သင်လုပ်တဲ့ အလုပ်မှာ စိတ်အားထက်သန် ပြင်းပြမှု လုံလောက်အောင် ရှိပါရဲ့လား - TechSpace Journal




အခုခေတ်မှာ တော်တော်များများက ဒါလုပ်ဖို့အတွက်လား ဘာပေးရမယ်၊ ဘယ်လောက် အပင်ပန်းခံရမှာလည်း၊ အဲ့ဒီအတွက်ကော ဘာရမှာလည်း ဆိုတာကို အရင်ဦးဆုံး မေးကြတယ်။ အဲ့ဒါမှ မရရင် မလုပ်ဘူးဆိုပြီး ငြင်းတက်ကြတယ်။

ဒါလုပ်မယ် အဲ့ဒီအတွက် ဒီ Result ငါရကို ရမယ်လို့ ကိုယ့်ကိုယ်ကို Challenge လုပ်တာမျိုး။ သူများအတွက် ဆိုရင်လည်း ဒါလုပ်ပေးမယ်။ ဒါရရင်တော့ ဒါပေးရမယ် ဆိုတာမျိုး Challange လုပ်တာ သိပ်မတွေ့ရဘူး။

ဘာနဲ့ အလားတူသလဲဆိုတော့ အခု ပြိုင်ပွဲမှာ မင်းပြိုင်ရမယ် ပြိုင်တော့ကွာလို့ စပြီး ပြိုင်ပွဲဝင်ခိုင်းရင် ကျွန်တော် ပထမဆုရမှာလား၊ ဘာရမှာလည်း၊ ပြိုင်နေတဲ့အချိန် ရေပူရေချမ်း ဘယ်သူက ကမ်းမှာလည်း၊ အားပေးမဲ့သူရော ရှိမှာလား၊ အဲ့ဒါတွေ ပေးမှ၊ ရှိမှ၊ ရမှ ပြိုင်မယ်ဆိုတာမျိုးတွေ ကပဲ ရာခိုင်နှုန်း အများစု ရှိကြတယ်လို့ထင်တယ်။ ပြိုင်ပွဲမှာ Result ကောင်းအောင်၊ ဘယ်လို မဖြစ်ဖြစ်တဲ့ နည်းနဲ့ လုပ်ရမလဲ ကြိုးစားရမလဲ ဆိုတာကို မတွေးမိတော့ပဲ Focus တွေ လွဲနေကြတာ များမယ်လို့ ထင်ပါတယ်။

ပြိုင်ပွဲတစ်ခုမှာ နောက်ဆုံးရမဲ့ ရလဒ်ကို မကြည့်ကြဘဲ ပြိုင်နေဆဲ အချိန်မှာ ပေးရမဲ့ Facilitiy ကို ပိုပြီး ခုံမင်ကြတယ်။ အဲ့ဒါကြောင့်ပဲ ယှဉ်ပြိုင်နိုင်စွမ်း ရှိတဲ့သူတွေ ရှားပါးလာတာ ဖြစ်မယ်လို့ ထင်ပါတယ်။

တကယ်က ပြိုင်ပွဲဝင်နေတဲ့အချိန်၊ အလုပ်လုပ်နေတဲ့ အချိန်တလျှောက်မှာ ရမဲ့ Facility ထက် နောက်ဆုံးပြိုင်ပွဲမှာ ရမဲ့ Prize ကို ပိုပြီး Focus ထားရမယ်လို့ ထင်ပါတယ်။ Facility တွေ၊ Support တွေက အရေးမကြီးဘူးလို့လဲ ဆိုလိုတာ မဟုတ်ပါဘူး။ အရေးကြီးကြပါတယ်။ ဒါပေမဲ့ Focus ကတော့ နောက်ဆုံး Result က ရမဲ့ အောင်မြင်မှုကိုပဲ ဂရုစိုက်ရမယ်လို့ ထင်ပါတယ်။

မိမိ လုပ်နေတဲ့ အလုပ်မှာ ရှိတဲ့ Passion ကသာလျှင် မိမိရဲ့ အနာဂတ်မှာ ရလာမဲ့ အောင်မြင်မှုတွေကို နိမိတ်ပြ မီးမောင်းထိုးပြနေလိမ့်မယ် ထင်ပါတယ်။

Burning Passion
Photo From : http://firsttoknow.com/man-vs-volcano-kawika-singsons-passion-catches-flame/
TechSpace Journal

အပြည့်အစုံသို့ »

သရုပ်ဆောင် မင်းမော်ကွန်း ဂျပန်ဆေရုံကြီးတွင် ဆေးကုသမှုခံယူ - Popular Journal


သရုပ်ဆောင်မင်းမော်ကွန်းမှာယနေ့ အောက်တိုဘာ၁၇ရက် ညနေ၄နာရီ
က ရန်ကုန်မြို့ ဂျပန်ဆေရုံကြီးတွင်ဆေးကုသမှုခံယူနေကြောင်းဖခင်ဖြစ်သူ ဦးဇင်ဝိုင်းထံပေါ်ပြူလာမှလူနာသတင်းမေးမြန်းရာမှသိရသည်။အထက်လန် အောက်လျောဖြစ်ခြင်းကြောင့်ဆေးကုသခံခြင်းဖြစ်ကြောင်းနှင့်အထူးစိုးရိမ် ဖွယ်မရှိသောကြောင်းလည်းသိရသည်။
Popular Journal

အပြည့်အစုံသို့ »

၂၀၁၄ ကမ္ဘာ့ဖလားပွဲ အုပ်စု ၈ အုပ်စု ခွဲဖို့အတွက် ပင်မအသင်း ၈ သင်း သတ်မှတ်ရာမှာ ရွေးချယ်မှု နည်းလမ်းသစ်တွေအရ အသင်းကြီးတွေဖြစ်တဲ့ အင်္ဂလန်၊ အီတလီနဲ့ ပြင်သစ်အသင်းတွေ မပါဝ


ရှေ့နှစ် ဘရာဇီးမှာ ကျင်းပမယ့် ၂၀၁၄ ကမ္ဘာ့ဖလားပွဲ အုပ်စု ၈ အုပ်စု ခွဲဖို့အတွက် ပင်မအသင်း ၈ သင်း သတ်မှတ်ရာမှာ ရွေးချယ်မှု နည်းလမ်းသစ်တွေအရ အသင်းကြီးတွေဖြစ်တဲ့ အင်္ဂလန်၊ အီတလီနဲ့ ပြင်သစ်အသင်းတွေ မပါဝင်ဘူးလို့ ကမ္ဘာ့ဘောလုံး အဖွဲ့ချုပ် ဖီဖာက အတည်ပြု ပြောကြားခဲ့ပါတယ်။

လတ်တလော ခြေစွမ်းနဲ့ ရလဒ်တွေကို အကဲဖြတ်ပြီး သတ်မှတ်တဲ့ ဖီဖာရဲ့ အဆင့်သတ်မှတ်မှု နည်းလမ်းသစ်တွေအရ ကမ္ဘာ့ ထိပ်သီး ၇ သင်းထဲမှာ အင်္ဂလန်၊ အီတလီနဲ့ ပြင်သစ်အသင်းတွေ မပါဝင်တာ ဖြစ်ပါတယ်။

အဲဒီ ပင်မ အသင်း ၈ သင်းမှာ အိမ်ရှင် ဘရာဇီးက အလိုအလျောက် အုပ်စု(က)အတွက် ပင်မ အသင်း ဖြစ်မှာဖြစ်ပြီး ကျန်တဲ့ ထိပ်သီး ၇ သင်းလို့ သတ်မှတ်ခံရတဲ့ စပိန်၊ အာဂျင်တီးနား၊ ဂျာမဏီ၊ ဆွစ်ဇာလန်၊ ဘယ်လဂျီယံ၊ ကိုလံဘီယာနဲ့ ဥရုဂွေး သို့မဟုတ် နယ်သာလန်တို့က တစ်အုပ်စုစီမှာ ပင်မအသင်းတွေ ဖြစ်လာမှာဖြစ်ပါတယ်။

ဥရုဂွေးဟာ နောက်လမှာ ဂျော်ဒန်နဲ့ ပွဲပို ကစားရဦးမှာ ဖြစ်ပြီး အဲဒီမှာ ရှုံးခဲ့ရင်တော့ နယ်သာလန်က ဥရုဂွေးအစား အုပ်စုပင်မအသင်း ဖြစ်လာမှာပါ။

အုပ်စုတွင်း ကျန်အသင်းတွေကိုတော့ ဇုန်ဒေသအလိုက် မဲနှိုက်ရွေးချယ်မှာ ဖြစ်ပါတယ်။
BBC Burmese

အပြည့်အစုံသို့ »

မြန်မာပြည်သားအများအပြား အလုပ်လုပ်နေသည့် ဖူးခက် ကုန်တိုက်မီးလောင်




မြန်မာနိုင်ငံသားအများအပြား အလုပ်လုပ်နေတဲ့ ထိုင်းနိုင်ငံ ဖူးခက်မြို့က Super Cheap ကုန်တိုက်ကြီး မနေ့ည ၉ နာရီခွဲကျော်က စပြီး မီးလောင်ကျွမ်းခဲ့ပါတယ်။
ဖန်ငခရိုင် မြန်မာအလုပ်သမားများအတွက် အခြေခံလူထု လူ့အခွင့်အရေး ပညာပေးဌာနရဲ့ ကျန်းမာရေးတာဝန်ခံ ဦးအောင်ကျော်ကို ညနေ ၆ နာရီ မေးမြန်းချက်အရ မြန်မာအလုပ်သမားတွေ သေဆုံး ဒဏ်ရာရရှိမှု အခြေအနေကို မသိရသေးဘူးလို့ ပြောပါတယ်။
ထိုင်းနိုင်ငံ အရေးပေါ်ကယ်ဆယ်ရေးစခန်း တာဝန်ရှိသူတဦးက ကုန်တိုက်မှာ မြန်မာအလုပ်သမားတွေအပါအ၀င် ၀န်ထမ်းစုစုပေါင်း ၁၀၀၀ ကျော်ရှိတယ်လို့ ပြောပါတယ်။
မီးလောင်မှုကြောင့် ပျောက်ဆုံးမှု ရှိပါက လာရောက် စာရင်းပေးသွင်းဖို့ ကြေညာထားပေမယ့် အခုထိ လူပျောက် လာရောက်တိုင်ကြားသူ မရှိသေးဘူးလို့ပြောပါတယ်။
မီးငြိမ်းသွားပြီဖြစ်ပြီး ရရှိထားတဲ့ စာရင်းအရ သေဆုံးသူ မရှိဘဲ ဒဏ်ရာရသူ အနည်းငယ်သာ ရှိတယ်လို့ ဆိုပါတယ်။
Photo by http://www.skynews.com.au/

ဒီဗွီဘီ

အပြည့်အစုံသို့ »

အမျိုးသမီး ဗိုလ်လောင်း ၁၀၀ ခန့် ခေါ်ယူမည်ဟု စစ်ရေးချုပ် ဒုဗိုလ်ချုပ်ကြီး ခင်ဇော်ဦး ပြော


အမျိုးသမီး စစ်ဆေး ဗိုလ်လောင်းများကို တွေ့ရစဉ် (ဓာတ်ပုံ – ရောင်နီဦး / Facebook)
မြန်မာ့တပ်မတော်တွင် တာဝန်ထမ်းဆောင်ရန် ဘွဲ့ရ အမျိုးသမီး စစ်ဗိုလ်လောင်း ၁၀၀ ဦးခန့် ခေါ်ယူသွားမည်ဖြစ်ပြီး ယင်းခေါ်ယူမှုသည် နှစ်ပေါင်း ၅၀ ကျော်အတွင်း ပထမဆုံးအကြိမ်ပြန်လည် ခေါ်ယူမှုဖြစ်ကြောင်း တပ်မတော် စစ်ရေးချုပ် ဒုတိယဗိုလ်ချုပ်ကြီးခင်ဇော်ဦးက ဧရာဝတီသို့ပြောသည်။

အမျိုးသမီးဗိုလ်လောင်းများအလိုရှိကြောင်း အောက်တိုဘာလ ၁၆ ရက်နေ့မှစတင်ပြီး နိုင်ငံပိုင်သတင်းစာများတွင် ခေါ်ယူလျက်ရှိပြီး  တက္ကသိုလ်တခုခုမှ ဘွဲ့ရရှိပြီးသူများ၊ မဟာဘွဲ့ရများ၊ ပါရဂူဘွဲ့ ရအမျိုးသမီးများအနေဖြင့်  ဗိုလ်လောင်း လျှောက်ထားနိုင်ကြောင်းဖော်ပြထားသည်။

“တပ်ခွဲတခွဲ အင်အားလောက်ခေါ်မယ်။ အရေအတွက်က ၅၀ဦးနဲ့ ၁၀၀ဦး ကြားဖြစ်နိုင်တယ်၊  နောင်နှစ်တွေမှာလည်း
အမျိုးသမီးဗိုလ်လောင်းတွေ ဆက်တိုက်ခေါ်ဖို့ရှိတယ်”ဟု စစ်ရေးချုပ် ဒုတိယဗိုလ်ချုပ်ကြီးခင်ဇော်ဦးက ဧရာဝတီ သို့ ပြောသည်။

ယခင်က ဘွဲ့ရအမျိုးသမီးဗိုလ်လောင်းများကို ၁၉၅၈ခုနှစ် အထိသာ ခေါ်ယူခဲ့ဖူးပြီး အရေအတွက်အားဖြင့် အမျိုးသမီး တပ်မတော် အရာရှိ ၄၀ခန့် ရှိခဲ့ကြောင်း၊ အဆိုပါအမျိုးသမီးများတပ်မတော်အရာရှိများတွင်  တချို့သည် စစ်တပ်တွင် ဒုတိယဗိုလ်မှူးကြီး နှင့် ဗိုလ်မှူးကြီး အဆင့်အထိ တာဝန်ထမ်းဆောင်ခဲ့ကြပြီး ယခုခေါ်ယူမှုသည် ၁၉၅၈ ခုနှစ် နောက်ပိုင်း တွင် ပထမဆုံးအကြိမ် ပြန်လည်ခေါ်ယူမှုဖြစ်ကြောင်း သိရှိရသည်။

တပ်မတော်တွင် တာဝန်ထမ်းဆောင်ရန် အမျိုးသမီးဗိုလ်လောင်းများခေါ်ယူရခြင်းမှာ  ဘွဲ့ရ ပညာတတ် မိန်းကလေး များသည် အလုပ်အကိုင်နေရာ ထိုက်ထိုက် တန်တန်မရရှိခြင်းနှင့်၊ အမျိုးသမီးများသည် စိတ်ရှည်ပြီး တပ်မတော်၏ တချို့ရာထူး နေရာများသည် အမျိုးသမီးများနှင့်ပိုမိုသင့်တော်သည့်အတွက် တာဝန်ပေးအပ်ရန် ခေါ်ယူခြင်းဖြစ်ကြောင်း သိရသည်။

“သင်တန်းအောင်မြင်တဲ့ သူတွေကို စစ်တပ်က ရုံးတွေမှာ ဦးစီးအရာရှိအဖြစ် ခန့်ထားမှာပါ၊ သင်တန်းကာလမှာ ဗိုလ်လောင်း တယောက် ရသင့်ရထိုက်တဲ့ လစာပေးမယ်။ ရာထူးကလည်း သတ်မှတ်ထားသလို အဆင့်ဆင့် တက်သွားမှာပဲ”ဟု ဒုတိယ ဗိုလ်ချုပ်ကြီး ခင်ဇော်ဦးက ရှင်းပြသည်။

တပ်မတော်က အမျိုးသမီး အရာရှိများ ခန့်အပ်ရာတွင် တက္ကသိုလ်ဘွဲ့ရရှိပြီးသူ အမျိုးသမီးများအနေဖြင့် ဗိုလ်လောင်း သင်တန်း အောင်မြင်ပါက ဒုတိယဗိုလ်အဆင့်ဖြင့်လည်းကောင်း၊ မဟာဘွဲ့၊ ပါရဂူဘွဲ့ရအမျိုးသမီးများ သင်တန်း အောင်မြင် ပါက ဗိုလ်အဆင့်ဖြင့် စတင်ခန့်အပ်ခံရမည်ဖြစ်ပြီး နောက်ပိုင်းတွင် တပ်မတော် ရာထူး ခန့်ထားရေး အဖွဲ့က အဆင့်ဆင့် ရာထူးတိုးမြှင့်ပေးသွားမည်ဖြစ်ကြောင်းသိရသည်။

လျှောက်ထားမည့် အမျိုးသမီးဗိုလ်လောင်းများသည် တပ်မတော်ဗိုလ်ရွေးအဖွဲ့၏ စစ်ဆေးမှုခံယူရမည်ဖြစ်ပြီး စစ်ဆေးမှု အောင်မြင်သော ဗိုလ်လောင်းများကို သင်တန်း၆လ ပေးမည်ဖြစ်ကြောင်း၊  အမျိုးသမီးဗိုလ်လောင်း များကို သင်တန်း ပေးရန် ရန်ကုန်မြို့နှင့်အနီးတဝိုက်တွင် အမျိုးသမီးစစ်လေ့ကျင့်ရေးကျောင်းတကျောင်း ဖွင့်လှစ်သွားမည်ဟု သိရှိရသည်။

အမျိုးသမီးဗိုလ်လောင်းများအပြင် အမျိုးသမီးတပ်ကြပ်ကြီးစာရေးများကိုလည်း ခေါ်ယူသွားမည်ဟု သိရှိရသည်။

“အောက်တိုဘာ တတိယပတ်ထဲမှာလည်း တက္ကသိုလ်ဝင်တန်းအောင် အမျိုးသမီးတွေကို တပ်ကြပ်ကြီး စာရေးရာထူး ခေါ်ယူဖို့ရှိတယ်” ဟု ဒုတိယဗိုလ်ချုပ်ကြီးခင်ဇော်ဦးက ဆိုသည်။

အမျိုးသမီး ဗိုလ်လောင်း ခေါ်ယူရာတွင် စည်းကမ်းချက်များအနေဖြင့် ပြည်ထောင်စုမြန်မာနိုင်ငံသား အိမ်ထောင် မရှိဖူးသူ (အပျို)၊ အနည်းဆုံး အရပ် ၅ ပေ ၃လက်မ နှင့် ကိုယ်အလေးချိန် ပေါင်(၁၀၀)ထက်မနည်းရ၊ ပေါင်(၁၃၀)ထက် မကျော်ရ၊ မျက်မှန် တပ်ဆင်ထားသူ မဖြစ်ရ၊ ၂၀၁၃ဒီဇင်ဘာ ၃၁ရက်တွင် အသက်၂၅နှစ်ထက် ကျော်လွန်သူမဖြစ်ရနှင့်  ပါရဂူဘွဲ့ရပြီး သူဖြစ်ပါက  အသက်၃၀နှစ်အထိ ရှိရမည်ဟု ဆိုသော အချက်များ ပါဝင်သည်။

လက်ရှိ မြန်မာ့တပ်မတော်တွင် အမျိုးသမီးစစ်ဆေးဆရာဝန်နှင့် သူနာပြုများကိုသာ နှစ်စဉ် ခေါ်ယူခန့်အပ်လျက်ရှိသည်။
ဧရာဝတီ

အပြည့်အစုံသို့ »

မြန်မာ့နိုင်ငံရေးဆောင်းပါးများ ဦးသိန်းစိန် ၂၀၁၅ မှာ သမ္မတ ဆက်မလုပ်ဟု သူရဦးရွှေမန်း ပြောဆို



လာမည့် ၂၀၁၅ ခုနှစ် ရွေးကောက်ပွဲတွင် လက်ရှိသမ္မတ ဦးသိန်းစိန်အနေဖြင့် သမ္မတရာထူးကို ဆက်လက် ထမ်းဆောင်တော့မည် မဟုတ်ဟု ပြည်ထောင်စုလွှတ်တော် နာယက သူရဦးရွှေမန်းက ထုတ်ဖော်ပြောဆို လိုက်ပါတယ်။

မကြာသေးခင်က ထိုင်းခရီးစဉ်အတွင်း ဧရာဝတီသတင်းဌာနနဲ့ သီးသန့်တွေ့ဆုံ မေးမြန်းခန်းမှာ ဦးရွှေမန်း က အခုလို ထုတ်ဖော် ပြောဆိုပါတယ်။ သူရဦးရွှေမန်းဟာ လာမယ့် ရွေးကောက်ပွဲမှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးတိုးတက်ရေးပါတီကို ဦးဆောင်ယှဉ်ပြိုင်ဖို့ ပြင်ဆင်နေပြီး သမ္မတဖြစ်ချင်တယ် လို့လည်း ပြောဆိုကြေညာထားသူလည်း ဖြစ်ပါတယ်။

မကြာသေးမီက သူရဦးရွှေမန်းနဲ့ သမ္မတဦးသိန်းစိန်ကြား “နိုင်ငံရေး ပွတ်တိုက်မှု”တွေ ရှိတယ်။ ဒါဟာ အုပ်ချုပ်ရေးအဖွဲ့နဲ့ ဥပဒေပြုအဖွဲ့ကြား အာဏာလွန်ဆွဲမှုကြောင့်လို့ ယူဆသုံးသပ်မှုတွေ ပေါ်ထွက်ခဲ့ ပါတယ်။ ဒါ့အပြင် ပြီးခဲ့တဲ့ စစ်အစိုးရလက်ထက် ဦးသိန်းစိန်ထက် ပိုစီနီယာကျခဲ့တဲ့ သူရဦးရွှေမန်းဟာ အခု “ပြုပြင်ပြောင်းလဲရေး”မှာ ဦးသိန်းစိန်လောက် ရှေ့တန်းမရောက် မျက်နှာသာမရတာကြောင့် နှစ်ဦးကြား ပုဂ္ဂလိကဆိုင်ရာ မကျေနပ်မှုတွေလည်း ရှိကောင်းရှိမယ်ဆိုတဲ့ ထင်မြင်ချက်တွေလည်း ပေါ်ထွက်ခဲ့ပါတယ်။

ဒါကို ဧရာဝတီက မေးမြန်းရာမှာ သူရဦးရွှေမန်းက ဦးသိန်းစိန်ဟာ ၂၀၁၅ မှာ နိုင်ငံရေး ဆက်မလုပ်ဟု ပြောဆိုထား၍ မိမိတို့နှစ်ဦးကြား ပြဿနာမရှိကြောင်း၊ ပုဂ္ဂိုလ်ရေးအရ ဦးသိန်းစိန်က အရင်အတိုင်း ကိုရွှေမန်း တခါတခါ ဗိုလ်ချုပ်ကြီး လို့ခေါ်ပြီး ဥက္ကဋ္ဌကြီး လို့တောင် မခေါ်ကြောင်း၊ မိမိကလည်း အရင်လိုပဲ “အကို” လို့ ရင်းရင်းနှီးနှီး ခေါ်ဆဲလို့ ဆိုပါတယ်။

ဧရာဝတီက ၂၀၁၅ တွင် သမ္မတ ဖြစ်လာပါက ဦးသိန်းစိန်လို ပြုပြင်ပြောင်းလဲရေးတွေ ဆက်လုပ် မလုပ် မေးမြန်းရာမှာ သူရဦးရွှေမန်းက ပြုပြင်ပြောင်းလဲရေးသမားလို့ မိမိကိုယ်မိမိ ပြောဆိုနေ သူတွေ အနေနဲ့ အပြောနဲ့ အလုပ်ရှေ့နောက်ညီညွတ်ဖို့၊ ပြုပြင်ပြောင်းလဲရေးဆိုတာ တရက်ထဲ လုပ်ရမယ့်အလုပ်လို့ မမှတ် ယူဖို့၊ ဒီမိုကရေစီဆိုတဲ့ စကားပြောနေပေမယ့် တကယ့် ဒီမိုကရေစီ သမားဖြစ် မဖြစ် ဆန်းစစ်ဖို့ လိုတယ် လို့ ပြန်ဖြေပါတယ်။

ဒါ့အပြင် အမျိုးသားစည်းလုံးညီညွတ်မှု အားနည်း၍ တိုင်းပြည်အခြေအနေ နိမ့်ကျနေခြင်းဟာ “ငါတို့သာ တိုင်းပြည်ချစ်တယ်” ဆိုတဲ့ အစွဲရှိ သူများကြောင့်လို့ ပြည်ထောင်စုလွှတ်တော် နာယကက ပြောဆို ဝေဖန်လိုက်ပါတယ်။

“တိုင်းပြည်ဘာကြောင့် နိမ့်ကျသလဲဆိုတော့ ငါပဲလုပ်မယ်၊ မင်းတို့ မလုပ်နဲ့၊ ငါတို့ပဲ တိုင်းပြည် ချစ်တယ်၊ မင်းတို့ တိုင်းပြည်မချစ်ဘူး၊ ငါတို့ပဲ လုပ်တတ်တယ်၊ မင်းတို့ မလုပ်တတ်ဘူး၊ မလိုပါဘူးကွာ ဆိုတဲ့ အယူအဆတွေ ကြောင့်ပါ”လို့ ဦးရွှေမန်းက ဆိုသွားပါတယ်။
မည်သူ့ ကို ရည်ညွှန်းပါလဲလို့ မေးရာတွင် “သမိုင်းကြောင်းကို ပြန်ကြည့်ရင် တွေ့နိုင်ပါတယ်”လို့သာ ပြန်ဖြေပါတယ်။

မကြာသေးမီက“ လွှတ်တော်သည်လည်း အစိုးရပဲ” လို့ ဖွင့်ဆိုခဲ့တာကလည်း အစိုးရဆိုတာ ဥပဒေပြုရေး အာဏာ၊ အုပ်ချုပ်ရေး အာဏာ၊ တရား စီရင်ရေး အာဏာ စတဲ့ အာဏာသုံးရပ်ကို ပိုင်ဆိုင်တာကို ရည်ရွယ်ရင်းရှိတာမို့ လွှတ်တော်ဟာလည်း အစိုးရလို့ ပြောရင်ရတယ်လို့ ဆိုလိုတာလို့ သူရဦးရွှေမန်းက ဆက်ရှင်းပါတယ်။

“အရေးကြီးတာ နိုင်ငံအတွက်ကြည့်ရမယ်။ ကိုယ့်နိုင်ငံက အပြင်ကိုထွက်လာတိုင်း ထွက်လာတိုင်း ကိုယ့် နိုင်ငံမှာ ဖြစ်ပျက်နေတဲ့ အခြေအနေတွေ နဲ့ ပတ်သက်လို့ စိတ်မကောင်းဘူး။ အားမရဘူး။ တော်တော်ကို နိမ့်ကျ နောက်ကျနေတာ ဖြစ်တယ်။ အဲဒါဘာကြောင့်ဆိုရင် တိုင်းရင်းသား စည်းလုံးညီညွတ်မှု အားနည်း လို့။ အမျိုးသားပြန်လည် စည်းလုံးညီညွတ်မှု အားနည်းလို့၊ ဒီထက်ပိုပြီးတော့ ဆိုရင် ငါဘဲ လုပ်မယ် မင်းတို့ မလုပ်နဲ့။ ငါတို့ဘဲ တိုင်းပြည် ချစ်တယ်။ မင်းတို့ တိုင်းပြည်မချစ်ဘူး။ ငါတို့ဘဲ လုပ်တတ်တယ် မင်းတို့မလုပ် တတ်ဘူး ဆိုတဲ့ အယူအဆ တွေကြောင့်”လို့ ပြောပါတယ်။

သူရဦးရွှေမန်းဟာ ဒေါ်အောင်ဆန်းစုကြည်နဲ့ ပုဂ္ဂိုလ်ရေး ရင်းနှီးပါတယ်။ ဒါပေမယ့် နိုင်ငံအတွက် ပူးပေါင်း ဆောင်ရွက်ရေးပဲ အလေးထားတယ်၊ ပြောဆိုဆွေးနွေးတယ် လို့ သူရဦးရွှေမန်းက ဆိုပါတယ်။

ဒေါ်အောင်ဆန်းစုကြည်နဲ့ ပတ်သက်လို့ မိမိ တပ်မတော်မှာရှိစဉ်ကတည်းက နိုင်ငံခေါင်းဆောင်ကြီး သမီး အနေနဲ့ ကိုယ်တတ်နိုင်တဲ့ အချိန်မှာ ကူညီစောင့်ရှောက်မယ်ဆိုတဲ့ စာနာစိတ်အပြည့်ထားခဲ့ပြီး၊ ဟိုတုန်း ကတည်းက မဖြစ်သင့်တာတွေ၊ မထိုက်တန်တဲ့ အပြစ် တွေကို မခံစေချင်ဘူး၊ အလားတူပဲ တခြားသူတွေ အပေါ်မှာလည်း ပက်ပက်စက်စက် ရိုင်းရိုင်းပျပျ မဆက်ဆံ ခဲ့ပါဘူးလို့ ဦးရွှေမန်းက ထုတ်ဖော်ပြောဆို ပါတယ်။

“ပြောမယ်ဆိုရင်တော့ အားလုံးကိုလေ မျှမျှတတ ဖြစ်စေချင်တယ်။ မဖြစ်သင့်တာတွေ မဖြစ်စေ ချင်ဘူး။ ဖြစ်သင့်တာကိုပဲ ဖြစ်စေချင်တယ်။ အဲ့အတိုင်းပဲ အပြစ်ဆိုရင်လည်း မတန်တဲ့ အပြစ်တွေ မထိုက်သင့်တဲ့ အပြစ်တွေ မခံစေချင်ဘူး။ ခံရသည့်တိုင်အောင် သူတို့တွေက ဆင်းဆင်းရဲရဲ ဒုက္ခမဖြစ်စေချင်ဘူး။ ဒီလို ပြောတဲ့အတွက် စစ်သားမှ ဟုတ်သလားလို့ မေးကောင်းမေးနိုင်တယ်။ ဗိုလ်ချုပ်ကြီးမှ ဟုတ်ပါ့မလားလို့ မေးနိုင်တယ်။ ကိုယ့်အကြောင်း ကိုယ်သိပါတယ်” လို့ သူရဦးရွှေမန်းက ဆိုပါတယ်။

သမ္မတ ဦးသိန်းစိန်၊ ဒေါ်အောင်ဆန်းစုကြည်နဲ့ မိမိတို့ သုံးဦးအကြားမှာ ဟန်ချက်ညီညွတ်မှုကတော့ “လိုသလောက် မရဘူး”လို့ ဆိုပါတယ်။ ဘာကြောင့်လည်းလို့ မေးတော့ ” ငါတို့ပဲ လုပ်နိုင်တယ်။ ငါတို့ပဲ လုပ်တတ်တယ်။ မလိုပါဘူးကွာ ဆိုတဲ့ဟာမျိုးတွေ တခါတခါ ဒီလို အယူအဆတွေ ရှိလာတယ် ဆိုရင် ဒါမျိုး တွေ ဖြစ်တတ်ပါတယ်” လို့သာ ဖြေပါတယ်၊ ဘယ်သူ့ကို ရည်ညွှန်းပြောဆို သလဲလို့ မေးတာကိုတော့ မဖြေပါဘူး။

အတိတ်တုန်းက စစ်တပ်က အရပ်ဘက်အဖွဲ့အစည်းတွေ နိုင်ငံရေးအတိုက်အခံတွေအပေါ် ရက်ရက် စက်စက် နှိပ်ကွပ်တာတွေ ပတ်သက်လို့လည်း မိမိအနေနဲ့ လူတွေရဲ့ ခံစားချက်တွေကို နားလည်တဲ့ အတွက် ၈၈၈၈ ငွေရတုပွဲ ကို သဝဏ်လွှာပို့ခဲ့ကြောင်း၊ ကျောင်းသားခေါင်းဆောင်တွေ ပြောတာကို နားထောင်ပေးခဲ့အပြင် ပြည်တွင်းငြိမ်းချမ်းရေး အတွက် ကချင်ပြည်နယ်သွားတုန်းကလည်း တိုင်းရင်းသား တွေ ရဲ့ ခံစားမှုတွေကို စိတ်မကောင်းဖြစ်စွာနဲ့ နားထောင်ပေးခဲ့ကြောင်း ဆိုပါတယ်။
“ကိုယ်ကတော့ နားထောင်နိုင်ပါတယ်။ လက်ခံနိုင်ပါတယ်။ တချို့နားထောင်နိုင်ခြင်း ရှိမရှိတော့ မသိဘူး။ ကိုယ်ကတော့ နားထောင်တယ်။ အဲဒီ အထဲမှာ ကောင်းတဲ့အဖြေတွေ ပါလာနိုင်တယ်။ စဉ်းစားစရာတွေ ပါလာ နိုင်တယ်။ ကိုယ်ဒီလိုလဲ ပြောပါတယ်။ အခု နိုင်ငံအနှံ့လျှောက်သွားပြီး တွေ့တဲ့အခါမှာ ငြိမ်းချမ်းရေး ကိစ္စနဲ့ ပတ်သက်ပြီးတော့ ကချင်ပြည်နယ်သွားတယ်။ ပူတာအိုမှာရှိတဲ့ တိုင်းရင်းသားတွေရဲ့ အသံက တမျိုး။ နောက်မြစ်ကြီးနား ရောက်သွားတော့ မြစ်ကြီးနားမှာရှိကြတဲ့ ကချင်ဂျိမ်းဖောတွေက အသံတမျိုး။ မိုးညှင်းရောက်လာတော့ ရှမ်းနီတွေရဲ့အသံက တမျိုး။ အသံတခုနဲ့ တခု မတူဘူး။ ခံစားမှုတွေ အမျိုးမျိုး ရှိတယ်။ ဆိုလိုတာက ဒီခံစားမူတွေက တယောက်နဲ့တယောက်မတူဘူး” လို့ ပြောပါတယ်။

သူရ ဦးရွှေမန်းဟာ ဇွန်လတုန်းက အမျိုးသားကာကွယ်ရေးနဲ့ လုံခြုံရေး ကောင်စီ(ကာလုံ) အစည်းအဝေး ခေါ်ယူခဲ့ပြီး ငြိမ်းချမ်းရေး ဗဟိုကော်မတီကို ပြန်လည်ပြင်ဆင်ဖွဲ့စည်းကာ ငြိမ်းချမ်းရေးအကောင်အထည် ဖော်မှု ဖြစ်စဉ်တွေကို ဝင်ရောက်ပတ်သက်လာခဲ့ပါတယ်။ သူက MPC လို့ခေါ်တဲ့ Myanmar Peace Center ဟာ ဆုံးဖြတ်ချက်ချသူ (Decision Maker) မဟုတ်သလို၊ နိုင်ငံရေးဆုံးဖြတ်ချက်လည်း ချမရဘူး လို့ ဧရာဝတီကို အတိအလင်း ပြောပါတယ်။
“MPC သည် Decision Marker မဟုတ်သလို Political Decision လည်းပေးလို့ မရဘူး။ အဲဒီမှာ ပြောခဲ့ ပါတယ်။ သူတို့အနေနဲ့ ကျေနပ်တာ ရှိရင်ရှိမယ်။ မကျေနပ်တာ ရှိရင် ရှိမယ်။ ကျေနပ်တာဆိုတာက ကိုယ့်အနေနဲ့ အဖွဲ့တွေ ခေါ်လာပြီးတော့ ဒီ MPC ကိုလာကြည့်ပေးတယ် ဆိုတာကို ကျေနပ်တာ။ ဒါပေမယ့် ဒီလိုပြောတဲ့စကားကို မူတည်ပြီးတော့ ကျေနပ်ချင်မှ ကျေနပ်မယ်။ ကျေနပ်ဖို့ မကျေနပ်ဖို့ အရေးမကြီးဘူး။ မိမိတို့ လုပ်ငန်းစဉ် မှန်သွားဖို့နဲ့ တကယ်ငြိမ်းချမ်းရေးရဖို့ ပဲ လိုတယ်။ ကိုယ့်အနေနဲ့ ပြောရမယ်ဆိုရင် အတွေ့အကြုံ ပေါ်မူတည်ပြီး တချို့လုပ်ဆောင်ချက်တွေက အပြောတွေ မှားသွားနိုင်တယ်။ လမ်းတွေ လွှဲသွားနိုင်တယ်။ အပြောမှားတာကြောင့် လမ်းလွှဲတာကြောင့် မိမိတို့ ရလိုတဲ့ ငြိမ်းချမ်းရေး အလှမ်းဝေး သွားမှာ စိုးရိမ်တယ်” လို့ ဆိုပါတယ်။

အခြေခံဥပဒေ ပြင်ဆင်ရေးနဲ့ ပတ်သက်လို့လည်း ၂၀၁၅ မတိုင်ခင် ပြင်ဖို့ဖြစ်နိုင်မယ် မထင်ဘူးလို့ ဆိုသူတွေထဲမှာ သူ မပါဘူးလို့လည်း သူရဦးရွှေမန်းက ဆိုပါတယ်။ ဥပဒေတခုဟာ တခါပြဌာန်းပြီးရင် တောက်လျှောက်မှန်နေ ရမယ်ဆိုတာ မဖြစ်နိုင်ကြောင်း၊ ဒါကြောင့် ပြည်သူ့လွှတ်တော်စဖွဲ့စည်းပြီး မကြာခင်မှာဘဲ ဥပဒေရေးရာ လေ့လာ သုံးသပ်ရေးကော်မရှင်ဆိုတာ ဖွဲ့လိုက်ကြောင်း၊ ဒါဟာ ဖွဲ့စည်းပုံ အခြေခံဥပဒေက ခေတ်ကာလနဲ့အညီ လိုအပ်တဲ့အချိန်မှာ ပြင်သင့်တယ်လို့ ယူဆတဲ့ အတွက်ကြောင့် ဖြစ်ကြောင်း ပြောပါတယ်။

ပြည်ထောင်စု ကြံခိုင်ရေး နဲ့ ဖွံဖြိုးတိုးတက်ရေးပါတီ ဒု-ဥက္ကဋ္ဌ ဦးဌေးဦးနဲ့ ပါတီထိပ်တန်း ခေါင်းဆောင်များ ဖြစ်တဲ့ ဦးအောင်သောင်း၊ ဦးကျော်ဆန်းတို့က ဖွဲ့စည်းပုံ အခြေခံဥပဒေ ပြင်စရာ မလိုသေးဘူးလို့ယူဆ ပေမယ့် ပါတီရဲ့ သဘောထားကတော့ စီအီးစီရဲ့ အဆုံးအဖြတ်ပေါ် မူတည်ကြောင်း၊ “မကြာခင်ကာလမှာ အဖြေပေါ်မှာပါ”လို့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီ ဥက္ကဋ္ဌလည်း ဖြစ်တဲ့ သူရဦးရွှေမန်းက ပြောပါတယ်။

သားသမီးတွေ လုပ်ကိုင်နေတဲ့ စီးပွားရေးအနေနဲ့ နိုင်ငံသားတယောက်ရဲ့ အခွင့်အရေးအရ ဥပဒေနဲ့ အညီ လုပ်ကိုင်တဲ့ မှန်ကန်တဲ့စီးပွားရေးသာဖြစ်ပြီး အချိန်မရွေး မေးခွန်းထုတ်နိုင် စစ်ဆေးနိုင်ပြီး မှတ်ကျောက် တင်ခံရဲတယ်လို့လည်း ဧရာဝတီကို ပြောဆိုပါတယ်။

” မိမိတာဝန်ရှိတဲ့ အချိန်တုန်းက တချို့က ပြောကြတယ်။ စီးပွားရေး ရှေ့ထွက်လုပ်ရင် မကောင်း ပါဘူး။ ဒါကြောင့်မို့လို့ မလုပ်သင့်ဘူး ဆိုပြီးတော့ ကောင်းတဲ့ အကြံဥာဏ်တွေ ပေးပါတယ်။ အဲတော့ ကိုယ်က ပြောပါတယ်။ နိုင်ငံသား တယောက်ရဲ့ အခွင့်အရေးမှာ မှန်ကန်တဲ့ စီးပွားရေး လုပ်ကိုင်ခွင့် ရှိတယ်။ လုပ်မှာဘဲ။ လုပ်တဲ့အခါ မှာ ဥပဒေနဲ့ ညီဖို့ လိုတယ်။ မတရား အခွင့်အရေးတွေ မယူမိဖို့ လိုတယ်။ လုပ်ပါ စေ။ သူလုပ်တဲ့အခါမှာ ဥပဒေနဲ့ မညီဘူးဆိုရင် ဥပဒေအရ အတိုင်းအတာအရ သူ့ဟာသူ အပစ်ပေးလိမ့် မယ်။ ဆိုပြီးတော့ ဒီလိုဘဲ ခိုင်းခဲ့တယ်။ ဒီနေ့လည်း ဒီအတိုင်းရပ်တည် ထားတယ်” လို့ ဆိုပြီး “တကယ်လို့ အဲဒီအတွက် တခုခုဖြစ်မယ်ဆိုရင်လည်း တာဝန်ယူရဲတယ်။ တာဝန်ခံရဲ တယ်။ ဒီကိစ္စနဲ့ ပတ်သက်လို့လည်း သူတို့လုပ်နေတဲ့ စီးပွားရေး လုပ်ဆောင်ဖို့အတွက် ကိုလည်း ကိုယ်က အခွင့်အလမ်း တရပ်အနေနဲ့ သီးခြား ဖန်တီးပေးခဲ့တာ မရှိဘူး” လို့လည်း သူရဦးရွှေမန်းက ပြောပါတယ်။

ခရိုနီတွေနဲ့ ပတ်သက်လို့ကတော့ အရင်စစ်အစိုးရလက်ထက်မှာ တိုင်းပြည် လိုအပ်ချက်ကို ၀ိုင်းဝန်းဆောင် ရွက်ပေးလို့ တိုင်းပြည် အဆင်ပြေသွားတာရှိသလို၊ သူတို့လည်း အဆင်ပြေသွား တာလည်း ရှိကြောင်း ပြောဆိုပါတယ်။ သို့သော် ဆန်ရှင်ကလွှတ်မလွှတ်ဆိုတာ မိမိတို့နဲ့ မဆိုင်ဘူး၊ အမေရိကန်နဲ့သာ ဆိုင်တယ် လို့ ဆိုပါတယ်။

ယခု သီတင်းကျွတ်တွင်မူ အငြိမ်းစားဗိုလ်ချုပ်မှူးကြီး သန်းရွှေကို သွားရောက်ကန်တော့ရန် ရှိကြောင်း လည်း သူရဦးရွှေမန်းက ယခုလို ပြောဆိုသွားခဲု့ပါတယ်။

“ဒါကတော့ မြန်မာဓလေ့ထုံးတမ်းဖြစ်ပါတယ်။ နိုင်ငံရေးနယ်ပယ်မှာတော့ သူရဲ့လွှမ်းမိုးမူကတော့ မရှိပါဘူး။ အန်ကယ့်ဘက်က ပြောရမယ်ဆိုရင်တော့ လူကြီး တယောက်လို မှတ်ထားတယ်။ နိုင်ငံ့အတွက်လည်း သူ စေတနာထားပြီး လုပ်ခဲ့တယ်။ ကောင်းတာတွေလည်း ပေါ်ပေါက်သလို တချို့ကိစ္စတွေလည်း ပြောင်းပြန် အကျိုးသက်ရောက်မူတွေ ရှိတာပေါ့။ နိုင်ငံရေးမှာတော့ လောလောဆယ် သူ့အနေနဲ့ ထဲထဲဝင်ဝင် ပါတဲ့အနေအထား မရှိပါဘူး။ တပ်မတော်ပေါ်မှာလည်း ဒီအတိုင်းပါဘဲ။ သို့သော် အရှိန်အဝါနဲ့ အစဉ် အလာဆိုတဲ့ သဘောကတော့ ရှိနိုင်တယ်။ ဘာလုပ်လိုက်ပါ ဘာမလုပ်လိုက်ပါနဲ့ဆိုတဲ့ အနေအထားတော့ မရှိပါဘူး” လို့ ပြောဆိုသွားပါတယ်။

irrawaddy

အပြည့်အစုံသို့ »

ကံကောင်းလာစေရန်



ဆိုးနေသော “ကံ “တောင်းပန်ပြီးထွက်ပြေးစေမယ့်ကုသိုလ် [၅] မျိုး နေ့စဉ်ပြုလုပ်ပါ။

ပထမဦးလုပ်ရမှာက..

မနက်အိပ်ရာထတာနဲ့ ကိုယ်လက်သန့်စင်ပြီး မိသားစုကိစ္စတွေ
ဘာမှမလုပ်ပါနဲ့ဦး။ ဘုရာခန်းကို အရင်သွားပါ။ ဘုရားသောက်တော်
ရေကို အရင်ကပ်လိုက်ပါ။ ပြီးရင် ငါးပါးသီလကို ခံယူလိုက်ပါ။ ပြီးတော့

၁။ ။ ဒါန

ဘုရားကိုရေချမ်းကပ်
ဆန်လက်တဆုပ်၊ စာကလေး၊ခိုကလေးတွေကို အစာကျွေး

၂။ ။ သီလ
ငါးပါးသီလကို လုံလုံခြုံခြုံ စောင့်ထိန်း
ဥပုဒ်နေ့တွေ ရှစ်ပါးသီလ၊ ကိုးပါးသီလတွေကို စောင့်ထိန်း

၃။ ။ ဂုဏ်တော်
ဂုဏ်တော် [၉]ပါးထဲက နှစ်သက်ရာတစ်ခုခုကို ပွါးများပါ
ဥပမာ ..အရဟံ
အရဟံ....ပူဇော် အထူးကို ခံယူထိုက်သော မြတ်စွာဘုရား။
အရဟံ....ကိလေသာ ကင်စင်တော် မူသော မြတ်စွာဘုရား။
အရဟံ....ဆိတ်ကွယ်ရာအရပ်ပင် မကောင်းမူ့ကို ပြုတော်မမူသော
မြတ်စွာဘုရား။


၎။ ။မေတ္တာ
ကိုယ့်အပေါ် ကျေးဇူးရှိတဲ့ ကျေးဇူးများတဲ့ လူပုဂ္ဂိုလ်အားလုံးကို
တစ်ယောက်ချင်း ကုန်အောင်ပွါးပါ။ ပြီရင်နတ်ကောင်းနတ်မြတ်တွေ
ကိုယ်စောင့်နတ်၊ အ်ိမ်စောင့်နတ် ကစပြီး လမ်း၊ မြို့နယ်၊ နိုင်ငံကိုစောင့်
ရှောက်နေကြတဲ့ နတ်ကောင်းနတ်မြတ်တွေကို အဆင့်ဆင့် ပွါးပါ။
ငါ၏အိမ်ကိုစောင့်ရှောက်နေကြသော နတ်ကောင်းနတ်မြတ်အားလုံး
ကိုယ်ဆင်းရဲခြင်း ကင်းပါစေ။
စိတ်ဆင်းရဲခြင်း ကင်းပါစေ။
အစစ အရာရာအဆင်ပြေပါစေ။


၅။ ။ဝိပသနာ
ဘုရား တပည့်တော်သည် သံသရာအစ ယနေ့တိုင်အောင်
တပါးပါးဖြင့် ပြစ်မှားကျူးလွန်မိသည်ရှိသော် ထိုအပြစ်တို့ကို သီးခံ
ခွင်လွတ် ကျေနပ်တော်မူပါရန် ၀န်ချတောင်ပန်ပါသည်။ တပည့်တော်၏
အပေါ် တင်ရှိခဲ့သော အပြစ်များကိုလည်း တပည့်တော်က ကျေနပ်ခွင့်
ပြုပါသည်။တပည့်တော်၏ ခန္ဒာငါးပါး၊ ရုပ်နာမ်နှစ်ပါးကို ယခု တရားအား
ထုတ်စဉ်နိဗာန်ကို၇ည်းမှန်းပြီး မြတ်စွာဘုရားအားလှုဒါန်း၏


အမျှဝေ..
ဒီနေ့မနက်ပြုတဲ့ ကုသိုလ်ငါးမျိုးကို နတ်ကောင်းနတ်မြတ်
အားလုံးကိုလည်းအမျှပေးဝေပါတယ်။ အမျှ အမျှ အမျှ ယူတော်မူကြပါ။
သာဓု သာဓု သာဓုဆိုပြီး။ နတ်ကောင်းနတ်မြတ်တို့ကိုလည်း အမျှပေးဝေလိုက်ပါ။

ဒီတိုင်းသာနေ့စဉ် ပြုလုပ်သွားပါက...
ဆိုးနေတဲ့“ကံ“ ဟာ တောင်းပန်ပြီး ထွက်သွားဦးမှာပါ။

ကိုယ်မလုပ်နိုင်တောင်မှ အိမ်မှာ၇ှိတဲ့ “မိဘ“ “မောင်နှမ“ တွေကိုပြောပြပေးပါ။ပြန်လည်မျှဝေပေးခြင်းဖြင့် ကုသိုလ်ယူပါ။

credit: လျှို့ဝှက်ဥယာဉ်
Aye Chan Mon

အပြည့်အစုံသို့ »