ဝန်ကြီးများအား ဌာနအပိုယာဉ်သုံးစွဲခြင်းနှင့် ဇနီး၊သားသမီးများကို မောင်းနှင်ခွင့်မပြုရန် ညွှန်ကြား


ပြည်ထောင်စုဝန်ကြီး၊ ဒုတိယ၀န်ကြီးများအား ဌာနမှ အပိုယာဉ်များ  ယူဆောင်သုံးစွဲခြင်း၊ ဇနီး၊ သားသမီးများကို မောင်းနှင်စေခြင်း၊ သတ်မှတ်ချက်ထက် စက်သုံးဆီ ပိုမိုသုံးစွဲခြင်း မပြုလုပ်ကြရန် ပြည်ထောင်စုအစိုးရအဖွဲ့ ရုံးမှ ဒီဇင်ဘာ ၉ ရက် ရက်စွဲဖြင့် ညွှန်ကြားချက် ထုတ်ပြန်လိုက်သည်။

ပြည်ထောင်စုဝန်ကြီး၊ ဒုတိယ၀န်ကြီးများသည် သတ်မှတ်ထုတ်ပေးထားသည့်  ယာဉ်အရေအတွက်၊ ယာဉ်အမျိုးအစားကိုသာ မောင်းနှင်သုံးစွဲကြရန်လည်း အစိုးရအဖွဲ့ရုံး ညွှန်ကြားရေးမှူးချုပ်လက်မှတ်ဖြင့် ၀န်ကြီးဌာနများသို့ ပေးပို့သော ညွှန်ကြားလွှာတွင်ဖော်ပြထားသည်။

ပြည်ထောင်စုအဆင့်ရှိ ၀န်ကြီးများသည် ရုံးသုံး၊ အိမ်သုံးနှင့် ခရီးသွားရန် မော်တော်ယာဉ်သုံး စီး  အဆောင်အယောင်အဖြစ် ရရှိပြီး    မော်တော်ယာဉ်တစ်စီးလျှင် တစ်လ ဆီဂါလန် ၆၀ စီ အခမဲ့ထုတ်ယူခွင့်ရရှိထားသည်။ မော်တော်ယာဉ်ပြင်ဆင်စရိတ်ကို အစိုးရက  အကုန်အကျခံရပြီး  ပြင်ပယာဉ်မောင်းသုံးဦးအတွက် လစာငွေတစ်သိန်းခန့်စီကိုလည်း အစိုးရကထုတ်ပေးရသည်။ ၀န်ကြီးတစ်ဦးစီသည် အိမ်အကူနှင့် ခြံစောင့်တစ်ဦးစီပါ ခန့်ထားခွင့်ရရှိထားပြီး ၎င်းတို့အတွက် လစာငွေကိုလည်း  အစိုးရက ကျခံရသည်။

ပြည်ထောင်စုအဆင့်ပုဂ္ဂိုလ်များ၏ ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာ ဥပဒေပုဒ်မ ၂၁ နှင့် ပုဒ်မ ၂၂ တွင် ၀န်ကြီးနှင့် ဒုတိယ၀န်ကြီးများသည် အဆောင်အယောင်အဖြစ် မော်တော်ယာဉ် သုံးစီး၊ ယာဉ်မောင်းသုံးဦး၊  ယာဉ်တစ်စီးလျှင် တစ်လ စက်သုံးဆီဂါလန် ၆၀ နှင့် အမှန်တကယ်ကုန်ကျမည့် စက်ဆီ၊ ချောဆီများ ခံစားခွင့်ရှိကြောင်း ပြဋ္ဌာန်းထားသည်။

အစိုးရအဖွဲ့၏  ညွှန်ကြားလွှာတွင် ပြီးခဲ့သည့် နိုဝင်ဘာ ၃၀ ရက်က ပို့ဆောင်ရေးဝန်ကြီးဌာနပိုင် ပါဂျဲရိုးမော်တော်ယာဉ်သည် စက်ဘီးစီးနင်းလာသူ နှစ်ဦးကို ဒဂုံမြို့နယ်၊ မြို့မကျောင်းလမ်းတွင် တိုက်မိခဲ့ရာ ယာဉ်တိုက်ခံရသူနှစ်ဦး သေဆုံးခဲ့သည်။ ထိုယာဉ်ကို စိစစ်တွေ့ရှိချက်များအရ   Unique Marine Service ကုမ္ပဏီ အကြံပေးအရာရှိ Mr. Jonathan Sivapunian ကို ငှားရမ်းထားကြောင်း ဖော်ပြထားသည်။အဆိုပါဖြစ်စဉ်တွင် ၀န်ကြီးဌာနအနေဖြင့် သတ်မှတ်ထားသော အဆောင်အယောင်ယာဉ်များအပြင် ဌာနပိုင်ယာဉ်ကိုပါ အပိုယာဉ်အဖြစ်သုံးစွဲနေသည်ဖြစ်၍ တိုင်ကြားမှုများရှိပါက ပြဿနာများ ဖြစ်ပွားလာနိုင်ကြောင်း ညွှန်ကြားလွှာတွင် ဖော်ပြထားသည်။

ပို့ဆောင်ရေးဝန်ကြီးဌာနသို့ အဆိုပါကိစ္စကို ဆက်သွယ်မေးမြန်းရာ ဌာနများပြားသည့်အတွက် ၎င်းအနေဖြင့် မသိရှိဘဲ ယာဉ်ထိန်းရဲတပ်ဖွဲ့သို့ မေးမြန်းရန် တာဝန်ရှိသူတစ်ဦးက ပြန်လည်ဖြေကြားခဲ့သည်။  ဒဂုံမြို့နယ် ရဲတပ်ဖွဲ့သို့ ဆက်သွယ်မေးမြန်းရာ ““ယာဉ်မောင်းကို အမှုဖွင့်အရေးယူထားပါတယ်””ဟု တာဝန်ကျအရာရှိက ပြန်လည်ဖြေကြားသည်။

ပြည်ထောင်စုအဆင့်  ၀န်ကြီးများသို့ ပေးပို့သော အစိုးရအဖွဲ့ ညွှန်ကြားလွှာသည် မှန်ကန်ပြီး လုပ်သင့်လုပ်ထိုက်သော ကိစ္စရပ်ဖြစ်ကြောင်း အမျိုးသားလွှတ်တော်ကိုယ်စားလှယ် ဒေါက်တာဗညာအောင်မိုးက သုံးသပ်သည်။““အသုံးစရိတ်တွေ၊ ဆီစရိတ်တွေက စာရင်းဇယားအရ သိပ်များနေတာတွေ့ရတယ်။ နောက်တစ်ခုက နေပြည်တော်မှာ ဆီမှောင်ခိုတွေ သိပ်များနေတာ တွေ့ရတယ်””ဟု ဒေါက်တာဗညားအောင်မိုးက ဆက်လက်ပြောကြားသည်။

ပြည်ထောင်စုဝန်ကြီးတစ်ဦးအတွက် ပေးအပ်ထားသည့် စက်သုံးဆီ အသုံးစရိတ်၊ ပြင်ဆင်ထိန်းသိမ်းစရိတ်နှင့် အခြားအသုံးစရိတ်များအတွက် ကုန်ကျခံရငွေမှာ များပြားနေပြီး အဆိုပါအသုံးစရိတ်များမှာ သာမန်အသုံးစရိတ်အတွင်း ထည့်သွင်းထားသဖြင့် လွှတ်တော်မှ ဖြတ်တောက်၍မရကြောင်း ဒေါက်တာဗညားအောင်မိုးက နိုဝင်ဘာ ၁၁ ရက် အမျိုးသားလွှတ်တော် သတ္တမပုံမှန်အစည်းအဝေး၌  ဆွေးနွေးခဲ့သည်။

လက်ရှိအချိန်တွင် အစိုးရအဖွဲ့အတွင်းဝန်ကြီးနှင့် ဒုတိယ၀န်ကြီး စုစုပေါင်း ၉၇ ဦး ရှိသည်။ ပြည်ထောင်စုအဆင့် ပုဂ္ဂိုလ်အချို့သည် ပြင်ပယာဉ်မောင်း နှင့် ၀န်ထမ်းများအား မခန့်ထားဘဲ ၀န်ကြီးဌာနမှ ၀န်ထမ်းများကိုသာ တာဝန်ပေးစေခိုင်းပြီး လစာငွေကို ထုတ်ယူသုံးစွဲမှုများရှိနေကြောင်း နေပြည်တော်ဝန်ကြီးဌာနနှင့် နီးစပ်သည့် အသိုင်းအ၀ိုင်းမှ သိရသည်။

7 Day Daily

အပြည့်အစုံသို့ »

ခရီးသည်တင် ဟိုင်းလတ်ကားများ ရန်ကုန်မြို့တွင် ပြေးဆွဲခွင့် ရပ်ဆိုင်းတော့မည်


ရန်ကုန်တိုင်းဒေသကြီး စည်ပင်သာယာနယ်နိမိတ်အတွင်းတွင် ခရီးသည်တင် ဟိုင်းလတ်ယာဉ်များကို ၂၀၁၄ ဇန်န၀ါရီ ၁၅ ရက်မှစတင်၍ ၀င်ရောက်ပြေးဆွဲခွင့်မပြုတော့ကြောင်း   ရန်ကုန်တိုင်းမထသ(ဗဟို)မှ သတင်းရရှိသည်။

ချမှတ်ထားသည့် စည်းကမ်းများကို လိုက်နာမှုမရှိခြင်းနှင့် ယာဉ်တိုက်မှု၊ ယာဉ်တိမ်းမှောက်မှု အများဆုံးဖြစ်ပွားခြင်းတို့ကြောင့် ပြေးဆွဲခွင့် မပြုတော့ခြင်းဖြစ်သည်ဟု သိရသည်။
““(ခ) လိုင်စင် (ခရီးသည်ပို့ဆောင်ရေးလိုင်စင်) နဲ့ ပြေးဆွဲနေတဲ့ ခရီးသည်တင် ဟိုင်းလတ်ယာဉ်အားလုံး ရန်ကုန်တိုင်း စည်ပင်နယ်နိမိတ်မှာပါတဲ့ မြို့နယ် ၃၃ ခုမှာ ပြေးဆွဲခွင့်ရှိမှာမဟုတ်ပါဘူး””ဟု မထသ (ဗဟို)မှ ဥက္ကဋ္ဌ ဦးလှအောင်ကပြောသည်။

သန်လျင်-ရန်ကုန်၊ မှော်ဘီ- ရန်ကုန်၊ တိုက်ကြီး-ရန်ကုန်ပြေး ဆွဲနေသော ခရီးသည်တင်ဟိုင်းလတ်ယာဉ်လိုင်းများအပါအ၀င်  မြို့တွင်းခရီးသည်တင်ယာဉ်အဖြစ် ပြေးဆွဲလျက်ရှိသည့် ဟိုင်းလတ်ယာဉ်များအားလုံးပါဝင်ပြီး အဆိုပါကားများအစား စီးတီးဘတ်စ်အသေးများဖြင့် ပြေးဆွဲခွင့်ပြုထားသည်ဟုသိရသည်။
““အဓိက ပြဿနာက ခရီးသည်တွေပဲ။ သန်လျင်ဘက်မှာဆို ရန်ကုန်ကိုသွားဖို့ ဒီကားတွေကိုပဲ အသုံးပြုနေရတာ။ ပြီးတော့ ယာဉ်အိုယာဉ်ဟောင်းအပ်ပြီး စီးတီးဘတ်စ်နဲ့ဆွဲရင် ရမယ့် ဂက်စ်က မလုံလောက်ဘူး””ဟု ရန်ကုန်- သန်လျင် ပြေးဆွဲလျက်ရှိသော ခရီးသည်တင်ဟိုင်းလတ်ယာဉ်ပိုင်ရှင်တစ်ဦးကပြောသည်။

““မြို့ထဲမှာ မောင်းနှင်နေတဲ့ ဟိုင်းလတ်ယာဉ်တွေ အကုန်လုံး မဟုတ်ဘဲ (ခ)လုပ်ငန်းလိုင်စင်ရှိတဲ့ ယာဉ်တွေလောက်ပဲ ပိတ်ပင်မှုလုပ်ထားတဲ့အတွက် သယ်ယူပို့ဆောင်ရေးအပိုင်းမှာ သိပ်အများကြီး ထိခိုက်မသွားနိုင်ပါဘူး””ဟု ဥက္ကဋ္ဌ ဦးလှအောင်ကပြောသည်။

““သန်လျင်ကနေမြို့ထဲကို အလုပ်ဆင်း၊ အလုပ်ပြန် ဒီဟိုင်းလတ်ကိုပဲ အားကိုးနေရတာ။ ဟိုင်းလတ်တွေပဲ ည ၁၀ နာရီလောက်ထိရှိတယ်။ အခြားလိုင်းကားတွေက ၇ နာရီလောက်ဆို မရှိတော့ဘူး။ ဟိုင်းလတ်တွေမရှိတော့ရင် အခြားလိုင်းတစ်ခုခု စီစဉ်ပေးသင့်တယ်””ဟု ခရီးသည်တစ်ဦးကဆိုပါသည်။

ခရီးသည်တင်ဟိုင်းလတ်ယာဉ်တစ်စီးလျှင် စီအင်န်ဂျီဂက်စ်ပမာဏ ၂၀၀ ကုဗပေ ရရှိပြီး အဆိုပါနေရာတွင် အစားထိုးပြေးဆွဲမည့် စီးတီးဘတ်စ်များတွင်လည်း ၂၀၀ ကုဗပေ ပြန်လည်ပေးအပ်မည်ဖြစ်၍ လုံလောက်သည့် လမ်းကြောင်းဖြင့် ပြေးဆွဲပါက ပြဿနာမဖြစ်နိုင်ဟု မထသ(ဗဟို) မှ တာဝန်ရှိသူကဆိုသည်။

““စီးတီးဘတ်စ်က CNG ၄၈၀ ကုဗပေလောက်ဆံ့တယ်။ ဟိုင်းလတ်အပ်ပြီးရင်လည်း ပထမကားမှာရှိတဲ့ CNG ကို ပြန်ထည့်ပေးမှာပါ။ ဒါပေမဲ့ ရန်ကုန်-တိုက်ကြီးလိုမျိုး ဆွဲရင် မလောက်နိုင်ဘူး။ ရမယ့်ပမာဏနဲ့တွက်ချက်ပြီး လိုင်းဆွဲဖို့တော့လိုတယ်။ တကယ်လို့ ဂက်စ်ကုန်သွားရင်လည်း ထပ်မံဖြေရှင်းခွင့် ပေးထားတာပဲ”” ဟု ဦးလှအောင်ကပြောသည်။

ရန်ကုန်တိုင်းဒေသကြီး စည်ပင်သာယာနယ်နိမိတ်အတွင်းတွင် ခရီးသည်တင် ဟိုင်းလတ်ယာဉ်လိုင်း ၄၆ လိုင်း ရှိပြီး အစီးရေ ၈၀၄ စီး ရှိသည်။

7 Day Daily

အပြည့်အစုံသို့ »

ရတနပုံသင်္ဘောကျင်း၌ ကုန်တွဲယာဉ်တစ်စီး ဂက်စ်အိုးနှစ်လုံးပေါက်ကွဲ၍ အမျိုးသမီးတစ်ဦးသေဆုံး လေးဦးဒဏ်ရာရ


မန္တလေး၊ ဒီဇင်ဘာ ၂၇

မန္တလေးမြို့ ရတနာပုံသင်္ဘောကျင်းမှ ကုန်တွဲယာဉ်တစ်စီး ပေါင် ၂၀၀ ဂက်စ်အိုး နှစ်လုံးပေါက်ကွဲရာမှာ အမျိုးသမီးတစ်ဦးသေဆုံးပြီး ၆နှစ်အရွယ် မိန်းကလေးတစ်ဦးနှင့် အမျိုးသားသုံးဦးဒဏ်ရာရှိခဲ့ကြောင်း ကနဦး ရဲစစ်ချက်များအရသိသည်။

ယနေ့နံနက် ၉နာရီခန့်အချိန်တွင် ရတနာပုံသဘောင်္ကျင်းတွင် ဧရာဝတီတိုင်း စက္ကောမြို့မှ စီမံကိန်းတစ်ခုသို့ ပို့ဆောင်ရန် ကျောက် ၁၈၆ကျင်းတင်ထားသော ကုန်တွဲယာဉ်မှာ ထွက်ခွာကာနီးတွင် ကျောက်ဆူးကြိုးအား ဂရေဆော်ရာမှ ဂက်စ်အိုးနှစ်လုံးပေါက်ကွဲခဲ့ခြင်းဖြစ်သည်။

အဆိုပါဂက်စ်အိုးနှစ်လုံးပေါက်ကွဲရခြင်းမှာ အဆိုကုန်တွဲမှာ အခင်းမဖြစ်ပွားမီ ယခင်ရက်က အောက်တိန်းဆီ ဂါလံခြောက်သိန်းတင်ဆောင်လာကာ မန္တလေးဆိပ်ကမ်းသို့ချအပြီး ကျောက်တင်ဆောင်ကာ ထွက်ခွာစဉ် ဂဟေဆော်ရာ၌ ကုန်တွဲမှာ အလုံပိတ်ဖြစ်သောကြောင့် အောက်တိန်းအငွေ့များခိုအောင်းနေပြီး မီးထတောက်ကာ ဂစ်အိုး သို့ကူးစက်သွားခဲ့ပြီး ပေါက်ကွဲခြင်းဟု ယူဆရကြောင်း မန္တလေးခရိုင်ရဲတပ်ဖွဲ့မှူးရုံးမှ ဒုတိယရဲမှူးကြီး ဦးစိန်ထွန်း မှ ပြောသည်။

"အောက်တိန်းတွေသာ မချရသေးရင် မတွေးဝံ့စရာပဲ"ဟု ရဲမှူးကြီးက ပြောသည်။

အဆိုပါကုန်တွဲယာဉ်မှာ အလျားပေ ၂၀၀၊ အနံ ၄၅ပေ၊ အမြင့် ၁၀ပေရှိပြီး အလုံးပိတ်အမိုးပါရှိသည်။ ပေါက်ကွဲအားမှာပြင်းထန်သောကြောင့် အပေါ်အမိုးပွင့်ထွက်သွားခဲ့ပြီး ကမ်းပေါ်ရှိ အမျိုးသမီးတစ်ဦးပေါ်သို့ ပြုတ်ကျ ခဲ့ ၍ အဆိုပါအမျိုးသမီးမှာ ၄င်းဒဏ်ရာဖြင့်ပင်သေဆုံးသွားခဲ့ခြင်းဖြစ်သည်။

ကနဦးအတည်မပြုနိုင်သည့်သတင်းများအရ မီးလောင်ပေါက်ကွဲသွားသည့် ကုန်တွဲယာဉ်တွင် လုပ်ကိုင်နေသည့် လုပ်သား ၂၀ခန့်ရှိကြောင်း အမျိုးသားသုံးဦး ကလေးငယ်တစ်ဦးဒဏ်ရာရရှိခဲ့ပြီး အမျိုးသမီးတစ်ဦးသေဆုံးကြောင်း သတင်းရရှိသည်။

"ကုန်တွဲမန်နေဂျာကပျောက်နေတယ်။ ဆက်သွယ်လို့မရဘူးဖြစ်နေတယ်။ သူလာမှာ လူစာရင်းအတည် ပြုနိုင်မယ်။ အောက်ထဲမှာကျန်နေသေးလား။ မကျန်ဘူးလားဆိုတာ အတည်မပြုနိုင်ဘူး။ ဘာလို့လဲဆိုတော့ အခုချိန်အားလုံးက ကမ်းပေါ်တက်လည်နေကြတဲ့လူတွေလည်းရှိတယ်။ သဘောင်္ထဲမှာတော့ အကုန်မရှိနိုင်ဘူး " ဟု ဒုတိယရဲမှူးကြီး က ပြောသည်။

ပေါက် ကွဲခဲ့သည့် ကုန်တွဲအနီးသဘောင်္မှ သဲစုပ်လုပ်သား ကိုမောင်ဝင်းက "ပေါက်ကွဲတာကြီးက လန့်စရာကြီး။ ကျွန်တော့်ဘ၀မှာတစ်ခါမှမကြုံဘူးဘူး။ မြေကြီးကို တုန်ခါသွားတာပဲ။ ပစ္စည်းဝယ်ဖို့ကမ်းပေါ် အတက် ကမ်းပေါ်ကနေလှမ်းမြင်လိုက်တယ်။ အမိုးကြီးကမြှောက်တက်ပြီး ကမ်းပေါ်ကိုကျသွားတယ် " ဟု ပြောသည်။

သတင်း/ဓါတ်ပုံ- ဖိုးလပြည့်
Popular Journal

အပြည့်အစုံသို့ »

အဝေးသင် တက္ကသိုလ်များကို နိုင်ငံတကာအဆင့် တိုးမြှင့်ရန် ဆွေးနွေး


ရန်ကုန်၊ ဒီဇင်ဘာ ၂၆

တက္ကသိုလ်ဝင်တန်း အောင်မြင်ထားသူ ငါးသောင်းနီးပါး နှစ်စဉ် တက်ရောက်လျက်ရှိသော ရန်ကုန်နှင့် မန္တလေး အဝေးသင် တက္ကသိုလ်များကို နိုင်ငံတကာ အဝေးသင် ပညာရေး အဆင့်တိုးမြှင့်နိုင်ရန် သင်ကြားနည်းနှင့် အကဲဖြတ် စိစစ်ခြင်းတို့ကို အဆင့်မြင့် ပညာရေး တာဝန်ရှိသူများ၊ အစိုးရအဖွဲ့များနှင့် ဆွေးနွေးနေကြောင်း ရန်ကုန်အဝေးသင် တက္ကသိုလ် ပါမောက္ခချုပ် ဒေါက်တာလှတင့်က The Voice သို့ ပြောကြားသည်။

အဝေးသင် တက္ကသိုလ်များ သင်ကြားရေးအတွက် ဘာသာရပ်များ တိုးချဲ့သွားမည့်အပြင် အွန်လိုင်း သင်ကြားမှုကို ပိုမိုအသုံးပြုရန် ဆွေးနွေးနေကြောင်း၊ ရန်ကုန်တက္ကသိုလ် စိန်ရတုခန်းမ အခြေစိုက် ပညာရေး မြှင့်တင်မှု အကောင်အထည်ဖော်ရေး ကော်မတီက ရေးဆွဲနေသော အဆင့်မြင့် ပညာရေး မူဝါဒတွင် အဆိုပါ တက္ကသိုလ်များကို ပညာသင်ယူမှု အခွင့်အလမ်း ပိုရနိုင်သော Open University အဖြစ် ပြောင်းလဲသွားရန် ထည့်သွင်းထားကြောင်း ၎င်း ထပ်လောင်း ပြောကြားသည်။
“တက္ကသိုလ်ဝင်ခွင့်ရော၊ ဆရာခန့်ထားရေး ပိုင်းတွေရော အခုမှဆွေးနွေးနေတုန်း ရှိသေးတယ်” ဟု ပါမောက္ခချုပ် ဒေါက်တာလှတင့်က ဆက်လက်ပြောဆိုသည်။

မြန်မာနိုင်ငံ၏ အဆင့်မြင့် ပညာရေးတွင် တက္ကသိုလ်ဝင်တန်း အောင်မြင်ထားသူများ၏ သုံးပုံတစ်ပုံ နီးပါးသည် အဝေးသင် တက္ကသိုလ်များကို မှီခိုနေရသော်လည်း ရရှိခဲ့သော ဘာသာရပ်ဆိုင်ရာ ဘွဲ့လက်မှတ်များမှာ လုပ်ငန်းခွင်နှင့် တိုက်ရိုက် ချိတ်ဆက်ရန် အခက်အခဲများစွာ ရှိနေသေးသည်။

အဝေးသင် တက္ကသိုလ်များတွင် သင်ကြားနေသော ကျောင်းသား၊ ကျောင်းသူများ၏ ကြိုးစား အားထုတ်မှုပိုင်း လျော့နည်းလာမှုကြောင့် ယခုပညာသင်နှစ် စာမေးပွဲမှ စတင်ကာ အောင်ချက် ရာခိုင်နှုန်းကို တင်းကျပ်စွာ ကိုင်တွယ်သွားမည် ဖြစ်ကြောင်း ကြေညာထားသည်။

The Voice Weekly Myanmar

အပြည့်အစုံသို့ »

စီးတီးမတ်ဂိုဒေါင် အပါအဝင် တိုင်ကြားမှုငါးခု မိုဘိုင်းလ်တင်းက တရားစွဲဆို


စီးတီးမတ်ပိုင် ဂိုဒေါင်အပါအဝင် တရားမဝင် ကုန်သွယ်မှု ငါးခုကို စစ်ဆေးတဲ့အခါ တရားမဝင် ကုန်သွယ်မှုအဖြစ် စစ်ဆေးတွေ့ရှိတဲ့အတွက် မိုဘိုင်းတင်းအဖွဲ့က ပို့ကုန်၊ သွင်းကုန်ဥပဒေ ၂၀၁၂ နဲ့ တရားစွဲဆိုထားတယ်လို့ သိရပါတယ်။ “စီးတီမတ်ပိုင် ဂိုဒေါင်နဲ့ ကျန်ဂိုဒေါင်တွေမှာ တရားမဝင် ကုန်သွယ်မှုတွေ လုပ်နေတယ်ဆိုပြီး တိုင်ကြားလာတဲ့အတွက် သွားရောက် စစ်ဆေးခဲ့တယ်၊ သွားစစ်တဲ့အခါမှာ ကန့်သတ်ကုန်ဖြစ်တဲ့ အရက်၊ ဘီယာ၊ ဝိုင်နဲ့ စားသောက်ကုန်တွေကို သိုလှောင်ထားတာ တွေ့ရတယ်” လို့ တရားမဝင် ကုန်သွယ်မှု တားဆီးရေးအဖွဲ့ (ဗဟို)ရဲ့ ညွှန်ကြားရေးမှူးတစ်ဦးက ပြောပါတယ်။ ပြီးခဲ့တဲ့ ဒီဇင်ဘာ ၄ ရက်က စီးတီးမတ် ဈေးဝယ်စင်တာ ဂိုဒေါင်ထဲကနေ စစ်ဆေးတွေ့ရှိတဲ့ နိုင်ငံခြားအရက် ၁၂၉၇ ပုလင်း၊ ဝိုင် ၈၇၅၇၈ ပုလင်း၊ စုစုပေါင်းတန်ဖိုး ကျပ်သိန်းငါးထောင့်ခုနှစ်ရာတို့ သွင်းကုန်(မူရင်း)လိုင်စင် မပြနိုင်တဲ့အတွက် ပို့ကုန်သွင်းကုန် ဥပဒေ ၂၀၁၂ ပုဒ်မ(၈)နဲ့ အရေးယူထားတယ်လို့ သိရပါတယ်။ အောက်တိုဘာလ ၃၀ ရက်က အောင်မင်္ဂလာ အဝေးပြေးဝင်း အတွင်းမှာ ဒိုင်နာကားတစ်စီးပေါ်ကနေ နိုင်ငံခြားဖြစ် အရက်ပုလင်း ၂၁၆၀ လုံးကို တရားမဝင် ကုန်သွယ်မှုအဖြစ် တွေ့ရတဲ့အတွက် မိုဘိုင်းလ်တင်းအဖွဲ့က တရားစွဲဆိုထားတယ်လို့ သိရတယ်။ လှိုင်သာယာမြို့နယ် ဘုရင့်နောင်လမ်းသွယ်(၁)က ဂိုဒေါင်တစ်လုံးမှာ ဝိုင်ပုလင်း ၃၀၀၀၀ ကျော်နဲ့ ဘီယာပုလင်း ၂၄၀၀ တွေ့ရှိတဲ့အတွက် ပို့ကုန်သွင်းကုန် ၂၀၁၂ ပုဒ်မ(၈)နဲ့ အရေးယူထားတယ်လို့ သိရပါတယ်။ ရွှေပြည်သာမြို့နယ် စက်မှုဇုန်(၂)က ဂိုဒေါင်တစ်ခုမှာ ဘီယာနဲ့ အချိုရည် ၁၈၉၈ ဖာကို စစ်ဆေးတွေ့ရှိတဲ့အတွက် သွင်းကုန်ဥပဒေ ၂၀၁၂ ပုဒ်မ(၈)နဲ့ အရေးယူထားတယ်လို့ သိရပါတယ်။ မရမ်းကုန်းမြို့နယ် ဘုရင့်နောင်ကားဝင်းအတွင်း ဂိုဒေါင်တစ်ခုမှာ အရက်ဘီယာနဲ့ အချိုရည် ၂၅၆၁ ဖာကို တရားမဝင် ကုန်သွယ်မှုအဖြစ် စစ်ဆေးတွေ့ရှိတဲ့အတွက် ပို့ကုန်သွင်းကုန် ဥပဒေ ၂၀၁၂ ပုဒ်မ(၈/၁၀)နဲ့ အရေးယူထားတယ်လို့ သိရပါတယ်။ ဒေါပုံမြို့နယ်က ဂိုဒေါင်တစ်ခုမှာ တင်သွင်းခွင့်မပြုတဲ့ ပြည်ပနိုင်ငံထုတ် ဝီစကီပုလင်း ၈၉၇၄၈ လုံး စစ်ဆေးတွေ့ရှိခဲ့တဲ့အတွက် ပုဒ်မ (၈/၁၀)နဲ့ ပို့ကုန်သွင်းကုန် ဥပဒေ ၂၀၁၂ နဲ့ အရေးယူထားတယ်လို့ သိရကြောင်း ၂၀၁၃ ခုနှစ် ဒီဇင်ဘာလ ၂၇ ရက်နေ့ထုတ် မော်ဒန် သတင်းဂျာနယ်တွင် ဖော်ပြထားပါသည်။ "
khit lu nge

အပြည့်အစုံသို့ »

ယခုနှစ်မှာ မူးယစ်ဆေးဖမ်းမိမှု ပိုများလာ


ရှမ်းပြည်နယ် မြောက်ပိုင်းမှာ မူးယစ်ဆေးဝါး တားဆီးနှိမ်နင်းရေးနဲ့ ပတ်သက်ပြီး အထူးစီမံချက်ချပြီး ဆောင်ရွက်ခဲ့တာကြောင့် ယခုနှစ်မှာ မူးယစ်ဆေးဝါး ဖမ်းဆီးရရှိမှုနှုန်း မြင့်တက်လာတယ်လို့ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့ လားရှိုးမြို့ အမှတ် ၂၄ မူးယစ်တပ်ဖွဲ့ စုမှူး ရဲမှူးရဲနိုင်က ပြောပါတယ်။ ရှမ်းပြည်နယ် မြောက်ပိုင်းမှာ မူးယစ်ဆေးဝါး ဖမ်းဆီးရရှိမှု ယခုနှစ် နိုဝင်ဘာလကုန်အထိ အမှုပေါင်း ၉၅၆ မှုနဲ့ စုစုပေါင်း ခန့်မှန်းတန်ဖိုး ကျပ်သိန်း ၉၂၅ သန်းကျော်ဖိုး ဖမ်းဆီးရရှိခဲ့တယ်လို့ ရှမ်းပြည်မြောက်ပိုင်း မူးယစ်ဆေးဝါး တားဆီးနှိမ်နင်းရေးအဖွဲ့ စာရင်းအရ သိရပါတယ်။ ကာလတူနှိုင်းယှဉ်ရင် ၂၀၁၂ ခုနှစ် နိုဝင်ဘာလအထိက အမှုပေါင်း ၈၆၀ ဖြစ်ပြီး ကျပ်သန်း ၉၀၀ ခန့်သာ ဖမ်းဆီးရမိခဲ့တာ ဖြစ်ပါတယ်။ မူးယစ်ဆေးဝါး ဖမ်းဆီးရရှိမှု မြင့်တက်လာရတဲ့အကြောင်းက ယခုနှစ် နိုဝင်ဘာလထဲမှာ ရွှေလီစီမံချက်ဆိုပြီး မူးယစ်တားဆီး နှိမ်နင်းရေး ဗဟိုဌာနချုပ်က ရဲတပ်ဖွဲ့တွေနဲ့ နယ်မြေခံ မူးယစ်တား ဆီးနှိမ်နင်းရေးတပ်ဖွဲ့တွေ၊ လုံခြုံရေးအရ သွားရောက်ဖို့ ခက်ခဲတဲ့ နေရာတွေမှာ သက်ဆိုင်ရာ တိုင်းစစ်ဌာနချုပ်က တပ်မတော်သားတွေ ပါဝင်ပူးပေါင်းပြီး မူးယစ်ဆေးဝါး တားဆီးနှိမ်နင်းတာမျိုး ပြုလုပ်ခဲ့ရာ မူးယစ်ဆေးဝါးများစွာအပြင် ဘိန်းချက်စခန်းတစ်ခုကို ဖမ်းဆီးရမိခဲ့တာ ကြောင့်လို့ သိရပါတယ်။ ရှမ်းပြည်နယ် မြောက်ပိုင်း ရွှေလီစစ်ဆင်ရေး စီမံချက်မှာ မူးယစ်ဆေးဝါး တားဆီးနှိမ်နင်းရေးနဲ့ ပတ်သက်တဲ့ နိုင်ငံတကာ အဖွဲ့အစည်းတွေ၊ အိမ်နီးချင်းနိုင်ငံတွေက အဖွဲ့အစည်းတွေနဲ့ ပူးပေါင်းဆောင်ရွက်မှုကြောင့် အမြောက်အမြား ဖမ်းဆီးရမိခဲ့တယ်လို့ ဆိုပါတယ်။ စီမံချက်ကာလ နိုဝင်ဘာလ တစ်လလုံးမှာ ရှမ်းပြည်နယ်မြောက်ပိုင်း မူးယစ်ဆေးဝါး ဖမ်းဆီးရမိမှုတန်ဖိုး ကျပ်သန်းပေါင်း ၆၀၀ ကျော်ဖိုး ဖမ်းဆီးရမိခဲ့တာ ဖြစ်ပါတယ်။ အထူးစီမံချက်ချပြီး ဆောင်ရွက်တာကို တခြားဒေသတွေမှာလည်း သတင်းရရှိတဲ့အပေါ် မူတည်ပြီး ဆောင်ရွက်ဖို့ ရှိတယ်လို့ သိရပါတယ်။ ရဲမှူးရဲနိုင်က “မူးယစ်ဆေးဝါး တားဆီးနှိမ်နင်းဖို့ အခက်အခဲ အားနည်းချက်တွေကတော့ ရှိနေသေးတယ်၊ မူးယစ်ဆေးဝါးလုပ်သူတွေက လက်နက်နဲ့ အကာအကွယ်ယူတယ်၊ မလုံခြုံတဲ့ဧရိယာတွေကို အသုံးပြု၊ လုံခြုံရေး မဆောင်ရွက်နိုင်တဲ့ နေရာတွေကို အသုံးပြုတယ်၊ ကုန်စည်စီးဆင်းမှုတွေအပေါ်မှာလဲ စစ်ဆေးဆောင်ရွက်ရတဲ့ အခါမှာ အပြည့်အဝ မဆောင်ရွက်နိုင်သေးဘူး” လို့ သူ့အမြင်ကို ပြောပြခဲ့ကြောင်း ၂၀၁၃ ခုနှစ် ဒီဇင်ဘာလ ၂၇ ရက်နေ့ထုတ် မော်ဒန် သတင်းဂျာနယ်တွင် ဖော်ပြထားပါသည်။
khit lu nge

အပြည့်အစုံသို့ »

မြန်မာ့ရှေးဟောင်းကားများ ဘန်ကောက်ရှေးဟောင်းကားပြပွဲတွင် သွားရောက်ပြသမည်


ထိုင်းနိုင်ငံ ဘန်ကောက်မြို့မှာ ပြုလုပ်မယ့် ရှေးဟောင်းကားပြပွဲကို မြန်မာနိုင်ငံက ရှေးဟောင်းကားအချို့ သွားရောက်ပြသဖို့ ရှိကြောင်း Myanmar Classic Cars Club အဖွဲ့ဝင် ဦးဇော်ဖြိုးလင်းက ပြောပါတယ်။ ထိုင်းနိုင်ငံမှာ ပြုလုပ်မယ့် ကားပြပွဲကို ၂၀၁၄ ခုနှစ် ဇန်နဝါရီလ နောက်ဆုံးအပတ်မှာ ပြုလုပ်မှာဖြစ်တယ်။ မြန်မာနိုင်ငံက ရှေးဟောင်းကားတွေကို ဖိတ်ကြားထားတာကြောင့် အဖွဲ့ဝင်တွေရဲ့ ကားတွေ ရန်ကုန်ကနေ သွားကြဖို့ စီစဉ်ထားကြတာပါ။ Myanmar Classic Cars Club မှာ အမေရိကန်၊ အင်္ဂလန်၊ ဂျာမနီ စတဲ့နိုင်ငံက ကားတွေ အများအားဖြင့် ပါဝင်တယ်။ အဖွဲ့ဝင်တွေရဲ့ ကားတွေက ခရိုင်စလာ၊ ချက်ပလက်၊ အော်စတင်၊ မာရီဘူး စတဲ့ကားတွေ ပါဝင်တယ်။ Myanmar Classic Cars Club အဖွဲ့ဝင်တွေက ၂၀၁၃ ခုနှစ် နိုဝင်ဘာလကလည်း ရှေးဟောင်းကားတွေနဲ့ ပဲခူး၊ တောင်ငူ၊ နေပြည်တော်မြို့တွေကို ပြည်တွင်းခရီးစဉ်အဖြစ် သွားခဲ့ကြတယ်။ ပြုပြင်ထိန်းသိမ်းမှုအဖြစ် နှစ်လတစ်ခါ၊ သုံးလတစ်ခါ အင်ဂျင်ဝိုင် လဲလှယ်တာလောက်ပဲ ပြုလုပ်ပေးရပြီး အခြား ကြီးကြီးမားမား ပြုပြင်ရတာ မရှိကြောင်း ဦးဇော်ဖြိုးလင်းက ပြောတယ်။ ထိုင်းနိုင်ငံ ရှေးဟောင်းကားပြပွဲမှာ ကိုယ်တိုင်မောင်းနှင်မယ့် မစုမြတ်က “ကားကြံ့ခိုင်မှုရယ်၊ မောင်းတဲ့သူတွေ ကြံ့ခိုင်မှုရယ်ဆိုရင် ဘန်ကောက်အရောက် နှစ်ရက်လောက် မောင်းကြဖို့ စီစဉ်ထားတယ်” လို့ ပြောတယ်။ Myanmar Classic Cars Club မှာ အဖွဲ့ဝင်ကားပေါင်း ၃၀ နီးပါးရှိပြီး ဥရောပနဲ့ အမေရိကထုတ် ကားတွေ ပါဝင်ကြတယ်။ အဲသည်အဖွဲ့ကို ၂၀၁၀ ခုနှစ်မှာ စတင်တည်ထောင်တာ ဖြစ်ပါတယ်။ ရှေးဟောင်းကားတွေ ဖြစ်လို့ တစ်ခါတစ်ရံ ယာဉ်အပိုပစ္စည်း လိုတဲ့အခါ နိုင်ငံခြားက မှာယူတင်သွင်းကြရတယ်။ ပြည်ပကို တကူးတက မှာယူတင်သွင်းကြရပေမယ့် စိတ်မပျက်ဘူးလို့ ဆိုတယ်။ လက်ရှိအသစ်ဝင်နေတဲ့ ကားတွေထက်စာရင် ရှေးဟောင်းကားတွေကို ပိုကြိုက်နှစ်သက်ကြောင်း မစုမြတ်က ပြောပြခဲ့သည်။ “အခုဝင်နေတဲ့ ကားတွေက ပိုတောင် စိတ်မချရသေးတယ်၊ အရင်ကလာတဲ့ ကားတွေက သံပြားအထူကြီးတွေ၊ ကားဘော်ဒီကို လက်နဲ့ခေါက်ကြည့်ရုံနဲ့ သိတယ်။ အရင်ကားတွေက ပိုပြီး safety ဖြစ်တယ်လို့ ခံစားရတယ်” ဟု ၄င်းက ဆက်လက် ပြောပြခဲ့ကြောင်း ၂၀၁၃ ခုနှစ် ဒီဇင်ဘာလ ၂၇ ရက်နေ့ထုတ် မော်ဒန် သတင်းဂျာနယ်တွင် ဖော်ပြထားပါသည်။
khit lu nge

အပြည့်အစုံသို့ »