ရန်ကုန် – ဒလမြစ်ကူးတံတားကို မြန်မာ – ကိုရီးယားချစ်ကြည်ရေး အထိမ်းမှတ် ကိုရီးယားနိုင်ငံက တည်ဆောက်ပေးမည်ဖြစ်သည် (ဓာတ်ပုံ – ဧရာဝတီ)

အစိုးရက ရန်ကုန်မြို့တွင်းနှင့် ဒလမြို့နယ်တို့ကို ပိုင်းခြားထားသော ရန်ကုန်မြစ် ဖြတ်ကူးတံတား တည်ဆောက်ရန် အကြို လေ့လာဆန်းစစ် မှုများ ပြုလုပ်နေပြီဖြစ်ကြောင်း တရားဝင် သတင်းထုတ်ပြန်လိုက်ရာ ဒလမြို့နယ်ရှိ အိမ်ခြံမြေ ဈေးနှုန်းများ ရုတ်တရက် တဟုန်ထိုး မြင့်တက်သွားကြောင်း သတင်းရရှိသည်။

တောင်ကိုရီးယားနိုင်ငံက မြန်မာနိုင်ငံနှင့် ကိုရီးယား နှစ်နိုင်ငံအကြား ချစ်ကြည်ရေး အထိမ်းအမှတ်အဖြစ် ရန်ကုန် – ဒလ မြစ်ကူးတံတား တည်ဆောက်မည် ဖြစ်ကြောင်း တံတား တည်ဆောက်နိုင်ရေးအတွက် အကြို အင်ဂျင်နီယာ ဆိုင်ရာ လေ့လာ ဆန်းစစ်မှုများကို ကိုရီးယား နိုင်ငံအခြေစိုက် Korea SAMBO Engineering ကုမ္ပဏီက ဆောင်ရွက်သွားမည် ဖြစ်ကြောင်း၊ တံတားတည်ဆောက်ရေးစီမံကိန်းသည် ၂၀၁၄ ခုနှစ် နှစ်ဆန်းပိုင်းတွင် စတင်ပြီး ၃ နှစ်နီးပါးကြာမြင့်နိုင်ကြောင်း၊  ဆောက်လုပ်ရေး ၀န်ကြီးဌာန ဒုတိယ အင်ဂျင်နီယာမှူးကြီး ဦးဝင်းဇော်က အစိုးရပိုင်သတင်းစာများသို့ ဇွန်လ ၂၆ ရက်နေ့တွင် တရားဝင် ထုတ်ပြန် ပြောဆိုပြီးနောက် ဒလအိမ်ခြံမြေ ဈေးနှုန်းများ ရုတ်တရက် အဆပေါင်းများစွာ ထိုးတက်သွားခြင်း ဖြစ်ကြောင်း သိရှိရသည်။

ဒလမြို့နယ်တွင် အိမ်ခြံမြေဈေးများ တဟုန်ထိုးမြင့်တက်လျက်ရှိရာ ယခင်က သိန်း ၅၀ ခန့်သာ ရှိသော မြေကွက်များသည် ယခုအခါ သိန်း ၁၀၀၀ မှ ၂၀၀၀ အကြား အဆပေါင်းများစွာ ဈေးထိုးတက်သွားပြီး ဒလမြို့နယ်သို့ ရန်ကုန်မြို့မှ အိမ်ခြံမြေ ကုမ္ပဏီများ လာရောက် ရုံးခန်းဖွင့်လှစ်မှု ရှိနေကြောင်း သိရှိရသည်။

“အရင်က ဒလ မြို့ထဲပိုင်းမှာရှိတဲ့ လမ်းမပေါ်က အလျား ပေ ၄၀၊ အနံ ပေ ၆၀ ရှိတဲ့ အိမ်နဲ့မြေက ကျပ်သိန်း ၅၀ လောက်ဆို ကောင်းကောင်း ရတယ်။ အခုတော့ အဲဒီ အိမ်ခြံမြေတွေက သိန်း ၁၀၀၀၊ ၂၀၀၀ လောက် အနည်းဆုံးထားပြီး ခေါ်နေကြတယ်။ ပါးစပ်ထဲက ဈေးတွေအတိုင်း ခေါ်ချင်သလို ခေါ်နေကြတာ။ တကယ် အရောင်းဖြစ်သွားရင်တော့ ၇၀၀၊ ၈၀၀ လောက်နဲ့ပဲ ထွက်တာ များပါတယ်” ဟု ဒလမြို့တွင် လွန်ခဲ့သည့် ဆယ်ရက်ခန့်ကမှ အိမ်ခြံမြေ ရုံးခွဲဖွင့်လှစ်လိုက်သည့် Fuji အိမ်ခြံမြေ အကျိုးဆောင် လုပ်ငန်းလုပ်ကိုင်နေသူ ကိုကျော်ဝဏ္ဏထွန်းက ပြောသည်။

ဒလမြို့နယ်တွင် အိမ်ခြံမြေဈေး မြင့်တက်မှုနှင့်အတူ ၀ယ်ယူရန် လေ့လာသူ များပြားပြီး အရောင်းအ၀ယ်မှာလည်း နေ့စဉ်ဖြစ်နေကြောင်း၊ လတ်တလော အိမ်ခြံမြေ အကျိုးဆောင် အများစု ဒလမြို့နယ်သို့ အပြေးအလွှား ရောက်ရှိလာပြီး အိမ်ခြံမြေ ၀ယ်လက် အများစုမှာ နယ်ဒေသများမှ စီးပွားရေး လုပ်ငန်းရှင်များ၊  နယ်စပ်ဒေသများမှ ရှမ်းတရုတ်နှင့် တရုတ် လူမျိုးအများစုဖြစ်ကြောင်း သိရှိရသည်။

“တချို့ ရှမ်းတရုတ်တွေဆိုရင် ကိုယ်တိုင် ကားနဲ့လာပြီး လိုက်ဝယ်တာ။ ရောင်းမယ့်သူနဲ့ တိုက်ရိုက်တွေ့ပြီး တိုက်ရိုက်ဝယ်တာ။ အိမ်ခြံမြေ ၀ယ်တဲ့သူတွေက ဒေသခံ အဆက်အသွယ် တွေနဲ့ လာကြတယ်။ တချို့ ၀ယ်လက်တွေက ဒလမြို့နယ်ရောက်မှ အဆက်အသွယ်ရှာပြီး စကားပြော မြေ၀ယ်ဖို့ ကြိုးစားကြတယ်။ အိမ်ခြံမြေ၀ယ်တဲ့သူတွေထဲမှာ  ၁၀ ယောက် လာရင် ၈ ယောက် လောက်ကတော့ တရုတ်လူမျိုး တွေပဲ” ဟု ဒလမြို့နယ်မှ ဒေသခံ အိမ်ခြံမြေ အကျိုးဆောင် ကိုမျိုးက ပြောသည်။

ဒလမြို့တွင် ယခုရက်ပိုင်းအတွင်း အဓိက အရောင်းသွက်နေသည့် နေရာများသည် ဒလမြို့တွင်း နာရီစင် အနီးရှိ ကမာကစစ် ရပ်ကွက်၊ ဒလ – တွံတေး လမ်းမ အနီးရှိ ရပ်ကွက်၊ ရန်ကုန်ပေါက်ကျေးရွာ အပါအ၀င် လယ်မြေများပါ အရောင်းအ၀ယ် ဖြစ်နေကြောင်း သိရှိရသည်။

ဒလမြို့တွင် ယခင်ကလည်း မြစ်ကူးတံတား တည်ဆောက်မည်ဆိုသော သတင်းများကြောင့် ယခုကဲ့သို့ အိမ်ခြံမြေ ဈေးကွက် လှုပ်ခတ်ခဲ့ဖူးကြောင်း၊ ၂ဝ၁၂ ခုနှစ် မေလတွင် ရန်ကုန် နှင့် ဒလ ရေအောက်ကားလမ်း ဖောက်ရန်စီမံချက်ရှိသည်ဆိုသော သတင်းများကြောင့် အိမ်ခြံမြေဈေးနှုန်းများ မြင့်တက်ခဲ့ကြောင်း သိရှိရသည်။

လတ်တလော ဒလဒေသခံအများစုသည် အိမ်ခြံမြေများ တက်ဈေးဖြင့် ရောင်းချပြီး ရရှိငွေများကို စုဆောင်းပြီး  အိမ်ပြန်ငှား နေကြသည်ဟု ဒေသခံများက ဆိုကြသည်။

“ဒေသခံတွေ ဈေးကောင်းကောင်းလေးနဲ့ ရောင်းလို့ ရတုန်း ရောင်းနေကြတယ်။ ရောင်းထွက်သွားရင် သူတို့က ပြန်ငှား နေကြတယ်။ သူတို့တတွေ အိမ်ကိုရောင်းလိုက်ပြီး အိမ်ပြန်ဝယ် နေတာတော့ မတွေ့ဘူး။ တက်ဈေးဖြစ်နေတဲ့ အချိန် လက်လွတ် မခံကြဘူး” ဟု ဒလမြို့မှ အိမ်ခြံမြေ အကျိုးဆောင် ဦးထွန်းဇော်က ဆိုသည်။

ဆောက်လုပ်ရေး ၀န်ကြီးဌာန၏ ထုတ်ပြန်ချက်အရ ရန်ကုန် – ဒလ မြစ်ကူးတံတား တည်ဆောက်ပြီးပါက ဒလ မြို့နယ်တွင် စက်မှုဇုန်များ ဖော်ဆောင် ရင်းနှီးမြှုပ်နှံရန် ကိုရီးယားကုမ္ပဏီများက စိတ်ဝင်စားနေကြောင်း၊ ဒလမြို့နယ်မှ ရန်ကုန်မြို့သို့ နေ့စဉ် လူဦးရေ ၇၅၀၀၀ ခန့် ကူးသန်းသွားလာနေကြောင်း သိရှိရသည်။

အပြည့်အစုံသို့ »

ယုံ၍ ပုံမလောင်းလိုက်ပါနှင့်။ အာရှကျားနိုင်ငံများ၏ စီးပွားရေးစနစ်နှင့် မြန်မာနိုင်ငံ၏ စီးပွားရေးက နည်းနည်းမျှမတူပါ။ မြန်မာနိုင်ငံ၏ စီးပွားရေးကို ယခုတိုင် သယံဇာတ အခြေခံ စီးပွားရေးစနစ်ဖြင့် လည်ပတ်မောင်းနှင်လျှက် ရှိနေသေးပြီး သဘာဝဓာတ်ငွေ့ကဏ္ဍ၊ စိုက်ပျိုးရေး ထွက်ကုန်များ၊ ကျွန်းသစ်၊ ကျောက်စိမ်း၊ တွင်းထွက်ပစ္စည်းများဖြင့် အခြေခံ လုပ်ကိုင်နေရဆဲ ဖြစ်သည်။ ဤသို့သော အခြေခံ ထွက်ကုန်များသည် ပြီးခဲ့သည့်နှစ် မြန်မာနိုင်ငံ၏ နိုင်ငံခြား တင်ပို့ရောင်းချမှု၏ ၈၀ ရာခိုင်နှုန်း ရှိနေခဲ့သည်။ နိုင်ငံခြား ရင်းနှီးမြှုပ်နှံမှုများသည်လည်း ၎င်းကိုပင် အခြေပြု လာရောက်နေကြသည်။

ရေနံ၊ သဘာဝဓာတ်ငွေ့ကဏ္ဍနှင့် သတ္ထုတူးဖော် ရေးလုပ်ငန်းများတွင် လာရောက်မြှုပ်နှံ လုပ်ကိုင်ခဲ့ကြရာ ပြီးခဲ့သည့် ဆယ်စုနှစ် ငါးနှစ်အတွင်း၌ နိုင်ငံခြား တိုက်ရိုက်ရင်းနှီးမြှုပ်နှံမှု၏ ၉၀ ရာခိုင်နှုန်း ရှိနေသည်။ မြန်မာနိုင်ငံက အနောက်နိုင်ငံများနှင့် ပြန်၍ အဆင်ပြေ သင့်မြတ်လာသည့် အတွက်ကြောင့် ထိုကဏ္ဍများအပေါ်တွင် စိတ်ဝင်စားမှုများ ပို၍ပင် ရှိလာခဲ့သည်။ မြန်မာအစိုးရသစ်က ရေနံနှင့် သဘာဝဓာတ်ငွေ့ကဏ္ဍ လုပ်ကွက် ၁၀ ခုအတွက် သဘောတူညီမှုများကို ယခုနှစ်တွင်ပင် ထပ်၍ လက်မှတ်ရေးထိုးခဲ့ပြီး နောက်ထပ် လုပ်ကွက် ၂၃ ခုအတွက်လည်း ကမ်းလှမ်းထားသေးသည်။ ထိုမျှမက အစိုးရသစ်က သတ္တုတူးဖော်ရေး လုပ်ငန်းများနှင့် စိုက်ပျိုးရေး စီမံကိန်းများအတွက် မြေများကိုလည်း ကမ်းလှမ်းပေးအပ်ခဲ့သေးသည်၊ အချို့ သူများက တယ်လီကွန် ဆက်သွယ်ရေးနှင့် ဘဏ်လုပ်ငန်းတို့ အပေါ်တွင် စိတ်ဝင်စားမှု ရှိနေကြသော်လည်း မြန်မာနိုင်ငံ၏ သဘာဝ သယံဇာတ ထုတ်ယူရောင်းချသည့် လုပ်ငန်းသည်သာ ရင်းနှီးမြှုပ်နှံသူတို့အတွက် ဆွဲဆောင်မှုအဖြစ် ပိုမြင်နေကြသည်။

နှိုင်းယှဉ်ချက်အရ ဆိုရလျှင် အာရှကျားနိုင်ငံများက သဘာဝ သယံဇာတ ရှားပါးကြပြီး ပြည်ပပို့ကုန် တိုးတက် ဖြစ်ထွန်းလာစေရေး အပေါ်သာ မှီခိုအားထားခဲ့ကြရသည်။ သူတို့ဆီကို လာရောက်ကြသည့် နိုင်ငံရပ်ခြား ရင်းနှီးမြှုပ်နှံမှုများမှာလည်း လူသုံးကုန် ထုတ်လုပ်ရေးအတွက် လာရောက်ကြခြင်းဖြစ်ပြီး သဘာဝ သယံဇာတအတွက် လာရောက်ကြခြင်း မဟုတ်ပေ။ သူတို့က လုံးဝ မတူခြားနားသည့် နိုင်ငံတကာ အခင်းအကျင်း အနေအထားတခုတွင်  ရှင်သန်ဖွံ့ဖြိုးလာခဲ့ရသူများ ဖြစ်သည်။ နိုင်ငံရပ်ခြားတင်ပို့ရန် ပြိုင်ဆိုင်မှု နည်းပါးနေသေးသော အခြေအနေတွင် ဖွံ့ဖြိုးလာခဲ့ခြင်း ဖြစ်သည်။ သူတို့က ထုတ်ကုန်များကို စားသုံးမှု အလွန်မြင့်မားသည့် အနောက်နိုင်ငံများသို့ ရောင်းချကြသည်။ အနောက်နိုင်ငံများသည် ကမ္ဘာ့စီးပွားရေး အကျပ်အတည်း၏ သက်ရောက် ရိုက်ခတ်မှုများကို ယခုလောလောဆယ်တွင် ရင်ဆိုင်နေရသည့် နိုင်ငံများ ဖြစ်သည်။

မြန်မာနိုင်ငံအတွက်မူ ကံမကောင်း အကြောင်းမလှသည့် အချက်မှာ အခြေခံထွက်ကုန်များ အားထားမှီခို တင်ပို့နေကြရသည့် နိုင်ငံများ ဖြစ်သောကြောင့် အာရှကျားနိုင်ငံများထက် ဖွံ့ဖြိုးမှုနှေးကွေးရန် အကြောင်း ရှိနေပါသည်။ တဖက်တွင်လည်း နိုင်ငံ့စီးပွားရေး၏ အခြားကဏ္ဍများတွင် တန်းတူညီမျှမှု မရှိသော ရင်းနှီးမြှုပ်နှံမှုကို ဖြစ်ပေါ်စေသည်။ ဤသို့သော အခြေအနေမျိုးကို ဒတ်ခ်ျရောဂါ (Dutch disease) ဟု ခေါ်ကြသည်။ မြန်မာနိုင်ငံအနေဖြင့် ဤကဲ့သို့သော ရောဂါမျိုးကို ခံစားနေရပြီဖြစ်၍ လာမည့်နှစ်များတွင်လည်း နိုင်ငံ၏ ဖွံ့ဖြိုးတိုးတက်မှုအတွက် အခက်အခဲ အဟန့်အတားများ ရှိနေစေဦးမည် ဖြစ်သည်။

သဘာဝဓာတ်ငွေ့  ပြည်ပ တင်ပို့ရောင်းချမှုမှ ရရှိလာသည့်ငွေကြောင့် နိုင်ငံ၏ ငွေကြေး ကျပ်တန်ဖိုးကို မြင့်တက်လာစေသည်။ ၂၀၀၇ ခုနှစ်တွင် တဒေါ်လာလျှင် ၁၄၀၀ ကျပ်မှ၊ ၂၀၁၁ ခုနှစ်တွင် ၇၀၀ ကျပ်အောက် ကျဆင်းခဲ့သည်။ ပြုပြင်ပြောင်းလဲရေး လုပ်ငန်းများအတွက် အဓိက အခက်အခဲတခု ဖြစ်စေသည်။ ဤသို့ ကျပ်ငွေဈေး ဆက်လက် မြင့်တက်နေမှုအတွက်ကြောင့် (တဖက်တွင်လည်း အထွေထွေလုပ်ငန်း စရိတ်စကများ မြင့်မားနေခြင်း၊ အခြေခံ အဆောက်အဦ ညံ့ဖျင်းခြင်း၊ ပြိုင်ဆိုင်မှု အားကောင်းသည့် အကြိတ်အနယ် ယှဉ်ပြိုင်ရသည့် နိုင်ငံတကာဝန်းကျင် အခြေအနေရှိနေခြင်း အတွက်ကြောင့်) မြန်မာနိုင်ငံ လူသုံးကုန်ထုတ်လုပ်ရေးနှင့် ကုန်ပစ္စည်း ထုတ်လုပ်မှုလုပ်ငန်း ဖွံ့ဖြိုးတိုးတက်လာစေရန် ကျန်သည့် ကျားနိုင်ငံများကို အတုယူ လုပ်ဆောင်နိုင်ရန် ခက်ခဲစေပါလိမ့်မည်။

မြန်မာနိုင်ငံက နိုင်ငံခြား ရင်းနှီးမြှုပ်နှံမှုများ လိုအပ်လျှက် ရှိသည်

ဤအချက်မှာ ခက်ခဲရှုပ်ထွေးလှသည်။ မြန်မာနိုင်ငံရှိ နိုင်ငံခြား ရင်းနှီးမြှုပ်နှံမှုများမှာ မလိုအပ်သော နေရာများသို့သာ အများဆုံး ၀င်ရောက်လာကြလိမ့်မည်။ လိုအပ်မှု အနည်းဆုံး ကဏ္ဍများ၌ အများဆုံး ရောက်လာနေကြခြင်းဖြစ်ပြီး ပြောရလျှင် သဘာဝ သယံဇာတများ ထုတ်လုပ်ကြရန် လာရောက် ရင်းနှီးမြှုပ်နှံနေခြင်းပင် ဖြစ်သည်။ ဤသို့သော ရင်းနှီးမြှုပ်နှံမှုများသည် တိုက်ရိုက် ရင်းနှီးမြှုပ်နှံမှု အနည်းငယ်မျှကိုသာ ဖြစ်စေပါသည်။ သာမန်ပြည်သူများအတွက် အလုပ်အကိုင် အများအပြားကို ဖန်တီးပေးလိမ့်မည် မဟုတ်ပါ။ အဓိကအကျိုးရှိစေမည့်သူမှာ အစိုးရဖြစ်ပြီး အစိုးရအတွက် ၀င်ငွေများ ရရှိလာစေမည်။ သို့သော်လည်း အခြားနိုင်ငံ အစိုးရများကဲ့သို့ပင် မြန်မာနိုင်ငံရှိ အစိုးရကလည်း သဘာဝ သယံဇာတများမှ ရလာမည့် ၀င်ငွေကို တိုင်းပြည် ကုန်ထုတ်လုပ်ရေး တိုးတက်ကောင်းမွန်စေသည့် အရင်းမြစ်များကို ထုတ်လုပ်မှုဖြစ်စေသည့် ရင်းနှီးမြှုပ်နှံမှု အဖြစ်သို့ ပြန်လည် ပြောင်းလဲနိုင်စွမ်း မရှိကြပါ။

ဤအခြေအနေအစား နေပြည်တော်ရှိ လူအများစု လက်ခံထားကြသည့် သဘောထားမှာ “နိုင်ငံခြား ရင်းနှီးမြှုပ်နှံမှုတွေ ၀င်လာရင် စီးပွားရေးအလိုလို တိုးတက်လာမည်” ဟူ၍ ဖြစ်သည်။ ဤအရင်းအနှီးများ အပေါ်တွင် လူများစုက လက်ခံထားကြသည့် သဘောထားမှာ “နိုင်ငံခြားရင်းနှီးမြှုပ်နှံမှုနှင့် တိုးတက်ဖွံ့ဖြိုးမှုကို တန်းတူထား” မြင်နေကြသည်။ ဤအချက်မှာ မမှန်ကန်ပါ။ မတူကွဲပြားသည့် နိုင်ငံခြား ရင်းနှီးမြှုပ်နှံမှုများသည် စီးပွားရေးစနစ်အပေါ် မတူကွဲပြားသည့် အကျိုးသက်ရောက်မှုကို ဖြစ်ပေါ်စေသည်။ နည်းပညာနှင့် လုပ်နည်းကိုင်နည်းများ ဆောင်ကျဉ်းလာသည့်၊ လွှဲပြောင်းပေးလာမှုရှိသည့် နိုင်ငံခြား ရင်းနှီးမြှုပ်နှံမှုများသည် အကျိုးဖြစ်ထွန်းစေသော်လည်း သဘာဝ သယံဇာတများ အတွက် လာရောက်ကြသည့် နိုင်ငံခြား ရင်းနှီးမြုပ်နှံမှုများသည် အန္တရာယ်ရှိစေသည်။

အကြောင်းမှာ ပြန်လည် ဖြည့်ဆည်းနိုင်စွမ်း မရှိသည့် ပိုင်ဆိုင်မှုများကို ရောင်းစားခြင်းမှ ရလာသည့် ၀င်ငွေ ဖြစ်သောကြောင့်ပင်။ အစိုးရက ရရှိလာသည့် ငွေကြေးများကို ကုန်ထုတ်လုပ်မှု တိုးတက်စေသည့် အပေါ်တွင် ထုတ်လုပ်နိုင်စွမ်း ဖြစ်စေမည့် ကဏ္ဍများတွင် ပြန်လည် ရင်းနှီးမြှုပ်နှံနိုင်စွမ်း မရှိသေးသည့် ကာလတွင် ဤသို့သော ပိုင်ဆိုင်မှု သယံဇာတများကို မည်သည့် အတွက်ကြောင့် အလျင်စလို ရောင်းချလိုကြရပါသနည်း။

မြန်မာနိုင်ငံသည် မကြာသေးမီက  သယံဇာတ ထုတ်လုပ်ရေး လုပ်ငန်းများတွင် ပွင့်လင်းမြင်သာမှု ရှိစေရေး ကြိုးပမ်းမှု Extractive Industries Transparency Initiative (EITI) အဖွဲ့ကြီးက ချမှတ်သော လမ်းညွန် သတ်မှတ်ချက်များကို သဘောတူလိုက်နာရန် ပြင်ဆင်လုပ်ကိုင်ခဲ့သည်။ ထိုသို့ သဘောတူ လိုက်နာမည်ဆိုလျှင် အကျင့်ပျက် ခြစားမှုကို တိုက်ဖျက်ရန် အထောက်အကူ ဖြစ်စေပြီး သဘာဝရင်းမြစ်များမှ ရရှိလာသည့် ထိုဝင်ငွေများကိုလည်း ပြည်သူအများ သိရှိအောင် စာရင်းဇယားများ ထားရှိလာစေမည် ဖြစ်သည်။ သို့သော်လည်း ဤသို့ ပွင့်လင်းမြင်သာမှုနှင့်  နိုင်ငံတော် ရင်းနှီးမြှုပ်နှံမှု ရန်ပုံငွေတို့ရှိလျှင် တိုင်းပြည်၏ စီးပွားရေးဟန်ချက် မညီလည်း အလုပ်ဖြစ်နိုင်သည်ဟု ပုံသေကားကျ ပြောမရပါ။ သို့သော်လည်း ဤသို့ ပွင့်လင်းမြင်သာမှုနှင့် နိုင်ငံဓနဥစ္စာ ကြွယ်ဝမှု ရန်ပုံငွေ (Sovereign wealth fund) တို့မှာ နိုင်ငံတခု၏ မျှတညီညွတ်သည့် စီးပွားရေးစနစ်အတွက် အစားထိုးနိုင်မည့် နည်းလမ်းများ မဟုတ်ကြပါ။ ဤသို့ သဘာဝ သယံဇာတ ထုတ်လုပ်မှုကဏ္ဍတွင် နိုင်ငံခြားရင်းနှီး မြှုပ်နှံမှုများ အလျင်စလို အလုံးအရင်း မရောက်ရှိလာသေးသည့်တိုင် ပို၍ ကောင်းမွန်သည့် အခြေအနေတရပ် ဖန်တီးနိုင်ပါသေးသည်။

မြန်မာနိုင်ငံ၏ ပြဿနာမှာ အရင်းအနှီး မရှိခြင်းပင် ဖြစ်သည်

ဟုတ်ပါသည်။ သို့သော် အခြေခံ ပြဿနာမှာ အရင်းအနှီးမရှိ၊ ချို့တဲ့နေမှု မဟုတ်ပေ။ သို့သော် ရှိသည့် အရင်းအနှီးကို ကုန်ထုတ်လုပ်မှု လုပ်ငန်းများ တိုးတက်ကောင်းမွန်စေရန် ထိထိရောက်ရောက် အသုံးမချနိုင်သည့် စီးပွားရေးစနစ်သာ  အဓိက ပြဿနာ ဖြစ်နေသည်။ ပြီးခဲ့သည့် နှစ်များအတွင်း ရန်ကုန်နှင့် မန္တလေးမြို့များတွင် အိမ်မြေဈေးများ အဆမတန် တက်နေခြင်းမှာ မြန်မာနိုင်ငံ၏ လူကုံထံ လူနည်းစုတွင် သိသာထင်ရှားသည့် ငွေကြေးရင်းမြစ်များ မတန်တဆ ရှိနေကြောင်း ပြသနေခြင်းပင် ဖြစ်သည်။ မြို့လယ်ခေါင်ရှိ မြေ ၁ ဧက ဈေးနှုန်းမှာ ဒေါ်လာ ၁ သန်းကျော် ရှိနေရာ ထိုင်းနိုင်ငံ ဘန်ကောက်မြို့  မြေဈေးထက်ပင် များပြားနေပါသည်။ ဤသို့ ဈေးနှုန်းမြင့်နေစေသည့် အခြား အကြောင်းအချက်များလည်း ရှိနေပါသေးသည်။ အဓိက အကြောင်းအချက်တခုမှာ တခြား ရင်းနှီးမြှုပ်နှံမှုပြုစရာ နေရာမရှိခြင်းပင် ဖြစ်ပါသည်။ ဘဏ်များအပေါ် ယုံကြည်မှု မရှိကြဘဲ ငွေကြေးများကို နိုင်ငံရပ်ခြားသို့ ရွှေ့ပြောင်းရန်လည်း ခက်ခဲလှသည်။ သို့အတွက်ကြောင့် လူအများက သူတို့ ပိုင်ဆိုင်မှုများကို မရွှေ့ပြောင်းနိုင်သည့် အိမ်ခြံမြေ၊ ရွှေနှင့် ကျောက်မျက်များဖြင့် စုဆောင်း သိုမှီးထားကြခြင်း ဖြစ်ပါသည်။

တချိန်တည်းမှာပင် နိုင်ငံ၏ ကျေးလက်ဒေသများ၌ ချေးငွေရရှိရန် ခက်ခဲနေကြပြန်သည်။ အပေါင်ထားစရာ ပစ္စည်း မရှိသူများက တရားမ၀င် ငွေချေးသည့် နေရာများမှ ချေးငွေရယူရန် ကြိုးပမ်းနေကြရပြီး တလလျှင် ၁၀ ရာခိုင်နှုန်းမျှ အတိုးပေးနေကြရပါသည်။ နိုင်ငံပိုင် စိုက်ပျိုးရေးဘဏ်ကလည်း လယ်သမားများကို စိုက်ပျိုးရေးစားရိတ် လိုအပ်ချက်၏ သုံးပုံတပုံမျှကိုသာ ထုတ်ချေးပေးနိုင်သည်။ ပုဂ္ဂလိက ဘဏ်များအနေဖြင့် လယ်သမားများကို ငွေမထုတ်ချေးရန် တားမြစ်ထားသည်။ ဤသည်မှာ ယခင် ဆိုရှယ်လစ် အစိုးရ လက်ထက်မှနေ၍ အမွေဆက်ခံ ကြွင်းကျန်နေရစ်သည့် မလိုအပ်တော့သော ဥပဒေတခုလည်း ဖြစ်သည်။ ဤစနစ်ကြောင့် ဖြစ်ပေါ်လာသည့် ရလဒ်မှာ အရင်းအနှီးများသည် ကျေးလက်ဒေသသို့ မရောက်ရှိတော့ခြင်း ဖြစ်သည်။ ပိုက်ဆံငွေကြေးများ ပိုရလာခြင်းကြောင့်လည်း ဤပြဿနာကို ဖြေရှင်းနိုင်ဖွယ် မမြင်ပါ။

မြန်မာ့စီးပွာရေး ပြဿနာများ၏ လက်သည်တရားခံမှာ အရေးယူ ပိတ်ဆိုမှုများ ဖြစ်သည်

သေချာ လေ့လာကြည့်မည်ဆိုပါက မဟုတ်ပါ။ ဒဏ်ခတ် အရေးယူမှုကြောင့် မြန်မာနိုင်ငံ၏ စီးပွားရေးကို ထိခိုက်သည်။ သို့သော်လည်း ပုဂ္ဂလိကဏ္ဍအတွက် ကြုံတွေ့နေရသည့် အကြီးမားဆုံး ပြဿနာ မဟုတ်ပါ။ ရန်ကုန်နှင့် မန္တလေးရှိ စီးပွားရေး လုပ်ငန်းရှင်များနှင့် ပြောဆိုကြည့်ရာ ပြီးခဲ့သည့်နှစ်များအတွင်း သူတို့ရင်ဆိုင် ကြုံတွေ့နေရသည့် အကြီးမားဆုံး ပြဿနာမှာ လျှပ်စစ် ထောက်ပံ့ပေးမှု ပြဿနာ၊ နိုင်ငံရေး မတည်ငြိမ်မှု၊ အကျင့်ပျက် ခြစားမှုများပင် ဖြစ်ပြီး ဤအကြောင်းအချက်များ အားလုံးမှာ အစိုးရ၏ ထိန်းချုပ်နိုင်မှုအတွင်း ရှိပါသည်။ ဒဏ်ခတ်ပိတ်ဆို့ အရေးယူမှုမှာ နောက်ထပ် အကြီးမားဆုံး အခက်အခဲ ဖြစ်ပါသည်။ အကြောင်းမှာ အမေရိကန်ပြည်ထောင်စု ငွေကြေးဝန်ဆောင်မှုများ ပိတ်ပင်ထားမှု (U.S. Financial services ban) ကြောင့် အပိုကုန်ကျစားရိတ်များ ဖြစ်ပေါ်စေပြီး အမေရိကန်သို့ ပြည်ပပို့ကုန် ဈေးကွက် ပျောက်ဆုံးသွားစေသည်။ အခြားသော ပြဿနာများတွင် ညံ့ဖျင်းသည့် အခြေခံအဆောက်အဦ၊ အစိုးရ၏ တဖက်သတ် ဆုံးဖြတ်ချက်များ ချမှတ်ခြင်း၊ အတင်းအကျပ်သဘော စိတ်ထင်လျှင် ထင်သလို ဆုံး ဖြတ်ချက်များ ချမှတ်ခြင်း၊ သမာသမတ်ကျ ဘက်လိုက်မှုကင်းသည့် မျှတဘက်လိုက်မှုကင်းသည့် တရားစီရင်ရေးစနစ် ရှိမနေခြင်း၊ စသည်တို့ကြောင့် မြန်မာနိုင်ငံတွင် ကုန်ကျစားရိတ် မြင့်မားလာစေပါသည်။ ကုမ္ပဏီကြီး အများစုအဖို့ကား ဒဏ် ခတ်ပိတ်ဆို့မှု ဆိုသည်မှာ သူတို့စီးပွားရေး လုပ်ကိုင်ရာတွင် ကြုံတွေ့ရသည့် အငယ်စား အခက်အခဲ တခုသာ ဖြစ်ပါသည်။

ဒဏ်ခတ်ပိတ်ဆို့ အရေးယူမှုကို မူလက မြန်မာနိုင်ငံ၏ လူ့အခွင့်အရေး အခြေအနေအပေါ် တုံ့ပြန်ဆောင်ရွက်မှုအဖြစ်သာ ရှုမြင်ထားခဲ့ကြပါသည်။ သို့သော်လည်း ၎င်းတို့သည် ယခုအခါတွင် မထိရောက် အသုံးမ၀င်တော့ပါ။ သို့သော်လည်း ၎င်းအသုံးဝင်သည့် အခန်းကဏ္ဍကို ဖော်ပြလာကြပါသည်။ ဒဏ်ခတ်အရေးယူမှုက ပစ်မှတ်ထားနေသည့် အကြီးမားဆုံးနှင့် ဆက်သွယ်မှု အကောင်းဆုံး ကုမ္ပဏီကြီးများမှာ ဤအရေးယူမှုကို ကျော်လွှားလုပ်ဆောင်နိုင်ရန် ငွေကြေးအရင်းအနှီးနှင့် နိုင်ငံတကာ အဆက်အသွယ်များ ရှိနေကြပါသည်။

ဤသို့ အရင်းမြစ်များ မရှိကြသည့် အငယ်စားနှင့် အလတ်စား ကုန်ထုတ်လုပ်မှု လုပ်ငန်းများ (SMEs)  မှာ ဒဏ်ခတ်ပိတ်ဆို့မှု၏ နောက်ဆက်တွဲကို ခံကြရပြီး ၎င်းတို့မှာ မြန်မာနိုင်ငံ ဖွံ့ဖြိုးတိုးတက်မှုအတွက် မရှိမဖြစ် အရေးပါသည့် လုပ်ငန်းများ ဖြစ်ကြပါသည်။ ဒဏ်ခတ်အရေးယူမှုသည် မြန်မာနိုင်ငံ စီးပွားရေးအတွက် အဓိကပြဿနာ မဟုတ်ပါ။ သို့သော်လည်း ဒဏ်ခတ်ပိတ်ဆို့မှုကို ဆက်လက် ထိန်းသိမ်းထားခြင်းအားဖြင့် လူ့အခွင့်အရေးအတွက် စိုးရိမ်ပူပန်မှုများကို ဖြေရှင်းကြရန် အထောက်အကူ ဖြစ်စေမည် မဟုတ်သကဲ့သို့ ပြုပြင်ပြောင်းလဲမှုများနှင့် ဖွံ့ဖြိုးတိုးတက်ရေးအတွက် အဟန့်အတား ဖြစ်ရန်ပင် ရှိပါသည်။

(ဆက်လက် ဖော်ပြပါမည်)

(Foreign Policy မဂ္ဂဇင်းတွင် ဖော်ပြထားသော ဂျာရက် ဘစ်ဆင်ဂျာ (Jared Bissinger) ၏ Think Again: Burma’s Economy ကို ဘာသာပြန်ဆို ဖော်ပြပါသည်။ ဂျာရက် ဘစ်ဆင်ဂျာသည် သြစတြေးလျနိုင်ငံ ဆစ်ဒနီမြို့ရှိ မက်ကွာရီ တက္ကသိုလ် (Macquarie University) တွင် ပါရဂူဘွဲ့အတွက် ကြိုးပမ်းနေသည့် ကျောင်းသားတဦး ဖြစ်ပါသည်။ ဂျာရက် ဘစ်ဆင်ဂျာသည် ယခင်က အမျိုးသား အာရှသုတေသနဆိုင်ရာ ဗျူရိုမှ ပညာရှင်တဦးလည်း ဖြစ်သည်။)

အပြည့်အစုံသို့ »

ရခိုင်က ပဋိပက္ခမီး အလျင်အမြန်နဲ့ ပြည်တွင်းထိ ဘာကြောင့် ကူးစက်ပြန့်ပွားခဲ့သလဲ (ဓာတ်ပုံ – ဧရာဝတီ)
ဘင်္ဂါလီနဲ့ ရခိုင်တို့အကြားက စတင်ခဲ့တဲ့ ပဋိပက္ခဟာ အခုဆိုရင် ပိုမိုရှုပ်ထွေးလာနေပြီဖြစ်ပါတယ်။ ဘာကြောင့် ဒီပဋိပက္ခ ဖြစ်ခဲ့သလဲ။ ဖြစ်ခဲ့တဲ့ ဒီပဋိပက္ခဟာ အလျင်အမြန်နဲ့ တခြားမြို့များသို့ပါ ကူးစက်ပြန့်ပွားခဲ့သလဲဆိုတာကို ဆန်းစစ်ဖို့အတွက် ပဋိပက္ခဖြစ်စဉ် အစကို ပြန်ကောက်ကြည့်ချင်ပါတယ်။

ဒီပဋိပက္ခရဲ့အစဟာ ရမ်းဗြဲမြို့နယ် ကျောက်နီမော်ကျေးရွာက မသီတာထွေးကို ဘင်္ဂါလီလူငယ်သုံးဦးက အဓမ္မပြုကျင့် သတ်ဖြတ်ခဲ့တယ်ဆိုရာမှ စပါတယ်။ အဲဒါ လူတိုင်းသိပြီးသား ဆန်းလားလို့ မေးရင် ဆန်းတယ်လို့ ပြောရမှာဖြစ်ပါတယ်။

ဘာကြောင့်ဆန်းသလဲဆိုရင် မြန်မာနိုင်ငံရဲ့အနောက်ဖျား ရမ်းဗြဲကျွန်းလို ဝေးလံခေါင်သီတဲ့ ဒေသက အမျိုးသမီးငယ်တစ်ဦး အဓမ္မပြုကျင့်သတ်ခံရတဲ့ ကိစ္စဟာ သတ်ခံရပြီး နောက်တနေ့မှာပဲ Facebook လူမှုကွန်ယက်ထဲကို ရောက်ရှိပျံ့နှံ့သွားပြီး ပဋိပက္ခတွေဖြစ်အောင် ဆော်သြလှုံ့ဆော်သွားနိုင်လို့ပါပဲ။ ရခိုင်ဒေသမှာ အလားတူဖြစ်ရပ်မျိုး ယခင်က ဖြစ်ပေါ်ခဲ့ဖူးပေမယ့်လည်း ကြီးမားတဲ့ပဋိပက္ခတွေ မဖြစ်ပေါ်ခဲ့ပါ။ အရင်က မှုခင်းကို မှုခင်းအတိုင်း စီရင်နိုင်ခဲ့ပေမယ့် မသီတာထွေး မုဒိမ်းကျင့်သတ်ဖြတ်ခံရတဲ့ကိစ္စမှာတော့ မှုခင်းဓါတ်ပုံကို အသုံးပြု စည်းရုံးလှုံ့ဆော်မှုကြောင့် အမျိုးသားရေးစိတ် ပြင်းထန်လွန်ကဲသူတွေရဲ့ ရင်ကို ကိုင်လှုပ် ကစားနိုင်ခဲ့ပါတယ်။

ဒီဓာတ်ပုံ ဘယ်သူတင်ခဲ့သလဲလို့  လေ့လာကြည့်ပါတယ်။ ဒီပုံဟာ သတင်းထောက်တဦးဦးက တင်လိုက်တဲ့ပုံ မဟုတ်နိုင်ဘူးဆိုတာကိုတော့ ကနဦးကတည်းက သိပါတယ်။ သတင်းထောက်ဆိုတာက သတင်းနဲ့ သတင်းဓါတ်ပုံကို ရောင်းချပြီး အသက်မွေးဝမ်းကျောင်းသူများဖြစ်လို့ သတင်းစာသားဖြစ်စေ၊ သတင်းဓာတ်ပုံဖြစ်စေ မိခင်သတင်းဌာနများဆီ အရင်ပို့ရပါတယ်။ သတင်းထောက်ပို့လိုက်တဲ့ပုံကိုမှ ဖော်ပြသင့်တဲ့ပုံ၊ ကျင့်ဝတ်နဲ့ ညီတဲ့ပုံဆိုရင် သတင်းဌာနများက မိမိတို့ရဲ့သတင်းဌာနအမည် ဒါမှမဟုတ် သတင်းဓာတ်ပုံ ရိုက်ကူးသူအမည်ကို ဓာတ်ပုံမှာရေးထိုးပြီး ဖော်ပြလေ့ရှိပါတယ်။ မသီတာထွေးရဲ့ မှုခင်းဓာတ်ပုံမှာတော့ အဲဒီလိုရေးထိုးထားတာကို မတွေ့ရပါဘူး။

ရမ်းဗြဲ၊ ကျောက်နီမော်ဒေသက လူတွေကို သေချာအောင် မေးမြန်းကြည့်ပါတယ်။ သူတို့ရဲ့အဖြေကတော့ ရမ်းဗြဲ၊ ကျောက်နီမော်ရွာတကြောမှာ သတင်းဌာနများနဲ့ချိတ်ဆက်ပြီး သတင်းရေးသားနေတဲ့ သတင်းထောက် မရှိသလို အင်တာနက်သုံးစွဲတတ်သူ မရှိသလောက် နည်းပါးပါတယ်တဲ့။ ဒါ့ထက်ပိုတာက ဒီနေ့ ညနေပိုင်းရိုက်တဲ့ဓါတ်ပုံကို မနက်ဖြန်မှာ အင်တာနက်တင်လို့ရနိုင်လောက်အောင် သူတို့ရွာထဲမှာလည်း အင်တာနက်ဆိုင်မရှိပါလို့ ပြောကြပါတယ်။

လွှတ်တော်ကို ဝေဖန်အပုတ်ချရေးသားခဲ့တဲ့ ဒေါက်တာဆိတ်ဖွားကို အရေးယူဖို့ စုံစမ်းရေးကော်မရှင်ဖွဲ့တယ်ဆိုရင် ရခိုင်ဒေသတင်မက နိုင်ငံတ၀န်း ပဋိပက္ခတွေ ဖြစ်ပွားတဲ့အခြေအနေအထိ ရောက်သွားစေမယ့် မသီတာထွေး အဓမ္မပြုကျင့်ခံရတဲ့ပုံကိုတင်ပြီး ဆော်သြလှုံ့ဆော်ခဲ့တဲ့သူကိုရော ဘာ့ကြောင့်စုံစမ်းအရေးယူမှုမပြုသလဲဆိုတာကို မေးခွန်းထုတ်ရပါလိမ့်မယ်။

တကယ်တော့ ဒီဓါတ်ပုံကို တင်ပြီး ဆူပှုမငြိမ်သက်မှုတွေ ဖြစ်အောင်လှုံ့ဆော်ခဲ့မှုဟာ ဆိတ်ဖွားထက်တောင် နိုင်ငံအတွက် အန္တရာယ်ကြီးပါတယ်။ ဒီဓါတ်ပုံကို အခြေပြုလှုံ့ဆော်မှုတွေကြောင့် တောင်ကုတ်လူသတ်မှု ဆက်လက်ဖြစ်ပွားခဲ့ပြီး မောင်တော ထကြွပုန်ကန်မှုမှသည် နိုင်ငံတ၀န်း မီးပွားပြန့်သွားတယ်ဆိုတာ အားလုံးအသိပါ။

မှုခင်းဓာတ်ပုံဆိုတာ သာမာန်သတင်းထောက်တွေတောင် ရိုက်ကူးခွင့်ရဖို့ ခဲယဉ်းလှတဲ့အတွက် ဒီဓါတ်ပုံကို အလွယ်တကူရရှိပြီး အင်တာနက်တင် လှုံ့ဆော်ခဲ့သူကို အခုအချိန်ထိ စုံစမ်းဖော်ထုတ်ဖို့ မကြိုးစားသေးတာ၊ ပဋိပက္ခဖြစ်စဉ်တွေမှာ ပြစ်မှုကျူးလွန်သူတချို့ကို အလျင်အမြန် ဖမ်းဆီးပြစ်ဒဏ်တွေ ပေးခဲ့ပေမယ့် ကျန်ပြစ်မှုကျူးလွန်သူတွေကိုတော့ ပြစ်ဒဏ်ပေးဖို့ နေနေသာသာ စုံစမ်းဖော်ထုတ်နိုင်ခြင်း မရှိသေးတာတွေဟာလည်း မီးပွားတွေ တမင်ချန်ထားသလား အောက်မေ့ရပါတယ်။

ဘယ်လိုပဲဖြစ်ဖြစ် ပြည်ခိုင်ဖြိုးပါတီဝင်အများစုနဲ့စုဖွဲ့ထားတဲ့ လက်ရှိအစိုးရကတော့ ဒီပြဿနာကြောင့် အမျိုးသားရေးစိတ် ပြင်းထန်လွန်ကဲသူတချို့ရဲ့ ထောက်ခံမှုတွေကို ခူးဆွတ်ထားနိုင်လိုက်တာတော့ အသေအချာပါပဲ။

ပဋိပက္ခဖြစ်ပွားခဲ့တဲ့ တစ်နှစ်တာကာလအတွင်း ရခိုင်ပြည်နယ် စစ်တွေမြို့ပေါ်မှာ အစိုးရထောက်ခံပွဲပေါင်း ၄ ကြိမ်အထိ ပြုလုပ်ခဲ့ပြီးပါပြီ။ အခြားသော ဆန္ဒဖော်ထုတ်ပွဲတွေအတွက် အာဏာပိုင်များထံမှ ခွင့်ပြုချက်ရဖို့ ရက်အတန်ကြာ စောင့်ဆိုင်းရပေမယ့် စစ်တွေမြို့ပေါ်က အစိုးရထောက်ခံပွဲတွေကတော့ နေ့ချင်း ညချင်းစီစဉ်လို့ရနေတယ်လို့ သိရပါတယ်။

ပိုလို့ စိတ်ဝင်စားဖို့ကောင်းတာက အစိုးရအနေနဲ့ ဘင်္ဂါလီလူဦးရေစစ်တမ်းကောက်ယူမှု (ဆွဲ၊ တင်၊ စစ်) လုပ်ငန်းစဉ်တွေကို အခုချိန်ထိ အောင်မြင်အောင် မလုပ်ဆောင်နိုင်သေးတာကို ဒေသခံတွေမကျေနပ်ကြပေမယ့် အစိုးရထောက်ခံပွဲ စီစဉ်သူတွေက အစိုးရအနေနဲ့ ဒီလုပ်ငန်းစဉ်ကို မဖြစ်မနေလုပ်ဆောင်ပေးဖို့ တောင်းဆိုပွဲမျိုးကို ပြုလုပ်မပေးခဲ့ကြတာပါပဲ။ ဒါ့ကြောင့် အစိုးရထောက်ခံပွဲတွေဟာ ဒွေးနှစ်ဖော်သံဝါညှိနေကြတဲ့ပွဲလားလို့ တွေးဆလာကြပါပြီ။

စစ်တွေမြို့ပေါ်မှာ ဇွန်လ ၄ ရက်နေ့က ကျင်းပခဲ့တဲ့ အစိုးရထောက်ခံပွဲကတော့ နယ်စပ်ဒေသရှိ ဘင်္ဂါလီများ ကလေးနှစ်ဦးထက် ပိုမယူရ ဒေသန္တရအမိန့်ကို ထောက်ခံတဲ့ထောက်ခံပွဲပါ။ ဦးဆောင်သူတချို့ကြောင့် ဒေသခံတချို့ ဒီအမိန့်ကို ထောက်ခံခဲ့ကြပေမယ့် ဒီအမိန့်ဟာ အစစ်အမှန် အာဏာတည်မှုရှိမရှိဆိုတာ မရှင်းလင်းလှပါဘူး။

ရခိုင်ပြည်နယ်ဥပဒေချုပ် ဦးလှသိန်းက လက်ရှိအစိုးရလက်ထက်မှာ ဒီအမိန့်ထုတ်ပြန်ထားခြင်းမရှိပါဘူးလို့ ဇွန်လ ၈ ရက်နေ့က ပြည်နယ်ဥပဒေရုံးမှ ပြုလုပ်တဲ့ သတင်းစာရှင်းလင်းပွဲမှာ ပြောတယ်ဆိုပြီး Arakan Times သတင်းဌာနက ဖော်ပြခဲ့ပါတယ်။

ထို့အတူပါပဲ၊ စစ်တွေမြို့ကို အာရှဆိုင်ရာ ဖွံ့ဖြိုးတိုးတက်ရေး ဗြိတိန်ဝန်ကြီး မစ္စတာအလန်ဒန်ကန်ရောက်ရှိစဉ်မှာ ရခိုင်ပြည်နယ်ဝန်ကြီးချုပ်က ထိုအမိန့် လက်ရှိအစိုးရလက်ထက်မှာ ထုတ်ပြန်ခြင်း မရှိသေးကြောင်း ပြောခဲ့တယ်လို့ သိရပါတယ်။ လူတချို့ကတော့ ဒီအမိန့်ဟာ ပယ်ဖျက်ခြင်း မရှိသေးရင် အတည်ဖြစ်ပါတယ်လို့  ဒေသခံလူထုအပေါ် တီးတိုးဝါဒဖြန့်ရင်း အစိုးရသည်သာ ကိုးကွယ်ရာအဖြစ် ဘေးတီးပေးနေတာ တွေ့ရပါတယ်။

အာဏာပိုင်များအနေဖြင့် သတင်းဌာနများနဲ့ သံတမန်များကို ၀ိနည်းလွတ်ပြောဆိုထားပြီး ဒီဒေသန္တရအမိန့်ဟာ ဆက်လက် အာဏာတည်မှုရှိမရှိ၊ အကောင်အထည်ဖော်ပေးမည် ဟုတ်မဟုတ်ဆိုတာကိုတော့ ရှင်းရှင်းလင်းလင်း ပြောဆိုမှုပြုတာကို အခုချိန်ထိ မတွေ့ရသေးပါဘူး။

တီးတိုးဝါဒဖြန့်မှု၊ မှိုင်းတိုက်မှုတွေပြည့်နေတဲ့ ရခိုင်ဒေသမှာတော့ ၂၀၁၀ ရွေးကောက်ပွဲမှာ ပြည်ခိုင်ဖြိုးပါတီရဲ့ အဓိကပြိုင်ဘက်ဖြစ်ခဲ့ပြီး ရခိုင်တိုင်းရင်းသားများရဲ့ထောက်ခံမှုရခဲ့တဲ့ ရခိုင်တိုင်းရင်းသားများ တိုးတက်ရေးပါတီဥက္ကဌ ဒေါက်တာအေးမောင်ကိုတောင် အခြေခံလူတန်းစားတချို့က မကျေနပ်ဖြစ်လာကြပါပြီ။ အကြောင်းရင်းကတော့ ဘင်္ဂါလီအရေးကိစ္စတွေကို ပြောဆိုနေတဲ့ ဒေါ်အောင်ဆန်းစုကြည်ကို ကြားဖြတ်ရွေးကောက်ပွဲဝင်လာအောင် လွှတ်တော်ထဲဝင်လာအောင် တိုက်တွန်းခဲ့လို့ဖြစ်တယ်လို့ ဆိုကြပါတယ်။

ဒေသခံ လူထုအတွင်း အမျိုးသားရေးစိတ်ဓာတ်ရေချိန်ကိုက်နေချိန်မှာ ဒေသတွင်းပါတီတွေအနေနဲ့ ဖြစ်သင့်သည် မဖြစ်သင့်သည်ကို ဆုံးဖြတ်ပေးနိုင်တဲ့ ခေါင်းဆောင်မှုစွမ်းရည် လျော့ပါးလာတယ်လို့လည်း သိရပါတယ်။ ဒါ့ကြောင့်လည်း ထောက်ခံပွဲအတော်များများဟာ တိုင်းရင်းသားပါတီတွေရဲ့ဦးဆောင်မှုထံမှ ဆင်းသက်လာခြင်းမဟုတ်ဘဲ အခြားသော အဖွဲ့အစည်းများရဲ့ငွေကြေး၊ ဦးဆောင်မှုတွေနဲ့ ကျင်းပခဲ့တာကိုလည်း တွေ့နေရပါတယ်။

ချုပ်ရင် ရခိုင်ပြည်နယ်အတွင်း ကျောက်ဖြူရွှေဂက်စ်စီမံကိန်းနဲ့စပ်လျဉ်းပြီး ရခိုင်ဒေသခံတို့ ရသင့်ရထိုက်တာကို တောင်းဆိုမယ်လို့ မောင်းတင်ထားခဲ့တဲ့ လက်တွေကိုလည်း ဒီအဓိကရုဏ်းက ရိုက်ချိုးပစ်နိုင်ခဲ့တယ်လို့ ပြောရမှာ ဖြစ်ပါတယ်။

မြန်မာနိုင်ငံအတွင်း လက်ရှိဖြစ်ပွားနေတဲ့ ပဋိပက္ခတွေဟာ ဒီမိုကရေစီဟန်ပြ အာဏာရှင် တစခန်းထနိုင်မယ့် ခြေလှမ်းအစတွေဖြစ်တယ်လို့ ဒီမိုကရေစီအသွင်ကူးပြောင်းမှုတွေကို လေ့လာနေတဲ့ The Educational Initiatives အဖွဲ့မှ Mr. Igor Blazevic က ပြောဆိုလိုက်တာကို ဖတ်ရပါတယ်။

ရန်ကုန်က ဖွံ့ဖြိုးရေးမဏ္ဍိုင်ခန်းမမှာ ဇွန်လ ၂၂ ရက်က ပြုလုပ်ခဲ့တဲ့ Transition to Democracy: Challenges and Threats ဆွေးနွေးပွဲအတွင်း ပြောဆိုသွားတာဖြစ်ပြီး ဆာဗီးယား၊ယူကရိန်း စတဲ့နိုင်ငံတွေမှာ အာဏာရပါတီတွေဟာ အမျိုးသားရေးဝါဒကို အသုံးပြုပြီး အတိုက်အခံပါတီတွေကို ချေမှုန်းကာ ရွေးကောက်ပွဲအစဉ်အဆက် အနိုင်ယူခဲ့ပုံတွေကိုလည်း မီးမောင်းထိုးပြောပြသွားတယ်ဆိုတာကို ဖတ်လိုက်ရတော့  ကျနော်တို့ဆီက အမျိုးသားရေးစိတ်ဓာတ် ပြင်းထန်လွန်ကဲသူတွေ စိတ်အေးအေးထားပြီး ပြီးခဲ့သမျှ ဇာတ်ကြောင်းကို ပြန်ပြောင်း ဝေဖန်ဖို့၊ စဉ်းစားဖို့၊ ချင့်ချိန်ဖို့ လိုပြီလို့ လက်တို့ချင်တဲ့ စေတနာနဲ့ ဒီစာကို ရေးလိုက်ရပါတယ် ခင်ဗျား။

(မင်းနိုင်သူသည် ဧရာဝတီသတင်းဌာန၏ သတင်းထောက်ဟောင်းတစ်ဦးဖြစ်ပြီး ယခုအခါ စစ်တွေမြို့တွင် အခြေချနေထိုင်ကာ စီးပွားရေးလုပ်ငန်း လုပ်ကိုင်နေသူတစ်ဦးဖြစ်သည် ရခိုင်ပြည်နယ် ပဋိပက္ခဖြစ်စဉ်များနှင့် အခြေအနေများကို အနီးစပ်ဆုံး တွေ့မြင်သိရှိနေသူတစ်ဦးလည်း ဖြစ်သည်။)

အပြည့်အစုံသို့ »

မူးယစ်ဆေးဝါး ရောင်းဝယ်သူဟု စွပ်စွဲဖမ်းဆီး ခံထားရသော ဇော်ကိုကိုအောင် (အင်္ကျီချွတ်) ကို ထိုင်း အာဏာပိုင်များနှင့် တွေ့ရစဉ် (ဓာတ်ပုံ – dailynews.co.th)

ထိုင်းနိုင်ငံ တောင်ပိုင်း ဖူးကက်မြို့နယ်တွင် မူးယစ်ဆေးဝါး ရောင်းချနေသည်ဟု ယူဆရသော မြန်မာနိုင်ငံသား တဦးကို ထိုင်း အာဏာပိုင်များက ဖမ်းဆီးလိုက်သည်။

အသက် ၂၅ နှစ်အရွယ် ဇော်ကိုကိုအောင်ထံမှ စိတ်ကြွဆေးပြား၊ ဆေးခြောက်၊ အိုက်စ်(ICE)ဟု ခေါ်သည့် မူးယစ်ဆေးဝါး တို့ကို နယ်မြေခံ ရဲတပ်ဖွဲ့ဝင်များက နေအိမ် တအိမ်တွင် ယမန်နေ့က ဖမ်းမိခဲ့ကြောင်း ထိုင်းသတင်းများတွင် ဖော်ပြထားသည်။

အဆိုပါ နေအိမ်တွင် ဇော်ကိုကိုအောင်နှင့် ထိုင်းနိုင်ငံသား တဦးကို ဖမ်းဆီးရမိပြီး မြန်မာနိုင်ငံသား တင်နိုင်ဦး ဆိုသူမှာ ထွက်ပြေး လွတ်မြောက် သွားကြောင်း သိရသည်။

“အဖမ်းခံထားရတဲ့ ထိုင်းနိုင်ငံသားရဲ့ ထွက်ဆိုချက်အရ ရဲတွေ ဖမ်းမိထားတဲ့ ဆေးခြောက်တွေဟာ အဲဒီအိမ်မှာနေတဲ့ မြန်မာ ၂ ယောက်ဆီကနေ တထုပ်ကို ဘတ် ၂၀၀ နဲ့ ၀ယ်တာ ဖြစ်တယ် ဆိုပြီးတော့ ထွက်ဆိုထားတယ်”ဟု ဖူးကက်မြို့နယ်မှ ရဲအရာရှိကြီး တဦး ကပြောကြောင်း ထိုင်းသတင်းများက ဆိုသည်။

ဇော်ကိုကိုအောင်ကလည်း ယခု ဖမ်းဆီးရမိသော မူးယစ်ဆေးဝါးများနှင့် ပတ်သက်၍ ၎င်း၏ ပစ္စည်းများ မဟုတ်ကြောင်း၊ ထွက်ပြေး သွားသည့် တင်နိုင်ဦးထံမှ ရရှိခြင်း ဖြစ်ကြောင်း ငြင်းဆိုထားသည်။

ဖူးကက်မြို့နယ်မှ ရဲအရာရှိကြီးက“ဘာပဲ ဖြစ်ဖြစ် ၂ ယောက် စလုံးကို စုံစမ်းစစ်ဆေးမှုတွေ လုပ်ပြီးရင် ထိုင်းဥပဒေအရ အရေးယူ ဆောင်ရွက်သွားမှာ ဖြစ်ပါတယ်”ဟု ဆက်ပြောသည်။

သက်သေခံ ပစ္စည်းများ အဖြစ် ဆေးခြောက် ၃.၅၀ ဂရမ် ၄၅ ထုပ်၊ အိုက်စ် ၀.၄၅နှင့် ၀.၅၀ ဂရမ် စုစုပေါင်း ၃၄ ထုပ်၊ စိတ်ကြွဆေး ပြား (ခေါ်) ရာဘ ၅၈ လုံးတို့ကို သိမ်းဆည်းရမိထားကြောင်း၊ မူးယစ်ဆေးဝါး ရောင်းဝယ်မှုနှင့် အရေးယူသွားမည် ဖြစ်ကြောင်း သိရ သည်။

လတ်တလာတွင် ဖမ်းဆီးခံရသူ ၂ ဦးကို ဖူးကက်မြို့နယ် အတွင်းရှိ ကာလွန် (Karon) ရဲစခန်းတွင် ထိန်းသိမ်းထားကြောင်း ထိုင်း သတင်းများတွင် ပါရှိသည်။

ထိုင်းဥပဒေအရ မူးယစ်းဆေးဝါးရောင်းဝယ် ဖောက်ကားမှုနှင့် ပတ်သက်၍ ပြစ်မှု ထင်ရှားပါက ထောင်ဒဏ် တသက်တကျွန်း အထိ ကျခံရနိုင်ကြောင်း သိရသည်။

၂၀၁၃ ခုနှစ် ဖေဖော်ဝါရီလကလည်း မြန်မာနိုင်ငံသား ၂ ဦးနှင့် ထိုင်းနိုင်ငံသား တဦးတို့ကို ရာဘ စိတ်ကြွဆေးပြား ၂ သိန်းနှင့်အတူ ထိုင်း အာဏာပိုင်များက ထိုင်းနိုင်ငံ မြောက်ပိုင်း လန်ပန်းမြို့တွင် ဖမ်းဆီးရမိခဲ့သည်။

အဆိုပါ မြန်မာနှင့် ထိုင်းနိုင်ငံသားတို့ကို ချင်းမိုင်-ဘန်ကောက် ပြေးဆွဲနေသည့် လိုင်းကားပေါ်တွင် ဖမ်းမိခဲ့ခြင်း ဖြစ်သည်ဟု ဆို သည်။

နိုင်ငံခြားသား ခရီးသွားများ အပန်းဖြေရာ ဒေသအဖြစ် နာမည်ကြီးသည့် ဖူးကက်မြို့နယ်တွင် မြန်မာ ရွှေ့ပြောင်း အလုပ်သမား ၇ သောင်း မှ ၁ သိန်းခန့် အထိရှိကြောင်း သိရသည်။

ဇွန် ၂၆ ရက် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င် ရောင်းဝယ်ဖောက်ကားမှု တိုက်ဖျက်ရေးနေ့တွင် ထိုင်း အစိုးရက ဘတ်ငွေ သန်းပေါင်း ၁၀၀၈၀ ခန့် တန်ဖိုးရှိသည့် ဖမ်းဆီးရမိထားသော မူးယစ်ဆေးဝါး ၃.၃ တန်ကို မီးရှို့ဖျက်ဆီးခဲ့ကြောင်း သိရသည်။ ထိုင်း အစိုးရ အနေနှင့် နိုင်ငံအတွင်း မူးယစ်ဆေးဝါး တိုက်ဖျက်ရေး လုပ်ငန်းများကို လုပ်ကိုင်လျက်ရှိသည်။

မြန်မာအစိုးရက မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများ အန္တရာယ် တားဆီးကာကွယ်ရေး အဖွဲ့ကို ဖွဲ့စည်း၍ မူးယစ်ဆေးဝါး ပပျောက်ရေး ၁၅ နှစ် စီမံကိန်းကို ၁၉၉၉ ခုနှစ်မှ ၂ဝ၁၄ ခုနှစ်အထိ သတ်မှတ်ထားသော်လည်း ၂၀၁၉ အထိ ပြန် လည် သတ်မှတ်လိုက်သည်။

အပြည်ပြည်ဆိုင်ရာ မူးယစ်ဆေးဝါး တိုက်ဖျက်ရေးနေ့ အထိမ်းအမှတ်အနေနှင့် မြန်မာ အစိုးရကလည်း ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ မွန်ပြည်နယ်၊ ရခိုင်ပြည်နယ်၊ ကရင်ပြည်နယ် တို့မှ ဖမ်းဆီးရမိသည့် ကျပ်ငွေ သိန်း ၄၄၀၇၀ ကျော် တန်ဖိုးရှိသော မူးယစ်ဆေးဝါး ၁၅ မျိုးတို့ကို မီးရှို့ဖျက်ဆီးခဲ့ကြောင်း သိရသည်။

အပြည့်အစုံသို့ »

စစ်တွေမြို့ သဲချောင်းရွာအနီးရှိ ဘင်္ဂါလီ (မွတ်စလင်) ဒုက္ခသည်စခန်း (ဓာတ်ပုံ – ခင်သြ / ဧရာဝတီ)

ရခိုင်ပြည်နယ် ပေါက်တောမြို့နယ် အတွင်းရှိ ဒုက္ခသည် စခန်းတခုတွင် အာဏာပိုင်များနှင့်ဒုက္ခသည်များအကြား အငြင်းပွား အုပ်စုဖွဲ့ တိုက်ခိုက်မှုများကြောင့် ပစ်ခတ်မှုဖြစ်ပွားရာ လူ ၂ ဦးသေဆုံးကြောင်း သိရသည်။

ပေါက်တော မြို့နယ်ရှိ ကြိမ်နီပြင် ဒုက္ခသည်စခန်းတွင် တဲအိမ်များဆောက်လုပ်နေကြသည့် ဒုက္ခသည်များနှင့်အလုပ်သမား ခေါင်းဆောင်တို့အကြား လုပ်အားခ ပေးချေမှုနှင့်ပတ်သက်၍ ယမန်နေ့က အငြင်းမှု ဖြစ်ကြကြောင်း ရခိုင်ပြည်နယ် အစိုးရ အဖွဲ့၏ ပြန်ကြရေး တာဝန်ခံ ဦးမျိုးသန့် က ဧရာဝတီ ကို ပြောသည်။

ဒုက္ခသည် အချင်းချင်း အငြင်းပွားရာမှ လုံခြုံရေး တာဝန်ရှိသူများကိုပါ အုပ်စုဖွဲ့တိုက်ခိုက်လာ၍ ခြောက်လှန့် ပစ်ခတ်ရာမှ တ ဦး ပွဲချင်းပြီး သေဆုံးကာ တဦး ဒဏ်ရာရရှိ၍ ထို ဒဏ်ရာရရှိသူလည်း ယနေ့တွင် သေဆုံးသွားကြောင်း သိရသည်။

၎င်းက“တဲတန်းလျားတွေ ဆောက်နေတဲ့ အလုပ်သမားတွေနဲ့အလုပ်သမား ခေါင်းဆောင်အကြား လုပ်အားခပေးတာ မကျေ နပ်ရာက အချင်းချင်း ဖြစ်ကြတာပါ”ဟု ဆိုသည်။

တဲအိမ်တန်းလျားများ ဆောက်ရေး လုပ်ငန်းများတွင် ပါဝင်လုပ်ကိုင်နိုင်ရန် ဒုက္ခသည်များကို နေ့စားအဖြစ် လုပ်ကိုင်ခွင့်ပြု ထားကြောင်း၊ ထိုအလုပ်သမားများကို ကြီးကြပ်ရန် ဘင်္ဂါလီ (မွတ်စလင်) အမျိုးသား ကိုလာလုဆိုသူအား အလုပ်သမား ခေါင်းဆောင် အဖြစ် တာဝန်ပေးထား ကြောင်း၊ လုပ်အားခ ပေးချေမှုနှင့်ပတ်သက်၍ ကိုလာလုနှင့်အလုပ်သမား တချို့ကို အုပ်စုလိုက် တိုက်ခိုက်သောကြောင့် လုံခြုံရေးတပ်ဖွဲ့က ခြောက်လှန့်ပစ်ခတ်ကြောင်း သိရသည်။

အလုပ်သမားခေါင်းဆောင် ကိုလာလုက ပြောဆိုရာတွင် ကြိမ်နီပြင်စခန်းမှ အလုပ်သမား ၃၅ ဦးသည် ငွေလိုအပ်၍ အလုပ် လုပ်နေကြရာ ဗလီအကြီးအကဲများက အလုပ် မလုပ်ရန် တားဆီးကြောင်း၊ သို့သော် အလုပ်သမားများက အလုပ် လုပ်ရန် အသွား လမ်း၌ လူအုပ်စုက တုတ်၊ ဓားများ ကိုင်ဆောင်၍ ရန်မူကြကြောင်း ဧရာဝတီ ကို ပြောသည်။

ကိုလာလုက “အာဏာပိုင်တွေရောက်လာပြီး ခင်ဗျားတို့ ဘယ်လို ဖြစ်စေချင်တာလဲ လုပ်ပေးမယ်၊ ကိုယ့်အိမ်ပြန် ကြပါ ပြောတော့မပြန်ဘူး သတ္တိရှိလို့လာခဲ့တာ ပစ်ရင် ပစ်ဆိုပြီးတော့ပြောတယ်၊ အဲဒီအချိန်မှာပဲ ကျနော့်အဖွဲ့ထဲက ၀ါးသယ်လာတဲ့ သူတယောက်ကို ဓားနဲ့လိုက်ခုတ်တော့ စစ်တပ်နဲ့ရဲတွေက ကာကွယ်ပေးတယ်၊ အဲဒါကို ဘာလို့ ကာကွယ်ရလဲ ဆိုပြီး စစ် သားတွေ၊ ရဲတွေကို ခဲတွေနဲ့ ပစ်ပေါက်ကြတယ်”ဟု ဆိုသည်။

ပေါက်တောမြို့နယ်တွင် ဒုက္ခသည် စခန်း ၃ ခုရှိပြီး တဲအိမ်တန်းလျားများကို ကုလသမဂ္ဂ ဒုက္ခသည်များဆိုင်ရာ မဟာမင်းကြီး ရုံး (UNHCR) က လှူဒါန်းခြင်း ဖြစ်ပြီး ကစ္ဆပမဟာ ဆောက်လုပ်ရေး ကုမ္ပဏီက တာဝန်ယူ တည်ဆောက်နေခြင်းဖြစ်ကာ အများစုမှာ ပြီးစီးလုနီးပါး ဖြစ်နေပြီ ဟုသိရသည်။

စခန်းများမှ ဒုက္ခသည်များအား အလုပ်အကိုင် ရရှိရေးအတွက် နေ့စား လုပ်ကိုင်ခွင့်ပေးရခြင်း ဖြစ်ကြောင်း၊ အများစုမှာ အလုပ် လုပ်လိုကြသော်လည်း သဘောထားတင်းမာသည့် ဘင်္ဂါလီခေါင်းဆောင် တချို့က အလုပ်မလုပ်ကြရန် နောက်ကွယ် က ညွှန်ကြားမှုများရှိနေကြောင်း၊ အခင်းဖြစ်ပွားမှုများတွင် အမျိုးသမီးများနှင့်ကလေးငယ်များကို ရှေ့ဆုံးက ပါဝင်စေကြောင်း ပြည်နယ်အစိုးရ အာဏာပိုင်များက ပြောဆိုသည်။

ရခိုင်ပြည်နယ်အတွင်းရှိ ဒုက္ခသည်များအတွက် အိမ်တန်းလျား ၉၈၉ လုံး၊ လုံးချင်းအိမ် ၁၂၄၂ လုံးတည်ဆောက်လျက်ရာ တန်းလျား ၅၅ လုံးနှင့်လုံးချင်းအိမ် ၂၃ လုံးသာ ကျန်တော့ကြောင်း၊ စာသင်ကျောင်း ၃၄ ကျောင်း ဆောက်လုပ်ရာတွင် ၈ လုံး ကျန်နေသေးသည့်အတွက် အမြန်ပြီးစီးအောင် တွန်းအားပေးရမည် ဟု ရခိုင်ပြည်နယ် တည်ငြိမ်အေးချမ်းရေးနှင့်ဖွံ့ဖြိုး တိုး တက်မှု အကောင်အထည်ဖော်ရေး ဗဟိုကော်မတီ ဥက္ကဋ္ဌ ဒု သမ္မတ ဒေါက်တာ စိုင်းမောက်ခမ်း က ရခိုင်အရေး လုပ်ငန်း ညှိနိုင်းအစည်းအဝေးတွင် ပြောဆိုကြောင်း ယနေ့ထုတ် အစိုးရ သတင်းစာများ က ရေသားထားသည်။

UNHCR က တည်ဆောက်ပေးမည့် တန်းလျားအိမ် ၅၆၄ လုံးတွင် ၂၁၆ လုံးကျန်နေသေးသည့်အတွက် ညှိနှိုင်းတွန်းအား ပေးရန် လိုအပ်ကြောင်းလည်း ဒေါက်တာ စိုင်းမောက်ခမ်း က ဆိုသည်။

ဒုက္ခသည်များအား မိမိတို့ခြေထောက်ပေါ် ပြန်လည်ရပ်တည်နိုင်အောင်ဆောင်ရွက်ပေးရေးနှင့်ကျန်းမာရေး စောင့်ရှောက်မှု အတွက် ဆေးခန်းများမပြီးစီးမီ Mobile Team နှင့် စောင့်ရှောက်မှု ပေးသွားမည်ဟုလည်း ဒု သမ္မတ က ပြောသည်။

မြောက်ဦးမြို့နယ် ပရိန်ရွာ ဘင်္ဂါလီ(မွတ်စလင်)ဒုက္ခသည်စခန်းတွင်လည်း အာဏာပိုင်များ တည်ဆောက်ပေးမည့် နေအိမ် တန်းလျားများ၌ နေထိုင်ရန် ငြင်းဆန်သည့်အပြင် အုပ်စုဖွဲ့ တိုက်ခိုက်ရန်မူသည့်အတွက် လုံခြုံရေး တာဝန်ယူထားသည့် တပ် ဖွဲ့ဝင်များက ခြောက်လှန့် ပစ်ခတ်မှုဖြစ်ပွားခဲ့ရာ အမျိုးသမီး ၃ ဦး ယခုလဆန်းပိုင်းတွင် သေဆုံးခဲ့သည်။

၂၀၁၂ ခုနှစ်အတွင်းဖြစ်ပွားခဲ့ကြသည့် ပဋိပက္ခများကြောင့် စစ်တွေ၊ ကျောက်ဖြူ၊ ဘူးသီးတောင်၊ မောင်တော စသည့်မြို့များ အပါအ၀င် ရခိုင်ပြည်နယ် တခုလုံးတွင် ဒုက္ခသည် စခန်းစုစုပေါင်း ၂၀ ၀န်းကျင်ရှိပြီး ဒုက္ခသည် ဦးရေ စုစုပေါင်း တသိန်း လေးသောင်း ၀န်းကျင်ရှိသည်။

အပြည့်အစုံသို့ »

 စိုးရိမ်ပူပန်မှုတွေဟာ မလေးရှား၊ အင်ဒိုနီးရှား စတဲ့ ဒေသတွင်း နိုင်ငံတွေမှာလည်း ရှိနေသလို၊ တချိန်တည်းမှာ မြန်မာပြည် အတွင်းမှာလည်း အခုထက်တိုင်အောင် အခြေအနေဟာ မအေးချမ်းနိုင်သေးဘဲ ဖြစ်နေပါတယ်။ ဒီအခြေအနေတွေကို (၄၆) ကြိမ်မြောက် ဘရူနိုင်းမှာ ကျင်းပနေတဲ့ အာဆီယံနိုင်ငံခြားရေးဝန်ကြီးတွေရဲ့ အစည်းအဝေးမှာလည်း ဆွေးနွေးခဲ့ကြတာရှိပါတယ်။ ဘာတွေ ဘယ်လို ဆွေးနွေးခဲ့ကြသလဲဆိုတာကို မခွာညိုက တင်ပြထားပါတယ်။

တနင်္ဂနွေနေ့ကကျင်းပခဲ့တဲ့ ဘရူနိုင်းအစည်းအဝေးအတွင်း မလေးရှားနိုင်ငံက မြန်မာနိုင်ငံကို မူဆလင်တွေအပေါ် အခုထက်ပိုပြီး ထိထိရောက်ရောက် အကာအကွယ်ပေးရေးနဲ့ ပြစ်မှု ကျူးလွန်သူတွေကိုလည်း ထိုက်သင့်သလို ပြစ်ဒဏ်ကျခံစေရေး စတာတွေတို တိုက်တွန်း လိုက်ပါတယ်။ အခု နောက်ဆုံး အရှေ့တောင်အာရှ ဒေသတွင်းမှာ ဖြစ်ခဲ့တဲ့ အကြမ်းဖက် ဖြစ်ရပ်တွေဟာ မြန်မာပြည်တွင်းက အခြေအနေတွေနဲ့ ပတ်သက် ဆက်စပ်နေတယ်လို့လည်း ထုတ်ဖော် ပြောကြားခဲ့ပါတယ်။

ထောင်နဲ့ချီတဲ့ ရိုဟင်ဂျာတွေ မူဆလင်တွေဟာ အကြမ်းဖက်ခံရ မှုတွေကြောင့် မြန်မာပြည်ကနေ ထွက်ပြေးခဲ့ကြပါတယ်။ အများစုက မူဆလင်အများစုနေထိုင်ရာ မလေးရှားနိုင်ငံဘက်ကို လှေစီးပြီး ထွက်ပြေးခဲ့ကြပါတယ်။ မူဆလင်ဆန့်ကျင်ရေး လှုပ်ရှားမှုတွေ ဟာ မြန်မာပြည်အနောက်ပိုင်းက ရခိုင်ပြည်နယ်မှာ ပြီးခဲ့တဲ့နှစ်က ပျံ့နှံ့ခဲ့ပြီး အဲဒီကတဆင့် မြန်မာပြည်အလယ်ပိုင်းနဲ့ မြို့တော်ဟောင်း ရန်ကုန်အထိ ပျံ့နှံ့ခဲ့ပါတယ်။ ဒီလိုအကြမ်းဖက်မှုတွေနဲ့ပတ်သက်လို့ မလေးရှားနိုင်ငံခြားရေးဝန်ကြီး Anifah Aman က ခုလိုပြောပါတယ်။

 “အခု ကျနော်တို့ စိတ်ပူမိတာကတော့ ဒါဟာ ရခိုင်ပြည်နယ် တခုတည်းရဲ့ ပြဿနာ မဟုတ်တော့ဘဲနဲ့ မြန်မာပြည်ရဲ့ နေရာ အတော်များများမှာ ပျံ့နှံ့လာနေတဲ့ကိစ္စ ဖြစ်လာနေရုံတင်မက၊ မလေးရှားနဲ့ အင်ဒိုနီးရှားအထိ ရောက်လာတာပါ။ ဒီတော့ ကျနော်တို့အနေနဲ့ ဒီကိစ္စ အရှိန်တက် မလာခင်၊ ပြဿနာ ကြီးထွားမလာခင်မှာ ရပ်တန့်အောင် လုပ်ဖို့ အာရုံစိုက်ကြဖို့ လိုပါတယ်။ မြန်မာတနိုင်ငံတည်းမှာ မဟုတ်ပါဘူး၊ တခြား ရိုဟင်ဂျာတွေ ရှိတဲ့ ဘယ်နေရာမှာ မဆိုမှာ လုပ်ကြရမှာပါ။”

ကမ္ဘာပေါ်မှာ မူဆလင်အများစုရှိရာ အင်ဒိုနီးရှားနိုင်ငံမှာ ပြီးခဲ့တဲ့ လထဲကပဲ မြန်မာသံရုံးကို အကြမ်းဖက် ဗုံးခွဲတိုက်ခိုက်ဖို့ ကြံစည်မှုတစ်ခု ဖြစ်ပွားခဲ့သေးတာပါ။ ဒီလို ကြံစည်ခဲ့တာကို အချိန်မီ ကြိုတင် တားဆီးနိုင်ခဲ့ပါတယ်။ သံရုံးကို တိုက်ခိုက်ဖို့ ဦးဆောင်သူအဖြစ် သံသယရှိသူလို့ ယူဆရယူက သူတို့က မြန်မာပြည်တွင်းမှာ မူဆလင်တွေကို တိုက်ခိုက်တာတွေအပေါ် လက်တုံ့ပြန်ဖို့အတွက် အခုလို စီစဉ်တာဖြစ်တဲ့အကြောင်း အာဏာပိုင်တွေကို ပြောခဲ့ပါတယ်။

အဲဒီလိုမျိုး မလေးရှားနဲ့ အင်ဒိုနီးရှားနိုင်ငံတွေမှာ နေထိုင်ကြတဲ့ မြန်မာ ဗုဒ္ဓဘာသာဝင်တွေနဲ့ ရိုဟင်ဂျာတွေကြားမှာ မကြာသေးခင် သီတင်းပတ်တွေ အတွင်း အကြမ်းဖက် တိုက်ခိုက်မှုတွေ ဖြစ်ပွားခဲ့ပြီး အဲဒီကနေ တဆင့် ဒေသတွင်းအထိ အကြမ်းဖက်မှုတွေ ပျံ့နှံ့လာမှာမျိုး စိုးရိမ် ပူပန်မှုတွေလည်း ရှိနေကြတာပါ။

မလေးရှားနိုင်ငံမှာ ရိုဟင်ဂျာ ၃ သောင်းလောက် ဒုက္ခသည်အဖြစ်နဲ့ မှတ်ပုံတင်ထားကြောင်း၊ ဒါပေမဲ့ ဒီနှစ်အတွင်း ဖြစ်ပေါ်လာတဲ့ အကြမ်းဖက်မှု တွေကြောင့် မြန်မာပြည်ထဲက ရွှေ့ပြောင်း မူဆလင်တွေရဲ့ အရေအတွက်ဟာ အခု မှတ်ပုံတင် ပမာဏထက် အဆမတန်များကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက UNHCR က ပြောပါတယ်။

နှစ်ပေါင်း ၅၀ လောက်အတွင်း၊ စစ်အုပ်ချုပ်ရေးကနေ ဒီမိုကရေစီစနစ် ဆီကို ပြန်လှည့်စ ကာလအတွင်း ၂၀၁၁ ခုနှစ်ကလမှာ ဖြစ်ပေါ်လာတဲ့ မူဆလင်ဆန့်ကျင်ရေး လှုပ်ရှားမှုတွေကို ရပ်တန့်သွားအောင်လုပ်ဖို့၊ ဒါမှမဟုတ် တရားသဖြင့် စီရင်ဆုံးဖြတ်ပေးဖို့အတွက်တော့ မြန်မာအစိုးရက မဖြစ်စလောက် အရေးယူပြတာကိုပဲ တွေ့ခဲ့ရတယ်လို့  လေ့လာသူတွေက ပြောကြပါတယ်။

အခုလို အာဆီယံ နိုင်ငံတွေက ဘရူနိုင်းမှာ အစည်းအဝေးကျင်းပပြီး ဒေသတွင်း အတွက်ပါ မြန်မာပြည်နဲ့ ဆက်စပ်ပြီး ဘာသာရေးနဲ့ မူဆလင်ရေးဆိုင်ရာ အကြမ်းဖက်မှုတွေ ပျံ့နှံ့လာမှာကို စိုးရိမ်လို့ ကာကွယ်ဟန့်တားမှုတွေ ပူးပေါင်း ဆောင်ရွက်ကြဖို့ တိုက်တွန်းကြ၊ တိုင်ပင်ညှိနှိုင်းကြ လုပ်နေကြတဲ့ တချိန်တည်းမှာပဲ သံတွဲမြို့မှာ အမျိုးသမီးတစ်ဦး ထပ်မံ အဓမ္မပြုကျင့်ခံရတယ် ဆိုတဲ့ စွပ်စွဲချက်နဲ့ ရုန်းရင်းဆန်ခတ်မှု ဖြစ်ပွားခဲ့ပြန်တဲ့အကြောင်း ပြန်ကြားရေး ဌာန ဒု ဝန်ကြီး ဦးရဲထွဋ်ရဲ့ ဖေ့စ်ဘုတ် အင်တာနက် လူမှုကွန်ယက် စာမျက်နှာမှာ ဖော်ပြထားပါတယ်။

ဒီသတင်းကြောင့် မြို့သစ်ရပ်ကွက်မှာ အိမ်နှစ်လုံး မီးလောင်ကျွမ်း ခဲ့ရပြီး ဒေသအာဏာပိုင်တွေက ညမထွက်ဖို့ လှည့်လည်ကြေညာနေသလို၊ မြို့အဝင်အထွက်လမ်းတွေကိုလည်း ပိတ်ထားလိုက်တယ်လို့ သိရကြောင်းနဲ့ ပြစ်မှုကျူးလွန်သူတွေကို ဒေသခံ ရဲတပ်ဖွဲ့က ဥပဒေနဲ့အညီ ဖော်ထုတ်အရေးယူဖို့ ဆောင်ရွက်နေတယ်လို့လည်း ဆက်လက် ဖော်ပြထားပါတယ်။

ဗွီအိုအေ (မြန်မာဌာန)

အပြည့်အစုံသို့ »

သံတွဲမှာ အမျိုးသမီးတစ်ဦး ကို စော်ကား တယ်ဆိုတဲ့ ကိစ္စနဲ့ ပတ်သက်ပြီး ရုန်းရင်းဆန်ခတ်မှုများဖြစ်ပွားခဲ့ပါတယ။်

မြန်မာနိုင်ငံရဲတပ်ဖွဲ့နဲ့ ခရိုင်ပြန်ဆက် မှ ကနဦး စုံစမ်းသိရှိရတဲ့သတင်းများအရ ဇွန် ၂၉ ရက်နေ့ မှာ တောင်ကုတ်ကနေ သံတွဲ ကို အဝေးပြေးကားနဲ့ ရောက်လာတဲ့ အမျိုးသမီးတစ်ဦးဟာ ဆိုင်ကယ်ကယ်ရီနဲ့ လိုက်သွားပါတယ်။

ဇွန် ၃၀ ရက်နေ့ နေ့လည်မှာ အဲဒီအမျိုးသမီးတစ်ယောက်တည်းငိုနေတာတွေ့တဲ့သူများက ညနေ ၄ နာရီမှာ ရဲစခန်းကိုလာပို့ပါတယ်။ အဲဒီအမျိုးသမီးက သူ့ကို ဆိုင်ကယ်ကယ်ရီသမားနဲ့ အခြားသူ တစ်ဦးက စော်ကားတယ်လို့ တိုင်ကြားခဲ့ပါတယ်။

ဒါပေမယ့် ဒီအမျိုးသမီးကို အခြားဘာသာဝင်တစ်ဦးက စော်ကားတယ်ဆိုတဲ့ သတင်းစကားများ ပြန့်နှံ့ သွားတဲ့အတွက် ညနေငါးနာရီခန့်မှာ လူငါးဆယ်ခန့် ရဲစခန်းကို လာရောက် စုဝေးခဲ့ပါတယ်။ ရဲတပ်ဖွဲ့က ပြစ်မှုကျူးလွန်သူများကို စုံစမ်းဖော်ထုတ်ဆဲဖြစ်ကြောင်း ရှင်းပြပြီး လူစုခွဲခိုင်းခဲ့ပါတယ်။

ဒါပေမယ့် ည ၇ နာရီကျော်မှာ မြို့သစ်ရပ်ကွက်မှာ အိမ်နှစ်လုံးမီးရှို့မှုဖြစ်ပွားခဲ့ကြောင်း၊ မီးငြိမ်းသတ် နိုင်ခဲ့ကြောင်း သိရပါတယ်။

အခုအချိန်မှ ဒေသအာဏာပိုင်များက ညမထွက်ဖို့ လှည့်လည်ကြေညာနေပြီး မြို့ ၀င်ထွက်လမ်းများကိုလည်း ပိတ်ထားကြောင်းသိရပါတယ်။

ပြစ်မှုကျူးလွန်သူများကို မြန်မာနိုင်ငံရဲတပ်ဖွဲ့က ဥပဒေနဲ့ အညီဖော်ထုတ်အရေးယူနိုင်ဖို့ ဆောင်ရွက် နေပါတယ်။

ဦးရဲထွဋ် (ပြန်ကြားရေး ဒုဝန်ကြီး) facebook

အပြည့်အစုံသို့ »