ဖေ့စ်ဘွတ်ခ်မှာ ဖတ်ရှုရတဲ့ ကာတွန်းများ (၁၄-၁-၂၀၁၄)





















drlunswe

အပြည့်အစုံသို့ »

ကလေးရောင်းစားတဲ့ သားဖွားဆရာဝန်မကို ဆိုင်းငံ့သေဒဏ်ချ

သားဖွား အထူးကု ဆရာဝန်မ Zhang Shuxia

တရုတ်နိုင်ငံမှာ အမျိုးသမီး ဆရာဝန်တဦးကို မွေးကာစကလေးတွေ ခိုးယူပြီး လူကုန်ကူးမှုနဲ့ ဆိုင်းငံ့ သေဒဏ်ချမှတ်လိုက်ပါတယ်။

အမျိုးသမီး တယောက် ၊ ဆရာဝန်တယောက်က ဒီလောက် ရက်စက်တဲ့ ရာဇဝတ်မှုမျိုးကို ဘယ်လိုကျူးလွန်ခဲ့တယ်ဆိုတာ ဘီဘီစီ သတင်းထောက်တွေရဲ့ သတင်းပေးပို့ချက်တွေကို ကိုးကားပြီး တင်ပြပေးရမယ် ဆိုရင် ဂျန်ရှူရှားလို့ ခေါ်တဲ့ သားဖွား အထူးဆရာဝန် တယောက် အကြောင်း အဓိကထား ပြောရမှာ ဖြစ်ပါတယ်။

သူက ကလေးမိဘတွေကို သူတို့ မွေးဖွားလာတဲ့ ကလေးမှာ ရောဂါကြီးတွေ ပါလာလို့ ဆေးကုသဖို့ သိပ် အကုန်အကျများနိုင်ကြောင်း၊ အသက်ရှင်ဖို့ ခက်ခဲကြောင်းပြောပြီး ကလေးကို နိုင်ငံတော်က စောင့်ရှောက်မွေးမြူမယ်လို့ တောင်းယူပြီး ကလေးတွေကို ပြန်ရောင်းစားခဲ့တာဖြစ်ပါတယ်။

သူအဲသလို လုပ်ခဲ့တာ နှစ်နှစ်နီးနီး ကာလအတွင်းမှာ ကလေး ၇ ယောက်ရှိပါပြီ။ သူဒီလိုလုပ်တာက ၆ ကြိမ်ရှိပါပြီ။

တကြိမ်က အမွှာပြူးကလေးဖြစ်တဲ့ အတွက် စုစုပေါင်း ကလေး ၇ ယောက်ဖြစ်ပါတယ်။

အခုတော့ မသင်္ကာတဲ့ မိဘတယောက်ကနေ ရဲကို တိုင်တော့ စုံစမ်းစစ်ဆေးရာကနေ ပေါ်လာတာ ဖြစ်ပါတယ်။

သူရောင်းစားခဲ့တဲ့ ကလေး ၇ ယောက်မှာ ၆ ယောက်ကို ကယ်တင်နိုင်ခဲ့ပါတယ်။

အဲဒီအထဲမှာ ၁၆၅ ဒေါ်လာနဲ့ ရောင်းစားခံခဲ့ရတဲ့ မိန်းကလေး တယောက်ကတော့ လမ်းဘေးမှာ စွန့်ပစ်ခံရပြီး သေဆုံးသွားတဲ့ အတွက် မကယ်နိုင်ခဲ့ပါဘူး။

တရုတ် နိုင်ငံမှာ အခု ဂျန်ရှူရှားကို ၂ နှစ်ဆိုင်းငံ့သေဒဏ်ပေးထားတာ ဖြစ်ပါတယ်။

များသောအားဖြင့် ဆိုင်းငံ့သေဒဏ်တွေဟာ နောက်ဆုံးမှာ ထောင်ဒဏ်တသက် အဖြစ်လျှော့ပေါ့ပေးလေ့ရှိပါတယ်။

ဒါပေမဲ့ ဂျန်ရှူရှားဟာ အယူခံဝင်မဝင် မသိရသေးဘဲ အခုဒီအမှုလိုမျိုး တခြား အမှု ၅၀ ကိုလည်း ရဲက ဆက်လက် စုံစမ်းနေပြီး အဲဒီအထဲက ၂၆ မှုဟာ ရှူရှား အမှုနဲ့ ဆက်စပ်နေပါတယ်။

နောက်ထပ် ဆေးရုံအရာရှိ ၄ ယောက်ကိုလည်း တရားစွဲဆိုထားပါတယ်။

တရုတ်နိုင်ငံမှာ ကလေး တယောက် ပေါ်လစီ အရ မိဘ အများစုဟာ ကလေး တယောက်ပဲ ယူခွင့်ရပါတယ်။

အဲဒီတော့ မိဘတွေဟာ သူတို့ကလေးဟာ ကျန်းကျန်းမာမာ ကလေးဖြစ်ချင်ကြပါတယ်။

ဒါ့အပြင် ကလေး တယောက်ပဲယူခွင့်ရပြီး ဆုံးရှုံးသွားတဲ့ မိဘတွေ ကလေးမရတဲ့ မိဘတွေကလည်း ကလေး လိုချင်နေကြတော့ ကလေးမှောင်ခို ဈေးကွက်ပေါ်လာပြီး အခုလို အဖြစ်အပျက်မျိုးတွေ ပေါ်ပေါက်လာတာ ဖြစ်ပါတယ်။

အခုတော့ တရုတ်ပြည်မှာ ကလေး တယောက်ပေါ်လစီကို လျှော့ပေါ့ပေးနေပါတယ်။ တကယ်လို့ မိဘ နှစ်ယောက်မှာ တယောက်ဟာ တဦးတည်းသော သားသမီး ဖြစ်ခဲ့ရင် အဲဒီမိဘတွေဟာ ကလေး ၂ ယောက်အထိ ယူခွင့် ရှိတယ်လို့ ဆိုပါတယ်။
BBC Burmese

အပြည့်အစုံသို့ »

Beach Bunny အတွက် ကိုယ်ဟန်ပြ ဓာတ်ပုံရိုက်ပေးခဲ့သည့် အီရီနာ



အသက်(၂၈)နှစ်ရှိ ရုရှား စူပါမော်ဒယ်လ်သည် အမေရိကန် အမှတ်တံဆိပ်အတွက် ကယ်လီဖိုးနီးယားတွင် လာရောက်၍ ဓာတ်ပုံအရိုက်ခံခဲ့ခြင်း ဖြစ်သည်။

Beach Bunnyအတွက် ကြော်ငြာလှုပ်ရှားမှု အစီအစဉ်သစ် တစ်ခုအဖြစ် အီရီနာရှက်ခ်က အသက်ရှူ မှားလောက်ဖွယ် ဓာတ်ပုံများ ရိုက်ကူးပေးခဲ့ကြောင်း သိရသည်။ အသက်(၂၈)နှစ်ရှိ ရုရှား စူပါမော်ဒယ်လ်သည် အမေရိကန် အမှတ်တံဆိပ်အတွက် ကယ်လီဖိုးနီးယားတွင် လာရောက်၍ ဓာတ်ပုံအရိုက်ခံခဲ့ခြင်း ဖြစ်သည်။ အီရီနာသည် လှပပြီး အရောင်အသွေး စုံလင်လှသည့် ရေကူးဝတ်စုံ ဖက်ရှင်အမျိုးမျိုးကို ပြောင်းလဲဝတ်ဆင်ကာ ကိုယ်ဟန်ပြခဲ့သည်။ Beach Bunnyသည် ယခင် စူပါမော်ဒယ်လ်ဟောင်း အန်ဂျလာ ချစ်တန်ဒန် (၂၀၀၄)ခုနှစ်က စတင်ထူထောင်ထားသည့် အမှတ်တံဆိပ်ဖြစ်သည်။ အသက်(၂၈)နှစ်ရှိ အီရီနာသည် သမပိုင်း ရာသီဥတုမျိုး ကျရောက်သည့် ကမ်းခြေတွင် စွဲမက်ဖွယ် ကိုယ်ဟန်ပြ ဓာတ်ပုံအရိုက်ခံခဲ့သည်။

ကမ္ဘာကျော် ဘောလုံးသမား ခရစ္စတီယာနို ရော်နယ်လ်ဒို၏ ချစ်သူလည်းဖြစ်သည့် အီရီနာသည် လတ်တလောတွင် သူမ၏ အနုပညာ အောင်မြင်မှု နယ်ပယ်ကို ချဲ့ထွင်ရန်လည်း ကြိုးစားနေသည်။ အီရီနာသည် မော်ဒယ်လ်လျှောက်လမ်းများတွင် လူတကာ ငေးရသည့် အလှပဂေးတစ်ဦး ဖြစ်ခဲ့သည့်အပြင် ရုပ်ရှင်ပိတ်ကားထက်၌ နေရာယူရန်လည်း ပြင်ဆင်လျှက် ရှိသည်။ ယခုနှစ်ကုန်ပိုင်းတွင် သူမသည် Hercules: The Thracian Wars ဇာတ်ကားတွင် ပါဝင်သရုပ်ဆောင်ရန် စီစဉ်ထားပြီး ဖြစ်သည်။ သူမသည် ယင်းဇာတ်ကားတွင် စစ်သူရဲ တစ်ဦး၏ လက်စားချေတတ်သော ဇနီးသည် မီဂါရာ အနေဖြင့် ပါဝင်မည် ဖြစ်သည်။ သူမ၏ ခင်ပွန်းနေရာတွင် The Rockက သရုပ်ဆောင်မည်ဟုလည်း သိရှိရသည်။
Planet Myanmar Network

အပြည့်အစုံသို့ »

အီရတ်တွင် ကားဗုံး ဆက်တိုက်ကွဲ၊ အနည်းဆုံး ၂၅ ဦး သေဆုံး


အီရတ်နိုင်ငံ မြို့တော် ဘဂ္ဂဒတ်မှာ ပြီးခဲ့တဲ့ ဇန်န၀ါရီ ၁၃ ရက်နေ့က ကားဗုံးတွေ ဆက်တိုက် ပေါက်ခဲ့ပြီး အနည်းဆုံး လူ ၂၅ ယောက် သေဆုံးသွားပါတယ်။ ရှီးယားအစ္စလာမ်ဂိုဏ်းဝင်တွေ နေထိုင်တဲ့ မြို့နယ်ထဲမှာ တိုက်ခိုက်မှုတွေ ဖြစ်ခဲ့တာလို့ ရဲအဖွဲ့ကပြောပါတယ်။

အခု အကြမ်းဖက်မှုတွေဟာ ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်းရဲ့ ဘဂ္ဂဒတ်ခရီးစဉ်နဲ့လည်း တိုက်ဆိုင်နေပါတယ်။

တိုက်ခိုက်မှုကို ဘယ်အဖွဲ့ကမှ တာဝန်ယူ ကြေညာတာ မရှိပေမယ့် ၀န်ကြီးချုပ် နူးရ် အယ်လ်မာလီကီ ခေါင်းဆောင်တဲ့ အစိုးရကို ချိနဲ့သွားစေဖို့ အယ်ကိုင်းဒါးနဲ့ နွယ်တဲ့ ဆွန်နီအစ္စလာမ်ဂိုဏ်းဝင် အဖွဲ့တွေရဲ့ လက်ချက်လို့ ယူဆကြပါတယ်၊

စီးပွားရေးနယ်မြေတခုအပါအ၀င် နေရာ ၄ ခုမှာ ပေါက်ကွဲမှုအတွင်း လူ ၇၆ ယောက်လည်း ဒဏ်ရာရတယ်လို့ ရဲအဖွဲ့က ပြောပါတယ်။

ဘဂ္ဂဒတ်မြို့တောင်ပိုင်းမှာ သေနတ်သမားတယောက်က စစ်ဆေးရေးဂိတ်တခုကို ၀င်ပစ်ခဲ့မှုအတွင်းမှာလည်း ရဲ ၃ ယောက် သေဆုံးပြီး ၄ ယောက် ဒဏ်ရာရသွားတယ်လို့ ရဲအဖွဲ့က ပြောပါတယ်။

ကုလသမဂ္ဂရဲ့ ကိန်းဂဏန်းတွေအရ ပြီးခဲ့တဲ့နှစ် ၂၀၁၃ ခုနှစ်ဟာ အီရတ်မှာ ၂၀၀၈ ခုနှစ် နောက်ပိုင်း အသေအပျောက် အများဆုံးနှစ် ဖြစ်ပြီး လူ ၉ ထောင်နီးပါး သေဆုံးခဲ့တယ်လို့ ဆိုပါတယ်။

အီရတ် ၀န်ကြီးချုပ်နဲ့ တွေ့ဆုံအပြီး သတင်းစာရှင်းလင်းပွဲမှာတော့ ဘန်ကီမွန်းက သွေးထွက်သံယိုမှုတွေ ဖြစ်နေတဲ့ အခြေအနေကို စိုးရိမ်တယ်လို့ ပြောပါတယ်။

ဇန်န၀ါရီ ၁ ရက်နေ့ကလည်း ဆွန်န်ီစစ်သွေးကြွတွေဟာ အနောက်ပိုင်းက ဖာလူဂျာနဲ့ ရာမန်ဒီမြို့တွေကို သိမ်းခဲ့ပြီး အစိုးရကို စိန်ခေါ်ပြခဲ့ပါတယ်။

ဇန်န၀ါရီ ၁၃ ရက်နေ့မှာလည်း ဖာလူဂျာမှာ အခြေပြုထားတဲ့ စစ်သွေးကြွတွေက မြို့ပြင်ဘက်က စစ်စခန်းတခုကို မော်တာနဲ့ ပစ်ခတ်ခဲ့လို့ တိုက်ပွဲဖြစ်ခဲ့ပြီး လူ ၂ ယောက် သေဆုံးပြီး ၈ ယောက် ဒဏ်ရာရသွားသလို စစ်ဘက်က အသေအပျောက်စာရင်းတော့ မသိရပါဘူး။
DVB

အပြည့်အစုံသို့ »

Ubuntu Touch ထောက်ပံ့မည့် Nexus ထုတ်ကုန် အရေအတွက် လျှော့ချမည်


Canonical ကုမ္ပဏီက Ubuntu မိုဘိုင်းဗားရှင်း ထောက်ပံ့ပေးသည့် ထုတ်ကုန် အရေအတွက်ကို လျော့ချသွားမည်ဟု ကြေညာခဲ့ကြောင်း သိရသည်။

Canonical က Galaxy Nexus အတွက် Ubuntu Touch ဆော့ဖ်ဝဲလ် တည်ဆောက်မှုကို ရုတ်သိမ်းသွားမည် ဖြစ်ကြောင်း၊ Nexus 4 နှင့် Ubuntu 14.04 ဆော့ဖ်ဝဲလ် ထွက်ရှိနိုင်ရေးကို အာရုံစိုက်သွားမည် ဖြစ်ကြောင်း ထုတ်ဖော် ပြောကြားခဲ့သည်။

Canonical ကုမ္ပဏီအနေဖြင့် Nexus tablet များအတွက် ဆော့ဖ်ဝဲလ်များ ဆက်လက်တည်ဆောက် သွားပေးမည်ဖြစ်ပြီး Nexus 7 နှင့် Nexus 10 တို့အတွက် ထောက်ပံ့မှုများကို လျော့ချသွားမည်ဖြစ်သည်။ ထို့ကြောင့် Nexus 4 နှင့် Nexus 7 တို့သာ Ubuntu Touch ရရှိမည့် ထုတ်ကုန်များ ဖြစ်လာဖွယ်ရှိသည်။ Canonical က နောက်ဆုံးပေါ် Nexus စမတ်ဖုန်းများတွင် Ubuntu 14.04 မထွက်ရှိခင်အထိ ထောက်ပံ့မှုများ ပြုလုပ်သွားရန် အစီအစဉ် မရှိသေးကြောင်း ပြောဆိုခဲ့သည်။

၎င်းတို့ ကုမ္ပဏီ အနေဖြင့် လက်ရှိတွင် Ubuntu 14.04 ထွက်ရှိနိုင်မှု အပေါ်အာရုံစိုက်ထားကြောင်း Nexus 5 ပေါ်တွင် နည်းပညာ ပူးပေါင်းဆောင်ရွက်ရန် အစီအစဉ် မရှိ ကြောင်း ပြောကြားခဲ့သည်။


Ref: PhoneDog
Internet Journal

အပြည့်အစုံသို့ »

အမေရိကန်၏ ရွှေ့ လျားနေသော စစ်တပ် သို့မဟုတ် USS Ronald Reagan


ရွှေ့ လျားနေသော စစ်တပ်ကြီးပါပဲ။ တိုက်ယာဉ် အစင်း ၉၀၊ စစ်သည်ပေါင်း ၅၀၀၀၊ တင့်ကား၊ လောင်ချာ၊ တာပီဒို ပြောမကုန်အောင် စစ်လက်နက် စုံစုံလင်လင် ပါရှိတော့ သူ့ကိုမှ ရွှေ့ လျားနေတဲ့ စစ်တပ်လို့ မခေါ်ရင် အခြား နာမည်မရှိတော့ပါဘူး။

ဆောက်လုပ်ခြင်း

၁၉၉၈ ခုနှစ် ဖေဖော်ဝါရီလက စဆောက်တာ ၂၀၀၃ ခုနှစ် ဇူလိုင်လ ၁၂ ရက်နေ့က ရေချနိုင်ခဲ့ပါတယ်။ ဆောက်ဖို့အတွက် ဒီဇိုင်းဆွဲတာတို့၊ ဖန်တီးတာတို့ အားလုံးကို တစ်ဦးတစ်ယောက်တည်းက မဟုတ်ပဲ အားလုံး အိုင်ဒီယာပေါင်းစပ်ခဲ့ခြင်း ဖြစ်ပါတယ်။ သင်္ဘောနာမည်ကို အမေရိကန် သမ္မတဟောင်း Ronald Reagan ကိုဂုဏ်ပြုတဲ့အနေနဲ့ USS Ronald Reagan (CVN-76) လို့ အမည်ပေးထားခြင်း ဖြစ်ပါတယ်။ အဲ့တုန်းက သမ္မတဟောင်း Ronald ရှိနေသေးပြီး သက်ရှိထင်ရှားရှိတဲ့ သမ္မတကို ဂုဏ်ပြုပေးတဲ့ ပထမဆုံး သင်္ဘော ဖြစ်ခဲ့ပါတယ်။
ကုန်ကျစရိတ်

အမေရိကန်ဒေါ်လာ ၄.၅ ဘီလျံ ကုန်ကျပါတယ်။ အားလုံးကို အမေရိကန် အိမ်ဖြူတော်နဲ့ အစိုးရတို့က ထောက်ပံ့ခဲ့ခြင်း ဖြစ်ပါတယ်။ ပင်လယ်ခရီးတစ်ခုသွားဖို့အတွက် အမေရိကန်ဒေါ်လာ သန်းနဲ့ချီကုန်ကျပါတယ်။

အော်ပရေးရှင်း

အော်ပရေးရှင်း ကောင်းကောင်းမသွားရသေးပါဘူး။ ကောင်းကောင်းဆိုတာ တိုက်ပွဲမဝင်ရသေးတာကို ဆိုလိုတာပါ။ လက်ရှိအချိန်အထိ ငြိမ်းချမ်းရေး ခရီးသွားရတာတွေချည်း များနေပါတယ်။ ၂၀၀၈ ခုနှစ်က ဖိလစ်ပိုင်မှာ မုန်တိုင်းဒဏ်ခံဒုက္ခသည်ကို သွားရောက်ကယ်ဆယ်ထောက်ပံ့ပြီး၊ ၂၀၁၀ ခုနှစ်နောင်းပိုင်းကျတော့ တောင်ကိုရီးယားကျွန်းဆွယ်မှာ စခန်းချပြီး ၂၀၁၁ ခုနှစ်တော့ ဂျပန် ဆူနာမီနဲ့ သဘာဝဘေးအန္တရာယ်ဒဏ်ခံ ဒေသတွေကို သွားရောက်ကူညီပါတယ်။ နီးစပ်ရာနိုင်ငံများသို့လည်း ငြိမ်းချမ်းရေး ခရီးစဉ်သွားရောက်လည်ပတ် တာမျိုးတို့ ပြုလုပ်ပါတယ်။ အခြားနိုင်ငံများသို့ ထောက်ပံ့ရေးအတွက် လည်း သွားရောက်ပြီး စစ်ဘက်အသုံးပြုမှုကတော့ မရှိသလောက်ပါပဲ။ စစ်ရေးလေ့ကျင့်မှု အနည်းစုမှာတော့ ထည့်သွင်း အသုံးပြုပါတယ်။ သို့ပေမယ့် ကုန်ကျစရိတ်များတဲ့အတွက် အကြီးစား စစ်ရေးလေ့ကျင့်မှုတွေမှာသာ ပါဝင်တာ ဖြစ်ပါတယ်။

သင်္ဘောအချက်အလက်

နျူကလိယ စွမ်းအင်သုံး သင်္ဘောဖြစ်တဲ့အတွက် ဘယ်တော့မှ မသေနိုင်သော သင်္ဘောလို့တောင် ပြောစမတ်ပြုပါတယ်။ သို့ပေမယ့် အနည်းဆုံး Life Span ၂၅ နှစ်သက်မှတ်ထားပါတယ်။ နျူကလိယ ဓာတ်ပေါင်းဖို ၂လုံး၊ ဓာတ်ငွေ့တာဘိုင် ၄ လုံး၊ ပန်ကာ ၄ လုံး တပ်ဆင်ပြီး ထုတ်လုပ်နိုင်တဲ့ အား စုစုပေါင်းက ၁၉၄ မက်ဂါဝပ် ရှိပါတယ်။ လုံးခြုံရေး အဆင့်မြင့်စက်ပစ္စည်းတွေဖြစ်တဲ့ ရေပေါ်၊ ရေအောက်၊ လေပေါ် ထောက်လှမ်းနိုင်သော ရေဒါအများကြီးတပ်ဆင်ထားပါတယ်။ ယင်းရေဒါများ ကလည်း အင်မတန် ကုန်ကျစရိတ် များပါတယ်။ လေယာဉ် တင် သင်္ဘောတစ်စီး (Super Carrier) တစ်ခုအနေနဲ့ တစ်နေရာရာမှာ အတိုက်ခိုက်ခံရ ရင် အားလုံးပျက်ဆီးမှာမို့ လုံခြုံရေးကိုတော့ အဆင့်အမြင့်ဆုံး ပစ္စည်းများနဲ့ အသုံးပြု တပ်ဆင်ပါတယ်။ သူတစ်ခါ ခရီးထွက်ရင် တစ်စီးတည်း မထွက်ပါဘူး။ ပတ်ပတ်လည်မှာ စစ်သင်္ဘောများ လိုက်ပါပြီး လေပေါ်မှာ လည်း တိုက်လေယာဉ်နဲ့ ကင်းလေယာဉ်များ လှည့်ပေးရပါတယ်။ အောက် မှာလည်း ရေငုပ်သင်္ဘော အနည်းဆုံး တစ်စီး လိုက်ရပါတယ်။ ဒါကြောင့်မို့ ကုန်ကျစရိတ်များခြင်း ဖြစ်ပါတယ်။ အမြန်ဆုံးသွားနှုန်းက တစ်နာရီ မိုင် ၄၀ ထက်မပိုလို့ ဖြစ်ပါတယ်။ အရှည်ပေ ၁ ထောင်ကျော်ရှိတဲ့ သင်္ဘောတစ်စီး ရွေ့ ဖို့ဆိုတာ တော်တော်လည်း ခရီးနှင်ရပါတယ်။


Super Carrier Ronald နှင့် အနာဂတ် ကမ္ဘာ

အမေရိကန် မှာ ရှိနေတာ Ronald တစ်စီးတည်းမဟုတ်ပါဘူး။ သူ့လိုပဲ အင်အားကြီး လေယာဉ်တင် စစ်သင်္ဘောကြီးတွေ အမြောက်အများ ရှိပါတယ်။ ယင်း မြောက်များလှတဲ့ စစ် ရေငုပ် သင်္ဘော၊ လေယာဉ် တင်သင်္ဘော၊ နျူကလိယစွမ်းအင်သုံး စစ်သင်္ဘောများကြောင့် အမေရိကန်ဟာ ယနေ့မှာ စူပါပါဝါ ပိုင်ရှင်လို့ ထင်ရှားကျော်ကြားနေခြင်း ဖြစ်ပါတယ်။ တရုတ်နိုင်ငံမှာတောင် စစ်သင်္ဘော၊ လေယာဉ်တင်သင်္ဘော၊ ရေငုပ်သင်္ဘောများ ကြိုးစားတည်ဆောက်နေပေမယ့် အမေရိကန်မှာ ရှိတဲ့အရေအတွက်ကို မှီနိုင်ဖို့ အချိန်ကာလတစ်ခု လိုအပ်နေပါသေးတယ်။ အနာဂတ်မှာလည်း ယင်ကဲ့သို့ အလားတူ အဆင့်မြင့် နျူကလိယ စစ်သင်္ဘောများတည်ဆောက် ဖို့ ပင်တဂွန်ကို စစ်အသုံးစရိတ်များ ဆက်လက်ချပေးထားတဲ့ အတွက် နောက်နှစ်ပေါင်းများစွာတိုင် ကမ္ဘာ့အကြီးဆုံး စူပါပါဝါကို အမေရိကန်က ပိုင်ဆိုင်နေအုံးမှာ ဖြစ်တယ်လို့ ခန့်မှန်းထားကြကြောင်း သိရပါတယ်။
--
Ref: wiki
ရိုးရာလေး

အပြည့်အစုံသို့ »

ဧရာဝတီ လင်းပိုင်နှင့် တမလန်းသစ် မျိုးသုဉ်းမည့် အန္တရာယ် ကြုံတွေ့နေ


ကချင်ပြည်နယ်, တမလန်း, ဧရာဝတီ လင်းပိုင်, စိမ်းရောင်စို အဖွဲ့., သဘာဝ ပတ်ဝန်းကျင် ထိန်းသိမ်းရေး
ဧရာဝတီလင်းပိုင် တကောင်အနီးတွင် ၎င်း၏ အကူအညီဖြင့် ငါးဖမ်းရန် ပြင်ဆင်နေကြသော တံငါသည်များ (Photo: Wildlife Conservation Society)

ကချင်ပြည်နယ် ကသာနယ် တဝိုက်တွင် တမလန်း သစ်မျိုးများနှင့် ဧရာဝတီ မြစ်ကြောင်း တလျှောက်တွင် ကျက်စားသည့် လင်းပိုင်များ မျိုးသုဉ်းမည့် အန္တရာယ်နှင့် ကြုံတွေ့နေ ရကြောင်း သဘာဝ ပတ်ဝန်းကျင် ထိန်းသိမ်းရေး ဆိုင်ရာ အဖွဲ့တဖွဲ့က ပြောသည်။

တမလန်းသစ်များမှာ တရားမဝင်သစ်ခိုးထုတ်မှုများ ရှိနေခြင်းကြောင့်ဖြစ်ပြီး ဧရာဝတီလင်းပိုင်များသည် မြစ်ကြောင်းအတွင်း ငါးများကို လျှပ်စစ်ဖြင့် ရှော့တိုက် ဖမ်းဆီးမှုများ ပြုလုပ်ရာ၌ သေဆုံးမှု ဖြစ်ပွားနေကြောင်း သုတေသန ပြုလုပ်ခဲ့သည့် စိမ်းရောင်စို အဖွဲ့ က ပြောပြသည်။

“တမလန်းသစ်တွေကို နေ့တိုင်း ဆယ်ဘီးကား ၂ စီးကနေ ၃ စီး ရှိတယ်။ အာဏာပိုင်တွေနဲ့ ပေါင်းပြီး ထုတ်နေကြတာ”ဟု စိမ်းရောင်စို အဖွဲ့မှ ကိုအောင်မျိုးထွန်း(ကသာ) က ပြောသည်။

၂၀၁၃ ခုနှစ် ဇူလိုင်လ မှ ဒီဇင်ဘာလအထိ ၆လ ကာလအတွင်း ဧရာဝတီ မြစ်ဝှမ်းဒေသ အတွင်းရှိ နေရာ ၁၁ ခုတွင် သုသေတန ပြု ချက်များအရ သိရှိရခြင်း ဖြစ်သည်ဟု ဆိုသည်။

မြန်မာပြည် ပေါက်ဈေးမှာ တမလန်းသစ် တတန်လျှင် ကျပ် ၃ သိန်းခွဲ ဝန်းကျင် ရှိသော်လည်း တရုတ်ပြည်၌ သိန်းသုံးဆယ်နှင့် ငါးဆယ်ကြား ပေါက်ဈေးရှိကြောင်း၊ ပိဿာလိုက် ဈေးကောင်းပေးဝယ်နေခြင်းကြောင့် ကသာ-ကျောက်ကြီး-ကချင်ပြည်နယ် နယ်စပ် မှ တဆင့် တရုတ်ပြည်သို့ တင်ပို့နေကြကြောင်းလည်း ၎င်းက ဆိုသည်။

ကိုအောင်မျိုးထွန်းက ဆက်လက်၍ “သစ်ကားတစီး ထွက်ဖို့ကို ကျပ် သိန်းတရာ ပေးရင် ထွက်ခွင့်ရတယ်။ ဒါကလည်း တကယ် တမ်း ပေးနေတဲ့ သစ်ကုန်သည်တွေ ကိုယ်တိုင် ဖွင့်ပြောတာပါ။ နေ့စဉ် သစ်ကား တစီးဆို သိန်းတရာသာပေး အတားအဆီး အစစ် အဆေးမရှိ ထွက်ခွင့်ရနေတယ်”ဟု ပြောပြသည်။

အဆိုပါ သုတေသနလုပ်ငန်းကို ဧရာဝတီမြစ်ဝှမ်း ဒေသများဖြစ်သည့် မြစ်ဆုံ ကံဖဲရွာ၊ ကသာခရိုင်မှ အထက်ဝဲကြီး ကျေးရွာ၊ ထီးချိုင့် ခရိုင်ရှိ မောင်းကုန်း ကျေးရွာ၊ စစ်ကိုင်းတိုင်းရှိ ရှိန်းမကား ကျေးရွာ၊ မန္တလေးတိုင်းရှိ အမရပူရ၊ စာတိုးကျေးရွာ ပုသိမ်ကြီးမြို့နယ်ရှိ ညောင်ပင်သာ ကျေးရွာ၊ ငန်းဇွန်မြို့နယ် ဆီမီးခုံကျေးရွာ၊ ရေနံချောင်း မြို့နယ်ရှိ ဘူကျွန်း ကျေးရွာ၊ ညောင်ပင်သာ ကျေးရွာ၊ မော် လမြိုင်ကျွးန်းရှိ ကျော်စံကျေးရွာတို့ကို အခြေပြု လေ့လာခဲ့ခြင်းဖြစ်ကြောင်း စိမ်းရောင်စို အဖွဲ့က ပြောသည်။

ကသာနယ်တွင် ကျန်ရှိနေသည့် တမလန်းသစ် အမျိုးအစားသည် မြန်မာနိုင်ငံတွင် နောက်ဆုံးလက်ကျန် ရှားပါးသစ် အမျိုးအစား ဖြစ် ပြီး တမလန်းသစ် တပေခန့်ရှင်သန်ရန် နှစ်ပေါင်း ၆၀ ခန့်အချိန်ယူ စိုက်ပျိုးရမည်ဖြစ်ရာ မကာကွယ်နိုင်ပါက မြန်မာနိုင်ငံတွင် မျိုးသုဉ်း ပျောက်ကွယ်တော့မည် ဖြစ်ကြောင်း သိရသည်။

“ဆယ်ဘီးကား တစီးကို ကျပ် သိန်းတထောင်နဲ့ ထောင့်ငါးရာလောက် ရတယ်။ သူ့ရဲ့ရင်းနှီးမှုက ပြည်တွင်းမှာ သိန်းနှစ်ရာ လောက် ပဲ ရှိတယ်။ အဲဒီတော့ မောင်းသူမဲ့ကားတွေ ဖမ်းတယ်ဆို ကားပါ ပစ်ထားခဲ့ကြတယ်”ဟု ကိုအောင်မျိုးထွန်းက ဆက်လက် ပြောကြား သည်။
ကသာနယ်တွင် တမလန်းသစ် သယ်ဆောင်လာသည့် ကားများသည် နေ့စဉ် ည ၁၂ နာရီနှင့် နံနက် ၅ နာရီအကြား ပုံမှန်ထွက် လေ့ ရှိပြီး သစ်ထုတ်လုပ်ရေး လုပ်ငန်းရှင်များက ဒေသခံ အာဏာပိုင် အဖွဲ့အစည်းများနှင့်ပူးပေါင်းပြီး လုပ်ကိုင် နေကြကြောင်း သိရ သည်။

“တမလန်းသစ်က ကမ္ဘာကသတ်မှတ်ထားတဲ့ ပျောက်ကွယ်တော့မယ့် မျိုးစိတ်ထဲမှာ ပါတယ်။ အခု သွားသမျှ နေရာတွေမှာ တမလန်း သစ်ကို မတွေ့ရတော့ပါဘူး။ မြန်မာနိုင်ငံမှာ သိပ်မကျန်တော့ပါဘူး။ အထူးဂရုပြု ထိန်းသိမ်းရမှာပါ”ဟု Eco Village Myanmar အဖွဲ့ ၏ သဘာဝ ပတ်ဝန်းကျင် ထိန်းသိမ်းရေး ပညာရှင် ဦးညိုမောင် က ပြောသည်။

တာမလန်းသစ်များ တရားမဝင် တင်ပို့နေခြင်းနှင့်ပတ်သက်၍ စစ်ကိုင်းတိုင်းဒေသကြီး သစ်တော ဦးစီးဌာနသို့ ဆက်သွယ်မေးမြန်း ရာ အမည်မဖော်လိုသူ တာဝန်ရှိ ပုဂ္ဂိုလ်တဦးက“တရားဝင် မဟုတ်ရင် အကုန်ဖမ်းပါတယ်။ တောနင်းပြီး စစ်ကြောင်းတွေနဲ့လည်း ဆင်းပြီး ဖမ်းတာတွေလည်း လုပ်တယ်။ စစ်ကိုင်းတိုင်းက မြို့တဝက် နယ်တဝက် အ၀န်းအဝိုင်းက ကျယ်ပါတယ်။ မြို့ထဲမှာဆိုရင် တမလန်းမှမဟုတ်ဘူး ကညင်၊ နောက်ပြီး ခုံဖိနပ်ထုတ်တဲ့ လက်ပံသား အပွတွေကို စာရွက်စာတမ်းမရှိ တရားမဝင်ဖြစ်တာနဲ့ ဖမ်း တယ်”ဟု ဖြေကြားသည်။

သို့သော် နယ်မြေမအေးချမ်းသည့် ကချင်ပြည်နယ် တဝိုက်တွင် တိုင်းရင်းသား လက်နက်ကိုင် အဖွဲ့များ၏ သစ်ခိုးထုတ်မှုများ ရှိသော် လည်း နိုင်ငံရေးနှင့် ဆက်နွယ်မှုများ ရှိနေခြင်း၊ သစ်တောဝန်ထမ်းများ အတွက်လည်း အသက်အန္တရာယ်နှင့် ကြုံတွေ့ရနိုင်သဖြင့် အရေးယူ ဆောင်ရွက်နိုင်ခြင်း မရှိကြောင်း အထက်ပါ တာဝန်ရှိ ပုဂ္ဂိုလ်က ဆက်ပြောသည်။

သူက ဆက်လက်၍ “ဆယ်ဘီးကား တစီးကို သိန်းတရာ ပေးရင် ဖြတ်သန်းခွင့်ရတယ် ဆိုတာမျိုးက သစ်ခိုးထုတ်တဲ့ လူတွေ လုပ် တာဖြစ်မယ်။ သစ်တောဌာနက လူတွေအနေနဲ့ လက်နက်ကိုင်ဆောင်ခွင့် မရှိဘူး။ KIA(ကချင် လွတ်လပ်ရေး တပ်မတော်)လို အဖွဲ့ မျိုးတွေနဲ့ ပေါင်းပြီး တရုတ်ဘက်ကို ကားကြီးတွေနဲ့ သစ်ခိုးထုတ်တာတွေ လုပ်ကြတယ်။ ကြားလည်း ကြားတယ်။ ဒါမျိုးတွေဆို ဘာ မှ မတတ်နိုင်ပါဘူး”ဟုလည်း ပြောဆိုသည်။

ဒယ်လ်ဗားဂျီးယား (Dalbergia) အမည်ရှိ တမလန်းသစ်များသည် အရောင်စိုပြည်သည့် အနက်ရောင်ရှိခြင်း၊ သစ်အသား မာခြင်း တို့ကြောင့် အိမ်တိုင်များ၊ ပရိဘောဂ ပစ္စည်းများ၊ ပန်းပုရုပ် ထုလုပ်ခြင်းများ ပြုလုပ်ရာတွင်အသုံးများပြီး ယခုအချိန်တွင် ကမ္ဘာက မျိုးတုန်းတော့မည့် မျိုးစိတ်အဖြစ် သတ်မှတ်ထားသော သစ်အမျိုးအစား ဖြစ်သည်။

ထို့အပြင် သုတေသနပြုချက်များအရ ရှားပါး တိရစ္ဆာန် မျိုးစိတ်ဝင် ဧရာဝတီ လင်းပိုင်များသည်လည်း မျိုးသုဉ်းမှု အန္တရာယ်နှင့် ရင်ဆိုင်နေရပြီ ဖြစ်ရာ ဒေသ အာဏာပိုင်များအနေဖြင့် ထိရောက်စွာ ဖြေရှင်းသင့်သည်ဟု ကိုအောင်မျိုးထွန်းက ပြောသည်။

အထက်ဝဲကြီး ကျေးရွာ၏ အောက်ဘက် တမိုင်ခန့်မှ ကသာမြို့နယ်အထက် ဆယ်မိုင်ခန့် အကွာ ဒေသတွင် ပြီးခဲ့သည့် ဒီဇင်ဘာ ၁၅ ရက်နေ့တွင် သေဆုံးနေသော လင်းပိုင် တကောင်ကို တွေ့ရှိရကြောင်းလည်း ၎င်းက ပြောပြသည်။

“လင်းပိုင်တွေဟာ ငါးရှော့တိုက်မှုကို မခံနိုင်လို့ သေတာ တွေ့ရတယ်။ ဆက်ပြီး ဒီ ငါးရှော့တိုက် တာတွေကို မထိန်းဘူး ဆိုရင်နေ့တိုင်း ငါးပြုန်းတီးမှုတွေလည်း သေချာပေါက် ရှိနေမှာပဲ”ဟု ကိုအောင်မျိုးထွန်းက ဆိုသည်။

လင်းပိုင်များ ကျက်စားသည့် ကသာ ခရိုင်တွင် ဒီဇင်ဘာ ၁၅ ရက် ညနေပိုင်းက ငါးရှော့တိုက်သည့် စက်လှေ ဆယ်စီးခန့် အပြိုင် မောင်း၍ ငါးများကို ဝါယာရှော့တိုက် ဖမ်းဆီးသည်ကို တွေ့ရှိရကြောင်း၊ ထိုနေ့တွင်ပင် လင်းပိုင် အသေတကောင်ကိုလည်း တွေ့ရှိ ခဲ့ ရကြောင်း စိမ်းရောင်စိုအဖွဲ့က ပြောဆိုသည်။

“ရှော့တိုက်တဲ့ ကိစ္စက ဥပဒေအရဆိုရင် တရားမဝင် လုပ်နေတဲ့ ပုံစံပါပဲ။ ဒါက ဒေသတွင်း ဌာနဆိုင်ရာ အဖွဲ့အစည်းတွေရဲ့ လျစ်လျူ ရှု မှုဆိုရင် သူတို့ကိုယ်တိုင် ဥပဒေကို ချိုးဖောက်တာပါပဲ။ ရှော့တိုက်တာက စားသုံးသူ အတွက်လည်း အန္တရာယ် ရှိတယ်။ အစာ အဆိပ်သင့်နိုင်တယ်၊ ဒါတွေကို သက်ဆိုင်ရာ ဒေသဆိုင်ရာ အာဏာပိုင်တွေက သေချာ စိစစ် အရေးယူပေးရမှာပါ”ဟု Green Voice အဖွဲ့၏ ဒါရိုက်တာဖြစ်သူ သဘာဝပတ် ၀န်းကျင်ရေးရာ လှုပ်ရှားနေသည့် ဦးထက်ဦးကျော်ကလည်း ပြောသည်။

အဆိုပါဒေသတွင် တရားဝင် လင်းပိုင်အကောင်ရေ ၈ ကောင်မှ ၁၅ ကောင်ခန့် ကျက်စားလျက်ရှိပြီး ကမ္ဘာလှည့် ခရီးသည်များကို ဆွဲဆောင်သည့် နေရာလည်းဖြစ်ကြောင်း ဒေသခံများထံမှ စစ်တမ်းကောက်ယူချက်အရ သိရှိရသည်ဟု စိမ်းရောင်စို အဖွဲ့က ပြော သည်။

“ခဏခဏ မောင်းပြီး ဖမ်းနေတာ။ ဒေသခံတွေက ငါးဖမ်းစက်လှေတွေကို မပြောရဲဘူး။ ကသာ ရပ်ကွက် ၈ နဲ့ ရပ်ကွက် ၁ဝ က လာဖမ်းတယ်။ ပြောရင် သူတို့မှာပါလာတဲ့ လက်နက်တွေနဲ့ လှမ်းပစ်တာတို့ လုပ်ကြတယ်။ ရန်ပြုခံရမှာကြောက်လို့ မပြောကြ ဘူး”ဟု ကသာ ဒေသခံတဦးလည်း ဖြစ်သည့် စိမ်းရောင်စိုအဖွဲ့ တာဝန်ခံ ကိုအောင်မျိုးထွန်းက ရှင်းပြသည်။

“ဒေသခံတွေအတွက် ငါးမျိုးစိတ်ပြုန်းတီးမှုတွေ ခံနေရတယ်။ သူတို့ က မြစ်ကြမ်းပြင်ပေါ်ကို စက်လှေနဲ့ထိကပ်ပြီး အကုန်ရှော့ တိုက် ဖမ်းတော့ ငါးသေးငါးမွှားကအစ ဘာမှ မကျန်တော့ဘူး။ ဒေသခံတွေအတွက် စားဝတ် နေရေးက ရေရှည်မှာ မပြေလည်တာ တွေ ကြုံနေရတယ်”ဟုလည်း ၄င်းက ဆက်လက် ပြောဆိုသည်။
မျိုးသုဉ်းလုဖြစ်နေသည့် ဧရာဝတီလင်းပိုင်များ ကျက်စားလျက်ရှိသည့် စစ်ကိုင်းတိုင်း ကျောက်မြောင်း ဒေသမှ မင်းကွန်း အထိ အပိုင်း အခြားကို ဧရာဝတီလင်းပိုင် ကာကွယ်ရေးဇုန်အဖြစ် ၂၀၀၅ ခုနှစ်မှ စတင်သတ်မှတ်ခဲ့ကြောင်း သိရသည်။

မင်းကွန်းဒေသနှင့် ကျောက်မြောင်း ဒေသအကြား ဧရာဝတီလင်းပိုင်ကောင်ရေ ၂၀ ခန့်ရှိပြီး၂၀၁၃ ဒီဇင်ဘာလမှ စတင်၍
ဧရာဝတီ မြစ်ရိုးတလျှောက်ရှိ လင်းပိုင်ကောင်ရေ စာရင်း ကောက်ယူလျက်ရှိသည်ဟုလည်း စိမ်းရောင်စို အဖွဲ့က ဆိုသည်။

ဧရာဝတီလင်းပိုင်များကို မည်သည့် အကြောင်းပြချက်မျိုးနှင့်မှ မသတ်ရန် မဖမ်းရန် နှင့် ဧရာဝတီလင်းပိုင် တကောင်လုံးကိုဖြစ်စေ၊ တစိတ်တဒေသကိုဖြစ်စေ ရောင်းဝယ်ဖောက်ကားခြင်းများ မလုပ်ရန်၊ လျှပ်စစ် ရှော့တိုက်ပြီး ငါးဖမ်းခြင်းများ၊ ပိုက်အရှည် ပေ ၃၀၀ နှင့် ၆၀၀ ထက်ပိုသည့် မျောပိုက်များကို ငါးဖမ်းရာတွင် အသုံးမပြုကြရန်နှင့် ပိုက်တွင် မတော်တဆ မိနေသည့် လင်းပိုင်များကို ပြန် လွှတ်ပေးရန်လည်း နှိုးဆော်ထားသည်။

မြန်မာနိုင်ငံ ဧရာဝတီမြစ်အတွင်း လင်းပိုင် ၅၉ ကောင်ရှိကြောင်း သဘာဝနှင့် သဘာဝအရင်းအမြစ် ထိန်းသိမ်းရေးဆိုင်ရာ အဖွဲ့ချုပ် (International Union of Conservation of Nature and Natural Resources) ၏ ၂၀၀၃ ခုနှစ်က လေ့လာချက်တွင် တွေ့ရှိရ သည်။ ဧရာဝတီ လင်းပိုင်များသည် တံငါသည်များ ငါးဖမ်းရာတွင် အကူအညီ ပေးကြောင်းလည်း သိရသည်။

ဧရာဝတီ မြစ်ဝှမ်းဒေသ အတွင်း၌ သဘာဝပတ်ဝန်းကျင်နှင့် မကိုက်ညီသည့် သစ်ထုတ်လုပ်မှုများ သဲသောင် ထွန်းမှုများ၊ ငါးရှော့တိုက် ဖမ်းဆီးမှုများ၊ ကမ်းပါးပြိုကျ နေမှုများနှင့် မြစ်အတွင်းသို့ စွန့်ပစ် ရေဆိုးများ ၀င်ရောက်လာမှုများ ကြုံတွေ့နေရကြောင်း ဒီဇင်ဘာ လလယ်ပိုင်းက ကျင်းပသော ဧရာဝတီမြစ်ဝှမ်းဒေသ လူထု ဗဟိုပြု ဗျူဟာမြောက် ပတ်ဝန်းကျင် လေ့လာ ဆန်းစစ်သည့် အလုပ်ရုံ ဆွေးနွေးပွဲမှ သိရသည်။

ယင်း အလုပ်ရုံ ဆွေးနွေးပွဲကို Grow Back for Posterity , REAM, Point ,MEE Net နှင့် စိမ်းရောင်စို အဖွဲ့တို့ ပူးပေါင်းပြီး ဧရာဝတီမြစ် ဂေဟ စနစ်နှင့် မြစ်သယံဇာတ၏ တန်ဖိုးကို နားလည်ထိန်းသိမ်း စီမံနိုင်မှုစွမ်းအား မြှင့်တင်ပေးရန် လုပ်ဆောင်ခြင်းဖြစ်ကြောင်း ပွဲတာဝန်ခံက ပြောကြားသည်။
ဧရာဝတီ

အပြည့်အစုံသို့ »