိုသည်မှာ ယုံမှားစရာမရှိချေ။

၇။ မက်ဒေါနား


တစ်ကမ္ဘာလုံးအတိုင်းအတာဖြင့် အယ်လ်ဘမ်ချပ်ရေ ကော်ပီပေါင်း သန်း(၃၀၀)ကျော် ရောင်းချပြီးသည့်နောက် Material Girl စတားအဆိုတော်သည် အထင်ကရ ဂီတကြယ်ပွင့် တစ်ဦးအဖြစ် ခိုင်ခိုင်မာမာ မှတ်ကျောက်တင်နိုင်ခဲ့ပြီး ဖြစ်သည်။

သူမ၏အသံနှင့် သူမ၏အလှအပတို့ကို ဘေးဖယ်လိုက်လျှင်ပင် မက်ဒေါနား၌ အထူးတလည် အသိအမှတ်ပြုရမည့် အရည်အသွေးကောင်းတစ်ခု ကျန်ရှိနေသေးသည်။ ယင်းမှာ သူမ၏ IQ အဆင့်ဖြစ်သည်။

မက်ဒေါနားသည် IQ အဆင့် (၁၄၀)အထိ ရှိနေသူဖြစ်ပြီး ငယ်စဉ်က မစ်ချီဂန်တက္ကသိုလ်တွင် အကပညာကို ဆည်းပူးသင်ယူနေရာမှ တစ်ဝက်တစ်ပျက်ဖြင့် ကျောင်းထွက်ခဲ့ရပြီးနောက် မျှော်လင့်ချက်အိပ်မက်များကို လက်တွေ့အကောင်အထည်ဖော်ရန်အတွက် နယူးယောက်သို့ စွန့်စားထွက်ခွာလာခဲ့သည်။

မက်ဒေါနားသည် သီချင်းအယ်လ်ဘမ် (၁၂)ခုထိ ထုတ်ဝေဖြန့်ချိခဲ့ပြီး ဖြစ်သလို ဖက်ရှင်အမှတ်တံဆိပ်များ၊ ရေမွှေးအမှတ်တံဆိပ် အမျိုးမျိုးတို့ကို ထုတ်လုပ်ခြင်း အပါအဝင် စီးပွားရေးလုပ်ငန်းအချို့ကိုပါ စီမံကိုင်တွယ်ပြီး အောင်မြင်မှုများ ရရှိနေသည်။

၆။ ဟီလာရီကလင်တန်


ပါရမီရှင်အဆင့် IQ သတ်မှတ်ချက်မျိုး ပိုင်ဆိုင်သူများထဲတွင် အမေရိကန်သမ္မတကတော်ဟောင်းနှင့် နိုင်ငံခြားရေးဝန်ကြီးဟောင်း ဟီလာရီကလင်တန်သည်လည်း တစ်ဦးအပါအဝင်ဖြစ်သည်။

လွှတ်တော်အမတ်ဘဝမှသည် သမ္မတလောင်းနေရာထိ နိုင်ငံရေးနယ်ပယ်တွင် အမျိုးမျိုးအဖုံဖုံ ကျင်လည်ခဲ့သော ကလင်တန်သည် IQ အဆင့် (၁၄၀)အထိ ရှိနေသူ တစ်ဦးဖြစ်သည်။

ချီကာဂိုတွင် မွေးဖွားသည့် ကလင်တန်သည် ကျောင်းသူ မိန်းကလေးငယ် ဘဝကတည်းက ရည်မှန်းချက် ကြီးကြီးမားမား ထားရှိခဲ့သည်။

နိုင်ငံရေးနယ်ပယ်ကို သူမဘဝ၏ တက်လမ်းအဖြစ် အခိုင်အမာ မရွေးချယ်မီက ကလင်တန်သည် အာကာသယာဉ်မှူးတစ်ဦး ဖြစ်လာရန်အတွက် NASA တွင် အလေးအနက် ချိတ်ဆက်ကြိုးစားခဲ့ဖူးပြီး ထိုစဉ်က အမျိုးသမီးအာကာသယာဉ်မှူးများ ရွေးချယ်ရန် အစီအစဉ်မရှိသေးဟု NASA က ပြန်ကြားခဲ့၍သာ ကလင်တန်တစ်ယောက် အာကာသဟင်းလင်းပြင်ထဲ ရောက်မနေဘဲ လွှတ်တော်အဆောက်အအုံထဲ ရောက်လာခဲ့ခြင်းဖြစ်သည်။

၅။ စတိဗ်မာတင်


Father of the Bride နှင့် Pink Panther ကဲ့သို့ ရုပ်ရှင်များတွင် ဆံပင်ဖြူဖြူနှင့် သရုပ်ဆောင် မာတင်၏ ရယ်ရွှင်ဖွယ်ဇာတ်ရုပ်များကို တွေ့မြင်ခဲ့ရပြီး ဖြစ်သည်။ မာတင်သည် ရုပ်ရှင်ပိတ်ကားပေါ်တွင် ပရိသတ်များ တွေ့မြင်ရသည့် ပုံရိပ်မျိုးထက် ပိုမိုနက်နဲသော နောက်ခံဖြတ်သန်းမှုများ ရှိနေသူဖြစ်သည်။

၎င်းသည် လောင်းဘိခ်ျရှိ ကယ်လီဖိုးနီးယားပြည်နယ်တက္ကသိုလ်တွင် စိတ်ပညာအထူးပြုအဖြစ် ပညာသင်ယူခဲ့ပြီး ထို့နောက်တွင်မူ ပရိသတ်များကို ပျော်တော်ဆက်သည့် ဟာသဇာတ်ဆောင်တစ်ဦး၏ ဘဝကို ခံယူခဲ့သည်။

ထူးခြားချက်မှာ မာတင်သည် MENSA ခေါ် နိုင်ငံတကာမှ IQ အဆင့်အတန်း အလွန်မြင့်မားသူများ စုဖွဲ့ထားသည့် အစည်းအရုံးမှ အသင်းဝင်တစ်ဦး ဖြစ်နေခြင်းပင်။ ၎င်း၏ IQ အဆင့်သည် (၁၄၂)အထိ ရှိနေကြောင်း သိရသည်။

မာတင်သည် အောင်မြင်သည့် ဟာသဇာတ်ဆောင်တစ်ဦးအပြင် ပြဇာတ်ရေးဆရာ၊ စာရေးဆရာဘဝများကိုပါ ခံယူထားပြီး ကမ္ဘာ့အဆင့် ဘင်ဂျိုတူရိယာပညာရှင် တစ်ဦးအဖြစ်လည်း သတ်မှတ်ခံထားရသည်။

၎။ ရှရွန်စတုန်း


IQ အဆင့် မယုံနိုင်လောက်စရာ မြင့်မားနေသည့် နောက်ထပ် ဟောလိဝုဒ် ကြယ်ပွင့်တစ်ဦးအဖြစ် စတုန်းကို ညွှန်းဆိုရမည် ဖြစ်သည်။ သူမ၏ IQ အဆင့်မှာ (၁၅၄)ဖြစ်သည်။

မျက်လုံးပြာပြာများနှင့် မင်းသမီးသည် စက်ရုံအလုပ်သမားတစ်ဦး၏ သမီးအဖြစ် ဘဝကို အစပြုခဲ့သော်လည်း အသက်(၁၅)နှစ်အရွယ်တွင် ပင်ဆယ်လ်ဗေးနီးယားရှိ အီဒင်ဘိုရိုတက္ကသိုလ်မှ စကောလားရှစ် ရရှိသည်အထိ ပညာရေးတွင် ထူးချွန်ခဲ့သည်။

တက္ကသိုလ်တွင် ဖန်တီးရေးသားမှု အတတ်ပညာနှင့် ပန်းချီအနုပညာ ဘာသာရပ်များကို သင်ယူခဲ့ပြီး ဇွဲနပဲကြီးသည့် ကျောင်းသူလေးတစ်ဦးအဖြစ် သတ်မှတ်ခြင်းခံခဲ့ရသည်။

ထို့နောက်တွင်မူ ပင်ဆယ်လ်ဗေးနီးယား အလှမယ်ပြိုင်ပွဲ၌ သရဖူဆောင်းခဲ့ပြီးနောက် မော်ဒယ်လောကသို့ ခြေချဝင်ရောက်လာပြီး ထိုမှတစ်ဆင့် ဟောလိဝုဒ်ကြယ်တစ်ပွင့် မွေးဖွားလာခဲ့သည်။

Total Recall နှင့် Basic Instinct ဇာတ်ကားများတွင် ပြောင်မြောက်စွာ သရုပ်ဆောင်ခဲ့သည့် မင်းသမီးသည် အီတလီစကားကိုလည်း လည်လည်ပတ်ပတ် ပြောဆိုတတ်သူ တစ်ဦးဖြစ်သည်။

၃။ ကွန်တင်တာရန်တီနို


အထက်တန်းပညာရေးမျှ သင်ယူပြီး ကျောင်းထွက်ခဲ့သူတစ်ဦး ဖြစ်သော်လည်း တာရန်တီနိုသည် ဉာဏ်ရည်အရ IQ အဆင့် (၁၆၀)အထိ ပိုင်ဆိုင်ထားသူ ဖြစ်သည်။
တစ်နည်းအားဖြင့် ကမ္ဘာပေါ်တွင် ဉာဏ်ရည်ဉာဏ်သွေး သတ်မှတ်ချက် အမြင့်ဆုံးပုဂ္ဂိုလ်များအနက် တစ်ဦးအဖြစ် ယူဆနိုင်သည်။

တစ်ချိန်က သရုပ်ဆောင်သင်တန်းများ တက်ရောက်ခဲ့ဖူးသော်လည်း မိမိ၏ စိတ်အာရုံကို နှစ်နှစ်ကာကာ ဖမ်းစားနိုင်သော နယ်ပယ်သည် စာရေးခြင်းနှင့် ရုပ်ရှင်ဒါရိုက်တာ အလုပ်များသာဖြစ်ကြောင်း ရှာဖွေ တွေ့ရှိလာခဲ့သည်။

စိတ်ကူးစိတ်သန်း ကောင်းမွန်သော်လည်း မိခင်ကို ကြောက်ရွံ့နေရလေ့ရှိသည့် လူငယ်လေးတစ်ဦးသည် ယခုအခါ ရုပ်ရှင်လောက၏ ထူးချွန်သော ပဲ့ကိုင်ရှင် ဒါရိုက်တာတစ်ဦးအဖြစ် ရပ်တည်နေပြီ ဖြစ်သည်။ ၎င်း၏ Pulp Fiction ဇာတ်ကားသည် အကောင်းဆုံး ဖန်တီးမှုလက်ရာတစ်ခုအဖြစ် ဟောလိဝုဒ် ရုပ်ရှင်ဝေဖန်ရေး ပညာရှင်များနှင့် ပရိသတ်များက သတ်မှတ်ထားကြသည်။

၂။ ဘီလ်ဂိတ်စ်


ယနေ့အချိန် ဂိတ်စ်၏ ရပ်တည်နေမှုအရ ၎င်း၏ IQ အဆင့် (၁၆၀)အထိ ရှိနေသည်ဆိုသော အချက်သည် အံ့ဩစရာ အခြေအနေမျိုး မဟုတ်တော့ချေ။

Microsoft ၏ ပဲ့ကိုင်ရှင်ကြီးသည် ခေတ်သစ် ကွန်ပျူတာနည်းပညာလောကတွင် ဖန်တီးဆန်းသစ်မှု အမျိုးမျိုးဖြင့် ဦးဆောင်ခဲ့သူတစ်ဦးလည်း ဖြစ်သည်။

အချို့သော အထင်ကရပုဂ္ဂိုလ်ကြီး အချို့ကဲ့သို့ပင် ဂိတ်စ်သည်လည်း ပညာရေးဆုံးခန်းမတိုင်ဘဲ ဟားဗတ်တက္ကသိုလ်မှ ကျောင်းထွက်လာကာ Microsoft အတွက် ထဲထဲဝင်ဝင် မြှုပ်နှံခဲ့သည်။

ငယ်သူငယ်ချင်းတစ်ဦးဖြစ်သည့် ပေါလ်အလန်နှင့်အတူ (၁၉၇၅)ခုနှစ်တွင် ဂိတ်စ်က အစပြုတည်ထောင်ခဲ့သည့် Microsoft သည် ယခုအခါ ကမ္ဘာပေါ်တွင် အကြီးကျယ်ဆုံး Software ကုမ္ပဏီကြီးအဖြစ် ရပ်တည်နေပြီ ဖြစ်သည်။

Microsoft၏ အောင်မြင်မှု အရှိန်အဝါကြောင့် ဂိတ်စ်သည်လည်း ကိုယ်ထူးကိုယ်ချွန် ချမ်းသာလာသည့် အသက်အငယ်ဆုံး ဘီလျံနာအဖြစ် အသက်(၃၁)နှစ်အရွယ်တွင် မှတ်တမ်းတင်နိုင်ခဲ့သည်။

၁။ ဂျိမ်းစ်ဝုဒ်စ်


ကောလိပ်ကျောင်းမှ ထွက်ခွာခဲ့ရသည့် အခြားသော IQ အဆင့်မြင့် ပုဂ္ဂိုလ်တစ်ဦးအဖြစ် ဝုဒ်စ်ကို ရွေးချယ်ရမည်ဖြစ်ပြီး ယခုဆောင်းပါးပါ (၁၀)ဦးတွင် အဆင့်အမြင့်ဆုံး IQ ပိုင်ရှင် အနေဖြင့်ပါ ညွှန်းဆိုရမည် ဖြစ်သည်။

ဝုဒ်စ်၏ IQ အဆင့်သည် (၁၈၄)အထိရှိပြီး အထက်တန်းကျောင်းသား ဘဝကတည်းက လော့စ်အန်ဂျလိစ်ရှိ၊ ကယ်လီဖိုးနီးယား တက္ကသိုလ်မှ သင်ရိုးတစ်ခုကို ဆည်းပူးနေခဲ့သည်။

အဲလ်ဘတ်အိုင်းစတိုင်း၏ IQ အဆင့် (၁၆၀)ထက် ပိုမိုမြင့်မားသော IQ အရည်အသွေးကို ပိုင်ဆိုင်ထားသူ တစ်ဦးအနေဖြင့် မက်ဆာချူးဆက် နည်းပညာတက္ကသိုလ်တွင် ပညာသင်ယူရင်း သမားရိုးကျ သင်ကြားမှုများကို ငြီးငွေ့လာသည်မှာ မဆန်းချေ။ ထို့ကြောင့်လည်း ၎င်းသည် နိုင်ငံရေးသိပ္ပံပညာရပ်ကို အထူးပြုသင်ယူနေရာမှ ကျောင်းထွက်ပြီး သရုပ်ဆောင်နယ်ပယ်ထဲ ဝင်ရောက်ခဲ့သည်။

Ghost of Mississippi နှင့် Any Given Sunday ဇာတ်ကားများသည် ဝုဒ်စ်၏ လူသိများသော အနုပညာမှတ်တိုင်များ ဖြစ်ခဲ့ပြီး ၎င်း၏ ဉာဏ်ရည်ထက်မြက်မှုများက ဇာတ်ရုပ်အမျိုးမျိုးတွင် ပိုင်နိုင်စွာ သရုပ်ဆောင်ပြီး ပရိသတ်များကို လွှမ်းမိုးနိုင်သည့် အနုပညာရှင်တစ်ဦးအဖြစ် ရပ်တည်နိုင်စေခဲ့သည်။

_THE RICHEST
7Day Daily

အပြည့်အစုံသို့ »

Hepatitis B and breastfeeding အသဲရောင် ဘီ ပိုးရှိသူ မိခင် နဲ့ ကလေးနို့တိုက်ခြင်း



ကလေးမွေးမိခင်မှာ v ပိုးရှိရင် မွေးပီး ဆေးမထိုးနိုင်ရင် အကောင်းဆုံး ဘာလုပ်သင့်ပါလဲဆရာ၊ ကျေးဇူးပါဆရာ။

B ပိုးကိုမေးချင်တာထင်ပါတယ်။ ကာကွယ်ဆေး (၂) မျိုးထိုးရပါမယ်။ ၁၂ နာရီအတွင်းမှာ ထိုးပါ။ ဆေးတမျိုးက ဈေးမကြီးပါ။ ပေါင်း ၃ ခါထိုးရတယ်။ ဈေးကြီးတာကတော့ တခါသာထိုးဘို့လိုတယ်။ မိခင်မှာ ဘီပိုးရှိနေရင် နို့မတိုက်ရင်လဲ ကလေးကိုကူးစက်မှာ နည်းစေမယ်။

ဒုက္ခသည်-ဆေးခန်းမှာ လူနာတွေကို ကြည့်ပေးနေရင် သူနာပြုဆရာမဆီကို အစိုးရ ဆေးရုံသွား ကလေးဖွါးရသူကနေ ဖုန်းဆက်ပါတယ်။ ကလေး သွားမွေးနေသူကလဲ အိမ်ထောင် မကျခင်က ဆေးခန်းမှာ အကူဆရာမ လုပ်ပေးခဲ့သူပါ။ ကံဆိုးချင်တော့ သူ့မှာ ကိုယ်ဝန်ရှိမှ ဘီ ပိုး တွေ့တယ်။ ကံထပ်ဆိုးချင်တော့ မွေးပြီး သွေးသွန်တာ ဆိုးဆိုးဝါးဝါး ဖြစ်လို့ သွေး ၁ဝ ယူနစ် သွင်းလိုက်ရ ပြန်တယ်။ ကလေးကို မွေးလမ်းကနေ မွေးနိုင်ပေမဲ့ သွေးသွန်လို့ ဗိုက်ခွဲ့ရသေးသတဲ့။ ကလေးအမေ လက်သစ် စကားစမြီ ပြောနိုင်ပါပြီ။

“ဆရာ (့) က သူ့ကလေးကို နို့တိုက်လို့ ရသလားတဲ့။"

အသဲရောင် ဘီ ပိုးရှိသူ မိခင် နဲ့ ကလေးနို့တိုက်ခြင်း အကြောင်း အရေးကြီးတဲ့ ထုတ်ပြန်ချက်တခုကို Global Programme for Vaccines and Immunization ကမ္ဘာလုံးဆိုင်ရာ ကာကွယ်ဆေးများနှင့် ကာကွယ်ဆေးထိုးနှံခြင်း အစီအစဉ် နဲ့ WHO ကမ္ဘာ့ ကျန်းမာရေး အဖွဲ့ကြီးမှာ ရှိကြတဲ့ Divisions of Child Health and Development ကလေး-ကျန်းမာရေး ဌာန နဲ့ Reproductive Health (Technical Support) မျိုးပွါးကျန်းမာရေး (နည်းပညာ ထောက်ကူရေး) တွေကနေ ၂၂-၁၁-၉၆ မှာ ပူးတွဲ ထုတ်ပြန်ခဲ့တာ ဖြစ်ပါတယ်။

နိဒါန်း
“ဘီပိုးရှိနေတဲ့ မအေကနေ ကလေးကို နို့တိုက်ရင် ရောဂါကူးစက်နိုင်သလား” ဆိုတာဟာ နှစ်ပေါင်းများစွာ မေးနေရတဲ့ မေးခွန်း ဖြစ်ပါတယ်။ ကမ္ဘာမှာ ကလေးမိခင် အားလုံးရဲ့ ၅% မှာ Chronic hepatitis B virus carriers နာတာရှည် ဘီ ပိုးရှိနေသူတွေဖြစ်လို့ ဒီအမေးဟာ အရေးကြီးပါတယ်။

ခိုင်မာတဲ့ လေ့လာမှုတွေကို ဆန်းစစ်တဲ့အခါ "အဲလိုနို့တိုက်ခြင်းဟာ ကလေးကို ပိုးရှိနေတဲ့ မိခင်တွေကနေ ကူးစက်မဲ့ အခွင့်အလမ်းက ထူးခြားပြီး ပိုများတယ်လို့ မတွေ့ရှိရပါ။" WHO ကနေ ညွှန်ပေးထားတဲ့ Hepatitis B vaccine ကာကွယ်ဆေးထိုး လုပ်ငန်းကို နိုင်ငံပေါင်း ၈ဝ ကျော်မှာ လုပ်နေကြလို့ ကူးစက်မဲ့ အန္ကရာယ်စာရင်းကနေ တချိန်မှာ ပယ်ဖျက်နိုင်ပါလိမ့်မယ်။

အသဲရောင် ဘီ ပိုးကူးစက်ရောဂါ
HBV infection ဘီ ပိုးကူးစက်ရောဂါဟာ တကမ္ကာလုံး လူထုကျန်းမာရေးမှာ အလွန် အရေးပါပါတယ်။ ဒီပိုးကြောင့် ပိုးရှိနေပေမဲ့ ရောဂါလက္ခဏာ မပြသေးတာ၊ အသဲ စပြီး ရောင်လာတာ၊ အသဲရောဂါ ကောင်းကောင်း ရလာတာ၊ နဲ့ ပိုးဆက်ရှိနေရင်း နာတာရှည် ပိုးသယ်ယူ-ကူးစက်စေမဲ့အဆင့် ဆိုပြီး အမျိုးမျိုး ဖြစ်ပါမယ်။

တကမ္ဘာလုံးမှာ နာတာရှည် ရောဂါပိုး ကူးစက်အောင် သယ်ပေးနေသူပေါင်း သန်း ၃၅ဝ မက ရှိနေပြီ။ သူတို့ကိုယ်တိုင်ကလဲ တချိန်မှာ နာတာရှည် အသဲရောင်ရောဂါ၊ အသဲခြောက်ရောဂါ နဲ့ အသဲကင်ဆာ ရောဂါတွေ ဖြစ်လာနိုင်ကြသူတွေ ဖြစ်ပါတယ်။ ဒါတွေကနေ တနှစ်မှာ လူပေါင်း ၁ သန်းကျော် သေဆုံးနေကြရတယ်။ ခန့်မှန်းချက်အရ အဲလိုလူတွေထဲက ၂၅-၃၅% ဟာ အဲလို နိဂုံးချုပ်ကြရတယ်။

HBV ဘီပိုး ကူးစက်ခြင်း
ကူးစက်တဲ့ ပုံစံက ပိုးကို သယ်ပို့ပေးနေသူတွေ နည်းတဲ့-များတဲ့နေရာ အပေါ်မှာ မူတည်တယ်။ ကူးစက်မှု များရာ နေရာတွေ ဖြစ်တဲ့ အရှေ့အာရှ၊ အရှေ့တောင်အာရှ၊ အာဖရိက-ဆာဟာရဒေသ တွေမှာ ကူးစက်နည်းက ပိုးရှိမိခင်ကနေကလေး (အထက်ကနေအောက်)၊ ဒါမှမဟုတ် အနေနီးစပ်မှု (ဘေးတိုက်) နည်းတွေ ဖြစ်တယ်။

အာရှမှာ ကလေးမွေးနိုင်တဲ့အရွယ်ရှိ ဘီပိုးသယ်ကူးပေးနေကြတဲ့ အမျိုးသမီးတွေရဲ့ ၄ဝ% မှာ (HBeAg) အသဲရောင် အီး ပိုးပါ ရှိနေကြတယ်။ ဒီလို အမျိုးသမီးတွေထဲက ၇ဝ-၉ဝ% ကနေ သူတို့ မွေးမဲ့ ကလေးကို မွေးနေရင်း နဲ့ မွေးပြီးကာစမှာ ကူးစက်စေနိုင်တယ်။ မိခင်ရဲ့ သွေး နဲ့ ကိုယ်ခန္ဓာအရည်တွေကြောင့် ဖြစ်တယ်။

အာရှမှာ ဒီလို မိခင်-ကလေး ကူးစက်နှုန်းဟာ ၂၅-၃ဝ% ရှိတယ်။ တခြားဒေသတွေမှာ ကလေးမွေးနိုင်တဲ့ အရွယ်ရှိ ပိုးသယ်ကူး ပေးနေကြတဲ့ အမျိုးသမီးတွေဟာ ၁ဝ% သာရှိတယ်။ မိခင်-ကလေး ကူးစက်တယ်ဆိုတာ မပြောပလောက်ဘူး။ ဥရောပ၊ အမေရိက အပါဝင် အဲလိုဒေသတွေမှာ အများဆုံးကူးစက်နည်းလမ်းက သွေး နဲ့ လိင်ဆက်ဆံရာနေ ဖြစ်တယ်။ ဒါပေမဲ့ အဲလိုနေရာတွေမှာ မိခင်-ကလေး မကူးရအောင် ကာကွယ်မှုတော့ လုပ်ကြတယ်။ ကလေးကို (HBIG) နဲ့ hepatitis B vaccine ကာကွယ်ဆေးတွေ ထိုးပေးတယ်။

ကလေးနို့တိုက်ရာကနေ ဘီ ပိုးကူးစက်နိုင်တဲ့ အန္ကရာယ်
မိခင်နို့ထဲမှာ (HBsAg) မျက်နှာပြင် အင်တီဂျင် ဆိုတာ နည်းနည်းလေးသာ တွေ့ရတယ်။ ဒါပေမဲ့ ပိုးရှိတဲ့ မိခင်ကနေ နို့တိုက်လို့ သူ့ကလေးကို ဘီ ပိုးကူးစက်စေနိုင်တဲ့ အန္ကရာယ်ဟာ ထူးပြီး မပိုတာ တွေ့ရတယ်။

တိုင်ဝမ်မှာ ဘီပိုးရှိ မိခင်တွေကနေ မွေးလာတဲ့ ကလေးပေါင်း ၁၄၇ ယောက်ကို လေ့လာတဲ့အခါ မိခင်နို့တိုက်တဲ့ ကလေး ၉၂ ယောက်မှာ ကူးစက်တယ်။ နို့မတိုက်တဲ့ ကလေး ၅၅ ယောက်မှာ ကူးစက်တယ်။ ကူးစက်နှုန်း မထူးဘူးဆိုတာ သိလာရတယ်။ ဗြိတိန်မှာ ၁၂၅ ယောက်ကို လေ့လာတော့လဲ ကူးစက်နှုန်း မပိုတာ တွေ့ရတာဘဲ။ လေ့လာမှုတွေထဲမှာ ထပ်သိရတာက မိခင်မှာ အီး အင်တီဂျင် ရှိနေပေမဲ့ ကူးစက်နှုန်း မကွာတာလဲ တွေ့ရသေးတယ်။

ကောက်ချက်ဆွဲရင် “ကလေးကို နို့တိုက်တာကြောင့် ဘီပိုး ကူးစက်နှုန်းဟာ သွေးကနေ နဲ့ ကိုယ်ခန္ဓာ-အရည်တွေကနေ ကူးစက်တာနဲ့ ယှဉ်ရင် ဘာမှ မပြောပလောက်ဘူး။” နို့မှာ ကွဲနေတာ၊ သွေးယိုနေတာ၊ အရည်ထွက်တဲ့ အနာဖြစ်နေတာတွေ ရှိနေရင်တော့ စိုးရိမ်စရာ ကောင်းမယ်။

ဘီပိုးမကူးစက်အောင် ဘယ်လိုကာကွယ်မလဲ
HB vaccine ကာကွယ်ဆေးဟာ မိခင်-ကလေး ကူးစက်မှာကိုရော လူကြီးချင်း သွေးနဲ့ ကိုယ်ခန္ဓာအရည်တွေကနေ ကူးစက်မှာကိုပါ ကာကွယ်နိုင်ပါတယ်။ ကာကွယ်ဆေး ထိုးထားရင် မိခင်ကနေ ကလေးကူးမှာကို ၇ဝ-၉ဝ% ကာကွယ်နိုင်တယ်။ တခြားလူကြီးတွေကနေ ကလေးကို ကူးမှာ ၉၅% ကာကွယ်နိုင်တယ်။

ဘီ ပိုးရှိနေတဲ့ မိခင်ကနေ မွေးလာတဲ့ ကလေးကို ၂၄ နာရီအတွင်း HB vaccine ကာကွယ်ဆေး နဲ့ HBIG ဆေး ထိုးပေးရင် ၈၅-၉ဝ% ကာကွယ်နိုင်တယ်။ ခက်တာက မဖွံ့ဖြိုးသေးတဲ့ တိုင်းပြည်တွေမှာ မိခင်လောင်းတိုင်းကို ဘီပိုး စစ်ဆေးတာနဲ့ HBIG ဆေး ထိုးပေးနိုင်တာက လက်တွေ့ ဖြစ်မလာသေးပါ။ ဒါ့ကြောင့် မွေးတဲ့ကလေးတိုင်းကို ၄၈ နာရီအတွင်း ဘီပိုး ကာကွယ်ဆေး မဖြစ်မနေ ထိုးဘို့ ထောက်ခံချက်ပေးထားတယ်။ ဆေးရုံ-ဆေးခန်းတွေမှာ မွေးတဲ့ကလေးတွေကိုတော့ အဲလိုလုပ်ပေးနိုင်ပေမဲ့ တောမှာ၊ အိမ်မှာ မွေးတဲ့ကလေးတိုင်းက အဲဒီအခွင့်အရေး မရကြသေးဘူး။ အာရှလိုနေရာတွေမှာ မိခင်-ကလေး ကူးစက်နိုင်တာ ပိုများတာမို့ မွေးပြီး ကာကွယ်ဆေးထိုးပေးဘို့ အထူးလိုအပ်နေသေးတယ်။ ကာကွယ်ဆေးထိုးထားတဲ့ကလေကို စိတ်ချလက်ချ နို့တိုက်လို့ရပါတယ်။

အဲလိုမဖြစ်နိုင်တဲ့နေရာတွေမှာ နို့အငှားတိုက်ခိုင်းတာနဲ့ လှူထားတဲ့နို့တိုက်တာ လုပ်သင့်တယ်။ ရောဂါ ထူပြောရာဒေသတွေက မိခင်တွေဟာ တချိန်က ပိုးအကူးခံထားရပြီး ကောင်းတာတယ်။ သူတို့ကိုယ်ထဲမှာ HBV ရောဂါကို ခုခံနိုင်စွမ်းရှိတဲ့ Anti-HBs antibody (အင်တီဘော်ဒီ) တွေရှိနေလိမ့်မယ်။ ဒါတွေက အချင်းကတဆင့် ဗိုက်ထဲက ကလေးဆီ ရောက်သွားပြီး မွေးလာတဲ့ကလေးကို အနည်းဆုံး ၆ လ အထိ ရောဂါပြီးနိုင်စေတယ်။ ချမ်းသာတဲ့နိုင်ငံတွေမျာ နို့အငှားတိုက်တာနဲ့ နို့လှူတာတွေကို HBsAg ပါမပါ အရင် စစ်ဆေးဘို့ လိုတယ်။

အကြံပြုချက်
၁။ မွေးလာတဲ့ ကလေးတိုင်း ထိုးပေးရမဲ့ ကလေးကာကွယ်ဆေးဇယားထဲမှာ hepatitis B vaccine ပါရမယ်။
၂။ ဖြစ်နိုင်ရင် ကလေးမွေးပြီး ၄၈ နာရီအတွင်း ထိုးပေးပါ။
၃။ WHO နဲ့ UNICEF က အကြံပြုထားတာက ကလေးကို အနည်းဆုံး ၄ လ၊ ဖြစ်နိုင်ရင် ၆ လ မိခင်နို့တိုက်ပါ။ ၆ လ နောက်မှာ ဖြည့်စွက်စာ ကျွေးမယ်ဆိုရင် ၂ နှစ်အထိလဲ နို့တိုက်နိုင်တယ်။
၎။ မိခင်နို့မတိုက်တဲ့ကလေးတွေဟာ ရောဂါတွေ ဖြစ်တဲ့ နှုန်းရော ရောဂါကြောင့် သေဆုံးနှုန်းပါ ပိုများတယ်။
၅။ မိခင်မှာ ဘီပိုးရှိနေလို့ သူ့ကလေးကို နို့တိုက်လို့ ဘီ ပိုးကူးစက်ဘို့ အန္တရာယ်က ထူးပြီး ပိုမများပါ။ ကာကွယ်ဆေး မထိုးတာတောင်မှ ပိုမများပါ။
၆။ ဒါ့ကြောင့် ရောဂါထူပြောရာနေရာတွေမှာ ကာကွယ်ဆေး မရှိတာတောင်မှ မိခင်ကနေ ကလေးကို နို့တိုက်သင့်ပါတယ်။

အစမှာ မိတ်ဆက်ပေးခဲ့တဲ့ ဒုက္ခသည် လူနာရဲ့ ကလေးအတွက် မထိုးမဖြစ်တဲ့ HBIG ကာကွယ်ဆေးကို ဒေလီလို မြို့တော်ကြီးမှာ လှည့်ပတ် ရှာကြရတယ်။ ဘုံဘေအနားက (ထာနေး) ဆိုတဲ့မြို့မှာ ရှိတဲ့ ဆေးကုမ္ပဏီက ထုတ်တဲ့ ဒီဆေးကို ရူးပီး ၄ဝဝဝ နဲ့ ဝယ်လို့ရတာ ကံကောင်းတယ်လို့ ပြောရမလို ၂၄ နာရီအတွင်း ဒီဆေးရမှ ဖြစ်မယ်လို့ သိထားသူ အားလုံးက သက်ပြင်းချနိုင်ကြလို့ပါ။ မြန်မာပြည်မှာလဲ ချမ်းသာမှ ကျန်းမာနိုင်ဆဲ ဖြစ်နေသေးတယ်။

Dr. တင့်ဆွေ


အပြည့်အစုံသို့ »

တန်ဖိုးနည်းအိမ်ရာ ဖော်ထုတ် မပေးနိုင်တဲ့ အစိုးရကို မဲပေး ဖြုတ်ချကြ


စည်သူအောင်မြင့်

အခုရက်ပိုင်းအတွင်း ထွက်ပေါ်လာတဲ့ သတင်းတွေထဲမှာ စိတ်ဝင်းစားဖို့ အကောင်းဆုံး သတင်းတစ်ပုဒ်ကတော့ တန်ဖိုးကျပ်သိန်း ၁၁၀ ကနေ ၁၂၀ ကြား သတ်မှတ်ထားတဲ့ လှိုင်သာယာမြို့နယ်က ရွှေလင်ပန်းအိမ်ရာ တိုက်ခန်းရောင်းချပေးမယ်ဆိုတဲ့ သတင်းပါ။ တိုက်ခန်းဝယ်မယ်ဆိုရင် တန်ဖိုး ရဲ့ ၃၀ ရာခိုင်နှုန်းနဲ့ညီမျှတဲ့ ကျပ်သိန်း ၃၀ ကနေ ၄၀ ကြား ကနဦးပေးသွင်းရမယ်။ နောက်ပိုင်း တစ်လ ကျပ်သုံးသောင်း ပေးသွင်းသွားရုံနဲ့ တိုက်ခန်းပိုင် ဖြစ်သွားမယ်ဆိုတာပါ။ မြို့ရွာနဲ့ အိုးအိမ်ဖွံ့ဖြိုးရေးဦးစီးဌာနဟာ ဒီလိုရောင်းချမယ့်ပုံစံကို ရန်ကုန်တိုင်း အစိုးရဆီတင်ထားပြီး ခွင့်ပြုချက်ရတာနဲ့ ရောင်းပေးတော့မယ်လို့ ဆိုပါတယ်။ ၀င်ငွေ အလယ်အလတ်လောက်ပဲရှိပြီး ရန်ကုန်မှာ တိုက်ခန်းတစ်ခန်းပိုင်ဖို့ စိတ်ကူးနေကြသူတွေအနေနဲ့ ၀မ်းသာကြရတော့မှာလား။

ဟိုး- ဟိုး- ၀မ်းမသာကြပါနဲ့ဦး။ ရောင်းပေးမယ့် အခန်းက ၆၀၀ တောင် မပြည့်ပါဘူး။ နောက်ဝယ်ခွင့်ရဖို့အတွက် အစိုးရ၀န်ထမ်းတွေ ကုမ္ပဏီဝန်ထမ်းတွေဟာ သက်ဆိုင်ရာဌာနအကြီးအကဲရဲ့ ထောက်ခံချက် ယူရဦးမယ်လို့ ဆိုပါတယ်။ နောက်ဆုံး ဘဲအုပ်က တစ်ရာ နှစ်ရာ မဗေဒါ တစ်ပင်တည်း ဇာတ်လမ်းဆိုက်ပြီး မဲနှိုက်ရတဲ့ အခြေအနေဆိုက်သွားမှာ ဖြစ်ပါတယ်။ ရန်ကုန်မှာ တန်ဖိုးနည်းအိမ်ရာ ဖော်ဆောင်နိုင်မယ့် အနေအထား ဘယ်လိုရှိမလဲ၊ ဒီကနေ့ ဆွေးနွေးတင်ပြသွားပါ့မယ်။

လတ်တလော ပြည်သူတွေကြား ပြောဆိုနေကြတာတစ်ခုကတော့ အိမ်ဈေး မြေဈေးတွေ ခေါင်ခိုက်အောင် မြင့်တက်နေတယ်၊ နိုင်ငံတကာနဲ့ နှိုင်းယှဉ်ရင်တောင် မြင့်နေတယ်၊ ဒါဟာ မဖြစ်သင့်ဘူး၊ နိုင်ငံခြားရင်းနှီးမြှုပ်နှံမှုကိုလည်း ထိခိုက်တယ်စသဖြင့် ဖြစ်ပါတယ်။ လူတွေ ဘယ်လောက် ပြောပြော လက်ရှိ အစိုးရကတော့ ဒီကိစ္စ ဖြေရှင်းပေးဖို့ မရှိပါဘူး။ အကြောင်းကတော့ ရန်ကုန် အိမ်ခြံမြေလောကမှာ တန်ဖိုးကြီး အိမ်တွေ၊ ခြံတွေ၊ မြေတွေ ပိုင်ဆိုင်ထားသူ အများစုနဲ့ ရင်းနှီးမြှုပ်နှံထားသူ အများစုဟာ စစ်ဗိုလ်ချုပ်နဲ့စစ်အရာရှိဟောင်းတွေ၊ သူတို့ မိသားစုဝင်တွေ၊ အာဏာပိုင်တွေနဲ့ နီးစပ်သူတွေက အများစုဖြစ်နေလို့ပါပဲ။ အိမ်ဈေး၊ မြေဈေးတွေတက်လေ သူတို့ပိုင်ဆိုင်မှု တိုးပွားလာလေ၊ ပိုပြီး ကြွယ်ဝချမ်းသာလာလေလေမို့ ဒီကိစ္စကိုင် တွယ်မှာမဟုတ်ပါဘူး။

သိပ်မကြာသေးခင်က ဟိုးလေးတကြော်ဖြစ်ခဲ့တဲ့ ဗိုလ်ချုပ်ဟောင်း တစ်ယောက်ရဲ့ ခြံနဲ့တိုက်ကို ကုလသမဂ္ဂ UNICEF လိုအဖွဲ့ကြီးက တစ်လ ဒေါ်လာ ၈၇,၀၀၀၊ တစ်နှစ် ဒေါ်လာတစ်သန်းကျော် ပေးပြီးငှားထားတယ်ဆိုတဲ့ သတင်းဟာ အဲဒီအခြေအနေတွေကို ထင်ဟပ်တဲ့ သတင်းပဲ ဖြစ်ပါတယ်။ ထားပါ။ ဒါက လူချမ်းသာတွေ၊ စီးပွားရေးသမားကြီးတွေ၊ နိုင်ငံခြားရင်းနှီးမြှုပ်နှံသူတွေနဲ့ပဲ ဆိုင်တယ်ဆိုပြီး ထားလိုက်လို့ရပါတယ်။ မြန်မာနိုင်ငံသား လူလတ်တန်းစားတွေ ၀င်ငွေအသင့် အတင့်ရှိသူတွေ ရန်ကုန်မှာ တိုက်ခန်း တစ်ခန်းပိုင်ဖို့ ဖြစ်နိုင်ပါ့မလားဆိုတာက အများပြည်သူနဲ့ ပိုပြီး သက်ဆိုင်၊ ပိုပြီးစိတ်ဝင်စားဖို့ ကောင်းပါတယ်။

လောလောဆယ် ရန်ကုန်မှာ တိုက်ခန်းတန်ဖိုးတွေ အနိမ့်ဆုံး ကျပ်သိန်း ၃၀၀-၄၀၀ ဖြစ်၊ ၁၂ ပေ x ပေ ၅၀ လောက် တိုက်ခန်းကျဉ်းတွေရဲ့ တစ်လငှားခ အနည်းဆုံး ကျပ်တစ်သိန်းခွဲလောက်ဖြစ်လာတဲ့အခါ ပြည်သူတွေ မျက်လုံးပြူးလာကြပါတယ်။ ခပ်ညံ့ညံ့ တိုက်ခန်းကျဉ်း တစ်လငှားခဟာ အစိုးရ ပြန်တမ်းဝင်အရာရှိ တစ်ယောက်ရဲ့ တစ်လစာ လခထက်များနေပါတယ်။ ကုမ္ပဏီတွေရဲ့ အောက်ခြေ၀န်ထမ်းလစာ နှစ်ဆနီးပါးလောက် ဖြစ်နေတာလည်း တွေ့ကြရပါတယ်။ တကယ်တော့ ဒါမဖြစ်သင့်ဘူးဆိုတာ အားလုံးသိကြပါတယ်။ ဒီလိုဖြစ်ရတဲ့ အကြောင်းရင်းကလည်း ရိုးရှင်းပါတယ်။ အိမ်ရာ တိုက်ခန်း လိုအပ်သူများလာပေမယ့် အိမ်ရာတိုက်ခန်း အသစ်တွေ ဖော်ထုတ်တည်ဆောက်ပေးမှု နည်းနေသေးတဲ့ ပြဿနာပါ။ အစိုးရထုတ်ပြန်တဲ့ ကိန်းဂဏန်းတွေအရ ရန်ကုန်မှာ အိမ်ရာတိုက်ခန်း လိုအပ်ချက် သိန်းဂဏန်း အထက်ရှိပေမယ့် တကယ်ဖော် ထုတ်ရောင်းချပေးနိုင်တာက ထောင်ဂဏန်းလောက်ပဲ ရှိနေတာပါ။ ဆင့်ပါးစပ် နှမ်းပက်ဆိုတဲ့စကား ပိုသင့်တော်ပါလိမ့်မယ်။ ဒီတော့ မေးခွန်းထုတ်လာကြပါတော့တယ်။ “တန်ဖိုးနည်းအိမ်ရာ တိုက်ခန်းတွေ တည်ဆောက် ရောင်းချပေးဖို့ မရှိဘူးလား” ဆိုတာပါ။

လတ်တလော အာဏာပိုင်တွေနဲ့ ပုဂ္ဂလိကတွေ ပူးပေါင်းဆောက်လုပ်တဲ့ တန်ဖိုးနည်းအိမ်ရာတွေဆိုတာကလည်း ကျပ်ငွေ သိန်း ၃၀၀ အထက်လောက် သတ်မှတ်ထားတာကြောင့် ဒါလား တန်ဖိုးနည်းဆိုပြီး ပြည်သူတွေ ပြက်ရယ်ပြုကြပါတယ်။ နောက်တော့ အာဏာပိုင်တွေဟာ “တန်ဖိုး မျှတအိမ်ရာ” ဆိုပြီး ပြောင်းခေါ် ပါတယ်။ ပြည်သူတွေ နောက်ထပ် သိလိုမေးလိုတာက ဒီထက်တန်ဖိုးနည်းတဲ့အိမ်ရာ တိုက်ခန်းတွေ တည်ဆောက်မပေးနိုင်ဘူးလားဆိုတာပါ။

အဖြေကတော့ တကယ်အကောင်အထည်ဖော်မယ်ဆိုရင် ဖြစ်နိုင်တယ်ဆိုတာပါဆောင်းပါးအစမှာဖော်ပြထားတဲ့ ရွှေလင်ပန်း အိမ်ရာဆိုရင် တန်ဖိုးသတ်မှတ်ချက်ဟာ မြေညီထပ် ကျပ် ၁၂၅ သိန်းပဲ ရှိပါတယ်။ အပေါ်ဆုံး တတိယထပ်ဆို ကျပ်သိန်း ၁၁၀ ကျော်ပဲ ရှိပါတယ်။ ရွှေလင်ပန်းအိမ်ရာကို ဒီဈေးနဲ့ ရောင်းနိုင်ရင် တခြားအိမ်ရာတွေကိုလည်း ဒီထက်တန်ဖိုးနည်းအောင် လုပ်နိုင်တယ်ဆိုတာပါ။ လုပ်မယ်ဆိုရင်လည်း မခက်ပါဘူး။ တန်ဖိုးနည်းအိမ်ရာ တည်ဆောက်မယ့် မြေနေရာကိစ္စ အိုးအိမ်ဌာန၊ စည်ပင်သာယာ၊ ဒါမှမဟုတ် အစိုးရဌာနဆိုင်ရာ တစ်ခုခုက တာဝန်ယူရပါမယ်။ ရေ ရရှိရေး၊ မီး ရရှိရေး၊ မြို့လယ်ဧရိယာနဲ့ အလှမ်းဝေးတယ်ဆိုရင် သယ်ယူပို့ဆောင်ရေးစနစ် စတာတွေကို အစိုးရဘက်က တာဝန်ယူပြီး အိမ်ရာတည်ဆောက်မယ့် ကုမ္ပဏီတွေကို တင်ဒါခေါ်ရပါမယ်။ ပြည်တွင်းရော ပြည်ပဆောက်လုပ်ရေး ကုမ္ပဏီတွေကိုပါ တင်ဒါပြိုင်ဆိုင်ခွင့် ပေးရပါမယ်။ တင်ဒါပေးတာတွေကိုလည်း ပွင့်လင်းမြင်သာမှုရှိရှိ လုပ်ရမှာဖြစ်ပြီး လုပ်ငန်းစဉ်တစ်ခုလုံးကိုလည်း နှစ်ဖက်သဘောတူထားတဲ့ စည်းကမ်းချက်တွေနဲ့အညီ ကြီးကြပ်ပေးရမှာ ဖြစ်ပါတယ်။

ဒီလိုနည်းနဲ့ တန်ဖိုးနည်းအိမ်ရာတွေ အချိန်တိုအတွင်း သိန်းနဲ့ချီ ပေါ်ပေါက်လာအောင် လုပ်လို့ရပါတယ်။ နိုင်ငံတကာမှာလည်း ဒီလိုနည်းနဲ့ လုပ်ကြတာမို့ သိပ်အထူးအဆန်းကြီးတော့ မဟုတ်ပါဘူး။ ဒါပေမဲ့ တကယ့် ပြဿနာက လက်ရှိ အာဏာပိုင်တွေရဲ့ ပြည်သူတွေအပေါ်ထားတဲ့ သဘောထား မမှန်တာ၊ လာဘ်ပေး လာဘ်ယူ အကျိုးအမြတ်မရှိရင် ဘာမှမလုပ်ချင်တာ၊ လုပ်ပြန်ရင်လည်း စီမံကိန်းစနစ်တကျ အကောင်အထည် ပေါ်လာရေးထက် ကိုယ်နဲ့ နီးစပ်တဲ့ ကုမ္ပဏီတွေနဲ့ ပေါင်းပြီး လုပ်စားဖို့လောက်ပဲ အာရုံရှိတာ၊ အရည်အချင်း မဲ့တာ၊ ၀န်ကြီးဌာနတွေချင်း ပေါင်းစပ်ညှိနှိုင်းမှုမရှိတာ စတာတွေကြောင့် တန်ဖိုးနည်းအိမ်ရာ စီမံကိန်းတွေ ပေါ်ပေါက်မလာတာ ဖြစ်ပါတယ်။ ဒီလိုအခြေအနေအောက်မှာ ပြည်သူတွေလုပ်နိုင်တာ တစ်ခုတည်းရှိပါတယ်။ လာမယ့် ၂၀၁၅ ရွေးကောက်ပွဲမှာ ပြည်သူ့လိုလားချက် အကောင်အထည် ဖော်မပေးနိုင်တဲ့ အစိုးရကို ဖြုတ်ချပြီး ပြည်သူ့လိုလားချက် အကောင်အထည်ဖော်ပေးနိုင်မယ့် အစိုးရအဖွဲ့သစ် တက်လာအောင် မဲပေးရွေးချယ်ဖို့ပဲရှိပါကြောင်း သုံးသပ်တင်ပြလိုက်ရပါတယ်။

Mizzima Burmese

အပြည့်အစုံသို့ »

NLD က မြေကွက်နဲ့ ကားပါမစ် ယူမှာမဟုတ်ကြောင်း ဒေါ်အောင် ဆန်းစုကြည် ပြောကြား


အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က သူတို့ပါတီအနေနဲ့ ရွေးကောက်ပွဲကော်မရှင် က နိုင်ငံတော်သမ္မတထံတင်ပြထားတဲ့ မြေကွက်နဲ့ ကားသွင်းခွင့်ပါမစ်တွေကို လက်ခံရယူမှာမဟုတ်ဘူး လို့ ပြောကြားလိုက်ပါတယ်။ RFA ကပုံမှန်တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် မနေ့က ဆက်သွယ်မေးမြန်းရာမှာ ခုလိုဖြေကြားခဲ့တာဖြစ်ပါတယ်။

"ဒီလို ကားပါမစ်တွေ မြေကွက်တွေဘာတွေ ဒီလိုအချိန်မှာလည်း မလိုချင်ပါဘူး၊ အခုပြည်သူအများစုဟာ ဆိုလို့ရှိရင် သူတို့ရဲ့လယ်ယာမြေလေးတွေ ရရှိရေးအတွက် ရုန်းကန်နေရတဲ့ အချိန်မှာ ကျမတို့ပါတီအနေ နဲ့ ဒီလိုမြေကွက်တွေလည်း အလကားမယူချင်ပါဘူး၊ ကားပါမစ်တွေလည်း မလိုပါဘူး"

ဒ့ါအပြင် ရန်ကုန်မှာရှိတဲ့ ကုလသမဂ္ဂ ကလေးများရံပုံငွေအဖွဲ့ UNICEF  က အမေရိကန် ဒေါ်လာ ၉ သောင်း နီးပါးနဲ့ ကမ္ဘာ့ကျန်းမာရေးအဖွဲ့ WHO က ဒေါ်လာ ၈ သောင်းနီးပါး ရုံးခန်းဌားရန်းခအဖြစ် လစဉ်သုံးစွဲနေတာဟာ အင်မ တန်များပြားတယ်လို့လည်း ဒေါ်အောင်ဆန်းစုကြည်က ဝေဖန်လိုက်ပါတယ်။

"တော်ရုံတန်ရုံ လစာပဲပေးသင့်တယ် လို့ထင်တယ်၊ ဒါပေမဲ့လည်း အိမ်လခတွေ အရမ်းတက်တာပဲ အထူးသဖြင့် ရန်ကုန်လိုနေရာမျိုးမှာ ပြီးတော့ ဒီအဖွဲ့အစည်းတွေက ဒီလောက်လခပေးရတဲ့ရုံးတွေ လိုတယ်မလိုတယ်ဆိုတာကတော့ အဖွဲ့အစည်းချင်း တစ်ခုရဲ့ လုပ်ရပ်ပေါ်မှာ ကြည့်ပြီတော့ သုံးသပ် ရမှာပေါ့"

တဆက်တည်းမှာပဲ နိုင်ငံတဝန်းရှိကလေးသူငယ်တွေ အခမဲ့ပညာသင်ကြားခွင့်ရစေလိုကြောင်း၊ ဒါပေမယ့် နိုင်ငံမှာ ဘဏ္ဏာရေးတောင့်တင်းမှ အဲဒီလိုဆောင်ရွက်ပေးနိုင်မှာဖြစ်ကြောင်းလည်း ဒေါ်အောင်ဆန်းစုကြည် ကပြော ပါတယ်။ အပြည့်အစုံကို ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်မှာ နားဆင်ပါ။

RFA Burmese

အပြည့်အစုံသို့ »

တစ်လလျှင် အမေရိကန်ဒေါ်လာ (၈၀၀၀၀) ဖြင့် ဌားရမ်းနေထိုင် လုပ်ကိုင်နေခဲ့သည့် WHO


WHO's Office, No.2 Pyae Road,8-miles, Mayangone Township, Yangon

မေလ ၂၁ ရက်က UNICEF ၏ အရှေ့အာရှပစိဖိတ်ဒေသရုံး ချုပ်က ရန်ကုန်မြို့ ဗဟန်းမြို့နယ် ရွှေတောင်ကြားရပ်ကွက်တွင် ငှား ရမ်းပြီး ရုံးခန်းဖွင့်လှစ်နေသည့်စတုရန်းပေ ၃၃၀၀၀ ကျယ် ၀န်းသည့် ယူနီဆက်၏ ရုံးခန်း သည် ရန်ကုန်မြို့ ဗဟန်းမြို့နယ် ရွှေတောင်ကြား ၂ ရပ်ကွက် အမှတ် ၂၃/အေ တွင် ဖွင့်လှစ် ထားပြီး တစ်လလျှင် ငှားရမ်းခ ဒေါ်လာ ၈၇,၀၀၀(မြန်မာငွေကျပ်သိန်း ၈၀၀) နှုန်းဖြင့် ခုနစ်နှစ်စာချုပ် ချုပ်ဆိုထားကြောင်း ယူနီဆက်၏ သတင်းထုတ်ပြန် ချက်တွင် ဖော်ပြပါရှိခဲ့ပြိးနောက် အင်တာနက်သတင်းစာမျက်နှာများတွင် ဗိုလ်ချုပ်ဟောင်းတစ်ဦး၏နေအိမ်အပေါ် ထိုကဲ့သို့ ဌားရမ်းအသုံးပြုမှုများအပေါ် ဝေဖန်မှုများဖြစ်ပေါ်ပြီးစီးသည့်နောက် ပိုင်း ဒုတိယမြောက် အဖွဲ့အစည်းတစ်ခုဖြစ်သည့် WHO အဖွဲ့မှ မြန်မာနိုင်ငံမှ နာမည်ကြီး လုပ်ငန်းရှင် ခရိုနီတစ်ဦးပိုင်ဆိုင်သည့် ရန်ကုန်မြို့...မရမ်းကုန်းမြို့နယ်...(၈)မိုင်...ပြည်လမ်း...ခြံအမှတ်(၂) သို့ ၂၀၁၃ခုနှစ်..ဇူလိုင်လမှစတင်ပီး တစ်လလျှင် အမေရိကန် ဒေါ်လာ ( ၈၀၀၀၀)( ရှစ်သောင်း)ကျော်ဖြင့် တနှစ်စာချုပ်ချုပ်ဆိုကာ အမေရိကန် ဒေါ်လာ တသန်းနဲ့ တနှစ်စာဌားရမ်းခပေးပီးတော့ အံ့သြ လောက်စရာကောင်းတဲ့ ...တစ်ခါမှ မကြားဘူးခဲ့တဲ့ ဈေးနုန်းတွေနဲ့ကြောက်ခန်းမလိလိ ဌားရမ်းခဲ့တာကိုတွေ့ရှိခဲ့ရပါတယ်..WHO အဖွဲ့ အစည်းသည် ယခင်က TRADERS HOTEL တွင် အခန်းပေါင်း (၃၀)ခန်း ခန့်ကို တခန်းလျှင် အမေ၇ိကန်ဒေါ်လာ (၅၀၀)ဖြင့် တစ်လလျှင် ဒေါ်လာ ( ၁၅၀၀၀) ခန်းဖြင့် ဌား၇မ်းနေထိုင်ခဲ့၇ာမှ ၂၀၁၃ခုနှစ်.ဇူလိုင်လမှစတင်ကာ ပြောင်းရွှေ့ခဲ့ခြင်းဖြစ်ပေသည်....ထိုသို့ဌားရမ်းဆောင်၇ွက် ခဲ့၇ာတွင် WHO အဖွဲ့အစည်းအတွင်းမှ အိန္ဒိယနိုင်ငံသားအရာရှိတစ်ဦးမှ ပွဲစားခ အဖြစ် အမေရိကန် ဒေါ်လာတစ်သိန်းခန့်ကိုအိတ်ဝင်သပိတ်ဝင် ရရှိခဲ့ပါသည်...ဒီလိုမျိုး .ဆင်းရဲတဲ့တိုင်းပြည်တွေအတွက်ချမ်းသာတဲ့ နိုင်ငံတွေနဲ့ စေတနာရှင် အလှူရှင်တွေကနေပီးတောု့WHO ကတဆင့် စေတနာအပြည့်နဲ့ဆင်းရဲတဲ့မြန်မာပြည်လိုတိုင်းပြည်တွေကိုလှူဒါန်းနေကြတဲ့အလှူရှင်တွေ ဟာ ဒီလိုမျိုး အဖွဲ့အစည်းတွေက ဌားရမ်းခတွေကို မတန်မဆ မရှိသေးတဲ့ ဈေးနုန်းတွေပေးပီး ဌားရမ်းနေထိုင်ပီးတော့ လုပ်ကိုင်နေခဲ့တာတွေကို အလှူရှင်တွေသာ ပြန်လည်သိရှိမယ်ဆိုယင် တော့ တော်တော်လေးကိုစိတ်မကောင်းဖြစ်ကြမှာပါ.....သူတို့ လှူလိုက်တဲ့ငွေတွေကို ဌားရမ်းခတွေအဖြစ် အဆမတန်ပေးဌားပီးတော့ သူတို့ ငွေတွေကို သဲထဲရေသွန်သလိုမျိုးနဲ့ အောက်ခြေမှာလုပ်ချင်သလိုလုပ်နေကြတဲ့ အိမ်ဌားဖြစ်တဲ့ အမ်ဂျီအို အဖွဲ့အစည်းတွေနဲ့ အိမ်ရှင်ဖြစ်တဲ့ ခရိုနီတွေပေါင်းပီး လုပ်စားနေ တာကိုတွေ့ကြရင်တော့ ရင်ထုမနာဖြစ်ကြရမှာပဲ....UNအဖွဲ့အစည်းတွေနဲ့ INGOs တွေရဲ့ အဖွဲ့အစည်းကြီးကို အကြောင်းပြပီးတော့ လုပ်စားတတ်တဲ့သူတွေကတော့ ကြားထဲကနေပီးတော့ ဒေါ်လာသိန်းချီပိုက်ပီးတော့ လုပ်စားလို့ ကောင်းနေခဲ့တယ် ဆိုတာကို အများသိအောင် တင်ပြလိုက်ရပါတယ်....

ငယ်လေးညီ စုံစမ်း ရေးသား တင်ပြသည်.....
Ygn News (Myanmar CNN) မှ တင်ဆက်သည်။

အပြည့်အစုံသို့ »

အေးနေဖို့ လျှပ်စစ်မီးမလိုတဲ့ ရေခဲသေတ္တာ

ရေခဲရေကန်တွေကို လေ့လာပြီး ထုတ်လုပ်လိုက်တဲ့ ရေခဲသေတ္တာသစ် ‘Sure Chill’ ဟာ ဝေးလံခေါင်ဖျားတဲ့ အရပ်ဒေသက ကလေးတွေ အသက်ရှင်ဖို့ လိုအပ်တဲ့  ကာကွယ်ဆေးတွေကို ၃၅ရက်တာအေးထားနိုင်ပါတယ်။
Image and video hosting by TinyPic
ဖြစ်လေ့ဖြစ်ထရှိတဲ့ ရောဂါတွေကို ကလေးတွေအတွက် Unicef ကနေ ကာကွယ်ဆေးထိုးပေးနိုင်ခဲ့တဲ့အတွက် ၂၀၁၁ခုနှဏ်မှာ ကလေး ၂ ကနေ ၃ သန်းအရေအတွက်ဟာ အသက်ဆက်ရှင်နိုင်ခဲ့ကြပါတယ်။ တစ်ချိန်တည်းမှာပဲ ကာကွယ်ဆေး မရလို့ သေဆုံးသွားခဲ့တဲ့ ကလေးအရေအတွက် ၁ ဒဿမ ၅ သန်း ရှိခဲ့ပါတယ်။
ကမ္ဘာအနှံ့က ကလေးအရေအတွက် ခန့်မှန်းခြေ ၂၀ရာခိုင်နှုန်းဟာ ကျန်းမာရေးစောင့်ရှောက်မှု မရရှိကြပါဘူး။ ထောက်ပံ့ကူညီရေးအေဂျင်စီတွေအတွက် အကြီးမားဆုံးပြဿနာကတော့ ကာကွယ်ဆေးတွေကို အရောက်မပို့နိုင်ကြတာပါ။ အာဖရိကနဲ့ အရှေ့တောင်အာရှက ဆင်းရဲသားမိသားစု အများစုဟာ ကျေးလက်ဒေသတွေမှာ နေထိုင်ကြပါတယ်။ ရှိရင်းစွဲထက် အသက်တွေပိုကယ်ဆယ်နိုင်ဖို့ဆိုရင် ဆေးတွေကို ပို့ပေးတဲ့နေရာမှာ အဆင့်ပိုမြင့်တဲ့ ရွှေ့ပြောင်းမှုစနစ်၊ သိုလှောင်မှုစနစ်တွေ လိုပါတယ်။ အဓိကပြဿနာကတော့ အဲ့ဒီ့ဒေသတွေဆီကို ပို့တဲ့အခါ ကာကွယ်ဆေးတွေကို လျှပ်စစ်မီးမရှိဘဲ အေးနေအောင် မထိန်းသိမ်းထားနိုင်တာပါပဲ။
ဗြိတိန်၊ ဝေလက ကုမ္ပဏီအသေးလေးတစ်ခုကလာတဲ့ နည်းပညာဟာ ရူပဗေဒ အခြေခံနိယာမတွေကို အခြေခံထားတာပါ။ အဲ့ဒီ့နည်းပညာကို အသုံးချပြီး လျှပ်စစ်မီးမရှိဘဲ ၃၅ရက်တာ အေးထားနိုင်မယ့် ရေခဲသေတ္တာကို တီထွင်နိုင်ခဲ့ပါတယ်။ အဲ့ဒီ့အကျိုးရလဒ်အနေနဲ့ ကမ္ဘာအနှံ့က ကာကွယ်ဆေးလိုအပ်နေတဲ့ ကလေးငယ်တွေရဲ့ အသက်တွေကို ကယ်ဆယ်နိုင်တော့မှာဖြစ်ပါတယ်။
Ref:fastcoexist.com
သီဟနိုင် (Trend Myanmar)

အပြည့်အစုံသို့ »