ပန်းလှိုင်မြစ်ကမ်း၌ အိုးအိမ်မဲ့ ၂၀၀ ခန့် ကျူးကျော် ဝင်ရောက်မှု မူလ ပိုင်ရှင်များနှင့် ပဋိပက္ခဖြစ်


ရန်ကုန်၊ ဒီဇင်ဘာ ၄

ရန်ကုန်တောင်ပိုင်းခရိုင် တွံတေးမြို့နယ် ခလောက်ချိုက် ကျေးရွာအုပ်စု၊ ပန်းလှိုင် မြစ်ကမ်း တစ်လျှောက်ရှိ မြေများပေါ်သို့ လူအင်အား ၂၀၀ ဝန်းကျင်က ဝင်ရောက် ခုတ်ထွင် ရှင်းလင်းကာ နေအိမ်များ ဆောက်လုပ်မှုကြောင့် မူလ မြေပိုင်ရှင်များနှင့် နှစ်ဖက် ပဋိပက္ခ ဖြစ်ပွားခဲ့ကြောင်း မြေကွက်ပိုင်ရှင် တစ်ဦးဖြစ်သူ ဦးသာဆိုင်က ပြောကြားသည်။

ဦးကျော်ထက်နိုင် အပါအဝင် လူခြောက် ဦးခေါင်ဆောင်သော လူ ၂၀၀ ဝန်းကျင်က ပန်းလှိုင် မြစ်ကမ်းရှိ (ပန်းလှိုင် တံတားအဆင်း ဝဲ၊ ယာ) ပန်းလှိုင် တံတားအဆင်း တွံတေးဘက် အခြမ်း ကွင်းအမှတ် ၁၅၃ /B ဝဲပြန်ကွင်းရှိ ဦးပိုင် အမှတ် (၈၅)၊ (၈၆)နှင့် ဦးပိုင်အမှတ် N-26 စုစုပေါင်း ၈၇ ဧကရှိ မြေကွက်များပေါ်တွင် ဒီဇင်ဘာလ ၁ ရက်နေ့ ညနေပိုင်းမှ စတင်ကာ ရောက်ရှိလာပြီး နေအိမ်တဲများ ဆောက်လုပ်ခြင်း၊ ခြံဝင်းခတ်ခြင်းများ ပြုလုပ်နေသဖြင့် ဒီဇင်ဘာလ ၄ ရက်နေ့ နံနက် ပိုင်းတွင် ခြံပိုင်ရှင် ဖြစ်သူများက သွားရောက် ဟန့်တားရာ နှစ်ဖက် အချင်းများကာ ပြဿနာ ဖြစ်ပွားခဲ့ကြောင်း ၎င်းကဆိုသည်။

တစ်ဖက်နှင့် တစ်ဖက် အပြန်အလှန် ဆဲဆိုကြရာမှ ခြံပိုင်ရှင်၏ သမီးဖြစ်သူနှင့် ခြံစောင့် ဖြစ်သူတို့ကို ကျူးကျော်သူများက တုတ်၊ ဓားလက်နက်များဖြင့် တိုက်ခိုက်မည် ပြုစဉ် ရုန်းရင်းဆန်ခတ် ဖြစ်ပွားခဲ့ပြီး ပန်းလှိုင် တံတားအနီးရှိ ရဲကင်းတွင်းသို့ ဝင်ရောက် ခိုလှုံခဲ့ရကြောင်း ခြံစောင့်ဖြစ်သူ ဦးဝင်းထွန်းက ပြောကြားသည်။
“လုံခြုံရေးရဲတွေက ကျွန်တော်တို့ကို ကာပေးထားတယ်၊ သူတို့က ကျွန်တော်တို့ကို ထုတ်ပေးခိုင်းတယ်၊ ပြီးတော့ ကျွန်တော်တို့ ဓာတ်ပုံ ရိုက်ထားတဲ့ ဖုန်း၊ မန်မိုရီကတ်တွေ တောင်းတယ်၊ နောက်တော့ ရဲတွေက ပြဿနာ ပိုဆိုးလာမှာစိုးလို့ ကတ်တွေကို ထုတ်ပေးလိုက်ရတယ်” ဟု ၎င်းက ဆိုသည်။

ယင်းနောက် ကျေးရွာခံ ပြည်သူများနှင့် တွံတေးမြို့နယ် ရဲတပ်ဖွဲ့စခန်းမှ လုံခြုံရေး ရဲတပ်ဖွဲ့ဝင်များ ရောက်ရှိလာပြီး အခြေအနေမှာ ပြန်လည် ငြိမ်သက်ခဲ့သော်လည်း အဆိုပါ လူအုပ်စုသည် ပန်းလှိုင် တံတားအောက်တွင် ယာယီစခန်းချ နေထိုင်လျက် ရှိကြောင်း ခြံမြေပိုင်ဆိုင်သူများက ပြောကြား သည်။

ယင်းကဲ့သို့ နေအိမ်တဲများကို ကျူးကျော် ဝင်ရောက် ဆောက်လုပ် သူများသည် လှိုင်သာယာ မြို့နယ်တွင် နေထိုင်သူများ ဖြစ်ပြီး သက်ဆိုင်ရာ အာဏာပိုင်များက ၎င်းတို့၏ နေအိမ်များကို ဒီဇင်ဘာလ ၂ ရက်နေ့ နောက်ဆုံးထားကာ ဖျက်သိမ်း ပြောင်းရွှေ့ပေးရန် စာဖြင့် ညွှန်ကြား ထားသဖြင့် နေစရာမြေ မရှိခြင်းကြောင့် ယခုကဲ့သို့ ဝင်ရောက်ကာ တောများခုတ်ထွင် ရှင်းလင်း၍ နေထိုင်ရန် တဲများ ဆောက်လုပ်ခြင်း ဖြစ်ကြောင်း ခေါင်းဆောင်ဖြစ်သူ ဦးကျော်ထက်နိုင်က ပြောကြားသည်။

“အိုးမဲ့၊ အိမ်မဲ့ဖြစ်နေတဲ့ ဒီလူတွေအတွက် နိုင်ငံတော်ကလည်း ဘာမှလုပ်မပေးနိုင်ဘူး၊ ဒါကြောင့် ကျွန်တော် တတ်နိုင်သလောက် လုပ်ပေးမယ်ဆိုပြီး ဒီနေရာကို ခေါ်လာတာ၊ ဒီနေရာက မြေနုကျွန်းလို့ သိထားတာ၊ သုံးနှစ်လောက်ရှိပြီ ပေါ်နေတာ၊ ဘယ်သူမှ ဘာမှမလုပ်ကြဘူး၊ ဥပဒေအရ မြေလွတ်မြေရိုင်းကို ပြည်သူတွေ ပိုင်တယ်လေ” ဟု ၎င်းကဆိုသည်။

၎င်းတို့ အနေနှင့် နေအိမ်တဲများ ဆောက်လုပ်ခြင်းကို ဆက်လက် လုပ်ဆောင်သွားမည် ဖြစ်ကြောင်း၊ သို့သော် ယခုကဲ့သို့ နေအိမ် တဲများ ဆောက်လုပ်ခြင်းသည် ယာယီနေထိုင်ရန် အတွက်သာ ဖြစ်ကြောင်း၊ ဦးပိုင် အမည်ပေါက်ရှိသည့် မြေနေရာများပေါ်တွင် ဆောက်လုပ် နေထိုင်မည် မဟုတ် ကြောင်း အဆိုပါ ကျူးကျော် ဝင်ရောက်သူများက ထပ်မံပြောကြားသည်။

“အခု ကျွန်မတို့နေတဲ့ နေရာကို မဖယ်ပေးရင် တရားစွဲမယ်၊ ပြီးတော့ အင်အားသုံးပြီး ဖယ်ရှားမယ်ဆိုပြီး အမိန့်ထုတ်ထားတာ၊ ဒီနေရာမှာ ဘာမှ ပြဿနာ မရှိဘူးဆိုလို့၊ ဘယ်သူမှ မပိုင်ဘူးဆိုလို့ တောတွေ၊ ချုံတွေ နုန်းတွေ၊ ရွှံ့တွေထဲမှာ ပင်ပင်ပန်းပန်း ရှင်းလိုက်ရတာ၊ နေစရာနေရာရပြီ ဆိုပြီး ပျော်လို့ရွှင်လို့၊ သူတို့က အကြမ်းဖက်ပြီး ဖယ်ခိုင်းမယ် ဆိုရင်လည်း ခံရုံပဲ၊ ကျွန်မတို့မှာ တခြားနေစရာမှ မရှိတာ” ဟု အဆိုပါ ကျူးကျော် ဝင်ရောက်သူများအနက် မသက်သက်မာက ပြောကြားသည်။

လတ်တလော အခြေအနေတွင် တစ်ဖက်နှင့်တစ်ဖက် ပဋိပက္ခ ထပ်မံ မဖြစ်ပွားစေရန် တွံတေးမြို့နယ် ရဲတပ်ဖွဲ့စခန်းမှ လုံခြုံရေးကို တာဝန်ယူ ဆောင်ရွက်နေပြီး စိုးရိမ်စရာ အခြေအနေ မရှိကြောင်း အဆိုပါ မြို့နယ် ရဲတပ်ဖွဲ့မှူး ရဲမှူးလှသောင်းက The Voice သို့ ပြောကြားသည်။

အဆိုပါ ခြံမြေ ကျူးကျော် ဝင်ရောက်မှုအတွက် ကျော်ထက်နိုင်၊ အေးလွင်၊ သန်းဌေး၊ မြင့်သန်း၊ ညီညီအောင်နှင့် လှမြိုင် (စိစစ်ဆဲ) တို့အပါအဝင် ကျူးကျော် ဝင်ရောက်သူများကို တွံတေးမြို့နယ်၊ ခလောက်ချိုက် ရဲစခန်း မှ (ပ) ၈၀/၁၃၊ ပြစ်မှုပုဒ်မ ၄၄၇ ဖြင့် အမှုဖွင့် အရေးယူထားကြောင်း အဆိုပါ ရဲစခန်းထံမှ စုံစမ်းသိရှိရသည်။
The Voice Weekly

အပြည့်အစုံသို့ »

သတိလစ်နေသည့်ဇနီးသည်ကို ဆေးရုံသို့ပို့ဆောင်စဉ် ကားပေါ်မှ ပြုတ်ကျသေဆုံး


သတိလစ်နေသည့် ဇနီးသည်ကို ကားနောက်ခန်းတွင်ထားပြီး ဆေးရုံသို့ပို့ဆောင်စဉ် ကားနောက်ခန်းတံခါး ရုတ်တရက်ပွင့်၍ ပြုတ်ကျကာ အမျိုးသမီးမှာ ဦးခေါင်းဒဏ်ရာရရှိပြီး သေဆုံးသွားသည့် ဖြစ်စဉ်တစ်ခု ယခုလ ၂ ရက် နံနက်အစောပိုင်းက ပြင်ဦးလွင်မြို့နယ်အတွင်း ဖြစ်ပွားကြောင်း သတင်းရရှိသည်။

ယခုလ ၁ ရက်က မြစ်ကြီးနားမြို့တွင် တာဝန်ကျသည့် အသက်(၃၉)နှစ်အရွယ် တပ်ကြပ်ကြီးတစ်ဦးနှင့် ၎င်း၏ဇနီးဖြစ်သူ ရန်ကုန်မြို့နေ အသက်(၂၆)နှစ် အရွယ် အမျိုးသမီးတို့သည် နေပြည်တော်မှ ပြင်ဦးလွင်မြို့သို့ အဖြူရောင်ပါရာဒိုကားဖြင့် လာရောက်လည်ပတ်စဉ် ယခုကဲ့သို့ ဖြစ်စဉ် ဖြစ်ပွားခဲ့ခြင်းဖြစ်သည်။

၎င်းတို့နှစ်ဦးမှာ ပြင်ဦးလွင်မြို့ ရပ်ကွက်ကြီး(၅)ရှိ ဟိုတယ်တစ်ခုတွင် တည်းခိုရန် အခန်းစီစဉ်ပြီးနောက် ပါရာဒိုကားကို ကားပါကင်တွင်ထားခဲ့ကာ အငှားကားဖြင့် ဘုရားသို့သွားပြီး ည ၇ နာရီတွင် ဟိုတယ်သို့ ပြန်လည်ရောက်ရှိခဲ့သည်။ ည ၈ နာရီခွဲတွင် king and queen စားသောက်ဆိုင်သို့ အဖြူရောင်ပါရာဒိုဖြင့်သွားကာ ည ၁၀ နာရီခွဲ တွင် ဟိုတယ်သို့ ပြန်ရောက်လာသော်လည်း ဇနီးမောင်နံနှစ်ဦးစလုံးမှာ ၎င်းတို့တည်းခိုမည့်အခန်းသို့ပင် မပြန်နိုင်အောင် အမူးလွန်နေသောကြောင့် ယာဉ်ပေါ်တွင်သာ အိပ်စက်ခဲ့သည်။

နောက်တစ်နေ့ နံနက် ၄နာရီခွဲခန့်တွင် အမျိုးသားက ဇနီးသည်ကိုနှိုးရာ နိုးထလာခြင်းမရှိသည့်အတွက် ဟိုတယ်လုံခြုံရေးတာဝန်ရှိသူ အမျိုးသားကို ဆေးရုံနေရာမေးမြန်းပြီး ဆေးရုံသို့ပို့ဆောင်ရန် မန္တလေး- လားရှိုး လမ်းမအတိုင်း မောင်းနှင်ခဲ့ရာတွင် ကားနောက်ခန်းယာဘက်ခြမ်းတံခါးပွင့်ပြီး ဇနီးသည် ပြုတ်ကျသွားသည်။ အဆိုပါအမျိုးသမီးသည် လမ်းပေါ်သို့ ပြုတ်ကျသည့်ဖြစ်စဉ်ကြောင့် ဦးခေါင်း၌ဒဏ်ရာရကာ ဆေးရုံမရောက်မီ လမ်းတွင်ပင် သေဆုံးသွားကြောင်း သေဆုံးသူခင်ပွန်းသည်အမျိုးသားက ပြင်ဦးလွင်မြို့မရဲစခန်းမှ တာဝန်ရှိသူများရှေ့တွင် ထွက်ဆိုခဲ့သည်။

ယခုဖြစ်စဉ်တွင် ယာဉ်မဆင်မခြင်မောင်းနှင်မှုကြောင့် လူသေဆုံးခဲ့၍ တပ်ကြပ်ကြီးအဆင့်ရှိသူ အမျိုးသားကို ပြစ်မှုပုဒ်မ ၃၀၄ ကဖြင့် ပြင်ဦးလွင်မြို့မရဲစခန်းမှ အမှုဖွင့်ထားသော်လည်း တရားခံဖြစ်သူမှာ တပ်မတော်သားတစ်ဦးဖြစ်နေသည့်အတွက် စစ်တပ်တရားရုံးသို့ လွှဲပြောင်းပေးနိုင်ရေး စီစဉ်ဆောင်ရွက်နေကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ ရဲအရာရှိတစ်ဦးက ပြောသည်။
7 Day Daily

အပြည့်အစုံသို့ »

လူသတ်မှုနဲ့ ရိုဟင်ဂျာ ၁၄ဦး အင်ဒိုက ထောင်ဒဏ်ချမှတ်


ဗုဒ္ဓဘာသာဝင် ​မြန်မာ ​၈ ​ဦးကို ​ရိုက်သတ်ခဲ့တဲ့ ​အမှုနဲ့ ​ရိုဟင်ဂျာ ​၁၄ဦးကို ​အင်ဒိုနီးရှား ​တရားရုံးက ​ထောင်ဒဏ် ​၉ ​လစီ ​ချမှတ်လိုက်ပါတယ်။

ပြီးခဲ့တဲ့ ​ဧပြီလက ​အင်ဒိုနီးရှားနိုင်ငံ ​ဆူမာတြာ ​ကျွန်း ​ထိန်းသိမ်းရေးစခန်းမှာ ​ထားရှိတဲ့ ​ခိုလုံခွင့်တောင်းခံသူ ​ရိုဟင်ဂျာတွေနဲ့ ​ဗုဒ္ဓဘာသာဝင် ​မြန်မာတွေကြား ​အကြမ်းဖက်မှုဖြစ်ပွားခဲ့ပြီး ​ရိုဟင်ဂျာတွေကနေ ​ဗုဒ္ဓဘာသာဝင် ​မြန်မာလူမျိုးတွေကို ​ရိုက်သတ်ခဲ့တာဖြစ်ပါတယ်။

အဆိုပါ ​ရိုက်သတ်ခံခဲ့ရတဲ့ ​မြန်မာတွေဟာ ​ငါးဖမ်းသမားတွေဖြစ်ကြပြီး ​အင်ဒိုနီးရှား ​ရေပိုင်နက်ကို ​ကျုးကျော်ဝင်ရောက်မှုနဲ့ ​ဖမ်းစီး ​ထိန်းသိမ်း ​ခံရတာဖြစ်ပါတယ်။

ထောင်ဒဏ်ချမှတ်ခံရတဲ့ ​ရိုဟင်ဂျာတွေဟာ ​အသက် ​၁၈နှစ်နဲ့ ​၃၇ ​နှစ်ကြားဖြစ်ပါတယ်။ ​အဲဒီရိုဟင်ဂျာ ​တွေပြောတာကတော့ ​မြန်မာငါးဖမ်းသမားတွေက ​ရိုဟင်ဂျာ ​အမျိုးသမီး ​နှစ်ယောက်ကို ​ကိုယ်ထိလက်ရောက် ​စော်ကားခဲ့တဲ့အတွက် ​ထိန်းသိမ်းရေးစခန်းမှာ ​အကြမ်းဖက်မှုတွေဖြစ်ပွားခဲ့တာ ​ဖြစ်ပါတယ်။

အကြမ်းဖက်မှုနဲ့ ​လူသတ်မှုကျူးလွန်သူကို ​ထောင်ဒဏ် ​၁၂ ​နှစ် ​ကျခံရနိုင်ပေမယ့် ​လူသတ်မှုကျူးလွန်တဲ့ ​ရိုဟင်ဂျာတွေကို ​ထောင်ဒဏ်ကိုးလပဲ ​ချမှတ်ခဲ့တဲ့အတွက် ​တရားလိုဖက်က ​မကျေမနပ်ဖြစ်နေပါတယ်။

တဆက်တည်းမှာပဲ ​အင်ဒိုနီးရှားမှာရှိတဲ့ ​မြန်မာသံရုံးကို ​ဗုံးခွဲဖို့ ​ကြိုးစားခဲ့တဲ့ ​အသက် ​၂၃ ​နှစ်အရွယ် ​မွတ်စလင်တဦးကိုလည်း ​အင်ဒိုနီးရှား ​တရားရုံးက ​ရုံးတင်စစ်ဆေးလျက်ရှိပါတယ်။

မွတ်စလင်တွေကို ​ဖိနှိပ်ဆက်ဆံတဲ့ ​ဘယ်သူမဆို ​သူ့အနေနဲ့ ​ရန်သူလို့ ​သတ်မှတ်သလို ​သူ့ရဲ့ ​လုပ်ရပ်အပေါ်မှာလည်း ​နောင်တမရဘူးလို့ ​အဲဒီမွတ်စလင်က ​တရားရုံးမှာ ​ထွက်ဆိုခဲ့ပါတယ်။

မြန်မာနိုင်ငံမှာရှိတဲ့ ​မွတ်စလင်တွေ ​ဖိနှိပ် ​သတ်ဖြတ်ခံရတာကို ​ကလဲ့စားချေချင်တဲ့အတွက် ​မြန်မာ ​သံရုံးကို ​ဗုံးခွဲဖို့ ​ကြိုးစားခဲ့တာဖြစ်တယ်လို့လည်း ​ဆိုပါတယ်။

ABC Radio Australia

အပြည့်အစုံသို့ »

ရခိုင် (၉) မြို့နယ်တွင် တပ်မတော် ရိက္ခာ အတွက် စပါးဝယ်ယူမည်


ရခိုင် (၉) မြို့နယ်တွင် တပ်မတော် ရိက္ခာအတွက် စပါး ၀ယ်ယူသွားမည် ဖြစ်ကြောင် စစ်ထောက်ချုပ်ရုံး၊ ကာကွယ်ရေး ဦးစီးချုပ်ရုံး(ကြည်း) ကျေညာချက် ထုတ်ပြန်သည်။ဝယ်ယူမည့် စပါး အမျိုးအစားမှာ ဧည့်မထ အမျိုးအစား ဖြစ်ပြီး စပါးများကို တင်ဒါစနစ်ဖြင့် ၂၀၁၄ ခုနှစ် ဇန္န၀ါရီ (၁) ရက်နေ့မှ စတင် ၀ယ်ယူမည် ဖြစ်ကြောင်း ကျေညာချက်တွင် ဖေါ်ပြသည်။တပ်မတော် ရိက္ခာအတွက် စပါးဝယ်ယူမည့် ရခိုင်ပြည်နယ်မှ မြို့နယ်များမှာ မြောက်ဦး၊ မင်းပြား၊ ကျောက်တော်၊ စစ်တွေ၊ အမ်း၊ ရသေ့တောင်၊ ဘူးသီးတောင်၊ ကျောက်ဖြူနှင့် တောင်ကုတ်တို့ ဖြစ်ကြသည်။

ကိုယ်တိုင် စပါးစိုက်ပျိုး ထုတ်လုပ်ပြီး တစ်ဦးချင်းသော်လည်းကောင်း၊ စုပေါင်း၍သော်လည်းကောင်း၊ စပါးတင်း(၁၀၀)နှင့် အထက် ရောင်းချပေးသွင်းနိုင်သည့် တောင်သူများအနေဖြင့် မြို့နယ် (၉) မြို့နယ်အတွင်း ဧည့်မထ အမျိုးအစားစပါးကို ဒေသန္တရဈေးနှုန်းအရ လက်ငင်းပေးချေသည့်စနစ်ဖြင့် ရောင်းချ ပေးသွင်းနိုင်ကြောင်း ကျေညာချက်တွင် ဖေါ်ပြသည်။

ရခိုင်ပြည်နယ်တွင် လက်ရှိ စပါးဈေးမှာ တောင်း ၁၀၀ ကို ကျပ် ရှစ်သောင်းနှင့် တစ်သိန်းအကြားတွင် ရှိကြောင်း သိရသည်။

narinjara burmese news

အပြည့်အစုံသို့ »

မြန်မာ စစ်တပ်နဲ့ ဆက်ဆံရေးကို အမေရိကန် ကွန်ဂရက် ကန့်ကွက်


မြန်မာစစ်တပ်ကို အကန့်အသတ်နဲ့ ဆက်ဆံရေး အိုဘားမား အစိုးရရဲ့ အစီအစဉ်တွေကို ကွန်ဂရက်လွှတ်တော်မှာ ရှိတဲ့ ရီပတ်ဘလီကန် အမတ်တွေကရော ဒီမိုကရက်အမတ်တွေကပါ ပြင်းပြင်းထန် ကန့်ကွက်လိုက်ကြပါတယ်။

မြန်မာနိုင်ငံရဲ့ စီးပွားရေးနဲ့ နိုင်ငံရေးမှာ စစ်တပ်ရဲ့ ဝင်ရောက် စွက်ဖက်မှုတွေ ရှိနေပေမယ့် မြန်မာ စစ်တပ်ကို လူ့အခွင့်အရေးဆိုင်ရာ သင်တန်းတွေ ပေးတာမျိုး၊ ဒီမိုကရေစီ စနစ်မှာ စစ်တပ်က ဘယ်လို အခန်းကဏ္ဍကနေ ပါဝင်လှုပ်ရှားသင့်သလဲ ဆိုတာကို ပညာပေးတာမျိုးတွေ လုပ်ခြင်းအားဖြင့် ပြုပြင်ပြောင်းလဲရေးသမားတွေ အားကောင်းလာစေလိမ့်မယ်လို့ အိုဘားမား အစိုးရ အဖွဲ့ ထိပ်တန်း တာဝန်ရှိ ပုဂ္ဂိုလ်တွေက ဗုဒ္ဒဟူးနေ့က ကွန်ဂရက်လွှတ်တော်မှာ တိုက်တွန်း ပြောသွားခဲ့ကြပါတယ်။

ဒါပေမယ့်လည်း ပြုပြင်ပြောင်းလဲမှုတွေ လုပ်ဖို့ မြန်မာ စစ်တပ်က လိုလိုလားလား မရှိဘူးလို့ အမေရိကန် ကွန်ဂရက် လွှတ်တော် အမတ်တွေက ယူဆနေကြပြီး မြန်မာ စစ်တပ်ဟာ လူနည်းစု တိုင်းရင်းသားတွေနဲ့ ဘာသာခြားတွေအပေါ် မတရား ဖိနှိပ်မှု တွေ ရှိနေသလို ကုလသမဂ္ဂ ရဲ့ ပိတ်ဆို့မှုတွေကို ဆန့်ကျင်ပြီး မြောက်ကိုးရီးယားနဲ့ လက်နက် ရောင်းဝယ်မှုတွေမှာ ဆက်လက် ပါဝင်ပတ်သက်နေတာ တွေ့ရတယ်လို့ ပြောပါတယ်။

BBC Burmese

အပြည့်အစုံသို့ »

လေးပွင့်ဆိုင်တွေ့ဆုံဖို့ အစိုးရဆန္ဒမရှိဟု ဒေါ်အောင်ဆန်းစုကြည် ထပ်မံပြောကြား


ဖွဲ့စည်းပုံအခြေခံဥပဒေ ပြုပြင်ပြောင်းလဲရေးအတွက် လေးပွင့်ဆိုင်တွေ့ဆုံဖို့ တောင်းဆိုခဲ့တာကို နိုင်ငံတော်သမ္မတကြီးဘက်က အချိန်အခါ မသင့်သေးဖူးလို့ ပြောဆိုနေတာဟာ အဲဒီလိုတွေ့ဆုံလိုတဲ့ ဆန္ဒမရှိလို့သာဖြစ်တယ်လို့ ဒေါ်အောင်ဆန်းစုကြည်က ထပ်မံပြောကြားလိုက်ပါတယ်။

"တွေ့ရမယ့်အချိန်က ဒီအချိန်လေ၊ ဖွဲ့စည်းပုံအခြေခံဥပဒေ ပြုပြင်ပြောင်းလဲရေးကို လွှတ်တော်အတွင်းက ကော်မတီကနေပြီးတော့ လုပ်နေတဲ့အချိန်မှာ တပြိုင်နက်ပေ့ါနော်၊ ဆွေးနွေးသင့်တာတွေကို ဆွေးနွေးသွားလို့ရှိရင် ပိုပြီးတော့အဆင်ပြေမှာပေ့ါ၊ အဲဒီလို အဆင်ပြေချင်လို့ကို ဒီအချိန်မှာ ဆွေးနွေးဖို့ကို တောင်းဆိုတာပဲ၊ တွေ့ချင်ရင် အလွယ်လေးပါ၊ မတွေ့ချင်ရင်တော့ အကြောင်းပြချက်တွေကတော့ ပြနိုင်တာပေါ့"

RFA က တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် မနေ့ညနေက ဆက်သွယ်မေးမြန်းခဲ့ရာမှာ ဒေါ်အောင်ဆန်းစုကြည်က ခုလိုဖြေကြားခဲ့တာဖြစ်ပါတယ်။ ဒါ့အပြင် မြန်မာပြည်မှာ အစိုးရနဲ့ အပစ်အခတ်ရပ်စဲတဲ့အဖွဲ့တချို့က ကားတင်သွင်းခွင့်ပါမစ်တွေ လက်ခံရယူနေကြတာနဲ့ ပတ်သက်ပြီး မေးမြန်းရာမှာတော့ အဲဒီ ကားပါမစ်ယဉ်ကျေးမှုကို သူလက်မခံဘူးလို့ ဒေါ်အောင်ဆန်းစုကြည်က ပြောပါတယ်။

"ကျမကတော့ မကြိုက်ဘူး၊ ဒါက ဘယ်လိုအဓိပ္ပာယ်၊ ဘယ်လိုရည်ရွယ်ချက်နဲ့ လုပ်တာဆိုတာလည်း ကျမနားမလည်ဘူး၊ ကားပါမစ်က ကားပါမစ်သတ်သတ်ကိစ္စပေါ့နော်၊ သူ့ဘာသာသူ သူ့လမ်းနဲ့သူသွားရမှာ၊ အပစ်အခတ်ရပ်စဲရေးအဖွဲ့တွေကနေတဆင့် တိုင်းရင်းသားတွေကို ကူညီချင်တယ်ဆိုရင် တခြားဖွံ့ဖြိုးရေးအစီအစဉ်တွေနဲ့ အများကြီး ကူညီလို့ရတာပဲ"

တဆက်တည်းမှာပဲ အမျိုးသမီးဗိုလ်လောင်းတွေ ပထမဆုံးအကြိမ်ခေါ်ယူနေတဲ့ ကိစ္စနဲ့ပတ်သက်လို့တော့ အခုလို အမျိုးသမီးတွေ တပ်မတော်ထဲပါဝင်လာမယ့် ကိစ္စဟာကောင်းမွန်တဲ့လုပ်ရပ်ဖြစ်တယ်လို့ ဒေါ်အောင်ဆန်းစုကြည်က ကြိုဆိုလိုက်ပါတယ်။

RFA Burmese

အပြည့်အစုံသို့ »

အမေရိကန်အစိုးရက မြန်မာနဲ့စစ်ရေးပူးပေါင်းမှု တိုးမြှင့်လို


အမေရိကန်အစိုးရက မြန်မာနိုင်ငံနဲ့ စစ်ရေးဆက်ဆံမှုတွေကို အကန့်အသတ်နဲ့ တိုးမြှင့်ခွင့်ရဖို့အတွက် အမေရိကန်လွှတ်တော်မှာ မနေ့ကတိုက်တွန်းခဲ့ပေမယ့် ဆန့်ကျင်မှုတွေနဲ့ ရင်ဆိုင်ခဲ့ရပါတယ်။

အမေရိကန်လွှတ်တော်မှာ မနေ့ကကျင်းပတဲ့ မြန်မာပြည်ဆိုင်ရာ အောက်လွှတ်တော်ကြားနာပွဲမှာ သမ္မတ အိုဘားမားအစိုးရအဖွဲ့ ထိပ်တန်းအရာရှိတွေက ဒီမိုကရေစီနိုင်ငံတွေမှာ စစ်တပ်ကပါဝင်တဲ့ အခန်းကဏ္ဍနဲ့ လူ့အခွင့်အရေးဆိုင်ရာ သင်တန်းတွေ ပို့ချခြင်းအားဖြင့် မြန်မာအစိုးရနဲ့ အမေရိကန်အကြား ဆက်ဆံရေးတိုးတက်အောင် ဆောင်ရွက်နိုင်တယ်လို့ ပြောကြားခဲ့ပါတယ်။ အမေရိကန်ကာကွယ်ရေးဌာန အရာရှိ Vikram Singh က မြန်မာအစိုးရဟာ သူတို့တပ်မတော်ကို ခေတ်မှီတိုးတက်အောင် ဆောင်ရွက်လိုတဲ့ ဆန္ဒရှိနေတယ်လို့ ယုံကြည်ကြောင်း၊ မြန်မာတပ်မတော်အနေနဲ့ လူသားချင်းစာနာမှုဆိုင်ရာ ကူညီရေးလုပ်ငန်းတွေကို ပိုမိုထိရောက်စွာ ဆောင်ရွက်နိုင်အောင် သမ္မတ အိုဘားမားအစိုးရက ကူညီလိုကြောင်းစသဖြင့် ပြောကြားသွားပါတယ်။

မြန်မာပြည်ရဲ့ ပြုပြင်ပြောင်းလဲမှုတွေကြောင့် နှစ်နိုင်ငံအကြား သံတမန်ဆက်ဆံရေးကို တိုးချဲ့ခဲ့ပေမယ့်လည်း အမေရိကန်လွှတ်တော်အမတ်တွေအတွင်းမှာ မြန်မာအစိုးရရဲ့ လူ့အခွင့်အရေး ချိုးဖေါက်မှုနဲ့ မြောက်ကိုးရီးယား-မြန်မာ အဆက်အသွယ်ရှိနေတာတွေကိုထောက်ပြပြီး မြန်မာနိုင်ငံနဲ့ အမေရိကန်ဆက်ဆံရေး တိုးချဲ့တာကို ဆန့်ကျင်နေသူတွေ အများအပြားရှိနေဆဲ ဖြစ်ပါတယ်။ မနေ့ကကြားနာပွဲမှာ မြန်မာ့ဒီမိုကရေစီရေး ဆောင်ရွက်မှုအတွက် နာမည်ကျော်ကြားတဲ့ အောက်လွှတ်တော်အမတ် Joe Crowley က အမေရိကန်အစိုးရဟာ မြန်မာအစိုးရရဲ့ ရိုဟင်ဂျာနဲ့ တခြားလူနည်းစုတွေအပေါ် လူ့အခွင့်အရေးချိုးဖေါက်မှုတွေကို ဥပက္ခာပြုပြီး စစ်ရေးဆက်ဆံမှုတွေကို မြန်မြန်ဆန်ဆန် တိုးချဲ့နေတယ်လို့ ဝေဖန်လိုက်ပါတယ်။

တဆက်တည်းမှာပဲ သူကလာမယ့် ၂ဝ၁၅ ရွေးကောက်ပွဲမှာ ဒေါ်အောင်ဆန်းစုကြည် အနိုင်ရပြီး သမ္မတဖြစ်လာနိုင်ဖို့အတွက် ဖွဲ့စည်းအုပ်ချုပ်ပုံဥပဒေ ပြင်ဆင်မှုလို ထင်ရှားတဲ့ တိုးတက်ပြောင်းလဲမှုတွေကို မြန်မာအစိုးရက ဆောင်ရွက်ပြီးမှသာလျှင် အဲဒီလုပ်ရပ်မျိုးကို အသိအမှတ်ပြုအားပေးတဲ့အနေနဲ့ မိမိတို့ အမေရိကန်ပြည်ထောင်စုက စစ်ရေးကူညီမှုတွေကို တိုးချဲ့ပေးအပ်သင့်တယ်လို့လည်း ပြောဆိုသွားပါတယ်။

RFA Burmese

အပြည့်အစုံသို့ »