Omega-3 (အိုမီဂါ သရီး) ဘာလို့ နာမည်ကြီး


(၁) ဆရာခင်ဗျား ကျွန်တော်က နေ့စဉ်ပုံမှန် Omega-3 (၁)လုံး စီကို မနက်-ည သောက်ပါတယ်။ မိတ်ဆွေရင်း သူငယ်ချင်း တစ်ယောက်က Omega-3 သောက်တာဟာ ဆီးကျိတ် ဖြစ်စေတယ် စာတစ်ခုထဲမှာ ဖတ်လိုက်ရလို့ သူကတော့ အခုဆက်မသောက်တော့ ပါဘူးတဲ့၊ အဲဒါ ဟုတ်ပါသလားဆရာ။
(၂) Omega 3 ငါးကြီးဆီ ၏ ကောင်းကျိုး ဆိုးကျိုးများကို သိချင်လို့ပါ။

(အိုမီဂါ သရီး) ကို Omega-3 fatty acids လို့ အတိအကျခေါ်တယ်။ လူတွေအတွက် မရှိမဖြစ်တဲ့ အစာအမျိုးအစားထဲက တခု ဖြစ်ပါတယ်။ ငါးတွေကနေ ရတာများပေမဲ့ ငါးကြီးဆီလို့ ခေါ်တာ မမှန်ပါ။ ဗီတာမင် အေ များတာကိုမှ Cod liver oil လို့ ခေါ်ရတယ်။

(အိုမီဂါ သရီး) ဟာ ဦးနှောက်အလုပ်တွေနဲ့ ကြီးထွားဘို့ အတွက်ပါ လိုအပ်တယ်။ ပေါ်ပြူလာဖြစ်လာကတော့ နှလုံးရောဂါဖြစ်မှာကို တားပေးနိုင်လို့ပါ။ အမေရိကန် နှလုံးရောဂါအဖွဲ့ ကနေ ငါးတမျိုးမျိုးကို တပါတ်မှာ ၂ ခါ စားသင့်ပါတယ်လို့ အကြံပြုထားပါတယ်။

(အိုမီဂါ သရီး) အမျိုးအစားတွေထဲက Eicosapentaenoic (EPA) နဲ့ Docosahexaenoic acid (DHA) တွေပါတဲ့ ငါးတွေက Salmon (ဆာလ်မွန်)၊ Tuna (ကျူနာ)၊ Halibut (ဟာလီဘတ်) ငါးတွေဖြစ်တယ်။ Seafood ပင်လယ်စာတွေထဲက Algae (အယ်လ်ဂျေး) နဲ့ Krill (ကရေးလ်) တွေကနေ သာမက အပင်တွေနဲ့ အစေ့အဆံကရတဲ့ အဆီတွေမှာလဲ ပါတယ်။ ALA ဆိုတာက နှမ်းကြတ်စေ့၊ နှမ်းကြတ်ဆီ၊ ပန်းနှမ်းဆီ၊ ပဲပုပ်စေ့၊ ပဲပုပ်စေ့ဆီ၊ ဖရုံစေ့၊ ဖရုံစေ့ဆီ၊ သစ်ကြားသီး၊ သစ်ကြားစေ့ဆီ တွေကနေ ရတယ်။

သုတေသနတွေအရ (အိုမီဂါ သရီး) ကြောင့် ရောင်ခြင်းဖြစ်စဉ်ကို လျော့နည်းစေတယ်။ ဒါကြောင့် နာတာရှည် ရောဂါတွေထဲက နှလုံးရောဂါ၊ ကင်ဆာ နဲ့ အဆစ်နာရောဂါတွေကို သက်သာစေမယ်လို့ ယူဆစရာ အကြောင်း ရှိနိုင်တယ်။ စားတဲ့အထဲကပါတဲ့ ဒီဓါတ်ဟာ ဦးနှောက်မှာ အများကြီး လာစုနေတယ်။ ဒါ့ကြောင့် ဦးနှောက် မှတ်ဥာဏ်၊ စဉ်းစားမှု နဲ့ အမူအယာ အလုပ်တွေအတွက် အရေးပါတာ ဖြစ်နိုင်တယ်။ တကယ်လို့ မိခင်ဆီကနေ (အိုမီဂါ သရီး) အလုံအလောက် မရရင် ကလေးဟာ အမြင်ဆိုင်ရာ နဲ့ အာရုံကြောတွေမှာ အားနည်းနိုင်တယ်။

ဒီဓါတ်နည်းနေတဲ့ လက္ခဏာတွေကတော့ အားယုတ်မယ်၊ မှတ်ဥာဏ်နည်းမယ်၊ အရေပြား ခြောက်နေမယ်၊ နှလုံးရောဂါရမယ်၊ စိတ်မူပြောင်းမယ်၊ စိတ်ဓါတ်ကျမယ်၊ သွေးလှည့်တာ မကောင်းဘူး။

Omega-3 နဲ့ Omega-6 တွေ မျှတဘို့ လိုတယ်။ Omega-6 fatty acids အတော်များများက ရောင်ရမ်းဖြစ်စဉ်ကို အားပေးတယ်။ အမေရိကန်တွေ အများဆုံးစားနေကြတဲ့ အစာထဲမှာ ၆ အမျိုးအစားက ၃ အမျိုးအစားထက် ၁၄-၂၅ ဆ ကဲနေတာ မကောင်းဘူး။ မြေထဲပင်လယ်ဒေသ အစားအစာမှာတော့ ၃ နဲ့ ၆ မျှတလို့ ကောင်းတယ်။ ဒီလို အသားနည်းပြီး ငါးများတဲ့ အစားတွေမှာ Good cholesterol ခေါ်တဲ့ HDL ကောင်းတဲ့ (ကိုလက်စထော) ပိုများလို့ ပိုကောင်းတယ်။ (အက်စကီမိုး) တွေ စားတာလဲ အတူတူဘဲ။ သွေးထဲမှာ Triglycerides အဆီဓါတ် နည်းစေလို့ ကောင်းတယ်။

အစေ့အဆံတွေမှာလဲ Omega-3 fatty acid တမျိုးဖြစ်တဲ့ Alpha linolenic acid (LNA) များလို့ ကောင်းတယ်။ သွေးတိုး ရှိသူတွေအတွက်လဲ ကောင်းတာကို Clinical studies ဆေးကုသပြီး လေ့လာချက်တွေမှာ သိရတယ်။ ၁၇ နေရာမှာ စမ်းတော့ သွေးတိုးရှိပြီး သွေးကျဆေး မသောက်သူတွေကို ငါးအဆီ 3 grams ပေးတာ သက်သာတာ တွေ့တယ်။ ဆီးချိုရှိသူတွေမှာ အများအားဖြင့် Triglyceride များပြီး HDL levels နည်းနေတတ်တယ်။ ဒီလိူလူနာတွေကို Omega-3 fatty acids ပေးတာ ကောင်းတယ်။ သတိတော့ ထားရမယ်။

• Rheumatoid arthritis အဆစ်နာရောဂါ တာရှည်နေသူတွေကိုလဲပေးရင် (NSAIDs) အနာအကိုက်သက်သာဆေး နည်းပေးလို့ ရတာ တွေ့ရတယ်။
• (SLE) ခေါ်တဲ့ ရောဂါပြီးစနစ် ချို့ယွင်းလို့ ဖြစ်တဲ့ရောဂါသည်တွေမှာလဲ အဲလိုဘဲ။
• အရိုးအားနည်းရောဂါ၊
• စိတ်ကျရောဂါ၊
• စိတ်နှခွရောဂါ၊
• (စကစ်ဗိုဖရီးနီးယား) စိတ်ရောဂါ၊
• (ADHD) သတိမမူစိတ်ရောဂါ၊
• အရေပြားနာတွေ
• (IBD) အစာခြေလမ်းမကောင်းတဲ့ရောဂါ၊
• ပန်းနာ၊
• အသက်ကြီးသူတွေဖြစ်တဲ့ မျက်စိမှုံရောဂါ၊
• ရာသီလာရင် ဗိုက်နာတာ။
• အူမကြီး-ကင်ဆာ၊
• ရင်သား-ကင်ဆာ၊
• ယောက်ျား ဆီးကျိတ်-ကင်ဆာတွေအတွက်လဲ အကျိုးများတယ်။

EPA ရော DHA ကို Fish oil capsules ဆေးတောင့်နဲ့ လာတယ်။ အဆီတွေကို ရေခဲသေတ္ကာနဲ့ ထားရတယ်။ Whole flaxseeds ကို ထောင်းပြီးရင် ၂၄ နာရီအတွင်း စားသုံးရမယ်။ ထောင်းပြီးသားကို စပါရှယ် ထိုးပိုးပြီး ရောင်းတာလဲ ရှိပါတယ်။ ဆေးရောင်းချတဲ့ ကုမ္ပဏီကိုတော့ နာမည်ရှိတာ ဖြစ်ဘို့ သတိထားသင့်တယ်။ တချို့တွေထဲမှာ မလိုလားအပ်တဲ့ (မာကျူရီ)၊ ခဲ နဲ့ (ကဒ်မီယမ်) တွေ ပါနေတတ်တယ်။

- အများသုံး ဆေးတောင့်ထဲမှာ Omega-3 fatty acids EPA 180 mg နဲ့ DHA 120 mg ပါတတ်တယ်။
- အသက် ၁၈ နှစ်အောက် ကလေးတွေအတွက် ဘယ်လောက်ပေးရမယ်ဆိုတာ မသေခြာသေးဘူး။
- လူကြီးတွေကို တနေ့မှာ 3 grams ထက်မပိုသင့်ဘူး။ နှလုံးရောဂါအခံ မရှိသူတွေ တပါတ်မှာ ၂ ခါသာ သောက်ဘို့ သင့်တယ်။
- သွေးကြောကျဉ်း-နှလုံးရောဂါရှိသူတွေက EPA နဲ့ DHA နေ့စဉ် 1 gram သောက်ရတယ်။ အစွမ်းပြဘို့ ၂-၃ ပါတ် စောင့်ရတယ်။
- (ကိုလက်စထော) များနေသူတွေက EPA နဲ့ DHA နေ့စဉ် 2-4 gram သောက်ရတယ်။ အစွမ်းပြဘို့ ၂-၃ ပါတ် စောင့်ရတယ်။
- Fish oil က လေထတတ်တယ်။ တချို့ ဝမ်းပျက်တယ်။
- သွေးယိုတတ်သူတွေ မသောက်သင့်ဘူး။
- သွေးကျဲဆေး Warfarin or Clopidogrel သောက်နေသူတွေ မသောက်သင့်ဘူး။
- Diabetes ဆီးချိုဆေးတွေထဲက Glipizide, Glyburide, Metformin, Insulin တွေ သုံးနေသူတွေက သတိနဲ့ သောက်ရမယ်။
- Cyclosporine အင်္ဂါအစားထိုးကုသူတွေကိုပေးတဲ့ဆေးသုံးနေသူတွေက သတိနဲ့ သောက်ရမယ်။
- Etretinate and topical steroids စတီရွိုက်ဆေးသုံးနေသူတွေက သတိနဲ့ သောက်ရမယ်။
- Cholesterol-lowering medications (ကိုလက်စထော) ကျဆေး Atorvastatin, Lovastatin, Simvastatin တွေပေးထားသူတွေလဲ သတိနဲ့သာ သောက်သင့်တယ်။

သမိုင်းကို လှန်ရင် Omega-3 fatty acids ကို သိထားတာက ၁၉၃ဝ ကတည်းကဖြစ်ပေမဲ့ နှလုံးအတွက် ကောင်းတာကို ၁၉၉ဝ ကျမှ သိလာရတယ်။ ၈-၉-၂ဝဝ၄ မှာ အမေရိကန် FDA ကနေ EPA နဲ့ DHA n−3 fatty acids တွေဟာ နှလုံး-သွေးကြောကျဉ်းရောဂါအတွက် အထောက်အကူပြုနိုင်တယ်။ အသေအခြာကြီးတော့ မဟုတ်ဘူးလို့ ထောက်ခံချက် ပေးခဲ့တယ်။ နှလုံးရောဂါကနေ နောက်ဆက်ဖြစ်နိုင်တဲ့ အန္ကရာယ်ဖြစ်မှာကို လျော့နည်းစေတယ်လို့ ဆိုလိုတာ ဖြစ်ပါတယ်။

Dr. တင့်ဆွေ
၂၈-၈-၂ဝ၁၁
၁၇-၄-၂ဝ၁၄

အပြည့်အစုံသို့ »

မြန်မာ နှစ်ဆန်း တစ်ရက်နေ့ ရွှေတိဂုံဘုရား မြင်ကွင်းများ

















New Year Day at Shwedagon Pagoda
ဓာတ်ပုံ - ယမင်းဦး

အပြည့်အစုံသို့ »

ရန်ကုန်သင်္ကြန် နောက်ဆုံးနေ့ မြင်ကွင်းဓာတ်ပုံများ (ဓာတ်ပုံ - ပီတာအောင်)














အပြည့်အစုံသို့ »

တိုက်ပွဲစဲလို့ စစ်ပြေးရှမ်းဒုက္ခသည်တွေ နေရပ်ကိုပြန်ကြ



ပြီးခဲ့တဲ့ရက်ပိုင်း ကချင်ပြည်နယ် ဗန်းမော်ခရိုင် မန်စီမြို့နဲ့ ရှမ်းပြည်မြောက်ပိုင်း နမ့်ခမ်းမြို့တွေဘက်မှာ တိုက်ပွဲတွေဖြစ်ပွားခဲ့လို့ ထွက်ပြေးတိမ်းရှောင်လာကြတဲ့ ဒုက္ခသည်တော်တော်များများဟာ တိုက်ပွဲငြိမ်သွားတဲ့အတွက် သူတို့နေရပ်ကို ပြန်သွားကြပြီလို့ သိရပါတယ်။

နမ့်ခမ်းမြို့မှာ ခိုလှုံခဲ့ကြတဲ့ နမ့်ခမ်းမြို့နယ်အတွင်းက ရှမ်းတိုင်းရင်းသား စစ်ပြေးရှမ်းဒုက္ခသည်တွေအားလုံးနီးပါး သက်ဆိုင်ရာကျေးရွာတွေကို ပြန်သွားတဲ့အကြောင်း နမ့်ခမ်းမြို့နယ် ပြည်နယ်လွှတ်တော် ကိုယ်စားလှယ်အမတ် ဦးစိုင်းတင်ဦးက အခုလို ပြောပါတယ်။

"အခုငြိမ်သွားပြီခင်ဗျ၊ ဒုက္ခသည်လည်း ပြန်ကုန်ကြပြီ၊ ကျနော်တို့ဘက်ပြေးလာတဲ့ ရှမ်းလူမျိုးတွေ သူတို့အိမ်ပြန်ကုန်ကြပြီ၊ စစ်ကရပ်တာလည်း တပိုင်းပေါ့လေ၊ လက်ရှိလုပ်ငန်းတွေက မပြတ်သေးတာ တပိုင်းပေါ့လေ၊ သူတို့ပစ္စည်းတွေ ထုတ်ထားတာလည်းရှိတယ်၊ အဲဒါကြောင့် သူတို့ပစ္စည်းတွေ စိတ်မချတာလည်းတစ်ခု အိမ်သွားစောင့်တာလည်းတစ်ခု"

ပြီးခဲ့တဲ့ ဧပြီ ၁၀ ရက်နေ့တွေက အစိုးရတပ်မ ၈၈ လက်အောက်ခံတပ်တွေနဲ့ ကေအိုင်အေတပ်မဟာ ၃ လက်အောက်ခံတပ်ရင်း၂၇ တို့ ကချင်ပြည်နယ် မန်စီမြို့နဲ့ ရှမ်းပြည်မြောက်ပိုင်း နမ့်ခမ်းမြို့အစပ် ဒေသတစ်ဝိုက်မှာ တိုက်ပွဲတွေဖြစ်ပွားခဲ့တာပါ။ တိုက်ပွဲတွေကြောင့် ကျေးရွာပေါင်း၁၈ ရွာကဒုက္ခသည်တွေဟာ နမ့်ခမ်းမြို့နဲ့ တရုတ်ပြည်နယ်စပ်ဘက်တွေကို တိမ်းရှောင်ထွက်ပြေးလာကြတာဖြစ်ပါတယ်။

ထွက်ပြေးလာကြတဲ့ ဒုက္ခသည်ပေါင်း ၇၀၀ လောက်ကို နမ့်ခမ်းမြို့  မန်ဟောင်းဘုန်းကြီးကျောင်းနဲ့ အ ထ က ၂ ကျောင်းတွေမှာ နေရာချထားပေးခဲ့ရတာဖြစ်ပါတယ်။ ကချင်ပြည်နယ် မန်စီမြို့နယ်အတွင်းက ထွက်ပြေးကြပြီး နမ့်ခမ်းမြို့မှာ ခိုလှုံနေကြတဲ့ ကချင်တိုင်းရင်းသား ဒုက္ခသည်တွေကတော့ နမ့်ခမ်းမြို့မှာ ရှိနေသေးတယ်လို့ သိရပါတယ်။


RFA Burmese

အပြည့်အစုံသို့ »

တရုတ်စီးပွားရေး နှေးကွေးတာတောင် ၇.၄ ရာခိုင်နှုန်းဖွံ့ဖြိုး



အခုနှစ် ပထမ ၃ လပတ်အတွင်း တရုတ်နိုင်ငံရဲ့ စီးပွားရေးတိုးတက်မှုနှုန်းဟာ ၇ ဒဿမ ၄ ရာခိုင်နှုန်းရှိခဲ့တဲ့အတွက် ဒါဟာ ကမ္ဘာ့ဒုတိယအကြီးဆုံး စီးပွားနိုင်ငံကြီးအတွက် ၁၈ လအတွင်း တိုးတက်မှုနှုန်း အနှေးကွေးဆုံး ဖြစ်ပါတယ်။

ဒီနှုန်းဟာ စီးပွားရေးပညာရှင်တွေ မျှော်မှန်းထားတာထက် ပိုနေပါတယ်။ ဒါပေမဲ့ မနှစ် ၂၀၁၃ ခုနှစ်ရဲ့ နောက်ဆုံး ၃ လပတ် တိုးတက်မှုနှုန်း ၇ ဒဿမ ၇ ရာခိုင်နှုန်းကနေ ဆက်ပြီး လျော့ကျသွားတာ ဖြစ်ပါတယ်။

ပြည်တွင်း ၀ယ်ယူသုံးစွဲမှုနှုန်းကို အခြေခံတဲ့ ရေရှည်တည်တန့်တဲ့ စီးပွားရေးဘက်ကို တဖြည်းဖြည်းချင်း ပြောင်းလဲ လုပ်ဆောင်လာနေတဲ့ ကာလဖြစ်တာကြောင့် ၂၀၁၄ ခုနှစ် တနှစ်လုံးအတွက် တိုးတက်မှုနှုန်း ၇ ဒဿမ ၅ ရာခိုင်နှုန်းသာ ရှိမယ်လို့ တရုတ်အစိုးရက ခန့်မှန်းထားတာပါ။

စီးပွားရေးကို နိုးထလာအောင် ကြီးမားတဲ့ အပြောင်းအလဲတွေ လုပ်ဖို့မရှိဘူးလို့ ၀န်ကြီးချုပ် Li Keqiang က ပြီးခဲ့တဲ့ သီတင်းပတ်အတွင်းမှာ ပြောပါတယ်။ ၂၀၀၈ ခုနှစ်အတွင်း တကမ္ဘာလုံး စီးပွားရေး ကျဆင်းခဲ့ရတာကြောင့် အခုလို ဖြစ်ရတယ်လို့  တရုတ်ခေါင်းဆောင်တွေဘက်က လက်ခံထားကြပါတယ်။

VOA

အပြည့်အစုံသို့ »

နယ်မြေမခွဲခြားခင် မြန်မာနဲ့ကချင်တပ်ဖွဲ့တွေ စည်းကမ်းလိုက်နာဖို့လို



KIA တပ်စခန်းတခုကို မြန်မာစစ်တပ်က သိမ်းပိုက်မီးရှို့စဉ် - (ဓာတ်ပုံ - အလွတ်သတင်းထောက် ဂျွန်စံလင်း)။

ကချင်ပြည်နယ်တွင်းက အစိုးရတပ်တွေနဲ့ ကချင်တပ်ဖွဲ့တွေကြား တိုက်ပွဲတွေ ပြန်ဖြစ်နေတဲ့အပေါ် တပ်နေရာချထားရေး၊ သတ်မှတ်နယ်မြေ မခွဲခြားနိုင်သေးခင်မှာ နှစ်ဘက်သဘောတူထားတဲ့ စည်းကမ်းချက်တွေကို လိုက်နာဖို့ အထူးအရေးကြီးတယ်လို့ သမ္မတပြောခွင့်ရက ပြောဆိုလိုက်ပါတယ်။

တပြည်လုံးအတိုင်းအတာနဲ့ အပစ်ရပ်ရေး လက်နက်ကိုင်တွေနဲ့ အစိုးရ ငြိမ်းချမ်းရေး ဖော်ဆောင်ရေးအဖွဲ့တို့ ကြိုးပမ်းနေချိန် အခုလို တိုက်ပွဲတွေ ပြန်ဖြစ်နေတဲ့အပေါ် ငြိမ်းချမ်းရေး လုပ်ငန်းစဉ်တွေကို ပြန်လည် ညှိနှိုင်းဆွေးနွေးသွားမှာ ဖြစ်တယ်လို့ တိုင်းရင်းသားအဖွဲ့ ပြောခွင့်ရက ဆိုပါတယ်။ လက်ရှိဖြစ်ပွားနေတဲ့ တိုက်ပွဲတွေနဲ့ ပတ်သက်လို့ ငြိမ်းချမ်းရေး အခြေအနေတွေကို ဆက်သွယ်မေးမြန်းထားတဲ့ မဆုမွန် က တင်ပြထားပါတယ်။

သမ္မတ ဦးသိန်းစိန်ရဲ့ လမ်းညွှန်ချက်နဲ့ တတိုင်းပြည်လုံး အတိုင်းအတာနဲ့ အပစ်အခတ်ရပ်စဲရေး တိုင်းရင်းသား လက်နက်ကိုင်အဖွဲ့တွေနဲ့ အစိုးရ ငြိမ်းချမ်းရေး ဖော်ဆောင်ရေးအဖွဲ့တို့ နှစ်ဘက်သဘောတူ အပစ်အခတ်ရပ်စဲရေး မူကြမ်းကို ရေးဆွဲပြီးတော့ မူဘောင်တွေ အတည်ပြုချမှတ်နိုင်ဖို့ လုပ်ဆောင်နေကြချိန်မှာပဲ အခုလို တိုက်ပွဲတွေဖြစ်ရတာဟာ သက်ဆိုင်ရာဒေသတွင်းမှာ တပ်နေရာချထားရေး နယ်မြေ တရားဝင် မသတ်မှတ်နိုင်ခင်မှာ နှစ်ဘက်သဘောတူထားတဲ့ စည်းကမ်းချက်တွေကို မလိုက်နာလို့ ဖြစ်တယ်လို့ သမ္မတပြောခွင့်ရလည်းဖြစ်၊ ဒုပြန်ကြားရေးဝန်ကြီးလည်းဖြစ်သူ ဦးရဲထွဋ် က ပြောပါတယ်။

“အပစ်အခတ်ရပ်စဲရေးကို ထိန်းသိမ်းဖို့ဆိုတာက နှစ်ဘက်စလုံးက စည်းကမ်းလိုက်နာဖို့ လိုတာပေါ့။ ကချင်ပြည်နယ်မှာကတော့ သန်းခေါင်စာရင်း ကောက်ယူနေတဲ့ အချိန်အတွင်းမှာ ကျနော်တို့ ဟုတ်လား သန်းခေါင်စာရင်းကောက်တဲ့ အဖွဲ့တွေကို တားမြစ်ခဲ့တာတွေ၊ ဟန့်တားခဲ့တာတွေ ရှိတယ်။ အဲ့လိုဖြစ်တဲ့နေရာတွေကလည်း မူလ KIA နေရာမဟုတ်ဘူး။ တပ်မတော်ကလှုပ်ရှားတဲ့ နေရာတွေထဲကို ၀င်လာပြီးတော့မှ သူတို့ဆီက အဖွဲ့ငယ်တွေ ၀င်လာပြီးတော့ တားမြစ်တာတွေဖြစ်တယ်။ နောက်တခါ အဲ့ဒီလို တားမြစ်ယုံတင်မဟုတ်ဘဲနဲ့ သန်းခေါင်စာရင်းကောက်ယူရေးကိစ္စတွေကို လိုက်ပါဆောင်ရွက်ပေးနေတဲ့ တပ်မတော်က အရာရှိတွေနဲ့ စစ်သည်တွေကို ချောင်းမြောင်းပစ်ခတ်တဲ့အတွက်ကြောင့်မို့ ဗိုလ်မှူးတစ်ဦး ကျဆုံးခဲ့ရတာရှိပါတယ်။ နောက်တခါ နယ်စပ်ဂိတ်တွေဖွင့်ပြီးတော့မှ သစ်ခိုးထုတ်တဲ့ဟာတွေ ၀င်လုပ်လာတာတွေ ရှိတယ်။”

ကချင်တပ်တွေနဲ့ မြန်မာစစ်တပ်ကြား အခုလို တိုက်ခိုက်မှု ပြန်လည်ဖြစ်ပွားနေတဲ့အပေါ် ဒေသတွင်း ငြိမ်းချမ်းရေး ဖော်ဆောင်နေတဲ့ အကြိုညှိနှိုင်းရေး အဖွဲ့တွေကနေတဆင့် ညှိနှိုင်းကြိုးပမ်းသွားမယ်လို့ သမ္မတပြောခွင့်ရက ပြောပါတယ်။

“ဒီလိုဖြစ်ပြီဆိုတဲ့အခါကျတော့ အောက်မှာ ကျနော်တို့ရဲ့ Technical Team တွေရှိတယ်လေ။ ဒီအကြောင်းအရာတွေကို ကျနော်တို့က ပြန်ညှိရမှာပေါ့။ ကျနော်ပြောသလိုပဲ အောက်မှာ တကယ်မလိုက်နာတဲ့ မိမိတပ်ဖွဲ့တွေကို ထိန်းသိမ်းနိုင်မယ်ဆိုရင် ဟိုမှာ ကျနော်တို့ ကရင်ပြည်နယ်တို့ မွန်ပြည်နယ်တို့ ကယားပြည်နယ်တို့ရဲ့ အတွေ့အကြုံအရဆိုရင် ဒီလိုမျိုးဖြစ်စရာ အကြောင်းမရှိဘူးပေါ့။ အခုနလို နယ်မြေကျော်ဝင်လာပြီးတော့ သန်းခေါင်စာရင်းလုပ်တာမျိုးတွေကို နှောင့်ယှက်တာမျိုးတို့၊ သစ်ခိုးတဲ့ကိစ္စတွေကို --- မျိုးတို့ဆိုရင်တော့ တပ်မတော်ကလည်း မိမိနယ်မြေထဲမှာ တရားဥပဒေစိုးမိုးဖို့ တာဝန်ရှိလို့ ကျနော်တို့က ၀င်ရှင်းရတာပေါ့။ ဒါပေမဲ့ ကျနော်တို့သိသလောက်တော့ မရှင်းခင်မှာတော့ သူတို့ကို ထွက်သွားဖို့ ပြောတာတွေရှိပါတယ်။ ဒါပေမဲ့ အဲ့ဒီလိုပေါ့ အောက်ခြေက တပ်ဖွဲ့တွေက မလိုက်နာတော့ ၀င်လာတဲ့အခါမှာ နှစ်ဘက်ထိတွေ့မှုတွေ ဖြစ်တာမျိုးတွေရှိတာပေါ့။”

အခုလိုမျိုး ကချင်ဘက်မှာ တိုက်ပွဲတွေဖြစ်နေတဲ့အတွက် တနိုင်ငံလုံး အပစ်အခတ်ရပ်စဲရေး သဘောတူညီဖို့ ကြိုးပမ်းနေတာကို ဘယ်လို အကျိုးသက်ရောက်မှု ရှိနိုင်ပါသလဲဆိုတဲ့ မေးခွန်းအပေါ် ငြိမ်းချမ်းရေး ဆွေးနွေးပွဲတွေမှာ ဦးဆောင်ဆွေးနွေးနေတဲ့ ဗိုလ်မှူးကြီး ခွန်ဥက္ကာ က အခုလို ပြောပါတယ်။
"တိုက်ပွဲ ဒီလိုပြင်းထန်တယ် ဆိုရင်တော့ အခုသွားနေတဲ့ တွေ့ဆုံဆွေးနွေးရေးပေါ့ တနိုင်ငံလုံး အပစ်အခတ်ရပ်စဲရေးပေါ့ အဲ့ဒီမှာလည်းပဲ သွားပြီးတော့ ထိခိုက်မှု ရှိနိုင်ပါတယ်။ အဲ့ဒီထိခိုက်မှု ဘယ်လောက် အတိုင်းအတာရှိမလဲဆိုတာတော့ ကျနော်တို့ မကြာခင်မှာ အစည်းအဝေး ထိုင်ကြမယ်လေ။ ကျနော်တို့ ညီညွတ်သောလူမျိုးများဖက်ဒရယ်ကောင်စီ UNFC ကလည်း ထိုင်မယ်။ ညှိနှိုင်းရေးလုပ်နေတဲ့ NCCT အနေနဲ့လည်းထိုင်မယ်။ ထိုင်ပြီးတော့ ပြန်သုံးသပ်မယ့်သဘော ရှိတာပေ့ါ။ မြေပြင်တိုက်ပွဲတွေကို ဘယ်လိုလျှော့နိုင်မလဲ။ ဘယ်လိုရပ်ဆိုင်းနိုင်မလဲပေါ့။”

ကချင်တပ်တွေနဲ့ မြန်မာတပ်တွေကြား စစ်အင်အားတိုးချဲ့နေမှုနဲ့ နယ်မြေတွင်း တင်းမာမှုတွေ ဖြစ်နေတာနဲ့ ပတ်သက်လို့လည်း ဗိုလ်မှူးကြီး ခွန်ဥက္ကာက တရားဝင် နယ်မြေ မသတ်မှတ်နိုင်သေးခင် ဖြစ်နိုင်တဲ့ စစ်ရေးအခြေအနေတွေအပေါ် သူ့အမြင်ကို ပြောပါတယ်။

“တနိုင်ငံလုံး အပစ်အခတ်ရပ်စဲရေး စာချုပ်လို မဖြစ်ခင်မှာ တပ်မတော်ဘက်က မြေပြင်အနေအထားပေါ့လေ ရနိုင်သလောက် ယူချင်တယ်။ ရနိုင်သလောက် တိုးချဲ့ထားချင်တယ်။ ရနိုင်သလောက် ထိန်းချုပ်ထားချင်တယ်။ အဲ့ဒီသဘောတော့ ရှိတယ်နဲ့တူတယ်။”

သင်္ကြန်ကာလအတွင်းမှာပဲ တိုက်ပွဲတွေ ပြင်းထန်နေလို့ နှစ်ဘက် အကျအဆုံးရှိခဲ့တဲ့အပေါ် သမ္မ္မတပြောခွင့်ရက အခုလို ပြောပါတယ်။

“ကျနော်တို့လည်း တပ်မတော်သားဘ၀မှာ ဖြတ်သန်းခဲ့ရတာပေါ့ဗျာ။ ဒီလိုမျိုး သင်္ကြန်အချိန်အခါမှာ ကျနော်တို့လည်း ကျန်တဲ့ပြည်သူတွေလိုပဲ မိသားစုနဲ့ အေးအေးချမ်းချမ်း ပျော်ပျော်ရွှင်ရွှင် နေချင်တာပေါ့။ သို့သော် တဘက်ကလည်း ကျနော်တို့က ကိုယ့်နယ်မြေထဲမှာရှိတဲ့ ပြည်သူတွေရဲ့ လုံခြုံရေး၊ တရားဥပဒေစိုးမိုးရေးကို လုပ်ဖို့တာဝန်ရှိတဲ့အခါကျတော့ ဒီတာဝန်ကို ထမ်းဆောင်ရတာပေါ့။ တကယ်တော့ ဒီလိုထမ်းဆောင်တဲ့အတွက်ကြောင့်မို့ ကျနော်တို့ ရဲဘော်တွေ အသက်ပေးရတဲ့အပေါ်မှာလည်း ကျနော်တို့ စိတ်မကောင်းဖြစ်မိပါတယ်။ ကြားမှာ အနေအထိုင် အစားအသောက် ဒုက္ခရောက်တဲ့ ပြည်သူတွေ၊ နောက်တခါ သမ္မတကြီးပြောသလိုပေါ့ဗျာ KIA ဘက်က ရဲဘော်တယောက်ကျရင်လည်း ကျနော်တို့ တိုင်းပြည်အတွက် ဆုံးရှုံးတာပဲ။ ဒါကြောင့်မို့လို့ ကျနော်တို့ကတော့ ကိုယ့်တပ်ဖွဲ့တွေကို ကိုယ် ထိန်းထိန်းသိမ်းသိမ်းလုပ်ပြီးတော့ အပစ်အခတ်ရပ်စဲရေးကို အကောင်အထည် ဖော်နိုင်ဖို့ပဲ KIA ကို တိုက်တွန်းချင်ပါတယ်။”

ဧပြီလ ၁၀ ရက်နေ့ကနေစလို့ ကချင်ပြည်နယ်တွင်း အပြန်အလှန် လက်နက်ကြီးတွေနဲ့ တိုက်ခိုက်လာနေကြလို့ နှစ်ဘက် တိုက်ပွဲတွေ ပြင်းထန်လာနေပြီး ကချင်ပြည်သူတွေ စစ်ဘေးရန်က အိုးအိမ်စွန့်ခွာ ထွက်ပြေးတိမ်းရှောင်ကြရသလို ကချင်တပ်စခန်းတချို့ မီးရှို့ဖျက်ဆီးခံရသလို အစိုးရတပ်တွေရဲ့ ယာဉ်တန်းတွေကို အတိုက်ခိုက်ခံနေရပါတယ်။ ကချင်ပြည်နယ် မန်စီမြို့နယ်၊ ဗန်းမော်မြို့နယ်နဲ့ ရှမ်းပြည်နယ် နမ့်ခမ်းမြို့နယ်ဘက်မှာ စစ်အင်အား တို့ချဲ့ချထားမှုတွေရှိပြီး နှစ်ဘက်တပ်တွေ အပြန်အလှန် ပစ်ခတ်နေကြတာ ဖြစ်ပါတယ်။

VOA


အပြည့်အစုံသို့ »

ရုရှားလိုလားသူတွေ ယူကရိန်းစစ်ယာဉ်တွေသိမ်းပိုက်




မျက်နှာဖုံးစွပ်ထားတဲ့ ရုရှားလိုလားသူ ခွဲထွက်ရေးသမားတွေဟာ ယူကရိန်းစစ်တပ်ပိုင် သံချပ်ကာကားတွေကို ဗုဒ္ဓဟူးနေ့မှာ သိမ်းပိုက်ခဲ့ကြပါတယ်။ ဒါဟာဆိုရင် ရုရှားလိုလားသူတွေ ထိန်းချုပ်ထားတဲ့ မြို့တွေကို ပြန်လည်သိမ်းပိုက်ဖို့ ယူကရိန်းအစိုးရရဲ့ ကြိုးပမ်းမှုတွေကို အရှက်တကွဲဖြစ်အောင် ထိုးနှက်လိုက်တာလည်း ဖြစ်ပါတယ်။

ကားပေါ်မှာလိုက်ပါလာတဲ့ ယူကရိန်းစစ်သားတွေက ခုခံမှုမလုပ်ခဲ့ကြပါဘူး။ ယူကရိန်းရဲ့ Sloviansk မြို့အနီးမှာ ဖြစ်ပွားခဲ့တာပါ။ ရုရှားလိုလားသူတွေက ကားတွေပေါ်မှာ ရုရှားအလံတွေ လွှင့်ထူခဲ့ကြပြီး မြို့တွင်းကို မောင်းခိုင်းခဲ့ကြပါတယ်။ သူတို့ကို ထောက်ခံကြတဲ့သူတွေက သြဘာပေး ကြိုဆိုခဲ့ကြပါတယ်။ တချို့ယူကရိန်းစစ်သားတွေဟာ ရုရှားအပေါ် သစ္စာခံသူတွေနဲ့ ရင်ဆိုင်တွေ့ချိန်မှာ ဘက်ပြောင်းသွားခဲ့ကြတယ်လို့ ဆိုပါတယ်။

ဒုတိယ စစ်သံချပ်ကာကား အဖွဲ့ဟာလည်း Sloviansk မြို့ကို ဦးတည်မောင်းသွားချိန်မှာ လူအုပ်ကြီးက ၀ိုင်းဝန်းပိတ်ဆို့ ရပ်တန့်ခိုင်းခဲ့ကြတယ်လို့ မျက်မြင်သက်သေတွေက ပြောပါတယ်။ ဒေသခံတွေက စစ်ကားတွေ ဆုတ်ခွာခွင့်မပြုခင် စစ်သားတွေထံက လက်နက်တွေကို အတင်းအဓမ္မ တောင်းယူပြီး တချို့လက်နက်တွေကို အသုံးမပြုနိုင်အောင် လုပ်ပစ်ခဲ့ကြတယ်လို့ အနောက်နိုင်ငံ သတင်းထောက်တွေက ပြောပါတယ်။

ရုရှားနယ်စပ်မှာရှိတဲ့ မြို့ ၉ မြို့မှာရှိတဲ့ ရုရှားဘာသာစကားပြောသူ လက်နက်ကိုင်တွေက ကိုယ်ပိုင်အုပ်ချုပ်ခွင့်ပေးဖို့ ယူကရိန်းအစိုးရကို တောင်းဆိုနေကြသလို ယူကရိန်းကနေခွဲထွက်ပြီး ရုရှားနဲ့ ပူးပေါင်းဖို့ လူထုဆန္ဒခံယူပွဲ ကျင်းပပေးဖို့လည်း တောင်းဆိုနေကြပါတယ်။

VOA

အပြည့်အစုံသို့ »