တရားမ၀င်သစ်ဖမ်းရာတွင် ကူညီသူများကို ကျပ် သန်း ၁၁၀ ကျော်ပေးခဲ့



တရားမ၀င်သစ် ဖမ်းဆီးရမိနိုင်ရေးမှာ ပါဝင်ကူညီခဲ့သူ သတင်းပေး၊ သစ်တောဝန်ထမ်း၊ အရာရှိနဲ့ ရဲတပ်ဖွဲ့ဝင်တွေကို ဆုကြေး ကျပ်ငွေ သန်း ၁၁၀ လောက် ပေးခဲ့ပြီး ဖြစ်တယ်လို့ သဘာဝပတ်ဝန်းကျင်နဲ့ သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်းက ပြောပါတယ်။

မတ် ၁၇ ရက်နေ့က လုပ်တဲ့ ပြည်သူ့လွှတ်တော် အစည်းအဝေးမှာ သစ်တော ထိန်းသိမ်းရေး၊ သစ်မှောင်ခိုနှိမ်နင်းရေးနဲ့ ပတ်သက်ပြီး ပြည်သူ့လွှတ်တော်အ မတ်တွေက မေးမြန်း တာကို ဖြေကြားရင်း ခုလို ထည့်သွင်းပြောဆိုခဲ့တာ ဖြစ်ပါတယ်။

သဘာဝပတ်ဝန်းကျင်နဲ့ သစ်တောရေးရာဝန်ကြီးဌာနအနေနဲ့ သစ်ဖမ်းဆီးရမိမှုတွေမှာ သတင်းပေးကို ၁၀ ရာခိုင်နှုန်း၊ ဖမ်းဆီးတဲ့ သက်ဆိုင်ရာ ဌာနဆိုင်ရာ အဖွဲ့အစည်းတွေကို ၁၀ ရာခိုင်နှုန်း ခွဲပေးတဲ့အကြောင်း၊ ဒါကြောင့် ပြီးခဲ့တဲ့ ဘဏ္ဍာရေးနှစ်က သစ်တောဝန်ထမ်းတွေကို ဆုကြေးငွေ ၉၅ သန်းကျော်၊ အထူးအရာရှိတွေကို ၇ သန်းကျော်၊ ရဲတပ်ဖွဲ့ကို ၈ သန်းကျော်နဲ့ တပ်မတော်သားတွေကို ကျပ်ငွေ ၅ သိန်းကျော် ခွဲဝေပေးခဲ့တယ်လို့ ရှင်းပြခဲ့ပါတယ်။

DVB Burmese

အပြည့်အစုံသို့ »

နိုင်ငံတော်သို့ ပေးစာတစ်စောင်



#emg_opinions
(Written By - မင်းခေါင်ကျော်စွာ)
(ကချင်ပြည်နယ် မြစ်ကြီးနားမြို့ရှိ ဈေးတစ်ခုတွင် ဈေးရောင်းချနေသော ဒေသခံ အဘွားအိုနှစ်ဦးအား ၂၀၁၃ခုနှစ်အတွင်းက တွေ့ရစဉ်)

၂၈.၂.၂၀၁၄ နေ့မှာ Daily Eleven သတင်းစာကို ဖတ်မိတဲ့အချိန်မှာ စိတ်မကောင်းများစွာ ဖြစ်ရတဲ့အတွက် ဒီစာစုကို ရေးသားရခြင်းဖြစ်ပါတယ်။ ဦးစွာကျွန်တော်တို့ မြန်မာနိုင်ငံမှာ မိသားစုတစ်စုဟာ တစ်နေ့ဝင်ငွေလေး ထောင်မျှရှိရုံနဲ့ ထမင်းနပ်မှန်ဖို့ မလွယ်ကူတာကို လူကြီးမင်းတို့ နေ့စဉ်စားသောက်နေတဲ့ မနက်ခင်းစာ (Breakfast) ကို လူကြီးမင်းတို့ကိုယ်တိုင် ငွေကြေးစိုက်ထုတ် သွားဝယ်ပြီး စားကြည့်လျှင် သိရှိပါလိမ့်မယ်။ မနက်ခင်းစာကို ဘယ်လောက်ကုန်ကျတယ်သိသွားရင် လူကြီးမင်းတို့ စာနာ၊ နားလည်နိုင်မယ်ထင်ပါတယ်။ ကျားကကျားစာ၊ ကြောင်ကကြောင်စာ၊ ကြွက်ကကြွက်စာဆိုတာကို ကောင်းစွာ နားလည်သဘောပေါက်သော်လည်း၊ မရှိဆင်းရဲသားများသည်လည်း လူသားများဖြစ်ကြောင်းကို လူကြီးမင်းတို့ နားလည်ပေးသင့်ပါသည်။

နိုင်ငံတော်တော်များများမှာ ၀င်ငွေခွန်ကောက်ခံနေသည် မှန်သော်လည်း ထမ်းဆောင်တဲ့ အခွန်ထမ်းအပေါ် နိုင်ငံရဲ့ပြန်လည်တာဝန်ကျေပွန်မှုကိုလည်း တာဝန်တစ်ခု၊ အသိတစ်ခုအနေဖြင့် အစီအစဉ်ချမှတ်သင့်ပြီး အခွန်ထမ်းရဲ့ခံစားခွင့်၊ ရပိုင်ခွင့်တွေကို သေချာစွာ ဖော်ပြအကောင်အထည်ဖော် ဆောင်ရွက်ပေးရမှာဖြစ်ပါတယ်။

ကျွန်တော်တို့နိုင်ငံရဲ့ တစ်ဦးချင်းအပေါ် ကျောသား၊ ရင်သားမခွဲခြားဘဲ ကျန်းမာရေးစောင့်ရှောက်မှု၊ ပညာရေးပံ့ပိုးမှုများအတွက် ပြည်သူတွေမည်မျှ ကျေနပ်မှုရရှိကြောင်းကို ဝေဖန်၊ အကြည်အညိုပျက်အောင် ဆောင်ရွက်မှုကြီးအဖြစ် သတ်မှတ်ခံရမည်စိုးသဖြင့် ထည့်သွင်းရေးသားမှုမပြုပါ။ အခက်အခဲ၊ အကျပ်အတည်းများစွာအား ရင်ဆိုင်ရသော ပြည်သူတို့မှာ စည်းကမ်းပျက်ယွင်းမှု၊ ကိုယ်ကျင့်တရား ယုတ်လျော့မှုများအား နေရာတော်တော်များများတွင် တွေ့သိလာခြင်းသည် စိတ်မကောင်းဖွယ်ရာ ဖြစ်ပါသည်။

ကျွန်တော် ဤစာစုတွင် အဓိကရေးသားတင်ပြခြင်းသည် တိုင်းရင်းသား လက်နက်ကိုင်အဖွဲ့အစည်းများနှင့် ငြိမ်းချမ်းရေးရယူရန် ကြိုးပမ်းမှုများအတွက် ဆောင်ရွက်ရာတွင် ကျွန်တော်တွေးမိ၊ နားလည်မိသလို ရေးသားတင်ပြပါမည်။

လွတ်လပ်ရေးရပြီး မြန်မာနိုင်ငံတွင် တိုင်းပြည်ငြိမ်းချမ်းရေးအတွက် ဆောင်ရွက်ခဲ့ကြသော အစိုးရအသီးသီးတို့သည် မပြီးပြတ်သော၊ မအောင်မြင်သော ငြိမ်းချမ်းရေး အစီအစဉ်များဖြင့်သာ ပြီးဆုံးသွားကြသည်မှာ လူတိုင်းအသိပင်ဖြစ်ပါသည်။ ကျွန်တော်လေ့လာမိသမျှ တင်ပြရလျှင် အစိုးရအဆက်ဆက်၏ နိုင်ငံတော်အကြီးအကဲများ၏စိတ်တွင် ငြိမ်းချမ်းရေးအမှန်တကယ် လိုလားကြောင်း သိနားလည်ပါသည်။ သို့သော် လက်အောက်ငယ်သားတို့၏ တိုင်းရင်းသားများအပေါ် အချို့မောက်မာစွာ ဆက်ဆံမှု၊ လူမျိုးကြီးစိတ်ဓာတ်ရှိမှု၊ ဗိုလ်ကျလိုမှု၊ လူသားချင်းစာနာထောက်ထားမှု မရှိမှုတို့သည် ငြိမ်းချမ်းရေးရရှိရန် အလှမ်းဝေးခဲ့ရမှုများ၏ အချက်တချို့ဖြစ်ပါသည်။ တိုင်းရင်းသားတို့၏ နယ်မြေတွင်း ၀င်ရောက်ကာ တိုင်းပြည်အကျိုးစီးပွားအတွက်ဟု ကြွေးကြော်ပြီး နယ်မြေခံတိုင်းရင်းသားတို့အား လူရာမသွင်းခဲ့ခြင်းသည် နယ်မြေခံပြည်သူတို့၏ နာကြည်းမုန်းတီး၊ စက်ဆုပ်မှုကိုဖြစ်စေသော အချက်တစ်ချက် ဖြစ်ပါသည်။

ယခုတစ်ဖန်ပြုလုပ်ပေးသော တိုင်းရင်းသားလက်နက်ကိုင် အဖွဲ့အစည်းများအား မော်တော်ယာဉ်ပါမစ်များ (ကုန်သွယ်ခွန်၊ အကောက်ခွန်များ အထူးနှုန်းထား ကင်းလွတ်ခွင့်ရ) ချပေးသည့်ကိစ္စတွင် နိုင်ငံတော်အနေဖြင့် များစွာအခွန်နစ်နာသလို ရရှိသော တိုင်းရင်းသား လက်နက်ကိုင်အဖွဲ့အစည်းများအနေဖြင့်လည်း နိုင်ငံတော်နစ်နာသွားသော ငွေကြေးအတိုင်းအတာထက်များစွာ လျော့နည်းသော ငွေကြေးကိုသာရရှိ၍ လက်တစ်ဆုပ်စာ လူတစ်စုသာ အခွန်များစွာ လျော့နည်း၍ အကျိုးအမြတ်ရရှိသွားသည်ကို တွေ့ရှိရပါသည်။

ကျွန်တော်ဥာဏ်မီသမျှတင်ပြရလျှင် ငါးသေးသေးလေးတွေပေးပြီး ကွန်ချက်မပြပေးသည်ဟု ထင်မိပါသည်။ အမှန်တကယ်ဖြစ်သင့်သည်မှာ ၎င်းတို့ရေရှည်ရပ်တည်နိုင်ရန် ကိစ္စများအတွက် ဆောင်ရွက်ပေးသင့်သည်။ လက်နက်ဖြုတ်သိမ်းရန် ကြိုးစားခြင်းထက် လက်နက်အပ်ချင်လာရန် ဆောင်ရွက်သင့်သည်။ တိုင်းရင်းသားနယ်မြေအသီးသီးတွင်ရှိနေသော ဌာနဆိုင်ရာဝန်ထမ်းများသည်လည်း ပြည်သူတွေက ကျွေးထားသော ထမင်းကို စားနေရသူများဖြစ်သည်ကို နားလည်ခံယူနိုင်ရန် အရေးကြီးပါသည်။ အနိုင်ကျင့်၊ ဗိုလ်ကျလိုမှု ညှိနှိုင်းဆွေးနွေးပြီး တန်းတူဆက်ဆံရန် အောက်ခြေပိုင်းသည် မကြိုးစားသရွေ့ တစ်ဖွဲ့ပျောက်သွားလည်း တစ်ဖွဲ့ထပ်ပေါ်လာမည်မှာ မလွဲပါ။ တိုင်းပြည်နေရာအနှံ့အပြားတွင် ဥပဒေချိုးဖောက်မှုများ၊ လူလူချင်းတန်းတူ မဆက်ဆံမှုများကို ကောင်းစွာအပြစ်ပေးအရေးယူမှုများ မဆောင်ရွက်နိုင်သေးသရွေ့ ငြိမ်းချမ်းတည်ငြိမ်ရေးသည် အလှမ်းဝေးနေမြဲ ဖြစ်ပါမည်။

တိုင်းပြည်တည်ဆောက်ရေး၊ တိုးတက်သာယာဝပြောရေး ဆောင်ရွက်ရာတွင် ငြိမ်းချမ်းတည်ငြိမ်မှု မရှိလျှင် အိတ်ပေါက်နှင့် ဖားကောက်ဖြစ်နေဦးမည် ဖြစ်ပါသည်။ ပြည်သူတွေလည်း ဆင်းရဲဒုက္ခ၊ ဆွေမျိုး၊ မိဘသား သမီးများနှင့် ဝေးရသည့် ဒုက္ခများလည်းဆက်ရှိနေမည် ဖြစ်ပါသည်။ ကျွန်တော်ဥာဏ်မီသလောက်တင်ပြရလျှင် တိုင်းရင်းသားနယ်မြေများတွင် စီမံကိန်းများ၊ ဖက်စပ်လုပ်ကိုင်မှုများတွင် ပွင့်လင်းမြင်သာစွာဖြင့် တိုင်းရင်းသား လက်နက်ကိုင်အဖွဲ့အစည်း (သို့) ထိုနယ်မြေတွင် အမှန်တကယ် ဒီမိုကရေစီ နည်းလမ်းတကျ တင်မြှောက်ထားသော အုပ်ချုပ်ခွင့်ရ အဖွဲ့အစည်းများအတွက် အမြတ်ရာခိုင်နှုန်း မည်မျှပေးမည်၊ ထိုနယ်မြေ၏ ပညာရေး၊ ကျန်းမာရေး၊ လူမှုရေးကဏ္ဍအသီးသီးအတွက် အမြတ်ရာခိုင်နှုန်းမည်မျှကို နှစ်စဉ်သုံးစွဲမည်ဟု ပွင့်လင်းမြင်သာစွာ ထည့်သွင်းရေးဆွဲခဲ့လျှင် ဒေသခံပြည်သူများနှင့် ပဋိပက္ခဖြစ်မှု များစွာနည်းပါးသွားမည်ဟု မြင်မိပါသည်။

နိုင်ငံတော်အတွက်လုပ်ပါသည်ဟု မည်မျှပင်ဆိုဆို၊ ဥပမာပေးရလျှင် ရပ်ကွက်ထဲမှလူများနှင့် ပသသင့်သည့်သူများကို ပေးကျွေးရန် မိမိအိမ်ရှေ့အများပိုင်မြေပေါ်တွင် အကြော်လာကြော်လျှင် မိမိသည်းခံနိုင်မည်လား။ ၁၀ ရက်၊ ၁၅ ရက်အထိ ပြဿနာမဟုတ်သော်လည်း လပေါင်းများစွာဆိုလျှင် ခွင့်လွှတ်နိုင်မည်မဟုတ်။ ထို့အပြင် အကြော်လာကြော်သူတို့က မင်းတို့ရပ်ကွက်ကလူတွေ စားဖို့လည်းပါတယ်၊ ငါတို့နေချင်သလိုနေမယ် လုပ်ချင်သလိုလုပ်မယ်ဆိုလာလျှင် အမှန်တကယ်ဖြစ်သင့်သည်မှာ အိမ်ရှင်ကိုလည်း တောင်းပန်စကားဆိုပြီး၊ ကျွန်တော်တို့ ဘယ်လိုလုပ်ပေးပါမယ်၊ အညှော်နံ့မနံအောင် ဘယ်လိုဆောင်ရွက်ပေးပါမယ်။ အကြော်လည်း စားနိုင်သလောက် ကျွန်တော်တို့ကြော်တဲ့ အကြော်ကိုနေ့တိုင်းလာစားပါဆိုလျှင် အိမ်ရှင်ဘယ်လိုစိတ်ဖြစ်မလဲ။

တိုင်းရင်းသားလက်နက်ကိုင်အဖွဲ့အစည်းတွေ ၀င်ငွေမှန်လာလျှင် ငြိမ်းချမ်းရေး ပိုမိုယိုင်လာမယ်လို့ တွေးနိုင်သော်လည်း မိမိမြေပေါ်တွင် အလုပ်အကိုင်ဖြစ်ထွန်းလာသော အသီးအပွင့်များ ပျက်စီးဆုံးရှုံးမှာကိုတော့ နယ်မြေခံနှင့် သက်ဆိုင်ရာအဖွဲ့အစည်းတို့ လိုလားမည်မဟုတ်ပေ။ အာဏာရူးတချို့ကြောင့် ပဋိပက္ခဖြစ်နိုင်သော်လည်း သူ့လူကို သူထိန်းသွားလိမ့်မည်။ လိုအပ်သည်မှာ ဒီမိုကရေစီစနစ် ပီပြင်စွာဖြစ်ပေါ်၍ ဥပဒေများဖြင့် တိတိကျကျ ကျောသားရင်သားမခွဲခြားဘဲ ထိထိရောက်ရောက် ဆောင်ရွက်လျှင် နိုင်ငံတော်သည် အလျင်အမြန်တိုးတက်လာမည် ဖြစ်ပါသည်။ နယ်မြေအသီးသီးတွင် အခွင့်ထူးခံလူတန်းစား နည်းပါးအောင် လုပ်ဆောင်ရေးသည် နိုင်ငံတော်၏ တာဝန်ဖြစ်သည်။ ယခုလုပ်ကိုင်မည့်၊ လုပ်ကိုင်ဆဲ နိုင်ငံခြားနှင့်သော်လည်းကောင်း၊ ပြည်တွင်း အခွင့်ထူးခံလူတန်းစားများနှင့်သော်လည်းကောင်း လုပ်ငန်းများတွင် ကျွန်တော်တင်ပြခဲ့သည့် အချက်များ ပါဝင်မှုအားနည်းကြောင်းကို ကျွန်တော်မြင်မိပါသည်။ ပြည်တွင်းအခွင့်ထူးခံ လူတန်းစားများနှင့် နယ်မြေခံတို့အကြား ပဋိပက္ခများသည် ပွင့်လင်းမြင်သာစွာ မဆောင်ရွက်ခဲ့မှုများ၏ အကျိုးဆက်ဖြစ်သလို အခွင့်ထူးခံလူတန်းစားအချို့၏ ငါ့မြင်း ငါစီး၊ လူများအပေါ် လူ့တန်ဖိုးမသိ၊ မဆက်ဆံတတ်မှုများသည် တိုင်းပြည်၏ဆုတ်ယုတ်မှုကို အထိုက်အလျောက် ဖြစ်ပေါ်စေပါသည်။

တိုင်းရင်းသား လက်နက်ကိုင်အဖွဲ့အစည်းများသည်လည်း လူမျိုးရေးအခြေခံ၍ မကျေနပ်မှု၊ ခံပြင်းမှုများမှ ပေါ်ပေါက်လာသည့် အဖွဲ့အစည်းများဖြစ်ပါသည်။ ၎င်းတို့တွင်လည်း မြန်မာပြည်ကို ချစ်သည့်စိတ်၊ ငြိမ်းချမ်းလိုလားသည့်စိတ်၊ တိုးတက်လိုသည့်စိတ်များ ကိန်းအောင်းနေသည်ကို သံသယဖြစ်စရာမရှိပါ။ စုန်းပြူးများလည်းရှိနိုင်ပါသည်။ အမှန်တကယ်နိုင်ငံတော်မှသာ ပွင့်လင်းမြင်သာစွာ ၎င်းတို့၏ နယ်မြေနှင့် နယ်မြေအတွင်းရှိ ပြည်သူများ၏ လူမှုစီးပွားဘ၀များ တိုးတက်ဖွံ့ဖြိုးအောင် ဆောင်ရွက်ပြီး၊ ပါဝင်သည့် သက်ဆိုင်ရာအာဏာပိုင်များမှလည်း နယ်မြေခံပြည်သူများအပေါ် လူသားပီသစွာ ညှိနှိုင်းတိုင်ပင် ဆောင်ရွက်ပေးလျှင် ငြိမ်းချမ်းရေးမကြာမီရရှိပြီး တိုင်းပြည်လည်း အမှန်ပင် ခေတ်မီဖွံ့ဖြိုးတိုးတက်လာပြီး ပြည်သူပြည်သားတို့၏ လူမှုစီးပွားဘ၀များကို မြှင့်တင်ပေးလိုပါသည်ဟု ထုတ်ပြန်ခဲ့သော ကျွန်တော်တုိ့အား အုပ်ချုပ်သူအစိုးရ၏ ဆန္ဒသည်လည်း အနှေးနှင့်အမြန် ပြည့်ဝလာမည်ဟု ယုံကြည်မိပါသည်။


Eleven Media Group

အပြည့်အစုံသို့ »

Mister & Miss University 2014 ပြိုင်ပွဲဝင်ကျောင်းသားတစ်ဦးဖြစ် သူ မောင်ကျော်ဇောဟိန်း၏ နောက်ဆုံးစစ်ဆေးချက်ထွက်ရှိလာ



မြန်မာပြည်တစ်နံတစ်လျားမှ အများပြည်သူများ စိတ်အဝင်စားဆုံး သတင်းတစ်ပုဒ်ဖြစ်သည့် Mister & Miss University 2014 ပြိုင်ပွဲကို ဝင်ရောက်ယှဉ်ပြိုင်ရန်စခန်းဝင်လေ့ကျင့်နေစဉ် သေဆုံးခဲ့သောပြိုင်ပွဲဝင်ကျောင်းသားတစ်ဦးဖြစ်သူ မောင်ကျော်ဇောဟိန်း၏ သေဆုံးမှုအမှုမှန်ပေါ်ပေါက်လာရေး အတွက်စုံစမ်းစစ်ဆေးမှုများပြုလုပ်နေရာ နောက်ဆုံး စစ်ဆေးချက်များထွက်ရှိလာပြီဖြစ်ကြောင်း သိရှိရသည်။

သို့ဖြစ်ပါ၍ ၄င်းကိစ္စနှင့် ပတ်သက်ပြီး သေဆုံးသူမောင်ကျော်ဇောဟိန်း၏ အစ်ကိုရင်းဖြစ်သူ ကိုအောင်ကိုကိုအားဆက်သွယ်မေးမြန်းကြည့်ရာ..

" ပြောချင်တိုင်းတော့ပြောလို့မရဘူး။ အခုလက်ရှိ ရုံးမှာတော့ တစ်ဆင့်ချင်းတစ်ဆင့်ချင်းသွားနေတယ်ဆိုတော့ တချို့စကားတွေပြောလိုက်ရင်ရုံးတော်ကို မထီမဲ့ မြင်ဖြစ်သွားမှာလည်း ဆိုးတယ်။ အစ်ကိုပြောချင်တာလေးတွေလည်း ရှိတယ်။ မနေ့ကဆိုရင် အစ်ကို့မိဘတွေကအစတရားရုံးမှာ ဆေးစာကိုလျှောက်လာခဲ့တယ်။ ရလည်း
ရလာခဲ့တယ်။ ဆေးစာမှာလည်း ပြင်ပဒဏ်ရာလေးတွေ အများကြီးတွေ့ရတယ်။ အနှေးနဲ့ အမြန်ကတော့ တရားခံကိုမိမှာပါ။

အစ်ကိုတို့ဘက်ကတော့တရားရုံးရဲ့ လုပ်ဆောင်ချက်တွေကိုလည်း အနှောင့်အယှက်ဖြစ်မယ့် ကိစ္စမျိုးမပြောချင်ဘူး။ မလုပ်ချင်ပါဘူး။ မပတ်သက်တဲ့သူတွေကိုလည်း မထိခိုက်စေချင်ပါဘူး။
အခုဆေးစစ်ချက်မှာတွေ့ရှိ တာကတော့ ပြင်ပဒဏ်ရာက ငါးချက်၊ ခြောက်ချက်လောက်တော့ ရေးထားတယ်။ တံတောင်ဆစ်နှစ်ဖက်စလုံး ဒူးနှစ်ဖက်စလုံး၊ ကျောကုန်းတို့
အဲဒီလိုမျိုးရေးထားတယ်။

အစ်ကိုတို့က ဥပဒေနဲ့ဆန့်ကျင်ပြီးတော့ မပြောချင်ဘူး။ တရားရုံးက လက်ရှိလုပ်ဆောင်နေတဲ့အတွက် တရားရုံးကို လွှမ်းမိုးပြီးတော့ မပြောချင်ဘူး။ အစ်ကိုတို့ကတော့အဖြစ်မှန်ကို ပေါ်စေချင်တယ်။ ဘယ်သူ့ကိုမှ မနစ်နာစေချင်ပါဘူး။ တရားရုံးက လုပ်ဆောင်စစ်ဆေးနေတာကိုပဲ အစ်ကိုတို့က ကူညီသွားမှာပါ။
အဖြစ်မှန်လည်းပေါ်မယ်လို့ ယုံကြည်ပါတယ်။
အမှန်တရားပဲဖြစ်စေချင်တယ်။ ရုံးချိန်းက မတ်လ ၁၇ ရက်နေ့မှာ
ဆိုတော့ ထပ်ပြီးစစ်ဆေးမှုတွေ ပြုလုပ်ဖို့တော့ရှိပါတယ်"
ဟု ရှင်းလင်းပြောကြားသွားခဲ့သည်။

Popular Journal

အပြည့်အစုံသို့ »

AIDS ရဲ့ ဂယက် (၃)


တကယ့်တကယ် ပြန်စစ်ကြည့်လို့ တွေ့ရတာကတော့ AIDS လို့ နောင်တွင်မယ့် ရောဂါဟာ အမေရိကန် (ယူအက်စ်အေ) အာဖရိက ဥရောပနဲ့ ဟေတီနိုင်ငံတို့မှာ မရှေးမနှောင်း တစ်ပြိုင်တည်းလောက် နီးနီး ပေါ်ပေါက်ခဲ့တာပါ။ မှတ်တမ်းဟောင်းတွေကို စေ့စေ့စပ်စပ် ပြန်ကြည့်ပြီး နောက်ကြောင်းပြန် ခြေရာခံလိုက်ကြည့်လို့ တွေ့ရတာတွေကို စီပြရမယ် ဆိုရင်တော့ -

၁၉၇၉ - မှာ ၄၄ နှစ်အရွယ်ရှိ “ဂေး” တစ်ယောက် နယူးယောက်မြို့မှာ ကာပိုစီဆာကိုးမား (KS) နဲ့ သေခဲ့တယ်။ (KS ဟာ AIDS မှာ ဖြစ်လေ့ရှိတတ်တဲ့ အရေပြားကင်ဆာ အရင်က အင်မတိ အင်မတန် ရှားလှတဲ့ ရောဂါ)။

၁၉၇၇ - ၂၇ နှစ်ရှိ အာဖရိကတိုက် ရာဝန်ဒါ နိုင်ငံသူ ကလေးမိခင်တစ်ဦးဟာ ကိုယ်တွင်းခုခံအင်အား ကျဆင်းမှု လက္ခဏာတွေနဲ့ ဆုံးခဲ့တယ်။ ဒါဟာလည်း အရင်က သိပ်မတွေ့ကြုံတတ်တဲ့ ရှားပါးလှတဲ့ လက္ခဏာဆန်းဖြစ်တယ်။

၁၉၇၇ - ၃၄ နှစ်ရွယ် ဇိုင်ယာအမျိုးသမီး တစ်ယောက်ဟာလည်း ထူးဆန်းစွာ အဆုတ်ရောင်နဲ့ အူရောင်ရောဂါတွေ ဆင့်ကဲဆင့်ကဲ ရတာကြောင့် ဘယ်(လ)ဂျီယန်ပြည်မှာ စုံစမ်းစစ်ဆေးမှု ခံခဲ့တာ ၁၉၇၈ မှာတော့ ဇိုင်ယာမှာ ဆုံးတယ်။

၁၉၇၇ - ၄၇ နှစ်အရွယ် ဒိန်းမတ်သူ ခွဲစိတ်ဆရာဝန် တစ်ဦးဟာလည်း ကြောင်းအင်မသိဘဲ နာမကျန်း တော်တော်ကြာကြာ ဖြစ်ပြီး နောက်ဆုံး ရှားပါးတဲ့ အဆုတ်ရောင် ရောဂါတစ်ခုနဲ့ ဒိန်းမတ်မှာ ဆုံးခဲ့တယ်။ သူဟာ ဇိုင်ယာနိုင်ငံ တောနယ်မှာ နှစ်ရှည်လများ အလုပ်လုပ်စဉ် ရောဂါ ဖြစ်ခဲ့တာပါ။

၁၉၇၆ - အသက် ၃၀ ရှိ နော်ဝေးဂျင်လူမျိုး အသက် ၃၃ ရှိ သူ့ဇနီးနဲ့ အသက် ၉ နှစ်ရှိ သူတို့ရဲ့ သမီး ၃ ယောက်စလုံးဟာ တဖြည်းဖြည်း အားအင်ချိနဲ့ပြီး ရောဂါ အမည်မမှည့် တတ်ဘဲနေရာက ၇-၁၀ နှစ်အတွင်း သေသွားကြတယ်။

၁၉၇၅ - အရင်က အကောင်းပကတိ ရှိခဲ့တဲ့ ၇ လသားအရွယ် လူမည်းကလေး တစ်ဦးဟာ ရှားပါး အဆုတ်ရောင် ရောဂါနဲ့ နယူးယောက်မှာ သေဆုံးခဲ့တယ်။

၁၉၆၉ - ၁၅ နှစ်ရွယ် လူမည်းကလေးတစ်ယောက် KS အရေပြား ကင်ဆာနဲ့ ရှားပါး အဆုတ်ရောင် ရောဂါနဲ့ အမေရိကန်ရှိ စိန့်လူစီမြို့မှာ သေဆုံးခဲ့တယ်။

၁၉၅၉ -ဗြိတိန်မှ သင်္ဘောသား တစ်ယောက် KS အရေပြား ကင်ဆာနဲ့ ရှားပါး အဆုတ်ရောင် ရောဂါနဲ့ မန်ချက်စတာမြို့မှာ ဆုံးတယ်။

၁၉၅၉ - ၄၅ နှစ်အရွယ် ဟေတီကျွန်းမှာ မွေးခဲ့တဲ့ အမေရိကန်နိုင်ငံသား တစ်ယောက်လည်း အလားတူ ဆုံးခဲ့တယ်။

ဒီရောဂါ ရှင်တွေကို AIDS လို့ ပြောဖို့ အထောက်အထားတွေကတော့ AIDS ရဲ့ ဝိသေသလက္ခဏာများလို့ နောင်အခါ သိလာကြရတဲ့ လက္ခဏာတွေနဲ့ နောက်ကြောင်းပြန်ပြီး ပြောရတာ ဖြစ်တယ်။ အဲဒီအထဲက အချို့ကျတော့လည်း သွေးနမူနာတွေ ရှိထားလို့ AIDS ဗိုင်းရပ်စ်ပိုး စစ်ကြည့်တော့ တွေ့တာတွေလည်း ပါတယ်။ ဒီတော့ AIDS ရောဂါလို့ ထင်ထင်ပေါ်ပေါ် မသိခင် အနှစ်အနည်းဆုံး ၂၅ လောက် ကတည်းက AIDS ရှိနေတယ်လို့ ခန့်မှန်းနိုင်တယ်။

ဒီ AIDS ကို ခြေရာခံလိုက်တာဟာ ၁၉၅၉ ခုနှစ်မှာပဲ ဆုံးသွားတယ်။ ဒီထက် ဆက်ပြီး လိုက်လို့မရတော့ဘူး။ ကြာလေ ဒီခြေရာခံ အလုပ်ဟာ ခက်လေဖြစ်မှာပဲ။ ဘာကြောင့်လဲဆိုတော့ စောစောပိုင်းမှာ တင်ပြပြီးတဲ့ အတိုင်း လူတွေသေတာဟာ AIDS ကြောင့် သက်သက် မဟုတ်ဘူး။ AIDS ကြောင့် ဖြစ်လာတဲ့ ကိုယ်တွင်း ခုခံအား ကျဆင်းလာလို့ အရင်က မဝင်နိုင်မထိနိုင်တဲ့ ရှားပါးပြီး ကုဆေး မရှိသေးတဲ့ ရောဂါတွေ ဝင်ပြီး အဲဒီ ရောဂါတွေကြောင့် သေကြရတာ။

ဒီတော ဒီရောဂါတွေကြောင့် သေသွားသူတိုင်းကို AIDS လို့ ပြောရမှာလည်း ပိုင်ပိုင်နိုင်နိုင်တော့ မရှိဘူး။ ဒီတော့ ဆေးပညာရှင်တွေပဲ ဖြစ်ဖြစ်၊ အမှုပေါ်တဲ့အထိ လိုက်ချင်ကြတဲ့ စာနယ်ဇင်း “စုံထောက်” တွေပဲ ဖြစ်ဖြစ် ဘယ်လို ကြိုးစားကြပေမယ့် ၁၉၅၉ မှာ အစပျောက်ခဲ့တယ်။ အခုအချိန်မှာ ပြောလို့ဖြစ်တာကတော့ ဒီဗိုင်းရပ်စ် ကမ္ဘာပေါ် စရောက်လာတဲ့ သက်တမ်းကတော့ အတော်ကြာရှည် နေပါပြီ ဆိုတာပဲ။ ဒီလိုရှိနေတာ ကြာရက်နဲ့ ဘာကြောင့် ရုတ်တရက်နဲ့ ကမ္ဘာရဲ့ ၅ ပုံ ၄ ပုံနေရာမှာ တစ်ပြိုင်တည်းလိုလို ပေါ်ထွက်လာရသလဲဆိုတာတော့ အဖြေရှာမတွေ့နိုင်သေးတဲ့ လျှို့ဝှက်ချက်ကြီး တစ်ခုပဲ။

ဒီဗိုင်းရပ်စ်ပိုး ဘယ်လိုစတယ် ဆိုတာကို ကမ္ဘာ့ကျန်းမာရေး အဖွဲ့ကြီး (WHO) ရဲ့ ယူဆချက်ကိုတော့ အဖွဲ့ကြီးရဲ့နှစ်စဉ် ကျင်းပမြဲဖြစ်တဲ့ အစည်းအဝေးကြီး (၁၉၈၇ ခုနှစ်) မှာ တင်ပြခဲ့တယ်။ ဒါကတော့ AIDS ရောဂါပိုး ဖြစ်တဲ့ (HIV) အိပ်ခ်ျအိုင်ဗွီဟာ “သဘာဝအလျောက် ပေါ်ထွန်းလာတဲ့ retro-virus (ရီတြိုဗိုင်းရပ်စ်) ဖြစ်ပြီး ပထဝီဒေသအရတော့ အဆုံးအဖြတ် မပေးနိုင်တဲ့ ဒေသက စတယ်” လို့ ဆိုတယ်။

ဒေါက်တာ ဒေါ်မြင့်မြင့်ခင် ရေးသားသော “လူတိုင်းအတွက် ထိုးတဲ့ ခေါင်းလောင်း” စာအုပ်မှ ပြန်လည်ရေးသား ဖော်ပြထားခြင်း ဖြစ်ပါသည်။

HIV Information for Myanmar

အပြည့်အစုံသို့ »

Apple ဈေးသက်သာ 8GB iPhone 5c ထွက်နိင်ဖွယ်ရှိ


Apple ဟာ iPhone 5c ကိုရောင်းချမူနဲ့ ပတ်သက်ပြီး ဘယ်လောက်လောက်ရောင်းချခဲ့ရတယ်ဆိုတာ ပြောကြားခြင်း မရှိခဲ့ပါဘူး။ ကြားနေရတဲ့ အတိုင်း ဆိုရင်
5C လိုပဲ ဈေးသက်သာ 5c ဖုန်း မထုတ်ဘူးလို့ ဆိုလိုတမာ မဟုတ်ပါဘူး။ ဂျာမနီနိင်ငံကနေ ပေါက်ထွက်လာတဲ့ သတင်းအရ ယခုလက်ရှိ 16GB မော်ဒယ်လ် ထက် ယူရို ၆၀ လောက်သက်သာတဲ့ 8GB ဗားရှင်းကို ဖြန့်ချဖို့ ရှိတယ်လို့ သိရပါတယ်။ တိကျစွာ ပြောကြားနိင်ခြင်းမရှိသေးသော်လည်း ဂျာမနီမှာ ဖြစ်နေတဲ့ ဟတ်ဝဲလ် ချုံထားခြင်းကိစ္စဟာ အမှန်ဆိုလျှင် ကမ္ဘာ့ တစ်ဝှမ်းကိုလည်း ရောင်းချနိင်မှာ ဖြစ်ပါတယ်။

Smart Pro Journal

အပြည့်အစုံသို့ »

လမ်းကြမ်းနဲ့ အံ့ကိုက်ဖြစ်မယ့် ကားတာယာ


အမေရိကန်မှာ ကျင်းပတဲ့ တောင်ကိုရီးယား Hankook Tire ရဲ့  တာယာ ဒီဇိုင်း ပြိုင်ပွဲမှာ ဆုရသွားသော တာယာအမျိုးအစား ဖြစ်ပါတယ်။

အမေရိကန်နိုင်ငံ၊ University of Cincinnati မှ ကျောင်းသား Ben Zavala ဦးဆောင်လို့ ကြိုးစားဖန်တီးထားတဲ့ လေမလို တာယာ ဖြစ် ပါတယ်။ ပြိုင်ကားနဲ့ လမ်းချောမှာ အသုံးပြုဖို့အတွက် အဆင်ပြေ သလို ကျောက်တောင် ၊ကျောက်ခဲ ပေါများတဲ့ လမ်းမှာ လည်း ပျော့ပျော့ပြောင်းပြောင်းနဲ့ အသုံးပြုနိုင် မှာ ဖြစ်ပါတယ်။

ယင်း တာယာ အတွက် အသုံးပြုမ့ယ် ကုန်ကြမ်းကလည်း အဆင်သင့် ရှိတဲ့အတွက် ယနေ့ လက်ရှိ အသုံးပြုနေတဲ့ တာယာတွေနေရာမှာ အစား ထိုးနိုင်အောင် ကြိုးပမ်းသွားမယ်လို့ ဆိုပါတယ်။ ပုံမှာ မြင်တွေ့ရတဲ့ အတိုင်း လေလည်း ထည့်သွင်းအသုံးပြုစရာ မလိုပါဘူး။ အကြမ်း ခံပြီး ပျော့ပျောင်းသွားအောင် ဓာတုဓာတ်ပေါင်းများရောစပ်လို့ တာယာ ဘီးဖြစ်အောင် တစ်ခါတည်း ထုတ်လုပ်သွားမှာ ဖြစ်ပါတယ်။

Hankook ရဲ့  Airless တာယာ ဗီဒီယိုကို ကြည့်ရှု နိုင်ပါတယ်။


Smart Pro Journal

အပြည့်အစုံသို့ »

စီရော်နယ်ဒိုလည်း တစ်စီးပိုင်တဲ့ Ferrari LaFerrari


LaFerrari အမည်ပေးထားတဲ့ အီတလီ Ferrari ရဲ့  ပထမဆုံး ဟိုင်းဘရစ်ပြိုင်ကာ ဖြစ်ပါတယ်။ ကမ္ဘာကျော် ဘောလုံးသမား တစ်ဦး ဖြစ်တဲ့ စီရော်နယ်ဒိုဟာ ယင်း ပြိုင်ကားကို ပိုင်ဆိုင်သူ လူဦးရေ နည်းထဲက တစ်ဦး ဖြစ်လာမှာပါ။

အကြောင်းကတော့ ၄၉၉ စီးထဲ ထုတ်တဲ့ ယင်းပြိုင်ကားကို လူတိုင်း ဝယ်ယူခွင့် ပေးမထားသေးလို့ ဖြစ်ပါတယ်။ လက်ရှိ အီတလီ Ferrari ရဲ့  မော်ဒယ် မတူ ပြိုင်ကား ၅ စီးအနည်းဆုံး ပိုင်ဆိုင်ထားသူများသာ ဝယ်ယူ ခွင့် ပေး မယ့်ကား ဖြစ်ပါတယ်။ ဒီအထဲမှာ စီရော်နယ်ဒိုတစ်ယောက် ပါဝင်လာပြီဆိုတော့ သူ့ဆီမှာ Ferrari ပြိုင်ကား အစီးရေ များများ ပိုင်ထားတယ်လို့ ပြောလိုက်တဲ့ အတူတူပါပဲ။ Laferrir ဟာ ကာလတန်ဖိုး အားဖြင့် ဗြိတိန်ပေါင် ၈၃၀၀၀၀ နဲ့ ရောင်းချတဲ့ ကား ဖြစ်ပါ တယ်။

ဒီဇီုင်းကတော့ Ferrari တွေထဲမှာ ခေတ်ရှေ့ အပြေးဆုံးပါပဲ။ အင်ဂျင် ပါဝါ ၆၆၀၀ စီစီ၊ လျှပ်စစ်မော်တာ ၁၇၀ ကီလိုဝပ်ထုတ်လုပ်နိုင်ပြီး ပါဝါ နှစ်မျိုးပေါင်း မောင်းတဲ့အခါ တစ်နာရီ ၂၁၇ မိုင်တောင် ပြေးနိုင်ပါတယ်။ ၃ စက္ကန့်မပြည့်ခင်မှာတင် တစ်နာရီ ၆၂ မိုင်နှုန်းမြင့်အောင် Start Acceleration ကောင်းတဲ့ ကားတစ်စီးပါ။ ၄၉၉ စီးကို စီရော်နယ်ဒိုအပြင် အခြားနာမည်ကြီး အားကစားသမားများလည်း မှာယူလျက် ရှိကြောင်း သိရ ပါတယ်။
.
Ref: autoblog
Smart Pro Journal

အပြည့်အစုံသို့ »