အထက်ပေါင်းလောင်း ဆည်ကြောင့် လူမှုဘဝ ထိခိုက်နစ်နာမှုများ ဖြေရှင်းပေးရန် ဒေသခံများ တောင်းဆို


ရန်ကုန်၊ နိုဝင်ဘာ ၄

ရှမ်းပြည်နယ်တောင်ပိုင်း၌ တစ်နှစ်လျှင် လျှပ်စစ်ဓာတ်အား ၁၄၀ မဂ္ဂါဝပ် ထုတ်လုပ်နိုင်မည့် အထက်ပေါင်းလောင်း ဆည် စီမံကိန်း အကောင်အထည် ဖော်ခြင်းကြောင့် ပြောင်းရွှေ့လိုက်ရသော ၂၃ ရွာရှိ ဒေသခံများမှာ လူမှုဘဝ ထိခိုက်နစ်နာမှုများနှင့် သဘာဝ ပတ်ဝန်းကျင် ပျက်စီးမှုများ ကြုံတွေ့နေရသဖြင့် သက်ဆိုင်ရာ တာဝန်ရှိသူများ အနေနှင့် ပြန်လည် ဖြေရှင်းပေးရန် တောင်းဆိုကြောင်း ပြောင်းရွှေ့ခံရသော ဒေသခံများက ပြောကြားသည်။

အဆိုပါ စီမံကိန်းအနီးရှိ ကျေးရွာ ၂၃ ရွာမှ လူဦးရေ ၈၀၀၀ ကျော်ခန့်မှာ ယခုနှစ် မေလကစတင်၍ တောင်ပေါ်ဒေသ မြေနေရာအသစ်သို့ ပြောင်းရွှေ့ပေးခဲ့ရပြီး နေရာသစ်တွင် လျှပ်စစ်မီး မရရှိသေးခြင်း၊ သောက်သုံးရေ မလုံလောက်ခြင်း၊ မြေကွက် လုံလောက်စွာ မရခြင်းနှင့် အသက်မွေးဝမ်းကျောင်း လုပ်ငန်းများ လုပ်ကိုင်ရန် အခက်တွေ့နေခြင်းတို့ ဖြစ်ပေါ်နေကြောင်း ပေါင်းလောင်းဒေသ ထိန်ပင် ကျေးရွာအုပ်စုမှ ဒေသခံ ဦးညွန့်ဝင်းက ပြောကြားသည်။

အထက်ပေါင်းလောင်းဆည် စီမံကိန်းနှင့် မလွတ်ကင်းဘဲ ရေဖုံးလွှမ်းခြင်း ခံရနိုင်သည့် ကျေးရွာ ၂၃ ရွာရှိ ဒေသခံများ၏ ထိခိုက်နစ်နာမှုများကို သက်ဆိုင်ရာ တာဝန်ရှိသူများ အနေနှင့် လျော်ကြေး ပေးလျော်ခြင်း ရှိသော်လည်း ပတ်ဝန်းကျင် ထိခိုက်ပျက်စီးမှု၊ ဒေသခံ တိုင်းရင်းသားများ၏ လူမှုဘဝ နစ်နာများကိုမူ ထည့်သွင်းစဉ်းစား ဖြေရှင်းပေးခြင်း မရှိသေးကြောင်း ကယန်း မျိုးဆက်သစ် လူငယ်အဖွဲ့ ဥက္ကဋ္ဌ ဦးခွန်ဘီးခူက ဆိုသည်။

ပြောင်းရွှေ့ရသည့် ကျေးရွာများကို အိမ်ထောင်စု တစ်စုလျှင် မြေခြောက်ဧကနှင့် လျှပ်စစ်မီး ပေးမည်ဟု ရှမ်းပြည်နယ် လျှပ်စစ်ဝန်ကြီး ဦးစိုင်းထွန်းရင်က ယခု ၂၀၁၃ ခုနှစ် ဇန်နဝါရီလ အတွင်းက ပြောကြားထားခဲ့သော်လည်း ယနေ့အချိန်အထိ ရရှိခြင်း မရှိသေးသဖြင့် ထပ်မံ၍ နစ်နာမှုများကို တောင်းဆိုရခြင်း ဖြစ်ကြောင်း နေအိမ် ပြောင်းရွှေ့ ပေးခဲ့ရသူ ထိန်ပင်ကျေးရွာအုပ်စု လိန်းနီကျေးရွာမှ ဒေါ်အမာစိန်က ပြောဆိုသည်။

အဆိုပါ ဆည်မှာ စစ်တောင်းမြစ်၏ မြစ်လက်တက် ပေါင်းလောင်းမြစ်၏ မြစ်ညာပိုင်းတွင်ရှိပြီး လျှပ်စစ်ဓာတ်အား ထုတ်ယူရေး စီမံကိန်းကို လျှပ်စစ်စွမ်းအား ဝန်ကြီးဌာနက ပြည်ပကုမ္ပဏီများနှင့် ပူးပေါင်း၍ ၂၀၀၄ ခုနှစ်က စတင်၍ ဆောင်ရွက်နေခြင်း ဖြစ်သည်။

ပြောင်းရွှေ့ခံရသည့် ကျေးရွာများအတွက် လျော်ကြေးအဖြစ် ကွမ်း၊ အုန်းပင်တစ်ပင် ကျပ်သုံးသောင်း၊ လယ်တစ်ဧက ကျပ်ခြောက်သိန်း၊ ယာတစ်ဧက ကျပ်သုံးသိန်း၊ လယ်သီးနှံ လျော်ကြေး ငါးနှစ်စာ ကျပ်လေးသိန်းခွဲ၊ ယာသီးနှံလျော်ကြေး ငါးနှစ်စာ ကျပ်တစ်သိန်းခွဲကို ပေးအပ်ခဲ့ကြောင်း ကယန်းမျိုးဆက်သစ် လူငယ်အဖွဲ့ ထုတ်ပြန်ထားချက်အရ သိရသည်။

The Voice Weekly

အပြည့်အစုံသို့ »

အီဂျစ်သမ္မတဟောင်းမော်စီကို အမှုစတင်စစ်ဆေးပြီးနောက် ဇန်နဝါရီလသို့ အမှုရွှေ့ဆိုင်း


ကိုင်ရို၊ နိုဝင်ဘာ ၄

အီဂျစ်သမ္မတဟောင်း မိုဟာမက်မော်စီကို ယနေ့ စတင်အမှုစစ်ဆေးရာတွင် တရားသူကြီး၏ မေးမြန်းချက်ကို ဖြေကြားရာ၌ ၄င်းကို တရားစွဲဆိုထားခြင်းသည် တရားမဝင်ကြောင်းနှင့် ၄င်းသည် အီဂျစ် သမ္မတအဖြစ် ရှိနေသေးကြောင်း ပြန်လည် ဖြေကြားခဲ့သည်ဟု BBC သတင်းတွင် ဖော်ပြထားသည်။

အီဂျစ်သမ္မတဟောင်း မော်စီအပါအဝင် မွတ်ဆလင်ညီအစ်ကိုများအဖွဲ့ ထိပ်ပိုင်းခေါင်းဆောင် ၁၄ ဦးကို ၂၀၁၂ ခုနှစ် က သမ္မတအိမ်တော် အပြင်ဘက်တွင် ဖြစ်ပွားခဲ့သော ဆန္ဒပြပွဲတွင် မွတ်ဆလင် ညီအစ်ကိုများ အဖွဲ့ကို ထောက်ခံသူနှင့် ဆန့်ကျင်သူများ ပဋိပက္ခဖြစ်ပွားစေရန် လှုံ့ဆော်မှုဖြင့် တရားရင်ဆိုင်နေရခြင်း ဖြစ်သည်။

အီဂျစ်သမ္မတဟောင်း မော်စီကို တနင်္လာနေ့ အစောပိုင်းက မြို့တော်ကိုင်ရိုမှ တစ်နာရီကျော်ကြာ သွားရသည့် အီဂျစ်ရဲ အကယ်ဒမီဝင်းတွင်းသို့ ရဟတ်ယာဉ်ဖြင့် ခေါ်ဆောင်လာခဲ့ပြီး ကျန်ရှိသော မွတ်ဆလင်ညီအစ်ကိုများ အဖွဲ့ ထိပ်ပိုင်းခေါင်းဆောင်များဖြစ်သည့် အက်ဆန်အယ်လ်အာရင် စသည့် ၁၄ ဦးကို ကျည်ကာယာဉ်များဖြင့် ခေါ်ဆောင်လာခြင်းဖြစ်သည်။

အီဂျစ်သမ္မတ မော်စီကို ဇူလိုင်လ ၃ ရက်နေ့ကဖမ်းဆီးခဲ့ပြီး ပထမဆုံးအဖြစ် အရပ်ဝတ်ဖြင့် ခပ်လှမ်းလှမ်းမှ တွေ့မြင်ရကြောင်း အီဂျစ်ရေဒီယိုက ဖော်ပြထားပြီး တရားရုံးတွင်းသို့ ဂျာနယ်လစ်များ ဝင်ရောက် ခွင့်ပြုခဲ့သော်လည်း ၄င်း၏ရုပ်ပုံကို မည်သည့် ရုပ်သံသတင်းဌာန ကမျှ ထုတ်လွှင့်ခဲ့ခြင်း မရှိပေ။

၎င်းကို အမှုစစ်ဆေးစဉ် တရားသူကြီးက နာမည်မေးမြန်းရာတွင် “ကျွန်တော်ဟာ အီဂျစ်သမ္မတ ဒေါက်တာမိုဟာမက်မော်စီပါ။ ကျွန်တော်ဟာ အီဂျစ်နိုင်ငံရဲ့ တရားဝင်သမ္မတ ဖြစ်တယ်။ ဒီတရားရုံးရဲ့ အမှုစစ်ဆေးခြင်းကို ငြင်းဆိုတယ်” ဟု ပြန်လည် ဖြေကြားခဲ့ခြင်း ဖြစ်သည်။
ယင်းသို့ ဖြစ်ပွားခဲ့ပြီးနောက် ၄င်းကို အမှုစစ်ဆေးခြင်းကို ခေတ္တရပ်ဆိုင်းခဲ့ပြီး အမှုစစ်ဆေးခြင်းကို ဇန်နဝါရီလသို့ ရွှေ့ဆိုင်းလိုက်ကြောင်း တရားသူကြီးများက ကြေညာခဲ့သည်။

အီဂျစ်ရဲအကယ်ဒမီဝင်းအတွင်းသို့ အီဂျစ်သမ္မတဟောင်း မိုဟာမက်မော်စီ ရောက်ရှိလာပြီး မကြာမီ လူအနည်းငယ်ရှိသော အုပ်စု ရောက်ရှိလာရာမှ လူအုပ်မှာ တဖြည်းဖြည်း များပြားလာကာ ဆန္ဒပြမှု ဖြစ်ပွားခဲ့သည်။
ဆန္ဒပြသူများက အီဂျစ်သမ္မတ ဟောင်းမော်စီကို ရာထူးမှ ဖယ်ရှားခဲ့သော ဗိုလ်ချုပ်ကြီး အဗ္ဗဒယ်ဖာတက်ကို “လူလိမ်” ဟူသော ကြွေးကြော်သံများဖြင့် ဆန္ဒပြခဲ့ကြ ပြီးနောက် ကျောက်ခဲများဖြင့် ပစ်ပေါက်ခဲ့ကြသည်။

ထို့ပြင် မြို့တော်ကိုင်ရိုတွင်လည်း ဆန္ဒပြမှုများ ဖြစ်ပွားခဲ့ပြီး ကိုင်ရိုမြို့လယ်ကောင်ရှိ တရားရုံးချုပ်နှင့် အခြေခံဥပဒေ တရားရုံးချုပ် အပြင်ဘက်တို့တွင်လည်း ဆန္ဒပြမှုများ ဖြစ်ပွားခဲ့သည်။
The Voice Weekly

အပြည့်အစုံသို့ »

al-Qaida (အလ်ကေဒါ) အချင်းချင်းဆက်သွယ်မှု အမေရိကန်ထောက်လှမ်းရေး ကြားဖြတ်ရယူ


အယ်လ်ကိုင်းဒါး အကြမ်းဖက်အဖွဲ့ ထိပ်တန်းခေါင်းဆောင်တဦးရဲ့ ဆက်သွယ်မှုကို အခြေခံပြီး အမေရိကန် သံတမန်လုပ်ငန်းတွေကို ပိတ်ထားဖို့ ဆုံးဖြတ်ခဲ့ရတာ ဖြစ်တဲ့အကြောင်း New York Times သတင်းစာက ဖော်ပြလိုက်ပါတယ်။   ပါကစ္စတန်နိုင်ငံမှာရှိတဲ့ အယ်လ်ကိုင်းဒါး ခေါင်းဆောင် Ayman al-Zawahri က တနင်္ဂနွေနေ့လောက် အစောဆုံးထားပြီး တိုက်ခိုက်မှုတွေ လုပ်ဖို့ ယီမင်နိုင်ငံက စစ်သွေးကြွအဖွဲ့ကို ညွှန်ကြားခဲ့တဲ့ အီလက်ထရောနစ် သတင်းအချက်အလက်ကို အမေရိကန် ထောက်လှမ်းရေးက ကြားဖြတ်ရရှိခဲ့တာလို့လည်း သတင်းစာက ရေးသားခဲ့တာပါ။   အမေရိကန် ပြည်ထောင်စုကတော့ အရှေ့အလယ်ပိုင်း ဒေသနဲ့ အာဖရိက ဒေသတွေက သံရုံးနဲ့ ကောင်စစ်ဝန်ရုံး ၁၉ ခုကို လုံခြုံရေးအတွက် တပတ်လုံး ဆက်ပိတ်ထားမှာ ဖြစ်တဲ့အကြောင်း တနင်္လာနေ့ကပဲ ကြေညာခဲ့ ပါတယ်။ သံတမန် လုပ်ငန်းတွေ တနင်္ဂနွေနေ့က ပိတ်ထားခဲ့ပြီးနောက် ပြန်ဖွင့်ခဲ့ တဲ့ အထဲမှာတော့ Algiers, Baghdad, Dhaka, နဲ့ Kabul မြို့တွေက သံရုံးတွေ ပါဝင်ပါတယ်။   ဒါပေမဲ့လည်း Amman, Cairo, Sanaa နဲ့  Tripoli မြို့တွေ အပါအ၀င် တခြားသံတမန်လုပ်ငန်း ၁၉ ခုကိုတော့ ပိတ်ထားဆဲပါ။ အမေရိကန်အစိုးရ တာဝန်ရှိသူတွေကတော့ အကြမ်းဖက်မှု အန္တရာယ်နဲ့ ပတ်သက်လို့ တိတိကျကျ ပြောဆိုတာမျိုးတော့ မရှိပါဘူး။   New York Times သတင်းစာကလည်း အကြမ်းဖက်သမားတွေရဲ့ ဆက်သွယ်မှုမှာ ဘယ်အချိန်၊ ဘယ်နေရာကို တိုက်ခိုက်မယ် ဆိုတာမျိုး အတိအကျ ပြောမထားဘူးလို့ ဖော်ပြခဲ့တာပါ။ အမေရိကန် နိုင်ငံခြားရေး ၀န်ကြီးဌာနကတော့ ကြိုတင်သတိထားတဲ့ အနေနဲ့ သံရုံး ၁၉ ခုကို ဆက်ပိတ်ထားတာ ဖြစ်တဲ့အကြောင်းနဲ့ လုံခြုံရေး အခြေအနေကို ဆက်လက် ဆန်းစစ်သွားမှာ ဖြစ်တယ်လို့ ပြောပါတယ်။
VOA Burmese

အပြည့်အစုံသို့ »

၈ လေးလုံးကြောင့် ပြောင်းလဲခဲ့ရသော ဘ၀တချို့


မြန်မာ့သမိုင်းမှာ အရေးပါတဲ့ အပြောင်းအလဲတွေ ဖြစ်စေခဲ့တဲ့ ၁၉၈၈ ခုနှစ် လူထုအရေးတော်ပုံကြီး ဖြစ်ပွားခဲ့တာ ခုဆိုရင် နှစ်ပေါင်း ၂၅ နှစ်ပြည့်တော့ မှာ ဖြစ်ပါတယ်။ ဒီလူထုလှုပ်ရှားမှုကြီးနဲ့အတူ ဒီအထဲမှာ ပါဝင်ခဲ့ကြတဲ့သူတွေရဲ့ ဘ၀တွေမှာလည်း ကြီးမားတဲ့ အချိုးအဆစ် အပြောင်းအလဲတွေ ဖြစ်ခဲ့ရတာပါ။   အရေးတော်ပုံအတွင်း အသက်ပေးစွန့်လွှတ်ခဲ့ရသူတွေ မနည်းသလို၊ ပုံစံအမျိုးမျိုးနဲ့ တိုင်းပြည်ကို စွန့်ခွာခဲ့ရသူတွေကလည်း အများကြီးပါ။ ၈ လေးလုံး အရေးတော်ပုံကြီးနဲ့ အတူ ဘ၀မှာ အပြောင်းအလဲတွေ ဖြစ်ခဲ့ရတဲ့ ၈၈ မျိုးဆက်တချို့ကို မခင်ဖြူထွေးက ဆက်သွယ်မေးမြန်းပြီး တင်ပြထားပါတယ်။   မြန်မာနိုင်ငံရဲ့သမိုင်းဝင် ၈ လေးလုံး လူထုလှုပ်ရှားမှုကြီးဖြစ်ပွားခဲ့တာ မကြာခင်ရက်ပိုင်းမှာဆိုရင်ပဲ ၂၅ နှစ် ငွေရတုတိုင်တော့မှာ ဖြစ်ပါတယ်။ ၁၉၈၈ ခုနှစ်မှာ ကျောင်းသားလူငယ်တွေ ဦးဆောင်ပြီး ရဟန်းရှင်လူ ပြည်သူအများ ပူးပေါင်းပါဝင်ခဲ့တဲ့ ဒီလှုပ်ရှားမှုကြီး စတင်ဖြစ်ပွားချိန်ကစလို့ အသက်သွေး ချွေးတွေ ပေးဆပ်ခဲ့ရသူတွေ၊ အကျဉ်းထောင်တွေတွင်း နှစ်ပေါင်းများစွာ နေခဲ့ရပြီး ရည်မှန်းချက်ပျောက်ခဲ့ရသူတွေ ရှိသလို၊ မိသားစုနဲ့အဝေး နိုင်ငံရပ်ခြား တိုင်းပြည်တွေမှာ ကိုယ်မျှော်လင့်မထားတဲ့ အလုပ်တွေ လုပ်ရင်း၊ ဘ၀ရှင်သန်ရေး အသက်ဆက်နေရသူတွေကလည်း ဒုနဲ့ဒေးပါ။   ၈၈ ကာလက မြန်မာနိုင်ငံ ဘောလုံး လက်ရွေးစင် ချန်ပီယံတဦးဖြစ်တဲ့ ကိုရင်ထွေးက ၈၈ လှုပ်ရှားမှုထဲမှာ ပါဝင်ခဲ့ပြီးတဲ့နောက် သူ့ဘ၀မှာ မျှော်လင့် မထားခဲ့တဲ့ တဆစ်ချိုး အပြောင်းအလဲတွေနဲ့ ရင်ဆိုင်ခဲ့ရသူ ဖြစ်ပါတယ်။   “အမှန်တကယ်ဆိုရင် နိုင်ငံရေးဆိုတာ ကျနော်တို့ ကျောင်းသားတွေနဲ့တော့ မပတ်သက်ခဲ့ကြဘူးပေါ့ဗျာ။ ကျောင်းတွေ တက်ကြမယ်၊ ဟေးလားဝါးလားနဲ့ ပျော်ကြရွှင်ကြမယ်။ ၈ လေးလုံးဆိုတာ ပေါ်လာတဲ့ အခါကျတော့ ကျောင်းသားဆိုတဲ့ မခံချင်တဲ့စိတ်နဲ့ ဒီအစိုးရကို ပြုတ်အောင်တိုက်မယ်ဆိုပြီး ထွက်လာတဲ့ အချိန်မှာ တချိန်က ကျောင်းသားတဖြစ်လဲ၊ ကျနော်လည်း လက်ရွေးစင် ဘောလုံးသမား တယောက်ပါ။ ဒါပေမဲ့ ကျနော်ရည်မှန်းထားခဲ့တာက လက်ရွေးစင် ဘောလုံးသမားထက် တိုင်းပြည်မှာရှိတဲ့ နိမ့်ကျနေတဲ့ ဘောလုံးလောကကြီး မြှင့်တင်ရင်း တဖြည်းဖြည်းနဲ့ ဘောလုံးသမားကနေပြီးတော့ အုပ်ချုပ်သူတွေလုပ်မယ်၊ ဒါကို တဖြည်းဖြည်းနဲ့ မြှင့်တင်မယ်ဆိုတဲ့ ရည်ရွယ်ချက်ပေါ့ဗျာ။ ဘာကြောင့်လဲဆိုတော့ အဲဒီအချိန်က ဘောလုံးလောကမှာ အခုမှ ပျိုးထောင်ရပြီးတော့ လက်ရွေးစင်ဘောလုံးကို ပျိုးထောင်လာခဲ့တဲ့ အချိန်ကောင်းနေတဲ့ အချိန်မှာ ၀ုန်းကနဲဆို ဒီ ၈၈ အရေးအခင်း ဖြစ်လာတယ်၊ တောတွေခိုကြတယ်။ ဒါပေမဲ့လည်း နိုင်ငံခြားသွားမယ်ဆိုတဲ့ အစီအစဉ်လည်း မရှိပါဘူး။ အခြေအနေ အကြောင်းအမျိုးမျိုးကြောင့် ကိုယ့်ရဲ့ဘ၀ ရပ်တည်ရေးအတွက် နိုင်ငံရပ်ခြား ကို ရောက်ခဲ့ရတယ်။ နိုင်ငံရေး လောကမှာ ဆက်နွယ်နေတဲ့အတွက် အပြောင်းအလဲတွေလည်း ဖြစ်လာခဲ့တယ်။”   ဦးရင်ထွေးဟာ အခုလက်ရှိ အမေရိကန်ပြည်ထောင်စု Silver Spring မြို့မှာ နေထိုင်ရင်း Apartment တိုက်ခန်းတခုရဲ့ ၀န်ဆောင်မှု မန်နေဂျာလုပ်နေသူဖြစ်ပါတယ်။ သူမျှော်လင့်မထားတဲ့ ဘ၀တခုမှာ ကျင်လည်ရင်း၊ မြန်မာ့အရေးအတွက် ပြည်ပကနေ နှစ်ပေါင်းများစွာ တက်ကြွလှုပ်ရှား လာခဲ့တဲ့သူလည်း ဖြစ်ပါတယ်။   မြန်မာ့ဘောလုံး လောကကို မြှင့်တင်ချင်တဲ့ သူ့ရဲ့ ရည်မှန်းချက် လွဲခဲ့ရပေမဲ့၊ လက်ရှိ သူရဲ့လုပ်ငန်း အတွေ့အကြုံတွေကလည်း တချိန်ချိန် မြန်မာနိုင်ငံ ပြန်ရောက်တဲ့အခါ တဘက်တလမ်းက အထောက်အကူဖြစ်ဖို့ မျှော်လင့်ထားတာပါ။   မန္တလေးတက္ကသိုလ်မှာ သတ္တဗေဒ ဘာသာရပ်နဲ့ ဒုတိယနှစ်ကျောင်းတက်နေတုန်း ၈ လေးလုံး အရေးအခင်းမှာ ပါဝင်လာခဲ့သူကတော့ မသီရိကျော်ဝင်း ဖြစ်ပါတယ်။   “၈၈ ဖြစ်တဲ့ အချိန်တုန်းကကြတော့ ဖြစ်ကာစမှာ အမက ဘာမှ သိပ်နားမလည်ဘူး။ သိလည်းမသိဘူး။ ဒါပေမဲ့ ရန်ကုန်က သတင်းတွေ၊ စစ်ကိုင်းဘက်မှာ ဖြစ်တဲ့ကိစ္စတွေမှာ ကြားတဲ့အခါ ကျတော့မှ လူငယ်သဘာဝအရ၊ တကယ်တမ်းမှာ နိုင်ငံရေးကို နားလည်ပြီးတော့ ပါလာတာ မဟုတ်ဘူး။ မကျေနပ်တာမျိုးလောက်နဲ့ ပါလာခဲ့တာပေါ့လေ။ အထူးသဖြင့်ကတော့ အဲဒီတုန်းက စစ်ကိုင်းအရေးအခင်းတွေ ဘာတွေမှာ ဖြစ်တဲ့အချိန်မှာ၊ စစ်ကိုင်းမှာ လူတွေအများကြီးသေတယ်။ အဲဒီမှာ ကိုယ်ဘာလုပ် ပေးနိုင်သလဲဆိုတော့ အမတို့ သွေးလှူတာတို့၊ သူငယ်ချင်းတွေနဲ့စုပြီး စစ်ကိုင်းဆေးရုံပေါ်မှာ သွေးလိုအပ်တာတွေ ဘာတွေ လှူတာတွေဘာတွေ အဲဒီလိုမျိုးကနေ စပြီးတဲ့အခါမှာ စကာစမှာ အမက ဘယ်သွားလို့ ဘယ်သွားရမှန်းတောင် မသိဘူး။ စခန်းတွေကလည်း အများကြီး။ ဘယ်ကိုဆက်သွယ်ရမှန်းလည်း မသိဘူး။ ဒါပေမဲ့ နောက်တခုကတော့ အရင်တုန်းက အိမ်ထဲက အိမ်ပြင်လည်း ကိုယ့်ဖာသာ တယောက်တည်း မသွားတတ်တဲ့အခါကျတော့ တော်တော် ဒုက္ခရောက်တယ်။”   ၈၈ လှုပ်ရှားမှုကြီးမှာ ပါဝင်ခဲ့တဲ့အတွက် ပညာရေးမှာ အထစ်အငေါ့တွေ ဖြစ်ခဲ့ရပေမဲ့လို့ ဒီလှုပ်ရှားမှုကြီးက သူ့ကို ပိုပြီးတော့ ရင့်ကျက်စေခဲ့ပြီး ပိုပြီးတော့ ယုံကြည်မှု ရှိလာအောင် လုပ်ပေးခဲ့တယ်လို့လည်း မသီရိကျော်ဝင်းက ပြောပြပါတယ်။ ၈၈ လှုပ်ရှားမှုမှာ ပါဝင်ခဲ့တဲ့ ကျောင်းသား လူငယ်တွေကို အာဏာပိုင်တွေက လိုက်လံဖမ်းဆီး၊ နှိပ်စက်တာတွေ လုပ်ခဲ့ချိန်မှာတော့ သူ့မိသားစုက ဒီဒဏ်ကို အဓိက ခံခဲ့ရတာဖြစ်ပါတယ်။   “အဓိကကတော့ ဒီလှုပ်ရှားမှုရဲ့ ဘယ်လိုခေါ်မလဲ ဒုက္ခသုက္ခတွေကို ခံစားရတာကြတော့ အမရဲ့မိသားစုက ပိုခံစားရတယ်။ တကယ်လို့သာ ဒီဟာကို ပြန်ပြောမယ် ဆိုရင်ကြတော့ အမကရှေ့ကနေပြီးတော့ လူငယ်ပြီပြီပဲ လုပ်ချင်တာကို လုပ်သွားတာပေါ့နော်။ ဒါပေမဲ့ ဖေဖေတို့၊ မေမေတို့ကကြတော့ သူတို့လည်း သူတို့ဘ၀မှာ အမတို့ အပေါ်မှာ Dream ထားမှာပဲလေ။ အဲဒါတွေက တကယ်တမ်း ပျက်ခဲ့ရတာက သူတို့က ပျက်ခဲ့ရတာ။ နောက်ပြီး စစ်တပ်ကလာပြီး ၀ိုင်းတာတွေကို သူတို့တွေက ခံစားရတာ။ တကယ်တမ်းက အမကလုပ်သွားပြီဆိုတော့ အမက အပြင်ကိုရောက်နေတယ်၊ အမကရှောင်ထွက် သွားလိုက်တဲ့ အတွက်ကြောင့်မို့လို့ သေနတ်တွေနဲ့ အိမ်ထဲကိုချိန်ပြီး ၀င်တာတွေတို့ မမိအောင် ပုန်းရှောင်ရွှေ့ပေးရတာတွေက မေမေနဲ့ ဖေဖေနဲ့က တကယ်ခံစားခဲ့ရတာလေ။”   ၈၈ အရေးတော်ပုံမှာ ကိုယ်တိုင် ပါဝင်ခဲ့ပြီး အစ်ကိုဖြစ်သူရဲ့ နိုင်ငံရေး တက်ကြွလှုပ်ရှားမှုတွေကြောင့် စစ်အာဏာပိုင်တွေ ပေးတဲ့ ဒုက္ခတွေကို မိသားစုနဲ့အတူ ခံစားခဲ့ရဖူးတဲ့ မမြတ်ရင်ချောကလည်း ၈၈ နောက်ပိုင်း မိသားစု လူမှုဘ၀ အပြောင်းအလဲတွေကို အခုလို ပြောပြပါတယ်။   “၈ လေးလုံး အရေးတော်ပုံမှာ အမရဲ့အကို ကိုရင်အေးက သူက အဓိကပေါ့နော် စက်မှုတက္ကသိုလ် ကျောင်းသားတယောက်အနေနဲ့ ပါခဲ့တယ်။ ပါခဲ့တဲ့အတွက်ကြောင့်မို့လို့ အမ သူတို့က ဒီအရေးတော်ပုံမပြီးသေးဘူး။ အာဏာသိမ်းတော့မယ့် အချိန်မှာ ပျောက်သွားတယ်ပေါ့နော်။ ပျောက်သွားပြီး ဘယ်ရောက်သွားလို့ ဘယ်လုပ်လဲ မသိဘူးဆိုတော့ အမ အမေကလည်း အဲ့ဒီအချိန်မှာ သားပျောက်တဲ့ဝေဒနာနဲ့ စိတ်ပူပြီးတော့ နှလုံးရောဂါနဲ့ အိပ်ယာထဲမှာ လဲတယ်။ အမတို့ မောင်နှမတွေကလည်း အကို ဘယ်ရောက်သွားလဲ။ ဒီလိုပဲ အပစ်ခံရတဲ့အထဲမှာပဲ ပါသွားပြီလား။ ဘယ်ရောက်သွားပြီလဲဆိုတာ မသိဘဲနဲ့ အကိုပျောက်ကို ရှာရတာပေ့ါနော်။ ရှာရတဲ့အခါမှာ မိသားစုမှာတော့ တော်တော်လေးကို ကစဥ့်ကလျား ဖြစ်သွားပြီးတော့ သောကတွေ ရောက်ခဲ့ရတယ်ပေါ့နော်။ စီးပွားရေးတွေလည်း ထိခိုက်ခဲ့ရတယ်။ နောက် အမကိုယ်တိုင် ရည်မှန်းထားတဲ့ လမ်းကြောင်းကို လွဲချော်သွားခဲ့ရတာပေ့ါနော်။”   မြန်မာနိုင်ငံ ဒီမိုကရေစီရရှိရေး လှုပ်ရှားမှုသမိုင်းမှာ အရေးပါလှတဲ့ ၈၈ လူထုအရေးတော်ပုံကြီး မကြာခင်ရက်ပိုင်းအတွင်းမှာပဲ ၂၅ နှစ်ပြည့်တော့မှာ ဖြစ်ပေမဲ့လို့၊ ဒီလှုပ်ရှားမှုတွင်း ပါဝင်ခဲ့ကြသူတွေ အတွက်ကတော့ ဘ၀တွေ ဘယ်လိုပဲပြောင်းပြောင်း၊ တိုင်းပြည်နဲ့ ဘယ်လောက်ပဲဝေးဝေး ဒီလှုပ်ရှားမှုကြီးရဲ့ ပုံရိပ်တွေကတော့ ဘယ်တော့မှ မေ့ပျောက်သွားမယ့်ပုံ မရှိပါဘူးရှင်။
VOA Burmese

အပြည့်အစုံသို့ »

လက်ပံတောင်း ကြေးနီစီမံကိန်း ကန့်ကွက်မှု ဦးဆောင်လှုပ်ရှားသူတချို့ ဖမ်းခံရ


စစ်ကိုင်းတိုင်း မုံရွာခရိုင် ဆားလင်းကြီး မြို့နယ်ထဲမှာရှိတဲ့ လက်ပံတောင်းတောင် ကြေးနီစီမံကိန်းကို ဆန်ကျင်ကန့်ကွက်မှုတွေ လုပ်ခဲ့ကြတဲ့ လက်ပံတောင်းဒေသခံတွေ နေထိုင်ရာ ဇီးတောရွာက စန်းမြ၀တီကျောင်းတိုက်ကို ဒီနေ့မနက် ၂ နာရီခန့်မှာ အရပ်ဝတ်တွေနဲ့ အာဏာပိုင်တွေက ၀င်ရောက်ပြီး ဖမ်းဆီးအရေးယူမှုတွေ လုပ်ခဲ့ပါတယ်။ အဲ့ဒီလို ၀င်ရောက်ဖမ်းဆီးချိန်မှာ ဘုန်းကြီးကျောင်းအတွင်း ပျက်စီးသွားတာ ရှိခဲ့သလို ဘုန်းကြီးကျောင်းသားတွေလည်း ရိုက်နှက်ခံခဲ့ရတာတွေ ရှိတဲ့အကြောင်းကိုတော့ ထိုင်းအခြေစိုက် ဗွီအိုအေသတင်းထောက် မအေးအေးမာ က သတင်းပေးပို့ခဲ့ပါတယ်။   စစ်ကိုင်းတိုင်း မုံရွာခရိုင် ဆားလင်းကြီးမြို့နယ်မှာရှိတဲ့ လက်ပံတောင်းတောင် ဇီးတောရွာက စန်းမြ၀တီကျောင်းတိုက်ကို သြဂုတ်လ ၆ ရက်နေ့ မနက်ပိုင်းမှာပဲ အရပ်ဝတ်နဲ့ လက်နက်ကိုင် အင်အား ၃၀ လောက်က ၀င်ရောက်စီးနင်းမှုတွေ လုပ်ခဲ့ကြောင်း စန်းမြ၀တီကျောင်းတိုက်က ဆရာတော် ဦးအာလောက က မိန့်ကြားခဲ့ပါတယ်။   “၂ နာရီလောက်မှာ ဦးဇင်းတို့ စန်းမြ၀တီကျောင်းတိုက်ကို ၀င်ရောက်ပြီးတော့ စီးနင်းကြတယ်လေ။ ကျောင်းမှာစောင့်နေတဲ့ ကျောင်းသားလေးပေါ့ ဦးဇင်းရဲ့ ဆိုင်ကယ်လ်သမားကို ရန်ကုန်မြို့ကနေ လာရောက်ပြီးတော့ ကူညီနေတဲ့ ကိုဟန်ဝင်းအောင်တို့၊ ကိုဘထူးတို့ ကိုထက်တို့ကို မေးတယ်ပေါ့ဗျာ။ အဲ့ဒီလို မေးတဲ့အချိန်မှာ ရှိတဲ့ကျောင်းသားလေးက မသိဘူး။ မရှိဘူး လို့ ပြောတဲ့အချိန်မှာ သူ့ကို ပါးတွေ နားတွေ ပိတ်ရိုက်တယ်ပေါ့ဗျာ။ ပါးရင်းနားရင်း ပိတ်ရိုက်ပြီးတော့ နောက် ကုတ်ကိုလည်း ခြေထောက်တွေနဲ့ ပိတ်ကန်တယ်။ ကျောကုန်းကိုလည်း ဖိနပ်တွေနဲ့ ပိတ်ကန်တယ်ပေါ့ဗျာ။ အင်အားက အနည်းဆုံး ၃၀ လောက်ပါတယ်။ ကျောက်တိုင်ရွာထဲမှာလည်း ကားနှစ်စီးလည်းပဲ ထားခဲ့တယ်လို့ ဦးဇင်းတို့ ကြားရတယ်။”   စန်းမြ၀တီဘုန်းကြီးကျောင်းမှာ အလှူလာလုပ်နေတဲ့ ရွာသားတွေကိုလည်း ဖမ်းဆီးရာမှာ နှစ်ဦးကို ဖမ်းမိပြီး ၂ ဦးကတော့ နောက်က ရွာသားတွေက အုပ်စုနဲ့ ပြန်လိုက်တဲ့အတွက် လွတ်မြောက်ခဲ့တယ်လို့ ဆိုပါတယ်။   “ရွာသား ၄ ယောက်ကို ကျောင်းရဲ့ တောင်ဘက် ကျောက်တိုင်ရွာ အထိ ခေါ်သွားတယ်ဗျ။ လက်ထိပ်ခတ်ထားတဲ့အတွက် ဆိုင်ကယ်လ်ပေါ်တင်ပြီး ခေါ်သွားတယ်ဗျ။ ဒီ ဦးမောင်သူ တို့ ဦးတင်လင်း တို့ဆိုတာ ဒီနေ့ လကွယ်နေ့ ဥပုပ်နေ့မှာ ဦးမောင်သူက ဒီစန်းမြ၀တီကျောင်းကို လာတဲ့ ဧည့်သည်တွေကို ကြက်သားဆန်ပြုတ်တိုက်တယ်ပေါ့ဗျာ။ ဘုန်းကြီးကိုလည်း သင်္ကန်းဆက်ကပ်မှာ ဖြစ်တဲ့အတွက် စောစောစီးစီး လာရောက်ပြီးတော့ ချက်ပြုတ်ဖို့အတွက် ညအိပ် ရောက်ရှိနေတဲ့ ပုဂ္ဂိုလ်ဖြစ်တယ်။ ကျန်တဲ့နှစ်ယောက်ကတော့ နှစ်ယောက်တွဲ လက်ထိပ်ခတ်ထားတာ ဖြစ်တဲ့အတွက် သူတို့ ကားနဲ့လည်း ဝေးနေတာက တပိုင်း ဖြစ်နေတဲ့အတွက်ကြောင့်မို့ ဒီနောက်က လူထုကလည်းပဲ မိုက်တွေနဲ့အော်၊ သံချောင်းတွေခေါက်၊ ဖုန်းတွေ ဆက်ပြီးတော့ ညာသံပေးအော်ပြီး လိုက်တာဖြစ်တဲ့အတွက် ဒီလူတွေကလည်း ရုန်းကန်ပြီးတော့ နှစ်ယောက်ကတော့ ထွက်ပြေးလွတ်မြောက်လာတယ်ပေါ့ဗျာ။ အထူးသဖြင့်တော့ အခုညက ဖမ်းဆီးသွားတဲ့ ဦးမောင်သူနဲ့ ဦးတင်လင်းကိုတော့ သူ့ရဲ့ မိသားစုဝင်တွေကနေ အထူးစိုးရိမ်စရာရှိတယ်ပေါ့ဗျာ။ ဘာဖြစ်လို့လဲဆိုတော့ ညကြီးမင်းကြီး ခေါ်သွားတယ်။ သူတို့ ဘယ်မှာချုပ်ထားတယ်။ ဘယ်မှာလှောင်ထားတယ်။ ဘယ်မှာ ဖမ်းဆီးထားတယ် ဆိုတာလည်း မသိရဘူး။ အသက်အန္တရာယ်ဘေးက လွတ်မြောက်ရဲ့လား ဆိုတာလည်း မသိကြရသေးတဲ့အတွက်ကြောင့် သူ့ရဲ့ မိသားစုတွေက စိုးရိမ်ပြီးတော့ နေကြပါတယ်။”   စန်းမြ၀တီကျောင်းတိုက်ကို ၀င်ရောက်စီးနင်းပြီး ရွာသားတွေကို ဖမ်းဆီးသွားမှုနဲ့ ပတ်သက်လို့ ဒေသခံအာဏာပိုင်တွေကို ဆက်သွယ်မေးမြန်းဖို့ ကြိုးစားခဲ့ပေမဲ့ ဆက်သွယ်လို့ မရခဲ့ပါဘူး။ လက်ပံတောင်းတောင် ကြေးနီစီမံကိန်းကို မြန်မာ စီးပွားရေး ဦးပိုင်ကုမ္ပဏီလီမိတက်နဲ့ တရုတ်ကုမ္ပဏီဖြစ်တဲ့ မြန်မာဝမ်ပေါင် ကုမ္ပဏီတို့က ပူးပေါင်းပြီး အကောင်အထည်ဖော် လုပ်ဆောင်နေခဲ့တာ ဖြစ်ပါတယ်။   ဒီ့အတွက် ဒေသခံတွေရဲ့ လယ်မြေဧကပေါင်း ၇ ထောင့် ၈ ရာကျော်ကို သိမ်းယူခဲ့ပြီး ရွာပေါင်း ၄ ရွာကို ဖယ်ရှားခိုင်းခဲ့ပါတယ်။ စီမံကိန်းရပ်တန့်ရေး တောင်းဆိုဆန္ဒပြကြတဲ့ သူတွေကိုလည်း ပြီးခဲ့တဲ့နှစ် နိုဝင်ဘာလ ၂၉ ရက်နေ့က မီးလောင်ဗုံးနဲ့ ဖြိုခွင်းခဲ့တဲ့အတွက် သံဃာအတော်များများ မီးလောင်ဒဏ်ရာတွေ ရရှိခဲ့ကြပါတယ်။   ဒီ့နောက် စီမံကိန်းကို ဆက်လုပ်သင့် မသင့် စုံစမ်းရေးကော်မရှင်ဖွဲ့ စစ်ဆေးခဲ့ပြီး ကော်မရှင်က စီမံကိန်းကို ဆက်လုပ်သင့်ကြောင်း အကြံပြုထားတာဖြစ်ပါတယ်။ အကြံပြုထားချက်တွေကိုလည်း အကောင်အထည်ဖော်ဖို့အတွက် ကော်မတီတရပ် ဖွဲ့စည်းပြီး လုပ်ဆောင်ခဲ့တာ ဖြစ်ပါတယ်။ ဒေသခံတွေကတော့ ကော်မရှင်ရဲ့ ဆုံးဖြတ်ချက်ကို လက်မခံနိုင်တဲ့အတွက် သိမ်းဆည်းခံထားရတဲ့ သူတို့ လယ်ယာမြေတွေပေါ်မှာ ထွန်ယက်စိုက်ပျိုးပြီး စီမံကိန်းကို ဆန့်ကျင်ကန့်ကွက်မှုတွေ ဆက်လုပ်ဆောင်ခဲ့ပါတယ်။ ဒီ့အတွက် ဒေသခံ လယ်သမားတွေနဲ့ တက်ကြွလှုပ်ရှားသူတွေကို ဖမ်းဆီးအရေးယူတာတွေ လုပ်ခဲ့ရာမှာ အခုတကြိမ်ကလည်း တက်ကြွလှုပ်ရှားသူတွေကို ဖမ်းဆီးရမိဖို့ ကြိုးစားခဲ့တာဖြစ်ပါတယ်။   ဒါ့အပြင် တိုင်းနဲ့ပြည်နယ်တချို့မှာရှိတဲ့ လက်ပံတောင်းအရေးမှာ ကူညီပါဝင်ပတ်သက်တဲ့ ကွန်ယက်အသီးသီးက လူငယ်တွေ၊ ကျောင်းသားတွေ၊ လယ်သမားတွေနဲ့ အမျိုသမီးတွေကိုလည်း တရားစွဲဆိုထားတာတွေ ရှိနေတာပါ။ ဒါ့အပြင် ဖမ်းဝရမ်းတွေလည်း ထုတ်ထားပါတယ်။ လက်ပံတောင်း ကြေးနီစီမံကိန်းနဲ့ ပတ်သက်လို့ မြန်မာအစိုးရက အကျိုးခံစားခွင့် ၅၁ ရာခိုင်နှုန်း၊ တရုတ်ကုမ္ပဏီဖြစ်တဲ့ မြန်မာဝမ်ပေါင်ကုမ္ပဏီက ၃၀ ရာခိုင်နှုန်း၊ မြန်မာစီးပွားရေး ဦးပိုင်ကုမ္ပဏီက ၁၉ ရာခိုင်နှုန်း အကျိုးခံစားဖို့ အတွက် ပြီးခဲ့တဲ့ ဇူလိုင်လကုန်ပိုင်းက စာချုပ်အသစ် ချုပ်ဆိုပြီးတဲ့နောက် မှာတော့ ဒေသခံပြည်သူ ၅၀၀ ခန့်ဟာ ဆန္ဒပြ တောင်းဆိုမှုကို ဆက်လုပ်ခဲ့ပါတယ်ရှင်။

VOA Burmese

အပြည့်အစုံသို့ »

မရမ်းကုန်းမြို့နယ်တွင် လူသတ်မှုဖြစ်


ရန်ကုန်၊ နိုဝင်ဘာ ၅

၎.၁၁.၂၀၁၃ရက်နေ့ ၁၉၃၀အချိန် မရမ်းကုန်းမြို့နယ်၊ (၃)ရပ်ကွက်၊ အောင်မင်္ဂလာလမ်းသွယ် (၂)နေ ဦးလှသိန်း (၄၆)နှစ် ၊ရွှေကမ္ဘာအိမ်ယာ လုံခြုံရေး (ဘ)ဦးဖိုးမောင်သည် (၃)ရပ်ကွက်၊ ရွှေကမ္ဘာအိမ်ယာလုံခြုံရေး ကင်းတဲတွင် သတိမေ့လဲကျနေ၍ ၎င်း၏ညီမဖြစ်သူ မဌေးဝင်းမှ အင်းစိန်ဆေးရုံသို့ တင်ပို့ခဲ့ရာ ဦးလှသိန်းတွင် ယာမျက်လုံး၊ နှုတ်ခမ်းဖူးယောင်ဒဏ်ရာ၊ နောက်စေ့ပေါက်ပြဲဒဏ်ရာများနှင့် သွေးအန်နေသဖြင့် ရန်ကုန်ဆေးရုံကြီးသို့ လွှဲပြောင်းကုသစဉ် ၅.၁၁.၂၀၁၃ရက်နေ့၀၇၀၀အချိန် ဦးလှသိန်းမှာသေဆုံးသွားခဲ့ပါသည်။

ဦးလှသိန်းအား ရွှေကမ္ဘာအိမ်ယာ တိုက်(A- 8)၊ အခန်း (၂၀၂)နေ ဇေယျာမင်းကြိုင်မှ ၄.၁၁.၂၀၁၃ရက်နေ့ ၁၉၀၀အချိန် ခန့်တွင် လက်သီးနှင့်ထိုးသဖြင့် နောက်ပြန်လဲကျရာ တမံတလင်းကြမ်းပြင်နှင့် ဦးခေါင်းနောက်စေ့ထိခိုက်မိပြီး ဒဏ်ရာရသေဆုံးသွားကြောင်း သိရှိရသဖြင့် ဇေယျာမင်းကြိုင်အား ဘုရင့်နောင်နယ်မြေရဲစခန်း (ပ) ၃၉၆/၂၀၁၃၊ ပုဒ်မ ၃၀၂ဖြင့် အမှုဖွင့်ပြီး တရားခံဖမ်းဆီးရမိရေး စုံစမ်းဆောင်ရွက်လျက်ရှိကြောင်း သတင်းရရှိပါသည်။

Yangon Police


အပြည့်အစုံသို့ »

ပုဇွန်တောင်မြို့နယ်မှ သိန်း(၁၀၀၀)ကျော်ခိုးသည့် တရားခံအား နာရီပိုင်းအတွင်း ဖမ်းဆီးရမိ


ရန်ကုန်၊ နိုဝင်ဘာ ၅

၅.၁၁.၂၀၁၃ရက်နေ့ ၀၄၃၀အချိန် ပုဇွန်တောင်မြို့နယ်၊ အမှတ်(၇) ရပ်ကွက်နေ ဦးမောင်ကျော် (ဘ)ဦးမောင်မောင်သည် အိပ်ယာမှ ထစဉ် နေအိမ်နောက်ဖေးတံခါး ပွင့်နေပြီး ပစ္စည်းများပြန့်ကျဲနေသဖြင့် စစ်ဆေးရာ အိပ်ခန်းအတွင်းရှိ သံသေတ္တာအတွင်းထားရှိသော စိန်၊ ပတ္တမြား၊ ကျောက်စိမ်း၊ ပုလဲများပါ ရွှေထည်လက်ဝတ်ရတနာပစ္စည်းမျိုးစုံ (၂၇)မျိုး၊ ငွေကျပ်သိန်း(၁၀၀)နှင့် ဆင်းကဒ်ပါ လက်ကိုင်ဖုန်း (၁)လုံး၊ စုစုပေါင်း(၂၉)မျိုး၊ ကာလတန်ဘိုးငွေကျပ်သိန်း(၁၁၀၀)ခန့်မှာ ပျောက်ဆုံးနေသည်ကို တွေ့ရှိ၍ ခိုးယူသူအား စုံစမ်းဖေါ်ထုတ် အရေးယူပေးရန်တိုင်တန်းသဖြင့် ပုဇွန်တောင်မြို့မရဲစခန်း(ပ)၂၄၀/၂၀၁၃၊ ပုဒ်မ ၃၈၀ဖြင့် အမှုဖွင့်ပြီး တရားခံဖမ်းဆီးရမိရေး စုံစမ်းဆောင်ရွက် ခဲ့ပါသည်။

ထိုသို့စုံစမ်းဆောင်ရွက်စဉ်တာဝန်သိပြည်သူတစ်ဦး၏သတင်းပေးချက်အရ ၁၄၃၅အချိန် ပုဇွန်တောင်မြို့မရဲစခန်းမှ တပ်ဖွဲ့ဝင်များသည် ပုဇွန်တောင် မြို့နယ်၊ (၂)ရပ်ကွက်၊ အနော်ရထာလမ်း၊ Ocean ကားမှတ်တိုင်အနီးတွင် အမှုမှတရားခံများဖြစ်သည့် ထိန်လင်း (ဘ)ဦးစိန်မြ၊ သာကေတမြို့နယ်၊
ကျော်ဆန်းဦး(ခ)ပေါက်စ (ဘ)ဦးကျော်လင်း၊ ဒေါပုံမြို့နယ် နှင့် စိုးမင်းထွေး (ဘ)ဦးဖိုးဟန်၊ ဇောင်းတူမြို့နယ်၊ ပဲခူးတိုင်းဒေသကြီးနေသူတို့ (၃)ဦးအား အမှုမှပျောက်ဆုံးပစ္စည်း (၂၉)မျိုးအနက် (၂၄)မျိုးနှင့်အတူ ဖမ်းဆီးရမိခဲ့ပြီး ကျန်သက်သေခံပစ္စည်းများ သိမ်းဆည်းနိုင်ရေးဆောင်ရွက်လျက်ရှိကြောင်း သတင်းရရှိပါသည်။

Yangon Police

အပြည့်အစုံသို့ »