ထိုင်းဘုန်းကြီးသတ်မှု မြန်မာ ၂ ဦးဖမ်းဆီးခံရ



Aung Kin Yu, left, and Aung Kai Mea, right, both Myanmar nationals, appear at Nonthaburi provincial police station after they allegedly confessed to killing a temple abbot in Nonthaburi’s Bang Bua Thong... ( photo: Bangkok Post)

ထိုင်းနိုင်ငံ ပထုန်ဌာနီခရိုင်၊ ဝပ်ဆမ်ငန်း ဘုန်းကြီးကျောင်းက ဖုရားခရု ဝီဆပ် သီရာယံ (Phra Khru Wisut Thirayan) အမည်ရှိတဲ့ ဆရာတော်တစ်ပါး သတ်ဖြတ်ခံရမှုအတွက် မြန်မာနိုင်ငံသား ၂ ဦးကို ပြီးခဲ့တဲ့စနေနေ့မှာ ထိုင်းရဲတပ်ဖွဲ့က ဖမ်းဆီးလိုက်ပြီး တရားခံတစ်ဦး အခုအချိန်ထိ ထွက်ပြေးလွတ်မြောက်နေတယ်လို့ မနေ့ကထုတ်ဝေတဲ့ ဗန်ကောက်ပို့စ် သတင်းစာက ဖေါ်ပြလိုက်ပါတယ်။

ထွက်ပြေးလွတ်မြောက်နေသူက ဆိုင်မွန်ဆိုသူဖြစ်ပြီး ဖမ်းမိလိုက်သူတွေက အောင်ခင်ယုနဲ့ အောင်ခိုင် ဆိုသူတို့ ဖြစ်ကြောင်း၊ အဲဒီမြန်မာတွေကို လွန်ခဲ့တဲ့ နှစ်လလောက်ကစတင်ပြီး ဘုန်းကြီးကျောင်းက တည်းခိုခွင့်ပြုထားခဲ့တာဖြစ်ကြောင်း၊ လူသတ်ပြီးထွက်ပြေးသွားတဲ့ အဆိုပါမြန်မာ ၂ ဦးကို ရန်စစ်ဈေး (Rangsit Market) ကားမှတ်တိုင်မှာ ဖမ်းဆီးခဲ့ကြောင်းနဲ့ မြန်မာနိုင်ငံက မိသားစုတွေကို ငွေပြန်ပို့ဖို့လိုအပ်နေတဲ့အတွက် ဓားပြတိုက်ခဲ့ရာမှာ ဘုန်းတော်ကြီးက ပြန်လည်ခုခံတဲ့အတွက် ဓါးနဲ့ထိုးခဲ့မိတယ်လို့ အောင်ခိုင်ယု က ရဲစခန်းမှာ ဖြောင့်ချက်ပေးခဲ့ကြောင်း စသဖြင့် ထိုင်း သတင်းစာမှာ ဖေါ်ပြထားပါတယ်။

 RFA

အပြည့်အစုံသို့ »

အသွင်ကူးပြောင်းရေးကာလ စိန်ခေါ်မှုများ


ဒီတပတ် မြန်မာ့မျက်မှောက်ရေးရာ အစီအစဉ်မှာ မြန်မာနိုင်ငံ ပြုပြင်ပြောင်းလဲရေးရဲ့  အကျိုးရလဒ်တွေ အောက်ခြေသိမ်း ဆင်းရဲသားပြည်သူတွေအထိ မရောက်နိုင်တာဟာ လယ်ယာမြေဆိုင်ရာ မူဝါဒတွေ လွှဲချော်နေတာ ဖြစ်တယ်လို့ အမေရိကန်ပြည်ထောင်စု Brooking Institute က အကြီးတန်းပညာရှင် Lex Rieffel က သုံးသပ်လိုက်ပါတယ်။ အဓိကအားဖြင့် လယ်သမားမိသားစုတွေ ဝင်ငွေတိုးတက်အောင်လုပ်ပေးဖို့ လိုအပ်တယ်လို့လည်း ဆိုပါတယ်။ ဦးကျော်ဇံသာ က Lex Rieffel ကို ဆက်သွယ်မေးမြန်း ဆွေးနွေးသုံးသပ်တင်ပြထားပါတယ်။

ဦးကျော်ဇံသာ ။ ။ မြန်မာနိုင်ငံ ပြုပြင်ပြောင်းလဲရေးဟာ ဒီမိုကရေစီဖက်ကို ဦးတည်နေတယ်ဆိုတာကိုတော့ ခင်များ လက်ခံပြီးသာလို့ ယူဆပါတယ်။ ဟုတ်ပါတယ်နော်။

Lex Rieffel ။ ။ ဟုတ်ပါတယ်ခင်များ။

ဦးကျော်ဇံသာ ။ ။ အဲဒီတော့ ကျနော် မေးချင်တာက မြန်မာနိုင်ငံရဲ့  ဒီမိုကရေစီရေး ပြုပြင်ပြောင်းလဲမှုမှာ အဓိကကြုံတွေ့နေရတဲ့ စိန်ခေါ်မှုက ဘာလဲယူဆပါသလဲ။

Lex Rieffel ။ ။ ဝါရှင်တန်ဒီစီမှာနေပြီးတော့ အဝေးကနေ လှမ်းပြီးသုံးသပ်ရတာကတော့ အကြီးမားဆုံး စိန်ခေါ်မှုက လွတ်လပ်ရေးရပြီးကတည်းက ဖြစ်လာခဲ့တဲ့ တပ်မတော်နဲ့ တိုင်းရင်းသားလူမျိုးစုတွေကြား ရှိလာခဲ့တဲ့ ပဋိပက္ခ ဖြစ်ပါတယ်။ ဒီ ပဋိပက္ခကို အဆုံးမသတ်နိုင်ဘဲ နိုင်ငံမှာ ဘယ်လိုလုပ်ပြီး ဒီမိုကရေစီ တည်ဆောက်နိုင်မလဲဆိုတာကို ကျနော်တော့ လမ်းမမြင်မိပါဘူး။ စီးပွားရေးနဲ့ တိုးတက်ဖွံ့ဖြိုးရေး ဖြစ်ထွန်းနိုင်မယ့် အလားအလာလည်း ကျနော် မတွေ့မိပါဘူး။

ဦးကျော်ဇံသာ ။ ။ ခင်များ ဒီမှာ တပ်မတော်နဲ့ တိုင်းရင်းသားတွေ ပဋိပက္ခလိုပဲ ခေါ်တယ်။ ဘာကြောင့် ဗဟိုအစိုးရနဲ့ နယ်စွန်းနယ်ဖျားက ဒေသတွေ စသဖြင့် အဲဒီလို အသုံးအနှုန်းမျိုးကို မသုံးတာလဲ။

Lex Rieffel ။ ။ ဒီ ပဋိပက္ခကို ခင်များ ပြောသလိုမျိုး ခေါ်ဝေါ်တာကို ကျနော် မကန့်ကွက်ပါဘူး။ ဒါပေမဲ့ မြန်မာအစိုးရအပေါ် စစ်တပ်က ၂၀၁၁ ခုနှစ်အထိ ကာလတာရှည် လုံးဝလွှမ်းမိုးခဲ့ပြီ၊ အခုထိလည်း စစ်တပ်ရဲ့  ချုပ်ကိုင်မှုက အများကြီး ရှိနေတုန်းပါ။ နောက်ပြီး သမ္မတဦးသိန်းစိန် က စစ်ရပ်စဲချင်ပေမယ့်လဲ တပ်မှုးတွေ၊ ဒေသခံတပ်မှုးတွေက စစ်တိုက်ချင်နေကြသလားဆိုတာက မေးစရာတွေ အများကြီးပါ။ ကျနော်တော့ မသိနိုင်ပါဘူး။ ဒါကြောင့် ကျနော့်ကိုယ်ကျနော် မြန်မာ့အရေး ကျွမ်းကျင်သူလို့ မသုံးချင်တာပါ။

ဦးကျော်ဇံသာ ။ ။ သမ္မတဦးသိန်းစိန် က စစ်တိုက်တာကို ရပ်ချင်တယ်လို့ ဆိုပေမယ့် တချို့ ကတော့ ဦးသိန်းစိန်ကလည်း ဒီပုတ်ထဲက ဒီပဲ။ ဗိုလ်ချုပ်ဟောင်းက လာခဲ့တာလို့ ဆိုနေကြပါတယ်။

Lex Rieffel ။ ။ ကျနော် သမ္မတဦးသိန်းစိန်ကိုတော့ တခါမှ မတွေ့ဖူးပါဘူး။ ဒီကိစ္စအပေါ် ခိုင်မာတဲ့အမြင် ကောက်ချက်မျိုးလည်း ကျနော်မှာ မရှိပါဘူး။ ဒါပေမဲ့ ၂၀၁၁ မတ်လမှာ သူရာထူးလက်ခံစဉ် ပြောကြားခဲ့တဲ့ မိန့်ခွန်းကိုတော့ ကျနော် တကယ်ပဲ အထင်ကြီးခဲ့ပါတယ်။ သူ့ရဲ့  ဆောင်ရွက်ချက် အများအပြားကိုလည်း ကျနော် အထင်ကြီးပါတယ်။ ဒါကြောင့် သူဟာ ငြိမ်းချမ်းရေးနဲ့ ဒီမိုကရေစီအတွက် ဆောင်ရွက်နေတယ်ဆိုတာ ကျနော်အနေနဲ့ သိပ်အလေးအနက်ထားပါတယ်။

ဦးကျော်ဇံသာ ။ ။ တိုင်းရင်းသားတွေနဲ့ ဖြစ်နေတဲ့ ပဋိပက္ခတွေ၊ စစ်ပွဲတွေအပြင် တခြားဘယ်လို ပြဿနာတွေများ မြန်မာနိုင်ငံ ဒီမိုကရေစီ ဖော်ဆောင်ရေးမှာ အဓိကရှိနေတယ်လို့ ထင်ပါသလဲ။ ဥပမာအားဖြင့် နိုင်ငံရေးမှာ တပ်မတော်က ဦးဆောင်တဲ့ကဏ္ဍကနေမယ်။ တပ်မတော်ရဲ့  အခန်းကဏ္ဍ သိပ်ကြီးမားနေတယ်ဆိုတဲ့ ကိစ္စမျိုးကို ထည့်ပြီးမတွက်လိုဘူးလား။

Lex Rieffel ။ ။ ဒီ မေးခွန်းတွေက ဖြေရခက်တဲ့ မေးခွန်းတွေပါ။ မြန်မာနိုင်ငံရဲ့  အသွင်ကူးပြောင်းရေးကလည်း တခြားနေရာတွေက အသွင်ကူးပြောင်းရေးတွေလိုပဲ ရှုပ်ထွေးပါတယ်။ ရှုပ်ထွေးတဲ့ ဖြစ်ရပ်ပါ။ မြန်မာနိုင်ငံ အသွင်ကူးပြောင်းရေးဟာ တခြားနိုင်ငံတွေနဲ့ ဘယ်နေရာမှာ ကွဲလွဲသလဲဆိုရင် မြန်မာနိုင်ငံမှာ အပေါ်ကချပေးတဲ့ အသွင်ကူးပြောင်းရေး ဖြစ်နေတာပါ။ စစ်တပ်ခေါင်းဆောင်တွေက ချမှတ်ပေးလိုက်တဲ့ အသွင်ကူးပြောင်းရေး ဖြစ်နေပါတယ်။ လူထုတော်လှန်ရေးကြောင့် ဖြစ်ထွန်းလာတဲ့ တော်လှန်ရေးမျိုး မဟုတ်ပါဘူး။ ဒီလို top down အသွင်ကူးပြောင်းရေး ဖြစ်နေတဲ့အတွက်ကြောင့်လည်း အောင်မြင်ဖို့ အလားအလာ ပိုရှိတယ်လို့ ဆိုနိုင်ပါတယ်။ ဒါပေမဲ့ ဒီပြုပြင်ပြောင်းလဲရေး ရည်မှန်းချက်တွေကို စစ်ဖက်ခေါင်းဆောင်တွေအားလုံးက လက်ခံကြရဲ့ လား၊ လိုလားကြရဲ့ လား ဆိုတာကတော့ မသေချာပါဘူး။ ဒီအတွက် အထောက်အထားတွေကိုလည်း တွေ့နေရပါတယ်။ စစ်တပ်၊ စစ်အာဏာပိုင်တွေရဲ့  ကျောထောက်နောက်ခံရှိတဲ့ သြဇာအာဏာကြီးမားသူတချို့ က အတိတ်က ရရှိထားခဲ့တဲ့ အခွင့်ထူး၊ ချုပ်ကိုင်မှုတွေကို လက်မလွှတ်ချင်ကြပါဘူး။ ဒီလို စနစ်ဟောင်းရဲ့  အခွင်ထူးတွေကို တွယ်ဖက်ထားသူတွေက အပြောင်းအလဲကို မလိုလားကြပါဘူး။ အတိတ်ရဲ့  ပုံစံဟောင်းကို မပြောင်းလဲဘဲနဲ့တော့ အောင်မြင်တဲ့ ဒီမိုကရေစီနဲ့ စီးပွားရေးဖွံ့ဖြိုးတိုးတက်မှုတွေ ဖြစ်ထွန်းလာနိုင်မှာလဲ မဟုတ်ပါဘူး။

ဦးကျော်ဇံသာ ။ ။ ဒီလို အခြေအနေမျိုးတွေ ရှိနေလျှက်နဲ့ အိုဘားမားအစိုးရက မြန်မာနိုင်ငံဟာ အောင်မြင်နေတယ်။ Burma is the only success story လို့ ပြောပြောနေပါတယ်။ ဆိုတော့ မြန်မာပြည်သူတွေ၊ သာမန်ပြည်သူတွေကလည်း ငြီးတွားခံပြင်းနေကြဆဲပါ။ ဆိုတော့ သမ္မတအိုဘားမား အစိုးရ ပြောသလို success story လို့ ခေါ်တာ မှန်ကန်တယ်လို့ ခင်များ ထင်ပါသလား။

Lex Rieffel ။ ။ ခင်များ ကျနော် ရေးထားတာတွေကို ဖတ်ကြည့်ရင် တွေ့ရပါလိမ့်မယ်။ ထပ်ပြီးဖြေရရင်တော့ မမှန်ပါဘူး။ မြန်မာနိုင်ငံရဲ့  ဖြစ်ရပ်ကို အောင်မြင်တဲ့ဇာတ်လမ်းတပုဒ်လို့ခေါ်ဖို့ အချိန်သိပ်စောနေပါသေးတယ်။ တချိန်တည်းမှာပဲ အိုဘားမားရဲ့  မြန်မာနိုင်ငံဆိုင်ရာ ပေါ်လစီကို အပြည့်အဝထောက်ခံတယ်ဆိုတာကိုလည်း ကျနော် ပြောချင်ပါတယ်။ မြန်မာနိုင်ငံ အသွင်ကူးပြောင်းရေးအတွက် အိုဘားမားရဲ့  လုပ်ရပ်တွေ၊ မူဝါဒတွေက သူ့မတိုင်ခင် သမ္မတဘုခ်ျ အစိုးရရဲ့  လုပ်ရပ်တွေ၊ မူဝါဒတွေထက် ပိုပြီးတော့ smart ဖြစ်ပါတယ်။ လိမ္မာပါးနပ်မှု ရှိတယ်လို့ ကျနော် ယုံကြည်ပါတယ်။ Engagement လို့ခေါ်တဲ့ ထိတွေ့ဆက်ဆံရေးဟာ Sanction လို့ခေါ်တဲ့ ဒဏ်ခတ်အရေးယူမှုထက် ပိုကောင်းပါတယ်။ ဒါပေမဲ့ အခုမြန်မာနိုင်ငံနဲ့တော့ Engagement က သိပ်များလွန်နေပါတယ်။ ဒါကြောင့် ကျနော်ဟာ တခြား စီးပွားရေးပညာရှင်တယောက်ဖြစ်တဲ့ Jim Fox နဲ့ပေါင်းပြီး စာတမ်းတစောင် ရေးခဲ့ပါတယ်။ မြန်မာနိုင်ငံဟာ သိပ်တိုတောင်တဲ့အချိန်အတွင်း အကူအညီတွေ အဆမတန် ရနေတယ်။ Getting Too Much, Too Soon? ဆိုပြီး သုံးသပ်ထားတာပါ။ ဒီနေရာမှာ အမေရိကန်နဲ့လည်း ပတ်သက်နေပါတယ်။

ဦးကျော်ဇံသာ ။ ။ ဒီလောက် အကူအညီတွေ များများပေးနေတဲ့ နိုင်ငံတခု၊ လူတယောက်အနေနဲ့ မြန်မာနိုင်ငံအစိုးရရဲ့  လုပ်ရပ်တွေ - ဥပမာအားဖြင့် တိုင်းရင်းသားတွေနဲ့ ဖြစ်နေတဲ့ စစ်ပွဲတွေ၊ စစ်ရေးပဋိပက္ခတွေကို ရပ်ဆိုင်းအောင် အမေရိကန်အစိုးရအနေနဲ့ တစုံတရာ လုပ်ဆောင်နိုင်တာမျိုး မရှိဘူးလား။

Lex Rieffel ။ ။ ကျနော်ကတော့ မရှိဘူးလို့ပဲ ပြောချင်ပါတယ်။ ထိထိရောက်ရောက် မဆောင်ရွက်နိုင်ပါဘူး။ မြောက်ကိုရီးယား၊ ယူကရိန်းတို့မှာလည်း အမေရိကန်အနေနဲ့ ဘာမှမဆောင်ရွက်နိုင်ပါဘူး။ ယူကရိန်မှာ ဖြစ်နေတဲ့ တိုက်ပွဲတွေကို အိုဘားမားအစိုးရနဲ့ အမေရိကန်ပြည်သူတွေ လုံးဝမဖြစ်စေချင်ကြပါဘူး။ မြန်မာနိုင်ငံမှာ ဖြစ်နေတဲ့ တိုက်ပွဲတွေကလည်း မြန်မာပြည်သူတွေအတွက် မလိုလားအပ်သလို၊ အရှေ့ တောင်အာရှ ပြည်သူတွေအတွက်၊ ကျနော်တို့အတွက်လည်း မကောင်းပါဘူး။

ဦးကျော်ဇံသာ ။ ။ ဒါကြောင့် တချို့ ကပြောကြပါတယ်။ ဒီလို တိုက်ပွဲတွေ ရပ်ဆိုင်းသွားဖို့အတွက် အမေရိကန်ဖက်က လုပ်နိုင်တာဟာ ဖိအားကိုဆက်လက် ပေးဖို့ဖြစ်တယ်ဆိုပြီး တောင်းဆိုနေကြပါတယ်။ ဖိအားတွေကို လျှော့ပေါ့မပြစ်နဲ့ဆိုတဲ့ သဘောမျိုး ပြောနေကြတယ် မဟုတ်ဘူးလား။

Lex Rieffel ။ ။ ဟုတ်ပါတယ်။ ဒီလူတွေက ဒီဟာတွေကို ပြောကြတာတော့ လွယ်ပါတယ်။ တကယ်ထိရောက်အောင်၊ အကျိုးရှိအောင် လုပ်ဖို့ဆိုတာမျိုးက ခက်ခဲပါတယ်။ နမူနာတခုပြောရရင် ကျနော်တို့က မြန်မာနိုင်ငံကို စစ်ရေးအထောက်အပံ့ပေးရေး၊ မြန်မာတပ်မတော်နဲ့ ထိတွေ့ဆက်ဆံရေးကိစ္စ။ တချို့ က မြန်မာစစ်ဗိုလ်တွေနဲ့ စကားမပြောသင့်ဘူးလို့ ဆိုနေကြတာပါ။ ဒါပေမဲ့ ကမ္ဘာပေါ်မှာ ငြိမ်းချမ်းရေးတည်ဆောက်မှုတွေကို ကြည့်မယ်ဆိုရင်တော့ ဒီလိုဆက်ဆံလို့ အောင်မြင်တာတွေ တွေ့ရပါတယ်။ တပ်မတော်နဲ့ ဆက်ဆံတာဟာ မျက်နှာလွှဲနေတာထက် ကောင်းပါတယ်။ ဒါပေမဲ့ တိုင်းရင်းသားတွေနဲ့ ဖြစ်နေတဲ့ တပ်ပွဲတွေအတွက် အထောက်အကူတော့ မဖြစ်စေရဘူးပေါ့ဗျာ။

ဦးကျော်ဇံသာ ။ ။ နောက်တခုက ဖွံ့ဖြိုးတိုးတက်မှု မမျှတတဲ့ကိစ္စပါ။ ရင်းနှီးမြှုပ်နှံမှုတွေကြောင့် ဖွံ့ဖြိုးတိုးတက်လာတယ် ဆိုပေမယ့် ခရိုနီတွေ။ သူတို့နဲ့ အလွမ်းသင့်တဲ့ လက်တဆုတ်စားလောက်တွေပဲ ဒီအကျိုးစီးပွားကို ခံစားနေကြရတယ်လို့ လူတွေက ပြောကြပါတယ်။ ဒီလို ဖွံ့ဖြိုးတိုးတက်မှုတွေ အောက်ခြေလူထုအထိရောက်အောင် အမေရိကန်ဖက်က ဘာများ လုပ်ပေးနိုင်မလဲ။ နိုင်ငံတကာအသိုင်းအဝိုင်းလည်း ပါတာပေါ့ အမေရိကန်အပါအဝင်။

Lex Rieffel ။ ။ အမေရိကန်က လုပ်နိုင်ပါတယ်။ လုပ်လည်းလုပ်ထားပါတယ်။ တကယ်တမ်း ပြောရရင် အမေရိကန်က သူများထက် အများကြီးပိုလုပ်နိုင်ပါတယ်။ ပိတ်စို့အရေးယူမှုတွေကို ရုတ်သိမ်းရာမှာလည်း ရင်းနှီးမှုတွေဟာ ပြည်သူလူထု အများစု အကျိုးဖြစ်ထွန်းအောင် အထောက်အကူ ဖြစ်စေရပါမယ်ဆိုတဲ့ အာမခံချက် တောင်းပါတယ်။ ပြီးတော့ telecommunication ကိစ္စမှာ Telenor နဲ့ Ooredoo တို့လို ရင်းနှီးမြှုပ်နှံမှုဟာ အများပြည်သူအတွက် အကျိုးရှိစေမှာ ဖြစ်ပါတယ်။ လျှပ်စစ်စွမ်းအင်ရအောင် လုပ်တဲ့ကိစ္စမှာလည်း ပြည်သူတွေ အကျိုးရှိစေမှာပါ။ ဒါပေမဲ့ အခု ရင်းနှီးမြှုပ်နှံမှုတွေကြောင့် ဖြစ်ထွန်းလာတဲ့ အကျိုးအမြတ်ကို ၇၅ ရာခိုင်နှုန်းသော ဆင်းရဲသားပြည်သူတွေဆီ မရောက်သေးဘူးဆိုတာ ကျနော် သဘောတူပါတယ်။ ဒါဟာ မကောင်းတဲ့အချက်ပါ။ ဒီလို ဘာကြောင့် ဖြစ်ရသလဲဆိုရင် လယ်ယာစိုက်ပျိုးရေးဆိုင်ရာ မူဝါဒ ညံ့ဖျင်းမှုကြောင့် ဖြစ်ပါတယ်။ ကျေးလက်နေ ပြည်သူတွေ၊ မိသားစုတွေ ဝင်ငွေတိုးအောင် လုပ်ပေးဖို့ လိုအပ်နေပါတယ်။

ဦးကျော်ဇံသာ ။ ။ ဒါနဲ့ သတိရတုန်း မေးရအုံးမယ် ခင်များ။ ခင်များရဲ့  အမေရိကန်ပြည်ထောင်စု ဆီနိတ်လွှတ်တော်ရဲ့  ဘဏ္ဍာရေးနဲ့ နိုင်ငံတကာဆက်ဆံရေး ကော်မတီရှေ့ မှောက် ထွက်ဆိုတဲ့အခါမှာ ကျနော် သတိတခု ထားမိလိုက်တာက မြန်မာနိုင်ငံမှာ ဥပဒေပြုရေးအဖွဲ့အစည်းရဲ့  အလားအလာဟာ အဏာဟာ သိပ်ကြီးထွားလာတယ်ဆိုပြီးတော့ သတိပေးတဲ့ စကားမျိုး ပြောသွားပါတယ်။ ဒေါ်အောင်ဆန်းစုကြည်တို့ ရွှေမန်းတို့ရဲ့  ပုဂ္ဂိုလ်ရေးစွမ်းရည်အရ လွှတ်တော်ဟာ သိပ်ပြီးတော့ အာဏာကြီးလာတယ်ဆိုတဲ့ သတိပေးသလို ပြောသွားပါတယ်။ အဲဒါ ဘာကြောင့် ပြောရပါသလဲ။

Lex Rieffel ။ ။ ဒီကိစ္စနဲ့ ပတ်သက်ပြီး ကျနော်က အင်ဒိုနီးရှား အခြေအနေကို ကိုးကားပြီး ပြောခဲ့တယ်လို့ ထင်ပါတယ်။ အင်ဒိုနီးရှားက ကျနော် ပိုကျွမ်းကျင်တဲ့ နိုင်ငံပါ။ သူတို့စကားကိုလည်း ကျနော် ပြောတတ်ပါတယ်။ အင်ဒိုနီးရှား ကျွမ်းကျင်သူလို့လည်း အခေါ်ခံရဲပါတယ်။ ဒီမိုကရေစီဆိုတာ နေရာတကာမှာ အဆင်ပြေပြေနဲ့ အလုပ်ဖြစ်မယ်၊ ရလဒ်ကောင်းတေါ ပေါ်ထွက်လာမယ်လို့လည်း ယုံကြည်နေကြပါတယ်။ ဒါပေမဲ့ အင်ဒိုနီးရှားရဲ့  ဒီမိုကရေစီအသွင်ကူးပြောင်းရေးကို သုံးသပ်ကြည့်တော့ ပါလီမန်နဲ့ ပတ်သက်ပြီး ပြဿနာတရပ်ကို တွေ့ရပါတယ်။ သူတို့မှာ ပါလီမန်ဟာ စီးပွားရေးဖွံ့ဖြိုးတိုးတက်မှုအတွက် အဟန့်အတား ဖြစ်နေတယ်လို့ အင်ဒိုနီးရှားသားတွေကိုက ပြောကြပါတယ်။ ဘာကြောင့်လဲဆိုတော့ အင်ဒိုနီးရှားမှာ ကောင်းတဲ့ဥပဒေတရပ်ကို အတည်ပြုချင်တယ်ဆိုရင် ပါလီမန်အမတ်တွေကို ပိုက်ဆံပေး၊ လာဘ်ထိုးဖို့ လိုအပ်ပါတယ်။ သူတို့ရဲ့  လခအပြင် ဒါဟာ ငွေရေးကြေးရေးအရ ခြစားပျက်စီးနေတဲ့ နိုင်ငံရေးစနစ်ပါ။

ဦးကျော်ဇံသာ ။ ။ ဒါပေမဲ့ မြန်မာနိုင်ငံမှာတော့ လွှတ်တော်အမတ်တွေခင်များ အဲဒီလိုဖြစ်ဖို့ နေနေသာသာ သူတို့ရဲ့  အဆင့်အတန်းကိုတောင်မှ အုပ်ချုပ်ရေးအာဏာပိုင်တွေဖြစ်တဲ့ ဝန်ကြီးတွေက သိပ်အသိအမှတ် ပြုချင်ကြတာ မဟုတ်ဘူး။ တချို့ ကိစ္စတွေဆိုရင် လွှတ်တော်ရဲ့  ရေးရာကော်မတီတွေက သက်ဆိုင်တဲ့ ဝန်ကြီးတွေကို ခေါ်ပြီးတော့ မေးတာမြန်းတာကို မကြိုက်ကြလို့ ပြဿနာတက်နေတာပါ။

Lex Rieffel ။ ။ ကျနော်က စီးပွားရေးပညာရှင်ပါ။ နိုင်ငံရေးသိပ္ပံပညာရှင် မဟုတ်ပါဘူး။ မြန်မာနိုင်ငံလွှတ်တော်အကြောင်းကို သိပ်များများစားစား သိတာတော့ မဟုတ်ပါဘူး။ ငြင်းချက်မထုတ်နိုင်လောက်အောင်၊ ဝေဖန်သုံးသပ်နိုင်တာမျိုးတော့ မဟုတ်ပါဘူး။ ခပ်လှမ်းလှမ်းကနေကြည့်ပြီး လွှမ်းခြုံသုံးသပ်ထားတာ ဖြစ်ပါတယ်။

VOA

အပြည့်အစုံသို့ »

Selfie ရိုက်ကောင်းလို့ အကန်ခံလိုက်ရတဲ့ ဆယ်ကျော်သက်


အန္တရာယ်များတဲ့ သွားလာနေတဲ့ ရထားတွဲတွေအနားမှာ selfie ရိုက်မိလို့ ဆယ်ကျော်သက် လူငယ်တစ်ယောက် အကန်ခံလိုက်ရတယ်လို့ သိရပါတယ်။ ဒါဟာ သူ့အတွက် မှတ်လောက်စရာ သင်ခန်းစာ ဖြစ်သွားလိမ့်မယ်လို့ ပြောကြပါတယ်။


ဆယ်ကျော်သက်လူငယ် Jared Michael တစ်ယောက် သူ့ခေါင်းကို မီးရထားအင်ဂျင်နီယာရဲ့ ဘွတ်ဖိနပ်နဲ့ ကန်ခြင်းခံလိုက်ရပါတယ်။ ဒါ့အပြင် ထုံထုံအအ ဓါတ်ပုံရိုက်သူလို့ပါ အော်ဟစ်ခဲ့ပါသေးတယ်။

အဆိုပါ အဖြစ်အပျက်ကို အကန်ခံခဲ့ရတဲ့ Michael က ဗွီဒီယို ရိုက်ကူးခဲ့ပြီး Youtube ပေါ်တင်ခဲ့ပါတယ်။ ဒါ့အပြင် သူက အခုလို ရှင်းပြထားပါသေးတယ်။ သူဟာ သူ့နောက်ကနေ ရထားဖြတ်သွားတာကို နောက်ခံထားပြီး Selfie ရိုက်ဖို့ ကြိုးစားခဲ့ခြင်း ဖြစ်ပြီး သူဟာ စိတ်ချလုံခြုံတဲ့ အကွာအဝေးမှာ ရှိနေခဲ့ပါတယ်လို့ ပြောပါတယ်။ ဒါပေမယ့်  ရထားနဲ့ တော်တော်တော့နီးတယ်။ ဒါ့ကြောင့် ရထားပေါ်ကနေ လှမ်းပြီး သူ့ခေါင်းကို ကန်သွားတာလို့ ပြောပါတယ်။

အောက်က ဗွီဒီယိုမှာတော့ Michael ရဲ့ အဖြစ်အပျက်ကို ကြည့်နိုင်ပါတယ်။ စာဖတ်သူ ပရိသတ်တွေလည်း ကိုယ့်အသက်အန္တရာယ်  ဖြစ်စေမယ့် အနေအထားမှာ Selfie ရိုက်ခြင်း ရှောင်ကြပါလို့ တိုက်တွန်းပါရစေ။



World-Myanmar 

အပြည့်အစုံသို့ »

ဒေါ်အောင်ဆန်းစုကြည်နဲ့ ဆက်ဆံရေးကို ဂုဏ်ယူကြောင်း ပြင်သစ်အစိုးရ ပြောကြား



ပြင်သစ်နိုင်ငံကို ဒေါ်အောင်ဆန်းစုကြည် ဒုတိယအကြိမ်အဖြစ် ရောက်ရှိလာတဲ့အပေါ် ကြိုဆိုကြောင်း၊ ပြင်သစ်နိုင်ငံနဲ့  ဒေါ်အောင်ဆန်းစုကြည်တို့အကြားမှာရှိတဲ့ ဆက်ဆံရေးကို ဂုဏ်ယူကြောင်း ပြင်သစ်နိုင်ငံခြားရေးဝန်ကြီး Laurent Fabius က ပြောကြားလိုက်ပါတယ်။

ပြင်သစ်နိုင်ငံခြားရေးဝန်ကြီး Laurent Fabius ဟာ ဒေါ်အောင်ဆန်းစုကြည်နဲ့ ပြင်သစ်နိုင်ငံခြားရေး ၀န်ကြီးဌာနမှာ မနေ့က တွေ့ဆုံအပြီးပြုလုပ်တဲ့ သတင်းစာရှင်းလင်းပွဲမှာ အခုလို ပြောကြားခဲ့တာပါ။

မြန်မာနိုင်ငံမှာ လာမယ့် ၂၀၁၅ ခုနှစ်အတွင်း ကျင်းပမယ့်  ရွေးကောက်ပွဲကို ပြင်သစ်နိုင်ငံနဲ့အတူ အီးယူ ဥရောပသမဂ္ဂက စောင့်ကြည့်နေကြောင်း၊ မြန်မာပြည်သူလူထု လွတ်လပ်စွာမဲပေးနိုင်ခွင့်၊ နိုင်ငံရေးပါတီတွေ လွတ်လပ်စွာမဲဆွယ်စည်းရုံးနိုင်ခွင့်၊ နိုင်ငံရေးပါတီတိုင်း ရွေးကောက်ပွဲဝင်နိုင်ခွင့် ရရှိရေးအတွက် ပြင်သစ်အစိုးရက မျက်ခြေမပြတ် စောင့်ကြည့်သွားမှာဖြစ်ကြောင်း၊ ဒါ့အပြင် တိုင်းရင်းသားတွေနဲ့ ငြိမ်ချမ်းရေးကိစ္စတွေကိုလည်း စောင့်ကြည့်ပြီး လွတ်လပ်စွာပြောဆိုခွင့်နဲ့ ပညာရေးကဏ္ဍတွေမှာ အရင်ကထက် ပိုမိုကူညီအားပေးသွားမှာဖြစ်ကြောင်း၊ မိမိတို့ပြင်သစ်အစိုးရဟာ လက်ရှိ မြန်မာအစိုးရခေါင်းဆောင်ပိုင်းနဲ့ ဆွေးနွေးမှုတွေရှိကြောင်း၊ မြန်မာနိုင်ငံရဲ့ ဒီမိုကရေစီနဲ့ လူ့အခွင့်ရေး ထွန်းကားရေးအတွက် လွန်ခဲ့တဲ့နှစ်ပေါင်းများစွာကတည်းက အားပေးကူုညီခဲ့တာဖြစ်သလို ဆက်လက်ပြီးလည်း ကူညီသွားမှာဖြစ်ကြောင်း၊ မြန်မာနိုင်ငံမှာ စီးပွားရေး ရင်းနှီးမြုပ်နှံမှုတွေလည်း ပိုမိုတိုးမြှင့်လုပ်ကိုင်နိုင်ဖို့ ကြိုးစားနေကြောင်း ပြင်သစ်နိုင်ငံခြားရေးဝန်ကြီးက ပြောဆိုသွားပါ တယ်။

ဒေါ်အောင်ဆန်းစုကြည်ကလည်း ၂၀၁၅ ရွေးကောက်ပွဲနဲ့အတူ လက်ရှိ မြန်မာ့နိုင်ငံရေး အခြေအနေတွေကို သတင်းစာရှင်းလင်းပွဲမှာ ရှင်းပြသွားခဲ့ပါတယ်။

၂၀၁၅ မှာဘာတွေဖြစ်လာမလဲဆိုတာဟာ ၂၀၁၄ ရဲ့ ဆုံးဖြတ်လုပ်ဆောင်ချက်တွေပေါ်မှာ မူတည်ပေါ်ပေါက်လာမှာဖြစ်ကြောင်း၊ မြန်မာနိုင်ငံမှာ အလွယ်တကူ ဖြေရှင်းလို့မရတဲ့ ပြဿနာတွေ အများအပြားရှိနေကြောင်း၊ အဲဒီပြဿနာတွေဖြေရှင်းဖို့ အချိန်အများကြီးလိုအပ်သလို အစိုးရက အဓိက ဖြေရှင်းပေးရမှာဖြစ်ကြောင်း၊ ဒီမိုကရေစီအားပေးဖော်ဆောင်ပေးချင်တဲ့ အစိုးရတိုင်းက မြန်မာနိုင်ငံရဲ့  ဖွဲ့စည်းပုံအခြေခံဥပဒေ ပြင်ဆင်ရေးကို ကူညီပေးဖို့ လိုအပ်ကြောင်း ဒေါ်အောင်ဆန်းစုကြည်က ပြောကြားခဲ့ပါတယ်။ ဒေါ်အောင်ဆန်းစုကြည်ဟာ ခရီးစဉ်အတွင်း ပြင်သစ်သမ္မတ ဖရန်ဆွာ ဟော်လန် François Hollande နဲ့လည်း တွေ့ဆုံခဲ့ပါတယ်။

ဒေါ်အောင်ဆန်းစုကြည်ဟာ ဒီကနေ့ ပြင်သစ်နိုင်ငံကနေ ထွက်ခွာလာမှာဖြစ်ပြီး မြန်မာနိုင်ငံကို မနက်ဖြန် ပြန်လည်ရောက်ရှိမှာဖြစ်ပါတယ်။

 RFA Burmese

အပြည့်အစုံသို့ »

မလေးလေယာဉ် ရှာဖွေရေးရေငုပ်ယာဉ်ငယ် ယာယီရပ်နား


ပျောက်ဆုံးနေတဲ့ မလေးရှားလေယာဉ် အစိတ်အပိုင်းတွေကို ရှာတွေ့ဖို့ အမေရိကန်ရေတပ်က ရေငုပ်စက်ရုပ်နဲ့ ရှာဖွေမှုတွေကို ဒီကနေ့ နောက်တကြိမ် ရပ်ဆိုင်းထားရပါတယ်။

အတိအကျ မသိရသေးတဲ့ စက်ပိုင်းဆိုင်ရာ ပြဿနာတချို့ကြောင့် Bluefin-21 ရေငုပ်ယာဉ်ကို ရေပေါ် ပြန်ခေါ်ခဲ့ရတဲ့အကြောင်း ရှာဖွေမှုတွေကို ဦးဆောင်နေတဲ့ သြစတြေးလျအေဂျင်စီက ပြောပါတယ်။

ဒီရေငုပ်ယာဉ်ကို ရေအောက် အကြိမ်ကြိမ်လွှတ်ပြီး ရှာဖွေမှုတွေ လုပ်ခဲ့တာဖြစ်ပါတယ်။ ရရှိထားတဲ့ အချက်အလက်တွေအပေါ် ကနဦးအဆင့် သုံးသပ်ချက်တွေအရတော့ လေယာဉ်ပျောက်နဲ့ ပတ်သက်ပြီး ထူးထူးခြားခြား ရှာဖွေတွေ့ရှိရတာ မရှိသေးပါဘူးလို့လည်း သြစတြေးလျအဖွဲ့က ပြောပါတယ်။

ဒီသီတင်းပတ် အစောပိုင်းက ရေငုပ်ယာဉ်ကို ရေအောက် ပေပေါင်း ၁ သောင်း ၄ ထောင် ၇ ရာကျော်အထိ ဆင်းပြီး ၆ နာရီကြာ ရှာဖွေမှုတွေ လုပ်ခဲ့ပြီးတဲ့နောက် အခု ရှာဖွေမှုကို ရပ်လိုက်ရတာ ဖြစ်ပါတယ်။

မြေပုံထဲမှာတောင် သေသေချာချာ မထည့်သွင်းရသေးတဲ့ ရေမိုင်ပတ်လည် ၄၀၀ နီးပါးရှိတဲ့ ရှာဖွေမှုတွေ လုပ်နေတဲ့နေရာမှာ ရေအောက် ရှာဖွေမှုတွေကို ၂ လကျော်လောက် လုပ်သွားရနိုင်တယ်လို့ အမေရိကန် ရေကြောင်းဆိုင်ရာ အရာရှိတွေက သတိပေးနေကြပါတယ်။

VOA

အပြည့်အစုံသို့ »

ကိုရီးယားသင်္ဘောက ပျောက်နေသူတွေကို ညလုံးပေါက်ရှာ

မီးကျည်တွေနဲ့ ညလုံပေါက်ရှာ


တောင်ကိုရီးယား ကမ်းခြေက ၁၂ မိုင်အကွာ ပင်လယ်ပြင်မှာ နစ်မြုပ်သွားတဲ့ ခရီးသည်တင် သင်္ဘောက ပျောက်ဆုံးနေဆဲဖြစ်တဲ့ ခရီးသည် ၃၀၀ နီးပါးကို တညလုံးရှာဖွေနေခဲ့ကြပါတယ်။

အရေးပေါ် ကယ်ဆယ်ရေး သမားတွေဟာ၊ တိမ်းမှောက်ခဲ့တဲ့ သင်္ဘောကို အားကောင်းတဲ့ မီးမောင်းတွေ မီးကျည်တွေနဲ့ ပျောက်ဆုံးနေသူတွေကို ရေငုတ် ရှာဖွေ နေခဲ့ကြတာပါ။

စောစောပိုင်းကတော့ ၁၇၉ ဦးကယ်ဆယ်နိုင်ခဲ့တယ်လို့ အရာရှိတွေက ပြောပါတယ်။

ခရီးသည် အများစု က ကျောင်းသူကျောင်းသားတွေ ဖြစ်ပြီး နိုင်ငံအနောက်မြောက်ဖက် အင်ချွန်ဆိပ်ကမ်း က နေ တောင်ဘက် က အပန်းဖြေ စခန်း ဂျေဂျူ ကျွန်း ကိုအသွား လမ်းမှာ နစ်မြုပ်သွားခဲ့တာပါ။

ပျောက်ဆုံးနေသူအများအပြားဟာ မီတာ ၃၀ လောက်နက်တဲ့ ရေထဲမှာ နစ်မြုပ်နေတဲ့ သင်္ဘောထဲမှာဘဲ ပိတ်မိနေတယ်လို့ ယူဆရပါတယ်။ ကယ်ဆယ်ရေးအဖွဲ့တွေဟာ သင်္ဘောပျက်တဝိုက်ကို အလေးထားပြီးရှာဖွေနေကြပါတယ်။

ပိတ်မိနေသူတွေအနေနဲ့ အသက်ရှင်နိုင်ဖို့ အခွင့်အလမ်းမရှိသလောက်နည်းတယ်လို့ အဆင့်မြင့် ကယ်ဆယ်ရေးအရာရှိ တဦးက ပြောပါတယ်။

စောစောပိုင်းကတော့ လှိုင်းထန်တာကြောင့် ရေငုတ်သမားတွေ မြုပ်နေတဲ့သင်္ဘောထဲကို မဝင်နိုင်ခဲ့ကြဘူးလို့ ဆိုပါတယ်။

ဘာကြောင့်သင်္ဘော ဒီလို မြှတ်ခဲ့ရတယ်ဆိုတာကို အတိအကျ မသိရသေးပါဘူး ။ သင်္ဘောဟာ ခါတိုင်းသွားနေကျ လမ်းကြောင်းပေါ်ကနေ မောင်းနှင်နေခဲ့တာ ဖြစ်ပြီး အဲဒီအချိန်က လှိုင်းလေငြိမ်ကာ မြင်နိုင်စွမ်းကလည်း ပုံမှန်ရှိနေခဲ့တယ်လို့ ကမ်းခြေစောင့်တပ်ဖွဲ့က ပြောပါတယ်။

တောင်ကိုရီးယား ဝန်ကြီးချူပ် Chung Hong - won က တစက္ကန့်လေးမှ နှောင့်နှေးလို့မရဘူး၊ အသက်တွေ ပိုကယ်နိုင်သမျှ ကယ်ဖို့ အစွမ်းကုန် ကြိုးစားကြပါ ဆိုပြီး၊ ရှာဖွေရေးလုပ်နေတဲ့ သူတွေကို တိုက်တွန်းခဲ့ပါတယ်။

BBC Burmese

အပြည့်အစုံသို့ »

လေဖြတ်နိုင်ခြေ ရှိတဲ့ မိုင်လီ


အင်္ဂါနေ့ညမှာ ရုတ်တရက် ဆေးရုံတက်လိုက်ရတဲ့ မိုင်လီမှာတော့ သူမလုံးဝလျစ်လျူရှူထားတဲ့  ရောဂါလို့ ယူဆရဖွယ်ရှိတဲ့ ကျန်းမာရေး ချို့ယွင်းချက်တွေ ရှိနေတယ်လို့ သိရပါတယ်။

သူမမှာ နှလုံးကြွက်သားနဲ့ ဆိုင်တဲ့  ပြဿနာ တစ်စုံတစ်ရာ ရနိုင်ပါတယ်။ အဆိုးဆုံးကတော့ နှလုံးရောဂါတောင် ဖြစ်နိုင်တယ်လို့ ဆရာဝန် မက်ခ်အာမန်က ပြောပါတယ်။ အဆိုးဝါးဆုံး အနေနဲ့ ပြောရရင် သူမ လေတောင် ဖြတ်သွားနိင်တယ်လို့ ပြောခဲ့ပါတယ်။
မိုင်လီလည်း သူမရဲ့ ကျန်းမာရေး အခြေအနေကို ၀န်ခံသွားခဲ့ပြီး သူမရဲ့ ကျန်းမာရေးကို ဂရုစိုက်ဖို့ လိုနေပြီ ဖြစ်ကြောင်း ပြောခဲ့ပါတယ်။

ကျွန်မ လေယာဉ်ပေါ် တက်ခါနီးတိုင်း နှလုံးခုန်သံ အရမ်းမြန်တယ်။ ဒါပေမယ့် ဖျော်ဖြေရေး စင်မြင့်ပေါ် ရောက်တဲ့အချိန်တိုင်း နှလုံးခုန်သံကို သတိမထားမိလို့လားတော့ မသိဘူး ဘာမှမဖြစ်ဘူးလို့ ပြောပါတယ်။ ဒါ့အပြင် သူမရဲ့ နှလုံးမှာ မွေးရာပါ အပေါက်ငယ် ပါလာကြောင်းလဲ ၀န်ခံခဲ့ပါတယ်။

ရောဂါအခြေအနေကို ပိုဆုိုးစေခဲ့တာကတော့ သူမဆေးသုံးရတာကို နှစ်သက်ပြီး အကြိမ်များစွာ သုံးစွဲတယ်လို့ ၀န်ခံခဲ့ပါသေးးတယ်။ ဆေးလိပ် မသောက်သင့်၊ ဆေးမသုံးသင့်တာကို သိသိနဲ့လုပ်နေတယ်လို့ သူမနဲ့ နီးစပ်သူ အသိုင်းအ၀ိုင်းက ပြောပါတယ်။

အခုလို လေဖြတ်နိုင်ခြေရှိတယ် ဆိုရင်တော့ မိုင်လီတစ်ယောက် အရင်လို ပါတီတွေ အများကြီး မသွားသင့်တော့ဘူးလို့  နီးစပ်သူတွေက ပြောဆိုကြပါတယ်။

World Myanmar

အပြည့်အစုံသို့ »