လိုင်ဇာအထိ လမ်းလျှောက်ဆန္ဒပြခဲ့သူ နှစ်ဦးကို ထောင်ဒဏ်တွေ ချမှတ်


ကချင်ပြည်နယ် ငြိမ်းချမ်းရေးအတွက် ရည်ရွယ်ပြီး ရန်ကုန်ကနေ ကချင်ပြည်နယ် လိုင်ဇာမြို့အထိ လမ်းလျှောက်ချီတက် ဆန္ဒပြခဲ့ကြသူတွေထဲက ကိုရန်နိုင်ထွန်းနဲ့ ကိုအောင်မင်းနိုင်တို့ကို ဒီကနေ့ ရန်ကုန်တိုင်းဒေသကြီး လှိုင်မြို့နယ်တရားရုံးက ပုဒ်မ ၁၈၊ တရားမ၀င် စီတန်းလှည့်လည်မှုနဲ့ ထောင်ဒဏ် ၇ လစီ ချမှတ်လိုက်ပြီး အင်းစိန်အကျဉ်းထောင်ကို ပို့ဆောင်လိုက်ပါတယ်။

သူတို့လမ်းလျှောက်စဉ်က ဖြတ်လျှောက်သွားတဲ့ မြို့နယ် ၇ မြို့နယ်အတွက် ထောင်ဒဏ် ၇ လ (သို့မဟုတ်) ငွေဒဏ် ၇ သောင်းပေးဖို့ ရွေးချယ်ခွင့်ပေးခဲ့ပါတယ်။

ဒါပေမဲ့ ငွေဒဏ်ကို လက်မခံခဲ့ဘူးလို့ လိုင်ဇာငြိမ်းချမ်းရေး လမ်းလျှောက်အဖွဲ့က ပြန်ကြားရေးတာဝန်ခံ မနီလာအောင်က ပြောပါတယ်။

“ငြိမ်းချမ်းရေးအတွက် လမ်းလျှောက်တဲ့သူတွေကို ပုဒ်မ ၁၈ နဲ့ မြို့နယ် ၇ မြို့နယ်အတွက် ငွေဒဏ်တစ်မြို့နယ်ကို တစ်သောင်း၊ ခုနှစ်သောင်းပါ၊ မတရားတဲ့အမိန့်ဖြစ်တဲ့အတွက် ငွေဒဏ်ကိုမဆောင်နိုင်ဘူးလို့ ငြင်းပယ်လိုက်တဲ့အတွက် ထောင်ဒဏ် ၇ လချမှတ်လိုက်ခြင်းဖြစ်ပါတယ်”

၂၀၁၃ ခုနှစ် ဇန်နဝါရီလ ၂၁ ရက်နေ့က ကချင်ပြည်နယ် ငြိမ်းချမ်းရေးအတွက် တောင်းဆိုသူတွေဟာ ရန်ကုန်ကနေ လိုင်ဇာအထိ လမ်းလျှောက်ခဲ့တာဖြစ်ပါတယ်။ ပြီးခဲ့တဲ့ ဧပြီလမှာ သူတို့ကို မြို့နယ် ၁၂ မြို့နယ်က ပုဒ်မ ၁၈ နဲ့ တရားစွဲဆိုခဲ့တာဖြစ်ပြီး တရားရုံးချိန်း ၆၀ ကျော်လောက် တက်ခဲ့ရပါတယ်။

ဒီကနေ့မှာတော့ ကျောက်တံတား၊ ပန်းပဲတန်း၊ လသာ၊ လမ်းမတော်၊ အလုံစတဲ့ မြို့နယ် ၇ မြို့နယ်က အမိန့်ချလိုက်တာဖြစ်ပါတယ်။ အင်းစိန်၊ မင်္ဂလာဒုံ၊ လှည်းကူးစတဲ့ မြို့နယ် ၅ မြို့နယ်က အမိန့်ချမှတ်ဖို့ ကျန်နေသေးတယ်လို့လည်း ပြောပါတယ်။

လှိုင်မြို့နယ်တရားရုံးက ပုဒ်မ ၁၈နဲ့ အမိန့်ချမှတ်စဉ် တရားရုံးရှေ့မှာ လူ ၂၀ နီးပါးလောက်က ပုဒ်မ ၁၈ ကိုကန့်ကွက်ကြောင်း ကြွေးကြော် ဆန္ဒပြခဲ့ကြပါတယ်။
RFA Burmese

အပြည့်အစုံသို့ »

ကွယ်လွန်သူ မန်ဒဲလားကို ကမ္ဘာ့ခေါင်းဆောင်တွေ ဂုဏ်ပြု


တောင်အာဖရိကနိုင်ငံရဲ့ ပထမဆုံး လူမည်း သမ္မတဖြစ်သူ၊ အသားအရောင်ခွဲခြားမှု ဆန့်ကျင်ရေးလှုပ်ရှားမှုခေါင်းဆောင် Nelson Mandela ဟာ ကြာသာပတေးနေ့မှာ ကွယ်လွန်သွားပါပြီ။ ကွယ်လွန်ချိန်မှာ အသက် ၉၅ နှစ်ရှိပါပြီ။ မစ္စတာ မန်ဒဲလားဟာ ငြိမ်းငြိမ်းချမ်းချမ်းပဲ ကွယ်လွန်သွားပြီ ဆိုတာကို တောင်အာဖရိကသမ္မတ Jocob Zuma က တနိုင်ငံလုံးကို ရုပ်မြင်သံကြား ကနေ ကြေညာခဲ့ပါတယ်။ တောင်အာဖရိကနိုင်ငံအဖို့ တန်ဖိုးအကြီးဆုံးသားတဦး ဆုံးရှုံးခဲ့ပြီလို့ မစ္စတာ Zuma က ကြေညာပါတယ်။ မစ္စတာမန်ဒဲလားကို နိုင်ငံတော်ဈာပနနဲ့ ဂုဏ်ပြုမှာဖြစ်ပြီး၊ အမျိုးသား အလံတွေကိုလည်း ၀မ်းနည်းခြင်းအထိမ်းအမှတ် တိုင်ဝက်လွှင့်ထူသွားမယ်လို့ မစ္စတာဇူးမားက ပြောပါတယ်။

တောင်အာဖရိကနိုင်ငံမှာ လူနည်းစုအုပ်ချုပ်မှုနဲ့ လူမည်းတွေအပေါ် ခွဲခြားဆက်ဆံမှုတွေကို တွန်းလှန်တိုက်ဖျက်ရာမှာ ဦးဆောင်ခဲ့မှုကြောင့်၊ မစ္စတာ မန်ဒဲလားဟာ အကျဉ်းထောင်ထဲမှာ ဆယ်စုနှစ်သုံးစုကြာ ထိန်းသိမ်းခံခဲ့ရပါတယ်။လွတ်မြောက်လာပြီးတဲ့နောက်မှာလည်း ငြိမ်းချမ်းရေးနဲ့ ပြန်လည်သင့်မြတ်ရေးဆိုင်ရာ အထွဋ်အမြတ်သင်္ကေတရပ်အနေနဲ့ သူ့ကို တန်ဖိုးထားခဲ့ကြပါတယ်။

မစ္စတာမန်ဒဲလားဟာ အသားအရောင် ခွဲခြားမှုဆန့်ကျင်ရေး လှုပ်ရှားမှုတွေကြောင့် ၁၉၉၃ ခုနှစ်မှာ လူဖြူသမ္မတ ဒီကလပ်နဲ့အတူ နိုဗယ်ငြိမ်းချမ်းရေးဆု  ပူးတွဲ ချီးမြင့်ခံခဲ့ရပါတယ်။ အဲဒီနောက်နှစ်မှာတော့ သူဟာ တောင်အာဖရိကနိုင်ငံရဲ့ ပထမဆုံး လူမည်း သမ္မတဖြစ်လာခဲ့ပါတယ်။

မစ္စတာမန်ဒဲလားကွယ်လွန်သွားတာကို ကြေညာသွားပြီးနောက် တကမ္ဘာလုံးက သူ့အတွက် ၀မ်းနည်းဂုဏ်ပြုခဲ့ကြပါတယ်။ကမ္ဘာကြီးဟာ သတ္တိအပြောင်မြောက်ဆုံး အကောင်းဆုံးလူသားတဦး ဆုံးရှုံးခဲ့ရပြီလို့ အမေရိကန်သမ္မတ အိုဘားမားက ပြောခဲ့ပါတယ်။

မစ္စတာမန်ဒဲလားကို စံပြနမူနာမထားပဲ သူ့ဘ၀ကို ဘယ်လိုမှ စိတ်ကူးလို့ရမှာမဟုတ်ဘူးလို့လည်း သမ္မတအိုဘားမားက တင်စားဂုဏ်ပြုခဲ့ပါတယ်။

ဗြိတိန်ဝန်ကြီးချုပ် David Cameron ကလည်း တန်ဖိုးကြီးတဲ့မီးတောက်တခု ကမ္ဘာပေါ်က ကွယ်ပျောက်ခဲ့ပြီလို့ သူ့ရဲ့ တွီတာစာမျက်နှာမှာ ရေးခဲ့ပါတယ်။ မစ္စတာမန်ဒဲလားဟာသူ့ရဲ့ သူရဲကောင်းဖြစ်ပြီး၊ အခု ကွယ်လွန်သွားတဲ့အတွက် သူ့ရဲ့ ၀န်ကြီးချုပ်ရုံး အမှတ်၁၀ ဒေါင်းနင်းလမ်းအိမ်မှာ အလံတိုင်ဝက် လွင့်ထူဖို့ ပြောထားတယ်လို့လည်း မစ္စတာကင်မရွန်က ရေးထားပါတယ်။

VOA Burmese News

အပြည့်အစုံသို့ »

မိချောင်းကန် ဒေသခံတွေ တပ်သိမ်းမြေ ပြန်ပေးဖို့ အရှိန်မြင့် တောင်းဆို


ရန်ကုန်တိုင်း သင်္ကန်းကျွန်းမြို့နယ် မီးချောင်းကန်ရပ်ကွက်က ပြည်သူ ၃၅၀ ကျော်ဟာ ၁၉၉၁ ခုနှစ်ထဲက တပ်ပိုင်မြေအဖြစ် သိမ်းဆည်းခံ ထားတဲ့မြေယာတွေပြန်ရရေး အတွက် သပိတ်စခန်းဖွင့် ဆန္ဒပြမူတွေ လုပ်နေရာမှာ  အရှိန်မြင့်လာပြီး  ဒီဇင်ဘာလ ၅ရက်နေ့ကတော့ အုတ် တံတိုင်းခတ်ထားတဲ့နေရာထိ ၀င်ရောက် ဆန္ဒပြမူတွေလုပ်ခဲ့ပါတယ်။ အာဏာပိုင်တွေက ညှိနှိုင်းပေးခြင်းမရှိပါက သိမ်းဆည်း ထားတဲ့ မြေယာတွေပေါ်မှာ ပြန်ပြီး အိမ်ဆောက်တော့မှာဖြစ်ကြောင်း ဆန္ဒပြသူတွေဘက်က ကြေညာခဲ့ပါတယ်။  အပြည့်အစုံကိုတော့ ထိုင်းအခြေစိုက် သတင်းထောက် မအေးမာက သတင်းပေးပို့ထားပါတယ်။

ဒီဇင်ဘာ၅ရက်နေ့ထိ ၁၀ရက်ကြာတဲ့အထိ ဆန္ဒပြမူတွေ လုပ်နေတဲ့ သင်္ကန်းကျွန်းမြို့နယ် မိကျောင်းကန် သပိတ်စခန်း အစိုးရမှ လာရောက် ညှိနှုင်း ဖြေရှင်းမပေးပဲ အုတ်တံတိုင်းခတ် အပေါက်ပိတ်ဖို့ ကြိုးစားလာသည့် အတွက် မိကျောင်းကန် အိုးအိမ် ဖျက်ဆီးခံရသူများက အုတ်တံတိုင်း ပိတ်ဆို့ခတ်ပိတ်မည့်နေရာမှာ စုပေါင်းဆန္ဒပြမူတွေလုပ်လာခဲ့ပါတယ်။ ဒီဇင်ဘာ၅ရက်နေ့မှာတော့သူတို့မြေတွေကို ပြန်မပေးဘူးဆိုရင် အဲဒီမြေတွေမှာ အိမ်ယာတွေ ပြန်ဆောက်လုပ်တော့မှာဖြစ်ကြောင်း ဆန္ဒပြနေသူတဦးက အခုလိုပြောပါတယ်။

"တစ်ယောက်ချင်းစီရဲ့ လက်မှတ်တွေ ထိုးထားတယ်။ တောင်းဆိုနေတဲ့သူတွေ အခုဆိုရင် အယောက် တစ်ထောင်ကျော် မြေယာမဲ့တွေရှိတယ်။ ကျမတို့ မိချောင်းကန်အပိုင် ၁၊ ၂၊ ၃ မှာ ရှိတယ်။ အခုလောလောဆယ် တောင်းဆိုနေ  တဲ့သူက ၃၅၀ကျော် ရှိတယ်ရှင့်။ အဲ့ဒီ့ ၃၅၀ကျော်လုံးက လက်မှတ်ထိုးပြီးတော့ သက်ဆိုင်ရာတွေကို ပို့တယ်။ လွှတ်တော်ကိုယ်စားလှယ်တွေဆီကို ပို့မယ်။ နိုင်ငံတော်သမ္မတရုံးကိုပို့မယ်။ အတိုင်းအတာ ရက်အကန့်အသတ် တခုပေါ့နော်။ အဲ့ဒီ့အကန့်အသတ်ကိုမှ လာရောက်ညှိနှိုင်းဖြေရှင်းမှု ၊ ပြေလည်အောင် ညှိနှိုင်းမှုမရှိဘူးဆိုရင် ညီမတို့ပြည်သူတွေကနေပြီးတော့ ကိုယ့်မြေနေရာမှာပဲ အိမ်ဆောက်ပြီးတော့ နေတော့မယ်ရှင့်။ အဲ့တာကို ကြေညာလိုက်တာ။ အခုပဲ ညီမတို့ပြည်သူတွေကနေပြီးတော့ သဘောမတူပါဘူးလို့ ပြောနေတဲ့ကြားထဲကိုက သူတို့အိမ်ယာတွေ ဆောက်တာတွေ၊ အတင်း လက်သမားတွေ အတင်း ဝင်လာတာတွေ လုပ်နေတယ်ရှင့်။ ပြည်သူတွေနဲ့ ညှိနှိုင်းလို့မရဘူး။ ရုန်းရင်းဆန်ခတ် အချေအတင်ဖြစ်နေတဲ့အပိုင်းတွေရှိတယ်။ အခုထိပဲရှင့်။"

၁၉၉၁ ခုနှစ်ကစပြီး မိချောင်းကန်ရပ်ကွက် ကို သိမ်းဆည်းပြီးနောက် ပိုင်း မြေယာတချို့ကိုလျော်ကြေးပေးခဲ့ပေမဲ့ အခု ဆန္ဒပြသူတွေ ကတော့ မြေယာလျော်ကြေးမယူခဲ့သူများဖြစ်တယ်လို့ဆိုပါတယ်။ သိမ်းဆည်းပြီးနောက်ပိုင်း တပ်ပိုင်မြေအဖြစ် သတ်မှတ်ထားကာ စီးပွားရေး လုပ်ငန်းရှင်တွေကို အဌားချထားမူတွေ ရှိတယ်လို့ ဆန္ဒပြသူတွေကဆိုပါတယ်။

"မြေနေရာတွေကို အခုဆို ကွက်လပ်ကြီး ရှိတယ်ရှင့်။ အကုန်လုံး ကွက်လပ်ကြီးပါ။ အရင်တုန်းကတော့ စိုက်ပျိုးစားသောက်တယ်။ အဌားတွေချထားတယ်။ ငါးမွေးမြူရေးခြံတွေ ချထားတယ်။ အပိုင်း ၃ကိုတော့ ခရိုနီတွေကို တိုက်တွေ ဆောက်နေတာကို တွေ့တယ်။ ဒါပေမဲ့ အပိုင်း ၁ရယ် ၂ရယ် အကုန်လုံးကတော့ ကွက်လပ်တွေချည်းပဲရှင့်။"

မိချောင်းကန် ရပ်ကွက် ဆန္ဒပြမူတွေထဲမှာ အသက်အရွယ်ကြီးတဲ့သူ အများအပြား ပါဝင်ပြီး မြေယာတွေ ပြန်ရရေးအတွက် ဆန္ဒပြမူတွေ လုပ်ခဲ့ကြတာပါ။ သူတို့ထဲက ၃ဦးကို ပုဒ်မ ခွင့်ပြုမိန့်မရပဲ စီတန်းလှည့်လည်မူနဲ့ ဖမ်းဆီးထားပြီး ဆန္ဒပြနေသူတွေထဲက ဦးဆောင်သူလို့ စွတ်စွဲခံထားရသူ  ၄ဦးကလည်း တရားစွဲဆိုခံထားရကြောင်း ပြောပြကြပါတယ်။ ဆန္ဒပြတဲ့နေရာက အသက် ၇၀ ကျော်အရွယ် အဖွားအိုတဦးကတော့ အခုလို ပြောပါတယ်။

"အခုက စစ်တပ်တွေရောက်နေတယ်။ ရှေ့မှာလည်း ရဲတွေ သမီးရေ။ အဖွားတို့က ကြောက်လည်း ကြောက်ပါတယ်၊ အဖွားတို့ အသက်ကြီးပါပြီ။ ခေါင်းချရမယ့် နေရာမရှိဘူး သမီးရေ။ သေခါလည်း နီးနေပါပြီသမီးရယ်။ အဖွားတို့ မြေလေး ပြန်လိုချင်ပါတယ်။ သမီးရယ် ဟိုကပ်နေရ၊ ဒီကပ်နေရ ပေါ့ သမီးရယ်။ ဟိုလူက နည်းနည်းကြည်သာရင် ဟိုလူ့နဲ့နေလိုက်၊ ဟိုလူက မျက်နှာမကြည်သာဘူးဆိုရင် ဟိုရောက်၊ ဒီရောက်ပေါ့။ သမီးရယ်၊ ကိုယ့်မြေလေး လိုချင်တယ်ဆိုတာ အဖွားတို့က သေခါလည်း နီးနေပြီလေ။ အဲ့တာလေး လိုချင်ပါတယ် သမီးရယ်။ ဒါပါပဲ။ နိုင်ငံရေးလုပ်နေတာ မဟုတ်ဘူးနော်။  အဖွားတို့မြေပြန်ရဖို့ သမ္မတကြီး ဦးသိန်းစိန်ကို တိုက်နေတာလည်း မဟုတ်ဘူးနော်။ သူ့ကို တောင်းဆိုနေတာ။ အသနားခံနေတာ။ ဘာမှ အဖြေမရဘူး သမီးရဲ့။ ဒီမှာပဲ အသေခံမယ် သမီးရေ။ အဖွားတို့ကို ကူညီမယ့်သူ မြန်မာပြည်မှာ မရှိဘူးသမီးရေ၊"

မြန်မာနိုင်ငံမှာဒေသခံတွေ သဘောတူညီမူ မရှိပဲ ကာလပေါက်ဈေး မပေးပဲ  မြေယာသိမ်းယူမူတွေကြောင့် တိုင်းနဲ့ပြည်နယ် တ၀ှမ်းမှာ ဆန္ဒပြမူတွေ ဖြစ်နေပါတယ်။ နိုင်ငံတော်သမ္မတ ဦးသိန်းစိန်ရဲ့ မိန့်ခွန်းတခုမှာတော့ တပ်နဲ့ဌာနဆိုင်ရာတွေအနေနဲ့ မြေယာတွေကို လိုအပ်တာထက် ပိုပြီး သိမ်းယူခြင်းမလုပ်ဖို့အတွက် ပြောကြားဘူးပါတယ်။

လယ်ယာမြေသိမ်းယူခံရတဲ့သူတွေကတော့ လွတ်လပ်စွာ ဆန္ဒထုတ်ဖော်မူတွေ လုပ်တဲ့အခါမှာခွင့်ပြုမိန့် မရကြဘူးလို့ဆိုပါတယ်။  ဒီ့အတွက် ခွင်ြ့ပုမိန့်မရပဲ ဆန္ဒထုတ်ဖော်မူတွေကြောင့် လယ်သမားတွေနဲ့ လယ်သမားရေး လုပ်ဆောင်နေတဲ့ တက်ကြွ လှုပ်ရှားသူတွေဟာ ပုဒ်မ ၁၈နဲ့ တရားစွဲဆိုထောင်ချ ခံနေရသလို ပုဒ်မ ၅၀၅(ခ)ဆူပူအောင် လှုံ့ဆော်မူတွေလည်း အပြစ်ပေးခြင်း ခံနေရပါတယ်။ မိချောင်းကန် ရပ်ကွက်မှာတော့ ရပ်ကွက်သား ၂ ဦးနဲ့ သူတို့ကို အကူအညီပေးသူ တဦးတို့ဟာ ဖမ်းဆီးထောင်ချခံထားရပါတယ်။

မအေးအေးမာ
VOA Burmese News

အပြည့်အစုံသို့ »

ယီမင် ကာကွယ်ရေးရုံးမှာ အသေခံဗုံးခွဲ


ယီမင် နိုင်ငံ ကာကွယ်ရေး ဝန်ကြီးဌာနမှာ အသေခံ ဗုံးပေါက်ကွဲမှု ဖြစ်ခဲ့ပါတယ်။

အဲဒီ ပေါက်ကွဲမှုကြောင့် လူ ၂၉ ယောက် သေဆုံးပြီး ၇၀ ကျော် ဒဏ်ရာ ရခဲ့တယ်လို့ Sanaa မြို့တော်က အရာရှိတွေက ပြောပါတယ်။

စစ်ယူနီဖောင်း ဝတ်ထားတဲ့ အမျိုးသားတွေက ဝန်ကြီးဌာနရုံး ဂိတ်ပေါက်မှာ သေနတ်တွေနဲ့ ပစ်ခတ်ခဲ့ကြပြီး မရှေးမနှောင်းမှာ ကားဗုံးပေါက်ကွဲမှု ဖြစ်ခဲ့တာပါ။

ဒီတိုက်ခိုက်မှုကို မျက်မြင် ကြုံတွေ့ခဲ့ရသူ တစ်ယောက်က ပေါက်ကွဲသံကြီးကို သူတို့ ကြားခဲ့ရတယ်၊ အနီးဝန်းကျင်ကိုပါ ထိမှန်ပြီး အိမ်ပြူတင်းပေါက်တွေ ကွဲကုန်တယ်၊ လူတွေအားလုံးရော ကလေးတွေပါ ထိတ်လန့် ကြောက်ရွံ့ခဲ့ကြတယ်လို့ ပြောပါတယ်။

တချို့ သတင်းတွေမှာတော့ ဒီတိုက်ခိုက်မှုမှာ အယ်လ်ကိုင်းဒါး ပါဝင် ပတ်သက်တယ်လို့ ပြောနေပေမယ့် ဆန်နား မြို့တော်က အစိုးရ ဝန်ကြီး တစ်ယောက်ကတော့ ဒါဟာ သမ္မတဟောင်း အလီ အဗ္ဗဒူလာ Ali Abdullah Saleh နဲ့ ဆက်စပ်နေသူတွေကို ပြစ်တင် ပြောဆိုပါတယ်။

သေဆုံးသူတွေထဲမှာ တိုက်ခိုက်သူ အတော်များများလည်း ပါဝင်တဲ့ အပြင် ကာကွယ်ရေး ဝန်ကြီးဌာန ဝင်းအတွင်းမှာ ရှိတဲ့ ဆေးရုံက ဆေးဝန်ထမ်းတွေလည်း ပါဝင်ပါတယ်။
BBC Burmese

အပြည့်အစုံသို့ »

နေ့စဉ်သုံး အီဒီယမ်များ အပိုင်း - (၂၉)


to wear off : တဖြည်းဖြည်းခြင်း ပျောက်ကွယ်သည်။
- My headache isn’t serious. It will wear off
after an hour or so.
ခေါင်းကိုက်တာက သိပ်မစိုးရိမ်ရပါဘူး၊ တစ်နာရီလောက်ဆို
ရင် တဖြည်းဖြည်း ပျောက်သွားမှာပါ။
- The effect of the painkilling drug didn’t wear
off for several hours.
အကိုက်အခဲပျောက်ဆေးကြောင့် ခံစားနေရတာ နာရီပေါင်း
များစွာ ကြာအောင် မပျောက်နိုင်ဘူး။
to wear down : ပွန်းသွားသည်၊ ပါးသွားသည်၊ အားပျေ
ာ့သွားသည်။
If you drag your feet while you walk, you’ll
wear down your shoes quickly.
မင်းရှပ်တိုက်ပြီး လမ်းလျှောက်ရင်တော့ မင်းရှုးဖိနပ်က ခဏ
လေးနဲ့ ပါးသွားလိမ့်မယ်။
- The pounding of ocean waves against the coast
gradually wears it away.
လှိုင်းလုံးတွေက ကမ်းခြေကို ရိုက်ခတ်ပြီး တစ်ဖြည်းဖြည်း
အားပျော့သွားတယ်။
on the whole : ယေဘုယျအားဖြင့်၊ အများအားဖြင့် (by
and large ဟုလည်းသုံးနိုင်သည်။)
- He is, on the whole, a good student.
ယေဘုယျအားဖြင့် သူက ကျောင်းသားကောင်း တစ်ယောက်
ပါ။
- By and large, I agree with your suggestions.
ယေဘုယျအားဖြင့်တော့ မင်းအကြံပေးတာကို ငါ သဘော
တူပါတယ်။
touch and go : အန္တရာယ်များသော၊ နောက်ဆုံးအထိ မေ
သချာသော risky, uncertain until the end
- The complicated medical operation was touch
and go for several hours.
ခက်ခဲရှုပ်ထွေးတဲ့ ဆေးပညာ ခွဲစိတ်မှုက နာရီပေါင်းများစြွာ
ကာအောင် အန္တရာယ်များ ခဲ့တယ်။
- The outcome of the soccer final was touch and
go for the entire match.
ဘောလုံးပြိုင်ပွဲရဲ့ နောက်ဆုံး ရလဒ်က ပွဲစဉ်တစ်ခုလုံးအတွ
က် မသေချာဘူး။

အောင်ကိုဦး (UMK)
Be the Best !

မှတ်စုမှတ်ရာအင်္ဂလိပ်စာပညာ

အပြည့်အစုံသို့ »

ထိုင်းဘုရင်မင်းမြတ်၏ မွေးနေ့ပွဲအတွက် ဆန္ဒပြပွဲများကို ခဏရပ်ကာ မြို့တော် သန့်ရှင်းရေး ပူးပေါင်းဆောက်ရွက်


ဒီဇင်ဘာ ၅။

နိုဝင်လာ ၄ရက်က ထိုင်းနိုင်ငံတွင် အစိုးရကို ဆန့်ကျင့်ဆန္ဒပြသူများနှင့် လုံခြုံရေးတပ်ဖွဲ့များသည် ဘုရင်၏ မွေးနေ့ အတွက် ကန့်ကွက်ပွဲကို
ခေတ္တရပ်ဆိုင်းကာ မြိုတော်၏ သန့်ရှင်းရေးလုပ်ငန်းများကို ပူပေါင်းဆောင် ရွက်ခဲ့ကြ ကြောင်းသိရသည်။ ထိုင်းမှ ကန့်ကွက်ပွဲများကို ရဲတပ်ဖွဲ့က အကြမ်းနည်းဖြင့် ဖြိုခွင်းမှုအစား ပျော့ပြောင်းစွာ ပြောင်းလဲ ကိုင်တွယ်ရာမှ ဆန့်ကျင်ဘက် နှစ်ဘက်မှာ ယခုကဲ့သို့ အလွမ်းသင့်နေကြခြင်း ဖြစ်သည်။

ယနေ့တွင် ပြုလုပ်မည့် ထိုင်းဘုရင် Bhumibol Adulyadej၏ ၈၆နှစ်မြောက် မွေးနေ့အတွက် မြို့တော်အနှံ့မှ ၀န်ကြီးချုပ် ယင်းလက်ကို ဆန်ကျင့်သူများသည် ဗုဒ္ဓဟူးနေ့တစ်နေ့လုံး လမ်းမများတွင် ပြန့်ကျဲနေသည့် အမှိုက့များ၊ အုတ်ခဲအကျိုးအကြေများ၊ အစရှိသည်တိုို့ကို ဆေးကြောသန့်စင် ဖယ်ရှားပေးခဲ့သည်။ ထိုနေ့မတိုင်မီ သုံးရက်က ယင်းနေရာများတွင် ရဲများက မျက်ရည်ယိုဗုံးနှင့်ပစ်ခြင်း၊ မီးသတ်ပိုက်နှင့်ထိုးခြင်း၊ ကန့်ကွက်သူများဘက်က အုတ်ခဲနှင့် ပြန်လည်ပစ်ခတ်ခြင်းတို့ကြောင့် ရှုတ်ပွနေခဲ့သည်။

ကန့်ကွက်ပွဲကို ဦးဆောင်သူများက ယင်းလက်အစိုးရကို ဖြုတ်ချရန်
ကြိုးပမ်းမှုများ ဆက်လက်လုပ်ဆောင် သွားမည်ဖြစ်ကြောင်း၊ ဘုရင်မင်းမြတ်မွေးနေ့အတွက် ဆန်ကျင်ဘက်တို့နှင့် ပူးပေါင်းခြင်းသာ ဖြစ်ကြောင်းဆိုသည် ။

ထိုင်းနိုင်ငံ အမျိုးသား လုံခြုံရေးကောင်စီမှ အကြီးအကဲ ပါရာဒန် ပတ်တန်နက်နာဘက် ကလည်း ကန့်ကွက်သူများ ယခုကဲ့သို့ အစိုးရပိုင် အဆောက်အဦများအတွင်း စုဝေးနေခြင်း၊ ရဲတပ်ဖွဲ့ဝင်များနှင့် ရောထွေး
ဆက်ဆံနေ ကြခြင်းများအပေါ် စိုးရိမ်မှု တစ်စုံတရာ မရှိဟုဆိုသည်။ သူက ယနေ့ဖြစ်ရပ်ကို ကြည့်လျှင် လက်ရှိအစိုးရသည် အာဏာပိုင်
ဖြစ်နေသေးကြောင်း ပြသရာရောက်သလို ကန်ကွက်သူများ ကလည်း ဆက်လက်တိုက်ပွဲဝင်ရန် ကျန်သေးသည်ဟု ပြောပြနေသလိုပင်
ဖြစ်သည်ဟုလည်း ထည့်သွင်းပြောကြားခဲ့သည်။

Ref: Al jazeera
The Myanma Age

အပြည့်အစုံသို့ »

ရန်ကုန်မြိုပြ အမွေအနှစ် ထိန်းသိမ်းရေးအဖွဲ့ ဥက္ကဌ ဒေါက်တာသန့် မြင့်ဦး ကမ္ဘာထိပ်တန်း တွေးခေါ်သူများစာရင်းတွင် ထည့်သွင်းခံရ



ရန်ကုန်မြိုပြ အမွေအနှစ် ထိန်းသိမ်းရေးအဖွဲ့  တည်ထောင်သူနှင့် ဥက္ကဌဖြစ်သူ ဒေါက်တာသန့် မြင့်ဦးသည် ကမ္ဘာထိပ်တန်း
မဂ္ဂဇင်းတစ်ခုဖြစ်သည့်  Foregin Policy မှ၂၀၁၃ခုနစ်အတွက် ကမ္ဘာထိပ်တန်း တွေးခေါ်သူများစာရင်းတွင် ထည့်သွင်းခံရကြောင်း
ထုတ်ပြန်ကြေညာခဲ့သည်။

" ဒီလိုထည့်သွင်းခံရတာဟာ ပြီးခဲ့တဲ့နှစ်အတွင်း ရန်ကုန်မြိုပြအမွေအနှစ် ထိန်းသိမ်းရေးအဖွဲ့ မှာရှိတဲ့
တစ်စုံတစ်ယောက်တိုင်းရဲ့ ကြိုးစားအားထုတ်မူကို အသိမှတ်ပြုခံရတာဖြစ်သလို ရန်ကုန်မြိုပြစီမံခန့် ခွဲမူရဲ့ အရေးပါမူကိုလည်း
ထုတ်ဖော်ပြလိုက်တာဖြစ်ပါတယ်။ ရန်ကုန်ဟာ နိုင်ငံခြားသားဧည့်သည်တွေနဲ့ ကြွယ်ဝချမ်းသာသူတွေအတွက် သာမက
မြိုတွင်းနေထိုင်သူတွေအတွက် အလှပဆုံးနဲ့ နေ့ ချင့်စဖွယ်အရှိဆုံး မြိုတော်တွေထဲကတစ်ခုဖြစ်လာနိုင်ပါတယ်" ဟု
ဒေါက်တာ သန့် မြင့်ဦးကပြောသည်။

Foregin Policy မဂ္ဂဇင်းသည် ကမ္ဘာထိပ်တန်း မဂ္ဂဇင်းတစ်ခုဖြစ်ပြီး အမေရိကန်နိုင်ငံတွင် အခြေစိုက်ကာ ကမ္ဘာထိပ်တန်းတွေးခေါ်သူများ စာရင်းအား ၂၀၀၅ခုနစ်မှစတင်ကာ နှစ်စဉ်ပြုစုထုတ်ပြန်လာခဲ့ခြင်းဖြစ်ကြောင်း သိရသည်။
ယခုနစ်ထုတ်ပြန်သော စာရင်းသည် ၁၀ကြိမ်မြောက်ထုတ်ပြန်ခြင်းကာ ယမန်ကထုတ်ပြန်သော စာရင်းဧ။် ထိပ်ဆုံးနေရာကို နိုင်ငံတော်သမ္မတဦးသိန်းစိန်နှင့် ဒေါ်အောင်ဆန်းစုကြည် တို့ ကအတူပူးတွဲရရှိခဲ့ကြော်င်းသိရသည်။

ထို့ ပြင်ယခုနှစ်စာရင်းတွင် ရုရှားနိုင်ငံသမ္မတ ဗလာဒိမာပူတင်၊ ပုပ်ရဟန်းမင်းကြီး ဖရန့် စစ်၊ ဂျပန်ဝန်ကြီးချုပ် ရှင်ဇိုအာဘေးနှင့်
Amazon.com တည်ထောင်သူ ဂျက်ဖ်ဘီဇော့စ် တို့ လဲပါဝင်ခဲ့ကြောင်းသိရသည်။

ဒေါက်တာသန့် မြင့်ဦးသည် သမိုင်းပညာရှင်တစ်ဦးဖြစ်ကာ မြန်မာနိုင်ငံနှင့် ပတ်သတ်သည့် စာအုပ်များစွာ ရေးသားထုတ်ဝေခဲ့သူဖြစ်ပြီး ဟားဗတ်နှင့် ကိန်းဗရစ် တက္ကသိုလ်များတွင်သမိုင်းဘာသာသင် ဆရာတစ်ယောက်အဖြစ်တာဝန်
ထမ်းဆောင်ခဲ့သူဖြစ်သည်။ ထို့ ပြင် ကမ္ဘာကုလသမ္မဂမဖွဲ့ ဧ။် အထွေထွေအတွ့င်းရေးမူးရုံးတွင် တာဝန်ထမ်းဆောင်ခဲ့သည့်အပြင်
ကုလသမဂအဖွဲ့ တွင် နိုင်ငံရေးရာဌာနဧ။် မူဝါဒ စီမံကိန်းရေးဆွဲရေးဌာန အကြီးအကဲအဖြစ်တာဝန်ထမ်းဆောင်ခဲ့ကြောင်းသိရသည်။


ယခုရန်ကုန်မြိုပြ အမွေအနှစ် ထိန်းသိမ်းရေးအဖွဲ့ ဧ။်လုပ်ငန်းဆောင်တာများအပြင် မြန်မာနိုင်ငံငြိမ်းချမ်းရေးဗဟိုဌာနဧ။် အထူးအကြံပေးတာဝန်နှင့် မြန်မာနိုင်ငံအမျိုးသား စီးပွားရေးနှင့် လူမူရေးအကြံပေးကောင်စီတွင် အဖွဲ့ ဝင်အဖြစ် တာဝန်များထမ်းဆောင်လျှက် ရှိကြောင်းသိရသည်။


Yoyarlay

အပြည့်အစုံသို့ »