မိဘတွေ အတွက်ကြည့်ပြီး အနေအထိုင် ဆင်ခြင်တယ်ဆိုတဲ့ သင်ဇာဝင့်ကျော်




အပြည့်အစုံသို့ »

ချစ်သူနှင့်အတူ တစ်ပြည်တစ်ရွာ လိုက်လာခဲ့သည့် မလေးရှားသူလေး တရားမ၀င်မှု ဖြင့် အရေးယူခံရ




အပြည့်အစုံသို့ »

ရထား ကြိတ်မှုကြောင့် လူတစ်ဦးသေဆုံး


သဂုတ်လ ၂ရက် ည (၁၀) နာရီခန့်တွင် အမှတ်(၃၄)အစုန် အိပ်စင်ရထားကအင်းတော်မြို့နယ် ပင်ဝဲ- နာဘား ဘူတာကြား မိုင် တိုင် အမှတ် ၅၉၆/၁၇-၁၈ကြား တွင် ကြိတ်မိသောကြောင့်လူတစ် ဦးသေဆုံးမှု ဖြစ်ပွားခဲ့ ကြောင်းသိ ရသည်။

သြဂုတ်လ ၂ရက်ည (၁၀) နာရီအချိန်ခန့်က ပင်ဝဲဘူတာရုံ ပိုင်ကြီး ဦးတင်ထွန်းအောင်၊ ပင် ၀ဲကျေးရွာအုပ်ချုပ်ရေးမှူး ဦး ကျော်မင်းနိုင်၊ မြန်မာ့မီးရထား ရဲ တပ်ဖွဲ့ တပ်စု (၂)တပ်ကြပ်ကြီး စိုးမြင့်နှင့် အဖွဲ့တို့က အခင်းဖြစ် ရာသို့သွားရောက်စစ်ဆေးရာသေဆုံးသူမှာဦးအောင်သိန်း(၄၅)နှစ်၊ (ဘ)ဦးမောင်ထွန်း၊ ပင်ဝဲကျေးရွာ၊ စက်ရုံကုန်းရပ်၊အင်းတော်မြို့နယ် ဖြစ်ပြီး၊ ဘယ်ဒူးခေါင်း၊အောက် ပြတ်၊ဘယ်လက်ကျိုး၊ညာဒူးခေါင်း ပေါက်ပြဲ၊ညာခြေဖနောင့် စုတ် ပြတ်၊မျက်နှာစုတ်ပြဲဒဏ်ရာဖြင့် သေဆုံးနေသည်ကိုတွေ့ရှိရသည် ဆို၏။

သေဆုံးသူ၏ အလောင်း အား အင်းတော်မြို့နယ် ပြည်သူ့ ဆေးရုံသို့ ပို့ဆောင်ကြရာတာဝန် ခံ ဆရာဝန် ဒေါက်တာ ညိုညို ခိုင်မှ လက်ခံစစ်ဆေးပြီး ပင်ဝဲ ကျေးရွာ ရဲကင်းမှူး ရဲအုပ်တင် ဇော်မိုးမှ သေမှုသေခင်းအမှတ် ၁/၂၀၁၃ ဖြင့် ဓမ္မတာအရ သေ ဆုံးမှုဟုတ်မဟုတ်ကို စစ်ဆေး လျက်ရှိကြသည်။

ရွှေလင်း-ပြည့်စုံ

Hot News Weekly

အပြည့်အစုံသို့ »

သစ်ခိုးထုတ်မှုဆိုးရွားနေ၍ စစ်တပ်အကူအညီဖြင့် ဖမ်းဆီးရန်စီစဉ်

ရန်ကုန်-ရှမ်းပြည်နယ်တွင် တရားမ၀င် သစ်မှောင်ခိုထုတ်ယူပြီး တရုတ်နိုင်ငံဘက်သို့ ရောင်းချနေမှုများ ဆိုးရွားစွာဖြစ်ပေါ်နေလျက်ရှိရာ တားဆီးနိုင်ရေးအတွက် စစ်တပ်အကူအညီ တောင်းထားကြောင်း ရှမ်းပြည်နယ်အစိုးရအဖွဲ့ သစ်တောနှင့် သတ္ထုဝန်ကြီး ဦးစိုင်းအိုက်ပေါင်းက ပြောသည်။

သစ်မှောင်ခိုထုတ်ယူမှု များပြားနေသလို တားဆီးရန်ကြိုးစားသည့် သစ်တောဝန်ထမ်းအချို့ကိုပင် ရန်ပြုခံရခြင်းကြောင့် ပြည်နယ်အစိုးရအနေဖြင့် တောတွင်းသို့ သွားရောက်တားဆီးရန် မလွယ်ကူကြောင်း၊ သစ်မှောင်ခိုထုတ်သူများကို ဖမ်းဆီးနိုင်ရန်အတွက် စစ်တပ်မှ အကူအညီပေးရန် စာရေးသား အကူအညီတောင်းထားခြင်းဖြစ်ကြောင်း ၀န်ကြီး ဦးစိုင်းအိုက်ပေါင်းက ပြောသည်။

ရှမ်းပြည်နယ်မှ သစ်ခိုးထုတ်မှု များပြားနေပြီး အထူးသဖြင့် နယ်မြေတည်ငြိမ်မှုမရှိသည့် ဒေသများမှ ခိုးထုတ်ကာ တရုတ်နိုင်ငံသို့ ရောင်းစားနေခြင်းဖြစ်ကြောင်း၊ ရှမ်းပြည်နယ်မြောက်ပိုင်းဒေသများဖြစ်သည့် မဘိန်းနှင့် မိုးမိတ်ဒေသများတွင် သစ်မှောင်ခိုထုတ်ယူခြင်းများ ပြုလုပ်လျက်ရှိကြောင်း ၀န်ကြီးက ပြောသည်။

“နမ့်ခမ်းတစ်ဝိုက်မှာ၊ ရွေလီကူးတို့ဆိပ်တစ်ဝိုက်မှာ တောက်လျှောက်ပေါ့။ တပ်ကို စာပို့ထားပြီး အကူအညီတောင်းထားတယ်။ စစ်တပ်နဲ့ ပိတ်ဆို့ဖမ်းဆီးဖို့ စီစဉ်ထားတယ်” ဟု ၀န်ကြီးက ပြောသည်။သစ်ခိုးထုတ်မှုများပြားသည်ဆိုသည့် မဘိန်းနှင့် မိုးမိတ်ဒေသများသည် ရှမ်းပြည်နယ်မြောက်ပိုင်းတွင်ရှိပြီး ကချင်ပြည်နယ်၊ မန္တလေးတိုင်းဒေသကြီးတို့နှင့် ဆက်စပ်ဒေသများဖြစ်သည်။ ၎င်း ဒေသတွင် ကချင်နှင့်ရှမ်း လက်နက်ကိုင်အဖွဲ့များရှိသည်။

မဘိန်းနှင့် မိုးမိတ်ဒေသမှ သစ်များထုတ်ယူပြီး တရုတ်နိုင်ငံဘက်သို့သာမက ရေလမ်း၊ ကားလမ်းများမှတစ်ဆင့် မြန်မာနိုင်ငံအလယ်ပိုင်း မန္တလေးသို့တိုင် တရားမ၀င်သယ်ဆောင်မှုများရှိသည်ဟု ၎င်းဒေသသို့ လိုင်းကား မောင်းနှင်သွားလာလေ့ရှိသည့် ယာဉ်မောင်းတစ်ဦးက ပြောကြားသည်။

သစ်မှောင်ခိုထုတ်ယူမှုများ တားဆီးရန်ကြိုးစားခဲ့ရာမှ ပြန်လည်ရန်ပြုခံရသဖြင့် သစ်တောဝန်ထမ်းတစ်ဦး သေဆုံးခဲ့သလို လွန်ခဲ့သောလပိုင်းက အခြားဝန်ထမ်းတစ်ဦး ဒဏ်ရာရရှိခဲ့ကြောင်း ရှမ်းပြည်နယ် သစ်တောနှင့် သတ္ထုဝန်ကြီးက ပြောသည်။

ရှမ်းပြည်နယ်မှ ဖြတ်သန်းကာ သစ်နှင့် သစ်တောထွက်ပစ္စည်း၊ ကျောက်မျက်ရတနာနှင့် ရှေးဟောင်းပစ္စည်းများ တရုတ်နိုင်ငံဘက်သို့ တရားမ၀င်တင်ပို့မှု များပြားနေကြောင်း ရှမ်းပြည်နယ်အစိုးရအဖွဲ့ ၀န်ကြီးချုပ် ဦးစ၀်အောင်မြတ်က ပြောသည်။ ထိုသို့ တရားမ၀င်တင်ပို့နေမှုများအား စစ်ဆေးဖော်ထုတ်အရေးယူရန် လိုအပ်နေပြီဖြစ်ကြောင်း ပြီးခဲ့သည့်ဇွန်လက နောင်ချိုမြို့တွင် ပြုလုပ်သည့် တရားမ၀င်ကုန်သွယ်မှုတားဆီးထိန်းချုပ်ရေး ရွေ့လျားစစ်ဆေးရေးအဖွဲ့ လွှဲပြောင်းပွဲ၌ ပြောကြားခဲ့သည်။

အစိုးရအဖွဲ့သစ် တာဝန်ယူပြီးသည့်နောက်ပိုင်းတွင် တရားမ၀င်ခိုးထုတ်နေသော သစ်များမှာ တစ်နှစ်လျှင် တန်ချိန်လေးထောင်ခန့် နှစ်စဉ်ဖမ်းဆီးရမိခဲ့ကြောင်း ရှမ်းပြည်နယ်အစိုးရအဖွဲ့မှ သတင်းရရှိသည်။

ရှမ်းပြည်နယ်အကျယ် ၀န်း၏ ၅၁ ဒသမ ၈ ရာခိုင်နှုန်းမှာ သစ်တောဖုံးလွှမ်းမှုဧရိယာဖြစ်ပြီး ပြည်နယ်အကျယ်အ၀န်း၏ ၂၂ ဒသမ ၈ ရာခိုင်နှုန်းကို ကြိုးဝိုင်းသစ်တောများအဖြစ် သတ်မှတ်ထားကာ ပြီးခဲ့သည့် ဘဏ္ဍာနှစ်တွင် ပြည်ထောင်စုအစိုးရအဖွဲ့၏ အစီအစဉ်ဖြင့် ရှမ်းပြည်နယ်မှ ကျွန်းသစ်နှင့်သစ်မာ စုစုပေါင်း တန်ချိန် သုံးသိန်းကျော် ထုတ်ယူခဲ့ကြောင်း ဦးစိုင်းအိုက်ပေါင်းက ပြောသည်။

တရားမ၀င် သစ်ခိုးထုတ်ခြင်းနှင့် သစ်များခုတ်လှဲကာ ပြည်ပသို့ သစ်အလုံးလိုက်တင်ပို့မှုများကြောင့် မြန်မာနိုင်ငံတွင် သစ်တောပြုန်းတီးမှုများ ဆိုးရွားစွာ ဖြစ်ပေါ်နေကြောင်း သဘာဝပတ်ဝန်းကျင်ထိန်းသိမ်းရေး ပညာရှင်များက ပြောသည်။
7day News

အပြည့်အစုံသို့ »

စစ်ရေး အန္တရာယ်မျဉ်း ဂျပန် ဖြတ်ကျော်ဟု မြောက်ကိုရီးယား သတိပေး

စစ်လက်နက် ပြန်လည် တပ်ဆင်ရေး စီမံကိန်းသစ်ကို ဂျပန်နိုင်ငံက လုပ်ဆောင်လိုက်ခြင်းဖြင့် စစ်အင်အားကြီး နိုင်ငံတစ်ရပ်အဖြစ် ပြန်လည် တည်ထောင်ရန် ကြိုးပမ်းနေပြီး စစ်ရေးအန္တရာယ် မျဉ်းကို ကျော်ဖြတ်လိုက် သည်ဟု မြောက်ကိုရီးယား ဗဟိုသတင်း အေဂျင်စီက စွပ်စွဲ ပြောကြား သွားကြောင်း Japan Daily Press တွင် ဖော်ပြထားသည်။

ဇူလိုင်လအတွင်း ဂျပန် ကာကွယ်ရေး ဝန်ကြီးဌာနက ထုတ်ပြန်လိုက်သည့် ကာကွယ်ရေး စက္ကူဖြူ စာတမ်းတွင် ငြိမ်းချမ်းရေး လိုလားသည့် အခြေခံဥပဒေ ပြင်ဆင်ရေး လှည့်စား လုပ်ဆောင်ထားခြင်း ဖြစ်ပြီး ယခင် ကာလကကဲ့သို့ စစ်အင်အားကြီး နိုင်ငံအဖြစ် ပြန်လည် ထူထောင်ရန် စီစဉ်ခြင်း ဖြစ်သည် ဟု မြောက်ကိုရီးယား အစိုးရပိုင် မီဒီယာက စွပ်စွဲ ပြောကြားသည်။

ထို့အပြင် မြောက်ကိုရီးယား နိုင်ငံထံမှ နျူကလီးယား ခြိမ်းခြောက်မှုဆိုသည့် အရာကို အသုံးပြုပြီး ဂျပန်နိုင်ငံ၏ အခြေခံဥပဒေ အပိုဒ် ၉ ပြင်ဆင်ရေး တိတ်တဆိတ် လုပ်ဆောင်နေသည်ကို နိုင်ငံတကာ အသိုင်းအဝိုင်းက သတိ မထားမိအောင် လမ်းလွဲ လုပ်ဆောင်နေကြောင်း ဗဟိုသတင်း အေဂျင်စီ က ပြောကြားသည်။

အခြေခံဥပဒေ အပိုဒ် ၉အရ နိုင်ငံတကာ အငြင်းပွားမှုများတွင် စစ်အင်အားသုံး ဖြေရှင်းခြင်း မပြုရန် ဂျပန်နိုင်ငံကို ကန့်သတ် ပိတ်ပင်ထား သည်။

ဂျပန် ကိုယ်ပိုင် ကာကွယ်ရေး တပ်ဖွဲ့များမှာ ခေတ်မီ လက်နက်များ တပ်ဆင် ထားပြီး ငွေကြေး ထောက်ပံ့မှု အလုံအလောက် ရရှိထားသော တပ်မတော် ဖြစ်သော်လည်း နိုင်ငံတကာ အရေးအခင်း များတွင်း စစ်ရေးဖြင့် ဝင်ရောက် ပတ်သက်နိုင်ခွင့် မရှိချေ။

ထို့အပြင် ဂျပန် တပ်ဖွဲ့ဝင်များ အင်အား တိုးချဲ့ရေးနှင့် ပတ်သက်လာလျှင် လည်း အခြေခံဥပဒေကို အကြီးအကျယ် ပြင်ဆင်ပြောင်းလဲရန် လိုအပ်နေ သည်။

သို့သော်လည်း ဂျပန် အခြေခံဥပဒေမှာ စတင် ရေးဆွဲခဲ့သည့် ၁၉၄၇ ခုနစ်မှစ၍ တစ်ကြိမ်တစ်ခါမျှ ပြင်ဆင် ဖြည့်စွက်ရခြင်း မရှိသေးပေ။

မြောက်ကိုရီးယားနိုင်ငံ၏ ခြိမ်းခြောက်မှုများကို ရင်ဆိုင်နိုင်ရန် အလုံးစုံ ပြည့်စုံသော ထိန်းချုပ်ရေး စစ်ရေး စွမ်းရည်တစ်ခု တည်ဆောက် ထားရန် ဂျပန် ကာကွယ်ရေး ဝန်ကြီးဌာနက ထုတ်ပြန်သည့် စက္ကူဖြူ စာတမ်းတွင် ဖော်ပြထားသည်။

သို့သော်လည်း ယင်းကဲ့သို့ ဖော်ပြချက်မှာ ကျိုးကြောင်း ဆီလျော်မှု မရှိဘဲ ယုတ္တိလည်း မရှိကြောင်း မြောက်ကိုရီးယားနိုင်ငံက တုံ့ပြန်လိုက်သည်။

ဒုတိယကမ္ဘာစစ်ပြီးကာလ နောက်ပိုင်း ဂျပန်နိုင်ငံ၏ အကြီးဆုံး စစ်သင်္ဘောဖြစ်သော ရဟတ်ယာဉ်တင် စစ်သင်္ဘော တစ်စင်းကို ထုတ်ဖော် ပြသလိုက်ပြီးနောက် မြောက်ကိုရီးယားနိုင်ငံ၏ သတိပေးချက် ထွက်ပေါ်လာခြင်း ဖြစ်သည်။

အပြည့်အစုံသို့ »

သံဃာတစ်ပါး ဆေးရုံ အိမ်သာတွင် ကြိုးဆွဲချ သေဆုံး

မန္တလေးတိုင်းဒေသကြီး မိတ္ထီလာမြို့ ပြည်သူ့ဆေးရုံကြီးတွင် ခေါင်းမူးမေ့တတ်သည့် ဝေဒနာ ခံစားနေ၍ ဆေးဝါး ကုသမှု ခံယူနေသည့် သံဃာ တစ်ပါးသည် သြဂုတ်လ ၆ ရက်နေ့ နံနက် ၃ နာရီ ခန့်က ဆေးရုံ အိမ်သာအတွင်း လေးပေအမြင့် သစ်သားတန်းရှိ သံကွင်းတွင် သင်္ကန်းခါးပန်းကြိုးကို ချိတ်ဆွဲ၍ ကြိုးဆွဲချ သေဆုံးခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူး ရုံးထံမှ သိရသည်။

အဆိုပါ သေဆုံးသူသည် ဦးသောဘန (ခ) ဦးမြင့်သိန်း ၃၅ နှစ် ဝါတော် ၂ ဝါ ဖြစ်ပြီး ဝမ်းတွင်းမြို့နယ် သိမ်တောင် ကျောင်းတိုက်မှ ဖြစ်ပြီး မိတ္ထီလာမြို့မ ရဲစခန်းက သေမှုသေခင်း အမှတ်စဉ် ၂၃/၂၀၁၃ဖြင့် အမှုဖွင့် စစ်ဆေးလျက် ရှိကြောင်း မန္တလေးတိုင်းဒေသကြီး ရဲတပ်ဖွဲ့မှူး ရုံးမှ ထပ်မံ သိရသည်။

The Voice Weekly

အပြည့်အစုံသို့ »

ထောက်ကြန့်လမ်းဆုံကားမှတ်တိုင်၌ လူသတ်မှုဖြစ်


ရန်ကုန်၊ သြဂုတ် ၉

၈.၈.၂၀၁၃ ရက်နေ့ ၁၉၀၀ အချိန် ဦးသူရိန်ထွန်း(ဘ)ဦးထွန်းကြိုင်၊ ရဲစုကြီးရပ်ကွက်၊ မှော်ဘီမြို့နယ် နေသူသည် နေအိမ်တွင်ရှိနေစဉ် ညီဖြစ်သူ ပြည့်စုံထွန်းမှာ ထောက်ကြန့်လမ်းဆုံတွင် ဓါးထိုးခံရ၍ အင်းစိန်ဆေးရုံသို့ခေါ်ဆောင်သွားကြောင်း သိရှိရသဖြင့်လိုက်သွားခဲ့ရာ ညီဖြစ်သူတွင် ၀ဲနံရိုးကြား ထိုးသွင်းဒဏ်ရာ (၁)ချက်၊ ၀ဲဘက်ဝမ်းဗိုက်ထိုးသွင်းဒဏ်ရာ(၁)ချက်တို့ဖြင့် သေဆုံးနေသည်ကို
တွေ့ရှိခဲ့ ရပါသည်။

ဖြစ်စဉ်နှင့်ပတ်သက်၍ညီဖြစ်သူနှင့်အတူ အလုပ်မှပြန်လာသော
သူငယ်ချင်းများအား မေးမြန်းရာ ၎င်းတို့သည်လှိုင်သာယာမြို့နယ်၊ န၀ဒေးအိမ်ရာတွင် မျက်နှာကျက် အလှဆင်လုပ်ငန်းလုပ်ကိုင်ပြီး၍ အင်းစိန်မြို့နယ်၊ စော်ဘွားကြီးကုန်းကားမှတ်တိုင်မှ ရန်ကုန်-မှော်ဘီ ခရီးသည်တင်ယာဉ်ဖြင့် အတူပြန်လာခဲ့ကြစဉ် ယာဉ်ပေါ်ပါ အရက်မူးနေသူအသက် (၂၃)နှစ်ခန့် ခရီးသည်အမျိုးသား တစ်ဦးနှင့်
ညီဖြစ်သူ၏သူငယ်ချင်း ဖြိုးဝေအောင်တို့စကားများခဲ့ကြကြောင်း၊
ထောက်ကြန့်လမ်းဆုံကား မှတ်တိုင်သို့ရောက်ရှိ၍ဆင်းကြချိန် ထပ်မံရန်ရှာနေ၍ ညီဖြစ်သူ ပြည့်စုံထွန်းမှ ၀င်ရောက်ဖြန်ဖြေပေးစဉ် ၎င်းအမျိုးသားမှအသင့်ပါလာသော ဓါးဖြင့်ထိုးခဲ့၍ ဖြိုးဝေအောင်(ဘ) ဦးသောင်းထွန်းတွင် ၀ဲ/ယာ လက်ဖ၀ါးများ ပြတ်ရှဒဏ်ရာများရရှိခဲ့ပြီး ညီဖြစ်သူမှာဓါးထိုးခံရကာ သေဆုံးခဲ့ခြင်းဖြစ်ကြောင်းသိရှိခဲ့ရပါသည်။

ထိုသို့ ဓါးဖြင့်ထိုးခဲ့သူ အမည်မသိအမျိုးသားအပေါ် အရေးယူပေးရန် ဦးသူရိန်ထွန်းမှ တိုင်ကြားခဲ့သဖြင့် ထောက်ကြန့်နယ်မြေရဲစခန်း (ပ)၃၁၄/၂၀၁၃၊ ပုဒ်မ ၃၀၂/၃၂၆ ဖြင့် အမှုဖွင့်ထားရှိပြီး တရားခံဖမ်းဆီး ရမိရေးစုံစမ်းဆောင်ရွက်လျက်ရှိကြောင်းသတင်းရရှိပါသည်။
Yangon Police

အပြည့်အစုံသို့ »