Showing posts sorted by relevance for query သန္ဓေ. Sort by date Show all posts
Showing posts sorted by relevance for query သန္ဓေ. Sort by date Show all posts

သန္ဓေတားသောအခါ


သန္ဓေတားခြင်း နည်းလမ်းပေါင်း များစွာရှိပါသည်။ မည်သည့်နည်းလမ်းဖြင့် သန္ဓေတားမည်ကို ဆုံးဖြတ်သော အခါ မိမိ၏ ကျန်းမာရေး အခြေအနေ၊ လိင်ဆက်ဆံသည့် အကြိမ်ရေနှင့် ကလေးလိုချင်စိတ်ရှိ/မရှိ စသည့် အချက် မြောက်မြားစွာပေါ် မူတည်၍ ဆုံးဖြတ် ရပါသည်။ သန္ဓေတားနည်း တစ်ခုခုကို ရွေးချယ် တော့မည်ဆိုလျှင် မိမိ ရွေးချယ်မည့် နည်းလမ်းသည် ထိရောက်မှု ရှိရဲ့လားဟု စတင် စဉ်းစားရပါမည်။

မိမိ ရွေးချယ်မည့် နည်းလမ်းသည် ကိုယ်ဝန်မရစေရန် မည်မျှ ကာ ကွယ်ပေးနိုင် မည်လဲ။ ဤအချက်ကို သိရှိရန် အတွက် မိမိရွေးချယ်မည့် သန္ဓေ တားနည်းကို အသုံးပြု လျက်ရှိသော အမျိုးသမီးဦးရေ (၁၀၀)ကို လေ့လာ ကြည့်ရပါမည်။ တစ်နှစ် ကြာသောအခါ အမျိုးသမီးဦးရေ (၁၀၀) အနက် ဦးရေ မည်မျှတွင် မလိုချင်ဘဲ ကိုယ်ဝန်ရရှိ သွားသည်ကို သိရှိရန်လိုပါသည်။ မလိုချင်ဘဲ ကိုယ်ဝန်ရရှိသူ အရေအတွက် များလျှင် သင်ရွေး ချယ်မည့် နည်းလမ်းသည် ထိရောက်မှုနည်းသည်ဟု ကောက်ချက် ချရပါမည်။ မလိုချင်ဘဲ ကိုယ်ဝန်ရရှိသူ အရေအတွက် နည်းလျှင် သင်ရွေးချယ်မည့် နည်းလမ်းသည် ထိရောက်မှု ရှိသည်ဟု ကောက်ချက် ချရပါမည်။

အကယ်၍ သင်တို့ စုံတွဲသည် မရည်ရွယ်ဘဲ ကိုယ်ဝန် ရရှိခြင်းကို လုံးဝ လက်မခံ နိုင်သော သူများ ဖြစ်ပါက ထိရောက်မှု အရှိဆုံးသော သန္ဓေတား နည်းလမ်းကို အသုံးပြု သင့်ပါသည်။ အကယ်၍ သင်တို့စုံတွဲသည် ကိုယ်ဝန် ရခြင်းကို ရှောင်ရှားလိုသည်။ သို့သော် မရည်ရွယ်ဘဲ ကိုယ်ဝန် ရရှိလာ ပါကလည်း ၀မ်းမြောက် ၀မ်းသာ လက်ခံနိုင် သည်ဆိုပါက ထိရောက်မှု နည်းပြီး သက်သောင့်သက်သာ ရှိသော သန္ဓေတား နည်းလမ်း ကို အသုံးပြု နိုင်ပါသည်။

မိမိ အသုံးပြု လိုသည့် သန္ဓေတား နည်းလမ်းသည် ထိရောက်မှု ရှိ/မရှိ ရွေးချယ် ဆုံးဖြတ် ပြီးသောအခါ နောက်တစ်ဆင့် အားဖြင့် ကုန်ကျ စရိတ်ကို စဉ်းစား ရပါမည်။ ကုန်ကျစရိတ်သည် ရေရှည်တွင် မိမိ တတ်နိုင်သည့် ပမာဏ အတွင်း ရှိနေရန် လိုအပ် ပါသည်။ နောက်ထပ် စဉ်းစားရန် တစ်ခုမှာ ကျန်းမာရေး ထိခိုက်မှု ရှိ/မရှိ ဖြစ်ပါသည်။ ဥပမာ- အသက် (၃၅)နှစ် ကျော်နေပြီ ဖြစ်သော အမျိုးသမီးသည် ဆေးလိပ် သောက်တတ်သူ အမျိုးသမီး ဖြစ်ပါက သန္ဓေတား သောက်ဆေးများ သုံးစွဲရန် မသင့်လျော်ပါ။

အမျိုးသား ဖြစ်သူ၏ အခြေအနေ ကိုလည်း ထည့်သွင်း စဉ်းစား ရပါမည်။ သင်၏ အမျိုးသားသည် သင်ရွေးချယ် သော သန္ဓေတားနည်းလမ်းကို ကျေနပ်လက်ခံသူဖြစ်ပါက သင့်အဖို့ ရွေးချယ်ရ လွယ်ကူ ပေလိမ့်မည်။ သန္ဓေ တားနည်းကို ဘယ်လောက်ကြာကြာ အသုံးပြုမည်ဟူသော သင်၏ဆုံးဖြတ်ချက်သည် သင်ရွေးချယ်မည့် သန္ဓေ တားနည်းလမ်းအပေါ် သက်ရောက်မှုရှိပါသည်။ သင်သည် ယာယီသန္ဓေတားလိုပါက ထိရောက်မှု နည်းသော နည်းလမ်းများ ကို အသုံးပြုရမည်ဖြစ်ပြီး တစ်သက်လုံး သန္ဓေတားလိုသည်ဆိုပါက ထိရောက်မှုအရှိဆုံး သန္ဓေတားနည်းများကို အသုံးပြု နိုင်မည် ဖြစ်ပါသည်။

HIV ကူးစက်ရောဂါနှင့် လိင်မှတစ်ဆင့်ကူး စက်တတ်သောရောဂါများအား ကာကွယ်နိုင်မှု ရှိ/မရှိကိုလည်း ထည့်သွင်း စဉ်းစားရန် လိုအပ်ပါသည်။ သန္ဓေတားနည်း အများစုသည် ကူးစက်ရောဂါများကို ကာကွယ်နိုင် စွမ်းမရှိပါ။ ယေဘုယျအားဖြင့် မြန်မာနိုင်ငံတွင် အဖော်ဟု ခေါ်ဆိုကြသော ကွန်ဒုံးများက ကူးစက်ရောဂါများကို အထိရောက်ဆုံး ကာကွယ်ပေးနိုင်ပါသည်။ အဖော်ကို အဖိုသုတ်ကောင်သတ်ဆေးရည် (Spermicide) များနှင့် တွဲဖက်အသုံးပြုပါက လိင်မှတစ်ဆင့် ကူးစက်တတ်သော ရောဂါများကို ကာကွယ်ရာတွင် ပိုမိုထိရောက်မှု ရှိပါသည်။

အလွယ်တကူ ရရှိနိုင်မှုသည်လည်း အရေးကြီးပါသည်။ မိမိရွေးချယ်သည့် သန္ဓေတားနည်းလမ်းသည် ဆရာဝန်ညွှန်မှ အသုံးပြု၍ ရနိုင်သလား၊ အဖွဲ့အစည်းများထံမှ အခမဲ့ အလွယ်တကူ ရနိုင်သလား၊ ၀ယ်ယူ အသုံးပြုနိုင်သလား စသည်တို့ အပေါ်မူတည်၍ ရွေးချယ်ဆုံးဖြတ်ရမည် ဖြစ်ပါသည်။ အထက်ဖော်ပြပါ အချက်များအပေါ် မူတည်၍ မိမိနှင့် သင့်လျော်သည့် သန္ဓေတားနည်းကို စနစ်တကျ စဉ်းစားရွေးချယ် အသုံးပြုခြင်းသည် မရည်ရွယ်ဘဲ ကိုယ်ဝန်ရရှိခြင်းကို ရှောင်ရန်အတွက် အကောင်းဆုံး အထောက်အကူ ဖြစ်စေပါသည်။

သန္ဓေတားနည်းလမ်းများစွာကို စုစည်း၍ အဓိကအားဖြင့် အုပ်စုသုံးစုခွဲ၍ ပြောနိုင်ပါသည်။ ၎င်းတို့မှာ -
၁။ အကာအကွယ် အသုံးပြုခြင်း (Barrier Method)

၂။ ဟိုမုန်းဓာတ်ဖြင့် သန္ဓေတားခြင်း (Hormonal Method)

၃။ သားကြောဖြတ်ခြင်း (Permanent Method) စသည်တို့ ဖြစ်ကြပါသည်။

၁။ အကာအကွယ် အသုံးပြုခြင်း

(က) ကွန်ဒုံး

ကွန်ဒုံးတွင် အမျိုးသားများ အသုံးပြုသော ကွန်ဒုံး(အဖော်)နှင့် အမျိုးသမီးများ အသုံးပြုသော ကွန်ဒုံးဟူ၍ နှစ်မျိုးရှိ ပါသည်။ ကိုယ်ဝန်ရှိခြင်းကို ကာကွယ်ရန်အတွက် လိင်ဆက်ဆံသည့် အကြိမ်တိုင်းတွင် အမျိုးသား ကွန်ဒုံး (သို့မဟုတ်) အမျိုးသမီး ကွန်ဒုံး တစ်မျိုးမျိုးကို အသုံးပြုရပါမည်။ ကွန်ဒုံးကို ဆေးဆိုင်များတွင် ဆရာဝန် ညွှန်ကြားချက် မလိုဘဲ လွတ်လပ်စွာ ၀ယ်ယူ ရရှိနိုင် ပါသည်။ အချို့ ဆေးခန်း များတွင် အခမဲ့ ပေးဝေလေ့ ရှိပါသည်။

 (ခ) သားအိမ်ခေါင်းဖုံး

 သားအိမ် ခေါင်းဖုံးသည် ကွေးခေါက်၍ရသော သားရေ အဖုံးဖြစ်ပြီး အဖို သုတ်ပိုးကို သေစေနိုင်သည့် ကရင်မ် သို့မဟုတ် ဂျယ်လီ သုတ်လိမ်းထားပါသည်။ အဖိုသုတ်ကောင်များ သားအိမ်ခေါင်းသို့ မရောက်စေရန် အတွက် လိင်ဆက်ဆံခြင်း မပြုမီတွင် သားအိမ်ခေါင်းဖုံးကို သားအိမ်ခေါင်းတွင် တပ်ဆင် ထားရပါသည်။ လိင်ဆက်ဆံပြီးသောအခါ ချက်ချင်း ပြန်မထုတ်ရပါ။ ၆ နာရီမှ ၈ နာရီခန့်ကြာအောင် ဖုံးထားရပါသည်။ သားအိမ်ခေါင်းဖုံးကို အသုံးပြုမည်ဆိုပါက မိမိနှင့်သင့်တော်သော အရွယ်အစားနှင့် အမျိုးအစားကို ကျွမ်းကျင်သော သူ၏ ညွှန်ကြားချက်ဖြင့်သာ အသုံးပြုသင့်ပါသည်။ သားအိမ်ခေါင်းဖုံး အသုံးပြု ခြင်းကြောင့် သားရေ သို့မဟုတ် ဂျယ်လီနှင့် ဓာတ်မတည့်ခြင်းကြောင့် ယောင်ယမ်းယားယံခြင်းဖြစ်နိုင်ပါသည်။ ဆီးလမ်း ကြောင်းပိုးဝင်နိုင်ရန် အခွင့်အရေး များစေပါသည်။ အချို့သောသူများတွင် သားအိမ်ခေါင်းဖုံးကို အချိန်ကြာမြင့်စွာ မဖြုတ်ဘဲ ထားမိပါက (Toxic shock syndrome) ဟုခေါ်သော အသက်အန္တရာယ်ရှိသည့် ရောဂါဖြစ်နိုင်ပါသည်။

(ဂ) သုတ်ပိုးသတ်သည့်ဂွမ်း

သုတ်ပိုးသတ်သည့် “ဂွမ်း” ဆိုသည်မှာ နူးညံ့သော စက်ရုံထုတ်ဂွမ်းဖြစ်ပြီး သုတ်ပိုးသတ်သည့် ဆေးရည်ဖြင့် စိမ်ထား ပါသည်။ လိင် ဆက်ဆံခြင်း မပြုမီ သုတ်ပိုး သတ်သည့် ဂွမ်းကို စွတ်စိုအောင် ပြုလုပ်၍ အမျိုးသမီး အင်္ဂါအတွင်းရှိ သားအိမ်ခေါင်း အ၀အနီးသို့ ထည့်သွင်းထားရပါမည်။

 ၂။ ဟော်မုန်းဓာတ်ဖြင့် သန္ဓေတားခြင်း

 ဟော်မုန်းဓာတ်ပါဝင်သော သန္ဓေတားဆေးများတွင် ပရိုဂျက်စတင် တစ်မျိုးတည်းပါသော သန္ဓေတားဆေးများ ရှိသကဲ့သို့ ပရိုဂျက်စတင်နှင့် အီထရိုဂျင် နှစ်မျိုးလုံးပါဝင်သော ဆေးလည်းရှိပြီး အမျိုးသမီးများ၏ သားဥ အိမ်မှ သားဥကြွေကျခြင်းကို တားဆီးပေးပါသည်။ ပရိုဂျက်စတင် တစ်မျိုးတည်းပါဝင်သော ဆေးများသည် အမျိုးသမီး၏ သားအိမ်ခေါင်း အနီးတစ်ဝိုက်ရှိ သဘာဝအတိုင်း ထွက်ရှိသော အကျိအချွဲများကို ပိုမို ထူပျစ်စေးကပ်အောင် ပြုလုပ်ခြင်းဖြင့် အမျိုးသား၏ သုတ်ပိုးများအား အမျိုးသမီး၏ သားအိမ်အတွင်းသို့ မ၀င်ရောက်နိုင်အောင် တားဆီးပေးပါသည်။

ပရိုဂျက်စတင် ပါဝင်သောကိရိယာ (Implant) ကို ခန္ဓာကိုယ် အရေပြားအောက်တွင် ခွဲစိပ်ထည့်သွင်းရသည့် နည်းလမ်းလည်း ရှိပါသည်။ ၎င်းကိရိယာမှ ပရိုဂျက်စတင် ပမာဏကို စဉ်ဆက်မပြတ် ထုတ်လွှတ်ပေးခြင်းဖြင့် သန္ဓေတားပေးပါသည်။ တစ်လခံဆေး၊ သုံးလခံဆေး စသည်ဖြင့် အလွယ်တကူခေါ်ကြသော ဒီပို (Depo Injection) ဆေးများကို ကြွက်သား အောက်သို့ တစ်လတစ်ကြိမ် သို့မဟုတ် သုံးလတစ်ကြိမ်ထိုးခြင်းဖြင့် သန္ဓေတားနိုင်ပါသည်။ ဒီပိုထိုးဆေးသည် ပရိုဂျက်စတင် ပါဝင်သော ထိုးဆေးဖြစ်ပါသည်။

အရေပြား ပေါ်တွင် ကပ်ခွာ ပုံစံဖြင့် ကပ်ထား နိုင်သည့် သန္ဓေတား နည်းလည်း ရှိပါသည်။ ၎င်းကပ်ခွာမှ ပရိုဂျက် စတင်နှင့် အီစထရိုဂျင် ဟော်မုန်း ဓာတ်များကို အဆက်မပြတ် ထုတ်လွှတ် ပေးခြင်းဖြင့် သန္ဓေတားပေး ပါသည်။ အခြားသော ဟော်မုန်း တားဆေးများ ကဲ့သို့ပင် ကပ်ခွာ ပုံစံသည်လည်း ဆရာဝန် ညွှန်ကြားချက်ဖြင့်သာ အသုံးပြု ရပါမည်။ Vaginal Ring ဟုခေါ်သည့် ဟော်မုန်း ဓာတ်ပါသော ကွင်းငယ်အား အမျိုးသမီး အင်္ဂါအတွင်းသို့ ထည့်သွင်းခြင်းဖြင့် သန္ဓေတားနိုင် ပါသေးသည်။ ၎င်းကွင်းငယ်မှ ပရိုဂျက်စတင်နှင့် အီစထရိုဂျင် ဟော်မုန်း ဓာတ်နှစ်မျိုးလုံး ထုတ်လွှတ်ပေးခြင်းဖြင့် သန္ဓေတားနိုင်ပါသည်။  အရေးပေါ်တားဆေး ဟုခေါ်ဆိုသည့် Emergency Pill များသည်လည်း ဟော်မုန်းဓာတ်ဖြင့် သန္ဓေတားသောဆေးများ ဖြစ်ပါသည်။

Intra Uterine Device (IUD) ဟုခေါ်သည့် သန္ဓေတား ပစ္စည်း များလည်း ရှိပါသည်။ IUD သည် သေးငယ် သော ပလတ်စတစ် (သို့မဟုတ်) ကော့ပါး ကိရိယာ တစ်ခု ဖြစ်ပါသည်။ IUD ကို အမျိုးသမီး၏ သားအိမ်ခေါင်း အား ဖြတ်သန်းကာ သားအိမ် အတွင်းသို့ ရောက်အောင် ကျွမ်းကျင်သော ဆရာဝန်များမှ ထည့်သွင်း ပေးပါသည်။ အချို့သော IUD များတွင် ပရို ဂျက်စတင် ဟော်မုန်း ပမာဏ အနည်းငယ် ထုတ်လွှတ် ပေးအောင် ဖန်တီး ထားပါသည်။ IUD တစ်ကြိမ် ထည့်သွင်း ထားလျှင် ၅နှစ်မှ ၁၀နှစ်အထိ သန္ဓေတား ပစ္စည်းအဖြစ် အသုံးပြု နိုင်ပါသည်။

IUD အသုံးပြု ခြင်းသည် ထိရောက်သော သန္ဓေတား နည်းတစ်ခု ဖြစ်ပါသည်။ IUD နည်းဖြင့် သန္ဓေတားလျက် ကိုယ်ဝန် ရရှိနှုန်း တစ်နှစ် အတွင်း၌ အမျိုးသမီး (၁၀၀)တွင် (၁) ယောက် ထက် နည်းပါသည်။ ဆိုးကျိုး အနေနှင့် ဆီးစပ် ကိုက်ခြင်း၊ သွေးဆင်းခြင်းတို့ ဖြစ်ပေါ်နိုင်ပြီး အခန့်မသင့်လျှင် သားအိမ်ပေါက် ခြင်းမျိုး ဖြစ်နိုင် ပါသည်။ ပရိုဂျက်စတင် ဟော်မုန်း ထည့်သွင်း ထားသော IUD များသည် သားအိမ် အတွင်း ထည့်သွင်း ပြီးနောက် အချိန်မှန် မဟုတ်ဘဲ သွေး အနည်းငယ် ဆင်းနိုင် ပါသည်။ ၎င်းသန္ဓေ တားနည်း အသုံးပြုသူ အမျိုးသမီး ဦးရေ၏ ထက်ဝက်ခန့်တွင် IUD ထည့်ပြီး တစ်နှစ်ကြာသောအခါ သွေးပေါ်ခြင်း လုံးဝမရှိတော့ပါ။ IUD ကို ပြန်ထုတ် လိုက်လျှင် သွေးပေါ်ပါသည်။

၃။ သားကြောဖြတ်ခြင်း

 အမျိုးသားဖြစ်စေ၊ အမျိုးသမီး ဖြစ်စေ၊ နှစ်ဦး စလုံးဖြစ်စေ နောင်အနာဂတ်တွင် ကလေး မယူတော့ရန် သေချာ သောအခါ ဤနည်းလမ်းကို အသုံးပြု နိုင်ပါသည်။ အမျိုးသား၏ ကပ္ပါယ်အိတ် အတွင်းမှ သုတ်ပြွန် တစ်ခုကို ဖြတ်တောက်ခြင်း (Vasectomy) ဖြင့် အမျိုးသားအား တစ်သက်လုံး ကလေးမရစေရန် ပြုလုပ် နိုင်ပါသည်။ အမျိုးသမီး၏ ၀မ်းဗိုက် ကိုဖွင့်၍ သားအိမ်၏ ဘေးတစ်ဖက် တစ်ချက်မှ သားဥ ပြွန်နှစ်ချောင်း ကို ဖြတ်တောက် ခြင်းဖြင့် အမျိုးသမီးများအား တစ်သက်လုံး ကလေး မရစေရန် ပြုလုပ်နိုင်ပါသည်။

 ၄။ မမှန်ကန်သောနည်းလမ်းများ

တချို့ အမျိုးသား များသည် အကာအကွယ်မဲ့ လိင်ဆက်ဆံပြီး သုတ်လွှတ်ကာနီးတွင် အမျိုးသမီး အင်္ဂါတွင်းမှ ထုတ်ကာ သုတ်လွှတ်လေ့ ရှိကြပါသည်။ ဤသို့ ပြုလုပ်ခြင်းဖြင့် ကလေး မရနိုင်ဟု မှားယွင်းစွာ မှတ်ယူ တတ်ကြ ပါသည်။ သုတ်လွှတ်ခြင်း မပြုလုပ်မီ အမျိုးသား အင်္ဂါမှ ထွက်သော အကျိအချွဲတွင် သုတ်ကောင် အနည်းငယ် ပါဝင် နိုင်ပြီး ထိုပမာဏသည် အမျိုးသမီးအား ကိုယ်ဝန် ရရှိစေ နိုင်ပါသည်။

တချို့သော စုံတွဲများတွင် အကာအကွယ်မဲ့ လိင်ဆက်ဆံ ပြီးသောအခါမှ ပြီးလျှင်ပြီးချင်း အမျိုးသမီး အင်္ဂါဇာတ်ကို ရေဆေးခြင်းဖြင့် ကိုယ်ဝန် မရနိုင်ဟု မှားယွင်းစွာ မှတ်ယူ တတ်ကြပါသည်။ အမျိုးသားမှ သုတ်လွှတ်ပြီး စက္ကန့် (၉၀)အတွင်း၌ သုတ်ကောင်သည် သားအိမ်ခေါင်းကိုဖြတ်ကာ သားအိမ်အတွင်းသို့ ၀င်ရောက်ပြီး ဖြစ်သည့်အတွက် ရေဆေးခြင်းဖြင့် ကိုယ်ဝန် ရရှိခြင်းကို မတားဆီးနိုင်ပါ။ ကလေးမွေးပြီး ကလေးအား အမေနို့ တိုက်နေစဉ် ကာလ အတွင်း လိင်ဆက်ဆံလျှင် ကလေး မရနိုင်ဟု ယူဆသူများ ရှိပါသည်။ ကလေးအား နို့တိုက် နေသည့် ကာလအတွင်း လိင်ဆက်ဆံပါက ကိုယ်ဝန် ရရှိ နိုင်ခြေ ရှိပါသည်။

ကလေး မလိုချင်သော မောင်နှံများ မမှန်ကန်သော အယူအဆ များကို ရှောင်ကြဉ်ကာ စနစ်ကျသော သန္ဓေ တားနည်း များကို အသုံးပြုခြင်းဖြင့် မရည်ရွယ်ဘဲ ကိုယ်ဝန်ရရှိခြင်းကို ရှောင်ရှားသင့်ပါသည်။ အထက် တွင် ဖော်ပြခဲ့သော သန္ဓေ တားသည့် နည်းလမ်းများ အကြောင်း ပိုမို သိရှိ လိုပါက တတ်ကျွမ်း နားလည်သည့် သားဖွား မီးယပ် အထူးကု ဆရာ ၀န်ကြီးများနှင့် ဆက်လက် တိုင်ပင် သင့်ပါသည်။


အကယ်၍ သင်သည် သန္ဓေတားနည်း တစ်မျိုးမျိုးကို အသုံး မပြုဘဲ အကာအကွယ်မဲ့ လိင်ဆက်ဆံမိ လျှင်သော် လည်းကောင်း၊ ကွန်ဒုံး အသုံး ပြုသော်လည်း ကွန်ဒုံး ပေါက်ပြဲခြင်း ဖြစ်ခဲ့လျှင်သော် လည်းကောင်း (၇၂) နာရီထက် နောက်မကျစေဘဲ တတ်နိုင်သမျှ ဆောလျင်စွာ ဆရာဝန်နှင့် အမြန်ဆုံး တွေ့ဆုံဆွေးနွေး သင့်ပါ သည်။ စာဖတ် ပရိသတ်များ မှန်ကန်သော နည်းလမ်းများဖြင့် သန္ဓေတားနိုင်ကြပါစေ။
mmforward

အပြည့်အစုံသို့ »

မလိုချင်ဘဲ ကိုယ်ဝန်မရအောင် သန္ဓေတားနည်းများ



သန္ဓေတားခြင်း နည်းလမ်းပေါင်း များစွာရှိပါသည်။ မည်သည့်နည်းလမ်းဖြင့် သန္ဓေတားမည်ကို ဆုံးဖြတ်သောအခါ မိမိ၏ ကျန်းမာရေး အခြေအနေ၊ လိင်ဆက်ဆံသည့် အကြိမ်ရေနှင့် ကလေးလိုချင်စိတ်ရှိ/မရှိ စသည့် အချက်မြောက်မြားစွာပေါ် မူတည်၍ ဆုံးဖြတ်ရပါသည်။ သန္ဓေတားနည်းတစ်ခုခုကို ရွေးချယ်တော့မည်ဆိုလျှင် မိမိရွေးချယ်မည့် နည်းလမ်းသည် ထိရောက်မှုရှိရဲ့လားဟု စတင်စဉ်းစားရပါမည်။

မိမိရွေးချယ်မည့် နည်းလမ်းသည် ကိုယ်ဝန်မရစေရန် မည်မျှကာကွယ်ပေးနိုင်မည်လဲ။ ဤအချက်ကို သိရှိရန်အတွက် မိမိရွေးချယ်မည့် သန္ဓေတားနည်းကို အသုံးပြုလျက်ရှိသော အမျိုးသမီးဦးရေ (၁၀၀)ကို လေ့လာ ကြည့်ရပါမည်။ တစ်နှစ် ကြာသောအခါ အမျိုးသမီးဦးရေ (၁၀၀) အနက် ဦးရေမည်မျှတွင် မလိုချင်ဘဲ ကိုယ်ဝန်ရရှိသွားသည်ကို သိရှိရန်လိုပါသည်။ မလိုချင်ဘဲ ကိုယ်ဝန်ရရှိသူ အရေအတွက်များလျှင် သင်ရွေးချယ် မည့် နည်းလမ်းသည် ထိရောက်မှုနည်းသည်ဟု ကောက်ချက်ချရပါမည်။ မလိုချင်ဘဲ ကိုယ်ဝန်ရရှိသူ အရေအတွက်နည်းလျှင် သင်ရွေးချယ်မည့် နည်းလမ်းသည် ထိရောက်မှု ရှိသည်ဟု ကောက်ချက်ချရပါမည်။

အကယ်၍ သင်တို့စုံတွဲသည် မရည်ရွယ်ဘဲ ကိုယ်ဝန်ရရှိခြင်းကို လုံးဝလက်မခံနိုင်သော သူများဖြစ်ပါက ထိရောက်မှု အရှိဆုံးသော သန္ဓေတားနည်းလမ်းကို အသုံးပြုသင့်ပါသည်။ အကယ်၍ သင်တို့စုံတွဲသည် ကိုယ်ဝန် ရခြင်းကို ရှောင်ရှားလိုသည်။ သို့သော် မရည်ရွယ်ဘဲ ကိုယ်ဝန်ရရှိလာပါကလည်း ၀မ်းမြောက်ဝမ်းသာ လက်ခံနိုင်သည်ဆိုပါက ထိရောက်မှုနည်းပြီး သက်သောင့်သက်သာရှိသော သန္ဓေတားနည်းလမ်းကို အသုံးပြုနိုင် ပါသည်။

မိမိအသုံးပြုလိုသည့် သန္ဓေတားနည်းလမ်းသည် ထိရောက်မှုရှိ/မရှိ ရွေးချယ်ဆုံးဖြတ်ပြီးသောအခါ နောက်တစ်ဆင့် အားဖြင့် ကုန်ကျစရိတ်ကို စဉ်းစားရပါမည်။ ကုန်ကျစရိတ်သည် ရေရှည်တွင် မိမိတတ်နိုင်သည့် ပမာဏအတွင်း ရှိနေရန် လိုအပ်ပါသည်။ နောက်ထပ် စဉ်းစားရန်တစ်ခုမှာ ကျန်းမာရေး ထိခိုက်မှု ရှိ/မရှိ ဖြစ်ပါသည်။ ဥပမာ- အသက် (၃၅)နှစ် ကျော်နေပြီ ဖြစ်သော အမျိုးသမီးသည် ဆေးလိပ်သောက်တတ်သူ အမျိုးသမီးဖြစ်ပါက သန္ဓေတားသောက်ဆေးများ သုံးစွဲရန် မသင့်လျော်ပါ။

အမျိုးသားဖြစ်သူ၏ အခြေအနေကိုလည်း ထည့်သွင်းစဉ်းစားရပါမည်။ သင်၏အမျိုးသားသည် သင်ရွေးချယ်သော သန္ဓေတားနည်းလမ်းကို ကျေနပ်လက်ခံသူဖြစ်ပါက သင့်အဖို့ ရွေးချယ်ရ လွယ်ကူပေလိမ့်မည်။ သန္ဓေ တားနည်းကို ဘယ်လောက်ကြာကြာ အသုံးပြုမည်ဟူသော သင်၏ဆုံးဖြတ်ချက်သည် သင်ရွေးချယ်မည့် သန္ဓေ တားနည်းလမ်းအပေါ် သက်ရောက်မှုရှိပါသည်။ သင်သည် ယာယီသန္ဓေတားလိုပါက ထိရောက်မှု နည်းသော နည်းလမ်းများ ကို အသုံးပြုရမည်ဖြစ်ပြီး တစ်သက်လုံး သန္ဓေတားလိုသည်ဆိုပါက ထိရောက်မှုအရှိဆုံး သန္ဓေတားနည်းများကို အသုံးပြု နိုင်မည် ဖြစ်ပါသည်။

HIV ကူးစက်ရောဂါနှင့် လိင်မှတစ်ဆင့်ကူး စက်တတ်သောရောဂါများအား ကာကွယ်နိုင်မှု ရှိ/မရှိကိုလည်း ထည့်သွင်း စဉ်းစားရန် လိုအပ်ပါသည်။ သန္ဓေတားနည်း အများစုသည် ကူးစက်ရောဂါများကို ကာကွယ်နိုင် စွမ်းမရှိပါ။ ယေဘုယျအားဖြင့် မြန်မာနိုင်ငံတွင် အဖော်ဟု ခေါ်ဆိုကြသော ကွန်ဒုံးများက ကူးစက်ရောဂါများကို အထိရောက်ဆုံး ကာကွယ်ပေးနိုင်ပါသည်။ အဖော်ကို အဖိုသုတ်ကောင်သတ်ဆေးရည် (Spermicide) များနှင့် တွဲဖက်အသုံးပြုပါက လိင်မှတစ်ဆင့် ကူးစက်တတ်သော ရောဂါများကို ကာကွယ်ရာတွင် ပိုမိုထိရောက်မှုရှိပါသည်။

အလွယ်တကူ ရရှိနိုင်မှုသည်လည်း အရေးကြီးပါသည်။ မိမိရွေးချယ်သည့် သန္ဓေတားနည်းလမ်းသည် ဆရာဝန်ညွှန်မှ အသုံးပြု၍ ရနိုင်သလား၊ အဖွဲ့အစည်းများထံမှ အခမဲ့ အလွယ်တကူ ရနိုင်သလား၊ ၀ယ်ယူ အသုံးပြုနိုင်သလား စသည်တို့ အပေါ်မူတည်၍ ရွေးချယ်ဆုံးဖြတ်ရမည် ဖြစ်ပါသည်။ အထက်ဖော်ပြပါ အချက်များအပေါ် မူတည်၍ မိမိနှင့် သင့်လျော်သည့် သန္ဓေတားနည်းကို စနစ်တကျ စဉ်းစားရွေးချယ် အသုံးပြုခြင်းသည် မရည်ရွယ်ဘဲ ကိုယ်ဝန်ရရှိခြင်းကို ရှောင်ရန်အတွက် အကောင်းဆုံး အထောက်အကူ ဖြစ်စေပါသည်။

သန္ဓေတားနည်းလမ်းများစွာကို စုစည်း၍ အဓိကအားဖြင့် အုပ်စုသုံးစုခွဲ၍ ပြောနိုင်ပါသည်။ ၎င်းတို့မှာ -
၁။ အကာအကွယ် အသုံးပြုခြင်း (Barrier Method)
၂။ ဟိုမုန်းဓာတ်ဖြင့် သန္ဓေတားခြင်း (Hormonal Method)
၃။ သားကြောဖြတ်ခြင်း (Permanent Method) စသည်တို့ ဖြစ်ကြပါသည်။

၁။ အကာအကွယ် အသုံးပြုခြင်း
(က) ကွန်ဒုံး
ကွန်ဒုံးတွင် အမျိုးသားများ အသုံးပြုသော ကွန်ဒုံး(အဖော်)နှင့် အမျိုးသမီးများ အသုံးပြုသော ကွန်ဒုံးဟူ၍ နှစ်မျိုးရှိ ပါသည်။ ကိုယ်ဝန်ရှိခြင်းကို ကာကွယ်ရန်အတွက် လိင်ဆက်ဆံသည့် အကြိမ်တိုင်းတွင် အမျိုးသား ကွန်ဒုံး (သို့မဟုတ်) အမျိုးသမီးကွန်ဒုံး တစ်မျိုးမျိုးကို အသုံးပြုရပါမည်။ ကွန်ဒုံးကို ဆေးဆိုင်များတွင် ဆရာဝန်ညွှန်ကြားချက်မလိုဘဲ လွတ်လပ်စွာ ၀ယ်ယူရရှိနိုင်ပါသည်။ အချို့ဆေးခန်းများတွင် အခမဲ့ ပေးဝေလေ့ ရှိပါသည်။

(ခ) သားအိမ်ခေါင်းဖုံး
သားအိမ်ခေါင်းဖုံးသည် ကွေးခေါက်၍ရသော သားရေအဖုံးဖြစ်ပြီး အဖိုသုတ်ပိုးကို သေစေနိုင်သည့် ကရင်မ် သို့မဟုတ် ဂျယ်လီ သုတ်လိမ်းထားပါသည်။ အဖိုသုတ်ကောင်များ သားအိမ်ခေါင်းသို့ မရောက်စေရန် အတွက် လိင်ဆက်ဆံခြင်း မပြုမီတွင် သားအိမ်ခေါင်းဖုံးကို သားအိမ်ခေါင်းတွင် တပ်ဆင် ထားရပါသည်။ လိင်ဆက်ဆံပြီးသောအခါ ချက်ချင်း ပြန်မထုတ်ရပါ။ ၆ နာရီမှ ၈ နာရီခန့်ကြာအောင် ဖုံးထားရပါသည်။ သားအိမ်ခေါင်းဖုံးကို အသုံးပြုမည်ဆိုပါက မိမိနှင့်သင့်တော်သော အရွယ်အစားနှင့် အမျိုးအစားကို ကျွမ်းကျင်သော သူ၏ ညွှန်ကြားချက်ဖြင့်သာ အသုံးပြုသင့်ပါသည်။ သားအိမ်ခေါင်းဖုံး အသုံးပြု ခြင်းကြောင့် သားရေ သို့မဟုတ် ဂျယ်လီနှင့် ဓာတ်မတည့်ခြင်းကြောင့် ယောင်ယမ်းယားယံခြင်းဖြစ်နိုင်ပါသည်။ ဆီးလမ်း ကြောင်းပိုးဝင်နိုင်ရန် အခွင့်အရေး များစေပါသည်။ အချို့သောသူများတွင် သားအိမ်ခေါင်းဖုံးကို အချိန်ကြာမြင့်စွာ မဖြုတ်ဘဲ ထားမိပါက (Toxic shock syndrome) ဟုခေါ်သော အသက်အန္တရာယ်ရှိသည့် ရောဂါဖြစ်နိုင်ပါသည်။

(ဂ) သုတ်ပိုးသတ်သည့်ဂွမ်း
သုတ်ပိုးသတ်သည့် “ဂွမ်း” ဆိုသည်မှာ နူးညံ့သော စက်ရုံထုတ်ဂွမ်းဖြစ်ပြီး သုတ်ပိုးသတ်သည့် ဆေးရည်ဖြင့်စိမ်ထား ပါသည်။ လိင်ဆက်ဆံခြင်းမပြုမီ သုတ်ပိုးသတ်သည့်ဂွမ်းကို စွတ်စိုအောင်ပြုလုပ်၍ အမျိုးသမီး အင်္ဂါအတွင်းရှိ သားအိမ်ခေါင်း အ၀အနီးသို့ ထည့်သွင်းထားရပါမည်။

၂။ ဟော်မုန်းဓာတ်ဖြင့် သန္ဓေတားခြင်း
ဟော်မုန်းဓာတ်ပါဝင်သော သန္ဓေတားဆေးများတွင် ပရိုဂျက်စတင် တစ်မျိုးတည်းပါသော သန္ဓေတားဆေးများ ရှိသကဲ့သို့ ပရိုဂျက်စတင်နှင့် အီထရိုဂျင် နှစ်မျိုးလုံးပါဝင်သော ဆေးလည်းရှိပြီး အမျိုးသမီးများ၏ သားဥ အိမ်မှ သားဥကြွေကျခြင်းကို တားဆီးပေးပါသည်။ ပရိုဂျက်စတင် တစ်မျိုးတည်းပါဝင်သော ဆေးများသည် အမျိုးသမီး၏ သားအိမ်ခေါင်း အနီးတစ်ဝိုက်ရှိ သဘာဝအတိုင်း ထွက်ရှိသော အကျိအချွဲများကို ပိုမို ထူပျစ်စေးကပ်အောင် ပြုလုပ်ခြင်းဖြင့် အမျိုးသား၏ သုတ်ပိုးများအား အမျိုးသမီး၏ သားအိမ်အတွင်းသို့ မ၀င်ရောက်နိုင်အောင် တားဆီးပေးပါသည်။

ပရိုဂျက်စတင် ပါဝင်သောကိရိယာ (Implant) ကို ခန္ဓာကိုယ် အရေပြားအောက်တွင် ခွဲစိပ်ထည့်သွင်းရသည့် နည်းလမ်းလည်း ရှိပါသည်။ ၎င်းကိရိယာမှ ပရိုဂျက်စတင် ပမာဏကို စဉ်ဆက်မပြတ် ထုတ်လွှတ်ပေးခြင်းဖြင့် သန္ဓေတားပေးပါသည်။ တစ်လခံဆေး၊ သုံးလခံဆေး စသည်ဖြင့် အလွယ်တကူခေါ်ကြသော ဒီပို (Depo Injection) ဆေးများကို ကြွက်သား အောက်သို့ တစ်လတစ်ကြိမ် သို့မဟုတ် သုံးလတစ်ကြိမ်ထိုးခြင်းဖြင့် သန္ဓေတားနိုင်ပါသည်။ ဒီပိုထိုးဆေးသည် ပရိုဂျက်စတင် ပါဝင်သော ထိုးဆေးဖြစ်ပါသည်။

အရေပြားပေါ်တွင် ကပ်ခွာပုံစံဖြင့် ကပ်ထားနိုင်သည့် သန္ဓေတားနည်းလည်း ရှိပါသည်။ ၎င်းကပ်ခွာမှ ပရိုဂျက်စတင်နှင့် အီစထရိုဂျင်ဟော်မုန်းဓာတ်များကို အဆက်မပြတ် ထုတ်လွှတ်ပေးခြင်းဖြင့် သန္ဓေ တားပေး ပါသည်။ အခြားသော ဟော်မုန်း တားဆေးများကဲ့သို့ပင် ကပ်ခွာပုံစံသည်လည်း ဆရာဝန်ညွှန်ကြားချက်ဖြင့်သာ အသုံးပြုရပါမည်။ Vaginal Ring ဟုခေါ်သည့် ဟော်မုန်းဓာတ်ပါသော ကွင်းငယ်အား အမျိုးသမီး အင်္ဂါအတွင်းသို့ ထည့်သွင်းခြင်းဖြင့် သန္ဓေတားနိုင် ပါသေးသည်။ ၎င်းကွင်းငယ်မှ ပရိုဂျက်စတင်နှင့် အီစထရိုဂျင်ဟော်မုန်း ဓာတ်နှစ်မျိုးလုံး ထုတ်လွှတ်ပေးခြင်းဖြင့် သန္ဓေတားနိုင်ပါသည်။ အရေးပေါ်တားဆေး ဟုခေါ်ဆိုသည့် Emergency Pill များသည်လည်း ဟော်မုန်းဓာတ်ဖြင့် သန္ဓေတားသောဆေးများ ဖြစ်ပါသည်။

Intra Uterine Device (IUD) ဟုခေါ်သည့် သန္ဓေတားပစ္စည်းများလည်း ရှိပါသည်။ IUD သည် သေးငယ်သော ပလတ်စတစ် (သို့မဟုတ်) ကော့ပါးကိရိယာတစ်ခု ဖြစ်ပါသည်။ IUD ကို အမျိုးသမီး၏ သားအိမ်ခေါင်း အား ဖြတ်သန်းကာ သားအိမ်အတွင်းသို့ရောက်အောင် ကျွမ်းကျင်သော ဆရာဝန်များမှ ထည့်သွင်းပေးပါသည်။ အချို့သော IUD များတွင် ပရို ဂျက်စတင်ဟော်မုန်း ပမာဏ အနည်းငယ်ထုတ်လွှတ်ပေးအောင် ဖန်တီးထားပါသည်။ IUD တစ်ကြိမ်ထည့်သွင်းထားလျှင် ၅နှစ်မှ ၁၀နှစ်အထိ သန္ဓေတားပစ္စည်းအဖြစ် အသုံးပြုနိုင်ပါသည်။

IUD အသုံးပြုခြင်းသည် ထိရောက်သော သန္ဓေတားနည်း တစ်ခု ဖြစ်ပါသည်။ IUD နည်းဖြင့် သန္ဓေတားလျက် ကိုယ်ဝန်ရရှိနှုန်း တစ်နှစ်အတွင်း၌ အမျိုးသမီး (၁၀၀)တွင် (၁) ယောက် ထက်နည်းပါသည်။ ဆိုးကျိုး အနေနှင့် ဆီးစပ်ကိုက်ခြင်း၊ သွေးဆင်းခြင်းတို့ ဖြစ်ပေါ်နိုင်ပြီး အခန့်မသင့်လျှင် သားအိမ်ပေါက် ခြင်းမျိုး ဖြစ်နိုင်ပါသည်။ ပရိုဂျက်စတင်ဟော်မုန်း ထည့်သွင်းထားသော IUD များသည် သားအိမ်အတွင်း ထည့်သွင်း ပြီးနောက် အချိန်မှန်မဟုတ်ဘဲ သွေးအနည်းငယ် ဆင်းနိုင်ပါသည်။ ၎င်းသန္ဓေတားနည်း အသုံးပြုသူအမျိုးသမီးဦးရေ၏ ထက်ဝက်ခန့်တွင် IUD ထည့်ပြီး တစ်နှစ်ကြာသောအခါ သွေးပေါ်ခြင်း လုံးဝမရှိတော့ပါ။ IUD ကို ပြန်ထုတ်လိုက်လျှင် သွေးပေါ်ပါသည်။

၃။ သားကြောဖြတ်ခြင်း
အမျိုးသားဖြစ်စေ၊ အမျိုးသမီးဖြစ်စေ၊ နှစ်ဦးစလုံးဖြစ်စေ နောင်အနာဂတ်တွင် ကလေးမယူတော့ရန် သေချာသောအခါ ဤနည်းလမ်းကို အသုံးပြုနိုင်ပါသည်။ အမျိုးသား၏ ကပ္ပါယ်အိတ်အတွင်းမှ သုတ်ပြွန် တစ်ခုကို ဖြတ်တောက်ခြင်း (Vasectomy) ဖြင့် အမျိုးသားအား တစ်သက်လုံး ကလေးမရစေရန် ပြုလုပ်နိုင်ပါသည်။ အမျိုးသမီး၏ ၀မ်းဗိုက်ကိုဖွင့်၍ သားအိမ်၏ ဘေးတစ်ဖက်တစ်ချက်မှ သားဥပြွန်နှစ်ချောင်း ကို ဖြတ်တောက်ခြင်းဖြင့် အမျိုးသမီးများအား တစ်သက်လုံး ကလေးမရစေရန် ပြုလုပ်နိုင်ပါသည်။

၎။ မမှန်ကန်သောနည်းလမ်းများ
တချို့ အမျိုးသားများသည် အကာအကွယ်မဲ့ လိင်ဆက်ဆံပြီး သုတ်လွှတ်ကာနီးတွင် အမျိုးသမီး အင်္ဂါတွင်းမှ ထုတ်ကာ သုတ်လွှတ်လေ့ရှိကြပါသည်။ ဤသို့ပြုလုပ်ခြင်းဖြင့် ကလေးမရနိုင်ဟု မှားယွင်းစွာ မှတ်ယူ တတ်ကြပါသည်။ သုတ်လွှတ်ခြင်း မပြုလုပ်မီ အမျိုးသားအင်္ဂါမှထွက်သော အကျိအချွဲတွင် သုတ်ကောင်အနည်းငယ် ပါဝင်နိုင်ပြီး ထိုပမာဏသည် အမျိုးသမီးအား ကိုယ်ဝန်ရရှိစေနိုင်ပါသည်။

တချို့သော စုံတွဲများတွင် အကာအကွယ်မဲ့ လိင်ဆက်ဆံပြီးသောအခါမှ ပြီးလျှင်ပြီးချင်း အမျိုးသမီးအင်္ဂါဇာတ်ကို ရေဆေးခြင်းဖြင့် ကိုယ်ဝန်မရနိုင်ဟု မှားယွင်းစွာ မှတ်ယူတတ်ကြပါသည်။ အမျိုးသားမှ သုတ်လွှတ်ပြီး စက္ကန့် (၉၀) အတွင်း၌ သုတ်ကောင်သည် သားအိမ်ခေါင်းကိုဖြတ်ကာ သားအိမ်အတွင်းသို့ ၀င်ရောက်ပြီးဖြစ်သည့်အတွက် ရေဆေးခြင်းဖြင့် ကိုယ်ဝန်ရရှိခြင်းကို မတားဆီးနိုင်ပါ။ ကလေးမွေးပြီး ကလေးအား အမေနို့ တိုက်နေစဉ် ကာလအတွင်း လိင်ဆက်ဆံလျှင် ကလေးမရနိုင်ဟု ယူဆသူများ ရှိပါသည်။ ကလေးအား နို့တိုက်နေသည့် ကာလအတွင်း လိင်ဆက်ဆံပါက ကိုယ်ဝန်ရရှိနိုင်ခြေ ရှိပါသည်။

ကလေးမလိုချင်သော မောင်နှံများ မမှန်ကန်သော အယူအဆများကို ရှောင်ကြဉ်ကာ စနစ်ကျသော သန္ဓေတားနည်း များကို အသုံးပြုခြင်းဖြင့် မရည်ရွယ်ဘဲ ကိုယ်ဝန်ရရှိခြင်းကို ရှောင်ရှားသင့်ပါသည်။ အထက် တွင် ဖော်ပြခဲ့သော သန္ဓေတားသည့် နည်းလမ်းများအကြောင်း ပိုမိုသိရှိလိုပါက တတ်ကျွမ်းနားလည်သည့် သားဖွားမီးယပ်အထူးကု ဆရာဝန်ကြီးများနှင့် ဆက်လက် တိုင်ပင်သင့်ပါသည်။

အကယ်၍ သင်သည် သန္ဓေတားနည်းတစ်မျိုးမျိုးကို အသုံးမပြုဘဲ အကာအကွယ်မဲ့ လိင်ဆက်ဆံမိလျှင်သော်လည်းကောင်း၊ ကွန်ဒုံးအသုံးပြုသော်လည်း ကွန်ဒုံးပေါက်ပြဲခြင်း ဖြစ်ခဲ့လျှင်သော်လည်းကောင်း (၇၂) နာရီထက် နောက်မကျစေဘဲ တတ်နိုင်သမျှ ဆောလျင်စွာ ဆရာဝန်နှင့်အမြန်ဆုံး တွေ့ဆုံဆွေးနွေး သင့်ပါသည်။ စာဖတ် ပရိသတ်များ မှန်ကန်သောနည်းလမ်းများဖြင့် သန္ဓေတားနိုင်ကြပါစေ။

mwd

အပြည့်အစုံသို့ »

Missed abortion ကိုယ်ဝန်ပျက်ခြင်း တမျိုး



(၁) ဆရာရှင့် ကျမကအသက် ၃၁ နှစ်ရှိပါပြီ။ သားနှစ်ယောက်မွေးပြီးနောက် ကိုယ်ဝန်သုံးကြိမ် miss abortion ဖြစ်တယ်။ အခု နောက်ဆုံးတစ်ကြိမ်ဖြစ်တာ ၃ လရှိပါပြီဆရာ။ ကလေး ထပ်ယူချင်လို့ ဘာတွေစစ်ဆေးဖို့လိုပါသလဲဆရာ။ ကျမက abortion ဖြစ်တိုင်း ကိုယ်ဝန် ၅ လမှာဖြစ်တယ်။ ကလေးက နှလုံးမခုန်တော့ဘူးလို့ ပြောပါတယ်ဆရာ။ ထပ်မဖြစ်အောင် လိုအပ်တဲ့အကြံလေးပေးစေချင်ပါတယ်။
(၂) Missed abortion အကြောင်းနဲ့ ထပ်မဖြစ်အောင် ကာကွယ်လို့ ရနိုင်မဲ့နည်းလမ်းရှိရင် သိခွင့်ရချင်ပါတယ်ရှင်။

“ကိုယ်ဝန်လဲ ရှိနေပြီး မလွဲမသွေလဲ ပျက်တော့မယ်” ဆိုတာကို Missed abortion ခေါ်တယ်။ ကိုယ်ဝန်ပျက်ခြင်းတမျိုး ဖြစ်တယ်။ သွေးတော့ မဆင်းသေးဘူး။ ဗိုက်နာတာလဲ မရှိသေးပါ။ ကိုယ်ဝန်က ဆက်ပြီး ကြီးထွားမလာတော့ပါ။ ကိုယ်ဝန်ရှိတယ်သာပြောရတာ သန္ဓေသားက ဖြစ်ချင်မှ ဖြစ်လာအုံးမယ်။ ဖြစ်လာပြီးရင်လဲ အသက်မဝင်တော့ဘူး။ ဒါက သဘာဝတရားလို့ ခပ်လွယ်လွယ်ပြောနိုင်တယ်။ တခုခု လုပ်လိုက်လို့ ဥပမာ ဖျက်ဆေးသောက်တာ၊ ချော်လဲတာ၊ ပိုးဝင်တာ ဘာမှမလုပ်ရပါဘဲနဲ့ သူ့သဘောသူဆောင်ပြီး ပျက်တာကို ဆိုလိုတယ်။ ဒီအခြေအနေတွေ့ရင် ဆရာဝန်က စောင့်မနေတော့ဘဲ ဆေးနဲ့ဖြစ်ဖြစ် ခြစ်ထုတ်တာဖြစ်ဖြစ် လုပ်ပေးမယ်။ ဆရာဝန်နဲ့ မတွေ့သူမှာ သွေးဆင်းလာမယ်။ ဒါကိုတော့ Miscarriage လို့ သတ်မှတ်တယ်။

အမျိုးသမီး ကိုယ်ခန္ဓာကနေ အထဲမှာ ပျက်စီးသွားတာကို ထုတ်ပြစ်ဘို့ လုပ်ပါတယ်။ ဒါပေမဲ့ ဒီနေရာမှာ အမျိုးသမီး ကိုယ်ခန္ဓာက သန္ဓေ သေသွားတာ မသိလိုက်ဘူး။ သန္ဓေတည်လိုက်တာတောင် သိချင်မှသိမယ်။ ဒါကြောင့် ထုတ်ပြစ်ရမဲ့ အလုပ်ကို လုပ်ရကောင်းမှန်း မသိဘူး။ ဒီလိုအခြေအနေကို Mayo Clinic ကနေ ဆေးဝေါဟာရတခုသုံးတယ်။ Missed miscarriage တဲ့။ သိထားဘို့က မြန်မာတွေ လူတိုင်းလိုလို Abortion (အဘောရှင်း) ဆိုတာ ကိုယ်ဝန် ပျက်တာရော ဖျက်တာရောကို ရောခေါ်ကြတယ်။ ဆေးပညာအရ ဆိုတာ တမင်တကာ ဖျက်တာကိုမှ Abortion ခေါ်ရတယ်။ သူ့အလိုလို ပျက်သွားတာကို Miscarriage လို့ခေါ်ရတယ်။ ဒါကြောင့် Missed miscarriage လို့သုံးတာ သင့်လျှော်တယ်။

Terminology ဆေးဝေါဟာရတွေ
Abortion (အဘောရှင်း) ဆိုတာ ဆေးစာအရပြောရရင် သုက်ပိုး နဲ့ မျိုးဥတို့ မျိုးစပ်ကြပြီးတဲ့နောက်မှာ ဆက်ဖြစ်လာနေတဲ့ Conception products သန္ဓေ (တစ်ရှူး) တွေဟာ တမင်လုပ်လို့ဖြစ်ဖြစ်၊ သူ့ဖါသူဖြစ်ဖြစ် ၂ဝ ပါတ် မတိုင်ခင် ဆုံးရှုံး-ပျက်စီးသွားခြင်းလို့ ခေါ်တယ်။

Blighted Ovum ပျက်စီးသွားသော မျိုးဥ
တကယ်လို့ သုက်ပိုးနဲ့ မျိုးဥ နှစ်ခုက ပေါင်းစပ်ကြမယ်။ (ဆဲလ်) တခုတည်းကနေ နှစ်ဆတိုးနည်းနဲ့ စဉ်တိုက်ဆက်တိုက် ပွါးများလာတယ်။ Placenta အချင်း နဲ့ Membranes အချင်းလွှာတွေဖြစ်လာမယ်။ ဒါပေမဲ့ Embryo သန္ဓေဖြစ်မလာဘူး။ ဒီအခြေအနေမျိုးကို Blighted ovum ပျက်စီးသွားသော မျိုးဥ လို့ ခေါ်တယ်။ သန္ဓေသာဖြစ်မလာတယ် အမျိုးသမီးမှာ ကိုယ်ဝန်ဆောင် လက္စဏာတွေတော့ ရှိလာတယ်။ ဆီး-သွေးထဲမှာ Pregnancy hormone (hCG) ကိုဝ်ဝန်ဟော်မုန်း ပါနေပြီမို့ စစ်ရင် အပေါင်းပြမယ်။ ကိုယ်ဝန် ၁၂ ပါတ်အတွင်းဖြစ်တဲ့ Miscarriages ကိုယ်ဝန်အလိုလိုပျက်တာတွေထဲမှာ တဝက်ကျော်ကျော်မှာ ဒီလိုမျိုးဖြစ်တယ်။ ဖြစ်ရင် Spontaneous miscarriage ချက်ချင်းကိုယ်ဝန်ပျက်တာ ဒါမှမဟုတ် Missed abortion ကိုယ်ဝန် အလိုလိုပျက်ခြင်း ဆက်ဖြစ်လိမ့်မယ်။

Molar pregnancy စပျစ်သီးကိုယ်ဝန်
ကိုယ်ဝန် ၁ဝဝဝ မှာ တယောက်ဖြစ်နိုင်တယ်။ Gestational trophoblastic disease ရောဂါလို့ခေါ်တယ်။ အချင်း (ဆဲလ်) တွေက ထိန်းမနိုင်သိမ်းမရ ဖြစ်လာပြီး အိတ်လေးတွေလို ဖြစ်လာတယ်။ သန္ဓေက ဖြစ်လာအုံးတာ့ မရှင်နိုင်တော့ဘူး။ Spontaneous miscarriage ဒါမှမဟုတ် Missed abortion ကိုယ်ဝန် အလိုလိုပျက်ခြင်း ဆက်ဖြစ်လိမ့်မယ်။

Types of abortion ကိုယ်ဝန်ပျက်ခြင်း အမျိုးမျိုး
• Spontaneous Abortion အလိုအလျှောက်ပျက်ခြင်း၊
• Induced Abortion တမင်တကာဖျက်ပြစ်ခြင်း၊
• Threatened Abortion ကိုယ်ဝန်ပ်ျဘို့အန္တရာယ်ရှိခြင်း၊ ကိုယ်ဝန်က သားအိမ်ထဲမှာရှိနေသေးတယ်။ သွေးဆင်းမယ်။ သားအိမ်ဝက ပိတ်နေသေးတယ်။
• Inevitable Abortion ရှောင်လွဲမရဘဲ ကိုယ်ဝန် ပျက်ကိုပျက်တော့မယ်။
• Complete Abortion ကိုယ်ဝန်က ပျက်သွားပြီး ဆင်းစရာ-ထွက်စရာတွေလဲ အကုန်ထွက်ကျသွားပြီးဖြစ်တယ်။
• Incomplete Abortion ကိုယ်ဝန် ပျက်ကိုပျက်တော့မယ့် Inevitable Abortion အဆင့်ကနေ တချို့တဝက် ထွက်ကျနေပြီ။ ဒါပေမဲ့ ဆင်းစရာတွေ အထဲမှာကျန်နေသေးတယ်။
• Missed Abortion ကိုယ်ဝန်ရှိမှန်းတောင် မသိလိုက်ဘဲ၊ ရှိနေတာကလဲ ပျက်စီးသွားပြီ။
• Septic Abortion ကိုယ်ဝန်ပျက်စဉ် ပိုးဝင်ခြင်း။
• Recurrent or habitual Abortion ကိုယ်ဝန်ပျက်လေ့ရှိသူ။ ၃ ခါနဲ့ ၃ ခါမက ပျက်ကျနေသူကိုသာ သုံးသင့်တယ်။

Abortion symptoms ကိုယ်ဝန်ပျက် လက္စဏာများ
• Vaginal bleeding ဗဂျိုင်းနာကနေ သွေးဆင်းမယ်။ နဲနဲကနေ များများဖြစ်နိုင်တယ်။
• Pelvic pain ဆီးစပ်နာခြင်း။
• Pregnancy symptoms cessation ကိုယ်ဝန်ရှိစ လက္စဏာတွေ အဆုံးသတ်သွားခြင်း။ ရင်သားနာတာ၊ ပျို့-အန်ချင်တာ၊ ချဉ်ခြင်းတပ်တာတွေ၊ ဆီးခဏခဏ သွားချင်တာတွေ ဆက်မရှိတော့ဘူး။
• No sign or symptom ဘာဆိုဘာမှ မခံစားရဘူး။
• Pregnancy test ကိုယ်ဝန်ဆီးစစ်တာကတော့ ပျက်သွားလဲ အပေါင်းဆက်ပြနေအုံးမယ်။

Cause of Abortion ဘာလို့ ပျက်ရသလဲ
• Not known အများအားဖြင့် ဘာလို့ ပျက်သလဲ မပြောနိုင်ပါ။
• Genetic defect မျိုးဗီဇ နဲ့ Nature သဘာဝတရားကြောင့် ဖြစ်နိုင်တယ်။
• Smoking ဆေးလိပ်သောက်တာ နဲ့ Obesity ကိုယ်ဝန်ဆောင်သူက အဝလွန်ကဲတာ၊
• Stress စိတ်ဖိအားများတာကနေလဲ ဖြစ်နိုင်တယ်။
• Old ages မိဘလုပ်သူတွေ အသက်ကြီးနေကြတာ၊
• Narcotic and Alcohol (ကိုကိန်း) သုံးစွဲတာ၊ အရက်သောက်တာ၊
• Missed abortion ရဲ့ အများဆုံးသော အကြောင်းတရားဟာ Severe genetic abnormalities ကြီးမားတဲ့ မျိုးဗီဇ-ချို့ယွင်းချက် ဖြစ်တယ်။ မျိုးဗီဇက ဘာလို့ အဲလိုဖြစ်ရသလဲဆိုတာ မပြောနိုင်သေးပါ။ ကံတရားပါဘဲ။

ကိုယ်ဝန်ပျက်တာမှန်သမျှ ၁၄ ပါတ်အတွင်းမှာ ၉၉% ဖြစ်တယ်။ Pregnancy tests စမ်းရင် နောက်တကြိမ်ရာသီလာရမဲ့ရက်ထက် နောက်တပါတ်နေလို့မှ မလာချိန်ကစပြီး စစ်နိုင်ပြီ။ အဖို (သုက်ပိုး)-အမ (မျိုးဥ) တွေ့ကြပြီးတဲ့နောက် ၁ဝ ရက်ဆိုရင် အပေါင်းပြနိုင်တယ်။ Ultrasound လုပ်ရင် ၅-၆ ပါတ်မှာ မြင်လာရမယ်။ Missed abortion ဖြစ်နေရင် သားအိမ်ထဲက မကောင်းတော့တဲ့ (တစ်ရှူး) တွေဟာ ၃-၄ ပါတ်နေရင် ထွက်ကျလာနိုင်တယ်။ ကိုယ်ဝန် ရင့်ရင် ရင့်သလို သွေးတွေ အများကြီးဆင်းနိုင်တယ်။ ကာရံမသင့်ရင် ပိုးဝင်နိုင်တယ်။ ဒါကြောင့် ဆရာဝန်က ဆေးနည်း၊ ခွဲနည်း တခုခု လုပ်ပေးတယ်။

Treatment of Abortion ကိုယ်ဝန်ပျက်ရင် ဘယ်လိုကုသသလဲ
• Spontaneous Abortion အလိုအလျှောက်ပျက်ရင် ဘာမှ မလိုပါ။
• Complete Abortion ကိုယ်ဝန်က ပျက်သွားပြီးဖြစ်လို့ လုပ်ပေးစရာမလိုပါ။ သွေးအားနည်းနေရင် လုပ်ပေးရမယ်။
• Threatened Abortion ပျက်ချင်သလိုဖြစ်ရင် အိပ်ရာထဲမှာ နားနေပါ။
• Inevitable Abortion ကိုယ်ဝန် ပျက်ကိုပျက်တော့မဲ့သူ နဲ့ Incomplete Abortion ပျက်ကို ပျက်တော့မဲ့သူတွေကို Septic Abortion ကိုယ်ဝန်ပျက်စဉ် ပိုးဝင်တာ မဖြစ်အောင်လုပ်ရမယ်။ မဟုတ်ရင် အသက်အန္ကရာယ်ကို ထိခိုက်စေနိုင်တယ်။ သွေးဆင်းများသွားရင်လဲ (ရှော့ခ်) ရနိုင်တယ်။
• Incomplete Abortion ကိုယ်ဝန် တစိတ်တပိုင်းသာ ပျက်သေးဆာအတွက် D and C သားအိမ်ခြစ်တာ နဲ့ Medical abortion ဆေးပေးတာ ၂ နည်းလုပ်တယ်။ ဆေးပေးတာမှာ Oral misoprostol 600 micrograms ဆေးသောက်ခိုင်းမယ်။

Prevalence of Abortion ဘယ်လိုကာကွယ်မလဲ
• ကိုယ်ဝန်ဆောင်သမျှ ၁ဝ-၂ဝ% ပျက်နိုင်တယ်။
• Rhesus negative သွေးအုပ်စုက Rh –ve အမျိုးအစားဖြစ်နေသူကို Anti-D ဆေး ထိုးပေးထားရင် နောင်အတွက် အဲဒီအကြောင်းကြောင့် ကိုယ်ဝန် မပျက်စေနိုင်ဘူး။ ဒီနည်းကို လေ့လာမှုတွေ ဆက်လုပ်နေဆဲ ဖြစ်တယ်။
• Emotional aspects of abortion စိတ်ထိခိုက်မှုအတွက် စိတ်သက်သာရာရအောင် နည်းအမျိုးမျိုးလိုမယ်။
• ကိုယ်ဝန်ရှိတာ သိတာနဲ့ Ultrasound (အာလ်ထွာဆောင်း) စစ်ဆေးတာ ပုံမှန်လုပ်နေသင့်တယ်။ ကာကွယ်ဘို့တော့ မတတ်နိုင်ပါ။ ဖြစ်-ပျက်လာတာကို စောစောသိဘို့ ပြင်ဆင်ဘို့အတွက်သာ ဖြစ်ပါတယ်။
• ဒီလို ကံမကောင်း အကြောင်းမလှ ဖြစ်ရတာဟာ မိဘနှစ်ပါး အပြစ်မဟုတ်ပါ။ ကလေးရဲ့ ကံတရားအစစ် ဖြစ်ပါတယ်။ ဒါကြောင့် တခါဖြစ်တဲ့နောက် ကံကောင်းတဲ့ ကလေးကို စောင့်မျှော်နိုင်ကြပါတယ်။

Pregnancy after Abortion ကိုယ်ဝန်ပျက်ပြီးနောက် ကိုယ်ဝန်ဆောင်ခြင်း
ကိုယ်ဝန်ပျက်ပြီးနောက် အောင်မြင်တဲ့ ကိုယ်ဝန်ရနိုင်ပါတယ်။ ကိုယ်ဝန် ၃ ခါ ပျက်တဲ့သူတွေတောင်မှ ကိုယ်ဝန်ရလမ်း ၅၅% ရှိတယ်။ သဘာဝတရားကြောင့် ပျက်နိုင်သလို သဘာဝတရားကနေ ကုစားနိုင်တာတွေလဲ ရှိပါတယ်။

Amenorrhea ရာသီမလာတာကို စောင့်ရှောက်ခြင်း
ရာသီမလာတာ ၆-၁၄ ပါတ်မှာ ဆီးစစ်တော့ အပေါင်းပြနေတယ်ဆိုရင် ကိုယ်ဝန်အပ်ရမယ်။ (၂) မျိုးစစ်လိမ့်မယ်။
1. Hb Blood grouping လုပ်မယ်။ လိုအပ်ရင် Anti-D ဆေးထိုးရမယ်။
2. Ultrasound ရိုက်မယ်။

Ultrasound ရိုက်ရင် (၄) မျိုးဖြစ်နိုင်တယ်။
(၁) Viable intrauterine pregnancy သားအိမ်ထဲမှာ ရှင်သန်နေတဲ့ သန္ဓေရှိနေတာတွေ့မယ်။
(၂) Empty uterus သားအိမ်ထဲမှာ သန္ဓေမတွေ့တာဖြစ်မယ်။
(၃) Incomplete abortion ကိုယ်ဝန် တပိုင်းတစ ပျက်မယ်။
(၄) Missed abortion ဖြစ်နိုင်တယ်။

(၁) ကိုယ်ဝန်ဆက်ကောင်းနေတာဆိုရင် Antenatal care (ANC) ကိုယ်ဝန်ဆောင်စောင့်ရှောက်မှု ပုံမှန် ဆက်လုပ်နေရမယ်။
(၂) သားအိမ်ထဲမှာ သန္ဓေမတွေ့တာဆိုရင် Ectopic pregnancy သားအိမ်ပြင်ပ သန္ဓေတည်ခြင်းအတွက် ကုသရမယ်။ ခွဲစိတ်ရမယ်။ ပေါက်သွားမှဆိုရင် အရေးပေါ် ခွဲစိတ်ရမယ်။ သွေးလိုနိုင်တယ်။ (ရှော့ခ်) ရနိုင်တယ်။
(၃) ကိုယ်ဝန် တပိုင်းတစ ပျက်တာဆိုရင် သွေးတွေ ဆင်းမယ်။ ဗိုက်နာမယ်။ သားအိမ်ဝမှာရှိနေတာ Speculum ကရိယာသုံးပြီး ထုတ်ပေးမယ်။
ပြီးတာနဲ့ Ergometrine 0.5 mg ထိုးပေးမယ်။ သွေးဆင်းတာ မရပ်သေးရင် သားအိမ်ထဲကျန်တာတွေ ထုတ်ပေးမယ်။ ERPC (evacuation of retained products of conception) ခေါ်တယ်။
(၄) Missed abortion ဖြစ်တာဆိုရင် တိုင်ပင်ဆုံးဖြတ်ဘို့လိုမယ်။
(က) စောင့်အုံးမလား၊ စောင့်မယ်ဆိုတာ ၁ဝ ရက်နေရင် (အာလ်ထွာဆောင်း) တခါ ထပ်ရိုက်တာဖြစ်တယ်။ မကောင်းတာ သေခြာရင် (ခ) အတိုင်းလုပ်ရမယ်။
(ခ) မစောင့်ချင်ရင် ERPC (evacuation of retained products of conception) သားအိမ်ထဲကျန်တာတွေ ထုတ်ပေးမယ်။

Dr. တင့်ဆွေ
၂၉-၃-၂ဝ၁၂
၁၆-၄-၂ဝ၁၄

အပြည့်အစုံသို့ »

Pregnancy Twins (1) အမွှာကလေး လိုချင်ပါတယ်


(၁) ဆရာ အမွှာနဲ့ပတ်သတ်တာလေးတွေ သိချင်ပါတယ်။ အမျိုးသမီးက အမွှာကိုယ်ဝန်ဆောင်ထားလို့ပါ။
(၂) ဆရာရှင့် အမွှာကလေး လိုချင်ပါတယ်။ ဆေးစားလို့ ရပါသလား။ အမွှာရအောင်လုပ်လို့ ရပါသလား။ ဖြေကြားပေးပါ။ မျိုးရိုးတော့ မရှိပါဘူး။ နည်းလမ်းရှိရင် ပြောပြပေးပါ။ ကျေးဇူးတင်ပါတယ်။

တချို့စုံတွဲတွေက အခုမေးတသူလိုဘဲ အမွှာကို သိပ်ရချင်တတ်ကြတယ်။ သမတ George W. Bush မင်းသမီး Julia Roberts မင်းသား Mel Gibson တို့လို အမွှာမိဘတွေ ဖြစ်ချင်ကြတာကိုး။ ကမ္ဘာ့လူဦးရေ စုစုပေါင်းရဲ့ ၁့၉% ဟာ အမွှာတွေ ဖြစ်ကြတယ်။ ကနေ့ခေတ်မှာ အမွှာမွေးတွေ ပိုများလာနေတယ်လို့ ဆိုတယ်။ အကြောင်းရင်း တချက်ကတော့ ကလေး မရ ရအောင် လုပ်ယူတာတွေကြောင့်တဲ့။

လူသိများ ထင်ရှားကြတဲ့ Famous Twins and Celebrity Twins တွေရှိပါတယ်။ အဆိုတော်ထဲက Alanis Morissette နဲ့ Justin Timberlake မင်းသားထဲက Billy Dee Williams နဲ့ Kiefer Sutherland မင်းသမီးထဲက Mary-Kate and Ashley Olsen Scarlett Johansson တို့ ဖြစ်ပါတယ်။ ရော့ခ်ဘုရင် Elvis Presley မှာလည်း အမွှာရှိခဲ့တယ်။

အမွှာဖြစ်ရတဲ့ အကြောင်းက တလမှာ တဥသာ ထွက်ရမဲ့ မ-မျိုးဥက တဥမက ထွက်လို့၊ ဒါမှမဟုတ် တခါမက ထွက်ပြီး၊ ထွက်တဲ့ ဥတွေက သုတ်ပိုးတွေနဲ့ ပေါင်းစပ်လို့ ဖြစ်တယ်။ ဒါမျိုးက ဆေးအကူတွေ မပါလည်း ဖြစ်နိုင်တယ်။ တကယ်လို့ မ-မျိုးဥ တခုထဲကနေ နှစ်ခု ကွဲထွက်ပြီး၊ သုတ်ပိုးနဲ့ ပေါင်းစပ်ရင် Identical twins ရစေမယ်။

ကလေးမရ ရအောင် လုပ်နည်းဖြစ်တဲ့ IVF မှာ သုတ်ပိုးနဲ့ ပေါင်းစပ်ထားပြီးသား Fertilized eggs ၃ ခု၊ ၃ ခုမက ကို သားအိမ်ထဲ ထည့်ပေးလိုက်တာပါ။ ရည်ရွယ်ရင်းကတော့ ၁ ခုသာ သားအိမ်ထဲမှာ တွယ်ကပ်ပြီး၊ သန္ဓေတည်စေဘို့ဘဲ။ ထင်သလို မဟုတ်ဘဲ၊ ၁-၂ ခု ဖြစ်ဖြစ်၊ အကုန်ဖြစ်ဖြစ် သွားတည်ရင် အမွှာတွေ ဖြစ်စေတော့တယ်။ တည်တာကလည်း သန္ဓေ ၂ ခု၊ အချင်း ၂ ခု၊ အချင်းအိတ် ၂ ခု။ ဒါမှမဟုတ် သန္ဓေ ၂ ခု၊ အချင်း ၁ ခု၊ အချင်းအိတ် ၂ ခုလည်း ဖြစ်နိုင်ပြန်တယ်။

Monozygotic (Identical) twins မမျိုးဥတခုတည်းကနေ ကျားသုတ်ပိုး တခုတည်းတို့ ပေါင်းစပ်ကြပြီးနောက် ဥနှစ်ခု ကွဲသွားပြီး၊ အားလုံး ဆင်တူအမွှာ နှစ်ယောက် ဖြစ်ရတာပါ။ ရှားပါတယ်။ အမွှာထဲမှာ ၃ ပုံ ၁ ပုံထက် နည်းတယ်။ မျိုးရိုး မလိုက်ဘူး။ ဘယ့်အချိန်ကြမှာ ဥနှစ်ခုကွဲသလဲအပေါ် မူတည်ပြီး၊ ရုပ်အသွင်တူတာ ကွာတယ်။ များသောအားဖြင့် ၁၂ ရက်လောက်မှာ ကွဲတတ်တယ်။ စောလေ တူလေ။ ကျား-ကျား၊ မ-မ လိင်တူကြတယ်။

Dizygotic (Fraternal) twins ဆိုတာကတော့ မ-မျိုးဥ ၂ ခုနဲ့ ကျားသုတ်ပိုး ၂ ခုတို့ ပေါင်းစပ်ကြလို့ မတူတဲ့အမွှာ ဖြစ်တာပါ။ ပေါင်းစပ်ချိန်လည်း မတူကြဘူး။ အမွှာထဲမှာ ၃ ပုံ ၂ ပုံရှိတယ်။ Fertility drugs ဆေးတွေ သုံးရင်ဖြစ်တာ ဒါမျိုး ဖြစ်လေ့ရှိတယ်။ ကျား-မ လိင် မတူတတ်ဘူး။ မတူတဲ့ ယောက်ျား ၂ ယောက်နဲ့ အတူနေလို့လည်း အဲလိုအမွှာ ဖြစ်တတ်တယ်။

သဘာဝအတိုင်း အမွှာရအောင်လုပ်နည်း မရှိပါ။ ဆေးကူလို့လည်း မရေရာပါ။ In vitro fertilization (IVF) ဆိုတဲ့နည်းက ကလေးမရနိုင်သူတွေအတွက် တကူးတက လုပ်ကြရာမှာတော့ ဖြစ်နိုင်တယ်။ စွန့်စားရမယ်။

Fertility drugs ဆေးတွေဆိုတာ အမျိုးသမီးတွေ လစဉ်ထွက်ရမဲ့ မျိုးဥထွက်ဖြစ်စဉ် Ovulation အပေါ် သက်ရောက် စေအာင် လုပ်တဲ့ ဆေးတွေ ဖြစ်တယ်။ ယောက်ျားတွေမှာလည်း နည်းနည်းပါးပါး ဒီဆေးမျိုး သုံးတတ်သေးတယ်။ ကလေးမရနိုင်သူ၊ ခဏခဏ သားပျက်သူတွေအတွက် သုံးတာ များတယ်။

Clomid or Clomiphene citrate, Serophene ဆေးတွေ ဖြစ်ပြီး ဒီဆေးတွေကြောင့် အမွှာရတတ်တယ်။ အမှန်က ဘေးထွက် အကျိုးတခုပါ။ အမွှာတောင်မှ ၂ ယောက်မွှာသာမက များနိုင်သေးတယ်။ တခြား သတိထားရမဲ့ ဘေးထွက် အကျိုးတွေလဲ ရှိသေးတယ်။

အမွှာရချင်လို့ ဒီနည်းသုံးချင်ရင် Fertility clinics အထူးဆေးကုဌာနမှာ စနစ်တကျ လုပ်သင့်တယ်။ အခုရေးတဲ့စာက ဗဟုသုတလောက်သာ အားကိုးနိုင်ပါလိမ့်မယ်။

Dr. တင့်ဆွေ
၁၇-၈-၂ဝ၁ဝ
၃ဝ-၃-၂ဝ၁၄

အပြည့်အစုံသို့ »

မြုံနေတဲ့ ယောင်္ကျားလေးများ ကလေးရနည်း


စုံတွဲများ ၏ ခန့်မှန်းခြေ ၁၅ ရာခိုင်နှုန်း ခန့်ဟာ မြုံနေကြ ပါတယ်။ မြုံခြင်း (Infertility) ဆိုတာ ကတော့ တစ်နှစ် ဒါမှမဟုတ် ဒီထက်ပိုပြီးကြာ တဲ့အထိ အကာအကွယ်မဲ့ လိင်ဆက် ဆံမှု ပုံမှန်ပြုလုပ်နေပါလျက်နှင့် ကလေးမရခြင်းကိုခေါ်ပါတယ်။ အမျိုး သားများ သန္ဓေမအောင်နိုင်ရခြင်း အ ကြောင်းရင်းတွေကတော့ သုက်ပိုး ထုတ်လုပ်မှု နည်းပါးခြင်း၊ သုက်ပိုး ရွေးလျားမှုမရှိခြင်း၊ သုက်ပိုးသွားသည့် လမ်းကြောင်း ပိတ်ဆို့ခြင်း၊ မကျန်း မာမှု၊ ထိခိုက်ဒဏ်ရာရရှိမှု၊ နာတာ ရှည် ကျန်းမာရေးပြဿနာများ၊ လူနေမှုဘဝဟန်ပန်နှင့် အခြားအချက် အလက်များ ပါဝင်ပါတယ်။ သန္ဓေအောင်ဖို့ဆိုရင် အမျိုးသား များဟာ ကျန်းမာသန်စွမ်းတဲ့ သုက်ပိုး ကို ထုတ်လုပ်ရပါမယ်။ အဲဒီသုက်ပိုး ဟာ အမျိုးသမီးရဲ့ သားဥဆီကိုရောက် အောင် ရွေ့လျားနိုင်ရမှာဖြစ်ပြီး သားဥကို ထိုးဖောက်ကာ စွဲကပ်နိုင်ရ ပါမယ်။

အဲဒီလိုဖြစ်ဖို့ဆိုရင်-ကျန်းမာသန်စွမ်းတဲ့ သုတ်ပိုး ရှိရမယ်
ဝှေးစေ့နှစ်လုံးအနက် အနည်းဆုံး တစ်လုံးဟာ ကောင်းမွန်ရမှာဖြစ်ပြီး တက်စတိုစတီရုန်း ဟော်မုန်းနှင့် သုက် ပိုးထုတ်လုပ်မှုကို ကူညီပေးသော ဟော်မုန်းများ ညီညွတ်မျှတရပါမယ်။ ဝှေးစေ့က ထုတ်လုပ်ပေးတဲ့ သုက်ပိုး ဟာ သုက်ရည်ရှိတဲ့နေရာကိုြွပန်က လေးတွေက ပို့ဆောင်ပေးနိုင်ရပါမယ်။ သုက်ရည်နဲ့ သုက်ပိုးကို ပြင်ပမှာ စွန့်ထုတ်နိုင်ရပါမယ်။ သုက်ရည်ထဲမှာ လုံလောက်တဲ့ သုက်ပိုးကောင်ရေ ပါဝင်ရပါမယ်။ သုက်ပိုးတွေရဲ့ ပုံသဏ္ဌာန် မှန်ရမှာဖြစ်ပြီး မှန်ကန်သော လားရာ အတိုင်း ရွေ့လျားနိုင်ရပါမယ်။

ဆေးဘက်ဆိုင်ရာ အကြောင်းရင်းများ

သန္ဓေမအောင်ခြင်း (မြုံခြင်း) ဖြစ်ပွားနိုင်တဲ့ ဆေးဘက်ဆိုင်ရာ အကြောင်းရင်းတွေကတော့-

- ဝှေးစေ့ကို ထောက်ပံ့ပေးသော သွေးပြန်ကြောရောင်ရမ်းခြင်း၊ ထုံးခြင်း
- ကူးစက်ရောဂါပိုး ဝင်ခြင်းကြောင့် သုက်ပိုးထုတ်လုပ်မှုနှင့် သန်စွမ်းမှုကို လျော့ကျစေခြင်း၊ သုက်ပိုးပို့ဆောင် သည့်ြွပန်များနှင့် အင်္ဂါများ ရောင်ရမ်း ခြင်းကြောင့် ပိတ်ဆို့ခြင်း ဥပမာလိင်မှတစ်ဆင့် ကူးစက် တတ်သော ရောဂါများ (STDS) ဖြစ်သည့် ကာလာမိုင်းဒီးယား၊ ဂနိုရောဂါပိုးများ။

- သုက်ပိုး ဆီးအိမ်ထဲသို့ဝင်ရောက် ခြင်း (Rretrograde Ejaculation) Orgasm ရရှိချိန်တွင် သုက်ရည်နှင့် သုက်ပိုးကို ပြင်ပသို့ မစွန့်ထုတ်ဘဲ ဆီးအိမ်ထဲသို့ရောက်ရှိသွားခြင်း၊ ၄င်းမှာ ဆီးချိုသွေးချိုရောဂါ၊ Multiple Sclerosis ၊ ကျောရိုးမကြီး ထိခိုက် ဒဏ်ရာရခြင်း၊ ဆီးအိမ်၊ ဆီးကျိတ်၊ ဆီြးွပန်တို့တွင် ခွဲစိတ်ကုသမှုပြုလုပ် ဖူးခြင်း စတဲ့အကြောင်း အမျိုးမျိုး ကြောင့် ဖြစ်နိုင်ပါတယ်။ဒါ့အပြင် ဆီးကျိတ်ကြီးရင် သောက်ရတဲ့ ဆေးဝါး အချို့ကြောင့်လည်း ဖြစ်နိုင်ပါတယ်။

- သုက်မစွန့်ထုတ်နိုင်ခြင်း အချို့အမျိုးသားတွေဟာ ခါးရိုး အာရုံကြောမကြီး ထိခိုက်ဒဏ်ရာ ကြောင့်၊ ဒါမှမဟုတ် အချို့သော ရောဂါတွေကြောင့် သုက်ပိုးထုတ်လုပ် ပေမယ့် သုက်ရည်မထုတ်လုပ်နိုင် သည့်အတွက် အပြင်ကို မစွန့်ထုတ် နိုင် (Ejaculate) မလုပ်နိုင်ကြဘူး။

- အချို့အမျိုးသားတွေမှာ ခန္ဓာ ကိုယ်ခုခံအားစနစ်က မှားယွင်းပြီး မိမိရဲ့ ကိုယ်ပိုင်သုက်ပိုးကို ရန်သူ ထင်ကာ တိုက်ထုတ်ဖျက်ဆီးပစ် ပါတယ်။
- အလုံးအကျိတ်များ (Tumors) ကင်ဆာနှင့် ကင်ဆာမဟုတ် သော အကျိတ်များဟာ အမျိုးသား မျိုးပွားအင်္ဂါစနစ် အစိတ်အပိုင်းတွေကို ဖိနှိပ်မိခဲ့ရင် ဒါမှမဟုတ် မျိုးပွားခြင်းနဲ့ ဆက်စပ်တဲ့ ဟော်မုန်းတွေကို ထုတ်ပေးတဲ့ ဂလင်း (Glands) တွေကို ဖိနှိပ်မိခဲ့ရင် မြုံနိုင်ပါတယ်။

- ဝှေးစေ့ဟာ ကပ္ပယ်အိတ်ထဲကို မဆင်းဘဲ ဝမ်းဗိုက်ထဲမှာပဲ ရှိနေရင်၊ တက်စတိုစတီရုန်းနဲ့ အခြား ဟော်မုန်း အချို့ မျှခြေမညီညွတ်ရင်၊ သုက်ြွပန် မှာ ချို့ယွင်းချက်ရှိရင်၊ ခရိုမိုဆုမ်း ချို့ယွင်းချက် (မျိုးဗီဇဆိုင်ရာ) ရှိရင် (X- Chromosome တစ်ခုနှင့် Y-Chromosome တစ်ခု ရှိရမည့် အစား X- Chromosome နှစ်ခုနှင့် Y-Chromosome တစ်ခုရှိသူ အမျိုး သားဖြစ်ခဲ့ရင်)၊ ပန်းသေပန်းညှိုး အပါ အဝင် လိင်ဆက်ဆံမှု ပြဿနာများ၊ Coeliac Disease ဆိုသည့် Glutin ကို မချေဖျက်နိုင်တဲ့ အစာမကြေ ရောဂါ၊ အချို့သောဆေးဝါးများ (စတီး ရွိုက်ဆေး ကြာရှည်သုံးစွဲခြင်း၊ ကင်ဆာ ဓာတ်ရောင်ခြည်ကုသမှု၊ အချို့သော ပဋိဇီဝဆေးများ)၊ ပတ်ဝန်း ကျင်ဆိုင်ရာ အချက်အလက်များ (ဥပမာ-အပူ၊ အဆိပ်အတောက်၊ ဓာတုပစ္စည်းများ နှင့် ရေရှည်ထိတွေ့မှု)၊ ပိုးသတ်ဆေး များ (Ethylene Dibromate, Organophosphates များဟာ သန္ဓေ မအောင်ခြင်း အပြင် ဝှေးစေ့ကင်ဆာ ကိုပါ ဖြစ်စေနိုင်ပါတယ်) Heavy Metals များနှင့် ထိတွေ့မှုများ၊ ဓာတ်ရောင်ခြည်များ သို့မဟုတ် Xrays နှင့် ထိတွေ့ခြင်း၊ ဝှေးစေ့အပူ ချိန်မြင့်မားခြင်း (ကျပ်ပြီးလှောင်ပိတ် ကာ ပူလောင်သော အတွင်းခံဝတ် ဆင်ခြင်း)၊ စက်ဘီးအကြာကြီးစီးခြင်း (ဝှေးစေ့ကို အပူချိန်မြင့်တက်စေခြင်း၊ စက်ဘီးထိုင်ခုံကြောင့် မျိုးစေ့ဖိအား သက်ရောက်စေခြင်း)စသည်တို့ကြောင့် လည်း သန္ဓေမအောင်နိုင်ဘဲ ဖြစ်တတ် ပါတယ်။

နေ့စဉ်နေထိုင်မှုဘဝဆိုင်ရာ အကြောင်းရင်းများ

ကိုကင်း၊ ဆေးခြောက်၊ Anabolic Steroids များ စသည့် တားမြစ်ဆေးဝါးများသုံးစွဲခြင်း၊ အရက် အလွန်အကျွံသောက်ခြင်း၊ ဆေးလိပ် သောက်ခြင်း၊ စိတ်ဖိစီးခြင်း၊ ဗီတာမင် C၊ ဆယ်လီနီယံ၊ ဇင့်နှင့် ဖောလိတ် အစရှိသော ဗီတာမင်များ ချို့တဲ့ခြင်း၊ ကိုယ်အလေးချိန် (အဝလွန်ခြင်း၊ အပိန် လွန်ခြင်း)၊ အသက်အရွယ် (အသက် ၃၅ နှစ်နောက်ပိုင်းမှ စတင်ပြီး သန္ဓေ အောင်နိုင်မှု တဖြည်းဖြည်း ကျဆင်း လာပါတယ်)။

စမ်းသပ်မှုများ

မြုံနေလို့ ဆရာဝန်နှင့် ပြသတဲ့ အခါ မြုံခြင်းဖြစ်ပေါ်စေတဲ့ နောက် ကွယ်က အကြောင်းရင်းကို ရှာဖွေပြီး ကုသမှာဖြစ်တယ်။ အထွေထွေစစ် ဆေးခြင်းများ၊ သုက်ပိုးစစ်ဆေးခြင်း များ၊ ဝှေးစေ့ အာလ်ထရာဆောင်း ရိုက်ခြင်း စတာတွေ ပြုလုပ်ပေးနိုင်တယ်။ အမျိုးသားနှင့်အတူ အမျိုးသမီးကိုပါ စုံတွဲလိုက် ကုသမှုနှင့် အကြံပေးမှုများ ပြုလုပ်ဖို့လိုအပ်ပါတယ်။ ကုသမှုတွေ ထဲမှာ- ခွဲစိတ်ကုသခြင်း၊ ကူးစက် ရောဂါပိုးအား ကုသခြင်း၊ လိင်ဆက်ဆံ မှု ပြဿနာများကို ကုသခြင်း၊ ဟော် မုန်းညီမျှအောင်ကုသခြင်း၊ HIV ကဲ့သို့ သုက်ပိုးကို ခန္ဓာကိုယ်ထဲမှ ထုတ်ယူပြီး ပြင်ပတွင် သန္ဓေအောင်စေသော နည်းများ ပါဝင်နိုင်တယ်။

အိမ်မှာတင်ပြုလုပ်နိုင်သော အရာများ

- ရက် အရေအတွက်တိုးမြင့်ပါ
တစ်လအတွင်းမှာ လိင်ဆက်ဆံတဲ့ ရက်အရေအတွက် တိုးမြှင့်ပါ။ ဒါပေမယ့် ၄၈ နာရီအတွင်း အကြိမ် ကြိမ် သုက်စွန့်ထုတ်ရင်တော့ သုက်ပိုး ကောင်ရေ နည်းပါးနိုင်တယ်။

- သန္ဓေအောင်ခြင်းဖြစ်နိုင်တဲ့ ရက်မှာ လိင်ဆက်ဆံပါ

အမျိုးသမီးရဲ့ ဓမ္မတာရာသီလာ တဲ့ စက်ဝန်းရဲ့အလယ် သားဥြွေက တဲ့အချိန်မှာ ကိုယ်ဝန်ရနိုင်ပါတယ်။ ကျွမ်းကျင်သူတွေကတော့ သားဥ မြွေကခင် ၂ ရက်အလိုမှာ လိင်ဆက် ဆံရင် သုက်ပိုးဟာ ရက်အတော်ကြာ အသက်ရှင်နိုင်တဲ့အတွက် သားဥကြွေ ဆင်းလာတဲ့အချိန်မှာ သန္ဓေအောင်ဖို့ အခွင့်အလမ်း သေချာသလောက်ပဲ လို့ ဆိုပါတယ်။

-ချောဆီ အသုံးမပြုပါနှင့်

လိင်ဆက်ဆံမှု ချောမွေ့ဖို့ Lubricants များ၊ လိုးရှင်းများ၊ တံတွေး စသည်တို့ အသုံးပြုခြင်းဟာ သုက်ပိုးကောင်ရဲ့ ရွေ့လျားမှုကို အနှောင့်အယှက်ပေးနိုင်ပါတယ်။

-ဖြည့်စွက် အားဆေးများ

ဗီတာမင် C၊ ဇင့်၊ ဆယ်လီနီယံ၊ ဗီတာမင် E၊ ဗီတာမင် B12 ၊ အာရှ ဂျင်ဆင်း စသည်တို့ဟာ သုက်ပိုးရဲ့ အရေအတွက်နဲ့ အရည်အသွေးကို တိုးမြှင့်ပေးနိုင်တဲ့ အာနိသင်အချို့ရှိပါ တယ်။ L-arginine နဲ L- carnitine ပါဝင်တဲ့ ဖြည့်စွက်အားဆေး အချို့ လည်း ပါဝင်ပါတယ်။
ကုသမှုများ မအောင်မြင်တဲ့အခါ
အမျိုးသားများ မြုံခြင်းကို ကုသမှုများ ရရှိနိုင်တယ်ဆိုပေမယ့် မအောင် မြင်တဲ့အခါမျိုးလည်း ကြုံတွေ့လာရ နိုင်ပါတယ်။ အဲဒီအခါမျိုးမှာ သုက်ပိုး အလှူရှင်ထံမှ သုက်ပိုးရယူခြင်း၊ ကလေးမွေးစားခြင်း တို့ဖြင့် ဖြေရှင်းလေ့ရှိပါတယ်။

myanmaalinn

အပြည့်အစုံသို့ »

ကိုယ်ဝန်ရလိုသူ ဇနီးမောင်နှံများဖတ်ရန် ကိုယ်ဝန်ရစေနည်းများ



ကလေးလိုချင်တဲ့စုံတွဲတွေအနေနဲ့ ကလေး ယူဖို့ ပြင်ဆင်နေရတဲ့ အချိန်ကာလတွေဟာ စိတ်လှုပ်ရှားစရာကောင်းပြီး မိခင်လောင်းနဲ့ ဖခင်လောင်းတွေဟာ တတ်နိုင်သမျှ မြန်မြန် ကိုယ်ဝန်ရလိုကြပါတယ်။ ဒါပေမယ့် အမျိုး သမီး တစ်ယောက်ရဲ့ ကိုယ်ဝန် ရနိုင်ခြေကို လွှမ်းမိုးနေတဲ့ အချက်တွေရှိပါတယ်။ တချို့ စုံတွဲတွေ အနေနဲ့ ပထမ အကြိမ် ကြိုးစားမှု မှာပဲ ကိုယ်ဝန်ရနိုင်သလို တချို့ စုံတွဲတွေ ကတော့ ကိုယ်ဝန်မရတာက လပေါင်းများစွာ ကြာနိုင်ပါတယ်။
အောက်ပါအကြံပြုချက်တွေက လလေးလိုချင်တဲ့စုံတွဲတွေ အနေနဲ့ ကိုယ်ဝန်ရနိုင်ခြေကို ပိုများအောင် လုပ်ဆောင်နိုင်တဲ့အချက်တွေ ဖြစ်ပါတယ်။ ပုံမှန်ဆက်ဆံမှုနဲ့ မှန်ကန်တဲ့အချိန် ဖြစ်ပါစေ။ ကလေးလိုချင်ပြီး မရတဲ့စုံတွဲအများစုဟာ ပုံမှန်လိင်ဆက်ဆံမှုရှိတာ ဒါမှမဟုတ် လတစ်လရဲ့ မှားယွင်းတဲ့အချိန်မှာသာ လိင်ဆက်ဆံမှု လုပ်တာကြောင့် ဖြစ်တတ်ပါတယ်။

အမျိုးသမီးအနေနဲ့ ဘယ်ရက်တွေမှာ မျိုးဥကြွေနိုင်လဲဆိုတာကို သိထားဖို့ လိုပါတယ်။ ယေဘုယျ အားဖြင့်တော့ မျိုးဥကြွေတာဟာ ဓမ္မတာ ရာသီစက်ဝန်းရဲ့ အလယ်၊ ရာသီ စလာတဲ့ ရက်ကနေ စရေတွက်ရင် ၁၄ ရက်မြောက်နေ့ ဝန်းကျင်ရက်တွေမှာ လိင်ဆက်ဆံမှု ရှိရင် ကိုယ်ဝန်ရနိုင်ခြေက အများဆုံးပါပဲ။
အရေးကြီးတဲ့ ဒီရက်တွေကို အတိအကျသိချင်ရင် အမျိုးသမီးရဲ့ ဆီးထဲက ဟော်မုန်း အဆင့်ကို တိုင်းတာတဲ့နည်းတွေလည်း ရှိပါတယ်။ ဒီအတွက်တော့ ဆရာဝန်နဲ့ တိုင်ပင်ပါ။ ဒါ့အပြင် လိင်ဆက်ဆံပြီးနောက်မှာ အမျိုးသမီးဟာ ပက်လက်လဲလျောင်းပြီး တင်ပါး အောက်မှာ ခေါင်းအုံးတစ်လုံးခံထားရင် သားအိမ်ခေါင်းကို သုက်ရည်နဲ့ တတ်နိုင်သမျှ များများထိတွေ့စေတဲ့ အတွက် ကိုယ်ဝန်ရနိုင်ခြေကို များစေပါတယ်။

ကိုယ်အလေးချိန်လျှော့ပြီး မျှတတဲ့ အစာအာဟာရတွေ စားပါ
အဝလွန်တဲ့ အမျိုးသမီးတွေ ဒါမှမဟုတ်ပိန်လွန်းတဲ့ အမျိုးသမီးတွေဟာ ကိုယ်ဝန် ရနိုင်ခြေ နည်းတယ်လို့ သားဖွားမီးယပ်အထူးကုဆရာဝန်က ဆိုပါတယ်။ ဘာကြောင့်လဲဆိုတော့ ကိုယ်အလေးချိန်နည်းလွန်းခြင်း ဒါမှမဟုတ် များလွန်းခြင်းဟာ ဓမ္မတာရာသီ စက်ဝန်းရဲ့ မှန်ကန်မှုနဲ့ မျိုးဥကြွေမှုကို အနှောင့်အယှက်ဖြစ်စေတာကြောင့်ပါ။
သာမန်ရှိသင့်တဲ့ ကိုယ်အလေးချိန်ဆိုတာက ခန္ဓာကိုယ် ဒြပ်ထုညွှန်းကိန်း (BMI) ၁၈ ဒဿမ ၅ နဲ့ ၂၄ ဒဿမ ၉ အတွင်း ဖြစ်ပါတယ်။ မိခင်လောင်းအနေနဲ့ ကိုယ်ဝန်ရနိုင်ခြေ ပိုများစေဖို့အတွက် ရှိသင့်တဲ့ BMI အတွင်းမှာရှိအောင် လေ့ကျင့်ခန်းလုပ်ပြီး မျှတတဲ့ အစာ အာဟာရတွေ စားဖို့လိုပါတယ်။ မိခင်လောင်းရော၊ ဖခင်လောင်းပါ ဗီတာမင်နဲ့ သတ္တု ဓာတ်တွေ အများအပြားပါတဲ့ အစာအာဟာရတွေကို စားပြီး လိုအပ်ရင် အားဖြည့်ဆေး သောက်ပါ။

ကဖင်းဓာတ်သောက်သုံးမှုကို လျှော့ပါ
ကဖင်းဓာတ် အများအပြားသောက်သုံးရင် ခန္ဓာကိုယ်က သံဓာတ်စုပ်ယူမှုကို လျော့နည်း စေပြီး ပြင်းထန်တဲ့ ကိုယ်ဝန်ဆောင်ပြဿနာတွေကို ဖြစ်စေနိုင်ပါတယ်။ အမျိုးသားရော၊ အမျိုးသမီးပါ ကဖင်းဓာတ်ပါဝင်တဲ့ ကော်ဖီ၊ လက်ဖက်ရည်နဲ့ ကိုလာတွေကို လျှော့သောက်ဖို့ လိုပါတယ်။ ကဖင်းပါတဲ့အရည်တွေ မသောက်ဘဲ နွားနို့နဲ့ ဒိန်ချဉ်ကို များများသောက်ပေးရင် ကယ်လ်စီယမ်ရရှိမှုများစေပြီး ကိုယ်ဝန်ဆောင်နိုင်ဖို့အတွက်လည်း အထောက်အကူ ဖြစ်ပါတယ်။

ဆေးလိပ်၊ အရက်နဲ့ မူးယစ်ဆေး သုံးစွဲမှု ရှောင်ကြဉ်ပါ
ဒီအချက်သုံးချက်က ကိုယ်ဝန်နိုင်ခြေကို ကန့်သတ်ထားနိုင်ပြီး ကိုယ်ဝန်ပျက်ကျခြင်း၊ ကလေး အသေမွေးခြင်းနဲ့ လမစေ့ကလေး မွေးဖွားခြင်းတွေကိုလည်း ဖြစ်စေနိုင်ပါတယ်။ ဆေးလိပ်သောက်ခြင်းဟာ အမျိုးသမီးရဲ့ မျိုးအောင်နိုင်စွမ်းကို ထိခိုက်စေပြီး အမျိုးသား မှာလည်း သုက်ပိုးအရေအတွက်ကို ကျဆင်းစေပါတယ်။
ဒါ့အပြင် ဆေးလိပ်သောက်ခြင်းဟာ ခန္ဓာကိုယ်က ဇင့်ဓာတ်နဲ့ ဗီတာမင်စီလိုမျိုး အရေးကြီး အာဟာရဓာတ်တွေ စုပ်ယူမှုကို တားဆီးထားပြီး သွေးထဲမှာ ကဒ်မီယမ်နဲ့ ခဲလိုမျိုး အဆိပ် အတောက်တွေရဲ့ အဆင့်ကို ပိုများစေပါတယ်။ သုတေသနတွေက တစ်ပတ်မှာ အယ်လ်ကိုဟော ငါးယူနစ်အောက် နည်းပြီးသောက်တဲ့ အမျိုးသမီးဟာ ၁၀ ယူနစ် ဒါမှ မဟုတ် ဒီထက်ပိုသောက်တဲ့ အမျိုးသမီးတွေထက် ခြောက်လကြာပြီးနောက် သန္ဓေ အောင်နိုင်ခြေ နှစ်ဆပိုများတယ်လို့ ဆိုပါတယ်။

ဖောလစ်အက်စစ် အားဆေးသောက်ပါ
ဖောလစ်အက်စစ်ဟာ ကလေးရဲ့ ဦးနှောက်နဲ့ အာရုံကြောစနစ်ကို ထိခိုက်စေတဲ့ မွေးရာပါ ချို့ယွင်းမှုတွေ ဖြစ်ပွားမှုကို လျော့နည်းစေတာကြောင့် ကလေးယူဖို့ ပြင်ဆင်နေချိန်မှာ ဖောလစ် အက်စစ် သောက်သင့်ပါတယ်။ အစားအသောက်ကနေ ဖောလစ်အက်စစ် လုံလောက်အောင် ရရှိဖို့ မလွယ်တာကြောင့် ဖောလစ်အက်စစ် အားဆေးသောက်ပါ။

စိတ်ဖိစီးမှုလျှော့ပါ
အမျိုးသမီးတွေမှာ စိတ်ဖိစီးမှုခံစားရရင် Prolactin ခေါ်တဲ့ ဟော်မုန်းတစ်မျိုးထုတ်လုပ်မှုကို များစေပါတယ်။ ဒီဟော်မုန်းက မျိုးဥကြွေတာကို အနှောင့်အယှက်ဖြစ်စေပြီး ကိုယ်ဝန် ရနိုင် ခြေကို နည်းစေပါတယ်။ ဒါ့အပြင် စိတ်ဖိစီးနေတဲ့လူမှာ ရတဲ့စွမ်းအင် အများစုကို ခန္ဓာ ကိုယ်တွင်း စနစ်တွေ ထိန်းသိမ်းမှုနဲ့ ပြုပြင်မှုအတွက် သုံးနေရတဲ့အတွက် ကိုယ်ဝန် ရနိုင် ခြေက နည်းသွားနိုင်ပါတယ်။ အမျိုးသားရော၊ အမျိုးသမီးပါ ကလေးလိုချင်ရင် စိတ်ဖိစီးမှု လျော့နည်းစေဖို့ အလုပ်တွေလျှော့တာနဲ့ ယောဂကျင့်တာလိုမျိုး ဖြေလျှော့တာတွေ လုပ်ဆောင် သင့်ပါတယ်။

ဖခင်ဖြစ်လိုသူများအတွက် အကြံပြုချက်များ
ကလေးလိုချင်တဲ့ ဖခင်လောင်းတွေကလည်း ဇနီးမှာ အောင်မြင်တဲ့ ကိုယ်ဝန် ဆောင်နိုင်ဖို့ အတွက် လုပ်ဆောင်သင့်တဲ့အချက်တွေ ရှိပါတယ်။ ရေပူချိုးတာ၊ တင်းကျပ်လွန်တဲ့ အောက်ခံ ဘောင်းဘီနဲ့ အပြင်ဝတ် ဘောင်းဘီကျပ်ကျပ်တွေ ဝတ်ဆင်တာ၊ Laptop ကွန်ပျူတာကို ပေါင်ပေါ်မှာ တင်ထားပြီး သုံးတာတွေကို ရှောင်ပါ။

ဒီအချက်တွေက ဝှေးစေ့က အပူချိန်ကိုများစေပြီး သုက်ပိုးအရေအတွက်ကို ကျဆင်း စေပါတယ်။ ဒါ့အပြင် အမျိုးသားတွေဟာ သန္ဓေအောင်နိုင်စွမ်းတိုးစေနိုင်ဖို့အတွက် ဆေးလိပ်၊ အရက်နဲ့ မူးယစ်ဆေးသုံးစွဲမှုတွေကို ရှောင်ကြဉ်ပါ။ ကဖင်းဓာတ် သောက်သုံးမှု ကိုလည်း လျှော့ပါ။ အရေးကြီး အာဟာရဓာတ်တွေကို လုံလောက်အောင်ရရှိဖို့အတွက် အားဆေးနေ့စဉ်သောက်ပါ။
သုတေသနတွေက စုံတွဲအနည်းစုသာ ပထမအကြိမ်ကြိုးစားမှုမှာ အောင်မြင်စွာ ကိုယ်ဝန် ရကြတယ်လို့ ဆိုပါတယ်။ တကယ်တော့ ကျန်းမာတဲ့ စုံတွဲတွေဖြစ်ပေမယ့်လည်း တစ်လမှာ ကိုယ်ဝန်ရနိုင်ခြေက ၂၀-၂၅ ရာခိုင်နှုန်းသာ ရှိတယ်လို့ ဆိုပါတယ်။ ကလေးလိုချင်တဲ့ စုံတွဲ တွေဟာ ၁၂ လကျော်ကြာတဲ့အထိ ကလေးမရနိုင်ရင်တော့ ကျွမ်းကျင်တဲ့ဆရာဝန်ကို တိုင်ပင်ပြီး အကူအညီရယူဖို့ လိုအပ်ပါတယ်

 Good Health

အပြည့်အစုံသို့ »

ဒေါပုန်မီး ခုနှစ်နှစ်သားလေး တစ်ကိုယ်လုံး မီးလောင်သေဆုံး


ရန်ကုန် ဇွန် ၃

ဇွန် ၂ ရက်ည ၁၂ နာရီခန့်ကဒေါပုံမြို့နယ် နွယ်အေးရပ်ကွက်ရွှေနှင်းဆီလမ်း အမှတ် ၂၂ ရှိ ဓနိမိုးထရံကာ၊ ပျဉ်ခင်းအိမ်ခန်း ငါးခန်းတွဲမီးလောင်မှုဖြစ်ပွားခဲ့သည်။
လောင်စာအားကောင်းမှုကြောင့်မီးလောင်ချိန်မိနစ် ၂၀ အတွင်းအိပ်ခန်း ငါးခန်း စလုံး မီးလောင်ဆုံးရှုံးခဲ့ရသည်။ မီးလောင်ရခြင်း အကြောင်းမှာ လျှပ်စစ်မီး ပျက်စဉ် ဝါးထရံအနီးဖယောင်းတိုင်မီးထွန်းထားရာမှ ထရံသို့ မီးကူးစက် လောင်ခြင်းဖြစ်ကြောင်းမီးသတ် တာဝန်ရှိသူတစ်ဦး၏ပြောပြချက်အရ သိရသည်။

မီးလောင်ရာသို့ မီးငြှိမ်းသတ်ယာဉ် ၁၁ စီးနှင့် ကွပ်ကဲမှုယာဉ်၊ အထောက်အကူပြုယာဉ်များနှင့် အတူက.မ.ခ (၂) မှ ညွှန်ကြားရေးမှူး ဦးအောင်ကျော်မြင့် ဦးဆောင်၍သန္ဓေ၊ အရန်မီးသတ်အင်အား ၁၀၇ဦး၊ ကြက်ခြေနီတပ်ဖွဲ့ဝင် ၅၅ ဦးတို့က ရပ်ကွက်ပြည်သူများနှင့် အတူမီးငြှိမ်းသတ်ရေးကယ်ဆယ်ရေးလုပ်ငန်းများကို ဆောင်ရွက်ခဲ့ကြ သည်။

လောင်နေသော မီးအားကိုနောက်တစ်နေ့နံနက် အကူး ၀၀ နာရီမိနစ် ၂၀ တွင် ငြှိမ်းသတ်ပေးနိုင်ခဲ့သည်။ မီးလောင်မှုကြောင့် အိုးမဲ့အိမ်မဲ့ဖြစ်သွားသော အိမ်ထောင်စုများမှ အမျိုးသား အမျိုးသမီး ၃၁ ဦးအားနွယ်အေး ရပ်ကွက် ရွှေဖူးမျှော်လမ်းအမှတ် (၁၄၉) ရှိ လူမနေသေးသောတိုက်ခန်းသစ်တွင် ယာယီနေရာချထားပေး ခဲ့သည်။

မီးလောင်မှုကြောင့် ဦးစလင်း(ခ)ဦးအောင်မြင့်ဦး အသက်(၃၁ နှစ်) တွင် ညာဘက် လက်နှင့် နောက်ကျော မီးဟပ်ခံရ၊ ဒေါ်ဘိုဘိုစိုးမြင့် (၃၄ နှစ်)တွင် ညာဘက်လက်၊ နောက်ကျော၊ခြေသလုံး မီးဟပ်ခံရ၊ မလင်းလက်သူ (၄ နှစ်) ခြေနှင့် လက်မီးဟပ်ခံရ၊ဒေါ်ထွေးစိန် (၇၆ နှစ်) သတိလစ်နေခြင်း တို့ကြောင့် ရန်ကုန်ပြည်သူ့ ဆေးရုံကြီးသို့ ပို့ဆောင်ကုသမှုခံယူခဲ့ရသည်။

အသက် ခုနစ်နှစ်ရှိ မောင်နန္ဒအောင်သည် တစ်ကိုယ်လုံး မီးလောင်ခံရပြီး ရန်ကုန်ပြည်သူ့ ဆေးရုံကြီး၌ ကုသမှုခံယူနေစဉ် ဇွန် ၃ ရက် မွန်းလွဲ၁၂ နာရီကျော် တွင် သေဆုံးသွားခဲ့ကြောင်း ထပ်မံသိရှိရသည်။

မီးပေါ့ဆမှုကြောင့် ဦးစလင်း(ခ)ဦးအောင်မြင့်ဦးအား ဒေါပုံမြို့နယ်ရဲတပ်ဖွဲ့စခန်းမှ အမှုဖွင့်အရေးယူထားကြောင်း သိရသည်။

တင်ဝင်းလေး(ကြည့်မြင်တိုင်)
MOI Webportal Myanmar

အပြည့်အစုံသို့ »

မီးအားမြှင့်စက်အပူရှိန်လွန်ကဲပြီး အိမ်ခြေ(၂၄)လုံးမီးလောင်ကျွမ်း


မုံရွာ ဧပြီ ၂၆

စစ်ကိုင်းတိုင်း ဒေသကြီး၊ မုံရွာမြို့ သလ္လာရပ် ကွက်တွင် နေအိမ် အတွင်း မီးအားမြှင့်စက် အပူရှိန် လွန်ကဲပြီး ကူးစက် လောင်ကျွမ်းမှုကြောင့် အိမ်ခြေ (၂၄)လုံး မီးလောင်ပျက်စီး ခဲ့ကြောင်း သိရသည်။

အပြည့်အစုံသို့ »

သန္ဓေသားအလောင်းကို စွန့်ပစ်ဖျောက်ဖျက်သူအား အရေးယူ စုံစမ်းလျက်ရှိ



ရန်ကုန်၊ ဧပြီ ၂၂

၂၁.၄.၂၀၁၄ ရက်နေ့ ၂၀၄၅ အချိန် ရန်ကင်းမြို့မရဲစခန်းမှ တပ်ဖွဲ့ဝင်များ သည် ရန်ကင်းမြို့နယ်၊ (၄)ရပ်ကွက်၊ ရန်နိုင်လမ်းဘေး မြို့မစာကြည့်တိုက် အနီးတွင် သေဆုံးနေသည့် သန္ဓေသားအား စွန့်ပစ်ထားသည်ကိုတွေ့ရှိ ရကြောင်း သတင်းအရသွားရောက်စစ်ဆေးခဲ့ပါသည်။

ထိုသို့သွားရောက်စစ်ဆေးခဲ့ရာ အဆိုပါနေရာတွင် ကျား/မ ခွဲခြား၍မရသော
သေဆုံးနေသည့် သန္ဓေ သားအား မြက်ခြောက်များဖြင့် ဖုံးအုပ်ကာစွန့်ပစ်ထား သည်ကို တွေ့ရှိရပါသည်။

ယင်းကဲ့သို့ သန္ဓေသားအလောင်းကို စွန့်ပစ်ဖျောက်ဖျက်သူအား အရေးယူနိုင်ရန်အတွက် ရန်ကင်းမြို့မရဲစခန်း (ပ)၇၈/၂၀၁၄၊
ပြစ်မှုပုဒ်မ ၃၁၈ ဖြင့် အမှုဖွင့် စုံစမ်းစစ်ဆေးလျက်ရှိကြောင်း သတင်းရရှိ ပါသည်။

Yangon Police

အပြည့်အစုံသို့ »

Ovarian Cyst ကိုယ်ဝန်မဟုတ်တဲ့ ဗိုက်ထဲကအလုံး (၁)



(၁) ဆရာရေ Ovarian Cyst at Ovary ရောဂါက ဘယ်လိုဟာမျိုးလဲဆရာ။ ကျနော် အင်တာနက်မှာ သွားကြည့်တော့ အမျိုးသမီး လိင်အင်္ဂါမှာ ဖြစ်တဲ့ရောဂါဆိုတာနဲ့ အမျိုးသမီးအများစုဖြစ်လေ့ဖြစ်ထ ရှိတယ်လို့တွေ့ရတယ်။ ဒါပေမဲ့ ဒီရောဂါကို အရင်က ကျနော်တခါမှ မကြားခဲ့ဖူးဘူး။ ရေးထားတာတော့ အများစုက သူ့ဖာသာ ပျောက်သွားကြတယ်၊ ဖြစ်လို့ ဖြစ်မှန်း မသိလိုက်တဲ့လူတွေတောင် ရှိတယ်၊ စိုးရိမ်စရာ မရှိသလို ရေးထားတယ်ဆရာ။ ကုထုံးအနေနဲ့ ကျတော့ ရောဂါ အတိမ်အနက်၊ ရောဂါရှင် အသက်အရွယ်ကိုလိုက်ပြီး ခွဲစိတ်ရတာလည်း ရှိတယ်၊ မခွဲပဲ သာမန်ကုသရတာလည်းရှိတယ်လို့ ရေးထားတယ်။ ဒီထက်လည်း ပိုမတွေ့ရဘူး။ ဒီရောဂါကနေ ကင်ဆာဆက်ဖြစ်နိုင်လားဆရာ။ ကြောက်စရာကောင်းတဲ့ ရောဂါလား။ လုံးဝပျောက်ကင်းအောင် ကုသလို့ကော ရလား။ ကျနော့် မြို့က ညီမ၀မ်းကွဲတစ်ယောက်မှာ ဒီရောဂါ ဖြစ်နေတယ်။ သူက့့ မှာ အလုပ်လုပ်နေတာ။ စင်ကာပူနဲ့ ဘန်ကောက်က ဆေးရုံတွေမှာ မကြာမကြာ ဆေးကုသမှု ခံယူရတယ်တဲ့။ ခွဲစိတ်ရတာလည်း သုံးကြိမ်ရှိပြီ ပြောတယ်။ သူ့က အိမ်ထောင်ရှိတယ်။ အသက်က လေးဆယ်နီးပြီ။
(၂) ဆရာရှင့် ၁။ ကျွန်မ အသက် ၂၅ တုံးက ရေအိတ် ထုတ်ဖူးပါတယ်။ သားဥပြွန်တခုပါ ထုတ်လိုက်ရလို့ ယခု အသက် ၃၃ နှစ်မှာ ကလေးယူဖို့ လွယ်ကူနိုင်ပါသလား။ ဘာအခက်အခဲများ ရှိနိုင်ပါသလဲ။ နောက်နှစ်မှာ ကလေးယူဖို့အတွက် ခုချိန်မှာ အစားအသောက်နဲ့ ဆေးဝါး၊ ဘာတွေ ကြိုတင် မှီဝဲဖို့ လိုပါသလဲ။ ၂။ ရေအိတ်က ဘာကြောင့်ဖြစ်ပါသလဲ သေချာသိချင်ပါတယ်။ အပျို-အအို မရွေး အသက်အရွယ် မရွေး ဖြစ်နေတာကိုလဲ တွေ့နေရပါတယ်။ Ovarian Cyst လို့ ရေးထားပါတယ်။ မခွဲခင်က ဗိုက်မသိမသာလေး ပူပါတယ်။ နဂိုက ပိန်တဲ့လူဆိုတော့ ဝလာသလို ထင်ရတယ်။ ဗိုက်ဆာလို့ အစာစားမယ်ဆိုတော့ နဲနဲဘဲ စားရသေးတယ်၊ ဗိုက်က ပြည့်သွားပြီး၊ ဗိုက်တင်းသွားတယ်။ ဆက်စားချင်ပေမဲ့ မစားနိုင်တော့သလိုဖြစ်တယ်။ ရင်ပြည့်နေသလို ဖြစ်ပါတယ်။ အဲလောက်ဘဲ ခံစားရပါတယ်။ အိတ်ထမတင် လေ့ကျင့်ခန်း လုပ်ကြည့်တော့လဲ ဘာမှမထူးခြားဘူး။ ဗိုက်ထဲမှာ အလုံးဖြစ်နေမလားဆိုပြီး။ စိုးရိမ်လို့ ဆေးခန်း သွားတော့မှ ရေအိတ်ဖြစ်နေတယ်ဆိုတာ သိရပါတယ်။ ရေအိတ်ထဲမှာ အရည်နောက်နောက်တွေလို့ဘဲ ပြောပါတယ်။ တခြားဟာတွေ တွေ့တယ်လို့တော့ မပြောပါဘူး။ သားဥပြွန်မှာ သွေးကြောတွေ ရစ်ပတ်နေလို့ ရေအိတ် ထုတ်ရ ခက်တဲ့အတွက် အဲဒါပါ ထုတ်လိုက်တယ်လို့ ပြောပါတယ်။

အရွယ်ရောက် အမျိုးသမီးတိုင်း မျိုးဥအိတ်မှာ အလုံးဆိုတာတွေ ဖြစ်ကြပါတယ်။ ကုစရာမလိုဘဲ ပျောက်သွားတာက များပါတယ်။ ကုစရာလိုတဲ့ Ovarian Cyst ဆိုတာကလည်း အဖြစ်များတဲ့ ရောဂါတခုပါ။ အရွယ်မရွေး ပြောရမလားဘဲ။ အပျိုလေးတွေရော အဖွါးကြီးတွေကိုပါ ခွဲပေးရဘူးတယ်။ Tumor ခေါ်တဲ့ အလုံး-အကြိတ်တွေဟာ ကင်ဆာ မဟုတ်တာရော ဟုတ်တာပါ၊ ဘာလို့ဖြစ်သလဲ အတိအကျ ပြောမရတဲ့ အမျိုးအစားပါ။ ကံတရားကိုသာ လွှဲချကြရအောင်။

Ovary ဆိုတာ အမျိုးသမီးတိုင်းမှာ ဘယ်နဲ့ညာ တခုစီရှိတယ်။ Uterus သားအိတ်ဘေးက ချိုလိုထွက်နေတဲ့ Uterine tubes သားအိတ်ပြွန် နှစ်ဘက်ရဲ့ အဖျားဘက် အောင်နားမှာ တွဲလောင်းလေး ရှိနေတယ်။ အရွယ်ရောက် အမျိုးသမီး တဦးရဲ့ မျိုးဥအိတ်က ၃ x ၁့၅ x ၁့၅ စင်တီမီတာ အရွယ်ရှိတာပါ။ လက်တဆစ်လောက်ပေါ့။ ဒီဟာလေးကနေ Ovarian Cyst ဖြစ်ရင် ကိုယ်ဝန်ရင့်မာ အရွယ်လောက်ထိ ကြီးလာနိုင်တယ်။

အလုံးဖြစ်လာတာကို အတော်များများ သတိမထားမိတတ်ပါ။ ရာသီလာတာလည်း ပုံမှန်။ နာတာကလည်း မသိမသာ။ ကိုယ်ဝန်ဆောင်သလို ဗိုက်ကလေး ပူလို့ စူလာမှ သိရတာ များတယ်။ အလုံးက ဗိုက်ထဲမှာ (အမှန်က ဗိုက်အောက် တင်ပါးဆုံရိုးကွင်းထဲမှာပါ) သူနဲ့ တွယ်နေတဲ့ သားအိတ်ပြွန်က နောက်တို့ ဘေးတို့မှာ ကပ်နေတာ မဟုတ်လို့ ခပ်လွယ်လွယ် ရွေ့ရှား လှုတ်ရှားနိုင်တယ်။ လှုတ်ရင်း၊ ရွေ့ရင်းနဲ့ အညှာနဲ့တူတဲ့ နေရာက လိမ်ပြီး၊ သူ့ဟာသူ ချည်သလို ဖြစ်တတ်သေးတယ်။ အဲလိုဖြစ်ရင် နာတာခံစားရတော့မယ်။ မခွဲရင် သွေးထွက်၊ ပေါက်ထွက်ဖြစ်နိုင်တယ်။

ဒီရောဂါကို ခွဲကုရတာပါ။ ဖြစ်လာတဲ့အလုံး သပ်သပ်ကို ခွဲစိတ်ထုတ်လိုက်တာက အကောင်းဆုံး။ အလုံးဖြစ်လာတာက မျိုးဥအိတ် တခုလုံးကနေ ဖြစ်လာတာ မဟုတ်ပါ။ တနေရာကသာ ဖြစ်တာ။ ဒါ့ကြောင့် ကောင်းနေသေးတဲ့ မျိုးဥအိတ်ကို ချန်ထားဘို့လိုတယ်။ အလုံးက အဖုံးနဲ့ရှိလို့ ခွဲစိတ်ရှင်းရတာ ပိုလွယ်တယ်။ တခါတလေ မလွယ်ဘူး။ ကြာမှ ခွဲရရင်၊ ကြီးလွန်းရင်၊ မျိုးဥသာမကာ ပြွန်ကိုပါ ချန်မရတာ ဖြစ်နိုင်တယ်။ မျိုးဥအိတ်တဖက်နဲ့ ပြွန်တဖက် မရှိရင် သားသမီးရဘို့ တဝက်တော့ အခွင့်အလမ်း နည်းသွားစေတယ်။ မျိုးဥအိတ်နဲ့ ပြွန်၊ နှစ်စုံလုံး ရှိနေပါမှ အမျိုးသမီး ပီသစေနိုင်လို့ပါ။ မ-ဟော်မုန်းတွေ ပုံမှန်ထွက်၊ လင်ယူ-သားမွေး၊ ကလေးယူဘို့လဲ စိတ်ချရမယ်။

Ovarian cyst တခါ ဖြစ်ဘူးရင် နောက်ထပ် မဖြစ်နိုင်တော့ဘူးလို့ မပြောနိုင်ပါ။ ရာသီ မမှန်ရင်။ သိပ်ငယ်ငယ်ကတည်းက ၁၁-၁၂ နှစ် သမီးကစ ရာသီကလာရင်၊ ကလေးမရတဲ့သူ၊ လည်ပင်းကြီးဟော်မုန်း နည်းသူ၊ ကိုယ်အပေါ်ပိုင်း အဆီများသူ တွေမှာ ဖြစ်တတ်လေ့ရှိတယ်။

အိတ်ထဲမှာရှိနေတာက အမျိုးမျိုး။ အများအားဖြင့် ခပ်ဝါဝါအရည်။ ချွေးထွက်အိတ်ထဲက အရည်မျိုးပါရင် ခပ်မြစ်ပြစ် ဖြစ်မယ်။၊ အဆီတွေ ပါနိုင်တယ်။ တချို့ကြ ထူးဆန်းတာတွေ ပါနေတတ်တယ်။ ဆံပင်လို အမွှေး၊ အရိုးလို၊ သွားလို၊ အရိုးနုလို စတာတွေ။ တောမှာ “အပင်းထည့်တယ်” လို့ ပြောတတ်ကြတာမျိုးပေါ့။ Dermoid cyst ခေါ်တယ်။ အမှန်က လူ့ကိုယ်ခန္ဓာမှာ ရှိနေတဲ့ (တစ်ရှူး) အမျိုးအားလုံးက ပါနေနိုင်တယ်။ မျိုးဥအိတ်သာ မဟုတ်ပါ အရေပြားမှာလည်း ဒါမျိုး ဖြစ်တတ်တယ်။

အဲလို ခွဲထားခံရသူအတွက် စိတ်မပျက်ပါနဲ့။ ကင်ဆာကို မပြောင်းစေတတ်ပါ။ ကလေးရဘို့ ၅ဝ% ဆိုတာ နည်းတဲ့ အခွင့်အလမ်း မဟုတ်ပါ။ သေခြာပါတယ်ဆိုတဲ့ တားဆေးတွေက ၉၉% စိတ်ချပါဆိုတဲ့ အထဲကနေ ကိုယ်ဝန် ဆောင်သူ ရှိတယ်။ အစား ရှောင်စရာ မလိုပါ။ ကျန်းမာအောင်သာ မျှတတဲ့အစာ စားပါ။ ဆေးလည်း ပုံမှန် အားဆေးသာ လိုပါတယ်။

ကိုယ်ဝန်ဆောင်ပြီဆိုရင် OG နဲ့ ပြပါ။ အရင် ခွဲစိတ်မှတ်တမ်းတွေ သိမ်းထားဘို့ လိုမယ်။ ခွဲစိတ်ထားပြီး၊ ချက်ချင်း ကိုယ်ဝန် မယူသင့်သေးပါ။ သန္ဓေ တားဆေးသုံးရင် မျိုးဥမထွက်စေတာမို့ Ovarian cyst ဖြစ်မှာကို တားဆီးပေးရာကျတယ်။ ကလေး ယူတော့မယ်ဆိုရင် ကိုယ်ဝန်တားဆေး မသုံးဘဲ၊ ကြာရင် IUCD မကြာရင် Condom သုံးသင့်တယ်။ တဖက်ထဲကသာ မျိုးဥ ထွက်နေရသူမို့ ထွက်နေစေချင်တယ်။ ၃-၄ လအကြာ၊ ဘာမှ မတားတော့ရင် ကလေးအမေ အခေါ်ခံရပါတော့မယ်။

Dr. တင့်ဆွေ
၁၄-၆-၂ဝ၁ဝ
၁ဝ-၄-၂ဝ၁၄

အပြည့်အစုံသို့ »

မြိတ်မြို့တွင် ဖိနပ်အရောင်းဆိုင်တစ်ဆိုင်မှ စတင်မီးလောင်မှုဖြစ်ပွား




မြိတ် မတ် ၂၇

တနင်္သာရီတိုင်းဒေသကြီး မြိတ်မြို့ ကန်ဖျားရပ်ကွက် ကန်ဖျားလမ်းမကြီးတွင် မတ်လ(၂၇)ရက် နံနက် (၄)နာရီ ခန့်က မြို့မအားကစား ကွင်းရှေ့ဈေးဆိုင်ခန်းတွင် ဈေးဆိ်ုင်ခန်းအမှတ်(၂၄) ဦးထိန်လင်းအောင် ပိုင်ဆိုင် သာ SCHOll ဖိနပ်အရောင်းဆိုင်မှ မီးလောင်မှု ဖြစ်ပွားခဲ့သည်။

အဆိုပါမီးလောင်မှုကို ဆိ်ုင်ကယ်တက္ကစီမောင်းနှင်နေသူ တစ်ဦးမှ တွေ့မြင်ရ၍ မီးသတ်ဦးစီးဌာနအား လာရောက် အကြောင်းကြားရာ မီးလောင်မှုဖြစ်ပွားရာနေရာသို့ မြိတ်ခရိုင်အုပ်ချုပ်ရေးမှူး ဦးလွင်ကိုဦးနှင့် ခရိုင် ရဲတပ်ဖွဲ့မှူး ဒုတိယ ရဲမှူးကြီးရွှေညာမောင်၊ ခရိုင်မီးသတ်ဦးစီးဌာနမှူး ဦးဇော်ဝင်း ဦးစီးလျက် မီးငြိမ်းသတ်ရေယာဉ် (၁၁)စီး၊ ရေသယ် ယာဉ်(၄)စီး စုစုပေါင်း(၁၅)စီးဖြင့် သန္ဓေ+အရန်မီးသတ် တပ်ဖွဲ့ဝင်များ၊ မြန်မာနိုင်ငံ ရဲတပ်ဖွဲ့၊ ကြက်ခြေနီ တပ်ဖွဲ့နှင့် ပြည်သူများမှ အဆောက်အဦ အမိုးအထိတက်၍ စွန့်စားစွာဖြင့် ငြိမ်းသတ်ခဲ့ကြရာ (၄း၄၀) နာရီတွင် မီးညွှန့်ကျိုးပြီး(၅)နာရီခန့်တွင် မီးငြိမ်းသွားခဲ့သည်။

အဆိုပါမီးလောင်မှုကြောင့် သွပ်မိုးကွန်ဂရစ်ကာ၊ ကွန်ဂရစ်ခင်း(၁) ထပ် ဈေးအရောင်းဆိုင်ခန်း(၂)ခန်း၊ ဆိုင်ခန်း အတွင်းရှိ အရောင်းပစ္စည်းများ စုစုပေါင်း တန်ဖိုး(၃၃၄၀၀၀၀ိ)ကျပ် မီးလောင်ရှုံးဆုံးခဲ့သည်။ ဖိနပ် အရောင်း ဆိုင်မှ မီးစတင်လောင်ကျွမ်းမှု ဖြစ်ပွားချိန်တွင် ဈေးဆိုင်အတွင်းတွင် မီးသတ်ဆေး ဘူးဖြင့် မီးငြိမ်း သတ်ခြင်းမရှိကြောင်း တာဝန်ရှိသူများမှ စစ်ဆေးတွေ့ ရှိရပြီး မီးလောင်မှုအကြောင်းအရင်းအား စုံစမ်းဆဲဖြစ် ကြောင်း သတင်း ရရှိသည်။

MOI Webportal Myanmar 

အပြည့်အစုံသို့ »

သင်၏ အိပ်စက်ပုံ အနေအထားက ဖော်ပြနေသော သင့်ကိုယ်ရည် ကိုယ်သွေး


သင်ရဲ့ အိပ်စက်ပုံ အလေ့အထဟာ သင်ထင်တာ ထက်ပိုပြီး သင့် အကြောင်းကို ဖော်ပြနေနိုင် ပါတယ်။

အတွေ့ရများတဲ့ အိပ်စက် ပုံတွေကို ခန္ဓာကိုယ် ဘာသာ စကား ကျွမ်းကျင် သူတွေက အကဲဖြတ်ပြီး ဒီလို အိပ်စက်ပုံ အနေအထားတွေက သင်ဟာ ခေါင်းမာ သူလား၊ ကိုယ့်ကိုယ်ကိုယ် ထိန်းချုပ်နိုင် သူလား၊ နေရာယူတတ်သူလား ဆို တာကို သဲလွန်စ ပေးနေကြောင်း ဆိုပါတယ်။

သန္ဓေသားအနေအထား အိပ်စက်တတ်သူလား

အိပ်တဲ့အခါ ဘောလုံး တစ်လုံးထဲမှာ ကွေးပြီး အိပ်သလို အိပ်တတ် သူလား။ လေ့လာမှုအရ လူတစ်ဝက် ကျော်ဟာ စောင်ခြုံပြီး သန္ဓေသားတစ်ဦးလို ကွေး ကာ အိပ်တတ် တယ်လို့ သိရပါတယ်။သန္ဓေ သားလို အိပ်စက်တာက သက်သောင့် သက်သာရှိပြီး စိတ်ပူ ပင်သောကတွေ လျော့ပါး သွားပါတယ်။

ဘယ်လိုကိုယ်ရည်ကိုယ်သွေးရှိသလဲ

သန္ဓေသားလို ခန္ဓာကိုယ်ကို ကွေးပြီး အိပ်စက်တတ်သူတွေက နိုးနေတဲ့ အချိန် အတောအတွင်းမှာ အလွန် တာဝန် သိပြီး ကျေပွန်ကြပါတယ်။ သူတို့ရဲ့ နေ့စဉ်လုပ် ဆောင်ရမယ့် အလုပ်တွေအကြောင်းကို အလွန်အမင်း စဉ်းစားတတ် သူလည်း ဖြစ်ပါတယ်။

သစ်တုံးတစ်တုံး အနေအထား အိပ်စက်တတ်သူလား

လက်မောင်းနှစ်ဖက်ကို ခန္ဓာကိုယ်ရဲ့ ဘေးနှစ်ဖက်ချပြီး ဘေးစောင်းအနေ အထားအတိုင်း အိပ်စက်တတ် သူလား။ လေ့လာမှုအရ လူဦးရေ ၃၀ ရာခိုင်နှုန်း နီးပါးဟာ သစ်တုံးတစ်တုံးချထားသလို အိပ်စက်တတ်တယ်လို့ သိရပါတယ်။ ဒီလို အိပ်စက်ပြီး နိုးလာတဲ့အခါ တစ်ကိုယ်လုံးတောင့် တင်းနေပြီး အိပ်ရာ နိုးချိန်မှာ မသက်မသာ ခံစားရတတ်ပါတယ်။ အိပ်နေတဲ့အချိန်မှာ ကြွက်သား တွေက သင့်တော်တဲ့ အနားရမှု မရှိလို့ပါ။

ဘယ်လိုကိုယ်ရည်ကိုယ်သွေးရှိသလဲ

အေးဆေးတဲ့ ကိုယ်ရည်ကိုယ်သွေး ရှိပါတယ်။ မကြာခဏ တစ်ဦးတည်း သီးသန့်နေတတ်ပြီး သမားရိုးကျ ဘဝမျိုးမှာ နေတတ်ပါတယ်။

ဘေးစောင်းကွေးရင်း ဘေးချထားတဲ့ လက်တွေဆုပ်ကိုင်ကာ အိပ်တတ်သူလား

သင်က ဘေးစောင်းပြီး လက်တွေကို ဆန့်တန်းကာ အိပ်စက်တတ်သူလား။ ဒီလိုအနေ အထားနဲ့ အိပ်စက်သူက ၂၅ ရာ ခိုင်နှုန်းခန့် ရှိပါတယ်။

ဘယ်လိုကိုယ်ရည်ကိုယ်သွေးရှိသလဲ

သူတို့ဟာ နံနက် အိပ်ရာနိုးတဲ့အခါ စိတ်ဓာတ်တက်ကြွနေတတ်ပါတယ်။ ဒါပေမဲ့ သူတို့က အိပ်မက်တွေမက်၊ စိတ်ကူးတွေယဉ်ကာ နေတတ် တာကြောင့် အချိန်ဖြုန်းမှန်းမသိ ဖြုန်းနေ မိတတ်ပါတယ်။

မှောက်လျက် အိပ်တတ်သူလား

ဗိုက်ကို အိပ်ရာနဲ့ ကပ်ပြီး လက်နဲ့ ခြေထောက်တွေကို ဘေးထုတ်ကာ အိပ်တတ်သူလား။ ဒီလို အိပ်တတ်သူက ၁၇ ရာခိုင်နှုန်းရှိတယ်လို့ လေ့လာမှု အရ သိရပါတယ်။

ဘယ်လိုကိုယ်ရည်ကိုယ်သွေးရှိသလဲ

မှောက်ရက် အိပ်တတ်သူ အများစုက အချိန်ကို စီမံခန့်ခွဲ တတ်ကြပါတယ်။ ဘယ်တော့မဆို နေရာ ရအောင် ယူတတ်ပါတယ်။ ဒါပေမဲ့ ဒီလို အနေအထားနဲ့ အိပ်တာက နိုးလာတဲ့ အချိန်မှာ ခန္ဓာကိုယ်ကို သိပ်ပြီး သက်သောင့် သက်သာ မရှိစေပါဘူး။ ညဘက်မှာ အိပ်ရေးဝ၀ အိပ်ပျော် တတ်ကြပါတယ်။



မြ၀တီ

အပြည့်အစုံသို့ »

ဦးခေါင်းနှစ်လုံးနှင့် နွားပေါက်ကလေး


မော်ရိုကိုနိုင်ငံ ဆီဖရို တောင်ပေါ် ကျေးရွာ၌ ဦးခေါင်းနှစ်လုံးနှင့် နွား ကလေး မွေးဖွားလာခြင်းမှာ ရွာသူရွာသားများအကြား ပြော စမှတ် ပြုစရာတစ်ခု ဖြစ်ခဲ့ပြီး ၄င်းနွားပေါက်ကလေးအား လာရောက် ကြည့်ရှုသူများဖြင့် စည်ကားလျက် ရှိသည်။

၎င်းအား ဒီဇင်ဘာ ၃ဝ ရက်နေ့က မွေးဖွားခဲ့ခြင်းဖြစ်ပြီး ဆန်နာဆိုင်ဒါဟု အမည်ပေးထားကာ အာရေဗျ ဘာသာစကားအရ မင်္ဂလာနှစ်သစ်ဟု အဓိပ္ပာယ်ရသည်။

အဆိုပါနွားပေါက်လေးသည် ဦးခေါင်းနှစ်ခုဖြင့် မွေးဖွားလာသည် မှလွဲ၍ ကျန်းမာရေး ကောင်းမွန်လျက် ရှိပြီး ပါးစပ်ပေါက် နှစ်ခုစလုံးမှ အစာစားနိုင် သည်။

၎င်းနွားပေါက်လေးသည် အမြွှာ အဖြစ် မွေးဖွားရန် သန္ဓေ တည်ပြီးမှ မူမမှန်သည့် အခြေအနေကြောင့် မျိုးဥများ မအောင်ဘဲ တစ်ကောင် တည်းသာ မွေးဖွားလာခဲ့ခြင်း ဖြစ်ကြောင်း တိရစ္ဆာန် ဆရာဝန်များ က ပြောကြား သည်။

သိင်္ဂီဝင်း

Ref:Daily Mail
Popular Journal

အပြည့်အစုံသို့ »

အမြွှာကိုယ်ဝန်ဆောင်ခြင်း


အမြွှာလေးတွေ ကိုယ်ဝန်ဆောင်ရခြင်းဟာ ဦးစားပေးပြီး စောင့်ရှောက်ရတဲ့ high risk  ကိုယ်ဝန်အမျိုးအစားထဲမှာ ပါဝင်ပါတယ်။ အမြွှာဆိုတာဟာ သန္ဓေသားနှစ်ဦးနှင့် အထက် တစ်ပြိုင်နက်တည်းကို သားအိမ်ထဲမှာ လွယ်ပြီး ကိုယ်ဝန်ဆောင်ရခြင်းကို ဆိုလိုပါတယ်။
အမြွှာသန္ဓေသားတွေ သန္ဓေအောင်မမျိုးဥတစ်လုံးထဲကနေဖြစ်တဲ့ အမြွှာဆိုရင်တော့ သန္ဓေအောင် “မမျိုးဥ”ကနေ ဆဲလ်ကွဲပွားပြီး ဖြစ်ရတာပါ။ အဲဒီလို ဖြစ်ထွန်းလာတဲ့ အမြွှာတွေဟာ ချွတ်စွတ်နီးပါးတူတဲ့ identical or monozygotic twins  တွေဖြစ်ပါတယ်။ သုက်ပိုးတစ်ကောင်စီရယ်၊ မတူညီတဲ့ မမျိုးဥတွေကနေ ဖြစ်လာတဲ့အမြွှာတွေကိုတော့ dizygotic twins  လို့ခေါ်ပါတယ်။ သူတို့ကတော့ သာမန်မောင်နှမ၊ ညီ အစ်မတွေကို ရုပ်ဆင်ရုံ၊ တစ်ခါတစ်ရံ ရုပ်မတူညီကြပါဘူး။
လွန်ခဲ့တဲ့ ဆယ်စုနှစ်အတွင်းမှာ အမေရိကန်နိုင်ငံအတွင်း အမြွှာမွေး အရေအတွက်များလာပါတယ်။ ဒါဟာမိခင်ရဲ့ ကိုယ်ဝန်စဆောင်ချိန် အသက်ကြီးလာခြင်း၊ ဖန်ပြွန်သန္ဓေသားလို နည်းလမ်းတွေနဲ့ ကိုယ်ဝန်ရယူမှုများလာခြင်းတွေကြောင့် ဖြစ်ပါတယ်။ အမြွှာကိုယ်ဝန်ကို ရိုးရိုးကိုယ်ဝန်လိုပဲ အာထရာဆောင်းကနေ သိရှိလာနိုင်ပါတယ်။ လက္ခဏာတွေ အနေနဲ့ကတော့ ကိုယ်အလေးချိန် သာမန်ထက်ပိုတက်လာခြင်း၊ အစား ပိုစားခြင်း၊ သာမန်ကိုယ်ဝန်အရွယ် ထက် ပိုကြီးခြင်း၊ ပြင်းထန်တဲ့မနက်ခင်း ပျို့အန်ခြင်း၊ ကလေးလှုပ်ခြင်းကိုနှစ် နေရာနဲ့အထက် ခံစားရခြင်းတွေပဲ ဖြစ်ပါတယ်။
အမြွှာကိုယ်ဝန်ဟာ မိခင်ကိုရော ကလေးကိုပါ ဂရုစိုက်ပေးရပါတယ်။ ဘာကြောင့်လဲဆိုတော့ အချိန်မတိုင်မီ စောမွေးခြင်း၊ သွေးအားနည်းခြင်း၊ မွေးရာပါ ချို့ယွင်းမှု သာမန် ထက်ပိုနိုင်ခြင်း၊ ကိုယ်ဝန်ဆောင်ချိန် ဆီးချိုသွေးချိုရောဂါ၊ ကိုယ်ဝန်ပျက်ကျခြင်းတွေလို နောက်ဆက်တွဲ ပြဿနာတွေနဲ့ ကြုံတွေ့နိုင်လို့ပါပဲ။ ဒါကြောင့် အမြွှာကိုယ်ဝန်ဆောင်တာကို သိသိချင်း ပုံမှန်ထက်ပိုပြီး ကိုယ်ဝန်စောင့် ရှောက်မှုတွေကို ခံယူသင့်ပါတယ်။
Identical or mornzygotic twins
သမအောင် မမျိုးဥတစ်ခုတည်းကနေ ဖြစ်လာတဲ့ အမြွှာတွေဖြစ်ပါတယ်။ သူတို့တွေဟာ ထပ်တူနီးပါး တူညီတဲ့ မျိုးဗီဇတွေကို အတူတူ ပိုင်ဆိုင်ပြီး တူညီတဲ့လိင်ဖြစ်ပါတယ်။ ချွတ်စွတ်တူတဲ့ အမြွှာတွေမွေးနိုင်ဖို့ကိုတော့ လုပ်ယူလို့မရပါဘူး။ ဘာလို့လဲဆိုတော့ မျိုးရိုး၊ အသက်၊ လူမျိုး၊ ယခင်အမြွှာမွေးဖူးခြင်းနဲ့ သန္ဓေအောင်ကုသမှုများက ချွတ်စွပ်တူအ မြွှာကိုယ်ဝန်ဆောင်ခြင်းကို လွှမ်းမိုး မှုမရှိပါဘူး။
Non identical or dizygotic twins
ဒီအမျိုးအစားကတော့ တပြိုင်တည်းကြွေတဲ့မမျိုးဥနှစ်လုံးမှာ သန္ဓေ အောင်ပြီး ဖြစ်ပေါ်လာတဲ့ အမြွှာဖြစ်ပါတယ်။ ဒါကြောင့် သူတို့ဟာ မတူညီတဲ့မျိုးဗီဇတွေကို ပိုင်ဆိုင်ပါတယ်။ ဒါ့အပြင် အသက်၊ လူမျိုး၊ ယခင် အမြွှာကိုယ်ဝန်ဆောင်ဖူးခြင်း၊ မျိုးရိုး လိုက်ခြင်းနဲ့သန္ဓေအောင်ကုထုံးတွေက လွှမ်းမိုးမှုရှိတဲ့အတွက် လုပ်ယူလို့ရနိုင်တဲ့ အမြွှာကိုယ်ဝန်ဖြစ်ပါတယ်။ အမြွှာဟာလည်း လိင်မတူညီတဲ့ အမြွှာရော၊ တူညီတာရော ဖြစ်ပါ တယ်။
သုံးမြွှာပူးအထက်
သုံးမြွှာပူးအထက် ကိုယ်ဝန်ဆောင်ခြင်းကတော့ ရှားပါးပါတယ်။ မွေးဖွားလာတဲ့ ကလေးတွေဟာ ချွတ်စွပ်တူတာရော မတူတာရော နှစ်မျိုး စလုံး တွဲမွေးတာရော ဖြစ်နိုင်ပါတယ်။
သက်နှင်း

Health Updates Journal

အပြည့်အစုံသို့ »

မြန်မာကို တင်သွင်းတဲ့ ဘင်္ဂလာဒေခ်ျ့က သန္ဓေတားဆေး နယ်စပ်မှာ ဖမ်းဆီး


ဘင်္ဂလာဒေခ်ျ့ဘက်ကနေ မြန်မာဘက်ကို တရားမ၀င် တင်သွင်းတဲ့ သန္ဓေတားဆေးတွေကို ဘင်္ဂလာ နယ်ခြားစောင့် (BGB) တပ်ဖွဲ့ တစ်ခုက ယမန်နေ့က နယ်စပ်မှာ ဖမ်းဆီးလိုက်ပါတယ်။

ဖမ်းဆီးမိတဲ့ ဆေးကဒ်ပေါင်းက ၁၁၉၇၀ ကဒ်ဖြစ်ပြီး စုစုပေါင်း တန်ဖိုးက ဘင်္ဂလားတာကာငွေ ရှစ်သိန်းခုနှစ်သောင်း (၈၇၀၃၆၃) ရှိတယ်လို့ သိရပါတယ်။

ဆေးတင်ပို့သူတွေကတော့ ထွက်ပြေးလွတ်မြောက်သွားကြတယ်လို့ ဆိုပါတယ်။

ဘင်္ဂလာဒေခ်ျ့နိုင်ငံမှာ မိသားစု စီမံကိန်းတွေအတွက် နိုင်ငံတကာ အန်ဂျီအိုတွေနဲ့ အစိုးရက သန္ဓေ တားဆေးတွေကို အခမဲ့ဖြန့်ဝေနေရာမှာ အများစုကတော့ အသုံးမပြုဘဲ မြန်မာဘက်ကို တရားမ၀င် တင်သွင်းနေကြတာ ဖြစ်တယ်လို့ သိရပါတယ်။
Burmesenews narinjara

အပြည့်အစုံသို့ »

မိန်းကလေးများ ကိုယ်ဝန်တားဆေးသောက်စရာမလိုဘဲ ယောင်္ကျားလေးများ သောက်ရမည့် ကိုယ်ဝန်တားဆေးထွက်ပေါ်လာတော့မည်



သြစတေးလျနိုင်ငံမှ သိပံ္ပပညာရှင်များက အမျိုးသားများအတွက် ကိုယ်ဝန်တားဆေးထွက် ပေါ်လာတော့မည် ဖြစ်ကြောင်း ကတိပေးပြောကြားခဲ့သည်။ ယင်း စမ်းသပ်မှုအား Monash University မှ သိပံ္ပပညာရှင်များက လုပ်ခဲ့ခြင်းဖြစ်ပြီး ၎င်းတို့က သုက်ပိုးများ ထိန်းသိမ်းထားသည့်နေရာမှ သုက်ပို့ပြွန်သို့ ရွေ့လျားမှုအား လေ့လာခဲ့ကြသည်။ ထိုအခါ ၎င်းတုိ့က သုက်ပိုးများသည် ယင်းကဲ့သို့ ပုံမှန်အတိုင်း ရွေ့လျားနိုင်ရန်အတွက် ပရိုတင်းနှစ်မျိုး ခန္ဓာကိုယ်မှ ထုတ်ပေး နိုင်ရန်လိုကြောင်း တွေ့ရသည်။ ထို့ ကြောင့် ကြွက်များတွင် ယင်းပရိုတင်း (၂)မျိုးအား မထုတ်ရန်တားထားသည့်အခါ ၎င်းကြက်ထီးများသည် သန္ဓေမအောင်တော့ကြောင်း တွေ့ရသည်။ ၎င်းကြက်များသည် သန္ဓေ မအောင်တော့သော်လည်း သာမန် ကြက်များကဲ့သို့ပင် လိင်ဆက်ဆံနိုင်ပြီး သန္ဓေမအောင်ခြင်းမှာလည်း ယာယီသာဖြစ်၍ အောင်စေချင်သည့်အချိန်တွင် ပြန်၍ သန္ဓေအောင်စေနိုင်ကြောင်း တွေ့ခဲ့ရသည်။ အမျိုး သမီးများအတွက် သန္ဓေတားဆေးမှာ ၁၉၆၀ခုနှစ်မှ စတင်တွေ့ရှိသော်လည်း အမျိုးသားများအတွက် ဆေးများမှာမူ ဆဲလ်များအား ထာဝရပျက်စီးသွားစေသောကြောင့် မအောင်မြင် ခဲ့ကြသေးပေ။
မိုင်ကိ
ref:Netdoctor.co.uk

Health Updates Journal

အပြည့်အစုံသို့ »

အိမ်စောင့်မကျန်ဘဲ ထမင်းပေါင်းအိုး တည်ထားရာမှ မီးလောင်မှု ဖြစ်ပွား


မြစ်ကြီးနား ၊ ၁၀-၁၁-၂၀၁၃

နိုဝင်ဘာ ၉ ရက်နေ့က မြစ်ကြီးနားမြို့ မြို့ပေါ် ရပ်ကွက်အတွင်း နေအိမ် အစောင့် မကျန်ဘဲ ထမင်းပေါင်းအိုး တည်ထားရာမှ မီးလောင်မှု ဖြစ်ပွား ခဲ့ကြောင်း သိရသည်။

ဖြစ်စဉ်မှာ နိုဝင်ဘာ ၉ ရက် မွန်းတည့် ၁၂ နာရီအချိန် တပ်ကုန်း ရပ်ကွက် နယ်မြေ(၄) အမှတ်(၄၉) နေ ဒေါ်ခေါင်းယန် ၃၉ နှစ်သည် မင်္ဂလာ ဆောင်ပွဲသို့ သွားရောက်စဉ် နေအိမ် အောက်ထပ် (မြေစိုက်) လျှပ်စစ်မီးဖို ရှိ မီးဖိုတွင် လျှပ်စစ် ထမင်းပေါင်းအိုး အား လျှပ်စစ်မီး သွယ်တန်းထားပြီး အိမ်တံခါး သော့ပိတ် ထွက်ခွာသွားစဉ် လျှပ်စစ်ဝါယာ ကြိုးများ အပူရှိန် လွန်ကဲ၍ မီးစတင် လောင်ကျွမ်း ခဲ့ရာ အိမ်နီးချင်း များက မီးမိန်းချ၍ ဝိုင်းဝန်း ငြိမ်းသတ်ခြင်း ကြောင့် ၁၂ နာရီ ၁ဝ မိနစ် တွင် မီးငြိမ်း သွားပြီး အဆိုပါ နေအိမ်၏ မီးဖိုနံရံ (ထရံကာ) အကျယ် ၅ ပေနှင့် အမြင့် ၁ဝ ပေခန့် မီးလောင် ဆုံးရှုံးခဲ့ ရကာ မီးလောင် ရာသို့ ပြည်နယ် မီးသတ် ဦးစီးဌာနမှူး ဦးစောထွန်း နှင့် သန္ဓေ မီးသတ် တပ်ဖွဲ့ဝင်များ ၊ ခရိုင် အုပ်ချုပ်ရေးမှူး ဦးခေါင်လန်ဒီး နှင့် တာဝန်ရှိ သူများ ၊ (ခေတ္တ) မြို့နယ် ရဲတပ်ဖွဲ့မှူး ရဲမှူး မြင့်စိုးနှင့် ရဲတပ်ဖွဲ့ဝင် များက မီးသတ်ယာဉ် (၃)စီး ၊ ရေသယ်ယာဉ် (၁ စီးတို့ ရောက်ရှိကာ လိုအပ်သည်များ ကူညီ ဆောင်ရွက်ပေး ခဲ့သည်။

ဖြစ်စဉ်ကြောင့် မီးပေါ့ဆစွာ သုံးစွဲသူ ဒေါ်ဒေါန်းယန်း (၃၉)နှစ် (ဘ) ဦးလွမ်းဒေါင်း အား မြစ်ကြီးနားမြို့ မြို့မ ရဲတပ်ဖွဲ့ စခန်းမှ (ပ) ၂၁၆/၂ဝ၁၃ ၊ ပုဒ်မ ၂၈၅ အရ အမှုဖွင့် အရေးယူ ထားကြောင်း သိရှိရသည်။

The Myawady Daily

အပြည့်အစုံသို့ »

အိမ်တွင်းဓါတုပစ္စည်း ညစ်ညမ်းမှု လျှော့ချနိုင်ရန်


-သန့်ရှင်းရေးသုံးပစ္စည်းများမှာ အိမ် တွင်းအဆိပ်အတောက်ဖြစ်မှု (၁၀) ရာခိုင်နှုန်းအထိဖြစ်ပွားစေပြီး air freshener ကဲ့သို့ အမွှေးဖြန်းဆေး များကြောင့် ဓါတုပစ္စည်းများ၊ ပရိ ဘောဂများတွင် တွယ်ကပ်စေသည်။
-ဆပ်ပြာမှုန့်၊ အစွန်းချွတ်ဆေးများသည် အရေပြားယားယံစေသည်။ sodium lauryl sulfate ကဲ့သို့ အစွန်း ချွတ် ဆေးများသည် သန္ဓေ သားကိုယ်အင်္ဂါ ချွတ်ယွင်းစေတတ်သည်။ ၄င်းအပြင် ပါဝင်သော phenol ဒြပ်ပေါင်းများက လည်း ကင်ဆာကဲ့သို့ရောဂါဆိုးများဖြစ်ပွားစေသည်။
- အိမ်သုတ်ဆေး၊ ကော်၊ ဖိနပ် တိုက်ဆေး၊ အစွန်းချွတ်ဆေး၊ ကော် ချွတ်ဆေး၊ ချောဆီ၊ သစ်သားပေါလစ် တို့အသုံးပြုရာတွင် ပါဝင်ပစ္စည်းအညွှန်းကိုသေချာစွာဖတ်ကြည့်ပြီးmethylene chloride မပါသည့် ပစ္စည်းကိုဦးစားပေးအသုံးပြုပါ။ ခြောက်သွေ့ပြီး လေထန်သည့်နွေ ရာသီရောက်မှ အိမ်ကိုဆေးသုတ်မွမ်း မံခြင်းပြုပါ။ နွေရာသီ၏ခြောက်သွေ့ သောလေထုကြောင့် အိမ်သုတ်ဆေး များအခြောက်မြန်ပြီး အနံ့ကင်းစင် စေသည်။
- လိမ်းဆေးများ၊ အလှကုန်များအသုံး ပြုရာ၌ အနံ့မပြင်းသောပစ္စည်းများဦး စားပေးပါ။
- ဖယောင်းတိုင်များ၊ အမွှေးတိုင်များ သည် လေထဲသို့ခဲသတ္တုများပျံ့နှံ့စေသည်။
- အိမ်စီးဖိနပ်နှင့် အပြင်စီးဖိနပ်ခွဲ ထားပါ။ ပြင်ပပတ်ဝန်းကျင်မှ အဆိပ် အတောက်များအိမ်တွင်းမပါစေရန် အိမ်ရှေ့ရောက်သည်နှင့် ဖိနပ်ချွတ် လဲပါ။
- မီးဖိုများကို ကျပ်ခိုး၊ ပြာမှုန့်နှင့် အမှိုက်များကင်းစင်အောင် မကြာ ခဏသန့်စင်ပါ။
- ခေါင်းအုံးစွပ်၊ အိပ်ရာခင်းများတစ်ပတ်တစ်ခါလျှော်ပါ။
ဇော်ကို
Source:Care2
Health Updates Journal

အပြည့်အစုံသို့ »

ကိုယ်ဝန်ဆောင်တို့ အတွက် သိမှတ်ဖွယ်များ


ကိုယ်ဝန်ဆောင်တဲ့ကာလ ဟာ အလွန်အရေးကြီးတဲ့ ကာလတစ်ခုပါ။ လူကြီးတွေအတွက် ရင်သွေး ရတနာလေး ၊ မိမိတို့ မျိုးဆက်လေး ရနိုင် ဖို့ကာ လအခိုက်အတန့်လေး တစ်ခုဖြစ်သလို သန္ဓေသားကလေး တွေ အ တွက်လည်း ဘ၀သစ်တစ်ခု စတင်ဖို့အတွက် အရှိန်ယူနေတဲ့ စတင် တည်ဆောက် နေတဲ့ ကာလလေး ဖြစ်လို့ပါပဲ။ဒီလို အရေးကြီးတဲ့ကာ လလေး ကို အောင်မြင်စွာ ဖြတ်ကျော်နိုင်ဖို့အတွက် ပညာရှင်တွေက ဒီလို အချက် သုံးချက်နဲ့ အကြံပေးထားပါတယ်။

၁။ အခြေခံလိုက်နာရ မည့် အချက်အလက်များ

၂။ ညီညွတ်မျှတတဲ့ စားသောက်မှုပုံစံ နှင့်
၃။ လေ့ကျင့်ခန်းတို့ပဲ ဖြစ်ပါတယ်။

အခြေခံလိုက်နာရမဲ့ အချက်အလက်တွေထဲမှာ ဆောင် ရန်ရှောင်ရန်လေးတွေကို အကြမ်းဖျင်း ပြောရ မည်ဆိုရင်တော့

၁။ ကိုယ်ဝန်စရှိပြီလို့သိတာနဲ့ စောနိုင်သမျှစောအောင် ကိုယ်ဝန်စောင့်ရှောက်ခြင်းနဲ့ အချိန်မှန်မှန် ကိုယ် ၀န်စစ်ဆေးခြင်းတို့ကို ပြုလုပ်သင့်ပါတယ်။ (အထူးသဖြင့် ကိုယ်ဝန်ပျက်ကျဖူးသူများ ဟာ ကိုယ်ဝန်ရှိပြီလို့ သံသယ ရှိတာနဲ့တပြိုင်နက် အစောဆုံးပြသပြီး စောင့်ရှောက်မှု ခံယူသင့်ပါတယ်။)

၂။ စီးကရက် ၊ ဆေးပေါ့လိပ် ၊ ခြင်ဆေး အစရှိတဲ့ အငွေ့ ၊ အနံ့အသက်များ ကျန်းမာရေးနဲ့ မညီညွတ်တဲ့ အငွေ့နှင့်အနံ့အသက်များ ၊ အရက် ၊ ဘီယာ ၊ ၀ိုင် အစရှိတဲ့ ယမကာများ ၊ အခြားမူးယစ်ဆေးဝါးများကို ရှောင် ကြဉ်ရပါမယ်။
၃။ ညီညွတ်မျှတတဲ့ စားသောက်မှုပုံစံကို လိုက်နာပြီး ကော်ဖီသောက်သုံးမှုကို လျော့ချရပါမယ်။
၎။ နေ့စဉ်သင့်တော်တဲ့ ကိုယ်လက်လှုပ်ရှားမှုများကို ပြုလုပ်ပေးရမှာ ဖြစ်ပါတယ်။
၅။ အစာမစားနိုင်ဖြစ်နေပါက စားနိုင်သလောက် ပမာဏကို နည်းနည်းနဲ့အကြိမ်များများ စားပေးရမှာ ဖြစ်ပါတယ်။
၆။ဒေါက်မြင့်ဖိနပ်များ စီးနင်းခြင်းကို ရှောင်ကြဉ်ရမှာ ဖြစ်ပြီးတော့ ကိုယ်ခန္ဓာအနေအထား မှန်စေဖို့ အမြဲ ဂရုစိုက်ရမှာ ဖြစ်ပါတယ်။
၇။ မိမိသောက်နေတဲ့ ဆေးတွေကို ဆက်သောက်ဖို့အတွက် ကျွမ်းကျင်သူ သားဖွားမီးယပ် ဆရာဝန် တွေဆီ က အကြံဉာဏ်ယူရမှာ ဖြစ်ပါတယ်။
ဒီလို အကြမ်းဖျင်း အချက်အလက်လေးတွေကို လိုက်နာ တာနဲ့ အတူ ညီညွတ်မျှတတဲ့ အစားအ သောက် ပုံစံဟာလဲ ကလေးငယ် ကြီးထွားဖွံ့ဖြိုးမှု အတွက် များစွာ အရေးပါလှပါတယ်။ အပြန်အလှန်အားဖြင့် ကလေးငယ်အတွက် သာမက မိခင်အတွက်လဲ စားသောက်မှု ပုံစံက အရေးပါနေတာပါပဲ။

သန္ဓေသား ကလေးငယ်လေး ရဲ့ဖွံ့ဖြိုးမှုအတွက် လိုအပ်တဲ့ အာဟာရအားလုံးကို မိခင်ရဲ့ အစားအ သောက်ကပဲ ရရှိတာပါ။ ဒါကြောင့် ကိုယ်ဝန်ဆောင်တဲ့ ကာလအတွင်းမှာ ညီညွတ်မျှတတဲ့ အစားအစာတွေကို ဂရုတစိုက်စားသောက် ပေးရမှာဖြစ်ပါတယ်။ အာဟာရ အုပ်စု ၃ ခု မှ အစားအစာတွေကို နေ့စဉ်ပုံမှန် စုံလင်အောင် စားသုံးဖို့ ၊ ထမင်း ၊ အဆာပြေမုန့်များ စားသောက်ဖို့ နဲ့ စိတ်ပျော်ရွှင်ချမ်းမြေ့အောင် နေဖို့က အရေးကြီးပါတယ်။

အာဟာရအုပ်စု ၊ စုံလင်အောင် စားရန်ပြောနေတာ အရှေ့ကတည်းကပေါ့။ ဘာတွေလဲ အဲဒါတွေ က ...

၁။ နှံစားသီးနှံများ ပါဝင်သောအစားအစာများ
ဆန် ၊ ဂျုံ ၊ ပြောင်း ၊ ခေါက်ဆွဲ ၊ ဆန် ဖြင့်ပြုလုပ်သော မုန့်မျိုးစုံ အပြင် ကွေကာအုပ် (မုယော) များကို စားသုံးရပါ မယ်။
၂။ ဟင်းသီးဟင်းရွက် နှင့် သစ်သီးများ
သီးနှံမျိုးစုံ နဲ့ ဟင်းသီးဟင်းရွက်တွေက နေ လိုအပ်တဲ့ ဗီတာမင်နဲ့သတ္တုဓါတ် အများစုကို ရရှိပြီး ရောဂါကာကွယ် နိုင်စွမ်းကို တိုးမြှင့်စေနိုင်ပါတယ်။
၃။ နို့ နှင့် နို့ထွက် ပစ္စည်းများ
ကယ်လ်စီယမ်ဓါတ် ဟာ နို့နဲ့နို့ထွက်ပစ္စည်းတွေ က နေရရှိတဲ့ဓါတ်ဖြစ်ပီးတော့ ကလေး ရဲ့အရိုးနဲ့ သွားများ ဖြစ် ထွန်းဖို့ အတွက် အထူးလိုအပ်ပါတယ်။
၎။ အသားဓါတ် အုပ်စုများ
အမဲသား၊ ကြက်သား၊ ၀က်သား နဲ့ ငါး စသည်တို့ အပြင် ပဲ၊ ကြက်ဥ နှင့် အခွံမာသီး များလည်း စားသုံးပေး သင့် ပါတယ်။
၅။ အဆီဓါတ်
ကလေး ရဲ့ ဦးနှောက်တည်ဆောက် မှု အတွက် ကတော့ အဆီဓါတ် ကလဲ အရေးကြီးတဲ့ အခန်းကဏ္ဍမှာ ပါဝင် ပါတယ်။ ဟင်းသီးဟင်းရွက်နဲ့ငါးမှရတဲ့ အဆီတွေဟာ ခန္ဓာကိုယ်အတွက်လိုအပ်ပြီး ဘေးအန္တရယ်မရှိတဲ့ ဆီ ဖြစ်လို့ စားသုံးသင့်ပါတယ်။

ဒါမှသာ မိခင်ကို မှီခိုနေတဲ့ ကလေးငယ်ဟာ အာဟာရပြည့်ဝစွာ ရရှိပြီး ကျန်းမာ ဉာဏ်ထက်တဲ့ ကလေး အဖြစ် မွေးဖွားလာမှာဖြစ်ပါတယ်။
မိခင်၊ ဖခင် ဖြစ်လာမဲ့ သူတွေအနေနဲ့ မိမိတို့ ရင်သွေးလေး ဘယ်လိုဖြစ်လာလဲ ဆိုတာကို သိဖို့ စိတ်ဝင် စားလိမ့်မယ်လို့ ထင်မိပါတယ်။
ပထမဦးစွာ မိခင်နဲ့ဖခင်တို့ ၂ ဦး ရဲ့ မျိုးသန္ဓေဆဲလ်လေး ၂ ခု အောင်မြင်စွာ ပူးပေါင်းမိပြီးနောက်ပိုင်း ဖြစ် ပေါ်လာပုံလေးဟာ အံ့အားသင့်စရာပါပဲ။

ပထမပိုင်း ၃ လ အချိန်ကာလ

ဒီအချိန်ကာလလေးဟာ သူ (ကလေးငယ်) အတွက် အရေးကြီးဆုံးလို့ ဆိုရမဲ့ ကာလလေးပါပဲ။ ဒီအချိန် မှာ ကလေးလေးဟာ အလျင်အမြန် ပဲ (သူ့ဘ၀မှာ အမြန်ဆုံးနှုန်း) နဲ့ ကြီးထွားပါတယ်။ ဒီလိုလျင်မြန်စွာ ဆန့်ထွက် ကြီးထွားနေရတဲ့ ကလေးငယ်အဖို့ ဆေးလိပ်ငွေ့၊ မိခင်ကို ရောဂါပိုးတွေကူးစက်ခြင်း၊ ဆေးဝါးတွေနဲ့ ဓါတ်ရောင် ခြည်သင့်မှုတွေဖြစ်မယ်ဆိုရင် လွယ်လင့်တကူ သူ့ကို ထိခိုက်စေနိုင်ပါတယ်။

ပထမရက်

ဖခင်၏သုတ်ပိုး နှင့် မိခင်၏မမျိုးဥတို့ ပေါင်းစည်းခြင်း
၇ ရက် မှ ၁၀ ရက်
သန္ဓေအောင်မြင်သော မျိုးဥ သားအိမ်တွင်းသို့ ရောက်ရှိ၊ သားအိမ်နံရံတွင် နေရာယူပြီး (သန္ဓေ တည်ပြီး) သားအိမ်တွင်းဆိုင်ရာ

ဖွဲ့စည်းမှုများ ဖြစ်လာခြင်း
ရက်သတ္တပတ် ၂ ပတ်

သားအိမ်နံရံတွင် နေရာယူထားရာမှ အချပ်ပြားလေးသဏ္ဍာန် မျိုးဥတွယ်ကပ် ဖြစ်တည်လာပြီး မိခင်၏ ဓမ္မတာလုပ်ငန်းများကို ရပ်ဆိုင်းစေခြင်း။

ရက်သတ္တပတ် ၄ ပတ် (၀.၀၁ အောင်စခန့်)

မျက်စိ၊ နား၊ နှာခေါင်း၊ ကျောရိုး၊ အစာခြေလမ်းကြောင်း နှင့် အာရုံကြောစနစ်များ ထင်ရှားလာပြီး နှလုံး ဖြစ်တည်မည့်အင်္ဂါလေး လှုပ်ရှားလာခြင်း။

ရက်သတ္တပတ် ၈ ပတ် (၁.၃၆ အောင်စခန့်) - ၁ လက်မ ခန့် အရွယ်အစား
ဆိုင်ရာအင်္ဂါများ

သန္ဓေသားတွင် ပြည့်စုံစွာဖြစ်ပေါ်လာ၊ နှလုံးစတင်အလုပ်လုပ်လာပြီး အရိုးများ ဖွဲ့စည်း မှု ဖြစ်လာခြင်း။

ရက်သတ္တပတ် ၁၂ ပတ် (၀.၅ အောင်စခန့်) - ၃ လက်မခွဲ အရွယ်အစား
လိင်အင်္ဂါများ ထင်ရှားလာ၊ သွား၊ လက်သည်း ခြေသည်းများ ဖွံ့ဖြိုးလာ၊ မပြည့်စုံသော ကျောက်ကပ် ကလေးများ စတင် အလုပ်လုပ်ပြီး သန္ဓေသားကလေး သားအိမ်အတွင်း စတင်ကူးလူးသွားလာနိုင်လာခြင်း။

ဒုတိယပိုင်း ၃လ အချိန်ကာလ

ဒီအချိန်ပိုင်းကလေးကတော့ သန္ဓေသားကလေး ရဲ့ ဦးနှောက် သိသိသာသာ ဖြစ်တည်လာတဲ့အချိန်ပါ။ တိုးတက်ဖွံ့ဖြိုးမှုကတော့ မီးဖွားပြီး ၁၈ လ ခန့်အကြာမှ သိသိသာသာ ဖြစ်လာတာပါ။ အသက်ရှူလမ်းကြောင်း နဲ့ နှလုံးသွေးကြောဆိုင်ရာ ဖွဲ့စည်းမှုတွေလဲ ဖြစ်တည်နေတဲ့ ကာလအပိုင်းအခြားလေးပါ။
ရက်သတ္တပတ် ၁၆ ပတ် - ၆ လက်မခွဲခန့် အရွယ်အစား
မျက်နှာ၊ ဆံပင်၊ နားရွက်များ ပိုထင်ရှားသိသာလာ ။

ရက်သတ္တပတ် ၁၇ ပတ်

မိခင်ထံမှ ပဋိလှုံဓါတ်ပစ္စည်းများ သန္ဓေသားမှ စတင်လက်ခံလာသည်။
ရက်သတ္တပတ် ၁၈ - ၂၀ ကြား
ဤအချိန်တွင် ကလေးနှလုံးလှုပ်ရှားသံကို နားကျပ်ဖြင့် စတင်ကြားနိုင်ပြီ။
ရက်သတ္တပတ် ၂၀ ပတ် (၁၀ အောင်စခန့်) ၁၀ လက်မ အရွယ်အစားခန့်
မျက်ခုံး၊ မျက်တောင်၊ မွေးညှင်း၊ အဆီအိတ်များ၊ သွားဖုံးများ ပေါ်လာ၊ အရေပြားလေးများ သေးငယ် တောက်ပြောင်ပြီး ခြေတံလက်တံကလေးများ ရှည်ထွက်လာပြီ။

ရက်သတ္တပတ် ၂၄ ပတ် - ၁၂ လက်မ အရွယ်အစားခန့်

ချွေးအိတ်ကလေးများ၊ အဆုတ်ပိုင်းဆိုင်ရာ ဖွဲ့စည်းမှုများဖြစ်ပေါ်လာ၊ အသက်ရှုလှုပ်ရှားမှု စတင်၊ ခန္ဓာ ကိုယ် ပိန်သေးသေးလေး ဖြစ်လာပြီ ဖြစ်သည်။

ရက်သတ္တပတ် ၂၆ ပတ်

မိခင်၏ ၀မ်းကြာတိုက်တွင် ကလေးတည်နေပုံကို ပြင်ပမှ စမ်းသပ်သိရှိနိုင်၊ ကလေး မျက်လုံးများ ဖွင့်နိုင် ပြီဖြစ်သည်။

တတိယပိုင်း ၃ လ တာ အချိန်ကာလ

ဒီကာလ ကတော့ ကလေးငယ်ဟာ နေ့စေ့လစေ့ မဟုတ်ပေမဲ့ အခြေအနေအရ မွေးဖွားနိုင်တဲ့ ကာလ ပါ။ သို့သော် အထူးကြပ်မတ်ဂရုစိုက်ပြုစုစောင့်ရှောက်ကုသဖို့တော့ အထူးလိုအပ်ပါတယ်။ နေ့စေ့လစေ့ မွေးနိုင် လေ ကောင်းလေပါ

ရက်သတ္တပတ် ၂၈ ပတ် (၂.၅ ပေါင်ခန့်) ၁၄ လက်မ အရွယ်အစားခန့်
ကိုယ်ခန္ဓာကတော့ ပိန်သေးသေးပေါ့။ ခန္ဓာကိုယ် အရေပြားလေး ပြည့်တင်းလာတဲ့ ကလေးငယ်ဟာ သံ ဓါတ် ၊ ထုံးဓါတ်နဲ့ အခြား အာဟာရဓါတ်တွေကို ကိုယ်တွင်းမှာ သိမ်းထားနိုင်တဲ့ အခြေအနေပါ။

ရက်သတ္တပတ် ၃၂ ပတ် (၄ - ၄.၇ ပေါင်ခန့်) ၁၆ လက်မ အရွယ်အစားခန့်
အရေပြားအောက်မှာ အဆီအိတ်ကလေး တွေ ဖြစ်လာပြီမို့ ပိုပြီး ချောမွတ်လာပြီ။ အရသာကို ခံစားနိုင် ပြီ။ မိခင် ရဲ့ ၀မ်းဗိုက်အပြင်က အသံတွေကို သိနိုင်ပြီ ၊ မျက်စိသူငယ်အိမ်က အလင်းရောင်ကို စတင် တုံ့ပြန်နေပီ၊ ယောကျာ်းလေးဆိုရင် တော့ ဝှေးစေ့လေးတွေက ကပ်ပယ်အိတ်ထဲကို လျှောဆင်းစပြုလာပြီ။

ရက်သတ္တပတ် ၃၆ ပတ် (၄.၁၁ - ၆.၅ ပေါင်ခန့်) ၁၈ လက်မ အရွယ်
ခန္ဓာကိုယ်က လုံးတုတ်တုတ်လေး ဖြစ်လာပြီ။ မွေးညှင်းလေးတွေ ပျောက်စပြုလာပြီ၊ သွေးထဲမှာ ဟေမို ဂလိုဘင်တွေ များလာပြီ၊ ရောဂါခုခံနိုင်စွမ်းတွေ တက်လာပြီ။
ရက်သတ္တပတ် ၄၀ ပတ် (၇ပေါင်ခန့်) ၁၈-၂၂ လက်မ အရွယ်
ဦးခေါင်း မှာ ဆံပင်တွေ ပေါက်လာပြီ။ ယောကျာ်းလေး ဆိုရင် ဝှေးစေ့တွေ ကပ်ပယ်အိတ်ထဲ လုံးဝ ရောက်သွားပြီ။

မိန်းကလေးဆိုရင် ယောနိစပ်လေးတွေ ထင်ရှားလာပြီ။
ဒီလို အဆင့်ဆင့် ဖွံ့ဖြိုးနေတဲ့ သန္ဓေသားကလေး ဉာဏ်ရည်ဖွံ့ဖြိုးအောင် ဘယ်လို ပြုစုမလဲ..။

၁။ ပြည့်ပြည့်၀၀ အနားယူပါ။
အနားယူခြင်းဟာ မိခင်ရော သန္ဓေသား အတွက်ပါ ကျန်းမာလန်းဆန်းစေပါတယ်။ နေ့လည်ဘက်မှာ တရေးတမော အိပ်တာကိုလဲ ပြုလုပ်သင့်ပါတယ်။ အလုပ်တက်ရတဲ့မိခင်တွေဖြစ်ပါစေ နေ့လည်ဘက်ကို အချိန်ယူ အိပ်စက်သင့်ပါတယ်။ မွေးဖွားခါနီးရောက်လာလေ အိပ်ရခက်ခဲ့လာလေ ဖြစ်တတ်ပါတယ်။ ခန္ဓာကိုယ်ကိုတစောင်း လှဲ၍ အိပ်တာ၊ ဖက်ခေါင်းအုံး ကို ဖက်ပြီး အိပ်တာတွေက နေရထိုင်ရ သက်သာစေပါတယ်။
၂။ ၀မ်းဗိုက်ကို ပွတ်ပေးခြင်း။
မိခင်ရဲ့ဝမ်းဗိုက်ကို မိခင်ကိုယ်တိုင် ပွတ်သပ်ပေးခြင်း က လဲ သန္ဓေသားရဲ့ ဉာဏ်ရည်ဖွံ့ဖြိုးမှုကို အထောက်အကူပြုတယ်လို့ ဆိုပါတယ်။
၃။ အကြားအာရုံ တိုးတက်ခြင်း။
သန္ဓေသား ကလေး ဟာ အသက် ၅ လ အရွယ် မှ စ၍ အသံကိုကြားနိုင်ပါပြီ။ အသံကြားရပြီ ဆိုတော့ နားထောင်မှုစွမ်းရည်ရှိလာတာပေါ့။ နားထောင်တတ်ပြီ ဆိုတော့ သင်ယူတတ်ပြီပေါ့။ ကျွန်တော်တို့တွေလိုပဲ ၀မ်း ဗိုက်ထဲက ကလေးလေး ဟာလဲ မိခင်ရဲ့ အသံကို" ကားချင်တာပါပဲ။ ကလေး သန္ဓေသားလေးကို စကားပြော မယ်ဆိုရင် အမေဖြစ်သူ က တကယ့်ကလေးလေး လို သဘောထားပြီး ကြင်နာမှုအပြည့်ရှိတဲ့လေသံနဲ့ ညင်ညင် သာသာလေး "ဒီနေ့ နေလို့ကောင်းရဲ့လား ၊ ပျော်ရဲ့လား " စသဖြင့် မေးခွန်းလေးတွေ မေးတာတို့ ၊ သူ့ကို ချစ်ခင် နှစ်သက်ကြောင်း စသဖြင့်လည်း ပြောပေးလို့ရပါတယ်။ မိခင်သာမက ဖခင်ဖြစ်သူလည်း ပါဝင်ပြောဆိုခြင်း ပြုလုပ် ပါက ကလေးမှာ မိဘတို့ရဲ့အထိအတွေ့နဲ့အသံကို တဖြည်းဖြည်း မှတ်မိလာပါလိမ့်မယ်။
တေးဂီတကိုလည်း နားထောင်နိုင်ပါတယ်။ သာယာနူးညံ့တဲ့ သံစဉ်လေးတွေတော့ ရွေးချယ်သင့်ပါ တယ်။ အဲလို အနိမ့်အမြင့် အတက်အကျမှန်မှန်နဲ့သာယာ တဲ့ မဆူညံတဲ့ ဂီတ ကို တနေ့ (၁၀) မိနစ် မှ (၁၅) မိနစ် လောက် နားထောင်ပေးရင် ကလေး က ဉာဏ်ရည် ပိုကောင်းလာပါလိမ့်မယ်။ မိဘ များ က သားချော့တေးများ ဆိုပေးလျှင်လည်း ရပါတယ်။ ပြင်းထန် ကျယ်လောင်တဲ့ Rock တို့ ၊ Hip Hop တို့ ကိုတော့ ရှောင်ရှားသင့်ပါတယ်။ မိခင်ရော ကလေး အတွက်ပါ စိတ်ဖိစီးမှုတွေရနိုင်ပါတယ်။
ကလေးလေး ကို ပြုစုသလိုပဲ မိခင်လောင်းတို့မှာလဲ ကျန်းမာဖို့ လိုအပ်ပါတယ်။ ဒါမှ ကျန်းမာတဲ့ ကလေး လေး ကို မွေးဖွားနိုင်မှာ ဖြစ်ပါတယ်။

ကျန်းမာဖို့ဆိုရင် ကိုယ်လက်လှုပ်ရှားမှု က အရေးကြီးလှပါတယ်။
ကိုယ်ဝန်ဆောင်စဉ်ကာလမှာ နားနားနေနေနဲ့ အပန်းဖြေရင်း ခန္ဓာကိုယ်ကြံ့ခိုင်ကျန်းမာအောင် ဘယ်လို လုပ်မလဲ။ ပြင်းထန်တဲ့ ကိုယ်လက်လှုပ်ရှားမှုတွေကိုရှောင်ရပါမယ်။ လမ်းများများ လျှောက်ပေးတာ က တော့ အသင့်တော်ဆုံး လှုပ်ရှားမှု တစ်ခုပါပဲ။
ကိုယ်ဝန်ဆောင်ကာလမှာ လဲလျောင်းခြင်း၊ ထိုင်ခြင်း၊ ထခြင်း တွေက အရေးပါပါတယ်။
မိခင်တွေ ဟာ ကြီးထွားလာတဲ့ ရင်သွေးလေး နဲ့ အတူ တိုးလာတဲ့ ကိုယ်အလေးချိန်ကြောင့် ခန္ဓာကိုယ် ဟန်ချက်ကို ထိန်းညှိနိုင်ဖို့ အရေးကြီးပါတယ်။ ရုတ်တရက် အထိုင်အထ မှာ မူးဝေတာတွေလဲ ဖြစ်တတ်ပါတယ်။ ဒါကြောင့် ထတာဖြစ်ဖြစ် ထိုင်တာဖြစ်ဖြစ် သတိနဲ့ လှုပ်ရှားသင့်ပါတယ်။
ခန္ဓာကိုယ်လဲလျောင်းမယ်ဆိုရင်
ပထမဆုံး မတ်တပ်ရပ်နေတာက နေ ဒူးလေး နည်းနည်းကွေးလိုက်ပါ။ ဒါဆိုရင် ကျောရိုးအောက်ပိုင်း ကို အားသက်ရောက်မှု လျော့သွားပီး ဟန်ချက် မျှတလာမယ်။ ပြီးရင် လက်ကို ပေါင်လယ်လောက်မှာ ထောက် အား ပြုပြီးတော့ ဒူးတစ်ဖက်ကို ဖြည်းဖြည်းထောက်ပါ။ ကျန်ဒူးတစ်ဖက်ကို ထပ်ထောက်လိုက်ပြီး ခန္ဓာကိုယ်ကို လက် ဖ၀ါး နှစ်ဖက် ဒူးနှစ်ဖက် ထောက်လျက်သား လေးဖက်ထောက် အနေအထား နဲ့ ရှိပြီဆိုမှ လက်မောင်းတစ်ဖက်ကို အားပြုပြီး ခန္ဓာကိုယ်ကို ၄င်းလက်မောင်းဖက်စောင်းပါ။ ပြီးရင် လက်မောင်းတွေအားပြုပြီး ပက်လက်အနေအထား ရောက်အောင်ပြုပြင်ပါ။
လှဲနေရာက မတ်တပ်ရပ်မယ်ဆိုရင်လဲပထမဆုံး လက်မောင်းတွေ ကို အားပြုပြီး ကိုယ်ကိုစောင်းပါ။ ပြီးရင်လှဲလျောင်းတုန်း က လေးဖက်ထောက်ပုံစံမျိုးရအောင်လုပ်၊ အဲပြီးမှ ဒူးတစ်ဖက်စီထောက် အားပြုပြီး ဖြည်း ဖြည်း လေး ရပ်ပါ။
ဒီလောက်ဆိုရင်တော့ ကိုယ်ဝန်ဆောင် မဲ့ မိခင်လောင်းများ ၊ ပြုစုမဲ့ ဖခင်လောင်းများ ဘယ်လိုနေထိုင် ပြုမူရမလဲ သိလောက်ပြီထင်ပါတယ်။ ရှေ့လမှာတော့ ကိုယ်ဝန်ဆောင် မိခင်လောင်းတွေရဲ့ မေးလေ့မေ့ထရှိတဲ့ မေးခွန်းများကို ရေးပေးသွားပါ့မယ်။

Dr. ဇီဝက
from- ရွှေဒေါင်းတောင်
အေးမြသာစည်ရွာ

အပြည့်အစုံသို့ »

အမျိုးသမီးများကို ဝမ်းဗိုက် နာကျင်စေခြင်း အကြောင်းရင်း ( ၅ ) ချက်


အမျိုးသမီး အများစုဟာ ဗိုက်အောင့်ခြင်း အဖြစ် များပါတယ်။ အမျိုးသမီး တွေမှာဖြစ် တတ်တဲ့ ဗိုက်အောင့် ဗိုက်နာ ခြင်းဟာ အောက်ပါ အကြောင်းရင်း ငါးရပ်ကြောင့် အဖြစ် များပါတယ်။
၁။ သားအိမ်အတွင်းလွှာ နေရာလွှဲခြင်း

ဖြစ်ပွားနှုန်း - အမျိုးသမီး ငါးသန်းနီးပါး

ရောဂါအကြောင်း ....

သားအိမ်တစ်သျှူး တွေနဲ့တူတဲ့ ဆဲလ်တွေဟာ နေရာလွဲမှား တည်ရှိပြီး ရာသီ သွေးဆင်းတိုင်း လိုက်လံ ကွာကျ နေတာမျိုးပါ။

ခံစားရတတ်သော လက္ခဏာများ - ရာသီလာချိန်မှာ ရောပြီး ဗိုက်အောင့်ခြင်းကို ဆိုးဆိုးရွားရွားခံစားရခြင်း၊ ခါးနဲ့ခြေထောက် အထိနာကျင်ခြင်း

စမ်းသပ်စစ်ဆေးခြင်း - တစ်သျှူးအသားစယူ စစ်ဆေးခြင်း

ဆေးကုသမှု - Ibuprofen, Naproxen sodium စတဲ့ အကိုက်အခဲပျောက်ဆေးတွေနဲ့ ဟော်မုန်းပါ သန္ဓေ တားဆေးတွေ သုံးပြီး ကုသလေ့ရှိပါတယ်။ ဆိုးရွားတဲ့ အခြေအနေတွေမှာ သားအိမ်အ တွင်း လွှာကြီးထွားမှုကို ဖယ်ရှားဖို့ ခွဲစိတ်ကုသတဲ့နည်းကို သုံးလေ့ရှိပါတယ်။

၂။ ဆီးအိတ်တာရှည်ရောင်ရမ်းခြင်း

ဖြစ်ပွားနှုန်း - အမျိုးသမီး သုံးသန်းနီးပါး

ရောဂါအကြောင်း -ဆီးအိတ်ထဲမှာ မကြာခဏ မသက်မသာဖြစ်ရတဲ့ ခံစားချက်မျိုးပါ။ ဘက်တီးရီးယားပိုးကြောင့် မဟုတ်ဘဲ ဆီးအိတ်တာရှည် ရောင်ရမ်းတာပါ။

ခံစားရတတ်သော လက္ခဏာများ - ဆီး မကြာခဏ သွားချင်တာနဲ့ ဆီးသွားတဲ့အခါ နာကျင်တာတွေကို ခံစား ရတတ်ပါတယ်။

စမ်းသပ်စစ်ဆေးခြင်း - ဆီးလမ်းကြောင်း ပိုးဝင်ခြင်းဟုတ်၊ မဟုတ် သေချာအောင် ဆီးထဲမှာ ဘက်တီးရီးယားပိုး ရှိ၊ မရှိ စစ်ဆေးခြင်းနဲ့ ဆီးအိတ်ကို Cytoscope သုံးပြီး ကြည့်ရှုခြင်း။

၃။ ဝမ်းဗိုက်အောက်ပိုင်းရှိ ကြွက်သားများ နာကျင်ကိုက်ခဲခြင်း

ဖြစ်ပွားနှုန်း - အဖြစ်များပေမယ့် လူဦးရေ ဘယ်လောက်မှာ ခံစားနေရမှန်း အတိအကျမသိပါ

ရောဂါအကြောင်း - ရုပ်ပိုင်းနဲ့ စိတ်ပိုင်းဆိုင်ရာ အခြေအနေနှစ်ရပ်စလုံးဟာ တင်ပါးဆုံအင်္ဂါတွေကို ထောက်ပံ့ ပေးထားတဲ့ တင်ပါးဆုံကြွက်သားတွေအပေါ် နာတာရှည် ဖိအားသက်ရောက်စေနို င်ပါတယ်။

ခံစားရတတ်သော လက္ခဏာများ - ဝမ်းဗိုက်အောက်ပိုင်းနာကျင်ခြင်း၊ မိန်းမကိုယ်နာကျင်ခြင်း၊ ပူစပ်ပူလောင် ဖြစ်ခြင်းနဲ့ ဆီးပြွန်နာကျင်ခြင်း

စမ်းသပ်စစ်ဆေးခြင်း - ခန္ဓာကိုယ်ကို စစ်ဆေးမှု ပြုလုပ်ခြင်း (Physical Examination)

၎။ ဝမ်းဗိုက်တွင်း သွေးကြောထုံးခြင်း

ဖြစ်ပွားနှုန်း - အမျိုးသမီး ခုနစ်သန်းနီးပါး

ရောဂါအကြောင်း - ဝမ်းဗိုက်ထဲက သွေးကြောတွေ ထုံးတာကြောင့် နာကျင်မှု ဖြစ်စေနိုင်ပါတယ်။ ခြေထောက် သွေးကြော ထုံးခြင်းလိုပဲ သွေးပြန်ကြောထဲက အဆို့ရှင်တွေဟာ အားနည်းပြီး သွေးစီး ဆင်းအားနည်း တာ ကြောင့် နာကျင်တဲ့ ဖိအားကို ဖြစ်စေပါတယ်။

ခံစားရတတ်သော လက္ခဏာများ - ဝမ်းဗိုက်အောက်ပိုင်းမှာ စူးစူးရှရှအောင့်ခြင်း၊ နံနက်ခင်းမှာ သိပ်မနာဘဲ တဖြည်းဖြည်း ပိုမိုနာကျင်လာခြင်း (လဲလျောင်းလိုက်တဲ့အခါ ဒါမှမဟုတ် အပူကပ်တဲ့ အခါမှာ နာကျင်မှု ပိုဆိုး တတ်ပါတယ်)

စမ်းသပ်စစ်ဆေးခြင်း - Transcervical venogram လို့ခေါ်တဲ့ အထူးစစ်ဆေးနည်းသုံးပြီး ပုံမမှန်သွေးပြန်ကြော အရွယ် အစားနဲ့ သွေးစီးဆင်းနှုန်းကို တိုင်းတာနိုင်ပါတယ်။

၅။ တာရှည် မိန်းမကိုယ်နာခြင်း

ဖြစ်ပွားနှုန်း - အမျိုးသမီး ခြောက်သန်းနီးပါး

ရောဂါအကြောင်း - တာရှည်မိန်းမကိုယ်နာတာဟာ ဘာကြောင့် ဖြစ်ရသလဲဆိုတာ သေချာမသိသေးပါ။ မှိုကူး စက်ပိုးဝင်ခြင်းကြောင့် ဖြစ်နိုင်သလို မြင်းစီးခြင်းနဲ့ ကလေးမွေးဖွားရာမှ နာ့ဗ်ကြော ထိခိုက်သွားတာကြောင့် ဖြစ်တတ်ပါတယ်။

ခံစားရတတ်သော လက္ခဏာများ - မိန်းမကိုယ်မှာ တာရှည်နာကျင်မှု ဒါမှမဟုတ် သက်သာလိုက် ပြန်ဖြစ်လိုက် နာကျင်မှုဟာ တင်ပါးနဲ့ ပေါင်ရင်းနေရာအထိ ပျံ့နှံ့သွားတတ်ခြင်း၊ ရာသီသွေး ထိန်းတောင့် ထည့်ခြင်း၊ ကျပ်တဲ့ ဂျင်း ဘောင်းဘီဝတ်ခြင်းနဲ့ အထိုင်များခြင်းတွေကြောင့်လည်း မိန်းမကိုယ် နာကျင်တတ်ပါတယ်။

စမ်းသပ်စစ်ဆေးခြင်း - နာကျင်မှုကို စစ်ဆေးနိုင်ဖို့ မိန်းမကိုယ်ဝကို စစ်ဆေးတဲ့ Cotton Swab test နဲ့ စစ်ဆေး လေ့ရှိပါတယ်။

Health

အပြည့်အစုံသို့ »