ပြိတ္တာများ တရားထူး ရနိုင် မရနိုင် နှင့် အသုရကာယ် ဟူသည်


(ဘဒ္ဒန္တ ၀ါယမသာရ ဖြေဆိုသည်)
(မေး) (ပြိတ္တာများ တရားထူး ရနိုင် မရနိုင်)
တန်ခိုးကြီးသော အဆင့်မြင့် ပြိတ္တာများ တရားအားထုတ်၊ ဥပုသ်စောင့်၊ တရားနာကြသည်ဟု ကြားဖူးပါသည်။ မဂ်ဖိုလ်ရော ရနိုင်ပါသလား။ ဖြေကြားပေးတော်မူပါရန် ရိုသေစွာ လျှောက်ထားပါသည်ဘုရား။
(အရှင်သုမန-ပြည်မြို့)

(ဖြေ)
ပြိတ္တာမျိုးတို့တွင် ၀ိနိပါတိက အသုရာ နှင့် ဝေမာနိကပြိတ္တာ ဟူ၍ခေါ်သော စတုမဟာရာဇ် နတ်မျိုးဝင် ပြိတ္တာများသည် အချို့မှာ အပါယ်ပဋိသန္ဓေစိတ်ဖြင့် ပဋိသန္ဓေနေကြသည်။ အချို့မှာ ဒွိဟိတ်စိတ်ဖြင့် ပဋိသန္ဓေနေကြသည်။ အချို့မှာ မဂ်ဖိုလ်ရနိုင်ခွင့်ရှိသော ဉာဏ်နှင့်ယှဉ်သော တိဟိတ်ပဋိသန္ဓေစိတ်မျိုးဖြင့် ပဋိသန္ဓေနေကြပါသည်။



အပါယ်ပဋိသန္ဓေစိတ်နှင့် ဉာဏ်နှင့်မယှဉ်သော ဒွိဟိတ်စိတ်ဖြင့် ပဋိသန္ဓေနေသော ၀ိနိပါတိက အသုရာနှင့် ဝေမာနိက ပြိတ္တာတို့မှာ မဂ်ဖိုလ်တရားထူးများ မရရှိနိုင်ပါ။ ဉာဏ်နှင့်ယှဉ်သော တိဟိတ်စိတ်ဖြင့် ပဋိသန္ဓေနေသော ၀ိနိပါတိက အသုရာနှင့် ဝေမာနိကပြိတ္တာ တို့မှာမူ တရားနာကြားခွင့်၊ တရားနှလုံးသွင်းခွင့်များ ရခဲ့လျှင် မဂ်ဖိုလ်တရားထူးများ ရရှိနိုင်ပါသည်။

ဥပမာအားဖြင့်-ဓမ္မပဒ၌ လာသော ဝေမာနိကမျိုးဝင် ကာလယက္ခိနီ ဘီလူးမသည် ကလေးမွေးတိုင်း မွေးတိုင်း စားနေသည်။ ထို့နောက် ဘုရားရှင်၏တရား နာရ၍ သောတာပန် တည်လေ၏။ ယက္ခသံယုတ်၌လာသော အာဠာဝက ဘီလူး၊ ပိယင်္ကရမာတာ၊ ပုနပ္ဗသု ဘီလူးများသည်လည်း တရားနာရ၍ မဂ်ဖိုလ်တရားထူးများ ရကြပါသည်။
********************************************************************************

(မေး) (အသုရကာယ် ဟူသည်)
အရှင်ဘုရား၊ ပြိတ္တာကို လူအတော်များများ သိနားလည်ကြသော်လည်း အသုရကာယ်ကို သိနားလည်ခြင်း မရှိပါ။ အသုရကာယ်သည် ပြိတ္တာထက် ပို၍ အဆင့်မြင့်-မမြင့်၊ ဒုက္ခ ပိုသက်သာ-မသက်သာ ၊ အမျှဝေလျှင် ရနိုင်-မရနိုင် နှင့် ၄င်းအကြောင်း သိသင့် သိထိုက်သည်များကို မေတ္တာရှေ့ထား၍ ဖြေကြားပေးတော်မူပါဘုရား။
(ဦးမောင်ဦး-မီးရထား ဆေးပေးခန်း၊ တောင်ငူ)

(ဖြေ)
အမေးရှင်-မေးထားသလို ပြိတ္တာအကြောင်း သိသူတွေ များကြပါသည်။ (ပေတ၀တ္ထုများ ဖတ်ကြည့်ကြပါရန်) အသုရာ၏ အဓိပ္ပါယ်မှာ နတ်များကဲ့သို့ အစိုးရမှု၊ တောက်ပမှု၊ မြူးတူးပျော်ပါးမှုတို့ မရှိသောသတ္တ၀ါဟု စာပေက ဆိုပါသည်။ ဤအဓိပ္ပါယ်မှာ အသုရာအားလုံးကို မခြုံငုံမိဘဲ ဖြစ်နေပါသည်။

ကျမ်းဂန်တို့၌ အသုရာကာယ်သည် နတ်မျိုး၌ ၀င်သော အသုရာ၊ ပြိတ္တာမျိုး၌၀င်သော အသုရာ၊ ငရဲ၌ အကျုံးဝင်သော အသုရာ စသည်ဖြင့် အမျိုးမျိုး ပါဝင်နိုင်သောကြောင့် အသုရကာယ်နှင့် ပတ်သက်၍ နားမလည်ဘဲ ဖြစ်နေကြပါသည်။

(အသုရာ ၅-မျိုး ရှိသည်)
၁။ ဝေပစိတ္တိ အသုရာ (နတ်အသုရာ)
မြင်းမိုရ်တောင်အောက်၌နေသော နတ်အသုရာ၊ တာဝတိံသာနတ်တို့လောက် မရဲရင့် မတောက်ပသော (ဓဇဂ္ဂသုတ်၊ အသုရာ သံယုတ်တို့၌လာသော) သိကြားမင်းနှင့် စစ်ခင်းသည့် ဝေပစိတ္တိ၊ ပဟာရာဒ အစရှိသော အသုရာ နတ်မင်းကြီးတို့ ဖြစ်သည်။

၎င်းအသုရာ နတ်မင်းကြီးတို့သည် တာဝတိံသာ နတ်တို့နှင့် ဆန့်ကျင်ဘက်ဖြစ်ပြီး ဝေပစိတ္တိ နတ်အသုရာဟု ခေါ်ကြ၏။ တာဝတိံသာနတ်တို့၌ အကျုံးဝင်သော နတ်အသုရာ ဖြစ်သည်။

၂။ ၀ိနိပါတိက အသုရာ (နတ်သေး၊ နတ်မွှား အသုရာ)
သဂါထာဝဂ္ဂ၊ ယက္ခသံယုတ်၌လာသော ဘုမ္မစိုးနတ်ကြီးများကို မှိခိုကပ်ရပ်နေရပြီး တန်ခိုးဣဒ္ဓိပါဒ် နုံ့နဲ့လှသော နတ်ကလေးများကို အထက်နတ်တို့အောက် ယုတ်ညံ့သေးသိမ်ကုန်သောကြောင့် ၀ိနိပါတိကအသုရာဟု ခေါ်ကြ၏။ စတုမာဟာရာဇ်နတ်မျိုး၌ အကြုံးဝင်သောနတ်အသုရာတို့ ဖြစ်၏။

၃။ ဝေမာနိက အသုရာ
ရံခါ နတ်ကဲ့သို့ စည်းစိမ်ခံစားရပြီး ရံခါ ပြိတ္တာကဲ့သို့ ငရဲကဲ့သို့ ဒုက္ခခံစားရသော အသုရာများ ဖြစ်သည်။ ဤဝေမာနိက အသုရာမျိုးမှာ အလွန်တရာ ကျယ်ပြန့်ပါသည်။ ငရဲပြည်က ယမမင်းကြီးများ၊ ပြိတ္တာမျိုးတို့တွင် တန်ခိုးကြီးသော ပြိတ္တာဘုရင်၊ ပြိတ္တာမင်းကြီးများ၊ ငရဲမင်းကြီးများ၊ ငရဲထိန်းများ၊ မိတ္တ၀ိန္ဒကဇာတ်၌ လာသော ပင်လယ်ပြင်၌ ဗိမာန်အမျိုးမျိုးနှင့် ချမ်းသာတလှည့်၊ ဆင်းရဲတလှည့် စံနေရ၊ ခံနေရသော နတ်ပြိတ္တာတို့သည် ဗိမာန်အမျိုးမျိုးနှင့် နေကြသောကြောင့် ဝေမာနိက ပြိတ္တာ အသုရာဟု ခေါ်ကြ၏။ ဝေမာနိက အသုရာတို့သည် စတုမဟာရာဇ်နတ်မျိုး၌ အကြုံးဝင်၏။ (အချို့မှာ တိဟိတ်၊ အချို့မှာ ဒွိဟိတ်၊ အချို့မှာ အဟိတ် ပုဂ္ဂိုလ်ဟု အမျိုးမျိုး ရှိနိုင်၏။)

၎။ လောကန္တရိတ် အသုရာ (ငရဲ အသုရာ)
စကြ၀ဠာ ၃-ခု အဆုံးသတ်နေရာသည် စက်ဝိုင်း ၃-ခုဆုံရာ အကြားအရပ်ကဲ့သို့ ရှိ၏။ အပူရှိန် အလင်းရှောင် မရှိတော့၍ အမှောင်ဆုံး အအေးဆုံး နေရာဖြစ်သည်။ ထိုနေရာကို (လောက+အန္တရ=စကြာဝဠာလောက ၃-ခုတို့၏ အကြားအရပ်) လောကန္တရိတ်ငရဲဟုခေါ်သည်။ ၄င်းနေရာ၌ ဖြစ်ကြကုန်သော သတ္တ၀ါတို့သည် လင်းနို့များကဲ့သို့ စကြာဝဠာနံရံတခုမှ တခုသို့ ပျံသန်း တွယ်ကပ်၍ နေကြကုန်၏။ အစာစားစရာမရှိ၊ တကောင်နှင့် တကောင် အစာအမှတ်ဖြင့် ကိုက်ကြကုန်၏။ ထိုအခါ အလွန်အေးစက်လှသော ရေထဲသို့ ပြုတ်ကျပြီး ဆားခဲရည်ထဲကျသကဲ့သို့ အေးလွန်းသဖြင့် ထိုသတ္တ၀ါများ စိစိညက်ညက် ကြေမွ၍ သေကြရကုန်၏။ ကံမကုန်သမျှ ထပ်ကာထပ်ကာဖြစ်၍ ခံကြရကုန်၏။ ငရဲ၌ အကြုံးဝင်သော အသုရာမျိုးဖြစ်သည်ဟု ဗုဒ္ဓ၀င် အဋ္ဌကထာ၌ လာရှိသည်။

၅။ ပြိတ္တာ အသုရာ
ခန္ဓ၀ိဘင်း အဋ္ဌကထာ၌ ပြိတ္တာအသုရာအဖြစ် ကာလကဉ္စိက အသုရာမျိုးကို ဖော်ပြပါသည်။ ၄င်းပြိတ္တာတို့သည် အလွန်မွတ်သိပ်ဆာလောင်ကြသည်။ တချို့အသုရာတို့သည် ဘုရား နှစ်ဆူ သုံးဆူ ပွင့်သော်လည်း တကြိမ်မျှ မစားမသောက်ကြရကြောင်း သိရသည်။

ကာလကဉ္စိက အသုရာတယောက်သည် ညဥ့်အခါ ရေငတ်သဖြင့် ဂင်္ဂါမြစ်တွင်းသို့ ဆင်းရာ မြစ်ရေများ ခန်းခြောက်ပြီး မီးခိုးများသာ ထလာသောဟူ၏။ တညလုံး ပြေးလွှား၍ ရေရှာသော်လည်း မရရှိဘဲ နံနက်မိုးလင်းသောအခါ ဆွမ်းခံကြွလာသော ရဟန်းသုံးကျိပ်တို့မြင်၍ အကျိုးအကြောင်း မေးမြန်းသိရှိရသော အခါ သဲသောင်ပြင်မှာ ပက်လက်နေစေပြီး ရဟန်းသုံးကျိပ်တို့ သပိတ်ကိုယ်စီဖြင့် ရေခပ်၍ ပါးစပ်ထဲ လောင်းထည့်သော်လည်း လည်ချောင်းတွင်းသို့ ရေ တစက်မျှ မ၀င်ဟု သိရသည်။

အပါယ် ၄-ဘုံ၌ ပါဝင်သော အသုရကာယ်ဟူသည်မှာ ယခု နံပါတ် ၅-အမျိုးအစား ပြိတ္တာအသုရာများနှင့် နံပါတ် ၃-အမျိုးအစား ဝေမာနိက အဟိတ်အသုရာများကို ယူသင့်ပါသည်။ ဒုက္ခပိုကြီး-မကြီးကိုတော့ ဦးမောင်ဦး စဉ်စားနိုင်လောက်ပြီဟု ယူဆပါသည်။ အမျှဝေလို့ သိနိုင်၊ ကြားနိုင်မည်ဆိုလျှင် သာဓုခေါ်၍ ဒုက္ခမှ ကျွတ်လွတ်နိုင်ပါသည်။
(ပရမတ္တသံခိပ် ဋီကာနှင့် သင်္ဂြိုဟ်ဘာသာဋီကာ တို့ကို မှီးပါသည်)။

...........................
မင်္ဂလာသတင်းစဉ်

အပြည့်အစုံသို့ »

ရဟန်းသံဃာ သာမဏေများ၏အရိပ်နင်းသူများ အပြစ်ရှိ-မရှိ


(ဘဒ္ဒန္တ ၀ါယမသာရ ဖြေဆိုသည်)

(မေး) ( အရိပ်ကို နင်းခြင်းနှင့် ရှောင်ကွင်းခြင်း)
အရှင်ဘုရား၊ ရဟန်းသံဃာ သာမဏေများတို့ ကဲ့ရဲ့စကား မဆိုပေ။
ရဟန်းသံဃာ သာမဏေများတို့ လမ်းတွင်တွေ့က ဦးခိုက်လေ။
အရိပ်ကိုပင် ဖြတ်ကာမနင်းနဲ့ ရှောင်ကာကွင်းလို့ သွားတော့လေ။
အဲဒါမှ ဗုဒ္ဓဘာသာ ပီသပါတယ်လေ။
ဆိုတဲ့ ကဗျာကို ငယ်ငယ်တုန်းက ရခဲ့ပါတယ်ဘုရား။ ရခဲ့တဲ့အတိုင်းလဲ လိုက်နာပါတယ်။ ဒါပေမဲ့ တချို့လူတွေကတော့ ရဟန်းသံဃာတော်များရဲ့ အရိပ်ကို ဖြတ်နင်းသွားကြပါတယ်။ ထိုသူတို့အား အပြစ်ရှိ-မရှိ အရိပ်တော်ကို နင်းကောင်း-မနင်းကောင်း ဖြေဆိုတော်မူပါဘုရား။
(ဧရာဝတီတိုင်းသား)



(ဖြေ) အရိပ်နှင့်ပတ်သက်၍ ရုက္ခစ္ဆာယာပန္တပသောတံ နိပ္ပတ္တံ န ကပ္ပတိ-၀ိနယသင်္ဂဟပါဌ် ပါဠိအရ ယင်းသည် ဆာယာကို ၀ိဂြိုဟ်ပြုရန်မှာ ဆာဒတီတိ ဆာယာ၊ သဒ္ဒါကျမ်းအလို ၀ိဂြိုဟ်ဝစနတ် ဖုံးလွှမ်းတတ်သော သဒ္ဒတ္ထမြန်မာ ဝေါဟာရကြောင့် ဆာယာ-ဟု တွင်ချေသည်။ ဤသို့ဆိုသော် အရိပ်က အစဉ်သဖြင့် အထက်ကနေ၍ ဖုံးလွှမ်းသည်ဟု ဆိုရမည်။ ဤအကြောင်းကို သုတနုဇာတ်တော်နှင့် စဉ်းစားသင့်၏။ ငါးရာ့ငါးဆယ် သတ္တနိပါတ် သုတနုဇာတ်၌ ဘုရားလောင်း သုတနုလုလင်သည် မင်းကြီးပေးလိုက်သော သန်လျက်၊ ထီး၊ ခြေနင်းတို့ကို ယူ၍ ပညောင်ပင်စောင့် ဘီလူးထံရောက်လျှင် ဘီလူးက ငါ၏ပိုင်မြေကို သင်နင်း၏။ ဒါကြောင့် သင်သည် ငါ၏အစာမှန်သည်ဟု ဆိုသောအခါ သင့်မြေကို ငါမနင်း၊ ငါ့မြေကိုသာ ငါ နင်းသည်။ သင့်ပညောင်ပင်ရိပ်ကို ငါ မခို၊ ငါ့ထီးရိပ်ကိုသာ ငါ ခိုသည်ဟုဆို၏။ ထိုအခါ သုတနုလုလင်ကို ဆင်ခြေမပြိုင် မတတ်နိုင်သောကြောင့် ဘီလူးက အရှုံးပေးရ၍ ၀န်ချရကြောင်း ဆိုပေသည်။

အကယ်၍ လူ့အောက်က အရိပ်ရှိခဲ့အံ့၊ မြေကိုပင် မနင်းသော်လည်း အရိပ်အတွင်းမှာ လူနေချေလျှင် လုလင်မှာ ဆင်ခြေမရ၍ ဘီလူးက ရှုံး၍ လုလင်က နိုင်သည်ကို ထောက်သော် အရိပ်က အထက်ကနေကြောင်း အရိပ်ကို နင်း၍ မရကြောင်း သိသာသည်။ ထို့ကြောင့် အရိပ်ကို ကွင်းရှောင်၍ သွားခြင်းသည် အထူးရိုသေရာရောက်၍ အရိပ်ကို မလွှဲသာ၍ နင်းမိလျှင် အရိပ်ကို နင်းခြင်း မဟုတ်၊ အရိပ်ခိုခြင်းသာဟု နှလုံးသွင်းလျက် ငြိမ်သက်စွာ ရပ်တံ့ပြီး လက်အုပ်ချီလျက် နေရန်သင့်ပေသည်။
 ...........................
မင်္ဂလာသတင်းစဉ် မှ ကူးယူဖော်ပြသည်။

အပြည့်အစုံသို့ »

ပရိတ်ရွတ်ဆိုခြင်း အကျိုးကျေးဇူးနှင့် ရှိသင့်သည့် အင်္ဂါရပ်များ


(ဘဒ္ဒန္တ ၀ါယမသာရ ဖြေဆိုသည်)


(မေး) (ပရိတ်ရွတ်ရာ၌)
အရှင်ဘုရား၊ ပရိတ်ကို အသံထွက် မရွတ်ဆိုဘဲ စိတ်ထဲက ရွတ်ဆိုခြင်းသည် အကျိုးအတူတူ ရ-မရ သိလိုပါသဖြင့် မေတ္တာရှေ့ထား၍ ဖြေကြားပေးတော်မူပါရန် ရိုသေစွာ လျှောက်ထားပါသည်ဘုရား။
(ဦးမောင်ဦး-တောင်ငူ)


(ဖြေ) ပရိတ်တရားတော်များသည် ရွတ်ဖတ်နာယူဖို့ရန် အဓိကဖြစ်ပါသည်။ ရွတ်ဖတ်နာယူရာ၌ပင် ရွတ်ဖတ်သူ၏အင်္ဂါနှင့် နာယူသူ၏တို့အင်္ဂါများ သတ်မှတ်ရာတွင် အင်္ဂါတခုအနေဖြင့် ပုဒ်၊ ပါဌ်၊ အက္ခရာ ပီသမှန်ကန်အောင် ရွတ်ဆိုရမည်ဟု ပါရှိသဖြင့် ရွတ်ဖတ်မှသာ ပရိတ်အကျိုးတရား အပြည့်အ၀ ရနိုင်ပါသည်။ စိတ်ဖြင့် (နှလုံးသွင်း ဆင်ခြင်ခြင်းဖြင့်) တရားနှလုံးသွင်း ဆင်ခြင်သော မနောကံကုသိုလ် ဖြစ်ပါသည်။
ပုဒ်၊ ပါဌ်၊ အက္ခရာ ပီသမှန်ကန်အောင် ရွတ်ဆိုပါလေ။

ရွတ်ဖတ်သူတို့၏ အင်္ဂါ ၃-ချက်ကား-
(၁) ပုဒ်၊ ပါဌ်၊ အက္ခရာ ပီသမှန်ကန်အောင် ရွတ်ဆိုခြင်း။
(၂) အနက် အဓိပ္ပါယ်ကို သိရှိနားလည်ခြင်း။
(၃) ပရိတ်နာယူသူတို့အပေါ် မေတ္တာကရုဏာရှိခြင်းတို့ ဖြစ်ပါသည်။

နာယူသူတို့၏ အင်္ဂါ ၃-ချက်ကား-
(၁) ပဉ္စာနန္တရိယကံကြီး ၅-ပါးမှ လွတ်ကင်းခြင်း။
(၂) နိယတမိစ္ဆာဒိဋ္ဌိ အယူမှား မရှိခြင်း။
(၃) ပရိတ်တရားတော်ကို အလေးအနက် ယုံကြည်ခြင်းတို့ ဖြစ်သည်။
ဤအင်္ဂါ ၆-ပါးနှင့် ပြည့်စုံမှ ပရိတ်တန်ခိုးတော် ထက်မြက်ပါသည်။
...................................

မင်္ဂလာသတင်းစဉ် မှ ကူးယူဖော်ပြသည်။

အပြည့်အစုံသို့ »

ဖယ်ရှားခံ သမီးကလေးကျေးရွာသားများက ကျောင်းတက်နေသည့်ကလေးများ စာမေးပွဲပြီးဆုံးသည်အထိ အောင်သိဒ္ဓိဘုန်းကြီးကျောင်းတွင် ခိုလှုံခွင့်ပြုရန် သက်ဆိုင်ရာသို့ မေတ္တာရပ်ခံ

အောင်သိဒ္ဓိဘုန်းတော်ကြီးကျောင်းဝင်းအတွင်း ခိုလှုံနေသည့် သမီးကလေးရွာသားအချို့အား ဖေဖော်ဝါရီ ၈ ရက်က တွေ့ရစဉ်(ဓာတ်ပုံ-ဥာဏ်ဝင်းရှိန်)

ဖေဖော်ဝါရီ ၄ ရက်က သက်ဆိုင်ရာ၏ ဖယ်ရှားခြင်းခံခဲ့ရသည့် ရန်ကုန်တိုင်းဒေသကြီး လှည်းကူးမြို့နယ်ရှိ သမီးကလေးကျေးရွာသားများမှာ ပဲခူးတိုင်းဒေသကြီး အလိုင်နီဆည်အနီးရှိ အောင်သိဒ္ဓိ
ဘုန်းတော်ကြီးကျောင်းတွင် ခိုလှုံနေရပြီး ၎င်းတို့အား ကျောင်းတက်နေ
သည့် ကျောင်းသားများ စာမေးပွဲပြီးစီးသည်အထိ နေထိုင်ခွင့်ပြုရန် သက်ဆိုင်ရာသို့ မေတ္တာရပ်ခံထားကြောင်း ဖယ်ရှားခံ ရွာသားများက The Daily Eleven သတင်းစာသို့ ပြောကြားသည်။

ဖေဖော်ဝါရီ ၆ ရက် မွန်းလွဲပိုင်းတွင် သက်ဆိုင်ရာက
အောင်သိဒ္ဓိဆရာတော်ထံသို့ ဖယ်ရှားခံရွာသားများအား လက်ရှိနေထိုင်သည့် ပဲခူးတိုင်းအတွင်းမှ ထွက်ခွာသွားပေးရန် စာပေးခဲ့ပြီးနောက် ရွာသားများက လက်ရှိကျောင်းတက်နေသည့်
ကျောင်းသားများ စာမေးပွဲပြီးစီးသည်အထိ ၎င်းတို့အား အဆိုပါဘုန်းကြီးကျောင်းတွင် နေထိုင်ခွင့်ပြုရန် မေတ္တာရပ်ခံထားကြောင်း
ပြောကြားကြသည်။

အောင်သိဒ္ဓိဘုန်းကြီးကျောင်းတွင် ခိုလှုံနေရသည့် သမီးကလေးရွာသူတစ်ဦးဖြစ်သူ မချောစုက "ကျွန်မအသက် ၃၇ နှစ်ရှိပါပြီ။ သမီးကလေးမှာမွေးပြီး အဲ့မှာပဲ ကြီးလာတာပါ။ တစ်နေ့က အလိုင်နီကျေးရွာ ဥက္ကဋ္ဌအပါအ၀င် လူကြီးတွေက ဆရာတော့်ဆီကို စာလာပို့တယ်။ ကျွန်မတို့ကို ဒီနေရာကနေ ထွက်ခွာသွားပေးဖို့လို့ ပြောတယ်။

ကျွန်မတို့က ဟိုရွာကနေ ခွေးမောင်းသလို မောင်းထုတ်ခံခဲ့ရတာပါ။
နေစရာမရှိလို့ ဆရာတော်ကျောင်းမှာ လာခိုလှုံနေရတာပါ။
နောက်ပြီးကလေးတွေက ကျောင်းတက်နေတုန်း တစ်ဝက်တစ်ပျက်တွေပါ။ သူတို့စာမေးပွဲပြီးတဲ့အထိ နေခွင့်ပေးပါလို့ပြောတော့ သူတို့ကလည်း အထက်ကိုတင်ပြပေးပါမယ်လို့တော့ ပြောပါတယ်။ အကြောင်းပြန်တာကတော့ မလာသေးပါဘူး"ဟု ဖေဖော်ဝါရီ ၈ ရက်က The Daily Eleven သတင်းစာသို့ ပြောကြားသည်။

လက်ရှိတွင် အဆိုပါဘုန်းတော်ကြီးကျောင်းတွင် ခိုလှုံနေရသည့် ဦးရေမှာ ၅၀၀ ခန့်ရှိကာ ၎င်းတို့အနက် သက်ကြီးရွယ်အိုများနှင့် ကလေးများမှာ မြေကြီးပေါ်တွင် အိပ်ရသဖြင့် ကျန်းမာရေးချို့ယွင်းမှုများ၊ ၀မ်းပျက်ရောဂါများလည်း ဖြစ်ပွားနေကြောင်း ဖယ်ရှားခံရွာသားများက ပြောကြားကြသည်
အောင်သိဒ္ဓိကျောင်းဆရာတော် ဦးအဂ္ဂဓမ္မက "ဦးဇင်းက ဒီဒကာတွေ၊ ဒကာမတွေ ဒုက္ခရောက်နေတာကို မမြင်ရက်လို့ ကျောင်းမှာနေခိုင်းတယ်။

သူတို့တွေက ဦးဇင်းမရောက်ခင်ကတည်းက ရှိနေပြီးသားတွေပါ။ လောလောဆယ် ဒီကျောင်းမှာ စာသင်နေတဲ့သမီးကလေးရွာက ကလေးတွေက ၉၉ ယောက်ရှိတယ်။ အလယ်တန်းထိပေါ့။ သူတို့တွေ စာမေးပွဲပြီးတဲ့အထိ နေခွင့်ရဖို့ ဦးဇင်းက တိုင်းဒုဦးစီးမှူးကို မေတ္တာရပ်ခံထားပါတယ်။ သူတို့ကလည်း အထက်ကိုတင်ပြပေးမယ်လို့ ပြောပါတယ်။

သူတို့ကတော့ ဒီလိုမျိုးနေထိုင်တာ ဥပဒေနဲ့မညီဘူးလို့ပြောတယ်။ ဦးဇင်းကလည်း ဒါဆိုရင်လည်း ဥပဒေတိုင်း လုပ်ချင်လုပ်ပါလို
့ပြောလိုက်တယ်။ ဗုဒ္ဓဘာသာဘုန်းကြီးတစ်ပါးအနေနဲ့ ဒုက္ခရောက်တဲ့သူတွေကို ကယ်တင်ရမယ့်တာဝန်ရှိလို့ ဦးဇင်းခေါ်ထားတယ်"ဟု ဖေဖော်ဝါရီ ၈ ရက် မွန်းလွဲပိုင်းက The Daily Eleven သတင်းစာသို့ မိန့်ကြားသည်။

လက်ရှိတွင် အဆိုပါဘုန်းတော်ကြီးကျောင်းတွင် ခိုလှုံနေရသည့် ဦးရေမှာ ၅၀၀ ခန့်ရှိကာ ၎င်းတို့အနက် သက်ကြီးရွယ်အိုများနှင့် ကလေးများမှာ မြေကြီးပေါ်တွင် အိပ်ရသဖြင့် ကျန်းမာရေးချို့ယွင်းမှုများ၊ ၀မ်းပျက်ရောဂါများလည်း ဖြစ်ပွားနေကြောင်း ဖယ်ရှားခံရွာသားများက ပြောကြားကြသည်။

ဖယ်ရှားခံရွာသားတစ်ဦးဖြစ်သူ ကိုဝင်းစိုးက "ကျွန်တော်တို့
လောလောဆယ် နေစရာမရှိလို့ ဆရာတော်က ခေါ်ထားတာပါ။ စားဝတ်နေရေးကလည်း ကြာရှည်ဆိုမလွယ်ပါဘူး။ သက်ဆိုင်ရာက ကျွန်တော်တို့ကို ဒီနေရာက ထွက်သွားခိုင်းတယ်ဆိုရင်လည်း ဘယ်ကိုသွားလို့ သွားရမှန်းတောင် မသိပါဘူး။ ကလေးတွေကလည်း ကျောင်းတန်းလန်းကြီး ရှိပါသေးတယ်"ဟုဆိုသည်။

ဖယ်ရှားခံရွာသားများခိုလှုံနေသည့် အောင်သိဒ္ဓိဘုန်းတော်ကြီးကျောင်းမှာ အလယ်တန်းပညာရေးအထိ သင်ကြားပေးနေသည့် ဘုန်းတော်ကြီးသင် ပညာသင်ကျောင်းဖြစ်ကာ ပဲခူးမြို့၊ မင်္ဂလာရာမကျောင်းခွဲ အမှတ်(၅)လက်အောက်ခံဖြစ်ပြီး ကျောင်းသူကျောင်းသားပေါင်း ၃၀၀ ခန့် ပညာသင်ကြားနေကြသည်။

ထို့ပြင် သမီးကလေးကျေးရွာသို့ သွားရာလမ်းဖြစ်သည့် ကြီးလေးကြီးလမ်းတွင် တပ်မတော်မှ ကင်းချထားပြီး သတင်းမီဒီယာများအား ဖယ်ရှားခဲ့သည့် သမီးကလေးကျေး ရွာသို့ဖြတ်သန်းသွားလာခွင့် မပြုခဲ့ကြောင်း ဖေဖော်ဝါရီ ၈ ရက်က တားဆီးခံခဲ့ရသည့် မီဒီယာများထံမှ သိရသည်။

လက်ရှိအချိန်တွင် ဖယ်ရှားခံထားရသော သမီးကလေးကျေးရွာသားများ ခိုလှုံနေသည့် အောင်သိဒ္ဓိဘုန်းတော်ကြီးကျောင်းသို့ စေတနာရှင်အချို့မှ ဆန်၊ ဆီ၊ ဆား စသည့် စားသောက်ကုန်များအား လှူဒါန်းမှုများရှိနေကြောင်း သိရသည်။

ထို့ပြင် Eleven Media Group ကလည်း အိမ်ရာများ ဖယ်ရှားခံရသည့်အတွက် ဘုန်းကြီးကျောင်းတွင် ခိုလှုံနေရသော သမီးကလေးကျေးရွာမှ ရွာသားများအတွက် ဆန်၊ ဆီ၊ ရေသန့်၊ အ၀တ်အထည်နှင့် ကျောင်းသုံးဗလာစာအုပ် စုစုပေါင်း ၁၅ သိန်းတန်ဖိုးရှိ ပစ္စည်းများကို ဖေဖော်ဝါရီ ၈ ရက် ညနေပိုင်းတွင် သွားရောက်လှူဒါန်းခဲ့သည်။

Eleven Media Group

အပြည့်အစုံသို့ »

မန်ယူတွင် ဆက်နေရန် စာချုပ်ကိစ္စအဆင်ပြေမယ်လို့ ၀ိန်းရွန်းနီ အရိပ်အမြွက် ပြောကြား


အသက် ၂၈ နှစ်ရှိပြီဖြစ်တဲ့ ရွန်းနီဟာ မန်ယူအတွက် ဂိုးပေါင်း ၂၄၉ ဂိုး သွင်းပေးခဲ့တဲ့ နာမည်ကျော် တိုက်စစ်မှူးပါ။ ဒီနှစ်မှာတော့ သူနဲ့ မန်ယူရဲ့ စာချုပ်သက်တမ်းကုန်ဆုံးမှာဖြစ်တဲ့အတွက် မန်ယူမှာ ရွန်းနီဆက်နေရေး မနေရေးကိစ္စအတွက် ကမ္ဘာ့ဘောလုံးလောကမှာ အတော်ကို သတင်းကြီးခဲ့ပါတယ်။ ယခုအခါမှာတော့ မန်ယူဟာ ရမှတ် ၄၀ နဲ့ ပရီးမီးယား လိဂ် အဆင်(၇)မှာသာ ရပ်တည်နေနိုင်ပြီး ရှုံးပွဲတွေနဲ့ ဆက်တိုက်ရင်ဆိုင်နေ ရပါတယ်။ နည်းပြကြီးဖာဂူဆန်ထွက်ခွာသွားပြီးနောက် မန်ယူရဲ့ ရလဒ်တွေ ဟာ ဆက်တိုက် ဆိုးရွားခဲ့တာဖြစ်ပါတယ်။

ရွန်းနီအနေနဲ့ မန်ယူနဲ့ သက်တမ်းတိုး စာချုပ်ချုပ်မယ့်ကိစ္စဟာ အဆင်ပြေလိမ့် မယ်လို့ အရိပ်အမြွက်ထုတ်ဖော်ပြောကြားလိုက်ပါပြီ။ ဒါကြောင့် မန်ယူမှာ ၀ိန်းရွန်းနီကို ဆက်လက်မြင်တွေ့ရဖို့ရှိပါတယ်။

ဝိန်းရွန်းနီဟာ ၁၉၈၅ ခုနှစ် အောက်တိုဘာလ (၂၄)ရက်နေ့မှာ မွေးဖွားပြီး အရပ်ကတော့ ၁.၇၆ မီတာရှိပါတယ်။ လုပ်ခ၀င်ငွေကတော့ တစ်နှစ်ကို ပေါင် ၁၅.၆၁ သန်းရရှိနေပါတယ်။ မွေးချင်းတွေကတော့ John Rooney, Graham Rooney တို့ဖြစ်ပြီး အင်္ဂလန်နိုင်ငံအသင်းနဲ့ မန်ယူမှာ ကျောနံပါတ် (၁၀)နဲ့ ကစားနေတဲ့ တိုက်စစ်မှူး တစ်ဦးဖြစ်ပါတယ်။

MOI Webportal Myanmar

အပြည့်အစုံသို့ »

အလုပ်မခန့်သော ကုမ္ပဏီများကို ကြောင်မစင်များ စာတိုက်က ပို့နေသူ အရေးယူခံရ


စိန့်လူးဝစ်စ်၊ ဖေဖော်ဝါရီ ၈

အမေရိကန် ပြည်ထောင်စု စိန့်လူးဝစ် နယ်သားတစ်ဦးဟာ သူအလုပ်လျှောက်တိုင်း မခန့်ခဲ့တဲ့ ကုမ္ပဏီတွေ စီးပွားရေး လုပ်ငန်းတွေကို ကြောင်ချေးတွေ စာတိုက်ကနေ ပို့နေတာကြောင့် ၂ နှစ်ခံဝန်ချုပ် အရေးယူ ခံရထားရတယ်လို့ UPI သတင်းတစ်ပုဒ်က ဖော်ပြထားပါတယ်။

အသက် ၅၈ နှစ်အရွယ်ရှိ ဂျီဗွန်စ်ဘရောင်းလို့ အမည်ရသူဟာ ကြောင်ချေးတွေကို စုဆောင်းခဲ့ပြီး အသေအချာ ထုပ်ပိုးပြီးတော့ စီးပွားရေး လုပ်ငန်းတွေကို ပို့နေခဲ့ပါတယ်။

ထိခိုက်စေတဲ့ အရာတွေကို ပို့တဲ့အမှုနဲ့ မစ္စတာ ဂျီဗွန်စ်ဘရောင်းကို ခံဝန်ချုပ် အပြစ်ပေးခဲ့တာ ဖြစ်ပါတယ်။

အလုပ်မရလို့ ကြောင်ချေး ပို့ခဲ့တဲ့ ဒီအမေရိကန်ကြီးဟာ စစ်ပြန်ကြီး တစ်ဦးလည်း ဖြစ်ပါတယ်။

အမေရိကန်စာတိုက် စုံစမ်းရေး ဌာနက ကြောင်ချေးတွေရဲ့ နောက်ကြောင်းကို လိုက်ရင်း မစ္စတာ ဘရောင်းကို ဖမ်းမိခဲ့တာ ဖြစ်ပါတယ်လို့ စာတိုက်လုပ်ငန်း ပြောရေးဆိုခွင့်ရ အရာရှိ ဒန်တေလာက ပြောပြပါတယ်။

“ဒီကိစ္စဟာ ဘယ်သူ့ကိုမှ ထိခိုက်တဲ့ကိစ္စ မဟုတ်ဘူးလို့ ဆိုလို့ မရပါဘူး” ဟု ဥပဒေအရာရှိ ဂျွန်ဘိုဒန်ဟောဆန်က တရားရုံးမှာ ပြောကြားခဲ့ပါတယ်။

The Voice Weekly

အပြည့်အစုံသို့ »

နေအိမ်များ အဖျက်ခံရသည့်အတွက် ဘုန်းတော်ကြီးကျောင်းတွင် ခိုလှုံနေရသော သမီးကလေးကျေးရွာမှ ရွာသူရွာသားမျာအား Eleven Media Group က သွားရောက်လှူဒါန်း


ဖယ်ရှားခံရသည့် သမီးကလေးကျေးရွာမှ ရွာသားများအား Eleven Media Group က သွားရောက်လှူဒါန်းခဲ့စဉ်

နေအိမ်များ အဖျက်ခံရသည့်အတွက် ဘုန်းတော်ကြီးကျောင်းတွင် ခိုလှုံနေရသော သမီးကလေးကျေးရွာမှ ရွာသူရွာသားများအား Eleven Media Group က ဖေဖော်ဝါရီ ၈ ရက် ညပိုင်းတွင် ဆန် ၃၀ အိတ်၊ ဆီပိဿာ ၁၀၀ အပါအ၀င် စောင်၊ ခြင်ထောင်၊ စားသောက်ဖွယ်ရာနှင့် ဆေးဝါးများ စုစုပေါင်းကျပ် ၁၅ သိန်းဖိုးအား သွားရောက် လှူဒါန်းခဲ့သည်။

နေအိမ်များ ဖျက်ခံရသည့် ရွာသူရွာသားများအနက် အိမ်ထောင်စု ၁၅၀ ကျော်မှ လူ ဦးရေ ၅၀၀ ကျော်တို့သည် ပဲခူးတိုင်းအတွင်းရှိ အောင်သိဒ္ဓိဘုန်းတော်ကြီးကျောင်းအတွင်း ယာယီတဲများထိုး၍ နေထိုင်လျက်ရှိရာ သက်ဆိုင်ရာ တာဝန်ရှိသူများက ဖေဖော်ဝါရီ ၆ ရက် တွင် ပဲခူးတိုင်းအတွင်းမှ ထွက်ခွာရန် လာရောက်သတိပေးမှုများ ပြုလုပ်ခဲ့ရာ ရွာသူရွာသားများက ကလေးငယ်များ၏ စာသင်နှစ်ကုန်ဆုံးချိန်အထိ ယာယီနေထိုင်ခွင့်ပေးရန် မေတ္တာရပ်ခံထားကြောင်း သိရသည်။

“အဘွားတို့ အိမ်တွေဖျက်ခံရတဲ့အတွက် ဒီဘုန်းကြီးကျောင်းမှာလာနေတာ။ ဒါကို ဖယ်ပေးဖို့ပြောတော့ အဘွားတို့မှာက သွားစရာမရှိဘူး။ အဘွားငယ်ငယ်လေးကတည်းက သမီးကလေးကျေးရွာမှာ နေလာတာ။ အတင်းဖယ်ခိုင်းမယ်ဆိုရင်တော့ ဘုန်းကြီးကျောင်းဘေးက
ဆည်ထဲကို ခုန်ချဖို့ပဲရှိတော့တယ်” ဟု အောင်သိဒ္ဓိဘုန်းတော်ကြီးကျောင်းတွင် ခိုလှုံနေသည့် အသက် ၆၆ နှစ်အရွယ် အဘွားအိုဒေါ်ရွှေက ပြောပြပါသည်။

လက်ရှိတွင် ရွာသူရွာသားများသည် နေအိမ်အဖျက်ခံရသည့်အပြင် ၎င်းတို့ နေထိုင်ရေး၊ စားဝတ်နေရေး၊ ကျန်းမာရေး အခက်အခဲများ ဖြစ်ပေါ်လျက်ရှိကြောင်း သိရသည်။

Credit To :Eleven Media Group

အပြည့်အစုံသို့ »