နော်ဝေ နိုင်ငံခြားရေးဝန်ကြီးဌာနနှင့် မဟီဒေါတက္ကသိုလ်တို့ ပူးပေါင်းပြီး မြန်မာကျောင်းသားများအား ပညာသင်ဆု ပေးမည်


ကိုကိုအောင် | တနင်္လာနေ့၊ သြဂုတ်လ ၁၂ ရက် ၂၀၁၃ ခုနှစ် ၁၄ နာရီ ၀၄ မိနစ်

နော်ဝေ နိုင်ငံခြားရေးဝန်ကြီးဌာနနှင့် မဟီဒေါတက္ကသိုလ်တို့ ပူးပေါင်းပြီး မြန်မာကျောင်းသားများအား ဘွဲ့လွန်နှင့် ပါရဂူဘွဲ့များအတွက် ပညာသင်ဆုများ ပေးအပ်သွားမည်ဖြစ်သည်။

ဇီဝသိပ္ပံဘာသာရပ်များ၊ လူမှုသိပ္ပံ၊ လူ့အခွင့်အရေးနှင့် ငြိမ်းချမ်းဆိုင်ရာ လေ့လာမှုများနှင့် ဂေဟဗေဒဘာ သာရပ်များအတွက် ပညာသင်ဆုများကို အပြည့်အ၀ ပေးအပ်သွားမည်ဖြစ်ပြီး ရွေးချယ်ခံရသူများ အနေဖြင့် ထိုင်းနိုင်ငံ၏ နာမည်ကျော် မဟီဒေါတက္ကသိုလ်တွင် ပညာဆည်းပူးနိုင်မည် ဖြစ်သည်။

ရွေးချယ်ခံရမည့် ကျောင်းသားများအနေဖြင့် မဟီဒေါတက္ကသိုလ်တွင် ဘွဲ့လွန်သင်တန်းအတွက် နှစ်နှစ်သင်ကြား တက်ရောက်ရမည်ဖြစ်ပြီး၊ ပါရဂူဘွဲ့အတွက် သုံးနှစ်သင်ကြားရမည်ဖြစ်သည်။ ထို့အပြင် ပညာသင်ဆု အပြည့်အ၀ ရရှိမည့်အပြင်၊ အကယ်၍ ကျောင်းတက်စဉ်ကာလအတွင်း ကျောင်းသားများအနေဖြင့် မြန်မာ ပြည်တွင် သုတေသနများ ပြုလုပ်မည်ဆိုပါကလည်း ပြုလုပ်နိုင်မည့် အခွင့်အလမ်းများကိုလည်းရရှိမည် ဖြစ်သည်။

ပညာသင်ဆုများကို တက္ကသိုလ်များတွင် ပညာတက်ရောက် သင်ကြားတက်ရောက်နေသော ကျောင်းသားများ၊ အစိုးရအမှုထမ်းများနှင့် NGO များတွင် လုပ်ကိုင်နေသူများ လျှောက်ထားနိုင်မည်ဖြစ်သည်။ အဆိုပါ ပညာသင်ဆုများအတွက် လူနည်းစုတိုင်းရင်းသားများနှင့် အမျိုးသမီးများအား ဦးစားပေးရွေးချယ်သွားမည်ဖြစ်ပြီး ပညာဆည်းပူးမှု ပြီးဆုံးပါက မြန်မာပြည်သို့ ပြန်လာပြီး တာဝန်ထမ်းဆောင်ရမည် ဖြစ်သည်။

စိတ်ပါဝင်စားသူများအနေဖြင့် အောက်ဖော်ပြပါ ၀က်ဘ်ဆိုဒ်တွင် ၀င်ရောက်လေ့လာနိုင်သည်။ http:// www.grad.mahidol/ac/th/grad/evaluation/sch/home.php?main_index=general.php

Mizzima - News in Burmese

အပြည့်အစုံသို့ »

ရန်ကုန်-နေပြည်တော်ပွဲ ဆိုးသွမ်း ပရိသတ် ၁၂ ဦးကို ပုဒ်မ ၆(၁) ဖြင့် အရေးယူ

ရန်ကုန်၊ သြဂုတ် ၁၁

(၂၇) ကြိမ်မြောက် SEA Games ပြိုင်ပွဲ ဖွင့်ပွဲ ပိတ်ပွဲ ကျင်းပမည့် ဝဏ္ဏသိဒ္ဓိ အားကစားကွင်း၌ ပထမဆုံးအကြိမ် ကျင်းပခဲ့သည့် ရန်ကုန်နှင့် နေပြည်တော် မြန်မာ နေရှင်နယ်လိဂ် ပြိုင်ပွဲတွင် ထိုင်ခုံ များကို ဖျက်ဆီးခဲ့သည့် ဆိုးသွမ်း ပရိသတ် ၁၂ ဦးကို ပြည်သူပိုင်ပစ္စည်း ကာကွယ် စောင့်ရှောက်ရေး အက်ဥပဒေ ပုဒ်မ ၆-၁ ဖြင့် အရေးယူ မည် ဖြစ်ကြောင်း ဇမ္ဗူသီရိမြို့နယ် အမှတ် ၅ ရဲစခန်းမှ ရဲအုပ် နေမျိုးသူရိန် က ပြောကြားသည်။

ယင်းပြိုင်ပွဲ၌ ပရိသတ်များ၏ ဖျက်ဆီးမှုကြောင့် ထိုင်ခုံ ၁၅၀ ကျော် ပျက်စီးခဲ့သည့်အတွက် ပြိုင်ပွဲ ကျင်းပရေး ကော်မတီက တရားလိုပြု တိုင်ကြားခဲ့သောကြောင့် သံသယရှိသူများကို သြဂုတ်လ ၈ ရက်နေ့က စတင် ဖမ်းဆီးခဲ့ခြင်း ဖြစ်သည်ဟု ၎င်းက ပြောကြားသည်။

မြန်မာ နေရှင်နယ်လိဂ် အမှတ်ပေးပြိုင်ပွဲ၏ နောက်ဆုံးပွဲ ဖြစ်ခြင်းကြောင့် ဆုပေးပွဲ အခမ်းအနားပါ ကျင်းပနိုင်ရန် ဝဏ္ဏသိဒ္ဓိ အားကစားကွင်းတွင် ကျင်းပခဲ့ခြင်းဖြစ်ရာ ပရိသတ် သုံးသောင်းဆံ့သည့် ယင်းကွင်း သို့ နေပြည်တော် ပရိသတ် နှစ်သောင်းခန့်နှင့် ရန်ကုန် ပရိသတ် နှစ်ထောင်ကျော် လာရောက် ကြည့်ရှုရာ ရန်ကုန် ယူနိုက်တက် အသင်း ပယ်နယ်တီ ပစ်ဒဏ်ဘော ရခဲ့ခြင်းကို ကျေနပ်မှု မရှိသည့် ပရိသတ် များက ကွင်းလယ်ဒိုင်နှင့် ကစားသမားများကို ရန်ပြုရာမှ ကွင်းအတွင်းရှိ ထိုင်ခုံများကို ဖျက်ဆီးခဲ့ခြင်း ဖြစ်သည်။

ယင်းပြိုင်ပွဲတွင် ပရိသတ်များအပြင် နှစ်ဖက်အသင်း တာဝန်ရှိသူများပါ ခိုက်ရန် ဖြစ်ပွားခဲ့ရာ ပါဝင်ခဲ့သူများကို အရေးယူမည်ဖြစ်ကြောင်း ပြိုင်ပွဲ ကျင်းပရေး တာဝန်ခံ ဦးရဲမျိုးဟိန်းက ပြောကြား သည်။

ဝဏ္ဏသိဒ္ဓိ အားကစားကွင်း၌ ပြည်ထောင်စုဖလား ပြိုင်ပွဲ ကျင်းပစဉ် ပြည်ထဲရေး ဝန်ကြီးဌာနက လုံခြုံရေး တင်းကျပ်ခဲ့ပြီး ယခုပြိုင်ပွဲ တွင် ပုဂ္ဂလိက လုံခြုံရေး ဝန်ထမ်းများသာ ထားရှိခဲ့သောကြောင့် အားကစား ဝန်ကြီးဌာနနှင့် မြန်မာနိုင်ငံ ဘောလုံး အဖွဲ့ချုပ်တို့မှာ ဝေဖန်မှု ခံခဲ့ရသည်။
The Voice Weekly

အပြည့်အစုံသို့ »

ပရိသတ်တွေသိချင်နေတဲ့ ဆိုတေးရဲ့ကျန်းမာရေးအခြေအနေ


ယာဉ်မတော်တဆမှုကြောင့် မန္တလေးပြည်သူ့ဆေးရုံမှာ ဆေးကုသမှုခံ ယူနေတဲ့ အဆိုတော်ဆိုတေးရဲ့ ကျန်းမာရေး အခြေ အနေမှာ တိုးတက်ကောင်းမွန်နေတယ်လို့ သိရပါတယ်။ ဆိုတေးကျန်းမာရေးအခြေအနေနဲ့ပတ် သက်ပြီး သူ့ရဲ့ပရိသတ် တွေကလည်း စိုးရိမ်ပူပန်နေကြပါတယ်။ လတ်တလောမှာ အဆိုတော်ဆိုတေး ကွယ်လွန်သွားပြီဆိုတဲ့ သတင်း တွေထွက်ပေါ်နေတာ ကြောင့် ဆိုတေးကို အနီး ကပ် ပြု စုစောင့်ရှောက်နေတဲ့ အဒေါ် ဖြစ်သူ ဒေါ်ချိုကို ဆက်သွယ်မေးမြန်းရာ မှာတော့ "အပြင်မှာ ပြောနေကြတာတွေက မဟုတ်ပါဘူး။ဆိုတေးက သတိပဲမရသေးတာ ပါ။စကားတော့ မပြောနိုင်သေးပါဘူး။ပါးစပ်မှာ ပိုက်ကတပ်ထားတုန်းပဲ။ခါတိုင်း ထက်စာရင် လက်တွေလှုပ် တယ်၊ခေါင်းလှုပ် တယ်။ခေါင်းလှုပ်တယ်ဆိုပေမယ့် သတိရ တယ်လုိ့လည်း ပြောလုိ့မရသေး ဘူး။ဖြစ်ဖြစ်ချင်းထက်စာရင် တော်တော် အခြေအနေတိုးတက်လာပါတယ်" လို့ ပြော ပါတယ်။ အပြင်မှာပြောနေကြတဲ့ ကောလာ ဟလများကြောင့် ဆိုတေးကျန်းမာရေး အခြေအနေကို စိတ်ပူကာ အားလုံးက ဆိုတေး မိသားစုများအား ဖုန်းဆက်မေး နေကြပြီး မိုးလင်းကတည်းက ဒီ သတင်း တွေကို ပြန်လည်ဖြေရှင်းနေရတယ်လို့ ဆိုတေးရဲ့အဒေါ်ဖြစ် သူ ဒေါ်ချိုကပြော ပါတယ်။

ခိုင်ဝေလွင်
Popular Journal

အပြည့်အစုံသို့ »

Google မိုးပျံဘောလုံး အင်တာနက် စီမံချက် ဘီလ်ဂိတ်စ် ဝေဖန်


ကာလီဖိုးနီးယား၊ သြဂုတ် ၁၁

ဖွံ့ဖြိုးဆဲ နိုင်ငံများတွင် မိုးပျံ ဘောလုံးများ လွှတ်တင်ထားပြီး ထိုဘောလုံးများ မှ တစ်ဆင့် အင်တာနက် ရရှိစေရန် ပြုလုပ်ပေးမည် ဆိုသည့် Google ၏ Project Loon ကို အလှမ်း ကျယ်လွန်းသော စီမံချက် တစ်ခုအနေနှင့် Microsoft ကုမ္ပဏီကို တည်ထောင်ခဲ့သူ ဘီလ်ဂိတ်စ်က ဝေဖန်လိုက်ကြောင်း ABC သတင်းတွင် ဖော်ပြထားသည်။

Google ကုမ္ပဏီသည် နယူးဇီလန်နိုင်ငံတွင် အင်တာနက် အသုံးပြုနိုင်ရန် ပစ္စည်း ကိရိယာများ တပ်ဆင်ထားသော မိုးပျံ ဘောလုံးများကို လွှတ်တင်ပြီး လက်တွေ့ စမ်းသပ်ခဲ့သကဲ့သို့ ယခုအခါ ကယ်လီဖိုးနီးယား ပြည်နယ် တွင်လည်း စမ်းသပ်ခဲ့ကြောင်း ယင်းသတင်းတွင် ဖော်ပြထားသည်။

ယခု လွှတ်တင်ထားသော မိုးပျံ ဘောလုံးများတွင် စွမ်းအင်အတွက် နေရောင် မှ တစ်ဆင့် ရရှိ သုံးစွဲနိုင်ရန် ဘက်ထရီများကို တင်ဆောင် ပေးလိုက်ပြီး၊ မိုးပေါ်သို့ လွှတ်တင်ထားရသည့် အဓိက အချက်မှာ အင်တာနက်ကို ကျယ်ပြန့်စွာ ဖမ်းယူ ရရှိနိုင်စေရေးဖြစ်ကြောင်း Google က ရှင်းလင်း ထားသည်။

ဘီလ်ဂိတ်ကမူ ယင်းသို့ Google ၏ လုပ်ဆောင်နေချက်များနှင့် ပတ်သက်ပြီး မိမိအနေနှင့် စိတ်မဝင်စားကြောင်း၊ ငှက်ဖျား ဖြစ်နေသူ တစ်ဦးကို အင်တာနက် သွားကြည့်ခိုင်းရန် အဆင်ပြေမည် မဟုတ်ကြောင်း၊ ဝမ်းလျှောနေသူ တစ်ဦးကိုလည်း အင်တာနက်အကြောင်း ပြောနေ၍ အဆင်ပြေမည် မထင်ကြောင်း၊ မိမိ အနေနှင့် ဒစ်ဂျစ်တယ် တော်လှန်ရေးကို ယုံကြည်သူ ဖြစ်သော်လည်း လူတိုင်း ကျန်းမာရေး အခြေခံ ရရှိစေရေး အတွက် ကျောင်းတိုင်းတွင် အင်တာနက် ရရှိရေး ဆောင်ရွက်ပေးရန် ကိုသာ စိတ်ဝင်စားကြောင်း၊ ဝင်ငွေ နည်းပါးသည့် နိုင်ငံများတွင် ငှက်ဖျားနှင့် အခြားရောဂါများ တိုက်ဖျက်ရေးက အင်တာနက်ထက် အရေးကြီးကြောင်း အင်တာဗျူး တစ်ခုတွင် ပြောကြားသွား ခဲ့သည်။

ဂိတ်သည် Bill & Melinda Gates ဖောင်ဒေးရှင်းကို ထူထောင်ပြီး ကမ္ဘာ့ ပညာရေးနှင့် ကျန်းမာရေး လုပ်ငန်းများကို အထူး ဆောင်ရွက်နေသူ ဖြစ် သည်။ အထူးသဖြင့် ငှက်ဖျားရောဂါ တိုက်ဖျက်ရေးကို စုစုပေါင်း ဒေါ်လာ ၂ ဘီလီယံခန့် အကုန်ခံကာ ဆောင်ရွက်နေသကဲ့သို့ AIDS ရောဂါ တိုက်ဖျက်ရေး အတွက်လည်း ဒေါ်လာ ၁ ဒသမ ၄ ဘီလီယံ အကုန်အကျခံ ထောက်ပံ့နေသူ တစ်ဦး ဖြစ်သည်။
The Voice Weekly

အပြည့်အစုံသို့ »

အင်ဒိုနီးရှား နိုင်ငံရှိ မြန်မာ သံရုံးအား ဗုံးခွဲ တိုက်ခိုက်ရန် ကြံစည်ခဲ့သူ နှစ်ဦးကို အင်ဒိုနီးရှား ရဲတပ်ဖွဲ့ ဖမ်းဆီး ရမိခဲ့ ………


ဂျကာတာ သြဂုတ် ၁၁

အင်ဒိုနီးရှား အကြမ်းဖက် နှိမ်နင်းရေး ရဲတပ်ဖွဲ့သည် ၂ဝ၁၃ ခုနှစ် မေလက အင်ဒိုနီးရှား နိုင်ငံ ဆိုင်ရာ မြန်မာသံရုံး ကိုဗုံးခွဲ တိုက်ခိုက်ရန် ကြံစည်မှုတွင် ပါဝင်သည်ဟု သံသယရှိသူ နှစ်ဦးအား သြဂုတ် ၉ရက်က ဖမ်းဆီးရမိ ခဲ့ကြောင်း သြဂုတ် ၁၁ ရက်တွင် သတင်းထုတ်ပြန် ခဲ့သည်။

ရဲတပ်ဖွဲ့သည် ကိုရမ်ကျမ်းစာရွတ် အသင်းအတွက် ဘဏ္ဍာငွေ ကောက်ခံသူဖြစ်သော အိုင်ပူးလ်ခေါ် မူဟာမက် စိုင်းဖူလ် ဆာဖာနီ အားယိုဂျကာတာ မြို့တွင်းရှိ တည်းခိုခန်း တစ်ခု၌ ဖမ်းမိခဲ့ခြင်း ဖြစ်ကြောင်းနှင့် ၎င်းသည် အနောက်ဂျာဗာ ပြည်နယ်ရှိ Salak တောင်ကုန်းတွင် လေ့ကျင့်မှု များ ပြုလုပ် စဉ်က ပါဝင်ခဲ့ဖွယ် ရှိကြောင်း သိရသည်။

ရဲတပ်ဖွဲ့သည် အိုင်ပူလ်၏ အကြမ်းဖက် ကွန်ရက် အဆက်အနွှယ်ဖြစ်သော ဘာယူဒွီ အာဒီယန်တို ကိုလည်း ဖမ်းဆီး ထိန်းသိမ်း ထားပြီးဖြစ်ကြောင်းနှင့် လက်ရှိအချိန်တွင် စစ်ဆေး မေးမြန်းမှုများ ပြုလုပ်နေဆဲ ဖြစ်ကြောင်း သိရသည်။

၎င်းတို့နှစ်ဦးသည် ၂ဝ၁၃ခုနှစ် မေလက ဖမ်းဆီးရမိခဲ့သည့် အဖွဲ့ခေါင်းဆောင် ရိုဟာဒီတို့ လေးဦး နှင့်အတူ မြန်မာ သံရုံး ကို တိုက်ခိုက်ရန် စီစဉ်ခဲ့ခြင်း ဖြစ်ကြောင်း သိရသည်။

အပြည့်အစုံသို့ »

မိမိထံတွင် ခဲတံ၊ ဘောလ်ပင် စာရွက်စာတမ်းများမထားရ


အင်းစိန်ထောင် ကြိုးတိုက်က ရင်ခွဲတိုက်အမျိုးအစားပါ။ တိုက်ခန်း ပေါင်း ၃ဝ စီပါတဲ့ တိုက်တန်းလျားနှစ်ခု မျက်နှာ ချင်းဆိုင်ထားတာ။ အခန်းနေ အကျဉ်းသားတွေဟာ တစ် ဖက်နဲ့တစ်ဖက် မျက်နှာချင်းဆိုင် မြင်နေရတော့ ဆိတ်ကွယ်ရာ မရှိဘူးပေါ့။ လုံခြုံရေးလည်း ပို ကောင်းတယ်။ ဒီလို လုံခြုံရေး ကောင်းတဲ့တိုက်ကနေမှ အုတ် ရိုး အထပ်ထပ် ဖောက်ထွက်
လွတ်မြောက်သွားခဲ့တဲ့သူ နှစ်ဦး ရှိခဲ့တယ်။

တစ်ယောက်က အောင်ရွှေ ဆိုတဲ့ သေဒဏ်ကျအကျဉ်းသား တစ်ဦး။ ရွှေကျင်ကျောက်ကြီး ဘက်ကကျတာ။ စစ်တပ်ထဲမှာ လုပ်တုန်း ရွှေကျင်တဲ့သူတွေ ဆီကို လိုင်းကြေး သွားတောင်း
ရာက ပစ်ခတ်မှုတွေဖြစ်ပြီး အရပ်သားသုံးယောက်သေခဲ့ရ တယ်။ ဒီအမှုကို ဘီဘီစီတို့ ဗီအိုအေတို့ကအော်လုိ့ သူသေ ဒဏ်ကျတာပါဆိုတဲ့သူ။ စာ မတတ်ဘူး။ နိုင်ငံရေးသမားတွေ ကိုမုန်းတဲ့သူ။ နောက်တစ်ဦးက လွင်ဦး။ ၁ဝ တန်းအထိ ပညာသင် ဖူးတယ်။ အေဘီအက်(စ်) ဒီအက်(ဖ်)အဖွဲ့ကနေ ရန်ကုန် ထဲကို ဗုံးတွေသယ်တာကို ကူ ညီလို့ နိုင်ငံတော်ပုန်ကန်မှုနဲ့
သေဒဏ်ကျနေတာ။

ခေတ်ကာလက စစ် ထောက်လှမ်းရေးတွေ ကြီးစိုးနေတဲ့အချိန်။ ကြိုးသမား တစ် ယောက်အတွက် တစ်နေ့လုံး မှာမှ ဂန်ဖလားသွန်ဖို့၊ ရေချိုးဖုိ့၊ ဟိုအခန်းဒီအခန်းပြေးပြီး စကားစမြည်ပြောဖို့ အခန်း အပြင်ကို ၁၅ မိနစ်ပဲထွက်ရ တယ်။ ကျန်တဲ့ အချိန် ၂၃ နာရီ ၄၅ မိနစ်ကို ၈ ပေ ၁၂ ပေ အခန်းထဲနေပေတော့။ ထိုင် လိုက်၊ ထလိုက်၊ အခန်းပတ် လျှောက် လိုက်၊ ရှေ့တည့်တည့် က သံတိုင်တွေကို လက်နှစ် ဖက်နဲ့ ကျစ်ကျစ်ပါအောင် ဆုပ် ကိုင်ထားပြီး အတွေးမဲ့ မျက်လုံး တွေနဲ့ ဟိုကြည့်၊ ဒီကြည့်၊ စိတ် တွေကို ဟိုးအဝေးကြီးပေးလွှင့် လိုက်၊ ဝင်သက်ထွက်သက်ကို ပြန်အာရုံဝင်စားလိုက်၊ ဟိုဘက် ခန်း၊ ဒီဘက်ခန်း အော်ဟစ်ပြော ဆိုလိုက်နဲ့ ဘဝကို နေဖြစ် အောင်သာနေပေတော့။

ထောင်စည်းကမ်းတွေ အများကြီးထဲကမှ လွင်ဦးလို နိုင်ငံရေး သမားတစ်ယောက် အတွက်အရေးကြီးဆုံးစည်း ကမ်းက..

" မိမိထံတွင် ခဲတံ၊ ဘောလ် ပင်၊ စာရွက်စာတမ်းများမထားရ" ဆိုတဲ့ စည်းကမ်း။ စာရွက် တစ်ရွက်မိသွားလို့ အရိုက်ခံရတာ ခါးချည့်သွားတဲ့သူရှိတယ်။

အင်္ဂလိပ်အဘိဓာန်အပိုင်းအစတစ်ခုနဲ့ ထောင် ၇ နှစ်ထပ်တိုး သွားဖူးတဲ့ နိုင်ငံရေးအကျဉ်းသားရှိတယ်။

သေဒဏ်ကျအကျဉ်းသား တစ်ဦးအတွက် စာဖတ်ဖို့လိုသေးလား။ သံခြေကျင်းတွေ၊ ဒေါက်တွေ၊ အလုံပိတ်အခန်း တွေနဲ့ရင်းပြီး စာဖတ်သင့်ပါ့ မလား။ စာအုပ်တစ်အုပ်မိတာနဲ့ မီးခိုးကြွက်လျှောက် စစ်ကြော ရေးတွေ လုပ်ဦးမှာ။သွင်းပေးတဲ့ဝန်ထမ်းလည်း ထောင်ကျဦးမယ်။ သူ့မိသားစုလည်း ခိုကိုးရာမဲ့ဖြစ်သွားမယ်။ ကိုယ့်ကြောင့်နဲ့ တိုက်တစ်လုံး ပိုက်စိပ် တိုက်
တလာစီခံရမယ်။

လွင်ဦးတစ်ယောက် စာမဖတ်တော့ဘူး။ တရားထိုင်တယ်၊ ပုတီးစိပ်တယ်။ ဒီလိုနဲ့ နှစ်တွေ၊လတွေကို "ဘဝကို နေလို့ရသလောက်အပြည့်နေမယ်" ဆိုတဲ့စိတ်နဲ့ပဲ ဖြတ်သန်း လာလိုက်တာ။တစ်ည ကုလားအဘိုးကြီး တစ်ယောက်ကို အိပ်မက်မက် တယ်။ ထောင်ဆိုတာ ကိုလိုနီ ခေတ်က ကုလားဝါဒါကြီးတွေ အုပ်ချုပ်တာ။ ဒီကုလားကြီးက မဟတ္တမဂန္ဒီကို
တွေ့ဖူးတယ်တဲ့။

" ကောင်လေး..ထောင် က လွတ်ချင်လား" လို့ အဘိုး ကြီးက လွင်ဦးကို အိပ်မက်ထဲမှာ မေးတယ်။

"လွတ်ချင်တယ်" လို့ လွင်ဦးက တိုတိုတုတ်တုတ်ပဲ။
" ဒါဆို နေပါ။ မနက်ဖြန် သေတော့မှာလို့တွေးပြီး ဘဝကိုနေပါ။ သင်ယူပါ၊ ဘယ်တော့ မှမသေတော့ဘူးလို့တွေးပြီး ပညာကိုသင်ယူပါ။ ဒါဆို ဘဝကတောင် လွတ်မြောက်သွားနိုင်တယ်" လို့ ကုလားအဘိုးကြီး က ပြောပြီး ပျောက်သွားတယ်။ လွင်ဦးလန့်နိုးလာတယ်။

အိတ်ဆောင်အင်္ဂလိပ် အဘိဓာန်တစ်အုပ်ကို ထောင်ထဲသွင်းဖို့ မဟာဗျူဟာတစ်ရပ် ဆွဲရတယ်။ အထဲနဲ့ အပြင်နဲ့ ချိတ်ဆက်ဖို့ ဝန်ထမ်းတစ်ဦးကိုစည်းရုံး။ စာအုပ်ရောက်လာ တော့
အပိုင်းလိုက်၊ အပိုင်းလိုက်ဆုတ်ဖြဲ။ ကိုယ်ဖတ်မယ့်အပိုင်းကို အခန်းထဲက တစ်နေရာမှာဝှက်။ ကျန်တာတွေကို ပလတ်စတစ်နဲ့ သေချာထုပ်။

တိုင်ပတ်ပတ်လည်မှာ တောင်ယာ လုပ်တဲ့ အကျဉ်းသားတွေထဲက ယုံကြည်ရမယ့်တစ်ယောက်ကို ရေချိုးလမ်းလျှောက်ချိန်မှာ ဝှက်ယူသွားပြီး သိမ်းခိုင်းထား။ မြေကြီးထဲ မြှုပ်ထား။

တကယ်တော့ စာမဖတ်တာ ငါးနှစ်လောက်ရှိပြီ။ ဒါ ပထမဆုံး ဖတ်တာပဲ။

A တဲ့။ A is.. တဲ့။ A is the first letter တဲ့။ A is the first letter of တဲ့။ A is the first letter of English alphabet တဲ့။လွင်ဦးတစ်ယောက် လက်ရှိ သေဒဏ်ကျအကျဉ်း သားဘဝကို ခဏလောက်မေ့သွားပါပြီ။

ခရီးတစ်ခုထွက် လိုက်တဲ့ခံစားမှု။ သတိပြန်လည်လာတော့ အခု ခံစားလိုက်ရတဲ့ ထူးဆန်းမှုနောက်ကို..လိုက် ဖို့ကလွဲလို့ တခြားဘာမှမသိတော့ဘူး။ လွတ်မြောက်မှုဆီ သို့...။ ဒီနောက်ပိုင်းမှာတော့ အဲဒီ အင်္ဂလိပ်အဘိဓာန်လေး ကိုပဲ အပိုင်းလိုက်၊ အပိုင်းလိုက်
ဖတ်နေပါတော့တယ်။သူ့မျက်နှာ ဟာဝင်းပလာလိုက်တာ တကယ့် ခရီးသည်တစ်ဦးလိုပါပဲလား။ ဒါပေမဲ့ လျှောက်ရမယ့် လမ်း ဟာ အဝေးကြီးရှိသေးတယ်ဆို တာ သူသိပါတယ်။

ဒါကြောင့်စစ်အာဏာရှင် စနစ်တိုင်းကစာအုပ်ကို ကြောက်ကြတာ။ သူတို့က ပြည်သူလူထု ရဲ့ရုပ်ပိုင်းကိုရော၊ စိတ်ပိုင်းကိုရော အကျဉ်းချထားစေချင်တာ။ လူ့ရဲ့ရုပ်ခန္ဓာဟာ ရွေ့
လျားလို့မရရင် စိတ်ဟာ အာရုံ တစ်ခုနောက်ကို ကျက်စားတော့ တာပဲ။

အဲ့ဒီစိတ်ဟာ စာအုပ် နဲ့တွေ့တဲ့အခါ စာအုပ်ထဲကို အတင်းတိုးဝင်တော့တာပဲ။ နယ်ပယ်အသစ်တွေ၊ စကားလုံး
အသစ်တွေ၊အတွေးအခေါ် အသစ်တွေ၊ အခက်အခဲ အသစ် တွေကိုတွေးရင်းတွေးရင်း အာရုံ ခရီးတွေကို တစ်သွားတည်းသွား နေတော့တာပါပဲ။ ထမင်းစား ဖို့လည်း သတိမရဘူး။

ထိုင်နေ လား၊ ရပ်နေလားလည်း မသိ ဘူး။ ကိုယ့်ကိုယ်ကိုယ်ကိုရော၊ ဘဝကိုရော မေ့သွားလိုက်တာ။ နောက်ဆုံးစိတ်ဓာတ် တော်လှန် ရေး တောင် ဖြစ်သွားနိုင်တာ ကို...စစ် အာဏာရှင်ကသိ တယ်။ ဂျာမန် ပြည်သူတွေနဲ့ စိတ်တွေကို အကျဉ်းချဖို့ ဟစ် တလာက သူနဲ့မတည့်တဲ့ စာအုပ်တွေကို မီးပုံရှို့ဖူးတယ်။ အတွေးပုလိပ်တဲ့။ ဒီနိုင်ငံမှာ လည်း ဒီလိုပါပဲလား။
ဆင်ဆာ ဘုတ်ဆိုတဲ့ ဝါဒါတွေရှိတယ်။

လွင်ဦးတစ်ယောက် စာ ဖတ်နေတာ ကို အောင်ရွှေတွေ့သွားတယ်။ စောင့်ကြည့်နေ တာကြာပါပြီ။ ဒီလူစာဖတ်နေတာကို သိတယ်။ လွင်ဦးကို ကြည့်ရတာ တစ်နေ့ထက် တစ် နေ့ ပိုတည်ငြိမ်လာသလိုပဲ။ ဒါ ကို သိချင်တယ်။ အခုတော့ သူ စာဖတ်နေတာ လက်ပူးလက် ကြပ်မိပြီ။

" ဟေ့လူ ဘာတွေဖတ်နေတာလဲ" လို့ အောင်ရွှေက မေး တော့ လွင်ဦး အာရုံပျက်သွား တယ်။ ထိတ်လန့်လာတယ်။ သွားချွန်ရင်ဘယ်နှယ့်လုပ်မလဲ။ ဒီလွတ်လပ်မှုဆီသွားနေတဲ့ ခရီး။

အကျဉ်းပြန်ကျတော့မယ်။ " ဒီတော့ လွတ်မြောက်မှု ကို အောင်ရွှေကိုလည်း ဝေမျှပေးနိုင်ရင်" ဆိုတဲ့ အဖြေတစ်ခုပဲရ တယ်။

" လာ ကိုအောင်ရွှေ ခင်ဗျားကိုကျွန်တော်ကဗျာ တစ်ပုဒ် ရွတ်ပြမယ်။ ဒီကဗျာကို တိုက်ခန်းနံရံမှာ။ အဘ ဦးသော်ကရေးခဲ့တာ။ အင်္ဂလိပ်စာဆိုတစ်ယောက်ရဲ့ ကဗျာလို့ ပြောကြတယ်။

အင်္ဂလိပ်လိုရော၊ မြန်မာလိုရော ရေးထားတယ်။ အင်္ဂလိပ်လိုက

" Stone walls do not a prison make,
nor iron bars a cage;
Minds innocent and quiet take that for an hermitage " တဲ့ ...

နားမလည်ပေမယ့် နားထဲကို ဝင်သွားတယ်။ ဒီအသံဟာ အရသာရှိတယ်။ အောင်ရွှေရဲ့ ရီဝေနေတဲ့ မျက်လုံးတွေဟာ စိတ်ဝင်စားစရာတစ်ခုကို တွေ့ လိုက်ရလို့ အရောင်ထွက်လာ
သလိုပဲ။စိတ်တွေလည်း လှုပ်ရှား နေလိုက်တာ။

ဖင်စီခံထိနေတဲ့ နွားဆေးလိပ်တိုကို လက်တုန် တုန်နဲ့ ဖွာနေတယ်။ တစ်ချိန် တည်းမှာပဲ သူဟာ ကြောက်ရွံ့ နေတယ်။ လွင်ဦးလက်ထဲမှာ
က အင်္ဂလိပ်အဘိဓာန်အပိုင်း တစ်စ၊ ဒါကို ဝါဒါတစ်ယောက် ယောက်၊ ဒါမှမဟုတ် မလိုတဲ့ သူတစ်ဦးဦးကတွေ့ပြီး သွား ချွန်ရင် စမုံတုန်းသွားမယ်။ သူ ကိုယ်တိုင်ပဲ သွားချွန်လိုက်ရင် ကောင်းမလား။ မဟုတ်သေးပါ ဘူးလေ။ အတွေးတွေဟာ အောင်ရွှေ့ရင်ထဲမှာ တစ်လှပ်လှပ်နဲ့။

" ဒါနဲ့ မြန်မာလိုက ဘာလဲဗျ" ဆိုတဲ့မေးခွန်းကို အလို လိုမေးချလိုက်တယ်။ မြန်မာလိုက...

" ကျောက်နံရံဝိုင်း
ထောင်တံတိုင်းမမည်
သံတိုင်သံတန်း
အချုပ်ခန်းမပီ
စိတ်တွင်ဖြူစင်
ကျောင်းသိမ်ထင်ရ
တရားဓမ္မပင်
ရသေးသည်တဲ့" လို့

လွင်ဦးရဲ့ အဖြေနောက်မှာတော့ အောင်ရွှေသိလိုက်ပါပြီ။ ဘာကြောင့်လွင်ဦးဟာ လွတ်မြောက်တဲ့ ခရီးသည်တစ်ယောက်နဲ့ တူနေလဲဆိုတာ။

" ကိုလွင်ဦး ကျုပ်ကိုလည်းစာသင်ပေးဦးဗျ"

အဘဦးသော်က အမှတ်တရ
8:00 Am, 6 Aug

လက်ျာထွန်း
Popular Journal

အပြည့်အစုံသို့ »

ထိုင်းနိုင်ငံရေး တင်းမာမှုအပေါ် နိုင်ငံခြား ရင်းနှီးမြှုပ်နှံသူများ အထူး စိုးရိမ်


ဘန်ကောက်၊ သြဂုတ် ၁၁

ထိုင်းနိုင်ငံတွင် ပါလီမန် လွှတ်တော်တွင်း အစိုးရ ထောက်ခံသူများနှင့် ဆန့်ကျင်သူ အင်အားစုများ အကြား ထိပ်တိုက်တွေ့မှုနှင့် လမ်းမပေါ် ဆန္ဒပြမှုများကြောင့် ဖြစ်သော နိုင်ငံရေး တင်းမာမှုများနှင့် ပတ်သက်၍ နိုင်ငံခြား ရင်းနှီးမြှုပ်နှံသူများက အထူးပင် စိုးရိမ်လျက် ရှိကြောင်း The Nation သတင်းစာက ရေးသား ဖော်ပြသည်။

ဖူထိုင်းပါတီ ဦးဆောင်သော အစိုးရက ဦးဆောင် ရေးဆွဲလျက်ရှိသည့် အငြင်းပွားဖွယ် လွတ်ငြိမ်းချမ်းသာခွင့် ဥပဒေကြမ်းနှင့် ပတ်သက်၍ လွှတ်တော်တွင်းနှင့် လွှတ်တော် ပြင်ပ၌ အစိုးရ လိုလားသူနှင့် ဆန့်ကျင်သူ များ ထိပ်တိုက် ပဋိပက္ခ ဖြစ်မှုအပေါ် နိုင်ငံခြား ရင်းနှီးမြှုပ်နှံသူတို့က စိုးရိမ်နေကြခြင်း ဖြစ်သည်။

“နိုင်ငံရေး တင်းမာမှုဆိုတာ စီးပွားရေး လုပ်ငန်းကြီးတွေနဲ့ စက်မှုလုပ်ငန်းတွေ အတွက် အမြဲတမ်း အနုတ် လက္ခဏာ ဆောင်စေတဲ့ အရာပဲ ဖြစ်ပါတယ်။ ထိုင်းတောင်ပိုင်းမှာ ပြည်တွင်း လုံခြုံရေး အက်ဥပဒေ ထုတ်ပြန်ထားတယ်၊ မြို့တော် ဘန်ကောက်က မြို့နယ် သုံးခုမှာလည်း အဲဒီ ဥပဒေ ထုတ်ပြန်ထား တယ်။ အဲဒါတွေ အားလုံးဟာ ထိုင်းနိုင်ငံရဲ့ အနုတ်လက္ခဏာ ဆောင်တဲ့ သတင်းတွေပဲ ဖြစ်ပါတယ်” ဟု ပူးတွဲ နိုင်ငံခြား ကုန်သည်ကြီးများအသင်း ဥက္ကဋ္ဌ နာဒေါဗွန်ဒါလီချီက ပြောကြားသည်။

လက်ရှိ အခြေအနေတွင် အမေရိကန် အပါအဝင် အနောက် နိုင်ငံများက ၎င်းတို့ နိုင်ငံသားများ အနေနှင့် ထိုင်းနိုင်ငံသို့ သွားရာတွင် အထူး သတိပြု ရမည့် အချက်များကို ထုတ်ပြန်ထားသလို ထိုင်းနိုင်ငံတွင် ရင်းနှီးမြှုပ်နှံသူ နိုင်ငံခြား လုပ်ငန်းများကလည်း ပြည်တွင်း နိုင်ငံရေး ပဋိပက္ခ အပေါ် မျက်ခြည်မပြတ် စောင့်ကြည့်လျက် ရှိသည်။

“တကယ်လို့သာ တစ်စုံတစ်ခု ဖြစ်ခဲ့မယ်ဆိုရင် ထိုင်းနိုင်ငံအပေါ် ထားရှိတဲ့ နိုင်ငံခြား ရင်းနှီးမြှုပ်နှံသူ တွေရဲ့ ယုံကြည်ချက် ကျဆင်းသွား မှာ ဖြစ်ပါတယ်။ သူတို့ ဒီနိုင်ငံကို ဘယ်တော့မှ လာချင်တော့မှာ မဟုတ်ဘူး၊ ဒါမှမဟုတ် အခြားနိုင်ငံ တစ်ခုခုဆီကို ပြောင်းသွားကြလိမ့်မယ်” ဟု မစ္စတာ နာဒေါဗွန်ဒါ လီချီက ဆက်လက် ပြောကြားသည်။

အကယ်၍ အခြားနိုင်ငံ အစိုးရ အသီးသီးကလည်း ထိုင်းနိုင်ငံသို့ လည်ပတ် ရာတွင် သိရှိထားရမည့် သတိပေးချက်များ ထုတ်ပြန်မည် ဆိုပါက တိုင်းပြည်၏ ခရီးသွား လုပ်ငန်းအပေါ် များစွာ ထိခိုက်လာမည် ဖြစ်သည်ဟု ခရီးသွား လုပ်ငန်းရှင်များက ပြောဆိုသည်။

“တကယ်လို့ ခရီးသွားတွေအတွက် အာမခံချက် အလုံအလောက် မပေးနိုင်ဘူးဆိုရင် ခရီးသွား အေဂျင်စီတွေကလည်း သူတို့ရဲ့ ဖောက်သည်တွေအတွက် ဘွတ်ကင် တင်ပေးတော့မှာ မဟုတ်ဘူး” ဟု ခရီးသွား လုပ်ငန်းရှင် တစ်ဦးက ပြောပြသည်။

သို့အတွက်ကြောင့် ထိုင်းအစိုးရ အနေဖြင့် လမ်းမပေါ်များတွင် ဆူပူ အကြမ်းဖက်မှုများ မဖြစ်ပေါ်စေရန် အခိုင်အမာ လုပ်ဆောင်ပေးပြီး အခြေအနေ အရပ်ရပ်ကို ထိန်းချုပ်သွားရန် အရေးကြီးသည်ဟု ယင်းလုပ်ငန်းရှင်များက ဆိုသည်။

လတ်တလော နေ့ရက်များတွင်ထိုင်း နိုင်ငံရေးနှင့် ပတ်သက်သော သတင်း များနှင့် ကောလာဟလများ အဆမတန် ထွက်ပေါ်လျက်ရှိရာ ကမ္ဘာလှည့် ခရီးသွားများနှင့် အခြား ခရီးသည်များက ယင်းနိုင်ငံသို့ သွားရောက်မည့် ကိစ္စအပေါ် ချီတုံချတုံ ဖြစ်လျက်ရှိသည်။
The Voice Weekly

အပြည့်အစုံသို့ »