အမေရိကန် ဒဏ်ခတ်အရေးယူမှု နားလည်မှုလွဲမှားကြောင်း Asia Metal ကုမ္ပဏီ တုံ့ပြန်



မဆုမွန်၊ VOA - 19.12.2013

မြောက်ကိုရီးယားနဲ့ စစ်ရေးဆက်ဆံမှုရှိနေတဲ့ မြန်မာကုမ္ပဏီ ၃ ခုဖြစ်တဲ့ Asia Metal Company Ltd.၊ စိုးမင်းထိုက် Co. Ltd. နဲ့ Excellence Mineral Manufacturing Co. Ltd. တို့နဲ့ ကာကွယ်ရေးဝန်ကြီးဌာန ကာကွယ်ရေးပစ္စည်းထုတ်လုပ်ရေး အရာရှိချုပ်ရုံး (ကကထုတ်) က ဒုတိယဗိုလ်မှူးကြီး ကျော်ညွန့်ဦးကို အမေရိကန်ဘဏ္ဍာရေးဌာနက ပစ်မှတ်ထား အရေးယူလိုက်တဲ့ကြေညာချက် အင်္ဂါနေ့က ထွက်ပေါ်ခဲ့တာမှာ Asia Metal ကုမ္ပဏီကတော့ ဒီလို ထည့်သွင်းအရေးယူတာဟာ လွဲမှားမှုတရပ်ဖြစ်တယ်လို့ တုံ့ပြန်လိုက်ပါတယ်။

သူတို့ကုမ္ပဏီဟာ ဆောက်လုပ်ရေးလုပ်ငန်းကိုသာ လုပ်ကိုင်ပြီး စစ်တပ်က လာအပ်တဲ့ ဆောက်လုပ်ရေးလုပ်ငန်းတွေ အရသာ ဆောက်လုပ်ပေးခဲ့တာဖြစ်တယ်လို့ ဗွီအိုအေ (မြန်မာပိုင်း) ကို ပြောခဲ့ပါတယ်။ အပြည့်အစုံကိုတော့ မဆုမွန် က တင်ပြထားပါတယ်။

မြောက်ကိုရီးယားနဲ့ မြန်မာနိုင်ငံအကြား စစ်ရေးဆက်ဆံမှုတွေမှာ အဓိက ပါဝင်ပတ်သက်နေတယ်ဆိုပြီး ကာကွယ်ရေးဝန်ကြီးဌာန ကာကွယ်ရေးပစ္စည်း ထုတ်လုပ်ရေး အရာရှိချုပ်ရုံး (ကကထုတ်) က ဒုတိယဗိုလ်မှူးကြီး ကျော်ညွန့်ဦးနဲ့ မြန်မာနိုင်ငံသားပိုင် ကုမ္ပဏီ ၃ ခုတို့ကို အမေရိကန်ဘဏ္ဍာရေးဝန်ကြီးဌာနက ဒဏ်ခတ်အရေးယူမှုစာရင်းထဲ ထပ်ပြီး ထည့်သွင်းလိုက်တာဖြစ်ပါတယ်။

မြောက်ကိုရီးယားနိုင်ငံနဲ့ လက်နက်အရောင်းအဝယ် လုပ်တဲ့ကိစ္စနဲ့ စစ်ဘက်ဆောက်လုပ်ရေး လုပ်ငန်းတွေမှာ ပတ်သက်မှုရှိတယ်ဆိုပြီး အခု အရေးယူခံရတဲ့ ကုမ္ပဏီတွေကတော့ Asia Metal Company Ltd.၊ စိုးမင်းထိုက် Co. Ltd. နဲ့ Excellence Mineral Manufacturing Co. Ltd. တို့ဖြစ်ပါတယ်။

မြောက်ကိုရီးယား အယောက် ၃၀ လောက် အလုပ်လုပ်နေတဲ့ ကာကွယ်ရေးပစ္စည်း ထုတ်လုပ်ရေး စက်ရုံဝန်းထဲမှာ Asia Metal ကုမ္ပဏီဟာ ၂၀၁၂ ဒီဇင်ဘာအထိ ဆောက်လုပ်ရေးလုပ်ငန်းတွေ လုပ်ခဲ့သလို၊ ဆောက်လုပ်ရေးပစ္စည်းတွေ ထောက်ပံ့ခဲ့တယ်လို့ အမေရိကန် ဘဏ္ဍာရေးဝန်ကြီးဌာနရဲ့ အင်္ဂါနေ့ ကြေညာချက်ထဲမှာ ဖော်ပြထားပါတယ်။

ဒါပေမဲ့ Asia Metal Company Limited ရဲ့ အထွေထွေမန်နေဂျာ ဦးထိန်လင်းကတော့ ၂၀၀၈ ခုနှစ်ကနေ ၂၀၁၀ ခုနှစ်အထိ စစ်တပ်က ကန်ထရိုက်တွေ ခေါ်ခဲ့တာကြောင့် ဆောက်လုပ်ရေး အင်ဂျင်နီယာတပ်အတွက် ဆောက်လုပ်ရေးလုပ်ငန်းတွေသာ လုပ်ကိုင်ပေးခဲ့ဖူးပါတယ်လို့ ဗွီအိုအေမြန်မာပိုင်းကို ပြောပါတယ်။

“ကျနော်တို့က ဆောက်လုပ်ရေးလုပ်တော့လေ သူတို့ ကန်ထရိုက်ခေါ်တော့ ကျနော်တို့ ၀င်လုပ်ခဲ့တယ်။ ၀င်လုပ်ခဲ့တဲ့အချိန်မှာ -- အဆောက်အဦးပဲဆောက်တော့ ကျန်တဲ့ဟာကျတော့ ကျနော်တို့လည်း ဂဃနဏ မသိဘူးပေါ့။ ကျနော်တို့ GE နဲ့ ကန်ထရိုက်ခေါ်တဲ့အချိန်မှာ Free Fracture Installation ၀င်လုပ်ပေးခဲ့တယ်။ ၂၀၀၈ ကနေ ၂၀၁၀ လောက်အထိပေါ့နော်။ အဲ့ဒါတော့ လုပ်ပေးခဲ့ဖူးတယ်။ အဲ့ဒီကနေမှ အခုပေါ့နော် ကျနော်တို့လည်း သေသေချာချာ ဂဃနဏ မသိဘူး။ နောက်ဆုံး ဒီ လွဲမှားမှု၊ လွဲမှားမှုလို့ပဲ ထင်ပါတယ်။ အထင်လွဲမှုပေါ့နော်။”

မြန်မာနိုင်ငံအလယ်ပိုင်း မကွေးမြို့ဘက်မှာ တပ်နယ်မြေအတွင်း ဂိုဒေါင် ဆောက်ပေးတာနဲ့ လမ်းဖောက်လုပ်ရေးစတဲ့ ဆောက်လုပ်ရေးကိုသာ လုပ်ကိုင်ပေးခဲ့တာဖြစ်ပြီး တခြားစစ်ဘက်ဆိုင်ရာ ဘယ်လိုကိစ္စမျိုးမှာမှ ပါဝင်ပတ်သက်ခြင်းမရှိဘူးလို့ ဦးထိန်လင်းကပြောပါတယ်။

မြောက်ကိုရီးယားတွေ လာရောက်လုပ်ကိုင်နေတဲ့ ကာကွယ်ရေးပစ္စည်းစက်ရုံအတွက် ဆောက်လုပ်ရေး လုပ်ကိုင်ပေးခဲ့တယ်ဆိုတဲ့ အမေရိကန်ရဲ့ ပြောဆိုချက်အပေါ် မြောက်ကိုရီးယားနဲ့ Asia Metal ကုမ္ပဏီကြား ဘယ်လိုဆက်စပ်မှုမျိုးမှ မရှိခဲ့ဘူးလို့ သူက ငြင်းချက်ထုတ်ပါတယ်။

“ကျနော်တို့နဲ့ မြောက်ကိုရီးယားနဲ့လည်း ဘာမှမလုပ်ဘူး။ ကျနော်တို့က Local ပဲ။ GE ကနေ အဆောက်အဦးဆောက်ခိုင်းတယ်။ ဆောက်ခိုင်းတဲ့အချိန်မှာ ကျနော်တို့ကလည်း Construction လုပ်တဲ့အတွက် ဒါ ကျနော်တို့လုပ်ပေးနိုင်တယ်။ ဒါ ကျနော်တို့လုပ်နိုင်တဲ့ဟာပေါ့နော်။ ကျနော်တို့က နဂိုကတည်းက Construction လုပ်တဲ့အတွက် ဒါ ဆောက်ခိုင်းလို့ ကျနော်တို့ ဆောက်တယ်။ ဒီလောက်ပါပဲအမ။ ပတ်သက်မှုတော့ ဘာမှမရှိဘူး။ ကျနော်တို့က Construction လုပ်တာအမရယ်၊ အလုပ်လုပ်လို့ရမယ်၊ အဆင်ပြေမယ့်ဟာဆို ကျနော်တို့ လုပ်လိုက်တယ်။ ဒီအခြားဆက်ဆံမှုကျတော့ ကျနော်တို့လည်း အဲ့လောက် ဘယ်လိုပြောရမလဲ ဒီဟာ ဘာလုပ်တယ်ဆိုတာလည်း တကယ် မသိခဲ့ဘူးပေါ့နော်။ ကျနော်တို့အသိက စီးပွားရေးလောက်ပဲသိတာ။ စီးပွားရေးဆိုတာ ကျနော်တို့ဆီမှာ သူတို့ကို အဆောက်အဦးဆောက်ပေးတယ်။ ကျနော်တို့ ပိုက်ဆံရတယ်။ ကျနော်တို့ဆောက်တာကလည်း ဂိုဒေါင်ပဲ အမရယ်။ ဥပမာ ဒီရန်ကုန်စက်မှုဇုန်မှာဆောက်တဲ့ ဂိုဒေါင်ပုံစံမျိုးတွေပဲ။ ပြီးရင် သူတို့ တပ်ထဲမှာ ကျနော်တို့ လမ်းခင်းပေးတယ်။”

သူတို့လုပ်ကိုင်ခဲ့တဲ့ ဆောက်လုပ်ရေးနဲ့ပတ်သက်ပြီး အခုလိုမျိုး အမေရိကန်အစိုးရက ဒဏ်ခတ် အရေးယူရတဲ့အထိ ဖြစ်သွားလိမ့်မယ်လို့ မထင်ထားတဲ့အကြောင်းလည်း ကုမ္ပဏီ အထွေထွေမန်နေဂျာ ဦးထိန်လင်းက ပြောပါတယ်။

“ကျနော်တို့ကိုယ်တိုင်လည်း အံ့အားသင့်တာပေါ့နော်။ ကျနော်တို့လည်း ရိုးရိုးရှင်းရှင်းလုပ်တော့ အဲ့လောက် မတွေးမိဘူးပေါ့နော်။ ကျနော်တို့လည်း ဒီလုပ်ငန်းလုပ်တယ်။ ဒီအဆောက်အဦးဆောက်ခိုင်းတယ်။ ကျနော်တို့ကလည်း ဒါ ကျနော်တို့ စီးပွားရေးဖြစ်နေတဲ့အတွက် ကျနော်တို့ ဆောက်တယ်။ ဒါလောက်ပါပဲ။ ဘယ်လိုပြောမလဲ ဒီ အထင်လွဲမှားမှုပုံစံမျိုးနဲ့ပဲ ကျနော်တို့ ဒီလိုပဲ အခုလက်ရှိတော့ ယူဆတာပေါ့။ ကျနော်တို့ဘက်ကလည်း ဒီဟာနဲ့ပတ်သက်ပြီးတော့ ရှုပ်ထားတာ ဘာမှမရှိဘူး။”

မြောက်ကိုရီးယားဆီကနေ စစ်လက်နက်ပစ္စည်းတွေ ဝယ်ယူမှုမှာ ပါဝင်ပတ်သက်နေတဲ့ လူပုဂ္ဂိုလ်တွေနဲ့ လုပ်ငန်းတွေကို ဆက်လက် ပစ်မှတ်ထား အရေးယူနေတာဖြစ်ပြီး မြန်မာအစိုးရကို အရေးယူတာ မဟုတ်ဘူးလို့ အမေရိကန်ဘဏ္ဍာရေး ၀န်ကြီးဌာနရဲ့ အင်္ဂါနေ့ထုတ် ကြေညာချက်ထဲမှာ ဖော်ပြထားပါတယ်။

အခုလိုမျိုး အမေရိကန်အစိုးရက ပိတ်ဆို့ဒဏ်ခတ်အရေးယူမှုစာရင်းထဲမှာ ထပ်ပြီးတော့ တိုးလိုက်တာနဲ့ပတ်သက်ပြီး သက်ဆိုင်တဲ့ မြန်မာအစိုးရ တာဝန်ရှိသူတွေကို ဆက်သွယ်မေးမြန်းခဲ့ပေမဲ့ ဆက်သွယ်လို့ မရခဲ့ပါဘူး။

VOA Burmese News

အပြည့်အစုံသို့ »

တရုတ်ခေါင်းဆောင်တွေနဲ့ လိင်အရှုပ်တော်ပုံကိစ္စ ကျန်ဇီယီ တရားနိုင်

နာမည်ကြီး တရုတ်မင်းသမီး ကျန်ဇီယီဟာ တရုတ် ထိပ်တန်းခေါင်းဆောင်တွေနဲ့ လိင်ကိစ္စကို အမေရိကန် ကုမ္ပဏီတခုရဲ့ အွန်လိုင်း သတင်းဖော်ပြချက် မှားယွင်းမှုနဲ့ ပတ်သက်ပြီး အမေရိကန်တရားရုံးမှာ ဖြေရှင်း ခဲ့ ရာ အမှုနိုင် သွားပါတယ်။


 မင်းသမီး ကျန်ဇီယီ၊ ဓာတ်ပုံ- ရာဟူးနယူးစ်
 
တရုတ်နိုင်ငံ ပါတီခေါင်းဆောင်တွေ၊ အရာရှိကြီးတွေဟာ ကျန်ဇီယီနဲ့ အိပ်ဖို့ ဒေါ်လာသန်း ၁ဝဝ ပေးရတယ် ဆိုတဲ့ အမေရိကန်အခြေစိုက် Boxun ဝက်ဆိုက်မှာ ဖော်ပြချက်ကို မရေးသင့်လို့ ပြန်ရုပ်သိမ်းသွားခဲ့တယ်လို့ ဘီဘီစီ သတင်း တပုဒ်က ဆိုပါတယ်။

နာမည်ကြီး Crouching Tiger, Hidden Dragon၊ Rush Hour 2၊ ဂေးရှားမယ်စတဲ့ဇာတ်ကားတွနဲ့ နာမည်ကြီး ရုပ်ရှင်မင်းသမီး ကျန်ဇီယီကိုလည်း မှားယွင်းဖော်ပြခဲ့တဲ့အတွက် တောင်းပန်စာကို ရေးသား
ဖော်ပြခဲ့ပါတယ်။

အမေရိကန် တရားရုံးတခုက အခုလို ကျန်ဇီယီကို အနိုင်ပေးဆုံးဖြတ်ခဲ့လို့ Boxun က တောင်းပန်လိုက်ရ တာပါ။

ကျန်ဇီယီရဲ့ တရားဝင် Sina Weibo ဝက်ဆိုက်က ကြေညာချက်တခုမှာ ၁၉ လကြာ၊ နေ့ ညပေါင်း ၆၀၀ လောက် ဝေဖန် ခံရခဲ့ရတာကြောင့် သာမန် လူတွေရဲ့ ယုံကြည်မှုကို တော်တော် ထိခိုက်ခဲ့တယ် လို့ ဖော်ပြထားပါတယ်။

Boxun ရဲ့ ဝက်ဆိုက်အတွက် အဆိုပါ သတင်းကို ပေးခဲ့သူ အမည်မဖော်လိုသူ သတင်းရင်းမြစ်က အဲဒီ ကိစ္စကို တာဝန် မယူနိုင်ခဲ့ဘူးလို့ ဆိုပါတယ်။

အစောပိုင်း ကောလဟာလတွေက တရုတ်နိုင်ငံက ပါတီ ထိပ်ပိုင်းခေါင်းဆောင်တွေဟာ မင်းသမီး ကျန်ဇီယီနဲ့ အိပ်ရင် ဒေါ်လာ သန်း ၁ဝဝ ပေးရတယ်ဆိုတဲ့ ခေါင်းကြီးပိုင်း သတင်းဖော်ပြမှုဟာ ကမ္ဘာတလွှား အတော် ရေပန်းစားသွားခဲ့တာပါ။

ယခင် ကုန်သွယ်ရေး ဝန်ကြီးဟောင်း ဘိုရှိလိုင်းအပါအဝင် အခြား တရုတ်ထိပ်တန်း အရာရှိတွေနဲ့ လိင် ဆက်ဆံခဲ့တယ်ဆိုတဲ့ စွပ်စွဲချက်တွေကို ကျန်ဇီယီက တောက်လျှောက်ငြင်းဆို ခဲ့တာပါ။

ရာဟူးသတင်းတပုဒ်မှာတော့ ကျန်ဇီယီဟာ တရုတ် ထိပ်တန်း ခေါင်းဆောင်တွေနဲ့ လိင်ကိစ္စတွေက တဆင့် တရုတ်ယွမ်ငွေ သန်း ၇ဝဝ နဲ့ အဘိုးတန်  ကျောက်မျက်ရတနာတွေ ရခဲ့ပြီး ဒီဝင်ငွေတွေအပေါ် ဘာ အခွန် မှ မပေးဆောင်ဘူးလို့တောင် ရေးသားထားပါတယ်။

တရုတ်နိုင်ငံသတင်းဝက်ဆိုက်တွေ၊ တွစ်တာတွေမှာလည်း ဒီသတင်းကြောင့် ကျန်ဇီယီကို ဝေဖန်သံတွေ အတော်ဆူဆူ ညံညံ ပေါ်ထွက်မှုတွေက လ အတော်ကြာ ခဲ့ပြီး တချို့ကလည်း ကျန်ဇီယီအပေါ် ဂရုဏာ သက်ကြတာတွေလည်း ရှိပါတယ်။

တရုတ်နိုင်ငံမှာ ဒီလို လိင်မှုကိစ္စ ကောလဟာလတွေ မကြာခဏ ပျံ့နှံ့တတ်ကြတယ်လို့ သတင်းက ဆိုပြီး တရုတ် တွစ်တာသုံးသူတွေထဲက တယောက်ကတော့ ဒီကိစ္စအပေါ် မီးခိုးထွက်တာဟာ မီးစ ရှိ့လို့ဆိုပြီး
ဝေဖန်ရေးသား ထားတာလည်း ရှိပါတယ်။



အိမ့်သံစဉ် ~
ဧရာဝတီ သတင်း

အပြည့်အစုံသို့ »

ဆောက်လုပ်ရေးချေးငွေများပေးမည့် ဘဏ်သစ်တစ်ခု ဇန်န၀ါရီတွင်ဖွင့်မည်


သီဟကိုကို|ဒီဇင်ဘာလ ၁၉ ရက်၊ ကြာသပတေးနေ့၊ ၂၀၁၃ ခုနှစ်

ဆောက်လုပ်ရေးဆိုင်ရာ လုပ်ငန်းများကို ချေးငွေထုတ်ပေးမည့် ဆောက်လုပ်ရေးနှင့် အိမ်ရာဖွံဖြိုးရေး ဘဏ်သစ်တစ်ခုကို လာမည့်ဇန်န၀ါရီလအတွင်း စတင်ဖွင့်လှစ်သွားမည်ဖြစ်ကြောင်း ယင်းဘဏ်၏ တာဝန်ရှိသူများက မဇ္ဈိမသို့ ပြောကြားသည်။

အဆိုပါဘဏ်အား ဆောက်လုပ်ရေးဝန်ကြီးဌာနက ၀န်ကြီးဌာနပိုင် ဘဏ်အဖြစ်ဖွင့်လှစ်မည်ဖြစ်ကာ အဓိကအားဖြင့် ဆောက်လုပ်ရေးလုပ်ငန်းရှင်များကို သာမကဘဲ မိမိမြေပေါ်တွင်အဆောက်အအုံ ဆောက်လုပ်မည့် မြေပိုင်ရှင်များကိုပါ ငွေကြေးပံ့ပိုးနိုင်ရန် ရည်ရွယ်ခြင်းဖြစ်ကြောင်း ယင်းတို့က ဒီဇင်ဘာ ၁၇ ရက်တွင် မဇ္ဈိမသို့ပြောကြားသည်။

ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်၏ လက်ထောက်အထွေထွေ မန်နေဂျာ ဦးတင်ယုက “လို အပ်တဲ့ အထောက်အထားခိုင်မာတဲ့ မြေပိုင်ရှင်၊ ဆောက်လုပ်ရေးကုမ္ပဏီ၊ တစ်ဦးတည်း ပိုင်လုပ်ငန်း ဘယ်သူ့ကိုမဆိုကို ချေးသွားမယ်။ ဘဏ်ရဲ့အဓိကရည်ရွယ်ချက်ကိုက အိမ်ရာတွေ ဖွံ့ဖြိုးတိုးတက်လာ ဖို့ပါဟု မဇ္ဈိမသို့ပြောကြားသည်။

အထက်ပါကဲ့သို့ ဆောက်လုပ်ရေးလုပ်ငန်းများအတွက် ငွေချေးပေးရာတွင် ဆောက်လုပ်မည့်လုပ်ငန်း၏ တန်ဖိုးပမာဏအပေါ်မူတည်ကာ ချေးငွေပမာဏကို ချိန်ဆဆောင်ရွက်ပေးမည်ဖြစ်ကြောင်း ယင်းက ဆက်ပြောသည်။

ဦးတင်ယုက “တချို့ဆောက်လုပ်ရေးလုပ်ငန်းကြီးတွေက ငွေအရင်းအနှီးသိပ်မလိုအပ်ကြဘူး။ ဒါပေမဲ့ တချို့ကုမ္ပဏီတွေကတော့ တည်ဆောက်ရမယ့် အတိုင်းအတာအလိုက် အရင်းအနှီးထပ်လိုကြတယ်၊ ဘဏ်ကငွေလိုအပ်တဲ့ Construction တွေကို အဓိကငွေချေးပေးမှာပါ” ဟု ပြောသည်။

အဆင့်မီအဆောက်အအုံနှင့် အိမ်ရာများဖွံ့ဖြိုးတိုးတက်လာမှသာ ရန်ကုန်မြို့ရှိ အိမ်ခြံမြေဈေးကွက်တွင် သင့်တင့်သော အရောင်းဈေး၊ အငှားဈေးများဖြစ်ပေါ်နိုင်မည်ဟု စိုင်းခွန်နောင် ဆောက်လုပ်ရေးနှင့် အိမ်ခြံမြေ၀န်ဆောင်မှုကုမ္ပဏီ၏ အထွေထွေမန်နေဂျာ ဦးရန်အောင်ကပြောသည်။

အထက်ပါဘဏ်သစ်အနေဖြင့် ဇန်န၀ါရီလအတွင်း ရန်ကုန်မြို့ ဗဟန်းနှင့် ဗိုလ်တထောင်မြို့နယ်တို့တွင် ရုံးချုပ်နှင့် ဘဏ်ခွဲနှစ်ခုကို စတင်ဖွင့်လှစ်မည်ဖြစ်ကာ ထပ်မံ၍ ရန်ကုန်တိုင်းအတွင်းရှိ အခြားမြို့နယ် များနှင့် နေပြည်တော်၊ မန္တလေး၊ တောင်ကြီး၊ ပြည်၊ မကွေး၊ တောင်ငူ၊ ပဲခူး၊ ပုသိမ်တို့တွင် ဘဏ်ခွဲများ ဆက်လက်ဖွင့်သွားမည်ဖြစ်ကာ AGD၊ ကမ္ဘောဇဘဏ်တို့နှင့်ပူးပေါင်း၍ ငွေလွှဲလုပ်ငန်းများကိုဆောင် ရွက်နိုင်ရန် စီစဉ်နေကြောင်း ဦးတင်ယုကပြောသည်။

Mizzima Burmese

အပြည့်အစုံသို့ »

ဆီးဂိမ်း အမျိုးသမီး မီတာ ၁ဝဝ ရေကူး ပြိုင်ပွဲ အငြင်းပွားဖွယ်ဖြစ်ခဲ့


ဆီးဂိမ်း တွင် အမျိုးသမီး ရေးကူးပြိုင်ပွဲတခု၊ ဓာတ်ပုံ-ဆီးဂိမ်းစာမျက်နှာ
ဒီဇင်ဘာလ ၁၂ ရက်နေ့က ကျင်းပခဲ့သည့် ၂၇ ကြိမ်မြောက် အရှေ့တောင်အာရှ အမျိုးသား အားကစား
ရေကူးပြိုင်ပွဲ ပထမနေ့ တတိယပွဲစဉ် အမျိုးသမီး မီတာ(၁၀၀) အလွတ်ကူးပြိုင်ပွဲတွင် ထိုင်းနိုင်ငံ အသင်း ရဲ့ ရွှေတံဆိပ်ရရှိမှုမှာ အငြင်းပွားစရာ ဖြစ်ခဲ့ကြောင်း မြန်မာနိုင်ငံရေကူးအဖွဲ့ချုပ်မှ သိရသည်။

ဖြစ်စဉ်မှာ ရေကူးပြိုင်ပွဲ စတင်ကူးခတ်ရန် နိုင်ငံခြားသား ဒိုင်တဦးက တာလွှတ်ခလုတ်ကို နှစ်ချက်နှိပ်မိ သွားသောကြောင့် ပြိုင်ပွဲဝင် ထိုင်းရေကူးမယ်မှာ တုံ့ဆိုင်းသွားပြီး ဆက်လက်ကူးခတ်ခဲ့သော်လည်း ဆု မရရှိပဲ ဖိလစ်ပိုင်အသင်းက ရွှေတံဆိပ်ရရှိသွားခဲ့သည်။

ယင်းရလဒ်ကို ထိုင်းနိုင်ငံအသင်းက ကန့်ကွက်ရာ အပြည်ပြည်ဆိုင်ရာ ရေကူးအဖွဲ့ချုပ်မှ ဂျူရီလူကြီးများ၏ ဆုံးဖြတ်ချက်ဖြင့် အသင်းမန်နေဂျာအားလုံးကို အစည်းဝေးခေါ်ယူ ညှိနှိုင်းခဲ့ပြီး ယင်းပွဲစဉ်ကို ပြန်လည်ယှဉ် ပြိုင်ရန် သဘောတူညီခဲ့ရာ ထိုင်းအသင်းက ပထမ ပန်းဝင်ပြီး ရွှေတံဆိပ်ရရှိခဲ့ပြီး ဒုတိယ ငွေတံဆိပ်ကို စင်ကာပူ နှင့် တတိယ ကြေးတံဆိပ်ကို ဖိလစ်ပိုင်နိုင်ငံတို့က ရရှိခဲ့သည်။

“ နိုင်ငံခြားသားဒိုင်က တာလွှတ် ခလုတ်ကို နှစ်ချက်သွားနှိပ်မိတော့ ထိုင်းက Complain တက်တယ်။ သူ က ရွှေရဖို့ သေချာပြီးသားလို့ ပြောတယ်။ အဲဒါနဲ့ ဒိုင်ချုပ် ၊ ဂျူရီလူကြီးတွေရဲ့ အဆုံးအဖြတ်နဲ့ ပွဲပြန်လုပ်တာ ထိုင်းကရွှေပြန်ရသွားတယ်”ဟု မြန်မာနိုင်ငံရေကူးအဖွဲ့ချုပ် အတွင်းရေးမှူး ဦးမျိုးဝဏ္ဍထွန်းက ပြောသည်။

ရေကူးပြိုင်ပွဲတွင် ပါဝင်သော နိုင်ငံများမှာ အင်ဒိုနီးရှား ၊ မြန်မာ ၊ ထိုင်း ၊ စင်ကာပူ ၊ ဖိလစ်ပိုင် ၊ ဗီယက်နမ် ၊ ကမ္ဘောဒီယား ၊ လာအိုနှင့် မလေးရှားနိုင်ငံတို့ ဖြစ်သည်။

ဒီနေ့ နောက်ဆုံး ရရှိတဲ့ သတင်းအချက်အလက်တွေအရ အခု ဆီးဂိမ်ပြိုင်ပွဲမှာ မြန်မာက ရွှေတံဆိပ်ဆု ၅၂ ခုနဲ့ ဒုတိယနေရာ ပြန်တက်လာခဲ့သည်။ လွန်ခဲ့သည့် ရက်ပိုင်းက ဒုတိယနေရာမှ တတိယ၊ စတုတ္ထနေရာ အထိ အဆင့် ကျဆင်းနေခဲ့ရာ ဒီနေ့ နေ့လယ် မြန်မာစံတော်ချိန် ၁ နာရီကျော် ထုတ်ပြန်ချက်အရ အခုလို ဒုတိယ အဆင့်ပြန်ရောက်လာခြင်းဖြစ်သည်။

ထက်နိုင်ဇော် ~
ဧရာဝတီ သတင်း

အပြည့်အစုံသို့ »

ကမ္ဘာ့ကလပ်ချန်ပီယံဆီမီးပွဲအပြီး ပြိုင်ဘက် အသင်းသားတွေ ရော်နယ်လ်ဒင်ဟိုကို ၀ိုင်းထားခဲ့တာ ဘာကြောင့်များလဲ



ဒီဇင်ဘာ ၁၉ ရက်၊ ၂၀၁၃ ခုနှစ်

မနေ့ညက ကစားသွားခဲ့တဲ့ ၂၀၁၃ ကမ္ဘာ့ကလပ်ချန်ပီယံဆီမီးဖိုင်နယ်ပွဲစဉ်မှာ မော်ရိုကိုကလပ် ကပ်ဆာဘန် ကာ က ဘရာဇီးလ်ချန်ပီယံ အသလက်တီကိုမင်နဲရိုးအသင်းကို (၃-၁)ဂိုးနဲ့အနိုင်ရရှိခဲ့ပြီး ဗိုလ်လုပွဲကိုတက်ရောက်သွား ခဲ့ပြီဖြစ်ပါတယ်။ ဒီပွဲမှာ မင်နဲရိုးအသင်းသား ရော်နယ်လ်ဒင်ဟိုဟာ (၂၅)ကိုက်အကွာကနေ လှပလွန်းတဲ့ ဖရီးကစ် ဂိုးတစ်ဂိုးသွင်းယူပြခဲ့ပေမယ့်လည်း ပွဲအပြီးမှာတော့ မော်ရိုကိုကလပ်ကို အရှုံးပေးခဲ့ရပါတယ်။ ပွဲသိမ်းခရာမှုတ်ပြီး သွားလို့ အ၀တ်လဲခန်းအတွင်း ပြန်ဝင်ဖို့ပြင်နေခဲ့တဲ့ ရော်နယ်လ်ဒင်ဟိုအနားကို ကပ်ဆာဘလန်ကာအသင်းသား တွေ ရုတ်တရတ်ဝိုင်းလာခဲ့ကာ သူ့ရဲ့ဘောကန်ဖိနပ်ကို လက်ဆောင်အဖြစ်ပေးဖို့ ၀ိုင်းဝန်းတောင်းဆိုကြတော့တာ ပါပဲ။ ဘရာဇီးလ်ကွင်းလယ်ဖန်တီးရှင် ရော်နယ်လ်ဒင်ဟိုရဲ့ ခြေစွမ်းကို လေးစားအားကျလွန်းကြတဲ့ ကပ်ဆာဘ လန်ကာအသင်းသားများဟာ အမှတ်တရအဖြစ် အခုလိုတောင်းဆိုခဲ့ခြင်းကြောင်း အသင်းအနိုင်မရခဲ့လို့ စိတ် ညစ်နေခဲ့တဲ့ သူ့အတွက် ပျော်ရွှင်ဂုဏ်ယူစရာလည်းဖြစ်သွားခဲ့စေပါတယ်။

ဗိုလ်လုပွဲဆီကို တက်ရောက်သွားခဲ့တဲ့ မော်ရိုကိုကလပ်အသင်းအနေနဲ့ တရုတ်ကလပ်ဂွမ်ဇူးကို (၃)ဂိုးပြတ်အနိုင် ကစားကာ စောင့်ဆိုင်းနေတဲ့ ဂျာမန်ဘွန်ဒက်စ်လီဂါချန်ပီယံ၊ ဥရောပချန်ပီယံလိဂ် သရဖူပိုင်ရှင် ဘိုင်ယန်မြူးနစ် နဲ့ ရင်ဆိုင်ရတော့မှာ ဖြစ်ပါတယ်။ ဒီလိုကမ္ဘာ့အဆင့်ဗိုလ်လုပွဲမျိုးဆီကို ပထမဆုံးတက်ရောက်လာခဲ့ကြတဲ့ ကပ်ဆာ ဘလန်ကာအသင်းသားများဟာ ပွဲအပြီးမှာတော့ မြင်တွေ့ရတဲ့အတိုင်း အပျော်လွန်နေကြတော့တာပါပဲ။

Trend Myanmar

အပြည့်အစုံသို့ »

မြန်မာ့တပ်မတော် အရာရှိနှင့် မြန်မာကုမ္ပဏီ သုံးခုကို အမေရိကန်အစိုးရ ပိတ်ဆို့အရေးယူ



ရန်ကုန်၊ ဒီဇင်ဘာ ၁၈

အမေရိကန်ပြည်ထောင်စု သမ္မတ အိုဘားမား အစိုးရ အဖွဲ့က မြောက်ကိုရီယား နိုင်ငံနှင့် စစ်ရေးအရ ပတ်သက်မှု၊ လက်နက် ရောင်းဝယ် ဖောက်ကားမှုများတွင် ပါဝင်နေသဖြင့် မြန်မာ့စီးပွားရေး လုပ်ငန်း သုံးခုနှင့် တပ်မတော်အရာရှိ တစ်ဦးကို ပိတ်ဆို့ အရေးယူမှု ပြုလုပ်လိုက်ကြောင်း ဒီဇင်ဘာလ ၁၇ ရက်နေ့က အမေရိကန် အစိုးရက ထုတ်ပြန် ကြေညာလိုက်သည်။

မြန်မာနိုင်ငံသည် ၂၀၁၂ခုနှစ် နိုဝင်ဘာလ အတွင်းက ကုလသမဂ္ဂ လုံခြုံရေး ကောင်စီ၏ ဆုံးဖြတ်ချက်အမှတ် (၁၈၇၄) အရ မြောက်ကိုရီးယား နိုင်ငံမှ စစ်လက်နက်များ ဝယ်ယူခြင်း၊ စစ်ဘက်ဆိုင်ရာ အထောက်အပံ့များ ရယူခြင်း လုံးဝမပြုလုပ်ရဆိုသော အချက်ကို လိုက်နာပါမည်ဟု တရားဝင် ကြေညာထားသည်။

သို့သော် ကတိပြုချက်များကို ချိုးဖောက်၍ မြန်မာအစိုးရ၏ ကာကွယ်ရေးပစ္စည်း ထုတ်လုပ်ရေးဌာနမှ ဒုတိယ ဗိုလ်မှူးကြီး ကျော်ညွန့်ဦး၊ Asia Metal ကုမ္ပဏီ၊ စိုးမင်းထိုက် ကုမ္ပဏီနှင့် Excellence သတ္တုထုတ်လုပ်ရေး ကုမ္ပဏီတို့က မြောက်ကိုရီးယားနိုင်ငံမှ လက်နက် ဝယ်ယူသဖြင့် အမေရိကန် အစိုးရက ပိတ်ဆို့မှုများ ပြုလုပ်ခဲ့ခြင်း ဖြစ်သည်။

အမေရိကန်အစိုးရက ပိတ်ဆို့မှုသည် အဆိုပါ တပ်မတော် အရာရှိနှင့် စီးပွားရေး လုပ်ငန်းများကိုသာ တိုက်ရိုက် သက်ဆိုင်စေမည် ဖြစ်ကြောင်း၊ မြန်မာအစိုးရကို ကိုယ်စားမပြုကြောင်း အမေရိကန် အစိုးရ၏ အဆိုပါ ကြေညာချက်တွင် ဖော်ပြထားသည်။

အမေရိကန် အပါအဝင် နိုင်ငံတကာ အသိုင်းအဝိုင်းက မြောက်ကိုရီးယား နိုင်ငံ၏ စစ်လက်နက် ထုတ်လုပ် ရောင်းချသည့် အန္တရာယ်ကြီးသော လုပ်ငန်းကို အဆုံးသတ်စေရန်အတွက် ယင်းနိုင်ငံမှ လက်နက်ဝယ်ယူ အားပေးသည့် မည်သူ့ကိုမဆို ပိတ်ဆို့ အရေးယူမှုများ ဆက်လက် ပြုလုပ်သွားမည် ဖြစ်ကြောင်း အမေရိကန် အစိုးရ၏ ထုတ်ပြန်ချက်တွင် ဖော်ပြထားသည်။

အမေရိကန်အစိုးရက ချမှတ်ခဲ့သည့် အဆိုပါ ပိတ်ဆို့ အရေးယူမှုအရ ယင်းပုဂ္ဂိုလ်များ၊ ကုမ္ပဏီများနှင့် စီးပွားရေး လုပ်ငန်းများ ဆောင်ရွက်ခြင်းနှင့် အမေရိကန် ပြည်ထောင်စု၏ စည်းမျဉ်း စည်းကမ်းများကို ကျော်လွန်၍ တစ်စုံတစ်ရာ အထောက်အပံ့ ပေးအပ်ခြင်းတို့ မပြုကြရန် အမေရိကန် နိုင်ငံသားများကို တားမြစ်ခြင်း ဖြစ်သည်။

မြန်မာနိုင်ငံအစိုးရ၏ မစ်ဇိုင်း သုတေသနနှင့် ဖွံ့ဖြိုးရေးဌာန အကြီးအကဲ နယ်စပ်ရေးရာ ဝန်ကြီးဟောင်း ဒုတိယ ဗိုလ်ချုပ်ကြီး သိန်းဌေးကို မြောက်ကိုရီးယားနိုင်ငံမှ စစ်သုံးပစ္စည်းများ ဝယ်ယူခဲ့သောကြောင့် အမည်ပျက် စာရင်းတွင် ထည့်သွင်း၍ ပိတ်ဆို့မှုများ ပြုလုပ်ကြောင်း အမေရိကန် အစိုးရက ဇူလိုင် ၂ ရက်နေ့က ထုတ်ပြန် ကြေညာခဲ့သည်။

ထို့အပြင် မြောက်ကိုရီးယားနိုင်ငံမှ လက်နက် တင်သွင်းမှုဖြင့် မြန်မာနိုင်ငံ ကာကွယ်ရေးဝန်ကြီးဌာန လက်အောက်ရှိ ကာကွယ်ရေးပစ္စည်း ထုတ်လုပ်ရေး ရုံကိုလည်း အရေးယူ ပိတ်ဆို့မှုများ ပြုလုပ်ခဲ့သည်။

ယနေ့တိုင် အမေရိကန် အစိုးရ၏ အမည်ပျက် စာရင်းတွင် မြန်မာနိုင်ငံမှ ထိပ်တန်းစီးပွားရေး လုပ်ငန်းများဖြစ်သည့် ဒဂုံ အင်တာနေရှင်နယ်သစ် ကုမ္ပဏီ၊ မက်စ်မြန်မာ ကုမ္ပဏီ၊ ရော်ရယ်ကုမုဒြာ ဟိုတယ်စု အပါအဝင် စင်ကာပူနှင့် တရုတ်နိုင်ငံ အခြေစိုက် မြန်မာနိုင်ငံသားပိုင် ကုမ္ပဏီအချို့ ပါဝင်နေကြောင်း အမေရိကန် အစိုးရက ထုတ်ပြန်သည့် စာရင်း မှတ်တမ်းများအရ သိရသည်။

အမေရိကန် အစိုးရသည် ယခင် တပ်မတော်အစိုးရ လက်ထက်ကပင် လူ့အခွင့်အရေး ချိုးဖောက်မှုနှင့် မြောက်ကိုရီးယားနှင့် စစ်ရေးအရ ဆက်ဆံမှုများကြောင့် မြန်မာ့တပ်မတော် အရာရှိများ၊ ခေါင်းဆောင်များ အပါအဝင် စီးပွားရေး လုပ်ငန်းရှင် အချို့ကို ၁၉၉၆ ခုနှစ်မှ စတင်ကာ အမည်ပျက် စာရင်းသွင်း၍ ပိတ်ဆို့ အရေးယူမှုများ ပြုလုပ်ခဲ့သည်။

သို့သော် ယခုနှစ် မေလအတွင်းက အမေရိကန် အစိုးရသည် ယခင်တပ်မတော် အစိုးရနှင့် ပတ်သက်သည့် အစိုးရ အရာရှိများ၊ ခေါင်းဆောင်များကို အမည်ပျက် စာရင်းမှ ပယ်ဖျက်၍ ပြည်ဝင်ခွင့် ပိတ်ပင်ထားမှုကို ဖြေလျှော့ပေးကြောင်း၊ စီးပွားရေး၊ နိုင်ငံရေး၊ ဘဏ္ဍာရေးအရ ချမှတ်ထားသော ဆန်ရှင်များကိုလည်း တစ်နှစ်တိုးမြှင့် ဆိုင်းငံ့ ဖြေလျှော့ပေးကြောင်း ထုတ်ပြန် ကြေညာခဲ့သည်။

ယင်းကြေညာချက်တွင်ပင် အမေရိကန်သမ္မတ ဘားရက်အိုဘားမားက မြန်မာနိုင်ငံတွင် ပြည်တွင်း လုံးခြုံရေး အခြေအနေ စိတ်မချရခြင်း၊ မြောက်ကိုရီးယား နိုင်ငံနှင့် စစ်ရေးအရ ပတ်သက်မှုများ ရှိနေခြင်းကြောင့် ပိတ်ဆို့မှုအချို့ ဆက်လက်တည်မြဲမည် ဖြစ်ကြောင်း ထည့်သွင်း ကြေညာထားသည်။

မြောက်ကိုရီးယားနိုင်ငံနှင့် မြန်မာနိုင်ငံသည် စစ်ရေးအရ ဆက်ဆံမှု လုံးဝမရှိဟု နိုင်ငံတော်သမ္မတနှင့် သမ္မတပြောရေး ဆိုခွင့်ရှိသူ ဦးရဲထွဋ်တို့က အကြိမ်ကြိမ် ငြင်းဆိုခဲ့သည်။

The Voice Weekly Myanmar

အပြည့်အစုံသို့ »

နေပြည်တော် ဆီးဂိမ်းကို နိုင်ငံခြား ဧည့်သည်များ အံသြ


ကြီးကျယ်လွန်းသော နေပြည်တော်ကို နိုင်ငံခြားဧည့်သည်များက အထူးအဆန်းအဖြစ် ရှုမြင်ကြသည် (ဓာတ်ပုံ – ဂျေပိုင် / ဧရာဝတီ)
၂၇ ကြိမ်မြောက် ဆီးဂိမ်း ပြိုင်ပွဲကို အိမ်ရှင်အဖြစ် လက်ခံ ကျင်းပနေတဲ့ မြန်မာနိုင်ငံရဲ့ မြို့တော်သစ် နေပြည်တော်မှာ ကြီးကျယ်သော အဆောက်အဦများစွားဖြင့် ဖွံဖြိုး တိုးတက်လျက်ရှိသော်လည်း မြို့ကြီး သီးသီးသန့်သန့် တည်ရှိနေခြင်းက ထူးဆန်း အံသြစရာ ကောင်းနေကြောင်း နေပြည်တော် ဆီးဂိမ်း ပြိုင်ပွဲသို့ရောက် နိုင်ငံခြားသား ဧည်သည်များက မှတ်ချက်ပြု ကြသည်။

နေပြည်တော်တွင် အဆောက်အဦး ကောင်းများစွာရှိပြီး  ကြီးမားကျယ်ပြန့်သော လမ်းများဖြင့် လှပနေသော်လည်း စည်းကမ်း ပိုင်းဆိုင်ရာတွင် အားနည်းချက်များ ရှိနေသေးကြောင်း နိုင်ငံခြားသား တချို့က ပြောသည်။ ယင်းအပြင် နေပြည်တော်မှာ ဆင်းရဲ ချမ်းသာ လူတန်းစား အလွှာစုံကို မတွေ့မြင်ရဘူးဟု ၎င်းတို့က ဆိုသည်။

“ အခု မြန်မာက ပွင့်လင်းသွားပြီ ဆိုတော့ ခရီးသွားရတာ အဆင်ပြေတယ်။ နေပြည်တော်ကြီးက ရန်ကုန်လောက် ကားတွေ ၊ လူတွေ မများဘူး။ ဒီတိုင်းပြည်က တခြားမြို့တွေလို မဟုတ်ဘဲ သပ်သပ်ကြီး ဖြစ်နေတာ အရမ်း အံသြစရာပဲ။ လူတွေကလည်း ကားတွေ ဆိုင်ကယ်တွေနဲ့ ချမ်းသာတဲ့ပုံပဲ။ ရန်ကုန်က လူဦးရေ ၈ သန်းကို ဒါမျိုး ဖန်းတီးပေးသင့်တယ် ”ဟု နေပြည်တော် ဆီးဂိမ်းသို့ သီးသန့် လာရောက် လည်ပတ်သူ ဂျာမနီနိုင်ငံသား Mark က ဆိုသည်။

နေပြည်တော် ဆီးဂိမ်းသို့ ရောက်ရှိ လာသော Mark တို့ ကမ္ဘာလှည့် ခရီးသွား အဖွဲ့သည် ရန်ကုန် ၊ မန္တလေးနှင့် ပုဂံသို့ အလည်အပတ် ခရီး သွားရောက်ခဲ့ပြီး ဖြစ်ရာ မန္တလေးနှင့် ပုဂံရှိ မြန်မာ ပြည်သူများမှာ သူတို့၏ တိုင်းပြည်တွင် ၂၇ ကြိမ်မြောက် အရှေ့တောင် အာရှ အားကစား ပွဲတော် (ဆီးဂိမ်း) ပြိုင်ပွဲကြီး ကျင်းပနေသည်ကို မသိရှိကြကြောင်း Mark တို့အားပြောဆိုသည်ဟု ဧရာဝတီသို့ ပြောပြသည်။

“ တကယ်ဆိုရင် ကိုယ့်နိုင်ငံမှာ ဒီလောက်ကြီးတဲ့ အားကစားပွဲကြီး လုပ်တာ ပြည်သူတွေ သိသင့်တာပေါ့။ ပုဂံက ပြည်သူတွေ မသိတာ ထားလိုက်တော့၊ မန္တလေးမှာ အမျိုးသမီး ဘောလုံးပွဲ ရှိတာပဲ ။ သူတို့ သိသင့်တာပေါ့။ မှန်းပြောရရင် အစိုးရက နိုင်ငံတကာကို ကြွားချင်လို့ သက်သက် လုပ်ပြတာမျိုး ဖြစ်နေမလား” ဟု Markက မှတ်ချက်ပြု ပြောဆိုသည်။

နေပြည်တော်သည် မြန်မာနိုင်ငံတွင် နေရာ အသစ်တခုကဲ့သို့ သီးသီးသန့်သန့် တည်ရှိနေခြင်းသည် အပြောင်းအလဲ တခုဖြစ်ပြီး အလွန် ဖွံဖြိုးတိုးတက်သော တိုင်းပြည်ကြီး တခုသို့ အလုပ် လာလုပ်နေရသည်ဟုပင် ခံစားရကြောင်း ထိုင်းနိုင်ငံ အခြေစိုက် Nation Man ကုမ္ပဏီမှ အသက် ၄၆ နှစ်အရွယ် ထိုင်းလူမျိူး Mr.MonGkon က ဧရာဝတီသို့ ပြောသည်။

“ ဒီကို မရောက်ခင်က နေပြည်တော်ကို ဒီလောက် ကြီးကျယ် ခမ်းနားလိမ့်မယ်လို့ ထင်မထားဘူး။ တကယ်နေရာ အသစ်တခုပဲ။ ကျနော်က ဒီမှာ လက်ဝှေ့စင် အတွက် လိုအပ်တာတွေ လာကူတာ။ ဒါပေမဲ့ နေပြည်တော်ထက် မန္တလေးကို ပိုကြိုက်တယ်။ အဲဒီက မြန်မာတွေက ဖော်ရွှေတယ်။ မန္တလေးက ကျနော်တို့ နိုင်ငံနဲ့ ပိုတူတယ်” ဟု Mr.MonGkon က ဆိုသည်။

Mr.MonGkon သည် မြန်မာနိုင်ငံ လက်ဝှေ့ အဖွဲ့ချုပ်အတွက် လက်ဝှေ့စင်နှင့် လက်ဝှေ့ ပစ္စည်းများ ကူညီ ထောက်ပံပေးရန် နည်းပညာ အကူအညီပေးနေသူတဦး ဖြစ်ပြီး နေပြည်တော်သို့ နှစ်ကြိမ်မြောက် ရောက်ရှိလာသူဖြစ်သည်။

“ ဒီမှာ လူတိုင်းက ကွမ်းတံတွေးကို ကြုံသလို ထွေးနေတာမျိုး တွေ့ရတယ်။ ထွေးတဲ့သူတွေအတွက် ထွေးဖို့နေရာတို့ ၊ အမှိုက်ပုံးတို့ ပေးထားတာလည်း မတွေ့ဘူး။ စည်းကမ်း လိုက်နာဖို့အတွက် အမှိုက်ပုံးတို့ ၊ ကွမ်းတံထွေးတဲ့ နေရာတို့ ထားပေးသင့်တယ်။ ထိုင်းမှာလည်း တချို့နေရာတွေက ညစ်ပတ်ပေမယ့် မြန်မာတွေလိုတော့ ကွမ်းတအား မစားကြဘူး။ နိုင်ငံတိုင်းမှာလည်း စည်းကမ်း မလိုက်နာတဲ့ သူက ရှိတာပဲ”ဟု ထိုင်းနိုင်ငံသား မစ္စတာ Mr.MonGkonက ပြောသည်။

နေပြည်တော်သည် ရန်ကုန်မြို့ထက် ပိုကောင်းမွန်ပြီး မလေးရှားနိုင်ငံ ပူထရာဂျာနာ ဒေသနှင့် ဆင်တူကြောင်း ၊ မြန်မာ့ ရိုးရာ လက်မှု ပစ္စည်းများ ၀ယ်ယူချင်သော်လည်း နေပြည်တော်တွင် ရှာမတွေ့ကြောင်း ပထမဆုံးအကြိမ် နေပြည်တော်သို့ ရောက်ရှိလာသော မလေးရှားနိုင်ငံမှ အသံလွှင့်အင်ဂျင်နီယာ မစ္စတာ အင်မန်အီဟတ်က ပြောသည်။

“ မြန်မာတွေ ဧည့်ဝတ်ကျေတယ် ။ ဆီးဂိမ်း အပြင်အဆင်ကလည်း အရမ်းကောင်းတယ်။ ခြင် ပြဿနာကတော့ ကြီးကြယ်တဲ့ Issue ကြီးမဟုတ်ပါဘူး။ အခုတော့ အဆင်ပြေသွားပြီ ။ ဒီမှာ နေရာတိုင်းကို လွတ်လွတ်လပ်လပ် သွားလို့ ရနေတာပဲ ” ဟု မလေးရှားနိုင်ငံ National Sport Council မှ မစ္စတာ ဘက်စမန်က ဆိုသည်။

“ဒီဆီးဂိမ်း အားကစား ကွင်းထဲမှာတော့ သယ်ယူ ပို့ဆောင်ရေးက သိပ်အဆင်မပြေဘူး။ ကားတွေက အချိန်မမှန်ဘဲ သူဘာသာ သွားနေတယ်။ ဒါပေမဲ့ ကျနော်က မွတ်စလင်ဆိုတော့ ဆိုင်တွေမှာ စားရတာ အဆင်ပြေပါမလား စိတ်ပူတာ။ အဆင်ပြေတယ်။ ဟာလာ အစားအစာတွေ ရတယ်။ တခုက မြန်မာ့ရိုးရာ လက်မှုပညာ ပစ္စည်းတွေတော့ ၀ယ်ချင်တယ်။ ဒီမှာရောင်းတာက ဆီးဂိမ်းနဲ့ ပတ်သက်တာတွေပဲ ဖြစ်နေတယ်”ဟု အင်မန်အီဟတ်က ဆိုသည်။

အာရှ အားကစား အဖွဲ့ချုပ်မှ ထိုင်း နိုင်ငံသား မစ္စတာ Paiboon က “ နေပြည်တော်ကြီးက တကယ် ကောင်းပါတယ်။ အပြင်မှာ ကြားခဲ့ရသလို စစ်တပ်က ထိန်းချုပ်ထားတယ်။ မလွတ်လပ်ဘူးဆိုတာ မဟုတ်ဘူး။ ဒီမှာ ဟိုတယ်တွေလည်း အများကြီး ဖွင့်ထားတယ်။ ဒါပေမဲ့ ဟိုတယ်တွေပဲ ရှိပြီး စီးပွားရေး ဖွံဖြိုးတာတော့ မတွေ့ရဘူး။ မြန်မာတွေ ခုထက်ထိ သနပ်ခါး လိမ်းနေသေးတယ်။ ဒါပေမဲ့ နောက်ကျရင်တော့ မိတ်ကပ်တွေ
ပြောင်းလိမ်း ကြလိမ့်မယ်။ ထိုင်းမှာတော့ ယဉ်ကျေးမှု ပြောင်းသွားပြီ ”ဟု ဆိုသည်။

ဆီးဂိမ်းပြိုင်ပွဲသို့ လာရောက် ယှဉ်ပြိုင်သော ဗီယက်နမ် နိုင်ငံအသင်းမှ အားကစားသမားများအတွက် တည်းခိုရန် ပေးထားသည့် နေအိမ်အချို့တွင် ခြင် အန္တရာယ် ရှိနေပြီး ခြင်ပြဿနာ အပါအ၀င်၊ တခြားပြဿနာ တချို့ကြောင့် အားကစား သမားများ၏ စွမ်းရည် အပေါ် သက်ရောက်မှု ရှိနေသည်ဟု ဗီယက်နမ် အခြေစိုက် သတင်းဌာန တခုက ဖော်ပြခဲ့သောကြာင့် ကျန်းမာရေးဝန် ကြီးဌာနက ခြင်ထောင်များ ထပ်မံ ဖြည့်ဆည်းပေးခြင်းဖြင့် ခြင် ပြဿနာကို ဖြေရှင်းပေးရကြောင်း သိရသည်။

နေပြည်တော်တွင် နိုင်ငံခြားသားများကို ၀န်ဆောင်မှု ပေးနေသော အငှားတက္ကစီယာဉ် စရိတ်မှာ အနည်းငယ် ဈေးကြီးသည်ဟု ဂျာမနီ နိုင်ငံသား မစ္စတာ Toddy က ပြောသည်။ ကမ္ဘာလှည့် ခရီးသည်များကို မြန်မာ Tourist Police က အကူအညီ ပေးသည်ဟု ၎င်းက ဆိုသည်။

“ ကျနော်တို့ အဖွဲ့ ဟိုတယ်ဇုန်ကနေ ဒီကို ကားငှားလာတာ ဒေါ်လာ ၂၀ ပေးရတယ်။ ဈေးကြီးပေမယ့် အစိုးရက ဆီးဂိမ်းကို ဘယ်လိုလုပ်ထားလဲ ဆိုတာ စိတ်ဝင်စားလို့လာကြည့်တာ။ မြန်မာကို ရောက်တော့ Tourist Police တွေက ကူညီတယ်။ မျက်နှာတွေက ပြုံးနေတာပဲ။ ဆီးဂိမ်း ပွဲထဲကိုလည်း ၀င်ခွင့်ရတယ်။ ဒီထဲမှာတော့ ပွဲတွေကို ကြည့်လို့ရမယ့် Time Scaledule ရှာတာတော့ အခုထိ မတွေ့သေးဘူး”ဟု မစ္စတာ Toddy က ပြောသည်။

ဘောလုံးပွဲတွင် အိမ်ရှင် မြန်မာကို အနိုင်ရစေချင်ပြီး အင်ဒိုနီးရှား အနိုင်ရသွားသည့် အတွက် စိတ်မကောင်းကြောင်း ဂျာမနီနိုင်ငံသား Rainerက ယခုလို ပြောဆိုသေးသည်။”တီမောနဲ့ ထိုင်းတုန်းက တီမောကို အားပေးတယ်။ မြန်မာနဲ့ ထိုင်းမှာတော့ မြန်မာကို အားပေးခဲ့တယ်။ မြန်မာတွေ ရှုံးတာနဲ့ ရှက်လို့ ရန်ကုန်မှာ ရန်တွေ ဖြစ်ကြတာ မင်းသိလား” ဟု Rainer မေးခွန်းထုတ်သည်။
ဧရာဝတီ သတင်း

အပြည့်အစုံသို့ »