စက်မှုဝန်ကြီးဌာနမှ ကျပ်နှစ်သိန်းဖြင့် ငှားရမ်းခြင်း မဟုတ်ဘဲ ကျပ်သိန်း ၂၀ ဖြင့် ငှားရမ်းခြင်းဖြစ်ကြောင်း Myanmar Egress ကြေညာ

တစ်နှစ် ကျပ်သိန်းနှစ်ရာဖြင့် မြန်မာ့အဏ္ဏ၀ါ စွမ်းအားရှင် ဂရုအက်(စ်)ကုမ္ပဏီမှ ငှားရမ်းခွင့် ရထားသည်ဆိုသော ၁၇ ဧက ကျော် ကျယ်ဝန်းသည့် ယခင်အလုံမီးခံ ဘိလပ်မြေပြားစက်ရုံ မြေနေရာဟောင်းအား တွေ့ရစဉ် (ဓာတ်ပုံ-အောင်ရဲကို)
စက်မှုဝန်ကြီးဌာနမှ ကျပ်နှစ်သိန်းဖြင့် ငှားရမ်းခြင်း မဟုတ်ဘဲ ကျပ်သိန်း ၂၀ ဖြင့် ငှားရမ်းခြင်းဖြစ်ကြောင်း Myanmar Egress ကြေညာ၊ ပြည်သူပိုင် မြေကွက်၊ စက်ရုံ၊ လုပ်ငန်းများအား ပုဂ္ဂလိကသို့ရောင်းချ၊ ငှားရမ်းထားသည့် တန်ဖိုးများအားလုံးကို အစိုးရက ပွင့်လင်းမြင်သာစွာ ထုတ်ပြန်ရန်လိုလာ
Myanmar Egress အနေဖြင့် စက်မှုဝန်ကြီးဌာနပိုင် အဆောက်အအုံ ငါးလုံးကို တစ်လလျှင် ကျပ်နှစ်သိန်းဖြင့် မဟုတ်ဘဲ ကျပ်သိန်း ၂၀ ဖြင့် ငှားရမ်းထားခြင်း ဖြစ်ကြောင်း နိုဝင်ဘာ ၁၀ ရက် ထုတ်ပြန်ကြေညာမှုအရ သိရသည်။
၎င်းတို့၏ ထုတ်ပြန်ကြေညာချက်တွင် သင်တန်းကျောင်းဘက်မှ တစ်လလျှင် ငွေကျပ် ၁၀ သိန်းသတ်မှတ်၍ ငှားရမ်းခွင့် ပြုခဲ့သော်လည်း ကာလပေါက်ဈေးနှင့် နှိုင်းယှဉ်၍ တစ်လလျှင် ငွေကျပ်သိန်း ၂၀ ဖြင့် တစ်နှစ်စာချုပ် ချုပ်ဆိုငှားရမ်းပြီး အကြီးစား ပြင်ဆင်မှုများကို ၎င်းတို့ဘက်က ပြုလုပ်ခဲ့သည်ဟု Myanmar Egress က ဖော်ပြခဲ့သည်။
စက်မှုပိုင် အဆောက်အအုံများအား Myanmar Egress မှ ငှားရမ်းထားမှုနှင့် ပတ်သက်ပြီး ရှင်းလင်းစွာ ပြန်လည်ဖော်ပြပေးနိုင်ရန် စက်မှုဝန်ကြီးဌာနသို့ လစဉ်ငွေပေးသွင်းထားမှု အထောက်အထားများ၊ စာချုပ်ချုပ်ဆိုထားမှု အချက်အလက် အမှန်များအား ကြည့်ရှုခွင့်ပြုရန် Myanmar Egress သို့ ဆက်သွယ်မေးမြန်းခဲ့ရာ တာဝန်ရှိသူများသို့ တင်ပြပြီး ပြန်လည်ဆက်သွယ် ပေးမည်ဟု ပြောကြားခဲ့သော်လည်း ၎င်းတို့ထံမှ ပြန်လည်ဆက်သွယ်လာခြင်း မရှိပါ။
ထို့ပြင် နိုဝင်ဘာ ၁၀ ရက်ထုတ် The Daily Eleven နေ့စဉ်သတင်းစာတွင် ဖော်ပြထားသော စက်မှုဝန်ကြီးဌာနပိုင် အဆောက်အအုံများကို Myanmar Egress မှ ငှားရမ်းထားသော ဈေးနှုန်းမှာ ကွဲပြားမှုများရှိနေကြောင်း သိရသည်။ အဆိုပါ ငှားရမ်းမှု အချက်အလက်များနှင့် ပတ်သက်ပြီး စက်မှုဝန်ကြီးဌာန တာဝန်ရှိသူ တစ်ဦးထံ ဆက်သွယ်မေးမြန်းခဲ့ရာ ၀န်ကြီးဌာန အနေဖြင့် EC ဆုံးဖြတ်ချက်ဖြင့် ငှားရမ်းထားခြင်း ဖြစ်ကြောင်း ပြောကြားပြီး EC ဆုံးဖြတ်ချက်ကိုသာ ဖတ်ပြခြင်း၊ မူအရ ငါးနှစ်ငှားရမ်းမည်ဟု သတ်မှတ်သော်လည်း တစ်နှစ်ချင်း အလိုက်သာ ငှားရမ်းခြင်းနှင့် တစ်လကျပ်သိန်း ၂၀ ဖြင့် ငှားရမ်းထားကြောင်း ပြောကြားပြီး The Daily Eleven မှ ရရှိထားသော အချက်အလက်မှာ ၎င်းအနေဖြင့် မည်သို့ရရှိ ထားသည်ကို မသိသော်လည်း စာရင်းပါ အချက်ဖြစ်သော ၂.၄၀၀ သန်းနှင့် ၂၄.၀၀ သန်း သည်လည်း Typing Error ကြောင့်လည်း မှားယွင်းမှု ဖြစ်ကောင်း ဖြစ်နိုင်ကြောင်း ထည့်သွင်းပြောဆိုခဲ့သည်။
မည်သည့်ဈေးနှုန်း၊ မည်သည့်တန်ဖိုးဖြင့် မည်သူက ရရှိသွားသည် ဆိုသည့်အချက်နှင့် ပုဂ္ဂလိကသို့ ရောင်းချရာတွင် ပုဂ္ဂလိကမှ နိုင်ငံတော်သို့ ပေးသွင်းရမည့် အခွန်များ ပေးသွင်းခြင်း ရှိမရှိကိုလည်း ယခုအစိုးရသစ် လက်ထက်အထိ အများပြည်သူသို့ အသေးစိတ် ပွင့်လင်းမြင်သာစွာ ချပြခြင်းမရှိ...

သို့ဖြစ်ရာ အများပြည်သူနှင့် သက်ဆိုင်သည့် လုပ်ငန်းများ၊ ၀န်ကြီးဌာနများ အနေဖြင့် ၎င်းတို့ စီမံခန့်ခွဲမှုအောက်တွင်ရှိသော အများပြည်သူပိုင် မြေကွက်အဆောက်အအုံ လုပ်ငန်းနှင့် စီမံကိန်းများကို ပုဂ္ဂလိကသို့ ချထားပေးရာတွင် အများပြည်သူ အတွက် သိသာရှင်းလင်းပြီး အချက်အလက်များ အားလုံးကို တရားဝင် ထုတ်ပြန်မှုများ ပြုလုပ်ရန် လိုအပ်မည်ဖြစ်သည်။ အထူးသဖြင့် နိုင်ငံတော်၏ လုံခြုံရေး ဆက်စပ်သည့် လုပ်ငန်းများအပေါ် အစိုးရ၊ ၀န်ကြီးဌာနများ အနေဖြင့် ဥပဒေအရ လျို့ဝှက် ထိန်းသိမ်းမှုများ ပြုလုပ်သင့်သော်လည်း အများပြည်သူနှင့် သက်ဆိုင်သည့် ပြည်သူပိုင်ပစ္စည်းများ မြေကွက်၊ စက်ရုံ၊ လုပ်ငန်းများအား ပုဂ္ဂလိကသို့ လွှဲပြောင်း၊ ရောင်းချ၊ ငှားရမ်းခြင်းမျိုးတွင် တန်ဖိုးနှင့် ၎င်းတို့နှင့် သက်ဆိုင်သည့် စာရင်းအချက်အလက်များကို ပွင့်လင်းမြင်သာစွာ အများပြည်သူထံ ချပြရန် လိုအပ်မည်ဖြစ်သည်။
နိုင်ငံတကာတွင်လည်း အများပြည်သူနှင့် သက်ဆိုင်သည့် လုပ်ငန်းများ၊ နိုင်ငံ၏ ပိုင်ဆိုင်မှုများကို ပုဂ္ဂလိကသို့ လွှဲပြောင်းခြင်း၊ ငှားရမ်းခြင်းနှင့် ရောင်းချခြင်းများ ပြုလုပ်ရာတွင် ပွင့်လင်းမြင်သာစွာ ပြုလုပ်လေ့ရှိပြီး ၀န်ကြီးဌာန အသီးသီးတွင်လည်း ၎င်းတို့၏ လုပ်ငန်းများနှင့် ပြည်သူသိသင့်သော အချက်အလက်များကို အွန်လိုင်းမှဖြစ်စေ၊ မီဒီယာများမှဖြစ်စေ ချပြမှုများ ပြုလုပ်လေ့ရှိသည်။
ယခင် ပုဂ္ဂလိကပိုင် ပြုလုပ်ရာတွင်စက် ရုံတစ်ရုံအား ကျပ်သိန်း ၉၀ တည်းဖြင့် ရယူသွားမှု ကဲ့သို့သော နိုင်ငံပိုင် ပစ္စည်းများကို နစ်နာသည့် ဈေးဖြင့်ပေးခဲ့မှု (ဇယားပါ ပုဂ္ဂလိက အပြတ်ဝယ်ယူ ရရှိသွားမှုအချို့) များရှိကြောင်း သိရသည်။ ယခုအချိန်တွင်မူ ၀င်းသူဇာ အရောင်းဆိုင်ကဲ့သို့ ဆိုင်ခန်းကျဉ်းများပင် တစ်လလျှင် ကျပ်သိန်း ၆၀ အထိ ငှားရမ်းခ ပေးနေရကြောင်း သိရသည်။
ယခင် အစိုးရလက်ထက်မှ ယခုအစိုးရ သစ်လက်ထက် ၂၀၁၂ ခုနှစ် နှစ်ကုန်ပိုင်းအထိ ပုဂ္ဂလိကပိုင် ပြုလုပ်ရေး ကော်မရှင်နှင့် နိုင်ငံပိုင် သိမ်းဆည်းထားသော ပစ္စည်းများ၊ အိမ်ရာ စီမံကိန်းများရှိ အဆောက်အအုံများနှင့် မြေကွက်များ စီမံခန့်ခွဲမှု ကော်မတီတို့မှ ပုဂ္ဂလိကသို့ အပြီးအပြတ် ရောင်းချခဲ့သည့် အများပြည်သူပိုင် မြေကွက်၊ စက်ရုံ၊ လုပ်ငန်း အရေအတွက်မှာ ၂၂၅၇ ခုအထိရှိရာ နိုင်ငံတော် အနေဖြင့် အများပြည်သူ သိသင့်သော အချက်အလက်များကို ရှင်းလင်းစွာ ထုတ်ပြန်ခြင်းမရှိမှုအပေါ် ဝေဖန်မှုများ ရှိနေသည်။


Myanmar Egress ငှားရမ်းမှုနှင့် ပတ်သက်သည့် အချက်အလက်
လုပ်ငန်းအရေအတွက် ၂၂၅၇ ခုကို ရောင်းချရာတွင်လည်း နိုင်ငံတော်အနေဖြင့် ကျပ် ၂၅၈ ဘီလျံကျော်သာ ရရှိခဲ့ပြီး ယနေ့အထိ ရရှိသွားသူအချို့မှ မိမိတို့ရယူထားသည့် မြေကွက်၊ စက်ရုံ၊ လုပ်ငန်းများအတွက် နိုင်ငံတော်သို့ ပေးသွင်းရမည့်ငွေများ အကျေပေးသွင်းမှု မရှိခြင်းများကိုလည်း လွှတ်တော်က ထုတ်ဖော်ပြောကြားထားပြီး ဖြစ်သည်။
၂၂၅၇ ခုကို ဈေးနှုန်းအမျိုးမျိုးဖြင့် ရရှိသွားသူများထဲတွင် ၃၃၁ ခုအတွက်သာ အခွန်ဆောင်ပြီး ရရှိသင့်သည့် အခွန်ငွေကျပ် ၁၀၉၃ ဘီလျံတွင် ကျပ် ၁၄ ဘီလျံကျော်သာ ရရှိခဲ့သည်အထိ နစ်နာခဲ့ရကြောင်း၊ ၂၀၁၂ ခုနှစ် မတ်လကုန်အထိ လွှတ်တော်မှ ထုတ်ပြန်ပေးသော စာရင်းများက ဖော်ပြနေသည်။
ပြည်လမ်းတစ်လျှောက်ရှိ တန်ဖိုးကြီး မြေကွက်ကျယ်များ၊ စက်သုံးဆီဆိုင်များ၊ အချက်အချာကျ နေရာရှိ အဆောက်အအုံများ အပါအ၀င် အများပြည်သူပိုင် ၂၂၅၇ ခုကိုရောင်းချရာတွင် ကျပ် ၂၅၈ ဘီလျံသာ ရရှိသည့်အတွက် မြေကွက်၊ လုပ်ငန်းတစ်ခုလျှင် ကျပ် သိန်း ၁၁၄၀ ကျော်သာ ပြည်သူ့ဘဏ္ဍာအဖြစ် ရရှိခဲ့သည့်သဘော ဖြစ်နေသည်။
ထို့ပြင် ယင်းကဲ့သို့ နိုင်ငံပိုင်ပစ္စည်းများကို လွှဲပြောင်းရောင်းချခြင်းနှင့် ပတ်သက်ပြီး ပုဂ္ဂလိကအပေါ် ပြင်ပပေါက်ဈေးနှင့် မတန်တဆ ကွာဟချက်များဖြင့် လုပ်ကိုင်ခွင့်ပြုနေ မှုများရှိနေရာ နိုင်ငံနှင့် ပြည်သူအတွက် နစ်နာမှုများစွာရှိပြီး ပြည်သူ့အကျိုးအတွက် ယင်းကဲ့သို့သော ကိစ္စများကို ပြန်လည်ပြုပြင်ရန် လိုအပ်မည် ဖြစ်သည်။
မည်သည့်ဈေးနှုန်း၊ မည်သည့်တန်ဖိုးဖြင့် မည်သူက ရရှိသွားသည် ဆိုသည့်အချက်နှင့် ပုဂ္ဂလိကသို့ ရောင်းချရာတွင် ပုဂ္ဂလိကမှ နိုင်ငံတော်သို့ ပေးသွင်းရမည့် အခွန်များ ပေးသွင်းခြင်း ရှိမရှိကိုလည်း ယခုအစိုးရသစ် လက်ထက်အထိ အများပြည်သူသို့ အသေးစိတ် ပွင့်လင်းမြင်သာစွာ ချပြခြင်းမရှိမှုအပေါ် သုံးသပ်ဝေဖန်မှုများ ရှိနေသည်။
၎င်းအပြင် စုဆောင်းရရှိထားသော အချက်အလက်များအရ အလုံမြို့နယ်ရှိ အလုံမီးခံ ဘိလပ်မြေပြားစက်ရုံ မြေနေရာဟောင်းဟု ဆိုသော ၁၇ ဒသမ ၃၆ ဧကကျယ်ဝန်းသည့် မြေကွက်ကို မြန်မာ့အဏ္ဏ၀ါ စွမ်းအားရှင် ဂရုပ်အက် (စ်) ကုမ္ပဏီသို့ တစ်နှစ်လျှင် ကျပ် ၂၀၄ သိန်းဖြင့် ၂၀၂၇ ခုနှစ်အထိ BOT နှင့် ငှားရမ်းထားမှု၊ မြေပေါ်ပါသိုလှောင်ရုံ ခြောက်လုံးကို တစ်နှစ် ကျပ် ၄၄ သိန်းကျော် ဖြင့်ငှားရမ်းထားမှု၊ အင်းစိန်မြို့နယ်ရှိ ဖော့ကန်ဆိပ်ကမ်းမြေ ၂၃ ဒသမ ၂၉ ဧကကိုလည်း တစ်နှစ်လျှင် ငှားရမ်းခကျပ် ၈၂၉ သိန်းကျော်ဖြင့် Mother Industrial ကုမ္ပဏီသို့ ၂၀၂၇ ခုနှစ်အထိ BOT နှင့် နှစ်ရှည်ငှားရမ်းထားမှု ကဲ့သို့သော နိုင်ငံအတွက် ဘဏ္ဍာငွေဆုံးရှုံး နစ်နာမှုများ ရှိနေရာ ယင်းကိစ္စရပ်များအပေါ် ဟုတ်မှန်မှု ရှိမရှိနှင့် မည်ကဲ့သို့ စံနှုန်းများဖြင့် ချထားပေးခြင်း ဖြစ်သည်ကို ထုတ်ပြန်ပေးရန် လိုအပ်သည်။
''Myanmar Egress ကိစ္စက ကျွန်တော်တို့ ရရှိတဲ့ အချက်အလက်အပေါ်မှာ အခြေခံရေးတာပါ။ ကျွန်တော်တို့ရေးတာ မှားတယ်ဆိုရင်လဲ အထောက်အထား ခိုင်ခိုင်လုံလုံနဲ့ ပြောလာရင် ပြင်ဆင်ချက် ပြန်ထည့်ပေးရမှာ ကျွန်တော်တို့တာဝန်ပါ။ မှားတယ်လို့ ငြင်းချင်ရင် အထောက်အထားနဲ့ ငြင်းရမှာပါ။ စာချုပ်တွေ အရင်က ငွေသွင်းထားတဲ့ အထောက်အထားတွေ ပြဖို့တော့ လိုပါတယ်။ ကျွန်တော်တို့ ရရှိထားတဲ့ အချက်အလက်တွေက ဒီတစ်ခုတည်းတော့ မဟုတ်ပါဘူး။ တကယ်တော့ ခုလိုရေးသားခြင်းဟာ မှန်ကန်မျှတမှု ဘယ်လောက်ရှိသလဲ၊ ဘယ်သူတွေ ဘယ်လောက် အခွင့်အရေးတွေ ရနေသလဲ၊ သင့်တော်တဲ့နှုန်းတွေလား၊ မသင့်တော်ဘူးလား။ လူအများအမြင်မှာ မသင့်တော်တဲ့ ဈေးနှုန်းတွေ ဖြစ်နေတာကို တာဝန်ရှိတဲ့သူတွေက ရှင်းလင်းဖို့ပါပဲ။ ကျွန်တော်တို့ရေးတဲ့ နှစ်သိန်း မဟုတ်ဘူး။ သိန်း ၂၀ ဆိုတာတောင် အဲဒီနှုန်းထားက အခုလက်ရှိ ပေါက်ဈေးတွေနဲ့ ဆိုရင်ကို မဖြစ်ထိုက်သေးပါဘူး။ တကယ်တော့ Myanmar Egress ကိစ္စက ငွေပမာဏက အများကြီး မဟုတ်ပါဘူး။ ဒီထက်နစ်နာတဲ့ဟာတွေ ဥပမာပြစရာတွေ ရှိပါတယ်။ ဒီထက်မက ပေါက်ဈေးထက် နည်းတဲ့ဈေးတွေနဲ့ ငှားရမ်းထားတာ၊ ရောင်းချထားတာတွေ ဒါတွေကို တရားဝင်ဖြစ်အောင် ထုတ်ပြန်ပေးဖို့ လိုပါတယ်။ ဒါတွေကို Media တွေက လေ့လာပြီး မှန်မမှန်ချပြရမယ်။ ကာလပေါက်ဈေးတွေနဲ့ ယှဉ်ပြီး ချပြရမယ်။ Myanmar Egress ကိစ္စကို ကြည့်ခြင်းအားဖြင့် အစိုးရရဲ့ ပွင့်လင်းမှု ဘယ်လောက် အရေးပါလဲဆိုတာ သိနိုင်ပါတယ်။ ဒီလိုမှ မဟုတ်ရင် မီဒီယာတွေက မှားတယ်၊ ကျင့်ဝတ်နဲ့ မညီဘူးဆိုတာတွေ ဖြစ်လာမယ်။ တရားဝင်ထုတ်ပြန် တာတွေမရှိတဲ့ အတွက် အခုလိုဖြစ်ရပ်တွေ ရှိနေတာပါ။ နိုင်ငံရဲ့ အထူးလျို့ဝှက်သင့်တဲ့ လုံခြုံရေးကိစ္စတွေကလွဲလို့ ကျန်တာတွေကိုတော့ ပွင့်ပွင့်လင်းလင်း ပြောသင့်ပါတယ်။ အဲဒီအပေါ် လွှတ်တော်ရော၊ အစိုးရရော ပြောရမှာဖြစ်သလို ပြည်သူတွေကလည်း ဝေဖန်လို့ရမှာပါ။ ခုတော့ မြန်မာနိုင်ငံမှာ စာချုပ်ချုပ်ရင် လက်သိပ်ထိုး လုပ်တာတွေများတယ်။ လေလံဆွဲတာတောင် ဘယ်လိုဆိုတဲ့ အချက်အလက် အသေးစိတ် ထုတ်ပြန်တာမရှိဘူး။ ဘယ်သူအောင်သွားတယ် ဆိုတာလောက်ပဲ။ ဘာကြောင့် လေလံအောင်တယ်။ ဘယ်အချက်အလက်နဲ့ ရွေးတယ် ဆိုတာလည်း သေသေချာချာ မထုတ်ပြန်ဘူး။ ဥပမာ ရန်ကုန် လေဆိပ်လေလံ ကိစ္စဆိုရင် ဒါမျိုးတွေကြောင့် နာမည်ပျက်ခဲ့ရတာ။
ကျွန်တော်တို့မှာ တရားဝင်ထုတ်ပြန်တဲ့ အချက်အလက် နည်းပါးတဲ့အခါ မေးခွန်းတွေနဲ့ပဲ သွားရပါတယ်။ မှန်ကန်ရိုးသားတဲ့ တာဝန်ရှိသူတွေဆိုရင် မီဒီယာတွေက မေးတဲ့ မေးခွန်းတွေကို အသေးစိတ်ဖြေနိုင်ရမှာပါ'' ဟု The Daily Eleven သတင်းစာ အယ်ဒီတာချုပ် ကိုဝေဖြိုးက ပြောကြားသည်။
သတင်းအယ်ဒီတာအဖွဲ့

Eleven Media Group

အပြည့်အစုံသို့ »

ပညာရေးမြှင့်တင်မှုဆိုင်ရာ လုပ်ငန်းများကို အနီးကပ်ညှိနှိုင်း ဆောင်ရွက်ရန် ပညာရေးမြှင့်တင်မှု အကောင်အထည်ဖော်ရေး ကော်မတီ ဖွဲ့စည်း

တက္ကသိုလ် စိန်ရတုခန်းမတွင် ဖွင့်လှစ်ထားသည့် လက်တွေ့အသုံးချ သုတေသန လုပ်ငန်းများ မြှင့်တင်ဆောင်ရွက်ရေး လုပ်ငန်းအဖွဲ့ ဆွေးနွေးပွဲအား တွေ့ရစဉ်(ဓာတ်ပုံ-အေးပပ)

မြန်မာနိုင်ငံ၏ ပညာရေးမြှင့်တင်မှုဆိုင်ရာ လုပ်ငန်းများကို အနီးကပ်ညှိနှိုင်း ဆွေးနွေးဆုံးဖြတ် ဆောင်ရွက်မှုများ ပြုလုပ်ရန် ပညာရေးမြှင့်တင်မှု အကောင်အထည်ဖော်ရေး ကော်မတီအား၂၀၁၃ခုနှစ်၊ အောက်တိုဘာလ အတွင်းက ဖွဲ့စည်းခဲ့ပြီး အဆိုပါ ကော်မတီတွင် လုပ်ငန်းအဖွဲ့ ၁၈ ဖွဲ့ ပါဝင်ကြောင်း သိရသည်။
ပညာရေးမြှင့်တင်မှု အကောင်အထည်ဖော်ရေး ကော်မတီတွင် အထူးတာဝန်ပေး အဖွဲ့ (Task Force) နှင့် အကြံပေးအဖွဲ့ (Advisory Board) တို့ဖြင့် ဖွဲ့စည်းထားပြီး အထူးလုပ်ငန်း အဖွဲ့တွင် အဖွဲ့ဝင် ၄၃ ဦး၊အကြံပေးအဖွဲ့တွင် ပညာရှင်များ ပါဝင်သည့် အဖွဲ့ဝင် ၃၄ ဦးတို့ ပါဝင်ကြသည်။
အဆိုပါ ကော်မတီမှ မူကြိုပညာရေးဆိုင်ရာ လုပ်ငန်းအဖွဲ့၊ ဘုန်းတော်ကြီးသင် ပညာရေးနှင့် ပညာရေးလုပ်ငန်းများ ဆောင်ရွက်သည့် ဘာသာရေး အဖွဲ့အစည်းများဆိုင်ရာ လုပ်ငန်းအဖွဲ့၊ အခြေခံပညာရေးဆိုင်ရာ လုပ်ငန်းအဖွဲ့၊ ဆရာအတတ် ပညာရေးဆိုင်ရာ လုပ်ငန်းအဖွဲ့၊ ကလေးဗဟိုပြု ချဉ်းကပ်သင်ယူနည်းဆိုင်ရာ လုပ်ငန်းအဖွဲ့၊ ကျောင်းပြင်ပနှင့် လူတိုင်းအကျုံးဝင် ပညာရေးဆိုင်ရာ လုပ်ငန်းအဖွဲ့၊ ဥပဒေပြုစုရေးဆိုင်ရာ လုပ်ငန်းအဖွဲ့၊ စီမံခန့်ခွဲမှုဆိုင်ရာ အရည်အသွေးမြှင့်တင်ရေး လုပ်ငန်းအဖွဲ့၊ ၀န်ထမ်းစွမ်းရည် မြှင့်တင်ရေးနှင့် စွမ်းဆောင်ရည် အကဲဖြတ်ရေး လုပ်ငန်းအဖွဲ့၊ လက်တွေ့အသုံးချ သုတေသန လုပ်ငန်းများမြှင့် တင်ဆောင်ရွက်ရေး လုပ်ငန်းအဖွဲ့၊ ပညာရပ်ဆိုင်ရာ ရုပ်ပတ်ဝန်းကျင်ကောင်းများ ကြီးကြပ် ဖြည့်ဆည်းရေး လုပ်ငန်းအဖွဲ့၊ သင်ရိုးညွှန်းတမ်း၊ သင်ရိုးမာတိကာဆိုင်ရာ လုပ်ငန်းအဖွဲ့ (အဆင့်မြင့်)၊ သင်ရိုးညွှန်းတမ်း၊ သင်ရိုးမာတိကာဆိုင်ရာ လုပ်ငန်းအဖွဲ့ (အခြေခံ)၊ အဆင့်မြင့် ပညာရေးဆိုင်ရာ လုပ်ငန်းအဖွဲ့၊ ကျန်းမာရေးဆိုင်ရာ လုပ်ငန်းအဖွဲ့၊ အသက်မွေးဝမ်းကျောင်း ပညာရေးဆိုင်ရာ လုပ်ငန်းအဖွဲ့၊ စိုက်ပျိုးရေး၊ မွေးမြူရေး၊ သစ်တောပညာရေးဆိုင်ရာ လုပ်ငန်းအဖွဲ့၊ သတင်းအတတ် နည်းပညာနှင့် ဆက်သွယ်ရေး ပညာဆိုင်ရာ လုပ်ငန်းအဖွဲ့တို့ ပါဝင်ကြသည်။
''ဒီကော်မတီက ပညာရှင်တွေရဲ့ အကြံဉာဏ်တွေကို စုစည်းပြီးတော့ ချက်ချင်းဆောင်ရွက်ရမယ့် Action Plan နဲ့ရေရှည် ဆောင်ရွက်ရမယ့် Action Plan တွေကို ရေးဆွဲဆောင်ရွက်ကြဖို့ ဖြစ်ပြီးတော့ ပညာရေး မြှင့်တင်ရေး လုပ်ငန်းတွေကို အကောင်အထည် ဖော်ဆောင်ရွက်သွားကြမှာ ဖြစ်ပါတယ်'' ဟု အဆင့်မြင့်ပညာ ဦးစီးဌာန (အောက်မြန်မာပြည်) ညွှန်ကြားရေးမှူးချုပ် ဦးဇော်ဌေးက ဆိုသည်။
Eleven Media Group

အပြည့်အစုံသို့ »

တရားဥပဒေ စိုးမိုးရေးနှင့် မထိန်းသိမ်းဘဲ ပြစ်မှုပြစ်ဒဏ်များနှင့် နိုင်ငံကို ထိန်းသိမ်းသွားမည် ဆိုပါက ပြည်သူများ အနေဖြင့် တကယ့်ဒီမိုကရေစီစိတ်ဓာတ် ဖြစ်ပေါ်မလာနိုင်ကြောင်း ဒေါ်အောင်ဆန်းစုကြည် ပြောကြား

နိုဝင်ဘာ ၁၁ ရက်ကကျင်းပသော ပြည်သူ့လွှတ်တော် အစည်းအဝေးတွင် ဒေါ်အောင်ဆန်းစုကြည်မှ ပါဝင်ဆွေးနွေးစဉ်

တရားဥပဒေ စိုးမိုးရေးဖြင့် ထိန်းသိမ်းခြင်း မဟုတ်ဘဲ ပြစ်မှုပြစ်ဒဏ်များဖြင့်သာ နိုင်ငံကို ထိန်းသိမ်းမည် ဆိုပါက ပြည်သူများသည် တကယ့်ဒီမိုကရေစီ စိတ်ဓာတ် ဖွံ့ဖြိုးလာမည် မဟုတ်ကြောင်း အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောကြားသည်။
နိုဝင်ဘာ ၁၁ ရက်က ပြည်သူ့လွှတ်တော် အစည်းအဝေးတွင် ရှေးဦးကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ ဥပဒေကြမ်း ဆွေးနွေးရာတွင် ဒေါ်အောင်ဆန်းစုကြည်က ထိုသို့ထည့်သွင်း ပြောကြားခဲ့ခြင်း ဖြစ်သည်။
ယင်းဥပဒေကြမ်းပါ ပြစ်မှုပြစ်ဒဏ်ခန်းတွင် ခွင့်ပြုချက် မရှိဘဲ ရပ်ရွာအခြေပြုလုပ်ငန်း သို့မဟုတ် အိမ်အခြေပြုလုပ်ငန်း ဆောင်ရွက်ခြင်း၊ ခွင့်ပြုချက်ကို ကာလအကန့်အသတ်ဖြင့် ရုပ်သိမ်းသည့် ကာလအတွင်းတွင် လည်းကောင်း၊ ပယ်ဖျက်ပြီးနောက်တွင် သော်လည်းကောင်း၊ ရပ်ရွာအခြေပြုလုပ်ငန်း သို့မဟုတ် အိမ်အခြေပြုလုပ်ငန်း ဆောင်ရွက်ခြင်းတို့သည် ပြစ်မှုထင်ရှား စီရင်ခြင်း ခံရပါက ကျပ် ၁၀ သိန်းထက် မပိုသော ငွေဒဏ်ချမှတ် ရမည်ဟူသော ပုဒ် ၃၄/(က) နှင့် (ခ) တို့ကို ပယ်ဖျက်ပေးရန် အမျိုးသား ဒီမိုကရေစီ အဖွဲ့ချုပ်မှ ကိုယ်စားလှယ်များက ဆွေးနွေးရာတွင် ဒေါ်အောင်ဆန်းစုကြည်က ထိုသို့ပြောကြားခဲ့ခြင်း ဖြစ်သည်။
နေ့ကလေးထိန်းဌာန ဖွင့်တာလေးလောက်နဲ့ ဒဏ်ပေးမယ် ဆိုတာကလည်း မသင့်တော်တဲ့အပြင် ပြစ်မှု ပြစ်ဒဏ် ဆိုတာကို ကျွန်မလည်း ကန့်ကွက်ပါတယ်။ ကျွန်မတို့ ပြည်သူလူထုကို ပြစ်မှုပြစ်ဒဏ်နဲ့ ထိန်းသိမ်းမှာလား။ တရားဥပဒေ စိုးမိုးရေးနဲ့ ဥပဒေရဲ့ ပြည်သူအပေါ်မှာ စေတနာထားမှုနဲ့ ထိန်းသိမ်းမှာလား ဆိုတာကို ကျွန်မတို့ စဉ်းစားဖို့ လိုပါတယ်။ ပြစ်မှုပြစ်ဒဏ်နဲ့ပဲ ကျွန်မတို့နိုင်ငံကို ထိန်းသိမ်းသွားမယ်ဆိုရင် တကယ့် ဒီမိုကရေစီ စိတ်ဓာတ်တွေ ဖွံ့ဖြိုးနိုင်မှာ မဟုတ်ပါဘူးလို့ ဥက္ကဋ္ဌကြီးက တစ်ဆင့် ပြောကြားလိုပါတယ်...

''ပြစ်မှုပြစ်ဒဏ်ကိစ္စနဲ့ ပတ်သက်လို့ ပြောချင်ပါတယ်။ ဥပဒေကြမ်း ကော်မတီက ပြောသွားတာက ဒီမိုကရေစီ နုနယ်သေးတဲ့ အချိန်မှာ ပြစ်မှုပြစ်ဒဏ်ဆိုတာ လိုတယ်။ ကျွန်မတို့ကတော့ ပြောင်းပြန်ယူပါတယ်။ ဒီမိုကရေစီ နုနယ်နေသေးတဲ့ အချိန်မှာ တရားဥပဒေ စိုးမိုးရေး ပေါ်ပေါက်ဖို့အတွက် ဥပဒေဆိုတာ ပြည်သူလူထုကို ကာကွယ်ဖို့ဖြစ်တယ်။ ပြည်သူလူထုကို ဒဏ်ပေးဖို့မဟုတ်ဘူး ဆိုတာ ထင်ထင်ရှားရှား အများသိအောင် လုပ်ပေးဖို့ လိုပါတယ်။ အခုဒီမှာ ရပ်ရွာအခြေပြု၊ အိမ်အခြေပြုဆိုတာ ကလေးလေးတွေကို အိမ်မှာခေါ်ပြီး ထိန်းတာ နေ့ကလေးထိန်း ကျောင်းတွေနဲ့ မတူပါဘူး။ နေ့ကလေးထိန်းဌာန ဖွင့်တာလေးလောက်နဲ့ ဒဏ်ပေးမယ် ဆိုတာကလည်း မသင့်တော်တဲ့အပြင် ပြစ်မှု ပြစ်ဒဏ် ဆိုတာကို ကျွန်မလည်း ကန့်ကွက်ပါတယ်။ ကျွန်မတို့ ပြည်သူလူထုကို ပြစ်မှုပြစ်ဒဏ်နဲ့ ထိန်းသိမ်းမှာလား။ တရားဥပဒေ စိုးမိုးရေးနဲ့ ဥပဒေရဲ့ ပြည်သူအပေါ်မှာ စေတနာထားမှုနဲ့ ထိန်းသိမ်းမှာလား ဆိုတာကို ကျွန်မတို့ စဉ်းစားဖို့ လိုပါတယ်။ ပြစ်မှုပြစ်ဒဏ်နဲ့ပဲ ကျွန်မတို့နိုင်ငံကို ထိန်းသိမ်းသွားမယ်ဆိုရင် တကယ့် ဒီမိုကရေစီ စိတ်ဓာတ်တွေ ဖွံ့ဖြိုးနိုင်မှာ မဟုတ်ပါဘူးလို့ ဥက္ကဋ္ဌကြီးက တစ်ဆင့် ပြောကြားလိုပါတယ်'' ဟု ဒေါ်အောင်ဆန်းစုကြည်က ပြောကြားသည်။
ထို့နောက် ဥပဒေကြမ်းပါ ပြစ်မှုပြစ်ဒဏ်အခန်းကို ဥပဒေကြမ်းကော်မတီ၊ ပြည်သူ့ရေးရာ စီမံခန့်ခွဲရေး ကော်မတီ၊ ၀န်ကြီးဌာနတို့က ရှင်းလင်းပြောကြားခဲ့ကြပြီး ပြည်သူ့လွှတ်တော်ဥက္ကဋ္ဌ သူရဦးရွှေမန်းက သီးခြားဆွေးနွေးမှု ပြုလုပ်ရန် လိုအပ်ကြောင်း ပြောကြားခဲ့ပြီး ဆွေးနွေးမှုကို ရပ်ဆိုင်းခဲ့သည်။
Eleven Media Group

အပြည့်အစုံသို့ »

ရေနည်းကာလ မရောက်မီ ဧရာဝတီ မြစ်ကြောင်းအတွင်း ရေလမ်းကြောင်း ကျပ်တည်းမှုများ ပိုမိုကြုံတွေ့လာ

သဲသောင်များ ဖြစ်ထွန်းမှုကြောင့် ဧရာဝတီ မြစ်ကြောင်းအတွင်း ရေလမ်းကြောင်း ကျပ်တည်းမှုကို ကြုံတွေ့ရစဉ်

မြန်မာနိုင်ငံ မြစ်ချောင်းများတွင် ရေနည်းကာလအဖြစ် နိုဝင်ဘာလ ၁၅ ရက် နေ့မှ မေလ ၁၅ ရက်နေ့အထိ မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ သတ်မှတ်ထားပြီး ယခုနှစ် ရေနည်းကာလတွင် ဧရာဝတီ မြစ်ကြောင်း အတွင်း ရေလမ်းကြောင်း ကျပ်တည်းမှုများ ပိုမိုကြုံတွေ့ လာနိုင်ကြောင်း သိရသည်။
အောက်တိုဘာ နောက်ဆုံးပတ်မှ စတင်၍ ဧရာဝတီမြစ်ရေသည် တဖြည်းဖြည်း ကျဆင်းလျက်ရှိပြီး သဲသောင်များ စတင်ပေါ်ထွန်းလျက်ရှိရာ ဒေသအခေါ် စည်းတန်း (ရေအောက်သဲသောင်တန်း) များ ဖြစ်ပေါ်လာမှုမှာ ယခင်နှစ်ကထက် များပြားလာမှုကြောင့် ယခုနှစ် ရေနည်းကာလတွင် ရေလမ်းကြောင်းသွား မော်တော်ရေယာဉ်များ အနေဖြင့် သွားလာမှု ခက်ခဲစေနိုင်ကြောင်း ရေယာဉ်မှူးများက ဆိုသည်။
''ခုလို သောင်စထိုးတဲ့ အချိန်မှာ ရေကြောင်းကြည့်ရ ခန့်မှန်းရတာ အရမ်းခက်ပါတယ်။ ဒီနှစ်က ရေနည်းကာလ မရောက်ခင် ကတည်းက ရေကြောင်း ကျပ်တာတွေစပြီး ကြုံရတယ်။ ၀ါဆို၊ ၀ါခေါင်လောက်မှ ရေကြောင်း ပြန်ပွင့်မှာမို့ မန္တလေး-ဗန်းမော် လမ်း ပိုင်းမှာကုန်စည် စီးဆင်းမှုတွေ ကြန့်ကြာလာမယ်။ ခုရေကြောင်း ကျပ်တာက အထက်ဆို ဗန်းမော်၊ အောက်ဆို ပုဂံညောင်ဦးထိပဲ'' ဟု ရေယာဉ်မှူးတစ်ဦးက ပြောသည်။
''အောက်တိုဘာ ပထမပတ်တုန်းက အထက်ပိုင်းကိုသွားတာ စည်းတန်းတွေအခု လောက်မများဘူး။ နောက်ဆုံးပတ်တစ်ခါ ထပ်သွားတော့ အရင်စည်းတန်း ဖြစ်နေတဲ့ နေရာတွေက သဲသောင်တွေ ဖြစ်ပေါ်နေပြီး နေရာတော်တော် များများမှာ မကြာခင် သောင်ဖြစ်ထွန်းမယ့် စည်းတန်းတွေ ဖြစ်ပေါ်ေ တာကို တွေ့ရတယ်။ အရင်တစ်ခေါက်က ၀ါးလုံးနဲ့ထောက်ပြီး ရေးစူး စမ်းမသွားရ သေးဘူး။ အခုတစ်ခေါက် စည်းတန်းတွေ များလာတော့ ကွေ့ဝိုက်ရှောင်ကွင်း မောင်း ရသလို ရေစူးကိုဝါး လုံးနဲ့ထောက်ပြီး သွားနေရပြီ''ဟု မန္တလေး-ဗန်းမော် ရေယာဉ်မှူး ဦးမျိုးဌေးက ပြောသည်။
''မြောင်းမြကနေ ပခုက္ကူကို ထွက်လာတော့ ရေကြောင်းကျပ်တာ သုံးနေရာလောက် ရှိတယ်။ ဟင်္သာတဇင်ယော် ကျွန်းနားနဲ့ ကမ္မကြီး နားလောက်မှာ စက်လှေငယ်တွေ စမ်းမောင်းခိုင်းရတယ်။ အလာရေ အနေအထားနဲ့ အပြန်ရေ အနေအထား အတော်ကွာတယ်။ ရေကြောင်းပြထားတဲ့ တချို့ဗောတွေကလည်း ရေတက်တုန်းက အနေအထားတွေ ဆိုတော့ ရေကျချိန်မှာ ရေအနက်နဲ့ ဗောအမှတ်အသား လွဲနေတယ်။ အသစ်ပြန်တိုင်းပြီး လက်ရှိ ရေစူးအမှတ်အတိုင်း ပြထားဖို့လိုတယ်'' ဟု ရေယာဉ်မှူး တစ်ဦးက ဆိုသည်။
''ရေစကျနေပြီ ဖြစ်တာကြောင့် နှစ်စဉ်ရေကြောင်း ကျပ်တည်းမှု ဖြစ်တဲ့နေရာတွေ မှာ ရေကြောင်းသွားလာရေး အခက်အခဲမဖြစ် အောင်ဆောင်ရွက်ဖို့အတွက် ကွင်းဆင်း လေ့လာပြီး တိုင်းတာရေးတွေကို အောက်တိုဘာ ၂၁ ရက်ကစပြီး လုပ်ဆောင်နေပါပြီ ''ဟု ရေအရင်းမြစ်နှင့် မြစ်ချောင်းများဖွံ့ဖြိုး တိုးတက်ရေးဦးစီးဌာန (မန္တလေး)မှ တိုင်းဦးစီးမှူးက ပြောကြားသည်။
Eleven Media Group

အပြည့်အစုံသို့ »

မြန်မာနိုင်ငံရှိ ဆေးတက္ကသိုလ်များနှင့် သြစတြေးလျ တက္ကသိုလ်တို့ ပူးပေါင်း၍ အဆင့်မြင့်ပညာကဏ္ဍ မြှင့်တင်မည့် စာချုပ်များ ပထမဆုံးအကြိမ် ချုပ်ဆိုမည်

ဆေးတက္ကသိုလ် (မန္တလေး)အား တွေ့ရစဉ်

မြန်မာနိုင်ငံရှိ ဆေးတက္ကသိုလ်များနှင့် သြစတြေးလျနိုင်ငံရှိ တက္ကသိုလ်များ ပူးပေါင်း၍ အဆင့်မြင့် ပညာကဏ္ဍ မြှင့်တင်မည့် စာချုပ်များကို ပထမဦးဆုံးအကြိမ် ချုပ်ဆိုသွားမည် ဖြစ်ကြောင်း သိရသည်။ သြစတြေးလျနိုင်ငံ ဆစ်ဒနီမြို့အခြေစိုက် ဆစ်ဒနီတက္ကသိုလ်ခွဲ တစ်ခုဖြစ်သည့် Sydney Medical School ဆေးတက္ကသိုလ်နှင့် မြန်မာနိုင်ငံရှိ ဆေးတက္ကသိုလ်များအကြား ပူးပေါင်းဆောင်ရွက်ရာတွင် အဆင့်မြင့် ပညာကဏ္ဍ၌ တက္ကသိုလ် အချင်းချင်း ပူးပေါင်း၍ သင်ရိုးညွှန်းတမ်းများ အဆင့်မြှင့် တင်နိုင်ရန် အချက်အလက်များ ဖလှယ်ခြင်း၊ ကျောင်းသား၊ ကျောင်းသူများနှင့် ဆရာ၊ ဆရာမများ ပါမောက္ခများအား ပညာတော်သင် စေလွှတ်ခြင်းနှင့် အဆင့်မြင့်ပညာ ကဏ္ဍတွင် သုတေသန လုပ်ငန်းများအား ယင်းတက္ကသိုလ်နှင့် ပူးပေါင်းဆောင်ရွက်သွားမည် ဖြစ်သည်။
ယင်းတက္ကသိုလ်မှ မန္တလေး ဆေးတက္ကသိုလ်၊ မကွေးဆေးတက္ကသိုလ်များနှင့် စာချုပ်များချုပ်ဆိုခဲ့ပြီး မြန်မာနိုင်ငံတွင်ရှိသော ရန်ကုန်ဆေးတက္ကသိုလ် အပါအ၀င် အခြားဆေးတက္ကသိုလ် များနှင့်လည်း တက္ကသိုလ် များအကြား အဆင့်မြင့် ပညာကဏ္ဍ ပူးပေါင်းဆောင်ရွက်မည့် စာချုပ်များ ဆက်လက်ချုပ်ဆို သွားမည်ဖြစ်သည်။
''မြန်မာနိုင်ငံမှာရှိတဲ့ ဆေးတက္ကသိုလ် အတော်များများနဲ့ သူတို့က ပူးပေါင်းကြမှာ ဖြစ်ပါတယ်။ ဒါပထမဦးဆုံးအကြိမ် ပူးပေါင်း ဆောင်ရွက်တာ ဖြစ်ပါတယ်။ နောက်ထပ် နိုင်ငံတကာ တက္ကသိုလ်တွေနဲ့လည်း တက္ကသိုလ်အချင်းချင်း ပူးပေါင်းဆောင်ရွက်ဖို့ အစီအစဉ်တွေ ရှိပါတယ်'' ဟု မန္တလေး ဆေးတက္ကသိုလ်မှ တာဝန်ရှိသူ တစ်ဦးက ပြောပြသည်။
ထို့ပြင်နိုင်ငံတကာရှိ ပြင်သစ်၊ ဆွီဒင်၊ ဘယ်လ်ဂျီယံ၊ အီတလီနိုင်ငံရှိ ထိပ်တန်း တက္ကသိုလ်များမှ ဆေးတက္ကသိုလ်များ အပါအ၀င် မြန်မာနိုင်ငံရှိ တက္ကသိုလ်များနှင့် တက္ကသိုလ် အချင်းချင်း အဆင့်မြင့် ပညာကဏ္ဍ ပူးပေါင်းဆောင်ရွက်ရန် ကမ်းလှမ်းထားကြောင်း သိရသည်။
ထို့ပြင် မန္တလေးတက္ကသိုလ်၊ ပုသိမ်တက္ကသိုလ်၊ မန္တလေး ဆေးတက္ကသိုလ်တို့မှ ကျောင်းသား၊ ကျောင်းသူများအား ယင်းထိပ်တန်း တက္ကသိုလ်များသို့ ပညာတော်သင်များ စေလွှတ်ခဲ့ကြောင်းလည်း သိရသည်။
''ဆေးတက္ကသိုလ်မှာက ကျောင်းသား ကျောင်းသူဦးရေနဲ့ ပစ္စည်းကိရိယာအင်အား ဆရာအင်အား မလုံလောက်တာက တော်တော်ကြာနေပြီ။ ကျွန်တော်တို့ကဆိုရင် မိုက်ခရိုစကုပ် (အနုကြည့်မှန်ပြောင်း) တစ်လုံးကို လူ ၁၀ ယောက်လောက် တိုးဝှေ့ကြည့်ရတယ်။ ဒုတိယနှစ် ခန္ဓာဗေဒသင်တော့လည်း ဘော်ဒီ (အလောင်း) တစ်ခုကို လူ ၃၀၊ ၄၀ လောက် ၀ိုင်းကြည့်ရတယ်။ အခုလို ပူးပေါင်းအဆင့် မြှင့်မယ်ဆိုတာ ကြိုဆိုရမှာပါ'' ဟု ၂၀၁၂ ခုနှစ်တွင် ဆေးပညာ ဘွဲ့ရရှိထားသူ အထွေထွေရောဂါကု ဆရာဝန် ဒေါက်တာအောင်ဖြိုးသန့်က ပြောကြားခဲ့သည်။
''လွန်ခဲ့တဲ့ နှစ်တွေတုန်းက ပူးပေါင်းဆောင်ရွက်မှု အားနည်းခဲ့တဲ့ အတွက် ကျွန်တော်တို့ တိုင်းပြည်မှာ နောက်ကျကျန်နေခဲ့ရတဲ့ အပိုင်းတွေ အများကြီးရှိပါတယ်။ အခုလို ပြည်ပက တက္ကသိုလ်တွေနဲ့ ပြန်လည်ပူးပေါင်း လုပ်ဆောင်သွားမယ်ဆိုတာ အလွန်ကောင်းတဲ့ လက္ခဏာပါ။ နိုင်ငံတကာမှာ ပညာရပ်ဆိုင်ရာတွေက ခေတ်နဲ့အညီ တိုးတက်နေပြီး သုတေသန ရလဒ်တွေပေါ် မူတည်ကာ တိုးတက်မှုတွေလည်း အများကြီး ဖြစ်နေတယ်'' ဟု မာရီစတုပ် အင်တာနေရှင်နယ်မှ မြန်မာနိုင်ငံဆိုင်ရာ ညွှန်ကြားရေးမှူး ဒေါက်တာစစ်နိုင်က ဆိုသည်။
''အရင်အစိုးရ လက်ထက်တုန်းကတော့ ဒေသတွင်း နိုင်ငံအချို့နဲ့ ပူးပေါင်းလုပ်ဆောင်မှုတွေ ရှိခဲ့တယ်။ ဒါပေမယ့် ကျောင်းတစ်ခုနှစ်ခုနဲ့ လုပ်တာမျိုးပဲ ရှိခဲ့တယ်။ အခုလို တစ်နိုင်ငံလုံး ဆေးကျောင်းတွေနဲ့ ပူးပေါင်းလုပ်ဆောင်တာမျိုး သိပ်မရှိခဲ့ဘူး။ အဓိက မြန်မာနိုင်ငံက ဆေးကျောင်းတွေမှာ သင်ကြားမှုပုံစံတွေ၊ သုတေသန ပြုလုပ်ချက်တွေက ရလာတဲ့ လေ့လာမှုတွေ လုပ်တဲ့အပိုင်း အားနည်းနေတယ်။ သင်ရိုးတွေကတော့ အတူတူပဲ။ ဒါပေမယ့် သုတေသန ပြုလုပ်ပြီး လေ့လာတဲ့အပိုင်းက ပြည်ပ တက္ကသိုလ်တွေက အရမ်းအားကောင်းတော့ ဒါတွေကို ပြန်လုပ်စေချင်တယ်'' ဟု ကျန်းမာရေး ဦးစီးဌာနမှ ဒေါက်တာစည်သူက ဆိုသည်။
Eleven Media Group

အပြည့်အစုံသို့ »

အသက်မသေဆုံးသေးသူ တစ်ဦးအား စောင့်ရှောက်မည့်သူ မရှိ၍ သင်္ချိုင်းဇရပ်တစ်ခုတွင် လာရောက်စွန့်ပစ်မှု မြိတ်မြို့တွင် ဖြစ်ပွား

မြိတ်မြို့ရှိ တရုတ်သင်္ချိုင်းဇရပ်တွင် စွန့်ပစ်ခံရသူတစ်ဦးကို တွေ့ရစဉ်

လေဖြတ်ရောဂါ ခံစားနေရပြီး အသက်သေဆုံးခြင်း မရှိသေးသည့်လူနာတစ်ဦးအား စောင့်ရှောက်မည့်သူ မရှိသောကြောင့် မြိတ်မြို့ရှိ သင်္ချိုင်းဇရပ် တစ်ခုတွင် လာရောက် စွန့်ပစ်ခံထားရသူအား တာဝန်ရှိသူများက ဆေးရုံသို့ ပြန်လည်ပို့ဆောင် ပေးခဲ့ကြောင်း သိရသည်။
နိုဝင်ဘာ ၃ ရက်က ကန်ကြီးရပ်ကွက် ဘီလမ်းရှိ နေအိမ်ဟောင်း တစ်ခုတွင် ၀င်ရောက်နေထိုင် နေသူတစ်ဦးမှာ လေဖြတ်ရောဂါ ခံစားနေရသောကြောင့် ဆေးရုံသို့ ရပ်ကွက်အုပ်ချုပ်ရေးမှူးက ဦးဆောင်ပြီးတင်ပို့ ပေးခဲ့ရကြောင်း သိရသည်။ ဆေးရုံသို့ တင်ပို့ပေးခဲ့ရသည့် လူနာမှာ ဆွေမျိုးမရှိဘဲ ရပ်ကွက်အတွင်းသို့ လာရောက်နေထိုင်သူ တစ်ဦးဖြစ်ကြောင်း သိရသည်။
''ဆေးရုံကို နိုဝင်ဘာ ၃ ရက်မှာတင်ပါတယ်။ လူနာကို ကူညီစောင့်ရှောက်ပေးဖို့ လူငှားပေးပါတယ်။ ဒါပေမဲ့ ဆေးရုံက ဘာမှမဖြစ်တဲ့ လူနာကို ဒီမှာထားခွင့် မရှိဘူးလို့ ပြောတယ်။ ပြီးတော့ လူနာကို လာခေါ်ဖို့ ထပ်ခါတလဲလဲ ပြောဆိုတာပါ။ တကယ်တော့ လူနာရှင်က ကျွန်တော်တို့ မဟုတ်ပါဘူး။ ဆွေမျိုးတွေလည်း တစ်ယောက်မှ မရှိပါဘူး။ ဒါကြောင့် အစိုးရဆေးရုံကို တင်ပို့ပေးတာပါ။ ဒါကို ကျွန်တော်တို့ကို ပြန်အပ်ပါတယ်။ လူနာက လမ်းတောင်မလျှောက်နိုင် တော့ပါဘူး။ ကျွန်တော်တို့က အစိုးရဆေးရုံကတောင် ကျန်းမာရေး စောင့်ရှောက်မှု မပေးနိုင်တော့ဘူးဆိုရင် ကျွန်တော်တို့လည်း ဘယ်မှာသွားထား ရမလဲလို့ မေးခဲ့ပါတယ်။ ဒါလည်း လက်မခံတော့ ကျွန်တော်တို့ လူနာကို ပြန်ယူလာရပါတယ်။ လူနာကို နိုဝင်ဘာ ၇ ရက်မှာ ဆေးရုံကနေ ပြန်ယူလာရပြီး ကလွင်-ဘာသာပေါင်းစုံ သင်္ချိုင်းက တရုတ်သင်္ချိုင်းဇရပ်မှာ သွားရောက် ထားရစ်ခဲ့ရတာပါ'' ဟု ကန်ကြီးရပ်မှ ကူညီပေးခဲ့သူ တစ်ဦးက ပြောကြားသည်။
အဆိုပါလူနာမှာ အသက် ၃၀ ၀န်းကျင်ခန့် ရှိကြောင်း အရက်သောက်သုံးမှု များသောကြောင့် လေဖြတ်သွားခြင်း ဖြစ်ကြောင်း ဒေသခံများက ပြောကြားသည်။
''ကျွန်တော်တို့ ကျေးရွာက ဇရပ်ကို ညနေပိုင်းမှာ လူခြောက်ယောက် လောက်ကလာပြီး စွန့်ပစ်သွားတာပါ သူနဲ့အတူ အချိုရည်ဘူးတွေလည်း ထားပေးခဲ့ပါတယ်။ အရင်ကလည်းဒီလိုပဲ အရှင်လတ်လတ် လာစွန့်ပစ်သွားပြီး သေဆုံးသွားလို့ ကျွန်တော်တို့ သဂြုင်္ိလ်ပေးလိုက်ရပြီးပါပြီ'' ဟု ကလွင်ကျေးရွာ နေထိုင်သူတစ်ဦးက ပြောကြားသည်။
နိုဝင်ဘာ ၇ ရက်က အစိုးရဆေးရုံမှ လက်မခံသောကြောင့် လာရောက် စွန့်ပစ်ခံခဲ့ရသည့် လူနာအကြောင်း မြိတ်မြို့နေ လူမှုကွန်ယက် ဖေ့ဘွတ်သုံးစွဲ သူများအကြား သတင်းပြန့်နှံ့ ခဲ့ပြီးနောက် တာဝန်ရှိသူများက နိုဝင်ဘာ ၁၀ ရက် ည ၁၀ နာခွဲခန့်တွင် လာရောက်ယူဆောင်သွားပြီး ဆေးရုံသို့ ပြန်လည်တင်ပို့ ပေးခဲ့ကြောင်း သိရသည်။
Eleven Media Group

အပြည့်အစုံသို့ »

ဂျပန်နှင့်စင်ကာပူမှ တင်ပြထားသော ရန်ကုန်ဘူတာကြီးဝင်း တစ်ခုလုံး အဆင့်မြှင့်တင်ခြင်းအတွက် မကြာမီ တင်ဒါခေါ်ယူမည်


ဂျပန်နှင့် စင်ကာပူ နိုင်ငံတို့မှ လုပ်ကိုင်နိုင်ရန် တင်ပြထားသော ရန်ကုန်ဘူတာကြီးဝင်း တစ်ခုလုံး အဆင့်မြှင့်တင်ခြင်း လုပ်ငန်းအတွက် မကြာမီတင်ဒါ ခေါ်ယူသွားမည် ဖြစ်ကြောင်း ရထားပို့ဆောင်ရေး ၀န်ကြီးဌာနမှ သိရသည်။

ယခုနှစ်အတွင်း ဂျပန်ကုမ္ပဏီ နှစ်ခုနှင့် စင်ကာပူကုမ္ပဏီ နှစ်ခုတို့မှ ရန်ကုန်ဘူတာကြီးဝင်းကို အဆင့်မြှင့်တင်မှုများ ပြုလုပ်ရန် ၀န်ကြီးဌာနသို့ လာရောက်တင်ပြမှုများ ပြုလုပ်ခဲ့ကြောင်း၊ ယင်းအတွက် ပြည်ထောင်စု အစိုးရအဆင့်သို့ ထပ်မံတင်ပြထားပြီး ဖြစ်ကြောင်း ရထားပို့ဆောင်ရေး ၀န်ကြီးဌာနမှ ရုံးအဖွဲ့မှူး ဦးဝင်းနောင်က ပြောကြားသည်။

''ကျွန်တော်တို့အနေနဲ့ ရန်ကုန်ဘူတာကြီးကို အဆင့်မြှင့်တင်ဖို့အတွက် အခုလောလောဆယ် နိုင်ငံခြားကုမ္ပဏီတွေ တင်ပြထားပါတယ်။ မကြာမီတော့ တင်ဒါခေါ်ယူမှု လုပ်ငန်းကို လုပ်ကိုင်သွားမှာပါ'' ဟု ရထားပို့ဆောင်ရေး ၀န်ကြီးဌာနမှ တာဝန်ရှိသူတစ်ဦးက ပြောကြားသည်။

အဆင့်မြှင့်တင်မှု ပြုလုပ်မည့် ရန်ကုန်ဘူတာကြီးတွင် နိုင်ငံတကာ စံနှုန်းနှင့်အညီ လူနေအဆောက်အအုံများ၊ Public Service နေရာအများစု ထည့်သွင်းလုပ်ကိုင်မည် ဖြစ်ကြောင်းနှင့် ရထားလမ်းကြောင်းနှင့် ရထားပို့ဆောင်ရေး စနစ်မှာလည်း အဆင့်မြှင့်သွားမည် ဖြစ်ကြောင်း သိရသည်။

ယင်းလုပ်ငန်း လုပ်ကိုင်ရန်အတွက် မူလက ပြည်ပကုမ္ပဏီ အပါအ၀င် ပြည်တွင်းကုမ္ပဏီများမှလည်း လာရောက်တင်ပြ ထားသော်လည်း အမှန်တကယ် ရင်းနှီးမြှုပ်နှံ အကောင်အထည် ဖော်နိုင်မည့် ပြည်ပကုမ္ပဏီများကိုသာခွင့်ပြုပေးမည် ဖြစ်ကြောင်း ရထားပို့ဆောင်ရေး ၀န်ကြီးဌာနမှ သိရသည်။

အရှုံးပေါ်နေသည်ဟု ဆိုထားသော ရထားပို့ဆောင်ရေး ကဏ္ဍအတွက် ရန်ကုန်ဘူတာကြီးကို ပြည်ပပုဂ္ဂလိကသို့ လုပ်ကိုင်ခွင့်ပေးခဲ့ခြင်းဖြစ်ပြီး လက်ရှိတွင်လည်း ရန်ကုန်-မန္တလေးနှင့် ရန်ကုန်မြို့ပတ်ရထား လိုင်းများတွင် ကြော်ငြာလုပ်ငန်းနှင့် ဖျော်ဖြေရေး လုပ်ငန်းများကို ပြည်တွင်း လုပ်ငန်းရှင်များကို လုပ်ကိုင်ခွင့် ပြုသွားမည် ဖြစ်ကြောင်း ထုတ်ပြန်ထားသည်။

လက်ရှိတွင် မြန်မာ့မီးရထား ကဏ္ဍတွင် ဂျပန်နိုင်ငံနှင့် ကဏ္ဍအသီးသီး၌ ပူးပေါင်း လုပ်ဆောင်ခြင်းနှင့် ချေးငွေများရယူခြင်းတို့ ပြုလုပ်နေပြီး ရန်ကုန်-မန္တလေး ရထားလမ်းပိုင်း အဆင့်မြှင့်တင်ခြင်း လုပ်ငန်းနှင့် ရန်ကုန်မြို့ပတ် ရထားတွဲများကို အဲယားကွန်းရထား၊ အဆင့်မြှင့်ရထားများ အစားထိုး ပြေးဆွဲမှုများ ပြုလုပ်နေကြောင်း ရထားပို့ဆောင်ရေး ၀န်ကြီးဌာနမှ သိရသည်။

(အဆင့်မြှင့်တင်ခြင်း ပြုလုပ်မည်ဖြစ်သော ရန်ကုန်ဘူတာကြီးဝင်း အတွင်းပိုင်းအား တွေ့ရစဉ်)
Eleven Media Group

အပြည့်အစုံသို့ »