တိုးမလား လျော့မလား ဆက်သွားမလား ရပ်နေမလား မြန်မာ့လုပ်သား


စက်မှုဇုန်လုပ်သားများ
၂ဝ၁၃ ခုနှစ်၏ အပြောင်းအလဲ ကို များစွာ မျှော်လင့် ထားခဲ့သော စက်မှုဇုန် အလုပ်သမားများ အတွက် ယခုနှစ်သည် ထူးမခြားနားနှစ်ဟု ဆိုရမည် ဖြစ် သည်။ ဥပဒေ သစ်များ ထွက်ပေါ် လာပြီး အလုပ်သမား အဖွဲ့အစည်း အရေ အတွက် ၇ဝဝ ကျော်သည် အထိ တိုးပွားခဲ့သည့် နှစ်လည်း ဖြစ်သည်။
”အလုပ်သမားတွေက ကိုယ့်အဖွဲ့အစည်းကို ခိုင်မာအောင် မလုပ်နိုင်ဘဲ အခွင့်အရေး တောင်းတာတွေနဲ့ပဲ အချိန်ကုန်ခဲ့ ရတယ်” ဟု အလုပ်သမား သမဂ္ဂများ ပူးပေါင်းဆောင်ရွက်ရေး ကော်မတီမှ ဦးထွန်းထွန်းနိုင် က ပြောသည်။ ထို့အပြင် ယမန်နှစ်က ဖြစ်ပွားခဲ့သော ဆန္ဒပြမှု အရှိန်သည် ရပ်တန့်သွားခြင်း မရှိခဲ့ဘဲ အလုပ်သမား ဆန္ဒပြမှုများ ဆက်လက် ဖြစ်ပေါ်ခဲ့သော နှစ်ဟုလည်း ဆိုရမည် ဖြစ်သည်။ ၂ဝ၁၂ ခုနှစ်က အလုပ်သမား ဆန္ဒပြ မှုများ ဖြစ်ပွားခဲ့ပြီး ဆန္ဒပြမှုများသည် လုပ်ခလစာပေါ် အခြေခံသောကြောင့် အနည်းဆုံး အခကြေးငွေ ဥပဒေ ထွက်လာလျှင် ထိုသို့သော ဖြစ်စဉ်များ လျော့နည်း သွားနိုင်သည်ဟု သုံးသပ်မှု များ ရှိခဲ့သည် ။၂ဝ၁၃ ခုနှစ်တွင်လည်း ထိုဥဒေ ထုတ်ပြန်မည်ဟု အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီး ဌာနက တရားဝင် ထုတ်ပြန်ထားခဲ့သည်။
သို့သော်လည်း အလုပ်သမား ဆန္ဒ ပြမှုများက ရပ်ဆိုင်းမသွား။ ၂ဝ၁၃ ခုနှစ် ဇန်နဝါရီလ ၁ ရက်နေ့တွင် လှိုင်သာယာ စက်မှုဇုန်ရှိ Globe Electronic စက်ရုံအလုပ်သမားများ၏ ဆန္ဒပြ မှုမှစ၍ တစ်နှစ်လုံးလိုလိုပင် အလုပ်သ မား ဆန္ဒပြမှုများ ဖြစ်ပေါ်ခဲ့သည်။ နှစ် ဆန်းပိုင်း ဖေဖော်ဝါရီ တစ်လတည်း တွင်ပင် အလုပ်ရှင် အလုပ်သမား အငြင်း ပွားမှုပေါင်း ၆၄ ခုရှိခဲ့သည် ။ ”တောင်းဆိုတဲ့ အခွင့်အရေးတွေ က တော်တော်များများက အလုပ် သမားထုအတွက်တောင်းတာ မဟုတ် ဘူး။ တချို့ တောင်းဆိုချက်တွေက အလုပ်ရှင်တွေ မပေးနိုင်တဲ့ တောင်းဆိုချက် တွေလည်းတွေ့ရတယ် ”ဟု ၄င်းကအ လုပ်သမားများ၏ တောင်းဆိုချက်များ ကိုသုံးသပ်သည်။
ထို့နောက် အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာနက ၂ဝ၁၃ခုနှစ် မတ်လ၂၂ ရက်တွင် အနည်းဆုံး အခကြေးငွေ ဥပဒေကို ပြဋ္ဌာန်းခဲ့သည်။ သို့သော်လည်း ဥပဒေထွက်ပြီး နည်းဥပဒေ မထွက်သေးသော ကြောင့် အလုပ်သမားများ အတွက် လုပ်ခလစာ သတ်မှတ်ရေး နည်းဥပဒေ ကို စောင့်ခဲ့ရပြန်သည်။
နည်းဥပဒေ မထွက်မီ အချိန်တွင်လည်း New Way , Gallant Ocean (အအေးခန်း)၊ Costec (အထည်ချုပ်)၊ Asia World(စက်ပြင်)၊ Bright Jaun (အထည်ချုပ်) စသည့် စက်ရုံအလုပ် သမားဆန္ဒပြမှုများ ဆက်တိုက် ဖြစ်ပေါ် ခဲ့ပြီး အလုပ်သမားများ စောင့်မျှော်နေ သော အနည်းဆုံး အခကြေးငွေ နည်းဥပဒေကို ဇူလိုင် ၁၂ ရက်တွင် ပြဋ္ဌာန်း ခဲ့သည်။ အနည်းဆုံး အခကြေးငွေ နည်း ဥပဒေ ထွက်ပေါ်လာသောအခါ အလုပ် သမားအရေး လေ့လာသူများက ကျယ် လောင်စွာ ထောက်ပြကြသော အချက် မှာ အနည်းဆုံး အခကြေးငွေ သတ်မှတ် သည့် စံနှုန်းပင်ဖြစ်သည်။ ”သူက အခကြေးငွေ လို့ဆိုရာမှာ အလုပ်ရှင်က သဘောကျလို့ပေးတဲ့ ဆုကြေးတွေ ၊ အချိန်ပိုလုပ်ခတွေပါ ထည့်တွက်ထားတယ်၊ အမှန်တကယ်က အလုပ်သမားရဲ့ တစ်နေ့ရှစ်နာရီလုပ်အားခပဲဖြစ်ရမှာ” ဟု ခုံသမာ ဓိ ကောင်စီဝင် ဦးရဲနိုင်ဝင်းက ဥပဒေကို ထောက်ပြသည်။
အလုပ် သမားများ၏ တစ်နေ့ ရှစ်နာရီလုပ်အားခကို မတွက်ဘဲ ထိုသို့ အပိုဆုကြေးများပါ ထည့်တွက်မည်ဆို လျှင် အနည်းဆုံး လုပ်အားခ သတ်မှတ်သော်လည်း အချည်းနှီးပင် ဖြစ်မည်ဟု ၄င်းက မှတ်ချက်ပြုသည်။ နည်းဥပဒေတွင် ပြဋ္ဌာန်းထား သည်မှာ အနည်းဆုံး အခကြေးငွေ သတ်မှတ်ရန်အတွက် အမျိုးသားကော်မတီကို ဦးစွာဖွဲ့စည်းရမည် ဖြစ်သည်။ အမျိုးသားကော်မတီ ဖွဲ့စည်းပြီး အမျိုးသားကော်မတီက သက်ဆိုင်ရာတိုင်းဒေသကြီး (သို့) ပြည်နယ် ကော်မတီများကို ဖွဲ့စည်းပေးရမည် ဖြစ်သည်။ တိုင်းဒေသကြီး၊ ပြည်နယ် ကော်မတီများက အလုပ်သမားများ၏ လူနေမှု စရိတ်နှင့် လုပ်ခ လစာတို့ကို ကွင်းဆင်းကာ စစ်တမ်း ကောက်ယူပြီး အမျိုးသား ကော်မတီသို့ ပြန်လည် တင်ပြရမည်ဟုသိရသည်။ သို့သော်လည်း အမျိုးသားကော်မတီ ဖွဲ့စည်းပုံသည် သမ္မတရုံးသို့ တင်ထားဆဲဖြစ်ပြီး ဖွဲ့စည်းပုံ ပြန်ကျမှသာ အနည်းဆုံး အခကြေးငွေ သတ်မှတ်ရေး စစ်တမ်း ကောက်ယူမှုများ စတင် လုပ်ဆောင်နိုင်မည် ဖြစ်၍ အခကြေးငွေ သတ်မှတ်ရေး လုပ်ငန်းများ ၂ဝ၁၄မှသာ လုပ်ဆောင်နိုင်မည်ဟု အလုပ်သမား ရေးရာ ဆက်ဆံရေး ဦးစီးဌာနမှ ညွှန် ကြားရေးမှူးချုပ် ဒေါက်တာသန်းဝင်းက ပြောသည်။
“‘အနည်းဆုံး အခကြေးငွေက လုပ်ငန်း အမျိုးအစား ၂၁ မျိုးအတွက် သတ်မှတ်ရမှာ၊ အလုပ် အမျိုးအစားက အမျိုးမျိုးဆိုတော့ ကော်မတီမှာ ပိုပြီးအလုပ်ရှုပ်မှာပေါ့” ဟု ဦးရဲနိုင်ဝင်းက ပြော ကြားပြီး ကော်မတီအတွက် လိုအပ်သည့် ဒေသတွင်း နိုင်ငံများ၏ အနည်းဆုံး အခကြေးငွေ သတ်မှတ်ရေးဆိုင်ရာ အ ချက်အလက်များကို အစိုးရက ရှာဖွေ ကူညီပေးခြင်းဖြင့် လုပ်ငန်းများ ပိုမို လျင် မြန်နိုင်မည်ဟု မှတ်ချက်ပြုသည်။
အနည်းဆုံး အခကြေးငွေသတ်မှတ်ရာတွင် ဦးစားပေး ကဏ္ဍအဖြစ် လက်ခစား လုပ်ငန်းများကို ဦးစားပေး သတ်မှတ်မည်ဖြစ်ပြီး အဆိုပါ လုပ်ငန်းများမှ လုပ်ငန်းရှင်များ၊ အလုပ်သမား ကိုယ်စားလှယ်များ ၊ဝန်ကြီးဌာနမှ တာဝန်ရှိသူများ တွေ့ဆုံ ဆွေးနွေးပွဲများကို ယခုနှစ်အတွင်း အကြိမ်ကြိမ် ပြုလုပ်ခဲ့ သည်။ သို့သော်လည်း သဘော တူညီ ချက် တစ်စုံတစ်ရာ မရရှိသေးသည်ကို တွေ့ရသည်။ လုပ်ငန်း ၂၁ ခုထဲမှ တစ်ခု ဖြစ်သည့် လက်ခစား လုပ်ငန်းအတွက်ပင် အနည်းဆုံး အခကြေးငွေ သတ်မှတ်ရေး မလုပ်ဆောင် ရသေးသောကြောင့် အခြားကဏ္ဍမှ အလုပ်သမားများအတွက် အနည်းဆုံး အခကြေးငွေ သတ်မှတ်နိုင်ရေးမှာ ၂ဝ၁၄ တွင်လည်း ကြန့် ကြာဦးမည့် အနေအထား ဖြစ်သည်ဟု အလုပ်သမားရေး စောင့်ကြည့်သူများက မှတ်ချက်ပြုကြသည်။
ဥပဒေဟောင်း များပြင်ဆင်ရေးဆွဲ
အနည်းဆုံး အခကြေးငွေ ဥပဒေနည်းတူ အလုပ်သမား အလုပ်အကိုင်နှင့် လူမှုဖူလုံရေး ဝန်ကြီးဌာနက အလုပ်အကိုင်နှင့် ကျွမ်းကျင်မှု ဖွံ့ဖြိုးတိုးတက်ရေး ဥပဒေကို ၂ဝ၁၃ခုနှစ် သြဂုတ်လ ၃ဝ ရက်တွင် ပြဋ္ဌာန်းခဲ့သည်။ ထို့အပြင် ပြည်ပရောက် မြန်မာ အလုပ်သမားများကို ကာကွယ်ပေးနိုင်ရေး အတွက် ၁၉၉၉ခုနှစ် ပြည်ပ အလုပ်အကိုင်ဆိုင်ရာ ဥပဒေကို ပြုပြင်ရေးဆွဲ နေပြီး ၁၉၅၁ ခုနှစ် အလုပ်ရုံများ အက် ဥပဒေကို လည်း ပြင်ဆင် ရေးဆွဲနေ ကြောင်း သိရသည်။ အလုပ်သမားများ လုပ်ငန်းခွင် ဘေးအန္တရာယ်ကင်းရှင်း ရေးနှင့် ကျန်းမာရေးဥပဒေ၊ နိုင်ငံခြားသား အလုပ်သမား ဆိုင်ရာ ဥပဒေတို့ကိုလည်း အသစ် ရေးဆွဲနေကြောင်း သိရသည်။ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေး ဥပဒေ သည် လာမည့်နှစ်တွင် ထုတ်ပြန်နိုင်မည်ဟုလည်း သိရသည်။
ဥပဒေအား နည်းချက်
ဥပဒေသစ်များ ရေးဆွဲ နေသလို ထုတ်ပြန်ပြီးသား ဥပဒေအဟောင်း၏ အားနည်းချက်ကြောင့် ယခုနှစ်အတွင်း အလုပ်ရှင် အလုပ်သမား ပြသနာ ပိုမိုကြီးထွားခဲ့သည်။ ၂ဝ၁၂ခုနှစ် နှစ်လယ်ပိုင်း တွင် ဖြစ်ပွားခဲ့သော ရွှေပြည်သာမြို့နယ်၊ တော်ဝင်သစ် အချောထည်စက်ရုံ အလုပ်ရှင် အလုပ်သမား အငြင်းပွားမှုသည် အလုပ်သမား အငြင်းပွားမှု ဖြေရှင်းရေး အမြင့်ဆုံး အဖွဲ့အစည်း ဖြစ်သည့် ခုံ သမာဓိ ကောင်စီသို့ပင် ရောက်ရှိခဲ့ပြီး ခုံသမာဓိ ကောင်စီမှ ဆုံးဖြတ် ချက် ချမှတ်ပေးခဲ့သည်။ ထိုဆုံးဖြတ်ချက်များကို အလုပ်ရှင်ဘက်မှ မလိုက်နာသောကြောင့် အလုပ်သမားများဘက်မှ ဆန္ဒပြမှုများ ထပ်မံ ဖြစ်ပွားခဲ့ပြီး ထိုဆန္ဒပြမှုများကြောင့် အလုပ်သမား ခေါင်းဆောင်များ ပုဒ်မ၁၈ ဖြင့် အရေးယူခံခဲ့ရသည်။ ၂ဝ၁၂ခုနှစ်က ပြဋ္ဌာန်းခဲ့သော အလုပ်သမားရေးရာ အငြင်းပွားမှု ဖြေရှင်းရေး နည်းဥပဒေတွင် ခုံသမာဓိ ကောင်စီ၏ ဆုံးဖြတ်ချက်ကို မလိုက်နာသော အလုပ်ရှင်ကို အရေးယူရန် ပြစ်ဒဏ် မပါရှိသောကြောင့် ထိုသို့ မလိုလားအပ်သော ပြသနာများ ထပ်မံ ဖြစ်ပွားရသည် ဟု အလုပ်သမား အရေးဆောင် ရွက်သူများက မှတ်ချက်ပြုကြသည်။ ရန်ကုန်တွင် သာမက မန္တလေးတွင်လည်း အလားတူ ဖြစ်ရပ်များ ဖြစ်ပွားခဲ့သည်ကို တွေ့ရသည်။ ထိုအားနည်းချက်ကို ပြင်ဆင်ရန်အတွက် အလုပ်သမား ကိုယ်စားလှယ်များ၊ အလုပ်ရှင် ကိုယ်စားလှယ်များနှင့် အလုပ်ရုံနှင့် အလုပ်သမား ဥပဒေ စစ်ဆေးရေး ဦးစီးဌာနတို့က ၂ဝ၁၃ခုနှစ် ဇန်နဝါရီလကတည်းက ဆောင်ရွက်ခဲ့ပြီး ပြစ်ဒဏ် ထည့်သွင်း ဖြည့်စွက်နိုင်ရေး အတွက် လွှတ်တော် နှင့် သက်ဆိုင်ရာ ဝန်ကြီးဌာနသို့ တင်ပြ ထားသော်လည်း တစ်နှစ် ပြည့်ခါနီး ချိန်အထိ တစ်စုံတစ်ရာ ထူးခြားမှု မရှိ သေးကြောင်း အလုပ်သမား ကိုယ်စားလှယ် တစ်ဦးကဆိုသည်။
အစိုးရဝန်ထမ်းများ လစာတိုးသည့်နှစ်
ယခုနှစ်တွင် အစိုးရဝန်ထမ်းများ အတွက် အပိုထောက်ပံ့ကြေးဟု ခေါင်းစဉ်တပ်ကာ လစာ ကျပ်သုံးသောင်း တိုးပေးခဲ့သည် ။ မလောက်ငှသော ဝင်ငွေ နှင့် ရပ်တည် နေကြရသည့်အတွက် ပြည်သူ့ ဝန်ထမ်းများ၏ အကျင့် ပျက် ခြစားမှုနှင့် အဂတိ လိုက်စားမှုများသည် နိုင်ငံတွင် အမြစ်တွယ်သလို ဖြစ်နေသည် ကို တိုက်ဖျက်နိုင်ရန် ဆွေးနွေးချက်ပေါ်တွင် အခြေခံကာ ဥပဒေကြမ်း ကော်မတီက ဝန်ထမ်း လစာတိုးရေး အဆိုပြုချက်ကို တင်သွင်းခဲ့ခြင်း ဖြစ်ပြီး ပြည်ထောင်စု လွှတ်တော်က အတည်ပြု တောင်းခံခဲ့ခြင်း ဖြစ်သည်။ ပြည်သူ့ဝန်ထမ်းများ၏ လစာ တိုးမြှင့်ရေး ဆိုင်ရာ အဆိုပြုချက်ကို ၂ဝ၁၃ ခုနှစ် ဖေဖော်ဝါရီ ၇ ရက်တွင် ပြုလုပ်သော ပြည်ထောင် စု လွှတ်တော် အစည်းအဝေးတွင် အတည်ပြုခဲ့ခြင်းဖြစ်ပြီး ၂ဝ၁၂-၂ဝ၁၃ ဘဏ္ဍာနှစ် ဧပြီလမှစ၍ ဝန်ထမ်း လစာ ထပ်တိုးပေးခဲ့သည်။ မြန်မာနိုင်ငံတွင် လွတ်လပ်ရေး ရပြီးနောက်ပိုင်း ၁၉၄၈ ခုနှစ်၊ ၁၉၇၂ခုနှစ် ၊၁၉၈၉ ခုနှစ်၊ ၁၉၉၃ ခုနှစ်၊ ၂ဝဝဝ ပြည့်နှစ်၊ ၂ဝဝ၆ ခုနှစ်နှင့် ၂ဝ၁ဝ ပြည့်နှစ်တို့တွင် အစိုးရ ဝန်ထမ်းများအား လစာ တိုးပေးခဲ့ သည်။ လစာသုံးသောင်း တိုးမြှင့် ရရှိခဲ့သော်လည်း ဝန်ထမ်းများအတွက် စားဝတ်နေရေး အခက်ခဲများ ရှိနေဆဲဖြစ်ကြောင်း သာကေတ မြို့နေ လျှပ်စစ်ဝန်ထမ်းတစ်ဦးက မှတ်ချက်ပြုသည်။ ”ကျွန်တော်တို့ဆို နှစ်နှစ်နေမှ လစာတစ်ထောင် တိုးတာ ဘယ်လိုလုပ် အဆင်ပြေမလဲ” ဟု အထက်ပါလျှပ် စစ်ဝန်ထမ်းက ပြောသည်။

Popular Myanmar News Journal

အပြည့်အစုံသို့ »

ပြည်သူ့လွှတ်တော် ဥက္ကဌ သူရဦးရွှေမန်းအား နိုင်ငံရေးအမြင်သိပ်မရှိဟု ဇီးကွက်ကိုခြသေံင့်္က မုဒိန်းကျင့်သွားသည်ဟု ပြောဆိုခဲ့သည့် လူပျက် ဇာဂနာမှဝေဖန်


ဦးဇာဂနာက သူရဦးရွှေမန်းဟာ နိုင်ငံရေးအတွေး သိပ်မကောင်းဘူးလို့ ဆိုပြီး သူရဦးရွှေမန်းအပေါ် သူ၏အမြင်ကိုထုတ်ဖော်ပြောကြားခဲ့ပါတယ်။

The Messenger က သူရဦးရွှေမန်းနဲ့ ဒေါ်အောင်ဆန်းစုကြည်တို့ရဲ့ ဆက်ဆံရေးတည်ဆောက်မှုနဲ့ ပတ်သက်ပြီးဘယ်လိုမြင်ပါသလဲလို့ မေးမြန်းခဲ့ချိန်မှာ ဦးဇာဂနာက ယခုလို ဖြေကြားခဲ့ခြင်းဖြစ်ပါတယ်။

"ဦးရွှေမန်းကို ပုဂ္ဂိုလ်ရေးအရတော့ သိပ်မသိပါဘူး။ သို့သော် မြင်ကြည့်တဲ့ အမြင်ကတော့ ဦးရွှေမန်းက နိုင်ငံရေးအတွေး သိပ်မကောင်းဘူးလို့မြင်တယ်။ သူရဲ့ အကြံပေးအဖွဲ့ ရှိပါလိမ့်မယ်။
ရှိပေမဲ့ ဦးရွှေမန်းရွှေ့တဲ့ အကွက်တွေက သိသာလွန်းတယ်။ ပရိယာယ်နည်းတယ်။ သမ္မတကတွေ့ဖို့
ရွှေ့ဆိုင်းလိုက်ချိန်မှာ ဖွဲ့စည်းပုံပြင်ဖို့ လိုတာပေါ့ ဆိုပြီး၊ ရွှေပြည်သာမှာ ပြောတယ်ဆိုတာမျိုးက သိသာလွန်းတယ်။ ထို့နည်းတူ အန်တီစုနဲ့ ခင်ဖို့ ကြိုးစားတာ၊ တစ်နည်းပြောရင် လွှတ်တော်အတွင်း အာကောင်းအောင်လုပ်တာပေါ့ အဲဒါအမြင်မှာ ဒေါ်စုဝင်ထိုင်တဲ့ လွှတ်တော် အားကောင်းတာပေါ့၊
သူလည်းကြိုးသားရပါတယ်။ နိုင်ငံရေးကိစ္စမှာတော့ ဦးရွှေမန်းကို သိပ်တော်တယ်လို့ မထင်ဘူး"

ဦးဇာဂနာကသာ သူရဦးရွှေမန်းဟာ နိုင်ငံရေးကိစ္စမှာမတော်ဘူးလို့ပြောနေပေမယ့်လည်း
လွှတ်တော်အတွင်းအသက်ဝင်လာတာ၊ လှုပ်ရှားမှုတွေအားကောင်းလာတာဟာ
သူရဦးရွှေမန်းရဲ့ ဦးဆောင်မှုတွေကြောင့် လို့နိုင်ငံရေးသုတေသီတွေကြားမှာ ပြောဆိုနေကြပါတယ်။
ဦးဇာဂနာရဲ့ ဝေဖန်မှုကို သူရဦးရွှေမန်းဘက်က ပြန်လည်တုန့်ပြန်ပြောဆိုခြင်း မရှိသေးပါဘူး။
ဦးဇာဂနာဟာ မကြာသေးမီကလည်း အစိုးရက ဦးဆောင်ကျင်းပခဲ့တဲ့ ဆီးဂိမ်းမှာ ရိုးရာအကတွေ ထည့်သွင်းပြသခြင်းကို ဝေဖန်ခဲ့ပြီး စင်္ကာပူရဲ့ Street Dance နဲ့ဖျော်ဖြေသွားပုံကိုတော့ ချီးကျုးခဲ့ကြောင့် ဝေဖန်ခြင်းကို ခံခဲ့ရပါတယ်။ ဒါ့အပြင် ဇီးကွက်ကို ခြင်္သေ့က မုဒိန်းကျင့်သွားတာ လှလှပပခံလိုက်ရပြီလို့ သူ့ရဲ့ Facebook စာမျက်နှာမှာ  ပြောဆိုခဲ့ခြင်းကြောင့် အဆိုပါပြောဆိုမှုအပေါ် ဆန့်ကျင်ဝေဖန်မှုများလည်း ခံခဲ့ရပါသေးတယ်။
Myanmar Express 

အပြည့်အစုံသို့ »

နှစ်သစ်ကူးည လည်ပတ်လိုသူများအတွက် ပြည်တွင်းရေကြောင်းသင်္ဘော အငှားလိုက်မည်


ဖိုးစိုးသူ|ဒီဇင်ဘာ ၃၁ ရက်၊ အင်္ဂါနေ့၊ ၂၀၁၃ ခုနှစ်

နှစ်သစ်ကူးညတွင် မြစ်ကြောင်းအတွင်း သင်္ဘောစီးပြီး နှစ်သစ်ကူးပွဲတော်နှင့် ပါတီပွဲများကျင်းပလိုသူများ အနေဖြင့် ပြည်တွင်းရေကြောင်းပို့ဆောင်ရေးဌာနမှ သဘောင်္များ ငှားရမ်းသွားမည်ဟု ပို့ဆောင်ရေးဌာန မှူး ဦးရှိန်းယောက ပြောသည်။

ရန်ကုန်မြင်ကွင်းကိုကြည့်ရှုနိုင်ရန် အစီအစဉ်တွင် ရန်ကုန်မြစ်ကမ်းမှ သီလ၀ါဆိပ်ကမ်း၊ ဗိုလ်တထောင် ဆိပ်ကမ်းတို့အထိ ပို့ဆောင်ပေးမည့် နှစ်ထပ်သင်္ဘောများကို ငှားရမ်းပေးသွားမည် ဖြစ်သည်။

“ငှားရမ်းချင်သူတွေအတွက် သင်္ဘောတွေက အလုံလောက်ရှိပါတယ်။ဈေးနှုန်းကတော့ သွားမယ့်လူတွေ ရဲ့ခရီးနဲ့ သင်္ဘောအမျိုးစားပေါ်မူတည်ပြီး ညှိနှိုင်း ဆုံးဖြတ်ကြမှာပါ။ ဒီနှစ်မှ စပြီး အခုလို နှစ်သစ်ကူးည တွေမှာ သင်္ဘောတွေနဲ့ အပန်းဖြေ ဖြတ်သန်းဖို့ ငှားရမ်းခွင့်ပေးတာပါ”ဟု ဦရှိန်းယောက ပြောသည်။

ငှားရမ်းမည့်သင်္ဘောများမှာ နှစ်ထပ်သင်္ဘောများဖြစ်ပြီး တစ်စီးလျှင် လူဦးရေ၂၀၀ တင်နိုင်သော သင်္ဘော နှင့် လူဦးရေ ၃၀၀ တင်နိုင်သော သင်္ဘောများဖြစ်ပြီး ပြည်တွင်းရေကြောင်း ပို့ဆောင်ရေးရုံးနှင့် ဧရာဝတီ မြစ်ဝကျွန်းပေါ်ဌာနခွဲများတွင် စုံစမ်းငှားရမ်းနိုင်ကြောင်း ဧရာဝတီမြစ်ဝကျွန်းပေါ် ပို့ဆောင်ရေးဌာနခွဲမှ စီမံ ကွပ်ကဲမှုအရာရှိ ဦးသန့်စင်ဦးက ရှင်းပြသည်။

“အခုချိန်ထိတော့ လာရောက်ငှားရမ်းကြတာ တစ်စီးပဲရှိသေးတယ်။ မသိတာကြောင့်လည်းဖြစ်နိုင်တယ်။ မြစ်ထဲမှာ လေညှင်းခံရင်း နှစ်သစ်ကူးညကို ဖြတ်သန်းရမှာဆိုတော့ တစ်မျိုး ပိုဆန်းတယ်လေ”ဟု ၎င်းက ဆိုသည်။

နှစ်သစ်ကူးညတွင် ငှားရမ်းပြေးဆွဲ သင်္ဘောအမည်များမှာ ဗညား၊ ဗန္ဓုလ၊ ဗလကျော်ထင်၊ ဗညားဦး အစ ရှိသော နှစ်ထပ်သင်္ဘောများဖြင့် ငှားရမ်းပြေးဆွဲမည်ဖြစ်သည်။

Mizzima Burmese

အပြည့်အစုံသို့ »

AFP သတင်းအေဂျင်စီ ဌာနေကိုယ်စားလှယ် ဒေါ်လှလှဌေးနှင့် တွေ့ဆုံခြင်း


AFP သတင်းဌာန၏ ဌာနေကိုယ်စားလှယ် ဒေါ်လှလှဌေး (ဓာတ်ပုံ – ဒေါ်လှလှဌေး၏ facebook မှ)

ဦးသိန်းစိန် အစိုးရသစ် တက်လာပြီး နောက်ပိုင်း ပြုပြင်ပြောင်းလဲမှု တချို့ ရှိလာခဲ့သလို မြန်မာ့ မီဒီယာ ကဏ္ဍမှာလည်း ပွင့်လင်းလွတ်လပ်မှုတွေ အရင်ထက်စာရင် အများကြီး ရှိလာတယ်လို့ ပြောနိုင်ပါတယ်။  မီဒီယာ ပွင့်လင်း လွတ်လပ်မှုတွေ ထဲက တခုကို ကြည့်မယ်ဆိုရင် မီဒီယာ လုပ်ငန်းတွေထဲမှာ လူငယ် သတင်းထောက်တွေ ၀င်ရောက် လုပ်ကိုင်မှု များလာတာပါပဲ။ အဲဒီအထဲက သိသိသာသာ များပြား လာတာက အမျိုးသမီး သတင်းထောက်တွေ ဖြစ်ပါတယ်။

အမျိုးသမီး သတင်းထောက်တွေဟာ သတင်းရယူတဲ့ နေရာမှာရော၊ သတင်းဓာတ်ပုံ ရယူတဲ့ နေရာမှာပါ အမျိုးသားတွေနဲ့ တန်းတူ ရင်ဘောင်တန်း လုပ်ကိုင် နေကြတယ် ဆိုပေမယ့် တကယ်တမ်း အမျိုးသမီးတွေမှာ လုပ်ငန်းခွင် အတွင်းမှာရော၊ လုပ်ငန်းတူသူ အချင်းချင်း အကြားနဲ့ သတင်းပေးသူတွေ အကြား ကျား၊ မ ခွဲခြားခံရမှုတွေ ရှိနေသေးတယ်လို့ AFP သတင်းဌာနရဲ့ ဌာနေကိုယ်စားလှယ် ဒေါ်လှလှဌေးက ဧရာဝတီကို ပြောပါတယ်။

ဒီဇင်ဘာ ၆ ရက်နဲ့ ၇ ရက်က ရန်ကုန်မြို့ ချက်ထရီယံ ဟိုတယ်မှာ ကျင်းပတဲ့ ကမ္ဘာ့အမျိုးသမီး ဖိုရမ် အခမ်းအနားမှာ မလှလှဌေးက မီဒီယာရဲ့ အခန်း ကဏ္ဍတခုကို ပါဝင် ဆွေးနွေးခွင့် ရသူတဦး အဖြစ် တက်ရောက်ခဲ့ပါတယ်။ လက်ရှိ မြန်မာ နိုင်ငံရဲ့ ဒီမိုကရေစီ လမ်းကြောင်းကို လျှောက်လှမ်းနေတဲ့ အခြေအနေ တခုမှာ အခုလို အမျိုးသမီး သတင်းထောက်တွေရဲ့ ကျား၊ မ တန်းတူအခွင့်အရေး ရရှိဖို့ အမျိုးသမီးတွေ အနေနဲ့ ဘယ်လိုကြိုးစားသင့်တယ် ဆိုတာနဲ့ ပတ်သက်ပြီး ဒေါ်လှလှဌေးကို ဧရာဝတီ သတင်းထောက် သူဇာက တွေ့ဆုံမေးမြန်းခဲ့ပါတယ်။

မေး။     ။ အမျိုးသမီး ဖိုရမ်ပွဲမှာ ဆွေးနွေးသူ တယောက်အနေနဲ့ ပါဝင်ခွင့် ရတဲ့အတွက် ဘာအကျိုးရလဒ်တွေ ရရှိခဲ့ပါသလဲ။

ဖြေ။     ။ ဒီပွဲတွေ လုပ်တာ အရမ်းကောင်းပါတယ်။ ကျမ အနေနဲ့ Speaker တယောက် အနေနဲ့ ပါဝင်ရပေမယ့် စင်ပေါ် မှာတော့ ထင်သလောက် မဆွေးနွေးခဲ့ရဘူး။ ဒါပေမယ့် တဘက်မှာ မဆွေးနွေးခင် အချင်းချင်း တွေ့ဆုံ မိတ်ဆက်ရတဲ့ အခွင့်အရေးတွေ ရရှိခဲ့ပါတယ်။ နိုင်ငံတကာက အဖွဲ့အစည်းတွေရော၊ ကမ္ဘာသိ နာမည်ရှိ လူတွေနဲ့ပါ ကျမတို့ တွေ့ခွင့် ရတာပေါ့။ တကယ်လို့ ကိုယ်က သူတို့နိုင်ငံကို ရောက်သွားရင်တောင် သူတို့ မအားရင် တွေ့ခွင့် မရနိုင်ဘူးလေ။ ဒီမှာကျတော့ အဲဒီလို တွေ့ဆုံရတယ် ဆိုတော့ ကိုယ့်ရဲ့အတွေ့အကြုံတွေကို ဖလှယ်လို့ ရတာပေါ့။ အဲဒါ တခုကတော့ တော်တော်လေး ကောင်းပါတယ်။

မေး။     ။ ကိုယ်တိုင်လည်း မီဒီယာလုပ်ငန်းမှာ အမျိုးသမီး သတင်းထောက် တယောက် ဖြစ်နေတယ် ဆိုတော့ ကျား၊ မ တန်းတူ အခွင့်အရေး ရရှိမှုနဲ့ ပတ်သက်ရင် မီဒီယာ လောကမှာ အမျိုးသမီးတွေ အခွင့်အရေး တန်းတူရှိတယ်လို့ မြင်ပါသလား။

ဖြေ။     ။ ပြောရမယ် ဆိုရင် လွန်ခဲ့တဲ့ သုံးနှစ် ကတော့ ကျမတို့ ဒီလို ပွင့်ပွင့်လင်းလင်း ပြောတာမျိုးတော့ မရှိခဲ့ဘူး။ ကိုယ့် အတွက်ပဲ တကုတ်ကုတ် အလုပ်လုပ်ခဲ့ရတာ။ အခုဆို အမျိုးသမီး ဂျာနယ်လစ်တွေ ရာကျော်လောက် ဖြစ်လာပြီ။ ဒါကို ကြည့်ရင်ပဲ တော်တော် ၀မ်းသာစရာ ကောင်းနေပြီ။ အခု မီဒီယာတွေကနေ တဆင့် ကြားရတာတွေတော့ ရှိတယ်။ ဥပမာ အမျိုးသမီး သတင်းထောက်တွေ ခရီးသွားတဲ့ အခါမျိုးမှာ တမျိုး ဆက်ဆံခံရတာတွေ ရှိတယ်လို့ ပြန်ကြားရတယ်။ ဒါတွေ ကတော့ ရှိနေသေးတာပေါ့။ ဒါတွေကိုတော့ အမျိုးသမီးတွေ အနေနဲ့ ကျော်လွှားနိုင်မှာပါ။ အမျိုးသမီး သတင်းထောက်တွေလည်း အမျိုးသားတွေနည်းတူ အလုပ်လုပ်နိုင်တာ တွေ့ရတယ်။ ကျမတို့ အမျိုးသမီး သတင်းထောက်တွေ ဆက်လက် အားတင်းပြီးတော့ ကိုယ်လုပ်နိုင်တယ် ဆိုတာ ပြရမှာပေါ့။

မေး။     ။ အမျိုးသမီး တယောက်အနေနဲ့ ကိုယ့်ကိုယ်ကိုယ် ခွဲခြား ဆက်ဆံ ခံနေရပြီလို့ တွေ့ကြုံရပြီ ဆိုရင် ဘယ်လို လုပ်ဆောင်မှုတွေ လုပ်သင့်ပါသလဲ။

ဖြေ။     ။ အမျိုးသမီးတွေ အနေနဲ့ ဘယ်လို အခွင့်အရေးမျိုးတွေ ရှိလဲဆိုတာ သိဖို့တော့ လိုတယ်။ ဥပမာ ကျမတို့ ဂျာနယ်လစ် တယောက် အနေနဲ့ဆို သတင်းကို ရယူပိုင်ခွင့် ရှိရမယ်။ သတင်းစာ ရှင်းလင်းပွဲ တခု သွားမယ်၊ ၀င်လို့မရဘူး၊ ဓာတ်ပုံရိုက်လို့ မရဘူး ဆိုရင်တော့ လုံးဝ အလျှော့ပေးလို့ မရဘူးပေါ့။ သူများ ရတယ်ဆိုရင် ကိုယ်က ဘာလို့ မရတာလဲ၊ ဘာ့ကြောင့်လဲပေ့ါ။ မီဒီယာ အချင်းချင်း ခွဲခြား ခံနေရတာကိုလည်း ပြောရမှာပဲ။ အဲဒီတော့ ကိုယ့်အခွင့်အရေး ဘာလဲ ဆိုတာတော့ သိဖို့ လိုတာပေါ့ နော်။

မေး။     ။ အမျိုးသမီး သတင်းထောက်တွေမှာ အစိုးရပိုင်း သတင်းပေးမှု စတဲ့ အမျိုးမျိုး သတင်းပေးမှုတွေမှာ ကျား၊ မ ခွဲခြားခံရပြီး သတင်းပေးတာတွေ ရှိတယ်လို့ သိရပါတယ်။ အဲဒီအပေါ် ပြောပေးပါဦး။

 ဖြေ။     ။ အမျိုးသမီးတွေ အပေါ် ခွဲခြားဆက်ဆံမှုက အစိုးရဘက်ပိုင်း၊ အဖွဲ့အစည်းတွေ အပိုင်းကို မပြောသေးဘူး။ ကိုယ့် မီဒီယာ အချင်းချင်းမှာကို သူက မိန်းကလေးမို့လို့ ဒီသတင်း ရတာမျိုး၊ အမျိုးသမီးဖြစ်နေလို့ သတင်းပေးတယ် ဆိုတာမျိုးတွေ ပြောကြတယ်။ ကျမတို့က သတင်းလိုက်ပြီ ဆိုကတည်းက ကိုယ်ဘာလိုချင်လဲ ဆိုတာ သိလို့ ကိုယ်ရအောင် ကြိုးစားရတယ်။ ဒါကလည်း  ကြိုးစားမှုရဲ့ ရလဒ်ဆိုတာ လက်ခံရမယ်။ ဒီလိုတွေကလည်း အချင်းချင်းကြား ခွဲခြား ဆက်ဆံခံနေရတာတွေ ရှိတယ်။ ဒါတွေကလည်း အချိန်နဲ့ အညီ ပြောင်းလဲသွားမှာပါ။ အမျိုးသမီးတွေ အနေနဲ့ ကိုယ့်အလုပ် ကိုယ်လုပ်ဖို့ပဲ လိုတာ။ ကိုယ့်အလုပ် ကိုယ်လုပ်ရင် အစိုးရကလည်း ခွဲခြားဆက်ဆံလို့ မရသလို၊ အမျိုးသား သတင်းထောက်တွေ ကလည်း ခွဲခြား ဆက်ဆံတော့မှာ မဟုတ်ဘူး။

မေး။     ။ မြန်မာနိုင်ငံမှာ ကိုးကွယ် ယုံကြည်မှုက ဗုဒ္ဓဘာသာ များနေတော့ အမျိုးသား၊ အမျိုးသမီး တန်းတူ တောင်းဆိုနေတဲ့ အချက်တွေအရ ယဉ်ကျေးမှုပိုင်းမှာ ဘာကွာခြားချက်တွေ ရှိနိုင်မလဲ။

ဖြေ။     ။ ဒါကတော့ ယဉ်ကျေးမှုပိုင်း၊ ဘာသာရေး ပိုင်းတော့ ဆိုင်တယ်။ ဒါပေမယ့် တချို့ဟာတွေ ကျတော့ ကျမတို့က ကျော်လို့ မရဘူး။ ဘာလို့လဲဆိုရင် ဗုဒ္ဓဘာသာ မြန်မာအမျိုးသမီးတွေက ဘုန်းကြီး အရှေ့မှာ မတော်တလျော် ထိုင်လို့ မရတာတော့ ရှိမယ်။ တချို့ဘုရားတွေ၊ နေရာတွေမှာ ကန့်သတ်တာတွေတော့ ရှိမယ်။ ကျမတို့လည်း ဒီနိုင်ငံမှာ နေတဲ့ သူတွေ ဆိုတော့ ဒါတွေကို လေးစား လိုက်နာရမယ်။ ဒါတွေကိုတော့ သွားတောင်းဆိုလို့ မရဘူး။ တချို့ လုပ်ငန်းခွင်တွေ မှာတော့  အမျိုးသား၊ အမျိုးသမီး ခွဲခြားရင်တော့ ကျမတို့က ကွန်ပလိန်း တက်ရမယ်၊ ပြောရမယ်။

မေး။     ။ အခုဆိုရင် လွှတ်တော်ထဲမှာ ကြည့်ရင် အမျိုးသမီး ပါဝင်မှုက နည်းနေသေးတာ တွေ့ရတယ်။ ဒါက အမျိုးသမီး တွေရဲ့ အခန်းကဏ္ဍ နည်းနေသေးတယ်လို့ ပြောနိုင်မလား။

ဖြေ။     ။ နိုင်ငံရေး လောကထဲမှာ အမျိုးသမီး ပါဝင်မှုက အစကတည်းက မနည်းခဲ့ဘူး။ အခုဆိုရင် နိုင်ငံရေး လောကထဲမှာ အမျိုးသမီး ပါဝင်မှုက များလာသလို၊ စီးပွားရေး လောကထဲမှာလည်း အမျိုးသမီး ပါဝင်မှုက တော်တော် များပါတယ်။ လူမှုရေး လှုပ်ရှားသူ အမျိုးသမီး တွေလည်း အများကြီး ရှိတယ်။ ဒါကြောင့် ရှေ့လျှောက်လည်း အစိုးရ အဖွဲ့မှာရော၊ လွှတ်တော်ထဲမှာပါ အမျိုးသမီး ပါဝင်မှုတွေ ပိုများ လာမယ်လို့ ကျမ ထင်တယ်။

ဧရာဝတီ သတင်း

အပြည့်အစုံသို့ »

ဘင်္ဂလားဒေ့ရ်ှမှာ ရွေးကောက်ပွဲ ဆန့်ကျင်တဲ့ အဓိကရုဏ်းဖြစ်

ဘင်္ဂလားဒေ့ရ်ှနိုင်ငံမှာ ရွေးကောက်ပွဲနဲ့ပတ်သက်တဲ့ အဓိကရုဏ်းတွေ ဆက်ဖြစ်နေ ပါတယ်။

ဒီဇင်ဘာလ ၂၉ ရက်နေ့မှာ ရွေးကောက်ပွဲ ဆန့်ကျင်တဲ့ ဆန္ဒပြသမားတွေနဲ့ အစိုးရ ထောက်ခံသူတွေအကြား ဒါကာမြို့မှာ ရှိတဲ့ တရားရုံးချုပ် ၀င်းအပြင်ဘက်မှာ အဓိကရုဏ်းတွေ ပေါ်ပေါက်ခဲ့ပါတယ်။

ဓာတ်ပုံ – ရိုက်တာ

ဆန္ဒပြသမားတွေကို ရဲက လူစုခွဲတဲ့အခါမှာ ဆန္ဒပြသမားတွေဘက်က ကျောက်တုံးတွေ၊ အိမ်လုပ်ဗုံးတွေနဲ့ ပစ်ခတ်တယ်လို့ ရဲအဖွဲ့က ပြောပါတယ်။ ရဲဘက်က သေနတ်နဲ့ ပစ်လို့ ဆန္ဒပြသမားတယောက်လည်း သေဆုံးသွားတယ်လို့ ရဲအဖွဲ့က ပြောပါတယ်။
တရက်တည်းမှာပဲ ဒါကာမြို့ ဘူတာမှာ ပေါက်ကွဲမှုအတွင်း ဘူတာ လုံခြုံရေးတယောက်လည်း သေဆုံးသွားတယ်လို့ ရဲ့အဖွဲ့က ပြောပါတယ်။ ရဲအဖွဲ့က မီးသတ်ရေပိုက်တွေကို သုံးပြီးတော့ လူစုခွဲလို့ တချို့လည်း ဒဏ်ရာရသွားပါတယ်။

ရွေးကောက်ပွဲကို ဆန့်ကျင်တဲ့ ဆန္ဒပြပွဲတွေကို ရဲက ခွင့်မပြုပေမယ့် အကြီးဆုံး အတိုက်အခံ ဘီအန်ပီ ပါတီက လမ်းပေါ်ထွက် ဆန္ဒပြကြဖို့ ဆော်သြခဲ့တာပါ။ ပါတီ ခေါင်းဆောင် ၀န်ကြီးချုပ်ဟောင်း ခါလီဒါကိုလည်း ရဲတွေက ဒီဇင်ဘာ ၂၈ ရက် ညနေကတည်းက အိမ်ထဲကနေ အိမ်အပြင်ကို ပေးမထွက်ဘဲ တားဆီးထားပါတယ်။

ဒီရက်ပိုင်းအတွင်း တနိုင်ငံလုံးမှာ ရွေးကောက်ပွဲကို ဆန့်ကျင်တဲ့ ဆန္ဒပြပွဲသမားတွေ ရာနဲ့ ချီ အဖမ်းခံထားရတယ်လို့ အတိုက်အခံ ပါတီက ပြောပါတယ်။

ဒါကာမြို့မှာလည်း ဘက်စကားလိုင်းတွေ၊ ရထားလိုင်းတွေနဲ့ အကြိုအပို့ယာဉ်တွေကို အာဏာပိုင်တွေက ဖြတ်တောက်ထားပါတယ်။ ရွေးကောက်ပွဲကို လက်ရှိဝန်ကြီးချုပ် ရှိတ်ဟာစီနာ အစိုးရက ကျင်းပမယ်ဆိုရင် သပိတ်မှောက်မယ်လို့ အတိုက်အခံက ကြေညာထားပါတယ်။

အကယ်၍ အတိုက်အခံက သပိတ်မှောက်ရင် မဲဆန္ဒနယ် ၃၀၀ မှာ တ၀က်ကျော်မှာ ပြိုင်ဘက်မရှိမှာဖြစ်လို့ ရွေးကောက်ပွဲရဲ့  တရားဝင်မှုအပေါ် မေးခွန်းထုတ်စရာ ဖြစ်နေပါတယ်။

DVB Burmese

အပြည့်အစုံသို့ »

ကမ္ဘာပထမဆုံးသော 4GB RAM ပါဝင်တဲ့ဖုန်းတွေကို Samsung ကထုတ်လုပ်မည်။


Samsung ကုမ္ပဏီလာမည့် ၂၀၁၄ခုနှစ်မှာထွက်ရှိမဲ့ Samsung ရဲ့ဖုန်းတွေ မှာ 4GB RAM ကိုထည့်သွင်းထားမည်ဖြစ် ကြောင်းကြေညာခဲ့သည်။

ယင်း DDR4(4G RAM) အဆင့်ရှိတဲ့ဖုန်းတွေဟာ ယခုလက်ရှိထွက်နေတဲ့ DDR3(3GB RAM) ရှိတဲ့ဖုန်းတွေထက်လုပ်ဆောင်နိုင်စွမ်း ၁၀ရာခိုင်နှုန်း ပိုပြီးလုပ်ဆောင်နိုင်တဲ့အပြင်ကမ္ဘာပထမဆုံးသောစွမ်းဆောင်ရည် အမြင့်ဆုံးဖုန်းဖြစ်လာမည်ဖြစ်ကြောင်းသိရသည်။

အဆိုပါ 4GB RAM ဟာ 64-Bit Processor နဲ့ထုတ်လုပ်မဲ့ Samsung Galaxy S5 မှာပါဝင် လာဖွယ်ရှိပြီး ယခင်က 3GB RAM ပါဝင်တဲ့ Samsung Galaxy Note 3 နဲ့ Galaxy Note 10.1 (2014 Edition) ကိုထုတ်လုပ်ထား ပါတယ်။
TechSpace Journal

အပြည့်အစုံသို့ »

အကျဉ်းထောင်နှင့် စစ်ကြောရေးတွင် ကျဆုံးသွားသည့် နိုင်/ကျဉ်းများကို ဂုဏ်ပြုမည်

၁၉၈၈ ခုနှစ်နောက်ပိုင်း မြန်မာ့ ဒီမိုကရေစီ တိုက်ပွဲဝင်ရင်း စစ်ကြောရေးနဲ့ ထောင်တွင်းမှာ ဒီမိုကရေစီအတွက် တိုက်ပွဲဝင်ရင်း ကျဆုံးသွားတဲ့ နိုင်ငံရေး အကျဉ်းသားတွေရဲ့ စွန်လွတ် အနစ်နာခံတာကို မမေ့မလျော့ အသိအမှတ်ပြုတဲ့ အနေနဲ့ ကျဆုံးတဲ့သူတွေကို ဂုဏ်ပြု မှတ်တမ်းတင်တဲ့ အခမ်းအနားကို ကျင်းပပြုလုပ်မှာ ဖြစ်ပါတယ်။

အင်းစိန်အကျဉ်းထောင် မြင်ကွင်း

အခမ်းအနားကို ဇန်န၀ါရီ ၂ ရက်နေ့ ရန်ကုန်မြို့ ရွှေဂုံတိုင်က တော်ဝင် နှင်းဆီ ခန်းမမှာ ကျင်းပမယ်လို့ နိုင်ငံရေး အကျဉ်းသားများကူညီစောင့်ရှောက်ရေး အသင်း (မြန်မာနိုင်ငံ) (အေအေပီပီ) က တွဲဖက် အတွင်းရေးမှူး ဦးတိတ်နိုင်က ပြောပါတယ်။
ကျဆုံးသွားတဲ့ နိုင်ငံရေး အကျဉ်းသားတွေရဲ့ မိသားစုဝင်တွေဟာ စီးပွားရေး၊ ကျန်းမာရေး၊ ပညာရေး အဘက်ဘက်မှာ ယိုယွင်း နောက်ကျနေတဲ့အတွက် ရုပ်ပိုင်းဆိုင်ရာ စိတ်ပိုင်းဆိုင်ရာ အကူအညီတွေ လိုအပ်တယ်လို့ ယူဆတဲ့အတွက် ဂုဏ်ပြုပွဲကို လုပ်ရတာလို့ သူက ပြောပါတယ်။

၁၉၈၈ ခုနှစ်နောက်ပိုင်း အကျဉ်းထောင်နဲ့ စစ်ကြောရေးမှာ သေဆုံးသွားတဲ့ နိုင်ငံရေး အကျဉ်းသား ၁၆၆ ဦးရှိပြီး ပထမအကြိမ် အဖြစ် ၅၄ ဦး ရွေးချယ်ဂုဏ်ပြုသွားမှာဖြစ်သလို နောင်လည်း ဆက်လက် ဂုဏ်ပြုပွဲတွေ လုပ်သွားမယ်လို့ ဆိုပါတယ်။

DVB Burmese

အပြည့်အစုံသို့ »