Showing posts sorted by relevance for query irrawaddy. Sort by date Show all posts
Showing posts sorted by relevance for query irrawaddy. Sort by date Show all posts

ရိုမန်းဘော့ထ်ဂယက်


ယခုရက်ပိုင်းစာပေလောကအတွင်းသာမကလူမှုကွန်ရက်စာမျက်နှာများပေါ်သို့ပင် ကျယ်ပြန့်စွာ ရိုက်ခတ်သွားခဲ့ပြီး  လူအများစုဆွေးနွေးဝေဖန်မှုများနေသည့် အမည်တစ်ခုက ရိုမန်းဘော့ထ်ဖြစ်သည်။

ရိုမန်းဘော့ထ်ဆိုသည့်အသံ က လူမှုကွန်ရက်ဖေ့စ်ဘွတ်ခ်တစ် ခွင် ကျယ်ကျယ်လောင်လောင်ဖြစ်လာရပြီး စာပေလောကအတွင်းမှာပါလှုပ်လှုပ်ခတ်ခတ်ဖြစ်နေခဲ့သည်။  ရိုမန်းဘော့ထ်ဟူသည် အဘယ်နည်းဟု မသိသူတို့ကမေးမြန်းလာကြသည်။ မဖတ်ရသေး သူတို့က အသည်းအသန်လိုက်လံရှာဖွေဝယ်ယူနေကြသည်။ထုတ်ဝေပြီး ရက်ပိုင်းမှာပင် ရိုမန်းဘော့ထ်က ကျပ် ၂၅၀၀မှ ကျပ် ၄၀၀၀ အထိ ဈေးခုန်တက်သွားခဲ့ သည်။ ဇွန်လ ၂၃ ရက်တွင် ထိုစာ အုပ်၏ ပေါက်ဈေးက ကျပ် ၈၀၀၀ နှုန်းအထိ မြင့်တက်လာသည်။

ရိုမန်းဘော့ထ်သည် စာအုပ် တစ်အုပ်ဖြစ်သည်။ ဇာတ်လမ်း တစ်ခုပါဝင်သည်။ သို့သော်စာ အုပ်ပါ အကြောင်းအရာတို့မှာ လိင်အသားပေးလွန်းသည့် အပြာ စာပေဖြစ်ကြောင်း ဝေဖန်နေကြ ခြင်းဖြစ်သည်။ ရတနာဝင်းထိန်၊ မန္တလာမောင်မောင်တုတ်၊ ဇမ္ဗူတ လူအစရှိသည့် အမည်များဖြင့် ထွက်ရှိဖူးသည့် လိင်ပိုင်းဆိုင်ရာ စာအုပ်များတစ်ခေတ်ပြီးနောက် ယခုကဲ့သို့ ၁၈+ဟုခေါ်သည့် လိင် အပြာစာပေဆန်ဆန်စာအုပ်တစ် အုပ်ကို တရားဝင်ဖြန့်ချိလိုက်ခြင်း ဖြစ်သည်။

  ယခင်က လိင်ဆိုင်ရာစာအုပ်များကို ခွင်ပြုချက်မဲ့ တရားမ၀င်ထုတ်ဝေဖြန့်ချိခဲ့ကြပြီး ပန်းဆိုး တန်းရှိ စာအုပ်အဟောင်းဆိုင် တန်းများတွင် ခိုးကြောင်ခိုးဝှက် ၀ယ်ယူဖတ်ရှုခဲ့ကြသည့်ခေတ်အ လွန် စာပေလွတ်လပ်ခွင့်အထိုက် အလျောက်ရရှိလာသော အချိန်တွင် ယခုစာအုပ်က စာအုပ်ဆိုင် များပေါ်သို့ ရောက်ရှိလာခဲ့သည်။

မြန်မာနိုင်ငံတွင် ပြီးခဲ့သည့် ၂၀၁၂ ခုနှစ် သြဂုတ်လ ၂၀ ရက် ကစတင်၍ စာပေထုတ်ဝေမှုများ အားလုံးအထိုက်အလျောက် ဖြေ လျှော့ပေးခဲ့သည်။ ထိုနောက်ပိုင်း တွင် စာရေးဆရာ မိုးသက်ဟန်က လိင်ပိုင်းဆိုင်ရာအရေးအသားအ နည်းငယ်ပါဝင်သော်လည်း ယခု စာအုပ်လောက်မကြမ်းသည့် ပြင်သစ်ဝတ္ထုစာအုပ်တစ်အုပ်ကို ဘာသာပြန်ရေးသား  ထုတ်ဝေခဲ့ဖူးသည်။

 အောင်ရင်ငြိမ်း၏ ယခုစာအုပ်မှာ လူငယ်များကို လမ်းမှား ရောက်အောင် တွန်းပို့နေသည့် စာအုပ်ဖြစ်ကြောင်း၊ မုဒိမ်းမှုများ ပြားနေသည့် ကာလတွင် အမှုများထပ်တိုးအောင် လှုံ့ဆော်ပေးနေသ ကဲ့သို့ဖြစ်နေကြောင်း၊ စာပေလွတ် လပ်ခွင့်သည် ယခုစာအုပ်မျိုးထွက်လာစေရန် ပေးထားခြင်းမဟုတ် ကြောင်း၊ ယခုစာအုပ်ကို ခွင့်မပြု သင့်ဘဲ ကန့်ကွက်ကြောင်း စသ ဖြင့်  ဖေ့စ်ဘွတ်ခ်သုံးစွဲသူတို့က အင်တိုက်အားတိုက်ဝေဖန်ခဲ့ကြ သည်။

 လိင်ပိုင်းဆိုင်ရာအပြာစာ အုပ်လုံးဝမဟုတ်ကြောင်း စာရေး သူ အောင်ရင်ငြိမ်းက ငြင်းချက် ထုတ်ထားသည်။ သို့ရာတွင် ဖတ် ရှုပြီးသူများနှင့် မဖတ်ရှုရသေးဘဲ  ဝေဖန်နေကြသူများကတော့ အပြာစာအုပ်သာဖြစ်ပြီး မထုတ်ဝေသင့်ကြောင်း ရှုတ်ချလျက်ရှိသည်။

‘‘ပြစ်မှုပုဒ်မ ၄၁၇ ကာမလိမ် လည်မှုနဲ့ တရားစွဲဆိုခံထားရတဲ့ အဓိကဇာတ်ကောင် မစ္စတာ ရိုမန်းဘော့ထ်၊ တရားရင်ဆိုင်မှုနဲ့ အပြိုင်လိင်ကိစ္စအရှုပ်အထွေးများ၊ ရဲရင့်ပွင့်လင်းလွတ်လပ်သော လိင်ပိုင်းဆိုင်ရာအရေးအသားများ၊ အိမ်ထောင်ရေးဖောက်ပြန်မှုနှင့် အပြစ်ဆိုသော စကားရပ်များအပေါ် အမြင်သစ်များ၊ ကိုယ့်ကျင့် တရားနှင့်လူမှုကျင့်ဝတ်အသစ်များ’’ဟု စာအုပ်ကို ကြော်ငြာထားသည်။

ရိုမန်းဘော့ထ်တွေရဲ့ ကမ္ဘာ စာအုပ်ကို  ကဗျာဆရာတစ် ယောက်ရဲ့  ဆိုက်ကိုနောက်ခံ ၀တ္ထုဟု နောက်ကျောဖုံးတွင် ရေးသားထားပြီး ဝေဖန်ရေးစာရေး ဆရာ မင်းခက်ရဲနှင့် စာရေးဆရာမလေးတို့က အမှာစာရေးသားခဲ့ကြသည်။အဆိုပါစာအုပ်ကို ဈေးကွက်ထဲသို့ ဖြန့်ချိပြီး ရက်ပိုင်းမှာပင် သတင်းစာဆရာ စည်သူအောင်မြင့်က စာအုပ်အပေါ် ဝေဖန်ချက်  ဆောင်းပါးတစ်ပုဒ်ရေး သားခဲ့ကာ IRRAWADDY ၀က်ဘ်ဆိုက်နှင့်  ဖေ့စ်ဘွတ်ခ်စာမျက်နှာတွင်  ဖော်ပြခဲ့သည်။

‘‘ပြောရရင် နိုင်ငံမှာ မုဒိမ်းမှု ဖြစ်ပွားမှုနှုန်းမြင့်တက်နေချိန်၊ အဲ ဒီအထဲကမှ လူမဆန်တဲ့ သက်ငယ်မုဒိမ်းအမှုတွေက ရာခိုင်နှုန်း အချိုးအစားအများကြီး  ပါဝင်နေချိန် ပြည်သူတွေ ပူပန်သောရောက်နေ ချိန် ဒီဝတ္ထုထုတ်ဝေလာတာပါ’’ဟု ဆောင်းပါးရှင် စည်သူအောင်မြင့် က မှတ်ချက်ပေးထားသည်။

‘‘ဇာတ်လမ်းရဲ့ အဓိက ဇာတ်ကောင်က ရိုမန်းဘော့ထ်လို့ခေါ်တဲ့ လူတစ်ပိုင်း၊ စက်တစ်ပိုင်းလူ၊ သူ့ပတ်ဝန်းကျင်ကတော့ သူ့ ကို  လူအဖြစ်ပဲ သတ်မှတ်ထားတဲ့ သဘော။ မိန်းမရဖူးတယ်၊ ကလေးရဖူးပြီး ကွဲနေတဲ့သူ။ မိန်းမတွေ တစ်ယောက်ပြီး တစ်ယောက်နဲ့ လိုက်လံအိပ်စက် လိင်ဆက်ဆံနေ တဲ့သူ။ အဲဒီအထဲမှာ ရိုးရိုးအမျိုး သမီးတွေပါသလို (၁၇) နှစ်အ ရွယ်၊  အရွယ်မရောက်သေးသူ လည်းပါ၊ အသက်ကြီးကြီး ယော က်ျားနဲ့ ကလေးတွေရထားတဲ့ အိမ် ထောင်သည် အမျိုးသမီးနဲ့လည်း အိပ်ရဲ့။ သူကတော့ လိင်ဆက်ဆံ တဲ့ အခန်းလို့ပဲ ရှင်းရှင်းခေါ်တယ်။ အဲဒီအခန်းတွေကို အသေအချာ ရေးပြထားလေရဲ့။ နောက်ပြီး ကာမပိုင်ရှိတဲ့ မိန်းမနဲ့ တိတ်တဆိတ်လိင်ဆက်ဆံကြတာဟာ အမှားကျူးလွန်တာ မဟုတ်ဘူးဆိုတာမျိုးလည်း  အသေအချာတရား ဟောထားလေရဲ့’’ဟု စည်သူ အောင်မြင့်က စာအုပ်တွင်ပါဝင် သည့် ဇာတ်လမ်းအသွားကို ရှင်းပြထားသည်။

ထိုသို့ဖော်ပြခြင်းမှ စတင်ကာ အဆိုပါရိုမန်းဘော့ထ်စာအုပ်က လူသိပိုများသွားခဲ့သည်။

နိုင်ငံခြားသတင်းဌာနတစ်ခု မှ ဓာတ်ပုံဆရာကိုလင်းဘိုဘိုက ‘‘အပြာစာအုပ်ကို ရေးတာ၊ ထုတ် တာ မအံ့သြပါဘူး။ အပြာစာအုပ် ကို သေသေချာချာဖတ်ပြီးမှ အတည်ကြီး မီဒီယာတွေမှာ အားပါး တရဝေဖန်တဲ့သူတွေကိုပဲ အံ့သြ တာ။ တစ်တစ်ခွခွစာကောက်လေးတွေနဲ့ဆိုတော့ အပြာစာအုပ်ကို ကြော်ငြာအမှာစာရေးပေးသလိုခံစားရတယ်’’ဟု ရိုမန်းဘော့ထ် စာအုပ်ကို စတင်ဝေဖန်ခဲ့ရာတွင် ကြော်ငြာဆန်သည်ဟု ဝေဖန်ခံရ သည့် ကိုစည်သူအောင်မြင့်အပေါ် သုံးသပ်ထားသည်။

 မျက်နှာဖုံးသရုပ်ဖော်ပုံမှာ ရိုဘော့ထ်စက်ရုပ်တစ်ရုပ်ကို အပေါ်ပိုင်းဗလာဖြင့် အမျိုးသမီးတစ်ဦး က ဖက်အိပ်နေပုံဖြစ်သည်။ ထို စာအုပ်ကိစ္စက လူမှုကွန်ရက်ဖေ့စ် ဘွတ်ခ်ပေါ်တွင်  ယခုနောက်ပိုင်း စာအုပ်တစ်အုပ်နှင့် ပတ်သက်၍ စိတ်ဝင်စားမှုအများဆုံး၊ ဝေဖန် ပြောဆိုမှုအခံရဆုံးတစ်ခုဖြစ်လာ ခဲ့သည်။

   စာပေလွတ်လပ်ခွင့်ပေး လိုက်ပြီးနောက်ပိုင်း ယခုကဲ့သို့လိင်အရေးအသားများ ပါဝင်သည့်စာအုပ်ထွက်ရှိလာခြင်းအပေါ် စာဖတ်ပရိသတ်က မဖြစ်သင့်ကြောင်း ဝေဖန်လိုက်ကြပြီး စာနယ်ဇင်းလွတ်လပ်ခွင့်အပေါ် မေးခွန်းထုတ်ခဲ့ကြသည်။

‘‘လူနဲ့ တိရစ္ဆာန်ကွာတာ အ ရှက်တရားပါ။ ပွင့်လင်းတာနဲ့ အရှက်နည်းတာ မတူပါ။ ကိုအောင်ရင်ငြိမ်းဟာ ဒီမိုကရေစီရဲ့ သဘောအရ လွတ်လပ်မှုကို လိုချင်ရင် ဒီ မိုကရေစီရဲ့ အများမကြိုက်ရင် လုပ်ဖို့မသင့်ဆိုတာ လက်ခံရမှာ ပါ။ ခုဟာက ဗိုလ်ချုပ်ပြောသလို လွတ်လပ်ရေးရပြီဆိုပြီး လမ်းပေါ် တက် ဆေးရိုးလှမ်းတာပါ။ သူက ဆေးရိုးလှမ်းရုံမက ဖင်လှန်ပြီး ချီး ယိုတာပါ။ ပညာရေးနိမ့်နေတော့ နဂိုကမှ စဉ်းစားတွေခေါ်မှုအား နည်းပြီး  ဆင်ခြင်တုံတရားနည်း နေတာပြောပြဖို့ ခက်မယ်။ မမျှော် လင့်နိုင်တဲ့ ပြဿနာတွေ ပေါ်လာပါလိမ့်မယ်။ ခုတောင် ကျောင်းသား/သူတွေ  စာသင်ခန်းမရောက်ဘဲ တည်းခိုခန်းတွေရောက်နေတာ၊ တည်းခိုခန်းတွေ ဧည့်သည်အမှန်နဲ့  ရပ်တည်နေတာလား။ ကျုပ်တို့ကလေးတွေမှာ လမ်းလွဲနေပါတယ်ဆိုမှ  သူက တွန်းချနေတာ။ သူခွဲတဲ့ ဗုံးက အနုပညာကွဲ၊ မကွဲမသိဘူး။ ယဉ်ကျေးမှုနဲ့ ကလေးတွေရဲ့ စိတ်ဓာတ်တော့ အသေခံခွဲသူနဲ့အတူ သေသွားပါတယ်’’ဟု ဒဂုံတက္ကသိုလ် ဆရာများသမဂ္ဂမှ အတွင်းရေးမှူးဦးဇော်မျိုးလှိုင်ကပြောသည်။

ကဗျာဆရာအောင်ရင်ငြိမ်း သည် ယခင်ကလည်း ‘‘တစ်ကိုယ် ရေအာသာဖြေခြင်း’’ဟု အမည် ပေးထားသည့် စာအုပ်တစ်အုပ် လည်း ထုတ်ဝေခဲ့ဖူးသည်။ ယခုစာအုပ်ကိစ္စပျံ့နှံ့ဆူညံနေချိန်တွင်ဇွန်လ ၂၁ ရက်က ‘‘ရိုမန်း ဘော့ထ်စာအုပ်ကို ဆိုင်တွေက ပြန်သိမ်းဖို့ဖြန့်ချိရေးကို ပြောထားပါတယ်’’ဟု အောင်ရင်ငြိမ်းက ဖေ့စ်ဘွတ်ခ်တွင် သတင်းပါးခဲ့သည်။

  ထိုသို့ပြန်သိမ်းထားသင့် ကြောင်းကို စာပေမူပိုင်ခွင့်နှင့် မှတ်ပုံတင်ဌာန ညွှန်ကြားရေးမှူးက အောင်ရင်ငြိမ်းထံ ဖုန်းဆက်၍ အကြံပေးခဲ့ခြင်းဖြစ်သည်။

စာအုပ်တစ်အုပ်လုံးတွင် ဇာတ်လမ်းနှင့် ဇာတ်ကောင်စရိုက် အစား လိင်ဆက်ဆံသည့်အခန်း များကိုသာ ရွေးချယ်၍ ဝေဖန်မှု များပြားနေခြင်းဖြစ်သည်။ အောင် ရင်ငြိမ်း ရေးသားရာတွင် ကာမပိုင်မိန်းမတစ်ဦးနှင့် လိင်ဆက်ဆံခြင်းက အပြစ်မရှိသည့် သဘောသက်ရောက်မှုအချို့ကြောင့်လည်း ဝေဖန်မှုပြင်းထန်ခဲ့ကြခြင်းပင်။

‘‘မိန်းမတွေနဲ့လိင်ဆက်ဆံတဲ့ ဇာတ်ဝင်ခန်းတွေကိုပဲ ဝေဖန်နေ ကြတာ ခင်ဗျားတို့ မသိစိတ်မှာ အပြာရောင်တွေ လွှမ်းမိုးနေလို့ လား။ ကျွန်တော့်ရဲ့ တရားဥပဒေ နဲ့ ဆိုင်တဲ့အမြင်တွေ လိင်လွတ် လပ်ခွင့်အမြင်တွေကို ဆွေးနွေးဖို့ ပျက်ကွက်နေကြတာ ခင်ဗျားတို့ ဉာဏ်မမီလို့လား၊ ရှေးရိုးစွဲ အသိ အမြင်ချိုးဖောက်မှုတွေကို မမြင် ချင်ဟန်ဆောင်နေကြတာ မျက် ကန်းရှေးရိုးစွဲတွေ မို့လို့လား’’ လို့ အောင်ရင်ငြိမ်းက ဆိုသည်။

စာရေးဆရာဝေမှူးသွင်က လည်း ‘‘ပြည်ပမှာအနေကြာတဲ့ မြန်မာမိတ်ဆွေတချို့ကလည်း အောင်ရင်ငြိမ်းအကြောင်း  သေချာမသိတော့  အောင်ရင်ငြိမ်းဆိုတာ ခေါင်းလားလို့  ကျွန်တော့်ကို စိတ်တိုတိုနဲ့  လှမ်းမေးကြတာရှိတယ်’’ ဟု ဆိုခဲ့သည်။

‘‘အထဲမှာ တစ်တစ်ခွခွရေး ထားပေမယ့် ဖတ်သင့်၊ မဖတ်သင့်ဆုံးဖြတ်လို့ရအောင် စာရေးသူက စာအုပ်အဖုံးမှာ ရေးပေးထားပါတယ်။ ဒါကြောင့် မဖတ်ချင်ရင် အစကတည်းက မဖတ်ဘဲ နေလို့ရပါတယ်။ မလိမ့်တပတ်နဲ့ ယူဖတ်အောင် လုပ်ထားပုံတော့ မပေါ်ပါဘူး။ ဒါပေမဲ့ (၁၈) နှစ် အထက်သာဖတ်ရန်ဆိုတာကို မြန်မာလို ဒီထက်ကြီးကြီးလေးရေးပြီး စာအုပ်ဝယ်မယ့်သူအတွက် သိသာအောင်လုပ်ပေးနိုင်ရင်တော့  ပိုကောင်းမှာပါ။ စာအုပ်ဆိုင်မှာလည်း တခြားစာအုပ်တွေနဲ့ မရောဘဲ သီးသန့်တင်ပေးထားရင် ကောင်းမယ်။ ဒီစာပေအမျိုးအစားရဲ့ အကျိုးနဲ့ အပြစ်ကို ဆွေးနွေးရမယ်ဆိုရင်တော့တော်တော်ရှည်လျားပါလိမ့်မယ်။ဆိုးကျိုးသက်သက်ပဲ  ဖြစ်စေတာတော့ မဟုတ်ပါဘူး’’ ဟု စာဖတ်သူနေမျိုးနိုင်ကလည်း ဖေ့စ်ဘွတ်ခ်တွင် မှတ်ချက်ပေးခဲ့သည်။

‘‘ရိုမန်းဘော့ထ်မှာပါတဲ့ လိင် ဆက်ဆံတဲ့ အရေးအသားတွေက အနုစိတ်လွန်းသွားတယ်လို့ထင် တယ်။ ဒီအခန်းတွေကို လိုအပ် လို့ထည့်ထားတယ်ဆိုပေမယ့် မ ရောင်ရာဆီလူးလွန်းသွားတာက အခုလို ဂယက်ပွက်သွားတယ်လို့ မြင်မိပါတယ်။ အဲဒီအခန်းတွေ အနုမစိတ်ရင်လည်း  စာရေးသူ ပြောချင်တဲ့ Message ကိုလာပြီး ထိ ခိုက်မယ်မထင်ဘူး’’ဟု ကဗျာ ဆရာ လင်းလက်တာရာကပြော သည်။

အောင်ရင်ငြိမ်းကတော့ သူ ၏လက်ရာရိုမန်းဘော့ထ်ဘက်မှ အခိုင်အမာရပ်တည်နေဆဲပင်။

 ‘‘တစ်ခွန်းတည်းပြောမယ်။ ရိုမန်းဘော့ထ်တွေရဲ့ ကမ္ဘာဟာ အပြာစာအုပ်မဟုတ်ဘူး’’စသဖြင့် အောင်ရင်ငြိမ်းက ဆက်တိုက် ကာကွယ်နေခဲ့သည်။ ထို့နောက် အောင်ရင်ငြိမ်း(သို့) ရိုမန်းဘော့ထ် ကြီးက သူနှင့် သူ့စာအုပ်ကို ဝေဖန် ရှုတ်ချနေကြသူများကို အောက်ပါ အတိုင်း မေးခွန်းထုတ်လိုက်သည်။

 ‘‘ရိုမန်းဘော့ထ်ဝေဖန်သူ တွေကို မေးခွန်းတစ်ခုပဲမေးချင် တယ်။  အပြာခန်းတွေပဲ ရွေးဖတ် ခဲ့ကြသလား’’ဟု ဆိုသည်။

‘‘သမီးရှင်တစ်ယောက် အနေနဲ့ဗျာ ကျွန်တော်တို့မိဘတွေဆိုတာ ကိုယ့်မိဘတွေဆီကနေ လက်ဆင့်ကမ်းအမွေနဲ့ သားသမီးကို သွန်သင်ရတာရှိတယ်။  ဘုရား ဟောတရားအဆုံးအမကို ကိုး ကားတာရှိတယ်။ ကိုယ်တိုင်စာဖတ်ခြင်းကြောင့် ဖြစ်လာတဲ့ အသိတွေနဲ့ လမ်းပြတာရှိတယ်။ (၁၈) နှစ်အောက်မဖတ်ရဆိုတော့ အဲဒီ စာရေးဆရာက မဖတ်အောင် တာဝန်ယူရဲလို့လား။ သိပ်ကို ခေတ်မီချင်ရင် အင်္ဂလိပ်စာကျွမ်းအောင်လုပ်၊ နိုင်ငံခြားမှာ သွားရေး။ မြန်မာပြည်မှာတော့ လာမရေးနဲ့ဗျာ။ သူရေးတဲ့စာ သူ့သားသမီးကို ပေး ဖတ်ရဲသလား။ ဒါပါပဲ။ လုံးဝလက်ခံစရာမရှိပါဘူး’’ဟု နေပြည်တော်မှ သမီးတစ်ယောက် ဖခင်ဦးသက်နောင်ကပြောသည်။

ထိုကဲ့သို့ လူမှုကွန်ရက်ဖေ့စ် ဘွတ်ခ်တွင် အောင်ရင်ငြိမ်း၏ ရို မန်းဘော့ထ်ကို မလိုလားသူနှင့် ရို မန်းဘော့ထ်ကို လက်ခံသူတို့ နှစ် ဖက်အငြင်းပွားမှု ပြင်းထန်လာချိန်တွင် ပြန်ကြားရေးဝန်ကြီးဌာန၊ မူပိုင်ခွင့်နှင့် မှတ်ပုံတင်ရုံးမှ အောင်ရင်ငြိမ်းကို တရားစွဲဆိုမှုများပြုလုပ်၍ အရေးယူသွားရန် စီစဉ်နေပြီဖြစ်ကြောင်း သတင်း များထွက်ပေါ်လာသည်။

ပြန်ကြားရေးဝန်ကြီးဌာန ဒုတိယ၀န်ကြီးဦးရဲထွဋ်ကလည်း မြန်မာနိုင်ငံ၏ စာပေလွတ်လပ်ခွင့် အပေါ် တလွဲအသုံးချသူများရှိနေ သည့်အတွက် ယင်းကဲ့သို့ တလွဲ အသုံးချနေမှုကို ပြည်သူများအား လုံးက  ၀ိုင်းဝန်းထိန်းသိမ်းသင့် ကြောင်း ပြောကြားလိုက်သည်။

စာအုပ်ကို မတွေ့မဖတ်ရှုရ သေးဘဲ စာအုပ်ရရှိပါက အဖွဲ့ လိုက်ဖတ်ရှုကာ သုံးသပ်သွားမည် ဖြစ်ကြောင်းနှင့် လူငယ်များကိုပါ ပျက်စီးစေနိုင်သည့်အတွက် အား လုံးက ထိန်းသိမ်းပေးသင့်ကြောင်း ဦးရဲထွဋ်ကပြောကြားခဲ့ခြင်းကို ဒီမိုကရေစီတူဒေးသတင်းစာက ဖော်ပြခဲ့ခြင်းဖြစ်သည်။

 ‘‘ပြန်ကြားရေးက အရေးယူ တရားစွဲမယ်ဆိုရင် အရမ်းစိတ်ဝင် စားစရာကောင်းတဲ့အမှုတစ်ခု ဖြစ် သွားလိမ့်မယ်’’ဟု ငါတို့စာပေမှ ထုတ်ဝေသူ ကိုစန်းမွန်အောင်က ပြောသည်။

ထို့နောက် ကိုစန်းမွန်အောင် က အဆိုပါစာအုပ်အပေါ်တွင်  ‘‘၁၈ နှစ်အောက်မဖတ်ရတဲ့ စာ အုပ်မျိုးဆိုရင် လွယ်လွယ်ကူကူ ၀ယ်မရတဲ့ နေရာမှာ ရောင်းချသင့် တယ်။ စာအုပ်ဆိုင်တွေမှာ ပေါ် ပေါ်ထင်ထင်ရောင်းတာမဟုတ်ဘဲ နေရာသီးသန့်ထားပြီးတော့ တင် ပေးထားတာမျိုး လုပ်သင့်တယ်။ တချို့က ဒါကိုမြင်ရင် ရှော့ခ်ဖြစ် နိုင်တယ်။ တချို့လူတွေကျတော့ ဒီလိုစာပေမျိုးတွေ ဖတ်ခဲ့ဖူး၊ ရုပ် ရှင်တွေ ကြည့်ခဲ့ဖူးတဲ့သူတွေ အ များကြီးပါပဲ။ ဒါတွေက လူသား ဘ၀ထဲမှာ ရှိနေမယ့်အရာတွေပါ ပဲ’’ဟု ဆိုသည်။

ဥက္ကာကိုကို
7day daily

အပြည့်အစုံသို့ »

ဆင်းမ်ကတ် စရောင်းချိန်တွင် မြို့ကြီးများ၌သာ သုံးနိုင်မည်ဟု တယ်လီနောဆို


ရန်ကုန်၊ ဇွန် ၅

ဆက်သွယ်ရေး အော်ပရေတာအဖြစ် လုပ်ငန်း လုပ်ကိုင်ခွင့် ရထားသည့် တယ်လီနောက စက်တင်ဘာလတွင် ဆင်းမ်ကတ်များ စတင်ရောင်းချမည် ဖြစ်ပြီး စတင်ရောင်းချချိန်၌ ရန်ကုန်မြို့တော်၊ မန္တလေးမြို့တော်နှင့် နေပြည်တော် အပါအဝင် မြို့ကြီးများတွင်သာ သုံးစွဲနိုင်ဦးမည် ဖြစ်ကြောင်း တယ်လီနောမြန်မာထံမှ သိရသည်။

“တာဝါတိုင်တွေ ပြီးလို့ ကွန်ရက် တဖြည်းဖြည်း ကျယ်ပြန့်လာတာနဲ့အမျှ သုံးနိုင်တဲ့ နေရာတွေ ပိုများလာမယ်။ အချိန်တော့ နည်းနည်းပေးရမယ်” ဟု တယ်လီနောမြန်မာမှ တာဝန်ရှိသူတစ်ဦးက ပြောဆိုသည်။

မြန်မာနိုင်ငံတွင် ဆက်သွယ်ရေးကွန်ရက် ပိုမိုလွှမ်းခြုံနိုင်ရန် ငါးနှစ်အတွင်း တစ်နိုင်ငံလုံးတွင် တာဝါတိုင်ပေါင်း ၈၀၀၀ တည်ဆောက်မည် ဖြစ်ကြောင်း တယ်လီနောမြန်မာ အမှုဆောင်အရာရှိချုပ် Mr.Petter Furberg က ပြောကြားသည်။

ဆင်းမ်ကတ်များ စတင်ရောင်းချချိန် စက်တင်ဘာလ မတိုင်မီတွင် တာဝါတိုင်ပေါင်း ၁၀၀၀ ပြီးစီးအောင် တည်ဆောက်မည် ဖြစ်ပြီး ယခုနှစ်ကုန်တွင် တာဝါတိုင် ၂၄၀၀ ခန့် အပြီးတည်ဆောက်မည် ဖြစ်ကြောင်း ၎င်းကဆိုသည်။

မြန်မာနိုင်ငံ တစ်ဝန်းလုံးတွင် မိုဘိုင်းလ် ဆက်သွယ်ရေး တာဝါတိုင် ၂၀၀၀၀ ခန့် တည်ဆောက်ရန် လိုအပ်ပြီး မြန်မာ့ဆက်သွယ်ရေးလုပ်ငန်းက တာဝါတိုင် ၂၀၀၀ ခန့်သာ တည်ဆောက်ထားသောကြောင့် တစ်နိုင်ငံလုံးတွင် မိုဘိုင်းလ်ဖုန်း ဆက်သွယ်ပြောဆိုနိုင်ရန် ၃ နှစ်မှ ၅ နှစ်အထိ အချိန်ယူရမည် ဖြစ်ကြောင်း သတင်းအချက်အလက် နည်းပညာ ဝန်ကြီးဌာနမှ တာဝန်ရှိသူတစ်ဦးက ပြောဆိုသည်။

တယ်လီနောမြန်မာသည် မြန်မာနိုင်ငံအတွင်း ဆက်သွယ်ရေး တာဝါတိုင် တည်ဆောက်ရေး လုပ်ငန်းများ ဆောင်ရွက်ရန် အိန္ဒိယအခြေစိုက် Apollo Towers နှင့် စင်ကာပူအခြေစိုက် Irrawaddy Green Technology တို့ကို ရွေးချယ်ထားသည်။

“စရောင်းတဲ့အချိန်မှာ မြို့ကြီးတွေပဲ ရမယ်ဆိုတော့ ကျေးလက်ဒေသတွေမှာ နေတဲ့သူတွေ အတွက်ကတော့ ဘာမှမထူးပါဘူး။ စောင့်လက်စနဲ့ ဆက်စောင့်ရဦးမှာပေါ့။ လူတွေက အရမ်းမျှော်လင့်နေကြတော့ ဆင်းမ်ကတ် စရောင်းတာနဲ့ တစ်နိုင်ငံလုံး ရမယ် ထင်နေကြတာ” ဟု ကွန်ပျူတာပညာရှင် ဦးရဲဝင့်အောင်က ဆိုသည်။

အခြားဆက်သွယ်ရေး ကုမ္ပဏီဖြစ်သည့် အော်ရီဒူးကုမ္ပဏီကလည်း သြဂုတ်လ ဆင်းမ်ကတ်များ စတင်ရောင်းချချိန် မတိုင်မီ တာဝါတိုင် ၄၀၀ ခန့် အပြီး တည်ဆောက်မည် ဖြစ်ပြီး ယခုနှစ်ကုန်တွင် တာဝါတိုင် ၁၀၀၀ ခန့် ပြီးစီးအောင် တည်ဆောက်မည်ဟု ဆိုထားသည်။

The Voice Weekly

အပြည့်အစုံသို့ »

ရဲချုပ်နဲ့ တိုင်းရဲမှူးဖတ်ဖို့ ပေးစာ


ဓားထောက် အဓမ္မ ပြုကျင့်တဲ့ အမှုတခုကို အခုထိ ထိထိရောက်ရောက် အရေးမယူသေးတဲ့ အတွက် ရဲချုပ်နဲ့ တိုင်းရဲမှူး တွေကို တာဝန်သိပြည်သူတဦးက ပေးပို့ထားတဲ့ ပေးစာတစောင် ဧရာဝတီ က လက်ခံရရှိ ထားပါတယ်။


မြန်မာနိုင်ငံရဲတပ်ဖွဲ့ ရဲချုပ်နှင့် တိုင်းရဲတပ်ဖွဲ့မှူးတို့သိရှိစေရန်

အကြောင်းအရာ။ ။ ဓါးထောက် ခြိမ်းခြောက်ပြီး အဓမ္မပြုကျင့်သည့်အမှုအား ရဲတပ်ဖွဲ့မှ စစ်ဆေးအရေး ယူဆောင်ရွက်ခြင်းမရှိသည့် အပေါ် အထက်လူကြီးမင်းများ သိရှိအောင်တင်ပြခြင်း။

ဧရာဝတီတိုင်းဒေသကြီး၊ မြန်အောင်မြို့နယ် ကြက်သွန်းခင်း အုပ်စု-ကျေးရွာနေ အမျိုးသမီးတဦးကို ၁၃၇၅ ခုနှစ် သီတင်းကျွတ်လ တွင် မိဘများခရီးသွားစဉ် နေအိမ်တွင် တစ်ယောက်တည်းရှိသည့်အချိန် ည (၁၁)နာရီ အချိန်တွင် တစ်ရွာ တည်းနေသူတဦးက ဓါးထောက်ခြိမ်းခြောက်ပြီး အလိုမတူဘဲ သားမယား အဖြစ်ပြုကျင့်ခဲ့ပါသည်။

၎င်းအဓမ္မပြုကျင့်သည့်ကိစ္စအား ဧရာဝတီတိုင်းဒေသကြီး မြန်အောင်မြို့နယ်၊ အင်ပင်ရဲတပ်ဖွဲ့စခန်းသို့ တိုင်တန်းခဲ့သော်လည်း ယနေ့(၁၇-၅-၂၀၁၄)အထိ အမှုအား ဥပဒေနှင့်အညီ လက်ခံဖွင့်လှစ် အရေးယူ
ဆောင်ရွက်ပေးခြင်းမရှိသည့်အတွက် ဥပဒေအကာကွယ်မဲ့မှုများ အခက်ခဲများနှင့်ရင်ဆိုင်ကြုံတွေနေရ သည့်အကြောင်း လူကြီးမင်းများ သိရှိအောင် တင်ပြအပ်ပါသည်။

တာဝန်သိပြည်သူတစ်ဦး

ဆက်သွယ်ရန် -

ကိုထွန်းထွန်း ၀၉ ၄၂၂၅၄၂၁၆၅

Irrawaddy  

အပြည့်အစုံသို့ »

အချဉ်ဖမ်း ခံရသူတွေရဲ့ ဘန်ကောက်


တလောကပဲ နာမည်ကြီး အနုပညာရှင် ဝိုင်းစုခိုင်သိန်း ပြောတဲ့ ဘန်ကောက်က လူလိမ်တွေအကြောင်း ဆိုတာ ဧရာဝတီ ဘလောဂ့် က ဖော်ပြခဲ့ဖူးပါတယ်။ အခုဟာက အလားတူပါဘဲ။ ဘန်ကောက်မှာ အချဉ်ဖမ်း ခံ ရတဲ့ မြန်မာမိသားစုတစုရဲ့ ကိုယ်တွေကို ပြန်ပြီး မျှဝေထားတာပါ။


 ဘန်ကောက်မြို့မြင်ကွင်းတနေရာ၊ ဓာတ်ပုံ- ဝီကီပီဒီးယား
အခုလေးတွင် မိတ်ဆွေ စာဖတ်ပရိတ်သတ်တစ်ဦးက ဖေ့ဘုတ်ကနေ စကား ပြောလာပါတယ်။

သူတို့ ဆေးရုံ လာပြကြတာဖြစ်ကြောင်း၊ အခုနေ့လည် တစ်နာရီခွဲလောက် က ဘန်ကောက် စင်ထရယ်ဝေါ နဲ့ Big C ကိုကူးတဲ့ တံတား ပေါ်မှာ အေးဓမြတိုက်ခံလိုက်ရတဲ့ အဖြစ်အပျက်ကို ပြောပြပါ တယ်။

သူနဲ့ သူ့ အမ ဟာ ရှမ်းလူမျိုးတွေပါ။ ဒါကြောင့် ထိုင်းစကားနဲနဲနားလည်တယ် ဆိုပါတော့။ သူတို့ နှစ်ယောက် စင်ထရယ် ဝေါလ်ကနေ Big C ကို ကူးတဲ့ တံတား ပေါ်ရောက်တော့ အစိုးရ အတိုက် အခံ အင်္ကျီဝတ်ဆင်ထားသူ အမျိုးသမီး တစ်ဦး အပါအဝင် လူ ၇ ဦးလောက်က ဝိုင်းလာပြီး သူတို့ ပါ့စ်ပို့ကို စစ်ဖို့တောင်းပါသတဲ့။ အောက်မှာဖော်ပြမယ့်စာကတော့ သူတို့ရေးထားတဲ့အတိုင်းပါ။

” ကိုဇော်ရေBKK သတင်းတွေအတွက်ကျေးဇူးပါ ညီမတို့ လည်းဆေးခန်းကိစ္စနဲ့ ဒီမှာရောက်နေတော့ စိတ်ပူလို့ ပါ။ ဒီနေ့ ဆေးခန်းကို အလာ Isetan ကုန်တိုက်ရှေ့ ကတံတားကနေ Big C  ကိုကူးလာတုန်း အစိုးရ အတိုက်ခံပါတီ ရှပ်အင်္ကျီဝတ်ထားတဲ့ လူတစုက ခုနှစ်ရောက်လောက်ရှိမယ် မိန်းမတစ်ယောက် လည်းပါတယ် ညီမတို့ ကိုတားပြီး passport အတင်း ထုတ်ခိုင်းတယ်။ နေက်ပိုက်ဆံအိတ်ပါ ထုတ်ခိုင်း တယ် နောက်အလှူငွေပုံစံမျိုး ပိုက်ဆံကို တစ်ယောက် ဘတ်တစ်ထောင်စီအတင်းပေးခိုင်းတယ် ညီမတို့ ကို တခုခုလုပ်မှာကြောက်လို့ ပေးပြီးအမြန် ထွက်လာလိုက်တယ်။ နေလည့်  ၁း၃၀ လောက်မှာပါ “

ထိုင်းနိုင်ငံမပြောနဲ့ ဘယ်နိုင်ငံမဆို လူဝင်မှုကြီးကျပ်ရေး ရဲ(သို့မဟုတ်) တာဝန်ပေးခြင်းခံရတဲ့ ရဲ ကသာ လျှင် ပတ်စပို့ ကိုစစ်ဆေးခွင့်ရှိပါတယ်။ ဒီလို လမ်းလည်ခေါင် အလူခံ နေတဲ့ လူတစ်စုရဲ့ လုပ်ရပ် ဟာ အေးဓါးပြ တိုက်တယ် လို့ ခေါ်ပါတယ်။ နောက်ပြီး ဖြစ်တဲ့နေရာက ဘန်ကောက်မြို့လည်ခေါင် လူအစည် ကားဆုံးနေရာမှာပါ။

ပတ်ဝန်းကျင်မှာလည်း လူမျိုးပေါင်းစုံ ဖြတ်သန်း သွားလာ နေကြတာပါ။ နေ့ခင်းကြောင်တောင်ဒီဖြစ်ရပ် ဟာ ဘာကြောင့်လဲဆိုတာ ကျွန်တော့် အတွက် စဉ်းစားစရာဖြစ်လာပါတယ်။

မနေ့က ပဲ အဲဒီ နေရာကကျွန်တော်ရောက် ခဲ့ပြီး အဲဒီ တံတားပေါ်မှာအလှုခံနေတဲ့ လူအုပ်ကိုတွေ့ခဲ့ရ တာကိုး။ အများအတွက် အကျိုးရှိ အသိပေးနိုင်မယ့် အကြောင်းအရာဆိုရင် ကျွန်တော့် အပေါ် အမြင် မကြည်ကြစေဦးတော့ အများ အကျိုးအတွက် ပွင့်ပွင့်လင်းလင်းပဲပြောပါမယ်။

ကျွန်တော့်စာကို လူအများဖတ်ပြီး လူတွေက Like လုပ်သွားတာထက် ကျွန်တော် ရေးတဲ့စာဟာ လူတစ်ယောက်ထဲကိုဖြစ်စေ အကျိုးပြုစေနိုင်ရင် ကျွန်တော် ရေးရ ကျိုးနပ်ပါတယ်။

အင်္ဂလိပ်စကားရှိပါတယ်။ A little knowledge is a dangerous thing. so is a lot. လို့ လည်း အိုင်းစတိုင်း က မိန့်ဆိုထားပါတယ်။

မတောက်တခေါက် တတ်တာဟာ ကိုယ့်အတွက် အန္တရာယ်ရှိသလို သိပ်သိလွန်းတတ်လွန်းနေတာဟာလဲ ကိုယ့်အတွက်အန္တရာယ်ပါပဲ။

ဒီအဆိုမှာ မတောက်တခေါက် တတ်တာက ကိုယ့် ဒုက္ခ ကိုယ်ရှာသလိုနဲ့တူသလို သိပ်သိလွန်းနေရင် တဖက်က ကိုယ့်ကိုဒုက္ခပေးလာ နိုင်လို့ပါ။

ဘန်ကောက်မှာလာတဲ့ မြန်မာတွေကို သွားရင်းလာရင်းတွေ့မိပါတယ်။ ပွင့် ပွင့် လင်းလင်းပြောရရင် သူတို့ ကိုကြည့်ရတာ ဘုရင့်နောင် နဲ့ အလောင်းဘုရားရဲ့ ဆွေတော်မျိုး တော်တွေ တိုင်းခန်းလှည့်လည်သ လိုမျိုးပါ။ မြင်ကြည့်ကြပါဗျာ။

အဖေလုပ်တဲ့သူက အင်္ဂလိပ်စာတတ် မျက်နှာချီလို့ ၊ အမေက နောက်က နေ ထမိန်စွန်တောင်စွဲ
တောင်ငေး မြောက်ငေး၊ သားနဲ့ သမီးတွေက မြန်မာလို တတွတ်တွတ်ပြော တောင်ဆွဲ မြောက် ဆွဲ… အဲဒီမြင်ကွင်း ဟာ ထိုင်း လူလိမ် အချဉ်သမားတွေအတွက်တော့ မြန်မာလား၊ ခမာ(ကမ်ဘောဒီးယား)လား၊ လာအိုလား ငွေတုံးကြီးတွေလှိမ့်လာသလိုပါပဲ။

အမှန်ပြောပြလို့ စိတ်မဆိုးကြပါနဲ့။ မိတ်ဆွေတို့ အတွက် အသိပေးရတာပါ။ ဆေးဆိုတာမျိုးက ခါးတတ်ပါ တယ်။

အခု အချိန်မှာထိုင်းမှာ အခြေအနေတွေက ဘယောက်ဘယက် ရှုပ်ထွေးနေပြီး အစိုးရ မဲ့သလိုဖြစ်နေ တာပါ။ ထိုင်းတွေ ဟာ အဲလို မြန်မာလူစားတွေကို မပြောနဲ့ နိုင်ငံတကာလှည့်သွားပြီး အတွေ့အကြုံရင့်နေ တဲ့ နိုင်ငံခြားသား ဥရောပသားလိုလူတွေကိုတောင် လိမ်ညာလှည့်ဖျားပြီးငွေလုယူ နေတဲ့ကောင်တွေ ရိုက်သတ်လို့မကုန်ပါဘူး။

တုတ်တုတ် သုံးဘီးသမားတွေ တက်ဆီတစ်ချို့တွေ ကိုယ်မသိတဲ့နေရာ ပတ်မောင်းသွားပြီး ကွင်းပြင်ထဲမှာ မိသားစု တစ်စုလုံးကို ဝိုင်းပြီးလုတဲ့ အနေအထားတောင်ရှိဖူးပါတယ်။ ဒါ့အပြင် ထိုင်းရဲတချို့ကလည်း လူလိမ်တွေနဲ့ပင်းစားတတ်ကြပါတယ်။ ထိုင်းမှာ အင်္ဂလိပ် စာတတ်တဲ့သူ ရှားသလို မြန်မာပြောတဲ့ အင်္ဂလိပ်စကားဟာ ထိုင်းတွေ အတွက် မပေါက်ပါဘူး။

ထိုင်းတွေ အင်္ဂလိပ်လိုပြောတတ်ရင်ပြောကြမှပါ။ ထို့င်းတွေပြောတဲ့ အင်္ဂလိပ်ဆိုထာ ထိုင်း စကားများများကို အင်္ဂလိပ်လိုရောသုံးတာပါ။ တကယ်တတ်တဲ့ ထိုင်းတွေရဲ့ အင်္ဂလိပ်စာကျပြန်တော့လည်း မြန်မာတွေထက် အသုံးအနှုံး လေယူလေသိမ်းက အစ ကွာခြားမြင့်မားလှပါတယ်။ အဲတာလေးကို တော့ သတိချပ်စေ ချင်ပါ တယ်။

ဒီနေရာမှာ ဘယ်သူ့ကိုမှထိခိုက်စေလိုတဲ့ ဆန္ဓမပါပဲ မြန်မာနိုင်ငံက ခဏ အလည်လာ၊ ဆေးကု လုပ်ကြ သူတွေ ရဲ့ ဘက်က ရပ်တည်ပြီးပြောပြချင်တာတစ်ခုရှိပါတယ်။ ထိုင်းက ဂိုက် ဂိုက် ဆိုတဲ့ ကောင်လေး
တွေ ကောင်မလေးတွေ နဲ့ပါတ်သတ်လို့ပါ။ သူတို့ ဇာတိ က ထိုင်းနယ်နမိတ်နဲ့ နီးစပ်ရာ မြန်မာ နယ်စပ်ဒေသတွေက လာကြ သူတွေမို့ ထိုင်းစကားကတော့ လျှာသွက်ကြတာ အမှန်ပါ။

သို့ပေမယ့် ဒီလိုလူငယ် လေးတွေမှာ ဆေးပညာ ဗဟုသုတ နည်းပါးလေတော့ ဆေးရုံ စကားပြန်အနေနဲ့ သုံးရင်လဲ ရောဂါနာမည်တပ် လွဲမှားတဲ့ အဖြစ်မျိုးကြုံရပြန်ပါတယ်။

နောက် တစ်ချက်က သူတို့ တွေမှာ တရားဝင် ဂိုက် လုပ်ပိုင်ခွင့်မရှိပါဘူး။ အခုတစ်လောမှာ ထိုင်းကို တရုပ်တွေ၊ ရဲရှားတွေ အဝင်များကြတော့ ထိုင်းလူမျိုး တရုပ်စကားပြန်တွေ၊ ထိုင်းလူမျိုး ရုရှား စကားပြန်
တွေ ကို မသုံးကြပဲ ဒီမှာ ကျောင်းလာတတ်နေထိုင်ကြ တဲ့ တရုပ်တွေ ရုရှားတွေက အချိန်ပိုင်း ဂိုက်လိုက် လုပ်ကြပါတယ်။

အဲတာကိုသိတဲ့ ထိုင်းဧည့်လမ်းညွှန်တွေက အစိုးရကို အဲလို လိုင်စင်မရှိ လုပ်စားပြီး သူတို့ ဈေးကွက် ဖျက်နေတဲ့ သူတွေကို ထိထိရောက်ရောက်နှိမ်နှင်းပေးဖို့ သပိတ်မှောက်တောင်း ဆိုတာတွေ မကြာခဏ
ဖြစ်နေပါတယ်။

အစိုးရက လည်းဖိဖိစီစီး အရေးယူနေပါတယ်။ မြန်မာဧည့်သည်တွေက ညီမလေးအဖြစ်၊ အမျိုး အဖြစ်ပြောပေး မယ်လို့ အကြောင်း ပြကြပါတယ်။

အမှန်တော့ သူတို့တွေဟာ တခြားမြန်မာ အတော်များများကို လိုက်ပို့ ခဲ့ကြသူတွေဖြစ်လို့ ဂိုက်လုပ်စားနေ တဲ့ သူတွေမှန်း ထိုင်းဂိုက်တွေက သိနေကြ ပါတယ်။

နောက်တစ်ချက်က အရင်က သူတို့တွေဟာ ယာယီ အလုပ်သမားမှတ်ပုံတင်နဲ့ နေကြရသူတွေပါ။

ဘန်ကောက်ဝန်းကျင်မှာ နေကြရ၊ ဘန်ကောက်ရဲတွေရဲ့ ညှင်း ပန်းနှိပ်ဆက်မှုကို အမြဲကြုံတွေ့ခဲ့ကြရသူ၊ အဖမ်းခံခဲ့ရဖူးသူ၊ ငွေ အညှစ်ခံခဲ့ရဘူး သူတွေများကြပါတယ်။ ထိုင်းရဲတွေကလည်း သူတို့ ဝတ်ပုံစားပုံ ၊ အပြုအမူ လမ်း လျှောက်ဟန် ဘာညာကြည့်လိုက်တာနဲ့ ချက်ခြင်းသိကြပါတယ်။

အဲတာဆိုရင် သွားလာနေရင်း အနားကပ်လာပြီး ချက်ခြင်း ပါ့စ်ပို့တောင်း ပိုက်ဆံညှစ် ရစ်တာ ဘာညာ အနဲဆုံး လုပ်ပါတယ်။

ဘန်ကောက်လူလိမ်တွေကလည်း ဒီလို ရဲတွေနဲ့ ပေါင်းစားပြီး အထက်မှာဖော်ပြခဲ့သလိုလုပ်တာပါ။

အထက်ကလို အဖြစ်အပျက်မျိုး မှာ သူတို့တွေမှာ ဖြေရှုင်းနိုင်အား မရှိကြပါဘူး။ မြန်မာဧည့်သည်တွေ၊ ဂိုက်တွေ ရဲ့ ဝတ်စားပုံအပြုအမူ အနေအထိုင်ဟာ ဘန်ကောက်သူဘန်ကောက်သားတွေနဲ့ ကွာခြားပါ တယ်။ သိပ်သတိထားမိလွယ်ပြီး မလိုလားအပ်တဲ့ ပြဿနာမျိုးတွေဖြစ်တတ်ပါတယ်။

အဲတော့ အစစအရာရာ ချင့်ချိန်စဉ်းစားစေချင်ပါတယ်။ ထိုင်းမှာ လူဝင်မှုကြီးကြပ်ရေး အရာရှိကသာ ပါတ်စ်ပို့ကို စစ်ပိုင်ခွင့်ရှိပါတယ်။ ဖြစ်နိုင်ရင် ကော်ပီလုပ်သွားပါ။ ကော်ပီကို ဆောင်ထားပြီး မူရင်းကို ဟိုတယ်မှာ အပ်တာ ချန်ထားတာလုပ်သင့်ပါတယ်။

ပတ်စ်ပို့ ယူစစ်သလိုတောင်းပြီး ငွေညှစ် တတ်သလို ရှာမယ်ဘာညာဆိုပြီး လက်ညီုးနဲ့ လက်ခလယ်ကြား မူးယစ်ဆေးဝါး ညှပ်ပြီး ကိုယ့် အိပ်ထဲထည့်၊ မျက်လှည့်ပြပြီး ကိုယ့်ဆီက တွေ့တယ် လုပ်တတ် ပါတယ်။

ဆူကွန်ဗစ် ၂၃ လမ်း တာမီနယ် ၂၁ ကုန်တိုက်နားက ရဲတစ်ကောင်ဆို မြန်မာ မပြောနဲ့ ဥရောပသားတွေ ကိုတောင် ပတ်စ်ပို့တောင်းစစ် ပီးရင် မပါလာရင် အိမ်လိုက်မယ်ပြောပါတယ်။ အိမ်လိုက်မယ်ဆိုတာ အိမ်လိုက်ရှာမယ်ဆို လိုက်လာပြီး အိမ်ထဲရောက်တော့ သူတို့ပါလာတဲ့ မူးယစ်ဆေး အိမ်ထဲမှာ ပစ်ပြီး ကိုယ့်ဆီက ငွေညှစ်ကြတာပါ။

ဒါကြောင့် အရေးရယ်ဆိုရင် မြန်မာသံရုံက အမှုထမ်းရဲ့ဆွေမျိုးလို့သာပြောချပါ။ အရှာမခံပါနဲ့။ မြန်မာသံရုံး ဖုန်းနံပါတ်တွေဖြစ်တဲ့ 022 337 250/ 022 344 698, 022 344 789/ 022 377 744/ 022 337 250 နှစ် လုံး သုံးလုံးလောက်ကို ဖုန်းမှာမှတ်ထားပါ။ နောက်တစ်ခုကတော့ ကျွန်တော်ကိုယ်တိုင်လဲ လာ အချဉ်ဖမ်းဖို့ကြိုးစားတာခံရသလို သိတဲ့တချို့လည်း အချဉ်ဖမ်းခံရတဲ့ အဖြစ်အပျက်ပါ။

စီလုံသွားတဲ့ မိုးပျံရထားဘူတာ မှာပါ။ ဆာလာဒဲန်းဘူတာလို့ခေါ်ပါတယ်။ အိန္ဒိယလူမျိုးသားအဖ လူရှင်းနေ ရင် ဘယ်ဘူတာ ကို ဘယ်လိုသွားရလဲမေးရင်မေး။ အကြွေလဲစရာရှိလားမေးရင်မေး လာမေး တတ်ပါ တယ်။

ကိုယ်မသိတဲ့ အရပ်မှာ မသိဘူးပြောပြီးခပ်မြန်မြန်ခွာပါ။ မြန်မာက လာတာဘာညာ အင်္ဂလိပ်မူလီ လုပ်လို့ကတော့ မြန်မာပြည်လည်ချင်တယ်။ မြန်မာပိုက်ဆံ အမှတ်တရလဲချင်တယ်ဆိုပြီး ပိုက်ဆံအိပ် အဖွင့်စောင့်တော့တာပါပဲ။

ဇာတ်ခနဲ လှမ်းယူပြီး ဖွင့် နှိုက်လို့ပါသွားသူများပါပြီ။ အခုပြောပြခဲ့တာတွေဟာ လုပ်ကြံဇာတ်လမ်းတစ်ခုမှ မပါပါဘူး။ ဘန်ကောက်ကို လာလည်ရင် ရှောင်ကြဉ်သင့်တာတွေက တောသားမြို့ရောက်မလုပ်ပါနဲ့။ တတ်ယောင်ကားမလုပ်ပါနဲ့။ ငါတရားဝင်ပတ်စ်ပို့ကိုင်လာတာပဲ ဆိုပြီး လုံချည်၊ ထမိန်တွေနဲ့ လျှောက် မသွား စေချင်ပါဘူး။ မြန်မာဆိုရင် ညှင်းလိုက်ရမှ ဆိုတဲ့ဥာဏ် ထိုင်းတချို့မှာ ရှိနေဆဲပါ။

တစိမ်း အနား အကပ်မခံပါနဲ့။ တုတ်တုတ်သုံးဘီး စီးချင်တယ်ဆိုရင် ဟိုတယ်ကို စီစဉ်ပေးခိုင်းပါ။ ဘုရားတို့ လူစည်ကားရာ နိုင်ငံခြားသား အလာများရာ နေရာက တုတ်တုတ်တွေမစီးပါနဲ့ ။

အနဲဆုံးတော့ ကျောက်မျက်ရတနာဆိုင်တွေကို လှည့်ပတ်ခေါ်သွားတာခံရတတ်တဲ့ အပြင် အခန့်မသင့်ရင် မိတ်ဆွေက တောက်တောက်ပြောင်ပြောင်ဝတ်လာလို့ သိပ်အထင်ကြီးသွားရင် ဓါးထောက်ပြီး အတင်းဝယ် ခိုင်း တာမျိုး ကြုံတွေ့ ရတတ်ပါတယ်။

မီတာတက်ဆီ စီးရင်လဲ နောက်ခန်းတံခါးဘောင်မှာတပ်ထားတဲ့ အဝါရောင်ကဒ် ပြားက အင်္ဂလိပ်လိုရေး ထားတဲ့ ကားနံပါတ်ကို ခေါင်းထဲ စွဲအောင် အသေမှတ်ပါ။

ထိုင်းစကား မတောက်တခေါက်တတ်ရင် ဖြစ်နိုင်ရင်မပြောစေလိုပါဘူး။ ထိုင်းတွေ က မြန်မာအောက်
ခြေသိမ်း အလုပ်သမားတွေ အပေါ် အရမ်းနှိမ့်ချ ဆက်ဆံပါတယ်။

ပိုက်ဆံလာဖြုန်းတဲ့သူတွေကိုတော့ အထင်ကြီးတတ်ပါတယ်။ တတ်နိုင်ရင် ထိုင်းလို ရေးထားတဲ့ ဟိုတယ် လိပ်စာ ဆေးရုံလိပ်စာတွေသာပြလိုက်ကြပါ။ ဘေးကင်းပါတယ်။

ညရေးညတာ မိန်းခလေးများတစ်ဦးတည်း တက်ဆီမစီးပါနဲ့။ သပိတ်စခန်းနား မယောင်မလည် သွားပြီး ဓါတ်ပုံရိုက်တာ၊ သူတို့တွေ တားဆီး ထားတာတွေကို နေရာရွေ့တာမလုပ်ပါနဲ့။ တခြားနိုင်ငံခြားသားနဲ့ တရုပ်တွေက ခရီးလှည့်သူတွေအဖြစ်သိသာပေမယ့်၊ မြန်မာတွေက ထိုင်းတွေနဲ့ ဆင်တော့ လူမှား ရိုက်ခံရတတ်ပါတယ်။

 နိဂုံးချုပ်အနေနဲ့ သတိပေးရရင်တော့ ဘေးကင်းစွာ လည်ပတ်ဖို့နဲ့ လူပါး ပုလင်းကွဲ ရှတတ်ပါကြောင်း သတိပေးဆောင်းပါးအနေနဲ့ တင်ဆက်လိုက်ရပါတယ်။ အပြုသဘောဆန်တဲ့ ဝေဖန်ခြင်းမျိုး နဲ့ အများစိတ် အနှောက်အယှက် ဖြစ်စရာ ရေးသားမထားတဲ့ ဝေဖန်သုံးသပ်ချက်များကို အမြဲမျှော်လင့် ကြိုဆိုလျှက်ပါ။

(ကိုဇော်) Facebook မှ ကူးယူဖော်ပြပါသည်။
၁၆/၀၅/၂၀၁၄

၁၈း၅၀ နာရီ

ဘန်ကောက်
ဧရာဝတီ

အပြည့်အစုံသို့ »

နှစ်ဆယ်နဲ့ဝယ်ထားတဲ့ ထိုင်ခုံဟောင်းထဲက ဒေါ်လာလေးသောင်းတွေ့


နယူးယောက်က တက္ကသိုလ်ကျောင်းသားသုံးယောက်က ဝယ်ထားတဲ့ ဆိုဖာထိုင်ခုံအဟောင်းကြီးထဲကနေ
ဒေါ်လာ လေးသောင်း တွေ့လိုက်ရတဲ့ သတင်းက အမေရိကန်မှာ လူဖတ်များတဲ့သတင်းတပုဒ် ဖြစ်နေပါတယ်။

သူတို့က ဒီထိုင်ခုံကို ဒေါ်လာနှစ်ဆယ်နဲ့ ဝယ်ထားတာလို့ ဆိုတယ်။

သူတို့က State University of New York ကျောင်းကပါ။
ဒီပိုက်ဆံတွေ သူတို့ ဘာလုပ်ရမလဲ တိုင်ပင်တော့ ပိုင်ရှင်ကို ပြန်ပေးဖို့ သဘောတူ ဆုံးဖြတ်လိုက်ပါတယ် တဲ့။ ဒီသတင်းက စိတ်ဝင်စားစရာကောင်းတဲ့အတွက် ဧရာဝတီဘလော့ http://blog.irrawaddy.org ပရိသတ်ကို ပြန်ဖောက်သည်ချရရင် … ဒီခုံကို လွန်ခဲ့တဲ့ ၂ လက Salvation Army လို့ ခေါ်တဲ့ ချို့တဲ့သူတွေကို ကူညီတဲ့ ခရစ်ယာန်ဘုရားကျောင်းတခုကနေ ဝယ်ခဲ့တာပါ။
ငွေတွေကို တွေ့တာကတော့ နယူးယောက်သား Reese Werkhoven ဆိုတဲ့ ကောင်လေးက တွေ့တာပါ။ (အပေါ်ကပုံက သူ့ပုံပါ။)
ပိုက်ဆံနည်းနည်း တွေ့တော့ သူတို့ ဆက်ပြီး ရှာရာမှာ စာအိတ်နဲ့ထုပ်ထားတဲ့ငွေတွေကို ထပ်တွေ့တယ်လို့ ဆိုတယ်။

စာအိတ်တခုမှာ ရေးထားတဲ့ နာမည်ကို ဖုန်းစာအုပ်မှာရှာပြီး တယ်လီဖုန်းဆက်ရာကနေ မူလပိုင်ရှင်နဲ့ အဆက်အသွယ် ရပါတယ်။

နောက်တနေ့မှာ ပိုင်ရှင်ကို ငွေပြန်အပ်တော့ သူတို့ကို ဒေါ်လာ တထောင် ဆုပြန်ချတယ်လို့ သတင်းတွေမှာ ရေးပါတယ်။

ဒီပိုက်ဆံတွေက ဘယ်လို ဘယ်လို ခုံထဲရောက်ပြီး ကျောင်းသားတွေဆီ ရောက်သွားတာလဲ?

ဒီအမျိုးသမီးက သူ့ခင်ပွန်းသည် မသိအောင် ပိုက်ဆံကို စာအိတ်ထဲထည့်ပြီး ဆိုဖာထိုင်ခုံထဲ ဖွက်ခဲ့တယ်၊
ခင်ပွန်းသည်ကွယ်လွန်ပြီးနောက်မှာလည်း ပိုက်ဆံကို ဒီနည်းနဲ့ သိမ်းခဲ့ပါတယ် တဲ့။

နောက်ပိုင်း သူ ဆေးရုံတက်ချိန်မှာ သမီးနဲ့ သားမက်က ဒီခုံဟောင်းကြီးကို Salvation Army သွားလှူတယ်လို့ ဆိုတယ်။

ခုတော့ ပိုက်ဆံတွေက မူလပိုင်ရှင်လက်ထဲ ပြန်ရောက်ပါပြီ။

ပိုက်ဆံတွေ ပေးလိုက်တော့ သူ့ယောက်ျား ဒီအခန်းထဲပြန်ရောက်လာသလို ခံစားမိတယ်လို့ အမျိုးသမီးကြီးက ပြောဆိုကြောင်း Reese Werkhoven ရှင်းပြတယ်လို့ သတင်းတပုဒ်မှာ ရေးထားပါတယ်။

ကဲ… ဝယ်ထားတဲ့ ဆိုဖာအဟောင်းတွေ ရှိရင် နည်းနည်းတော့ စူးစမ်းသင့်ပြီ မဟုတ်လား။
အိမ်ဖောက်ခိုးဝှက်မှုတွေ မကြာခဏ ရှိတတ်တဲ့ နယူးယောက်မှာလည်း ဒီလို ပိုက်ဆံသိမ်းနည်းကို တချို့ လုပ်တတ်ပါတယ်။
ဒီလို သိမ်းမယ် ဆိုရင်လည်း အိမ်ကလူတွေကို အသိပေးထားတာ မမှားဘူးလို့ ဒီသတင်းက ပြောပြနေပါတယ်။

Irrawaddy Burmese

အပြည့်အစုံသို့ »

ခွေးကိုက်ခံရတဲ့ ကလေးကို ကြောင်က ကယ်တင် (video)


အသက် ၄ နှစ်အရွယ် ဂျယ်ရမီလေးဟာ စက်ဘီးစီးနေတုန်း ခွေးတကောင်က ဝင်ကိုက်ဆွဲတာကို သူ့အိမ်က သတ္တိခဲ ကြောင်က ဝင်ကယ်ဆယ်လိုက်တာကို စီစီတီဗွီ ကင်မရာက မှတ်တမ်းတင်ထားပါတယ်။

ကာလီဖိုးနီးယား ပြည်နယ် ဘိတ်ကာဖိးလ် အနောက်တောင်ပိုင်းမှာ အခုလို ဖြစ်ရပ်ဖြစ်ပွားခဲ့တာဖြစ်ပြီး
ခွေးဟာ ကား ကို အကာအကွယ်ယူခြောင်းမြောင်းက ဂျယ်ရမီလေးကို ဝင်ကိုက်ပြီး ဆွဲခါကာ မြေကြီးပေါ် လှဲချပစ်လိုက်ပါတယ်။

ဒါကို တာရာ လို့ ခေါ်တဲ့ ဂျယ်ရမီတို့ အိမ်က ကြောင်က ဝင်ခုန်အုပ်ပြီး ခွေးကို တိုက်ခိုက်ကာ ဂျယ်ရမီလေး ကို ကယ်တင်လိုက်တာပါ။

ဒီအချိန် မိခင်ဖြစ်သူက အပြေးအလွှားရောက်လာခဲ့ပြီး ခွေးထပ်မလာအောင် ခြောက်လှန့်ခဲ့ရပါသေးတယ်။

ဒီစီစီတီဗွီမှတ်တမ်းကို ဂျယ်ရမီ ရဲ့ ဖခင် ရော်ဂျာက အွန်လိုင်းပေါ် တင်လိုက်ပြီး သူ့သားကို သူ့အ်ိမ်က
ကြောင်က ကယ် တင် လိုက်တဲ့ အကြောင်း ညွှန်းဆိုရေးထားခဲ့တာပါ။

ဂျယ်ရမီကတော့ ခွေးကိုက်တဲ့ ဒဏ်ရာနဲ့ ဆေးကုသမှုတော့ ခံယူခဲ့ရပါတယ်။ သူ့ ကို ကိုက်တဲ့ ခွေးကတော့ အခု စောင့်ကြည့်ထိမ်းသိမ်းခံထားရပါတယ်။



အိမ့်သံစဉ် ~
Irrawaddy

အပြည့်အစုံသို့ »

ပဲခူးတိုင်းဝန်ကြီးချုပ်သတင်း ရွှေမော်ဓောဂေါပက ရှင်းလင်း


ကဆုန်လပြည့်နေ့  ရွှေမော်ဓောစေတီကို ပဲခူးတိုင်းဝန်ကြီးချုပ် ဦးဥာဏ်ဝင်းတို့ သွားရောက်ရာမှာ
ဝန်ကြီးချုပ်ယာဉ်တန်းထဲက ကားတွေ ဘုရားရင်ပြင်ပေါ်အထိ  တက်ရောက်ခြင်း၊ ရင်ပြင်ပေါ် ဖိနပ်စီးခြင်း
လုံးဝ မရှိဘူးလို့ ဂေါပက အတွင်းရေးမှူး ဦးကြည်ဝင်းက ပြောဆိုကြောင်း ပြန်ကြားရေးဝန်ကြီးဌာနက သတင်းထုတ်ပြန်ပါတယ်။
“ဒီလို မဟုတ်မမှန် လုပ်ကြံပြောကြတာကို ရပ်တန်းက ရပ်စေချင်ပါတယ်” လို့ ဦးကြည်ဝင်းက ပြောကြောင်း ရေးထားတဲ့ သတင်း အပြည့်အစုံကို ကူးယူ ဖော်ပြပါတယ်။
ပဲခူးမြို့၊ ရွှေမော်ဓောစေတီ၌ ကဆုန်လပြည့်နေ့ တွင် တိုင်းဒေသကြီး ၀န်ကြီးချုပ် ဦးဥာဏ်ဝင်းနှင့် အဖွဲ့ဝင်များ ညောင်ရေသွန်းလောင်း
===================================
ပဲခူး မေ ၁၅
==================================
၁၃၇၆ ခုနှစ်၊ ကဆုန်လပြည့်နေ့တွင် ပဲခူးမြို့၊ ရွှေမော်ဓောစေတီတော်မြတ်ကြီး ၌ ကျင်းပသည့် ကဆုန် ညောင်ရေသွန်း ပွဲတော်သို့ ပဲခူးတိုင်း ဒေသကြီး ၀န်ကြီးချုပ် ဦးဥာဏ်ဝင်းနှင့် တိုင်းဒေသကြီး ၀န်ကြီးများ တက်ရောက်ခဲ့ ကြသည်။

တိုင်းဒေသကြီး ၀န်ကြီးချုပ်နှင့် အဖွဲ့ဝင်များသည် မော်တော်ယာဉ်များ တက်ရောက်သည့် မြောက်ဘက်မုခ်သို့ မော်တော်ကားများ ဆိုက်ရောက်ပြီး ကားပေါ်မှဆင်း၍ စုပေါင်း ညောင်ရေသွန်းမည့် နေရာသို့ လမ်းလျှောက် သွားရောက်ကာ ဆရာတော်ကြီး များထံမှ တရား နာယူကြသည်။
ထို့နောက် ညောင်ရေသွန်းခြင်းကို ဆောင်ရွက်ရန် သံဃာတော်များ ဦးဆောင်၍ တိုင်းဒေသကြီး ၀န်ကြီးချုပ်နှင့် အဖွဲ့ဝင်များ၊ ဌာနဆိုင်ရာ အကြီးအကဲများ၊ ၀တ်အသင်းအဖွဲ့များက ဘုရားကြီးအား တစ်ပတ်ပတ်ကာ ကြည်ညို ကြပြီး ကဆုန် ညောင်ရေ သွန်းလောင်းခဲ့ကြသည်။

အင်တာနက် စာမျက်နှာတွင် ပျံ့နှံ့နေသည့် ရွှေမောဓော ဘုရားရင်ပြင်ပေါ် တိုင်းဒေသကြီး ၀န်ကြီးချုပ်နှင့် အဖွဲ့၏ ကားများ တက်ရောက်မှု၊ ဘုရားပေါ်တွင် ဖိနပ်စီးမှု စသည့် သတင်းများနှင့် ပတ်သက်၍ သိရှိနိုင်ရန် ရွှေမော်ဓော ဂေါပကမှတာဝန်ရှိသူများကို မေးမြန်းခဲ့ရာ ဂေါပကအဖွဲ့ဝင် ဦးဝင်းမောင်က “အဲဒီ သတင်းက အမှန်မဟုတ်ပါဘူး။ ရင်ပြင်ပေါ်အထိ ကားတွေ တက်တာလည်း မဟုတ်ပါဘူး။ ရှင်းအောင် ပြောရရင်
ဂေါပကအဖွဲ့က သတ်မှတ်ထားတဲ့ကားတွေရှိပါတယ်။ အစိုးရအဖွဲ့ တာဝန်ရှိသူတွေ၊ မကျန်းမမာဖြစ်နေတဲ့ ဘုရားဖူးတွေရဲ့ကားကို
ကျောက်ပန်းတောင်း ဓမ္မာရုံ အနီးအထိ ခွင့်ပြု ထားပါတယ်။ ပဋ္ဌာန်းပွဲ ကျင်းပတဲ့ အချိန်မှာ အလှူရှင်တွေ ပစ္စည်းသယ်ဖို့ စေတီရင်ပြင်
ဂေါပကရုံးရှေ့ထိ ခွင့်ပြုထားပါတယ်။ ၀န်ကြီးချုပ်တို့ ကတော့ ဘုရားရင်ပြင် ပေါ်တက်တာကတော့ ခြေလျင်ပါပဲ၊ ရင်ပြင်တော်ကို ကားနဲ့ ဖြတ်မောင်းတာလည်း မဟုတ်ပါဘူး၊ ကားပေါ်က ဆင်းပြီးတော့
လျှောက်လမ်းကနေ လျှောက်တာပါ” ဟု ဖြေကြားခဲ့သည်။

ဂေါပက အတွင်းရေးမှူး ဦးကြည်ဝင်း ကလည်း “၀န်ကြီးချုပ်တို့က ကားပါကင်မှာ ရပ်ပြီး စေတီ ရင်ပြင်တော်ကို ခြေလျင်ပတ်တက်တာပါ။ ဒီနှစ် ၀န်ကြီးတွေရော၊ တိုင်းဒေသကြီး အစိုးရအဖွဲ့ တာဝန်ရှိသူ တော်တော်များများ လာကြ ပါတယ်။ အဲဒါကြောင့် ကားများသွားပြီး တန်းစီသလို ဖြစ်သွားတာပါ။ ၀န်ကြီးချုပ်ကား ပြန်အဆင်းမှာ ရှင်းလောင်း လှည့်လာတာကို တွေ့လို့ ဦးစား ပေးလိုက်တော့ ကားတွေက တန်းစီသလို ဖြစ်သွားတာပါ။ သက်ကြီး ရွယ်အို လမ်းမလျှောက်နိုင်တဲ့ သူတွေကိုလည်း ဂေါပကရုံး ရှေ့မှာ ကားခဏ ရပ်နားထားဖို့ ခွင့်ပြု ပေးထားတာ ရှိပါတယ်။ ကားတွေက
ကျောက်ပန်းတောင်း ဓမ္မာရုံရှေ့မှာ ကားကြပ်နေလို့ ဒီလိုဖြစ်သွားတာပါ။ ကျန်အချိန်တွေမှာ ကားမ၀င်ရဆိုပြီး ပိတ်ထားပါတယ်။ ဒါပေမယ့် ဂေါပကကို သတင်းပို့တဲ့အခါ ဥပမာ အရေးကြီးတဲ့ နိုင်ငံခြား ဧည့်သည်တွေ လာမယ်ဆိုရင်လည်း ခွင့်ပြုပေးပါတယ်။ ကားနဲ့စေတီတော်ရင်ပြင်အထိ တက်တယ်လို့ အင်တာ နက်မှာ ပျံ့နှံ့နေတာ တကယ်ကို ကြားလို့ မကောင်းပါဘူး။ အကြောင်းအရာကို သေချာမသိတဲ့ ပြည်သူတွေက အထင်လွဲကြမှာပေါ့၊ ဒီလို မဟုတ်မမှန် လုပ်ကြံပြောကြတာကို ရပ်တန်းက ရပ်စေချင်ပါတယ် ” ဟု ပြောကြားခဲ့ သည်။

Irrawaddy  

အပြည့်အစုံသို့ »

ကိုဇော်ဖေလွတ်မြောက်ရေး ဘားမားကင်ပိန်း ယူကေရဲ့ ကြိုးပမ်းမှု

ကိုဇော်ဖေနဲ့ မိသားစု၊ ဓာတ်ပုံ- DVB

ဖမ်းဆီးထောင်သွင်း အကျဉ်းချခံထားရတဲ့ DVB သတင်းထောက် ကိုဇော်ဖေ လွတ်မြောက်ရေးအတွက် ဗြိတိန်အခြေ စိုက် ဘားမား ကင်ပိန်း ယူကေအဖွဲ့က ဗြိတိန် နိုင်ငံခြားရေး ၀န်ကြီး ၀ီလျံဟေ့ဂ်ကို ပုဂ္ဂိုလ်ရေး အရ ၀င်ရောက်ဖြေရှင်း ပေးဖို့ တောင်းဆိုလိုက်ပါတယ်။

ဒီဗွီဘီသတင်းထောက် ကိုဇော်ဖေနဲ့ ကျောင်းသားမိဘတဦးဖြစ်တဲ့ ဦးဝင်းမြင့်လှိုင်တို့ဟာ မကွေးတိုင်း ပညာရေးဋ္ဌာန ကို သွားရောက်ကာ သတင်းအတည်ပြုချက်ရရေး မေးမြန်းဖို့ သွားတာကို ငြင်းပယ်ခံခဲ့ရပြီး တာဝန်ဝတ္တရား နှောက် ယှက်မှုနဲ့ စွပ်စွဲပြီး သူတို့ ၂ ဦးကို ဖမ်းဆီးခဲ့ပါတယ်။

ကိုဇော်ဖေနဲ့ ဦးဝင်းမြင့်လှိုင်တို့ကို ပြီးခဲ့တဲ့ ဧပြီလ ၇ ရက်နေ့က ဒေသဆိုင်ရာ တရားရုံးက အပြစ်ရှိတယ်လို့ ဆုံးဖြတ်ပြီး ထောင်ဒဏ် ၁ နှစ်ချမှတ်ခဲ့ပြီး သရက်အကျဉ်းထောင်ကို ပို့လိုက်ပါတယ်။

အဲဒီလို သတင်းထောက်ကို ဖမ်းဆီးတာ၊ နိုင်ငံရေးအကျဉ်းသားတွေကို လွှတ်မပေးသေးတာနဲ့ပတ်သက်ပြီး ဘားမား ကင်ပိန်း ယူကေက ဗြိတိန်ပြည်သူတွေနဲ့ မြန်မာ့အရေးထောက်ခံသူတွေဟာ ဗြိတိန် နိုင်ငံခြားရေး ဋ္ဌာနကို စာ ရေးပြီး မြန်မာနိုင်ငံမှာ သတင်းထောက်တွေဖမ်းဆီးတာနဲ့ နိုင်ငံရေး အကျဉ်းသား ပြန် လွှတ်ပေး
ရေးငြင်းဆိုနေတာတွေ အပေါ် မေးခွန်းထုတ်ဖို့နဲ့ ဗြိတိန်အစိုးရက မြန်မာအစိုးရကို နိုင်ငံရေး၊ နည်းပညာအရ အကူအညီပေးနေမှု၊ ငွေကြေး အကူအညီပေးနေမှုတွေကို ပြန်လည်ရုတ်သိမ်းပေးဖို့ တောင်းဆိုဖို့လည်း တိုက်တွန်းထားပါတယ်။

ဗြိတိန်အစိုးရဟာ မြန်မာအစိုးရကို ကူညီထောက်ပံ့ဖို့ ဒေါ်လာ ၃၄ သန်း လျာထားတယ်လို့လည်း ဘားမား ကင်ပိန်း ယူကေရဲ့ ထုတ်ပြန်ချက်မှာ ဖော်ပြထားပါတယ်။

အသက် ၄၁ နှစ်ရှိပြီဖြစ်တဲ့ ကိုဇော်ဖေဟာ ၂ နှစ်အရွယ်သားတဦးနဲ့ ဇနီးတို့ ရှိပြီး လွန်ခဲ့တဲ့ နှစ်ကတည်းက သတင်း ထောက်လုပ်ရင်းအဖမ်းခံခဲ့ရတာဖြစ်သလို ကိုဇော်ဖေဟာ ၂၀၁၀ ခုနှစ်ကလည်း တရားမ၀င် ဗွီဒီယို ရိုက်ကူးမှုနဲ့ ထောင် ဒဏ် ၃ နှစ်ချမှတ်ခံခဲ့ရကား ၂၀၁၂ ခုနှစ်ကမှ ပြန်လွတ်လာတယ်လို့ အဲဒီကြေညာချက် မှာ ဖော်ပြထားပါတယ်။

အိမ့်သံစဉ် ~
Irrawaddy

အပြည့်အစုံသို့ »

ရာဇာမင်းကား မှောက်ပြီးနောက် ရန်ကုန်-နေပြည်တော် အမြန်လမ်း တိုးချဲ့ရန် အစိုးရ ဆုံးဖြတ်


မေစစ်ပိုင်

မတော်တဆမှု မကြာခဏ ဖြစ်နေသည့် ရန်ကုန် – နေပြည်တော် – မန္တလေး အမြန်လမ်းမကြီး မြင်ကွင်း

ခရီးသည် ၁၄ ဦးသေဆုံးစေခဲ့သော ရာဇာမင်း ခရီးသည်တင်ယာဉ် တိမ်းမှောက်မှု ဖြစ်ပွားပြီးနောက် ယာဉ်တိုက်မှု၊ ယာဉ်တိမ်းမှောက်မှုများ မကြာခဏ ဖြစ်ပွားလျက်ရှိသည့် ရန်ကုန်-မန္တလေး အမြန်လမ်းမကြီး၏ ရန်ကုန်-နေပြည်တော် အမြန်လမ်းဧရိယာ တိုးချဲ့သွားရန် အစိုးရက ဆုံးဖြတ်လိုက်ပြီဖြစ်ကြောင်း သိရှိရသည်။

ပြည်ထဲရေးဝန်ကြီးဌာန နှင့် ဆောက်လုပ်ရေးဝန်ကြီးဌာန အပါအဝင် အစိုးရ၀န်ကြီးဌာနများ စုံညီစွာ တက်ရောက်သော အမြန်လမ်း အဆင့်မြှင့်တင်ရေး အစည်းအဝေးကို မေလ ၁၃ ရက်နေ့ နေပြည်တော်တွင် ကျင်းပပြုလုပ်ခဲ့ပြီး ရန်ကုန်-နေပြည်တော် အမြန်လမ်းဧရိယာကို တိုးချဲ့ရန် ဆုံးဖြတ်လိုက်ခြင်းဖြစ်ကြောင်း၊ မိုင် ၂၀၀ ရှည်လျားသော ရန်ကုန် – နေပြည်တော် အမြန်လမ်းမကြီးကို နိုင်ငံတကာအဆင့်မီ ခြောက်လမ်းသွား သို့မဟုတ် ရှစ်လမ်းသွား လမ်းမကြီးအဖြစ် အဆင့်မြှင့်တင်လိုက်မည် ဆိုပါက လက်ရှိဖြစ်ပွားနေသည့် မတော်တဆ ထိခိုက်မှုများ နည်းပါးသွားနိုင်သဖြင့် ယခု ၂၀၁၄ ခုနှစ်မှ စ၍ အဆင့်မြှင့်ရန် အစိုးရက ဆုံးဖြတ်လိုက်ခြင်းဖြစ်သည်ဟု သိရှိရသည်။

“တခြားဦးစားပေး ကိစ္စတွေလည်း ရှိခဲ့တော့ အမြန်လမ်းမကြီး အဆင့်မြှင့်ဖို့ကို စောင့်နေခဲ့ရတယ်။ မတော်တဆမှုတွေလည်း ဖြစ်လာတော့ ဒီနှစ်ထဲမှာတင် ခြောက်လမ်း၊ ရှစ်လမ်းသွား လမ်းအဖြစ် ဖောက်ဖုိ့လူကြီးတွေက သဘောတူလိုက်ကြပြီ။ အဆင့်မြှင့်လိုက်ရင်တော့ မတော်တဆမှုတွေ နည်းသွားမယ်” ဟု ဆောက်လုပ်ရေး ၀န်ကြီးဌာန၊ ပြည်သူ့ဆောက်လုပ်ရေး လုပ်ငန်း အင်ဂျင်နီယာမှူးကြီး ဦးကြည်ဇော်မြင့်က ရှင်းပြသည်။

ရန်ကုန်-နေပြည်တော် လမ်းမကြီးဧရိယာ တိုးချဲ့ရန်အတွက် မြန်မာကျပ်ငွေ ဘီလီယံ ထောင်ချီ ကုန်ကျခံ သုံးစွဲမည်ဖြစ်ပြီး အမြန်လမ်းမကြီးဆိုင်ရာ ဥပဒေကိုလည်း လွှတ်တော်သို့ တင်ပြ ပြဋ္ဌာန်းနိုင်ရန် စီစဉ်နေကြောင်း သိရှိရသည်။

လူသေဆုံးမှုနှင့် ထိခိုက်ဒဏ်ရာရမှုများ ဖြစ်ပွားနေသည့် အမြန်လမ်းမ ပြဿနာ ဖြေရှင်းနိုင်ရေး ဝန်ကြီးဌာန ပေါင်းစုံမှ တာဝန်ရှိသူများစုပေါင်း အဖြေရှာ ဆွေးနွေးမှုများ လုပ်ဆောင်နေကြောင်း သိရှိရသည်။

ပြည်ထဲရေးဝန်ကြီးဌာန၊ အမြန်လမ်းရဲတပ်ဖွဲ့မှ ရဲမှူးကြီးနေဝင်းက “အရင်တုန်းကတော့ ယာဉ်မောင်းတွေနဲ့ ယာဉ်တွေအပေါ် စစ်ဆေးမှု၊ အရေးယူမှုတွေ မရှိခဲ့ပေမယ့် နောက်ပိုင်းမှာတော့ အရေးယူမှုတွေ ရှိလာတော့မယ်။ ရာဇာမင်းကား တိမ်းမှောက်မှုဖြစ်စဉ်က ယာဉ်မောင်းကိုတော့ အချုပ်နဲ့ ဆေးရုံမှာထားထားတယ်” ဟု ဧရာဝတီသို့ ပြောသည်။

အမြန်လမ်းတွင် မတော်တဆမှုများ တားဆီးနိုင်ရန် ဒုတိယ သမ္မတ ၂ ဦးဥာဏ်ထွန်း ဦးဆောင်၍ ပြည်ထဲရေး ဝန်ကြီးဌာန၊ ဆောက်လုပ်ရေး ဝန်ကြီးဌာန၊ ရထားပို့ဆောင်ရေး ဝန်ကြီးဌာန၊ ဘဏ္ဍာရေးနှင့် အခွန် ဝန်ကြီးဌာနနှင့် ဗဟိုဘဏ်၊ အမြန်လမ်းရဲတပ်ဖွဲ့၊ တိုင်းဒေသကြီး အစိုးရအဖွဲ့များနှင့် အဝေးပြေးမော်တော်ယာဉ် ထိန်းသိမ်းရေးလုပ်ငန်းတို့ ပါဝင်သော အမြန်လမ်း မတော်တဆမှု လျော့နည်းရေးစီမံချက် အကောင်အထည်ဖော် မည်ဖြစ်ကြောင်း သိရှိရသည်။

“အဝေးပြေးလမ်းတွေမှာလည်း ထိခိုက်မှုတွေ ဖြစ်တာတွေက အမြန်လမ်းထက် များနေပေမယ့် ကြီးကြီးမားမား ဆိုရင် အမြန်လမ်းမှာ လာဖြစ်နေတာ တွေ့နေရတယ်” ဟု အင်ဂျင်နီယာမှူးကြီး ဦးကြည်ဇော်မြင့် က သုံးသပ်သည်။

မေလ ၁၂ ရက်နေ့ ညပိုင်းက ဖြစ်ပွားခဲ့သော ရာဇာမင်း ခရီးသည်တင်ယာဉ် တိမ်းမှောက်မှုတွင် ရာဇာမင်းကားသည် နေပြည်တော်မှ ရန်ကုန်မြို့သို့ ထွက်ခွာလာစဉ် ည ၆ နာရီ ၄၅ မိနစ် မိုးရွာသွန်းနေချိန် မိုင်တိုင် ၁၉၇ အနီး လမ်းပေါ်တွင် တင်နေသော ရေအိုင်ကို ဖြတ်သန်းစဉ် ကားသည် အရှိန်လွန် စလစ်ဖြစ်ကာ တပတ်လည်၍ မီးရထား ခုံးကျာ် တံတား အောက်သို့ ပြုတ်ကျသွားခဲ့သည်။

ကားပြုတ်ကျမှုကြောင့် ကားပေါ်မှ အမျိုးသား ၁၀ ဦး ၊ အမျိုးသမီး ၄ ဦး၊ စုစုပေါင်း ၁၄ ဦး သေဆုံးသွားခဲ့ပြီး ၃၀ ဦးဒဏ်ရာရရှိသွားကြောင်း၊ ဒဏ်ရာရရှိသူများတွင် ၃ ဦးမှာ အသက်အန္တရာယ် စိုးရိမ် ရသည့် အခြေ အနေရှိသည်။

မေ ၁၄ ရက်နေ့ နေပြည်တော်တွင် ယာဉ်တိမ်းမှောက်မှုကြောင့် သေဆုံးသွားသော ခရီးသည် ၁၄ ဦး အတွက် အလုံးစုံ အာမခံ ကျပ် ၁၀သိန်း၊ အထူးခရီးသွား အာမခံ ကျပ် သိန်း ၃၀၊ သူတပါးထိခိုက်မှု အာမခံ ကျပ် ၅ သိန်း စုစုပေါင်း ၄၅ သိန်းပေးအပ်ခဲ့ပြီး ထိခိုက်ဒဏ်ရာရရှိသူများအတွက် ဒဏ်ရာရသည့် အခြေအနေပေါ်မူတည်၍ ငွေကျပ် ၁ သောင်းမှ ၂၄ သိန်း အထိ ထောက်ပံ့ပေးအပ်ခဲ့ပြီး ရာဇာမင်းယာဉ်လိုင်းကလည်း သေဆုံးထိခိုက်သော ခရီးသည်များအတွက် ထောက်ပံ့ကြေး ပေးအပ်ခဲ့ကြောင်း သိရှိရသည်။

ရန်ကုန်-နေပြည်တော်-မန္တလေး အမြန် လမ်းမကြီးတွင် ဧပြီလ ၁ ရက်မှ မေလ ၁၃ ရက်အထိ ထိခိုက်မှုပေါင်း ၇၆ မှု၊ ဒဏ်ရာရသူ ၁၆၉ ဦးနှင့် သေဆုံးခဲ့သူ ၄၈ ဦးရှိခဲ့ပြီး သေဆုံးမှု စံချိန်တင်ခဲ့သည့် လများ ဖြစ်ခဲ့ပြီး အမြန်လမ်းမကြီး စတင် ဖွင့်လှစ်ခဲ့သည့် ၂၀၀၉ ခုနှစ်၊ မတ်လ ၂၅ ရက်မှ ဧပြီ ၂၂ ရက်အထိသေဆုံးသူ ၃၅၃ ဦး နှင့် ထိခိုက်ဒဏ်ရာရသူ ၁၀၈၄ ဦး ရှိခဲ့ကြောင်း အမြန်လမ်းရဲတပ်ဖွဲ့၏ စာရင်းဇယားများအရ သိရှိရသည်။

Irrawaddy Burmese

အပြည့်အစုံသို့ »

ကျနော်တို့ ကို ဘာကြောင့် အမျိုးသား သစ္စာဖောက်လို့ သတ်မှတ်တာလဲ မသိဘူး

ရန်ကုန်တိုင်း သံလျင်မြို့နယ်အတွင်း ကျင်းပသော အမျိုးဘာသာ သာသနာ စောင့်ရှောက်ရေး ၉၆၉ တရားပွဲ တခု။(ဓာတ်ပုံ – ဂျေပိုင် / ဧရာဝတီ)

မျိုးစောင့်ဥပဒေ ရေးဆွဲခြင်း အပေါ် အမျိုးသမီးအဖွဲ့များ၊ အရပ်ဘက်လူမှုအဖွဲ့အစည်းများ၏ ကန့်ကွက်မှု နှင့် ပတ်သက်ပြီး အမျိုးဘာသာ သာသနာ စောင့်ရှောက်ရေး အဖွဲ့က အမျိုးသားရေး သစ္စာဖောက်သူများဟု သတ်မှတ်ထားကြောင်း သိရသည်။

မျိုးစောင့်ဥပဒေနှင့် ပတ်သက်ပြီး အချိန်၊ နေရာနှင့် လူပုဂ္ဂိုလ် မရွေး ဆွေးနွေးနိုင်ကြောင်းကိုလည်း အမျိုးဘာသာ သာသနာ စောင့် ရှောက်ရေး အဖွဲ့၏ မေ ၉ ရက် ထုတ်ပြန်ချက်တွင် ရေးသား ထားသည်။

အမျိုးသမီး အဖွဲ့များနှင့် အရပ်ဘက် လူမှုအဖွဲ့အစည်း ပေါင်း ၉၀ ကျော် က မေလ ၅ ရက်က ကြေညာချက် ထုတ်ပြန်၍ မျိုးစောင့် ဥပဒေ ရေးဆွဲခြင်း အပေါ် ကန့်ကွက်ထားခြင်း ဖြစ်သည်။ နောက်တိုး အဖွဲ့များနှင့် ဆိုလျှင် ကန့်ကွက်သည့် အဖွဲ့ပေါင်း ၁၃၀ ကျော် ရှိကြောင်း သိရသည်။

ကန့်ကွက်သည့် အဖွဲ့များတွင် ပါဝင်သော လူ့အခွင့်အရေး လှုပ်ရှားနေသော Equality Myanmar မှ ဦးအောင်မျိုးမင်းက“ကျနော်တို့ ကို ဘာကြောင့် အမျိုးသား သစ္စာဖောက်လို့ သတ်မှတ်တာလဲ မသိဘူး။ ကျနော်တို့ အခုလုပ်နေတဲ့ကိစ္စက အမျိုးဘာသာ သာသနာ

ကို သစ္စာဖောက်တာ မဟုတ်ပါဘူး”ဟု ဧရာဝတီ သို့ပြောသည်။

ယခု ကိစ္စနှင့်ပတ်သက်ပြီး အမျိုးဘာသာ သာသနာစောင့်ရှောက်ရေး အဖွဲ့၊ သမ္မတ စသည့် သက်ဆိုင်ရာများနှင့် တွေ့ဆုံ၍ ပွင့် လင်း စွာပြောဆို သွားမည် ဖြစ်ကြောင်း၊ တွေ့ဆုံရန်လည်း အဆင်သင့်ဖြစ်ကြောင်း ဦးအောင်မျိုးမင်းက ပြောဆိုသည်။

“မကြာမီမှာ ဥပဒေ ထွက်လာတော့မယ် ဆိုတော့ ကျနော်တို့တွေ ပိုပြီး ဆွေးနွေးဖို့ ကောင်းတာပေါ့။ မျိုးစောင့်ဥပဒေမှာ ဘယ်လိုမျိုးတွေပါမယ်။ ဘယ်လိုရည်ရွယ်ချက်နဲ့ လုပ်နေတာလဲဆိုတာ သိမယ်။ အခု ကျနော်တို့ ဒီဟာကို လေ့လာထားတာပဲ ရှိသေးတယ်။ အခက်အခဲတော့ ရှိတာပေါ့”ဟု ၎င်းက ဆက်ပြောသည်။

မျိုးစောင့်ဥပဒေ မူကြမ်းရေးဆွဲရန် အတွက် သက်ဆိုင်ရာ ရဟန်း သံဃာ ပညာရှင်များကို အကြံဉာဏ်များ တောင်းခံ ထားကြောင်း၊ ယခုလအတွင်း မူကြမ်းထွက်ရန်လည်း ရှိကြောင်း မန္တလေးမြို့ မစိုးရိမ်ကျောင်း ဆရာတော် ဦးဝီရသူက ဧရာဝတီသို့ မိန့်ကြားသည်။

“မျိုးစောင့်ဥပဒေက အမျိုးသမီးအခွင့်အရေး ဆုံးရှုံးနေတဲ့သူတွေကို ကယ်ဖို့နဲ့ အခွင့်အရေး ဘယ်တော့မှ မဆုံးရှုံးဖို့ပါ”ဟု လည်း ဆရာတော် ဦးဝီရသူ က မိန့်သည်။

ထိုဥပဒေ ပေါ်ပေါက်လာရေး အတွက် ပြည်ထောင်စု အစိုးရ အဖွဲ့ကို ပြည်သူ့ လက်မှတ်ပေါင်း လေးသန်းကျော် တင်ပြခဲ့ပြီး ယင်း ဥပဒေ တွင် အဓိကအားဖြင့် ဘာသာကူးပြောင်းခြင်း၊ တလင်တမယား စနစ်ကျင့်သုံးရေး ဥပဒေ၊ လက်ထပ် ထိမ်းမြားခြင်း ဥပဒေ နှင့် လူဦးရေ တိုးပွားနှုန်း ထိန်းချုပ်ရေး ဥပဒေတို့ ပါဝင်ကြောင်း သိရသည်။

မျိုးစောင့်ဥပဒေ မူကြမ်းရေးဆွဲရန် ပြင်ဆင်နေခြင်းနှင့်ပတ်သက်ပြီး ကန့်ကွက် ထားသည့် အမျိုးသမီး အဖွဲ့များနှင့် အရပ်ဘက် လူမှုအဖွဲ့အစည်း ပေါင်း ၁၃၁ ဖွဲ့က အမျိုးသမီးများအား နည်းမျိုးစုံဖြင့် ခွဲခြားဆက်ဆံမှု ပပျောက်ရေး သဘောတူစာချုပ် (စီဒေါ) သဘော တူညီချက်ပါ အခြေခံများနှင့်အညီ ကျား၊မ တန်းတူ ညီမျှ ဖော်ဆောင်ရန်၊ ဒီမိုကရေစီ အခြေခံသဘောတရားများ ပြည့်ဝသော ဖွဲ့စည်းပုံ အခြေခံဥပဒေ တရပ် ကို ရေးဆွဲပြဌာန်းနိုင်ရန် ကြိုးပမ်းသွားမည်ဖြစ်ကြောင်း၊ နိုင်ငံရေး ဦးဆောင်မှု အခန်းကဏ္ဍနှင့် ငြိမ်းချမ်း မှု တည်ဆောက်ရေးဖြစ်စဉ်တွင် အမျိုးသမီးများ ပိုမိုပါဝင်လာရန် ကြိုးပမ်းသွားမည်ဖြစ်ကြောင်း၊ အမျိုးသမီး စွမ်းဆောင်ရည်နှင့် မှန် ကန်စွာ ဆုံးဖြတ်နိုင်စွမ်းကို မြှင့်တင် သွားမည် ဖြစ်ကြောင်း ပြောသည်။

“ကျမတို့က ဥပဒေပြုနိုင်တဲ့ အာဏာမရှိသလို လူမှုရေးလုပ်နေတာ ဖြစ်တာကြောင့် ထောက်ခံလက်မှတ် သန်းချီကောက်ဖို့ လုပ်ငန်း မျိုးဖြစ်စေ၊ တခြားစည်းရုံးရေးတွေ မလုပ်နိုင်ပါဘူး။ ဒီလိုလုပ်တာကိုလည်း နိုင်ငံရေးလှုပ်ရှားမှုတွေရဲ့ လှည့်ကွက်တခုလို့လည်း မြင် တယ်။ ဒီလို အရင်းအမြစ်များများနဲ့ ဟောပြောပွဲတွေ လုပ်နေနိုင်တာက နောက်ကွယ်က ဘယ်သူပံ့ပိုးပေးနေသလဲပေါ့”ဟု ကျား၊ မ ရေးရာ တန်းတူညီမျှရေး ကွန်ရက် (Gender Equality Network) မှ မမေစံပယ်ဖြူ က ဧရာဝတီသို့ ပြောသည်။

နိုင်ငံအတွင်း ဖြစ်ပေါ်နေသည့် မျိုးစောင့်ဥပဒေရေးဆွဲရေး အပါအဝင် ဘာသာရေးကို အခြေခံသော နိုင်ငံရေး လှုပ်ရှားမှု ဖြစ်ကြောင်း၊ ၂၀၁၅ ရွေးကောက်ပွဲ မတိုင်မီ ပြည်သူလူထုကို အာရုံလွှဲသော ကိစ္စရပ်များထဲမှ တခု ဖြစ်ကြောင်း၊ ပြည်သူအများစု လိုလားသော ဖွဲ့စည်းပုံ အခြေခံဥပဒေ ပြင်ဆင်ရေး နှင့် ပြည်တွင်း ငြိမ်းချမ်းရေး ဖော်ဆောင်မှု လုပ်ငန်းများအား အဟန့်အတား ဖြစ်စေပြီး ဒီမိုကရေစီ စနစ်သို့ ကူးပြောင်းမှု အရှိန်ကို နှောင့်နှေးစေကြောင်း မေလ ၅ ရက်က အမျိုးသမီး အဖွဲ့များနှင့် အရပ်ဘက် လူ့မှုအဖွဲ့အစည်း ၉၇ အဖွဲ့ ၏ ကြေညာချက်၌ ဖော်ပြထားသည်။

Irrawaddy

အပြည့်အစုံသို့ »

ခိုးပြေးတော့မယ့် စိုင်းစိုင်းခမ်းလှိုင်


အဆိုတော် သရုပ်ဆောင် စိုင်းစိုင်းခမ်းလှိုင်က ဘယ်သူ့ကိုမှန်း မသိ လွမ်းဆွတ်နေမိတဲ့အကြောင်း သူ့ဖေ့စ်ဘုတ်မှာ ရေးထားပါတယ်။

အပြည့်အစုံသို့ »

စန္ဒီမြင့်လွင်ရဲ့ ကလီယို ပါထရာ တေးစီးရီးသစ်ထွက်မယ်


အဆိုတော် စန္ဒီမြင့်လွင်ရဲ့ ကလီယို ပါထရာ ဆိုတဲ့ တေးစီးရီးသစ် လက်မှတ်ရေးထိုး ဖျော်ဖြေပွဲကို လာမယ့် ဇွန်လ ၁ ရက်နေ့မှာ ကျင်းပမယ်လို့ သိရပါတယ်။


 ဓာတ်ပုံ- စန္ဒီမြင့်လွင်ရဲ့ ဖေ့စ်ဘုတ်

ကလီယို ပါထရာ ဖြစ်သွားတဲ့ စန္ဒီမြင့်လွင်ရဲ့ အဲဒီ လက်မှတ်ရေးထိုး ဖျော်ဖြေပွဲကို ဇွန်လ ၁ ရက်နေ့ ညနေ ၅ နာရီက ၈ နာရီထိ Junction Square မှာ ကျင်းပမှာဖြစ်တယ်လို့ စန္ဒီမြင့်လွင်က သူ့ဖေ့စ်ဘုတ်ကနေ အသိပေးထားပါတယ်။

စန္ဒီမြင့်လွင်ရဲ့ ချစ်နေတုန်းပဲ ဆိုတဲ့ တေးသီချင်းဟောင်းလေးကိုတော့ ပရိသတ်က စွဲမက်ခဲ့ပါတယ်။

အခု အသစ်ထွက်ပေါ်လာတဲ့ ကလီယိုပါထရာကိုလည်း ဘယ်လို သီဆိုဖျော်ဖြေထားတယ်ဆိုတာ လာမယ့် လဆန်းဆိုရင် ဧရာဝတီပရိသတ်လည်း သိရပါတော့မယ်။

အခုတော့ တချိန်က ချစ်နေတုန်းပဲ ဆိုတာလေးကို နားဆင်ကြည့်လိုက်ပါအုံးနော်။

 
အိမ့်သံစဉ် ~
Irrawaddy  

အပြည့်အစုံသို့ »

နန်းသီရိမောင် နှင့် Car Accident တဲ့လား???

နန်းသီရိမောင်က သူဟာ ကား ထိခိုက်မှု မရှိခဲ့ပါဘဲ ဂျာနယ်တခုက အဲဒီလိုရေးသားခဲ့လို့ အခုလို တုံ့ပြန်ရေး သား ထားပါတယ်။ ဒါမျိုးတွေလည်း သတိပြု ဆင်ခြင်စရာတွေဖြစ်လို့  နန်းသီရီမောင် ရေးသားထားတဲ့ အတိုင်း သင်ခန်းစာတခုအဖြစ် ပြန်လည် ဖော်ပြပေး လိုက်ပါတယ်။


ဓာတ်ပုံ- နန်းသီရိမောင်

Media နဲ့ အနုပနညာရှင်တွေက ကိုင်းကျွန်းမီ ကျွန်းကိုင်းမှီ ပါ..
သမီးကိုအဆက်အသွယ်မရပဲနဲ့ interview မလုပ်ခဲ့ပဲနဲ့ သမီးမဖြေခဲ့ပဲနဲ့ရေးခဲ့တဲ့သတင်းတွေကို ကာယကံ ရှင်ကပဲ အသိစိတ်နဲ့တာဝန်ယူပေးစေချင်ပါတယ်ရှင့်

သမီးဘ၀မှာ မဟုတ်စကားတွေကို အဟုတ်လုပ်ပြီးပြော စာတွေသတင်းတွေလုပ်ကြံရေး ဗလောင်းဗလဲ လုပ်တာကို အရမ်းမုန်းလို့ပါ..

မန္တလေး အာရုံဦး ဂျာနယ်ရှိတာဝန်ရှိသူများရှင့်

သမီးinterview မဖြေပဲ Facebook က လက်မတော်တစ ဒဏ်ရာရထားပြီး ကားစီယာတိုင်ပေါ်လက်တင်ပြီး ရိုက်ထားတဲ့ပုံကို Car Accident ဖြစ်ပါတယ် ဆိုပြီးသတင်းအမှားကိုအမှန်လုပ်ပြီးရေသားထားမှုအပေါ် လူကြီးလူကောင်းပီသ ယဉ်ကျေးစွာ တာဝန်သိသိဖြေရှင်းပေးစေလိုပါတယ်ရှင့်…

တစ်ခြားဂျာနယ်တွေမှာလည်း ကျွန်မလက်မတော်တစဒဏ်ရာရမှုကို interview ဖြေထားပေးပါတယ်ရှင့်…

ကျွန်မph ဆက်တော့ ph ကိုချပြစ်တာတွေ မအားလို့နောက်မှပြန်ဆက်မယ်လို့ပြောတာတွေ ကိုယ်လုပ်မိတဲ့ အမှားကို ခေါင်းရှောင်တာတွေဟာ လူသားမဆန်ဘူးလို့သိထားတဲ့အတွက် လူကြီးလူကောင်းမပီသဘူးလို့ ထင်ပါတယ်။

သတင်းကိုပြန်လည်ပြီးအချိန်မီမပြင်ဆင်နိုင်ခဲ့ရင်တောင် အမှားသိပြီး ကျွန်မကို “တောင်း ပန် ပါ တယ်” ဆိုတဲ့ စကားလေးလုံး နဲ့အချိန်မီတောင်းပန်ရင် ကျေနပ်ခေါင်းငုံ့ခံမဲ့ ကျွန်မပါ..

 ကျေးဇူးတင်ပါတယ်ရှင့် ……

နန်းသီရိမောင်

တဆက်တည်း ကြုံတုံးလေး  နန်းသီရိမောင် ရဲ့ မော်ဒယ်ဓာတ်ပုံ ဘယ်လို ပို့စ် ပေးရသလဲ ဆိုတာ သူတင်ထားတဲ့ ဗွီဒီယိုကလစ်လေးကိုဖော်ပြပေးလိုက်ပါတယ်။


အိမ့်သံစဉ် ~
Irrawaddy  

အပြည့်အစုံသို့ »

ကလေးစကား လေးလေးစားစား နားထောင်ပေးပါ




ခေတ်ဘုန်းသစ် ~

ကလေးများရဲ့ အနာဂတ်ဟာ နိုင်ငံတနိုင်ငံရဲ့ အနာဂတ်နဲ့ အများကြီး သက်ဆိုင်ပါတယ်။ ကလေးများကို ပြုစုပျိုးထောင်ပေးခြင်းဟာ နိုင်ငံရဲ့အနာဂတ်ကို ပုံသွင်းခြင်းတခုပါပဲ။ ဒါကြောင့်မို့လို့ ကလေးများဟာ နိုင်ငံတနိုင်ငံအတွက် သိပ်ကိုမှ အရေးကြီးတဲ့သူများပဲ ဖြစ်ပါတယ်။

ကလေးများ စိတ်ရည်၊ ဥာဏ်ရည်မြင့်မားဖို့၊ တာဝန်ယူတတ်တဲ့စိတ်တွေ ရှိစေဖို့၊ လူကြီးလူကောင်းစိတ်တွေ မွေးတတ်စေဖို့အတွက် ငယ်ငယ်ကတည်းက ကလေးတို့ကို လေ့ကျင့်သင်ကြားပေးဖို့ လိုပါတယ်။

စည်းကမ်းရှိတဲ့၊ တာဝန်ယူတတ်တဲ့၊ စာနာ နားလည်တတ်တဲ့၊ ကိုယ့်အမှားကိုယ် တာဝန်ယူတတ်တဲ့ လူများနဲ့ ဖွဲ့စည်းထားတဲ့ လူ့အဖွဲ့အစည်းကြီး တခု ပေါ်ပေါက်လာစေဖို့အတွက် ကလေးတို့နဲ့ နီးစပ်သူ ဆရာ၊ ဆရာမ တိုင်း၊ ဆွေမျိုး မိဘတိုင်းမှာ တာဝန်ရှိ ပါတယ်။

ကျမတို့ လူ့အဖွဲ့အစည်းမှာ လူကြီးနေရာမှာ နေနေကြပေမယ့် လူကြီးမဆန်တဲ့သူတွေ၊ အမှားကို ဝန်မခံဘဲ ရှောင်လွှဲတတ်တဲ့ လူတွေ၊ မျက်နှာလိုက် တတ်တဲ့ လူမျိုးတွေ၊ သူများစကားကို နားမထောင်ဘဲ ကိုယ့်ဆန္ဒ၊ ကိုယ့်စိတ်ကိုသာ ဦးစားပေးတတ်တဲ့လူမျိုး တွေကို အများကြီး တွေ့နေကြရတာပါပဲ။ တွေ့မြင် တိုင်းလည်း စိတ်ပျက်မိကြရတာပါပဲ။ ဒီလို မယဉ် ကျေးတဲ့၊ ငါနဲ့ငါသာနှိုင်းစရာဆိုတဲ့ လူတွေ အနာဂတ် လူ့အဖွဲ့စည်းမှာ နည်းပါးသွားစေဖို့အတွက် အနာဂတ်မှာ  လူကြီးဖြစ်လာမယ့်  ကျမတို့ရဲ့  ကလေးတွေကို ငယ်ငယ်ကတည်းက ထိန်းကျောင်း လေ့ကျင့်သင် ကြားပေးဖို့ လိုပါတယ်။

အိမ်ထောင်စု တော်တော်များများက သား သမီးများနဲ့ မိဘ ဆက်ဆံရေးများကို လေ့လာကြည့် မယ်ဆိုရင်ဖြင့် သားသမီးနဲ့မိဘတို့ ဆက်ဆံရေးများ ဟာ ပွင့်ပွင့်လင်းလင်း ရင်းရင်းနှီးနှီး သိပ်မရှိကြတာ များပါတယ်။ အထူးသဖြင့် ကျမတို့နိုင်ငံမှာဆိုရင်ဖြင့် အဖေနဲ့ သားသမီးများဟာ မရင်းနှီးကြပါဘူး။ အဖေ က ပြောစရာရှိတာ (အမိန့်ပေးစရာရှိတာ) ကိုသာ ပြောပါတယ်။ သားသမီးရဲ့ ခံစားချက်၊ သားသမီး ပြောချင်တဲ့ စကား၊ သူကြုံတွေ့လာရတဲ့ အခက်အခဲ စတာတွေကို အချိန်ပေးပြီးတော့ နားထောင်တာမျိုး သိပ်မရှိလှပါဘူး။ သားသမီး ပြောချင်တာကို အချိန် ပေးပြီးတော့ နားထောင်ခြင်းဟာ ကလေးတယောက် ကို ပြုစုပျိုးထောင်ဖို့အတွက် အင်မတန်မှ လွယ်ကူပါတယ်။

ကလေး  ဘာဖြစ်နေလဲ၊  ဘာခံစားနေရလဲ၊ ဘယ်လိုအခက်ခဲတွေရှိနေလဲ၊ ဘာတွေကို ကျေနပ်ပြီးတော့၊ ဘာတွေကို မကျေမနပ်ဖြစ်နေလဲ ဆိုတာ ကို မိဘက အချိန်ပေးပြီးတော့ ဂရုတစိုက်နားထောင် ဖို့ လိုပါတယ်။ မိဘဆူမှာကို မကြောက်ရဘဲနဲ့ သူ့ ရင်ထဲက ခံစားချက်ကို လွတ်လွတ်လပ်လပ် ပြောဆို ရင်ဖွင့်နိုင်ဖို့ လိုပါတယ်။ ဒါကြောင့်မို့ ကလေးတို့ရဲ့ ခံစားချက် (စိတ်တိုတာ၊ ဝမ်းနည်းတာ၊ ပျော်တာ၊ အားငယ်တာ) စတာတွေကို မိဘကို လာပြောပြတဲ့ အခါမျိုးမှာ သူ့ခံစားချက်များကို ကိုယ်ချင်းစာနာမှု အပြည့်နဲ့ သေသေချာချာ နားထောင် ပေးရပါ မယ်။

“မင်းက အသုံးမှမကျတာ”

“ဒါကို ဒီလိုမျိုးလုပ်လိုက်ပါလားကွ” စသဖြင့် ကလေးကို အပြစ်တင်ဝေဖန်တဲ့စကားမျိုးတွေ လုံးဝ မပြောရပါဘူး။

ကလေးရဲ့  ခံစားချက်ကို  လေးလေးစားစား နားထောင်ပေးရပါမယ်။ ကလေးက ကိုယ်လက်မခံနိုင်တဲ့ အပြုအမူ တခုခုကို လုပ်လာမိတယ် ဆိုရင် လည်း ကလေးကို ဘာမှမမေးမြန်းဘဲ အော်ဟစ်ဆူပူ လိုက်တာမျိုး မလုပ်ရ ပါဘူး။ ဘာကြောင့် ဒီလိုလုပ် လာရသလဲဆိုတဲ့ ကလေးရင်ထဲက အကြောင်းရင်းကို သိအောင် မေးမြန်းရပါမယ်။

လူ့လောကမှာ ကိုယ့်ခံစားချက် ကိုယ့်အမြင်နဲ့ မတူတဲ့ ခံစားချက်တွေ၊ အမြင်တွေ၊ ရှုထောင့်တွေ ရှိသေးကြောင်း ကိုလည်း သူတို့လေးတွေကို သင်ပေး ရပါမယ်။ ကိုယ်က အနီရောင်ကြိုက်ပေမယ့် တဖက် လူက အပြာရောင် ကြိုက်နိုင်ကြောင်း၊ ကိုယ့်အတွက် အနီရောင်ဟာ အလှဆုံးအရောင်ဖြစ်ပေမယ့် တဖက် လူအတွက်တော့ အပြာရောင်ဟာ အလှဆုံးအရောင် ဖြစ်နေမှာပဲ ဆိုတဲ့အကြောင်း ကလေး နားလည်အောင် ရှင်းပြပြော ဆိုရပါမယ်။

တဖက်သားရဲ့ စကားကို လေးလေးနက်နက် နားထောင်တတ်တဲ့အကျင့် ရစေဖို့အတွက် ကလေး က ကိုယ့်ကို စကားလာပြောတဲ့အခါမျိုးမှာ သတင်း စာ ဖတ်နေရင်းတန်းလန်းနဲ့  နားထောင်နေတာမျိုး၊ ပန်းကန်ဆေးရင်း တန်းလန်းနဲ့ နားထောင်နေတာမျိုး၊ တီဗီကြည့်ရင်းတန်းလန်းနဲ့ နားထောင်နေတာမျိုး မလုပ်ရပါဘူး။ ဖတ်နေတဲ့သတင်းစာ၊ ဆေးနေတဲ့ ပန်းကန်၊ ကြည့်နေတဲ့ တီဗီကို ခဏရပ်ပြီးတော့ ကလေးပြောတာကို စိတ်ဝင်တစားနဲ့ သေသေချာချာ နားထောင်ပေးရမှာပါ။

တခါတလေမှာ ကလေးပြောတဲ့ စကားတွေထဲ မှာ ကိုယ့်အတွက် စိတ်တိုစရာ၊ စိတ်ဆိုးစရာ၊ လက် မခံ ချင်စရာတို့ ပါလာနိုင်ပါတယ်။ ရုတ်တရက် စိတ် တို၊ စိတ်ဆိုးပြီး ကလေးကို အော်ငေါက်လိုက်တာမျိုး လုံးဝ မလုပ်ရဘူး။ ကိုယ့်ရဲ့ စိတ်ခံစားချက်(Emotion) ကိုထိန်းချုပ်ပြီး ကလေးပြောတာဆုံးတော့မှ ကလေး ကို အကျိုးသင့် အကြောင်းသင့် ရှင်းပြပြောဆိုသင့်ပါတယ်။

ကျမတို့လူကြီးတော်တော်များများဟာ ကလေး တွေ စကားပြောနေတဲ့ အချိန်မျိုးမှာ ကလေးတွေ ပြောနေ တာပဲဆိုပြီးတော့ ဂရုတစိုက် နားထောင်လေ့ မရှိပါဘူး။ ကလေးပြောတာ မဆုံးသေးပေမယ့်လည်း ဖြတ်ပြော တာမျိုး၊ လုပြောတာမျိုးတွေ လုပ်တတ်ကြ ပါသေးတယ်။ အမှန်တော့ ဒါဟာ ကလေးကို လုပ် လိုက်တဲ့ ကိစ္စလေးဆိုပေမယ့် အင်မတန်မှ ရိုင်းတဲ့ အပြုအမူပါ။ ကလေးရှေ့မှာ ကလေးကို လုပ်လိုက် ခြင်းဟာ အဲဒီရိုင်းစိုင်းတဲ့ အပြုအမူတရပ်ကို လူကြီးက ရှေ့ဆောင်လမ်းပြအနေနဲ့ ကလေးကို သင်ပေး လိုက်ရာ ရောက်ပါတယ်။

ကလေးများဟာ လူကြီးလုပ်တာကို အတုခိုးပြီး တော့ လိုက်လုပ်တတ်ကြတဲ့ အမျိုးပါ။ ငယ်ငယ် ကတည်းက ကိုယ့်ရဲ့စကားကို ဂရုတစိုက်နားထောင် တတ်တဲ့၊ ကိုယ်ချင်းစာနာတတ်တဲ့ လူကြီးများနဲ့ ကြီး ပြင်းခွင့်ရတဲ့ ကလေးများဟာ ကြီပြင်းလာတဲ့ အချိန် မှာလည်း လူတဖက်သား စကားကို ဂရုတစိုက် နား ထောင်တတ်ကြ၊ ကိုယ်ချင်းစာတရား ရှိတတ်ကြပါတယ်။

လူတဖက်သားစကားကို နားထောင်တတ်တဲ့ လူများဟာ တဖက်သားရဲ့ ခံစားချက်ကိုလည်း နား လည်နိုင်တာမို့ မှားယွင်းဆုံးဖြတ်တာလည်းနည်းတတ် ပါတယ်။ အထူးသဖြင့် နိုင်ငံတနိုင်ငံရဲ့ ခေါင်းဆောင်၊ အဖွဲ့အစည်း တခုရဲ့ ခေါင်းဆောင်လုပ်မယ့်သူများ ဟာ လူအများရဲ့အသံကို ဂရုတစိုက်နားထောင်တတ် တဲ့လူများ ဖြစ်ရ ပါမယ်။ ဘယ်သူ့အသံ၊ ဘယ်သူ့ စကားမှ နားမထောင်ဘဲနဲ့ ကိုယ်ပြောချင်တာ၊ ကိုယ် အမိန့်ပေးချင်တာကို ပြောဆိုပြီးတော့ ဆုံးဖြတ်ချက် ချတာမျိုးတွေ လုပ်လာတဲ့အခါမျိုးမှာ အမှားအယွင်း တွေ ရှိလာရစမြဲပါပဲ။ ဒါကြောင့်မို့လို့ လူ့အဖွဲ့အစည်း တခုမှာ တဖက်သားစကားကို စိတ်ရှည်ရှည်နဲ့ နား ထောင်တတ်တဲ့၊ ကိုယ်ချင်းစာတတ်တဲ့လူများ များစွာ လိုပါတယ်။

ဒီလို  စိတ်ရှည်ရှည်နဲ့  နားထောင်တတ်တဲ့၊ ကိုယ်ချင်းစာတတ်တဲ့လူများ များပြားလာပြီဆိုရင်ဖြင့် ယဉ်ကျေးတဲ့ လူ့အဖွဲ့အစည်း၊ ယဉ်ကျေးတဲ့ လူမျိုး တမျိုးအဖြစ် ပေါ်ပေါက်လာမှာ အမှန်ပါပဲ။

ဒါကြောင့်မို့လို့ ကျမတို့ရဲ့ အနာဂတ်မှာ ယဉ် ကျေးတဲ့ လူအဖွဲ့အစည်းတခု ပေါ်ပေါက်လာစေဖို့ အတွက် ကလေးများကို ငယ်စဉ်ကတည်းက လေ့ကျင့် သင်ကြားပေးကြဖို့ လိုအပ်ပါတယ်။

Irrawaddy

အပြည့်အစုံသို့ »

လေယာဉ်ပေါ်က အိမ်သာထဲတွင် အမျိုးသားတစ်ဦးနှင့် လိင်ဆက်ဆံသော အမျိုးသမီး ဖမ်းဆီးစစ်ဆေးခံရ

Virgin လေယာဉ် တစီး၊ ဓာတ်ပုံ- The Mirror

အရက်မူးနေတဲ့ အသက် ၂၀ ကျော် ဗြိတိန်အမျိုးသမီးတယောက်ဟာ Virgin လေကြောင်းလိုင်း လေယာဉ် တစီးပေါ်က အိမ်သာ ခန်းထဲမှာ အမျိုးသား တဦးနဲ့ မဖွယ်မရာ လုပ်ခဲ့တဲ့သတင်းက အွန်လိုင်းမှာ ဟိုးလေး တကျော် ဖြစ်နေပါတယ်။

မိဘတွေနဲ့အတူ ဘေးချင်းကပ်ထိုင်နေတဲ့ အသက် ၂၀ ဝန်းကျင်ရှိတဲ့အမျိုးသမီးငယ်ဟာ သူ့ဘေးက အမျိုးသား ကို မြူဆွယ်ခဲ့ပြီး သူတို့ ၂ ဦးဟာ လေယာဉ် အိမ်သာခန်းထဲ ဝင်သွားခဲ့တယ်၊ ပြီးတော့မှ ဟိုလို ဒီလို အသံစုံတွေထွက်လာတော့ မှ လေယာဉ် အမှုထမ်းတွေက တံခါး အတွင်း တွန်းဖွင့်ပြီး အမျိုးသမီး ငယ်ကို ဆွဲထုတ်လိုက်ကြတယ်လို့ မျက်မြင်တွေကို ကိုးကားပြီး The Mirror သတင်းတပုဒ် မှာ ဖော်ပြပါ တယ်။

အခု အဖြစ်အပျက်ဟာ လွန်ခဲ့တဲ့အပတ်က ဗြိတိန်နိုင်ငံ London Gatwick ကနေ အမေရိကန်
ပြည်ထောင်စု လာ ဗေးဂတ်စ် ကို သွားတဲ့ Virgin လေယာဉ်ပေါ်မှာ ဖြစ်ပျက်ခဲ့တာဖြစ်ကြောင်းပါတဲ့။

လေယာဉ်စီးခရီးသည်တွေလည်း လေယာဉ်ပေါ်က အိမ်သာခန်းထဲက ထွက်လာတဲ့ အဲဒီအမျိုးသမီးငယ်ရဲ့ လိင်ဆက်ဆံတဲ့အသံတွေကြောင့်အတော် စိတ်အနှောက်အယှက်ဖြစ်ခဲ့ကြတယ်လို့ ဆိုပါတယ်။

အဲဒီကိစ္စနဲ့ပတ်သက်ပြီး အမေရိကန်တာဝန်ရှိသူတွေက အဆိုပါ ဆယ်ကျော်သက် ဗြိတိန်အမျိုးသမီး ကို
မေးမြန်းစစ်ဆေးမှုတွေ လုပ်ခဲ့ပါတယ်တဲ့။ ဒါပေမယ့် Nevada resort မှာ အားလပ်ရက် လာအနားယူတဲ့ အမျိုးသမီးငယ်ကို သတိပေးပြီး ပြန် လွှတ်ပေးခဲ့တယ်လို့ သတင်းက ဆိုပါတယ်။

မျက်မြင်ခရီးသည်တဦးကတော့ တော်တော် သောင်းကျန်းတဲ့ မိန်းကလေးလို့ မှတ်ချက်ပေးထားပါတယ်။

တလောကလည်း အင်ဒိုနီးရှားနိုင်ငံ ဘာလီကျွန်းကို ဆင်းသက်တဲ့ Virgin လေကြောင်းလိုင်း လေယာဉ် တစီးပေါ်မှာ အရက်မူးနေသူ တဦးရဲ့ လေယာဉ်မောင်း အခန်းကို ဝင်ဖို့ ကြိုးစားတာကို လေယာဉ် ပျံပေး ဆွဲတယ် အထင်မှားပြီး စိုးရိမ်မှုတွေ ဖြစ်ခဲ့ဖူးပါသေးတယ်။

Irrawaddy 

အပြည့်အစုံသို့ »

ကျိန်စာတိုက်သူ သဲကုန်းလယ်သမားငါးဦးကို ပုဒ်မ၅ဝ၅(ခ)ဖြင့်ရုံးတင်


Written by ရေခဲ(ပြည်)

ပြည်၊ မဇ္ဈိမ။ ။ လယ်ယာမြေ သိမ်းဆည်းမှုတွင် ပါဝင်ပတ်သက် နေသူများကို ကျိန်စာတိုက်ခဲ့သည့် လယ်သမားငါးဦးကို ပဲခူးတိုင်း ပြည်ခရိုင် သဲကုန်းမြို့နယ် တရားရုံးတွင် မေလ(၆)ရက်က နိုင်ငံတော် ငြိမ်ဝပ်ပိပြားရေးကို ထိခိုက်အောင် လှုံ့ဆော်မှု ပုဒ်မ၅ဝ၅(ခ)ဖြင့် ရုံးတင်စစ်ဆေးခဲ့သည်ဟု တရားဆွဲခံရသူများကပြောသည်။

“အသေဆိုးနဲ့ သေပါစေ၊ သားမယားကွဲပါစေ ဆိုပြီး ကျိန်စာတိုက်ခဲ့တယ်။ ပါဖောမန့်တစ်ခု အနေနဲ့လုပ်လိုက်တာ။ ဒါမှကမ္ဘာကသိမယ်” ဟုတရားဆွဲခံရသူ ကိုသန့်ဇင်ထက် က ပြောသည်။

ဧပြီလ(၁၁)ရက်တွင် သဲကုန်းမြို့အပြင်ဘက် ရွှေကြိုးပင်နတ်စင်၌ လယ်ယာမြေနှင့် အခြားမြေများ စုံစမ်းစစ်ဆေးရေး ကော်မရှင်မှ တာဝန်ရှိသူ သဲကုန်းမြို့နယ် လွှတ်တော် ကိုယ်စားလှယ် ဦးစိုးအောင်၊ လယ်ယာမြေများတွင် ငါးကန်လုပ်ငန်းများ လုပ်ကိုင်နေသူ စီးပွားရေးလုပ်ငန်းရှင် ဦးထိုင်ထိုင်၊ သဲကုန်း မြို့နယ်အုပ်ချုပ်ရေးမှူး၊ သဲကုန်းမြို့နယ် သမဦးစီးမှူးတို့အား လယ်ယာမြေသိမ်းဆည်းခံရသူ လယ်သမားငါးဆယ်ကျော်က ကျိန်စာတိုက်ခဲ့သည်ဟု ၎င်းကပြောသည်။

ကျိန်စာတိုက်ခဲ့သူများဖြစ်သည့် သန့်ဇင်ထက် ၊ဒေါ်ညို ၊ ဒေါ်မုန်း ၊ ကိုပေါက်စ ၊ ကိုအောင်သူ တို့ငါးဦးကို သဲကုန်းမြို့နယ် လက်ထောက် အထွေထွေ အုပ်ချုပ်ရေးမှူး ဦးဇော်မြင့်ထွေးက တရားလိုပြုလုပ်ကာ ဆွဲဆိုခဲ့သည်။ အမှုကို မြို့နယ်အထူးအာဏာရ တရားသူကြီးဦးဝင်းမြင့်က တာဝန်ယူစစ်ဆေးမည်ဖြစ်ပြီး လယ်သမားများ ဘက်က တရားလွှတ်တော်ရှေ့နေ ဦးမြင့်အေးက လိုက်ပါဆောင်ရွက်မည်ဟုလည်း တရားဆွဲခံရသူများကပြောသည်။

တရားလွှတ်တော်ရှေ့နေ ဦးမြင့်အေးက “ဗမာ့ ဓလေ့ထုံးတမ်းမှာလည်း မကျေနပ်တဲ့လူကို ကျိန်စာတိုက်တယ်ဆိုတာ ရှိတာပဲ။ အဲဒါနိုင်ငံတော် ငြိမ်ဝပ်ပိပြားရေးကို မထိခိုက်ဘူး။ ဒီလိုတရားဆွဲတာ မမှန်ကြောင်း ဥပဒေနဲ့ မညီကြောင်း ရုံးတော်ကို လျှောက်လဲသွားမယ်” ဟုပြောသည်။

သဲကုန်းမြို့နယ် အောင်ကုန်းကျေးရွာမှ လယ်ယာမြေ (၁၁၅၉.၅၅)ဧကကို ၂ဝဝ၁ခုနှစ်တွင် စစ်တပ်က သိမ်းယူခဲ့ပြီး အမှတ်(၃) လက်ကား သမဝါယမအသင်း လိမိတက်အမည်ဖြင့် ပုဂ္ဂလိကလုပ်ငန်းရှင် တစ်ဦးက ငါးကန်လုပ်ငန်းများ လုပ်ကိုင်လျှက်ရှိသည်။

ယင်းလယ်များ ပြန်လည်ရရှိရေးအတွက် ဖေဖော်ဝါရီလ(၁၁)ရက်တွင် တောင်သူများက သဲကုန်းမြို့ပေါ်တွင် သပိတ်စခန်းဖွင့် တောင်းဆိုခဲ့ရာ ဖေဖော်ဝါရီ(၁၄)ရက်တွင် ရဲတပ်ဖွဲ့၏ ဖြိုခွဲခြင်းခံခဲ့ရပြီး ယခုလက်ရှိ အောင်ကုန်း ကျေးရွာ ဒေါ်မုန်း၏ နေအိမ်တွင် ယာယီသပိတ်စခန်းဖွင့် ဆန္ဒပြလျှက်ရှိသည်။

ကျိန်စာတိုက်ပွဲအား သပိတ်စခန်း(၂)လပြည့် အထိမ်းအမှတ်အဖြစ် ပြုလုပ်ခြင်းဖြစ်ပြီး ဧပြီလ(၂၂)ရက်ကလည်း အောင်ကုန်းရွာ သုသာန်တွင် လယ်သိမ်းသူ အင်းမစစ်တပ်၊ လယ်ယာမြေအား လက်ရှိလုပ်ကိုင်နေသူ ၊ လယ်ယာမြေနဲ့ အခြားမြေများ စုံစမ်းစစ်ဆေးရေး ကော်မရှင်တို့အား ရည်စူးပြီး အခေါင်းသုံးခုကို မီးရှို့ခဲ့သေးသည်။

Mizzima Burmese
Image: Irrawaddy

အပြည့်အစုံသို့ »

K- POP မြန်မာနိုင်ငံတွင် ပထမဦးဆုံးလာရောက်ဖျော်ဖြေ

K- POP မြန်မာနိုင်ငံတွင် ပထမဦးဆုံး လာရောက်ဖျော်ဖြေပွဲ ကို ဧပြီ၃၀ရက်နေ့က ရန်ကုန်မြို့သုဝဏ္ဏမိုးလုံလေလုံခန်းမတွင် ကျင်းပပြုလုပ်နေစဉ်
ဓာတ်ပုံ – ဂျေပိုင် / ဧရာဝတီ

irrawaddy

ပုံအကြီးကြည့်ရန် ပုံပေါ်တွင် နှိပ်ပါ။






















အပြည့်အစုံသို့ »

ATM ကတ်က ဘတ် သန်း ၅၀ ကျော် ခိုးထုတ်သူတွေ ဖမ်းမိ


 ဓာတ်ပုံ – ဘန်ကောက်ပို့စ်
ATM လို့ ခေါ်တဲ့ ငွေထုတ်စက်ကနေ ကွန်ပျူတာ နည်းပညာတွေသုံးပြီး ထိုင်းနိုင်ငံ တဝှမ်း ဘတ်ငွေ သန်းပေါင်း ၅၀ ကျော်ကို ခိုးထုတ်ယူခဲ့တဲ့ မလေးရှားနိုင်ငံသား ၅ ဦးကို ထိုင်းတာဝန်ရှိသူတွေက ဖမ်းဆီး ထားတဲ့အကြောင်း တနင်္လာနေ့က ရဲတာဝန်ရှိသူတွေက ထုတ်ပြောလိုက်ပါတယ်။

ဖမ်းဆီးရမိတဲ့သူတွေကိုတော့ ထိုင်းနိုင်ငံတောင်ပိုင်း စုန်ခလာ ခရိုင် ဟတ်ယိုင်ဒေသမှာ ရဲက စုံစမ်းစစ်ဆေး မှု တွေကို ရက်သတ္တပတ်နဲ့ချီပြီး လုပ်နေခဲ့တယ်လို့ ဘန်ကောက်ပို့စ်သတင်းတပုဒ်က ဖော်ပြပါတယ်။

အခုလို ဖမ်းဆီးရမိမှုဟာ ရာဇဝတ်မှု နှိမ်နင်းရေး ရဲဌာန၊ Siam Commercial Bank (SCB) ဘဏ်ရဲ့ ဘဏ္ဍာငွေ ကြေး ရာဇဝတ်မှုကာကွယ်ရေး အဖွဲ့၊ ပြင်သစ်သံရုံး အရာရှိတဦးတို့ ပါဝင်တဲ့ ပူးပေါင်း ဆောင် ရွက် မှုကြောင့် ဖြစ် တယ်လို့ ဆိုပါတယ်။

ရဲအရာရှိကြီးတဦးက တနင်္ဂနွေနေ့က ပြောတာမှာတော့ ဟတ်ယိုင်ဒေသမှာ ရှိတဲ့ Odeon Shopping Center ကုန်တိုက်အတွင်းက (SCB) ဘဏ်ရဲ့ ATM ငွေထုတ်စက်ကနေ ပထမဆုံး သံသယရှိသူ ၃ ဦးကို အားလုံးက ဝိုင်းဝန်းစောင့်ကြည့်နေစဉ်မှာ ဘတ်ငွေ ၅ သိန်းကို ထုတ်ယူခဲ့တာပါတဲ့။

ဒါနဲ့ ရဲပူးပေါင်း အဖွဲ့တွေက သူတို့ တည်းခိုတဲ့ ဟိုတယ် အပြင်ဘက်မှာပဲ သူတို့ကို တားဆီးလိုက်ပြီး ရှာဖွေ လိုက် တော့ ခရက်ဒစ်ကတ်အတု ၇၃၂ ခုနဲ့ အတူ ခိုးယူထားတဲ့ ငွေတွေ Debit ကတ်တွေ၊ စကင်မာ ( Skimmer ) တခုနဲ့ ကွန်ပျူတာ တလုံးကို သိမ်းဆီးရမိတယ်လို့ သိရပါတယ်။

ပြင်သစ်သံရုံးက အရာရှိတဦးပါဝင်ရတဲ့အကြောင်းကတော့ အထူးသဖြင့် ငွေထုတ်ခိုးယူခံရ သူ အများ စု ဟာ ပြင်သစ်နိုင်ငံသားတွေဖြစ်တာကြောင့်လို့ သိရပါတယ်။


အိမ့်သံစဉ် ~

Irrawaddy

အပြည့်အစုံသို့ »

မြန်မာနိုင်ငံ၌ Data Center နှစ်ခု တည်ဆောက်သွားမည်ဟု Telenor ပြောဆို


ဆက်သွယ်ရေး အော်ပရေတာတစ်ခု လည်ပတ်နိုင်ရန် အဓိကကျသည့် Data Center ကိုမြန်မာနိုင်ငံ၌ နှစ်ခုတည်ဆောက်သွားမည် ဖြစ်ကြောင်း Telenor Myanmar ကထုတ်ပြန်ပြောဆိုခဲ့သည်။

၎င်းတို့သည် ရန်ကုန်မြို့၌ တည်ဆောက်ပြီးစီးခဲ့သည့် Data Center ကိုယခုလ ၇ ရက်နေ့က မီဒီယာများနှင့် မိတ်ဆက်ပြသခဲ့ပြီး ဒုတိယမြောက် Data Center ကိုမန္တလေးမြို့၌ လာမည့်တစ်လအကြာ ကာလအတွင်း တည်ဆောက်သွားမည်ဟု ပြောဆိုခဲ့သည်။

Telenor Myanmar ၏အဆိုအရ မြန်မာနိုင်ငံ၌ တည်ဆောက်ပြီးစီးခဲ့သည့် Data Center သည်ကမ္ဘာ၌ Telenor တည်ဆောက်ခဲ့သည့် Data Center များအနက် အကြီးမားဆုံးသော Data Center ဖြစ်သည်ဟုဆိုသည်။ ထို့အပြင် ဒီဇိုင်းပုံစံအသစ်ဖြင့် နှစ်လအတွင်းလုပ်ကိုင်ခဲ့ခြင်းကြောင့် အမြန်ဆုံးတည်ဆောက်နိုင်ခဲ့သည့် Data Center ဖြစ်ကြောင်းလည်းသိရသည်။

Telenor သည် မိုဘိုင်းဖုန်းလိုင်း ၁၀ သန်းမှစတင်၍ အကန့်အသတ်မရှိသော မိုဘိုင်းဖုန်းလိုင်းများကို တည်ဆောက်ပြီးစီးခဲ့သည့် Data Center မှထိန်းချုပ်ထားနိုင်ကြောင်း မီဒီယာများကို ပြောဆိုခဲ့သည်။ စက်တင်ဘာလအတွင်း မိုဘိုင်းဖုန်းလိုင်း သန်း ၃၀ ကို တစ်ပြိုင်တည်း စတင်ရောင်းချပေးမည်ဟု ပြောဆိုခဲ့သည့် Telenor သည် တစ်နှစ်တာကာလအတွင်း တာဝါတိုင်ပေါင်း ၂၄၀၀ ကိုလည်း တည်ဆောက်သွားမည်ဟု ဆိုသည်။

လက်ရှိအချိန်၌ တည်ဆောက်ပြီးစီးခဲ့သည့် တာဝါတိုင်ဧရိယာများအတွင်း အသံစနစ်နှင့် အင်တာနက်စနစ်များကို လျင်လျင်မြန်မြန်စမ်းသပ် အသုံးပြုနိုင်ပြီဖြစ်ကြောင်း Telenor က လက်တွေ့စမ်းသပ်

ပြသခဲ့သည်။ ၎င်း၏ Core Network ကို Huawei ကတည်ဆောက် ပေးထားခြင်းဖြစ်ပြီး စက်ပိုင်းဆိုင်ရာများကို Ericsson နှင့် Wipro တို့ကဖြည့်ဆည်း ပေးထားသည်ဟု သိရသည်။

ထို့အပြင် Apollo Towers နှင့် Irrawaddy Green Technology တို့သည် Telenor ၏တာဝါတိုင်တည်ဆောက်ခြင်းကို လုပ်ကိုင်ဆောင်ရွက်ပေးခြင်းဖြစ်သည်။ Telenor ၏အဓိကပြိုင်ဘက်ဖြစ်သည့် Ooredoo သည် ၎င်း၏မိုဘိုင်းဖုန်း ကွန်ရက်အတွင်း အသံပေးပို့ခြင်း၊ စာတိုပေးပို့ခြင်းနှင့် အင်တာနက်အသုံးပြုခြင်းကို အောင်မြင်စွာစမ်းသပ် နိုင်ခဲ့သည်ဟု မတ်လပထမ အပတ်ကကြေညာခဲ့သည်။

Internet Journal 

အပြည့်အစုံသို့ »

တာဝန် ယူတတ်သူတို့ရဲ့လေးစား အတုယူ ဖွယ်ရာ


တောင်ကိုရီးယား ဖယ်ရီသင်္ဘောနစ်မြုပ်နေစဉ်၊ ဓာတ်ပုံ- ရိုက်တာ

အွန်လိုင်း ပရိသတ်တွေ အားလုံးသိပြီးသားဖြစ်တဲ့ အလွန် ၀မ်းနည်းကြေကွဲဖွယ် တောင်ကိုရီးယားက ကူးတို့ သင်္ဘော မှောက်ပြီး ပင်လယ်ထဲ နစ်မြုပ် သွားတဲ့ သတင်းနောက်ဆက်တွဲတွေထဲမှာ အလွန်စိတ်ဝင်စား
လေးစား အတုယူဖွယ်တွေ ဆက်တိုက်ဖြစ်ပေါ် ခဲ့ပါတယ်။


မြန်မာနိုင်ငံအတွက် အထူးခြားဆုံး သတင်းဖြစ်မယ်ထင်တာကတော့ လူ အနည်းဆုံး ၃၀၀ ကျော် သေ ဆုံးတာ၊ ဒါမှ မဟုတ် ပျောက်ဆုံးတဲ့ သင်္ဘောမှောက်တဲ့ ကိစ္စ တောင်ကိုးရီးယားအစိုးရရဲ့ တုံ့ပြန်မှု ကို
တောင်ကိုရီးယား နိုင်ငံသား တွေ က အတော်မကျေမနပ်ဖြစ်နေတောတွေ ပေါ်ထွက်ခဲ့ပြီး ၀န်ကြီးချုပ် ဖြစ်တဲ့ မစ္စတာ ချန်ဟွန်ဝွန်း က မနေ့တုန်းက ရာထူးက နုတ်ထွက်တဲ့အကြောင်း နိုင်ငံပိုင် ရုပ်/သံက ပြော သွားပါတယ်။

“အစိုးရအဖွဲ့မှာ ကျနော် ဆက်ရှိနေသေးမယ်ဆိုရင် ကျနော့်ကြောင့် အစိုးရအဖွဲ့ဟာ ၀န်ထုပ်ဝန်ပိုး
ဖြစ်နေမယ်” လို့ သူက ရဲရဲ ရင့်ရင့် ပြောဆိုလိုက်ပါတယ်။

တဆက်တည်းမှာလည်း သမ္မတဆီကို သူက နုတ်ထွက်စာတင်လိုက်တယ်လို့ တောင်ကိုရီးယား သတင်းတွေ က ဖော် ပြကြပါတယ်။

ဧပြီလ ၁၆ ရက်နေ့က တောင်ကိုရီးယား ကျောင်းသားတွေနဲ့ ဆရာတွေ ရာနဲ့ချီတင်ဆောင်သွားတဲ့ တန်ချိန် ၇ ထောင် လောက်ရှိတဲ့ ကူးတို့ သင်္ဘောဟာ အပန်းဖြေစခန်းတွေနဲ့ နာမည်ကြီးပြီး အလွန်လှပတဲ့ ဂျီဂျူးကျွန်း ကို သွားနေခိုက် တိမ်းမှောက်ပြီး ၂ နာရီ အကြာ နစ်မြုပ်သွားလို့ သင်္ဘောပေါ် လူပေါင်း ၃၀၀ လောက် ပါ သွားခဲ့ရပါတယ်။

သင်္ဘောနစ်မြုပ်နေချိန်မှာလည်း ကမ်းခြေစောင့်တပ်ဖွဲ့တွေနဲ့ တောင်ကိုရီးယား ကယ်ဆယ်ရေးအဖွဲ့တွေက အားသွန်ခွန် စိုက် ကြိုးစားကယ်ဆယ်ခဲ့ကြပါတယ်။ အခုထိလည်း ကယ်ဆယ်ရေး လုပ်ငန်းတွေ မပြီးသေး ဘူး လို့ ပြောရမှာပါ။

ဒါကြောင့် တောင်ကိုရီးယား ၀န်ကြီးချုပ် ချန်ဟွန်ဝန်းဟာ ကျောင်းသားအများစု သေဆုံး ( ပျောက်ဆုံး) ခဲ့ရတဲ့အဖြစ် ဆိုး အပေါ် အတော်စိတ်မကောင်းဖြစ်စွာနဲ့ အခင်းဖြစ်ကတည်းက အကြီးအကဲတဦးအနေနဲ့ ရာထူးကနုတ်ထွက်ချင်ခဲ့ တဲ့အကြောင်းလည်း ပြောပြီး တဖက်က ကယ်ဆယ်ရေးလုပ်ငန်းတွေ လုပ်ဆောင် မှုတွေကိုလည်း ရာထူးက နုတ်ထွက် ခွင့် မရမီ လုပ်ဆောင်သွားချင်တယ်လို့လည်း ပြောပါတယ်။

တာဝန်ယူမှုရှိတတ်တဲ့ တောင်ကိုရီးယား ၀န်ကြီးချုပ်ရဲ့ လေးစားဖွယ်ရာပါ။ ( မြန်မာနိုင်ငံမှာ ဒါမျိုး အိပ်မက် ပင် မမက်နိုင်သေးပါ)

တောင်ကိုရီးယားသမ္မတကတော့ ကယ်ဆယ်ရေး ကိစ္စတွေ မပြီးသတ်သေးတဲ့အတွက် သူ့ရဲ့ နုတ်ထွက်စာ ကို လက်ခံခြင်း မရှိသေးဘူးလို့ ဆိုပါတယ်။

 ဧပြီလ ၁၈ ရက်နေ့က သစ်ပင်တပင်မှာ သင်္ဘောပေါ် ကျောင်းသားတွေနဲ့ အတူ ပါသွားခဲ့ပြီး ကယ်ဆယ်ခံ ခဲ့ရတဲ့ ဒုတိယကျောင်းအုပ်ကြီးရဲ သူ့ကိုယ်သူ ခါးပတ်နဲ့ ဇွဲကြိုးချ သတ်သေထားတဲ့ အလောင်း ကို ရဲတွေ က တွေ့ခဲ့ရပါတယ်တဲ့။

တိမ်းမှောက်နစ်မြုပ်သွားတဲ့ သင်္ဘောပေါ် စီးနင်းလိုက်ပါသွားကြတဲ့ ကျောင်းသူ၊ ကျောင်းသား၊ ဆရာ၊ ဆရာမတွေနဲ့ အတူ မိမိကိုယ် သေကြောင်း ကြံသွားတဲ့ ဒုတိယ ကျောင်းအုပ်ကြီး မစ္စတာ ခန်မင်ဂျူ လည်း အပါအ၀င်ပါဘဲ။

တကယ်တော့ သူဟာ သင်္ဘော နစ်မြုပ်နေစဉ်မှာ အခြား ကျောင်းသား၊ ကျောင်းသူတွေနဲ့ အတူ ပိတ် မိနေ ခဲ့ချိန် ကယ်ဆယ်ရေး အဖွဲ့တွေက သူနဲ့ အခြား ကျောင်းသား ၇၅ ဦးကို ကယ်ဆယ်နိုင်ခဲ့လို့ အသက်ရှင် ခဲ့ သူ လည်းဖြစ်ပါတယ်။

 သူဟာ မသေဆုံးခင်က သင်္ဘောနစ်မြုပ်ချိန်က အခြေအနေတွေနဲ့ပတ်သက်ပြီး သူ့မိတ်ဆွေတွေကို သတင်း ပို့ပေးခဲ့ပါသေးတယ်လို့ သတင်းတွေမှာ ဆိုပါတယ်။

ဒါပေမယ့် သူဟာ ကယ်ဆယ်ခံခဲ့ရလို့ အသက်ရှင်ခွင့် ရခဲ့ပေမယ့် အခုလို သူ့ကိုယ်သူ အဆုံး စီရင်သွား တာကတော့ သူ့ ကျောင်း သားတွေသေဆုံးသွားရတာအပေါ် အလွန်ဝမ်းနည်းလို့ဖြစ်ပါတယ်တဲ့။

သင်္ဘောပေါ် ပါသွားပြီး သေဆုံး ( ပျောက်ဆုံး) သွားရတဲ့ သူ့ကျောင်းသားတွေအတွက် အတော်ကြေကွဲ ခံစားရတဲ့ အကြောင်း ရေးသား ထားတဲ့ စာကိုလည်း သူ့ရဲ့ ပိုက်ဆံအိတ်ထဲက မှတ်တမ်းတခု မှာ ရေး ထားခဲ့တာကို ရဲတွေက တွေ့ခဲ့ရတယ်။

ဒီအပြင် ကျောင်းသား ကျောင်းသူတွေနဲ့ သင်္ဘောဝန်ထမ်းတွေထဲက ခေါင်းဆောင် စိတ်ဓာတ်ရှိသူတွေ ကလည်း ကျောင်းသားငယ်တွေကို အသက်ကယ် အ၀တ် ရရေး၊ ကယ်ဆယ်ရေးလုပ်ငန်းတွေကို အသက်ပေးပြီး လုပ်ဆောင် သွားတာတွေလည်း သတင်းတွေမှာ ဖတ်ရတယ်။

တာဝန်မဲ့တယ်လို့ ယူဆခံထားရတဲ့ အသက်ရှင်ပြီး လွတ်မြောက်လာတဲ့ သင်္ဘော ကပ္ပတိန်နဲ့ ၀န်ထမ်း တချို့ကိုတော့ အစိုးရက အရေးယူထားပါပြီ။

ဒီမှာ အဓိက သတိထားမိလိုက်တာက တောင်ကိုးရီးယားခေါင်းဆောင်တွေရဲ့ စိတ်ဓာတ်နဲ့ တာဝန်ယူမှု ပါဘဲ။ ဒီလို စိတ်ဓာတ်နဲ့ တာဝန်ယူမှုတွေကပဲ တောင်ကိုရီးယားကို အခုလို ခေတ်မီ ဖွံ့ဖြိုးတိုးတက် တဲ့
နိုင်ငံကြီးအဖြစ် မောင်းနှင် နေတာလားဆိုတာ လေးစားအတုယူဖွယ် ဖြစ်ရပါတယ်။

လင်းသန့်
Irrawaddy

အပြည့်အစုံသို့ »