အမှားမပြင် နောင်မကြဉ်သည့် မြန်မာလက်နက်ဘုရင်



 စက်ရုံနေရာကို ရိုက်ကူးထားသော ဂြိုဟ်တုဓာတ်ပုံ

 သူ့ကို ဘယ်ဘက်က ကြည့်ကြည့် မကောင်းသူ တစ်ဦးဟု သတ်မှတ် နိုင်သည်။ သူက ဒုတိယ ဗိုလ်ချုပ်ကြီး သိန်းဌေး ဖြစ်သည်။ သူ့မိခင်ကတော့ သူ့ကို ချစ်ခင်မည်မှာ သေချာသည်။ သို့သော် အမေရိကန် ဘဏ္ဍာရေးဌာနက သူ့ကို ပိတ်ဆို့ အရေးယူ ထားသည်။

ဘားရက်အိုဘားမားအစိုးရ အဖွဲ့က မြန်မာ ဗိုလ်ချုပ်ကြီးများနှင့် ဆက်ဆံပြီး မြန်မာနိုင်ငံကို အရပ်သားအစိုးရ အုပ်ချုပ်မှုသို့ ပြောင်းလဲရေး အတွက် ပါဝင်ဆောင်ရွက် ပေးနေသော်လည်း မြောက်ကိုရီးယားနှင့် ဆက်ဆံနေသော ဤပုဂ္ဂိုလ်ကိုမူ ခြွင်းချက်ထားလေ၏။

ဒုတိယဗိုလ်ချုပ်ကြီးသိန်းဌေး က မြန်မာနိုင်ငံမှ ကာကွယ်ရေး စစ်လက်နက် ပစ္စည်းညွှန်ကြားရေးမှူးချုပ်ဖြစ်သည်။ အစိုးရပိုင် စစ်လက်နက် စက်ရုံပေါင်းနှစ်ဒါဇင်ကျော်၊ နိုင်ငံခြားမှ လျှို့ဝှက်ဘဏ် စာရင်းများ၊ မြောက်ကိုရီးယား နှင့် ဒုံးကျည်အပါအဝင် အခြား ပစ္စည်းများ ကုန်သွယ်နေသည့် အစိုးရပိုင်လုပ်ငန်းဟု ဆိုသည်။ မြန်မာက အကယ်၍သာ ဒီမိုက ရေစီ အသွင်ကူးပြောင်းရေး လုပ် မည်ဆိုပါလျှင် ဤပုဂ္ဂိုလ်လိုလူမျိုး ကို ဖယ်ရှားရမည်ဖြစ်သည်။ သို့ ရာတွင် ဤဖြစ်ရပ်နှင့် ပတ်သက် ပြီး စိတ်အနှောင့်အယှက်ဖြစ်စရာ ကတော့ အမေရိကန်က ဒုတိယ ဗိုလ်ချုပ်ကြီးသိန်းဌေးကို ပိတ်ဆို့အရေးယူနေသော်လည်း၊ မြန်မာ အစိုးရက မြောက်ကိုရီးယားနှင့် ပူးပေါင်းမှုကို အဆုံးသတ်မည်ဟု ကတိပြုထားသော်လည်း သူ၏ အင်ပါယာက ပို၍ပို၍ ကြီးမားလာနေသည်။

သို့သော် ဒုတိယဗိုလ်ချုပ်ကြီး သိန်းဌေးက လူဆိုးတစ်ဦး ဟုတ်၊ မဟုတ်ဆိုသည်ကို အမေရိကန် ဘဏ္ဍာရေးဝန်ကြီးဌာန  ပြောစကားနှင့် အတည်ယူလို့တော့ မရပါ။ ပေါက်မြို့အနီး လေးပင်နိုင်ရွာလေးတွင် နေထိုင်ကြသူများကို မေးကြည့်ကြပါ။ တစ်နေ့တွင် စစ်တပ်က ရောက်လာပြီး သူတို့၏လယ်များကိုသိမ်း၊ ရွာလှန်ပြီး စက်ရုံကြီးတစ်ခုကို တည်ပါသည်။ ယင်းမှာ ဒုတိယဗိုလ်ချုပ်ကြီးသိန်းဌေး၏ နှစ်ဒါဇင်ကျော်သော စစ်လက်နက် စက်ရုံအင်ပါယာကြီးထဲမှ တစ်ခုဖြစ်သည်။

ယင်းအကြောင်းအရာအား လုံးကို ယူနတီဂျာနယ်တွင် ဖတ် ရှုနိုင်သည်။ ၎င်းသတင်းထောက် များက ၂၀၁၄ ခုနှစ် ဇန်နဝါရီတွင် ရွာသားများကိုမေးမြန်း၊ စက်ရုံ အဆောက်အအုံများကို ဓာတ်ပုံ ရိုက်ယူခဲ့သည်။ စာဖတ်သူများ ယင်းအကြောင်းအရာများကို ဖတ်ရှုပြီးဖြစ်ချင်ဖြစ်ပါလိမ့်မည်။ သို့ သော် ဒုတိယဗိုလ်ချုပ်ကြီးသိန်း ဌေးက ယင်းသို့ စပ်စပ်စုစု စိစစ် ခြင်းကို နှစ်သက်ပုံမရပါ။ မြန်မာ အစိုးရက သတင်းထောက်လေး ဦးနှင့် ဂျာနယ်တိုက်ပိုင်ရှင်ကို အစိုးရလျှို့ဝှက်ချက်ဆိုင်ရာ ဥပဒေနှင့် အလျင်အမြန်ဖမ်းဆီးလိုက်သည်။ ဂျာနယ်အားလုံးကိုလည်းသိမ်းဆည်းလိုက်သည်။ သတင်းသမားငါးဦးတို့  ထောင်တွင်းမှာ ရှိနေကြဆဲဖြစ်သည်။

အမေရိကန်အစိုးရက မြန် မာနိုင်ငံတွင် ပွင့်လင်းသော လူ့ အဖွဲ့အစည်းတစ်ရပ် ဖြစ်ပေါ် ပြောင်းလဲလာမည်ဟူသည့် မျှော် လင့်ချက်နှင့် မြန်မာနိုင်ငံကို ဆက် ဆံခဲ့သည်။

စစ်တပ်အုပ်ချုပ်ရေး လျှော့ ချရန်အတွက် ပြုပြင်ပြောင်းလဲမှု တစ်စိတ်တစ်ပိုင်းအဖြစ် ဆင်ဆာ ဖြတ်ခြင်းကို လျှော့ပေါ့ရန်နှင့် အ တိုက်အခံများကို လွှတ်ပေးရန်တို့ ပါဝင်သလို မြန်မာဗိုလ်ချုပ်ကြီး များက မြောက်ကိုရီးယားနှင့် ဆက်ဆံရေး ဖြတ်တောက်ရမည် လည်းဖြစ်သည်။ အိုဘားမားအစိုးရက မြောက်ကိုရီးယားနှင့် ဆက် ဆံရေးနှင့် တရားမ၀င်လက်နက် စီမံချက်များကို ဖြတ်တောက်မည် ဆိုပါက ကတိက၀တ်များကို လိုလိုလားလား လက်ခံချင်ကြသည်။ မြောက်ကိုရီးယားနှင့်  ဒုံးကျည် ရောင်းဝယ်ရေးဖြစ်စေ (သို့မ ဟုတ်) အနုမြူနည်းပညာကို မြန် မာက စိတ်ဝင်စားနေသည်ဆို သည့် အဖြေမသိသည့် မေးခွန်း များနှင့် ပတ်သက်၍ဖြစ်စေ၊မည် သို့သော အဏုမြူနှင့် လူများကိုအ စုလိုက်အပြုံလိုက် သေစေသော လက်နက်မပြန့်ပွားရေးဆိုင်ရာ ပြဿနာများကိုမဆို ဒီမိုကရေစီ ဖော်ဆောင်ခြင်းအားဖြင့် ဖြေရှင်း နိုင်မည်ဟု အမေရိကန်အရာရှိ များက ယုံကြည်ခဲ့ကြ၍ဖြစ်သည်။

ပေါက်မြို့အနီးတွင်ဖြစ်ပွား ခဲ့သည့် အဖြစ်အပျက်က အိမ်ဖြူ တော် မှားယွင်းနေကြောင်း ညွှန် ပြနေသည်။  ကာကွယ်ရေးစစ် လက်နက်စက်ရုံက ပြည်သူများ၏ လယ်မြေများကို သူတို့စက်ရုံအ တွက် သိမ်းယူနေသ၍ အစိုးရက စစ်စစ်ပေါက်ပေါက် လေ့လာစိစစ် မှုများကို ရှောင်လွှဲနိုင်ရေးအတွက် သတင်းထောက်များကို ဖမ်းဆီး နေသမျှ ကာလပတ်လုံး မြန်မာနိုင် ငံတွင် ပွင့်လင်းနေသည့် လူ့အဖွဲ့ အစည်းတစ်ခု အမြစ်မတွယ်နိုင် ပါ။

ပေါက်မြို့အနီးတွင် ဖြစ်ပွား သွားသော ဇာတ်လမ်းက  စိတ်ဝင် စားစရာကောင်းလှသည်။  ဖေ ဖော်ဝါရီလက ယူနတီက ပေါက် မြို့အနီးရှိသူများကို မေးမြန်းပြီး သတင်းဆောင်းပါးတစ်ပုဒ် ရေး သားခဲ့သည်။ သူတို့က ယင်းနေ ရာက ထူးခြားနေကြောင်း ပြောဆို သည်။ လုံခြုံရေးတင်းကျပ်စွာချ ထားသည်။ စစ်တပ်အထက်ပိုင်း ပုဂ္ဂိုလ်ကြီးများ လာရောက်ကြည့် ရှုကြသည်။ နိုင်ငံခြားသားများကို ခန့်ထားလုပ်ကိုင်သည်။ သူတို့၏ လယ်ယာမြေများကို သိမ်းဆည်း သွားခြင်းကြောင့် သူတို့မကျေမ နပ်ဖြစ်သည်ကတော့ မှန်ပါသည်။ ယူနတီသတင်းသမားများကို ဖမ်း ဆီးလိုက်ခြင်း၊ ယင်းဆောင်းပါးပါ ဂျာနယ်များကို သိမ်းဆည်းလိုက် ခြင်းတို့နှင့်  စပ်လျဉ်းပြီးဓာတ်ပုံ များနှင့်တကွ  ဖော်ပြထားသော ယင်းသတင်းဆောင်းပါးကို နိုင်ငံတကာက  စိတ်ဝင်စားလာကြသည်။ အစိုးရကလည်း ယင်းနေရာသည် ကာကွယ်ရေးလုပ်ငန်းနှင့်  ပတ်သက်သော နေရာအဖြစ်ပြောဆိုခဲ့ပြီး နောက်ပိုင်းတွင်မူအတိအကျ ဖော်ပြခြင်းမပြုဘဲ သာမန်စက်ရုံတစ်ခုအဖြစ် ဆိုပြန်သည်။

Foreign Policy က ၀ယ်ယူ ခဲ့သည့် ဂြိုဟ်တုပုံတစ်ပုံအရ ယင်းစက်ရုံကို ရှာဖွေပြီး လေ့လာနိုင်ခဲ့သည်။ အရွယ်အစားက အံသြဖွယ်ရာပင်ဖြစ်သည်။ သေချာ တာကတော့ သာမန်စက်ရုံတစ်ခု မဟုတ်ပါ။ (အဏုမြူလက်နက်မပြန့်ပွားရေးစင်တာက ယင်းဓာတ်ပုံကို အခြေပြုပြီး လေ့လာသုံးသပ်ချက်အပြည့်အစုံကို ထုတ်ပြန်ထားပါသည်။)

ဓာတ်ပုံက ရွာသားများပြော ပြသည့် အသေးစိတ်အချက်အ လက်များ မှန်ကန်နေကြောင်း ပြ ဆိုနေသည်။ အဓိက၀င်ပေါက်အ ပါအ၀င်  လုံခြုံရေးဆောင်ရွက် ချက်များက ကြောက်စရာလန့်စ ရာပင်ဖြစ်သည်။ VIP ပုဂ္ဂိုလ်များ ကို လက်ခံရန်အတွက် ရည်ရွယ် သော နေရာများတွင်သာ တွေ့ရ သည့် ရဟတ်ယာဉ်ရပ်ရန်နေရာ ကို တွေ့ရသည်။ မြန်မာအလုပ်  သမားများအတွက် နေထိုင်ရန် နေ အိမ်များအပြင် အခြားကာကွယ် ရေး စစ်လက်နက်စက်ရုံများတွင် တွေ့ရသည့် နိုင်ငံခြားသားများအ တွက် ဆောက်လုပ်ပြင်ဆင်ထား သည့် တန်းလျားပုံစံအဆောက်အ အုံများကိုလည်း ပုံတွင်တွေ့ရ သည်။ လေးပင်နိုင်ရွာကို  ယင်းစက်ရုံအနီးဝန်းကျင်နှင့် မကင်းလွတ်သည့်အတွက် ဖယ်ရှားပစ်ခဲ့ခြင်းဖြစ်သည်။

ဒေသခံများ ပြောကြားချက် အချို့ကိုတော့ အကဲဖြတ်နိုင်ခြင်း မရှိပါ။

သူတို့က ယင်းစက်ရုံမှ ဓာ တုလက်နက်များ ထုတ်လုပ်သည် ဟု ဆိုကြသည်။ ယူနတီကလည်း ယင်းစက်ရုံဝင်းအတွင်း ဒုံးကျည် တွေ့ရှိရသည်ဆိုသည့် ဒေသခံ ၀န်ထမ်းတစ်ဦး ပြောဆိုသည့်အ တိုင်း ပြန်လည်ဖော်ပြခဲ့သည်။ ဂြိုိဟ်တုပုံကို ကြည့်ရုံနှင့် ဓာတု လက်နက်စက်ရုံဖြစ်ကြောင်း တပ် အပ်သေချာပြောရန် အလွန်ခက်ခဲ ပါသည်။ သို့သော် စက်ရုံဝင်းအရွယ်အစားနှင့် နေရာအနေအထား ကို ကြည့်ခြင်းအားဖြင့် တခြားနေ ရာများတွင် မြင်ရသကဲ့သို့ သာမန် စစ်လက်နက်ပစ္စည်းစက်ရုံ ဖြစ် ဟန်မတူပါ။ ယင်းဝင်းအတွင်း တွင် ကြီးမားလှသော ဂိုဒေါင်ကြီး ငါးခုရှိပြီး အကျယ်အ၀န်းမှာ စတု ရန်းမီတာ နှစ်သိန်းကျော် ရှိပါ သည်။

ဓာတုလက်နက် ထုတ်လုပ် သည်ဟူသော စွပ်စွဲချက်က မြန် မာသည် ဓာတုလက်နက်ဆိုင်ရာ ပဋိညာဉ်စာတမ်း သဘောတူညီ ချက်ကို လက်မှတ်ရေးထိုးရန် က တိပြုချက်အပေါ် ဆွေးနွေးပြော ဆိုရန် လုံလောက်နေပါသည်။ မြန်မာက ၁၉၉၃ခုနှစ်တွင် သ ဘောတူညီချက် လက်မှတ်ရေး ထိုးခဲ့သော်လည်း ဆယ်စုနှစ်နှစ်ခု ကျော်လာသည့်တိုင်အောင် အ တည်ပြုလုပ်ဆောင်ရန် နှောင့်နှေး နေဆဲဖြစ်ပါသည်။ မြန်မာက က တိက၀တ်များကို ဆက်လက်ပေး နေပါသည်။ ဓာတုလက်နက်ဆိုင် ရာ သဘောတူညီချက် CWC ၏ နည်းပညာဆိုင်ရာကိုယ်စားလှယ် အဖွဲ့ကို ၂၀၁၃ ခုနှစ် ဖေဖော်ဝါရီ လတွင် လက်ခံဖိတ်ကြားပြီး ပြီးခဲ့ သည့် ဒီဇင်ဘာလတွင် မြန်မာအ စိုးရ ပြောခွင့်ရပုဂ္ဂိုလ်က ယင်းသ ဘောတူညီချက်ကို လက်မှတ်ရေး ထိုးရန် ဆက်လက်ပြင်ဆင်နေပါ ကြောင်း ပြောဆိုခဲ့သည်။

ယခုစွပ်စွဲချက်များ ထွက်ပေါ်လာသည့် ဖေဖော်ဝါရီလတွင် သူကပင် ဆက်လက်၍ အဆိုပါ ကတိက၀တ်ကို ထပ်ပေးပြန်သည်။

CWC ဓာတုလက်နက်ဆိုင် ရာ သဘောတူညီချက်များကို လိုက်နာရန်အတွက် ကြေညာ ချက်များ၊ လိုအပ်သည့် ဥပဒေ ရေးရာ ပြင်ဆင်ချက်များကို ပြု လုပ်ရန် အချိန်ယူရသည်မှာ မှန်ပါ သည်။ သို့သော်မြန်မာက ယင်းသို့ ပြုလုပ်ရန် အချိန်ဆွဲနေပုံရသည်။ သဘောတူညီချက်ကို လက်မှတ် ရေးထိုးလိုက်ပြီဆိုလျှင် အစိုးရအ နေနှင့် CWC ဓာတုလက်နက်ဆိုင် ရာ သတ်မှတ်ချက်များအရ ၎င်း တို့၏ ပစ္စည်းများ၊ လုပ်ဆောင် ချက်များကို ရက် ၃၀ အတွင်း အားလုံးကို ထုတ်ပြန်ကြေညာရ မည်ဖြစ်သည်။ ယင်းထုတ်ပြန် ကြေညာချက်များအားလုံးကို စစ် ဆေးမည်ဖြစ်ပြီး ယင်းတို့ကို ပြန် လည် စိစစ်ရန် တောင်းဆိုချက် များကို လက်ခံရမည်ဖြစ်သည်။

ဒေသခံများက ယင်းနေရာ မှ နိုင်ငံခြားအလုပ်သမားများ သည် တရုတ်နိုင်ငံသားများဖြစ် ကြောင်း ပြောဆိုကြသည်။ ယင်း အချက်ကို ဂြိုဟ်တုဓာတ်ပုံဖြင့် အတည်မပြုနိုင်ပါ။ သို့ရာတွင် ယင်းနေရာသည် မင်းဘူးအနီးရှိ အခြားကာကွယ်ရေးပစ္စည်း စက်ရုံများနှင့် အတော်တူညီနေသည်။ ယင်းစက်ရုံကို မြောက်ကိုရီးယားက ထောက်ပံ့ကူညီထားသည်ဟု အမေရိကန်က ယူဆထားပြီး အမျိုးအစားမသိရသည့် ဒုံးကျည်များကို ထုတ်လုပ်သည်ဟုဆို သည်။ အဆိုပါစက်ရုံဝင်းနှစ်ခုလုံး၏ အသွင်ပြင်လက္ခဏာများက ထပ်တူဖြစ်နေရာတွင် လုံခြုံရေးဂိတ်များနှင့် ရဟတ်ယာဉ်ဆင်းသည့်နေရာသာမက မြန်မာနိုင်ငံသား အလုပ်သမားများအတွက် မဟုတ်သည့် တန်းလျားများ၏ ပုံကလည်း တူညီနေပြန်သည်။

ဤအချက်က မြောက်ကိုရီး ယားနှင့် ကာကွယ်ရေးစက်မှုဌာန တို့အကြား ဆက်ဆံရေးတည်ရှိ နေကြောင်း အတည်ပြုပေးနေသည်။ ဒုတိယဗိုလ်ချုပ်ကြီးသိန်း ဌေးက မြန်မာစစ်တပ်ခေါင်းဆောင်နှင့်အတူ ၂၀၀၈ ခုနှစ်က ပြုံယမ်းကို သွားရောက်ခဲ့သည်။  သူ၏ ကိုရီးယားဘာသာစကားက ဘာသာပြန်ပေးနိုင်သည့် အဆင့်ရှိသည်ဟု ဆိုသည်။ ဒုတိယဗိုလ်ချုပ်ကြီးသိန်းဌေးက နောက်ပိုင်းတွင် မြောက်ကိုရီးယားအရာရှိများနှင့် ဘေဂျင်းတွင် တွေ့ဆုံသည့် မြန်မာကိုယ်စားလှယ်အဖွဲ့ကို ဦးဆောင်ခဲ့သည်။ မြောက်ကိုရီးယားနှင့် ကုန်သွယ်သည့် လျှို့ဝှက်ဘဏ်စာရင်းကိုလည်း စင်ကာပူတွင် သူက ဆက်လက်ဖွင့်လှစ်ထားရှိသည်ဟုဆိုသည်။ ထို့ကြောင့် အမေရိကန်ဘဏ္ဍာရေးဝန်ကြီးဌာနက အဘယ်ကြောင့် သူ့ကို သီးခြားခွဲထုတ်ပြီး ပိတ်ဆို့အရေးယူထားသည်ဆိုသည်ကို နားလည်ရန်မခက်ခဲပါ။

အံ့သြစရာကောင်းသည့် အချက်ကမူ ကာကွယ်ရေးစစ်လက်နက်စက်ရုံဌာနက တိုးချဲ့လာနေခြင်းဖြစ်သည်။ ပေါက်မြို့အနီးက စက်ရုံဝင်းက အတော်ကြီးမားပြီး အသစ်စက်စက်ဖြစ်သည်။ ကပစက စက်ရုံသစ်အများအပြားကို ဆောက်လုပ်နေပြီး လက်ရှိ တည်ရှိနေသော စစ်လက်နက်စက်ရုံများကိုလည်း ပြန်လည်မွမ်းမံခြင်း၊ချဲ့ထွင်ခြင်းများပြုလုပ်နေသည်။ ပေါက်အနီးမှ စက်ရုံသည် ပင်လယ်အောက်ရေခဲတောင်ကြီး၏ ရေပေါ်တွင်ပေါ်ထွက်သည့် ထိပ်ဖျားပိုင်းလေးမျှသာဖြစ်သည်။

ဤအဖြစ်သည် အိုဘားမား အစိုးရက မျှော်လင့်ထားသည့် မြောက်ကိုရီးယားနှင့် တရားမဝင် စီမံချက်များ ရပ်တန့်ပါမည်ဆို သည့် မြန်မာက သဘောတူညီ ထားချက် မဟုတ်ပါ။ ယင်းသို့ လျှော့ချရမည့်အစား ကပစက ပို ၍ပို၍ ကြီးမားလာ၊ ချမ်းသာလာ၊ အင်အားကြီးမားလာနေသည်။ စပ်စုသော သတင်းထောက်များ က လိုက်လံစုံစမ်းသတင်းရယူ ခြင်းများ၊ နေအိမ်ဆုံးရှုံးခဲ့ရသော လယ်သမားများကို မေးမြန်းခြင်း များ လုပ်လာသည့်အခါ ယင်းသို့ စပ်စုမှုများကို ရပ်တန့်ရန်အတွက် ဖိနှိပ်သည့် စနစ်ကြီးတစ်ခုလုံးက အသက်ဝင် လှုပ်ရှားလာတော့ သည်။ ဤလုပ်ရပ်သည် ဒီမိုက ရက်တစ် ပွင့်လင်းသည့် လူ့အဖွဲ့ အစည်းနှင့် ဆန့်ကျင်ဘက်ဖြစ် သည်။

အဏုမြူလက်နက် ပြန့်ပွားမှု ထိန်းချုပ်ရန်အတွက် စိုးရိမ်ပြီး မြန်မာနိုင်ငံတွင် အရပ်သားတစ် ပိုင်း အစိုးရ အသွင်ပြောင်းလဲရေး အတွက် အိုဘားမားအစိုးရက မြန်မာစစ်ဗိုလ်ချုပ်ကြီးများနှင့် ပူးတွဲ လုပ်ဆောင်နေသည်မှာ မှန် ကောင်းမှန်ပေလိမ့်မည်။ သို့သော် ရှင်းရှင်းလင်းလင်း မြင်တွေ့နေရ သည့် အချက်ကတော့ နောက် ထပ်လှမ်းမည့် ခြေလှမ်းရပ်များနှင့် မြန်မာကို နိုင်ငံတကာ အဏုမြူလက်နက်မပြန့်ပွားရေး ဆုံးဖြတ်လုပ်ဆောင်မှုနှင့် အဆင့်များကို လိုက်နာဆောင်ရွက်ရေး လုပ်ဆောင်မှုမရှိလျှင် ယခုလုပ်ဆောင်နေသည့် လုပ်ငန်းများက ဆက်လက်တည်တံ့နိုင်စရာ အကြောင်းမရှိပါ။ ဒီမိုကရေစီကျသည့် လူမှုအသိုင်းအဝိုင်းတစ်ရပ်သည် နာမည်ထုတ်ဖော်ပြောဖို့ လိုပါမည်ဆိုလျှင် ဒုတိယဗိုလ်ချုပ်ကြီး သိန်းဌေးလို လူမျိုးနှင့် ကပစကဲ့သို့သော အဖွဲ့အစည်းကို တာဝန်ခံမှု ရှိစေရမည်ဖြစ်ပေသည်။

(Foreign Policy Magazine ပါ Jeffrey Lewis နှင့် Catherine Dill တို့၏ Myanmar--- ဆောင်းပါးကို ခင်မေဇော် ဘာသာပြန်ဆိုသည်)

 Author: ခင်မေဇော် (ဝါရှင်တန်ဒီစီ)
 7DAY DAILY




အပြည့်အစုံသို့ »

ရန်ကုန် ယာဉ်ကြောပိတ်ဆို့မှု လျော့ကျစေရန် အချက်သုံးချက် အမြန်ဆုံး ပြင်ဆင်သင့်ဟု JICA အကြံပြု


ရန်ကုန်၊ မေ ၁၂

ယာဉ်ကြောပိတ်ဆို့မှုများ ဖြစ်ပေါ်နေသည့် ရန်ကုန်မြို့တော်တွင် အများပြည်သူများ ခရီးသွားလာရေး လွယ်ကူစေရန် BRT စနစ် အကောင်အထည်ဖော်ရေး၊ ယာဉ်ကြောပိတ်ဆို့မှု စီမံခန့်ခွဲရေးနှင့် ဥပဒေ၊ နည်းဥပဒေ ပြန်လည် ပြုပြင်ခြင်း ဟူသည့် အချက်သုံးချက်ကို အမြန်ဆုံး ပြုပြင်သင့်ကြောင်း အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ JICA ၏ ရန်ကုန်မြို့ပြ သယ်ယူပို့ဆောင်ရေး အစီအစဉ်ရေးဆွဲရေး အဖွဲ့ခေါင်းဆောင် Mr.TaKashi Shoyama က အကြံပြုသည်။

မေလ ၁၂ ရက်က ရန်ကုန်မြို့ Asia Plaza တွင် ပြုလုပ်သည့် Yangon Urban Transport Master Plan နှင့် ပတ်သက်သည့် ဟောပြောပွဲတွင် ၎င်းက အထက်ပါအတိုင်း ပြောကြားခြင်း ဖြစ်သည်။

သီးသန့်လမ်းကြောင်းဖြင့် ဘတ်စ်ကားများ ပြေးဆွဲသည့် BRT (BUS Rapid Transit) Network စနစ်ကို ကျင့်သုံးပါက ခရီးသွားလာရ လွယ်ကူသွားမည် ဖြစ်ကြောင်း၊ လမ်းပေါ်တွင် ယာဉ်များ ရပ်နားထားမှုများကြောင့် လမ်းယာဉ်ကြော ပိတ်ဆို့မှုများ ဖြစ်ပေါ်နေခြင်းကြောင့် ကားပါကင် နေရာအသစ်များ ထားရှိပေးရန် လိုကြောင်း၊ အလားတူ ရန်ကုန်မြို့ပြ သယ်ယူပို့ဆောင်ရေး ဥပဒေကို ပြန်လည် ပြင်ဆင်သင့်ကြောင်း JICA က ထုတ်ပြန်သည်။

အဆိုပါအဖွဲ့၏ အကြံပြုချက်မှာ သင့်လျော်ကြောင်း၊ ယာဉ်ကြော ပိတ်ဆို့မှုများမှာ ယာဉ်အစီးရေ များပြားလာခြင်း၊ စည်းကမ်းမဲ့ယာဉ် များပြားလာခြင်းများကြောင့် ဖြစ်၍ တိုင်းဒေသကြီး အစိုးရအဖွဲ့အနေနှင့် ယာဉ်ထိန်းရဲတပ်ဖွဲ့များ၊ မ.ထ.သ အဖွဲများနှင့် ပူးပေါင်း ဖြေရှင်းလျက် ရှိကြောင်း လမ်းပန်းဆက်သွယ်ရေးဝန်ကြီး ဦးအောင်ခင်က ပြောကြားသည်။

“ပြည်သူတွေ သွားလာရ အဆင်ပြေအောင် ရန်ကုန်တိုင်းဒေသကြီး အစိုးရအဖွဲ့က ပုဂ္ဂလိက မော်တော်ယာဉ်များ စနစ်တကျ ပြေးဆွဲရေး ဥပဒေကို ရေးဆွဲပြီး တင်ပြထားပါတယ်။ မကြာခင် တိုင်းလွှတ်တော်မှာ အတည်ပြု ဆုံးဖြတ်ပေးနိုင်မှာ” ဟု ၎င်းကဆိုသည်။

ရန်ကုန်မြို့တွင် ဘတ်စ်ကား စီးနင်း အသုံးပြုသူ ၄၉ ဒသမ ၄ ရာခိုင်နှုန်း၊ ကိုယ်ပိုင်ယာဉ် အသုံးပြုသူ ၈ ဒသမ ၁ ရာခိုင်နှုန်း၊ TAXI အငှားယာဉ် အသုံးပြုသူ ၇ ဒသမ ၇ ရာခိုင်နှုန်း၊ မော်တော်ဆိုင်ကယ် အသုံးပြုသူ ၇ ဒသမ ၂ ရာခိုင်နှုန်း၊ စက်ဘီးစီးနင်းသူ ၂၂ ဒသမ ၅ ရာခိုင်နှုန်း ကုန်တင်ယာဉ် အသုံးပြုသူ ၁ ဒသမ ၃ ရာခိုင်နှုန်း၊ ရထားစီးနင်းသူ ၁ ဒသမ ၁ ရာခိုင်နှုန်း၊ ရေကြောင်းခရီး အသုံးပြုသူ ၂ ဒသမ ၅ ရာခိုင်နှုန်းနှင့် အခြားခရီးသွား ၀ ဒသမ ၂ ရာခိုင်နှုန်း ရှိကြောင်း JICA က ထုတ်ပြန်သည်။

The Voice Weekly

အပြည့်အစုံသို့ »

ဧရာဝတီမြစ်အောက်ပိုင်းဒေသများ မြစ်ရေတစ်ရှိန်ထိုးမြင့်တက်နိုင်



 (ဧရာဝတီမြစ်ကမ်းနံဘေးတွင် တည်ဆောက်ထားသည့် နေအိမ်တစ်လုံးအားတွေ့ရစဉ် (ဓာတ်ပုံ - ညီညီဇော်)
  ဧရာဝတီမြစ်ရေသည် မြစ်ကြီးနားမြို့တွင် မေလ ၁၁ရက် ၌တစ်နေ့တည်း ၁၃ပေခန့်အထိ မြင့် တက်လာပြီး  မြစ်ဖြတ်သန်းရာ အောက်ပိုင်းဒေသများတွင်  မြစ်ရေတစ်ရှိန်ထိုးမြင့်တက်လာနိုင်သော ကြောင့် သက်ဆိုင်ရာဒေသတာ ၀န်ရှိသူများမှတစ်ဆင့် သတိပေးချက်များ ထုတ်ပြန်ထားကြောင်း သတင်းရရှိသည်။

‘‘မြန်မာနိုင်ငံအထက်အစွန်း ပိုင်းပြည်တွင်းရော၊ ပြည်ပမှာရောမိုးကအဆက်မပြတ်ရွာနေတော့ ရွာသမျှမုိုးက ဧရာဝတီမြစ်ထဲ စီးဝင်တာ။ တက်လာတဲ့ မြစ်ရေက အောက်ဘက်ကို တစ်ရှိန်ထိုးစီးလာမှာဖြစ်တဲ့အတွက် ရေယာဉ်တွေနဲ့ မြစ်ဘေးမှာ နေသူတွေကို သတိပေးချက်ထုတ်ထား ပါတယ်’’ဟု မိုး/ဇလဌာန မြစ်ရေခန့်မှန်းရေးဌာနဦးစီးအရာရှိ ဦးဝင်းမော်ကပြောသည်။

 မေလ၁၁ရက် တစ်ရက်တည်းတွင် မြစ်ကြီးနားမြို့၌ ဧရာဝတီ မြစ်ရေ ၁၃ပေအထိ မြင့်တက်ခဲ့ပြီး မြစ်အောက်ပိုင်းမြို့များဖြစ် သည့် ဗန်းမော်၊ ကသာ၊ မန္တလေး၊ စစ်ကိုင်း၊ ပခုက္ကူ၊ ညောင်ဦး၊ ချောက်၊ မင်းဘူး၊ မကွေး၊ အောင် လံ၊ပြည်၊ ဆိတ်ဖြူ၊ ဟင်္သာတနှင့်ဇ လွန်တို့တွင် ၇ ပေမှ ၁၀ပေခန့်အထိ တစ်နေ့ချင်းအလိုက်အဆင့်ဆင့်မြင့်တက်လာနိုင်သည်။ ထို့ ကြောင့် မြစ်ကြောင်းအတွင်း သွားလာနေသော ရေယာဉ်နှင့် သင်္ဘောများ၊ မြစ်ကမ်းဘေးရှိ ရပ်ကွက်/ကျေးရွာများ၊ ကျွန်းများတွင်နေထိုင်သော ဒေသခံများအား သက်ဆိုင်ရာ တာဝန်ရှိသူများမှတစ်ဆင့်သတိပေးထားကြောင်း မိုး/ဇလဌာနမှ သတင်းရရှိသည်။

 ‘‘မြစ်အထက်ကနေ ဆင်း လာတာကြောင့်   မြစ်ကြီးနား အောက်မှာရှိတဲ့ ဗန်းမော်နဲ့ကသာ မြို့မှာ ဒီနေ့တစ်နေ့တည်း ၁၀ပေ နဲ့ ၈ပေအထိတက်လာပြီ။ အ ထက်ပိုင်းက တချို့မြို့တွေမှာ မိုး လေ၀သစခန်းမရှိသေးလို့ ဘယ် လောက်အထိ မိုးရွာနေလဲဆိုတာမတိုင်းတာနိုင်ဘူး။ ဒီရက်ပိုင်း ဧရာဝတီမြစ်ရေကိုတော့ သတိပြုဖို့လိုတယ်’’ဟု  ဦးဝင်းမော်က မေလ၁၂ရက်ကပြောသည်။

ဧရာဝတီမြစ်ဖြတ်သန်းသွား သည့် ဟင်္သာတမြို့တွင်လည်း မြစ် ကမ်းနံဘေးသောင်ခုံများတွင် တဲ ထိုး၍ စိုက်ပျိုးရေးလုပ်ငန်းနှင့်တံ ငါလုပ်ငန်းလုပ်ကိုင်သူများစွာရှိ ပြီး မြစ်ရေကြီးမည့် သတိပေးချက် ကို ရပ်ကွက်အုပ်ချုပ်ရေးမှူးများမှ တစ်ဆင့် သတိပေးထားကြောင်း ဟင်္သာတခရိုင် အထွေထွေအုပ်ချုပ်ရေးမှူး ဦးစန်းဌေးက ပြောသည်။

 ယခုရက်ပိုင်း မြန်မာနိုင်ငံအနှံ့ရွာသွန်းသောမိုးသည် မုတ်သုံမိုးကြောင့်မဟုတ်ဘဲ ဘင်္ဂလားပင် လယ်အော်နှင့် ကပ္ပလီပင်လယ် ပြင်တွင်ဖြစ်ပေါ်နေသော မုန်တိုင်း ငယ်များ၏ အရှိန်ကြောင့်ဖြစ် ကြောင်း  မိုးလေ၀သပညာရှင် ဒေါက်တာထွန်းလွင်က ပြော ကြားသည်။

၂၀၁၁ ခုနှစ် အောက်တိုဘာ လက ဘင်္ဂလားဒေ့ရ်ှနိုင်ငံ စစ်တ ကောင်းသို့ ၀င်မည့် မုန်တိုင်းသည်ပင်လယ်အော်တွင် အင်အားကောင်းကောင်းနှင့် တိုက်ခတ်နေစဉ်ယင်းမုန်တိုင်း၏ အရှိန်ကြောင့် မြန်မာနိုင်ငံအထက်ပိုင်းဒေသများတွင် မိုးသည်းထန်စွာရွာသွန်းခဲ့သည်။ ယင်းမိုးကြောင့် ဧရာဝတီမြစ်နှင့် မုန်းချောင်းအတွင်းသို့ တောင်ကျရေများရုတ်တရက်စီးဝင်ကာ မကွေးတိုင်းဒေသကြီး ပခုက္ကူခရိုင်ရှိ ပခုက္ကူမြို့နှင့် ဆိပ်ဖြူမြို့တို့တွင် မြစ်ကမ်းနံဘေးနေကျေးရွာဒေသခံများ၏ အိမ်များရေစီးနှင့်မျောပါခဲ့ရသည်။ လူသေဆုံး မှုအချို့ရှိခဲ့ပြီး ဒေသခံလူဦးရေသုံးသောင်းနီးပါး  ရေဘေးသင့်ခဲ့သည်။

 Author: အောင်သစ်လွင်

 7DAY DAILY



အပြည့်အစုံသို့ »

ရာသီအကူးအပြောင်းတွင် ဖျားနာသည့် ကလေးငယ်အချို့၌ သွေးလွန်တုပ်ကွေးလက္ခဏာများ စတင်တွေ့ရှိနေဟုဆို


(သင်္ဃန်းကျွန်းမြို့နယ်အတွင်း အထွေထွေရောဂါကုဆေးခန်းတွင် ဆေးခန်းပြသနေသည့် ကလေးငယ်တစ်ဦးအား တွေ့ရစဉ် (ဓာတ်ပုံ - အောင်မျိုးသန့်))


ရာသီအကူးအပြောင်းကာလတွင် အရွယ်မရွေး အပူလျှပ်ခြင်း၊ တုပ်ကွေးဖြစ်ခြင်းများအပြင် ဖျားနာသည့်ကလေးငယ်အချို့၌ သွေးလွန်တုပ်ကွေးရောဂါလက္ခဏာများကို စတင်တွေ့ရှိနေရပြီဖြစ်ကြောင်း အထွေထွေရောဂါကုဆရာဝန်များထံမှ သိရသည်။

လက်ရှိကာလသည် နွေအကုန်မိုးအကူးကာလဖြစ်နေပြီး ရာသီဥတုအပြောင်းအလဲကြောင့်ဖြစ်တတ်သည့် ဖျားနာခြင်း၊ တုပ်ကွေးဖြစ်ခြင်းများအပါအ၀င် မိုးရွာသွန်းပြီး ရေကျန်ခြင်းများကြောင့် ခြင်များပေါက်ဖွားလာပြီး ကလေးငယ်များတွင် သွေးလွန်တုပ်ကွေးရောဂါများ စတင်ဖြစ်ပွားနေခြင်းဖြစ်ကြောင်း သိရသည်။

"နေ့အပူချိန်ရဲ့ ပြင်းတဲ့အရှိန်က ကျန်နေသေးပြီး မိုးကဆက်တိုက်များများ မရွာသေးတဲ့အတွက် ရာသီအကူးအပြောင်းကြောင့် ဖျားနာတာ တုပ်ကွေးဖြစ်တာကတော့ ရှိနေတာပေါ့။ ရွာသမျှမိုးရေက ရပ်ကွက်တွေထဲမှာ သိကြတဲ့အတိုင်း အိုင်ပြီးကျန်ခဲ့တယ်။ ရေစီးရေလာမကောင်းတော့ ခြင်တွေပေါက်လာတယ်။ ဒီကတစ်ဆင့် ကလေးတွေမှာ သွေးလွန်တုပ်ကွေးတွေဖြစ်လာတယ်။ အရင်လတွေကလည်း သွေးလွန်တုပ်ကွေးလူနာတွေ တစ်ဦးစနှစ်ဦးစရှိပေမယ့် အခုမိုးရွာတဲ့တစ်ရက်နှစ်ရက်အတွင်းမှာ သွေးလွန်တုပ်ကွေး သံသယလူနာတွေ တွေ့တွေ့လာရတယ်။ ပြီးခဲ့တဲ့နှစ်ကလည်း ရောဂါဖြစ်နှုန်းက သိသိသာသာမြင့်တက်ခဲ့တဲ့အတွက် သတိပြုဖို့တော့ လိုပါတယ်" ဟု မြန်မာနိုင်ငံဆရာဝန်အသင်းမှ ဒေါက်တာစည်သူက ပြောပြခဲ့သည်။

မြန်မာနိုင်ငံတွင် ၂၀၁၃ ခုနှစ်က တစ်နိုင်ငံလုံးအတိုင်းအတာဖြင့် သွေးလွန်တုပ်ကွေးဖြစ်ပွားသူဦးရေ ၂၀၀၀၀ နီးပါး၊ သေဆုံးသူဦးရေ ၈၀ ကျော်အထိရှိခဲ့ပြီး ကပ်ရောဂါအသွင်ဖြစ်ခဲ့ရာ ရန်ကုန်တိုင်းဒေသကြီး၌ သွေးလွန်တုပ်ကွေးဖြစ်ပွားသူ ၄၅၅၁ ဦး၊ သေဆုံးသူဦးရေ ၃၂ ဦးအထိရှိခဲ့ပြီး ၂၀၁၂ ခုနှစ်နှင့်နှိုင်းယှဉ်ပါက သေဆုံးသူဦးရေ ခြောက်ဆကျော်အထိ မြင့်တက်ခဲ့ကြောင်း၊ သွေးလွန်တုပ်ကွေးဖြစ်ပွားမှုမြင့်မားသည့် ဒေသများမှာ ကချင်၊ ချင်း၊ ရခိုင်ပြည်နယ်၊ တနင်္သာရီတိုင်းဒေသကြီးတို့ ဖြစ်သည်။



Eleven Media Group

အပြည့်အစုံသို့ »

ဂိုဏ်းပေါင်းစုံ သံဃာ့အစည်းအဝေးမှာ အမျိုးသမီးတွေ သတင်းယူခွင့်မရ



 နှစ်ပေါင်း ၁၉နှစ် ကြာပြီးမှ ဂိုဏ်းပေါင်းစုံ သံဃာ့ အစည်းအဝေး ပြန်လည် ကျင်းပနိုင်ခဲ့
 ရန်ကုန်မြို့ ကမ္ဘာအေး ကုန်းမြေ မဟာ ပါသာဏ လိုဏ်ဂူတော်မှာ ကျင်းပနေတဲ့ ပဉ္စမအကြိမ်မြောက် ဂိုဏ်းပေါင်းစုံ သံဃာ့ အစည်းအဝေးမှာ အမျိုးသမီး သတင်းထောက်တွေ သတင်းယူခွင့်ကို ကန့်သတ်ထားပါတယ်။

ဗုဒ္ဓဘာသာ ဂိုဏ်း ၉ ဂိုဏ်းက သံဃာတော် ၂၅၀ဝကျော် တက်ရောက်ခဲ့တဲ့ ဒီအစည်းအဝေးမှာ သံဃာ့ နာယက သက်တမ်း၊ သံဃာ့ အဖွဲ့အစည်းတွေ အတွက် လိုအပ်တဲ့ အခြေခံ စည်းမျဉ်းတွေနဲ့ သံဃာတော်များ ဆိုင်ရာ အခြေခံ ဥပဒေ ပြင်ဆင်ဖို့ ကိစ္စရပ်တွေကို ဆွေးနွေးနေတာ ဖြစ်ပါတယ်။

ဒီထဲမှာ အချိန်အခါ အရ ပေါ်ပေါက်လာတဲ့ သံဃာ အဖွဲ့အစည်းတွေကို နိုင်ငံတော် သံဃာ့ မဟာ နာယက အဖွဲ့က အသိအမှတ် ပြုနိုင်ဖို့ ကိုလည်း ထည့်သွင်း ဆွေးနွေးမှာ ဖြစ်တယ်လို့ အစည်းအဝေး တက်ရောက်လာတဲ့ သံဃာ့ မဟာ နာယက အဖွဲ့က ဆရာတော် ဦးနန္ဒသာရ က မိန့်ပါတယ်။

ဗုဒ္ဓဘာသာဝင် အများစု ရှိတဲ့ မြန်မာနိုင်ငံမှာ သံဃာ အစည်းအဝေး ကျင်းပရာ ခန်းမထဲကို မီဒီယာစုံက သတင်း ဝင်ယူခွင့် ရကြပေမယ့် ဒီထဲမှာ အမျိုးသမီး သတင်းထောက် တွေတော့ ဝင်ခွင့် မရခဲ့ပါဘူး။

သံဃာတော်တွေဘက်ကတော့ ဒါနဲ့ ပတ်သက်ပြီး သူတို့လည်း ကောင်းကောင်း မသိဘူးလို့ ဆိုကြပါတယ်။

မီဒီယာ မှတ်ပုံတင်ရာမှာ လက်ခံခဲ့ပေမယ့် တကယ်တမ်း သတင်းယူတဲ့ အခါမှာတော့ ကန့်သတ်ခံခဲ့ရတယ်လို့ အစည်းအဝေးမှာ သတင်းယူခွင့် မရခဲ့တဲ့ အမျိုးသမီး သတင်းထောက် တွေက ဘီဘီစီကို ပြောပြပါတယ်။

မြန်မာ ဂျာနယ်လစ် ကွန်ယက် အထွေထွေ အတွင်းရေးမှူးလည်းဖြစ် စာနယ်ဇင်း ကောင်စီ အဖွဲ့ဝင် တစ်ဦးလည်း ဖြစ်တဲ့ ဦးမြင့်ကျော် ကတော့ သတင်းရယူရာမှာ အမျိုးသမီး၊ အမျိုးသား ခွဲခြား ကန့်သတ် ထားတာဟာ မသင့်လျော်ဘူးလို့ ဆိုပါတယ်။

၁၉၈၀ ခုနှစ်ကနေ ၁၉၉၅ ခုနှစ်အထိ ၅နှစ် တကြိမ် ကျင်းပခဲ့တဲ့ ဒီသံဃာ့ အစည်းအဝေးဟာ အရင်အစိုးရရဲ့ ကန့်သတ်မှုတွေနဲ့ အစည်းအဝေး ကျင်းပဖို့ ငွေကြေး မတတ်နိုင် တာတွေကြောင့် မကျင်းပ နိုင်ခဲ့ရာကနေ ဒီနှစ်မှာတော့ ရွှေသံလွင် ကုမ္ပဏီက အကုန်အကျ ခံပြီး ဒီအစည်းအဝေးကို ကျင်းပပေးတာ ဖြစ်တယ်လို့ နိုင်ငံတော် သံဃာ့ မဟာ နာယက အဖွဲ့က ဆရာတော် ဦးနန္ဒသာရ က မိန့်ပါတယ်။

ဘီဘီစီ (မြန်မာပိုင်း)




အပြည့်အစုံသို့ »

လှိုင်သာယာမြို့နယ်တွင်အုပ်စုဖွဲ့ရိုက်နှက်မှုကြောင့်တစ်ဦးသေဆုံး



ဖြိုးဝေလင်း၊ ကျော်စိုးမိုး
ဆိုင်ကယ်ကယ်ရီမောင်းနှင်သူများ၏ အုပ်စုဖွဲ့ရိုက်နှက်မှုကြောင့် လူသေဆုံးခဲ့သော ဖြစ်စဉ်တစ်ခု မေလ ၁၀ ရက်၊ ည ၉ နာရီခွဲခန့်က ဖြစ်ပွားခဲ့သည်ဟု ရန်ကုန်တိုင်းရဲတပ်ဖွဲ့ရုံးက သတင်းထုတ်ပြန်ထားသည်။

ဖြစ်ပွားပုံမှာ လှိုင်သာယာမြို့နယ်၊ ၁၉ ရပ်ကွက်အတွင်း နေထိုင်သည့် ဦးဇော်မြင့်တင် (ခ) ကိုပြား (၃၅) နှစ်သည် မိုးသူရ၊ ကျော်ဝင်းလှိုင်၊ ဦးသောင်းတင်တို့နှင့်အတူ အလုပ်ကိစ္စစုံစမ်းရန် ရွှေလင်ပန်း (၁၀၃) ကားဂိတ်သို့ စက်ဘီးဖြင့်သွားပြီးအပြန်တွင် ဘီးပေါက်၍ ရွှေလင်ပန်းဘုန်းကြီးကျောင်းရှေ့ ဆိုင်ကယ် ကယ်ရီဂိတ်တွင် ဆိုင်ကယ်ငှားစဉ် စကားများခဲ့ခြင်းဖြစ်သည်ဟု ရဲမှတ်တမ်းများတွင် ဖော်ပြထားသည်။

ယင်းနောက် ဦးဇော်မြင့်တင်နှင့်အတူ ဦးသောင်းတင်တို့သည် စက်ဘီးတွန်း၍ ပြန်လာစဉ် ရွှေလင်ပန်းတံ တားအဆင်းသို့အရောက် ကယ်ရီသမားဦးလှသိန်း (၅၀)နှစ်၊ စိုးသိန်း(ခ)ကရင် (၂၂)နှစ်၊ ကိုသန်းလွင် (၃၆) နှစ်တို့နှင့်အတူ အမည်မသိသူ သုံးဦး၊ စုစုပေါင်း လူခြောက်ဦး ရောက်ရှိလာပြီး အရှည်နှစ်ပေခန့်ရှိ သစ်သားတုတ်များဖြင့် ၀ိုင်းဝန်းရိုက်နှက်ခဲ့ကြခြင်းဖြစ်သည်ဟု ရဲထံ ထွက်ဆိုထားသည်။

ယင်းသို့ဝိုင်းဝန်းရိုက်နှက်ခဲ့သဖြင့် ဦးဇော်မြင့်တင်တွင် ၀ဲမျက်လုံးအောက်၊ ဦးခေါင်း၊ ၀ဲမျက်ခုံးတို့တွင် ဒဏ် ရာများရရှိခဲ့ခြင်းကြောင့် လှိုင်သာယာဆေးရုံတွင် ပြင်ပလူနာအဖြစ် တက်ရောက်ကုသခဲ့သည်ဟု ဆို သည်။
ဦးသောင်းတင်တွင် ယာနားအုံပေါက်ပြဲဒဏ်ရာရရှိခဲ့သဖြင့် ရန်ကုန်ဆေးရုံကြီး ဦးနှောက်နှင့် အာရုံကြော ဌာနသို့ ပို့ဆောင်ကုသခဲ့သော်လည်း မေ ၁၁ ရက်၊ နံနက် ၅ နာရီခန့်တွင် သေဆုံးသွားခဲ့ခြင်းဖြစ်သည်။

အဆိုပါဖြစ်စဉ်နှင့်စပ်လျဉ်း၍ လူသေဆုံးသည်အထိ ရိုက်နှက်ခဲ့သည့် ဦးလှသိန်းအပါအ၀င် လူခြောက်ဦး အား အရေးယူပေးပါရန် ဦးဇော်မြင့်တင်၏ တရားလိုပြုတိုင်တန်းချက်ကို လှိုင်သာယာမြို့မရဲစခန်းမှ (ပ) ၆၅၉/၁၄၊ ပြစ်မှုပုဒ်မ ၃၀၂/၃၂၃/ ၁၁၄ ဖြင့် အမှုဖွင့်ပြီး ပြစ်မှုကျူးလွန်သူများကို စစ်ဆေးလျက်ရှိသည်။

Mizzima - News in Burmese


အပြည့်အစုံသို့ »

Samsung က မိုဘိုင်း App များ အခမဲ့ရယူနိုင်ရန် ရန်ကုန်မြို့အတွင်း Galaxy Station ခုနစ်ခု တိုးချဲ့ဖွင့်လှစ်သွားမည်



မောင်မန်း| အင်္ဂါနေ့၊ မေလ ၁၃ ရက် ၂၀၁၄ ခုနှစ်

Samsung ဖုန်းအသုံးပြုသူများအတွက် မိုဘိုင်းApplication များ၊ ဂိမ်းများ အခမဲ့ရယူနိုင်ရန်အတွက် Galaxy Stationများ ကို ဖေဖော်ဝါရီလကုန်ပိုင်းတွင် ဖွင့်လှစ်ပေးခဲ့ပြီး ရန်ကုန်မြို့အတွင်း နေရာ ခုနစ်ခုတွင် ထပ်မံ တိုးချဲ့ဖွင့်လှစ်သွားမည်ဟု Samsung မှ အကြီးတန်း ဈေးကွက်ရှာဖွေရေးအရာရှိ ကိုသီဟလုလင်က မဇ္ဈိမကို ပြောသည်။

ကိုသီဟလုလင်က “ရန်ကုန်မြို့တွင်းမှာ Galaxy Station ခုနစ်ခုကို ထပ်ဖွင့်ပေးသွားပါမယ်။ အရင်တော့ သိမ်ဖြူနဲ့ လသာမှာရှိတဲ့ Samsung Brand Shop တွေမှာ ဖွင့်လှစ်ပေးထားတာပါ”ဟု ဆိုသည်။

အဆိုပါ Galaxy Station များတွင် မိုဘိုင်းဖုန်း Application များကို အခမဲ့ရယူနိုင်မည်ဖြစ်သော်လည်း အ သုံးပြုသူများဘက်မှ သိရှိမှုနည်းနေသေးသည်ဟု ၎င်းက ဆိုသည်။

“အသုံးပြုသူတွေဘက်က Application တွေကို Brand Shop တွေမှာ ၀ယ်နေရတယ်ဆိုတာမျိုးတွေ ပြန် ကြားနေရတယ်။ ဒါမဟုတ်ပါဘူး။ Galaxy Station တွေမှာ အခမဲ့ယူလို့ရပါတယ်”ဟု ဆိုသည်။

Galaxy Station များတွင်Applicationနှင့် မိုဘိုင်းဂိမ်း စုစုပေါင်း ၂၅၀ ခန့် ထည့်သွင်းပေးထားပြီးSamsung ဖုန်းများအားလုံးအတွက် အလွယ်တကူ အခမဲ့ ရယူနိုင်မည်ဖြစ်သည်ဟု ကိုသီဟလုလင်က ပြော သည်။ Galaxy Station များတွင်Application များ အခမဲ့ရယူနိုင်သည်ကို အသုံးပြုသူများ သိရှိမှုနည်းနေ ပြီး ပိုမိုထိရောက်စွာ ၀န်ဆောင်မှုပေးနိုင်ရန်အတွက် ယခုကဲ့သို့ Galaxy Station ခုနစ်ခု ထပ်မံတိုးချဲ့ရန် စီစဉ်ဆောင်ရွက်ခြင်းဖြစ်သည်ဟု ၎င်းက ဆိုသည်။
Mizzima Burmese

အပြည့်အစုံသို့ »