စာချုပ်ချုပ်ဆိုပြီးမှသာ Miss Tourism Internationalပြိုင်ပွဲကို စေလွှတ်မည်ဟု မလှနုထွန်းကဆို



မလေးရှားနိုင်ငံတွင် ဒီဇင်ဘာလကုန်၌ ကျင်းပမည့် Miss Tourism International ပွဲ အတွက် Style Plus H မှ မြန်မာကိုယ်စားပြု ဝင်ရောက် ယှဉ်ပြိုင်ရန် လုပ်ဆောင်သွားမည် ဖြစ်ပြီး ၎င်းအလှမယ်ကို စာချုပ်ဖြင့် စတင် လုပ်ကိုင် သွားမည် ဖြစ်သည်ဟု   National Director ဖြစ်သူ မလှနုထွန်းက မဇ္ဈိမကို ပြောသည်။

" မလေးရှားရောက် မြန်မာတွေ အားပေးဖို့ အတွက် လှနု ဒီပွဲကို လက်ခံ လိုက်တာပါ။ ဒီတစ်ခေါက် တော့ ကော်ပတ်ရုပ်လေးလို လှတဲ့ ကောင်မလေးကို လှနုရွေးချယ် သွားဖို့ စီစဉ် ထားပါတယ်။ ဒီတစ်ခေါက် အလှမယ်ကို လှနု စာချုပ်နဲ့ လုပ်ကိုင်သွားမှာပါ " ဟု ၎င်းက ပြောသည်။

Style Plus H မှ စေလွှတ်ခဲ့သည့် Miss Asia Pacific World ပြိုင်ပွဲတွင် Miss Asia Pacific World 2014 ဆု ရရှိခဲ့ သည့် မေမြတ်နိုးနှင့် မလှနုထွန်းတို့ကြား စာချုပ် စာတမ်းဖြင့် လုပ်ကိုင်ခြင်း မရှိခဲ့ခြင်းကြောင့် ပြဿ     နာ အနည်းငယ် ဖြစ်ပွား ခဲ့ခြင်းဖြစ်သည်။

အဆိုပါ အကြောင်းအရာများကြောင့် ယခု Miss Tourism International ပွဲ အတွက် ရွေးချယ်မည့် အလှမယ်ကို စာချုပ်စာတမ်းဖြင့် ချုပ်ဆိုကာ လုပ်ကိုင်သွားမည် ဖြစ်သည်။ Miss Tourism International ပွဲ အတွက် ရွေးချယ် ခံရသူသည် Organization မှ ချမှတ်ထားသည့် စည်းမျဉ်း စည်းကမ်းအတိုင်း လိုက်နာ ဆောင်ရွက် ရမည် ဖြစ်ပြီး သုံးနှစ် စာချုပ်ဖြင့် လုပ်ကိုင် ရမည် ဖြစ်သည်။

ယင်းပွဲစဉ်အတွက် လူရွေးချယ်မှုကို မိုးတွင်း အကုန်ပိုင်း၌ စတင် ပြုလုပ်ရန် စီစဉ်ထားပြီး Style Plus H က သဘောကျသည့် သူကိုတွေ့ရှိပါက အလှမယ် ဂျူးစံသာ နှင့်အတူ တစ်ခါတည်း လေ့ကျင့်မှုများ ပြုလုပ်ရန် စီစဉ် သွားမည် ဖြစ်သည်။

Miss Tourism International တွင် ပါဝင်ယှဉ်ပြိုင် ကြမည့် မြန်မာနိုင်ငံ ကိုယ်စားပြု ပြိုင်ပွဲဝင် များသည် အရပ် ၅ပေ ၆လက်မ ရှိရမည် ဖြစ်ပြီး အသက် ၁၈ နှစ်မှ ၂၅ကြား အိမ်ထောင် မပြုဖူးသူ ဖြစ်ရမည့် အပြင် ကျန်းမာရေး ကောင်းမွန်သည့် သူကို လည်းStyle Plus H တွင် မိတ်ဆွေများ အားလုံး အကြံဥာဏ်များနှင့် အတူ ရွေးချယ် သွားမည် ဖြစ်သည်။

"ကျန်းမာရေးကောင်းတဲ့သူမှ အစ်မတို့လေ့ကျင့်ပေးတာကို လိုက်လုပ် နိုင်မှာပါ။ Miss တစ်ယောက် ရှိသင့် ရှိထိုက်တဲ့ အရာတွေ အားလုံးကို သင်ကြားပေး သွားမှာပါ"ဟု မလှနုထွန်းက ထပ်မံ ပြောသည်။

Miss Tourism International ပွဲ ကို မလေးရှားနိုင်ငံတွင် ၁၉၉၄ခုနှစ် ကတည်းက ကျင်းပ ပြုလုပ်ခဲ့ပြီး ၂ဝ၁၄ခုနှစ်တွင် မြန်မာနိုင်ငံမှ  စတင်ဝင်ရောက် ယှဉ်ပြိုင်ခြင်းဖြစ်သည်။ ယင်းပြိုင်ပွဲတွင် နိုင်ငံတကာမှ အလှမယ် ၄၅ယောက်နှင့် အထက် ဝင်ရောက် ယှဉ်ပြိုင် ခဲ့ကြပြီး ၂ဝ၁၃ခုနှစ် မလေးရှား နိုင်ငံ၌ကျင်းပ ပြုလုပ်ခဲ့သည့် Miss Tourism International 2013 ပြိုင်ပွဲတွင် ဖိလစ်ပိုင်နိုင်ငံမှ Angeli Dione Gomez က အနိုင်ရရှိ ခဲ့ခြင်းဖြစ်သည်။

Miss Tourism International ပြိုင်ပွဲ ဝင်မည့် အလှမယ် သည် အင်္ဂလိပ် စာတတ်ကျွမ်းပြီး ခရီးသွားနှင့် ပတ်သက်သည်များကို သိရှိထားရမည် ဖြစ်ခြင်းကြောင့် ယင်းအချက်များနှင့် ကိုက်ညီသည့်သူကို သာအဓိက ထား ရွေးချယ်သွားမည် ဖြစ်သည်။

Miss Tourism International ပြိုင်ပွဲသည် ခရီးသွားနှင့် ဆိုင်သည့် ပြိုင်ပွဲ ဖြစ်ရာ ခရီးသွားနှင့် ပတ်သက်သည့် အကြောင်းအရာများ သိရှိနိုင်ရန် မြန်မာနိုင်ငံ ခရီးသွားလုပ်ငန်း အဖွဲ့ချုပ်ထံသို့ National Director မလှနုထွန်းတို့ ဘက်မှ အကူအညီ တောင်းသွား မည် ဖြစ်သည်။

mizzima

အပြည့်အစုံသို့ »

လှုံ့ဆော်သူများ အရေးယူမခံရသေးပါ


မန္တလေးမြို့တွင် ဇူလိုင် ၃ ရက်က လူစုလူဝေးဖြစ်ပေါ်နေစဉ် (ဓာတ်ပုံ − အီးပီအေ)
‘‘မွန်မြတ်တဲ့ ကိုးကွယ်ယုံကြည်မှုကို ခုတုံးလုပ်ပြီး အလွဲသုံးတဲ့ အယူသီးအစွန်းရောက်လုပ်ရပ်တွေ၊ မတူညီတဲ့ ဘာသာတရားတွေကြား အမုန်းတရားတိုးပွားအောင် လုပ်ဆောင်မှုတွေ၊ ကိုယ်ကျိုးစီးပွားနဲ့ယှဉ်တဲ့ နိုင်ငံရေး စီးပွားရေး အမြတ်ထုတ် လုပ်ဆောင်လာမှုတွေကို ပပျောက်သွားအောင် ကျွန်တော်တို့အစိုးရအနေနဲ့ ဖွဲ့စည်းပုံအခြေခံဥပဒေ၊ တည်ဆဲဥပဒေများနဲ့အညီ ထိထိရောက်ရောက် အရေးယူဆောင်ရွက်သွားမှာ ဖြစ်တယ်ဆိုတာ သတိပေး ပြောကြားလိုပါတယ်’’

နိုင်ငံတော်သမ္မတ ဦးသိန်းစိန်က မိတ္ထီလာပဋိပက္ခအပြီး ၂၀၁၃ မတ်လ ၂၈ ရက်က ပြည်သူလူထုသို့ ရှင်းလင်းပြောကြားရာတွင် ထည့်သွင်းပြောကြားခဲ့ခြင်းဖြစ်သည်။

ဆူပူစေရန်လှုံ့ဆော်မှုများကို ထိရောက်စွာအရေးယူမည်ဟု နိုင်ငံတော်သမ္မတက ပြောကြားခဲ့ပြီးနောက် ရက်ပိုင်းအတွင်းစတင်ကာ ဘာသာရေး၊ လူမျိုးရေး အခြေခံသည့် ရုန်းရင်းဆန်ခတ်များ၊ ပဋိပက္ခများ ဆယ်ခုထက်မနည်း ဆက်လက်ဖြစ်ပွားခဲ့သည်။ ပဋိပက္ခများဖြစ်ပွားစေသည့် အမုန်းစကားများမှာလည်း အင်တာနက်လူမှုကွန်ရက်စာမျက်နှာများ၊ ပြည်သူများကြားတွင် ဆက်လက်ပျံ့နှံ့နေဆဲဖြစ်သည်။

လတ်တလောဖြစ်ပွားခဲ့သည့် မန္တလေးပဋိပက္ခမတိုင်မီ ဆူပူစေရန် လှုံ့ဆော်မှုများ၊ ကောလာဟလများ ဖြန့်ချိမှုများမှာလည်း ယမန်နှစ်အတွင်းက တိုင်းဒေသကြီးတစ်ခုလုံး ငါးကြိမ်ထက်မနည်း ဖြစ်ပွားခဲ့သည်ကို တွေ့ရသည်။ လှုံ့ဆော်မှုများကို အကြိမ်ကြိမ်ကျော်လွှားနိုင်ခဲ့သော မန္တလေးမြို့တွင် အားလုံးသိပြီးသည့်အတိုင်း ဇူလိုင် ၁ ရက်မှာတော့ လူမှုရေး၊ ဘာသာရေး အသွင်ဆောင်သည့် အကြမ်းဖက်မှုများ စတင်ဖြစ်ပွားခဲ့ခြင်းဖြစ်သည်။

ထိုကြောင့်ပင် ပဋိပက္ခများဖြစ်ပွားစေသည့် အမုန်းစကားလှုံ့ဆော်နေမှုများကို ထိရောက်စွာ ကိုင်တွယ်ဖြေရှင်းသင့်ပြီဖြစ်ကြောင်း ဝေဖန်ပြောဆိုမှုများ ကျယ်လောင်စွာ ထွက်ပေါ်လာသည်။

အင်တာနက်စာမျက်နှာများမှတစ်ဆင့် အမုန်းစကားများ ဖြန့်ဝေနေမှုများနှင့်ပတ်သက်၍ နိုင်ငံရေးဆောင်းပါးရှင် ဒေါက်တာရန်မျိုးသိမ်းက ‘‘ဒါတွေကို အရေးမယူတာဟာ အစိုးရရဲ့ တရားဥပဒေစိုးမိုးမှုအတွက် ကိုင်တွယ်တာ အားနည်းတဲ့ အချက်တွေထဲကတစ်ခုပဲ’’ဟု ပြောသည်။

ဖြစ်ပွားခဲ့သည့် ပဋိပက္ခဖြစ်စဉ်များကို ကြည့်ပါက ဘာသာနှစ်ခုကြား ဒေါသထွက်စေမည့် အရေးအသား၊ အွန်လိုင်းဝါဒဖြန့်ချိလှုပ်ရှားမှုများကို ဗုဒ္ဓဘာသာဝင်အမည်ခံ လှုံ့ဆော်သူများရော အစ္စလာမ်ဘာသာဝင်အမည်ခံ လှုံ့ဆော်သူများပါ ကျယ်ကျယ်ပြန့်ပြန့် လုပ်ဆောင်လျက်ရှိသည်ကို မြင်တွေ့နိုင်သည်။

ထိုသို့ ပြုလုပ်သူများတွင် နိုင်ငံရေးပါတီဥက္ကဋ္ဌမှစကာ ဖေ့စ်ဘွတ်ခ်မှစကာ အမည်မဖော်၊ ဓာတ်ပုံမမှန်သူများအထိ ပါဝင်သည်။

ယင်းကဲ့သို့ အမုန်းစကား လှုံ့ဆော်နေသူများကို တည်ဆဲဥပဒေများဖြင့် အရေးယူနိုင်သည့် နည်းလမ်းများလည်းရှိကြောင်း ဥပဒေပညာရှင်များက ထောက်ပြပြောဆိုသည်။

‘‘ခေတ်အဆက်ဆက် နိုင်ငံရေးသမားတွေကို ဒုက္ခပေးခဲ့တဲ့ ၁၉၅၀ ပြည့်နှစ် အရေးပေါ်စီမံမှု အက်ဥပဒေ ပုဒ်မ (၅/ည)နဲ့လည်း ဆွဲလို့ရတယ်။ နောက်တစ်ချက်က ၂၀၀၄ ခုနှစ် အီလက်ထရွန်နစ်ဥပဒေပါ အချက်တွေနဲ့လည်း ဆွဲလို့ရတယ်’’ဟု ဥပဒေပညာရှင် ဦးရောဘတ်စန်းအောင်ကပြောသည်။

ပဋိပက္ခဖြစ်စဉ်များတွင် အမုန်းစကားများ၊ ကောလာဟလထုတ်လွှင့်သူများ ရှိသကဲ့သို့ ယင်းကောလာဟလများကို တိုက်ဖျက်၍ သတင်းအမှန်ကို ထုတ်လွှင့်ခဲ့သော ပြည်သူများကိုလည်း မန္တလေးပဋိပက္ခအတွင်း တွေ့ရသည်။

နိုင်ငံတော်သမ္မတရုံးက ဆူပူရမ်းကားလိုသူများ၏ လှုပ်ရှားမှုများကို အချိန်မီသတင်းပေးဆက်သွယ်သော မန္တလေးမြို့သူမြို့သားများ၏ တာဝန်ကျေပွန်မှုကို အသိအမှတ်ပြု ကျေးဇူးတင်ပြီး ကောလာဟလများကို မိမိတို့အသိစိတ်ဓာတ်ဖြင့် တိုက်ဖျက်၍ သတင်းမှန်ထုတ်ပြန်ပေးခဲ့သော မန္တလေးသူ၊ မန္တလေးသားများ၊ တာဝန်သိ လူမှုကွန်ရက်အသုံးပြုသူများ၊ မီဒီယာများ၏ ပူးပေါင်းပါဝင်မှုကို ယခုဖြစ်စဉ်တွင် အထင်အရှား မြင်တွေ့ခဲ့ရကြောင်း ဇူလိုင် ၇ ရက်စွဲဖြင့် ထုတ်ပြန်ခဲ့သည်။

၂၀၁၂ ခုနှစ် ရခိုင်ပဋိပက္ခအပြီး ဆက်တိုက်ဖြစ်ပွားခဲ့သော လူမျိုးရေး၊ ဘာသာရေးအသွင်ဆောင်သည့် အကြမ်းဖက်မှုများ၏ နောက်ကွယ်တွင် ကြိုးကိုင်သူများ၊ လှုံ့ဆော်သူများရှိနေသည်ဟု အစိုးရတာဝန်ရှိသူများ၊ စောင့်ကြည့်လေ့လာသူများက အစဉ်တစိုက် ထောက်ပြပြောဆိုခဲ့ကြသည်။

ယင်းကြောင့်ပင် ပဋိပက္ခများကြောင့် မည်သူတွေ အကျိုးကျေးဇူးရရှိသလဲ ဆိုသည်မှာလည်း ထည့်သွင်းစဉ်းစားစရာ ဖြစ်လာခဲ့သည်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က လက်ရှိဖြစ်ပွားနေသော ပဋိပက္ခများနှင့်ပတ်သက်၍ ဘာသာရေးကို အသုံးပြုကာ နိုင်ငံရေးလုပ်နေကြောင်း ဇူလိုင် ၄ ရက်က ပြောကြားသည်။

ပဋိပက္ခများသည် ၂၀၁၅ ရွေးကောက်ပွဲနီးလာချိန်တွင် ဆက်တိုက်ဖြစ်ပွားနေခြင်းမှာ သွေးရိုးသားရိုးလားဆိုသည်မှာ ပြောရခက်ပြီး မမြင်နိုင်သည့် အကြောင်းအရာများ ရှိနိုင်ကြောင်း ရှမ်းနီ (တိုင်းလိုင်) အမျိုးသားများ ဖွံ့ဖြိုးတိုးတက်ရေးပါတီ အတွင်းရေးမှူး ဦးစောဝင်းထွန်းကသုံးသပ်သည်။

‘‘အစိုးရအနေနဲ့ အာဏာကို ဗဟိုပြုတဲ့ အစိုးရဖြစ်ရင် ဒါကိုဖက်တွယ်ဖို့ ပဋိပက္ခနဲ့ အကြမ်းဖက်မှုတွေ ဖြစ်ပွားရင် ထိရောက်စွာ အရေးယူဖို့ ပျက်ကွက်တာကို သမိုင်းတစ်လျှောက်မှာ မြင်တွေ့ခဲ့ရပါတယ်’’

၂၀၁၃ စက်တင်ဘာလအတွင်းက ရန်ကုန်မြို့တွင် ပြုလုပ်ခဲ့သော ဗုဒ္ဓဘာသာနှင့် အစ္စလာမ်ဘာသာ သင့်မြတ်စွာနေထိုင်ရေး ဆွေးနွေပွဲ၌ မလေးရှားနိုင်ငံရေးသိပ္ပံပညာရှင် ဒေါက်တာချန်ဒရာမူဇာဖာက အထက်ပါအတိုင်း ထည့်သွင်းဆွေးနွေးခဲ့ခြင်း ဖြစ်သည်။

အစိုးရသစ်လက်ထက်တွင် ဖြစ်ပွားခဲ့သော ပဋိပက္ခများအနက် ရခိုင်အရေးမှာ ကွဲပြားသည့် အခြေအနေရှိပြီး ကျူးကျော်ဝင်ရောက်၍ တိုင်းရင်းသားအဖြစ် တောင်းဆိုနေသူများကြောင့် ဖြစ်ပွားနေရခြင်းဟုလည်း စောင့်ကြည့်လေ့လာသူ ပညာရှင်အချို့နှင့် ရခိုင်အမျိုးသားအင်အားစုများကပြောသည်။

ရခိုင်ပဋိပက္ခနောက်ပိုင်း မန္တလေးတိုင်း၊ ပဲခူးတိုင်း၊ ရှမ်းပြည်နယ်(မြောက်)၊ ဧရာဝတီတိုင်းဒေသကြီးတို့တွင် ဆက်တိုက်ဖြစ်ပွားခဲ့သော လူမျိုးရေး၊ ဘာသာရေးအသွင်ဆောင်သည့် အကြမ်းဖက်မှုများကြောင့် လူဦးရေ ၄၆ ဦးခန့် သေဆုံးခဲ့ပြီး ၇၀ ဦးထက်မနည်း ဒဏ်ရာရရှိခဲ့သည်။ နေအိမ်၊ ဘာသာရေး အဆောက်အအုံ၊ ဆိုင်ခန်းများအပါအ၀င် အဆောက်အအုံ ၂၀၀၀ ခန့် ပျက်စီးဆုံးရှုံးခဲ့ရပြီး ဖြစ်သည်။

‘‘မြန်မာနိုင်ငံအတွက် ရွေးချယ်စရာနှစ်လမ်းရှိပါတယ်။ တစ်လမ်းက ပဋိပက္ခနဲ့ဆင်းရဲခြင်း၊ နောက်တစ်လမ်းက ငြိမ်းအေးမှုနဲ့ တိုးတက်ခြင်းဆီသွားတဲ့လမ်းပါ’’ဟု ဗုဒ္ဓ၀ိပဿနာပြန့်ပွားရေးများကို အနောက်နိုင်ငံများတွင် လုပ်ဆောင်နေသော အမေရိကန်နိုင်ငံသား ဒေါက်တာဂျက်ကွန်းဖီးလ်က ပြောကြားခဲ့သည်။

အစိုးရသစ်လက်ထက်တွင် တိုင်းပြည်မှာ ဖွံ့ဖြိုးရေးလုပ်ငန်းများ လုပ်ကိုင်ရခြင်းထက် ဒေသတစ်ခုပြီး တစ်ခုတွင် ပေါ်ပေါက်နေသော ပဋိပက္ခများကို ဖြေရှင်းနေရကာ ရှေ့မဆက်နိုင်ဖြစ်နေသည်။

‘‘အကြမ်းဖက်မှုအတွင်းမှာ ပါဝင်ခဲ့ကြသူများနဲ့ ပဋိပက္ခဖြစ်ပေါ်စေဖို့ ရည်ရွယ်ချက်ရှိရှိ ဖန်တီးခဲ့တဲ့သူများကိုလည်း စုံစမ်းဖော်ထုတ်ပြီး ပြတ်ပြတ်သားသားနဲ့ ထိထိရောက်ရောက် အရေးယူဆောင်ရွက်လျက်ရှိပါတယ်။ သွေးထိုးလှုံ့ဆော်မှုများနဲ့ အကြမ်းဖက်ဖျက်ဆီးခံရမှုများကိုလည်း နိုင်ငံတော်အနေနဲ့ လုံးဝသည်းခံမှာမဟုတ်ဘဲ ချက်ချင်းပြင်းပြင်းထန်ထန် အရေးယူဆောင်ရွက်မှာ ဖြစ်တဲ့အကြောင်းလည်း ထပ်လောင်းပြောကြားအပ်ပါတယ်’’ဟု နိုင်ငံတော်သမ္မတဦးသိန်းစိန်က မန္တလေးပဋိပက္ခအပြီး ဇူလိုင် ၇ ရက်တွင် ပြောပြန်သည်။

လတ်တလော ဖြစ်ပွားခဲ့သည့် ပဋိပက္ခများသည် လူတစ်စု၊ အဖွဲ့အစည်းတစ်ခုက ရည်ရွယ်ချက်ရှိရှိဖြင့် တမင်ဖန်တီးလုပ်ဆောင်နေခြင်းဖြစ်ကြောင်း သမ္မတကဆိုသည်။ သို့သော် မည်သည့်အဖွဲ့အစည်းက လုပ်နေကြောင်းကိုမူ ပြောဆိုခြင်းမရှိပေ။

‘‘လက်ရှိမန္တလေးမှာ ဖြစ်ပွားခဲ့တဲ့ ပဋိပက္ခကို သင်ခန်းစာယူပြီး မြန်မာနိုင်ငံရဲ့ အခြားမည်သည့်နေရာဒေသမှာမှ ထပ်မံမဖြစ်ပွားဖို့နဲ့ တည်ငြိမ်အေးချမ်းမှုကို ပျက်ပြားစေမယ့် သွေးထိုးလှုံ့ဆော်မှုတွေကိုလည်း တရားဥပဒေနဲ့အညီ ပြတ်သားစွာ အရေးယူဆောင်ရွက်နိုင်ဖို့ ပြည်သူအားလုံးက အစိုးရနဲ့အတူ ပူးပေါင်းပါဝင်ကြဖို့ တိုက်တွန်းပြောကြားရင် နိဂုံးချုပ်အပ်ပါတယ်’’ဟု သမ္မတကဆိုပါသည်။

သို့သော် အမုန်းပွားစေသော ပြောဆိုမှုများ၊ အန္တရာယ်များသော ပြောဆိုရေးသားမှုများ၊ လှုံ့ဆော်သူများ၊ ပဋိပက္ခများတွင် ပါဝင်သူများကို အစိုးရက ထိရောက်စွာ အရေးယူမှုမရှိ၍ ပြည်သူအများစုကတော့ အစိုးရအပေါ် ယုံကြည်မှု နည်းနေသည်။

‘‘ဒီအာဏာပိုင်အဖွဲ့အစည်းဟာ ပြည်သူလူထုက ရွေးကောက်ထားတဲ့ အဖွဲ့အစည်းဖြစ်လို့ ဒီကိစ္စနဲ့ပတ်သက်ပြီး ဘက်မလိုက်ဘဲ ချက်ချင်းအရေးယူပေးဖို့ လိုအပ်တယ်။ အကြမ်းဖက်မှုကို ဖြစ်ပွားစေတဲ့ စကားတွေ၊ အသုံးအနှုန်းတွေ၊ ဖြစ်ရပ်တွေဖြစ်ရင် ချက်ချင်းအချိန်မဆိုင်းဘဲ အရေးယူပေးဖို့ ပြောချင်ပါတယ်’’ဟု စာရေးဆရာဆူးငှက်က ပြောသည်။

ကမာရွတ်မြို့နယ်မှ အထည်ဆိုင်ပိုင်ရှင် ဦးဖုန်းက ‘‘ပဋိပက္ခဖြစ်တဲ့နေရာတွေက လူမြင်ကွင်းတွေမှာဖြစ်ပြီး တရားခံတွေကို ဖမ်းလို့မမိတာတွေက ပိုပြီးဆိုးရွားစေတာပေါ့။ ဒီလိုတရားခံတွေကို ဖမ်းလို့မရဘူးဆိုတာတွေက အားနည်းချက်တစ်ရပ်လို့ ထင်တယ်’’ဟု ပြောသည်။        ။

7day daily

အပြည့်အစုံသို့ »

အိမ်မွေးတိရိစ္ဆာန်တွေ ကျွေးတဲ့ အစားအစာတွေ တစ်လ စားသုံးမယ့်သူ


အေသင်အောင်

အမေရိကန်ပြည်ထောင်စု၊ ၀ါရှင်တန် မှာနေထိုင်တဲ့ အမျိုးသမီးဟာ အိမ်မွေးတိရိစ္ဆာန်တွေ ကျွေးမယ့် အစားအစာတွေကို တစ်လတိတိ စားသုံး သွားမယ်လို့ ကြုံးဝါးခဲ့ပါတယ်။ ဒီအမျိုးသမီးရဲ့အမည်က ဒိုရိုတီဟန့်တားဖြစ်ပြီး အိမ်မွေးတိရိစ္ဆာန်တွေဖြစ်တဲ့ ခွေး၊ ကြောင်တို့ စားသုံးတဲ့ အစားအစာဟာ လူသားတွေ စားသုံးတဲ့ အစားအစာလို အာဟာရနဲ့ အရသာရှိတာကို ပြသလိုတာမို့ အခုလို ဆိုခဲ့ခြင်း ဖြစ်ပါတယ်။ ဟန့်တားဟာ အိမ်မွေးတိရိစ္ဆာန်တွေ ရောင်းချတဲ့ ပိုင်ရှင်ဖြစ်ပြီး သူ့ရဲ့ဆိုင်မှာ ကျန်းမာရေးနဲ့ ညီညွတ်တဲ့ တိရိစ္ဆာန်အစာတွေကိုသာ ရောင်းချကြောင်း သက်သေပြလိုတာမို့ တိရိစ္ဆာန်တွေ ကျွေး တဲ့ အစားအစာကို ရက် (၃၀) စားဖို့ စီစဉ်ခဲ့ပါတယ်။ ဟန့်တားဟာ သူ့ရဲ့အစီအစဉ်ကို ပြီးခဲ့တဲ့ ဇွန်လ (၁၉)ရက် မှာ စတင်ခဲ့ပါတယ်။ ဒါပေမဲ့ ဟန့်တားဟာ တိရိစ္ဆာန်တွေကို ကျွေးမွေးတဲ့ အစားအစာတွေကို ရောင်းချရာမှာ ကျန်းမာရေးကို အထောက်အကူပြုစေမယ့် အချက်ကို အဓိကထားလေ့ရှိပါတယ်။ ဟန့်တားက သူ့ရဲ့ အပြုအမူဟာ ရူးသွပ်စရာလို့ ထင်မှတ်စရာ ဖြစ်ပေမယ့် တိရိစ္ဆာန်တွေစားတဲ့ အစားအစာနဲ့ လူသားတွေစားတဲ့ အစားအစာကို အတူတူ သတ်မှတ်ထားတာမို့ ပြဿနာမရှိကြောင်း ဆိုခဲ့ပါတယ်။

Credit: messenger

အပြည့်အစုံသို့ »

မိုးရာသီနဲ့ ဒူးရင်းသီး ( စားခြင်း အကျိုးကျေးဇူး )



အနံပြင်း တဲ့ အထဲ မှာ သူက ထိပ်ဆုံး ကပါလို့ မကြိုက်သူ
အများရဲ့ နှာခေါင်းရူပ်တာတွေ ခံနေရတဲ့ စားကောင်း အာဟာရ ဖြစ်လှတဲ့ အသီးပါ။ ယခု မိုးကာလ ရာသီချိန် ဖြစ်တာနဲ့အညီ ပေါပေါနဲ့ စားနိင်လာတဲ့ နှစ်သက်သူများ အတွက် ဒူးရင်းသီးပါ။ အင်္ဂလိပ် နာမည်မှာ လည်း Durian လို့ပဲ ခေါ်ပြီး ရုက္ခ ဗေဒနာမည်ကတော့ Durio zibethinus လို့ခေါ်ကြောင်း သိရပါတယ်။ ဒူးရင်းသီးမျိုး ၃၀လောက် အမျိုးစားကွဲများ ရှိပြီး ထိုထဲမှာမှ အမျိုးအစား (၉) မျိုးလောက်သာ စားကောင်းပါတယ်။ နိင်ငံတကာ ဈေးကွက်တွေမှာတော့ Durio zibethinus ဆိုတဲ့ ဒူးရင်း တစ်မျိုးသာ ရရှိပြီး ကျန်တဲ့ အမျိုးအစားတွေကိုတော့ ဒေသတွင်းမှာ သာရောင်းချလျက်ရှိပါတယ်။

ဒူးရင်းသီးဟာ အပူပိုင်း သစ်သီးတွေ ဖြစ်တဲ့ ဌက်ပျောသီး၊ ထောပတ်သီး တို့လိုပဲ အာဟာရ ဗီတာမင်နဲ့ သတ္တု ဓာတ်တွေမှာ ကြွယ်ဝပါတယ်။ ဒူးရင်းသီး တစ်လုံးကို ၆၀၂ ဂရမ်လောက်ရှိပြီး ကယ်လိုရီက ၈၈၅ နှုန်းရှိပါတယ်။ ထိုထဲမှာမှ အသားဓာတ်၊ ပိုတက်ဆီယမ်၊ ဆိုဒီယမ်တွေ အပြင် ဗီတာမင် စီ အများဆုံးနဲ့ ဗီတာမင် B6 တို့ အများဆုံးပါဝင်ပါတယ်။ ထိုဓာတ်တွေဟာ ခန္ဓာကိုယ်ရဲ့ ခုခံမူအားကို မြင့်တက်ပေးပြီး ရောဂါတွေကို ကာကွယ်ပေးန်ိင်ပါတယ်။ အသီးဟာ နူးညံလှပြီး အစားခြေလွယ်အောင်ကူညီပေးတဲ့ Fructose ကဲ့သို့ သကြားဓာတ်တွေပါဝင်တဲ့အတွက် အစားခြေမူကို လွယ်ကူစေပြီး ခွန်အားကို ဖြည့်တင်းပေးတဲ့နေရာမှာ လွယ်လွယ် ခန္ဓာကိုယ်ကို ဖြည့်တင်းပေးနိင်ပါတယ်။

ပ်ိန်တဲ့ သူများကိုလည်း ၀စေနိင်တဲ့ အာဟာရတွေပါဝင်ပြီး ပြည့်ဝလွယ်တဲ့ မကောင်းတဲ့ ကိုယ်လက်စထောတွေမပါဝင်တဲ့ အတွက် စားသင့်တဲ့ အသီးတစ်သီး ဖြစ်ပါတယ်။

Ref: nutrition-and-you

အောင်ဟ်ိန်း (ရိုးရာလေး)

အပြည့်အစုံသို့ »

FaceBook ရေးသားချက်များကို ၂၄ နာရီ စောင့်ကြည့်မည်



အင်တာနက်လူမှုရေးစာမျက်နှာ ဖေ့စ်ဘွတ် (FaceBook) ကနေ လူမျိုးရေး ဘာသာရေး တိုက်ခိုက်ရေးသား မှုတွေ လျော့နည်းသွားအောင် ဖေ့စ်ဘွတ်တာဝန်ရှိသူတွေ က မြန်မာနိုင်ငံနဲ့ပတ်သက်တဲ့ ရေးသားချက်တွေကို ၂၄ နာရီပတ်လုံး စိစစ်စောင့်ကြည့်သွားမယ်လို့ သိရပါတယ်။

ပြီးခဲ့တဲ့ရက်ပိုင်းက မန္တလေးမှာ အဓိကရုဏ်းတွေ ဖြစ်နေ ချိန်မှာ နိုင်ငံတော်သမ္မတရုံး တာဝန်ရှိသူတွေ ဟာ ဖေ့စ်ဘွတ်ကုမ္ပဏီဌာနချုပ်က ကိုယ်စားလှယ်တွေ နဲ့ ဆွေးနွေးခဲ့တာဖြစ်ပါတယ်။ ၀ါရှင်တန်၊ အိုင်ယာလန်၊ စင်္ကာပူမှာရှိကြတဲ့ ဖေ့စ်ဘွတ် တာဝန်ရှိသူ (၃) ယောက် ကို မြန်မာနိုင်ငံအတွက် တာဝန် ပေးထားတယ်လို့ သိရ ပါတယ်။

အမေရိကန် ဖေ့ဘုတ်စ်ကုမ္ပဏီနဲ့ အစိုးရတို့ သဘောတူညီချက်အရ လုပ်ငန်းစဉ် ၃ရပ်ချမှတ်ထား ကြောင်း နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

"သဘောတူညီချက်ပေါ့နော် ရေတိုရယ်၊ အလယ်အလတ်ရယ် နောက် ရေရှည်ရယ် လုပ်ဆောင်သွားမယ်လို့ ပူးပေါင်းဆောင်ရွက်သွားမဲ့ဟာ လုပ်ငန်းစဉ် ၃ ရပ်ပေါ်ထွက်လာပါတယ်၊ ထွက်လာတော့ ရေတိုအားဖြင့် ကျနော်တို့ မြန်မာနိုင်ငံက User တွေသုံးနေတဲ့ ဖေ့စ်ဘွတ်မှာ သွေးထိုးလှုံ့ဆော်မှုတွေ လျော့ကျ သွားအောင် ဖေ့စ်ဘွတ်ရဲ့ စည်းမျဉ်းစည်းကမ်းမူဝါဒနဲ့ အညီပေ့ါလေ တည်းဖြတ်တာတွေ၊ ကန့်သတ်တာတွေ ဒါမျိုးတွေလုပ်ဖို့ ဆွေးနွေးပါတယ် နောက်ဖေ့စ်ဘွတ်ရဲ့ သဘောအရ သူတို့မှာက သု့ရဲ့ ပေါ်လစီကတော့ အကောင့်အတုတွေပေါ့နော် နာမည်ဝှတ်တွေနဲ့ သုံးတာတာ သူတို့က ခွင့်မပြုဘူးနော် အဲ့ဒါမျိုးနဲ့ သူတို့ မူဝါဒနဲ့ညီတယ်၊ ကျနော်တို့နဲ့ လိုလားချက်နဲ့ ကိုက်ညီတဲ့ဟာတွေကို ဆွေးနွေးပြီး အဲ့ဒါမျိုးတွေနဲ့ သူတို့ဘက် ကလည်း ကူညီလုပ်ဆောင်ပေးသွားမယ်"

ဒါ့အပြင် ဖေ့စ်ဘွတ်ပေါ်မှာ ရေးသားပြောဆိုမှုတွေနဲ့ ပတ်သက်ပြီး တာဝန်ခံမှု တာဝန်ယူမှုရှိကြဖို့ အတွက် ပညာပေးဆွေးနွေးပွဲတွေကိုလည်း ဖေ့စ်ဘွတ်တာဝန်ရှိသူတွေဟာ မကြာခင်မှာ ရန်ကုန်မြို့မှာ ကျင်းပသွားမယ်လို့လည်း သိရပါတယ်။

ဖေ့စ်ဘွတ်အပြင် နောက်ထပ် ကမ္ဘာကျော်အိုင်တီ နည်းပညာကုမ္ပဏီကြီးဖြစ်တဲ့ ဂူဂယ်လ် (Google) ကလည်း အစိုးရနဲ့ ပူးပေါင်းဆောင်ရွက်သွားမှာဖြစ်တယ်လို့ သိရပါတယ်။

ဒီကိစ္စနဲ့ပတ်သက်လို့ သမ္မတရုံး ညွှန်ကြားရေးမှူး ဦးဇော်ဌေးကို RFA ၀ိုင်းတော်သား ဦးဝင်းနိုင် ဆက်သွယ်မေးမြန်း ထားတာ နားဆင်နိုင်ပါတယ်။


ဦးဇော်ဌေးနှင့် ဆက်သွယ်မေးမြန်းချက်

RFA

အပြည့်အစုံသို့ »

ပညာရှာ၊ အလုပ်ရှာသူတို့ အတွက် မှတ်သားဖွယ် အိုင်းစတိုင်း အဆို ၂ ခု



အိုင်းစတိုင်း အဆို - ၁

အိုင်းစတိုင်းက ပြောခဲ့တယ်... စဉ်းစားတွေးခေါ်ခြင်းက ပညာ သင်ကြားခြင်းထက် ပိုအရေးကြီးပါတယ်တဲ့။ ပညာ ကတော့သင်လိုက်တယ်။ လက်တွေလဲ အသုံးချ ပါတယ်။ သို့ပေမယ့် တွေးခေါ်စဉ်ခြင်ခြင်း၊ ဖြစ်သင့် မဖြစ်သင့်ကို စဉ်းစား ဆင်ခြင်ခြင်း မရှိပဲ စာအုပ်ကြီး အတိုင်း လုပ်နေရင် အလကား ပါပဲ။ ဒါကြောင့်မို့ Sense of imagination ကို မြင့်သထက် မြင့်နိုင်ကြဖို့ လိုအပ် ပါတယ်။

အိုင်းစတိုင်း အဆို - ၂

အဲလ်ဘတ် ဆိုင်းစတိုင်းက ပြောခဲ့ ပါတယ်။ လုပ်ဆောင်ချက် တစ်ခုကို မပြင်ပဲ ဆက်တိုက် လုပ်နေပြီး ကွဲပြားထူးခြားတဲ့ ရလဒ်ကို လိုချင်နေရခြင်းဟာ ရူးသွပ်မှု တစ်ခု ပါပဲတဲ့။

ဟုတ်ပါတယ် ရိုးရာလေး ချစ်ပရိတ်သတ်တို့။ မိမိရဲ့ လုပ်ငန်းခွင် အရည်အချင်း တိုးတက်မှု၊ ကြိုးစားမှု၊ အလုပ်ရှာဖွေရာမှာ စူးစိုက်အားထုတ်မှု၊ ပြင်ဆင်မှုတို့က မပြောင်းလဲသေးပဲနဲ့ ပိုမို ကောင်းမွန်တဲ့ အခွင့် အရေးကို မျော်လင့်နေခြင်းဟာ ရူးသွပ်မှု တစ်ခုပါပဲ။

တစ်နေ့ပြီး တစ်နေ့ မိမိရဲ့ အရည်အချင်း နဲ့ လုပ်ဆောင်ချက်များ တိုးတက်လာဖို့ ရိုးရာလေးမှ မှ ဆန္ဒပြု အကြံပေး လိုက်ရ ပါတယ်။
.
အောင်ခမ်း (ရိုးရာလေး)

အပြည့်အစုံသို့ »

ကံဦးကျောင်းတိုက် ဆရာတော်ကို သံဃနာယက နှင်ထုတ်သဖြင့် ဒေသခံပြည်သူများ ဆန္ဒပြမည်


ဒလမြို့ ကံဦးကျောင်းတိုက်ဆရာတော်ကို ရန်ကုန်တိုင်း သံဃနာယကအဖွဲ့က ကျောင်းမှနှင်ထုတ်မှုကြောင့် ရပ်ကွက်နေ ပြည်သူ ၂၀၀ ခန့်က ဆရာတော် ထွက်မသွားရန် ကျောင်းကို ပိတ်ဆို့ထားပြီး ဇူလိုင် ၉ ရက်တွင် အဆိုပါ အကြောင်းအရာနှင့် ပတ်သက်၍ ဒလမြို့ ပြည်သူများက တိုင်းသံဃနာယကအဖွဲ့ကို ကန့်ကွက်ဆန္ဒပြသွား မည်ဖြစ်ကြောင်း သတင်းရရှိသည်။

ဒလမြို့၊ ဆာပါချောင်းစု ရပ်ကွက် ကံဦးကျောင်း ဆရာaတာ်ဦးကုသလကို ကျောင်းပြု ပြင်တည်ဆောက်မှုနှင့် ပတ်သက်ပြီး တိုင်းသံဃနာယက အဖွဲ့က ကျောင်းတိုက်မှ ဇူလိုင် ၆ ရက်တွင် နောက်ဆုံးထွက်သွားပေးရန် ဇူလိုင် ၃ ရက်က အမိန့်ချခဲ့သည်။

ဇူလိုင် ၆ ရက်တွင် ဒလမြို့ ရှိ ရာနှင့်ချီသောပြည်သူများက ဆရာတော် ထွက်မသွားရန်ကျောင်းတိုက်ကို ပိတ်ဆို့တားဆီးခဲ့သောကြောင့် ရဲတပ်ဖွဲ့က လုံခြုံရေးယူထားခဲ့ရသည်။ နောက်ရက်များတွင်လည်း ပြည် သူ ၂၀၀ ခန့်က ဆရာတော် ထွက်မသွားရန် ကျောင်းတိုက် ကို တားဆီးပိတ်ဆို့မှုများ ဆက်လက်လုပ်ပြုလုပ်နေခြင်း ဖြစ်သည်။

‘‘ဦးပဉ္စင်းက ထွက်သွားပေးပါမယ်လို့ မဟနကို ကတိပေးခဲ့ပြီးသားပါ။ ဒါပေမဲ့ မြို့ပြည်သူaတွက ဘယ်လိုမှ ထွက်မသွားခိုင်းဘူး။ ဦးပဉ္စင်း အောက်ကိုဆင်းလို့မရဘဲဖြစ်နေတယ်။ ဦးပဉ္စင်းက ထွက်မသွားချင်လို့ အကာအကွယ်ယူထားတာ မဟုတ်ပါဘူးဆိုတာ ပြောချင်ပါတယ်’’ဟု ကံ ဦးကျောင်းတိုက်ဆရာတော် ဦးကုသလကမိန့်သည်။

ဆရာတော်အား ကျောင်းတိုက်မှ ဖယ်ရှားခြင်းကြောင့် ဒလမြို့ ပြည်သူများသည် တိုင်းသံဃနာယကအဖွဲ့ကို ဇူလိုင် ၉ ရက်တွင် ဒလမြို့၌ ကန့်ကွက် ဆန္ဒပြသွားမည်ဖြစ်ကြောင်း ဆရာတော်ဦးကုသလ၏ ဒကာဖြစ်သူ ကိုကျော်ကျော်ခိုင်က ပြောကြားသည်။

‘‘ခွင်ြ့ပုစာလည်း ကျပြီးပါပြီ။ လူဦးရေ သုံးရာပဲရတယ်။ ဒါပေမဲ့ ပါဝင်မယ့်သူတွေက အရမ်းများနေလို့ တိုင်ပင်နေကြပါတယ်။ မနက်ဖြန် ဆန္ဒပြသွားမှာပါ’’ ဟု ၎င်းက ပြောကြားသည်။

7day daily

အပြည့်အစုံသို့ »