အေအိုင်ဒီအက်စ် တိုက်ဖျက်နိုင်တော့မည်ဟု ရဲရဲ ပြောနိုင်ပြီ


တစ်ချိန်က ကုရာနတ်္ထိဆေးမရှိခဲ့သော အေအိုင်ဒီအက်စ်ကို လာမည့် နှစ်ပိုင်းများအတွင်း တိုက်ဖျက်နိုင်တော့မည်ဟု ရဲရဲတင်းတင်း ပြောနိုင် သည့် အခြေအနေရောက် လာပြီ။ အိပ်ခ်ျအိုင်ဗွီ ဗိုင်းရပ်စ်ကြောင့် ဖြစ်ပွားသော အေအိုင်ဒီအက်စ်ရောဂါကို ၂၀၃၀ ပြည့်နှစ်မှာ အပြည့်အ၀ထိန်းချုပ်နိုင် မည်ဟု နိုင်ငံတကာ အေအိုင်ဒီအက်စ် တိုက်ဖျက်ရေး လှုပ်ရှားသူများက ရဲရဲတင်းတင်း ပြောလိုက်ပြီ။ ယခင်က ကုရာနတ်္ထိ ဆေးမရှိ၊ ယခုလည်း အမြစ် ပြတ်ကုစရာ ဆေးမရှိသေးသည့်တိုင် အပြည့်အ၀ ထိန်းချုပ်နိုင်မည်ဟု ဆိုလိုက်ခြင်းမှာ ယုတ်္တိမရှိဟု ထင်စရာရှိသည်။ မည်သည့် နည်းလမ်းများဖြင့် ထိန်းချုပ်ကြပါမည်နည်း။

၂၀၃၀ မှာ အေအိုင်ဒီအက်စ် အမြစ်ပြတ် ဆေးပေါ်ပြီး အားလုံးကို ကုသပေးနိုင်မည်ဟု မဆိုလို။ သို့သော် လက်ရှိပေါ်နေပြီဖြစ်သော အေအာဗွီ ကဲ့သို့ အိပ်ခ်ျအိုင်ဗွီ ထိန်းဆေးဖြင့်ပင် အိပ်ခ်ျအိုင်ဗွီ အသစ် ကူးစက်သူ မရှိအောင် ၂၀၃၀ ခန့်တွင် ထိန်းချုပ်နိုင်တော့မည်။ ထိုအခါ အိပ်ခ်ျအိုင်ဗွီကြောင့်ဖြစ် သည့် အေအိုင် ဒီအက်စ်ဖြစ်ပွားသူ ပမာဏကိုလည်း ထိန်းချုပ်နိုင်တော့မည်။ အသစ်ကူးစက်၊ အသစ် ဖြစ်ပွားသူ မရှိအောင် ထိန်းနိုင်ပြီဆိုလျှင် အမြစ်ပြတ် တိုက်ဖျက်နိုင်ရေး လွန်စွာ နီးစပ်သွားပြီဖြစ်သည်။ လက်ရှိမှာပင် အေအာဗွီဆေးဖြင့် ကမ္ဘာတစ်ဝန်းမှ အိပ်ခ်ျအိုင်ဗွီ ကူးစက်ခံထားရသူ (၁၃) သန်းကျော်ကို လူ့သက်တမ်းစေ့နေနိုင်အောင် စောင့်ရှောက်ထားနိုင်ပြီ။ အေအာဗွီသည် အိပ်ခ်ျအိုင်ဗွီကို အသေမသတ်နိုင် သော်လည်း ခန္ဓာကိုယ်ထဲ ၀င်နေသော အိပ်ခ်ျ အိုင်ဗွီကို မလှုပ်နိုင်အောင်၊ ဆက်မပျံ့ပွားနိုင်အောင် ထိန်းပေးထားသည်။ ထိုသို့ ထိန်းလိုက်သဖြင့် အိပ်ခ်ျအိုင်ဗွီပိုးသည် ခန္ဓာကိုယ် ခုခံအားစနစ်ကို ဒုက္ခ မပေးနိုင်တော့။ ထိုအခါ ခုခံအားကျဆင်းသည့် အေအိုင်ဒီအက်စ်ရောဂါ အဆင့်သို့ မရောက်ရှိတော့ဘဲ ပိုးရှိလျက်နှင့်ပင် သက်တမ်းစေ့နေနိုင်သွားသည်။

အိပ်ခ်ျအိုင်ဗွီပိုးရှိသူ တစ်ဦးထံမှ ထပ်ဆင့်ကူးစက်ခံရသည့် နှုန်းကို တစ်ယောက်ထက် နည်းအောင် ကြိုးပမ်းသွားမည်ဖြစ်သည်။ ဆိုလိုသည်မှာ အိပ်ခ်ျအိုင်ဗွီ ရှိသူ (၁၀) ဦးရှိသည်ဆိုပါက ထိုလူများက တစ်ဆင့် ထပ်ကူးခံရသူ ပမာဏသည် (၁၀) ဦးအောက်သာ ရှိအောင် ထိန်းချုပ်သွားမည်။ ထိုသို့ ထိန်းချုပ်သွားခြင်းဖြင့် အချိန်တို အတွင်းမှာပင် အိပ်ခ်ျအိုင်ဗွီဖြင့် နေထိုင်ရသူ ပမာဏသည် ကျပြီးရင်း ကျဆင်းသွားမည်။ အိပ်ခ်ျအိုင်ဗွီကို သိပ္ပံပညာက စတွေ့သည်မှာ (၃၃)နှစ်လောက်သာရှိ သေးသည်။ ထိုကာလတို အတွင်း အိပ်ခ်ျအိုင်ဗွီကို နိုင်နင်းအောင် ထိန်းချုပ်နိုင်သည့် အခြေအနေမျိုးရှိလာသည်မှာ ကြီးမားသော အောင်မြင်မှုကြီးဖြစ်သည်။သိပ္ပံသုတေသနပိုင်းကလည်း အားကောင်းသလို၊ နိုင်ငံရေးပိုင်းကလည်း အိပ်ခ်ျအိုင်ဗွီအေအိုင်ဒီအက်စ်တိုက်ဖျက် ရေးအား တက်သရောရှိခြင်းကြောင့် ယခုကဲ့သို့ အောင်မြင်ခြင်းဖြစ်သည်။

ကုလသမဂ္ဂ အေအိုင်ဒီအက်စ် တိုက်ဖျက်ရေးအဖွဲ့ကြီး UNAIDS ၏ စာရင်းအရ ပြီးခဲ့သည့်တစ်နှစ်အတွင်း ကမ္ဘာတစ်ဝန်း အေအိုင်ဒီအက်စ် ဖြင့် လူ (၁ ဒသမ ၅)သန်း သေဆုံးကြောင်း သိရသည်။ သေဆုံးနှုန်း အများဆုံးဖြစ်ခဲ့သော ၂၀၀၅ ခုနှစ်က (၂ ဒသမ ၄) သန်းထက်သိသာစွာ လျော့ကျ လာပြီဖြစ်သည်။ သေဆုံးနှုန်းလျော့ကျလာသလို အိပ်ခ်ျအိုင်ဗွီ အသစ် ကူးစက်ခံရသူနှုန်း ကလည်း တစ်နှစ်ပြီးတစ်နှစ် လျော့ကျလာနေပြီကို တွေ့ရသည်။ သို့ဖြစ်ရာ ၂၀၃၀ ပြည့်နှစ်ရောက်သည့်အခါ အိပ်ခ်ျအိုင်ဗွီ အသစ်ကူးစက်မှု လုံးဝထိန်းချုပ်နိုင်ရမည်ဟူသော ရည်မှန်းချက်မှာ အဓိပ္ပာယ်ရှိ၍ ဖြစ်နိုင်သော ရည်မှန်းချက်ဖြစ်သည်။ အိပ်ခ်ျအိုင်ဗွီ ထိန်းချုပ်ရေး၊ အေအိုင်ဒီအက်စ် တိုက်ဖျက်ရေး လက်နက်ကောင်းများကို ပြီးခဲ့သည့် အပတ်က သြစတြေးလျနိုင်ငံ၊ မဲလ်ဘုန်းမြို့၌ ကျင်းပခဲ့သောအကြိမ် (၂၀)မြောက် နိုင်ငံတကာ အေအိုင်ဒီအက်စ်အရေး ဆွေးနွေးပွဲတွင် နိုင်ငံတကာမှ ပညာရှင်များ တင်ပြခဲ့ကြသည်။

ဝမ်းနည်းစရာ ကောင်းသည်မှာ အစည်းအဝေးတက်ရန် လာသည့် ကိုယ်စားလှယ် ခြောက်ဦးသည် ယူကရိန်း နိုင်ငံ အရှေ့ပိုင်း၌ မလေးရှား လေယာဉ် MH 17 ပျက်ကျမှုတွင် ကွယ်လွန်ခဲ့ရသည်။ ၎င်း တို့အနက် တစ်ဦးမှာ နိုင်ငံတကာ အေအိုင်ဒီအက်စ် အဖွဲ့ကြီး (International AIDS Society) ၏ ဥက္ကဋ္ဌ ဟောင်းဂျိုးလန်း ဖြစ်သည်။ အေအိုင်ဒီအက်စ် တိုက်ဖျက်ရေးလှုပ်ရှားမှု၏ မီးရှူးတန်ဆောင်တစ်ဦး အဖြစ် သတ်မှတ်ခံရသူ ဖြစ်သည်။ မည်သို့ပင် ဆိုစေ အေအိုင်ဒီအက်စ် တိုက်ဖျက်ရေး လှုပ်ရှားမှုများကား အင်အားကောင်းကောင်း ဆက်ချီတက်မည်ဖြစ်သည်။

ကူးစက်မှု ဘရိတ်အုပ်

အိပ်ခ်ျအိုင်ဗွီ ကူးစက်မှု ထိန်းချုပ်နိုင်မည့် နည်းလမ်းများစွာလည်း ရှိနေပြီဖြစ်ကြောင်း အစည်းအဝေးသို့ တက်ရောက်လာသော တောင်အာဖရိ က အေအိုင်ဒီအက်စ် သုတေသနစင်တာမှ စလင်းအဗ္ဗဒူးကာရင်မ်က ပြောသည်။ အိပ်ခ်ျအိုင်ဗွီ ရှိသူများကို ဆွေးနွေး ပညာပေးခြင်းနည်း၊ ကွန်ဒုံးသုံးခြင်း နည်း၊ အေအာဗွီ ကဲ့သို့ အိပ်ခ်ျအိုင်ဗွီ ထိန်းဆေးများပေးခြင်းနည်းများသည် လွန်စွာ ထိရောက် သောနည်းလမ်းများ ဖြစ်လာပြီ။ ထိရောက် သောနည်းလမ်း များထဲမှ ပို၍ထိရောက်သော နည်းလမ်းကား အေအာဗွီဆေး ဖြစ်သည်။ အေအာဗွီသည် အိပ်ခ်ျအိုင်ဗွီရှိသူ ခန္ဓာကိုယ်ထဲက ပိုးကိုသိသိသာသာ ထိန်းချုပ် ပေးနိုင်ရာ ထိုသူမှတစ်ဆင့် အခြားသူများသို့ ကူးနိုင်ခြေ အလွန်နည်းသွားသည်အထိ ထိန်းချုပ်ပေးနိုင်ကြောင်း တွေ့ရသည်။

လေ့လာမှုတစ်ရပ်အရ ဇနီးခင်ပွန်း တစ်ဦးဦး၌ အိပ်ခ်ျအိုင်ဗွီရှိနေသော အိမ်ထောင်သည် စုံတွဲများတွင် ပိုးရှိသူကို အေအာဗွီဆေးသုံးစေပါက ကူးစက်မှု (၉၆) ရာခိုင်နှုန်းထိ လျှော့ချနိုင်ကြောင်း တွေ့ရသည်။ ပုံမှန် နေ့စဉ်ဘ၀ လူပေါင်းစုံထဲတွင် ကူးစက်မှု လျှော့ချ ပေးနိုင်စွမ်းကိုလည်း လေ့လာမှု စစ်တမ်း တစ်ရပ်ပြုစုထားသည်။ တောင်အာဖရိကနိုင်ငံ ကွာဇူလူ-နာတယ် တက္ကသိုလ်က စစ်တမ်းပြုစုခြင်း ဖြစ်သည်။ အိပ်ခ်ျအိုင်ဗွီပိုးရှိသူ (၃၀)မှ (၄၀)ရာ ခိုင်နှုန်းထိကို အေအာဗွီဆေး တိုက်ကျွေးထားနိုင်သော ဒေသများတွင် နေထိုင်သော ရောဂါမရှိသူများနှင့် အေအာဗွီ ဆေး (၁၀) ရာခိုင်နှုန်းခန့်သာ တိုက် ကျွေးထား နိုင်သော ဒေသများတွင် နေထိုင်သော ရောဂါ မရှိသူများကို ယှဉ်ကြည့်သည်။ ထိုအခါ အေအာဗွီဆေး ရာခိုင်နှုန်း များများ တိုက်ကျွေးထား နိုင်သော ဒေသများတွင် နေထိုင်သော ရောဂါမရှိသူများသည် အိပ်ခ်ျအိုင်ဗွီကူးစက်ခံ ရနိုင်ခြေ (၃၈)ရာခိုင်နှုန်းထိ နည်းပါးကြောင်း တွေ့ခဲ့ရသည်။

အိပ်ခ်ျအိုင်ဗွီရှိသူများကို အေအာဗွီဆေးဖြင့် ထိန်းပေးနိုင်သလို အိပ်ခ်ျအိုင်ဗွီ ကူးစက်ခံ ရနိုင်ခြေများသည့် ပတ်ဝန်းကျင်တွင် နေထိုင်သော လူကောင်းများအတွက်လည်း Truvada ကဲ့သို့အိပ်ခ်ျအိုင်ဗွီ ကာကွယ်ဆေးများရှိသေးသည်။ ဆန်ဖရန်စစ်္စကိုရှိ ကယ်လီဖိုးနီးယား တက္ကသိုလ်မှ ရောဘတ် ဂရန့်သည် Truvada ဆေးကို အစဦး စမ်းသပ်တီထွင်သူများထဲတွင် ပါဝင်သည်။ မဲလ်ဘုန်းမြို့ အေအိုင်ဒီအက်စ်အရေး ဆွေးနွေးပွဲတွင် မစ္စတာ ဂရန့်က ကမ္ဘာ့ တိုက်ကြီးလေးခုရှိ နေရာ (၁၁) နေရာတွင် ပြုလုပ်ခဲ့သော ၎င်း တို့၏ သုတေသနများအကြောင်း ဆွေးနွေးတင်ပြသွားသည်။

Truvada သည် အိပ်ခ်ျအိုင်ဗွီ ကူးစက် မခံရအောင် (၉၀)ရာခိုင်နှုန်းထိ ကာကွယ် ပေးနိုင်ကြောင်း မစ္စတာ ဂရန့်က ပြောသည်။ နေ့တိုင်း သောက်ဖို့လည်း မလို။ တစ်ပတ် လေးကြိမ်သောက်လျှင် စိတ်ချရသည်။ နေ့တိုင်းဆေးသောက်ဖို့ မေ့တတ်သူများအတွက် အဆင်ပြေစေမည်ဖြစ်သည်။ သို့သော် Truvada သည် ဈေးကြီးလွန်းနေသေးသည်။ ဆေးတစ်လစာကို ဒေါ်လာ(၁၃၀၀) လောက်ကျသင့်သည်။ ဈေးကြီးလွန်းခြင်းက Truvada ၏ တွင်ကျယ်မှုကို အတားအဆီး ဖြစ်စေလျက်ရှိသည်။

အိပ်ခ်ျအိုင်ဗွီ ထိန်းချုပ်ဖို့ လက်နက် ကောင်း တော်တော်များများရှိလာပြီ။ သို့သော် Truvada ဥပမာကဲ့သို့ပင် ဈေးကြီးနေ သေးခြင်းသည် အတားအဆီး ဖြစ်နေသည်။ အေအိုင်ဒီအက်စ် တိုက်ဖျက်ရေး အတွက် နိုင်ငံရေးပိုင်း၏ စိတ်အားထက်သန်စွာ အားပေးမှုအရှိန်မသေဖို့လည်း လိုသေး သည်။ ၂၀၀၀ ပြည့်နှစ်တွင် စတင်ချမှတ် အကောင် အထည်ဖော်ခဲ့သော ကုလသမဂ္ဂထောင်စုနှစ် ဖွံ့ဖြိုးရေး ရည်မှန်းချက်များထဲတွင် အေအိုင် ဒီအက်စ် တိုက်ဖျက်ရေးကို အဓိက လုပ်ငန်း စဉ်ကြီးတစ်ရပ်အဖြစ် ထည့်သွင်းခဲ့သဖြင့် ကမ္ဘာ့ နိုင်ငံများသည်လည်း အင်တိုက်အားတိုက် ဆောင်ရွက်ခဲ့ကြသည်။ သို့သော် ထောင်စုနှစ် ဖွံ့ဖြိုးရေး ရည်မှန်းချက်များသည် ၂၀၁၅ တွင် သက်တမ်းကုန်ဆုံးတော့မည်။ ၂၀၁၅ လွန်ရည်မှန်းချက် မူကြမ်းများထဲတွင် ကား အေအိုင်ဒီအက်စ် တိုက်ဖျက်ရေးကို အဓိကအသားပေး ဖော်ပြထားသည်မျိုး မတွေ့ရသေးရာ နိုင်ငံရေးပိုင်းက စိတ်အား ထက်သန်မှုကျဆင်းသွားမှာ စိုးရိမ်ရသည်။ စိုးရိမ်မည်ဆိုလည်း စိုးရိမ်စရာဖြစ်သည်။ အိပ်ခ်ျအိုင်ဗွီ အေအိုင်ဒီအက်စ် ကာကွယ် ရေးနှင့် ကုသရေးလုပ်ငန်းများအတွက် ကမ္ဘာ တစ်ဝန်း တစ်နှစ်ကို ဒေါ်လာ(၁၉) ဘီလီယံ လိုအပ်ရာ ရှေ့လာမည့် နှစ်ပိုင်းများတွင် ပြည့်မီအောင် ကောက်ခံမရနိုင်မည့် အလားအလာများတွေ့နေရပြီ။ အေအိုင်ဒီ အက်စ် တိုက်ဖျက်ရေး လှုပ်ရှားသူများ ငွေနည်းနည်း နဲ့ အလုပ်များများတွင်အောင် လုပ်နိုင်မည့် နည်းလမ်းများ ရှာဖွေကြရမည်။

အိပ်ခ်ျအိုင်ဗွီ ကူးစက်ခံရပြီးနောက် ဖြစ်နိုင်သမျှ အချိန်တိုအတွင်း အေအာဗွီဆေး သောက်သုံးနိုင်လျှင် အိပ်ခ်ျအိုင်ဗွီဆိုးကျိုး ခံစားရမှု အနည်း ဆုံးဖြစ်မည်ဟု ကမ္ဘာ့ ကျန်းမာရေးအဖွဲ့ကြီးက ပြောသည်။ သို့သော် မည်သူသည် အိပ်ခ်ျအိုင်ဗွီ ကူးစက်ခံရပြီ ဖြစ်ကြောင်း ဖော်ထုတ်နိုင်ဖို့က မလွယ်။ ကမ္ဘာ့့ကျန်းမာရေးအဖွဲ့ကြီး၏ ခန့်မှန်းချက်အရ ကမ္ဘာတစ်ဝန်း အိပ်ခ်ျအိုင်ဗွီပိုးရှိသူ (၃၅) သန်းရှိသည်။ ၎င်းတို့အနက်(၁၉) သန်းခန့် သည် အိပ်ခ်ျအိုင်ဗွီပိုး ရှိကြောင်း ကျန်းမာရေးအဖွဲ့များက ဖော်ထုတ်မှတ်တမ်းတင်နိုင်ခြင်း မရှိသေးကြောင်း သိရသည်။ ဖော်ထုတ်သိရှိခြင်း မရှိသည့်အတွက် ထိုလူများကို အိပ်ခ်ျအိုင်ဗွီ ထိန်းဆေးပေးဖို့ မဖြစ်နိုင်သေးသလို၊ ထိုသူများထံကတစ်ဆင့် အခြားသူများထံ မကူးစက်အောင် ပညာပေး ဆွေးနွေးခြင်းမျိုးလည်း မလုပ် နိုင်ဘဲ ဖြစ်နေသည်။ ထိုလူများ ကျန်ရှိနေသမျှ အိပ်ခ်ျအိုင်ဗွီကို ထိန်းချုပ်ဖို့က ခက်နေဦးမည်ဖြစ်သည်။ အေအိုင်ဒီအက်စ် အဆုံးသတ်ပစ်ဖို့ ဝေးနေဦးမည်။ ထိန်းချုပ်ရေးအပြင် ကျန်ရှိနေသေးသူ (၃၅) သန်းခန့်ကို ပျောက်အောင် ကုပေးနိုင်အောင်လည်း ထပ်တိုး ကြိုးပမ်းကြရမည်။

လွန်ခဲ့သည့် နှစ်နှစ်က ၀ါရှင်တန်တွင် ကျင်းပသော (၁၉)ကြိမ်မြောက် နိုင်ငံတကာ အေအိုင်ဒီအက်စ်အရေး ဆွေးနွေးပွဲတွင် တင်ပြဆွေးနွေးမှု များထဲ၌ ကုသနိုင်မည့် မျှော်လင့်ချက်များလည်း ပါသည်။ အမေရိကန် နိုင်ငံ မစ်္စစ်္စပီပြည်နယ်မှ ကလေးငယ် မိန်းကလေး တစ်ဦးကို မွေးပြီးပြီးချင်းမှာပင် အေအာ ဗွီဆေးပေး၍ ကုသခဲ့သည်။ ကလေးငယ် သည် မိခင်ထံမှ အိပ်ခ်ျအိုင်ဗွီ ကူးစက်လာ ခြင်းဖြစ်သည်။ ကလေးငယ်ကို (၁၈) လသားအထိ အေအာဗွီဆေးပေးကာ အိပ်ခ်ျအိုင်ဗွီကို ထိန်းချုပ်ထားနိုင်ခဲ့သည်။ ထို့နောက် မိခင်ဖြစ်သူသည် နေရပ်ပြောင်းသွားရာ ကလေးကိုလည်း အေအာဗွီဆေး ဆက်တိုက်ကျွေးနိုင်ခြင်း မရှိဘဲ အဆက်ပြတ်သွားခဲ့သည်။ ကလေးနှင့် ပြန်ဆက်သွယ်နိုင်သည့် အချိန်တွင် စစ်ဆေးကြည့်ရာကလေးတွင် အိပ်ခ်ျအိုင်ဗွီပိုး လုံးဝမရှိတော့ကြောင်း တွေ့ခဲ့ရသည်။ ထိုအတိုင်းမှန်လျှင် ကလေး၏ အိပ်ခ်ျအိုင်ဗွီကို ပျောက်အောင် ကုလိုက်နိုင်ပြီဟု ဆိုနိုင်သည်။ ဆရာဝန်များသည် ကလေးကို အေအာဗွီဆေး ဆက်မတိုက်ဘဲ အခြေအနေကို စောင့်ကြည့်နေခဲ့ကြသည်။ ယခု ဇူလိုင်လ ဆန်းပိုင်းတွင် ကလေးမှာ အိပ်ခ်ျအိုင်ဗွီ ပြန်ပေါ်လာ သည်။ ဆေးဖြတ်လိုက်ပြီး ၂၇ လအကြာတွင် အိပ်ခ်ျအိုင်ဗွီ တစ်ကျော့ပြန် ပေါ်လာခဲ့သည်။

နောက်ထပ် တစ်ယောက်ကား ဂျာမနီနိုင်ငံ ဘာလင်မြို့မှ တင်မိုသီ ဘရောင်းဖြစ်သည်။ ဘရောင်းသည် အိပ်ခ်ျအိုင်ဗွီ ရှိပြီး သွေးကင်ဆာဒဏ် လည်း ခံစားနေရသဖြင့် သွေးကင်ဆာကုထုံးအဖြစ် ၎င်း ကို ရိုးတွင်းခြင်ဆီ လဲလှယ်ခဲ့သည်။ ၎င်း ထံ လဲလှယ် ထည့်သွင်းခဲ့သော ရိုးတွင်းခြင်ဆီသည် မျိုး ဗီဇအရ အိပ်ခ်ျအိုင်ဗွီဒဏ်ခံနိုင်သူတစ်ဦးထံမှ ဖြစ်ရာ ရိုးတွင်းခြင်ဆီ လဲလှယ်ပြီးနောက် ဘရောင်းတွင် အိပ်ခ်ျအိုင်ဗွီပိုး မရှိတော့ကြောင်း တွေ့ခဲ့ရသည်။ ယခုအချိန်ထိ ဘရောင်းသည် ပထမဆုံးသော အိပ်ခ်ျအိုင်ဗွီ ကုသပျောက်ကင်းသူအဖြစ် သတ်မှတ်ခံထားရသည်။ဘရောင်းကို ကုသခဲ့သော နည်းမျိုးသည် လူတိုင်းကို လုပ်ပေးနိုင်သော နည်းကားမဟုတ်။

သုတေသနများက ဝေဒနာရှင်တစ်ဦးချင်းစီ၏ မျိုးဗီဇကိုယူကာ အိပ်ခ်ျအိုင်ဗွီဒဏ် ခံနိုင်သည့် မျိုးဗီဇများအဖြစ် ဓာတ်ခွဲခန်းတွင် ပြောင်းလဲပြီး နောက် ဝေဒနာရှင်ထံ ထည့် သွင်းပေးကာ အိပ်ခ်ျအိုင်ဗွီကို တိုက်မည့်နည်းကိုလည်း စမ်းသပ်နေကြပြီ။ ထိရောက်သော လက်တွေ့နည်းတစ်ရပ်အဖြစ် ပေါ်လာဖို့ အချိန်ယူ လုပ်ကိုင်ဖို့တော့ လိုသေးသည်။ တစ်နည်းမဟုတ် တစ်နည်းဖြင့်တော့ အိပ်ခ်ျအိုင်ဗွီကို မလွှဲမသွေ တိုက်ဖျက်နိုင်လာလိမ့်မည်။ ယခု ထိတော့ တိုက်ရိုက်ကုဆေး မရှိသေး။ သို့ဖြစ်ရာ အိပ်ခ်ျအိုင်ဗွီ ကူးစက်ခံ ထားရသူများ လက်ရှိမှာ လုပ်ရန်ကား အကျိန်းသေဆုံးနည်းဖြစ်သည့် အေအာဗွီ ဆေး ပုံမှန်သောက်သုံးကြဖို့ ဖြစ်သည်။

Ref: The 20th International AIDS Conference _ Is the end in sight? (The Economist)
messengernewsjournal

အပြည့်အစုံသို့ »

သစ်ခုတ်သမား ပုံပြင်သစ်



သစ်ခုတ်သမားသည် သူ့လှည်းပေါ်မှ ဆင်းကာလေညှင်းခံနေစဉ် လှည်းကို ကုန်းဆင်းတွင် ထားမိ၍ မြစ်အတွင်းသို့ ကျလေ၏။
ထိုအခါ ကျယ်လောင်စွာ ငိုယိုအော်ဟစ်နေသောကြောင့် မြစ်စောင့်နတ်သည် ဘွားကနဲပေါ်လာ၏။ မြစ်စောင့်နတ်သည်
ချက်ချင်းမြစ်အတွင်းမှနေ၍ မော်တော်ကားတစ်စီးနှင့်အတူပြန် ပေါ်လာ၏။

” ဒါ သင့် ပစ္စည်းလား..”
” ဟုတ်ပါတယ် ဟုတ်ပါတယ်…ဒါကျနော့်ပစ္စည်း…ဒါ….ဒါကျနော့်ဟာ အစစ်ပါ ”
ထိုအခါ မြစ်စောင့်နတ်လည်းအရမ်းဒေါသထွက်သွား၏။
” မင်းဟာတကယ်တော့ လူလိမ်လူညာပဲ။ ဒါ တရုတ်ထုတ် ချယ်ရီ ၀က်စစ်ဂွန်ကားကွ။
မင်းပစ္စည်းမဟုတ်ဘူး”
ထိုအခါ သစ်ခုတ်သမားမှ တောင်းပန်စကားဆိုလေ၏။
” အိုမြစ်စောင့်နတ်မင်း၊ ကျနော့်အား ခွင့်လွှတ်တော်မူပါ။ တကယ်လို့
ကျနော်က မဟုတ်ဘူးလို့ပြောရင် အသင်နတ်မင်းက နောက်ထပ်ရွာမ သံရည်ကြိုစက်ရုံမှ
ခိုးရောင်းသော သိန်းနှစ်ဆယ်တန် ( without) လိုင်စင်မဲ့ ကားကို
ပြပါလိမ့်မယ်။ ဒါကိုမှ ထပ်ငြင်းရင် အရှင်က ကျနော့် လှည်း အဟောင်းကြီး ကို
ပြန်ဆယ်လာမှာ သေချာပါတယ်။ ဒီလိုဆယ်လာမှ အဲဒါ ကျနော့်
လှည်းပါလို့ပြောလိုက်ရင် နိုင်ငံတော်ပေါ်လစီအရ နှစ် ၃၀ အထက်ဖြစ်နေတဲ့
ကျနော့်လှည်းဟာ စလစ်နဲ့ နောက်တစ်စီး ၀ယ်ရပါလိမ့်မယ်။ ဒါကြောင့် ပထမ
ချယ်ရီကားမှာကတည်းက ဟုတ်ပါတယ်လို့ ပြောလိုက်မိ တာပါခင်ဗျာ ”

ရဲစတိုင်း
The Myanma Age

အပြည့်အစုံသို့ »

‘မြန်မာနိုင်ငံကို အများကြီးပေးဆပ်သွားချင်လို့ ဆုတစ်ခုတော့ရအောင် ယူလာခဲ့မယ်’


ကမ္ဘာ့ထိပ်တန်းအလှမယ် ပြိုင်ပွဲတစ်ခုဖြစ်သည့် မယ်စကြ၀ဠာပြိုင်ပွဲတွင် မြန်မာနိုင်ငံ ကိုယ် စားပြုသွားရောက်ယှဉ်ပြိုင်ရန် မယ်စကြ၀ဠာ  မြန်မာအလှမယ် အဖြစ် အသက် (၂၀) အရွယ် သျှားထွဋ်အိန္ဒြာ   ရွေးချယ်ခံခဲ့ရ သည်။ နှစ်ပေါင်း ၅၀ ကျော် ကြာမှ မြန်မာနိုင်ငံမှ ပြန်လည်ယှဉ်ပြိုင်မှုအနေဖြင့် ၂၀၁၃ ခုနှစ်၌ မိုးစက်ဝိုင်က ရုရှားနိုင်ငံတွင် သွား ရောက်ယှဉ်ပြိုင်ခဲ့ပြီး ယခုနှစ်တွင်မူ ဒုတိယမြောက်ပြန်လည်ယှဉ် ပြိုင်မှုအဖြစ် အမေရိကန်နိုင်ငံ တွင် ယှဉ်ပြိုင်ရမည်ဖြစ်သည်။ မမျှော်လင့်ဘဲ မယ်စကြ၀ဠာ (မြန်မာ)သရဖူကို ရခဲ့သည်ဆို သော သျှားထွဋ်အိန္ဒြာနှင့် တွေ့ဆုံ ကာ သူမ၏ ရင်ခုန်သံများကို တွေ့ဆုံမေးမြန်းဖြစ်ခဲ့သည်။

တစ်ကမ္ဘာလုံးမှာ အကြီးဆုံး အလှ မယ်ပြိုင်ပွဲတစ်ခုဖြစ်တဲ့ မယ်စကြ ၀ဠာပြိုင်ပွဲကြီးမှာ မြန်မာနိုင်ငံ ကိုယ်စားပြု ပါဝင်ခွင့်ရခဲ့ပြီဆို တော့ ကိုယ့်ကိုယ်ကိုယ်ဘယ် လောက်ယုံကြည်ထားလဲ။

ညီမပြိုင်ပွဲနဲ့ ပတ်သက်ပြီး ယုံကြည်မှုအပြည့်အ၀ထည့်ထား ပါတယ်။ နောက်ပြီးညီမကို နောက်ကနေ ကူညီပံ့ပိုးပေးတဲ့ ညီမရဲ့ မိ သားစု၊ Organization နဲ့ ပူးပေါင်းပြီး အစစအရာရာလိုလေသေးမရှိ အောင်၊ အဆင်ပြေအောင် ညီမ တို့နိုင်ငံရဲ့ သယံဇာတတွေ၊ ယဉ် ကျေးမှုအမွေအနှစ်တွေကို ဖော် ထုတ်နိုင်အောင် ပြင်ဆင်ထား ပါတယ်။

ဒီနှစ်ကို ပြီးခဲ့တဲ့နှစ်က သွားရောက် ယှဉ်ပြိုင်ခဲ့တဲ့ အလှမယ်မိုးစက် ၀ိုင်နဲ့ နှိုင်းယှဉ်ပြီး အားမရဘူးဆို တဲ့ ဝေဖန်မှုတွေရှိခဲ့တာဆိုတော့ ပရိသတ်တွေရဲ့ အမြင်နဲ့ ပတ် သက်ပြီး ဘယ်လိုဖြေရှင်းချက် ပေးချင်လဲ။

ညီမခုချိန်ထိ Perfect မဖြစ် သေးဘူး။ အဲဒါကြောင့် ညီမကို အကြံပေးနိုင်ပါတယ်။ ဝေဖန် ပြောဆိုနိုင်ကြပါတယ်။ အဲဒီအကြံဉာဏ်တွေကို လက်ခံပြီး လိုအပ် ချက်တွေကို ဖြည့်ဆည်းသွား မယ်။ နောက်ပြီးဟိုမှာ သွားပြိုင် ရင်လည်း တခြားနိုင်ငံက အလှ မယ်တွေထက် မသာရင်တောင်မှ မနိမ့်အောင် အကောင်းဆုံးယှဉ် ပြိုင်သွားပါမယ်။

သွားရောက်ယှဉ်ပြိုင်မယ့် ပြိုင်ပွဲ ကြီးမှာရော ပြီးခဲ့တဲ့နှစ်က ယှဉ် ပြိုင်ခဲ့တဲ့ ပြိုင်ပွဲဝင် မိုးစက်ဝိုင်ရဲ့ ဘယ်လိုအားနည်းချက်၊ ဘယ်လို အားသာချက်တွေကို အတုယူပြီး အကောင်းဆုံးပြင်ဆင်သွားမလဲ။

အစ်မ(မိုးစက်ဝိုင်)ကလည်း ညီမကို သင်ကြားပြသပေးတယ်။ အစ်မမှာကတော့ အားနည်းချက် ဆိုတာ မရှိပါဘူး။ သူက အရမ်း Perfect ဖြစ်တယ်။ ဒါပေမဲ့ ပြဿနာလေးတွေ ကြုံခဲ့ရတာဆို တော့ အဲဒီလိုပြဿနာတွေမကြုံ ရအောင် ကြိုးစားသွားပါမယ်။

မိုးစက်ဝိုင်တုန်းက ပြိုင်ပွဲမှာ လမ်း လျှောက်တာနဲ့ ပတ်သက်ပြီး အားနည်းချက်ရှိတယ်လို့ ထောက်ပြတာတွေရှိတော့ ညီမအတွက် ရော အဓိကလိုအပ်ချက်က ဘာ ဖြစ်မယ်လို့ထင်လဲ။

အဓိကလိုအပ်ချက်အနေနဲ့ ကတော့ အရပ်ကလေးဒီထက်ပို ထွက်ချင်တယ်။

မယ်စကြ၀ဠာပြိုင်ပွဲဆိုတာ ကမ္ဘာ မှာလည်း အကြီးဆုံးပြိုင်ပွဲတစ်ခု ဖြစ်တယ်။ လာရောက်ယှဉ်ပြိုင် မယ့်နိုင်ငံတွေကလည်း အများ ကြီးဆိုတော့ ညီမအတွက် ဘယ် လောက်စိန်ခေါ်မှုရှိတဲ့ ပြိုင်ပွဲတစ် ခုလို့ ပြောလို့ရလဲ။

ဒီပြိုင်ပွဲကြီးကို သွားပြိုင်ဖို့ အများကြီးမှန်းထားတယ်။ ညီမရဲ့  စိန်ခေါ်မှုအနေနဲ့ကတော့ ညီမရဲ့ အောင်မြင်မှုလမ်းကြောင်း တစ်ခု အနေနဲ့ မြန်မာနိုင်ငံကို အများကြီး ပေးဆပ်သွားချင်တယ်။ အဲဒီအ တွက် ဆုတစ်ခုတော့ ရအောင် ယူလာခဲ့မယ်။ တကယ်ကို ကြိုး ကြိုးစားစားနဲ့ သွားပြီး လိုလေသေးမရှိအောင် ယှဉ်ပြိုင်သွားမယ်။

မယ်စကြ၀ဠာစင်မြင့်က ညီမရဲ့ ငယ်ဘ၀အိပ်မက်တစ်ခုလို့ရော ပြောလို့ရနိုင်မလား။ ကိုယ့်ကိုယ် ကိုယ်ရော ဒီလိုပြိုင်ပွဲကြီးမှာပါဝင် ခွင့်ရမယ်လို့ စိတ်ကူးယဉ်ခဲ့တာ မျိုးရှိလား။

ပြောလို့ရပါတယ်။ ငယ်ငယ် ကတည်းက ကိုယ့်နိုင်ငံကို ကိုယ် စားပြုပြီး ပြိုင်တဲ့ ကိုယ့်နိုင်ငံအ တွက် ပြန်ပေးဆပ်နိုင်တဲ့ အလှ မယ်တစ်ယောက်ဖြစ်ချင်ခဲ့တာ ပါ။ အဲဒါကြောင့် ညီမရဲ့ရည်မှန်း ချက်တွေကို ဖော်ထုတ်ခွင့်ရတဲ့ အတွက်လည်း ကျေးဇူးတင် တယ်။

အခုနောက်ပိုင်းမှာ အလှမယ်တွေ နဲ့ ပွဲကျင်းပတဲ့ အဖွဲ့အစည်းတွေ ကြားထဲမှာ မပြေလည်မှုတွေ ကြားနေရတယ်။ ညီမပြိုင်ရမှာက ပရိသတ်အားပေးမှုအများဆုံးရရှိ နေတဲ့ မယ်စကြ၀ဠာပြိုင်ပွဲရဲ့ နိုင်ငံကိုယ်စားပြု    အလှမယ်တစ် ယောက်ဖြစ်တဲ့အတွက် အနေအ ထိုင်အပြုအမူတွေကို ဘယ်လိုနေ ထိုင်သွားမယ်လို့ ဆုံးဖြတ်ထား လဲ။

ညီမတို့ Miss တွေကိုမွေး ထုတ်ပေးတဲ့ Organization က ညီမတို့ရဲ့ ကျေးဇူးရှင်ပါ။ အဲဒီ ကျေးဇူးရှင်တွေနဲ့ အစစ၊အရာရာလက်တွဲသွားမယ်။ ကျေးဇူးရှင် ကိုပြန်ပြီး ကျေးဇူးဆပ်သွားမယ်။ အခုချိန်မှာ ညီမကနိုင်ငံကိုယ်စား ပြုအလှမယ်တစ်ယောက်ဖြစ်တဲ့ အတွက် အစစ၊အရာရာအသွား အလာ၊ အနေအထိုင်တွေ ဆင် ခြင်သွားပါမယ်။

ပြည်ပမှာ သွားပြိုင်ရမှာဆိုတော့ ဘာသာစကားပိုင်းနဲ့ ပတ်သက် ပြီး ဘယ်လိုပြင်ဆင်ထားလဲ။

ဘာသာစကားပိုင်းနဲ့ ပတ်သက်ပြီး တော့လည်း လက်ရှိအခြေအနေ ထက်ကောင်းအောင် လေ့လာ နေပါတယ်။ General Know-ledge (အထွေထွေဗဟုသုတ) ကောင်းအောင်လည်း လေ့လာနေပါတယ်။

မယ်စကြ၀ဠာဆုရခဲ့ပေမယ့် ပရိ သတ်ရဲ့ အားပေးမှုအပြည့်အ၀မရ သေးဘူးဆိုတော့ ပြိုင်ပွဲကြီးသွား ပြိုင်တဲ့အခါ ပရိသတ်တွေရဲ့အား ပေးမှုအပြည့်အ၀ရရှိဖို့ ဘယ်လို ကြိုးစားသွားမလဲ။

ညီမကို ဘယ်လိုပဲပြောပြော လက်ခံနိုင်ပါတယ်။ ညီမကို ဝေ ဖန်ပေးကြပါ။ အကြံပေးနိုင်ပါ တယ်။ ပရိသတ်တွေ လက်ခံနိုင် တဲ့ အလှမယ်ဖြစ်အောင်လည်း ကြိုးစားသွားပါမယ်။

အလှမယ်နဲ့ ပရဟိတက ဆက်စပ် နေတာဆိုတော့ ဆုရတဲ့ဆု ကြေးထဲကနေ ပရဟိတအလှူ လုပ်သွားဖို့ရော အစီအစဉ်ရှိလား။

ပရဟိတကို ညီမ Miss ဖြစ်မှလုပ်မှာ မဟုတ်ပါဘူး။ အရင်က တည်းကလည်း လုပ်ဖြစ်ပါတယ်။ အခုတော့ Organization နဲ့ လက် တွဲပြီး ပရဟိတလုပ်ငန်းတွေ လုပ် သွားဖို့ရှိပါတယ်။ ဆုရတဲ့ ဆုကြေးထဲကလည်း လိုအပ်တဲ့နေရာ တွေကို လိုက်ပြီး ဖြည့်ဆည်းသွား ဖို့အစီအစဉ်ရှိပါတယ်။

7daydaily

အပြည့်အစုံသို့ »

ဦးနေ၀င်းမြေးများနှင့် ပူးပေါင်းရင်းနှီးမြှုပ်နှံသော စီစီအိုအီးစီဆိုတာဘာလဲ



မြန်မာ စစ်အာဏာရှင်ဟောင်း ဦးနေ၀င်း၏ အကျဉ်းထောင်မှ လွတ်မြောက်လာသော မြေးများက မြန်မာနိုင်ငံတွင် စီးပွားရေးလုပ်ငန်းများ လုပ်ကိုင်ရန်ပြင်ဆင် နေကြောင်း မကြာသေးမီက သတင်းမီဒီယာများအား အသိပေး ဖြေကြားခဲ့ပါသည်။ သူတို့က မြန်မာနိုင်ငံတွင် အုပ်ချုပ်သူစစ် အစိုးရနှင့် ပတ်သက်နေသည်ဟု ဆိုသော ထူးကုမ္ပဏီဥက္ကဋ္ဌ ဦးတေဇပိုင်ဆိုင်သည့် အာရှစိမ်းလန်းမှုဖွံ့ဖြိုးရေးဘဏ်(AGD)၏ ရှယ်ယာများကို အများဆုံးဝယ်ယူ လုပ်ကိုင်သွားမည်ဟုဆိုသည်။ ၎င်းတို့ကိုတရုတ်နိုင်ငံမှ CCOEC(China  National Corporation For Overseas Economic Coop-eration) ဟုခေါ်သည့် ကုမ္ပဏီ တစ်ခုက ငွေအရင်းအနှီးထုတ်ပေး ရန် ကမ်းလှမ်းခဲ့သည်ဟု ဦးအေးနေ၀င်းနှင့်  ဧရာဝတီသတင်းဌာန တို့၏ မေးမြန်းခန်းတွင် ဖော်ပြထားသည်။

ဦးအေးနေ၀င်းတို့အား စီးပွားရေးလုပ်ကိုင်ရန် အရင်းအနှီးထုတ် ပေးဖို့ ကမ်းလှမ်းခဲ့သော တရုတ် ကုမ္ပဏီတစ်ခုဟုဆိုသည့် စီစီအို အီးစီ(CCOEC) ဆိုသည်မှာ မည်ကဲ့သို့ကုမ္ပဏီမျိုးပါလဲ။ ၎င်းတို့ကဘာကြောင့် ဦးအေးနေ၀င်းတို့အား ငွေထုတ်ပေးရန် ကမ်းလှမ်းရတာလဲဆိုသည့် မေးခွန်းများထွက်ပေါ် လာပါသည်။

အမှန်တော့စီစီအိုအီးစီကို တရုတ်ကုမ္ပဏီတစ်ခုဆိုသည် ထက် တရုတ်အစိုးရပိုင်ကုမ္ပဏီ တစ်ခုဟုပြောသည်က ပိုမှန်ကန် ပါမည်။ စီစီအိုအီးစီဖြစ်လာမည့် ထိုကုမ္ပဏီကို ၁၉၆၅ ခုနှစ်တွင် တရုတ်နိုင်ငံတော်ကောင်စီ၏ ထောက်ခံမှုအရ တရုတ်နိုင်ငံ၏ ဆောက်လုပ်ရေးပစ္စည်းများ တင်ပို့ရန် ရည်ရွယ်ချက်ဖြင့် (China National Corporation For Building Materials Expor- tation) အဖြစ်စတင်တည်ထောင် ခဲ့သည်။ လက်ရှိကမ္ဘာတစ်ဝန်း နိုင်ငံ ၁၀၀ ခန့်တွင် စီးပွားရေး လုပ်ငန်းများပူးပေါင်းဆောင်ရွက် နေသည့် ကုမ္ပဏီဖြစ်သည်။ တ ရုတ်အစိုးရ သွင်းကုန်ထုတ်ကုန် ဘဏ်က ထောက်ပံ့ထားသည့် အတွက် ငွေအလုံးအရင်းဖြင့် ရင်းနှီးမြှုပ်နှံလုပ်ကိုင်သည်။ ၁၉၉၃ခုနှစ်တွင် နိုင်ငံရပ်ခြားစီးပွားရေး ပူးပေါင်းဆောင်ရွက်မှုအတွက် တရုတ်အမျိုးသား ကော်ပိုရေးရှင်း (စီစီအိုအီးစီ)အဖြစ် အမည်ပြောင်းလဲခဲ့သည်။

စီစီအိုအီးစီ၏ မူလလမ်း ကြောင်းမှာ တရုတ်နိုင်ငံမှ ဆောက်လုပ်ရေးပစ္စည်းများကို နိုင်ငံခြားသို့ တင်ပို့ရောင်းချရန် ဖြစ်သော်လည်းနောက်ပိုင်းတွင် စွမ်းအင်ကြီးစွာ လိုအပ်နေသော တရုတ်အစိုးရ၏ ရည်မှန်းချက်ကို ဖြည့်တင်းရန် စွမ်းအင်သဘာဝ ဓာတ်ငွေ့လုပ်ငန်းများ၏ ဆောက်လုပ်ရေးလုပ်ငန်းများနှင့် တခြားစီးပွားရေးလုပ်ငန်းများကိုပါ စီစီအိုအီးစီက တိုးချဲ့ဆောင်ရွက်လာ သည်။

ထိုသို့ဆောင်ရွက်လာရာ တွင် စီစီအိုအီးစီ၏ ဈေးကွက်နေ ရာရွေးချယ်မှုမှာ အထူးစိတ်ဝင် စားစရာကောင်းသည်။ များသော အားဖြင့် နိုင်ငံတကာအနောက် တိုင်းကုမ္ပဏီများ၊ အမေရိကန် ကုမ္ပဏီများ၊ ဂျပန်ကုမ္ပဏီများ သည် စီးပွားရေးလုပ်ငန်းဆောင် ရွက်ရာတွင် လူ့အခွင့်အရေးပြဿ နာများ၊ အကြမ်းဖက်မှုများ၊ သဘာဝပတ်ဝန်းကျင်ပျက်စီးမှု များစသော နေရာများမှ လွတ် ကင်းသော နိုင်ငံများကို ရွေးချယ် ကြသည်။ စီစီအိုအီးစီကမူ အများ နှင့် ပြောင်းပြန်ဖြစ်၏။

အကြမ်းဖက်မှု၊ လူ့အခွင့်အ ရေးချိုးဖောက်မှုများကြောင့် ကမ္ဘာ့အလယ်မှာ ကြဉ်ထားသည့် နိုင်ငံ များတွင်သာ စီစီအိုအီးစီက ပြိုင် ဘက်မရှိအခွင့်အရေးရယူပြီး စီး ပွားရေးလုပ်ကိုင်လေ့ရှိသည်။

ဥပမာဆိုရလျှင် အကြမ်း ဖက်မှုများဖြင့် ကျော်ကြားနေ သည့် ယီမင်နိုင်ငံတွင် စီစီအိုအီးစီ က ၂၀၁၂ ခုနှစ်၌ သဘာဝဓာတ် ငွေ့စက်ရုံသုံးရုံတည်ထောင်ရန်သဘောတူခဲ့သည်။ ထိုကိစ္စနှင့် ပတ်သက်ပြီး ကာတာတက္ကသိုလ် မှ နိုင်ငံတကာလေ့လာရေးပညာ ရှင် မိုဟာမက်ဆာဖတ်ရာမတ်က ယီမင်နိုင်ငံ၏ အကြမ်းဖက်မှု သတင်းဆိုးများကြောင့် အနောက်နိုင်ငံများက ယီမင်နှင့် ဆက်ဆံရန် လက်တွန့်နေချိန်တွင် တရုတ် နိုင်ငံက ထိုဒေသတွင် ၎င်း၏အနေ အထားအားကောင်းလာရန် အခွင့်အရေးယူကြိုးပမ်းနေသည်။ စီစီ အိုအီးစီက တရုတ်အစိုးရ၏ ထို ရည်မှန်းချက်ကို ဖြည့်ဆည်းပေး သည်ဟုဆိုသည်။

ယီမင်နိုင်ငံမှ သူပုန်များ သည် အယ်လ်ကိုင်ဒါအကြမ်း ဖက်သမားများနှင့် ဆက်သွယ်မှု ရှိနေသည်ဟူသော သတင်း ကြောင့် အနောက်နိုင်ငံများက ရှောင်ရှားနေချိန် တရုတ်နိုင်ငံနှင့် ဆက်ဆံရေးကတော့ အား ကောင်းလာသည်။ စီစီအိုးအီးစီကလည်း ထိုဆက်ဆံရေးကို တစ်စိတ်တစ်ပိုင်းပံ့ပိုးကူညီအားဖြည့်ပေး ၏။ ယီမင်တွင် ရေနံအနည်းငယ် သာထွက်သော်လည်း လောင်စာ စွမ်းအင်အမြဲလိုအပ်နေသည့် တရုတ်နိုင်ငံအတွက် နည်းနည်းရလည်း နည်းနည်းအလျောက် အကျိုးရှိသည်။

ထို့အပြင် လူ့အခွင့်အရေးချိုးဖောက်မှုများကြောင့် အနောက်နိုင်ငံများ၏ ဝေဖန်ပြစ်တင်မှုကို ခံနေရသည့် ယခင် ဆိုဗီယက် ပြည်ထောင်စုမှ ခွဲထွက်ခဲ့သည့် အရှေ့ဥရောပနိုင်ငံ ဘီလာရုစ် နိုင်ငံတွင်လည်း စီစီအိုအီးစီ၏ လုပ်ငန်းများရှိပါသည်။ အထူးသ ဖြင့် စွမ်းအင်စက်ရုံများကို စီစီအို အီးစီက တရုတ်သွင်းကုန်ထုတ် ကုန်ဘဏ်၏ ပံ့ပိုးမှုဖြင့် အကောင် အထည်ဖော်နေသည်။

ထိုစက်ရုံများသည် နိုင်ငံ၏ သဘာ၀၀န်းကျင်ကို ဆိုးရွားစွာ ပျက်စီးစေသည်ဟု ဘီလာရု(စ်) နိုင်ငံသတင်းမီဒီယာများက ဝေဖန်ပြစ်တင်ထားပါသည်။ စီစီအိုအီးစီ အပါအ၀င် တရုတ်ကုမ္ပဏီများက အကျင့်ပျက်ခြစားနေသော ဘီ လာရုစ် အစိုးရအာဏာပိုင်များ နှင့် ပေါင်းပြီး အခွင့်အရေးယူ သည်ဟုလည်း ရေးသားကြပါ သည်။

ထိုကဲ့သို့သောစီစီအိုအီးစီက မြန်မာနိုင်ငံသို့ ၀င်ရောက်လာပြီး သြဇာတိက္ကမကြီးသူစီးပွားရေးသမားများနှင့် စစ်အာဏာရှင်ဦးနေ၀င်း၏ မိသားစုများအတွက် ငွေအရင်းအနှီးထုတ်ရန် ကမ်း လှမ်းလာသည်ဟုဆိုသည်။

လတ်တလောတွင် အဆိုပါသတင်းက လူအများစုကို အံ့အားသင့်သွားခဲ့စေသည်။ ဦးတေဇ၊ ဦးနေ၀င်းမိသားစု၊ တရုတ်အစိုးရ၏ စီစီအိုအီးစီ ဘာတွေဖြစ် လာမလဲဆက်လက်စောင့်ကြည့်ရန်အထူးစိတ်ဝင်စရာကောင်းသည် ကတော့ အသေအချာပင်ဖြစ်ပါ သည်။

7daydaily

အပြည့်အစုံသို့ »

အောင်မင်္ဂလာကားဝင်းအတွင်းတွေ့သည့် အမျိုးသမီးအလောင်းကို စစ်ဆေးနေ




အောင်မင်္ဂလာအဝေး ပြေးကားဝင်းအတွင်းတွင် အမျိုးသမီးတစ်ဦးအသတ်ခံရသည့် အနေအထားဖြင့် သေဆုံးနေကြောင်း သတင်းရရှိသည်။
ဇူလိုင် ၂၇ ရက် နံနက်ကအောင်မင်္ဂလာအဝေးပြေးကားဝင်းအတွင်းရှိ ဆိုင်ခန်းလွတ်တစ်ခုတွင် လည်ပင်းညှစ်ခံထားရသည့် လက္ခဏာဖြင့် အမျိုးသမီးတစ်ဦးသေဆုံးနေကြောင်း မျက်မြင်တွေ့ရှိသူတစ်ဦးကပြောသည်။
အဆိုပါ အမျိုးသမီးသည် ပဲခူးတိုင်း၊ အုတ်ဖိုမြို့ဇာတိဖြစ်ပြီး အသက် (၂၀) ခန့်ရှိကာ ခင်ပွန်း သည်နှင့်အတူ ကားဂိတ်များအ တွက် ခရီးသည်ခေါ်သည့်အလုပ် အတူတူလုပ်နေသူဖြစ်သည်။

‘‘တိုကျိုလက်ဖက်ရည်ဆိုင် ဖွင့်ခဲ့တဲ့နေရာပဲ။ ဆိုင်ပိတ်ထား တာ အခန်းမလုံတော့ အနောက် ဘက်က တံခါးကို ဖျက်ဝင်ကြပြီး ကြုံရာကျပန်းတွေ ၀င်အိပ်နေ တတ်တာ။ သေတဲ့သူနဲ့ သူ့ခင်ပွန်းက ကားဂိတ်တွေကို ခရီးသည်ခေါ်ပေးတဲ့ အလုပ်လုပ်ကြတာ’’ဟု အောင်မင်္ဂလာအဝေးပြေးဝင်းရှိ အမျိုးသားတစ်ဦးက ပြောသည်။

အမျိုးသမီးသေဆုံးနေ ကြောင်း လူငယ်တစ်ဦးက တွေ့ရှိ ရာမှ ကားဝင်းအတွင်းရှိ တာဝန် ရှိသူများသို့ အကြောင်းကြားခဲ့ ခြင်းဖြစ်သည်။ ထို့နောက်ရဲတပ်ဖွဲ့ က လာရောက်စစ်ဆေးပြီး သေ ဆုံးသူ၏ ခင်ပွန်းကို လိုက်လံဖမ်း ဆီးရာ နေ့လယ်တွင် ဖမ်းမိခဲ့ ကြောင်း စုံစမ်းသိရှိရသည်။

‘‘သေတာတော့ဟုတ်တယ်။ ရဲလုပ်ငန်းတွေ လုပ်နေသေးတာ မပြီးသေးလို့ ကျွန်တော်တို့တွေ မပြောနိုင်သေးဘူး။ လုပ်နေတဲ့ ကာလအတွင်းမှာ  အခက်အခဲတွေရှိနေလို့ လူသတ်တာလား၊  လူသေတာလားဆိုတာ မပြောနိုင်သေးဘူး။ အလောင်းကိုတော့ ဆေးရုံကို သယ်သွားပါပြီ။ အကြောင်းရင်းကို စုံစမ်းစစ်ဆေးနေတုန်းပါ’’ဟု မင်္ဂလာဒုံမြို့မရဲစခန်းမှ တာဝန်ရှိသူတစ်ဦးကပြောသည်။

7daydaily

အပြည့်အစုံသို့ »

ဂျူးစံသာနေရာတွင် အစားထိုးရန် မသေချာသေးဟုဆို



သရဖူအသိမ်းခံရသော အလှမယ်ဂျူးစံသာနေရာတွင် အလှမယ်သစ်တစ်ဦး ထပ်မံ အစားထိုးပြီး Miss Globe International ပြိုင်ပွဲသို့စေလွှတ် ရန် မသေချာသေးကြောင်း Miss Globe Myanmar မှ ဒေါ်လှနုထွန်းက ပြောသည်။

‘‘လှနုပို့ဖြစ်ချင်မှလည်းပို့ဖြစ် တော့မယ်။ ဘာဖြစ်လို့လဲဆိုတော့ လှနုတို့ဘက်က ပွဲလည်းလုပ်ခဲ့ တယ်။ ထရိန်နင်တွေလည်း ပေးခဲ့ တယ်လေ။ ဒါပေမဲ့ ရလဒ်ကောင်း ကထွက်မလာဘူး။ ကိုယ့်လူက မလိမ်မာတဲ့အခါကျတော့ ဘာမှ လုပ်လို့မရဘူးရှင့်။ လှနုလည်း တော်တော်စိတ်ပျက်နေတယ်။ အဲဒါကြောင့်မို့ နောက်လူကို ပို့ဖြစ်မယ်၊ မပို့ဖြစ်ဘူးဆိုတာ မဆုံးဖြတ်ရသေးပါဘူး’’ဟု ၎င်း က ပြောသည်။

အလှမယ်ဂျူးစံသာနှင့် ပြန်လည်ဆွေးနွေးရန်မှာမူ အစီအစဉ် လုံးဝ မရှိတော့ကြောင်း ဒေါ်လှနု ထွန်းက ပြောသည်။

အလှမယ် ဂျူးစံသာထံမှ သရဖူသိမ်းလိုက်ပြီး ပြိုင်ပွဲသို့ မလွှတ်ရန် Miss Globe International Organization နှင့် သဘောတူညီမှုရယူထားပြီး နောက်ထပ်စေ လွှတ်မည့် အလှ မယ်၏ အရပ်သည် ၁၇၃ စင်တီမီတာ (၅ ပေ ၈ လက်မ)အနည်းဆုံးရှိရမည်ဟု ၎င်းတို့ ဘက်မှ တောင်းဆိုထားကြောင်း ဒေါ်လှနုထွန်းက ဆက်လက်ပြော သည်။

စည်းကမ်းမလိုက်နာသော ကြောင့် အလှမယ်ဂျူးစံသာထံမှ သရဖူသိမ်း လိုက်ကြောင်း ဇူလိုင် ၂၄ ရက်တွင် ဖေ့စ်ဘွတ်ခ်မှတစ် ဆင့်ကြေညာခဲ့ပြီး နောက်တစ် ရက်တွင် ဂျူးစံသာဘက်မှ သတင်း စာရှင်းလင်းပွဲပြုလုပ်ကာ ပြန်လည်ရှင်းလင်းခဲ့သော်လည်း ဂျူးစံသာသည် ဩဂုတ်လအတွင်း အဇာဘိုင် ဂျန်နိုင်ငံ၌ ပြုလုပ်မည့် Miss Globe International 2014 ပြိုင်ပွဲသို့ သွားရောက် ယှဉ် ပြိုင်ခွင့်မရရှိတော့ပေ။

မတ်လက ကရဝိက်နန်း တော်၌ ပြုလုပ်ခဲ့သော Miss Globe Myanmar 2014 ပြိုင်ပွဲ တွင် မြန်မာနိုင်ငံကိုယ်စားပြု အလှမယ်အဖြစ် စေလွှတ်ရန် ဂျူးစံသာအား ရွေးချယ်ခဲ့ခြင်းဖြစ်သည်။

Credit : 7Day News Journal


အပြည့်အစုံသို့ »

နှစ်ပေါင်း ၅၀ ကျော်အတွင်း သမ္မတပညာသင်ဆု ပြန်ပေးမည်


နိုင်ငံခြားတက္ကသိုလ်တွေမှာ တက်ရောက်ပညာသင်လိုသူတွေအတွက် နိုင်ငံတော်သမ္မတရဲ့ ပညာသင်ဆုပေးမယ်လို့ ဇူလိုင် ၂၇ ရက်နေ့ထုတ် နိုင်ငံပိုင်သတင်းစာတွေမှာ ဖော်ပြလိုက်ပါ တယ်။

ဘွဲ့ကြိုတန်းနဲ့ ဘွဲ့လွန်တန်းတွေအတွက် ပညာသင်ဆုပေးမှာဖြစ်ပြီး သတ်မှတ်ချက်နဲ့ ကိုက်ညီသူတွေ လျှောက်ထားနိုင်ကြတယ်လို့ ကြော်ငြာထည့်သွင်း ဖော်ပြလိုက်တာ ဖြစ်ပါတယ်။

prသတ်မှတ်ချက်တွေ စည်းကမ်းချက်တွေ အပြည့်အစုံဖော်ပြထားပေမယ့် ကျောင်းသား ဘယ်နှယ်ယောက်ကို တနှစ် ဘယ်လောက်ငွေကြေး ထောက်ပံ့သွားမယ်ဆိုတာတော့ ဖော်ပြမထားပါဘူး။

စာရေးဆရာ ဘိုးလှိုင် ခေါ် ဒေါက်တာတင်လှိုင်ကတော့ အခုလို သမ္မတရဲ့ ပညာသင်ဆုပေးမှာကို ကြိုဆိုလိုက်ပြီး ဒါဟာ မြန်မာပြည်မှာ နှစ်ပေါင်း ၅၀ ကျော်အတွင်း အစိုးရပညာတော်သင်ဆု ပြန်ပေးဖို့ လုပ်တာလို့ ဆိုပါတယ်။

ပညာတော်သင်ဆုပေးတာနဲ့ ပတ်သက်ပြီး အစိုးရအနေနဲ့ ဆက်လုပ်ဖို့သင့်တာတွေကိုလည်း ဒေါက်တာတင်လှိုင်က ခုလို ပြောပါတယ်။

“ဘာလုပ်စေချင်တုန်းဆိုတော့ဗျာ အစိုးရ အေဂျင်စီဖွဲ့ပြီးတော့ ပြည်ပကို ကိုယ့်အစီအစဉ်နဲ့ သွားချင်တဲ့ ကလေးတွေကို ကူညီပေးရမယ်။ ကူညီပေးတယ်ဆိုတာ ဒီမှာ အခြေခံပညာ လိုအပ်ချက်ကို ဘယ်လို ဖြည့်ဆည်းပေးမလဲ။ နောက်ပြီးတော့ ဟိုသွားတဲ့အခါ ဘယ်ကိုသွားရင် ကောင်းမလဲ။ ဘာလုပ်ရင် ကောင်းမလဲ။ မိဘက ဘယ်လောက်ပဲ ထောက်ပံ့နိုင် မင်းဘာသာမင်း အလုပ်လုပ်ပြီးတော့ ဘယ်လိုရှာရလိမ့်မယ်။ အဲဒါတွေကို အခုတောင် ပုဂ္ဂလိက ကုမ္ပဏီတွေက လုပ်နေတယ်။ အဲဒါ ငွေကြေးအမြတ်စွန်းနဲ့ လုပ်ကြတာတွေက များတယ်။ ကုသိုလ်ဖြစ် လုပ်တာ နည်းတယ်။ အဲဒါကို အစိုးရက အဖွဲ့အစည်းကြီး ဖွဲ့ပြီးတော့ တွင်တွင်ကျယ်ကျယ် လုပ်စေချင်တယ်။”

သမ္မတရဲ့ နိုင်ငံခြားပညာသင်ဆု ရလိုသူတွေဟာ ဘွဲ့ကြိုအတွက် ဆယ်တန်းအောင်မှတ် ၅၀၀ အထက် ရှိထားသူတွေဖြစ်ရမယ်။ ဘွဲ့လွန်အတွက် မဟာတန်းတက်ဖို့ အဆင့်မီသူဖြစ်ရမယ်။ အင်္ဂလိပ်စာနဲ့ ပတ်သက်လို့ Tofel တို့လို ဖြေဆိုအောင်မြင်ထားရင် ပူးတွဲတင်ပြရမယ် စသဖြင့် ဖော်ပြထားပြီး နောက်လကုန် နောက်ဆုံးထား လျှောက်ထားရမှာလည်း ဖြစ်ပါတယ်။

ပညာသင်ဆုနဲ့ ဘွဲ့ရပြီးရင် နိုင်ငံတော်ကပေးအပ်တဲ့ အလုပ်တာဝန်ကို ပညာတော်သင်ကာလရဲ့ ၂ဆ ပြန်လုပ်ပေးရမှာဖြစ်ပြီး လုပ်မပေးရင် ပညာသင်ကုန်ကျစရိတ်ရဲ့ ၃ ဆ ပြန်လျော်ရမယ်ဆိုတဲ့ စည်းကမ်းချက်လည်း ထည့်သွင်းဖော်ပြထားတာ တွေ့ရပါတယ်။

ပညာသင်ဆုကို ပြင်ပပညာရှင်တွေပါဝင်ဖွဲ့စည်းထားတဲ့ ကော်မတီတရပ်က အပြီးသတ် စိစစ်ရွေးချယ်ချီးမြှင့်သွားမှာလည်း ဖြစ်ပါတယ်။

မြန်မာပြည်မှာ အင်္ဂလိပ်အစိုးရခေတ်ကစလို့ အစိုးရပညာတော်သင်ဆုတွေ ပေးအပ်ခဲ့ပြီး ၁၉၆၃ ခုနှစ်ကစလို့ အစိုးရပညာတော်သင်ဆုပေးတာကို ရပ်ဆိုင်းခဲ့တာ ဖြစ်ပါတယ်။

DVb Burmese

အပြည့်အစုံသို့ »