အနောက်တိုင်း တရားသေဝါဒနှင့် မြန်မာနိုင်ငံ၏ ပုံရိပ် ကောင်းမွန်ရေး စိန်ခေါ်မှု


ထိုသို့ဖြင့်ပင် လူတွေ တဖွဲဖွဲ ဝင်လာသည့် ကော်ဖီဘားလေး အတွင်း လူခြောက်ဆယ် နီးပါးမျှ ရှိလာသည်။ စစချင်း ဆောက်နှင့်ထွင်း ဆိုသလိုပင် မြန်မာနှင့်ဘားမား ဘယ်ကိစ္စ အမှန်လဲဆိုသော မေးခွန်းနှင့် စလေတော့သည်။
ကျွန်တော်နှင့်အတူ ဖြေရသည့် အမျိုးသမီး နှစ်ဦးက သူတို့ အတွေ့အကြုံကို မူတည်၍ မြန်မာနိုင်ငံထဲမှာ ဖြစ်နေသည့် ဘားမားနှင့် မြန်မာ သဘောထား ကွဲသည့်ကိစ္စ၊ အစိုးရ၏ သဘောထားတို့ကို အချက်အလက်နှင့် အဟအပွင့် မရှိအောင် ထိန်း၍ ဖြေပေးသည်။

ကျွန်တော့်အလှည့် ရောက်လာတော့ မြန်မာ ဖြစ်ဖြစ်၊ ဘားမား ဖြစ်ဖြစ်၊ ထိုကိစ္စက ပြဿနာ မဟုတ်ကြောင်း၊ သမိုင်းကြောင်း အရလည်း မြန်မာ မင်းများ၊ ဗမာ ဘုရင်များဟု ခေါ်ကြသည့်တိုင် မြန်မာ အမည်နှင့်ရော ဗမာအမည်နှင့်ပါ တည်ထောင်ခဲ့သည့် နိုင်ငံတော် မရှိ၊ တရုတ် သမိုင်း မှတ်တမ်းများတွင် မန်းမန် (ခ) မိန်ရ်မဟု ခေါ်ကြပြီး အိန္ဒိယတိုက်သားတို့က ဗြာဟ္မဏဟု ခေါ်ကြကြောင်း၊ အင်္ဂလိပ်တို့က အိန္ဒိယက ဗြဟ္မာကို မွေးစားပြီး ဘားမားဟု ခေါ်ရာမှ လွတ်လပ်ရေး ရပြီး ဘားမား ဖြစ်လာကြောင်း၊ ထို့နောက် တစ်ပါတီ အုပ်ချုပ်ရေးအောက်တွင် မြန်မာဟူသော အမည်ကို ပြောင်းလဲ သုံးစွဲခဲ့ကြောင်း၊ သို့သော် ကျွန်တော်တို့ နိုင်ငံမှာ အချုပ်အခြာ အာဏာပိုင် နိုင်ငံတစ်နိုင်ငံ ဖြစ်၍ တရုတ်က ဘယ်လို ခေါ်ခေါ် အိန္ဒိယက ဘယ်လို ခေါ်ခေါ် ကျွန်တော်တို့ နိုင်ငံ အမည်ကို ကျွန်တော်တို့ သတ်မှတ်နိုင်ရေးပင် ဖြစ်ကြောင်း၊ ဘားမားလား၊ မြန်မာလား ဆိုသည့်ကိစ္စမှာ ကျယ်ပြန့်စွာ ငြင်းခုံရမည့် ဒီဘိတ်ဖြစ်သည့်တိုင် လက်ရှိ ကျွန်တော်တို့မျိုးဆက် တော်တော်များများ ကတော့ မြန်မာဟုသာ ပြောကြကြောင်း၊ ကုလသမဂ္ဂ တရားဝင် အသုံးအနှုန်းမှာလည်း မြန်မာသာ ဖြစ်ကြောင်း ရှည်ရှည်လျားလျား ရှင်းပြလိုက်ပါသည်။

နိုင်ငံတစ်ခု၏ Legitimacy ဟု ခေါ်သည့် ဂုဏ်သရေက အရေးကြီးကြောင်း၊ လက်ရှိ တရားဝင် အသိအမှတ် ပြုထားသော အမည်ကို သုံးစွဲလျှင် သင့်လျော်မည် ဖြစ်ကြောင်း၊ ပို၍ အရေးကြီးသည်မှာ ဘားမားလား၊ မြန်မာလား အရေမရအဖတ်မရ မငြင်းဘဲ နိုင်ငံတော် ဆိုသည်ကို မည်သို့ အဓိပ္ပာယ် ဖွင့်ကြမည်နည်း၊ မည်သို့ တည်ဆောက် ကြမည်နည်းဟု စဉ်းစားရမည့် အချိန်သာ ဖြစ်ကြောင်း၊ အကျိုးမ ဖြစ်ထွန်းသည့် ငြင်းခုံမှုများက တိုင်းပြည်ကို နှစ်ပေါင်း များစွာ နောက်ကျ ကျန်စေခဲ့သည်ကို သင်ခန်းစာ ယူရမည်သာ ဖြစ်ကြောင်းလည်း တစ်ဆက်တည်း ပြောပြလိုက်သည်။

ဒေါ်အောင်ဆန်းစုကြည်နှင့် ၂၀၁၅ ရွေးကောက်ပွဲ၊ သမ္မတ ဖြစ်နိုင်ခြေ၊ ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စတို့တွင် ဘယ်လို ထင်ပါသနည်းဟု တစ်ဆက်တည်း မေးလာသည်။

နိုင်ငံရေးတွင် မဖြစ်နိုင်တာ ဘာတစ်ခုမှ မရှိကြောင်းကို မြန်မာနိုင်ငံ၏ နိုင်ငံရေး အပြောင်းအလဲများက သက်သေပြပြီး ဖြစ်ကြောင်း၊ ပြဿနာမှာ နိုင်ငံရေး အင်အားစုများ အကြား ပါဝါခွဲဝေမှု မညှိနှိုင်းနိုင်၍သာ တိုင်းပြည် နောက်ကျ ကျန်နေခဲ့ရကြောင်း၊ လက်ရှိ မြန်မာနိုင်ငံ၏ အပြောင်းအလဲမှာ လူထုထံမှလာသော အပြောင်းအလဲ မဟုတ်ဘဲ အပေါ်ထပ် အဆောက်အဦမှ လာခြင်း ဖြစ်ကြောင်း၊ တိုင်းပြည်၏ အနာဂတ်ကို ဆုံးဖြတ်နိုင်ရေး အတွက် နိုင်ငံရေး အင်အားစုများ အကြား မည်သူက မည်သူ့ကို မည်သို့ အာမခံနိုင်မည် ဆိုသည့် ကိစ္စကို ညှိနှိုင်းနိုင်ကြလျှင် သမ္မတ ရွေးချယ်ရေး ဆိုသည့် ကိစ္စမှာ ပြဿနာဟု မမြင်မိကြောင်း၊ သို့သော် မိသားစုအတွင်း၌ပင် ညှိနှိုင်းရန် ခက်ခဲသည်ဖြစ်ရာ တိုင်းပြည်နှင့်ချီသော ကိစ္စအတွက် ညှိနှိုင်းရန်မှာ စိန်ခေါ်မှု များစွာ ရှိပါသည် ဟူ၍ပင် ကွေ့လည်ကြောင်ပတ် ဖြေလိုက်ရသည်။

စီစဉ်သူများက တက်ရောက် နားထောင်မည့် ဂျာမန်များမှာ မြန်မာနိုင်ငံအကြောင်း ယေဘုယျသာ သိထားပြီး စိတ်ဝင်စား၍ လာရောက် နားထောင်သူများ ဖြစ်ပါသည်ဟု ဆိုသည့်တိုင် သူတို့ သိသည့် ယေဘုယျမှာ နိုင်ငံတကာ မီဒီယာက ပုံဖော်ထားသည့် မြန်မာနိုင်ငံ၏ ပုံရိပ်များ၊ ထို့ပြင် မြန်မာ နိုင်ငံတွင် အလုပ်လုပ်ဖူးသူများ၊ INGO များမှ ပုဂ္ဂိုလ်များပါ ပါလာသည်ဖြစ်ရာ တဖြည်းဖြည်းနှင့် စကားဝိုင်းက အရှိန်ရလာသည်။

အထူးသဖြင့် အနောက်တိုင်းသားတို့ အမွှန်းတင်လေ့ ရှိသည့် လူ့အခွင့်အရေး ကိစ္စများတွင် သူတို့ မေးသည့် မေးခွန်းများမှာ ပြင်းထန်လာသည်။ ရိုဟင်ဂျာ ကိစ္စနှင့် ဘင်္ဂါလီ ကိစ္စကို ဘယ်လို ထင်ပါသလဲဟု မေးလာသည်။
ဘယ်လိုမှ မထင်ပါ၊ သမိုင်း ပညာရှင်များနှင့် အစိုးရများက ဆုံးဖြတ်ရမည့် ကိစ္စရပ်များ ဖြစ်၍ ဂျာနယ်လစ်များနှင့် လားလားမျှ မဆိုင်ပါဟုသာ တိုတိုပြတ်ပြတ် ဖြေလိုက်ရသည်။

သို့သော် ထိုမျှနှင့် မရပ်။ ဘင်္ဂါလီ ဆိုလျှင်လည်း အချို့မှာ မျိုးဆက်ပေါင်း များစွာ နေလာပြီး ဖြစ်သည့်တိုင် အဘယ့်ကြောင့် နိုင်ငံသား မပေးရသနည်း ဆိုသည့် ကိစ္စကို အမျိုးသမီး တစ်ဦးက လေသံ ခပ်မာမာနှင့် မေးလာသည်။

မြန်မာနိုင်ငံတွင် လူနည်းစု ဘာသာဝင်များနှင့် တိုင်းရင်းသား လူမျိုးစုများ၏ အခွင့်အရေး ချိုးဖောက် ခံနေရသည်မှာ ခါးသီးသည့် အမှန်တရား ဖြစ်ပါသည်။ သို့နှင့်တိုင် တစ်ဖက်မှ စဉ်းစားရမည့် ကိစ္စမှာ လူများစုတွေရော လူ့အခွင့်အရေး အပြည့်အဝ ရနေသလား ဆိုသည့် ကိစ္စပင်။ အဓိက ကျွန်တော်တို့ နိုင်ငံမှာ ဖြစ်နေတာက တရားဥပဒေ စိုးမိုးရေး ကိစ္စဖြစ်သည်။ နိုင်ငံသားမရ ထိုက်သူတွေ ရနေသလို ရထိုက်သူတွေလည်း မရဘဲ ဖြစ်နေသည်။ တည်ဆဲ နိုင်ငံသား ဥပဒေအရ နိုင်ငံသား ဖြစ်ထိုက်လျှင် ဖြစ်ရမည် ဖြစ်သည်။ သို့သော် လုပ်ထုံးလုပ်နည်းနှင့် တရားဥပဒေ စိုးမိုးရေး မရှိ၍ ထိုကိစ္စများမှာ ယနေ့ မြန်မာနိုင်ငံ အတွက် အရေးအကြီးဆုံး စိန်ခေါ်မှုများ ဖြစ်လာနေသည်။ မြေယာကိစ္စမှာ ယနေ့ ပွင့်လင်းလာသည့် မြန်မာ့ နိုင်ငံရေးအတွက် အကြီးမားဆုံး စိန်ခေါ်မှု တစ်ခု ဖြစ်ပါသည်။

ထိုသို့ပြောတော့ ဂျာမန် အမျိုးသမီးကြီး တစ်ဦး လက်ပံတောင်း ကိစ္စနှင့် ဥပမာပေးသည်။ လက်ပံတောင်းမှာ လူ့အခွင့်အရေး ချိုးဖောက် ခံရသူတွေက လူနည်းစုတွေလား လူများစုတွေလား ဆိုသည့် ကိစ္စကို တက်ရောက်လာသူတွေ နည်းနည်း မြင်သွားသလို ရှိသည်။ သို့သော် လတ်တလော အကြမ်းဖက်မှုများ ကိစ္စ၊ ထိုကိစ္စကလည်း အထက်က ဆိုခဲ့သလို တရားဥပဒေ စိုးမိုးရေးသာ ဖြစ်သည်။ အင်္ဂလန်မှာရော ဂျာမနီမှာပါ အမျိုးသားရေး ဝါဒီတွေ ရှိသည့်တိုင် တရားဥပဒေ စိုးမိုးရေး အားကောင်းသဖြင့် လူနည်းစုတွေကို အကာအကွယ် ပေးထားသည်။ ကျွန်တော်တို့ နိုင်ငံမှာက တရားဥပဒေ စိုးမိုးရေး မရှိသဖြင့် လူများစုကိုပင် အကာအကွယ် မပေးနိုင်သည် ဖြစ်ရာ သူတို့ စံနှုန်းနှင့် မည်သို့မျှ တိုင်းမရ။

သူတို့ ထပ်မေးသည်က မြန်မာနိုင်ငံ အနေနှင့် နိုင်ငံတကာ အသိုင်းအဝိုင်းထံမှ၊ INGO များထံမှ ဘာတွေ မျှော်လင့်ထားသနည်း ဆိုသည့်ကိစ္စပင် ဖြစ်သည်။

ကျွန်တော်တို့က ဂျာနယ်လစ်တွေသာ ဖြစ်သည်။ အစိုးရ မဟုတ်၊ ထို့ကြောင့် ဘာတွေ မျှော်လင့်သလဲ ဆိုတာ အစိုးရကိုသာ သွားမေးပါဟု ဘုတော တောရတော့သည်။ သို့သော် ဘုတောပြီးမှ မြန်မာပီပီ အားနာသွားပြီး ကျွန်တော်တို့ နိုင်ငံမှာ ဖွံ့ဖြိုးမှု နည်းသည်၊ နိုင်ငံတကာအသိုင်း အဝိုင်းကို ဝင်ရောက်ဖို့ ကြိုးစားတာ တိုးတက်ချင်၍ ဖြစ်သည်။ နိုင်ငံသား တစ်ဦး အနေနှင့် ဖြေရလျှင်မူ ကျွန်တော်တို့ လူ့အသိုင်းအဝိုင်းကို အကျိုး ဖြစ်ထွန်းစေမည့် ပူးပေါင်းမှုများနှင့် အင်စတီကျူးရှင်း ဆိုင်ရာ စွမ်းရည်များကို ရယူ လိုပါသည်။ ကျွန်တော်တို့ နိုင်ငံမှာ ရေရှည်တွင် ဂုဏ်သိက္ခာ ရှိသော နိုင်ငံအဖြစ် ကိုယ့်ခြေထောက်ပေါ်ကိုယ် ရပ်တည်နိုင်ရန် လိုအပ်ပါသည်၊ ထိုကိစ္စများကို နိုင်ငံသား တစ်ဦး အနေနှင့် ပြောခြင်းသာ ဖြစ်ပါသည်ဟု လေပြေ ထိုးလိုက်ရသည်။

ကျွန်တော် သတိထား မိလာသည်က လှေနံဓားထစ်နှင့် တရားသေဝါဒ ဖြစ်သည်။ ထိုစကားရပ်မှာ ကျွန်တော်တို့ မြန်မာ့နိုင်ငံရေးနှင့် မြန်မာ့ လူ့အဖွဲ့အစည်းကို သရော်ရာတွင် ထိထိမိမိ ရှိလှသော စကားရပ်။ သို့နှင့်တိုင် သတိထား မိလာသည်က အတွေးအခေါ် ထွန်းကားသော ဥရောပတွင်ပင်လျှင် တရားသေဝါဒ ဆုပ်ကိုင်မှုကို လှစ်ခနဲ မြင်လိုက်သလို ရှိသည်။ မြန်မာနိုင်ငံတွင် စစ်အစိုးရ အသွင်ပြောင်း အစိုးရတစ်ရပ်၊ ဖွံ့ဖြိုးမှု နှေးကွေး၊ တိုင်းရင်းသား လူနည်းစုများကို အစိုးရတပ်က ထိုးစစ်ဆင်၊ လူနည်းစု ဘာသာဝင်များကို လူများစုက အကြမ်းဖက်၊ ယခုကဲ့သို့ နိမ့်ကျလှသော နိုင်ငံမျိုးကို လူ့ယဉ်ကျေး အသိုင်းအဝိုင်း နိုင်ငံကြီးများနှင့် INGO များက ထောက်ပံ့ရမည် ဆိုသည့် အနောက်တိုင်း တရားသေဝါဒကိုများ ဆုပ်ကိုင်ထားကြသလောဟု သံသယ ဖြစ်လာသည်။ ကျွန်တော်တို့ ဖြေသည့် အဖြေများကို လက်ခံလိုပုံ မရပါ။ မြန်မာနိုင်ငံ ရောက်ဖူးပါသလားဟု မေးလိုက်တော့လည်း ရောက်ဖူးသူ အနည်းငယ်သာ ရှိပြီး မြန်မာ့ နိုင်ငံရေးကို အတွင်းကျကျ သိပုံမပေါ်။

သို့သော် မီဒီယာ အားကောင်းသော လူ့အဖွဲ့အစည်းတွင် နေထိုင်ရသော သူတို့အတွက် သူတို့ရသည့် အင်ဖော်မေးရှင်းဖြင့် ထိုကဲ့သို့ တရားသေဝါဒကို ကိုင်စွဲပြီး စွပ်စွဲလာခြင်းကိုမူ နားလည်ပေး၍ ရသည်။ ပုံမှန်အားဖြင့် အနောက်တိုင်းသားများမှာ လက်တွေ့ကျကျ သိမြင်လျှင် လက်ခံနိုင်စွမ်း အနည်းနှင့်အများ ရှိကြသည်သာ ဖြစ်ပါသည်။ ထိုကိစ္စကို အနောက်တိုင်း အစိုးရများနှင့် ပြည်သူများ အကြား အကွာအဟဖြင့် ချိန်ထိုးကြည့်နိုင်မည် ဖြစ်ပါသည်။ ဆိုရပါမူ မြန်မာနိုင်ငံ၏ အပြောင်းအလဲများ၊ လက်တွေ့ နိုင်ငံရေးဘဝနှင့် နိုင်ငံတော်သမ္မတ၏ လစ်ဘရယ် အမွှန်းခန်းများပါသော မိန့်ခွန်းများကို အနောက်နိုင်ငံ အစိုးရများက အပေါင်းလက္ခဏာ အဖြစ် ကြိုဆို လက်ခံနိုင်ကြသည့်တိုင် အနောက်တိုင်း ပြည်သူများကတော့ သူတို့ လက်လှမ်းမီသည့် မီဒီယာများမှ ရရှိသည့် သတင်းများဖြင့်သာ တိုင်းတာ ကြပါသည်။

ကျွန်တော် တွေးမိသည်က အနောက်တိုင်းသားများ တရားသေဝါဒ ကိုင်စွဲခြင်းကြောင့် သူတို့တွင် ဘာမှ ထိခိုက်စရာ မရှိသော်လည်း ကျွန်တော်တို့ တိုင်းပြည်၏ ပုံရိပ်ကို အကြီးအကျယ် ထိခိုက်စေတာတော့ သေချာသည်။ သူတို့ဆီမှာက အစိုးရက ဆုံးဖြတ်ခြင်း မဟုတ်၊ ပြည်သူလူထုက တိုက်ရိုက် ဆုံးဖြတ်ခြင်း ဖြစ်ပြီး ပြည်သူ၏ မဲတစ်မဲက အစိုးရ အပြောင်းအလဲ အတွက် အဆုံးအဖြတ် ပေးနိုင်သည်။ ကျွန်တော်တို့လို နိုင်ငံငယ်လေးတွေကို သူတို့ ပြည်သူတွေထံမှ ရသော အခွန်ဖြင့် ဆိုင်ရာ အစိုးရများက ထောက်ပံ့ ကူညီခြင်း ဖြစ်သည်။ ထိုပြည်သူများ အမြင်တွင် မြန်မာနိုင်ငံ၏ ပုံရိပ်မှာ တစ်မျိုးတစ်မည် ဖြစ်နေလျှင် နိုင်ငံတကာကို ကူညီ ထောက်ပံ့မှုများ လျှော့ချမည့် အစိုးရမျိုးကို ရွေးချယ်ပေလိမ့်မည်။ ယခု အန်ဂျလာမာကယ် ပြန်လည် အနိုင်ရခြင်းတွင် အိမ်နီးချင်း နိုင်ငံများကို အားနာနေရခြင်းထက် ဂျာမန်လူထု၏ အကျိုးစီးပွားကို အာရုံပို၍ စိုက်မည်ဆိုသော ပေါ်လစီက များစွာ အဆုံးအဖြတ် ပေးခဲ့ပါသည်။

အစိုးရချင်း ဆက်ဆံရေးကို ဦးစားပေးခဲ့၍ မဟာအိမ်နီးချင်း နိုင်ငံနှင့် ပြည်သူများ အပေါ်တွင် ကျွန်တော်တို့ ပြည်သူလူထု၏ အမြင်တစ်မျိုး ရှိသည့် အချက်ကိုလည်း သတိပြုနိုင်ပါလိမ့်မည်။ အစိုးရချင်း ဆက်ဆံရေးမှ ပြည်သူချင်း ရင်းနှီး ချစ်ကြည်ရေး ဆိုသည့် မူဝါဒမှာ ပုဂ္ဂလိက ပိုင်ဆိုင်မှု ကြီးသော ထိုနိုင်ငံများ၏ အီလစ်များက မြန်မာနိုင်ငံတွင် မည်မျှ လာရောက် ရင်းနှီးမြှုပ်နှံမည်၊ လူမှုရေး အကူအညီများ မည်မျှပေးမည် ဆိုသည့် အချက်ကို အဆုံးအဖြတ်ပေးမည် ဖြစ်ပါသည်။ ယခင်က ပွင့်လင်းမြင်သာမှု မရှိခဲ့၍၊ မီဒီယာကို အကျိုးရှိစွာ အသုံးချရန်ထက် ပိတ်ပင်ရန် ကြိုးစားခဲ့၍ နိုင်ငံတကာတွင် တိုင်းပြည်ပုံရိပ် ကျဆင်းခဲ့သလိုပင် ယခုလည်း မီဒီယာကို အကျိုးရှိစွာ အသုံးချရန်ထက် မိမိ အခက်အခဲကို ဖုံးကွယ်၍ သိက္ခာဆည်ရန် ကြိုးပမ်းနေမှု များကြောင့် မြန်မာနိုင်ငံကို နိုင်ငံတကာ ပြည်သူတွေက တစ်မျိုး မြင်လျက်ပင် ရှိပါသေးသည်။ ထို့အတွက် သူတို့ အစွဲကျွတ်ရန် မြန်မာနိုင်ငံတွင် လက်တွေ့ အပြောင်းအလဲများ ဖြစ်နေပါပြီ ဆိုသော သေချာသည့် ပုံရိပ်မျိုး ဖြစ်ရန် ကြိုးစားရမည်မှာ မြန်မာနိုင်ငံ၏ တာဝန်သာ ဖြစ်သည်။

နိုင်ငံတကာ အသိုင်းအဝိုင်းကို ဂုဏ်သိက္ခာရှိစွာ ဝင်ရောက်မည့် နိုင်ငံတစ်နိုင်ငံ အနေနှင့် နိုင်ငံတကာက ကိုယ့်ကို ဘယ်လို မြင်စေချင်တာလဲ ဆိုသည့် ကိစ္စမှာ ကိုယ်က လုပ်ဆောင်ရမည့် ကိစ္စသာ ဖြစ်သည်။ ကျွန်တော်တို့ နိုင်ငံ၏ အပြောင်းအလဲများ လမ်းကြောင်းမှန်ပေါ်တွင် ရှိနေပါသည်။ နိုင်ငံတကာ အစိုးရများကလည်း သဘောပေါက် လက်ခံလာပြီ ဖြစ်ပါသည်။ သို့နှင့်တိုင် စဉ်းစားရမည့် အချက်မှာ နိုင်ငံတကာ ပြည်သူများ အမြင်မပြောင်းသေးသည့် ကိစ္စကို ကျွန်တော်တို့ အနေနှင့် မည်သို့ လုပ်ဆောင်ကြမည်နည်း ဆိုသည့် ကိစ္စသာ ဖြစ်သည်။ တိုင်းပြည်၏ ပုံရိပ်ကောင်းဖို့ အစိုးရတွင် တာဝန်ရှိသလို နိုင်ငံတကာ ပြည်သူများထံ သတင်းစကားပါးဖို့ ကျွန်တော်တို့ မီဒီယာများနှင့် ပြည်သူများကလည်း ဝိုင်းဝန်းကြရန် လိုပေလိမ့်မည် ဖြစ်ပါသည်။

ချစ်ဦးကိုကို
The Voice

အပြည့်အစုံသို့ »

ဆီးဂိမ်းဘောလုံးပြိုင်ပွဲတွင် တာဝန်ရှိသူများမစွက်ဖက်ရန် ဦးဇော်ဇော်ပြောကြား


ဆီးဂိမ်းဘောလုံးပြိုင်ပွဲများတွင် တာဝန်ရှိသူများအနေဖြင့် ဒိုင်၏အဆုံးအဖြတ်ကိုကျော်လွန်ပြီး ၀င်ရောက်စွက်ဖက်ခြင်း မပြုလုပ်ရန် မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်ကပြောကြားသည်။

ဘောလုံးပွဲများတွင် လုံခြုံရေးအခြေအနေအရ ဆုံးဖြတ်ရန်ရှိလာပါက ကမ္ဘာ့ဘောလုံးအဖွဲ့ချုပ်၊ အာရှဘောလုံးအဖွဲ့ချုပ်တို့၏ စည်းမျဉ်းများအတိုင်း ပွဲရပ်ခြင်း၊ ပွဲစတင်ခြင်းကို နိုင်ငံတကာအသိအမှတ်ပြု ဒိုင်လူကြီးကသာ ဆုံးဖြတ်ကြောင်း ၎င်းတို့၏ဆုံးဖြတ်ချက်သည် အတည်ဖြစ်ကြောင်း ဦးဇော်ဇော်ကရှင်းပြသည်။

“ဒီမှာကျတော့ နည်းနည်းလေးအာဏာရှိတဲ့ပုဂ္ဂိုလ် မှားတဲ့အခါကျတော့ ရပ်လိုက်ပါလား၊ ပြန်စလိုက်ပါလားဆိုရင် နိုင်ငံတကာစည်းမျဉ်းစည်းကမ်းနဲ့ ဆန့်ကျင်တာဖြစ်သွားမယ်။ ဒါကြောင့် နည်းနည်းလေး ကြိုပြောထားချင်တာပါ”ဟု နေပြည်တော်ရှိ ဇေယျာသီရိဘောလုံးကွင်းတွင် နိုဝင်ဘာ ၂၂ ရက်က ကျင်းပခဲ့သော ညှိနှိုင်းအစည်းအဝေး၌ ဦးဇော်ဇော်ကပြောကြားခဲ့သည်။

ထိုကဲ့သို့ ၀င်ရောက်လွှမ်းမိုးခြင်းများပြုလုပ်ပါက ကမ္ဘာ့ဘောလုံးအဖွဲ့ချုပ်နှင့် အာရှဘောလုံးအဖွဲ့ချုပ်များက ပြိုင်ပွဲဝင်ရောက်ယှဉ်ပြိုင်ခွင့်ကို ၃ ကြိမ်၊ (သို့မဟုတ်)
၅ ကြိမ် စသည့်ဖြင့် ပိတ်ပင်ခြင်းမျိုး ပြုလုပ်လာနိုင်သည့်အပြင် မြန်မာနိုင်ငံဘောလုံးအဖွဲ့ချုပ်အနေဖြင့် ဖြေရှင်း၍မရနိုင်ကြောင်း ၎င်းကဆက်လက်ရှင်းပြသည်။

“ဒါက ဖီဖာရဲ့ Regulation အမှန်ပါ။ ဖြစ်နိုင်တဲ့အနေအထားမျိုးလည်း ရှိတဲ့အတွက်ကြောင့်မို့လို့ နောက်ဆုံးကွန်မန့်က ဒိုင်လူကြီးရဲ့ကွန်မန့်ပဲ ဖြစ်တယ်ဆိုတာကို တစ်ခါတည်းတင်ပြတာပါ”ဟု ဦးဇော်ဇော်က ရှင်းလင်းပြောကြားသည်။

7Day News Journal

အပြည့်အစုံသို့ »

ကျပ် သိန်းပေါင်း တစ်သောင်းကျော်တန် Rolls Royce ကားများကို ငြိမ်းချမ်းရေး ပါမစ်ဖြင့် နယ်စပ်မှ သွင်းရာတွင် ဖုံးအုပ်ကာ အလုံပိတ် ပုံစံမျိုးဖြင့် ပြောင်းလဲတင်သွင်း



(နိုဝင်ဘာ ၂၇ ရက်က ငြိမ်းချမ်းရေးပါမစ်ဖြင့် Rolls Royce ကား နှစ်စီးနှင့် Lexus ကား တစ်စီးအား ဖုံးအုပ်၍ တင်သွင်းလာစဉ် )
ကျပ်သိန်းပေါင်း တစ်သောင်းကျော်တန် ကြေးရှိ Rolls Royce ကားများကို ငြိမ်းချမ်းရေး ပါမစ်ဖြင့် မြန်မာ-ထိုင်း နယ်စပ်မှတစ်ဆင့် တင်သွင်းရာတွင် ယခင်ကကဲ့သို့ မဟုတ်ဘဲ ကားအမျိုးအစားကို အလွယ်တကူ မမြင်တွေ့နိုင်သည့် ဖုံးအုပ်သယ်ယူသည့် ပုံစံဖြင့် ပြောင်းလဲတင်သွင်း လာသည်ဟု ဒေသခံများထံမှ သတင်းရရှိသည်။

ယခင်က ကားတင်သွင်းရာတွင် Rolls Royce ကဲ့သို့ကားများ အပါအ၀င် တန်ဖိုး ကီး၊ တန်ဖိုးနည်း မည်သည့်ကား အမျိုးအစားကိုမဆို ကားသယ်ယူသည့် ယာဉ်ကြီးများပေါ်တွင် မြင်မြင်ထင်ထင်တင်ကာ ငြိမ်းချမ်းရေး ပါမစ်များဖြင့် တင်သွင်းခဲ့ကြခြင်း ဖြစ်သည်။

နိုဝင်ဘာ ၂၇ ရက်တွင်မူ ငြိမ်းချမ်းရေး ကားပါမစ်ဖြင့် တင်သွင်းလာသည့် Rolls Royce အမျိုးအစား ကားနှစ်စီးနှင့် Lexus အမျိုးအစား ကားတစ်စီး စုစုပေါင်း သုံးစီးကို မြ၀တီမှတစ်ဆင့် တင်သွင်းရာတွင် ဖုံးအုပ်ထားပြီးမှ ကားသယ်ဆောင်သည့် ယာဉ်ကြီးများဖြင့် တင်သွင်းသည့်ပုံစံ ပြောင်းလဲတင်သွင်း လာခြင်းဖြစ်ကြောင်း သိရသည်။

အခွန်ကင်းလွတ်ခွင့်ရသည့် ငြိမ်းချမ်းရေး ကားပါမစ်များဖြင့် မြန်မာနိုင်ငံသို့ တင်သွင်းထားသည့် ကျပ်သိန်းပေါင်း တစ်သောင်းကျော် တန်ကြေးရှိ Rolls Royce ကားမှာ ယခုအခါ အစီး ၂၀ ၀န်းကျင်အထိ ရှိလာပြီဖြစ် သည်။

Rolls Royce ကားတစ်စီးအား ပုံမှန်အခွန် ပေးဆောင်၍ တင်သွင်းမည်ဆိုပါက တစ်စီးလျှင် ကျပ်သိန်းပေါင်း ၁၃၀၀၀ ကျော်အထိ ကျသင့်မည်ဖြစ်ပြီး အခွန်အရပ်ရပ်ပင် ကျပ်သိန်းပေါင်း ၈၅၀၀ ကျော် ပေးဆောင်ရမည် ဖြစ်သည်။

ကျပ်သိန်းပေါင်း တစ်သောင်းကျော် တန်ကြေးရှိ Rolls Royce ကားအား တင်သွင်းမည်ဆိုပါက အကောက်ခွန် ကျပ်သိန်း ၁၉၆၀၊ ကုန်သွယ်လုပ်ငန်းခွန် ကျပ်သိန်း ၁၇၁၅ နှင့် ကညနယာဉ် မှတ်ပုံတင်ကြေး ကျပ်သိန်း ၄၈၉၀ ကျော်၊ စုစုပေါင်း ကျပ်သိန်း ၈၅၀၀ ကျော်အထိ ပေးဆောင်ရမည် ဖြစ်သည်။

ထို့အတွက် ငြိမ်းချမ်းရေးပါမစ်ဖြင့် ၀ယ်ယူတင်သွင်းသူသည် ကျပ်သိန်း ၁၃၀၀၀ ၀န်းကျင်ကျသင့်မည့် Rolls Royce ကားတစ်စီးအား ကျပ်သိန်း ၅၅၀၀ ၀န်းကျင်ဖြင့် စီးနင်းနိုင်မည် ဖြစ်သည်။

ငြိမ်းချမ်းရေးပါမစ် တစ်စောင်လျှင် ယခုအခါ ကျပ်သိန်း ၅၀၀ မှ ကျပ်သိန်း ၁၅၀၀ အထိ တန်ကြေးရှိပြီး ပါမစ်ရသည့် လက်နက်ကိုင် တိုင်းရင်းသား အဖွဲ့အစည်းများသည် ပါမစ်ဖိုးသာ အများဆုံး ရရှိကြခြင်းဖြစ်သည်။

ပါမစ်ဝယ်ယူ တင်သွင်းသူများနှင့် ကြားပွဲစားများမှာမူ ပါမစ်ဖိုးသာ ကုန်ကျပြီး ကျပ်သိန်း ၈၅၀၀ ကျော်အထိ အခွန်ကင်းလွတ်ခွင့် ရသွားသည့်အတွက် ပြည်သူ့ဘဏ္ဍာနှင့် ပါမစ်ဖိုးသာရသော ငြိမ်းချမ်းရေး အဖွဲ့အစည်းများသာ နစ်နာသွားခြင်းဖြစ်သည်။


Eleven Media Group

အပြည့်အစုံသို့ »

ရင်သားကင်ဆာကို ကာကွယ်နိုင်မည့် နည်းလမ်းကောင်း တစ်ချို့




အမျိုးသမီးများ အတွက် ရင်သား ကင်ဆာကို ကာကွယ်နိုင်မည့် နည်းလမ်းကောင်း တစ်ချို့ကို ရေးသား ဖော်ပြလိုက်ရပါတယ်။

(၁) အိမ်အလုပ်များကို လုပ်ပါ။

(၂) ကလေးရှိလျှင် ကလေးကို နို့ချိုတိုက်ကျွေးပါ။

(၃) အရက်မသောက်ပါနှင့်။

(၄) ညဘက်အိမ်နေစဉ် တစ်ဘက်တည်း စောင်းပြီး မအိပ်ပါနှင့်။ ခန္ဓာကိုယ်ကို လှည့်ပေးပါ။

(၅) ကိုလက်စရောဓာတ်ကို လျှော့ပစ်ပါ။

(၆) ဓာတုပစ္စည်း အများအပြား ပါဝင်သော အစားအစာများကို တတ်နိုင်သလောက် ရှောင်ပါ။

(၇) လမ်းများများ လျောက်ပါ။

ဟိုးဟိုးကျော်

အပြည့်အစုံသို့ »

အငြိမ်းစားတို့ အငြိမ်းစားဖို့


ဤလူ့လောက၊ လူ့ဘ၀၌
သကျရူပံ၊ မိန့်သံဂါထာ
ကျမ်းလာအရှိ၊ ငယ်ခါကလျှင်
မသင်ပညာ၊ ဥစ္စာမစု
သူ့ကို ချစ်ဖျက်၊ သူ့သက်သတ်စား
သူ့မယား၌၊ ပြစ်မှားတုံဘိ
ပစ္စည်းရှိလျက်၊ စိုးစိမလှူ
မွေးမြူမိဘ၊ မပြုရနှင့်
ပညာရှိထံ၊ နည်းခံမမှတ်
အမြတ်မကျင့်၊ ဤဆယ်ဆင့်ကား
ကြီးရင့်ဇရာ၊ အိုသောခါလျှင်
ပူဆာနောင်တ၊ ရတတ်စွတည့်။
(မဃဒေ၀-၃၂၁)
အသက် ၆၀ မှာ အငြိမ်းစားလို့ ယေဘုယျ သတ်မှတ်ထားကြတယ်။ မြန်မာနိုင်ငံ သက်တမ်း ၆၅ နှစ်ကို အရွယ်သုံးပါးနဲ့ ပိုင်းခြားရင်တော့ အသက် ၄၅ ကျော်ရင်ကို တတိယ အရွယ်တွင်း သက်ဆင်းလို့ လာပါပြီ။ တတိယ အရွယ်မှာ တရားရှာဆိုတဲ့ စကားနဲ့ကြည့်ရင် အသက် ၄၅ ကျော်ရင် အငြိမ်းစား ရတော့မှာ။ ဒါပေမဲ့ အစိုးရ ၀န်ထမ်းဘ၀မှ ပင်စင်ယူတဲ့ အသက် ၆၀ နောက်ပိုင်းကိုပဲ အငြိမ်းစားလို့ ဆိုကြပါစို့။
အငြိမ်းစားဆိုတဲ့ စကားရပ်က ငြိမ်းဆိုရာမှာ ကာယပိုင်း၊ စိတ္တပိုင်း ငြိမ်းနှစ်မျိုး ရှိတယ်။ အခုခေတ် အငြိမ်းစား ယူတယ်ဆိုတာ အလုပ်ကနေ အနားယူတာမို့ ကာယပိုင်းကို အထူးရည်ရွယ် တာပါပဲ။ အလုပ်မလုပ် ရတော့လို့ ပင်ပန်းမှုတွေ ငြိမ်းသွားတယ်ဆိုတဲ့ သဘောပါပဲ။ ဒါပေမဲ့ အဓိက ငြိမ်းရမှာက ငြိမ်းသင့်တာက စိတ်ပိုင်းဆိုင်ရာပဲ။ စိတ်ထဲက လောဘဒေါသသောက စတဲ့အပူတွေ အကုန်လုံး ငြိမ်းရမှာ။ စိတ်ပိုင်းဆိုင်ရာ အပူတွေငြိမ်းမှ တကယ်အငြိမ်းစား စစ်စစ်ပဲ။
ဆင်းရဲတဲ့ နိုင်ငံတွေမှာတော့ အဘိုးတွေ၊ အဘွားတွေ အများစုဟာ ကာယပိုင်းဆိုင်ရာလည်း မငြိမ်းကြပါဘူး။ စိတ္တပိုင်း ဆိုင်ရာလည်း မငြိမ်းရှာကြဘူး။ လမ်းဘေးမှာ လုပ်ကိုင်ရှာဖွေ စားသောက်နေရတဲ့ အဘိုး၊ အဘွားတွေ၊ တချို့တောင်းရမ်း စားသောက်နေရတဲ့ အဘိုး၊ အဘွားတွေကို တွေ့ရတာ စိတ်ထဲမှာ တော်တော်ခံစား ရတယ်။ အတော် သနားစရာပဲ။ တချို့လည်း ပစ္စည်းဥစ္စာ ပြည့်စုံပါလျက် လောဘဒေါသတွေ အတောမသတ်နိုင်တော့ သောကတွေ၊ ဒေါမနဿတွေ လုံးထွေးပြီး ဟိုအပူ၊ ဒီအပူနဲ့ ဘ၀နဲ့ ဓမ္မက ကွာဟချက်ကြီးကာ ဒီအပူတွေနဲ့ မငြိမ်းနိုင်၊ မအေးနိုင် ဘ၀ဇာတ်သိမ်း သွားကြရရှာတယ်။ တန်ဖိုးရှိလှတဲ့ လူ့ဘ၀ မီးလောင်ပြာကျ ဘာမှမရဘဲ ပြန်သွားရတာ စိတ်မကောင်းစရာဘဲ။
စာမှာနောင်တ ၁၀ ပါးရှိတယ်။ နောင်တရတယ်ဆိုတာ ပူပန်တာပဲ။ နောင်တဆိုတာ အသက်ကြီးမှ သို့မဟုတ် နောင်ကျမှ တ,တာ၊ ပူပန်တာမို့ နောင်တလို့ ခေါ်တယ်။ လုပ်သင့်တာကို မလုပ်ခဲ့မိလို့၊ မလုပ်သင့်တာ လုပ်ခဲ့မိလို့ နောင်မှစိတ်မကောင်းဖြစ်ခြင်း၊ နှမြောတသ ယူကျုံးမရ ဖြစ်ခြင်းပါဘဲ။ နောင်တကို အရကောက်တော့ ကုက္ကုစ္စစေတသိက် အကုသိုလ်တရား ဖြစ်ပါတယ်။ မဃဒေ၀ ၂၃၄ မှာတော့ "လောဘဒေါသ၊ မောဟအဟုန်၊ ဆတ်ဆတ်ခုန်၍၊ သည်းတုံအူကြိုက်၊ သူမိုက်သဘော၊ စရိုက်ပြောလျက်၊ ကုဒ္ဓေါဓမ္မံ၊ နဇာနတိ၊ အစရှိသား၊ ပါဠိဒေသနာ၊ ဟောမိန့်မှာတိုင်း၊ မှန်စွာစိစစ်၊ ကျိုးပြစ်တရား မသိငြားဘူး၊ ပြစ်မှားလွန်မှ၊ လူ့ဗာလတို့၊ ကုက္ကုစ္စကြီး၊ လွှမ်းဖိစီး၍၊ မီးနှင့်အတူ နောင်တဟူသည်၊ လောင်ပူမကင်း၊ ကျွန်ရာသွင်းလျက်၊ စာရင်းချုပ်ထား၊ ကြွေးမြီလားသို့၊ တိမ်းပါးမရ၊ အပါယ်ကျသည်၊ ဒုက္ခကိုယ် ကျပ်မကွာတည်း" လို့ နောင်တအဓိပ္ပာယ်ကို ဖွင့်ဆိုတယ်။
အငြိမ်းစား အရွယ်ဆိုတာ ကိုယ့်ကိုယ်ကိုယ် ငြိမ်းအောင်နေရမယ်။ ငြိမ်းဆိုတာလည်း ငြှိမ်းမှသာ ငြိမ်းမယ်။ ငြိမ်းမှအေးမယ်။ အေးအေးချမ်းချမ်း နေချင်ရင်တော့ ကိုယ့်မီးတွေ ကိုယ်ငြှိမ်းရမယ်။ မငြှိမ်းရင်တော့ မငြိမ်းဘူး။ မငြိမ်းရင်တော့ လောင်မယ်။ လောင်ရင်ပူမယ်။ ပူတယ်ဆိုတာ လောင်လို့ပါပဲ။ ပူလောင်ဆိုတဲ့အတိုင်း ပူရင်လောင်မယ်။ လောင်ရင်ပူမယ်။ ဘာတွေက လောင်တာလဲ။ လောဘ ဒေါသစတဲ့ ကိလေသာတွေက လောင်တာ။ နောင်တတရားတွေက လောင်တာ။ ဒီအပူ အလောင်တွေကို ၀ိပဿနာ ရေချမ်းနဲ့ ပက်ဖျန်းပြီးတော့ ငြှိမ်းရမယ် . . . . .
ပထမအရွယ်မှာ ပညာရှာ ဆိုတဲ့အတိုင်း ငယ်ရွယ်စဉ် ပထမ အရွယ်မှာတော့ ပညာကို ကြိုးစားရှာ၊ ပညာကို ကြိုးစားသင်ရပါမယ်။ ပညာကတော့ တတ်လေကောင်းလေပါပဲ။ ဘုရားက ပညာနဲ့ အသက်မွေးတာဟာ အကောင်းဆုံးသော အသက်မွေးခြင်းလို့ မိန့်ပါတယ်။ ကိုယ့်ပညာနဲ့ကိုယ် ရိုးရိုး၊ အေးအေး၊ ရှင်းရှင်း အသက်မွေး ၀မ်းကျောင်းပြုတာ အကောင်းဆုံးပါပဲ။ ပညာမတတ်တော့ အသက်မွေးကြမ်းတယ်။ အသက်မွေးကြမ်းတယ်ဆိုတာ အောက်ခြေသိမ်း အလုပ်တွေကို ပင်ပင်ပန်းပန်း လုပ်ရတာ ရှိသလို ခွင်အလုပ်တွေ ရှာပြီးတော့ မဟုတ်မမှန်တာတွေ လုပ်ပြီး မိစ္ဆာဇီဝတွေနဲ့ အသက်မွေးရတာလည်း အသက်မွေး ကြမ်းတယ်လို့ ခေါ်ရပါတယ်။ ကိုယ့်ပညာလေးနဲ့ကိုယ် ပညာရှင်ဘ၀နဲ့ ရောင့်ရဲလို့၊ တင်းတိမ်လို့ အသက်မွေးရတာ စိတ်အချမ်းသာဆုံးပါပဲ။ ဘုရားကလည်း ရောင့်ရဲခြင်းသာ အမြတ်ဆုံးသော ဥစ္စာလို့ မိန့်ပါတယ်။ အဲဒီလို ပညာရှာ မထားရင်၊ ပညာမတတ်၊ ပညာမရှိရင် ကြီးတဲ့အခါ ဒုက္ခရောက် နောင်တရ စိတ်ပူပန် ရတတ်ပါတယ်။
ဒုတိယ အရွယ်မှာ ဥစ္စာရှာတဲ့။ ပညာရှာပြီးရင် ဥစ္စရှာရတယ်။ ရှာဖွေစုဆောင်း သူဌေးလောင်းဆိုတော့ ဥစ္စာက ရှာရုံနဲ့ မပြီးဘူး။ ရှာဖွေပြီးရင် စုဆောင်းတတ်ရပါတယ်။ ငွေကြေးဥစ္စာကို စနစ်တကျ စီမံခန့်ခွဲ တတ်ရပါတယ်။ စာမှာတော့ ရှာဖွေရရှိတဲ့ ပစ္စည်းဥစ္စာကို လေးပုံခွဲခြားပါ။ တစ်ပုံကို စားသုံးပါ။ နှစ်ပုံကို အရင်းအနှီးလုပ်ပါ။ ကျန်တစ်ပုံကိုတော့ အရေးပေါ် သုံးစွဲဖို့အတွက် ထားပါ။ လှူတာကတော့ စားသုံးတဲ့ အထဲက ခွဲလှူပါ။ လူ့လောကီ ဘုံဘ၀မှာ စီးပွားရေးဆိုတာ ပင်မလမ်းကြောင်းကြီးပါပဲ။ ကျန်တဲ့လူမှုရေး လမ်းကြောင်းဟူသမျှ စီးပွားရေး လမ်းမကြီးမှ ခွဲထွက်ရတာပဲ။ စီးပွားရေးကောင်းမှ ကျန်တဲ့လူမှုရေးတွေ ကောင်းပါတယ်။ ဥစ္စာမရှာ၊ ဥစ္စာမရှိလို့ စီးပွားမရှိရင် ဆင်းရဲမှာ သေချာပါတယ်။ အဲဒီအခါ နောင်တရ စိတ်ပူပန် ရပါလိမ့်မယ်။ သူ့ကို ချစ်ဖျက်ဆိုတာ ပိသုဏ၀ါစာ-ကုန်းချောတာ၊ သွေးခွဲတာ။ နှစ်ဦးကြားက ချစ်ခြင်းကို ဆိတ်သုဉ်းသွားအောင် လုပ်တာ။ ဒါဟာလည်း နောင်တရကြောင်း ပူပန်ကြောင်း တစ်ပါးပါပဲ။ သူတစ်ပါးကို ညှဉ်းပန်းခဲ့ရင်၊ နှိပ်စက်ခဲ့ရင်၊ သတ်ဖြတ်ခဲ့ရင် နောင်တစ်ချိန်ချိန်မှာ နောင်တရ၊ စိတ်ပူပန် ရပါလိမ့်မယ်။ အိမ်ထောင်ရေး စည်းဖောက် ကာမေသုမိစ္ဆာစာရအမှု ကျူးလွန်ခဲ့ရင် နောင်တစ်ချိန်ချိန်မှာ နောင်တရ၊ စိတ်ပူပန် ရပါလိမ့်မယ်။ ပစ္စည်းဥစ္စာ ပြည့်စုံပါလျက် စွန့်ကြဲမှု၊ ပေးကမ်းမှု၊ လှူဒါန်းမှု မပြုခဲ့ရင် နောင်တစ်ချိန်ချိန်မှာ နောင်တရ၊ စိတ်ပူပန် ရပါလိမ့်မယ်။ မိဘနှစ်ပါးအား ပြုစုစောင့်ရှောက်မှု မပြုခဲ့ရင် မိဘတွေ မရှိတော့တဲ့နောက်ပိုင်း နောင်တစ်ချိန်ချိန်မှာ နောင်တရ၊ စိတ်ပူပန် ရပါလိမ့်မယ်။
လူပညာရှိ၊ ရဟန်းပညာရှိ၊ သူတော်ကောင်း ပညာရှိတို့အား ဆည်းကပ်ခြင်း မပြု။ ပညာရှိ သူတော်ကောင်း စကားကို မနာကြား၊ နည်းခံမှတ်သားမှု မပြုခဲ့ရင် နောင်တစ်ချိန်ချိန်မှာ နောင်တရ၊ စိတ်ပူပန် ရပါလိမ့်မယ်။ ဘုရားရှင်၏ အဆုံးအမ တရားတော်ကို လိုက်နာကျင့်သုံးမှု မပြုဘဲ လောဘဒေါသနောက်လိုက် မှောက်မှောက်မှားမှား ပြုကျင့်မိခဲ့ရင် နောင်တစ်ချိန်ချိန်မှာ နောင်တရ၊ စိတ်ပူပန်ရပါလိမ့်မယ်။ မဂ္ဂဗြဟ္မစရိယခေါ် မဂ်ဖိုလ်နိဗ္ဗာန် ရရှိစေသော ၀ိပဿနာအလုပ် အားမထုတ်ဖြစ်ခဲ့ရင် နောင်တစ်ချိန်ချိန်မှာ နောင်တရ၊ စိတ်ပူပန် ရပါလိမ့်မယ်။ ဒီနောင်တ ၁၀ ပါးဟာ ဇနသန္ဒဇာတ်တော်မှာ ဘုရားလောင်း ဇနသန္ဒမင်းက တိုင်းသူပြည်သားတို့အား အေးချမ်းတဲ့ ဘ၀ဖြစ်ဖို့၊ အေးချမ်းတဲ့ တိုင်းပြည်ဖြစ်ဖို့ ဆုံးမစကား ပြောကြားတဲ့ သြ၀ါဒ တရားပါပဲ။
အငြိမ်းစား အရွယ်ဆိုတာ ကိုယ့်ကိုယ်ကိုယ် ငြိမ်းအောင်နေရမယ်။ ငြိမ်းဆိုတာလည်း ငြှိမ်းမှသာ ငြိမ်းမယ်။ ငြိမ်းမှအေးမယ်။ အေးအေးချမ်းချမ်း နေချင်ရင်တော့ ကိုယ့်မီးတွေ ကိုယ်ငြှိမ်းရမယ်။ မငြှိမ်းရင်တော့ မငြိမ်းဘူး။ မငြိမ်းရင်တော့ လောင်မယ်။ လောင်ရင်ပူမယ်။ ပူတယ်ဆိုတာ လောင်လို့ပါပဲ။ ပူလောင်ဆိုတဲ့အတိုင်း ပူရင်လောင်မယ်။ လောင်ရင်ပူမယ်။ ဘာတွေက လောင်တာလဲ။ လောဘ ဒေါသစတဲ့ ကိလေသာတွေက လောင်တာ။ နောင်တတရားတွေက လောင်တာ။ ဒီအပူ အလောင်တွေကို ၀ိပဿနာ ရေချမ်းနဲ့ ပက်ဖျန်းပြီးတော့ ငြှိမ်းရမယ်။ ငြှိမ်းမှသာ ငြိမ်းမယ်။ ငြိမ်းမှသာ အေးမယ်။ အငြိမ်းစား အရွယ်မှာ ကိုယ်ရောစိတ်ရော ငြိမ်းပါမှ ဘ၀အဓိပ္ပာယ် ရှိလိမ့်မယ်။ အငြိမ်းစားများ ကိုယ်ရောစိတ်ပါ ငြိမ်းကြပါစေ။

Eleven

အပြည့်အစုံသို့ »

ရတနာဆိုင်မှ စိန်ခိုးယူမှုဖြင့် တရုတ်နိုင်ငံသားနှစ်ဦးကို ဖမ်းဆီး



ပန်းဘဲတန်းမြို့နယ်၊ဗိုလ်ချုပ်ဈေးရှိ ရတနာဆိုင်မှ ကျပ်သိန်း ၂၀၀ တန် စိန်ထည်များခိုးယူသည့်
တရုတ်နိုင်ငံသားနှစ်ဦးကို ရန်ကုန်လေဆိပ်တွင် နိုဝင်ဘာလ ၂၂ ရက်နေ့က ဖမ်းဆီးခဲ့ကြောင်း
သိရသည်။

အဆိုပါနေ့ နံနက် ၁၁ နာရီအချိန်ခန့်တွင် ဒဂုံမြို့နယ်နေ ဆိုင်ရှင်အမျိုးသမီးသည် ဗိုလ်ချုပ်ဈေး တွင်
ဖွင့်လှစ်ထားသည့် ရတနာဆိုင်တွင်ရှိနေစဉ် သမီးများမှ ရတနာပစ္စည်းများခင်းနေစဉ် အသက် ၃၀
အရွယ်ခန့်အမျိုးသား နှစ်ဦးရောက်လာပြီး ဗူးအနီနှင့်ထည့်ထားသည့် နှစ်ရတီခန့်ရှိ ကျပ်သိန်း ၂၀၀
တန် စိန်အလွတ်နှစ်ပွင့်ကို ၀ယ်ယူရန် ဈေးမေးပြီးနောက် ထွက်သွားခဲ့ကြောင်း ဆိုသည်။

ခဏအကြာ စိန်အလွတ်နှစ်ပွင့်ပျောက်ဆုံး နေသည်ကိုသိရသဖြင့် အရေးယူပေးရန် တိုင်ကြား
ခဲ့သည်။ ပန်းဘဲတန်းမြို့မရဲစခန်းက (ပ)၃၈၁/၁၃ ပြစ်မှုပုဒ်မ ၃၈၀ အရ အမှုဖွင့်ကာ စခန်းမှူး ရဲအုပ်
အေးမြင့်နိုင်နှင့် ဒုရဲအုပ်ကောင်ဇော်မိုးအဖွဲ့ မင်္ဂလာဒုံလေဆိပ်သို့သွားရောက် ဖမ်းဆီးခဲ့ရာ တရုတ်နိုင်
ငံသား Mr. Luo xiao chun  နှင် Mr. Luo zhuan တို့နှစ်ဦးကို တွေ့ ၍ ဖမ်းဆီးစစ်ဆေးခဲ့သည်။

၎င်းတို့နှစ်ဦးက စိန်နှစ်ပွင့်ကို ပိုက်ဆံအိတ်အတွင်းမှ ထုတ်ပေးသဖြင့် အရေးယူထားကြောင်း
သိရသည်။

Credit: MM times

အပြည့်အစုံသို့ »

စင်​ကာ​ပူ ​စာ​တိုက်​တွေ​က​နေ​တ​ဆင့် ​မြန်​မာ​နိုင်​ငံ​ကို ​ငွေ​လွှဲ ​ရ​ပြီ



စင်​ကာ​ပူ ​စာ​တိုက်​တွေ​က​နေ ​တ​ဆင့် ​မြန်​မာ​နိုင်​ငံ​ကို ​ငွေ​ပို့​ငွေ​လွှဲ ၀န်​ဆောင်​မှု​တွေ ​ပေး​သွား​မှာ ​ဖြစ်​တယ်​လို့ ​စင်​ကာ​ပူ ​စာ​တိုက် ​ထုတ်​ပြန်​ချက်​မှာ ​ဖော်​ပြ​ထား​ပါ​တယ်။

က​မ္ဘာ​မှာ ​ပ​ထ​မ​ဆုံး​အ​ဖြစ် ​စာ​တိုက်​က​နေ​တ​ဆင့် ​ငွေ​လွှဲ​ပို့​မယ့် ၀န်​ဆောင်​မှု​ကို ​မြန်​မာ​ကို ​ပေး​သွား​မှာ​လို့ ​နိုဝင်​ဘာ​လ ၂၇ ​ရက်​နေ့​က ​စ​ကာင်္​ပူ​စာ​တိုက်​က ​ထုတ်​ပြန်​ချက်​မှာ ​ကြေ​ညာ​ပါ​တယ်။

မြန်​မာ​နိုင်​ငံ​က ​အာ​ရှ ​စိမ်း​လန်း​ရေး​ဘဏ်၊ ​စီ​ဘီ​ဘဏ်၊ ​က​မ္ဘော​ဇ​ဘဏ်၊ ​ထွန်း​ဖောင်​ဒေး​ရှင်း​ဘဏ်​တို့​နဲ့ ​ပူး​ပေါင်း​လုပ်​ဆောင်​တာ ​ဖြစ်​တယ်​လို့​လည်း ​ပြော​ပါ​တယ်။

ငွေ​ပို့​ငွေ​လွှဲ​လုပ်​တာ​အ​ပြင် ​ပေး​ပို့​သူ​တွေ​က ​လ​စာ​ကို ​စု​ဆောင်း​ငွေ​တွေ​အ​ဖြစ် ​အိမ်​ကို ​ပေး​ပို့​နိုင်​သ​လို ​မြန်​မာ​က ​ဘဏ်​တွေ​က ​အ​တိုး​ပေး​သွား​မယ်​လို့​လည်း ​ဆို​ပါ​တယ်။

စင်​ကာ​ပူ​မှာ ​မြန်​မာ​နိုင်​ငံ​သား ၁ ​သိန်း​ခွဲ​က​နေ ၂ ​သိန်း​ရှိ​တယ်​လုိ့​လည်း ​ထုတ်​ပြန်​ချက်​က ​ဖော်​ပြ​ထား​ပါ​တယ်။

By ​ဒီ​ဗွီ​ဘီ

အပြည့်အစုံသို့ »