မညှာမတာ ပွင့်ပွင့်လင်းလင်းပြောရရင်တော့ ရေလုပ်ငန်းကဏ္ဍဟာ အစိုးရသစ်လက်ထက်မှာ နဂိုရှိရင်းစွဲဟိုဘက်အစိုးရဟောင်း လက်ထက်တုန်းကထက်တောင် လျော့သွားတဲ့သဘောရှိတယ်


မြန်မာနိုင်ငံ၏ ငါးလုပ်ငန်းအဖွဲ့ချုပ် အထွေထွေအတွင်းရေးမှူး
ဦးဝင်းကြိုင် နှင့် တွေ့ဆုံခြင်း
စီးပွားရေးပိတ်ဆို့မှုလည်း မရှိတော့ဘူး GSP (အခွန် အထူးသက်သာခွင့်)လည်း ရပြီဆိုတော့ ငါးလုပ်ငန်းကဏ္ဍမှာ ဘာတွေတိုးတက်သွားလဲ။
စီးပွားရေး ပိတ်ဆို့မှုလည်း လွတ်သွားပြီ။ GSP လိုအခွင့်အရေးမျိုးလည်းရဖို့အတွက် အခြေအနေရှိလာပြီ။ အဲဒီ အချိန်မှာ ဘာတိုးတက်သွားသလဲ ဆို တော့ အဲဒီဈေးကွက် ကို ငါးတွေပိုပြီး တင်ပို့နိုင်တဲ့အခြေအနေ၊ ဒီအခွင့်အရေး ကြောင့် ဈေးကွက်အသစ်တွေ ဖြစ်ထွန်း လာတယ်လို့ ပြောလို့ရပါတယ်။
အဲဒီကင်းလွတ်ခွင့်တွေကြောင့် အကျိုး သက်ရောက်မှု ဘယ်လောက်ထိ ရှိသွားပါသလဲ။
အကျိုးသက်ရောက်မှု အနေနဲ့က တော့ ထူးခြားတဲ့ ကိန်းဂဏန်းအရ ကြီး ကြီးမားမားတော့ ဒီနှစ်ထဲမှာ သိပ်တွေ့ ရဦးမယ်လို့ မထင်ဘူး။ အနည်းငယ် လောက် ပဲ တွေ့ရနိုင် တဲ့ သဘောရှိတယ်။ ဘာတွေ အခက်အခဲ ဖြစ်နေတာလဲဆို တော့ ဒီနေ့မြန်မာနိုင်ငံမှာ ပြီးခဲ့တဲ့နှစ်နှစ်ခွဲ လောက်တုန်းက ကြုံတွေ့ခဲ့ရတဲ့ ထုတ် လုပ်မှုဆိုင် ရာ၊ ဈေးကွက် ဆိုင်ရာ၊ ငွေလဲ နှုန်းဆိုင်ရာ အခက်အခဲတွေကြောင့် ထုတ် လုပ်မှုကို ကျဆင်းစေတဲ့သဘောရှိတယ်။ တစ်အချက်က နောက် ဒါက မွေးမြူ ထုတ်လုပ်ရေးအပိုင်းပေါ့။ ဖမ်းဆီး ထုတ် လုပ်မှုအပိုင်းကတော့ ရာသီဥတုကြောင့် အခက်အခဲဖြစ်ပြီးတော့ ဖမ်းဆီးရရှိမှု လျော့ပြီးတော့ နှစ်အချက်က ဖမ်းလို့ရ တဲ့ ငါးတွေ အရွယ်တွေ ငယ်နေတယ်။ အဲဒီအခက်အခဲတွေ ရှိနေတယ်။ အဲဒီ အခက်အခဲပေါ်မှာ အဲဒီထုတ်လုပ်မှုနယ် ပယ်ပေါ်မှာ အခြေခံပြီးပို့ရတဲ့ပို့ကုန်လုပ် ငန်းတွေ ဖြစ်နေတော့ အဲဒီထုတ်လုပ်မှု နယ် ပယ်တွေမှာပြဿနာအသီးသီး၊ မွေး မြူထုတ်လုပ်မှုအပိုင်းကတော့ ခုနက အချက်သုံးချက်ပေါ့။ ထုတ်လုပ်မှုပိုင်းမှာ ဖြစ်ပေါ်နေတာက အရင်းအနှီး မလုံ လောက် တာတို့၊ အရှုံးတွေပေါ်တာတို့၊ ထုတ်လုပ်မှုစရိတ်တွေ မြင့်တာတို့၊ အဲဒီ အတွက်ကြောင့် ထုတ်လုပ်မှု ကျဆင်း နေပါတယ်။
ဒါက ပုစွန်ရော၊ ငါးရော ပေါ့ မွေးမြူထုတ်လုပ်မှုအပိုင်းမှာ ဒါက ပြဿနာတစ်ခု၊ ဖမ်းဆီးထုတ်လုပ်မှု အ ပိုင်းကျတော့ ရာသီဥတုနဲ့ သဘာဝပတ် ဝန်းကျင်အခြေအနေကြောင့် အဖမ်းအ ဆီး လျော့တာတို့၊ အထိအမိနည်းတာ၊ အကောင်တွေ ငယ်လာတာတို့ အဲဒါမျိုး အခက်အခဲရှိပါတယ်။ အဲဒီ အခက်အခဲ တွေပေါ်မှာ တင်ပို့မှုအပိုင်းမှာ လာပြီးေ တာ့ တိုးတက်အောင် လုပ်ဖို့အတွက် အကန့်အသတ်၊ အဟန့်အတားတွေ ရှိ တယ်လို့ ပြောလို့ရတယ်။ ဘယ်လိုပဲ ဈေးကွက်ပိုင်းဆိုင်ရာ အခြေ အနေေ ကာင်းေ တွ ပေါ် လာပေမယ့် တိုးပြီးတော့လုပ် ဖို့အတွက် အဲဒီလို အကျပ်အတည်းတွေ က ၊ အခက်အခဲတွေက အဟန့်အတား တွေဖြစ်တယ်၊ တစ်အချက် က။ နှစ် အချက် က မွေြး မူထုတ်လုပ်မှု အပိုင်းမှာက ဥရောပ၊ အမေရိကန်အပါအဝင် နိုင်ငံ တွေက လက်ခံတဲ့ကုန်က ပုစွန်ဟာ သူ တို့ဆီက နှစ်သက်တဲ့ သဘောရှိတယ်။ ဒီမှာက ပုစွန်  Industry ဟာ လုံးဝရပ်သ လို ကျတဲ့သဘောရှိတယ်။ ပြည်ပပို့ကုန် အတွက်ရော၊ ပြည်တွင်းစားသုံးဖို့အ တွက်တောင် မနည်းကြိုးစားပြီးမွေးနေရ တဲ့ သဘောရှိတယ်။ ဒီဘက် မှာ ဖြ စ်နေ တဲ့ ပြဿနာပေါ့။
ဒါက နံပါတ်(၁) ပြဿနာပေါ့။ နံပါတ် (၂) ပြဿနာက သူတို့ ဈေးကွက်တွေမှာလိုအပ်တဲ့ ငါး တွေ၊ လိုအပ်တဲ့ဈေးကွက်ဆိုင်ရာလိုအပ် ချက်ပေါ်မှာ ထုတ်လုပ်မှုနဲ့ ညှိကြည့်တဲ့ အခါကျတော့သူတို့လိုအပ်ချက်က ပုစွန် လိုချင်တယ်၊ တီလားပီးယားငါး လိုချင် တယ်။ ဒီမှာက အဲဒါတွေ အဆင်သင့်မရှိ ဘူး။ ထုတ်လုပ်မှုပိုင်းက ဒါကို ထုတ်လုပ် မှုပိုင်းအရ စီမံချက် ဆွဲပြီးတော့ အ ကောင်အထည်ဖော်ရဦးမယ့် အခြေအ နေမှာ ရှိတယ်။ လက်တွေ့ မထုတ်နိုင် ဘူး။ မထုတ်နိုင်တဲ့ အခါကျတော့ ငါး မွေးမြူ ထုတ်လုပ်မှု အပိုင်းမှာက ဒီမှာ မွေးနေတဲ့ငါးက ပွင့်လာတဲ့ဈေးကွက်ကြီး တွေနဲ့ အရမ်းကြီးမဆိုင်ဘူး။ အနည်း အကျဉ်းတော့ဆိုင်တယ်။ သူတို့လိုချင် တဲ့ ဈေးကွက်မှာ အများကြီးလိုချင်တဲ့ငါးကို ဒီမှာ မထုတ်နိုင်သေးဘူး။ ထုတ်နိုင်တဲ့ အခြေအနေတစ်ခုဖြစ်အောင် ဖန်တီး ပေးရမယ်။ အဲဒီအပိုင်းက ကျွန်တော်တို့ ဘက်က ညှိပြီး ပြင်ရဦးမယ့် အပိုင်းပေါ့။ ပုစွန်ဆိုလည်း သူတို့ လိုချင်တဲ့ ပုစွန်ကို ကန်တွေထဲမှာ မွေးပြီးထုတ်နိုင်တဲ့ အ ဆင့်ဖြစ်အောင် လိုအပ်ချက်က ဘာတွေ လဲပေါ့။ အဲဒီလိုအပ်ချက်ကို ဖြည့်ဆည်း ပြီးတော့ ပုစွန်မွေးမြူရေး ထုတ်လုပ်မှု တက်အောင် လုပ်ရမယ်။ ကျွန်တော်တို့ မွေးနေတဲ့ငါးက သူတို့ အဓိကစားချင်တဲ့ ငါးမဟုတ်ဘူးဆိုရင် သူတို့ ဘာငါးစာ ချင်တာလဲ၊ တီလားပီးယား စားချင်တာ လား၊ တီလားပီးယားစားချင်တယ်ဆို ရင် အဲဒီငါးကို ပြောင်းမွေးပြီးတော့ သူ တို့ ဈေးကွက်ကို ပို့နိုင်အောင် လုပ်ပေး ရမယ်။ ကျွန်တော်တို့ ဘက်က လက်ရှိ အခြေအနေမှာ ပြုပြင်ပြောင်းလဲပေးရ မယ့် အချက်ပေါ့။ အဲဒီပြုပြင်ပြောင်းလဲ ရမယ့် အချက်တွေ ကျွန်တော်တို့ မလုပ် နိုင်သေးဘူး။ ဈေးကွက်တွေက ဖွင့် လာ တယ်။ GSP ရတယ်လို့ ပြောတယ်။ သို့ သော်လည်း အလုံးအရင်းနဲ့ ပို့ဖို့ကျတော့ ကျွန်တော်တို့ ထုတ်တဲ့ ထုတ်ကုန်က သူတို့ ဈေးကွက်လိုအပ်ချက်နဲ့ မကိုက် ညီသေး ဘူး။ ကိုက်ညီတဲ့ ပစ္စည်းဖြစ် အောင် ပြုပြင်ပြီး ထုတ်လုပ်ပေးရမယ်။
ငါးလုပ်ငန်းကဏ္ဍ ဖွံ့ဖြိုးတိုးတက်ဖို့အတွက် အဓိကလိုအပ်ချက်က ဘာတွေပါလဲ။
ငါးလုပ်ငန်းကဏ္ဍအဓိက ဖွံ့ဖြိုးတိုး တက်ဖို့ အတွက်ဆိုရင်တော့ နံပါတ်တစ် က ရင်းနှီးမြှုပ်နှံမှု လိုအပ်ချက် ပြည့်မီ အောင် လုပ်ပေးရမယ်။ (၂) အချက်က နည်းပညာဆိုင်ရာ လိုအပ်ချက်ကို ဖြည့် ပေးရမယ်။ နံပါတ် (၃) အချက်ကတော့ ဈေးကွက်ဆိုင်ရာ နည်းဗျူဟာကို စနစ် တကျ ချမှတ်ပြီးတော့ ရေးဆွဲရမယ်။ နံပါတ် (၄) အချက် ကေ တာ့ မွေးမြူ ထုတ်လုပ်မှုအပိုင်း၊ မွေးမြူထုတ်လုပ်လို့ ရတဲ့ ပစ္စည်းကို သယ်တာရှိတယ်။ ဖမ်း လို့ရတဲ့ ဟာတွေကိုလည်း သယ်ယူပို့ ဆောင်တဲ့ အပိုင်းရှိတယ်။ ဥပမာ ရခိုင် တို့၊ မြစ်ဝကျွန်းပေါ်တို့မှာ ဖမ်းလို့ရတာ တွေကို သယ်လာတဲ့အပိုင်းတွေ ရှိ တယ်။ နောက်အဲဒီသယ်လာတဲ့ ပစ္စည်း တွေကို အအေးခန်းစက်ရုံတွေနဲ့ ပြုပြင် ထုတ် လုပ်တဲ့ အပိုင်းရှိတယ်။
အဲဒီ ဖမ်း တာတွေ၊ သယ်တာတွေ၊ ထုတ်တာတွေ အားလုံးအတွက် အဓိက လိုအပ်ချက်က လမ်းတွေ၊ လျှပ်စစ်တွေ ပြည့်မီဖို့ လို တယ်။ လမ်းဆိုရင် ကောင်းရမယ်၊ အချိန်တိုအတွင်း ရောက်ရမယ်၊ မီးဆို ရင် အချိန်ပြည့် ရရမယ်။ အဲဒါတွေ ပံ့ ပိုးပေးဖို့ လိုအပ်တယ်။ အဲဒါမှ ရေလုပ် ငန်းကဏ္ဍရဲ့ ထုတ်လုပ်မှု၊ တင်ပို့မှုတွေ တိုးတက်လာမယ့်
သဘောရှိတယ်။ နောက်တစ်ချက်အနေနဲ့ ပြောလို့ရတာ ကတော့ နိုင်ငံခြားရင်းနှီးမြှုပ်နှံမှု ဝင် ရောက်ဖို့ လိုတယ်။ နိုင်ငံခြားရင်းနှီးမြှုပ် နှံမှု ဘာကြောင့် ဝင်ရောက်ဖို့ လိုသလဲ ဆိုတော့ နိုင်ငံခြားရင်းနှီးမြှုပ်နှံမှု ဝင် ရောက်လာရင် အရင်းအနှီးတွေ ပါလာ မယ်၊ တစ်အချက်။ နှစ်အချက်က နိုင်ငံ တကာရဲ့ နောက်ဆုံးပေါ် ခေတ်မီ နည်း ပညာတွေ ပါလာမယ်။ နံပါတ် (၃) အချက်ကတော့ သူတို့နဲ့ ဈေးကွက်ပါလာ မယ်။ အဲဒါကြောင့် ရေလုပ်ငန်းကဏ္ဍထဲကို အလုံးအရင်းနဲ့ ရောက်လာဖို့ လို တယ်။ အဲဒါတွေ FDI ကို ရေလုပ်ငန်း က မျှော်နေမယ်ဆိုရင်လည်း အဲဒီမျှော် ဖို့အပိုင်းမှာ အရေးကြီးတဲ့တစ်အချက်က လမ်းပန်းဆက်သွယ်မှု ကောင်းဖို့ပဲ။ လမ်းတို့၊ မီးတို့ ပြည့်မီရေးက နိုင်ငံခြား ရင်းနှီးမြှုပ်နှံမှုအပေါ်မှာ အဓိကလိုအပ် ချက်ပဲ။ အဲဒါတွေကို ပံ့ပိုးပေးဖို့လိုတယ်။
မြန်မာ့ရေထွက်ကုန်ပစ္စည်း ပြည်ပတင်ပို့ တဲ့အခါ အိမ်နီးချင်းနိုင်ငံတွေနဲ့ ယှဉ်ပြိုင် နိုင်ဖို့ဆိုရင် ဘယ်လောက်ထိ အချိန်ယူ ရမှာပါလဲ။
အချိန်တစ်ခုတော့ ယူကို ယူရလိမ့် မယ်။ အဲဒါဘာလဲဆိုတော့ ထုတ်လုပ်မှု ကျင့်စဉ်တွေရှိတယ်။ နိုင်ငံတကာဈေး ကွက်ကို ရေထွက်ကုန်ပစ္စည်း ဖြန့်ရင် မွေးတာပဲဖြစ်ဖြစ်၊ ဖမ်းတာပဲဖြစ်ဖြစ် ထုတ်လုပ်မှု နည်းစနစ်ကျင့်စဉ်တွေ ရှိ တယ်။ ကမ္ဘာက သတ်မှတ်ထားတဲ့စံ နှုန်းတွေအတိုင်း ထုတ်လုပ်ပေးဖို့ လို တယ်။ ပြီးရင် မွေးလို့ ဖမ်းလို့ ရလာတဲ့ ငါးတွေကို သယ်တဲ့အပိုင်းမှာလည်း နိုင်ငံတကာ ကျင့်ဝတ်၊ စံနှုန်းတွေမှာ လည်း လတ်ဆတ်နေအောင်သယ်ဖို့ လို တယ်။ နောက်အအေးခန်းတွေ ရောက် လို့ရှိရင် ပြုပြင် ထုတ်လုပ်ပြီး ထိန်းသိမ်း ထားရမယ်။ အဲဒီအပိုင်းတွေကလည်း ခေတ်မီအဆင့်မြင့် နည်းစနစ်တွေနဲ့ ကျင့်သုံးနိုင်တဲ့ အဆင့်ဖြစ်ဖို့ ကျွန်တော် တို့ ဘက်က လိုအပ်တယ်။ အဲဒီအပိုင်းက နိုင်ငံတကာ ဈေးကွက်မှာ သူများတွေ နဲ့ ယှဉ်ရောင်းဖို့က သူများနိုင်ငံတွေက ရေလုပ်ငန်းနဲ့ ပတ်သက်ပြီးတော့ ဥပမာ အရှေ့တောင်အာရှ၊ အာဆီယံ ၁ဝ နိုင် ငံထဲမှာ ရှေ့တန်းရောက်နေတဲ့ ထိုင်းတို့ ဗီယက်နမ်တို့ဆိုရင် ကမ္ဘာ့ဈေးကွက်တွေ ထဲမှာ အဲဒီလိုစံနှုန်းတွေနဲ့ ကမ္ဘာ့ဈေး ကွက်ထဲမှာ စံချိန်မီအောင် ရောင်းနေ ကြတယ်။
ကျွန်တော်တို့လည်း အဲဒီလို ကြိုးစားရမှာပေါ့။ အဲဒီကြိုးစားမှုက သိပ်မခက်ဘူး။ အရေးကြီးတာက ရင်း နှီးမြှုပ်နှံမှု လိုအပ်ပြီဆိုရင် နည်းစနစ် ပိုင်းအရ နည်းပညာပိုင်းအရ လိုအပ်မှု ရှိသလို၊ လိုအပ်ရင် ငှားရမယ်။ နိုင်ငံခြား က ပညာရှင်တွေ၊ ဘာတွေ ငှားရမယ်။ အဲဒါတွေ အားလုံးအတွက် ငွေရှိဖို့ လို တယ်။ အရင်းအနှီးရှိဖို့လိုတယ်။ အဲဒီ အပိုင်း က ပြည့်စုံလို့ရှိရင် နည်းပညာ ပိုင်းက အချိန်မရွေး အကူအညီ ယူလို့ ရတယ်။ ကျွန်တော်တို့ နိုင်ငံရဲ့ မွေးမြူ၊ ဖမ်းဆီးထုတ်လုပ်မှု၊ ပြည်ပတင်ပို့မှု တိုးမြင့်အောင် Financial Support လုပ်ပြီး အဲဒါနဲ့အတူ Technical Support  လုပ်ပြီး ပံ့ပိုးကူညီမှုပါ ရောက်လာပြီ။ တစ်ဖက်ကလည်း နိုင်ငံတကာဈေးကွက်မီတဲ့ ပစ္စည်းထုတ်နို င်ပြီ။ ဈေး ကွက်ကလည်း ကျွန်တော်တို့ ပစ္စည်းကို လက်ခံပြီဆိုရင် ထုတ်လုပ်မှုနဲ့ ဈေးကွက်  ချိတ်ပြီး ရပ်တည်နိုင်တဲ့ အဆင့်ကို ရောက်သွားပြီပေါ့။ အဲဒါရဲ့ အဓိက အကျဆုံးကတော့ လုံလောက်တဲ့ ရင်းနှီး မြှုပ်နှံမှုပံ့ပိုးကူညီဖို့က အဓိကအချက်ပဲ။ အဲဒီရင်းနှီးမြှုပ်နှံမှုထည့်သွင်းလိုက်တာ နဲ့ ကျန်တဲ့အခြေအနေတွေ သူ့အလိုလို တစ်ပြိုင် နက် ဖြစ်ပေါ် လာမယ်။ အချိန် လည်း သိပ်မပေးရတော့ဘူး။ အချိန် လည်း မကြာတော့ဘူး။
ပြည်ပဈေးကွက်ရဲ့ လိုအပ်ချက်က ပုစွန် လို့ ဆရာပြောခဲ့သလိုပဲ လိုအပ်ချက် အရ တခြားမတင်ပို့နိုင်သေးတဲ့ ရေထွက်ကုန်ပစ္စည်း အမယ်တွေက ဘာ တွေပါလဲ။ ဘယ်လို အခက်အခဲတွေ ကြောင့် မတင်ပို့နိုင်တာလဲ။
ရေထွက်ပစ္စည်းက နှစ်ပိုင်းပဲရှိ တယ်။ ဖမ်းတာနဲ့ မွေးတာ နိုင်ငံတကာ ဈေးကွက်တွေမှာက ငါးကြီးငါးကောင်း တွေပဲ စားရတာ။ အသေးအမွှားလေး တွေ။ အရသာနည်းတဲ့ ငါးတွေ သူတို့ မစားဘူး။ ပုစွန်ဆိုရင်တော့ သူတို့ကြိုက် တယ်။ ဈေးကောင်းပေးပြီး ဝယ်စားကြ တယ်။ ဒါပေမဲ့ ဖမ်းဆီးရရှိမှုအပိုင်းမှာ တစ်နှစ်ထက်တစ်နှစ် အားနည်းလာ တယ်။ အခြေအနေအရပ်ရပ်ကြောင့် ဖမ်းဆီးရရှိမှု လျော့တယ်။ ပြန်ပွား အောင်လည်း ကျွန်တော်တို့ မဖန်တီးနိုင် ဘူး။ တခြား ဆက်စပ်နေတဲ့ နိုင်ငံတွေ၊ ကမ္ဘာ့ရာသီဥတု အခြေအနေတွေနဲ့ သက်ဆိုင်နေတယ်။ ကမ္ဘာမှာလည်း ဖမ်း ဆီးရရှိမှု တဖြည်းဖြည်း လျော့ကျလာနေ တယ်။ ခေတ်မီတဲ့ နိုင်ငံကြီးတွေလည်း ထိန်းတယ်လို့ ပြောပေမယ့် မထိန်းနိုင် ဘူး။ တကယ် အစားထိုးပေးရမှာက မွေးမြူထုတ်လုပ်မှု အပိုင်းပေါ့။ မွေးမြူ ထုတ်လုပ်မှုအပိုင်းက ငွေကြေး၊ အရင်း အနှီးတွေပဲ လိုတယ်။ အဓိကေ တာ့ မွေး မြူေ ရးအပိုင်းမှာဆိုရင် အမယ်စုံ မွေးမြူ နိုင်ရမယ်။ တစ်မယ် နှစ်မယ်တည်းကို မွေးနေလို့ မရဘူး။ စီးပွားဖြစ်မျိုးစုတွေ အားလုံးကို မွေးနိုင်ရမယ်။ ဥပမာ ငါး မြစ်ချင်း ဆိုရင် မဏ္ဍိုင်ထားပြီး မွေးရမယ့် ငါးပေါ့။ ကျွန်တော်တို့နိုင်ငံမှာ မွေး တယ်။ ကျွန်တော်တို့နိုင်ငံမှာ ပေါက် တယ်။ ပြည်တွင်းလည်း စားတယ်။ ပြည်ပလည်းတင်ပို့တယ်။ ဒါ့အပြင် တီ လားပီးယားဆိုရင် မွေးတာ နည်းသေး တယ်။ တီလားပီးယား ပေါက်ပြီးတော့ ဥရောပ၊ အမေရိကဈေးကွက်တွေကို ပို့ရမယ်။ နောက်တစ်ခါ ကမ်းရိုးတန်း တစ်ေ လျှာက်မှာ ရေငန်ငါးတွေ မမွေး နိုင်သေးဘူး။ တန်ဖိုးမြင့်တဲ့ မျိုးစိတ်တွေ ကိုလည်း နည်းပညာနဲ့ အရင်းအနှီးထည့် ပြီး မွေးရမယ်။ ငါးရှဥ့်၊ ငါးလင်ပန်းတွေ မွေးရမယ်။ ကဏ န်းတွေ မွေးလို့ရတယ်။ အဲဒါတွေကို တိုးချဲ့ပြီး လုပ်ရမယ်။ ဒါ့ အပြင် ခရု၊ ရေမှော်တို့ မွေးမြူမှုကို လုပ် ရမယ်။ တန်ဖိုးမြင့်ပစ္စည်းကို တစ်မယ်စီ အများကြီး မွေးလိုက်ရင် ဝင်ငွေတွေ အများကြီးရမယ်။ ဒါပေမဲ့လည်း အ ကြောင်းကြောင်းကြောင့် မလုပ်နိုင်သေး တဲ့အခြေအနေတွေကြောင့် ရေလုပ်ငန်း မှာ နောက်ကျကျန်ခဲ့ရတယ်။ အဲဒီကိစ္စ အတွက် စနစ်ကျတဲ့အစီအမံတွေလိုအပ် တယ်။
ဒါဆိုရင် ရင်းနှီးမြှုပ်နှံမှုနဲ့ နည်းပညာ ပိုင်းသာရလို့ရှိရင် အဲဒီအခက်အခဲတွေ ကို ဖြေရှင်းနိုင်ပြီလား။
အဲဒါက တစ်ပိုင်းလောက်ပဲ မှန် သေးတာပေါ့။ နိုင်ငံတော်ပိုင်းက လမ်း တွေ၊ မီးတွေ ပြည့်စုံအောင် လုပ်ပေးရ မယ်။ ပုစွန်ကန်တွေ၊ ငါးကန်တွေရဲ့ လမ်းပန်း ဆက် သွယ်ရေး က ကောင်းရ မယ်။ ဈေး၊ အအေးခန်းတွေ ရှိတဲ့နေရာ တွေကို အချိန်တိုအတွင်းနဲ့ ရောက်နိုင်ရ မယ်။  လျှပ်စစ်မီးတွေ လိုအပ်တယ်။ ကန်တွေမှာ ရေ တင်တာက အစ၊ အစာ ကျွေးတာက လျှပ်စစ်မီးသုံးနေရတာပဲ။ မြို့ပေါ်မှာလည်း အအေးခန်းစက်ရုံတွေ လျှပ်စစ်မီး ပျက်လို့မရဘူး။ ပြုပြင်ထုတ် လုပ်မှုအပိုင်းမှာ၊ အဲဒီအပိုင်းတွေမှာ ကျွန်တော်တို့နိုင်ငံ တော်တော်အားနည်း နေသေးတယ်။ ဘဏ်စနစ်လည်းကောင်း ရမယ်။ ဆက်သွယ်ရေး၊ အင်တာနက်နဲ့ တယ်လီဖုန်းတွေလည်း ကောင်းရမယ်။ အဲဒီအခြေခံတွေပေါ်မှာ ကျွန်တော်တို့ တိုးအောင် လုပ်လို့ရမယ်။
စီးပွားဘက် နိုင်ငံတွေရဲ့ အားသာချက် မျိုးရဖို့ဆိုရင် ဘယ်လိုအချက်တွေကို အရင်ဆုံး ပြောင်းလဲပေးဖို့ လိုတယ်လို့ ထင်ပါသလဲ။
ရှေ့ကပြောထားတဲ့ အရာအားလုံး ကို တစ်ပြိုင်နက်လုပ်မှရမယ်။ ဒါပေမဲ့ အရင်ဆုံး လုပ်ပေးရမှာက မွေးမြူထုတ် လုပ်တဲ့အပိုင်းမှာ ကန်တွေက အဆင် သင့်ဖြစ်နေတယ်။ အရင်းအနှီး မလုံ လောက်ဘူး ဖြစ်နေတာ။ ဒီကန်တွေ အားလုံး အလုပ်ဖြစ်နေဖို့လိုတယ်။ အဲဒါ ဆိုရင် ထုတ်လုပ်မှုက ချက်ချင်းတက်လာ မယ့်သဘောရှိတယ်။  ကုန်ထုတ်လုပ်မှု တက်လာအောင် လုပ်တဲ့နေရာမှာလည်း ပရမ်းပတာမျိုး မဟုတ်ဘဲနဲ့ ဈေးကွက်လို အပ်ချက်နဲ့ အနောက်ဥရောပတို့၊ အမေ ရိကန်တို့ရဲ့ ဈေး ကွက်လို အပ်ချက်နဲ့ လက်ရှိ ရှိပြီး သားငါးကန်နဲ့ ထုတ်လုပ်မှု ကိုချိန်ညှိရမယ်။ စနစ်တကျလုပ်ပြီးတော့ နောက် ထပ် ဧကချဲ့စရာ မလိုသေးဘူး။ ရှိတဲ့ ဧကတွေ မှာပဲ ဈေးကွက် လိုအပ် ချက် ကို လိုက်လျောညီထွေမှုဖြစ်အောင် လုပ် နိုင်ခဲ့ရင် အတိုင်းအတာတစ်ခုအထိတက် လာမယ့်သဘော ရှိတယ်။ ငါးဆိုရင် တချို့နေရာတွေဆိုရင် နားထားရတယ်။ တချို့နေရာတွေဆိုရင် ထုတ်လုပ်မှုကို လျှော့ထားရတယ်။ နောက်ထပ် ထပ်ချဲ့ လာရမယ့်အပိုင်းက ဒုတိယစဉ်းစားရ မယ့်အပိုင်းပေါ့။ ရှိပြီး သားဧရိယာအ ပေါ်မှာပဲ ကုန်ထုတ်နိုင်အောင် ကြိုးစား ရမယ်။
အစိုးရသစ်လက်ထက်မှာ ရေလုပ်ငန်း ကဏ္ဍ ဘယ်လောက်ထိ ပြောင်းလဲလာ နိုင်ခဲ့လဲ။
မညှာမတာ ပွင့်ပွင့်လင်းလင်း ပြော ရရင်တော့ ရေလုပ်ငန်းကဏ္ဍဟာ အစိုးရသစ်လက်ထက်မှာ နဂိုရှိရင်းစွဲ ဟိုဘက်အစိုးရဟောင်း လက်ထက်တုန်း ကထက်တောင် လျော့ သွားတဲ့ သဘော ရှိတယ်။ လျော့သွားတယ်လို့ ပြောရ မယ်။ အဲဒါဘာဖြစ်လို့လဲဆိုတော့ အစိုး ရကို အပြစ်တင်ပြီးတော့ ဒီစကားကို ပြော တာမဟုတ်ဘူး။ အဲဒီငွေလဲနှုန်း တိုက်စားမှုပေါ့။ နှစ်နှစ်ခွဲလောက် ငွေလဲ နှုန်းကြီး ဒလဟောထိုးကျသွားတဲ့ ဒဏ် ကို မွေးမြူရေးလုပ် တဲ့သူတွေ တော် တော်လေး ခံလိုက်ရ တယ်။ ပုစွန်ရော၊ ငါးရောပေါ့။
အဲဒီအပိုင်းမှာ တော်တော် ခံလိုက်ရတဲ့ဟာက ပြေးလို့လည်းမလွတ် ဘူး။ ရှောင်လုိ့လည်း မရဘူး။ အားလုံး မှာလာပြီးတော့ သက်ရောက်မှု ရှိတယ်။ ထိခိုက်မှုရှိတယ်။ အဲဒီ ထိခိုက်မှုကြောင့် အရင်းအနှီးတွေ ပျောက်ဆုံးသွားတယ်။ ထုတ်လုပ်မှုတွေ ကျသွားတယ်။ အဲဒီ ပျောက်ဆုံးသွားတဲ့ အရင်း အနှီးတွေကို အခုချိန်ထိ မဖြည့်ဆည်းေ ပးနိုင်တော့ ဘူး။ အရင်းအနှီးကျသွားတာနဲ့ တစ်ပြိုင် နက် ထုတ်လုပ်မှုက အလိုလိုလျော့ကျပြီး သားပဲ။ ဒါကို အထောက်အထားနဲ့ ပြောတာ။ အဲဒီကျဆုံးနေတဲ့ အခြေ အ နေဟာ ဒီအစိုးရသစ်တက်တဲ့အချိန်မှာ ကံမကောင်း အကြောင်းမလှစွာနဲ့ တိုက် တိုက်ဆိုင်ဆိုင် လာဖြစ်တဲ့အတွက်ကြောင့် ဒီအစိုးရသစ်လက်ထက်မှာ ငါးမွေးမြူ ထုတ် လုပ်မှု၊ ငါးဖမ်းဆီးထုတ်လုပ်မှု တွေဟာ အမှန်အတိုင်းဝန်ခံရရင် ကျ ဆင်းသွားတယ်။ တိုးတက်မှု တော်တော် လေးကို နည်းသွားတယ်လို့ ပြောလို့ရ တယ်။
ဒါပေမဲ့ ကျွန်တော် သိသလောက် ကတော့ ဒါကို နိုင်ငံတော်ပိုင်းက လျစ် လျူရှုပြီးတော့ ကြည့်နေတဲ့ အခြေအနေ တော့ မဟုတ်ဘူး။ သူလည်း ပံ့ပိုးကူညီဖို့ အတွက် ငွေကြေးဆိုင်ရာအခက်အခဲတွေ က နိုင်ငံတော်ပိုင်းမှာလည်း ရှိတယ်။ လုပ်ငန်းရှင်ပိုင်းကလည်း အသင်းအဖွဲ့ တွေရော၊ လုပ်ငန်းရှင်တစ်ဦးအလိုက် ရော ဒီအခြေအနေပေါ်မှာ သူ့နည်း သူ့ဟန်နဲ့ ကြိုးစားပြီး ဆောင်ရွက်နေ ကြတယ်။ ဖန်တီးနေကြတယ်။ သို့သော် လည်း ခုနကပြောခဲ့သလိုပဲ တိုးတက်မှု မှာ အဓိကကျတာက ရင်းနှီးမြှုပ်နှံမှု၊ ပံ့ပိုးကူညီမှုရမှ၊ အဲဒါမရရင် ဘယ် လောက်ပဲ ကြိုးစားကြိုးစား တိုးတက်လာ ဖို့ အခြေအနေမရှိဘူး၊ ဒီ အစိုးရသစ် လက်ထက်မှာ ရေလုပ်ငန်းဟာ သိသာ ထင်ရှားတဲ့ အောင်မြင်မှုဘာတွေ ရှိသ လဲပြောရင် ကြိုးစားနေတာကတော့ သိ သာထင်ရှားမှုပဲ။ နိုင်ငံတကာ ဈေးကွက် တွေနဲ့ ဆက်ဆံခွင့်ရတယ်။ စီးပွားရေး ပိတ်ဆို့ အရေးယူမှု လွတ်သွားတယ်။ နိုင်ငံတော်က ၁ဝ ရာခိုင်နှုန်း မကောက် တော့ဘူး။ လျှော့လိုက်တယ်။ ဒါတွေဟာ တိုးတက်မှုတွေပဲ။ အဲဒါကြောင့် ဒီအစိုးရ လက်ထက်မှာ တိုးတက်မှု မရှိဘူးလို့ မျက်စိစုံမှိတ်ပြီးပြောရင် တိုးတက်မှု မရှိဘူး။ ခုနက ပြောခဲ့တာတွေက တိုး တက်မှုပဲ။ အစုိးရဘက်က ထိုက်သင့် တဲ့ ဖြေလျှော့မှုလုပ်ခဲ့တာရှိတယ်။ အဲဒီလို ကိစ္စရပ်တွေက တိုးတက်မှုလို့ ပြောရင် ဒီလိုတိုးတက်မှုက ထုတ်လုပ်မှု တိုးတက် တယ်လို့ ပြောလို့မရဘူး။ ထုတ်လုပ်မှု ကတော့ ကျသွားတယ်။
ထက်ထက်မိုးမြင့်ေ တွ့ ဆုံေ မး မြ န်း သ ည်

popularmyanmar

အပြည့်အစုံသို့ »

ဟိုတယ်နှင့် ၀န်ဆောင်မှု ရုံးခန်းများ ပါဝင်မည့် ၂၉ ထပ်အမြင့်ရှိ ဆီဒိုးနားဟိုတယ် (ရန်ကုန်) စီမံကိန်းအဆင့် (၂) အား ၂၀၁၅ ခုနှစ် မတိုင်မီ အပြီးသတ် တည်ဆောက်မည်




ဟိုတယ်နှင့် ၀န်ဆောင်မှု ရုံးခန်းများ ပါဝင်မည့် ၂၉ ထပ် အမြင့်ရှိ ဆီဒိုးနားဟိုတယ် (ရန်ကုန်) စီမံကိန်း အဆင့် (၂) အား ၂၀၁၅ ခုနှစ် မတိုင်မီ အပြီးသတ် တည်ဆောက်မည် ဖြစ်ကြောင်း ထုတ်ပြန်ချက်များအရ သိရသည်။

ယင်းကဲ့သို့ နိုင်ငံတကာ အဆင့်မီ ဟိုတယ်နှင့် Service Residence များပါ ၀င်သော စီမံကိန်း အဆင့် (၂) လုပ်ငန်းအား လုပ်ကိုင်ရန် Straits Greenfield Limited မှ လျှောက်ထားခြင်းကို ၂၀၁၃ ခုနှစ် ဧပြီ ၅ ရက်တွင် ပြုလုပ်သည့် မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ၁၂/ ၂၀၁၃ ကြိမ်မြောက် အစည်းအဝေးတွင် လုပ်ကိုင်ခွင့် ပြန်လည်ချထား ပေးခြင်းဖြစ်ကြောင်း သိရသည်။

စီမံကိန်းကို ရန်ကုန်တိုင်း ဒေသကြီး ရန်ကင်းမြို့နယ် ကမ္ဘာအေး ဘုရားလမ်းနှင့် စက်မှု(၁)လမ်းထောင့်ရှိ ဆီဒိုးနားဟိုတယ်၏ ဆက်စပ် မြေနေရာပေါ်တွင် နိုင်ငံခြား ရင်းနှီးမြှုပ်နှံမှု ဥပဒေအရ အကောင်အထည်ဖော် လုပ်ကိုင်မည်ဖြစ်ပြီး အခန်းပေါင်း ၄၂၀ ပါဝင်မည် ဖြစ်ကြောင်း သိရသည်။

လက်ရှိတွင် မြန်မာတစ်နိုင်ငံလုံး အတိုင်းအတာဖြင့် ဟိုတယ် ၈၅၉ လုံး ဖွင့်လှစ်ခွင့် ပြုထားပြီး ရန်ကုန်မြို့တွင် ဟိုတယ် အလုံးပေါင်း ၂၁၇ လုံးဖြင့် အများဆုံး ဖွင့်လှစ်ထားကြောင်း ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနမှ သိရသည်။

မြန်မာနိုင်ငံတွင် နိုင်ငံခြား ခရီးသွား ဧည့်သည်များ မြင့်တက်လာမည်ဟု ခန့်မှန်းထားကြပြီး နိုင်ငံသားများ အပါအ၀င် နိုင်ငံခြား လုပ်ငန်းရှင်များ အနေဖြင့် ဟိုတယ်နှင့် ခရီးသွားလာရေး လုပ်ငန်းများတွင် ဆက်တိုက် ၀င်ရောက်မြှုပ်နှံမှုများ ပြုလုပ်လျက် ရှိကြပြီး ၂၀၁၄ ခုနှစ်တွင် စတင်ဖွင့်လှစ်မည့် ဟိုတယ်များ ရှိသကဲ့သို့ ၂၀၁၅ ခုနှစ်တွင် အပြီးသတ် တည်ဆောက်မည့် ဟိုတယ်စီမံကိန်းများလည်း ရှိနေကြောင်း သိရသည်။

မြန်မာနိုင်ငံ ရင်းနှီးမြှုပ်နှံမှု ကော်မရှင် အနေဖြင့်လည်း ဟိုတယ်အပါအ၀င် ရုံးခန်းနှင့် ရှော့ပင်းမောလ်များ ထည့်သွင်း တည်ဆောက်မည့် စီမံကိန်းအချို့ကို နိုင်ငံခြား လုပ်ငန်းရှင်များသို့ လုပ်ကိုင်ခွင့် ချပေးထားကြောင်း သိရသည်။

(စီမံကိန်း အကောင်အထည်ဖော်မည့် နေရာအား အောက်တိုဘာ ၂၄ ရက်က တွေ့ရစဉ် (ဓာတ်ပုံ-အောင်မျိုးသန့်))
Eleven Media Group

အပြည့်အစုံသို့ »

ဆီးဂိမ်းစ်တွင် ပြည်ပမှလာရောက်မည့် အားကစားသမားများအတွက် သုံးလခံ မိုဘိုင်းဆင်းမ်ကတ် အရေအတွက် သုံးသောင်း ထုတ်ပေးမည်



၂၀၁၃ ခုနှစ် ဒီဇင်ဘာ ၁၀ ရက် မှ ၂၂ ရက်အထိ မြန်မာနိုင်ငံက အိမ်ရှင်အဖြစ် လက်ခံကျင်းပမည့် ဆီးဂိမ်းစ်ပြိုင်ပွဲတွင် နိုင်ငံအသီးသီးမှ လာရောက်ယှဉ်ပြိုင်မည့် အားကစားသမားများအတွက်
သုံးလခံ မိုဘိုင်းဆင်းမ်ကတ် အရေအတွက် သုံးသောင်းကို မြန်မာ့ဆက်သွယ်ရေးလုပ်ငန်းမှ ထုတ်ပေးသွားမည်ဖြစ်ကြောင်း မြန်မာ့ဆက်သွယ်ရေးလုပ်ငန်း ဒုတိယအထွေထွေ မန်နေဂျာ ဦးသိန်းဟုတ်က ပြောကြားသည်။

နိုင်ငံအသီးသီးမှ လာရောက်ယှဉ်ပြိုင်ကစားမည့် အားကစားသမားများ၏ အရေအတွက်မှာ ရှစ်ထောင်ကျော်ရှိပြီး ပါဝင်မည့် ဒိုင်လူကြီးများ၊ နည်းပြများအပါအ၀င် အားကစားပွဲများတွင် ပါဝင်မည့်သူများကိုလည်း မြန်မာ့ဆက်သွယ်ရေးလုပ်ငန်းမှ မိုဘိုင်းဆင်းမ်ကတ် ထုတ်ပေးသွားမည်ဖြစ်ကြောင်း သိရသည်။

''ဒီမှာလာပြီးတော့ ကစားမယ့် ကစားသမားတွေအတွက် မြန်မာ့ဆက်သွယ်ရေး လုပ်ငန်းက သုံးလခံ မိုဘိုင်းဆင်းမ်ကတ်တွေကို ထုတ်ပေးသွားမှာပါ။ အကုန်လုံး အသုံးပြုနိုင်အောင် စီစဉ်ထားပါတယ်။ ဒီဆင်းကတ်တွေကို ပေးတာက မြန်မာ့ဆက်သွယ်ရေးလုပ်ငန်း တစ်ခုတည်းက ပေးတာပါ။ အပြင်ကုမ္ပဏီတွေ တစ်ခုမှ မပါဘူး''ဟု မြန်မာ့ဆက်သွယ်ရေးလုပ်ငန်းမှ ဦးသိန်းဟုတ်က ဆက်လက်ပြောကြားသည်။

''ဆီးဂိမ်းစ် ကျင်းပမည့်နေရာများမှာ ရန်ကုန်၊ နေပြည်တော် မန္တလေးနှင့် ငွေဆောင်တို့တွင် ကျင်းပပြုလုပ်သွားမည်ဖြစ်ပြီး နေပြည်တော်ရှိ ၀ဏ္ဏသိဒ္ဓိ အားကစားကွင်းတွင် ဆီးဂိမ်းစ်အဖွင့်ကို ပြုလုပ်သွားမည်ဖြစ်ကြောင်း သိရသည်။ ထို့ပြင် ဆီးဂိမ်းစ်ကာလအတွင်း ရန်ကုန်မြို့ရှိ နေရာအများစု၌ အင်တာနက်အသုံးပြုနိုင်ရန်အတွက် Wi-Fi များကိုလည်း ပြုလုပ်တပ်ဆင်ပေးသွားမည်ဖြစ်ကြောင်း သိရသည်။

နေပြည်တော်ရှိ အားကစားရွာအား တွေ့ရစဉ် (ဓာတ်ပုံ-ညီညီစိုးညွှန့်)
Eleven Media Group

အပြည့်အစုံသို့ »

ဦးနှောက်များအတွက် တံစိုးလက်ဆောင်များ


မစ္စယန်ကျိကို မိတ်ဆွေများက “ပိုက်ဆံစုထား” ဟုပြောနေသည်မှာ နှစ်ပေါင်းအတော်လေး ကြာခဲ့ပြီ ဖြစ်သည်။ သမီးကို ကျောင်းထားရသည့် အခါတွင်လည်း စာအုပ်ဖိုး၊ ကျူရှင်ဖိုးတွေသာမက သမီးကို ကျောင်းကောင်းကောင်းရရန် လာဘ်ထိုးဖို့ စုဆောင်းရမည်ဟု ဆိုသေးသည်။ မြို့ပေါ်တွင် အစိုးရ ကျောင်းကောင်းကောင်းသို့ ဝင်ခွင့်ရရေးမှာ ပိုက်ဆံစုထားမှ ဖြစ်မည်ဆိုသည့် သတင်းတွေကိုလည်း ကြားနေရသည်။
ယန်ကျိသည် ဘဝကို ရုန်းကန်ပြီး စီးပွားတက်လာရသူ တစ်ဦးဖြစ်သည်။ စိတ်ဓာတ်လည်း အလွန် ထက်မြက်သူ ဖြစ်သည်။ သို့ဖြစ်ရာ ဘေးက ဝိုင်းပြောနေသည့် စကားများကို လျစ်လျူရှုပြီး-
“သမီး… ဘဝမှာ အောင်မြင်ဖို့ဆိုတာ ကြိုးစားမှ ဖြစ်မယ်။ ကြိုးစားရင် အောင်မြင်ရမယ်” ဟု သမီးဖြစ်သူကို ပြောပြီး နှစ်သိမ့်ထားသည်။
သို့သော် လက်တွေ့တွင် အလယ်တန်းကျောင်း ကောင်းကောင်းသို့ ဝင်ခွင့်ကို သမီးဖြစ်သူ မရခဲ့ပေ။ ယန်ကျိက ကျောင်းအုပ်ထံဝင်တွေ့ပြီး မေးခွန်းထုတ်သည်။ စိတ်ထဲတွင် ခံပြင်းစွာဖြင့် ကျောင်းဝင်ခွင့် ရသူတွေကို လိုက်လံ စုံစမ်းကြည့်သည်။ ကျောင်းအုပ်ချုပ်ရေး အဖွဲ့များနှင့် ပလူးသူများ၊ ဆရာ ဆရာမများနှင့် အလွန်း သင့်သူများ၊ လက်ဆောင်များ၊ ငွေကြေးများ၏ ပတ်သက်မှုများကို အံ့သြစွာ တွေ့လိုက်ရသည်။ တစ်ယောက်ကမူ ကျောင်းအတွက်ဆိုကာ ဓာတ်လှေကား လှူသည်။ ထိုသူ၏ ကလေးသည်လည်း မကြာမီကျောင်းဝင်ခွင့် ရသွားသည်။
တရုတ်ခေါင်းဆောင်သစ် သမ္မတ ရှီကျင့်ဖျင်သည် အကျင့်ပျက်ခြစားမှုများ၊ လာဘ်ပေး လာဘ်ယူမှုများ တိုက်ဖျက်ရေးကို အလေးပေးပြီး လုပ်ဆောင်နေသည်။ သို့သော် လက်တွေ့တွင် အမြစ်မဖြုတ် နိုင်သေးသည့် နေရာတွေက များစွာရှိသေးသည်။ နိုင်ငံအနှံ့အပြားတွင် မူလတန်းကစပြီး ကျောင်းလက်ခံရေး ပြဿနာများကို ရင်ဆိုင်နေရသေးသည်။
တရုတ်နိုင်ငံတွင် ကလေးကျောင်းထားရေးမှာ အရှိတရားနှစ်ခုနှင့် ရင်ဆိုင်နေရသည်။ “ပိုက်ဆံရှိ သလား” ၊ “အသိရှိသလား” ဆိုသည့် အရှိတရားနှစ်ခု ဖြစ်သည်။ မိဘများအတွက် အရွယ် ရောက်လာသည့် သားသမီးများ ကျောင်းကောင်းကောင်း ထားနိုင်ရေးသည် အလွန်စွန့်စားရမည့် လုပ်ငန်းတစ်ခု ဖြစ်လာသည်။ တရုတ်နိုင်ငံတွင် ဆင်းရဲချမ်းသာ ကွာဟမှုနှင့်အတူ အခွင့်ထူးခံ လူတန်းစားဆိုသည့် သဘောတရားများကိုလည်း ပညာရေးလောကတွင် ဆိုးရွားစွာ ရင်ဆိုင်နေကြရသည်။
တရုတ်နိုင်ငံတွင် ကျောင်းနှင့်ပညာရေး ပြိုင်ဆိုင်အား ကြီးမားသည့် ဟိုင်တင်းပြည်နယ်ရှိ အလယ်အလတ် တန်းစား မိဘတစ်ဦးဖြစ်သူ အသက် ၄၂ နှစ်အရွယ် မစ္စယန်ကျိနှင့် သူမ၏ ခင်ပွန်းတို့သည် ငွေကြေး အသင့်အတင့် ချမ်းသာသည် ဆိုသော်လည်း သူတို့တွင် ကျောင်း ကောင်းကောင်း ဝင်ခွင့်ရရေးအတွက် အဆက်အသွယ် မရှိ ဖြစ်နေသည်။
ထိုအချိန်တွင် အကသင်သည့် ဆရာတစ်ယောက်က ချဉ်းကပ်လာသည်။ သူက ကျောင်းဝင်ခွင့် ရရေး အတွက် လူကြီးတစ်ယောက်နှင့် သိကြောင်း ပွဲစားလုပ်လာသည်။ သူက သမီးကျောင်းဝင်ခွင့် ရရေးအတွက် သူလုပ်ပေးမည်ဟု ကတိပေးလာသည်။
ယန်ကျိသည် ဆရာဖြစ်သူ၏ ချဉ်းကပ်လာမှုကို လက်ခံလိုက်ရမည်လောဟု စိတ်ကူးလိုက်သည်။ လက်ခံလိုက်လျှင် သူတို့ စုဆောင်းထားသမျှ ပိုက်ဆံတွေ ပြောင်သွားနိုင်သည်။ ပိုက်ဆံ ဘယ်လောက်ပေးရမည်ကို ဆရာက မပြောသေးသော်လည်း ရှေ့ပိုင်းတွင် ကြားထားရသည့် ငွေကြေးပမာဏက ထိတ်လန့်စရာ ကောင်းနေသည်။ သူ့အနေနှင့် ဘာဆက်လုပ်ရမည်ကို ဝေခွဲမရ ဖြစ်နေသည်။
အခြေအနေက ရှုပ်ထွေးနေသည်။ သူများတွေ မိုးခါးရေ သောက်နေသလို၊ ငါလိုက်မသောက်လျှင် ဆိုသည့် အတွေးမျိုးလည်း သူ့တွင် ဖြစ်လာသည်။
တရုတ်နိုင်ငံတွင် မြို့ကြီး ပြကြီးများ၌ အကောင်းဆုံး ကျောင်းများသည် အစိုးရကျောင်းများ ဖြစ်နေ သည်ကို သတိပြုရပေလိမ့်မည်။
ပုဂ္ဂလိက ကျောင်းများသည် နိုင်ငံခြားက ကျွမ်းကျင်ဆရာများကို ငှားပြီး သင်ကြသည်။ ထိုကျောင်းများ သည်လည်း အထူးကျောင်းများဖြစ်ပြီး အခြားပြည်နယ်များက အလုပ်လာလုပ်နေကြသော ပျံကျ လုပ်သားများ၏ သားသမီးများကို လက်ခံလေ့မရှိပေ။ ထိပ်တန်းပုဂ္ဂလိက ကျောင်းများသည် အလွန်အံ့သြစရာ ကောင်းလောက်အောင် ပြင်ဆင်ထားကြသည်။
ဥပမာ- ဘေဂျင်းရှိ ကျင်ရှန်း ကျောင်းကိုသွား လေ့လာကြည့်လျှင် နက္ခတ်တာရာ သင်ခန်းစာများ သင်ရန် ဒေါ်လာ ၃၂၆,၀၀၀ လောက်တန်သည့် အဝေးကြည့် မှန်ပြောင်းကြီး တပ်ဆင်ထားသော တစ်ထပ် အဆောက်အအုံ၊ အမိုးအကာများကို အရှင် ဖြုတ်တတ် လုပ်နိုင်သည့် စာသင်ခန်းများ၊ အခန်းတိုင်းတွင် မျက်နှာပြင်ပြား တီဗီကြီးများ၊ တန်ဖိုးကြီးသည့် ကွန်ပျူတာ စာသင်ခန်းများ၊ အိုလံပစ်စံချိန်အတိုင်း တည်ဆောက်ထားသည့် ရေကူးကန်၊ ခေါင်မိုးများပေါ်တွင် စိမ်းစိမ်းစိုစို ဥယျာဉ်ပျံများနှင့် တန်ဆာဆင်ထားသည့် ကျောင်းကြီး ဖြစ်သည်။ ယခုဆိုလျှင် ထိုကျောင်း၌ အထက်တန်း အဆင့် သင်ကြားပေးရန် ဆရာတွေ လိုအပ်နေသည်။
ထိုကျောင်းနှင့် မိုင်အနည်းငယ် ဝေးသည့်အရပ်တွင် ပျံကျအလုပ်သမားများ၏ သားသမီးများကို လက်ခံ သင်ကြားပေးနေသော ပုဂ္ဂလိက ကျောင်းတစ်ကျောင်း ရှိသည်။ ထိုကျောင်းသို့ သွားရသည့်လမ်းက ညစ်ပတ်နေသည်။ ကျောင်းနံရံတွေကလည်း ယိုင်နဲ့ပြိုလုလု ဖြစ်နေသည်။ အတန်းတိုင်းတွင်လည်း ကျောင်းသားတွေက သာမန်ထက်ပိုသည်။ အိမ်သာကလည်း တစ်လုံးတည်း ရှိပြီး နံရံက အပေါက်တွေ ဖြစ်နေသည်။
အထက်ပါ ကျောင်းနှစ်ကျောင်းကို ယှဉ်ကြည့်ပြီး မိဘဆိုလျှင် မည်သည့်ကျောင်း၌ ထားချင်မည်ကို ကိုယ်ချင်းစာကြည့်မိ သည်။ ယန်ကျိသမီးလေး အသက် ၁၂ နှစ်အရွယ်ရှိ မာကျင်းရီကို လွန်ခဲ့သော သုံးနှစ်လောက် ကတည်းက မိဘများသည် ကျောင်းစာကိုသာ ဦးစားပေး သင်စေခဲ့သည်။ နေ့ရောညပါ စာနှင့်သာ အချိန်ကုန်စေသည်။ ကျောင်းပိတ်သည့်ရက်များတွင်လည်း ဈေးကြီးသည့် ကျူရှင်ကို တက်ခိုင်းသေးသည်။ အလယ်တန်း ကျောင်းကောင်းကောင်း ဝင်ခွင့်ရစေရန် သမီးဖြစ်သူကို ပညာတွေမည်မျှ ကြိုးစားခိုင်းသည် ဆိုစေ အချည်းနှီးဖြစ် ခဲ့ရသည်။
လက်ရှိကျောင်းတွင်လည်း ဂုဏ်တု ဂုဏ်ပြိုင်ရမှုတွေက များလှသည်။ ကျောင်းကိုလာသည့် ကလေးများ ထမင်းဘူးထဲတွင် ထည့်ပေးလိုက်သည့် ဟင်းကအစ ပြိုင်ကြသည်။ ဆရာတွေကို ဆန်တွေအပြိုင် ထောက်ပံ့ရသည်။ အခြားလက်ဆောင်တွေလည်း ပေးမှ မျက်နှာသာ ရသည်။ ထို့ပြင် ဆရာတွေကို စတိုးဆိုင်ကြီးများတွင် ပစ္စည်းဝယ်ခွင့် ကတ်တွေကိုလည်း အပြိုင် ပေးကြရသေးသည်။
“ဆရာတွေအတွက် လက်ဆောင်ကတ်တွေကို ဆရာများနေ့တွေမှာ အပြိုင်ပေးကြတယ်” ဟု ကျောင်း ဆရာတစ်ယောက်က ပြောသည်။
ကျောင်းဆရာများကို လက်ဆောင်တွေ ပေးနေရခြင်းမှာလည်း အကြောင်းရှိသည်။ မိမိတို့သားသမီး များကို မျက်နှာသာပေးရန်၊ စာသင်ခန်းအတွင်း ရှေ့ဆုံးအတန်း၌ ထိုင်ရရန်အတွက် ပေးရခြင်းလည်း ဖြစ်နိုင်သည်။
“အဲဒါကတော့ လူ့သဘာဝပဲ။ ဆရာလည်း လူဆိုတော့ တပည့်နှစ်ယောက်ယှဉ်ရင် ဘယ်တပည့်ကို ရွေးရမယ်ဆိုတာ လူသားပီပီဆုံးဖြတ်ဖို့ လက်ဆောင်လေးတော့ လိုတာပေါ့။ သူလည်း လောကီသား ဖြစ်နေတော့ မျက်နှာကြီးရာ ဟင်းဖတ်ပါတတ်မှပဲလေ” ဟု ကျောင်းသား မိဘတစ်ဦးက ရင်ဖွင့်သည်။ သူမသည် သားဖြစ်သူအတွက် ဆရာကို လက်ဆောင်များ ပုံမှန် ပို့ပေးနေရသူ ဖြစ်သည်။ သို့သော် မည်သည့်ဆရာကို ပေးရသည်ဆိုခြင်းကိုတော့ ထုံးစံအတိုင်း ကွယ်ဝှက် ပေးထားသည်။
ယန်ကျိလည်း သမီးအတွက် ဆရာတွေကို ဒေါ်လာ ၂၀၊ ဒေါ်လာ ၃၀ တန် လက်ဆောင်ဝယ်ခွင့် ကတ်လေးတွေ ပေးဖူးသည်။ သို့သော် အခြားမိဘတွေက ဒေါ်လာ ၂၀၀ တန်၊ ၃၀၀ တန် လက်ဆောင်ကတ်တွေ ပေးနေသဖြင့် မျက်နှာငယ်ရကြောင်း ပြောရှာသည်။ နောက်ပိုင်း လက်ဆောင်ကတ် ပေးခြင်းကို သူမအနေနှင့် မလုပ်တော့ဟု ဆိုသည်။
“ဘာမှ မထူးပါဘူး။ ဆရာတွေကို ပေးမယ့်အစား သမီးကို ကျူရှင် သွားတက်ခိုင်းလိုက်တယ်” ဟု သူမက ဆိုသည်။
မိခင်ဖြစ်သူ၏ ခေါင်းမာသော ဆုံးဖြတ်ချက်သည် သမီးဖြစ်သူတွင် ထိခိုက်မှုတော့ ရှိသည်။ သူမ၏သမီး နှစ်တန်းအရောက်တွင် ဆုမရတော့ပေ။ “သမီးက ကျွန်မကိုပြောတယ်။ ဆရာမက သူ နေမကောင်းတုန်းက ဆေးတွေ ထောက်ပံ့တဲ့သူရဲ့ သမီးကိုပဲ ဆုပေးတယ်တဲ့။ အမေက ဘာဖြစ်လို့ ဆရာမကို ဆေးတွေ မပေးရတာလဲ” လို့ ကျွန်မကို လာပြောတယ်။
ထိုမေးခွန်းသည် ယန်ကျိကို စိတ်အတော်လေး ထိခိုက်သွားစေခဲ့သည်။ မူလတန်းအဆင့် ပြီး၍ အလယ်တန်း ကျောင်းကောင်းကောင်းက အောင်လာမှ ဘေဂျင်းရှိ အထက်တန်း ကျောင်းကောင်းကောင်းတွေက လက်ခံလေ့ ရှိသည်။ အထက်တန်း ကျောင်းကောင်းကောင်း တက်နိုင်လျှင်လည်း တရုတ်နိုင်ငံတွင် နာမည်ဆိုးဖြင့် ကျော်ကြားသည့် တက္ကသိုလ်ဝင်ခွင့် စာမေးပွဲ ‘ဂေါင်ကောင်း’ ကို ကျော်ဖြတ်ကြရပေ လိမ့်ဦးမည်။
ဂေါင်ကောင်းတွင် အမှတ်ကောင်းမှ တက္ကသိုလ် ကောင်းကောင်းတက်ခွင့်ရပြီး အလုပ်ကောင်းကောင်း ရမည်။ ဝင်ငွေ လစာကောင်းကောင်း အလုပ်ရမည်၊ အိမ်ကောင်းကောင်း၊ မိန်းမကောင်းကောင်း ရမည်ဆိုခြင်းသည် တရုတ်တို့၏ အိပ်မက်များသာ ဖြစ်သည်။
တရုတ်နိုင်ငံလို ကွန်မြူနစ်တိုင်းပြည်တွင် သတ်မှတ်ထားသည်က အခမဲ့ပညာရေး ဖြစ်သည်။ ပညာရေး အတွက် အကုန်အကျမှန်သမျှ နိုင်ငံတော်ကသာ ကျခံမည်ဟုလည်း ဆိုထားသည်။ သို့သော် အခွင့်ထူးခံ လူတန်းစားတွေအတွက် သီးခြားဖွင့်ပေးထားသည့် ကျောင်းများသည် ကျောင်းလခ တစ်နင့်တပိုးနှင့် အလှူငွေများဖြင့် ရပ်တည်နေကြသည်။
ယနေ့ ဘေကျင်းရှိ အလယ်တန်းကျောင်းကောင်း တစ်ကျောင်းသို့ဝင်ခွင့် လာဘ်ထိုးရန်အတွက် ပေါက်ဈေးမှာ အမေရိကန် ဒေါ်လာ ၁၆,၀၀၀ ခန့်ရှိသည်။ အချို့ ဂဏန်းခြောက်လုံးခန့် ပေးနေရသည်ကိုလည်း မကြုံစဖူး ကြားနေရသည်။
သတ်မှတ် ပြဋ္ဌာန်းထားချက်များအရ အလယ်တန်း ကျောင်းဝင်ခွင့်သည် ကလေးများ နေထိုင်သည့်အရပ်ကို ဦးစားပေးရမည်သာ ဖြစ်သည်။ သို့သော် ဘေဂျင်းရှိ ကျောင်းထက်ဝက် ခန့်မျှသာ ထိုစည်းကမ်း ဥပဒေကို လိုက်နာကြကြောင်း တွေ့ရသည်။ နောက်ပိုင်း ကျောင်းဝင်ခွင့်တွင် အချက်သုံးချက် တိုးလာသည်။ ပညာတော်ရမည်၊ ပိုက်ဆံလည်း ရှိရမည်၊ ဆွေမျိုးလည်း တော်ရမည် ဆိုသည့် အချက်များဖြစ်သည်။ အထူးသဖြင့် အစိုးရထိပ်ပိုင်း အရာရှိကြီးများနှင့် ကွန်မြူနစ်ပါတီ ထိပ်တန်း ခေါင်းဆောင်များ၏ သားသမီးများအတွက် မည်သည့် ကျောင်းတွင်မဆို ငြင်းပယ်ခွင့်မရှိပေ။
“တစ်ယောက်ယောက်နဲ့ သိရင် ပေးရတာနည်း လိမ့်မယ်” ဟု ဘေဂျင်းမြို့ ချောင်ယမ်းအရပ်ရှိ မိဘ တစ်ဦးက ဆိုသည်။ အချို့သော ကျောင်းများတွင် ခွဲတမ်း စနစ်တွေ ရှိနေသေးသည်။ ဥပမာ- အစိုးရဝန်ကြီးများနှင့် နိုင်ငံတော်ပိုင် ကုမ္ပဏီကြီးများမှ ဝန်ထမ်းများအတွက် ခွဲတမ်းဆိုကာ နေရာဖယ် ပေးထားရမှုများ ဖြစ်သည်။ ကုမ္ပဏီကြီးများကလည်း ကျောင်းများကို ငွေကြေး အလွန်အမင်း ထောက်ပံ့ပြီး ခွဲတမ်းရအောင် ယူတတ်ကြသည်။
ကျောင်းတက်ခွင့်မရှိသော နယ်ကျော် ကျောင်းလာတက်ချင်သူ များအတွက် ပေါက်ဈေးမှာ ဒေါ်လာ ၅၀၀၀ မှ ၄၀,၀၀၀ အတွင်းရှိသည်။ အစိုးရက မည်သို့ တားမြစ်ချက်တွေ ထုတ်သည်ဆိုစေ သူ့နည်း သူ့ဟန်နှင့် ထွက်ပေါက်များကား ရှိနေဆဲဖြစ်သည်။ အထူးတော်သောကြောင့် လက်ခံရသည် ဆိုသည့် ထွင်လုံးများသည် သုံးနှစ်သုံးမိုး သေလုအောင် ကြိုးစားရုန်းကန်ခဲ့ရသည် ယန်ကျိ သမီးလေးကို လှောင်ပြောင်နေလို ဖြစ်သည်။
ယန်ကျိက “ကျွန်မမှာ ရွေးချယ်စရာ မရှိတော့ပါဘူး” ဟု စားလက်စ ခေါက်ဆွဲကို မြိုချလိုက်ပြီး ပြောလိုက်သည်။ ယန်ကျိသည် အကနည်းပြဆရာကို အမေရိကန်ဒေါ်လာ ၅၀၀၀ ခန့် ပမာဏနှင့် ညီမျှသော ယွမ်ငွေကို ပေးလိုက်ရသည်။ ထိုငွေပမာဏသည် သူမ အနေနှင့် တစ်နှစ်လုံး ကုန်းရုန်းရှာဖွေမှ ဒေါ်လာ ၂၀,၀၀၀ ခန့် ရသူတစ်ယောက်အတွက် အလွန်များသည့် ပမာဏ ဖြစ်သည်။
“အဓိကကတော့ စနစ်ပေါ့ရှင်။ ဖိအားတွေ၊ လာဘ် ပေးလာဘ်ယူ စနစ်တွေရှိနေသမျှ တန်းတူ ညီမျှတော့ ဖြစ်မှာမဟုတ်သေးပါဘူး။ နောက်ဆုံးတော့ သမီးအတွက် လုပ်ပေး လိုက်ရတာပဲဆိုပြီး ဖြေသိမ့်ပါတယ်။ ဒါ သားသမီးအတွက် အကောင်းဆုံး လုပ်ပေးလိုက်တာပဲ ဆိုပြီးတော့ ကျေနပ်လိုက်ပါတယ်” ဟု ယန်ကျိက ပြောသည်။
အယ်ဒီတာတစ်ဦး
Ref: Brains.. and Bribes by William Wan; Washington Post
thevoicemyanmar

အပြည့်အစုံသို့ »

ဒဏ်ရာပြဿနာကင်းရှင်းရန် အိမ်မှာရေခဲကန်ငယ် တပ်ဆင်ခဲ့သည့် ရော်နယ်ဒို


ရီးရဲလ်တိုက်စစ်မှူး ရော်နယ်ဒိုမှာ ဒဏ်ရာပြဿနာ လျှော့နည်းစေရန် ရည်ရွယ်၍ ပေါင် (၄၅၀၀၀)တန်ကြေးရှိသည့်
ရေခဲကန်ငယ်အား ၎င်း၏အိမ်တွင် တပ်ဆင်လိုက်သည်။ အဆိုပါ ရေခဲကန်ငယ်မှာ အပူချိန် အနုတ် ၂၀၀ ဒီဂရီ အထိ ထားနိုင်ပြီး ကြွက်သားဒဏ်ရာ ထိခိုက်မှုများအတွက် သက်သာစေရုံသာမက ဒဏ်ရာရနေသူများအနေဖြင့် ရေခဲကန်ငယ်
အတွင်း ၀င်စိမ်ပါက ဒဏ်ရာပြဿနာမှ လျှင်မြန်စွာ ပြန်လည်ပျောက်ကင်းစေနိုင်
သည့် အစွမ်းရှိကြောင်း သိရသည်။
ရော်နယ်ဒိုမှာ လာမည့်စနေနေ့တွင် ရီးရဲလ်အတွက် အယ်လ်ကလက်စီကို ပွဲစဉ်ကစားရမည်ဖြစ်ပြီး ပေါ်တူဂီအတွက်
လည်း ကမ္ဘာ့ဖလား ရှုံးထွက်အဆင့် ခြေစစ်ပွဲစဉ် ကစားပေးရမည်ဖြစ်သောကြောင့် ဒဏ်ရာပြဿနာကင်းစင်နေစေရန် အဆိုပါရေခဲကန်ငယ် တပ်ဆင်ခဲ့ခြင်းဖြစ်ကြောင်း စပိန်မီဒီယာများက ဖော်ပြခဲ့ကြသည်။

zaw zaw tun
yoyarlay

အပြည့်အစုံသို့ »

ခန္ဓာကိုယ်အတွက် လိုက်ဖက်တဲ့ဂျင်း


ဂျင်းတွေကို အသွင်အမျိုးမျိုးနဲ့ ဖန်တီးချုပ်လုပ်ကြပါတယ်။ Skinny Jean တွေက ကိုယ်နဲ့ လိုက်ဖက်ပေမဲ့ တခြားသူဝတ်တဲ့အခါ အတော်အကြည့်ရဆိုး တာတွေ ဖြစ်နိုင်ပါတယ်။ ကိုယ်က ဂျင်းအပွနဲ့ လိုက်ဖက်ပေမဲ့ သူများနဲ့လိုက်ချင်မှလိုက်မှာပါ။ ဒါ့ကြောင့် ကိုယ်နဲ့လိုက်ဖက်တဲ့ ဂျင်းတွေကို ရွေးချယ်ဝယ်ယူနိုင်ဖို့ နည်းလမ်းတွေ စဉ်းစားရတော့မယ် မဟုတ်ပါလား။ ဒါ့ကြောင့် ဂျင်းနဲ့ပတ်သက်ပြီး ဆောင်ရန်ရှောင်ရန်လေးတွေကို ညွှန်ပြပေးလိုက်တယ်နော်။

အောက်ကားဂျင်းဘောင်းဘီ
ဒီလိုဘောင်းဘီမျိုးက ခန္ဓာကိုယ်အချိုးအစားကို ပိုမိုပြေပြစ်စေပါတယ်။ အောက်ပိုင်းကအပွဖြစ်နေတဲ့အတွက်ကြောင့် ခြေသလုံးသေးလွန်းတဲ့သူတွေ အတွက် အရမ်းကိုအဆင်ပြေစေမှာဖြစ်ပါတယ်။ ပြီးတော့ အောက်ခြေပိုင်း ကျယ်ပြီး ပွနေတာကြောင့် ပေါင်တုတ်တဲ့သူ၊ တင်ကားတဲ့သူတွေအတွက်ပါ ခန္ဓာကိုယ်အချိုးအစားကို ပြေပြစ်အဆင်ပြေစေနိုင်မှာဖြစ်ပါတယ်။အောက်ပိုင်းပွပွ ဂျင်းဘောင်းဘီမျိုးက ခေတ်နောက်ပြန်ဆွဲတဲ့ အသွင်မျိုးဖြစ်ပေမဲ့ ခန္ဓာကိုယ်အချိုးအစားကို ပြေပြစ်စေတာတော့ အမှန်ပါ။

ခါးအပေါ်ပိုင်း ဗိုက်ပေါ်အထိ ၀တ်ရသော ဂျင်းဘောင်းဘီ
ယနေ့ခေတ်စားနေတဲ့ ခါးအပေါ်ပိုင်း ဗိုက်ပေါ်အထိဝတ်ရတဲ့ ဂျင်းဘောင်းဘီတွေက ခြေထောက်ရှည်သွယ်ပြီး ပိန်သွယ်တဲ့သူမျိုးတွေနဲ့ အလိုက်ဖက်ဆုံးပါပဲ။ ခါးသေးတဲ့သူမျိုးနဲ့ဆိုရင်တော့ လိုက်ဖက်မှုက ပြောစရာကိုမရှိနိုင်တော့ဘူးပေါ့။

တည့်ပွဂျင်းဘောင်းဘီ
ဒီလိုဂျင်းဘောင်းဘီတွေကို နည်းလမ်းမျိုးစုံနဲ့ ၀တ်လို့ရတဲ့အတွက် စတိုင်အမျိုးမျိုး ပြောင်းလဲလို့ရပါတယ်။ ကိုယ့်အနေနဲ့ Skinny ဂျင်း အကျပ်လေးတွေကို ၀တ်ဆင်ရတာစိတ်မသက်သာဘူးလို့ထင်ရင်တော့ အခုလို တည့်ပွဂျင်း ဘောင်းဘီမျိုးကို ရွေးချယ်ဝတ်ဆင်နိုင်ပါတယ်။

ပွပွချောင်ချောင် ဂျင်းဘောင်းဘီ (BoyFriend Jean)
ဆိုင်လွန်ပွပွချောင်ချောင် ဂျင်းဘောင်းဘီလေးတွေက ဒေါက်မြင့်ဖိနပ် ချွန်ချွန်လေးတွေနဲ့ တွဲဖက်ဝတ်ဆင်လိုက်မယ်ဆိုရင် အရမ်းကို ချစ်စရာကောင်းတဲ့ အသွင်ကို ပေးစွမ်းမှာဖြစ်ပါတယ်။ ခြေထောက်တိုတဲ့ သူတွေအတွက် ပိုရှည်စေတယ်လို့ ထင်မြင်စေနိုင်ဖို့ အောက်ခြေ နည်းနည်းပိုရှည်တဲ့ ဘောင်းဘီကို ဒေါက်မြင့် ဖိနပ်လေးနဲ့ တွဲဖက် ၀တ်ဆင်နိုင်ပါတယ်။

ချက်ပြုတ်ဝတ်ရသော ဂျင်းဘောင်းဘီ
လွန်ခဲ့တဲ့နှစ်တွေမှာ ခါးအပေါ်ပိုင်းအထိ တက်ဝတ်ရတဲ့ ဂျင်းတွေ ခေတ်စားနေတာကို မြင်တွေ့ရပေမဲ့လည်း ချက်ပြုတ်ဂျင်းဘောင်းဘီတွေ ကတော့ ခါးရိုးတိုတဲ့သူတွေ ရွေးချယ်နေကြတဲ့ အမျိုးအစားတစ်ခုအဖြစ် ဆက်လက်ရပ်တည်နေပါတယ်။

Skinny ဂျင်းအကျပ်လေးများ
Skinny ဂျင်းလေးတွေကိုလည်း စတိုင်အမျိုးမျိုးပြောင်းလဲပြီး ၀တ်လို့ရပါတယ်။ ပိုမိုသွယ်လျတဲ့အသွင်မျိုးကို ရချင်တယ်ဆိုရင် အရောင် ရင့်ရင့်ကို ရွေးချယ်နိုင်ပါတယ်။ အလွန်သေးတဲ့ ခြေသလုံးလေးတွေနဲ့ ပေါင်တုတ်တုတ်လေးတွေကို ဖုံးကွယ်ပြီး အသွင်အပြင်ကို ပြေပြစ်စေ ဖို့အတွက် ဒူးခေါင်းအထိအရှည် ဘွတ်ဖိနပ်မျိုးနဲ့ တွဲဖက်ဝတ်ဆင်ရပါမယ်။ ဒေါက်ဖိနပ် တစ်ရန်နဲ့လည်း အလွယ်တကူ တွဲဖက်ဆင်မြန်း နိုင်ပါသေးတယ်။

သူသူဟန်(အင်တာနက်)

M Plaza Shopping Journal (Vol 1, No 19 )

အပြည့်အစုံသို့ »

အမျိုးသမီးတစ်ဦးတည်းနေထိုင်သည့် နေအိမ်အတွင်းဝင်ရောက်၍ လူသတ်ပစ္စည်းယူဆောင်သူအား ဖမ်းဆီးရမိ


၁၁.၁၀.၂၀၁၃ရက်နေ့ ၀၉၃၀အချိန် ဒဂုံမြို့သစ်(တောင်ပိုင်း)မြို့နယ်၊ (၂၀)ရပ်ကွက်နေ၊ ဒေါ်သန်းမြိုင်သည် ၎င်းတစ်ဦးတည်းနေထိုင်သည့် နေအိမ်နောက်ဖေးရေချိုးခန်းတွင် လဲကျနေသည်ကို ၎င်း၏တူဖြစ်သူ ကိုမင်းအောင်မှတွေ့ရှိ၍ သင်္ဃန်းကျွန်းစံပြဆေးရုံသို့ ပို့အပ်ရာ သေဆုံးနေကြောင်း သိရသဖြင့် ဒဂုံမြို့သစ်(တောင်ပိုင်း)မြို့မရဲစခန်းသို့ အကြောင်းကြားမှုအား သေမှုသေခင်း အမှတ်စဉ်(၄၇/၂၀၁၃)ဖြင့်
ရေးဖွင့်ဆောင်ရွက်ခဲ့ပါသည်။

ကိုမင်းအောင်သည် သေဆုံးသူဒေါ်သန်းမြိုင်အား သဂြိုလ်ရန်အတွက် သေဆုံးသူ၏မှတ်ပုံတင်နှင့်မွေးစာရင်း လာရောက်ယူဆောင်စဉ် ဒေါ်သန်းမြိုင်၏ နေအိမ်အိပ်ခန်းအတွင်းရှိပစ္စည်းများပြန့်ကျဲကာ နောက်ဖေး ရေချိုးခန်း ပြူတင်းတံခါးသံဇကာမှာလည်း ဖြတ်တောက်ခံထားရသည်ကို မသင်္ကာဖွယ်တွေ့ရှိသဖြင့် ဒဂုံမြို့သစ်(တောင်ပိုင်း)မြို့မရဲစခန်းသို့ အကြောင်းကြားခဲ့ကြောင်း၊ ဒေါ်သန်းမြိုင်၏ရုပ်အလောင်းအား မှုခင်းဆရာဝန်မှ စစ်ဆေးရာ အောက်နှုတ်ခမ်းပေါက်ပြဲ၊ ၀ဲတံတောင်၊လက်ခုံ၊ ဒူးပွန်းပဲ့ဒဏ်ရာများနှင့် ယာဘက်နံရိုးနံပါတ်(၂) မှ (၈)အထိကျိုးနေကြောင်း စစ်ဆေးသိရှိရပါသည်။

ဒေါ်သန်းမြိုင်သေဆုံးမှုနှင့်ပတ်သက်၍ ရန်ကုန်တိုင်းဒေသကြီးရဲတပ်ဖွဲ့၊ အကူတပ်ဖွဲ့ခွဲ၊ အုပ်ချုပ် မှုတပ်ခွဲ၊မှုခင်းအကူဌာနစုမှ တပ်ဖွဲ့ဝင်များသည် ၂၃.၁၀.၂၀၁၃ ရက်နေ့ ၁၆၀၀ အချိန် မသင်္ကာ တရားခံ ဇော်ဝင်းထွန်း (ဘ)ဦးဟံတင်၊ (၆၀)ရပ်ကွက်၊ဒဂုံမြို့သစ်(ဆိပ်ကမ်း)မြို့နယ် နေသူအား ဖမ်းဆီးစစ်ဆေးရာ ၎င်းသည် ၁၀.၁၀.၂၀၁၃ရက်နေ့ ညပိုင်းတွင် ဒေါ်သန်းမြိုင်၏နေအိမ်အတွင်းသို့ ရေချိုးခန်းပြူတင်းတံခါး သံဇကာအား ချိုးဖျက်ဝင်ရောက်စဉ် ဒေါ်သန်းမြိုင်မှ ဟော်ဟစ်သဖြင့် ခန္ဓာကိုယ်အားချုပ်ကိုင်၍ ပါးစပ်အားလက်ဖြင့်ဖိထားရာမှ ဒေါ်သန်းမြိုင် သတိလစ်လဲကျသွားစဉ် ဒေါ်သန်းမြိုင်ဝတ်ဆင်ထားသည့် စိန်တစ်လုံးစီပါနားကပ်တစ်ရံနှင့် ဆင်းကဒ်ပါလက်ကိုင်ဖုန်း (၁)လုံးတို့အား ယူဆောင်ခဲ့ကြောင်း စစ်ဆေးပေါ်ပေါက်သဖြင့် အမှုအား သေမှုသေခင်း ဖွင့်လှစ်စစ်ဆေးရာမှ (ပ)၈၉၅/၂၀၁၃၊ ပုဒ်မ ၃၀၂/၃၉၂ဖြင့် ပြောင်းလဲဖွင့်လှစ်၍ သက်သေခံပစ္စည်းများ သိမ်းဆည်း ဆောင်ရွက်လျက်ရှိကြောင်း သတင်းရရှိပါသည်။

Yangon Police

အပြည့်အစုံသို့ »