Website ရေးနည်း video သင်ခန်းစာ အပိုင်း ၂ (by using HTML5 and CSS3)


အရင် တစ်ခေါက်က html5, css3 နဲ့ website ရေးနည်း သင်ခန်းစာ ကို ကြည့်ဖြစ်ကြမယ်ထင်ပါတယ်။ ဒီတစ်ခေါက် သင်ခန်းစာမှာတော့ main menu ရေးပုံကို သင်ပြပေးထားပါတယ်။ Singapore Web Design ဆိုက်ကို နမူနာ ထားပြီးတော့ ရေးနည်း သင်ပေးထားတာပါ။ အခက်အခဲရှိရင်တော့ comment ရေးခဲ့ပါ။ အရင်တစ်ခေါက်က video ကြည့်ပြီး တစ်ချို့လည်း feed back လေးတွေပေးကြတယ်၊ အသံက သိပ်မရှင်းဘူးတို့၊ code တွေကို သိပ်မမြင်ရဘူးတို့ပေါ့ဗျာ၊ ပြီးတော့ စကားပြောတာ ပြောချင်သလိုမပြောချင်သလို ဖြစ်နေတယ်တဲ့ :D အဲဒါတွေအားလုံးက video ကို download လုပ်ရင် မကြာအောင်လို့ အတတ်နိုင်ဆုံးအချိန်ကို ချုံ့တဲ့ သဘောပါ၊ video minutes တွေ မကြာအောင်၊ မများအောင်၊ စကားကို မြန်မြန်ပြောရပါတယ်။ အဲဒါကြောင့် စကားက ပြောချင်သလို မပြောချင်သလို ဖြစ်နေနိုင်ပါတယ်။ နားမလည်လိုက်ရင် ပြန်ရစ်ပြီး နားထောင်ပေးပါ။ အသံသိပ်မရှင်းလိုက်တာမျိုးဆိုရင် ပြန်ပြန်ရစ်ပြီး နားထောင်ပါ၊ နားလည်သွားပါလိမ့်မယ်။ code တွေကို သေချာမမြင်ရတာမျိုးဆိုရင်တော့ video ကို full screen ချဲ့ပြီးကြည့်ပါ၊ ဒါဆိုရင် အဆင်ပြေသွားမယ်လို့ မျှော်လင့်ပါတယ်။ ကိုယ်က download လုပ်ပြီးသွားရင်လည်း download လုပ်ရတာ အခက်အခဲရှိတဲ့သူတွေကို မျှဝေပေးပေါ့ဗျာ။ သူများကို ပေးကမ်းတဲ့အလုပ်က မြင့်မြတ်သူတွေမှ လုပ်နိုင်တာတဲ့ဗျ။


Myanmar IT မှ ကူးယူဖော်ပြပါသည်

အပြည့်အစုံသို့ »

ရေကူးဝတ်စုံဝတ်ပြီး လူတစ်ထောင်ကျော်စကိတ်စီးပြ


ရုရှားနိုင်ငံ ကူဇ်ဘက်စ်ဒေသ ဇယ်လ်ရိုနာယာတောင် တွင် ထောင်နှင့်ချီသောလူထုကြီးက ရေကူးဝတ်စုံ များဖြင့် ဧပြီလ၂၀ ရက်နေ့တွင် စုပေါင်းစကိတ်စီးပြခဲ့ကြသည်။ ၎င်းတို့သည် ရေကူးဝတ်စုံဖြင့် လူအများဆုံး စကိတ်စီးပြသည့် ဂင်းနက်စ် စံချိန်တင်ရန် ရည်ရွယ်ထားခဲ့ကြောင်း ထိုစကိတ်စီးပြသည့် အဖွဲ့၏ခေါင်း ဆောင်တစ်ဦး ဖြစ်သူ ကွန်စတန်တင်ကုတ်ရ်ှကင် က အာအိုင်အေနိုဗိုစတီ သတင်းဌာနသို့ ပြောကြားသွား ခဲ့သည်။ အစောပိုင်းတွင် ထိုစကိတ်အဖွဲ့သည် စုပေါင်းစကိတ်စီးရန်လူ ၅၀၀ ခန့်သာ ရောက်ရှိလာ သည်ဟုခန့်မှန်းခဲ့ကြသော်လည်း အဖွဲ့ဝင် ၁၀၀၀ ကျော်အထိ ပါဝင်ဆင်နွှဲခဲ့သောကြောင့် ၀မ်းသာဂုဏ်ယူမိ ကြောင်း ကုတ်ရ်ှကင်က ဆက်လက်ပြောကြားသွားခဲ့သည်။ ယခင် ဂင်းနစ်စံချိန်ဟောင်းကို ကနေဒါနိုင်ငံ တွင် ရေကူးစကိတ်သမား ၂၅၀ ကျော်တို့က ရေကူးဝတ်စုံများဖြင့် စုပေါင်းစကိတ်စီးပြခဲ့ပြီး စံချိန်တင်ခဲ့ ကြောင်း သိရသည်။


By ပြည်မြန်မာ

အပြည့်အစုံသို့ »

လေဆိပ်တင်ဒါ ကြေညာပြီးနောက် ပဲခူးမြေဈေး တဟုန်ထိုးတက်


မြန်မာနိုင်ငံ၏ အကြီးဆုံးသော လေဆိပ်တခုဖြစ်လာမည့် ပဲခူးမြို့ ဟံသာဝတီလေဆိပ်စီမံကိန်း တည်ဆောက်ခွင့်ရသည့် ကုမ္ပဏီ အမည်စာရင်းကို အစိုးရက ထုတ်ပြန်ကြေညာပြီးနောက် ပဲခူးမြို့နယ် တ၀ိုက် မြေဈေးနှုန်းများ ငွေကျပ် သိန်းထောင် သောင်းချီ ရုတ်တရက် တဟုန်ထိုး မြင့်တက် သွားကြောင်း သတင်းရရှိသည်။

မြန်မာအစိုးရက ဟံသာဝတီ လေဆိပ် တည်ဆောက်ရေး စီမံကိန်း၊ ရန်ကုန် အပြည်ပြည်ဆိုင်ရာ လေဆိပ် အဆင့်မြှင့် တင်ရေး စီမံကိန်း၊ မန္တလေး အပြည်ပြည်ဆိုင်ရာ လေဆိပ် အဆင့်မြှင့်တင်ရေး စီမံကိန်း များကို လုပ်ကိုင်ခွင့်ရသော ကုမ္ပဏီများ စာရင်းကို ထုတ်ပြန်ခဲ့ပြီး ဟံသာဝတီ လေဆိပ် စီမံကိန်း အတွက် တောင်ကိုရီးယားနိုင်ငံမှ အင်ချွန်း အပြည်ပြည် ဆိုင်ရာ လေဆိပ်ကော်ပိုရေးရှင်းက လုပ်ကိုင်ခွင့်ရရှိကြောင်း သိရှိရသည်။

ပဲခူးမြို့တွင် တည်ဆောက်မည့် ဟံသာဝတီလေဆိပ် စီမံကိန်းကြောင့် ပဲခူးမြို့ တဝိုက်မှာရှိတဲ့ မြေဈေးတွေ က ယခုရက်ပိုင်း အတွင်း အဆပေါင်းများစွာ ထိုးတက်သွားပြီး မြေကွက် အရောင်းအ၀ယ်များ အလွန်သွက် နေကြောင်း ပဲခူးမြို့အခြေစိုက် အိမ်ခြံမြေ ၀ယ်ရောင်း အကျိုးဆောင်များထံမှ သိရှိရသည်။

“ဒီစီမံကိန်းသတင်းကြောင့် မြေဈေးတွေ တက်လာတယ်။ လေဆိပ် စီမံကိန်း တင်ဒါ ကြေညာပြီးတော့ အခုတော့ တပတ် မပြည့်သေးဘူး မြေကွက် အရောင်းအ၀ယ်တော်တော်သွက်လာတယ်။ ဈေးလည်း အရင်ကထက် ပိုမြင့်လာတယ်။

ဈေးမြင့်လာပေမယ့် ဝယ်မယ့်သူတွေက အဆင်သင့်ပဲရှိနေတယ်”ဟု ပဲခူးမြို့၊ ရှင်စောပု ရပ်ကွက်မှ အိမ်ခြံမြေ အကျိုးဆောင် တဦးက ဧရာဝတီသို့ပြော
သည်။

ယခင်က ပဲခူးမြို့ဝန်းကျင်ရှိ လယ်မြေ ဈေးနှုန်းများသည် တဧကလျှင် ငွေကျပ် ၅ သိန်း၊ ၆ သိန်း ဝန်းကျင် သာရှိပြီး ဟံသာဝတီ လေဆိပ် စီမံကိန်းကြောင့် ပဲခူးပတ်ဝန်းကျင်ရှိ လယ်မြေ တဧက လျှင် ငွေကျပ် သိန်း ၂၀၀ မှ သိန်း ၅၀၀ အထိ ဈေးပေါက်လာကြောင်း၊ ဟံသာဝတီ စီမံကိန်း အနီးရှိ မြေကွက်များသည် အဓိကအားဖြင့် စက်မှုဇုန်မြေ၊ စိုက်ပျိုးရေးဇုန်မြေ၊ ဥယဉ်ခြံမြေ များဖြစ်ပြီး မြေတဧကလျှင် ကျပ်သိန်း ၈၀၀ ပေါက်ဈေး ရှိနေကြောင်း သိရှိရသည်။

“စက်မှုဇုန်မြေကို အစိုးရက ချပေးတုန်းက တဧကကို သိန်း ၄၀၀ ။ စိုက်ပျိုးရေးဇုန်မြေဆို အစိုးရချပေးတုန်း က တဧက ကို ၁၀ သိန်းပဲ ပေးရတာ။ ဒီမြေတွေက စီမံကိန်းစရင် နှစ် ၃၀ ဂရန် လုပ်ပြီး ဟိုတယ်ဇုန်လုပ်မှာ။ ဥယဉ်ခြံမြေက ပိုရောင်းရတယ်။ ပြီးရင် နှစ် ၃၀ ဂရန်မြေတွေကတော့ ဒုတိယ အရောင်းရဆုံးပဲ”ဟု ရန်ကုန်မြို့အခြေစိုက် မြန်မာ့ဓနအောင် အိမ်ခြံမြေအကျိုးဆောင် လုပ်ငန်းမှ ဦးကျော်က ဧရာဝတီသို့ ပြောသည်။

ဟံသာဝတီ လေဆိပ်စီမံကိန်း အနီးရှိ မြေကွက်များကို စီးပွားရေးသမား များက အများဆုံးဝယ်ယူ ရင်းနှီးမြုပ်နှံကြပြီး စီမံကိန်း၏ အချက်အချာ နေရာတခုဖြစ်လာမည့် ပဲခူးမြို့တွင်းတွင်လည်း အိမ်ခြံမြေ၀ယ်ယူသူ များပြားကြောင်း၊ မြေကွက်ဈေးနှုန်းများ တဟုန်ထိုးမြင့်တက်ရခြင်းမှာ ဈေးကစား မှုကြောင့်ဖြစ်သည်ဟု သိရှိရသည်။

“အရင်က လေဆိပ်စီမံကိန်း လုပ်မယ့်နေရာနားမှာရှိတဲ့ မြေတွေကို ညောင်ရင်းရွာက လယ်သမားတွေပဲ အဓိက ပိုင်တာ။ စီမံကိန်းလုပ်မယ် ဆိုတဲ့ သတင်းတွေ ထွက်လာခါစမှာ ဝယ်ရောင်းသမားတွေက လယ်သ မားတွေဆီက ဈေးကောင်းပေးပြီး ဝယ်ကြတယ်။ သူတို့က အခုခေတ်အခေါ်အဝေါ်နဲ့ဆိုရင် ဥထားတယ် ပေါ့။ အခုချိန်လောက်ကြတော့ ဈေးကို အဆမတန် မြှင့်ပြီး ပြန်ရောင်းထုတ်ကြတယ်”ဟု ပဲခူးမြို့အခြေစိုက် ဇာခြည် အိမ်ခြံမြေ အကျိုးဆောင်လုပ်ငန်းပိုင်ရှင် ဦးမြင့်စိုးက ပြောသည်။

ပဲခူးမြို့တွင်းရှိ အိမ်ခြံမြေ ဈေးနှုန်းသည် ရန်ကုန်မြို့ အိမ်ခြံမြေဈေးနှုန်းကဲ့သို့ သိန်းထောင်သောင်းချီ ဈေး ပေါက်လာပြီး အရောင်းအ၀ယ် ပုံမှန်ဖြစ်နေကြောင်း၊ ပဲခူးအိမ်ခြံမြေဈေးကွက်သည် အိမ်ခြံမြေရင်း နှီးမြုပ်နှံ ဈေးကစားသူများအတွက် ဈေးကွက်သစ်ကြီးတခုသဖွယ်ဖြစ်လာသည်ဟု သိရှိရသည်။

“မြို့ထဲမရောက်ခင် ဘုရားကြီးနားက နေရာဆို မျက်နှာပွင့် ပေ ၂၀၀၊ အနောက် ပေ ၁၀၀ ကို ဒီရက်ပိုင်း အတွင်းပဲ သိန်း ၄၇၀၀ နဲ့ ရောင်းထွက် သွားတယ်။ ပဲခူးဘုရားကြီးလမ်းမှာဆို သိန်း ၁၈၀၀၀ ကျော်အထိ ခေါ်နေကြတယ်။ အဓိကကတော့ ဟံသာဝတီ လေဆိပ် စီမံကိန်း အကြောင်းပြချက်နဲ့ပေါ့။ အရင်က အဲဒီလိုမဟုတ်ဘူး”ဟု ဦးမြင့်စိုးက ရှင်းပြသည်။

ဟံသာဝတီလေဆိပ် စီမံကိန်းတည်ဆောက်မည့် မြေကွက်သည် ဧက ၉၀၀၀ ကျယ်ဝန်းပြီး စီမံကိန်းဒေသ တွင် နေထိုင်သည့် ဒေသခံများကို ရွှေ့ပြောင်းပြန်လည်နေရာချထားမှုများ အစိုးရက လုပ်ဆောင်လျက် ရှိကြောင်း သိရှိရသည်။

လေကြောင်းပို့ဆောင်ရေးညွှန်ကြားမှုဦးစီးဌာန ၊ ဒုတိယညွှန်ကြားရေးမှူးချုပ် ဦးဝင်းဆွေထွန်းက ဟံသာဝတီ လေဆိပ် စီမံကိန်းတင်ဒါရရှိထားသည့် ကိုရီးယားအင်ချွန်းကုမ္ပဏီနှင့် ယခုလအတွင်း ကန်ထရိုက်စာချုပ် ချုပ်ဆိုရေး ညှိုနှိုင်းမှုများ ဆောင်ရွက်ရန်ရှိကြောင်း ဧရာဝတီသတင်းဌာနသို့ ထုတ်ဖော် ပြောဆိုသည်။

ဧရာဝတီ

အပြည့်အစုံသို့ »

ကျန်းမာရေးအတွက် ပဲပင်ပေါက်


ပဲရဲ့ ကျန်းမာရေးအကျိုးကျေးဇူးဟာ အညှောက်ပေါက်သွားတဲ့အခါမှာ အမြင့်ဆုံးဖြစ်သွားပါတယ်။ ပဲပင်ပေါက်မှာ အင်ဇိုင်းတွေ၊ ပရိုတင်းဓာတ်တွေ ၊ ဗီတာမင်နဲ့ သတ္တုဓာတ်တွေ အများအပြား ပါဝင်နေပါတယ်။ ပဲပင်ပေါက်မှာ အမိုင်နိုအက်စစ်နဲ့ အမျှင်ဓာတ်တွေ ပါဝင်တဲ့အပြင် ဗီတာမင်(အေ၊ ဘီ၊ စီ၊ ဒီ၊ အီးနဲ့ ကေ)၊ ဖောလစ်အက်စစ်၊ သံဓာတ်၊ ပိုတက်စီယမ် ၊ ကယ်လ်စီယမ်၊ ဖော့စ်ဖရပ်စ် ၊ မဂ္ဂနီဆီယမ် တို့ အများအပြား ပါဝင်နေပါတယ်။ ပဲပင်ပေါက်မှာ ကြေညက်လွယ်တဲပ အာဟာရဓာတ် အများအပြား ပါဝင်တာကြောင့် ပဲပင်ပေါက်ရဲ့ အကျိုးကျေးဇူးကို သိနိုင်အောင် လေ့လာသူတွေက လေ့လာ ဖော်ပြထားပါတယ်။

သွေးအားနည်းရောဂါကို သက်သာစေခြင်း

ပဲပင်ပေါက်မှာ သံဓာတ်များစွာပါင်ဝင်တာကြောင့် သွေးနီဆဲလ်မှာတွေ့ရတဲ့ ဟေမိုဂလိုဘင် တည်ဖောက်မှုမှာ အရေးပါ ပါတယ်။ ဒါ့အပြင် ပဲပင်ပေါက်မှာ ဗီတာမင်စီ မမြင့်မားတဲ့ ပမာဏ ပါဝင်မှုရှိတာကြောင့် အူကနေ သံဓာတ် စုပ်ယူမှုကိုကောင်းမွန်စေပါတယ်။ ဒါကြောင့် သံဓာတ် ချို့တဲ့မှုကြောင့် ဖြစ်တဲ့ သွေးအားနည်း ရောဂါမဖြစ်အောင် ကာကွယ်နိုင်သလို ရောဂါဖြစ်နေရင်လည်း ကုသနိုင်ပါတယ်။

နှလုံးသွေးကြောများကို ကျန်းမာစေခြင်း

အသား၊ နို့နဲ့ နို့ထွက်ပစ္စည်းစတာတွေမှာ တွေ့ရများတဲ့ ပြည့်ဝဆီကု မှီဝမှု လျော့ချရင်း ပဲပင်ပေါက်ကို ပုံမှန်စားသုံးပေးရင် သွေးတွင်း မကောင်းတဲ့ ကိုလက်စထရော LD ကိုလျော့ကျစေပါတယ်။ အကြောင်းကတော့ ပဲပင်ပေါက်မှာ အမျှင်ဓာတ်နဲ့ လက်စီသင် ပါဝင်လို့ဖြစ်တယ်။ ပဲပင်ပေါက်ဟာ နှလုံးနဲ့ သွေးကြောတွေကို ကျန်းမာစေတာကြောင့် နှလုံးရောဂါ မှာ အဖြစ်များဆုံး ရောဂါဖြစ်တဲ့ နှလုံးသွေးကြောကျဉ်း ရောဂါမဖြစ်အောင် ကာကွယ်နိုင်ပါတယ်။

ဝမ်းမှန်မှန်သွားစေခြင်း

ပဲပင်ပေါက်မှာ အမျှင်ဓာတ်များစွာ ပါဝင်တာကြောင့် အူလှုပ်ရှားမှုကို ကောင်းမွန်စေပြီး ဝမ်းချုပ်တဲ့ လက္ခဏာကို သက်သာစေပါတယ်။

ဆံပင်နှင့် လက်သည်း ကို ကျန်းမာစေခြင်း

အာဟာရတချို့ ချို့တဲ့မှုကြောင့် ဆံပင်တွေ ကျိုးပြတ်တာ၊ လက်သည်း၊ ခြေသည်းတွေ ကြွပ်ဆတ်တာတို့ဖြစ်တတ်ပါတယ်။ အထူးသဖြင့် ပရိုတင်းဓာတ် ၊ ဗီတာမင်နဲ့ ဇင့်(သွပ်) ဓာတ်တို့ ချို့တဲ့တာ ကြောင့်ဖြစ်တတ်ပါတယ်။ ပဲပင်ပေါက်မှာ ဒီအာဟာရဓာတ်တွေ အများအပြား ပါဝင်တဲ့ အတွက် ဆံပင် သားနဲ့ လက်သည်း၊ ခြေသည်းပြဿနာတို့ မဖြစ်အောင် ကာကွယ် နိုင်သလို ဖြစ်နေရင်လည်း ကုသပေးနိုင်ပါတယ်။

အသည်းကိုကျန်းမာစေခြင်း

ပဲပင်ပေါက်မှာ လက်ဆီသင် ပမာဏ များစွာပါဝင်တဲ့ အပြင် သွေးတွင်း မကောင်းတဲ့ ကိုလက်စထရောကို လျော့ကျစေကာအသည်းမှာ အဆီကပ်ငြိမှု မဖြစ်အောင် ကာကွယ် ပေးပါတယ်။ ဒါကြောင့် အဖြစ်များတဲ့ အသည်း ထိခိုက်မှု အခြအနေတစ်ရပ်ဖြစ်တဲ့ အသည်းအဆီဖုံးမှု မဖြစ်အောင် ကာကွယ် နိုင်ပါတယ်။

သွေးဆုံးချိန် ဝေဒနာများကို သက်သာစေခြင်း

ပဲပင်ပေါက်မှာ အီစထရိုဂျင်လို အာနိသင်ပေးနိုင်တဲ့ ဖိုင်တိုအီစထရိုဂျင်များ စွာပါဝင်ပါတယ်။ ဒါကြောင့် သွေးဆုံးချိန်နဲ့ ဆက်စပ်နေတဲ့ ရင်တုန်တာ၊ ညဘက်ပူလောင်ပြီး ချွေးထွက်တာစတဲ့ ဝေဒနာတွေ သက်သာစေပါတယ်။ သွေးဆုံး ဝေဒနာအများစုက အီစထရိုဂျင်အဆင့် လျော့နည်းလို့ဖြစ်တာတာပါ။ ပဲပင်ပေါက်မှာတွေ့ရတဲ့ ဖိုင်တိုအီစထရိုဂျင် တွေဟာ သွေးဆုံးချိန်မှာ အဖြစ်များတဲ့ အရိုးပါးရောဂါမဖြစ်အောင် လည်း ကာကွယ်ပေးပါတယ်။

အရေပြားကို အိုမင်းမှု တားပေးသော အစွမ်းရှိခြင်း

ပဲပင်ပေါက်မှာ အတွေ့များတဲ့ ဖိုင်တိုအီစထရိုဂျင်ဟာ အရေပြား တည်ဆောက်မှု မှာအရေးပါတဲ့ ကော်လာဂျင်၊ အီလက်စတင်နဲ့ ဟိုင်ရာလူရိုးနစ် အက်စစ် တို့ တည်ဆောက်မှုကို ကောင်းမွန်စေပါတယ်။ ပဲပင်ပေါက်ဟာ အရေပြားတင်းရင်းမှုနဲ့ အစိုဓာတ်လျော့ကျမှုကြောင့် ဖြစ်တဲ့ အရေပြားအိုမင်းတဲ့ ဖြစ်စဉ်ကို မဖြစ်အောင် ကာကွယ်ပေးပါတယ်။

စိတ်ဖိစီးမှုနှင့် မောပန်းမှုကို လျော့ကျစေခြင်း

ပဲပင်ပေါက်မှာ စွမ်းအင်နဲ့ တခြား အာဟာရဓါတ်တွေ အများအပြား ပါဝင်တာကြောင့် စိတ်ဖိစီးမှုနဲ့ မောပန်းမှုတို့ကြောင့် ဖြစ်လာတဲ့ ဝေဒနာ တွေကို သက်သာလျော့ပါး စေပါတယ်။

ကြယ်စင်

Good Health News

အပြည့်အစုံသို့ »

၁၆ မိုင် စစ်ဆေးရေးဂိတ်တွင် တပ်မတော်သား တစ်ဦးထံမှ မူးယစ်ဆေးဝါးများ ဖမ်းမိ


မန္တလေးတိုင်းဒေသကြီး ပုသိမ်ကြီးမြို့နယ် ၁၆ မိုင် စစ်ဆေးရေး ဂိတ်တွင် သြဂုတ်လ ၁၃ ရက်နေ့ နံနက် ၁၀ နာရီ ၃၀ မိနစ်ခန့်က လားရှိုး-ရန်ကုန်သို့ ထွက်ခွာမည့် ရွှေလီဦး မော်တော်ယာဉ်ကို စစ်ဆေးရာ တပ်မတော်သား တစ်ဦးထံမှ မူးယစ်ဆေးဝါးများ တွေ့ရှိခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူး ရုံးထံမှ စုံစမ်း သိရှိရသည်။

အဆိုပါ မှန်လုံယာဉ် ဝမ်းဗိုက်အတွင်းရှိ ပစ္စည်းများကို အကောက်ခွန် ဦးစီးဌာနက စစ်ဆေးရာ ပီနံအိတ်ဖြင့် စွပ်ထားသော ယင်းတပ်မတော်သား၏ အိတ်တစ်လုံး အတွင်းမှ တစ်ပြားလျှင် ၀ ဒသမ ၁ ဂရမ်ရှိ WY စာတန်းပါ စိတ်ကြွ ရူးသွပ်ဆေးပြား ၂၀၀ ပြားစီ ပါဝင်သည့် အထုပ် ၁၀၀၊ စုစုပေါင်း စိတ်ကြွရူးသွပ် ဆေးပြား နှစ်သိန်း၊ အလေးချိန် ၂၀ ကီလိုဂရမ် သိမ်းဆည်း ရမိခဲ့ကြောင်း အဆိုပါရုံး စာရင်းများအရ သိရသည်။

အဆိုပါ တပ်သားသည် ပြီးခဲ့သည့် သြဂုတ်လ ၉ ရက်နေ့က ထောက်ပံ့ရေးနှင့် ပို့ဆောင်ရေး (၆၂၆) တပ်မှ တပ်ကြပ်ကြီး လှရွှေ၏ ဇနီးနှင့် ဇနီး၏ အစ်ကိုတို့က လားရှိုး ညဈေးတန်းသို့ ခေါ်ဆောင်ပြီး အထက်ပါ ဖမ်းဆီး ရမိသော ပစ္စည်းများကို ရန်ကုန်မြို့တော်သို့ ပို့ဆောင်ပေးရန် ပို့ခ အနေနှင့် ရှစ်သိန်းကျပ် ပေးမည်ဟု ပြောဆို လက်ခံခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူး ရုံးရှိ မှုခင်း မှတ်တမ်းများအရ သိရသည်။

ယင်းပစ္စည်းများကို ရန်ကုန်မြို့တော်သို့ အရောက်တွင် ကိုရှည်ဆိုသူ တပ်ကြပ်၏ မိန်းမဖြစ်သူ၏ အစ်ကိုက စောင့်ယူမည်ဖြစ်ကြောင်း ထွက်ဆိုခဲ့ သဖြင့် စိတ်ကြွ ရူးသွပ်ဆေးဝါးများ သယ်ဆောင်လာသူ တပ်သားနှင့် သယ်ဆောင်ခိုင်းသူ နှစ်ဦး စုစုပေါင်း သုံးဦးတို့ကို မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ မူးယစ် (ပ) ၅/၂၀၁၃ မူး/စိတ် ပုဒ်မ ၁၅၆၁၉ (က)/၂၁ အရ ပုသိမ်ကြီးမြို့နယ် အုန်းချောနယ်မြေ ရဲစခန်းက အမှုဖွင့် အရေးယူ ဆောင်ရွက်ထားကြောင်း ယင်း ရဲတပ်ဖွဲ့ စခန်းထံမှ သိရသည်
ွှ့The Voice

အပြည့်အစုံသို့ »

ကော်ဖီသောက်သုံးသူများတွင် ကိုယ့်ကိုကိုယ်သတ်သေနှုန်း ထက်ဝက်ကျဆင်း



အမျိုးသားများရော အမျိုးသမီးများပါ မိမိကိုယ်ကို သတ်သေမှု (suicide)နှုန်း ကျဆင်းစေခြင်းကို ကော်ဖီမှာ တွေ့ရှိခဲ့ကြောင်း ဟားဗတ်တက္ကသိုလ်မှ သုတေသနတစ် ရပ်မှာ ဖော်ပြထားပါတယ်။

အမေရိကန်နိုင်ငံမှာ ပြုလုပ်ခဲ့တဲ့ လေ့လာမှုအကြီးစားသုံးခုကရတဲ့ အချက်
အလက်တွေကို သုံးသပ်ပြီးနောက်မှာ ဟားဗတ်ပြည်သူ့ ကျန်းမာရေး တက္ကသိုလ်ဟာ အခုလို ထုတ်ပြန်လိုက်တာဖြစ်ပါတယ်။

ကဖင်းဓာတ်ပါဝင်နေတဲ့ ကော်ဖီကို တစ်နေ့ကို နှစ်ခွက်ကနေ သုံးခွက်
သောက်သုံးပေးသူတွေဟာ ကော်ဖီ မသောက်သုံးသူတွေထက်စာရင် suicide လုပ်တဲ့နှုန်း ၅၀%လျော့နည်း တယ်ဆိုတာကို တွေ့ရှိခဲ့ကြပါတယ်။ အမေရိကန်နိုင်ငံသား နှစ်သိန်းကျော်ကို ၁၆နှစ်ကြာ စစ်တမ်းကောက်ယူ
ထားတဲ့ အချက်အလက်တွေပေါ်မှာ မူတည်ပြီး အခုလိုရလဒ်ကို ထုတ်ပြန်နိုင်ခဲ့တာ ဖြစ်ပါတယ်။

ဒီလေ့လာမှုဟာ ကော်ဖီသောက်သုံးသူတွေမှာ suicide လုပ်တဲ့ နှုန်းလျော့
နည်းတယ်လို့ပဲ ဆိုလိုတာဖြစ်ပြီး ကော်ဖီမ သောက်ရင် မိမိကိုယ်ကို သတ်သေနိုင်ချေများ တယ်လို့ ဆိုလိုတာမဟုတ်ကြောင်းကိုလည်း ဟားဗတ် ပြည်သူ့ကျန်းမာရေးတက္ကသိုလ်မှ သုတေသီတွေက ပြော ကြားထားပါတယ်။

အမျိုးသမီးတွေမှာ ကော်ဖီ သောက်သုံးသူများဟာ မသောက်သူများထက် စိတ်ကျဝေဒနာဖြစ်ပွားမှုနှုန်း ၁၅% လျော့ကျတယ်ဆိုတာကိုလည်း အခုလေ့လာမှုမှာ တွေ့ရှိခဲ့ ပါတယ်။ လေ့လာမှုမှာ ကဖင်းဓာတ်ပါဝင်တဲ့
ကော်ဖီကို အထူးပြုလေ့လာခဲ့ပြီး ကဖင်းဓာတ်က suicideအပေါ်ကို သက်ရောက်မှုရှိမရှိကို ဆက်လက်လေ့လာနေပါတယ်။

အခုသုတေသနကို World Journal of Biological Psychiatry မှ ဖော်ပြထားတာ ဖြစ်ပါတယ်။

*** ကျောက်ကပ်မကောင်းသူများကတော့ ကော်ဖီမသောက်သင့်ပါဘူး***

တန်ဆေး လွန်ဘေးဆိုတဲ့ အတိုင်း ကျောက်ကပ်အပြင် အခြား ရောဂါများ မဖြစ်စေဖို့ ကော်ဖီကို Limit နဲ့ သောက်ရန် မျှဝေ ရေးသား လိုက်ရ ပါတယ်။

credit:saitkypyawyar

အပြည့်အစုံသို့ »

ရန်ကုန်-မန္တလေးလမ်း ခရီးသည်တင်ယာဉ် တိမ်းမှောက် တစ်ဦးသေဆုံး




မြဝတီ - တောင်ငူပြေးဆွဲသည့် ရွှေနတ်တောင် ခရီးသည်တင်ယာဉ်သည် ရန်ကုန်-မန္တလေးလမ်းဟောင်း မိုင်တိုင် ၁၆၂/၆ နှင့် ၁၆၂/၇ ကြား
တောင်ငူခရိုင် အုတ်တွင်းမြို့နယ် ကျွဲပွဲကျေးရွာအုပ်စုတွင် သြဂုတ်လ ၁၄ ရက် နံနက် ၇ နာရီ ၄၅မိနစ်က အရှိန်လွန် တိမ်းမှောက်ခဲ့ရာ လူတစ်ဦးသေ
ဆုံးပြီး လူငါးဦးဒဏ်ရာ ပြင်းထန်ကြောင်း မျက်မြင်တွေ့ရှိသူများက ပြော
ကြားသည်။

ဖူဆိုအမျိုးအစား ခရီးသည်တင်ယာဉ်သည် မြဝတီမြို့မှ သြဂုတ်လ ၁၃ ရက် နေ့နံနက် ၉ နာရီခန့်တွင် ခရီးသည် ၁၀ ဦးခန့် တင်ဆောင်ကာ
တောင်ငူမြို့သို့ ထွက်ခွာလာပြီး တောင်ငူခရိုင် အုတ်တွင်းမြို့နယ် ကျွဲပွဲမြို့ အင်ဒိုင်းကျေးရွာ ဆောက်လုပ်ရေး တံတားခုံးတွင် အရှိန်လွန်ကာ ယာဉ်ကို မထိန်းနိုင်ဘဲ လမ်းဘယ်ဘက်ခြမ်း သစ်ပင်ကို ဝင်တိုက်ရာမှ လမ်းဘေးတွင် ပက်လက်တိမ်းမှောက်ခဲ့ကြောင်း ကျွဲပွဲမြို့ရဲစခန်း၏ ကနဦး စစ်ဆေးချက်
များအရ စုံစမ်းသိရှိရသည်။

ခရီးသည်ယာဉ် တိမ်းမှောက်မှုကြောင့် အသက် ၃၀ အရွယ် ယာဉ်အကူ မျိုးမင်းဇော်သည် ယာဉ်အောက်တွင် ညပ်မိကာ သေဆုံးခဲ့ပြီး အမျိုးသားနှစ်ဦး၊ အမျိုးသမီးသုံးဦး အပါအဝင် ငါးဦး ပြင်းထန်စွာ ဒဏ်ရာရရှိသဖြင့် အုတ်တွင်းဆေးရုံသို့ တင်ပို့ပေးခဲ့ကြောင်း ယာဉ်တိမ်းမှောက်မှုကို ကယ်ဆယ်ရေး ဆောင်ရွက်ခဲ့သည့် အုတ်တွင်းမြို့နယ် မီးသတ်အရာရှိတစ်ဦးက ပြောကြားသည်။

ယာဉ်တိုက်မှု ဖြစ်ပွားချိန်တွင် ယာဉ်မောင်းသူ မောင်းနှင်ခြင်းမဟုတ်ဘဲ ယာဉ်လိုင်းပိုင်ရှင်၏ သားဖြစ်သူ အသက် ၂၂ နှစ်အရွယ် မင်းသိန်းကျော်က မောင်းနှင်ခြင်း ဖြစ်ကြောင်း အဆိုပါယာဉ်လိုင်း တာဝန်ရှိသူတစ်ဦးက ပြောကြားသည်။

“ကားမှောက်တဲ့အချိန်မှာ ယာဉ်အကူက ကားအောက်မှာ ပိပြီးသေနေပြီ။ ကျန်တဲ့လူတွေထဲမှာ အချို့ကို ပေါက်ပြားနဲ့မြေကိုတူးပြီး ဖော်ထုတ်ပေးခဲ့ရ တယ်။ လူနာတွေနဲ့ ခရီးသည်တွေကို အုတ်တွင်းမြို့နယ် အုပ်ချုပ်ရေး
မှူးကားနဲ့ ၉ နာရီလောက်မှာ တင်ခေါ်သွားတယ်” ဟု ယာဉ်တိမ်းမှောက်
မှုကြောင့် ဒဏ်ရာရသူများကို သွားရောက် ကူညီဆောင်ရွက်ပေးသူ အင်ဒိုင်းကျေးရွာ အုပ်ချုပ်ရေးမှူး ဦးသန့်ဇင်ထွန်းက ပြောကြားသည်။

ခရီးသည်ယာဉ် တိမ်းမှောက်မှုကြောင့် ယာဉ်မောင်းနှင်သူ မင်းသိန်းကျော်ကို ယာဉ် (ပ) ၁၁/၂၀၁၃ ပြစ်မှုဆိုင်ရာ ဥပဒေပုဒ်မ ၃၃၈/၃၀၄ (က) အရ အမှုဖွင့် အရေးယူဆောင်ရွက်လျက်ရှိကြောင်း ကျွဲပွဲမြို့ရဲစခန်းမှ တာဝန်ရှိသူ
တစ်ဦးက ပြောကြားသည်။

The Voice Weekly

အပြည့်အစုံသို့ »