Showing posts sorted by relevance for query VOA. Sort by date Show all posts
Showing posts sorted by relevance for query VOA. Sort by date Show all posts

ဝန်ကြီးလောင်း ဦးရဲထွဋ် လွှတ်တော် အဆုံးအဖြတ် စောင့်ဆိုင်း



မဆုမွန်

ပြန်ကြားရေးဝန်ကြီးအဖြစ် သမ္မတက ရွေးချယ်အဆိုပြုခံရတဲ့ ဦးရဲထွဋ်ဟာ ပြည်ထောင်စု လွှတ်တော်ရဲ့ အတည်ပြုချက်ကို စောင့်ဆိုင်းနေတယ်လို့ ဗွီအိုအေမြန်မာပိုင်းကိုပြောကြားလိုက်ပါတယ်။ ဇူလိုင်လ ၂၉ရက်နေ့က နှုတ်ထွက်ခွင့် ပြုလိုက်တဲ့ ပြန်ကြားရေးဝန်ကြီး ဦးအောင်ကြည် ရဲ့ရာထူး နေရာမှာ ပြန်ကြားရေး ဝန်ကြီးသစ်အဖြစ် ခန့်အပ်ပေးဖို့ လက်ရှိ ပြန်ကြားရေး ဒုဝန်ကြီး ဦးရဲထွဋ်ကို နိုင်ငံတော် သမ္မတ ဦးသိန်းစိန်က ပြည်ထောင်စုလွှတ်တော်ကို ဒီကနေ့ ဇူလိုင်လ ၃၀ရက်နေ့မှာ တင်သွင်း လိုက်တာဖြစ်ပါတယ်။

ဒီကိစ္စနဲ့ ပတ်သက်ပြီး မကြာသေးခင်ကမှ အမေရိကန်ပြည်ထောင်စု က ပြန်လည်ရောက်ရှိလာတဲ့ ပြန်ကြားရေး ဒုဝန်ကြီးဦးရဲထွဋ်ရဲ့ သဘောထားကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းတဲ့အခါမှာတော့ သူက အခုလိုစဖြေပါတယ်။

“ လွှတ်တော်က သဝဏ်လွှာ ပို့ထားတယ်လို့ပဲ ကျနော် သိပါတယ်။ လွှတ်တော်က ဘယ်နေ့မှာ စဉ်းစားမယ်။ ဘာဆက်လုပ်မယ်ဆိုတာတော့ ကျနော်လည်း မသိသေးပါဘူး။

VOA။ ။ ဟုတ်ကဲ့။ အန်ကယ်လ်ပြန်ရောက်လာတဲ့ အခါမှာ ပြန်ကြားရေးဝန်ကြီး အပြောင်းအလဲဖြစ်တဲ့ကိစ္စ ဘယ်လိုများ ရှိပါသလဲ။

“တကယ်ကတော့ဗျာ။ ကျနော်တို့က သမ္မတကြီးရဲ့ ပြုပြင်ပြောင်းလဲရေး လုပ်ငန်းစဉ် တတိယအဆင့်ကို ဝင်လာတဲ့အခါမှာ လက်ကျန်သက်တမ်း ကာလအတွင်းမှာ ကျနော်တို့ သိသာထင်ရှားတဲ့ ရလာဒ်တွေလုပ်ဖို့ ပိုပြီးတော့မှ အားသွန်ခွန်စိုက် လုပ်ဖို့ လိုပါတယ်။ ရလာဒ်ကောင်းတွေ ဖော်ထုတ်နိုင်ဖို့လည်း ကျနော်တို့ လိုပါတယ်။ အဲ့သလိုအခြေအမျိုးမှာ ပြည်ထောင်စုဝန်ကြီးဦးအောင်ကြည်နဲ့ ဒေါက်တာဖေသက်ခင်တို့က သူတို့အနေနဲ့ အဲ့လိုတာဝန်တွေ၊ ရလာဒ်ကောင်းတွေ ဖော်ဆောင်နိုင်ဖို့ အတွက် လုပ်ကိုင်ဆောင်ရွက်တဲ့နေရာမှာ ကန့်သတ်ချက်တွေရှိနိုင်တယ်လို့ သူတို့ယူဆတဲ့အတွက်ကြောင့်မို့လို့ သူတို့ရဲ့ဆန္ဒအရ တင်ပြလာတဲ့ အတွက်ကြောင့်မို့လို့ သမ္မတကြီးက သူတို့ကို အနားယူခွင့်ပြုလိုက်တာပါ။ အဲ့တော့ သမ္မတကြီး အနေနဲ့က သူတို့နှစ်ယောက်က ကျန်ခဲ့တဲ့ ပြီးခဲ့တဲ့ ကာလတွေအတွင်းမှာ နိုင်ငံနဲ့လူမျိုးအတွက် အတတ်နိုင်ဆုံးဆောင်ရွက်ခဲ့တယ် ဆိုတာ အသိအမှတ်ပြုပါတယ်။”

တဖက်ကလည်း တတိယအဆင့်ကာလအတွင်းမှာ ရလာဒ်ကောင်းတွေ ရလာနိုင်ဖို့အတွက် လိုအပ်တဲ့ပြောင်းလဲမှုလုပ်ရမယ်ဆိုတာကိုလည်း သူလက်ခံပါတယ်။ ဒါကြောင့်မို့ ဒီနှစ်ချက်ကြောင့် သူတို့နှစ်ယောက်ရဲ့ တာဝန်က အနားယူခွင့် တင်ပြခွင့်ကို လက်ခံပြီး သမ္မတကြီးက အပြောင်းအလဲ လုပ်တာဖြစ်ပါတယ်။”

VOA။ ဟုတ်ကဲ့။ အခုပြန်ကြားရေးဝန်ကြီးကို အန်ကယ်လ် ဦးရဲထွဋ်၊ နောက် ဒေါက်တာ သန်းအောင်ကိုလည်း သမ္မတကြီးကနေပြီးတော့ ဝန်ကြီးတွေအဖြစ် အဆိုတင်သွင်းတာရှိပါတယ်။ အဲ့ဒီ့အပေါ်မှာရော အန်ကယ်လ်ဦးရဲထွဋ်က ကိုယ်တိုင် နာမည်တင်သွင်းခြင်း ခံရတဲ့အခါကျတော့ အဲ့ဒီ့အပေါ်မှာ ဘယ်လိုသဘောထားရှိပါသလဲ။

“ကျနော်ကို ယုံယုံကြည်ကြည် တာဝန်ပေးအပ်ဖို့အတွက် အဆိုတင်သွင်းခြင်း ခံရတဲ့အတွက်ကြောင့်မို့လို့ ကျနော် ဂုဏ်ယူပါတယ်။ ပြည်ထောင်စုလွှတ်တော်ရဲ့ ဆုံးဖြတ်ချက်ကို ကျနော်စောင့်ဆိုင်းနေပါတယ်လို့ပဲ ပြောချင်ပါတယ်။”

VOA။ ။ ပြန်ကြားရေးဝန်ကြီးအဖြစ် တရားဝင် ခန့်အပ်ခံလိုက်ရတဲ့အခါဆိုရင် အခုလက်ရှိမီဒီယာနဲ့ပတ်သက်ပြီးတော့ ပြန်ကြားရေးဝန်ကြီး တစ်ယောက်အနေနဲ့ ဘာတွေဆက်ပြီးတော့ လုပ်ဆောင်သွားဖို့ စီစဉ်နေတာရှိပါသလဲ။

“အော် ဒါတော့ အခုအချိန်မှာတော့ ကျနော်မပြောချင်သေးပါဘူး။ ဘာဖြစ်လို့လဲဆိုတော့ ဖွဲ့စည်းပုံအခြေခံဥပဒေအရ တရားဝင်ခန့်အပ်ခြင်း ခံရတာ မဟုတ်သေးတဲ့အတွက် ကြောင့်မို့လို့ ကျနော် ဘာမှ ထုတ်ဖော်မပြောနိုင်သေးပါဘူး။

VOA။ ။ ဟုတ်ကဲ့။ အခု ဒုတိယဝန်ကြီးတစ်ယောက်အနေနဲ့ရော၊ သမ္မတရဲ့ပြောခွင့်ရအနေနဲ့ရော အန်ကယ်လ်အခု တာဝန်ထမ်းဆောင်နေတာဆိုတော့ ပြန်ကြားရေးဝန်ကြီးဖြစ်သွားရင်ရော သမ္မတပြောခွင့်ရ ရဲ့တာဝန် အန်ကယ်လ်ဆက်ပြီးတော့ ထမ်းဆောင်ဖို့ရှိပါသလားရှင့်။

“ဒါကတော့ သမ္မတကြီးရဲ့ အဆုံးအဖြတ်ပေါ်မူတည်ပါတယ်။”

ကျေးဇူးအများကြီးတင်ပါတယ်။ အန်ကယ်လ်ဦးရဲထွဋ်။

ဒါကတော့ ပြန်ကြားရေးဒုဝန်ကြီး ဦးရဲထွဋ်ကို မဆုမွန်က ဆက်သွယ်မေးမြန်းခဲ့တာဖြစ်ပါတယ်။

သူတို့ရဲ့ သဘောဆန္ဒအလျောက် ရာထူးကနေ နှုတ်ထွက်ခွင့်ပြုလိုက်တယ်လို့ ဆိုတဲ့ ပြန်ကြားရေးဝန်ကြီး ဦးအောင်ကြည် နေရာ မှာ လက်ရှိပြန်ကြားရေး ဒုဝန်ကြီးလည်းဖြစ် သမ္မတရဲ့ ပြောရေးဆိုခွင့်ရှိသူ လည်းဖြစ်တဲ့ ဦးရဲထွဋ်၊ ကျန်းမာရေးဝန်ကြီး ဒေါက်တာဖေသက်ခင်နေရာမှာ လက်ရှိ ကျန်းမာရေး ဒုဝန်ကြီး ဒေါက်တာသန်းအောင်တို့ကို အစားထိုးခန့်အပ်ဖို့ ဒီကနေ့ကျင်းပတဲ့ ပြည်ထောင်စုလွှတ်တော် အစည်းအဝေးအတွင်း သမ္မတဦးသိန်းစိန်က သ၀ဏ်လွှာပို့ပြီး အမည်စာရင်းတင်သွင်းခဲ့တာဖြစ်ပါတယ်။

မြန်မာအစိုးရအဖွဲ့မှာ ၀န်ကြီးတွေကို အပြောင်းအလဲလုပ်တဲ့ အကြိမ်အများစုမှာ ရာထူးကနှုတ်ထွက်ခွင့်ပြုတယ်၊ ရာထူးက အနား ယူခွင့်ပြုတယ် စသည်အားဖြင့် သုံးစွဲလေ့ရှိပါတယ်။

VOA Burmese

အပြည့်အစုံသို့ »

မလေးမှာ မြန်မာအလုပ်သမား ၄၀ ကျော် အဖမ်းခံရ



တရားမဝင် နိုင်ငံခြားသားအလုပ်သမားတွေ ရှင်းလင်းဖို့ ပြီးခဲ့တဲ့လပိုင်းကစပြီး မလေးရှားအစိုးရက စီမံချက်ချ ဆောင်ရွက်လာရာမှာ စနေနေ့ ညဥ့်နက်ပိုင်း အချိန်  ကွာလာလမ်ပူမြို့ဆင်ခြေဖုန်းက စားသောက်ဆိုင်တန်းမှာ ၀င်ရောက် ဖမ်းဆီးမှုတွေရှိခဲ့ပြီး မြန်မာရွှေ့ပြောင်း အလုပ်သမား(၄၀)ကျော် အဖမ်းခံ လိုက်ရပါတယ်။ အကြောင်းစုံကို ကိုဥာဏ်ဝင်းအောင်က တင်ပြပါမယ်။

ကွာလာလမ်ပူမြို့နဲ့ ၁၂မိုင်အကွာ ဖူချောင်းအရပ်ဒေသမှာရှိတဲ့ Tesco စူပါမားကက်နားက ညဥ့်နက်ပိုင်းဖွင့်တဲ့ စားသောက်ဆိုင်တန်းကို မလေးရဲနဲ့ လ၀က အင်အားစုက ရှောင်တခင် ၀င်ရောက် စစ်ဆေးရင်း မြန်မာနိုင်ငံသားတွေ နဲ့ အခြားနိုင်ငံခြားသား အလုပ်သမားတွေကို စနေည သန်းခေါင် အချိန်မှာ ဖမ်းဆီးသွားခဲ့တာဖြစ်ပါတယ်။ အဖမ်းခံရသူတွေထဲမှာ မြန်မာနိုင်ငံသား အလုပ်သမား(၄၀)ကျော်ပါသွားတယ်လို့ အလုပ်သမားရေး ကူညီ ဆောင်ရွက်နေတဲ့ ကိုလတ်က VOAကို ပြောပါတယ်။

"ည ၁၂နာရီခွဲမှာ အင်မီဂရေးရှင်းနဲ့ ရဲတွေ လာဖမ်းသွားတယ်။ လာဖမ်းသွားတဲ့ အကြောင်းအရင်းကတော့ သူတို့ အော်ပရေးရှင်းလုပ်တာပေါ့။ အဲ့လာဖမ်းတော့ တိုင်ဘားမှာ လုပ်နေတဲ့ ရောင်းနေတဲ့ မြန်မာတွေ ပါသွားတယ်။ အဓိက ဝင်သွားတာကတော့ စားသောက်ဆိုင်ကို ဝင်သွားတာ။ လောလောဆယ် ပြန် လွတ် လာတယ်။ မလာဘူးဆိုတဲ့ သတင်းက ကျနော်တို့ ပြန်မရသေးဘူး။ ခန့်မှန်းခြေ ဘယ်လောက်လောက်ပါသွားမလဲဆိုတော့ မြန်မာက ၄၀၊ ၅၀လောက်တော့ ပါမယ်ခင်ဗျ။ ဘာဖြစ်လို့လဲ ဆိုတော့ မြန်မာတွေ စည်တဲ့နေရာလေဗျာ။ တိုင်းရင်းသားတွေ အားလုံးရှိကြတယ်။"

အဖမ်းဆီးခံရသူတွေရဲ့ နောက်ဆုံးအခြေအနေကိုတော့ မသိရသေးပါဘူး။ သူတို့ ရင်ဆိုင်ရမယ့် အခြေအနေတွေနဲ့ပတ်သက်ပြီး ကိုလတ်က ပြောပြပါတယ်။

"ဘာတွေဆက်ဖြစ်နိုင်မလဲဆိုတော့၊ UNHCR ကဒ်အတုကိုင် ထားတဲ့သူတွေ၊ လောလောဆယ် ကမ့်ထဲကို သွားရမယ်။ ထောင်သုံးလကျမယ်။ ကြိမ်ဒဏ် ပါရင်လည်း ပါမယ်။ အဲ့ဒီ့အထဲမှာ တချို့ကတော့ ဘာမှ မရှိဘူးဆိုရင် သေချာပေါက် ကတော့ သုံးလနဲ့ ကြိမ်ဒဏ်ပါသွားပြီ။ ဘာ Document မှ မရှိတဲ့ သူတွေအတွက်ကတော့ အခြေအနေ တော်တော်ဆိုးပါတယ်။ ဒီဟာတွေအားလုံးကို မြန်မာသံရုံးအနေနဲ့ စိစစ်ပြီးတော့ ကူညီ  ပေးမယ်ဆိုရင်တော့ သူတို့အတွက် မျှော်လင့်ချက် နည်းနည်းရှိတာပေါ့။"

အဖမ်းဆီးခံ မြန်မာရွှေ့ပြောင်း အလုပ်သမားအရေးနဲ့  ပတ်သက်လို့ မြန်မာ သံရုံးဖက်က ဆောင်ရွက်ပေးတဲ့ အနေအထားကို ကိုလတ်က ရှင်းပြပါတယ်။

" ဖမ်းသွားပြီးတဲ့အခြေအနေမျိုးမှာ သူတို့က ပြန်ထုတ်ပေးတယ်။ ဒါကလဲ အပြင်ကလူတွေ လိုက်ပြီး လုပ်မှပါ။ သူတို့နဲ့ပတ်သက်ရာ၊ ပတ်သတ်ကြောင်း ဆွေမျိုးအသိုင်းအဝိုင်းတွေက လိုက်လုပ်ပြီး CI သွားလျှောက်ပေးတာတို့၊ ကိစ္စတွေ အားလုံး လုပ်ပေးမှပဲ၊ သူတို့လုပ်ပေးနိုင်တဲ့ အတိုင်းအတာရှိပါတယ်။ ဒီမှာရှိနေတဲ့ မြန်မာ အလုပ်သမားတွေ ကိစ္စနဲ့ပတ်သက်လို့ရှိရင် ဘာလိုခေါ်မလဲ တာဝန်ယူခြင်းဟာ ၅၀% တောင် မရှိပါဘူး ခင်ဗျာ။ သံရုံးက တာဝန်မယူတာကိုပြောတာ။ ကျနော်တို့ ဒီနိုင်ငံမှာက လောလောဆယ်က ဗီဇာသတ်သတ် မသတ်သတ် တစ်လ ကို ပုံမှန်သုံးသိန်းလောက် ရှာလို့ရတယ်။ မြန်မာပြည်မှာ မရမယ့်အတူတူ သူတို့က ဒီမှာအဲ့တာတွေကို ခံစားပြီးတော့ ကြိတ်မှိတ်ပြီးတော့ လုပ်နေကြတာ။"

မြန်မာသံရုံး သဘောထားကိုသိနိုင်ဖို့ VOA ဆက်သွယ်ပေမယ့် ရုံးပိတ်ရက်ဖြစ်နေ တာကြောင့် အဆက်သွယ်မရခဲ့ပါဘူး။ မလေးရှားအစိုးရက တရားမ၀င် အလုပ်သမားတွေ မိမိနိုင်ငံပြန်ကြဖို့နဲ့ မပြန်ပဲ ရှာတွေ့ခဲ့ရင် ဖမ်းဆီး အရေးယူမယ်လို့ ဒီနှစ်ဆန်းပိုင်းကတည်းက ကြေညာထားတာပါ။

ဒါပေမယ့်လဲ မလေးရှားခရီးသည် တင်လေယာဉ်ပျောက်ဆုံးချိန် ကစလို့ ရွှေ့ပြောင်းအလုပ်သမားတွေ ရှာဖွေဖမ်းဆီးမှု ခေတ္တရပ်တန့်သွားခဲ့ပြီး အခုရက်ပိုင်းတွေမှာ အဖမ်းအဆီးတွေ ပေါ်လာနေတာပါ။

အလုပ်ပွဲစားကတဆင့် CALLING ဆိုတဲ့အစီအစဉ်နဲ့ မလေးရှားမှာ လာရောက် အလုပ်လုပ်နေသူ မြန်မာနိုင်ငံသား (၁)သိန်းခွဲ ၀န်းကျင်လောက်ရှိပြီး ၊ တရားဝင်ရော တရားမ၀င်ပါ အားလုံးစုစုပေါင်း မြန်မာနိုင်ငံသား ၃သိန်း နီးပါး မလေးရှားနိုင်ငံမှာ အလုပ်လုပ်နေကြတယ်လို့ လူ့အခွင့်အရေးလှုပ်ရှားသူတွေက ခန့်မှန်းထားကြပါတယ်။

VOA

အပြည့်အစုံသို့ »

အာဖဂန်ရွေးကောက်ပွဲကော်မရှင်ရုံး တာလီဗန်တွေတိုက်ခိုက်


တာလီဘန်စစ်သွေးကြွတွေ တိုက်ခိုက်ရာ ရွေးကောက်ပွဲကော်မရှင်ရုံးဆီကို သွားနေတဲ့ အာဖဂန်စစ်တပ်။ (မတ် ၂၉၊ ၂၀၁၄)

နားဆင်ရန်

အာဖဂန်နစ္စတန်နိုင်ငံ ရွေးကောက်ပွဲကော်မရှင်ရုံးချုပ်ကို တာလီဘန်တွေ တိုက်ခိုက်ခဲ့ပါတယ်။ ရှေ့သီတင်းပတ်မှာကျင်းပမယ့် သမ္မတရွေးကောက်ပွဲမတိုင်ခင် ဆက်တိုက် တိုက်ခိုက်မှုတွေလုပ်နေတာ ဒီကနေ့ တိုက်ခိုက်မှုက နောက်ဆုံးဖြစ်တာဖြစ်ပါတယ်။

Kabul မြို့က သီးခြားလွတ်လပ်တဲ့ ရွေးကောက်ပွဲကော်မရှင်ရုံးမှာ သတင်းစာ ရှင်းပွဲ ကျင်းပခါနီးမှာပဲ စစ်သွေးကြွတွေက ဖောက်ခွဲရေးပစ္စည်းနဲ့ လှမ်းပစ် တိုက်ခိုက်ခဲ့တာလို့ အာဖဂန်တာဝန်ရှိသူတွေက ပြောပါတယ်။ မျက်မြင်တွေရဲ့ အပြောအရ လုံခြုံရေးအထူအထပ်ချထားတဲ့ အဆောက်အဦးထဲက အထူးလုံခြုံအောင် လုပ်ထားတဲ့ အခန်းတွေထဲမှာ ရွေးကောက်ပွဲတာဝန်ရှိသူတွေ အကာအကွယ်ယူခဲ့ရပါတယ်။ စစ်သွေးကြွတွေနဲ့ လုံခြုံရေးတပ်တွေ အပြန်အလှန် တိုက်ခိုက်မှုအတွင်း စစ်သွေးကြွ ၅ ယောက် သေဆုံးသွားတယ်လို့ Kabul မြို့ရဲတပ်ဖွဲ့ပြောခွင့်ရသူက VOA ကို ပြောပါတယ်။

တခြားဘယ်သူတွေ ထိခိုက်ဒဏ်ရာရခဲ့သလဲ ဆိုတာတော့ မသိရသေးပါဘူး။ ဧပြီလ ၅ ရက်နေ့မှာ ကျင်းပမဲ့ သမ္မတရွေးကောက်ပွဲ ပျက်အောင်လုပ်မယ်လို့ တာလီဘန်တွေက ပြောထားပြီး အကြမ်းဖက်တိုက်ခိုက်မှုတွေကို ဆက်တိုက် လုပ်နေတာ ဖြစ်ပါတယ်။

ရွေးကောက်ပွဲကော်မရှင်ရုံး ဘေးနားမှာရှိတဲ့ အိမ်တလုံးကနေ စစ်သွေးကြွတွေ လှမ်းပြီးတိုက်ခိုက်တာလို့ ပြည်ထဲရေးဝန်ကြီးဌာန ဒုတိယ ပြောခွင့်ရသူက VOA ကို ပြောပါတယ်။

အာဖဂန်နစ္စတန်နိုင်ငံက အမျိုးသမီးတွေ အစဉ်အလာအတိုင်းဝတ်ကြတဲ့ တကိုယ်လုံးဖုံးကာထားတဲ့ Burqa ဝတ်ရုံတွေကို စစ်သွေးကြွတွေက ဝတ်ဆင်ခဲ့ကြတယ်လို့ မျက်မြင်တွေက ပြောပါတယ်။

VOA Burmese News

အပြည့်အစုံသို့ »

မယ်စကြာဝဠာ ဆန်ခါတင် ရွေးချယ်ပွဲ အတွက် မိုးစက်ဝိုင် ယုံကြည်မှုတက် - ဗွီအိုအေနဲ့ သီးသန့်အမေးအဖြေ


မြန်မာနိုင်ငံကိုယ်စားပြု မယ်စကြဝဠာပြိုင်ပွဲဝင်နေတဲ့ မိုးစက်ဝိုင်
9.11.2013

ရုရှနိုင်ငံမှာ ကျင်းပနေတဲ့ မယ်စကြာဝဠာပြိုင်ပွဲဟာဆိုရင် မနက်ဖြန် နောက်ဆုံး ဖိုင်နယ်ဖြစ်ပါတယ်။ မြန်မာနိုင်ငံကိုယ်စားပြု ဝင်ရောက်ယှဉ်ပြိုင်နေတဲ့ မိုးစက်ဝိုင်ကတော့ ဒီနောက်ဆုံးဖိုင်နယ်အတွက် အကောင်းဆုံး ပြင်ဆင်ထားပြီး အရင်ကထက် ယုံကြည်မှုတွေ ပိုရှိလာတယ်လို့ VOA ကိုပြောခဲ့ပါတယ်။ အခုအသံလွှင့်ချိန် မတိုင်လေးမှာပဲ VOA က မိုးစက်ဝိုင်ကို ဆက်သွယ်မေးမြန်းခဲ့တာကို နားဆင်ကြည့်ပါ။

" မနက်ဖြန်ကျတော့မှ ၁၆ယောက်ကို သူတို့က စထွက်တာနဲ့ ငါးရက်နေ့မှာ ရွေးထားပြီးသား။ ဒါပေမဲ့ မနက်ဖြန်ကျမှ ကြေညာ မယ်။ ကြေညာပြီးရင် အဲ့ဒီ့ ၁၆ယောက်က ရေကူးဝတ်စုံနဲ့ ထပ်ပြိုင်ရမယ်။ အဲ့ဒီ့ကနေ ၁၀ယောက်ရွေးမယ်။ ၁၀ယောက်ကနေ ထပ်ပြိုင်ရမယ်။ အဲ့ကနေမှ ငါးယောက် ရွေးမှာပါ။ "

မေး။ ။ ဒါဆို မနက်ဖြန် တထိုင်တည်းအပြီးပေါ့။ ၁၆ယောက်ကနေ ၁၀ယောက်ရော၊ ငါးယောက်ရော၊ အပြီး ဖိုင်နယ်ရွေးမှာလား။

" ဟုတ်တယ်။ ဟုတ်တယ်။ ဖိုင်နယ် Crown ပါ တခါတည်း စွပ်မှာ။"

မေး။ ညီမရဲ့ အနေအထားရော ဘယ်လိုရှိလဲ။ မနက်ဖြန် ဖိုင်နယ်အတွက်ကို။

"အနေအထားကတော့ ညီမတို့အကုန်လုံးပေါ့နော်။ ပွဲဖြစ်မြောက်ရေးအတွက် လေ့ကျင့်နေကြတာပဲ။ တခါတလေကျရင် ၁၆ယောက်ထဲမှာ ပါတဲ့ပုံစံမျိုးနဲ့ လေ့ကျင့်ရတယ်။ တခါတလေကျရင် ၁၆ယောက်တက်ဆိုပြီး ခေါ်လိုက်တယ်။ ဒါက အစမ်းလေ့ကျင့်တာပေါ့။ ၁၆ယောက်အရွေးခံရရင် ဘယ်လိုလျှောက်ရမယ်ပေ့ါ။ ဒီလိုမျိုးတွေ လုပ်နေပါတယ်။"

မေး။ ။ ဒါဆို ညီမရဲ့ခံစားချက်ရော။ စိတ်လှုပ်ရှားမှုအခြေအနေ။ မနက်ဖြန်ပွဲအတွက် ဘယ်လောက်အထိ စိတ်ထဲမှာ ရှိလဲ။

" မနက်ဖြန်ပွဲနဲ့ပတ်သက်ပြီးတော့ ညီမစိတ်ထဲမှာ ဘယ်လိုလဲဆိုတော့ ငါးရက်နေ့မှာ အတွေ့အကြုံမရှိဘူးပေါ့နော်။ အခုဒီ ကိုးရက်နေ့မှာ အခွင့်အရေးထပ်ရမယ်ဆိုရင် ပိုပြီး ကောင်းအောင် လုပ်နိုင်မယ်လို့ထင်ပါတယ်။ ငါးရက်နေ့တုန်းကတော့ ကိုယ့်ကိုကိုယ် နည်းနည်းလေး ကြောက်နေသေးတယ် လို့ထင်တယ်။ အဲ့ဒီ့တုန်းက အခြေအနေတုန်းက အကောင်းဆုံးတော့ လုပ်ခဲ့တာပေါ့နော်။ ဒါပေမဲ့ အခုအခြေအနေအရ တကယ်လို့ ကိုးရက်နေ့မှာ လျောက်ခွင့်ရမယ်ဆိုရင် ပိုကောင်းအောင် လုပ်နိုင်မယ်ထင်တယ်။ ကိုယ်က နည်းနည်းလေး ကင်မရာတွေဘာတွေ၊ ကိုးရက်နေ့ကျတော့ ဒိုင်လူကြီးကို ကြည့်ရတာမဟုတ်ပဲ ကင်မရာကို ကြည့်ရတာဖြစ်သွားပြီလေ။ ပိုပြီးကောင်းအောင်လုပ်နိုင်မယ်လို့ထင်ပါတယ်။"

မေး။ ဘယ်လိုတွေရော ဒီအတွက် ပြင်ဆင်ထားလဲ။

"ဘယ်လိုတွေရော အဓိကပြင်ဆင်ထားလဲဆိုတော့ ဒီ့အတွက်ချည်းတော့ သီးသန့်
ချည်းတော့ ညီမတို့မှာ ပြင်ဆင်ချိန်မရှိဘူး။ အဓိက ပွဲမှာ လေ့ကျင့်ရေးတွေပဲ ဆင်းရတယ်။ ညီမခုနက ပြောသလိုပဲ ၁၆ယောက် တန်းစီရမယ်။ ဘယ်လိုလုပ်ရမယ်။ ဘယ်လိုခေါ်ရင် ဘယ်သူက ဘယ်လိုသွားရမလဲ ဒါတွေပဲ နေ့တိုင်းလိုလို ရီဟာဇယ်အတွက်ပဲ လေ့ကျင့်နေရပါတယ်။

မေး။ ပြိုင်ဖက်တွေရဲ့ အခြေအနေရော ဘယ်လိုတွေ့ရလဲ။

"ပြိုင်ဖက်တွေရဲ့ အခြေအနေက ဒီပါလာတဲ့ အမျိုးသမီးလေးတွေ အကုန်လုံးက
အရမ်းတော်ကြပါတယ်။ အကုန်လုံးက ပွဲတွေပေါင်းများစွာကို ဝင်ထားဖူးပြီး အတွေ့အကြုံတွေလည်း ရှိကြတယ်ပေါ့နော်။ ဒါပေမဲ့ ဒီ Miss Universe က ဘယ်လိုရွေးသလဲဆိုတာ ဒါ Misery ပါပဲ။ တခါတလေကျရင်လည်း။ သူတို့ ရွေးချယ်တဲ့သူ ရွေးသွားတာပေါ့နော်။ ဘယ်သူမှလည်း စည်းမျဉ်းစည်းကမ်းကြီး အတိအကျ မသိကြဘူး။ အဲ့တော့ ညီမလည်း အဲ့ကိစ္စနဲ့ပတ်သက်ပြီးတော့ ဘယ်လိုဖြေရမလဲမသိဘူး။ ဒါပေမဲ့ သိတာကတော့ ဒီက အမျိုးသမီးတွေအကုန်လုံးက တော်ကြပါတယ်။ သူတို့ဆီကလည်း ကိုယ်က လေ့လာစရာတွေ အများကြီးရှိတယ်ပေါ့နော်။ ပညာဆိုတာ ယူတတ်ရင် ရတယ်ဆိုတဲ့ သဘောအတိုင်းပဲ။ သူတို့ဆီကနေ တကယ်လို့ ပညာယူမယ်ဆိုရင်တော့ အများကြီးလေ့လာစရာတွေပါပဲ။"

မေး။ ။ ညီမအနေနဲ့ မနက်ဖြန် ပွဲမှာ ကိုယ့်ကိုကိုယ် ယုံကြည်မှု ဘယ်လောက်အထိ ရှိလဲ။

"ယုံကြည်မှု... မနက်ဖြန်မှာက ညီမ ခုနကပြောသလိုပဲ ဘယ်လိုပြောမလဲ ဒီ ၁၆ယောက်ထဲ ပါသွားမယ်ဆိုရင် ငါးရက်နေ့ကထက် ပိုပြီးတော့ ကိုယ့်ကိုကိုယ် Performance ပိုကောင်းလာမယ်လို့ထင်တယ်။ ဘာဖြစ်လို့လဲဆိုတော့ ကိုယ့်ကိုကိုယ် ယုံကြည်မှု ပိုများလာလို့ ပိုပြီး ဘာလုပ်ရမလဲဆိုတာလဲ သိလာတယ်။ ဒါဟာ မိုးစက်ရဲ့ ပထမဆုံး ပွဲအကြီးကြီး Experience ဆိုတော့ ရန်ကုန်မှာတုန်းထက်စာရင် ပိုပြီးတော့ တိုးတက်လာတယ်လို့ထင်တယ်။ ကိုးရက်နေ့မှာ ထပ်လျှောက်ခွင့်ရမယ်ဆိုရင် ဒါ့ထက် ပိုတိုးတက်လာမယ်လို့ ထင်တယ်။ ယုံကြည်မှုကတော့ တဖြေးဖြေးနဲ့ တိုးလာပါတယ်။"
ဒါကတော့ မြန်မာနိုင်ငံကိုယ်စားပြု ယှဉ်ပြိုင်နေတဲ့ မိုးစက်ဝိုင်ကို ဗွီအိုအေက ဆက်သွယ်မေးမြန်းခဲ့တာဖြစ်ပါတယ်။
VOA


အပြည့်အစုံသို့ »

လာအို ကာကွယ်ရေးဝန်ကြီး လေယာဉ်ပျက်သေဆုံး


လာအို အဆင့်မြင့်အရာရှိကြီးတွေ အပါအ၀င် လူ ၂၀ လောက် လိုက်ပါသွားတဲ့ လာအို စစ်တပ်လေယာဉ်တစင်း နိုင်ငံ့မြောက်ပိုင်းမှာ စနေနေ့ အစောပိုင်းက ပျက်ကျခဲ့တယ်လို့ တာဝန်ရှိသူတွေက ပြောပါတယ်။

လေယာဉ်ပျက်ကျမှုမှာ လာအို ကာကွယ်ရေးဝန်ကြီး တာဝန်ယူထားသူ ဒုတိယ၀န်ကြီးချုပ် ဗိုလ်ချုပ် Douangchay Phichit သေဆုံးသွားကြောင်းလည်း အတည်ပြုပါတယ်။ မြို့တော် Vientiane ရဲ့ မြို့တော်ဝန်လည်း လေယာဉ်ပျက်ကျမှုမှာ ပါဝင်ပြီး သေဆုံးခဲ့တယ်လို့ VOA လာအိုဌာနက ပြောပါတယ်။

လေယာဉ်ပျက်ကျမှုအတွင်း အနည်းဆုံး လူ ၃ ဦးလောက် အသက်ဘေးက လွတ်မြောက်ခဲ့တယ်လို့ တချို့သတင်းတွေက ပြောပေမယ်လို့ လေယာဉ်ပျက်ကျမှုနဲ့ ပတ်သက်ပြီး အသေးစိတ် အချက်အလက် အနည်းငယ်ပဲ ထုတ်ပြန်ထားပါသေးတယ်။

အရာရှိတွေနဲ့ တခြားလူတွေ လိုက်ပါစီးနင်းလာတဲ့ ရုရှားလုပ် Antonov AN 74-300 လေယာဉ်ဟာ အရင် လာအို ဘုရင့်တပ်ဖွဲ့တွေဆီကနေ အရိုးအိုးများလွင်ပြင်ဒေသ လွတ်မြောက်ခဲ့တဲ့အထိမ်းအမှတ် အခမ်းအနားတက်ရောက်ဖို့ သွားခဲ့တာဖြစ်ကြောင်း တာဝန်ရှိသူတွေက ပြောပါတယ်။

voa burmese

အပြည့်အစုံသို့ »

မြန်မာနဲ့ စီးပွားရေး ဒဏ်ခတ်မှု အမေရိကန်သက်တမ်းတိုး



အမေရိကန် သမ္မတ အိုဘားမားနဲ့ မြန်မာသမ္မတ ဦးသိန်းစိန် တို့ ရန်ကုန် လွှတ်တော်အဆောက်အအုံမှာ တွေ့ဆုံခဲ့ကြပါတယ်။ ( နိုဝင်ဘာ ၁၉။ ၂၀၁၂။)

အမေရိကန် ကုမ္ပဏီတွေ အနေနဲ့ မြန်မာစစ်တပ်နဲ့တွဲပြီး စီးပွားရေး ရင်းနှီးမြုပ်နှံမှုတွေ လုပ်တာကို ပိတ်ပင်ထားတဲ့ အရေးယူ ဒဏ်ခတ်မှု အမိန့်ကို သမ္မတ အိုဘားမားက နောက်ထပ် တစ်နှစ် သက်တမ်းတိုး လိုက်ပါတယ်။ မြန်မာနိုင်ငံတွင်း စိုးရိမ်စရာ အခြေအနေတွေ အချို့ဟာ အမေရိကန်ပြည်ထောင်စုရဲ့ အမျိုးသား လုံခြုံရေးနဲ့ နိုင်ငံခြားရေး မူဝါဒ ကို အလွန်အမင်း ခြိမ်းခြောက်မှု ဆက်ရှိနေ တာကြောင့် အရေးယူမှုကို အခုလို ထပ်ပြီး သက်တမ်းတိုးတာဖြစ်တယ်လို့ သမ္မတ အိုဘားမားရဲ့ ကြေညာချက်မှာ ဖော်ပြထားပါတယ်။ ဒါနဲ့ပတ်သက်လို့ ကိုသားညွန့်ဦးက ပြောပြမှာပါ။

အခုလို သက်တမ်းတိုးလိုက်တဲ့ အမေရိကန်ပြည်ထောင်စုရဲ့ အရေးယူ ဒဏ်ခတ်မှု ဟာ လွှတ်တော်က ပြဋ္ဌာန်းတဲ့ ဥပဒေတော့ မဟုတ်ဘဲနဲ့ သမ္မတရဲ့ လုပ်ပိုင်ခွင့်နဲ့ ထုတ်ပြန်တဲ့ အမိန့်ဖြစ်ပါတယ်။ မြန်မာနိုင်ငံတွင်း လူ့အခွင့်အရေး အခြေအနေတွေကြောင့် မြန်မာနိုင်ငံထဲ ရင်းနှီးမြုပ်နှံမှုကို ကန့်သတ်တားမြစ်တဲ့ သမ္မတရဲ့ ၁၉၉၇ခုနှစ် မေလ ၂၀ရက်နေ့ ထုတ်ပြန်ချက် အဆက်ဖြစ်ပါတယ်။

၂၀၀၃ခုနှစ်မှာ တစ်ကြိမ်၊ ၂၀၀၇ခုနှစ်မှာ တစ်ကြိမ်၊ ၂၀၀၈ခုနှစ်မှာ တစ်ကြိမ် သက်တမ်းတိုးခဲ့ပြီး ၂၀၁၃ခုနှစ်မှာတော့ ပြင်ဆင်ချက်နဲ့အတူ သက်တမ်းတိုး ခဲ့တာပါ။ သမ္မတရဲ့ ဒီအမိန့် ထုတ်ပြန်ချက်အရ ဆိုရင်တော့ အမေရိကန် စီးပွားရေး ကုမ္ပဏီတွေအနေနဲ့ မြန်မာနိုင်ငံထဲမှာ ရင်းနှီးမြုပ်နှံ စီးပွားရေး လုပ်ပိုင်ခွင့် ရှိပါတယ်။ ဒါပေမဲ့လည်း ခြွင်းချက်အနေနဲ့ မြန်မာစစ်တပ်နဲ့ ဆက်စပ် လုပ်ဆောင်တာကို ကန့်သတ် တားမြစ်ထားပါတယ်။

မြန်မာနိုင်ငံထဲ ရင်းနှီးမြုပ်နှံကြတဲ့ အမေရိကန် ကုမ္ပဏီတွေ အနေနဲ့ လူ့အခွင့်အရေး ရူ့ထောင့်ကနေပြီးတော့ သူတို့ရဲ့ လုပ်ငန်းဆောင်ရွက်ချက်တွေ ကို စုံစမ်း သုံးသပ်ပြီးတော့ အများပြည်သူ သိအောင် အစီရင်ခံစာ ထုတ်ပြန်ပေး ရမှာဖြစ်ပါတယ်။

အခုလိုမျိုး သမ္မတအမိန့်နဲ့ ဒီအရေးယူမှုကို သက်တမ်းတိုးတဲ့အပေါ် အမေရိကန် အခြေစိုက် မြန်မာ့ဒီမိုကရေစီလှုပ်ရှားမှု အဖွဲ့ဖြစ်တဲ့ USCB (U.S Campaign for Burma) က ကြိုဆိုပါတယ်။ မြန်မာနိုင်ငံတွင်း ပြုပြင်ပြောင်းလဲရေးမှာ လိုအပ် ချက်တွေ ရှိနေတုန်းပဲ ဆိုတာကို သမ္မတ အိုဘားမားက အသိအမှတ်ပြုလိုက် တာဖြစ် တယ်လို့ USCB ရဲ့ အမှုဆောင်ဒါရိုက်တာ Jennifer Quigley က VOA ကိုပြောပါတယ်။

"USCB နဲ့ တခြား အဖွဲ့အစည်းတွေအနေနဲ့ ရင်းနှီးမြုပ်နှံမှုဆိုင်ရာ ဒီအရေးယူမှုကို ဆက် သက်တမ်းတိုးပေးဖို့ သမ္မတ အိုဘားမားထံကို အခုလ အစောပိုင်း တုန်းကပဲ တောင်းဆိုစာ ပို့ခဲ့တာပါ။ လူ့အခွင့်အရေး ချိုးဖောက်မှုတွေ ဆက်ပြီးတော့ ရှိနေတာ။ ဖွဲ့စည်းပုံ အခြေခံဥပဒေပြင်ဆင်မှု မလုပ်တာ၊ သတင်းထောက်တွေနဲ့ တက်ကြွလှုပ်ရှားသူတွေကို ဆက်ပြီးတော့ ဖမ်းဆီးတာတွေ လုပ်နေတဲ့အတွက် အခုလိုမျိုး တောင်းဆိုရတာပါ။

သမ္မတအိုဘားမားအနေနဲ့ မြန်မာနိုင်ငံထဲ လိုအပ်ချက်တွေရှိနေတုန်းပဲ၊ ပြဿနာတွေ ရှိနေတုန်းပဲ ဆိုတာကို အသိအမှတ်ပြုပြီးတော့ အခုလို သက်တမ်းတိုးဖို့ ဆုံးဖြတ်လိုက်တဲ့အပေါ်မှာ ဝမ်းမြောက်မိပါတယ်"

USCB အမှုဆောင်ဒါရိုက်တာ Jennifer Quigley ပြောဆိုသွားတာပါ။

သမ္မတ အိုဘားမားရဲ့ ဒီကနေ့ ထုတ်ပြန်ချက်ထဲမှာတော့ မြန်မာနိုင်ငံအနေနဲ့ အပြည်ပြည်ဆိုင်ရာ အနျူမြူ အေဂျင်စီ IAEA ရဲ့ နျူကလီးယား ဘေးကင်း လုံခြုံမှုဆိုင်ရာ ဖြည့်စွက်ချက်ကို သဘောတူ လက်မှတ်ရေးထိုးတာ အပါအဝင် နိုင်ငံရေးပြုပြင်ပြောင်းလဲမှုတွေ ရှိလာတာကို အသိအမှတ်ပြု ထားပါတယ်။

ဒါပေမဲ့လို့ လူနည်းစု တိုင်းရင်းသား ဒေသတွေ အထူးသဖြင့် ရခိုင်ပြည်နယ် အတွင်း လူ့အခွင့်အရေး ချိုးဖောက်မှုအခြေအနေနဲ့ မြန်မာနိုင်ငံတွင်း နိုင်ငံရေးနဲ့ စီးပွားရေး နယ်ပယ်မှာ စစ်တပ်က ဆက်ပြီးတော့ နေရာယူထားတဲ့ အခြေအနေတွေ ရှိနေတုန်းပဲလို့ သမ္မတ အိုဘားမားက သူ့ကြေညာချက် မှာ ဖော်ပြပါတယ်။

ဒါကြောင့်မို့လို့ ဒီလိုအခြေအနေတွေဟာ အမေရိကန်ပြည်ထောင်စုရဲ့ အမျိုးသား လုံခြုံရေးနဲ့ နိုင်ငံခြားရေးမူဝါဒကို အလွန်အမင်း ခြိမ်းခြောက်မှုအဖြစ် ဆက်ဖြစ်နေ တာကြောင့် သက်တမ်းတိုးဖို့ အတွက် ဆုံးဖြတ်ရတာဖြစ်တယ်လို့ ဆိုပါတယ်။ အခု ဒီသမ္မတရဲ့ အမိန့်စာမှာ ပါတဲ့အတိုင်း ကုမ္ပဏီတွေအနေနဲ့ သူတို့ရဲ့ လုပ်ငန်းတွေနဲ့ ပတ်သက်ပြီးတော့ လူ့အခွင့်အရေးကို ထိခိုက်မှု ရှိမရှိ စုံစမ်း စစ်ဆေးပြီးတော့ အများပြည်သူကို ထုတ်ပြန်ပေးတဲ့နေရာမှာတော့ အားနည်းမှုတွေ ရှိနေတုန်းပဲလို့ USCB ကတော့ ဝေဖန်ပါတယ်။

"အခုအချိန်အထိတော့ မြန်မာနိုင်ငံထဲ အမေရိကန်ကနေ သွားရောက် ရင်းနှီးမြုပ်နှံကြတဲ့ ကုမ္ပဏီတွေဘက်က တင်ပြချက်တွေ ပြည့်စုံမှု မရှိသေးပါဘူး။ သူတို့လုပ်ငန်းတွေဟာ လယ်မြေသိမ်းယူမှုတွေနဲ့ မပတ်သက်ဘူး။ လူ့အခွင့်အရေး ချိုးဖောက်မှုတွေ ချိုးဖောက်မှုတွေ မဖြစ်ခဲ့ပါဘူး ဆိုတာကို အသေအချာ စုံစမ်းစစ်ဆေးပြီး အစီရင်ခံနိုင်တာ ကုမ္ပဏီတစ်ခုပဲရှိပါတယ်။ အခြား ကုမ္ပဏီတွေ ရဲ့ အစီရင်ခံချက်တွေမှာတော့ မပြည့်မစုံဖြစ်နေတုန်းပါ။ ဒါကြောင့်မို့ လို့ ကျန်တဲ့ ကုမ္ပဏီတွေကို ဆက်ပြီးတော့ ပိုပြီးတော့ အသေးစိတ် ထုတ်ပြန်နိုင်ဖို့အတွက် ဖိအားပေးသွားမှာပါ။"

USCB က အမှုဆောင် ဒါရိုက်တာ Jennifer Quigley ပြောဆိုသွားတာဖြစ် ပါတယ်။


လက်ရှိအားဖြင့်တော့ မြန်မာနိုင်ငံထဲ ရင်းနှီးမြုပ်နှံနေတဲ့ အမေရိကန် ကုမ္ပဏီတွေ ထဲ Western Union၊ Coca Cola အပါအဝင် လုပ်ငန်းငါးခုလောက်ပဲ အများပြည်သူ သိအောင် အစီရင်ခံထားတယ်လို့ သိရပါတယ်။

အမေရိကန်က ပြဋ္ဌာန်းပြီးသား အမေရိကန်ပြည်ထောင်စုရဲ့ အရေးပေါ် အက်ဥပဒေအရ အမေရိကန်လုံခြုံရေးနဲ့ နိုင်ငံခြားရေးမူဝါဒကို ထိခိုက်လာနိုင်တဲ့ အခြေအနေမှာ သမ္မတအနေနဲ့ အခုလိုမျိုး အရေးယူ၊ အမိန့်ထုတ်ပြန်နိုင်တဲ့ အခွင့်အာဏာ ကို ပေးထားပါတယ်။

ဒါကြောင့်မို့လို့ ဒီလုပ်ပိုင်ခွင့်အရ သမ္မတ အိုဘားမားရဲ့ လက်မှတ်နဲ့ အရေးယူမှုကို သက်တမ်းတိုးတဲ့ အခုအမိန့်ကို အောက်လွှတ်တော်နဲ့ အထက်လွှတ်တော် အကြီးအကဲတွေကိုပါ သမ္မတအိုဘားမားက လက်မှတ်ထိုး ပေးပို့ထားပါတယ်။
VOA

အပြည့်အစုံသို့ »

ကွယ်လွန်သူ ဦးဝင်းတင်ကို တောင်ကိုရီယား လူ့အခွင့်အရေးဆု ချီးမြင့်

ဝါရင့်နိုင်ငံရေးသမားကြီးနဲ့ သတင်းစာဆရာကြီး ဟံသာဝတီ ဦးဝင်းတင်။ 

ကွယ်လွန်သွားပြီဖြစ်တဲ့ သတင်းစာဆရာကြီး ဟံသာဝတီ ဦးဝင်းတင် ကို တောင်ကိုရီးယားနိုင်ငံ အခြေစိုက် The Truth Foundation က သူတို့ အဖွဲ့ရဲ့ ၂၀၁၄ခုနှစ်အတွက် လူ့အခွင့်အရေးဆု ချီးမြှင့်လိုက်ပါတယ်။ NLD ပါတီခေါင်းဆောင် တစ်ဦးလည်းဖြစ်တဲ့ ဦးဝင်းတင် ကွယ်လွန်သွားပြီ ဖြစ်ပေမယ့် ဒီဆုကို ဦးဝင်းတင်ရဲ့ကိုယ်စား  ဦးဝင်းတင်ဖေါင်ဒေးရှင်းက တာဝန်ရှိသူတွေ တောင်ကိုရီးယားနိုင်ငံကို သွားရောက်လက်ခံ ရယူမှာ ဖြစ်ပါတယ်။ ဒီအကြောင်း ကိုဉာဏ်ဝင်းအောင်က ပြောပြပါမယ်။
တချိန်က စစ်အာဏာရှင်တွေ အုပ်ချုပ်ခဲ့တဲ့ တောင်ကိုရီးယားနိုင်ငံမှာ ဒီမိုကရေစီနဲ့ လူ့အခွင့်အရေးတွေရဖို့  တိုက်ပွဲဝင်ရင်း အာဏာရှင်တွေရဲ့ အဖမ်းဆီး ထောင်ချ နှိပ်စက်ခံခဲ့ရတဲ့ နိုင်ငံရေးအကျဉ်းသားဟောင်းတွေက ၂၀၀၉ခုနှစ်မှာ The Truth Foundation ကို စတင်တည်ထောင် ထားတာဖြစ်ပါတယ်။

သူတို့အဖွဲ့ရဲ့ရံပုံငွေ အတွက် ဘယ်အစိုးရ ဘယ်စီးပွားရေးလုပ်ငန်းရှင်တွေ ရဲ့ အကူအညီကိုမှ မယူဘဲ အဖွဲ့ဝင်တွေ ကိုယ်ပိုင် ထည့်ဝင် လှူဒါန်းငွေနဲ့သာ လည်ပတ်နေတာ ဖြစ်ပြီး ၂၀၁၁ခုနှစ်က စလို့ နှစ်စဉ်ဆိုသလို  ဒီမိုကရေစီနဲ့ လူ့အခွင့်အရေးအတွက် တိုက်ပွဲဝင်နေ ကြသူတွေကို ရွေးချယ် ဆုချီးမြှင့် လာခဲ့တာဖြစ်ပါတယ်။

၂၀၁၃ ခုနှစ်အထိ The Truth Foundation ရဲ့ဆုတွေကို ကိုရီးယားနိုင်ငံ သားတွေသာ ချီးမြှင့်ခံခဲ့ရပေမယ့် ၂၀၁၄ အရောက်မှာ မြန်မာနိုင်ငံ က နိုင်ငံရေးခေါင်းဆောင် တဦးဖြစ်သူ ဟံသာဝတီဦးဝင်းတင် အရွေးချယ်ခံရတာနဲ့ ပတ်သက်လို့ ၊ ဒီဆုအတွက် NLD လွတ်မြောက်နယ်မြေ ကိုရီးယားဌာနခွဲက အဆိုတင်သွင်းခဲ့ပါတယ်။

တကယ်တော့ ဒီဆုဟာ သက်ရှိထင်ရှားရှိ နေသူတွေကိုသာ ချီးမြှင့်တဲ့ ဆုဖြစ်တာကြောင့် ဦးဝင်းတင်ကွယ်လွန်သွားချိန်မှာ ဒီဆုအတွက် အခြား သူတယောက်ကို ထပ်ပြီးရွေးချယ်ရမယ့် အခြေနေဖြစ်ခဲ့ပေမယ့် NLD လွတ်မြောက်နယ်မြေရဲ့ ထပ်မံအကြံပြုချက်အရ ဦးဝင်းတင်ဖေါင်ဒေးရှင်း ကို ဆုချီးမြှင့်ဖို့ ဆုံးဖြတ်လိုက်ကြောင်း  လွတ်မြောက်နယ်မြေ ကိုရီးယားဌာနခွဲအဖွဲ့ဝင် ကိုရန်နိုင်ထွန်းက VOA ကို ရှင်းပြပါတယ်။

“Foundation ရဲ့  မူအရဆိုလို့ရှိရင် သူတို့က သက်ရှိထင်ရှားရှိသူကိုသာလျှင် ဆုပေးတဲ့အတွက်ကြောင့်မို့လို့ ဆရာကြီး ဦးဝင်းတင်ကို နောက်ဆုံး ဖယ်ထားရမယ့် အခြေအနေမှာ ရောက်ရှိခဲ့ပါတယ်။ အဲဒီအချိန်မှာ ကျနော်တို့ကို လှမ်းပြီးတော့ အကြောင်းကြားပါတယ်။ အဲဒီမှာ ကျနော်တို့ အမျိုးသားဒီမိုကရေစီအဖွဲ့ချုပ် လွတ်မြောက်နယ်မြေ ကိုရီးယား ဌာနခွဲက နေပြီးတော့ ဆရာကြီး ဦးဝင်းတင် ကွယ်လွန်သွားတာ မှန်ပါတယ်။

သို့သော်လည်းဘဲ  ဆရာကြီး ဦးဝင်းတင်ထူထောင်ထားခဲ့တဲ့  ဦးဝင်းတင်ဖောင်ဒေးရှင်း ဆိုတာ မြန်မာနိုင်ငံ အတွင်းမှာ နိုင်ငံရေး အကျဉ်းသားတွေ တကယ့်မိသားစုတွေ  နိုင်ငံရေး အကျဉ်းသားတွေကို လိုအပ်တဲ့ ကျန်းမာရေး လူမှုရေး အဖက်ဖက်ကနေပြီးတော့ ထောက်ပံ့ကူညီမှုတွေကို လုပ်နေတာ အခုအချိန် အထိပါပဲ။

ဆရာကြီး ဦးဝင်းတင် မရှိသော်ငြားလည်းဘဲ  ဦးဝင်းတင်ဖောင်ဒေးရှင်းဆိုတာ ဆက်လက် ရှင်သန်နေဆဲ ရပ်တည်နေဆဲဖြစ်တဲ့အတွက်ကြောင့်မို့လို့ ဒီဆုကို  ဦးဝင်းတင်ဖောင်ဒေးရှင်း ကနေပြီးတော့ လက်ခံရရှိသင့်ပါတယ်ဆိုပြီးတော့ ကျနော်တို့က ထပ်မံပြီးအဆိုတင်သွင်းပေးခဲ့ပါတယ်။ အဲဒီအတွက် နောက်ဆုံးမှာ ဆရာကြီး ဦးဝင်းတင်ကို ပေးအပ်ခြင်းဖြစ်ပါတယ်ခင်ဗျာ။”

The Truth Foundation က ဟံသာဝတီဦးဝင်းတင်ကို လူ့အခွင့်အရေးဆု အတွက် ရွေးချယ်ခဲ့တဲ့အပေါ် ကိုရန်နိုင်ထွန်းရဲ့ အမြင်ကတော့-

“တကယ်တော့ ဆရာကြီး ဦးဝင်းတင်ဟာ ဆိုလို့ရှိရင် မြန်မာနိုင်ငံအတွင်းမှာ မှန်ကန်တဲ့ ယုံကြည်ချက်ကို ထိထိမိမိ လက်ကိုင်ထားပြီးတော့ ဒီမိုကရေစီ နဲ့ လူ့အခွင့်အရေးတွေကို ကြိုးစားခဲ့တဲ့ ခေါင်းဆောင်ကြီးတစ်ဦး ဖြစ်ပါတယ်။ ဆရာကြီး ဦးဝင်းတင်ဟာ ကွယ်လွန်သွားခဲ့သော်ငြားလည်းပဲ ဆရာကြီး ဦးဝင်းတင် ရဲ့ လုပ်ဆောင်မှုတွေကို အသိအမှတ်ပြုတဲ့ အနေနဲ့သော် လည်းကောင်း မြန်မာနိုင်ငံရဲ့ ဒီမိုကရေစီ နဲ့ လူ့အခွင့်အရေးတွေကို ဒီထက်မက တိုးတက် လာအောင် မြေတောင်မြှောက်ပေးတဲ့ အနေနဲ့ လည်းကောင်း ဒီဆုဟာ ဆရာကြီး ဦးဝင်းတင်နဲ့ အလွန်တရာမှ ထိုက်တန်တယ်လို့ ကျနော် ယူဆပါတယ်ခင်ဗျာ”

၂၀၁၄ခုနှစ်မှာ  The Truth Foundation က ချီးမြှင့်တဲ့ လူ့အခွင့်အရေးဆု အတွက် အမေရိကန်ဒေါ်လာ(၇)ထောင် လက်ခံရရှိမှာဖြစ်သလို ဆုတံဆိပ် နဲ့ ဂုဏ်ထူးဆောင် လက်မှတ်လည်း ချီးမြှင့်မှာဖြစ်ပါတယ်။ ဒီဆု အတွက် မြန်မာနိုင်ငံက ဦးဝင်းတင်ဖေါင်ဒေးရှင်းရဲ့ ကိုယ်စား လှယ်တွေ တောင်ကိုရီးယားကို သွားရောက်ပြီး ဇွန်လ(၂၆)မှာ လက်ခံယူမှာဖြစ်ပါတယ်။

၂၀၁၁ခုနှစ်ကနေ ၂၀၁၃ခုနှစ်အတွင်း Truth Foundation ရဲ့ လူ့အခွင့်အရေး ဆုတွေကို ကိုရီးယားနိုင်ငံသားတွေဖြစ်ကြတဲ့ ပါမောက္ခ Mr. Seo Seung ၊ ဒီမိုကရက်ပါတီအမတ်ဟောင်း Mr. Kim Geun-tae နဲ့ လူ့အခွင့်အရေး ရှေ့နေ Mr. Hong Seong Woo တို့ ရရှိခဲ့ကြပါတယ်။

VOA burmese

အပြည့်အစုံသို့ »

ပြည်လုံးကျွတ် မွတ်ဆလင်ညီလာခံ စက်တင်ဘာမှာကျင်းပမည်


ပြည်လုံးကျွတ်မွတ်ဆလင် ညီလာခံဖြစ်မြောက်ရေးကော်မတီ သတင်းစာရှင်းလင်းပွဲ။ (VOA-မြန်မာပိုင်း/မေ ၅၊ ၂၀၁၄)


လူမျိုးရေး၊ ဘာသာရေး ကွဲပြားမှုတွေအပေါ် အခြေခံတဲ့ သွေးထွက်သံယို ပဋိပက္ခတွေ ကြုံခဲ့ရတဲ့ မြန်မာနိုင်ငံမှာ ငြိမ်းချမ်းစွာ အတူယှဉ်တွဲ နေထိုင်နိုင်ရေး ရည်ရွယ်ပြီး ပြည်လုံးကျွတ် မွတ်စလင်ညီလာခံတရပ် ကျင်းပဖို့ ပြင်ဆင်နေပါတယ်။ မြန်မာနိုင်ငံက လူနည်းစု မွတ်ဆလင်တွေအပေါ် အထင်အမြင် လွဲမှားစေမယ့် ပြောဆိုမှုတွေကိုလည်း တားဆီးနိုင်ဖို့ ဆွေးနွေးကြမှာ ဖြစ်တယ်လို့ ညီလာခံစီစဉ်သူတွေက ပြောပါတယ်။ အပြည့်အစုံကိုတော့ ကိုဉာဏ်ဝင်းအောင်က တင်ပြပေးထားပါတယ်။

အနာဂတ် မြန်မာနိုင်ငံမှာ ဘာသာမတူ ကိုးကွယ်သူတွေအကြား ငြိမ်းချမ်းစွာ အတူယှဉ်တွဲနေထိုင်နိုင်ရေးနဲ့ ပဋိပက္ခတွေ ဖြစ်ပေါ်စေတဲ့ အမုန်းစကား ပပျောက်စေရေးရည်ရွယ်ပြီး ပြည်ထောင်စုသား မွတ်စလင်များ  ပြည်လုံးကျွတ်ညီလာခံကို ကျင်းပမှာ ဖြစ်ပါတယ်။ မြန်မာနိုင်ငံဖွား မွတ်ဆလင်တွေ အပေါ်မှာ အထင်အမြင်လွဲမှားမူတွေကို ဖယ်ရှားနိုင်ဖို့ ကြိုးပမ်းမှာဖြစ်တယ်လို့လည်း ဒီကနေ့ ရန်ကုန် တော်ဝင်နှင်းဆီမှာကျင်းပတဲ့ သတင်းစာ ရှင်းလင်းပွဲအတွင်း ညီလာခံဖြစ်မြောက်ရေးကော်မတီ ဒုဥက္ကဋ္ဌ ဒေါက်တာမြင့်သိန်းက ပြောပါတယ်။

“ဒီနေ့ လူတွေအထင်မှားတာ-- လူ့အဖွဲ့အစည်း၊  ဘာသာတူတဲ့သူတွေ၊ နောက် --မွတ်ဆိုဖိုဘီးယား၊ တာလီဘန်  စသဖြင့် အထင်အမြင်လွဲမှားမှုတွေ လုံးဝမဟုတ်ပါဘူး။ ဒါတွေကို ကျနော်တို့ပြည်ထောင်စုသားတွေ ကြားထဲမှာ သမိုင်းမှာလည်း အမှန်အတိုင်း ဖော်ထုတ်လိုတဲ့ ဆန္ဒရှိပါတယ်။”

ပြည်ထောင်စုသား မွတ်စလင်များ ပြည်လုံးကျွတ်ညီလာခံကိုတော့ လာမယ့် လေးလအတွင်း ကျင်းပဖို့ စီစဉ်ထားပြီး စက်တင်ဘာလထဲမှာ ကျင်းပနိုင် မယ်လို့ မျှော်လင့်ထားတဲ့အကြောင်းလည်း စီစဉ်သူတွေက ပြောပါတယ်။ ညီလာခံဖြစ်မြောက်ရေး ကော်မတီ အထွေထွေ အတွင်းရေးမှူး တရားလွှတ်တော် ရှေ့နေဦးအုန်းမောင်ကတော့ မွတ်ဆလင် လူနည်းစုတွေအပေါ် အထင်အမြင်လွဲမှားအောင် ပြောဆိုချက်တွေကို ပြန်လည်ရှင်းပြလိုတဲ့အတွက် အခုလို ညီလာခံ ကျင်းပဖို့ စီစဉ်ရတာ ဖြစ်တယ်လို့ ပြောပါတယ်။

“ကျနော်တို့ဟာ ကျနော်တို့ကိုယ်ကျနော်တို့ ဟိုး ဘိုးစဉ်ဘောင်ဆက်ကတည်းက မြန်မာနိုင်ငံမှာ မှီတင်းနေထိုင်ကြတဲ့ ပြည်ထောင်စုသားတွေထဲက ပြည်ထောင်စုသားတွေလို့ ကျနော်တို့က ခံယူပါတယ်။ အဲဒီလိုခံယူတဲ့အတွက် ပြည်ထောင်စုသားတွေနဲ့ တသားတည်းရှိပါတယ်။- ဒါကြောင့် ကျနော်တို့က ဘာသာ၊ လူမျိုး၊ ခွဲခြားတဲ့စိတ် လုံးဝ မရှိပါဘူး။ သို့သော် တိုင်းရင်းသား ညီအကို မောင်နှမတွေက သူတို့ရဲ့အမျိုးသားရေး၊ သူတို့ရဲ့ညီလာခံတွေ၊ သူတို့ရဲ့အစည်းအဝေးတွေ အသီးသီး ကျင်းပကြတယ်။ အဲဒီလိုပဲ ကျနော်တို့လည်း ပြည်ထောင်စုသားထဲက ပြည်ထောင်စုသားအနေနဲ့ မွတ်ဆလင်တွေရဲ့အရေးကို ဒီလို ဥပဒေဘောင်ထဲက ကျင်းပတဲ့အခါမှာ ကျနော်တို့မိတ်ဘက်ဖြစ်တဲ့ ပြည်ထောင်စုသားထဲက ညီအကို မောင်နှမတွေကိုလည်း ဖိတ်ခေါ်ပါတယ်။ ဧည့်သည်တော်အဖြစ် ဖိတ်ကြားဖို့ အစီအစဉ်ရှိပါတယ်။ သို့သော် ရရှိနိုင်မယ့် နေရာအခက်အခဲနဲ့ ခွင့်ပြုနိုင်တဲ့အခြေအနေပေါ်မှာ မူတည်ပြီးတော့ ကျနော်တို့ အတိမ်အနက်ကွာခြားမှာ ဖြစ်ပါတယ်။ ဖြစ်နိုင်ရင် နိုင်ငံတော်အကြီးအကဲတွေပါ လာရောက်ပြီးတော့ တက်ရောက်စေချင်တဲ့စေတနာ ကျနော်တို့မှာ ရှိပါတယ်။”

မြန်မာနိုင်ငံမှာ ဘာသာရေး၊ လူမျိုးရေး အသွင်ဆောင်တဲ့ ပဋိပက္ခတွေ ပြီးခဲ့တဲ့နှစ်ပိုင်းအတွင်း ဆက်တိုက်ဆိုသလို ပေါ်ပေါက်ခဲ့ရာမှာ မွတ်ဆလင်လူနည်းစု အပေါ် ပစ်မှတ်ထား တိုက်ခိုက်တာ၊ ခွဲခြားဖိနှိပ်မှုတွေ ရှိနေတယ်ဆိုပြီး နိုင်ငံတကာ အသိုင်းအ၀ိုင်းနဲ့ လူ့အခွင့်အရေး လှုပ်ရှားသူတွေကတော့ ဝေဖန်ခဲ့ကြ တာပါ။ လူပေါင်း ရာဂဏန်းအထိ ထိခိုက်သေကျေပြီး သိန်းနဲ့ချီ အိုးမဲ့အိမ်မဲ့ ဖြစ်ခဲ့ရတဲ့ ပဋိပက္ခတွေကြောင့်လည်း ပြုပြင်ပြောင်းလဲရေးတွေ လုပ်ဆောင်မယ် လို့ ကတိပြုထားတဲ့ မြန်မာအစိုးရအတွက် နိုင်ငံတကာအလယ်မှာ ဂုဏ်သိက္ခာ ထိခိုက်နိုင်သလို၊ ပြုပြင်ပြောင်းလဲရေး လုပ်ငန်းတွေကိုလည်း ထိခိုက်နိုင်တယ်ဆိုပြီး ကုလသမဂ္ဂနဲ့ နိုင်ငံတကာ အသိုင်းအ၀ိုင်းက သတိပေးနေကြတာလည်း ဖြစ်ပါတယ်။

VOA

အပြည့်အစုံသို့ »

နာဂစ်မုန်တိုင်း ၆ နှစ်ပြည့်ပေမယ့် ပြန်လည်ထူထောင်ရေး လိုအပ်ဆဲ


၂၀၀၈ ခုနှစ်၊ မေလ ၂ ရက် နာဂစ်မုန်တိုင်းဒဏ် ခံခဲ့ရတဲ့မြင်ကွင်း။

ကိုဉာဏ်ဝင်းအောင်

မြန်မာနိုင်ငံ ရန်ကုန်မြို့နဲ့ ဧရာဝတီတိုင်း မြစ်ဝကျွန်းပေါ်ဒေသတွေမှာ နာဂစ်မုန်တိုင်း တိုက်ခတ်ခဲ့တာ ဒီကနေ့မှာ ၆ နှစ်တင်းတင် ပြည့်သွားပြီ ဖြစ်ပါတယ်။ မြန်မာ့သမိုင်းမှာ အဆိုးရွားဆုံး သဘာဝဘေးအန္တရာယ်တခုလို့ သတ်မှတ်ထားကြတဲ့ နာဂစ်မုန်တိုင်းကြောင့် လူတွေ သိန်းချီသေဆုံးခဲ့ရပြီး ဒေသခံ အများအပြားလည်း အိုးမဲ့အိမ်မဲ့ ဖြစ်ခဲ့ပါတယ်။ နာဂစ်မုန်တိုင်း ဒုက္ခသည်တွေရဲ့ဘဝ ပြန်လည် ထူထောင်ရေးအတွက် ပြည်တွင်းက ကူညီရေးအဖွဲ့တွေရော ကုလသမဂ္ဂအပါအဝင် နိုင်ငံတကာက ကယ်ဆယ်ရေး အဖွဲ့တွေကပါ ကူညီထောက်ပံ့ခဲ့ပေမယ့် ဒေသခံပြည်သူတွေရဲ့ နေ့စဉ်ဘဝကတော့ ထင်သလောက် အဆင်ပြေ တိုးတက်လာခြင်းမရှိဘဲ အခုချိန်ထိ အခက်အခဲတွေနဲ့ ရင်ဆိုင်နေရဆဲ ဖြစ်ပါတယ်။ အပြည့်အစုံကို ကိုဉာဏ်ဝင်းအောင်က တင်ပြပေးထားပါတယ်။

နာဂစ်မုန်တိုင်းတိုက်ခတ်မှုကြောင့် လူ့အသက်တွေ သေကြေပျက်စီးပြီး နေ့စဉ်လူမှုဘဝ ပျက်သုံးခဲ့ရတာ အခုဆိုရင် ၆ နှစ်ရှိခဲ့ပါပြီ။ ဒီကြားကာလထဲ နိုင်ငံတကာ အကူအညီတွေ ရရှိခဲ့တယ်ဆိုပေမယ့် ဒေသခံတွေအတွက်တော့ စိတ်ပိုင်း ရုပ်ပိုင်းဆိုင်ရာတွေ ပုံမှန်အနေအထား ပြန်မရောက်သေးဘူးလို့ ဆိုကြပါတယ်။ နိုင်ငံတကာ အကူအညီတွေပေါ် အခြေခံပြီး ပြည်တွင်း ကန်ထရိုက်တွေသာ ကောင်းစားသွားပေမယ့် ဒေသခံတွေ နေ့စဉ်ဘဝ ပုံမှန်အနေအထား ပြန်မရောက်သေးဘူးလို့ လပွတ္တာမြို့နယ်က ဘာသာရေးခေါင်းဆောင်တဦးဖြစ်တဲ့ ဦးသိန်းတိုးက VOA ကို ပြောပါတယ်။

“ကျနော်မြင်တာတော့ ကူညီတာတွေက ကံထရိုက်တွေနဲ့ ကူညီတဲ့ NGO အဖွဲ့တွေ ကောင်းစားသွားတာ ကျနော်တွေ့တာပေါ့နော။ ကံထရိုက်တွေ ချမ်းသာသွားတယ်။ ဒီမှာကတော့ အိမ်လေးတွေ ပေးတယ်။ အိမ်လေးတွေ စုတ်နေတယ်။ သူတို့မနေတတ်ဘူး။ စိတ်ပိုင်း ရုပ်ပိုင်းပေါ့နော်- ပြုပြင်ပြောင်းလဲမှုက သိပ်မရှိပါဘူး။ သူတို့ ကူညီပံ့ပိုးပေးတာကတော့ သိပ်မရှိပါဘူး။ ပစ္စည်းတွေလာတယ်၊ shelter တွေ ဆောက်တယ်။ သူတို့က ဒါကိုပဲ ကံထရိုက်နဲ့ပေါင်းပြီး လုပ်ပေးသွားတယ်။ လမ်းတွေလုပ်တယ်၊ ရေကန်တွေတူးတယ်။ သူတို့လိုချင်တာသူတို့ အားချင်းလုပ်ပြီး ဖန်တီးပြီး ယူသွားတာပေါ့နော်။ ဒါမျိုးတွေ ကျနော် တွေ့ရပါတယ်။ တကယ့်တကယ် ဒေသခံတွေကတော့ ထင်သလိုတော့ ထိထိရောက်ရောက် မရှိဘူးပေါ့။ အနည်းအကျဉ်းလောက်ပါပဲ။ ဥပမာ-တံတားတစ်ခုပေါ့။ ဒီတံတားကိုထိုးလိုက်တဲ့အချိန်မှာ ကျနော်ကိုယ်တိုင် ပြောတယ်။ ဒါ နာဂစ်ကြောင့်လှူတယ်၊ လှူတယ်ဆိုတာ တံတားကို ပျဉ်းကတိုးနဲ့ ဘာဖြစ်လို့ မလုပ်လဲ၊ ကုက္ကိုသားတွေနဲ့လုပ်တယ်။ ၃ နှစ်ခံရင် တော်ပြီ-တဲ့။ နောက် ရေတွင်းတွေ လိုက်ပြီးပြင်ပေးတယ်။ ရေတွင်းတွေမှာ နာမည်တွေ ထိုးပြီးတော့ သူတို့ကိုယ်တိုင်မတူးဘဲ ပထမ မူလရေတွင်းကို ဘိလပ်မြေလေး ၂ အိတ်လောက်ဖို့ပြီးတော့ နာမည်ထိုးပြီးတော့ နာမည်လေးယူသွားတယ်၊ ဓာတ်ပုံရိုက်တယ်။ ပြောမယ်ဆိုရင်တော့ အရေအတွက်နဲ့ အရည်အသွေးဆိုတော့ သူက အရေအတွက်ပဲပေါ့နော- အရေအတွက်ဆိုတာ သူတို့လိုချင်တဲ့ target ပြည့်ရင်ပြီးတာပဲလေ။ ခပ်မြန်မြန်လုပ်၊ ခပ်မြန်မြန်ပြီးရင် ပြီးရော။”

နာဂစ်မုန်တိုင်းကြောင့် ဧရာဝတီတိုင်းမှာ အထူးသဖြင့် လပွတ္တာ အနီးတဝိုက်က ရွာသူရွာသားတွေ အများဆုံး သေဆုံးခဲ့ရသလို သက်မွေးဝမ်းကျောင်း လုပ်ငန်းတွေလည်း ပျက်စီးခဲ့ရပါတယ်။ အဲဒီအထဲမှာ ဆားလုပ်ငန်းတခုလည်း ပါဝင်ပါတယ်။ ပြင်စလူကျေးရွာက ဆားလုပ်ငန်း လုပ်နေသူ ဦးအောင်ကျော်က ဒီကနေ့မှာ ဧရာဝတီတိုင်းတခုလုံးရဲ့ ဆားလုပ်ငန်းဟာ ၂၅ % သာ ရှိတော့တယ်လို့ ဆိုပါတယ်။

“ဆားလုပ်ငန်းရှင်တွေက ဧရာဝတီတိုင်းအနေနဲ့ပြောရရင် ဒီကနေ့ ၂၅ % ပဲ လုပ်နိုင်တယ်။ လုပ်ငန်းရှင်တွေက ထွက်ရှိလာတဲ့ ဆားဈေးနှုန်းနဲ့ ရလာတဲ့အကျိုးအမြတ် ပြန်တွက်လို့ရှိရင် ထုတ်လုပ်မှုအောက်ကို ဈေးက ရောက်တဲ့အတွက် လုပ်ငန်းရှင်တော်တော်များများက ပျက်သုဉ်းသွားပြီလေ။ အခုလက်ရှိ ဒီနှစ်ဆိုလို့ရှိရင် ဧရာဝတီတိုင်း တတိုင်းလုံးနဲ့ခြုံတွက်ရင် ဆားလုပ်ငန်းရှင် ၂၅ % ပဲ လုပ်နိုင်တယ်။ ဆားလုပ်ငန်းအတွက်ဆိုပြီး ချေးငွေတွေ ပေးတယ်။ ပေးတဲ့ငွေက အားလုံးကတော့ တန်းတူညီမျှဆိုပြီးတော့ တဧက ၃ သိန်း ပေးလိုက်တာ။ ပျက်စီးမှုများတဲ့နေရာလည်း သုံးသိန်းပဲ၊ ပျက်စီးမှု နည်းတဲ့သူလည်း သုံးသိန်းပဲဆိုတော့ တန်းတူညီမျှတော့ ပေးတာ မှန်ကန်တယ်။ ပျက်စီးမှုများတဲ့ ကျနော်တို့ဘက်တွေကျတော့ သိုလှောင်ရုံအဆောက်အဦးတွေ ပြန်လည်တည်ဆောက်ရေးကာလမှာ အစစအရာရာ အကုန်လုံးပြန်လည်တည်ဆောက်ရတဲ့အခါကျတော့ သုံးစွဲမှုအားက အပြည့်အဝ မသုံးစွဲနိုင်ခဲ့ဘူး။ ကွင်းတွေ ပျက်ပြားသွားတဲ့ဟာ ပြန်ပြင်တဲ့အခါကျတော့ ကုန်ကျစရိတ်က ပိုများတယ်။ ရလာတဲ့ဈေးနှုန်းက ထုတ်လုပ်မှုအောက်ကို ရောက်တဲ့နှစ်ကများတော့ အခုအချိန်မှာတော့ လုပ်ငန်းရှင်က ၂၅ % လောက်ပဲ ကျန်တော့တယ်။”

နာဂစ်မုန်တိုင်း ကျရောက်ပြီးနောက်ပိုင်း ဧရာဝတီတိုင်းအတွင်းက ရေလုပ်ငန်းတွေ အနည်းငယ် နာလန်ပြန်ထူလာတယ်ဆိုပေမယ့် သဘာဝဂေဟစနစ် ပျက်သုဉ်းသွားတာကြောင့် အရင်လို ငါးတွေများများစားစား မရတော့ဘူးလို့ သိရပါတယ်။ နာဂစ်မုန်တိုင်းဟာ ၂ဝဝ၈ ခု မေလ ၂ ရက် နေ့မှာ အဆိုးဝါးဆုံး တိုက်ခတ်ခဲ့တာပါ။ အဲဒီနေ့က အခြေအနေကို ဦးသိန်းတိုးက ပြန်ပြောပြပါတယ်။

“လွန်ခဲ့တဲ့ခြောက်နှစ်ကဆို ကျနော်တို့ နေ့လည် ၂ ချက်တီးကျော်ကျော်လောက်ဆိုရင် မိုးတွေလေတွေ တအားတိုက်လာပြီးတော့ ညနေ ၄ နာရီကျော် ၅ နာရီလောက်ဆိုရင် လပွတ္တာမြို့ ကျနော်တို့မြို့ရဲ့ ဟိုဘက်ကမ်းမှာ ရေတွေ တအားကြီးတာပေါ့နော်။ ရေတွေတက်လာတာပေါ့။ လေပြင်းတွေ တအားတိုက်ပြီး ဟိုဘက်မြစ်မှာဆို ရေတွေက လွှမ်းလာတာပေါ့နော။ ည ၇ နာရီ၊ ၈ နာရီလောက်လည်းရောက်ကော၊ မြို့ထဲကို ရေတွေဝင်လာတာပေါ့။ မိုးလည်းလင်းရော နယ်ပေါင်းစုံက တက်လာကြတာ၊ စက်လှေတွေနဲ့ လှေတွေနဲ့ ပဲ့ထောင်တွေနဲ့ပေါ့။ သူတို့ဆီမှာ ရေ ဆယ့် လေးငါးပေ တက်တယ်။ အုန်းပင်တွေကျိုးတယ်။ လူတွေတော့ သေပြီဆိုပြီး မြို့ပေါ်ကို တခါတည်း လူတွေအများကြီးရောက်လာတယ်။ လပွတ္တာမြို့နယ်မှာရှိတဲ့ ရွာတွေအတော်များများပေါ့။ အကုန် မြို့ပေါ်တက်လာကြတာပေါ့။ တန်စောင်းတွေပြေး၊ ဘုရားတွေပြေး၊ ဘုန်းကြီးကျောင်းတွေဆီပြေး၊ ကယ်ဆယ်ရေးကလည်း ဘယ်သူမှ မရှိသေးတဲ့အချိန်ပေါ့နော်။ အရေးပေါ် ဆန်ပြုတ် ပြုတ်ရတာပေါ့။ ဒီနားမှာရှိတဲ့ ပုသိမ်တို့ မြောင်းမြတို့က – ဟာ လပွတ္တာမှာတော့ လူတွေ သေပြီ၊ ဒုက္ခသည်တွေ ဖြစ်ကုန်ပြီဆိုပြီးတော့ မော်တော်ကားတွေနဲ့ ဆင်းလာပြီးတော့ ကျနော်တို့မြို့ကို လာလှူကြတာပေါ့နော်။”

နာဂစ်မုန်တိုင်းအတွင်း သေဆုံးသွားသူတွေအတွက် ဒီကနေ့မနက်မှာ လပွတ္တာမြို့ပေါ်က သက်ကျမဟာသဘင် ဆုတောင်းပြည့်ဘုရားမှာ မြို့ပေါ် ကျောင်းပေါင်း ၄၂ ကျောင်းက သံဃာတော်တွေကို ပင့်ဖိတ်ပြီး ဆွမ်းကပ်အမျှဝေခဲ့ကြပါတယ်။ ဒီကနေ့ည ၇ နာရီကနေ ၉ နာရီအထိမှာလည်း မြန်မာနိုင်ငံလူငယ်များအဖွဲ့က ဦးစီးပြီး နာဂစ်မုန်တိုင်းအတွင်း သေဆုံးသွားသူတွေအတွက် ဘာသာပေါင်းစုံ ဆုတောင်းပွဲ ပြုလုပ်ကြမယ်လို့ သိရပါတယ်။

VOA Burmese



အပြည့်အစုံသို့ »

မြန်မာတိုင်းရင်းသူများ အဓမ္မပြုကျင့်ခံရမှု ကုလမှာ တင်ပြ


ကုလသမဂ္ဂလုံခြုံရေးကောင်စီကို WLB အမျိုးသမီးများ အဖွဲ့ချုပ် (မြန်မာနိုင်ငံ)က အစီရင်ခံတင်ပြ။ ဧပြီ ၂၄၊ ၂၀၁၄။ သတင်းဓာတ်ပုံ- Global Justice Center

မြန်မာနိုင်ငံက ပဋိပက္ခဖြစ်နေတဲ့ တိုင်းရင်းသားဒေသတွေမှာ အမျိုးသမီးတွေ အပေါ် မြန်မာစစ်တပ်က အတင်းအဓမ္မပြုကျင့်တာတွေ ရှိနေဆဲဖြစ်တဲ့အတွက်၊ ဒီကျူးလွန်မှုတွေက ရပ်တန့်သွားအောင်နဲ့ ကျူးလွန်သူတွေကို အရေးယူဖို့ ကုလသမဂ္ဂလုံခြုံရေးကောင်စီကို WLB အမျိုးသမီးများ အဖွဲ့ချုပ် (မြန်မာနိုင်ငံ)က အစီရင်ခံတင်ပြလိုက်ပါတယ်။  ဒါ့အပြင် အတင်းအဓမ္မပြုကျင့်ခံရတဲ့ အမျိုးသမီးတွေအတွက် တရားမျှတမှုရအောင်ဆောင်ရွက်ပေးဖို့ ကိုလည်း တောင်းဆိုလိုက်ပါတယ်။

ကြာသာပတေးနေ့က နယူးယောက်မြို့ ကုလသမဂ္ဂလုံခြုံရေးကောင်စီမှာ သီးသန့် ပြုလုပ်တဲ့ ပဋိပက္ခဒေသတွေက အမျိုးသမီးတွေအပေါ် လိင်ပိုင်းဆိုင်ရာ အတင်းအဓမ္မပြုကျင့်မှုတွေနဲ့ ပတ်သက်တဲ့ဆွေးနွေးပွဲမှာ WLB အမျိုးသမီးများ အဖွဲ့ချုပ် (မြန်မာနိုင်ငံ) ကိုကိုယ်စားပြုပြီး ကရင်အမျိုးသမီး အစည်းအရုံး က နော်ကညော်ဖေါ်က တက်ရောက်ဆွေးနွေးခဲ့ပါတယ်။ ဆက်သွယ်မေးမြန်း ထားတဲ့မအင်ကြင်းနိုင်က အကြောင်းစုံတင်ပြမှာပါ။

ဒါဟာ ပထမဆုံးအကြိမ် ကုလသမဂ္ဂဘက်က မြန်မာ့အမျိုးသမီးရေးကိစ္စနဲ့ ပတ်သက်လို့ အစိုးရမဟုတ်တဲ့ လူထုအခြေပြုအဖွဲ့အစည်းဖြစ်တဲ့ WLB အမျိုးသမီးများအဖွဲ့ချုပ် (မြန်မာနိုင်ငံ) ကို တရားဝင် ဖိတ်ခေါ်ဆွေးနွေးတာပါ။ မနေ့က စတင်ကျင်းပတဲ့ ကုလသမဂ္ဂလုံခြုံရေးကောင်စီရဲ့ သီးသန့်ဆွေးနွေးပွဲနဲ့ ပတ်သက်လို့ နော်ကညော်ဖေါ်ကို ဗွီအိုအေက ဆက်သွယ်မေးမြန်းကြည့်တဲ့ အခါမှာ-

“ အဓိကပြောတာက ကျမတို့ မြန်မာပြည် မြောက်ပိုင်းမှာ ကချင်ပြည်နယ်ပဲဖြစ်ဖြစ်၊ ရှမ်းပြည်နယ်ပဲ ဖြစ်ဖြစ် ပဋိပက္ခတွေဖြစ်နေတုန်းပဲ၊ စစ်ပွဲတွေဖြစ်နေတုန်းပဲ။ ပြီးတော့ အဲ့ဒီ့စစ်တိုက်ပွဲဖြစ်နေတဲ့အချိန် ဗမာ့တပ်မတော်က လိင်ပိုင်းဆိုင်ရာ အဓမ္မပြုကျင့်တာရှိနေတုန်းပဲ။ အဲ့တာ UN ဆီမှာ ပြောပြတာပေါ့နော်။”

VOA။    ။ အဲ့တော့ လုံခြုံရေးကောင်စီမှာ နော်ကညော်ဖော်ကိုယ်တိုင် လာပြီးတော့ တင်ပြရတဲ့ အဓိကရည်ရွယ်ချက် က ဘာပါလဲရှင့်။

“ကျမတို့မြန်မာပြည်မှာ တိုင်းရင်းသားအမျိုးသမီးတွေပဲဖြစ်ဖြစ်၊ ကလေးငယ်အမျိုးသမီးတွေပဲဖြစ်ဖြစ် အတင်းအဓမ္မပြုကျင့်ခံရတာကို ရပ်ပစ်ဖို့ ပြောပြချင်တယ်။ ပြီးတော့လည်း မုဒိမ်းကျင့်ခံရတဲ့ အမျိုးသမီးတွေ၊ ကလေးငယ်တွေပဲဖြစ်ဖြစ် တရားမျှတမှု၊ ပြီးတော့ ကျမတို့ မြန်မာပြည်ထဲမှာ စစ်တွေက စိုးမိုးနေတုန်းပဲ။ စစ်တပ်က ဘယ်လိုမျိုး အစိုးရအောက်က ရှိရမယ်ဆိုတဲ့ Constitution ဖွဲ့စည်းပုံ ၂၀၀၈ က ပြန်ပြင်ရမှာပေါ့။ ကျမတို့ ဗမာပြည်အတွက် တကယ့်ငြိမ်းချမ်းရေး ရလာအောင် ဘယ်လိုလုပ်ရတယ်ဆိုတာ ကျမတို့ ဒီမှာ လာပြောပြတာပေါ့။”

ဆက်လက်ပြီးတော့ ကုလသမဂ္ဂလုံခြုံရေးကောင်စီရဲ့ သီးသန့်ဆွေးနွေးပွဲမှာ ပါဝင်တက်ရောက်သူတွေရဲ့ တုန့်ပြန်ချက်တွေကို တဆက်တည်းမေးကြည့်တော့

“အစိုးရကိုယ်စားလှယ်တွေလည်း လာတယ်။ ဗမာပြည်အစိုးရတွေကလည်း လာတယ်။ တခြားလည်း လာတယ်။ နားလည်တာပဲလေ။ တခြားနေရာမှာလည်း အာဖရိကတိုက်မှာလည်း အဲ့လိုမျိုး မုဒိမ်းကျင့်ခံရတဲ့ အမျိုးသမီးနဲ့ အမျိုးသမီးငယ်တွေ အများကြီးရှိတယ်ဆိုတော့ သူတို့သိတယ်။ ပိုပြီးတော့ နားလည်လာတာပေါ့နော်။ ကျမကို အထူးကျေးဇူးတင်ရှိတယ်။ အဲ့ဒီ့အကြောင်းအရာတွေကို အခုက သိပ်မကြားရတော့ဘူးလေနော်။ အဲ့ဒီ့တကယ့်ဖြစ်ပျက်နေတဲ့ တိုင်းရင်းသားနယ်မြေထဲက လူ့အခွင့်အရေးချိုးဖောက်မှုတွေ ၊ မုဒိမ်းကျင့်ခံရမှုတွေကို ကျမတို့ကို လာတင်ပြတော့ တကယ့် မြန်မာပြည်အခြေအနေကို သူတို့က သိတာပေါ့နော်။”

နော်ကညော်ဖော်ဖြစ်ပါတယ်။။ ဒီဆွေးနွေးပွဲဖြစ်မြောက်အောင် နယူးယောက်မြို့အခြေစိုက် Global Justice Center ၊ Amnesty International လို့ခေါ်တဲ့ နိုင်ငံတကာလွတ်ငြိမ်းချမ်းသာခွင့်အဖွဲ့ကြီး၊ Nobel Women’s Initiative စတဲ့ နိုင်ငံတကာ လူ့အခွင့်အရေး အဖွဲ့အစည်းတွေက ပူးပေါင်းဆောင်ရွက်ခဲ့ကြတာပါ။

WLB အမျိုးသမီးများ အဖွဲ့ချုပ် (မြန်မာနိုင်ငံ) ကနေ ဒီနှစ် ဇန်န၀ါရီလက ထုတ်ပြန်ထားတဲ့  အစီရင်ခံစာမှာတော့ ပဋိပက္ခဖြစ်နေတဲ့ ဒေသတွေမှာ အဓမ္မပြုကျင့်ခံရတဲ့ အမျိုးသမီးအရေအတွက် ၁၀၄ဦးရှိကြောင်း ဖေါ်ပြထားပါတယ်။

ဒါ့အပြင်  တိုင်းရင်းသားဒေသတွေမှာ မုဒိမ်းကျင့်ခဲ့တဲ့ မြန်မာစစ်သား ၃၈ ဦးရှိပြီး အခုချိန်ထိ သူတို့ကို  အရေးယူအပြစ်ပေးတာမျိုး မရှိသေးဘူးလို့လည်း ရေးသားထားပါတယ်။  ဒါဟာ လွန်ခဲ့တဲ့ ဆယ်နှစ်ကျော်က အဖြစ်အပျက်အခြေအနေတွေဟာ ဒီကနေ့အချိန် တိုင်းရင်းသားဒေသတွေမှာ ပြောင်းလဲခြင်း မရှိသေးပဲ မြန်မာစစ်တပ်ကနေ ကျူးလွန်နေတာဖြစ်တယ်လို့ အစီရင်ခံစာမှာ ဖော်ပြထားပါတယ်။

VOA

အပြည့်အစုံသို့ »

ဧရာဝတီ ဦးအောင်ဇော်နဲ့ VOA အင်တာဗျူး


မြန်မာနိုင်ငံအတွင်း သတင်းရယူရေးမှာ ကန့်သတ်မှုတွေ ရင်ဆိုင်နေရပြီး အာဏာပိုင်တွေအနေနဲ့ သတင်း ဌာနတွေအပေါ်မှာ ကိုယ်နဲ့ မတူရင် ကိုယ့်ရန်သူဆိုတဲ့ အမြင်မျိုးတွေ ပြောင်းလဲဖို့ လိုတဲ့အကြောင်း ဧရာဝတီ မဂ္ဂဇင်း အယ်ဒီတာချုပ် ဦးအောင်ဇော်က ပြောတာကို ဗွီအိုအေက ဖော်ပြထားပါတယ်။


အမေရိကန်ပြည်ထောင်စု Stanford တက္ကသိုလ်က ချီးမြှောက်တဲ့ Shorenstein သတင်းမီဒီယာဆုကို လက်ခံရရှိတဲ့ ဦးအောင်ဇော်ကို VOA မှ ဦးကျော်ဇံသာ Skpye က တဆင့် ဆက်သွယ်မေးမြန်းထားတာကို ထုတ်လွှင့် တင်ပြချက်ဖြစ်ပါတယ်။

အိမ့်သံစဉ် ~
The Irrawaddy

အပြည့်အစုံသို့ »

သမီးလေးဒုက္ခသည်တွေ ထပ်ပြီးပြောင်းရွှေ့ခိုင်း


သမီးကလေးကျေးရွာ ကိုယ်ထူကိုယ်ထဆေးခန်းအား ဖြိုဖျက်စဉ်။ (ဓာတ်ပုံကို ဦးကျော်လွင်ရဲ့ ဖေ့စ်ဘုတ်စာမျက်နှာမှ ကူးယူပါသည်။)

ပဲခူးတိုင်း၊ အောင်သိန္ဒိကျောင်းမှာ ခိုလှုံနေကြတဲ့ သမီးလေးကျေးရွာက ဒုက္ခသည် ၅၀၀ ကျော်ကို ပဲခူးတိုင်းအတွင်းက အာဏာပိုင်တွေက မတ်လ ၉ ရက်နေ့မှာ ဖယ်ရှားပေးရမယ်လို့ သတိပေးလာပါတယ်။ ဒီဒုက္ခသည်တွေဟာ ရန်ကုန်တိုင်း၊ လှည်းကူးမြို့နယ် သမီးကလေးကျေးရွာအပါအဝင် အနီးက ကျေးရွာ ၇ ခုကဖြစ်ပြီး သူတို့ရဲ့အိမ်တွေကို ဖေဖော်ဝါရီလ ၄ ရက်နေ့နောက်ပိုင်းကစပြီး တပ်မြေကျူးကျော်သူတွေဆိုပြီး ဖယ်ရှားခံရပြီးတဲ့နောက် ဒုက္ခသည်တော်တော်များများဟာ အောင်သိဒ္ဓိဘုန်းကြီးကျောင်းမှာ သွားရောက်ခိုလှုံနေကြတာပါ။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ဖေဖေါ်ဝါရီလ ၄ ရက်နေ့ကစပြီး စစ်တပ်မြေကျုးကျော်တယ်ဆိုပြီး အိမ်တွေဖျက်ဆီးခံလိ်ုက်ရတဲ့ သမီးကလေး၊ အုတ်ဖို၊ အင်းမတီး စတဲ့ကျေးရွာ ၇ ရွာလောက်က ဒုက္ခသည်တွေဟာ  အနီးတဝိုက်က ဘုန်ကြီးကျောင်းတွေမှာ ခိုလှုံနေထိုင်နေရသလို တချို့ကတော့ တောတောင်ထဲမှာ  နေထိုင် နေကြရတာပါ။ အခုအခါမှာတော့သမီးကလေးကျေးရွာသားတွေကို  ပဲခူးတိုင်းအာဏာပိုင်တွေက အောင်သိဒ္ဓိ ဘုန်းကြီးကျောင်းကနေ ဖယ်ရှားပေးရမယ်လို့ လာရောက်ပြောဆိုခဲ့ကြောင်း သမီးကလေးကျေးရွာရဲ့ဆရာတော် ဦးအာစရကမိန့်ပါတယ်။

“၉ ရက်နေ့ကို အပြီးဖယ်ရှားပေးရမယ်လို့ မနက်ကတုန်းက ပဲခူးဘက်က အုပ်ချုပ်ရေးမှူးတွေ လာပြီး ပြောသွားပါတယ်။ ရွက်ဖျင်တဲလေးတွေ ထိုးထားတဲ့ဥစ္စာတွေကိုတော့ ဖယ်ပြီးတော့ အောင်သိဒ္ဓိ ဓမ္မရုံလေးထဲမှာ၊ ကျောင်းတွေထဲမှာ အကုန်ထည့်ထားရတယ်။ သူက ၉ ရက်နေ့ကို ကျန်တဲ့ ကျောင်းထဲကဟာတွေပါ အကုန်လုံးဖယ်ရမယ်ဆိုပြီး လာပြောသွားပါတယ်။ အုပ်ချုပ်ရေးပိုင်းတွေရော၊ ဗဟို မြို့နယ် အုပ်ချုပ်ရေးမှူးတွေ ဘာတွေ ပါတာပေါ့။”

မကြာသေးခင်တုန်းကတော့ ပြည်ခိုင်းဖြိုးပါတီ၊ ရန်ုကုန်တိုင်းဒေသကြီးကပြည်သူလွှတ်တော်ကိုယ်စားလှယ် ဦးလှသန်းလာရောက်ခဲ့ပြီး သမီးကလေးကျေးရွာအတွက် မြေအစားပေးဖို့ ပြည်ခိုင်ဖြိုးပါတီကလှူဒါန်းမယ်လို့ ဆိုခဲ့ပါတယ်။ နောက်ပိုင်းမှာတော့ ဒီအစီစဉ်ဟာ ရန်ကုန်တိုင်း ဒေသကြီးအစိုးရအဖွဲရဲ့အစီအစဉ်သာဖြစ်တယ်လို့ ပြောခဲ့ပါတယ်။ ရန်ကုန်းတိုင်းအစိုးရအဖွဲ့က စီစဉ်ထားတဲ့နေရာကတော့ လှည်ကူးမြို့နယ်၊ မင်းကုန်းကျေးရွာအုပ်စု၊ ဝါးယာကုန်းကျေးရွာအနီးမှာဖြစ်ကြောင်း VOA က ဆက်သွယ်မေးမြန်းစဉ်မှာ ပြောဆိုခဲ့တာပါ။

ဒုက္ခသည်တွေကို ထားမယ့်အခြေအနေနဲ့ပတ်သက်လို့ ပြောင်းရွှေ့ရေး၊ နေရေးထိုင်ရေးကိစ္စတွေကိုတော့ ဘယ်သူမှ လာရောက်စီစဉ်ပေးတာ မရှိသေးသလို ဝါးယားကုန်းကျေးရွာဘက်မှာလည်း ဒုက္ခသည်တွေ လက်ရှိနေဖို့က  အခက်အခဲတွေ ရှိနေတယ်လို့ ဆရာတော်ဦးအာစရက မိန့်ပါတယ်။

“ဝါးယားကုန်းမှာတော့ နေဖို့ထိုင်ဖို့ အစီအစဉ်ပြောတယ် သူတို့ကတော့၊ ရန်ကုန်တိုင်းဒေသကြီး ကိုယ်စားလှယ်က အဲလိုပြောတယ်။ ဝါးယားကုန်းမှာကျတော့လည်း ဘာအဆောက်အဦးမှ မရှိသေးဘူး။ နေရာထိုင်ခင်းက ဘာမှ ချရသေးတာ မဟုတ်ဘဲနဲ့ မနက်ဖြန် သွားရမယ်၊ လာရမယ်ဆိုတော့ လူတွေ ဘယ်နေရာသွားနေကြမလဲ၊ နေကလည်း ပြင်းနေပြီလေ။ ဟိုမှာလည်း မနေ့ကမှ သွားကြည့်တဲ့လူတွေက လယ်ကွင်းပြောင်တွေချည့်ပဲ ရှိသေးတယ်။ ဘာအဆောက်အဦးမှလည်းမရှိဘူး။ ဘာရေမှလည်း မရှိသေးဘူး။ ပြောင်းရမယ့်နေရာကလည်း နီးနီးမဟုတ်ဘူး။ မိုင် ၃၀ နီးပါးလောက်ရှိတယ်။ ဒီ ဒုက္ခသည်စခန်းကနေလေ။”

ရွာတွေကဖယ်ရှားခိုင်းရုံသာမက လမ်းဘေးတွေမှာ ရေနဲ့နီးတဲ့နေရာလေးတွေမှာ ဝါးလေးတွေနဲ့ လေးတိုင်စင်လေးတွေ ဆောက်လုပ် နေထိုင် နေရတဲ့လူထုတွေကို ဖယ်ရှားခိုင်းနေမှုတွေကတော့ မဖြစ်သင့်ဘူးလို့ ဒုက္ခသည်တွေကို အကူအညီပေးနေတဲ့ မြန်မာလူမှုဘဝ တိုးတက်ဖွံ့ဖြိုးမှုကွန်ယက်က ဗိုလ်ကြီးဟောင်းနေမျိုးဇင်က ဆိုပါတယ်။

“ဝါးလေး လေးချောင်းထောင်ထားပြီးတော့ တာလပတ်ကို လေးထောင့်ချည်ထားပြီး နေနေကြတာပါ။ ဘာမှ တခြား ဒုက္ခမရှိပါဘူး။ အဲဒါကိုပါ ဖယ်ခိုင်းတယ်ဆိုတော့ တော်တော်လေးကို လူမဆန်ဘူးလို့ ကျနော်တို့ သုံးသပ်ပါတယ်ဗျ။”

မြန်မာနိုင်ငံမှာ အစိုးရသစ်တက်လာပြီးနောက်ပိုင်း ဆင်းရဲမွဲတေမှုတွေ လျှော့ချနိုင်ဖို့ ကျေးရွာဖွံ့ဖြိုးရေးတွေ လုပ်ဆောင်နေပေမယ့် ထင်သလောက် ခရီးမပေါက်ဘဲ ဆင်းရဲသားတွေအတွက်ကတော့ နေထိုင်လက်စ အဆောက်အဦးတွေကအစ ကျုးကျော်ဆိုပြီးဖယ်ရှားခံနေရတာပါ။ သမီးကလေးကျေးရွာ၊ အင်းပတီးကျေးရွာတွေဟာ နှစ်ရှည်လများ အခြေတကျတည်ရှိနေတဲ့ကျေးရွာတွေဖြစ်ပြီး အုပ်ချုပ်ရေးရုံးတွေ၊ စာသင်ကျောင်းတွေနဲ့ ဆေးပေးခန်းတွေပါ ရှိနေကြတာပါ။

အင်းပတီးရွာကတော့ နယ်မြေခံ စစ်တပ်တွေရောက်လာပြိး နောက် သူတို့မြေတွေသိမ်း၊ ရာဘာပင်တွေစိုက်ခဲ့ပြီး ရွာသားတွေကို နေ့စားသမားတွေအဖြစ် ခိုင်းစေခဲ့ကြောင်း နောက်ပိုင်းမှာတော့ ရွာသားတွေဟာ စစ်တပ်မြေပေါ်မှာ ကျူးကျော်နေထိုင်သူတွေအဖြစ် သတ်မှတ်ခံခဲ့ရတယ်လို့ ဆိုပါတယ်။

အခုဆိုရင် ရန်ကုန်တိုင်းအတွင်းမှာပဲ ကျူးကျော်နေထိုင်တယ်ဆိုပြီး ဖျက်ဆီးခံရတဲ့ အိမ်ခြေပေါင်းဟာ ထောင်နဲ့ချီရှိနေပြီဖြစ်သလို နေထိုင်စရာ အခက်အခဲနဲ့ ရင်ဆိုင်နေရတဲ့လူဦးရေဟာလည်း သောင်းဂဏန်း လောက်ရှိနေပြီဖြစ်ပါတယ်။ အခုလို ကျူးကျော်နေထိုင်သူတွေနဲ့ မြေယာမဲ့ဖြစ်ရတဲ့ လူထုတွေနဲ့ပတ်သက်လို့ ဖေဖော်ဝါရီ ၁ ရက်မှာ ပြောကြားခဲ့တဲ့ နိုင်ငံတော်သမ္မတရဲ့ ရေဒီယိုမိန့်ခွန်းထဲမှာတော့  အစိုးရအနေနဲ့ မြေယာမဲ့ အိမ်ထောင်စုများကို စာရင်းပြုစုပြီး သက်ဆိုင်ရာမြို့နယ် ဖွံ့ဖြိုးမှုစီမံကိန်းနဲ့အညီ နေရာချထားဖို့ တိုင်းဒေသကြီး၊ ပြည်နယ်အစိုးရများနဲ့ ပူးပေါင်းစီမံ ဆောင်ရွက်နေတယ်လို့ ပြောကြားခဲ့သလို ဥပဒေမဲ့ တရားမဝင် ကျူးကျော်ဝင်ရောက် အခြေချမှုများကိုလည်း အသေအချာ စိစစ်ကိုင်တွယ်သွားမှာ ဖြစ်ကြောင်းလည်း ပြောဆိုခဲ့ပါတယ်။

VOA

အပြည့်အစုံသို့ »

အစိုးရနဲ့ပုဂ္ဂလိကကဏ္ဍ ပူးပေါင်းမှ မြန်မာ့စီးပွားဖွံ့ဖြိုးမည်




မြန်မာနိုင်ငံ စီးပွားဖွံ့ဖြိုးရေးအတွက် စီးပွားရေးပြုပြင်ပြောင်းလဲမှုလုပ်ငန်းတွေမှာ အစိုးရနဲ့ ပုဂ္ဂလိကလုပ်ငန်းတွေအကြား ပူးတွဲ ဆောင်ရွက်သွားနိုင်ဖို့ မြန်မာစီးပွားရေးဖော်ရမ်တခု ဖွဲ့စည်းသွားမယ်လို့ သမ္မတဦးသိန်းစိန်က ပြောလိုက်ပါတယ်။ မြန်မာနိုင်ငံစီးပွားရေးရဲ့ ၉၀ ရာခိုင်နှုန်းဖြစ်တဲ့ ပုဂ္ဂလိကလုပ်ငန်းပိုင်း ဖွံ့ဖြိုးမှ တိုင်းပြည်စီးပွားဖွံ့ဖြိုးနိုင်လိမ့်မယ်လို့ သမ္မတဦးသိန်းစိန်က ပြောသွားပါတယ်။ နိုင်ငံတော်သမ္မတ ဦးသိန်းစိန် မြန်မာပုဂ္ဂလိကလုပ်ငန်းရှင် ၅၀၀ လောက် တွေ့ဆုံကြတဲ့ ဆွေးနွေးပွဲပြုလုပ်ရာ ရန်ကုန်တိုင်းဒေသကြီးလွှတ်တော်အဆောက်အဦး သတင်းသွားရောက်ယူခဲ့တဲ့ ကိုသားညွန့်ဦးက ဒီအကြောင်း သတင်းပေးပို့ထားပါတယ်။

လက်ရှိ ပြောင်းလဲမှုနဲ့အတူ မြန်မာ့စီးပွားရေးမှာ အရေးပါလာတဲ့ ပုဂ္ဂလိကလုပ်ငန်းရှင်တွေရဲ့ အခက်အခဲ လိုအပ်ချက်တွေကို သိရှိလိုတာကြောင့် သူ့အနေနဲ့အခုလို တွေ့ဆုံတာဖြစ်တယ်လို့ သမ္မတဦးသိန်းစိန်က ပြောသွားပါတယ်။ သူတို့အစိုးရအနေနဲ့  မြန်မာနိုင်ငံမှာ နိုင်ငံရေးပြုပြင်ပြောင်းလဲမှု စီးပွားရေးပြုပြင်ပြောင်းလဲမှု၊ ငြိမ်းချမ်းရေးတည်ဆောက်မှုနဲ့အတူပဲ ကဏ္ဍစုံမှာ အခြေခံကျကျ ပြုပြင်ပြောင်းလဲမှုတွေ ဆောင်ရွက်ခဲ့တယ်လို့လည်း ပြောပါတယ်။

“လက်တွေ့နယ်ပယ်မှာ စီးပွားရေးလုပ်ကိုင်နေကြတဲ့ စီးပွားရေးလုပ်ငန်းရှင်များနဲ့ စီးပွားရေးလုပ်ငန်းများရဲ့ စိန်ခေါ်မှုများ၊ အခြေအနေများကို လာရောက်နားထောင် လေ့လာဖို့ပဲ ဖြစ်ပါတယ်။ ဒါမှသာ တိုင်းပြည်စီးပွားရေးဖွံ့ဖြိုးတိုးတက်ဖို့ အဓိကနေရာကနေ  စွမ်းဆောင်နေကြတဲ့ ပုဂ္ဂလိကစီးပွားရေးလုပ်ငန်းများရဲ့ အခက်အခဲများနဲ့လိုလားချက်များကို နိုင်ငံရေးအရ ဦးဆောင်မှုပေးနိုင်မှာလည်း ဖြစ်ပါတယ်။”

လက်ရှိ မြန်မာအစိုးရနဲ့ဆောင်ရွက်ခဲ့တဲ့ စီးပွားရေးဆိုင်ရာ ပြုပြင်ပြောင်းလဲမှုတွေနဲ့ ကုန်သွယ်ရေးဆိုင်ရာတိုးတက်လာဖို့ ကြိုးပမ်း ဆောင်ရွက်ချက်တွေကို သမ္မတက စီးပွားရေးလုပ်ငန်းရှင်တွေကို ရှင်းပြပါတယ်။ ဒီအတွက် ၂၀၁၀-၂၀၁၁ ဘဏ္ဍာရေးနှစ်မှာ ကုန်သွယ်မှုတန်ဘိုး အမေရိကန်ဒေါ်လာ ၁၅.၂၇ ဘီလီယံကနေ ၂၀၁၂ ဖေဖ၀ါရီမှာ ၂၂.၅၇ ဘီလီယံအထိ တိုးလာခဲ့တယ်လို့ ဆိုပါတယ်။ ဒါ့အပြင် ရင်းနှီးမြှုပ်နှံမှုပိုင်းမှာလည်း ၂၀၁၁ ကနေ ၂၀၁၃ ဒီဇင်ဘာအထိ နိုင်ခြား ရင်းနှီးမြှုပ်နှံမှု ၁၈၈ ခု၊ ရင်းနှီးမြှုပ်နှံမှု တန်ဖိုးအားဖြင့် သန်း ၈,၂၀၀ ကျော်၊ ပြည်တွင်း ရင်းနှီးမြှုပ်နှံမှုလုပ်ငန်း ၁၄၅ ခု တန်ဖိုးအားဖြင့် ကျပ်သန်းပေါင်း ၂၁ သိန်းကျော် တိုးလာတယ်လို့လည်း ပြောပါတယ်။ မကြာခင်မှာတော့ အစိုးရနဲ့ ပုဂ္ဂလိကလုပ်ငန်းတွေအကြား ပူးပေါင်းဆောင်ရွက်မှု ပိုရှိလာအောင် မြန်မာ့စီးပွားရေးဖော်ရမ်တရပ် ဖွဲ့စည်းသွားမယ်လို့ သမ္မတက အခု ဆွေးနွေးပွဲမှာပဲ ကြေညာသွားပါတယ်။

“အဲဒီအဖွဲ့အစည်းကတော့ မြန်မာ့စီးပွားရေးဖိုရမ်၊ မြန်မာ Business Forum ဖြစ်ပါတယ်။ ဒီမှာ ကျနော်တို့ လိုင်း ၂ လိုင်းရှိပါတယ်။ တဘက်က ပုဂ္ဂလိကလုပ်ငန်းရှင်တွေရဲ့ ကိုယ်စားလှယ်တွေ၊ နောက် လုပ်ငန်းအလိုက် ကိုယ်စားလှယ်တွေ ပါဝင်တယ်။ နောက်တခါ အဲဒီလုပ်ငန်းအလိုက် ကိုယ်စားလှယ်တွေ၊ လုပ်ငန်းအဖွဲ့မှာ Working Group တွေ၊ နောက် ထိန်းညှိပေးမယ့် အတွင်းရေးမှူးအဖွဲ့တွေ၊ အပေါ်ကနေ ကွပ်ကဲပေးမယ့် အုပ်ချုပ်တဲ့အဖွဲ့တွေ၊ တဘက်က ဒါတွေပါသလိုပဲ ကျနော်တို့အစိုးရဘက်ကလည်း စောစောကအကြံပြုသလိုပဲ၊ ကျနော်ဦးစီးပြီးတော့မှ ကျနော့အောက်မှာ ဒု-သမ္မတတစ်ယောက်ထားပြီးတော့ ဒီဘက်ကလိုပဲ ညှိနှိုင်းဆွေးနွေးပေးမယ့် အတွင်းရေးမှူးအဖွဲ့တွေ၊ နောက်တခါ လက်တွေ့အကောင်အထည်ဖော်ဆောင်ရွက်မယ့် Working အဖွဲ့တွေ၊ Delivery Unit တွေ၊ Delivery unit တွေလည်း ဖွဲ့စည်းထားပြီး ဖြစ်ပါတယ်။ အဲဒီတော့ ဒီ Mechanism ကြီးကို အမြန်ဆုံးဖွဲ့ပြီးတော့မှ ပုဂ္ဂလိကနဲ့အစိုးရ - အမြဲမပြတ် ထိတွေ့ ပူးပေါင်းဆောင်ရွက်နေမှ ကျနော်တို့ရဲ့ စီးပွားရေးလုပ်ငန်းတွေဟာ ဖွံ့ဖြိုးတိုးတက်မှာ ဖြစ်တယ်ဆိုတာကို ဒီအဖြေကို ကျနော်တို့ရောက်ရှိတဲ့အတွက်ကြောင့် ဒါကို အမြန်ဆုံး အကောင်အထည်ဖော် ဆောင်ရွက်သွားဖို့  ကျနော်တို့ရှိပါတယ်။”

သမ္မတဦးသိန်းစိန်အနေနဲ့ စီးပွားရေးပြုပြင်ပြောင်းလဲမှုတွေနဲ့ပတ်သက်လို့ အစိုးရကဆောင်ရွက်ခဲ့တာတွေ၊ ဆောင်ရွက်မယ့် အစီအစဉ်တွေကို ချပြပြောဆိုသွားသလို စီးပွားရေးလုပ်ငန်းရှင်တွေဘက်ကလည်း သူတို့ကြုံတွေရတဲ့အခက်အခဲ လက်တွေ့အခြေအနေတွေကို ထုတ်ဖော် ပြောဆိုကြပါတယ်။ စီးပွားရေးလုပ်ငန်းရှင်တွေဘက်ကတော့ များသောအားဖြင့် သူတို့လုပ်ဆောင်နိုင်မယ့် လုပ်ပိုင်ခွင့်တွေ ပိုတောင်းတာ တွေ့ရသလို သူတို့လုပ်နေတဲ့ အစိတ်အပိုင်းအလိုက် နိုင်ငံကို ဘယ်လောက် အထောက်အပံ့ဖြစ်စေသလဲဆိုတာတွေကိုလည်း ရှင်းပြခဲ့ကြပါတယ်။ အစိုးရနဲ့ပုဂ္ဂလိကလုပ်ငန်းတွေအကြား အခုလို ထိစပ်မှုမျိုးဟာ နှစ်ဖက်စလုံးအတွက် အကျိုးဖြစ်စေမယ်လို့ အထည်ချုပ်လုပ်ငန်းရှင်များအသင်း ဥက္ကဋ္ဌဦးမြင့်စိုးက VOA ကို ပြောပါတယ်။

“ဒီတခေါက်ကတော့ ကျနော်တို့က အချိန်နဲ့တပြေးညီ ပေးသင့်တဲ့ message တွေကို ပေးရတာရယ်၊ နောက် သမ္မတဘက်လည်း နိုင်ငံတော်ဘက်ကနေပြီး ဘယ်ကိုသွားနေတယ်၊ ဘယ်အထိရောက်နေတယ်ဆိုတဲ့ message ကိုလာပေးတာ ဖြစ်တဲ့အတွက် နိုင်ငံတော်အစိုးရနဲ့ နိုင်ငံတော်အတွင်းမှာရှိတဲ့ စီးပွားရေးလုပ်ငန်းရှင်များရယ်၊ ဒီလိုတွေ့ဆုံမှုတွေကတော့ နိုင်ငံတကာမှာလည်း အကျိုးရှိသလို ကျနော်တို့နိုင်ငံမှာလည်း အကျိုးဖြစ်ထွန်းပါတယ်။ အဲဒီတော့ ဒီလိုတွေ့ဆုံမှုမျိုးကနေ အခြေပြုပြီး ကျနော်တို့က PPP ပေါ့၊ အစိုးရနဲ့ ပုဂ္ဂလိကနဲ့ ပူးပေါင်းဆောင်ရွက်ဖို့ ကိစ္စရပ်တွေကို အရှိန်အဟုန်ကောင်းကောင်းနဲ့ ဆက်ပြီး ဆောင်ရွက်သွားကြဖို့ လိုအပ်မှာ ဖြစ်ပါတယ်။”
မေး။ ။ သမ္မတကတော့ သူ့တို့အခြေအနေတွေ၊ စီးပွားရေးပြုပြင်ပြောင်းလဲမှုတွေကို ရှင်းပြတယ်။ လုပ်ငန်းရှင်တွေဘက်ကလည်း ကိုယ့်အခက်အခဲတွေ၊ ကိုယ်လိုချင်တာတွေ ပြောပြတယ်။ တကယ်လက်တွေ့လုပ်ရမှာကတော့ သက်ဆိုင်ရာ ဝန်ကြီးဌာနတွေနဲ့ပေါ့။ အဲဒီတော့ ရလာဒ်ကောင်းတွေရော တကယ်ထွက်လာမယ် ထင်လား။
ဖြေ။ ။ ကျနော်တို့ကတော့ မျှော်လင့်ပါတယ်။ ဒါပေမယ့် ဒီဟာကို ရလာဒ်ကောင်းတွေကတော့ ရလည်းရရှိနေပါတယ်။ ဒါပေမယ့် ရလာဒ်ကောင်းတွေ ရရှိနေတဲ့ဟာတွေက များစွာလည်း ရလာဒ်ကောင်းတွေက ကျန်နေသေးတဲ့အတွက် ဒီလိုတွေ့ဆုံပွဲတွေကနေတဆင့် အရှိန်အဟုန်မြှင့်ပြီး ဆောင်ရွက်ဖို့လိုမယ်လို့ ကျနော့်အနေနဲ့ သုံးသပ်ပြောကြားလိုပါတယ်။

သမ္မတဦးသိန်းစိန်အနေနဲ့ ပုဂ္ဂလိကလုပ်ငန်းရှင်တွေကို ရန်ကုန်မှာ အခုလို တွေ့ဆုံတာဟာဆိုရင် ဒါဟာ ဒုတိယအကြိမ်မြောက်ဖြစ်ပြီး အရင်ကထက်ပိုပြီးတော့ ပွင့်လင်းစွာ ပြောဆိုလာနိုင်တဲ့အခြေအနေဖြစ်လာတယ်လို့ဆိုပါတယ်။ သမ္မတနဲ့လုပ်ငန်းရှင်တွေ တွေ့ပြီးနောက်မှာလည်း လုပ်ငန်းရှင်တွေအနေနဲ့ အစိုးရအဖွဲ့ဝန်ကြီးတွေနဲ့ သူတို့အခက်အခဲတွေ ဆွေးနွေးတာ၊ တဘက်က ပြန်လည်ရှင်းလင်းတာတွေ လုပ်ခဲ့ကြပါတယ်။ အဲဒီနောက်ပိုင်း အစိုးရဝန်ကြီးတွေနဲ့ လုပ်ငန်းရှင်တွေဆွေးနွေးပွဲကိုတော့ သမ္မတရုံး ဝန်ကြီးနှစ်ဦးဖြစ်တဲ့ ဦးစိုးသိန်း၊ ဦးတင်နိုင်သိန်းတို့နဲ့ ရန်ကုန်တိုင်းဝန်ကြီးချုပ် ဦးမြင့်ဆွေတို့က ကြီးကြပ် ဆောင်ရွက်ပေးခဲ့ပါတယ်။

VOA

အပြည့်အစုံသို့ »

ငြိမ်းချမ်းရေး အကြောင်းပြ ကိုယ်ကျိုးရှာ သူတွေရှိဟု KNU အရာ ရှိပြော


 KNU/KNLA ငြိမ်းချမ်းရေးကောင်စီ ဗဟိုကော်မတီဝင် ဒေါက်တာတင်မိုသီရဲ့  ရန်ကုန်မြို့သတင်းစာရှင်းလင်းပွဲ။ သတင်းဓာတ်ပုံ- အောင်ရဲမောင်မောင်(VOA)

20.02.2014

ပြည်တွင်း ငြိမ်းချမ်းရေး ဖော်ဆောင်တဲ့ ဖြစ်စဉ်တွေဟာ အချိန်ကြာလာတာနဲ့အမျှ သိသိသာသာ တိုးတက်မှုမရှိဘဲ တဝဲလည်လည်ဖြစ်နေတယ်လို့ တိုင်းရင်းသား လက်နက်ကိုင်အဖွဲ့တွေရဲ့ ခေါင်းဆောင်တစ်ချို့က ပြောပါတယ်။ ဒါ့အပြင်
ပြည်တွင်း ငြိမ်းချမ်းရေး ဖြစ်စဉ်ဖော်ဆောင်နေ ချိန်မှာ  ငြိမ်းချမ်းရေးကို အကြောင်းပြပြီး ကိုယ်ကျိုးရှာတဲ့ လုပ်ရပ်တွေလည်း ဆောင်ရွက် လာတာကို တွေ့မြင်ရတယ်လို့ KNU/KNLA ငြိမ်းချမ်းရေးကောင်စီရဲ့ ဗဟို ကော်မတီဝင်တစ်ဦးက ဒီကနေ့ ရန်ကုန်မြို့မှာ သတင်းစာရှင်းလင်းပွဲ တစ်ရပ် ကျင်းပပြီး ပြောဆိုခဲ့ပါတယ်။ အပြည့်အစုံကိုတော့ အဲဒီသတင်းစာ ရှင်းလင်းပွဲမှာ ကိုယ်တိုင်သတင်းသွားယူထားတဲ့ ဗွီအိုအေ မြန်မာပိုင်းရဲ့ သတင်းထောက် ကိုအောင်ရဲမောင်မောင် က ပြောပြမှာပါ။

အစိုးရ နဲ့ တိုင်းရင်းသား လက်နက်ကိုင်တွေ အကြားဖော်ဆောင်နေ တဲ့ ပြည်တွင်း ငြိမ်းချမ်းရေး ဖြစ်စဉ်တွေ ဟာ တစ်ပြည်လုံးငြိမ်းချမ်းရေး ကို ရောက်ဖို့ထက် လမ်းခုလတ်မှာတင် အချိန်ကြာနေတဲ့ သဘောတွေ အခုနောက်ပိုင်း သိသိသာသာတွေ့လာရတယ်လို့ KNU/KNLA ငြိမ်းချမ်းရေး ကောင်စီ ရဲ့ ဗဟို ကော်မတီဝင် ဗိုလ်မှူးချုပ် ဒေါက်တာ တင်မိုသီက ဒီကနေ့ ရန်ကုန်မြို့ My Garden စားသောက်ဆိုင်မှာ ပြုလုပ်တဲ့  သတင်းစာရှင်းလင်းပွဲ မှာ ပြောပါတယ်။

" ကျနော်တို့ငြိမ်းချမ်းရေးကောင်စီအနေနဲ့က ခုနက ကျနော်ပြောသွားသလိုပဲ လိုရင်းကိုမရောက်ပဲနဲ့ ရှည်ပြီးတော့ တစ်ယောက်နဲ့တစ်ယောက် မုန်းတီးမှုတွေ ပြန်ဖြစ် လာတာကို ကျနော်စိုးရိမ်တာပါ။ ဒါကို အကြံညဏ်ပြုနေတာပါ။ ဒါကို အစိုးရဘက်ကရော၊ တိုင်းရင်းသားဘက်ကပါ အရမ်းကြီး သတိထားရမှာဖြစ်တယ်။  ဘာဖြစ်လို့လဲဆိုတော့ တိုတိုနဲ့လိုရင်းကိုမရောက်ဘဲနဲ့ တခါတည်း ရှုပ်ထွေးပြီးတော့ စစ်တွေပြန်ဖြစ်မှာတို့၊ တယောက်နဲ့တယောက် ယုံကြည်မှုတွေ ပျက်ပြားမှာတို့ မုန်းတီးမှုတွေ ပွားလာနိုင်တယ်။ ဒါတွေက။"

ပြည်တွင်းငြိမ်းချမ်းရေးကို အကြောင်းပြပြီးတော့ အချို့ လက်နက်ကိုင် အဖွဲ့တွေ ထဲက ပုဂ္ဂိုလ်တွေဟာ ကိုယ်ကျိုးရှာမှုတွေ ရှိနေတယ်လို့လည်း သူရဲ့ သတင်းစာ ရှင်းလင်းပွဲ အတွင်းမှာ ပြောဆိုပါတယ်။ ဒီကိစ္စနဲ့ပတ်သက်ပြီး ဘယ်လို အဖွဲ့အစည်းတွေက ငြိမ်းချမ်းရေးကို ဗန်းပြပြီး ကိုယ်ကျိုးရှာနေသလဲ ဆိုတဲ့ ဗွီအိုအေရဲ့ မေးမြန်းမှုကိုတော့ ဒေါက်တာ တင်မိုသီ က တိတိကျကျ ပြန်လည် မဖြေကြားခဲ့ပါဘူး။

" ကျနော်တို့ သတင်းရထားတာတွေရှိတာပေါ့နော်။ ဒါ အာဏာပိုင်တွေကိုလည်း ကျနော်ပြောထားပြီးပြီ။ ဒါကိုတော့ ကျနော် မထုတ်ပြောချင်တော့ဘူး။ ဘာဖြစ်လို့လဲဆိုတော့ ဒါတွေက ဥပဒေတွေနဲ့ သွားပြီးတော့ ပတ်သတ်နေတယ်။ တိုင်းရင်းသားအဖွဲ့အစည်းတွေ ကျနော်တို့ရဲ့ငြိမ်းချမ်းရေးကောင်စီရဲ့ အဖွဲ့အစည်းအပေါ်မှာ ရောင်ပြန်လိုလို ဘာလိုလို သဘောတွေနဲ့ အဲ့တာမျိုးတွေ လုပ်ပြီးတော့ ကိုယ်ကျိုးရှာနေတဲ့သူ ဒါတွေကလည်း ဘယ်လိုပြောရမလဲဆိုတော့ ငြိမ်းချမ်းရေးရဲ့ ဆူးညှောင့်ခလုတ်တွေဖြစ်တယ်။ နောက်ပြီးတော့တခုကလည်း ဥပဒေစိုးမိုးရေး အပိုင်းမှာ ဒါတွေကလည်း မရှိသင့်ဘူးလေနော်။"

တစ်နိုင်ငံလုံး အပစ်အခတ်ရပ်စဲရေး လိုချင်တယ်လို့ သမ္မတ ဦးသိန်းစိန် က မကြခဏပြောဆိုလေ့ ရှိပေမဲ့ ကချင်ဒေသ အပါအ၀င် ပလောင် လို တိုင်းရင်းသားဒေသတွေ မှာလည်း အစိုးရ စစ်တပ်နဲ့ တိုင်းရင်းသားလက်နက်ကိုင်တွေ အကြားမှာ အပစ်အခတ် တိုက်ပွဲတွေ ရှိနေပါသေးတယ်။

အခုလို ဖြစ်ရပ်တွေ ရှိနေသေးတာကြောင့် ပြည်တွင်း ငြိမ်းချမ်းရေး ဖော်ဆောင် ရာမှာ အပေါင်းလက္ခဏာ ဆောင်နေပြီလို့ အတိအကျ မပြောနိုင်သေး သလို၊ ငြိမ်းချမ်းရေး လုပ်နေသူတွေဟာ စားပွဲဝိုင်းပေါ်မှာပဲ ထိုင်ပြီး ဆောင်ရွက်နေတာကြောင့် မြေပြင် အခြေအနေတွေ နဲ့ ဒုက္ခသည်တွေ ဘယ်လောက်ထိ ဒုက္ခရောက်နေပြီဆိုတာကို သူတို့မသိကြတဲ့ အတွက် ဖြစ်တယ်လို့ ကေအိုင်အေ အကြံပေး လည်း ဖြစ်၊ မြန်မာ့ စစ်ရေး လေ့လာအကဲဖြတ်လည်း ဖြစ်တဲ့ ဦးအောင်ကျော်ဇော် က သုံးသပ်ပါတယ်။

" ကျနော်ထင်တယ်။ အချိန်ကြာလေ၊ ငြိမ်းချမ်းရေး ဖြစ်စဉ်က ကြာလေဖြစ်မယ်။ ကြာလေ တစ်ယောက်နဲ့တစ်ယောက် နားလည်မှုလွဲ တာတွေဖြစ်မယ်။ ဖြစ်လာတော့ တပ်ကသာ သေနက်သံ ဒုန်းခနဲ ရပ်လိုက်၊ ပြောရဆိုရ အင်မတန်ကောင်းလာမယ်။ တပ်က မရပ်ဘူး။ ဟိုမှုနည်းနည်း၊ ဒီမှာ နည်းနည်း ဖြစ်နေတာ။ အဲ့တော့ နှစ်ဘက်အောက်ခြေ စစ်သား များအဖို့က အတော့်ကို ဒုက္ခရောက်ပါတယ်။ နှစ်ယောက်စလုံး အကျအဆုံးတွေလည်း အင်မတန်များပါတယ်။

IDP မှာဖြစ်နေတဲ့ IDP ရဲ့အခြေအနေကို သိရင် ငြိမ်းချမ်းရေးဟာ မဖြစ်မနေ အမှန်တကယ် မြန်မြန်လိုအပ်နေပြီဆိုတာ လူတိုင်းသိဖို့ကောင်းပါတယ်။ အခု သူတို့ NPC ရော အစိုးရဘက်က လုပ်နေတဲ့ အဖွဲ့အစည်း တော်တော်များများ က ဘယ်လိုခေါ်မလဲ အပေါ်ယံ သဏ္ဍန်ပဲ၊ အပြောတွေများပြီး လက်တွေ့ ဘာမှ ဖြစ်မလာဘူး။"

နှစ်ပေါင်း ၆၀ တိုင်တိုင် မရပ်နိုင်သေးတဲ့ ပြည်တွင်းစစ်ကို သမ္မတ ဦးသိန်းစိန် အစိုးရ လက်ထက်ရောက်မှ အပြီးသတ်ဖို့ ကြိုးစားတာဟာ ၂ ကျော် ၃ နှစ်နီးပါး ပဲ ရှိသေးတဲ့ အတွက် တစ်နိုင်ငံလုံး သေနက်သံတိတ်ဖို့ဆိုရင် ဒီထက်အချိန်ပိုယူဖို့ လိုလိမ့်မယ်လို့ သုံးသပ်သူကတော့ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး (ကျောင်းသားတပ်မတော် ABSDF) ရဲ့ အထွေထွေ အတွင်းရေးမှူး ဦးဆန်နီ ဖြစ်ပါတယ်။

" လွတ်လပ်ရေး ရပြီးကတည်းက ဖြစ်ခဲ့တဲ့ ပြည်တွင်းစစ်က တစ်နှစ်၊ နှစ်နှစ်အတွင်းမှာတော့ အပြီးသတ်ဖို့ ကျနော်တို့အားလုံး ဝိုင်းကြိုးစားနေပါတယ်။ ကြိုးစားမှုမှာ အချိန်တွေယူပြီး ကြိုးစားနေကြတယ်။ တတိုင်းပြည်လုံး အခြေခံကိုသွားရတဲ့အတွက်ကြောင့် အချိန်ယူရမယ်လို့ ကျနော်တို့ ဒီလိုပဲ နားလည်ပါတယ်။ "

ပြီးခဲ့တဲ့ ဇန်နဝါရီလတုန်းကတော့ တိုင်းရင်းသား
လက်နက်ကိုင် ခေါင်းဆောင်တွေရဲ့ ညီလာခံကို ကေအန်ယူ ထိန်းချုပ် နယ်မြေ လောခီးလား ခေါ် လေးဝါး စခန်းမှာ ကျင်းပခဲ့တာပါ။  နိုင်ငံရေး မူဘောင်တွေ ချမှတ်ပြီးတိုင်းရင်းသားတွေ အနေနဲ့ တစ်နိုင်ငံလုံး အပစ်ရပ်ဆဲရေးမှာ ပါဝင်လက်မှတ်ထိုးမယ်ဆိုပြီးတော့ သဘောတူခဲ့တာလည်း ဖြစ်ပါတယ်။ ဒါပေမဲ့ အဲဒီ့နောက်ပိုင်းအစိုးရ နဲ့  ဆက်လက်တွေ့ဆုံရမဲ့  ဘားအံဆွေးနွေးပွဲကိုတော့ လက်ရှိအချိန်ထိ အကြောင်းအမျိုးမျိုးကြောင့် အကြိမ်ကြိမ်ရက်ရွေ့ဆိုင်းထားရပြီး အချိန်ထိ ကျင်းပနိုင်ခြင်း မရှိသေးပါဘူး။

ဘားအံတွေ့ဆုံပွဲမှာတော့ တပြည်လုံး အပစ်အခတ်ရပ်စဲရေး လုပ်နိုင်မယ့် အချက်တွေကို ညှိနှိုင်းပြီး နှစ်ဘက် သဘောတူညီချက်ရရှိရင် နေပြည်တော်မှာ တပြည်လုံးဆိုင်ရာ အပစ်အခတ်ရပ်စဲရေး စာချုပ်ကို မြန်မာ့နိုင်ငံရေးခေါင်းဆောင်တွေနဲ့ နိုင်ငံတကာက အသိသက်သေတွေ ရှေ့မှောက်မှာ လက်မှတ်ရေးထိုးကြမှာ ဖြစ်တယ်လို့ အစီအစဉ်တွေ ချမှတ်ထားကြတာပါ။

VOA Burmese News

အပြည့်အစုံသို့ »

နိုင်ငံတော် လျှို့ဝှက်ချက်ပေါက်ကြားမှုနဲ့ သတင်းထောက်လေးဦး အဖမ်းခံရ


မကွေးတိုင်း၊ ပေါက်မြို့က စက်ရုံတစ်ခုအကြောင်းရေးထားတဲ့ ဆောင်းပါးဖော်ပြခဲ့တဲ့ ယူနတီဂျာနယ်က  အမူဆောင်အယ်ဒီတာချုပ်အပါအ၀င် သတင်းထောက် ၄ ဦးကို   စစ်ဆေးမေးမြန်းဖို့ အတွက်လို့ ပြောပြီး အာဏာပိုင်တွေက ခေါ်ယူထိန်းသိမ်းထားပါတယ်။  နယ်သတင်းထောက် တစ်ဦးကိုတော့ နိုင်ငံတော် လျှို့ဝှက်ချက် အက်ဥပဒေ ပုဒ်မ (၃ / ၁ က - ၉)  နဲ့ တရားစွဲဆိုထားပြီး ပခုက္ကူထောင်ကို ပို့လိုက်ပါတယ်။ သူတို့ကို နိုင်ငံတော်လျှို့ဝှက်ချက်အက်ဥပဒေနဲ့ ငြိစွန်းနေတဲ့အတွက် စုံစမ်းစစ်ဆေးနေတာ ဖြစ်တယ်လို့လည်း တာဝန်ရှိပုဂ္ဂိုလ်တယောက်က VOA ကို ပြောပါတယ်။

အပြည့်အစုံကိုတော့ စုံစမ်းမေးမြန်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက တင်ပြပေးထားပါတယ်။

ဇန်နဝါရီလ (၂၅) ရက်နေ့ထုတ် ယူနတီဂျာနယ်မှာ ဖော်ပြထားတဲ့ မကွေးတိုင်း၊ ပေါက်မြို့က စက်ရုံတစ်ခုကို လျှို့ဝှက်ဓာတုစက်ရုံလို့ ယူဆရတဲ့ အကြောင်းနဲ့ စက်ရုံဓာတ်ပုံကို မျက်နှာဖုံးမှာ ဖော်ပြမိပြီးနောက်ပိုင်းမှာ ယူနတီဂျာနယ်က အမှုဆောင် အယ်ဒီတာချုပ်နဲ့ သတင်းထောက် (၄) ဦးကို အာဏာပိုင်တွေက စစ်ဆေးမေးမြန်းမယ်ဆိုပြီး ဖမ်းဆီးသွားတာ ဖြစ်ပါတယ်။ နယ်သတင်းထောက် ကိုလူမော်နိုင်ကိုတော့ ဇန်နဝါရီလ ၃၁ ရက်နေ့ညက ဖမ်းဆီးပြီး နိုင်ငံတော်လျှို့ဝှက်ချက် အက်ဥပဒေ ပုဒ်မ ၃/၁ (က) နဲ့ စွဲဆိုထားပြီး ပခုက္ကူထောင်ကို ပို့လိုက်တဲ့အကြောင်း ဇနီးဖြစ်သူ မလွင်လွင်မြင့်က ပြောပါတယ်။

“မြို့နယ်မှူးက စကားနည်းနည်း မေးစရာရှိလို့ ပေါ့လေ၊ လိုက်ခဲ့ပါလို့ အဲလိုမျိုးပြောတာ။ သူက လိုက်သွားပြီးတော့ စစ်ချက်ယူတာပေါ့လေ။ စစ်ချက် ယူပြီးတော့ ကိုလူမော်က စက်ရုံထဲကသတင်းတွေ ဘာမှမသိဘူး၊ သူယူတာလည်းမဟုတ်ဘူး၊ ဓာတ်ပုံရိုက်တာလည်း မဟုတ်ဘူးဆိုတဲ့အကြောင်း စစ်ချက်ထွက်ခဲ့ပါတယ်။ မနေ့ညကလေ- ကျနော့်ကို အာမခံနဲ့လွှတ်ပေးလို့ ရလား-ဆိုတော့ မရဘူး-တဲ့။ အထက်က ဘာမှ မပြောသေးဘူးပေါ့နော်။ နေပြည်တော်က ဒုရဲမှူးကြီးဆင်းလာမှ-တဲ့။ ကျမကို ပြောတယ် ကိုမော်က။ ဘာပြောလဲဆိုတော့ တရားသူကြီး ဒေါ်စန်းသီတာအောင်က လာပြီးတော့-တဲ့၊ သူ့ကို ၃/၁ (က) နဲ့ ပုဒ်မတပ်တယ်-တဲ့။ အဲဒါနဲ့ ကျမ အပြန်ကျတော့ ဒေါ်စန်းသီတာအောင်ဆီကို ဝင်တယ်ပေါ့လေ၊ ဝင်တော့ မေးတဲ့အခါကျတော့၊ - ဟုတ်တယ်၊ နိုင်ငံတော် လျှို့ဝှက်ချက် အက်ဥပဒေနဲ့ ပုဒ်မတပ်တယ်ပေါ့။ အမှုမှန်ပေါ်အောင် သူတို့လုပ်မယ်ပေါ့လေ။ စုံစမ်းမယ်။”
ဖေဖော်ဝါရီလ (၁) ရက်နေ့မှာတော့ ယူနတီဂျာနယ်ရဲ့ အမှုဆောင် အယ်ဒီတာချုပ် ကိုတင့်ဆန်းနဲ့ သတင်းထောက် (၃) ဦးကို လာရောက် ခေါ်ဆောင် သွားကြောင်း ကိုတင့်ဆန်းရဲ့ မိသားစုဝင်လည်းဖြစ်၊ ဂျာနယ်တိုက်က ရုံးလုပ်ငန်းပိုင်းဆိုင်ရာ တာဝန်ရှိသူလည်းဖြစ်တဲ့ ကိုအောင်ဝင်းထွန်းက အခုလို ပြောပါတယ်။

“ယူနတီဂျာနယ်က ပထမဦးဆုံး ခေါ်တာမှာ CEO ကို အရင်ခေါ်သွားတာပေါ့။ ဦးတင့်ဆန်းကို ခေါ်သွားပါတယ်။ ဦးတင့်ဆန်းကို ခေါ်တဲ့အခါမှာ သူတို့ ကားသမားနဲ့ဆို အားလုံးလေးယောက်ပေါ့။ သူတို့လာခေါ်တာလေ၊ CEO ခေါ်သွားပြီးတော့ နောက် ညနေ သုံးနာရီခွဲလောက်မှာ သတင်းထောက် (၃) ယောက်၊ ဟန်သက်ကျော်ရယ်၊ ရာဇာဦးရယ်၊ စည်သူစိုးရယ်၊ အဲဒီညီလေး သုံးယောက်ကို လာခေါ်သွားတယ်။ လာခေါ်တာကတော့ ဒုရဲအုပ်လို့ ပြောပါတယ်ခင်ဗျာ။ သူ့နာမည်က ညီညီသန်း၊ ဘာကြောင့်လဲဆိုတော့ - ပြီးခဲ့တဲ့အပတ်က အမှတ်စဉ် (၃) – (၄) မှာ ပါတဲ့ သတင်းကိစ္စနဲ့ပတ်သက်ပြီး မေးစရာလေးတွေ ရှိလို့ပေါ့လေ၊ လျှို့ဝှက်ဓာတု ဆိုတာလေ၊ Volume(၃)၊ နံပါတ် (4) မှာပေါ့၊ အဲဒီမှာ လျှို့ဝှက်ဓာတု ဆိုတဲ့ ခေါင်းစဉ်နဲ့ အဲဒါ ဖြစ်ဖို့များပါတယ်။ ဓာတုလက်နက်စက်ရုံ ဆိုတာလေ၊ အဲဒီခေါင်းစဉ် ဖြစ်ဖို့ များတယ်ခင်ဗျ။ ဗိုလ်ချုပ်မှူးကြီးဟောင်း၊ လက်ရှိ ကာချုပ်နဲ့ တရုတ်ပညာရှင်တို့၏ ပေါက်မြို့နယ်ရှိ လျှို့ဝှက် ဓာတုလက်နက်စက်ရုံ-ဆိုပြီးတော့လေ အဲဒီခေါင်းစဉ်နဲ့၊ အဲဒါ ဖြစ်ဖို့များတယ်ခင်ဗျ။ အဲဒီအတွက်ပဲ လာစုံစမ်းတယ်လို့ ထင်ပါတယ်။”

ယူနတီဂျာနယ်က အမှုဆောင် အယ်ဒီတာချုပ်အပါအဝင် သတင်းထောက်တွေကို ဖမ်းဆီးစစ်ဆေးတာနဲ့ ပတ်သက်လို့ နိုင်ငံတော် လျှို့ဝှက်ချက် အက်ဥပဒေနဲ့ ငြိစွန်းနေတဲ့အတွက် ခေါ်ယူစုံစမ်း စစ်ဆေးနေတာ ဖြစ်တယ်လို့လည်း အစိုးရတာဝန်ရှိသူတစ်ဦးက ဗွီအိုအေကို ပြောပါတယ်။ နိုင်ငံတော်သမ္မတရုံး တာဝန်ရှိသူတစ်ဦးကတော့ ကာကွယ်ရေးဌာနနဲ့သာ သက်ဆိုင်တယ်ဆိုပြီး အခုလို ပြောပါတယ်။

“Case က ကာကွယ်ရေး case ဗျ။ တပ်မတော်ရဲ့ case ဖြစ်နေတယ်။ အဲဒါကြောင့်မို့လို့ အဲဒီဟာကိုပဲ ပြည်ထဲရေးတို့၊ တိုက်ရိုက်ပါဝင်ပတ်သက်တဲ့ လူတွေကို မေးလိုက်ဗျာ နော်။”

ဂျာနယ်ထွက်ပြီးတဲ့နောက် တပြည်လုံးက ဖြန့်ချိရေးတွေမှာ ရောက်နေတဲ့ ဂျာနယ်တွေကို အာဏာပိုင်တွေက လိုက်လံသိမ်းဆည်း နေပါတယ်။

မကွေးတိုင်း၊ ပေါက်မြို့နဲ့ (၁၂) မိုင်ကျော်ဝေးတဲ့ လယ်ဧက (၃၃,၀၀၀) ကျော်မှာ ဆောက်လုပ်ထားတဲ့ စက်ရုံကြီးနဲ့ ပတ်သက်လို့ မြေသိမ်းခံထားရတဲ့လယ်သမားတွေရဲ့ နစ်နာမှုတွေကို သတင်းထောက်တွေက မေးမြန်းရင်းနဲ့ အခုလိုမျိုး ထိန်းသိမ်းခံရတာလို့ နယ်သတင်းထောက် ကိုလူမော်နိုင်ရဲ့ မိသားစုဝင်တွေက ဆိုပါတယ်။

လက်ရှိမှာတော့ ရန်ကုန်က ခေါ်ဆောင်သွားတဲ့ အမှုဆောင် အယ်ဒီတာချုပ်ကိုတင့်ဆန်းနဲ့ သတင်းထောက် (၃) ယောက်ကို ဘယ်နေရာမှာ ထိန်းသိမ်းထားလဲဆိုတာကို မသိရသေးကြောင်း မိသားစုဝင်တွေက ပြောပါတယ်။ မကြာသေးခင်လတုန်းကပဲ သတင်းမီဒီယာတွေ လွတ်လပ်စွာ  သတင်းယူခွင့်ရှိဖို့ သတင်းသမားတွေက ဆန္ဒပြခဲ့ကြပါတယ်။

မအေးအေးမာ (VOA Burmese News)

အပြည့်အစုံသို့ »

၂၀၁၄ မြန်မာ့ နိုင်ငံရေးနဲ့ စီးပွားရေး အလားအလာ ခန့်မှန်းချက်



နန္ဒာချမ်း၊ VOA - 30.12.2013

မကြာခင်မှာ ၂၀၁၃ ခုနှစ် ကုန်ဆုံးတော့မှာဖြစ်ပါတယ်။ ရက်ပိုင်း အတွင်း ရောက်လာတော့မယ့် ၂၀၁၄ ခုနှစ်မှာတော့ မြန်မာနိုင်ငံရဲ့ နိုင်ငံရေးမှာ အဓိက လွှမ်းမိုးမယ့် ကိစ္စဟာ တိုင်းရင်းသားတွေနဲ့ ငြိမ်းချမ်းရေးဖြစ်လိမ့်မယ်လို့ ၀ါရင့်နိုင်ငံရေး သမားတစ်ဦးက သုံးသပ်လိုက်ပါတယ်။ ဒါ့အပြင် ၂၀၁၄ ခုနှစ်အတွင်း မြန်မာနိုင်ငံရဲ့ နိုင်ငံရေး၊ စီးပွားရေး အခြေအနေဟာ သိသိသာသာ တိုးတက်ပြောင်းလဲလာမယ့်ပုံ မရှိဘူးလို့လည်း ပညာရှင်တွေက သုံးသပ်ကြပါတယ်။ အပြည့်အစုံကိုတော့ မနန္ဒာချမ်းက ဆက်ပြောပြပေးပါမယ်။

မြန်မာနိုင်ငံရဲ့ နိုင်ငံရေးအခြေအနေဟာ အခုအချိန်မှာ လမ်းဆုံလမ်းခွမှာသာ ရှိနေသေးပြီး - ၂၀၁၃ ခုနှစ်အတွင်း ဖြစ်ခဲ့တဲ့ နိုင်ငံရေး ဖြစ်ပေါ်တိုးတက်မှုတွေနဲ့ လာမယ့် ၂၀၁၄ ခုနှစ်ကျရင် ဖြစ်လာနိုင်တဲ့ နိုင်ငံရေး ဖြစ်ပေါ် တိုးတက်မှုတွေဟာ သိပ်ပြီး ကွာခြားမယ့် အနေအထားမျိုး မရှိဘူးလို့ ၀ါရင့် သတင်းစာဆရာကြီး တစ်ဦးလည်းဖြစ်၊ နိုင်ငံရေးလောကမှာ အထင်ကရ ပုဂ္ဂိုလ်တစ်ဦးလည်းဖြစ်တဲ့ ဦးဝင်းတင် က သုံးသပ်လိုက်ပါတယ်။

၂၀၁၃ခုနှစ်အတွင်း ဖြစ်ပေါ်ခဲ့တဲ့ နိုင်ငံရေးအခြေအနေတွေကို ပြန်ကြည့်မယ်
ဆိုရင် နိုင်ငံရေးအကျဉ်းသားလွှတ်ပေးတာလို၊ ၈ လေးလုံး နှစ်ပတ်လည် ပွဲမျိုးတွေမှာ အရင်က စစ်ဗိုလ်ချုပ်တွေဖြစ်ခဲ့တဲ့ လက်ရှိ ၀န်ကြီးတွေ တက်ရောက်လာတာလို တိုင်းရင်းသား လက်နက်ကိုင်တွေနဲ့ အပစ်အခတ် ရပ်စဲရေး ဆွေးနွေးနိုင်တာလို တစုံတရာ ပြောင်းလဲမှုတွေ ရှိလာတဲ့အတွက် အရင်က အထီးကျန်ဖြစ်ခဲ့တဲ့ မြန်မာနိုင်ငံဟာ နိုင်ငံတကာ အလယ်မှာ တဖြေးဖြေး ၀င်ဆံ့လာခဲ့တာ ဖြစ်ပါတယ်။

ဒါကြောင့်လည်း လာမယ့် ၂၀၁၄ ခုနှစ်မှာ ဒီတိုင်းရင်းသားတွေနဲ့ မပြီးပြတ် သေးတဲ့ ငြိမ်းချမ်းရေး ဆွေးနွေးပွဲတွေက အဓိက လွှမ်းမိုးနေရာယူထားနိုင်တယ်လို့ ဦးဝင်းတင်က သုံးသပ်ပါတယ်။

“၂၀၁၄ ကျရင် ဘာဖြစ်မလဲဆိုတဲ့ဟာ - ၁၄ ကျရင် ပြဿနာတွေ ပေါ်လာမှာ။ တိုင်းရင်းသားပြဿနာ ငြိမ်းချမ်းရေးပြဿနာ၊ ငြိမ်းချမ်းရေးပွဲတွေဟာ ပထမတခါတော့ ဆွေးနွေးပြီးပြီ။ အပစ်အခတ်ရပ်စဲရေး၊ ဒါပေမဲ့ အခုထိ အောင်မြင်မယ်၊ မအောင်မြင်မယ်ဆိုတာ မသေချာသေးဘူး။ ဒီအတိုင်းပဲဖြစ်နေတယ်။ အဲ့ဒီကနေတဆင့် တိုင်းရင်းသားတွေက တောင်းနေတဲ့ အပစ်အခတ်ရပ်စဲရေးယူရင် နိုင်ငံရေးဆက်ပြီးတော့ ဆွေးနွေးရမယ်ဆိုတဲ့ဟာကို ကတိပေးတယ်။ ၀န်ကြီးတွေကနေ ဆက်လုပ်ပါမယ်ဆိုတဲ့ဟာကို။ သို့သော် ၂၀၁၄ ခုနှစ်ထဲမှာ နိုင်ငံရေးဆွေးနွေးပွဲကြီး တွေ လုပ်ဖြစ်မလားဆိုတာ ဘယ်သူမှ မပြောနိုင်ဘူး။

လာမယ့် ၂၀၁၄ ခုနှစ်မှာ သူတို့ဆက်လုပ်ရမှာကတော့ တိုင်းရင်းသားတွေနဲ့ လုပ်နေတဲ့ ငြိမ်းချမ်းရေးကိစ္စပါမယ်။ ဖက်ဒရယ်ဦးတည်ချက်ဆိုတာ ပါမယ်။ နောက်တခါ အခြေခံဥပဒေမှာ သူတို့ ပြည်သူပြည်သားတွေရဲ့ အခွင့်အရေးတွေ၊ ဒီမိုကရေစီ အင်္ဂါရပ်တွေနဲ့ ပြည့်စုံတဲ့ လူ့အဖွဲ့အစည်းပုံစံ ပေါ်ပေါက်ရေးဆိုတဲ့ ဟာမျိုးတွေ အဲ့ဒါတွေမှာလည်း ကျနော်ထင်တယ်။ သိပ်ပြီးတော့ဖြစ်လာမယ် မထင်ဘူး။ တခုပဲရှိတယ်။ သူတို့ရဲ့ အာဆီယံဥက္ကဋ္ဌဆိုတဲ့ဟာကို အကြောင်းပြုပြီးတော့ နိုင်ငံရေး ကို ဖေးမနိုင်မယ်ဆိုရင် တော့ တမျိုးပေါ့ဗျာ။ ကျနော် အဆိုးမြင်တာတော့ မဟုတ်ဘူး။ နိုင်ငံရေးအခြေအနေ၊ စီးပွားရေးအခြေအနေတွေကတော့ သိပ်ပြီးတော့ ပြောင်းလဲတိုးတက်မယ့်ပုံ မပေါ်ဘူးလို့ ထင်တယ်။”

ဒါကတော့ မကြာခင်ရောက်လာတော့မယ် ၂၀၁၄ ခုနှစ်ရဲ့ မြန်မာ့နိုင်ငံရေးအခြေအနေကို ဦးဝင်းတင် သုံးသပ်ခဲ့တာပါ။

အလားတူ - နိုင်ငံရေးလိုပဲ မြန်မာ့စီးပွားရေးအခြေအနေဟာလည်း ၂၀၁၄ ခုနှစ်မှာ ပုံမှန်အတိုင်း ဆက်ရှိနေမှာဖြစ်ပြီး၊ ဟိုတယ်နဲ့ ခရီးသွားလုပ်ငန်းတွေ အတွက် အခြေအနေကောင်းပေမဲ့၊ လူတစ်ဦးချင်းရဲ့ဝင်ငွေ မြင့်တက်မလာတာနဲ့ တချို့ ပြည်တွင်းစီးပွားရေး လုပ်ငန်းငယ်လေးတွေအတွက်တော့ - အလားအလာ မကောင်းနိုင်ဘူးလို့ စီးပွားရေးပညာရှင် တစ်ဦးဖြစ်တဲ့ - မြန်မာနိုင်ငံ ဆန်လုပ်ငန်းရှင်များအသင်း တွဲဘက်အတွင်းရေးမှူး ဒေါက်တာစိုးထွန်း က သုံးသပ်ခဲ့ပါတယ်။

“မြန်မာနိုင်ငံမှာတော့ လက်ရှိ ၂၀၁၄ ခုနှစ်အတွက် စဉ်းစား သုံးသပ်ကြည့်မယ် ဆိုရင်တော့ တချို့လုပ်ငန်းတွေ အတွက် တော့ ကောင်းနိုင် တာပေါ့၊ ဥပမာဆိုပါတော့ ဟိုတယ်နဲ့ခရီးသွား လုပ်ငန်းတွေပေါ့နော်။ ဘာလို့လဲဆိုတော့ အာဆီယံဥက္ကဌ ဖြစ်လာမယ် နောက် အာဆီယံအစည်းအဝေး ၃၀၀ ကျော်လောက် ကျင်းပမယ်ပေါ့။ အဲ့ဒီအပြင် ခရီးလုပ်ငန်းအနေအထား တိုးတက်လာတဲ့ အနေအထားမှာရှိတော့ ခရီးသွားလုပ်ငန်းနဲ့ ဆက်စပ်တဲ့အပိုင်းကတော့ ၂၀၁၄ မှာ ကောင်းမယ့် အနေအထားရှိပါတယ်။

သို့သော်လည်းပဲ ကျန်တဲ့အပိုင်းတွေကို အသေးစားလုပ်ငန်းတွေအတွက်ကတော့ အလားအလာ မကောင်းနိုင်ဘူးပေါ့နော်။ ဘာလို့လဲဆိုတော့ နိုင်ငံခြား ရင်းနှီးမြှုပ်နှံမှု ကုမ္ပဏီကြီးတွေ ၀င်လာမှာရှိမယ်။ နိုင်ငံတော်အစိုးရကလည်း ပံ့ပိုးမှုအပိုင်း အားနည်းတာရှိတယ်။ အသေးစားလုပ်ငန်းတွေအတွက် အခက်အခဲရှိနိုင်ပါတယ်။ စိုက်ပျိုးရေးထွက်ကုန်ပိုင်းကိုကြည့်မယ်ဆိုရင်တော့ လက်ရှိအနေအထားကတော့ ကျနော်တို့အနေနဲ့ ထုတ်လုပ်မှု ကုန်ကျစရိတ် မြင့်တက်နေတဲ့အပိုင်းမှာရှိနေတယ်။ တဦးချင်းဝင်ငွေနဲ့ ပတ်သက်ရင်တော့ တက်လာတာမရှိတဲ့အတွက် ကြောင့် ၀ယ်ယူစားသုံးမှုကလည်း အများကြီး တက်မလာဘူး။

အဲ့ဒါကြောင့် တခြားလုပ်ငန်းအများစုဖြစ်တဲ့ စားသောက်ဆိုင်လုပ်ငန်း၊ ကုန်ပစ္စည်းလုပ်ငန်းတွေကတော့ အများကြီးး တိုးတက်လာဖို့ မမြင်ပါဘူး။ လက်ရှိ အနေအထားအတိုင်း ဆက်သွားရင်တော့လည်း အများကြီး ပြောင်းလဲလာမယ်လို့ မမြင်ပါဘူး။ ၂၀၁၃ နဲ့ ၂၀၁၄ အများကြီးကွာမယ်လို့ မမြင်ပါဘူး။”

ဒါကတော့ လာမယ့် ၂၀၁၄ ခုနှစ်အတွက် မြန်မာ့စီးပွားရေးအခြေအနေကို စီးပွားရေးပညာရှင် တစ်ဦးဖြစ်တဲ့ - မြန်မာနိုင်ငံ ဆန်လုပ်ငန်းရှင်များအသင်း တွဲဘက်အတွင်းရေးမှူး ဒေါက်တာစိုးထွန်း သုံးသပ်ခဲ့တာပါ။

မြန်မာနိုင်ငံရဲ့ နက္ခတ်ဗေဒပညာ လောကမှာ ဆရာတဆူဖြစ်တဲ့ ဆရာစံဇာဏီဘိုကတော့ - ၂၀၁၄ မြန်မာနိုင်ငံရဲ့ ကံကြမ္မာကို အခုလို ဟောကြားခဲ့ပါတယ်။

“၂၀၁၄ ထဲမှာ မြန်မာနိုင်ငံရဲ့ ကံကြမ္မာဟာ ကောင်းသောအပြောင်းအလဲနဲ့ ထူးခြားတဲ့ တိုးတက်မှုတွေ ဖြစ်ပေါ်ဖို့ရှိတယ်။ အညံ့ ၃ နေရာရှိတယ်။ ၂၀၁၄ ဖေဖော်ဝါရီ ၁၉ နဲ့ မတ် ၂၀ ကြားမှာတကြိမ်၊ အကြောင်းအရာက နိုင်ငံရေး အတွင်း ပဋိပက္ခ လွှတ်တော်တွင်း ဆောင်ရွက်မယ့် ကိစ္စတွေအပေါ်မှာ အစိုးရက ငြင်းပယ်မှုပြုတဲ့ အတွက် လူထုအတွက် ဆုံးရှုံးမှုတခုပေါ့။ နောက် ဒီအစိုးရကိုယ်တိုင်လည်း ငွေကြေးနဲ့ပတ်သက်တဲ့ ဘဏ္ဍာရေးနဲ့ပတ်သက်တဲ့ သုံးစွဲမှုအပေါ် သူတို့ ဖြေရှင်းရလိမ့် မယ်။ ဇွန် ၂၀ နဲ့ ဇူလိုင် ၂၀ ကြားမှာ တည်ရှိမယ့်အကြောင်းအရာက လူတို့ရဲ့ တဖက်စွန်းရောက် ပဋိပက္ခကို ဖြေရှင်းရမယ်။

တတိယကာလ နိုဝင်ဘာ ၀န်းကျင်ကတော့ နိုင်ငံရေးနဲ့ပတ်သက်တဲ့ လမ်းကြောင်းအသစ်ပေါ်မှာ ဆက်သွားဖို့ အတွက် ပြည်တွင်းမှာ နိုင်ငံရေးနဲ့ ပတ်သက်တဲ့ ဖြေရှင်းမှု အဲ့ဒါကတော့ အစိုးရအနေနဲ့ သူတို့ရဲ့ အုပ်ချုပ်မှု ယန္တရားနဲ့ ပြည်သူလူထုရဲ့ အနေအထားတွေ ယှဉ်ပြိုင်မှုရှိပြီးတော့ သူတို့ရဲ့ လုပ်ပိုင်ခွင့်အချို့ကို လျှော့ပေးရမယ့် အနေအထားရှိတယ်။ မြန်မာပြည်ရဲ့ ကံကြမ္မာအနေအထားဟာ နောက်ကိုပြန်ဆုတ်တာမရှိဘူး။

တိုင်းပြည်ရဲ့ လုပ်ငန်းပိုင်း စီးပွားရေးရာပိုင်းမှာတော့ ဖွံ့ဖြိုးစရာအကြောင်း သိပ်အကြီးစားမမြင်ဘူး။ မြန်မာပြည်ရဲ့ဇာတာအရ အလုပ်သမား လူတန်းစားရဲ့ အနေအထားကတော့ သုံးစွဲနိုင်စွမ်းနဲ့ သူတို့ လုပ်ပိုင်ခွင့်၊ ရပိုင်ခွင့်တွေ၊ များလာမယ်။ လုပ်ငန်းရှင်တွေ အတွက်ကတော့ Human Resources HR Problems တွေ သူတို့ ထိပ်တိုက်ရင်ဆိုင်ရမယ်။ နောက် လုပ်ငန်းရှင် အကြီးစားတွေ၊ နိုင်ငံတကာအဆင့်နဲ့ လုပ်တဲ့လူတွေကတော့ ပုံမှန်အနေအထားပဲဖြစ်တယ်။ သူတို့ထင်သလောက် မဖြစ်နိုင်ဘူး။”

နက္ခတ်ဗေဒပညာ လောကမှာ ဆရာတဆူဖြစ်တဲ့ စံဇာဏီဘိုဖြစ်ပါတယ်။ ဘယ်လိုပဲဖြစ်ဖြစ် ၂၀၁၄ ခုနှစ်ကို ခြုံကြည့်မယ် ဆိုရင်တော့ - မြန်မာနိုင်ငံရဲ့ အနေအထားဟာ အရင်လို နောက်ပြန်ဆုတ်မယ့် - အာဏာသိမ်းမယ့် အခြေအနေ မရှိဘူးလို့ ၀ါရင့်နိုင်ငံရေးသမား ဦးဝင်းတင်နဲ့ နက္ခတ်ဗေဒပညာရှင် ဆရာစံဇာဏီဘိုတို့က သုံးသပ်ပြောဆိုခဲ့ကြပါတယ်။


VOA Burmese News

အပြည့်အစုံသို့ »

အမေရိကန် ဒဏ်ခတ်အရေးယူမှု နားလည်မှုလွဲမှားကြောင်း Asia Metal ကုမ္ပဏီ တုံ့ပြန်



မဆုမွန်၊ VOA - 19.12.2013

မြောက်ကိုရီးယားနဲ့ စစ်ရေးဆက်ဆံမှုရှိနေတဲ့ မြန်မာကုမ္ပဏီ ၃ ခုဖြစ်တဲ့ Asia Metal Company Ltd.၊ စိုးမင်းထိုက် Co. Ltd. နဲ့ Excellence Mineral Manufacturing Co. Ltd. တို့နဲ့ ကာကွယ်ရေးဝန်ကြီးဌာန ကာကွယ်ရေးပစ္စည်းထုတ်လုပ်ရေး အရာရှိချုပ်ရုံး (ကကထုတ်) က ဒုတိယဗိုလ်မှူးကြီး ကျော်ညွန့်ဦးကို အမေရိကန်ဘဏ္ဍာရေးဌာနက ပစ်မှတ်ထား အရေးယူလိုက်တဲ့ကြေညာချက် အင်္ဂါနေ့က ထွက်ပေါ်ခဲ့တာမှာ Asia Metal ကုမ္ပဏီကတော့ ဒီလို ထည့်သွင်းအရေးယူတာဟာ လွဲမှားမှုတရပ်ဖြစ်တယ်လို့ တုံ့ပြန်လိုက်ပါတယ်။

သူတို့ကုမ္ပဏီဟာ ဆောက်လုပ်ရေးလုပ်ငန်းကိုသာ လုပ်ကိုင်ပြီး စစ်တပ်က လာအပ်တဲ့ ဆောက်လုပ်ရေးလုပ်ငန်းတွေ အရသာ ဆောက်လုပ်ပေးခဲ့တာဖြစ်တယ်လို့ ဗွီအိုအေ (မြန်မာပိုင်း) ကို ပြောခဲ့ပါတယ်။ အပြည့်အစုံကိုတော့ မဆုမွန် က တင်ပြထားပါတယ်။

မြောက်ကိုရီးယားနဲ့ မြန်မာနိုင်ငံအကြား စစ်ရေးဆက်ဆံမှုတွေမှာ အဓိက ပါဝင်ပတ်သက်နေတယ်ဆိုပြီး ကာကွယ်ရေးဝန်ကြီးဌာန ကာကွယ်ရေးပစ္စည်း ထုတ်လုပ်ရေး အရာရှိချုပ်ရုံး (ကကထုတ်) က ဒုတိယဗိုလ်မှူးကြီး ကျော်ညွန့်ဦးနဲ့ မြန်မာနိုင်ငံသားပိုင် ကုမ္ပဏီ ၃ ခုတို့ကို အမေရိကန်ဘဏ္ဍာရေးဝန်ကြီးဌာနက ဒဏ်ခတ်အရေးယူမှုစာရင်းထဲ ထပ်ပြီး ထည့်သွင်းလိုက်တာဖြစ်ပါတယ်။

မြောက်ကိုရီးယားနိုင်ငံနဲ့ လက်နက်အရောင်းအဝယ် လုပ်တဲ့ကိစ္စနဲ့ စစ်ဘက်ဆောက်လုပ်ရေး လုပ်ငန်းတွေမှာ ပတ်သက်မှုရှိတယ်ဆိုပြီး အခု အရေးယူခံရတဲ့ ကုမ္ပဏီတွေကတော့ Asia Metal Company Ltd.၊ စိုးမင်းထိုက် Co. Ltd. နဲ့ Excellence Mineral Manufacturing Co. Ltd. တို့ဖြစ်ပါတယ်။

မြောက်ကိုရီးယား အယောက် ၃၀ လောက် အလုပ်လုပ်နေတဲ့ ကာကွယ်ရေးပစ္စည်း ထုတ်လုပ်ရေး စက်ရုံဝန်းထဲမှာ Asia Metal ကုမ္ပဏီဟာ ၂၀၁၂ ဒီဇင်ဘာအထိ ဆောက်လုပ်ရေးလုပ်ငန်းတွေ လုပ်ခဲ့သလို၊ ဆောက်လုပ်ရေးပစ္စည်းတွေ ထောက်ပံ့ခဲ့တယ်လို့ အမေရိကန် ဘဏ္ဍာရေးဝန်ကြီးဌာနရဲ့ အင်္ဂါနေ့ ကြေညာချက်ထဲမှာ ဖော်ပြထားပါတယ်။

ဒါပေမဲ့ Asia Metal Company Limited ရဲ့ အထွေထွေမန်နေဂျာ ဦးထိန်လင်းကတော့ ၂၀၀၈ ခုနှစ်ကနေ ၂၀၁၀ ခုနှစ်အထိ စစ်တပ်က ကန်ထရိုက်တွေ ခေါ်ခဲ့တာကြောင့် ဆောက်လုပ်ရေး အင်ဂျင်နီယာတပ်အတွက် ဆောက်လုပ်ရေးလုပ်ငန်းတွေသာ လုပ်ကိုင်ပေးခဲ့ဖူးပါတယ်လို့ ဗွီအိုအေမြန်မာပိုင်းကို ပြောပါတယ်။

“ကျနော်တို့က ဆောက်လုပ်ရေးလုပ်တော့လေ သူတို့ ကန်ထရိုက်ခေါ်တော့ ကျနော်တို့ ၀င်လုပ်ခဲ့တယ်။ ၀င်လုပ်ခဲ့တဲ့အချိန်မှာ -- အဆောက်အဦးပဲဆောက်တော့ ကျန်တဲ့ဟာကျတော့ ကျနော်တို့လည်း ဂဃနဏ မသိဘူးပေါ့။ ကျနော်တို့ GE နဲ့ ကန်ထရိုက်ခေါ်တဲ့အချိန်မှာ Free Fracture Installation ၀င်လုပ်ပေးခဲ့တယ်။ ၂၀၀၈ ကနေ ၂၀၁၀ လောက်အထိပေါ့နော်။ အဲ့ဒါတော့ လုပ်ပေးခဲ့ဖူးတယ်။ အဲ့ဒီကနေမှ အခုပေါ့နော် ကျနော်တို့လည်း သေသေချာချာ ဂဃနဏ မသိဘူး။ နောက်ဆုံး ဒီ လွဲမှားမှု၊ လွဲမှားမှုလို့ပဲ ထင်ပါတယ်။ အထင်လွဲမှုပေါ့နော်။”

မြန်မာနိုင်ငံအလယ်ပိုင်း မကွေးမြို့ဘက်မှာ တပ်နယ်မြေအတွင်း ဂိုဒေါင် ဆောက်ပေးတာနဲ့ လမ်းဖောက်လုပ်ရေးစတဲ့ ဆောက်လုပ်ရေးကိုသာ လုပ်ကိုင်ပေးခဲ့တာဖြစ်ပြီး တခြားစစ်ဘက်ဆိုင်ရာ ဘယ်လိုကိစ္စမျိုးမှာမှ ပါဝင်ပတ်သက်ခြင်းမရှိဘူးလို့ ဦးထိန်လင်းကပြောပါတယ်။

မြောက်ကိုရီးယားတွေ လာရောက်လုပ်ကိုင်နေတဲ့ ကာကွယ်ရေးပစ္စည်းစက်ရုံအတွက် ဆောက်လုပ်ရေး လုပ်ကိုင်ပေးခဲ့တယ်ဆိုတဲ့ အမေရိကန်ရဲ့ ပြောဆိုချက်အပေါ် မြောက်ကိုရီးယားနဲ့ Asia Metal ကုမ္ပဏီကြား ဘယ်လိုဆက်စပ်မှုမျိုးမှ မရှိခဲ့ဘူးလို့ သူက ငြင်းချက်ထုတ်ပါတယ်။

“ကျနော်တို့နဲ့ မြောက်ကိုရီးယားနဲ့လည်း ဘာမှမလုပ်ဘူး။ ကျနော်တို့က Local ပဲ။ GE ကနေ အဆောက်အဦးဆောက်ခိုင်းတယ်။ ဆောက်ခိုင်းတဲ့အချိန်မှာ ကျနော်တို့ကလည်း Construction လုပ်တဲ့အတွက် ဒါ ကျနော်တို့လုပ်ပေးနိုင်တယ်။ ဒါ ကျနော်တို့လုပ်နိုင်တဲ့ဟာပေါ့နော်။ ကျနော်တို့က နဂိုကတည်းက Construction လုပ်တဲ့အတွက် ဒါ ဆောက်ခိုင်းလို့ ကျနော်တို့ ဆောက်တယ်။ ဒီလောက်ပါပဲအမ။ ပတ်သက်မှုတော့ ဘာမှမရှိဘူး။ ကျနော်တို့က Construction လုပ်တာအမရယ်၊ အလုပ်လုပ်လို့ရမယ်၊ အဆင်ပြေမယ့်ဟာဆို ကျနော်တို့ လုပ်လိုက်တယ်။ ဒီအခြားဆက်ဆံမှုကျတော့ ကျနော်တို့လည်း အဲ့လောက် ဘယ်လိုပြောရမလဲ ဒီဟာ ဘာလုပ်တယ်ဆိုတာလည်း တကယ် မသိခဲ့ဘူးပေါ့နော်။ ကျနော်တို့အသိက စီးပွားရေးလောက်ပဲသိတာ။ စီးပွားရေးဆိုတာ ကျနော်တို့ဆီမှာ သူတို့ကို အဆောက်အဦးဆောက်ပေးတယ်။ ကျနော်တို့ ပိုက်ဆံရတယ်။ ကျနော်တို့ဆောက်တာကလည်း ဂိုဒေါင်ပဲ အမရယ်။ ဥပမာ ဒီရန်ကုန်စက်မှုဇုန်မှာဆောက်တဲ့ ဂိုဒေါင်ပုံစံမျိုးတွေပဲ။ ပြီးရင် သူတို့ တပ်ထဲမှာ ကျနော်တို့ လမ်းခင်းပေးတယ်။”

သူတို့လုပ်ကိုင်ခဲ့တဲ့ ဆောက်လုပ်ရေးနဲ့ပတ်သက်ပြီး အခုလိုမျိုး အမေရိကန်အစိုးရက ဒဏ်ခတ် အရေးယူရတဲ့အထိ ဖြစ်သွားလိမ့်မယ်လို့ မထင်ထားတဲ့အကြောင်းလည်း ကုမ္ပဏီ အထွေထွေမန်နေဂျာ ဦးထိန်လင်းက ပြောပါတယ်။

“ကျနော်တို့ကိုယ်တိုင်လည်း အံ့အားသင့်တာပေါ့နော်။ ကျနော်တို့လည်း ရိုးရိုးရှင်းရှင်းလုပ်တော့ အဲ့လောက် မတွေးမိဘူးပေါ့နော်။ ကျနော်တို့လည်း ဒီလုပ်ငန်းလုပ်တယ်။ ဒီအဆောက်အဦးဆောက်ခိုင်းတယ်။ ကျနော်တို့ကလည်း ဒါ ကျနော်တို့ စီးပွားရေးဖြစ်နေတဲ့အတွက် ကျနော်တို့ ဆောက်တယ်။ ဒါလောက်ပါပဲ။ ဘယ်လိုပြောမလဲ ဒီ အထင်လွဲမှားမှုပုံစံမျိုးနဲ့ပဲ ကျနော်တို့ ဒီလိုပဲ အခုလက်ရှိတော့ ယူဆတာပေါ့။ ကျနော်တို့ဘက်ကလည်း ဒီဟာနဲ့ပတ်သက်ပြီးတော့ ရှုပ်ထားတာ ဘာမှမရှိဘူး။”

မြောက်ကိုရီးယားဆီကနေ စစ်လက်နက်ပစ္စည်းတွေ ဝယ်ယူမှုမှာ ပါဝင်ပတ်သက်နေတဲ့ လူပုဂ္ဂိုလ်တွေနဲ့ လုပ်ငန်းတွေကို ဆက်လက် ပစ်မှတ်ထား အရေးယူနေတာဖြစ်ပြီး မြန်မာအစိုးရကို အရေးယူတာ မဟုတ်ဘူးလို့ အမေရိကန်ဘဏ္ဍာရေး ၀န်ကြီးဌာနရဲ့ အင်္ဂါနေ့ထုတ် ကြေညာချက်ထဲမှာ ဖော်ပြထားပါတယ်။

အခုလိုမျိုး အမေရိကန်အစိုးရက ပိတ်ဆို့ဒဏ်ခတ်အရေးယူမှုစာရင်းထဲမှာ ထပ်ပြီးတော့ တိုးလိုက်တာနဲ့ပတ်သက်ပြီး သက်ဆိုင်တဲ့ မြန်မာအစိုးရ တာဝန်ရှိသူတွေကို ဆက်သွယ်မေးမြန်းခဲ့ပေမဲ့ ဆက်သွယ်လို့ မရခဲ့ပါဘူး။

VOA Burmese News

အပြည့်အစုံသို့ »

နေပြည်တော် သာဝတ္တိတိုက်နယ် ရေကြီး


မန္တလေးတိုင်း၊ နေပြည်တော် သာဝတ္တိတိုက်နယ်ထဲမှာ ရေကြီးနေတဲ့အတွက် ကျေးရွာပေါင်း ၈ ရွာက အိမ်ခြေ ထောင်ကျော် ရေနှစ်မြုပ်နေပါတယ်။
ရေဘေးဒုက္ခရောက်နေသူပေါင်းလည်း ထောင်နဲ့ချီရှိနေပါတယ်။

နေအိမ်တွေအပြင် လယ်မြေနဲ့ ယာမြေပေါင်းများစွာခဲ့ ပျက်စီးဆုံးရှုံးနေတယ်လို့ ရေဘေးဒုက္ခသည်တွေကို အကူအညီပေးနေတဲ့ “ဗြဟ္မစိုရ် နှလုံးလှ” လူမှုကူညီရေးအသင်းက VOA မြန်မာပိုင်းကို ပြောပါတယ်။

ဒုက္ခသည်တွေအတွက် တာဝန်ရှိသူတွေက ယာယီကယ်ဆယ်ရေးစခန်းတွေ ဖွင့်ခဲ့ပေးပေမဲ့ ရက်ပိုင်းအကြာမှာပဲ နေရပ်ပြန်ခိုင်းခဲ့တဲ့အတွက် ရေမြုပ်နေတဲ့ နေအိမ်တွေဆီပြန်သွားဖို့ ဒုက္ခသည်တွေမှာ အခက်တွေ့ကြရတယ်လို့လည်း ဆိုပါတယ်။ တချို့ကလည်း ပြန်ဖို့
ငြင်းဆန်ခဲ့ကြပါတယ်။

လယ်ယာမြေတွေ ရေလွှမ်းကုန်တာကြောင့် အသက်မွေးဝမ်းကျောင်းလုပ်ငန်း ထိခိုက်ပြီး စိုက်ပျိုးသီးနှံတွေဆုံးရှုံးကြရတဲ့ တောင်သူလယ်သမားတွေ အရေးကို အာဏာပိုင်တွေဘက်က ကိုင်တွယ်ဖြေရှင်းပေးစေချင်တယ်လို့ ရေဘေးသင့် တောင်သူတွေကလည်း ပြောပါတယ်။ မြန်မာနိုင်ငံအလယ်ပိုင်း ဒေသတချို့မှာ မိုးအဆက်မပြတ် ရွာသွန်းမှုကြောင့် နှစ်ပေါင်းများစွာအတွင်း မကြုံစဖူး ရေကြီး ရေလျှံမှုတွေ ဖြစ်နေပါတယ်။

VOA

အပြည့်အစုံသို့ »

ကိုယ်ဝန်ဆောင်မိခင် နဲ့ အနေအထိုင်ဆိုင်ရာ



ကိုယ်ဝန်ဆောင်စဉ် အနေအထိုင် မမှန်တာကြောင့် မိခင် နဲ့ ခလေး ကျန်းမာရေးကို ထိခိုက်နိုင်တယ်လို့ ကျန်းမာရေးပညာရှင်တွေက သတိပေးပြောဆိုကြပါတယ်။ ကိုယ်ဝန်ဆောင်ကာလ ကိုယ်အနေအထား ရုတ်တရက် ပြောင်းတာတွေ၊ ကြာကြာတစ်ပုံစံထဲ နေတာတွေကြောင့် ခါး၊ ဆီးခုံ၊ဆီးစပ်နာတာတွေ ဖြစ်နိုင်ပါတယ်။ ဘာကြောင့် ဒီလိုဖြစ်ရပါလဲ။ ဒါ့အပြင် ကြာကြာရပ်တာ၊ ထိုင်တာနဲ့ ပက်လက်အိပ်တာတွေကြောင့်လည်း မိခင်ခြေထောက် ဖောတာအပြင် ကလေးကြီးထွားမှုကိုပါ ထိခိုက်နိုင်ပါတယ်။ ဘာကြောင့်ပါလဲ။

ဒီပြဿနာတွေကို ကာကွယ်နိုင်ဖို့ ကိုယ်ဝန်ဆောင်စဉ် ရုတ်တရက် စောင်းတာ၊ ကုန်းတာ၊ ကွတာတွေ မလုပ်ဘဲ၊ ဖြည်းဖြည်းသာသာ ဂရုစိုက်လုပ်သင့်ပါတယ်။ဒီ့အပြင် ကြာကြာထိုင်တာ၊ ထတာတွေမလုပ်ပဲ ခေတ္တနေထိုင်ပုံ အပြောင်းအလဲ လုပ်ပေးဖို့ လဲလျောင်းသင့်ပါတယ်။ ဒါပေမဲ့ ပက်လက်လှန် လဲလျောင်းတာမျိုး မဟုတ်ဘဲ ခဏတာ ဘေးစောင်းလဲလျောင်း အနားယူသင့်ပါတယ်။

ဒီအကြောင်း ပိုမိုသိရှိနားလည်းနိုင်ဖို့ ဆေးတက္ကသိုလ် (၁) နဲ့ ဗဟိုအမျိုးသမီးဆေးရုံ သားဖွားမီးယပ်ပညာဌာန ပါမောက္ခ၊ ဌာနမှုး ဒေါက်တာမြသီတာ ကို ကိုဝင်းမင်းက ဆက်သွယ်မေးမြန်း ဆွေးနွေးတင်ပြထားပါတယ်။

ကိုယ်ဝန်ဆောင်စဉ် အနေအထိုင် မမှန်တာကြောင့် မိခင် နဲ့ ခလေး ကျန်းမာရေးကို ထိခိုက်နိုင်တယ်လို့ ကျန်းမာရေးပညာရှင်တွေက သတိပေးပြောဆိုကြပါတယ်။ ကိုယ်ဝန်ဆောင်ကာလ ကိုယ်အနေအထား ရုတ်တရက် ပြောင်းတာတွေ၊ ကြာကြာတစ်ပုံစံထဲ နေတာတွေကြောင့် ခါး၊ ဆီးခုံ၊ဆီးစပ်နာတာတွေ ဖြစ်နိုင်ပါတယ်။ ဘာကြောင့် ဒီလိုဖြစ်ရပါလဲ။ ဒါ့အပြင် ကြာကြာရပ်တာ၊ ထိုင်တာနဲ့ ပက်လက်အိပ်တာတွေကြောင့်လည်း မိခင်ခြေထောက် ဖောတာအပြင် ကလေးကြီးထွားမှုကိုပါ ထိခိုက်နိုင်ပါတယ်။ ဘာကြောင့်ပါလဲ။

ဒီပြဿနာတွေကို ကာကွယ်နိုင်ဖို့ ကိုယ်ဝန်ဆောင်စဉ် ရုတ်တရက် စောင်းတာ၊ ကုန်းတာ၊ ကွတာတွေ မလုပ်ဘဲ၊ ဖြည်းဖြည်းသာသာ ဂရုစိုက်လုပ်သင့်ပါတယ်။ဒီ့အပြင် ကြာကြာထိုင်တာ၊ ထတာတွေမလုပ်ပဲ ခေတ္တနေထိုင်ပုံ အပြောင်းအလဲ လုပ်ပေးဖို့ လဲလျောင်းသင့်ပါတယ်။ ဒါပေမဲ့ ပက်လက်လှန် လဲလျောင်းတာမျိုး မဟုတ်ဘဲ ခဏတာ ဘေးစောင်းလဲလျောင်း အနားယူသင့်ပါတယ်။

ဒီအကြောင်း ပိုမိုသိရှိနားလည်းနိုင်ဖို့ ဆေးတက္ကသိုလ် (၁) နဲ့ ဗဟိုအမျိုးသမီးဆေးရုံ သားဖွားမီးယပ်ပညာဌာန ပါမောက္ခ၊ ဌာနမှုး ဒေါက်တာမြသီတာ ကို ကိုဝင်းမင်းက ဆက်သွယ်မေးမြန်း ဆွေးနွေးတင်ပြထားပါတယ်။

VOA

http://burmese.voanews.com/audio/2405107.html

အပြည့်အစုံသို့ »

မလေးရှားလေယာဉ် ယူကရိန်းသူပုန်တွေ မှားပစ်ချခဲ့ပုံရ



ပြီးခဲ့တဲ့ သီတင်းပတ်အတွင်း မလေးရှားနိုင်ငံပိုင် ခရီးသည်တင်လေယာဉ်ကို
ယူကရိန်းနိုင်ငံ အရှေ့ပိုင်းမှာ ပစ်ချခဲ့တဲ့ ဖြစ်စဉ်မှာ ရုရှားနိုင်ငံက တိုက်ရိုက် ပါဝင်ပတ်


သက်နေတယ်ဆိုတဲ့ အထောက်အထား သူတို့ထံမှာ မရှိဘူးလို့ အမေရိကန် ထောက်လှမ်းရေး အရာရှိတွေက ပြောဆိုပါတယ်။

ပေါ့ပေါ့တန်တန် သင်တန်းတက်ထားတဲ့ ရုရှားလိုလားတဲ့ ခွဲထွက်ရေး သူပုန်တွေက မှားယွင်း ပစ်ခတ်ခဲ့ပုံ ရတယ်လို့လည်း ပြောဆိုပါတယ်။ ဇူလိုင်လ ၁၇ ရက်နေ့က ဖြစ်ပွားခဲ့တဲ့ အဖြစ်ပျက်နဲ့ ပတ်သက်ပြီး အမေရိကန် အရာရှိတွေက အင်္ဂါနေ့ ၀ါရှင်တန်ဒီစီ မြို့တော်မှာ သတင်းစာရှင်းလင်းပွဲ ပြုလုပ်ခဲ့တာပါ။

အခုလို ပဏာမ စုံစမ်းတွေ့ရှိချက်တွေကို ရှင်းပြသူတွေက သူတို့ရဲ့ နာမည်တွေကို ထုတ်ဖော်မပြောကြဖို့ သတင်းထောက်တွေကို ပြောဆိုပါတယ်။ ခရီးသည်နဲ့ လေယာဉ်အမှုထမ်း ၂၉၈ ယောက် တင်ဆောင်လာတဲ့ လေယာဉ်ကြီးကို ခွဲထွက်ရေးသူပုန်တွေက ရုရှားနိုင်ငံလုပ် မြေပြင်ကနေ ဝေဟင်ကို ပစ်ခတ်တဲ့ SA-11 မစ်ဇိုင်းဒုံးနဲ့ ပစ်ချခဲ့ပုံရကြောင်း သူတို့က ပြောပါတယ်။ လေယာဉ်ပေါ်ပါသူတွေထဲမှာ အသက်ရှင်ကျန်ရစ်သူ တယောက်မှ မရှိပါဘူး။

မစ်ဇိုင်းဒုံးပျံ ပစ်ခတ်လိုက်ချိန်မှာ ရုရှားနိုင်ငံဘက်က တာဝန်ရှိသူတဦးတယောက် ရှိနေ မနေဆိုတာကို သူတို့မသိဘူးလို့ အမေရိကန် အရာရှိတွေက ပြောပါတယ်။ ဒါပေမဲ့ ဒီလိုမျိုး ပစ်ခတ်နိုင်တဲ့ အနေအထားမျိုး ရရှိအောင် ရုရှားက ဖန်တီးပေးထားတယ်လို့ ပြောဆိုပါတယ်။

ပြီးခဲ့တဲ့ ၅ ရက်တာကာလအတွင်း အမေရိကန်ပြည်ထောင်စု၊ ယူကရိန်းနဲ့ ဥရောပနိုင်ငံတွေက ရုရှားနိုင်ငံဟာ အခုလို လေယာဉ်ကို ပစ်ချနိုင်စွမ်းရှိတဲ့ ဒုံးပျံလွှတ်စဉ်ကို ထောက်ပံ့ပေးခဲ့တယ်လို့ စွပ်စွဲခဲ့ကြပါတယ်။

VOA(မြန်မာပိုင်း)

အပြည့်အစုံသို့ »