Showing posts sorted by relevance for query တောင်ပြုန်း. Sort by date Show all posts
Showing posts sorted by relevance for query တောင်ပြုန်း. Sort by date Show all posts

တောင်ပြုန်းပွဲတော်လာ မိန်းမလျာ ဖမ်းဆီး ထိန်းသိမ်းမည် မဟုတ်ပါ

တောင်ပြုံး ပွဲတော်သို့ အနယ်နယ် အရပ်ရပ်မှ လာရောက်မည့် မိန်းမလျာ များကို ဖမ်းဆီးထိန်းသိမ်းခြင်း ပြုလုပ်ရန် အစီအစဉ် မရှိဟု မန္တလေးတိုင်းဒေသကြီး ရဲတပ်ဖွဲ့ရုံး မှရဲမှူး စိုးငြိမ်းက ပြောသည်။
မိန်းမလျာ များအား ဆက်တိုက် ဖမ်းဆီးမှု ပြုလုပ်နေသည့် မန္တလေးမြို့ ကိစ္စရပ်နှင့် ပတ်သက်၍ မကြာမီ ကျင်းပ တော့မည့် တောင်ပြုံး ပွဲတော်၌ လာရောက် လည်ပတ် ရန် မိန်းမလျာ အများစု စိုးရိမ် နေမှုအပေါ် ရဲမှူးက အထက်ပါအတိုင်း ပြောကြားခဲ့ခြင်း ဖြစ်သည်။
”ကျွန်တော်တို့ မန္တလေးမှာ မိန်းမ လျာဆိုတာနဲ့ ဖမ်းနေတာ မဟုတ်ဘူး။ ဒါကို ရှင်းရှင်းလင်းလင်း သိစေချင်တယ်။ ကျွန်တော် တို့က အများပြည်သူ စိတ် အ နှောင့် အယှက် ဖြစ်နေလို့သာ သူတို့ကို ကျွန်တော် တို့ ဖမ်းတာပါ”ဟု ရဲမှူးက ရှင်းပြသည်။
ထို့အတူ တောင်ပြုန်း၌ အများပြည်သူတို့ စိတ် အနှောင့်အယှက် ဖြစ်က မိန်းမလျာ တို့ကို မဖမ်းဆီးဘဲ မနေဟု ရဲမှူးက ဆက်ပြောသည်။ ရိုးရာဓလေ့ ထုံးစံ အရ တောင်ပြုန်း ပွဲကို ဝါခေါင် လဆန်းတွင် နှစ် စဉ်ကျင်းပ နေရာ မိန်းမလျာများသာမက အနယ်နယ် အရပ်ရပ်မှ အများပြည်သူတို့ လာရောက်လေ့ရှိသည်။
မန္တလေးမြို့ လိင်တူ ချစ်သူများကွန်ရက်မှ ကိုရှင်းသန့်က ”ဒါကတော့ သူ တို့အပြောလေ။ ဒီလိုပဲပြောကြတာပဲ။ တောင်ပြုန်းမှာ မဖမ်းလည်း တောင်ပြုန်း သွားတဲ့လမ်း တစ်လျှောက် နဲ့ ကျုံးဘေး မှာ ဖမ်းလို့ရတာပဲ။ ဘာပဲဖြစ်ဖြစ် စိုးရိမ် တယ်”ဟု ပြောသည်။
ဇူလိုင်လ ပထမ အပတ်မှ စကာ မန္တလေးရဲ တပ်ဖွဲ့က မိန်းမလျာ ၂ဝ ဦး ခန့် ဖမ်းဆီး ထိန်းသိမ်းခဲ့ပြီး ခံဝန်လက် မှတ်ရေးထိုးခိုင်းခြင်း၊  အချုပ်ထဲ ထည့် ခြင်းနှင့် ထောင် ဒဏ် ချမှတ်ခြင်းများကို ပြုလုပ်ခဲ့သည်။
 ရဲမှူးဦးစိုးငြိမ်းက ”ကျွန်တော်တို့ ဒါက ဥပဒေ အတိုင်းလုပ်တာ၊ အပြင် မှာ ကျွန်တော်တို့ ရဲကို တရားစွဲမယ်လို့ ပြောတယ်။ ဘာပုဒ်မ နဲ့စွဲမှာလဲ။ အဲဒီ ကျုံးတောင်ဘက် မှာ မိန်းမလျာတွေ က မဟုတ်တာ လုပ်တဲ့ အလုပ်တွေ အများ ကြီးရှိတယ်။ အဲဒီဘက်က မိန်းမလျာ တွေ သာမကဘူး မဟုတ်တာ လုပ်တဲ့ ယောက်ျားတွေလည်း ဖမ်းတာပဲ။ ဒါပေ မဲ့ တစ်ခုပဲ ရှိတယ် ဘာမှမလုပ်တဲ့ မိန်းမ လျာတွေကိုတော့ ဖမ်းမှာမဟုတ်တာ တော့ သေချာတယ်”ဟု ပြောသည်။
PN051၊ စိုင်းလမင်း
popularmyanmar

အပြည့်အစုံသို့ »

တောင်ပြုန်းဘုရားပွဲ ငွေတောင်းသူများကို ဂေါပကအဖွဲ့ ဖယ်ရှားသွားမည်ဟုဆို


မန္တလေး၊ သြဂုတ် ၁၄

မန္တလေးတိုင်းဒေသကြီး မတ္တရာမြို့နယ် တောင်ပြုန်းရွာ ဘုရားပွဲတော်သို့ လာရောက် ငွေတောင်းရမ်း သူများနှင့် ကြဲချငွေကောက်သူများကို အဆိုပါ ဘုရားဂေါပက အဖွဲ့ကဖယ်ရှားသွားမည် ဖြစ်ကြောင်း တောင်ပြုန်းပွဲတော် ကျင်းပရေး ကော်မတီ ဥက္ကဋ္ဌက ပြောကြားသည်။

အဆိုပါ တောင်ပြုန်း ပွဲတော်တွင် အနယ်နယ် အရပ်ရပ်မှ ရောက်ရှိလာသော တောင်းစားသူများနှင့် တောင်ပြုန်းကျေးရွာ အနီးဝန်းကျင်မှ အပျော်တမ်း ငွေကောက်သူများကို ပွဲတော်ကျင်းပရေး ကော်မတီ က သြဂုတ်လ ၁၄ ရက်နေ့မှ စတင်၍ ကျေးရွာအုပ်ချုပ်ရေးမှူးရုံး ပွဲတော် လုံခြုံရေး ရဲဝန်ထမ်း၊ မီးသတ် ဝန်ထမ်းတို့နှင့် ပူးပေါင်းပြီး နေ့စဉ် ဖယ်ရှားရှင်းလင်းသွားမည် ဖြစ်ကြောင်း ၎င်းက ထပ်မံပြောကြားသည်။

အနယ်နယ် အရပ်ရပ်မှ တောင်ပြုန်းပွဲသို့ ဘုရားဖူးသူများကို ကားပေါ်မှ ငွေကြဲချခြင်း မပြုလုပ်ကြရန် ပွဲတော်အဝင် ဂိတ်ပေါက်မှ နေ့စဉ် အသံချဲ့စက်ဖြင့် သတိပေးနေသော်လည်း ပွဲတော် လာသူများမှာ ငွေများကို ကြဲမြဲ ကြဲချနေခြင်းကြောင့် ငွေကြေး တောင်းရမ်းသူနှင့် အပျော်တမ်း ငွေကောက်နေသူများ ပိုမို များပြားလာရခြင်း ဖြစ်ကြောင်း အဆိုပါ ဂေါပကအဖွဲ့ထံမှ သိရသည်။

“၂ နှစ်လောက် ရှိပြီ။ တောင်းတဲ့လူတွေနဲ့ အပျော်တမ်း ကောက်သူတွေ များလာတယ်။ မနက်ဖြန်က စပြီး ဖယ်ရှားမှာပါ။ ကလေးတွေကို မိဘနဲ့ ဆက်သွယ်ပြီး ပြန်အပ်မယ်။ နယ်ဝေးက လူတွေကို ပြန်လွှတ်မယ်” ဟု တောင်ပြုန်းပွဲတော် ကျင်းပရေး ကော်မတီ ဥက္ကဋ္ဌ ဦးတင်ဝင်းက ဆိုသည်။

အဆိုပါ ရွေ့လျား တောင်းစားသူများမှာ ချောက်၊ ရေနံချောင်း၊ မင်းဘူး၊ မကွေး၊ မိတ္ထီလာစသော နယ်ဝေးများမှ အုပ်စုလိုက် ရောက်ရှိလာခြင်း ဖြစ်ပြီး ပွဲတော်အတွင်း လစ်လပ် နေရာများတွင် ယာယီ တဲထိုးကာ ပွဲတော် ပြီးသည်အထိ တောင်းရမ်းကြကာ ယင်းတောင်ပြုန်း ပွဲတော်ပြီးပါက ရတနာ့ဂူ နတ်ပွဲ၊ ပခန်းမင်းကြီးပွဲ စသဖြင့် ပွဲများသို့ လှည့်လည် တောင်းရမ်းကြကြောင်း အဆိုပါ တောင်းရမ်းသူ များထံမှ စုံစမ်း သိရှိရသည်။

“ယောက်ျားက အုတ်သယ်တဲ့ကားမှာ အလုပ်လုပ်တယ်။ ကားပေါ်က လိမ့်ကျပြီး လက်ကျိုးသွားတော့ ကလေး နှစ်ယောက်နဲ့ လုပ်ကိုင် မစားတတ်လို့၊ ကျောင်းတော်ရာက လာတောင်းတဲ့ အဖွဲ့က ခေါ်လို့ လိုက်လာတာ။ ကျောင်းတော်ရာအဖွဲ့မှာ လူ ၂၀ ကျော် ပါတယ်။ မနေ့က ၁၈၀၀ ရတယ်” ဟု မကွေးတိုင်းဒေသကြီး မင်းဘူး၊ စကုမြို့နယ်ရှိ ကျောင်းတော်ရာမှ လာရောက် တောင်းရမ်းနေသူ အသက် ၃၀ ကျော်အရွယ် ဒေါ်ကြည်က ဆိုသည်။

ပွဲတော်အတွင်းသို့ အနာကြီးရောဂါ ဝေဒနာရှင်များ လာရောက် တောင်းရမ်းပါက ၎င်းတို့ကို နေရပ် သို့မဟုတ် ဆေးရုံ ဆေးခန်းများသို့ ပို့ဆောင်ပေးကြောင်း ယင်းပွဲတော် တာဝန်ရှိသူက ဆက်လက် ရှင်းပြသည်။

မတ္တရာမြို့နယ် နံ့သာမြိုင် အနာကြီးရောဂါ ဝေဒနာရှင်များအတွက် ထားရှိသောရွာမှ အနာကြီး ဝေဒနာရှင် အများစု ပါဝင်သော လူ ၅၀၀ ဦးခန့်သည် ပွဲတော်အတွင်း မဝင်ရသဖြင့် ပွဲတော်အပြင် ကားလမ်းဘေး လယ်ကွင်းများတွင် တဲထိုး၍ အုပ်စုလိုက် နေကြပြီး ယင်းကျေးရွာများရှိ ထမင်း ရောင်းသူများက ၎င်းတို့ကို ပိုက်ဆံပေးသော်လည်း ထမင်း မရောင်းသဖြင့် နံ့သာမြိုင်ရှိ ဝေဒနာရှင်များ အတွက် ရောင်းသော ထမင်းဆိုင်ကိုပါ ရွှေ့လာရကြောင်း၊ စားစရိတ်အဖြစ် တစ်ရက်လျှင် ၁၂၀၀ ကျပ် ရှိပြီး သြဂုတ်လ ၁၃ ရက်နေ့အတွက် တောင်းရငွေသည် နေ့လယ်ပိုင်းခန့်အထိ ကျပ် ၂၀၀ ခန့်သာ ရသေးကြောင်း အဆိုပါကျေးရွာမှ အနာကြီး ဝေဒနာရှင် ဦးတင်ဇာလွင်က ပြောကြားသည်။

အဆိုပါ ဝေနာရှင်များထဲမှ ၅၀ ဦးခန့်သည် တောင်ပြုန်းပွဲ ပြီးပါက ရတနာ့ဂူပွဲသို့ ဆက်လက် အလှူခံ ထွက်မည် ဖြစ်ပြီး နယ်မြေဝေးခြင်း၊ နေထိုင်ရန် နေရာ မရှိခြင်းတို့ကြောင့် ဝေဒနာရှင် အများစုသည် ရတနာ့ဂူသို့ မသွားရောက်နိုင်ကြောင်း ၎င်းက ထပ်မံ ရှင်းပြသည်။

တောင်ပြုန်းပွဲတော် ကျင်းပရေး ကော်မတီ အနေနှင့် အနာကြီးရောဂါ ဝေဒနာရှင်များကို ပွဲတော် အတွင်းသို့ ဝင်ရောက်ခွင့် မပြုကြောင်းနှင့် နှစ်စဉ် တောင်ပြုန်းပွဲတွင် တောင်းရမ်း စားသောက်နေသူ ဦးရေ ၅၀၀ ကျော်မှ ၃၀၀၀ ခန့်အထိ ရှိပြီး တစ်နှစ်ထက် တစ်နှစ် ပိုမို များပြားလာကြောင်း အဆိုပါဘုရား ဂေါပကအဖွဲ့ထံမှ သိရသည်။

မိုးကြိုး (MDY)
The Voice Weekly

အပြည့်အစုံသို့ »

တောင်ပြုန်းပွဲ ကွန်ဒုံးငါးသောင်း ဖြန့်မည်


မန္တလေး၊ ဇူလိုင် ၁၆

မြန်မာတစ်နိုင်ငံလုံးရှိ မိန်းမလျာ အများစု ပါဝင်ဆင်နွှဲလေ့ရှိသော မန္တလေး တိုင်းဒေသကြီး မတ္တရာမြို့နယ် တောင်ပြုန်း ပွဲတော်တွင် ကွန်ဒုံးငါးသောင်းနီးပါးခန့် အခမဲ့ ဖြန့်ဝေပေးသွားမည် ဖြစ်ကြောင်း အဆိုပါတိုင်းဒေသကြီး အမျိုးသားခုခံအား ကျဆင်းမှုနှင့် ကာလသားရောဂါ တိုက်ဖျက်ရေး ဌာနမှ ဒေါက်တာကျော်စိုးက The Voice သို့ပြောကြားသည်။

ယင်းပွဲတော်ကို နှစ်စဉ် သြဂုတ်လ ၁၃ ရက်နေ့မှ ၂၁ ရက်နေ့ထိ ကျင်းပလေ့ရှိပြီး လာမည့်ပွဲတော်တွင် ကွန်ဒုံး အခမဲ့ဖြန့်ဝေခြင်း အစီအစဉ်အပြင် HIV ပိုးရှိ မရှိ အခမဲ့စစ်ဆေး ပေးသွားမည်ဖြစ်ကြောင်း ၄င်းကဆိုသည်။

၂၀၁၂ ခုနှစ်ကလည်း ယင်းပွဲတော် တွင် ကွန်ဒုံး ၄၉,၀၀၀ ခန့် အခမဲ့ဖြန့်ဝေပေး ခဲ့ပြီး လက်ကမ်းစာစောင် ၂၅၄၆၀ စောင်၊ HIV ပိုးရှိ မရှိ စစ်ဆေးသူဦးရေ ၁၁၂၇ ဦးနှင့် ဆေးကုသမှု ခံယူသူ ၂၀၈ ဦးရှိခဲ့ကြောင်း ဒေါက်တာကျော်စိုးက ပြောကြားသည်။
"ပွဲတော်ကို လာတဲ့လူတွေ များရင် များသလို ကွန်ဒုံးကို ဝေသွားမှာပါ။ ပညာ ပေးရတာ ကတော့ လိင်တူချစ်သူကနေ တစ်ဆင့် အချင်းချင်းကျန်းမာရေး ဗဟုသုတရ စေချင်တယ်။ ဒါကြောင့် ပွဲတော်ရက်မတိုင်ခင် ရက်တွေမှာသွားပြီး ပညာပေးရပါတယ်။ ပွဲတော်ရက်တွေမှာ ဆိုရင် သိပ်ပြီးမထိ ရောက်ဘူး" ဟု ၄င်းကထပ်မံဆိုသည်။

အဆိုပါပွဲတော်တွင် ပညာပေးပြခန်း ဖွင့်လှစ်ခြင်း၊ ပညာပေး လက်ကမ်းစာစောင်များ ဝေခြင်း၊ အမျိုးသားသုံး ကွန်ဒုံးများ ဖြန့်ဝေပေးခြင်း၊ ကွန်ဒုံးသုံးစွဲမှု မြှင့်တင်ခြင်း၊ စနစ်တကျ သုံးစွဲခြင်းများကို ပြသပေးခြင်း၊ ကာလသားရောဂါပိုး ရှိ မရှိစစ်ဆေးပေးရာ တွင် နေ့ချင်းပြီး အဖြေရအောင် ဆောင်ရွက် ပေးခြင်း စသည်ဖြင့် ကျန်းမာရေးဆောင် ရွက်မှုများကို အခမဲ့ပြုလုပ်ပေးလျက် ရှိကြောင်း အမျိုးသား ခုခံအားကျ/ကာလသား ရောဂါ တိုက်ဖျက်ရေးဌာန ထံမှ သိရသည်။

"တစ်နိုင်ငံလုံး၊ အနယ်နယ်အရပ်ရပ်က လူတွေလာမှာ ဆိုတော့ အခုလိုပညာပေး လုပ်ဆောင်တာ ပိုပြီး ထိရောက်ပါတယ်။ ရောဂါဖြစ်ပွားမှုနှုန်း ကိုလည်း လျှော့ချနိုင်တယ်၊ မန္တလေးက လိင်တူချစ်သူ တွေက လည်း ပါဝင်ပြီး လုပ်အားပေးကြတယ်" ဟု မန္တလေးမြို့ရှိ လိင်တူချစ်သူ တစ်ဦးက ဆိုသည်။
The Voice Weekly

အပြည့်အစုံသို့ »