“မလေးရှားနိုင်ငံခြားရေးဝန်ကြီးဌာနမှကြေညာချက်တစ်ခုထုတ်ပြန်”

မလေးရှားနိုင်ငံသို့ မြန်မာနိုင်ငံခြားရေးဝန်ကြီးဌာန ဒုတိယ၀န်ကြီး ဦးဇင်ယော်နှင့် အဖွဲ့ ရောက်ရှိခဲ့ခြင်းနှင့်ပတ်သက်၍ မလေးရှားနိုင်ငံခြားရေး ၀န်ကြီးဌာနမှကြေညာချက်တစ်ခုကို ယနေ့ထုတ်ပြန်လိုက်သည်။ယင်းကြေညာချက်ဝယ် အောက်ပါအချက်များပါရှိသည်။
မြန်မာနိုင်ငံခြားရေးဝန်ကြီးဌာန ဒုတိယ၀န်ကြီး ဦးဇင်ယော်နှင့် မြန်မာနိုင်ငံအလုပ်သမား အလုပ်အကိုင်နှင့် လူမှုဖူလုံရေးဝန်ကြီးဌာန ဒုတိယ ၀န်ကြီး ဒေါ်ဝင်းမော်ထွန်းတို့သည် လိုအပ်သည့်ကိစ္စရပ်များကို တာဝန်ယူဆောင်ရွက်ရန်အတွက် မလေးရှားနိုင်ငံသို့ ဇွန် ၁၁ ရက်မှ ၁၄ ရက်နေ့ အထိ ရောက်ရှိခဲ့ကြသည်။
ထိုသို့ရောက်ရှိစဉ် ဇွန်(၁၃)ရက်တွင် မလေးရှားနိုင်ငံပြည်ထဲရေးဝန်ကြီးဌာန ဒုတိယ၀န်ကြီး၊ မလေးရှားနိုင်ငံ လူ့စွမ်းအားအရင်းအမြစ်ဝန်ကြီးဌာန ဒုတိယ၀န်ကြီးတို့နှင့် တွေ့ဆုံခဲ့ကြသည်။ထို့အပြင် မလေးရှားနိုင်ငံ နိုင်ငံခြားရေးဝန်ကြီးဌာန ဒုတိယ၀န်ကြီးနှင့်လည်းတွေ့ဆုံခဲ့သည်။
ဦးဇင်ယော်နှင့်အဖွဲ့သည် မလေးရှားနိုင်ငံသို့ရောက်ရှိနေကြသော မြန်မာလုပ်သားများနှင့်ပတ်သက်၍ လက်ရှိဖြစ်ပွားနေသောအခြေအနေများကိုဆွေးနွေးခဲ့ကြသည်။ထို့နောက် ဖြစ်ပွားခဲ့သောအရေးကိစ္စများ ပုံမှန်အခြေအနေသို့ပြန်လည်ရောက်ရှိနေပြီဖြစ်ခြင်းအပေါ် ကြေ နပ်အားရမှု ရှိကြောင်းနှင့် မလေးရှားနိုင်ငံအစိုးရအားလည်း အထူးကျေးဇူးတင်ရှိကြောင်း ဦးဇင်ယော်က ပြောကြားခဲ့သည်။

Popularmyanmar

အပြည့်အစုံသို့ »

မိန်းကလေးများ အလေးမထားမိသည့် ကျန်းမာရေး ထိခိုက်စေနိုင်သော အချက်များ


မိန်းကလေးတွေဟာ အလှအပနောက်ကိုလိုက်ရင်း ကျန်းမာရေး ထိခိုက်စေနိုင်တာတွေကို အလေးမထားမိတာမျိုး ဖြစ်တတ်ကြပါတယ်။

(၁) စိတ်ညစ်တိုင်း အစာစားလေ့ရှိခြင်း

ယောကျာ်းလေးအများစုက ပျော်ရွှင်တဲ့ အခါမျိုးမှာ အစာပိုစားတတ်ကြပြီး မိန်းကလေးတွေကတော့ စိတ်ညစ်တဲ့အခါမှာ အချိုနဲ့ ကယ်လိုရီများတဲ့ အစားအစာတွေကို ပိုစားလေ့ ရှိပါတယ်။ စိတ်ညစ်လို့ စားတဲ့ အစားအစာတွေက သင့်ခါး အနေအထားကို ပြောင်းလဲစေပြီး သင့်ကို ဝလာစေပါတယ်။ စိတ်ညစ်တာကို အစာစားပြီး ဖြေဖျောက်ဖို့ ကြိုးစားတာထက် လေ့ကျင့်ခန်းလုပ်တာ၊ ယောဂကျင့်တာ၊ အပေါင်းအသင်းတွေနဲ့ ပျော်ပျော်ပါးပါးနေတာတွေနဲ့
အစားထိုးလုပ်ဆောင် ကြည့်ပါ။

(၂) ဝသည်ဟု ထင်မြင်နေခြင်း

မိန်းကလေးတွေက ခန္ဓာကိုယ်ကို ဝတယ်လို့ သူများပြောမှာကို ကြောက်ရွံ့တတ်ကြပြီး ဝိတ်ချနေတယ်လို့လည်း တွင်တွင် ပြောတတ်ကြပါတယ်။ လေ့လာမှုအရ မိန်းကလေးတွေရဲ့ ၉၀ ရာခိုင်နှုန်းလောက်က သူတို့ရဲ့ ခန္ဓာကိုယ်ပုံပန်း သဏ္ဌာန်ကို ပြုပြင်လိုကြပါတယ်။ ခန္ဓာကိုယ်က အဆီတွေကို ခွဲစိတ် ဖယ်ရှားနိုင်တယ် ဆိုပေမယ့် အစားအသောက်နဲ့ ကိုယ်အလေးချိန် လျှော့ချတာက အကောင်းဆုံးနည်းလမ်းပါ။

(၃) မိတ်ကပ်မဖျက်ဘဲ အိပ်စက်ခြင်း

ညအိပ်တဲ့အခါ မိတ်ကပ်မဖျက်ဘဲ အိပ်စက်တာကြောင့် တစ်နေကုန် မျက်နှာပေါ်မှာ လိမ်းခြယ်ထားတဲ့ မိတ်ကပ်တွေ၊ ကပ်ငြိနေတဲ့ ဖုန်တွေနဲ့ ထွက်လာတဲ့ ချွေးတွေ မျက်နှာမှာရှိတဲ့ ချွေးပေါက်တွေကို ပိတ်စေပါတယ။် မျက်လုံးမှာဆိုးထားတဲ့ မျက်တောင်ကော့ ဆေးရည်ကိုမဖျက်ဘဲ အိပ်တာက မျက်လုံးကို ယားယံတာ၊ ပိုးဝင်တာတွေကို ဖြစ်စေပါတယ်။
ညအိပ်ရာမဝင်မီ သင့်မျက်နှာမှာ လိမ်းခြယ်ထားတဲ့ မိတ်ကပ်တွေကို သေချာစွာ သန့်စင်ပေးဖို့ လိုပါတယ်။ မျက်နှာ သန့်စင်ရာမှာ ကြေးချွတ်အား မပြင်းတဲ့ မျက်နှာသစ်ဆေးရည်ကို အသုံးပြုပါ။ မျက်နှာသစ်ပြီးပါက အစိုဓာတ်ထိန်းပေးနိုင်တဲ့ ညလိမ်းခရင်မ်လိမ်းအိပ်ပါ။

(၄) ယောကျာ်းလေးများနှင့် ရင်ပေါင်တန်းကာ သောက်စားခြင်း

ဒီကနေ့ခေတ်မှာ မိန်းကလေးတွေဟာ ယောကျာ်းလေးတွေနဲ့ ရင်ပေါင်တန်းကာ မူးယစ်သောက်စားတတ်လာပါတယ်။ ဒါဟာ ကောင်းတဲ့ အမူအကျင့်တော့ မဟုတ်ပေမယ့် လက်ခံကျင့်သုံးသူ များလာပါတယ်။ မိန်းကလေးတွေဟာ ယောကျာ်းလေးတွေထက် ခန္ဓာကိုယ်အနည်းငယ် ပိုပြီး သေးသွယ်တာကြောင့် အရက်ရဲ့ ပြင်းအားကို လျှော့ချဖို့ ခန္ဓာကိုယ်မှာ ရေဓာတ်အသုံးပြုမှု အနည်းငယ် ပိုနည်းပါတယ်။
လူမှုရေးအရ အပေါင်းအသင်းတွေနဲ့ ဆက်ဆံရေး မပျက်ချင်ဘူးဆိုတဲ့ ဆင်ခြေတစ်ခုနဲ့တော့ အရက်ဆက်သောက် မနေသင့်ပါဘူး။ အရက်က ခန္ဓာကိုယ်ကို ဆိုးကျိုးများ စွာဖြစ်စေတယ်ဆိုတာ သင်သိပြီးသား ဖြစ်ပါ လိမ့်မယ်။ သင့်အနေနဲ့ လုံးဝမသောက်သုံးလို့ မဖြစ်တဲ့အခြေအနေမျိုးမှာ အရက်နဲ့ အချိုရည်ကို တစ်လှည့်စီသောက်ပြီး အရက်သောက်သုံးမယ့် ပမာဏကို လျှော့ချပါ။

(၅) ဘရာစီယာအရွယ်အစား မှားယွင်းစွာ ဝတ်ဆင်နေမိခြင်း

မိန်းကလေးတွေရဲ့ ၇၀ ရာခိုင်နှုန်းလောက်က ဘရာစီယာ အရွယ်အစားကို မှားယွင်းစွာ ဝတ်ဆင်ထားတတ်ကြပါတယ်။ ကိုယ့်ခန္ဓာကိုယ်နဲ့ မကိုက်ညီတဲ့ ဘရာစီယာကို ဝတ်ဆင်တာက သင်ရဲ့ ဝတ်စားဆင်ယင်မှုကို ကြည့်ရဆိုးစေရုံ သာမက နောက်ကျော၊ လည်ပင်းနဲ့ ရင်သားနာကျင်မှုတွေကို ဖြစ်စေပါတယ်။ ဒါ့အပြင် အသက်ရှူကျပ်တာ၊ ကိုယ်ခန္ဓာအနေအထားပုံစံမကျတာ၊ အရေပြား ယားယံတာ၊ သွေးလှည့်ပတ်မှုမကောင်းတာနဲ့ ဝမ်းဗိုက် မအီမသာဖြစ်တာတွေ အထိ ဖြစ်စေနိုင်ပါတယ်။
သင့်ခန္ဓာကိုယ်နဲ့ ရင်သားအရွယ်အစားကို သေချာစွာသိအောင်လေ့လာပါ။ ဘရာစီယာဝယ်ယူတဲ့အခါ ရင်သားကို အထောက်အပံ့ ကောင်းကောင်းပေးနိုင်ပြီး သင့် ရင်သားအရွယ်အစားနဲ့ ကိုက်ညီတာကို ရွေးချယ်ဝယ်ယူပါ။

(၆) အတိတ်ကဖြစ်ရပ်များကို မမေ့ပျောက်နိုင်ခြင်း

စိတ်ဖိစီးမှုက သင့်စိတ်ရော၊ ခန္ဓာကိုယ်ပါ ကျန်းမာမှုအတွက် အဟန့်အတား ဖြစ်စေပါတယ်။ မိန်းကလေးတွေက ယောကျာ်းလေးတွေထက် စိတ်ဖိစီးမှုနဲ့ ဆက်စပ်နေတဲ့ စိတ်ဓာတ်ကျတာနဲ့ စိုးရိမ်စိတ်များတာတွေကို နှစ်ဆ ပိုမိုခံစားတတ် ကြပါတယ်။
သုတေသီတွေရဲ့ လေ့လာမှုအရ မိန်းကလေးတွေဟာ ယောကျာ်းလေးတွေ ထက် အတိတ်က အကြောင်းအရာတွေကို မမေ့ ပျောက်နိုင်ဘဲ တမ်းတပူဆွေးမှုတွေ လွန်ကဲနေတတ် ပါတယ်။ စိတ်ငြိမ်အောင် တရားထိုင်တာ၊ ယောဂကျင့်တာတွေက စိတ်ဖိစီးမှုတွေကို လျော့ကျအောင် ကူညီပေးနိုင်ပါတယ်။

(၇) လေးလံလွန်းသော ဘေးလွယ်အိတ်

မိန်းကလေးအများစုက သူတို့ အသုံးအဆောင်တွေကို သွားလေရာမှာ အဆင် ပြေပြေအသုံးပြုနိုင်အောင် အိတ်ထဲထည့်ပြီး ယူဆောင် တတ်ကြပါတယ်။ အသေးအဖွဲလေးတွေ ဆိုပေမယ့် အားလုံး စုပေါင်းလိုက်တဲ့အခါ သင့်ပခုံးကို ဝန်ပိစေပြီး ကြာရှည်လာတဲ့အခါ သင့်ကျန်းမာရေးကို ဒုက္ခပေး နိုင်ပါတယ်။ သင့်ဘေးလွယ်အိတ် အရွယ်အစားက သိပ်ကြီးလွန်းနေရင် အနေတော်အရွယ်အိတ်ကို ပြောင်းပါ၊ အိတ်ထဲမှ မလိုအပ်တဲ့ အသုံးအဆောင်တွေကို တစ်ပတ်တစ်ခါ ရှင်းလင်း ဖယ်ရှားပေးပါ။

(၈) ဒေါက်မြင့်ဖိနပ်စီးခြင်း

ဒေါက်မြင့် ဖိနပ်စီးတာက ခန္ဓာကိုယ်မှအဆစ်အပေါ် ဖိအားကျရောက်စေပြီး အရိုးအဆစ် ရောင်ရမ်းတာ၊ ခြေမ နာကျင်တာ၊ ခါးနာတာနဲ့ အရွတ်မှာ ဒဏ်ဖြစ်တာတွေဖြစ်စေပါတယ်။ ဒေါက်မြင့်ဖိနပ်ကြောင့်ဖြစ်ရတဲ့ ဒဏ်တွေ သက်သာစေဖို့ နေ့စဉ်စီးတဲ့ ဖိနပ်ရဲ့ ဒေါက်အမြင့်ဟာ တစ်လက်မခွဲထက် မပိုသင့်ပါဘူး။ သင်စီးတဲ့ဖိနပ်ဟာ အဆစ်အပေါ် ဒဏ်မပိစေတဲ့ ဖိနပ်မျိုး ဖြစ်ရပါမယ်။

(၉) အိပ်ရေးဝ၀ မအိပ်စက်ခြင်း

ကံမကောင်းစွာဘဲ မိန်းကလေးတွေက ယောကျာ်းလေးတွေထက် အိပ်ရေးပျက်တာကို ပိုမို ခံစားရတတ်ပါတယ်လို့ မစ်ချီကန် တက္ကသိုလ်မှ လေ့လာမှုအရ သိရပါတယ်။
အိပ်ပျက်များတဲ့ မိန်းကလေးတွေက အစာ စားချင်စိတ်ဖြစ်ပေါ်စေပြီး နှလုံးရောဂါ ဖြစ်ပွားနှိုင်ခြေ ကလည်း မြင့်မားစေပါတယ်။ နှစ်နှစ်ခြိုက်ခြိုက် အိပ်ပျော်စေဖို့ ညဘက် အိပ်ခါနီးမှာ ကဖင်းဓာတ်ပါတဲ့ ကော်ဖီ၊ လက်ဖက်ရည်နဲ့ တခြားအချို ရည်တွေ မသောက်ပါနဲ့။ အိပ်ရာဝင်ခါနီး လေ့ကျင့်ခန်း လုပ်တာကိုလည်း ရှောင်ပါ။ အိပ်ခါနီး နွားနို့ပူပူတစ်ခွက် သောက်တာ၊ ကြက်သီးနွေးရေနဲ့ ရေချိုးပေးတာတွေက သင့်ကို နှစ်နှစ်ခြိုက်ခြိုက် အိပ်ပျော်စေဖို့ ကူညီပေးပါတယ်။

(၁၀) သားသမီးများကို ဂရုစိုက်နေရခြင်း

မိန်းကလေးတွေက ကိုယ့်ကိုယ်ကိုယ် ကျန်းမာဖို့အပြင် အိမ်ထောင်ထိန်းသိမ်းရတဲ့ တာဝန်လည်းရှိတာကြောင့် အိမ်သားတွေရဲ့ ကျန်းမာရေးကိုလည်း ဂရုပြုရပါတယ်။
အထူးသဖြင့် သားသမီးတွေ နေမကောင်းတဲ့အခါ၊ ထိခိုက်ဒဏ်ရာရတဲ့အခါ အိမ်ထောင်ရှင်မမှာ တာဝန်အပိုတွေ ပိစေပါတယ်။ သင့်ကလေးငယ်တွေ အအေးမမိအောင် မိုးရေထဲ ထွက်ဆော့တာကို တားမြစ်ပါ။ ကလေးတွေဟာ ပြေးလွှား ဆော့ကစား တတ်ကြတာကြောင့် အိမ်တွင်း၊ အိမ်ပြင်မှာ ချော်လဲနိုင်တာ၊ တိုက်မိခိုက်မိ နိုင်တာတွေကို ရှင်းလင်းထားပါ။
Myanmar News Update

အပြည့်အစုံသို့ »

ရန်ကုန်တိုင်းဒေသကြီး သင်္ယန်းကျွန်းမြို့နယ် အတွင်းရှိစိုက်ပျိုးမွေးမြူရေး ပြုလုပ်နေသည့် အိမ်ထောင်စု ၁၁၈ ခုကိုလူဦးရေခြောက်ရာခန့်ဖြင့် ၀င်ရောက်ဖျက်ဆီးခဲ့



ရန်ကုန်တိုင်းဒေသကြီး သင်္ယန်းကျွန်းမြို့နယ် အတွင်းရှိ မိကျောင်းကန် အပိုင်း ၁၊၂၊၃ ရပ်ကွက်များတွင်စိုက်ပျိုးမွေးမြူရေး ပြုလုပ်နေသည့် အိမ်ထောင်စု ၁၁၈ ခုကို ယနေ့ နံနက်ခြောက်နာရီခန့်က လူဦးရေခြောက်ရာခန့်ဖြင့် ၀င်ရောက်ဖျက်ဆီးခဲ့ပြီး ထိုမြေပေါ်ရှိ အိမ်ထောင်စုများအား ၁၄ရက်နေ့ နောက်ဆုံးထား ထွက်ခွာပေးရန် တပ်မြို့စည်ပင်ကြီးကြပ်ရေးမှူး ဦးစိုးမင်းဝင်းက သတင်းမီဒီယာများအားပြောကြားသည်။ အဆိုပါမြေသဆောက်လုပ်ရေးဝန်ကြီးဌာန မှ ကာကွယ်ရေးဝန်ကြီးဌာန သို့ ၁၉၉၂ခုနှစ် ကတည်းကလွှဲပြောင်ပေးခဲ့သည့်မြေဖြစ်ပြီး ထိုသို့မဖျက်ဆီးမီ ယင်းနေရာမှထွက်ခွာပေးရန် ခြောက်ကြိမ်သတိပေးခဲ့ကြောင်းယင်းတာဝန်ရှီသူကပြောကြားသည်။
"ကိုယ်တွေကိုဒီလိုလုပ်မယ်လို့မထင်ထားတာ မိုးလည်းမြိုင်မြိုင်ကျနေပြီ ကလေးတွေလည်းကျောင်းတက်နေပြီဆိုတော့ မလုပ်သေးဘူးမှတ်တာ ခုတော့ စိုက်ခင်းတွေ ပျက်စီးသွားပြီ လယ်ကိုပြောင်းရမှန်းလည်းမသိဘူး"ဟု မိကျောင်းကန်ရပ်ကွက်နေ စိုက်ပျိုးရေးလုပ်ငန်းလုပ်ကိုင်သူတစ်ဦးကပြောသည်။


Messenger News

အပြည့်အစုံသို့ »

ညှိနှိုင်းမှု မပြေလည်သဖြင့် ကင်မရာစက်ရုံ ဝန်ထမ်း ၄၀၀ ခန့် အလုပ်ထွက်



မန္တလေးတိုင်းဒေသကြီး ပြင်ဦးလွင်မြို့နယ် ရတနာပုံ ဆိုက်ဘာစီးတီး အတွင်းရှိ ဝန်ထမ်းပေါင်း ၉၀၀ ကျော် ရှိသော BTC (Brust Transmission Co.Ldt.) ကင်မရာ စက်ရုံမှ ဝန်ထမ်း ၇၀၀ ခန့်သည် လုပ်ခလစာ တိုးမြှင့်ရေး အပါအဝင် အချက် ကိုးချက်အတွက် ဇွန် ၃ ရက် ရက်နေ့မှ ဇွန် ၅ ရက်နေ့ အထိ သုံးရက်ဆက်တိုက် ဆန္ဒပြ တောင်းဆိုရာ ညှိနှိုင်းမှု မပြေလည်သဖြင့် ဝန်ထမ်း ၄၀၀ခန့် အလုပ်ထွက်သွားကြောင်း အဆိုပါ ဆန္ဒပြ လုပ်သားများထံမှ စုံစမ်းသိရှိရသည်။ 

ယင်းဆန္ဒပြ အလုပ်သမားများက အလုပ်ချိန် ရှစ်နာရီ သတ်မှတ်ပေးရန်၊ အစိုးရ ရုံးပိတ်ရက်များတွင် တရားဝင် အလုပ်ပိတ် ပေးရန်၊ မူလ ရပိုင်ခွင့် မလျော့စေရန်၊ ရေ။မီး။အိမ်သာ ပြုလုပ်ပေးရန်၊ စည်းကမ်းချက် ထုတ်ပြန်ပါက ပွင့်လင်းမြင်သာမှု ရှိသည့် နေရာတွင် တရားဝင် ဆိုင်းဘုတ် ကပ်ပေးရန်၊ ဆန္ဒပြမှုကြောင့်ဌာနက ရွှေ့ပြောင်းခြင်း၊ အလုပ်မှ ထုတ်ပယ်ခြင်း မပြုရန်၊ လူမှုဖူလုံရေး ကတ်များ ထုတ်ပေးရန်၊ အခါအားလျော်စွာ အလုပ်ရှင်နှင့် လုပ်သမား ညှိနှိုင်း အစည်းအဝေး တစ်လလျှင် နှစ်ကြိမ် ပြုလုပ်ပေးရန်၊ အခြေခံလစာအပြင် ထပ်မံ၍ ကျပ်တစ်သောင်း တိုးမြှင့်ပေးရန် စသည့် အချက် ကိုးချက်ကို တောင်းဆိုခဲ့ကြောင်း ယင်းဆန္ဒပြမှုတွင် ပါဝင်သူ ကင်မရာ မှန်ဘီလူး ထုတ်လုပ်ရေးဌာနမှ အလုပ်သမားတစ်ဦးက The Voice သို့ ပြောကြားသည်။

အခြေခံလစာ၂၄,၀၀၀ ကျပ်အစား ၃၀,၀၀၀ ကျပ် တိုးပေးမည် ဖြစ်ကာ သက်သာစရိတ် ကျပ် ၇၀၀၀ ကိုလည်း ဇွန်လကုန်မှ စတင်ပေးမည် ဖြစ်ကြောင်း၊ ဇွန်လ၂၀ ရက် နေ့တွင် ရေ၊ မီး ပုံမှန် ပြုလုပ်
ပေးခြင်း၊ အစားအသောက် အမြန်ဆုံး ကောင်းမွန်အောင် ပြန်လည် ဆောင်ရွက်ပေးခြင်း၊ ရေအိမ်သာ၊ လျှပ်စစ်မီး ပြုလုပ်ခြင်းစသည့် အချက်များကို ဆောင်ရွက်ပေးမည် ဖြစ်ကြောင်း၊ ဇွန်လ ၇ ရက်နေ့ နံနက် ၇ နာရီတွင် လုပ်ငန်းခွင်သို့ ပြန်လည် လာရောက်လုပ်ကိုင်ခြင်း မရှိသော အလုပ်သမားများကို မိမိဆန္ဒအလျောက် အလုပ်ထွက်သည်ဟု သတ်မှတ် ထားသော်လည်း အလုပ်ပြန်လုပ်ချင်သူများကို ယခုလကုန်အထိ လက်ခံ ပေးသွားမည် ဖြစ်ကြောင်း အဆိုပါ စက်ရုံ တာဝန်ရှိသူတစ်ဦးက
ပြောကြားသည်။

“အလုပ်သမား စုစုပေါင်း ၉၀၀ လောက်ရှိတယ်။ အခုချိန်မှာ ဘယ်လောက် ထွက်သွားတယ် ဆိုတာတော့ အတိအကျ ပြောလို့ မရဘူး။ ထွက်သွားပြီးမှ ပြန်လာတာတွေလည်း ရှိတယ်”ဟု အဆိုပါ တာဝန်ရှိက ဆိုသည်။

အခြေခံလစာကို ၆၀၀၀ ကျပ် ထပ်တိုးပေးမည် ဖြစ်ကာ သက်သာငွေအဖြစ် ၇၀၀၀ ကျပ် ပေးမည် ဖြစ်ပြီး ရေ၊ မီး၊ လျှပ်စစ်၊ အစားအသောက်စသည့် တောင်းဆိုထားသည့် အချက်များကို အမြန်ဆုံး ကောင်းမွန်အောင် ဆောင်ရွက်နေသည်ဟု သိရကြောင်း ဆန္ဒပြရာတွင် ပါဝင်ခဲ့ပြီး လက်ရှိ အဆိုပါ စက်ရုံတွင် လုပ်ကိုင်နေသူတစ်ဦးက ပြောကြားသည်။

“အခုစက်ရုံမှာ လူ ၄၀၀ လောက်က ပြန်သွားတယ်။ ဝန်ထမ်းတွေကို အစက ဇွန်လ ၅ ရက်နေ့မှာ လစာထုတ်ပေးမယ်။ တိုးမပေးဘူးလို့ ပြောတယ်။ တချို့တွေကလည်း စိတ်ဓာတ် ပြင်းထန်ပြီး ပြန်ကုန် ကြတယ်။ နောက်မှ ၆၀၀၀ ကျပ် တိုးပေးတယ်။ တချို့လည်း ပြန်လာတာရှိတယ်။ ဒါပေမဲ့ လူ ၃၀ လောက်ပဲ ရှိတယ်၊ ပြန်သွားတဲ့သူတွေက လစာတိုးပေးတာ သိလည်း ပြန်ကုန်ကြတာပါ။ ဒီလကုန်အထိ ပြန်လာတဲ့ သူတွေကိုတော့ လက်ခံပေးမယ် သိရတယ်” ဟု ယင်းကင်မရာ မှန်ဘီလူး စက်ရုံမှ အလုပ်သမားတစ်ဦးက ထပ်မံပြောကြားသည်။

ပြင်ဦးလွင်မြို့ ရတနာပုံ ဆိုက်ဘာစီးတီးရှိ BTC (Brust Transmission Co.Ldt.) ကင်မရာစက်ရုံသည် လုပ်သား ၉၀၀ ကျော်ဖြင့် မှန်ဘီလူး အစိတ်အပိုင်းများကို GE တံဆိပ်ဖြင့် ထုတ်လုပ်လျက် ရှိသည်။

သစ်ထူးလွင်

အပြည့်အစုံသို့ »

မလေးရှားမှ ပထမဆုံး ပြန်ရောက်လာသော အလုပ်သမားနှစ်ဦးနှင့် တွေ့ဆုံခြင်း

မလေးရှားနိုင်ငံတွင် အကြမ်းဖက်ခံရမှုကြောင့် မြန်မာအလုပ်သမား အချို့ ပြန်လာရန် စိုင်းပြင်းလျက် ရှိနေချိန် ဇွန်လ ၁၂ ရက်နေ့က မြန်မာနိုင်ငံသို့ ပထမဆုံး ပြန်လည်ရောက်ရှိလာသော အလုပ်သမား နှစ်ဦးနှင့် ရန်ကုန် အပြည်ပြည်ဆိုင်ရာ လေဆိပ်တွင် တွေ့ဆုံ မေးမြန်းထား ပါသည်။ ၄င်းတို့ အလုပ်ရှင်၏ စီစဉ်ပေးမှုဖြင့် ပြန်လည် ရောက်ရှိလာခြင်း ဖြစ်ပြီး ကာယကံရှင်များ ဆန္ဒအရ အမည်နာမ ဖော်ပြနိုင်ခြင်း မရှိပါ။
Voice : မလေးရှားနိုင်ငံ ဘယ်ဒေသတွေမှာ အလုပ် လုပ်ခဲ့ကြတာလဲ။ 

လုပ်သား(၁) : ကျွန်တော်ကတော့ လာဝပ်မှာ နေတာပါ။ အခုလက်ရှိ အကြမ်းဖက်မှုတွေဖြစ် နေတဲ့ ကွာလာလမ်ပူနဲ့ သိပ်မဝေးပါဘူး။ 
လုပ်သား(၂) : ကျွန်တော်ကတော့ မလက်ကာမှာ နေခဲ့တာ။ မလေးရှားမှာ အလုပ်လုပ်တာ ကတော့ ၂ နှစ်ရှိပြီ။ 

Voice : မလေးရှားမှာရှိတဲ့ မြန်မာနိုင်ငံသားတွေ အနေနဲ့ အခုလက်ရှိ ကြုံတွေ့နေရတဲ့ ဒုက္ခ အခက်အခဲတွေကို ပြောပြပေးပါဦး။ 

လုပ်သား(၁) : ကျွန်တော်တို့နေတဲ့ အနီးတစ်ဝိုက်မှာတော့ ဆူပူမှုတွေ သိပ်မရှိပါဘူး။ ဒါပေမဲ့ လုံခြုံရေးကိုတော့ သိပ် စိတ်မချရဘူး။ ညဘက်ကျ ကျွန်တော်တို့ မြန်မာလုပ်သားတွေ အလှည့်ကျ ကင်းစောင့်ပြီး အိပ်ရတယ်။ အခု အကြမ်းဖက်မှုတွေ ဖြစ်နေတဲ့ ကွာလာလမ်ပူ အနီးတစ်ဝိုက်က မြန်မာ တွေဆိုရင် ညဘက် တံခါးသုံးထပ် ပိတ်ထားရတယ်။ တချို့နေရာတွေမှာ ညဘက်ဆိုရင် တံခါးလာ ခေါက်တယ်။ ဖွင့်မပေးရင် စပရေး ဖျန်းပြီးတော့ တံခါး မဖွင့်ဖွင့်အောင် လုပ်ကြတယ်။ အငွေ့နံ့ မခံနိုင် လို့ အပြင်ထွက်လာ ပြန်ရင်လည်း ဝိုင်းရိုက်ကြတယ်။ ပစ္စည်းလည်း လုကြတာမျိုးတွေ ရှိတယ်။ 
လုပ်သား(၂) : လုံခြုံရေးကိုတော့ အတတ်နိုင်ဆုံး သတိထားနေရတယ်။ ကျွန်တော်တို့နေတဲ့ ဘက်မှာ မဖြစ်ပေမယ့် သူငယ်ချင်းတွေဆီက အကြမ်းဖက်မှု သတင်းတွေကိုတော့ နေ့တိုင်း ကြားနေရတယ်။ တစ်လောကဆိုရင် အသတ်ခံရတဲ့သူက မလေးရှားရောက်တာ ရက်ပိုင်းပဲ ရှိသေးတယ်။ ကောလာဟလတွေ ရှိသလို၊ တကယ် ဖြစ်နေတာတွေလည်း ရှိတယ်။ နေ့လယ်ဘက်တောင် အပြင် မထွက်ရဲကြဘူး။
“ညဘက်ကျ ကျွန်တော်တို့ မြန်မာလုပ်သားတွေ အလှည့်ကျ ကင်းစောင့်ပြီး အိပ်ရတယ်...”
Voice : မလေးရှားကနေ ပြန်လာမယ့်သူ ဘယ်လောက်ထိ ရှိလဲ။ 

လုပ်သား(၁) : ပြန်လာဖို့ကတော့ အများကြီးပဲ။ Overstay (ရက်လွန် နေထိုင်သူ) သမားတွေ ကတော့ ပြန်လာချင်ပေမယ့် အခက်အခဲ ရှိနေကြတယ်။ 
လုပ်သား(၂): မြန်မာပြည် ပြန်လာချင်တဲ့သူတွေ အများကြီးပါပဲ။ ကျွန်တော့် သူငယ်ချင်း တွေထဲမှာလည်း Overstay နဲ့ အလုပ် လုပ်နေကြသူတွေ အများကြီး။ အခု လက်ရှိ ဟိုမှာကြားတာ ကတော့ Overstay သမားတွေလည်း ပြန်လာလို့ရတယ် ကြားတယ်။ ဒါပေမဲ့ မြန်မာသံရုံးကို ရင်းဂစ် ၁၈၀ နဲ့ မလေးရှား Immigration (လ.၀.က) ကို ရင်းဂစ် ၄၀၀ ဒဏ်ကြေးပေးရင် တရားဝင် ပြန်ခွင့် ရမယ်လို့ ကြားမိတယ်။ 

Voice : အခုဖြစ်ပွားနေတဲ့ အကြမ်းဖက်မှုတွေက ကွာလာလမ်ပူ တစ်နေရာတည်းမှာပဲ ဖြစ်နေတာလား။ တခြားဒေသတွေ မှာရော အလားတူ အကြမ်းဖက်မှုတွေ ရှိနေလား။ 

လုပ်သား(၁) : အကြမ်းဖက်မှုတွေတော့ ရှိတယ်။ ဒါပေမဲ့ ပစ္စည်းလုတာ သက်သက်လောက်ပဲ ကြားမိတယ်။ ကွာလာလမ်ပူမှာတော့ အကြမ်းဖက် လူသတ်မှုတွေထိ ဖြစ်နေတယ်။ 
လုပ်သား(၂) : ကျွန်တော့်ကိုယ်တွေ့ မဟုတ်ပေမယ့် သူငယ်ချင်းတွေဆီကနေ ကြားရတာ ကတော့ အကြမ်းဖက်မှုတွေ ရှိတယ်လို့တော့ ကြားရတယ်။ 

Voice : MAI က လေယာဉ် လက်မှတ်ခကို တစ်ဝက်ဈေးနဲ့ ရောင်းချပေးတယ်လို့ သိရတယ်။ ညီလေးတို့ အခု ပြန်လာတဲ့ လေယာဉ် လက်မှတ်ခ ဘယ်လောက်တုံး။ 

လုပ်သား(၁) : တစ်ဝက်ဈေးနဲ့ မဟုတ်ပါဘူး။ အရင်ဈေး အတိုင်းပါပဲ။ ကျွန်တော်ဆိုရင် ပွဲစားက တစ်ဆင့် လက်မှတ်ဝယ်ရတာ ရင်းဂစ် ၃၀၀ ပေးရတယ်။ မြန်မာပြည်က အကူအညီပေးတဲ့ အဖွဲ့တွေ ရောက်လာပြီး ၅၀ ရာခိုင်နှုန်း လျှော့ပေးမယ် ကြားတယ်။ 
လုပ်သား(၂) : ကျွန်တော်ကတော့ သူဌေးကပဲ လေယာဉ်လက်မှတ် ဝယ်ပေးလိုက်တာမို့ ဘယ်လောက်ကျလဲ မသိပါဘူး။ 

Voice : မလေးရှားက ပြန်လာတဲ့ မြန်မာလုပ်သားတွေကို လုပ်ငန်းရှင်တချို့က အလုပ်အကိုင် အခွင့်အလမ်းတွေ ပေးမယ်လို့ ကြားမိတယ်။ ညီလေးတို့ကော အဲဒီနေရာတွေမှာ ဝင်လုပ်ဖို့ အစီအစဉ် ရှိလား။ 

လုပ်သား(၁) : တကယ်ဆိုရင်တော့ ကျွန်တော် ဝင်လုပ်ချင်တာပေါ့။ 
လုပ်သား(၂) : ကျွန်တော်က မကွေးတိုင်း ဆိတ်ဖြူမှာ နေတာဆိုတော့ အခြေအနေပေါ် ကြည့်ရဦးမယ်။
The Voice Myanmar

အပြည့်အစုံသို့ »

မလေးမှ ပြန်မည့် မြန်မာလုပ်သားများအား Golden Myanmar လေကြောင်းလိုင်းမှ အခမဲ့ စီးနင်းခွင့် ပြုမည်


မလေးရှားနိုင်ငံတွင် အလုပ်သွားရောက် လုပ်ကိုင်နေသော မြန်မာ မိသားစုများ ဘန်ကောက် နှင့် စင်ကာပူမှ ပြန်မည် ဆိုပါက Golden Myanmar လေကြောင်းလိုင်းမှ အခမဲ့ စီးနင်းခွင့် ပြုမည် ဖြစ်ကြောင်း သိရသည်။
Golden Myanmar လေကြောင်းလိုင်းသည် ဘန်ကောက် ၊ စင်ကာပူ ၊ ရန်ကုန် – မန္တလေး ခရီးစဉ် ပြေးဆွဲနေခြင်းကြောင့် ရန်ကုန် နှင့် မန္တလေး ခရီးစဉ် နှစ်ခုလုံး အား အခမဲ့ စီးနင်းခွင့်ပြုမည်ဖြစ်ကြောင်း သိရသည်။စီးနင်းလိုသူများ သည် မလေးရှား နိုင်ငံတွင် အလုပ်သွားရောက် လုပ်ကိုင်ေ နသူများဖြစ်ကြောင်း မြန်မာ သံရုံးထောက်ခံချက် ပါရှိရမည် ဖြစ်ပြီး လေယာဉ်လက်မှတ် အခမဲ့ ပေးမည် ဖြစ်သော်လည်း လေဆိပ် ၀န်ဆောင်ခ များကို စီးနင်းသူမှ ပေးဆောင်ရမည် ဟု Golden Myanmar လေကြောင်းလိုင်းမှ တာဝန်ရှိသူက ပြောသည်။
Golden Myanmar လေကြောင်းလိုင်းကို ဆက်သွယ်လိုပါက စင်ကာပူ ဖုန်း နံပါတ် ၀၀၆၅ – ၉၁၈၂၉၃၉၀ ၊ ဘန်ကောက် ဖုန်းနံပါတ် ၀၀၆၆ -၂၁၃၄၇၉၃၈ / ၂၁၃၄၇၉၃၉ / ၈၄၉၉၀၆၀၉၀ သို့ ဆက်သွယ်နိုင်ပြီး Email ဖြင့် ဆက်သွယ် မည် ဆိုပါက www.gmairlines.com သို့ ဆက်သွယ်နိုင်ကြောင်း သိရသည်။

popular myanmar




အပြည့်အစုံသို့ »

တပ်မတော်ပါဝင်မှ စစ်မှန်သောငြိမ်းချမ်းရေး ဖော်ဆောင်နိုင်မည် ဟု ဗိုလ်ချုပ်ကြီးယွတ်ဆစ်ပြော

မန်မာအစိုးရတပ်မတော်ပါဝင်မှ စစ်မှန်သောငြိမ်းချမ်းရေး ဖော်ဆောင် နိုင်မည် ဖြစ်ကြောင်း ရှမ်းပြည်ပြန်လည် ထူထောင်ရေး ကောင်စီဥက္ကဋ္ဌ ဒုတိယ ဗိုလ်ချုပ်ကြီး ယွက်ဆစ်က ပြောသည်။

”ငြိမ်းချမ်းရေးဖော်ဆောင်နိုင်ဖို့က အဘက်ဘက်က ပါဝင်ဖို့လိုပါတယ်။ ဒါပေမဲ့တပ်(တပ်မတော်)ကတော့ အဓိ ကကျတဲ့ အခန်းကဏ္ဍမှာ ရှိပါ တယ်”ဟု ၄င်းက ပြောသည်။၎င်း၏ ၃ ရက်ကြာနေပြည်တော် ခရီးစဉ်တွင် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင် လှိုင်နှင့် တွေ့ ဆုံခဲ့ခြင်းမရှိခဲ့သော်လည်း ၄င်း အနေဖြင့်လည်း တွေ့ဆုံရန်ဆန္ဒရှိခဲ့ ကြောင်း ဆိုသည်။

တပ်ပိုင်းကိစ္စရပ်များ အပြန်အ လှန် ယုံကြည်မှု တည်ဆောက်နိုင်မှ အပစ်အခတ်ရပ်စဲရေး သဘောတူလက် မှတ်ရေးထိုးပြီးနောက် ပိုင်း ပြန်လည် ဖြစ်ပွားလျက်ရှိသော နှစ်ဖက်တိုက်ပွဲများ လျော့ကျ
သွားမည်ဖြစ်ကြောင်း ၄င်းက ဆိုသည်။ ”အပြန်အလှန် ယုံကြည်မှုအား နည်းလို့ အပြန်အလှန် သံသယတွေထား နေတုန်းမို့ ဒီလိုတိုက်ပွဲတွေ ဆက်ဖြစ် နေတာပါ”ဟု ဒုတိယဗိုလ်ချုပ်ကြီး ယွက်ဆစ်က ပြောသည်။

တပ်ပိုင်းဆိုင်ရာ ကိစ္စရပ်များဆွေး နွေးနိုင်ရန် နိုင်ငံတော်အစိုးရဘက်မှ တပ်မတော်ပိုင်းဆိုင်ရာ ပြောရေးဆို ခွင့်ရှိသူတစ်ဦးအား ကေအိုင်အိုနှင့် ၃ ရက်ကြာ တွေ့ဆုံဆွေးနွေးမှုအပြီးမေလ ၃ဝ ရက်တွင် ထုတ်ပြန်ပြောဆိုခဲ့ သည်။သို့သော် အခြေခံဥပဒေ၌ပေးထား ချက်များနှင့် တပ်မတော်ပိုင်း ဆိုင်ရာ ကဏ္ဍတွင် အဓိကဖြစ်သော ကာကွယ် ရေးဦးစီးချုပ်သာ အဆိုပါလက်နက်ကိုင် အဖွဲ့အစည်းများနှင့်တိုက်ရိုက် တွေ့ ဆုံ ဆွေးနွေးမည် ဆိုပါက ငြိမ်းချမ်းရေး ဖော်ဆောင်မှုလုပ်ငန်း ပိုမိုမြန်ဆန်လာ မည်ဖြစ်ကြောင်း နိုင်ငံရေးရာ ကျွမ်းကျင် သူအချို့က ဆိုသည်။

”အပြန်အလှန်ယုံကြည်မှု တည် ဆောက်နိုင်ဖို့နဲ့ နယ်မြေဆက်စပ်နေတဲ့ တပ်တွေ တစ်ဖက်နဲ့တစ်ဖက် ညှိနှိုင်း ဆောင်ရွက်နိုင်ဖို့ ဆက်ဆံရေးရုံး ခွဲတွေ ကို ကျွန်တော်တို့ ထပ်မံဖွင့်လှစ်ပေးသွား မှာပါ”ဟု နိုင်ငံတော်သမ္မတ ရုံးဝန်ကြီး ဦးအောင်မင်းက ပြောသည်။အစိုးရနှင့် အပစ်အခတ်ရပ်စဲရေး သဘောတူ လက်မှတ်ရေးထိုးထားသော တိုင်းရင်းသား လက်နက်ကိုင် အဖွဲ့အ စည်းများသည် လက်မှတ်ရေးထိုးပြီး နောက်ပိုင်း ဒေသတွင်း ဖွံ့ဖြိုးေ ရးဆောင် ရွက်ရန်ကိစ္စများ ဆောင်ရွက်နိုင်သော် လည်း တပ်ပိုင်းဆိုင်ရာ နေရာချထားရေး နှင့်တပ်ပိုင်းဆိုင်ရာအသွင်ကူးပြောင်း ရေးလုပ်ငန်း စဉ်များတွင် အခက်အခဲ များ ကြုံတွေ့နေရဆဲဖြစ်ကြောင်း သိရ သည်။

ဥာဏ်လင်းအောင်
Popular Myanmar News Journal

အပြည့်အစုံသို့ »