အမေရိကန်ဒေါ်လာ ၁၄ သန်းမြှုပ်နှံကာ မြန်မာ-ကိုရီးယား ဖက်စပ်ဆေးရောင်စုံ အမိုးပြားစက်ရုံမှ ထုတ်ကုန်များကို ၂၀၁၄ ခုနှစ်အတွင်း ဈေးကွက်စတင် ဖြန့်ဖြူးမည်


Myanmar Posco Steel ကုမ္ပဏီမှ လက်ရှိဈေးကွက်အတွင်း ရောင်းချနေသည့် သွပ်ပြားထုတ်လုပ် နေမှုအား တွေ့ရစဉ် (ဓာတ်ပုံ-အောင်မြတ်ကို)
မင်္ဂလာဒုံမြို့နယ်၊ ပျဉ်းမပင် စက်မှုဇုန်အတွင်း၌ မြန်မာနှင့် ကိုရီးယား ကုမ္ပဏီတို့မှ အမေရိကန်ဒေါ်လာ ၁၄ သန်း မြှုပ်နှံကာ ဖက်စပ်လုပ်ကိုင်နေသည့် ဆေးရောင်စုံ အမိုးပြားစက်ရုံ တည်ဆောက်ခြင်း လုပ်ငန်းများ အပြီးသတ်ပါက ထုတ်ကုန်များကို ၂၀၁၄ ခုနှစ်အတွင်း စတင်ဖြန့်ဖြူးမည်ဖြစ်ကြောင်း တာဝန်ရှိသူများထံမှ သိရသည်။

ယင်းကဲ့သို့ စက်ရုံတည်ဆောက်၍ ထုတ်ကုန်ဖြန့်ဖြူး ရောင်းချခြင်း လုပ်ငန်းလုပ်ကိုင်ရန် မြန်မာနိုင်ငံ ရင်းနှီးမြှုပ်နှံမှု ကော်မရှင်က ၂၀၁၃ ခုနှစ်၊ သြဂုတ်လ အတွင်း၌ ချထားပေးခဲ့ခြင်းဖြစ်ကာ နိုင်ငံခြား ရင်းနှီးမြှုပ်နှံမှု ဥပဒေအရ လုပ်ကိုင်မည်ဖြစ်ကာ မြန်မာနိုင်ငံ၊ မြန်မာ့စီးပွားရေး ဦးပိုင်လီမိတက်မှ ရှယ်ယာ ရာခိုင်နှုန်း ၇၀ နှင့် ကိုရီးယားနိုင်ငံ၊ Posco Coated & Color Steel ကုမ္ပဏီမှ ရှယ်ယာရာခိုင်နှုန်း ၃၀ ပိုင်ဆိုင်ကြောင်း သိရသည်။

ထုတ်ကုန်များအား ရန်ကုန်၊ နေပြည်တော်နှင့် မန္တလေး ဈေးကွက်များသို့ ဖြန့်ဖြူးရောင်းချမည်ဖြစ်ပြီး နောက်ပိုင်းတွင် အိမ်နီးချင်း နိုင်ငံများဖြစ်သည့် ထိုင်း၊ လာအိုနှင့် အင်ဒိုနီးရှားနိုင်ငံ ဈေးကွက်သို့ တင်ပို့မည်ဖြစ်ရာ ပြည်ပသို့ တင်ပို့ရာတွင် စုစုပေါင်း ထုတ်လုပ်မှု၏ ရာခိုင်နှုန်း ၄၀ နီးပါး တင်ပို့ရန် လျာထားကြောင်း Posco C&C ၏ ဒုတိယဥက္ကဋ္ဌဖြစ်သူ Mr. Choi, Sung-Hwan က ပြောပြသည်။

ယခုအခါ ပစ္စည်းထုတ်လုပ်ရန်အတွက် စက်ရုံတည်ဆောက်ခြင်း လုပ်ငန်းများ လုပ်ကိုင်လျက်ရှိပြီး စမ်းသပ်ထုတ်လုပ်ခြင်းကာလ အပါအ၀င် ၁၃ လအတွင်း အပြီးသတ်မည်ဟု လုပ်ငန်းအကြောင်း ရှင်းလင်းပွဲတွင် ပြောကြားခဲ့ပြီး ၂၀၁၄ ခုနှစ် အောက်တိုဘာလကုန်တွင် ပစ္စည်းဖြန့်ဖြူး ရောင်းချခြင်း လုပ်ငန်းများကို ပြုလုပ်သွားမည်ဟု သိရသည်။


eleven media group

အပြည့်အစုံသို့ »

ဒီမိုကရေစီ ဘောင်ထဲက ထိုင်းနဲ့မြန်မာ


ထိုင်းလွှတ်တော်ကို ဖျက်သိမ်းပြီး ရွေးကောက်ပွဲသစ်ကို ကျင်းပဖို့ ဖြစ်လာစေတဲ့ ဘန်ကောက်ဆန္ဒပြပွဲ (ဓာတ်ပုံ – Reuters)
မြန်မာနိုင်ငံမှာ ၂ဝ၁၅ ဆိုရင် နောက်ထပ် အထွေထွေရွေးကောက်ပွဲတခု ကျင်းပမှာဆိုတော့ အခုကနေ လက်ချိုးရေတွက်ရင် သိပ်မလိုတော့ပါဘူး။ အခုအချိန်မှာ ရွေးကောက်ပွဲအကြောင်းကို ပြောတော့ စောနေသေးတယ်လို့ တချို့က ထင်ကောင်း ထင်ပါလိမ့်မယ်။ တကယ်တန်းက အကြမ်းဖျဉ်းတွက်မယ်ဆိုရင် တနှစ်နဲ့ဆယ်လ လောက်သာလိုပါတော့ တယ်။ နိုင်ငံရေး ပါတီတိုင်းဟာ ရွေးကောက်ပွဲမှာ အနိုင်ရလိုတာ သဘာဝပဲ ဖြစ်ပါတယ်။ ဒါနဲ့ ပတ်သက်လို့ အငြင်း မပွားလိုပါ။ သို့သော်လည်း ရွေးကောက်ပွဲမှာ အနိုင်ရရှိဖို့ ခြိမ်းခြောက်တာ လိမ်တာညစ်တာမျိုး မပြုလုပ်ဘဲ ရိုးရိုးသားသား ပြိုင်ဆိုင်ကြဖို့တော့ လိုပါတယ်။

ဥပမာအားဖြင့် ဘာသာရေး လူမျိုးရေး ကိစ္စတွေကို ခုတုံးလုပ်ပြီး မဲနိုင်အောင် လုပ်တာမျိုး၊ မတရားတဲ့နည်းလမ်းတွေကို အသုံးပြုပြီး မဲဆွယ်တာ မဲဝယ်တာ မဲခိုးတာမျိုးတွေကိုလည်း ရှောင်ရှားရပါလိမ့်မယ်။ နောက်တချက်ကတော့ အတိတ် ကာလတုန်းက မတရားသဖြင့် ပြဌာန်းထားတဲ့ ဥပဒေတွေကို အကာအကွယ်ယူပြီး အသာစီးရအောင် လုပ်တာမျိုးတွေ လည်း မရှိသင့်ပါဘူး။ ရွေးကောက်ပွဲဆိုတာ အမှန်တကယ်လွတ်လပ်ပြီး တရားမျှတတဲ့ ရွေးကောက်ပွဲမျိုးသာ ဖြစ်သင့်ပါ တယ်။ ရွေးကောက်ပွဲဟာ လွတ်လပ်မှုလည်းမရှိ တရားမျှတခြင်းလည်း မရှိဘူးဆိုရင် သဘောထား ကွဲလွဲမှုတွေနဲ့အတူ လူ့အဖွဲ့အစည်း အတွင်းက ငြိမ်းချမ်းမှုကို ပျက်ပြားစေပါတယ်။ ငြိမ်းချမ်းမှု ပျက်ပြားရင် နောက်ဆက်တွဲအဖြစ် ဖွံ့ဖြိုး တိုးတက်မှုကို အဟန့်အတား ဖြစ်စေပါတယ်။

ရွေးကောက်ပွဲ ကိစ္စတွေနဲ့ ပတ်သက်လို့ အိမ်နီးချင်း ထိုင်းနိုင်ငံမှာ မကြာသေးခင် နှစ်အတွင်းက ဖြစ်ခဲ့တာလေးတွေကို ပြောလိုပါတယ်။ ၂ဝ၁၁ ခုနှစ် ဇူလိုင်လထဲတုန်းက ထိုင်းနိုင်ငံမှာ ရွေးကောက်ပွဲတခု ကျင်းပပြုလုပ် သွားခဲ့ပါတယ်။ ရွေးကောက် ပွဲမှာ အပြတ်အသတ်နဲ့ မဲအနိုင်ရရှိသွားတဲ့ ပါတီကတော့ ရှပ်နီတွေလို့ လူသိများတဲ့ “ဖုဝထိုင်း” ဆိုတဲ့ ပါတီ ဖြစ်ပါတယ်။ အဆိုပါ ရွေးကောက်ပွဲ မတိုင်မီ အစိုးရအဖြစ် တာဝန်ထမ်းဆောင်ခဲ့တဲ့ ရှပ်ဝါတွေလို့ လူသိများတဲ့ “ဒီမိုကရက်ပါတီ” ကတော့ အတိုက်ခံပါတီ ဖြစ်သွားခဲ့ပါတယ်။ ဖုဝထိုင်းပါတီကနေ ဝန်ကြီးချုပ်အသစ် ဖြစ်လာသူကတော့ ယဉ်လတ်ရှီနာဝတ် လို့ ခေါ်တဲ အမျိုးသမီး ခေါင်းဆောင်တဦးဖြစ်ပါတယ်။ သူဟာ ထိုင်းစစ်တပ်က အာဏာသိမ်းလို့ ၂ဝဝ၆ ခုနှစ်မှာ ဖြုတ်ချခံလိုက်ရတဲ့ ဝန်ကြီးချုပ်ဟောင်း တပ်ဆင်ရှီနာဝတ်ရဲ့ ညီမအငယ်ဆုံးလည်း ဖြစ်ပါတယ်။ ယဉ်လတ်ဟာ ဝန်ကြီးချုပ်တာဝန်ကို စတင်ထမ်းဆောင်စဉ်မှာ အသက်အရွယ်အားဖြင့် ၄၄ နှစ်သာ ရှိပါသေးတယ်။ နိုင်ငံရေး အတွေ့ အကြုံလည်း အတော်ကလေး နည်းပါးသူလို့ ဆိုနိုင်ပါတယ်။

ဒီမိုကရက်ပါတီနဲ့ ဖုဝထိုင်းပါတီတို့ဟာ ပြိုင်ဖက်တွေ ဖြစ်ပါတယ်။ ၂ဝ၁၁ ခုနှစ် ထိုင်းနိုင်ငံရဲ့ ရွေးကောက်ပွဲအကြို ကာလ အတောအတွင်းမှာ အကြမ်းဖက်မှု အနည်းငယ်သာ ရှိခဲ့ပြီး ဟိုယခင်တုန်းက ရွေးကောက်ပွဲများနဲ့ နှိုင်းစာမယ်ဆိုရင် ငြိမ်းငြိမ်းချမ်းချမ်းနဲ့ ကျင်းပနိုင်ခဲ့တယ်လို့ ပြောလို့ရပါတယ်။ အထူးသဖြင့် သတင်းမီဒီယာလောကဟာ ရွေးကောက်ပွဲ သတင်းများကို အနှောင့်အယှက်မရှိ လွတ်လွတ်လပ်လပ် အချိန်နဲ့တပြေးညီ ထိုင်းပြည်သူတွေဆီ တင်ပြနိုင်ခဲ့တာဟာ လည်း တိုးတက်မှု အသစ်တရပ်အဖြစ် မြင်နိုင်ပါတယ်။ မီဒီယာတွေက နိုင်ငံရေး ပါတီတခုခုကို ဘက်လိုက်ပြီး သတင်း တင်ဆက်တာမျိုးတွေ အတော်လေးကင်းစင် ခဲ့တာကလည်း ချီးမွမ်းစရာပါ။

နောက်တချက်ကတော့ အာဏာသိမ်းခဲ့တဲ့ ထိုင်းစစ်တပ် ကိုယ်တိုင်က ဒီရွေးကောက်ပွဲမှာ ဘက်လိုက်မှု မရှိဘဲ ကြားနေ အဖွဲ့အစည်း အဖြစ် ရပ်တည်ပေးခဲ့တာကလည်း အများသာဓု ခေါ်စရာ ဖြစ်ပါတယ်။ တချိန်ထဲမှာလည်း ထိုင်းပြည်သူ တွေဟာ အကြောက်တရား ကင်းကင်း လွတ်လွတ်လပ်လပ်နဲ့ သူတို့ရွေးချယ်လိုတဲ့ နိုင်ငံရေးပါတီများ အမတ်လောင်းများ ကို သူတို့ရဲ့ မဲဆန္ဒနဲ့ ရွေးချယ်ခဲ့ကြတာကလည်း အားရစရာလို့ ဆိုနိုင်ပါတယ်။ တချို့အစွန်အဖျားကျတဲ့ နယ်တွေမှာ မဲဝယ်မဲရောင်းတဲ့ ပြဿနာမျိုး ရှိခဲ့ပေမယ့် ဟိုအတိတ်ကာလ တုန်းက ရွေးကောက်ပွဲများမှာလို ပြောင်ကျကျ မဲဝယ်တာမျိုး အတော်ကြီး နည်းသွားတာကိုလည်း တွေ့ရပါတယ်။

အရင်တပတ်က အာဏာရခဲ့တဲ့ ဒီမိုကရက်အစိုးရရဲ့ ဝန်ကြီးချုပ်ဖြစ်ခဲ့သူ အဘီဆစ်က သူတို့ပါတီ ရှုံးနိမ့်ပြီး ဖုဝထိုင်းပါတီ နိုင်သွားတယ် ဆိုတာကို သိတာနဲ့ တပြိုင်နက်ထဲ အစိုးရသစ်ရဲ့ ဝန်ကြီးချုပ်လောင်းဖြစ်သူ ယဉ်လတ်ကို တယ်လီဖုန်း ဆက်ပြီး လူသိရှင်ကြား ဂုဏ်ပြုစကား ပြောကြားခဲ့ပါတယ်။ တဖက်ကရှုံးလို့ နိုင်တဲ့ဖက်ကို အပုတ်ချတဲ့ အသရေဖျက်တဲ့ စကားမျိုး မပြောဆိုဘဲ ချီးကျူးဂုဏ်ပြု စကားပြောကြားတယ် ဆိုတာ အားလုံးအတွက် မင်္ဂလာရှိတဲ့ အခြေအနေလို့လည်း ဆိုနိုင်ပါတယ်။ ဒါကလည်း ၂ဝ၁၁ ခုနှစ်မှာ ကျင်းပခဲ့တဲ့ ရွေးကောက်ပွဲဟာ လွတ်လပ်ပြီး တရားမျှတယ်ဆိုတဲ့ အခြေအနေ ကြောင့် ပေါ်ပေါက်လာရတဲ့ အကျိုးဆက်လို့လည်း ဆိုနိုင်ပါတယ်။ တကယ်လို့ ရွေးကောက်ပွဲဟာ လွတ်လပ်မှုမရှိဘူး၊ မဲဆန္ဒရှင် ပြည်သူတွေဟာ တဖက်ဖက်ကို ကြောက်နေရတယ်၊ မဲခိုးမယ် မဲလိမ်မယ်၊ မဲဝယ်မယ် ဆိုတာမျိုးတွေ နိုင်ငံနဲ့ အဝှမ်း ဖြစ်ခဲ့တယ်ဆိုရင် ပြိုင်ဖက် နိုင်ငံရေးပါတီတွေဟာ တဦးနဲ့တဦး မခေါ်မပြောနိုင်ဘဲ ရန်လိုတဲ့ စကားများသာ ကြားရမှာ ဖြစ်ပါတယ်။ ဒီလိုသာ ဖြစ်ခဲ့ရင် ရွေးကောက်ပွဲဟာ လိမ်စဉ်ကြီးတခုလို ဖြစ်သွားပြီး ရွေးကောက်ပွဲ ကျင်းပတာသာ အဖတ်တင်ပါလိမ့်မယ်။ အဲတာကြောင့် နိုင်ငံသားတွေ အတွက်လည်း အကျိုးရှိမှာ မဟုတ်ပါဘူး။

နောက်တချက်ကတော့ ယဉ်လတ်ဦးဆောင်တဲ့ ဖုဝထိုင်းပါတီဟာ ဘာကြောင့် အလုံးအရင်းနဲ့ နိုင်သွားတာလည်း ဆိုတာ ကို လေ့လာ့သင့်ပါတယ်။ နောက်ကြောင်းကို နည်းနည်းပြန်ပြောရရင် ဒီမိုကရက်ပါတီဟာ ဟိုတုန်းကထဲက အောက်ခြေ ပြည်သူ လူထုနဲ့ ထိတွေ့မှု နည်းပါးပါတယ်။ အထူးသဖြင့် တောနယ်လူတန်းစားတွေနဲ့ ဝေးကွာနေပြီး မြို့ပေါ် လူလတ် တန်းစား ပညာတတ်များ အကြားမှာသာ ရေပန်းစားပါတယ်။ ဖုဝထိုင်း ပါတီကတော့ ယဉ်လတ်ရဲ့အကိုဖြစ်သူ တပ်ဆင် လက်ထက်တုန်းက “ထိုင်းရပ်ထိုင်းပါတီ” အမည်နဲ့ ရပ်တည်ခဲ့တာ ဖြစ်ပြီး နောက်ပိုင်းမှာ ဖုဝထိုင်းပါတီအဖြစ် အမည် ပြောင်းခဲ့တာ ဖြစ်ပါတယ်။

ပြောရမယ်ဆိုရင် တပ်ဆင်ဝန်ကြီးချုပ်အဖြစ် အစိုးရကို ဦးဆောင်နေတဲ့ လက်ထက်တုန်းက သူတို့လည်း ခြောက်ပစ်ကင်း သဲလဲစင်အစိုးရမျိုးတော့ မဟုတ်ပါဘူး။ သို့သော်လည်း တပ်ဆင်ဟာ သူ့ရဲ့ အကျိုးစီးပွားကို ကြည့်သလို တချိန်ထဲမှာလည်း တောနယ်တွေမှာ ကုန်ထုပ်လုပ်ငန်းတွေ တိုးတက်အောင် ဆောင်ရွက်ပေးခဲ့ဘူးပါတယ်။ သက်ဆိုင်ရာ နယ်မြေဒေသတခု ချင်းစီရဲ့ မတူကွဲပြားတဲ့ ထုတ်ကုန်တွေ ဈေးကွက်မှာ သွက်သွက်ရောင်းနိုင်အောင် ဆောင်ရွက်ပေးခဲ့တာ ဖြစ်ပါတယ်။

မြေသိမ်းတာတွေ ယာသိမ်းတာတွေ တောင်ဖြိုတာတွေ မလုပ်ခဲ့ပါဘူး။ အဲတာအပြင် ထိုင်းပြည်သူတွေ ကျန်းမာရေး အတွက် ဆေးရုံတခါပြ ဘတ် ၃ဝ (မြန်မာကျပ်ငွေ ၉ဝဝ ခန့်) စီမံကိန်းဟာလည်း လူကြိုက်များ ထောက်ခံခဲ့တဲ့ ကိစ္စ ဖြစ်ပါ တယ်။ အဲဒီအကျိုးဆက်ကို ညီမဖြစ်သူ ယဉ်လတ် လက်ထက်မှာ ဆက်လက်ခံစား ရတယ်လို့ ဆိုရင်လည်း မမှားပါဘူး။

နောက်ထပ်တချက်ကတော့ ရှပ်နီတွေ အတိုက်ခံဘဝက ဘန်ကောက်မြို့က လမ်းတွေပေါ်မှာ အကြီးအကျယ် ဆန္ဒပြ နေတုန်း အာဏာရ ဒီမိုကရက်အစိုးရက စစ်တပ်ကို အသုံးပြုပြီး နှိမ်နင်းခဲ့ပါတယ်။ ၂ဝ၁ဝ မေလအတွင်းမှာ ဖြစ်ခဲ့တာပါ။ အဲသလို အင်အားသုံး နှိမ်နင်းတဲ့အတွက် လူပေါင်း ၉ဝ ခန့် သေဆုံးခဲ့ရပြီး လူပေါင်း ၂ဝဝဝ နီးပါး ဒဏ်ရာရရှိခဲ့တယ်လို့ ဆိုပါတယ်။ ၂ဝ၁၁ ရွေးကောက်ပွဲမှာ ဒီမိုကရက်ပါတီ မဲအရနည်းတာ အဲဒီ အချက်ကြောင့်လည်း ပါတယ်လို့ ပြောနိုင်ပါ တယ်။ အဲတာအပြင် ၂ဝဝ၆ ခုနှစ်တုန်းက တပ်ဆင်ဦးဆောင်တဲ့ အရပ်သား အစိုးရကို စစ်တပ်က အာဏာသိမ်းပြီး ဖြုတ်ချ လိုက်တာကို ထိုင်းနိုင်ငံသား အတော်များများက နောက်ပိုင်းမှာ လက်မခံပါဘူး။ ဆိုလိုတာကတော့ လူထုမဲဆန္ဒနဲ့ တက်လာတဲ့ အရပ်သား အစိုးရကို စစ်တပ်က အာဏာသိမ်း ဖြုတ်ချတယ်ဆိုတာ ဒီမိုကရေစီကို ထိပါးခြင်းလို့ ယူဆတဲ့ အတွက်ဖြစ်ပါတယ်။

တဖက်မှာလည်း ပြန်ကြည့်မယ်ဆိုရင် ထိုင်းနိုင်ငံဟာ စီးပွားရေးတိုးတက်လာပြီး မြို့ပြယဉ်ကျေးမှု တိုးမြင့်လာနေပေမယ့် ကနေ့ကာလအထိ ကျေးလက်အခြေခံ လူဦးရေက အတော်များများ ရှိနေပါသေးတယ်။ အဲတာကြောင့် ယဉ်လတ်ရဲ့ ဖုဝထိုင်းပါတီက ကျေးလက်က လူထုတွေအတွက် ကောင်းကျိုးကို ပိုလို့ဆောင်ရွက်ပေးမယ်လို့ ရွေးကောက်ပွဲအကြို မဲဆွယ်ကာလတွေမှာ ကတိကဝတ်တွေ ပေးခဲ့ပါတယ်။ အခုလက်ရှိ ကာလမှာလည်း ထိုင်းနိုင်ငံမှာ ကုန်ဈေးနှုန်းတွေက မြင့်တက်လာနေပါတယ်။ ဒါကြောင့် နိုင်ငံသားအားလုံးရဲ့ သက်သာချောင်ချိမှုကိုလည်း ဦးစားပေး ဆောင်ရွက်မယ်လို့ ဖုဝထိုင်းပါတီက ကြွေးကျော်ခဲ့ပါတယ်။ အဲဒီအထဲမှာ ဖုဝထိုင်းပါတီက တောင်သူလယ်သမားတွေနဲ့ ပတ်သက်လို့ ပေါ်လစီတခုကို ချမှတ်ပါတယ်။

အဲဒီပေါ်လစီကတော့ သူတို့သာ အာဏာရလာခဲ့ရင် ထိုင်းဆန် အကောင်းစား တတန်ရဲ့ တန်ဖိုးကို ဘတ်နှစ်သောင်း၊ ပုံမှန်ဆန် တတန်ရဲ့ တန်ဖိုးဆိုရင် ဘတ်တသောင်းငါးထောင် အထိ ဈေးရစေရမယ်လို့ ဖုဝထိုင်း ပါတီက အတိအလင်း အာမခံ ပြောကြား ထားခဲ့ပါတယ်။ အရင်တုန်းက လယ်သမားတွေ စိုက်ပျိုးလို့ ထွက်လာတဲ့ ဆန်စပါးတွေအပေါ်မှာ စပါးကြိတ်ခွဲတဲ့ စက်ရုံပိုင်ရှင်တွေ၊ ကုန်သည်ပွဲစားတွေက ကြားကနေ ခေါင်းပုံဖြတ်တဲ့အတွက် လယ်သမားတွေဟာ စပါးစိုက်ပျိုးခြင်းကနေ အမြတ်အစွန်း ရတယ်ဆိုပေမယ့် ရသင့် သလောက် အမြတ်ကို မရရှိခဲ့ပါဘူး။ ဒါကြောင့် ဖုဝထိုင်းပါတီက အာမခံပြီး လယ်သမားတွေအတွက် နောင်မှာ စပါးဈေး တန်ရာတန်ကြေး ရစေရမယ်လို့ အာမခံခဲ့တာ ဖြစ်ပါတယ်။ ဒီလိုအချက် တွေကလည်း ဖုဝထိုင်းပါတီ မဲပိုရစေဖို့ အကြောင်း အရင်း များထဲက တချက်လို့ ဆိုနိုင်ပါတယ်။

ပြန်ချုပ်ရမယ်ဆိုရင် ထိုင်းပြည်သူတွေရဲ့ ဒီမိုကရေစီ တောင်းဆိုသံဟာ မြင့်မားတယ် ဆိုတာကို မြင်နိုင်သလို တိုင်းပြည်မှာ ဖြစ်နေတဲ့ နိုင်ငံရေးပြဿနာ တွေကို အေးအေးချမ်းချမ်းနဲ့ ဒီမိုကရေစီဘောင်ထဲက ဖြေရှင်းလိုတယ်ဆိုတဲ့ ဆန္ဒကို ပြီးခဲ့တဲ့ ၂ဝ၁၁ ရွေးကောက်ပွဲကနေ တဆင့် မြင်နိုင်ပါတယ်။ မြန်မာပြည်မှာ ၂ဝ၁၅ ရွေးကောက်ပွဲ မတိုင်မီ အခုလက်ရှိ ရင်ဆိုင် နေတဲ့ ပြဿနာကတော့ ဖွဲ့စည်းပုံအခြေခံ ဥပဒေပြင်ဆင်ရေး ကိစ္စဖြစ်ပါတယ်။ ဖွဲ့စည်းပုံအခြေခံဥပဒေထဲက အချက်အလက် အတော်များများဟာ မတရားတဲ့ ပြဌာန်းချက်တွေ ဖြစ်နေတယ်လို့ ထောက်ပြတာတွေကိုလည်း ကြားသိနေရပါတယ်။

တဖက်မှာလည်း ဖွဲ့စည်းပုံကို ပြင်ဆင်ဖို့ ဆန္ဒမရှိတဲ့ အဖွဲ့အစည်းတွေ လူပုဂ္ဂိုလ်တွေ ရှိနေတာကိုလည်း မြင်ရပြန်ပါတယ်။ အကယ်၍ ဖွဲ့စည်းပုံအခြေခံဥပဒေ ပြင်ဆင်ဖို့အတွက် သဘောထားကွဲလွဲကြလို့ ဆန္ဒပြပွဲတွေ တောင်းဆိုပွဲတွေ ဖြစ်ပေါ်လာခဲ့မယ်ဆိုရင် လက်ရှိ အာဏာရအစိုးရ အနေနဲ့ ဘယ်လို ဖြေရှင်းမလဲ ဆိုတာကလည်း စောင့်ကြည့်ရဦးမှာပါ။ အခုမြန်မာနိုင်ငံမှာ ဖြစ်ပေါ်နေတဲ့ ကိစ္စအဝဝ၊ ပြဿနာ အထွေထွေတွေကို အင်အားသုံး ဖြေရှင်းခြင်း မပြုဘဲ၊ ဒီမိုကရေစီ ဘောင်ထဲကနေ ငြိမ်းငြိမ်းချမ်းချမ်း ဖြေရှင်းကြမယ်ဆိုရင် မြန်မာနိုင်ငံသားတွေ တိုးတက်ဖွံ့ဖြိုးလာဖို့ အုတ်မြစ်ကောင်း ချပေး သလို ဖြစ်လိမ့်မယ်ဆိုတာကို ပြောလိုပါကြောင်း။

(စာရေးသူသည် ၁၉၈၈ ခုနှစ် ဒီမိုကရေစီရေး အုံကြွမှုအပြီး မန္တလေးမြို့မှ ထိုင်း-မြန်မာ နယ်စပ်သို့ ထွက်လာပြီး ကျောင်းသားတပ်မတော်၊ လူ့ဘောင်သစ်ဒီမိုကရက်တစ်ပါတီတို့တွင် တာဝန်ထမ်းဆောင်ခဲ့သည်။ ယခုအခါ ဘန်ကောက်မြို့တွင်နေထိုင်လျက်ရှိပြီး နိုင်ငံရေး၊ စီးပွားရေး၊ လူမှုရေးဆိုင်ရာ သုံးသပ်ဝေဖန်ချက် ဆောင်းပါးများကို ကိုယ်ပိုင်ဘလော့ဂ် “ရွက်မွန်”တွင် ပုံမှန်ရေးသားနေသည်။)

ဧရာဝတီ သတင်း Myanmar News

အပြည့်အစုံသို့ »

ဆင်းရဲခြင်း၏ အတိတ်အကြောင်း(၃)ပါး


ဗုဒ္ဓဒေသနာများ၏ ညွှန်ပြချက်အရ ဆင်းရဲမွဲတေခြင်း၏ အတိတ်အကြောင်း သုံးပါးကို တွေ့ရှိရသည်။ ယင်းတို့မှာ . . .

(၁) ဒါနမပြုခဲ့သောကြောင့် ဆင်းရဲမွဲတေခြင်း။

(၂) သူတစ်ပါး၏ဥစ္စာကို လိမ်လည် လှည့်ဖြားခိုးယူခဲ့သောကြောင့်
ဆင်းရဲမွဲတေခြင်း။

(၃) ဣဿာမစ္ဆရိယ များခဲ့သောကြောင့် ဆင်းရဲမွဲတေခြင်း တို့ ဖြစ်ပေသည်။

ထိုသုံးမျိုးတွင် ...

(၁) ဒါနမပြုခဲ့သောကြောင့် ဆင်းရဲမွဲတေခြင်း။

ဒါနမပြုခဲ့သောကြောင့် ဆင်းရဲမွဲတေရသူများသည် လုံလ၀ီရိယဖြင့် ရှာဖွေခဲ့လျှင် စားနိုင်သောက်နိုင် ဘ၀သို့ ရောက်သေးသည်။သနားတတ်သော သူတစ်ပါး၏
အကူအညီကိုလည်း အနည်းငယ်ရနိုင်သေးသည်။

(၂) သူတစ်ပါး၏ဥစ္စာကို လိမ်လည်လှည့်ဖြား ခိုးယူခဲ့သောကြောင့် ဆင်းရဲမွဲတေခြင်း။

သူ့ဥစ္စာခိုး၍ ဆင်းရဲမွဲတေသူများကား ရှာဖွေလို့လည်း မလွယ်ကူ။ အစစအဆင်ပြေ၍ ရှာဖွေရခဲ့သော်လည်း မီး မင်း သူခိုး ရေ အမွေခံဆိုး ဟူသော ရန်သူမျိုးငါးပါး၏ ဖျက်ဆီးခြင်းကို မကြာခဏခံရ သဖြင့် ဘယ်သောအခါမှ နာလန်မထူပေ။

(၃) ဣဿာမစ္ဆရိယ များခဲ့သောကြောင့် ဆင်းရဲမွဲတေခြင်း။

ဣဿာမစ္ဆရိယကြောင့် ဆင်းရဲမွဲတေသူများကား ထိုထက်ဆိုးပါသေး၏။
ရှာဖွေလို့ ဘယ်လိုမှမရသည့်အပြင် လူတိုင်းကို သနားညှာတာပြီး ကူညီ တတ်သောသူများပင် ဣဿာမစ္ဆရိယသမားမျာ နှင့်တွေ့လျှင် ကူညီလိုစိတ် ၊ သနားညှာတာ စိတ်များ အလိုလို ကုန်ခန်းသွားတတ်သည်မှာ အံ့သြစရာကောင်း လှပါ၏။

ထိုအကြောင်းကို ဗုဒ္ဓက "သံယုတ်ပါဋ္ဌိတော် မစ္ဆရီသုတ်" ၌ အပြည့်အစုံဟောပြ ထားသည်။

- အရှင်ဇ၀န (မေတ္တာရှင်-ရွှေပြည်သာ)

(စိတ်ကူးပျော်ရာ)


အပြည့်အစုံသို့ »

ကမ္ဘာ့အလှဆုံးအယောက်၁ဝဝ စာရင်းမှာ ရွေးချယ်ခံရတဲ့ ခင်ဝင့်ဝါ


ခင်ဝင့်ဝါအနေနဲ့ သူ့ရဲ့ တတိယ မြောက်ကြော်ငြာဖြစ်တဲ့ ဟက်နီးလ် ခေါင်းလျှော်ရည်ကြော်ငြာကို ဒါရိုက် တာအောင်ကိုလတ်၊ ဓာတ်ပုံမိုးမင်း(Ray) တို့နဲ့အတူ ရိုက်ကူးခဲ့ ပါတယ်။

ခင်ဝင့်ဝါ အနေနဲ့ ပထမ ကြော်ငြာအဖြစ် ဆေး ကြော်ငြာ၊ ဒုတိယကြော်ငြာ အဖြစ် အင်္ကျီ ကြော်ငြာတွေကို ရိုက်ကူးခဲ့ပြီးလည်း ဖြစ်ပါ တယ်။ ကြော်ငြာ အပြင် သရုပ် ဆောင်ပိုင်းမှာလည်း ဒါရိုက်တာ ကြည် ဖြူသျှင်နဲ့ ‘နတ်သမီးနဲ့ကျွန်တော်’ ဇာတ် ကားကို ကောင်းပြည့်နဲ့ အတူ ရိုက်ကူး ထားပါတယ်။ ဒုတိယ ဇာတ်ကားကိုတော့ ဒါရိုက်တာ ညိုမင်းလွင်နဲ့ ရိုက်ကူးမှာ ဖြစ်ပြီးမင်းသားကတော့ နေမင်းလို့ ပြော ပါ တယ်။Miss တစ်ယောက်အသွင်နဲ့ အနုပညာလောကထဲ စတင်ဝင်ရောက် လာခဲ့ပြီး ကြော်ငြာသရုပ်ဆောင်ဘက်ကိုပါ စိတ် နှစ်ပြီးဝင်လာတဲ့

ခင်ဝင့်ဝါကို ကြော်ငြာရိုက်ကွင်း ခဏနားချိန် ဒါရိုက်တာအောင်ကို လတ်နဲ့ရိုက် ကူးရတဲ့အတွေ့အကြုံ ဖီလင်ကိုေ မးကြည့်တော့

“ဒါရိုက်တာ အောင်ကိုလတ်က တအား တော်တဲ့ ဒါရိုက်တာတစ်ယောက်ပါ။ အဲဒီလို တော်တဲ့ ဒါရိုက်တာနဲ့ ရိုက်ရတာ တအား ဂုဏ်ယူပါ တယ်။ ဝမ်းလည်း ဝမ်းသာတယ်။ ပြီးတော့ စေတနာ ပါပါနဲ့ အကုန်သင်ပေးတယ်။ ဒီတော့ကာ အား လုံး အဆင်ပြေပါတယ်။ ဓာတ်ပုံ ကိုမိုးမင်း(Ray) ကလည်း အကုန်သင်ပေးတယ်။ သူနဲ့ က အမြဲတမ်းလိုလိုရိုက် ဖြစ် တော့ အခုကြော်ငြာမှာ လည်း အဆင်ပြေ ပါတယ်” လို့ ပြောပါ တယ်။ခင်ဝင့်ဝါက The Ideal Beauty ဝက်ဘ်ဆိုက်က ရွေးချယ်တဲ့ ကမ္ဘာ့ အချောလှဆုံး အလှမယ်အ ယောက် ၁ဝဝ စာရင်းမှာပါ ဝင် ကြောင်း သိရပါ တယ်။ခင်ဝင့်ဝါ က “အလှမယ်၁ဝဝ ထဲ မှာပါဝင်တဲ့ အတွက် တအားဝမ်းသာပါတယ်။ အခုလို အ ယောက် ၅ဝဝ ကျော် ထဲကနေ ၁ဝဝကိုရွေးချယ် လိုက် တဲ့ အထဲမှာပါတဲ့ အ တွက် တအားပျော်ပါ တယ်” လို့ ပြောပါ တယ်။

Mဘွယ်
ဓာတ်ပုံ- မင်းမင်းထွန်း
Popular Myanmar News Journal

အပြည့်အစုံသို့ »

Iphone မသုံးရသေးတဲ့ သမ္မတ အိုဘားမား

Myanmar Mobile App Store

အပြည့်အစုံသို့ »

အိမ်နီးချင်းကပေးသည့်သင်ခန်းစာ


ရေးသားသူ- ရဲမိုး

တစ်ခါက နိုင်ငံတစ်နိုင်ငံရှိသည်။ ထိုနိုင်ငံမှာ စစ်တပ်ကအင်အားသုံးပြီး မကြာခဏအာဏာသိမ်းလေ့ရှိသည်။ ထိုနိုင်ငံမှ ပြည်သူများကလည်း အင်အားသုံးပြီး
မကြာခဏအာဏာသိမ်းလေ့ရှိသည်။ ထိုနိုင်ငံက နိုင်ငံရေးသမားများအကြားမှာ အကွဲအပြဲနှစ်ခြမ်းကွဲသည်။ ထိုနိုင်ငံက ပြည်သူများအကြားမှာလည်း အကွဲအပြဲနှစ်ခြမ်းကွဲသည်။

ထိုင်းနိုင်ငံဖြစ်ပါသည်။ နိုင်ငံရေးထွက်ပေါက်ပိတ်သွားသည့် ထိုင်းနှင့်အိမ်နီးချင်းဖြစ်သည့်အတွက် မြန်မာနိုင်ငံအတွက် ကံကောင်းသည့်အချက်ကတော့ နိုင်ငံရေးမှာ ဘာမလုပ်သင့်ဘူးဆိုသည့် Don't ကို နီးနီးကပ်ကပ်လေ့လာခွင့်ရခြင်းဖြစ်သည်။ ကံဆိုးသည့်အချက်ကတော့ ထိုင်းနိုင်ငံနမူနာ၏ မလုပ်သင့်ဘူးဆိုသည့် Don't ကို လုပ်သင့်တယ် Do ဟု လွဲမှားစွာခံယူသူအချို့ မြန်မာ့လူမှုအဖွဲ့အစည်းမှာ ရှိကောင်းရှိနိုင်သည့်အချက်ဖြစ်သည်။

ထိုင်းနိုင်ငံရေးက ကမ္ဘာကြီးကိုပေးသည့်သင်ခန်းစာနှစ်ခုရှိသည်။ ပထမတစ်ခုက ပုံမှန်ကျင်းပသည့်ရွေးကောက်ပွဲများရှိရုံဖြင့် စစ်မှန်သည့်ဒီမိုကရေစီရရှိမည်ဟု အာမမခံနိုင်ဆိုသည့်အချက်ဖြစ်သည်။ ဒုတိယအချက်ကတော့ ဂိုဏ်းဂဏ နိုင်ငံရေးက လူ့အဖွဲ့အစည်းတစ်ခုကို ဘယ်လိုတစ်စစီဆုတ်ဖြဲသွားလဲဆိုသည့် သင်ခန်းစာဖြစ်သည်။

ပျမ်းမျှအားဖြင့် လေးနှစ်ခွဲမှာတစ်ကြိမ် စစ်တပ်ကအာဏာသိမ်းလေ့ရှိသည့် ထိုင်းနိုင်ငံမှာ အများကကိုးကွယ်ယုံကြည်လေးစားသည့် ဘုရင်ကြီးတစ်ပါးရှိသည်။ တိုက်ခိုက်ရေးထက် စီးပွားရေးမှာ ပိုကျွမ်းကျင်သည့် စစ်တပ်ကတော့ ဘုရင်နှင့်တော်ဝင်မိသားစုကို ထာဝရသစ္စာခံကာကွယ်မည်ဆိုသည့် ကြွေးကြော်သံကို အမြဲဟစ်သည်။ ကျေးလက်နေပြည်သူများနှင့် မြို့ပေါ်ပညာတတ်လူလတ်တန်းစားများအကြားမှာ ဆင်းရဲချမ်းသာကွာဟမှုကလည်း ကြီးမားသည်။

ယခုပြည်ပြေးဖြစ်နေသည့် ၀န်ကြီးချုပ်ဟောင်းသက်ဆင် အာဏာရလာသည့်အခါ မဲဆန္ဒရှင်များအကြားမှာ လူကြိုက်များဖို့ နည်းလမ်းတွေကို စွန့်ဦးတီထွင်လာသည်။ ဆင်းရဲသားများအတွက် ကျန်းမာရေးစောင့်ရှောက်မှုနှင့် လူမှုဖူလုံရေးတွေကို လုပ်လာသည်။ အခြေခံလူတန်းစားများသည့် ထိုင်းနိုင်ငံလိုနေရာမှာ သက်ဆင်က သမိုင်းမှာစံချိန်ချိုးသည့်မဲအများစုရသည်။ တစ်ဖက်မှာတော့ သူ့အားနည်းချက်များကိုထောက်ပြသည့် သတင်းမီဒီယာများကိုနှိပ်ကွပ်ပြီး လူ့အခွင့်အရေးချိုးဖောက်မှုများနှင့် ခြစားမှုများကို ရွက်ကုန်ဖွင့်သည်။ သူ့ခေတ်မှာ အခြေအနေကောင်းလာသည့် ရွာသားများနှင့် အခြေခံလူတန်းစားများက သက်ဆင်သည် သူရဲကောင်း။ လူ့အခွင့်အရေးစံချိန်ကကြည့်သည့် မြို့ပေါ်အလွှာများအကြားမှာတော့ သက်ဆက်သည် ပြည်သူ့ရန်သူ။

ရွေးကောက်ပွဲမှာ မဲအများစုဖြင့် အနိုင်ရသည့်တိုင် လူ့အဖွဲ့အစည်းကို လက်ဝါးကြီးအုပ်စီမံလိုသည့် ဒီမိုကရက်တစ်အာဏာရှင်သက်ဆင်က မိမိသြဇာအာဏာချဲ့ထွင်ရေးနှင့် ကိုယ်ကျိုးစီးပွားကိုထူထောင်သည်။

ဝန်ကြီးချုပ်သက်ဆင်၏ လူအခွင့်အရေးချိုးဖောက်မှုများနှင့် ခြစားမှုများကိုမကြိုက်၍ ဖြုတ်ချလိုသူများကလည်း ဒီမိုကရေစီ၏အခြေခံ ရွေးကောက်တင်မြှောက်သည့်စနစ်ကို မလေးစား။ သက်ဆင်ကိုဖြုတ်ချဖို့ စစ်တပ်အာဏာသိမ်းမှုအပေါ် ကောင်းချီးသြဘာပေးကြသည်။ သို့နှင့် အနီ-အ၀ါ ဘောလုံးပွဲကြီးစသည်။ သက်ဆင်ထောက်ခံသူများက အနီရောင်အင်္ကျီများဝတ်လိုက်သည်။ လမ်းများကိုပိတ်ဆို့သည်။ အကြမ်းဖက်ဖြိုခွင်းမှုများ ဖြစ်ပေါ်လာသည်။ သက်ဆင်ကိုမလိုလားသူများက အ၀ါရောင်ကိုဝတ်သည်။ တန်ပြန်ပိတ်ဆို့မှုများ လုပ်ကြသည်။ အနီ၊ အ၀ါဘောလုံးပွဲမှာ ကြားနေရမည့်ဒိုင်လူကြီးစစ်တပ်ကလည်း ကြားမနေ၊ အ၀ါရောင်အင်္ကျီကိုဝတ်လိုက်သည်။

ရွေးကောက်ပွဲများပြုလုပ်သည့်အခါတော့ ပြည်ပြေးဝန်ကြီးချုပ်ဟောင်းသက်ဆင်၏ သစ္စာခံပါတီများကသာ အနိုင်ရစမြဲ။ သက်ဆင်ကိုဖြုတ်ချလိုသည့် အ၀ါများကလည်း ရွေးကောက်ပွဲရက်ကို မထီမဲ့မြင်ပြုစွာနှင့် လမ်းများကိုပိတ်ဆို့ဆဲ၊ အစိုးရရုံးများကိုဝင်စီးဆဲ။ စစ်တပ်ကလည်း နိုင်ငံတည်ငြိမ်မှုကိုအကြောင်းပြပြီး ရွေးကောက်ပွဲမှာအနိုင်ရသည့် အစိုးရကိုဖြုတ်ချဖို့တာစူဆဲ။

သည်လိုနှင့် နောက်ရွေးကောက်ပွဲ၊ နောက်အစိုးရ၊ နောက်အာဏာသိမ်းမှု၊ နောက်ဖွဲ့စည်းပုံအခြေခံဥပဒေသစ် အဆိုးကျော့ သံသရာထဲမှာလည်နေခြင်း။

ထိုင်းဆီက သင်ခန်းစာယူကြပါစို့
(၁) ရွေးကောက်ပွဲမှာ မဲအများဆုံးနိုင်သည့်ပါတီက လူအများစုထောက်ခံမှုရဖို့အတွက် လူပြိန်းကြိုက်နည်းလမ်းများဖြင့် မက်လုံးပေးသည်။ အာဏာရရှိသည့်အခါ တိုင်းပြည်အတွက် ရေရှည်ဖွံ့ဖြိုးမည့်နည်းလမ်းများအစား နောက်တစ်ကြိမ်ရွေးကောက်ပွဲအတွက် သြဇာအာဏာကိုသုံးပြီး စည်းရုံးသည်။

လူ့အဖွဲ့အစည်းအတွက် လုပ်စရာရှိသည်များကိုလုပ်မည့်အစား သက်ဆင်တစ်ဦးတည်းအတွက် ကိုးကွယ်ရပ်တည်သည်။ သစ္စာရှိမှုက လူ့အဖွဲ့အစည်းကိုမသွား၊ ပုဂ္ဂိုလ်တစ်ဦးတစ်ယောက်ကိုအခြေခံသည်။

(၂) သက်ဆင်နှင့် သူ့ပါတီအစိုးရအဖွဲ့များကို လူ့အခွင့်အရေးချိုးဖောက်မှု၊ ခြစားမှုများကြောင့် မကြိုက်သူအ၀ါများကလည်း ဒီမိုကရေစီဆိုသည့်တိုင်း ပြည်သူအများစု၏ ရွေးကောက်တင်မြှောက်မှုကို လက်မခံ။ လုံခြုံရေးတပ်ဖွဲ့ဝင်များက သက်ဆင်ကို သဘောမကျမှုအပေါ် အခွင့်ကောင်းယူပြီး အစိုးရအဆောက်အအုံများကို စီးနင်းမှုပြုသည်။ ဒီမိုကရေစီကိုလိုချင်သည်၊ သို့သော် မကျင့်ကြံနိုင်ကြ။

(၃) သက်ဆင်၏ သြဇာကြီးထွားမှုက ရှင်ဘုရင်ကိုခြိမ်းခြောက်လာနိုင်သည့်အပေါ်မှာ ဧကရာဇ်ကိုကာကွယ်ရန်အကြောင်းပြချက်ဖြင့် စစ်တပ်က ရွေးကောက်တင်မြှောက်ခံအစိုးရများကို အာဏာသိမ်းသည်။ သည်လိုနှင့် သမိုင်းတစ်လျှောက်လုံး နိုင်ငံရေးမှာ အရေးပါသည့်အခန်းကဏ္ဍကို သူတို့ဆက်ထိန်းချုပ်ထားသည်။

ချုပ်လိုက်တော့ လူပုဂ္ဂိုလ်၊ နိုင်ငံရေး၊ အာဃာတ၊ ကိုယ်ကျိုးစီးပွားနှင့် လက်နက်ကိုင်ဖြေရှင်းမှုက ထိုင်းနိုင်ငံကို ရှေ့မတိုးသာနောက်မဆုတ်သာ အခြေအနေမှာ ပိတ်မိသွားစေသည်။ “ငါ့ဘက်က လုံးဝမှန်၊ သူ့ဘက်က လုံးဝမှား ရပ်တည်မှုများ”အကြားမှာ အဖြေရှာ၍မရတော့။ အ၀ါနှင့်အနီကြားက လိမ္မော်ရောင်ကို သူတို့ရှာမတွေ့တော့။ နှစ်ဖက်လုံးကလိုချင်သည်က နိုင်ငံအတွက် ရေရှည်တည်တံ့မည့် ဒီမိုကရေစီရလဒ်မဟုတ်။ မိမိဘက်က အနိုင်ရရှိရေးသာဖြစ်သည်။

မြန်မာနှင့်ထိုင်း ချွတ်စွပ်မတူပါ။ သို့သော် ထွက်ပေါက်ပိတ်သွားသည့် ထိုင်းနိုင်ငံ၏လမ်းကြောင်းကို မလိုက်ဖို့တော့သတိထားရမည်။

ရွေးကောက်ပွဲများက ဒီမိုကရေစီကို လွယ်လွယ်နှင့်ပေးလိမ့်မည်မဟုတ်ပါ။ အမှန်တရားနှင့် ဒီမိုကရေစီအကျင့်အကြံကို ကျင့်သုံးမှုများကသာ အနာဂတ်ဒီမိုကရေစီကို ဆောင်ကြဉ်းပေးလိမ့်မည်။ ပါတီနှစ်ခုယှဉ်ပြိုင်မှုထက် လူ့အဖွဲ့အစည်းအတွင်း ပြည်သူများထက်ခြမ်းကွဲမှုက တိုင်းပြည်၏အနာဂတ်ကို ခေါင်းတလားထဲ
ထည့်မိသွားစေနိုင်သည်ကို သတိကြီးစွာထားဖို့လိုသည်။၂၀၁၅ က ကျွန်တော်တို့ ရင့်ကျက်မှုကိုစမ်းသပ်လိမ့်မည်။ အရောင်အသွေးကင်းမဲ့ပြီး ကြားနေသည့် တပ်မတော်၊ ပြည်သူများကို ရိုးသားမှန်ကန်စွာစည်းရုံးသည့် နိုင်ငံရေးသမားများနှင့် ဒီမိုကရေစီကို ကျင့်သုံးနိုင်သည့် ပြည်သူများဖြစ်ကြဖို့ အားလုံးမှာတာဝန်ရှိသည်။

စစ်တပ်နှင့် ပြည်သူများ တစ်လှည့်စီအင်အားသုံး အာဏာသိမ်းသည့် ထိုင်းနမူနာကို ရှောင်ကွင်းဖို့ဖြစ်သည်။ ။
7 Day News Journal

အပြည့်အစုံသို့ »

တရုတ်နိုင်ငံအလံ မီးရှို့ဆန္ဒထုတ်ဖော်သူ ဒေါ်နော်အုန်းလှကို ယနေ့ ရုံးထုတ်မည်



လက်ပံတောင်းတောင် ကြေးနီ စီမံကိန်း ရပ်ဆိုင်းရေးအတွက် တရုတ်နိုင်ငံ အလံ မီးရှို့ ဆန္ဒထုတ်ဖော်ရာ၌ ဦးဆောင်ခဲ့သူ ဒေါ်နော်အုန်းလှကို ဒီဇင်ဘာလ ၉ ရက်နေ့တွင် ဒဂုံမြို့နယ် တရားရုံး၌ ရုံးထုတ် စစ်ဆေးမည် ဖြစ်ကြောင်း ဒဂုံမြို့နယ် ရဲစခန်းမှ တာဝန်ရှိသူ တစ်ဦးက ပြောကြားသည်။

ရန်ကုန်မြို့တော်ရှိ တရုတ်ပြည်သူ့ သမ္မတနိုင်ငံ သံရုံးရှေ့တွင် တရုတ်နိုင်ငံအလံ မီးရှို့ ဆန္ဒထုတ်ဖော် ခဲ့သောကြောင့် ဒေါ်နော်အုန်းလှ အပါအဝင် ဆန္ဒထုတ်ဖော်မှုကို ဦးဆောင်သူ လေးဦးကို နိုင်ငံတော် ငြိမ်ဝပ် ပိပြားရေးကို ထိခိုက်သည့် ပြစ်မှုပုဒ်မ ၅၀၅ (ခ) ဖြင့် တရားစွဲဆိုထားခြင်း ဖြစ်သည်။

အဆိုပါ ဆန္ဒပြမှုကို ဦးဆောင်သူ ဦးတင်ထွဋ်ပိုင်ကို ဒီဇင်ဘာလ ၃ ရက်နေ့က ဖမ်းဆီးခဲ့ပြီး ဒီဇင်ဘာလ ၆ ရက်နေ့တွင် ဒေါ်နော်အုန်းလှကို ဆက်လက် ဖမ်းဆီးခဲ့ခြင်း ဖြစ်ကြောင်း ဒဂုံမြို့နယ်တရားရုံးက တာဝန်ရှိသူတစ်ဦးက ပြောကြားသည်။
“တရုတ်အလံ မီးရှို့တဲ့သူ နှစ်ဦးကို ဖမ်းဆီး ရုံးတင်နေပါပြီ၊ ကျန်တဲ့နှစ်ဦးကို ဖမ်းဆီးနိုင်ဖို့ ကြိုးစားနေပါတယ်” ဟု ၎င်းကဆိုသည်။

အဆိုပါ တရုတ်နိုင်ငံ အလံကို မီးရှို့ခဲ့သည့်အတွက် တက်ကြွလှုပ်ရှားသူ ဦးတင်ထွဋ်ပိုင်ကို ဒီဇင်ဘာ ၃ ရက်နေ့ ညနေပိုင်းတွင် ဖမ်းဆီး ရုံးတင်စစ်ဆေးခဲ့ပြီး အင်းစိန်ထောင်အတွင်း ချုပ်နှောင်ထားကြောင်း ဒဂုံမြို့နယ်ရဲစခန်းမှ သိရသည်။

ဒေါ်နော်အုန်းလှနှင့် ဦးတင်ထွဋ်ပိုင်တို့ကို ရုံးတင် စစ်ဆေးမှုများ ပြုလုပ်နေသောကြောင့် ကျန်ဆန္ဒ ထုတ်ဖော်သူနှစ်ဦးမှာ တိမ်းရှောင်နေကြောင်း ဒီမိုကရေစီ အင်အားစုအဖွဲ့မှ ဦးသန်းဆွေက ပြောကြားသည်။

ကြေးနီစီမံကိန်း ရပ်ဆိုင်းရေး သပိတ်စခန်းများကို အကြမ်းဖက် နှိမ်နင်းမှု တစ်နှစ်ပြည့် အထိမ်းအမှတ်အဖြစ် နိုဝင်ဘာလ ၂၉ ရက်တွင် လက်ပံတောင်းအရေး တက်ကြွ လှုပ်ရှားသူ အယောက် ၅၀ ခန့်သည် ဆူးလေမှ တရုတ်သံရုံးရှေ့သို့ လမ်းလျှောက် ဆန္ဒထုတ်ဖော်ခဲ့ပြီး သံရုံးအနီး အလုံမြို့နယ် ရဲစခန်းက တားဆီးမှုများ ပြုလုပ်ပြီးနောက် ဆန္ဒထုတ်ဖော်သူများက တရုတ်နိုင်ငံ အလံကို မီးရှို့ခဲ့ခြင်း ဖြစ်သည်။

အပြည့်အစုံသို့ »