စိတ်ဝင်စားသည့်သတင်းအား နှိပ်၍ ဖတ်ရှုပါ။
• ရာဇာမင်း ယဉ်တိမ်းမှောက်မှု လက်ရှိ အခြေအနေ ဓာတ်ပုံများ
• မိုးရွာသွန်းမှုကြောင့် လမ်းချော်ကာ ယာဉ်မတော်တဆမှုဖြစ်ပွားခြင်းဖြစ်နိုင်ဟု ယူဆကြောင်း ဆို
• ရာဇာမင်း ကားမှောက်သည့် သတင်း လက်ရှိ အခြေအနေနှင့် ဓာတ်ပုံများ
• မွေးကင်းစသားငယ် အလောင်းကို ပွေ့ပိုက်ပြီး အချိန်ကုန်နေတဲ့ Macaque မျောက်မကြီး
• Emergency contraception (2) အရေးပေါ်တားဆေးတွေရဲ့ ဘေးထွက်-ဆိုးကျိုးများ
• ရာဇာမင်း ယာဉ်တိုက်မှုတချို့နဲ့ ဓါးပြတိုက်မှုစုစည်းတင်ပြထားပါတယ်။
• လူကို ရှိရင်းစွဲအသက်ထက် ရုပ်ပိုရင့်စေတဲ့ အစားအသောက် (၇)မျိုး
• အမှားမပြင် နောင်မကြဉ်သည့် မြန်မာလက်နက်ဘုရင်
• ကျောင်းသူတွေကို ဘိုကိုဟာရမ် ဗီဒီယိုမှာ ဖော်ပြ
• UKမှာ ကျင်းပတဲ့ ပထမဆုံးအကြိမ် အ၀တ်မပါ ဗလာ ပင်ပေါင်ရိုက်ပြိုင်ပွဲ
• အိမ်အပြန်မှာ အုပ်စုဖွဲ့ အဓမ္မပြုကျင့်ခြင်း ခံရသူ
• ဘီးပေါက်လျှင် တိမ်းမမှောက်စေဖို့
• ရန်ကုန်-နေပြည်တော် အမြန်လမ်း (၁၉၇)မိုင်တွင် ရာဇာမင်း ခရီးသည်တင်ယာဉ် မီးရထားခုံးကျော်တံတားအောက်ထိုးကျ၊ ယာဉ်ပေါ်ပါသည့် ခရီးသည် (၁၄) ဦး သေဆုံးကာ (၃၀) ဦး ဒဏ်ရာရ (ရုပ်သံ)
• နေပြည်တော်-ရန်ကုန် ရာဇာမင်း ခရီးသည်တင်ယာဉ် အမြန်လမ်း ၁၉၇ မိုင်တွင် တံတားပေါ်မှ ထိုးကျပြီး ယာဉ်ပေါ်ပါ ခရီးသည် ၁၄ ဦး သေဆုံးကာ ၃၀ ဦး ဒဏ်ရာရ
• Facebook နဲ့ ပတ်သက်ပြီး သင်မသိသေးတဲ့ အချက်အလက် (၈) ချက်
• ရာဇာမင်းမှန်လုံယာဉ် အရှိန်လွန် အမြန်လမ်းပေါ်မှ ရထားလမ်းပေါ် ထိုးကျတိမ်းမှောက်၍ ခရီးသည် ၁၄ ဦးသေဆုံး
• အမြန်လမ်း ၌ ရာဇာမင်း ယာဉ် တိမ်းမှောက်၊ လူ ၁၄ဦးသေဆုံး ၃၀ ကျော် ဒဏ်ရာရ
• ဘွားဘွားလှလှလေးက ဘယ်သူလဲ…..
• ပရိတ်ကြိုးကို ဆွဲဖြုတ်ပြီး ၀င်ပူးတဲ့ ကမ္ဘာအေးက ဒေါ်အေးသင်(ပရလောက ဖြစ်ရပ်မှန်)
• မိခင်များနေ့မှာ လက်ကလေး ချိတ်ပြီး မွေးဖွားလာတဲ့ အမြွာပူး။
• မူးယစ်ဆေးဝါးပါတဲ့ ဆပ်ပြာတုံးများ
• မကောင်းမှု၏ရလာဘ် (ဖတ်ဖြစ်အောင် ဖတ်ပါ)
• မင်္ဂလာဆောင်ပြီးအပြန် သတို့သား ကားမှောက်သေဆုံး
• ဘာများ ဖြစ်သွားမှာမို့လို့လဲကွယ်
• ပြည်သူ့ရင်ပြင်မှာ အမျိုးသမီးတွေစုပြီး အဝတ်တန်းရှည်ကြီး ဘာအတွက် ဖန်တီးခဲ့လဲ
• မြန်မာနိုင်ငံ၏ ပထမဦးဆုံး လိင်တူချစ်သူ ဓာတ်ပုံပြိုင်ပွဲ ပြုလုပ်
• ခိုးပြေးတော့မယ့် စိုင်းစိုင်းခမ်းလှိုင်

အပြည့်အစုံသို့ »

“ကို...ရောဟင်...” ဟု ခုတင်ပေါ်မှ တောင့်တောင့်ကြီး ဆန့်နေရသည့် အသက် ၃၂ နှစ်အရွယ် အမျိုးသမီးက မပွင့်တပွင့် လေသံဖြင့် ခပ်တိုးတိုးလေး မေးရှာသည်။

သူမ၏ မျက်နှာအနှံ့တွင် ပွန်းရှထားသည့် ဒဏ်ရာဒဏ်ချက်တို့က ပြည့်လုနီးပါး။ မေးစေ့တစ်ခုလုံးမှာ မိုးကျ သပြေသီးပမာ ညိုပြောင်ပြောင် အရောင်တောက်နေသည်။ ပြင်းထန်သော အတွင်းပိုင်း ဒဏ်ရာတို့ကို သူမက ခေတ္တမေ့ထားဟန် တူသော်လည်း ဦးခေါင်း အနည်းငယ် စောင်းရုံဖြင့် သူမထံမှ အော်ညည်းသံ ထွက်လာသည်။

အော်ညည်းသံကြားမှပင် မေလ ၁၂ ညနေပိုင်းက နေပြည်တော်-ရန်ကုန်သွား ရာဇာမင်း အဝေးပြေးကားပေါ်မှ သူမနှင့် ပူးတွဲထိုင်လိုက်လာသော ခင်ပွန်းကို သူမက မေးခြင်းဖြစ်သည်။

Add caption

အထိတ်တလန့်ဖြစ်ဖွယ် မော်တော်ယာဉ် တိမ်းမှောက်မှုများ မကြာခဏ ဖြစ်ပွားနေသော ရန်ကုန်- မန္တလေး အမြန်လမ်းမပေါ်တွင် အကျွတ်အလွတ်ပွဲ ကျင်းပအပြီး တစ်ရက်ခန့်အကြာ မေလ ၁၂ ရက်နေ့ ညနေ ၆ နာရီက နေပြည်တော်မှ ရန်ကုန်သို့ ထွက်ခွာသွားသော ရာဇာမင်း ခရီးသည်တင်ယာဉ်မှာ အမြန်လမ်းတွင် တိမ်းမှောက်မှု ဖြစ်ပွားခဲ့ရာ ခရီးသည် ၁၄ ဦးသေဆုံးပြီး ကျန်ရှိ ခရီးသည် ၃၀ ကျော် ဒဏ်ရာရရှိခဲ့သည်။ သေဆုံးသူ ၁၄ ဦးတွင် သူမ၏ ခင်ပွန်းသည်လည်း တစ်ဦးအပါအဝင် ဖြစ်သည်။ ယခုနှစ်အတွင်း လူ ၁၀ ဦးထက်မနည်း သေဆုံးခဲ့သော ဒုတိယမြောက် အမြန်လမ်း ယာဉ်တိမ်းမှောက်မှုလည်း ဖြစ်သည်။

အမြန်လမ်း ၁၁၆ မိုင်တွင် ဧပြီလ ၁၂ ရက် ည ၂ နာရီခွဲအချိန် ဖြစ်ပွားခဲ့သော အဝေးပြေးယာဉ်နှင့် မတ်တူးယာဉ် တိုက်မိအပြီး ၁၃ ဦး သေဆုံးပြီးနောက် တစ်လခန့်အကြာ ရာဇာမင်း ယာဉ်တိုက်မှု ထပ်ဖြစ်ပွားခြင်း ဖြစ်သည်။
“ဟိုဘက်အဆောင်မှာပါ။ ညီမလေး စိတ်မပူနဲ့နော်” ဟု ရာဇာမင်းယာဉ်ပေါ်ပါ ခင်ပွန်းသည်အကြောင်း မေးနေသူကို လူနာစောင့် အမျိုးသမီးက ပြန်အဖြေ ပေးလိုက်သည်။

သို့သော် ဘေးမှ လူနာသတင်းမေးများကို မြင်သာရန် လူနာစောင့်က မျက်လုံးတစ်ဖက် မှိတ်ပြလိုက်သည်။ ထိုလူနာစောင့်၏ မျက်နှာက တစ်ချက်တစ်ချက် ငိုမဲ့မဲ့။ ဆုံးပါးသွားသူ ခင်ပွန်း ရှိနေသေးကြောင်း လိမ်နေရသည့်အပြင် မချိတင်ကဲ ပြုံးရသည့် အလုပ်ကိုပါ လူနာစောင့်က ပူးတွဲလုပ်နေရသည်။
“ဘာမှမဖြစ်ဘူးနော်။ ကောင်းသွားကြမှာပါ” ဟူသော အားပေး စကားလုံးတို့က သွေးညီနံ့၊ သွေးပုပ်နံ့တို့က ပျံ့နှံ့နေသော ခွဲစိတ်ဆောင်အမှတ် (၁) နှင့်(၂) တို့တွင် ရောပြွမ်းနေ၏။

တိမ်းမှောက်သွားသော ရာဇာမင်း ယာဉ်သည် ညနေ ၆ နာရီ ၄၅ ဝန်းကျင်၌ ရန်ကုန်-မန္တလေး အမြန်လမ်း၊ မိုင်တိုင်အမှတ် ၁၉၇ မိုင်ဝန်းကျင်ရှိ တံတားပေါ် အတက်တွင် လမ်းချော်၍ ချောက်အတွင်း ပြုတ်ကျခြင်း ဖြစ်ကြောင်း ယင်းကားမှောက်သည်ကို ဝင်ရောက်ကူညီ ကယ်ဆယ်ခဲ့သည့် မကွေးမြို့မှ ရန်ကုန်မြို့သို့ အမြန်လမ်းမှ ပြန်လာသူ ဦးစိုးမင်းလွင်က ပြောကြားသည်။

ဦးစိုးမင်းလွင်မှာ ထိုးကျသွားသော ယာဉ်ပေါ်မှ ခရီးသည်များကို ပထမဆုံး ကူညီခဲ့သူ။

အခြား ယာဉ်တိမ်းမှောက်၊ တိုက်မှုများကဲ့သို့ပင် အမြန်လမ်း သမိုင်းတစ်လျှောက် လူအများဆုံး သေဆုံးခဲ့သော ယခုယာဉ်တိုက်မှုကိုလည်း လူ့အပြစ်လော၊ လမ်းအပြစ်လော အငြင်းပွားကြဦးမည်။ လမ်းအပြစ် ဖြစ်ကြောင်း ပြောသူတို့တွင်လည်း သက်သေများရှိသည်။

လမ်းတည်ဆောက်မှုအတွက် ကျွမ်းကျင် ပညာရှင်များကို အသုံးပြု၍ အမှန်တကယ် အရည်အသွေး ပြည့်ဝသည့် ဆောက်လုပ်ရေး လုပ်ငန်းသုံး ပစ္စည်းများကို အသုံးပြုခဲ့ကြောင်း သေချာသည့် သက်သေသာဓက မတွေ့ရသေးကြောင်း လမ်းပိုင်းဆိုင်ရာ အင်ဂျင်နီယာ တစ်ဦးအဖြစ် ၁၅ နှစ်နီးပါး လုပ်သက်ရှိသူ တောင်ငူမြို့ခံ အင်ဂျင်နီယာတစ်ဦးက သုံးသပ်ပြောဆိုသည်။

“ကွန်ကရစ်လမ်း ခင်းမယ်ဆိုရင် အောက်ခံမြေသားက အနည်းဆုံး အသားသေလောက်တဲ့  အတိုင်းအတာ ပမာဏလောက် ထားရှိရပါမယ်။ ဒါပေမဲ့ အမြန်လမ်းမကြီးက နှစ်တိုတိုအတွင်း ပြီးစီးပြီး နှစ်တိုတို အတွင်းမှာပဲ ဖြတ်သန်း သွားလာခွင့် ပြုခဲ့တာကို ကျွန်တော် ဘယ်လိုမှ စဉ်းစားလို့ မရပါဘူး” ဟု ၎င်းက ထပ်လောင်းပြောဆိုသည်။

ယခုနှစ် သင်္ကြန်လေးရက်တာ ကာလအတွင်းမှာပင် အဆိုပါ အမြန်လမ်းမကြီးပေါ်၌ ယာဉ်မတော်မဆ ဖြစ်ပွားမှုပေါင်း ၂၂ ခု ဖြစ်ပွားခဲ့ပြီး လူသေဆုံးမှု ၁၆ ဦး အထိရှိခဲ့ကာ လူပေါင်း ၄၃ ဦး ထိခိုက်ဒဏ်ရာ ရရှိခဲ့ကြောင်း သက်ဆိုင်ရာ၏ ပြောဆိုချက်ကို ထောက်ရှုပါက အမြန်လမ်း၏ အနေအထားမှာ စိုးရွံ့စရာပင်။

ထိုနည်းတူ ယာဉ်မောင်းအပြစ် (လူ့အပြစ်) ဟုဆိုရန်လည်း အကြောင်းခြင်းရာများ ရှိနေသည်။

မေလ ၁၂ ရက်နေ့ ညနေ ၆ နာရီတွင် နေပြည်တော် မြို့မဈေးကားဂိတ်မှ ထွက်ခဲ့သော ရာဇာမင်းကားသည် နေပြည်တော် စစ်ဆေးရေးဂိတ်အထွက် ရန်ကုန်-နေပြည်တော်-မန္တလေး အမြန်လမ်းပေါ် စရောက်ကတည်းကပင် ဘယ်ညာယိမ်းနေပြီဟု ခရီးသည်အဖြစ် လိုက်ပါသွားသည့် အစိုးရဝန်ထမ်း အမျိုးသမီးက ဆိုသည်။
“မြန်တာကလည်း မြန်တယ်။ ထိန်းမရဖြစ်တာ သိသာတယ်” ဟု ၎င်းက ခုတင်ပေါ်မှ ပက်လက် အနေအထားဖြင့် ပြောသည်။

ကားပေါ်လိုက်ပါခဲ့သည့် မန္တလေးမြို့နေ အသက် ၄၅ နှစ်အရွယ် အမျိုးသားတစ်ဦးကမူ ကားမောင်းသူမှာ မူမမှန်ဟု ပြောသည်။
“ကားမောင်းတဲ့သူက မူးနေတာလေကွာ” ဟု ဘယ်လက်မောင်းရိုးနှင့် နံရိုးနှစ်ချောင်း ကျိုးသွားသောသူက မကျေနပ်သော လေသံဖြင့် ဆိုသည်။

ကားမှောက်ရခြင်းမှာ လမ်းချောနေသဖြင့်ဟု ပြောဆိုနေသော်လည်း အခင်းဖြစ်ပွားပြီး မကြာမီ အဆိုပါ နေရာသို့ ရောက်သွားချိန်တွင် လမ်းမှာ ခြောက်နေပြီ ဖြစ်ကြောင်း ပဲခူးတိုင်းဒေသကြီး ကွန်ပျုတာ လုပ်ငန်းရှင်များအသင်း ဥက္ကဋ္ဌ ဒေါက်တာဦးဘဆွေက ပြောကြားခဲ့သည်။
“ဒီတော့ လူအမှားတွေလည်း မကင်းဘူးလို့ ပြောရမှာပါ” ဟု ၎င်းကဆိုသည်။

လူအပြစ်လည်း ဖြစ်ကောင်း ဖြစ်နိုင်သည်။ လမ်းအပြစ်လည်း ဖြစ်ကောင်း ဖြစ်နိုင်သည်။ နှစ်ခုစလုံးလည်း ဖြစ်ကောင်း ဖြစ်နိုင်သည်။

ယင်းကြောင့်ပင် အမြန်လမ်း ရဲတပ်ဖွဲ့မှူး ရဲမှူးကြီး ဦးနေဝင်းက ယာဉ်မတော်တဆမှုများသည်  ကားကြံ့ခိုင်ရေး ကောင်းမွန်ခြင်း မရှိသည့် အမှားများ ရှိသကဲ့သို လူသားအမှားကြောင့် အများဆုံး  ဖြစ်ပွားရခြင်းကြောင့် အမြန်လမ်းမကြီး တစ်လျှောက်ရှိ အချို့လမ်းပိုင်း နေရာများသည် တစ်ဖြောင့်တည်းရှိပြီး အကွေ့အကောက် နည်းပါးသောကြောင့် ယာဉ်မောင်းများအနေဖြင့် ဂရုစိုက် မောင်းနှင်ရန် လိုအပ်ကြောင်း သတိပေး ပြောဆိုထားသည်။

ယာဉ်တိုက်၊ တိမ်းမှောက်မှုများ များပြားလာကတည်းက အမြန်လမ်းမကြီး ပုံမှန်ပြင်ဆင် ထိန်းသိမ်းရေး လုပ်ငန်းများ လုပ်ဆောင်လျက် ရှိကြောင်း ရန်ကုန်-မန္တလေး အမြန်လမ်းမကြီး ထိန်းသိမ်းကွပ်ကဲမှုရုံးမှ အထက်မြန်မာပြည် အင်ဂျင်နီယာမှူး ဦးပြည်ဖြိုးဆယ်က ပြောကြားသည်။

“ရာဇာမင်း ယာဉ်တိမ်းမှောက်မှုမှာ ယာဉ်မောင်းအနေနဲ့ ပေါ့ဆမှုလေးတွေကို တွေ့ရှိထားပြီး ဖြစ်ပါတယ်” ဟု ၎င်းကဆိုသည်။

ရာဇာမင်း ယာဉ်တိုက်မှုဖြစ်စဉ်တွင် ၄၄ ဦးအနက် ၁၄ ဦး ဆုံးပါးသွားခဲ့ပြီး ကျန်ရှိသူများမှာ အနည်းနှင့်အများ ဒဏ်ရာရကြသည်။ အားလုံး နေပြည်တော် ခုတင် ၁၀၀၀ ဆေးရုံတွင်။

နံရိုးကျိုးခြင်း၊ အရိုးအက်ခြင်း၊ ခေါင်းကွဲခြင်း၊ ခါးမလှုပ်နိုင်ခြင်း၊ မျက်နှာဖူးရောင်ခြင်းနှင့် မမြင်နိုင်သည့် ကိုယ်တွင်းပိုင်း ဝေဒနာတို့က အသက်ရှင် ကျန်ခဲ့သူတိုင်းတွင် ဖြစ်နေဆဲ။ ထူးခြားသည်မှာ ခေါင်းကွဲ၊ ခြေပေါက်ဒဏ်ရာတို့က သုံးမြှောင့်ပါ စကေဘာခေါ် အချွန်လက်နက်ဖြင့်  ထိုးခံရသကဲ့သို့ ဖြစ်နေသည်။ (ဥပမာ-မာစီဒီးကားတံဆိပ်နှင့် ခပ်ဆင်ဆင်တူသည်)။ ထို့အပြင် ဦးခေါင်းတွင် ပေါက်ပြဲဒဏ်ရာကြောင့် ကွက်၍ရိပ်ထားရသော ကတုံးကွက်တို့က လူနာအများစုတွင် ရှိပြန်သည်။

“ကားရှေ့ပိုင်းနဲ့ အရင်ကျတာ။ ရှေ့မှန်ကွဲသွားတော့ ကျော်ခွပြီး အပြင်ထွက်လိုက်တယ်။ ဘေးမှာက သွေးတွေနဲ့ အကုန်သေနေပြီလို့တောင် ထင်ထားတာ” ဟု နေပြည်တော်မှ ပြန်လာသော အစိုးရဝန်ထမ်းက သူမ၏ လုပ်ဆောင်ချက်နှင့် အတွေ့အကြုံကို ပြန်ပြောပြသည်။

အဆိုပါကား ပြုတ်မကျမီကပင် ခရီးသည်တို့က အော်ဟစ်ခြင်း မရှိသလို၊ အခင်းဖြစ်ပြီး ချိန်တွင်လည်း ကျယ်လောင်သော အော်ဟစ်သံမထွက်ဟု သူမက ထပ်လောင်းဆိုသည်။

ခရီးသည်များ၏ အော်ဟစ် ညည်းတွားသံက လူနာဆောင်တစ်ခုလုံး ခပ်သဲ့သဲ့ ထွက်နေသည်။ ယမန်နေ့ ညပိုင်းကတည်းက တာဝန်ကျနေသော ဆရာဝန်နှင့် သူနာပြုများက လူနာ၏ ဒဏ်ရာများကို ချုပ်ပေးရသည့် အလုပ်က မေလ ၁၃ ရက်နေ့ နံနက် ၁၀ နာရီ ဝန်းကျင် အချိန်အထိ မပြီးသေး။ မစိုးရိမ်ရသည့် အသေးစား ပေါက်ပြဲဒဏ်ရာတို့ကို ချုပ်ပေးနေရသည့် အလုပ်က တစ်ခုတင်ဝင် တစ်ခုတင်ထွက် ။

“ညတည်းက မအိပ်ရသေးဘူး။ စိတ်ချရလောက်မှ ပြန်ရမှာ” ဟု  အသက် ၃၀ ဝန်းကျင်ခန့်ရှိ သူနာပြု ဆရာမလေးတစ်ဦးက ဆိုသည်။ သူမ စွပ်ထားသော လက်အိတ်နှင့် ဆေးတွန်းလှည်းပေါ်တွင် သွေးစတို့က မြင်မကောင်း။

ခေါင်းတွင် ဆယ်ပြားစေ့ခန့် ဟောင်းလောင်း ပေါက်နေသည့် လူနာ၊ အပြင်းအထန် ညည်းတွားနေပြီး နာလွန်းသဖြင့် အောက်ပိုင်းအဝတ်ပင် မကပ်နိုင်အောင် ရုန်းနေသော လူနာ စသည်ဖြင့် . . . ။

ထိုလူနာများတွင် အစာစားနိုင်သည့် လူနာဟူ၍ အနည်းအကျဉ်းသာ ရှိသည်။ ရာဇာမင်းကားကို မောင်းနှင်သည့် ဒရိုင်ဘာက အတွင်းလူနာအဖြစ် ကုသနေရသည်။ ယာဉ်အကူကား အခြားခရီးသည် ၁၃ ဦးနှင့်အတူ လူ့လောကကို စွန့်ခွာသွားပြီ ဖြစ်သည်။

လူနာတချို့သူတို့မှာ စိုးရိမ်ရသေးသည်ဟု နေပြည်တော်ကောင်စီမှ သတင်းထွက်သည်။ နံနက်ပိုင်းတွင် ကျန်းမာရေးဝန်ကြီးနှင့် ပြည်ထဲရေး ဝန်ကြီးတို့ ရောက်လာသည်။ လူနာ တစ်ဦးစီအတွက် ထောက့်ပံ့ငွေများ ပေးသည်။ သတိရသူကို အားပေးစကား ပြောသည်ကို တွေ့ရသည်။ ထောက်ပံ့ငွေ အရေအတွက် မသိရ။
“စာအိတ်လေးနဲ့ ထည့်ပေးသွားတယ်။ ဘယ်လောက်မှန်း မသိပါဘူး” ဟု လူနာစောင့် အမျိုးသမီးတစ်ဦးက ပြောသည်။

သူမစောင့်နေသော လူနာအမျိုးသမီးမှာ အသက် ၅၀ ခန့်အရွယ် ရှိသည်။ လူနာ သတိမရသေး၍ ဆရာဝန်နှစ်ဦး နံဘေးတွင် ရပ်စောင့်နေသည်။ ကျန်လူနာစောင့် တစ်ယောက်က သတိမေ့နေသူ၏ နှာခေါင်းပေါ်တွင် သံပုရာသီး တစ်လုံးဖြင့် အလုပ်ရှုပ်နေသည်။ အငိုတစ်ဝက် မျက်ဝန်းတို့က ပူလောင်နေသည့်ဟန်ပြ၏။

ဝန်ကြီးတို့က လူနာများကို ကြည့်၍ စိတ်မကောင်း ဖြစ်သည့်ဟန်။
ရန်ကုန်-မန္တလေး အမြန်လမ်းပိုင်းတွင် နေ့စဉ် ဖြတ်သန်း သွားလာနေသော ကားအစီးရေမှာ ၃၀၀ နီးပါး ရှိနေပြီး ယာဉ်လိုင်းပေါင်း ၅၀ ကျော်အနက် ယာဉ်မတော်တဆမှု မဖြစ်ပွားသေးသော ကားလိုင်းမှာ မရှိသလောက်ပင် ဖြစ်ကြောင်း ရန်ကုန်-မန္တလေး အမြန်ယာဉ်လိုင်းတစ်လိုင်းမှ အုပ်ချုပ်မှု ဒါရိုက်တာတစ်ဦးက ပြောကြားသည်။ မှောက်သည့် ယာဉ်များမှောက် နေသည်။ လမ်းပြင်သူများကလည်း ဆက်ပြင်နေသည်။

၂၀၁၄ ခုနှစ် မကုန်မီ လမ်းတိုးချဲ့ မှုများအပြင် ၂၅ မိုင် အရှည်ထိ ကတ္တရာ ကွန်ကရစ်ခင်းခြင်း လုပ်ငန်းများ စတီးလက်ရမ်းများ တပ်ဆင်ခြင်း ပြုလုပ်သွားမည် ဖြစ်ကြောင်း အမြန်လမ်း အင်ဂျင်နီယာမှူးရုံးမှ တာဝန်ရှိသူတစ်ဦးက ဆိုသည်။
“ကားသမား ပေါ့ဆမှုကြောင့် ယာဉ်တိမ်းမှောက်မှုများ ဖြစ်ပွားခဲ့ရင်တောင်မှ ထိခိုက်ဆုံးရှုံးမှု အနည်းဆုံး ဖြစ်စေနိုင်တဲ့အထိ ပြုပြင်ဆောင်ရွက်သွားမှာ ဖြစ်ပါတယ်” ဟု ၎င်းကဆိုသည်။

ယာဉ်တိမ်းမှောက်မှု များလာသဖြင့် သေမင်းတမန်လမ်းဟုပင် သမုတ်ခံလာရသော ရန်ကုန်-မန္တလေး အမြန်လမ်း၏ အရှည်ကား ၃၆၆ မိုင် ၃ ဖာလုံ ရှိသည်။

လမ်းစဖွင့်သည့် ၂၀၀၉ မှ ယနေ့အထိ ယာဉ်တိမ်းမှောက်မူကြောင့် ၃၆၇ ဦး သေဆုံးခဲ့သည်။
သေဆုံးမှုသည် တစ်မိုင်တစ်ဦးနှုန်း ရှိခဲ့ပြီဖြစ်သော အမြန်လမ်း ဖြစ်နေပြီ။

အောင်ထက်၊ ဇေယျာကို (တောင်ငူ)
ွှThe Voice အပြည့်အစုံသို့ »

ရာဇာမင်း ယာဉ်မတော်တဆမှု ဖြစ်စဉ်တွင် ယာဉ်မောင်းဖြစ်သူသည် အရက်သေစာ သောက်စားထားခြင်း မရှိပဲ ယင်းဖြစ်စဉ်မှာ မိုးရွာသွန်း၍ လမ်းချော်ခြင်းကြောင့် ဖြစ်ပွားသည်ဟု ယူဆနိုင်ကြောင်း အမြန်လမ်းရဲတပ်ဖွဲ့မှူး ရဲမှူးကြီး နေဝင်းက ပြောသည်။

နေပြည်တော်မှ ရန်ကုန်သို့ ထွက်ခွာလာသော ရာဇာမင်း ခရီးသည်တင်ကားသည် မေလ ၁၂ရက် ည၇နာရီခန့်တွင် ရန်ကုန်-မန္တလေး အမြန်လမ်း မိုင်တိုင်အမှတ် ၁၉၇/၆အနီးရှိ တံတားအောက်သို့ ကျရာက် တိမ်းမှောက်ခဲ့ရာ ၁၄ဦး သေဆုံးပြီး ၂၉ဦး ဒဏ်ရာ ရရှိခဲ့သည်။

ယင်း မတော်တဆမှု ဖြစ်ပွားချိန်တွင် မိုး သည်းထန်စွာ ရွာသွန်းနေသဖြင့် လမ်းချော်ကာ ယာဉ်တိမ်းမှောက်ခြင်း ဖြစ်နိုင်ကြောင်း ရဲမှူးကြီးနေဝင်းက မေလ ၁၃ရက်နေ့က သတင်းမီဒီယာများနှင့် တွေ့ဆုံစဉ် ပြောသည်။

'' အခင်းဖြစ်တဲ့အချိန်မှာ မိုးက သဲသဲမဲမဲ ရွာနေတယ်။ ကီလိုမီတာ ၈ဝလောက် မောင်းနေတဲ့ ကားက ၄ဝလောက်ပဲ မောင်းလို့ ရတဲ့ အနေအထား ဖြစ်နေတယ်။ အခင်းဖြစ်တဲ့ နေရာမရောက်ခင် တစ်ဖာလုံလောက်ကတည်းက လမ်းရဲ့ ညာဘက်ခြမ်းကို ဘီးနှစ်ဖက်လုံး ရောက်သွားပါတယ်။ ၁၉၇/၆မှာ ကွန်ကရစ်တုံးကို ဝင်တိုက်ပါတယ်။

ပြီးတော့ တံတားမှာ ရှိတဲ့ လက်တန်းရော ၊ အောက်ထဲမကျအောင် ကာထားတဲ့ အကာအရံတွေကိုရော ဆက်တိုက်ပြီးတော့ အောက်ထဲမှာ ၄၅ဒီဂရီ စောင်းပြီးတော့ လဲတယ်။လမ်းအနေအထားက ၁၉၇/၆နဲ့ ၁၉၇/၇ကြားမှာ နည်းနည်းလေး ကွေ့သွားတယ်။ တစ်ဖာလုံလောက်ပေါ့။

သို့သော်လဲ သိပ်အကွေ့ကြီးတော့လဲ မဟုတ်ဘူး။ အဓိကက မိုးရွာသွန်းမှုကြောင့် လမ်းချော်တာလို့ပဲ ယူဆရပါတယ်'' ဟု ရဲမှူးကြီး နေဝင်းက ပြောသည်။
အချို့သော ယာဉ်မတော်တဆမှုများမှာ အရက်သေစာ သောက်စားပြီး ယာဉ်မောင်နှင်ခြင်းကြောင့် ဖြစ်ပွားခြင်း ဖြစ်သော်လည်း ယခု ဖြစ်စဉ်တွင် ယာဉ်မောင်းဖြစ်သူသည် အရက်သေစာ သောက်စားထားခြင်း မရှိကြောင်း ရဲမှူးကြီး နေဝင်းက ပြောသည်။

''ယာဉ်မောင်းက လုံးဝ အရက်သောက်မထားပါဘူး။ ညက ချက်ချင်းပဲ သူ့ကို သွေးစစ်တယ်။ ဆေးရုံအုပ်ကြီးဆီကနေ ချက်ချင်း ဖုန်းဆက်လာပါတယ်။ အရက် သောက်ထားခြင်း လုံးဝမရှိဘူး။'' ဟု ၄င်းက ပြောသည်။
''ကျွန်တော်တို့ ယာဉ်လိုင်းက ယာဉ်မောင်းနဲ့ ယာဉ်နောက်လိုက်တွေဟာ အရက်သေစာ သောက်သုံးလို့ မရပါဘူး'' ဟု နေပြည်တော်ရှိ ရာဇာမင်းဂိတ်တာဝန်ခံ ကိုအေးမင်းထွန်းက ပြောသည်။

ယင်းဖြစ်စဉ်ကြောင့် ၂၉ယောက် ဒဏ်ရာရရှိခဲ့သည့်အနက် ၂၆ယောက်မှာ နေပြည်တော် ကုတင်(၁ဝဝဝ) ပြည်သူ့ဆေးရုံကြီးတွင် ဆေးကုသမှု ခံယူလျှက် ရှိပြီး ၃ယောက်မှာ လယ်ဝေးမြို့နယ် ပြည်သူ့ဆေးရုံကြီးတွင် ကုသလျှက် ရှိသည်။နေပြည်တော် ကုတင်(၁ဝဝဝ) ဆေးရုံကြီးတွင် ကုသမှု ခံယူလျှက် ရှိသူ များအနက် ၃ဦးမှာ စိုးရိမ်ရသည့် အနေအထားရှိပြီး ကျန် လူများမှာ စိတ်ချရသည့် အနေအထားရှိကြောင်း သိရသည်။

အဓိက တာဝန်ရှိသည့် ယာဉ်မောင်းဖြစ်သူမှာလည်း ဦးခေါင်းဒဏ်ရာ အနည်းငယ်နှင့် လက်ဖဝါးဒဏ်ရာ အနည်းငယ်တို့သာ ရရှိထားပြီး မစိုးရိမ်ရကြောင်း ရဲမှူးကြီး နေဝင်းက ပြောသည်။
''ယာဉ်မောင်းမှာ တာဝန်ရှိပါတယ်။ သူ့ကို သီးသန့်အခန်းတစ်ခန်းနဲ့ ထားတယ်။

ထိထိရောက်ရောက် အရေးယူပါမယ်။ အခု အမှုဖွင့်ထားတယ်။ သူ့ကို လောလောဆယ် သံခြေကျင်း ခတ်ပြီး အချုပ်နဲ့ ထားပါတယ်။ ဖြစ်ပြီးပြီးချင်းပဲ သူ့ကို ပုဒ်မ ၃ဝ၄(က)နဲ့ အမှုဖွင့်ထားပါတယ်'' ဟု ရဲမှူးကြီး နေဝင်းက ပြောသည်။
ယင်း ဖြစ်စဉ်အတွက် မထသမှ တာဝန်ရှိသူများ၊ ရာဇာမင်း ယာဉ်လိုင်း တာဝန်ခံ၊ နေပြည်တော်ဂိတ်တာဝန်ခံ၊ အကူယာဉ်မောင်းတို့အား ဒုတိယသမ္မတ ဦးဉာဏ်ထွန်းက ခေါ်ယူတွေ့ဆုံခဲ့ကြောင်း သိရသည်။

ရာဇာမင်း ယာဉ်လိုင်း ပိုင်ရှင်ဖြစ်သူ ဦးညီညီထွေးမှာ ပြည်ပခရီးသွားနေသဖြင့် လာရောက်နိုင်ခဲ့ခြင်း မရှိကြောင်း ယာဉ်လိုင်း တာဝန်ခံ ဦးအောင်မျိုးဆင့်က ပြောသည်။

ရာဇာမင်း ယာဉ်လိုင်းသည် ၂ဝ၁၄ခုနှစ်အတွင်းတွင် ယာဉ်မတော်တဆမှု ၃မှု ဖြစ်ပွားခဲ့ပြီး ဖြစ်ကာ ၂ဝ၁၃ခုနှစ်အတွင်းကလည်း ယာဉ်အား ဓါးပြတိုက်ကာ ယာဉ်မောင်းနှင့် ယာဉ်နောက်လိုက်အား သေနတ်ဖြင့် ပစ်ခတ်မှု ဖြစ်စဉ်တစ်ခု ဖြစ်ပွားခဲ့သေးသည်။
သတင်း၊ ဓာတ်ပုံ - စုမွန်(UFL)

The Trade Times

အပြည့်အစုံသို့ »

ဘားအံ ဇွန် ၅

ကရင်ပြည်နယ် ဘားအံမြို့နယ် ရှမ်းကုန်းကျေးရွာ အနီးတွင် ဇွန် ၂ ရက် နံနက် ၇ နာရီခွဲက ရန်ကုန် ကော့ကရိတ် လိုင်းပြေးဆွဲနေသည့် ရာဇာမင်း အထူးမှန်လုံ ယာဉ်မှာ ရှေ့မှ မျက်နှာချင်းဆိုင် မောင်း နှင်လာသော ယာဉ်တစ်စီးအား ရှောင်တိမ်းစဉ်အရှိန်မထိန်းနိုင်ဘဲ လမ်းဘေးသို့ထိုးကျတိမ်းစောင်းမှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ရန်ကုန်-ကော့ကရိတ်ပြေးဆွဲနေသည့် ရာဇာမင်း အထူးမှန်လုံ ယာဉ်အမှတ် 8I/—-မော်တော်ယာဉ်အား ယာဉ်မောင်း ဦးခင်မောင်ဦး (၅၃ နှစ်)၊ ယာဉ်နောက်လိုက်စောရန်နိုင်(၁၉ နှစ်) တို့ မောင်းနှင်၍ရန်ကုန်မြို့မှ ကော့ကရိတ် မြို့သို့ ထွက်ခွာလာရာ ဘားအံမြို့နယ်ရှမ်းကုန်းကျေးရွာအနီး ဘားအံမြ၀တီ ကားလမ်း တံတား အမှတ်၁/၂၇ နှင့် မိုင်တိုင်အမှတ် ၂၆/၂အကြား တွင် မြ၀တီမြို့မှ မောင်းနှင်လာသည့် ၁၂ ဘီးကား ကုန်တင်ယာဉ် တစ်စီးကို မျက်နှာချင်းဆိုင်ရှောင်တိမ်းစဉ် အရှိန်မထိန်းနိုင်ဘဲ လမ်းညာဘက်အနိမ့်ပိုင်းသို့ ထိုးကျတိမ်းစောင်း သွားခဲ့ သော်လည်း ယာဉ်ပေါ် လိုက်ပါစီးနင်းလာသည့် ခရီးသည် ၂၆ ဦးတွင် ထိခိုက်ဒဏ်ရာရရှိမှု မရှိခဲ့ကြောင်း သိရသည်။

လမ်းဘေးထိုးကျ ယာဉ်တိမ်းစောင်းမှုကြောင့် ယာဉ်အရှေ့ညာ ဘက်ခြမ်း၊အောက် ပိုင်း ပျက်စီး၊ ယာဉ်ညာဘက် ဘော်ဒီ အနည်းငယ်ပျက်စီး၊ ယာဉ်နောက်ပိုင်းညာဘက်ခြမ်း ထိခိုက်ပျက်စီးဆုံးရှုံးခဲ့ကြောင်း သိရသည်။ရာဇာမင်း အထူး မှန်လုံယာဉ်လမ်းဘေးထိုးကျ တိမ်းစောင်းမှုနှင့် ပတ်သက်၍ သာယာကုန်းရဲကင်းစခန်းမှူးနှင့် တပ်ဖွဲ့ ဝင်များက သွားရောက် ကြည့်ရှုစစ်ဆေး၍ ယာဉ်မဆင်မခြင်မောင်းနှင်သူ ယာဉ်မောင်းဦးခင်မောင်ဦးကို အိန္ဒုနယ်မြေရဲစခန်းမှ ရဲအုပ်ရဲထွန်းအောင်က စစ်ဆေးဆောင်ရွက်လျက် ရှိကြောင်းသိရသည်။

MOI Webportal Myanmar အပြည့်အစုံသို့ »

နေပြည်တော် မေ ၁၄

နေပြည်တော်မှ ရန်ကုန်သို့ မေ ၁၂ ရက် ညနေ ၆ နာရီတွင် နေပြည်တော် မြို့မဈေး ကားဂိတ်မှ ရန်ကုန်မြို့သို့ ခရီးသည် ၄၆ ဦး တင်ဆောင် ထွက်ခွာလာသည့် ရာဇာမင်း ခရီးသည် ပို့ဆောင်ရေး မှန်လုံ မော်တော် ယာဉ်သည် ညနေ ၆ နာရီ ၄၅ မိနစ်တွင် အရှိန်မထိန်းနိုင်ဘဲ မိုင်တိုင်အမှတ် (၁၉၇/၆)ကို စတင် တိုက်မိပြီး ဝက်လက် မီးရထားခုံးကျော် တံတားထိပ်ကို ထပ်မံတိုက်မိကာ တံတားအောက်သို့ ထိုးကျ တိမ်းမှောက်ခဲ့သည်။

ယာဉ်ပေါ်၌ ယာဉ်မောင်းတစ်ဦး၊ အကူယာဉ်မောင်းတစ်ဦး၊ ယာဉ်နောက်လိုက် တစ်ဦး အပါအဝင် ခရီးသည် အမျိုးသား ၂၉ ဦး၊ အမျိုးသမီး ၁၇ ဦး စုစုပေါင်း ၄၆ ဦးပါရှိသည့်အနက် အမျိုးသား ၁၀ ဦး၊ အမျိုးသမီးလေးဦး စုစုပေါင်း ၁၄ ဦးသေဆုံးခဲ့ပြီး နေပြည်တော်ခုတင် (၁၀၀၀)ဆေးရုံကြီး၌ အမျိုးသား ၁၆ ဦး၊ အမျိုးသမီး ၁၂ ဦး၊ လယ်ဝေးမြို့နယ် ပြည်သူ့ဆေးရုံ၌ အမျိုးသားနှစ်ဦး၊ အမျိုးသမီးတစ်ဦး ပေါင်း အမျိုးသား ၁၈ ဦးနှင့် အမျိုးသမီး ၁၃ ဦး စုစုပေါင်း ၃၁ ဦး ဒဏ်ရာ အသီးသီး ရရှိခဲ့ပြီး ဆေးကုသမှု ခံယူလျက် ရှိသည်။

အဆိုပါဖြစ်စဉ်နှင့် ပတ်သက်၍ ရာဇာမင်း ခရီးသည် ပို့ဆောင်ရေး ယာဉ်အား မဆင်မခြင် မောင်းနှင်ခြင်းနှင့် ယာဉ်လိုင်းများ ပြေးဆွဲရာတွင် ခရီးသည်များ လုံခြုံစွာ သယ်ယူ ပို့ဆောင်ရေး၌ စနစ်တကျ ကြီးကြပ်ရန် အားနည်းခဲ့ခြင်းကြောင့် ရာဇာမင်း ခရီးသည် ပို့ဆောင်ရေး မော်တော်ယာဉ် အသင်း၏ ရန်ကုန်- နေပြည်တော်-ရန်ကုန် ခရီးစဉ် ပြေးဆွဲခွင့် အား နေပြည်တော် ကုန်းလမ်းနှင့် ပြည်တွင်း ရေကြောင်း သယ်ယူ ပို့ဆောင်ရေး အဖွဲ့မှ ၂၀၁၄ ခုနှစ် မေ ၁၅ ရက်မှ စတင်၍ ပိတ်သိမ်း လိုက်ကြောင်း သတင်း ရရှိသည်။

MOI web portal

အပြည့်အစုံသို့ »

ရန်ကုန် -နေပြည်တော်လမ်းမှာ တိမ်းမှောက်ခဲ့တဲ့ ရာဇာမင်းယဉ်လိုင်းကို နေပြည်တော် - ရန်ကုန် ပြေးဆွဲ ခွင့် ပိတ်ပင်ခဲ့တာအပြင် ယာဉ်မောင်းကို ရာသက်ပန် လိုင်စင်လိုင်း ပိတ်သိမ်းလိုက်တဲ့အတွက် အစိုးရရဲ့ အရေးယူ ပြစ်ဒဏ်ပေးမှုဟာ ကြီးမားလွန်းကြောင်း ရာဇာမင်း ယဉ်လိုင်းတာဝန်ခံတစ်ဦးက RFA ကို ပြောပါတယ်။

ရာဇာမင်း ခရီးသည်တင်ဘတ်စ်ကား တိမ်းမှောက်မှုနဲ့ ပတ်သက်ပြီး အစိုးရက မနေ့က နေပြည်တော်မှာ သတင်းစာရှင်းလင်းပွဲ ကျင်းပခဲ့တဲ့အပေါ် မေးမြန်းရာမှာ ရာဇာမင်းယဉ်လိုင်း ကြီးကြပ်ရေးတာဝန်ခံ ဦးစိုးဝင်းအောင်က အခုလို ပြောပါတယ်။

"လိုင်းပိတ်လိုက်တော့ အဲဒီလိုင်းမှာ လက်ရှိထမင်းစားနေတဲ့ ဒါရိုက်ဘာတွေ စပယ်ယာတွေ သူတို့မိသားစုဝင်တွေ စားဝတ်နေရေးတွေ အားလုံးခက်ခဲကုန်ပြီ"

ရာဇာမင်း ဘတ်စ်ကားလိုင်းကို နေပြည်တော် ရန်ကုန် ပြေးဆွဲခွင့် ပိတ်ပင်လိုက်သလို အဲဒီ တိမ်းမှောက်ခဲ့တဲ့ ရာဇာမင်းဘတ်စ်ကားကို မောင်းနေသူဟာ မူလကတည်းက လိုင်စင် ၃ နှစ် ပိတ်ခံထားရသူဖြစ်ကြောင်း မနေ့က နေပြည်တော် သတင်းစာရှင်းလင်းပွဲမှာ အမြန်လမ်း ရဲမှူးကြီး ဦးနေ၀င်းက ပြောခဲ့ပါတယ်။ အဲဒီယဉ်မောင်းကိုလည်း ရာသက်ပန် လိုင်စင်ပိတ်တဲ့အထိ အရေးယူသွားမယ်လို့ မနေ့က သတင်းစာရှင်းလင်းပွဲမှာ ရဲမှူးကြီး ဦးနေ၀င်းက ပြောပါတယ်။

ပြီးခဲ့တဲ့ မေလ ၁၂ ရက်နေ့ ည ၇ နာရီက  ရာဇာမင်းဘတ်စ်ကားဟာ နေပြည်တော်နားမှာ တိမ်းမှောက်ခဲ့ တာကြောင့် သေဆုံးသူ ၁၄ ယောက် နဲ့ ဒဏ်ရာရသူ ၂၉ ယောက်ရှိခဲ့ပါတယ်။

RFA Burmese 

အပြည့်အစုံသို့ »

တံတားအောက်သို့ ထိုးကျသွားသော ယာဉ်အား တွေ့ရစဉ်

နေပြည်တော်မှ ရန်ကုန်သို့ ထွက်ခွာလာသော ရာဇာမင်း ခရီးသည်တင်ယာဉ် တစ်စီးသည် မေ ၁၂ ရက် ည ၇ နာရီခန့်က ရန်ကုန်-မန္တလေး အမြန်လမ်းမကြီး မိုင်တိုင် ၁၉၇/၆ အနီးရှိ ပျဉ်မနား-တောင်တွင်းကြီး

အပြည့်အစုံသို့ »

ရာဇာမင်းယာဉ်လိုင်းဟာ ဧပြီ ၁၉ ရက်နေ့က ပဲခူးတိုင်းဒေသကြီး၊ ရေတာရှည်မြို့နယ်၊ ရန်ကုန်-မန္တလေး အမြန်လမ်း၊ မိုင်တိုင်အမှတ်(၁၅၈/၂-၃)ကြားမှာ ရှေ့ကားကို ကျော်တက်ဖို့ကြိုးစားရင်း ယာဉ်တိုက်မှု ဖြစ်ပွါးခဲ့ပြီး သာဂရအမြန်လမ်း
ရဲစခန်း ယာဉ်(ပ)၉/၂၀၁၄၊ ပြစ်မှုပုဒ်မ ၃၃၈ နဲ့အမှုဖွင့် အရေးယူခဲ့တယ်။

၂၀၁၄ခုနှစ် ဇန်န၀ါရီ ၃၀ နေ့လည် ၁း၀၀ နာရီ အချိန်တွင် မြ၀တီ -ကော့ကရိတ် ကားလမ်း၊ တောင်ပေါ်လမ်း တွင် ရာဇာမင်းခရီးသည်တင်
မှန်လုံယာဉ်(၁)စီးတိမ်းမှောက်ပြီးခရီးသည် ၇ ဦးဒဏ်ရာရခဲ့တယ်လို့ သိရတယ်။

၈-၆-၂ဝ၁၃ ရက်နေ့ ၂၁ဝဝ အချိန်ခန့်တွင် မွန်ပြည်နယ်၊ သထုံမြို့နယ်၊ တောင်စွန်း ကျေးရွာအနီး ရန်ကုန်-မော်လမြိုင်ကားလမ်း၊ မိုင်တိုင်အမှတ်(၁၅၄/၄-၅)အကြား ဘုရားကုန်းကွေ့ ၌ ကျိုက္ခမီ-ရန်ကုန် ‘‘ရာဇာမင်း’’ ခရီးသည်တင်မှန်လုံယာဉ်အမှတ် ၈ဇ/×××× အား ဘုရားကုန်းကွေ့ အရောက် ယာဉ်ပေါ်တွင် စီးနင်းလိုက်ပါလာသည့် ခရီးသည်များ အနက် သေနတ်အတိုများကိုင်ဆောင်ထားသည့် အမည်မသိ လူ(၅)ဦး တို့မှ ယာဉ်အား အနီးရှိတောထဲသို့ ခေါ်ဆောင်မောင်းနှင်သွားပြီး သေနတ်ပစ်ဖောက်ကာ ယာဉ်ပေါ်ပါ ခရီး သည်များထံမှ ရွေ၊ ငွေ ပစ္စည်းများ စုစုပေါင်းတန်ဘိုး (၄၈၈၇ဝဝဝိ/-)ခန့်အား ယူဆောင် သွားပြီး ယာဉ်နောက် လိုက် နိုင်လင်းထွန်း၊ ယာဉ်မောင်း ဇော်လင်းထူးတို့အား သေနတ်ဖြင့် ပစ်ခတ်ခဲ့ ရာ သေဆုံး သွားခဲ့ သဖြင့် သထုံမြို့မရဲစခန်း (ပ)၉ဝ/၂ဝ၁၃၊ ပြစ်မှုပုဒ်မ ၃၉၆ ဖြင့် အမှုဖွင့် အရေးယူခဲ့သည်။

The Modern News Journal

အခြား ရာဇာမင်းသတင်းများ ဖတ်ရန်

အပြည့်အစုံသို့ »

နေပြည်တော်၊ မေ ၁၅

မေလ ၁၂ ရက်နေ့တွင် နေပြည်တော် အမြန်လမ်းတွင် တိမ်းမှောက်ခဲ့သော ရာဇာမင်း ခရီးသည်တင် ယာဉ်ပေါ်ပါ ခရီးသည် ၁၄ ဦးနှင့် ထိခိုက်ဒဏ်ရာ ရသူများအတွက် မြန်မာ့အာမခံလုပ်ငန်းမှ ပေးအပ်ရသော အာမခံငွေမှာ အစိုးရအနေနှင့် အရှုံးပေါ်ကြောင်း ဘဏ္ဍာရေး ဝန်ကြီးဌာန ဒုတိယဝန်ကြီး ဒေါက်တာမောင်မောင်သိမ်းက The Voice သို့ ပြောသည်။

“လူတစ်ယောက် အသက်ထိခိုက်တဲ့ကြေးက ခရီးသည် တစ်သောင်းရဲ့ ပရီမီယံကြေး ဖြစ်နေတော့ အရှုံးပေါ်တာပေါ့။ အထူးခရီးသွား အသက် အာမခံကြေးကို ကျပ် ၃၀၀ ဖြင့် မေလ ၈ ရက်မှ ခရီးသွားကားများတွင် စီစဉ်ပေးခဲ့ပြီးနောက် မေလ ၁၂ ရက်တွင် ရာဇာမင်း ယာဉ်တိမ်းမှောက်မှုကြောင့် ပေးအပ်ရသည့် အာမခံကြေးနှင့် ပတ်သက်၍ ၎င်းက အထက်ပါအတိုင်း ပြောဆိုခြင်း ဖြစ်သည်။

ရာဇာမင်းယာဉ် တိမ်းမှောက်မှုကြောင့် သေဆုံးသူ ၁၄ ဦးအတွက် အထူးခရီးသွား အသက်အာမခံကြေး ကျပ် ၆၃၀ သိန်း ပေးအပ်ခဲ့ပြီး ထိခိုက်ဒဏ်ရာ ရသူများအတွက် ဒဏ်ရာရ အခြေအနေအရ အများဆုံး ကျပ် ၂၄ သိန်းအထိ ပေးအပ်ရမည် ဖြစ်ကြောင်း ၎င်းကဆိုသည်။

အထူးခရီးသွား အသက်အာမခံ ပေးသည့် လုပ်ငန်းသည် မတော်တဆမှုများ များပြားလာပါက ထပ်မံ အရှုံးပေါ်လာနိုင်စရာ အကြောင်းရှိသော်လည်း ခရီးသွားပြည်သူကို တစ်ဖက်တစ်လမ်းမှ ကာကွယ်ပေးထားသော အစီအစဉ် ဖြစ်ကြောင်း ၎င်းက ထပ်လောင်း ပြောကြားသည်။

ရာဇာမင်း ခရီးသည်တင် ယာဉ်သည် မေလ ၁၂ ရက်နေ့က နေပြည်တော်-ရန်ကုန် ၁၉၇ မိုင် ၆ ဖာလုံတွင် တိမ်းမှောက်ခဲ့ပြီး နေပြည်တော် ကုတင်တစ်ထောင် ဆေးရုံနှင့် လယ်ဝေးဆေးရုံတွင် ဆေးကုသမှု ခံယူနေရပြီး မေလ ၁၅ ရက်နေ့တွင် ဒဏ်ရာရသူ ၃၀ ကျော်မှ လေးဦးမှာ ဆေးရုံမှ ပြန်ဆင်းသွားပြီ ဖြစ်ကြောင်း နေပြည်တော်ကောင်စီဝင် ဦးစောလှက ပြောကြားသည်။

The Voice Weekly

အပြည့်အစုံသို့ »

ရာဇာမင်း ခရီးသည်တင်ယာဉ်အား မျက်နှာဖုံးစွပ် လက်နက်ကိုင် ဓားပြတိုက် လူသတ်မှုတွင် ဦးဆောင်သူနှင့် အပေါင်းပါသုံးဦးကို အခင်းဖြစ်ပွားပြီး တစ်လကျော် အကြာတွင် ဖမ်းဆီးရမိခဲ့ကြောင်း မွန်ပြည်နယ် ရဲတပ်ဖွဲ့မှူးရုံးမှ သိရသည်။
သို့သော် ယင်းဖြစ်စဉ်အတွက် ဖမ်းဆီးရန် နှစ်ဦးကျန်ရှိ နေသေးသည့်အပြင် ဓားပြတိုက်မှု ဖြစ်စဉ်တွင် ပါဝင်ခဲ့သည့် ငွေထည်၊ ရွှေထည် စုစုပေါင်းတန်ဖိုး ကျပ် ၄၄၈၇၀၀၀ အား သိမ်းဆည်းနိုင်ရေးအတွက် ဆက်လက်လုပ်ဆောင်လျက်ရှိကြောင်း သိရသည်။
မွန်ပြည်နယ်၊ ကျိုက္ခမီမြို့မှ ရန်ကုန်မြို့သို့ ဇွန် ၈ ရက် ညပိုင်းတွင် ထွက်ခွာလာသည့် ရာဇာမင်း ခရီးသည်တင်ယာဉ်တွင် လိုက်ပါလာသော ခရီးသည်များအနက် ခရီးသည်ငါးဦးမှ မျက်နှာဖုံးစွပ် သေနတ်ကိုင် ဓားပြတိုက်ခဲ့သည့်အပြင် ယာဉ်မောင်းနှင့် ယာဉ်နောက်လိုက်တို့အား သေနတ်ဖြင့် ပစ်သတ်ခဲ့ကြောင်း ရဲမှုခင်းစစ်ချက်များအရ သိရသည်။
ယင်းဖြစ်စဉ်အား စုံစမ်းစစ်ဆေးချိန်အတွင်း အခင်းဖြစ်ပြီး တစ်ရက်အကြာတွင် သထုံမြို့နယ်၊ ညောင်ချောင်းကျေးရွာ အနီးရှိ ရာဘာခြံ လုပ်သားများအား အမည်မသိ လူလေးဦးမှ ခေါ်ယူ၍ လမ်းပြခိုင်းခဲ့ကြောင်း၊ အမည်မသိ လူလေးဦးအနက်မှ ၀င်းဗိုလ်ဆိုသူ ပါဝင်ခဲ့ပြီး ဖားပိုင်ကုန်းကျေးရွာသို့ သွားသည့်လမ်းအတိုင်း လမ်းပြပေးခဲ့ကြောင်း ရဲစစ်ချက်အရ သိရသည်။
ယင်းနောက် စစ်ဆေးရေးအဖွဲ့သည် ၀င်းဗိုလ်၏ ဓာတ်ပုံအား ဆက်စပ်နယ်မြေ ရဲစခန်းများသို့ ပေးပို့ခြင်း၊ အခင်းဖြစ်စဉ်က ယာဉ်ပေါ်တွင် လိုက်ပါလာသည့် ခရီးသည်များအား ဓာတ်ပုံပြသခြင်း၊ ၀င်းဗိုလ်နေထိုင် သွားလာတတ်သော နေရာများသို့ စုံစမ်းဆေးမှုများ ပြုလုပ်ခဲ့ကြောင်း သိရသည်။
ဇူလိုင် ၇ ရက်တွင် ၀င်းဗိုလ်မှ ဖုန်းနံပါတ် ၀၈၈၁၄၆၂၅၃၃ မှ သထုံမြို့နယ် စခန်းကြီးကျေးရွာနေ ဒေါ်ရွှေဇင်ရွှေဆိုင်ရှိ အငှားဖုန်းမှတစ်ဆင့် ၎င်းရွာနေ ဒေါ်ခင်အုန်းမြင့်ထံ ဖုန်းဆက်ခဲ့ကြောင်း သတင်းရရှိခဲ့၍ ယင်းဖုန်းနံပါတ်ကို စုံစမ်းရာမှတစ်ဆင့် ၀င်းဗိုလ်မှာ မြ၀တီမြို့နယ်၊ ထိကော်ထောကျေးရွာ အနီးရှိ ၈၁၇ ကျေးရွာတွင် ရှိနေကြောင်း သိခဲ့ရသည်။
ထို့နောက် မြ၀တီခရိုင် ရဲတပ်ဖွဲ့နှင့် နယ်မြေခံ တပ်သားများ၊ နယ်ခြားစောင့်တပ်များမှ ဇူလိုင် ၈ ရက်တွင် ၀င်းဗိုလ်အား ၀ိုင်းဝန်းဖမ်းဆီး နိုင်ခဲ့ကြောင်း သိရသည်။
ဝင်းဗိုလ်အား ဖမ်းဆီးခဲ့ပြီးနောက် သက်ဆိုင်ရာ ရဲစခန်းသို့ လွှဲပြောင်းပေးခဲ့ကြောင်း၊ ထို့နောက်ဝင်းဗိုလ်အား စစ်ဆေးရာတွင် ၎င်းကိုယ်တိုင် ဓားပြတိုက်မှုဖြစ်စဉ်တွင် ခေါင်းဆောင်ခဲ့ကြောင်း ထွက်ဆိုခဲ့သည်ဟု သိရပြီး ဆက်စပ်ပါဝင်သူ ဇော်ဂိတ်၊ အောင်ထူး၊ မောင်ငယ်တို့အား ဇူလိုင် ၁၃ ရက်တွင် ထပ်မံဖမ်းဆီးနိုင်ခဲ့ကြောင်း သိရသည်။ ဓားပြတိုက်မှု ဖြစ်စဉ်အား ခေါင်းဆောင်ခဲ့သည့် ၀င်းဗိုလ်ဆိုသူမှာ အလုပ်အကိုင် အတည်တကျ မရှိဘဲ မိန်းမ ၃/၄ ဦး ယူထားကြောင်းနှင့် လွန်ခဲ့သော နှစ်နှစ်ခန့်က ဘုန်းကြီးဝတ်ဖြင့် မြ၀တီဘက်သို့ ထွက်သွားခဲ့ရာမှ ပြန်လာခဲ့သူဖြစ်ကြောင်း သိရသည်။

Eleven

အပြည့်အစုံသို့ »

ရန်ကုန်၊ မေ ၁၃

ရန်ကုန်-မန္တလေး အမြန်လမ်း မိုင်တိုင်အမှတ် ၁၉၇ တွင် ရာဇာမင်းခရီးသည်တင် တိမ်းမှောက်ခဲ့ရာမှ သေဆုံးခဲ့သူ ၁၄ ဦးကို အသက်အာမခံကြေး တစ်ဦးလျှင် ငွေကျပ် ၄၅ သိန်းဖြင့် ရက်ပိုင်းအတွင်း ထုတ်ပေးသွားရန် စီစဉ်လျက် ရှိကြောင်း အဝေးပြေး မော်တော်ယာဉ် ထိန်းသိမ်းရေး၊ နေပြည်တော်ရုံးထံမှ သိရှိရသည်။
“သေဆုံးသူ ၁၄ ဦးထဲမှာ တစ်ဦးရဲ့မိသားစုဝင်က ခုထိလာရောက် ဆက်သွယ်မှု မရှိသေးတာကြောင့် အသက် အာမခံကြေးကို မပေးသေးတာပါ။

ဒဏ်ရာရတဲ့ သူတွေကိုလည်း ဒဏ်ရာ အခြေအနေပေါ် မူတည်ပြီး နစ်နာကြေးပေးဖို့ စီစဉ်နေတယ်။ ရက်ပိုင်းအတွင်းပေးဖို့ စီစဉ်ထားတယ် ဆိုပေမယ့် ဘယ်ရက်ဆိုတာကို အတိအကျပြောဖို့ လတ်တလော တိုင်ပင်ဆွေးနွေးနေတယ်” ဟု အဆိုပါ နေပြည်တော်ရုံးမှ လက်ထောက်ဌာနမှူး ဦးစိုးကြီးက ပြောကြားသည်။

ရာဇာမင်း ခရီးသည်တင်ယာဉ် တိမ်းမှောက်ခဲ့စဉ် ဒဏ်ရာရရှိသူ ၂၉ ဦးအနက် သုံးဦးမှာ အသက်အန္တရာယ် စိုးရိမ်ရကြောင်း၊ အဆိုပါ စိုးရိမ်ရသူ သုံးဦးမှာ ဦးနှောက် အာရုံကြောဌာနနှင့် အရိုးကုသဆောင်တို့ရှိ အထူးကြပ်မတ်ဆောင်များတွင် ကုသလျက် ရှိပြီး မေလ ၁၃ ရက် ညနေ ၅ နာရီထိ သတိပြန်လည် မရှိသေးကြောင်း အမြန်လမ်း ရဲတပ်ဖွဲ့မှ ရဲမှူးကြီးနေဝင်းက ရှင်းပြသည်။

“ခုတင် ၁၀၀၀ ဆေးရုံမှ ၂၆ ဦးနဲ့ လယ်ဝေးဆေးရုံမှာ သုံးဦး တင်ထားတယ်။ လက်ရှိစိုးရိမ်ရသူ သုံးဦးက ခုတင် ၁၀၀၀ ဆေးရုံက အထူးကြပ်မတ်ဆောင်မှာ ကုသနေပါတယ်။ ယာဉ်မောင်းရဲ့ အခြေအနေကတော့ မစိုးရိမ်ရဘူး။ အတွင်းလူနာဆောင်မှာ သူ့ကို အစောင့်ရဲတွေနဲ့ သီးသန့်ထားပြီး ကုသပေးနေတယ်” ဟု ၎င်းက ဆက်လက်ပြောကြားသည်။

အမြန်လမ်းပေါ်တွင် မော်တော်ယာဉ် တိမ်းမှောက်မှုများ မကြာခဏ ဖြစ်ပွားမှုကြောင့် အကျွတ်အလွတ်ပွဲ ကျင်းပအပြီး တစ်ရက်ခန့် အကြာတွင် မေလ ၁၂ ရက်နေ့ ည ၆ နာရီက နေပြည်တော်မှ ရန်ကုန်သို့ ထွက်ခွာသွားသော ရာဇာမင်း ယာဉ်လိုင်းမှ ခရီးသည်တင် အဝေးပြေး မော်တော်ယာဉ် တစ်စီးသည် အမြန်လမ်း မိုင်တိုင် ၁၉၇ မိုင်တွင် တိမ်းမှောက်ခဲ့ပြီး ခရီးသည် ၁၄ ဦး သေဆုံးကာ ၃၀ ကျော် ဒဏ်ရာရရှိခဲ့ကြောင်း အမြန်လမ်းပေါ်ရှိ ပန်းတင်ရဲစခန်းနှင့် အမြန်လမ်း ထိန်းသိမ်းရေး အင်ဂျင်နီယာရုံးတို့ထံမှ စုံစမ်းသိရှိရသည်။

တိမ်းမှောက်သွားသော ရာဇာမင်းယာဉ်သည် ရန်ကုန်-မန္တလေး အမြန်လမ်း၊ မိုင်တိုင်အမှတ် ၁၉၇ မိုင်ဝန်းကျင်ရှိ တံတားပေါ် အတက်တွင် လမ်းချော်၍ ချောက်ထဲ ပြုတ်ကျခြင်း ဖြစ်ကြောင်း ယင်းကားမှောက်သည်ကို တွေ့၍ ဝင်ရောက် ကူညီကယ်ဆယ်ခဲ့သည့် မကွေးမြို့မှ ရန်ကုန်မြို့ကို အမြန်လမ်းမှ လာရောက်သူ ဦးစိုးမင်းလွင်က ပြောကြားသည်။

The Voice Weekly

အပြည့်အစုံသို့ »

မေစစ်ပိုင်

မတော်တဆမှု မကြာခဏ ဖြစ်နေသည့် ရန်ကုန် – နေပြည်တော် – မန္တလေး အမြန်လမ်းမကြီး မြင်ကွင်း

ခရီးသည် ၁၄ ဦးသေဆုံးစေခဲ့သော ရာဇာမင်း ခရီးသည်တင်ယာဉ် တိမ်းမှောက်မှု ဖြစ်ပွားပြီးနောက် ယာဉ်တိုက်မှု၊ ယာဉ်တိမ်းမှောက်မှုများ မကြာခဏ ဖြစ်ပွားလျက်ရှိသည့် ရန်ကုန်-မန္တလေး အမြန်လမ်းမကြီး၏ ရန်ကုန်-နေပြည်တော် အမြန်လမ်းဧရိယာ တိုးချဲ့သွားရန် အစိုးရက ဆုံးဖြတ်လိုက်ပြီဖြစ်ကြောင်း သိရှိရသည်။

ပြည်ထဲရေးဝန်ကြီးဌာန နှင့် ဆောက်လုပ်ရေးဝန်ကြီးဌာန အပါအဝင် အစိုးရ၀န်ကြီးဌာနများ စုံညီစွာ တက်ရောက်သော အမြန်လမ်း အဆင့်မြှင့်တင်ရေး အစည်းအဝေးကို မေလ ၁၃ ရက်နေ့ နေပြည်တော်တွင် ကျင်းပပြုလုပ်ခဲ့ပြီး ရန်ကုန်-နေပြည်တော် အမြန်လမ်းဧရိယာကို တိုးချဲ့ရန် ဆုံးဖြတ်လိုက်ခြင်းဖြစ်ကြောင်း၊ မိုင် ၂၀၀ ရှည်လျားသော ရန်ကုန် – နေပြည်တော် အမြန်လမ်းမကြီးကို နိုင်ငံတကာအဆင့်မီ ခြောက်လမ်းသွား သို့မဟုတ် ရှစ်လမ်းသွား လမ်းမကြီးအဖြစ် အဆင့်မြှင့်တင်လိုက်မည် ဆိုပါက လက်ရှိဖြစ်ပွားနေသည့် မတော်တဆ ထိခိုက်မှုများ နည်းပါးသွားနိုင်သဖြင့် ယခု ၂၀၁၄ ခုနှစ်မှ စ၍ အဆင့်မြှင့်ရန် အစိုးရက ဆုံးဖြတ်လိုက်ခြင်းဖြစ်သည်ဟု သိရှိရသည်။

“တခြားဦးစားပေး ကိစ္စတွေလည်း ရှိခဲ့တော့ အမြန်လမ်းမကြီး အဆင့်မြှင့်ဖို့ကို စောင့်နေခဲ့ရတယ်။ မတော်တဆမှုတွေလည်း ဖြစ်လာတော့ ဒီနှစ်ထဲမှာတင် ခြောက်လမ်း၊ ရှစ်လမ်းသွား လမ်းအဖြစ် ဖောက်ဖုိ့လူကြီးတွေက သဘောတူလိုက်ကြပြီ။ အဆင့်မြှင့်လိုက်ရင်တော့ မတော်တဆမှုတွေ နည်းသွားမယ်” ဟု ဆောက်လုပ်ရေး ၀န်ကြီးဌာန၊ ပြည်သူ့ဆောက်လုပ်ရေး လုပ်ငန်း အင်ဂျင်နီယာမှူးကြီး ဦးကြည်ဇော်မြင့်က ရှင်းပြသည်။

ရန်ကုန်-နေပြည်တော် လမ်းမကြီးဧရိယာ တိုးချဲ့ရန်အတွက် မြန်မာကျပ်ငွေ ဘီလီယံ ထောင်ချီ ကုန်ကျခံ သုံးစွဲမည်ဖြစ်ပြီး အမြန်လမ်းမကြီးဆိုင်ရာ ဥပဒေကိုလည်း လွှတ်တော်သို့ တင်ပြ ပြဋ္ဌာန်းနိုင်ရန် စီစဉ်နေကြောင်း သိရှိရသည်။

လူသေဆုံးမှုနှင့် ထိခိုက်ဒဏ်ရာရမှုများ ဖြစ်ပွားနေသည့် အမြန်လမ်းမ ပြဿနာ ဖြေရှင်းနိုင်ရေး ဝန်ကြီးဌာန ပေါင်းစုံမှ တာဝန်ရှိသူများစုပေါင်း အဖြေရှာ ဆွေးနွေးမှုများ လုပ်ဆောင်နေကြောင်း သိရှိရသည်။

ပြည်ထဲရေးဝန်ကြီးဌာန၊ အမြန်လမ်းရဲတပ်ဖွဲ့မှ ရဲမှူးကြီးနေဝင်းက “အရင်တုန်းကတော့ ယာဉ်မောင်းတွေနဲ့ ယာဉ်တွေအပေါ် စစ်ဆေးမှု၊ အရေးယူမှုတွေ မရှိခဲ့ပေမယ့် နောက်ပိုင်းမှာတော့ အရေးယူမှုတွေ ရှိလာတော့မယ်။ ရာဇာမင်းကား တိမ်းမှောက်မှုဖြစ်စဉ်က ယာဉ်မောင်းကိုတော့ အချုပ်နဲ့ ဆေးရုံမှာထားထားတယ်” ဟု ဧရာဝတီသို့ ပြောသည်။

အမြန်လမ်းတွင် မတော်တဆမှုများ တားဆီးနိုင်ရန် ဒုတိယ သမ္မတ ၂ ဦးဥာဏ်ထွန်း ဦးဆောင်၍ ပြည်ထဲရေး ဝန်ကြီးဌာန၊ ဆောက်လုပ်ရေး ဝန်ကြီးဌာန၊ ရထားပို့ဆောင်ရေး ဝန်ကြီးဌာန၊ ဘဏ္ဍာရေးနှင့် အခွန် ဝန်ကြီးဌာနနှင့် ဗဟိုဘဏ်၊ အမြန်လမ်းရဲတပ်ဖွဲ့၊ တိုင်းဒေသကြီး အစိုးရအဖွဲ့များနှင့် အဝေးပြေးမော်တော်ယာဉ် ထိန်းသိမ်းရေးလုပ်ငန်းတို့ ပါဝင်သော အမြန်လမ်း မတော်တဆမှု လျော့နည်းရေးစီမံချက် အကောင်အထည်ဖော် မည်ဖြစ်ကြောင်း သိရှိရသည်။

“အဝေးပြေးလမ်းတွေမှာလည်း ထိခိုက်မှုတွေ ဖြစ်တာတွေက အမြန်လမ်းထက် များနေပေမယ့် ကြီးကြီးမားမား ဆိုရင် အမြန်လမ်းမှာ လာဖြစ်နေတာ တွေ့နေရတယ်” ဟု အင်ဂျင်နီယာမှူးကြီး ဦးကြည်ဇော်မြင့် က သုံးသပ်သည်။

မေလ ၁၂ ရက်နေ့ ညပိုင်းက ဖြစ်ပွားခဲ့သော ရာဇာမင်း ခရီးသည်တင်ယာဉ် တိမ်းမှောက်မှုတွင် ရာဇာမင်းကားသည် နေပြည်တော်မှ ရန်ကုန်မြို့သို့ ထွက်ခွာလာစဉ် ည ၆ နာရီ ၄၅ မိနစ် မိုးရွာသွန်းနေချိန် မိုင်တိုင် ၁၉၇ အနီး လမ်းပေါ်တွင် တင်နေသော ရေအိုင်ကို ဖြတ်သန်းစဉ် ကားသည် အရှိန်လွန် စလစ်ဖြစ်ကာ တပတ်လည်၍ မီးရထား ခုံးကျာ် တံတား အောက်သို့ ပြုတ်ကျသွားခဲ့သည်။

ကားပြုတ်ကျမှုကြောင့် ကားပေါ်မှ အမျိုးသား ၁၀ ဦး ၊ အမျိုးသမီး ၄ ဦး၊ စုစုပေါင်း ၁၄ ဦး သေဆုံးသွားခဲ့ပြီး ၃၀ ဦးဒဏ်ရာရရှိသွားကြောင်း၊ ဒဏ်ရာရရှိသူများတွင် ၃ ဦးမှာ အသက်အန္တရာယ် စိုးရိမ် ရသည့် အခြေ အနေရှိသည်။

မေ ၁၄ ရက်နေ့ နေပြည်တော်တွင် ယာဉ်တိမ်းမှောက်မှုကြောင့် သေဆုံးသွားသော ခရီးသည် ၁၄ ဦး အတွက် အလုံးစုံ အာမခံ ကျပ် ၁၀သိန်း၊ အထူးခရီးသွား အာမခံ ကျပ် သိန်း ၃၀၊ သူတပါးထိခိုက်မှု အာမခံ ကျပ် ၅ သိန်း စုစုပေါင်း ၄၅ သိန်းပေးအပ်ခဲ့ပြီး ထိခိုက်ဒဏ်ရာရရှိသူများအတွက် ဒဏ်ရာရသည့် အခြေအနေပေါ်မူတည်၍ ငွေကျပ် ၁ သောင်းမှ ၂၄ သိန်း အထိ ထောက်ပံ့ပေးအပ်ခဲ့ပြီး ရာဇာမင်းယာဉ်လိုင်းကလည်း သေဆုံးထိခိုက်သော ခရီးသည်များအတွက် ထောက်ပံ့ကြေး ပေးအပ်ခဲ့ကြောင်း သိရှိရသည်။

ရန်ကုန်-နေပြည်တော်-မန္တလေး အမြန် လမ်းမကြီးတွင် ဧပြီလ ၁ ရက်မှ မေလ ၁၃ ရက်အထိ ထိခိုက်မှုပေါင်း ၇၆ မှု၊ ဒဏ်ရာရသူ ၁၆၉ ဦးနှင့် သေဆုံးခဲ့သူ ၄၈ ဦးရှိခဲ့ပြီး သေဆုံးမှု စံချိန်တင်ခဲ့သည့် လများ ဖြစ်ခဲ့ပြီး အမြန်လမ်းမကြီး စတင် ဖွင့်လှစ်ခဲ့သည့် ၂၀၀၉ ခုနှစ်၊ မတ်လ ၂၅ ရက်မှ ဧပြီ ၂၂ ရက်အထိသေဆုံးသူ ၃၅၃ ဦး နှင့် ထိခိုက်ဒဏ်ရာရသူ ၁၀၈၄ ဦး ရှိခဲ့ကြောင်း အမြန်လမ်းရဲတပ်ဖွဲ့၏ စာရင်းဇယားများအရ သိရှိရသည်။

Irrawaddy Burmese အပြည့်အစုံသို့ »

မော်လမြိုင်၊ ဧပြီ ၁၈

ပေါင်မြို့နယ် မုတ္တမမြို့ ဇင်းဘာရပ်ကွက် ရန်ကုန်- မော်လမြိုင် အဝေးပြေး ကားလမ်းပေါ်ရှိ ရာဇာမင်း ဓာတ်ဆီဆိုင်တွင် သင်္ကြန်အကျနေ့ (ဧပြီလ ၁၄ ရက် နေ့) နံနက်အစောပိုင်းက ငွေရှင်းကောင်တာမှ ငွေများကို ရန်ကုန်ပြန်ရန် ခရီးစရိတ် လိုအပ်လျက်ရှိသည့် အသက် ၂၀ အရွယ် လူငယ်တစ်ဦးက ဝင်ရောက် လုယူခဲ့ကြောင်း မုတ္တမရဲစခန်းမှ စခန်းမှူးသိန်းလွင်က ပြောကြားသည်။

ရန်ကုန်တိုင်းဒေသကြီး သာကေတမြို့နယ်တွင် နေထိုင်သည့် အသက် ၂၀ အရွယ်ရှိ ပြည့်ဖြိုးအောင် ဆိုသူသည် ယင်းနေ့ နံနက် ၅ နာရီအချိန်တွင် ဆီဆိုင်အတွင်းသို့ လမ်းလျှောက် ဝင်လာပြီး ငွေရှင်းကောင်တာရှိ ပိုက်ဆံများကို ထုတ်ခိုင်းရာ ဆိုင်ဝန်ထမ်း မအိသိင်္ဂီမြင့်က ထုတ်ပေးခြင်း မရှိသဖြင့် ၎င်း၏ ဦးခေါင်းကို ဘီယာပုလင်းဖြင့် ရိုက်ပြီး ၆၀,၀၀၀ ကျပ်ကို လုယူသွားခြင်း ဖြစ်သည်ဟု ၎င်းက ပြောဆိုသည်။

ဆီဆိုင်တွင်းရှိငွေများ ဝင်ရောက် လုယူရန် မော်လမြိုင် ကုလားဈေးအနီးရှိ ဆိုင်ကယ်တက္ကစီ တစ်စီးကို ၁၅၀၀ကျပ် ဖြင့် ငှားခဲ့ပြီး မုတ္တမသို့ လာရောက်ခဲ့ခြင်း ဖြစ်ကြောင်း၊ ဆီဆိုင်သို့ မရောက်မီ ဆိုင်ကယ်တက္ကစီကို ရပ်ခိုင်းခဲ့ပြီး တစ်ဦးတည်း ဝင်ရောက် လုယူခဲ့ခြင်း ဖြစ်ကြောင်း လုယက်မှု ကျူးလွန်ခဲ့ခြင်း ဖြစ်ပြီး ရိုက်နှက်ခံရသည့် စာရေးမသည် ဘယ်ဘက်ဦးခေါင်း ကွဲသွားပြီး နှစ်ချက် ချုပ်လိုက်ရကြောင်းနှင့် လုယက်မှု ကျူးလွန်ခဲ့သည့် ပြည့်ဖြိုးအောင်ကို ဧပြီလ ၁၄ ရက်နေ့ နံနက် ၈ နာရီတွင် မုတ္တမ ပုသိမ်ကွင်း ကျောင်းတိုက် ဘုန်းကြီးကျောင်းဘေး၌ ဖမ်းမိခဲ့ကြောင်း စခန်းမှူး သိန်းလွင်က ရှင်းပြသည်။

ယင်းကိစ္စနှင့် ပတ်သက်၍ ဖြစ်စဉ်မှန် သိရှိရန် မုတ္တမရှိ ရာဇာမင်းဆီဆိုင်မှ ဝန်ထမ်းများနှင့် မန်နေဂျာကို မေးမြန်းရာ ၎င်းတို့သည် ဆီဆိုင်ဝန်ထမ်းများ ဖြစ်ခြင်းကြောင့် ဖြေကြားလိုခြင်း မရှိကြောင်း ဆီဆိုင်မန်နေဂျာ ဦးကျော်ကျော်မင်းက ပြောဆိုသည်။

ပြည့်ဖြိုးအောင်သည် မော်လမြိုင်မြို့ ဦးဇိနဘုရားအနီး ကြံတိုင်းအောင် ဘုန်းကြီးကျောင်းတွင် နေထိုင်ပြီး ကျပန်း လုပ်ကိုင်သူ ဖြစ်ကြောင်းနှင့် ခရီးစရိတ် လိုအပ်ခြင်းကြောင့် ကြံရာမရဖြစ်ကာ ယင်းကဲသို့ ပြုလုပ်ခဲ့ခြင်း ဖြစ်သည်ဟု ထွက်ဆိုကြောင်း မုတ္တမရဲစခန်း၏ ရဲမှတ်တမ်းတွင် ဖော်ပြထားချက်အရ သိရသည်။

ယင်းဖြစ်ရပ်အတွက် ရာဇာမင်း ဓာတ်ဆီဆိုင် မန်နေဂျာ ဦးကျော်ကျော်မင်းက မုတ္တမရဲစခန်းတွင် တရားလိုပြု တိုင်ကြားခဲ့ရာ မုတ္တမရဲစခန်းက(ပ) ၄၁/၂၀၁၄ ပုဒ်မ ၃၈၂ ဖြင့် အမှုဖွင့် စစ်ဆေးလျက် ရှိကြောင်း မုတ္တမရဲစခန်းထံမှ သိရသည်။

၂၀၁၃ ခုနှစ် နိုဝင်ဘာလ အတွင်းက ပေါင်မြို့နယ်အတွင်း ယင်းကားလမ်းပေါ်ရှိ ရွှေဆိုင်တစ်ဆိုင်ကို တပ်မတော် အရာရှိတစ်ဦးက ဘောလုံးပွဲ အကြွေးဆပ်ရန် ငွေလိုအပ်ခြင်းကြောင့် ရွှေများ ဝင်ရောက် လုယူမှု ဖြစ်ခဲ့ဖူးသည်။

The Voice Weekly

အပြည့်အစုံသို့ »

မနေ့ည အမြန်လမ်း ၁၉၇မိုင် ရာဇာမင်းယာဉ်တိမ်းမှောက်မှုကိစ္စမှာ အမှန်တကယ် ချီးကျူးရမည့်သူများ

အပြည့်အစုံသို့ »

သဲပုံစေတီတည်၍ အကျွတ်အလွတ်ပွဲ ပြုလုပ်ပြီး နှစ်ရက်အကြာ အမြန်လမ်းမကြီး ပေါ်တွင် ခရီးသည်တင်ယာဉ်တစ် စီး ထပ်မံတိမ်းမှောက်ခဲ့ကာ ခရီး သည် ၁၄ ဦး သေဆုံးပြီး ဒဏ်ရာ ရရှိသည့် ခရီးသည်များမှာလည်း အရေးပေါ် အခြေအနေဖြစ်နေ ကြောင်း သတင်းရရှိသည်။

နေပြည်တော်မှ ရန်ကုန်သို့ မောင်းနှင်လာသော ရာဇာမင်း ခရီးသည်တင်ယာဉ်သည် နေပြည်တော်အထွက် တိုးဂိတ်အကျော် တွင် တိမ်းမှောက်၍ တံတား အောက်သို့ ပြုတ်ကျခဲ့ခြင်းဖြစ် သည်။ စုစုပေါင်း ယာဉ်ပေါ်ပါ ခရီးသည် ၄၃ ဦးရှိပြီး ဒဏ်ရာ ရရှိသူ ၂၉ ဦးဖြစ်ကြောင်း သတင်း ရရှိသည်။

‘‘စဖြစ်တဲ့နေရာကို ကျွန် တော်အရင်ဆုံး ရောက်တာပဲ။ မသေမရှင် ၁၀ ယောက်လောက် ဆွဲထုတ်ပေးနိုင်ခဲ့တယ်။ အပြင် ရောက်ရေးဦးစားပေးခဲ့ရလို့ ကျိုးနေတဲ့သူတွေပဲ အတင်းဆွဲခဲ့မိတယ်။ ပိုတော့ မဆိုးသွားဘူးထင်ပါတယ်။ ကားက စောင်းနေတော့ အချိန်မရွေး မှောက်သွားနိုင်တယ်လေ။ ကားပေါ်ပါတဲ့ ယောက်ျားလေးအများစုက ကျိုးကုန်၊ သေကုန်ကြတော့ ပိုခက်သွားတယ်။ ရဲစခန်းကို ဖုန်းဆက်တော့ တစ်လုံးက ပိတ်ထားတယ်။ တစ်လုံးက မကိုင်ဘူး။ ဒါပေမဲ့ ရဲတွေကလည်းမိနစ် ၂၀ လောက်အတွင်း ရောက်ကြပါတယ်’’ဟု ရာဇာမင်း ခရီးသည်တင်ယာဉ် တိမ်းမှောက်မှုဖြစ်စဉ်တွင် ဒဏ်ရာရရှိသူများကို ကယ်ဆယ်ပေးခဲ့သော ဦးစိုးမင်းလွင်က ပြောသည်။

မေလ ၁၂ ရက် ည ၆နာရီ ၄၅ မိနစ်တွင် ရာဇာမင်းခရီးသည်တင်ယာဉ်သည် မိုင်တိုင် ၁၉၇  အနီး၌ မိုးသည်းထန်စွာ ရွာသွန်းနေစဉ် ရှေ့မှ မောင်းနှင်နေသော ကားငယ်တစ်စီးကို ကျော်တက်ရာ  အရှိန်များ၍ တိမ်းမှောက်မှု ဖြစ်ပွားပြီး တံတားအောက်သို့ ပြုတ်ကျသွားခဲ့ခြင်း ဖြစ်သည်။

‘‘ဖြစ်တဲ့အချိန်မှာ မိုးသည်းထန်စွာ ရွာနေတယ်။ ယာဉ်မောင်း က အရှိန်မလျှော့ဘဲမောင်းတယ်။ မိုင်တိုင် ၁၉၇-၆ မှတ်တိုင်ကို ၀င် တိုက်တယ်။ နောက်ပြီး ၀ဲဘက် မီးရထားခုံးကျော်တံတားအကာ အရံတွေကို ၀င်တိုက်ပြီး အောက် ဆင်းသွားတာ’’ ဟု ယာဉ်တိမ်း မှောက်မှုဖြစ်စဉ်နှင့် ပတ်သက်၍ အမြန်လမ်းရဲတပ်ဖွဲ့မှ တာဝန်ရှိ သူတစ်ဦးကပြောသည်။

ထိုသို့ပြုတ်ကျသောကြောင့် ကားပေါ်ပါလာသော ခရီးသည် ၄၃ ဦးထဲမှ ကျား ၁၀ ဦး၊ မ ၄ ဦးသေဆုံးခြင်းဖြစ်သည်။ ခရီးသည် ၃ ဦးကို လယ်ဝေးမြို့ ဆေးရုံသို့ ပို့ဆောင်ထားပြီး ကျန်ဒဏ်ရာရရှိ သူများကို နေပြည်တော်ခုတင် ၁၀၀၀ ဆေးရုံသို့ ပို့ဆောင်ထား ကြောင်း အမြန်လမ်းရဲတပ်ဖွဲ့ရဲမှူး ကြီးနေ၀င်းကပြောသည်။

ခရီးသည် ၁၄ ဦးမှာ ပွဲချင်းပြီးသေဆုံးခဲ့ခြင်းဖြစ်ပြီး ခုတင်၁၀၀၀ သို့ပို့ထားသည့် ခရီးသည်များမှာ ဒဏ်ရာအလွန်ပြင်းထန်နေပြီး ၎င်းတို့အထဲတွင် ယာဉ်မောင်းပါ ပါဝင်ကြောင်း နေပြည်တော်ရဲတပ်ဖွဲ့တာဝန်ရှိသူတစ်ဦးက ပြောသည်။

‘‘ကားက အောက်ကို ကျ သွားတာပါ။ ဖြစ်စဉ်ကတော့ သေချာပြောလို့ မရသေးပါဘူး။ ခုလောလောဆယ်ကတော့ ကယ်ဆယ်ရေး အရင်လုပ်နေပါ တယ်။ ဖြစ်တဲ့အချိန်မှာ မိုးတွေ ရွာနေလို့ လုပ်ရတာခက်ခဲနေပါတယ်’’ဟု ရဲမှူးကြီးနေ၀င်းက ပြောသည်။

ယာဉ်တိမ်းမှောက်မှုနှင့် ပတ်သက်၍ ရာဇာမင်းကားဂိတ်သို့ ဖုန်းဖြင့် ဆက်သွယ်မေးမြန်းရာ ယင်းကားသည် နေပြည်တော်မှ ရန်ကုန်သို့ ညနေ ၆ နာရီတွင် စတင်ထွက်ခွာသည့် ကားဖြစ်ပြီး တာဝန်ရှိသူများ အခင်းဖြစ်ပွား သည့်နေရာသို့ လိုက်သွားကြောင်း ဖြေကြားသည်။

မိုးက ရုတ်တရက် သဲသဲမဲမဲ ရွာချစဉ် မိုင်နှုန်းလျှော့ချလိုက်ပြီး ၅ မိနစ်ခန့်အကြာတွင်လူတစ်ယောက်က အင်္ကျီဝှေ့ယမ်းအကူအညီတောင်းခံသည်ကို တွေ့ခဲ့ရသည်။ ထိုနေရာတွင်ကားရပ်မပေးရဲဘဲ ကျော်ရပ်လိုက်ချိန်တွင် အော်သံ၊ ညည်းသံများကြားခဲ့ရကြောင်း ပါဝင်ကယ်ဆယ်ပေးခဲ့သူ ဦးစိုးမင်းလွင်ကပြောသည်။

‘‘နောက်တော့များ ဒီလိုမြင်ကွင်းမျိုးမတွေ့ပါရစေနဲ့။ ကားစပယ်ယာလား၊ ဒရိုင်ဘာလား၊ ကားလိုင်းက တစ်ယောက်ယောက် ထွက်မပြေးဘဲ ကယ်နိုင်သလောက်ကယ်ရှာပါတယ်’’ ဟု ဦးစိုးမင်းလွင်က ၎င်း၏ဖေ့စ်ဘွတ်ခ်စာမျက်နှာတွင် ရေးသားထားသည်။

အမြန်လမ်းမကြီးတွင် ကား မှောက်မှုများ မကြာခဏဖြစ်ပွား နေသောကြောင့် ၁၁၆ မိုင်၌သဲပုံစေတီတည်၍ မကျွတ်မလွတ် သော တစ္ဆေသရဲများကို မေတ္တာ ပို့အမျှဝေခြင်း၊ နှင်ထုတ်ခြင်းများ ကို မေလ ၇ ရက်မှ ၁၀ ရက်ထိ ပြု လုပ်ခဲ့ကြသည်။

၂၀၁၄ ဧပြီလအထိ လေး လအတွင်း အမြန်လမ်းမကြီးတွင် ယာဉ်တိုက်မှု ၁၄၇ မှုဖြစ်ပွားခဲ့ပြီး ၅၇ ဦးသေဆုံးခဲ့သည်။ စတင်ဖွင့်လှစ်သော ၂၀၀၉ ခုနှစ်မှ ယနေ့အချိန်ထိ ယာဉ်တိုက်မှုကြောင့်သေဆုံးသူ ၃၆၀ ကျော်နေပြီဖြစ်သည်။

7Day Daily

အပြည့်အစုံသို့ »

ဝင်းကိုကိုလတ်

နေပြည်တော်၊ မဇ္ဈိမ။ ။ ရန်ကုန်-မန္တလေး အမြန်လမ်းပေါ်တွင် မေလ ၁၂ရက် ညနေက ရာဇာမင်းမှန်လုံယာဉ် တိမ်းမှောက်မှုအတွက် ဖြစ်ရပ်အမှန်ပေါ်ပေါက်ရန်
ပြည်ထဲရေးဝန်ကြီးဌာန ဒု-ဝန်ကြီး ဗိုလ်မှူးချုပ် ကျော်ကျော်ထွန်းဦးဆောင်သည့် စုံစမ်းစစ်ဆေးရေးကော်မရှင်ကို မေလ ၁၄ရက်က ဖွဲ့စည်းလိုက်ပြီး ယင်းကော်မရှင်၏ စုံစမ်းမှုရလာဒ်ကိုသာ အတည်ယူမည်ဟု မေလ ၁၅ရက် နေ့လည် ၁နာရီက နေပြည်တော်ရှိ ရထားပို့ဆောင်ရေး ဝန်ကြီးဌာနရုံးတွင် ပြုလုပ်သည့် သတင်းစာရှင်းလင်းပွဲ၌ ရထားပို့ဆောင်ရေး ဝန်ကြီး ဦးသန်းဌေးက ပြောကြားလိုက်သည်။

ရာဇာမင်းယာဉ် တိမ်းမှောက်မှုအတွက် ဖြစ်ရပ်အမှန် ပေါ်ပေါက်ရေးနှင့် အလားတူဖြစ်ရပ်များ ထပ်မံမဖြစ်ပွားရန် ဗိုလ်မှူးချုပ် ကျော်ကျော်ထွန်းအပါအဝင် အဖွဲ့ဝင် ၈ဦး ပါဝင်သည့်
စုံစမ်းစစ်ရေးကော်မရှင်ကို မေလ ၁၄ရက်က ဖွဲ့စည်းလိုက်သည်ဟု ဝန်ကြီး ဦးသန်းဌေးက ဆိုသည်။

ရာဇာမင်း နေပြည်တော်- ရန်ကုန် ပြေးဆွဲနေသည့် အမြန်ယာဉ်သည် မေလ ၁၂ရက် ညနေ ၆နာရီ ၄၅မိနစ်ခန့်က အမြန်လမ်း ၁၉၇မိုင်တွင် တိမ်းမှောက်ခဲ့ပြီး လူ ၁၄ဦးသေဆုံးခဲ့ပြီး ၂၉ဦး ဒဏ်ရာရရှိခဲ့သည်။

ယင်းဖြစ်ရပ်ကြောင့် ယာဉ်မဆင်မခြင်မောင်းနှင်မှုနှင့် ယာဉ်လိုင်းပြေးဆွဲစဉ် ခရီးသည်များ လုံခြုံစွာ သယ်ယူပို့ဆောင်ရေးစနစ် ကြီးကြပ်မှု အားနည်းသည်ဟု ဆိုကာ ရာဇာမင်း နေပြည်တော်- ရန်ကုန် ပြေးဆွဲနေသည့် ယာဉ်လိုင်းကို မေလ ၁၅ရက်မှ စတင်ကာ ပိတ်သိမ်းလိုက်သည်ဟု နိုင်ငံပိုင်သတင်းဌာနများက ကြေငြာလိုက်သည်။

Mizzima Burmese 

အပြည့်အစုံသို့ »

ရန်ကုန်-နေပြည်တော် အမြန်လမ်း (၁၉၇)မိုင်တွင် ရာဇာမင်း ခရီးသည်တင်ယာဉ် မီးရထားခုံးကျော်တံတားအောက်ထိုးကျ၊ ယာဉ်ပေါ်ပါသည့် ခရီးသည် (၁၄) ဦး သေဆုံးကာ (၃၀) ဦး ဒဏ်ရာရ

Eleven Media Group

အပြည့်အစုံသို့ »

ရာဇာမင်း ကားမှောက်မှု ဓာတ်ပုံများ (ပုံကိုနှိပ်ပြီး အကြီးကြည့်နိုင်ပါသည်)

အပြည့်အစုံသို့ »

နေပြည်တော်၊ မတ် ၁၅

၃၆၇ မိုင် ရှည်လျားသော ရန်ကုန်-နေပြည်တော်-မန္တလေး အမြန်လမ်းသည် တစ်မိုင်လျှင် ကျပ်သန်း ၂၅၀၀ အကုန်အကျခံ၍ ဖောက်လုပ်ထားသော်လည်း အမြန်လမ်း၏ စံချိန်စံနှုန်း မမီသော ကွန်ကရစ်လမ်းသာ ဖြစ်ကြောင်း ရထားပို့ဆောင်ရေး ဝန်ကြီးဌာန၊ အစည်းအဝေး ခန်းမတွင် မေလ ၁၅ ရက်နေ့က ပြုလုပ်သော သတင်းစာ ရှင်းလင်းပွဲတွင် ဆောက်လုပ်ရေး ဝန်ကြီးဌာနနှင့် ရထားပို့ဆောင်ရေး ဝန်ကြီးဌာန၊ ဝန်ကြီးတို့က ဝန်ခံ ပြောကြားလိုက်သည်။

ယာဉ်မတော်တဆမှုကြောင့် ခရီးသွားပြည်သူ ၃၆၇ ဦး သေဆုံးခဲ့သော ရန်ကုန်-နေပြည်တော်-မန္တလေး အမြန်လမ်းတွင် မေလ ၁၂ ရက်နေ့က ရာဇာမင်း ခရီးသည်တင်ယာဉ် တိမ်းမှောက်မှုနှင့် ပတ်သက်၍ နေပြည်တော်ရှိ ရထားပို့ဆောင်ရေး ဝန်ကြီးဌာနတွင် သတင်းစာ ရှင်းလင်းပွဲ ပြုလုပ်စဉ် ရထားပို့ဆောင်ရေး ဝန်ကြီးဌာန ပြည်ထောင်စုဝန်ကြီး ဦးသန်းဌေးနှင့် ဆောက်လုပ်ရေး ဝန်ကြီးဌာန ဒုတိယဝန်ကြီး ဦးစိုးတင့်တို့က အထက်ပါအတိုင်း ပြောကြားခဲ့ခြင်း ဖြစ်သည်။

“အမြန်လမ်း မဟုတ်တော့ဘူး။ ကွန်ကရစ်လမ်းပါ။ ဒီလမ်းကို စံချိန်မီ ဖြစ်စေချင်ပါတယ်။ အစိုးရအဖွဲ့မှာ အမှားတွေ အားနည်းချက်တွေ ရှိနေဆဲပါ။ ပြုပြင်သွားရမှာပါ” ဟု ဝန်ကြီး ဦးသန်းဌေးက ဆိုသည်။

အဆိုပါလမ်းသည် နိုင်ငံတကာ စံချိန်စံညွှန်းနှင့် ညီညွှတ်မှု မရှိသည့်အပြင် လက်ရှိ စံချိန်စံညွှန်း၏ အတိုင်းအတာကိုလည်း ပြောကြား၍ မရနိုင်ကြောင်း ဒုတိယဝန်ကြီး ဦးစိုးတင့်က ထပ်လောင်း ပြောကြားသည်။

ထို့ကြောင့် နိုင်ငံတကာ စံချိန်စံညွန်းများ မှီစေနိုင်ရန် အမေရိကန်အစိုးရ၏ အကူအညီဖြင့် ပြုပြင်ရေး လုပ်ငန်းများ ဆောင်ရွက်သွားမည် ဖြစ်သော်လည်း မည်သည့်အချိန်တွင် ပြီးစီးအောင် လုပ်နိုင်မည်ကို ခန့်မှန်းမရသေးကြောင်း ၎င်းကဆိုသည်။

အဆိုပါ ကွန်ကရစ်လမ်းသည် နိုင်ငံတကာ စံချိန်စံညွန်း မမီသော်လည်း ဖွင့်လှစ်လိုက်သည့် ငါးနှစ်ကျော် ကာလအတွင်း ယာဉ်မောင်း ပေါ့ဆမှုကြောင့် ၆၃ ဒသမ ၆၄ ရာခိုင်နှုန်း၊ ယာဉ်ကြောင့် ၂၃ ဒသမ ၈ ရာခိုင်နှုန်း၊ ရာသီဥတုကြောင့် ၀ ဒသမ ၄ ရာခိုင်နှုန်းနှင့် လမ်းအရည်အသွေးကြောင့် ၁ ဒသမ ၁၆ ရာခိုင်နှုန်းသာ မတော်တဆမှုများ ဖြစ်ပွားခဲ့ကြောင်း အစိုးရအဖွဲ့၏ မှတ်တမ်းများတွင် ဖော်ပြထားသည်။

မေလ ၁၂ ရက်နေ့ ည ၇ နာရီ ၂၀ ခန့်က ရန်ကုန်-နေပြည်တော် အမြန်လမ်း မိုင်တိုင် အမှတ် ၁၉၇ တွင် ဖြစ်ပွားခဲ့သော ရာဇာမင်း ခရီးသည်တင် အမြန်ယာဉ် တိမ်းမှောက်မှုကြောင့် ၁၄ ဦး သေဆုံး၊ ၃၀ ခန့် ဒဏ်ရာရရှိခဲ့ရာ ယင်းယာဉ်လိုင်းကို မဆင်မခြင် မောင်းနှင်ခြင်းနှင့် ခရီးသည်များ လုံခြုံစွာ သယ်ယူပို့ဆောင်ရာတွင် စနစ်တကျ ကြီးကြပ်ရန် အားနည်းခဲ့ခြင်းကြောင့် နေပြည်တော် ကုန်လမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့က ရန်ကုန်-နေပြည်တော်-ရန်ကုန် ခရီးစဉ် ပြေးဆွဲခွင့်ကို မေလ ၁၅ ရက်နေ့မှ ရပ်ဆိုင်းခဲ့သည်။

“ကားသမားတွေက ခေါက်ပြန် မောင်းနေရတာ။ ရန်ကုန်က မနက်ထွက် နေပြည်တော်က နေလယ် ပြန်ထွက်။ တနင်္ဂနွေဆို တချို့ သုံးခေါက် မောင်းရတယ်” ဟု အဝေးပြေး ယာဉ်မောင်းတစ်ဦးက ပြောကြားသည်။

၃၆၆ မိုင်ခန့် ရှည်လျားသော ရန်ကုန်-နေပြည်တော်-မန္တလေး အမြန်လမ်းမကြီးမှာ ရန်ကုန်-နေပြည်တော်လမ်း စတင်ဖွင့်လှစ်ချိန် ၂၀၀၉ ခုနှစ် မတ်လမှ ၂၀၁၄ ခုနှစ် ဧပြီလ ၂၂ ရက်နေ့အထိ ငါးနှစ်ကျော် ကာလအတွင်း ယာဉ်မတော်တဆမှုပေါင်း ၇၃၀ ကျော် ဖြစ်ပွားခဲ့ရာ သေဆုံးသူပေါင်း ၃၆၇ ဦးနှင့် ဒဏ်ရာရရှိသူပေါင်း ၁၀၀၀ ဦးကျော်အထိ ရှိခဲ့သဖြင့် အမြန်သေလမ်းမကြီးဟု ပြောဆို ဝေဖန်ခဲ့သည်ကို ထောက်ရှုရလျှင် အမြန်လမ်းကို တာဝန်ယူ တည်ဆောက်ခဲ့သည့် ကုမ္ပဏီများ၊ ဌာနဆိုင်ရာ တာဝန်ရှိသူများ အနေနှင့် ရှက်မည်ဆိုလျှင် ရှက်သင့်ပြီ ဖြစ်ပါကြောင်း တောင်ငူမြို့ခံ စီးပွားရေး လုပ်ငန်းရှင်ကြီးတစ်ဦးက သုံးသပ် ပြောကြားသည်။

လမ်းတည်ဆောက်မှုအတွက် ကျွမ်းကျင် ပညာရှင်များကို အသုံးပြု၍ အမှန်တစ်ကယ် အရည်အသွေး ပြည့်ဝသည့် ဆောက်လုပ်ရေး လုပ်ငန်းသုံး ပစ္စည်းများကို အသုံးပြုခဲ့ကြောင်း သေချာသည့် သက်သေ သာဓကကို မတွေ့ရသေးကြောင်း လမ်းပိုင်းဆိုင်ရာ အင်ဂျင်နီယာ တစ်ဦးအဖြစ် ၁၅ နှစ်နီးပါး လုပ်သက်ရှိသူ တောင်ငူမြို့ခံ အင်ဂျင်နီယာတစ်ဦးက သုံးသပ် ပြောဆိုသည်။

“ကွန်ကရစ် လမ်းခင်းမယ် ဆိုရင် အောက်ခံမြေသားက အနည်းဆုံး အသား သေလောက်တဲ့ အတိုင်းအတာ ပမာဏလောက် ထားရှိရပါမယ်။ ဒါပေမဲ့ အမြန်လမ်းမကြီးက နှစ်တိုတိုအတွင်း ပြီးစီပြီး နှစ်တိုတိုအတွင်းမှာပဲ ဖြတ်သန်း သွားလာခွင့် ပြုခဲ့တာကို ကျွန်တော် ဘယ်လိုမှ စဉ်းစားလို့ မရပါဘူး” ဟု ၎င်းက ထပ်လောင်း ပြောဆိုသည်။

The Voice Weekly

အပြည့်အစုံသို့ »

နေပြည်တော်၊ မေ ၂၃- မေ ၁၂ ရက် ညနေ ၆နာရီ ၄၅မိနစ်ခန့်က ရန်ကုန်-မန္တလေးအမြန်လမ်း၌ ရာဇာမင်း ယာဉ်တိမ်းမှောက် ခဲ့သဖြင့် ၁၄ဦး သေဆုံးပြီး ၃ဝဒဏ်ရာရရှိခဲ့ကာ နေ ပြည်တော် ခုတင် ၁၀၀ဝဆေးရုံကြီး တွင် ဒဏ်ရာရ၍ တက်ရောက်ဆေး ကုသမှုခံယူနေသူများအနက် မေ ၂၂ ရက်တွင် နှစ်ဦး ထပ်မံသေဆုံးခဲ့ ကြောင်း၊ သေဆုံးသွားသူ ဦးသန်း ကျော်၏ သမီးကြီး မနွယ်နီအောင် ၏ အမျိုးသားဖြစ်သူ ကိုမျိုးဇော်က ဒီမိုက ရေစီ တူဒေး သို့ ပြောသည်။

''အဖေကတော့ ဦးသန်းကျော် ပါ။ ရာဇာမင်းကားမှောက်တဲ့အထဲ မှာ ပါတာ ပါ။ အတွင်းလူနာအဖြစ် သုံးဦးကျန်ခဲ့တယ်။ သူတို့ကို အိုင်စီ ယူမှာထားတယ် အဲဒီသုံးယောက် က ဦးသန်းကျော်၊ ကိုမြင့်စိုးနဲ့ ဦးခင် စိုးတို့ပါ၊ အဲဒီသုံးဦးထဲမှာ မနေ့က နှစ် ဦးဆုံးသွား တယ်။ အဖေဦးသန်း ကျော်ရယ်၊ ကိုမြင့်စိုးရယ်ပေါ့။ ကို မြင့်စိုးက မွန်းလွဲ ၁နာရီလောက်မှာ ဆုံးပြီး အဖေကတော့ ည ၇ နာ ရီ ၂၅မိနစ်လောက်မှာဆုံးတယ်။ ဒီ ကိစ္စမှာ ရာဇာမင်းယာဉ်လိုင်းက ဘာ မှလာ လုပ်မပေးဘူး။ ကျွန်တော်တို့ ဒီမှာ ဘာမှပြောမထား ဘူး။ ဒီကိုလာ သလားမေးတော့ လဲ ဒီမှာ ဘယ်သူ့ ကိုမှ လာလုပ်ပေးတာမရှိဘူး။ ကျွန် တော်တို့ဖုန်းဆက်တော့လဲ မန်နေဂျာ တွေ က ဟိုဖုန်းနံ ပါတ် ကိုပြောလိုက်၊ ဒီဖုန်းနံပါတ်ကိုပြောလိုက်နဲ့ အဲဒီလို ဖြစ်နေတယ်။ ကျွန်တော် တို့က လုပ် သင့်တာကို ဆက်လုပ် ရမှာ ပဲလေ။ တ ကယ်လို့ ရန်ကုန်ရောက် လို့မှ ဒီကိစ္စ ကို မဖြေရှင်းပေးဘူးဆိုရင်လဲ ကျွန် တော်တို့က သက်ဆိုင် ရာနဲ့ပြော ရမှာ ပေါ့''ဟု ယင်းက ပြောသည်။

သေဆုံးသွားသူ ဦးသန်းကျော် မှာ ရန်ကုန်မြို့မှဖြစ်၍ ယင်းအလောင်း အား ရန်ကုန်သို့ပြန်သယ်ယူမည်ဖြစ် ပြီး ကိုမြင့်စိုးဆိုသူမှာ ပဲခူးတိုင်းဒေ သကြီး အုတ်ဖိုမြို့မှဖြစ်ကာ ယင်းအ လောင်းအား နေပြည်တော်တွင်သာ သင်္ဂြိုဟ်မည်ဖြစ်ကြောင်း သိရသည်။

လူနာများအား နေပြည်တော် ခုတင် ၁၀၀ဝဆေးရုံကြီးမှ မည် သို့ ဆောင်ရွက်ပေး မှုရှိသည်ကို မေးမြန်း ကြည့်ရာ ''ဆေးရုံကြီး ကတော့ လူနာ အကုန်လုံးကို လိုလေသေးမရှိအောင် ပြုစုပေးပါတယ်။ အသက်ထွက်တဲ့ အချိန်အထိကို ဆရာဝန်ကြီးတွေ၊ ဆရာမတွေ ၊ မေ့ဆေးဆရာဝန်ကြီးတွေ၊ ခွဲစိတ်ဆရာဝန်ကြီးတွေ အကုန်လုံး ဂရုတစိုက်ပေါ့နော်၊ ညွှန်ကြားပြီးတော့ အကုန်လုံးလိုက်လုပ်ပေးပါတယ်။ အားလုံးအဆင်ပြေပါတယ်။ သူတို့ အားလုံး ကောင်းကောင်းမွန်မွန်ပါပဲ၊ အသက်ထွက် သွားတဲ့အထိ ဝေယျာ ဝစ္စအားလုံး သူတို့လုပ်ပေးပါတယ်။ မလုပ်ပေးတာက ရာဇာမင်းယာဉ် လိုင်းတစ်ခုပဲ၊ ကျွန်တော်တို့ကို ဘာ မှမဆက်သွယ်ဘူး။ ကျွန်တော်တို့က ဆက်သွယ်တော့လဲ ဆက်သွယ်လို့မ ရဘူး''ဟု ကိုဇော်မျိုးက ထပ်မံပြော ကြားသည်။

''ကျွန်တော်တို့က ငွေရေးကြေး ရေးမတတ်နိုင်တော့ အလောင်း ကို ပြန်သယ် ဖို့ အခက်အခဲရှိတယ်။ ဒါ ကြောင့်ဒီမှာပဲသဂြို ဟ် လိုက်မယ်။ ကျွန် တော်တို့လဲ သူတို့လိုပဲ၊ ရာဇာမင်း ယာဉ်လိုင်းက ဘာမှလုပ်မပေးဘူး၊ ဘာမှလဲ ဆက်သွယ် မှု မရှိဘူး၊၊ အခု ချိန်ထိ ဆက်သွယ်လို့မရသေးဘူး'' ဟု သေဆုံး သူကိုမြင့်စိုး ၏ အစ်ကို ဖြစ်သူက ပြောသည်။

ရာဇာမင်းယာဉ်တိမ်းမှောက် စဉ်က သေဆုံးသူ ၁၄ဦးရှိခဲ့ကာ ယခု နှစ်ဦး အပါအဝင် သေဆုံးသူ ၁၆ဦး ရှိသွားပြီဖြစ်ကြောင်း ၊ နေပြည်တော် ခုတင် ၁၀၀၀ ဆေးရုံကြီးတွင် အတွင်း လူနာအဖြစ် တစ်ဦးကျန်ရှိနေသေး ကြောင်း ယင်းတို့ ၏ပြောကြားချက် အရသိရသည်။

M P [--Democracy today Daily Newspaper--]

Yangon Media Group အပြည့်အစုံသို့ »