မသန်စွမ်း ညီငယ်အတွက် (၈)နှစ်သား အစ်ကို ပြသခဲ့သည့် ထူးထူးခြားခြား ချစ်မေတ္တာ သက်သေ


အမေရိကန်မှ အသက်(၈)နှစ်အရွယ် ကလေးငယ်တစ်ဦးသည် လမ်းမလျှောက်နိုင်ရှာသည့် အာရုံကြော ဝေဒနာသည် ညီငယ်ကို အတူခေါ်ဆောင်ရင်း Triathlon ခေါ် အားကစား(၃)မျိုး ပြိုင်ပွဲကို အောင်မြင်ပြီးမြောက်အောင် ယှဉ်ပြိုင်ပြခဲ့ကြောင်း သိရှိရသည်။

အင်ဒီယာနာရှိ ဘွိုင်စီတွင် နေထိုင်သည့် အသက်(၆)နှစ်အရွယ် ကလေးငယ် လူးကက်စ် အဲလ်ဒရစ်ခ်ျလေးသည် ရှားပါးသည့် အာရုံကြောဆိုင်ရာ ရောဂါတစ်ရပ်ကို ခံစားနေရသူ ဖြစ်သည်။ Lissencephaly ခေါ် မူမမှန်သည့် အာရုံကြော အခြေအနေတစ်ရပ်ကြောင့် လူးကက်စ်ခမျာ စကားမပြောနိုင်၊ လမ်းမလျှောက်နိုင်သည့်အပြင် သာမန်ထက် သက်တမ်းတိုတို နေထိုင်ရလိမ့်မည်ဟု ဆရာဝန်များက ကောက်ချက်ချထားသည်။

သနားစရာ ကောင်းလှသည့် လူးကက်စ်လေး၏ ဘဝတွင် အကောင်းဆုံး မိတ်ဆွေမှာ အသက်(၂)နှစ် ပိုကြီးသည့် အစ်ကိုဖြစ်သူ နိုအာအဲလ်ဒရစ်ခ်ျ ဖြစ်သည်။ နိုအာသည် ညီငယ်ကို ပျော်ရွှင်အောင် အတတ်နိုင်ဆုံး ကြိုးစားပေးလေ့ရှိပြီး လူးကက်စ်အနားတွင် အမြဲလိုလို အချိန်ပေး နေထိုင်လေ့ ရှိသည်။ တစ်နေ့တွင်မူ နိုအာသည် ၎င်းချစ်မြတ်နိုးသည့် ညီငယ် လူးကက်စ်ကို စိတ်ဓာတ် မြှင့်တင်ပေးနိုင်မည့် နည်းလမ်းတစ်ခုကို ကြံဆမိပြီး လက်တွေ့လည်း အကောင်အထည် ဖော်ခဲ့သည်။



အဆိုပါ အစီအစဉ်မှာ Triathlon ခေါ် (၃)မျိုးပေါင်းစပ် အားကစားပြိုင်ပွဲတွင် လူးကက်စ်နှင့်အတူ ပါဝင်ယှဉ်ပြိုင်ခြင်း ဖြစ်သည်။ “သူတို့နှစ်ယောက်မှာ အရမ်းထူးခြားတဲ့ တွယ်တာမှုမျိုး ရှိနေသလိုပဲ။ လူးကက်စ်က အခန်းထဲ နိုအာဝင်လာရင် သိသိသာသာ ရွှင်လန်းသွားတတ်တယ်။ ဒီကလေး နှစ်ယောက်ရဲ့ ချစ်ခင်မှုကို တွေ့မြင်ရသူတိုင်း မပြုံးဘဲ မနေနိုင်ဘူးလေ”ဟု ကလေးနှစ်ဦး၏ ဖခင်ဖြစ်သူ ဘရိုင်ယန်က ဆိုသည်။ နိုအာသည် ညီငယ်ဖြစ်သူနှင့် TV အတူကြည့်ခြင်း၊ လူးကက်စ်ကို တွန်းလှည်းပေါ်တင်ပြီး ခြံထဲတွင် လှည့်လည်ပြသခြင်းတို့ကိုလည်း ပြုလုပ်လေ့ ရှိသည်။

နိုအာတို့ မိသားစုသည် ဘဝတွင် ရှင်သန်နေထိုင်ရသည့် အခိုက်အတန့်လေးအတွင်း လူးကက်စ်ကို အတတ်နိုင်ဆုံး ပျော်ရွှင်အောင် ထားရှိရန် ဆုံးဖြတ်ထားကြသည်။ တစ်နေ့တွင် YMCA Kids Club က စီစဉ်သည့် ကလေးများအတွက် Triathlon ပြိုင်ပွဲအကြောင်း နိုအာ သတင်းကြားလာခဲ့သည်။ “မေမေ၊ အဲဒီပွဲမှာ ကျွန်တော့်ညီလေးနဲ့တူတူ သွားပြိုင်ချင်တယ်”ဟု ၎င်းက မိခင်ဖြစ်သူ အေလစ်ဆာကို ပူဆာခဲ့သည်။ “သားက ကျွန်မကို ခွင့်တောင်းပြီး နောက်တစ်နေ့မှာပဲ ကျွန်မတို့ရဲ့ လေ့ကျင့်ခန်း အစီအစဉ်တွေကို စတင်ခဲ့ပါတယ်”ဟု အေလစ်ဆာက ပြောကြားခဲ့သည်။

(၃)လတာ အတောအတွင်း နိုအာသည် လူးကက်စ်လေးကို လှည်းပေါ်တင် တွန်းပြီး မိဘများနှင့်အတူ အပြေးလေ့ကျင့်သည်။ ရော်ဘာလှေ တစ်စီးပေါ်တွင် လူးကက်စ်ကို တင်ပြီး လှေကို လက်တွင် သံကြိုးဖြင့် ချိတ်ဆွဲကာ ရေကူးလေ့ကျင့်သည်။ ထို့အပြင် လူးကက်စ်ကို နောက်ခုံပေါ်တင်ပြီး စက်ဘီးစီးနိုင်အောင်လည်း နိုအာက ပြင်းပြင်းထန်ထန် ကြိုးစားပြင်ဆင်ထားခဲ့သည်။ Triathlon ပြိုင်ပွဲတွင် မီတာ(၂၀၀) ရေကူးခြင်း၊ (၃)မိုင် စက်ဘီးစီးခြင်းနှင့် (၁)မိုင် အပြေးပြိုင်ခြင်းတို့ ပါဝင်သည်။

ယခုလလယ်က ကျင်းပခဲ့သည့် ပြိုင်ပွဲနေ့တွင် စိတ်လှုပ်ရှားနေကြောင်း နိုအာက ဝန်ခံခဲ့သည်။ သို့သော်လည်း ပြိုင်ပွဲစတင်သည်နှင့် ကျန်သော အရာများကို မေ့ထားပြီး ညီငယ်ကို တစ်ပါတည်း ဆောင်ယူကာ ကြိုးကြိုးစားစားနှင့် အပင်ပန်းခံ ပြိုင်ပွဲဝင်ခဲ့သည်။ စိန်ခေါ်မှု အားလုံးကို ကျော်ဖြတ်ပြီးနောက် နိုအာနှင့် လူးကက်စ်တို့သည် ပန်းတိုင် သတ်မှတ်စည်းကို အောင်မြင်စွာ ကျော်ဖြတ် ပန်းဝင်လာချိန်တွင် မိဘနှစ်ပါးနှင့် ပရိသတ်များက သောင်းသောင်းဖြဖြ အားပေးခဲ့ကြသည်။ နိုအာသည် လူးကက်စ်နှင့်အတူ Triathlon ပြိုင်ပွဲ အစအဆုံးကို (၅၄)မိနစ်ကျော်မျှဖြင့် ပန်းဝင်အောင် ယှဉ်ပြိုင်နိုင်ခဲ့သည်။



“မိဘတွေ အနေနဲ့တော့ ကျွန်မတို့ဟာ သူတို့ပြိုင်ပွဲဝင်တာကို ရင်တထိတ်ထိတ်နဲ့ စောင့်ကြည့်ခဲ့ရပါတယ်။ ဒါပေမဲ့ သူတို့တွေ အကောင်းဆုံး လုပ်ပြနိုင်ခဲ့တယ်။ ကျွန်မရဲ့ သားတွေအတွက် အရမ်းဂုဏ်ယူမိပါတယ်”ဟု အေလစ်ဆာက သတင်းထောက်များအား ပြောကြားခဲ့သည်။

လူးကက်စ်သည် ပျမ်းမျှအားဖြင့် ကလေးငယ် (၈၅၄၇၀)ဦးတွင် တစ်ဦးမျှသာ ဖြစ်နိုင်သည့် ရှားရှားပါးပါး ဝေဒနာမျိုးကို ခံစားနေရခြင်း ဖြစ်သည်။ အေလစ်ဆာက သူမ၏ ကိုယ်ဝန်ဆောင် အတွေ့အကြုံသည် သာမန်အတိုင်းသာဖြစ်ပြီး ထူးခြားမှု မရှိခဲ့ဟု ဆိုသည်။ လူးကက်စ် (၃)လသား အရွယ်တွင် အငိုမတိတ်နိုင် ဖြစ်နေသည့်နောက် စစ်ဆေးမှုများ ခံယူရာမှ Lissencephaly ဝေဒနာ ခံစားနေကြောင်း သိရှိရလာရသည်။

“လူးကက်စ်က လမ်းလည်း မလျှောက်နိုင်ဘူး။ စကားလည်း မပြောနိုင်ဘူး။ ဒါပေမဲ့ လူးကက်စ်လေးက သူ့ကို အချစ်ခင်ဆုံး လူတွေ ရှိနေတဲ့အတွက် ကမ္ဘာပေါ်မှာ အပျော်ဆုံး လူတစ်ယောက် ဖြစ်နေမယ်လို့ ကျွန်မ ယုံတယ်”ဟု အေလစ်ဆာက ပြောကြားခဲ့သည်။

_Ref: Dailymail
7day

အပြည့်အစုံသို့ »

ဆံပင်ပျော့ဆေး (conditioner) နဲ့ပတ်သက်လို့ သင်လုံးဝ မသိသေးတဲ့ အရာများ



   
ခေါင်းလျှော်တဲ့အခါ ဆံပင်ပျော့ဆေး (conditioner) သုံးကိုသုံးပေးသင့်တယ်ဆိုတာ အလကားပြောနေတာ မဟုတ်ပါဘူး။ အဲ့ဒီဆံပင်ပျော့ဆေးကနေ ကိုယ့်ဆံသားအတွက် ကောင်းကျိုးပြုတဲ့အရာတွေ အများကြီးပါ။ သင်လည်း သိပြီးဖြစ်မှာပါ။ ဒါပေမယ့် သင်လုံးဝမသိသေးတဲ့ ဆံပင်ပျော့ဆေးအကြောင်း နည်းနည်းပြောပြပေးချင်ပါတယ်။

၁။ပုံသွင်းဖို့ လွယ်ကူပါတယ်။

ခေါင်းလျှော်တဲ့အခါ ဆံပင်ပျော့ဆေးက ဆံပင်သားထဲ ရောက်သွားတာပဲဖြစ်ဖြစ်၊ ကုန်စင်အောင် မလျှော်နိုင်ခဲ့ရင်တောင် သင့်ဆံပင်သားကို ခပ်ထူထူနဲ့လှိုင်းတွန်းပုံစံမျိုးလိုချင်သူတွေအတွက်တော့ အိုကေပါပဲ။ အခြောက်ခံပြီး ဆံပင်အုံကို ပိုထူအောင် ခေါင်းဖြီးချလိုက်ရုံနဲ့ အထာကျတဲ့ ဆံပင်ပုံစံကို ရနိုင်ပါတယ်။

၂။ခေါင်းမလျှော်ခင် ဆံပင်ပျော့ဆေးကို အရင်သုံးပါ။

ဒီလိုပြောလိုက်လို့ ဟင်ခနဲ ဖြစ်သွားနိုင်ပါတယ်။ ဒါပေမယ့် ဆံသားကျွမ်းကျင်ပညာရှင်တွေကတော့ ခေါင်းလျှော်ပြီး ဆံပင်ပျော့ဆေးသုံးတဲ့အခါ ရေနဲ့စင်အောင် ပြန်လျှော်နိုင်ဖို့ ခက်ခဲတာကြောင့် ဆံပင်သား ပိုမိုလှပစေဖို့ ပိုမိုကျန်းမာစေဖို့ ဆံပင်ပျော့ဆေးသုံးပြီးမှ ခေါင်းလျှော်ဖို့ လိုပါတယ်တဲ့။

၃။ဆံပင်ပျော့ဆေးအမျိုးစားကို မသုံးခင် ကိုယ့်ဆံပင်နဲ့ အဆင်ပြေမပြေ သေချာလေ့လာပါ။

တွေ့ရာ ဆံပင်ပျော့ဆေးကို ကောက်သုံးလိုက်မယ်ဆိုရင် သင့်ဆံပင်သားကျန်းမာရေးအတွက် ရှော့ခ်နည်းနည်းရှိပါတယ်။ သင့်ဆံပင်က ပါးတယ်ဆိုရင် အုံထူသလိုဖြစ်စေတဲ့ ဆံပင်ပျော့ဆေးရှိပါတယ်။ ဒီလိုပဲ ဆံပင်က အုံထူတယ်ဆို၇င် ဖြောင့်စင်းသွားစေမယ့် ဆံပင်ပျော့ဆေးမျိုး သုံးသင့်ပါတယ်။ အဆီနည်းတဲ့ များတဲ့ စသဖြင့် အမျိုးမျိုး ဆံပင်ပျော့ဆေးမှာ ရှိတာကြောင့် သေချာရွေးချယ်သင့်ပါတယ်။

၎။ဆံပင်အရင်းကို ပျော့ဆေးမသုံးသင့်ပါ။

ခေါင်းလျှော်တဲ့အခါ ဆံပင်အရင်းကို ရှန်ပူထည့်ပြီး သေချာသုံးသင့်ပေမယ့် ပျော့ဆေးသုံးမယ်ဆိုရင်တော့ ဆံပင်အဖျားပိုင်းကို ပိုအားဖြည့်ပေးသင့်ပါတယ်။

၅။ခေါင်းလျှော်တဲ့အခါတိုင်း ဆံပင်ပျော့ဆေး ထည့်သုံးပါ။

ခေါင်းနေ့တိုင်းလျှော်ရင် ဆံပင်သားတွေခြောက်သွေ့စေတာမှန်ပေမယ့် တကယ်လို့ လျှော်ခဲ့မယ်ဆိုရင်တော့ ဆံပင်ပျော့ဆေး မသုံးမဖြစ်သုံးပါ။ ခေါင်းလျှော်တိုင်း ပျော့ဆေးသုံးပေးဖို့ လိုပါတယ်။

၆။ဆံပင်ပျက်စီးစေတဲ့ ဆံပင်ပျော့ဆေး အမျိုးအစားတွေ ရှောင်ပါ။

ဆံပင်ပျော့ဆေးတိုင်းဟာ ဆံပင်သားကို အားဖြည့်ပေးရုံသာမက ပိုမိုပြောင်လက်စေတယ်ဆိုပေမယ့် ဆီလီကွန်ပါတဲ့ ဆံပင်ပျော့ဆေးတွေ ရှိနေတာကြောင့် ၀ယ်ခါနီးရွေးချယ်တဲ့အခါ ဆီလီကွန်မပါတဲ့ ပျော့ဆေးမျိုးကို ရှာဝယ်ပါ။

၇။ကိုယ်နဲ့တည့်တဲ့၊ အဆင်ပြေတဲ့ ဆံပင်ပျော့ဆေးကို တစ်သက်လုံး သုံးနိုင်ပါတယ်။

ကိုယ်နဲ့အဆင်ပြေပြီးသား ဆံပင်ပျော့ဆေးအမျိုးအစားကို ခဏခဏပြောင်းလဲနေဖို့ မလိုပါဘူး။ တစ်သက်လုံးသုံးသွားလို့ရပါတယ်။ ဒါပေမယ့် ရှန်ပူကိုသာ သေချာဂရုစိုက်ရွေးချယ်ရမှာပါ။

Ref:womenshealthmag.com
trend myanmar

အပြည့်အစုံသို့ »

မိန်းကလေးတွေ သူ့ချစ်သူကို လမ်းခွဲဖို့ ဆုံးဖြတ်ချက်ချတာ ဒီလိုအချက်တွေကြောင့်ပါ

 
အသည်းကွဲနေတဲ့ ကောင်လေးတွေ ၁၀ယောက်မှာ ၈ယောက်ဟာ ခုဖော်ပြပေမယ့် အချက်တွေကြောင့် ချစ်သူကောင်မလေးရဲ့ စွန့်ခွာခြင်း ခံခဲ့ကြရတာပါ။ ဒါဟာ ဘာမှမဟုတ်ပါဘူး။ ဒါပေမယ့် အမှန်တရားတစ်ခုပါ။ မိန်းကလေးတွေဟာ သူ့ချစ်သူကို လမ်းခွဲဖို့ဆုံးဖြတ်တဲ့အခါ ဒီလိုအချက်တွေကို စဉ်းစားပြီးမှ ဆုံးဖြတ်ချက် ချတတ်တာပါ။

၁။သင်ဟာ သူနဲ့သူ့သူငယ်ချင်းတွေကို တစ်ဖြည်းဖြည်း ဝေးကွာသွားအောင် ဖိအားတွေပေးနေခဲ့တာဆိုရင်

သင့်ချစ်သူကောင်မလေး သင်နဲ့လမ်းခွဲဖို့ ဆုံးဖြတ်လိုက်တာဟာ သင်က သူ့အသိတွေ၊ သူငယ်ချင်းတွေနဲ့ သူမကို ဝေးကွာအောင် တွန်းအားပေးခဲ့တာကြောင့်လို့ ပြောရင် သင်ယုံကြည်ပါ့မလား။ ဒါတကယ်ပါပဲ။ မိန်းကလေးတွေဟာ သူတို့ဘေးမှာ သူချစ်တဲ့ သူငယ်ချင်းတွေ၊ အပေါင်းအသင်းတွေ ရှိနေတာမျိုးကို နှစ်ခြိုက်ကြပါတယ်။ သူပေါင်းနေတဲ့ သူငယ်ချင်းတွေနဲ့ မပေါင်းဖို့၊ သူ့အသိတွေနဲ့ မသွားလာဖို့၊ အဆက်အသွယ် မလုပ်ဖို့ သင်က ဖိအားပေးမယ်ဆိုရင် သင့်ကို သူတို့စွန့်လွှတ်သွားပါလိမ့်မယ်။

၂။သင်ဟာ အမေချစ်တဲ့ သားတစ်ယောက်ဖြစ်နေမယ်ဆိုရင်

အမေတွေဟာ သားတွေကို သဲသဲလှုပ်ချစ်တာ မထူးဆန်းပါဘူး။ ဒါပေမယ့် သင့်ရဲ့လှုပ်ရှားမှုတိုင်းမှာ သင့်အမေက ပါဝင်ပတ်သက်နေမယ်ဆိုရင်တော့ သူတို့စိတ်အနှောင့်အယှက် ဖြစ်ရပြီပေါ့။ သင့်ဘ၀ကို သင်ထိန်းကျောင်းရတော့မယ့်အရွယ်မှာ သင့်အမေပြောစကားအတိုင်း တသွေမတိမ်း သင်ပြုမူလှုပ်ရှားနေရပြီဆိုရင်တော့ သူမက တတိယနေရာကနေပြီး သင်နဲ့အတူ လက်တွဲသွားဖို့ စဉ်းစားတော့မှာ မဟုတ်ဘူးနော်။

၃။ သူမကို ဂရုမစိုက်တော့ဘူးဆိုရင်

ရည်းစားဖြစ်ခါစအချိန်တွေတုန်းကတော့ သင်ဟာ သူမရဲ့အကြိုက်တွေ၊ အလုပ်အကြောင်းတွေ၊ သူငယ်ချင်းတွေအကြောင်း၊ မိသားစုအကြောင်း အားလုံးကို လိုက်မေးမြန်းတတ်သူတစ်ယောက် ဖြစ်ကောင်းဖြစ်ခဲ့ပါလိမ့်မယ်။ နောက်ပိုင်းမှာ သင်က ဒီလိုလုပ်စရာ မလိုတော့ဘူးဆိုပြီး သူမကို ဘာဆိုဘာမှ မမေးတော့တာမျိုးတွေ ဖြစ်လာတဲ့အခါ သူမစိတ်ထဲမှာ ငါလည်း သူမမေးတဲ့အတွက် ဘာမှမပြောတော့ဘူးလို့ အရာရောက်သွားပါလိမ့်မယ်။ ပြသနာကတော့ အဲ့ဒါပါပဲ။ အစပိုင်းက စိတ်ဝင်းစားမှုကြီးမားသလို နေပြခဲ့ပြီး နောက်ပိုင်း ဒီလိုအရာတွေ ဆက်လက်မလုပ်ဆောင်တော့တဲ့အခါ သူမကို စိတ်မ၀င်စားတော့သလိုလို ပုံစံမျိုး ဖြစ်သွားတဲ့ သဘောပါ။ ဒါ့ကြောင့် သူမကလည်း ငါ့ကိုဂရုမှမစိုက်တော့တာ။ ငါလည်း ငါ့ဘာသာငါ နေနိုင်အောင် လုပ်ရမှာပေါ့ ဆိုတဲ့ စိတ်ဝင်သွားမှာ စိုးရပါတယ်။

၎။သင်ဟာ ရစ်နိုင်လွန်းသူ၊ ဘာမှမဟုတ်တဲ့အရာကို ပြသနာလုပ်တတ်သူဆို၇င်

အတွဲတိုင်းဟာ ရန်တော့ ဖြစ်ဖူးကြတာချည်းပါပဲ။ ဒါပေမယ့် နှစ်ယောက်သား ပြဿနာတက်တဲ့ကိစ္စတွေဟာ ဘာမဟုတ်တဲ့ အကြောင်းအရာတွေချည်းပဲ ဖြစ်နေမယ်။ ပြဿနာတိုင်းကလည်း သင်ကချည်း ဖန်တီးနေမယ်၊ ရစ်နေတာမျိုးဆိုရင် ဘယ်သူကမှ ကြာရှည်သည်းခံနိုင်မှာ မဟုတ်ပါဘူး။ ရေရှည်ကို တွေးတတ်တဲ့သူဆို ပိုပြီးတော့တောင် သင့်ကို စိတ်ကုန်သွားဖွယ်ရာ ရှိပါသေးတယ်။

၅။သင့်မှာ ဘ၀အတွက် ရည်မှန်းချက်၊ ရည်ရွယ်ချက်တွေ ဘာတစ်ခုမှ မရှိဘူးဆိုရင်

ဘ၀ကို ဖြတ်သလိုပဲ ဖြတ်သန်းမယ်လို့ သင် စိတ်ကူးထားတာကို သူမကို ပြောပြလိုက်မယ်ဆိုရင် သူမက ကောင်းတယ်၊ အရမ်းမိုက်တယ်လို့တော့ ဘယ်ပြောမှာလဲ။ စိတ်ကုန်သွားမှာပဲလေ။  ဘယ်မိန်းကလေးမဆို ကိုယ့်ချစ်သူ ကောင်လေးက ဘယ်လိုတော်တယ်၊ မိုက်တယ်၊ ဘာတွေလုပ်တယ်ဆိုတာမျိုး ဂုဏ်ယူချင်ကြတာချည်းပါပဲ။ ကိုယ်ကအဲ့ဒီလို ဂုဏ်ယူစရာ မကောင်းရင်တောင် ကြိုးစားရပ်တည်နေသူတစ်ဦး ဖြစ်ရင်တော်သေး။ အဲ့ဒီလို မဟုတ်ဘဲ ဘာမှလည်း မလုပ်ချင်တော့ဘူး။ အားလုံးကို စိတ်ကုန်သွားပြီဆိုတဲ့ လူစားမျိုးဆိုရင်တော့ သူလည်း သင့်ကို စိတ်ကုန်သွားမှာ အသေအချာပဲနော်။

Ref:mensxp.com
Trend Myanmar

အပြည့်အစုံသို့ »

ဦးအောင်ကြည်မရှိတဲ့နောက် ပြန်ကြားရေးဝန်ကြီး ဦးရဲထွဋ် ဖြစ်လာနိုင်သလား



မြန်မာသတင်းမီဒီယာတွေ ဖိအားပေးခြိမ်းခြောက်ခံနေရတာ ဖမ်းဆီးထိန်းသိမ်းခံနေရတာတွေ ရင်ဆိုင်နေရချိန် ပြန်ကြားရေးဝန်ကြီး ဦးအောင်ကြည်ကို သူ့ရဲ့သဘောဆန္ဒအလျောက် နှုတ်ထွက်ခွင့်ပြုတယ်လို့ သမ္မတက ဇူလိုင် ၂၉ရက်နေ့မှာ ကြေညာလိုက်ပါတယ်။

ဆက်ဆံရေးဝန်ကြီး၊ အလုပ်သမားဝန်ကြီး၊ ပြန်ကြားရေးဝန်ကြီး စတဲ့တာဝန်တွေယူခဲ့တဲ့ ဦးအောင်ကြည်ကို တာဝန်ကအနားပေးလိုက်ပြီး လစ်လပ်သွားတဲ့ ပြန်ကြားရေးဝန်ကြီးနေရာမှာ သမ္မတရုံးပြောခွင့်ရပုဂ္ဂိုလ်အဖြစ်ရော ဒုတိယဝန်ကြီးပါ တာဝန်ယူနေတဲ့ ဦးရဲထွဋ်ကို ခန့်အပ်နိုင်ခြေရှိပေမယ့် တရားဝင် ကြေညာချက် ထုတ်ပြန်တာ မရှိသေးပါဘူး။

ကျန်းမာရေးဝန်ကြီး ဒေါက်တာဖေသက်ခင်ကိုလည်း ပြန်ကြားရေးဝန်ကြီး ဦးအောင်ကြည်နဲ့ အတူ ရာထူးကနေ အနားပေးလိုက်သလို နယ်စပ်ရေးရာ ဒုတိယဝန်ကြီးအဖြစ် ကကကြည်းက ဗိုလ်ချုပ်တင်အောင်ချစ်ကို ခန့်အပ်ကြောင်းကိုလည်း တစ်ရက်တည်းမှာ ကြေညာခဲ့ပါတယ်။

သမ္မတဦးသိန်းစိန်လက်ထက် ဝန်ကြီးနဲ့ ဒုတိယဝန်ကြီးတွေ အများဆုံးအပြောင်းအလဲလုပ်ခဲ့ပြီး သာသာနာရေးဝန်ကြီး ဦးဆန်းဆင့်ကိုတော့ အမိန့်မနာခံမှုနဲ့ အရေးယူခဲ့ပြီး ဖမ်းဆီးခဲ့ပါတယ်။ ကျန်တဲ့ ဝန်ကြီးတွေ၊ ဒုတိယဝန်ကြီးတွေကိုတော့ ဌာနအပြောင်းအရွှေ့တွေ အများဆုံးလုပ်ခဲ့ပြီး ဒုတိယဝန်ကြီးတွေဟာ ဝန်ကြီးအဖြစ် အများဆုံး ရာထူးတိုးခံခဲ့ရတာများပါတယ်။

ဦးရဲထွဋ်ဟာ မြန်မာသတင်းမီဒီယာသမားတွေကြားမှာ Facebook ဝန်ကြီးလို့ ခေါ်ဝေါ်သမုတ်ခံရသူဖြစ်ပြီး ၂ဝဝ၅ခုနှစ်က စစ်တပ်ကနေ ပြန်ကြားရေးဝန်ကြီးဌာနမှာ အရာရှိအဖြစ် စတင်တာဝန်ယူခဲ့ပြီးနောက်ပိုင်း ပြန်ကြားရေးရဲ့ အဓိက မူဝါဒတွေကို ချုပ်ကိုင်ခဲ့သူအဖြစ် ထင်ရှားပါတယ်။

အခုနောက်ပိုင်း ပြန်ကြားရေးပိုင် သတင်းစာ၊ ရေဒီယိုနဲ့ ရုပ်မြင်သံကြားတွေကို အများပြည်သူဝန်ဆောင်မှုမီဒီယာ PSM အဖြစ် အသွင်ကူးပြောင်းဖို့ အဓိကဆောင်ရွက်နေသူဖြစ်ပြီး မြန်မာနိုင်ငံစာနယ်ဇင်းကောင်စီ(ယာယီ)က ပြင်းပြင်းထန်ထန် ကန့်ကွက်ထားပါတယ်။



Kamayut Media

အပြည့်အစုံသို့ »

သုံးထပ်တိုက်တစ်လုံး ဆန်းရှိတ်ပြိုကျ



ပြိုကျသွားသော ဆန်းရှိတ်မှ အပျက်အစီးများကို ကြည့်နေစဉ် (ဓာတ်ပုံ – ဇော်ရန်း)
တည်ဆောက်ပြီးစီးသည်မှာ ခြောက်နှစ်သာရှိသေးသော သုံးထပ်တိုက်တစ်လုံး၏ မြေညီထပ်အပေါ်မှ ကွန်ကရစ်ဆန်းရှိတ် ပြိုကျခဲ့ကြောင်း  သတင်းရရှိသည်။
ဗဟန်းမြို့နယ် ကျိုက္ကစံရပ် ကွက် စိန်ခြယ်လမ်းရှိ သုံးထပ် တိုက်၏ အောက်ထပ်အရှေ့ပိုင်း ရှိ ပေ ၂၀ ရှည်ပြီး လေးပေကျယ် သော ကွန်ကရစ်ဆန်းရှိတ်မှာ ဇူ လိုင် ၂၈ ရက် ညနေ ၃ နာရီ အ ချိန်က ပြိုကျခဲ့ကြောင်း မြို့ပြ အင် ဂျင်နီယာတစ်ဦးက ပြောသည်။
‘‘သုံးထပ်တိုက်မြေညီရဲ့ ၁၄ ပေအမြင့် ဆန်းရှိတ်က အကုန် လုံးပြိုကျတာ။ ပထမထပ်ဝရန်တာ အောက်ဘက်က ပေ ၂၀ ရှည်ပြီး လေးပေကျယ်တဲ့ ကွန်ကရစ်တစ်တန်းလုံး အကုန်ကျိုးကျသွားတာ။ မီးသတ်တွေတော့ရောက်နေတယ်’’ ဟု ယင်းရပ်ကွက် အနီးနေမြို့ပြအင်ဂျင်နီယာ ဦးညိုဝင်းက ပြောသည်။

အဓိကကွန်ကရစ်တိုင်နှင့် ကွန်ကရစ်ဆန်းရှိတ်ကို သံချောင်း ဖြင့် တွဲဆက်ရန် လိုအပ်သော် လည်း  သံချောင်းမပါဘဲ ဆန်းရှိတ်ကိုဘေးမှ ဆက်လိုက်သောကြောင့်အဆိုပါ ဆန်းရှိတ်၏ အလေးချိန် ကို မခံနိုင်ဖြစ်ပြီး ပြိုကျသွားခြင်း ဖြစ်ကြောင်း မြို့ပြအင်ဂျင်နီယာ  ဦးညိုဝင်းက သုံးသပ်ပြောကြား သည်။

‘‘အခုအထိတော့ ဖယ်နေကြတုန်းပဲ ရှိသေးတယ်။ တိုက်ကပေနှစ်ဆယ်၊ ပေ လေးဆယ်အပြည့်ဆောက်ထားတာ နေထိုင်ခွင့်ကျတာမှ ခြောက်နှစ်ပဲရှိသေးတယ်တဲ့’’ ဟု ဆန်းရှိတ်ပြိုကျသည့်နေရာသို့ရောက်ရှိနေသော အမျိုးသားတစ်ဦးကလည်းပြောသည်။

အဆိုပါ ဆန်းရှိတ် ကွန်ကရစ်တန်းပြိုကျသော်လည်း လူထိခိုက် မှုမရှိကြောင်း  အဆိုပါ အမျိုးသားက ပြောသည်။
ယင်းဖြစ်စဉ်နှင့် ပတ်သက်၍ ဗဟန်းမြို့မရဲစခန်းသို့ ဆက်သွယ်မေးမြန်းရာ ‘‘ကျွန်တော်တို့တွေ မသိသေးပါဘူး’’ ဟု တာဝန်ကျရဲအရာရှိတစ်ဦးက ပြောသည်။

7day daily

အပြည့်အစုံသို့ »

အိမ်ဖြူတော်အား နျူကလီးယား တိုက်ခိုက်မှု ပြုလုပ်နိုင်ကြောင်း မြောက်ကိုရီးယား စစ်အရာရှိ ခြိမ်းခြောက်


ကိုရီးယား ကျွန်းဆွယ်တွင် စစ်ရေး တင်းမာမှုများ မြင့်တက်လာအောင် အမေရိကန်က ပြုလုပ် နေကြောင်း မြောက်ကိုရီးယား ထိပ်တန်း စစ်အရာရှိ တစ်ဦးက စွပ်စွဲခဲ့ကာ အိမ်ဖြူတော်နှင့် ပင်တဂွန် စစ်ဌာနချုပ် တို့အား နျူကလီးယား တိုက်ခိုက်မှု တစ်ရပ် ပြုလုပ် နိုင်ကြောင်း ထို မြောက်ကိုရီးယား စစ်အရာရှိက ခြိမ်းခြောက် ခဲ့သည်။


၁၉၅ဝ-၅၃ ခုနှစ် ကိုရီးယား စစ်ပွဲ အဆုံးသတ် သွားစေသည့် စစ်ပြေငြိမ်းရေး သဘောတူညီမှု နှစ်ပတ်လည် အထိမ်းအမှတ် အဖြစ် ပြုံးယမ်း (Pyongyang) တွင် တနင်္ဂနွေနေ့က ပြုလုပ်ခဲ့သော စစ်ဘက် စုံညီ စည်းဝေးပွဲ တစ်ခုတွင် မြောက်ကိုရီးယား စစ်တပ်၏ အထွေထွေ နိုင်ငံရေးဌာနမှ ညွှန်ကြားရေးမှူး ဟွမ်ပျောင်ဆို (Hwang Pyong-So) က မိန့်ခွန်း ပြောကြား ခဲ့ရာတွင် ထိုကဲ့သို့ ခြိမ်းခြောက် လိုက်ခြင်း ဖြစ်သည်။

မကြာသေးမီက ဆက်တိုက် ပြုလုပ်ခဲ့ကြသော တောင်ကိုရီးယား-အမေရိကန် စစ်ရေး လေ့ကျင့်မှုများမှာ တင်းမာမှုများကို မြင့်တက်စေကြောင်း မြောက်ကိုရီးယား ပြည်သူ့ တပ်မတော်တွင် ဒုတိယ ဗိုလ်ချုပ်ကြီး ရာထူးကို ရယူထားသူ ဟွမ် က ဆိုခဲ့သည်။ ထို တောင်ကိုရီးယား- အမေရိကန် စစ်ရေး လေ့ကျင့်မှုများ အနက် တစ်ခုတွင် နျူကလီးယား စွမ်းအင်သုံး အမေရိကန် လေယာဉ်တင် သင်္ဘော တစ်စီးလည်း ပါဝင်ခဲ့သည်။

“တကယ်လို့ အမေရိကန် ကျူးကျော်ရေး သမားတွေဟာ ကျွန်တော်တို့ရဲ့ အချုပ်အခြာ အာဏာနဲ့ ရှင်သန်မှုကို ခြိမ်းခြောက်မယ် ဆိုရင်၊ ဒုစရိုက် အားလုံးရဲ့ အရင်းအမြစ်တွေ ဖြစ်ကြတဲ့ အိမ်ဖြူတော်နဲ့ ပင်တဂွန်ကို ကျွန်တော်တို့ရဲ့ တပ်ဖွဲ့တွေက နျူကလီးယား ဒုံးကျည်တွေနဲ့ ပစ်ခတ် မှာပါ” ဟု နိုင်ငံတော်ပိုင် ရုပ်သံဌာနက တနင်္လာ နေ့က ထုတ်လွှင့်ခဲ့သော မိန့်ခွန်း ထဲတွင် ဟွမ်က ပြောခဲ့သည်။

မြောက်ကိုရီးယား နိုင်ငံ၏ ရန်လိုသော ပြောကြားချက် များထဲတွင်၊ အမေရိကန် ပြည်ထောင်စု နှင့် ပစိဖိတ်ရှိ အမေရိကန် စစ်စခန်း များအား နျူကလီးယား တိုက်ခိုက်မှုများ ပြုလုပ် နိုင်ကြောင်း ခြိမ်းခြောက်မှုများ ပါရှိသည်မှာ ယခု အကြိမ်သည် ပထမဆုံး အကြိမ် မဟုတ်ပေ။

သို့ရာတွင် လိုအပ်သော အကွာအဝေး အထိ ပစ်ခတ်နိုင်ကာ တကယ် အသုံးပြု နိုင်မည့် တိုက်ချင်းပစ် ပဲ့ထိန်း ဒုံးကျည်မျိုး ထုတ်လုပ် နိုင်စွမ်းနှင့် မြောက်ကိုရီးယား အလှမ်းဝေး နေဆဲ ဖြစ်ကြောင်း ကျွမ်းကျင်သူ အများစုက ယုံကြည်ထား ကြသည်။

မြောက်ကိုရီးယားသည် နျူကလီးယား စမ်းသပ်မှု သုံးခု ပြုလုပ်ခဲ့ သော်လည်း၊ ဒုံးကျည် တစ်ခုပေါ်တွင် ထိပ်ဖူးတစ်ခု တပ်ဆင်ရေး အတွက် လိုအပ်သော အနုစိတ် နည်းပညာ မျိုးတွင် ကျွမ်းကျင်မှု မရှိသေးကြောင်း ယူဆရသည်။

Ref: AFP

Mizzima Burmese

အပြည့်အစုံသို့ »

မြန်မာကိုယ်စားပြု အဖြစ်မှ ရပ်စဲခံရတဲ့ အပေါ် အလှမယ် ဂျူးစံသာရဲ့ စာနယ်ဇင်း ရှင်းလင်းပွဲ



မလှနုထွန်း၏ သတင်း ထုတ်ပြန် ချက်နဲ့ ပတ်သက်ပြီး ဂျူးစံသာက ဇူလိုင် ၂၆ ရက်နေ့၊ ညနေ ၄နာရီက Park Royal ဟိုတယ်မှာ စာနယ် ဇင်းရှင်းလင်းပွဲ ပြု လုပ်ခဲ့ ပါတယ်။ အဆိုပါ ကိစ္စနဲ့ပတ်သက်ပြီး ဂျူးစံသာ က “ဆရာမ လှနုထွန်းက သမီးကို Crown သိမ်းတာက အချက် ၃ချက် နဲ့ သိမ်းတယ် လို့ ပြောခဲ့ပါတယ်။ ဆရာမ နဲ့ ဆရာနဲ့ မမမြတ်နိုး အတွက် ကိုရီးယားကို သွားတဲ့အချိန်မှာ တစ်လ နီးပါး သင်ကြားပေးခဲ့တဲ့ ဖိလစ်ပိုင်က သမီးတို့ ထရိန်နင် ကိုသာ ဦးစားပေး ပြီး လေ့ကျင့်ဖို့ပြောခဲ့ တယ် ဆိုတာ ဟုတ်ပါတယ်။ ဒါပေမဲ့ သမီး တခြား Organization နဲ့ မဆက်သွယ်ဖို့ ဆိုတာ မပြောခဲ့ပါဘူး။ အကူအညီ တောင်းခြင်း၊ ဖုန်းလက်ခံ ပြောဆို ခြင်း မပြုလုပ်ဖို့ မှာ ကြားခဲ့တယ်ဆို တာ မဟုတ်ပါဘူး။ ပွဲလည်း တအား ကပ်နေပြီး ဖြစ်တဲ့အတွက် သိတဲ့တတ် တဲ့သူတွေ ဆီမှာ အကူအညီတောင်းပါ လို့ ပြောပါတယ်။ သမီး ဘယ်လိုမှ အကူ အညီတောင်းလို့မရတဲ့အဆုံး ဆရာမ တို့နဲ့ လည်း မိသားစု လိုဖြစ်နေတဲ့ ဆရာ ဟန်ဇော်လတ်တို့၊ ဆရာဝေယံ အောင် တို့ကို သတိရခဲ့ပါတယ်။ ဆရာ တို့က သမီးကို ဂျူးစံသာ တစ်ယောက် အနေနဲ့ မမြင်ဘဲနဲ့ Miss Globe Myanmar တစ်ယောက်၊ မြန်မာ နိုင်ငံရဲ့ Crown ဆောင်းထားတဲ့ မြန်မာ့ ဂုဏ်ဆောင် တစ်ယောက် အနေ နဲ့ ကူညီပေးပါမယ် ဆိုပြီး ကူညီ ပေးပါတယ်။ သမီးက Organization နှစ်ခု အချင်းချင်း ကြားမှာ ခလောက် စံတာ၊ သွေးထိုး စကားတွေလည်း မပြောခဲ့ပါဘူး။ ပြိုကွဲအောင် လည်း မလုပ်ခဲ့ပါဘူး။ သမီးက တီချယ်လှနုထွန်း Crown ဆောင်းပေးထားတဲ့ Miss Myanmar တစ်ယောက်ပါ။ ဒါပေမဲ့ သမီးကို မလို အပ်တော့ပါဘူး။ ကိုဟန်ဇော် လတ် တို့၊ ကိုဝေယံအောင် တို့က ပိုအရေးကြီး ပါတယ်တဲ့။ သမီး ဘာဆက်လုပ်ရမှန်း မသိတော့ ပါဘူး။ သမီးက ဆရာသမားကို တအား ချစ်ပါတယ်။ လေးလည်းလေး စားပါတယ်။ အခုလိုပြောတော့ သမီး ရင်ထဲမှာ တအား ပူလောင်ပြီး ၃ ရက်လောက် အိပ်ရာထဲ လဲခဲ့ပါတယ်။ စိတ်ထဲမှာ တအား ဝမ်းနည်းစွာနဲ့ တီချယ့်ကို စာလေး တစ်စောင် ပို့ခဲ့မိ ပါတယ်။ တီချယ် သမီးကို ပြောရက် တယ်။ သမီးကို ဘာမှ မလုပ်ပေးဘဲနဲ့ လုပ်ရက်လိုက်တာလို့ ပြောမိခဲ့ပါ တယ်။ အဲဒီ အတွက်လည်း တီချယ် လှနု ရှေ့မှာရော၊ ဆရာ ဟန်ဇော်လတ် ရှေ့မှာရော အနူးအညွတ် တောင်းပန်ခဲ့ပါတယ်။ သမီး မပို့ခဲ့သင့်ပါဘူး။ မှားသွားပါတယ် လို့ တောင်းပန်ခဲ့ပါ တယ်။ နောက် တစ်ချက် က စာချုပ် ချုပ်ဖို့ အတွက် သူ့ Organization ကို မလာဘဲ တခြား Organization ကို သွားတယ် လို့ ပြောပါတယ်။ သမီးက Miss Golden Land Myanmar Organization မှာ Volunteer အနေနဲ့ သွားလုပ်ပေးတာပါ။ တီချယ် ဆီက ခွင့်ပြုချက် ယူပြီးမှ သွားလုပ် ပေးတာပါ။ သမီး လက်ထဲ စာချုပ် ရောက်တာ ၂၄ နာရီ မပြည့်သေးပါ ဘူး။ အိမ်မှာ သမီးအဖေက တကယ် နေမကောင်းပါဘူး။ အိပ်ရာထဲ လဲ နေပါတယ်။ အမေက အဖေ့ကိုဆေး ခန်း ပြပေးနေပါတယ်။ သမီးတို့ အိမ် မှာ အားလုံး အဖေ့ အတွက် စိတ်ပူ ပန်နေ ကြရပါတယ်။ သမီး ရှင်းပြခဲ့ပါ တယ်။ သမီး အသက် ၁၇နှစ်ပဲ ရှိပါ သေးတယ်။ ၁၈နှစ် မပြည့်သေးတဲ့ အချိန်မှာ ကိုယ်တိုင် ဆုံးဖြတ်ခွင့် မရှိ သေးပါဘူး။ သမီးကိုယ်တိုင် စာချုပ်ကိစ္စ မပြောပါဘူး။ သမီးအမေ နဲ့ သမီး အစ်မနဲ့က စာချုပ် ကိစ္စ ဆက် လက် ဆွေးနွေးပါမယ် လို့ ပြောပါ တယ်။ ဒါပေမဲ့ အခုလို ဖေ့စ်ဘုတ်ပေါ် ကြေညာ လိုက်တယ်။ တအားလည်း ဝမ်းနည်းတယ်။ ပြိုင်ပွဲက ရက်လည်း တအား ကပ်နေပြီး။ အားလုံးလည်း ပြင်ဆင်ပြီးနေမှ အခုလို လုပ်တာ သမီး ဘာဆက်လုပ် ရမှန်းမသိတော့ ပါဘူး”လို့ ပြောပါတယ်။ Miss Golden Land Myanmar Organization က ကိုဟန်ဇော်လတ် က နှစ်ဦးနှစ်ဖက် ညှိနှိုင်း ဖြေ ရှင်းသင့် ကြောင်းလည်း ပြောကြား ခဲ့ပါတယ်။

Popular Myanmar

အပြည့်အစုံသို့ »