ဒုတိ ယကမ္ဘာစစ်အပြီး မြန်မာနိုင်ငံသို့ ပထမဆုံး အကြိမ် ဂျပန်စစ်သင်္ဘော များလာရောက်ခြင်းသည် အိမ် နီးချင်းနိုင်ငံများနှင့် ဆက်ဆံရေး ထိခိုက်စေမည်မဟုတ်ကြောင်း မြန်မာရေတပ်ဗိုလ်ချုပ်ပြော


ဒုတိ ယကမ္ဘာစစ်အပြီး မြန်မာနိုင်ငံသို့ ပထမဆုံး အကြိမ် ဂျပန်စစ်သင်္ဘော များလာရောက်ခြင်းသည် အိမ် နီးချင်းနိုင်ငံများနှင့် ဆက်ဆံရေး ထိခိုက်စေမည်မဟုတ်ကြောင်း စစ် ဦးစီးအရာရှိချုပ်(ရေ) ဗိုလ်ချုပ် တင်အောင်စန်း က ပြောသည်။ အောက်တိုဘာ၁ရက် ည က သီလဝါဆိပ်ကမ်း  MITT တွင် ရောက်ရှိနေသော ဂျပန်စစ်သင်္ဘော ပေါ်၌ပြုလုပ်သည့် ညစာစားပွဲ တွင် သတင်းထောက်များ၏မေး မြန်းမှုအား ယင်းကဲ့သို့ပြောကြား ခဲ့ခြင်းဖြစ်သည်။

''ဒီလိုပဲ မိတ်ဆွေနိုင်ငံ တွေ က စစ်ရေယာဉ်တွေ မကြာခဏ မြန်မာနိုင်ငံဆီကို လာရောက်လည် ပတ်ကြပါတယ်။ အခုလို ဂျပန် စစ်သင်္ဘောတွေ ချစ်ကြည်ရေး ခရီးလာရောက်လို့ အိမ်နီးချင်း နိုင်ငံတွေဖြစ်တဲ့ တရုတ်တို့ ထိုင်း တို့နဲ့ ဆက်ဆံရေးကို ပူပန် စရာ မရှိပါဘူး။ အိမ်နီးချင်းနိုင်ငံတွေနဲ့ အဆင်ပြေပါတယ်။ မကြာသေး မီကပဲ တရုတ်နိုင်ငံက သင်္ဘော လာခဲ့ပါသေးတယ်။ ဒီလိုပဲ အိန္ဒိယ၊ ထိုင်း၊ အင်ဒိုနီးရှား၊ မလေးရှား တို့လဲ လာခဲ့ပါသေးတယ်။ ဒီပလို မေစီရိုလ်းတစ်ခုအနေနဲ့ နိုင်ငံအား လုံးနဲ့ ချစ်ကြည်ရေးအတွက် ဒီ လိုပဲ အမြဲဆက်ဆံနေပါတယ်'' ဟု ဗိုလ်ချုပ်တင်အောင်စန်းက ပြောသည်။

''ဂျပန်စစ်သင်္ဘောတွေ လာ တဲ့အတွက် ကျွန်တော်တို့အရာ ရှိစစ်သည်တွေအတွက် အကျိုး ဖြစ်ထွန်းစေပါတယ်။ ဒါ့အပြင် ဂျပန်နဲ့ ဆက်ဆံရေးဟာလဲ အခု ထက် ပိုမိုတိုးတက်လာမှာလဲဖြစ် ပါတယ်''ဟု ယင်းက ဆက်လက် ပြောသည်။ ''ကျွန်တော် တို့ ဒီနှစ် မေလ ကတည်းက ဂျပန်က ထွက်လာ ခဲ့တာပါ။ အမေရိကန်၊ အီးယူ၊ အာဖရိကတွေကို ရောက်ပြီးပါပြီ။ အခုတော့ မြန်မာပြည်ကိုရောက် လာတာပါ။ ဒုတိယကမ္ဘာစစ်အပြီး မြန်မာနိုင်ငံကို ပထမဆုံးလာရောက် တဲ့ ဂျပန်စစ် သင်္ဘော ဖြစ် တဲ့ အတွက် လဲ သမိုင်းဝင်ခရီးစဉ်ဖြစ်လို့ ဂုဏ် ယူဝမ်းမြောက်မိပါတယ်။ ကျွန် တော်တို့ ချစ်ကြည်ရေးလာရောက် တာကိုလဲ မြန်မာလူမျိုးတွေသိ အောင်ပြောပေးပါ''ဟု ဂျပန်စစ် သင်္ဘောများကို ဦးဆောင်လာသူ ဗိုလ်ချုပ်  Kita Gawa  က ပြော သည်။

ဂျပန်နိုင်ငံMaritime Self Defence Force မှ လေ့ကျင့်ရေး စစ်သင်္ဘောသုံးစင်းသည် မြန်မာ နိုင်ငံသို့ ချစ်ကြည်ရေးခရီးစဉ်အ ဖြစ် ရန်ကုန်မြို့ သီလဝါဆိပ်ကမ်း သို့ စက်တင်ဘာ၃ဝရက်ကရောက် ရှိလာခဲ့သည်။ ယင်းသင်္ဘောများ ပေါ်တွင် ရေတပ်အရာရှိနှင့်စစ် သည် ၇၂ဝကျော်လိုက်ပါလာပြီး အောက်တိုဘာ၎ရက်အထိ မြန်မာ နိုင်ငံတွင် ငါးရက်ကြာနေထိုင်မည် ဖြစ်ကြောင်း သိရသည်။

D - မင်း
yangonmedia

အပြည့်အစုံသို့ »

ရဲအယောင်ဆောင်ကာ ခြိမ်းခြောက်ငွေ လိမ်လည်ယူဆောင်မှု ဖြစ်ပွား


လက်တွန်းလှည်းဖြင့် ပစ္စည်းဟောင်း ဝယ်ရောင်း လုပ်ကိုင်သူ လူငယ်တစ်ဦးကို ရဲအယောင်ဆောင်ကာ ငွေလိမ်လည် ယူဆောင်မှုတစ်ခု ဒဂုံမြို့နယ် ရွှေတိဂုံ ဘုရားလမ်းပေါ် ပန်တျာလမ်းထောင့်တွင် စက်တင်ဘာလ ၂၉ ရက် နံနက် ၁၁ နာရီခန့်က ဖြစ်ပွားခဲ့ကြောင်း ဒဂုံမြို့နယ် မြို့မရဲစခန်းမှ ရဲအရာရှိတစ်ဦးက The Voice သို့ ပြောကြားသည်။

စမ်းချောင်းမြို့နယ် ဝေဠုဝန် တောင်ရပ်ကွက်တွင် နေထိုင်သူ အသက် ၁၉ နှစ်အရွယ်ရှိ ပစ္စည်းဟောင်း ဝယ်ရောင်း လုပ်ကိုင်သူ ကိုမိုးထက်အောင်က “ရွှေတိဂုံ ဘုရားလမ်းအတိုင်း ၎င်း၏လက်တွန်း လှည်းကို တွန်းလာစဉ် ၎င်း၏နောက်မှ စက်ဘီးစီးလာသူ အသက် ၃၀ နှစ် အရွယ်ခန့်ရှိ နက်ပြာရောင် ဘောင်းဘီရှည်နှင့် တီရှပ်အင်္ကျီတွဲ၍ ဝတ်ဆင်ထားသည့် အမျိုးသားတစ်ဦး လိုက်လာကြောင်း၊ ထိုအမျိုးသားက ရဲဝန်ထမ်းယောင် ဆောင်၍ တွန်းလှည်းကို ရပ်တန့်ခိုင်းပြီး “မင်းတွန်းလှည်းမှာ လိုင်စင်ရှိလား။ မင်းကို လက်ထိတ်ခတ်လို့ ရတယ်” ဟု ခြိမ်းခြောက် ပြောဆိုခဲ့ပြီး ငွေလိမ်လည် ရယူခဲ့ခြင်း ဖြစ်ကြောင်း ကိုမိုးထက်အောင်၏ တိုင်ကြားချက်အရ သိရှိရသည်။

ယင်းရဲတပ်ဖွဲ့ဝင်ဟုဆိုသူက စက်ဘီးခြင်းအတွင်းရှိ ပလတ်စတစ်အိတ်ဖြင့် ထည့်ထားသည့် ရဲတံဆိပ်ပါ ယူနီဖောင်းအင်္ကျီကို ထုတ်ပြခဲ့ပြီးနောက် ၆၉၀၀၀ ကျပ်ပါသည့် ပိုက်ဆံအိတ်ကို ယူဆောင်ကာ ရဲစခန်းသို့ လိုက်လာခဲ့ရန် ပြောဆိုခဲ့ပြီး စက်ဘီးဖြင့် ရွှေတိဂုံ ဘုရားလမ်းအတိုင်း ထွက်ခွာခဲ့ကြောင်း၊ ငွေတောင်းခံရသူက ရဲတပ်ဖွဲ့ဝင်ဟု ဆိုသူကို ဒဂုံမြို့နယ်ရဲစခန်းသို့ သွားရောက် စုံစမ်းရာ ရဲအစစ်အမှန် မဟုတ်သည်ကို သိရှိရပြီးနောက် ဒဂုံရဲစခန်းတွင် အမှုဖွင့်လှစ်ခဲ့ခြင်း ဖြစ်ကြောင်း အဆိုပါ ရဲအရာရှိက ရှင်းပြသည်။

ရဲတပ်ဖွဲ့ဝင်ဟု ဆိုသူမှာ ဆံပင်တို၍ မျက်နှာသွယ်လျကာ အရပ်အမောင်း ငါးပေခုနစ်လက်မခန့် ရှိကြောင်း၊ အသားအရောင်လတ်ကာ ခန္ဓာကိုယ်သည် အသင့်အတင့် ရှိကြောင်း အမှုဖွင့် တိုင်ကြားသူ ကိုမိုးထက်အောင်၏ တိုင်ကြားချက်များအရ သိရှိရသည်။

“လမ်းပေါ်မှာ မသင်္ကာစရာ လူတွေ့ရင် ရဲတစ်ယောက်အနေနဲ့ မေးမြန်းစစ်ဆေးပိုင်ခွင့် ရှိပေမယ့် ရဲအစစ်အမှန် ဆိုရင်တော့ တရားခံကို တစ်ပါတည်း စခန်းခေါ်လာရမှာ” ဟု ၎င်းက ရှင်းလင်း ပြောကြားသည်။

ပြည်သူလူထုအနေနှင့် ရဲတပ်ဖွဲ့ဝင် အစစ်အမှန် ခွဲခြားနိုင်ရန် အသေးစိတ် မသိရှိနိုင်ကြောင်း၊ ရဲယူနီဖောင်း ဝတ်ဆင်ထားရုံနှင့် မပြည့်စုံဘဲ သတ်မှတ်ဝတ်စုံနှင့်တကွ ဖိနပ်၊ ဦးထုပ်၊ ညာဘက်ရင်အုံတွင် နာမည်ရင်ထိုးနှင့် ဘယ်ဘက်ရင်အုံတွင် လုပ်သက် ဖော်ပြထားသည့် တံဆိပ်များ အပြည့်အစုံပါရန် လိုအပ်ကြောင်း ဒဂုံမြို့နယ် မြို့မရဲစခန်း စခန်းမှူး ဒုတိယရဲမှူး သိန်းဝင်းက The Voice သို့ ပြောကြားသည်။

ရဲတပ်ဖွဲ့ ဝင်များတွင် တစ်ခါတစ်ရံ အရေးပေါ်ကြုံသည့်အခါ၌ သတ်မှတ်ထားသောပစ္စည်း အပြည့်အစုံ မပါရှိတတ်ကြောင်း၊ ရဲတပ်ဖွဲ့ဝင်အင်္ကျီတွင် ရန်ကုန်တိုင်းဒေသကြီး ရဲတပ်ဖွဲ့ လက်မောင်းတံဆိပ်၏ အလယ်တွင် ကြယ်ပွင့် အမှတ်အသား ပါရှိကြောင်း ၎င်းကရှင်းပြသည်။

The Voice Weekly

အပြည့်အစုံသို့ »

အောင်မြင်သော Entrepreneur တို့ ပိုင်ဆိုင်သည့် အရာ ၄ ခု





အောင်ခမ်း (TSJ Team)

အောင်မြင်သော စွန့်ဦးတီထွင်သူ (Entrepreneur) တို့ ယေဘုယျအားဖြင့် ပိုင်ဆိုင်ကြတဲ့ အရည် အချင်း လေးခုကို BusinessNewsDaily က ဖော်ပြထားပါတယ်။ ယင်း ဖော်ပြချက် များ မြန်မာပြည်မှာ Small Business လုပ်ဖို့ ကြိုးစားနေသူများအတွက်လည်း သင့်လျော် အသုံးဝင်တာမို့ ဆီလျော်သလို ဘာသာပြန် ရေသား မျှဝေ လိုက်ရ ပါတယ်။


Professional Experience

ပရော်ဖက်ရှင်နယ် ကျကျ တတ်မြောက်တဲ့ အရည်အချင်း ရှိဖို့လိုပါတယ်။ မိတ်ဆွေထဲမှာ ရှိပါတယ်။ သူ လုပ်နေတာက အိုင်တီ ပရိုဂမ်မာ ၊ နောက်ပိုင်းကျတော့ ကိုယ်ပိုင်စီးပွားရေး လုပ်ငန်းလုပ်ချင်လွန်းလို့ ပါ ဆိုပြီး နယ်စပ်ဘက်မှာ ကုန်သွင်းတဲ့ အလုပ် သွားလုပ်ပါတယ်။ သတင်းပြန်ကြားရတော့ အခုထိ ကြိုးစားရုန်းကန်နေရဆဲ ပါပဲ။ အကြောင်းကတော့ ပရော်ဖက်ရှင်ကျကျ တတ်မြောက်တဲ့ အလုပ်ပေါ်မှာပဲ အခြေခံလို့ Business တစ်ခုကို တည်ထောင်တာ မဟုတ်လို့ပါ။ သူကိုယ်တိုင် တတ်ထားတာက ပရိုဂရန်မာ ပညာရပ်မို့ အိုင်တီနဲ့ ဆက်စပ်တဲ့ အနီးစပ်ဆုံး အဖြစ်နိုင်ဆုံး လုပ်တစ်ခုကိုပဲ သူ Choice လုပ်လို့ စတင် သင့်တာပါ။ သို့တည်းမဟုတ် အဲ့ဒီ အိုင်တီ မလုပ်ချင်တောင် သူသွားချင်တဲ့ Platform တစ်ခုမှာ ပရော်ဖက်ရှင်နယ် သမား ဖြစ်အောင် အချိန်ပေးလုပ်ကို လုပ်ရအုံးမှာပါ။ ဒီတော့ Professional Experience ရှိထားကြရင် အောင်မြင် ပါတယ်။


A Business Plan

Business Plan ဆိုတာ စီးပွားရေး စလုပ်မှ ရေးရမယ်လို့ ဘယ်ဥပဒေ မှ ပြဌာန်း မထားပါဘူး။ တကယ်သာ အောင်မြင်ချင်တဲ့ သူတစ်ယောက်က အမြဲ တမ်း Plan အသစ်တွေ တစ်ခုပြီး တစ်ခု ရေးဆွဲပြီး ဦးနှောက် ကို သွေးပေးတယ်။ အိုင်ဒီယာ ထုတ်တယ်။ Plan ရှိထားတဲ့ ကုမ္မဏီက Plan မရှိတဲ့ ကုမ္မဏီထပ် အောင်မြင်မှုကို နှစ်ဆ တိတိ မြင်ရဖို ပိုနီးစပ်တယ်လို့ ဥပမာ ပေးထား ပါတယ်။


Positive Personality

Small Business စလုပ်တဲ့အခါ ငွေကြေးအရခက်ခဲမယ်။ စည်းမျဉ်းဥပဒေ အရ ခက်ခဲမယ်။ လူမှုရေးအရ ခက်ခဲမယ်။ လုပ်ငန်းသဘောရ ခက်ခဲမယ် အစရှိသဖြင့်ပေါ့။ အဲ့လိုမျိုး အခက်တွေကြုံတိုင်း လက်လျော့ဖို့ စိတ်ကူးမယ်။ အတားအဆီးတွေကြုံတိုင်း နောက်ဆုပ်ဖို့ချည် စဉ်းစားမြင်နေရင်တော့ မအောင်မြင်ပါဘူး။ Positive ကျတဲ့ အကောင်းမြင်နိုင်သော အတွေးအခေါ် အယူအဆ ရှိကြတာက အောင်မြင်သော Entrepreneur များရဲ့  အရည် အချင်း တစ်ခု ဖြစ်ပါတယ်။ ပြဿနာတိုင်းကို လှေကားထစ်လို့ သဘောထားပြီး နင်းတက်ဖို့ပဲ စိတ်ကူးကြပါတယ်။


A Mentor

Mentor လို့ခေါ်တဲ့ ကိုယ့်ကို ကြီးကြပ်ကွပ်ကဲမယ့် လူတစ်ယောက် လည်း အောင်မြင်တဲ့ Entrepreneur အများစုမှာ ရှိတတ်ကြပါတယ်။ Overall Process အတွက် Mentoring လုပ်တ မဟုတ်ပဲ တစ်စိတ်တစ်ပိုင်း ကိုပဲ ဖြစ်ဖြစ်၊ စိတ်ပိုင်းဆိုင်ရာ Motivate လုပ်ပေးတာပဲ ဖြစ်ဖြစ်၊ guide line ပေးတာပဲ ဖြစ်ဖြစ် တစ်စုံ တစ်ယောက် ရှိနေတာကလဲ အးသာချက် ပါ။ ဆွေမျိုးရင်းချာ အုပ်ထိန်းသူ မဟုတ်တောင် ဆရာ ဖြစ်ဖြစ် ရှိနေ ရင် Entrepreneur တစ်ယောက်အတွက် အားသာချက် ဖြစ်သွားပါတယ်။

ဒါကြောင့် အနှစ်ချုပ်လိုက်ရင် အောင်မြင်တဲ့ Entrepreneur များမှာ Professional Experience, A Business Plan, Positive Personality, A Mentor အစရှိတဲ့ အရာ လေးခုကို ပိုင်ဆိုင်ထားကြောင်း ရေးသား ဖော်ပြ ထားပါတယ်။

.
Ref: businessnewsdaily
TechSpace Journal


အပြည့်အစုံသို့ »

အရေးပေါ်လူနာတင်ယာဉ်ခေါ်ဆိုမှု နံပါတ်ပြောင်း


ရန်ကုန်-အရေးပေါ်လူနာတင်ယာဉ် ဆက်သွယ်ခေါ်ယူနိုင်ရန်ဂဏန်းလေးလုံးပါ အရေးပေါ်ဖုန်းလိုင်းသို့ စတင်ပြောင်းလဲလိုက်ပြီ ဖြစ်ကြောင်း အရေးပေါ်လူနာအသက်ကယ်တင်ကုသပို့ဆောင်ရေးဖောင်ဒေးရှင်းမှ သတင်းရရှိသည်။

ပြည်တွင်းတွင် အသုံးပြုခဲ့သည့် နံပါတ်များသည် မှတ်သားရခက်ခဲပြီး လိုင်းကျပ်မှုများကြောင့် လူနာတင်ယာဉ်ခေါ်ဆိုမှုတွင် အ ခက်အခဲများရှိခဲ့သဖြင့် မြန်မာနိုင်ငံဆရာဝန်အသင်း၏ တောင်းဆို ချက်အရ ခေါ်ရလွယ်ကူသည့် နံပါတ်အဖြစ်ပြောင်းလဲသွားမည်ဟု ပြည်သူ့လွှတ်တော် အစည်းအဝေးတွင် ဆက်သွယ်ရေးသတင်းအချက်အလက် နည်းပညာဝန် ကြီးဌာန ဒုတိယ၀န်ကြီးက ပြော ကြားခဲ့ခြင်းဖြစ်သည်။

အရေးပေါ်လူနာတင်ယာဉ်အတွက် Hotline တယ်လီဖုန်း နံပါတ် “၁၈၃၀” သို့ ခေါ်ဆိုနိုင်ပြီး ယခင်က နံပတ်ကိုးလုံးပါတယ် လီဖုန်းနံပါတ်ကို အသုံးပြုခဲ့ခြင်းဖြစ်ကြောင်း အောက်တိုဘာ ၂ ရက်က ပြုလုပ်သည့် ကမ္ဘောဇဘဏ်၏ လူနာတင်ယာဉ်နှင့် စက် ပစ္စည်းများ လှူဒါန်းပွဲအခမ်းအနား၌ပြောသည်။

“မှတ်ရလွယ်ကူတဲ့ နံပါတ်တော့မဟုတ်ပေမယ့် အရင်ထက် စာရင်ဒီနံပါတ်က တော်တော်အဆင်ပြေသွားတယ်။ အရင်က ဖုန်း နံပါတ်က မှတ်ရခက်တဲ့အတွက် လူလည်းသိပ်မသိခဲ့ဘူး”ဟု မြန်မာနိုင်ငံဆရာဝန်အသင်း ဥက္ကဋ္ဌဒေါက်တာကျော်မြင့်နိုင်ကပြောသည်။

မြန်မာနိုင်ငံဆရာဝန်အသင်းမှ ဦးဆောင်၍ ဧရာဝတီဖောင်ဒေးရှင်း၏ အလှူဖြင့် မြန်မာနိုင်ငံတွင် ပထမဆုံးသော အရေးပေါ် အသက်ကယ်နိုင်မည့် စက်ပစ္စည်းများ၊ ကျွမ်းကျင်ဆရာဝန်နှင့် ဆေးဘက်ဆိုင်ရာ ၀န်ထမ်းများပါဝင်သည့် အရေးပေါ် လူနာအသက်ကယ်တင်ကုသပို့ဆောင်ရေး ဖောင်ဒေးရှင်းကို ပြီးခဲ့သည့်နှစ်ကစတင်တည်ထောင်ခဲ့သည်။

ဝန်ဆောင်မှုစတင်ခဲ့သည့် အချိန်အတွင်းယာဉ်မတော်တဆမှုဖြင့် လူနာ ၇၀ ကျော် အပါအ၀င်အရေးပေါ်ကျန်းမာရေးပြဿနာများဖြင့် လူနာ ၄၀၀ ကျော်ကို ဆေးရုံသို့ အချိန်မီပို့ဆောင်ခဲ့ပြီးဖြစ်ကြောင်း ထိုဖောင်ဒေးရှင်းမှသိရသည်။

အရေးပေါ်အသက်ကယ်နိုင်မည့် စက်ပစ္စည်းကိရိယာများနှင့် ၀န်ထမ်းများပါရှိသည့် လူနာတင်ယာဉ်ငါးစီးဖြင့် ရန်ကုန်စည် ပင်သာယာ နယ်နိမိတ်များတွင် စတင်ဆောင်ရွက်နေပြီး အခြားပြည်နယ်နှင့် တိုင်းဒေသကြီးများသို့ တိုးချဲ့ဆောင်ရွက်မည်ဖြစ် ကြောင်း သိရသည်။

“အခုက တကယ်လိုအပ် ချက်နဲ့ ယှဉ်ရင် သိပ်မလုပ်နိုင်သေးပါဘူး။ နေရာက မြို့နယ်ဖြစ် နေတဲ့အခါဝေးတဲ့ မြို့နယ်တွေက လှမ်းခေါ်ရခက်တော့ သိပ်မတွင်ကျယ်သေးဘူး။ နောက်ပိုင်းတော့ သက်ဆိုင်ရာ မြို့နယ်တွေအလိုက် အနီးဆုံးရောက်နိုင်အောင် ထပ် တိုးချဲ့ဖို့ရှိတယ်”ဟု ဖောင်ဒေးရှင်းဥက္ကဋ္ဌကပြောသည်။

ကျန်းမာရေးဝန်ကြီးဌာနကလည်း ဆီးဂိမ်းမတိုင်မီ တစ်နိုင်ငံလုံးအတိုင်းအတာဖြင့် အရေးပေါ်အသက်ကယ်နိုင်သည့် လူနာ တင်ယာဉ် ၀န်ဆောင်မှုစတင်နိုင် ရန် စီစဉ်နေကြောင်း သိရသည်။
7Day News Journal

အပြည့်အစုံသို့ »

နိုင်ငံခြားသားခံယူခြင်းနှင့် မျိုးချစ်စိတ်ပြဿနာ


ယူချင်လွန်းလို့ ယူလိုက်တာမှ မဟုတ်ဘဲဗျာ။ အခြေအနေအရ ရွေးစရာမရှိလို့ လက်ခံလိုက်ရတာ ဆိုတော့ ကျွန်တော်တော့ အခမ်းအနား မတက်ခဲ့ဘူး” လို့ ကျွန်တော့်လို နိုင်ငံသား ခံယူထားပြီး မနှစ်ကတည်းက နိုင်ငံသား ဖြစ်သွားတဲ့ သူငယ်ချင်းတစ်ဦးက ပြောပါတယ်။ ဒီအခမ်းအနားဟာ မဖြစ်မနေ တက်ရမယ့် ပွဲမဟုတ်တဲ့အတွက် အခမ်းအနား မတက်လည်း ကိုယ့်ရဲ့နိုင်ငံသား ခံယူထားမှုက ဘာမှထိခိုက်စရာ မရှိဘူးလို့ သူကရှင်းပြပါတယ်။

ကျွန်တော်ကတော့ ဒါတွေကို သိပ်မသိ။ နော်ဝေနိုင်သား ခံယူနိုင်ဖို့ နော်ဝေစာနဲ့ စကားကို သတ်မှတ်နာရီ ပြည့်အောင် သင်ထားတယ် ဆိုပေမယ့် ကောင်းကောင်း ဖတ်တတ်၊ ပြောတတ်တာ မဟုတ်သေးပါ။ “အခမ်းအနားတက်ရင် ကိုယ်ကပါ အလိုတူအလိုပါ တရားဝင် အသိအမှတ်ပြုသလို ဖြစ်သွားမလားဆိုပြီး စိတ်ထဲမှာ စွဲနေလို့ မတက်တာဗျို့” လို့ သူကဆိုပါတယ်။ တက်သင့်မသင့် ဇဝေဇဝါ ဖြစ်နေတဲ့ ကျွန်တော်ဟာ သူရဲ့အိုင်ဒီယာကို ကြားရပြီးတဲ့နောက် အဲဒီအခမ်းအနားဆီ မတက်ဖြစ်လိုက်တော့ပါဘူး။

တစ်ဆက်တည်းမှာပဲ ‘အခြေအနေအရ ရွေးစရာမရှိလို့ လက်ခံလိုက်ရတာ’ ဆိုတဲ့ စကားလုံးကို အသေအချာ ပြန်စဉ်းစားနေမိပါတယ်။ ဟုတ်ပါတယ်။ လွန်ခဲ့တဲ့ ၂၅ နှစ်၊ အခုလို စက်တင်ဘာလအတွင်း စစ်တပ်အာဏာ သိမ်းချိန်မှာ အဲဒီစစ်တပ်ကို လက်နက်ကိုင် တော်လှန်မှ ရမယ်ဆိုပြီး တောခိုခဲ့ကြတဲ့ ကျွန်တော်တို့ ကျောင်းသားတွေမှာ နော်ဝေနိုင်ငံဆီ သွားပြီး နော်ဝေနိုင်ငံသား အဖြစ် ခံယူဖို့ အစီအစဉ် ဘယ်ရှိပါ့မလဲ။ မူလအစီအစဉ်က စစ်အာဏာရှင် ပြုတ်ကျရေးအတွက် အသက်စွန့် တိုက်ပွဲဝင်ဖို့ သက်သက်မျှသာ ဖြစ်ပါတယ်။

ဒါပေမဲ့ တော်လှန်ရေးတစ်ရပ် အောင်ဖို့ဆိုတာ အသက်စွန့်တိုက်နေရုံနဲ့ ဘယ်လုံလောက်ပါ့မလဲ။ တခြား အချက်အလက်တွေ အများကြီး လိုဦးမှာပေါ့။ ဒီလိုနဲ့ လူကြီးသူမတွေ ပြောနေကျ စကားအတိုင်း ‘ကာလရွေ့လျားလာတာ နဲ့အမျှ’ ကျွန်တော်တို့ တောခိုကျောင်းသား ABSDF အဖွဲ့ဝင် တွေဟာလည်း တိုက်ပွဲမှာ ကျသူကျ၊ ငှက်ဖျားနဲ့ ဆုံးသူဆုံး၊ အိမ်ပြန်သူပြန်၊ နိုင်ငံခြား ထွက်သူထွက်၊ ဆက်တိုက်သူတိုက် စသဖြင့် လမ်းအသွယ်သွယ်နဲ့ ခရီးဆက်ရင်း အခုတော့ ကျွန်တော်အပါအဝင် တောခိုကျောင်းသားဟောင်း တချို့ဟာ နိုင်ငံခြားသား ခံယူရတဲ့ အခြေအနေအထိ ဆိုက်လာခဲ့တယ် ဆိုပါတော့။

၂၀၀၀ ပြည့်လွန်နှစ်တွေ နောက်ပိုင်း နော်ဝေနိုင်ငံဆီ ရောက်လာတဲ့ မြန်မာနိုင်ငံသားဦးရေ ၃၀၀၀ ကျော်လောက် ရှိမယ်လို့ ခန့်မှန်းရပြီး အများစုဟာ တောခိုကျောင်းသား ဟောင်းတွေ၊ နိုင်ငံရေး အကျဉ်းသားဟောင်းတွေ၊ စစ်ပြေး ဒုက္ခသည်တွေ ဖြစ်ကြပါတယ်။ နော်ဝေ ဥပဒေအရ သူ့နိုင်ငံဧရိယာ ထဲမှာ ခုနစ်နှစ်ကြာ ဆက်တိုက်နေထိုင်ပြီးသူတိုင်း နော်ဝေ ဘာသာစကားကို သတ်မှတ်ထားတဲ့ နာရီပြည့်အောင် သင်ထားပြီးသူတိုင်း နိုင်ငံသားအဖြစ် လျှောက်ခွင့်ရှိ တဲ့အတွက် ခုနစ်နှစ် ပြည့်ပြီး သူတိုင်းနီးပါး နိုင်ငံသားအဖြစ် လျှောက်ထားကြတာကို တွေ့ရပါတယ်။

ဒါက နော်ဝေက အခြေအနေပါ။ ဆွီဒင်၊ ဒိန်းမတ်၊ နယ်သာလန်၊ အိုင်ယာလန်၊ အင်္ဂလန် အပါအဝင် တခြားဥရောပ နိုင်ငံတွေမှာလည်း ၁၉၈၈ နောက်ပိုင်း ထွက်လာသူတွေ ထောင်နဲ့ချီ ရှိနေပါတယ်။ တစ်ခါ မြန်မာတွေ အများဆုံး ရောက်နေတဲ့ အမေရိက၊ ကနေဒါ၊ သြစတြေးလျနဲ့ နယူးဇီလန် တို့မှာဆိုရင် နိုင်ငံသားခံယူမှုက ဥရောပထက်တောင် ပိုလွယ်၊ ပိုမြန်တယ်လို့ ဆိုပါတယ်။ ၁၉၈၈ နောက်ပိုင်း ထိုင်း-မြန်မာ နယ်စပ် ဒုက္ခသည်စခန်းတွေ၊ တခြား နယ်စပ်စခန်း တွေကနေ ထွက်လာတဲ့ မြန်မာနိုင်ငံသားဦးရေ သုံးသောင်း ဝန်းကျင်လောက် ရှိမယ်လို့ ခန့်မှန်းရပေမယ့် အသေအချာစာရင်း ပြုစုထားတာမျိုးတော့ မတွေ့ရသေးပါ။

ဒီလူတွေထဲက ဘယ်လောက်များများ သက်ဆိုင်ရာ နိုင်ငံတွေရဲ့ နိုင်ငံသားအဖြစ် သို့မဟုတ် မြန်မာနိုင်ငံက လူတွေအပြောတိုင်း ဆိုရင် ‘နိုင်ငံခြားသား’ အဖြစ် ခံယူထားသလဲဆိုတာ မသိနိုင်ပါ။ ဒါပေမဲ့ အခုတစ်လော မြန်မာနိုင်ငံဆီ ပြန်လည်တဲ့လူတွေ များလာနေတဲ့အတွက်၊ တစ်နည်း အားဖြင့် ပြောမယ်ဆိုရင် နိုင်ငံခြားသား ခံယူပြီးမှ ဒီလိုပြန်လည်နိုင်တဲ့အတွက် နိုင်ငံခြားသားအဖြစ် ခံယူပြီးသူ ထောင်ဂဏန်းနဲ့ ချီပြီး ရှိနေလောက်ပြီ ဆိုတာကိုတော့ ခန့်မှန်းနိုင်ပါတယ်။

ကျွန်တော်ကိုယ်တိုင်လည်း ဧပြီလကုန်ပိုင်းမှာ နော်ဝေနိုင်ငံသား စာအုပ် ရတဲ့အတွက် မေလထဲမှာ မြန်မာနိုင်ငံဆီ သွားလည်ခွင့် Visa ရခဲ့ပြီး ဒါဟာ ၂၅ နှစ်တာအတွင်း ပထမဆုံးသော ပြည်တော်ပြန် ခရီးစဉ် ဖြစ်ခဲ့ပါတယ်။ တခြားလူတွေထဲမှာလည်း ကျွန်တော့်လို မြန်မာနိုင်ငံ ပြန်ချင်လို့ နိုင်ငံခြားသား ခံယူလိုက်ရသူတွေ ရှိနိုင်သလို အခြားအကြောင်း အမျိုးမျိုးကြောင့် ခံယူလိုက်ရသူတွေ ရှိနိုင်ပါတယ်။

သေချာတာတော့ နိုင်ငံခြားသား ဖြစ်ချင်လွန်းလို့၊ သို့မဟုတ် မြန်မာနိုင်ငံသား မဖြစ်ချင်တော့လို့၊ မြန်မာနိုင်ငံကို မချစ်တော့လို့ နိုင်ငံခြားသားအဖြစ် ခံယူလိုက်သူကတော့ မရှိသလောက် နည်းမယ်လို့ ထင်ပါတယ်။ ဘာကြောင့် ဒီလိုရှည်လျားထွေပြား နိဒါန်းချီ နေရသလဲဆိုရင် အကြောင်း အမျိုးမျိုးကြောင့် နိုင်ငံခြားသားအဖြစ် ခံယူလိုက်ရသူတွေကို မျိုးချစ်စိတ်မရှိ သူတွေ၊ အမေကျော်ဒွေးဒေါ် လွမ်းသူတွေအဖြစ် ဝေဖန်သံတွေ ကြားလာနေရလို့ ဖြစ်ပါတယ်။

တချို့ဝေဖန်သူ တွေကတော့ နိုင်ငံခြားသားအဖြစ် မခံယူဘဲ PR (Permanent Resident- အမြဲတမ်း နေထိုင်ခွင့်) အဖြစ်ပဲ ယူထားပြီး မြန်မာနိုင်ငံ ပြန်လည်ရင်လည်း ဖြစ်ပါတယ်လို့ ဆိုပါတယ်။ ဒါပေမဲ့ ကျွန်တော် မေးမြန်း သိရှိသလောက်ကတော့ PR သမားတွေ မြန်မာနိုင်ငံ ပြန်လည်မယ်ဆိုရင် နိုင်ငံသားအဖြစ် ခံယူထားသူလို ပုံမှန်လမ်းကြောင်းအတိုင်း Social Visa နဲ့ မသွားနိုင်သေးဘဲ သံရုံးအရာရှိတွေ၊ မြန်မာနိုင်ငံက အစိုးရအရာရှိတွေရဲ့ ခွင့်ပြုချက် စောင့်ရသေးတယ်လို့ ဆိုပါတယ်။ တစ်ခါ နိုင်ငံခြား ခရီးသွားလက်မှတ် (Travel Document) ကိုင်ပြီး မြန်မာနိုင်ငံဆီ အဝင်အထွက် လုပ်နေသူ တွေဟာလည်း အလားတူ သက်ဆိုင်ရာ သံရုံးနဲ့ အစိုးရ အရာရှိတွေဆီက ခွင့်ပြုချက်ရပြီးမှ သီးခြားစာရွက်မှာ အထူး Visa စာရွက်ကပ်ပြီး သွားနေကြရတာ ဖြစ်ပါတယ်။

ဆိုလိုတာကတော့ သံရုံးတွေ၊ အစိုးရအရာရှိတွေ၊ အာဏာပိုင်တွေနဲ့ ဘာမှစကားပြောစရာ မလိုဘဲ သာမန်နိုင်ငံသား တစ်ဦးအနေနဲ့ ခရီးသွားချင်တယ်ဆိုရင် နိုင်ငံသားလက်မှတ် ရှိသူတွေက အကောင်းဆုံး အနေအထား ဖြစ်ပါတယ်။ ဒါက အခုမြန်မာနိုင်ငံဆီ ပြန်လည်ခွင့်ရပြီဆိုတဲ့ အနေအထားရောက်မှ နိုင်ငံခြားသား ခံယူသူတွေရဲ့အခြေအနေကို ပြောတာပါ။

ဒီမတိုင်ခင်ကတည်းက နော်ဝေမှာ ခုနစ်နှစ် ပြည့်ပြီးသူတွေ၊ တခြားနိုင်ငံ အသီးသီးမှာ သတ်မှတ်အချိန်နဲ့ သတ်မှတ် ဘာသာစကားရပြီးလို့ နိုင်ငံခြားသား ခံယူလိုက်သူတွေလည်း အများကြီး ရှိမှာပါ။ ဆိုလိုတာက နိုင်ငံခြားသား ခံယူတာဟာ မြန်မာနိုင်ငံ ပြန်လည်ခွင့်ရဖို့ တစ်ခုတည်း အတွက်တော့ မဟုတ်ပါဘူး။

ဒါဖြင့် ဘာကြောင့် နိုင်ငံခြားသားအဖြစ် ခံယူကြတာလဲ။ တစ်ဦးချင်းစီမှာ တစ်ခုချင်း အကြောင်းပြချက်တွေ ရှိနေနိုင်ပါတယ်။ ကဲ ... ဒါဆိုရင် နိုင်ငံခြားသား ခံယူပြီးသူတွေက မြန်မာနိုင်ငံဆီ ပြန်မလာ တော့ဘူးလား။ ဒါကလည်း တစ်ဦးချင်းစီမှာ တစ်ခုချင်း အကြောင်းပြချက်တွေ ရှိနေနိုင်တာပါပဲ။ ဒီလူတွေ မြန်မာနိုင်ငံဆီ ပြန်လာရင် PR (Permanent Resident - အမြဲတမ်း နေထိုင်ခွင့်) အဖြစ်နဲ့ နေကြမှာလား။ မြန်မာနိုင်ငံသား အဖြစ် ပြန်လျှောက်ရမှာလား။ နိုင်ငံရေး၊ စီးပွားရေး လုပ်ပိုင်ခွင့်တွေက ဘယ်လိုရှိမလဲ။ ဒါကတော့ တစ်ဦးချင်းနဲ့ မဆိုင်တော့ဘဲ သူတို့ကို ပြန်လက်ခံမယ့် အစိုးရတွေ၊ ပါလီမန်တွေနဲ့ ဆိုင်သွားပါပြီ။ ဒီအတွက် PR စနစ်နဲ့ ပြည်တော်ပြန်တွေကို ငါးနှစ်တာ နေထိုင်ခွင့်ပေးမယ့် ဥပဒေတစ်ရပ် ပါလီမန်မှာ အတည်ပြုဖို့ ပြင်နေတယ်လို့ ကြားရပါတယ်။

ဒီလိုပြန်လာတဲ့ လူဦးရေက ဘယ်လောက်အထိ ရှိမှာမို့လို့လဲ။ သူတို့အတွက် ဒီလောက်အထိ စဉ်းစားပေးစရာ လိုလို့လားဆိုပြီး မေးခွန်းထုတ် သူလည်းရှိရင် ရှိနိုင်ပါတယ်။ တစ်ခါ ဒီလူတွေက ပြန်လာမယ်ဆိုလည်း အပြီးပြန်လာတာ မဟုတ်ဘူး။ နိုင်ငံရေးအရ ထွက်သွားတယ်ပြောပြီး နိုင်ငံရေး အခြေအနေကောင်းတော့ ဘာကြောင့် အပြီးပြန်မလာရဲ သေးတာလဲ ဆိုပြီးလည်း မေးနိုင်ပါတယ်။ ပြီးတော့ ဒီလူတွေက နိုင်ငံခြားမှာ အနေကြာသွားလို့ ဆင်းရဲတဲ့ မြန်မာနိုင်ငံမှာ ဆင်းရဲတဲ့ ပြည်သူတွေနဲ့အတူ မနေနိုင်တော့ ဘူးလား။ ဒီလူတွေက မျိုးချစ်စိတ် မရှိတော့လို့ မြန်မာနိုင်ငံဆီ ပြန်မလာတော့ တာလားပေါ့။

‘ဘဝဟာ တစ်ခါတစ်ခါ စိတ်နာဖို့ ကောင်းပါတယ်’ ဆိုတာ ဒါမျိုးကို ခေါ်တယ်ထင်ပါရဲ့။ မျိုးချစ်စိတ် ရှိလွန်းလို့ တစ်မျိုးသားလုံး စစ်အာဏာရှင် စနစ်အောက်ကနေ လွတ်မြောက်အောင် စစ်အစိုးရကို လက်နက်ကိုင် တော်လှန်မှ ရမယ်ဆိုပြီး အသက်စွန့် တိုက်ပွဲဝင်ခဲ့တဲ့ ကျွန်တော်တို့ မျိုးဆက်ဟာ အခုတော့ မျိုးချစ်စိတ် မရှိလို့ နိုင်ငံခြားသား ခံယူသူတွေအဖြစ် စွပ်စွဲခံ နေရပါရော့လား။ ၂၅ နှစ်ဆိုတဲ့ ကာလဟာ လူတွေရဲ့စဉ်းစားပုံနဲ့ တွေးခေါ်ပုံတွေကိုပါ ပြောင်းလဲသွားစေနိုင်သလား။

အတိတ်မှာ အမှားတွေ ကျူးလွန်ခဲ့သူတွေက ယူနီဖောင်း လဲလိုက်ရုံနဲ့ အာဏာကို ဆက်ကိုင်ထားနိုင်တဲ့အခါ အဲဒီလူတွေကိုပဲ အောင်ပွဲရသူတွေအဖြစ်၊ ကယ်တင်ရှင်အဖြစ် သတ်မှတ်လိုက် ကြတော့မှာလား။ အဲဒီလို အမှားကျူးလွန် ခဲ့သူတွေကို ဖြုတ်ချဖို့ ကြိုးစားခဲ့သူတွေ၊ အမှန်တရားအတွက် တိုက်ပွဲဝင်ခဲ့သူတွေ၊ ဘဝတစ်ခုလုံး ပေးဆပ်ခဲ့ရ သူတွေကိုတော့ အောင်ပွဲရအောင် မဆောင်ရွက်နိုင်သူတွေ၊ မျိုးချစ်စိတ် မရှိလို့ ပြည်ပထွက်သွားသူတွေ အဖြစ် စွပ်စွဲကြတော့မလား။

အနှစ်ပြန်ချုပ်ရရင်တော့ နိုင်ငံခြားသား ခံယူမှုဆိုတာ အခြေအနေအရ၊ သက်ဆိုင်ရာ လူတစ်ဦးချင်းရဲ့ လိုအပ်ချက်အရ ဖြစ်သွားရတဲ့ အနေထားလို့ ဆိုချင်ပါတယ်။ ပြီးတော့ လက်ရှိအခြေအနေဟာ အသွင်ကူးပြောင်းရေး ကာလကို သွားနေပြီလို့ ဆိုပေမယ့် လက်ဆုပ်လက်ကိုင် ပြနိုင်တဲ့ နိုင်ငံရေး အာမခံချက် ဘာမှမရှိသေးပါ။ ပြန်လာသူတွေကို မဖမ်းပါဘူးလို့ အာမခံချက် ပေးထားတဲ့ ဥပဒေတွေ၊ လုပ်ထုံးလုပ်နည်းတွေ ဘာမှမတွေ့ရသေးပါ။ ငြိမ်းချမ်းရေး လုပ်နေတဲ့ ဝန်ကြီးနဲ့ပိုင်မှ၊ သမ္မတရုံးဝန်ကြီးနဲ့ သိမှ၊ လွှတ်တော်အမတ်နဲ့ ဆွေမျိုးတော်မှ၊ သံအမတ်နဲ့ခင်မှ အဆင်ပြေတယ်ဆိုတဲ့ အဆင့်ကကို မကျော်နိုင်သေးပါ။

ဒီလိုအခြေအနေမျိုးမှာ မြန်မာနိုင်ငံဆီ အပြီးပြန်လာရဲသူ ဘယ်ရှိပါ့ဦးမလဲ။ နိုင်ငံခြားသား ခံယူထားမှုကိုလည်း ဘယ်စွန့်လွှတ်ရဲဦးမလဲ။ လွှတ်တော်က ပြဋ္ဌာန်းပေးမယ်လို့ ပြောနေတဲ့ PR ဥပဒေ၊ အမြဲတမ်း နေထိုင်ခွင့် ဥပဒေ ထွက်လာပြီး ငါးနှစ်တာ နေထိုင်ခွင့်ရမယ် ဆိုရင်တော့ ပြည်ပရောက်နေသူ အတော်များများ ပြန်လာကြမယ်လို့ ထင်ပါတယ်။

အခုလောလောဆယ် အချိန်မှာတော့ အတွင်း-အပြင်၊ နိုင်ငံသား-နိုင်ငံခြားသား စသဖြင့် အချင်းချင်း အငြင်းပွားမှုကို အဆုံးသတ်ပြီး နိုင်ငံ ပြန်လည် တည်ဆောက်ရေးမှာ အားလုံးပါဝင် လက်တွဲ ဆောင်ရွက်နိုင်အောင် လမ်းဖွင့်ပေးသင့်တယ်လို့ ထင်ပါတယ်။ နိုင်ငံရေးအာဏာယူမယ့် လူတွေ အတွက် နိုင်ငံသားဖြစ်ခြင်း၊ မဖြစ်ခြင်း ဖြစ်ဆိုတဲ့ ဘောင်တွေနဲ့ စည်းခြားထားတာကို သဘာဝကျတယ်လို့ ဆိုနိုင်ပေမယ့် နိုင်ငံရေးအာဏာအတွက် မဟုတ်ဘဲ တိုင်းပြည် တည်ဆောက်ရေး အတွက် ဆောင်ရွက်ဖို့ ပြန်လာသူတွေ ကိုတော့ ဒီလိုစည်းဘောင် မခြားထားသင့်ဘူးလို့ ထင်မိပါတယ်။

တစ်ချိန်တည်းမှာပဲ နယ်စည်းခြားပြီး ဘာလူမျိုး၊ ဘာနိုင်ငံသားဆိုတဲ့ ခွဲခြား သတ်မှတ်ချက်တွေကို ကျော်လွန်နိုင်တဲ့ခေတ်၊ လူသားအားလုံးကို ကမ္ဘာသူ ကမ္ဘာသားအဖြစ် အားလုံးတန်းတူ ခံယူနိုင်တဲ့ ခေတ်မျိုး အမြန်ရောက်လာစေဖို့လည်း မျှော်လင့်နေမိပါတယ်။

thevoicemyanmar

အပြည့်အစုံသို့ »

လမ်းဘေးရောက် ခွေးလေခွေးလွင့်များ နှင့် စွန့်ပစ်ခွေးများကို ထိန်းသိမ်း စောင့်ရှောက်ပေးသွားမည့် ပုဂ္ဂလိက ခွေးစောင့်ရှောက်ရေး ဂေဟာတခု ဖွင့်လှစ်ရန် စီစဉ်နေကြောင်း သိရသည်။



ရန်ကုန်တိုင်း၊ ကျောက်တန်းမြို့၊ ရွှေပျောက်ကျေးရွာတွင် ယာယီခြံဖြင့် စောင့်ရှောက်ထားသည့် ခွေးကောင်ရေ ၁၀၀ ဝန်းကျင် အပါအဝင် နောက်ထပ် ရောက်ရှိလာနိုင်သည့် လမ်းဘေးလေလွင့်ခွေးများကိုပါ ဆက်လက် စောင့်ရှောက် သွားနိုင်ရေးအတွက် ခွေးစောင့်ရှောက်ရေး ဂေဟာ ဖွင့်လှစ်ရန် စီစဉ်နေခြင်း ဖြစ်ကြောင်း ခွေးချစ်သူတတ်သူ တဦးဖြစ်သည့် မမြတ်သက်မွန်က ပြောသည်။

မမြတ်သက်မွန်သည် ပြီးခဲ့သည့် သြဂုတ်လအတွင်းက မန္တလေးတိုင်း၊ ပလိပ်မြို့မှ ဦးထွန်းလင်းဆိုသူ တရုတ်နိုင်ငံသို့ ပို့ဆောင်မည့် ခွေးအကောင် ၆၀ ကို ပြန်လည် ဝယ်ယူကာ ရန်ကုန်သို့ သယ်ယူခဲ့ပြီးနောက် တခြား လမ်းဘေး ခွေးလေခွေးလွင့်များ အပါအဝင် မည်သည့်ခွေးကိုမဆို စောင့်ရှောက်ပေးရန် ကြိုးစားနေသည့် ခွေးချစ်တတ်သူ တဦးဖြစ်သည်။

“ယာယီခြံကလည်း အမြဲ အဆင်မပြေနိုင်တော့ ခွေးစောင့်ရှောက်ရေး စခန်းတခုဖွင့်ပြီး တနိုင်ငံလုံးမှာရှိတဲ့ ခွေးတွေအတွက် တနေရာတည်းနဲ့ အဆင်ပြေသွားအောင် လုပ်လိုက်တာ၊ စခန်းဖွင့်ပြီးရင်တော့ တနိုင်ငံလုံးက လာပို့သမျှ ခွေးတွေကို ခြံနဲ့ ဆန့်သလောက် အထိ အကုန်လက်ခံမှာ” ဟု မမြတ်သက်မွန်က ရှင်းပြသည်။

ယာယီ စောင့်ရှောက်ပေးထားရသည့် ခြံမှလည်း ပြောင်းရွှေ့ပေးရန် တောင်းဆိုလာသဖြင့် ရန်ကုန်မြို့နှင့် တဝိုက် လူနေရပ်ကွက်များနှင့် ဝေးပြီး ရေ၊ မီး အဆင်ပြေနိုင်သော နေရာကို ရှာနေပြီး ရန်ကုန်မြို့တော်စည်ပင် သာယာရေး ကော်မတီကိုလည်း ခွေးစောင့်ရှောက်ရေး ဂေဟာ ဖွင့်လှစ်ရာတွင် ခွင့်ပြုပေးနိုင်ရန် အဆင့်ဆင့် ညှိနှိုင်းသွားမည်ဟု သိရသည်။

“ကျမတို့ စောင့်ရှောက်ပေးနေတဲ့ ခွေးတွေက လမ်းဘေးခွေး မြန်မာခွေးတွေချည်းပဲ။ တချို့ဆို လက်တို၊ ခြေတို လေးတွေပါတယ်။ အရမ်းသနားဖို့ ကောင်းတယ်။ အခုက မိုးတွင်းဆိုတော့ ရောဂါလေးတွေဖြစ်ပြီး သေကုန်ကြတာတွေလည်း ရှိတယ်။ ခွေးပေါက်လေးတွေလည်း လာပစ်ကြတယ်” ဟု မမြတ်သက်မွန်က ပြောသည်။

ယင်းခွေးအကောင်ရေ ၁၀၀ ဝန်းကျင်ကို နေ့စဉ် ဆန် ၄ ပြည်နှင့် အသားစများ ရောနှော ချက်ပျြတ်ကာ ကျွေးမွေးပြီး ခွေးများကို ကြည့်ရှု စောင့်ရှောက်ပေးမည့် မိသားစုတစုလည်း ငှားရမ်းထားကြောင်း၊ ကျန်းမာရေး အတွက်လည်း ဆရာဝန်တဦးက အခမဲ့ ပုံမှန်စစ်ဆေးမှု ပြုလုပ်ပေးသည်ကြောင်း၊ အချို့ ခွေးချစ်သူများကလည်း ခွေးခြံသို့လာပြီး ခွေးများအတွက် ဆန်အပါအဝင် ထန်းလျက်ခဲ၊ ပေါင်မုန့်စသည့် စားစရာများ လှူဒါန်းပေးကြကြောင်း သိရသည်။

ထို့အပြင် ယာယီခွေး စောင့်ရှောက်ရေးခြံသို့ အနီးတဝိုက်မှ ဒေသခံများက လမ်းဘေး ခွေးလေခွေးလွင့်များကို လာပို့ပေးခြင်း၊ အချို့ ခွေးပိုင်ရှင်များကလည်း ခွေးပျောက်သွားပါက လာရောက်ရှာဖွေခြင်း အပြင် ခွေးမွေးလိုသူများလည်း လာပြီး စုံစမ်းကြသည်ဟု သိရှိရသည်။

irrawaddy

အပြည့်အစုံသို့ »

မြို့တော်ခန်းမ ရှေ့မိကျောင်းကန်အရေးဆန္ဒပြသူများအတွက် ကျန်းမာရေးစောင့်ရှောက်မှုစင်တာဖွင့်လှစ်


ယမန်နေ့အောက်တိုဘာ၂ရက်က မြို့တော်ခန်းမ ရှေ့တွင် သပိတ်စခန်းဖွင့်လှစ်ခဲ့သော
မိကျောင်းကန်အရေးဆန္ဒပြသူများကို ရန်ကုန်တိုင်းအစိုးရအဖွဲ့နှင့်တိုင်းဒေသကြီးရဲတို့က
ယနေ့ မနက်တွင်ကျန်းမာရေးစောင့်ရှောက်မှုစင်တာတစ်ခုကို ဖွင့်လှစ်ပေးလိုက်ရပြီဟုသ်ိရသည်၊၊
ဆန္ဒပြမှုတွင်ပါဝင်ခဲ့သောအသက် ၆၄အရွယ်ရှိသူ ဦးစိုးဝင်းမှာ ယနေ့မနက်ကရုတ်တရက်လေဖြတ်မှုရောဂါ ခံစားလိုက်ရသည့်အတွက် ကျန်ဆန္ဒပြသူများအတွက်ဖွင့်လှစ်ပေးလိုက်ရခြင်းဖြစ်သည်ဟု တာဝန်ရှိသူတို့ကဆိုသည်၊၊မြို့တော်ခန်းမအတွင်းတွင်ကျန်းမာရေးစောင့်ရှောက်မှုစင်တာအားဖွင့်လှစ်ကာကျောက်တံတားမြို့နယ်ကျန်းမာရေးဦးစီးဌာနမှ ၀န်ထမ်းများက ကုသမှုပြုပေးနေသည့်အပြင် သပိတ်စခန်းအနီးတွင်ပါ ကြက်ခြေနီအဖွဲ့များက အနီးကပ်စောင့်ရှောက်ပေးနေကြသည်ဟု ၄င်းတို့ကပြောသည်၊၊
မနက်ပိုင်းက ဆေးစစ်မှုလာရောက်ခံယူသူများရှိခဲ့ရာ ထိုထဲမှ အမျိုးသမီး ၄ဦးမှာသွေးချိုရောဂါအခံရှိပြီး
သွေးပေါင်တိုးနေသဖြင့် အချိန်မရွေး လေဖြတ်နိုင်သည်ဟု ဆရာဝန်က အသိပေးထားကြောင်းလည်း
ဆေးမှတ်တမ်းများအရသိရသည်။ဆန္ဒပြသူများ၏ နေရာက သမံတလင်းဖြစ်နေသည့်အပြင်ရာသီဥတု မှာ
လည်း နေပူလိုက်၊မိုးရွာလိုက် ဖြစ်နေရာဆေးစစ်မှုလာရောက်ခံယူသူများကိုနွေးထွေးစွာနေရန်ဆရာဝန်က ညွန်ကြားထားသည်။
ယခုအချိန်အထိရဲတပ်ဖွဲ့မှ မိကျောင်းကန်အရေးဆန္ဒပြသူများကို အရေးယူမှုမပြုသေးပေ။၀၅၁
Popular Myanmar News Journal

အပြည့်အစုံသို့ »