ထိုင်းသို့ သဘာဝ ဓာတ်ငွေ့ပေးပို့မှု ခေတ္တရပ်ထားမည်


ရတနာ သဘာဝ ဓာတ်ငွေ့တူးဖော်ရေး ကမ်းလွန် လုပ်ကွက် (ဓာတ်ပုံ – မြန်မာ့ အလင်း)

မြန်မာနိုင်ငံမှတဆင့် ထိုင်းနိုင်ငံသို့ သဘာဝ ဓာတ်ငွေ့ ပေးပို့ ရောင်းချခြင်းကို ၁၅ ရက်ကြာ ခေတ္တ ရပ်ဆိုင်းမည်ဖြစ်ရာ လျှပ်စစ်မီး ပြတ်တောက်မှုကြောင့် လုပ်ငန်းများ ရပ်ဆိုင်းမည်ကို ထိုင်းစီးပွားရေးသမားများက စိုးရိမ်နေကြကြောင်း သိရသည်။

မြန်မာအစိုးရက လာမည့် ၂၀၁၄ ခုနှစ် ဇန်န၀ါရီလ ၁ ရက်မှ စတင်ပြီး ၁၅ ရက်နေ့အထိ ထိုင်းနိုင်ငံသို့ သဘာဝ ဓာတ်ငွေ့ပေးပို့မှုများကို ခေတ္တရပ်ဆိုင်းရန် စီစဉ်ထားခြင်း ဖြစ်သည်။

မြန်မာ စွမ်းအင်ဝန်ကြီးဌာနမှ တာဝန်ရှိသူတဦးက ရတနာ သဘာဝ ဓာတ်ငွေ့ စီမံကိန်း၏ ပလက်ဖောင်းများ ပြုပြင်ရန် အတွက် ထိုင်းနိုင်ငံသို့ တင်ပို့နေသည့် သဘာဝ ဓာတ်ငွေ့များကို ခေတ္တရပ်ဆိုင်းထားခြင်း ဖြစ်သည်ဟု ဧရာဝတီသို့ ပြောသည်။ သို့သော် အဆိုပါ တာဝန်ရှိသူက အသေးစိတ် ပြောကြားခြင်း မပြုခဲ့ပေ။

ထိုင်းတနိုင်ငံလုံးအတွက် လိုအပ်သော စွမ်းအင်၏ ၄ ပုံ ၁ ပုံကို တနင်္သာရီတိုင်း မုတ္တမ ကမ်းလွန် ပင်လယ်ပြင်မှ ထွက်ရှိသော ရတနာ သဘာဝ ဓာတ်ငွေ့ဖြင့် ၀ယ်ယူ အသုံးပြုနေကြောင်း သိရသည်။

ထိုင်း လျှပ်စစ်ဌာန တာဝန်ရှိသူများ အနေနှင့် လျှပ်စစ်မီး ပေးနိုင်ရေးအတွက် အရန်မီးစက်ကြီးများဖြင့် ထုတ်လုပ်ရန် ကြိုတင်ပြင်ဆင်ထားသည်ဟု ထိုင်းစွမ်းအင်ဝန်ကြီးဌာနမှ အတွင်းရေးမှူး Mr. Suthep Liumsirijarern  က ပြောကြားကြောင်း ထိုင်းသတင်းများတွင် ဖော်ပြထားသည်။

“လျှပ်စစ်မီး ပြတ်တောက်မှုတွေနဲ့ မကြုံရဘူးလို့ ယုံကြည်တယ်။ ဘာကြောင့်လဲဆိုတော့ ဆောင်းရာသီ ဖြစ်တဲ့အတွက် လျှပ်စစ်မီး အသုံးနည်းတယ်” ဟု ၎င်းက ဆိုသည်။

နိုင်ငံခြား ခရီးသွားများ သွားရောက်လေ့ရှိသည့် ထိုင်းနိုင်ငံ တောင်ပိုင်း Krabi မြို့တွင်လည်း ထိုကာလအတွင်း လျှပ်စစ်မီး မပြတ်တောက်ရေးအတွက် ကြိုင်တင် ပြင်ဆင်ထားကြောင်း သိရသည်။

“ဘာပဲဖြစ်ဖြစ် နှစ်သစ်ကူးတဲ့ ကာလမှာ လျှပ်စစ်မီး ပြတ်တောက်မှုတွေ မကြုံရအောင် ကြိုတင် ပြင်ဆင်မှုတွေ လုပ်ထားတယ်” ဟု Krabi မြို့နယ်မှ လျှပ်စစ်ဝန်ကြီးဌာနမှ တာဝန်ရှိသူတဦးက ဆိုသည်။

လျှပ်စစ်မီး ပုံမှန် ၁၇၀ မီဂါဝပ်မှ ၃၄၀ မီဂါဝပ်အထိ တိုးမြှင့် ထုတ်လုပ်သွားမည် ဖြစ်ကြောင်း ၎င်းက ဆက်ပြောသည်။

ယခုနှစ် ဧပြီလဆန်းပိုင်းအတွင်း မြန်မာအစိုးရက ထိုင်းနိုင်ငံသို့ ပေးပို့နေသည့် သဘာဝဓာတ်ငွေ့များကို တပတ်ကျော်ကြာ ခေတ္တရပ်ဆိုင်းခဲ့ရာ စီးပွားရေးလုပ်ငန်း တချို့အပါအ၀င် စက်ရုံအလုပ်ရုံတချို့ လျှပ်စစ်မီး မလုံလောက်မှုများ ကြုံခဲ့ရသေးသည်။

ထိုအချိန်က လျှပ်စစ်မီးကို အဓိက အသုံးပြုရသည့် သွင်းကုန် ထုတ်ကုန် ထုတ်လုပ်နေသော ကုမ္ပဏီကြီးများက စိုးရိမ်ခဲ့ကြခြင်း ဖြစ်သည်။

ထိုင်းနိုင်ငံက မြန်မာနိုင်ငံ စွမ်းအင်ကဏ္ဍ နှင့် တခြားသော စီးပွားရေး လုပ်ငန်းများတွင် အမေရိကန် ဒေါ်လာ ၉ ဘီလီယံ ရင်းနှီး မြှုပ်နှံထားပြီး ထိုင်း ရေနံနှင့် သဘာဝ ဓာတ်ငွေ့ တူးဖော်ထုတ်လုပ်ရေး ကုမ္ပဏီဖြစ်သော PTTEP က မုတ္တမ ပင်လယ်ကွေ့ရှိ ဇောတိက သဘာဝ ဓာတ်ငွေ့ စီမံကိန်း၊ ရဲတံခွန်နှင့် ရတနာ ကမ်းလွန် စီမံကိန်းများတွင် လုပ်ကိုင်နေကြောင်း သိရသည်။
ဧရာဝတီ သတင်း

အပြည့်အစုံသို့ »

ဆီးဂိမ်းတွင် ခွဲခြား ဆက်ဆံခံရဟု မိတ်ကပ် ပညာရှင်များပြော


နေပြည်တော်၌ ကျင်းပသည့် ၂၇ ကြိမ်မြောက် အရှေ့တောင်အာရှ ဆီးဂိမ်း ပိတ်ပွဲတွင် ပါဝင်ဖျော်ဖြေနေသော နိုင်ငံ တ၀န်းမှ လာရောက် လုပ်အားပေးသူများ(ဓာတ်ပုံ – ဂျေပိုင် / ဧရာဝတီ)

၂၇ ကြိမ်မြောက် အရှေ့တောင်အာရှ ဆီးဂိမ်းတွင် မြန်မာနိုင်ငံအနှံ့မှ လာရောက် လုပ်အားပေး ခဲ့ကြသူများကို နိုင်ငံတော်က တယ်လီဖုန်း ကတ်များ ချီးမြှင့်ရာ၌ မိတ်ကပ် ပညာရှင်များ အဖွဲ့က ၎င်းတို့မရရှိကြောင်း ပြောသည်။

မြန်မာနိုင်ငံအနှံ့အပြားမှ လာရောက်လုပ်အားပေးကြသော မိတ်ကပ်ပညာရှင်များအဖွဲ့အတွက် ဖုန်းကတ် ခွဲတမ်း မပါဟု တာဝန်ရှိသူက ပြောဆိုကြောင်း၊ သွားရောက် တောင်းဆိုသောအခါမှ မိတ်ကပ်ပညာရှင်များအဖွဲ့အတွက် ဖုန်းကတ် ၅၀ ကို ကံစမ်းမဲစနစ်ဖြင့် ဖြန့်ဝေပေးမည်ဟု ပြောဆိုကြောင်း၊ အားလုံးမရနိုင်သောကြောင့် မယူခဲ့ကြကြောင်း မန္တလေးမှ လာရောက် လုပ်အားပေးသော မိတ်ကပ် ပညာရှင်အဖွဲ့ခေါင်းဆောင် ဦးကျော်သူ က ဧရာဝတီသို့ ပြောသည်။

“ဒီဇင်ဘာ ၂၃ ရက်နေ့၊ နိုင်ငံတော် သမ္မတရဲ့ တည့်ခင်းဧည့်ခံတဲ့ ညစာစားပွဲပြီးတဲ့အထိ ကျနော်တို့ကို နိုင်ငံတော်က ချီးမြှင့်တဲ့ ဖုန်း ကတ်တွေ ပေးဖို့ ဘာမှ အသံမကြားဘူး။ တခြား လုပ်အားပေးအဖွဲ့တွေ အကုန်လုံးက လူတိုင်းရကြတာကို ကြားတယ်။ အဲဒါကြောင့် သွားတောင်းတော့ ကျနော်တို့ မိတ်ကပ်သမားတွေအတွက် ဝေစုမပါဘူးတဲ့။ ဒါဆို စာရွက်စာတမ်းတွေ ပြပါဆိုတော့ မပြဘူး။ နောက်တော့မှ ကတ် ၅၀ ကို မဲစနစ်နဲ့ပေးမယ်လည်းဆိုရော ကျနော်တို့အားလုံးက လူစေ့မရရင် မယူတော့ဘူးဖြစ်ကြတာ။ တာဝန် ခံတွေနဲ့ ည ၁၂ နာရီလောက်အထိ အခြေအတင်ဖြစ်ကြတယ်”ဟု ၎င်းက ပြောသည်။

လုပ်အားပေး လာကြသော ကျောင်းသား၊ ကျောင်းသူများ၊ အက သင်ကြားပေးသော နည်းပြများ၊ ဆရာ၊ ဆရာမများ၊ လုပ်အားပေး များကို ထမင်းချက်ကျွေးသော အဖွဲ့များ၊ သယ်ယူပို့ဆောင်ရေး လုပ်အားပေးသော ယာဉ်မောင်းများ အားလုံး ဖုန်းကတ် ရရှိသည် ဟု သိရကြောင်း၊ မိမိတို့ မိတ်ကပ်ပညာရှင်များအဖွဲ့ကိုသာ ခွဲခြားဆက်ဆံခံရပြီး ဖုန်းကတ်မရရှိကြောင်း ၎င်းက ဆိုသည်။

မိမိတို့အနေဖြင့် နိုင်ငံတော်မှ ချီးမြှင့်သော ဖုန်းကတ်ဖြစ်သည့်အတွက် တန်ဖိုးထားသည့်အနေဖြင့် တောင်းဆိုခဲ့ခြင်းဖြစ်ပြီး ယခု ကဲ့သို့ ခွဲခြားဆက်ဆံခံရသည့်အတွက် အလွန်စိတ်မကောင်း ဖြစ်ရကြောင်း ဧရာဝတီတိုင်း အိမ်မဲမြို့နယ်မှ လာရောက်လုပ်အား ပေး သော မိတ်ကပ် ပညာရှင်တဦးကလည်း ပြောဆိုသည်။

“ကျမတို့က အတင်းလိုချင်နေတာ မဟုတ်ပါဘူး။ ဒါပေမယ့် အားလုံးကိုယ်စီ ရနေကြတာမှ ကျမတို့ မရတော့ ခံစားရတယ်။ အိမ်ပြန် ရင် ဒါက ငါတို့လုပ်အားပေးလို့ နိုင်ငံတော်က ချီးမြှင့်ပေးတဲ့ဆုလို့ ပြစရာတောင်မပါတော့ ရှက်တယ်။ အမှန်တကယ် ကျမတို့ကို မပေးတာလား၊ ကျမတို့ဝေစုကို အလုခံရတာလားဆိုတာ တိတိကျကျ သိချင်တယ်။ ကျမတို့က စက်တင်ဘာလ ကတည်းက တပတ် ကို ၃ ရက်လောက် လာလုပ်အားပေးခဲ့ကြတာ”ဟု ၎င်းက ဆိုသည်။

ဆီးဂိမ်အတွက် လာရောက်လုပ်အားပေးသော မိတ်ကပ်ပညာရှင်များ အဖွဲ့တွင် လူဦးရေ ၅၀၀ ကျော်ပါဝင်ကြောင်း၊ နိုင်ငံပိုင် သတင်းစာမှ လုပ်အားပေးခေါ်ယူသော စာရင်းအရ ၂၅၀ ၀န်းကျင်သာရှိခဲ့သော်လည်း နောက်ပိုင်း တိုးလာမှုရှိကြောင်း၊ ဆီးဂိမ်း အတွက် လာရောက် လုပ်အားပေးကြသော မိတ်ကပ်ပညာရှင်များမှာ ဧရာဝတီတိုင်း ဒေသကြီး၊ အိမ်မဲ၊ ပုသိမ်၊ ရန်ကုန်တိုင်း ဒေသကြီး၊ တောင်ကြီး၊ မန္တလေး၊ မြ၀တီ၊ ပြည် စသော နယ်စုံမှ လာရောက် လုပ်အားပေးကြကြောင်း သိရသည်။

နေရေး၊ စားရေး၊ သွားလာရေးများအတွက် အားလုံး အဆင်ပြေချောမွေ့ခဲ့ပြီး လုပ်အားပေး မိတ်ကပ် ပညာရှင်များ အတွက် နိုင်ငံ တော်က ချီးမြှင့်သည့် ဂုဏ်ထူးဆောင် လက်မှတ်နှင့် ငွေကျပ်၂ သောင်း ရရှိခဲ့ကြောင်း၊ သို့သော် ယနေ့အချိန်တွင် ဖုန်းကတ် တကတ် လျှင် ပြင်ပ ပေါက်ဈေးမှာ ကျပ် ၁ သိန်းကျော် အနေအထားမျိုး ရှိနေ၍ မိတ်ကပ် ပညာရှင်များအတွက် တိတိကျကျ မပြောခြင်းကြောင့် မသမာမှုများ ဖြစ်နေမည်လားဟု တွေးထင်မိကြောင်း ပုသိမ်မြို့မှ လုပ်အားပေး မိတ်ကပ် ပညာရှင် တဦးက ပြောသည်။

“ဒီဇင်ဘာ ၂၄ ရက်နေ့ မနက်ပိုင်းကြားရတာတော့ ကျမတို့ မိတ်ကပ်ပညာရှင်တွေကို ဖုန်းကတ်ပေးဖို့ တာဝန်ရှိတဲ့သူနဲ့ နီးစပ်တဲ့သူ တွေကတော့ ကျမတို့ကိုပေးမယ်ဆိုတဲ့ ဖုန်းကတ် ၅၀ ခွဲတမ်းကို သွားထုတ်ကြတယ် ကြားတယ်။ ကျမတို့ကတော လုံးဝ မထုတ် ဘူး။ တကယ် အင်တိုက်အားတိုက် လုပ်အားပေးခဲ့တဲ့သူတွေ ဘယ်သူမှ မရကြဘူး။ မနေ့က ကျမတို့က ဖုန်းကတ်ကိစ္စ သွားပြော တဲ့ အခါမှာ ဘယ်သူတွေက အားလုံးရတယ်ပြောတာလဲ၊ မဟုတ်တာတွေ မပြောနဲ့၊ တရားစွဲလို့ရတယ်လို့ အထိ ခြိမ်းခြောက် ပြော တော့ တော်တော်များများကလည်း ကြောက်ပြီး မရရင်လည်း နေပါစေတော့လို့ ဖြစ်သွားတာ”ဟုလည်း ၎င်းက ပြောဆိုသည်။

ဆီးဂိမ်းပြိုင်ပွဲတွင် ပါဝင်ခဲ့ကြသူများကို ချီးမြှင့်သောအားဖြင့် နိုင်ငံတော်က တယ်လီဖုန်း လိုင်းကတ် ၃ သောင်းချီးမြှင့်ကြောင်း၊ မည် သည့်ဌာနကို မည်မျှခွဲဝေပေးသည်ကိုမူ တိတိကျကျ မသိရကြောင်း မြန်မာနိုင်ငံ အားကစားပြိုင်ပွဲများအဖွဲ့မှ ဒါရိုက်တာ ဗိုလ်ကြီး
ကျော်ဇင်မိုးက ဧရာဝတီသို့ ပြောသည်။

မိတ်ကပ် ပညာရှင်များကို စီမံခန့်ခွဲပေးသော ယဉ်ကျေးမှုနှင့် အနုပညာရှင်များ ဦးစီးဌာနမှ ဒုတိယ ညွှန်ကြားရေးမှူး ဦးခိုင်ထွန်းသို့ ဧရာဝတီမှ တယ်လီဖုန်းဖြင့် ဆက်သွယ်မေးမြန်းရာတွင် အဆိုပါဖုန်းကပ်ကိစ္စနှင့် ပတ်သက်ပြီး အထောက်အထား စာရွက်စာတမ်း များ ပြည့်စုံစွာ ရှိကြောင်း၊ မိမိအနေဖြင့် အလုပ်မအားလပ်သည့်အတွက် တယ်လီဖုန်းဖြင့် ပြန်လည်ဖြေကြားနိုင်ခြင်း မရှိကြောင်း၊ တိတိကျကျ သိလိုပါလျှင် နေပြည်တော်သို့ လူကိုယ်တိုင် လာရောက်မေးမြန်းလျှင် သေသေချာချာ ရှင်းပြပေးမည် ဖြစ်ကြောင်း ၎င်း က ပြန်လည် ဖြေကြားသည်။
ဧရာဝတီ သတင်း

အပြည့်အစုံသို့ »

ငွေကြေးခ၀ါချမှု တိုက်ဖျက်ရေး ဗြိတိန် စတန်းဒတ်ချာတာဘဏ် အကူအညီပေးမည်


ငွေကြေးခ၀ါချမှု တိုက်ဖျက်ရေးနဲ့ အကြမ်းဖက်သမားတွေကို ငွေကြေးထောက်ပံ့မှု တားဆီးရေးအတွက် မြန်မာနိုင်ငံတော်ဗဟိုဘဏ်ကို ဗြိတိန် စတန်းဒတ်ချာတာဘဏ်နဲ့ Prudential အာမခံ ကုမ္ပဏီတွေက အကူအညီတွေ ပေးသွားမယ်လို့ ဒီဇင်ဘာ ၂၃ ရက်နေ့က ရန်ကုန်မှာ ကျင်းပတဲ့ အလုပ်ရုံဆွေးနွေးပွဲမှာ ဗြိတိသျှသံရုံး ဖွံ့ဖြိုးတိုးတက်မှုဌာန တာဝန်ခံ အန်သော်နီ ပရင်စတန် က ပြောပါတယ်။

မြန်မာနိုင်ငံ ဘဏ်လုပ်ငန်းထဲမှာ ငွေကြေးခ၀ါချလိုသူတွေရဲ့ ငွေတွေနဲ့ အကြမ်းဖက် အဖွဲ့အစည်းတွေကို လွှဲပြောင်းပေးမယ့်ငွေတွေ ၀င်ရောက်မလာစေရေးဟာ အလွန်အရေးကြီးပြီး ဒီ လုပ်ငန်းတွေ အောင်မြင်ဖို့အတွက် စတန်းဒတ် ချာတာဘဏ်နဲ့ ဗြိတိသျှ သံရုံးက ဦးဆောင် အကူအညီ ပေးသွားမယ်လို့ သူက ပြောပါတယ်။
DVB Burmese

အပြည့်အစုံသို့ »

သင်းခွေချပ် မှောင်ခိုသယ်သည့်ယာဉ်နှင့် ရွှေလီရတနာ ခရီးသည်တင်ယာဉ် မျက်နှာချင်းဆိုင်တိုက်


ကရင်ပြည်နယ် ထိုင်း-မြန်မာ နယ်စပ် မြဝတီမြို့တွင် ရောင်းချရန် သင်းခွေချပ်များ မှောင်ခိုတင်ဆောင်လာသော HIJET အဖြူရောင်ကားနှင့် မော်လမြိုင်ဘက်မှ မောင်းနှင်လာသည့် ရန်ကုန်-ထားဝယ်-မြိတ် ရွှေလီရတနာ ခရီးသည်တင် မှန်လုံကားတို့ ဒီဇင်ဘာ ၂၂ ရက်နေ့ နံနက် ၅ နာရီ ၃၀ မိနစ်တွင် မွန်ပြည်နယ်၊ ပေါင်မြို့နယ်၊ ကျွဲခြံ-ရွာသစ်ပိုင်းရှိ ရန်ကုန်-မော်လမြိုင် လမ်းမပေါ်တွင် မျက်နှာချင်းဆိုင် တိုက်မိခဲ့ကြောင်း သစ်တောဦးစီးဌာန၊ ပေါင်မြို့နယ် တောအုပ်ကြီး ဦးကျော်လှိုင်စိုးက ပြောကြားသည်။ သင်းခွေချပ် ၄၈ ကော်ကို မှောင်ခို သယ်ဆောင်လာသည့် ယာဉ်နှင့်လူကို ပေါင်မြို့နယ် ရဲစခန်းတွင် ဖမ်းဆီးထားပြီး ယာဉ်ပေါ့ဆစွာ မောင်းနှင်မှုဖြင့် ပေါင်ရဲစခန်းတွင် အမှုဖွင့်သွားမည့်အပြင် တိရစ္ဆာန်များ မှောင်ခိုသယ်ခြင်းကြောင့် သစ်တောဦးစီးဌာနကလည်း သစ်တောဥပဒေဖြင့် အရေးယူမည်ဖြစ်ကြောင်း ပေါင်မြို့နယ် စခန်းမှူးက ဆိုသည်။ “မှန်လုံကားက လူတွေတော့ ဒဏ်ရာတစ်ယောက်မှ မရဘူး။ ရန်ကုန်ကား ပြောင်းစီးသွားကြတယ်။ ကားအဖြူကိုကြည့်တော့ သင်းခွေချပ်တွေကို အိတ်နဲ့ထုပ်ပြီး တင်လာတဲ့ကား ဖြစ်နေတယ်။ အဲ့ဒီ ကားသမားက ခြေထောက်ထိသွားလို့ ဆေးရုံတင်လိုက်ရတယ်” ဟု ကျွဲခြံ-ရွာသစ်ပိုင်းနေသူ မျက်မြင်ဦးအောင်ဌေးက ဆိုသည်။ ယာဉ်တိုက်မှုကြောင့် ၁၄ ပိဿာကျော်ရှိသော သင်းခွေချပ် ၆ ကောင် သေဆုံးခဲ့ရပြီး ပေါင်ရဲစခန်းက သိမ်းဆည်းမိသည့် ၉၆ ပိဿာကျော်ရှိသော ကျန်သင်းခွေချပ်များကို သဘာဝဘေးမဲ့တောသို့ပို့ရန် သထုံခရိုင် သစ်တောဦးစီးဌာနသို့ လွှဲပြောင်းပေးခဲ့ပြီး ဖြစ်ကြောင်း ၄င်းက ဆက်လက် ပြောကြားသည်။ ရွှေလီရတနာမှ ယာဉ်မောင်း ဦးမောင်ကိုနှင့် သင်းခွေချပ် မှောင်ခိုတင်ယာဉ်မောင်း ဦးအောင်ဆန်းတို့ကို ပေါင်မြို့နယ် ရဲစခန်းတွင် ယာဉ်(ပ) ၅၃/၂၀၁၃၊ ပြစ်မှုပုဒ်မ ၃၃၈ ဖြင့် အရေးယူထားပြီး မှောင်ခိုသယ်ဆောင်သူကို သစ်တောဦးစီးဌာနက သဘာဝတောရိုင်း တိရစ္ဆာန်နှင့် သဘာဝအပင်များ ကာကွယ်ထိန်းသိမ်းရေး ဥပဒေ၊ ဥပဒေပုဒ်မ ၃၇(က) ဖြင့် ထပ်မံအရေးယူသွားမည် ဖြစ်ကြောင်း သစ်တောဦးစီးဌာန၊ ပေါင်မြို့နယ် တောအုပ်ကြီး ဦးကျော်လှိုင်စိုးက ပြောကြားခဲ့သည်ဟု ၂၀၁၃ ခုနှစ် ဒီဇင်ဘာလ ၂၄ ရက်နေ့ထုတ် The Voice Daily သတင်းစာတွင် ဖော်ပြထားပါသည်။"
khit lu nge

အပြည့်အစုံသို့ »

ယမကာ သွင်းကုန် မူဝါဒ ပြန်သုံးသပ်နေ


မိုဘိုင်းအဖွဲ့က လက်လီအရောင်း ဆိုင်များထိပါ ရှာဖွေစစ်ဆေးနေ၍ နိုင်ငံခြားဖြစ် အရက်နှင့် ဝိုင်များ စားသုံးသူက ဈေးကွက်အတွင်း အလွယ်တကူ ရှာမရတော့ (ဓာတ်ပုံ – ဧရာဝတီ)

တရားမ၀င် တင်သွင်းထားသည့် အရက်များ ရောင်းချနေသည်ကို စစ်ဆေးတွေ့ရှိခဲ့ရသော လက်လီအရောင်းဆိုင်များကို အငြင်းပွားဖွယ်ရာ ဖမ်းဆီးနှိမ်နင်းမှုများ ဖြစ်ပွားခဲ့ပြီးနောက် နိုင်ငံခြားမှ တင်သွင်းသည့် ယမကာများအပေါ် တင်းကြပ်စွာ ကန့်သတ်ထားခြင်းများ ကို ဆက်လက်ထားရှိရန် သင့်မသင့် သုံးသပ်သည့်အနေဖြင့် အရက်တင်သွင်းမှု ဥပဒေကို ပြန်လည်လေ့လာသုံးသပ်ခြင်းများ စတင်ပြုလုပ်နေပြီဖြစ်သည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ဥပဒေပညာရှင်များနှင့် အဆိုပါလုပ်ငန်းနှင့် ပတ်သက်၍ ကျွမ်းကျင်သူများ ဖြစ်သော ပြည်တွင်း အရက်ထုတ်လုပ်ရေး လုပ်ငန်းရှင်များ၊ အကောက်ခွန်လွတ် အရောင်းဆိုင်ရှင်များ၊ ဟိုတယ် မန်နေဂျာများ၊ အကောက်ခွန်ဌာနမှ တာဝန်ရှိသူများနှင့် တွေ့ဆုံ၍ ဥပဒေမှ ပြောင်းလဲရန် ဖြစ်နိုင်သည့် အချက်များနှင့်  လတ်တလော ဖမ်းဆီး နှိမ်နင်းမှုများကြောင့် စီးပွားရေးကို မည်သို့ ထိခိုက်ခဲ့သည်ကို သိရှိနိုင်အတွက် တွေ့ဆုံ ဆွေးနွေးခဲ့သည်။

“ကျနော်တို့ ရေရှည်ကို ကြည့်ပြီးတော့ ဒီကိစ္စရဲ့ အကျိုးဆက် အားလုံးကို စဉ်းစားသုံးသပ်ရပါမယ်” ဟု ကုန်သွယ်ရေး ညွှန်ကြားမှု ဦးစီးဌာနမှ ညွှန်ကြားရေးမှူး ဦးသန်းအောင်ကျော်က ဧရာဝတီသို့ ပြောသည်။ “အိမ်နီးချင်း နိုင်ငံတွေမှာ အရက်နဲ့ ပတ်သက်လို့ တင်သွင်းမှု ဥပဒေတွေ ဘယ်လို အသုံးချတယ်၊ သူတို့ ဘယ်လို အခွန်ကောက်တယ်၊ အကျိုးသက်ရောက်မှုက ဘယ်လိုရှိတယ် ဆိုတာတွေကို ကျနော်တို့ လေ့လာသွားပါမယ်” ဟု သူကဆိုသည်။

“တကယ်လို့ ကျနော်တို့က ၀ိုင်တင်သွင်းခွင့်ပြုမယ်ဆိုရင် ဘယ်သူ့ကို တင်သွင်းခွင့်ပြုမလဲ၊ ဘယ်လိုစစ်ဆေးမလဲ၊ ဘယ်လို အခွန်မျိုး ကောက်ခံမလဲ ဒီအချက်တွေက အတော်လေး ဆက်စပ်နေပြီးတော့ ထည့်သွင်း စဉ်းစားသင့်တာတွေ ဖြစ်ပါတယ်” ဟု ဦးသန်းအောင်ကျော် ကပြောသည်။

အပြောင်းအလဲများက မြန်မြန်ဆန်ဆန် ဖြစ်ပေါ်လာဖွယ်မရှိ ဟုလည်း သူက သတိပေးလိုက်သည်။

“၀ိုင်တင်သွင်းခွင့်ပြုတော့မယ်လို့ တချိုကပြောကြတယ်။ အဲဒါ မမှန်ပါဘူး။ ဒီအချက်တွေကို ကျနော်တို့ စဉ်းစား သုံး သပ်နေတုန်းပဲ ရှိပါသေးတယ်။ နောက်ပြီး ဒီကုန်ပစ္စည်းတွေကို ခွင့်ပြုသင့် မသင့်ဆိုတာကို ဆုံးဖြတ်ဖို့အတွက် အချိန်ယူပြီး စောင့်ကြည့်ဖို့လိုပါတယ်” ဟုလည်း သူကပြောသည်။

ထို့ပြင် ၀န်ကြီးဌာန အနေဖြင့်လည်း ဥပဒေက ပြည်တွင်းထုတ်လုပ်သူများနှင့် ဖြန့်ဖြူးရောင်းချသူများကို မည်သို့ သက်ရောက်မှုရှိသည်ကို ထည့်သွင်းစဉ်းစားရန် လိုအပ်သည်ဟု ဦးသန်းအောင်ကျော်က ပြောသည်။ “ကျနော်တို့ ပြောနိုင်သမျှကတော့ သွင်းကုန် ဥပဒေနဲ့ ပတ်သက်တာတွေ အားလုံးကို ကျနော်တို့ ပြန်လည်သုံးသပ်လေ့လာနေတယ် ဆိုတာပါပဲ” ဟု သူကဆိုသည်။

၁၉၉၀ နှစ်များ အလယ်ပိုင်းလောက်ကစ၍ အစိုးရက အရက်၊ ဆေးလိပ်နှင့်ဆေးရွက်ကြီး နှင့် အခြားသော ဇိမ်ခံပစ္စည်းများ တင်သွင်းခြင်းကို ပိတ်ပင်တားမြစ်ခဲ့ပြီး သတ်မှတ်ပေးထားသည့် ဟိုတယ်များနှင့် အကောက်ခွန်လွတ် ဆိုင်များကိုသာ ထိုပစ္စည်းများတင်သွင်းခွင့်ပြုခဲ့သည်။ အဆိုပါ ပိတ်ပင်မှုသည် စစ်တပ်နှင့် ခရိုနီများပိုင်ဆိုင်သည့် ကုမ္ပဏီများကသာ စီးပွား ရေးကို ကျယ်ကျယ်ပြန့်ပြန့် ထိန်းချုပ်ခွင့်ပြုထားသည့် ယခင်စစ်အစိုးရ၏ မူဝါဒများအနက်မှ အစိတ်အပိုင်းတခု ဖြစ်သည်။

သို့သော်လည်း လွန်ခဲ့သည့် လအနည်းငယ် အတွင်းတွင် ဥပဒေကို ပိုမိုတင်းကြပ်စွာ ကိုင်တွယ်လုပ်ဆောင်လာပြီး အောက်တိုဘာလမှ စ၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ အကောက်ခွန်ဦးစီးဌာန နှင့် ရဲတပ်ဖွဲ့ တို့ပါဝင် သည့် မိုဘိုင်းစစ်ဆေးရေး အဖွဲ့နှစ်ခုက လက်လီအရောင်းကုမ္ပဏီများ၏ ရန်ကုန်နှင့် မန္တလေးမြို့များရှိ ကုန်လှောင်ရုံများကို အရက်၊ ဆေးလိပ်နှင့်ဆေးရွက်ကြီးနှင့် ပြင်ဆင် ထားသည့် အေးခဲအစားအစာများ ကို တရားဝင် တင်သွင်းခြင်း ဟုတ် မဟုတ် ၀င်ရောက်ရှာဖွေစစ်ဆေး သိမ်းဆည်းခဲ့သည်။

ရှာဖွေဖမ်းဆီးမှုများ ပြုလုပ်ခဲ့ပြီးနောက်တွက် မြန်မာနိုင်ငံ၏ အကြီးဆုံး လက်လီအရောင်းကုမ္ပဏီတခု ဖြစ်သည့် City Mart Holding မှ ပိုင်ဆိုင်သည့် ထောက်ပံ့ရေးလုပ်ငန်း ဖြစ်သော Premium Food Service Products မှ ဒါရိုက်တာတဦးနှင့်  ရန်ကုန်ရှိ အရက်နှင့် အဖျော်ယမကာ ဖြန့်ဖြူးရောင်းချနေသည့် လုပ်ငန်းကြီးတခုဖြစ်သည့် Quarto Products မှ ဒါရိုက်တာတဦး ဖမ်းဆီး တရားစွဲဆိုခြင်း ခံခဲ့ရသည်။

လက်လီရောင်းချသူ အများက ဖမ်းဆီးသိမ်းယူခံရမည်ကို စိုးရိမ်ပြီး နိုင်ငံခြားအရက်များ ရောင်းချခြင်းကို ရပ်ဆိုင်း လိုက်သည့်အတွက် ဈေးကွက်တွင် အရက်ပြတ်တောက်မှုဖြစ်ပေါ်လာပြီး စားသုံးသူများနှင့် စားသောက်ဆိုင်များကလည်း ဝေဖန်ပြောဆိုမှုများ ရှိလာသည်။

အစိုးရက လက်ရှိပြုလုပ်နေသည့် ဖမ်းဆီးနှိမ်နင်းမှုသည် ၎င်းတို့ကိုသာ ဦးတည်ချက်ထားနေခြင်း ဖြစ်သည့် အတွက် တရားမျှတမှုမရှိ ဟု ခံစားရကြောင်း လက်လီရောင်းချသူများကပြောကြသည်။

Premium Food Service Products မှ သိုလှောင်ထားသည့် အရက်များကို ထူးကုမ္ပဏီ အုပ်စုနှင့် ACE ကုမ္ပဏီ အုပ်စုတို့ ပိုင်ဆိုင်သော ကုမ္ပဏီများမှ တဆင့်ဝယ်ယူခဲ့ခြင်း ဖြစ်ပြီး အဆိုပါ ကုမ္ပဏီ အုပ်စုများကို လူသိများသည့် မြန်မာလုပ်ငန်းရှင် ဦးတေဇနှင့် အားကစားဝန်ကြီးဌာန ၀န်ကြီး ဦးတင့်ဆန်း၏ သားဖြစ်သူ ဦးဖြိုးကိုကိုတင့်ဆန်းတို့က အသီးသီးပိုင်ဆိုင် ကြ သည်။ ရှာဖွေဖမ်းဆီးမှုများ စတင်သည့်အချိန်မှစ၍ ထိုကုမ္ပဏီကြီးများကို အရေးယူခြင်း လုံးဝမရှိခဲ့ပေ။

မြန်မာနိုင်ငံ လက်လီရောင်းချသူများ အသင်းက သွင်းကုန်ဥပဒေကို ပြန်လည်စဉ်းစား သုံးသပ်ပေးပါရန် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနသို့ စာရေးသားတောင်းဆိုခဲ့သော်လည်း လတ်တလောပြုလုပ်သည့် ဖြစ်နိုင်ချေရှိသည့် ပြောင်းလဲမှုများနှင့် ပတ်သက်သော အစည်းအဝေးသို့ ၎င်းတို့ အသင်းကို ဖိတ်ကြားခဲ့ခြင်း မရှိကြောင်းလည်း သိရသည်။

မြန်မာနိုင်ငံ လက်လီရောင်းချသူများအသင်း မှ ပြောရေးဆိုခွင့် ရှိသူတဦးက “လက်ရှိအချိန်မှာတော့ ကျနော်တို့ အခက်အခဲတွေအများကြီး ကြုံတွေ့နေရတယ်။ ဖောက်သည် တွေကလည်း နေ့တိုင်း ပြောနေကြပြီ။ ၀ယ်လိုအားက အရမ်းတက်နေတယ်” ဟု ဧရာဝတီသို့ ပြောဆိုသည်။

ညွှန်ကြားရေးမှူး ဦးသန်းအောင်ကျော်က ဥပဒေတွင် အပြောင်းအလဲအများလုပ်လိုက်ပြီး နောက်ပိုင်းတွင် တင်သွင်းသူများရော၊ လက်လီရောင်းချသူများပါ အကျိုးအမြတ် ရရှိလိမ့်မည်ဟု မျှော်လင့်ကြောင်း ပြောသည်။ “ကျနော်တို့ ပြည်သူတွေရဲ့ အသံကိုလည်း နားထောင်ရပါမယ်” ဟု သူကဆိုသည်။

သို့သော် နိုင်ငံခြား ဧည့်သည်များ ၀င်ရောက်မှု အမြင့်ဆုံးအချိန်တွင် အရက်ရှားပါး ပြတ်တောက်မှုဖြစ်ပေါ်ခဲ့ခြင်းကိုမူ အလေးထားနေမည် မဟုတ်ကြောင်း သူက ထပ်ပြောသည်။
ဧရာဝတီ သတင်း

အပြည့်အစုံသို့ »

ရခိုင်က ဟိန္ဒူတွေ နဂါးမင်း ပူဇော်မည်


ရခိုင်ပြည်နယ် ရသေ့တောင်မြို့နယ် မုစဲကျွန်းရှိ ဗုဒ္ဓပါခြေတော်ရာ၏ နမ္မဒါနဂါးမင်း ပူဇော်ပွဲအခမ်းအနားကို ရခိုင်ပြည်နယ်လုံးဆိုင်ရာ ဟိန္ဒူသာသနာ ရေးအဖွဲ့ မှ ကျင်းပပြုလုပ်သွားမည်ဟု သတင်း ရရှိသည်။

၎င်းပူဇော်ပွဲအား ပြည်တွင်း ပြည်ပ သာသနာပြု အလိုတော်ပြည့် ဆရာတော်ကြီး၏ ဦးဆောင်မူဖြင့် ၁၃၇၅-ခုနှစ် ပြာသိုလဆန်း ၁၂ ရက် (၂၀၁၄.ခုနှစ် ဇန်န၀ါရီလ ၁၂ ရက်) တနင်္ဂနွေနေ့ နံနက် ၆း၀၀ နာရီ မှ ည ၈း၀၀ နာရီအထိ ကျင်းပ ပြုလုပ်မည်ဟု ဆိုသည်။

ယင်း ရသေ့တောင်မြို့နယ် ဗုဒ္ဓပါဒခြေတော်ရာတွင် ပြုလုပ်မည့် နမ္မဒါနဂါးမင်းပူဇော်ပွဲ အခမ်းအနားသို့ အများပြည်သူများအား တက်ရောက်ကြရန် ရခိုင်ပြည်နယ်လုံးဆိုင်ရာ ဟိန္ဒူဗုဒ္ဓဘာသာအဖွဲ့မှ ဖိတ်ကြား ထားကြောင်း သတင်း ရရှိသည်။
Burmesenews narinjara

အပြည့်အစုံသို့ »

ကိုယ်ဝန်ဆောင်မိခင်နှင့်ကော်ဖီ



ကိုယ်ဝန်ဆောင်မိခင်များ၏ရင်သွေးငယ်များအတွက် ကော်ဖီအလွန်သောက်သုံးသော ကိုယ်ဝန်ဆောင် မိခင်များအနေနှင့် နှလုံးခုန်နှုန်းနှင့် အစာချေဖျက်မှုကို တိုးစေပြီး အိပ်မပျော်ဖြစ်တတ်သည်။ အလားတူ မိမိလွယ်ထားရသည့် ကလေးတွင်လည်း ခံစားရစေနိုင်သည်။ မိခင်ကော်ဖီ အလွန်သောက်ခြင်းသည် လွယ်ထားရသော ကလေးအတွက် ဆိုးကျိုးဖြစ်စေသည်။ တစ်နေ့လျှင် (500mg) သောက်သော မိခင်များတွင် နှလုံးခုန်မြန်ခြင်း၊ အသက်ရှူ မြန်ခြင်း၊ အိပ်မပျော်ခြင်းတို့ကို ဖြစ်စေသည်။ သို့သော် လက်ဖက်ရည် သို့မဟုတ်ကော်ဖီ တစ်ခွက် နှစ်ခွက် သောက်ရုံဖြင့် ပြဿနာရှိနိုင်ပါ။
ခန္ဓာကိုယ်အတွက်
အလွန်အမင်းသောက်ခြင်းဖြင့် အစာအိမ်ထဲတွင် အက်ဆစ်များပို၍ဖြစ်ပေါ်ပြီး အစာအိမ်နှင့် ၀မ်းသွားခြင်းပြဿနာတို့ ဖြစ်စေသည်။ ထိုမျှမက ကော်ဖီအလွန်သောက်ခြင်းက ခေါင်းကိုက်စေသည်။ကော်ဖီ သို့မဟုတ် လက်ဖက်ရည်ကို အစာနှင့် တွဲသောက်ပါက အစာထဲမှ သံဓာတ်များကို ကဖိန်းက စုပ်ယူသွားနိုင်သဖြင့် တွဲဖက်မသောက်သင့်ပါ။
ကော်ဖီဖြတ်လိုပါက
တစ်နေ့တစ်ခွက်သည် ကြီးမားသောပြဿနာမရှိစေနိုင်သော်လည်း လုံးဝဖြတ်တောက်လိုသူများအနေနှင့် တဖြည်းဖြည်းဖြတ်တောက်သည်က ပို၍ သင့်လျော်ပါသည်။ အလွန်အမင်းသောက်နေရာမှာ ယတိ ပြတ်ဖြတ်တောက်မည်ဆိုလျှင် ပထမ (၁)(၂)ရက်တွင် ခေါင်းကိုက်ခြင်း၊ မောပန်းခြင်း၊ အားနည်းခြင်း၊ မူးဝေ ခြင်း၊အာရုံစူး စိုက်ရခက်ခြင်းတို့ကို ဖြစ်စေနိုင်သည်။
ဒေါန
Health Updates Journal

အပြည့်အစုံသို့ »