၂ လအတွင်း Samsung မိုဘိုင်း ဝင်ငွေ စံချိန်တင်




Samsung Mobile Division ရဲ့  ပြီးခဲ့တဲ့ ရက် ၉၀ စာ ဝင်ငွေဟာ HTC ကိုကျော်ဖြတ်ဖို့ ကမ္ဘာ့ စံချိန်တင် သွားပါတယ်။

၂ လအတွင်း Operating Profit ကို အမေရိကန်ဒေါ်လာ ၉.၄ ဘီလျံ ရရှိခဲ့ပြီး ယမန်နှစ် အချိန်ထပ် ၁ ဘီလျံတောင် ပိုခဲ့တဲ့ အကျိုးအမြတ် ဖြစ် ပါတယ်။ ဒီမှာထူးခြားချက်က လက်ရှိရတဲ့ ဝင်ငွေအတွက် အဓိက ရှာပေးတာက Samsung Galaxy S4, Note 3 တို့လို အမြင့်ဟန်း ဆက်တွေ မဟုတ်ပဲ ဈေးသက်သာ ဟန်းဆက်တွေ ဖြစ်နေခြင်း ဖြစ် ပါတယ်။ Samsung ဟာ Galaxy စီးရီးထဲက ပဲ ဈေးသက်သာ စမတ်ဖုန်း အပြင် စီးရီးပြင်ပက ခေါက်ဖုံး တို့လို ဈေးသက်သာ ဖုန်းတို့ကိုလည်း ထုတ်လုပ်ဖြန့်ချိခဲ့ခြင်း ဖြစ်ပါတယ်။

သို့ပေမယ့် အကျိုးအမြတ် အတွက် Samsung Galaxy S4 လည်း တစ်ဘက်တစ်လမ်းမှ ပါဝင်ခဲ့ပါတယ်။ လက်ရှိ Samsung Galaxy Note 3 ကလည်း ကမ္ဘာ့ လူ့စိတ်ဝင်စားမှု အများဆုံး စာရင်းထဲ ပါဝင်ပြီး ရောင်းအား သွက်လျက် ရှိပါတယ်။ မြန်မာပြည်မှာ ကျပ်ငွေ ၇ သိန်းဝန်းကျင် နဲ့ ရောင်းထွက်နေပါတယ်။ ဖုန်းဆိုင် အချို့ မှာ ၆၈၀,၀၀၀ ကျပ်နဲ့ လည်း ရောင်းချပေးနေကြောင်းလည်း သိရပါတယ်။
.
Ref: pocketlint
Aung Kham (TSJ Team)
TechSpace Journal

အပြည့်အစုံသို့ »

ပြိုင်ပွဲဝင်တိုင်းကို အပြုသဘောဆောင်တဲ့ အားပေးမှုမျိုးနဲ့ပဲ အားပေးဖို့ တိုက်တွန်း တဲ့ ရေဗက္ကာဝင်း


ရေဗက္ကာဝင်းက လတ်တလော မှာတော့ ကျောင်းတစ်ဖက်အပြင် စီးပွားရေးတစ်ဖက်နဲ့ ဖြစ်တာကြောင့် အနုပညာဘက်ကို သိပ်မလှည့်ဖြစ် သေးဘဲ တစ်ကိုယ်တော်အခွေ ထွက် မယ့်အစီအစဉ်တော့ ရှိသေးကြောင်း ပြောပါတယ်။
“အခုကျောင်းက စာတမ်းပြုစု နေတာတစ်ဖက်ဆိုတော့ အခွေဘက် ကို မလှည့်နိုင်ဘူးဖြစ်နေတယ်။ စာတမ်းပြုစုတာ ပြီးသွားရင်တော့ အခွေဘက်လှည့်ဖြစ်မှာပါ။ စီးပွား ရေးကတော့ အမျိုးသားနဲ့အတူ ဆေးဝါးလုပ်ငန်းလုပ်နေပါတယ်။ အိပ်မက်ဆုံရာမှာတော့ ဒိုင်မလုပ်ဖြစ် တော့ပါဘူး” လို့ ဆိုလာတဲ့ ရေဗက္ကာ ဝင်းကို အိပ်မက်ဆုံ ရာမှာ ဒိုင်လုပ် ခြင်းကနေ ဘယ်လိုအတွေ့အကြုံတွေ ရရှိခဲ့လဲဆိုတော့..
“အဘက်ဘက် ကစဉ်းစားပြီး ရွေးချယ်ပေးရတာမျိုးလေးတွေ ရှိပါ တယ်” လို့ ရေဗက္ကာဝင်းကပြောပါ တယ်။ ဒီလိုဒိုင်လုပ်ခြင်းကနေကော ကိုယ့်ရဲ့စွမ်းရည်တွေကိုလည်း ပိုပြီး တိုးတက်စေပါတယ်ဆိုတဲ့ ရေဗက္ကာ ဝင်းက သူများဆိုတာကို သေချာ နား ထောင်ရင်းနဲ့ ကိုယ့်ရဲ့အား နည်း ချက်ကိုလည်း ပြန်မြင်ရတယ်လို့ လည်း ဆိုပါတယ်။ အိပ်မက်ဆုံရာ ပြိုင်ပွဲဝင် တွေအပေါ်မှာလည်း ဝေဖန်သံတွေရှိကြတဲ့အတွက် အဲဒီ အပေါ်မှာလည်း ရေဗက္ကာဝင်းက “အဓိကကတော့လေ ပြိုင်ပွဲဝင် တွေ ပဲဖြစ်ဖြစ်၊ တခြား အနုပညာရှင် တွေပဲဖြစ်ဖြစ်၊ အားကစားသမားပဲဖြစ်ဖြစ် ဘယ်သူ့အပေါ်မှာ မဆို လုပ်နေတဲ့သူတွေအပေါ်မှာ ဘာမှ မလုပ် တဲ့သူတွေက ဝေဖန်တာထက် စာရင်လုပ်နေတဲ့ သူတွေကို အားပေးဖို့၊ တိုက်တွန်းဖို့ ပိုပြီးဖြစ် စေချင်ပါတယ်။ ဘောလုံးပွဲတစ်ပွဲကို ကြည့်ကြ မယ်ဆိုရင်လည်းကန်နေတဲ့သူကို ဆဲ ဆိုအပြစ်တင်နေမယ့် အစား အားပေးပြီး ပို ကောင်း အောင် လုပ်သင့်တယ်။ ပြိုင်ပွဲဝင်တွေဆိုလည်း ဒီအတိုင်းပါပဲ။ သူတို့ လည်း သူတို့ကြိုးစားမှုနဲ့ တက်လာရတာပဲလေ။ ဘေး ကနေ မကောင်းဝိုင်းပြောတာ မျိုးတော့ လျှော့စေချင်ပါ တယ်။ ဘာဖြစ်လို့ဆို မကောင်း ပြောရုံနဲ့ ကောင်းသွား မှာ မဟုတ်ပါဘူး။ ကောင်းတဲ့ဘက် ကိုပဲ ဦးတည်ပြီး ပံ့ပိုးပေးကြပါလို့ ပြောချင်ပါတယ်။ ဒါက ပြိုင်ပွဲဝင် တွေရော၊ နောက်ပြီး ဆီးဂိမ်းမှာ ယှဉ်ပြိုင်ကြမယ့် အားကစားသမားတွေ အကုန်လုံးကိုရော စိတ်ဓာတ်မြှင့် တင်တဲ့အနေနဲ့ အား ပေးကြပါ” လို့ ရေဗက္ကဝင်းက ဆီးဂိမ်း ပြိုင် ပွဲအားပေး မှုနဲ့ပတ်သက်ပြီး ပြောပါတယ်။
ရေဗက္ကဝင်းရဲ့ အနုပညာလှုပ်ရှား မှုအနေနဲ့ကတော့ ဒီကြားထဲမှာ စီးပွား ရေးနဲ့အလုပ်ရှုပ်နေတာကြောင့် အခွေ ကိုလည်း ကြိုးစားလုပ်နေပါတယ် လို့လည်း ပြောပါ တယ်။
  ရဲရဲ
popularmyanmar

အပြည့်အစုံသို့ »

ရခိုင်ပဋိပက္ခကို သံသယရှိဟု သမ္မတပြောကြား



ရခိုင်ပြည်နယ် သံတွဲမြို့နယ်မှာဖြစ်ပွားခဲ့တဲ့ အကြမ်းဖက်ပဋိပက္ခတွေဟာ မိမိရဲ့ခရီးစဉ်နဲ့ အချိန်ကိုက်လုပ်ဆောင်ခဲ့တယ်လို့ သံသယရှိကြောင်း သမ္မတ ဦးသိန်းစိန်က ပြောကြားလိုက်ပါတယ်။ သံတွဲမြို့ အဏ္ဏဝါရိပ်သာမှာ ရခိုင်တိုင်းရင်းသားနဲ့ ကမန်တိုင်းရင်းသား ဒေသခံခေါင်းဆောင်တွေကို ကြာသပတေးနေ့ မနက်ပိုင်းက တွေ့ဆုံရာ မှာ နိုင်ငံတော်သမ္မတက အခုလိုပြောကြားခဲ့တာပါ။

မိမိအနေနဲ့ ရခိုင်ပြည်နယ် တည်ငြိမ်အေးချမ်းနေပြီလို့ ယုံကြည်ပြီး၊ ဒေသဖွံ့ဖြိုးတိုးတက်ရေး၊ ပြန်လည် ထူထောင်ရေးလုပ်ငန်းတွေကို လေ့လာအကူ အညီပေးနိုင်ဖို့ လာရောက်ခဲ့ပေမဲ့၊ မိမိရောက်ရှိနေချိန်မှာ သံတွဲမြို့နယ်အတွင်း သာမန်အငြင်းပွားမှုတစ်ခုကနေ ပဋိပက္ခတချို့ ပေါ်ပေါက်ခဲ့တာဟာ မိမိခရီးစဉ်နဲ့ အချိန်ကိုက်လုပ်ဆောင်ခဲ့တယ်လို့တောင် သံသယဖြစ်စရာ အကြောင်းတွေရှိကြောင်း၊ မိမိတို့ရရှိထားတဲ့ အထောက်အထားတွေအရ ကျေးရွာတွေကို မီးရှို့ဖျက်ဆီးခဲ့သူတွေဟာ ပြင်ပကျေးရွာတွေက လာရောက်သူတွေဖြစ်တယ်လို့ သိရကြောင်း၊ မြန်မာနိုင်ငံမှာ နှစ်ပေါင်း ၆ဝ ကျော် လက်နက်ကိုင် တိုက်ခိုက်နေခဲ့ကြရာမှာ မည်သူကမျှအနိုင်မရပဲ တိုင်းပြည်တခုလုံး နစ်နာဆုံးရှုံးခဲ့ရကြောင်း၊ ဒါကြောင့် အခုအခါ နိုင်ငံရေးနည်းနဲ့ စေ့စပ်ဆွေးနွေးအဖြေရှာဖို့ အားလုံးကြိုးပမ်းဆောင်ရွက်နေကြတဲ့အချိန်မျိုးမှာ လူမျိုးရေး၊ ဘာသာရေး ပဋိပက္ခအသွင်ဖြစ်အောင် အကြမ်းဖက်ကျူးလွန်မှုတွေ၊ ပြည်သူတွေအချင်းချင်း အပြန်အလှန်စိုးရိမ်နေရတဲ့ အခြေအနေတွေကို မိမိလက်မခံနိုင်ကြောင်းဖြင့်လည်း နိုင်ငံတော်သမ္မတ ဦးသိန်းစိန်က ပြောကြားခဲ့ပါတယ်။

ဒါ့အပြင် မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်တွေအပေါ် နိုင်ငံတကာက အသိအမှတ်ပြု ချီးကျူးနေချိန်မှာ အခုလိုပဋိပက္ခတွေကြောင့် နိုင်ငံနဲ့လူမျိုးအတွက် မျက်နှာပျက်စရာတွေဖြစ်ခဲ့ရကြောင်း၊ အစိုးရအနေဖြင့် ရခိုင်ပြည်နယ် တည်ငြိမ်အေးချမ်းရေးနဲ့ တရားဥပဒေစိုးမိုးရေးအတွက် ဖွဲ့စည်းပုံအခြေခံဥပဒေက ပေးအပ်ထားတဲ့ နည်းလမ်းအားလုံးကိုအသုံးပြုပြီး၊ လူမျိုး၊ ဘာသာမခွဲခြားဘဲ တရားဥပဒေအတိုင်း တိတိကျကျ အရေးယူသွားမှာဖြစ်ကြောင်း၊ ပဋိပက္ခတွေကြောင့် ရခိုင်ပြည်နယ်မှာ စီးပွားရေးဖွံ့ဖြိုးတိုးတက်မှု ကျဆင်းခဲ့ရသလို ဒေသဖွံ့ဖြိုးတိုးတက်ရေးအတွက် အသုံးပြုရမယ့် ငွေကြေးအရင်းအမြစ်တွေကို ပြန်လည်ထူထောင်ရေးလုပ်ငန်းတွေမှာ နိုင်ငံတော်က သုံးစွဲလိုက်ရတဲ့အတွက် သက်ဆိုင်ရာဒေသအနေနဲ့လည်း နစ်နာရကြောင်းစသဖြင့် သမ္မတ ဦးသိန်းစိန်က ပြောကြားခဲ့ပါတယ်။
RFA Burmese


အပြည့်အစုံသို့ »

ဒေါ်လာ ၁၁ ဘီလျံကိစ္စ အစိုးရ ရှင်းလင်းမှု ရှုပ်ထွေးနေဆဲဟု အမတ်များပြော


အစိုးရ တာဝန်ရှိသူများက ပြည်ပတွင် အမေရိကန် ဒေါ်လာ ၁၁ ဘီလျံကို အပ်နှံထားသည် ဆိုသော သတင်း နှင့် စပ်လျဉ်းပြီး ယနေ့ ပြည်ထောင်စု လွှတ်တော်တွင် လာရောက်ရှင်းလင်း ပြောဆိုခဲ့ သော်လည်း အစိုးရ၏ ရှင်းလင်းချက် သည် လိုရင်း မရောက်ဘဲ ရှုပ်ထွေးနေဆဲဖြစ်ကြောင်း လွှတ်တော်ကိုယ်စားလှယ်များက ပြောဆိုကြသည်။

ဘဏ္ဍာရေး ၀န်ကြီး ဦးဝင်းရှိန် နှင့် ဗဟိုဘဏ်ဥက္ကဋ္ဌ ဦးကျော်ကျော်မောင်တို့က ပြည်ပတွင် ငွေစာရင်း ၅ ခုဖြင့် အမေရိကန် ဒေါ်လာ ၁၁ ဘီလျံ အပ်နှံထားမှုကြောင့် ကမ္ဘာ့ဘဏ်က အကြွေးလျှော်မပေးခဲ့ ဆိုသော သတင်းသည် လုံးဝ မဟုတ်မှန် သော သတင်း တရပ်ဖြစ်ကြောင်း၊ နိုင်ငံခြားဘဏ်များတွင် နိုင်ငံခြားအရံငွေ ၇ ဒသမ ၆ ဘီလျံရှိကြောင်း ၊ ဒေါ်လာ ၁၁ ဘီလျံနှင့် လုံးဝ ဆက်စပ်မှု မရှိသကဲ့သို့ ယင်းကိစ္စကိုလည်း မသိကြောင်း လွှတ်တော်တွင် ရှင်းလင်းပြောဆိုသည်။

“ တခြားဘဏ်များမှာ ဖွင့်လှစ်ထားတဲ့ ငွေစာရင်းတွေ ရှိတာကြောင့် ကြွေးလျှော် မပေးနိုင်ဟု ပြောဆိုမှု လုံးဝ မရှိခဲ့ကြောင်း ကျနော်အနေနဲ့ ခိုင်ခိုင်မာမာ တင်ပြလိုပါတယ်။ အာရှ ဖွံ့ဖြိုးရေး ဘဏ် နဲ့ ကမ္ဘာ့ဘဏ် တို့က ၎င်းတို့ရဲ့ အဖွဲ့အစည်းဆိုင်ရာ စည်းကမ်းချက်များအရ ရရန်ရှိတဲ့ ကြွေးမြီ တွေကို လျှော်ပစ်ခဲ့ခြင်း အစဉ်အလာ မရှိခဲ့ပါဘူး။ သူတို့ ထည့်သွင်း စဉ်းစားနိုင်တာကတော့ အထူးသက်သာခွင့်ရှိတဲ့ ဆင်းရဲ နွမ်းပါးတဲ့ နိုင်ငံတွေကို လျော့ပေါ့ စဉ်းစား ပေးတဲ့ နည်းလမ်းပဲ ရှိပါတယ်”ဟု ဦးဝင်းရှိန်က ဆိုသည်။

ပြည်ထောင်စုလွှတ်တော်တွင် ဒေါ်လာ ၁၁ ဘီလျံနှင့်ဆက်စပ်၍ အစိုးရ၏ ရှင်းလင်းချက်သည် ရှုပ်ထွေးနေပြီး ရေရာ တိကျ သော သတင်းအချက်အလက် မပေးနိုင်ကြောင်း၊ ၁၁ ဘီလျံ ပြဿနာမှာ မပြီးဆုံးသေးဟု လွှတ်တော်ကိုယ်စားလှယ်များ က ဆိုကြသည်။

ရှမ်းတိုင်းရင်းသားဒီမိုကရက်တစ်ပါတီမှ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းက ဒေါ်လာ ၁၁ ဘီလျံ နှင့် ပတ်သက်၍ အစိုးရက ရှင်းလင်းရာတွင် ကမ္ဘာ့ဘဏ်နှင့် ဆက်သွယ်ဆောင်ရွက်နေသော အကြောင်းအရာ များသာ ဖြစ်ပြီး ဘဏ်ငွေစာရင်း ၅ ခုဖြင့် အမေရိကန်ဒေါ်လာ ၁၁ ဘီလျံရှိ၊ မရှိ ကိုမူ မရှင်းပြဘဲ မသိဟုသာ ပြောဆိုကြောင်း၊ ဒေါ်လာ ၁၁ ဘီလျံ ပြဿနာသည် မပြီးဆုံးသေးကြောင်း ဧရာဝတီသို့ ပြောဆိုသည်။

“အစိုးရက မသိချင်တာတွေ လာပြောသလိုဖြစ်နေတယ်။ သူတို့ကြွေး ပြန်ဆပ်မယ့် နည်းလမ်းတွေကို ရှင်းပြတယ်။ မဆိုင်တာ တွေချည်းပဲ။ ပြည်သူတွေ တကယ်သိချင်တဲ့ ကိစ္စကျတော့ ပြောမသွားဘူး။ အစိုးရနဲ့ ပုဂ္ဂလိကဘဏ်တွေ ပေါင်းရင် ဒေါ်လာ ၇ ဒသမ ၆ ဘီလျံ ရှိတာကိုပဲ အထပ်ထပ်ပြောတယ်။ ပြဿနာက အခုချိန်ထိ ရှင်းရှင်းလင်းလင်း မရှိသေးဘူး” ဟု ဦးရဲထွန်းက ဆိုသည်။

အမျိုးသားဒီမိုကရေစီအဖွဲ့ချုပ်၏ ပုသိမ်မြို့နယ် ပြည်သူ့လွှတ်တော်ကိုယ်စားလှယ် ဦးဝင်းမြင့်က နိုင်ငံတွင် ဒေါ်လာ ၇ ဒသမ ၆ ဘီလျံ နိုင်ငံခြား အရံငွေ ရှိနေခြင်းကို ယခုအချိန်မှ ထုတ်ဖော်ပြောဆိုမှုအပေါ် မေးခွန်းခွန်းထုတ်လိုပြီး ပြည်သူများ စိတ်ဝင်တစား သိချင်နေသော ဒေါ်လာ ၁၁ ဘီလျံ ကိစ္စမရှင်းလင်းဘဲ အစိုးရတွင် ဒေါ်လာ ၇ ဒသမ ၆ ဘီလျံ ရှိနေသည် ကိုသာ ရှင်းလင်းနေမှု အပေါ် နားမလည်ကြောင်း ပြောသည်။

“ဒီ ၁၁ ဘီလျံနဲ့ ပတ်သက်ပြီးတော့ အစိုးရက အမျိုးမျိုးပြောနေတယ်။ ဘဏ္ဍာရေး ၀န်ကြီးက ဒေါ်လာ ၇ ဒသမ ၂ ဘီလျံ ရှိတယ် ပြောတယ် ။ နိုင်ငံခြား ရင်းနှီးမြှုပ်နှံမှု ကော်မရှင် အဖွဲ့ဝင် တယောက်က ဒေါ်လာ ၇ ဘီလျံ လောက်ရှိမယ်တဲ့။ ပြန်ကြားရေး ဒုတိယ၀န်ကြီးကတော့ အစိုးရမှာ နိုင်ငံခြားငွေစာရင်း အကောင့် မရှိပါဘူးတဲ့။ ဆိုတာ့ ပြည်သူတွေက မျက်စိလည် ကုန်ပြီ။ အဲဒါကို ရှင်းစေချင်တာကို ၁၁ ဘီလျံက သူတို့နဲ့ မဆက်စပ်ဘူး။ သူတို့သိတာ ၇ဒသမ ၆ ဘီလျံ ရှိတယ်ပဲ ပြောနေတယ်”ဟု ဦးဝင်းမြင့်က ဆိုသည်။

မကွေးတိုင်းဒေသကြီး အမျိုးသားလွှတ်တော် ကိုယ်စားလှယ် ဦးလှဆွေက ဒေါ်လာ ၁၁ ဘီလျံသည် အစိုးရနှင့် မသက်ဆိုင်ဘဲ မသိရှိဟု ပြောဆိုနေခြင်းသည် ၁၁ ဘီလျံ အမှန်တကယ် ရှိ၊ မရှိ အစိုးရကိုယ်တိုင်ပင်လျှင် အမှန်တကယ် မသိရှိ ဟု ၀န်ခံရာရောက်ကြောင်း ရှင်းပြသည်။

“အစိုးရက ဒေါ်လာ ၁၁ ဘီလျံကိစ္စ မသိဘူး ဆိုတဲ့ အကြောင်းလာရှင်းတာ။ အစိုးရ ပိုင်တဲ့ဟာကတော့ ၇ ဒသမ ၆ ဘီလီယံ ရှိတယ်ပြောတယ်။ ၁၁ ဘီလျံက သူတို့ပိုက်ဆံ မဟုတ်ဘူးလို့ ပြောပေမယ့် ၁၁ ဘီလီယံ ရှိတယ် ၊ မရှိဘူး ဆိုတာကို သူတို့ မပြောနိုင်ဘူး။ ပြည်သူတွေ သိချင်တာက ၁၁ ဘီလျံ ဘယ်သူပိုင်သလဲ သိချင်တာ။ တကယ်လို့ ဒီပိုက်ဆံတွေကို ပုဂ္ဂလိက သူဌေးတွေ သွားအပ်ထားတာဆိုရင် အခုမှချမ်းသာ လာတဲ့ ခေတ်ပေါ် သူဌေးတွေ ဖြစ်မယ်။ အခုဘဏ်စနစ်ကို ခေတ်ပေါ်သူတွေပဲ သုံးတာ။ တခြားသူဌေးတွေက ဘဏ်စနစ်ကို မသုံးဘူး။ မျိုးရိုးစဉ်ဆက် ချမ်းသာ လာတဲ့ သူတွေ မဖြစ်နိုင်ဘူး´´ ဟု ဦးလှဆွေက ဆိုသည်။

အစိုးရ၏ သတင်းထုတ်ပြန်ချက်အရ နိုင်ငံခြားဘဏ်များတွင် ငွေအပ်နှံထားရာ၌ ဗဟိုဘဏ်၊ မြန်မာ့ ရင်းနှီးမြုပ်နှံမှုဘဏ် (MFTB)၊ မြန်မာ့ ကူးသန်း ရောင်းဝယ်ရေးနှင့် ရင်းနှီးမြုပ်နှံရေး ဘဏ် (MICB)၊ ဗဟိုဘဏ် အနေဖြင့် ငွေအပ်နှံထားခြင်း ဖြစ်ပြီး ပုဂ္ဂလိကဘဏ် များက လည်း နိုင်ငံခြားဘဏ်များတွင် ငွေစာရင်းဖွင့်ပြီး အပ်နှံထားကြောင်း၊ စုစုပေါင်း အပ်နှံထားမှု ငွေပမာဏမှာ အမေရိကန်ဒေါ်လာ ၇ ဒသမ ၆ ဘီလျံ ရှိကြောင်း သိရှိရသည်။

၁၉၈၈ ခုနှစ် မတိုင်မီ မြန်မာနိုင်ငံက ကမ္ဘာ့ဘဏ်၊ အာရှ ဖွံ့ဖြိုးရေးဘဏ် (ADB) နှင့် Paris Club နိုင်ငံများသို့ ပေးဆပ်ရန် အကြွေး အမေရိကန်ဒေါ်လာ သန်းပေါင်း ၈ ထောင်ကျော် (၈၄၀၈ ဒသမ ၃၄) ရှိခဲ့ပြီး ဂျပန်နိုင်ငံအား သန်းပေါင်း ၆ ထောင် အထိ အများဆုံး ပေးဆပ်ရမည် ဖြစ်ကြောင်း၊ ၁၉၈၈ နောက်ပိုင်း စစ်အစိုးရလက်ထက်တွင် ဒေါ်လာ သန်းပေါင်း ၂ ထောင်ကျော် (၂၆၁၄ ဒသမ ၉၅၀) ရှိကာ တရုတ်နိုင်ငံသို့ သန်းပေါင်း ၂၁၀၀ ကျော်ပေးဆပ်ရမည် ဖြစ်ကြောင်း ဘဏ္ဍာရေးဝန်ကြီးဌာန၏ ထုတ်ပြန်ချက်အရ သိရှိရသည်။
irrawaddy

အပြည့်အစုံသို့ »

သံတွဲမီးရှို့မှု ဆက်ဖြစ်၊ လူအချို့ကို ထပ်မံထိန်းသိမ်း


ညမထွက်ရထုတ်ပြန်ထားတဲ့ သံတွဲမြို့နယ်မှာ မီးရှို့မှုနဲ့ဆက်စပ်ပြီး ဖမ်းဆီးနေတဲ့ကြားက အောက်တိုဘာ ၃ ရက်နေ့ ညပိုင်းက မီးရှို့မှုတချို့ ထပ်မံဖြစ်ပွားခဲ့သလို လူတချို့ကိုလည်း ထပ်မံထိန်းသိမ်းခဲ့ပါတယ်။

မေန့က ညေနပိုင်း ၆ နာရီကျော်လောက်မှာ ဗောဓိကုန်းအရပ်ဖြစ်တဲ့ ငါးရပ်ကွက်၊ ခြောက်ရပ်ကွက်က မွတ်စလင်အိမ်တွေကို ခဲနဲ့ပစ်တယ်၊ အစ္စလာမ်တွေအိမ်မှာ ငှားနေတဲ့ ဗုဒ္ဓဘာသာတွေကို ဖယ်ခိုင်းပြီး ညကျရင် ဘာကြောင့်ဖယ်ခိုင်းတယ်ဆိုတာကို သိလိမ့်မယ်လို့ ပြောတယ်လို့ဆိုပါတယ်။ ရဲကို သတင်းပို့တဲ့အခါ သေနတ် ဆယ်ချက်ပစ်ဖောက်သတိပေးလို့ လူစုကွဲသွားတယ်လို့ ဆိုပါတယ်။

ဒေသခံတဦးဖြစ်တဲ့ ကိုဝင်းနိုင်က “သံတွဲမြို့ရဲ့ခြောက်မိုင်ခန့်အကွာမှာ ကျောက်ဆိပ်ဆိုတဲ့ ရွာလေးရှိတယ်။ အဲဒီ ကျောက်ဆိပ်ရွာမှာ အစ္စလာမ်ဘာသာဝင် မိသားစု သုံးစု ရှိတယ်။ အိမ်သုံးလုံးပေါ့ခင်ဗျ။ အဲဒီအိမ်သုံးလုံး ရှိတဲ့အထဲက နှစ်လုံး မီးလောင်ခံထားရပါတယ်” လို့ ပြောဆိုခဲ့ပါတယ်။

ညသန်းခေါင်မတိုင်ခင် သံတွဲမြို့ရဲ့ မြောက်ဘက် ခြောက်မိုင်လောက်အကွာက ကျောက်ဆိပ်ရွာမှာ နေထိုင်တဲ့ မွတ်စလင်အိမ်သုံးလုံးကိုမေနဖို့ ကြိုတင်သတိပေးပြီး ည၁၁ နာရီလောက်မှာတော့ ၂ လုံးကို မီးရှို့ခဲ့တယ်လို့ ဆိုပါတယ်။

ဒီသတင်းနဲ့ပတ်သက်လို့ သံတွဲခရိုင်ရဲမှူးကြီးက “မီးလောင်မှုက ချင်းမော်အုပ်စု ကျောက်ဆ်ိပ်မှာခင်ဗျ။ ကျေန်ာတို့ဆီ သတင်းပို့တာက ၂ လုံးပါခင်ဗျ။ ရွာအစပ်မှာ ရှိတဲ့ ချောင်းကမ်းနားမှာ ခင်ဗျ” လို့ ပြောပါတယ်။

မီးရှို့မှုတွေနဲ့ ဆက်စပ်ဖမ်းဆီးထားသူခြောက်ဦးကို ရုံးတင်ရမန်ယူပြီး သံတွဲထောင်ကို ပို့ဆောင်ခဲ့တာနဲ့ နောက်ထပ်မြို့ပေါ်က နှစ်ဦးကို ဖမ်းဆီးတယ်ဆိုတာကိုလည်း ခရိုင်ရဲမှူးကြီးက အတည်ပြုပါတယ်။

ဒါ့အြပင် အုပ်ချုပ်ရေးပိုင်းက ကယ်ဆယ်ထောက်ပံ့ရေးအလုပ်တွေ လုပ်ဆောင်နေတယ်လို့ ဆိုပါတယ်။

“ကျေန်ာသိသေလာက်တော့ ထောက်ပံ့ရေး ကယ်ဆယ်ရေး ပစ္စည်းတွေပးတယ်။ ပေါက်တောဖက်ဆိုရင် ကယ်ဆယ်ရေးစခန်းဖွင့်ပြီး ဆောင်ရွက်လျက်ရှိတယ်ဆိုတာ သိရပါတယ်။”

ဒေသခံတဦးရဲ့အဆိုအရ သန်းခေါင်ကျော်ချိန်မှာ ငပလီကမ်းခြေအနီးက မြင်းသာရွာက အိမ်တလုံးကို မီးတင်ရှို့ခဲ့ပေမယ့် ၀ိုင်းငြိမ်းသတ်လို့ မေလာင်ကျွမ်းဘူးလို့ ပြောပြပါတယ်။

ဒီမီးလောင်မှုတွဟာ သံတွဲမီးရှို့မှုအေပါ် သက်ဆိုင်ရာက အေရးယူ ကိုင်တွယ်နေတဲ့ ကြားက ဖြစ်ပွားခဲ့တာပါ။

ပြီးခဲ့တဲ့ရက်ပိုင်းတုန်းက မြို့ဧရိယာတွင်း ကျေးရွာအုပ်စုသုံးစုက ရွာခြောက်ရွာမှာ မီးရှို့မှုကြောင့်   အိမ်ခြေ ၇၀ လောက်နဲ့ ဗလီနှစ်လုံး မီးလောင်ခဲ့သလို ရခိုင်တိုင်းရင်းသားများတိုးတက်ရေးပါတီ မြို့နယ် ဥက္ကဋ္ဌ အပါအ၀င် ၆ ဦးကို ဖမ်းဆီးခဲ့ပြီး မေန့ညေနပိုင်းကေတာ့ ရမန်ယူပြီး သံတွဲထောင်ကို ပို့ ဆောင်ထားပါတယ်။
burmese.dvb

အပြည့်အစုံသို့ »

တာဝါတိုင်များ မျှသုံးရေး Ooredoo က Telenor နှင့် ညှိနှိုင်း


                                                   ကာတာနိုင်ငံ ဒိုဟာမြို့ရှိ Ooredoo ကုမ္ပဏီ ရုံးချုပ် (ဓာတ်ပုံ / ရိုက်တာ)
မြန်မာနိုင်ငံတွင် မိုဘိုင်း တယ်လီဖုန်း လုပ်ငန်းလိုင်စင် ရရှိထားသော Ooredoo ကုမ္ပဏီက ဆက်သွယ်ရေး တာဝါတိုင်များကို ၎င်းနှင့်အတူ လိုင်စင်ရရှိထားသော နော်ဝေနိုင်ငံမှ Telenor ကုမ္ပဏီနှင့် မျှဝေသုံးစွဲနိုင်ရန် ညှိနှိုင်းမှုများ ပြုလုပ်နေကြောင်း ကာတာအခြေစိုက် အဆိုပါ ကုမ္ပဏီ၏ ထိပ်တန်း အမှုဆောင်အရာရှိ တဦးက ပြောသည်။

ယခုနှစ် ဇွန်လအတွင်းတွင် နိုင်ငံခြားကုမ္ပဏီ ၂ခုကို ပထမဆုံးအကြိမ်အဖြစ် မြန်မာအစိုးရက မိုဘိုင်းတယ်လီဖုန်းလိုင်စင် ချထားပေးခဲ့သည်။ ထိုလိုင်စင်အတွက် ကုမ္ပဏီနှင့် လုပ်ငန်းစု ၉၀ ကျော် အဆိုပြု လျှောက်ထားခဲ့သည့် အထဲမှ Ooredoo နှင့် Telenor ကုမ္ပဏီတို့ကို ရွေးချယ်ခဲ့ခြင်း ဖြစ်သည်။ Ooredoo ကုမ္ပဏီက လိုင်စင် သက်တမ်း ၁၅ နှစ် အတွင်း အမေရိကန် ဒေါ်လာ ၁၅ ဘီလီယံ ကျသုံးစွဲသွားမည်ဟု ကြေညာခဲ့သည်။

“အကုန်လုံးကို အခြေခံကစပြီး လုပ်ရမှာ ဖြစ်ပါတယ်။ ဒါကြောင့် ကွန်ရက်ကို Telenor နဲ့ တွဲဖက်ပြီး တည်ဆောက်ဖို့ ပြင်ဆင်နေပါတယ်” ဟု အောက်တိုဘာ ၂ ရက်နေ့က ဒူဘိုင်းတွင် ပြုလုပ်သော သတင်းစာရှင်းလင်းပွဲတွင် Ooredoo ၏ ဈေးကွက်ဗျူဟာ အရာရှိချုပ် Jeremy Sell က ပြောသည်။

“ဒါမျိုးတခါမှ မလုပ်ဖူးပါဘူး။ ကျနော်တို့က အခြေခံက စရမယ့် ကွန်ရက်နှစ်ခုကို တည်ထောင်နေရပါတယ်။ ဒါကြောင့် ကွန်ကရစ်နဲ့လုပ်တဲ့၊ သံမဏိနဲ့ လုပ်တဲ့ ဘယ်အရာကိုမဆို မျှဝေသုံးချင်ပါတယ်။ အဲဒီမှာ တာဝါတိုင်တွေမရှိတဲ့ အတွက် ခွဲဝေ မသုံးနိုင်ဘူးဆိုရင် အဆင်ပြေမှာ မဟုတ်ပါဘူး” ဟု သူက ဆိုသည်။

ထိုသို့မျှဝေ သုံးစွဲခြင်းအားဖြင့် ကာတာ အစိုးရက ရှယ်ယာအများစု ပိုင်ဆိုင်ထားသော Ooredoo ကုမ္ပဏီအတွက် အတော်အသင့် ကုန်ကျစားရိတ် ခြွေတာနိုင်လိမ့်မည်ဟုလည်း Sell က ပြောသည်။

Telenor မှ ပြောရေးဆိုခွင့်ရှိသူ တဦးထံသို့ မှတ်ချက်ပေးရန် ဆက်သွယ်မေးမြန်းခဲ့သော ဖုန်းခေါ်ဆိုမှုများနှင့် အီးမေးလ်များကို ပြန်ကြားခြင်း မရှိပါ။

အစိုးရ ကျောထောက်နောက်ခံ ပေးထားသည့် ကုမ္ပဏီ နှစ်ခုဖြစ်သော ရတနာပုံ တယ်လီပို့နှင့် မြန်မာ့ဆက်သွယ်ရေး လုပ်ငန်းတို့က ယခင်ကတည်းက မိုဘိုင်းတယ်လီဖုန်း လုပ်ငန်းလိုင်စင် ရရှိထားပြီး ဖြစ်သည်။ ရတနာပုံ တယ်လီပို့သည် မူလက အင်တာနက်ဝန်ဆောင်မှု ပေးသည့် လုပ်ငန်းတခုဖြစ်ပြီး ဆက်သွယ်ရေး ၀န်ကြီးဌာန လက်အောက်ခံ ဌာနတခုဖြစ်သည့် မြန်မာ့ ဆက်သွယ်ရေးလုပ်ငန်းသည် ကြီးကြပ်သူ အဖြစ်နှင့်ရော အော်ပရေတာ အဖြစ်ပါ ဆောင်ရွက်ခဲ့သည်။

၎င်းတို့သည် ဆက်သွယ်ရေး ကဏ္ဍတွင် အနည်းငယ် ခရီးတွင်နေခဲ့ပြီဖြစ်သည်။ ၂၀၁၂ ခုနှစ်တွင် မြန်မာနိုင်ငံ လူဦးရေ၏ ၁၁ ရာခိုင်နှုန်းသာ မိုဘိုင်းတယ်လီဖုန်း သုံးစွဲနိုင်သေးသည်။ အီရစ်ထရီးယား၊ ဆိုမာလီယာ နှင့် မြောက်ကိုရီးယား တို့သာ လူဦးရေနှင့် မိုဘိုင်းဖုန်း သုံးစွဲနှုန်းတွင် မြန်မာနိုင်ငံ၏ နောက်ဖက်တွင်ရှိနေသည်။ လူဦးရေ သန်း ၆၀ မျှရှိသော မြန်မာနိုင်ငံတွင် အင်တာနက်သုံးစွဲနိုင်မှုမှာ လူဦးရေ၏ ၁ ရာခိုင်နှုန်းသာ ရှိသည်ဟု International Telecommunication Union ၏ အဆိုအရ သိရသည်။

Ooredoo ကုမ္ပဏီ အနေဖြင့် Telenor နှင့် ဆွေးနွေးညှိနှိုင်းမှုများ ဆက်လက်ပြုလုပ်နေပြီး ပြည်တွင်း အော်ပရေတာ နှစ်ခု နှင့်လည်း အလုပ်လုပ်ရန်ရှိသည် ဟု Sell က ဆိုသည်။

“ဒါမှ ကျနော်တို့ တည်ဆောက်မှု တခုလုံးရဲ့ ကုန်ကျစားရိတ်တွေကို လျှော့ချနိုင်ပါလိမ့်မယ်” ဟု သူကပြောသည်။

ရင်းနှီးမြှုပ်နှံမှု ကုန်ကျစားရိတ် လျှော့ချလိုက်နိုင်လျှင် မြန်မာနိုင်ငံတွင် ကြီးမားသည့် အခက်အခဲ တခုကဲ့သို့ ဖြစ်နေသော ကျေးလက်ဒေသများဆီသို့ ကွန်ရက် ဖြန့်ကျက်ရေးတွင်လည်း အကျိုးရှိလာမည် ဖြစ်သည်။

“အင်္ဂလိပ်စကား ပြောတတ်တဲ့သူ မရှိဘူး။ သံမဏိဘောင်တွေလည်း ရနိုင်ဖို့ မလွယ်ဘူး။ ၀န်ချီစက်လည်း အလုံအလောက် မရှိဘူး။ မြန်မာနိုင်ငံကို သစ်တောတွေက လွှမ်းထားတယ်။ လမ်းတွေက ရေလွှမ်းတတ်တယ်။ လွန်ခဲ့တဲ့ နှစ် ၃၀ က ထိုင်း နိုင်ငံရဲ့ အခြေအနေ မျိုးလိုပဲ။ လှပပြီး သန့်ရှင်းတဲ့ နေရာပါ။ ဒါပေမယ့် တိုင်းပြည်က မဖွံ့ဖြိုးသေးဘူး” ဟု Jeremy Sell က ပြောသည်။

မြန်မာနိုင်ငံနှင့် အိမ်နီးချင်း နိုင်ငံများတွင် ရုံးခန်းများ ဖွင့်လှစ်ထားသည့် VDB Loi ဥပဒေ အကျိုးဆောင်လုပ်ငန်းမှ Edwin Vanderbruggen က နိုင်ငံခြား အော်ပရေတာများသည် တာဝါတိုင်များ တည်ဆောက်ရန် မြေနေရာ ရရှိရေးတွင် ဥပဒေပိုင်း ရှုပ်ထွေးမှုများ နှင့် ရင်ဆိုင်ရဖွယ်ရှိသည်ဟု ပြောသည်။

“တပတ်မှာ မြေငှားစာချုပ် ၆၀ လောက် လက်မှတ်ထိုးမယ်လို့ မှန်းကြည့်လိုက်ပါ။ တခါတလေ အဲဒီနေရာတွေက မြေယာ ပိုင်ဆိုင်မှုနဲ့ ပတ်သက်ပြီး စာရွက်စာတမ်း အထောက်အထား ဘာမှ မရှိဘူး။ တခုချင်းစီအတွက် ၀န်ကြီးဌာန အမျိုးမျိုးကနေ ထောက်ခံချက်တွေယူရမယ်။ ဒီ လုပ်ထုံးလုပ်နည်း အတိုင်းဆိုရင် ဧ၀ရတ်တောင်ထိပ်မှာ ဖုန်းကွန်ရက် သွားပြီး တည်ဆောက်ရတာနဲ့ တူတူပဲ ဖြစ်လိမ့်မယ်” ဟု Vanderbruggen က ဆိုသည်။

၂၀၁၁ ခုနှစ်တွင် ၄၉ နှစ်ကြာ စစ်အုပ်ချုပ်ရေး ပြီးဆုံးသွားခဲ့ကာ အရပ်သားအမည်ခံ အစိုးရ တက်လာပြီးနောက် တံခါးပိတ် ၀ါဒကို စွန့်လွှတ်၍ စီးပွားရေး ပြုပြင်ပြောင်းလဲမှုများ ပြုလုပ်လာခဲ့သည်။

“ကျနော်တို့က 3G ကွန်ရက် ပေးနိုင်ဖို့ လုပ်ဆောင်နေပါတယ်။ ဒါဟာ လူသန်း ၆၀ အတွက် အင်တာနက်ပေါ်ကို အမြဲတမ်း သွားနိုင်ဖို့ ပထမဆုံး အခွင့်အရေး ဖြစ်လာပါလိမ့်မယ်။ အခုချိန်အထိတော့ သူတို့က ပြည်သူအကုန်လုံးကို တကမ္ဘာလုံးနဲ့ ဆက်သွယ်ခွင့်ရအောင် လုပ်ပေးဖို့ အတွက် အခုထိတော့ ခွင့်ပြုထားပါတယ်” ဟု Sell ကပြောသည်။

စက်တင်ဘာလ ၂၀ ရက်နေ့အထိ ၅ လတာကာလ အတွင်း အစိုးရက ခွင်ြ့ပုပေးခဲ့သော နိုင်ငံခြားရင်းနှီး မြှုပ်နှံမှုသည် ၂၀၁၂ ခုနှစ်ထက် များသည်။

“ကျနော်တို့၊ Telenor နဲ့ မြန်မာနိုင်ငံမှာ လာရောက်ရင်းနှီးမြှုပ်နှံကြသူတွေဟာ တနေရာတည်းမှာပဲ ငွေကြေး အမြောက်အများ ပုံပြီး မသုံးချင်ကြပါဘူး။ ဘယ်လိုဖြစ်လာမယ် ဆိုတာကို အနည်းငယ်တော့ သတိထားနေရတုန်းပါပဲ” ဟုလည်း Jeremy Sell က ဆိုသည်။
irrawaddy

အပြည့်အစုံသို့ »

လင်ယောက်ျားသေဆုံးသွားသည့် အမျိုးသမီးများကို သမ္မတ ထောက်ပံ့မည်


အမျိုးသား အိမ်ထောင်ဦးစီးသေဆုံးသွားပြီးနောက် မိသားစုကို ဦးဆောင်နေရသော အမျိုးသမီးများကို သမ္မတ ဦးသိန်းစိန်က ထောက်ပံကြေးပေးသွားရန် စီစဉ်နေသည်ဟု လူမှုဝန်ထမ်းဦးစီးဌာနမှက မဇ္ဈိမကို့ ပြောကြားသည်။

နေပြည်တော်တွင် ပြုလုပ်သည့် အမျိုးသမီးများ ဖွံ့ဖြိုးတိုးတက်ရေးဆိုင်ရာ အမျိုးသားအဆင့် မဟာဗျူဟာ စီမံကိန်းအား တရားဝင်ကြေညာခဲ့သည့် ပွဲအပြီးတွင် လူမှုဝန်ထမ်းဦးစီးဌာန၊ လူမူဝန်ထမ်းကယ်ဆယ်ရေးနှင့် ပြန်လည်
နေရာချထားရေးဝန်ကြီးဌာနမှ ယခုကဲ့သို့ ပြောခဲ့ခြင်းဖြစ်သည်။

“ဒါကိုလုပ်ဖို့ မူဝါဒကို တင်ထားပြီးပါပြီ၊ လူဦးရေ စစ်တမ်းတွေ ကောက်ယူဖို့လိုနေသေးလို့ တရားဝင် မပြောခဲ့တာပါ။ သမ္မတကြီးကလည်း တစ်ဦးတည်းရုန်းကန်နေရတဲ့ မုဆိုးမတွေကို သနားတာကြောင့် ထောက်ပံ့ ပေးဖို့လုပ်တာပါ” ဟု ဒုတိယညွန်ကြားရေးမှူးချူပ် ဦးအောင်ထွန်းခိုင်က ပြောသည်။

ထောက်ပံ့ကြေးများအား နှစ်စဉ်ပေးသွားမည်ဖြစ်ပြီး လူဦးရေစာရင်းများကို ၂၀၁၄ခုနှစ် ပြည်လုံးကျွတ် သန်းခေါင်စာရင်း ကောက်ယူရာမှ ရရှိသောအချက်များမှ အသုံးပြုမည်ဖြစ်သည်။

ထို့အတူ ၂၀၀၉ ခုနှစ်မှ စတင်ပြီး လူမှုဝန်ထမ်းဦးစီးဌာနနှင့် နိုင်ငံတကာ အဖွဲ့အစည်းများ ပူးပေါင်းပြီး အမျိုးသမီး အိမ်ထောင်ဦးစီးများကို အနိမ့်ဆုံး ကျပ်ငွေ တစ်သိန်းနှစ်သောင်းခန့်မှစ၍ ထောက်ပံ့ကြေး ပေးနေသော စီမံကိန်းလည်း ရှိနေသည်။

အမျိုးသမီးများ၏ အသက်မွေးဝမ်းကျောင်းမှုနှင့် စီးပွားရေးမြှင့်တင်ရန်အတွက် ယနေ့ကြေညာခဲ့သည့် အမျိုးသမီးများ ဖွံ့ဖြိုးတိုးတက်ရေးဆိုင်ရာ အမျိုးသားအဆင့်မဟာဗျူဟာ စီမံကိန်းနှင့်အတူ ပူးပေါင်းလုပ် ဆောင်ကြမည်ဖြစ်သည်။

ထိုမဟာဗျူဟာ စီမံကိန်းသည် ၂၀၁၃ မှ ၂၀၂၂ ခုနှစ်အထိ ၁၀ နှစ်တာ ပြုလုပ်မည့် စီမံကိန်းတခုဖြစ်ပြီး၊ ၂၀၁၀ ခုနှစ်မှ စတင်ပြီး လူမှုဝန်ထမ်းဦးစီးဌာနမှ ကျား၊မတန်းတူညီမျှရေး ကွန်ရက်တို့မှ နည်းပညာပိုင်းဆိုင်ရာ ကူညီမှုများဖြင့် ပြည်တွင်းပြည်ပမှ အင်ဂျီအိုများ၊ အရပ်ဘက် အဖွဲ့အစည်းများ၊ အမျိုးသမီးအဖွဲ့ ကွန်ရက်များ၊ ကုလသမဂ္ဂ လက်အောက်ခံ အဖွဲ့အစည်းအပါဝင် အဖွဲ့အစည်းပေါင်း ၅၀ကျော်တို့က ပူးပေါင်း ရေးဆွဲခဲ့ကြသည်။

မဟာဗျူဟာသည် အမျိုးသမီးများအား နည်းမျိုးစုံဖြင့် ခွဲခြားဆက်ဆံမှု ပပျောက်ရေး သဘောတူစာချုပ် (စီဒေါ) ပါ အခြေခံမူများ နှင့် ဘေဂျင်းလုပ်ငန်း စီမံချက်များပါ အဓိကလုပ်ငန်းနယ်ပယ် ၁၂ချက်ကို အဓိက ရေးဆွဲထားသည်။

မြန်မာနိုင်ငံသည် အမျိုးသမီးများအား နည်းမျိုးစုံဖြင့် ခွဲခြားဆက်ဆံမှု ပပျောက်ရေးဆိုင်ရာ ကုလသမဂ္ဂ သဘောတူ စာချုပ်ကို ၁၉၉၇ ခုနှစ်မှာ သဘောတူလတ်မှတ်ရေးထို ထားသော အဖွဲ့ဝင်နိုင်ငံဖြစ်သည်။

မြန်မာနိုင်ငံလုံးဆိုင်ရာ အမျိုးသမီးရေးရာ ကော်မတီဥက္ကဋ္ဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန၊ ပြည်ထောင်စုဝန်ကြီး ဒေါက်တာ မြတ်မြတ်အုန်းခင်ကလည်း အမျိုးသမီးရေးရာ ကိစ္စရပ်များအတွက် မူဝါဒများနှင့် လမ်းညွှန်ချက်များအား ထိုကော်မတီမှ ချမှတ်ပေးလေ့ရှိပြီး ယခု မဟာဗျူဟာကိုလည်း အမျိုးသမီး
ရေးရာ ကော်မတီ၏ အဓိကဦးဆောင်မှုဖြင့် သက်ဆိုင်ရာ ၀န်ကြီးဌာန များ၊ အဖွဲ့စည်းများက ပြုလုပ်ခဲ့ခြင်းကြောင့်ဟု အဆိုပါပွဲတွင် ထည့်သွင်းပြောဆိုခဲ့သည်။

“ဒီစီမံကိန်းကို ရေးဆွဲပြဋ္ဌာန်းတဲ့အတွက် စီဒေါစာချုပ်ရဲ့ အဓိကမူဝါဒ သုံးခုဖြစ်တဲ့ တန်းတူညီမျှမှုရှိခြင်း၊ ခွဲခြားဆက်ခံမှု မရှိခြင်းနဲ့ နိုင်ငံတော်ရဲ့ တာဝန်ဝတ္တရားနဲ့ ဘေဂျင်းကြေညာစာတမ်းက ချမှတ်ထားတဲ့ လုပ်ငန်းဧရိယာ ၁၂ ရပ်ကို အမျိုးသမီးရေးရာက အလေးထားဆောင်ရွက်ခြင်းရဲ့ သက်သေပါ” ဟု ၎င်း ကဆိုသည်။

ထို့အတူ လူမှုဝန်ထမ်းဦးစီးဌာနမှ ညွန်ကြားရေးမှူးချုပ်ကလည်း စာချုပ်ပါအဖွဲ့ဝင် နိုင်ငံဖြစ်သည့်အတွက် အမျိုးသမီးများ အားအပြည့်အ၀ ကာကွယ်ပေးနိုင်ရန် စာချုပ်စံနှုန်းများနှင့် လိုက်လျောညီထွေဖြစ်သော ဥပဒေ တစ်ရပ် ပေါ်ပေါက် လာရန်လိုအပ်နေခြင်းကြောင့် လူမှုဝန်ထမ်းဦးစီးဌာနမှ ဦးဆောင်ပြီး အမျိုးသမီးများအား အကြမ်းဖက်မှုမှ ကာကွယ်ဆောင့်ရှောက်ရေး ဥပဒေမူကြမ်း (Anti Violence Against Women Law) ကို စတင်ရေးဆွဲနေပြီဟု အသိပေး ပြောကြားခဲ့သည်။
ကြယ်ပြာ
Mizzima - News in Burmese

အပြည့်အစုံသို့ »