ပုဒ်မ ၁၈ ဖျက်သိမ်းပေးရန် တောင်းဆိုသူတဦး ထောင် ၃ လ ချမှတ်ခံရ


ပုဒ်မ ၁၈, ကိုတင်ထွဋ်ပိုင်, ငြိမ်းချမ်းစွာ စီတန်းလှည့်လည်, ထောင်ဒဏ် ချမှတ်, Generation Youth
ရန်ကုန်မြို့၌ ပြီးခဲ့သည့် ဖေဖော်ဝါရီ ၁၃ ရက်ကကျင်းပသော ဗိုလ်ချုပ်အောင်ဆန်း ၈၉ နှစ်မြောက်မွေးနေ့ အမှတ်တရပွဲတွင် တွေ့ရသည့် ကိုတင်ထွဋ်ပိုင် (ဘယ်ဘက် အစွန်က) (ဓာတ်ပုံ – ဂျေပိုင် / ဧရာဝတီ)

ပုဒ်မ ၁၈ ဖျက်သိမ်းပေးရန် ရန်ကုန်မြို့တွင် လမ်းလျှောက် ဆန္ဒပြခဲ့သော Generation Youth အဖွဲ့မှ ကိုတင်ထွဋ်ပိုင် ကို အာဏာ ပိုင် များက ယနေ့ အလုပ်နှင့် ထောင်ဒဏ် ၃ လ ချမှတ်လိုက်ကြောင်း မိသားစုဝင် တဦးက ပြောသည်။

ခွင့်ပြုချက်မရှိဘဲ လမ်းလျှောက်ဆန္ဒထုတ်ဖော်မှု ပုဒ်မ ၁၈ ဖြင့် လသာမြို့နယ် တရားရုံးက ချမှတ်လိုက်ခြင်းဖြစ်သည်ဟု ကိုတင်ထွဋ် ပိုင် ၏ မိခင် ဒေါ်ငယ် က ဧရာဝတီ ကို ပြောပြသည်။

“ဒီနေ့က ပုဒ်မ ၁၈ နဲ့ ထောင် ၃ လ ချလိုက်တာ။ တရုတ်အလံကို မီးရှို့တဲ့အမှု အတွက်က ဒဂုံတရားရုံးမှာ နောက်လ ၇ ရက်နေ့ကို ရုံးချိန်း ပေးလိုက်တယ်”ဟုလည်း ဒေါ်ငယ်က ပြောသည်။

ကိုတင်ထွဋ်ပိုင်သည် ပြီးခဲ့သည့် သြဂုတ်လ ၂၇ ရက်က ရန်ကုန်မြို့ စမ်းချောင်းမြို့နယ်မှ ကျောက်တံတားမြို့နယ်သို့ လမ်းလျှောက် ဆန္ဒပြခဲ့ရာ ၎င်း ဖြတ်သွားခဲ့သော မြို့နယ်တိုင်း၏ တရားစွဲဆိုခံထားရကြောင်း ရှေ့နေ ဦးရောဘတ်စန်းအောင် ကလည်း ပြောပြ သည်။

ပုဒ်မ ၁၈ တွင် “မည်သူမဆို ခွင့်ပြုမိန့် မရရှိဘဲ ငြိမ်းချမ်းစွာ စုဝေးခြင်းသို့မဟုတ် ငြိမ်းချမ်းစွာ စီတန်းလှည့်လည်ခြင်း ပြုကြောင်း
ပြစ်မှု ထင်ရှားစီရင်ခြင်း ခံရလျှင် ထိုသူကို ၁ နှစ်ထက် မပိုသော ထောင်ဒဏ်ဖြစ်စေ၊ ကျပ် ၃ သောင်းထက် မပိုသော ငွေဒဏ်ဖြစ် စေ၊ ဒဏ် ၂ ရပ်လုံး ဖြစ်စေ ချမှတ်ရမည်”ဟု ပြဋ္ဌာန်းထားသည်။

သမ္မတ ဦးသိန်းစိန် အစိုးရက ပုဒ်မ ၁၈ ပါဝင်သည့်“ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လည်ခွင့် ဆိုင်ရာ ဥပဒေ” ကို ၂၀၁၁ ခုနှစ် ဒီဇင်ဘာလ ၂ ရက်နေ့က ပြဋ္ဌာန်းခဲ့ခြင်း ဖြစ်သည်။

ကိုတင်ထွဋ်ပိုင်နှင့် အတူလမ်းလျှောက်ခဲ့သူ ၃ ဦးတွင် ဒေါ်နော်အုံးလှ၊ ကိုစည်သူဝင်းတို့ကို အမိန့်မချသေးဘဲ ဆက်လက် စစ်ဆေး လျက်ရှိပြီး ကိုအောင်စိုး ဆိုသူမှာ အဖမ်းမခံဘဲ ရှောင်တိမ်းနေသောကြောင့် တရားခံပြေးအဖြစ် သတ်မှတ်လိုက်ကြောင်း ယင်း အမှုများကို လိုက်ပါကူညီနေသူ မသန္တာကလည်း ပြောပြသည်။

၂၀၁၃ ခုနှစ် နိုဝင်ဘာလ ၂၉ ရက်နေ့ကလည်း ကိုတင်ထွဋ်ပိုင် ၊ ဒေါ်နော်အုန်းလှ နှင့် ကိုအောင်စိုး တို့သည် လက်ပံတောင်းတောင် ကြေးနီစီမံကိန်း သပိတ်စခန်း ဖြိုခွင်းမှု တနှစ်ပြည့် အထိမ်းအမှတ်အဖြစ် တက်ကြွ လှုပ်ရှားသူ ၃၀ ၀န်းကျင်နှင့် ရန်ကုန်မြို့တော် ခန်းမ အနီးမှစတင်၍ ဆန္ဒပြ ချီတက်လမ်းလျှောက်ခဲ့ပြီး ဒဂုံမြို့နယ် ပြည်ထောင်စု ရိပ်သာ လမ်းရှိ တရုတ် သံရုံး အနီးတွင် တရုတ် အလံကို မီးရှို့မှု ပြုလုပ်ခဲ့သည်။

ဒေါ်နော်အုံးလှကိုလည်း ဗိုလ်တထောင် ၊ ဒဂုံ နှင့် လသာ တရားရုံးများက ပုဒ်မ ၁၈ ဖြင့် နှစ်မှု ၊ တရုတ်အလံ မီးရှို့မှု ၅၀၅(ခ) ၊ ၂၀၀၇ ခုနှစ်က ရွှေတိဂုံဘုရားပေါ်တွင် ဘုရားစာ အကျယ်ကြီး ရွတ်ဆိုခဲ့ခြင်းအတွက် သာသနာညှိုးနွမ်းစေမှု ပုဒ်မ ၂၉၅ စသည့် အမှုများအတွက် ယနေ့ရုံးထုတ် စစ်ဆေးခဲ့ကြောင်း ဒေါ်နော်အုံးလှ၏ မိတ်ဆွေလည်း ဖြစ်သည့် မသန္တာက ပြောသည်။

“သူ(ဒေါ်အုန်းလှ)က အရင်အမှုဟောင်းတွေအတွက်ပါ တရားရင်ဆိုင်နေရတယ်။ ဒီနေ့ ဒဂုံတရားရုံးက သူ့ကို ဘုရားစာအကျယ်ကြီး ရွတ်ဆိုတယ်ဆိုတဲ့ အမှု ပြန်စစ်တယ်။ သာသနာကို ညိုးနွမ်းစေမှုနဲ့ပါ”ဟုလည်း မသန္တာက ပြောပြသည်။

ပုဒ်မ ၁၈ ဖြင့် တရားရင်ဆိုင်နေရသူ ၁၂၃ ဦး၊ ထောင်ဒဏ်ချခံရသူ ၅၂ ဦး၊ ပြန်လည် လွတ်မြောက်လာသူ ၁၇ ဦး နှင့် လက်ရှိအကျဉ်း ထောင်တွင်း ၃၅ ဦး ကျန်ရှိနေသေးကြောင်း နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) က ပြီးခဲ့သည့် နိုဝင်ဘာ လအတွင်း ထုတ်ပြန်ထားသည်။

“ငြိမ်းချမ်းစွာ ဆန္ဒဖော်ထုတ်ဖို့ ခွင့်ပြုမိန့် မလိုပါ။ ခွင့်ပြုမိန့် တောင်းခံခိုင်းခြင်းကို AAPP အနေနဲ့ ကန့်ကွက်ပါတယ်။ ပုံမှန် ဆန္ဒပြ ပွဲတွေအတွက် လုံခြုံရေး အစီအမံပြုလုပ်နိုင်ရန် ဆန္ဒပြသူများဘက်မှ ရက်အနည်းငယ် ကြိုတင်အသိပေးရန် လိုအပ်ပါတယ်”ဟု AAPP တွဲဖက်အတွင်းရေးမှူး ဦးဘိုကြည်က ဧရာဝတီသို့ ပြောဆိုထားသည်။

ပုဒ်မ ၁၈ ကဲ့သို့သော နိုင်ငံသားများ၏ အခွင့်အရေး ထိခိုက်စေသည့် ဥပဒေများကို ပယ်ဖျက်ပေးရန် ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်း အပါအ၀င် အဖွဲ့အစည်းပေါင်း ၆၀ နီးပါး ပူးပေါင်းပြီး ၂၀၁၄ ခုနှစ် ဇန်န၀ါရီလ ၄ ရက်(လွတ်လပ်ရေးနေ့) တွင် ဆန္ဒပြတောင်းဆိုမှု ပြုလုပ်ရန် စီစဉ်နေသည်။

ယင်းအစီအစဉ်၌ အများသဘောတူ ငြိမ်းချမ်းစွာ ဆန္ဒပြတောင်းဆိုနိုင်ရန် သက်ဆိုင်ရာသို့ တင်ပြလိုက်ကြောင်းလည်း ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်း ရုံး၌ ယနေ့ နေ့လယ်ပိုင်းက ကျင်းပသော သတင်းစာရှင်းလင်းပွဲမှ သိရှိရသည်။
ဧရာဝတီ သတင်း

အပြည့်အစုံသို့ »

လွတ်လပ်ရေးနေ့မှာ ၈၈ မျိုးဆက်နဲ့ အရပ်ဘက်အဖွဲ့ ၆၀ ကျော် စုပေါင်း ဆန္ဒပြမည်


မတရားတဲ့ တဖက်သတ် ဥပဒေတွေကို ပြင်ဆင်ဖို့နဲ့ ဖျက်သိမ်းသင့်တာတွေကို ဖျက်သိမ်းဖို့ တောင်းဆိုတဲ့ ဆန္ဒပြပွဲ တစ်ခုကို ၈၈ မျိုးဆက် ကျောင်းသားအဖွဲ့ အပါအ၀င် အရပ်ဘက်လူမှုအဖွဲ့အစည်း ၆၀ ကျော်က စုပေါင်းပြီး လာမယ့် ဇန်န၀ါရီလ ၄ ရက်နေ့မှာ ရန်ကုန်မြို့ မြို့တော်ခန်းမရှေ့မှာ ပြုလုပ်သွားဖို့ စီစဉ်နေတယ်လို့ သတင်း ရရှိပါတယ်။

ဇန်န၀ါရီလ ၄ ရက်နေ့မှာ ဆန္ဒပြခွင့် ရရှိရေးအတွက် ရန်ကုန်တိုင်း ဒေသကြီး ကျောက်တံတားမြို့နယ် ရဲစခန်းမှာ ခွင့်ပြုချက် တောင်းခံထားတယ်လို့လည်း RFA မှာ သတင်း ဖေါ်ပြထားပါတယ်။

ဒါ့ပြင် ပြည်သူတွေကို စီတန်းလှည့်လည်ခြင်းဆိုင်ရာ ပုဒ်မ (၁၈) နဲ့ နိုင်ငံရေးအရ တဖက်သတ် ဖိနှိပ်ချုပ်ချယ်ဖို့ ထုတ်ထားတဲ့ ဥပဒေတွေကို ပြင်ဆင်ဖို့နဲ့ မကိုက်ညီတာတွေကို ဖျက်သိမ်းပေးဖို့ တောင်းဆို ဆန္ဒပြမယ်ဆိုတဲ့ အကြောင်းကို အဆိုပါ အဖွဲ့တွေကနေ နိုင်ငံတော်သမ္မတ၊ လွှတ်တော်ဥက္ကဋ္ဌတွေဆီကို စာရေးပြီး မနေ့က အကြောင်းကြားလိုက်တယ်လို့လည်း သိရပါတယ်။
Burmesenews narinjara

အပြည့်အစုံသို့ »

မြန်မာနိုင်ငံမှာ နိုင်ငံပေါင်း ၃၃ နိုင်ငံက မိုဘိုင်းဖုန်း သုံးနိုင်မည်

Photo by Reuters

မြန်မာ့ဆက်သွယ်ရေးဟာ နိုင်ငံပေါင်း ၃၃ နိုင်ငံက မိုဘိုင်းဖုန်း အသုံးပြုသူတွေ မြန်မာနိုင်ငံမှာ လာပြီး အသုံးပြုနိုင်ဖို့ ပြင်သစ်နိုင်ငံ Orange ကုမ္ပဏီနဲ့ International Roaming Service Agreement စာချုပ်ချုပ်ဆိုခဲ့ပြီလို့ ထုတ်ပြန်ကြေငြာပါတယ်။

ဒီဇင်ဘာ ၂၀ ရက်နေ့က ချုပ်ဆိုခဲ့တဲ့ အဲဒီ စာချုပ်မှာ ပထမအဆင့်အနေနဲ့ အာဆီယံ အပါအ၀င် နိုင်ငံပေါင်း ၃၃ နိုင်ငံက အော်ပရေတာ ၆၄ ဦးက ၀န်ဆောင်မှု ပေးနေတဲ့ မိုဘိုင်းဖုန်း တွေ မြန်မာနိုင်ငံထဲ ယူလာတဲ့အခါ International Roaming စနစ်ကို ၀န်ဆောင်မှုပေးဖို့ အောရင့်ကုမ္ပဏီက အကောင်အထည်ဖော်ပေးရမှာ ဖြစ်ပါတယ်။
အဲဒီ စနစ် တည်ဆောက်ပြီးသွားရင် ၃၃ နိုင်ငံက ပြည်သူတွေ သူတို့ဖုန်းနဲ့ မြန်မာနိုင်ငံထဲမှာ အသုံးပြုနိုင်မှာ ဖြစ်ပါတယ်။

မြန်မာဖုန်းတွေ နိုင်ငံခြားမှာ သွားသုံးနိုင်ဖို့ကိုတော့ စမ်းသပ်နေတဲ့အဆင့်ပဲ ရှိသေးတဲ့ အကြောင်း ဆက်သွယ်ရေးက ထုတ်ပြန်ကြေညာထားပါတယ်။
DVB Burmese

အပြည့်အစုံသို့ »

တောင်ဆူဒန်မြို့တော်ကို သူပုန်တွေလက်က စစ်တပ်ပြန်သိမ်း


တောင်ဆူဒန်နိုင်ငံမှာ ပြီးခဲ့တဲ့ သီတင်းပတ်အတွင်းက သူပုန်စစ်သားတွေ သိမ်းပိုက်ထားတဲ့ ပြည်နယ်မြို့တော် ၂ ခုအနက် ၁ ခုကို အစိုးရတပ်က ပြန်လည် သိမ်းယူလိုက်တယ်လို့ တောင်ဆူဒန်အစိုးရက ပြောပါတယ်။

Jonglei ပြည်နယ် မြို့တော် Bor ကို အစိုးရတပ်တွေက ပြန်လည်သိမ်းယူလိုက်ပြီလို့ အစိုးရက သူ့ရဲ့ Twitter စာမျက်နှာမှာ ရေးထားပါတယ်။ အဲဒီမှာ သူပုန်တပ်ဖွဲ့တွေကို ရှင်းလင်းမှု စစ်ဆင်ရေး လုပ်နေပြီလို့ ဆိုပါတယ်။

Bor မြို့တွင်းမှာ တိုက်ခိုက်မှုတွေ ဖြစ်တယ်ဆိုတာကို ဒေသခံ ရေဒီယိုဌာန တခုက ကြေညာပါတယ်။ မျက်မြင်တွေပြောအရလည်း သူပုန်တွေက အဲဒီကနေ ဆုတ်ခွာသွားပြီဆိုတာ အတည်ပြုလို့ရပါတယ်။

ကုလသမဂ္ဂ လုံခြုံရေးကောင်စီမှာတော့ အင်္ဂါနေ့တုန်းက တောင်ဆူဒန်အရေး မဲခွဲ ဆုံးဖြတ်ချက် ထွက်ခဲ့ပါတယ်။ တောင်ဆူဒန်ကို နောက်ထပ် နိုင်ငံတကာ ငြိမ်းချမ်းရေးထိန်း တပ်သား ၅ ထောင့် ၅ ရာ စေလွှတ်ဖို့ ဆုံးဖြတ်ပါတယ်။

ဒီအရေအတွက်နဲ့ပါဆိုရင် တောင်ဆူဒန်မှာ နိုင်ငံတကာ ငြိမ်းချမ်းရေးထိန်းတပ်သား ၁ သောင်း ၂ ထောင့် ၅ ရာ ရှိသွားပြီဖြစ်ပါတယ်။ အာဏာသိမ်းဖို့ ကြိုးပမ်းရာကနေ တိုက်ပွဲတွေ ဖြစ်ပြီးကတည်းကဆိုရင် တောင်ဆူဒန်မှာ လူပေါင်း ရာဂဏန်းသေဆုံးခဲ့ပြီး၊ လူပေါင်း ၈ သောင်းကျော် အိုးမဲ့အိမ်မဲ့ ဖြစ်ခဲ့ရပါတယ်။

Dinka နဲ့ Nuer လူမျိုးနွယ်စုနှစ်ခုအကြား အကြမ်းဖက်မှုတွေ ဖြစ်ခဲ့တာပါ။ အမေရိကန် မရိန်းတပ်သား ၁၅၀ ကို Djibouti ကို လွှတ်လိုက်ပြီလို့ အမေရိကန်ပြည်ထောင်စုက ပြောပါတယ်။ အဲဒီမှာရှိတဲ့ အမေရိကန် နိုင်ငံသားတွေကို ကယ်ထုတ်ပြီး၊ အမေရိကန်ပိုင်တွေကို အကာအကွယ်ပေးဖို့ တောင်ဆူဒန်ကို အဲဒီတပ်ဖွဲ့ဝင်တွေ ၀င်ရောက်ဖို့ ရှိနေပြီလို့ ပြောပါတယ်။

Unity ပြည်နယ် မြို့တော် Bentiu မှာတော့ လူသေအလောင်း အစုလိုက်အပြုံလိုက် တွေ့ရတယ်လို့ ကုလသမဂ္ဂ လူ့အခွင့်အရေးရုံးက အင်္ဂါနေ့မှာ ပြောပါတယ်။ အဲဒီမှာ လူသေအလောင်း ၁၄ လောင်းတွေ့ရပြီး၊ အနီးအနား မြစ်ဘေးမှာလည်း အလောင်း ၂၀ တွေ့ရတယ်လို့ ကုလသမဂ္ဂ ပြောခွင့်ရသူက ပြောသွားခဲ့ပါတယ်။


အပြည့်အစုံသို့ »

မြောက်ကိုရီးယား နျူကလီးယားလုပ်ငန်းတွေ ပြန်စနိုင်ဖွယ်ရှိ


မြောက်ကိုရီးယားနိုင်ငံက သူတို့ရဲ့ နျူကလီးယားစက်ရုံကို ပြန်ပြီးလည်ပတ်ဖို့ လုပ်ဆောင်နေတာဟာ နဂိုတုန်းက ထင်ထားတာထက် ပိုပြီး ကြီးမားကျယ်ပြန့်တဲ့ပုံ ရှိတယ်လို့ အမေရိကန်အခြေစိုက် သုတေသနအဖွဲ့တဖွဲ့က ပြောလိုက်ပါတယ်။

Johns Hopkins တက္ကသိုလ်၊ အမေရိကန်-ကိုရီးယားအင်စတီကျူရဲ့ လေ့လာသုံးသပ်ချက်ဟာ မြောက်ကိုရီးယားနိုင်ငံ၊ အနောက်မြောက်ပိုင်းက ယွန်ဗြောင်းနျူကလီးယားစက်ရုံကို မကြာသေးခင်က ရိုက်ယူထားတဲ့ ဂြိုဟ်တုရုပ်ပုံတွေပေါ် အခြေခံထားတာဖြစ်ပါတယ်။

အဲဒီစက်ရုံထဲက ၅ မီဂါဝပ် ပလူတိုနီယမ် ဓာတ်ပေါင်းဖိုကို ပြီးခဲ့တဲ့ သြဂုတ်လမှာ ပြန်ပြီး လည်ပတ်ခဲ့တာပါ။ နျူကလီးယားလက်နက် ပိုင်ဆိုင်မှုကို ထပ်ပြီး တိုးချဲ့သွားမယ်လို့ မြောက်ကိုရီးယားက အခိုင်အမာပြောခဲ့အပြီး သီတင်းပတ်အတော်အကြာမှာ ဓာတ်ပေါင်းဖိုကို ပြန်လည်ပတ်ခဲ့တာဖြစ်ပါတယ်။

ဓာတ်ပေါင်းဖိုမှာ လုပ်ငန်းတွေ ပြန်စနေတာကို မကြာသေးခင်ကရခဲ့တဲ့ ရုပ်ပုံတွေက ပြနေပေမဲ့လည်း နျူကလီးယားဗုံးလုပ်ဖို့ လိုအပ်တဲ့ ပလူတိုနီယမ် ထုတ်လုပ်မှုကို ဘယ်လောက်မြန်မြန် ပြန်စနိုင်မယ်ဆိုတာကတော့ ရှင်းရှင်းလင်းလင်း မရှိပါဘူး။ လောင်စာချောင်းအသစ်တွေကို ထုတ်လုပ်ဖို့ရာ ရှည်လျားတဲ့ လုပ်ငန်းစဉ်အဆင့်ကို အရင်ဆုံး ပြီးဆုံးဖို့ လိုအပ်တာကြောင့် ဖြစ်ပါတယ်။

VOA Burmese News

အပြည့်အစုံသို့ »

ဆန္ဒပြသမားများ ထိုင်း ရွေးကောက်ပွဲမှတ်ပုံတင်ရုံးကို ၀င်စီးရန် ကြိုးစား

Photo by Reuters

ထိုင်းနိုင်ငံ ဘန်ကောက်မြို့တော်မှာ ရွေးကောက်ပွဲကို ကန့်ကွက်တဲ့ ဆန္ဒပြပွဲတွေ ဆက် ဖြစ်နေပြီး ဒီဇင်ဘာ ၂၅ ရက်နေ့မှာ ရာနဲ့ချီတဲ့ ဆန္ဒပြသမားတွေဟာ ရွေးကောက်ပွဲမှတ်ပုံတင်ရုံးကို ၀င်စီးဖို့ ကြိုးစားနေကြပါတယ်။

ဝန်ကြီးချုပ် ယင်းလပ်က ဖေဖော်ဝါရီလ ၂ ရက်နေ့မှာ ရွေးကောက်ပွဲ ကျင်းပဖို့ ကြေညာထားပေမယ့် ဆန္ဒပြခေါင်းဆောင် ဆူသက်က ပါတီတွေနဲ့ ကိုယ်စားလှယ်လောင်းတွေ မှတ်ပုံတင်ရမယ့် အားကစားရုံထဲကို ၀င်လို့ မရအောင် တားဆီးဖို့ ပြီးခဲ့တဲ့ ဒီဇင်ဘာ ၂၄ ရက်နေ့က ဆော်သြထားပါတယ်။
ဆန္ဒပြသမားတွေ ပိတ်ဆို့ထားတဲ့ကြားက ဒီဇင်ဘာ ၂၅ ရက်နေ့ မနက်ပိုင်းအထိ ရွေးကောက်ပွဲအတွက် မှတ်ပုံတင်ထားတဲ့ ပါတီ ၃၅ ပါတီ ရှိသွားပြီ ဖြစ်ပါတယ်။

ပါတီနဲ့ ကိုယ်စားလှယ်လောင်း မှတ်ပုံတင်တာတွေကို ဒီဇင်ဘာ ၂၃ ရက်နေ့မှာ စတင်ခဲ့ပြီး လာမယ့် ဒီဇင်ဘာ ၂၇ ရက်နေ့ကို နောက်ဆုံးနေ့အဖြစ် သတ်မှတ်ထားပါတယ်။

ဆန္ဒပြသမားတွေကြောင့် အဟန့်အတားတွေ ကြုံနေရလို့ မှတ်ပုံတင်ရမယ့်ရက်ကို တိုးပေးဖွယ်ရှိတယ်လို့ ရွေးကောက်ပွဲကျင်းပရေး ကော်မရှင်က ပြောထားပါတယ်။

လုပ်ငန်းစဉ်ကို နှောင့်ယှက်သူတွေကိုလည်း ထောင်ဒဏ်အထိ အပြစ်ပေးနိုင်တယ်လို့ ရဲအဖွဲ့က သတိပေးထားပါတယ်။

ဆန္ဒပြသမားတွေကတော့ ရွေးကောက်ပွဲကို ရွှေ့ဆိုင်းပြီး ပြုပြင်ပြောင်းလဲရေးတွေကို အရင်လုပ်ဖို့ တောင်းဆိုနေပါတယ်။

ဒါပေမယ့် ၀န်ကြီးချုပ် ယင်းလပ်ကတော့ ရွေးကောက်ပွဲ အရင်လုပ်ဖို့ အစီအစဉ်ကို နောက်မဆုတ်ပါဘူး။ ပြုပြင်ပြောင်းလဲရေးကိုလည်း ရွေးကောက်ပွဲအပြီး အစိုးရပေါ်ပြီးမှ ဆက်လုပ်ဖို့ အကြံပြုပါတယ်။

ဒီဇင်ဘာ ၂၅ ရက် ဒီနေ့မှာ ၀န်ကြီးချုပ် ယင်းလပ်က အဆိုပြုတဲ့ ပြုပြင်ပြောင်းလဲရေး ကောင်စီမှာ ပညာရှင်တွေ၊ စီးပွားရေးပညာရှင်တွေ၊ ရှေ့နေတွေ၊ အစိုးရ၀န်ထမ်းတွေနဲ့ စစ်တပ်က ကိုယ်စားလှယ်တွေ ၄၉၉ ယောက် ပါဝင်ပြီး ရွေးကောက်ပွဲမှာ အနိုင်ရတဲ့ အစိုးရအဖွဲ့နဲ့ ညှိနှိုင်း ဆောင်ရွက်ရမယ်လို့ အဆိုပြုထားပါတယ်။

လောလောဆယ် ဘန်ကောက်မှာ ဆန္ဒပြပွဲတွေ ပေါ်ပေါက်နေပေမယ့် ၀န်ကြီးချုပ် ယင်းလပ်ဟာ ပွေ့ထိုင်း (Puea Thai) ပါတီရဲ့ အမာခံနယ်မြေဖြစ်တဲ့ နိုင်ငံအရှေ့မြောက်ဒေသမှာ ရောက်နေပါတယ်။

ရွေးကောက်ပွဲကို အကြီးဆုံးအတိုက်အခံ သက်တမ်းရင့်ပါတီဖြစ်တဲ့ ဒီမိုကရက်ပါတီက သပိတ်မှောက်ဖို့ ကြေညာထားပါတယ်။
DVB Burmese

အပြည့်အစုံသို့ »

မြ၀တီနေ့စဉ်သတင်းစာ (၂၆-၁၂-၂၀၁၃) ကြာသပတေးနေ့

နောက်ဆုံးထွက် ဂျာနယ်များ ဖတ်ရန်၊ download လုပ်ရန်

အကျယ်ချဲ့ကြည့်ရန်




အပြည့်အစုံသို့ »