MH 370 လေယာဉ် ရှာဖွေမှု ကုန်ကျ စရိတ်သည် လေယာဉ်ရှာဖွေမှု သမိုင်းကြောင်းတွင် အကုန်အကျ အများဆုံးဖြစ်


မလေးရှား ပျောက်ဆုံး လေယာဉ်အား ခြေရာခံနိုင်ရန်အတွက် လေယာဉ် ရှာဖွေရေး လုပ်ငန်းများတွင် အမေရိကန် ဒေါ်လာ သန်းပေါင်း များစွာကို အသုံးပြု ခဲ့ရခြင်း ကြောင့် MH 370လေယာဉ် ရှာဖွေရေး ကုန်ကျစရိတ် သည် လေယာဉ်ပျောက် ရှာဖွေမှု သမိုင်းတစ် လျှောက်တွင် ငွေကုန်ကြေးကျ အများဆုံး ရှာဖွေမှုဖြစ် လာခဲ့သည်ဟု သိရသည်။

MH 370လေယာဉ်ရှာဖွေရေး လုပ်ငန်းတွင် နိုင်ငံပေါင်း ၂၆နိုင်ငံမှ လေယာဉ်များ၊ သင်္ဘောများ၊ ရေငုပ် သင်္ဘောများနှင့် ဂြိုဟ်တုများက ပါဝင် ကူညီကြသည်။

MH 370ပျောက်ဆုံး လေယာဉ်ကို ရှာဖွေခဲ့သည့် တစ်လလုံးတွင် အိန္ဒိယ သမုဒ္ဒရာရှိ စစ်ဘက်သုံး သင်္ဘောများနှင့် လေယာဉ်များ ဖြန့်ချထားမှု အပါအဝင် တောင် တရုတ် ပင်လယ်၌ တပ်ဖြန့် ချထားမှု အားလုံးအတွက် သုံးစွဲခဲ့ရသည့် ငွေပမာဏမှာ အနည်းဆုံး အမေရိကန် ဒေါ်လာ ၄၄ သန်း ရှိကြောင်း ရိုက်တာ သတင်းဌာနက ထုတ်ပြန် သည်။

အဆိုပါ ကုန်ကျ စရိတ်သည် လေယာဉ် ရှာဖွေမှုအတွက် နာရီတိုင်း လိုလိုတွင် အသုံးပြုခဲ့သည့် ကာကွယ်ရေး တပ်ဖွဲ့များ၏ စာရင်းများပေါ်တွင် အခြေခံ၍ တွက်ချက် ထားခြင်းဖြစ်ပြီး ကုန်ကျစရိတ် အတိအကျမှာမူ ယခု တွက်ချက်ထားသည့် ပမာဏထက် သုံးဆ သို့မဟုတ် လေဆခန့် ပိုမိုများပြား နိုင်ဖွယ် ရှိသည်ဟု ရိုက်တာ သတင်း ဌာန၏ ဖော်ပြချက် အရ သိရသည်။

မြ၀တီ

အပြည့်အစုံသို့ »

လက်ပံတောင်းတောင် ဓာတ်ပေါင်းစု မဟာစေတီတော် တည်ဆောက်ရေးလုပ်ငန်းများစတင်


ကိုတိုးကြီး

ဆားလင်းကြီး၊ မဇ္ဈိမ။ ။ စစ်ကိုင်းတိုင်း၊ ဆားလင်းကြီးမြို့နယ်ရှိ လက်ပံတောင်းတောင် ကြေးနီစီမံကိန်း အတွင်းမှ
တောင်ကြားစေတီနှင့် လယ်တီသိမ်တော် ပြောင်းရွှေ့တည်ထားမည့် နေရာသစ်တွင် ဧပြီ ၉ ရက် နံနက်ပိုင်းက မြေသန့်မင်္ဂလာနှင့်
အတူ တည်ဆောက်ရေး လုပ်ငန်းများ စတင်လိုက်ပြီး စေတီတော်ကို “လက်ပံတောင်းတောင် ဓာတ်ပေါင်းစု မဟာစေတီတော်ကြီး”
ဟူသော ဘွဲ့တော်ဖြင့် တည်ထားသွားမည်ဟု ဆားလင်းကြီးမြို့နယ် အထွေထွေအုပ်ချုပ်ရေးမှူးရုံးမှ အမည်မဖော်လိုသူ
ဝန်ထမ်းတစ်ဦးကပြောသည်။

စေတီတော်နှင့် သိမ်တော်ပြောင်းရွှေ့မည့် နေရာသစ်ဖြစ်သည့် စီမံကိန်းဝင်းအတွင်း မုံရွာ-ယင်းမာပင်- ဂန့်ဂေါ လမ်း ကျော်ရွာ
အနီး(ဧရာဂိတ်)တွင် ကနဦးပြင်ဆင်မှုများနှင့် အတူ အကြိမ်ကြိမ်မြေသန့် မင်္ဂလာပြုလုပ်ခဲ့ကြောင်းလည်း ၎င်းကဆက်ပြောသည်။

“ဒီကနေ့မနက် ၇ နာရီအချိန်က အသစ်တည်ဆောက်မယ့် နေရာမှာ ပန္နက်တင်အခမ်းအနားပြုလုပ်ခဲ့ပါတယ်။ အသစ် တည်ဆောက်မယ့်
စေတီရဲ့ဘွဲ့အမည်ကတော့ လက်ပံတောင်းတောင် ဓာတ်ပေါင်းစု မဟာစေတီတော်ပဲ ဖြစ်ပါတယ်” ဟု အမည်မဖော်လိုသူ မြို့နယ်
အထွေထွေအုပ်ချုပ်ရေးမှူးရုံးက ၀န်ထမ်းတစ်ဦး ကဧပြီလ ၉ ရက်က ပြောသည်။

လက်ပံတောင်းတောင် ဓာတ်ပေါင်းစု မဟာစေတီတော်၏ ပန္နက်တင်အခမ်းအနားသို့ သာသနာရေးဝန်ကြီးဌာန ပြည်ထောင်စု
ဒုဝန်ကြီးဦးစိုးဝင်းနှင့်အဖွဲ့ တက်ရောက်ကာ နံနက် ၅ နာရီအချိန်တွင် ပင့်သံဃာ ၂၇ ပါးကို အာရုဏ်ဆွမ်း ဆက်ကပ်လှူဒါန်းပြီး
နံနက် ၇ နာရီတွင် စေတီတော် ပန္နက်တင်မင်္ဂလာအခမ်းအနား ကျင်းပပြုလုပ်ခဲ့ခြင်းဖြစ်သည်ဟုလည်း ၎င်းကဆိုသည်။

Mizzima Burmese

အပြည့်အစုံသို့ »

စိတ်ညစ်နေရင် စာရေးလိုက်ပါ


စိတ်ညစ်နေချိန်မှာ စာရေးခြင်းက သိသိသာသာ ပြေပျောက်စေပါတယ်။
စာရေးလိုက်ပါက မိမိပြောပြချင်နေတဲ့ ခံစားချက် တစ်ချို့တစ်ဝက်ကို
စာ အဖြစ်ပြောင်းလဲ သွားစေနိုင် ပါတယ်။

ဒီအတွက် စိတ်ထဲမှာ မွမ်းကျပ်ပြီး ထွက်ပေါက်မရှိအောင် ခံစားနေရတာတွေ
ပြေလျော့သက်သာ စေနိုင်ပါတယ်။ စာရေးတဲ့ နေရာမှာလဲ ဘာပဲဖြစ်ဖြစ် ရေး
လိုက်ပါ ကာရံတွေ ညီနေရာ မလိုပါဘူး။ အဓိကကတော့ ရင်ထဲက မွမ်းကျပ်
နေတဲ့ ခံစားချက်တွေ ထွက်ရှိသွားဖို့ပဲ ဖြစ်ပါတယ်။

ဒါကြောင့် စိတ်ညစ်နေရင် စာရေးလိုက်ပါ။

ကျော်လင်းနိုင် (ကျန်းမာရေးနှင့် အလှအပ သတင်းများ)

အပြည့်အစုံသို့ »

သမီးကလေးကျေးရွာသားများကို စောင့်ရှောက်မှု ပေးခဲ့သည့် အောင်သိဒ္ဓိ ဘုန်းကြီးကျောင်းအား ရွှေ့ပြောင်းခိုင်းပြီ


သမီးကလေး ကျေးရွာ သား များအား စောင့်ရှောက် ပေးခဲ့သည့် အောင်သိဒ္ဓိ ဘုန်းကြီး ကျောင်းအား အ လိုင်နီ တမံ၏ အူကြောင်း ပေတစ်ထောင် အတွင်း မလွတ်ကင်း၍ ရွှေ့ပြောင်းပေးရန် ပဲခူးတိုင်း ဆည်မြောင် ဦးစီးမှ စာပေးပို့ခဲ့ကြောင်း ကျောင်းထိုင် ဆရာတော် ဦးအဂ္ဂဓမ္မက မိန့်ကြားသည်။

ရွှေ့ပြောင်း ပေးရန်အတွက် စာကို မူ သမီးကလေး ကျေးရွာသားများ DKBA ခေါ်ဆောင်ရာသို့ မလိုက်မီ ဧပြီ ၁ ရက်နေ့ ည ၇ နာရီခန့်တွင် ဘုန်းကြီးကျောင်းသို့ လာရောက်ပေးပို့ခဲ့ခြင်း ဖြစ်ကြောင်း အဆိုပါညက ကျောင်းတွင်ရှိခဲ့သူ DKBA ၏ မန္တလေးစီးပွားရေး ဆက်ဆံရေးတာဝန်ခံ ဗိုလ်ကြီးစောဝင်းဇော်က ပြောသည်။

အောင်သိဒ္ဓိဘုန်းတော်ကြီးကျောင်းနှင့် စေတီမှာ ၁၉၉၁ ခုနှစ်ကတည်းကပင် စတင်တည်ထောင်ခဲ့ပြီး ဆရာတော်ဦးအဂ္ဂဓမ္မမှာ ဒုတိယမြောက် ကျောင်း ထိုင်ဘုန်းကြီးလည်း ဖြစ်သည်။ အလိုင်နီတာတမံကိုမူ ၂ဝဝဝ ပြည့်နှစ် တွင်ဆည်မြောင်းဦးစီးဌာနကတည်ခဲ့ပြီး အဆိုပါဆည်ကိုတည်ခဲ့သည့် ဌာနဆိုင်ရာလူကြီးများ ကိုယ်တိုင် စီမံ ကိန်းနေရာအ တွင်း ကျောင်းနှ င့် စေတီကို ဆက်လက်ရှိနေခွင့်ပြုခဲ့ခြင်း ဖြစ် သည်ဟု ဆရာတော်ဦးအဂ္ဂက မိန့် သည်။

''ဆည်ဆောက်ရင် ဘုရားတစ်ဆူ တည်ရတယ်လေ။ ဒီမှာက စေတီက တည်ပြီးသား။ ရှေးဟောင်းစေတီလည်း ဖြစ်တယ်ဆိုပြီး သူတို့ပဲ ဆက်သီတင်းသုံး ဖို့ ပေးခဲ့တာပါပဲ''ဟု ဆရာတော်က ဆက်မိန့်သည်။ အဆိုပါ ကျောင်းရွှေ့ပြောင်းရေး နှင့်ပတ်သက်၍ ဆရာတော်အနေနှင့် ဧပြီလ ၈ ရက်နေ့တွင် ပဲခူးတိုင်းဒေသကြီး ဆည်မြောင်းဦးစီးဌာနနှင့် သွားရောက် တွေ့ဆုံခဲ့သော်လည်း ဦးစီးဌာနအနေဖြင့် သင်္ကြန်ပြီးမှသာ လက်ခံတွေ့ဆုံနိုင်မည်ဟု ပြောကြားကြောင်း ဆရာတော် က ဆက်လက်မိန့်ကြားသည်။

သမီးကလေးကျေးရွာသားများ ရွှေ့ပြောင်းရာတွင် လိုက်ပါကူညီပေးခဲ့ သည့် ဒီမိုကရေစီနှင့် ငြိမ်းချမ်းရေး အမျိုးသမီးကွန်ရက်မှ ဒေါ်သန္တာကမူ အလိုင်နီဆည်နှင့် မလွတ်ကင်း၍ ရွှေ့ ပြောင်းပေးစေလိုပါက ယခင်နှစ်များက ပင် ရွှေ့ပြောင်းစာပေးပို့သင့်ပြီး ဦးဇင်း အနေနှင့် ရွာသားများအား ကူညီ ထောက်ပံ့မှု ပြုပေးပြီးချိန်မှသာ ယခုကဲ့ သို့ ပြောဆိုလာခြင်းမှာ မရိုးသားဟု သုံး သပ်ပြောကြားသည်။ ဆရာတော် ဦးအဂ္ဂဓမ္မကမူ ''မ လွတ်ဘူး ဖျက်မယ်ဆိုလည်း ဖျက်ပေါ့။ ဦးဇင်းကတော့ စောဒက တက်မှာ
မဟုတ်ဘူး။ ပြောလည်းပဲ သူတို့ လုပ် ချင်ရင် လုပ်ကြတာပဲ မဟုတ်လား''ဟု မိန့်ကြားသည်။

အောင်သိဒ္ဓိကျောင်းမှာ မူလတန်း မှ အလယ်တန်းအထိ ပညာသင်ကြား ပေး လျက်ရှိသည့် ဘုန်းတော်ကြီးသင် ပညာရေးကျောင်း တစ်ကျောင်းဖြစ်ပြီး ဖေဖော်ဝါရီလ ၄ ရက်နေ့တွင် အိမ်ခြေများဖျက် ဆီးဖယ်ရှားခံခဲ့ရသည့် သမီးက လေးကျေးရွာမှ အိမ်ထောင်စု ၁၅၇ စု ကို ကျောင်းအတွင်း လက်ခံစောင့် ရှောက်ပေးထားခဲ့သည်။

သုတလင်း
Popular Myanmar News Journal

အပြည့်အစုံသို့ »

သင်္ကြန် အထူးစားဖွယ်တစ်ရပ် (သင်္ကြန်ထမင်း)


သင်္ကြန် အထူးစားဖွယ်ဖြစ်တဲ့ သင်္ကြန်ထမင်းရဲ့ မူလကတော့ မွန်ပြည်နယ်ပါပဲ။ မြန်မာတို့ရဲ့ နှစ်ကူး သင်္ကြန်တွင်းမှာပဲ လုပ်စားကြတဲ့ အထူးစားဖွယ်တစ်ရပ်ပေါ့။ အထူးပြင်ဆင်ထားတဲ့ ထမင်း၊ ကြက်သွန် ရောကြော်ထားတဲ့ ငါးခြောက်ထောင်းကြော် ရွရွလေး နဲ့ သရက်သီး အစိမ်းသုတ် တို့ပါဝင်ပါတယ်။ သင်္ကြန်တွင်းမှာ ရိုးရာဓလေ့အရ ချက်ပြုတ်စားကြတဲ့အတွက် သင်္ကြန်ထမင်းလို့ခေါ်ပါတယ်။ တမူထူးခြားတဲ့ ထမင်းချက်နည်းလဲရှိပါတယ်။ စာဖတ်သူတွေအတွက် ချက်ပြုတ်နည်းကို ဝေငှပေးဖို့ ဆန္ဒရှိပါတယ်။

ပါဝင်ပစ္စည်းများ

ဆန် - နို့ဆီဗူး ၂လုံး

ငါးခြောက် ၁ပေါင်

ဆီ ၁၀အောင်စ

ကြက်သွန်ဖြူ အနည်းငယ်

နှမ်း စားပွဲတင်ဇွန်း ၃ဇွန်း

ငံပြာရည် စားပွဲတင်ဇွန်း ၂ဇွန်း

ပုဇွန်ခြောက် စားပွဲတင်ဇွန်း ၂ဇွန်း (သို့) ၃ဇွန်း

သရက်သီးစိမ်း ၃လုံး

စန္ဒကူးစ အနည်းငယ်

ပျားဖယောင်း ချပ် အနည်းငယ်

ဆန်ကို ဆေးပါ။ အိုးထဲထည့်ပြီး ရေဖြည့်ပြီး တည်ပါ။ ရေဆူလို့ ထမင်းကျက်ရင် ရေစစ်ပါ။ အဲ့ဒီ့နောက် ရေထပ်ထည့်ပြီး ရေစစ်တာကို နှစ်ကြိမ်လုပ်ပါ။ ကစီဓာတ်ထွက်ပြီး မွသွားအောင် ဖြစ်ပါတယ်။ နှစ်ကြိမ် ရေစစ်ပြီး ရင် အအေးခံပါ။

အိုးတစ်လုံးကို မီးသွေးငွေ့ငွေ့ပေါ်တင်ပြီး စန္ဒကူးစ နဲ့ ပျားဖယောင်းချပ်များ ထည့်ပါ။ ခဏတည်ပြီးပြီဆိုရင် ထမင်းကို ရောထည့်ပြီး သောက်ရေလောင်းထည့်ပါ။ တချို့က အိုးထဲကို ထမင်းနဲ့ရေ လောင်းမထည့်ခင်မှာ အိုးကို အ၀တ်စနဲ့ပိတ်ပါသေးတယ်။ စန္ဒကူးနဲ့ ပျားဖယောင်းရဲ့ ရနံ့ထွက်မသွားအောင်ပေါ့။ ပြီးရင်တော့ ပန်းကန်ထဲထည့်ပြီး သုံးဆောင်ဖို့အသင့်ပါပဲ။ တချို့က ထမင်းပန်းကန်ထဲက ရေပေါ်မှာ စံပယ်ပွင့်တွေနဲ့ အလှဆင်တာမျိုးရှိပါတယ်။ ရနံ့ထပ်ပေါင်းတာလည်း ဖြစ်ပါတယ်။

တွဲဖက် စားဖွယ်များ

ငါးခြောက်ထောင်းကြော်

ငါးခြောက်ကို နူးတဲ့အထိ ပြုတ်ပါ။ အရိုးနွှင်၊ အသားထွင်ပြီး ထောင်းဆုံ (သို့) ကျည်ပွေ့နဲ့ထောင်းပါ။ ဆီတစ်ဝက်ကို ကြက်သွန်ဖြူ ခပ်ကွဲကွဲထုပြီး ဆီသတ်ပါ။ ကြက်သွန်ဖြူ ကျက်ရင် ငါးခြောက်ထောင်းကို ထည့်ပြီး ရဲလာတဲ့အထိ ကြော်ပါ။ ကြက်သွန်နီ ၈လုံးကို လှီးပြီး ရွအောင်ကြော်ပါ။ ကျန်တဲ့ ကြက်သွန်နီတစ်ဝက်ကိုတော့ သရက်သီးစိမ်း သုတ်အတွက် ချန်ပြီး တစ်ဝက်ကို ငါးခြောက်ထောင်းကြော်နဲ့ ရောပါ။

သရက်သီးသုတ်

သရက်သီးကို လှီးပြီး ခြစ်နဲ့ခြစ်ပါ။ ရေဆေးပြီး စစ်ထားပါ။ ကြက်သွန်နီ အစိမ်းနဲ့ ငြုပ်သီးစိမ်းကို ပါးပါးလှီးပါ။ ပန်းကန်လုံးထဲထည့ပြီး သရက်သီး၊ ကြက်သွန်နီ၊ နှမ်းလှော်၊ ပုဇွန်ခြောက်မှုန့်၊ ငံပြာရည် တို့ကို ရောသုတ်ပါ။ စားသုံးမယ့် ပန်းကန်ထဲထည့်ပြီး အပေါ်ကနေ ကြက်သွန်နီကြော် ဖြူးပါ။

Trend Myanmar

အပြည့်အစုံသို့ »

ရခိုင်နယ်ပြည်ရှိ ကုလလက်အောက်ခံအဖွဲ့စည်းအချို့ကို မကြာခင် လုပ်ငန်းပြန်လည် စတင်ခွင့် ပြုမည်


ရခိုင်ပြည်နယ်အတွင်း နယ်စည်းမခြား ဆရာဝန်များအဖွဲ့နဲ့ မာတင်ဇာ အင်တာ နေရှင်နယ်အဖွဲ့က လွဲရင် ကျန်တဲ့ အစိုးရမဟုတ်တဲ့ အန်ဂျီအိုအဖွဲ့တွေကို ပြန်လည်လုပ်ကိုင်ခွင့်ပြုမယ်လို့ ပြည်နယ်အစိုးရ ပြောခွင့်ရသူက ပြောဆိုလိုက်ပါတယ်။

ဧပြီလ ၈ ရက်နေ့က ရခိုင်ပြည်နယ်အစိုးရ တာဝန်ရှိသူတွေ၊ အန်ဂျီအိုအဖွဲ့အစည်းတွေနဲ့ ရခိုင်ပြည်နယ်အတွင်းက ဒေသခံတွေ တွေ့ဆုံဆွေးနွေပြီး အန်ဂျီအို ၂ ခုကလွဲရင် ကျန်တဲ့ အန်ဂျီအိုနဲ့ အိုင်အန်ဂျီအို အဖွဲ့တွေကို ပြန်လည်လုပ်ကိုင်ခွင်ပြုဖို့ သဘောတူခဲ့ကြတယ်လို့ ပြည်နယ်အစိုးရပြောခွင့်ရသူ ဦ၀င်းမြိုင်က ပြောပါတယ်။

ပြည်ထောင်စုအစိုးရအနေနဲ့ လူသားခြင်းစာနာထောက်ထားတဲ့ အကူအညီကိုပေးတဲ့ အဖွဲ့တွေကို လက်ခံကြိုဆိုပေမယ့် အလုပ်လုပ်ဆောင်တဲ့နေရာမှာ ဒေသခံတွေနဲ့ ဆန္ဒကို လေးစားဖို့လိုတယ် လို့လည်း ဦးဝင်းမြိုင်က ပြောပါတယ်။
ဧပြီ ၅ ရက်နေ့ ကျန်းမာရေး ၀န်ကြီးဌာနရဲ့ ထုတ်ပြန်ချက်မှာ MSFကို ယာယီ ရပ်ဆိုင်းလိုက်တယ် လို့ ဖော်ပြထားပေမယ့် Malteser နဲ့တော့ သက်ဆိုင်တဲ့ ထုတ်ပြန် ချက်ကတော့ ဒီကနေ့ထိ မရှိ သေးပါဘူး။

ဒီဗွီဘီကနေ မာတီဇာ အင်တာနေရှင်နယ်ကို မေးမြန်းရာမှာတော့ ဒီကိစ္စနဲ့ပတ်သက်ပြီး ရခိုင်ပြည် နယ်နဲ့ ဗဟို အစိုးရထံကနေ နှုတ်နဲ့သော်လည်းကောင်း စာနဲ့သော်လည်ကောင်း အကြောင်းကြားမှု မရှိသေးကြောင်း ပြောပါတယ်။ ကျန်းမာရေး ၀န်ကြီးဌာနနဲ့ နီးနီးကပ်ကပ် ပူးပေါင်းဆောင် ရွက်မှု နဲ့ လုပ်ငန်းတွေပြန်လည်ဆောင်ရွက်ဖို့ လုပ်ဆောင်နေကြောင်း Malteser က မြန်မာပြည်မှာ တရားဝင်မှတ်ပုံတင်ထားသလို ရခိုင်ပြည်နယ်မှာ လုပ်ငန်းဆောင်ရွက်ဖို့ နားလည်မှု စာချွန်လွှာကလည်း သက်တမ်းမကုန်သေးကြောင်း ပြောပါတယ်။

ရခိုင်မှာရှိတဲ့ ၀န်ထမ်းတွေမှာလည်း ဗီဇာနဲ့ တရားဝင် ခရီးသွားလွာခွင့်တွေ ရှိနေသလို Malteser က အစီအစဉ် ညိနှိုင်းဆောင်ရွက်ရေးမှူး Yvonne Dunton ကလည်း စုံစမ်းရေး ကော်မရှင်နဲ့ ရခိုင်ပြည်နယ် ရဲတပ်ဖွဲ့နဲ့ စုံစမ်းစစ်ဆေးမှုတွေအတွက် ပူးပေါင်း ဆောင်ရွက်နေပါတယ်လို့ ဒီဗွီဘီကို ပြန်လည်ဖြေကြားခဲ့ပါတယ်။
ရခိုင်ပြည်နယ် စစ်တွေမြို့မှာ မတ်လကုန်ပိုင်းက Malteser အဖွဲ့က နိုင်ငံခြားသူတဦးဟာ သာသနာ့အလံဖြုတ်ပြီး ဘောင်းဘီထဲ ညှပ်တယ်ဆိုတဲ့ ကောလဟလကြောင့် စစ်တွေက အိုင်အန်ဂျီအိုရုံးကို ရာနဲ့ချီတဲ့လူအုပ်က ခဲတွေနဲ့ ၀ိုင်းပေါက်ဖျက်ဆီးခဲ့လို့ ကျပ်ငွေသန်းပေါင်း ၄၇၀ ဘိုးခန့် ဆုံးရှုံးပျက်ဆီးခဲ့ရပြီး ညမထွက်ရအမိန့် ထုတ်ပြန်ခဲ့ရပါတယ်။ အိုင်အန်ဂျီအို ၀န်ထမ်း ၁၀၀ ကျော်ကိုလည်း အစိုးရက လုံခြုံရေးပေးခဲ့ပါတယ်။

ဒီဖြစ်ရပ်နဲ့ပတ်သက်လို့ စုံစမ်းစစ်ဆေးရေးအဖွဲ့ရဲ့ ဒီကနေ့ထုတ် အစီရင်ခံစာမှာ ကုလသမဂ္ဂနဲ့ အိုင်အန်ဂျီအို တွေကို ဒေသခံတိုင်းရင်းသားအချို.က သံသယ၀င်ကာယုံကြည်မှု နည်းနေချိန်မှာ နိုင်ငံခြားသူက သဘောရိုးဖြင့် သာသနာ့အလံဖြုတ်သိမ်းခဲ့ခြင်းကြောင့် စစ်တွေမြို့မှာ ကောလဟလ ဖြစ်ပေါ်ပြီး ဒေသခံတိုင်းရင်းသားတချို့ အကြမ်းဖက်ဖျက်ဆီးခဲ့တာလို့ ရေးသား ထားပါတယ်။ ဖျက်ဆီးခံရတဲ့ ရုံးများ ပြန်လည်ဖွင့်လှစ်နိုင်ရန်နဲ့ လုံခြုံရေးကိစ္စတွေ ဆောင်ရွက် သွားမယ်လို့ အစီရင်ခံစာက ဆိုပါတယ်။

အန်ဂျီအိုအဖွဲ့တွေ ရခိုင်ပြည်နယ်အတွင်း ပြန်ဝင်ရောက်လုပ်ကိုင်မှုမှာ ဒေသခံတွေအတွက် အကျိုးရှိစေပေမယ့် မျှမျှတတ လုပ်ဆောင်ဖို့ ရခိုင်ပါတီခေါင်းဆောင်တဦးဖြစ်သူ ဦးလှစော က ပြောပါတယ်။

အန်ဂျီအိုတွေ ရခိုင်ပြန်နယ်ကတွေ ထွက်သွားပြီးနောက် ရခိုင်ပြည်နယ်မှာ ကျန်းမာရေး စောင့်ရှောက်မှုနဲ့ ပတ်သက်လို့ ဒုက္ခသည်စခန်း တွေထဲက လူ ၁ သိန်း ၄ သောင်း အတွက် အထူးကို ဆိုးရွားနေသလို ဒုက္ခသည် စခန်းတွေရဲ့ အပြင်ဘက်က လူ ၇ သိန်း အခြေအနေ ကလည်း အလေး ထားပူပန်စရာဖြစ်တယ်။ ဒီဖြစ်ရပ်တွေဟာ လူဖြစ်တည်မှုကို ဆန့်ကျင်တဲ့ ရာဇ၀တ်မှုကို ဦးတည်နေတယ်လို့ ဧပြီလ ၇ ရက်နေ့က ကုလသမဂ္ဂ လူ့အခွင့်အရေးဆိုင်ရာ အထူးကိုယ်စားလှယ် သောမတ် အိုဟေး ကင်တားနားက မနေ့က သတိပေးခဲ့ပါတယ်။

ပြည်နယ်အစိုးရကတော့ လတ်တလော အိုင်အန်ဂျီအိုထွက်သွားလို့ ကျန်တဲ့ အကူအညီတွေကို ပြည်နယ်အစိုးရနဲ့ ကျန်းမာရေးဌာနက ဆက်လက်လုပ်ဆောင်နေကြောင်းနဲ့ ဘယ်လိုအခက်အခဲ မရှိကြောင်း ဦးဝင်းမြိုင်က ဒီဗွီဘီကို ပြောပါတယ်။

အသံဖိုင် အပြည့်အစုံ နားဆင်နိုင်ပါတယ်။

DVB

အပြည့်အစုံသို့ »

အိုင်အန်ဂျီအိုလ်ရုံးတွေ အကြမ်းဖက်ခံရမှု စုံစမ်းစစ်ဆေးရေးအဖွဲ့ မီဒီယာတွေနဲ့ တွေ့ဆုံ


ဓာတ်ပုံ - ထွန်းထွန်းသိန်း
စစ်တွေမြို့က အိုင်အန်ဂျီအိုလ်ရုံးတွေ အကြမ်းဖက်ခံရမှုကို စုံစမ်းစစ်ဆေးရေးအဖွဲ့က ဒီကနေ့ သတင်းထုတ်ပြန်ခဲ့သလို စုံစမ်းစစ်ဆေးရေး အဖွဲ့ခေါင်းဆောင် နယ်စပ်ရေးရာဝန်ကြီးဌာန ဒုတိယ၀န်ကြီး ဗိုလ်ချုပ်မောင်မောင်အုန်း ကလည်း ဒီကနေ့ နေ့လည်ပိုင်း ရန်ကုန်မြို့ ငြိမ်းချမ်းရေးစင်တာမှာ မီဒီယာတွေနဲ့ ခဏတာ တွေ့ဆုံမှုပြုလုပ်ခဲ့ပါတယ်။

စုံစမ်းစစ်ဆေးမှုအရ အမေရိကန်နိုင်ငံသူ မစ္စ အီဘွန်ဒန်တွန်မှာ လွှင့်ထူထားတဲ့ သာသနာ့အလံကို သဘောရိုးဖြင့်သာ ရုပ်သိမ်းခဲ့ခြင်းဖြစ်ပြီး ဒီဖြစ်စဉ်နဲ့အတူ ယခင်က ယူအန်အဖွဲ့အစည်းတွေ အပေါ်တိုင်းရင်းသားများရဲ့ အမြင်မကြည်လင်မှုအပေါ် အခြေခံကာ အဖွဲ့တခုကကြားဝင် လှုံ့ဆော်မှုကြောင့် ပဋ္ဋိပက္ခများ ဖြစ်ပွားရခြင်းဖြစ်ကြောင်း ဗိုလ်ချုပ်မောင်မောင်အုန်း က ပြောပါတယ်။
မတ်လအတွင်း စစ်တွေမြို့မှာ ဖြစ်ပွားခဲ့တဲ့ အကြမ်းဖက်မှုတွေကြောင့် အမျိုးသား ၆ ဦး၊ အမျိုးသမီး ၆ ဦးကို ထိန်းသိမ်းစစ်ဆေးနေပြီး ကြားဝင်လှုံ့ဆော်ခဲ့တဲ့ အဖွဲ့ကိုတော့ သီးခြားစစ်ဆေးရမယ်လို့ ဗိုလ်ချုပ်မောင်မောင်အုန်းက ဆိုပါတယ်။

ထွန်းထွန်းသိန်း

DVB Burmese

အပြည့်အစုံသို့ »