ဘာကောင်စားမလဲ ကြိုက်တာပြော



ရန်ကုန်မြို့ရှိ ဟိုတယ်နှင့် စားသောက်ဆိုင် အချို့၏   ညပိုင်းအ ချိန်များတွင် မြန်မာနိုင်ငံသို့ လာ ရောက်လည်ပတ်သော စိနတိုင်း သား (တရုတ်)များဖြင့် စည်ကား လေ့ရှိတတ်ပြီး အထူးခန်းဟုခေါ် သော စားသောက်ဆိုင်အတွင်း ဘက်ရှိ အခန်းငယ်လေးများတွင် အထူးဟင်းလျာနံ့များနှင့် ထုံမွမ်း သင်းကြိုင်နေလေ့ရှိသည်။

အထူးဟင်းလျာများကို ဆိုင် မီနူးစာအုပ်တွင် တွေ့ရမည်မ ဟုတ်ဘဲ ဆိုင်တွင် အမြဲစားသုံး သော စားသုံးသူ၏ ထောက်ခံချက် ဖြင့်သာ အာရှသားဧည့်သည်အ ချို့အတွက်  ချက်ပြုတ်ပေးထား ခြင်းဖြစ်သည်။

အဆိပ်ပြင်းလွန်းသော မြွေ ဟောက်၊ မြွေပွေး၊ တောငှက်၊ လိပ်ဟင်းနှင့် အခြားတောတွင်း တိရစ္ဆာန်သားကောင်ဟင်းလျာ များကို ရန်ကုန်မြို့ရှိ ဟိုတယ်နှင့် စားသောက်ဆိုင်များ၌ သိုသိုသိပ်သိပ် ရောင်းချပေးနေသည်။

မြွေ၊  တောငှက်၊  လိပ်၊ မျောက်၊ ၀က်ဝံ၊ သင်းခွေချပ် စ သည့် တားမြစ်ထားသော တော တွင်းတိရစ္ဆာန်များကို စားသုံးလို သူက ကြိုတင်မှာယူရသည့် စနစ် ဖြင့် ရောင်းချနေသည့် စား သောက်ဆိုင်ဈေးကွက်က ယနေ့ အချိန်အထိ အားကောင်းနေဆဲ ဖြစ်ပါသည်။

ရန်ကုန်မြို့ရှိ လူစည်ကား ရာ သိမ်ကြီးဈေး(C) ရုံတွင် မြွေ မျိုးစုံ၊ လိပ်၊ ဖွတ်၊ တောကြောင်၊ သင်းခွေချပ်၊ ၀က်ဝံစသည့် တော တွင်းတိရစ္ဆာန်အစုံကို သံလှောင် ချိုင့်များတွင် ထည့်သွင်းပြသထား ကာ စားသောက်လိုသူက လက် ညှိုးထိုးမှာယူနိုင်သည့် စား သောက်ဆိုင်ကြီးတစ်ခု ရှိခဲ့ဖူးပြီး လွန်ခဲ့သော ခုနစ်နှစ်ခန့်က ပိတ် သိမ်းခဲ့ရသည်။

စားသောက်စားပွဲဝိုင်းအ လယ်တွင် မျောက်အရှင်၏ ဦး ခေါင်းကို ဖော်ထားပြီး စားသောက်သူများက မျောက်ဦးနှောက်ကို ဇွန်းဖြင့် ခပ်ယူစားသောက်လို့ရ အောင် စီစဉ်ပေးနိုင်မှုကြောင့် ယင်းဆိုင်က နာမည်ကြီးခဲ့သည်။

ယင်းဆိုင်တွင် တောတွင်း တိရစ္ဆာန်များကို ရောင်းချခြင်း မရှိ တော့သော်လည်း သိမ်ကြီးဈေး အနီးတစ်ဝိုက်ရှိ တရုတ်စား သောက်ဆိုင်အချို့မှာ ယနေ့အထိ   တောတွင်းတိရစ္ဆာန်သားများကို ရောင်းချနေဆဲဖြစ်သည်ဟု  ဆို သည်။

လှည်းကူးမြို့နယ်တွင် တော တွင်းတိရစ္ဆာန်များကို သံလှောင် ချိုင့်များဖြင့် လှောင်ထားသည့် အိမ်ကြီးတစ်ခုရှိပြီး ရန်ကုန်မြို့ရှိ စားသောက်ဆိုင်များက  သွားရောက်ဝယ်ယူခြင်းများ  ယခင်က ရှိခဲ့ကြောင်း သိမ်ကြီးဈေးတစ်ဝိုက် ရှိ စားသောက်ဆိုင်များမှ စုံစမ်း သိရသည်။

‘‘သူဌေးက မန်နေဂျာတွေနဲ့ အကြော်ဆရာနဲ့သွားတာ။ အိမ် ကအကြီးကြီးပဲ။ အကောင်အရှင် ဆိုအရှင်၊ အသေဆိုအသေဈေး ရှိတယ်’’ ဟု အကြော်ဆရာတစ် ဦးက ဆိုသည်။

တောကောင်သားရောင်းချ သည့်ဆိုင်များသည့် တိရစ္ဆာန်များကို သံလှောင်ချိုင့်ဖြင့် သိုလှောင်ခြင်းမပြုတော့ဘဲ စားသောက်လိုသူက တယ်လီဖုန်းဖြင့် ကြိုတင်မှာကြားသည်ကို   စီစဉ်ပေးခြင်းဖြစ် သည်။

မြွေဟင်းအပါအ၀င် တော တွင်းတိရစ္ဆာန်များကို စားသောက် သူ အော်ဒါရှိပါကတောကောင် ပို့ဆောင်သူများက ဆိုင်သို့ လာပို့ ပြီးနောက် စားဖိုမှူးက လက်စ ဖျောက်၍ သားကောင်များကို ချက်ပြုတ်ရောင်းဝယ်နေကြခြင်း ဖြစ်သည်။

ဗီယက်နမ်ဟိုတယ်ဟု လူသိ များသော လမ်းမတော်ရှိ မစ္စတာ လီဟိုတယ်တွင် ၅၅ ဒေါ်လာတန် မြွေဟောက်ဟင်းပွဲများ ရောင်းချ နေသည်ဟု လူမှုကွန်ရက်တွင် ဓာတ်ပုံနှင့်တကွ ဖော်ပြခဲ့ပြီး ဆိုင် ရှင်က မြွေဟင်းမရောင်းချကြောင်း ငြင်းဆိုခဲ့သည်။

ဗဟန်းမြို့နယ်အတွင်းရှိ ဗီ ယက်နမ်စားသောက်ဆိုင်တစ်ခု တွင်လည်း မြွေဟောက်၊ လိပ်၊ တောငှက်များ စားသောက်လိုပါ က ကြိုတင်မှာယူနိုင်ကြောင်း၊ မှာယူလိုပါက နိုင်ငံခြား ဧည့်သည် ၁၅ ယောက်စာထိ စီစဉ်ပေးနိုင် သည်ဟု ဆိုသည်။

တရုတ်လူမျိုးများသည် မြွေ ပွေးဟင်းကို ကင်ဆာရောဂါအ တွက် ကောင်းသည်ဟုဆိုကာ စားသောက်ကြပြီး သွေးကင်ဆာ လူနာကို မြွေပွေးဟင်း ၁၀ ပွဲကျွေး လျှင် ရောဂါပျောက်ကင်းသည်ဟု တရုတ်လူမျိုးများက ယုံကြည်ကြ ကာ ဗီယက်နမ်လူမျိုးများက မြွေ ဟောက်ဟင်းကို ပိုမိုနှစ်သက်ကြ သည်။

သဘာ၀၀န်းကျင်နှင့် သား ငှက်တိရစ္ဆာန်ထိန်းသိမ်းရေးဌာန တာဝန်ရှိသူတစ်ဦးက ‘‘တော ကောင်သားတွေရောင်းတာက သတ္တ၀ါအမျိုးအစားပေါ်မူတည် ပြီး ပြစ်ဒဏ်ကွာသွားတယ်။ တောရိုင်းတိရစ္ဆာန်တွေကို လုံးဝကာ ကွယ်တာရယ်၊ ရာသီအလိုက် ကာကွယ်တာရယ်၊ သာမန်အ လိုက် ကာကွယ်တာရယ် ရှိတယ်။ ဒါက မြို့မှာ စည်ပင်တို့၊ ထွေအုပ် တို့က မရောင်းဖို့ တားမြစ်ပေးရ မယ်။ တောရိုင်းတိရစ္ဆာန်ကို တ ရုတ်ဆိုင်တွေက ရောင်းတာများ တယ်။ သူတို့ပဲ စားတယ်။ ဒါတွေ ရောင်းချခြင်းက တရားမ၀င်ဘူး’’ ဟု ဆိုသည်။ ‘‘တောက လူတွေက တော့ ပိုက်ဆံရတော့ ရောင်းတာ ပေါ့။ တကယ်လည်း ဖမ်းရော သူ ပဲ အဖမ်းခံရတယ်။ အများပြည် သူတွေနဲ့လည်း သက်ဆိုင်တယ်။ ဒီလိုမျိုးရောင်းချရင် သတင်းပေး သင့်တယ်။ သားငှက်ထိန်းသိမ်း ရေးဌာနကလည်း နေရာတိုင်းမှာ  ဌာနမရှိဘူးဆိုတော့ လိုက်မစစ် နိုင်ဘူး။ သတင်းရလို့ သွားစစ် တော့ ပိတ်တာ၊ ရှောင်နေတာ တွေဖြစ်နေတယ်’’ ဟု ၎င်းက ဆက်လက်ပြောကြားသည်။

ပြီးခဲ့သည့်နှစ်က   လသာ လမ်းရှိ တိုက်အပေါ်ထပ်တွင် ဖွင့် လှစ်ထားသော တောတွင်းတိ ရစ္ဆာန်သားဟင်းလျာများ ရောင်းချသည့် ဆိုင်သို့ တရုတ်ပြည်မမှ လာရောက်သော   တရုတ်လူမျိုး များကို ပို့ဆောင်ပေးခဲ့ရကြောင်း တရုတ်ဧည့်လမ်းညွှန်တစ်ဦးက ဆိုသည်။

ယင်းဆိုင်ရှိသည့်နေရာ သည် လသာရဲစခန်းနှင့်နီးပြီး လ သာမြို့နယ်တွင် တောတွင်းတိ ရစ္ဆာန်ရောင်းချမှုနှင့် ပတ်သက်၍ ရောင်းသည့်ဆိုင် မရှိသလို ဖမ်း ဆီးအရေးယူမှု မရှိခဲ့ကြောင်း လ သာမြို့နယ် ရဲစခန်းမှ တာဝန်ကျ ဒုရဲအုပ်တစ်ဦးက ပြောသည်။

‘‘လသာမှာ စားသောက်ဆိုင် လေးဆိုင်လောက် ရောင်းတယ်။ လသာလမ်းထောင့်က ဆိုင်က ပိတ်သွားပြီ။ ဟိုတုန်းက အကြီးအ ကျယ် တောကောင်တွေဝယ် တယ်။ ပြီးခဲ့တဲ့နှစ်က ပိတ်လိုက် တာ။ ဖွင့်တဲ့ တရုတ်က ပြည်မပြန် သွားပြီ’’ ဟု လသာလမ်းနေသူ တစ်ဦးက ဆိုသည်။

လမ်းမတော်နှင့် လသာမြို့ နယ်များရှိ တရုတ်လူမျိုးများ ဖွင့် လှစ်သော စားသောက်ဆိုင်များ မှာ ဆယ်စုနှစ် နှစ်ခုကျော်ကြာ ဖွင့်လှစ်ထားသော ဆိုင်များဖြစ်ပြီး တောတွင်းတိရစ္ဆာန်များကို ဆက် လက်ရောင်းဝယ်နေခြင်းဖြစ် သည်။

ရန်ကုန်တွင် ဆောက်လုပ် ရေးလုပ်ငန်း ကျွမ်းကျင်သော ဗီ ယက်နမ်လူမျိုးများမှာ ဟိုတယ် နှင့် ကွန်ဒိုများဆောက်လုပ်ရန် ရောက်ရှိနေသည့်အတွက် မြွေ ဈေးကွက်မှာ စိနတိုင်းသားများ နှင့် အပြိုင်စားသောက်သူများ ထပ်မံပေါ်ပေါက်နေခြင်းဖြစ် သည်။

မြွေဟောက်ဟင်းဈေးနှုန်း မှာ ကျပ်နှစ်သောင်းခွဲမှ ကျပ်ငါး သောင်းအထိ ဈေးကွက်ရှိနေကာ မြွေအသုပ်၊ မြွေစွပ်၊ မြွေဟင်းအ စရှိသဖြင့် ကြိုက်နှစ်သက်သလို မှာယူရာကို စားဖိုမှူးက လုပ်ပေး ပြီး သင်းခွေချပ်အရှင် တစ်ကောင် လျှင် ကျပ်တစ်သိန်းခွဲထိ ဈေးပေါက်ကြောင်း စုံစမ်းသိရသည်။

ပဲခူး၊ စစ်ကိုင်း၊ ကရင်၊ ရှမ်းနှင့် ရခိုင်ပြည်နယ်တို့တွင် လိပ်ခွံ၊ ဆင်စွယ်၊ ချေသားရေ၊ နွား နောက်ချို၊ မျောက်ခန္ဓာကိုယ် အ ပိုင်းအစနှင့် တောင်ဆိတ်ချိုများ၊ မြွေအရေခွံများ၊ သမင်ချိုများ၊ တောဝက်အစွယ်များ၊ တန်ဖိုးကြီး လိပ်များ၊ ၀က်ဝံအမွေးများ၊ တိ ရစ္ဆာန်အရိုးပေါင်းစုံနှင့် ကျားသား ရေများကို မကြာခဏ ဖမ်းဆီးရ မိလေ့ရှိကြောင်း သက်ဆိုင်ရာ ရဲ စခန်းများထံမှ သိရသည်။

ကုန်သည်အချို့မှာ တော ရိုင်းတိရစ္ဆာန် ကိုယ်အင်္ဂါအစိတ် အပိုင်းများကို မှောင်ခိုကူးသန်း ရောင်းချရန် လျှို့ဝှက်စွာ ဈေး ကောင်းပေးဝယ်ယူမှုများကြောင့် မုဆိုးများမှာ တောတောင်များတွင် တရားမ၀င်အမဲလိုက်သတ်ဖြတ် ဖမ်းဆီးမှု များပြားနေခြင်းဖြစ် သည်။

‘‘ဘာတောကောင်မှ ရောင်း ခွင့်မရှိဘူး။ ရောင်းချင်ရင် ကိုယ့် ဟာကိုယ်မွေးပြီး တတိယမျိုး ဆက်မှ ရောင်းချခွင့် ရှိမယ်။ အခု ရောင်းနေတာတွေက တောထဲက ကောင်တွေကို ရောင်းချတာ’’ ဟု သဘာဝပတ်ဝန်းကျင် ထိန်းသိမ်း ရေး ပညာရှင် ဦးသိန်းအောင်က ဆိုသည်။

တောရိုင်းတိရစ္ဆာန်ကို ခွင့် ပြုချက်မရှိဘဲ သတ်ဖြတ်ခြင်း၊ အ မဲလိုက်ခြင်း (သို့မဟုတ်) အနာတ ရဖြစ်စေခြင်း၊ ယင်းတောရိုင်း တိ ရစ္ဆာန်ကိုဖြစ်စေ၊ ယင်း၏ အစိတ် အပိုင်းကိုဖြစ်စေ၊ ခွင့်ပြုချက်မရှိ ဘဲ လက်ဝယ်ထားရှိခြင်း၊ ရောင်း ချခြင်း၊ သယ်ဆောင်ခြင်း (သို့မ ဟုတ်) လွှဲပြောင်းခြင်း ပြုလုပ်ပါ က တောရိုင်းတိရစ္ဆာန်နှင့် သဘာ ၀အပင်များ ကာကွယ်ရေးနှင့် သ ဘာဝနယ်မြေများ ထိန်းသိမ်းရေး ဥပဒေပုဒ်မ ၃၇ (က) အရ အရေး ယူနိုင်ပြီး ပြစ်မှုထင်ရှားစီရင်ခံရ လျှင် ထိုသူကို ငွေဒဏ်ကျပ်ငါး သောင်းအထိဖြစ်စေ၊ ထောင် ဒဏ်ခုနစ်နှစ်အထိဖြစ်စေ၊ ဒဏ် နှစ်ရပ်လုံးကိုဖြစ်စေ ချမှတ်နိုင် သည်။

တရုတ်နိုင်ငံတွင် မြွေသား ကို အလွန်အကျွံစားသုံးကြသူ များပြားခြင်းကြောင့် မြွေမွေးမြူ ရေးသည် အရေးပါသော စီးပွား ရေးလုပ်ငန်းတစ်ခုဖြစ်လာ ကြောင်း ဆင်ဟွာသတင်းဌာနက ထုတ်လွှင့်ဖူးသည်။

‘‘တောကောင်တွေကိုင်တာ သတိထား။ အရမ်းကို လောဘ ကြီးပြီးမလုပ်နဲ့။ တောကောင်တွေ က ဘုန်းအရမ်းကြီးတယ်။ ငါ့ဆီ မှာ လုပ်ခဲ့တဲ့ တောက မုဆိုးတွေ အကုန်လုံး ဒုက္ခရောက်ကုန်တယ်။ ခု တောကောင်တွေ မလုပ်တော့ ဘဲ ရိုးရိုးစားသောက်ဆိုင်ပဲ ဖွင့် တော့မယ်’’ ဟု တောတွင်း တိရစ္ဆာန်သားကောင်များကို သံလှောင် ချိုင့်များဖြင့် ရောင်းချခဲ့ဖူးသည့် တရုတ်လူမျိုးတစ်ဦးက ပြော သည်။

7day daily

အပြည့်အစုံသို့ »

သရဲခြောက်သောအိမ်ကြီးရှိအိမ်ရှင်အား အင်တာဗျုးသွားလုပ်သော သတင်းထောက် သရဲ၏ကုတ်ခြစ်ခံရဟုဆို


အမေရိကန်ပြည်ထောင်စု၊ပင်န်ဆိုင်ဗင်းနီး
ယား၊ဟန်နိုဗာမြို့က မာပဲလ်လမ်းသွယ်
မှာရှိတဲ့ သရဲခြောက်တဲ့အိမ် တစ်အိမ်ကို အင်တာဗျူးသတင်းသွားယူတဲ့သတင်းထောက်
ရဲ့လက်ကို အဲဒီအိမ်က သရဲက ကုတ်ခြစ်


လိုက်တဲ့ အကြောင်း ဖောက်စ်၄၃ရုပ်သံလိုင်းကို ကိုးကားပြီး ဒေးလီးမေးလ်သတင်းစာကရေးသားလိုက်ပါတယ်။

ကင်မရာမင်း နစ်ခ်ပက်ထရီလိုဟာ ဒင်းနာနဲ့သွမ်ဆင်ဆွမ်တို့လင်မယားနေထိုင်တဲ့ အဲဒီအိမ်ကိုရောက်သွားပြီး သူတို့သရဲခြောက်ခံရပုံကိုမေးမြန်းမှတ်တမ်းတင်လို့ မိနစ်ပိုင်းကလေးအတွင်းမှာ သူ့လက်ဖျံမှာအစင်းရာတစ်ခု ခြစ်ခံလိုက်ရပြီး လောင်ကျွမ်းသွားသလိုခံစားလိုက်ရကြောင်းပြောပါတယ်။
အဲဒီအိမ်မှာ (၇)နှစ်လောက်နေထိုင်လာခဲ့တဲ့ ဒင်းနာသွမ်ဆင်တို့က သူတို့အိမ်မှာ သရဲအနည်းဆုံးငါးကောင်နဲ့ နတ်ဆိုး(၁)ကောင်တို့ရှိနေပြီး သူတို့ကိုအမြဲတမ်းနှောက်ယှက်နေကြောင်းပြောပြပါတယ်။အိမ်ထဲက မကောင်း ဆိုးဝါးကောင်တွေဟာ အိမ်ထဲကလူတွေကို ကုတ်ခြတ်တတ်လေ့ရှိတယ်လို့လဲသူတို့ကဆိုပါတယ်။

`ရှင်ကဒီသတင်းကိုရေးမှာဆိုတော့ သူ(သရဲကောင်)တွေက သတိပေးတာဖြစ်မှာပေါ့`လို့ဒင်းနာက ပြောပါတယ်။
နေ့တိုင်း အခြောက်အလှန့်ခံနေရတယ်လို့ သူကပြောပါတယ်။စခြောက်တဲ့နေ့ကတော့ သူ့အိပ်မက် ထဲမှာ ယောက်ျားနှစ်ယောက်က သူ့ဘေးရပ်နေတာမက်ပြီးလန့်နိုးလာတော့ အိပ်မက်ထဲက နှစ်ယောက် တကယ်ပဲအိပ်ရာဘေးလာရပ်နေတာတွေ့လိုက်ရတာကစတာပဲလို့ဆိုပါတယ်။

 နောက်တစ်ကြိမ်ကတော့ သူ မှန်ကြည့်နေတုန်း မှန်ထဲမှာ ဆံပင်အညိုရောင်နဲ့မိန်းကလေး လဲနေတာကိုမြင်လိုက်ရပြန်ပါတယ်လို့ပြောတယ်။

`လမ်းလျှောက်သံတွေကြားရတယ်။တံခါးကသူ့အလိုလိုဖွင့်ပိတ်တယ်။လူမရှိတဲ့အခန်းတွေထဲက ငိုညည်းသံတွေကြားရတယ်`လို့သူကပြောပါတယ်။

အဲဒီသရဲတွေထဲက အချို့အမျိုးသမီးတွေက ကျွန်မတို့ကိုစောင့်ရှောက်ပါတယ်။ဒါပေမယ့် အများ စုကတော့ အတော်ဆိုးသွမ်းကြတယ်လို့လဲ ဒင်းနာကပြောပါတယ်။

အခုထက်ထိဒီအိမ်ကိုဝယ်မယ့်သူလဲမတွေ့၊ပြီးတော့ အထက်လမ်းဆရာအမျိုးမျိုးပင့်ဖိတ်ပြီး သူတိ်ု့ကိုနှင်လို့ မရဖြစ်နေရတယ်လို့ အိမ်ရှင်လင်မယားကပြောဆိုတာကို ဒေးလီးမေးလ် နဲ့ဖောက်စ်ရုပ်သံတို့မှာဖော်ပြထား ပါတယ်။

(ဓါတ်ပုံများ- ၁။သရဲခြောက်သောအိမ်၊၂။ကုတ်ခြစ်ခံရသောသတင်းထောက်၊၃။အရပ် (၇)ပေရှိသော အရိပ်မည်း ကြီး၊၄။ အိမ်ပြင်တွင်ရိုက်သည့်ဓါတ်ပုံတွင် ထူးဆန်းအံ့သြဘွယ်ရာပေါ်လာသည့် စက်ဝန်းပုံသဏ္ဍန်ကြီး၊

(ဗီဒီယို-အလိုအလျောက်ဖွင့်ပိတ်လုပ်နေသော တံခါး-

Yangon Media Group

အပြည့်အစုံသို့ »

အမျိုးသားတွေအနေနဲ့ ကိုယ့်ကောင်မလေးဆီမှာ ရှိစေချင်တဲ့ အရည်အချင်း (၆) ချက်


ခုခေတ်မှာ ပြီးပြည့်စုံတဲ့ ချစ်သူရည်းစားမျိုးကို လိုက်ရှာနေရင်တော့ တွေ့မယ်မထင်ပါဘူး။ ခုလက်ရှိကိုယ့်ရည်းစားက တော်တော်လေးကို ချစ်စရာကောင်းသလို ကိုယ်နဲ့လည်း အဆင်ပြေပါတယ်။ ဒါပေမယ့် အမျိုးသားတွေအနေနဲ့ ကိုယ့်ချစ်သူကို ခုအခြေအနေနဲ့ နည်းနည်းကွဲပြားတဲ့ အရည်အချင်းတစ်ချို့ကို ပိုင်ဆိုင်စေချင်ကြပါတယ်။ ဘယ်လိုအရည်အချင်းမျိုးတွေလဲဆိုတာ တစ်ချက်ကြည့်ကြရအောင်။

၁။ဘာမဟုတ်တာလေးတွေကို ပွစိပွစိပြောပြီး ရန်မရှာတတ်တာမျိုး

မိန်းကလေးတော်တော်များများဟာ သူတို့စိတ်အလိုမကျတော့ဘူးဆိုရင် သွား လာမထိနဲ့၊ စိတ်ဆိုးနေတယ်လို့ ပြောပြီး မကျေနပ်ချက်တွေကို ပွစိပွစိ လုပ်တတ်ကြပါတယ်တဲ့။ တည်ငြိမ်ပြီးရင့်ကျက်တဲ့ မိန်းကလေး အနည်းငယ်ကတော့ မြင်သမျှအရာတိုင်းကို ပြသနာမလုပ်တတ်သလို တကယ်ပြသနာတွေကိုမှ မျက်နှာချင်းဆိုင် ဖြေရှင်းတတ်ကြတာမျိုးပါ။

၂။အရာအားလုံးကို မမှီခိုနေတတ်တာမျိုး

ငွေရေးကြေးရေအရရော၊ ရုပ်ပိုင်းဆိုင်ရာ၊ စိတ်ခံစားမှုတွေအရရော အမျိုးသားတွေဟာ ကိုယ့်ချစ်သူက ကိုယ့်ကို မှီခိုတာမျိုးကို သဘောကျကြတယ်လို့ ထင်ပါလိမ့်မယ်။ အမှန်တော့ ရေရှည်မှာ ကိုယ့်ရဲ့စဉ်းစာဥာဏ်၊ ကိုယ့်ဆုံးဖြတ်ချက်နဲ့ ကိုယ့်အားကိုယ့်ကိုးတဲ့ ချစ်သူမျိုးကိုသာ ပိုင်ဆိုင်ချင်ကြတာပါ။ အရာအားလုံး သူတို့လုပ်ပေးမှ အဆင်ပြေနိုင်တဲ့ သူမျိုးကိုတော့ ဘယ်သူမှ မလိုချင်ပါဘူး။
၃။စမတ်ကျကျလေး နေတတ်တာမျိုး

အပေါ်က အချက်လိုပါပဲ။ ကိုယ့်ချစ်သူက တုံးအနေတာမျိုး ဘယ်ယောင်္ကျားလေးက လိုချင်မှာလဲ။ မေးလိုက်တိုင်း ဘာဆိုဘာမှမသိတဲ့ ချစ်သူမျိုးထက် စမတ်ကျကျလေး နေတတ်တဲ့ ချစ်သူမျိုးကို ပိုပိုင်ဆိုင်ချင်ကြတာပါ။
၎။ညှို့အားပြင်းပြင်းနဲ့ သူတို့ကို ဆွဲဆောင်နိုင်တာမျိုး

ကိုယ်ခန္ဓာလှတာ မလှတာ ၊ ပိန်တာ၊ ၀တာမျိုးတွေနဲ့ မဆိုင်ပါဘူး။ သူတို့ဆိုလိုချင်တာက သူတို့နဲ့ နေတဲ့အခါမျိုးတွေမှာ ကိုယ်ဟာ သူတို့ကို ဆွဲဆောင်နိုင်တဲ့ ချစ်သူမျိုးဖြစ်တာမျိုးကို လိုချင်တာပါ။
၅။အားလုံးကို ခင်ခင်မင်မင် ပေါင်းသင်ဆက်ဆံတတ်တာမျိုး

ဒါကတော့ ယောင်္ကျားလေး၊ မိန်းကလေးမှ မဟုတ်ပါဘူး။ ဘယ်သူမဆို ကိုယ့်ချစ်သူကို ကိုယ့်သူငယ်ချင်း၊ အပေါင်းအဖော်၊ လုပ်ဖော်ကိုင်ဖက်တွေနဲ့ အဆင်ပြေစေချင်တာ၊ ခင်ခင်မင်မင် ပေါင်းသင်းဆက်ဆံစေချင်ကြတာချည်းပါပဲ။ ဒါဟာ ဆက်ဆံရေးတစ်ခုအတွက် အရေးပါလွန်းလှပါတယ်။
၆။ခွန်အားပေးတတ်တာမျိုး

ဘယ်ယောင်္ကျားလေးမဆို ကိုယ့်ကိုပြောင်းလဲနိုင်စွမ်းရှိတဲ့၊ ကိုယ့်စိတ်ကူးအိုင်ဒီယာတွေကို ပိုမိုသစ်လွင်လာအောင် ဖန်တီးပေးနိုင်တဲ့ ချစ်သူမျိုးကို ပိုင်ဆိုင်ချင်ကြပါတယ်။ စိတ်ခွန်းအားဖြည့်ပေးနိုင်မယ့် ချစ်သူမျိုးကို လိုချင်ပါတယ်။

Trend Myanmar

အပြည့်အစုံသို့ »

AGD ဘဏ် အစုရှယ်ယာများကို ဗဟိုဘဏ်ခွင့်ပြုချက်ဖြင့် ထုတ်ရောင်းမည်ဟု ဦးတေဇပြော


အာရှစိန်းလန်းမှု ဖွံ့ဖြိုး ရေးဘဏ် လီမိတက် AGD ဘဏ် က ဘဏ်ရှယ်ယာများကို ၆၀
ရာခိုင်နှုန်းထိ ထုတ်ရောင်းချသွား မည်ဟုAGD ဘဏ်ဥက္ကဋ္ဌ ဦးတေဇက ပြောကြားသည်။



လက်ရှိတွင် AGD ဘဏ်က ၎င်းတို့၏ ရှယ်ယာများထဲမှ ၁၅ ရာခိုင်နှုန်းကိုသာ ဗဟိုဘဏ်ခွင့်ပြုချက်ဖြင့် ရောင်းချပြီးဖြစ်ကြောင်း၎င်းက ပြောသည်။

‘‘ဥပဒေအရ ရှယ်ယာရောင်း ခွင့်ရတဲ့ ဘဏ်ဖြစ်ပါတယ်။ ရောင်း မယ်ဆိုလည်း ဗဟိုဘဏ်ကို တင် ပြီး တရားဝင်လုပ်မှာပါ။ ၆၀ ရာ ခိုင်နှုန်းတော့ ရောင်းမှာပဲ။ ဒါပေမဲ့ အခြေအနေ၊ အချိန်အခါကိုကြည့် ပြီးတော့ ပြုလုပ်သွားမှာပါ’’ဟု ဦးတေဇက ဆက်လက်ပြောသည်။

အာရှစိမ်းလန်းမှုဖွံ့ဖြိုးရေး ဘဏ်၏ အစုရှယ်ယာ ၁၅ ရာခိုင် နှုန်းကို ဦးနေ၀င်း၏မြေး၊ ဦးကျော် နေ၀င်းနှင့် မီကိုကွေကာ လုပ်ငန်း ရှင်အပါအ၀င် စုစုပေါင်း လုပ်ငန်း ရှင်လေးဦးကို ရောင်းချခြင်းဖြစ် ကြောင်း ဘဏ်ဘက်က ပြောဆို နေသော်လည်း ကာယကံရှင်ဦး ကျော်နေ၀င်းဘက်ကမူ ၆၀ ရာခိုင်နှုန်းအထိ ၀ယ်ယူထားပြီးဖြစ် ကြောင်းပြောဆိုနေသည်။

‘‘Commitment က Com-mitment ပဲ။ မကျေနပ်ရင် သူတို့ ဘက်ကလဲ သက်သေနဲ့ တရားရုံး တင်လည်း အဆင်သင့်ပဲ။ သက် သေနဲ့ ပြောလိုက်တာ မကောင်း ဘူးလား။ ငွေလည်း Scanning လုပ်ပြီးသား ဖြစ်သွားတာပေါ့။ အခုလည်း ကိုယ့်ဆီပိုက်ဆံမှ မရောက်သေးတာ’’ ဦးတေဇက UMFCCI နှစ်ပတ်လည်ပွဲတွင် မီဒီယာများအား ပြောကြားသွားသည်။

AGD ဘဏ်တွင် စုစုပေါင်း အစုရှယ်ယာ ခြောက်သိန်းရှိပြီး ယင်းအနက် ၁၅ ရာခိုင်နှုန်းဖြစ်သော အစုရှယ်ယာ ကိုးသောင်း ကို ရောင်းချခဲ့ခြင်းဖြစ်ကြောင်းဘဏ်က ထုတ်ဖော်ပြောကြားထားသည်။

7Day News Daily

အပြည့်အစုံသို့ »

ဗိုက်ကြီးသည်များ မသုံးသင့်တဲ့ ဆပ်ပြာ


ပိုးသတ်ဆေးပါသည့် ဆပ်ပြာများ (Antibacterial
Soap) သုံးခြင်းသည် သန္ဓေသားနှင့် မိခင်ကိုပါ အန္တရာယ်ဖြစ်စေသောကြောင့် ယင်းဆပ်ပြာ
များကို မသုံးစွဲရန် ကျန်းမာရေးပညာရှင်များ
က သတိပေးထားသည်။



ဘက်တီးရီးယားများကို သေစေနိုင်သည့် ဒြပ်ပေါင်းများသည် သဘာဝပတ်ဝန်းကျင်ဆိုင်ရာ ကျွမ်းကျင် သူများအတွက် စိုးရိမ် ဖွယ်ဖြစ်လာပြီး အမေရိကန်ဓာတုဗေဒအသင်းကလည်း ယင်းကိစ္စရပ်ကို ယခုကျင်းပမည့် နှစ်ပတ်လည် အစည်းအဝေး တွင် ဆွေးနွေးသွားမည်ဖြစ်ကြောင်း သိရသည်။

ဓာတုပစ္စည်းများနှင့် ထိတွေ့ခြင်းကြောင့် မွေးကင်းစကလေးများ ကိုယ်အလေးချိန်မပြည့်ရသည့် အ ကြောင်း ဆက်နွှယ်မှုများကို သိပ္ပံပညာရှင်များက ဆွေးနွေးတင်ပြသွားကြမည်ဖြစ်သည်။

ယင်းပြဿနာသည် အလွန်နူးညံ့သိမ်မွေ့သော်လည်း ရေရှည်တွင် မွေးကင်းစကလေးများ၏ ကြီးထွားမှု အရွယ်အစားပေါ်တွင် များစွာ သက်ရောက်မှုရှိလာနိုင်ကြောင်း ပညာရှင်များက သတိပေးထားသည်။

သုတေသနပြုလုပ်ရာတွင် ပါဝင်ခဲ့သည့် အမေရိကန်နိုင်ငံ အရီဇိုးနားပြည်နယ် တက္ကသိုလ်မှ ဘန်နီပစ်ကေက ပိုးသတ်ဆေး ပါဝင်သည့် ဆပ်ပြာများအတွင်းမှ ဓာတုပစ္စည်းများက သန္ဓေသားကြီးထွားမှုနှင့် မျိုးပွားမှုများအပေါ်တွင် သက်ရောက်မှု များ ရှိနေကြောင်း တိရစ္ဆာန်များတွင် အထောက်အထားတွေ့ရှိထားပြီး လူများအပေါ်တွင်လည်း ထိခိုက်နိုင်သည့် အလားအလာ များရှိနေ ကြောင်း ပြောကြားသည်။


၂၀၁၀ ပြည့်နှစ်တွင် ဖလောရီဒါတက္ကသိုလ်မှ သုတေသနပညာရှင်များ၏ တွေ့ရှိချက်အရ Triclosan ဓာတုပစ္စည်းသည် ခန္ဓာ ကိုယ် အတွင်းမှ အီစတိုဂျင် ဟိုမုန်းများ၏ ဇီဝကမ္မဖြစ်စဉ်နှင့် ဆက်စပ်နေသော အင်ဇိုင်းများ ထုတ်လုပ်ခြင်းကို အဟန့်အ တားဖြစ်စေကြောင်း သိရသည်။

ဓာတုပစ္စည်းများဖြစ်သည့် Triclosan နှင့် Triclocarban တို့ကို သွားတိုက်ဆေး၊ ကိုယ်တိုက်ဆပ်ပြာ၊ ဆပ်ပြာမှုန့်၊ ကော်ဇောများ၊ သုတ်ဆေးများ၊ ကျောင်းသုံးပစ္စည်းများနှင့် ကလေးကစားစရာများအပါ အ၀င် နေ့စဉ်သုံးပစ္စည်း ၂၀၀၀ ခန့်တွင် ထည့်သွင်း အ သုံးပြုနေကြောင်း သိရသည်။

ကိုယ်ဝန်ဆောင်အမျိုးသမီးများတွင် Oestrogen sulfotransferase ဟုခေါ်ဆိုသော အဆိုပါ အင်ဇိုင်း များသည် အီစတိုဂျင်များ၏ ဇီဝကမ္မဖြစ်စဉ်ကို အကူအညီပေးပြီး အချင်းမှတစ်ဆင့် သန္ဓေသားအတွက် အာဟာရဖြစ်စေသည်။

အီစတိုဂျင်သည် ဦးနှောက်ဖွံ့ဖြိုးရေးနှင့် မျိုးဗီဇများ ထိန်းညှိရေးတွင် များစွာအရေးပါကြောင်း သုတေသနပညာရှင် များက ရေးသားထားသည်။

ထို့ပြင် ပိုးသတ်ဆေးဆပ်ပြာများတွင် အရောင်နှင့် ထိန်းဆေးအတွက် ထည့်ထားသည့် ပစ္စည်း အချို့သည် ပဋိဇီဝဆေး မတိုးသည့် ပြဿနာဖြစ်ပွားနိုင်သောကြောင့် လူများ၏ ကျန်းမာရေးအတွက် အန္တရာယ်ဖြစ်ပေါ် လာနိုင်ကြောင်း လေ့လာတွေ့ရှိမှုအချို့တွင် ဖော်ပြထားသည်။

အိမ်သုံးပစ္စည်းများတွင် ပါသည့် ဓာတုပစ္စည်းများသည် မေလအတွင်းက ထုတ်ပြန်ခဲ့သည့် လူတို့၏ သုတ်ပိုးများကို ပျက်စီး ထိခိုက်စေကြောင်း ပထမဆုံးအကြိမ် လေ့လာတွေ့ရှိမှုတစ်ခုကို မေလအတွင်းက ထုတ်ပြန်ခဲ့သည်။
Ref: Daily Mail

Mizzima News Daily

အပြည့်အစုံသို့ »

ပရိသတ်တွေနဲ့ မွေးနေ့ဖြတ်သန်းခဲ့တဲ့ ၀တ်မှုန်ရွှေရည်



သြဂုတ် ၁၀ ရက်တွင် ကျရောက်ခဲ့သော ၀တ်မှုန်ရွှေရည် ၏ မွေးနေ့တွင် ၎င်း၏ ပရိသတ် များဖြစ်သည့် We Love Wut Hmone Shwe Yi အဖွဲ့သားများ နှင့်အတူ အမျိုးသမီးလူမှုဖူလုံရေး ကျောင်း၌ တစ်ရက်စာ အာဟာရ နှင့် အသုံးအဆောင်ပစ္စည်းများ လှူဒါန်းခဲ့ပြီး မွေးနေ့ကို ပရိသတ် များနှင့် ဖြတ်သန်းခဲ့ရသောကြောင့် ပျော်ရွှင်ခဲ့ရကြောင်း ၎င်းကပြော သည်။

‘‘ဘ၀မှာ  မွေးနေ့ကို  ပရိ သတ်တွေနဲ့ ဖြတ်သန်းတာ ပထမ ဆုံးပဲ။ ကစ်အတွက် အမှတ်တရ ဖြစ်သလို ပျော်လည်းပျော်ပါ တယ်’’ ဟု ၀တ်မှုန်ရွှေရည်က ပြောသည်။

မွေးနေ့နံနက်တွင် မှော်ဘီ၊ အောင်ဇမ္ဗူတောရကျောင်း၌ ဆွမ်းဆက်ကပ်လှူဒါန်းခဲ့ပြီး We Love Wut Hmone Shwe Yi အဖွဲ့သားများနှင့် အမျိုးသမီး လူ မှုဖူလုံရေးကျောင်းတွင် တစ်ရက် စာ အာဟာရအလှူနှင့် အသုံးအ ဆောင်ပစ္စည်းများ    လှူဒါန်းခဲ့ သည်။

ထို့နောက် We Love Wut Hmone Shwe Yi အဖွဲ့သားများ နှင့် Escape Gastero Bar တွင် မွေးနေ့ပွဲ   ဆက်လက်ကျင်းပခဲ့ ပြီး ပရိသတ်များက လက်ဆောင် များပေးခဲ့သလို ပရိသတ်များကို လည်း ၎င်း၏ ပုံပါသော ခေါင်းအုံး လေးများကို အမှတ်တရအနေဖြင့်  ပြန်လည်ပေးခဲ့သည်။

‘‘ပရိသတ်တွေကို ပေးခဲ့တဲ့ ခေါင်းအုံးလေးတွေက ကစ်အ မှတ်တရ Collection အနေနဲ့ ထုတ်ရောင်းဖို့  စီစဉ်ထားတာပါ။ အခုလောလောဆယ်ကတော့ ကြော်ငြာထားရုံပဲ ရှိသေးတယ်။ ဘယ်အချိန်ရောင်းမယ်ဆိုတာကို လည်း ပြန်ပြီး ပြောပေးပါမယ်။ ဒီနေ့ကတော့ ပရိသတ်တွေကို အ မှတ်တရအနေနဲ့ ပေးဖြစ်တာ’’ ဟု ၀တ်မှုန်ရွှေရည်က ပြောသည်။

၎င်း၏ ပရိသတ်များအတွက် အမှတ်တရပစ္စည်းများကို Limited Edition အနေဖြင့် ရောင်းချသွား ရန် အစီအစဉ်ရှိပြီး ပထမဆုံးအ နေဖြင့် ၎င်း၏ ပုံပါသော ခေါင်း အုံးများကို စတင်ထုတ်လုပ် ရောင်းချသွားမည်ဟု ၎င်းက ဆို သည်။

7day daily

အပြည့်အစုံသို့ »

အတုယူအားကျစရာကောင်းသော အောင်မြင်ကျော်ကြားသူများ၏ ဘ၀များ



အမှန်တကယ် အလေးအနက်ထားပြီးအောင်မြင်ချင်သူများအတွက် အကောင်းဆုံးသောနည်းလမ်းတခုမှာ
အောင်မြင်ကျော်ကြားသူများ၏ ဘ၀ဖြတ်သန်းပုံများကိုလေ့လာသင်ယူပြီး လက်တွေ့ကျကျအကောင်အထည်ဖော် ရန်ဖြစ်သည်။

အောင်မြင်လိုသောစိတ်ရှိသူတော်တော်များလည်း ဘ၀တွင်ကျရှုံးမှုများ ကြုံတွေ့ရလေ့ရှိတတ်ကြပါတယ်။ အဘယ်ကြောင့်ဆိုသော် အောင်မြင်သူများ၏သာယာလှပသော ဘ၀ကိုသာမြင်တွေ့ကြတတ်ပြီး လက်ရှိဘ၀ကို ရောက်ဖို့ ဘယ်လိုရုန်းကန်ဖြတ်သန်းခဲ့ရလည်းဆိုတာ မမြင်နိုင်၊မသိနိုင်ခဲ့ကြလို့ပါ။

အောင်မြင်သော သူများ၏ ဘ၀ဖြတ်သန်းပုံကိုသိရှိခြင်းအားဖြင့် သင်လည်းပဲဘယ်လိုအတုယူကျော်ဖြတ်နိုင်မလဲ သင့်အတွက်ကောဘယ်လိုအခွင့်အရေးတွေရရှိပြီး ပန်းတိုင်ကိုရောက်ဖို့ဘယ်လိုလျှောက်လမ်းရမလဲဆိုတာ သင်ခန်းစာယူနိုင်မှာပါ။

ကျွန်တော်ဝေမျှလိုသော အကြောင်းအရာလေးကတော့ အောင်မြင်ကျော်ကြားသူများ၏ အတိုချုန်းထားတဲ့ဘ၀သင်ခန်းစာလေးတွေပါ။ အခက်အခဲတွေကိုကျော်ဖြတ်ပြီး အများလေးစားဂုဏ်ယူတဲ့ဘ၀ကိုရောက်ရှိခဲ့ပုံလေးပေါ့။

Soichiro Honda – ဟွန်ဒါကုမ္ပဏီကိုတည်ထောင်ထားသူပေါ့။ ဟွန်ဒါလို့ဆိုလိုက်တာနဲ့ မသိသူမရှိလောက်ဖြစ်တဲ့ကမ္ဘာကျော်ကားအမျိုးအစားပါ။ တချိန်ကဟွန်ဒါ မတည်ထောင်ခင် တိုယိုတာကားကုမ္ပဏီမှာဝန်ထမ်းအဖြစ်အလုပ်လျှောက်စဉ် မိမိနှင့်သင့်တော်သောနေရာမရှိဟု အငြင်းခံလိုက်ရသူတဦးဖြစ်ခဲ့ပါတယ်။ စိတ်ဓာတ်မကျတဲ့အပြင် မခံချင်စိတ်ဖြင့်ကြိုးစားသဖြင့်ယခုအချိန်မှာ တိုယိုတာနှင့်အပြိုင်ကုမ္ပဏီတခုအဖြစ် ရပ်တည်နေနိုင်ပါပြီ။ သင်လည်းပဲဘယ်လိုပဲအငြင်းခံရပါစေ သင်ရောက်လိုသော ပန်းတိုင်ကို ရောက်အောင်သွားပါ။

Stephen King- နာမည်ကြီးစာရေးဆရာတဦးလို့ လူသိများတဲ့စတီဗင်ကင်းဟာဆိုရင်လည်းပဲ ပထမဦးဆုံးဝတ္တုကိုဖြန့်ချီရန်ကြိုးစားရာတွင်ဘယ်လိုမှ အစဉ်မပြေခဲ့ပဲ အမှိုက်ပုန်းထဲအထိမိမိစာအုပ်ကိုစွန့်ပစ်ခဲ့ပြီး ဇနီးမယား၏ အားပေး၊တိုက်တွန်းမှုဖြင့် အမှိုက်ပုန်းထဲကပြန်လည်ကောက်ယူ
ကာနောက်တကြိမ်ဖြန့်ချီရန် ကြိုးစားရာမှ အစပြုကာအောင်မြင်ကျော်ကြားသူ တဦးဖြစ်လာခဲ့သည်။ သင်ခန်းစာအနေဖြင့် ကိုယ့်ကိုကိုယ်ယုံကြည်ပါ ဘယ်သူမှလက်မခံသေးခင်ကာလမှာ စိတ်ရှည်၊ဇွဲရှိစွာကိုယ်သွားလိုသော ခရီးကိုရောက်အောင်သွားပါ။

Thomas Edison- သောမတ်စ်အဲဒီစင် လို့ဆိုလိုက်ရင်တော့လူအများသိပြီးတဲ့အတိုင်း မီးသီးတလုံးထွန်းလင်းဖို့အတွက် မီးသီးပေါင်း ၉၉၉လုံးကိုအရင်စမ်းသပ်ခဲ့ရာ မအောင်မြင်သေးပဲ အလုံးတထောင်ရောက်မှပင်အောင်မြင်စွာတည်ထွင်နိုင်ခဲ့တာပါ။ မဆုတ်မနစ်ကြိုးပမ်းမှုအတွက် အံအားသင့်စရာကောင်းပေမယ့် သူ့ရဲ့တုံ့ပြန်မှုကတော့ မအောင်မြင်ခဲ့သောမီးသီးတလုံးကိုစမ်းသပ်တိုင်းဒါဟာနည်းလမ်းအမှန်မဟုတ် မီးသီး မီးထွန်းလို့ရတဲ့အထိထပ်ကာတလဲလဲ ကြိုးစားခဲ့သူ တဦးဖြစ်သည်။ သင်လည်းပဲ ဘ၀တွင်ဘယ်လိုကျရှုံးမှုများစွာကြုံတွေ့နေပါစေ သောမတ်စ်အဲဒီစင်ရဲ့ ဘ၀သင်ခန်းစာကိုယူက သင်လိုချင်သောဘ၀မျိုးဖြစ်အောင် ကြိုးစားပါ။

Oprah Winfrey- ကမ္ဘာ့အချမ်းအသာဆုံး အမျိုးသမီးတွေထဲကတဦးဖြစ်တဲ့ ရုပ်သံတင်ဆက်သူ အိုပရာဟာ ဆိုရင်လည်းပဲသူမရဲ့ဘ၀ ယခုလိုမဖြစ်ခင်စဉ်က အလုပ်မှတကြိမ်အထုတ်ခံရဖူးပြီး ရုပ်သံလောကကိုဝင်စ က သူမနဲ့ မကိုက်ညီနိုင်ဟုအပြောခံခဲ့ရဖူးသူဖြစ်သည်။ သူမလည်းမည်သို့သောအခါကမျှအရှုံးသမားလို့ မခံယူပဲရုန်းကန်ကြိုးစားရာမှ ယခုလိုအများအထင်ကြီးလေးစားရတဲ့လူတဦးအဖြစ်ရပ်တည်နိုင်ခဲ့ပါပြီ။

Bill Gates – ကမ္ဘာ့အချမ်းသာဆုံး ပုဂ္ဂိုလ် မိုက်ကရိုဆော့ဖ်ကို တည်ထောင်သူဘေးလ်ဂိတ်ဟာဆိုရင်လည်း တချိန်ကအခြားကုမ္ပဏီတခုမှာပရောဂျက်တခုအ
တွက်၎င်း၏အိုင်ဒီယာကိုအဆိုတင်သွင်းရာ အငြင်းခံခဲ့ရဖူးပါတယ်။ သူလည်းပဲလူတကာအထင်ကြီးလေးစားတဲ့ ဘေးလ်ဂိတ်ဖြစ်လာပြီ မဟုတ်ပါလော။

ထိုအောင်မြင်ကျော်ကြားသူများရဲ့ ဘ၀သင်ခန်းစာများကိုအမိအရ ရယူပြီး သင့်ဘ၀အတွက် အကျိုးရှိအောင် လက်တွေ့အသုံးချနိုင်မယ်ဆိုရင် သင်လည်းပဲ သင်လိုချင်သော အောင်မြင်သောဘ၀ကိုပိုင်ဆိုင်နိုင်မှာပါ။

ကျွန်တော်အတွက်တော့ဘ၀သင်ခန်းစာများအဖြစ်ရရှိလိုက်တာကတော့……………….

၁) အငြင်းခံရခြင်းများစွာရှိခဲ့သော် ကိုယ့်ဘ၀အတွက်အရှုံးသမားအဖြင့်မခံယူရန်
၂) ရှုံးနိမ့်ခဲ့ဖူးခြင်းကို ပြသနာတခုဟု မထင်မှတ်ရန်
၃) ကိုယ့်ကိုလက်မခံသူများဟာ ကိုယ့်အကြောင်းကိုမသိသောသူများအဖြစ်သာ မှတ်ယူရန်
၎) ဘယ်သူလက်ခံခံ မခံခံ ကိုယ့်ကိုကိုယ် ယုံကြည်မှုအမြဲတမ်းရှိရန်

ဘ၀တွင်ဘယ်လိုပင်ခက်ခဲကြမ်းတမ်းပါစေ မလျှော့သောဇွဲဖြင့်ပန်းတိုင်ကိုအရောက်လှမ်းနိုင်ကြပါစေလို့ ဆန္ဒပြုရင်း အဆုံးသတ်လိုက်ပါတယ်ခင်ဗျာ။

Ref: M.Farouk Radwan, MSc

Mr. Guy
World Myanmar (world-myanmar.com)

Mr. Guy ရေးသားသောဆောင်းပါးများနှင့်ပတ်သတ်၍ အကြံပေး ဆွေးနွေးလိုသူများ အောက်ပါလင့်ခ်တွင်တိုက်ရိုက်ဆက်သွယ်နိုင်ပါကြောင်း အသိပေးလိုပါတယ်။

https://www.facebook.com/profile.php?id=100005524216303&fref=ts

အပြည့်အစုံသို့ »