Showing posts with label business-news. Show all posts
Showing posts with label business-news. Show all posts

ရာဇာမင်းယာဉ်မောင်း (ခ)လိုင်စင်ဖြစ်နေ၍ အလုံးစုံအာမခံလျော်ကြေး အာမခံကုမ္ပဏီက ငြင်းနိုင်


ဖြိုး| တနင်္လာနေ့၊ မေလ ၁၉ ရက် ၂၀၁၄ ခုနှစ်

နေပြည်တော် - ရန်ကုန်ပြေးဆွဲသည့် ရာဇာမင်းကားတိမ်းမှောက်ခြင်း၌ ယာဉ်မောင်းသည် အဆင့်မီ ယာဉ်မောင်းလိုင်စင် ကိုင်ဆောင်မထားသဖြင့် ကားအတွက် အလုံးစုံအာမခံလျော်ကြေးကို အာမခံကုမ္ပဏီဘက်မှ ငြင်းပိုင်ခွင့်ရှိကြောင်း ဘဏ္ဍာရေးဝန်ကြီးဌာန အာမခံလုပ်ငန်းကြီးကြပ်ရေးအဖွဲ့အတွင်းရေးမှူး ဦးအေးမင်းသိန်းက ပြောသည်။

အဆိုပါတိမ်းမှောက်ခဲ့သည့် ရာဇာမင်းယာဉ်သည် ဧရာမြန်မာအာမခံကုမ္ပဏီ၌ ၂၀၁၄ ဧပြီ ၂၂ ရက်က သိန်း ၉၀၀ ဖြင့် အလုံးစုံအာမခံထားရှိထားသည့် ယာဉ်တစ်စီးဖြစ်သည်။

“သတ်မှတ်လိုင်စင်နဲ့ မမောင်းရင် ယာဉ်အလုံးစုံအာမခံလျော်ကြေးကို ဥပဒေအရ ငြင်းပိုင်ခွင့်ရှိပါတယ်။ လတ်တလော ဖြစ်ပွားခဲ့တဲ့ ရာဇာမင်းကားမှာ ယာဉ်မောင်းက မူလကားကြီးလိုင်စင်ကို သိမ်းခံထားရ သူဖြစ်တယ်။ (ခ)လိုင်စင်ကိုင်ပြီး တက်မောင်းတာ အကြီးမားဆုံးပြဿနာ ပါပဲ။ အဲဒီအတွက် အာမခံကုမ္ပဏီအနေနဲ့ လျော်ကြေးကို သေချာပေါက်ငြင်းခွင့်၊ ကန့်သတ်ခွင့်ရှိပါတယ်။ ကုမ္ပဏီအနေနဲ့ကလည်း ခရီးသည် အားလုံးကို သတ်မှတ်ထားတဲ့ လျော်ကြေးပေးပေမယ့် ယာဉ်ကိုပေးဖို့တော့ သူတို့စဉ်းစားနေတယ်”ဟု ၎င်းက ပြောသည်။

အလုံးစုံအာမခံထားရှိသည့်ယာဉ်သည် ယာဉ်မတော်တဆမှုဖြစ်ပွားခဲ့ပါက သိန်း ၉၀၀ အာမခံထားလျှင် ၎င်းပမာဏအတိုင်း ပြန်လည်ရရှိနိုင်သော်လည်း ၎င်းယာဉ်ကို မောင်းနှင်သည့် ယာဉ်မောင်းသည် အဆင့် မီသည့် ယာဉ်မောင်း လိုင်စင်ကိုင်ဆောင် မောင်းနှင်သူဖြစ်ရမည်ဖြစ်သည်။ ထိုသို့ မဟုတ်ပါက အာမခံ လျော်ကြေးကို သက်ဆိုင်ရာ အာမခံကုမ္ပဏီက ငြင်းပိုင်ခွင့်ရှိကြောင်း ဦးအေးမင်းသိန်းက ရှင်းလင်းပြောကြားသည်။

အဆိုပါ ရာဇာမင်းယာဉ်မောင်းသည် လွန်ခဲ့သောတစ်နှစ်ကျော်က ရန်ကုန်မြို့၌ ယာဉ်သုံးစီးနှင့် ဆက်တိုက် ယာဉ်တိုက်မှုဖြစ်ကာ လူသေဆုံးမှုရှိခဲ့သောကြောင့် ၎င်းင်း၏ လိုင်စင်ကို နှစ်အကန့်အသတ်မရှိ ပိတ်သိမ်းခံထားရသူဖြစ်ကြောင်း အဝေးပြေး ယာဉ်လုပ်ငန်းများ ကြီးကြပ်ရေးလုပ်ငန်း ကော်မတီ ဥက္ကဋ္ဌဦးသန်းထွန်း က ပြောသည်။

အဆိုပါယာဉ်မောင်းသည် နေပြည်တော်ဆေးရုံတွင် အရေးပေါ်လူနာအဖြစ် ကုသမှုခံယူလျက် ရှိသည်။ထို့ကြောင့် အဝေးပြေးအမြန်လမ်းမ၌ မောင်းနှင်မည့်ခရီးသည်တင် လေအိတ်ယာဉ်များတွင် သတ်မှတ်ထား သည့် ယာဉ်စည်းကမ်း၊ လမ်းစည်းကမ်းများအတိုင်း လိုက်နာခြင်းရှိ၊ မရှိ၊ မောင်းနှင်သည့် ယာဉ်မောင်းများ အရည်အသွေးပြည့်မီခြင်းရှိ၊ မရှိတို့ကို မေ ၁၂ ရက်မှစ၍ မန္တလေးမြို့ ချမ်းမြရွှေပြည်(ကျွဲဆည်ကန်) ခရီး သည် တင်ယာဉ်ရပ်နားစခန်း၌ သက်ဆိုင်ရာဌာနများ ပူးပေါင်းစစ်ဆေးလျက်ရှိသည်။

Mizzima Burmese 

အပြည့်အစုံသို့ »

အစိုးရသစ် တာဝန်ယူခဲ့သည့် ဘဏ္ဍာရေးနှစ် လေးနှစ်အတွင်း ဘတ်ဂျက်လိုငွေ ကျပ် ဘီလျံ ၉၈၀၀ ခန့်အထိ ရှိနေသဖြင့် ပြည်သူများ ၀န်ထုပ်ဝန်ပိုးဖြစ်စေနိုင်သည့် ငွေဖောင်းပွမှုများ၊ ကုန်ဈေးနှုန်း မြင့်တက်မှုများ ဆက်လက်ဖြစ်လာစေနိုင်


နိုင်ငံတော်သမ္မတ ဦးသိန်းစိန် ဦးဆောင်သည့် အစိုးရသစ် သက်တမ်းသုံးနှစ်ကျော်ကာလနှင့် ဘဏ္ဍာနှစ် လေးနှစ်တာ ကာလအတွင်း ဘတ်ဂျက်လိုငွေပေါင်း ကျပ် ဘီလျံ ၉၈ဝဝ ခန့်အထိ ရှိလာနေသဖြင့် ပြည်သူများ ဝန်ထုပ်ဝန်ပိုးဖြစ်စေနိုင်သည့် ငွေဖောင်းပွမှုများ၊ ကုန်ဈေးနှုန်းမြင့်တက်မှုများ ဆက်လက်ဖြစ်လာစေနိုင်သဖြင့် နိုင်ငံ့အတွက် အမှန်တကယ်အကျိုးပြုနိုင်မှုမရှိသည့် ဝန်ကြီးဌာနများ၏ စီမံကိန်းများအား စိစစ်ရပ်ဆိုင်းနိုင်ရန် လိုအပ်နေကြောင်း ပညာရှင်များ၊ လွှတ်တော်အမတ်များက ဝေဖန်ပြောကြားသည်။

ယခင်အစိုးရလက်ထက်မှ တာဝန်များ စတင်လွှဲပြောင်းရယူစဖြစ်သည့် ၂ဝ၁၁-၁၂ ဘဏ္ဍာနှစ်တွင် ဘတ်ဂျက်လိုငွေ စုစုပေါင်းမှာ ကျပ် ၂၁၅၉၅၃၄ သန်းအထိ ရှိခဲ့ကြောင်း သိရသည်။ ၂ဝ၁၂-၂ဝ၁၃ ဘဏ္ဍာနှစ်အတွက် ဘတ်ဂျက်လိုငွေ စုစုပေါင်းမှာ ကျပ် ၁၉၅၃၇၁၂ သန်းဖြစ်ကာ ၂ဝ၁၃-၂ဝ၁၄ ဘဏ္ဍာနှစ် အတွက် စုစုပေါင်း ဘတ်ဂျက်လိုငွေမှာ  ကျပ် ၂၉၂၆၈၉၈ ဒသမ ၈၉၈ ဘီလျံ ဖြစ်သည်။ လက်ရှိဘဏ္ဍာနှစ်ဖြစ်သည့် ၂ဝ၁၄-၂ဝ၁၅ ဘဏ္ဍာနှစ်တွင်မူ ဘတ်ဂျက်လိုငွေ စုစုပေါင်းမှာ ကျပ် ၂၇၅၁ ဘီလျံ အထိဖြစ်ပေါ်နေကြောင်း မေ ၁ဝ ရက်က ကုန်သည်စက်မှုအသင်းချုပ်တွင် Action Aid Myanmar က ဦးဆောင်ကျင်းပခဲ့သည့် မြန်မာနိုင်ငံ၏ ရသုံးမှန်းခြေငွေစာရင်း နောက်ဆက်တွဲ စကားဝိုင်းဆွေးနွေးပွဲ ထုတ်ပြန်ချက်တွင် ဖော်ပြထားသည်။

“ပြည်သူလူထုဗဟိုပြုဖို့ နိုင်ငံတကာစံ သတ်မှတ်ချက်ဖြစ်တဲ့ ဘတ်ဂျက်ပွင့်လင်းမြင်သာမှု အချက်ရှစ်ချက်မှာ မြန်မာနိုင်ငံက တစ်ချက်ပဲကိုက်ညီတယ်။ အဲ့ဒီအချက်ကလည်း ဘတ်ဂျက်ကို အတည်ပြုပြီးမှ ထုတ်ပြန်တာဆိုတော့ ပြည်သူလူထုက ပြုပြင်ခွင့်မရှိတော့ဘူး။ ဘတ်ဂျက်လိုငွေပြတယ်ဆိုတာ မထူးဆန်းပေမယ့် အစိုးရသစ် တာဝန်ယူတဲ့ သုံးနှစ်ကျော်ကာလမှာ ဘတ်ဂျက်လိုငွေ ဆက်တိုက်ပြနေတာ တွေ့ရမယ်။ ဖွံ့ဖြိုးတိုးတက်မှု တချို့ရှိပေမယ့် ရှေ့လာမယ့်နှစ်တွေရဲ့ ဘတ်ဂျက်လိုငွေပြမှုကို ထိန်းနိုင်မယ့် အနေအထားမှာ ရှိမနေဘူး” ဟု အမေရိကန်နိုင်ငံသား ဖွံ့ဖြိုးတိုးတက်မှုဆိုင်ရာ စီးပွားရေးပညာရှင် Bart Robertson က  သုံးသပ်သည်။

အစိုးရသစ် သက်တမ်းကာလ၏ အလုံးစုံစီမံခန့်ခွဲ လုပ်ဆောင်မှုကာလဖြစ်သည့် ၂ဝ၁၂ -၂ဝ၁၃ ဘဏ္ဍာနှစ်မှ စတင်တွက်ချက်မည်ဆိုပါက အစိုးရသစ်လက်ထက် ဘတ်ဂျက်လိုငွေ စုစုပေါင်းမှာ ဘီလျံ ၇၆၃ဝ ကျော်အထိ ဖြစ်ပေါ်နေပြီး ယခင်အစိုးရလက်ထက် တာဝန်လွှဲပြောင်းယူစကာလ ဖြစ်သည့် ၂ဝ၁၁-၁၂ ဘဏ္ဍာနှစ်အား ထည့်ပေါင်းမည်ဆိုပါက အစိုးရသစ်သက်တမ်း ဘဏ္ဍာနှစ်လေးနှစ်အတွက် ဘတ်ဂျက်လိုငွေ စုစုပေါင်းမှာ ကျပ် ဘီလျံ ပေါင်း ၉၈ဝဝ ခန့် ဖြစ်ပေါ်နေကြောင်း သိရသည်။

ထိုသို့ အစိုးရသစ်လက်ထက် ဘဏ္ဍာနှစ် လေးနှစ်အတွင်း ဘတ်ဂျက်လိုငွေ ကျပ် ဘီလျံ ၉၈ဝဝ ကျော်ခန့်အထိ ဖြစ်လာနေမှု ကြောင့် ပြည်သူများ ထိခိုက်နစ်နာစေသည့် ငွေကြေးဖောင်းပွမှုများ၊ ကုန်ဈေးနှုန်းမြင့်တက်မှုများနှင့် ဘတ်ဂျက်ပွင့်လင်းမြင်သာမှု အနေအထားများအပေါ် ဘဏ္ဍာရေးဝန်ကြီးဌာနသို့ Eleven Media Group က မေးမြန်းရာ ဘဏ္ဍာရေးဝန်ကြီး ဦးဝင်းရှိန်က ဝန်ကြီးဌာနများအနေနှင့် သုံးငွေကို ခန့်မှန်းသည့်အခါ ပိုမိုတွက်ချက်ထားသည့်အတွက် ဘတ်ဂျက်လိုငွေ များပြားနေသော်လည်း ဘဏ္ဍာနှစ်တစ်နှစ် ကုန်ဆုံးချိန်တွင် အမှန်တကယ် ထွက်လာသည့် ဘတ်ဂျက်လိုငွေမှာ ခန့်မှန်းထားတာထက် ပိုမိုနည်းပါးနေကြောင်း မေ ၁၆ ရက်က ဖြေကြားခဲ့သည်။

မြန်မာနိုင်ငံတွင် ဘတ်ဂျက်လိုငွေပြဿ နာအား ငွေရိုက်ထုတ်ခြင်း၊ ငွေစုငွေချေးစာချုပ်များ ထုတ်ရောင်းခြင်း နည်းနှစ်နည်းဖြင့် ဖြေရှင်းလေ့ရှိပြီး ထိုသို့ ဘတ်ဂျက်လိုငွေ ပြလာသည့်အခါတိုင်း အစိုးရက ငွေစက္ကူများ ရိုက်ထုတ်နေခြင်းမှာ မြန်မာနိုင်ငံဒုက္ခရောက်စေသည့် အရင်းခံအချက်ဖြစ်နေပြီး မြန်မာနိုင်ငံ၏ ငွေကြေးဖောင်းပွမှုအား ထိန်းချုပ်နိုင်ရန် လိုအပ်နေကြောင်း နိုင်ငံတော်သမ္မတ၏ စီးပွားရေးအကြံပေးအဖွဲ့ခေါင်းဆောင် ဒေါက်တာဦးမြင့်အပါအဝင် ပညာရှင်များက ပြောကြားထားသည်။

မြန်မာနိုင်ငံတွင် ငွေကြေးရိုက်ထုတ်မှုများအဖြစ် ၂ဝ၁ဝ-၂ဝ၁၁ ဘဏ္ဍာနှစ်တွင် ၆၃၃၁ ဒသမ ၈ဝ ဘီလျံ၊ ၂ဝ၁၁-၂ဝ၁၂ ဘဏ္ဍာနှစ်တွင် ၆၇၂၂ ဒသမ ၆၂ ဘီလျံနှင့် ၂ဝ၁၂-၂ဝ၁၃ ဘဏ္ဍာနှစ်တွင် ၉ဝ၄၆ ဒသမ ၁၉ ဘီလျံ ရိုက်ထုတ်ခဲ့ပြီး ၂ဝ၁၃-၂ဝ၁၄ ဘဏ္ဍာနှစ်တွင်မူ ၂ဝ၁၂-၂ဝ၁၃ ဘဏ္ဍာနှစ်ထက် အနည်းငယ်လျှော့ရိုက်ခဲ့ကြောင်း မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကို က ဆိုသည်။

“မြန်မာနိုင်ငံ ဒုက္ခရောက်နေရတာ ငွေဖောင်းပွမှုကြောင့်ပါ။ ဒီငွေဖောင်းပွမှုကိုလည်း အစိုးရက လုပ်နေတာပါ။ ဘတ်ဂျက်လိုငွေ ပြလာတဲ့အခါတိုင်း အစိုးရက ငွေစက္ကူ တွေ ရိုက်ထုတ်ပြီး အရသာတွေ့နေတာ”ဟု မြန်မာဂျပန် ဖက်စပ်တည်ထောင်ထားသည့် Myanmar Security Exchange Center တွင် ၁၅ နှစ်ကျော်ကြာ လုပ်သက်ရှိ ဦးကျော်စိန်က ဆိုသည်။

မြန်မာနိုင်ငံ၏ ငွေကြေးဖောင်းပွမှုနှုန်း နည်းပါးသည့် ၂ဝ၁၂ ခုနှစ် ဧပြီ ၂ ရက်က မြန်မာနိုင်ငံ၏ နိုင်ငံခြားငွေလဲနှုန်းအား ဗဟိုဘဏ်ရည်ညွှန်း နိုင်ငံခြားငွေလဲနှုန်း ၈၁၈ ကျပ် ဖြင့် စတင်ဈေးသတ်မှတ်ခဲ့သော်လည်း ငွေကြေးဖောင်းပွမှုနှုန်းအား ထိန်းကျောင်းနိုင်မှု နည်းပါးခြင်းကြောင့် မြန်မာကျပ်ငွေ တန်ဖိုးကျဆင်းခဲ့ပြီး တစ်နှစ်ကျော်အကြာ ၂ဝ၁၃ ခုနှစ် ဇူလိုင် ၈ ရက်တွင်  ပြင်ပဈေးကွက်၌ အမေရိကန်တစ်ဒေါ်လာ ၁ဝဝ၄ ကျပ် အထိ ဖြစ်ပေါ်ခဲ့သည်။

လက်ရှိကာလတွင် အမေရိကန်တစ် ဒေါ်လာလျှင် မြန်မာကျပ်ငွေ ကျပ် ၉၆ဝ ဝန်း ကျင်တွင် ငြိမ်သက်နေသည်မှာ သုံးလဝန်း ကျင်ခန့်ရှိနေပြီး ဗဟိုဘဏ်မှ နေ့စဉ်ငွေလဲ နှုန်း စတင်သတ်မှတ်ခဲ့သည့် ဈေးနှုန်းအရ အမေရိကန်တစ်ဒေါ်လာလျှင် ကျပ် ၁၄ဝ ခန့် ဈေးနှုန်းမြင့်တက်ခဲ့သည်။

ထိုသို့ ဈေးနှုန်းမြင့်တက်မှုများကြောင့် ပြည်သူများ၏ နေထိုင်သွားလာမှုစရိတ်များ၊ စားဝတ်နေရေး ကုန်ကျစရိတ်များ မြင့်တက်ခဲ့ပြီး ဝင်ငွေမြင့်တက်လာမှု နည်းပါးသည့် ပြည်သူအများစုမှာ ၂ဝ၁၃ ခုနှစ်မှ လက်ရှိကာလအထိ ကျပ်တည်းမှုများနှင့် ရင်ဆိုင်နေရသည်။ ထို့ကြောင့် မြန်မာနိုင်ငံရှိ ပြည်သူများအနေဖြင့် ရရှိသည့်ဝင်ငွေအား မည်သည့်နေရာများတွင် အသုံးပြုနေသည်ဆိုသည့် လေ့လာချက်များအား ထုတ်ပြန်ပေးရန် လိုအပ်နေကြောင်း ဒေါက်တာဦးမြင့်က ဆိုသည်။

ပညာရေးဝန်ကြီးဌာနအတွက် ၂ဝ၁၂- ၂ဝ၁၃ ဘဏ္ဍာနှစ်အတွက် အစိုးရက ဘတ်ဂျက်ခွဲဝေမှုတွင် ၂ဝ၁၁-၂ဝ၁၂ ဘဏ္ဍာနှစ်ထက် ဘီလျံ ၃၁ဝ ခန့် ပိုမိုခွဲဝေပေးခဲ့သော်လည်း အဆိုပါပမာဏအား ပညာရေးဝန်ကြီးဌာနက ဝန်ထမ်းလစာတွင် ဘီလျံ ၁၆ဝ ခန့်အား သုံးစွဲခဲ့သည့်အတွက် ပြည်သူများ အမှန်တကယ်လိုအပ်သည့် ပညာရေးဆိုင်ရာ ဝန်ဆောင်မှုများ ရရှိမှုမရှိခဲ့ကြောင်းနှင့် ကျန်းမာရေးဝန်ကြီးဌာနကိုလည်း ဘတ်ဂျက်တိုးမြှင့်ပေးထားကြောင်း ဘတ်ဂျက်တိုးမြှင့်ပေးအပ်သော်လည်း ပြည်သူများလိုအပ်သည့် စီမံကိန်းများအား အမှန်တကယ်ဖြစ်ပေါ်လာရန် ခဲယဉ်းနေကြောင်းလည်း Bart Robertson က ပြောကြားခဲ့သည်။

မြန်မာနိုင်ငံ၏ ဝန်ကြီးဌာနများသည် ဘတ်ဂျက်ခွဲဝေမှုအတွက် ဘဏ္ဍာနှစ်အလိုက် အရအသုံးငွေစာရင်းများ တင်ပြရာတွင် လိုအပ်သည့် ပမာဏထက် ပိုမိုတင်ပြနေခြင်းကြောင့် ဘဏ္ဍာနှစ်တစ်နှစ်၏ ဘတ်ဂျက်စာရင်းများတွင် ဘီလျံပေါင်းများစွာ ဖြတ်တောက်နေရကြောင်းနှင့် လွှတ်တော်ကိုယ်စားလှယ်များ သာမန်စစ်ဆေးရန် မဖြစ်နိုင်သည့် ကုန်ကျစရိတ်များ၊ မည်သည့်နေရာတွင် သုံးမည်ဆိုသည့် ပမာဏမပါဘဲနှင့် ဘုရားငါးဆူ ရေတိုက်စားမှုမှ ကာကွယ်ရန်ဆိုသည့် ဘတ်ဂျက်တောင်းခံစရိတ်များ၊ ဆီးဂိမ်းစ်ကျင်းပပြီးသည့် ဝဏ္ဏသိဒ္ဓိအားကစားကွင်းအား ပြုပြင်ရန်ဆိုကာ ကျပ်သိန်းပေါင်းထောင်နှင့်ချီ၍ ယခုနှစ်တွင် တောင်းခံသဖြင့် ဘဏ္ဍာရေးစည်းမျဉ်းများနှင့် မကိုက်ညီသဖြင့် ဖြတ်ချခဲ့ရသည်များ စသည့် ဖြစ်ရပ်များနှင့် ပြန်ကြားရေးဝန်ကြီးဌာနက အမေရိကန်ဒေါ်လာနှင့် နှစ်စဉ်ရုပ်သံရိုက်ကူးစက်များ ဝယ်ယူသည့် အနေအထားများစွာမှာ စစ်ဆေးရန်ခက်ခဲကြောင်း၊ ထိုသို့သော ဘတ်ဂျက်ပိုမိုတင်သည့် ပမာဏများကို လွှတ်တော်ကိုယ်စားလှယ်များ ရင်ဆိုင်နေရကြောင်း လွှတ်တော်ကိုယ်စားလှယ် ဦးခိုင်မောင်ရည်က ပြောကြားသည်။

“ဘတ်ဂျက်တင်တဲ့အခါ များများတင်လိုက်ပါ။ သူတို့ဖြတ်ချမှာနဲ့အတော်ပဲဆိုတဲ့ ဝန်ကြီးဌာနတွေရဲ့ လုပ်ရပ်တွေကို အရင်ဆုံးပြုပြင်ဖို့ လိုပါတယ်”ဟု အမျိုးသားစီမံကိန်း နှင့်စီးပွားရေးဖွံ့ဖြိုးတိုးတက်မှုဝန်ကြီးဌာနမှ ညွှန်ကြားရေးမှူး ဦးစိန်လှိုင်က သုံးသပ်သည်။

၂ဝ၁၃-၂ဝ၁၄ ဘဏ္ဍာနှစ်နှင့် ၂ဝ၁၄-၂ဝ၁၅ ဘဏ္ဍာနှစ်များတွင် မြန်မာနိုင်ငံ၏ ငွေကြေးဖောင်းပွမှုများ မြင့်တက်လာနိုင်ကြောင်း ၂ဝ၁၄ ခုနှစ် ဇန်နဝါရီ ၂၁ ရက်က ထုတ်ပြန်သော IMF ၏ SMP (Staff-Monitored Program) ဒုတိယအကြိမ် ဆန်းစစ်ခြင်း အစီရင်ခံစာတွင် ပါရှိသည်။ အစီရင်ခံစာအရ ငွေကြေးဖောင်းပွမှုနှုန်းသည် ၂ဝ၁၃ -၂ဝ၁၄ ဘဏ္ဍာရေးနှစ်အကုန်တွင် ခြောက်ရာခိုင်နှုန်းအထက် ရောက်ရှိနေမည်ဖြစ်ပြီး ၂ဝ၁၄-၂ဝ၁၅ ဘဏ္ဍာရေးနှစ်တွင်လည်း အမြင့်ပိုင်း၌ ဆက်လက်တည်ရှိနေမည်ဖြစ်ကြောင်း ဖော်ပြထားသည်။

“ငွေကြေးဖောင်းပွမှုတွေကို လျှော့ချဖိုဆိုရင် ဘတ်ဂျက်လိုငွေတွေကို ငွေစက္ကူ ရိုက်ထုတ်ဖြည့်ဆည်းတဲ့ အလေ့အထကို အမြန်ဆုံးလျှော့ချဖို့ လိုပါတယ်”ဟု IMF၏ မြန်မာနိုင်ငံဆိုင်ရာ SMP အကြီးအကဲ Mr. Matt Davies က အကြံပေးပြောကြားသည်။

မြန်မာနိုင်ငံ၏ ငွေကြေးဖောင်းပွမှုနှုန်းသည် ၂ဝဝ၉ ခုနှစ်တွင် ၈ ဒသမ ၂ရာ ခိုင်နှုန်း၊ ၂ဝ၁ဝ ပြည့်နှစ်တွင် ၇ ဒသမ ၇ရာ ခိုင်နှုန်း၊ ၂ဝ၁၁ ခုနှစ်တွင် ၄ ဒသမ ၂ ရာခိုင် နှုန်း၊ ၂ဝ၁၂ခုနှစ်တွင် ၁ ဒသမ ၅ ရာခိုင်နှုန်း နှင့် ၂ဝ၁၃ ခုနှစ်တွင် ၆ ဒသမ ၅ ရာခိုင်နှုန်း တို့ဖြစ်ပြီး GDP တွင်မူ ၂ဝဝ၉ ခုနှစ်တွင် ၄ ဒသမ ၉ ရာခိုင်နှုန်း၊ ၂ဝ၁ဝ ပြည့်နှစ်တွင် ၅ ဒသမ ၃ ရာခိုင်နှုန်း၊ ၂ဝ၁၁ ခုနှစ်တွင် ၅ ဒ သမ ၉ ရာခိုင်နှုန်း၊ ၂ဝ၁၂ ခုနှစ်တွင် ၆ ဒသမ ၅ ရာခိုင်နှုန်းနှင့် ၂ဝ၁၃ခုနှစ်တွင် ၆ ဒသမ ၈ ရာခိုင်နှုန်းအထိ အဆင့်ဆင့်မြင့်တက်ခဲ့သော်လည်း ငွေကြေးများရိုက်ထုတ်မှုကြောင့်သာ တိုးတက်ခြင်းဖြစ်ပါက အမှန်တကယ်တိုးတက်မှုဟု မခေါ်ဆိုနိုင်ကြောင်း ပညာရှင်များက ဝေဖန်ပြောကြားသည်။

“ငွေဖောင်းပွမှုကြောင့် ဝင်ငွေနဲ့ ဝယ်ယူနိုင်စွမ်း ကျတယ်။ ပုံသေဝင်ငွေပဲရတဲ့ ကျွန်တော်တို့လို ပင်စင်စားတွေ ဒုက္ခရောက်မယ်။ ငွေဖောင်းပွမှုကြောင့် မမျှတတဲ့ ချမ်းသာကြွယ်ဝမှုတွေ ဖြစ်လာမယ်။ ငွေဖောင်းပွမှုရှိ နေရင် ကုန်ဈေးနှုန်းတွေတက်နေတာနဲ့ပဲ ချမ်းသာတဲ့သူတွေ ဟန်ကျနေမယ်။ ငွေဖောင်းပွမှုကို မထိန်းနိုင်ရင် စားသုံးသူရော၊ လုပ်ငန်းရှင်တွေရော တစ်တိုင်းပြည်လုံးပါ ဒုက္ခရောက်သွားမယ်”ဟု ဒေါက်တာဦးမြင့်က သုံးသပ် ပြောကြားခဲ့သည်။  

“ဘတ်ဂျက်လိုငွေပြပြီးတော့ အစိုးရအသုံးစရိတ် မြင့်မားလာတာနဲ့အမျှ ငွေဖောင်းပွမှုကို တိုက်ရိုက်သွားပြီး သက်ရောက်ပါတယ်။ စီပွားရေးဖွံ့ဖြိုးတိုးတက်မှုနဲ့ ငွေဖောင်းပွမှုကလည်း တိုက်ရိုက်အချိုးကျနေပါတယ်။ စီးပွားရေးဖွံ့ဖြိုးလာတာနဲ့ အမျှ ငွေဖောင်းပွမှုလည်း ဖြစ်လာပါတယ်။ ရှိသင့်ရှိထိုက်တဲ့ ပမာဏထက် မများအောင်တော့ လုပ်ဆောင်နိုင်ဖို့ လိုပါတယ်။ အတိုင်းအတာတစ်ခုအထိ ရောက်နေအောင်လည်း ကျွန်တော်တို့ရဲ့ဘဏ္ဍာရေးမူဝါဒအရ ခွင့်ပြုလိုက်တဲ့ နိုင်ငံအတွင်းစီးဝင်သွားတဲ့ ငွေတွေကို ငွေကြေးမူဝါဒနဲ့ပြန်ပြီးတော့ ထိန်းချုပ်ရပါတယ်” ဟု ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာနညွှန်ကြားရေးမှူး ချုပ်ဦးမောင်မောင်ဝင်းက Eleven Media Group ၏ မေးမြန်းမှုအပေါ် မေ ၁၇ ရက်တွင် ဖြေကြားသည်။

မြန်မာနိုင်ငံရှိ ဝန်ကြီးဌာနများ၊ ပြည်နယ်များနှင့် တိုင်းဒေသကြီးများအတွက် ဘတ်ဂျက်ခွဲဝေမှုအား ဘဏ္ဍာရေးနှစ်အလိုက် ထုတ်ပြန်ပေးနိုင်ရန် ဘဏ္ဍာရေးဝန်ကြီးဌာနက တာဝန်ခံရေးဆွဲပြီး  နိုင်ငံတော်သမ္မတ ဦးသိန်းစိန် ဦးဆောင်သည့် ဘဏ္ဍာရေးကော်မရှင်သို့ တင်ပြကာ လွှတ်တော်အတွင်း တင်သွင်း၍ လွှတ်တော်၏ ဆုံးဖြတ်မှုအား ခံယူရကြောင်း သိရသည်။

လွှတ်တော်အတွင်း၌ ဆုံးဖြတ်မှုခံယူသည်ဟုဆိုသော်လည်း လွှတ်တော်အမတ်များတွင် ဘတ်ဂျက်ဆိုင်ရာကျွမ်းကျင်သူ နည်းပါးသည့်အတွက် ဘဏ္ဍာရေးကော်မရှင်က ချပြလာသည့် ဝန်ကြီးဌာနအလိုက် ဘတ်ဂျက်အား ကြီးမားသော ပြုပြင်ပြောင်းလဲမှု ပြု လုပ်နိုင်ခြင်း မရှိကြောင်း သိရှိရသည်။

မြန်မာနိုင်ငံ၏ ဘတ်ဂျက်ခွဲဝေမှုတွင် ကာကွယ်ရေးဝန်ကြီးဌာန၏ အသုံးစရိတ်ကသာ အများဆုံးအဖြစ် ရပ်တည်နေပြီး နိုင်ငံတကာနှင့် ယှဉ်ပြိုင်၍ တိုးတက်မှုရရန် လုပ်ဆောင်ရမည့် ပညာရေးနှင့်ကျန်းမာရေးကဏ္ဍများတွင် အနည်းဆုံးအသုံးပြုနေသည်။ ထိုသို့ အနည်းဆုံးအသုံးပြုနေသဖြင့် အာဆီယံနိုင်ငံများတွင် ဖွံ့ဖြိုးတိုးတက်မှု အနှေးကွေးဆုံး မြန်မာနိုင်ငံမှာ နိုင်ငံ့ရငွေမှ ပညာရေးနှင့် ကျန်းမာရေးကဏ္ဍတွင် ဘတ်ဂျက်သုံးစွဲမှု အနိမ့်ဆုံးနိုင်ငံအဖြစ် ရပ်တည်နေကြောင်း သိရသည်။

ဝန်ကြီးဌာနများမှ နှစ်စဉ်ဘတ်ဂျက် တောင်းခံမှုများအား အသေးစိတ်ပေးအပ်မှု မရှိခြင်း၊ ရငွေနှင့် သုံးငွေစာရင်း၏ စာရင်းချုပ်အား ပေးအပ်မှုမရှိခြင်း၊ ဝန်ကြီးဌာနများမှ နှစ်အလိုက်တင်ပြလာသည့် စာရင်းဇယားများအား လွှတ်တော်အမတ်များသို့ ပေးအပ်ရာတွင် စနစ်တကျ တင်ပြခြင်းမရှိ ဖြစ်နေကြောင်း လွှတ်တော်အမတ်တစ်ဦးဖြစ်သူ ဒေါက်တာညိုညိုသင်းက ပြောကြားပြီး မြန်မာနိုင်ငံရှိ လွှတ်တော်အမတ် ၆ဝဝ ကျော်အနက် အစိုးရဘတ်ဂျက်အား လေ့လာဝေဖန်သည့် လွှတ်တော်ကိုယ်စားလှယ် ၄ဝ ခန့်သာ ရှိနိုင်ကြောင်း သုံးသပ်သည်။ ထို့ပြင် အမှန်တကယ်မလိုအပ်သည့် စီမံကိန်းများကိုလည်း စိစစ်ခြင်း၊ ဖြတ်တောက်ခြင်း၊ ရပ်ဆိုင်းခြင်းများ ပြုလုပ်နိုင်ရန် လိုအပ်နေကြောင်းလည်း သုံးသပ်ပြောကြားသည်။

မြန်မာနိုင်ငံတွင် ဘတ်ဂျက်ရေးဆွဲရာ၌ သတင်းအချက်အလက်စီးဆင်းမှု နည်းပါးခြင်း၊ ပြည်သူလူထုပါဝင်မှု နည်းပါးခြင်း၊ စသည့် အချက်အလက်များကြောင့် ဘတ်ဂျက်ရေးဆွဲရာတွင် ပွင့်လင်းမြင်သာမှု နည်းပါးနေပြီး ပြည်သူလူထုပါဝင်လာရေး လုပ်ဆောင်ရန် လိုအပ်နေကြောင်း Bart Robert- son က ပြောကြားသည်။

Action Aid Myanmar က ယခုနှစ်ဆန်းပိုင်းတွင် ကောက်ယူထားသည့် စစ်တမ်းများအရ မြန်မာနိုင်ငံတွင် ဘတ်ဂျက်နှင့် ပတ်သက်၍ သေချာစွာနားလည်သည့် လူဦး ရေ ၂ ရာခိုင်နှုန်းခန့်သာ ရှိနေပြီး အထိုက်အလျောက် နားလည်သူ ၂၆ ရာခိုင်နှုန်းဝန်းကျင်နှင့် လုံးဝနားမလည်သူ အချိုးမှာ ၇၂ ရာခိုင်နှုန်းအထိ ရှိနေကြောင်း သိရသည်။

အာဆီယံနိုင်ငံများတွင် ဖွံ့ဖြိုးတိုးတက်မှု အနည်းဆုံးနိုင်ငံစာရင်းဝင် မြန်မာနိုင်ငံသည် ပြည်သူလူထုအတွက် အသုံးစရိတ်များဖြစ်သည့် ကျန်းမာရေးနှင့် ပညာရေး၊ စသည့် ကဏ္ဍများတွင် အာဆီယံနိုင်ငံများ အနက် တတိယမြောက် အနည်းဆုံးနိုင်ငံ ဖြစ်နေပြီး မြန်မာနိုင်ငံဖွံ့ဖြိုးတိုးတက်စေရန် ပြည်သူလူထုအသုံးစရိတ်ဆိုင်ရာ ဘဏ္ဍာရေးအသုံးစရိတ်များအား တိုးမြှင့်သုံးစွဲရန် လိုအပ်နေကြောင်း ပညာရှင်များက သုံးသပ် ပြောကြားသည်။

eleven media group

အပြည့်အစုံသို့ »

အမေရိကန်ရဲ့ ယုံကြည်မှုရအောင် အလုပ်နဲ့သက်သေပြမယ်လို့ အစိုးရပြောကြား


အမေရိကန်သမ္မတ အိုဘားမားက စီးပွားရေးပိတ်ဆို့မှု သက်တမ်းတိုးမြှင့်လိုက်တယ်ဆိုတာဟာ အမေရိကန် လွှတ်တော်ဖက်က ပြဌာန်းထားတဲ့ ဥပဒေကို သက်တမ်း တိုးတာသာဖြစ်ပြီး အိမ်ဖြူတော်ဖက်က ချမှတ်ခဲ့တဲ့ ပိတ်ဆို့အရေးယူမှုတွေ ဖယ်ရှားပြီးဖြစ်ကြောင်း နဲ့ မြန်မာအစိုးရအနေနဲ့ အမေရိကန်တွေဖက်က ယုံကြည်မှုရအောင် အလုပ်နဲ့သက်သေပြသွား မှာဖြစ်ကြောင်း နိုင်ငံတော်သမ္မတ ဦးသိန်းစိန် ရဲ့ ပြောရေးဆိုခွင့်ရှိသူ ပြန်ကြားရေး ဒုတိယ၀န်ကြီး ဦးရဲထွဋ်က ဒီနေ့ ပြောကြားလိုက်ပါတယ်။

ဒီနေ့ ရန်ကုန်မြို့ သိမ်ဖြူလမ်း ပြန်ကြားရေးဝန်ကြီး ဌာနရုံးမှာ ပြုလုပ်တဲ့ ပုံနှိပ်ထုတ်ဝေရေးနည်း ဥပဒေ ပြဌာန်းရေးဆွေးနွေးပွဲမှာ သတင်းထောက် တစ်ဦး အမေရိကန်က ပိတ်ဆို့မှု တစ်နှစ်သက်တမ်းတိုး လိုက်တာနဲ့ပတ်သက်ပြီး မေးမြန်းရာမှာ ဒုတိယ၀န်ကြီး ဦးရဲထွဋ်က အခုလို ဖြေကြားခဲ့တာပါ။

“အဓိကကတော့ ကျနော်တို့က ဒီပိတ်ဆို့မှုကို တတ်နိုင်သမျှ အကုန်လုံး ဖယ်ပေးစေချင်တယ်ဆိုတာက ဒါကျမှ ပြည်သူတွေရဲ့ လူမှုစီပွား ဖွံ့ဖြိုးတိုးတက်ရေးကို မြန်မြန်လုပ်လို့ရမှာ သို့သော် အခုအကုန်တော်တော် များများ ဖယ်ထားပြီးပြီ ဥရောပသမဂ္ဂဆိုရင် အားလုံးနီးပါး ဖယ်လိုက်တယ်၊ ကျနော်တို့ကတော့ လက်ရှိရှိတဲ့ အတိုင်းအတာနဲ့ စီးပွားရေးဖွံ့ဖြိုးတိုးတက်အောင် လုပ်လို့ရနေပြီ၊ တစ်ကတော့ သူတို့သက်တမ်းတိုးပေမယ့်လည်း ကျနော်တို့လုပ်စရာရှိတဲ့ စီးပွားရေး ဖွံ့ဖြိုးတိုးတက်မှုကို ရအောင်ဆက်လုပ်သွားမယ်၊ နှစ်ကတော့ ကျနော်တို့ရဲ့ လုပ်ဆောင်ချက်တွေကို သူတို့ပိုပြီးတော့ ယုံကြည်လာအောင် အလုပ်နဲ့သက်သေပြသွားမယ်”

မြန်မာနိုင်ငံမှာ ပြုပြင်ပြောင်းလဲမှုတွေ ရှိပေမယ့်လည်း အမေရိကန်ပြည်ထောင်စုရဲ့ နိုင်ငံခြားရေးမူဝါဒနဲ့ အမျိုးသားလုံခြုံရေးကို ခြိမ်းခြောက်နေဆဲဖြစ်ကြောင်း၊ နိုင်ငံရေးလုပ်ကိုင်ဆောင်ရွက်ခွင့်တွေ လမ်းပွင့်ကာစ အခြေအနေမှာပဲရှိသေးသလို၊ ရခိုင်ပြည်နယ် အပါအဝင် တိုင်းရင်းသားဒေသတွေမှာ လူ့အခွင့်အရေး ချိုးဖေါက်မှုတွေ၊ ပဋိပက္ခတွေ ဆက်လက်ပေါ်ပေါက်နေ ပြီး၊ နိုင်ငံရေးနဲ့  စီးပွါးရေးကဏ္ဍမှာ စစ်တပ်ရဲ့ အခန်း ကဏ္ဍ ဆက်လက်တည်ရှိနေဆဲဖြစ်တဲ့အတွက် အမျိုးသားအရေးပေါ်အက်ဥပဒေနဲ့ ဆက်လက်အရေးယူရန် လိုအပ်တယ်လို့ မိမိအနေနဲ့ ဆုံးဖြတ်ကြောင်း စတဲ့အချက်တွေနဲ့ အမေရိကန်သမ္မတ အိုဘားမားက မေလ ၁၅ ရက်နေ့က လက်မှတ်ရေးထိုးခဲ့တာလို့ သိရပါတယ်။

တပြိုင်နက်တည်းမှာပဲ မြန်မာနိုင်ငံရဲ့ ဒီမိုကရေစီပြုပြင်ပြောင်းလဲမှု ရှင်သန်ထွန်းကားပြီး နောက်ကြောင်းပြန် လှည့်မသွားအောင် အမေရိကန် ပြည်ထောင်စုအနေနဲ့ ဆက်လက်ကူညီသွားမှာဖြစ်တယ်လို့လည်း သမ္မတ အိုးဘားမားက ပြောပါတယ်။

RFA  

အပြည့်အစုံသို့ »

အခွန်မဆောင်သည့် စီးပွားရေးလုပ်ငန်းများ ပိတ်သိမ်းအရေးယူမည်



ရန်ကုန်၊ မေ ၁၆

အခွန်ပေးဆောင်ခြင်း မရှိသည့် စီးပွားရေး လုပ်ငန်းများကို ယခုဘဏ္ဍာနှစ် (၂၀၁၄-၁၅ ဘဏ္ဍာနှစ်) မှစတင်၍ လုပ်ငန်းလိုင်စင် ပိတ်သိမ်းသည်အထိ အရေးယူမည် ဖြစ်ကြောင်း ရန်ကုန်တိုင်းဒေသကြီး ပြည်တွင်းအခွန်များ ဦးစီးဌာနထံမှ သိရသည်။

လုပ်ငန်းလိုင်စင် ပိတ်သိမ်းခြင်းကို မြို့တော် စည်ပင်သာယာရေး ကော်မတီ၊ အကောက်ခွန် ဦးစီးဌာနနှင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနတို့ ပူးပေါင်းဆုံးဖြတ်မည် ဖြစ်ကြောင်း အဆိုပါဌာနထံမှ သိရသည်။

“ဒီနှစ်က အခွန်ထမ်းသစ် ဖော်ထုတ်တဲ့ နှစ်တစ်နှစ်ပါ။ အဲဒါကြောင့် အရေးယူတာတွေကို ဒီနှစ်က စပါမယ်။ ထောင်ဒဏ် အထိကတော့ ဘာမှညွှန်ကြားချက် မရသေးပါဘူး။ ဒါပေမဲ့ ဥပဒေထဲမှာတော့ ထောင်ဒဏ်သုံးနှစ်ကနေ ခုနစ်နှစ်အထိ ချမှတ်ပိုင်ခွင့် ရှိပါတယ်” ဟု ပြည်တွင်းအခွန်များ ဦးစီးဌာနမှ အကြီးတန်း အရာရှိတစ်ဦးက ပြောကြားသည်။

လတ်တလော ပြည်တွင်းစီးပွားရေး လုပ်ငန်းများမှ ၆၀ ရာခိုင်နှုန်းခန့်ကသာ အခွန်ပေးဆောင်ကြောင်း ၎င်းကပြောဆိုသည်။
“ဒီလိုလုပ်တာ ကောင်းပါတယ်။ ကျွန်တော်တို့ ဆီကလည်း အခွန်တွေ တစ်နှစ်ထက် တစ်နှစ်တိုးပြီး ပေးဆောင် လာနိုင်အောင် လုပ်ဆောင်နေပါတယ်” ဟု မြန်မာနိုင်ငံ ကြက်သွန်နီ၊ ကြက်သွန်ဖြူနှင့် စားဖိုဆောင်သီးနှံ စိုက်ပျိုးထုတ်လုပ် ရောင်းချသူများအသင်း ဒုတိယဥက္ကဋ္ဌ ဦးခင်ဟန်က ပြောကြားသည်။

အခွန်ထမ်းများ တိုးတက်လာရန် အခွန်စိစစ်ကြပ်မတ် ကောက်ခံရေး ဘုတ်အဖွဲ့က မြို့နယ်အခွန်မှူးများနှင့် ပူးပေါင်း အဖွဲ့များဖွဲ့၍ ယခုဘဏ္ဍာနှစ်မှ စတင်လုပ်ဆောင်မည် ဖြစ်ကြောင်း အဆိုပါ ဘုတ်အဖွဲ့ထံမှ သိရသည်။

The Voice Weekly

အပြည့်အစုံသို့ »

အမေရိကန် အရေးယူ သက်တမ်းတိုးမှု မြန်မာတုန့်ပြန်

အမေရိကန်သမ္မတ အိုဘားမားနဲ့ မြန်မာသမ္မတ အိမ်ဖြူတော်တွင် တွေ့ဆုံ။

အမေရိကန်အစိုးရက မြန်မာအပေါ် စီးပွားရေးဒဏ်ခတ်ထားမှုသက်တမ်း တနှစ်တိုး လိုက်တာဟာ အမေရိကန်နဲ့ မြန်မာ ဆက်ဆံရေး မှာ နောက်ကြောင်းပြန် လှည့် သွားတာမျိုး ဖြစ်နေတယ် လို့ မြန်မာ အစိုးရ ပြောခွင့်ရ ပုဂ္ဂိုလ်က ဗွီအိုအေကိုပြောပါတယ်။ တဖက်မှာလည်း မြန်မာ အစိုးရရဲ့ပြုပြင်ပြောင်းလဲရေးဆောင်ရွက်ချက်တွေဟာ မရေရာ မသေချာဖြစ်နေသေး တာကြောင့် အမေရိကန်ဘက်က ဖိအားပေး တာဖြစ်တယ်လို့လည်း မြန်မာတချို့က သုံးသပ်ပါတယ်။ မနေ့က အမေရိကန် သမ္မတ အိုဘားမားကနေ အမေရိကန်ကုမ္ပဏီတွေ အနေနဲ့ မြန်မာစစ်တပ်နဲ့ တွဲပြီး စီးပွားရေး ရင်းနှီးမြှုပ်နှံမှုတွေမလုပ်ဖို့ ပိတ်ပင်တားမြစ်တဲ့ အမိန့် နောက်ထပ် သက်တမ်းတိုးလိုက်တာပါ။ မအင်ကြင်းနိုင်က အကြောင်းစုံပြောပြမှာပါ။

ဒီလိုစီးပွားရေးပိတ်ဆို့ မှု  သက်တမ်းတနှစ်တိုးလိုက်တဲ့ အကြောင်းရင်းထဲမှာ ရခိုင်ပြည်နယ် အရေးကိစ္စဟာ အမေရိကန်ပြည်ထောင်စုရဲ့ အမျိုးသားလုံခြုံရေးနဲ့ အမျိုးသား အကျိုးစီးပွားကို ဆက်လက်ခြိမ်းခြောက်နေတာ၊ နောက် မြန်မာ စစ်တပ်အနေနဲ့ နိုင်ငံရေးနဲ့ စီးပွားရေးမှာ ဆက်လက်ပါဝင်နေတာ စတဲ့ အချက်တွေ အဓိကဖြစ်တယ်လို့ သမ္မတ အိမ်ဖြူတော်ရဲ့ ထုတ်ပြန်ချက် မှာဖေါ်ပြထားပါတယ်။ နောက်ပြီး အမေရိကန် အမျိုးသား လုံခြုံရေးကောင်စီ ပြောခွင့်ရ ပုဂ္ဂိုလ်ရဲ့ပြောဆိုချက်ထဲမှာလည်း  မြန်မာနိုင်ငံ ရဲ့ ပြုပြင်ပြောင်းလဲရေး ဟာ နောက်ကြောင်းပြန် လှည့်သွားမယ်ဆိုရင် အရေးယူနိုင်အောင် အခုလို သက်တမ်းတိုးလိုက် တာဖြစ်တယ်လို့လည်း ပြော သွားတာပါ။

ဒါပေမယ်လို့ မြန်မာအစိုးရဘက် ကတော့ ဒါဟာ ကျိူးကြောင်းစီလျော်မှုမရှိပဲ အမေရိကန်နဲ့ မြန်မာ ဆက်ဆံရေးကို နောက်ကြောင်းပြန်လှည့် သွားတာမျိုး ဖြစ်နေတယ်လို့ နိုင်ငံတော်သမ္မတရုံးရဲ့ အမည်မဖေါ်လိုတဲ့ အကြီးတန်း အရာရှိတဦးက ဗွီအိုအေကိုပြောပါတယ်။

" မြန်မာနိုင်ငံကို Engagement လုပ်တဲ့ အမေရိကန်ပေါ်လစီက အာရှနဲ့ ပြန်လည်ပေါင်းစည်းရေးပေါ့။ အထူးသဖြင့် အရှေ့တောင်အာရှ အာဆီယံနဲ့ ပြန်လည် ပေါင်းစည်းရေးဆိုတဲ့ အမေရိကန်ရဲ့ မူဝါဒမှာ ဒါက နောက်ပြန်ဆုတ်သွားတဲ့ သဘောလို့ ကျနော်တို့က စဉ်းစားစရာဖြစ် တယ်ပေါ့နော်။ ဒီ Sanction ချမှတ်လိုက်ခြင်းဟာ ကျနော်တို့ နိုင်ငံ ကို နောက်ကြောင်းပြန်လှန်သွားမှာ စိုးရိမ်တယ် ဆိုသော်လည်းပဲ အမေရိကန်နိုင်ငံ နိုင်ငံခြားရေးမူဝါဒ ချမှတ်ထားတဲ့ အပေါ်မှာ နောက်ကြောင်းပြန် လှည့်သွားတာလား ဆိုတာ ကျနော်တို့ အနေနဲ့ စဉ်းစားစရာဖြစ်တယ်။ ဒါပေမဲ့ ကျနော်တို့ ကတော့ နောက်ကြောင်းပြန် မလှည့်ဘူးပေါ့နော်။"

လက်ရှိမှာလည်း အမေရိကန်ပြည်ထောင်စုရဲ့ စီးပွားရေးရင်းနှီးမြှုပ်နှံမှုဟာ ၂၀၁၃ ခုနှစ်ကိန်းဂဏန်းတွေအရ ၁ ရာခိုင်နှုန်းလောက်ပဲရှိတယ်လို့လည်း သူကဆိုပါတယ်။   ဒါ့အပြင် သမ္မတဦးသိန်းစိန် အစိုးရအနေနဲ့ ဒီမိုကရေစီနည်း အတိုင်း ပြုပြင်ပြောင်းလဲရေးတွေဆောင်ရွက်နိုင်ဖို့ကြိုးပမ်းဆောင်ရွက်နေချိန်မှာ
ရခိုင်အရေး ကိစ္စဟာ မမျှော်လင့်ပဲကြုံတွေခဲ့ရတဲ့ အခက်အခဲ စိန်ခေါ်မှုတခုဖြစ်တယ်လို့လည်း အကြီးတန်းအရာရှိက ဆိုပါတယ်။

" ဒီရခိုင်ပြည်နယ် တည်ငြိမ်အေးချမ်းပြီးတော့ အားလုံးကောင်းပါပြီဆိုတဲ့ အနေအထားကို ရောက်ဖို့က ကျနော်တို့က ရှုပ်ထွေးနက်နဲတဲ့ နောက်ကွယ်က အကြောင်းတရားတွေကြောင့် ချက်ခြင်း လက်ငင်းဖြစ်လာဖို့ဆိုတာ အများကြီး အခက်အခဲရှိတယ်။ ဒါအတွက်လည်း ကျနော်တို့က နိုင်ငံတကာရော၊ မိတ်ဖက်နိုင်ငံတွေရော အားလုံးရဲ့ အကြံဉာဏ်တွေ၊ အကူအညီထောက်ပံ့မှုတွေ နဲ့ ပြေလည်အောင် ကျနော်တို့ ဆောင်ရွက်နေတယ်။ ကြိုးစားနေတယ်။ ကြိုးစားနေတဲ့ဟာက အမေရိကန်အစိုးရရဲ့ အခု ပြစ်ချက်တစ်ခု ဆိုပြီးတော့ ပြောတဲ့ အတွက် ဒါကတော့ မကောင်းစရာ အကြောင်းတရား တခုလို့ပြောရမှာပါ။"

အသွင်ကူးပြောင်းရေး ကာလကိုဖြတ်သန်းနေရချိန်မှာ တပ်မတော်ရဲ့အခန်းကဏ္ဍ ပါဝင်နေတာကို အမေရိကန်ပြည်ထောင်စုက ထောက်ပြဝေဖန်နေပေမယ့် ဒီအတွက် အချိန်အတိုင်းအတာ ယူရမယ်ဆိုတာကို သက်ဆိုင် ရာခေါင်းဆောင်တွေကပြောထားပြီးသာဖြစ်တယ်လို့လည်း သူကပြောပါတယ်။

ဒါပေမယ့် လွှတ်တော်ကိုယ်စားလှယ် ဦးဖြိုးမင်းသိန်းကတော့ မြန်မာစစ်တပ် ရဲ့ ဆောင်ရွက်ချက်တွေကို ၂၀၁၅ ရွေးကောက်ပွဲနောက်ပိုင်းအထိ အမေရိကန်ဘက်က စောင့်ကြည့်ဖို့ရည်ရွယ်ထားတာကြောင့် အခုလို စီးပွားရေးပိတ်ဆို့မှု သက်တမ်းကို ထပ်တိုးလိုက်တာဖြစ်တယ်လို့မြင်ပါတယ်။

" ကျနော်မြင်တာကတော့ စီးပွားရေးလုပ်ငန်းရပ်တွေနဲ့ပတ်သက်ပြီးတော့ အရပ်ဖက်တွေ ပုံသဏ္ဍာန်တွေ ပေါ်မှာ အမေရိကန်အစိုးရက အလျှော့ပေးခဲ့ တာတွေ၊ တော်တော်များများရှိတယ်။ အရင်က အရေးယူ ပိတ်ဆို့ထား တာတွေ တော်တော်များများ ရှိတာတွေကို ကျနော်တို့ တွေ့ရပါတယ်။ ဒီအကြမ်းဖက် တိုက်ဖျက်မှု၊ ဥပဒေနဲ့ ငွေကြေးခဝါချမှု ဥပဒေတွေ ကို မြန်မာနိုင်ငံမှာ မှန်မှန်ကန်ကန်ပြဋ္ဌာန်းနိုင်မယ်ဆိုရင် ပြုပြင်ပြောင်းလဲမှုတွေ လုပ်မယ် ဆိုတဲ့ သတင်းတွေအထိ ကျနော်တို့ ကြားသိရပါတယ်။

ဒါကြောင့်မို့ အမေရိကန်နိုင်ငံဘက်ကနေ မြန်မာနိုင်ငံကို စီးပွားရေးပိတ်ဆို့ အရေးယူမှုတွေ တဖြေးဖြေး အလျှော့ပေးလာတယ်။ တဖြေးဖြေး ပြုပြင်ပြောင်းလဲမှုတွေကို ပိုမိုဆောင်ရွက်နိုင်အောင် အပြု သဘောဆန်တဲ့ ဆောင်ရွက်မှုတွေရှိမယ်လို့ ကျနော်မြင်ပါတယ်။ အဲ့ ဒါပေမဲ့ စစ်တပ်နဲ့ပတ်သက်တဲ့ အပိုင်းအပေါ်မှာတော့ အမေရိကန်ဟာ ၂၀၁၅ အလွန် ဒီမိုကရေစီခေတ် ကို စောင့်ကြည့် သွားလိမ့်မယ်လို့ ကျနော် ဒီလိုယူဆမိပါတယ်။ "
အခုလို သက်တမ်းတိုးလိုက်တဲ့ အမေရိကန်ပြည်ထောင်စုရဲ့ အရေးယူ ဒဏ်ခတ်မှု ဟာ ၁၉၉၇ခုနှစ်ကတည်းက မြန်မာစစ်အစိုးရရဲ့ လူ့အခွင့်အရေး ချိူးဖောက်မှုတွေကြောင့် မြန်မာနိုင်ငံမှာ ရင်းနှီးမြှုပ်နှံတာတွေမလုပ်ဖို့ သမ္မတ အမိန့်အာဏာနဲ့ တားမြစ်ခဲ့တာဖြစ်ပြီး  ၂၀၁၃ခုနှစ်မှာတော့ ပြင်ဆင်ချက်နဲ့အတူ သက်တမ်းထပ်ပြီးတော့ တိုးခဲ့တာဖြစ်ပါတယ်။

voa burmese

အပြည့်အစုံသို့ »

အလုပ်အကိုင်ပြပွဲများ ပြုလုပ်သော်လည်း အခြေခံ အလုပ်သမားများ ခန့်ထားနိုင်ခြင်းမရှိဟု ဝေဖန်


အလုပ်အကိုင်အခွင့်အလမ်းဆိုင်ရာ ပြပွဲများ ကျင်းပသော်လည်း အခြေခံအလုပ်သမားများအတွက် ခန့်အပ်ပေးနိုင်သော စက်ရုံအလုပ်ရုံများနှင့် ကုမ္ပဏီ အလုပ်ခန့်ထားမှုများ မရှိသလောက်အားနည်းသည်ဟု အလုပ်သမားဆိုင်ရာ အဖွဲ့အစည်းများက ဝေဖန်ပြောဆိုလိုက်သည်။

“အခြေခံလုပ်သားတွေအတွက်တော့ လုပ်ကိုင်ရရှိမှုက အရမ်းအားနည်းနေပါတယ်။ သူတို့တွေအတွက် ဦးစားပေးစဉ်းစားပေးမှုလည်း မရှိဘူး။ အဆိုးရွားဆုံး အချက်ကတော့ ပြပွဲလုပ်ပြီးသွားရင် အလုပ်အကိုင် ဘယ်လောက်ခန့်အပ်ခဲ့သလဲဆိုတဲ့ ထုတ်ပြန်ပေးမှု မရှိတာပါဘဲ”ဟု မြန်မာနိုင်ငံအလုပ်သမားသမဂ္ဂအဖွဲ့ချုပ် (ယာယီ)ဥက္ကဋ္ဌ ဦးအောင်လင်းက မဇ္ဈိမကို ပြောသည်။

အဆိုပါပြပွဲများကို ကျပ်ငွေသိန်းချီ အကုန်အကျခံကာ ပြုလုပ်ရသည့်အတွက် အလုပ်အကိုင်အမျိုးအစား ဘယ်လောက်မှာ အလုပ်သမားမည်မျှခန့်အပ်သွားမည်ကို ကြိုတင်ပြင်ဆင်ထားဖို့ လိုအပ်သည်ဟု အဖွဲ့အစည်းများက အကြံပြုပြောသည်။

အထက်ပါပြပွဲများတွင် ဘွဲ့ရအလုပ်အကိုင်များအပြင် အခြေခံလုပ်သားများ လုပ်ကိုင်နိုင်သော အမျိုးအစားများကို ပြုလုပ်ပေးရန် လိုအပ်သည်။ စက်ရုံအလုပ်ရုံများအတွက် ကျွမ်းကျင်ဝန်ထမ်းမဟုတ်သည့် အလုပ်သမားများကို ပြပွဲများတွင် ခေါ်ယူကာ သင်တန်းပေးဆောင်ရွက်သည်အထိ ပြပွဲများတွင် ခေါ်ယူပြုလုပ်စေလိုကြသည်။

သီရိမင်္ဂလာဈေး အခြေခံအလုပ်သမားအဖွဲ့ဝင် ဦးလှမျိုးဦးက “လှိုင်သာယာစက်မှုဇုန်မှာ လုပ်ခဲ့တဲ့ အလုပ်အကိုင်ပြပွဲကို သွားပြီး အလုပ်လျှောက်ထားခဲ့ပါတယ်။ အလုပ်မရှိလို့သာ လျှောက်ခဲ့တာပါ။ ကိုယ်လုပ်ချင်တဲ့ ပုံစံမျိုးမဟုတ်ပါဘူး။ အခြေခံလုပ်သား အများဆုံးလျှောက်ထားနိုင်မယ့် အမျိုးအစားများ ပါဝင်တာမျိုးဖြစ်စေချင်တယ်” ဟု ပြောသည်။

အခြေခံအလုပ်သမားအများဆုံး လုပ်ကိုင်လျက်ရှိသည့်စိုက်ပျိုးရေးလုပ်ငန်းများ၊ သစ်ထုတ်လုပ်ရေးလုပ်ငန်းများ၊ ရေလုပ်ငန်းများ၊ အထည်ချုပ်လုပ်ငန်းများ၊ ဓာတုပစ္စည်းလုပ်ငန်းများနှင့် သံရည်ကျိုလုပ်ငန်းများတွင် လုပ်ကိုင် လျက်ရှိသည်။

စက်ရုံအလုပ်ရုံများနှင့် ကုမ္ပဏီများက အလုပ်သမားဦးရေ များများရရှိရန် ရည်ရွယ်ပြီး ပြုလုပ်သော်လည်း ကျွမ်းကျင်လုပ်သားရှားပါးမှုများနှင့် တွေ့ကြုံရသည်ဟု လှိုင်သာယာ စက်မှုဇုန်ဥက္ကဋ္ဌ ဦးမြတ်သင်းအောင်က ပြောသည်။

“လာလျှောက်တဲ့သူ သိန်းချီရှိသော်လည်း တကယ်လက်တွေ့ ခန့်နိုင်တာ ထောင်ဂဏန်းပင် မပြည့်ဘူး”ဟု ဦးမြတ်သင်းအောင်က ပြောသည်။

Mizzima Burmese

အပြည့်အစုံသို့ »

အိုင်တီပညာရှင်များ စီးပွားရေးလုပ်ငန်းလုပ်ကိုင်နိုင်ရန် မြန်မာနိုင်ငံ ကွန်ပျူတာအသင်းချုပ်နှင့် ဂျပန်တို့ ပူးပေါင်းကူညီမည်


အိုင်တီပညာရှင်များအတွက် စီးပွားရေးလုပ်ငန်းများ လုပ်ကိုင်နိုင်ရန်အတွက် အထောက်အကူဖြစ်စေရန်နှင့် စွန့်ဦးတီထွင်သူ လူငယ်များအတွက် ပြည်တွင်းပြည်ပမှ ရင်းနှီးမြှုပ်နှံသူများပေါ်ထွက်လာစေရန် ရည်ရွယ်ပြီး မြန်မာနိုင်ငံ ကွန်ပျူတာအသင်းချုပ်နှင့် ဂျပန်နိုင်ငံ CIESF အဖွဲ့တို့ပူးပေါင်းပြီး IT Business Plan ပြိုင်ပွဲများ ကျင်းပပြီး ဆုရရှိသူများကို ပြည်တွင်းပြည်ပ ရင်းနှီးမြှုပ်နှံသူများနှင့် ချိတ်ဆက်လုပ်ကိုင်နိုင်ရန် အကူအညီများပေးသွားမည်ဟု မြန်မာနိုင်ငံ ကွန်ပျူတာအသင်းချုပ် ဒုတိယဥက္ကဋ္ဌ ဒေါ်သန်းသန်းတင့်က မဇ္ဈိမကို ပြောသည်။

ဒေါ်သန်းသန်းတင့်က“အိုင်တီပညာရှင်တွေအနေနဲ့ စီးပွားရေးလုပ်ငန်းတွေနဲ့ ပတ်သက်ပြီး အတွေ့အကြုံတွေရလာအောင် IT Business Plan ပြိုင်ပွဲတွေ ကျင်းပပေးတာပါ။ ပြည်တွင်းပြည်ပက ရင်းနှီးမြှုပ်နှံသူတွေနဲ့ ချိတ်ဆက်လုပ်ကိုင်နိုင်အောင်ပါ”ဟု ဆိုသည်။

ပြိုင်ပွဲဝင်များ တင်သွင်းယှဉ်ပြိုင်သည့် Project အများအနက်မှ အကဲဖြတ်အဖွဲ့မှ ရွေးချယ်သည့် Project များကို ပြင်ဆင်နိုင်ရန်အတွက် သင်တန်းပေးသွားမည်ဖြစ်ပြီး နောက်ဆုံးအဆင့်ပြိုင်ပွဲမှ ဆုရရှိသူများကို ပထမဆု ဒေါ်လာ ၃၀၀၀၊ ဒုတိယဆု ဒေါ်လာ ၂၀၀၀ နှင့် တတိယဆု ဒေါ်လာ ၁၀၀၀ ချီးမြှင့်သွားမည်ဖြစ်သည်ဟု ၎င်းက ဆိုသည်။

၎င်းက“တင်သွင်းလာတဲ့ Project တွေထဲက ရွေးချယ်ခံရတဲ့ Project တွေကို သင်တန်းပေးပြီး ပြင်ဆင်နိုင်အောင် လုပ်ပေးမှာပါ။ ဒါတွေပြီးမှ ဒီ Project တွေထဲက အကောင်းဆုံးတွေကို ရွေးပြီးဆုပေးသွားမှာပါ”ဟုဆိုသည်။

ပြိုင်ပွဲဝင်များ ပါဝင်ယှဉ်ပြိုင်သည့် Project များကို အကဲဖြတ်အဖွဲ့မှအပ မည်သည့်နေရာသို့မှ အသိပေးခြင်း၊ ပေါက်ကြားခြင်းမရှိစေရန် ဆောင်ရွက်ပေးသွားမည်ဖြစ်သည်ဟု မြန်မာနိုင်ငံကွန်ပျူတာ အသင်းချုပ် ပြိုင်ပွဲကျင်းပရေး ကော်မတီအဖွဲဝင် ဦးနေလင်းသန်းက မဇ္ဈိမကို ပြောသည်။

ဦးနေလင်းသန်းက “Project တွေကို အကဲဖြတ်တာ၊ ရွေးချယ်တာတွေကို အကဲဖြတ်အဖွဲ့ကပဲ လုပ်ပါတယ်။ အပြင်ဘက်ကို မပေါက်ကြားဖို့ကို တာဝန်ယူထားပါတယ်။ ပြိုင်ပွဲဝင်တွေရဲ့ Idea ကို ကာကွယ်ပေးထားပါတယ်”ဟု ဆိုသည်။

ပြည်တွင်း အိုင်တီပညာရှင်များအနေဖြင့် နည်းပညာရပ်များတွင် ကျွမ်းကျင်သော်လည်း စီးပွားရေးလုပ်ငန်း လုပ်ကိုင်ရန်အတွက် အခက်အခဲများ လိုအပ်ချက်များရှိနေသဖြင့် ယခုကဲ့သို့ပြိုင်ပွဲများကျင်းပပေးခြင်းဖြစ်သည်ဟု ၎င်းက ဆက်လက်ပြောသည်။

၎င်းက“ပညာရှင်တွေက Programmar ဆိုရင် Program တွေပဲရေးတယ်။ ဒါဆိုရင် Coder တွေပဲ ဖြစ်လာမယ်။ သူတို့ရဲ့ ထုတ်ကုန်တွေကို ဈေးကွက်ဝင်အောင်ဘယ်လို လုပ်မယ်ဆိုတာမျိုးတွေ ပိုပြီးသိလာဖို့အတွက် ဒီပြိုင်ပွဲတွေလုပ်တာပါ”ဟုပြောသည်။

ပါဝင်ယှဉ်ပြိုင်လိုသူများအနေဖြင့် အိုင်တီနည်းပညာရပ်များအပေါ် အခြေခံသည့် Project များကို Business Plan များ ပေးပို့ယှဉ်ပြိုင်ရမည် ဖြစ်သည်။ ပြိုင်ပွဲဝင်မည့် Project များကို ဇွန်လ ၁၅ ရက် နောက်ဆုံးထားပြီး မြန်မာနိုင်ငံကွန်ပျူတာအသင်းချုပ်ရုံးသို့ ပေးပို့ရမည်ဖြစ်သည်။

ပြိုင်ပွဲစည်းကမ်းများ၊ ပါဝင်ယှဉ်ပြိုင်ရာတွင် လိုအပ်မည့် အချက်အလက်များကို www.mcfmyanmar.org တွင် ရယူလေ့လာနိုင်မည်ဖြစ်ပြီး အသေးစိတ်သိရှိလိုပါက မြန်မာနိုင်ငံကွန်ပျူတာ အသင်းချုပ်ရုံး ဖုန်း ၀၁ ၆၅၂၃၀၇၊ ၀၉၇၃၂၅၇၃၇၇ သို့ ဆက်သွယ်မေးမြန်းနိုင်မည်ဖြစ်သည်။

Mizzima Burmese

အပြည့်အစုံသို့ »

အမေရိကန်က မြန်မာကို ပိတ်ဆို့မှု သက်တမ်းတိုး


ဆက်ဆံရေးတွေ တိုးလာပေမယ့် ပြည်တွင်းရေး အတွက် စိတ်ပူစရာ ရှိနေဆဲလို့ အမေရိကန်ကဆို
အမေရိကန်က မြန်မာနိုင်ငံ အပေါ် ချမှတ်ထားတဲ့ စီးပွားရေး ဒဏ်ခတ် ပိတ်ဆို့မှု တွေထဲက ကျန်နေသေးတဲ့ ပိတ်ဆို့မှုတွေကို နောက်ထပ် သက်တမ်း တနှစ်တိုးဖို့ သမ္မတ အိုဘားမားက မေလ ၁၅ ရက်နေ့က ကွန်ကရက် လွှတ်တော်ကို စာရေးသား အကြောင်းကြား လိုက်ပါတယ်။

မြန်မာ့ နိုင်ငံရေး ပွင့်လင်းလာမှုဟာ အစပျိုးရုံပဲ ရှိသေးပြီး၊ အထူးသဖြင့် ရခိုင်ပြည်နယ်လို၊ လူနည်းစုဒေသတွေမှာ၊ လူ့အခွင့်အရေးဆိုင်ရာ ချိုးဖောက်မှုတွေ အတွက် စိုးရိမ်ရဆဲ ဖြစ်ပြီး၊ တိုင်းပြည်ရဲ့ နိုင်ငံရေးနဲ့ စီးပွားရေးတို့မှာ စစ်တပ်က ဆက်လက် ပါဝင် ပတ်သက်နေဆဲ ဖြစ်တယ်လို့လည်း ဆိုခဲ့ပါတယ်။

မြန်မာနိုင်ငံ အနေနဲ့ ပြုပြင်ပြောင်းလဲရေးတွေကို အားစိုက်လုပ်နေပေမယ့်၊ မြန်မာ့နိုင်ငံရေး အခြေအနေဟာ၊ အမေရိကန် ပြည်ထောင်စုရဲ့ လုံခြုံရေးနဲ့ နိုင်ငံခြားရေး မူဝါဒတွေအပေါ် အန္တရာယ် ရှိနေသေးတယ်လို့ သမ္မတ အိုဘားမားက ပြောပါတယ်။

အမေရိကန်ပြည်ထောင်စုက မြန်မာ့အရေး ကျွမ်းကျင်သူ ပါမောက္ခ ဒေးဗစ် စတိုင်းဘတ်ကတော့ အဲဒီလို ခြိမ်းခြောက်မှုဆိုတာ တကယ်တော့ မရှိပါဘူးလို့ ဆိုပါတယ်။

သမ္မတက ပိတ်ဆို့ အရေးယူမှုတွေကို နောက်ထပ် သက်တမ်း တိုးမယ် ဆိုရင် အကြောင်း ခိုင်ခိုင်လုံလုံ ရှိကြောင်း ပြရပါတယ်၊ ဒါကြောင့် အခုလို အသုံးအနှုံးမျိုးကို သုံးတာပါလို့ သူကပြောပါတယ်။

 President Obama visits Burma
၂၀၁၂ ခုနှစ်က သမ္မတအိုဘားမားမြန်မာနိုင်ငံကို သွားရောက်ခဲ့
ကွန်ဂရက်လွှတ်တော်မှာက မြန်မာ့ အတိုက်အခံ တွေကို အစဉ်တစိုက် ထောက်ခံ အားပေးတဲ့ သူတွေ ကြီးစိုးတယ်၊ နောက်တခါ အမေရိကန် ခေါင်းဆောင်တွေ မြန်မာအစိုးရနဲ့ သိတ်နီးစပ် မသွားအောင် လှုံ့ဆော်ရေး အုပ်စုတွေကလည်း သတိပေးနေကြတဲ့ အတွက် အိုဘားမားအစိုးရကလည်း မြန်မာနဲ့ ဆက်ဆံရေးကို သတိနဲ့ လုပ်နေရပါတယ်လို့ ပါမောက္ခ ဒေးဗစ်စတိုင်းဘတ်က ပြောပါတယ်။

ဒါပေမယ့် ပြီးခဲ့တဲ့ ရက်ပိုင်းကတင် အမေရိကန်အစိုးရက ရန်ကုန်မှာ အမေရိကန် စီးပွားရေးရုံး ဖွင့်မယ်လို့ ကြေငြာလိုက်ပြီး အခုတော့ ဆန်ရှင်တွေ သက်တမ်းတိုးလိုက်တယ် ဆိုတာက နားမလည်နိုင်စရာပါ လို့လည်း မစ္စတာ စတိုင်းဘတ်က ဘီဘီစီကို ပြောပါတယ်။

နောက်တခုက လူနည်းစုအရေး လူမျိုးစုအရေးတွေမှာ နိုင်ငံခြားသားတွေ ဝင်ပြီး ပါဝင်ပတ်သက် လာတာကို မြန်မာအစိုးရက သံသယကြီးကြီး ရှိတဲ့ အတွက်လည်း သတိထားသင့်တယ်လို့ ပါမောက္ခ ဒေးဗစ်စတိုင်းဘတ်က ပြောသွားပါတယ်။

အခု သက်တမ်းတိုးလိုက်တဲ့ ပိတ်ဆို့အရေးယူမှုတွေက အမေရိကန်စီးပွားရေး သမားတွေ၊ စီးပွားရေး လုပ်ငန်းတွေ မြန်မာနိုင်ငံမှာ ရင်းနှီးမြုပ်နှံမှု လုပ်တာ၊ ဒီမိုကရေစီကို ဆန့်ကျင် ပိတ်ပင်တဲ့ မြန်မာအရာရှိတွေနဲ့ စီးပွားရေး လုပ်တာမျိုးတွေကို တားမြစ်ထားပါတယ်။

bbc burmese

အပြည့်အစုံသို့ »

မြန်မာ့ပို့ကုန်အုပ်စု ခုနစ်မျိုး ပြည်ပတင်ပို့မှုမှ ဒေါ်လာသန်း ၅၆၀ ကျော်ရရှိခဲ့ပြီး စက်မှုကုန်ချောများ တင်ပို့မှုမှ ၀င်ငွေအများဆုံးရရှိခဲ့

ပင်လယ်ရေကြောင်းကုန်သွယ်မှု ဆောင်ရွက်သည့် ဗိုလ်အောင်ကျော်ဆိပ်ကမ်း တစ်နေရာကို တွေ့ရစဉ် (ဓာတ်ပုံ-အောင်မျိုးသန့်)

မြန်မာ့ပို့ကုန် အုပ်စုခုနစ်မျိုး ပြည်ပတင်ပို့မှုမှ ဒေါ်လာသန်း ၅၆၀ ကျော်ရရှိခဲ့ပြီး စက်မှုကုန်ချောများ တင်ပို့မှုမှ ၀င်ငွေအများဆုံး ရရှိခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သတင်းရရှိသည်။

မြန်မာနိုင်ငံမှ ပို့ကုန်တင်ပို့မှုအနေဖြင့် လယ်ယာထွက်ကုန်၊ ရေထွက်ကုန်၊ သဘာဝဓာတ်ငွေ့ တင်ပို့မှုပါဝင်သည့် စက်မှုကုန်ချောပစ္စည်း၊ တိရစ္ဆာန်ထွက်ကုန်၊ သစ်တောထွက်ပစ္စည်း၊ သတ္တုတွင်းထွက်ပစ္စည်း စသည့်ကဏ္ဍများခွဲကာ တင်ပို့နေကြောင်း သိရသည်။

စက်မှုကုန်ချောအုပ်စုတွင် သဘာဝဓာတ်ငွေ့ အပါအ၀င် ချုပ်ပြီးအထည်များ တင်ပို့ခြင်းများ ပါဝင်ကြောင်း သိရသည်။

၂၀၁၄-၂၀၁၅ ဘဏ္ဍာနှစ် ဧပြီ ၁ ရက် မှ မေ ၉ ရက်အထိ စက်မှုကုန်ချော ပြည်ပတင်ပို့မှုမှ ဒေါ်လာ ၂၉၀ ဒသမ ၉၀၃ သန်း ရရှိခဲ့ကြောင်း သိရသည်။ အဆိုပါ ကာလအတွင်း မြန်မာနိုင်ငံမှ ပို့ကုန်များပြည်ပ တင်ပို့မှုမှရရှိငွေ စုစုပေါင်းမှာ ဒေါ်လာ ၅၆၄ ဒသမ ၂၂၁ သန်းရရှိခဲ့ကြောင်း သိရသည်။

အဆိုပါကာလအတွင်း ပို့ကုန်တင်ပို့မှု မှ ဒေါ်လာသန်း ၅၆၀ ကျော်ရရှိခဲ့သော်လည်း ယခင်ဘဏ္ဍာနှစ် အလားတူကာလပို့ကုန်တင် ပို့မှုနှင့် နှိုင်းယှဉ်ပါကာ ဒေါ်လာသန်း ၁၇၀ ကျော် လျော့နည်းနေကြောင်း သိရသည်။

မြန်မာနိုင်ငံ၏ ပြည်ပပို့ကုန်ဖွဲ့စည်းပုံမှာ ပင်မထုတ်ကုန် အနည်းငယ်အပေါ်၌သာ မှီခိုအားထားနေရပြီး ယင်းထုတ်ကုန်များမှာ သယံဇာတများ၊ သဘာဝဓာတ်ငွေ့၊ ကျွန်းသစ်နှင့် စိုက်ပျိုးရေး၊ ရေထွက်ကုန် စသည်များဖြစ်ကြောင်း သိရသည်။

မြန်မာနိုင်ငံ၏ ပို့ကုန်ဖွံ့ဖြိုးတိုးတက်ရေးနှင့် ပို့ကုန်ယှဉ်ပြိုင်နိုင်စွမ်း တိုးတက်ရေးအတွက် အမျိုးသားအဆင့် ပို့ကုန်မဟာဗျူဟာကို ရေးဆွဲနေပြီး ဦးစားပေး အကောင်အထည်ဖော်မည့် ကုန်စည်များ၊ ယင်းဦးစားပေး အကောင်အထည်ဖော်မည့် ကဏ္ဍများကို အထောက်အကူပြုမည့် ကဏ္ဍများကို သတ်မှတ်ပြီးဖြစ်ကြောင်း သိရသည်။

မြန်မာနိုင်ငံမှထွက်သည့် ပို့ကုန်များကို ပင်လယ်ရေကြောင်း ကုန်သွယ်ရေးမှ တင်ပို့နေသည့်အပြင် မြန်မာ-တရုတ်နယ်စပ်ရှိ မူဆယ်၊ ချင်းရွှေဟော်၊ ကန်ပိုက်တီး၊ လွယ်ဂျယ်၊ မြန်မာ-ထိုင်းနယ်စပ်ရှိ မြ၀တီ၊ တာချီလိတ်၊ ကော့သောင်း၊ မြိတ်၊ ထီးခီး၊ မောတောင် ၊ မြန်မာ-ဘင်္ဂလားဒေ့ရှ် နယ်စပ်ရှိ စစ်တွေ၊ မောင်တော၊ မြန်မာ-အိန္ဒိယနယ်စပ်ရှိ တမူး၊ ရိဒ်၊ ထန်တလန်အစရှိသည့် နယ်စပ်စခန်းများမှလည်း ဆောင်ရွက်နေကြောင်း သိရသည်။ နယ်စပ်ဒေသများတွင် တစ်နိုင်တစ်ပိုင် ကုန်သွယ်လိုသူများ ကုန်သွယ်မှုဆောင်ရွက်နိုင်ရန် အတွက်လည်း နယ်စပ်စခန်းများတွင် တစ်ဦးတည်းပိုင် ကုန်သွယ်မှုကတ်များ ထုတ်ပေးလျက်ရှိကြောင်း သိရသည်။

Eleven Media group

အပြည့်အစုံသို့ »

Hotel Novotel Yangon Max နှင့် Center Point Hotel ယခုနှစ်အတွင်း ဖွင့်လှစ်သွားမည်


ရန်ကုန်မြို့ရှိထိပ်တန်းအဆင့် ဟိုတယ်များဖြစ်သည့် Hotel Novotel Yangon Max နှင့် Center Point ဟိုတယ်တို့ကို ယခုနှစ်အတွင်း ဖွင့်လှစ်သွားရန်ရှိသည်ဟု ဟိုတယ်နှင့် ခရီးသွားလာရေးလုပ်ငန်းဝန်ကြီးဌာနညွှန်ကြားရေးမှူးချုပ် ဦးအောင်ဇော်ဝင်း က မဇ္ဈိမကို ပြောသည်။

မေလဆန်းပိုင်းတွင် ရန်ကုန်မြို့ ပြည်လမ်းမရှိ နိုင်ငံသားပိုင်အဆင့်မြင့်ဟိုတယ် တစ်လုံးဖြစ်သည့် အခန်းပေါင်း ၅၀၀ ရှိသည့် တော်ဝင်ဟိုတယ် ဖွင့်လှစ်ခဲ့ပြီး ယခုနှစ်အတွင်း Max Myanmar ကုမ္ပဏီနှင့် ပြင်သစ် Accor ဟိုတယ်အုပ်စုတို့ ပူးပေါင်း တည်ဆောက်ထားသည့် Hotel Novotel Yangon Max နှင့် နိုင်ငံခြားသားရင်းနှီးမြှုပ်နှံမှုဖြင့် တည်ဆောက်ထားသည့် ဆူးလေ
လမ်းမရှိ Center Point ဟိုတယ်တို့ ထပ်မံ ဖွင့်လှစ်သွားမည်ဟု ၎င်းက ပြောသည်။

ဦးအောင်ဇော်ဝင်းက “နှစ်စဉ် ဟိုတယ်အသစ်တွေ တည်ဆောက်ဖွင့်လှစ်နေတာ တိုးလာနေတယ်။ နှစ်စဉ်ဖွင့်လှစ်ထားတဲ့
ဟိုတယ်အခန်းအရေအတွက်တွေအရ ဒီနှစ်လည်း ရန်ကုန်မှာ အခန်းပေါင်း ၁,၀၀၀ ၀န်းကျင်လောက် တိုးလာဖို့ရှိပါတယ်။ ဟိုတယ်အသစ်တွေများလာတာနဲ့အမျှ ဟိုတယ်အခန်း မလုံလောက်တဲ့ ပြဿနာတွေ ပြေလည်လာမယ်”ဟု ပြောသည်။

Novotel သည် အခန်းပေါင်း ၃၀၀ ကျော် ဖွင့်လှစ်သွားရန်ရှိပြီး Center Point Hotel သည်လည်း အခန်းပေါင်း ၃၀၀ ခန့်ဖြင့် ဖွင့်လှစ်သွားရန်ရှိသည်ဟု ဟိုတယ်/ ခရီးဝန်ကြီးဌာနမှ သိရှိရသည်။

ဟိုတယ်အသစ်များ ထပ်မံဖွင့်လှစ်မှု များပြားလာသော်လည်း နိုင်ငံခြားသားများ တည်းခိုနိုင်မည့် ဟိုတယ်အမျိုးအစားနှင့် ဈေးနှုန်းရှိသည့် ဟိုတယ်များ ဖွင့်လှစ်ရန် ပိုမိုလိုအပ်လျက်ရှိသည် ဟု ခရီးသွားလုပ်ငန်းရှင် အသိုင်းအ၀ိုင်းက ပြောသည်။

ရန်ကုန်မြို့တွင် ဟိုတယ်အခန်းပေါင်း ၁၀,၀၀၀ ကျော်ရှိသော်လည်း ဟိုတယ် အခန်းပေါင်း ၂,၀၀၀ နှင့် ၃,၀၀၀ ၀န်းကျင်သာ နိုင်ငံခြားခရီးသည်များ ဈေးကွက်ရှိပြီး ကျန်ရှိသည့် အခန်းအရေအတွက်များသည် ပြည်တွင်းတည်းခိုမည့် ဈေးကွက်သို့သာ
အလေးထားလျက်ရှိသည် ဟု ၄င်းတို့က သုံးသပ်သည်။

မြန်မာနိုင်ငံခရီးသွားလုပ်ငန်းရှင်များ အသင်း၏ ဒုတိယဥက္ကဋ္ဌ ဦးသက်လွင်တိုးက “ 5 star၊ 4 star အဆင့်ဟိုတယ်တွေ ဖွင့်တာဟာ ခရီးသွားကဏ္ဍမှာ ဟိုတယ်မလုံလောက်မှုဖြစ်နေတာတွေကို အထိုက်အလျောက် ပြေလည်သွားစေမှာပါ။ ဒါပေမဲ့ ဒေါ်လာ ၁၀၀ ၀န်းကျင်နဲ့ ၀န်ဆောင်မှုပေးနိုင်မယ့် ဟိုတယ်တွေလည်း များများဖွင့် လာနိုင်ဖို့လိုအပ်တယ်။ ဒါမှလည်း ခရီးသွားတွေအတွက် အဆင်ပြေပြီး ခရီးသွားလုပ်ငန်းက ရေရှည်မှာလည်ပတ်နိုင်မှာ”ဟု ပြောသည်။

မြန်မာနိုင်ငံသို့ နိုင်ငံခြားခရီးသွားများ လာရောက်မှုများပြားသည့် နိုဝင်ဘာမှ ဖေဖော်ဝါရီလများတွင် ဟိုတယ်အခန်း မလုံလောက်မှုနှင့်အတူ အခန်းခဈေးနှုန်း ကြီးမြင့်သည့်ပြဿနာများကို နှစ်စဉ်နှစ်တိုင်း ကြုံတွေ့ရလျက်ရှိသည်။

မြန်မာတစ်နိုင်လုံးအတိုင်းအတာဖြင့် ဟိုတယ်ပေါင်း ၉၉၁ လုံး၊ အခန်းပေါင်း ၃၈,၂၆၅ ခန်းရှိပြီး ၂၀၁၁ခုနှစ်မှ ၂၀၁၃ ခုနှစ်အတွင်း အခန်းပေါင်း တစ်သောင်းကျော် တိုးတက်များပြားလာခဲ့သည်ဟု ဟိုတယ်/ ခရီးဝန်ကြီးဌာနမှ သိရှိရသည်။

Mizzima Burmese

အပြည့်အစုံသို့ »

ဈေးကောင်းမစောင့်နိုင်သူများ ရွှေထည်များ ပြန်ထုတ်ရောင်း


ရွှေဈေးပြောင်းလဲမှု နည်းနေသော်လည်း ၀ယ်စုထားသူ အများစုမှာ ဈေးတက်ချိန်အထိ မစောင့်နိုင်ဘဲ ပြန်ထုတ်ရောင်းလာကြသဖြင့် သွင်းအားများသောဈေးကွက် ဖြစ်နေကြောင်း ရွှေလုပ်ငန်းရှင်များက ပြောသည်။
‘‘ဒီတစ်ပတ်ထဲမှာ ဈေးက အတက်အကျတွေ ရှိပေမယ့် အများကြီး ဈေးနှုန်းတက်တာ၊ ကျတာမရှိဘူး။

ဒီရက်ပိုင်းတွေမှာ အသွင်းကတော့ အတော်ကို များနေတယ်။ အများစုကတော့ ဈေးကလည်း ငြိမ်နေတာ ကြာပြီဆိုတော့ ဆက်မစောင့်ချင်တော့လို့ ပြန်ထုတ်ရောင်းလာကြတဲ့ သဘောရှိတယ်’’ ဟု ရွှေဆိုင်လုပ်ငန်းရှင်တစ်ဦးက ပြောသည်။
ကမ္ဘာ့ရွှေဈေးနှုန်းသည် တစ် ပတ်အတွင်း တစ်အောင်စလျှင်ဒေါ်လာ ၂၀ နီးပါး အတက် အကျများစွာ ပြောင်းလဲမှု ဖြစ်ပေါ် ခဲ့သည်။

ထို့ကြောင့် ပြည်တွင်း ရွှေဈေးမှာလည်း ကျပ် ၅,၀၀၀ ခန့် ဈေးနှုန်းပြောင်းလဲမှုများ ဆက် တိုက်ဖြစ်ပေါ်ခဲ့သည်။
ကမ္ဘာ့ရွှေဈေးမှာ တစ် အောင်စလျှင် ၁၂၈၀ ဒေါ်လာဝန်း ကျင်ရှိနေရာမှ ယခုပိတ်ရက်တွင် ဒေါ်လာ ၁၃၀၀ ဖြင့် ဈေးပိတ်သွားခဲ့သည်။ ထို့ကြောင့် ပြည်တွင်း ရွှေဈေးနှုန်းများမှာ ၆၆၀,၀၀၀ ကျပ် ၀န်းကျင်ရှိနေရာမှ ၆၆၄,၀၀၀ ကျပ်ထိ မြင့်တက်သွားခဲ့ခြင်းဖြစ်သည်။

‘‘ပြန်သွင်းတဲ့နှုန်းက တစ်ပတ်လုံးလိုလို တက်သွားတာ။ အရင်က ပြန်ရောင်းတာထက်စာရင် ထက်ဝက်ကျော်လောက်ထိကို အသွင်းက များလာတယ်’’ ဟု ရွှေ ဆိုင်လုပ်ငန်းရှင်တစ်ဦးက ပြောကြားသည်။
ပြီးခဲ့သည့် နှစ်ကုန်ပိုင်းကတည်းက ဆက်တိုက်ဈေးနိမ့်နေခဲ့သော
ပြည်တွင်း ရွှေဈေးများသည် သင်္ကြန်ပြီးနောက်ပိုင်းမှသာ
ဈေးအမြင့်ပိုင်းသို့ ရောက်ရှိလာနိုင်ကြောင်း ဈေးကွက်ကျွမ်းကျင်သူ လုပ်ငန်းရှင်များက ခန့်မှန်းခဲ့ကြသည်။

သို့သော် ရွှေဈေးနှုန်းများသည် လက်ရှိကာလထိ ရောက်ရှိနေသော
ဈေးနှုန်းများမှာ မျှော်မှန်းသည်ထက်ပင် နိမ့်နေသော
ဈေးနှုန်းများဖြစ်နေကြောင်း ရွှေလုပ်ငန်းရှင်များက ပြောသည်။

ယခုနှစ်တွင် ပြည်တွင်းရွှေ ဈေးနှုန်းများ ကျပ်ရှစ်သိန်းခန့်ထိ
ရောက်ရှိဖွယ်ရှိကြောင်း ဈေးကွက်ကျွမ်းကျင်သူအချို့က ခန့် မှန်းခဲ့ကြသော်လည်း နှစ်ဆန်းပိုင်း လေးလတာ ကာလအတွင်း ကျပ် ခုနစ်သိန်းနီးပါးသို့ပင် မရောက်နိုင်သေးဘဲ ဈေးအနိမ့်ပိုင်းတွင်သာ ရှိနေသည်။

7day daily

အပြည့်အစုံသို့ »

မြေနီကုန်းခုံးကျော်တံတား တည်ဆောက်ခွင့်အတွက် ပုဂ္ဂလိကကုမ္ပဏီများအား မကြာမီ တင်ဒါခေါ်မည်

မြေနီကုန်းလမ်းဆုံအား တွေ့ရစဉ်(ဓာတ်ပုံ-အောင်မျိုးသန့်)

မြေနီကုန်း ခုံးကျော်တံတား တည်ဆောက်ခွင့်အတွက် ပုဂ္ဂလိကကုမ္ပဏီများအား မကြာမီတင်ဒါခေါ်ယူမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့မှ သိရသည်။

စမ်းချောင်းမြို့နယ် မြေနီကုန်းလမ်းဆုံတွင် ယာဉ်ကြောပိတ်ဆို့မှုကြောင့် ခုံးကျော်တံတား  တည်ဆောက်ခြင်းလုပ်ငန်းကို  ၂ဝ၁၄-၂ဝ၁၅ ဘဏ္ဍာနှစ်တွင် ရန်ကုန်တိုင်းဒေသကြီး အစိုးရအဖွဲ့၏ အထူးစီမံကိန်း လုပ်ငန်းတစ်ခုအနေဖြင့် တည်ဆောက်ရန် စီစဉ်နေခြင်းဖြစ်ကြောင်း သိရသည်။

ယင်းသို့ တည်ဆောက်နိုင်ရန်အတွက် မြေနီကုန်းလမ်းဆုံတွင် ယာဉ်သွားလာမှုဆိုင်ရာ အကြိုစစ်တမ်းများကောက်ယူခြင်း၊ လေ့လာမှုများကို ပြုလုပ်လျက်ရှိကြောင်း သိရသည်။

“မြေနီကုန်း ခုံးကျော်တံတားကို အခုဘဏ္ဍာနှစ်မှာ စဆောက်မှာပါ။ အဲဒီအတွက် ဘဏ္ဍာငွေကိုလည်း ထည့်သွင်းတောင်းခံထားပါတယ်။ မကြာမီ ဆောက်လုပ်မယ့် ကုမ္ပဏီကို  တင်ဒါခေါ်သွားမှာပါ” ဟု ရန်ကုန်တိုင်းဒေသကြီးအစိုးရအဖွဲ့မှ တာဝန်ရှိသူတစ်ဦးက ပြောကြားသည်။

မြေနီကုန်း ခုံးကျော်တံတားစီမံကိန်းအတွက် ကျပ် ၁၆ ဒသမ ၉၂၈ ဘီလျံ အသုံးပြုမည်ဖြစ်ပြီး လှည်းတန်းခုံးကျော်တံတားအတွက် ၁၄ ဒသမ ၄၈၇ ဘီလျံ၊ ရွှေဂုံတိုင် ခုံးကျော်တံတားအတွက် ၁၃ ဒသမ ၃၈ဝ ဘီလျံ နှင့် ဘုရင့်နောင် ခုံးကျော်တံတားနှစ်စင်း(ဘုရင့်နောင်လမ်းနှင့် သမိုင်းဘူတာရုံလမ်းပေါ်တို့တွင် တစ်စင်းစီ)အတွက် ၂၁ ဒသမ ၇၄၇ ဘီလျံ တို့ကို သုံးစွဲခဲ့ကြောင်း  သိရသည်။

ရန်ကုန်မြို့တော်တွင် ယာဉ်ကြောပိတ်ဆို့မှုများကို ကုစားနိုင်ရန်အတွက် ယာဉ်ကြောပိတ်ဆို့မှု အများဆုံးလမ်းဆုံများဖြစ်သည့် လှည်တန်း၊ ရွှေဂုံတိုင်နှင့် ဘုရင့်နောင်လမ်းဆုံတို့တွင် ခုံးကျော်တံတားများ ဆောက်လုပ်ရန်စီစဉ်ခဲ့ပြီး ပုဂ္ဂလိကကုမ္ပဏီများကို တာဝန်ပေး ဆောက်လုပ်စေခဲ့ကြောင်း၊ လှည်းတန်းခုံးကျော်တံတားကို ရွှေတောင်ကုမ္ပဏီက တာဝန်ယူ၍ ၂ဝ၁၂ ခုနှစ် ဖေဖော်ဝါရီလတွင် စတင်ဆောက်လုပ်ခဲ့ရာ ၂ဝ၁၃ ဧပြီ ၁ဝ ရက် တွင် စတင်အသုံးပြုခွင့်ပေးခဲ့ကြောင်း၊ ဘုရင့်နောင်ခုံးကျော်တံတား နှစ်စင်းကို FMIကုမ္ပဏီ က ၂ဝ၁၂ ခုနှစ် ဇွန်လတွင် စတင်ဆောက်လုပ်ခဲ့ရာ ၂ဝ၁၃ နှစ်ကုန်ပိုင်းတွင် အသုံးပြုခွင့်ပေးခဲ့ပြီး ရွှေဂုံတိုင်ခုံးကျော်တံတားကိုလည်း Capital Development ကုမ္ပဏီက ၂ဝ၁၂ ခုနှစ် ဒီဇင်ဘာ ၁၂ ရက်တွင် စတင်ဆောက်လုပ်ခဲ့ပြီး ၂ဝ၁၃ ဒီဇင်ဘာလတွင် စတင်အသုံးပြုခွင့် ပေးခဲ့သည်။

မြေနီကုန်း ခုံးကျော်တံတားကို မည်သည့်အချိန်အတိုင်းအတာအတွင်း အပြီးဆောက်လုပ်မည်ဆိုသည်ကိုမူ ထုတ်ပြန်ခြင်း မရှိသေးပေ။

ကျော်ထင်
eleven media group

အပြည့်အစုံသို့ »

နိုင်ငံတကာဘဏ်များ လုပ်ငန်းအပြည့်အ၀ လုပ်ဆောင်ခွင့် မရသေးသဖြင့် ပြည်တွင်းအသေးစားနှင့် အလတ်စားလုပ်ငန်းများ ချေးငွေ အခက်တွေ့နေ

ရန်ကုန်မြို့၌ ဖွင့်လှစ်ထားသည့် နိုင်ငံခြားဘဏ် ကိုယ်စားလှယ်ရုံးတစ်ခုကို တွေ့ရစဉ်

ပြည်တွင်းတွင် နိုင်ငံတကာဘဏ်များအနေနှင့် ကိုယ်စားလှယ်ရုံးခန်းများ လာရောက်ဖွင့်လှစ်ခွင့် ပြုထားသော်လည်း ဘဏ်လုပ်ငန်းများ အပြည့်အဝလုပ်ကိုင်ခွင့် မပြုသေးသဖြင့် ပြည်တွင်းရှိ အသေးစားနှင့် အလတ်စားလုပ်ငန်းရှင်များအနေနှင့် အခက်အခဲများ ရင်ဆိုင်နေရကြောင်း အဆိုပါအသိုင်းအဝိုင်းမှ သိရသည်။

၎င်းတို့အနေနှင့် ပြည်ပနှင့် ငွေကြေးချိတ်ဆက် လုပ်ကိုင်ရမည့် လုပ်ငန်းများတွင် ငွေကြေးပိုမိုကုန်ကျပြီး လုပ်ငန်းကြန့်ကြာမှုများနှင့် ရင်ဆိုင်နေရသလို ချေးငွေရရှိရန် အခက်တွေ့နေရကြောင်း အသေးစားနှင့် အလတ်စား စီးပွားရေးလုပ်ငန်းရှင်အချို့က သုံးသပ်သည်။

“ ပြည်တွင်းက ဘဏ်တွေက ပြည်သူပြည်သားတွေအတွက် အလုပ်မဖြစ်တာတွေ အများကြီးဖြစ်နေပါတယ်။ ပြည်သူတွေကတော့ ဘယ်ဘဏ်ပဲလာလာ အဆင်ပြေတဲ့ဝန်ဆောင်မှုရှိရင် သုံးမှာပဲ။ အခုက လုပ်ငန်းချဲ့ထွင်ဖို့ ငွေချေးချင်ရင်လည်း မလွယ်သလို၊ အတိုးကလည်း ကြီးတော့ လုပ်ငန်းစလုပ်ချင်တဲ့ လူငယ်စွန့်ဦးတီတွင်သမားတွေကို ဆွဲချနေသလိုပါပဲ။ နောက်ပြီး ဖေ့စ်ဘုတ်လို လူမှုကွန်ရက်မှာ လုပ်ငန်းတွေကြော်ငြာချင်ရင် ငွေသွင်းတာကအစ ပြည်ပကနေတစ်ဆင့် သွင်းမှရတယ်။ လုပ်ငန်းတွေ ကြန့်ကြာနေရတယ်” ဟု ကိုယ်ပိုင်လုပ်ငန်း စတင်လုပ်ကိုင်နေသည့် လူငယ်တစ်ဦးက ဆိုသည်။

လက်ရှိအချိန်တွင် မြန်မာနိုင်ငံထဲသို့ နိုင်ငံအသီးသီးမှ နိုင်ငံတကာဘဏ်ကြီးအချို့ က ကိုယ်စားလှယ်ရုံးခန်းများ လာရောက်ဖွင့်လှစ်ထားပြီး ဖြစ်သည်။

“ပြည်ပဘဏ်တွေကို ဘယ်အချိန် လုပ်ငန်းအပြည့်အဝ လုပ်ကိုင်ခွင့်ပေးမယ်ဆိုတာကိုတော့ အစိုးရရဲ့ဆုံးဖြတ်ချက်အပိုင်းဖြစ်နေတော့ ပြောဖို့ခက်ပါတယ်။ ဒါပေမဲ့ သက်ဆိုင်ရာပုဂ္ဂိုလ်များ အချင်းချင်းဆွေးနွေးပြီး ဒီကိစ္စကို လိုက်လျောပေးဖို့က အရေးကြီးတယ်လို့ ထင်ပါတယ်”ဟု ဂျပန်နိုင်ငံမှ ဘဏ်ကြီးဖြစ်သည့် မီဇူဟိုဘဏ်မှ ရန်ကုန်ရုံးခွဲ ကိုယ်စားလှယ်ချုပ် မစ္စတာတက်ဆုရိုနိုနာကာက ပြောကြားသည်။

၎င်းတို့အနေနှင့် ဘဏ်လုပ်ငန်း လုပ်ကိုင်ခွင့်မရရှိသေးသဖြင့် ဂျပန်နိုင်ငံမှ ရင်းနှီးမြှပ်နှံမှုများ ဝင်ရောက်လာရန် နှောင့်နှေးမှုများဖြစ်ပေါ်မည်ကို စိုးရိမ်မိကြောင်း ပြောကြားသည်။

“ဂျပန်လုပ်ငန်းရှင်တွေက နိုင်ငံခြားငွေကြေး ချေးငွေတွေ ချေးယူဖို့ လိုအပ်နိုင်တာမို့ ကျွန်တော်တို့ ဘဏ်လုပ်ငန်းတွေ လုပ်ဆောင်ဖို့ ကြန့်ကြာနေတာဟာ ဂျပန်ရင်းနှီးမြှပ်နှံမှုတွေကို ကြန့်ကြာစေမှာကို စိုးရိမ်မိပါတယ်”ဟု မစ္စတာနိုနာကာက ဆက်လက်ပြောကြားခဲ့သည်။

ဒေသတွင်းနိုင်ငံကြီးတစ်ခုမှာ လာရောက်ဖွင့်လှစ်ထားသည့် ဘဏ်တစ်ခုမှ အရာရှိတစ်ဦးက “ပြည်ပဘဏ်တွေက ပြည်တွင်းဘဏ်တွေကို တိုက်ရိုက်ယှဉ်ပြိုင်မှာ မဟုတ်ဘဲ မြန်မာနိုင်ငံရဲ့ ဘဏ်စနစ်ကို ပိုကောင်းမွန်အောင် ကူညီပေးနိုင်မှာပါ။ ပြည်ပဘဏ်တွေကို လုပ်ပိုင်ခွင့် အပြည့်မပေးတဲ့ကိစ္စဟာ မြန်မာနိုင်ငံအတွက် အကောင်းထက် အဆိုးကများစေပါတယ်”ဟု ပြောကြားခဲ့သည်။

Eleven Media Group

အပြည့်အစုံသို့ »

အဝေးပြေးအမြန်လမ်းမကြီးများဆိုင်ရာ အထူးခရီးသွားအာမခံကို စတင်ရောင်းချမည်


အဝေးပြေး အမြန်လမ်းမများတွင် ခရီးသွားလာနေကြသူများ အဆင်ပြေစေရန်နှင့် အာမခံအကာအကွယ်ရစေရန်အတွက် အဝေးပြေးအမြန်လမ်းမကြီးများဆိုင်ရာ အထူးခရီးသွားအာမခံကို စတင်ရောင်းချမည်ဖြစ်ကြောင်း သိရသည်။

၈.၅.၂၀၁၄ ရက်နေ့မှ စတင်ကာရောင်းချမည်ဖြစ်ကြောင်း အာမခံလုပ်ငန်းကြီးကြပ်ရေးအဖွဲ့က နိုင်ငံပိုင်သတင်းစာမှတစ်ဆင့် ကြေညာသည်။ ဝယ်ယူနိုင်မည့် ကုမ္ပဏီအမည်များ၊ ရုံးခန်းတည်နေရာနှင့် တယ်လီဖုန်းအမှတ်များကို ၂.၅.၂၀၁၄ ရက်နေ့ ကြေးမုံသတင်းစာတွင် အာမခံလုပ်ငန်းကြီးကြပ်ရေးအဖွဲ့ကြေညာချက်၌ ဖော်ပြထားသည်။ အဆိုပါ အာမခံအရ ခရီးတစ်ခေါက်အတွက် အာမခံကြေး (ပရီမီယံ) ကျပ် ၃၀၀ ကျသင့်မည်ဖြစ်ပြီး အကျိုးခံစားမှုမှာ အများဆုံးကျပ်သိန်း ၃၀ (အာမခံ၏ အဆတစ်သောင်း) ရရှိမည်ဖြစ်ကြောင်း၊ ထိခိုက်ဒဏ်ရာရမှုအတွက် ဆေးကုသစရိတ်အများဆုံး ၂၄ သိန်းအထိ ခံစားခွင့်ရရှိမည်ဖြစ်ကြောင်း သိရသည်။

ယင်းအထူးခရီးသွားအာမခံကို အဝေးပြေးယာဉ်လိုင်းများဖြင့် ခရီးသွားလာသူများအားလုံး အလွယ်တကူ ဝယ်နိုင်စေရန် အဝေးပြေးယာဉ်လိုင်းများ ယာဉ်လက်မှတ်ဝယ်ယူသည်နှင့်တစ်ပြိုင်တည်း အဆိုပါ အာမခံကို ဝယ်ယူနိုင်စေရန် စီစဉ်ထားပြီးလည်းဖြစ်ကြောင်း၊ အဝေးပြေးယာဉ်စီးခရီးသည်များအနေဖြင့် ဆန္ဒရှိပါကလည်း နှစ်ယူနစ် (စုစုပေါင်းအကာအကွယ် ကျပ်သန်း ၆၀ အထိ) လည်း ဝယ်ယူနိုင်ကြောင်း၊ ယင်းအထူးခရီးသွားအာမခံကို စင်းလုံးငှားယာဉ် (သို့မဟုတ်) ကိုယ်ပိုင်ယာဉ်ဖြင့် ခရီးသွားသူများအနေဖြင့်လည်း နှစ်ယူနစ်အထိ ဝယ်ယူခွင့်ရှိကြောင်း အာမခံလုပ်ငန်းကြီးကြပ်ရေးအဖွဲ့က ကြေညာထားသည်။

Internet Journal

အပြည့်အစုံသို့ »

Beats Electronics ကို ၃.၂ ဘီလီယံဒေါ်လာ ဖြင့် ၀ယ်ယူဖို့  APPLE ဆွေးနွေးနေ


Apple ကုမ္ပဏီဟာ နားကြပ်ထုတ်လုပ်ရေးလုပ်ငန်းတစ်ခုဖြစ်တဲ့ Beats Electronics ကို စံချိန်တင် ငွေကြေး ကန်ဒေါ်လာ ၃.၂ ဘီလီယံနဲ့ ဝယ်ယူဖို့ သဘောတူညီချက်ကို အဆုံးသတ်နိုင်တော့မှာ ဖြစ်တယ်လို့  သိရပါတယ်။

ပရိုဂျူဆာ Jimmy Lovine နဲ့ ဟစ်ဟော့ပ်ကြယ်ပွင့် Dr.Dre တို့ ပူးတွဲထူထောင်ခဲ့တဲ့ Beats Electronics ဟာ သူ့ ရဲ့ အရည်အသွေးမြင့် တစ်မူထူးခြားတဲ့ နားကြပ်တွေကြောင့် နာမည်ကျော်ပါတယ်။

ရက်အနည်းငယ်အတွင်းမှာ သဘောတူညီချက်ကို ထုတ်ပြန်သွားဖို့ ရှိတယ်လို့ သိရပြီး တကယ်လို့  ၀ယ်ယူဖြစ်ခဲ့မယ်ဆိုရင် Apple ကုမ္ပဏီ CEO Tim Cook ရဲ့ အကြီးမားဆုံးဝယ်ယူမှုလည်းဖြစ်လာမှာပါ။

အသံပိုင်းဆိုင်ရာပစ္စည်းလုပ်ငန်းအပြင် ၊ ဒီနှစ်မှာ စတင်လွှင့်ခဲ့တဲ့ Beats ရဲ့ online streaming ၀န်ဆောင်မှုကိုလည်း Apple က ရရှိမှာဖြစ်တယ်လို့ Financial Times အဆိုအရ သိရပါတယ်။

ဒီသဘောတူညီချက်နဲ့ ရင်းနှီးနီးစပ်သူတွေက Beats ရဲ့ အုပ်ချုပ်ရေးအဖွဲ့ ဟာ Mr.Cook ကို သတင်းပို့  လုပ်ဆောင်ရလိမ့်မယ်လို့ ပြောခဲ့ပါတယ်။

Apple နဲ့ Beats တို့ ကတော့ မှတ်ချက်ပေးဖို့ ငြင်းဆန်ခဲ့ပါတယ်။ ဒါပေမယ့်လည်း Tim Cook က လွန်ခဲ့တဲ့ ၁၈ လအတွင်း ကုမ္ပဏီ ၂၄ ခုကို ၀ယ်ယူခဲ့ပြီးပေမယ့် နောက်ထပ် ၀ယ်ယူမှုတွေလုပ်ဖို့ Apple က ချောင်းမြောင်းနေ တုန်းဖြစ်တယ်လို့ လွန်ခဲ့တဲ့လက ပြောကြားခဲ့ဖူးပါတယ်။

ဒီ ၀ယ်ယူမှုပေးချေငွေ ကန်ဒေါ်လာ ၃.၂ ဘီလီယံဟာ Apple သမိုင်းတစ်လျှောက် တခြားကုမ္ပဏီတစ်ခုကို ၀ယ်ယူတဲ့ ငွေကြေးတန်ဖိုးထဲမှာ အမြင့်ဆုံးဖြစ်လာနိုင်ပါတယ်။

စမတ်အိမ်မှုပစ္စည်းထုတ်လုပ်ရေး ကုမ္ပဏီ Nest Labs ကို ဒေါ်လာ ၃.၂ ဘီလီယံနဲ့ Google က ၀ယ်ယူရရှိခဲ့မှုအပြီး WhatsApp Messenger ကို ကြိုတင်ငွေ ၁၉ ဘီလီယံနဲ့ Facebook့  ကမ်းလှမ်းခဲ့မှုအပြီါ် ဆီလီကွန်တောင်ကြားရဲ့ တန်ဖိုးမြင့်ဝယ်ယူမှုတွေထဲမှာ Beats လည်း လိုက်ပါလာဖို့ ရှိနေပါတယ်။

Ref: Dailymail.co.uk
Trend myanmar

အပြည့်အစုံသို့ »

မြန်မာနိုင်ငံတွင် Western Union မှ ငွေလွှဲအေးဂျင့်နေရာပေါင်း ၄၆၀ထိ တိုးချဲ့ထား


သီဟကိုကို

ရန်ကုန်၊ မဇ္ဈိမ။ ။ နိုင်ငံတကာ ငွေလွှဲကုမ္ပဏီ Western Union နှင့် ပြည်တွင်းဘဏ် (၉)ခု ချိတ်ဆက်ကာ မြန်မာတစ်နိုင်ငံလုံးတွင် ငွေလွှဲအေးဂျင့်နေရာပေါင်း (၄၆၀)အထိ တိုးချဲ့ ၀န်ဆောင်မှုပေးနေသည် ဟု Western Union မှ တာဝန်ရှိသူများက ပြောသည်။

မေလ ၉ ရက်တွင် ပြုလုပ်သည့် Western Union ကုမ္ပဏီ၏ မြန်မာနိုင်ငံသို့ ရောက်ရှိသည့် ၁ နှစ်ပြည့် အခမ်းအနားတွင် ယင်းကဲ့သို့ ပြောကြားခြင်းဖြစ်သည်။

Western Union သည် ၂၀၁၃ ခုနှစ်တွင် နိုင်ငံတကာ ငွေလွှဲခြင်းလုပ်ငန်းများကို မြန်မာနိုင်ငံတွင် တရားဝင် ၀န်ဆောင်မှုလုပ်ငန်းများ စတင်ခဲ့ပြီး ပြည်တွင်ဘဏ်များနှင့် ချိတ်ဆက်ကာ
ငွေလွှဲအေးဂျင့် (၁၀၀) ကျော်နှင့် စတင်လုပ်ငန်းကိုင်ခဲ့သည်။

Western Union မှ အင်ဒိုချိုင်းနားနှင့် မြန်မာနိုင်ငံ၏ Regional Director Ms.Ly Nguyen က “ Western Union ဟာ မြန်မာကို ကမ္ဘာနဲ့ချိတ်ဆက်ပေးခြင်းဖြင့် အခွင့်အလမ်းကောင်းများနဲ့
လမ်းကြောင်းအသစ်များကို ဖန်တီးပေးနိုင်ဖို့ မျှော်လင့်ပါတယ်" ဟု ပြောသည်။

ယခုအချိန်တွင် မြန်မာနိုင်ငံ၏ ဆက်သွယ်ရေးအရ အခက်အခဲဆုံးနှင့် တောင်တန်းဒေသဖြစ်သည့် ချင်းပြည်နယ်ကို ငွေကြေးဆိုင်ရာ ၀န်ဆောင်မှု ရစေရန်အတွက် Western Union နှင့် သမ၀ါယမဘဏ်တို့ပူးပေါင်းကာ ၀န်ဆောင်မှုပေးသွားမည်ဖြစ်သည်။

နိုင်ငံတကာငွေလွဲခြင်းသည် နိုင်ငံခြားရောက်မြန်မာများနှင့် ယင်းတို့၏ မိသားစုများအတွက် လိုအပ်သည့် ၀န်ဆောင်မှုတစ်ခုဖြစ်ပြီး နိုင်ငံပေါင်း ၁၄၃နိုင်ငံမှ ပေးပို့သည့်ငွေကို Western Union မှ တစ်ဆင့် မြန်မာနိုင်ငံရှိ သုံးစွဲသူများ ရရှိနိုင်မည်ဟု Western Union မှ တာဝန်ရှိသူများက ပြောသည်။

မြန်မာနိုင်ငံရှိ Western Union ၏ အေးဂျင့်ဘဏ်များမှာ ဧရာဝတီဘဏ်၊ သမ၀ါယမဘဏ်၊ ပထမပုဂ္ဂလိကဘဏ်၊ ကမ္ဘောဇဘဏ်၊ မြန်မာ့ရှေ့ဆောင်ဘဏ်၊ Global
Treasure ဘဏ်၊ မြန်မာအရှေ့တိုင်းဘဏ်၊ ယူနိုင်တက်အမရာဘဏ်နှင့် ရိုးမဘဏ်တို့ ဖြစ်သည်။

Mizzima Burmese

အပြည့်အစုံသို့ »

PepsiCo ဈေးကွက်မြှင့်တင်ရန် စက်ရုံများ တိုးချဲ့မည်


မြန်မာဈေးကွက်တွင် စတင်ထုတ်လုပ်ဖြန့်ချိနေပြီဖြစ်သည် PepsiCo သည် ဈေးကွက်ပြိုင်ဆိုင်မှု မြှင့်တင် နိုင်ရန်အတွက် ရန်ကုန်နှင့် မန္တလေးမြို့တို့ရှိ စက်ရုံများကို တိုးချဲ့သွားမည်ဟု Lotte-MGS Beverage Co. ,Ltd (LMB) အစုရှယ်ယာ ၃၀ ရာခိုင်နှုန်း ပိုင်ဆိုင်ထားသည့် ဦးသိန်းထွန်းက ပြောသည်။

“ဒီနှစ်ထဲမှာတော့ စက်ရုံထပ်ဆောက်ဖို့မရှိဘူး။ ဒါပေမဲ့ လက်ရှိစက်ရုံရဲ့ ထုတ်လုပ်မှုပမာဏကို မြှင့်တင် မှာပါ။ ဈေးကွက်ထဲမှာ Coca-Cola ကလည်း အရင်ရှိနေတယ်။ ပြည်တွင်းအချိုရည်တွေကလည်း ပိုပြီးတိုး တက်လာတယ်ဆိုတော့ ကျွန်တော်တို့ ပိုကြိုးစားရမှာပါ”ဟု ၄င်းက ပြောသည်။

မြန်မာဈေးကွက်တွင် Pepsi-Cola, 7-Up, Marinda တို့ကို ထုတ်လုပ်ရောင်းချရန်အတွက် တောင်ကိုရီးယား အခြေစိုက် Lotte Chilsung Beverage Co.,Ltd နှင့် မြန်မာကုမ္ပဏီတစ်ခုဖြစ်သော Myanmar Golden Beverage Co.,Ltd(MGS) တို့သည် ယခုနှစ် ဇန်န၀ါရီလအတွင်းက ထုတ်ပြန်ကြေညာခဲ့ပြီး လက်ရှိအချိန်တွင် Pepsi-Cola ပုလင်း၊ သံဘူးနှင့် ပလတ်စတစ်ဘူးကြီးများ ထုတ်လုပ်ရောင်းချနေပြီဖြစ် သည်။

LMB သည် 7-Up, Marinda ပုလင်း၊ သံဘူးနှင့် ပလတ်စတစ်ဘူးကြီးများကိုလည်း ထပ်မံထုတ်လုပ် ရောင်းချသွားမည်ဖြစ်ပြီး ဈေးကွက်ဝေစု ပိုမိုတိုးတက်ရရှိအောင်လည်း ဆောင်ရွက်သွားမည်ဟု ဦးသိန်း ထွန်းက ဆက်လက်ပြောကြားသည်။

Lotte-MGS Beverage Co.,Ltd (LMB) ကို Lotte Chilsung Beverage Co.,Ltd က အစုရှယ်ယာ ၇၀ ရာခိုင်နှုန်း၊ ကျန်အစုရှယ်ယာ ၃၀ ရာခိုင်နှုန်းကို မြန်မာ MGS ကုမ္ပဏီက ပိုင်ဆိုင်ပြီး မြန်မာနိုင်ငံအတွင်း PepsiCo ကုန်ပစ္စည်းများ ထုတ်လုပ်ဖြန့်ဖြူး ရောင်းချခြင်းလုပ်ငန်းများ ဆောင်ရွက်ရန်အတွက် အမေရိကန် ဒေါ်လာ ၈၁ သန်း ရင်းနှီးမြှုပ်နှံမည်ဟု ထုတ်ပြန်ကြေညာထားသည်။

မြန်မာနိုင်ငံ၏ နိုင်ငံရေးအခြေအနေနှင့် လူ့အခွင့်အရေးချိုးဖောက်မှုတို့ကြောင့် ၁၉၉၄ ခုနှစ်ကတည်းက မြန်မာဈေးကွက်မှ ပြန်လည်ဆုတ်ခွာခဲ့သည့် PepsiCo သည် ၂၀၁၂ ခုနှစ်တွင် ပြန်လည်ဝင်ရောက်လာ ခဲ့ခြင်း ဖြစ်သည်။

ပြန်လည်ဝင်ရောက်ချိန်တွင် မြန်မာကုမ္ပဏီတစ်ခုဖြစ်သော ဒိုင်းမွန်းစတားကုမ္ပဏီကို ဖြန့်ချိရေး ကိုယ်စားလှယ် ပေးအပ်ခဲ့ပြီး ဗီယက်နမ်နိုင်ငံမှ တင်သွင်းဖြန့်ချိခဲ့ကာ မြန်မာ-ထိုင်းနယ်စပ်မှဝင်ရောက်နေသည့် PepsiCo အချိုရည်များနှင့် ဈေးနှုန်းချင်း မယှဉ်ပြိုင်နိုင်ခြင်းကြောင့် ၂၀၁၃ ခုနှစ် အောက်တိုဘာလတွင် တင် သွင်း ဖြန့်ချိမှုရပ်ဆိုင်းခဲ့သည်။

PepsiCo အချိုရည်များ ထုတ်လုပ်ဖြန့်ချိရန် ပူးပေါင်းထားသည့် MGS ကုမ္ပဏီသည် ၁၉၉၀ ကျော်နှစ်များ ကတည်းက PepsiCo အချိုရည်များကို အကျိုးတူ ထုတ်လုပ်ဖြန့်ချိခဲ့ဖူးသည်။

အခြားတစ်ဖက်လည်း Coca-Cola သည် မြန်မာဈေးကွက်တွင် ဦးဆောင်သူတစ်ဦးအဖြစ် ရောက်ရှိနေပြီ ဖြစ်သည်။ Pinya Manufacturing Co Ltd နှင့် အကျိုးတူပူးပေါင်းထားသည့် Coca-Cola ကလည်း ကုန် ပစ္စည်းတိုးမြှင့်ထုတ်လုပ်နိုင်ရန်အတွက် စက်ရုံများကို ယမန်နှစ်ကတည်းက စတင်တိုးချဲ့ခဲ့ကြောင်း Pinya Manufacturing မှ Commercial Director ဦးအောင်ဝင်းက ပြောသည်။

Mizzima Burmese

အပြည့်အစုံသို့ »

မြန်မာ့ သစ်အလုံးလိုက်တင်ပို့မှု ၃ လ ခန့် ခွင့်ပြုပေးရန် ပါကစ္စတန် တောင်းဆို


မြန်မာဘက်က နိုင်ငံခြားကို သစ်အလုံးလိုက် တင်ပို့မှု လုံးဝရပ်ဆိုင်းထားတာကို ၃ လလောက် ရွှေ့ဆိုင်းပေးဖို့ ပါကစ္စတန်နိုင်ငံ ကရာချိမြို့ ကုန်သည်များနဲ့ စက်မှုလုပ်ငန်းရှင်များ အသင်းချုပ် (ကေစီစီအိုင်) ဥက္ကဋ္ဌ အဗ္ဗဒူဇာဂလီက မေတ္တာရပ်ခံခဲ့တယ်လို့ ပါကစ္စတန် အခြေစိုက် ဘစ္စနက် ရီကော်ဒါ သတင်းဌာနက ဖော်ပြပါတယ်။

လွန်ခဲ့တဲ့ နှစ်ပေါင်း ၅၀ လောက်အတွင်း ပါကစ္စတန်နိုင်ငံ သစ်ကုန်သည်တွေဟာ မြန်မာနိုင်ငံကနေ အဓိကလိုအပ်ချက်ဖြစ်တဲ့ သစ်ကုန်ကြမ်းတွေ တင်သွင်းခဲ့ကြောင်း၊ မြန်မာအစိုးရက ၂၀၁၄ ဧပြီလက စပြီး  သစ်အလုံးလိုက်တင်ပို့မှု ရပ်ဆိုင်းလိုက်တဲ့အတွက် သူတို့ အနေနဲ့ အခက်အခဲကြုံရတယ်လို့ ဆိုပါတယ်။

ဒါကြောင့် သစ်အလုံးလိုက် ၃ လ လောက် ဆက်ပြီး တင်ပို့ခွင့်ပေးပါ ဆိုပြီး သမ္မတ ဦးသိန်းစိန်၊ မြန်မာနိုင်ငံဆိုင်ရာ ပါကစ္စတန်သံရုံးနဲ့ သက်ဆိုင်သူတွေဆီ စာရေးသားပေးပို့ အကြောင်းကြားခဲ့တယ်လို့ သတင်းမှာ ဖော်ပြထားပါတယ်။

မြန်မာနိုင်ငံ အစိုးရဟာ သစ်အလုံးလိုက် တင်ပို့မှုကို ပိတ်ပင်လိုက်ပေမယ့် အချောထည် တင်ပို့မှုတွေကိုတော့ ဆက်ပြီး ခွင့်ပြုပေးသွားမယ်လို့ ကြေညာထားပါတယ်။

DVB Burmese

အပြည့်အစုံသို့ »

ကားစ်ဗတ်ဂ်ျ(Carlsberg)ဘီယာ ပြည်တွင်းထုတ်လုပ်မှု အောက်တိုဘာတွင် စတင်မည်


Written by ထင်လင်းအောင်

နိုင်ငံတကာအဆင့် နာမည်ရအမှတ် တံဆိပ်ဘီယာတစ်မျိုးဖြစ်သော ကားစ်ဗတ်ဂ်ျ (Carlsberg) ဘီယာကို မြန်မာနိုင်ငံတွင် ယခု ၂၀၁၄ အောက်တိုဘာလမှစတင်ကာ စတင်ထုတ်လုပ်တော့မည် ဖြစ်သည်ဟု Carlsberg ကုမ္ပဏီနှင့် အကျိုးတူပူးပေါင်းလိုက်သည့် Myanmar Golden Star (MGS) ကုမ္ပဏီ ဥက္ကဋ္ဌ ဦးသိန်းထွန်းက မဇ်္ဈိမကို မေ ၆ ရက်က ထုတ်ဖော်ပြောကြား လိုက်သည်။

ထိုသို့ ကားစ်ဗတ်ဂ်ျ Carlsberg ဘီယာ အနေဖြင့် ပြည်တွင်း၌ထုတ်လုပ်ရာတွင် ပုလင်းနှင့် သံဘူးများဖြင့် ခြေလှမ်းစတင် မည်ဖြစ်သော်လည်း ဃမျေူနြမါ စည်ဘီ ယာ အဆင့်အထိ ထုတ်လုပ်သွားမည်ဖြစ်ကာ ပုလင်းနှင့် သံဘူးများကို ပြည်ပဈေးကွက်သို့တင်ပို့နိုင်သည့်အထိ ဆောင်ရွက်သွားမည်ဟု ဆက်လက်ပြော သည်။

ဦးသိန်းထွန်းက “ ဈေးကွက်ထဲကို တော့ပုလင်း ၊ သံဗူးတွေအနေနဲ့စပြီးဖြန့်သွားမှာဖြစ်ပေမယ့် စည်ဘီယာ အဆင့်အထိ လုပ်သွားမှာပါ။ ဒါကိုလဲ ဒီနှစ် အောက်တိုဘာမှာစပြီး ထုတ်လုပ်သွား နိုင်အောင် လုပ်နေပါ တယ်”ဟု ပြောသည်။

လက်ရှိ ပြည်တွင်း စည်ဘီယာဈေးကွက်တွင်Myanmar Brewery Co,Ltd မှထုတ်လုပ်သော မြန်မာဘီယာ က ဈေး ကွက်ဝေစုအများဆုံးရရှိထားခြင်းဖြစ်သည့်အပြင် နိုင်ငံခြားဖြစ်ဘီယာများလည်း တင်သွင်းမှုများရှိ နေရာ ဈေးကွက်ယှဉ်ပြိုင် မှုပိုင်းကိုမူ များစွာလုပ်ဆောင်ရမည်ဖြစ်သည်ဟု ထပ်မံပြောသည်။

ထို့အပြင် စည်ဘီယာရောင်းချသည့် အရောင်းဆိုင်များအနေဖြင့် ထုတ်လုပ်သည့် ကုမ္ပဏီနှင့် သက်တမ်း ကာလတစ်ခု စာချုပ်ချုပ်ဆိုရသည့် ပြည်တွင်းစည်းကမ်း သတ်မှတ်မှုများရှိနေရာ ဈေးကွက်ရရှိရေးတွင် ရုန်းကန်ရမည့်အနေအထားတွင် လည်းရှိနေသည်ဟု ဆိုသည်။

ဆက်လက်၍ ဦးသိန်းထွန်းက “ ပြည်တွင်းမှာလည်း စည်ဘီယာတွေရှိနေသလို သွင်းကုန်တွေလည်း ရှိနေတော့ ဈေးကွက် ရရှိဖို့အတွက် ကြိုးစားရမှာပါ။ ဒါပေမဲ့ အကောင်းဆုံးတော့ကြိုးစားပြီးလုပ်သွားမှာ ဖြစ်ပါတယ်” ဟုပြောကြားသွားသည်။

Carlsberg ကုမ်္ပဏီအုပ်စုမှ ၅၁ ရာခိုင်နှုန်းနှင့် MGS ကုမ္ပဏီအုပ်စုမှ ၄၉ ရာခိုင်နှုန်း အကျိုးတူရှယ်ယာပိုင် ဆိုင်မှုဖြင့် တည်ထောင်ထားသည့်MGS Carlsberg ကုမ္ပဏီသည် နှစ်ဖက်အကျိုးတူပူးပေါင်းခြင်း ကို ၂၀၁၄ ဖေဖော်ဝါရီ ၁ ရက်က သတင်း ထုတ်ပြန်ခဲ့ကာ အမေရိကန်ဒေါ်လာ ၃၅သန်းမှ သန်း ၅၀ အထိ ရင်းနှီးမြှုပ် နှံသွားမည်ဖြစ်ကြောင်း သတင်းထုတ်ပြန်ထားခဲ့သည်။

မြန်မာနိုင်ငံ၏ လူသိများသောကုန် ပစ္စည်းအမှတ်တံဆိပ်တစ်ခုဖြစ်သော Carlsberg အမှတ်တံဆိပ်ဘီယာ သည် ဒိန်းမတ် နိုင်ငံ ကိုပင်ဟေဂင်မြို့ အခြေစိုက်ကမာ်္ဘ့ စတုတ်္ထအကြီးဆုံးဘီယာအုပ်စုဖြစ်ကာ မြန်မာနိုင် ငံတွင် ထုတ်လုပ်မည့်Carlsberg ကုမ်္ပဏီကိုမူ ပဲခူးစက်မှုဇုန်တွင် တည်ဆောက်ထားခြင်း ဖြစ်သည်။

Carlsberg အုပ်စုနှင့် အကျိုးတူပူး ပေါင်းလိုက်သည့် MGS ကုမ္ပဏီသည် အချို ရည်နှင့် အဖျော်ယမကာများ ထုတ်လုပ် ရောင်းချနေသော ကုမ္ပဏီတစ်ခုဖြစ်ပြီးလက်ရှိတွင် ကမ္ဘာ့နာမည်ရအမှတ်တံဆိပ် PEPSI အချို ရည်ကုမ္ပဏီဖြစ်သော PEPSICO နှင့် လည်းပူးပေါင်းကာ ပြည်တွင်းထုတ်လုပ်မှုများကို လုပ်ကိုင်နေလျက်ရှိ သည်။

Mizzima Burmese

အပြည့်အစုံသို့ »

ဧရာဝတီဘဏ် အွန်လိုင်းဘဏ်စနစ် မကြာခင်စတင်မည်ဟု ဆို


နိုင်ငံတကာ Visa Card ကို မိတ်ဆက်အပြီး တစ်လအကြာမှာတော့ မြန်မာနိုင်ငံရဲ့ ပထမဆုံးဖြစ်မယ့် Internet Banking ကို ဧရာဝတီဘဏ်က မကြာခင် သုံးစွဲတော့မယ်လို့ မေလ ၇ရက်နေ့မှာ ပြောဆိုလိုက်ပါပြီ။ အင်တာနက် အသုံးများလာမယ့် အချိန်မှာ အွန်လိုင်းဘဏ် အလုပ်ဖြစ်ပါ့မလား။

မြန်မာနိုင်ငံဟာ ဘဏ်နဲ့ချိတ်ဆက်ပြီး လုပ်ငန်းလုပ်ကိုင်တာ အားနည်းတာကြောင့် ဘဏ်လုပ်ငန်းအပြင် အင်တာနက်ဘဏ်စနစ်ကို လူထုကြားမှာ CSR သဘောမျိုး မျှဝေသွားဖို့ရှိတယ်လို့ ဧရာဝတီဘဏ်က ဆိုပါတယ်။ ၂၄နာရီပတ်လုံး ငွေလွှဲငွေထုတ်နဲ့ ငွေပေးချေမှုတွေကို လုပ်ဆောင်နိုင်မယ်လို့ ဦးဖြိုးအောင်က ဆိုပါတယ်။

Visa ကတ်တွေမိတ်ဆက်ချိန်တုန်းက ဦးဇော်ဇော်က ဧရာဝတီဘဏ်အနေနဲ့ ပထမဆုံး အွန်လိုင်းဘဏ်ကို လုပ်မယ်လို့လည်း ပြောခဲ့ဖူးပါတယ်။ ကွန်ပျူတာနဲ့ ဖုန်းတွေကနေ ဘဏ်စာရင်းကို ချိတ်ဆက်ပြီး လုပ်ကိုင်ဖို့ ဗဟိုဘဏ်မှာ စမ်းသပ်တင်ပြချက် အောင်မြင်ခဲ့လို့ ဒုတိယအကြိမ် Presentation ပြီးရင်တော့ မကြာခင် မိတ်ဆက်တော့မယ်လို့ ဆိုပါတယ်။

လုံခြုံရေးစနစ်ကိုလည်း OTP လို့ခေးတဲ့ ကုတ်နံပတ်ပါတဲ့ Data အပြင် Two Factor Numerical Authentication အသုံးပြုထားတာကြောင့် လုံခြုံမှုအပြည့်ရှိပြီး ပွင့်လင်းမြင်သာမှုရှိတဲ့ ငွေပေးငွေချေ စနစ်ကြောင့် ခြစားမှုကိုလည်း လျှော့ချနိုင်သလို e-Government အတွက်လည်း ထိရောက်တယ်လို့ ဆိုပါတယ်။

Kamayut Media

အပြည့်အစုံသို့ »