တမူးမြို့ခံများ အိန္ဒိယအစိုးရကို ကန့်ကွက်ဆန္ဒပြ


အိန္ဒိယ-မြန်မာ နှစ်နိုင်ငံ နယ်ခြားသတ်မှတ်မှု မရှိသေးတဲ့နေရာမှာ အိန္ဒိယဘက်က အဆောင်အဦဆောက်ဖို့ ကြိုးစားနေတာကြောင့် ထောင်ချီတဲ့ တမူးမြို့ခံတွေနဲ့ အရပ်ဘက်အဖွဲ့တွေ ပူးပေါင်းပြီး တမူးမြို့ နန်းဖာလုံဈေးကနေ မြို့လယ်ကို ဒီနေ့မနက် လမ်းလျှောက် ဆန္ဒပြခဲ့ကြပါတယ်။

အိန္ဒိယ-မြန်မာနယ်စပ် နယ်ခြားမှတ်တိုင်တွေဖြစ်တဲ့ ဘီပီ – ၇၇ နဲ့ ဘီပီ ၈၇ ကြားဟာ နှစ်နိုင်ငံ နယ်နိမိတ် အပြီးပြတ်သတ်မှတ်မှု မရှိသေးဘဲ အငြင်းပွားနေဆဲနေရာဖြစ်ပါတယ်။

အဲဒီနေရာမှာ အိန္ဒိယအစိုးရဘက်က မြေထိုးစက်တွေ နဲ့ မြေတူးတာ၊ မြေဖို့တာ၊ မြေညှိတာတွေ ပြုလုပ်နေပြီး ICP (Integrated Check Post) အဆောက်အဦ ဆောက်ဖို့ ပြင်ဆင်နေလို့ ဆန္ဒကြတာဖြစ်ပါတယ်။

တမူးခရိုင်အုပ်ချုပ်ရေးမှူးက အိန္ဒိယအစိုးရကို ဒီဇင်ဘာလအတွင်း ၁၃ ကြိမ် ကန့်ကွက်စာ ပို့ထားပေမယ့်လည်း ဆက်လုပ်နေတာကြောင့် အရပ်ဘက်အဖွဲ့အစည်းတွေ ပူးပေါင်းဆန္ဒပြကြတာပါ။

တမူးလူငယ်ကွန်ရက်၊ အထက်ချင်းတွင်းဒေသ လူငယ်များကွန်ရက်၊ ဇိုမီးလူငယ်အဖွဲ့၊ မင်းကင်းလူငယ်အဖွဲ့နှင့် တမူးမြို့ပေါ်ရှိ အရပ်ဘက်အဖွဲ့အစည်းတွေအပါအ၀င် တမူးမြို့က ဟိန္ဒူလူမျိုးများတွေပါ ပါဝင်ဆန္ဒပြကြပါတယ်။

အိန္ဒိယအစိုးရဘက်က မရပ်တန့်ဘူးဆိုရင် ဒီဇင်ဘာ ၂၇ ရက်နေ့မှာ ကလေးမြို့နဲ့ ရန်ကုန်မြို့ အိန္ဒိယသံရုံးရှေ့တို့မှာလည်း ဆန္ဒဖော်ထုတ်မယ်လို့ သိရပါတယ်။

DVB Burmese

အပြည့်အစုံသို့ »

၈၈ ခေါင်းဆောင်တွေ ဆန္ဒပြဖို့ သမ္မတနဲ့ လွှတ်တော်ကို စာပေးပို့


ပြည်သူအပေါ် နိုင်ငံရေးအရ တဖက်သတ် ဖိနှိပ်ချုပ်ချယ်ထားတဲ့ ဥပဒေတွေကို ပြင်ဆင်ဖို့နဲ့ မကိုက်ညီတာတွေကို ဖျက်သိမ်းပေးဖို့ တောင်းဆိုတဲ့အနေနဲ့ ၈၈ မျိုးဆက် ကျောင်းသားခေါင်းဆောင်တွေ အပါအ၀င် အရပ်ဘက်လူမှုအဖွဲ့အစည်း ၆၀ ကျော်စုပေါင်းပြီး ဆန္ဒပြဖို့ နိုင်ငံတော်သမ္မတ၊ လွှတ်တော်ဥက္ကဋ္ဌတွေထံ မနေ့က အကြောင်းကြားစာ ပေးပို့လိုက်တယ်လို့ သိရပါတယ်။

၈၈ မျိုးဆက်ကျောင်းသာ ခေါင်းဆောင်တွေအနေနဲ့ ဆန္ဒပြပွဲမှာပါဝင်ဖို့ ဆုံးဖြတ်လိုက်တာနဲ့ ပတ်သက်လို့ ရန်ကုန်မြို့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းရုံးခန်းမှာ ဒီကနေ့ကျင်းပတဲ့ သတင်းစာရှင်းလင်းပွဲမှာ ကျောင်းသားခေါင်းဆောင်တစ်ဦးဖြစ်သူ ကိုပြုံးချိုက RFA ကို အခုလို ပြောပါတယ်။

“တိုင်းပြည်အပြောင်းအလဲမှာ သူတို့တွေကနေပြီးတော့ နိုင်ငံသားတွေ ပါဝင်ခွင့်တွေကို ဥပဒေက တဖက်ကပြဌာန်းပြီးတော့ ဒီဥပဒေအရ တဖက်ကနေ ချုပ်နှောင်ထားတာတွေ ပေါ်လာတဲ့အတွက် ရေရှည်မှာ နိုင်ငံသားတွေ ပါဝင်တဲ့ကိစ္စတွေမှာ အငြင်းပွားမှုတွေ အများကြီးဖြစ်လာနိုင်သလို ဆန္ဒပြုမှု ကိုယ်စားပြုမှု စစ်စစ်မှန်မှန် မရလိုက်မှာကို ကျနော်တို့အများကြီး စိုးရိမ်ပါတယ်”

ဒီဆန္ဒပြပွဲအတွက် လာမယ့်သီတင်းပတ် ဇန်န၀ါရီလ ၄ ရက်နေ့မှာ ရန်ကုန်မြို့ မြို့တော်ခန်းမရှေ့မှာ ဆန္ဒပြခွင့်ရဖို့ ကျောက်တံတားမြို့နယ် ရဲစခန်းမှာ ခွင့်ပြုချက်တောင်းခံထားတယ်လို့ သိရပါတယ်။

အဲဒီ ဆန္ဒပြပွဲမှာ တရားမ၀င် စီတန်းလှည့်လည်ခြင်းဆိုင်ရာပုဒ်မ ၁၈ ပြင်ဆင်ရေးအပါအ၀င် နိုင်ငံရေးအကျဉ်းသားတွေကို ခြွင်းချက်မရှိ လွှတ်ပေးဖို့နဲ့ တရားစွဲဆိုထားဆဲအမှုတွေကို ဖျက်သိမ်းပေးဖို့ စတဲ့အချက်တွေကို တောင်းဆိုကြမှာဖြစ်ပါတယ်။

လက်ရှိအချိန်အထိ အကျဉ်းထောင်တွေထဲမှာ လက်ကျန်နိုင်ငံရေးအကျဉ်းသား ၅၀ ကျော်နဲ့ ပုဒ်မ ၁၈ အပါအ၀င် နိုင်ငံရေးအမှုနဲ့ တရားစွဲဆိုခံထားရသူ ၁၅၀ ကျော်ရှိတယ်လို့လည်း သိရပါတယ်။
RFA Burmese

အပြည့်အစုံသို့ »

အခြေခံဥပဒေကို မပြင်ရင် ရွေးကောက်ပွဲကို သပိတ်မှောက်မယ်လို့ SNLD ပြော


မြန်မာနိုင်ငံရဲ့ လက်ရှိ ၂၀၀၈ ဖွဲ့စည်းပုံ အခြေခံဥပဒေကို မပြင်ဆင်ဘူးဆိုရင် ၂၀၁၅ ရွေးကောက်ပွဲကို ဝင်ရောက်ယှဉ်ပြိုင်မှာ မဟုတ်ဘူးလို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီ ဥက္ကဌ ဦးခွန်ထွန်းဦးက ပြောကြားလိုက်ပါတယ်။

လက်ရှိ ဖွဲ့စည်းပုံ အခြေခံဥပဒေက ပြည်သူတွေအတွက် အကျိုးမဖြစ်စေသလို တိုင်းရင်းသား အခွင့်အရေးတွေလည်း ကင်းမဲ့နေတဲ့အတွက် SNLD ပါတီအနေနဲ့ လက်မခံနိုင်ကြောင်း ၊ ဒါကြောင့် ဒီဖွဲ့စည်းပုံကိုမပြင်ရင် ၂၀၁၅ ရွေးကောက်ပွဲကို မဝင်ဖို့ဆုံးဖြတ်ထားကြောင်း ဦးခွန်ထွန်းဦးက ပြောပါတယ်။

“အရင်တုန်းကလိုပဲ လုံးဝမပြင်ဘူးဆိုရင်တော့ ကျနော်တို့ အရင်တုန်းက ခံယူတဲ့အတိုင်းပဲ မဝင်ပဲနေဖို့တော့ အစီအစဉ်တွေများတယ်၊ လုံးဝမပြင်ဘူးဆိုရင်တော့ လုံးဝမဝင်ဘူးဆိုတဲ့ သဘောမျိုးသက်ရောက်လိမ့်မယ်၊ လောလောဆယ် ပြောင်းလဲလာတယ်၊ အများပြည်သူကလည်း တောင်းဆိုတယ်ဆိုတော့ ဝင်ဖို့ဆိုတာကတော့ ကျနော်တို့က စဉ်းစားရတော့မယ့် အခြေအနေမျိုးမှာရှိပါတယ်၊ ဒီဖွဲ့စည်းပုံ မပြင်ဘူးဆိုရင်တော့ ကျနော်တို့ဒါရင်းခဲ့တာတွေ၊ ဘဝတွေ ပေးဆပ်ခဲ့တာတွေကလည်း အလကားဖြစ်ကုန်မှာပေါ့၊ ကျနော်တို့ရဲ့ ယုံကြည်ချက်က ဒီဖွဲ့စည်းပုံက ပြည်သူအတွက် ဘာမှအကျိုးမရှိဘူး၊ တိုင်းရင်းသားတွေအတွက်လည်း ဘာမှအကျိုးမရှိတဲ့အတွက်ကြောင့် မဝင်ပဲနေခဲ့တယ်၊ အသိအမှတ်လည်း မပြုခဲ့ဘူးလေ၊ ညီလာခံကနေ ထွက်ခဲ့တာပဲ”

SNLD ပါတီဟာ ၁၉၉၀ ရွေးကောက်ပွဲမှာ ဒုတိယမဲအများဆုံးအနိုင်ရရှိခဲ့တဲ့ တိုင်းရင်းသား အင်အားကြီးပါတီတစ်ခု ဖြစ်ပါတယ်။ ပါတီအနေနဲ့ စစ်အစိုးရရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံဥပဒေကို လက်မခံတဲ့အတွက် ၂၀၁၀ ခုနှစ်တုန်းကကျင်းပတဲ့ ရွေးကောက်ပွဲမှာ ဝင်ရောက်မယှဉ်ပြိုင်ခဲ့ပါဘူး။ လက်ရှိမှာ ၂၀၀၈ ဖွဲ့စည်းပုံပြင်ဆင်ရေးကို လွှတ်တော်မှာကော်မတီဖွဲ့ပြီး လုပ်ဆောင်နေပြီဖြစ်တဲ့အတွက် SNLD ပါတီအနေနဲ့ ဒီဖွဲ့စည်းပုံကိုပြင်ဆင်ဖို့ သေချာနေပြီဆိုမှသာ ပါတီမှတ်ပုံတင်ပြီး ရွေးကောက်ပွဲဝင်မှာဖြစ်တယ်လို့ သိရပါတယ်။

RFA Burmese

အပြည့်အစုံသို့ »

ယခုရက်ပိုင်းမှစ၍ တစ်ပြည်လုံးအတိုင်းအတာ အအေးပေါ့မည်

လွန်ခဲ့သည့်ရက်ပိုင်းက အအေးပိုမည်ဟု ထုတ်ပြန်ခဲ့သော်လည်း ယခုရက်မှစ၍ မြန်မာတစ်ပြည်လုံး အတိုင်းအတာနှင့် အအေးပေါ့မည်ဟု မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ဦးစီးအရာရှိ ဒေါက် တာသန်းနိုင်က ဒီဇင်ဘာ ၂၃ ရက်က မဇ္ဈိမကို ပြောကြားလိုက်သည်။

ဒီဇင်ဘာ တတိယအပတ် ခန့်မှန်းချက်အရ ညအပူချိန်အခြေအနေမှာ စစ်ကိုင်းအထက်ပိုင်း၊ ကချင်ပြည် နယ်၊ ချင်းပြည်နယ်၊ ရှမ်းပြည်နယ်တို့တွင် ဒီဇင်ဘာလ၏ ပျမ်းမျှအပူချိန်တို့အောက် အနည်းငယ်လျော့ပြီး ကျန်တိုင်းဒေသကြီးနှင့် ပြည်နယ်တို့တွင် ဒီဇင်ဘာလ ပျမ်းမျှအပူချိန်ခန့်သာ ရှိမည်ဖြစ်သည်။

“ဒီနေ့ ပုံမှန်လောက် ရှိသွားတယ်။ ညအပူချိန် ပြန်တက်လာပြီး ရက်ဆက်ကြာတော့ အေးတယ်လို့ ခံစား ရတယ်။ မှတ်တမ်းအရ နည်းနည်းပြန်တက်လာတယ်”ဟု ဦးသန်းနိုင်က ဆိုသည်။ ဒီဇင်ဘာ ၁၆ ရက်က အအေးပိုမည်ဟု ကြေညာခဲ့သေးသည်။

ဇန်န၀ါရီ၊ ဖေဖော်ရီလ ဆောင်းတွင်းကာလဖြစ်၍ အေးမည့်အခြေအနေ တစ်ကြိမ်လောက်ရှိသေးပြီး ရန်ကုန်မြို့တွင်နေထိုင်သူ ကုမ္ပဏီဝန်ထမ်း အမျိုးသမီးတစ်ဦးက “အရင်ရက်တွေ အရမ်းအေးတယ်။ နေ့ခင်းဘက်တောင် အနွေးထည်ဝတ်ထားရတယ်။ အခုတော့ အအေးလျော့လာတယ်လို့ ခံစားရတယ်”ဟု ပြောသည်။

ပြည်နယ်နှင့်တိုင်းတစ်ခုစီတွင် ပုံမှန် ဒီဂရီစင်တီဂရိတ် ရှိသည်။ မိုးလေ၀သမှတ်တမ်းများနှင့် နှစ် ၃၀ စာ နည်းလမ်းများ ရှာထားပြီး ယင်းကို ပုံမှန်ဟု သတ်မှတ်သည်။

၁၉၉၉ ခုနှစ်က လာနီညာရှိသည့်အတွက် တစ်ပြည်လုံးအတိုင်းအတာနှင့် စံချိန်တင်ခဲ့ပြီး ယခုအခါတွင် ယင်းအခြေအနေလောက် မရှိဟု မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ဦးစီးမှူးက ပြောသည်။

Mizzima Burmese

အပြည့်အစုံသို့ »

အမျိုးသမီးဘောလုံးအသင်းစိတ်ဓာတ်ကို ဂုဏ်ပြုမည်




(၂၇)ကြိမ်မြောက် ဆီးဂိမ်း အကြိုဗိုလ်လုပွဲတွင် ထိုင်းအမျိုးသမီးဘောလုံးအသင်းနှင့် ရဲရဲဝံ့ဝံ့ ယှဉ်ပြိုင်အ နိုင်ယူခဲ့သည့် ပြည်သူကပေးသည့် ချန်ပီယံရွှေတံဆိပ်ဆု ဆွတ်ခူးခဲ့သော မြန်မာအမျိုးသမီးဘောလုံးအ သင်း၏ အသင်းစိတ်ဓာတ်ကို ဂုဏ်ပြုရန် ဒီဇင်ဘာ ၂၃ ရက်က စတင်ပြီး “လူပေါင်းတစ်သိန်းထံမှ သိန်း တစ်ထောင်ကျပ်ရရှိရေး” လှုပ်ရှားမှုကို ၀ါရင့်ဘောလုံးသမား အမျိုးသမီးအသင်း အုပ်ချုပ်သူ ဦးသန်းတိုး အောင်အပါအ၀င် လူအချို့စုပေါင်းပြီး စတင် ကောက်ခံနေပြီဖြစ်ကြောင်း အဆိုပါအဖွဲ့တွင် ပါဝင်သူ ဦး တင်မင်းလတ်က မဇ္ဈိမကို ပြောသည်။

အဆိုပါဂုဏ်ပြုမှုအစီအစဉ်ကို ဒီဇင်ဘာ ၂၃ ရက်မှ ၂၀၁၄ ခုနှစ်၊ ဇန်န၀ါရီ ၂ ရက်အထိ ကောက်ခံသွား မည်ဖြစ်ပြီး ရရှိသည့် ဂုဏ်ပြုချီးမြှင့်ငွေများကို ဇန်န၀ါရီ ၃ ရက်တွင် မြန်မာနိုင်ငံဘောလုံးအဖွဲ့ချုပ်မှ အမျိုး သမီးအသင်းအုပ်ချုပ်သူ ဦးသန်းတိုးအောင်က ပေးအပ်သွားမည်ဖြစ်သည်။

ဦးတင်မင်းလတ်က “ကျွန်တော်တို့ အခုလိုကောက်ခံတယ်ဆိုတာ အဓိက မြန်မာနိုင်ငံသား သန်း ၆၀ က မြန်မာအမျိုးသမီး ဘောလုံးအသင်းကို ဂုဏ်ပြုတယ်ဆိုတာကို ပြသချင်လို့ပါ။ အခုလို ဂုဏ်ပြုဖို့ သန်း ၆၀ လုံး ပါဝင်ဖို့ မဖြစ်နိုင်လို့ လူတစ်သိန်းလောက်ကနေ ဂုဏ်ပြုနိုင်ဖို့အတွက်ပါ။ ကျွန်တော်တို့က ပိုက်ဆံကို အဓိကထားချင်တာမဟုတ်ဘူး။ သူတို့ကို အားလုံးပါဝင် ဂုဏ်ပြုစေချင်တာ။ တစ်ဦးကို တစ်ထောင်ဆိုပေ မယ့် အဲဒီထက်နည်းရင်လည်း လက်ခံသွားမှာဖြစ်သလို များရင်လည်း လက်ခံသွားမှာပါ။ အကယ်၍ တစ် သိန်းထည့်ရင်လည်း လူ ၁၀၀ ကို ကိုယ်စားပြုတယ်လို့ သတ်မှတ်မှာပါ။ ဒီနေ့ပဲ ဘဏ်အကောင့်တွေဖွင့် ပြီး စတင်လက်ခံနေပါပြီ”ဟု ပြောသည်။

အဆိုပါအစီအစဉ်တွင်ပါဝင်သူများက ကျပ်သုံးသောင်းမတည်ကာ စတင် ကောက်ခံနေခြင်းဖြစ်ပြီး မြန်မာ နိုင်ငံ အမြို့မြို့အနယ်နယ်အပြင် စင်ကာပူနိုင်ငံ၊ အင်္ဂလန်နိုင်ငံတို့မှ မြန်မာနိုင်ငံသားများကလည်း ဂုဏ်ပြု ကြမည်ဖြစ်ကြောင်း သိရသည်။

မြန်မာအမျိုးသမီးဘောလုံးအသင်းသည် အကြိုဗိုလ်လုပွဲအဖြစ် ဒီဇင်ဘာ ၁၈ ရက်တွင် မန္တလေးမြို့ မန္တ- လာသီရိ ဘောလုံးကွင်းတွင် ထိုင်းနိုင်ငံ အမျိုးသမီးဘောလုံးအသင်းနှင့် အကြိတ်အနယ် ယှဉ်ပြိုင်ခဲ့ပြီး ဒု တိယမြောက် ပင်နယ်တီ အပြန်အလှန်ယှဉ်ပြိုင်ရာတွင် လွဲချော်ခဲ့ရ၍ တတိယနေရာ ရရှိခဲ့သည်။

ဂုဏ်ပြုချင်သူများသည် ကမ္ဘောဇဘဏ်(ကျွန်းတောလမ်း)Junction Square Branchရှိ ဘဏ်အကောင့် အမှတ်- ၀၅ ၇၁၀ ၂၀၅၇ ၀၀၉၈ ၉၇၀၁ ရှိ ဦးသန်းတိုးအောင်၊ ဖုန်း-၀၉ ၈၃၀ ၄၆၀၆၊ ဦးတင်မင်းလတ် ဖုန်း-၀၉၇၃၁ ၉၅၄၈၈၊ ဒေါ်မြတ်မျိုး ဖုန်း-၀၉ ၇၃၀ ၀၉၇၁၆၊ ဦးသက်ဝင်းလှိုင် ဖုန်း-၀၉ ၄၄၄ ၀၀၇၃၉၉ သို့ ဆက်သွယ်နိုင်သည်။

Mizzima Burmese

အပြည့်အစုံသို့ »

အစွန်းနှစ်ဖက်ကို လက်ကိုင်ထားသည့် NLD


24-12-2013

၈၈ ခေါင်းဆောင် ကိုကိုကြီးမှ ယနေ့မြန်မာ့နိုင်ငံရေးအခြေအနေသည် ၂၀၀၈ ဖွဲ့စည်းပုံအခြေခံ ဥပဒေပြင်ဆင်ရေးအား ဦးစားပေးဆောင်ရွက်ရမည်မဟုတ်ဘဲ Trust Building ကိုသာ ဦးစားပေး ဆောင်ရွက်သင့်သည်ဟု ပြောဆိုခဲ့သဖြင့် ကိုကိုကြီးအား NLD ဦးဆောင်သည့် ဒီမိုအပေါင်းအပါများမှ ကိုကိုကြီး လောဘကြီးသွားပြီဆိုသည့်ခေါင်းစဉ်ဖြင့် ပုဂ္ဂိုလ်ရေး ဂုဏ်သိက္ခာထိခိုက်စွာ ရေးသားခဲ့ပါသည်။

မြန်မာ့ဒီမိုကရေစီ၏ ပြယုဂ်၊ ဒေါ်စုကြည် ဦးဆောင်သည့် NLD ပါတီနှင့် အပေါင်းပါများသည် လွတ်လပ်စွာပြောဆိုနိုင်သည်၊ အမြင်မတူသည်ကို လက်ခံနိုင်ရမည်၊ ရှုံးနိမ့်သူနှင့် အားနည်းသူများကို လေးစားရမည် ဆိုပြီးပြောဆိုသော်လည်း ကိုကိုကြီးမှယုံကြည်မှုကို အရင်တည်ဆောက် သင့်ကြောင်း၊ ၎င်း၏အမြင်အယူအဆကို ပြောဆိုသည့်အခါ NLD အပေါင်း အပါများမှ ကိုကိုကြီးအား စစ်အစိုးရ လက်ဝေခံ၊ အာဏာရူး၊ အရည်အချင်း ရှိလို့မဟုတ်ဘဲ အခြေအနေအရ ခေါင်းဆောင်ဖြစ်လာသူ၊ ဖောက်ပြန် ရေးသမားအဖြစ် တံဆိပ်တပ်လိုက်လေသည်။

မြန်မာနိုင်ငံမှာ ဒီမိုကရေစီစနစ် ပီပီပြင်ပြင်ဖြစ်ပေါ်လာအောင် လုပ်ဆောင်နိုင် သည့်ပါတီမှာ NLD ပါတီတစ်ခုတည်းသာဖြစ်ကြောင်း ကြွေးကြော်နေသော် လည်း ကိုကိုကြီးမှ ယခုလိုသူ့ယုံကြည်ချက်ကို ထုတ်ဖော်သည့်အခါ ဒီမိုဖော်ဆောင်နေသူများမှ ၀ိုင်းဝန်းတိုက်ခိုက်သည့်အတွက် ကိုကိုကြီးခင်မျာ သူ့ယုံကြည်ချက်အား ဆက်လက်မဖော်ထုတ်ရဲတော့ဘဲ ဒေါ်စုကြည်ဦးဆောင် သည့် NLD ပါတီ၏ ဖွဲ့စည်းပုံပြင်ဆင်ရေးအားထောက်ခံကြောင်း မီဒီယာများ တွင် တစ်ဖန်ပြန်လည်ဖတ်ရှုရပြန်ပါသည်။ ဒီဖြစ် စဉ်ကိုကြည့်ခြင်းအားဖြင့် NLD ၏ရပ်တည်ချက်သည် တဖြေးဖြေးအစွန်းကို ရောက်ရှိလျက်ရှိပေသည်။ NLD မှ အဖြူဆိုလျှင် သန်း ၆၀ သောလူထုသည် ဖြူဖြူ မဖြူဖြူ၊ အဖြူဟုပြောဆို ရမည့်သဘော သက်ရောက်နေပေသည်။ NLD သည် အပြောတစ်မျိုး၊ အလုပ်တစ်မျိုးဖြစ်နေပေသည်။

NLD ပါတီအတွင်းတွင် ဒီမိုကရေစီစနစ် မရှင်သန်ဘဲ အာဏာရှင် ဒီမိုကရေစီ စနစ်သာ ရှင်သန်ဖြစ် ထွန်းလျက်ရှိပေသည်။ ပုဒ်မ ၅၉(စ)အား ပြင်ဆင်ရေး အလောတကြီးဆောင်ရွက်နေသည်ကို ကြည့်ခြင်း ဖြင့် NLD တွင် ဒေါ်စုကြည် မှလွဲ၍ ကျန်ပါတီဝင်များအနေဖြင့် သမ္မတလုပ်ရန် အရည်အချင်း မရှိကြောင်းကို ပြသလျက်ရှိပေသည်။ NLD တွင် ဒေါ်စုကြည်၏အမြင်နှင့် အယူအဆ လက်မခံ သူများ နေရာမရသော်လည်း ဒေါ်စုကြည် ဘာပြောပြောထောက် ခံသည့် ဦးကိုနီတို့လိုလူမျိုးများက အာဏာရလျက်ရှိပေသည်။ ထိုသို့ အာဏာရှင်ဆန်မှု များကြောင့် အာဏာရှင်စနစ်ကို ဆန့်ကျင်သည့် မဖောက်မပြန်ရပ်တည်သည့် ဦးဝင်းတင် ကိုယ်တိုင် ဒေါ်အောင်ဆန်းစုကြည်အား စိတ်ပျက်လျက်ရှိသည်ကို ဘာတေးလစ်တနာ၏ဆောင်းပါးတွင် ဖတ်ရှုနိုင်ပေသည်။

ထို့ကြောင့် NLD ပါတီပြင်ဆင်လိုသည့် ပုဒ်မ ၅၉(စ)အား ပြင်ဆင်ရန်၊ ယခင် NLD ပါတီဝင်များဖြစ်သည့် ဦးသိန်းညွန့်၊ ဦးခင်မောင်ဆွေ၊ ဒေါက်တာ သန်းငြိမ်း စသည့် ပါတီခေါင်းဆောင် များကိုယ်တိုင်ကပင် ပြင်ဆင်ရန် မလိုကြောင်း တရားဝင်ထုတ်ဖော်ပြောကြား ထားပြီဖြစ်ပေသည်။ ထိုသို့ ထုတ်ဖော်ပြောကြားထားသော်လည်း NLD အနေဖြင့် ယခင်က ပါတီ ၀င်ဟောင်းများကို လက်ခံလာအောင် စည်းရုံးလုပ်ဆောင်ခြင်းမရှိဘဲ ပုဒ်မ ၅၉(စ)နှင့်ပတ်သက်၍ မှတ်ချက်ပြုပြောဆိုခြင်းမရှိသည့် စစ်တပ် ကိုယ်စားလှယ် များကိုသာ ပြည်သူလူထုနှင့်ထိပ်တိုက်တွေ့စေရန် ဖန်တီးလျက် ရှိပြီးနိုင်ငံရေး အမြတ်ထုတ်ရန် ဆောင်ရွက်လျက်ရှိပေသည်။NLD အနေဖြင့် စစ်တပ် ကိုယ်စားလှယ်နှင့် ပြည်ခိုင်ဖြိုးပါတီမပါ လွှတ်တော်တွင် ရောက်ရှိနေသည့် ကျန်တရားဝင်ပါတီများကိုသာ ပုဒ်မ ၅၉(စ)အား ပြင်ဆင်နိုင်ရေးအတွက် လက်ခံ/လက်မခံ စည်းရုံးကြည့် စေလိုကြောင်း ရေးသားလိုက်ရပါသည်။

မျိုးမြန်မာ
ပုဂံအွန်လိုင်းမီဒီယာ

အပြည့်အစုံသို့ »

မြောက်ဦးတွင် ဒေသခံများနှင့် မပူးပေါင်းသည့် INGO များ လက်ခံထားသည့် ဟိုတယ်များကို မြို့ခံအချို့ သတိပေး


ရန်ကုန်၊ ဒီဇင်ဘာလ ၂၃

ရခိုင်ပြည်နယ် မြောက်ဦးမြို့တွင် အခြေစိုက်သည့် INGO များအနေနှင့် လုပ်ငန်းများ ဆောင်ရွက်ရာတွင် ဒေသခံ လူထုအဖွဲ့အစည်းနှင့် ပူးပေါင်းလုပ်ခြင်း မပြုပါက ယင်း INGO များကို တည်းခိုခွင့် မပေးရန် ဟိုတယ်သုံးခုကို သတိပေးထား ကြောင်း မြောက်ဦးမြို့မှ မြို့မိမြို့ဖတစ်ဦး ဖြစ်သူ ဦးထွန်းလှိုင်က ပြောကြားသည်။

INGO များသည် ဒေသဖွံ့ဖြိုးရေး လုပ်ငန်းများ လုပ်ကိုင်ရာတွင် မြောက်ဦး မြို့ခံလူထုဖြင့် ဖွဲ့စည်းထားသည့် INGO များနှင့် ပူးပေါင်းဆောင်ရွက်ရေး ကော်မတီ နှင့် ပူးပေါင်းရန် အပါအဝင် အချက်ကိုးချက်ကို လိုက်နာရန် ဟိုတယ်မှ တစ်ဆင့် တောင်းဆိုထားပြီး ယင်းအချက်များကို မလိုက်ပါက INGO များကို ဟိုတယ်တွင် လက်မခံရန် ဒီဇင်ဘာလ ၂၃ ရက်နေ့က အရေးပေါ် အစည်းအဝေးကျင်းပကာ သတိပေးထားကြောင်း ၄င်းက ဆိုသည်။

အဆိုပါ တောင်းဆိုချက် ကိုးချက်နှင့် ပတ်သက်၍ INGO များ၏ သဘောထားကို ဒီဇင်ဘာလ ၂၄ ရက်နေ့တွင် နောက်ဆုံးထား အကြောင်းပြန်ရမည် ဖြစ်ပြီး တောင်းဆိုချက်များကို မလိုက်နာသည့် INGO များကို ဆက်လက်တည်းခိုခွင့် ပေးသည့် ဟိုတယ်များကို မြို့ခံများက ဆန္ဒပြသွားမည် ဖြစ်ကြောင်း ဦးထွန်းလှိုင်က ပြောဆိုသည်။

"INGO တွေကို ထွက်သွားဖို့ တောင်းဆိုတာ မဟုတ်ဘူး။ တောင်းဆိုတဲ့ အချက်တွေကို INGO တွေက မလိုက်နာရင် ဟိုတယ်မှာ မထားဖို့ မြို့ခံလူထုရဲ့ သဘောထားကို တင်ပြတာ။ ဟိုတယ်မှာ တည်းခိုခွင့်ပေးထားလို့ INGO ရှိနေတာ" ဟု ၄င်းက ထပ်မံပြောကြားသည်။

တောင်းဆိုထားသည့် အချက်များ မှာ INGO များသည် ဒေသဖွံ့ဖြိုးရေး လုပ်ငန်းများ လုပ်ကိုင်ရာတွင် INGO များနှင့် ပူးပေါင်းဆောင်ရွက်ရေး ကော်မတီနှင့် ပူးပေါင်းရန်၊ ဘက်လိုက်မှု မရှိဘဲ အချိုးညီမျှစွာ ပြုလုပ်ပေးရန်၊ INGO များ သွားရောက်မည့် ကျေးရွာများသို့ ကော်မတီမှ အနည်းဆုံး လူငါးဦး လိုက်ခွင့်ပေးရန်၊ သုံးဆောင်မည့် ပစ္စည်းများနှင့် သိုလှောင်ထားသည့် ပစ္စည်းများကို အချိန်မရွေး စစ်ဆေးခွင့်ပြုရန်၊ မြို့နယ်ကျော်လွန် သွားရောက်ကူညီမှု များကို လုံးဝခွင့်မပြု၊ အကူအညီပေးရေး လုပ်ငန်းများကို နံနက် ၆ နာရီမှ ညနေ ၆ နာရီအထိသာ လုပ်ရန်၊ အကယ်၍ အရေးပေါ် ဆောင်ရွက်ရန် လိုပါက ကော်မတီ၊ ဒေသအာဏာပိုင် အဖွဲ့အစည်း များနှင့် ချိတ်ဆက်လုပ်ကိုင်ရန် အပါအဝင် အချက်ကိုးချက် ရှိကြောင်း အဆိုပါ ကော်မတီထံမှ သိရှိရသည်။

လူသားချင်းစာနာသည့် လုပ်ငန်းများကို သဘောမပေါက်ဘဲ ဝင်ရောက် လုပ်ကိုင်၍ မရနိုင်ကြောင်း၊ INGO များ သည် လွတ်လပ်မှု၊ ဘက်မလိုက်မှု၊ မျက်နှာသာမပေးမှု အပေါ် မူတည်ပြီး လူသားချင်း စာနာသည့် လုပ်ငန်းများကို လုပ်ဆောင်ရခြင်း ဖြစ်ကြောင်း ကုလသမဂ္ဂသတင်း ပြန်ကြားရေးဌာန (UNIC)မှ သတင်း ပြန်ကြားရေးတာဝန်ခံ ဦးအေးဝင်းက မှတ်ချက်ပေးသည်။
"ဒေသခံတွေက အဲဒီအပေါ် နားလည်မှု လွဲနေတယ်" ဟု ၄င်းကဆိုသည်။

မြောက်ဦးမြို့နယ်တွင် ဟိုတယ်သုံးခု၌ အခြေစိုက်ကာ လုပ်ကိုင်နေသည့် INGO သုံးခုရှိကြောင်း၊ INGO များနှင့် ပူးပေါင်းဆောင်ရွက်ရေး ကော်မတီကို နိုင်ငံရေးပါတီ၊ မြို့ခံလူထု၊ သံဃာတော်တို့ ပူးပေါင်းကာ ဖွဲ့စည်းထားကြောင်း မြို့ခံများထံမှ သိရှိရသည်။

အလားတူ ပေါက်တောမြို့နယ်နှင့် စစ်တွေမြို့ တို့တွင်လည်း လွန်ခဲ့သည့် ရက်ပိုင်းက INGO များကို ကန့်ကွက်မှုများ ဖြစ်ပေါ်ခဲ့သည်။

The Voice Weekly Myanmar

အပြည့်အစုံသို့ »