ကျူရှင် သို့မဟုတ် ဆေးမြီတို



စည်သူအောင်မြင့်| သောကြာနေ့၊ ဇူလိုင် ၄ ရက်၊ ၂၀၁၄ ခုနှစ်

(ဆောင်းပါး) အခုရက်ပိုင်းအတွင်း ထွက်ပေါ်လာတဲ့ သတင်းတွေထဲမှာ ပညာရေးနဲ့ပတ်သက်ပြီး ၀န်ကြီး ဒေါက်တာခင်စန်းရီရဲ့ သတင်းထောက်တွေကို ပြောတဲ့ မှတ်ချက်စကားအတော်လေးကို ထူးခြားပါတယ်။ ဆရာ၊ဆရာမတွေအနေနဲ့ ကိုယ့်သက်ဆိုင်ရာကျောင်းမှာ စာကို ကောင်းကောင်းသင်၊ နောက်ကိုယ့်ရဲ့ အားလပ်ချိန်မှာလည်း ကိုယ်တတ်ထားတဲ့ အတတ်ပညာနဲ့ အပိုဝင်ငွေ ရှာနိုင်ပါတယ်ဆိုပြီး ပြောဆိုလိုက်တာပါ။ တကယ်တော့ ကျောင်းဆရာ၊ ဆရာမတွေ ကျူရှင်သင်နေတယ်ဆိုတဲ့ ပြဿနာ နှစ်ပေါင်းများစွာ ရှိနေပါပြီ။ဘယ်ပညာရေးဝန်ကြီးကမှ လက်တွေ့ကျတဲ့ ထိရောက်တဲ့ ကိုင်တွယ်ဖြေရှင်းမှု မလုပ်ခဲ့ပါဘူး။ တစ်လျှောက်လုံး သူတို့လုပ်ခဲ့တာကတော့ ကျူရှင်မသင်ရဆိုတဲ့ တစ်ချက်လွှတ်အမိန့်ပဲ ဖြစ်ပါတယ်။ ဒီအတွက် ၀မ်းရေးအတွက် ကျူရှင်သင်နေရတဲ့ တစ်တိုင်းပြည်လုံးက ဆရာ၊ ဆရာမတွေဟာ ဥပဒေ စည်းမျဉ်း စည်းကမ်း ချိုးဖောက်သူတွေ ဖြစ်လာပါတော့တယ်။ နောက်ဆက်တွဲ ပြဿနာကလည်း အများကြီးပါ။ အခု ပညာရေးဝန်ကြီးကတော့ ဒီကိစ္စလက်တွေ့ကျကျကိုင်တွယ် ဖြေရှင်းမယ့်ပုံပေါ်ပါတယ်။ ကျူရှင်ကိစ္စ ဘာတွေဖြစ်နေသလဲ၊ ဘယ်လို ဖြေရှင်းသင့်သလဲဆိုတာ ဆွေးနွေးသွားပါ့မယ်။

ကျူရှင်တွေ အားကောင်းစပြုလာတဲ့ ၁၉၈၀ ၀န်းကျင် နှစ်တွေတုန်းက အခုလို ကျောင်းဆရာ၊ ဆရာမတွေက ကျူရှင်ပြစားတယ်ဆိုတာ သိပ်ခေတ်မစားပါဘူး။ သက်ဆိုင်ရာဘာသာရပ် ကျွမ်းကျင်သူတွေက ကျူရှင်ထောင်ပြီး ကျောင်းသားအားလုံးကို သင်ကြားပြသပေးတာမျိုးပါ။ အထူးသဖြင့် အခြေခံပညာ အထက်တန်းလို့ခေါ်တဲ့ ကိုးတန်း၊ ၁၀ တန်းတွေ အတွက်ပါ။ ကျောင်းသူကျောင်းသားအများစုက ခက်ခဲတယ်လို့ ယူဆကြတဲ့ အင်္ဂလိပ်စာ၊ သင်္ချာ၊ ရူပဗေဒနဲ့ ဓာတုဗေဒလို ဘာသာရပ်တွေကို သင်ကြားပေးကြပါတယ်။

အားလုံးသိကြတဲ့အတိုင်း မြန်မာ့ပညာရေးဟာ အာဏာရှင် ဦးနေ၀င်းခေတ်ကစလို့ နောက်ပိုင်း ဗိုလ်ချုပ်ကြီး စောမောင်၊ ဗိုလ်ချုပ်မှူးကြီး သန်းရွှေ လက်ထက်တိုင်အောင် နှစ်ပေါင်းများစွာ ဆက်တိုက်ကျဆင်းလာခဲ့ပါတယ်။ အထူးသဖြင့် သင်ကြားရေးအပိုင်းမှာ ကျဆင်းလာတာဖြစ်ပြီး အကျိုးဆက်အဖြစ် စာကောင်းကောင်း မတတ်တဲ့ ဘွဲ့ရတွေ များပြားလာသည်အထိ ဆိုးရွားခဲ့ပါတယ်။ ဒီမှာ ပြဿနာနှစ်ခု လာပေါင်းဆုံပါတယ်။ တစ်ခုက အစိုးရစာသင်ကျောင်းတွေမှာ သင်ကြားရေး ညံ့ဖျင်းလာတဲ့အခါ ပြည်သူလူထုဟာ ကိုယ့်ကလေး ပညာတတ်ဖို့ ကျောင်းကို ပို့ရုံနဲ့ မရတော့ဘူး။ကျောင်းချိန်ပြင်ပ အပြင်မှာလည်း ကျူရှင်သင်ခိုင်းမှရမယ်ဆိုတဲ့ အသိဝင်သွားတာပါ။ နောက်တစ်ခုကတော့ လုပ်ခလစာ ၀င်ငွေနည်းပါး၊ အခြားအစိုးရ၀န်ထမ်းတွေလို အဂတိလိုက်စားပြီး ၀င်ငွေရှာဖို့ အခွင့်အလမ်းမရှိသလောက်ဖြစ်နေတဲ့ ဆရာ၊ ဆရာမတွေကလည်း ၀မ်းရေးအတွက် ကျောင်းချိန်ပြင်ပမှာ ကျူရှင်သင်လာကြတာ ဖြစ်ပါတယ်။ ဒီနှစ်ခု ပေါင်းစပ်လိုက်တဲ့အခါ ဘယ်ကလေး၊ ဘယ်အတန်းမဆို ကျူရှင်မသင်ရင် မဖြစ်ဆိုတဲ့ အနေအထားအထိ ရောက်သွားပါတယ်။ အဲဒီလိုနည်းနဲ့ ကျောင်းသူကျောင်းသားတွေဟာ ကျောင်းမှာလည်း စာသင်၊ ပြင်ပမှာလည်း ကျူရှင်သင် အချိန်အများကြီး ပေးရပေမယ့် ပညာတတ်မြောက်မှုကတော့ တိုးတက်မလာပါဘူး။ တိုးတက်မလာရုံမက ကျပြီးရင်း ကျဆိုတဲ့ အနေအထားတောင် ရောက်လာပါတယ်။ ဒီလိုဖြစ်ရတာဟာ ပညာရေးစနစ်ကြီးတစ်ခုလုံး ယိုယွင်းနေတာကြောင့်လို့ မှတ်ချက်ချနိုင်ပါတယ်။

ပညာသင်ကြားရေးအပိုင်းကိုကြည့်ရင် အလွန်ရိုးရှင်းတဲ့ပြဿနာက ကျောင်းမှာ ကျောင်းချိန်အတွင်း ကလေးတွေကို ဆရာ၊ ဆရာမတွေက စာကောင်းကောင်း တတ်မြောက်အောင် သင်ပေးနိုင်ရင် ကျူရှင်ဆိုတာ မလိုအပ်ပါဘူး။ နိုင်ငံတကာ နမူနာကလည်း ဒီအတိုင်းပါပဲ။ လက်ရှိ တိုင်းပြည်မှာ ဖြစ်နေတာ သင်ကြားပေးနေတဲ့ ဆရာ၊ ဆရာမတွေကိုယ်တိုင် အလွန်ဆိုးရွားတဲ့ ပညာရေးစနစ်အောက်မှာ သင်ကြားခံ ကြီးပြင်း ၏လာသူတွေဖြစ်လို့ အရည်အချင်း နည်းနေတာပါ။ နောက်ပြဿနာတစ်ခုက ၀မ်းရေးအတွက် ကျူရှင်သင်ရတော့မယ်ဆိုရင် ကိုယ့်အိမ်မှာ ကျောင်းသူကျောင်းသားတွေ လာပြီး သင်ရအောင် လုပ်ရပါတော့မယ်။ ဘယ်လိုလုပ်နေကြပါသလဲ၊ အတော်များများကတော့ အခန်းထဲမှာ တော်ရိ လျော်ရိသင်၊ ကျူရှင်လာတဲ့ ကလေးတွေကို ပိုဂရုတစိုက် သင်ပေး၊ စာမေးပွဲတွေမှာလည်း ကိုယ့်ဆီမှာ ကျူရှင်လာယူတဲ့ ကလေးတွေ ပိုပြီး အမှတ်ရ၊ ပိုပြီးအောင် ဆိုတာမျိုး သက်သေပြနိုင်ရေး လုပ်ကြရပါတယ်။ ကျောင်းဆရာ၊ ဆရာမတွေမှာ ဒီလို စေတနာ မရှိတာမှန်ပေမယ့် အခြေအနေက အဲဒီဘက်ကို ရောက်အောင် တွန်းပို့ပေးနေတဲ့သဘော ဖြစ်ပါတယ်။ ပညာရေးစနစ်ဆိုးက စေတနာ၊ ၀ါသနာ၊ အနစ်နာ ခံရမယ် ဆိုတဲ့ ဆရာ၊ ဆရာမတွေကို ဖျက်ဆီးပစ်လိုက်တာပါ။

ဒီပြဿနာ ပြေလည်စေရေးအတွက် အဓိကလုပ်ဖို့ လိုတာက သင်ကြားရေး ထိရောက်အောင် ဆရာ၊ ဆရာမတွေ အရည်အချင်းမြှင့်ပေးဖို့ လိုပါတယ်။ နောက်ထပ် ဆက်ပြီးတိုးပွားလာမယ့် နောက်ထပ်ခန့်မယ့် ဆရာ၊ ဆရာမတွေအဖြစ် အရည်အချင်းရှိသူတွေ ရောက်လာဖို့ လိုပါတယ်။ ကျောင်းစာသင်ခန်းထဲမှာ သင်ကြားလိုက်တာနဲ့ တတ်မြောက်တယ် ဆိုတာမျိုးဖြစ်အောင် ဘက်ပေါင်းစုံက ဖန်တီးဖို့ လိုပါတယ်။ အဲဒီအထဲမှာ ဆရာ၊ ဆရာမတွေရဲ့ လုပ်ခလစာဟာ သူ့အဆင့်အတန်း ဂုဏ်အင်္ဂါနဲ့ ကိုက်ညီတဲ့ လုပ်ခလစာမျိုး၊ ထူးချွန်သူတွေ၊ တော်သူတွေ ဆရာ၊ ဆရာမ ဘ၀နဲ့ အသက်မွေးဝမ်းကျောင်း လာအောင် ဆွဲဆောင်နိုင်တာမျိုး လုပ်ဖို့လိုပါတယ်။ ဒါက ရေရှည်ပါ။ ရေတိုအတွက်ကတော့ ဒေါက်တာခင်စန်းရီ ပြောသလို ကျူရှင်သင်တာကို စည်းကမ်းရှိရှိ၊ တရားဝင်ခွင့်ပြုပေးရပါမယ်။ ဘယ်လိုသင်ရမယ်၊ ဘယ်လိုဆိုတာမျိုး မလုပ်ရဘူး၊ တစ်ရက်ကို အချိန် ဘယ်လောက်၊ တစ်ပတ်ကို အချိန်ဘယ်လောက်သင်ရမယ်ဆိုတာမျိုး စနစ်တကျ စည်းကမ်းသတ်မှတ်ပေးဖို့ လိုပါလိမ့်မယ်။

အထူးသဖြင့် လက်ရှိ ဖြစ်ပျက်နေတဲ့ ကျောင်းသူကျောင်းသား ကလေးငယ်တွေကို ပြန်ပေးဆွဲသလိုဖြစ်နေတဲ့ ကျူရှင်သင်ကြားတဲ့ ပုံစံမျိုး ပိတ်ပင်ဖို့လိုပါတယ်။ ဥပမာ အတန်းပိုင်က ကိုယ့်အတန်းထဲက ကလေးကို ကိုယ်ကိုယ်တိုင် ကျူရှင်ပြန်ပေးနေတာမျိုး၊ ဘာသာရပ်ဆရာက ကိုယ်သင်တဲ့ ဘာသာ၊ ကိုယ်သင်တဲ့ အတန်းက ကျောင်းသားတွေကို ကျူရှင်ပြန်ပေးနေတာမျိုး ကန့်သတ်ဖို့ လိုပါတယ်။ လက်ရှိ ဒါတွေကန့်သတ်ထားတာ မရှိလေတော့ ကိုယ့်ဆီ ကျူရှင်လာသင်တဲ့ ကလေးကို မျက်နှာသာ ပေးတာ၊ အမှတ်ပိုပေးတာ၊ လာမသင်တဲ့ ကလေးတွေကို အတန်းထဲမှာ ခွဲခြားဆက်ဆံတာ၊ နည်းမျိုးစုံနဲ့ စိတ်ဒဏ်ရာရအောင် လုပ်တာတွေ ရှိနေပြီး ဆရာဆရာမတွေကို အဂတိလိုက်စားတဲ့ဘက် ရောက်အောင် တွန်းပို့သလိုလည်း ဖြစ်စေပါတယ်။

ဒေါက်တာခင်စန်းရီပြောတာ လက်တွေ့ကျ၊ သဘာဝကျပါတယ်။ ဒါပေမဲ့ဒါဟာ ဆေးမြီးတို ဖြေရှင်းနည်းပဲဆိုတာကိုတော့ အသေအချာသဘောပေါက်ဖို့ လိုပါတယ်။ တကယ့်တကယ် ပြဿနာ ဖြေရှင်းချင်တယ်ဆိုရင်တော့ ဆုံးပါးသွားပြီဖြစ်တဲ့ ဒေါက်တာမြင့်မြင့်ခင် ပြောသလို ပညာရေးစနစ်ကို မြေလှန်ပြီး၊ အမြစ်ကနေလှန်ပြီး တော်လှန်ပြောင်းလဲမှသာ ရနိုင်မှာ ဖြစ်ပါကြောင်း သုံးသပ်တင်ပြလိုက်ရပါတယ်။

Mizzima Burmese

အပြည့်အစုံသို့ »

ပြင်ပေးပါ မညာပါနဲ့ ပညာရေးရယ်



မြန်မာ့ပညာရေးကို ကမ္ဘာ့အဆင့်မီအောင် ပြုပြင်နေတဲ့အချိန်မှာ ပြင်စရာများတဲ့ မြန်မာ့ပညာရေးရဲ့ အားနည်းချက်တွေကို ထောက်ပြချင်ပါတယ်။ ဘယ်လိုပဲပြုပြင်ပြောင်းလဲမှုတွေ လုပ်နေပါတယ်ပြောပြော မပြင်သေးတာတွေ အများကြီးရှိနေပါသေးတယ်။ အဲဒီထဲမှာမှ အဆင့်မြင့်ပညာမှာ ပညာသင်ကြားပေးနေတဲ့ တက္ကသိုလ်ဆရာ၊ ဆရာမတွေရဲ့ ပါရဂူဘွဲ့ ဆက်လက်သင်ယူမှုနဲ့ ပတ်သက်ပြီး တက္ကသိုလ်တစ်ခုက ကထိကတစ်ယောက်ရဲ့ ရင်ဖွင့်သံကို ခံစားပြောပြချင်ပါတယ်။

အဲဒီဆရာမက အရင်က အခြေခံပညာမှာ တာဝန်ထမ်းဆောင်ခဲ့ပြီး ၁၉၉၈ ခုနှစ်မှာ တက္ကသိုလ်က နည်းပြ၊ သရုပ်ပြရာထူးခေါ်တဲ့အခါ တရားဝင်ဝန်ထမ်းအဖြစ် ပြောင်းရွှေ့ဖြေဆိုအောင်မြင်ခဲ့ပါတယ်။ အဲဒီတုန်းက ဝန်ထမ်းဆိုရင် အသက်(၄၀)နှစ်အောက်ခေါ်တာမို့ နည်းပြအဖြစ် တာဝန်ထမ်းဆောင်တဲ့အခါမှာ အသက်က (၃၅)နှစ် ကျော်နေပြီဖြစ်ပါတယ်။ သူက မန္တလေးတက္ကသိုလ်က ကျောင်းပြီးတာမို့ ပါရဂူဘွဲ့ကို မန္တလေးတက္ကသိုလ်မှာ တက်ချင်ပေမယ့် အဲဒီတုန်းက ရန်ကုန်တက္ကသိုလ်မှာပဲ ရတာဆိုတော့ ငွေကြေးအခက်အခဲကြောင့် မတက်ဖြစ်ခဲ့ပါဘူး။ မန္တလေးတက္ကသိုလ်က ဖွင့်တဲ့အခါမှာတော့ သူ့ရဲ့အသက်က (၄၅)နှစ်ပြည့်သွားပြီ ဖြစ်တာကြောင့် ပါရဂူဘွဲ့ တက်ခွင့်မရတော့ပါ။ ‘‘ဆရာဆိုတာ ထာဝရကျောင်းသားကြီးပါ’’ဆိုတဲ့ စကားနဲ့အညီ ပညာဆက်သင်ချင်ပေမယ့် အဆင့်မြင့်ပညာရဲ့ ခေတ်နဲ့မညီတဲ့ သတ်မှတ်ချက်တွေ မပြင်ပေးတာကြောင့် နိုင်ငံသားချင်းအတူတူ လွတ်လပ်စွာ ပညာသင်ခွင့်မရှိတာကို ရင်ဖွင့်လာတဲ့အတွက် ကိုယ်စားဆွေးနွေးတင်ပြရခြင်း ဖြစ်ပါတယ်။

အဆင့်မြင့်ပညာဦးစီးဌာနရဲ့ သတ်မှတ်ချက်အရ အသက်(၄၅)နှစ်ကျော်ရင် ပါရဂူဘွဲ့ ဝင်ခွင့်ဖြေလို့ မရပေမယ့် ဝါရင့်ပါရဂူဘွဲ့ ယူလို့ရပါသေးတယ်။ ဒါကတော့ ဘာသာရပ်ဆိုင်ရာ သုတေသနလုပ်ပြီး ပညာရေးကော်မတီကို ကျမ်းတင်ပြပြီး ဘွဲ့ယူရတာဖြစ်ပါတယ်။ ဒါပေမဲ့ အဲဒီမှာလည်း ကန့်သတ်ချက်တွေက တွဲဖက်ပါမောက္ခဆိုရင် လုပ်သက်ကန့်သတ်ချက်မရှိပေမယ့် ကထိကဆိုရင် လက်ရှိရာထူးမှာ လုပ်သက် ၁၀ နှစ်ရှိရမယ်လို့ သတ်မှတ်ထားပါတယ်။ ဒီတော့ အဲဒီဆရာမက အခုမှ ကထိကလုပ်သက် အနည်းငယ်ပဲ ရှိသေးတာမို့ မျှော်လင့်ချက်မရှိ ဖြစ်နေပါတယ်တဲ့။ ကထိကလုပ်သက် ၁၀ နှစ်ဆိုရင် သူက ပင်စင်ယူတဲ့အချိန် ရောက်နေပါပြီတဲ့။ သူတို့ရဲ့ ရာထူးတိုးကလည်း ကံမကောင်းစွာ ဘက်လိုက်မှုတွေကြောင့် ပုံမှန်ထက် နောက်ကျခဲ့ပါတယ်။ သူတို့ရဲ့ရှေ့အသုတ်က VIP ရဲ့ သားသမီးပါတော့ ရှားပါးမေဂျာဆိုပြီး နည်းပြကနေ လ/ထ ကထိကရာထူးကို လုပ်သက်သုံးနှစ် ပြည့်တဲ့သူတွေကို တိုးပေးခဲ့တာ ရှိခဲ့ပါတယ်။ သူတို့ ၁၉၉၈ ခုနှစ်ဝင်တဲ့ အသုတ်ကတော့ VIP ရဲ့ သားသမီးဆွေမျိုး မပါတာရယ်၊ အရင် စစ်အာဏာရှင်အစိုးရ အလိုကျ ကပ်ဖားတတ်တဲ့ ဝန်ကြီးရဲ့ နိုင်ငံတော်ဘတ်ဂျက် လျှော့ချမယ်ဆိုတဲ့ ရိုက်ချက်တွေကြောင့် နည်းပြကနေ လ/ထ ကထိကကို ပုံမှန်ဆိုရင် ခုနစ်နှစ်မှာ တိုးပေးရမှာ ဖြစ်ပေမယ့် ရှစ်နှစ်ခွဲကျော် ကိုးနှစ်နီးပါးကြာမှ တိုးပေးပါတယ်။ အဲဒီနောက်ကျတော့ ၂၀၀၂ ခုနှစ် အသုတ်မှာတော့ VIP ရဲ့ သားသမီး ပြန်ပါလာတော့ ခုနစ်နှစ်မပြည့်ခင် ရာထူးတိုးတင်ခိုင်းပြီး ရာထူးတိုးအမိန့်ကလည်း သိပ်မကြာခင်မှာ ထွက်လာပါတယ်။ ဒါကြောင့် ပညာရေးမှာလည်း ခရိုနီတွေရှိနေတာကြောင့် ဆရာ၊ ဆရာမတွေထဲမှာ မညီမျှမှုတွေရှိနေတဲ့အတွက် ဒါတွေ မပြင်နိုင်သေးသမျှ ပညာရေးတိုးတက်မှုက ဝေးနေဦးမှာပါ။ စာရေးသူရဲ့ သူငယ်ချင်းအသုတ်ကတော့ လ/ထ ကထိကကနေ ကထိကရာထူးတိုးတော့လည်း လေးနှစ်ပြည့် သတ်မှတ်ပေမယ့် ငါးနှစ်တင်းတင်းပြည့်မှ ရာထူးတင်ခိုင်းပါတယ်တဲ့။ အခြေခံပညာက ပြောင်းရွှေ့တာဝန်ထမ်းဆောင်တဲ့ ဆရာ၊ ဆရာမ အတော်များများမှာ အသက်ကကြီးနေပြီး ရာထူးတိုးနောက်ကျနေပါတယ်။ ဘာပဲပြောပြော အခြေခံက ဆရာမလည်း နိုင်ငံရဲ့အရေးပါတဲ့ တာဝန်ကို ထမ်းဆောင်ခဲ့တာမို့ လေးစားစွာဆက်ဆံပြီး နေရာပေးသင့်တယ်လို့ ထင်ပါတယ်။ ဒီတော့ ဝါရင့်ပါရဂူဘွဲ့ တက်ခွင့်ရအောင် ကထိကလုပ်သက် ၁၀ နှစ် သတ်မှတ်ထားမှုကို ပြင်ဆင်ပေးပြီး စုစုပေါင်းလုပ်သက် ၁၅ နှစ်ကျော်လို့ သတ်မှတ်ပေးစေချင်ပါတယ်။

ကျွန်မရဲ့သူငယ်ချင်းကတော့ စစ်အစိုးရရဲ့ မူဝါဒအရ အရေအတွက် ဦးစားပေးထုတ်နေတဲ့ ပြည်တွင်းက ပါရဂူဘွဲ့ကို အထင်ကြီးလို့ မဟုတ်ပေမယ့် ဒီလောကမှာနေရင် ဒီဘွဲ့ကိုယူမှ ကိုယ်လည်းမညံ့ဘူးဆိုတာကို ပြချင်လို့ပါတဲ့။ သူက ကျောင်းသားတွေကို စာသင်တဲ့အခါ ဒေါက်တာမဟုတ်ပေမယ့် ကိုယ်သင်ရမယ့်ဘာသာရပ်ကို ကျွမ်းကျင်အောင် အမြဲတမ်း ကြိုးပမ်းလေ့လာနေသလို ကိုယ်တိုင်သုတေသနလုပ်နေကာ စာတမ်းတွေလည်း ဖတ်နေပြီး ကျောင်းသားတွေရဲ့ သုတေသနကျမ်းတွေကိုလည်း ကျမ်းကြီးကြပ်သူအဖြစ် စေတနာထား ဆောင်ရွက်နေပါတယ်တဲ့။ သူက လေးစားကြည်ညိုရတဲ့ ပါမောက္ခ(အငြိမ်းစား) ဆရာကြီးတစ်ဦးက မှာသွားတယ်တဲ့။ ပြည်တွင်းပါရဂူဘွဲ့မရပေမယ့် ကိုယ်တော်ကြောင်း သက်သေပြတဲ့အနေနဲ့ စာကိုအဆက်မပြတ် ဖတ်ဖို့လိုသလို အင်္ဂလိပ်ကိုလည်း ‘‘အကြား၊ အဖတ်၊ အပြော၊ အရေး’’ဆိုတဲ့ 4Skills ကို ကျွမ်းကျင်အောင် လေ့လာပါလို့ မှာကြားခဲ့ပါတယ်တဲ့။ ဒါကြောင့် ဆရာကြီးစကားကို နာခံခဲ့တဲ့အတွက် သူတို့ ဌာနမှာဆိုရင် ဒေါက်တာဘွဲ့ရပြီး သူနဲ့ယှဉ်ရင် သူကမညံ့တဲ့အပြင် တချို့နေရာတွေမှာ သူက ပိုသာနေတာကို တခြားသူတွေရဲ့ မှတ်ချက်ချမှုက သက်သေပြနေပါတယ်တဲ့။ တချို့ဆိုရင် ဒေါက်တာသာဆိုတယ် အင်္ဂလိပ်မကျွမ်းကျင်တာတွေ၊ သင်ရမယ့် ဘာသာရပ်ကို မကျွမ်းကျင်တာတွေ၊ သူတစ်ပါးရဲ့ အိမ်ထောင်နဲ့ လူမှုရေးဖောက်ပြန်တာတွေ၊ ကျောင်းက အတန်းကို မှန်မှန်မဝင်ဘဲ ငွေရမယ့် အပြင်ကျူရှင်ကိုတက်ဖို့ ဆရာ့သိက္ခာမရှိ လုပ်ဆောင်တာတွေ တွေ့မြင်နေရတော့ အတန်းထဲမှာ စေတနာထားကာ သင်ကြားပေးနေတဲ့ သူ့ရဲ့ဆရာမဘဝကို လိပ်ပြာသန့်သန့်နဲ့ နေနိုင်လို့ ကျေနပ်တယ်လို့ ဆိုပါတယ်။ ဒါကြောင့် သူ့အတွက်ကတော့ ပါရဂူဘွဲ့ကို မတက်ရလည်း အရေးမကြီးပေမယ့် သူနဲ့ဘဝတူ ဆရာ၊ ဆရာမတွေထဲက တက်ချင်တဲ့သူတွေ ရှိနိုင်တာကြောင့် ကထိကလုပ်သက် စုစုပေါင်း ၁၀ နှစ်ဆိုတာကို ပြင်ပေးစေချင်ပါတယ်။ ဘာကြောင့်လဲဆိုတော့ ကထိကလုပ်သက် ငါးနှစ်ဆိုရင် တွဲဖက်ပါမောက္ခရာထူးတိုး တင်ခွင့်ရပြီး ပါရဂူဘွဲ့ရသူသာ ဖြစ်ရမယ်လို့ သတ်မှတ်ထားချက်ရှိတာကြောင့် ဆရာ၊ ဆရာမ အချင်းချင်း မညီမျှတဲ့ဘဝတွေရှိနေလို့ တင်ပြရခြင်း ဖြစ်ပါတယ်။

သူငယ်ချင်းဆရာမက မကြာခင်က သူတို့ဌာနမှာ အမျိုးသားပညာရေးဥပဒေ (မူကြမ်း)ကို ဖတ်ရပါတယ်တဲ့။ အဲဒီထဲမှာ ‘‘ပညာရေးဆိုင်ရာ တာဝန်နှင့် အခွင့်အရေးများ’’ဆိုတဲ့ ခေါင်းစဉ်အောက်မှာ ‘‘နိုင်ငံသားတိုင်း၏ ပညာရေးဆိုင်ရာတာဝန်နှင့် အခွင့်အရေးများမှာ အောက်ပါအတိုင်းဖြစ်သည်။ (က) အရည်အသွေးပြည့်ဝသော ပညာရေးကို သင်ယူရန် တန်းတူအခွင့်အရေးရှိခြင်း။ (ခ) မိမိသင်ယူလိုသမျှ ပညာရပ်များကို ဘဝတစ်လျှောက်လုံးတွင် သင်ယူနိုင်ခွင့်ရှိခြင်း။’’ဆိုတဲ့အချက်ကို တွေ့ခဲ့ရပါတယ်တဲ့။

ဒီတော့ တက္ကသိုလ်မှာ လက်ရှိ တာဝန်ထမ်းဆောင်နေကြတဲ့ ဆရာ၊ ဆရာမတွေကိုတော့ တကယ်လိုအပ်လို့ တက်ရမယ့် ပါရဂူဘွဲ့ကို အမျိုးမျိုးကန့်သတ်ခံထားရပေမယ့် ပြင်ပကလူတွေ၊ စစ်ဘက်ဆိုင်ရာ အရာရှိတွေ၊ အစိုးရစက်ရုံက VIP ရဲ့ တူ၊ တူမ အရာရှိတွေကတော့ ပါရဂူဘွဲ့လာတက်နေတာကို တွေ့ရတာကြောင့် နောင်တစ်ချိန်မှာ ဒေါက်တာဘွဲ့တွေ ဗန်းပြပြီး နိုင်ငံရဲ့အရေးပါတဲ့ ပညာရှင်နေရာတွေမှာ ခရိုနီတွေ နေရာယူကြဦးမယ့်အရေး ကြိုတွေးကာ ရင်လေးမိပါတယ်။ ဒီမိုကရေစီ ရောင်ခြည်သန်းနေတဲ့ မြန်မာပြည်မှာ ရောင်ခြည်တွေ ပြန်လည်ပျောက်ကွယ်မသွားရအောင် ဆရာ၊ ဆရာမတွေအပေါ်မှာ ကန့်သတ်ထားတဲ့၊ ခေတ်မမီတော့တဲ့၊ ကန့်သတ်ချက်တွေကို ဖြေလျှော့ပြုပြင်ပေးကာ လွတ်လပ်စွာ ပညာဆက်လက် သင်ယူခွင့်ကို နိုင်ငံသားတိုင်း တန်းတူရအောင် ဆောင်ရွက်ပေးစေချင်ပါတယ်။ ပြင်လိုက် ညာလိုက် လုပ်နေတဲ့ ပညာရေးဖြစ်နေသမျှ နိုင်ငံတိုးတက်ဖို့က ဝေးနေဦးမှာပါ။ ဒါကြောင့် လိုအပ်တာတွေ ပြင်ပေးပါ။ အများပြည်သူကိုတော့ မညာပါနဲ့ ပညာရေးရယ်။      ။

7day

အပြည့်အစုံသို့ »

‘‘ကျွန်တော် မတရားမလုပ်ပါဘူး။ ပြည်သူ့ဘဏ္ဍာကို အလွဲသုံးစားမလုပ်ပါဘူး’


တရားစွဲဆိုခံထားရသည့် သာသနာရေးဝန်ကြီး ဦးဆန်းဆင့်အား ပုဗ္ဗသီရိတရားရုံးတွင် ရုံးထုတ်လာစဉ် (ဓာတ်ပုံ- ဇေနွေထွန်း)

နေပြည်တော်- လာဘ်စားမှုဖြင့် တရားစွဲဆိုခံရသည့် သာသနာရေးဝန်ကြီး ဦးဆန်းဆင့်ကို ပုဗ္ဗသီရိတရားရုံးတွင် ယနေ့နံနက် ရုံးထုတ်ရမန်ယူစဉ် ပြည်သူ့ဘဏ္ဍာအလွဲသုံးစားမလုပ်ကြောင်း မီဒီယာများအား ပြောကြားသွားသည်။

‘‘သံဃမဟာနာယကဆရာတော်ကြီးများနဲ့ ဆရာတော်သံဃာတော်အပေါင်းတို့က မှန်ကန်စွာနဲ့ နားလည်သဘောပေါက်ပြီး ရပ်တည်ပေး ပါ။ ဆောင်ရွက်ပေးပါ။ ကျွန်တော့်ကို စောင့်ရှောက်ပါ။ ဆရာတော်သံဃာတော်တွေနဲ့ လူထုပရိသတ်ကြီးက မှန်ကန်တဲ့ဘက်က ရပ်တည် ပေးကြပါ။ ကျွန်တော်သာသနာ့အကျိုးကို ဆောင်ရွက်ပါတယ်။ ဒါကြောင့် သာသနာ့အကျိုးဆောင်ရွက်တဲ့သူသည် သာသနာက စောင့် ရှောက်ပါလိမ့်မယ်’’ဟု ပြောကြားသည်။

‘‘သမ္မာဒေ၀နတ်ကောင်းနတ်မြတ်များကလည်း စောင့်ရှောက်ပေးကြပါ။ ကျွန်တော်မတရားမလုပ်ပါဘူး။ ပြည်သူ့ဘဏ္ဍာကို အလွဲသုံးစား မလုပ်ပါဘူး။ ကျွန်တော်သစ္စာကျိန်ဆိုရဲပါတယ်။ ကျွန်တော် ငါးပြား၊ တစ်စေ့ကအစ ဘဏ္ဍာငွေကို အလွဲသုံးစားလုပ်ခဲ့တာ မရှိပါဘူး။ ကျွန်တော့်ရပ်တည်ချက်က မှန်ကန်သော်လည်း သမ္မတရဲ့ အမိန့်ကို မနာခံဘူးဆိုတဲ့ သဘောနဲ့လုပ်တာဖြစ်ပါတယ်’’ဟု ဆက်လက်ပြော ကြားသည်။

နိုင်ငံတော်ငွေကြေးအလွဲသုံးစားမလုပ်သကဲ့သို့ ရပ်တည်ချက်မှန်ကန်ခြင်းကြောင့် သမ္မတက အမိန့်မနာခံ၍ဆိုကာ တရားစွဲအရေးယူခံရခြင်း ဖြစ်ကြောင်း ဦးဆန်းဆင့်ကဆိုသည်။

ယခုကဲ့သုိ့ စစ်ပြီးသားအမှုကို တရားရုံးထုတ်စစ်ဆေးခြင်းသည် မတရားမှုဖြစ်ကြောင်း ဇူလိုင်လ ၃ ရက်က ပုဗ္ဗသီရိတရားရုံးတွင် ရုံးထုတ်ရမန်ယူစဉ်ပြောကြားခဲ့သည်။

7 Day Daily

အပြည့်အစုံသို့ »

တရုတ်ပြည်ရဲ့ ရေကန်ကြီးအောက်က ရှေးဟောင်း ရေအောက်မြို့ တော်







ခြင်္သေမြို့ တော် (Lion City) ဟာ ၁၉၅၉ ခုနှစ်က ရေလွှမ်းမိုးခံခဲ့ရပြီးနောက် Qiandao ရေကန်အောက်မှာ မပျက်မစီးတည်ရှိနေခဲ့တာ နှစ်ပေါင်း တော်တော်ကြာပါပြီ။

ဖောဖော်ဝါရီလက တရုတ်နိုင်ငံ National Geographic မဂ္ဂဇင်းက ခြင်္သေမြို့ တော်လို့ လည်းခေါ်ဆိုတဲ့ Shicheng မြို့ ရဲ့ ဓာတ်ပုံတွေကို ဖော်ပြပေးခဲ့ပြီးနောက် ကမ္ဘာတစ်လွှား ထင်ရှားခဲ့ပါတယ်။ ဒီမြို့ တော်ဟာ သက်တမ်း ၁၃၃၉ နှစ်ရှိပြီးဖြစ်ပြီး တရုတ်ပြည်အရှေ့ ပိုင်း Zhejiang နယ်အတွင်းမှာ တည်ရှိပါတယ်။ ၁၉၅၉ ခုနှစ်မှာ Xin’an မြစ် ရေအားလျှပ်စစ်စက်ရုံ တည်ဆောက်နိုင်ဖို့ အတွက် ဒီမြို့ တော်ကို တရုတ်ကွန်မြုနစ် အစိုးရ ဟာ ရေအောက်မြှပ်နှံပစ်ခဲ့ပါတယ်။

Shi Cheng ခြင်္သေ့မြို့ တော်ကို အေဒီ ၂၅ ရာစုကနေ အေဒီ ၂၀၀ အထိ အုပ်စိုးခဲ့တဲ့ အရှေ့ ပိုင်းဟန်မင်းဆက် ကာလအတွင်းမှာ တည်ဆောက်ခဲ့တာဖြစ်ပြီး Wu Shi တောင်တန်း (ခြင်္သေ့ငါးကောင်တောင်တန်း) အခြေမှာ တည်ရှိတာကြောင့် ခြင်္သေ့မြို့ တော်လို့ ခေါ်တွင်စေခဲ့ပါတယ်။ ရှေးဟောင်းမြို့ တော် Shi Cheng အပါအ၀င် အနီးနားက တောင်ကြားဒေသ တစ်ခုလုံးကို ၁၉၅၉ ခုနှစ်မှာ တရုတ်အစိုးရဟာ Xin’an မြစ်ရေကာတာ စီမံကိန်းအတွက် ရေကန်ကြီးတစ်ခု ဖန်တီးပေးဖို့ အတွက် ရေလွှမ်းမိုးပစ်ခဲ့ပါတယ်။

အခုအချိန်မှာတော့ ခြင်္သေ့မြို့ တော်ဟာ Qiandao ရေကန်ရဲ့ အောက်ခြေ အနက် ၈၅ ပေကနေ ၁၃၁ ပေ အနက် မှာ လဲလျောင်းနေပြီး မကြာသေးမီကပဲ တရုတ်အစိုးရက ကမ္ဘာလှည့်ခရီးသည် ဆွဲဆောင်ရာတစ်ခု အဖြစ် ဒီ Shi Cheng ရေအောက်မြို့ တော်ကို ဖွင့်လှစ်ပေးခဲ့ပါတယ်။

ရှေးဟောင်းမြို့ တော် Shi Cheng မှာ ဂိတ်တံခါးကြီးငါးခု နဲ့ မျှော်စင် ငါးခုရှိပါတယ်။ မြို့ ရဲ့ အရွယ်အစားဟာ ဘောလုံးကါင်း ၆၂ ကွင်းစာ အရွယ်အစားရှိပြီး မြို့ တစ်ခုလုံးကို ဆက်သွယ်ထားတဲ့ လမ်းမကြီး ခြောက်ခုလည်း ပါရှိတယ်လို့  Property Guru ရဲ့ ကလောင်ရှင် Christopher Chitty က ရေးသားခဲ့ပါတယ်။

လူလုပ် Qiandao ရေကန်ကြီးဟာလည်း ၅၇၃ km2 ကျယ်ဝန်းပြီး ကျွန်းစုပေါင်း ထောင်ချီရှိပါတယ်။ သူ့ ရဲ့ အဆင်သင့်သောက်သုံးနိုင်တဲ့ သန့် ရှင်းတဲ့ရေ၊ နာမည်ကျော် Nongfu Spring တံဆိပ် သတ္တုဓာတ်ပါဝင်တဲ့ ရေသန့် တို့ ကြောင့် လူသိများပါတယ်။

ခြင်္သေ့မြို့ တော်ဟာ ကမ္ဘာမှာ တရုတ်ပြည်ရဲ့အတ္တလန်တစ်မြို့ တော် လို့ လည်း နာမည်ကြီးပါတယ်။ လွန်ခဲ့တဲ့ နှစ်ပေါင်း တစ်ထောင်ကျော်က တည်ဆောက်ခဲ့တဲ့ မြို့ ဖြစ်သည့်တိုင် မြို့ နံရံ၊ လှေကားစောင်းတန်း၊ ရှေးဟောင်းအိမ်တွေ၊ နဲ့ ဗိသုကာမြောက် အခုံးတွေဟာ မူလအခြေအနေမှာ တည်ရှိနေခြင်းက အချိန်ရဲ့ တိုက်စားမှုကို ကြံကြံခံနိုင်တဲ့ မြို့ အဖြစ် နိုင်ငံတကာ ရှေးဟောင်းသုတေသနပညာရှင်တွေကြားမှာ အံ့သြစရာ တစ်ခုအဖြစ် တည်ရှိနေမြဲဖြစ်ပါတယ်။









Qiandao ရေကန်

Ref: wikipedia.com

trend myanmar

အပြည့်အစုံသို့ »

ပဋိပက္ခဖြစ်ပွားကာ လူနှစ်ဦးအသတ်ခံရပြီးနောက် မန္တလေးလူထု စိုးရိမ်ထိတ်လန့်နေ


မန္တလေးမြို့ ခြောက်မြို့နယ်အတွင်း ည ၉နာရီမှ နံနက် ၅ နာရီအထိ ညမထွက်ရအမိန့်
ပုဒ်မ ၁၄၄ ကို သက်ဆိုင်ရာမြို့နယ်အလိုက် အထွေထွေအုပ်ချုပ်ရေးရုံးများမှ ထုတ်ပြန်
လိုက်ကြောင်း သတင်းရရှိသည်။



မန္တလေးခရိုင် ခုနစ်မြို့နယ်တွင် ဇူလိုင် ၃ ရက် ညနေပိုင်းက ယင်းအမိန့်ကို ပုသိမ်ကြီးမြို့နယ်မှအပ ကျန်ခြောက်မြို့နယ်အတွင်း ထုတ်ပြန်ခဲ့ခြင်းဖြစ်ပြီး မဟာအောင်မြေမြို့နယ်၊ ချမ်းမြသာစည်မြို့နယ်၊ ပြည်ကြီးတံခွန်မြို့နယ်၊ ချမ်းအေးသာစံမြို့နယ်နှင့် အောင်မြေသာစံမြို့နယ်၊ အမရပူရမြို့နယ်တို့တွင် အကျုံးဝင်ကြောင်း သိရသည်။

လက်ရှိ ဖြစ်ပွားနေသည့် ပဋိပက္ခဖြစ်စဉ်များအရ ယခုကဲ့သို့ ညမထွက်ရအမိန့် ထုတ်ပြန်ခဲ့ခြင်းနှင့်ပတ်သက်၍ တိုင်းရဲတပ်ဖွဲ့မှ ဒုတိယရဲမှူးကြီးဇော်မင်းဦးက “ပုသိမ်ကြီးမြို့နယ် မပါဝင်ပါဘူး။ ကျန်ခြောက်မြို့နယ်မှာ ၁၄၄ ထုတ်ပြန်လိုက်တာပါ။သက်ဆိုင်ရာ အထွေထွေအုပ်ချုပ်ရေးရုံးတွေကနေ ထုတ်ပြန်လိုက်တာပါ”ဟု  အတည်ပြု ပြောကြားသည်။

ဘာသာရေးအကြောင်းပြ ဆူပူလှုံ့ဆော်မှုနှင့် မတည်မငြိမ်ဖြစ်အောင် လုပ်ဆောင်မှုများကြောင့် ပဋိပက္ခဖြစ်ပွားကာ လူနှစ်ဦးအသတ်ခံရပြီးနောက် မန္တလေးလူထု စိုးရိမ်ထိတ်လန့်နေကြောင်း ဇူလိုင် ၃ ရက်တွင် စုံစမ်းသိရသည်။

မန္တလေးတွင် ဇူလိုင် ၁ ရက် ည ၈ နာရီခွဲမှ စတင်ဖြစ်ပွားခဲ့သည့် လူစုလူဝေးနှင့် ဖျက်ဆီးရန်ပြုမှုများကြောင့် ဇူလိုင် ၃ ရက် နံနက်အထိ ၁၄ ဦး ဒဏ်ရာရရှိကာ၊ အမျိုးသားနှစ်ဦး သတ်ဖြတ်ခံခဲ့ရကြောင်း ခဲဖြင့်ပစ်ပေါက်ရမ်းကားသူ လေးဦးကို အရေးယူထားကြောင်း မန္တလေးတိုင်း ရဲတပ်ဖွဲ့မှူးရုံးတွင် ဇူလိုင် ၃ ရက်က ပြုလုပ်သော သတင်းစာရှင်းလင်းပွဲမှ ထုတ်ပြန်ခဲ့သည်။

“ပထမရက်က လူစုစုဖြစ်တယ်။  အဲဒါကို သံဃာတော်အသိုင်းအ၀ိုင်းနဲ့ အစ္စလာမ်ဘာသာဝင်အသိုင်းအ၀ိုင်းက လူကြီးတွေ ၀ိုင်းဝန်းပြီး ထိန်းလိုက်တော့ လူစုကွဲသွားတယ်။ နောက်တစ်ခါ နံနက်ပိုင်းကျတော့ အဲဒီလူစုက အနောက်ဘက်ကနေ တက်လာပြီး ဆိုင်တွေကို ခဲနဲ့ထု၊ ကားတွေကို ဖျက်ဆီးသွားတယ်။ မနေ့ညကျတော့ ၈၃-၃၄လမ်း ၀န်းကျင်နားက ဗလီကနေပြီး အော်ဟစ်တာမျိုးရှိလို့ အမှတ်(၈)ရဲစခန်းကို လှမ်းပြီး အကြောင်းကြားပေမယ့် နာရီဝက်လောက်ထိ လာရောက်ထိန်းသိမ်းတာမျိုး မရှိဘူး။ နောက်တစ်ကြိမ် ပြန်ဆက်တော့ကျတော့ သူတို့လည်း လူအင်အားမရှိပါဘူး၊ ဒါကြောင့်လူစုပြီးတော့ လွှတ်လိုက်ပါ့မယ်ဆိုပြီး ထပ်ပြောတယ်။

ဒါပေမဲ့ နံနက် ၄ နာရီလောက်ကျတော့ မျိုးသိန်းအီလက်ထရွန်နစ်ဆိုင်ရှေ့ မှာ ဦးစိုးသိန်းဆိုတဲ့ အစ္စလာမ်ဘာသာဝင် တစ်ယောက် ဓားနဲ့ခုတ်ပြီး အသတ်ခံခဲ့ရတယ်။ သူက စက်ဘီးအပိုပစ္စည်းရောင်းတဲ့ ကျွန်တော်တို့ မိတ်ဆွေပါ။  နောက်တစ်ခုကျတော့ ကိုရံတော်ဗလီဝင်းနားမှာ မြန်မာတစ်ယောက် အသတ်ခံရတယ်ကြားတယ်။ ဆိုင်ကယ်တွေနဲ့ ဓားကိုင်ပြီး အော်ဟစ် သွားလာနေတဲ့သူတွေကို နိုင်နင်းအောင် ထိန်းသိမ်းနိုင်ခြင်း မရှိဘူး။ အဲလိုလူတွေဝန်းကျင်မှာ ရဲကားတွေရှိနေတာတော့ တွေ့တယ်။

 ပြဿ နာတွေမဖြစ်အောင်တော့ ထိန်းသိမ်းနိုင်ခြင်းမရှိဘူး။ ခုအခြေအနေကို စိုးရိမ်ထိတ်လန့်မှု ဖြစ်တာပေါ့။ ပြဿနာမဖြစ်ဖြစ်အောင် လုပ်ကြံသတင်းတွေ လွှင့်တယ်။ ဒီလိုမဟုတ်တဲ့ ပြဿနာတွေကို ရှင်းရှင်းလင်းလင်းဖြစ်အောင် မလုပ်ခဲ့တဲ့အတွက် မြို့ခံ၊ နယ်ခံမဟုတ်တဲ့ ဘယ်ကမှန်းမသိတဲ့ လူစုလူဝေးတွေ ဖြစ်လာတယ်။ အဲလူတွေက မျက်မြင်တွေပြောစကားအရတော့ မူးယစ်ဆေးသုံးထားတာမျိုး ရူးကြောင်ကြောင်တွေလို့ သိရတယ်။တကယ်တမ်း ဒါတွေကို စနစ်တကျ တားဆီးမယ်ဆိုရင် တားဆီးနိုင်ပါတယ်။ ဘာကြောင့်များ ဒါတွေကို မထိန်းသိမ်းနိုင်တာလဲ။

အခုဖြစ်နေတဲ့အဖြစ်အပျက်တွေက အကွက်ကျကျ စီစဉ်ထားသလို ခံစားရတယ်။ ဒါတွေကို တာဝန်ရှိတဲ့သူတွေအနေနဲ့ တိတိကျကျ ဖော်ထုတ်အရေးယူသင့်တယ်” ဟု ၈၃ လမ်း အခင်းဖြစ်နေရာအနီး နေထိုင်သူ ဦးညီညီက ဆိုသည်။

ဇူလိုင် ၂ ရက်တွင် မြို့တွင်းလုံခြုံရေးချထားပြီး မွန်းလွဲ ၃ နာရီနောက်ပိုင်း ဗလီနှင့် အစ္စလာမ်ဘာသာဝင်အများစုနေထိုင်သည့်နေရာ အ၀င်အထွက်များတွင် လုံခြုံရေး ပိုမိုတင်းကျပ်ဆောင်ရွက်ခဲ့ကြောင်း သိရသည်။

 ည ၁၁ နာရီခန့်က ၃၅လမ်း၊ ၇၄ နှင့် ၇၅ လမ်းကြားရှိ ကွမ်းယာဆိုင်တွင် ကွမ်းယာဝယ်နေသူ ခုနစ်ဦးခန့်ကို အစ္စလာမ်ဘာသာဝင်အချို့မှ ညာသံပေးပြီး ၀ိုင်းဝန်းရိုက်နှက်သဖြင့် ခုနစ်ဦး ဒဏ်ရာရရှိခဲ့သည်။ ဆက်လက်ပြီး ၂၆ လမ်း၊ ၈၉x၉၀ လမ်းကြားရှိ အမှတ်(၆) ရဲစခန်းကိုလည်း လူ ၅၀ ခန့်မှ ခဲဖြင့် ပစ်ပေါက်ခဲ့မှုဖြစ်ပွားခဲ့ပြီး ယင်းအတွက် လေးဦးကို အမှုဖွင့်စစ်ဆေးလျက်ရှိကြောင်း သိရသည်။ ဆက်လက်ပြီး ည ၁၁ နာရီနောက်ပိုင်းတွင်မှ လူစုလူဝေးများ စတင်ပေါ်ပေါက်လာပြီး  ဗလီမီးချောင်းအား လေသေနတ်ဖြင့် ပစ်ခတ်ခြင်း၊  လူစုလူဝေးဖြင့် ရမ်းကားခြင်းများ jဖစ်ပေါ်ခဲ့သည်။


ထိုကဲ့သို့ ဖြစ်စဉ်များဖြစ်ပွားနေသကဲ့သို့ မဟာအောင်မြေမြို့နယ် ၃၅လမ်းအတိုင်း ကိုထွန်းထွန်း (၃၀နှစ်ခန့်) နှင့် ကိုထွေး (၂၄ နှစ်) တို့ ဆိုင်ကယ်မောင်းနှင်လာရာ ၈၃ လမ်း၊ ၃၄ လမ်းနှင့် ၃၅ ကြားအရောက်တွင် အစ္စလမ်ဘာသာဝင် အမျိုးသားအချို့မှ ဆိုင်ကယ်ကိုတားကာ ပါလာသည့် ပစ္စည်းများထုတ်ပေးရန်ပြောသဖြင့် ထုတ်ပေးခဲ့ပြီး ဆိုင်ကယ်မောင်းနှင်ရန်ပြုလုပ်စဉ် ဓားဖြင့်ခုတ်ခဲ့ကြောင်း၊ ထို့ကြောင့် ဆိုင်ကယ်မောင်းလာသူ ကိုထွန်းထွန်းမှာ အခင်းဖြစ်ပွားရာတွင် သေဆုံးခဲ့ပြီး နောက်မှ ထိုင်လိုက်လာသူ ကိုထွေးမှာ ဒဏ်ရာများဖြင့်ရှိနေစဉ် ကားတစ်စီးမှ အကူညီပေးကာ ဆေးရုံသို့ပို့ပေးခဲ့ကြောင်း၊ ယင်းဖြစ်စဉ်အတွက် (ပ)၅၁၂/၂၀၁၄ ပြစ်မှုပုဒ်မ ၃၉၂/၃၀၂/၁၁၄ဖြင့် ချမ်းအေးသာစံမြို့မရဲစခန်းတွင် အမှုဖွင့်ထားကြောင်း သိရသည်။



ဇူလိုင် ၂ ရက် ည ၁၀ နာရီကျော်က ၂၆ လမ်းနှင့် ၈၆ လမ်းထောင့်တွင် ဆိုင်ကယ်ဖြင့် ရောက်ရှိလာသော လူတစ်စု နိုင်ငံတော်သီချင်းသီဆိုပြီးနောက် ဆဲရေးတိုင်းထွာမှုများ ပြုလုပ်နေစဉ်

“ဒီလိုမျိုးကိစ္စတွေက မဖြစ်သင့်ဘူးပေါ့။ အခု မြို့လူထုအနေနဲ့ ကျီးလန့်စာစားဖြစ်နေတယ်။ သာမန်ဖြစ်စဉ်ထက် ဘာသာရေးတွေပါနေပြီး ဖြစ်စဉ်တွေက နေ့ပိုင်းမှာအေးပြီး ညပိုင်းမှာချည်းဖြစ်နေတော့ မကောင်းဘူး။
ရိုးသားမှုမရှိဘဲ သွေးထိုးလှုံ့ဆော်မှုတွေကြောင့် ဖြစ်ပွားနေတယ်လို့ သံသယဖြစ်မိပါတယ်။ မြို့ခံလူထုအနေနဲ့ ဒီလောက်ထိ မရိုင်းပါဘူး။ အခုက အသက်ဆုံးရှုံးမှုတွေပါ ဖြစ်ပွားနေပြီဖြစ်တာကြောင့် သက်ဆိုင်ရာအနေနဲ့ အချိန်မီ တားဆီးပေးစေချင်ပါတယ်” ဟု ဦးလှအောင် ချမ်းမြသုခလူမှုကူညီရေးအသင်း (အတွင်းရေးမှူး)က ဆိုသည်။

ထို့နောက် ဇူလိုင် ၃ ရက် နံနက် ၄ နာရီတွင် ၈၃x၃၁ လမ်းထောင့်နေ ဦးစိုးမင်းထွေး (၄၈ နှစ်) အစ္စလာမ်၊ စက်ဘီးရောင်းချသူသည် ဗလီတက်ရန် နေအိမ်မှ ထွက်ခွာလာရာ ၂၉x၈၃ လမ်းထောင့်အရောက် အမည်မသိ ဗမာတစ်စုနှင့်တွေ့ဆုံပြီး ၀ိုင်းဝန်းရိုက်နှက်ခံခဲ့ရရာ အခင်းဖြစ်နေရာတွင် သေဆုံးခဲ့ကြောင်း၊ ချမ်းအေးသာစံမြို့မရဲစခန်းတွင် (ပ)၅၁၄/ ၂၀၁၄ ပြစ်မှုပုဒ်မ ၃၀၂/၁၁၄ဖြင့် အမှုဖွင့်ဆောင်ရွက်နေကြောင်း သက်ဆိုင်ရာမြို့နယ်မှူးများက ရှင်းပြခဲ့သည်။ ဇွန် ၃ ရက် နံနက် ၄ နာရီ ၄၅ မိနစ်ခန့်တွင်လည်း ၉၃ လမ်း၊ ၃၄ နှင့် ၃၅ လမ်းကြားနေထိုင်သူ ဦးမြင့်လွင် (ခရစ်ယာန်ဘာသာဝင်) အစ္စလာမ်ဘာသာဝင်ပုံပေါက်နေသူတစ်ဦးကိုလည်း မြန်မာလူငယ်သုံးဦးက ရိုက်နှက်ခဲ့မှုဖြစ်ပွားခဲ့ပြီး အရေးပေါ်ဌာနတွင် စိုးရိမ်ရပြီး ကုသနေကြောင်း သိရသည်။

မန္တလေးမြို့လုံခြုံရေးအခြေအနေနှင့်ပတ်သက်ပြီး ဆောင်ရွက်နေမှုအခြေနေများကို နယ်စပ်ရေးရာနှင့်လုံခြုံရေးဝန်ကြီး ဗိုလ်မှူးကြီး အောင်ကျော်မိုးက “ အခုဖြစ်ပွားမှုတွေကို ကြည့်ရင် ည၁၁ နာရီနောက်ပိုင်းမှာပဲ ဖြစ်ပွားတာ တွေ့ရပါတယ်။

အခု လူသတ်မှုဖြစ်သွားတဲ့ အနေထားဟာဆိုရင်လည်း ရဲတပ်ဖွဲ့လုံခြုံရေးလှည့်လည်နေတဲ့ အချိန်ကျော်သွားတဲ့အချိန်အခါမျိုးနဲ့ လူစုလူဝေးအချင်းချင်း သတ်ဖြတ်တာမျိုးမဟုတ်ပါဘဲ တစ်ယောက် စ၊ နှစ်ယောက် စ အုပ်စုနဲ့ထိပ်တိုက်တိုးမိလို့ ဖြစ်ခဲ့တာပါ။ တုတ်၊ကိုင်ရမ်းကား ခဲနဲ့ ပေါက်နေတာမျိုးတွေကိုတော့ မလိုလားအပ်တဲ့ ဆိုးရွားတဲ့ဖြစ်စဉ်ထိမရောက်အောင်တော့ စောင့်ကြည့်တာပါ။ အရေးမယူတာ မဟုတ်ပါဘူး”ဟု ပြောကြားသည်။

ပြဿနာစတင်ဖြစ်ပွားရသည့် အကြောင်းရင်းဖြစ်သော လက်ဖက်ရည်ဆိုင်ပိုင်ရှင်မှ မုဒိမ်းကျင့်ခံရသည့် အလုပ်သမား မစိုးစိုး အမှုကိစ္စနှင့် ပတ်သက်၍လည်း လက်ရှိ ပျဉ်းမနားရဲစခန်းတွင် မစိုးစိုးကို ထိန်းသိမ်းစောင့်ရှောက်ထားကြောင်း၊ တိုင်ကြားထားသည့်အမှု နှင့် ပတ်သက်၍လည်း စုံစမ်းစစ်ဆေး ဆောင်ရွက်နေကြောင်း မန္တလေးတိုင်းရဲတပ်ဖွဲ့မှူး ရဲမှူးကြီး ဇော်ဝင်းအောင်က ဆိုသည်။

ယင်းကဲ့သို့ ဆူပူမှုများအတွင်း လူသတ်မှုနှင့်ပတ်သက်၍ ကျူးလွန်ခဲ့သူများကို ယခုအချိန်အထိ ဖမ်းဆီးရမိခြင်းမရှိသေးဘဲ စုံစမ်းစစ်ဆေးနေသည့်အဆင့်သာရှိနေကြောင်း နှင့် တည်ငြိမ်အေးချမ်းမှုကို အနှောင့်အယှက်ပြုခဲ့သည့် အမျိုးသားလေးဦးကိုသာ ဖမ်းဆီးစစ်ဆေးနေကြောင်း သိရသည်။

“အခု မန္တလေးတိုင်းဒေသကြီးအတွင်းမှာ ဖြစ်ပွားနေသည့် အခြေအနေတွေကို ထိန်းသိမ်းနိုင်ဖို့နဲ့ ကူးစက်မှုမရှိအောင် စီမံချက်တွေချ တ်ပြီး ဆောင်ရွက်နေတယ်။ လုံခြုံရေးတွေကိုလည်း ထပ်မံတိုးမြှင့်ထားတယ်။ သေဆုံးခဲ့သူတွေကတော့ အစ္စလာမ်ဘာသာဝင်တစ်ဦးနဲ့ ဗုဒ္ဓဘာသာဝင်တစ်ဦးတို့ ဖြစ်တယ်။

 ဒီလူသတ်မှုတွေနဲ့ပတ်သက်ပြီးတော့ ကျူးလွန်သွားတဲ့သူတွေကို အမြန်ဆုံးဖမ်းမိအောင် ဆောင်ရွက်နေတယ်။ အဆောက်အအုံတွေကို ဖျက်ဆီးတဲ့သူတွေနဲ့၊ တားမြစ်တာကို လက်မခံတဲ့သူလေးဦးကို ဖမ်းဆီးစစ်ဆေးနေပါတယ်” ဟု မန္တလေးတိုင်းဒေသကြီး ရဲတပ်ဖွဲ့မှ တာဝန်ရှိသူဒုတိယရဲမှူးကြီး ဇော်မင်းဦးက ပြောကြားသည်။

ဆက်လက်၍ ၎င်းင်းက “ဒီဖြစ်စဉ်မှာ နောက်ကွယ်ကနေ လှုံ့ဆော်ခဲ့တဲ့သူတွေ ရှိ မရှိကိုလည်း စုံစမ်းစစ်ဆေးနေပါပြီ။ ရာဇ၀တ်မှု ကျူးလွန်တဲ့သူတွေကိုလည်း စုံစမ်းနေပါတယ်” ဟု ပြောကြားသည်။

“မြို့ထဲက အစ္စလာမ္မစ်ဆိုင်တွေ ပိတ်ထားကြတယ်။ အလုပ်တွေလည်း စောစောပိတ်ပြီး အလုပ်သမားတွေ ပြန်လွှတ်လိုက်တယ်။  မနေ့ညကလည်း နှစ်ယောက်အသတ်ခံရတော့။ လက်ရှိအချိန်မှာတော့ နှစ်ဖက်စလုံး သာမန် မီးလန့်တာလေးကအစ အထိတ်တလန့် ဖြစ်နေကြရတယ်။ ကောလာဟလတွေလည်း အမျိုးမျိုးထွက်နေတယ်။ ရဲတပ်ဖွဲ့ဝင်တွေ လုံခြုံရေးဆောင်ရွက်နေပေမယ့် လုံခြုံမှုမရှိသလို ခံစားနေရတယ်” ဟု မန္တလေးမြို့ ချမ်းအေးသာစံမြို့နယ်နေ ကိုအောင်ဇင်က ပြောကြားသည်။

“ကျွန်တော်တို့ဘဏ်မှာတော့ အမျိုးသမီးတွေကို စောစောပြန်လွှတ်လိုက်ပြီး ရှိတဲ့ယောက်ျားလေးတွေအကုန်လုံး Stand by နေနေရတယ်။   ငွေကြေးနဲ့ ၀န်ထမ်းလုံခြုံရေးအတွက် ညွှန်ကြားထားပါတယ်။ ညပိုင်းလုံခြုံရေးအတွက်တော့ ပုံမှန်ပဲထားရှိထားပြီး လိုအပ်ရင် အကုန်ဆင်းဖို့ မှာထားပါတယ်။ ၀န်ထမ်းတွေအနေနဲ့ကတော့ မီးသတ်ဆေးဘူးအပါအ၀င် လုံခြုံရေးကိရိယာတွေနဲ့ အဆင်သင့်ရှိနေပါတယ်။ ၈၂ လမ်း ၂၆ လမ်းထောင့် ကနေ ၈၂ လမ်း လမ်း ၃၀ ထောင့်ထိ လုံခြုံရေးချထားတယ်။ ဘဏ်အနီးမှာ ဗလီတစ်ခုလည်းရှိတော့ ရဲတပ်ဖွဲ့ဝင်တွေလည်း ချထားတာတွေ့ရတယ်” အစိုးရဘဏ်ဝန်ထမ်းတစ်ဦးက ဆိုသည်။

“ဈေးမှ အရောင်းပါးပါတယ်ဆိုနေမှ ဟိုက ဆူဆူပူပူ၊ ဒီက ဆူဆူပူပူ ဖြစ်နေတော့ တခြားဆိုင်တွေကပိတ်တော့ ကိုယ်တွေကပါ လိုက်ပိတ်နေရတယ်။  ဘာပဲဖြစ်ဖြစ်ပေါ့လေ ဘာပြဿနာမှမဖြစ်တာ အကောင်းဆုံးပါပဲ။ တစ်ခုခုဆိုရင် အားလုံးပဲ နစ်နာရတာဆိုတော့ ဘာမှမဖြစ်ပါစေနဲ့လို့ပဲ ဆုတောင်းနေရတယ်” ဟု ဈေးချိုတော်မှ ကုန်မျိုးစုံပိုင်ရှင်တစ်ဦး ဆိုသည်။

“ကျွန်တော်တို့အနေနဲ့တော့ ဒီကိစ္စက နိုင်ငံရေးနဲ့ပတ်သက်နေမယ်လို့ ထင်မြင်မိတယ်။ ဥပမာ ရခိုင်မှာ စဖြစ်လာတယ်။ အဲဒီကနေ လူမျိုးရေးပဋိပက္ခတွေကတစ်ဆင့် နိုင်ငံရေးကို သွားသက်ရောက်တာတွေ ရှိလာတယ်။ ဒီတစ်ခေါက်ကိစ္စက နိုင်ငံရေး အခင်းအကျင်းတွေဖြစ်လာခါနီးမှာ ဖြစ်တတ်တဲ့အမျိုးသားရေး လှုံ့ဆော်မှုမျိုးလိုဖြစ်နေတယ်။

ဘာပဲပြောပြော ရှေ့ဥပမာတွေအရ ဒါကိုဆက်ပြီး မကြီးထွားအောင်တော့ ထိန်းသိမ်းသင့်တယ်။  ဒါကြောင့် ကျွန်တော်တို့အနေနဲ့ နိုင်ငံရေးကို ဦးတည်တဲ့ကိစ္စကိုတော့ ပါဝင်ပြီးမှတ်ချက်ပေးသွားမှာ မဟုတ်ပါဘူး။

ကျွန်တော်တို့ အဖွဲ့အစည်းက ဘာသာပေါင်းစုံငြိမ်းချမ်းရေးကိုသာ ဦးတည်ပါတယ်။ ဘာသာတိုင်း ငြိမ်းချမ်းဖို့ ရည်ရွယ်ပါတယ်။ ငြိမ်းချမ်းစွာ လုပ်ဆောင်တာတွေကို အားပေးပါတယ်။ကျွန်တော်တို့ ကိုယ်တိုင်လည်း ရှေ့ဆက်ပြီး ဘာသာတိုင်း ငြိမ်းချမ်းရေးကိုရှေးရှုပြီး လုပ်ဆောင်သွားမယ်။ ဒါ ကျွန်တော်တို့အနေနဲ့ ဘာသာပေါင်းစုံ ငြိမ်းချမ်းရေးအဖွဲ့ထဲမှာပါတဲ့ ဘာသာပေါင်းစုံကိုယ်စားပြောတာပါ”ဟု ဘာသာပေါင်းစုံ ငြိမ်းချမ်းရေးအဖွဲ့ဥက္ကဋ္ဌ ဦးမြင့်ဆွေက ဆိုသည်။  

ရဲတပ်ဖွဲ့အနေဖြင့် သတင်းဦးရရှိရေး၊ ပြဿနာတစ်စုံတစ်ရာ ဖြစ်ပေါ်လာပါက အမြန်ဆုံးသွားရောက်ပြီး ဖြေရှင်းခြင်း၊ ဥပဒေအရ ဆောင်ရွက်ခြင်းနှင့် ဖြစ်ပေါ်လာသည့် အခြေအနေပေါ်မူတည်ပြီးတော့  အမြန်ဆုံးထိန်းသိမ်းနိုင်ရန် လုံခြုံရေးရဲတပ်ဖွဲ့အင်အား ကိုလည်း တိုးမြှင့်ထားသည့်အပြင် အရန်အသင့်လည်း အဆင်သင့်ထားရှိထားကြောင်း စုံစမ်းသိရသည်။

“နယ်မြေတွေအလိုက် လုံခြုံရေးဆောင်ရွက်ချက်တွေကို တိုးမြှင့်ထားတယ်။ ရဲတပ်ဖွဲ့အင်အားတွေကိုလည်း တိုးမြှင့်ထားပါတယ်။ ၀ိုင်းဝန်းထိန်းသိမ်းဖို့ကိုလည်း အဆင့်ဆင့်ဆွေးနွေးမှုတွေ ပြုလုပ်နေပါတယ်” ဟု နေပြည်တော်ရဲတပ်ဖွဲ့မှူးရုံးမှ တပ်ဖွဲ့မှူးဖြစ်သူ ရဲမှူးကြီး ကိုကိုအောင်က ဇူလိုင် ၃ ရက် နံနက်ပိုင်းတွင် ပြောကြားသည်။

ရန်ကုန်တိုင်းဒေသကြီး အမှတ် (၃) လုံခြုံရေးရဲကွပ်ကဲမှုအဖွဲ့ခွဲ ကွပ်ကဲမှုအဖွဲ့ခွဲမှူး ရဲမှူးကြီး သက်လွင်က “ကျွန်တော်တို့ ရဲတပ်ဖွဲ့အနေနဲ့တော့ ဘာဖြစ်လာရင် ဘာလုပ်ရမယ်။  အရန်အသင့် တပ်ဖွဲ့ဝင်တွေကိုလည်း အသင့်ဖြစ်အောင် ဆောင်ရွက်ထားတယ်။ ဒီကိစ္စတွေကိုတော့ တိုင်းရဲတပ်ဖွဲ့က အရင်ဆုံးကိုင်တွယ်ရမယ်။ ပြီးမှ ကျွန်တော်တို့က ဆောင်ရွက်ပေးရမှာဖြစ်တယ်။ သစ်ထူးလွင် လူမှုကွန်ရက်စာမျက်နှာကသတင်းကို တင်ပြီး ဖွလိုက်လို့ မန္တလေးမှာ ပဋိပက္ခဖြစ်ပွားခဲ့တယ်လို့ ယူဆရတယ်။ အဓိကကတော့ ဒီသတင်းကို ဘယ်သူကပို့တာလဲဆိုတာ အရေးကြီးပါတယ်”ဟု ဇူလိုင် ၃ ရက်က ပြောကြားသည်။

ပဋိပက္ခဖြစ်ပွားခဲ့မှုကြောင့် ပုဒ်မ ၁၄၄ ထုတ် ပြန်ထားသည့် သံတွဲခရိုင်၌ လက်ရှိအခြေအနေမှာ အေးချမ်းလျက်ရှိနေပြီး ရှိနေသည့် ရဲတပ်ဖွဲ့အင်အားဖြင့် လုံခြုံရေးကို တင်းကြပ်စွာဆောင်ရွက်နေကြောင်း သံတွဲခရိုင်ရဲ တပ်ဖွဲ့မှူး ဒုတိယရဲမှူးကြီး ကံဝင်းက ဆိုသည်။

“ဒီနေ့ည ၁၁ နာရီကျော်အချိန် မန္တလေးမြို့မှာ ပုဒ်မ ၁၄၄ ထုတ်ပြန်ထားတာကို မသိကြဘဲ မြို့တွင်းကို ဝင်လာကြတဲ့ သမန်းကုန်းဘက်ကသူတွေကို စိစစ်ပြီး ပြန်ခိုင်းလိုက်တယ်လို့ ကြားပါတယ်။ အခု အခြေအနေကတော့ ည ၁၂ နာရီကျော်နေပါပြီ။ ဘာမှ ထူးခြားဖြစ်ပျက်မှုမရှိဘူးလို့ သိထားပါတယ်”ဟု မန္တလေးတိုင်းဒေသကြီးရဲတပ်ဖွဲ့နှင့် နီးစပ်သူတစ်ဦးက ပြောကြားသည်။

မန္တလေးမြို့တွင် ဖြစ်ပေါ်ခဲ့သည့် လူစုလူဝေးများနှင့် အကြမ်းဖက်မှုဖြစ်စဉ်များကြောင့် ပုဒ်မ ၁၄၄ ထုတ်ပြန်ပြီးနောက်ပိုင်း၌ မန္တလေးမြို့တွင် အင်တာနက်လိုင်းများ လုံးဝပျက်တောက်သွားခဲ့ကာ လတ်တလောဖြစ်စဉ်များနှင့်ပတ်သက်၍ တိုင်းဒေသကြီးရဲတပ်ဖွဲ့မှူးရုံးမှ ထုတ်ပြန်ထားသည့် ဆက်သွယ်ရမည့် ဖုန်နံပါတ်များအား အကြိမ်ကြိမ်ဆက်သွယ်ခဲ့သော်လည်း မအားသေးပါဟုသာ ပြန်လည်ဖြေကြားခဲ့သည်။

ဇူလိုင် ၃ ရက်ည ၉ နာရီမှ စတင် အသက်ဝင်ခဲ့သော ပုဒ်မ ၁၄၄ ထုတ်ပြန်အပြီးနောက်တွင် မန္တလေးမြို့တွင် ခြောက်မြို့နယ်၌ ဆူပူအကြမ်းဖက်မှုနှင်ပတ်သက်သော သတင်းအချက်အလက် တစ်စုံတစ်ရာမျှ ရရှိခဲ့ခြင်းမရှိသော်လည်း ည ၁ဝ နာရီနှင့် ၁၂ အကြားတွင် ပစ်ခတ်သံဟု သံသယဖြစ်ဖွယ်ရှိသော ပေါက်ကွဲမှု နှစ်ကြိမ်ထက်မနည်း ကြားခဲ့ရကြောင်း ချမ်းအေးသာစံမြို့နယ်အတွင်း နေထိုင်သူတစ်ဦးက  The Daily Eleven သတင်းစာသို့ ဆက်သွယ်ပြောကြားခဲ့သည်။

Eleven Media Group

အပြည့်အစုံသို့ »

တစ်ညတည်းခိုခ တစ်ဒေါ်လာသာ ပေးရမယ့် အချုပ်ခန်းပုံစံ တည်းခိုခန်း


အေသင်အောင်

နယူးယော့ခ်မြို့ကြီးမှာ တစ်ညတည်းခို ခ တစ်ဒေါ်လာပေးပြီး နေနိုင်တဲ့ နေရာမျိုး မရှိဘူးလို့ ထင်ကြမှာ ဖြစ်ပါတယ်။ ဒါပေမဲ့ တစ်ဒေါ်လာ တည်းပေးပြီး နေနိုင်တဲ့ တည်းခိုခန်း အမှန်တကယ် ရှိနေပါတယ်။ တစ်ခုရှိတာက အဲဒီတည်းခိုခန်းမှာ နေထိုင်မယ့်သူဟာ သတ်မှတ်ထားတဲ့ စည်းမျဉ်း တွေကို လိုက်နာသွားရမှာ ဖြစ်ပါတယ်။ စည်းမျဉ်းတွေကို မလိုက်နာရင်တော့ တည်းခိုလို့ရမှာ မဟုတ်ပါဘူး။ တရုတ်ပညာရှင် Miao Jiaxin  ဟာ ထူးခြား တဲ့ စိတ်ကူးနဲ့ ဒီအစီအစဉ်ကို အကောင်အထည် ဖော်ခဲ့ခြင်း ဖြစ်ပါတယ်။ တည်းခိုရမယ့် အခန်းကို အချုပ်ခန်းပုံစံအဖြစ် ဖန်တီးထားခြင်း ဖြစ်ပါတယ်။ သံတိုင်တွေကြား ထဲမှာ နေထိုင်သွားရမှာဖြစ်တဲ့အပြင် ခြောက်ခြားစရာ ဖြစ်အောင် ပြုလုပ်ထားပါတယ်။ မတည်းမီ သုံးနာရီ အတောအတွင်း စိတ်ဓာတ် ပိုင်းဆိုင်ရာ စမ်းသပ်မှုတွေနဲ့ ရင်ဆိုင်ရမှာ ဖြစ်ပါတယ်။ အချုပ်ခန်းပုံစံ အခန်းအတွင်း တစ်ယောက်တည်း ထိုင်နေရမှာဖြစ်ပြီး ထိုအတောအတွင်း စကား ပြောခြင်း၊ စာဖတ်ခြင်း၊ လေ့ကျင့်ခန်းလုပ်ခြင်း၊ အိပ်စက်ခြင်းစတဲ့ ဘာအပြုအမူကိုမှ ပြုလုပ်လို့ ရမှာမဟုတ်ပါဘူး။ ဒီလို သုံးနာရီ ပြုလုပ်ပြီးမှ အချုပ်ခန်းပုံစံ အခန်းတွင်းမှာ တစ်ည တစ်ဒေါ်လာနဲ့ အိပ်စက်ခွင့်ရမှာ ဖြစ ပါတယ်။ ဒါ့အပြင် အိပ်ယာပစ္စည်းတွေကိုလည်း အသစ်စက်စက် အသုံးပြုခွင့်ပေးသွား မှာဖြစ် ပါတယ်။ ပြစ်မှု မကျူးလွန်တဲ့သူတွေလည်း အချုပ်ခန်းထဲမှာ နေထိုင်ဖူးအောင် ပြုလုပ်ရခြင်း ဖြစ်တယ်လို့ Miao Jiaxin  က ဖွင့်ဟခဲ့ပါတယ်။ လာမယ့် သြဂုတ်လ (၁) ရက်နေ့မှာ စတင် တည်းခိုနေထိုင်နိုင်ပြီလို့ Miao Jiaxin  က သူ့ရဲ့ Facebook ကနေ သတင်းစကား ပြောကြားထားပါတယ်။

Messenger


အပြည့်အစုံသို့ »

မန္တလေးမှာ ထပ်မံဆူပူ ၊ လူ ၂ ဦးသေဆုံး


မန္တလေးမြို့မှာ ဗုဒ္ဓဟူးနေ့ မနေ့ညက အဓိကရုဏ်းထပ် မံဖြစ်ပွါးပြီး လူ ၂ ဦးသေဆုံးကာ တချို့ဒဏ်ရာ ရရှိခဲ့ပါ တယ်။ သေဆုံးမှုတွေနဲ့ ပတ်သက်လို့ သက်ဆိုင်ရာရဲ့ အတည်ပြုချက်ကိုတော့ မရရှိသေးပါဘူး။ မန္တလေးမြို့ခံ NLD အဖွဲ့ဝင်တဦးဖြစ်တဲ့ ဦးဇော်ဝင်း က မနေ့ည သန်းကောင်ကျော်မှာ ဆိုင်ကယ်စီးလာသူတွေက မွတ်စလင် ဘာသာဝင်အိမ်တွေကို ကျောက်ခဲတွေနဲ့ ပစ်ပေါက်ဖျက်ဆီးနေကြောင်း RFA ကို ခုလိုပြောပါတယ်။ "၈၁ လမ်းနဲ့ ၈၂ လမ်းမှာ ဆိုင်ကယ်အစီး ၄၀၊ ၅၀ လောက်ဆူပူနေကြပါတယ်ခင်ဗျ၊ လူငယ်တွေပါပဲဗျ၊ တခြားဘာသာဝင်တွေ မမြင်ရဘူးပေါ့၊ ခဲတွေနဲ့ထုတာ ဘာညာအဲ့လိုတော့ လုပ်ပါတယ်" မနေညက မူစလင်ရပ်ကွက်တွေအတွင်း ဝင်ရောက်ဖျက်ဆီးဖို့ ကြိုးစားမှုတချို့ရှိခဲ့ကြောင်း ကြားသိရတယ်လို့လည်း ဦးအေးက ပြောပါတယ်။ "ကျနော်တို့ အဲ့အရှေ့ကိုးရိုးဗလီမှာတော့ ၇ ဦး၊ ရမ်းကားတဲ့လူ ၇ ဦးဝင်လာတယ်လို့ ကြားရတယ်၊ ၇ ဦး ရမ်းကားတဲ့လူ ဝင်လာတာကို ကျနော်တို့ ရပ်ကွက်လုံခြုံရေးတွေ၊ ကျနော်တို့ မွတ်စလင်အားလုံး ဝိုင်းဝန်းဖမ်းဆီးတဲ့အခါမှာ ၆ ဦးက လူလွတ်သွားပြီးတော့ ဆိုင်ကယ်နှစ်စီး ကျန်ခဲ့တယ်လို့လည်း ကြားပါတယ်၊ ဆိုင်ကယ်နှစ်စီးနဲ့ လူတစ်ယောက် ဖမ်းမိ တယ်လို့ ဖမ်းမိတယ်ဆိုတော့ အဲ့ဥစ္စာကို ဘယ်လိုဆက်ပြီး စီစဉ်မလဲဆိုတာကိုတော့ ကျနော်မသိရပါဘူး၊ နောက် တစ်နေရာမှာ အမြောက်သန်းကြီးမှာတော့ ကျနော်တို့ တစ်ယောက်ဖမ်းမိတယ်လို့ ကျနော်တို့ သိရတယ်၊ အဲ့ဒီဖမ်းမိတဲ့ တစ်ယောက်ကိုတော့ အိုဘီဒီရောက်တယ်လို့တော့ သတင်းကြားတယ်၊ ဒီ့အရင်တစ်ရက်က ကိစ္စကတော့ ကျနော်တို့ မွတ်စလင်ဘက်နှစ်ယောက် သေနတ်မှန်တယ်ခင်ဗျ၊ သေနတ်မှန်တယ်ဆိုတာ သူတို့ရာဘာကျဉ်လို့ ပြောသံကြားတယ်၊ မသေဘူးလို့သိရတယ်" လက်ရှိမှာ လုံခြုံရေးတပ်ဖွဲတွေက သူတို့ကိုရပ်ကွက်ကနေ အပြင်ကိုထွက်ခွင့်မပေးတဲ့အတွက် အကျဉ်းစခန်းမှာ နေထိုင် ရသလိုခံစားနေကြရပြီး လာရောက်အကြမ်းဖက်မယ်ဆိုတဲ့ ကောလဟလတွေ ဆက်တိုက်ဆိုသလို ကြားနေရတဲ့ အတွက် သူတို့မူစလင်အားလုံး အလွန်အမင်း ထိတ်လန့်ကြောက်ရွံ့နေကြတယ်လို့လည်း ဦးအေးက RFA ကို ပြောပါတယ်။ အခင်းဖြစ်ပွားရာ ချမ်းအေးသာဇံမြို့နယ်မှာ သက်ဆိုင်ရာက လုံခြုံရေးအင်အား အများအပြားချထားတဲ့ကြားက ဆူပူမှုတွေအခုလိုထပ်မံဖြစ်ပွားတဲ့အတွက် မြို့ခံလူထုက အစိုးရကို ပြစ်တင်ပြောဆိုနေကြပါတယ်။ ဒီအတောအတွင်း ဂဠန်နီဆရာတော်နဲ့ ဘာသာပေါင်းစုံချစ်ကြည်ရေးအဖွဲ့တွေက ငြိမ်းချမ်းစွာ အတူယှဉ်တွဲ နေထိုင်ရေးအတွက် မြို့လုံးအနှံ့ လိုက်လံဟောပြောနေကြတယ်လို့ သိရပါတယ်။ ဗုဒ္ဓဟူးနေ့ မနေ့ညက ထပ်မံဖြစ်ပွားတဲ့ ဆူပူမှုတွေနဲ့ ပတ်သက်ပြီး မန္တလေး NLD တိုင်းစည်း အတွင်းရေးမှူး ဦးမျိုးနိုင်နဲ့ ဆက်သွယ်မေးမြန်းထားတာကို နားဆင်ပါ။ မန္တလေးမြို့ရှိ RFA သတင်းထောက် ကိုဆက်ပိုင်တိုးနဲ့ တိုက်ရိုက်ဆက်သွယ်မေးမြန်းထားတာကိုလည်း နားဆင်နိုင်ပါတယ်။

RFA Burmese

အပြည့်အစုံသို့ »