ဆင်မလေးမိုမို၏ အသက်၆၀ပြည့် မွေးနေ့ပွဲ - The Voice Weekly


ဆင်မလေးမိုမို၏ အသက်၆၀ပြည့် မွေးနေ့ပွဲကို အောက်တိုဘာ ၁၉ရက် သီတင်းကျွတ်လပြည့်နေ့၌ ရန်ကုန် တိရစ္ဆာန်ဥယျာဉ်တွင် ကျင်းပခဲ့သည်။ ဆင်မလေးမိုမိုကို ၁၉၆၁ခုနှစ်တွင် ကယားပြည်နယ် လွိုင်ကော်မြို့မှ ဦးဆုံဒန္ဒာက ရန်ကုန် တိရစ္ဆာန်ဥယျာဉ်သို့ လှူဒါန်းခဲ့ခြင်း ဖြစ်ကြောင်း သိရသည်။

အပြည့်အစုံသို့ »

မုံရွာမြို့ အဝေးပြေးကားလေးဝင်းတွင် ဗုံးလန့်မှုဖြစ်ပွား - Mizzima - News in Burmese




ကိုတိုးကြီး

စစ်ကိုင်းတိုင်း၊ မုံရွာမြို့ရှိ အဝေးပြေးကားအသင်းစုဝေးရာ ကားလေးဝင်းတွင် ရန်ကုန်မှတင်ပို့ပေးလိုက်သော ပါဆယ်အိတ်တစ်လုံးအား သက်ဆိုင်ရာမှ မသင်္ကာ၍ စစ်ဆေးရာမှစကာ အောက်တိုဘာလ ၁၈ရက် နံနက် ၉နာရီက ဗုံးလန့်မှုဖြစ်ပွားခဲ့သည်ဟု ဗုံးရှင်းလင်းရေးအဖွဲ့မှ တာဝန်ရှိသူတစ်ဦးကပြောသည်။

အဆိုပါ ပါဆယ်အိတ်သည် Myanmar Mobile အမှတ်တံဆိပ် အပြာရောင်စာတမ်းပါ လက်ဆွဲစက္ကူအိတ်ဖြစ်ပြီး အိတ်ပေါ်တွင် "ဗိုလ်ချုပ်စိုးလွင် (တိုင်းမှူး) မုံရွာမြို့"ဟု ရေးထားပြီး ရန်ကုန်မှ မုံရွာသို့ စိန်ဌေးလှိုင် ခရီးသည်တင်ယာဉ်ဖြင့် တင်ပို့လိုက်ခြင်းဖြစ်သည်။ ထိုအိတ်ပေါ်တွင် ပေးပို့မည့်နာမည်ပါသော်လည်း လိပ်စာရေးသားထားခြင်းမရှိသောကြောင့် သက်ဆိုင်ရာမှ မသင်္ကာသဖြင့် စစ်ဆေးခဲ့ခြင်းဖြစ်သည်။

မုံရွာမြို့ အမှတ်(၉၀၉) စစ်မြေပြင်အင်ဂျင်နီယာတပ်မှ ဗိုလ်ကြီးချစ်ဆွေနှင့်အဖွဲ့သည် ထိုမသင်္ကာဖွယ် စက္ကူအိတ်အား သီးခြားသတင်းအတည်ပြုရန် သက်ဆိုင်ရာစစ်ဘက်ရေးရာဌာနသို့ ယူဆောင်စစ်ဆေးရာ အိတ်အတွင်း၌ ဂေါက်သီးများ ထည့်ထားခြင်းသာဖြစ်ပြီး စိုးရိမ်ဖွယ်မရှိကြောင်း ယင်းအင်ဂျင်နီယာတပ်က ပြောကြားခဲ့သည်။

ယင်းမသင်္ကာဖွယ် ပါဆယ်အိတ်တစ်လုံးအား တိုင်းဒေသကြီး အရေးကြီးစာပို့ တာဝန်ထမ်းဆောင်နေသူ အမှတ်(၁၄)ယာဉ်ထိန်းရဲတပ်ဖွဲ့(မုံရွာ) တပ်ဖွဲ့ခွဲမှ ယာဉ်ထိန်းရဲတပ်ကြပ် မြသိန်းထိုက်က တာဝန်အရ ပေးပို့စာများနှင့် ပါဆယ်ပစ္စည်းများကို ကားဂိတ်တွင် သွားရောက်ယူဆောင်ခဲ့ရာမှ တွေ့ရှိခဲ့ခြင်းဖြစ်သည်။

“ ဒီရက်ပိုင်းအတွင်းမှာ မသင်္ကာဖွယ်ရာ ပစ္စည်းတစ်စုံတစ်ခုကို တွေ့ရှိရတယ်ဆိုရင် သက်ဆိုင်ရာကို ဖုန်းဆက်အကြောင်းကြားပါဆိုလို့ လုံခြုံရေသတိအရ အခုလိုဖုန်းဆက်လိုက်ရတာဖြစ်ပါတယ်"ဟု ယာဉ်ထိန်းရဲတပ်ကြပ် မြသိန်းထိုက်က ပြောသည်။

အောက်တိုဘာလ ၁၁ရက်က ပဲခူးတိုင်း တောင်ငူမြို့တွင် ဗုံးပေါက်ကွဲမှုဖြစ်ပွားပြီးနောက်ပိုင်း ရန်ကုန်၊ မန္တလေး၊ စစ်ကိုင်းနှင့် ရှမ်းပြည်နယ်မြောက်ပိုင်းတို့တွင် ဗုံးပေါက်ကွဲမှုများ၊ ဗုံးလန့်မှုများ ဆက်တိုက်ဆိုသလို ဖြစ်ပွားခဲ့သည်။

ဗုံးပေါက်ကွဲမှုများသည် အောက်တိုဘာလ ၁၁ရက်နေ့တွင် တောင်ငူမြို့၌ စတင်ဖြစ်ပွားခဲ့ပြီး နှစ်ဦးသေဆုံးကာ နှစ်ဦး ဒဏ်ရာရရှိခဲ့သည်။ ထိုလထဲတွင်ပင် ၁၃ရက်နေ့၌ ရန်ကုန်မြို့ စော်ဘွားကြီးကုန်း ကားမှတ်တိုင်အနီးတွင် ဗုံးပေါက်ကွဲမှု ဖြစ်ပွားခဲ့ပြီး ထိုနေ့ညနေပိုင်းတွင်ပင် သာကေတမြို့နယ်၊ မာန်ပြေမှတ်တိုင်အနီးတွင် ထပ်မံပေါက်ကွဲခဲ့သည်။

ထို့အပြင် အောက်တိုဘာလ ၁၄ရက်ကလည်း ရန်ကုန်မြို့၊ အလုံမြို့နယ်ရှိ Westren Park 2 နှင့် မန္တလေးတွင် မပေါက်ကွဲသေးသော ဗုံးတွေ့ခြင်း၊ ဗုံးလန့်ခြင်းများ ဆက်တိုက်ဆိုသလို ဖြစ်ပွားခဲ့သည်။ အောက်တိုဘာလ ၁၄ရက် ညပိုင်းက ရန်ကုန်မြို့ ထရိတ်ဒါးဟိုတယ်တွင် လူနေခန်းထဲ၌ ဗုံးပေါက်ကွဲခဲ့ပြီး အမေရိကန်အမျိုးသမီးတစ်ဦး ဒဏ်ရာရရှိခဲ့သည်။

အောက်တိုဘာလ ၁၅ရက်တွင် စစ်ကိုင်းမြို့ရှိ ဆွမ်းဦးပုညရှင်ဘုရား ကားပါကင်နေရာနှင့် ရွှေပြည့်စုံဟိုတယ်တို့တွင် ဗုံးပေါက်ကွဲမှုများ ထပ်မံဖြစ်ပွားခဲ့သေးသည်။ ထိုသို့ဗုံးပေါက်ကွဲမှုများအပြီး စစ်ကိုင်းတိုင်းတွင် အရပ်ဝတ်ရဲများအား လူစည်ကားရာနေရာများနှင့် မြို့အဝင်အထွက်နေရာများတွင် လုံခြုံရေးများ ချထားခဲ့သည်။

ထို့အပြင် အောက်တိုဘာလ ၁၆ရက်နှင့် ၁၇ရက်များတွင် ရှမ်းပြည်နယ်မြောက်ပိုင်း နမ့်ခမ်းမြို့တွင် ဗုံးသုံးလုံးဆက်ပေါက်ကာ တစ်ဦးသေဆုံးပြီး တစ်ဦးဒဏ်ရာရရှိခဲ့သည်။

အပြည့်အစုံသို့ »

မြန်မာတွေ မျိုးတုန်းသွားနိုင်တယ်ဆိုတာ သိသင့်တယ် - Update News In Myanmar



လူမျိုးတုန်းသတ်ဖြတ်မှုဆိုတာ ဓားနဲ့ခုတ်၊ တုတ်နဲ့ရိုက်၊သေနတ်နဲ့ပစ်၊ဗုံးနဲ့ခွဲမှ Genocide လို့သတ်မှတ်မှာလား။ ဟောဒီမှာ ဒါဟာခင်ဗျားတို့ကျုပ် တို့ကိုမသိမသာ Genocide လုပ်နေတယ်ဆိုတာလေး သိသာအောင်မြင်ကြည့်ကြ ရအောင်။

လူမျိုးတုန်းသတ်ဖြတ်နေတာ၊ကျုပ်တို့ရဲ့ အနာဂါတ်တွေကို ချေမွနေတာ။ တမြေ့မြေ့နဲ့ လှိုက်စားနေတာ။ ဒါကိုမတားဆီး၊ မပိတ်ပင်နိုင်ရင်တော့မြန်မာပြည်အနှံ့ ကင်ဆာဖေါင်ဒေးရှင်းတွေ နဲ့မီးသဂြိ င်္ုလ်စက်တွေသာ တိုးချဲ့ထားကြပေရော့ဗျို..... အခုဆိုရင် မြန်မာနိုင်ငံဟာ ကမ္တာမှာ ကင်ဆာ အဖြစ်အများဆုံးဒုတိယ လိုက်တဲ့နိုင်ငံ........ ....

၁၇-၈-၂၀၁၃ နေ့မှာ တောင်တွင်းကြီးမြို့ အ.လ.က (၁) မှာ ကျောင်းကျန်းမာရေး စစ်ဆေးစဉ်က ကျောင်းဈေးဆိုင်မှာ ရောင်းချနေတဲ့ မုန့်တွေကိုစစ်ဆေးတဲ့အခါ မှာ ရောင်းချနေတဲ့ မုန့်အများစုဟာ ကလေးများအတွက်အာဟာရ မဖြစ်တဲ့အပြင် အန္တရာယ်ကြီးမားတဲ့ မုန့်တွေပါတွေ့ရှိရပါတယ် ။

ပုံပါအတိုင်း အချိုရည်ဘူးကပြည်တွင်းဖြစ်ပါ။ ရေသန့်မဟုတ်တဲ့ ရိုးရိုးရေထဲမှာ ဆိုးဆေးရော၊ သကြားဆီနဲ့အနံ့ ထည့်ပြီးpacking ပိတ်ထားတာပါ ။

ဆိုးဆေးထည့်တာ လက်ဆများသွားပုံ ရပါတယ် ။ ရေတွေက ပြစ်နှစ်နေပြီး အမှုန်တွေတောင် တွေ့ရပါ တယ်။ မုန့်ထုပ်တွေကတော့ သက်တမ်းလွန်နေတာ တစ်နှစ်နဲ့နှစ်လ ရှိနေပြီဖြစ်တဲ့ တရုတ်မုန့် တွေပါ။

ဒီလိုသက်တမ်းလွန်မုန့်တွေနဲ့ ဆိုးဆေးရည်တွေကိုပိုက်ဆံပေးပြီး မုန့်လုပ်စားနေကြရတဲ့ ကျွန်တော်တို့ရဲ့ ကလေးတွေရဲ့ အဖြစ်ဟာ မတွေးရဲစရာပါ။

ဈေးပေါပေါနဲ့ဝင်လာတဲ့ တရုတ်မုန့်တွေ ၊ ဆိုးဆေးအပြည့်နဲ့ အချိုရည်ဘူးတွေ၊ ဂျယ်လီဘူးတွေ၊ရေခဲချောင်းတွေ ၊ စားအုန်းဆီခဲတွေနဲ့ ကြော်ထားတဲ့အကြော်တွေ ၊ဆိုးဆေးတွေနဲ့ အကင်တွေ ၊ဆိုးဆေးတွေ ဆိုးထားတဲ့ သရက်ကင်တွေ၊သကြားဆီတွေနဲ့ ဘာတွေရောစပ်ထား မှန်းတောင်မသိနိုင်တဲ့ တရုတ်သကြားလုံးတွေ၊

အစရှိတဲ့ မုန့်တွေပဲ နေ့စဉ်နဲ့ အမျှ မြိန်ရည် ရှက် ရည် စားနေကြရရှာတဲ့ ကျွန်တော်တို့ ကလေး များ ကိုဘယ် လိုကယ်ဆယ် နိုင်ကြမ လဲ??

ဒီမုန့်တွေကိုရောင်းချနေတာ ကျွန်တော် စစ်ဆေးခဲ့တဲ့ကျောင်း တကျောင်းထဲမှာပဲ ရောင်းနေတာ မ ဟုတ်ပါဘူး။

မြန်မာနိုင်ငံ တနံတလျားတောရော မြို့ပါကျောင်းတိုင်းကျောင်းတိုင်း မှာ ရောင်းချနေတာပါ ။

ဒါဆိုရင် ကျွန်တော်တို့မျိုးဆက်ကလေးတွေအားလုံးမှာ အန္တရာယ်ကြီးကြီးမားမား ကျရောက်နေပြီ ဆိုတာဟာ ငြင်းလို့မ ရလောက်အောင်ကို သိသာထင်ရှား နေပြီဖြစ်ပါတယ် ။

အခုဆိုရင် မြန်မာနိုင်ငံဟာ ကမ္တာမှာ ကင်ဆာ အဖြစ်အများဆုံးဒုတိယ လိုက်တဲ့နိုင်ငံ ဖြစ်နေပါပြီ။

ဒီနှုန်းအတိုင်း ဆိုရင်ကျွန်တော်တို့ကလေးတွေ အားလုံး အသက်၂၀ နဲ့ ၃၀ ကြားမှာ အသည်း ကင်ဆာလို ရောဂါတွေနဲ့သေဆုံးကြ ရဖို့ သေချာနေပါပြီ။

ဒီကလေးတွေသာ မ်ျုးဆက်ပြတ်ကြရင် ကျွန်တော်တို့နိုင်ငံမှာ ဘယ်လောက်တော်တဲ့ ခေါင်းဆောင်အုပ်ချုပ် အုပ် ချုပ်။ ဘယ်လောက်ကောင်းတဲ့စနစ်နဲ့ချီတက်ချီတက် တိုးတက်ကြပါ့မလား????

ဒါကိုမှ လူမျိုးတုန်းသတ်ဖြတ်မှုလို့မပြောရင် ဘာကိုပြောမှာလဲ??????

Credit to - U Kyaw Swe

အပြည့်အစုံသို့ »

နန်းခင်ဇေယျာကို နိုင်ငံပိုင်သတင်းစာ အလွဲသုံးစားလုပ် သတင်းစာ မဖတ်ရသေး၍ မဖြေနိုင်ဟု အကြောင်းပြန် - မြန်မာသံတော်ဆင့်



ဆီးဂိမ်း လှုံ့ဆော်မှု ဘောလုံးပြိုင်ပွဲနှင့် ပတ်သက်၍ အစိုးရပိုင် ကြေးမုံ သတင်းစာတွင် သတင်းရေးသား ဖော်ပြခဲ့ရာ တက်ရောက်ခဲ့ခြင်း မရှိသူ နန်းခင်ဇေယျာကို သတင်းဓာတ်ပုံ ထည့်သွင်း ဖော်ပြခဲ့ပြီး ယင်းဓာတ်ပုံ မှာလည်း ပုံနှင့်အမည် လွဲမှား ဖော်ပြ ထားခဲ့သည်။အောက်တိုဘာ ၁၃ ရက်ထုတ် ကြေးမုံ သတင်းစာ နောက်ကျောဖုံးတွင် သတင်းဖော်ပြခဲ့ခြင်း ဖြစ်ပြီး သတင်း၏ အဆက်ကို စာမျက်နှာ ၅ ကော်လံ ၁ တွင် ဆက်လက် ဖော်ပြရာတွင် အဆိုပါပွဲသို့ တက်ရောက်ခဲ့ခြင်း မရှိသူ နန်းခင်ဇေယျာပုံကို စာရေးသား ထည့်သွင်းထားခြင်း ဖြစ်ပြီး ယင်းဓာတ်ပုံမှာ လည်း မော်ဒယ် ကေကေ မိုးမြင့်ပုံ ဖြစ်သည်။

ပြန်ကြားရေး ၀န်ကြီးဌာနမှ အနောက်ပိုင်းခရိုင် ညွှန်ကြားရေးမှူး ဒေါ်မြင့်မြင့်မော်ကို မြန်မာသံတော်ဆင့်က အောက်တိုဘာ ၁၆ ရက်တွင် ဆက်သွယ် မေးမြန်း ခဲ့ရာ““အန်တီတို့ အဲဒီနေ့ သတင်းစာကို မဖတ်ရသေးဘူး။ အဲဒီညီမ ပြောနေတာတွေနဲ့ ပတ်သက်ပြီး အထက်က ဘာမှ ညွှန်ကြားထားတာ မရှိသေးပါဘူး။ ပုံမှားနေတာ တော့ အန်တီတို့လည်း မသိဘူး”” ပြန်လည် ပြောကြားခဲ့သည်။ …

ယင်းနောက် အောက်တိုဘာ ၁၄ ရက်နေ့ထုတ် ကြေးမုံ သတင်းစာ၏ စာမျက် နှာ ၅ တွင်မူ မော်ဒယ် ကေကေမိုးမြင့်၏ ပုံဖြင့်ပင် ရုပ်ရှင် သက်ကြီး ပူဇော်ပွဲနှင့် အနုပညာရှင်၏ ၀မ်းသာပီတိ ဟူသော သတင်း ခေါင်းစဉ်ဖြင့် ထည့်သွင်း ဖော်ပြထားခဲ့သည်။အဆိုပါ ဓာတ်ပုံနှင့် စာသား မှားယွင်း ဖော်ပြခဲ့ခြင်းနှင့် ပတ်သက်ပြီး နန်းခင်ဇေယျာက ယင်းပွဲသို့ ဖိတ်ကြား ခံထားရခြင်း မရှိကြောင်းနှင့် ကြေးမုံတွင် ယင်းသတင်း ပါဝင်သည်ကို မသိသေးကြောင်း မြန်မာသံတော်ဆင့်မှ ဆက်သွယ် မေးမြန်းသည်ကို ပြန်လည် ဖြေကြားခဲ့သည်။

နန်းခင်ဇေယျာက ““ ညီမအနေနဲ့တော့ ဘာမှမဖြစ်ပါဘူး။ ညီမ ထင်တာတော့ ပုံနှိပ်တာ ရိုက်တဲ့လူ မှားသွားလို့ပါ။ လူတိုင်းက အလုပ်တွေ များတာနဲ့အမျှ အမှားလည်း ရှိနိုင်တယ်လေ။ လူတိုင်းက သဘောပေါက်မှာပါ။ အဲဒါ မှားယွင်းမှုလို့ နားလည်ကြမှာပါ”” ဟု မြန်မာသံတော်ဆင့်သို့ ပြောသည်။

အဆိုပါ အထိမ်းအမှတ် ပွဲစဉ်တွင် မြန်မာ့ လက်ရွေးစင်ဟောင်းများ ဘောလုံးအသင်းနှင့် မြန်မာ နိုင်ငံ ရုပ်ရှင် အစည်းအရုံး အမျိုးသား ဘောလုံးအသင်းတို့ ချစ်ကြည်ရေး ယှဉ်ပြိုင် ကစားခဲ့ကြရာ မြန်မာ့ လက်ရွေးစင်ဟောင်းများ အသင်းက ၂-၁ ဖြင့် အနိုင်ရခဲ့သည်။




အပြည့်အစုံသို့ »

နိုဝင်ဘာနှင့် ဒီဇင်ဘာတို့တွင် အပြီးသတ်နိုင်မည်ဟု ခန့်မှန်းထားသော Shangrila Residence နှင့် Rose Garden ဟိုတယ်တို့မှ ဆီးဂိမ်းအမီ အခန်းများရရှိရေး ၀န်ကြီးဌာနနှင့် ညှိနှိုင်းဆဲ - Eleven Media Group




နိုဝင်ဘာနှင့် ဒီဇင်ဘာတို့တွင် အပြီးသတ်နိုင်မည်ဟု ခန့်မှန်းထားသော Shangrila Residence နှင့် Rose Garden ဟိုတယ်မှ ဆီးဂိမ်းအမီ ပမာဏ အခန်းများရရှိရေး ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနနှင့် ညှိနှိုင်းဆဲဖြစ်ကြောင်း သိရသည်။

၂၀၁၃ ခုနှစ် ဒီဇင်ဘာလတွင် လက်ခံ ကျင်းပတော့မည့် ဆီးဂိမ်းပြိုင်ပွဲတွင် ဟိုတယ်အခန်းများ လိုအပ်ချက်မှာ ရန်ကုန်နှင့် နေပြည်တော်တို့တွင် အဓိက လိုအပ်လာမည်ဟု ၀န်ကြီးဌာနမှ သုံးသပ်ထားပြီး အဓိကထား ဖြည့်ဆည်းရမည် ဖြစ်သည့်အတွက် ရန်ကုန်တွင် ပြင်ဆင်ဆောက်လုပ်နေဆဲ ဖြစ်သည့် ဟိုတယ်၊ အဆောက်အအုံများထဲမှ Shangrila Residence နှင့် Rose Garden ဟိုတယ်မှ လိုအပ်သည့် အခန်းအရေအတွက် ရရှိရန် ဟိုတယ်နှင့် ခရီးသွားလာရေး ၀န်ကြီးဌာနမှ ညှိနှိုင်းမှုများ ပြုလုပ်နေခြင်း ဖြစ်ကြောင်း သိရသည်။

ယင်းဟိုတယ်များမှာ အခန်း ၂၄၀ နှင့် အခန်း ၃၀၀ စီတို့ ရှိမည်ဖြစ်ပြီး အမှန်တကယ် ပြီးစီးခဲ့မည် ဆိုပါက ရန်ကုန်တွင် ကျင်းပမည် ဖြစ်သော ဆီးဂိမ်းပြိုင်ပွဲအတွက် အခန်းများမှာ လုံလောက်မည် ဖြစ်ကြောင်း ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနမှ ညွှန်ကြားရေးမှူး ဦးလှိုင်ဦးက ဆိုသည်။

''Shangrila Residence ကတော့ နိုဝင်ဘာမှာ ဖွင့်ပွဲလုပ်နိုင်မယ်လို့တော့ သိထားတယ်။ အဲဒီမှာ သူတို့ဘက်ကလည်း တတ်နိုင်သလောက် ရရှိနိုင်အောင် လုပ်ဆောင်နေတယ်။ နောက်ပြီး Rose Garden ဟိုတယ်ဆိုလည်း နဂိုကတည်းက ဒီဇင်ဘာအတွင်းမှာ အပြီးသတ်နိုင်မယ်လို့ တင်ထားပြီးသားဖြစ်တယ်။ အဲဒီအတွက် ကျွန်တော်တို့ အနေနဲ့ လိုသလောက် အခန်းရရှိနိုင်မယ်လို့ ထင်ပါတယ်'' ဟု ဦးလှိုင်ဦးက ပြောကြားသည်။

Shangrila Residence နှင့် Rose Garden ဟိုတယ်မှာ ဟောင်ကောင်နှင့် ထိုင်းနိုင်ငံတို့မှ ရင်းနှီးမြှုပ်နှံထားသည့် အဆောက်အအုံများ ဖြစ်ပြီး ယခုနောက်ပိုင်း မြန်မာနိုင်ငံ၏ ခရီးသွားဧည့်သည် အဆမတန် မြင့်တက်လာမှုကြောင့် ပြန်လည်ပြင်ဆင်ကာ ဖွင့်လှစ်မည် ဖြစ်သည်။

လာမည့် ဆီးဂိမ်းအတွက် ရန်ကုန်-နေပြည်တော်-မန္တလေးတို့တွင် ဆီးဂိမ်းပြိုင်ပွဲအတွက် ဟိုတယ် ၈၆ လုံးမှ အခန်းပေါင်း ၇၀၀၀ ကျော် ထားရှိမည်ဖြစ်ပြီး ရန်ကုန်တွင် Sedona၊ Traders ဟိုတယ်များ အပါအ၀င် ဟိုတယ် အလုံးပေါင်း ၃၃ လုံးရှိ အရန်အခန်းများ အပါအ၀င် ၁၀၂၆ ခန်း ထားရှိမည် ဖြစ်ကြောင်း သိရသည်။

(ထိုင်းနိုင်ငံ၏ ရင်းနှီးမြှုပ်နှံ တည်ဆောက်နေသော Rose Garden ဟိုတယ်ကို တွေ့ရစဉ်)

အပြည့်အစုံသို့ »

မန္တလေး ရတနာပုံ၊ တရုတ်နဂါးနဲ့ သီတင်းကျွတ် - irrawaddy


မန္တလေးတွင် သီတင်းကျွတ် ကာလအတွက် ပြင်ဆင်ထားသည့် မီးပုံး အရောင်းဆိုင် တဆိုင်ကို တွေ့ရစဉ် (ဓာတ်ပုံ – တေဇလှိုင် / ဧရာဝတီ)
“… ရွှေနန်းတော်ဦး စွယ်တော်စင် ဘုရားမှာပူဇော်ရန် ရောင်စုံမီး၊ ဥပါမီး၊ မီးလင်းမြွေ စသော မီးပုံး အမျိုးမျိုး၊ မီးပဒေသာ၊ မီးတံခွန်၊ မီးပန်း၊ မီးရဟတ်၊ ဆင်သံ၊ မြင်းသံ စသော ရှို့မီး အမျိုးမျိုး။ တစ်ဆဲ့ခြောက်ဌာန ဘုရားရှင်တို့အား မီးစောင်းတန်း သွယ်တန်း ပူဇော်တော်မူရန်။ အရပ်ရပ် မီးစောင်းတန်း၊ လမ်းအရှည်တာ တသောင်းခြောက်ထောင်၊ တစ်တာလျှင် သုံးလုံးကျ။ မှန်မီးလုံးရေ လေးသောင်းရှစ်ထောင်။ တစ်ညလျှင် လေးလဲကျ။  ခြောက်ညသင့် ကျောက်ဖုယောင်းတိုင်ပေါင်း  တသန်း  တသိန်း ငါးသောင်း နှစ်ထောင်။ ပန်းထီးကိုးထောင်ကျော်။ ပန်းတံခွန် ကိုးထောင်ကျော်မှစ၍အလှူတော် အဘွယ်အရာများကို အစီအစဉ် အခမ်းအနား မျိူးတူမျိုးခြား ပွဲသဘင်စုံများနှင့်တကွ တောင်စမုတ်တော်သို့သွင်းပြရာ။ အသျှင်နှစ်ပါး ထွက်တော်မူ၍ ရေစက်သွန်းချတော်မူပြီးလျှင် …”

(မူရင်းသတ်ပုံ ကုန်းဘောင်ခေတ် မဟာရာဇဝင် ဇာတ်တော်ကြီးမှ)

မန္တလေး ရတနာပုံခေတ်၊ သီပေါမင်း နန်းတက်စဉ်ကာလ၊ သက္ကရာဇ် ၁၂၄၄ ခုနှစ်၊ သီတင်းကျွတ်လ၊ ဆီမီးမြင့်မိုရ်ပွဲတော် ခင်းကျင်း လှူဒါန်းပုံတွေကို ကုန်းဘောင်ခေတ် မဟာရာဇဝင်တော်ကြီးမှာ မှတ်တမ်းတင်ထားတာထဲက  ထုတ်နုတ်ပြတာပါ။

တကယ်တော့ ဆယ့်နှစ်လရာသီ ပွဲတော်များအနက် သီတင်းကျွတ်လ ဝါကျွတ်အလှူ ပွဲတော်ကို ရှင်ဘုရင်က ဦးစီးပြီး အခမ်းအနား ကျင်းပခဲ့ပုံဟာ  အံ့ဘနန်းပါပဲ။ ဒီအစီအစဉ်တွေကြောင့် မန္တလေးရဲ့ သီတင်းကျွတ် ပွဲတော်တွေက အမွေ ဆက်ခံပြီး ခမ်းနားကြီးကျယ်စွာ ကျင်းပခဲ့တယ်လို့ သဘောပေါက် ရပါတယ်။ ရတနာပုံ မန္တလေးနေပြည်တော် နန်းမြို့တော် အတွင်း လွှတ်တော် မြောက်ဘက်မှာ အရှေ့မြင်းမိုရ်နဲ့ ရုပ်စုံစင်ရှိသတဲ့။ မြင်းမိုရ်ဆိုတာက … မြတ်စွာဘုရား ယခင်က ဝါတွင်းသုံးလ တာဝတိံဿနတ်ပြည်မှာ မယ်တော်မိနတ်သား အမှူးပြုပြီးနတ် ဗြဟ္မာသိကြားတို့ကို အဘိဓမ္မာ တရားများဟော ကြားပြီး မြင်းမိုရ်တောင်က သင်္ကဿနဂိုရ်ပြည်ကို ရွှေ၊ ငွေ၊ ပတ္တမြား စောင်းတန်းတွေနဲ့ နတ်များ ဗြဟ္မာများ ခြံရံဆင်းသက်ပုံကို ပမာပြုပြီး ဆီးမီး ရောင်စုံနဲ့ မြင်းမိုရ်တောင် အလား ပြင်ဆင် ထွန်းညှိပူဇော်တာကို ဆိုလိုတာပါတဲ့။

အရှေ့မြင်းမိုရ်၊ အနောက် မြင်းမိုရ်တွေအပြင် ဝင်းတော်လေးမျက်နှာမှာ ရွှေဆင်တော် ထားဖို့ တန်စောင်း လေးရပ်နဲ့ ရုပ်စုံစင် မြေနန်းတော် ယာဘက် ယာယီစံနန်းတော်နဲ့ အရှေ့ဝင်္ကပါ၊ အနောက်စမုတ်တော် ဝဲယာမှာ လေးကျွန်း မြင်းမိုရ်ဝင်္ကပါ တော်တို့ကိုလည်း ပြင်ဆင်ထားရှိပါသည်။ စက်ယန္တရားတွေနဲ့ လုပ်ဆောင်ရတဲ့ ပါရသီဇာတ်ရုံတော်ကြီးနဲ့ ဇာတ်ရုံဝဲယာမှာ အခြေ စက်ဘီးတပ် လက်ရှပ် ရုပ်စုံစင်တော်လည်း ရှိသတဲ့။

ရွှေမြို့တော် အတွင်းက တဆယ့်ခြောက်ဌာန ဘုရားရှင်တွေမှာလည်း ရုပ်စုံစင်တော် အလုပ်အဆောင်တွေ၊ ရွှေထီးစိုက် တန်ဆောင်း စင်ရှင်တွေ။ ဘုရားရှင်များလှူဒါန်းဖို့ ရွှေဆင်တော် လေးစီး၊ ဆင်နီတော် တစီး အလုပ်အဆောင်တွေ။ ဒီနောက် အလုပ်ရုံဌာန အရာရှိ၊ ဆင်ဝန်အရာရှိ၊ မြင်းဝန်အရာရှိ၊ လှေဖောင်အရာရှိ၊ ကျီဝန်အရာရှိ၊ တရုတ်၊ ကုလား၊ ယိုးဒယား၊ လင်းဇင်း၊ မီးပန်းအရာရှိတွေက အဲဒီ တဆယ့်ခြောက်ဌာန ဘုရားရှင်တွေဆီကို ရွှေနန်းတော်ကြီးကနေ မီးစောင်းတန်း သွယ်တန်းပြီး ပူဇော်ကြဖို့  စီမံဆောင်ရွက်ကြရ သတဲ့။ ရွှေနန်းတော်ကြီးက မဟာမြတ်မုနိ ဘုရားကြီးဆီ မီးစောင်းတန်းသွယ် တန်းရာမှာ ဝဲယာမီးတိုင်တွေ၊ နိုင်ငံခြားဖြစ် ပန်းမျိုးစုံ၊ ပြည်တွင်းဖြစ် ဖော့ပန်းမျိုးစုံ၊ ပန်းထီး၊ ပန်းဆိုင်း၊ ပန်းတံခွန် အမျိုးမျိုး ပြင်ဆင်ကြရသတဲ့။ သီတင်းကျွတ်လဆန်း ကိုးရက်နေ့ကနေ လဆန်း တဆယ့်လေးရက်နေ့အထိ ဝင်းတော်လေးမျက်နှာ ရုပ်စုံစင်တွေက ညစဉ်တပြိုင်တည်း ခင်းကျင်းကပြကြတယ်။ ဝင်းတော်လေးမျက်နှာက ဝင်းတော်အမှုတော်၊ ယွန်းစုအမှုထမ်းတွေက ရွှေဆင်တော်၊ ဆင်နီတော်တွေကို တန်ဆောင်းဆင်ရှင်နဲ့ အတူ ထမ်းဆောင်ပြီး အတီးအကတွေနဲ့ မှူးတော်  မတ်တော် အရာရှိတို့ နေအိမ်တွေဆီ သွားရောက် တီးမှုတ်ကခုန်ကြတော့ ဆုလာဘ်တွေ ချီးမြှင့်ကြသတဲ့။ လေးမျက်နှာဝင်းပွဲတော်က သီတင်းကျွတ်လဆန်း တဆယ့်လေးရက်မှာ သိမ်းပါတယ်။

သီတင်းကျွတ် လပြည့်ကျော် ၁ ရက်နေ့မှာတော့ စွယ်တော်စင်ဘုရား၊ လောကဆီမီးဘုရား၊ မဟာလောက မာရဇိန်ဘုရားစတဲ့ တဆယ့်ကိုးဆူသော ရုပ်ပွားစေတီတော်တွေကို လှူဒါန်းပူဇော်မယ့် ရောင်စုံဆီမီးတွေ၊ မီးလင်းမြွေစတဲ့ မီးပုံးအမျိုးမျိုး၊ မီးပဒေသာ၊ မီးတံခွန်၊ မီးပန်း၊ မီးရဟတ်၊ ရှို့မီးအမျိုးမျိုး။ တဆယ့်ခြောက်ဌာန ဘုရားရှင်တွေဆီ မီးစောင်းတန်း သွယ်တန်း ပူဇော်မယ့် အရှည်ဟာ တာတသောင်းခြောက်ထောင် (၃၄ မိုင်ဝန်းကျင်) စုစုပေါင်း အရှည် အရှိမှာ တတာ (၁၀ ပေကျော်ခန့်) အတွင်း မီးမှန်အိမ် သုံးလုံးနှုန်းနဲ့ မီးအိမ်လုံးရေ ၄၈၀ဝ၊ တညမှာ ၄ ကြိမ် လဲလှယ်ထွန်းမယ်၊ ခြောက်ညအတွက် ကျောက် ဖရောင်းတိုင်ပေါင်း ၁၁၅၂၀ဝ၀၊ ပန်းထီး ၉၀ဝ၀ ကျော်၊ ပန်းတံခွန် ၉၀ဝ၀ ကျော်ကို အလှူတော် အဖွယ်အရာ အစီအစဉ် အခမ်းအနား မျိုးတူ မျိုးခြား ပွဲသဘင်စုံတွေနဲ့ တောင်စမုခ်တော်မှာ ခင်းကျင်းပြသပြီး အရှင်နှစ်ပါးက ထွက်တော်မူ ရေစက် သွန်းချသတဲ့။ ပြီးတာနဲ့ သက်ဆိုင်ရာ ဘုရားတွေဆီကို တာဝန်ပေးထားတဲ့ မှူးမတ် အရှာရှိတွေကတဆင့် လှူဒါန်း စေခဲ့တယ်။

မီးစောင်းတန်းတွေ သွယ်တန်းပူဇော်တဲ့ ဘုရားတွေက ရွှေနန်းတော်ကြီးကို ဗဟိုပြုပြီး၊ စန္ဒာမုနိဘုရား၊ ကုသိုလ်တော်ဘုရား၊ ကျောက်တော်ကြီးဘုရား၊ မန္တလေးတောင် ဗျာဒိတ်ပေးဘုရား၊ တောင်ထိပ်စေတီတော် ဘုရားဆီအထိ တလမ်း။ ဦးထိပ်တံခါးမှ ရတနာနဒီမြစ်ကို ကျော်ပြီး မင်္ဂလာဥယျာဉ်တော်၊ ၎င်းမှ တောင်သို့ မာရ်အောင်ရတနာ စေတီဘုရား (ဝါခင်းကုန်း ဘုရား) အထိ တလမ်း။ ကျော်မိုးတံခါး (မင်္ဂလာတံခါး) မှ တောင် မဟာဗောဓိညောင်ပင်သို့ တလမ်း။ ကျော်မိုးတံခါး (မင်္ဂလာတံခါး) လမ်းဆုံမှ အနောက်မဟာ လောကရုံသီ စေတီတော် (အိမ်တော်ရာ ဘုရား) သို့ တလမ်း၊ ယင်းမှ အနောက် ချမ်းသာကြီးဘုရား၊ ယင်းမှ တောင်ချမ်းသာရ ဘုရားသို့ တလမ်း။ ရွှေမြို့တော် အနောက်တောင်၊ တရုတ်တန်း လမ်းဆုံမှ တောင်ဘက် မဟာမုနိဘုရား၊ ယင်းမှ ရှင်ပင်းအုံ အင်းဘုရားသို့ တလမ်း။ ရွှေနန်းတော် အနောက်ဘက်တံခါးမှ တောင်ဘက် လောကဆီမီးဘုရားသို့ တလမ်း။ စည်ရှည်တံခါးမှ ဆုတောင်းပြည့် ဘုရား၊ ၎င်းမှ ရွှေကြီးမြင်ဘုရား၊ ၎င်းမှ ရတနာမဉ္ဇူ ဘုရားအရောက် တလမ်း။ အရပ်ရပ် ဝဲယာနှစ်ဘက်ပေါင်း စုစုပေါင်း တာတသောင်း ခြောက်ထောင်အရှည် မီးစောင်းတန်း အသွယ်သွယ် ထွန်းညှိ ပူဇော်ကြသတဲ့။

သီတင်းကျွတ် လပြည့်ကျော် ၁ ရက်နေ့မှ ၃ ရက်နေ့ အထိ မီးစောင်းတန်းများ အသွယ်သွယ် ထွန်းညှိတဲ့အခါ ရုပ်စုံပွဲ သဘင် များကိုလည်း ဘုရားစေတီ အသီးသီးမှာ တီးမှုတ်ဖျော်ဖြေစေတယ်။ ဒါမျှသာမ မီးစောင်းတန်း တလျှောက်မှာလည်း တညဥ့်လုံး တူရိယာသံ မပြတ်စေရဘူးတဲ့။ လမ်းတလျှောက် တီးမှုတ်ကခုန်နိုင်ကြဖို့ ဗုံရှည်၊ ဒိုးပတ်၊ အိုးစည် စတဲ့ တူရိယာအစုံ ငါးဆယ်ကျော်။ အတီးအက လူငါးရာကျော်ကို ပုဆိုး၊ ပုဝါ၊ အင်္ကျီ အစုံအလင် အပြင် တညကို ငွေကျပ် ဒင်္ဂါးနှစ်ပြားစီ ဆုတော်ငွေ ပေးကာ နန်းတော်က ဘုရားဆီအထိ တဦးရောက် တဦးပြန် တီးမှုတ် ကခုန်စေသည်။

ဇာတ်ရုံတော် ကြီးတွေမှာလည်း ယိုးဒယားကြီး အတီးအက၊ မြန်မာဇာတ်ကြီး အတီးအက၊ ကုလားပါရသီ ဇာတ်ကြီး အတီးအက၊ ဂျွမ်းထိုး၊ တိုင်တက်၊ ကြိုးတန်းလျှောက်တဲ့ ပွဲတွေအပြင် ရုပ်စုံသဘင် တွေကလည်း ကပြကြနဲ့ ခြိမ့်ခြိမ့် သည်းသည်း ပါပဲ။

ကိုင်း …

ထူးခြားတာက ရတနာပုံ နေပြည်တော်က ကြီးကျယ်ခမ်းနားလှတဲ့ သီတင်းကျွတ်ပွဲတော်ကို မန္တလေး ရတနာပုံ နေပြည်တော် မှာ နှစ်စဉ်မပျက် ကျင်းပပုံကို ကုန်းဘောင်ခေတ် မဟာရာဇဝင်တော်ကြီးက “မြင်းမိုရ် နှစ်ရပ်တွင်လည်း၊ ညနေသုံးချက်တီးခန့် အချိန်က၊ လေးချက်တီး ကျော်အချိန်ထိမှာ ယိုးဒယားဇာတ်ကြီး အတီးအက၊ မြန်မာဇာတ်ကြီး အတီးအက၊ ဂျွမ်းထိုး၊ တိုင်တက်၊ ကြိုးတန်းလျှောက်၊ တရုတ်နဂါး အတီးအက အစုံများကို ခင်းကျင်း ပြသရသည်။ ညလေးချက်တီး ကျော်အချိန်က ညဥ့်နှစ်ချက် တီးကျော် အချိန်ထိမှာ ရုပ်စုံပွဲ သဘင်ခင်းကျင်း ပြသရသည်” လို့ မှတ်တမ်းတင်တာကြောင့် မန္တလေးရတနာပုံနဲ့ တရုတ်နဂါးက ရှေးကတည်းက တွဲဖက်ပါဝင်နေကြောင်းပါဗျာ။

အပြည့်အစုံသို့ »

မြန်မာနိုင်ငံတွင် ကားစက်ရုံ တည်ဆောက်ရန် မလေးအေပီအမ် ခွင့်ပြုချက်ရ - Mizzima - News in Burmese


မလေးရှားနိုင်ငံမှ အေပီအမ် မော်တော်ကားလုပ်ငန်းစုအား မြန်မာနိုင်ငံတွင် ကားအစိတ်အပိုင်းများနှင့် မော်ဒယ်များ ထုတ်လုပ်ရောင်းချရန်အတွက် စက်ရုံတစ်ခုတည်ဆောက်ခွင့်အား မြန်မာ့ရင်းနှီးမြှုပ်နှံမှု ကော်မရှင် (MIC) မှ ချပေးခဲ့ပြီဖြစ်သည်။

ထို့ကြောင့် အေပီအမ်အနေဖြင့် APM Auto Components Myanmar Co., Ltd. ဟူသော အမည်ဖြင့် ပဲခူးတိုင်းဒေသကြီးအတွင်း၌ ၁၂ ဟက်တာ ကျယ်ဝန်းသော စက်ရုံတစ်ရုံအား တည်ဆောက်ခွင့် ရရှိတော့မည် ဖြစ်သည်။

စက်ရုံတည်ဆောက်ရန်ခွင့်ပြုလွှာအား မြန်မာနိုင်ငံရှိ အေပီအမ်၏ ဌာနခွဲများဖြစ်သော APM Auto-motive Myanmar Ltd. နှင့် APM Automotive Indochina Ltd. တို့က တင်ပြခဲ့ခြင်းဖြစ်သည်ဟု အေပီအမ်မှ ဗုဒ္ဓဟူးနေ့ က ပြောသည်။

ထို့အပြင် ပထမသုံးနှစ်အတွင်း စက်ရုံတည်ဆောက်ခြင်း၊ စက်ပစ္စည်းများနှင့် အစိတ်အပိုင်းများ ၀ယ်ယူခြင်းတို့ အတွက် အရင်းအနှီးမှာ ကန်ဒေါ်လာ ကိုးသန်းရှိသည်ဟု ခန့်မှန်ထားပြီး လိုအပ်သောငွေကြေးအား ကုမ္ပဏီ စိုက်ထုတ်သွားမည်ဖြစ်သည့်အပြင် ပြင်ပမှလည်း ချေးငှားသွားမည်ဟု ဖော်ပြထားသည်။

စက်ရုံတည်ဆောက်ခြင်းအား MIC မှ ခွင့်ပြုခဲ့သည့်အချိန်မှ တစ်နှစ်အတွင်း စတင်တည်ဆောက်သွားမည်ဖြစ်ပြီး သုံးနှစ်အတွင်း ပြီးဆုံးလိမ့်မည်ဟု မျှော်လင့်ထားကြောင်း အေပီအမ်က ပြောသည်။

APM Myanmar အနေဖြင့် ရင်းနှီးမြှုပ်နှံခွင့် ကန်ဒေါ်လာ ၁၀ သန်းရရှိထားပြီး ရှယ်ယာအစုပေါင်း ၁၀သန်း ခန့်ရှိကာ တစ်စုလျှင် ကန်ဒေါ်လာ တစ်ဒေါ်လာခန့် တန်ကြေးရှိသည်။

“ကုမ္ပဏီမှစိုက်ထုတ်ရန် လိုအပ်သည့် အနိမ့်ဆုံးအရင်းပမာဏမှာ ကန်ဒေါ်လာ ၁၅၀,၀၀၀ ဖြစ်ပြီး ကန်ဒေါ်လာ ၇၅,၀၀၀ ခန့်အားပေးပြီး ဖြစ်သည်”ဟုလည်း ကုမ္ပဏီက ပြောကြားခဲ့သည်။

စက်ရုံတည်ဆောက်အသုံးပြုခွင့်အား ပဲခူးတိုင်းဒေသကြီး အစိုးရနှင့် အေပီအမ်မြန်မာတို့အကြား မြေအသုံးပြုခွင့် သဘောတူညီချက်အား လက်မှတ်ရေးထိုးပြီးသည့်အချိန်မှ စတင်ကာ နှစ်ပေါင်း ၅၀ အသုံးပြု ခွင့်ရမည်ဖြစ်သည်။ သက်တမ်းကုန်ဆုံးသွားပါးက ၁၀ နှစ်တာ သက်တမ်းတိုးခြင်းအား နှစ်ကြိမ်တိုင်တိုင် ပြုလုပ်နိုင်မည်ဖြစ်သည်။

အောင်မင်း ဘာသာပြန်သည်


အပြည့်အစုံသို့ »