Miss Universe ၂၀၁၃ တို့ရဲ့ အလှပဆုံး swimming suit ဒါမှမဟုတ် two pieces ဓာတ်ပုံများ














Miss Universe 2013 -Yamamay Fashion Show

မြန်မာအလှမယ်အပါအ၀င်Australia, Bahamas, Brazil, Chile, Colombia, Costa Rica, Croatia, Czech Republic, Dominican Republic, Ecuador, Gabon, Germany, Israel, Italy, Peru, Singapore နဲ့  USAအလှမယ်တို့ အလှမယ်၁၈ဦးပါဝင်နွှဲတဲ့Yamamay Fashion Show(2014 YAMAMAY FOR MISS UNIVERSE swimwear collection.)

Popular Journal

အပြည့်အစုံသို့ »

ပြည်ခိုင်ဖြိုးပါတီက အခြေခံဥပဒေပြင်ရန်ပထမဆုံးဆွေးနွေး


ရန်ကုန်၊အောက်တိုဘာ၂၇

ပြည်ခိုင်ဖြိုးပါတီကသမ္မတအရည်အချင်းအပါအ၀င်ဖွဲ့စည်းပုံအခြေခံဥပဒေပြင်ဆင်ရေးကို
တောင်ငူတွင်ယနေ့မနက်၁၀နာရီကစတင်ဆွေးနွေးခဲ့ ကြောင်းတောင်ငူမြို့နယ၊်ပြည်ခိုင်ဖြိုး ပါတီကော်မတီဝင် ဦးညီညီထွန်း ကပြောကြားသည်။

“တစ်နိုင်ငံလုံးမှာတောင်ငူကပထမဆုံးခရိုင်အဆင့်အရင်ဆုံးဆွေးနွေးတာပါ”ဟု၎င်းက
ဆက်လက်ပြောကြား သည်။

အခြေခံဥပဒေပြင်ဆင်ရေးအတွက်ဆွေးနွေးမှုတွင်တောင်ငူမြို့နယ်မှအချက်ငါးချက်ကို
အဓိကဆွေးနွေးမည်ဖြစ် ပြီး အခန်း(၅)ပုဒ်မ(၂၈၆) (၂၈၈)(၂၈၉)တို့တွင်ပါရှိသောခရိုင်အဆင့် အုပ်ချုပ်ရေးမှူးများကိုနိုင်ငံ့ဝန်ထမ်း များ ကိုသာ တာဝန်ပေးသင့်သည်ဟူသောနေရာတွင်လည်းကောင်း၊ ရပ်ကျေးအုပ်ချုပ်ရေးမှူးများ ကိုဥပဒေအရတာ ၀န်ပေးအပ့်သင့်သည်ဟူသော နေရာတွင်လည်းကောင်း ပြည်သူ့ဆန္ဒအတိုင်းရွေးချယ်သင့်သည်ဟု ပြောင်းလဲရန်တို့ကို ဆွေးနွေးခဲ့ ကြောင်း ဦးညီညီထွန်းကရှင်းပြသည်။

“ပုဒ်မ၄၀၂(ခ)မှာပါတဲ့ပြည်ထောင်စုရွေးကောက်ပွဲကော်မရှင်ရဲ့ဆုံးဖြတ်ချက်တွေထဲကနိုင်ငံရေးပါတီ
ဆိုင်ရာဥပ ဒေအရဆောင်ရွက်သင့်တဲ့ကိစ္စတွေက တရားလွှတ်တော်ချုပ်ရဲ့တရားစီရင်ပိုင်ခွင့် အာဏာအတွင်းမှာသာရှိသင့် တယ်”ဟုတောင်ငူမြို့နယ်ပြည်ခိုင်ဖြိုးကော်မတီဝင်တစ်ဦးကပြောသည်။
“ပုဒ်မ(၂၃၂)ည(၂)အရဆိုရင်ဝန်ထမ်းနဲ့တပ်မတော်သားတွေကအကျိုးခံစားခွင့်မညီဘူးခွဲခြားထားတာ မျှတမှုမရှိဘူးအဲ့တာကြောင့်အဲ့ဒီအချက်တွေကိုပယ်ဖျက်သင့်တယ်”ဟု၎င်းရှင်းပြသည်။

သမ္မတဖြစ်ခွင့်ရှိသည့်စည်းကမ်းများတွင်အခြားသောအုပ်ချုပ်ရေးစီးပွားရေးများစသည့်အမြင်ရှိရမည်ကို လက်ခံ သော်လည်းစစ်ရေးအမြင်ရှိရမည်ဟူသော နေရာတွင်တပ်မတော်တွင်တာဝန်ထမ်းဆောင်ဖူးသူ ဟူသောသဘောမသက်ရောက်ရန်ပြင်ဆင်သင့်ကြောင်းနှင့်မြန်မာနိုင်ငံရဲတပ်ဖွဲ့အတွက်သီးခြား ဥပဒေပြကဌာန်းပေးနိုင်ရေးတို့ကိုလည်းလုပ်ဆောင်သင့်ကြောင်းဦးညီညီထွန်းကဆိုသည်။

“ပြည်သူတွေကြိုက်အောင်ကောင်းပါတယ်လုပ်သင့်တာပေါ့နိုင်ငံရေးပါတီအနေနဲ့လုပ်သင့်ပါတယ်”ဟု ရန်ကုန် တိုင်းနှင့်ဧရာဝတီတိုင်းအတွင်းအခြခံဥပဒေပြင်ဆင်ရေး ဆွေးနွေးပွဲများပြုလုပ်သူ ဦးကျော်ဟိုးကပြောကြားသည်။

ပြည်သူတွေအတွက်ပါတီများက လုပ်ဆောင်ပေးခြင်းဖြင့်ရွေးချယ်မှု ကောင်းကောင်းရလာနိုင်ကြောင်း နှင့်ပြည်သူ များအတွက်လက်တွေ့ဆန်သောပြုပြင်ပြောင်းလဲမှုများ လုပ်နိုင်သော ပါတီကိုပြည်သူများ လက်တွေ့ကျကျသိလာနိုင်ကြောင်း၎င်းကဆက်လက်ပြောသည်။

“အောက်ခြေအထိရောက်လာတာနဲ့အမျှပြည်သူတွေစိတ်ဝင်စားမှုပိုလာနိုင်တယ်ဧရာဝတီတိုင်းမှာတော့
အခြေခံဥပဒေပြင်မလားအသစ်ရေးမလား ဆိ်ုတာကိုဆန္ဒကောက်တော့ရာနှုန်းပြည့်ပြင်တာကို အားပေးတယ်”ဟု၎င်းကဆက်လက်ပြောသည်။

လက်ရှိပြုလုပ်နေသောဖွဲ့စည်းပုံအခြေခံဥပဒေပြင်ဆင်ရေးဆွေးနွေးပွဲနှင့် ပက်သတ်ပြီး နေရာအခက်ခဲများ ရှိသော်လည်းလာရောက်ကြသောပြည်သူများကြောင့်ကျေနပ်အားရမှုများရှိကြောင်း အမျိုးသားဒီမိုကရေစီအဖွဲ့ချုပ် ရန်ကုန် ၊ဧရာဝတီတိုင်းဒေသကြီး ဖွဲ့စည်းပုံအခြေခံဥပဒေပြင် ဆင်ရေးကော်မတီဝင် ရှေ့နေဦးကျော်ဟိုးကဆိုသည်။

မောင်မျိုး - People power

အပြည့်အစုံသို့ »

မီးဖိုခန်းမှ အိမ်ရှင်မတို့၏ အကြောက်တရား


“ယောက်ျားက မျှစ်ကြော်စားချင်တာ မဝယ်ကျွေးရဲဘူး”
ထိုစကားသံမှာ အိမ်ရှင်မ တစ်ဦးဖြစ်သူ ဒေါ်စန်းက စိုးရိမ်စိတ်ဖြင့် ပြောလိုက်သော စကားသံ ဖြစ်သည်။ ဈေးထဲတွင် ရောင်းချနေသော မျှစ်များသည် အနီရောင် ဆိုးထားသောကြောင့်ဟု ၎င်းကဆိုသည်။
မီးဖိုချောင် စားသောက်ကုန်များတွင် အရောင်ဆိုးထားသည်က မျှစ်တစ်ခုတည်း မဟုတ်။ ငရုတ်သီးမှုန့်၊ ငါးပိ၊ ငရုတ်ဆီ၊ လက်ဖက်၊ ပုစွန်ချဉ်စသည့် စားသောက်ကုန် များတွင်လည်း ဆိုးဆေး အန္တရာယ်က ရှိနေသည်။

မြန်မာနိုင်ငံ၏ စားသောက်ကုန်များသည် တစ်နှစ်တစ်မျိုး မရိုးရအောင် အမျိုးအစားများ တစ်လှည့်စီဖြင့် စားသုံးရန် မသင့်သော စားသောက်ကုန်များ စာရင်းတွင် ထည့်သွင်းခံရာကာ ကင်ဆာ ဖြစ်စေနိုင်သော ဓာတုဗေဒ ရောနှောထားသည့် အစားအသောက်များ ဖြစ်၍ တားမြစ်သည်၊ စားသုံးရန်မသင့်သော အစားအစာများအဖြစ် သတ်မှတ်သည် စသည်အကြောင်း ပြချက်များဖြင့် သက်ဆိုင်ရာ အစိုးရအဖွဲ့က ထုတ်ပြန်လေ့ရှိသည်။

စားသောက်ကုန်တွင် ဆိုးဆေး အသုံးပြုမှုနှင့် ပတ်သက်၍ အများစုသည် စားသုံးသူတို့၏ ကျန်းမာရေးကို ထိခိုက်စေနိုင်သည့် Auramine-O နှင့် Rhodamine-B စသည့် ဆိုးဆေးများ အသုံးပြုခြင်း ဖြစ်သည်ဟု ကျန်းမာရေးဝန်ကြီးဌာနက ထုတ်ပြန်ဖူးသည်။

ဆိုးဆေး အန္တရာယ်ကြောက်သည့် လှိုင်မြို့နယ်မှ အသက် ၄၈ နှစ်အရွယ်ရှိသူ အိမ်ရှင်မတစ်ဦးဖြစ်သူ ဒေါ်စန်းက “ငရုတ်သီးကို အခြောက်ဝယ်ပြီး ကိုယ့်ဟာကိုယ်ပဲ ကြိတ်တယ်။ အသင့်လုပ်တွေ မဝယ်စား တော့ဘူး” ဟု ဆိုပါသည်။

မြန်မာနိုင်ငံတွင် စားသောက်ကုန်များတွင် ဆိုးဆေး ထည့်သွင်းသည့် ပြဿနာသည် စီးပွားရေး လောဘသားတို့ကြောင့် စားသုံးသူများအပေါ် ခြိမ်းခြောက်နေသည်မှာ ဆယ်စုနှစ်ခန့် ရှိပြီ ဖြစ်သည်ကို ယင်းကာလတစ်လျှောက် ထုတ်ပြန်မှု ပြုလာခြင်း တို့ကြောင့် သိရသည်။

ယင်းသို့ ဆိုးဆေးပါ အစားအသောက်များ ဈေးကွက်နှင့် စားသုံးသူများကြား ဆက်လက် ရှင်သန်နေသည်မှာ ကျန်းမာရေး ဗဟုသုတ အားနည်းခြင်းကြောင့်လော၊ ယင်းကို ထိန်းချုပ်ရန် ဥပဒေ အားနည်းခြင်းကြောင့်လော၊ တာဝန်ရှိသူတို့က ကြပ်မတ်ရန် လာဘ်စားမှုများ ရှိနေခြင်းကြောင့်လော ဟူ၍ မွေးခွန်းထုတ်စရာ ဖြစ်လာသည်။
ထိုစားသောက်ကုန်များသည် ပြည်တွင်းတွင် သာမက ပြည်ပသို့ တင်ပို့သော စားသောက်ကုန် များတွင်လည်း ဆိုးဆေးများ ပါဝင်မှုကြောင့် နိုင်ငံတကာတွင်လည်း မြန်မာ့စားသောက်ကုန်များ သိက္ခာ ကျဆင်းခဲ့ရသည်။

၂၀၀၉ ခုနှစ်တွင် ဂျပန်နိုင်ငံသို့ တင်ပို့သော နနွင်းတွင် အသည်းကင်ဆာ ဖြစ်စေသော အဆိပ်တစ်မျိုးဖြစ်သည့် Aflatoxin တွေ့ရှိခဲ့သည်။ ထိုနှစ်တွင်ပင် စင်ကာပူနိုင်ငံသို့ တင်ပို့ခဲ့သော နာမည်ကျော် လက်ဖက်များဖြစ်သည့် အရီးတောင်း လက်ဖက်၊ ယုဇနလက်ဖက်၊ ရွှေတုတ် (အကြော်မျိုးစုံ)၊ စိုးဝင်းတံဆိပ်နှင့် ရွှေလက်ဖက်တို့ကို စားသုံးရန် မသင့်သော ဓာတုဗေဒများ ပါဝင်သည်ကို တွေ့ရှိရသဖြင့် ရောင်းချရန် တားမြစ်ခဲ့သည်။
“အဲဒီတုန်းက နာမည်ကြီး လက်ဖက်တွေပါ ဆိုးဆေးတွေသုံးလို့ အဲဒီကတည်းက လက်ဖက် မစားတော့ဘူး။ တောလက်ဖက်သုပ်တော့ စားတယ်” ဟု အသက် ၃၀ ခန်ရှိ လက်ဖက်သုပ် ကြိုက်သူ ရန်ကုန်မြို့နေ ကိုစိုးက သူ၏အဖြစ်ကို ပြောပြသည်။

မြန်မာလူမျိုးတို့ ထမင်းဝိုင်းတွင် စားသောက်ဖွယ်ရာ တစ်မျိုးဖြစ်သော ငါးပိတွင် အနီရောင် ဆိုးဆေးကို အသုံးပြုခဲ့သည့်အတွက် ဆိုးဆေးပါသော စိမ်းစားငါးပိနှင့် ငါးပိထောင်း အမှတ်တံဆိပ် ခုနစ်မျိုးကို ၂၀၁၀ ပြည့်နှစ်တွင် ထုတ်ပြန်ခဲ့သည်။

၂၀၁၁ ခုနှစ်တွင်လည်း ညောင်ပင်လေးဈေး အတွင်းရှိ လက်ဖက်၊ ငါးပိထောင်း၊ ငရုတ်သီးမှုန့်၊ ငရုတ်ဆီနှင့် ပဲကြီးလှော်တို့တွင် စားသုံးသူများကို ကျန်းမာရေး ထိခိုက်စေသော ဆိုးဆေးများ အသုံးပြုထားသည်ကို တွေ့ရှိရသည်ဟု ကျန်းမာရေးဝန်ကြီးဌာနက တရားထုတ်ပြန်ခဲ့သည်။ ၂၀၁၂ တွင်လည်း ထိုစားသောက်ကုန်များတွင် ဆိုးဆေး တွေ့ပြန်သည်။

၂၀၁၃ တွင်တော့ ငါးပိ ဖြစ်သည်။ အရောင်းဆိုင်များတွင် တွေ့ခြင်းမဟုတ်။ အရောင်းဒိုင်များတွင် တွေ့သည့် အဆင့်ဖြစ်လာသည်။

Auramine-O နှင့် Rhodamine-B ပါသော ဆိုးဆေးများသည် စားသုံးသူကို လတ်တလောတွင် အဆိပ်အတောက် မဖြစ်စေသော်လည်း ရေရှည်တွင် အသည်း၊ ကျောက်ကပ်နှင့် ကင်ဆာရောဂါတို့ကို ဖြစ်ပွားစေနိုင်သည့်အပြင် ခန္ဓာကိုယ် ကြီးထွားမှု နှုန်းကိုလည်း ထိခိုက်စေကြောင်းကို မြန်မာနိုင်ငံရှိ အစားအသောက်နှင့် ဆေးဝါးကွပ်ကဲရေးဌာန (FDA) နှင့် ဆေးသုတေသန ဦးစီးဌာနတို့မှ ဆရာဝန်များနှင့် ဓာတ်ခွဲ ပညာရှင်များ၏ ပြောဆိုချက်အရ သိရသည်။

အမှန်တကယ်မှာ အဝါရောင်ဆိုးဆေး Auramine-O သည် ချည်၊ သိုးမွေး၊ ပိုးထည်၊ စက္ကူနှင့် သားရေတို့ကို အရောင်ဆိုးသည့် ဓာတုဗေဒ ဆိုးဆေးများ ဖြစ်သည်။
ယင်းဆိုးဆေး သုံးစွဲခဲ့ဖူးသူ အချို့၏ အဆိုအရမူ ဆိုးဆေး သုံးစွဲထားသော ပစ္စည်းများသည် ဆိုးဆေးမသုံးသော ပစ္စည်းများထက် ရောင်းပန်း ပိုလှသည့်အပြင် ကြာရှည် အထားခံသည့်အတွက် အသုံးပြုခြင်း ဖြစ်ကြောင်း ပြောပြသည်။
သာကေတမြို့နယ် (၈) ရပ်ကွက်ရှိ အမျိုးသမီးတစ်ဦးကမူ “ငါးပိဆို စိတ်ချရတဲ့ ဝယ်နေကျဆိုင် မဟုတ်ရင် တခြားဆိုင် မဝယ်ဘူး” ဟု ဆိုသည်။

မြန်မာနိုင်ငံတွင် နေ့စဉ် စားသောက်နေကြသော ဆန်၊ ဆီ၊ ငရုတ်၊ ငါးပိ၊ လက်ဖက်တို့အပြင် ဟင်းသီးဟင်းရွက်၊ အသားငါးနှင့် အသီးအနှံတို့တွင်လည်း ဆိုးဆေးနှင့် ဓာတုဗေဒ ပစ္စည်းများကို စီးပွားရေး လောဘသမားများက အသုံးပြုကြသည်။
၎င်းတို့ အကျိုးအမြတ် ရရှိရန်အတွက် စားသုံးသူများက ရောဂါအဖြစ်ခံ၊ ငွေကြေး အကုန်ကျခံကာ ဝယ်စားနေရသည့် အနေအထားမျိုး ဖြစ်နေသည်။

သက်ဆိုင်ရာ အစိုးရအဖွဲ့နှင့် ဝန်ကြီးဌာနများ၏ ဓာတုဗေဒဆိုးဆေး ရောင်းချပါက အရေးယူမည် ဟူသော ကြေညာချက်သည်လည်း စစ်ဆေးတွေ့ရှိမှု အပြီးတွင် ကြေညာချက် ထုတ်ပြန်နေကျ စည်းကမ်း တစ်ခုကဲ့သို့ ဖြစ်လာသည်။
ဆယ်စုနှစ်နီးပါး ဓာတုဗေဒနှင့် ဆိုးဆေးတို့က ခြိမ်းခြောက် ခံရခြင်း ဂယက်ကို စားသုံးသူတို့ ဘယ်အချိန်မှ လွတ်မြောက်နိုင်မည်နည်းဟု စဉ်းစားဖွယ်။

စားသုံးသူများကလည်း ကျန်းမာရေးနှင့် ညီညွှတ်သော အစားအသောက်များထက် အရောင်လှသည့် အစားအသောက်များကို နှစ်သက်ကျခြင်းကလည်း ဆိုးဆေးထည့် စီးပွားရေး သမားများကို ရေရှည် ရပ်တည်စေသကဲ့သို့ ဖြစ်နေသည်။

အစားအသောက်နှင့် ဆေးဝါး ကွပ်ကဲရေးဌာနက စားသောက်ကုန် ထုတ်လုပ်ခြင်း၊ တင်သွင်းခြင်းများ အတွက် စားသုံးရန် သင့်မသင့်ကို ဓာတ်ခွဲစမ်းသပ် ပေးသကဲ့သို့ ကျန်းမာရေးနှင့် ညီညွှတ်စေရန် စည်းကမ်းများလည်း သတ်မှတ်ထားပြီး လိုက်နာခြင်း မရှိပါက အမျိုးသား အစားအသောက် ဥပဒေပုဒ်မ ၂၈ အရ အရေးယူ ခံရမည်ဟု တရားဝင် ထုတ်ပြန်ထားသည်။

၂၀၁၃ သြဂုတ်လ ၁၃ ရက်နေ့တွင် ပြည်ထောင်စုလွှတ်တော်က ပြဋ္ဌာန်းလိုက်သည့် အမျိုးသား အစားအသောက် ဥပဒေကို ပြင်ဆင်သည့်အတွက် ဥပဒေတွင် ပုဒ်မ ၂၈ ပုဒ်မခွဲ (က)တွင် ငွေဒဏ် ကျပ် ၃၀၀,၀၀၀ အထိဆိုသည့် ကျပ်သုံးသိန်းထက် မပိုသော ငွေဒဏ်ဆိုသည့် စကားရပ်ဖြင့် အစားထိုးခဲ့သည်။

ကချင်ပြည်နယ် မိုးညှင်းမြို့မှ ကင်ဆာဖြစ်ပွား၍ ဆုံးပါးခဲ့သွားသူ၏ အစ်မဖြစ်သူက“ကျွန်မမောင် ကင်ဆာဖြစ်လို့ ကုတာ သိန်း ၆၀ လောက် ကုန်သွားတယ်။ အသက်ကို ငွေနဲ့ ဆွဲဆန့်ကြည့်တာ မရပါဘူး။ ဆုံးသွားတာပါပဲ” ဟု ဆိုသည်။

အသား၊ ငါး၊ ဟင်းသီးဟင်းရွက်နှင့် နေ့စဉ် စားသောက်နေသော စားသောက်ကုန်များတွင် ကျောက်ကပ်၊ အသည်းနှင့် ကင်ဆာရောဂါ ဖြစ်ပွားစေသော ဓာတုဗေဒ ဆိုးဆေးများနှင့် အခြားဓာတုဗေဒ အာနိသင်များ ပါဝင်လာခြင်းသည် မြန်မာနိုင်ငံရှိ မိသားစု စားသောက်ရေး စီမံရသူ အိမ်ရှင်မများအတွက် စိုးရိမ်စရာ အကြောက်တရားတစ်ခု ဖြစ်လာသည်။

အိမ်ရှင်တစ်ဦးဖြစ်သူ ဒေါ်စန်းတစ်ယောက် အောက်ပါအတိုင်း ပြောဆိုလိုက်ပါသည်။ “ဈေးဝယ်ရင် ဟင်းတွေကို ကျန်းမာရေးနဲ့ ညီညွတ်ပါ့မလားဆိုပြီး သံသယနဲ့ ကြည့်နေရတယ်”

မင်းထက်စံ

The Voice Weekly

အပြည့်အစုံသို့ »

ဗုံးပေါက်ကွဲမှုအလွန် မြန်မာဆီးဂိမ်းလားရာ


မြန်မာနိုင်ငံက အိမ်ရှင်အဖြစ် လက်ခံကျင်းပမည့် (၂၇) ကြိမ်မြောက် အရှေ့တောင်အာရှ အားကစားပွဲကျင်းပရန် ရက်ပေါင်း ၄၀ကျော်သာ လိုတော့သည့် အချိန်နှင့် ခရီးသွားရာသီ အစကာလ အောက်တိုဘာလ ၁၃ ရက်မှ ၁၈ ရက်နေ့များတွင် ဗုံးပေါက်ကွဲမှုနှင့် ဗုံးလန့်မှုများ ဆက်တိုက်ဆို သကဲ့သို့ မြန်မာနိုင်ငံ မြို့ကြီးများနှင့် မြို့အချို့တို့တွင် ဖြစ်ပွားခဲ့ရာ ပြိုင်ပွဲဝင် အားကစားသမားများနှင့် နိုင်ငံခြားသား ခရီးသွားဧည့်သည်များအပေါ် လုံခြုံရေးအရ စိုးရိမ်မှုများ တိုးပွားလာခဲ့ရသည်။

မြန်မာနိုင်ငံရဲတပ်ဖွဲ့ သတင်းထုတ်ပြန်ချက်အရ ဗုံးဖောက်ခွဲသူများသည် မြန်မာနိုင်ငံသို့ နိုင်ငံခြား ရင်းနှီးမြှုပ်နှံမှုများနှင့် ခရီးသွားလုပ်ငန်းကို ထိခိုက်စေလိုသော ရည်ရွယ်ချက်ဖြင့် လုပ်ကိုင်ခြင်း ဖြစ်သည်ဟု သုံးသပ်ထားသော်လည်း လတ်တလောတွင် ဆီးဂိမ်းပြိုင်ပွဲဝင် ကစားသမားများနှင့် နိုင်ငံခြားသား ခရီးသွားဧည့်သည်များ၏ လုံခြုံရေးအတွက် စိုးရိမ်ရကြောင်း ခရီးသွားလုပ်ငန်းရှင် များနှင့် အားကစားအဖွဲ့ချုပ် များထံမှ သိရသည်။

ရန်ကုန်၊ နေပြည်တော်၊ မန္တလေးနှင့် ပုသိမ် (ငွေဆောင်ကမ်းခြေ) တို့တွင် ပြုလုပ်မည့် ဆီးဂိမ်းပြိုင်ပွဲတွင် ကစားနည်း ပေါင်း ၃၃ မျိုးထည့်သွင်းထားပြီး ကစားနည်း အများဆုံးကို နေပြည်တော်တွင် လည်းကောင်း၊ ရန်ကုန်တွင် အမျိုးသား ဘောလုံးပွဲများနှင့် အခြားအားကစားနည်း ခြောက်မျိုးကိုလည်းကောင်း၊ မန္တလေးတွင် အမျိုးသမီး ဘောလုံးပွဲများနှင့် ငွေဆောင် ကမ်းခြေတွင် ရွက်လှေပြိုင်ပွဲများကို လည်းကောင်း ကျင်းပမည်ဖြစ်ပြီး နိုင်ငံပေါင်း ၁၁ နိုင်ငံမှ အားကစားသမား ၅၆၄၉ ဦး ပါဝင် ယှဉ်ပြိုင်မည်ဖြစ်ကြောင်း အားကစားဝန်ကြီး ဌာနက ထုတ်ပြန်သည်။

ရန်ကုန်မြို့တွင် ကျင်းပမည့် အားကစားနည်းခြောက်မျိုးနှင့် ဘောလုံးပြိုင်ပွဲ အုပ်စုပွဲစဉ်များ၏ လုံခြုံရေးအတွက် ရဲမှူးကြီး ခြောက်ဦးက ဦးစီးကာ ကြီးကြပ်ကွပ်ကဲမည်ဟု ရန်ကုန်တိုင်းအစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးတင်ဝင်းက အောက်တိုဘာလ ၁၄ ရက်နေ့က ပြောကြားလိုက်သည်။

ရန်ကုန်မြို့တွင် ဆီးဂိမ်းပြိုင်ပွဲဝင် ကစားသမား ၁၅၀၀ အတွက် ဟိုတယ် ခုနစ်လုံးတွင် အခန်း ၇၅ ခန်း စီစဉ်ထားကြောင်း အားကစားဝန်ကြီးဌာနထံမှ သိရသည်။

ရန်ကုန်မြို့အပါအဝင် မြို့ကြီးများတွင် ဗုံးကွဲမှုများနှင့် ပတ်သက်၍ အမျိုးသားအဆင့် သတ်မှတ်ကာ ငွေကျပ် ခြောက် ဘီလီယံ အသုံးပြုပြီး နည်းပညာအထောက်အကူ ပစ္စည်းများဖြင့် လုံခြုံရေး လုပ်ဆောင်သွားမည့်အပြင် နိုင်ငံတကာရဲတပ်ဖွဲ့များ နှင့် ပူးပေါင်းကာ နည်းပညာပိုင်းဆိုင်ရာ ပူးပေါင်း လုပ်ဆောင်သွားမည် ဖြစ်ကြောင်းလည်း ပြည်ထဲရေးဝန်ကြီးဌာန ရဲချုပ် ဇော်ဝင်းက ဗုံးပေါက်ကွဲမှု သတင်းစာ ရှင်းလင်းပွဲတွင် ပြောကြားထားသည်။

ဆီးဂိမ်းပြိုင်ပွဲကျင်းပမည့် နေရာ လေးခုတွင် ရဲတပ်ရင်း ၂၆ ရင်း ထားရှိမည် ဖြစ်ကာ လုံခြုံရေးအင်အား ၂၀,၀၀၀ ဝန်းကျင်ဖြင့် လုံခြုံရေးဆောင်ရွက်မည် ဖြစ်ကြောင်း မြန်မာနိုင်ငံရဲတပ်ဖွဲ့က သတင်း ထုတ်ပြန်သည်။

ရန်ကုန်တိုင်းဒေသကြီး ဝန်ကြီးချုပ် ဦးမြင့်ဆွေက “အကြမ်းဖက်သူတွေ အနေနဲ့ ဆီးဂိမ်းပြိုင်ပွဲကို ဆုံးရှုံးအောင်၊ နှောင့်နှေးအောင် ဆောင်ရွက်နေပါတယ်။ ဒီလိုမျိုးဖြစ်အောင် ဆောင်ရွက်နေတဲ့ အဖွဲ့အစည်းတွေ အများကြီးပါ” ဟု ဝေဖန်လိုက်သည်။

အောက်တိုဘာလ ၁၃ ရက်နေ့မှ ၁၉ ရက်နေ့အထိ မြန်မာနိုင်ငံ၏ စီးပွားရေးမြို့တော် ရန်ကုန်မြို့တွင် ဗုံးပေါက်ကွဲမှု သုံးကြိမ် ဖြစ်ပွားခဲ့ပြီး ဗုံးရှာဖွေတွေ့ရှိမှု သုံးကြိမ်၊ နယ်မြို့များဖြစ်သော စစ်ကိုင်းမြို့တွင် ဗုံးပေါက်ကွဲမှု နှစ်ကြိမ်၊ တောင်ငူမြို့တွင် ဗုံးပေါက်ကွဲမှု တစ်ကြိမ်နှင့် ရှမ်းပြည်နယ် မြောက်ပိုင်း နမ့်ခမ်းမြို့တွင် ဗုံးပေါက်ကွဲမှု သုံးကြိမ်ဖြစ်ပွားရာတွင် ရန်ကုန်မြို့ ကုန်သည်ကြီးများ ဟိုတယ်ရှိ အိပ်ခန်းတွင်း ဗုံးပေါက်ကွဲမှုတွင် အမေရိကန်နိုင်ငံသူ တစ်ဦး ထိခိုက်ဒဏ်ရာ ရရှိခဲ့သည်။

ပြည်ပနိုင်ငံခြားသား ခရီးသွားဧည့်သည် ဝင်ရောက်မှု တိုးလာနိုင်သည့် ယခုလို ခရီးသွားရာသီအစတွင် ဗုံးပြဿနာ ဖြစ်ပွားခဲ့သဖြင့် မြန်မာနိုင်ငံကို စိတ်ဝင်စားမှု မြင့်မားလာသည့် အနောက်နိုင်ငံကြီးများ ဖြစ်သော အမေရိကန်၊ ဗြိတိန်၊ ပြင်သစ် နှင့် သြစတြေးလျနိုင်ငံ အစိုးရများက ယင်းတို့၏ နိုင်ငံသားများ မြန်မာနိုင်ငံကို ခရီးသွားသည့်အခါ အထူး သတိထားသွားကြရန် ကြေညာချက်ထုတ် သတိပေးရသည် အထိ ဖြစ်ခဲ့သည်။

ဗုံးထောင် ဗုံးခွဲ တိုက်ခိုက်မှုများသည် မြန်မာနိုင်ငံကို ကမ္ဘာလှည့်ခရီးသွားများ ပိုမိုဝင်ရောက် လာမည်ကို မလိုလားသည့်အပြင် တိုင်းရင်းသား ဒေသများတွင် ရင်းနှီးမြှုပ်နှံမှုများ လာရောက် လုပ်ကိုင်မည်ကို မလိုလားသည့် အတွက်ဟု ဖမ်းဆီးရမိထားသည့် ဗုံးခွဲသူများက ထွက်ဆိုခဲ့ကြောင်း မြန်မာနိုင်ငံရဲတပ်ဖွဲ့ ရဲချုပ်ဇော်ဝင်းက ရန်ကုန်တိုင်းဒေသကြီး လွှတ်တော်တွင် ကျင်းပသော ဗုံးဖောက်ခွဲမှု သတင်းစာ ရှင်းလင်းပွဲတွင် ပြောကြားခဲ့သည်။

ဒီဇင်ဘာလအတွင်း ကျင်းပမည့် ဆီးဂိမ်းပြိုင်ပွဲ၏ အဓိကနေရာဖြစ်သော နေပြည်တော်တွင် ဆီးဂိမ်းမတိုင်မီ အချိန်နှင့် လက်ရှိ လုံခြုံရေးအခြေအနေများ၊ ဟိုတယ်များ၏ လုံခြုံရေးအခြေအနေ များကိုပါ ထုတ်ဖော်ပြောဆိုရန် မဖြစ်နိုင်ကြောင်း နေပြည်တော် နယ်မြေခံလုံခြုံရေး ရဲတပ်ဖွဲ့ ဒုတိယရဲမှူးကြီးမင်းအောင်က ငြင်းဆိုလိုက်သည်။

နေပြည်တော်ဆီးဂိမ်းတွင် ပါဝင် ယှဉ်ပြိုင်မည့် နိုင်ငံတကာမှ အားကစားသမား ၂၉၃၃ ဦးအတွက် ဟိုတယ် ၂၆ လုံးတွင် အခန်းပေါင်း ၁၄၄၁ ခန်း စီစဉ်ထားကြောင်း အားကစားဝန်ကြီးဌာနက သတင်းထုတ်ပြန်သည်။

ဟိုတယ်လုံခြုံရေးမှူးများကို ဟိုတယ်ဆိုင်ရာ လုပ်ငန်းရှင်အသင်းနှင့် ပြည်ထဲရေး ဝန်ကြီးဌာနတို့က လုံခြုံရေးသင်တန်းများကို အောက်တိုဘာလ ၂၁ ရက်မှစ၍ လေးရက်ကြာ သင်တန်းပို့ချလျက် ရှိကြောင်း နေပြည်တော်ရှိ အမရဟိုတယ် လုံခြုံရေးမှူးတစ်ဦးက ပြောကြားသည်။

ဆီးဂိမ်းလုံခြုံရေး အတွက် လိုအပ်သည့် နေရာများတွင် လုံခြုံရေးအရ တပ်ဆင်ရန်အတွက် စီစီတီဗီ ကင်မရာများ၊ မိုင်းရှာ ကိရိယာများ၊ စကင်နာ စက်များ၊ X-ray စက်များ ဝယ်ယူထားပြီးဖြစ်ကြောင်း ၊ ရဲစခန်းများတွင် လိုအပ်သည့် လုံခြုံရေးပစ္စည်းများလည်း ဝယ်ယူထားကြောင်း မန္တလေးတိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်ကျော်မိုးက ပြောကြားသည်။

မန္တလေးမြို့တွင် ကျင်းပမည့် ဆီးဂိမ်း ပြိုင်ပွဲအတွက် ပြိုင်ပွဲဝင်ကစားသမား ၂၅၅ ဦးအတွက် ဟိုတယ်ငါးလုံးတွင် အခန်း ပေါင်း ၁၄၄ ခန်း စီစဉ်ထားကြောင်း အားကစား ဝန်ကြီးဌာနက ထုတ်ပြန်သည်။

(၂၇) ကြိမ်မြောက် အရှေ့တောင်အာရှ အားကစားပွဲတော်တွင် မန္တလေးဇုန်၊ အမျိုးသမီး ဘောလုံးပြိုင်ပွဲကို ချမ်းမြသာစည်မြို့နယ်ရှိ မန္တလာသီရိ အားကစားကွင်းတွင် ကျင်းပပြုလုပ်သွားမည် ဖြစ်ရာ အဓိက ကွင်းဝင်ပေါက်များကိုလည်း လုံခြုံရေးအင်အား တင်းကျပ်စွာ ချမှတ်ထားမည် ဖြစ်ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံး တာဝန်ရှိသူက ပြောကြားသည်။
“အားကစားပြိုင်ပွဲ ကျင်းပမယ့် အားကစားကွင်းတွေအတွက် လုံခြုံရေး အင်အားကို လိုသလို ဆောင်ရွက်သွားပါမယ်” ဟု ၎င်းက ဆိုသည်။

ဆီးဂိမ်းပြိုင်ပွဲတွင် အမျိုးသမီးရဲမေများ၊ ရဲတပ်ဖွဲ့ဝင်များ၊ ပရိသတ်များကြားတွင် အရပ်ဝတ်ဖြင့် စောင့်ကြည့်ခြင်း၊ မီးသတ် တပ်ဖွဲ့ဝင်များ၊ ယာဉ်ထိန်းရဲများ၊ မိုင်းရှင်းလင်းရေး တပ်များ၊ ကွင်းပတ်ဝန်းကျင်နှင့် ကွင်းအပြင်တွင် CCTV ကင်မရာများ တပ်ဆင်ခြင်း၊ မိုင်းရှာကိရိယာများ အသုံးပြုခြင်း စသည့်တို့ဖြင့် လုံခြုံရေးဆောင်ရွက်သွားမည် ဖြစ်ကြောင်း ၎င်းက အသိပေး ပြောကြားသည်။

ရွက်လှေပြိုင်ပွဲ ကျင်းပမည့် ဧရာဝတီတိုင်းဒေသကြီး ငွေဆောင်တွင် ပုသိမ်-ငွေဆောင်ဇုန် လုံခြုံရေး ဆပ်ကော်မတီကို ဖွဲ့စည်းကာ ရွေ့လျားလုံခြုံရေး အစီအစဉ်များ အပါအဝင် ဟိုတယ်၊ မိုတယ်နှင့် တည်းခိုခန်းများ အားလုံးတွင်လည်း လုံခြုံရေးအစီအစဉ်များ ထားရှိသည့်အပြင် ဝန်ထမ်းများကိုပါ လုံခြုံရေးသင်တန်းများ ဖွင့်လှစ်ပေးမည် ဖြစ်ကြောင်း အဆိုပါဆပ်ကော်မတီ တာဝန်ခံအရာရှိတစ်ဦးက ပြောကြားသည်။

ငွေဆောင်တွင် အားကစားသမား ၂၄၈ ဦးအတွက် ဟိုတယ်သုံးလုံးတွင် အခန်း ၁၂၅ ခန်း လျာထား စီစဉ်ထားကြောင်း အားကစားဝန်ကြီးဌာနက ထုတ်ပြန်သည်။

ဒီဇင်ဘာလ ၁၁ ရက်မှ ၂၂ ရက်နေ့ အထိ ဆီးဂိမ်းပြိုင်ပွဲ ကျင်းပမည့် မြို့များတွင် လုံခြုံရေးအတွက် အထူး ဆောင်ရွက်ထားသည်ဟု ဆိုသော်လည်း ပြိုင်ပွဲဝင် ဖိလစ်ပိုင်နိုင်ငံမှ အားကစားသမား ၂၀၀ ကျော်နှင့် ကြီးကြပ်သူ အရာရှိများ၏ လုံခြုံရေးအတွက် စိုးရိမ်မှု ဖြစ်ရကြောင်း ဖိလစ်ပိုင်နိုင်ငံအား ကစားကော်မရှင် ဥက္ကဋ္ဌ ရစ်ချီဂါဆီယာက ဗုံးပေါက်ကွဲမှု ဖြစ်စဉ်များအပြီး ပြောကြားခဲ့သည်။
မြန်မာနိုင်ငံ၏ ဗုံးပေါက်ကွဲမှု အခြေအနေများကို အနီးကပ်စောင့်ကြည့်နေပြီး ပြိုင်ပွဲတွင် ဖိလစ်ပိုင် ပါဝင်နိုင်ရေး ဆုံးဖြတ်ချက် ချရန်အတွက် နိုဝင်ဘာလကုန်တွင် အစိုးရ၏ အကြံဉာဏ်ကို ရယူဆုံးဖြတ်မည် ဖြစ်ကြောင်း ၎င်းက ဆိုထားသည်။

အစိုးရသစ်လက်ထက် ပြည်ပခရီး သွားဝင်ရောက်မှု မြင့်တက်လာချိန်တွင် ဖြစ်ပွားခဲ့သော ဗုံးပေါက်ကွဲမှုများကြောင့် နေပြည်တော်၊ ရန်ကုန်၊ မန္တလေး၊ ပုဂံ ညောင်ဦး၊ မော်လမြိုင်၊ ဟဲဟိုး၊ ထားဝယ် အပါအဝင် လေဆိပ် ၃၀ ကျော်ကို လုံခြုံရေးအဆင့် သတ်မှတ်ရာတွင် အရေးကြီးအဆင့် အဖြစ် သတ်မှတ်ထားကြောင်း လေကြောင်းလိုင်းရဲတပ်ဖွဲ့ တာဝန်ကျရဲမှူးတစ်ဦးက ပြောကြားသည်။
“လုံခြုံရေးအမျိုးအစား သုံးမျိုးထဲမှာ ဗုံးပေါက်မှုတွေ ဖြစ်ပြီးနောက် အရေးကြီးအဆင့် သတ်မှတ်ထားတယ်။ အထူးသဖြင့် ပြည်ပနဲ့ချိတ်ဆက်တဲ့ လေဆိပ်တွေကို လုံခြုံရေး ပိုတိုးထားတယ်” ဟု ၎င်းကဆိုသည်။

လေဆိပ်များတွင် လုံခြုံရေးအဆင့်ကို သာမန်ချိန်၊ အရေးကြီးချိန်နှင့် အရေးပေါ်ချိန်ဟူ၍ သုံးဆင့်သတ်မှတ်ထားပြီး လေကြောင်းလိုင်း ရဲတပ်ဖွဲ့က တာဝန်ယူထားသည်ဟု ၎င်းက ဆက်လက်ပြောကြားသည်။

လုံခြုံရေးကိစ္စကို အစိုးရက လုပ်ဆောင်နေခြင်းနှင့် ပတ်သက်၍ ဝေဖန်ရန် မရှိကြောင်း၊ ဖြစ်စဉ်များ ဖြစ်ပွား ပြီးပြီးချင်း ချက်ချင်း အရေးယူဆောင်ရွက်မှု ရှိရန် လိုသော်လည်း ကြန့်ကြာမှုများ ရှိသည်ကို တွေ့ရကြောင်း NLD ပါတီပြောရေးဆိုခွင့်ရှိသူ ဦးဉာဏ်ဝင်းက ထောက်ပြ ပြောဆိုသည်။
“လုံခြုံရေးအတွက် များများလုပ်ရင်တော့ ကြိုက်တာပေါ့ဗျာ။ များများလုပ်ရင် ပြည်သူလူထုအတွက် ပိုပြီး လုံခြုံမှုရှိတာပေါ့“ ဟု ဗုံးပေါက်ကွဲမှု ဖြစ်စဉ်များအပြီး အစိုးရက လုံခြုံရေးအတွက် ငွေအလုံးအရင်း သုံးမည်ဟု ဆိုသည့်အပေါ် ၎င်းက အသိအမှတ်ပြု ပြောဆိုသည်။

The Voice Weekly သတင်းအဖွဲ့

The Voice Weekly

အပြည့်အစုံသို့ »

၂ဝ၁၅ ကိစ္စ ဦးသိန်းစိန် ကိုယ်တိုင်ပြောမယ်


သမ္မတ ဦးသိန်းစိန်က လာမယ့် ၂၀၁၅ ရွေးကောက်ပွဲမှာ သမ္မတအဖြစ် သူဝင် အရွေးခံ မခံ ဆိုတာကို သူကိုယ်တိုင် ပြည်သူတွေကို အသိပေး ပြောကြားမယ်လို့ သမ္မတရဲ့ ပြောခွင့်ရ ပုဂ်ဂိုလ် ဦးရဲထွဋ်က ပြောပါတယ်။

ရွေးကောက်ပွဲမှာ သမ္မတ ဦးသိန်းစိန် ဝင် အရွေးမခံ တော့ဘူးလို့ သူ့ကို ပြောခဲ့ကြောင်း ပြည်ထောင်စု လွှတ်တော် နာယက သူရ ဦးရွှေမန်းက ပြီးခဲ့တဲ့ အောက်တိုဘာလ ၂၄ရက်နေ့မှာ လွှတ်တော်မှာ ပြုလုပ်တဲ့ သတင်းစာ ရှင်းလင်းပွဲမှာ ထုတ်ဖေါ် ပြောဆိုခဲ့အပြီး ၂ရက်အကြာမှာ သမ္မတရဲ့ ပြောခွင့်ရ ပုဂ်ဂိုလ် ဦးရဲထွဋ်က အခုလို တုန့်ပြန် ပြောလိုက်တာပါ။

သူရ ဦးရွှေမန်းရဲ့ ပြောဆိုချက်ဟာ သမ္မတနဲ့ ကြိုတင် သဘောတူပြီး ထုတ်ပြန်ခဲ့တာ မဟုတ်ဘူးလို့လည်း ဦးရဲထွဋ်က ပြောပါတယ်။

ပြည်တွင်းက ဆောင်းပါးရှင် စည်သူအောင်မြင့်ကတော့ လုပ်ထုံး လုပ်နည်းအရ သူရ ဦးရွှေမန်းအနေနဲ့ ဒီလို ထုတ်ဖေါ် မပြောသင့်ဘူးလို့ သုံးသပ်ပါတယ်။

သမ္မတနဲ့ လွှတ်တော်အကြား အားပြိုင်မှုတွေ ရှိနေတယ်လို့ အများက ယူဆနေ ချိန်မှာပဲ အခု ဒီကိစ္စ ပေါ်ပေါက်ခဲ့တာပါ။

သမ္မတနဲ့ လွှတ်တော်အကြားမှာ ဖွဲ့စည်း အုပ်ချုပ်ပုံ ဆိုင်ရာ ခုံရုံး ကိစ္စ အငြင်းပွားတာမျိုး ဖြစ်ခဲ့သလို ငြိမ်းချမ်းရေး အကောင်အထည် ဖေါ်ရေး လုပ်ငန်းစဉ်တွေကို သူရ ဦးရွှေမန်းက စိတ်ကြေနပ်မှု မရှိတာကြောင့် အမျိုးသား လုံခြုံရေးနဲ့ ကာကွယ်ရေး အစည်းအဝေးတွေ ခေါ်ဖို့ တောင်းဆိုတာမျိုးတွေ ရှိခဲ့ပါတယ်။

ကြံ့ခိုင် ဖွံ့ဖြိုးရေး ပါတီတခုတည်းက ပြိုင်ဘက် အချင်းချင်း သူရ ဦးရွှေမန်း အခုလို ပြောခဲ့တာဟာ သမ္မတ ဦးသိန်းစိန်ကို ပြိုင်ဘက် အဖြစ်ကနေ ဖယ်ထုတ်ပစ်ချင်တဲ့ သဘော ရောက်နေတယ်လို့ ပြည်တွင်းက ဆောင်းပါးရှင် စည်သူအောင်မြင့်က သုံးသပ်ပါတယ်။

ဘီဘီစီ (မြန်မာပိုင်း)

အပြည့်အစုံသို့ »

ကချင်ဒေသခံတချို့ စစ်တပ်က ဆက်လက်ဖမ်းဆီး


ကချင်ပြည်နယ်ထဲမှာ မကြာသေးခင်တုန်းက လက်နက်ကိုင် ပဋိပက္ခတွေ တကျော့ပြန် ဖြစ်ပွားခဲ့ပြီးတဲ့နောက် အစိုးရ  စစ်တပ်က ဒေသခံတချို့ကို ဆက်လက် ဖမ်းဆီးမှုတွေ ရှိနေဆဲဖြစ်တဲ့အတွက် ဒေသခံတချို့ကို ပြောင်းရွှေ့ပေးရတာတွေလည်း ရှိနေတဲ့အကြောင်း ကချင်ငြိမ်းချမ်းရေး အကျိုးတော်ဆောင်အဖွဲ့က ပြောပါတယ်။ မြန်မာစစ်တပ်နဲ့ ကချင်လက်နက် ကိုင်အဖွဲ့တို့ကြား ဗန်းမော်ခရိုင်ထဲမှာ အရင်တပတ်ထဲ တိုက်ပွဲတွေ ဖြစ်ပွားခဲ့ပြီး အခုအခါ အခြေအနေတွေ တည်တည် ငြိမ်ငြိမ် ရှိနေပြီလို့ တာဝန်ရှိသူတွေက ပြောဆိုပေမဲ့ ရွာသားတွေကို စစ်ဆေးမေးမြန်းတာ၊ ဖမ်းဆီးတာတွေ ရှိနေတာ ကြောင့် စိုးရိမ်ထိတ်လန့်မှုတွေ ရှိနေတယ်လို့လည်း ဒေသခံတွေက ဆိုပါတယ်။ အသေးစိတ်ကိုတော့ ဆက်သွယ်မေးမြန်း ထားတဲ့ မနန္ဒာချမ်းက တင်ပြပေးထားပါတယ်။

ကချင်ပြည်နယ် ဗန်းမော်ခရိုင် မန်စီမြို့နယ်တွင်းက မခေါယန်နဲ့ နမ်ဖိုရွာမှာ အောက်တိုဘာလ ၂၅ ရက် သောကြာနေ့က မြန်မာစစ်ကြောင်း ၀င်ရောက်
လာပြီး ရွာသားတွေကို စစ်ဆေးမေးမြန်းမှုတွေ လုပ်ခဲ့သလို၊ နန်ဖိုရွာသူကြီး အပါအ၀င် ရွာသား ၈ ယောက်ကို ဖမ်းဆီးခေါ်ဆောင်သွားပြီး လောလောဆယ် ဘယ်မှာ ထိန်းသိမ်းထားတယ်ဆိုတာ မသိရဘူးလို့ ကချင်ငြိမ်းချမ်းရေး အကျိုးတော်ဆောင်အဖွဲ့က ပြောပါတယ်။ ဒီအခြေအနေတွေနဲ့ပတ်သက်ပြီး မြောက်ပိုင်း တိုင်း စစ်ဌာနချုပ် တိုင်းမှူးကိုလည်း အကြောင်းကြားထားတယ်လို့ ကချင်ငြိမ်းချမ်းရေး အကျိုးတော်ဆောင်တဦးဖြစ်တဲ့ ဦးဂွန်ဂျာ က ပြောပြပါတယ်။

“၂၅ ရက်နေ့မှာ တပ်တွေက ပြန်ရွှေ့တယ်၊ ရွှေ့ပြီးတော့မှ မန်စီမြို့နယ် မခေါယန်နဲ့ နန်ဖိုရွာမှာ ပြန်ထိုင်နေတယ်။ အဲဒီမှာ ပြန်ထိုင်ပြီးတော့မှ ရွာသားတွေကို စစ်ဆေးမေးမြန်းပြီးမှ ယောက်ကျားတွေတခြား၊ မိန်းမတွေတခြား အဲလို စုပုံပြီးမှ ထားတယ်လို့ ကြားတယ်။ တိုက်ပွဲဖြစ်တာတော့ မဟုတ်ဘူး။ စစ်ကြောင်းကဝင်လာတဲ့ အခါကျတော့ ရွာသားတွေကလည်းပဲ ကြောက်လန့်ပြီးတော့ ထွက်ပြေး၊ အဲဒီအခါကျတော့ တပ်ကလည်းပဲ ရွာသားလိုလို၊ ရန်သူလိုလိုပေါ့။ အထင်မှားပြီးတော့ အားလုံးကို ပြန်ဖမ်း၊ ပြန်ဖမ်းပြီးတော့ ယောက်ကျားတခြား၊ မိန်းမတခြား စုပြုံပြီးတော့မှ စစ်ဆေးမေးမြန်းချက်လုပ်တဲ့အခါကျတော့ ရွာသားတွေလည်း ကြောက်တဲ့လန့်တဲ့အခါကျတော့ ပြည်သူလူထုက ကျနော်တို့ဆီ အကြောင်းကြားတာပေါ့။ ရွာလူကြီးတစ်ယောက်ကိုလည်း- ဖမ်းသွားတယ်ပြောတယ်။ ဘယ်ရောက်နေလဲမသိဘူး။ အဲဒီကိစ္စနဲ့ပတ်သက်ပြီး မနေ့က ၆ နာရီအချိန်မှာ ကျနော်လည်း တိုင်းကို ပြန်ပြောပြတယ်။ အဲလိုအခြေအနေဖြစ်နေတယ်။ မနေ့ကချက်ခြင်းပဲ တပ်တွေကို ရွာမှာမနေဖို့အတွက်၊ နောက်ပြီး သူတို့လည်း နာမည်စာရင်းတွေယူပြီးမှ အောက်ခြေကိုပြန်စုံစမ်းပြီးတော့မှ အမြန်ဆုံးပြန်လုပ်ပေးနိုင်အောင် လုပ်ပေးမယ်ဆိုပြီး ယူထားတယ်-တဲ့။ အောက်ခြေကတော့ ဒီအဆင့်ပဲရှိသေးတယ်။”

ဒါ့အပြင် မခေါယန်နဲ့ နမ်ဖိုရွာတွေက ရွာသားတွေကိုလည်း ဗန်းမော်မြို့က ဒုက္ခသည်စခန်းတွေဆီ ပြောင်းရွှေ့ နေရာချ ထားဖို့အတွက် ခရစ်ယာန်ဘာသာရေးဆရာတွေက စီစဉ်ဆောင်ရွက်နေတဲ့အကြောင်းလည်း သူက ဆက်ပြောပြပါတယ်။

“သူတို့ ဖမ်းဆီးထားတဲ့ရွာသားတွေကို ပြန်တက်ခေါ်ဖို့အတွက် ဗန်းမော်က ဘာသာရေးဆရာတွေက ကား ၇ စီးနဲ့ ထွက်သွားလိုက်ပါပြီဗျ။ အဲဒါလည်း တိုင်းမှူးကို အကြောင်းကြားခိုင်းတယ်။ တိုင်းမှူးကလည်း သွားခေါ်ပါလို့ ခွင့်ပြုလို့ ဒီညပြန်ထွက်သွားကြပြီ။”

ပြီးခဲ့တဲ့ အင်္ဂါနေ့ကလည်း မြန်မာစစ်ကြောင်းတွေကနေ ဗန်မော်ခရိုင် မန်စီမြို့နယ် မုန်းဒိန်ပါရွာကို ၀င်ရောက်ပစ်ခတ်ခဲ့ပြီး ရွာသား ၅၀၀ လောက်ကို ထိန်းသိမ်းမှုဖြစ်ခဲ့သလို၊ နောက်တနေ့မှာလည်း မန်စီမြို့နယ်တွင်းမှာ KIA ကချင်လွတ်မြောက် ရေးတပ်မတော်နဲ့ တိုက်ပွဲတွေဖြစ်ပွားခဲ့တာပါ။ အဲ့ဒီအချိန်က ထိန်းသိမ်းခံခဲ့ရတဲ့ ရွာသား ၅၀၀ လောက်ကတော့ အခု ပြန်လွတ်လာပြီလို့ ကချင်ငြိမ်းချမ်းရေးအကျိုးတော်ဆောင် ဦးဂွန်ဂျာ က ဗွီအိုအေကို ပြောပါတယ်။

အခုလို ဗန်မော်ခရိုင် မန်စီမြို့နယ်တွင်းမှာ ဖြစ်ပွားနေတဲ့ အခြေအနေတွေနဲ့ ပတ်သက်ပြီး ကချင်ပြည်နယ်အစိုးရကို ဆက်သွယ်မေးမြန်းတဲ့အခါမှာတော့ - ပြည်နယ်ဝန်ကြီးချုပ်က - မန်စီမြို့နယ်တွင်းမှာ အခြေအနေတွေ တည်ငြိမ်နေပြီ ဆိုတာနဲ့ မကြာခင်မှာ အဲ့ဒီဒေသကို UN ထောက်ပံ့ရေးယာဉ်တွေလည်း သွားရောက်တော့မယ်လို့ အခုလို ပြောပါတယ်။

“အခြေအနေက တည်တည်ငြိမ်ငြိမ်ရှိနေပါပြီ။ UN ကနေပြီးမှ ထောက်ပံ့မှုတွေ အကုန်လုံး ခွင့်ပြုထားပြီးသားဖြစ်ပါတယ်။ လာမယ့် တနင်္လာနေ့ကစပြီးတော့မှ ထွက်မှာဖြစ်ပါတယ်။ ဒီလိုထောက်ပံ့ရေးယာဉ်တွေတောင် သွားနေတယ် ဆိုရင်တော့ အစစအရာရာ အဆင်ပြေနေတဲ့အနေအထားမျိုးမှာ ရှိနေပြီဖြစ်ပါတယ်။ အဘက်ဘက်က ဝိုင်းပြီးမှ - အကောင်းဆုံးဖြစ်အောင် ဝိုင်းပြီးတော့ ညှိပြီး ဆောင်ရွက်နေတဲ့ အနေအထားမျိုး ဖြစ်ပါတယ်။”

မြန်မာနိုင်ငံဆိုင်ရာ ကုလသမဂ္ဂဌာနေကိုယ်စားလှယ် အရှုတ် နီဂမ် (Asok Nigam) ကလည်း - မန်စီမြို့နယ်တွင်း ဖြစ်ခဲ့တဲ့ တိုက်ပွဲတွေကြောင့် ထွက်ပြေး တိမ်းရှောင်ကြရတဲ့ ဒေသခံ ၁၂၀၀ နီးပါးအတွက် စိုးရိမ်ကြောင်းနဲ့ ဒီလူတွေဆီ ချက်ချင်း သွားရောက်ကူညီနိုင်ဖို့အတွက်ကိုလည်း လမ်းကြောင်းဖွင့်ပေးဖို့ရာ သောကြာနေ့ကပဲ ကြေညာချက်ထုတ် တောင်းဆိုထား တာပါ။ ဒီတောင်းဆိုပြီးနောက်မှာ အခုလာမယ့် တနင်္လာနေ့ကို သွားရောက်ဖို့အတွက် အစိုးရတာဝန်ရှိသူတွေက ခွင့်ပြုခဲ့ တာဖြစ်ပါတယ်။

KIO နဲ့ အစိုးရရဲ့ ပြည်ထောင်စုငြိမ်းချမ်းရေး ဖော်ဆောင်ရေးအဖွဲ့တို့ဟာ - တိုက်ပွဲတွေ အရှိန်လျှော့ချရေး၊ တိုက်ပွဲထပ် မဖြစ်အောင် ပူးတွဲစောင့်ကြည့်ရေး အဖွဲ့ ဖွဲ့စည်းဖို့ ဒီလဆန်းပိုင်းက မြစ်ကြီးနားမှာ တွေ့ဆုံဆွေးနွေးခဲ့ကြပေမဲ့ တိုက်ပွဲတွေ ကတော့ ဆက်ဖြစ်နေဆဲပါ။ ဒါ့အပြင် အစိုးရဘက်က ကြိုးပမ်းနေတဲ့ တနိုင်ငံလုံးအတိုင်းအတာနဲ့ အပစ်အခတ်ရပ်စဲရေး လက်မှတ်မထိုးခင်မှာလည်း - တိုင်းရင်းသားလက်နက်ကိုင်အဖွဲ့တွေချည်း KIA ဌာနချုပ်ရှိရာ လိုင်ဇာမှာ တွေ့ဆုံဆွေးနွေး ကြဖို့ရှိပါတယ်ရှင်။

မနန္ဒာချမ်း (ဗွီအိုအေ)

အပြည့်အစုံသို့ »

Pregnancy - LSCS ဗိုက်ခွဲမွေးရခြင်း




Q: ကလေးမွေးရင် ဗိုက်ခွဲစိတ်မွေးတာနဲ့ ရိုးရိုးမွေးတာ ဘယ်ဟာက ပိုကောင်းလဲဆိုတာ သိချင်ပါတယ်။

A: အဖြေကတော့ ရှင်းပါတယ်။ ဆန်းတာတိုင်းက ရိုးတာထက် နေရာတကာမှာ မသာပါ။

ကလေးမီးဖွါးတာမှာ Normal labor ဆိုတဲ့ မွေးလမ်းကြောင်းကနေဖွါးတာက အကောင်းဆုံး ဖြစ်ပါတယ်။ မွေးလမ်းကြောင်းကနေတောင်မှာ ဘာအကူအညီမှ မပါဘဲ၊ ဓမ္မတာ-ထုံးစံအတိုင်း မွေးနိုင်တာက (ပါဖက်) ဖြစ်တယ်။

မွေးလမ်းကြောင်းကနေ မွေးရာမှာ တခါတလေ ကူရတာတွေ ရှိတယ်။ သားဦး မွေးရင် မွေးလမ်းကို Episiotomy ချဲ့ပေး-ပြန်ချုပ်ပေး ရတာ။ သားအိမ်ညှစ်အား နည်းနေရင် Oxytocin (Syntocinon) ဆေးကို Drip ထဲထည့် သွင်းပေးရတာ။ ကလေးခေါင်းထွက်တာ ကြာမနေစေချင်လို့ Forceps delivery ညှပ်ဆွဲ၊ Vaccum extraction လေစုပ်စက်နဲ့ ဆွဲကူ မွေးပေးရတာ။ လုံးဝ အနာမခံချင်လို့ Epidural delivery ဆိုတဲ့ ခါးထုံဆေးနဲ့ မွေးပေးတာလည်း ရှိသေးတယ်။

ရိုးရိုးမဟုတ်နိုင်လို့ ခွဲမွေးရတာမှာ “ဘာလို့ ခွဲမွေးရသလဲ။” “မခွဲရင် မရဘူးလား။” “တကယ်ကို မရဘူးလား” ဆိုတာတွေ သိရလိမ့်မယ်။ မခွဲရင်လည်း ရတယ် ဆိုတာနဲ့ ခွဲကိုခွဲရမှာ နှစ်မျိုးရှိတယ်။ တချို့က နေ့ကောင်းရက်သာရွေး ခွဲမွေးချင်သူတွေလည်း ရှိတယ်။ တခါတလေ ဆရာဝန်က စိတ်မရှည်လို့၊ Risk ကို နဲနဲလေးမှ မယူချင်လို့ ခွဲတာလည်း ရှိတယ်။ တချို့ဆေးရုံ-ဆေးခန်းတွေကတော့ ခွဲပေးရင် လူနာဆီက ငွေပိုယူလို့ရတာမို့၊ လုံလောက်အောင် အချိန် မစောင့်ဘဲ ခွဲတာလည်း တကယ်ရှိပါတယ်။

မွေးလမ်းကနေ မွေးမရလို့ ခွဲရတာမှာ တခြား ရွေးစရာလမ်း မရှိတာမို့ ခွဲမွေးတာ အကောင်းဆုံး ဖြစ်တယ်။ ဥပမာ CPD ကလေးခေါင်းနဲ့ မိခင်မွေးလမ်း မတန်တဆ ဖြစ်တာ။ ဒါမှာလည်း ၂ မျိုး။ မအေရဲ့ အရိုးကွင်းက ကျဉ်းနေတာနဲ့ ကလေးက ခေါင်းက ပုံမှန်ထက် ကြီးနေတာ။ ဒီအခြေအနေ နှစ်ရပ်လုံးက ခွဲကိုခွဲရမယ်။

နောက်တမျိုးက Placenta previa အချင်းဟာ ပုံမှန်ရှိရမဲ့ သားအိမ်အဝနဲ့ ဝေးရာမှာ မဟုတ်ဘဲ၊ အောက်ပိုင်း ရောက်နေတာ။ အချင်းက သားအိမ်အဝကို အပြည့်ဖြစ်ဖြစ်၊ တစိတ်တပိုင်း ဖြစ်ဖြစ် လာဖုံးနေတာမျိုး။ အချင်းရှေ့ရောက်လို့ ခေါ်တယ်။ မွေးခါနီးလို့ သားအိမ်အဝ ကျယ်လာတာနဲ့ အချင်း ကွာလာပြီး၊ ကလေးမမွေးခင် သွေးတွေ အရင်ဆင်းတာမျိုး။ APH ခေါ်တာပေါ့။ မမွေးမီ သွေးဆင်းခြင်း အကြောင်းတရားတွေထဲက အရေးအကြီးဆုံးဖြစ်တယ်။ ဒါကို Ultrasound မှာ ကြိုသိထားနိုင်တာမို့၊ ရက်ရွေးပြီး၊ အေးအေးဆေးဆေး ခွဲမွေးပါလေ။

ကလေးအနေအထား ပုံမှန်မဟုတ်တာ၊ ရိုးရိုးမွေးဘို့ ကြိုးစားရင်း အချိန် ပိုမစောင့်သင့်တာ။ မိခင်ဖြစ်ဖြစ် ကလေးဖြစ်ဖြစ် တခုခုဖြစ်လာလို့ မွေးလမ်းကနေ မွေးအောင် အချိန် မစောင့်သင့်တော့တာ။ ဟိုကဆက်နေ-ဒီကဆက်နေ၊ ထူးဆန်းတဲ့ ကလေးဖြစ်နေတာ၊ ဒါတွေမှာလည်း ခွဲတာကောင်းတယ်။

တခုမှတ်ဘို့က တခါ ဗိုက်ခွဲမွေးရတိုင်း နောက်လည်း ခွဲရမယ်ဆိုတာ နေရာတိုင်းမှာ ယူဆလို့မရပါ။ အရင်တခါ ခွဲတုံးက ဘာအကြောင်းကြောင့် ခွဲရလည်း အပေါ်မှာ မူတည်တယ်။ အချင်းရှေ့ရောက်လို့ ခွဲထားရသူဟာ နောက်ကိုယ်ဝန်က ပုံမှန်ဖြစ်ပြီး ရိုးရိုးမွေးလို့ရတယ်။ ကလေးအနေအထား ဆိုတာလည်း တခါပုံမှန်မဟုတ်တိုင်း အမြဲမှား မနေတတ်ပါ။

ခွဲမွေးတာဖြစ်ဖြစ် အနာလေးတခု ခွဲရတာဖြစ်ဖြစ် အနည်းနဲ့အများ သတိထားရတာတွေ ချည်းပါဘဲ။ ခွဲစိတ်ခြင်း အန္တရာယ်တွေက ခွဲစိတ်မှု ကြီးကြီးသလို၊ လုပ်တာကိုင်တာ ပေါ့ဆရင် ပေါ့ဆသလို ရှိနိုင်တယ်။

ခွဲမွေးရတဲ့အတွက် အားသာချက်တွေလည်း ရှိပါတယ်။ ရက်၊ အချိန်၊ ရွေးမွေးနိုင်တယ်။ တတိယကလေးခွဲရရင် တခါတည်း သားကြော ဖြတ်ပေးနိုင်တယ်။ မွေးလမ်းကြောင်းဟာ အမေမွေးတဲ့အတိုင်းသာ ရှိနေမယ်။

Dr. တင့်ဆွေ
၁၃-၆-၂ဝ၁ဝ

4-11-2011 More C-sections on demand in UK (ယူကေ) မှာ ဗိုက်ခွဲပြီး ကလေးမွေးကြတာ များလာစရာရှိ

ဗြိတိန်မှာ အစိုးရကနေ အမျိုးသမီးတွေကို ကျန်းမာရေး အခမဲ့ လုပ်ပေးပါတယ်။ အပြောင်းအလဲတချို့လုပ်လိုက်တာမို့ ကလေးကို Cesarean section (CS) ဗိုက်ခွဲပြီး မွေးကြတာ ပိုများလာစရာအကြောင်း ရှိနေပါတယ်။

လောလောဆယ်မှာတော့ ပြင်ပဆေးခန်းတွေမှာ ဗိုက်ခွဲမွေးဘို့ ပိုက်ဆံမတတ်နိုင်ရင်တော့ Planned C-sections ရက်ရွေး ဗိုက်ခွဲမွေးပေးတာမျိုး လုပ်ပေးပါတယ်။ ဒါကလဲ တကယ်ဘဲ ခွဲမွေးမှဖြစ်မယ်ဆိုတာ သေခြာမှ လုပ်ပေးပါတယ်။ Emergency C-sections အရေးပေါ် မခွဲမဖြစ်ခွဲမွေးတာတော့ ရှိပါတယ်။

အခုတော့ ဒီလမကုန်ခင် အကျိုးသက်ရောက်တော့မဲ့ အသစ်ပြဋ္ဌာန်းမှုတွေ လုပ်လိုက်ပါပြီ။ မိခင်ကျန်းမာရေး၊ ကလေးကျန်းမာရေး ဆိုတဲ့ တိကျတဲ့ အကြောင်းခံတွေ မရှိပေမဲ့လဲ Mental health experts စိတ်အထူကုနဲ့ ဆွေးနွေးပြီးလို့ ခွဲမွေးချင်သပဆိုရင် ရက်ရွေးပြီး ဗိုက်ခွဲမွေးပေးပါတော့မယ်။

Dr. Tint Swe

အပြည့်အစုံသို့ »